Sems bskyed mchod pa'i phyag len/Full text

སེམས་བསྐྱེད་མཆོད་པའི་ཕྱག་ལེན།

FULL TEXT

Description

Reference	sems bskyed mchod pa'i phyag len [སེམས་བསྐྱེད་མཆོད་པའི་ཕྱག་ལེན།].
People	Guntang Könchok Tenpai Drönme

[edit]

Source	BDRC
Date	2025-10-13

Read this text with translation by adding the Dharmamitra Chrome extension to your browser:

Legend	Headers Root Commentary Quotes

༈ སེམས་བསྐྱེད་མཆོད་པའི་ཕྱག་ལེན་ནི།

ཆོས་ཐུན་སྔ་མ་ནས་དགེ་སྦྱོར་དང་། གད་དར་ན་བཟའ་དབུ་ཞྭ་སོགས་གང་ལེགས་དགོས་ཚུལ་བརྡའ་སྦྱར། ཕྱི་ནང་ཀུན་ཏུ་ཆག་ཆག། མཆོད་པ་རྒྱ་གང་ཆེ། མེ་ཏོག་གི་ཕྲེང་བས་བརྒྱན་པའི་ཁྲི་སོགས་བཤམ། མཆོད་པའི་གྲལ་དུ་ཐུབ་སྐུ་གཅིག་དང་ཤེར་རྡོ་གཅིག་ངེས་པར་དགོས། བརྒྱ་རྩ་དང་ཆ་གསུམ་གཏོང་བ། ཤེར་མདོ་སྒྲོག་མཁན་སོགས་ཀྱང་བཞག། ཚོགས་སུ་བསྙེན་བཀུར་དང་སྦྱིན་གཏོང་ཡང་རྒྱ་ཆེ་བ་གྲ་བསྒྲིག།

འཚོགས་པ་ནས། ཐོག་མར་བླ་མ་ཁྲིའི་མདུན་ནས་ཡར་ཕྱོགས་ཏེ་བཞུགས་ནས་གཞི་བདག་གཏོར་མ་ཕུལ། ས་གཞི་དང་མཆོད་པ་བྱིན་རླབས། མཆོད་པའི་སྤྲིན་གྱི་གཟུངས་ཚར་གསུམ། ཚོགས་ཞིང་སྤྱན་དྲངས་ཏེ་ཡན་ལག་བདུན་པ་མཎྜལ་བཅས་ཕུལ་ནས་རྟེན་གྱི་དྲུང་དུ་སྨོན་འཇུག་གི་སྡོམ་པ་བླངས་ཏེ་ལེགས་པར་གསོས། ཁྲི་ཁར་ཕེབས་ནས་བླ་མས་བསྐུལ་ཏེ་ཤེར་སྙིང་ཚར་གསུམ། སེང་གདོང་མའི་སྔགས་བདུད་ཟློག་བཅས། སྤྱིའི་ཆོས་བཤད། ཚོགས་ཞིང་གསལ་འདེབས་ཚུལ། རྩ་བའི་བླ་མ་ཐུབ་དབང་རྡོ་རྗེ་འཆང་ལ་སོགས་པའི་ཚོགས་ཞིང་རྣམས་ཀྱི་ཡོན་ཏན། བསགས་སྦྱང་གལ་ཆེ་བས་ཡན་ལག་བདུན་པའི་དམིགས་སྐོར། ཁྱད་པར་སེམས་བསྐྱེད་ཞུ་བ་ལ་མཆོད་པ་གཙོ་བའི་ལོ་རྒྱུས་སོགས་བཤད། ཀུན་གྱིས་ལྷན་དུ། ཐམས་ཅད་དུ་ནི་ས་གཞི་དག། ཅེས་སོགས་དང་། མཆོད་པའི་སྤྲིན་གྱི་གཟུངས་ཚར་གསུམ། མ་ལུས་སེམས་ཅན་ཀུན་གྱི་ནས། སྟོབས་བཅུ་མངའ་བའི་གོ་འཕང་ཐོབ་པར་ཤོག །ཅེས་པའི་བར་གྱིས་སྤྱན་འདྲེན་ཁྲུས་གསོལ། །སློབ་མ་རྣམས་ཀྱིས་ཕྱག་འཚལ་བཞིན་དུ། སངས་རྒྱས་ཐམས་ཅད་འདུས་པའི་སྐུ། །འདྲེན་པ་མཉམ་མེད་ནས། དྲིན་ཅན་བླ་མ་རྣམས་ལ་ཕྱག་འཚལ་ལོ། །ཞེས་པའི་བར་གསོལ་འདེབས་ཕྱག་འཚལ་དུ་བསྒྱུར། སྒྲུབ་པ་པོ་ལ། མཐུན་པའི་སྨོན་ལམ། འཇམ་དབྱངས་ཕྱག་ན་རྡོ་རྗེ། བཅོམ་ལྡན་འདས་ཀྱི། ཕྱག་བྱར་འོས་པ། ཇི་སྙེད་སུ་དག། ནས་བདག་གིས་བསྟོད། ས་ལ་བཞུགས་ཏེ། མེ་ཏོག་དམ་པ། ཞེས་སོགས་ཤོ་ལོ་ཀ་གསུམ། རྒྱལ་བ་རྒྱ་མཚོའི། རིན་ཆེན་དབང་གི། ཞིང་འདི་འཁོར་ལོ། དེ་ལས་གཞན་ཡང་། ནས། ངེས་པར་ཀུན་ཏུ་འབྱུང་གྱུར་ཅིག །ས་གཞི་མ་ཚར་ཉེར་གཅིག། མདུན་རེའི་མཚམས་ནས་དབུ་བསྐུལ། ཕྱག་དང་སྦྲགས་པའི་ལྟུང་བཤགས་ཚར་ཅིག། བཞུགས་ཏེ་སྤྱི་བཤགས་ཚར་གསུམ། སློབ་མ་རྣམས་ལ་མཐོང་སྡོམ་ནི། ཐབས་ལེགས་བྱ། འདོད་ཆགས་ཞེ་སྡང་ནས། ཆེན་པོར་བསྔོ། སྟོན་པ་ཤཱཀྱ་ཐུབ་ཆེན་ལ་བདག་ཅག་གི་སྟོན་པས་ཐུགས་བསྐྱེད་པའི་རྟེན་བྲེལ་བཞིན་འདིར་ཡང་སྟོན་པའི་འདུ་ཤེས་ཀྱིས། བླ་མར་ཕྱག་གསུམ་བཙལ་དུ་གཞུག །མཎྜལ་རྒྱས་པ་དང་ཡོན་ཕུལ། ཐེག་པ་མཆོག་གི་སེམས་བསྐྱེད་ཟབ་མོ་ཞུ་བའི་ཡོན་དུ་ཞེས་ཚིག་སྒྱུར། གསོལ་གདབ་ལན་གསུམ་པུས་བཙུག་ཐལ་མོ་སྦྱར་ཏེ་རྗེས་ཟློས་བྱ། ཆུང་འབྲིང་ཐུན་མོང་བའི་དམིགས་སྐོར་དེ་དང་དེ་ལས་ལྷག་ཚུལ་སྐྱབས་འགྲོ་ཐུན་མོང་མ་ཡིན་པའི་དམིགས་སྐོར་དམན་པའི་ཡིད་བྱེད་ལས་སྐྱོབ་ཚུལ་སོགས་བརྡའ་སྤྲད་སྡོམ་པའི་རྩོམ་བྱེད་དུ་དགོས་ཚུལ་གསལ་བཏབ་ནས། སྤྱོད་ལམ་སྔ་མས་སྐྱབས་འགྲོའི་རྗེས་ཟློས་ལན་གསུམ། དེའི་བསླབ་བྱ་ཕན་ཡོན་དང་བཅས་རྒྱས་པར་བཤད་ཅིང་། དངོས་གཞི་ལ་ཡང་ལམ་རིམ་ལྟར་ཡན་ལག་བདུན་པ་མཎྜལ་དང་བཅས་པ་མདོར་བསྡུས་འབུལ་དུ་གཞུག་དགོས་པས། རབ་འབྱམས་གསུང་རབ། ནས། བཤེས་གཉེན་རྣམས་ལ་གུས་ཕྱག་འཚལ། ཇི་སྙེད་སུ་དག། ནས། ཆེན་པོར་བསྔོ། ས་གཞི་སྤོས་བྱུགས་མ། བྱམས་སྙིང་རྗེའི་དམིགས་རྣམ། བྱང་ཆུབ་དོན་གཉེར་གྱི་འདུན་པ་སྐྱེད་ཚུལ་རྒྱས་པར་བཤད། དངོས་གཞིའི་རྗེས་ཟློས་ལན་གཉིས་བྱ། ཐོབ་དུས་སོགས་བརྡའ་སྤྲད་དེ། ཡང་རྗེས་ཟློས་གཅིག་བྱ། སྤྲོ་བ་བསྐྱེད་ཅིང་སྨོན་སེམས་ཀྱི་བསླབ་བྱ་རྒྱས་པར་བཤད། སྤྱིར་བསྔོ་བ་གཙོ་ཚུལ་དང་། བྱམས་མགོན་ལ་བཅོལ་ཚུལ་ཕྱག་ལེན་ལྟར་བརྡའ་སྤྲད། བྱམས་སྨོན་འདོན། དེ་དག་རྗེས་སུ་བདག་སློབ། ཟེར་བའི་ཚེ་ཁ་དར་བྱམས་མགོན་ལ་འབུལ། བྱམ་སྨོན་མཇུག་ཏུ། བྱང་ཆུབ་སེམས་མཆོག། ཕ་མ་སེམས་ཅན། དཔལ་ལྡན་བླ་མའི་སྐུ་ཚེ། གཏང་རག་མཎྜལ་ལམ་རིག་སྨོན་ལམ་བཅས་གསུངས་ཏེ་གྲོལ། སླར་གྲལ་དུ་འཚོགས་ཏེ། ཆོས་སྤྱོད་སྨོན་ལམ་གང་འགྲོ། མཇུག་ཏུ་བསྔོ་བ། ཞྭ་གྱོན་ནས་བསྟན་འབར་མ་དང་། ཆོས་རྒྱལ་མ་ཚར་གསུམ་བཅས་བྱའོ། །ལམ་སྒྲོན་ལས། ལྡོག་པ་མེད་པར་དམ་བཅས་པའི།། བྱང་ཆུབ་སེམས་ནི་བསྐྱེད་པར་བྱ།། ཞེས་དམ་བཅའ་ཅན་ནི་སྡོམ་པ་ལེན་ཚུལ་ཡིན་པས། ཆོ་ག་གཅིག་གི་ཁྲོད་ནས་ཀྱང་བྱང་སེམས་ཀྱི་བསླབ་བྱ་སྲུང་མི་ནུས་པ་རྣམས་སེམས་བསྐྱེད་པར་བྱའོ་སྙམ་པ་ཙམ་བྱས་ན་སྨོན་སེམས་ཆོ་གས་གཟུང་བར་འགྱུར་གྱི། སྡོམ་པ་གཟུང་བ་མ་ཡིན་པར་གསུང་། སེམས་བསྐྱེད་ཆོ་ག་ལམ་རིམ་ཆེན་མོར་གསལ་ལ། ཕྱག་ལེན་མདོར་བསྡུས་ཡོངས་འཛིན་རིན་པོ་ཆེས་གསུངས་པའི་སེམས་བསྐྱེད་ཆོ་གའི་མཇུག་ཏུ་གསལ། ཤིན་ཏུ་བསྡུས་པ་བདེ་ལམ་རང་གི་དེས་ཡོང་། ལམ་སྒྲོན་ལས། འདི་ནི་སྐྱེ་བ་གཞན་དུའང་དྲང་དོན་དུ།། ཇི་སྐད་བཤད་པའི་བསླབ་པ་ཡོངས་སུ་བསྲུང་།། ཞེས་སོགས་གསུངས་སོ།། །།