Property:DescriptionTib
From Bodhicitta
This is a property of type Text.
A
A Guide to the Bodhisattva's Way of Life: Teaching by the Dalai Lama - December 25–27, 2016 (Part 1 of 3) +
སྤྱི་ལོ་༢༠༡༦ ཟླ་བ་ ༡༢ པའི་ཚེས་ ༢༥ ནས་ ༢༧ བར་རྒྱ་གར་གྱི་རྒྱལ་ས་ལྡི་ལིར་ཨུ་རུ་སུའི་ནང་པ་ཚོས་ཇི་ལྟར་གསོལ་བ་བཏབ་པ་བཞིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། ཉིན་གསུམ་གྱི་རིང་ལ། རྒྱལ་སྲས་ཞི་བ་ལྷས་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པའི་གསུང་ཆོས་བཀའ་དྲིན་བསྐྱངས་པའི་བརྙན་འཕྲིན། ༸གོང་ས་མཆོག་གིས་བོད་སྐད་ཐོག་གསུང་། ལོ་ཙྭ་བས་དབྱིན་སྐད་བསྒྱུར་རོ།། +
A Guide to the Bodhisattva's Way of Life: Teaching by the Dalai Lama - December 25–27, 2016 (Part 2 of 3) +
སྤྱི་ལོ་༢༠༡༦ ཟླ་བ་ ༡༢ པའི་ཚེས་ ༢༥ ནས་ ༢༧ བར་རྒྱ་གར་གྱི་རྒྱལ་ས་ལྡི་ལིར་ཨུ་རུ་སུའི་ནང་པ་ཚོས་ཇི་ལྟར་གསོལ་བ་བཏབ་པ་བཞིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། ཉིན་གསུམ་གྱི་རིང་ལ། རྒྱལ་སྲས་ཞི་བ་ལྷས་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པའི་གསུང་ཆོས་བཀའ་དྲིན་བསྐྱངས་པའི་བརྙན་འཕྲིན། ༸གོང་ས་མཆོག་གིས་བོད་སྐད་ཐོག་གསུང་། ལོ་ཙྭ་བས་དབྱིན་སྐད་བསྒྱུར་རོ།། +
A Guide to the Bodhisattva's Way of Life: Teaching by the Dalai Lama - December 25–27, 2016 (Part 3 of 3) +
སྤྱི་ལོ་༢༠༡༦ ཟླ་བ་ ༡༢ པའི་ཚེས་ ༢༥ ནས་ ༢༧ བར་རྒྱ་གར་གྱི་རྒྱལ་ས་ལྡི་ལིར་ཨུ་རུ་སུའི་ནང་པ་ཚོས་ཇི་ལྟར་གསོལ་བ་བཏབ་པ་བཞིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། ཉིན་གསུམ་གྱི་རིང་ལ། རྒྱལ་སྲས་ཞི་བ་ལྷས་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པའི་གསུང་ཆོས་བཀའ་དྲིན་བསྐྱངས་པའི་བརྙན་འཕྲིན། ༸གོང་ས་མཆོག་གིས་བོད་སྐད་ཐོག་གསུང་། ལོ་ཙྭ་བས་དབྱིན་སྐད་བསྒྱུར་རོ།། +
གཞུང་འདི་ཡི་མཚན་ལ་<<ཨཙརྱ་གཟུགས་ངན་གྱི་གཏམ་རྒྱུད་>>ཅེས་གསོལ་ཡང་། གཞུང་དངོས་སུ་གཏམ་རྒྱུད་མི་འདྲ་བ་བཞི་བཞུགས་པའམ། ཡང་ན་གཞུང་འདི་གཏམ་རྒྱུད་བཞི་ལས་འཕྲོས་པ་ཞིག་ཡིན་པར་གསལ་ཏེ། དང་པོ་ནི་ཨཙརྱ་གཟུགས་ངན་གི་གཏམ་རྒྱུད་དང་། གཉིས་པ་ནི་བཟའ་མི་གཉིས་ལ་རྐུན་མ་བྱུང་བ་མ་ཚོར་བའི་གཏམ་རྒྱུད་དང་། གསུམ་པ་ནི་ཇོ་བོ་རྗེས་རྒྱལ་པོ་ཨ་སང་གྷ་བྱ་བའི་ཨཙརྱ་གཤིས་ངན་གཅིག་རྒྱུན་དུ་བསྟེན་པའི་གཏམ་རྒྱུད་དང་། བཞི་པ་ནི་གླང་རི་ཐང་པ་ལ་ཕམ་པ་དང་པོ་བྱུང་བའི་བསྙོན་འཛུགས་བྱུང་བའི་གཏམ་རྒྱུད་བཅས་ཡིན། དེ་བས་འདི་གཞུང་རང་རྐང་པ་ཞིག་མིན་པར། གཞུང་གཞན་དང་གཞན་ནས་ཆ་ཤས་བཏུས་ཏེ་ཕྱོགས་སྒྲིག་བྱས་པ་ཞིག་ཡིན་པར་མངོན། +
རྗེ་བཙུན་བྱམས་པ་མགོན་པོས་དགའ་ལྡན་ལྷ་ཡི་ཡུལ་དུ་སློབ་དཔོན་ཐོགས་མེད་ལ་གསུངས་པའི་ཆོས་ལྔ་ཡི་ཡ་གྱལ་དུ་གྱུར་པའི་བསྟན་བཅོས། མངོན་པར་རྟོགས་པའི་རྒྱན་ཞེས་པ་འདིར། ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་པའི་སྦས་དོན་མངོན་རྟོགས་ཀྱི་རིམ་པ་གཙོ་བོར་སྟོན་ཅིང་། གཞུང་ཚད་སྐབས་བརྒྱད་དང་ཤོ་ལོ་ཀ་ཉིས་བརྒྱ་གྱ་བཞི་ཡོད་ལ། སྐབས་དང་པོར་རྣམ་མཁྱེན། སྐབས་གཉིས་པར་ལམ་ཤེས། སྐབས་གསུམ་པར་གཞི་ཤེས། སྐབས་བཞི་པར་རྣམ་རྫོགས་སྦྱོར་བ། སྐབས་ལྔ་པར་རྩེ་མོའི་སྦྱོར་བ། སྐབས་དྲུག་པར་མཐར་གྱིས་སྦྱོར་བ། སྐབས་བདུན་པར་སྐད་ཅིག་མའི་སྦྱོར་བ། སྐབས་བརྒྱད་པར་འབྲས་བུ་ཆོས་སྐུ་བསྟན་བྱའི་གཙོ་བོར་བྱས་ནས་གསུངས་ཡོད་ཅིང་། བསྟན་བཅོས་འདི་དུས་རབས་བཅུ་གཅིག་པར་ལོ་ཙྪ་བ་བློ་ལྡན་ཤེས་རབ་ཀྱིས་བསྒྱུར་བར་གྲགས་སོ།། +
སློབ་དཔོན་སེང་གེ་བཟང་པོས་མཛད་པའི་མངོན་པར་རྟོགས་པའི་རྒྱན་གྱི་འགྲེལ་པ་དོན་གསལ་ཞེས་པ་འདི་ནི། སློབ་དཔོན་དེ་ཉིད་ཀྱིས་མཛད་པའི་བརྒྱད་སྟོང་པའི་འགྲེལ་ཆེན། མངོན་པར་རྟོགས་པའི་རྒྱན་གྱི་སྣང་བ་ཞེས་པ་ལས་བསྡུས་པ་ཞིག་ཡིན། འགྲེལ་ཆུང་འདི་ཉིད་རྔོག་ལོ་ཙཱ་བ་བློ་ལྡན་ཤེས་རབ་ཀྱིས་བོད་སྐད་དུ་བསྒྱུར་ཅིང་བསྡུས་དོན་མཛད་པ་ནས་བཟུང་། བོད་དུ་ཤེར་ཕྱིན་འཆད་ཉན་གྱི་ལམ་སྲོལ་ཐོག་མར་གསང་ཕུ་ནེའུ་ཐོག་གི་ཆོས་གྲྭར་དབུ་ཚུགས་ཤིང། རིམ་པས་བོད་ཀྱི་ཆོས་བརྒྱུད་ཡོངས་ལ་དར་ཁྱབ་ཆེན་པོར་གྱུར་ནས། དུས་དེང་སང་གྱི་བར་དུ་བོད་ཀྱི་ཆོས་བརྒྱུད་ཚང་མས་མངོན་རྒྱན་རྩ་འགྲེལ་འདི་གཉིས་རྩ་བར་བཟུང་སྟེ་ཡང་དག་པའི་ལྟ་སྒོམ་སྤྱོད་གསུམ་གྱི་རྣམ་གཞག་མཛད་བཞིན་ཡོད། གཞན་ཡང་སློབ་དཔོན་ཆོས་ཀྱི་བཤེས་གཉེན་གྱིས་མཛད་པའི་འགྲེལ་པ་ཚིག་རབ་ཏུ་གསལ་བ་དང་། གསེར་གླིང་བ་ཆོས་ཀྱི་གྲགས་པས་མཛད་པའི་འགྲེལ་པ་རྟོགས་དཀའ་བའི་སྣང་བ་དང་། ཤེས་རབ་འབྱུང་གནས་བློ་གྲོས་དང་། རིན་ཆེན་གྲགས་པ་དང་། སངས་རྒྱས་ཡེ་ཤེས་བཅས་ཀྱིས་མཛད་པའི་ཤེར་ཕྱིན་གྱི་བསྡུས་དོན་རྣམས་ཀྱང་བསྟན་འགྱུར་དུ་བཞུགས་ཡོད། +
བརྗོད་བྱ། ཚད་མེད་བཞི། འཆད་པ་པོ་སློབ་དཔོན་ཆོས་སྐྱིད་ལྷ་མོ། +
བདག་ཅག་གི་སྟོན་པ་དེ་ཉིད་སྔོན་ཡུལ་ཝཱ་ར་ཎཱ་སཱི་ན་དགེ་སློང་གི་དགེ་འདུན་ཆེན་པོ་དང་། དགེ་བའི་རྩ་བ་ཡོངས་སུ་སྨིན་ཅིང་ལས་ཀྱི་སྒྲིབ་པ་ཡོངས་སུ་ཟད་པའི་བྱང་ཆུབ་སེམས་དཔའ་ལྔ་བརྒྱ་དང་ཐབས་གཅིག་ཏུ་བཞུགས་པ་དེའི་ཚེ་ན། བྱང་ཆུབ་སེམས་དཔའ་དྲུག་ཅུ་ནི་གཉིད་དང་། ལས་དང་། སྨྲ་བ་དང་། སྤྲོས་པ་སོགས་འདུ་འཛི་ལ་དགའ་བས་དགེ་བའི་ཆོས་ལས་ཡོངས་སུ་ཉམས་ཤིང་འཕེལ་བར་མ་གྱུར་པ་ན། བྱང་ཆུབ་སེམས་དཔའ་བྱམས་པས་ཐབས་མཁས་ཀྱིས་དེ་དག་བཅོམ་ལྡན་འདས་ཀྱི་དྲུང་དུ་ཁྲིད་ནས་རྒྱུ་མཚན་ཞུས་པས། བཅོམ་ལྡན་འདས་ཀྱིས་དེ་དག་སྐྱེ་བ་སྔ་མར་གཞན་ལ་གཙེ་ཞིང་གཤེ་བའི་ལས་ཀྱི་སྒྲིབ་པ་བསགས་པའི་རྣམ་སྨིན་གྱིས་ཚེ་འདིར་དགེ་བའི་ཆོས་ལས་ཉམས་པའི་ཚུལ་རྒྱ་ཆེར་གསུངས་པ་ན། དེ་ལྟར་ནོངས་པའི་སེམས་བསྐྱེད་པ་དང་། ལས་ཀྱི་སྒྲིབ་པ་མངོན་དུ་བྱས་པ་དག་ལ་འགྱོད་སེམས་དྲག་པོས་བཤགས་ཤིང་། སླན་ཆད་མི་བགྱི་བར་དམ་བཅས་པས། བཅོམ་ལྡན་འདས་ཀྱིས་ཀྱང་དེ་ལྟར་གནང་ནས། དེ་དག་གི་ལྷག་པའི་བསམ་པ་བསྐུལ་ཞིང་རྗེས་སུ་གཟུང་བའི་ཕྱིར། སྙིགས་མ་ལྔ་གདོ་བའི་དུས་སུ་བྱང་ཆུབ་སེམས་དཔའ་རྣམས་ཆོས་དང་མཐུན་པར་ཇི་ལྟར་སྤྱོད་པའི་ཚུལ་ལས་བརྩམས་ཏེ་ཐེག་པ་ཆེན་པོའི་མདོ་སྡེ་འདི་བཞིན་གསུངས་པའོ།། +
ཉིན་རེའི་འཚོ་བའི་ནང་བྱང་སེམས་ཉམས་སུ་ལེན་ཚུལ་ཞེས་པའི་བརྗོད་གཞིའི་ཐོག་དགེ་བཤེས་རྡོ་རྗེ་དགྲ་འདུལ་ལགས་ཀྱིས་ངོ་སྤྲོད་གསུངས་པ་ལ་འགྲེལ་བཤད་བགྱིས་པའི་བརྙན་འཕྲིན་འདིར། བཙུན་མ་ཐུབ་བསྟན་སེམས་སྐྱིད་ལགས་ནས་རང་ཅག་རྣམས་ལ་བདེ་སྡུག་ཇི་ཡོད་སོ་སོའི་ལས་ལ་རག་ལས་ཚུལ་དང་། བྱམས་བརྩེ་དང་ལྡན་པའི་སྒོ་ནས་རང་གིས་ནུས་ཚད་གཞན་གྱི་རེ་འདོད་སྐོང་བ་ལ་འབད་པའི་སྒོ་ནས་རང་རྒྱུད་ཀྱི་ཞེ་སྡང་འདུལ་བའི་ཐབས་ཚུལ་ལམ་སྟོན་གནང་ཡོད། +
སྔོན་གྱི་རྒྱལ་བ་ཤཱཀྱ་ཐུབ་པ་དང་། མི་བསྐྱོད་པ་དང་། འོད་དཔག་མེད་ལ་སོགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་འཇམ་དཔལ་ལ་སོགས་པའི་རྗེས་སུ་སློབ་ཅིང་། ཕྱོགས་བཅུའི་རྒྱལ་བ་སྲས་དང་བཅས་པ་རྣམས་ལ་ཕྱག་འཚལ་བ་དང་། མཆོད་པ་དང་། བཤགས་པ་དང་། རྗེས་སུ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། མྱ་ངན་ལས་མི་འདའ་བར་བཞུགས་པར་གསོལ་བ་དང་། དགེ་རྩ་གཞན་དོན་དུ་བསྔོ་བ་སྟེ། ཡན་ལག་བདུན་པའི་རྣལ་འབྱོར་ལ་བརྟེན་ནས་སྨོན་ལམ་མཐའ་ཡས་པ་རྫོགས་ཤིང་། མཆོག་གི་སྤྱོད་པས་བསྐལ་པ་དུ་མར་སྐྱེ་དགུ་ཀུན་ལ་སྨན་ཅིང་བདེ་བའི་སླད་དུ་སྨོན་ལམ་བགྱིས་པ་ཟབ་མོ་ཞིག་ཡིན། +
བདག་ཅག་གི་སྟོན་པ་ཐུགས་རྗེ་ཅན་དེ་ཉིད་རྒྱལ་པོའི་ཁབ་ཏུ་དགེ་སློང་བརྒྱ་སྟོང་ཕྲག་དྲུག་ཅུའི་དགེ་སློང་གི་དགེ་འདུན་ཆེན་པོ་དང་། སངས་རྒྱས་ཀྱི་ཞིང་སྣ་ཚོགས་ནས་འདུས་པའི་བྱང་ཆུབ་སེམས་དཔའི་དགེ་འདུན་ཆེན་པོ་ཚད་མེད་དཔག་ཏུ་མེད་དང་ཡང་ཐབས་ཅིག་ཏུ་བཞུགས་ཏེ། ཤིན་ཏུ་རྣམ་པར་ངེས་པའི་དོན་འདུས་པ་ཆེན་པོའི་ལེའུ་ཞེས་བྱ་བའི་ཆོས་ཀྱི་རྣམ་གྲངས་རྒྱ་ཆེར་ཡང་དག་པར་རབ་ཏུ་བསྟན་པའི་ཚེ་ན། ཤར་ཕྱོགས་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་བཟང་པོའི་འཇིག་རྟེན་གྱི་ཁམས་མི་འཛུམས་པ་ཞེས་བྱ་བ་ནས། བྱང་ཆུབ་སེམས་དཔའ་བློ་གྲོས་མི་ཟད་པ་ཞེས་བྱ་བ། བྱང་ཆུབ་སེམས་དཔའ་བྱེ་བ་ཕྲག་དྲུག་ཅུས་ཡོངས་སུ་བསྐོར་ཅིང་། གསེར་གྱི་འོད་ཆེན་པོའི་སྣང་བ་དང་བཅས་ཏེ་བཅོམ་ལྡན་འདས་ཀྱི་མདུན་དུ་བདར་བ་ན། ཚེ་དང་ལྡན་པ་ཤ་ར་དྭ་ཏིའི་བུས་བྱང་ཆུབ་སེམས་དཔའ་བློ་གྲོས་མི་ཟད་པ་ལ་རིགས་ཀྱི་བུ་ཁྱོད་འཇིག་རྟེན་གྱི་ཁམས་གང་ནས་འོངས། ཁྱོད་ཀྱི་དེ་བཞིན་གཤེགས་པའི་མཚན་ཅི་ཡིན་སོགས་དྲིས་པའི་ལན་དུ། བློ་གྲོས་མི་ཟད་པས་འོང་བ་དང་འགྲོ་བ་མེད་པའི་ཚུལ་ལས་བརྩམས་ཏེ་མི་ཟད་པའི་ཆོས་ཀྱི་རྣམ་གྲངས་འདི་ཉིད་རྒྱ་ཆེར་གསུངས་ཤིང་། འདི་ཡི་མཚན་ལ་བློ་གྲོས་མི་ཟད་པས་བསྟན་པ་དང་། དོན་དང་ཚིག་དང་ཡི་གེ་མི་ཟད་པ་བསྟན་པ་དང་། འདུས་པ་ཆེན་པོའི་ལེའུ་དང་། བློ་གྲོས་མི་ཟད་པའི་ལེའུ་ཞེས་ཀྱང་བྱའོ།། +
བདག་ཅག་གི་སྟོན་པ་ཐུགས་རྗེ་ཅན་དེ་ཉིད་རྒྱལ་པོའི་ཁབ་བྱ་རྒོད་ཀྱི་ཕུང་པོའི་རི་ལ། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། འཇམ་དཔལ་ལ་སོགས་པ་བྱང་ཆུབ་སེམས་དཔའ་སྟོང་ལས་བརྒལ་བ་དང་ཐབས་ཅིག་ཏུ་བཞུགས་པའི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པ་ཡང་བྱང་ཆུབ་སེམས་དཔའ་བྱེ་བ་ཕྲག་དྲུག་ཅུས་ཡོངས་སུ་བསྐོར་ཅིང་མདུན་དུ་བདར་ཏེ། བཅོམ་ལྡན་འདས་ལ་རིན་པོ་ཆེ་སྣ་ཚོགས་ཀྱི་མེ་ཏོག་གི་གདུགས་དང་ཕུར་མས་མཆོད་ནས། བཅོམ་ལྡན་འདས། བྱང་ཆུབ་ལ་ནི་སེམས་སམ་སེམས་པ་མ་དམིགས། མི་དམིགས། དམིགས་པར་མི་འགྱུར། བྱང་ཆུབ་ལས་གུད་ན་ཡང་བྱང་ཆུབ་ཀྱི་སེམས་མི་དམིགས་ཤིང་། བྱང་ཆུབ་ནི་བརྗོད་དུ་མ་མཆིས། སེམས་ནི་གཟུགས་མ་མཆིས། བསྟན་དུ་མ་མཆིས། ཐོགས་པ་མ་མཆིས། རྣམ་པར་རིག་པ་མ་མཆིས་ཤིང་སེམས་པ་ཡང་མི་དམིགས་ན། ཇི་ལྟར་ཆོས་འདི་དག་གི་དོན་རྟོགས་པར་བགྱི་ཞེས་གསོལ་བའི་ལན་དུ་བཅོམ་ལྡན་འདས་ཀྱིས་རྒྱུ་ཕ་རོལ་ཏུ་ཕྱིན་པ་བཅུ་ལས་འབྱུང་བའི་འབྲས་བུ་སེམས་བསྐྱེད་པའི་ས་བཅུ་དང་། ས་དེ་དག་དང་འབྲེལ་བའི་ཏིང་ངེ་འཛིན་དང་ཡོན་ཏན་ལ་སོགས་པའི་རྣམ་གཞག་རྒྱས་པར་གསུངས་པ་རྣམས་མདོ་སྡེ་འདིར་བཞུགས་ཡོད། +
བརྙན་འཕྲིན་འདིར། སྐུབ་ཞབས་ཨེ་ལན་ཝ་ལེ་སས་ལགས་ཀྱིས། རྫོགས་ཆེན་གྱི་རྣལ་འབྱོར་པ་ཆེན་པོ་རྡོ་གྲུབ་གསུམ་པ་འཇིགས་མེད་བསྟན་པའི་ཉི་མས་གསུངས་པའི་བྱང་ཆུབ་ལམ་གི་གེགས་སེལ་སྐོར་ངོ་སྤྲོད་མཛད་ཡོད། སྐུ་ཞབས་ཨེ་ལན་ཝ་ལེ་ས་མཉམ་དུ་མུ་མཐུད་སློབ་སྦྱོང་གནང་འདོད་ཡོད་ན་དྲ་ཐག་འདིར་སྣུན་པར་ཞུ། wisdompubs.org/academy +
བརྗོད་བྱ། སློབ་དཔོན་ཞི་བ་ལྷས་གསུངས་པའི་ཡན་ལག་བདུན་པ། ཀློག་འདོན་པ། འབུམ་རམས་པ་ཨེ་ལེགས་ཛེནཌར་བྷར་ཛིན། བཀོད་སྒྲིག་པ། Study Buddhism. སྒྲ་བརྙན་འདི་དབྱིན་ཡིག་ཏུ་སྒྲ་བཤུས་བྱས་པ་ཐུགས་འདོད་ཡོད་ན་ Study Buddhism གྱི་དྲ་ཚིགས་འདིར་གཟིགས་རོགས། +
འཕགས་པ་འོད་དཔག་མེད་ཀྱི་བཀོད་པའམ། མཚན་གཞན་དུ་བདེ་བ་ཅན་གྱི་བཀོད་པ་ཞེས་བྱ་བའི་མདོ་འདི་ནི། བཅོམ་ལྡན་འདས་ཀྱིས་ཡུལ་རྒྱལ་པོའི་ཁབ་ཀྱི་བྱ་རྒོད་ཕུང་པོའི་རི་ལ་དགེ་སློང་སུམ་ཁྲི་ཉིས་སྟོང་གི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ་གསུངས་ཤིང་། འདིར་སངས་རྒྱས་འོད་དཔག་མེད་ཀྱི་ཞིང་ཁམས་ནུབ་བདེ་བ་ཅན་གྱི་བཀོད་པ་ཞིབ་ཅིང་ཕྲ་བར་བསྟན་ཡོད། +
འཕགས་པ་སྒོ་མཐའ་ཡས་པ་སྒྲུབ་པའི་གཟུངས་ཀྱི་དོན་རྣམ་པ་བཅུ་དགུ་སྟེ། གླེང་བསླང་བ་དང་གླེང་གཞི་དང་། །འདུས་པ་དང་ནི་དགོས་པ་ལ། །ཡང་དག་བརྟགས་ནས་དོན་ཆེན་ཕྱིར། །ཞུ་བ་ལ་ནི་ནན་ཏན་བྱས། །དོན་ཕྱེ་བས་ན་ཐུབ་པ་ལ། །རྒྱ་ཆེར་མཁྱེན་པར་གསོལ་བ་དང་། །ཐུབ་ལ་གསོལ་བ་འདེབས་པ་དང་། །དམ་བཅའ་མངོན་དུ་ཕྱོགས་བྱ་དང་། །བསྲུང་དང་གཟུངས་ཀྱི་ངོ་བོ་དང་། །དེ་ལ་བསྟོད་དང་ཕན་ཡོན་དང་། །འཐོབ་པའི་ཐབས་དང་ཕན་ཡོན་དང་། །དེ་ཡི་སྔོན་བྱུང་བརྗོད་པ་དང་། །ཆོས་ཀྱི་རྣམ་གྲངས་ཆེ་ཉིད་དང་། །མིང་ཞུས་པ་དང་བྱ་བ་གཉིས། །ཡི་རངས་པར་ཡང་བསྟན་པ་སྟེ། །འདི་ལ་འདིར་ནི་མདོར་བསྡུས་པའོ། །ཞེས་པའི་དོན་རྣམ་པ་བཅུ་དགུ་པོའི་ནང་དོན་རྒྱ་ཆེར་འགྲེལ་པ་འདི་ནི་སློབ་དཔོན་ཡེ་ཤེས་སྙིང་པོས་མཛད་པའོ།། +
<<འཕགས་པ་སྒོ་མཐའ་ཡས་པ་སྒྲུབ་པའི་གཟུངས་རྣམ་པར་བཤད་པའི་ཚིག་ལེའུར་བྱས་པ་>>ཞེས་པ་འདི་ནི་དུས་རབས་བརྒྱད་པར་བྱོན་པའི་རྒྱ་གར་གྱི་སློབ་དཔོན་ཡེ་ཤེས་སྙིང་པོས་མཛད། བསྟན་འགྱུར་ཁྲོད་ (སྡེ་དགེ་ ༢༦༩༧ / RKTST ༡༥༡༨) བཞུགས། +
འཕགས་པ་སྒོ་མཐའ་ཡས་པ་སྒྲུབ་པའི་གཟུངས་ཞེས་བྱ་བ་འདི་ནི། སྟོན་པ་བཅོམ་ལྡན་འདས་མྱ་ངན་ལས་འདའ་བའི་དུས་ལ་ཉེ་བའི་ཚེ། ཡུལ་ཡངས་པ་ཅན་གྱི་ཚལ་ཆེན་པོའི་ཁང་པ་བརྩེགས་པའི་ཁང་བཟངས་ན་དགེ་སློང་བརྒྱད་སྟོང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་ཅིག་ཏུ་བཞུགས་ཏེ་གསུངས་ཤིང་། ཐེག་པ་ཆེན་པོའི་གཟུངས་ཀྱི་རྣམ་གཞག་སྟོན་པའི་ཆོས་ཁུངས་རྩ་ཆེན་ཞིག་ཡིན་ལ། ཕྱིས་ཀྱི་གསང་སྔགས་ཀྱི་སྒྲུབ་ཐབས་ཕལ་ཆེར་ཡང་འདི་ལ་བརྟེན་ནས་བྱུང་བ་ཡིན། འདི་ཡི་མ་དཔེ་ནི་སྤྱི་ལོ་བརྒྱ་ཕྲག་ ༠༣ པ་དང་ ༠༤ པའི་དབར་རམ། འཕགས་ཡུལ་དུ་ཐེག་ཆེན་ཕྱི་དར་གྱི་དུས་སུ་བྱུང་བར་ཚོད་དཔག་བྱེད་ལ། གཟུངས་ཀྱི་མ་དཔེ་སྤྱི་ཡོངས་ལྟར་དཔེ་འདི་ལ་ཡང་རྩོམ་པ་པོའི་མཚན་ཁ་གསལ་མེད་ཀྱང། ཕལ་ཆེར་གྱིས་བཅོམ་ལྡན་འདས་ཉིད་ཀྱིས་གསུངས་པར་འདོད་ལ། གང་ཟག་བྱེ་བྲག་པས་བྱས་པ་མ་ཡིན་པར་དགེ་སྦྱོང་ཐུམ་མོང་གི་ཉམས་ལེན་ལས་བྱུང་བ་ཡིན་པར་གཞན་དག་འདོད་དོ།། གཟུངས་ཀྱི་རྣམ་གྲངས་འདི་དག་ཡིད་ལ་བཟུང་ཞིང་ངག་ཏུ་བཟླས་ན་ས་ལམ་གྱི་བར་ཆད་ཐམས་ཅད་ཞི་ཞིང་། ཆོས་ཉིད་ཀྱི་གནས་ལུགས་རྟོགས་པའི་སྒོ་དུ་མ་སྒྲུབ་ནུས་པར་གསུངས་ཡོད།
༈ སྒོ་མཐའ་ཡས་པ་སྒྲུབ་པའི་གཟུངས་ཀྱི་རྣམ་གྲངས་འདི་ཡི་དར་ཁྱབ་དང་ནུས་ཤུགས་མཚོན་ཙམ་བཀོད་ན།
• རྒྱ་ནག་གི་སྐད་དུ་ཐེངས་འགར་བསྒྱུར་བ་དཔེར་ན། སྤྱི་ལོ་བརྒྱ་ཕྲག་ ༠༥ པའི་ནང་ལོ་ཙཱ་བ་ཞཱིཡན་གྱིས་བསྒྱུར་བ་དང་། ཁོང་གི་ཕྱིས་སུ་སཱུན་ཟང་གིས་བསྒྱུར་བ་དང་།
• ཤར་ཨེ་ཤིའར་དར་བའི་གསང་སྔགས་ཀྱི་སྒྲུབ་ཐབས་ཕལ་ཆེར་འདི་ཡི་མཐུན་རྐྱེན་ལས་གྲུབ་པ་དང་།
• སྔར་དར་ཐེག་ཆེན་མདོ་ལུགས་དང་། ཕྱིས་དར་ཐེག་ཆེན་སྔགས་ལུགས་གཉིས་ཀྱི་མཚམས་སྦྱོར་དུ་གྱུར་བ་དང་།
• ཨེ་ཤིའི་ནང་བསྟན་སྤྱི་ལ་གཟུངས་ཀྱི་རྣམ་གྲངས་འདི་དག་གི་ཆ་ཤས་མ་འཐུས་པ་མེད་པ་ལྟ་བུའོ།། +
བརྗོད་བྱ། གཏོང་ལེན་བསྒོམ་པའི་སྒོ་ནས་བྱང་ཆུབ་ཀྱི་སེམས་བསྐྱེད་ཚུལ། སྒོམ་སྒྲུབ་སྦྱོང་བརྡར་ཚན་པ་༡༠ པ་ལས་འཕྲོས་པ། གསུང་མཁན། བཙུན་མ་བློ་བཟང་དཔལ་མོའམ་རི་ཊ་རི་ནི་ཀར། +
ཙཱ་འདྲ་ཐེབས་རྩ་ཚོགས་པའི་མཐུན་འགྱུར་འོག། འབུམ་རམས་པ་སྐུ་ཞབས་ཨརྚ་ཨེང་གྷེལ་མཆོག་གིས་བྱང་ཆུབ་སེམས་དཔའི་ས་ཞེས་བྱ་བའི་བསྟན་བཅོས་དེ་ཉིད་དབྱིན་སྐད་དུ་བསྒྱུར་ནས། ཉེ་ཆར་༸གོང་ས་མཆོག་གི་སྔོན་གླེང་དང་བཅས་ལེགས་གྲུབ་བྱུང་རྗེས་བསྩལ་བའི་གསུང་བཤད། ༈ སྐུ་ཞབས་ཨརྚ་ཨེང་གྷེལ་མཆོག་གིས་ཨ་རི་ཝིསི་ཀོན་སིན་མཐོ་སློབ་ཏུ་ནང་དོན་རིག་པའི་སློབ་པ་མཐར་ཕྱིན་ནས་འབུམ་རམས་པའི་ཕྱག་འཁྱེར་བཞེས་ཤིང་། འདས་པའི་མི་ལོ་བཞི་བཅུ་ལྷག་རིང་བོད་ལུགས་ནང་བསྟན་ལ་གསན་བསམ་རྒྱ་ཆེར་མཛད། ད་ཆར་ཨ་རི་ནེའུ་ཇེར་སིར་ཡོད་པའི་ཐེག་ཆེན་མདོ་སྔགས་བསྟི་གནས་ཁང་དུ་ནང་ཆོས་དང་བོད་ཀྱི་སྐད་ཡིག་སློབ་ཁྲིད་གནང་མུས་དང་། སྔ་ཕྱིར་རྒྱ་བོད་མཁས་པའི་བརྩམས་ཆོས་མང་པོ་ཞིག་ཀྱང་དབྱིན་སྐད་དུ་བསྒྱུར་ནས་དཔེ་སྐྲུན་མཛད་ཡོད་ལ། སྤྱི་ལོ་ ༢༠༠༥ ནས་བཟུང་ཙྭ་འདྲ་ཐེབས་རྩ་ཚོགས་པར་འཐུས་པའི་མཁས་པ་ཞིག་ཡིན། +
