Full text

आर्यचुन्ददेवीनामधारणी

Cundadevīdhāraṇī

འཕགས་པ་ལྷ་མོ་སྐུལ་བྱེད་མ་ཞེས་བྱ་བའི་གཟུངས།

'phags pa lha mo skul byed ma zhes bya ba'i gzungs

The Incantation of the Goddess Cundā (84000)

FULL TEXT

Description

The Dhāraṇī of the Goddess Cundā consists of an homage, invocation, and description of the Goddess Cundā followed by a request to Cundā for protection and good fortune. (Source: 84000)No Tibetan description!

Citation

Cundīdevīdhāraṇī [आर्यचुन्ददेवीनामधारणी]. 'phags pa lha mo skul byed ma zhes bya ba'i gzungs [འཕགས་པ་ལྷ་མོ་སྐུལ་བྱེད་མ་ཞེས་བྱ་བའི་གཟུངས།]. [The Incantation of the Goddess Cundā (84000)]. Translated by Divākara, Vajrabodhi, Amoghavajra. Kangyur, RKTSK 607 http://www.rkts.org/cat.php?id=607&typ=1.

Author

Amoghavajra

[edit]

Source	Adarshah
Date	2025-10-13
Read this text with translation by adding the Dharmamitra Chrome extension to your browser:

Legend	Headers Root Commentary Quotes

91-46b

༄༅། །འཕགས་པ་ལྷ་མོ་སྐུལ་བྱེད་མ་ཞེས་བྱ་བའི་གཟུངས། ༄༅། །རྒྱ་གར་སྐད་དུ། ཨཱརྱ་ཙུནྡ་དེ་བཱི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ལྷ་མོ་སྐུལ་བྱེད་མ་ཞེས་བྱ་བའི་གཟུངས། །དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ལ་ཕྱག་འཚལ་ལོ། །བཅོམ་ལྡན་འདས་ལྷ་མོ་སྐུལ་བྱེད་མ་མཐུ་དང་སྟོབས་དཔག་ཏུ་མེད་པ་དང་ལྡན་པ། རྫུ་འཕྲུལ་དང་ཕ་རོལ་གནོན་པ་གྲུབ་པ། དེ་བཞིན་གཤེགས་པ་ཐམས་ཅད་ཀྱིས་བསྔགས་ཤིང་བསྟོད་པ་ཁྱོད་ལ་ཕྱག་འཚལ་ལོ། །བདག་རྣམ་པ་ཐམས་ཅད་ཀྱི་ཐམས་ཅད་དུ་དགེ་བར་མཛོད་ཅིག །ན་མཿསཔྟཱ་ནཱཾ། སཾ་མྱཀྶམ་བུད་དྷ་ཀོ་ཊཱི་ནཱཾ། ཏདྱ་ཐཱ། ཨོཾ་ཙ་ལེ་ཙུ་ལེ། ཙུནྡེ་སྭཱ་ཧཱ། བརྩོན་འགྲུས་ཆེན་པོ། ཐོགས་པ་མེད་པ་འདུལ་བ། སྟོབས་ཆེ་བ། ཕ་རོལ་གནོན་པ་ཆེ་བ། ཕྱག་ན་རལ་གྲི་དང་། དགྲ་སྟ་དང་། ལྕགས་ཀྱུ་དང་།

91-47a

ཞགས་པ་བསྣམས་པ། ཁྲོ་མོ་ཆེན་མོ། ཁྲོ་མོ་ཆེན་མོའི་དབང་ཕྱུག་མ། དྲག་པོའི་གཟུགས་ཅན་མ། ཞལ་རས་མཐའ་ཡས་མ། ཕྱག་སྟོང་མངའ་མ། །མ་ཕམ་མ། གཞན་གྱིས་མི་ཐུབ་མ། དོན་ཡོད་མ། གདུལ་བར་དཀའ་མ། མིག་སྟོང་མ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་མ། ལྷ་ཐམས་ཅད་ཀྱིས་ཕྱག་བྱས་ཤིང་མཆོད་པ་རབ་ཏུ་གྲུབ་མ། རྡོ་རྗེ་སེན་མོ་ཅན། རྡོ་རྗེ་རྡོ་རྗེས་འདྲེན་མ། རྡོ་རྗེའི་མཚོན་ཆ་ཅན། རྡོ་རྗེའི་སྐུ་ཅན་མ། རྡོ་རྗེའི་ཁུ་ཚུར་མ། རྡོ་རྗེའི་སྤྱན་གདངས་པའི་སྟངས་སྟབས་ཅན་མ། དྲག་ཤུལ་ཅན་མ་ལགས་ཀྱང་དྲག་ཤུལ་ཅན་གྱི་གཟུགས་ཅན་དུ་སྒྱུར་བར་སྟོན་པར་མཛད་མ། སྐུ་རྡོ་རྗེ་དང་བཻ་ཌཱུརྱའི་རྒྱན་གྱིས་བརྒྱན་མ། ཨོཾ་བྷ་ག་བ་ཏི། ཙུནྡེ་ཧཱུཾ་ཧཱུཾ། ཀྲཱུཾ་ཀྲཱུཾ། མྲཱུཾ་མྲཱུཾ། སྲཱུཾ་སྲཱུཾ། རཱུཾ་རཱུཾ། ཨཱ་བེ་ཤ་ཡ། གྲྀཧྞ་གྲིཧྞ། གྲྀཧྞཱ་པ་ཡ། གྲྀཧྞཱ་པ་ཡ། ཧ་ར་ཧ་ར། བྷཉྫ་བྷཉྫ། ས་ར་ས་ར། མ་ར་མ་ར། མཱ་ར་ཡ་མཱ་ར་ཡ། པ་ཙ་པ་ཙ། ད་ཧ་ད་ཧ། གྲྀཧྞ་གྲྀཧྞ། སྡང་བའི་གདོན་དང་། རིམས་ཞག་གཅིག་པ་དང་། ཞག་གཉིས་པ་དང་། ཞག་གསུམ་པ་དང་། ཞག་བཞི་པ་དང་། ཞག་བདུན་པ་དང་། རྟག་པའི་རིམས་དང་། ཡུད་ཙམ་པ་དང་། འབྱུང་པ་དང་། རོ་ལངས་དང་། ཡི་དགས་དང་། ཤ་ཟ་དང་། གནོད་སྦྱིན་དང་། སྲིན་པོ་དང་། གྲུལ་བུམ་གྱི་གདོན་དང་། མངལ་ལས་སྐྱེས་པ་དང་། ལས་ལས་སྐྱེས་པ་དང་། འགྲོ་བ་དང་། གནས་པ་འདི་དག་དང་། སྡང་བ་གང་དག་བདག་ལ་འཚེ་བ་དང་། གདུག་པ་དེ་དག་ཐམས་ཅད། སཾ་དྷ་ཡ་སཾ་དྷ་ཡ། མརྡ་ཡ་མརྡ་ཡ། ཤོ་ཥ་ཡ་ཤོ་ཥ་ཡ། ཏཱ་པ་ཡ་ཏཱ་པ་ཡ། ཨུཏ་སཱ་དྷ་ཡ་ཨུཏ་སཱ་དྷ་ཡ། ཧ་ན་ཧ་ན་བཛྲེ་ཎ། ས་ར་ས་ར་དཎྜེ་ན། མཱ་ར་ཡ་མཱ་ར་ཡ། ཁཀྐེ་ན། ཧཱུཾ་ཧཱུཾ་ཧཱུཾ། ཙཱུཾ་ཙཱུཾ་ཙཱུཾ། དྲཱུཾ་དྲཱུཾ་དྲཱུཾ། ཨོཾ་ཙ་ལེ་ཙུ་ལེ་ཙུནྡེ་སརྦ་ཨཪྠ་སཱ་དྷ་ཡ་སྭཱ་ཧཱ། བཅོམ་ལྡན་འདས་འཕགས་པ་ལྷ་མོ་སྐུལ་བྱེད་མའི་མཐུ་དང་བྱིན་གྱི་རླབས་ཀྱིས་བདག་གནོད་པ་ཐམས་ཅད་ལས་དགེ་བར་གྱུར་ཅིག་སྭཱ་ཧཱ། འཕགས་པ་ལྷ་མོ་སྐུལ་བྱེད་མ་ཞེས་བྱ་བའི་གཟུངས་རྫོགས་སོ།། །།