Property:SegmentTranslitTsadra
From Bodhicitta
This is a property of type Text.
0
dper na spos kyi shing ljon pa sna tshogs ni khams bzhis bzung nas rnam par 'phel lo/_/'jam dpal de bzhin du tshogs sna tshogs bsags pa'i byang chub sems dpa'i dge ba'i rtsa ba yang byang chub kyi sems kyis bzung zhing thams cad mkhyen pa nyid du yongs su bsngos na rnam par 'phel lo zhes gsungs pa bzhin no/_/ +
phyogs 'di ni las dang po pa rnams 'phral du byang chub sems dpa'i bslab pa dran par bya ba'i phyir bstan te/_rgya cher ni sangs rgyas kyi yul nyid yin no/_/_'dir/_bslab pa ji ltar brjod pa 'di'i/ +
grub pa yang dag spong rnams te/_/
bag yod pa dang ma bral zhing /_/(191 ba)
dran pa dang ni shes bzhin dang /_/
tshul bzhin du ni sems pas so/_/ +
de la sdig pa mi dge ba'i chos ma skyes pa rnams mi bskyed pa'i phyir 'dun pa skyed do 'bad do brtson 'grus rtsom mo sems rab tu 'dzin to yang dag par rab tu 'jog go zhes bya ba 'dis ni bsrung ba'o/_/sdig pa mi dge ba'i chos skyes pa rnams spang ba'i phyir 'dun pa skyed ces bya ba 'dis ni dag pa'o/_/dge ba'i chos ma skyes pa rnams bskyed pa'i phyir 'dun pa skyed pa dang /_skyes pa rnams gnas pa dang 'phel bar bya ba'i phyir zhes bya ba 'dis ni 'phel ba bstan to/_/de dag kyang rtag tu bag yod pa dang ma bral bar bya ste/_de ni dge ba thams cad kyi rtsa ba yin pa'i phyir ro/_/ +
zla ba sgron ma'i mdo las ji skad du/ +
tshul khrims thos dang gtong dang de bzhin bzod/_/
dge ba'i chos su brjod pa ji snyed pa/_/
kun gyi rtsa ba bag yod 'di yin te/_/
gter 'thob byed ces bde bar gshegs pas bstan/_/ +
zhes gsungs pa bzhin no/_/bag yod pa zhes bya ba 'di ji lta bu <span class="smw-highlighter" data-type="8" data-state="inline" data-title="Note 1021" title="1021" tabindex="0"><span class="smwtticon bca-note note">1021</span><span class="smwttcontent">snar thang dang pe cing: ‘ci zhig yin ’</span></span> zhe na/_'dod pa las nyams pa dang mi 'dod pa byung bar dogs pa sngon du 'gro bas gzob pa lhur len pa ste/_'di lta ste/_dper na rgyal po drag po khro zhing mgu dka' ba'i bran sman gyi 'bru mar gyis gang ba'i snod thogs te/_stegs 'dred pa la 'gro bas bya ba bzhin no/_/ +
de la re zhig gtang ba'i phyir yongs su 'dzin pa'i nyes pa bsgom pa'i sgo nas 'dod chags dang bral ba bskyed cing gtong ba'i phan yon yang bsgom mo/_/_zla ba sgron ma'i mdo las/_ji skad du/_ +
de bzhin gshegs pa'i gsang ba'i mdo las gsungs te/ +
de la bag yod pa gang zhe na/_gang 'di dbang po sdom pa'o/_/de mig gis gzugs rnams mthong na mtshan mar mi 'dzin cing mngon rtags su mi 'dzin pa nas/_yid kyis chos rnams rnam par shes na mtshan mar mi 'dzin cing mngon rtags su mi 'dzin pa yin te/_chos rnams kyi ro myang ba dang nyes dmigs dang 'byung ba yang yang dag pa ji lta ba bzhin du rab tu shes pa ste/_'di ni bag yod pa zhes bya'o/_/ +
gzhan yang bag yod pa ni gang rang gi sems 'dul ba dang /_gzhan gyi sems rjes su srung ba dang /_nyon mongs pa la dga' ba sel ba dang /_chos la dga' ba'i rjes su 'jug pa la sogs pa 'di ni bag yod pa zhes bya'o/_/gsang ba pa'i bdag po/_su dad pa dang ldan zhing bag yod pa dang ldan pa des ni (192 na)brtson 'grus gang gis bag yod par byed pa dang <span class="smw-highlighter" data-type="8" data-state="inline" data-title="Note 1022" title="1022" tabindex="0"><span class="smwtticon bca-note note">1022</span><span class="smwttcontent">snar thang dang pe cing: ‘dad par byed pa dang /’ yod/ </span></span> dad par byed pa'i chos de dag yang dag par sgrub par 'gyur ba'i brtson 'grus dang ldan par bya'o/_/gsang ba pa'i bdag po/_su dad pa dang bag yod pa dang brtson 'grus dang ldan pa des ni/_dran pa dang shes bzhin gang gis byang chub kyi phyogs kyi chos rnams chud za bar mi 'gyur ba'i dran pa dang shes bzhin dang ldan par bya'o/_/gsang ba pa'i bdag po/_su dad pa dang bag yod pa dang /_brtson 'grus dang dran pa dang shes bzhin dang ldan pa des tshul bzhin du sbyor ba la brtson par bya'o/_/gsang ba pa'i bdag po/_tshul bzhin la brtson pa'i byang chub sems dpa' ni gang yod <span class="smw-highlighter" data-type="8" data-state="inline" data-title="Note 1023" title="1023" tabindex="0"><span class="smwtticon bca-note note">1023</span><span class="smwttcontent">snar thang dang pe cing: ‘bag yod ’</span></span> pa de yang yod par rab tu shes so/_/gang med pa de yang med par rab tu shes zhes +
bya ba nas/_kun rdzob tu mig la sogs pa yod do zhes bya ba'i bar du'o/_/de bzhin du de nyid las/ +
sems can don brtson byang chub sems dpa' ni/_/
tshul bzhin nyid kyis dben sems gang yin dang /_/
rtag tu bag yod 'chi med rgyu yin te/_/
yongs su 'dzin med bde ba kun gyi rgyu/_/zhes gsungs so/_/ +
yang smras pa/ +
bdag gzhan mnyam nyid goms byas pas/_/
byang chub sems ni brtan par 'gyur/_/
bdag dang gzhan nyid ltos pa ste/_/
pha rol tshu rol ji bzhin brdzun/_/
ngogs de rang gis pha rol min/_/
gang la ltos te tshu rol 'gyur/_/
bdag nyid rang gis ma grub na/_/
gang la ltos te gzhan du 'gyur/_/
gal te de la sdug bsngal bas/_/
bdag la mi gnod phyir mi srung /_/
ma 'ongs sdug bsngal khyod la ni/_/
gnod mi byed pas ci ste srung /_/
de tshe'ang bdag nyid yin snyam pa'i/_/
rnam rtog de ni log pa ste/_/
gang phyir 'chi ba gzhan nyid la/_/
der skye ba yang gzhan nyid yin/_/
gal te gzhan zhig der skyes na/_/
bsod nams kyis ni ci zhig dgos/_/
ci phyir gzhon tshe lus rgas pa/_/
bde bar bya phyir nor gsog byed/_/
mngal na gnas pa zhig pa las/_/
byis par gyur pa gzhan yin la/_/
byis pa zhig nas gzhon nu nyid/_/
de zhig nas ni dar la bab/_/
de zhig nas (192 ba)ni rgas gyur te/_/
lus ni ji ltar gcig par 'dod/_/
de ltar skad cig so so bas/_/
lus gzhan sen mo skra tshogs bzhin/_/
ci ste byis pa'i tshang <span class="smw-highlighter" data-type="8" data-state="inline" data-title="Note 1024" title="1024" tabindex="0"><span class="smwtticon bca-note note">1024</span><span class="smwttcontent">snar thang dang pe cing:‘tshod ’</span></span>bor nas/_/
byis pa gzhon nu nyid gyur na/_/
gang zhig gnas skabs bral gnas pa/_/
lus kyi rang bzhin brjod par gyis/_/
lus ni sku gzugs 'dra zhe na/_/
mar me thal ba la de med/_/
gal te rags spangs phra dngos su/_/
de la rnam par gnas she na/_/
rang nyid bstan pa tsam 'gyur bas/_/
de ni lus zhes brjod mi bya/_/
de la bdag ni bsam pa med/_/
snang ba'i lus ni 'jig dang ldan/_/
gnas skabs rnams dang 'brel gyur pa/_/
kun rdzob nyid du snang ba yin/_/
lung gis kyang ni de yod na/_/
rigs pa dang ni lung gis bzlog_/
'di ltar yon tan ma gtogs par/_/
gtso bo yod pa ma yin la/_/
gtso bo gsum yang yod ma yin/_/
de bzhin yon tan yod na de yang /_/
de ni so so rnam gsum bdag_/
'gro ba lhag ma rnam pa dgur/_/<span class="smw-highlighter" data-type="8" data-state="inline" data-title="Note 1025" title="1025" tabindex="0"><span class="smwtticon bca-note note">1025</span><span class="smwttcontent">snar thang dang pe cing:‘rnam dgur 'gyur/_/’</span></span>
sems pa med pa gos la sogs/_/
de bde'i bdag nyid ji lta bu/_/
snam stsogs las skyes bde sogs <span class="smw-highlighter" data-type="8" data-state="inline" data-title="Note 1026" title="1026" tabindex="0"><span class="smwtticon bca-note note">1026</span><span class="smwttcontent">snar thang dang pe cing:‘snam sogs bde sogs las skyes ’</span></span>min/_/
snam stsogs las ni bde sogs yin/_/
snam bu la sogs rgyu med phyir/_/
med na de bde ga la yod/_/
de ltar lung dang rigs pa yis/_/
'dus byas thams cad mi rtag pa/_/
de yi rgyu 'bras 'brel ba ni/_/
mngon sum yin pas mi gnod do/_/
de ni rang gi rgyud las mthong /_/
rtag pa la ni ji lta bur/_/
phra rab rdul yang gcig min te/_/
phyogs kyi dbye ba mi 'thad phyir/_/
mar me'i 'bru mar zad 'gyur ba/_/
zad 'gyur tshe na mngon pa med/_/
de ltar dngos po zad par yang /_/
skad cig re re mi mngon no/_/
rgyud dang tshogs zhes bya ba yang /_/
phreng ba dmag la sogs bzhin brdzun/_/<span class="smw-highlighter" data-type="8" data-state="inline" data-title="Note 1027" title="1027" tabindex="0"><span class="smwtticon bca-note note">1027</span><span class="smwttcontent">snar thang dang pe cing: ‘phreng ba dmag tshogs bzhin brdzu na/_/’</span></span>
de la goms pas ngar 'dzin na/_/
gzhan la ci phyir skye mi 'gyur/_/
de phyir skye mched tshogs bzhin du/_/
'gro ba gcig tu shes par bya/_/
ma byung nyid nas sdug bsngal de/_/
gzhan gyi bdag las phyir bzlog bya/_/
de yang mi rigs 'gyur zhe na/_/
gzhan la'ang rang gi bdag nyid med/_/
bdag gzhan mi (193 na)rigs gang yin de/_/
ci rigs par ni bzlog bya yin/_/
snying rjes sdug bsngal mang gyur pas/_/
ci phyir nan gyis skyed ce na/_/
'gro ba'i sdug bsngal brtag byas na/_/
ji ltar snying rje sdug bsngal mang /_/
de ltar rgyud ni goms gyur pa/_/
gzhan gyi sdug bsngal zhi dga' bas/_/
pad+ma'i nags su ngang pa ltar/_/
mnar med par yang 'jug par 'gyur/_/
sems can rnam par grol ba na/_/
dga' ba'i rgya mtsho gang yin pa/_/
de nyid kyis ni chog min nam/_/
ro med thar pas ci zhig bya/_/
de ltar gzhan gyi don byas pas/_/
rlom sems dang ni ngo mtshar med/_/
gcig tu gzhan don la dga' bas/_/
rnam smin 'bras bu re ba med/_/
phyogs bcu'i sems can phun tshogs de'i/_/
bdag gi yin par gdon mi za/_/
gzhan bde bdag gir 'du shes pas/_/
bdag la phrag dog go skabs med/_/
sdig pa bshags par bya ba dang /_/
bsod nams rjes su yi rang dang /_/
sangs rgyas bskul dang gsol gdab pa/_/
gzhan dang bdag gi phyir byed do/_/
yongs su bsngo ba de bzhin te/_/
bye brag med par rab tu 'jug_/
de ltar sems can khams bzhin du/_/
bsod nams mtha' yas rab tu 'byung /_/
lam 'di dam pa mchog yin te/_/
bde ba mtha' yas dus ston bzang /_/
byang chub sems dpa'i ded dpon ches/_/
gang zhig dga' ba 'phel ba yin/_/
lag na rdo rje bsel mchog rnams/_/
bdud kyi gcan pa skrag byed cing /_/
sangs rgyas phyag brnyan rnams kyis kyang /_/
rtag tu yongs su bsrung ba yin/_/
rdzogs pa'i sangs rgyas rgyal ba'i sras/_/
byang chub sems kyi shing rtar zhugs/_/
lha la sogs pas bstod byed cing /_/
lam de nas ni 'gro bar byed/_/
de ltar sems can rnams la bdag_/
goms byas tshul gyis sgro btags te/_/
bdag gzhan sdug bsngal zhi bya'i phyir/_/
bdag la sogs pa rnam kun gtang /_/
gang zhig sred pas yongs zin pa/_/
de yi sdug bsngal zhir mi 'gyur/_/
'gyur bas rnam par chud zos nas/_/
de ni 'di ltar sdug bsngal skyed/_/(193 ba)
'jig rten sdug bsngal mes gdungs na/_/
rang gi bde la dgar ci yod/_/
kun nas tshig par gyur pa yi/_/
lus la'ang bde ba ci zhig yod/_/
bdag la chags par byed pa ni/_/
sdug bsngal kun gyi rtsa ba mchog_/
de ltar sems can thams cad la/_/
bdag nor gtang zhing de gzhom mo/_/
rten cing 'brel 'byung bsam pa yis/_/
bdag la ma chags dran byas te/_/
'bad pa kun gyis de'i pho nya/_/
dam pa shes khe 'dod <span class="smw-highlighter" data-type="8" data-state="inline" data-title="Note 1028" title="1028" tabindex="0"><span class="smwtticon bca-note note">1028</span><span class="smwttcontent">legs sbyar gyi dpe: ‘dz+nyA tA its+tshA ’ shes 'dod dang mkhas 'dod la go bar snang /</span></span> pham bya/_/
gang gis 'jigs pas de mi gtong /_/
de ma byin na 'jigs pa yin/_/
'di ltar bdag gi lus dang sems/_/
skad cig re res 'gro ba nyid/_/
gal te mi rtag dri 'bab pa'i/_/
lus kyis rtag cing dri med pa'i/_/
byang chub thob par 'gyur na ni/_/
de ni rin med rnyed min na/_/<span class="smw-highlighter" data-type="8" data-state="inline" data-title="Note 1029" title="1029" tabindex="0"><span class="smwtticon bca-note note">1029</span><span class="smwttcontent">snar thang dang pe cing:‘min nam/_/’</span></span>
rtsi sman gzugs dang 'dra bar ni/_/
'jig rten chos la mi sems pas/_/
da ltar bdag kyang gtang byos la/_/
sems can kun gyi don du spyod/_/
sems can kun phyir blon por ni/_/
rang gi shes rab bkol bar bya/_/
rigs pas nor de bsrung byas te/_/
sems can rnams la mkho bar spyad/_/
bdag gi lus dang gzhan lus la/_/
sdug bsngal mang sel sdug bsngal gang /_/
de bya bde ba'ang <span class="smw-highlighter" data-type="8" data-state="inline" data-title="Note 1030" title="1030" tabindex="0"><span class="smwtticon bca-note note">1030</span><span class="smwttcontent">snar thang dang pe cing:‘de bya ba de'ang ’</span></span>de bzhin te/_/
bde ba mang byed bskyed par bya/_/
sems can longs spyod gegs byed phyir/_/
bsgrims <span class="smw-highlighter" data-type="8" data-state="inline" data-title="Note 1031" title="1031" tabindex="0"><span class="smwtticon bca-note note">1031</span><span class="smwttcontent">sde dge dang co ne:‘bsgribs ’</span></span>te nyon mongs sbyangs byas te/_/
'jig rten 'tsho ba'i 'bab stegs nas/_/
sbrul gyi ro bsal bzhin du bya/_/
bsod nams zhing 'di dag gyur na/_/
phun sum lo tog 'bras bu che/_/
bde ba'i mu ges gdungs pa yi/_/
'gro ba dag ni tshim par 'gyur/_/
'thob dang bkur sti lus la sogs/_/
skyo la bdag gis btang min nam/_/
ci phyir da dung 'khrug par byed/_/
bdag gis brdzun du de smras sam/_/
rang don gnod byed la sdang na/_/
'o na snying rje gang du 'byung /_/
gal te gzhan don 'jig pa <span class="smw-highlighter" data-type="8" data-state="inline" data-title="Note 1032" title="1032" tabindex="0"><span class="smwtticon bca-note note">1032</span><span class="smwttcontent">snar thang dang pe cing:‘'jog pa ’</span></span>la/_/
snying rje med pa'ang su zhig 'khrug_/
gla rtsi bu ram shing la sogs/_/
bdag pos mi shes bzhag nyes te/_/
longs spyod du ni mi rung bas/_/
spyos <span class="smw-highlighter" data-type="8" data-state="inline" data-title="Note 1033" title="1033" tabindex="0"><span class="smwtticon bca-note note">1033</span><span class="smwttcontent">ma dpe thams cad:‘spyod ’</span></span>brgyad la sogs 'os yin bden/_/
bdag po la ni phan 'dod (194 na)nas/_/
rim gro bya bar sems pa med/_/
de la bskul ba'ang mi byed de/_/
longs spyod phyir yang 'gro mi byed/_/
ma rmos ma btab rgyal sras rnams/_/
de dag rjes 'brangs nyer song ste/_/
sna tshogs mi bzad khams rnams dang /_/
dbang po kun gyi sman chen 'gyur/_/
de dag shes byas dran byas te/_/
khro ba dang ni gnod byed kyang /_/
sdug bsngal rnams la zhim pa yi/_/
rang bzhin mi 'dor bde bar byed/_/
sa dang chu dang me dang rlung /_/
nam mkha' zhes bya khams lnga po/_/
sems can ji srid gnas srid du/_/
kun gyi don ni byed pa ste/_/
nyes spyod kun gyis de dag ni/_/
sems can don las mi ldog go/_/
de bzhin bdag gis khams drug po/_/
'di dag don med mi bya'o/_/
nam mkha'i mtha' ni ji tsam par/_/
'jig rten mtha' ni srid gyur pa/_/
de srid 'jig rten don byed pas/_/
ye shes sngon btang gnas par bgyi/_/
bya ba bsrungs na bdag la ni/_/
bdag gis mi dri nan gyis su/_/
slob dpon bdag gis rtag par bdag_/
slob ma mchog bzhin bslab par bya/_/
bdag gi bla ma bdag 'dra bar/_/
bdag gi bag nyal skyon sus shes/_/
bdag sdug bsngal dang bdag 'jigs pas/_/
su zhig de ltar sdug cing 'jigs/_/
skyo bar mi 'gyur 'bros mi <span class="smw-highlighter" data-type="8" data-state="inline" data-title="Note 1034" title="1034" tabindex="0"><span class="smwtticon bca-note note">1034</span><span class="smwttcontent">sde dge dang co ne:‘'gros mi ’</span></span>'gyur/_/
snying rje yi yang yul gyur cig_/
rtag tu nye bar gnas gyur pa/_/
slob ma bdag 'dra ga la yod/_/
nyon mongs kyis smyo gti mug ldongs/_/
g.yang sa mang po'i lam du ni/_/
gom pa re re rdeg 'cha' ba/_/
bdag dang gzhan rtag mya ngan gzhi/_/
'gro ba rnams ni sdug bsngal mtshungs/_/
de bas 'khrul pa btsal mi rigs/_/
'di la yon tan mthong na ni/_/
ngo mtshar chen po bya ba'i rigs/_/
nyes pa rgya mtsho bdag gcig pu/_/
blang bar nus pa ma yin pas/_/
'di na bdag la gzhan yang dgos/_/
nyes las thar byed gzhan gang yin/_/
pha rol bskul la mkhas pa po/_/
gsol ba ma btab phan byed kyi/_/
tshig ni spyi bos blang bar bya/_/
bdag ni (194 ba)kun gyi slob mar bya/_/
nyon mongs dgra ni mang po dang /_/
gcig pu bdag ni g.yul 'gyed tshe/_/
de na gcig dang 'thab pa na/_/
gzhan ni bdag gi bde ba 'joms/_/
sdang ngam mi sdang gyur kyang rung /_/
de na la la rgyab nas sam/_/
gzhan nas 'jigs pa sgrogs byed pa/_/
de ni bdag la srog phangs sbyin/_/
sdug bsngal kun gyi sman pa mchog_/
bde ba'i dga' ston rab tshogs zhing /_/
rnam pa kun du nyer 'tsho ba/_/
'jam dbyangs khyod la phyag 'tshal lo/_/
de ltar bde bar gshegs kyi sras/_/rnam kun rmad du byung rnams kyi/_/spyod pa nye bar bkod pa yi/_/dge ba bdag gis gang bsags pa/_/<span class="smw-highlighter" data-type="8" data-state="inline" data-title="Note 1035" title="1035" tabindex="0"><span class="smwtticon bca-note note">1035</span><span class="smwttcontent">snar thang dang pe cing: ‘dge ba bdag gis gang bsgrubs des/ ‘/</span></span> bde gshegs go 'phang mtha' yas ni/_/nam mkha'i mtshams par dbang mdzad pa/_/de yi bde ba mtha' yas rnams/_/lus can dag gis thob par shog_/ +
bsod nams spel ba rdzogs so//_// +
bslab pa kun las btus pa zhes bya ba byang chub sems dpa'i 'dul ba mdo sde du ma las btus pa/_slob dpon zhi ba'i lhas mdzad pa rdzogs so//_// +
rul par gyur pa'i lus 'di dang /_/
srog kyang g.yo ba dbang med cing /_/
rmi lam sgyu ma 'dra ba la/_/
byis pa 'di dag chags pas na/_/
shin tu ma rungs las byas te/_/
sdig pa'i dbang du song ba dang /_/
mi mkhas 'chi bdag bzhon pas song /_/
de dag mi bzad sems dmyal 'gro/_/
zhes gsungs pa bzhin no/_/ +
rgya gar gyi mkhan po dzi na mi tra dang /_dA na shI la dang /_zhu chen gyi lo tsA ba ban de ye shes sdes bsgyur cing zhus te gtan la phab pa//_//slad kyi kha che'i paN+Di ta ti la ka ka la sha dang /_lo tsA ba dge slong blo ldan shes rab kyis sri mda'i dgon par zhu thug legs par byas pa'o// +
