Property:DescriptionTib
From Bodhicitta
This is a property of type Text.
B
གདམས་པ་འདི་ནི་བློ་སྦྱོང་ཐུན་བརྒྱད་དེ། དང་པོ་ཟས་ལ་བརྟེན་པའི་བློ་སྦྱོང་། གཉིས་པ་དབུགས་ལ་བརྟེན་པའི་བློ་སྦྱོང་། གསུམ་པ་ལུས་གངྒཱའི་བྱེ་མ་སྙེད་དུ་སྤྲུལ་ནས་རིགས་དྲུག་གི་སྡུག་བསྔལ་དང་དུ་ལེན་པའི་བློ་སྦྱོང་། བཞི་པ་ཤ་ཁྲག་ལ་བརྟེན་པའི་བློ་སྦྱོང་། ལྔ་པ་གཏོར་མ་ལ་བརྟེན་པའི་བློ་སྦྱོང་། དྲུག་པ་འབྱུང་བ་ལ་བརྟེན་པའི་བློ་སྦྱོང་། བདུན་པ་ཡིད་བཞིན་གྱི་ནོར་བུ་རིན་པོ་ཆེར་བསྒྱུར་བའི་བློ་སྦྱོང་། བརྒྱད་པ་བློ་སྦྱོང་འཆི་ཁ་མའི་མན་ངག་བཅས་ཀྱི་གདམས་པ་ཟབ་མོ་དག། སྔོན་འགྲོ་སྦྱོར་བའི་ཆོས་དྲུག་དང་ཁྱད་པར་བླ་མའི་རྣལ་འབྱོར་བསྒོམས་ཤིང་གསོལ་བ་དྲག་ཏུ་བཏབ་ནས། དངོས་གཞི་བློ་སྦྱོང་སྐབས་བབ་སོ་སོའི་དམིགས་རྣམ་རྒྱུད་དང་འདྲིས་ངེས་སུ་ཉམས་སུ་བླངས་ཤིང་། རྗེས་ཐུན་ལས་ལྡང་བའི་ཚེ་ནའང་དགེ་རྩ་བསྔོ་བ་དང་། ཐུན་མཚམས་ཐམས་ཅད་དུའང་དངོས་གཞིའི་ཉམས་ལེན་གྱི་རྩི་དང་མ་བྲལ་བར་དྲན་ཤེས་བསྟེན་པའི་སྒོ་ནས་སྤྱོད་ལམ་སྐྱོང་ཚུལ་སོགས་བླ་མ་དཀོན་མཆོག་བསྟན་པ་རབ་རྒྱས་དཔལ་བཟང་པོའི་ཞལ་སྔ་ནས་ཚུལ་འདིའི་བཀའ་དྲིན་ཐོབ་པ་མཁྱེན་བརྩེའི་དབང་པོས་ཟིན་བྲིས་སུ་མཛད་པའོ།། +
དགེ་བའི་བཤེས་གཉེན་ཆེན་པོ་གླང་རི་ཐང་པས་ (༡༠༥༤-༡༡༢༣) བརྩམས་པའི་བློ་སྦྱོང་ཚིགས་སུ་བཅད་པ་བརྒྱད་མར་གྲགས་པ་འདི་ནི་ཐེག་ཆེན་བློ་སྦྱོང་གི་ཡིག་ཆ་གྲགས་ཆེན་ཞིག་ཡིན། ཚིགས་སུ་བཅད་པ་བརྒྱད་པོ་འདིར་བྱམས་སྙིང་རྗེ་དང་ཤེས་རབ་ལ་བརྟེན་ནས། རྒྱུད་ལ་བྱང་ཆུབ་ཀྱི་སེམས་རིན་པོ་ཆེ་སྐྱེ་བར་བྱེད་པའི་ཐེག་ཆེན་གྱི་ཐབས་ལམ་མ་ཚང་བ་མེད་པར་འདུས་ཡོད་པ་མ་ཟད། ཚིགས་སུ་བཅད་པ་རེ་རེ་ལ་ཡང་རྒྱལ་བའི་གསུང་གི་སྙིང་པོ་ཐ་དག་འདུས་ཤིང་བདག་གཅེས་འཛིན་དང་དེ་ལས་བྱུང་བའི་ཉོན་མོངས་པའི་གཉེན་པོར་གྱུར་བའི་མཐུ་དང་ལྡན་ཡོད། བདག་རང་ཉིད་དང་། མི་སོགས་སྐྱེ་འགྲོ་གཞན་དང་། དེ་བཞིན་རང་གི་གཡས་གཡོན་དུ་གནས་ཚུལ་བཟང་ངན་ཇི་ཡིན་ལ་བློའི་འཛིན་སྟངས་བཅོས་བསྒྱུར་གྱིས་བློ་སྦྱོང་བ་ནི་གདམས་པ་འདི་དག་གི་དགོས་པ་གཙོ་བོ་ཡིན། མདོར་ན་ནང་གི་དགྲ་རང་གཅེས་འཛིན་གྱི་བློ་ཐབས་ཀྱིས་བཟློགས་ཏེ། གཞན་གཅེས་འཛིན་གྱི་བློ་བསྐྱེད་ཅིང་གོང་འཕེལ་དུ་གཏོང་བ་ནི་བློ་སྦྱོང་ཉམས་ལེན་གྱི་སྙིང་པོའོ།། +
འགྲེལ་པ་འདི་རྩོམ་པ་པོ་དགེ་བཤེས་འཆད་ཁ་བ་ཡིན་པར་འདི་ཉིད་ཀྱི་འཇུག་བྱང་དུ་གསལ། ཡེ་ཤེས་དོན་གྲུབ་ཀྱིས་ཀྱང་《ནོར་བུའི་བང་མཛོད་》 (ཤོག་གྲངས་ ༥༡༣) པར་དེ་བཞིན་གསུངས་ཤིང་བསྔགས་བརྗོད་མཛད། འགྲེལ་གཞུང་འདིའི་ཚིག་སྦྱོར་བཀོད་སྟངས་ཕལ་ཆེར་རྙིང་ལུགས་ཡིན་པ་ལ་གཞིགས་ན། འདི་བློ་སྦྱོང་གི་ནང་དོན་གསལ་བར་སྟོན་པའི་འགྲེལ་པ་སྔ་ཤོས་སམ་སྔ་ཤོས་ཀྱི་གྲས་ཡིན་པར་མངོན། ཕལ་ཆེར་དགེ་བཤེས་གླང་རི་ཐང་པ་ལས་དེ་ཉིད་ཀྱིས་མཛད་པའི་བློ་སྦྱོང་ཚིགས་བརྒྱད་མའི་ཁྲིད་ལུང་ཞུས་སྐབས་འཆད་ཁ་བས་བརྩམས་པ་ཞིག་ཡིན་སྲིད། +
བདག་གི་བདེ་བ་དང་གཞན་གྱི་སྡུག་བསྔལ་དག་ཡང་དག་པར་བརྗེ་བའི་བྱང་ཆུབ་ཀྱི་སེམས་རིན་པོ་ཆེ་བསྒོམ་པའི་ཕྱག་སྲོལ་གང་ཞིག། བོད་ཁ་བ་ཅན་གྱི་ལྗོངས་སུ་ཆེས་ཐོག་མར་ཕྱེ་ནས་འཛིན་པར་མཛད་པ། དགེ་བའི་བཤེས་གཉེན་ཆེན་པོ་གླང་རི་ཐང་པར་གྲགས་པ་དེས་མཛད་པའི་བློ་སྦྱོང་གི་བསྟན་བཅོས་ཡིད་བཞིན་ནོར་བུ་དང་འདྲ་བ། བློ་སྦྱོང་ཚིག་རྐང་བརྒྱད་མར་གྲགས་པ་དེ་ཉིད་ཀྱི་དགོས་པའི་དོན་དང་། བསྡུས་པའི་དོན་དང་། ཚིག་གི་དོན་རབ་ཏུ་དབྱེ་བའི་འགྲེལ་པ་འདི་ནི་དཔལ་ཤཱཀྱ་མཆོག་ལྡན་དྲི་མེད་ལེགས་པའི་བློས། གླང་རི་ཐང་གི་བཙུག་ལག་ཁང་ཆེན་པོ་ཉིད་དུ་སྦྱར་བའོ།། +
<<ཚོགས་བཤད་ཆེན་མོ་>>ཞེས་ཡོངས་སུ་གྲགས་པའི་གཞུང་འདི་ནི་ཕལ་ཆེར་བློ་སྦྱོང་གི་རྒྱས་འགྲེལ་སྔ་ཤོས་ཀྱི་གྲས་ཡིན། གཞུང་འདི་བརྩམས་ནས་རིང་པོར་མ་ཐོགས་པར་བློ་སྦྱོང་གི་ཡིག་ཆ་ཚད་ལྡན་ཞིག་ཏུ་ངོས་འཛིན་བྱུང་། མུས་ཆེན་དཀོན་མཆོག་རྒྱལ་མཚན་ཏེ། བློ་སྦྱོང་བརྒྱ་རྩ་མ་ཕྱོགས་སྒྲིག་པའི་གྲས་ཡིན་པ་དེས་<<ཚོགས་བཤད་ཆེན་མོ་>>ལ་ཟུར་འདེབས་ཀྱི་གཞུང་ཞིག་དགོས་པར་གཟིགས་ནས། <<བློ་སྦྱོང་གསུང་བགྲོས་མའི་ཁ་སྐོང་>>ཞེས་པ་བརྩམས། དེ་ལས་གཞན་དུ་གཞོན་ནུ་རྒྱལ་མཆོག་གིས་སངས་རྒྱས་སྒོམ་པས་མཛད་པའི་<<ཚོགས་བཤད་མ་>>དང་<<བློ་སྦྱོང་དོན་བདུན་མའི་>>བཤད་པ་འཆད་ཁ་བའི་ལུགས་སུ་སེ་སྤྱིལ་བུ་པའི་འགྲེལ་པར་བཤད་པ་གཉིས་འཆད་ཚུལ་ཅུང་མི་འདྲ་ཞེས་གསུངས། ཁོང་གིས་མཛད་པའི་<<ལེགས་བཤད་བང་མཛོད་>>(ཤོག་གྲངས་ ༡༩༣-༢༡༡) དུ་<<བློ་སྦྱོང་ཚོགས་བཤད་མའི་>>གདམས་པ་འཆད་ཐབས་ཀྱི་ས་བཅད་ཞིབ་ཕྲ་ཞིག་ཀྱང་མཛད་ཡོད། <<ཚོགས་བཤད་མ>>འདིར་“ཞེས་གསུང་ངོ་”ཞེས་ཡང་ཡང་འབྱུང་ཡང་། གཞུང་གི་རྩོམ་ཡིག་གི་གཤིས་ལ་གཞིགས་ན་འདི་གསར་རྩོམ་ཞིག་ཡིན་པ་ལས། ཁྲིད་ལུང་ཟིན་བྲིས་བཏབ་པ་ལ་བརྟེན་ནས་བྲིས་པ་ཞིག་མིན་པར་མངོན། དེ་ཡང་གཞུང་འདི་ཉིད་ཀྱི་མཇུག་བྱང་དུ། རིན་ཆེན་བླ་མས་བླ་མའི་གསུང་ལ་བརྟེན།། རང་གིས་བློས་ཀྱང་ཅུང་ཟད་དོན་ལ་སྦྱོང་།། འབྲེལ་དང་གོ་རིམ་གནད་ཀྱི་གདམས་པ་དང་།། བཅས་པའི་ཚུལ་གྱིས་བློ་སྦྱོང་འདི་བཤད་དོ།། ཞེས་གསུངས་པ་ལྟར་རོ།། ཚིགས་སུ་བཅད་པ་འདིས་ཞུང་འདིར་“ཞེས་གསུང་ངོ་”ཞེས་ཡང་ཡང་བརྗོད་པའི་གསུང་བ་པོ་དེ་དུས་རབས་ ༡༢ པའི་དཀྱིལ་དང་ ༡༣ པའི་སྟོད་ཏུ་བྱོན་པའི་རཏྣ་གུ་རུ་སྟེ། མཚན་རྫོགས་པར་ཞང་སྟོན་ཆོས་ཀྱི་བླ་མ་ཞེས་པ་དེ་ཡིན་པར་མངོན། ཁོང་གི་ཡོངས་གྲགས་ཀྱི་མཚན་ལ་ཞང་རཏྣ་གུ་རུ་ཞེས་ཀྱང་བྱ་ཞིང་། སྣར་ཐང་དགོན་པའི་མཁན་ཁྲིར་མི་ལོ་བཅུ་ཙམ་བཞུགས། བསོད་ནམས་ལྷའི་དབང་པོས་པོས་མཛད་པའི་<<བཀའ་གདམས་རིན་པོ་ཆེའི་ཆོས་འབྱུང་རྣམ་ཐར་>>(ཤོག་གྲངས་ ༢༥༡བ། ནས་༢༥༥ན།) ལྟར་ན། བླ་མ་ཞང་རཏྣ་གུ་རུའི་རྗེས་སུ་སངས་རྒྱས་སྒོམ་པ་སྣར་ཐང་དགོན་པའི་མཁན་ཁྲིར་མངའ་གསོལ་ནས་མི་ལོ་བཅུ་ཙམ་བཞུགས་ཞེས་གསལ། ཁོང་གིས་ <<བློ་སྦྱོང་ཚོགས་བཤད་མ་>>འདི་དང་། ཇོ་བོ་རྗེ་དཔལ་ལྡན་ཨ་ཏི་ཤས་མཛད་པའི་བསྟན་བཅོས་<<བྱང་ཆུབ་ལམ་གྱི་སྒྲོན་མེའི་>>འགྲེལ་པ་ཞིག་ཀྱང་བརྩམས་ཡོད། +
སྤྱན་སྔ་བློ་གྲོས་རྒྱལ་མཚན་གྱིས་མཛད་པའི་བློ་སྦྱོང་གི་གཞུང་འདི་ནི་གཙོ་བོར་འདོད་པ་དང་འདུ་འཛི་སྤངས་པའི་ཕན་ཡོན་རབ་ཉེར་ལྔ་དང་། མ་སྤངས་པའི་ཉེས་དམིགས་ཉེར་ལྔས་འཆད་ཆིང་བློ་སྦྱོང་བ་ཡིན་ལ། འདི་ནི་ཁྲིད་དང་གདམས་པ་དང་མན་ངག་གི་ཕུལ་དུ་བྱུང་བ་ཞིག་ཡིན་ཏེ། དེའི་རྒྱུ་མཚན་ཡང་། བློ་སྦྱོང་འདིས་ཆོས་འཇིག་རྟེན་གྱི་སྡུག་བསྔལ་དང་བར་ཆད་ཐམས་ཅད་སེལ་ཞིང་། བདེ་དགེ་ཡོན་ཏན་ཐམས་ཅད་བསྒྲུབ་སྟེ། དབུལ་ཕོངས་ལ་སོགས་པའི་སྡུག་བསྔལ་ཉེར་ལྔ་སེལ་བ་དང་། ཕྱུག་པོའི་རབ་སོགས་བདེ་དགེ་ཉེར་ལྔ་བསྒྲུབ་པར་འཆད་དོ།། +
འཇམ་དབྱངས་མཁྱེན་བརྩེའི་དབང་པོས་ངོར་ཆེན་རྡོ་རྗེ་འཆང་གིས་མཛད་པའི་བློ་སྦྱོང་ཞེན་པ་བཞི་བྲལ་གྱི་བརྒྱུད་འདེབས་སུ། འདྲེན་མཆོག་བླ་མ་གསུམ་ལ་གསོལ་འདེབས།། ཞེས་པའི་མཚམས་སུ་མངའ་རིས་རབ་འབྱམས་པ་ཚུལ་ཁྲིམས་འོད་ཟེར་གྱིས་མཛད་པའི་འབྲས་བུའི་ཞལ་སྐོང་སྦྲེལ་ནས་བྲིས་པའོ།། +
གོ་རམས་བསོད་ནམས་སེང་གེའམ་མཚན་བསྡུས་པ་གོ་བོ་རབ་འབྱམས་པའམ་གོ་རམས་པ་ཞེས་ཡོངས་སུ་གྲགས་པ་དེ་ནི་དུས་རབས་བཅོ་ལྔ་པར་བྱོན་པའི་ས་སྐྱའི་མཁས་དབང་རླབས་ཆེན་ཞིག་ཡིན། གོ་རམས་པ་དང་དུས་མཉམ་ཡིན་པའི་ས་སྐྱའི་མཁས་དབང་ཤཱཀྱ་མཆོག་ལྡན་གྱི་གསུང་རྩོམ་རྣམས་རྩོད་གཞི་ཅན་དུ་གྱུར་སྟབས། གོ་རམས་པས་མཛད་པའི་ལྟ་གྲུབ་ཀྱི་ཡིག་ཆ་རྣམས་ཕྱིས་སུ་ས་སྐྱའི་གདན་ས་ཁག་ཏུ་བཤད་གྲྭའི་རྩ་བའི་ཡིག་ཆར་གྱུར། ཁོང་གིས་བརྩམས་པའི་གསུང་རབ་དང་དགོངས་འགྲེལ་གྱི་བསྟན་བཅོས་ཁྱོན་སྡོམས་པོད་བཅུ་གསུམ་ཙམ་བཞུགས་པ་དེ་དག་ནི། ལྟ་གྲུབ་ཀྱི་དཀའ་གནས་ཐད་ས་སྐྱ་པའི་བཞེད་ཚུལ་སྟོན་པའི་ཡིག་ཆ་གཙོ་བོར་ངོས་འཛིན་ཡོད། གོ་རམས་པས་བློ་སྦྱོང་གི་ཆོས་ཀ་ཕར་ཆེར་དཀོན་མཆོག་རྒྱལ་མཚན་ལས་ཞུས་པས། བློ་སྦྱོང་ཞེན་པ་བཞི་བྲལ་གྱི་ཁྲིད་ཡིག་ཐུང་ངུ་འདི་《བློ་སྦྱོང་བརྒྱ་རྩ་མའི》ནང་སྡུད་པ་པོ་དཀོན་མཆོག་རྒྱལ་མཚན་ཡིན་ནམ། ཕྱིས་ཀྱི་ཞུས་དག་པ་ཞིག་གང་ཡིན་གསལ་པོར་བརྗོད་དཀའ། ཁྲིད་ཡིག་འདི་གོ་རམས་པའི་བཀའ་འབུམ་པོད་ ༨ པའི་ནང་བཞུགས་ཤིང་། དེ་ནི་དཔལ་ས་སྐྱའི་བཀའ་འབུམ་པོད་ ༡༤ པ་ཡིན། +
དཔལ་ཁང་ལོ་ཙྰ་བས་མཛད་པའི་བོད་ཀྱི་བརྡ་ཡི་བྱེ་བྲག་གསལ་བར་བྱེད་པའི་བསྟན་བཅོས་ངག་གི་སྒྲོན་མེ་ཞེས་པར། རྣམ་དབྱེ་སོ་སོའི་ཕྲད་ཀྱི་སྒྲ་སྦྱོར་བྱེད་ལུགས་དང་། མིང་གཞི་གང་ལ་འཕུལ་མཐའ་གང་ཞིག་ཐོབ་མིན་སོགས་དམིགས་སུ་བཀར་ནས་དཔེ་བཏོན་ཚིགས་སུ་བཅད་ཡོད་པ་ལ་སྔོན་གྱི་འགྲེལ་པ་མི་ཉུང་བ་ཡོད་ཀྱང་། རྒྱ་གར་ནུབ་ཕྱོགས་ཁུ་ནུའི་ཡུལ་དུ་འཁྲུངས་པའི་བླ་མ་བསྟན་འཛིན་རྒྱལ་མཚན་གྱིས་དུས་རབས་ཉི་ཤུ་པའི་དུས་འགོའམ། སྤྱི་ལོ་ ༡༩༣༧ ལོར་བརྩམས་པའི་འགྲེལ་པ་ཚིག་གསལ་དུ་གྲགས་པ་འདི་ནི་དེང་དུས་འགྲེལ་པ་གཞན་ལས་ཁྱབ་ཆེ་བ་ཞིག་དུ་མངོན་ནོ།། +
<<བྱང་ཆུབ་སྤྱོད་པའི་སྒྲོན་མ་>>ཞེས་བྱ་བའི་གཞུང་ཚིགས་སུ་བཅད་པ་མདོར་བསྡུས་པ་འདི་སློབ་དཔོན་ཀ་མ་ལ་ཤཱི་ལས་མཛད་ཅིང་། ཛྙཱ་ན་གུ་ཧྱ་དང་ཨོང་པོ་ལོ་ཙཱ་བས་བོད་སྐད་དུ་བསྒྱུར། གཞུང་འདིར་འཆི་བ་མི་རྟག་པ་དང་བར་དོའི་སྡུག་བསྔལ་བསྒོམས་པའི་གཞི་ལ་། སྐྱབས་སེམས་དང་ཕྱིན་དྲུག་ནས་བཟུང་སྟེ་སྔགས་ཀྱི་སྒྱུ་ལུས་དང་འོད་གསལ་བར་གྱི་ཉམས་ལེན་གྱི་རིམ་པ་དག་བསྟན་ཅིང་། དེ་ལ་བརྟེན་ནས་སེམས་འདུལ་བ་དང་བྱང་ཆུབ་མངོན་དུ་བྱ་བའི་ཕྱིར་ཉམས་ལེན་པ་རྣམས་ཕྱི་བཤོལ་མི་འདེབས་པར་འབད་པར་བསྐུལ་ཡོད། +
བྱང་ཆུབ་སེམས་དཔའི་སྤྱོད་པ་ལ་འཇུག་པ་ཞེས་བྱ་བའི་བསྟན་བཅོས་འདི་ནི་དཔལ་ན་ལེནྡྲའི་པཎྜི་ཏ་ཆེན་པོ་རྒྱལ་སྲས་ཞི་བ་ལྷས་ (དུས་རབས་ ༨ ་པ་) མཛད་པ་ཡིན་ཅིང་། གཞུང་འདིར་ཐོག་མར་བྱང་ཆུབ་ཀྱི་སེམས་རིན་པོ་ཆེ་མ་སྐྱེས་པ་སྐྱེ་བར་བྱེད་པའི་ལེའུ་གསུམ། བར་དུ་སྐྱེས་པ་མི་ཉམས་པར་བྱེད་པའི་ལེའུ་གསུམ། མཐར་མི་ཉམས་པར་གོང་ནས་གོང་དུ་འཕེལ་བྱེད་པའི་ལེའུ་གསུམ་དང་། རྗེས་བསྔོ་བའི་ལེའུ་གཅིག་བཅས་བསྡོམས་ལེའུ་བཅུའི་བདག་ཉིད་ཅན། ལམ་ཕར་ཕྱིན་དྲུག་ལ་བསླབ་པའི་ཉམས་ཁྲིད་ཀྱི་ཚུལ་དུ་གསུངས་ཡོད། འདི་ལ་རྒྱ་བོད་མཁས་པས་མཛད་པའི་ཚིག་འགྲེལ་དང་དོན་འགྲེལ། མཆན་འགྲེལ་དང་དཀའ་འགྲེལ། དོགས་གཅོད་དང་གཏམ་རྒྱུད། སྤྱི་དོན་དང་བསྡུས་དོན། སྨོན་ལམ་དང་བརྒྱུད་འདེབས་སོགས་གཞུང་རྒྱས་བསྡུས་བརྒྱ་ལས་བརྒལ་བ་ཡོད་ལ། འཆད་ཉན་སྒོམ་སྒྲུབ་དང་ཁྱབ་སྤེལ་ཕྱོགས་མེད་དུ་བྱུང་ཞིང་། སྐད་ཡིག་མི་འདྲ་བ་ ༢༠ ་ལྷག་པར་འགྱུར་ཡོད་་ཅིང་། གཞུང་འདིར་གསུངས་པའི་བྱང་སེམས་དང་བློ་སྦྱོང་གི་མན་ངག་རྣམས་ལ། ཚིག་དོན་གོ་སླ་ཞིང་ཉམས་ལེན་གྱི་གནད་ལ་བརྡེག་པའི་ཁྱད་ཆོས་དང་ལྡན་པའི་ཚུལ་ཡང་། སེམས་དཔའ་ཆེན་པོ་རྫ་དཔལ་སྤྲུལ་རིན་པོ་ཆེས། གོ་སླ་མན་ངག་གནད་དུ་བརྡེག་པའི་ཆོས།། སྤྱོད་འཇུག་གཞུང་འདྲ་རྒྱ་བོད་གཉིས་ཆར་མེད།། འདི་ལ་མ་བརྟེན་སངས་རྒྱས་ཇི་ལྟར་ཡོད།། ཅེས་བསྔགས་ཤིང་། ཆུ་བརྒྱ་ཟམ་པ་གཅིག་གི་འོག་ཏུ་འཚུད་པ་ལྟ་བུའི་གཞུང་བཟང་ཡིད་བཞིན་གྱི་ནོར་བུ་རིན་པོ་ཆེ་ཞེས་བསྟོད་པའི་མེ་ཏོག་མངོན་པར་གཏོར་བས་ཀྱང་མཚོན་པ་ཡིན་ནོ།། +
བྱང་ཆུབ་སེམས་དཔའི་སྤྱོད་པ་ལ་འཇུག་པ་ཞེས་བྱ་བའི་བསྟན་བཅོས་འདི་ནི་དཔལ་ན་ལེནྡྲའི་པཎྜི་ཏ་ཆེན་པོ་རྒྱལ་སྲས་ཞི་བ་ལྷས་ (དུས་རབས་ ༨ ་པ་) མཛད་པ་ཡིན་ཅིང་། གཞུང་འདིར་ཐོག་མར་བྱང་ཆུབ་ཀྱི་སེམས་རིན་པོ་ཆེ་མ་སྐྱེས་པ་སྐྱེ་བར་བྱེད་པའི་ལེའུ་གསུམ། བར་དུ་སྐྱེས་པ་མི་ཉམས་པར་བྱེད་པའི་ལེའུ་གསུམ། མཐར་མི་ཉམས་པར་གོང་ནས་གོང་དུ་འཕེལ་བྱེད་པའི་ལེའུ་གསུམ་དང་། རྗེས་བསྔོ་བའི་ལེའུ་གཅིག་བཅས་བསྡོམས་ལེའུ་བཅུའི་བདག་ཉིད་ཅན། ལམ་ཕར་ཕྱིན་དྲུག་ལ་བསླབ་པའི་ཉམས་ཁྲིད་ཀྱི་ཚུལ་དུ་གསུངས་ཡོད། འདི་ལ་རྒྱ་བོད་མཁས་པས་མཛད་པའི་ཚིག་འགྲེལ་དང་དོན་འགྲེལ། མཆན་འགྲེལ་དང་དཀའ་འགྲེལ། དོགས་གཅོད་དང་གཏམ་རྒྱུད། སྤྱི་དོན་དང་བསྡུས་དོན། སྨོན་ལམ་དང་བརྒྱུད་འདེབས་སོགས་གཞུང་རྒྱས་བསྡུས་བརྒྱ་ལས་བརྒལ་བ་ཡོད་ལ། འཆད་ཉན་སྒོམ་སྒྲུབ་དང་ཁྱབ་སྤེལ་ཕྱོགས་མེད་དུ་བྱུང་ཞིང་། སྐད་ཡིག་མི་འདྲ་བ་ ༢༠ ་ལྷག་པར་འགྱུར་ཡོད་་ཅིང་། གཞུང་འདིར་གསུངས་པའི་བྱང་སེམས་དང་བློ་སྦྱོང་གི་མན་ངག་རྣམས་ལ། ཚིག་དོན་གོ་སླ་ཞིང་ཉམས་ལེན་གྱི་གནད་ལ་བརྡེག་པའི་ཁྱད་ཆོས་དང་ལྡན་པའི་ཚུལ་ཡང་། སེམས་དཔའ་ཆེན་པོ་རྫ་དཔལ་སྤྲུལ་རིན་པོ་ཆེས། གོ་སླ་མན་ངག་གནད་དུ་བརྡེག་པའི་ཆོས།། སྤྱོད་འཇུག་གཞུང་འདྲ་རྒྱ་བོད་གཉིས་ཆར་མེད།། འདི་ལ་མ་བརྟེན་སངས་རྒྱས་ཇི་ལྟར་ཡོད།། ཅེས་བསྔགས་ཤིང་། ཆུ་བརྒྱ་ཟམ་པ་གཅིག་གི་འོག་ཏུ་འཚུད་པ་ལྟ་བུའི་གཞུང་བཟང་ཡིད་བཞིན་གྱི་ནོར་བུ་རིན་པོ་ཆེ་ཞེས་བསྟོད་པའི་མེ་ཏོག་མངོན་པར་གཏོར་བས་ཀྱང་མཚོན་པ་ཡིན་ནོ།། +
Bodhicaryāvatāra: Chapter 1 - The Benefits of Bodhicitta: Teaching by Drupa Rinpoche (Part 1 of 4) +
སྤྱི་ལོ་༢༠༢༠ ཟླ་བ་༨ པའི་ཚེས་ ༡༦། གཟའ་ཉི་མའི་དྲ་ཐོག་ཐད་གཏོང་གསུང་ཆོས། འཆད་པ་པོ་སྒྲུབ་པ་རིན་པོ་ཆེ། བརྗོད་བྱ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བྱང་ཆུབ་སེམས་ཀྱི་ཕན་ཡོན་བསྟན་པའི་ལེའུ་སྟེ་དང་པོ། བརྙན་འཕྲིན་ཚན་པ་ ༤ ཡི་ ༡། གསུང་ཆོས་གནད་བསྡུས་གསན་གཟིགས་ཐུགས་འདོད་ཡོད་ན་དྲ་ཐག་འདིར་སྣུན་རོགས། https://khacholing.org/k/images/PPT/BodhisattvaVowsNotes3.pdf. (Source Accessed Oct 29, 2021) +
Bodhicaryāvatāra: Chapter 1 - The Benefits of Bodhicitta: Teaching by Drupa Rinpoche (Part 2 of 4) +
སྤྱི་ལོ་༢༠༢༠ ཟླ་བ་༨ པའི་ཚེས་ ༣༠། གཟའ་ཉི་མའི་དྲ་ཐོག་ཐད་གཏོང་གསུང་ཆོས། འཆད་པ་པོ་སྒྲུབ་པ་རིན་པོ་ཆེ། བརྗོད་བྱ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བྱང་ཆུབ་སེམས་ཀྱི་ཕན་ཡོན་བསྟན་པའི་ལེའུ་སྟེ་དང་པོ། བརྙན་འཕྲིན་ཚན་པ་ ༤ ཡི་ ༢ པ། གསུང་ཆོས་གནད་བསྡུས་གསན་གཟིགས་ཐུགས་འདོད་ཡོད་ན་དྲ་ཐག་འདིར་སྣུན་རོགས། https://khacholing.org/k/images/PPT/BodhisattvaVowsNotes3.pdf. ([https://www.youtube.com/watch?v=1B3VAVRCJkc Source Accessed Oct 29, 2021]) +
Bodhicaryāvatāra: Chapter 1 - The Benefits of Bodhicitta: Teaching by Drupa Rinpoche (Part 3 of 4) +
སྤྱི་ལོ་༢༠༢༠ ཟླ་བ་༩ པའི་ཚེས་ ༡༣། གཟའ་ཉི་མའི་དྲ་ཐོག་ཐད་གཏོང་གསུང་ཆོས། འཆད་པ་པོ་སྒྲུབ་པ་རིན་པོ་ཆེ། བརྗོད་བྱ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བྱང་ཆུབ་སེམས་ཀྱི་ཕན་ཡོན་བསྟན་པའི་ལེའུ་སྟེ་དང་པོ། བརྙན་འཕྲིན་ཚན་པ་ ༤ ཡི་ ༣ པ། གསུང་ཆོས་གནད་བསྡུས་གསན་གཟིགས་ཐུགས་འདོད་ཡོད་ན་དྲ་ཐག་འདིར་སྣུན་རོགས། https://khacholing.org/k/images/PPT/BodhisattvaVowsNotes3.pdf. ([https://www.youtube.com/watch?v=snYxQZ73rk0 Source Accessed Oct 29, 2021]) +
Bodhicaryāvatāra: Chapter 1 - The Benefits of Bodhicitta: Teaching by Drupa Rinpoche (Part 4 of 4) +
སྤྱི་ལོ་༢༠༢༠ ཟླ་བ་༩ པའི་ཚེས་ ༢༧། གཟའ་ཉི་མའི་དྲ་ཐོག་ཐད་གཏོང་གསུང་ཆོས། འཆད་པ་པོ་སྒྲུབ་པ་རིན་པོ་ཆེ། བརྗོད་བྱ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བྱང་ཆུབ་སེམས་ཀྱི་ཕན་ཡོན་བསྟན་པའི་ལེའུ་སྟེ་དང་པོ། བརྙན་འཕྲིན་ཚན་པ་ ༤ ཡི་ ༤ པ། གསུང་ཆོས་གནད་བསྡུས་གསན་གཟིགས་ཐུགས་འདོད་ཡོད་ན་དྲ་ཐག་འདིར་སྣུན་རོགས། https://khacholing.org/k/images/PPT/BodhisattvaVowsNotes3.pdf. ([https://www.youtube.com/watch?v=R71KLcuwW4U Source Accessed Oct 29, 2021]) +
སྤྱི་ལོ་༢༠༢༡ ཟླ་བ་༠༡ པོའི་ཚེས་ ༡༠། གཟའ་ཉི་མའི་དྲ་ཐོག་ཐད་གཏོང་གསུང་ཆོས། འཆད་པ་པོ་སྒྲུབ་པ་རིན་པོ་ཆེ། བརྗོད་བྱ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། ལེའུ་བཞི་པ་བག་ཡོད་བསྟན་པ། (ཚིགས་བཅད་ ༡-༡༠) དྲ་མཚམས་༧:༠༡ ནས་ཞལ་འདོན་དབུ་ཚུགས། དྲ་མཚམས་༤༡:༢༦ ནས་ཚིགས་བཅད་དང་པོ་དབུ་ཚུགས། བརྙན་འཕྲིན་ཚན་པ་ ༥ ཡི་ ༡། +
སྤྱི་ལོ་༢༠༢༡ ཟླ་བ་༠༡ པོའི་ཚེས་ ༢༤། གཟའ་ཉི་མའི་དྲ་ཐོག་ཐད་གཏོང་གསུང་ཆོས། འཆད་པ་པོ་སྒྲུབ་པ་རིན་པོ་ཆེ། བརྗོད་བྱ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། ལེའུ་བཞི་པ་བག་ཡོད་བསྟན་པ། ཚིགས་བཅད་ ༡༡-༡༩། ([https://www.youtube.com/watch?v=KFNm1zZ7GpM Source Accessed Oct 29, 2021]) +
སྤྱི་ལོ་༢༠༢༡ ཟླ་བ་༠༢ པའི་ཚེས་ ༠༧། གཟའ་ཉི་མའི་དྲ་ཐོག་ཐད་གཏོང་གསུང་ཆོས། འཆད་པ་པོ་སྒྲུབ་པ་རིན་པོ་ཆེ། བརྗོད་བྱ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། ལེའུ་བཞི་པ་བག་ཡོད་བསྟན་པ། ཚིགས་བཅད་ ༢༠-༣༡། ([https://www.youtube.com/watch?v=9C8B5cD5gGE Source Accessed Oct 29, 2021]) +
སྤྱི་ལོ་༢༠༢༡ ཟླ་བ་༠༢ པའི་ཚེས་ ༢༡། གཟའ་ཉི་མའི་དྲ་ཐོག་ཐད་གཏོང་གསུང་ཆོས། འཆད་པ་པོ་སྒྲུབ་པ་རིན་པོ་ཆེ། བརྗོད་བྱ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། ལེའུ་བཞི་པ་བག་ཡོད་བསྟན་པ། ཚིགས་བཅད་ ༣༢-༤༠། ([https://www.youtube.com/watch?v=CTadkelpN2A Source Accessed Oct 29, 2021]) +
