Property:SegmentTranslitTsadra
From Bodhicitta
This is a property of type Text.
0
de nas lha'i dbang po brgya byin 'di snyam du sems te/_de ltar byang chub sems dpa' sems dpa' chen po rtag tu ngu 'di lta ste chos 'dod pa'i phyir bdag gi lus yongs su gtang bar lhag pa'i bsam pa phun sum tshogs pa yin nam ma yin pa/_byang chub sems dpa' sems dpa' chen po rtag tu ngu la bdag gis sad par bya'o snyam ste/_lha'i dbang po brgya byin gyis <span class="smw-highlighter" data-type="8" data-state="inline" data-title="Note 283" title="283" tabindex="0"><span class="smwtticon bca-note note">283</span><span class="smwttcontent">snar thang dang pe cing: ‘gyis ’ med/</span></span>bram ze'i khye'u'i cha byad du mngon par sprul nas/_byang chub sems dpa' sems dpa' chen po rtag tu ngu ga la ba der song ste 'ongs nas/_byang chub sems dpa' sems dpa' chen po rtag tu ngu la 'di skad ces smras so/_/rigs kyi bu khyod 'di ltar yid mi dga' zhing yid gdung la mchi ma 'byung ba ci nyes/_des smras pa/_bram ze'i khye'u nga ni chos 'dod pa'i phyir bdag nyid btsongs te/_chos la mchod pa bya bar 'dod na/_lus nyo ba de ngas ma rnyed nas de la nga 'di snyam du <span class="smw-highlighter" data-type="8" data-state="inline" data-title="Note 284" title="284" tabindex="0"><span class="smwtticon bca-note note">284</span><span class="smwttcontent">snar thang dang pe cing: ‘du ’ med/</span></span>sems so/_/ +
kye ma nga ni bsod nams chung bas 'di ltar lus btsongs te/_shes rab kyi pha rol tu phyin pa la mchod par bya ba dang /_'phags pa byang chub sems dpa' sems dpa' chen po chos 'phags la yang bkur sti bya snyam na bdag gi lus nyo ba ma rnyed do snyam mo/_/de nas bram ze'i khye'u des byang chub sems dpa' sems dpa' chen po rtag tu ngu la 'di skad ces smras so/_/rigs kyi bu nga la mis ni bya ba med kyi/_nga mchod sbyin zhig byed de der mi'i snying dang khrag dang rus pa dang rkang dag nga la dgos na de rin gyis nyor byin cig ces (27 ba)byas pa dang /_byang chub sems dpa' sems dpa' chen po rtag tu ngu 'di snyam du sems te gang bdag gis bram ze'i khye'u des/_snying dang khrag dang rus pa dang rkang nyo ba rnyed pa 'di ni bdag gis rnyed pa'i mchog legs par rnyed do/_/bdag ni shes rab kyi pha rol tu phyin pa dang thabs mkhas pa la yongs su rdzogs par 'gyur ro snyam nas/_des sems dga' ba dang sems bde ba dang sems <span class="smw-highlighter" data-type="8" data-state="inline" data-title="Note 285" title="285" tabindex="0"><span class="smwtticon bca-note note">285</span><span class="smwttcontent">snar thang dang pe cing: ‘sems ’ med/</span></span>rab tu dga' bar gyur nas/_bram ze'i khye'u la 'di skad ces smras so/_/_bram ze'i khye'u nga'i lus 'di las khyod gang 'dod pa sbyin no/_/des de la 'di skad ces smras so/_/rigs kyi bu khyod rin du ci 'dod pa sbyin no zhes smras <span class="smw-highlighter" data-type="8" data-state="inline" data-title="Note 286" title="286" tabindex="0"><span class="smwtticon bca-note note">286</span><span class="smwttcontent">sde dge dang co ne: ‘byas ’</span></span>pa dang /_des de la 'di skad ces smras so/_/bram ze'i khye'u khyod kyis gang yongs su gtang ba de nga la byin cig_/de nas byang chub sems dpa' sems dpa' chen po rtag tu ngus mtshon rnon po thogs nas/_lag pa g.yas pa phug ste khrag gzags so/_/brla g.yas pa sha med par btogs nas rus pa gcog tu rtsig pa'i drung du song ngo /_/ +
de nas tshong dpon gyi bu mo zhig khang pa'i yang thog na 'dug pa des/_byang chub sems dpa' sems dpa' chen po rtag tu ngu brla'i sha <span class="smw-highlighter" data-type="8" data-state="inline" data-title="Note 287" title="287" tabindex="0"><span class="smwtticon bca-note note">287</span><span class="smwttcontent">snar thang dang pe cing: ‘brla sha ’</span></span>med par btogs nas/_rus pa gcog tu rtsig pa'i drung du song ba mthong nas de 'di snyam du sems te/_rigs kyi bu 'di ci'i phyir bdag nyid la bdag nyid 'di lta bu'i na tsha byed pa bdag rigs kyi bu de'i drung du song ste dri'o snyam nas tshong dpon gyi bu mo de byang chub sems dpa' sems dpa' chen po rtag tu ngu ga la ba der song ste phyin nas byang chub sems dpa' sems dpa' chen po rtag tu ngu la 'di skad ces smras so/_/rigs kyi bu khyod ci'i phyir khyod bdag nyid la 'di lta bu'i na tsha dag byed/_khrag dang rus pa dang rkang 'dis ci zhig bya/_rtag tu ngus bu mo de la 'di skad ces smras so/_/bram ze'i khye'u 'di la btsongs te/_shes rab kyi pha rol tu phyin pa la mchod par bya'o/_/'phags pa byang chub sems dpa' sems dpa' chen po chos 'phags la yang bkur sti bya'o/_/de nas tshong dpon gyi bu mo des byang chub sems dpa' sems dpa' chen po rtag tu ngu la 'di skad ces smras so/_/(28 na) +
rigs kyi bu khyod 'di ltar bdag gi snying dang khrag dang rus pa dang rkang yang btsongs te rigs kyi bu de la bkur sti bya bar 'dod pa/_khyod la yon tan gyi rnam par ci zhig 'grub par 'gyur/_des de la smras pa/_bu mo rigs kyi bu de gang la ngas bslab par bya ba'i shes rab kyi pha rol tu phyin pa dang thabs la <span class="smw-highlighter" data-type="8" data-state="inline" data-title="Note 288" title="288" tabindex="0"><span class="smwtticon bca-note note">288</span><span class="smwttcontent">snar thang dang pe cing: ‘la ’ med/</span></span>mkhas pa dag ston par 'gyur te/_de la ngas bslabs na bla na med pa yang dag par rdzogs pa'i byang chub tu mngon par rdzogs par sangs rgyas nas sems can thams cad kyi rten du 'gyur ro/_/ +
23. de la lus 'phel gang zhe na/<span class="smw-highlighter" data-type="8" data-state="inline" data-title="Note 14" title="14" tabindex="0"><span class="smwtticon bca-note note">14</span><span class="smwttcontent">snar thang dang pe cing: ‘lus 'phel bya ba gang zhe na/_/’</span></span> /le lo med dang stobs skyed yin/_/
stong dang snying rje'i snying po can/_/sbyin pas longs spyod 'phel bar 'gyur/_/ +
de bzhin du sbyar te/_de nas tshong dpon gyi <span class="smw-highlighter" data-type="8" data-state="inline" data-title="Note 289" title="289" tabindex="0"><span class="smwtticon bca-note note">289</span><span class="smwttcontent">snar thang: ‘gyi ’ med/</span></span>bu mo des byang chub sems dpa' sems dpa' chen po rtag tu ngu la 'di skad ces smras so/_/rigs kyi bu khyod kyis 'di ltar chos rgya chen po 'di dag yongs su brjod pa ni ngo mtshar te/_rigs kyi bu chos 'di lta bu re re'i phyir yang bskal pa gang gA'i klung gi bye ma snyed du lus yongs su gtang bar bya ba yin na gcig lta ci smos te/_de tsam du khyod kyis chos 'di dag rgya cher yongs su brjod na rigs kyi bu khyod gang gis byang chub sems dpa' sems dpa' chen po chos 'phags la bkur sti bya ba'i gser ram nor bu'am mu tig gam bai DUr+ya'am zhes bya ba nas bdag kyang khyed kyis stsal ba'i g.yog mo lnga brgya 'di dag dang lhan cig tu chos 'phags la mchod pa bgyi ba'i slad du mchi'o zhes bya ba'i bar du rgya cher sbyar ro/_/ +
de nas byang chub sems dpa' sems dpa' chen po chos 'phags stan las langs te/_bdag gi khyim du zhugs pa dang zhes bya ba nas/_lo bdun gyi bar du ting nge 'dzin gcig la snyoms par zhugs te zhes bya ba'i bar dang /_byang chub sems dpa' sems dpa' chen po rtag tu ngu yang lo bdun gyi bar du 'dod pa'i rtog pa ma byung /_gnod sems kyi rtog pa ma byung /_rnam par 'tshe ba'i rtog pa ma byung /_ro la brkam pa ma skyes te/_gzhan du na <span class="smw-highlighter" data-type="8" data-state="inline" data-title="Note 290" title="290" tabindex="0"><span class="smwtticon bca-note note">290</span><span class="smwttcontent">sde dge dang co ne: ‘ni ’ </span></span>byang chub sems dpa' sems dpa' chen po chos 'phags nam ldang bar gyur/_bdag cag kyang byang chub sems dpa' sems dpa' chen po chos 'phags kyi chos kyi khri gang la rigs kyi bu de 'dug nas chos ston par 'gyur ba'i chos kyi khri bshams na/_bdag gis sa phyogs 'di chag chag (28 ba)ma btab kyis/_sa phyogs gang du byang chub sems dpa' sems dpa' chen po chos 'phags shes rab kyi pha rol tu phyin pa dang thabs mkhas pa rab tu ston par 'gyur ba der legs par byug par bya/_me tog sna tshogs gtor bar bya'o snyam mo/<span class="smw-highlighter" data-type="8" data-state="inline" data-title="Note 291" title="291" tabindex="0"><span class="smwtticon bca-note note">291</span><span class="smwttcontent">ma dpe thams cad: ‘legs par byugs la me tog sna tshogs gtor te/_sa phyogs gang du byang chub sems dpa' sems dpa' chen po chos 'phags shes rab kyi pha rol tu phyin pa dang thabs mkhas pa rab tu ston par 'gyur ba der legs par byug par bya'o snyam mo/_/’ zhes yod kyang /_legs sbyar gyi dpe dang brgyad stong pa dang bstun nas bcos yod/</span></span> / +
tshong dpon gyi bu mo la sogs pa bu mo lnga brgya po de dag dang byang chub sems dpa' sems dpa' chen po rtag tu ngu'i rjes su slob cing spyod lam gnyis kyis dus 'da' bar byed de <span class="smw-highlighter" data-type="8" data-state="inline" data-title="Note 292" title="292" tabindex="0"><span class="smwtticon bca-note note">292</span><span class="smwttcontent">sde dge dang co ne: ‘pa ’</span></span>bya ba thams cad kyang de'i rjes su 'jug go_/_de nas byang chub sems dpa' sems dpa' chen po rtag tu ngus lha'i sgra thos te/_byang chub sems dpa' sems dpa' chen po chos 'phags ni <span class="smw-highlighter" data-type="8" data-state="inline" data-title="Note 293" title="293" tabindex="0"><span class="smwtticon bca-note note">293</span><span class="smwttcontent">snar thang dang pe cing: ‘ni ’ med/</span></span>zhag bdun na ting nge 'dzin las ldang ste/<span class="smw-highlighter" data-type="8" data-state="inline" data-title="Note 294" title="294" tabindex="0"><span class="smwtticon bca-note note">294</span><span class="smwttcontent">sde dge dang co ne: ‘langs te/’</span></span> langs nas kyang grong khyer gyi dbus su 'dug ste chos ston par 'gyur ro zhes grags nas/_byang chub sems dpa' sems dpa' chen po rtag tu ngu lha'i sgra de thos pa dang /_dga' mgu yid rangs rab tu mgu zhing dga' ba dang yid bde ba skyes te/_tshong dpon gyi bu mo la sogs pa bu mo lnga brgya dang lhan cig/<span class="smw-highlighter" data-type="8" data-state="inline" data-title="Note 295" title="295" tabindex="0"><span class="smwtticon bca-note note">295</span><span class="smwttcontent">ma dpe thams cad la med kyang /_legs sbyar gyi dpe dang brgyad stong pa dang bstun nas/ ‘lhan cig ’ bsnan yod/</span></span> sa phyogs de phyags nas/_chos kyi khri rin po che thams cad <span class="smw-highlighter" data-type="8" data-state="inline" data-title="Note 296" title="296" tabindex="0"><span class="smwtticon bca-note note">296</span><span class="smwttcontent">legs sbyar gyi dpe: ‘rin po che bdun gyis byas pa ’ zhes yod/</span></span>kyis spras pa bshams so/_/de nas bu mo de dag gis rang rang gi bla gos phud de stan gang la byang chub sems dpa' sems dpa' chen po chos 'phags 'dug nas chos ston par 'gyur ba der bting ngo /_/
de nas byang chub sems dpa' sems dpa' chen po rtag tu ngus sa phyogs der chag chag gdab par 'dod na/_bdud sdig can gyis chu thams cad mi snang bar byas nas/_ci nas byang chub sems dpa' sems dpa' chen po rtag tu ngus chu ma rnyed nas yid mi dga' zhing sems sdug bsngal te sems gzhan du 'gyur ba dang /_dge ba'i rtsa ba nub par 'gyur ba dang /_mchod pa de yang mi mdzes par bya ba'i phyir chu de dag mi snang bar byas nas/_kun tu chu btsal na ma rnyed do/_/de nas byang chub sems dpa' sems dpa' chen po rtag tu ngu 'di snyam du sems te/_bdag gi lus phug la khrag gis sa phyogs 'di chag chag gdab bo/_/de ci'i phyir zhe na/_sa phyogs 'di ni rdul che ste/_rdul gyi khams 'di nas byung bas byang chub sems dpa' sems dpa' chen po chos (29 na)'phags kyi lus la phog na mi rung ste/<span class="smw-highlighter" data-type="8" data-state="inline" data-title="Note 297" title="297" tabindex="0"><span class="smwtticon bca-note note">297</span><span class="smwttcontent">sde dge dang co ne: ‘na/’</span></span> bdag gi lus gdon mi za bar 'jig pa 'dis ci zhig bya/_bdag gi lus 'di lta bu'i bya ba la zhig pa ni bla'i/_nus pa med pa'i bya ba la 'dod pa'i phyir 'dod pa'i gzhis <span class="smw-highlighter" data-type="8" data-state="inline" data-title="Note 298" title="298" tabindex="0"><span class="smwtticon bca-note note">298</span><span class="smwttcontent">snar thang dang pe cing: ‘bzhis ’</span></span>'khor ba dag na bdag gi lus brgya stong mang po de lta bu'i gnas su zhig pa ni cir yang mi rung ngo snyam mo/ +
/de nas byang chub sems dpa' sems dpa' chen po rtag tu ngus mtshon rnon po blangs te/_bdag gi lus kun tu phug nas rang gi khrag gis sa phyogs de khor yug tu chag chag btab bo/_/byang chub sems dpa' sems dpa' chen po rtag tu ngu'i rjes su slob pa tshong dpon gyi bu mo la sogs pa bu mo lnga brgya po de dag thams cad kyis kyang mtshon rnon po blangs te rang rang gi lus phug nas rang rang gi khrag gis sa phyogs de chag chag btab ste/_gang de dag la bdud sdig can gyis dge ba'i phyogs kyi bar chad bya bar glags rnyed par mi 'gyur bas byang chub sems dpa' sems dpa' chen po rtag tu ngu dang bu mo de dag sems gzhan du 'gyur ba med do/_/zhes gsungs so/_/ +
de bas na chos bzhi pa'i mdo las kyang / +
dge slong dag byang chub sems dpa' sems dpa' chen pos dge ba'i bshes gnyen srog gi phyir yang yongs su gtang bar mi bya ba dang /_zhes gsungs so/_/ +
de ltar dge ba'i bshes gnyen mi btang bas bdag la sogs pa bsrung ba la sogs pa bya'o/_/ +
mdo sde dag la rtag <span class="smw-highlighter" data-type="8" data-state="inline" data-title="Note 299" title="299" tabindex="0"><span class="smwtticon bca-note note">299</span><span class="smwttcontent">sde dge dang co ne: ‘rtag ’ med/</span></span>blta bas kyang ste/_byang chub sems dpa'i bslab pa'i gzhi rnams ni phal cher mdo sde dag las snang ste/_mdo sde de dang de dag las byang chub sems dpa'i kun tu spyad pa dang byang chub sems dpa'i bslab pa'i gzhi rnams bcas so/_/zhes gsungs pa'i phyir ro/_/de lta bas na de ma bltas na ltung ba 'byung ba yang <span class="smw-highlighter" data-type="8" data-state="inline" data-title="Note 300" title="300" tabindex="0"><span class="smwtticon bca-note note">300</span><span class="smwttcontent">snar thang: ‘ltung bas 'byung yang ’ pe cing: ‘ltung ba mi 'byung yang ’</span></span>mi shes pas mi spong bar 'gyur bas rtag tu mdo sde blta ba la gus par bya'o/_/des na 'dis ni dge ba'i bshes gnyen mi gtang ba dang /_mdo sde blta bas dam pa'i chos yongs su gzung bar brjod pa yin no/_/'phags pa blo gros rgya mtshos zhus pa'i mdo las/ +
rigs kyi bu 'on kyang yi ge'i nges pa'i tshig gang dag gis brjod du med (29 ba)pa 'dus ma byas kyi chos de bsnyad pa'i yi ge'i nges pa'i tshig de dag gang len pa dang /_'dzin pa dang /_ston pa dang /_rab tu shes par byed pa dang /_'jog pa dang /_rnam par 'grel pa dang /_rnam par 'byed pa dang /_gsal bar byed pa dang /_yang dag par rab tu ston pa 'di ni dam pa'i chos yongs su 'dzin pa zhes bya'o/_/rigs kyi bu gzhan yang chos smra ba gang dag mdo sde 'di lta bu 'di dag 'dzin pa dang /_ston pa dang sgrub pa snying por byed pa'i chos smra ba de dag la gang bsnyen pa dang brten pa dang bsnyen bkur byed pa dang ldang ba <span class="smw-highlighter" data-type="8" data-state="inline" data-title="Note 301" title="301" tabindex="0"><span class="smwtticon bca-note note">301</span><span class="smwttcontent">sde dge dang co ne: ‘ldan pa ’</span></span>dang rim gro byed pa dang /_gus par byed pa dang /_zhe sa byed pa dang /_bsti stang byed pa dang /_kun tu bsrung ba dang /_sbed pa dang /_yongs su 'dzin pa dang /_gos dang zas dang mal cha dang na ba'i gsos sman dang yo byad sbyin pa dang /_legs so zhes bya ba sbyin pa dang /_rje bo ltar kun tu bsrung ba dang /_dge ba kun tu bsrung ba dang /_bsngags pa brjod pa dang /_mi snyen pa 'chab pa 'di yang dam pa'i chos yongs su 'dzin pa'o/_/ +
24. brtson dang bsam pa brtan par yang /_/dang po nan tan byas nas ni/_/
snying rje mdun du bzhag nas ni/<span class="smw-highlighter" data-type="8" data-state="inline" data-title="Note 15" title="15" tabindex="0"><span class="smwtticon bca-note note">15</span><span class="smwttcontent">snar thang dang pe cing: ‘bzhag nas su/’</span></span>/dge ba spel la nan tan bya/_/ +
de bzhin du sbyar te/_rigs kyi bu gzhan yang rtsod pa med pa lhur len pa dang /_chos ma yin pas rtsod pa rnams chos dang mthun par tshar gcod pa 'di yang dam pa'i chos yongs su 'dzin pa'o/_/rigs kyi bu gzhan yang zhe sdang med pa'i rgyud dang /_sems can thams cad bsdu ba dang rab tu thar bar bya ba'i blo dang zang zing med pa'i sems kyis gzhan dag la chos sbyin pa 'di yang dam pa'i chos yongs su 'dzin pa'o/_/de bzhin du sbyar te/_rigs kyi bu gzhan yang gang chos mnyan pa'i rgyu'am chos bstan pa'i rgyur tha na gom pa gcig 'dor ram tha na dbugs gcig 'byin tam rngub kyang rung ste/_'di yang dam pa'i chos yongs su 'dzin pa'o/_/rigs kyi bu gzhan yang gang chos thams cad yongs su mi 'dzin cing mi len pa 'di yang dam pa'i chos yongs su 'dzin pa zhes bya'o/_/<span class="smw-highlighter" data-type="8" data-state="inline" data-title="Note 302" title="302" tabindex="0"><span class="smwtticon bca-note note">302</span><span class="smwttcontent">legs sbyar gyi dpe: ‘rigs kyi bu gzhan yang gang chos thams cad yongs su mi 'dzin cing mi len pa 'di yang dam pa'i chos yongs su 'dzin pa zhes bya'o/_/’ med/</span></span> +
de bzhin du sbyar te/_rigs kyi bu kye ma'o sems 'di ni phyin ci log gi yul la rab tu 'phyar ba ste/_gang de zlog pa dang yongs su bsrung ba dang rtse gcig tu 'gyur ba dang dul ba dang zhi ba dang nye bar zhi ba dang /_'dul ba 'di ni dam pa'i chos yongs su (30 na)'dzin pa zhes bya'o/_/ +
de bzhin du sbyar te/<span class="smw-highlighter" data-type="8" data-state="inline" data-title="Note 303" title="303" tabindex="0"><span class="smwtticon bca-note note">303</span><span class="smwttcontent">sde dge dang co ne: ‘sbyar ro//’</span></span>/rigs kyi bu gzhan yang chos gang gis chos gang 'byung ba'i chos de yongs su mi 'dzin pa dang mi len pa 'di ni dam pa'i chos yongs su 'dzin pa'o zhes bya ba la sogs pa gsungs pa bzhin no/_/ +
de la chos smra ba la brten pa la sogs pas dge ba'i bshes gnyen mi gtang ba dang dge ba'i bshes gnyen gyi mtshan nyid ni bshad zin to/_/de'i phyir dam pa'i chos yongs su 'dzin pa 'di med na/_srung bar mi 'gyur/_dag par mi 'gyur/_'phel bar mi 'gyur la/_de'i phyir de yang byang chub sems dpar mi 'gyur bas/_nges par dam pa'i chos yongs su gzung bar bya'o// +
