Property:DescriptionTib
From Bodhicitta
This is a property of type Text.
B
བཀའ་གདམས་ཀྱི་དགེ་བའི་བཤེས་གཉེན་དམ་པ་རྣམས་ཀྱི་ཐུགས་དམ་གྱི་མཐིལ། རྒྱལ་བའི་གསུང་རབ་ཐམསཅད་ཀྱི་སྙིང་པོ་གཅིག་ཏུ་བསྡུས་པ། ཐེག་པ་ཆེན་པོའི་བློ་སྦྱོང་ཞེས་མཚན་ཡོངས་སུ་གྲགས་པ་དེ་ཉིད་འདོན་སྒོམ་སྦྲགས་མར་ཉམས་སུ་ལེན་ཚུལ་གྱི་དམར་ཁྲིད་འདི་ནི། ཆོས་སྨྲ་བའི་དགེ་སློང་བློ་བཟང་ཆོས་ཀྱི་རྒྱལ་མཚན་གྱིས། གདན་ས་ཆེན་པོ་དཔལ་སྣར་ཐང་གི་མཁན་ཆེན་ཤར་རྩེ་ཆོས་རྗེ་གྲགས་པ་དཔལ་འབྱོར་ལ་གནང་བའོ།། +
ཐེག་པ་ཆེན་པོ་བློ་སྦྱོང་དོན་བདུན་མ་ནི། དུས་རབས་བཅུ་གཅིག་པར་བྱོན་པའི་ཇོ་བོ་རྗེ་ཡི་སློབ་མ་དགེ་བའི་བཤེས་གཉེན་འཆད་ཁ་བ་ཡེ་ཤེས་རྡོ་རྗེས་མཛད་པའི་བཀའ་གདམས་པའི་མན་ངག་གཙོ་བོ་ཆེ་ཤོས་ཡིན། དེ་ཡང་སེམས་ཅན་ཐམས་ཅད་ཀྱིས་འཁོར་བ་ཐོག་མ་མེད་པ་ནས། བདེ་བ་ཐོབ་ཅིང་། སྡུག་བསྔལ་བྲལ་བའི་ཆེད་དུ། ཕྱི་དངོས་པོའི་ཡུལ་ལ་འབད་འབུངས་ཧུར་ཐག་བགྱིས་ནའང་། རེ་བ་གྲུབ་པ་ཞིག་ནི་མ་བྱུང་བ་ཡིན། སངས་རྒྱས་ཀྱིས། བདེ་སྡུག་ཐམས་ཅད་ཀྱི་རྩ་བ་ངོ་མ་ནི། རང་སེམས་ཡིན་པ་མཁྱེན་ཏེ། རང་སེམས་འདུལ་བའི་ཐབས་ཚུལ་མཐའ་ཡས་པ་ཞིག་གསུངས་ཡོད། བློ་སྦྱོང་གི་གདམས་པ་ནི། རང་ལ་དཀའ་སྡུག་གང་ཞིག་བྱུང་ན་ཡང་། ཚོགས་བསགས་སྒྲིབ་སྦྱོང་གི་ལམ་དུ་ཁྱེར་བས། ལྟས་ངན་གཡང་དུ་ལེན་པ་སྟེ། བསམ་པའི་ཁྱེར་སོ་ཙམ་གྱིས་ཆོག་པ། ཐེག་པ་ཆེན་པོའི་མན་ངག་ཡིན་པར་གྲགས་པ་ལྟར། འདིའི་ནང་དོན་ཡང་སྔོན་འགྲོ། དངོས་གཞི་དང་མཇུག་གསུམ་གྱི་ཁོག་ཕུབ་ནས། དང་པོ། དང་པོ་སྔོན་འགྲོ་དག་ལ་བསླབ། །ཞེས་བློ་ལྡོག་རྣམ་པ་བཞི་ལ་སློབ་དགོས་ཚུལ་དང་། གཉིས་པ། དངོས་གཞི་བྱང་ཆུབ་ཀྱི་སེམས་སྦྱོང་བ། རྐྱེན་ངན་བྱང་ཆུབ་ཀྱི་ལམ་དུ་བསྒྱུར་བ། ཚེ་གཅིག་གི་ཉམས་ལེན་དྲིལ་ནས་བསྟན་པ། བློ་འབྱོངས་པའི་ཚད། བློ་སྦྱོང་གི་དམ་ཚིག་དང་བློ་སྦྱོང་གི་བསླབ་བྱ་ཅེས་ཚིག་ཉུང་ངུས་དོན་ཆེན་པོ་གང་ཟག་གཅིག་བྱང་ཆུབ་ཀྱི་ལམ་ལ་བསླབ་པ་ལ་མེད་ཐབས་མེད་པ་ཞིག་ཡིན། མན་ངག་འདི་ནི་བླ་མ་གསེར་གླིང་པ་ནས་བརྒྱུད་པ་ཡིན་ཚུལ་ཡང་། གཞུང་ལས། མན་ངག་བདུད་རྩིའི་སྙིང་པོ་འདི། །གསེར་གླིང་པ་ནས་བརྒྱུད་པ་ཡིན། །ཞེས་གསལ། +
སོག་རིགས་ནང་པའི་རྩོམ་པ་པོ་ཡེ་ཤེས་དོན་གྲུབ་ (༡༧༩༢-༡༨༥༥) ཀྱིས་ནོར་བུའི་བང་མཛོད་ (ཤོག ༤༣༤) པར་གསུངས་པ་ལྟར། འགྲེལ་པ་འདི་ནི་བློ་སྦྱོང་དོན་མདུན་མ་ཞེས་མཚན་གྱི་སྙན་པ་ཆེས་ཆེར་གྲགས་པ་དེ་ཉིད་ཀྱི་འགྲེལ་པ་སྔ་ཤོས་ཡིན། ཕྱོགས་བསྒྲིགས་བློ་སྦྱོང་བརྒྱ་རྩའི་མའི་མ་དཔེའི་ནང་འགྲེལ་པ་འདི་ཡི་རྩོམ་པ་པོའི་མཚན་གསལ་ཁ་མེད་ཀྱང། འཆད་ཁ་བ་རང་གི་དངོས་སློབ་སེ་སྤྱིལ་ཕུ་བ་ཆོས་ཀྱི་རྒྱལ་མཚན་གྱིས་མཛད་པར་ངེས་སོ།། +
བློ་སྦྱོང་བའི་དོན་བདུན་ཏེ། དལ་འབྱོར་རྙེད་དཀའ་འཇིག་སླར་བསམ་པ་སོགས་སྔོན་འགྲོ་རྟེན་གྱི་ཆོས་དང་། བདག་གཞན་བདེ་སྡུག་གཏོང་ལེན་ཟབ་མོས་དངོས་གཞི་བྱང་ཆུབ་ཀྱི་སེམས་གཉིས་སྦྱོང་བ་དང་། རྐྱེན་ངན་སྡུག་བསྔལ་ཇི་ལྟར་བྱུང་ཡང་བདག་འཛིན་འགོང་པོའི་འཁྲུལ་བར་མཐོང་ནས་བྱང་ཆུབ་སེམས་ཀྱིས་ལམ་དུ་ཁྱེར་བ་དང་། བསམ་སྦྱོར་དག་པས་ཚོགས་བསགས་སྒྲིབ་སྦྱོང་སྨོན་ལམ་དང་བཅས་སྟོབས་ལྔ་ལྡན་པས་ཚེ་གཅིག་གི་ཉམས་ལེན་སྙིང་པོར་དྲིལ་བ་དང་། ཆོས་ཀུན་བདག་འཛིན་གྱི་གཉེན་པོར་འཆར་ཞིང་རང་སེམས་ལ་དབང་ཐོབ་པའི་ཡིད་བདེའི་གདེང་གིས་འགལ་རྐྱེན་ཐམས་ཅད་ལམ་དུ་ལོངས་པ་དང་། ཚུལ་ཆོས་དང་ཕྱོགས་རིས་བྲལ་བའི་སྒོ་ནས་བློ་སྦྱོང་གི་དམ་ཚིག་རྣམས་སྲོག་བཞིན་སྲུང་ནུས་པར་རྩེ་གཅིག་ཏུ་གསོལ་པ་འདེབས་པ་འདི། སྐྱིད་ཤོད་སྙེ་ཐང་གི་དཔལ་ལྡན་ཨ་ཏི་ཤའི་སྐུ་འདྲ་རིན་པོ་ཆེའི་དྲུང་དུའཇམ་དབྱངས་མཁྱེན་བརྩེའི་དབང་པོས་སྦྱར་བའོ།། +
བླ་མ་གསེར་གླིང་པ་དང་ཇོ་བོ་རྗེ་དཔལ་ལྡན་ཨ་ཏི་ཤ་ནས་བརྒྱུད་པའི་ཇོ་བོ་བཀའ་གདམས་པའི་ལུགས་ལ་ཀུན་རྫོབ་དང་དོན་དམ་བྱང་ཆུབ་ཀྱི་སེམས་ལ་བློ་སྦྱོང་བའི་གདམས་ངག་ཁྲིད་ཚུལ་མི་འདྲ་མང་དུ་ཡོད་ཀྱང་ཐམས་ཅད་ཀྱི་སྙིང་པོ་མ་ཚང་བ་མེད་པ་ནི་དགེ་བའི་ཤེས་གཉེན་འཆད་ཁ་ཡེ་ཤེས་རྡོ་རྗེའི་ལུགས་ཀྱི་བློ་སྦྱོང་དོན་བདུན་མ་ཞེས་པ་དེ་ཡིན། དེ་ལ་སྔོན་འགྲོ་རྟེན་གྱི་ཆོས་བསྟན་པ། དངོས་གཞི་བྱང་ཆུབ་ཀྱི་སེམས་སྦྱོང་བ། རྐྱེན་ངན་བྱང་ཆུབ་ཀྱི་དུ་འཁྱེར་བ། ཚེ་གཅིག་ཉམས་ལེན་དྲིལ་ནས་བསྟན་པ། བློ་འབྱོངས་པའི་ཚད། བློ་སྦྱོང་གི་དམ་ཚིག བློ་སྦྱོང་གི་བསླབ་བྱ་དང་བདུན་ཡོད་པ་དེ་དག་གི་སྙིང་པོ་ལྟ་བུ་རྒྱལ་སྲས་དངུལ་ཆུ་ཐོགས་མེད་ཀྱིས་མཛད་པའི་བློ་སྦྱོང་དོན་བདུན་མའི་ཁྲིད་དེ་ཉིད་འདིར་བཤད་པའོ།། +
བདག་གཞན་གཉིས་ཀས་བླ་ན་མེད་པའི་བྱང་ཆུབ་ཐོབ་པ་ལ། ཀུན་རྫོབ་དང་དོན་གྱི་བྱང་ཆུབ་ཀྱི་སེམས་བརྟན་པ་དང་། ཕྱོགས་མཐས་གཏུགས་པའི་སྙིང་རྗེ་དང་། གཉིས་ལ་མི་བརྟེན་པའི་ཡེ་ཤེས་རྣམས་ལམ་གྱི་རྩ་བ་ཡིན་པས། དེ་བསྒོམ་པའི་མན་ངག་ཇོ་བོ་ཆེན་པོ་དཔལ་ལྡན་ཨ་ཏི་ཤས། བླ་མ་དྷརྨ་རཀྴི་ཏ་ཞེས་བྱ་བ། རང་གི་སྐུ་ཤ་བཅད་ནས་གཞན་ལ་བྱིན་ཞིང་། བྱམས་སྙིང་རྗེ་འབའ་ཞིག་བསྒོམས་པས་སྟོང་ཉིད་ཀྱི་རྟོགས་པ་ཐུགས་ལ་འཁྲུངས་པ་དང་། ཡང་བླ་མ་བྱམས་པའི་རྣལ་འབྱོར་པ་ཞེས་བྱ་བ། གཞན་གྱི་སྡུག་བསྔལ་བདག་ལ་དངོས་སུ་ལེན་ནུས་པ་དང་། བླ་མ་གསེར་གླིང་པ་དང་གསུམ་ལས་ཐོབ་པ་ལས། འདི་བླ་མ་གསེར་གླིང་པའི་ལུགས་ཡིན་ཞིང་། དེ་ལ་ཡང་ཁྲིད་ཚུལ་མི་འདྲ་བ་མང་དུ་ཡོད་པ་ལས་སྐབས་འདིར་དགེ་བཤེས་འཆད་ཁ་བའི་ལུགས་ཀྱིས། སྔོན་འགྲོ་རྟེན་གྱི་ཆོས། དངོས་གཞི་བྱང་ཆུབ་ཀྱི་སེམས་སྦྱང་བ། རྐྱེན་ངན་ལམ་དུ་འཁྱེར་བ། ཚེ་གཅིག་གི་ཉམས་ལེན་དྲིལ་ནས་བསྟན་པ། བློ་འབྱོངས་པའི་ཚད། བློ་སྦྱོང་གི་དམ་ཚིག་དང་བློ་སྦྱོང་གི་བསླབ་བྱ་སྟེ། དོན་བདུན་དུ་མཛད་པ་དེ་དག་གི་རྩ་བ་དང་འགྲེལ་ལེགས་པར་སྦྱར་བ་འདི་ནི་རྫོང་གསར་མཁན་ཆེན་ཀུན་དགའ་དབང་ཕྱུག་གིས་མཛད་པའོ།། +
Blo sbyong don bdun mar grags pa bshad chos tsam ma yin prar rgyud la sbyor tshul go bde bar brjod pa +
འདི་ནི་རིན་ཆེན་བྱང་ཆུབ་ཀྱི་སེམས་སྐྱོང་ཐུན་མོང་མ་ཡིན་པའི་སྒོ་ནས་སྐལ་ལྡན་གྱི་སྐྱེས་བུ་སངས་རྒྱས་ཀྱི་སར་འཁྲིད་པའི་ཚུལ་བསྟན་པའི་མན་ངག་གོ་བདེར་བརྗོད་པ་ཞིག་སྟེ། མན་ངག་འདི་ཐོག་མར་བླ་མ་གསེར་གླིང་པས་ཇོ་བོ་ཨ་ཏི་ཤ་ལ་གནང༌ཞིང་། དེས་འབྲོམ་ཆོས་ཀྱི་རྒྱལ་པོ་ལ་གནང་ནས་རིམ་བཞིན་པོ་ཏོ་པ། ཤ་ར་བ། འཆད་ཀ་བའི་བར་ལྐོག་འཁྲིད་དུ་ཡོད་པ་ལས། འཆད་ཀ་བས་ཆོས་འདི་ཉིད་རྒྱ་ཆེར་དར་བར་མཛད་པས་གདམས་པ་འདི་ཉིད་ལ་འཆད་ཀ་བའི་ལུགས་ཞེས་གྲགས་པ་ཡིན་ནོ།། +
ཇོ་བོ་རྗེ་དཔལ་ལྡན་ཨ་ཏི་ཤ་ལ་བློ་སྦྱོང་བརྒྱུད་པའི་རིམ་པ་གསུམ་སྟེ། གསེར་གླིང་པ་ནས་བརྒྱུད་པ། བླ་མ་བྱམས་པའི་རྣལ་འབྱོར་པ་ནས་བརྒྱུད་པ། བླ་མ་དྷརྨ་རཀྵི་ཏ་ནས་བརྒྱུད་པ་ལས། བདག་གཞན་བརྗེ་བའི་སྒོ་ནས་བློ་སྦྱོང་གི་མན་ངག་བདུད་རྩིའི་སྙིང་པོ་འདི་ནི། སྟོན་པ་སངས་རྒྱས་ནས་གསེར་གླིང་པའི་བར་དུ་བརྒྱུད་ཅིང་། གསེར་གླིང་པ་ནས་རིམ་བཞིན་བརྒྱུད་དོ།། དེ་ཡང་བླ་མ་རིན་པོ་ཆེ་གྲུབ་པ་ཤེས་རབ་པ་ནས་བརྒྱུད་པ། སྤྱན་སྔ་བསོད་ནམས་ལྷུན་གྲུབ་པ་ནས་བརྒྱུད་པ། སེམས་དཔའ་ཆེན་པོ་རྒྱལ་སྲས་པའི་ལུགས་བླ་མ་ཐུགས་རྗེ་དཔའ་བ་ལས་བརྒྱུད་པ། བྱང་སེམས་འཆད་ཁ་བའི་ལུགས་ཀྱི་བློ་སྦྱོང་བའི་མན་ངག་སྤྱོད་འཇུག་གི་བསམ་གཏན་ལེའུར་བསྟན་པའི་བདག་གཞན་བརྗེ་བའི་སྒོ་ནས་བློ་སྦྱོང་ཚུལ། རི་བོ་དགའ་ལྡན་མགོ་འདིངས་བའི་ཚེ་རྗེ་རིན་པོ་ཆེ་འོལ་ཁ་སྟག་རྩེག་བྱོན་པའི་དུས་བྱང་རྩེ་བླ་མ་ནམ་མཁའ་དཔལ་ལྡན་པ་སོགས་ལ་ཞིབ་པར་གནང་བ་བྱང་རྩེ་བ་ནས་བརྒྱུད་པ་བཞི་ལས། རྗེ་ཐམས་ཅད་མཁྱེན་པ་དགེ་འདུན་གྲུབ་པས། སྙིགས་དུས་ཀྱི་སེམས་རྣམས་ལ་དགོངས་ནས་ཆོས་གྲྭ་ཆེན་པོ་བཀྲ་ཤིས་ལྷུན་པོར་སྦྱར་བ་འདི་ནི་བརྒྱུད་པ་ཕྱི་མའི་ལུགས་སུ་བགྱིས་པའོ།། +
ཐེག་ཆེན་བློ་སྦྱོང་ལམ་གྱི་རྟེན་གྱི་ཆོས། སྔོན་འགྲོའི་ཆོས་བཞི་ཅུང་ཟད་བརྗོད་པ་འདི། སངས་རྒྱས་བསྒོམ་པའི་ཚོགས་བཤད་མ་ལས་གསལ་བར་བྱུང་བ། བློ་སྦྱོང་གསུང་བགྲོས་མའི་ཁ་སྐོང་དུ། བྱ་བྲལ་བ་དཀོན་མཆོག་རྒྱལ་མཚན་གྱིས་བྲིས་པའོ།། +
བློ་སྦྱོང་གྱེར་སྒོམ་རྡོ་རྗེའི་གླུ་དབྱངས་ཞེས་པ་འདི་ཡི་མ་དཔེ་བློ་སྦྱོང་བརྒྱ་རྩའི་ནང་བཞུགས་ཀྱང་རྩོམ་པ་པོའི་མཚན་གྱི་གསལ་ཁ་མེད། སྤྱིར་བོད་ལ་འདི་ཡི་མཛད་པ་པོ་ཇོ་བོ་རྗེ་དཔལ་ལྡན་ཨ་ཏི་ཤའི་བློ་སྦྱོང་གི་བླ་མ་གསུམ་གྱི་ཡ་གྱལ་བྱམས་པའི་རྣལ་འབྱོར་ཡིན་པར་ངོས་འཛིན་བྱེད་སྲོལ་ཡོད་ཀྱང་། དོན་དངོས་སུ་བྱམས་པའི་རྣལ་འབྱོར་དང་མ་འོངས་པའི་མགོན་པོ་བྱམས་པ་གཉིས་ཀྱི་དབར་ཕན་ཚུན་དྲི་བ་དྲིས་ལན་རྡོ་རྗེའི་གླུ་དབྱངས་སུ་གྱེར་བ་ཞིག་ཡིན་པར་མངོན། རྡོ་རྗེའི་གླུ་དབྱངས་འདི་ཉིད་ཕྱོགས་སྒྲིག་དང་ཁྱབ་སྤེལ་མཛད་མཁན་གང་ཟག་གསུམ་པ་ཞིག་ཀྱང་ཡོད་པར་གསལ་ཡང། མཚན་དངོས་སུ་མ་སྨྲས་པས་སུ་ཡིན་མ་ངེས། བོད་ཀྱི་མཁས་པ་ཚོས་བྱམས་པའི་རྣལ་འབྱོར་ནི་ཀུ་ས་ལི་མཆེད་གཉིས་ཀྱི་ཆུང་བ་དེ་ཡིན་པར་ངོས་འཛིན་བྱེད་ཀྱང་། "ཀུ་ས་ལི་" ཞེས་པ་ནི་ཀོ་ཤ་ལ་ཞེས་པ་ལས་ཟུར་ཆག་པ་ཞིག་ཡིན་སྲིད་ལ། དེའི་བོད་སྐད་ཀྱི་དོན་ནི་ "དགེ་བ་ཅན་" ཞེས་པ་ཡིན་ཏེ། ཡེ་ཤེས་དོན་གྲུབ་ཀྱི་མཚན་ནོ།། +
བདག་ཅག་གི་སྟོན་པ་ཐུབ་པའི་དབང་པོ་དེ་ཉིད་ཀྱིས་རྒྱལ་ཚབ་བྱམས་པ་མགོན་པོ་ལ་གནང་བ་ནས་བཟུང་རིམ་པར་བརྒྱུད་ཅིང་། ལྔ་བརྒྱ་པ་རྣམས་ཀྱི་གཙུག་གི་ནོར་བུ་མཉམ་མེད་ཇོ་བོ་ཆེན་པོ་ཡབ་སྲས་ཀྱིས་དར་རྒྱས་སུ་མཛད་པའི་ཐེག་པ་ཆེན་པོའི་ཉམས་ལེན་ཐམས་ཅད་ཀྱི་ཉིང་ཁུར་གྱུར་པ། བློ་སྦྱོང་གི་གདམས་པ་ཟབ་མོ་དོན་བདུན་མའི་ཁྲིད་ཡིག། སེམས་དཔའ་ཆེན་པོ་གཞོན་ནུ་རྒྱལ་མཆོག་གིས་མཛད་པ་ལེགས་བཤད་ཀུན་འདུས་སུ་གྲགས་པ་དེ་ཉིད་ཀྱི་འཆད་ཐབས་ཤིག་ཡིན། +
དགྲ་བོ་གནད་ལ་དབབ་པ་མཚོན་ཆའི་འཁོར་ལོ་ཞེས་བྱ་བ། འཇིགས་པའི་གཅན་གཟན་སྣ་ཚོགས་རྒྱུ་བའི་ནགས་ཁྲོད་དུ། ལུང་རིགས་དང་རྟོགས་པའི་རྣལ་འབྱོར་པ་དྷརྨ་རཀྵི་ཏ་ཆེན་པོ་དེས། བླ་མ་དམ་པའི་གསུང་ལྟར་བསྡེབས་ནས་དུས་ཀྱི་སྙིགས་མ་ལ་འཇིགས་པ་དང་བཅས་པའི་ནགས་ཁྲོད་དུ་ཉམས་སུ་བླངས་པའོ། །དེས་ཨ་ཏི་ཤ་ལ་གནང་ནས། ཨ་ཏི་ཤས་ཀྱང་གདུལ་དཀའ་བའི་སེམས་ཅན་མང་པོ་འདུལ་བའི་ཕྱིར། ཕྱོགས་དང་ཕྱོགས་མཚམས་མེད་པར་ཉམས་སུ་བླངས་ཏེ་རྟོགས་པ་འཁྲུངས། རྒྱ་བོད་ན་སློབ་མ་བསམ་གྱིས་མི་ཁྱབ་པ་མཆིས་པའི་ནང་ནས་བཅོམ་ལྡན་འདས་མ་སྒྲོལ་མ་ལ་སོགས་ཡི་དམ་གྱི་ལྷ་དཔག་ཏུ་མེད་པས་ལུང་བསྟན་པའི་སྣོད་ལྡན་གྱི་སློབ་མ་ཨུ་པ་སི་ཀ་ལ་བོད་མཐའ་ཡི་གདུལ་བྱ་མ་རུངས་པ་འདུལ་བའི་ཆོས་སུ་གནང་བ་སྟེ། ལོ་པཎ་ཡང་རྒྱལ་བ་ཡབ་སྲས་གཉིས་ཀྱིས་མཛད་དོ། །ཇོ་བོས་སྟོན་པ། པུ་ཏོ་བ། ཤ་ར་བ། འཆད་ཁ་བ། སེ་སྤྱིལ་བུ་པ། ལྷ་ཆེན་པོ། ལྷ་འགྲོ་བའི་མགོན་པོ། འོད་འཇོ་བ། མཁོན་དམར་སྟོན། མཁན་པོ་ཤེས་རབ་རྡོ་རྗེ། དེས་མཁན་པོ་བུདྡྷ་རཏྣ་ལ། དེས་ཀཱིརྟི་ཤཱི་ལ་ལ། དེས་ཆོས་རྗེ་རྒྱལ་བ་བཟང་པོ་ལ། དེས་ནུབ་ཆོས་ལུང་པ་བསོད་ནམས་རིན་ཆེན་ལ། དེས་གཞོན་ནུ་རྒྱལ་མཆོག་དཀོན་མཆོག་འབངས་ལ་གནང་བའོ། ། +
འདི་ནི་འཇམ་མགོན་རྒྱལ་བ་ཙོང་ཁ་པ་ཆེན་པོའི་བཞེད་སྲོལ་མན་ངག་གི་གནད་མཐའ་དག་ཚང་ཞིང༌། གོ་སླ་རྒྱས་བསྡུས་འཚམས་པའི་བློ་སྦྱོང་གི་མན་ངག། ཐེག་མཆོག་ལམ་གྱི་སྐལ་བ་དང་ལྡན་པ་དག་ལ་ཉེ་བར་མཁོ་བའི་ལེགས་བཤད་རྨད་དུ་བྱུང་བ་ཞིག་གོ། +
བློ་སྦྱོང་རྨ་བྱ་དུག་འཇོམས་སམ་བཙན་དུག་ནགས་སུ་རྨ་བྱ་རྒྱུ་བ་ཞེས་བྱ་བ། ཤེས་བྱ་རབ་འབྱམས་ལ་བློ་གྲོས་ཀྱི་མིག་བྱང་ནས་ལས་རྒྱུ་འབྲས་ལ་བསླུ་བ་མེད་པའི་མཐུ་སྟོབས་ཐོབ་ཀྱང་ལྟ་བ་གཉིས་སུ་མེད་པའི་དོན་ལ་ཐེ་ཚོམ་མེད་པར་གྱུར་པ། རི་ནག་པོའི་ཁོང་ན་གནས་པའི་རྣལ་འབྱོར་པ་དྷརྨ་རཀྵི་ཏ་ཞེས་པ་དེས་སེམས་ཅན་ལ་དམིགས་པ་མེད་པའི་སྙིང་རྗེ་ཆེན་པོས་ཀུན་ནས་བསླངས་ནས་སྦྱར་བ་འདི་ནི་བོད་ཀྱི་བློ་སྦྱོང་གི་དཔེ་སྔ་ཤོས་ཤིག་ཡིན་ཅིང་། ནང་དོན་གཙོ་བོ་ནི། ནང་གི་དགྲོ་བོ་བདག་གཅེས་འཛིན་དེ་ཉིད་སྟོང་ཉིད་ཀྱི་རྟོགས་པ་དང་སྙིང་རྗེ་ལ་བརྟེན་ནས་འཇོམས་ཏེ་བདག་པས་གཞན་གཅེས་པའི་བྱང་ཆུབ་ཀྱི་སེམས་བསྐྱེད་ཚུལ་གསལ་བར་བསྟན་ཡོད། +
བླ་མ་གསེར་གླིང་པའི་ཞལ་ནས། ཇོ་བོ་ལ་བུ་ཁྱོད་མཐའ་འཁོབ་འདུལ་བ་ལ་ཆོས་འདི་རྣམས་དགོས་ཞེས་གནང་བའི་བློ་སྦྱོང་གི་མན་ངག་གནད་བསྡུས་ཤིག་གོ། +
འདི་ནི་བློ་སྦྱོང་རྟོག་པ་འབུར་འཇོམས་ཀྱི་རྩ་བ་ཚིགས་སུ་བཅད་པའི་འགྲེལ་པ་ཞིག་ཡིན་པ་ཤིན་ཏུ་གསལ་ཡང་། འདི་ཡི་མ་ཕྱི་ལྷ་ས་དཔར་མའི་དབུར་འགྲེལ་པའི་མཚན་བྱང་མེད་པ་ཡ་མཚན་ཞིང་། འདི་ཡི་མཇུག་བྱང་ཤིན་ཏུ་བསྡུས་པར་གཞིགས་ན། ཨ་ཏི་ཤས་གསེར་གླིང་པ་ལས་བློ་སྦྱོང་རྟོག་པ་འབུར་འཇོམས་དངོས་སུ་གསན་ནས་དེའི་འགྲེལ་བའམ་གསལ་བཤད་འདི་མཛད་པ་ལྟར་སྣང་ཡང་། དོན་དངོས་སུ་རྩོམ་པ་པོ་སུ་ཡིན་ངེས་ངེས་ཏིག་ཏིག་བརྗོད་དཀའ་ལ། སྤྱིར་བློ་སྦྱོང་རྟོག་པ་འབུར་འཇོམས་ཀྱི་རྩ་བ་མཛད་པ་པོ་བླ་མ་གསེར་གླིང་པ་ཡིན་པ་བདེན་ན། དེ་ལས་ཨ་ཏི་ཤས་གསན་རྗེས་རྩ་ཚིགས་རྣམས་ལ་འགྲེལ་བཤད་དམ་གསལ་བཤད་འདི་བཞིན་མཛད་པ་ཡིན་སྲིད་སྙམ་མོ།། (ཐུབ་བསྟན་སྦྱིན་པ། བློ་སྦྱོང་བརྒྱ་རྩ། ཤོག་གྲངས་༦༡༦ མཆན་༤༥༩) +
གཞོན་ནུ་རྒྱལ་མཆོག་གིས་ལེགས་བཤད་ཀུན་བཏུས་ཤོག་གྲངས་ ༤༨ པར་གསུངས་པ་ལྟར་ན། བསྟན་བཅོས་འདི་ཇོ་བོ་རྗེ་དཔལ་ལྡན་ཨ་ཏི་ཤའི་སེམས་བསྐྱེད་ཀྱི་བླ་མ་གཙོ་བོ་གསེར་གླིང་པས་མཛད་པ་ཡིན་པར་གསུངས་ལ། དུས་རབས་བཅུ་དགུ་པར་བྱོན་པའི་སོག་པོའི་རྩོམ་པ་པོ་ཡེ་ཤེས་དོན་གྲུབ་ལྟར་ན་འདི་ཡི་རྩོམ་པ་པོ་བླ་མ་བྱམས་པའི་རྣལ་འབྱོར་ཡིན་པར་གསུངས་ཡོད། འོན་ཀྱང་གཞུང་གི་ཚིགས་དོན་ལ་གཞིགས་ན་སྔ་མའི་བཞེད་པ་འཐད་ཆེ་བར་སྣང་ཡང་། ཡིག་ཆའི་ཁུངས་གསལ་པོ་མ་རྙེད་བར་འདི་ཡི་རྩོམ་པ་པོ་སུ་ཡིན་དཔྱད་པ་མུ་མཐུད་དགོས་པར་སེམས་སོ།། +
མར་གྱུར་སེམས་ཅན་རྣམས་ཞེ་སྡང་སོགས་དུག་ལྔ་ལ་ཞུགས་པས་ཚ་གྲང་གི་དམྱལ་བ་སོགས་རིགས་དྲུག་གི་གནས་སུ་མྱོང་བའི་སྡུག་བསྔལ་རྒྱུ་འབྲས་དང་བཅས་པ་ཐམས་ཅད་རང་ལ་བསྟིམ་ནས། རང་གི་བྱམས་པའི་སེམས་དང་། ཞེ་སྡང་སོགས་དུག་ལྔ་དང་མ་འདྲེས་པའི་དགེ་བའི་རྩ་བ་ཐ་དག་དེ་དག་ལ་སྦྱིན་པ་དང་། དེ་དག་གི་ཞེ་སྡང་སོགས་དུག་ལྔའི་རྒྱུ་དང་དེ་ལས་བྱུང་བའི་འབྲས་བུ་དམྱལ་བ་ལ་སོགས་པའི་གནས་ཐམས་ཅད་སྟོངས་ཤིང་ཟད་ནས་འབྲས་བུ་སྐུ་ལྔ་ཡེ་ཤེས་ལྔ་ཐོབ་པའི་ཕྱིར། བློ་སྦྱོང་རྩ་བརྒྱུད་ཀྱི་བླ་མ་རྣམས་ལ་གསོལ་འདེབས་པའོ།། +
རྗེ་བཙུན་དམ་པ་རྒྱ་གར་ནས་བརྒྱུད་པའི་བློ་སྦྱོང་སྤྱི་སྤུངས་ཀྱི་མན་ངག་འདི་ནི་རོང་སྟོན་ཆེན་པོ་ཤེས་བྱ་ཀུན་རིག་གིས་སྦྱར་ཞིང་། འདི་ཡི་ནང་དོན་མདོར་བསྡུ་ན་དོན་ནམ་ཚུལ་ལྔ་སྟེ། སྙིང་རྗེ་གསུམ་གྱི་གཞི་འདིངས་ཚུལ། འཇུག་ལྡོག་ལག་ལེན་གསུམ་གྱིས་ལམ་གྱི་དངོས་གཞི་ལ་འཇུག་ཚུལ། ཀུན་རྫོབ་ཀུན་ཀྱི་ཆ་བསྒོམ་པའི་ཚུལ། སྟོང་ཉིད་ཀྱི་ལྟ་བས་རྒྱས་གདབ་ཚུལ་དང་རྗེས་བསྔོ་བ་སྨོན་ལམ་གྱིས་མཇུག་བསྡུ་ཚུལ་བཅས་སོ།། +
བློ་སྦྱོང་ཐུན་བརྒྱད་མར་གྲགས་པའི་གཞུང་འདི་རྩོམ་པ་པོ་སུ་ཡིན་ཐག་གཅོད་དཀའ་ནའང་། ཐུའུ་བཀྭན་དང་ (ཤེལ་གྱི་མེ་ལོང་ཤོག་གྲངས་ ༩༩) དང་ཡེ་ཤེས་དོན་གྲུབ་གཉིས་ཀྱིས་ (ནོར་བུའི་བང་མཛོད་ཤོག་གྲངས་ ༡༠༥) འབྲོམ་སྟོན་པ་ཉིད་གདམས་པ་འདིའི་ཁུངས་སུ་ངོས་འཛིན་མཛད་ཡོད། དེ་ཙམ་མ་ཟད་གཞུང་འདི་ཉིད་ཀྱི་ཚིག་ཟིན་ལ་ཡང་བློ་སྦྱོང་ཐུན་བརྒྱད་མ་འདི་འབྲོམ་སྟོན་པའི་ཞལ་གདམས་ཡིན་པ་གསལ་ཡང་། གདམས་པ་ཁྱབ་སྤེལ་གྱི་བྱ་གཞག་ལ་ཁམས་ལུང་པ་ལྷག་པར་མཁས་པས། ཕྱིས་སུ་ཁམས་ལུང་པའི་བློ་སྦྱོང་ཐུན་བརྒྱད་མ་ཞེས་གྲགས། གདམས་པ་འདིར་ཉིན་རེའི་བྱ་བ་དང་མྱོང་བ་ཐམས་ཅད་སྒོམ་གྱི་ཉམས་ལེན་དུ་འཁྱེར་བའི་ཐབས་ལམ་ཚང་བར་འདུས་ཡོད། +
