བྱང་སེམས་ཆོས་མཛོད།

བྱང་ཆུབ་སེམས་ཀྱི་ཆོས་སྐོར།

སངས་རྒྱས་པའི་ཐབས་དང་ཤེས་རབ་ཟུང་དུ་འཇུག་པའི་ལམ་སྲོལ།

བྱང་ཆུབ་ཀྱི་སེམས་རིན་པོ་ཆེ་ནི། སངས་རྒྱས་ཀྱི་དགོངས་པའི་མཐིལ། དམ་པའི་ཆོས་ཀྱི་སྙིང་པོ། དགེ་འདུན་པའི་ཉམས་བཞེས་གཙོ་བོ་དང་། མདོ་རྒྱུད་བསྟན་བཅོས་མང་པོའི་བརྗོད་དོན། གཞུང་ལུགས་གདམས་ངག་རྣམས་ཀྱི་སྙིང་ཁུ། ཐབས་ཤེས་ཟུང་དུ་འབྲེལ་བའི་ལམ་མཆོག་དང་། ཡ་རབས་བཟང་སྤྱོད་ནང་གི་སྤྱི་ཕུད་ཡིན་པས། ཆོས་ཚུལ་འདི་ཉིད་རྒྱ་ཆེར་སྤེལ་བ་དང་། བྱང་ཆུབ་ཀྱི་སེམས་རིན་པོ་ཆེ་ལ་ཐོས་བསམ་སྒོམ་སྒྲུབ་གནང་བའི་མཐུན་རྐྱེན་དུ། བྱང་ཆུབ་སེམས་ཀྱི་དྲྭ་རྒྱའི་ཆོས་མཛོད་འདི་བསྐྲུན་ཞིང་། འདིར་རིས་མེད་རྒྱ་བོད་ཆོས་བརྒྱུད་རྣམས་སུ་བཞུགས་པའི་མདོ་རྒྱུད་དང་བསྟན་བཅོས། མན་ངག་དང་ཕྱག་བཞེས། རྣམ་ཐར་དང་ལོ་རྒྱུས། བྱུང་རབས་དང་བརྒྱུད་པ་སོགས་ཕྱོགས་གཅིག་ཏུ་བསྒྲིགས་ཡོད་པས། འདི་ལ་བརྟེན་ནས་ཞི་བདེ་དང་གཞན་ཕན་གྱི་བཟང་སྤྱོད་ཀྱི་ལམ་སྲོལ་སྤྱི་དང་། བྱེ་བྲག་བྱང་ཆུབ་ཀྱི་སེམས་མཆོག་རྣམ་པ་གཉིས་ལ་ཀློག་སྤོང་དང་བཤད་སྒྲུབ་འཛམ་གླིང་མཐའ་གྲུ་ཀུན་ཏུ་ཁྱབ་པའི་རེ་འདུན་ལགས།

བྱང་སེམས་གཞུང་ལུགས་གཙོ་བོ།

བྱང་ཆུབ་ཀྱི་སེམས་ནི། དུས་གསུམ་རྒྱལ་བ་ཀུན་གྱི་གཤེགས་ཤུལ་དང་། ཐེག་པ་ཆེན་པོའི་ཆོས་ཚུལ་ཡོངས་ཀྱི་གཞུང་ཤིང་། བྱང་ཆུབ་སེམས་དཔའི་སྡེ་སྣོད་ཐམས་ཅད་ཀྱི་བརྗོད་དོན་དུ་བརྩིས་པས། བྱང་ཆུབ་ཀྱི་སེམས་བསྟན་པའི་མདོ་རྒྱུད་དང་བསྟན་བཅོས། སྒོམ་རིམ་དང་མན་ངག ཆོ་ག་དང་སྨོན་ལམ། རྣམ་ཐར་དང་རྟོགས་བརྗོད་སོགས་གཞུང་དང་ཡིག་ཆ་བསམ་གྱིས་མི་ཁྱབ་པ་ཡོད་ལ། འདིར་རྒྱ་གར་འཕགས་པའི་ཡུལ་དང་བོད་གངས་ཅན་ལྗོངས་ཀྱི་སློབ་དཔོན་སྐྱེས་ཆེན་དམ་པ། ཀླུ་སྒྲུབ། ཐོགས་མེད། ཞི་བ་ལྷ། ཀ་མ་ལ་ཤཱི་ལ། ཨ་ཏི་ཤ། མཆད་ཁ་བ་ཡེ་ཤེས་རྡོ་རྗེ་དང་། ཐོགས་མེད་བཟང་པོས་མཛད་པའི་བྱང་ཆུབ་སེམས་བསྐྱེད་དངོས་བསྟན་བརྗོད་བྱའི་གཙོ་བོར་སྟོན་པའི་གཞུང་བཟང་བཀྲ་ཤིས་རྟགས་བརྒྱད་ཀྱི་གྲངས་ལྡན་ཁོལ་དུ་ཕྱུང་ནས་སྒྲིག་བཀོད་བྱས་ཡོད།

 

बोधिचर्यावतार

བྱང་ཆུབ་སེམས་དཔའི་སྤྱོད་པ་ལ་འཇུག་པ།

The Way of the Bodhisattva

འདིར་གཟིགས།

 

शिक्षासमुच्चय

བསླབ་པ་ཀུན་ལས་བཏུས་པ།

The Compendium of Training

འདིར་གཟིགས།

 

योगाचारभूमौ बोधिसत्त्वभूमिः

རྣལ་འབྱོར་སྤྱོད་པའི་ས་ལས་བྱང་ཆུབ་སེམས་དཔའི་ས།

From The Levels of Spiritual Practice: The Level of a Bodhisattva

འདིར་གཟིགས།

 

बोधिचित्तविवरण

བྱང་ཆུབ་སེམས་ཀྱི་འགྲེལ་པ་ཞེས་བྱ་བ།

A Commentary on Bodhicitta

འདིར་གཟིགས།

 

भावनाक्रम

བསྒོམ་པའི་རིམ་པ།

Stages of Meditation

འདིར་གཟིགས།

 

बोधिपथप्रदीप

བྱང་ཆུབ་ལམ་གྱི་སྒྲོན་མ།

A Lamp for the Path to Enlightenment

འདིར་གཟིགས།

 

བློ་སྦྱོང་དོན་བདུན་མ།

Seven Points of Mind Training

འདིར་གཟིགས།

 

རྒྱལ་སྲས་ལག་ལེན་སོ་བདུན་མ།

The Thirty-Seven Practices of a Bodhisattva

འདིར་གཟིགས།

 

བྱང་སེམས་སྡོམ་པའི་ཆོ་ག

བྱང་ཆུབ་ཀྱི་སེམས་རང་རྒྱུད་ལ་མ་སྐྱེས་པ་སྐྱེད་པར་བྱེད་པ་དང་། སྐྱེས་པ་བརྟན་པར་བྱེད་པའི་ཐབས་བྱང་ཆུབ་སེམས་དཔའི་སྡོམ་པ་བླང་བའི་ཆོ་ག་རྣམས་བཞུགས།

འདིར་གཟིགས།

 

བྱང་སེམས་བརྒྱུད་པའི་གསོལ་འདེབས།

བྱང་ཆུབ་ཀྱི་སེམས་རིན་པོ་ཆེ་བསྒོམ་པའི་མན་ངག་དང་། སེམས་བསྐྱེད་ཀྱི་སྡོམ་པ་གང་ནས་འོང་བའི་ཐེག་པ་ཆེན་པོའི་སྲོལ་རྣམ་པ་གཉིས་དང་ཐེག་པ་ཆེན་པོའི་ཆོས་ཚུལ་བརྒྱུད་པའི་དགེ་བའི་བཤེས་གཉེན་གྱི་བརྒྱུད་རིམ་གསོལ་འདེབས་ཀྱི་ཚུལ་དུ་བཀོད་པ་རྣམས་བཞུགས།

འདིར་གཟིགས།

 

བློ་སྦྱོང་སྒོམ་རིམ་མན་ངག་སྐོར།

ཐེག་མཆོག་ལམ་གྱི་སྐལ་བ་དང་ལྡན་པ་དག་གི་བློ་ཁ་ཆོས་ལ་སྒྱུར་བ་དང་བྱང་སེམས་རྒྱུད་ལ་སྦྱོང་བར་བྱེད་པའི་སྒོམ་རིམ་དང་བློ་སྦྱོང་གདམས་ངག་རྣམས་བཞུགས།

འདིར་གཟིགས།

སྟག་མོར་སྐྱེས་པའི་རབས།

རི་དྭགས་རུ་རུར་སྐྱེས་པའི་རབས།

གླང་པོ་ཆེར་སྐྱེས་པའི་རབས།

མ་ཧེར་སྐྱེས་པའི་རབས།

ལྷའི་མེ་ཏོག་གི་སྐྱེས་རབས།

བསྙེན་དགའ་མོར་སྐྱེས་པའི་རབས།

གླང་པོ་སྐྱོང་གི་སྐྱེས་རབས།

དབུལ་མོ་ཀེས་རས་ཕུལ་བའི་སྐྱེས་རབས།

བྱང་ཆུབ་སེམས་དཔའི་སྤྱོད་པ་ལ་འཇུག་པ་དང་འབྲེལ་བའི་གཏམ་རྒྱུད་སྣ་ཚོགས།

སྐྱེས་རབས་དང་མཛངས་བླུན་ལས་བྱུང་བའི་ཚད་མེད་སྙིང་རྗེའི་གཏམ་རྒྱུད།

མདོ་མཛངས་བླུན་དང་། སྐྱེས་རབས་སོགས་སུ། སྟོན་པ་ཤཱཀྱ་ཐུབ་པས་སྔོན་སློབ་པ་ལམ་གྱི་སྐབས་སུ། ལྷ་མི་དང་བྱོལ་སོང་སོགས་སུ་སྐྱེ་བ་བཟང་ངན་ཅི་རིགས་བཞེས་པ་ན། ཐུགས་རྒྱུད་འགྲོ་བ་མཐའ་དག་ཡོངས་སུ་སྐྱོབ་པའི་སྙིང་རྗེ་ཆེན་པོས་རབ་ཏུ་བསྐུལ་ཞིང་། ཤེས་རབ་ཀྱིས་འགྲོ་བའི་དོན་ལ་རབ་ཏུ་མ་རྨོངས་པར། བརྩོན་འགྲུས་ཀྱིས་སེམས་ཅན་གྱི་དོན་སྤྱོད་པ་ལ་རབ་ཏུ་མི་ངལ་བར། རང་ཉིད་གཅིག་པུའི་བདེ་བ་ལ་མ་ཆགས་ཤིང་། སྒོ་གསུམ་བག་ཡོད་ཀྱི་བརྟུལ་ཞུགས་ལ་གནས་ཏེ། ཐེག་པ་ཆེན་པོའི་ལམ་གྱི་སྙིང་པོ་ལམ་ཕ་རོལ་ཏུ་ཕྱིན་པ་དྲུག་གི་སྤྱོད་པ་ལ་དཀའ་བ་བརྒྱ་ཕྲག་གིས་བསླབས་ཤིང་། བསྡུ་བའི་དངོས་པོ་བཞིས་གཞན་ཡོངས་སུ་སྨིན་པར་མཛད་དེ། ཚོགས་གཉིས་རིན་པོ་ཆེའི་གཏེར་ཆེན་པོ་བསྡུས་པའི་སྐྱེས་རབས་གཏམ་རྒྱུད་ངོ་མཚར་ཆེ་བ་དུ་མ་བཀོད་ཡོད་པ་རྣམས། སྐྱེ་བོ་རྣམ་གཞག་མདོར་བསྡུས་ལ་དགའ་བ་རྣམས་ལ་བཤད་ན་གོ་སླ་ཞིང་། དཀོན་མཆོག་གསུམ་ལ་ཤེས་ནས་དད་པ་འཐོབ་པ་དང་། ཆོས་ཉིད་ཀྱི་དོན་བདེ་བླག་ཏུ་རྟོགས་ཤིང་མཐོང་བའི་ཆོས་ལ་བདེ་བར་གནས་པ་སོགས་དགེ་མཚན་ཆེ་བས། འདིར་སྐྱེས་རབས་རྣམས་འཐུས་ཚང་ལེགས་བསྒྲིགས་སྤྱན་བསྟར་ཞུས་པ་ཡིན།

Bilingual Bookshelf

Bodhisattva - A person who seeks enlightenment for the sake of others. In Mahāyāna Buddhism, a bodhisattva is a compassionate being who is training on the path to buddhahood and aspires to eliminate the suffering of all beings and take all sentient beings to the state of enlightenment. The Mahāyāna sūtras including those on buddha-nature generally have bodhisattvas as the main audience or interlocutors for the Buddha's discourses. Skt बोधिसत्त्व  Tib བྱང་ཆུབ་སེམས་དཔའ།  Ch 菩薩  

Go to the page with the definition of 'Bodhisattva'

Bodhicitta - The altruistic thought to seek enlightenment for the sake of all sentient beings. It is said to have two aspects: compassion aimed at sentient beings and their problems and the wisdom of enlightenment as the solution. Skt बोधिचित्त  Tib བྱང་ཆུབ་སེམས།  Ch 菩提心  

Go to the page with the definition of 'Bodhicitta'