Śikṣāsamuccayakārikā/Full text

शिक्षासमुच्चयकारिका

Śikṣāsamuccayakārikā

bslab pa kun las btus pa'i tshig le'ur byas pa

Verses of the Compendium of Study Materials (84000)

FULL TEXT

Description

These are the root verses of Śāntideva's Compendium of Spiritual Disciplines (Śikṣāsamuccaya).No Tibetan description!

Reference

Śāntideva (ཞི་བ་ལྷ་). Śikṣāsamuccayakārikā [शिक्षासमुच्चयकारिका]. bslab pa kun las btus pa'i tshig le'ur byas pa [བསླབ་པ་ཀུན་ལས་བཏུས་པའི་ཚིག་ལེའུར་བྱས་པ།]. [Verses of the Compendium of Study Materials (84000)]. Tengyur, RKTST 3280 http://www.rkts.org/cat.php?id=3280&typ=2.

People

Śāntideva

Bilingual version: The Training Anthology of Śāntideva

Goodman, Charles, trans. The Training Anthology of Śāntideva: A Translation of the Śikṣā-samuccaya. New York: Oxford University Press, 2016.

Bilingual version2016About this item

Charles Goodman offers a translation of the Śikṣāsamuccaya, a major work of religious literature by Śāntideva, in which he brings together a large number of sūtra passages.

[edit]

Source	Tibetan text input of Derge Tengyur D3939 from Adarshah Sanskrit text input from Digital Sanskrit Buddhist Canon
Date	2024-05-10

Read this text with translation by adding the Dharmamitra Chrome extension to your browser:

Legend	Headers Root Commentary Quotes

111-1b

༄༅༅། །རྒྱ་གར་སྐད་དུ། ཤིཀྵ་ས་མུཙྪ་ཡ་ཀཱ་རི་ཀཱ། བོད་སྐད་དུ། བསླབ་པ་ཀུན་ལས་བཏུས་པའི་ཚིག་ལེའུར་བྱས་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་ལྟར་བདག་དང་གཞན་དག་ཀྱང་། །འཇིགས་དང་སྡུག་བསྔལ་མི་འདོད་ན། །བདག་དང་བྱེ་བྲག་ཅི་ཡོད་ན། །གང་དེ་བསྲུང་ལ་གཞན་མི་བསྲུང་། །སྡུག་བསྔལ་མཐར་འབྱིན་འདོད་པ་དང་། །བདེ་བའི་མཐར་ཡང་འགྲོ་འདོད་པས། །དད་པའི་རྩ་བ་བརྟན་བྱ་སྟེ། །བྱང་ཆུབ་ལ་ཡང་བློ་བརྟན་བྱ། །བྱང་ཆུབ་སེམས་དཔའི་སྡོམ་པ་ནི། །རྒྱས་པར་ཐེག་པ་ཆེ་ལས་འབྱུང་། །གང་གིས་ལྟུང་བར་མི་འགྱུར་བའི། །གནད་ཀྱི་གནས་རྣམས་འདིར་རིག་བྱ། །བདག་གི་ལུས་དང་ལོངས་སྤྱོད་དང་། །དགེ་བ་དུས་གསུམ་སྐྱེས་པ་རྣམས། །སེམས་ཅན་ཀུན་ལ་བཏང་བ་དང་། །དེ་བསྲུང་དག་པ་སྤེལ་བའོ། །སེམས་ཅན་རྣམས་ཀྱིས་ལོངས་སྤྱད་ཕྱིར། །ལུས་ལ་སོགས་པས་བསྲུང་བར་བྱ། །མ་བསྲུངས་ལོངས་སྤྱོད་གང་ལས་འོང་། །གང་མི་སྤྱོད་པ་ཅི་ཞིག་སྦྱིན། །དེ་བས་སེམས་

111-2a

ཅན་ལོངས་སྤྱོད་ཕྱིར། །དགེ་བའི་བཤེས་གཉེན་མི་གཏོང་ཞིང་། །མདོ་སྡེ་དག་ལ་རྟག་བལྟ་བས། །ལུས་ལ་སོགས་པ་བསྲུང་བར་བྱ། །དེ་ལ་ལུས་བསྲུང་གང་ཞེ་ན། །གནོད་པར་འགྱུར་བ་སྤང་བ་སྟེ། །དེ་ཀུན་གང་གིས་འཐོབ་ཅེ་ན། །འབྲས་བུ་མེད་པའི་བྱེད་སྤངས་པས། །དེ་ཡང་རྟག་ཏུ་དྲན་པས་འགྲུབ། །དྲན་པ་ཤིན་ཏུ་གུས་ལས་འབྱུང་། །གུས་ནི་ཞི་བའི་ཆེ་བ་ཉིད། །ཤེས་པར་གྱུར་ནས་བརྟུན་པས་སྐྱེད། །མཉམ་གཞག་ཡང་དག་ཇི་བཞིན་དུ། །ཤེས་པར་འགྱུར་ཞེས་ཐུབ་པས་གསུངས། །ཕྱི་རོལ་གཡོ་བ་བཟློག་པ་ཡིས། །སེམས་ནི་ཞི་ལས་མི་གཡོ་ཞིང་། །ཀུན་དུ་མི་རྒོད་འཇམ་པ་དང་། །རན་ཅིང་མཉེན་པར་སྨྲ་བ་ཡིས། །སྐལ་ཅན་སྐྱེ་བོ་འདུན་པར་འགྱུར། །གཟུང་བར་འོས་པའང་སྐྱེ་བར་འགྱུར། །འདི་ནི་གཟུང་འོས་མ་ཡིན་ན། །འཇིག་རྟེན་རྒྱལ་བའི་མྱུ་གུ་བརྙས། །ཐལ་བས་གཡོགས་པའི་མེ་བཞིན་དུ། །སེམས་ཅན་དམྱལ་ལ་སོགས་པར་སྲེག །དེ་ཕྱིར་རྒྱལ་བས་སྡོམ་པའི་མདོར། །གང་གིས་སེམས་ཅན་མ་དད་འགྱུར། །དེ་ནི་བསྒྲིམས་ཏེ་རྣམ་སྤང་ཞེས། །དཀོན་མཆོག་སྤྲིན་ལས་བཀའ་སྩལ་ཏོ། །འདི་ནི་བདག་ལུས་བསྲུང་བ་སྟེ། །སྨན་དང་གོས་ལ་སོགས་བཅས་པས། །བདག་

111-2b

ལ་སྲེད་པས་ལོངས་སྤྱད་ན། །ཉོན་མོངས་བཅས་པའི་ལྟུང་བར་འགྱུར། །ལེགས་སྤྱད་དག་ལ་བརྩམ་པར་བྱ། །ཐམས་ཅད་ལ་ཡང་ཚོད་རིག་བྱ། །དེ་ལྟས་བསླབ་པའི་གཞི་འདི་ལས། །དེ་ཡི་ལོངས་སྤྱོད་བསྲུང་མི་དཀའ། །རང་དོན་རྣམ་སྨིན་སྲེད་སྤངས་པས། །དགེ་བ་ཀུན་དུ་བསྲུང་བར་འགྱུར། །འགྱོད་པར་ཡང་ནི་མི་བྱ་སྟེ། །བྱས་པར་གྱུར་ཀྱང་བསྒྲག་མི་བྱ། །རྙེད་དང་བཀུར་སྟིས་འཇིགས་བྱ་ཞིང་། །ཁེངས་པ་རྟག་ཏུ་སྤང་བར་བྱ། །བྱང་ཆུབ་སེམས་དཔའ་དད་བྱ་ཞིང་། །ཆོས་ལ་ཡིད་གཉིས་སྤང་བར་བྱ། །ལུས་ནི་རྣམ་པར་སྦྱང་བྱས་ན། །ཕན་པའི་ལོངས་སྤྱོད་འགྱུར་བ་སྟེ། །འབྲས་ཆན་ལེགས་པར་ཚོས་པ་དང་། །གཟེགས་མེད་ལུས་ཅན་ཕན་པ་འདྲ། །ཇི་ལྟར་ལོ་ཏོག་བཙས་ཁེབས་ན། །ནད་ཀྱིས་ཞུམ་ཞིང་རྒྱས་མི་འགྱུར། །དེ་ལྟར་སངས་རྒྱས་མྱུ་གུ་ཡང་། །ཉོན་མོངས་ཁེབས་ན་རྒྱས་མི་འགྱུར། །ལུས་ཀྱི་དག་པ་གང་ཞེ་ན། །སྡིག་དང་ཉོན་མོངས་རྣམ་སྦྱོང་ཡིན། །རྫོགས་སངས་རྒྱས་ཀྱིས་གསུངས་ཚུལ་དུ། །འབད་པ་མེད་ན་ངན་འགྲོར་འགྲོ། །བཟོད་བྱ་ཐོས་པ་བཙལ་བར་བྱ། །དེ་ནས་ནགས་སུ་གནས་པར་བྱ། །མཉམ་པར་གཞག་ལ་བརྩོན་བྱ་ཞིང་། །མི་སྡུག་ལ་སོགས་བསྒོམ་པར་བྱ། །ཡང་དག་འཚོ་བ་སྦྱངས་པ་ཡིས། །ལོངས་སྤྱོད་དག་པར་ཤེས་པར་བྱ། །སྟོང་པ་སྙིང་རྗེའི་སྙིང་པོ་ཅན། །བསྐྱེད་པས་བསོད་ནམས་དག་པར་འགྱུར། །གཟུང་བར་བྱ་བ་རབ་མང་ལ། །འདི་ནི་ཉུང་ན་འདིས་ཅི་བྱ། །ཤིན་ཏུ་ངོམས་པ་སྐྱེད་མ་ཡིན། །དེ་ཕྱིར་འདི་ནི་འཕེལ་བར་བྱ། །དེ་ལ་ལུས་འཕེལ་གང་ཞེ་ན། །ལེ་ལོ་མེད་དང་སྟོབས་སྐྱེད་ཡིན། །སྟོང་དང་སྙིང་རྗེའི་སྙིང་པོ་ཅན། །སྦྱིན་པས་ལོངས་སྤྱོད་འཕེལ་བར་འགྱུར། །བརྩོན་དང་བསམ་པ་བརྟན་པར་ཡང་། །དང་པོ་ནན་ཏན་བྱས་ནས་ནི། །སྙིང་རྗེ་མདུན་དུ་བཞག་ནས་ནི། །དགེ་བ་སྤེལ་ལ་ནན་ཏན་བྱ། །བཟང་པོ་སྤྱོད་པའི་ཆོ་ག་བཞིན། །ཕྱག་འཚལ་ལ་སོགས་གུས་པར་བྱ། །དད་པ་ལ་སོགས་རྟག་ཏུ་བསྒོམ། །བྱམས་དང་སངས་རྒྱས་སོགས་དྲན་བྱ། །དུས་རྣམས་ཀུན་དུ་སེམས་ཅན་དོན། །ཆོས་ཀྱི་སྦྱིན་པ་ཟང་ཟིང་

111-3a

མེད། །བྱང་ཆུབ་སེམས་ནི་མདོར་བསྡུ་ན། །བསོད་ནམས་འཕེལ་བའི་རྒྱུ་ཡིན་ནོ། །འགྲུབ་པ་ཡང་དག་སྤོང་རྣམས་ཏེ། །བག་ཡོད་པ་དང་མ་བྲལ་ཞིང་། །དྲན་པ་དང་ནི་ཤེས་བཞིན་དང་། །ཚུལ་བཞིན་དུ་ནི་སེམས་པའོ། །བསླབ་པ་ཀུན་ལས་བཏུས་པའི་ཚིག་ལེའུར་བྱས་པ། མཁན་པོ་ཞི་བ་ལྷས་མཛད་པ་རྫོགས་སོ།། །།

[edit]

Read this text with translation by adding the Dharmamitra Chrome extension to your browser:

Legend	Headers Root Commentary Quotes

111-1b

@##/_/rgya gar skad du/_shik+Sha sa muts+tsha ya kA ri kA/_bod skad du/_bslab pa kun las btus pa'i tshig le'ur byas pa/_sangs rgyas dang byang chub sems dpa' thams cad la phyag 'tshal lo/_/'di ltar bdag dang gzhan dag kyang /_/'jigs dang sdug bsngal mi 'dod na/_/bdag dang bye brag ci yod na/_/gang de bsrung la gzhan mi bsrung /_/sdug bsngal mthar 'byin 'dod pa dang /_/bde ba'i mthar yang 'gro 'dod pas/_/dad pa'i rtsa ba brtan bya ste/_/byang chub la yang blo brtan bya/_/byang chub sems dpa'i sdom pa ni/_/rgyas par theg pa che las 'byung /_/gang gis ltung bar mi 'gyur ba'i/_/gnad kyi gnas rnams 'dir rig bya/_/bdag gi lus dang longs spyod dang /_/dge ba dus gsum skyes pa rnams/_/sems can kun la btang ba dang /_/de bsrung dag pa spel ba'o/_/sems can rnams kyis longs spyad phyir/_/lus la sogs pas bsrung bar bya/_/ma bsrungs longs spyod gang las 'ong /_/gang mi spyod pa ci zhig sbyin/_/de bas sems

111-2a

can longs spyod phyir/_/dge ba'i bshes gnyen mi gtong zhing /_/mdo sde dag la rtag blta bas/_/lus la sogs pa bsrung bar bya/_/de la lus bsrung gang zhe na/_/gnod par 'gyur ba spang ba ste/_/de kun gang gis 'thob ce na/_/'bras bu med pa'i byed spangs pas/_/de yang rtag tu dran pas 'grub/_/dran pa shin tu gus las 'byung /_/gus ni zhi ba'i che ba nyid/_/shes par gyur nas brtun pas skyed/_/mnyam gzhag yang dag ji bzhin du/_/shes par 'gyur zhes thub pas gsungs/_/phyi rol g.yo ba bzlog pa yis/_/sems ni zhi las mi g.yo zhing /_/kun du mi rgod 'jam pa dang /_/ran cing mnyen par smra ba yis/_/skal can skye bo 'dun par 'gyur/_/gzung bar 'os pa'ang skye bar 'gyur/_/'di ni gzung 'os ma yin na/_/'jig rten rgyal ba'i myu gu brnyas/_/thal bas g.yogs pa'i me bzhin du/_/sems can dmyal la sogs par sreg_/de phyir rgyal bas sdom pa'i mdor/_/gang gis sems can ma dad 'gyur/_/de ni bsgrims te rnam spang zhes/_/dkon mchog sprin las bka' stsal to/_/'di ni bdag lus bsrung ba ste/_/sman dang gos la sogs bcas pas/_/bdag

111-2b

la sred pas longs spyad na/_/nyon mongs bcas pa'i ltung bar 'gyur/_/legs spyad dag la brtsam par bya/_/thams cad la yang tshod rig bya/_/de ltas bslab pa'i gzhi 'di las/_/de yi longs spyod bsrung mi dka'/_/rang don rnam smin sred spangs pas/_/dge ba kun du bsrung bar 'gyur/_/'gyod par yang ni mi bya ste/_/byas par gyur kyang bsgrag mi bya/_/rnyed dang bkur stis 'jigs bya zhing /_/khengs pa rtag tu spang bar bya/_/byang chub sems dpa' dad bya zhing /_/chos la yid gnyis spang bar bya/_/lus ni rnam par sbyang byas na/_/phan pa'i longs spyod 'gyur ba ste/_/'bras chan legs par tshos pa dang /_/gzegs med lus can phan pa 'dra/_/ji ltar lo tog btsas khebs na/_/nad kyis zhum zhing rgyas mi 'gyur/_/de ltar sangs rgyas myu gu yang /_/nyon mongs khebs na rgyas mi 'gyur/_/lus kyi dag pa gang zhe na/_/sdig dang nyon mongs rnam sbyong yin/_/rdzogs sangs rgyas kyis gsungs tshul du/_/'bad pa med na ngan 'gror 'gro/_/bzod bya thos pa btsal bar bya/_/de nas nags su gnas par bya/_/mnyam par gzhag la brtson bya zhing /_/mi sdug la sogs bsgom par bya/_/yang dag 'tsho ba sbyangs pa yis/_/longs spyod dag par shes par bya/_/stong pa snying rje'i snying po can/_/bskyed pas bsod nams dag par 'gyur/_/gzung bar bya ba rab mang la/_/'di ni nyung na 'dis ci bya/_/shin tu ngoms pa skyed ma yin/_/de phyir 'di ni 'phel bar bya/_/de la lus 'phel gang zhe na/_/le lo med dang stobs skyed yin/_/stong dang snying rje'i snying po can/_/sbyin pas longs spyod 'phel bar 'gyur/_/brtson dang bsam pa brtan par yang /_/dang po nan tan byas nas ni/_/snying rje mdun du bzhag nas ni/_/dge ba spel la nan tan bya/_/bzang po spyod pa'i cho ga bzhin/_/phyag 'tshal la sogs gus par bya/_/dad pa la sogs rtag tu bsgom/_/byams dang sangs rgyas sogs dran bya/_/dus rnams kun du sems can don/_/chos kyi sbyin pa zang zing

111-3a

med/_/byang chub sems ni mdor bsdu na/_/bsod nams 'phel ba'i rgyu yin no/_/'grub pa yang dag spong rnams te/_/bag yod pa dang ma bral zhing /_/dran pa dang ni shes bzhin dang /_/tshul bzhin du ni sems pa'o/_/bslab pa kun las btus pa'i tshig le'ur byas pa/_mkhan po zhi ba lhas mdzad pa rdzogs so//_//

[edit]

Read this text with translation by adding the Dharmamitra Chrome extension to your browser:

Legend	Headers Root Commentary Quotes

Śikṣāsamuccayakārikā (Śsk)

yadā mama pareṣāṃ ca bhayaṃ duḥkhaṃ ca na priyam /

tadātmanaḥ ko viśeṣo yattaṃ rakṣāmi netaram // Śsk_1 //

duḥkhāntaṃ kartukāmena sukhāntaṃ gantumicchatā /

śraddhāmūlaṃ dṛḍhīkṛtya bodhau kāryā matirdṛḍhā // Śsk_2 //

(śikṣādaro) mahāyānādbodhisattvasya saṃvaraḥ /

marmasthānānyato vidyādyenānāpattiko bhavet // Śsk_3 //

ātmabhāvasya bhogānāṃ tryadhvavṛtteḥ śubhasya ca /

utsargaḥ sarvasattvebhyastadrakṣā śuddhivardhanam // Śsk_4 //

paribhogāya sattvānāmātmabhāvādi dīyate /

arakṣite kuto bhogaḥ ki dattaṃ yanna bhujyate // Śsk_5 //

tasmātsattvopabhogārthamātmabhāvādi pālayet /

kalyāṇamitrānutsargāt sūtrāṇāṃ ca sadekṣaṇāt // Śsk_6 //

tatrātmabhāve kā rakṣā yadanarthavivarjanam /

kenaitallabhyate sarvaṃ niṣphalaspandavarjanāt // Śsk_7 //

etatsidhyetsadā smṛtyā smṛtistīvrādarādbhavet /

ādaraḥ śamamāhātmyaṃ jñātvātāpena jāyate // Śsk_8 //

samāhito yathābhūtaṃ prajānātītyavadanmuniḥ /

śamācca na caleccitaṃ bāhyaceṣṭā nivartanāt // Śsk_9 //

sarvatrāpacalo mandamatisnigdhābhibhāṣaṇāt /

āvavarjayejjanaṃ bhavyamādeyaścāpi jāyate // Śsk_10 //

anādeyaṃ tu taṃ lokaḥ paribhūya jināṅkuram /

bhasmacchanno yathā vahniḥ pacyeta narakādiṣu // Śsk_11 //

ratnameghe jinenoktastena saṅkṣepasaṃvaraḥ /

yenāprasādaḥ sattvānāṃ tadyatnena vivarjayet // Śsk_12 //

eṣā rakṣātmabhāvasya bhaiṣajyavasānādibhiḥ /

ātmatṛṣṇopabhogāttu kliṣṭāpattiḥ prajāyate // Śsk_13 //

sukṛṭārambhiṇā bhāvyaṃ mātrajñena ca sarvataḥ /

iti śikṣāpadādasya bhogarakṣā na duṣkarā // Śsk_14 //

svārthavipāka vaitṛṣṇyācchubhaṃ saṃrakṣitaṃ bhavet /

paścātāpaṃ na kurvīta na ca kṛtvā prakāśayet // Śsk_15 //

lābhasatkārabhītaḥ syādunnatiṃ varjayetsadā /

bodhisattvaḥ prasannaḥ syāddharme vimatimutsṛjet // Śsk_16 //

śodhitasyātmabhāvasyabhogaḥ pathyo bhaviṣyati /

samyaksiddhasya bhaktasya niṣkaṇasyeva dehinām // Śsk_17 //

tṛṇacchanna yathā śasyaṃ rogaiḥ sīdati naidhate /

buddhāṅkurastathā vṛddhiṃ kleśacchanno na gacchati // Śsk_18 //

ātmabhāvasya kā śuddhiḥ pāpakleśaviśodhanam /

sambuddhottayarthasāreṇa yatnabhāve tvapāyagaḥ // Śsk_19 //

kṣameta śrutameṣeta saṃśrayeta vanaṃ tataḥ /

sāmādhānāya yujyeta bhāvayedaśubhādikam // Śsk_20 //

bhogaśuddhiṃ ca jānīyātsamyagājīvaśodhanāt /

śūnyatākaruṇāgarbheceṣṭitātpuṇyaśodhanam // Śsk_21 //

grahītāraḥ subahavaḥ svalpaṃ ceda manena kim /

na cātitṛptijanakaṃ vardhanīyamidaṃ tataḥ // Śsk_22 //

ātmabhāvasya kā vṛddhirbalānālasyavardhanam /

śūnyatākaruṇāgarbhāddānādbhogasya vardhanam // Śsk_23 //

kṛtvādāveva yatnena vyavasāyāśayau dṛḍhau /

karuṇāṃ ca puraskṛtya yateta śubhavṛddhaye // Śsk_24 //

bhadracaryāvidhiḥ kāryo vandanādiḥ sahādarāt /

śraddhādīnāṃ sadābhyāso maitrī buddhādyanusmṛtiḥ // Śsk_25 //

sarvāvasthāsu sattvārtho dharmadānaṃ nirāmiṣam /

bodhicittaṃ ca puṇyasya vṛddhihetuḥ samāsataḥ // Śsk_26 //

siddhiḥ samyakprahāṇānāmapramādāviyojanāt /

smṛtyātha samprajanyena yoniśaścintanena ca // Śsk_27 //

[edit]