Property:TmlnDescriptionTib
From Bodhicitta
This is a property of type Text.
T
སྤྱི་ལོ་༡༩༢༥ ལོར་སྐུ་འཁྲུངས། མཁས་དབང་དགེ་འདུན་ཆོས་དར་དང་། ཁྲི་བྱང་ ༣ པ་བློ་བཟང་ཡེ་ཤེས་བསྟན་འཛིན་རྒྱ་མཚོའི་སློབ་མ། སྙན་ངག་དང་རི་མོ་ལ་མཁས་པའི་དགེ་རྒན་ཞིག་ཡིན། དགུང་ལོ་གཉིས་པར་ཁམས་དཔའ་ཤོད་དགོན་པའི་རཀཿར་སྐུ་ཕྲེང་ ༦ པར་ངོས་འཛིན་ཞུས། རྒྱ་གར་དུ་ཤན་ཐི་ནི་ཁེ་ཐན་དང་། པུ་ནེ་གཙུག་ལག་སློབ་གྲྭ་ཆེན་མོར་སློབ་སྦྱོང་མཛད། ༡༩༦༠ ལོར་གོང་ས་མཆོག་གི་བཀའ་མངགས་བཞིན་ཡོ་རོབ་སུད་སིར་དྭ་ཕྲུག་དང་སྐྱབས་བཅོལ་བའི་ཕྲུ་གུའི་གཟིགས་སྐྱོང་ཐུགས་འགན་བཞེས། བོད་ཀྱི་རྩོམ་རིག་རྙིང་དེང་དང་ནང་པའི་ལྟ་གྲུབ་ལ་མཁས། དཔེ་དེབ་དང་རི་མོ་སོགས་རྩོམ་ཡིག་མང་ཞིང་། བོད་ཕྱི་ནང་གང་སར་མཛད་རྗེས་ཆེ་བའི་བོད་ཀྱི་མཁས་དབང་ཞིག་ཡིན། +
སྤྱི་ལོ་༡༩༣༣ ལོར་མདོ་ཁམས་ཕྱོགས་སུ་འཁྲུངས། དགུང་ལོ་ལྔ་པ་ལ་༧དཔལ་རྒྱལ་བ་ཀརྨ་པ་བཅུ་དྲུག་པ་དང་རྗེ་ཏཱའི་སི་ཏུ་པ་གཉིས་ཀྱིས་ངོས་འཛིན་གནང་སྟེ་ཁམས་ཁྲ་འགུ་དགོན་པའི་ཆོས་སྒོར་ཞུགས། ༡༩༥༩ ལོར་བྱེས་སུ་ཕེབས་ནས་དགུང་ལོ་ ༣༥་པའི་ཐོག་དགེ་བཤེས་ལྷ་རམས་པ་དང་མཁན་ཆེན་གྱི་མཚན་གནས་བཞེས། ༧རྒྱལ་དབང་བཅུ་བདུན་པ་དང་སི་ཏུ་ཞྭ་དམར་ཀོང་སྤྲུལ་རྒྱལ་ཚབ་སོགས་ཀྱི་ཡོངས་འཛིན་དུ་གྱུར། ཕྱག་རྒྱ་ཆེན་པོའི་སྒོམ་རིམ་ལ་དྲོད་མཐར་ཕྱིན་པ་དང་། དབུ་མ་གཞན་སྟོང་གི་ལྟ་བའི་བརྒྱུད་པ་འཛིན་པའི་བཤེས་གཉེན་ཞིག་ཡིན། +
སྤྱི་ལོ་༡༩༣༥ ཟླ་ ༧ ཚེས་ ༦ ཉིན་བོད་བྱང་ཤར་ཨ་མདོ་སྟག་འཚེར་གྱི་གྲོང་སྡེ་ཆུང་ངུ་ཞིག་ཏུ་ཞིང་པའི་ཁྱིམ་ཚང་ཞིག་ཏུ་སྐུ་འཁྲུངས། མཚན་ལ་ལྷ་མོ་དོན་གྲུབ་ཅེས་གསོལ། དགུང་ལོ་གཉིས་པར་སོན་པ་དང་༸གོང་ས་རྒྱལ་བ་སྐུ་ཕྲེང་ ༡༣ པ་ཐུབ་བསྟན་རྒྱ་མཚོའི་ཡང་སྲིད་དུ་ངོས་འཛིན་ཞུས། ༧གོང་ས་སྐུ་ཕྲེང་རིམ་བྱོན་རྣམས་ནི་བོད་ཆོས་སྲིད་གཉིས་ཀྱི་དབུ་ཁྲིད་དང་། སྙིང་རྗེའི་ལྷ་མཆོག་འཕགས་པ་སྤྱན་རས་གཟིགས་ཀྱི་རྣམ་སྤྲུལ་དུ་དངོས་འཛིན་ཞུ་བཞིན་ཡོད། +
ཁོང་ནི་དུས་རབས་ ༡༡ པའི་ནང་བྱོན་པའི་ཝི་ཀྲ་མ་ཤཱི་ལའི་མཁས་པ་ཞིག་ཡིན། ཁོང་གིས་མདོ་སྡེ་དང་འབྲེལ་བའི་བསྟན་བཅོས་མང་པོ་བརྩམས་པར་གྲགས། སྐུ་ཞབས་ཀརལ་བུརན་ཧོལཟ་ལྟར་ན། ཁོང་ཉིད་ཐེག་པ་ཆེན་པོ་རྒྱུད་བླ་མའི་བསྟན་བཅོས་ཀྱི་མཆན་འགྲེལ་ཞེས་པའི་གཞུང་རྩོམ་པ་པོ་ཡིན་ངེས་ཅེས་བཤད། ཁོང་ལས་དུས་རབས་གཅིག་ཙམ་ཕྱིས་སུ་བྱོན་པའི་མཁས་པ་བཻ་རོ་ཙ་ན་རཀྵི་ཏ་གཉིས་པ་ཞིག་ཀྱང་ཡོད་པ་དེ་དང་ཁོང་ཉིས་མཚན་མ་འཛོལ་བ་དགོས། བཻ་རོ་ཙ་ན་གཉིས་པ་དེ་ལ་བཻ་རོ་ཙ་ན་བཛྲ་ཞེས་ཀྱང་འབོད། རྒྱུད་སྡེ་དང་ཕྱག་ཆེན་གཙོ་བོར་མཛད་ཅིང་། དུས་རབས་ ༡༢ པའི་དཀྱིལ་ཙམ་ལ་བོད་དུ་བྱོན་པར་མངོན། +
མཁན་པོ་གཞན་དགའ་གཞན་ཕན་ཆོས་ཀྱི་སྣང་བ་དང་ཆོས་ཀྱི་འོད་ཟེར་གྱི་སློབ་མ་དང་། ཁམས་བྱེ་དར་རྒྱས་གླིང་གི་མཁན་རབས་ ༤ པ་མཁྱེན་རབ་སེང་གེའི་བླ་མ་ཡིན། +
སྤྱི་ལོ ༡༩༦༨ ལོར་ལྷ་སའི་མལ་དྲོ་གུང་དཀར་རྫོང་ར་སེ་གྲོང་ཚོར་སྐུ་འཁྲུངས་པའི་དེང་རབས་ཀྱི་མཁས་དབང་གྲགས་ཆེན་ཞིག་ཡིན། དགུང་ལོ་བརྒྱད་ནས་སློབ་གྲྭར་ཞུགས་ཏེ། འབྲི་གུང་ནང་བསྟན་སློབ་གླིང་དང་བོད་སློབ་ཆེན། སྨན་རྩིས་སློབ་གླིང་སོགས་སུ་རིག་གནས་སྤྱི་དང་བྱེ་བྲག་ལ་སྦྱངས། རྗེས་སུ་སྐྱབས་རྗེ་དཔའ་ཆུང་རིན་པོ་ཆེའི་ཞབས་ལ་གཏུགས་ཏེ་མདོ་སྔགས་དང་བཀའ་བརྒྱུད་ཀྱི་ཟབ་ཆོས་མ་ལུས་པ་གསན། དགུང་ལོ་ཉི་ཤུ་ནས་རྩོམ་འབྲིའི་ལས་ལ་གཞོལ་ཏེ། འབྲི་གུང་བཀའ་བརྒྱུད་ཀྱི་ཆོས་མཛོད་པོད་བརྒྱ་དང་ལྔ་བཅུ་ལྷག་མྱུར་སྐྱོབ་མཛད་པ་དང་། བརྩམས་ཆོས་གཞུང་འགྲེལ་དང་ལོ་རྒྱུས་སོགས་དཔེ་དེབ་ཁག་ལྔ་བཅུ་ལྷག་བཞུགས། +
ཆ་འགབ་ཚང་འཇམ་དཔལ་ཞེས་ཡོངས་སུ་གྲགས་པའི་དེང་དུས་ཀྱི་མཁས་དབང་ཆེན་པོ་ཞིག་ཡིན། ཁོང་གིས་བོད་ཀྱི་སྐད་ཡིག་དང་རྩོམ་རིག་གི་སྐོར་ལ་བྲིས་པའི་རྩོམ་ཡིག་མང་པོ་ཡོད། +
སྤྱི་ལོ་ ༡༨༩༥ ལོར་རྒྱ་གར་བྱང་ཕྱོགས་ཧི་མ་ལ་ཡའི་ཡུལ་ལྗོངས་ཁུ་ནུར་སྐུ་འཁྲུངས། གཞོན་ནུའི་དུས་ནས་ལེགས་སྦྱར་སོགས་རིགས་གནས་ལ་མཁས་ཤིང་། བོད་དུ་མཁན་ཆེན་གཞན་ཕན་ཆོས་ཀྱི་སྣང་བ་སོགས་མཁས་གྲུབ་མང་པོའི་དྲུང་དུ་མདོ་སྔགས་ཀྱི་གསན་བསམ་མཐར་ཕྱིན་མཛད། རྒྱལ་སྲས་ཞི་བ་ལྷ་ལྟར་ཉམས་ལེན་གཙོ་བོ་བྱང་ཆུབ་ཀྱི་སེམས་ལ་མཛད་པས་སེམས་དཔའ་ཆེན་པོ་ཁུ་ནུ་བླ་མ་ཞེས་གྲགས། ༧རྒྱལ་དབང་༡༤ པ་སོགས་སྐྱེས་ཆེན་དུ་མར་སྤྱོད་འཇུག་གི་ཁྲིད་ཕུལ་ཞིང་གསུང་རྩོམ་ཡང་དུ་མ་བཞེངས། རིས་མེད་བླ་སློབ་མང་པོས་དགེ་བའི་བཤེས་གཉེན་དུ་བསྟེན་པའི་བླ་མ་མཁས་གྲུབ་གཉིས་ལྡན་ཞིག་ཡིན། +
རྩོམ་པ་པོའི་མཚན་མི་གསལ་བའི་རྒྱ་དཔེ་འདིར། སྤྱོད་འཇུག་ཤེས་རབ་དང་བསྔོ་བའི་ལེའུ་གཉིས་ཀྱི་རྩ་ཚིགས་རྣམས། གཙོ་བོར་མདོ་སྡེ་སྣ་ཚོགས་ནས་དྲངས་པའི་ལུང་དང་སྦྱར་ནས་འགྲེལ་བཤད་མཛད་ཅིང་། ལེའུ་བརྒྱད་པ་ཤེར་ལེ་དང་དགུ་པ་བསྔོ་ལེར་དངོས་འཛིན་བགྱིས་ཡོད། འགྲེལ་གཞུང་འདི་ཡི་མཚན་ལ་བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྣམ་པར་བཤད་པ་ཞེས་ཀྱང་འབོད་སྲོལ་ཡོད། +
