Texts/Byang chub sems dpa'i spyod pa la 'jug pa'i rnam bshad theg chen chos kyi rgya mtsho'i tshig 'grel gces btus/Full text

བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྣམ་བཤད་ཐེག་ཆེན་ཆོས་ཀྱི་རྒྱ་མཚོའི་ཚིག་འགྲེལ་གཅེས་བཏུས།

byang chub sems dpa'i spyod pa la 'jug pa'i rnam bshad theg chen chos kyi rgya mtsho'i tshig 'grel gces btus

A Selective Word Commentary on the Detailed Explanation of Entering into the Conduct of the Bodhisattva, Ocean of Teachings of the Great Vehicle

FULL TEXT

Descriptionངོ་སྤྲོད།

This commentary is designed for beginners and is mainly based on Pawo Tsuklak Trengwa's extensive commentary. The topical outlines and the root verses are provided at the appropriate junctions within the commentary for the reader's convenience. Type of Commentary: topical-outline-based word and meaning commentary
Length: 721
Tradition: Kagyu

དཔའ་བོ་གཙུག་ལག་ཕྲེང་བས་མཛད་པའི་སྤྱོད་འཇུག་འགྲེལ་ཆེན་དུ། སྤྱོད་འཇུག་གི་རྒྱ་འགྲེལ་དག་གི་དགོངས་ཚུལ་མི་འདྲ་བ་རྣམས་ཕྱོགས་བསྡུས་ཀྱིས། བློ་ལ་འཛིན་བདེ་བའི་ཕྱིར་ཚིགས་བཅད་དུ་བྲིས་ཤིང་། རང་ལུགས་ཐུན་མིན་གྱི་ཁྱད་ཆོས་རྣམས་སྤྱི་དོན་གྱིས་གསལ་བར་ཕྱེས་ཡོད། ད་རེས་རྣམ་བཤད་འདིར། དཔའ་བོ་རིན་པོ་ཆེའི་གསུང་གཞིར་བཞག་ཐོག། རྩ་ཚིག་གི་དོན་རྣམས་བློ་གསར་རྣམས་ལ་གོ་བདེ་བར་བྱས་ཏེ་ལེགས་པར་བཤད་ཡོད།

Reference	Thrangu Rinpoche (ཁྲ་འགུ་རིན་པོ་ཆེ་). byang chub sems dpa'i spyod pa la 'jug pa'i rnam bshad theg chen chos kyi rgya mtsho'i tshig 'grel gces btus [བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྣམ་བཤད་ཐེག་ཆེན་ཆོས་ཀྱི་རྒྱ་མཚོའི་ཚིག་འགྲེལ་གཅེས་བཏུས།]. [A Selective Word Commentary on the Detailed Explanation of Entering into the Conduct of the Bodhisattva, Ocean of Teachings of the Great Vehicle].
People	Thrangu Rinpoche

Tibetan

[edit]

Source	https://dharmacloud.tsadra.org/book/vvi-008-སྤྱོད་འཇུག་ཚིག་འགྲེལ་གཅེས་བཏུས་བཞུགས་སོ།།/
Date	2024-04-30
Read this text with translation by adding the Dharmamitra Chrome extension to your browser: Dharmamitra
Legend	Headers Root Commentary Quotes

༄༅། །བྱང་ཆུབ་སེམས་དཔའི་སྤྱོད་པ་ལ་འཇུག་པའི་ཚིག་འགྲེལ་གཅེསབཏུས་བཞུགས་སོ།།

ན་མོ་གུ་ར་ཝེ། འཐབ་རྩོད་གཡུལ་འཁྲུགས་རྒྱས་པའི་གནས་འདིར་ཡང༌།། བརྩེ་བའི་སྤྱན་དང་འཛུམ་པའི་ཞལ་རས་ལས།། ཁྲོ་གཉེར་སྡང་མིག་ལ་སོགས་གཏན་སྤང་བ།། སྲས་བཅས་རྒྱལ་བའི་སྐུ་ལ་གུས་པས་བཏུད།། ཚིག་རྩུབ་ངག་འཁྱལ་གྱིས་ཁེངས་འཇིག་རྟེན་འདིར།། སྙན་པའི་གསུང་དང་བདེན་པའི་བསླབ་བྱ་ལས།། ཕྲ་མ་བསླུ་ཚིག་ཙམ་ཡང་མི་མངའ་བའི།། ཐུབ་དབང་སྲས་བཅས་གསུང་ལ་གུས་པས་བཏུད།། ཆགས་སྡང་རྨོངས་པས་ཁྱབ་པའི་འཁོར་བ་འདིར།། བྱམས་དང་བརྩེ་བའི་ཐུགས་ཀྱིས་དགོངས་པ་ལས།། སྤྱོད་འཇུག་ཚིག་འགྲེལ་གཅེས་བཏུས། 02 ཉོན་མོངས་ས་བོན་མ་ལུས་རབ་ཞི་བ།། སངས་རྒྱས་སྲས་བཅས་ཐུགས་ལ་གུས་ཕྱག་འཚལ།། བྱང་ཆུབ་སེམས་དཔའི་སྤྱོད་པ་ལ་འཇུག་པའི།། དགོངས་འགྲེལ་ཐེག་ཆེན་ཆོས་ཀྱི་རྒྱ་མཚོ་ལ།། དང་པོའི་ལས་ཅན་འཇུག་པ་བདེ་བའི་ཆེད།། རྩ་བའི་ཚིག་འགྲེལ་ཙམ་ཞིག་ཕྱོགས་སྒྲིག་བྱ།། ཐེག་པ་ཆེན་པོའི་བསྟན་བཅོས་ནམ་མཁའི་ཚད་ཀྱིས་གཞལ་དུ་མེད་པའི་ནང་ནས་ འཕགས་པའི་ཡུལ་ན་ཉི་ཟླ་ལྟར་གྲགས་ཤིང་མཁས་མཆོག་བརྒྱ་རྩ་བརྒྱད་ཀྱིས་བཀྲལ་བ། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལེའུ་བཅུ་དང༌། ཤླཽ་ཀ་སྟོང་གི་བདག་ཉིད་ཅན་ འདི་ཉིད་འཆད་པར་བྱ་བ་ལ་གཉིས། བསྟན་བཅོས་མཛད་པ་པོའི་རྣམ་ཐར་གྱི་ཆེ་བ་བརྗོད་པ་ དང༌། བསྟན་བཅོས་འདི་ཉིད་ཇི་ལྟར་འཆད་པའི་ཚུལ་ལོ། །དང་པོ་ནི། ཅི་འདི་མཛད་པ་པོ་སུ་ཞེ་ན། དེ་ནི་སློབ་དཔོན་ཆེན་པོ་ཞི་བའི་ལྷ་ཞེས་བྱ་སྟེ། དེ་ནི་སློབ་ དཔོན་ཀཥྞ་པས། ས་སྟེང་འཇམ་དབྱངས་གཉིས་པ་ཞེས་པར་མཁས་རྣམས་བསྟོད་པ། ཞེས་ དང༌། བི་བྷཱུ་ཏིས། རྒྱལ་བའི་བསྟན་ལ་བདག་ཉིད་ཆེ།། སྐྱེས་བུ་མང་པོ་བྱོན་མོད་ཀྱི།། སྤྱོད་འཇུག་ཚིག་འགྲེལ་གཅེས་བཏུས། 03 ཞི་བའི་ལྷས་མཛད་དང་འདྲ་བའི།། ཉམས་དང་དགོངས་པ་གཞན་མི་རྙེད།། ཅེས་དང༌། ཤེར་འབྱུང་གི་འགྲེལ་པར། འདིར་འཕགས་པ་ཞི་བའི་ལྷ་དེ་གསུང་རབ་མཐའ་དག་གི་ དོན་གྱི་དེ་ཁོ་ན་ཉིད་རྟོགས་ཤིང༌། ཏིང་ངེ་འཛིན་གྱི་ཆེ་བའི་བདག་ཉིད་བརྙེས་པ། ཞེས་སོགས་དང༌། བསྟན་བཅོས་རྩོམ་ཞིང་མཁའ་ལ་གཤེགས།། བྱང་སེམས་བསླབ་པ་མཐར་ཕྱིན་པ།། ཤཱནྟ་དེ་ཝ་ཞེས་རྡོ་རྗེ་གདན་པ་ཆེན་པོའི་གྲུབ་ཐོབ་ཀྱི་འདུ་བར་བསྔགས་པ་དེའོ།། དེའི་བྱོན་ཚུལ་ལ་ངོ་མཚར་གྱི་གཏམ་བདུན་གྱི་སྒོ་ནས་འཆད་པ་ནི། ལྷག་པའི་ལྷ་མཉེས་ནཱ་ལེཎྜའི།། བཀོད་པ་ཕུན་ཚོགས་རྩོད་པ་ཟློག། ཡ་མཚན་ཅན་དང་སྤྲང་པོ་དང༌།། རྒྱལ་པོ་མུ་སྟེགས་ཅན་བཏུལ་བའོ།། ཞེས་རྒྱལ་པོའི་སྲས་ཞི་བའི་གོ་ཆ་ཞེས་བྱ་བ་ཡིན་ལ། ཆུང་ངུ་ནས་རྣལ་འབྱོར་པ་ཞིག་ ལ་འཇམ་དཔལ་རྣོན་པོའི་སྒྲུབ་ཐབས་ཞུས་ཏེ་བསྒྲུབས་པས་ཞལ་མཐོང་ཞིང༌། རྟག་ཏུ་ སྤྱོད་འཇུག་ཚིག་འགྲེལ་གཅེས་བཏུས། 04 གདམས་ངག་ནོད་པ་ལས་ཅི་ཞིག་ན་ཡབ་འདས་ཏེ། སང་ཉིན་རྒྱལ་པོར་དབང་བསྐུར་བའི་དོ་ ནུབ་འཇམ་དཔལ་ཁྲི་དེ་ལ་བཞུགས་ནས། བུ་གཅིག་འདི་ནི་ང་ཡི་སྟན་ཡིན་ཏེ།། ང་ནི་ཁྱོད་ཀྱི་དགེ་བའི་བཤེས་གཉེན་ཡིན།། ང་དང་ཁྱོད་གཉིས་སྟན་གཅིག་ལ་འདུག་པ།། འདི་ནི་རྣམ་པ་ཀུན་དུ་རིགས་མ་ཡིན།། གསུང་བ་རྨིས་པས་རྒྱལ་སྲིད་སྤངས་ཏེ་བྲོས་ནས་ནཱ་ལེཎྜར་སྦྱོར་ལམ་པ་རྒྱལ་བའི་ལྷ་ ལས་རབ་ཏུ་བྱུང་སྟེ། ཞི་བའི་ལྷར་བཏགས་ཏེ་ངོ་མཚར་གྱི་གཏམ་དང་པོའོ།། དེར་རྗེ་བཙུན་ལ་ཆོས་གསན་ཞིང་ཤིན་ཏུ་སྤྲོས་མེད་ཀྱི་སྤྱོད་པ་མཛད་པས་གཞན་དག་ གིས་འདི་ལ་ནི་ཟ་ཉལ་འདོར་བའི་འདུ་ཤེས་ལས་མེད་དོ། །ཅེས་བྷུ་སུ་ཀུའམ་འདུ་ཤེས་གསུམ་ པར་བསྒྲགས་ཏེ་གནས་ནས་དབྱུང་བའི་ཕྱིར། མདོ་འདོན་པར་བསྒོས་པ་ཁས་མ་བླངས་པ་ ན་མཁན་པོ་ལ་ཞུས་པས་ཁྱེད་ཉིད་ཀྱིས་བསྒོས་ཤིག་གསུང་སྟེ། སླར་བསྒོས་པས་ཞལ་གྱིས་ བཞེས་པ་ན་སྐྱེ་བོའི་ཚོགས་བསྡུས། ཁྲི་ཆེན་པོ་བཤམས་པ་ལ་གཞན་གྱིས་ཇི་ལྟར་གཤེགས་ མ་མཐོང་བར་བཞུགས་ནས་སྔར་གྲགས་པའམ་མ་གྲགས་པའམ་གང་གདོན་ཞེས་གསུང་པ་ན་ མ་གྲགས་པ་འདོན་པར་ཞུས་པས་སྤྱོད་འཇུག་ཤར་གྱིས་གསུངས་ཏེ། ནམ་མཁའ་ལ་ཇེ་མཐོར་ གྱུར་ནས། གང་ཚེ་དངོས་དང་གི་སྐབས་སུ་སྐུ་གཟུགས་མི་སྣང་བར་གྱུར་ཏེ། གསུང་འབའ་ཞིག་ སྤྱོད་འཇུག་ཚིག་འགྲེལ་གཅེས་བཏུས། 05 གིས་རྫོགས་པར་མཛད་ནས་རྙེད་བཀུར་མི་བཞེད་པའི་ཕྱིར། ལྷོ་ཕྱོགས་མཆོད་རྟེན་དཔལ་ཡོན་ ཅན་དུ་གཤེགས་ཤིང༌། དེར་གཟུངས་ཐོབ་པའི་པཎྜི་ཏ་རྣམས་ཀྱིས་བསྡུས་པས་ཤླཽཀ་སྟོང་དང༌། དེ་ལས་ལྷག་པ་དང་སྟོང་མ་ལོངས་པ་སྟེ་གསུམ་དུ་བྱུང་ཞེས་ཟེར་ལ། ཁ་ཅིག་ནི་ཁ་ཆེ་བ་རྣམས་ཀྱིས་ཤླཽ་ཀ་བདུན་བརྒྱ་ལེའུ་དགུར་བསྡུས་ཤིང༌། ཡུལ་དབུས་ པ་རྣམས་ཀྱིས་ཤླཽ་ཀ་སྟོང་ལེའུ་བཅུར་བསྡུས་སོ། །ཞེས་ཀྱང་ཟེར་ཞིང༌། བསླབ་བཏུས་མདོ་ བཏུས་ཀྱང་མ་ཤེས་པས་སྤྱན་འདྲེན་དུ་བཏང་བ་ན་གཤེགས་སུ་མ་བཞེད་དེ་སྤྱོད་འཇུག་ཤླཽ་ ཀ་སྟོང་དེ་ཚད་མར་གྱིས་ཤིག །བསྟན་བཅོས་གཉིས་ཁོ་བོའི་བྲང་ཁང་གི་གདུང་སེབ་ན་པཎྜི་ ཏའི་ཡི་གེ་ཕྲ་མོས་བྲིས་པ་ཡོད་དོ་ཅེས་གསུང་སྟེ་གཏམ་གཉིས་པའོ།། དེ་ནས་མུ་སྟེགས་ཀྱི་རྩོད་པ་ཟློག་པ་དང༌། ཡ་མཚན་ཅན་ཞེས་པ་ངོ་ཚ་བའི་གནས་ རྟག་ཆད་ཀྱི་ལྟ་བ་འཛིན་པའི་མུ་སྟེགས་པ་མང་པོའི་ནང་དང༌། སྤྲང་པོ་སྟོང་ཙམ་གྱི་ནང་དུ་ བཞུགས་ཏེ། ཞག་མང་པོར་ཡུལ་ངན་བྱུང་བས་དེ་དག་བྲུ་བས་ཉེན་ཏེ་སུ་ཟས་སྟེར་ནུས་པ་ དེ་དཔོན་དུ་བསྐོ་བར་བྱས་པས། སློབ་དཔོན་གྱིས་འབྲས་ཆན་ལྷུང་བཟེད་རེ་བླངས་པས་ ཐམས་ཅད་ཚིམ་པར་བྱས་ཏེ། ཡང་དག་པའི་ལྟ་བར་བཀོད་པ་ནི་ངོ་མཚར་གྱི་གཏམ་གསུམ་ པ་དང༌། བཞི་པ་དང༌། ལྔ་པའོ།། ཡང་རྒྱལ་པོ་ཆེན་པོ་ཞིག་གི་སྐུ་སྲུང་བ་མཛད་དེ། ཤིང་གི་རལ་གྲི་འོད་ཟེར་འགྱེད་པར་ བསྟན་པས་འཁོར་བཅས་བཏུལ་བ་ནི་དྲུག་པ་དང༌། སྤྱོད་འཇུག་ཚིག་འགྲེལ་གཅེས་བཏུས། 06 མུ་སྟེགས་ཀྱི་སྟོན་པ་ཤངྐར་དེ་ཝས་ཞག་བདུན་ན་ནམ་མཁའ་ལ་དབང་ཕྱུག་གི་དཀྱིལ་ འཁོར་འབྲི་ཡིས་དེ་བཤིག་ནུས་ན་ཕྱི་རོལ་པ་ཐམས་ཅད་ནང་པར་འཇུག་ཅིང༌། མ་ནུས་ན་ ཐམས་ཅད་ཕྱི་རོལ་པར་འཇུག་དགོས་སོ་ཞེས་བསྒྲགས་པ་ན། བཤིག་པར་ཁས་ལེན་པ་མ་ བྱུང་བས་ནང་པ་རྣམས་ཉམ་ང་བ་ན་སློབ་དཔོན་འདི་གཅེར་བུ་ཁྲུད་མ་ཕོ་བའི་ཚིགས་མས་འཚོ་ བའི་སྤྱོད་པ་མཛད་པ་ན། རྒྱལ་པོའི་བྲན་མོས་ཁྲུད་མ་ཕོ་བ་སློབ་དཔོན་གྱི་སྐུ་ལ་ཟེར་མ་ཕོག་པ་ ན་ལྕགས་བསྲེགས་ལ་ཕོག་པ་ལྟར་ཁོལ་བ་མཐོང་ནས་རིམ་གྱིས་བསྙད་པས་རྣལ་འབྱོར་པར་ ཤེས་ཏེ། གནས་བརྟན་དང་རྒྱལ་པོས་གསོལ་བ་བཏབ་པས་གཞིག་པར་ཞལ་གྱིས་བཞེས་ཏེ། རས་ཟུང་གཉིས་དང༌། ཆུའི་བུམ་པ་དང༌། མེ་དང༌། ཤིང་སྟ་གོན་གྱིས་ཤིག་གསུང༌། ཕྱི་ཉིན་ མུ་སྟེགས་པས་ནམ་མཁའ་ལ་ཐིག་བཏབ་སྟེ་སོང༌། དེའི་ཕྱི་ཉིན་སྔ་དྲོ་སྐྱེ་བོ་ཐམས་ཅད་འདུས། མུ་སྟེགས་པ་དེས་ནམ་མཁའ་ལ་དཀྱིལ་འཁོར་རྡུལ་ཚོན་གྱིས་བྲིས་པ་ཤར་སྒོ་ཙམ་ཟིན་པའི་ ཚེ་སློབ་དཔོན་གྱིས་ཏིང་ངེ་འཛིན་མཛད་པས་ཚུབ་མ་ཆེན་པོ་བྱུང་སྟེ། དཀྱིལ་འཁོར་རྨེག་མེད་ པར་ཁྱེར། མུ་སྟེགས་ཀྱི་སྟོན་པ་ཡང་རླུང་གིས་བདས་པའི་བྱེའུ་ལྟར་འཐོར། ལྗོན་ཤིང་དང་ཁང་ པ་ཡང་ལྡེག་ཅིང་སྐྱེ་བོ་རྣམས་ཀུན་ཏུ་བྱེར་བ་ན་སློབ་དཔོན་གྱིས་རྒྱལ་པོ་ཡབ་ཡུམ་བཙལ་སྟེ། ཆུས་རྡུལ་བཀྲུས། རས་གཡོགས། མེས་བསྲོས་ཏེ་བདེ་བར་བྱས། ཡུལ་པ་དེ་ཐམས་ཅད་སངས་ རྒྱས་པར་གྱུར་ཏེ་མུ་སྟེགས་ཕམ་པའི་ཡུལ་དུ་གྲགས་པ་ནི་གཏམ་བདུན་པའོ།། 07 བྱང་ཆུབ་སེམས་ཀྱི་ཕན་ཡོན་བསྟན་པ། གཉིས་པ་བསྟན་བཅོས་འདི་ཉིད་ཇི་ལྟར་འཆད་པའི་ཚུལ་ལ་གསུམ། ཐོག་མར་དགེ་བ་ བསྟན་བཅོས་ལ་འཇུག་པའི་བྱ་བ། བར་དུ་དགེ་བ་བསྟན་བཅོས་དངོས། ཐ་མར་དགེ་བ་ མཇུག་གི་བྱ་བའོ། །དང་པོ་ལ་གཉིས། མཚན་གྱི་དོན་དང༌། འགྱུར་གྱི་ཕྱག་གོ །དང་པོ་ནི། རྒྱ་གར་སྐད་དུ། བོདྷི་ས་ཏྭ་ཙཱརྱ་ཨ་ཝ་ཏ་ར། བོད་སྐད་དུ། བྱང་ཆུབ་སེམས་དཔའི་ སྤྱོད་པ་ལ་འཇུག་པ། ཞེས་དང༌། གཉིས་པ་འགྱུར་ཕྱག་ནི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། ཞེས་པ་སྟེ། སྒྱུར་བྱེད་ཀྱི་པཎྜི་ཏ་དང༌། ལོ་ཙཱ་བས་བཀོད་པའོ།། གཉིས་པ་བར་དུ་དགེ་བ་བསྟན་བཅོས་དངོས་ལ་གསུམ། བསྟན་བཅོས་རྩོམ་པ་ལ་ འཇུག་པའི་བྱ་བ། བསྟན་བཅོས་དངོས། བརྩམས་པའི་དགེ་བ་བསྔོ་བའོ། །དང་པོ་ལ་བཞི་ སྟེ། ཕྱག་བྱ་བ། རྩོམ་པར་དམ་བཅའ་བ། ཇི་ལྟར་རྩོམ་པའི་ཚུལ་ཏེ་དངོས་བསྟན་གྱི་བཤད་ ཚུལ་དང༌། དགོས་སོགས་ཆོས་ལྔ་བསྟན་པ་ཤུགས་བསྟན་གྱི་བཤད་ཚུལ་ལོ། །དང་པོ་ནི། བདེ་གཤེགས་ཆོས་ཀྱི་སྐུ་མངའ་སྲས་བཅས་དང༌།། ཕྱག་འོས་ཀུན་ལའང་གུས་པས་ཕྱག་བཙལ་ཏེ།། 08 བྱང་ཆུབ་སེམས་ཀྱི་ཕན་ཡོན་བསྟན་པ། ཞེས་གསུངས་ཏེ། དེ་ཡང་ཕྱག་འཚལ་བའི་དགོས་པ་ནི་གཞུང་འདི་བཤད་པའི་དོན་དུ་འཚལ་ བས་ན་ཏེ་ཞེས་པ་ལྷག་བཅས་ཀྱི་སྒྲ་དང་འབྲེལ་ལ། དེའི་ཚེ་བཙལ་ཟིན་པའི་དོན་ནོ།།ཡུལ་ ནི། མཛེས་པའམ་ལེགས་པ་དང༌། ཡོངས་སུ་རྫོགས་པ་དང༌། མཐར་ཐུག་པའི་དོན་གསུམ་ ལ་འཇུག་པའི་ཉེར་བསྒྱུར་སུ་ཡིག་དང༌། ཡང་ན་འགྲོ་བའམ་གཤེགས་པ་དང༌། ཡང་ན་ སྤངས་རྟོགས་གང་རུང་ལ་འཇུག་པའི་ག་ཏ་སྦྱར་བ་སུ་ག་ཏ་ཞེས་པ་ནི་དོན་དུ་མ་ལ་འཇུག་ སྟེ། སྲིད་པ་ལས་འདས་པར་གཤེགས་པ་ནི་ཕྱི་རོལ་པ་སྲིད་རྩེ་ནས་ཀྱང་སླར་ལྡོག་པ། ཁྱོད་ཀྱི་བསྟན་ལས་ཕྱིར་ཕྱོགས་པའི།། སྐྱེ་བོ་མ་རིག་གིས་ལྡོངས་པ།། སྲིད་རྩེའི་བར་དུ་ཕྱིན་ནས་ཀྱང༌།། སྡུག་བསྔལ་ཡང་འབྱུང་སྲིད་པ་གྲུབ།། ཅེས་གསུངས་པ་ལས་ཁྱད་པར་དུ་བྱས་སོ། །ཡང་ན་སླར་མི་ལྡོག་པར་གཤེགས་པ་སྟེ། རྒྱུན་ ཞུགས་སྲིད་པ་ལན་བདུན་པ་འདོད་པར་འཁོར་བ་དང༌། ཕྱིར་མི་འོང་ཁམས་གོང་དུ་འཁོར་བ་ ལས་ཁྱད་པར་དུ་བྱེད་དོ།། ཡང་ན་མཐར་ཐུག་པར་གཤེགས་པ་སྟེ། ཉན་ཐོས་དང་རང་སངས་རྒྱས་སྒྲིབ་པའི་བག་ཉལ་ མ་སྤངས་པ་ལས་ཁྱད་པར་དུ་བྱེད་དོ། །དེ་བཞིན་དུ་སྤངས་པ་ལ་སྦྱར་བ་གསུམ་དང་རྟོགས་ པ་ལ་སྦྱར་བ་ཡང་གསུམ་མོ། །དེའི་ཕྱིར་བདེ་བར་གཤེགས་པ་ཞེས་བྱ་ལ། དེའི་རང་བཞིན་ 09 བྱང་ཆུབ་སེམས་ཀྱི་ཕན་ཡོན་བསྟན་པ། ནི་ཆོས་ཀྱི་སྐུ་སྟེ། ང་ནི་འཇིག་ཚོགས་ཀྱི་ལུས་སུ་མ་ལྟ་བར་ཆོས་ཀྱི་སྐུར་ལྟོས་ཤིག །ཞེས་ གསུངས་སོ།། བདེ་གཤེགས་ཆོས་ཀྱི་སྐུ་མངའ་བ་དེ་འཐོབ་པའི་ཆེད་དུ་ཞུགས་པའི་བྱང་ཆུབ་སེམས་དཔའ་ རྣམས་ནི་དེའི་སྲས་ཡིན་ཏེ། སངས་རྒྱས་ཀྱི་གདུང་འཚོབ་པའི་ཕྱིར་རོ། །ཆོས་ཀྱི་སྐུ་ཞེས་པའི་ཚིག་ གི་ནུས་པ་གཅིག་གིས་ཆོས་དཀོན་མཆོག་ཡང་བསྟན་ཏེ། གང་ཆགས་པ་དང་བྲལ་བའི་འགོག་ བདེན་ནི་ཆོས་དཀོན་མཆོག་གི་མཐར་ཐུག་ཡིན་ལ། གནས་སྐབས་ལམ་གྱི་བདེན་པ་རྣམས་ནི་ སྲས་བྱང་སེམས་ཀྱི་རྒྱུད་ལ་ལྡན་པའི་ཕྱིར། དེ་ལྟར་ཐེག་ཆེན་གྱི་དཀོན་མཆོག་གསུམ་མམ་སངས་ རྒྱས་སྲས་བཅས་དེ་ནི་སངས་རྒྱས་འདོད་པ་རྣམས་ཀྱི་སྐྱབས་ཡུལ་དང་ཕྱག་ཡུལ་གཉིས་ཀ་ཡིན་ ལ། ཉན་ཐོས་དང་རང་སངས་རྒྱས་རྣམས་ནི་ལམ་གོལ་བ་སེབ་ལམ་ཆུང་ངུ་ལྟ་བུར་ཞུགས་པའི་ ཕྱིར། སངས་རྒྱས་དོན་དུ་གཉེར་བ་རྣམས་ཀྱི་ཕྱག་གི་ཡུལ་ཡིན་ཡང༌། སྐྱབས་ཡུལ་ནི་མ་ཡིན་ ཏེ་ལམ་མི་མཚུངས་པའི་ཕྱིར། དེས་ན་རེ་ཞིག་ཕྱག་གི་འོས་ཙམ་དུ་གྱུར་པ་དེ་དག་ལ་ཡང་ཕྱག་ འཚལ་བའི་དོན་ཏོ།། ཕྱག་གི་ངོ་བོ་ནི། སྒོ་གསུམ་འདུད་པ་སྟེ་ང་རྒྱལ་སྤངས་པ་མཚོན་པའི་ཆེད་དོ། །འང་གི་ སྒྲས་ནི་ཉན་རང་དེ་དག་སྐྱབས་ཡུལ་མ་ཡིན་ཡང་ཞེས་མཚོན་པར་བྱེད་དོ། །དེ་ལྟར་ཐོག་མར་ ཡུལ་མཆོག་ལ་གུས་པའི་ཕྱག་བྱས་པས་གཞན་དད་པ་ལ་སྦྱོར། ང་རྒྱལ་སྤངས་པས་དམ་ པར་མཚོན་ནུས། བསོད་ནམས་ཀྱི་ལས་དེས་བརྩམས་པ་མཐར་ཕྱིན་པར་འགྱུར་བའོ།། 10 བྱང་ཆུབ་སེམས་ཀྱི་ཕན་ཡོན་བསྟན་པ། གཉིས་པ་རྩོམ་པར་དམ་བཅའ་བ་ནི། ཏེ་ཞེས་ལྷག་མ་འདྲེན་པའི་ཚིག་བརྗོད་ནས་ཕྱག་བཙལ་ཏེ་ཅི་བྱེད་ཅེས་པའི་དོན་ ནོ། །ལན་ནི། བདེ་གཤེགས་སྲས་ཀྱི་སྡོམ་ལ་འཇུག་པ་ནི།། ལུང་བཞིན་མདོར་བསྡུས་ནས་ནི་བསྟན་པར་བྱ།། ༡ ཞེས་པ་སྟེ། བདེ་གཤེགས་སྲས་ཀྱི་སྡོམ་ལ་འཇུག་པ་ཅེས་པས་བརྗོད་བྱ་དང་དགོས་པ་དོན་ ཆེན་པོ་ཅན་དུ་ཤེས་པར་འགྱུར་ལ། ལུང་བཞིན་ཞེས་པས་རང་གཟོ་མ་ཡིན་པ་དང༌། མདོར་ བསྡུས་པའི་ཚིག་གིས་ལུང་ཉིད་བཟློས་ཏེ་བརྗོད་པ་ཡང་མ་ཡིན་པར་རྒྱ་ཆེན་པོ་མདོར་བསྡུས། དོན་ཁོངས་ན་གནས་པའི་དཀའ་བའི་གནས་བཀྲོལ། འཁྲུགས་པ་གོ་རིམ་དུ་བསྡེབས་ཏེ་ མན་ངག་ཏུ་བསྡུས་ནས་བསྟན་པར་བྱའོ། །དེ་ལྟར་སྟོན་པར་ཡང་ནུས་ཏེ། བདག་ཀྱང་འཇམ་དབྱངས་བཀའ་དྲིན་གྱིས།། ཞེས་དང༌། གང་གི་དྲིན་གྱིས་དགེ་བློ་བྱུང༌།། ཞེས་དེ་ཐམས་ཅད་དགེ་བའི་བཤེས་གཉེན་འཇམ་པའི་དབྱངས་ཀྱི་བཀའ་དྲིན་དུ་བཞེད་ པའི་ཕྱིར་རོ།། 11 བྱང་ཆུབ་སེམས་ཀྱི་ཕན་ཡོན་བསྟན་པ། གསུམ་པ་ཇི་ལྟར་རྩོམ་པའི་ཚུལ་ནི། སྔོན་ཆད་མ་བྱུང་བ་ཡང་འདིར་བརྗོད་མེད།། སྡེབ་སྦྱོར་མཁས་པའང་བདག་ལ་ཡོད་མིན་ཏེ།། དེ་ཕྱིར་གཞན་དོན་བདག་གིས་འདི་མ་བྱས།། རང་གི་ཡིད་ལ་སྒོམ་ཕྱིར་ངས་འདི་བརྩམས།། ༢ དགེ་བ་གོམས་ཕྱིར་བདག་གི་དད་པའི་ཤུགས།། འདི་དག་གིས་ཀྱང་རེ་ཞིག་འཕེལ་འགྱུར་ལ།། བདག་དང་སྐལ་པ་མཉམ་པ་གཞན་གྱིས་ཀྱང༌།། ཅི་སྟེ་འདི་དག་མཐོང་ན་དོན་ཡོད་འགྱུར།། ༣ ཞེས་གསུངས་ཏེ། ཅི་ཁྱེད་ཅག་སྔོན་མ་གྲགས་པ་ཐོན་ཞིག་ཅེས་ཟེར་ན། སྔོན་ཆད་གཏན་མ་ གྲགས་པ་སངས་རྒྱས་ཀྱིས་མ་གསུངས་པ་དེ་ལྟ་བུ་ནི་གདོན་པར་ག་ལ་ནུས་ཞེས་ཅུང་ཟད་ བསྟིང་བར་མཛད་ནས། སངས་རྒྱས་ཀྱི་བཀའི་རྗེས་སུ་འཇུག་པ་ཞིག་གདོན་པར་བགྱི་བ་ ཡིན་མོད་ཀྱང༌། རྟོག་གེ་ལ་ཆགས་པའི་མཁས་པ་ཕལ་ཆེར་ནི་སྒྲ་དང་མངོན་བརྗོད་དང་ལྕི་ ཡང་གི་སྡེབ་སྦྱོར་དང༌། ཚིག་དོན་གྱི་རྒྱན་སྙན་པས་མིང་ཚིག་ཡི་གེ་ཕུན་སུམ་ཚོགས་པ་ཙམ་ ཞིག་ལྷུར་བྱེད་ཀྱི་གང་དེའི་བསྟན་བྱ་དེ་བྱང་གྲོལ་གྱི་རྒྱུ་ཡིན་མིན་དཔྱོད་པར་མི་བྱེད་ལ། རྟོག་ གེའི་ཚིག་མཛེས་པ་ཙམ་དེ་དག་ནི་འཚེ་བ་དང་འདོད་པའི་བསྟན་བཅོས་ཐམས་ཅད་ལ་ཡང་ 12 བྱང་ཆུབ་སེམས་ཀྱི་ཕན་ཡོན་བསྟན་པ། ཡོད་ལ། གཙང་བ་དང་མི་གཙང་བ་གང་ཡང་བླུགས་སུ་རུང་བ་སྣོད་སྟོང་པ་ལྟ་བུའི་སྡེབ་སྦྱོར་ ལ་སོགས་པ་དེ་དག་ལ་སྙིང་པོ་མེད་དེ། དྲུག་ཅུ་པའི་འབྲས་ཆན་བྲེའུ་ཆུང་གང་ལ་སྡེབ་སྦྱོར་ ཕུན་སུམ་ཚོགས་པའི་ཚིག་གིས་དྲངས་པ་དང༌། བ་ལང་རྫིའི་ཚིག་གིས་དྲངས་པ་གཉིས་ཁ་ དོག་དང་རོ་ནུས་བཟང་ངན་དུ་མ་མཐོང་བའི་ཕྱིར། དེ་ལྟར་མང་པོ་དགའ་བའི་སྡེབ་སྦྱོར་སོགས་དེ་དག་ནི་བདག་གིས་མི་ཤེས་སོ། །ཞེས་ཁེངས་ པ་སྐྱུང་པའི་ཚུལ་གྱིས་དེ་དག་ལ་སྙིང་པོ་མེད་པར་བསྟན་ནས། བདག་ནི་དོན་ཕུན་སུམ་ཚོགས་ པ་སངས་རྒྱས་ཀྱི་ལམ་མ་ནོར་ཞིང་ཚང་བ་ཞིག་གོ་སླ་བ་ཁོ་ནའི་ངག་གིས་བརྗོད་པར་བྱེད་ལ། དེའི་ཚེ་ཚིག་གི་སྦྱོར་བ་ལྷུར་བྱེད་པ་དག་སྡེབ་སྦྱོར་དང་སྒྲ་བཟང་པོ་མེད་དོ་ཞེས་མི་འཇུག་ཅིང༌། མང་དུ་ཐོས་པ་མངོན་པའི་ང་རྒྱལ་དང་ལྡན་པ་དག་བདག་ནི་ཁྱོད་ཀྱི་བསྟན་བཅོས་ལ་མི་རེའོ་ ཞེས་ཁེངས་པས་མི་འདུད་པ་སྲིད་ལ། མ་དད་པ་ཆོས་ཀྱི་སྣོད་མིན་པ་སྟོན་པའི་ཕྱིར། འཁོར་ དེ་ཕལ་ཆེར་ཡང་བྷུ་སུ་ཀུ་ཞེས་སློབ་དཔོན་ལ་བརྙས་པར་བྱེད་པས་ཁྱེད་ཅག་བདག་གི་ཆོས་ ལ་མི་འཇུག་གོ་ཞེས་སྟོན་པའི་ཕྱིར། དེ་ཕྱིར་གཞན་དོན་བདག་གིས་འདི་མ་བྱས། །ཞེས་ཁྱེད་ རྣམས་ཀྱི་དོན་དུ་འདི་བྱེད་པ་མ་ཡིན་ཏེ། སྣོད་མ་ཡིན་པའི་མཚན་ཉིད་མཐོང་བའི་ཕྱིར། འོན་ཀྱང་ཁྱེད་རྣམས་ཀྱིས་བསྐུལ་བའི་རྐྱེན་ཙམ་ལས་གཙོ་བོར་རང་གི་རྒྱུད་འདུལ་ཞིང་ གོམས་པ་གོང་དུ་སྤེལ་བའི་ཆེད་དུ་རྩོམ་ལ། རྒྱུ་དེས་བདག་ཉིད་ཀྱི་དད་པའི་ཤུགས་གོང་ནས་ གོང་དུ་རྒྱས་པ་རང་དོན་གྱི་ཡོན་ཏན་འབྱུང་ལ། གཞན་དོན་དུའང་མི་འགྱུར་བ་ནི་མ་ཡིན་ཏེ། 13 བྱང་ཆུབ་སེམས་ཀྱི་ཕན་ཡོན་བསྟན་པ། འཁོར་གྱི་ཚོགས་འདི་ལས་ཀྱང་སེམས་ནི་གློ་བུར་བ་ཡིན་པའི་ཕྱིར། ཆོས་ཀྱི་གཏམ་འདིས་ དད་པའི་དབང་པོ་གསོས་ཐེབས་པ་ཡང་འབྱུང་སྲིད་པ་དང༌། བདག་ལས་སྐལ་པ་མཆོག་ རྣམས་འདི་ལ་མི་ལྟོས་མོད་ཀྱང་ད་ལྟར་དང་མ་འོངས་པ་ན་ཡང་རུང་སྟེ། བདག་དང་སྐལ་པ་ མཚུངས་པའམ་དམན་པ་དག་གིས་ཀྱང་རུང་སྟེ། བསྟན་བཅོས་འདི་ལྟ་བུ་དག་མཐོང་བ་ན་ ཡང་དག་པའི་ལམ་ལ་འཇུག་པ་སྲིད་པས་དོན་ཆེན་པོར་འགྱུར་བའི་ཕྱིར་དང༌། སྤྱིར། རྩོམ་པ་ ཐམས་ཅད་དགའ་ཕྱིར་ཏེ། །ཞེས་འཆད་པར་འགྱུར་བ་ལྟར་སེམས་ཅན་ཐམས་ཅད་ཀྱི་གཏན་ དོན་དུ་མ་དམིགས་པའི་དགེ་བ་ནི་བྱང་ཆུབ་སེམས་དཔའ་མཆོག་ལ་མེད་པའི་ཕྱིར་ རོ། །ཞེས་དགོངས་པ་ཡིན་ནོ།། དེ་ལྟར་ཁེངས་པ་བསྐྱུངས་པས་རྩོམ་པ་པོས་ཐམས་ཅད་མཁྱེན་པར་ཁས་མ་བླངས་པའི་ ཕྱིར་རྒོལ་བ་ཉུང་བར་འགྱུར་བ་དང༌། རྩོམ་པ་པོར་ང་རྒྱལ་མེད་པར་མཐོང་ནས་སེམས་དང་ ཞིང་བསྟན་བཅོས་ལ་འཇུག་པར་འགྱུར་བ་དང༌། བརྒལ་ལན་བྱེད་པ་ནའང་འདིས་དེ་ཙམ་གྱི་ མཁས་པར་ཁས་བླངས་སོ། །ཞེས་སུན་ཅི་ཕྱིན་གྱིས་མི་རྒོལ་བའི་དགོས་པའང་འབྱུང་ངོ༌།། བཞི་པ་དགོས་སོགས་ཆོས་ལྔ་བསྟན་པ་ཤུགས་བསྟན་གྱི་བཤད་ཚུལ་ནི། གང་བདེ་ བར་གཤེགས་པའི་སྲས་ཀྱི་སྡོམ་པ་ནི་འདིར་བརྗོད་བྱ་ཡིན་ལ། དེ་ལ་འཇུག་པའི་བསྟན་ བཅོས་འདི་ནི་རྗོད་བྱེད་དོ། །རྗོད་བྱེད་འདི་ཁོང་དུ་ཆུད་པ་ན་བྱང་སྡོམ་དེའི་མ་ཐོབ་པ་འཐོབ་ བྱེད། ཐོབ་པ་སྲུང་ཚུལ། ཉམས་ན་ཕྱིར་བཅོས་རྣམས་ཤེས་པས་ཚུལ་བཞིན་དུ་སྲུང་ཞིང་བྱང་ ཆུབ་སེམས་དཔའི་སྤྱོད་པ་དག་པར་འགྱུར་བ་ནི་དགོས་པའོ། །དེ་ལས་ཆོས་ཀྱི་སྐུ་མངའ་བའི་ 14 བྱང་ཆུབ་སེམས་ཀྱི་ཕན་ཡོན་བསྟན་པ། བདེ་བར་གཤེགས་པ་འཐོབ་པ་ནི་དགོས་པའི་དགོས་པའམ་ཉིང་དགོས་ཡིན་ལ། བྱང་ཆུབ་ འཐོབ་པ་དེ་ནི་བསམ་སྦྱོར་དག་པ་ལ་བལྟོས། དེ་ནི་བསྟན་བཅོས་འདི་ལྟ་བུ་ལ་བལྟོས། དེ་ ནི་བརྗོད་བྱ་བྱང་སྡོམ་ལ་བལྟོས་པས་མེད་ན་མི་འབྱུང་གི་གོ་རིམ་དུ་གནས་པ་ནི་འབྲེལ་པ་ སྟེ། དགོས་སོགས་ཆོས་ལྔ་དང་ལྡན་པར་མཐོང་བས་དཔྱོད་ལྡན་འཇུག་པའི་སྒོར་འགྱུར་ལ། བསྟན་བཅོས་ལུས་ཀྱི་དབང་དུ་བྱེད་ན། ཀུན་རྫོབ་དོན་དམ་གྱི་བྱང་ཆུབ་ཀྱི་སེམས་བརྗོད་བྱ། དེ་དག་པར་བྱེད་པ་ཕ་རོལ་ཏུ་ཕྱིན་པའི་ཚུལ་རྣམས་རྗོད་བྱེད། ཆོས་གཟུགས་ཀྱི་སྐུ་འཐོབ་པ་ དགོས་པ། བསྔོ་བས་བསྟན་པ་སེམས་ཅན་ཐམས་ཅད་ཀྱི་ཕན་བདེའི་གཞིར་འགྱུར་བ་ཉིང་ དགོས་དང༌། འབྲེལ་བ་ཤུགས་ཀྱིས་ཐོབ་བོ།། གཉིས་པ་བསྟན་བཅོས་དངོས་ལ་གཉིས། ལམ་གྱི་རྟེན་དལ་འབྱོར་བཤད་པ་དང༌། ལམ་ གྱི་དངོས་གཞི་བྱང་ཆུབ་ཀྱི་སེམས་བཤད་པའོ། །དང་པོ་ལ་གཉིས། ལུས་རྟེན་དལ་འབྱོར་རྙེད་ དཀའ་བ་དང༌། གནས་ལ་དད་པའི་དགེ་བློ་ཁྱད་པར་དུ་རྙེད་དཀའ་བར་བསྟན་པའོ། །དང་པོ་ནི། དལ་འབྱོར་འདི་ནི་རྙེད་པར་ཤིན་ཏུ་དཀའ།། སྐྱེས་བུའི་དོན་གྲུབ་ཐོབ་པར་གྱུར་པ་ལ།། གལ་ཏེ་འདི་ལ་ཕན་པ་མ་སྒྲུབས་ན།། ཕྱི་ནས་ཡང་དག་འབྱོར་བར་ག་ལ་འགྱུར།། ༤ ཞེས་གསུངས་ཏེ། 15 བྱང་ཆུབ་སེམས་ཀྱི་ཕན་ཡོན་བསྟན་པ། དམྱལ་བ་ཡི་དྭགས་དུད་འགྲོ ་དང༌།། ཀླ་ཀློ་ཚེ་རིང་ལྷ་དང་ནི།། ལོག་ལྟ་སངས་རྒྱས་ཀྱིས་སྟོང་པ།། ལྐུགས་པ་འདི་དག་མི་ཁོམ་བརྒྱད།། དེ་དེར་མ་སྐྱེས་པས་ཆོས་བྱར་ཁོམ་པའི་ཕྱིར་དལ་བའོ།། མི་ཉིད་དབུས་སྐྱེས་དབང་པོ་ཚང༌།། ལས་མཐའ་མ་ལོག་གནས་ལ་དད།། ཅེས་པ་རང་གི་འབྱོར་པ་ལྔ་དང༌། སངས་རྒྱས་བྱོན་དང་དེས་ཆོས་གསུངས།། བསྟན་པ་གནས་དང་དེའི་རྗེས་འཇུག། གཞན་ཕྱིར་སྙིང་ནས་བརྩེ་བའོ།། ཞེས་གཞན་འབྱོར་ལྔའོ། །གང་གིས་རྙེད་པར་དཀའ་ན་མི་ཁོམ་པར་སྐྱེས་པ་རྣམས་ཀྱིས་ སོ། །ཇི་ལྟར་ན་མདོ་ལས་ས་ཆེན་པོ་དང་སེན་མོའི་སྟེང་གི་སའི་དཔེ་མཛད་པ་དང༌། རྒྱ་ མཚོ་ཆེར་གཡེངས་གཉའ་ཤིང་གི། ཞེས་འཆད་པར་ཡང་འགྱུར་ལ། རྒྱལ་པོ་ཆེན་པོ་དལ་བ་ཕུན་སུམ་ཚོགས་པ་ཡང་རྙེད་པར་དཀའ། ཞེས་སོགས་གསུངས་ 16 བྱང་ཆུབ་སེམས་ཀྱི་ཕན་ཡོན་བསྟན་པ། སོ། །དེས་ན་ལྷ་ལས་རྣམ་པ་དུ་མས་ལྷག་པའི་ལུས་རྟེན་འདི་ཐོབ་ནས་དོན་མེད་དུ་མི་འགྱུར་ བར་རང་གིས་འབད་པར་བྱའོ།། གཉིས་པ་གནས་ལ་དད་པའི་དགེ་བློ་ཁྱད་པར་དུ་རྙེད་དཀའ་བར་བསྟན་པ་ནི། ཇི་ལྟར་མཚན་མོ་མུན་ནག་སྤྲིན་རུམ་ནང༌།། གློག་འགྱུ་སྐད་ཅིག་བར་སྣང་སྟོན་པ་ལྟར།། དེ་བཞིན་སངས་རྒྱས་མཐུ་ཡིས་བརྒྱ་ལམ་ན།། འཇིག་རྟེན་བསོད་ནམས་བློ་གྲོ ས་ཐང་འགའ་འབྱུང༌།། ༥ དེ་ལྟས་དགེ་བ་ཉམ་ཆུང་འདི་ལ་བརྟག། ཅེས་གསུངས་ཏེ། དེ་ལས་རང་འབྱོར་ལྔའི་ནང་ཚན་གནས་ལ་དད་པའི་དགེ་བའི་བློ་ཁྱད་པར་ ཅན་དེ་ནི་བརྒྱ་ལམ་ན་ལན་རེ་འབྱུང་བར་ཟད་དེ། ཇི་ལྟར་མཚན་མོ་གློག་གི་འོད་ནི་བརྒྱ་ལམ་ ན་འབྱུང་ཞིང་ཡུད་ཙམ་སྣང་བར་བྱེད་ཀྱི་རིང་དུ་མ་ཡིན་པ་བཞིན་ཡིན་ལ། དེ་ཡང་རྒྱུ་རྐྱེན་ཆུང་ངུའམ་སྟེས་དབང་ཙམ་གྱིས་སྐྱེ་བ་མ་ཡིན་ཏེ། སངས་རྒྱས་བཅོམ་ ལྡན་འདས་རྣམས་ཀྱི་བྱིན་རླབས་དང༌། རང་གི་ཁམས་ཀྱི་ནུས་པ་དང༌། དགེ་བའི་རྒྱུ་ རྐྱེན་མང་པོ་འདུས་པ་ལས་སྐྱེ་བ་སྟེ། དཀའ་འགྲེལ་ཆེན་མོར། སངས་རྒྱས་བཅོམ་ལྡན་ འདས་ཉིད་ཕན་པ་དང་བདེ་བ་ལ་སྦྱོར་བའི་ཕྱིར་སྐལ་བ་ཅན་དང༌། སྐལ་བ་ཅན་མ་ཡིན་ པའི་སེམས་ཅན་གྱི་རྒྱུད་ལ་གཟིགས་ཤིང་རྟག་ཏུ་བཞུགས་ཏེ། གང་གི་ཚེ་གང་དུ་ཐབས་ 17 བྱང་ཆུབ་སེམས་ཀྱི་ཕན་ཡོན་བསྟན་པ། གང་གིས་གང་ལ་སྐལ་བ་དང་ལྡན་པ་གང་ཡིན་པ་ལ་གཟིགས་ནས། དེའི་ཚེ་དེར་ཐབས་ དེ་དང་དེ་བྱིན་གྱིས་རློབ་པར་མཛད་ཅིང༌། སྐལ་བ་དང་མི་ལྡན་པའི་གནས་སྐབས་སུ་བཏང་ སྙོམས་ཀྱིས་བཞུགས་སོ།། དེ་ལྟར་ན་དེ་བཞིན་གཤེགས་པའི་བྱིན་གྱིས་བརླབས་ཀྱིས་ཅི་ཞིག་ལྟར་ན་རྙེད་པར་ དཀའ་བ་བརྙེད་པ་འབྱུང་བའི་ཕྱིར། འཇིག་རྟེན་ཏེ་སྐྱེ་བོའི་བསོད་ནམས་ཕན་པ་དང་བདེ་བའི་ རྒྱུ་དགེ་བའི་ལས་རྣམས་ལ་བློ་གྲོས་ཡུད་ཙམ་ཞིག་འབྱུང་སྟེ། དེ་ནི་དེར་མི་བརྟན་པའི་ཕྱིར་ དང༌། འཁོར་བ་ཐོག་མ་མེད་པར་འཇིག་རྟེན་གྱི་མི་དགེ་བའི་ཕྱོགས་ཉིད་ལ་གོམས་པའི་ ཕྱིར་རོ། །ཞེས་བྱུང་ངོ༌།། དེ་ལྟ་བས་ན་དགེ་བའི་བློ་སྐྱེ་བར་དཀའ་ཞིང་འཇིག་པར་སླ་བས་ཉམ་ཆུང་ལ་ཕན་ཡོན་ ཆེན་པོ་ཅན་མུན་ནག་གི་གློག་ལས་ཀྱང་ཆེས་བྱེ་བ་ཕྲག་མང་པོར་དཀོན་པ་བདག་ཅག་བྱིས་ པ་རྣམས་ལ་ཡད་ཡུད་ལན་རེ་ཙམ་འབྱུང་བ་གང་ཡིན་པ་འདི་ནི་ཤིན་ཏུ་སྐྱོང་ཞིང་སྲུང་བ་ལ་ ནན་ཏན་བྱ་སྟེ། འདིའི་ཆེད་དུ་ལུས་དང་སྲོག་འདོར་བར་བྱའི་ལུས་སྲོག་གི་ཆེད་དུ་ནི་འདི་ བཏང་བར་མི་བྱའོ།། ཇི་ལྟར་མི་བཏང་ཞེ་ན། ལུས་དང་སེམས་ཀྱི་གནས་སྐབས་ལ་བརྟག་པ་དང༌། སེམས་ སྲུང་བ་རྒྱས་པར་འཆད་པ་རྣམས་ཏེ་སྐྱེ་བར་དཀའ་བའི་དགེ་བ་བྱང་ཆུབ་ཀྱི་སེམས་མི་ ཉམས་པར་སྲུང་བ་འདིས་ནི་སྤྱོད་པ་ལ་འཇུག་པའི་གཞུང་འདི་ཚར་ཕྱིན་པ་ཡིན་ནོ།། 18 བྱང་ཆུབ་སེམས་ཀྱི་ཕན་ཡོན་བསྟན་པ། གཉིས་པ་ལམ་གྱི་དངོས་གཞི་བྱང་ཆུབ་ཀྱི་སེམས་སྒོམ་པ་ལ་གསུམ། བྱང་ཆུབ་ཀྱི་ སེམས་ཀྱི་ཕན་ཡོན་བཤད་པ། བྱང་ཆུབ་ཀྱི་སེམས་ཇི་ལྟར་བླང་ཚུལ། ཐོབ་པ་མི་ཉམས་པར་ སྲུང་ཚུལ་ལོ། དང་པོ་ལ་བཞི། མ་མཐོང་བའི་ཕན་ཡོན། མཐོང་ཆོས་ཀྱི་ཕན་ཡོན། དཔེ་དྲུག་ གིས་བསྔགས་པ་སྟེ་ཐུན་མོང་གི་ཕན་ཡོན་གསུམ། འཇུག་སེམས་ཀྱི་ཕན་ཡོན་ཁྱད་པར་དུ་ བཤད་པའོ། །དང་པོ་ལ་བཞི། སྡིག་པ་སེལ་བ། རང་ལ་ཕན་པ། གཞན་སྐྱོབ་པ། སྐྱེས་བུ་ གསུམ་གའི་ལམ་གྱི་རྟེན་དུ་འགྱུར་བའོ། །དང་པོ་ནི། སྡིག་པ་སྟོབས་ཆེན་ཤིན་ཏུ་མི་བཟད་པ།། དེ་ནི་རྫོགས་པའི་བྱང་ཆུབ་སེམས་མིན་པ།། དགེ་གཞན་གང་གིས་ཟིལ་གྱིས་ནོན་པར་འགྱུར།། ༦ ཞེས་གསུངས་ཏེ། འགྲེལ་པ་ཕལ་མོ་ཆེར་དེ་ལྟས་ཞེས་པའི་རྐང་པའང་འདི་ལ་སྦྱར་རོ། །འདི་ ལ་སྡིག་པ་དྲུངས་འབྱིན་པ་ནི་དོན་དམ་བྱང་སེམས་ཀྱི་ཕན་ཡོན་ཡིན་ཡང་ཀུན་རྫོབ་ཀྱི་སྨོན་ པས་ཀྱང་མངོན་གྱུར་བ་མགོ་གནོན་ནུས་ཏེ། སེམས་སྐྱེད་པ་ལས་ཀྱི་སྒྲིབ་པ་ཆེན་པོ་དང་ ལྡན་ཡང་ངན་སོང་དུ་མ་སོང་བ་མང་དུ་བཤད་པའི་ཕྱིར་རོ།། གཉིས་པ་རང་ལ་ཕན་པ་ནི། བསྐལ་པ་དུ་མར་རབ་དགོངས་མཛད་པ་ཡི།། ཐུབ་དབང་རྣམས་ཀྱིས་འདི་ཉིད་ཕན་པར་གཟིགས།། 19 བྱང་ཆུབ་སེམས་ཀྱི་ཕན་ཡོན་བསྟན་པ། ཞེས་པའོ།། གསུམ་པ་གཞན་སྐྱོབ་པ་ནི། འདིས་ནི་ཚད་མེད་སྐྱེ་བོའི་ཚོགས་རྣམས་ཀྱིས།། བདེ་མཆོག་བདེ་བླག་ཉིད་དུ་འཐོབ་པར་བྱེད།། ༧ ཅེས་གསུངས་ཏེ། སྐྲ་འབལ་བ་སོགས་ཀྱི་གདུང་བ་མེད་པར་འཇུག་པས་བདེ་མཆོག་དང་ བདེ་བླག་སྟེ། བདེ་ནས་བདེ་བར་འགྲོ ་བ་ལ།། སེམས་ཤེས་སུ་ཞིག་སྒྱིད་ལུག་འགྱུར།། ཞེས་འཆད་པར་འགྱུར་རོ།། འོ་ན་བྱམས་པའི་སྟོབས་ཀྱི་སྐྱེས་རབས་སོགས་ཇི་ལྟ་ཞེ་ན། ཕ་རོལ་གྱི་སྡུག་བསྔལ་ གྱིས་རང་སྡུག་བསྔལ་བར་གྱུར་པའི་བློ་ཅན་རྣམས་ནི་དེ་འདྲ་བ་ལ་བདེ་བ་ཉིད་དུ་མཐོང་བར་ འགྱུར་རོ། །ཞེས་དཀའ་འགྲེལ་ཆེན་མོར་རོ།། བཞི་པ་སྐྱེས་བུ་གསུམ་གའི་ལམ་གྱི་རྟེན་དུ་འགྱུར་བ་ནི། སྲིད་པའི་སྡུག་བསྔལ་བརྒྱ་ཕྲག་གཞོམ་འདོད་ཅིང༌།། སེམས་ཅན་མི་བདེ་བསལ་བར་འདོད་པ་དང༌།། 20 བྱང་ཆུབ་སེམས་ཀྱི་ཕན་ཡོན་བསྟན་པ། བདེ་མང་བརྒྱ་ཕྲག་སྤྱོད་པར་འདོད་པས་ཀྱང༌།། བྱང་ཆུབ་སེམས་ཉིད་རྟག་ཏུ་གཏང་མི་བྱ།། ༨ ཞེས་གསུངས་ཏེ། འཁོར་བའི་བདེ་བ་འདོད་པས་ཀྱང་སེམས་བསྐྱེད་པར་བྱ་སྟེ། འཁོར་བའི་ བདེ་འབྲས་ཐམས་ཅད་བསྐལ་པ་བྱེ་བར་མྱོང་ཡང་དེས་རྒྱུ་ལ་བྲི་གང་དུ་མི་མངོན་པའི་ཕྱིར། རང་ཉིད་ཞི་བ་འདོད་པས་ཀྱང་བྱང་ཆུབ་ཏུ་སེམས་བསྐྱེད་པར་བྱ་སྟེ། མྱུར་དུ་འཁོར་བ་ལས་ ཐར་བར་འདོད་པས་ཀྱང་བྱང་ཆུབ་ཏུ་སེམས་བསྐྱེད་པར་བྱའོ། །ཞེས་དང༌། མཆོག་ཟུང་མྱུར་ དུ་ཐར་བར་འདོད་པས་ཐེག་དམན་དུ་སེམས་བསྐྱེད་པ་ཡིན་ཡང༌། ང་བྱང་ཆུབ་མ་ཐོབ་ཀྱི་ བར་དུ་འདི་གཉིས་ཐར་བར་མ་ནུས་སོ། །ཞེས་སོ། །སེམས་ཅན་སྐྱབས་པར་འདོད་པས་ཀྱང་ སེམས་བསྐྱེད་པར་བྱ་སྟེ་དེའི་རྒྱུ་ནི་དེ་ཁོ་ན་ཡིན་པའི་ཕྱིར་རོ།། གཉིས་པ་མཐོང་ཆོས་ཀྱི་ཕན་ཡོན་ནི། བྱང་ཆུབ་སེམས་སྐྱེས་གྱུར་ན་སྐད་ཅིག་གིས།། འཁོར་བའི་བཙོན་རར་བསྡམས་པའི་ཉམ་ཐག་རྣམས།། བདེ་གཤེགས་རྣམས་ཀྱི་སྲས་ཞེས་བརྗོད་བྱ་ཞིང༌།། འཇིག་རྟེན་ལྷ་མིར་བཅས་པས་ཕྱག་བྱར་འགྱུར།། ༩ ཞེས་གསུངས་ཏེ། སྨོན་པའི་བྱང་ཆུབ་ཀྱི་སེམས་སྐྱེས་མ་ཐག་དེ་ཉིད་དུ་འཁོར་བའི་རྒྱ་མཚོ་ གནག་རྗེས་ཙམ་དུ་བྱས་ཏེ་རྒྱལ་བའི་སྲས་ཀྱི་མིང་འཐོབ། ཚངས་པ་ལ་སོགས་པའི་ལྷས་ 21 བྱང་ཆུབ་སེམས་ཀྱི་ཕན་ཡོན་བསྟན་པ། ཕྱག་བྱེད། བྱང་ཆུབ་སེམས་དཔའ་འོ། །ཞེས་བཀུར་སྟིའི་གནས་སུ་འགྱུར་བའི་ཕྱིར་ཏེ། འདུལ་བའི་ལུང་ལས། རྒྱལ་པོ་གསལ་རྒྱལ་གྱིས་སྟོན་པ་ལ། རབ་བྱུང་གི་ཕན་ཡོན་ཞུས་ པས་ཁྱོད་ཉིད་ལ་དྲི་བར་བྱ་སྟེ། ཁྱོད་ཀྱི་བྲན་གོ་རེ་ལོང་མངག་གཞུག་པ་ཅི་དགོས་བྱེད་པ་ ཞིག་ད་ལྟ་ངའི་ཐད་དུ་རབ་ཏུ་བྱུང་སྟེ། བསྙེན་པར་རྫོགས་ན་ཕྱིན་ཆད་དེས་ཁྱོད་ཀྱི་རྐང་པ་ བཀྲུ་བ་དང་གོ་རེ་ལོང་བྱེད་དམ། གསོལ་པ་བཅོམ་ལྡན་འདས་དེ་མི་བགྱིད་དེ་གཞན་དུ་ན་ དེའི་ཞབས་ལ་བདག་གིས་ཕྱག་བྱ་བ་དང་བདག་གིས་དེའི་རྐང་པ་བཀྲུ་བར་བྱ་བར་འགྱུར་ རོ། །བཀའ་བསྩལ་པ། རྒྱལ་པོ་ཆེན་པོ་དེ་ལྟ་བས་ན་དོན་འདིས་ཀྱང་ངས་རབ་ཏུ་བྱུང་བའི་ ཕན་ཡོན་བཤད་པ་མ་ཡིན་ནམ། ཞེས་གསུངས་པ་ལྟ་བུའོ།། གསུམ་པ་དཔེ་དྲུག་གིས་བསྔགས་པ་ལ་དྲུག དམན་པ་མཆོག་ཏུ་བསྒྱུར་བ་གསེར་ འགྱུར་གྱི་རྩིའི་དཔེ། རིན་དང་མཐུ་ཆེ་བ་ནོར་བུའི་དཔེ། འབྲས་བུ་ཟད་མི་ཤེས་པ་དཔག་ བསམ་གྱི་ཤིང་གི་དཔེ། མྱོང་བར་ངེས་པའི་སྡིག་པ་འཇོམས་པ་དཔའ་བོའི་དཔེ། མྱོང་བར་ མ་ངེས་པ་འཇོམས་པ་མེའི་དཔེ། ཕན་ཡོན་རྒྱས་པར་མདོ་ལས་བསྟན་ཚུལ་ལོ། །དང་པོ་ནི། གསེར་འགྱུར་རྩི་ཡི་རྣམ་པ་མཆོག་ལྟ་བུར།། མི་གཙང་ལུས་འདི་བླངས་ནས་རྒྱལ་བའི་སྐུ།། རིན་ཆེན་རིན་ཐང་མེད་པར་བསྒྱུར་བས་ན།། བྱང་ཆུབ་སེམས་ཞེས་བྱ་བ་རབ་བརྟན་གཟུང༌།། ༡༠ 22 བྱང་ཆུབ་སེམས་ཀྱི་ཕན་ཡོན་བསྟན་པ། ཞེས་གསུངས་ཏེ། གསེར་གྱི་རིགས་ཆེན་པོ་དངུལ་ཆུར་སྣང་བས་ལྕགས་ཐམས་ཅད་གསེར་ དུ་བྱེད་ཀྱང་དེ་ལྕགས་ཀྱིས་ཉམས་མི་ནུས་པ་ལྟ་བུའོ། །འདིར་སྡོང་པོ་བཀོད་པ་ན། གསེར་ དུ་སྣང་བའི་དངུལ་ཆུ་ཞེས་ཡོད་ཀྱང༌། འགྱུར་རམ་བར་དུ་མ་དག་པ་ཞིག་སྟེ་རོ་བཅུད་ཆེན་པོ་ དེ་ནི་རྣམ་པ་དངུལ་ཆུར་ཡོད་ལ། ངོ་བོ་གསེར་གྱི་མཆོག་ཡིན་པས་དེས་ཕྲད་མ་ཐག་ལྕགས་ ཁམས་ཀྱི་རོ་ཐམས་ཅད་ཕུག་ནས་གསེར་གྱི་ཁམས་འབའ་ཞིག་པར་བྱེད་པར་མདོ་མྱང་ འདས་སོགས་དང༌། རྒྱུད་དུས་འཁོར་སོགས་ལས་བཤད་པའི་ཕྱིར་རོ།། གཉིས་པ་རིན་དང་མཐུ་ཆེ་བ་ནོར་བུའི་དཔེ་ནི། འག ྲོ་བའི་དེད་དཔོན་གཅིག་པུ་ཚད་མེད་བློས།། ལེགས་པར་ཡོངས་སུ་བརྟགས་ན་རིན་ཆེན་བས།། འག ྲོ་བའི་གནས་དང་བྲལ་བར་འདོད་པ་རྣམས།། རིན་ཆེན་བྱང་ཆུབ་སེམས་ལེགས་བརྟན་པོར་གཟུང༌།། ༡༡ ཞེས་གསུངས་ཏེ། དཀའ་འགྲེལ་ཆེན་མོར། འགྲོ་བ་ཚོང་བརྡལ་པ་རྣམས་ལ་ཀྱེ་བྱང་ཆུབ་ཀྱི་ སེམས་ཀྱི་ནོར་བུ་ཁོ་ན་ཉོས་ཤིག། ཞེས་གཏན་ཚིགས་དང་བཅས་ནས་འདོམས་པ་སྟེ། ཉི་ ཟླའི་འོད་ཀྱིས་ཁྱབ་པ་ཚུན་ཆད་ཀྱི་དངོས་པོ་ཀུན་གྱིས་རིན་པོ་ཆེ་དབང་གི་རྒྱལ་པོའི་རིན་དུ་ མི་ཆོག་པ་ལྟར། བྱང་ཆུབ་ཀྱི་སེམས་ཀྱི་རིན་དུ་ཉན་རང་མན་གྱི་དགེ་བ་ཐམས་ཅད་ཀྱིས་མི་ ཆོག་པར་གསུངས་པ་དྲངས་སོ།། 23 བྱང་ཆུབ་སེམས་ཀྱི་ཕན་ཡོན་བསྟན་པ། གསུམ་པ་འབྲས་བུ་ཟད་མི་ཤེས་པ་དཔག་བསམ་གྱི་ཤིང་གི་དཔེ་ནི། དགེ་བ་གཞན་ཀུན་ཆུ་ཤིང་བཞིན་དུ་ནི།། འབྲས་བུ་བསྐྱེད་ནས་ཟད་པར་འགྱུར་བ་ཉིད།། བྱང་ཆུབ་སེམས་ཀྱི་ལྗོན་ཤིང་རྟག་པར་ཡང༌།། འབྲས་བུ་འབྱིན་པས་མི་ཟད་འཕེལ་བར་འགྱུར།། ༡༢ ཞེས་གསུངས་ཏེ། དགེ་བ་གཞན་རྣམས་ནི་སྦ་དང༌། སྨིག་མ་དང༌། ཆུ་ཤིང་ལྟར་འབྲས་བུ་ ལན་གཅིག་ཕྱུང་ནས་རྩ་བ་སྐམ་ལ། བྱང་ཆུབ་ཀྱི་སེམས་ནི་ནྱ་གྲོ་དྷ་ལ་སོགས་པ་ལྟར་ འབྲས་བུ་ཟད་མི་ཤེས་པའོ།། བཞི་པ་མྱོང་བར་ངེས་པའི་སྡིག་པ་འཇོམས་པ་དཔའ་བོའི་དཔེ་ནི། སྡིག་པ་ཤིན་ཏུ་མི་བཟད་བྱས་ན་ཡང༌།། དཔའ་ལ་བརྟེན་ན་འཇིགས་པ་ཆེ་ལས་ལྟར།། གང་ལ་བརྟེན་ནས་ཡུད་ཀྱིས་སྒྲོལ་འགྱུར་བ།། དེ་ལ་བག་ཅན་རྣམས་ཀྱིས་ཅིས་མི་བསྟེན།། ༡༣ ཞེས་གསུངས་ཏེ། རྒྱལ་པོ་མ་སྐྱེས་དགྲ་ལྟ་བུའང་བྱང་ཆུབ་ཀྱི་སེམས་ཀྱི་མཐུས་ཚེ་དེ་ལ་སྒྲ་ བྱུང་གི་བཟོད་པ་ཐོབ་པར་འགྱོད་བསལ་གྱི་མདོ་ལས་བཤད་པ་ལྟ་བུའོ།། 24 བྱང་ཆུབ་སེམས་ཀྱི་ཕན་ཡོན་བསྟན་པ། ལྔ་པ་མྱོང་བར་མ་ངེས་པ་འཇོམས་པ་མེའི་དཔེ་ནི། དེས་ནི་དུས་མཐའི་མེས་བཞིན་སྡིག་ཆེན་རྣམས།། སྐད་ཅིག་གཅིག་གིས་ངེས་པར་སྲེག་པར་བྱེད།། ཅེས་གསུངས་ཏེ། དུས་མཐའི་མེས་དངོས་པོ་ཐམས་ཅད་ཀྱང་སྲེག་པ་ལྟར་མྱོང་བར་ངེས་མ་ ངེས་སོགས་ཀྱི་མི་དགེ་བའི་ལས་ལམ་ཐམས་ཅད་ནུས་མེད་དུ་བྱེད་པའོ།། འོ་ན་ལས་ཆུད་མི་འཛའ་བར་གསུངས་པ་དང་འགལ་ལོ་ཞེ་ན། མི་འགལ་ཏེ། བསོད་ ནམས་ཀྱི་ཚོགས་ནམ་མཁའི་ཁོངས་ལྟ་བུར་ཆུད་པས་རྒྱ་མཚོར་ལན་ཚྭ་སྲང་གཅིག་ལྟར་མི་ མངོན་པ་དང༌། གཉེན་པོ་སྟོབས་ལྡན་གྱིས་ཟིལ་གྱིས་མནན་པས་ནུས་མེད་དུ་བྱས་པས་ བསྲེགས་པ་ཉིད་ཡིན་པའི་ཕྱིར་དང༌། མ་སྤྱད་པར་ལས་མི་ཟད་པ་ཡང་གཉེན་པོས་མ་ཟིན་པ་ ལ་དགོངས་ལ། འདི་ནི་སྡིག་པ་ཐམས་ཅད་རྩ་བ་ནས་མེད་པར་བྱེད་པའི་ཐབས་ཆེན་པོ་ཡིན་ པའི་ཕྱིར་དང༌། སེམས་ཅན་ཐམས་ཅད་སྡུག་བསྔལ་ཀུན་ལས་བཏོན་ཏེ་བདེ་བ་ཐམས་ཅད་ ལ་སྦྱར་བར་སེམས་ཤིང༌། སྔར་བྱས་ཀྱི་སྡིག་པ་རྣམས་རྣམ་པར་སུན་འབྱིན་པས་ཟད་པར་ བྱེད་པའི་ཕྱིར་རོ་ཞེས་འགྲེལ་ཆེན་ལས་སོ།། དྲུག་པ་ཕན་ཡོན་རྒྱས་པར་མདོ་ལས་བསྟན་ཚུལ་ནི། དེ་ཡི་ཕན་ཡོན་དཔག་ཏུ་མེད་པ་དག། བྱམས་མགོན་བློ་དང་ལྡན་པས་ནོར་བཟང་བཤད།། ༡༤ 25 བྱང་ཆུབ་སེམས་ཀྱི་ཕན་ཡོན་བསྟན་པ། ཅེས་གསུངས་ཏེ། ཕན་ཡོན་མཐའ་ཡས་མོད་ཀྱི་རགས་པ་ཞིག་སྡོང་པོས་བརྒྱན་པར་བྱམས་ པས་གསུངས་པ་ལ་ལྟོས་ཤིག་ཅེས་པ་སྟེ། དཔེ་ཉིས་བརྒྱ་ལྷག་པ་ཅིག་རང་དོན་གྱི་ཡོན་ ཏན། གཞན་དོན་གྱི་ཡོན་ཏན། མི་མཐུན་པའི་ཕྱོགས་གཅོད་པའི་ཡོན་ཏན། མཐུ་ཕུན་ཚོགས་ འགྲུབ་པའི་ཡོན་ཏན་ཏེ་དོན་བཞིར་བསྡུས་ཏེ་བསྟན་ལ། དེ་ཚིགས་བཅད་དུ་བསྡུས་པ་ནི། རྗེ་ དཔའ་བོ་གཙུག་ལག་ཕྲེང་བའི་འགྲེལ་ཆེན་ལས། ཇི་ལྟར་ས་བོན་ཞིང་དང་ས་ཆུ་རླུང༌། །མེ་ དང་ཟླ་བ་ཉི་མ་སྒྲོན་མ་མིག། ཞེས་སོགས་གསུངས་པ་ལྟར་ཤེས་པར་བྱའོ།། བཞི་པ་འཇུག་པའི་ཕན་ཡོན་ཁྱད་པར་དུ་བཤད་པ་ལ་ལྔ། དབྱེ་བ། མཚན་ཉིད། སྨོན་ པའི་ཕན་ཡོན། འཇུག་པའི་ཕན་ཡོན་རྒྱས་བཤད། དེས་ན་བྱང་ཆུབ་སེམས་དཔའ་སྡིག་པ་ དང་བསོད་ནམས་ཀྱི་ཞིང་ཁྱད་པར་ཅན་དུ་བསྟན་པའོ། །དང་པོ་ནི། བྱང་ཆུབ་སེམས་དེ་མདོར་བསྡུས་ན།། རྣམ་པ་གཉིས་སུ་ཤེས་བྱ་སྟེ།། བྱང་ཆུབ་སྨོན་པའི་སེམས་དང་ནི།། བྱང་ཆུབ་འཇུག་པ་ཉིད་ཡིན་ནོ།། ༡༥ ཞེས་གསུངས་ཏེ། བྱང་ཆུབ་སེམས་དེ་མདོར་བསྡུ་ན་སྨོན་འཇུག་རྣམ་པ་གཉིས་སོ།། གཉིས་པ་མཚན་ཉིད་ནི། འག ྲོ་བར་འདོད་དང་འགྲོ་བ་ཡི།། 26 བྱང་ཆུབ་སེམས་ཀྱི་ཕན་ཡོན་བསྟན་པ། བྱེ་བྲག་ཇི་ལྟར་ཤེས་པ་ལྟར།། དེ་བཞིན་མཁས་པས་འདི་གཉིས་ཀྱི།། བྱེ་བྲག་རིམ་བཞིན་ཤེས་པར་བྱ།། ༡༦ ཞེས་གསུངས་ཏེ། དེ་ཇི་ལྟ་བུ་ཞེ་ན། ཡུལ་གཞན་དུ་འགྲོ་བར་འདོད་ལ། འགྲོ་བའི་བྱ་བ་དང་ བྲལ་བ་ལྟར་བྱང་ཆུབ་འཐོབ་པར་སྨོན་ལ། སྒྲུབ་པའི་བརྩོན་པ་དང་བྲལ་བ་དེ་ནི་སྨོན་པ་བྱང་ ཆུབ་ཀྱི་སེམས་དང༌། ནམ་སྦྱོར་བས་སྒྲུབ་པར་འདོད་པས་བྱང་ཆུབ་སེམས་དཔའི་སྡོམ་པ་ བླངས་པ་ཕྱིན་ཆད་ནི་འཇུག་པའི་བྱང་ཆུབ་ཀྱི་སེམས་སོ།། གསུམ་པ་སྨོན་པའི་ཕན་ཡོན་ནི། བྱང་ཆུབ་སྨོན་པའི་སེམས་ལས་ནི།། འཁོར་ཚེ་འབྲས་བུ་ཆེ་འབྱུང་ཡང༌།། ཇི་ལྟར་འཇུག་པའི་སེམས་བཞིན་དུ།། བསོད་ནམས་རྒྱུན་ཆགས་འབྱུང་བ་མིན།། ༡༧ ཞེས་གསུངས་ཏེ། སྨོན་འཇུག་གི་ཕན་ཡོན་གྱི་ཁྱད་པར་ངོས་བཟུང་བའོ།། བཞི་པ་འཇུག་པའི་ཕན་ཡོན་རྒྱས་བཤད་ལ་བཞི། ཕན་ཡོན་དངོས་བཤད། དེ་ལུང་ གིས་སྒྲུབ་པ། སྨོན་པ་ཕན་ཡོན་དང་ལྡན་པའི་འཐད་པ་གསུམ། འཇུག་པ་ཕན་ཡོན་ཆེ་བའི་ འཐད་པ་ལྔ་བཤད་པའོ། །དང་པོ་ནི། 27 བྱང་ཆུབ་སེམས་ཀྱི་ཕན་ཡོན་བསྟན་པ། གང་ནས་བཟུང་སྟེ་སེམས་ཅན་ཁམས།། མཐའ་ཡས་རབ་ཏུ་སྒྲོལ་བའི་ཕྱིར།། མི་ལྡོག་པ་ཡི་སེམས་ཀྱིས་སུ།། སེམས་དེ་ཡང་དག་བླངས་གྱུར་པ།། ༡༨ དེ་ནས་བཟུང་སྟེ་གཉིད་ལོག་གམ།། བག་མེད་གྱུར་ཀྱང་བསོད་ནམས་ཤུགས།། རྒྱུན་མི་འཆད་པར་དུ་མ་ཞིག།། ནམ་མཁའ་མཉམ་པར་རབ་ཏུ་འབྱུང༌།། ༡༩ ཞེས་གསུངས་ཏེ། འདི་ལ་དཀའ་འགྲེལ་ཆུང་ངུར། སོ་སྐྱེ་ལ་འཇུག་སེམས་མེད་པ་ལྟར་བཤད་ ཀྱང་། བྱང་སེམས་རྒྱལ་བློན་གྱི་རྩ་ལྟུང་དང་། ཕམ་པ་དང་འདྲ་བའི་ཆོས་སོགས་འཇུག་སེམས་ ཀྱི་སྤང་བྱ་འདི་རྣམས་ནི་ངེས་པར་སོ་སོ་སྐྱེ་བོ་ལ་འབྱུང་ཉེ་བ་ཁོ་ན་ཡིན་པའི་ཕྱིར་དང༌། གཞན་ དུ་ན་འཇུག་པ་སེམས་སྐྱེད་དང་། དོན་དམ་པའི་སེམས་སྐྱེད་གཅིག་པར་འགྱུར་རོ།། དེས་ན་སོ་སོ་སྐྱེ་བོའི་སྐབས་ཁོ་ན་ལ་སྨོན་འཇུག་གཙོ་བོར་བཞག་པ་ཡིན་ལ། དུས་ གང་ནས་བཟུང་སྟེ་སེམས་ཅན་ཐམས་ཅད་སྒྲོལ་བའི་ཆེད་དུ་དུས་གསུམ་གྱི་བྱང་ཆུབ་སེམས་ དཔའ་ཐམས་ཅད་དང་མཚུངས་པའི་བྱང་ཆུབ་སེམས་དཔའི་བསླབ་བྱ་ལ་སློབ་པར་ཁས་ བླངས་ཤིང་སྒྲུབ་འདོད་ཀྱི་བློ་བརྟན་པོར་སྐྱེས་པ་ནི་འཇུག་སེམས་སྐྱེས་པ་ཡིན་ལ། དེ་ཕྱིན་ 28 བྱང་ཆུབ་སེམས་ཀྱི་ཕན་ཡོན་བསྟན་པ། ཆད་གཉིད་དང་བརྒྱལ་བ་དང་ར་རོ་བ་སོགས་བག་མེད་པའི་དབང་དུ་གྱུར་ཏེ། གསལ་པོར་ མི་དྲན་པའི་གནས་སྐབས་ན་ཡང་བསོད་ནམས་ནམ་མཁའ་དང་མཉམ་པ་རྒྱུན་མི་འཆད་པར་ འབྱུང་ན་དེ་ལས་གཞན་པ་དགེ་བའི་འདུན་པ་དང་བཅས་པའི་དུས་ན་ལྟ་ཅི་སྨོས་པའོ།། གཉིས་པ་དེ་ལུང་གིས་སྒྲུབ་པ་ནི། འདི་ནི་འཐད་པ་དང་བཅས་པར།། ལག་བཟང་གིས་ནི་ཞུས་པ་ལས།། དམན་མོས་སེམས་ཅན་དོན་གྱི་ཕྱིར།། དེ་བཞིན་གཤེགས་པ་ཉིད་ཀྱིས་གསུངས།། ༢༠ ཞེས་གསུངས་ཏེ། དཀོན་མཆོག་བརྩེགས་པའི་འདུས་པ་ཉེར་དྲུག་པ་ལག་བཟང་ངམ་དཔུང་ བཟང་གིས་ཞུས་པའི་མདོ་ལས། མཛའ་བོའི་བུ་མོའི་གཏམ་གྱི་སྒོ་ནས་འོག་ནས་འབྱུང་བའི་ ཚིགས་སུ་བཅད་པའི་དོན་འདི་དག་དམན་པ་ལ་མོས་པའི་གཉེན་པོར་བཀའ་བསྩལ་བའོ།། གསུམ་པ་སྨོན་པ་ཕན་ཡོན་དང་ལྡན་པའི་འཐད་པ་གསུམ་བཤད་པ་ནི། དམིགས་ པ་རྒྱ་ཆེ་བ་དང༌། དཀོན་པ་དང༌། ཕན་འདོགས་ཆེ་བའི་རྟགས་ཀྱིས་ཕན་ཡོན་ཆེ་བར་སྒྲུབ་ པའོ། །དང་པོ་ནི། སེམས་ཅན་རྣམས་ཀྱི་ཀླད་ནད་ཙམ།། བསལ་ལོ་སྙམ་དུ་བསམས་ན་ཡང༌།། 29 བྱང་ཆུབ་སེམས་ཀྱི་ཕན་ཡོན་བསྟན་པ། ཕན་འདོགས་བསམ་པ་དང་ལྡན་ཏེ།། བསོད་ནམས་དཔག་མེད་ལྡན་འགྱུར་ན།། ༢༡ སེམས་ཅན་རེ་རེའི་མི་བདེ་བ།། དཔག་ཏུ་མེད་པ་བསལ་འདོད་ཅིང༌།། རེ་རེའང་ཡོན་ཏན་དཔག་མེད་དུ།། སྒྲུབ་པར་འདོད་པ་སྨོས་ཅི་དགོས།། ༢༢ ཞེས་གསུངས་ཏེ། མཛའ་བོའི་བུ་མོས་མའི་མགོ་ལ་འགོངས་པའི་སེམས་ཅན་སུ་ཡང་ འདིར་མ་འོང་ཞིག་དེ་ཐམས་ཅད་ཀྱི་སྡུག་བསྔལ་བདག་གིས་ནོད་དོ། །ཞེས་སྡུག་བསྔལ་ ཉི་ཚེ་བ་ཞིག་སེལ་བར་བསམས་པ་ལ་བསོད་ནམས་དཔག་ཏུ་མེད་པ་ཐོབ་ན་སེམས་ཅན་ ཐམས་ཅད་ཀྱི་སྡུག་བསྔལ་ཐམས་ཅད་གཏན་དུ་བསལ་ནས་བདེ་བ་ཐམས་ཅད་སྦྱིན་པར་ འདོད་པ་ལ་ལྟ་ཅི་སྨོས་སོ།། གཉིས་པ་དཀོན་པའི་རྟགས་ཀྱིས་ཕན་ཡོན་ཆེ་བར་སྒྲུབ་པ་ནི། ཕ་འམ་ཡང་ན་མ་ཡང་རུང༌།། སུ་ལ་འདི་འདྲའི་ཕན་སེམས་ཡོད།། ལྷ་དང་དྲང་སྲོང་རྣམས་ཀྱང་རུང༌།། ཚངས་པ་ལ་ཡང་འདི་ཡོད་དམ།། ༢༣ 30 བྱང་ཆུབ་སེམས་ཀྱི་ཕན་ཡོན་བསྟན་པ། སེམས་ཅན་དེ་དག་ཉིད་ལ་སྔོན།། རང་གི་དོན་དུའང་འདི་འདྲའི་སེམས།། རྨི་ལམ་དུ་ཡང་མ་རྨིས་ན།། གཞན་གྱི་དོན་དུ་ག་ལ་སྐྱེ།། ༢༤ གཞན་དག་རང་གི་དོན་དུ་ཡང༌།། མི་འབྱུང་སེམས་ཅན་དོན་སེམས་གང༌།། སེམས་ཀྱི་རིན་ཆེན་ཁྱད་པར་འདི།། སྔ་ན་མེད་པའི་རྨད་ཅིག་འཁྲུངས།། ༢༥ ཞེས་གསུངས་སོ།། གསུམ་པ་ཕན་འདོགས་ཆེ་བའི་རྟགས་ཀྱིས་ཕན་ཡོན་ཆེ་བར་སྒྲུབ་པ་ནི། འག ྲོ་བ་ཀུན་གྱི་དགའ་བའི་རྒྱུ།། སེམས་ཅན་སྡུག་བསྔལ་རྩིར་གྱུར་པ།། རིན་ཆེན་སེམས་ཀྱི་བསོད་ནམས་གང༌།། དེ་ལ་ཇི་ལྟར་གཞལ་གྱིས་ལང༌།། ༢༦ ཞེས་གསུངས་པའོ།། 31 བྱང་ཆུབ་སེམས་ཀྱི་ཕན་ཡོན་བསྟན་པ། བཞི་པ་འཇུག་པ་ཕན་ཡོན་ཆེ་བའི་འཐད་པ་ལྔ་བཤད་པ་ལ་ལྔ། སྦྱོར་བས་ཟིན་པ། བྱེད་ པ་མང་བ། ལན་ལ་མི་ལྟོས་པ། སྒྲུབ་པ་རྒྱ་ཆེ་བའི་རྟགས་ཀྱིས་རེ་རེ་ཞིང་ཕན་ཡོན་ཆེ་བ་དང༌། དེའི་ཕྱིར་བྱང་ཆུབ་སེམས་དཔའ་རྨད་དུ་བྱུང་བར་བསྟན་པའོ། །དང་པོ་ནི། ཕན་པར་བསམས་པ་ཙམ་གྱིས་ཀྱང༌།། སངས་རྒྱས་མཆོད་ལས་ཁྱད་འཕགས་ན།། སེམས་ཅན་མ་ལུས་ཐམས་ཅད་ཀྱི།། བདེ་དོན་བརྩོན་པ་སྨོས་ཅི་དགོས།། ༢༧ ཞེས་གསུངས་ཏེ། ཚད་མེད་པ་སྒོམ་པ་ཙམ་ཡང་བསོད་ནམས་ཆེ་ན་སེམས་ཅན་གྱི་དོན་སྦྱོར་ བས་སྒྲུབ་པ་སྨོས་ཅི་དགོས་ཏེ། དཔས་བྱིན་གྱི་མདོར། སངས་རྒྱས་ཞིང་ནི་མི་གང་གིས།། རིན་ཆེན་བདུན་གྱིས་བཀང་བྱས་ཏེ།། འཇིག་རྟེན་མགོན་ལ་ཕུལ་བ་བས།། གང་གིས་ཐལ་མོ་སྦྱར་བྱས་ཏེ།། བྱང་ཆུབ་ཏུ་ནི་སེམས་བསྐྱེད་ན།། གང་ལ་མཐའ་ནི་མ་མཆིས་པའི།། མཆོད་པ་འདི་ནི་ཁྱད་པར་འཕགས། །ཞེས་སོ།། 32 བྱང་ཆུབ་སེམས་ཀྱི་ཕན་ཡོན་བསྟན་པ། གཉིས་པ་བྱེད་པ་མང་བ་ནི། སྡུག་བསྔལ་འདོར་འདོད་སེམས་ཡོད་ཀྱང༌།། སྡུག་བསྔལ་ཉིད་ལ་མངོན་པར་རྒྱུག། བདེ་བ་འདོད་ཀྱང་གཏི་མུག་པས།། རང་གི་བདེ་བ་དགྲ་ལྟར་འཇོམས།། ༢༨ གང་ཞིག་བདེ་བས་ཕོངས་པ་དང༌།། སྡུག་བསྔལ་མང་ལྡན་དེ་དག་ལ།། བདེ་བ་ཀུན་གྱིས་ཚིམ་པ་དང༌།། སྡུག་བསྔལ་ཐམས་ཅད་གཅོད་བྱེད་ཅིང༌།། ༢༩ གཏི་མུག་ཀྱང་ནི་སེལ་བྱེད་པ།། དེ་དང་དགེ་མཚུངས་ག་ལ་ཡོད།། དེ་འདྲའི་བཤེས་ཀྱང་ག་ལ་ཡོད།། བསོད་ནམས་དེ་འདྲའང་ག་ལ་ཡོད།། ༣༠ ཅེས་གསུངས་ཏེ། ཕན་པ་དང་མི་ཕན་པ་འཐོབ་སྤོང་ལ་སེམས་ཅན་རང་རང་མཁས་མོད་ 33 བྱང་ཆུབ་སེམས་ཀྱི་ཕན་ཡོན་བསྟན་པ། གཞན་གྱིས་བྱར་ཅི་ཡོད་ཅེ་ན། སེམས་ཅན་དེ་རྣམས་ཀྱིས་བདེ་བ་དང་སྡུག་བསྔལ་ངོས་མ་ ཟིན་ཞིང༌། སྡུག་བསྔལ་གྱི་རྒྱུ་ལ་བདེ་བར་འཁྲུལ་བ་དབུལ་བ་སྤོང་བའི་ཕྱིར། ནོར་རྐུ་བ་ སོགས་ཕྱིན་ཅི་ལོག་ཏུ་སྤྱོད་པས་སྡུག་བསྔལ་འབའ་ཞིག་འགྲུབ་པ་དེ་རྣམས་ལ་བདེ་བ་ སྟེར་བ་དང༌། སྡུག་བསྔལ་འཇོམས་པ་དང་གཏི་མུག་གི་བློ་སེལ་བར་ནུས་ན་དེ་བས་ལྷག་ པའི་དོན་དང༌། དགེ་བ་གཞན་ག་ལ་ཡོད་དེ། ཕན་འདོགས་པའི་བཤེས་དེ་འདྲ་བ་ནི་གཞན་ ཡོད་པ་མིན་ནོ།། གསུམ་པ་ལན་ལ་མི་ལྟོས་པ་ནི། ཕན་བཏགས་ལན་ལྡོན་གང་ཡིན་པ།། དེ་ཡང་རེ་ཞིག་བསྔགས་འོས་ན།། མ་བཅོལ་ལེགས་པར་བྱེད་པ་ཡི།། བྱང་ཆུབ་སེམས་དཔའ་སྨོས་ཅི་དགོས།། ༣༡ ཞེས་གསུངས་སོ།། བཞི་པ་སྒྲུབ་པ་རྒྱ་ཆེ་བའི་རྟགས་ཀྱིས་རེ་རེ་ཞིང་ཕན་ཡོན་ཆེ་བ་ནི། འག ྲོ་བ་ཉུང་ཟད་ནར་མའི་ཟས་སྦྱོར་དང༌།། སྐད་ཅིག་ཟས་ཙམ་སྦྱིན་པར་བྱེད་པ་དང༌།། 34 བྱང་ཆུབ་སེམས་ཀྱི་ཕན་ཡོན་བསྟན་པ། བརྙས་བཅས་ཉིན་ཕྱེད་འགྲངས་པར་བྱེད་པ་ཡང༌།། དགེ་བ་བྱེད་པ་ཡིན་ཞེས་སྐྱེ་བོས་བཀུར།། ༣༢ ཞེས་གསུངས་ཏེ། མི་རྣམས་ཞིང་དམན་པ་འགྲོ ་བ་ཉུང་ཟད་ལ་དང༌། དུས་དམན་པ་ལན་ གཅིག་གམ་འགའ་ཟུང་ཙམ་དང༌། དངོས་པོ་དམན་པ་ཟས་སྐོམ་ཙམ་དང༌། སྦྱོར་བ་དམན་ པ་བརྙས་པ་དང་བཅས་ཤིང་མ་གུས་ལ་ང་རྒྱལ་བ་དང་ཕན་འདོགས་དམན་པ་ཉིན་ཕྱེད་ཙམ་ འགྲངས་པ་སྟེ། དེ་ཙམ་བྱིན་པ་ལ་ཡང་དགེ་བ་བྱེད་པར་བཀུར་ན་བྱང་ཆུབ་སེམས་དཔའ་ནི་ དེ་ལྟ་བུ་མ་ཡིན་ནོ།། ལྔ་པ་དེའི་ཕྱིར་བྱང་ཆུབ་སེམས་དཔའ་རྨད་དུ་བྱུང་བར་བསྟན་པ་ནི། སེམས་ཅན་གྲངས་མཐའ་ཡས་ལ་ཡུན་རིང་དུ།། བདེ་བར་གཤེགས་ཀྱི་བདེ་བ་བླ་ན་མེད།། ཡིད་ལ་བསམས་པ་མཐའ་དག་རྫོགས་བྱེད་པ།། རྟག་ཏུ་སྦྱིན་པ་ལྟ་ཞིག་སྨོས་ཅི་དགོས།། ༣༣ ཞེས་གསུངས་ཏེ། དེ་དག་ལྔ་ལས་ཟློག་པའི་དགེ་བ་བྱེད་པ་དེ་ནི་བསམ་གྱིས་མི་ཁྱབ་པ་སྟེ། སྲེད་མེད་ཀྱི་བུས་ཞུས་པ་ལས། ཡོད་དེ་ཡོད་ན་ལག་པ་འདོད་པ་ལ་ལག་པ་སྦྱིན་པར་བྱེད་ དོ། །ཞེས་སོགས་གསུངས་སོ།། 35 བྱང་ཆུབ་སེམས་ཀྱི་ཕན་ཡོན་བསྟན་པ། ལྔ་པ་དེས་ན་བྱང་ཆུབ་སེམས་དཔའ་སྡིག་པ་དང་བསོད་ནམས་ཀྱི་ཞིང་ཁྱད་པར་ཅན་དུ་ བསྟན་པ་ནི། གང་ཞིག་དེ་འདྲའི་རྒྱལ་སྲས་སྦྱིན་བདག་ལ།། གལ་ཏེ་ངན་སེམས་སྐྱེད་པར་བྱེད་ན་དེ།། ངན་སེམས་བསྐྱེད་པའི་གྲངས་བཞིན་བསྐལ་པར་ནི།། དམྱལ་བར་གནས་པར་འགྱུར་ཞེས་ཐུབ་པས་གསུངས།། ༣༤ འོན་ཏེ་གང་ཞིག་ཡིད་རབ་དང་བྱེད་ན།། དེ་ཡི་འབྲས་བུ་དེ་བས་ལྷག་པར་འཕེལ།། རྒྱལ་སྲས་རྣམས་ལ་དོ་གལ་ཆེན་པོས་ཀྱང༌།། སྡིག་པ་མི་འབྱུང་དགེ་བ་ངང་གིས་འཕེལ།། ༣༥ གང་ལ་སེམས་ཀྱི་དམ་པ་རིན་ཆེན་དེ།། སྐྱེས་པ་དེ་ཡི་སྐུ་ལ་ཕྱག་འཚལ་ཞིང༌།། གང་ལ་གནོད་པ་བྱས་ཀྱང་བདེར་འབྲེལ་བ།། བདེ་བའི་འབྱུང་གནས་དེ་ལ་སྐྱབས་སུ་མཆིས།། ༣༦ ཞེས་གསུངས་ཏེ། 36 བྱང་ཆུབ་སེམས་ཀྱི་ཕན་ཡོན་བསྟན་པ། དད་པའི་སྟོབས་སྐྱེད་པ་ལ་འཇུག་པ་ཕྱག་རྒྱའི་མདོ་ལས། འཇམ་དཔལ་རིགས་ཀྱི་བུའམ། རིགས་ཀྱི་བུ་མོ་གང་ལ་ལས་གངྒཱའི་ཀླུང་གི་བྱེ་མ་སྙེད་ཀྱི་མཆོད་རྟེན་བཤིག་པའམ་བསྲེགས་ ལ་རིགས་ཀྱི་བུའམ་རིགས་ཀྱི་བུ་མོ་གཞན་གང་ཞིག་གིས་ཐེག་པ་ཆེན་པོ་ལ་མོས་པའི་ བྱང་ཆུབ་སེམས་དཔའ་སེམས་དཔའ་ཆེན་པོ་ལ་གནོད་སེམས་དང༌། ཐ་བ་དང༌། ཁོང་ཁྲོ་ བའི་སེམས་བསྐྱེད་ཅིང་སྤྱོས་ཏེ་བརྒྱད་ན། འདི་ནི་དེ་བས་ཆེས་གྲངས་མེད་པའི་སྡིག་པ་སྐྱེ་ བར་འགྱུར་རོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ལས་འཁྲུངས་པ་ནི་སངས་རྒྱས་ སོ། །སངས་རྒྱས་ལས་བྱུང་བ་ནི། མཆོད་རྟེན་དང་བདེ་བའི་ཡོ་བྱད་ཐམས་ཅད་དང་ལྷའི་རིས་ ཐམས་ཅད་དོ། །བྱང་ཆུབ་སེམས་དཔའ་ལ་དམ་པ་མ་ཡིན་པར་བྱས་ན་སངས་རྒྱས་ཐམས་ ཅད་ལ་དམ་པ་མ་ཡིན་པར་བྱས་པར་འགྱུར་རོ། །བྱང་ཆུབ་སེམས་དཔའ་ལ་དམ་པར་བྱས་ ན་སངས་རྒྱས་ཐམས་ཅད་ལ་དམ་པར་བྱས་པར་འགྱུར་རོ། །ཞེས་དང༌། རབ་ཞི་རྣམ་ངེས་ཀྱི་ མདོར། འཇམ་དཔལ་བྱང་ཆུབ་སེམས་དཔས་བྱང་ཆུབ་སེམས་དཔའ་ལ་ཁོང་ཁྲོ་བའི་སེམས་ བསྐྱེད་ཅིང་བརྙས་པའི་སེམས་བསྐྱེད་པ་དེ་སྲིད་དུ་དེས་བདག་བསྐལ་པར་དམྱལ་བར་གནས་ པར་བྱ་དགོས་སོ་ཞེས་གོ་ཆ་བགོ་བར་བྱའོ། །ཞེས་སོ།། གལ་ཏེ་དེ་བཞིན་གཤེགས་པ་ལ་ངན་སེམས་ཀྱི་ཁྲག་ཕྱུང་བས་ཀྱང་དེ་ལྟར་སྨིན་པར་ མ་བཤད་ལ། འཇིག་རྟེན་གསུམ་ན་དེ་བཞིན་གཤེགས་པ་ལས་ལྷག་པ་མེད་ན་འདི་ཇི་ལྟར་ རིགས་ཞེ་ན། དེ་བཞིན་གཤེགས་པ་ལ་སུས་ཀྱང་ངན་སེམས་སྐྱེད་པར་མི་ནུས་ཏེ་བསྐལ་ པ་གྲངས་མེད་པར་སེམས་ཅན་ཐམས་ཅད་ལ་བྱམས་པའི་ཐུགས་བསྒོམས་པའི་ཕྱིར་འདིའི་ 37 བྱང་ཆུབ་སེམས་ཀྱི་ཕན་ཡོན་བསྟན་པ། སྐུ་ལ་མཚོན་གྱིས་མི་ཚུགས་སོ། །ཞེས་བསྟན་པའི་ཕྱིར་དང༌། འདིར་ལས་ཀྱི་རྣམ་སྨིན་ཀྱང་ དངོས་པོ་ལ་མ་བསྟན་ཏེ་སངས་རྒྱས་རྣམས་ནི་ལས་ཀྱི་རྣམ་སྨིན་དང་བྲལ་བའི་ཕྱིར་རོ།། དེས་ན་གདུལ་བྱ་འདུལ་བའི་ཕྱིར་སྐབས་ཕྱེ་སྟེ་དྲང་དོན་དུ་བསྟན་གྱི་ངེས་པའི་དོན་ མ་ཡིན་ནོ། །བྱང་ཆུབ་སེམས་དཔའ་ལ་གནོད་པ་བྱས་པས་ནི་སངས་རྒྱས་ཉིད་རྩ་བ་དང་ བཅས་པ་བཅོམ་ཞིང་ཉེ་བར་བཅོམ་པ་ཡིན་ཏེ་ལྷ་དང་བཅས་པའི་འཇིག་རྟེན་གྱི་དོན་ཉེ་བར་ བཅོམ་པར་འགྱུར་བའི་ཕྱིར་རོ།། འོན་ཀྱང་བྱང་ཆུབ་སེམས་དཔའ་ལ་དད་ན་བསོད་ནམས་དེ་བས་ཀྱང་ཆེས་ལྷག་པར་སྐྱེ་ སྟེ། འཇམ་དཔལ་གལ་ཏེ་ཡོངས་སུ་བརྟག་པ་ཉེ་བར་བཟུང་སྟེ། ཕྱོགས་བཅུའི་འཇིག་རྟེན་ གྱི་ཁམས་ཀྱི་སེམས་ཅན་ཐམས་ཅད་ཀྱི་མིག་བཏོན་པར་གྱུར་ལ། ཡང་ཡོངས་སུ་བརྟག་པ་ ཉེ་བར་བཟུང་སྟེ། གལ་ཏེ་རིགས་ཀྱི་བུའམ་རིགས་ཀྱི་བུ་མོ་བྱམས་པའི་སེམས་ལ་གནས་པ་ འགའ་ཞིག་གིས་དེ་དག་ཐམས་ཅད་ཀྱི་མིག་སྐྱེད་པར་བྱེད་པ་དེ་བས་འཇམ་དཔལ་རིགས་ཀྱི་ བུའམ་རིགས་ཀྱི་བུ་མོ་གང་གཞན་ཞིག་གིས་ཐེག་པ་ཆེན་པོ་ལ་མོས་པའི་བྱང་ཆུབ་སེམས་ དཔའ་ལ་སེམས་དང་བས་ལྟ་ན་འདི་ནི་དེ་བས་ཆེས་བསོད་ནམས་ལྷག་པར་སྐྱེའོ། །ཞེས་སོ།། དོ་གལ་ཆེན་པོས་ཞེས་སོགས་ལ། འཆད་ལུགས་གཉིས་ཏེ། འགྲེལ་ཆེན་དང༌། བི་བྷུ་ ཏིས་ནི། བྱང་ཆུབ་སེམས་དཔའི་སྒོ་གསུམ་གྱི་སྤྱོད་པ་མཐའ་དག་དང་བས་བསྐྱེད་པའི་ཕྱིར་ དང་བྱང་ཆུབ་ཀྱི་སེམས་ཀྱི་མཐུ་ལས་ཡིན་པའི་ཕྱིར། བྱང་ཆུབ་སེམས་དཔའ་རྣམས་ལ་ འགའ་ཞིག་གིས་གནོད་པ་བྱེད་པའི་སེམས་སྐྱེ་བར་མི་འགྱུར། རྒྱལ་སྲས་རྣམས་ལ་དོ་གལ་ 38 བྱང་ཆུབ་སེམས་ཀྱི་ཕན་ཡོན་བསྟན་པ། ཆེན་པོས་ཀྱང་གཞན་གྱིས་གནོད་པའི་བློ་སྐྱེ་བར་དཀའ་བས་སྡིག་པ་བྱེད་པ་འབྱུང་རིང་ལ་ ཡུལ་ཁྱད་པར་ཅན་དུ་མཐོང་ནས་བཀུར་སྟི་བྱས་པ་ལ་སོགས་པའི་དགེ་བ་ལྷག་པར་འཕེལ་ ལོ། །ཞེས་འབྲུ་བསྣན་ཞིང༌། ཕྱི་མ་དགེ་བའི་ལྷས་ནི། རྒྱལ་སྲས་རྣམས་ལ་ནི་གཞན་གྱིས་དོ་གལ་ཆེན་པོའི་སྒོ་ནས་ གནོད་པར་རློམ་པས་ལུས་སྲོག་འཇིག་པ་སོགས་བྱས་ཀྱང་བྱང་ཆུབ་སེམས་དཔའ་དེའི་རྒྱུད་ དཀྲུག་པར་མི་ནུས་ཤིང་སླར་དགེ་བའི་བློ་མཐའ་ཡས་པ་སྐྱེད་པའི་གྲོགས་བྱེད་དོ། །ཞེས་ འབྲུ་གཉེར་བའོ།། མདོར་ན་བྱང་ཆུབ་ཀྱི་སེམས་ཁོ་ན་ཕན་ཡོན་མཐའ་ཡས་པར་གཟིགས་པས་བྱང་ཆུབ་ཀྱི་ སེམས་ལ་ཁོང་དུ་ཆུད་མི་ནུས་པའི་ངོ་མཚར་བ་སྐྱེས་ནས་དེ་གང་གི་རྒྱུད་ལ་སྐྱེས་པས་བྱང་ཆུབ་ སེམས་དཔའ་དང་སངས་རྒྱས་སུ་འཇོག་པ་དེ་ལ་བདག་ཕྱག་འཚལ་ལོ་ཞེས་གློ་བུར་དུའང་ཆེད་ དུ་བརྗོད་པར་མཛད་ལ། བྱང་ཆུབ་སེམས་དཔའ་ལ་གནོད་པ་བྱས་ཀྱང་གནོད་པའི་རྐྱེན་དེ་ཉིད་ ཁོ་ན་དེས་རྗེས་སུ་འཛིན་པའི་རྒྱུར་གྱུར་ཏེ་མཐར་ཐུག་བྱང་ཆུབ་ཀྱི་བདེ་བར་འབྲེལ་པར་མཛད་ པ་མདོར་ན་ཕན་གནོད་ཅིས་འབྲེལ་ནའང་དོན་ཆེན་པོ་དང་ལྡན་པས་བདེ་བའི་འབྱུང་གནས་སུ་ གྱུར་པ་དེ་ལ་ཧ་ཅང་ངོ་མཚར་བས་སྐབས་མ་ཡིན་པར་ཡང་བསྟོད་པའི་ཚིག་བརྗོད་པའོ།། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བྱང་ཆུབ་ཀྱི་སེམས་ཀྱི་ཕན་ཡོན་གྱི་ལེའུ་ སྟེ་དང་པོའོ།། །། 39 སྡིག་པ་བཤགས་པ། གཉིས་པ་བྱང་ཆུབ་ཀྱི་སེམས་ཇི་ལྟར་བླང་ཚུལ་ལ་གཉིས། ལེའུ་སྔ་ཕྱིའི་མཚམས་སྦྱར་ བ་དང༌། སེམས་བཟུང་བའི་ཆོ་ག་དངོས་བསྟན་པའོ། །དང་པོ་ནི། དཀའ་འགྲེལ་ཆུང་ངུར། དེ་ལྟར་ཕན་ཡོན་བརྗོད་པས་སྤྲོ་བ་ཐོབ་པ་དེ་ལ་བཟུང་བའི་ཆོ་ ག་སྟོན་ཏོ། །ཞེས་སོ། །ལེགས་བཤད་བསྡུས་པར། རས་སྣུམ་དང་དྲི་མས་དག་པ་ལ་ཚོན་ འཛིན་པ་ལྟར་བྱང་ཆུབ་ཀྱི་སེམས་ཀྱི་ཚོན་འཛིན་པ་ལ་ཤེས་རྒྱུད་སྡིག་ལྟུང་དག་པ་དགོས་ པས་དྲི་མ་སྦྱོང་བའི་ཕྱིར། ཡན་ལག་བདུན་པ་སྐྱབས་འགྲོ་དང་བཅས་པ་བསྟན་ཏོ།། དེ་ཡང་ཐོག་མ་མེད་པ་ནས་སྒྲིབ་པ་གསུམ་སྟེ། བྱ་འོས་མ་བྱས་པ་དང༌། མི་བྱ་བ་བྱས་ པ་དང༌། བྱ་བ་བྱས་པ་ཆུད་ཟོས་པའོ། །དང་པོ་ལ་གསུམ། ཡུལ་ཁྱད་པར་ཅན་ལ་དད་གུས་མ་ བྱས་པ་དང༌། ནོར་ལ་ཆགས་པས་མཆོད་སྦྱིན་མ་བྱས་པ་དང༌། ལོག་པར་ཞེན་པས་ཡང་དག་ པའི་སྐྱབས་མ་བཟུང་བའོ། །དེ་གསུམ་གྱི་གཉེན་པོར་ཕྱག་དང་མཆོད་པ་དང་སྐྱབས་སུ་འགྲོ་ བ་གོ་རིམ་ལྟར་བཞག་གོ །མི་བྱ་བ་བྱས་པ་ལ་གཉིས་ཏེ་རང་གིས་མི་དགེ་བ་བྱས་པ་དང༌། གཞན་གྱི་དགེ་བ་ལ་བར་ཆོད་བྱས་པའོ། །དང་པོའི་གཉེན་པོར་སྡིག་བཤགས་སོ། །གཉིས་ པའི་གཉེན་པོར་རྗེས་སུ་ཡི་རང་བ་སོགས་གསུམ་མོ། །དགེ་བ་བྱས་ཀྱང་ཆུད་ཟོས་པའི་ གཉེན་པོར་བྱང་ཆུབ་ཏུ་བསྔོ་བ་རྣམ་པར་བཞག་གོ། ཞེས་བཤད་དོ།། གཉིས་པ་སེམས་བཟུང་བའི་ཆོ་ག་དངོས་ལ་གསུམ། སྦྱོར་བ། དངོས་གཞི། རྗེས་ སོ། །དང་པོ་ལ་བདུན། མཆོད་པ། སྐྱབས་འགྲོ སྡིག་བཤགས། རྗེས་སུ་ཡི་རང༌། ཆོས་ཀྱི་ 40 སྡིག་པ་བཤགས་པ། འཁོར་ལོ་བསྐོར་བར་བསྐུལ་བ། མྱ་ངན་ལས་མི་འདའ་བར་གསོལ་བ། བསྔོ་བའོ། །དང་པོ་ ལ་གཉིས། རྙེད་པའི་མཆོད་པ་དང༌། བཀུར་སྟིའི་མཆོད་པའོ། །དང་པོ་ལ་ལྔ། བདག་དབང་ བའི་དངོས་པོས་མཆོད་པ། བདག་གིར་མ་བཟུང་བའི་དངོས་པོས་མཆོད་པ། ལུས་དབུལ་བ། བློས་སྤྲུལ་པའི་མཆོད་པ་བཅུ་གཅིག བླ་ན་མེད་པའི་མཆོད་པའོ། །དང་པོ་ནི། རིན་ཆེན་སེམས་དེ་གཟུང་བར་བྱ་བའི་ཕྱིར།། དེ་བཞིན་གཤེགས་པ་རྣམས་དང་དམ་པའི་ཆོས།། དཀོན་མཆོག་དྲི་མ་མེད་དང་སངས་རྒྱས་སྲས།། ཡོན་ཏན་རྒྱ་མཚོ་རྣམས་ལ་ལེགས་པར་མཆོད།། ༡ ཅེས་གསུངས་ཏེ། རིན་ཆེན་སེམས་དེ་གཟུང་བར་བྱ་བའི་ཕྱིར་གྱིས་ཆེད་དུ་བྱ་བའོ། །ཞེས་ བསྟན་ལ། ལེགས་པར་མཆོད་ནི་དངོས་པོའོ། །གཞན་རྣམས་ནི་ཞིང་ངམ་ཡུལ་ཏེ་ཡོན་ཏན་ གྱི་རྒྱ་མཚོ་དཀོན་མཆོག་གསུམ་ལ་བདག་གིས་དངོས་སུ་བཤམས་པ་འདིས་མཆོད་པའི་ དོན་ཏོ། །དཀོན་མཆོག་ཐམས་ཅད་འདིར་མཆོད་ཡུལ་དུ་མངོན་དུ་གྱུར་ཏམ་ཞེ་ན། དེ་མ་གྱུར་ ཀྱང་མངོན་སུམ་དུ་གྱུར་མ་གྱུར་ལ་མཆོད་པའི་ཕན་ཡོན་ཁྱད་མེད་དེ། རྒྱན་ལས། སངས་རྒྱས་རྣམས་ལ་གོས་ལ་སོགས།། མངོན་སུམ་མངོན་སུམ་མིན་པར་མཆོད།། ཅེས་སོ།། 41 སྡིག་པ་བཤགས་པ། གཉིས་པ་བདག་གིར་མ་བཟུང་བའི་དངོས་པོས་མཆོད་པ་ནི། མེ་ཏོག་འབྲས་བུ་ཇི་སྙེད་ཡོད་པ་དང༌།། སྨན་གྱི་རྣམ་པ་གང་དག་ཡོད་པ་དང༌།། འཇིག་རྟེན་རིན་ཆེན་ཇི་སྙེད་ཡོད་པ་དང༌།། ཆུ་གཙང་ཡིད་དུ་འོང་བ་ཅི་ཡོད་དང༌།། ༢ རིན་ཆེན་རི་བོ་དང་ནི་དེ་བཞིན་དུ།། ནགས་ཚལ་ས་ཕྱོགས་དབེན་ཞིང་ཉམས་དགའ་དང༌།། ལྗོན་ཤིང་མེ་ཏོག་རྒྱན་སྤྲས་སྤུད་པ་དང༌།། ཤིང་གང་འབྲས་བཟང་ཡལ་ག་དུད་པ་དང༌།། ༣ ལྷ་སོགས་འཇིག་རྟེན་ན་ཡང་དྲི་དང་ནི།། སྤོས་དང་དཔག་བསམ་ཤིང་དང་རིན་ཆེན་ཤིང༌།། མཚོ་དང་རྫིང་བུ་པད་མས་བརྒྱན་པ་དག། ངང་པ་ཤིན་ཏུ་སྐད་སྙན་ཡིད་འོང་ལྡན།། ༤ མ་རྨོས་འཁྲུངས་པའི་ལོ་ཏོག་རྣམ་པ་དང༌།། གཞན་ཡང་མཆོད་པར་འོས་པའི་རྒྱན་རྣམས་ནི།། 42 སྡིག་པ་བཤགས་པ། ནམ་མཁའ་རབ་འབྱམས་ཁམས་ཀྱི་མཐས་གཏུགས་པ།། ཡོངས་སུ་བཟུང་བ་མེད་པ་དེ་དག་ཀུན།། ༥ བློ་ཡིས་བླངས་ནས་ཐུབ་པ་སྐྱེས་ཀྱི་མཆོག། སྲས་དང་བཅས་པ་རྣམས་ལ་ལེགས་འབུལ་ན།། ཡོན་གནས་དམ་པ་ཐུགས་རྗེ་ཆེ་རྣམས་ཀྱིས།། བདག་ལ་བརྩེར་དགོངས་བདག་གི་འདི་དག་བཞེས།། ༦ བདག་ནི་བསོད་ནམས་མི་ལྡན་བཀྲེན་ཆེན་ཏེ།། མཆོད་པའི་ནོར་གཞན་བདག་ལ་ཅང་མ་མཆིས།། དེས་ན་གཞན་དོན་དགོངས་པའི་མགོན་གྱིས་འདི།། བདག་གི་དོན་སླད་ཉིད་ཀྱི་མཐུས་བཞེས་ཤིག། ༧ ཅེས་གསུངས་ཏེ། འདིར་ནམ་མཁའ་རབ་འབྱམས་ཀྱི་ཤླཽ་ཀ་ནི། མེ་ཏོག་འབྲས་བུ་ཇི་སྙེད་ ཡོད་པ་དང༌། །ཞེས་སོགས་རེ་རེའི་མཐར་ཡང་སྦྱར་བར་བྱའོ། །ཞེས་དཀའ་འགྲེལ་ཆེན་མོར་ རོ། །སྤུད་པ་ནི་རྒྱན་གྱིས་ཤིན་ཏུ་སྤྲས་པའི་དོན་ནོ། །ཡལ་ག་དུད་པ་ནི་གུག་པ་སྟེ་ས་ལ་རེག་པ་ ལྟ་བུ་དང༌། མ་རྨོས་པ་ནི་ཐོང་གཤོལ་གྱིས་མ་སློག་པར་རོ། །ཞེས་སོ། །ཅིའི་ཕྱིར་བདག་པོས་ མ་བཟུང་བ་འདི་རྣམས་ཀྱིས་མཆོད་ཅེ་ན། བདག་ནི་སོགས་ཀྱིས་དེའི་རྒྱུ་མཚན་བསྟན་ཏོ།། 43 སྡིག་པ་བཤགས་པ། གསུམ་པ་ལུས་དབུལ་བ་ནི། རྒྱལ་དང་དེ་སྲས་རྣམས་ལ་བདག་གིས་ནི།། བདག་གི་ལུས་ཀུན་གཏན་དུ་དབུལ་བར་བགྱི།། སེམས་དཔའ་མཆོག་རྣམས་བདག་གི་ཡོངས་བཞེས་ཤིག། གུས་པས་ཁྱེད་ཀྱི་འབངས་སུ་མཆི་བར་བགྱི།། ༨ བདག་ནི་ཁྱེད་ཀྱིས་ཡོངས་སུ་བཟུང་བས་ན།། སྲིད་ན་མི་འཇིགས་སེམས་ཅན་ཕན་པར་བགྱི།། སྔོན་གྱི་སྡིག་ལས་ཡང་དག་འདའ་བགྱིད་ཅིང༌།། སྡིག་པ་གཞན་ཡང་སླན་ཆད་མི་བགྱིད་དོ།། ༩ ཞེས་གསུངས་ཏེ། བདག་ལ་བདོག་པ་ནི། ལུས་ཁོ་ནར་ཟད་ལ་འདི་ཕུལ་ནས་ཁྱེད་ཀྱི་བཀའ་ བཞིན་སྒྲུབ་པའི་དོན་ཏོ། །དེ་རྣམས་ནི་དངོས་པོ་རྫས་སུ་ཡོད་པས་མཆོད་པ་ཡིན་ལ། བཞི་པ་བློས་སྤྲུལ་པའི་མཆོད་པ་བཅུ་གཅིག་ནི། ཁྲུས་གསོལ་གོས་རྒྱན་དབུལ་བ་དང༌།། བྱུགས་པ་དང་ནི་མེ་ཏོག་སྤོས།། ལྷ་བཤོས་སྒྲོན་མེ་བཞུགས་ཁང་དང༌།། 44 སྡིག་པ་བཤགས་པ། གདུགས་དང་གླུ་རོལ་སྨོན་ལམ་སྟེ།། བློ་སྤྲུལ་མཆོད་པ་བཅུ་གཅིག་གོ། ཞེས་ཡོད་པ་ལས། དང་པོ་ཁྲུས་གསོལ་བ་ནི། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ།། ཤེལ་གྱི་ས་གཞི་གསལ་ཞིང་འཚེར་བ་བསྟར།། རིན་ཆེན་འབར་བའི་ཀ་བ་ཡིད་འོང་ལྡན།། མུ་ཏིག་འོད་ཆགས་བླ་རེ་བྲེས་པ་དེར།། ༡༠ དེ་བཞིན་གཤེགས་དང་དེ་ཡི་སྲས་རྣམས་ལ།། རིན་ཆེན་བུམ་པ་མང་པོ་སྤོས་ཀྱི་ཆུས།། ཡིད་འོང་ལེགས་པར་བཀང་བ་གླུ་དང་ནི།། རོལ་མོར་བཅས་པ་དུ་མས་སྐུ་ཁྲུས་གསོལ།། ༡༡ དེ་དག་སྐུ་ལ་མཚུངས་པ་མེད་པའི་གོས།། གཙང་ལ་དྲི་རབ་བསྒོས་པས་སྐུ་ཕྱིའོ།། 45 སྡིག་པ་བཤགས་པ། ཞེས་གསུངས་ཏེ། དེ་ཡང་ཤེལ་གྱི་ས་གཞི་བསྟར་བ་ནི། བརྐྱང་ནུལ་གྱི་ཞལ་བ་ལེགས་པར་ བདར་ཞིང་ཕྱིས་པས་འོད་འཚེར་བ་སྟེ་ལྟ་བུའི་དོན་དུ་འཁྲུལ་བར་མི་བྱའོ། །ཚིགས་བཅད་ ཕྱེད་ཀྱིས་ན་བཟའ་བརྐྱང་པ་སྨོས་ལ། གཉིས་པ་གོས་རྒྱན་དབུལ་བ་ནི། དེ་ནས་དེ་ལ་ཁ་དོག་ལེགས་བསྒྱུར་བའི།། ན་བཟའ་ཤིན་ཏུ་དྲི་ཞིམ་དམ་པ་དབུལ།། ༡༢ གོས་བཟང་སྲབ་ལ་འཇམ་པ་སྣ་ཚོགས་དང༌།། རྒྱན་མཆོག་བརྒྱ་ཕྲག་དེ་དང་དེ་དག་གིས།། འཕགས་པ་ཀུན་ཏུ་བཟང་དང་འཇམ་དབྱངས་དང༌།། འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི།། ༡༣ ཞེས་གསུངས་ཏེ། ཚིགས་བཅད་གཅིག་གིས་གོས་དང་རྒྱན་ལྷན་ཅིག་ཏུ་སྨོས་པ་ནི་དང་པོ་ མཆོག་གི་སྤྲུལ་སྐུ་རྒྱན་སྤངས་པ་ཚངས་སྤྱོད་ཀྱི་ཆ་བྱད་ཅན་རྣམས་ལ་དབུལ་བ་དང༌། ཕྱི་མ་ བྱང་ཆུབ་སེམས་དཔའ་ཁྱིམ་པའི་རྟགས་འཆང་བ་རྣམས་ལ་དབུལ་བའི་དོན་ཏེ། མཆོག་གི་ སྤྲུལ་སྐུ་ལ་རྒྱན་དབུལ་བ་ནི་མི་རིགས་པའི་སྦྱིན་པར་འགྱུར་བའི་ཕྱིར་རོ།། 46 སྡིག་པ་བཤགས་པ། གསུམ་པ་བྱུགས་པའི་མཆོད་པ་ནི། སྟོང་གསུམ་ཀུན་ཏུ་དྲི་ངད་ལྡང་བ་ཡི།། དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ།། གསེར་སྦྱངས་བཙོ་མ་བྱི་དོར་བྱས་པ་ལྟར།། འོད་ཆགས་འབར་བ་དེ་དག་བྱུག་པར་བགྱི།། ༡༤ ཞེས་གསུངས་ཏེ། སྟོང་གསུམ་ཀུན་ཏུ་དྲི་ངད་ལྡང་བའི་སྤོས་ནི། འོག་མིན་གྱི་སྦྲུལ་གྱི་སྙིང་པོ་ སོགས་ཡིན་ལ། སྟོང་གསུམ་ནི་མངོན་པ་ལས་བཤད་པ་ལྟར། གླིང་བཞི་བྱེ་བ་ཕྲག་བརྒྱ་པ་ ཉིད་བཟུང་ངོ༌། །གསེར་བཙོ་མ་ནི་ཁ་སྦྱར་དུ་བསྐོལ་བ་ལ་སོགས་པས་ནང་གི་དྲི་མ་སྦྱངས་ པ་སྟེ། བྱི་དོར་བྱས་པ་ནི་རོ་ཙ་ན་ལ་སོགས་པའི་ནོར་བུས་ཕྱིས་པ་དང༌། སྦྱངས་པ་ནི་བུལ་ ཏོག་དང་ལན་ཚྭ་དང་སྐྱུ་རུ་ར་ལ་སོགས་པས་ཕྱིའི་དྲི་མ་སྦྱངས་པ་སྟེ། དེ་ལྟ་བུ་ཡང་ཡིན་ལ་ གསེར་ཡང་ཡིན་པ་སྟེ། འཇིག་རྟེན་ལ་གྲགས་པས་བརྗོད་ཀྱི་སྟོན་པའི་སྐུའི་མཛེས་པ་ལ་ནི་ དཔེ་ཅུང་ཟད་ཀྱང་མེད་དོ། །ཞེས་འགྲེལ་ཆེན་ལས་སོ།། བཞི་པ་མེ་ཏོག་གི་མཆོད་པ་ནི། ཐུབ་དབང་མཆོད་གནས་མཆོག་ལ་ཡིད་འོང་བའི།། མེ་ཏོག་མནྡ་ར་དང་པད་མ་དང༌།། ཨུཏྤལ་ལ་སོགས་དྲི་ཞིམ་ཐམས་ཅད་དང༌།། ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད།། ༡༥ 47 སྡིག་པ་བཤགས་པ། ཅེས་གསུངས་ཏེ། འགྲེལ་ཆེན་དུ། མཱ་ལི་ཀ་ནི་པར་ཤི་ཥའོ། །ཞེས། མེ་ཏོག་མནྡ་ར་དང་པར་ ཤི་ཥ། །ཞེས་འདོན་ནོ།། ལྔ་པ་སྤོས་ཀྱི་མཆོད་པ་ནི། སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི།། བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ།། ཞེས་གསུངས་ཏེ། བདུག་པའི་སྤྲིན་ནི་སྤྲིན་འཁྲིགས་པའམ་ཡང་ན་སྤྲིན་གྱེན་དུ་འགྲོ ་བ་ལྟ་ བུར་འཕྱུར་བའོ། །ཞེས་སོ།། དྲུག་པ་ལྷ་བཤོས་ཀྱི་མཆོད་པ་ནི། ཞལ་ཟས་བཟའ་བཏུང་སྣ་ཚོགས་བཅས་པ་ཡི།། ལྷ་བཤོས་རྣམས་ཀྱང་དེ་ལ་དབུལ་བར་བགྱི།། ༡༦ ཞེས་སོ།། བདུན་པ་སྒྲོན་མེའི་མཆོད་པ་ནི། གསེར་གྱི་པདྨ་མཚར་དུ་དངར་བ་ཡི།། རིན་ཆེན་སྒྲོན་མེ་རྣམས་ཀྱང་དབུལ་བར་བགྱི།། ཞེས་གསུངས་ཏེ། གསེར་གྱི་པད་མ་ནི་གསེར་གྱི་ཀོང་བུ་པད་མའི་དབྱིབས་ཅན་ཡིན་ལ། 48 སྡིག་པ་བཤགས་པ། མཚར་དུ་དངར་བ་ནི་དེ་མང་དུ་སྦྲེངས་པའི་གྲལ་བྱས་པ་སྟེ་དེར་ཙམ་པ་ཀའི་མར་དང་ལི་ ཤིའི་མར་དང༌། ཛ་ཏིའི་མར་དང༌། འབྲུ་མར་བསུང་ཅན་སྦྱར་བའི་མར་མེ་དང༌། ལ་ལར་ ནི་ནོར་བུ་རིན་པོ་ཆེ་བཞག་པས་སྣང་བ་བྱེད་པ་སྟེ་ནོར་བུ་མཆོག་གིས་དཔག་ཚད་བརྒྱ་ལ་ སོགས་པར་མུན་པ་སེལ་བའི་ཕྱིར་དང༌། སྒྲོན་མེ་ཕལ་པ་ནི་སྦྲུལ་ལ་སོགས་པའི་སྲོག་ཆགས་ འདུ་དུ་བ་བཀུ་མིག་ལ་གནོད་ལ། རིན་པོ་ཆེའི་སྒྲོན་མེ་ནི་དེ་ལས་ལྡོག་སྟེ་ཡི་དྭགས་དང་དུད་ འག ྲོ་འབྱེར་མིག་ལ་ཕན་པས་མཆོག་ཏུ་གྱུར་པའོ།། བརྒྱད་པ་བཞུགས་ཁང་གི་མཆོད་པ་ནི། ས་གཞི་བསྟར་བ་སྤོས་ཀྱིས་བྱུགས་པ་དེར།། མེ་ཏོག་ཡིད་འོང་སིལ་མ་དགྲམ་པར་བགྱི།། ༡༧ གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན།། མུ་ཏིག་རིན་ཆེན་རྒྱན་འཕྱང་མཛེས་འབར་བ།། དཔག་ཡས་ནམ་མཁའི་རྒྱན་གྱུར་དེ་དག་ཀྱང༌།། ཐུགས་རྗེའི་རང་བཞིན་ཅན་ལ་དབུལ་བར་བགྱི།། ༡༨ ཞེས་གསུངས་ཏེ། ས་གཞི་བསྟར་བ་ཞེས་པའི་ཚིགས་བཅད་ཕྱེད་ཀྱིས། གང་དུ་གཞལ་ མེད་ཁང་བྱ་བའི་གཞིའི་ཁྱད་པར་ཡང་སྟོན་ལ། ཀུན་ཏུ་གྲགས་པའི་མཎྜལ་གྱི་མཆོད་པ་ ཡང་བསྡུའོ། །གཞལ་ཡས་ཁང་ནི་རིན་པོ་ཆེ་ཐམས་ཅད་པ་ལས་བྱས་པ་དཔག་ཚད་བརྒྱ་ 49 སྡིག་པ་བཤགས་པ། སྟོང་གི་ཁྱོན་དང་ལྡན་ཞིང་མང་དུ་བརྩེགས་པས་ནམ་མཁའ་གང་སྟེ་སྤྲིན་ལ་རེག་པ་ལྟ་བུར་ སྣང་བ། ལྷའི་བུ་དང་བུ་མོ་འམ་མིའི་གཞོན་ནུ་དང་གཞོན་ནུ་མ་གླུ་གར་དང་བསྟོད་དབྱངས་ སྒྲོག་པས་གང་བའོ།། དགུ་པ་གདུགས་ཀྱི་མཆོད་པ་ནི། རིན་ཆེན་གདུགས་མཛེས་གསེར་གྱི་ཡུ་བ་ཅན།། ཁོར་ཡུག་རྒྱན་གྱི་རྣམ་པ་ཡིད་འོང་བརྒྱན།། དབྱིབས་ལེགས་ལྟ་ན་སྡུག་པ་བསྒྲེང་བ་སོགས།། རྟག་ཏུ་ཐུབ་དབང་རྣམས་ལ་དབུལ་བར་བགྱི།། ༡༩ ཞེས་གསུངས་ཏེ། གདུགས་ཀྱིས་མཚོན་པ་ནི་རྔ་ཡབ་ནོར་བུའི་ཡུ་བ་ཅན་དང་སེང་གེའི་ཁྲི་ རྐང་རྟེན་ཅན་དང་གཟིམས་ཆ་ལ་སོགས་པའོ། །དེས་ན། དབྱིབས་ལེགས་ལྟ་ན་སྡུག་པ་སྒྲེང་ བ་སོགས། །ཞེས་འབྲུ་གཉེར་ཏེ། དཀའ་འགྲེལ་ཆུང་ངུའི་ལུགས་སོ།། བཅུ་པ་གླུ་དང་རོལ་མོས་མཆོད་པ་ནི། དེ་ལས་གཞན་ཡང་མཆོད་པའི་ཚོགས།། རོལ་མོ་དབྱངས་སྙན་ཡིད་འོང་བ།། སེམས་ཅན་སྡུག་བསྔལ་སིམ་བྱེད་པའི།། སྤྲིན་རྣམས་སོ་སོར་གནས་གྱུར་ཅིག། ༢༠ 50 སྡིག་པ་བཤགས་པ། ཅེས་གསུངས་ཏེ། རོལ་མོ་ནི་སྒྱུ་རྩལ་དྲུག་ཅུ་རྩ་བཞི་ལས། རོལ་མོར་གཏོགས་པ་བཅོ་བརྒྱད་ རྣམས་སོ། །དབྱངས་ནི། གླུ་དབྱངས་སུ་གཏོགས་པ་བདུན་ཞེས་གསུངས་པ་རྣམས་ཡིན་ནོ།། བཅུ་གཅིག་པ་སྨོན་ལམ་གྱི་མཆོད་པ་ནི། དམ་ཆོས་དཀོན་མཆོག་ཐམས་ཅད་དང༌།། མཆོད་རྟེན་རྣམས་དང་སྐུ་གཟུགས་ལ།། རིན་ཆེན་མེ་ཏོག་ལ་སོགས་ཆར།། རྒྱུན་མི་འཆད་པར་འབབ་པར་ཤོག། ༢༡ ཅེས་གསུངས་ཏེ། དམ་ཆོས་དཀོན་མཆོག་ཐམས་ཅད་ནི་ཆོས་འཛིན་པའི་གང་ཟག་ཐམས་ ཅད་ཀྱི་ཐད་དང་གླེགས་བམ་དང༌། ཐ་ན་དེ་ལས་ཤོག་བུ་རེ་རེའམ་གཅིག་གི་དུམ་བུ་ཙམ་རླུང་ གིས་བདས་པའི་ས་ཕྱོགས་ཡན་ཆད་ཡིན་ལ། མཆོད་རྟེན་ནི་རིང་སྲེལ་གྱི་གནས་ཏེ། སྐུར་ བཅས་སྐུར་ནི་མེད་པ་ཡི། །ཞེས་ཞལ་ཕྱག་དང་བཅས་པའི་རྣམ་པར་གཏོད་པ་ནི་སྐུར་བཅས་ དང༌། བང་རིམ་ལ་སོགས་པ་ཅན་ནི་སྐུར་མེད་པའི་མཆོད་རྟེན་ཞེས་ཚིགས་བཅད་བཞི་པར་ གསུངས་ལ། འདིར་ནི་སྐུར་བཅས་ལ་སྐུ་གཟུགས་ཞེས་ཟུར་དུ་སྨོས་ཏེ། མདོར་ན་རྒྱུ་དང་ བཟོ་བོ་དང་ཚད་ཅི་འདྲ་ནའང་རུང་ཐ་ན་དེ་དག་གི་དུམ་བུར་གྱུར་པ་ཡང་བསྡུ་སྟེ། དེ་ཐམས་ཅད་དུ་མཆོད་པའི་ཆར་འབབ་པར་གྱུར་ཅིག་པའོ།། 51 སྡིག་པ་བཤགས་པ། ལྔ་པ་བླ་ན་མེད་པའི་མཆོད་པ་ནི། ཇི་ལྟར་འཇམ་དབྱངས་ལ་སོགས་པས།། རྒྱལ་བ་རྣམས་ལ་མཆོད་མཛད་པ།། དེ་བཞིན་བདག་གིས་དེ་བཞིན་གཤེགས།། མགོན་པོ་སྲས་དང་བཅས་རྣམས་མཆོད།། ༢༢ ཅེས་གསུངས་ཏེ། མདོར་ན་བདག་ཅག་གིས་ནི་ཇི་ལྟར་མཆོད་པར་བྱ་བ་དང་ཇི་ལྟར་མཉེས་ པར་འགྱུར་བ་མི་ཤེས་ལ། དེ་ནི་འཕགས་ཆེན་རྣམས་ཉིད་ཀྱིས་མཁྱེན་པར་ཟད་པས་ན་ སངས་རྒྱས་རྣམས་སྔོན་བྱང་ཆུབ་སེམས་དཔར་གྱུར་པ་ན། ཇི་ལྟ་བུས་མཆོད་པར་མཛད་པ་ དེ་ལྟ་བུས་བདག་གིས་ཀྱང་མོས་པས་མཆོད་པར་བགྱིའོ། །ཞེས་བསམ་པ་སྟེ་འདི་དབང་བཅུ་ རྫོགས་པ་རྣམས་ཀྱི་བློ་ཤིན་ཏུ་རྣམ་པར་དག་པས་བྱིན་གྱིས་རློབ་པའི་ཕྱིར་ན་མ་དག་པའི་བློ་ ཅན་གྱི་མཆོད་པ་ཐམས་ཅད་ཟིལ་གྱིས་གནོན་པས་བླ་ན་མེད་པའི་མཆོད་པའོ།། གཞན་ཡང་དམིགས་པ་དང་བཅས་པས་བླ་ན་མེད་པའི་མཆོད་པར་འགྱུར་བ་ནི་བྱང་ཆུབ་ ཀྱི་སེམས་སྒོམ་པ་སྟེ། མཁས་པས་བྱང་ཆུབ་སེམས་བསྒོམས་ན།། རྒྱལ་བ་སྲས་དང་བཅས་པ་ལ།། མཆོད་པ་འདི་ནི་དམ་པ་སྟེ།། ཞེས་སོ།། 52 སྡིག་པ་བཤགས་པ། དམིགས་པ་མེད་པ་བདག་མེད་པ་ལ་བཟོད་པ་ནི་བླ་ན་མེད་པའི་མཆོད་པ་མཆོག་ཡིན་ཏེ། ལྷའི་བུ་བློ་གྲོས་རབ་གནས་ཀྱི་མདོ་ལས། བྱང་ཆུབ་འདོད་པའི་བྱང་ཆུབ་སེམས་དཔའ་ཡིས།། བསྐལ་བ་བྱེ་བ་གངྒཱའི་བྱེ་སྙེད་དུ།། མེ་ཏོག་སྤོས་དང་དེ་བཞིན་ཟས་སྐོམ་དག། ཕུལ་ནས་མི་མཆོག་སངས་རྒྱས་མཆོད་པ་བས།། གང་གིས་གང་ལས་བདག་དང་སྲོག་དང་ནི།། གང་ཟག་མ་མཆིས་དེ་འདྲའི་ཆོས་འདི་དག། ཐོས་ནས་དེ་ལ་འོད་གསལ་བཟོད་ཐོབ་པ།། དེ་ཡིས་མི་མཆོག་དམ་པ་མཆོད་པ་ལགས།། ཞེས་དང༌། སེང་གེའི་སྒྲ་ཆེན་གྱི་མདོ་ལས། གང་འདུ་ཤེས་དང་མཚན་མ་སྐྱེད་པར་མི་བྱེད་པ་དེ་ནི་དེ་ བཞིན་གཤེགས་པ་མཆོད་པ་ཡིན་ནོ། །བླང་དོར་མེད་པ་དང་གཉིས་སུ་མེད་པར་འཇུག་པ་དེ་ ནི། དེ་བཞིན་གཤེགས་པ་མཆོད་པ་ཡིན་ནོ། །གྲོགས་པོ་དག་དེ་བཞིན་གཤེགས་པའི་སྐུ་ནི་ དངོས་པོ་མེད་པའི་མཚན་ཉིད་ཡིན་པས་དེ་ནི། དངོས་པོའི་འདུ་ཤེས་ལ་གནས་པས་མཆོད་ 53 སྡིག་པ་བཤགས་པ། པར་སླ་བ་མ་ཡིན་ནོ། །ཞེས་གསུངས་སོ། །མཆོད་པ་འདི་རྣམས་ནི། དམ་ཚིག་གསུམ་བཀོད་ དང༌།དཀོན་མཆོག་སྤྲིན་དང་ཕལ་པོ་ཆེའི་མདོ་ལས་བསྟན་པའོ།།དེ་ལྟར་རྙེད་པའི་མཆོད་པ་ བསྟན་ནས། གཉིས་པ་བཀུར་སྟིའི་མཆོད་པ་ལ་གཉིས། བསྟོད་པ་དང༌། ཕྱག་གི་མཆོད་པའོ། །དང་པོ་ནི། ཡོན་ཏན་རྒྱ་མཚོ་རྣམས་ལ་བདག། བསྟོད་དབྱངས་ཡན་ལག་རྒྱ་མཚོས་བསྟོད།། བསྟོད་དབྱངས་སྙན་སྤྲིན་དེ་དག་ལ།། ངེས་པར་ཀུན་ཏུ་འབྱུང་གྱུར་ཅིག། ༢༣ ཅེས་གསུངས་ཏེ། ཡོན་ཏན་གྱི་རྒྱ་མཚོ་དཀོན་མཆོག་གསུམ་པོ་དེ་ལའོ། །བདག་ནི་བྱེད་པ་ པོ་སྟེ་ལུས་གངྒཱའི་ཀླུང་གི་བྱེ་མ་སྙེད་ལ་སོགས་པར་བྱིན་གྱིས་བརླབས་ཤིང་ལུས་རེ་ལ་ཡང་ མགོ་མཐའ་ཡས་པ་དང༌། དེ་རེ་རེ་ཡང་ལྕེ་མཐའ་ཡས་ཤིང་ལྕེ་རེ་རེས་ཀྱང་ཡོན་ཏན་གྱི་ཁྱད་ པར་བརྒྱ་སྟོང་བརྗོད་ཅིང༌། དེ་ཡང་སྐད་ཀྱི་གཏང་རག་དབྱངས་ཀྱི་ཡན་ལག་རྒྱ་མཚོ་དང་ལྡན་ པས་བསྟོད་པར་བྱེད་པའོ།། སྔོན་སངས་རྒྱས་སྐར་རྒྱལ་རིའི་ཕུག་ན་ཟད་པར་མེའི་ཏིང་ངེ་འཛིན་ལ་བཞུགས་པ་ལ། འོ་སྐོལ་གྱི་སྟོན་པ་འདི་བྱང་ཆུབ་སེམས་དཔར་གྱུར་པས་རྐང་པ་གཅིག་གིས་འགྲེང་བས་ བསྐོར་ཞིང༌། ཞག་བདུན་དུ་ཚིགས་བཅད་གཅིག་གིས་བསྟོད་པས་བསྐལ་པ་དགུའི་ཚོགས་ 54 སྡིག་པ་བཤགས་པ། བཟླུམས་པར་བཤད་པའི་ཕྱིར་རོ། །བསྟོད་པའི་སྒྲ་དེ་ཡང་དཀོན་མཆོག་ཐམས་ཅད་ཀྱི་སྤྱན་ སྔར་རྒྱུན་མི་འཆད་པར་གྲགས་པར་གྱུར་ཅིག་ཅེས་མོས་ཤིང་བསྔོ་བའི་སྒོ་ནས་སོ།། གཉིས་པ་ཕྱག་གི་མཆོད་པ་ནི། དུས་གསུམ་གཤེགས་པའི་སངས་རྒྱས་ཀུན།། ཆོས་དང་ཚོགས་ཀྱི་མཆོག་བཅས་ལ།། ཞིང་རྡུལ་ཀུན་གྱི་གྲངས་སྙེད་ཀྱི།། ལུས་བཏུད་ནས་ནི་བདག་ཕྱག་འཚལ།། ༢༤ བྱང་ཆུབ་སེམས་ཀྱི་གཞི་རྣམས་དང༌།། མཆོད་རྟེན་ཀུན་ལ་བདག་ཕྱག་འཚལ།། མཁན་པོ་དེ་བཞིན་སློབ་དཔོན་དང༌།། བརྟུལ་ཞུགས་མཆོག་ལ་ཕྱག་འཚལ་ལོ།། ༢༥ ཞེས་གསུངས་ཏེ། ཞིང་རྡུལ་ཀུན་གྱི་གྲངས་སྙེད་ཀྱི་ལུས་ནི་བདག་གི་ལུས་དེ་ཙམ་དུ་མོས་པ་ སྟེ། ཞིང་ཞེས་བྱ་བ་ནི་སྟོང་གསུམ་མི་མཇེད་དམ་གཞི་དང་སྙིང་པོ་མེ་ཏོག་གིས་བརྒྱན་པ་ལ་ སོགས་པའོ། རྡུལ་ནི་ཕྲ་རབ་སྟེ། ཆོས་མངོན་པ་ལས། ཕྲ་རབ་རྡུལ་དང་རྡུལ་ཕྲན་དང༌། །ལྕགས་ཆུ་རི་བོང་ལུག་དང་གླང༌།། 55 སྡིག་པ་བཤགས་པ། ཉི་ཟེར་རྡུལ་དང་སྲོ་མ་དང༌། །དེ་ལས་བྱུང་དང་དེ་བཞིན་ནས།། སོར་ཚིགས་ཞེས་བྱ་གོང་བདུན་འགྱུར།། ཞེས་སྔ་མ་བདུན་ལ་ཕྱི་མ་རེར་བཤད་པའི་རྩ་བའི་རྡུལ་དེའོ། །ཞིང་དེ་ལ་རྡུལ་ཇི་ཙམ་མཆིས་ པའི་གྲངས་དང་མཉམ་པར་བདག་གི་ལུས་ཀྱང་དེ་སྙེད་མོས་པས་འདུད་པའོ། །གང་ལ་ན་ དུས་གསུམ་གྱི་ཕྱོགས་བཅུའི་དཀོན་མཆོག་ཐམས་ཅད་ལ་སྟེ་ཕྱག་གཅིག་ཀྱང་དེ་ཐམས་ཅད་ ལ་ཅིག་ཆར་འདུད་པའི་བློའོ། །འདི་ཇི་ལྟར་ནུས་ཤེ་ན། བསམ་པའི་དབང་གིས་ཏེ་སེམས་ ཀུན་ནས་དད་པས་འདུད་པ་ནི་ཕྱག་ཡང་དག་པ་ཡིན་ལ། སེམས་ལ་ནི་རྒྱབ་མདུན་དང་ཤར་ ནུབ་མི་དམིགས་པས་ཐམས་ཅད་ལ་ཅིག་ཆར་དུ་དད་པར་བྱར་ནུས་པའི་ཕྱིར་རོ།། ཅི་འདས་པའི་སངས་རྒྱས་རྣམས་ད་ལྟར་མེད་པ་མ་ཡིན་ནམ་ཞེ་ན། མ་ཡིན་ཏེ་གདུལ་ བྱའི་དབང་མ་གཏོགས་སངས་རྒྱས་སུ་ཡང་མྱ་ངན་ལས་འདས་པ་མ་མཐོང་བར་ཁྱིམ་ བདག་ནན་ཁུགས་ཀྱི་རྣམ་ཐར་ལས་གསུངས་པའི་ཕྱིར་དང༌། སྤྱིར་ཡང་ཆོས་ཐམས་ཅད་ལ་ དམིགས་པའི་བློ་གཞན་སྐྱེ་བ་དང་མཚུངས་པའི་ཕྱིར་རོ།། བྱང་ཆུབ་སེམས་ཀྱི་གཞི་ནི་སྔོན་བྱང་ཆུབ་སེམས་དཔའ་རྣམས་ཀྱིས་གང་དུ་གཏོང་བ་དང༌། གཏོང་བ་ཆེན་པོ་སོགས་ཕ་རོལ་ཏུ་ཕྱིན་པ་དྲུག་གི་སྤྱོད་པ་སྤྱད་པའི་ས་ཕྱོགས་རྣམས་ཏེ་སྟོན་ པ་ཉིད་ཀྱིས་ཀྱང༌། སྙིང་སྟོབས་ཆེན་པོའི་རུས་བུ་ས་གཞི་ལས་ཕྱུང་བ་ལ་ཕྱག་མཛད་དེ། འདི་ དག་གིས་ང་རྫོགས་པའི་བྱང་ཆུབ་ཐོབ་བོ། །ཞེས་གསུངས་པའི་ཕྱིར། 56 སྡིག་པ་བཤགས་པ། མཆོད་རྟེན་ནི། བིམྤ་དང༌། ཁང་བུ་དང༌། རྒྱལ་མཚན་ལྟར་གྲགས་པ་བརྒྱད་དང༌། བཅུ་ གཉིས་དང་བྱེ་བ་ལ་སོགས་པ་སྟེ། མདོར་ན་འཕགས་པ་རྣམས་ཀྱི་རིང་སྲེལ་རྣམ་པ་བཞི་ ལས་གང་ཡང་རུང་བའམ་ཐམས་ཅད་བཞུགས་པའོ།། བརྟུལ་ཞུགས་མཆོག་ནི་བརྟུལ་ཞུགས་ཉིད་དང་དེ་དང་ལྡན་པའི་གང་ཟག་སྟེ། སྐྱེས་བུ་ ཟུང་བཞི་གང་ཟག་ཡ་བརྒྱད་དང༌། ཆོས་བཞིན་དུ་ཚངས་པར་སྤྱོད་པ་ཐམས་ཅད་ལའོ།། གཉིས་པ་སྐྱབས་སུ་འགྲོ་བ་ནི། བྱང་ཆུབ་སྙིང་པོར་མཆིས་ཀྱི་བར།། སངས་རྒྱས་རྣམས་ལ་སྐྱབས་སུ་མཆི།། ཆོས་དང་བྱང་ཆུབ་སེམས་དཔའ་ཡི།། ཚོགས་ལའང་དེ་བཞིན་སྐྱབས་སུ་མཆི།། ༢༦ ཞེས་གསུངས་ཏེ། བྱང་ཆུབ་སྙིང་པོར་མཆིས་ཀྱི་བར་ཏེ་དུས་ཀྱི་ངེས་བཟུང་ངོ༌། །ཐེག་ཆེན་གྱི་ དཀོན་མཆོག་གསུམ་ནི་ཡུལ་ངེས་བཟུང་དུ་བྱ་བ་སྟེ་བདག་ཉིད་དང༌། དགོས་པ་ཤུགས་ལ་ འཕངས་སོ།། གསུམ་པ་སྡིག་བཤགས་ལ་བཞི། རྣམ་པར་སུན་དབྱུང་བ་དང༌། རྟེན་བཟུང་བ་དང༌། གཉེན་པོ་ལ་འབད་པ་དང༌། སོར་ཆུད་པར་བྱ་བའོ། །དང་པོ་ལ་བཞི། བྱས་པའི་རྣམ་གྲངས་ 57 སྡིག་པ་བཤགས་པ། ལ་བརྟགས་ནས་འགྱོད་པ་སྐྱེད་པ། མྱུར་དུ་འཆི་བར་དོགས་པས་སུན་འབྱིན་པ། དོན་མེད་ པར་བརྟགས་པས་སུན་འབྱིན་པ། རྣམ་སྨིན་ལ་འཇིགས་པས་སུན་དབྱུང་བའོ། །དང་པོ་ནི། ཕྱོགས་རྣམས་ཀུན་ན་བཞུགས་པ་ཡི།། རྫོགས་སངས་རྒྱས་དང་རྒྱལ་བའི་སྲས།། ཐུགས་རྗེ་ཆེན་པོ་མངའ་རྣམས་ལ།། ཐལ་མོ་སྦྱར་ཏེ་གསོལ་བ་ནི།། ༢༧ ཐོག་མ་མེད་ལྡན་འཁོར་བ་ནས།། ཚེ་རབས་འདིའམ་གཞན་དག་ཏུ།། བདག་གིས་མ་འཚལ་སྡིག་བགྱིས་པའམ།། བགྱིད་དུ་བསྩལ་བ་ཉིད་དང་ནི།། ༢༨ གཏི་མུག་འཁྲུལ་བས་བདག་ནོན་ཏེ།། རྗེས་སུ་ཡི་རང་གང་བགྱིས་པ།། ནོངས་པ་དེ་ནི་འགྱོད་བགྱིས་ནས།། བསམ་པ་ཐག་པས་མགོན་ལ་བཤགས།། ༢༩ 58 སྡིག་པ་བཤགས་པ། བདག་གིས་དཀོན་མཆོག་གསུམ་དང་ནི།། ཕ་མའམ་བླ་མ་གཞན་དག་ལ།། ཉོན་མོངས་སྒོ་ནས་ལུས་ངག་དང༌།། ཡིད་ཀྱིས་གནོད་བགྱིས་གང་ལགས་དང༌།། ༣༠ ཉེས་པ་དུ་མའི་སྐྱོན་ཆགས་པའི།། སྡིག་ཅན་བདག་གིས་སྡིག་པ་གང༌།། ཤིན་ཏུ་མི་བཟད་བགྱིས་པ་དེ།། ཐམས་ཅད་འདྲེན་པ་རྣམས་ལ་བཤགས།། ༣༡ ཞེས་གསུངས་ཏེ། བདག་གིས་མ་འཚལ་ཞེས་པ་ནི་བདག་ཉིད་གཏི་མུག་ཆེན་པོར་བསྟན་ ཏོ། །བགྱིས་པ་ནི་རང་གིས་སྒོ་གསུམ་གྱིས་སོ། །བགྱིད་དུ་བསྩལ་བ་ནི་ངག་དང་ཡིད་ཀྱིས་ གཞན་བྱེད་དུ་བཅུག་པའོ། །ཡི་རང་བ་ནི་གཞན་གྱིས་སྡིག་པ་བྱས་པ་ལ་ཡིད་ཀྱིས་དགའ་ བར་བྱེད་པའོ། །འགྱོད་བགྱིས་ནས་ཅེས་པ་ནི་དམྱལ་བ་ལ་སོགས་པར་མི་དགེ་བའི་རྣམ་ སྨིན་ཐོས་པས་འཇིགས་པའོ། །དེ་ལ་དཀོན་མཆོག་གསུམ་ནི་བླ་ན་མ་མཆིས་པའི་ཞིང་དང༌། ཕ་ལ་སོགས་པ་ནི་ཕན་བཏགས་པའི་ཞིང་ཡིན་ཏེ། དེ་ལ་གནོད་པས་ནི་སྡུག་བསྔལ་གྱི་རྣམ་ པར་སྨིན་པ་རྒྱ་ཆེ་ཞིང་དྲག་པ་ཡིན་པའི་ཕྱིར་རོ།། 59 སྡིག་པ་བཤགས་པ། ཁྱད་པར་དགེ་འདུན་གྱི་རྫས་གང་ཟག་གིས་མ་བྱིན་པར་ལེན་པ་ནི། ཆེས་ལྕི་སྟེ་གལ་ ཏེ་ཞལ་དུ་འདུ་བའི་སྒོ་ཞིག་ཡིན་ན། འདི་ནི་རྣམ་སྨིན་མ་མྱོང་བར་མི་འདག་པར་དྲན་པ་ཉེར་ བཞག་ལས་གསུངས་སོ། །མི་བཟད་པ་ནི་མེ་སྟག་ལས་མེ་ཆེན་མཆེད་པ་ལྟ་བུ་སྟེ་རྒྱུའི་དུས་ ན་ཆུང་ཡང་རྣམ་སྨིན་གྱི་དུས་ན་འཇིགས་སུ་རུང་བའི་ཕྱིར་རོ།། གཉིས་པ་མྱུར་དུ་འཆི་བར་དོགས་པས་སུན་འབྱིན་པ་ནི། བདག་ནི་སྡིག་པ་མ་བྱང་བའི།། སྔོན་དུ་འགུམ་པར་འགྱུར་དུ་མཆི།། ཇི་ལྟར་འདི་ལས་ངེས་ཐར་བར།། མྱུར་བའི་ཚུལ་གྱིས་བསྐྱབ་ཏུ་གསོལ།། ༣༢ ཡིད་བརྟན་མི་རུང་འཆི་བདག་འདི།། བྱས་དང་མ་བྱས་མི་སྡོད་པས།། ན་དང་མི་ན་ཀུན་གྱི་ཡང༌།། གློ་བུར་ཚེ་ལ་ཡིད་མི་བརྟན།། ༣༣ ཞེས་གསུངས་ཏེ། འཆི་བའི་དུས་མ་ངེས་པས་སྡིག་པ་མ་བྱང་བར་ཤི་དོགས་པའོ།། 60 སྡིག་པ་བཤགས་པ། གསུམ་པ་དོན་མེད་པར་བརྟགས་པས་སུན་འབྱིན་པ་ནི། ཐམས་ཅད་བོར་ཏེ་ཆས་དགོས་པ།། བདག་གིས་དེ་ལྟར་མ་ཤེས་ནས།། མཛའ་དང་མི་མཛའི་དོན་གྱི་ཕྱིར།། སྡིག་པ་རྣམ་པ་སྣ་ཚོགས་བྱས།། ༣༤ མི་མཛའ་རྣམས་ཀྱང་མེད་འགྱུར་ཞིང༌།། མཛའ་བ་རྣམས་ཀྱང་མེད་པར་འགྱུར།། བདག་ཀྱང་མེད་པར་འགྱུར་བ་སྟེ།། དེ་བཞིན་ཐམས་ཅད་མེད་པར་འགྱུར།། ༤༥ རྨི་ལམ་ཉམས་སུ་མྱོང་བ་བཞིན།། དངོས་པོ་གང་དང་གང་སྤྱད་པ།། དེ་དེ་དྲན་པའི་ཡུལ་དུ་འགྱུར།། འདས་པ་ཐམས་ཅད་མཐོང་མི་འགྱུར།། ༣༦ རེ་ཞིག་གསོན་ཚེ་འདི་ཉིད་ལའང༌།། མཛའ་དང་མི་མཛའ་དུ་མ་འདས།། 61 སྡིག་པ་བཤགས་པ། དེ་དག་དོན་དུ་བྱས་པའི་སྡིག། མི་བཟད་གང་ཡིན་མདུན་ན་གནས།། ༣༧ དེ་ལྟར་བདག་ནི་གློ་བུར་ཞེས།། བདག་གིས་རྟོགས་པར་མ་གྱུར་བས།། གཏི་མུག་ཆགས་དང་ཞེ་སྡང་གིས།། སྡིག་པ་རྣམ་པ་དུ་མ་བྱས།། ༣༨ ཞེས་གསུངས་ཏེ། ཅིའི་ཆེད་དུ་བྱས་ཤེ་ན། ཐམས་ཅད་བོར་ནས་རང་གཅིག་པུར་འགྲོ་དགོས་ པ་མ་ཤེས་པར་མཛའ་བ་སྐྱོང་བ་དང༌། མི་མཛའ་བ་གཞོམ་པའི་དོན་དུ་བྱས་སོ། །སུའི་ཆེད་ དུ་བྱས་པ་དེས་མྱོང་ངོ་ཞེ་ན། དེ་དག་ཐམས་ཅད་མེད་པར་གྱུར་ཀྱང་རྣམ་སྨིན་ནི་རང་གི་མདུན་ ལྟ་བུ་ཕྱི་མའི་སེམས་ཁོ་ན་ལ་གནས་སོ།། བཞི་པ་རྣམ་སྨིན་ལ་འཇིགས་པས་སུན་དབྱུང་བ་ལ་བདུན། མྱུར་དུ་འཆི་ངེས་པ། འཆི་ ཀའི་གནད་གཅོད། དེའི་ཚེ་དགེ་བ་མ་སྒྲུབས་པས་འགྱོད་པར་འགྱུར་བ། སྡིག་པ་སྤྱད་པས་ འགྱོད་པར་འགྱུར་བ། འཆི་བ་ལ་སྐྲག་པར་རིགས་པ། ཀུན་ཏུ་སྐྱབས་ཚོལ་བ། སྐྱབས་མ་རྙེད་ ནས་སྡུག་བསྔལ་བའོ། །དང་པོ་ནི། ཉིན་མཚན་སྡོད་པ་ཡོང་མེད་པར།། ཚེ་འདི་རྟག་ཏུ་གོད་འགྱུར་ཞིང༌།། 62 སྡིག་པ་བཤགས་པ། སྣོན་པ་གུད་ནས་ཡོང་མེད་ན།། བདག་ལྟ་འཆི་བར་ཅིས་མི་འགྱུར།། ༣༩ ཞེས་གསུངས། གཉིས་པ་འཆི་ཀའི་གནད་གཅོད་ནི། བདག་ནི་མལ་ན་འདུག་བཞིན་དུ།། གཉེན་བཤེས་ཀུན་གྱིས་མཐའ་བསྐོར་ཡང༌།། སྲོག་འཆད་པ་ཡི་ཚོར་བ་དག། བདག་ཉིད་གཅིག་པུས་མྱོང་བར་འགྱུར།། ༤༠ ཞེས་གསུངས། གསུམ་པ་དེའི་ཚེ་དགེ་བ་མ་སྒྲུབས་པས་འགྱོད་པར་འགྱུར་བ་ནི། གཤིན་རྗེའི་ཕོ་ཉས་ཟིན་པ་ལ།། གཉེན་གྱིས་ཅི་ཕན་བཤེས་ཅི་ཕན།། དེ་ཚེ་བསོད་ནམས་གཅིག་སྐྱོབ་ན།། དེ་ཡང་བདག་གིས་མ་བསྟེན་ཏོ།། ༤༡ ཞེས་གསུངས། 63 སྡིག་པ་བཤགས་པ། བཞི་པ་སྡིག་པ་སྤྱད་པས་འགྱོད་པར་འགྱུར་བ་ནི། མགོན་པོ་བག་མེད་བདག་གིས་ནི།། འཇིགས་པ་འདི་འདྲ་མ་འཚལ་ནས།། མི་རྟག་ཚེ་འདིའི་ཆེད་དག་ཏུ།། སྡིག་པ་མང་པོ་ཉེ་བར་བསྒྲུབས།། ༤༢ ཞེས་གསུངས། ལྔ་པ་འཆི་བ་ལ་སྐྲག་པར་རིགས་པ་ནི། སྐྱེ་བོ་ཡན་ལག་གཅོད་པའི་སར།། དེ་རིང་ཁྲིད་པའང་བྲེད་གྱུར་ཏེ།། ཁ་སྐམ་མིག་རྩ་ངན་ལ་སོགས།། སྔར་ལས་གཞན་དུ་འགྱུར་སྣང་ན།། ༤༣ གཤིན་རྗེའི་ཕོ་ཉ་འཇིགས་འཇིགས་ལྟའི།། ཤ་ཚུགས་ཅན་གྱིས་བཟུང་གྱུར་ཅིང༌།། འཇིགས་ཆེན་ནད་ཀྱིས་ཐེབས་གྱུར་པ།། རབ་ཏུ་ཉམ་ཐག་སྨོས་ཅི་དགོས།། ༤༤ ཞེས་གསུངས། 64 སྡིག་པ་བཤགས་པ། དྲུག་པ་ཀུན་ཏུ་སྐྱབས་ཚོལ་བ་ནི། སུ་ཞིག་འཇིགས་ཆེན་འདི་ལས་བདག། ལེགས་པར་སྐྱོབ་པར་བྱེད་འགྱུར་ཞེས།། བྲེད་ཤ་འཐོན་པའི་མིག་བགྲད་ནས།། ཕྱོགས་བཞིར་སྐྱབས་དག་ཚོལ་བར་བྱེད།། ༤༥ ཅེས་གསུངས། བདུན་པ་སྐྱབས་མ་རྙེད་ནས་སྡུག་བསྔལ་བ་ནི། ཕྱོགས་བཞིར་སྐྱབས་མེད་མཐོང་ནས་ནི།། དེ་ནས་ཀུན་ཏུ་ཡི་མུག་འགྱུར།། གནས་དེར་སྐྱབས་ཡོད་མ་ཡིན་ན།། དེ་ཚེ་བདག་གིས་ཇི་ལྟར་བྱ།། ༤༦ ཞེས་གསུངས། གཉིས་པ་རྟེན་གྱི་སྟོབས་ནི། དེ་བས་རྒྱལ་བ་འགྲོ་བའི་མགོན།། འག ྲོ་བ་སྐྱོབ་པའི་དོན་བརྩོན་པ།། 65 སྡིག་པ་བཤགས་པ། སྟོབས་ཆེན་འཇིགས་པ་ཀུན་སེལ་ལ།། དེ་རིང་ཉིད་ནས་སྐྱབས་སུ་མཆི།། ༤༧ དེ་ཡི་ཐུགས་སུ་ཆུད་པའི་ཆོས།། འཁོར་བའི་འཇིགས་པ་སེལ་བ་དང༌།། བྱང་ཆུབ་སེམས་དཔའི་ཚོགས་ལ་ཡང༌།། དེ་བཞིན་ཡང་དག་སྐྱབས་སུ་མཆི།། ༤༨ བདག་ནི་འཇིགས་པས་རྣམ་སྐྲག་ནས།། ཀུན་ཏུ་བཟང་ལ་བདག་ཉིད་འབུལ།། འཇམ་པའི་དབྱངས་ལའང་བདག་ཉིད་ཀྱིས།། བདག་གི་ལུས་འདི་དབུལ་བར་བགྱི།། ༤༩ ཐུགས་རྗེས་སྤྱོད་པ་མ་འཁྲུལ་བ།། སྤྱན་རས་གཟིགས་མགོན་དེ་ལ་ཡང༌།། ཉམ་ཐག་ང་རོས་འོ་དོད་འབོད།། སྡིག་ལྡན་བདག་ལ་བསྐྱབ་ཏུ་གསོལ།། ༥༠ 66 སྡིག་པ་བཤགས་པ། འཕགས་པ་ནམ་མཁའི་སྙིང་པོ་དང༌།། ས་ཡི་སྙིང་པོ་དག་དང་ནི།། ཐུགས་རྗེ་ཆེ་མགོན་ཐམས་ཅད་ལ།། སྐྱབས་ཚོལ་སྙིང་ནས་འོ་དོད་འབོད།། ༥༡ གང་ཞིག་མཐོང་ནས་གཤིན་རྗེ་ཡི།། ཕོ་ཉ་ལ་སོགས་སྡང་བ་རྣམས།། སྐྲག་ནས་ཕྱོགས་བཞིར་འབྱེར་བྱེད་པ།། རྡོ་རྗེ་ཅན་ལའང་སྐྱབས་སུ་མཆི།། ༥༢ སྔོན་ཆད་ཁྱེད་ཀྱི་བཀའ་ལས་འདས།། ད་ནི་འཇིགས་པ་ཆེར་མཐོང་ནས།། ཁྱེད་ལ་སྐྱབས་སུ་མཆི་ལགས་ཀྱིས།། འཇིགས་པ་མྱུར་དུ་བསལ་དུ་གསོལ།། ༥༣ ཞེས་གསུངས་ཏེ། དེ་ལྟ་བུ་འབྱུང་བར་ངེས་པ་སྐྱེས་པས་འཇིགས་ཤིང་སྐྲག་པ་དང༌། སྐྱབས་ གཞན་མ་རྙེད་པས་སྡུག་བསྔལ་བ་དང༌། སྐྱབས་ལ་ཡིད་ཆེས་པའི་བློ་བཅོས་མིན་གྱིས་ད་ལྟ་ ནས་སངས་རྒྱས་དང་ཆོས་དང༌། བྱང་ཆུབ་སེམས་དཔའི་ཚོགས་ལ་ཅི་བྱ་མཚང་བརླག་གི་ཚུལ་ 67 སྡིག་པ་བཤགས་པ། གྱིས་སྐྱབས་སུ་འགྲོ་ཞིང༌། ཁྱད་པར་དུ་སངས་རྒྱས་མཐའ་ཡས་པའི་བསོད་ནམས་བ་སྤུའི་ ཁུང་བུ་ལ་གནས་ཀྱང་སྨོན་ལམ་གྱི་དབང་གིས་བྱང་ཆུབ་སེམས་དཔར་སྟོན་པ་ཀུན་ཏུ་བཟང་ པོ་དང༌། ད་ལྟར་ཕྱོགས་བཅུའི་སངས་རྒྱས་ཕལ་མོ་ཆེ་ཞིག་འཇམ་དཔལ་གཞོན་ནུར་གྱུར་པས་ སྔོན་བྱང་ཆུབ་ཏུ་བཙུད་པ་ཡིན་པས་སངས་རྒྱས་མཐའ་ཡས་པའི་བླ་མར་གྱུར་ཀྱང༌། བྱང་ཆུབ་ སེམས་དཔའི་ཚུལ་ལས་མི་གཡོ་བ་འཇམ་དཔལ་དང༌། མཚན་ཐོས་པ་ཙམ་གྱིས་སྡུག་བསྔལ་ ཐམས་ཅད་སྐྱོབ་པར་སྨོན་ལམ་བཏབ་སྟེ་མཚན་བྱིན་གྱིས་བརླབས་པ་སྤྱན་རས་གཟིགས་ དབང་ཕྱུག་དང༌། བྱང་ཆུབ་སེམས་དཔའ་ཐམས་ཅད་ཀྱི་ལྟུང་བ་སེལ་བའི་སྨོན་ལམ་ཅན་ནམ་ མཁའི་སྙིང་པོ་དང༌། བདུད་ཀྱིས་མི་འཁྲུགས་པ་སའི་སྙིང་པོ་དང༌། གང་མཐོང་བ་ཙམ་གྱིས་ བདུད་དང་གཤིན་རྗེའི་དཔུང་མཐར་བྱེད་པ་ཕྱག་ན་རྡོ་རྗེ་དང༌། ལ་སོགས་པས་བྱམས་པ་དང་ སྒྲིབ་པ་ཐམས་ཅད་རྣམ་པར་སེལ་བ་ལ་སོགས་བྱང་ཆུབ་སེམས་དཔའ་ཐུགས་རྗེ་ཅན་དེ་རྣམས་ ལ་སྐྱབས་སུ་མཆི་ཞིང་ལུས་ཕུལ་ཏེ་གསོལ་བ་འདེབས་པའོ། །བདག་ཉིད་འབུལ་ཞེས་དང་ བདག་ཉིད་ཀྱིས་ཞེས་པ་ནི་གཞན་གྱིས་བྱེད་དུ་བཅུག་པ་སོགས་མ་ཡིན་པར་རང་ཉིད་ཁོ་ནས་ སེམས་ཐག་པ་ནས་སྐྱབས་སུ་གསོལ་ཏེ། སྔོན་ཆད་སྡིག་པ་ཅི་ཡང་མི་བྱ་སྟེ། །ཞེས་སོགས་ ཀྱི་ཁྱེད་ཀྱི་བཀའ་ལས་འདས་མོད་ཀྱང༌། ད་ནི་ནམ་དུ་ཡང་བཀའ་ལས་མི་འདའ་བས་བདག་ རྗེས་སུ་ཟུངས་ཤིག་པའོ། །གོང་དུ་བྱང་ཆུབ་སྙིང་པོར་སོགས་ཀྱིས་སྐྱབས་སུ་སོང་བ་ནི་ལམ་ ཐམས་ཅད་ཀྱི་གཞིའི་སྐྱབས་འགྲོ་དངོས་བཟུང་བ་ཡིན་ལ། འདི་ནི་རྟེན་གྱི་སྟོབས་སུ་གློ་བུར་གྱི་ འཇིགས་པས་དཀོན་མཆོག་ར་མདར་སྦྲན་པ་ཡིན་པས་ཟློས་པའི་སྐྱོན་མེད་དོ།། 68 སྡིག་པ་བཤགས་པ། གསུམ་པ་གཉེན་པོ་ལ་འབད་པ་ལ་ལྔ། ཅིའི་ཕྱིར་བཀའ་ལས་མི་འདའ་ཞེས་པའི་ལན། ཉོན་མོངས་པའི་ནད་ནི་ཤིན་ཏུ་འཇིགས་པར་སྟོན་པ། སྨན་པ་སངས་རྒྱས་གཅིག་པུར་སྟོན་ པ། གཡང་སའི་དཔེས་བཟློས་ཏེ་བསྟན་པ། སྡིག་པ་སྦྱོང་བ་ལས་རིངས་པའི་བྱ་བ་གཞན་ མེད་པར་སྟོན་པའོ། །དང་པོ་ནི། ཐ་མལ་ནད་ཀྱིས་འཇིགས་ན་ཡང༌།། སྨན་པའི་ངག་བཞིན་བྱ་དགོས་ན།། འདོད་ཆགས་ལ་སོགས་ཉེས་བརྒྱ་ཡི།། ནད་ཀྱིས་རྟག་བཏབ་སྨོས་ཅི་དགོས།། ༥༤ ཞེས་གསུངས། གཉིས་པ་ཉོན་མོངས་པའི་ནད་ནི་ཤིན་ཏུ་འཇིགས་པར་སྟོན་པ་ནི། དེ་གཅིག་གིས་ཀྱང་འཛམ་གླིང་ན།། གནས་པའི་མི་ཀུན་རླག་བྱེད་ལ།། དེ་དག་གསོ་བའི་སྨན་གཞན་ནི།། ཕྱོགས་རྣམས་ཀུན་ནས་མི་རྙེད་ན།། ༥༥ ཞེས་གསུངས། 69 སྡིག་པ་བཤགས་པ། གསུམ་པ་སྨན་པ་སངས་རྒྱས་གཅིག་པུར་སྟོན་པ་ནི། དེ་ལ་སྨན་པ་ཐམས་ཅད་མཁྱེན།། ཟུག་རྔུ་ཐམས་ཅད་འབྱིན་པ་ཡི།། བཀའ་ལྟར་མི་བྱེད་སེམས་པ་ནི།། ཤིན་ཏུ་གཏི་མུག་སྨད་པའི་གནས།། ༥༦ ཞེས་གསུངས། བཞི་པ་གཡང་སའི་དཔེས་བཟློས་ཏེ་བསྟན་པ་ནི། གཡང་ས་ཐ་མལ་ཆུང་ངུ་ལའང༌།། བག་ཡོད་གནས་པར་བྱ་དགོས་ན།། དཔག་ཚད་སྟོང་དུ་ལྟུང་བ་ཡི།། ཡུན་རིང་གཡང་སར་སྨོས་ཅི་དགོས།། ༥༧ ཞེས་གསུངས། ལྔ་པ་སྡིག་པ་སྦྱོང་བ་ལས་རིངས་པའི་བྱ་བ་གཞན་མེད་པར་སྟོན་པ་ནི། དེ་རིང་ཁོ་ན་མི་འཆི་ཞེས།། བདེ་བར་འདུག་པ་རིགས་མ་ཡིན།། 70 སྡིག་པ་བཤགས་པ། བདག་ནི་མེད་པར་འགྱུར་བའི་དུས།། དེ་ནི་གདོན་མི་ཟ་བར་འབྱུང༌།། ༥༨ བདག་ལ་མི་འཇིགས་སུ་ཡིས་བྱིན།། འདི་ལས་ཇི་ལྟར་ངེས་ཐར་འགྱུར།། གདོན་མི་ཟ་བར་མེད་འགྱུར་ན།། ཅི་ཕྱིར་བདག་ཡིད་བདེ་བར་འདུག། ༥༩ ཅེས་གསུངས། བཞི་པ་སོར་ཆུད་པར་བྱ་བ་ལ་གསུམ། འགྱོད་པའི་རྒྱུ་མཚན་བསམ་པ། མཐོལ་ཞིང་ བཤགས་པ། སླན་ཆད་སྡོམ་པར་དམ་བཅས་པའོ། །དང་པོ་ནི། སྔོན་ཆད་མྱོང་སྟེ་ཞིག་པ་ལས།། བདག་ལ་ལྷག་པ་ཅི་ཡོད་ན།། བདག་ནི་དེ་ལ་མངོན་ཞེན་ནས།། བླ་མའི་བཀའ་དང་འགལ་བར་བྱས།། ༦༠ གསོན་ཚེ་འདི་དང་དེ་བཞིན་དུ།། གཉེན་དང་བཤེས་པ་རྣམ་སྤངས་ནས།། 71 སྡིག་པ་བཤགས་པ། གཅིག་པུར་ག་ཤེད་འགྲོ་དགོས་ན།། མཛའ་དང་མི་མཛའ་ཀུན་ཅི་རུང༌།། ༦༡ མི་དགེ་བ་ལས་སྡུག་བསྔལ་འབྱུང༌།། དེ་ལས་ཇི་ལྟར་ངེས་ཐར་ཞེས།། ཉིན་མཚན་རྟག་ཏུ་བདག་གིས་ནི།། འདི་ཉིད་འབའ་ཞིག་བསམ་པར་རིགས།། ༦༢ ཞེས་གསུངས། གཉིས་པ་མཐོལ་ཞིང་བཤགས་པ་ནི། བདག་ནི་མི་ཤེས་གཏི་མུག་པས།། རང་བཞིན་ཁ་ན་མ་ཐོ་འམ།། བཅས་པའི་སྡིག་པ་གང་ཡིན་ལས།། གང་ཡང་རུང་བ་བགྱིས་པ་རྣམས།། ༦༣ མགོན་པོའི་སྤྱན་སྔར་མངོན་སུམ་དུ།། ཐལ་སྦྱར་སྡུག་བསྔལ་འཇིགས་སེམས་ཀྱིས།། 72 སྡིག་པ་བཤགས་པ། ཡང་དང་ཡང་དུ་ཕྱག་འཚལ་ཏེ།། དེ་དག་ཐམས་ཅད་བཤགས་པར་བགྱི།། ༦༤ འདྲེན་པ་རྣམས་ཀྱིས་བདག་གི་སྡིག། ནོངས་པ་ལགས་པར་བཟུང་དུ་གསོལ།། ཞེས་གསུངས། གསུམ་པ་སླན་ཆད་སྡོམ་པར་དམ་བཅས་པ་ནི། འདི་ནི་བཟང་པོ་མ་ལགས་པས།། སླན་ཆད་བདག་ནི་ཡོང་མི་བགྱིད།། ༦༥ ཅེས་གསུངས། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། སྡིག་པ་བཤགས་པ་གཙོ་བོར་སྟོན་ པའི་ལེའུ་སྟེ་གཉིས་པ་རྣམ་པར་ཕྱེ་བའོ།། །། 73 བྱང་ཆུབ་ཀྱི་སེམས་ཡོངས་སུ་བཟུང་བ། ལེའུའི་འབྲེལ་ནི། བཤགས་པའི་འོག་ཏུ་ཡི་རང་སོགས་འབྱུང་བར་འབྲེལ་ལོ།། བཞི་པ་རྗེས་སུ་ཡི་རང་བ་ལ་དྲུག རྒྱུ་བསོད་ནམས་ཆ་མཐུན་ལ་ཡི་རང་བ། དེའི་འབྲས་ བུ་མངོན་མཐོའི་བདེ་བ་ལ་ཡི་རང་བ། ཐར་པ་ཆ་མཐུན་གྱི་དགེ་བ་ལ་ཡི་རང་བ། ཉན་རང་ གི་བྱང་ཆུབ་ལ་ཡི་རང་བ། ཐེག་ཆེན་གྱི་འབྲས་བུ་སངས་རྒྱས་དང་ས་བཅུ་ལ་ཡི་རང་བ། རྒྱུ་ ཐེག་ཆེན་གྱི་ལམ་སྒྲུབ་པ་རྣམས་ལ་ཡི་རང་བའོ། །དང་པོ་ནི། སེམས་ཅན་ཀུན་གྱི་ངན་སོང་གི། སྡུག་བསྔལ་ངལ་བསོའི་དགེ་བ་དང༌།། ཞེས་གསུངས། གཉིས་པ་དེའི་འབྲས་བུ་མངོན་མཐོའི་བདེ་བ་ལ་ཡི་རང་བ་ནི། སྡུག་བསྔལ་ཅན་དག་བདེར་གནས་ལ།། དགའ་བས་རྗེས་སུ་ཡི་རང་ངོ༌།། ༡ ཞེས་གསུངས། གསུམ་པ་ཐར་པ་ཆ་མཐུན་གྱི་དགེ་བ་ལ་ཡི་རང་བ་ནི། བྱང་ཆུབ་རྒྱུར་གྱུར་དགེ་བསགས་པ།། དེ་ལ་རྗེས་སུ་ཡི་རང་ངོ༌།། ཞེས་གསུངས། 74 བྱང་ཆུབ་ཀྱི་སེམས་ཡོངས་སུ་བཟུང་བ། བཞི་པ་ཉན་རང་གི་བྱང་ཆུབ་ལ་ཡི་རང་བ་ནི། ལུས་ཅན་འཁོར་བའི་སྡུག་བསྔལ་ལས།། ངེས་པར་ཐར་ལ་ཡི་རང་ངོ༌།། ཞེས་གསུངས། ལྔ་པ་ཐེག་ཆེན་གྱི་འབྲས་བུ་སངས་རྒྱས་དང་ས་བཅུ་ལ་ཡི་རང་བ་ནི། སྐྱོབ་པ་རྣམས་ཀྱི་བྱང་ཆུབ་དང༌།། རྒྱལ་སྲས་ས་ལའང་ཡི་རང་ངོ༌།། ༢ ཞེས་གསུངས། དྲུག་པ་རྒྱུ་ཐེག་ཆེན་གྱི་ལམ་སྒྲུབ་པ་རྣམས་ལ་ཡི་རང་བ་ནི། སེམས་ཅན་ཐམས་ཅད་བདེ་མཛད་པའི།། ཐུགས་བསྐྱེད་དགེ་བ་རྒྱ་མཚོ་དང༌།། སེམས་ཅན་ཕན་པར་མཛད་པ་ལ།། དགའ་བས་རྗེས་སུ་ཡི་རང་ངོ༌།། ༣ ཞེས་གསུངས་སོ།། 75 བྱང་ཆུབ་ཀྱི་སེམས་ཡོངས་སུ་བཟུང་བ། ལྔ་པ་ཆོས་འཁོར་བསྐོར་བར་བསྐུལ་བ་ནི། ཕྱོགས་རྣམས་ཀུན་གྱི་སངས་རྒྱས་ལ།། ཐལ་མོ་སྦྱར་ཏེ་གསོལ་བ་ནི།། སེམས་ཅན་སྡུག་བསྔལ་མུན་འཐོམས་ལ།། ཆོས་ཀྱི་སྒྲོན་མེ་སྦར་དུ་གསོལ།། ༤ ཞེས་གསུངས་ཏེ། ཕྱོགས་བཅུའི་སངས་རྒྱས་གང་ད་ལྟར་མངོན་པར་རྫོགས་པར་སངས་ རྒྱས་ནས། སུ་ལ་བསྟན་ཀྱང་གོ་བར་མི་ནུས་པས། །ཞེས་གསུངས་པ་ལྟ་བུ། གཞན་གྱིས་ རྟོགས་དཀའ་བར་མཁྱེན་པ་དང༌། དམ་པའི་ཆོས་ནི་སངས་རྒྱས་ཉིད་ལས་དཀོན་པར་སྟོན་ པ་དང༌། དགེ་བ་སྐྱེད་པའི་ཕྱིར་གཞན་གྱིས་གསོལ་བ་འདེབས་སུ་གཞུག་པའི་དུས་ལ་ གཞེས་ཏེ་འོ་སྐོལ་གྱི་སྟོན་པས་སངས་རྒྱས་ནས་ཞག་ཞེ་དགུར་ཐུན་མོང་གི་གདུལ་བྱ་ལ་ ཆོས་མ་བསྟན་པ་དང༌། དེ་ནས། གཞན་གྱིས་གསོལ་བ་བཏབ་ལ་ང་མི་ལྟོས།། སྐྱེ་བོ་འདི་ཀུན་ཚངས་ལ་དད་པ་སྟེ།། དེ་ཡིས་གསོལ་བ་བཏབ་ནས་ཆོས་འཁོར་བསྐོར།། ཞེས་བསྟན་པ་ལྟར། སངས་རྒྱས་ཁ་ཅིག་དེ་བས་ཡུན་ཐུང་བ་དང༌། ཁ་ཅིག་ལོ་མང་པོ་དང་ སྐུ་ཚེ་རིང་བ་ལ་ལ་བསྐལ་པའི་བར་དང༌། དེ་བཞིན་གཤེགས་པ་ལ་ལ་ལོ་དཔག་ཏུ་མེད་པར་ 76 བྱང་ཆུབ་ཀྱི་སེམས་ཡོངས་སུ་བཟུང་བ། བཞུགས་ཀྱང་ཆོས་མ་བསྟན་པར་མཐར་ཉིན་གཅིག་ཁོ་ན་ཆོས་བསྟན་ཏེ་མྱ་ངན་ལས་འདའ་ བར་མཛད་པ་ཡང་གསུངས་པས་དེ་ལྟ་བུ་རྣམས་ལ་དད་པས་དམིགས་ཏེ་ཆོས་སྟོན་པར་ གསོལ་བ་འདེབས་པ་ཤླཽ་ཀ་གཅིག་གོ །འདིར་རང་ཚངས་པར་བསྒོམས་ཏེ་གསེར་གྱི་འཁོར་ ལོ་ཕུལ་ནས་བསྐུལ་བར་མོས་ཅེས་ཟེར་བ་ནི་གསང་སྔགས་དང་བསྲེས་པ་སྟེ། འོན་ཀྱང་མོས་པའི་སྟོབས་ཙམ་གྱིས་ཡིན་ན་འགལ་བ་མེད་དོ། །ཞེས་གསུངས། དྲུག་པ་མྱ་ངན་ལས་མི་འདའ་བར་གསོལ་བ་འདེབས་པ་ནི། རྒྱལ་བ་མྱ་ངན་འདའ་བཞེད་ལ།། ཐལ་མོ་སྦྱར་ཏེ་གསོལ་བ་ནི།། འག ྲོ་འདི་ལྡོངས་པར་མི་འགོད་ཅིང༌།། བསྐལ་པ་གྲངས་མེད་བཞུགས་པར་གསོལ།། ༥ ཞེས་གསུངས་ཏེ། ཆོས་ཀྱི་སྐུ་མྱ་ངན་ལས་འདའ་བ་མེད་ཀྱང་མཆོག་གི་སྤྲུལ་སྐུ་ནི་གདུལ་བྱ་ ལ་དཀོན་པར་སྟོན་པ་དང་རྟག་འཛིན་ཟློག་པ་དང༌། སྐུ་གདུང་གྱེས་པའམ་རིལ་པོས་གདུལ་ བྱ་རྣམས་ཀྱི་ཆེད་དང་བཀའ་བསྡུ་བ་དང་བསྟན་པའི་གནས་ཚད་སོགས་ཀྱི་ཕྲིན་ལས་ལྷག་ མ་མང་པོ་སྟོན་དགོས་པའི་ཕྱིར་མྱ་ངན་ལས་འདའ་བ་ངེས་པར་སྟོན་ལ། དེ་ཡང་སྟོན་པས་ཀུན་དགའ་བོ་མྱ་ངན་ལས་མི་འདའ་བར་གསོལ་བ་འདེབས་སུ་ 77 བྱང་ཆུབ་ཀྱི་སེམས་ཡོངས་སུ་བཟུང་བ། གཞུག་པའི་ཕྱིར། ཀུན་དགའ་བོ་གང་རྫུ་འཕྲུལ་གྱི་རྐང་པ་བཞི་ལ་བསྟེན་ཏེ་བསྒོམ་མང་དུ་ བྱས་པ་དེ་ནི་འདོད་ན་བསྐལ་པའམ་བསྐལ་པ་ལས་ལྷག་གི་བར་དུ་ཡང་འདུག་གོ །དེ་བཞིན་ གཤེགས་པས་ཀྱང་རྫུ་འཕྲུལ་གྱི་རྐང་པ་བཞི་ལ་བསྟེན་བསྒོམ་མང་དུ་མཛད་པས་བཞེད་ན་ བསྐལ་པའམ་བསྐལ་པ་ལས་ལྷག་གི་བར་དུ་ཡང་བཞུགས་སོ། །ཞེས་ལན་གསུམ་གསུངས་ ཀྱང༌། ཀུན་དགའ་བོ་བདུད་ཀྱིས་ཐེབས་པས་ཅི་ཡང་མ་གསོལ་བ་ན་ཉིན་མོར་སྤྱོད་དུ་སོང་ ཞིག་ཅེས་གསུངས་པའི་འོག་ཏུ་སྡིག་ཅན་གྱིས་མྱ་ངན་ལས་འདའ་བར་གསོལ་བ་བཏབ། མགར་བའི་བུ་ཙུནྡས་མྱ་ངན་ལས་མི་འདའ་བར་གསོལ་བ་བཏབ་པས་གཉིས་ཀ་དགའ་ བའི་ཕྱིར། སྐུ་ཚེའི་ཚད་ཟླ་བ་གསུམ་བྱིན་གྱིས་བརླབས་པ་ལྟ་བུ་སྟེ། ཕྱོགས་བཅུའི་སངས་ རྒྱས་དེ་ལྟ་བུ་མཐའ་ཡས་པ་རྣམས་ལ་དམིགས་ཏེ་མྱ་ངན་ལས་མི་འདའ་བར་གསོལ་བ་ གདབ་པ་ཤླཽ་ཀ་གཅིག་གོ། བདུན་པ་བསྔོ་བ་ལ་གསུམ། བསྔོ་བ་དངོས། ལུས་སོགས་སེམས་ཅན་ལ་བཏང་བ། སྨོན་ལམ་རྒྱ་ཆེར་གདབ་པའོ། །དང་པོ་ལ་བཞི། གཞན་དོན་དུ་སྤྱིར་བསྔོ་བ། ནད་སེལ་ བའི་ཆེད་དུ་བསྔོ་བ། བཀྲེས་པ་སེལ་བའི་ཆེད་དུ་བསྔོ་བ། ཕོངས་པ་སེལ་བའི་ཆེད་དུ་བསྔོ་ བའོ། །དང་པོ་ནི། དེ་ལྟར་འདི་དག་ཀུན་བྱས་ཏེ།། དགེ་བ་བདག་གིས་གང་བསགས་པ།། 78 བྱང་ཆུབ་ཀྱི་སེམས་ཡོངས་སུ་བཟུང་བ། དེས་ནི་སེམས་ཅན་ཐམས་ཅད་ཀྱི།། སྡུག་བསྔལ་ཐམས་ཅད་སེལ་བར་ཤོག། ༦ ཅེས་གསུངས། གཉིས་པ་ནད་སེལ་བའི་ཆེད་དུ་བསྔོ་བ་ནི། འག ྲོ་བ་ནད་པ་ཇི་སྲིད་དུ།། ནད་སོས་གྱུར་གྱི་བར་དུ་ནི།། སྨན་དང་སྨན་པ་ཉིད་དག་དང༌།། དེ་ཡི་ནད་གཡོག་བྱེད་པར་ཤོག། ༧ ཅེས་གསུངས། གསུམ་པ་བཀྲེས་པ་སེལ་བའི་ཆེད་དུ་བསྔོ་བ་ནི། ཟས་དང་སྐོམ་གྱི་ཆར་ཕབ་སྟེ།། བཀྲེས་དང་སྐོམ་པའི་གནོད་པ་བསལ།། མུ་གེའི་བསྐལ་པ་བར་མའི་ཚེ།། བདག་ནི་ཟས་དང་སྐོམ་དུ་གྱུར།། ༨ ཞེས་གསུངས། 79 བྱང་ཆུབ་ཀྱི་སེམས་ཡོངས་སུ་བཟུང་བ། བཞི་པ་ཕོངས་པ་སེལ་བའི་ཆེད་དུ་བསྔོ་བ་ནི། སེམས་ཅན་ཕོངས་ཤིང་དབུལ་བ་ལ།། བདག་ནི་མི་ཟད་གཏེར་གྱུར་ཏེ།། ཡོ་བྱད་མཁོ་རྒུ་སྣ་ཚོགས་སུ།། མདུན་ན་ཉེ་བར་གནས་གྱུར་ཅིག། ༩ ཅེས་གསུངས་ཏེ། དེ་དག་གི་དོན་ནི། ནད་དང་མུ་གེ་ནི་མ་འོངས་པ་དེའི་བསྐལ་པའི་དུས་ཏེ། མཛོད་ལས། དེ་ནས་ལས་ཀྱི་ལམ་ལྷག་པས།། ཚེ་ཐུང་ལོ་ནི་བཅུ་པར་འགྱུར།། བསྐལ་པ་མཚོན་དང་ནད་དང་ནི།། མུ་གེ་རྣམས་ཀྱིས་མཐར་ཕྱིན་ཏོ།། ཞག་རྣམས་དང་ནི་ཟླ་བ་དང༌།། ལོ་བདུན་དག་སྟེ་གོ་རིམ་བཞིན།། ཞེས་མི་རྣམས་ཚེ་ལོ་བཅུ་པའི་དུས་དེར་ཐོག་མར་མཚོན་གྱི་བསྐལ་པ་ཞག་བདུན་གྱིས་ དམྱལ་ཐག་པར་བྱེད་དོ། །དེའི་ལྷག་མ་རྣམས་ནད་ཀྱི་བསྐལ་པ་ཞག་བདུན་དང་ཟླ་བ་བདུན་ གྱིས་དམྱལ་ཐག་གཅོད་དོ། །དེའི་ལྷག་མར་ལུས་པ་རྣམས་མུ་གེའི་བསྐལ་པ་ཞག་བདུན་ 80 བྱང་ཆུབ་ཀྱི་སེམས་ཡོངས་སུ་བཟུང་བ། ཟླ་བ་བདུན་ལོ་བདུན་གྱིས་ལྷག་མ་ཙམ་དུ་བྱེད་ལ། དེ་ནས་རྫོགས་ལྡན་གྱི་མགོ་རྩོམ་པར་ འགྱུར་བའོ།། ༡ དེས་ན་སྤྱིར་སེམས་ཅན་གྱི་ནད་སོགས་སྡུག་བསྔལ་ཐམས་ཅད་དང་ཁྱད་པར་ནད་ མཚོན་མུ་གེའི་བསྐལ་པ་བར་མ་བ་དེ་རྣམས་ཁོ་ན་ཤིན་ཏུ་སྡུག་བསྔལ་ཞིང་སྐྱབས་གཞན་ མེད་པར་གཟིགས་པས་དེ་རྣམས་ཀྱི་དོན་དུ་བསྔོ་བའོ།། ༢ འགྲོ་བ་ནད་པ་སོགས་ནི་ནད་ ཀྱི་བསྐལ་པ་ལས་སྐྱབས་པའི་དོན་དུ་བསྔོ་བའོ།། ༣ ཟས་དང་སོགས་ནི་མུ་གེའི་བསྐལ་པ་ ལས་སྐྱབས་པར་བསྔོ་བའོ།། ༤ སེམས་ཅན་ཕོངས་ཤིང་སོགས་ནི་མི་རྣམས་ཕོངས་པ་ལས་ སྡིག་པ་ལ་འཇུག་པར་གཟིགས་ནས་དེའི་ཆེད་དུ་ལྷག་པར་བསྔོ་བའོ།། གཉིས་པ་ལུས་སོགས་སེམས་ཅན་ལ་བཏང་བ་ནི། ལུས་དང་དེ་བཞིན་ལོངས་སྤྱོད་དང༌།། དུས་གསུམ་དགེ་བ་ཐམས་ཅད་ཀྱང༌།། སེམས་ཅན་ཀུན་གྱི་དོན་གྱི་ཕྱིར།། ཕངས་པ་མེད་པར་བཏང་བར་བྱ།། ༡༠ ཞེས་པས་ལུས་ལོངས་སྤྱོད་དགེ་བར་བཅས་པ་སེམས་ཅན་ལ་བྱང་ཆུབ་ཀྱི་རྒྱུར་གཏོང་བར་ དམ་འཆའ་བའོ།། 81 བྱང་ཆུབ་ཀྱི་སེམས་ཡོངས་སུ་བཟུང་བ། ཐམས་ཅད་བཏང་བས་མྱ་ངན་འདའ།། བདག་བློ་མྱ་ངན་འདས་པ་སྒྲུབ།། ཐམས་ཅད་གཏོང་བར་ཆབས་གཅིག་ལ།། སེམས་ཅན་རྣམས་ལ་བཏང་བ་མཆོག། ༡༡ ཞེས་པས་དེའི་འཐད་པ་སྟོན་ཏེ་དེ་རྣམས་མ་བཏང་ན་བྱང་ཆུབ་མི་འཐོབ་ལ། བདག་ནི་ བྱང་ཆུབ་སྒྲུབ་པའི་ཕྱིར་དང༌། ལུས་ལོངས་སྤྱོད་བློས་མ་བཏང་ན་ཡང་འཆི་བའི་དུས་འཇོག་ དགོས་ཀྱང་དོན་ཅིར་ཡང་མི་འགྱུར་ལ། དེས་ན་ད་ལྟ་ནས་སེམས་ཅན་ལ་བཏང་ན་དོན་ཆེན་ པོར་འགྱུར་བའི་ཕྱིར་རོ།། བདག་གིས་ལུས་ཅན་ཐམས་ཅད་ལ།། ལུས་འདི་ཅི་བདེར་བྱིན་ཟིན་གྱིས།། རྟག་ཏུ་གསོད་དང་སྨོད་པའམ།། བརྡེག་སོགས་ཅི་དགར་བྱེད་ལ་རག། ༡༢ བདག་གི་ལུས་ལ་རྩེ་བྱེད་དམ།། ཅོ་འདྲི་ག་ཞའི་རྒྱུ་བྱེད་ཀྱང༌།། བདག་གི་ལུས་འདི་བྱིན་ཟིན་གྱིས།། འདི་ཡི་ཁ་ཏས་ཅི་ཞིག་བྱ།། ༡༣ 82 བྱང་ཆུབ་ཀྱི་སེམས་ཡོངས་སུ་བཟུང་བ། ཞེས་པའི་ཚིགས་བཅད་གཉིས་ཀྱིས་བྱིན་པ་གོ་བར་བྱས་ཏེ། ད་ནི་ལུས་ལོངས་སྤྱོད་ལ་ བདག་གིར་བཟུང་བའི་གཟེ་རེག་མི་བྱའོ་ཞེས་དམ་འཆའ་བ་དང༌། དེ་ལ་གནོད་པར་མི་འགྱུར་བའི།། ལས་གང་ཡིན་པའང་བྱེད་དུ་ཆུག། ཅེས་ལས་འཆོལ་བ་པོ་རང་ལ་མི་གནོད་པའི་ལས་དེ་ལ་བཀོལ་ཞིག་ཅེས་འདོམས་པར་ བྱེད་པའོ།། རང་དོན་དུ་ཅུང་ཟད་མི་སྲུང་ངམ་ཞེ་ན། ཐམས་ཅད་གཏོང་བར་སོགས་ཏེ། བྱང་ཆུབ་ སེམས་དཔའི་སོ་སོར་ཐར་པ་ལས། ཤཱ་རིའི་བུ་གཞན་ཡང་བྱང་ཆུབ་སེམས་དཔའ་ནི་ཆོས་ ཐམས་ཅད་ལ་གཞན་གྱིར་འདུ་ཤེས་སྐྱེད་པར་བྱེད་དེ་དངོས་པོ་འགའ་ཡང་མི་ལེན་ཏོ།། སོགས་དང༌། སྲེད་མེད་ཀྱི་བུའི་མདོར། གཏོང་བའི་བློ་མི་འཇུག་པའི་དངོས་པོ་སྲེལ་བར་མི་ བྱའོ།། སོགས་དང༌། བློ་གྲོས་མི་ཟད་པའི་མདོའི་འབྱུང་བཞིས་སེམས་ཅན་ལ་སྒོ་སྣ་ཚོགས་ ནས་ཕན་འདོགས་ཚུལ་རྣམས་དྲངས་སོ།། གསུམ་པ་སྨོན་ལམ་རྒྱ་ཆེར་གདབ་པ་ནི། བདག་ལ་དམིགས་ནས་ནམ་དུ་ཡང༌།། འགའ་ཡང་དོན་མེད་མ་གྱུར་ཅིག། ༡༤ 83 བྱང་ཆུབ་ཀྱི་སེམས་ཡོངས་སུ་བཟུང་བ། བདག་ལ་དམིགས་ནས་གང་དག་གིས།། ཁྲོའམ་དད་པའི་སེམས་བྱུང་ན།། དེ་ཉིད་རྟག་ཏུ་དེ་དག་གི། དོན་ཆེན་འགྲུབ་པའི་རྒྱུར་གྱུར་ཅིག། ༡༥ ཅེས་པའི་ཚིག་རྐང་དྲུག་གིས་བདག་ཉིད་ལ་སུས་ཇི་ལྟར་དམིགས་པའི་བློ་སྐྱེས་ཀྱང་བློ་དེ་ ཉིད་གང་ཟག་དེ་ལ་དོན་ཆེན་པོའི་རྒྱུར་འགྱུར་བར་སྨོན་པ་དང༌། གང་དག་བདག་ལ་ཁ་ཟེར་རམ།། གཞན་དག་གནོད་པ་བྱེད་པའམ།། དེ་བཞིན་ཕྱར་ཀ་གཏོང་ཡང་རུང༌།། ཐམས་ཅད་བྱང་ཆུབ་སྐལ་ལྡན་གྱུར།། ༡༦ ཞེས་གསུངས་པའི་ཚིགས་བཅད་གཅིག་གིས་གནོད་ལན་ཕན་བདེར་འབྲེལ་བར་སྨོན་པའོ།། བདག་ནི་མགོན་མེད་རྣམས་ཀྱི་མགོན།། ལམ་ཞུགས་རྣམས་ཀྱི་དེད་དཔོན་དང༌།། བརྒལ་འདོད་རྣམས་ཀྱི་གྲུ་དང་ནི།། གཟིངས་དང་ཟམ་པ་ཉིད་དུ་གྱུར།། ༡༧ 84 བྱང་ཆུབ་ཀྱི་སེམས་ཡོངས་སུ་བཟུང་བ། གླིང་དོན་གཉེར་ལ་གླིང་དང་ནི།། མར་མེ་འདོད་ལ་མར་མེ་དང༌།། གནས་མལ་འདོད་ལ་གནས་མལ་དང༌།། བདག་ནི་ལུས་ཅན་བྲན་འདོད་པ།། ཀུན་གྱི་བྲན་དུ་འགྱུར་བར་ཤོག། ༡༨ ཅེས་གསུངས་པའི་ཚིགས་བཅད་གཉིས་ཀྱིས་སེམས་ཅན་ལ་ཇི་ལྟར་མཁོ་བ་དེ་དང་དེར་ འགྱུར་བར་སྨོན་པ་སྟེ། རྟའི་རྒྱལ་པོ་བཱ་ལ་ཧར་གྱུར་པས་སྲིན་མོའི་གླིང་ནས་འབྱིན་པ་ལ་ སོགས་པའོ། །དེ་ལ་གནས་མལ་ནི་ཞག་མལ་གྱི་བསྟི་གནས་ཏེ་མཚན་མོའི་ལྷ་མོ་རྣམས་ ཀྱི་རྣམ་ཐར་ལས་མུན་པར་སྣང་བ་བསྐྱེད་པ་དང་གནས་མལ་སྟོབ་པ་སོགས་དེ་དག་གི་ཕྲིན་ ལས་སུ་གསུངས་སོ།། ཡིད་བཞིན་ནོར་དང་བུམ་པ་བཟང༌།། རིག་སྔགས་གྲུབ་དང་སྨན་ཆེན་དང༌།། དཔག་བསམ་གྱི་ནི་ཤིང་དག་དང༌།། ལུས་ཅན་རྣམས་ཀྱི་འདོད་འཇོར་གྱུར།། ༡༩ ས་སོགས་འབྱུང་བ་ཆེན་པོ་དང༌།། ནམ་མཁའ་བཞིན་དུ་རྟག་པར་ཡང༌།། 85 བྱང་ཆུབ་ཀྱི་སེམས་ཡོངས་སུ་བཟུང་བ། སེམས་ཅན་དཔག་ཏུ་མེད་པ་ཡི།། རྣམ་མང་ཉེར་འཚོའི་གཞིར་ཡང་ཤོག། ༢༠ ཅེས་གསུངས་པའི་ཚིགས་བཅད་གཉིས་ཀྱིས་འབད་རྩོལ་དང་རྟོག་པ་མེད་པར་ལྷུན་གྱིས་ གྲུབ་པ་སངས་རྒྱས་ཀྱི་སའི་ཕྲིན་ལས་འགྲུབ་པར་སྨོན་པ་དང༌། ཡིད་བཞིན་གྱི་ནོར་བུ་ནི་ དགོས་འདོད་ཐམས་ཅད་འབྱུང་བའོ། །བུམ་པ་བཟང་པོ་ནི་སྔགས་ཀྱིས་བསྒྲུབས་ནས་གྲུབ་ པ་ན་དེ་ནས་གང་འདོད་པ་འབྱུང་བ་སྟེ། དགེ་སློང་དགྲ་བཅོམ་ནི་བུམ་པ་ནས་ཐེག་པ་ཆེན་ པོའི་སྡེ་སྣོད་མཐའ་ཡས་པ་ཕྱུང་སྟེ་ལྟ་བར་བཤད་པ་ལྟར་རོ། །རིག་སྔགས་མ་གྲུབ་པ་ རྣམས་ལ་མྱུར་དུ་འགྲུབ་པའི་མཐུ་སྩོལ་བའམ། ཡང་ན་རལ་གྲི་དང་མིག་སྨན་དང་ལྷམ་ སོགས་གྲུབ་པའི་རྫས་སུ་གྱུར་པས་དོན་སྟེར་བའོ། །སྨན་ཆེན་པོ་ནི་ལྷ་དང་ལྷ་མ་ཡིན་ལ་ སོགས་པའི་བཅུད་ལེན་གྱི་བདུད་རྩི་ཚེ་བསྐལ་པར་འཚོ་བ་དང་རིག་འཛིན་གྱི་ལུས་སུ་ བྱེད་པའོ། །དཔག་བསམ་གྱི་ཤིང་ནི་འདོད་དགུ་སྟེར་བའི་ཤིང་སྟེ་དེ་ལས་གང་འདོད་བླང་ དུ་འབྱུང་བའོ། །འདོད་འཇོར་གྱུར་བ་ནི་འདོད་རྒུ་འཇོ་བའི་བ་ལྟ་བུའི་དོན་ཏེ་ཇི་ལྟར་འདོད་ པའི་དོན་གྱི་འབྱུང་གནས་སུ་གྱུར་ཅིག་པའོ། །ས་སོགས་ནི་འབད་རྩོལ་དང་རྣམ་རྟོག་མེད་ པར་དོན་བྱེད་པའི་དཔེའོ། །འདི་རྣམས་ནི་རྡོ་རྗེ་རྒྱལ་མཚན་གྱི་བསྔོ་བ་རྣམ་པ་བཅུ་ལ་ སོགས་པ་རྒྱལ་སྲས་ཆེན་པོ་རྣམས་ཀྱི་བསྔོ་བའི་རྒྱ་མཚོ་མཐའ་ཡས་པ་འདུས་པའོ།། དེ་བཞིན་ནམ་མཁའི་མཐས་གཏུགས་པའི།། སེམས་ཅན་ཀུན་ལ་རྣམ་ཀུན་ཏུ།། 86 བྱང་ཆུབ་ཀྱི་སེམས་ཡོངས་སུ་བཟུང་བ། ཐམས་ཅད་མྱ་ངན་འདས་བར་དུ།། བདག་ནི་ཉེར་འཚོའི་གཞིར་ཡང་ཤོག། ༢༡ ཅེས་གསུངས་པའི་ཚིགས་བཅད་གཅིག་གིས་དེ་ལྟར་སེམས་ཅན་གཅིག་ལ་ཇི་ལྟ་བ་བཞིན་ དུ་སེམས་ཅན་ཐམས་ཅད་ལ་རྟག་པར་འགྲུབ་པའི་སྨོན་ལམ་མོ།། དེ་ལྟར་ལུས་ལོངས་སྤྱོད་བཏང་བ་སོགས་བསྔོ་བའི་འཕྲོས་དོན་དུ་བྱས་པ་ནི་བོད་ འགྲེལ་དག་གི་ལུགས་ཡིན་ལ། བསྡུས་དོན་དུ། དངོས་གཞིར་བསྡུས་ཏེ་བཤད་དོ།། གཉིས་པ་དངོས་གཞི་ནི། ཇི་ལྟར་སྔོན་གྱི་བདེ་གཤེགས་ཀྱིས།། བྱང་ཆུབ་ཐུགས་ནི་བསྐྱེད་པ་དང༌།། བྱང་ཆུབ་སེམས་དཔའི་བསླབ་པ་ལའང༌།། དེ་དག་རིམ་བཞིན་གནས་པ་ལྟར།། ༢༢ དེ་བཞིན་འགྲོ་ལ་ཕན་དོན་དུ།། བྱང་ཆུབ་སེམས་ནི་སྐྱེད་བགྱི་ཞིང༌།། དེ་བཞིན་དུ་ནི་བསླབ་པ་ལའང༌།། རིམ་པ་བཞིན་དུ་བསླབ་པར་བགྱི།། ༢༣ ཞེས་གསུངས་ཏེ། འདིར་དངོས་སུ་སེམས་སྐྱེད་དང་སྡོམ་པ་ལྷན་ཅིག་ཏུ་བཟུང་བ་ཡིན་ལ། 87 བྱང་ཆུབ་ཀྱི་སེམས་ཡོངས་སུ་བཟུང་བ། སོ་སོར་འདོད་ན་ཡང་དེ་ལྟར་བཟུང་བའི་དབྱེ་བསྡུ་ཤེས་པར་བྱའོ། །འདི་ནི་སློབ་དཔོན་ནམ་ རྟེན་ནམ་དཀོན་མཆོག་གི་སྤྱན་སྔར་ལན་གསུམ་དུ་བླངས་པས་སྐྱེ་བར་འགྱུར་རོ།། གསུམ་པ་རྗེས་ལ་གཉིས། བདག་ཉིད་དབུགས་དབྱུང་བ་དང༌། གཞན་གཟེངས་བསྟོད་ པའོ། །དང་པོ་ལ་གཉིས། རང་དོན་གྲུབ་པས་དང༌། གཞན་དོན་གྲུབ་པས་དགའ་བ་སྐྱེད་ པའོ། །དང་པོ་ལ་བཞི། མཚམས་སྦྱར་བ། རང་གི་དོན་གྲུབ་པར་ཆེད་དུ་བརྗོད་པ། རིགས་ སུན་མི་འབྱིན་པར་དམ་བཅའ་བ། བྱང་ཆུབ་ཀྱི་སེམས་ཤིན་ཏུ་རྙེད་དཀའ་བའི་དཔེ་བསྟན་ པའོ། །དང་པོ་ནི། དེ་ལྟར་བློ་དང་ལྡན་པ་ཡིས།། རབ་དང་བྱང་ཆུབ་སེམས་བཟུང་ནས།། མཇུག་ཀྱང་རྒྱས་པར་བྱ་བའི་ཕྱིར།། སེམས་ནི་འདི་ལྟར་གཟེངས་བསྟོད་དོ།། ༢༤ ཞེས་གསུངས་ཏེ། དེ་ཡང་དབུགས་དབྱུང་བ་དང་གཟེངས་བསྟོད་པའི་རྒྱུ་མཚན་ནི་བྱང་ཆུབ་ ཀྱི་སེམས་མཇུག་ཀྱང་རྒྱས་པར་བྱ་བ་སྟེ་སྲུང་བ་དང་དག་པ་དང་སྤེལ་བའི་ཕྱིར་རོ།། གཉིས་པ་རང་གི་དོན་གྲུབ་པར་ཆེད་དུ་བརྗོད་པ་ནི། དེང་དུས་བདག་ཚེ་འབྲས་བུ་ཡོད།། མི་ཡི་སྲིད་པ་ལེགས་པར་ཐོབ།། 88 བྱང་ཆུབ་ཀྱི་སེམས་ཡོངས་སུ་བཟུང་བ། དེ་རིང་སངས་རྒྱས་རིགས་སུ་སྐྱེས།། སངས་རྒྱས་སྲས་སུ་ད་འགྱུར་ཏོ།། ༢༥ ཞེས་གསུངས་ཏེ། སྔོན་ཐོག་མེད་དུ་འཁོར་ཡང་བྱང་ཆུབ་ཀྱི་སེམས་མ་སྐྱེས་ལ་དེང་ཁོ་ན་ སྐྱེས་པས་དེང་དུས་བདག་ཚེ་འབྲས་བུ་ཡོད་ཅེས་བྱའོ། །དེ་རིང་སངས་རྒྱས་རིགས་སུ་ སྐྱེས་ཏེ་བྱང་ཆུབ་ཀྱི་སེམས་སྐྱེས་པ་ཙམ་གྱིས་སངས་རྒྱས་ཀྱི་རིགས་སུ་འགྱུར་བའི་ཕྱིར་ རོ། །སངས་རྒྱས་སྲས་སུ་ད་གྱུར་ཏོ་ཞེས་དགའ་བ་དང་དོན་བཞིན་གྱི་ང་རྒྱལ་ཁྱད་པར་ཅན་ ཡིད་ལ་བྱེད་པས་དམན་པའི་སེམས་དོར་རོ།། གསུམ་པ་རིགས་སུན་མི་འབྱིན་པར་དམ་བཅའ་བ་ནི། ད་ནི་བདག་གིས་ཅི་ནས་ཀྱང༌།། རིགས་དང་མཐུན་པའི་ལས་བརྩམ་སྟེ།། སྐྱོན་མེད་བཙུན་པའི་རིགས་འདི་ལ།། རྙོག་པར་མི་འགྱུར་དེ་ལྟར་བྱ།། ༢༦ ཞེས་གསུངས་ཏེ། སྐྱོན་མེད་ནི་ཐོག་ཐ་བར་མར་དག་པའོ། །རྙོག་པ་སྟེ་སྡིག་པར་མི་འགྱུར་བའོ།། བཞི་པ་བྱང་ཆུབ་ཀྱི་སེམས་ཤིན་ཏུ་རྙེད་དཀའ་བའི་དཔེ་བསྟན་པ་ནི། ལོང་བས་ཕྱགས་དར་ཕུང་པོ་ལས།། ཇི་ལྟར་རིན་ཆེན་རྙེད་པ་ལྟར།། 89 བྱང་ཆུབ་ཀྱི་སེམས་ཡོངས་སུ་བཟུང་བ། དེ་བཞིན་ཇི་ཞིག་ལྟར་སྟེས་ནས།། བྱང་ཆུབ་སེམས་འདི་བདག་ལ་སྐྱེས།། ༢༧ ཞེས་གསུངས་ཏེ། དེ་ཡང་ནོར་བུ་རིན་པོ་ཆེ་ནི་གཅེས་སྤྲས་མང་པོས་མཛོད་བཙན་པོར་ཟ་ མ་ཏོག་ཏུ་རྒྱ་དུ་མས་བཏབ་སྟེ་འཇོག་པའི་ཕྱིར། ཕྱི་རོལ་ལམ་པོ་ཆེར་ཕྱགས་བདར་གྱི་ཕུང་ པོར་ལྷུང་བར་མི་འགྱུར་ལ། བརྒྱ་ལ་ལྷུང་སྲིད་ཀྱང་ལོང་བས་རྙེད་མི་སྲིད་པ་ལྟར་ཐམས་ཅད་ མཁྱེན་པའི་སེམས་རིན་པོ་ཆེ་དེ་འདྲ་ཡང་ཉན་ཐོས་དང་རང་སངས་རྒྱས་མིག་ལྡན་ལྟ་བུས་མ་ རྙེད་པར་བདག་ཅག་སོ་སྐྱེ་ལོང་བ་ལྟ་བུས་རྙེད་པ་འདི་ནི་ཤིན་ཏུ་ངོ་མཚར་བ་སྟེ་སངས་རྒྱས་ ཀྱི་བྱིན་རླབས་ཁོ་ནའི་སྟབས་ལེགས་ཀྱིས་རྙེད་པས་ཏེ་པོར་བསྟེས་པའོ།། གཉིས་པ་གཞན་དོན་གྲུབ་པས་དགའ་བ་སྐྱེད་པ་ལ་གསུམ། སྡུག་བསྔལ་སེལ་བར་ ནུས་པ། སྒྲིབ་པ་སེལ་བར་ནུས་པ། ཕན་བདེ་སྒྲུབ་པར་ནུས་པས་དགའ་བ་སྐྱེད་པའོ། །དང་ པོ་ལ་ལྔ། འཆི་བ་སེལ་བ། དབུལ་བ་སེལ་བ། ནད་སེལ་བ། དུབ་པ་སེལ་བ། ངན་སོང་གི་ སྡུག་བསྔལ་སེལ་བའོ། །དང་པོ་ནི། འག ྲོ་བའི་འཆི་བདག་འཇོམས་བྱེད་པའི།། བདུད་རྩིའི་མཆོག་ཀྱང་འདི་ཡིན་ནོ།། ཞེས་གསུངས་ཏེ། དེ་ཡང་འཆི་བ་མེད་པ་ནི་སངས་རྒྱས་ཡིན་ལ་དེ་འཐོབ་པར་བྱེད་པའི་ཕྱིར་རོ།། 90 བྱང་ཆུབ་ཀྱི་སེམས་ཡོངས་སུ་བཟུང་བ། གཉིས་པ་དབུལ་བ་སེལ་བ་ནི། འག ྲོ་བའི་དབུལ་བ་སེལ་བ་ཡི།། མི་ཟད་གཏེར་ཡང་འདི་ཡིན་ནོ།། ༢༨ ཞེས་གསུངས་ཏེ། སེམས་ཅན་འཇིག་རྟེན་དང་འཇིག་རྟེན་ལས་འདས་པའི་བདེ་བས་དབུལ་ བ་རྣམས་ལ་འདི་ལས་དགོས་འདོད་ཀྱི་གཏེར་འབྱུང་བའི་ཕྱིར་རོ།། གསུམ་པ་ནད་སེལ་བ་ནི། འག ྲོ་བའི་ནད་རབ་ཞི་བྱེད་པའི།། སྨན་གྱི་མཆོག་ཀྱང་འདི་ཡིན་ནོ།། ཞེས་གསུངས་ཏེ། ནད་ཀྱི་གཙོ་བོ་ནི་དུག་གསུམ་ཡིན་ལ་རླུང་མཁྲིས་བད་ཀན་ཡང་དེས་ བསྐྱེད་པར་ཟད་ལ། དེ་སེལ་བའི་སྨན་གཅིག་པུ་ཡིན་པའི་ཕྱིར་རོ།། བཞི་པ་དུབ་པ་སེལ་བ་ནི། སྲིད་ལམ་འཁྱམས་ཤིང་དུབ་པ་ཡི།། འག ྲོ་བ་ངལ་གསོའི་ལྗོན་ཤིང་ཡིན།། ༢༩ ཞེས་གསུངས་ཏེ། འཁོར་བ་མཐའ་མེད་དུ་འཁྱམས་པས་དུབ་པ་རྣམས་ངལ་གསོ་བའི་རྟེན་ ཡིན་པའི་ཕྱིར་རོ།། 91 བྱང་ཆུབ་ཀྱི་སེམས་ཡོངས་སུ་བཟུང་བ། ལྔ་པ་ངན་སོང་གི་སྡུག་བསྔལ་སེལ་བ་ནི། འག ྲོ ་བ་ཐམས་ཅད་ངན་འག ྲོ ་ལས།། སྒྲོལ་བར་བྱེད་པའི་སྤྱི་སྟེགས་ཡིན།། ཞེས་གསུངས་ཏེ། འགྲོ ་བ་ངན་འག ྲོ་ལས་སྒྲོལ་བའི་ཐབས་འདི་ལས་གཞན་མེད་པའི་ཕྱིར་རོ།། གཉིས་པ་སྒྲིབ་པ་སེལ་བར་ནུས་པ་ལ་གཉིས། ཉོན་སྒྲིབ་སེལ་བའི་ཕན་ཡོན་བསྟན་པ། ཤེས་སྒྲིབ་སེལ་བའི་ཕན་ཡོན་བསྟན་པའོ། །དང་པོ་ནི། འག ྲོ་བའི་ཉོན་མོངས་གདུང་སེལ་བའི།། སེམས་ཀྱི་ཟླ་བ་ཤར་བ་ཡིན།། ༣༠ ཞེས་གསུངས་ཏེ། དེ་ཡང་ཉོན་མོངས་པ་ནི་ཚད་པས་གདུངས་པ་ལྟར་རྒྱུད་སྲེག་པ་སྟེ། དེ་ སེལ་བ་ལ་བཅོ་ལྔའི་ཟླ་འོད་ལྟ་བུའོ།། གཉིས་པ་ཤེས་སྒྲིབ་སེལ་བའི་ཕན་ཡོན་བསྟན་པ་ནི། འག ྲོ་བའི་མི་ཤེས་རབ་རིབ་དག། དཔྱིས་འབྱིན་ཉི་མ་ཆེན་པོ་ཡིན།། ཞེས་གསུངས་ཏེ། མི་ཤེས་པས་ཤེས་བྱ་ལ་བསྒྲིབས་པ་ནི་མུན་པའམ་ནང་གི་རབ་རིབ་ཡིན་ ལ། དེ་སེལ་བས་ན་ཉི་མ་ལྟ་བུའོ།། 92 བྱང་ཆུབ་ཀྱི་སེམས་ཡོངས་སུ་བཟུང་བ། གསུམ་པ་ཕན་བདེ་སྒྲུབ་པར་ནུས་པས་དགའ་བ་སྐྱེད་པ་ལ་གཉིས། ཕན་པ་སྒྲུབ་པ་ དང༌། བདེ་བ་སྒྲུབ་ནུས་པར་སྟོན་པའོ། །དང་པོ་ནི། དམ་ཆོས་འོ་མ་བསྲུབས་པ་ལས།། མར་གྱི་ཉིང་ཁུ་ཕྱུང་བ་ཡིན།། ༣༡ ཞེས་གསུངས་ཏེ། ཐེག་པ་ཆེན་པོའི་ཆོས་ཀྱི་འོ་མའི་རྒྱ་མཚོ་བསྲུབས་པ་ལས་ཕྱུང་བ་མར་གྱི་ ཉིང་ཁུ་ལྟ་བུ་ནི། བྱང་ཆུབ་ཀྱི་སེམས་འདི་ཁོ་ན་སྟེ་གཞན་གཉིས་པ་མེད་དོ།། གཉིས་པ་བདེ་བ་སྒྲུབ་ནུས་པར་སྟོན་པ་ནི། འག ྲོ་བའི་མགྲོན་པོ་སྲིད་པའི་ལམ་རྒྱུ་ཞིང༌།། བདེ་བའི་ལོངས་སྤྱོད་སྤྱད་པར་འདོད་པ་ལ།། འདི་ནི་བདེ་བའི་མཆོག་ཏུ་ཉེར་གནས་ཏེ།། སེམས་ཅན་མགྲོན་ཆེན་ཚིམ་པར་བྱེད་པ་ཡིན།། ༣༢ ཞེས་གསུངས་ཏེ། བྱང་ཆུབ་མ་ཐོབ་ཀྱི་བར་དུ་ཡང་འདི་ཕྱིའི་རང་གཞན་གྱི་བདེ་བའི་རྒྱུ་ནི་ བྱང་ཆུབ་ཀྱི་སེམས་ཁོ་ན་སྟེ། བྱང་ཆུབ་སེམས་མེད་རྒྱལ་འབྱུང་འཇིག་རྟེན་ཡོད་མེད་ན།། འབྲས་བུ་བརྒྱ་བྱིན་ཚངས་པ་ཉན་ཐོས་ག་ལ་འབྱུང༌།། 93 བྱང་ཆུབ་ཀྱི་སེམས་ཡོངས་སུ་བཟུང་བ། ཉི་མའི་དཀྱིལ་འཁོར་གང་ཚེ་འོད་ཀྱི་དྲ་བ་འགྱེད།། དེ་ཚེ་སེམས་ཅན་ལས་བྱེད་བརྩོན་པ་དེ་བཞིན་དུ།། མཁས་པའི་ཤེས་ཕྱིར་འཇིག་རྟེན་བྱང་ཆུབ་སེམས་བྱུང་ན།། ཡེ་ཤེས་ཀྱིས་ནི་སེམས་ཅན་ཡོན་ཏན་ཆོས་དང་ལྡན།། དཔེར་ན་མ་དྲོས་གནས་པའི་ཀླུ་བདག་མེད་གྱུར་ན།། ཛམྦུའི་གླིང་འདིར་ཆུ་ཀླུང་འབབ་པར་ག་ལ་འགྱུར།། ཆུ་ཀླུང་མེད་ན་མེ་ཏོག་འབྲས་བུ་འབྱུང་མི་འགྱུར།། རྒྱ་མཚོ་ལ་ཡང་རིན་ཆེན་གཟུགས་མང་མེད་པར་འགྱུར།། དེ་བཞིན་འདིར་ཡང་བྱང་ཆུབ་སེམས་མེད་བདེ་གཤེགས་ཀྱི།། ཡེ་ཤེས་འཇིག་རྟེན་འདི་དག་ཀུན་ཏུ་ག་ལ་འབྱུང༌།། ཡེ་ཤེས་མེད་ན་ཡོན་ཏན་འཕེལ་མེད་བྱང་ཆུབ་མེད།། རྒྱ་མཚོ་འདྲ་བའི་སངས་རྒྱས་ཆོས་ཀྱང་མེད་པར་འགྱུར།། ཞེས་སོ།། 94 བྱང་ཆུབ་ཀྱི་སེམས་ཡོངས་སུ་བཟུང་བ། གཉིས་པ་གཞན་གཟེངས་བསྟོད་པ་ནི། བདག་གིས་དེ་རིང་སྐྱོབ་པ་ཐམས་ཅད་ཀྱི།། སྤྱན་སྔར་འག ྲོ་བ་བདེ་གཤེགས་ཉིད་དང་ནི།། བར་དུ་བདེ་ལ་མགྲོན་དུ་བོས་ཟིན་གྱིས།། ལྷ་དང་ལྷ་མིན་ལ་སོགས་དགའ་བར་གྱིས།། ༣༣ ཞེས་གསུངས་ཏེ། བདག་གིས་ནི་བོད་པ་པོ་སྦྱིན་བདག་ངེས་བཟུང་དུ་བྱས་པའོ། །དེ་རིང་ནི་ དུས་ཏེ་བྱང་ཆུབ་ཀྱི་སེམས་སྐྱེད་མ་ཐག་པ་དེ་ནས་སོ། །སྐྱོབ་པ་ཐམས་ཅད་ཀྱི་སྤྱན་སྔར་ཞེས་ དཔང་པོ་ངེས་བཟུང་དུ་བྱས་པ་སྟེ་འདི་ལ་ཁྱེད་རྣམས་དཔང་པོའོ་ཞེས་པའི་ཐ་ཚིག་གོ །འགྲོ་ བ་ནི་མགྲོན་ངེས་བཟུང་དུ་བྱས་པ་ལྷ་དང་ལྷ་མ་ཡིན་ལ་སོགས་པ་སེམས་ཅན་ཐམས་ཅད་ དོ། །བདེ་གཤེགས་ཉིད་དང་ནི་བར་དུ་བདེ་བ་ལ་མགྲོན་དུ་བོས་པ་ནི་སྦྱིན་བྱ་ངེས་བཟུང་དུ་ ཁས་བླངས་པ་སྟེ་མཐར་ཐུག་བདེ་གཤེགས་ཉིད་དང་གནས་སྐབས་སུ་བདེ་བ་ཐམས་ཅད་ སྦྱིན་པར་དམ་བཅས་པའོ། །དེ་ལྟར་ན་ཁྱེད་རྣམས་དགའ་བ་དང་བཅས་པས་སྤྲོ་སྲིངས་ཤིག་ པའོ། །དེ་ལྟར་ན་ཆར་པ་བབས་པ་ན་སཱ་ལུ་སྐྱེས་སོ་ཅེས་ཟེར་བ་ལྟར་རྒྱུ་འབྲས་གཞན་དུ་མི་ འཁྲུལ་བའི་ཕྱིར་བྱང་ཆུབ་ཀྱི་སེམས་སྐྱེས་པ་ན་རང་གཞན་ཐམས་ཅད་ཀྱི་ཕན་བདེ་གྲུབ་བོ་ ཞེས་བརྗོད་པར་བྱའོ།། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བྱང་ཆུབ་ཀྱི་སེམས་ཡོངས་སུ་བཟུང་ བ་སྟེ་ལེའུ་གསུམ་པ་རྣམ་པར་ཕྱེ་བའོ།། །། 95 བག་ཡོད་བསྟན་པ། ལེའུའི་འབྲེལ་ནི། དེ་ལྟར་བསམ་པ་ཕུན་སུམ་ཚོགས་པ་བྱང་ཆུབ་ཏུ་སེམས་བསྐྱེད་ ནས། སྦྱོར་བ་ཕུན་སུམ་ཚོགས་པ་བག་ཡོད་པས་སྒྲུབ་དགོས་པར་འབྲེལ་ཏེ། དཀའ་ འགྲེལ་ཆུང་ངུར། དེ་ལྟར་སེམས་བསྐྱེད་པ་བརྗོད་ནས་ད་ནི་བསླབ་པ་ཉམས་སུ་བླང་བ་ འཆད་དོ། །ཞེས་སོ།། གསུམ་པ་ཐོབ་པ་མི་ཉམས་པར་སྲུང་བའི་ཚུལ་ལ་གཉིས། རྩ་བ་བག་ཡོད་པ་ལ་རག་ ལས་པར་བསྟན་པ་དང༌། ཕ་རོལ་ཏུ་ཕྱིན་པ་དྲུག་པོ་རེ་རེ་ཞིང་ཉམས་སུ་བླང་བའོ། །དང་པོ་ ལ་གཉིས། མདོར་བསྟན་པ། རྒྱས་པར་བཤད་པའོ། །དང་པོ་ནི། རྒྱལ་བའི་སྲས་ཀྱིས་དེ་ལྟ་བུར།། བྱང་ཆུབ་སེམས་རབ་བརྟན་བཟུང་ནས།། ཞེས་པས་བྱང་ཆུབ་ཀྱི་སེམས་ལ་བག་བྱ་བ་དང༌། གཡེལ་བ་མེད་པར་རྟག་ཏུ་ཡང༌།། བསླབ་ལས་མི་འདའ་འབད་པར་བྱ།། ༡ ཞེས་པས་བསླབ་པ་ལ་བག་བྱ་བ་མདོར་བསྟན་ཏོ།། གཉིས་པ་རྒྱས་བཤད་ལ་གཉིས། བྱང་ཆུབ་ཀྱི་སེམས་ལ་བག་བྱ་བ་དང༌། བསླབ་པ་ ལ་བག་བྱ་བའོ། །དང་པོ་ལ་གཉིས། མི་དོར་བའི་འཐད་པ་དང༌། དོར་བའི་ཉེས་དམིགས་ གསུམ་བསྟན་པའོ། །དང་པོ་ནི། 96 བག་ཡོད་བསྟན་པ། བབ་ཅོལ་བརྩམས་པ་གང་ཡིན་པའམ།། གང་ཞིག་ལེགས་པར་མ་བརྟགས་པ།། དེ་ནི་དམ་བཅའ་བྱས་གྱུར་ཀྱང༌།། བྱ་འམ་བཏང་ཞེས་བརྟག་པའི་རིགས།། ༢ སངས་རྒྱས་རྣམས་དང་དེ་ཡི་སྲས།། ཤེས་རབ་ཆེན་པོས་གང་བརྟགས་ཤིང༌།། བདག་ཉིད་ཀྱིས་ཀྱང་བརྟགས་བརྟགས་པ།། དེ་ལ་བཤོལ་དུ་ཅི་ཞིག་ཡོད།། ༣ ཅེས་གསུངས་ཏེ། སངས་རྒྱས་དང་དེའི་སྲས་ཀྱིས་བརྟགས་པ་ནི་མདོ་སྡེ་རྣམས་ལས་ཕན་ ཡོན་རྒྱ་ཆེར་བསྟན་པ་ཡིན་ལ། བདག་ཉིད་ཀྱིས་བརྟགས་པ་ནི་ཕན་ཡོན་ཐོས་ནས་དོ་གལ་ གྱིས་ཞུགས་པའི་ཕྱིར་རོ།། གཉིས་པ་དོར་བའི་ཉེས་དམིགས་གསུམ་བསྟན་པ་ནི། ངན་འགྲོ ར་འག ྲོ ་བ། གཞན་ དོན་ལས་ཉམས་པ། ས་ཐོབ་པ་ལ་ཐོགས་པའོ། །དང་པོ་ལ་གསུམ། སེམས་ཅན་ཐམས་ཅད་ བསླུས་པས་ཉེས་དམིགས་ཆེ་བར་བསྟན་པ། དེའི་འཐད་པ་བརྗོད་པ། བྱང་ཆུབ་ཀྱི་སེམས་ བཏང་ན་ཐར་པའི་སྐབས་མེད་པ་ཙམ་དུ་བསྟན་པའོ། །དང་པོ་ནི། 97 བག་ཡོད་བསྟན་པ། གལ་ཏེ་དེ་ལྟར་དམ་བཅས་ནས།། ལས་ཀྱིས་སྒྲུབ་པར་མ་བྱས་ན།། སེམས་ཅན་དེ་དག་ཀུན་བསླུས་པས།། བདག་གི་འགྲོ་བ་ཅི་འདྲར་འགྱུར།། ༤ ཞེས་གསུངས་ཏེ། དེ་ཡང་དྲན་ཉེ་ལས། བསམས་ནས་མ་བྱིན་ན་ཡི་དྭགས་དང༌། དམ་བཅས་ ནས་མ་བྱིན་ན་དམྱལ་བར་འགྲོ་བར་གསུངས་ལ། བློ་གྲོས་རྒྱ་མཚོའི་མདོ་ལས། རྒྱལ་པོ་ལྟ་ བུས་སྐྱེ་བོ་རྣམས་མགྲོན་དུ་བོས་ནས་མ་བྱིན་ན་འཕྱ་བའི་དཔེ་དང་སྦྱར་ཏེ་རྒྱ་ཆེར་བཤད་དོ།། གཉིས་པ་དེའི་འཐད་པ་བརྗོད་པ་ནི། དངོས་པོ་ཕལ་པ་ཅུང་ཟད་ལའང༌།། ཡིད་ཀྱིས་སྦྱིན་པར་བསམས་བྱས་ནས།། མི་གང་སྦྱིན་པར་མི་བྱེད་པ།། དེ་ཡང་ཡི་དྭགས་འགྱུར་གསུངས་ན།། ༥ བླ་ན་མེད་པའི་བདེ་བ་ལ།། བསམ་པ་ཐག་པས་མག ྲོན་གཉེར་ནས།། འག ྲོ ་བ་ཐམས་ཅད་བསླུས་བྱས་ན།། བདེ་འགྲོར་ཇི་ག་འགྲོ་འགྱུར་རམ།། ༦ 98 བག་ཡོད་བསྟན་པ། ཞེས་གསུངས་ཏེ། བསམ་པ་ཐག་པས་མགྲོན་དུ་གཉེར་བ་ནི། བདག་གིས་དེ་རིང་སྐྱོབ་ པ་ཐམས་ཅད་ཀྱི། །སོགས་སྐད་གསང་མཐོན་པོས་སྨྲས་ཤིང་མ་རྒལ་བ་བསྒྲལ་བར་ བྱའོ། །ཞེས་ཆེད་དུ་བརྗོད་ཟིན་པའི་ཕྱིར་རོ། །ཆོས་ཡང་དག་པར་སྡུད་པའི་མདོ་ལས། བྱང་ ཆུབ་ཏུ་སེམས་བསྐྱེད་ནས་བཏང་ན་བརྫུན་དུ་སྨྲ་བའི་ཐ་ཆད་ཡིན་ནོ། །ཞེས་སོ།། གསུམ་པ་བྱང་ཆུབ་ཀྱི་སེམས་བཏང་ན་ཐར་པའི་སྐབས་མེད་པ་ཙམ་དུ་བསྟན་པ་ནི། མི་གང་བྱང་ཆུབ་སེམས་བཏང་ཡང༌།། དེ་དག་ཐར་བར་བྱེད་པ་ནི།། ལས་ཚུལ་བསམ་གྱིས་མི་ཁྱབ་སྟེ།། ཐམས་ཅད་མཁྱེན་པ་ཁོ་ནས་མཁྱེན།། ༧ ཞེས་གསུངས་ཏེ། བྱང་སེམས་བཏང་ནས་ཐར་པ་འཐོབ་པ་སྲིད་དམ་ཞེ་ན། འདི་ནི་སངས་ རྒྱས་ཁོ་ནའི་ཡུལ་ཏེ་གཞན་གྱིས་མི་ཤེས་སོ། །འགྲེལ་ཆེན་དུ། འོ་ན་ཤཱ་རིའི་བུས་སེམས་ བསྐྱེད་ནས་སངས་རྒྱས་སྟོང་ཕྲག་བཅུ་བསྙེན་བཀུར་ཏེ་བྱང་ཆུབ་ཀྱི་སྤྱད་པ་སྤྱོད་པ་ན་བདུད་ ཀྱིས་ཐོ་བརྩམས་པས་བྱང་ཆུབ་ཀྱི་སེམས་བཏང་ངོ༌། །ཞེས་ཐོས་ན་འོན་ཀྱང་ཉན་ཐོས་ཀྱི་ བྱང་ཆུབ་ཐོབ་ནས་གཞན་དོན་ནུས་པ་འདི་ཇི་ལྟར་དྲང་ཞེ་ན། ཞེས་སོགས་ཏེ་འདི་ལྟ་བུ་ སངས་རྒྱས་ལས་གཞན་གྱི་ཡུལ་མ་ཡིན་ནོ། །རིགས་པ་འདི་སྣང་སྟེ། ཤཱ་རིའི་བུས་ཐར་པའི་ སེམས་རྣམ་པ་ཐམས་ཅད་དུ་ཡོངས་སུ་བཏང་བ་ནི་མ་ཡིན་ཏེ། རྫོགས་པའི་བྱང་ཆུབ་ཀྱི་ 99 བག་ཡོད་བསྟན་པ། སེམས་བཏང་ནའང་ཉན་ཐོས་ཀྱི་བྱང་ཆུབ་ཐོབ་པའི་ཕྱིར་རོ།།ཞེས་གཞན་དོན་གྱི་བློ་བཏང་ རུང་བྱང་ཆུབ་ལ་དམིགས་པ་མ་བཏང་བས་ཉན་བྱང་ཐོབ་པར་འཆད་ཅིང༌། དགེ་བའི་ལྷས་ ནི། སྔར་བཏང་ཡང་ཕྱིས་བླངས་པའི་ཕན་ཡོན་དུ་འཆད་དོ། །དེ་ཡང་པད་དཀར་ལས། ཤཱ་རིའི་ བུ་སྔོན་སེམས་བསྐྱེད་དེ་སངས་རྒྱས་སྟོང་ཕྲག་བཅུ་ལ་བསྙེན་བཀུར་བྱས་པ་ཞིག་ལ། བདུད་ ཀྱིས་བྲམ་ཟེར་སྤྲུལ་ནས་ལག་པ་བསླངས་པས་གཡས་པ་བཅད་དེ་གཡོན་པས་བྱིན་པ་ན། གཡོན་པ་མི་གཙང་བས་བྱིན་པ་མི་འདོད་ཟེར་ཏེ་ས་ལ་བསྐྱུར་བས་སེམས་སྐྱེད་བཏང་ནས་ ཉན་ཐོས་ཀྱི་ཐེག་པར་ཞུགས་པར་གསུངས་པ་བྱུང་མོད་ཀྱི། དྲང་བའི་དོན་ནམ། ངེས་པའི་ དོན་གང་དུ་གསུངས་བརྟག་པར་དཀའ་ལ། དམ་ཆོས་པད་དཀར་དུ། དེ་བཞིན་གཤེགས་པ་ པདྨའི་འོད་དུ་འཚང་རྒྱ་བར་ལུང་བསྟན་ཞིང༌། ཤེར་ཕྱིན་གྱི་མདོ་ལྟར་ན། མི་སྐྱེ་བའི་ཆོས་ལ་ བཟོད་པ་མ་ཐོབ་པར་བྱང་ཆུབ་ཏུ་ལུང་མི་སྟོན་པའི་ཕྱིར་ཏེ། གང་ཚེ་ང་ནི་ཕ་རོལ་ཕྱིན་པའི་མཆོག་འདི་དང༌།། མཐུན་པར་སྨྲ་གྱུར་དེ་ཚེ་སྔོན་གྱི་སྐྱེས་མཆོག་གིས།། མ་འོངས་པ་ཡི་དུས་ན་འཚང་རྒྱ་འགྱུར་རོ་ཞེས།། ང་ལུང་བསྟན་པར་གྱུར་ཅེས་རྒྱལ་བ་དེ་སྐད་གསུང༌།། ཞེས་སོ། །དེས་ན་བསྟན་བཅོས་མཛད་པ་པོ་ཉིད་ཀྱིས་སངས་རྒྱས་ཀྱི་ཐུན་མོང་མ་ཡིན་ པའི་ཡུལ་དུ་བཞག་པའི་ཕྱིར། བདག་ཅག་གི་རྣམ་པར་རྟོག་པས་དེའི་རྒྱུ་མཚན་བསམ་ 100 བག་ཡོད་བསྟན་པ། མི་ནུས་པས་རེ་ཞིག་ངལ་གསོ་བར་བྱས་པ་ལེགས་སོ་ཞེས་རྗེ་དཔའ་བོ་གཙུག་ལག་ཕྲེང་ བས་གསུངས་སོ།། གཉིས་པ་གཞན་དོན་ལས་ཉམས་པ་ལ་གསུམ། གཞན་དོན་མི་ནུས་པ། བྱང་ཆུབ་སེམས་ དཔའི་བསོད་ནམས་ཀྱི་གེགས་བྱས་ན་རྣམ་སྨིན་མི་ཟད་པ། དེའི་འཐད་པའོ། །དང་པོ་ནི། དེ་ནི་བྱང་ཆུབ་སེམས་དཔའ་ལ།། ལྟུང་བའི་ནང་ན་ལྕི་བ་སྟེ།། འདི་ལྟར་དེ་ནི་བྱུང་གྱུར་ན།། སེམས་ཅན་ཀུན་གྱི་དོན་ལ་དམན།། ༨ ཞེས་གསུངས་ཏེ། དེ་ཡང་རང་དོན་ཡིད་བྱེད་ཀྱི་བློ་ནི་བྱང་ཆུབ་སེམས་དཔའ་ལ་ལྟུང་བའི་ནང་ ན་ལྕི་བ་ཡིན་ཏེ། གལ་ཏེ་བསྐལ་བ་བྱེ་བར་དགེ་བའི་ལས་ལམ་བཅུ།། སྤྱོད་ཀྱང་དགྲ་བཅོམ་རང་རྒྱལ་ཐེག་པར་འདོད་བསྐྱེད་ན།། དེ་ཚེ་ཚུལ་ཁྲིམས་སྐྱོན་བྱུང་ཚུལ་ཁྲིམས་ཉམས་པ་ཡིན།། སེམས་སྐྱེད་དེ་ནི་ཕས་ཕམ་པས་ཀྱང་ཤིན་ཏུ་ལྕི།། ཞེས་སོ།། 101 བག་ཡོད་བསྟན་པ། རང་ཉིད་ལྟུང་བས་བཅོམ་པས་རྣམ་སྨིན་གྱི་འབྲས་བུ་བཟོད་དཀའ་བ་མྱོང་དགོས་ན་ གཞན་སྐྱབས་པར་ག་ལ་ནུས་པའོ།། གཉིས་པ་བྱང་ཆུབ་སེམས་དཔའི་བསོད་ནམས་ཀྱི་གེགས་བྱས་ན་རྣམ་སྨིན་མི་ཟད་པ་ནི། གང་གཞན་སྐད་ཅིག་འདི་ཡི་ནི།། བསོད་ནམས་བར་ཆད་གེགས་བྱེད་པ།། སེམས་ཅན་དོན་ལ་དམན་གྱུར་བས།། དེ་ཡི་ངན་འགྲོ་མུ་མཐའ་མེད།། ༩ ཅེས་གསུངས་ཏེ། འགྲེལ་ཆེན་དུ། གང་གཞན་སྐད་ཅིག་འདི་ཡི་ནི། །ཞེས་འདོན་ཏེ་སྐད་ཅིག་ ཀྱང་ཞེས་བྱ་བ་ལ་མིག་བཙུམས་པའི་བར་དང༌། ཡུད་ཙམ་པ་དང༌། ཆུ་ཚོད་ཕྱེད་དང༌། ཐུན་ ཕྱེད་ལ་སོགས་པའི་དུས་རེ་ཞིག་ཞོག་སྐད་ཅིག་གཅིག་ཙམ་གྱི་བར་དུ་ཡང་སྟེ། བསོད་ནམས་ ཀྱི་གེགས་བྱེད་པ་དེའི་ངན་འགྲོའི་གྲངས་བགྲང་བར་མི་ནུས་སོ། །ཅིའི་ཕྱིར་ཞེ་ན། རབ་ཞི་ རྣམ་ངེས་ཀྱི་ཆོ་འཕྲུལ་གྱི་མདོར། གཅིག་གིས་འཛམ་གླིང་པ་ཐམས་ཅད་ཀྱི་བདོག་པ་ཐམས་ ཅད་ཕྲོགས་ཏེ་སྲོག་དང་ཕྲལ་ལ། གཅིག་གིས་བྱང་ཆུབ་སེམས་དཔའི་དགེ་བའི་སེམས་ཐ་ན་ དུད་འག ྲོའི་སྐྱེ་གནས་སུ་སྐྱེས་པ་ལ་ཁམ་གཅིག་ཙམ་སྟེར་བའི་བར་དུ་གཅོད་ན་དེ་ནི་དེ་བས་ ཆེས་རྣམ་སྨིན་གྲངས་མེད་པར་སྐྱེད་དེ་མི་དགེ་བ་སྔ་མས་བརྒྱའི་ཆར་ཡང་མི་འགྲོ ་བ་ནས་ རྒྱུའི་བར་དུ་ཡང་མི་བཟོད་པར་གསུངས་པ་དྲངས་སོ།། 102 བག་ཡོད་བསྟན་པ། གསུམ་པ་དེའི་འཐད་པ་ནི། སེམས་ཅན་གཅིག་གི་བདེ་བ་ཡང༌།། བཤིག་ན་བདག་ཉིད་ཉམས་འགྱུར་ན།། ནམ་མཁའ་མ་ལུས་མཐའ་ཀླས་པའི།། ལུས་ཅན་བདེ་བཤིག་སྨོས་ཅི་དགོས།། ༡༠ ཞེས་གསུངས། གསུམ་པ་ས་ཐོབ་པ་ལ་ཐོགས་པ་ནི། དེ་ལྟར་ལྟུང་བ་སྟོབས་ལྡན་དང༌།། བྱང་ཆུབ་སེམས་སྟོབས་ལྡན་པ་དག། འཁོར་བར་རེས་ཀྱིས་འདྲེ་བྱེད་ན།། ས་འཐོབ་པ་ལ་ཡུན་རིང་ཐོགས།། ༡༡ དེ་ལྟས་ཇི་ལྟར་དམ་བཅས་བཞིན།། བདག་གིས་གུས་པར་བསྒྲུབ་པར་བྱ།། ཞེས་གསུངས་ཏེ། གལ་ཏེ་སླར་བླངས་པས་སྐྱེའོ་སྙམ་ན་བརྩོན་འགྲུས་ཀྱི་མཐུ་ཆུང་བ་དེས་ ནི་བླངས་ཀྱང་ཡང་ལྟུང་བས་འཇོམས་པར་འགྱུར་ལ། དེ་ལྟར་རེ་མོས་ཀྱིས་གླང་ཆེན་ཁྲུས་ 103 བག་ཡོད་བསྟན་པ། ལྟར་ནམ་ཡང་གཙང་བའི་ས་འཐོབ་པར་མི་འགྱུར་རོ། །དེས་ན་བྱང་ཆུབ་ཀྱི་སེམས་ལ་བག་ ཡོད་པས་མ་ཉམས་པར་ཐོག་མ་ཉིད་ནས་འབད་དགོས་ཏེ། གོམས་ན་སླ་བར་མི་འགྱུར་བའི།། དངོས་དེ་གང་ནའང་ཡོད་མ་ཡིན།། ཞེས་འཆད་པརའགྱུར་ཞིང༌། སྐྱེ་བོ་གསོ་ཐིགས་ལས། ལུས་ཅན་རྣམས་ཀྱི་སྐྱོན་ཡོན་ནི།། ཐམས་ཅད་གོམས་པའི་རྩ་བ་ཅན།། གོམས་པའང་རང་ལ་རག་ལས་པས།། དེ་བས་ཡོན་ཏན་གོམས་པ་མཆོག། ཅེས་སོ།། གཉིས་པ་བསླབ་པ་ལ་བག་བྱ་བ་ལ་བཞི། ཉེས་པ་ལས་ལྡོག་པ་ལ་བག་བྱ་བ་བཞི། དགེ་བ་སྒོམ་པ་ལ་བག་བྱ་བ་གསུམ། ཉོན་མོངས་པ་སྤང་བ་ལ་བག་བྱ་བ་གསུམ། མཇུག་ བསྡུ་བའོ། །དང་པོ་བཞི་ནི། ངན་འགྲོ ར་འག ྲོ་བ། དལ་བ་མི་འཐོབ་པ། ཐོབ་ཀྱང་མི་བརྟན་ པ། ངན་འག ྲོར་དགེ་བ་བྱར་མེད་པའོ། །དང་པོ་ནི། དེང་ནས་བརྩོན་པར་མ་བྱས་ན།། འོག་ནས་འོག་ཏུ་འགྲོ ་བར་འགྱུར།། ༡༢ 104 བག་ཡོད་བསྟན་པ། སེམས་ཅན་ཐམས་ཅད་ཕན་མཛད་པའི།། སངས་རྒྱས་གྲངས་མེད་འདས་གྱུར་ཀྱང༌།། བདག་ནི་རང་གི་ཉེས་པས་དེའི།། གསོ་བའི་སྤྱོད་ཡུལ་མ་གྱུར་ཏོ།། ༡༣ ད་དུང་དེ་བཞིན་བདག་བྱེད་ན།། ཡང་དང་ཡང་དུའང་དེ་བཞིན་ཏེ།། ངན་འག ྲོར་ནད་དང་འཆིང་བ་དང༌།། གཅོད་དང་བཤགས་སོགས་མྱོང་བར་འགྱུར།། ༡༤ ཞེས་གསུངས་ཏེ། དེ་ཡང་དེང་ནས་ཞེས་པ་ནི་དགེ་བའི་བློ་སྐྱེས་པའི་དུས་ད་ལྟ་འདི་ཉིད་ནས་ སོ། །རང་ཉིད་ཀྱིས་བརྩོན་པར་མ་བྱས་ན་ཐར་པ་གཞན་གྱིས་སྦྱིན་དུ་མེད་དེ། ཐར་པ་བདག་ལ་རག་ལས་འདི་ལ་ནི།། གཞན་གྱིས་གྲོགས་བགྱིར་ཅི་ཡང་མ་མཆིས་སོ།། ཞེས་སོ།། སངས་རྒྱས་མང་དུ་འབྱུང་བས་དེ་དག་གིས་བདག་འདུལ་བར་འགྱུར་རོ་ཞེ་ན། སྔོན་ སངས་རྒྱས་དཔག་མེད་འདས་པས་བདག་མ་བཏུལ་བ་འདི་ཡིན་ན། ད་དུང་རང་གིས་རང་ སྣོད་མ་ཡིན་པར་བྱས་ན་ངན་འགྲོར་ལྟུང་གི་སངས་རྒྱས་དང་ཕྲད་པར་མི་འགྱུར་རོ།། 105 བག་ཡོད་བསྟན་པ། གཉིས་པ་དལ་བ་མི་འཐོབ་པ་ནི། དེ་བཞིན་གཤེགས་པ་འབྱུང་བ་དང༌།། དད་དང་མི་ལུས་ཐོབ་པ་དང༌།། དགེ་གོམས་རུང་བ་དེ་ལྟ་བུ།། དཀོན་ན་ནམ་ཞིག་འཐོབ་པར་འགྱུར།། ༡༥ ཞེས་གསུངས་ཏེ། དེ་བཞིན་གཤེགས་པ་འབྱུང་བ་སོགས་གཞན་འབྱོར་ལྔ་དང༌། དད་དང་མི་ ལུས་སོགས་རང་འབྱོར་ལྔ་དང་ལྡན་པ་དགེ་བ་གོམས་པར་བྱར་ཡོད་པའི་རྟེན་འདི་ལྟ་བུ་ནི་ ཕྱིས་འཐོབ་པར་དཀའ་བས་འདི་ལྟ་བུ་དོན་ཆུང་ངུར་འཛད་དུ་འཕངས་སོ།། གསུམ་པ་ཐོབ་ཀྱང་མི་བརྟན་པ་ནི། ནད་མེད་ཉི་མ་འདི་ལྟ་བུར།། ཟས་བཅས་འཚེ་བ་མེད་ཀྱང་ནི།། ཚེ་ནི་སྐད་ཅིག་བསླུ་བ་སྟེ།། ལུས་ནི་ཐང་ཅིག་བརྙན་པོ་བཞིན།། ༡༦ ཞེས་གསུངས་ཏེ། ཐོབ་ཟིན་པ་འདིས་ཆོག་མོད་སྙམ་ན། ད་ལྟ་ནད་སོགས་ཀྱི་འཚེ་བ་མེད་ ཅིང་བདེ་བ་ལྟར་གནས་པས་ཉིན་མཚན་འདའ་མོད་ཀྱང༌། མ་ཚོར་བར་མྱུར་དུ་འཆི་སྟེ་ཚེ་ནི་ 106 བག་ཡོད་བསྟན་པ། སྐད་ཅིག་ཙམ་ལ་རྟག་པར་ཞེན་པའི་སླུ་བ་ཅན་དང༌། ལུས་འདི་འབྱུང་བཞིའི་གཡར་པོ་ཡིན་ པའི་ཕྱིར་རོ།། བཞི་པ་ངན་འགྲོར་དགེ་བ་བྱར་མེད་པ་ནི། བདག་གི་སྤྱོད་པ་འདི་འདྲས་ནི།། མི་ཡི་ལུས་ཀྱང་འཐོབ་མི་འགྱུར།། མི་ལུས་ཐོབ་པར་མ་གྱུར་ན།། སྡིག་པ་འབའ་ཞིག་དགེ་བ་མེད།། ༡༧ ཅེས་གསུངས་ཏེ། མི་ལུས་ཕྱིས་ཐོབ་པའི་ཚེ་བྱའོ་སྙམ་ན་བདག་གི་ད་ལྟའི་སྤྱོད་པ་འདིས་ནི་ ངན་འག ྲོར་ལྟུང་བར་ཟད་ཀྱི་མི་ལུས་མི་འཐོབ་བོ། །ངན་འགྲོར་དགེ་བ་བྱའོ་ཞེ་ན། གང་ཚེ་དགེ་སྤྱད་སྐལ་ལྡན་ཡང༌།། དགེ་བ་བདག་གིས་མ་བྱས་ན།། ངན་སོང་སྡུག་བསྔལ་ཀུན་རྨོངས་པ།། དེ་ཚེ་བདག་གིས་ཅི་བྱར་ཡོད།། ༡༨ ཅེས་གསུངས་ཏེ། དེ་ནི་མི་ཁོམ་པའི་གནས་ཡིན་པའི་ཕྱིར། དགེ་བའི་བློ་ཙམ་ཡང་ག་ལ་ཡོད་ དེ་བདག་ཉིད་ངན་སོང་གི་སྡུག་བསྔལ་གྱིས་རྨོངས་པ་བ་ལང་ལ་སོགས་པར་གྱུར་པའི་ཚེ་ དགེ་བ་ཇི་ལྟར་བྱ། ངན་འགྲོ་ལས་ཐར་ནས་བྱའོ་ཞེ་ན། 107 བག་ཡོད་བསྟན་པ། དགེ་བ་དག་ཀྱང་མ་བྱས་ལ།། སྡིག་པ་དག་ཀྱང་ཉེར་བསགས་ན།། བསྐལ་པ་བྱེ་བ་བརྒྱར་ཡང་ནི།། བདེ་འགྲོའི་སྒྲ་ཡང་ཐོས་མི་འགྱུར།། ༡༩ ཞེས་གསུངས་ཏེ། ངན་འགྲོར་སྐྱེས་པའི་ཚེ་དགེ་བ་ནི་མིང་ཡང་མེད་ལ། སྡིག་པ་ནི་ཉིན་རེར་ ཡང་གྲངས་མེད་པ་སོག་སྟེ། དཔེར་ན། ཁྲ་དང་སྤྱང་ཀི་སོགས་དགེ་བ་བྱེད་པ་ནི་མ་མཐོང་ལ། སྡིག་པ་ནི་ཉིན་རེ་བཞིན་རྣམ་པ་དུ་མ་བྱེད་པར་མཐོང་བའི་ཕྱིར་ན། ངན་འགྲོ་དེ་ལས་ནམ་ ཞིག་ཐར་བར་འགྱུར་ཏེ། རི་གཟར་པོ་ལས་ཕ་བོང་ལྟུང་བ་ནི་གྱེན་དུ་མི་ཟློག་ལ་ཐུར་དུ་རང་ བཞིན་གྱིས་འགྲོ་བ་ལྟ་བུའི་ཕྱིར་ཏེ། བདེ་འགྲོར་སྐྱེ་བ་ལྟ་ཞོག་སྒྲ་ཐོས་པའང་དཀའོ།། དེ་ཉིད་ཕྱིར་ན་བཅོམ་ལྡན་གྱིས།། རྒྱ་མཚོ་ཆེར་གཡེངས་གཉའ་ཤིང་གི། བུ་གར་རུས་སྦལ་མགྲིན་ཆུད་ལྟར།། མི་ཉིད་ཤིན་ཏུ་འཐོབ་དཀར་གསུངས།། ༢༠ ཞེས་གསུངས་ཏེ།དེའི་ཕྱིར་དལ་འབྱོར་རྙེད་དཀའ་བའི་ཚུལ། དགའ་བོ་ལ་བསྟན་པའི་མདོར། དཔེར་ན་ཡོངས་སུ་བརྟག་པ་ཉེ་བར་བཟུང་སྟེ། འཛམ་བུ་གླིང་ཐམས་ཅད་རྒྱ་མཚོ་ཆེན་པོའི་ 108 བག་ཡོད་བསྟན་པ། ཆུ་གཅིག་གི་གཞིར་གྱུར་ལ། དེར་ཡང་གཉའ་ཤིང་བུ་ག་གཅིག་པ་ཡོངས་སུ་འཕྱོ་བ་ལ་ཤར་ ནས་རླུང་གིས་ནུབ་ཀྱི་འགྲམ་དང༌། ནུབ་ནས་རླུང་གིས་ཤར་གྱི་འགྲམ་དུ་འཁྱེར་ཞིང༌། དེ་ བཞིན་དུ་ཕྱོགས་ཐམས་ཅད་དུ་འགྲོའོ། །རྒྱ་མཚོ་དེ་ན་རུལ་སྦལ་ཞར་བ་ཞིག་གནས་ཤིང་དེ་ ཡང་ལོ་བརྒྱ་འདས་པ་དང་མགྲིན་པ་བཏེགས་ནས་ལྟའོ། །ཇི་ལྟར་འགའ་ཞིག་ཏུ་འདི་འདྲ་ བའི་ཚོགས་པ་ཡོད་པར་གྱུར་པ་སྟེ། གཉའ་ཤིང་གང་ཡིན་པ་མིག་ཞར་བ་དེའི་ཕྱོགས་སུ་སོང་ བར་གྱུར་པ་དང་དེ་ལ་མི་ལྟ་ན་ཡང་དེའི་མགྲིན་པ་བུ་ག་དེར་ཆུད་པ་བཞིན་དུ་མིའི་ལུས་ཐོབ་ པ་ཡང་དེ་བཞིན་ནོ། །ཞེས་བསྟན་ཏོ།། གཉིས་པ་དགེ་བ་སྒོམ་པ་ལ་བག་བྱ་བ་ལ་གསུམ། སྔོན་བསགས་པའི་སྡིག་པ་མང་ བ། སྡིག་པ་རང་ཟད་དུ་འགྱུར་མི་སྲིད་པ། གཉེན་པོའི་དགེ་བ་ལ་འབད་དགོས་པར་བསྟན་ པའོ། །དང་པོ་ནི། སྐད་ཅིག་གཅིག་བྱས་སྡིག་པས་ཀྱང༌།། བསྐལ་པར་མནར་མེད་གནས་འགྱུར་ན།། ཐོག་མེད་འཁོར་བར་བསགས་སྡིག་གིས།། བདེ་འགྲོར་མི་འགྲོ་སྨོས་ཅི་དགོས།། ༢༡ ཞེས་གསུངས་ཏེ། 109 བག་ཡོད་བསྟན་པ། དེ་ཡང་བདག་གིས་སྡིག་པ་ཆེར་མ་བྱས་སོ་ཞེ་ན། ཕ་མ་གསོད་པ་སོགས་མཚམས་མེད་ ཀྱི་ལས་ཡུད་ཙམ་རེ་བྱས་པས་ཀྱང་འབྲས་བུ་མནར་མེད་དུ་བསྐལ་པར་གནས་དགོས་ན་ བདག་རྒྱུད་ལ་ཐོག་མ་མེད་པ་ནས་སྡིག་པ་དེ་ལྟ་བུ་བྱས་པའི་བག་ཆགས་དཔག་མེད་ཡོད་ ཀྱང་རང་གིས་མི་ཤེས་པའོ། །ཕ་མ་གསོད་པ་ལྟ་བུའང་རིང་དུ་འགོར་བ་མ་ཡིན་ཏེ། ལས་ ཀྱི་དངོས་གཞི་འཆི་སེམས་སྐད་ཅིག་མ་གཅིག་གིས་ཆོག་པའི་ཕྱིར། སྤྱིར་བྱ་རྫོགས་ཀྱི་སྐད་ ཅིག་མ་ནི་བསྐལ་པ་ལ་སོགས་ཀྱང་ཡིན་མོད་ཀྱང་འདིར་ནི་མིག་འཛུམ་སོགས་ལ་སྐད་ཅིག་ ཏུ་འཇོག་པ་འཇིག་རྟེན་ལ་གྲགས་པ་ལྟར་ཡིན་ལ། མིག་འཛུམ་ལ་ཆ་ཤས་བརྒྱ་དྲུག་ཅུར་ཕྱེ་ བའི་ཆ་གཅིག་ལ་དུས་མཐའི་སྐད་ཅིག་ཏུ་འཇོག་པ་ནི་རེ་ཞིག་ཐེག་དམན་གྱི་རྣམ་འཇོག་གོ། གཉིས་པ་སྡིག་པ་རང་ཟད་དུ་འགྱུར་མི་སྲིད་པ་ནི། དེ་ཙམ་ཁོ་ན་མྱོང་གྱུར་ནས།། དེ་ནི་རྣམ་ཐར་མི་འགྱུར་ཏེ།། འདི་ལྟར་དེ་ནི་མྱོང་བཞིན་དུ།། སྡིག་པ་གཞན་དག་རབ་ཏུ་སྐྱེ།། ༢༢ ཞེས་གསུངས་ཏེ། ཡང་རྣམ་སྨིན་གྱི་འབྲས་བུ་དེ་ཙམ་ཞིག་མྱོང་བ་ཁོ་ནས་ཐར་བར་མི་འགྱུར་ ཏེ། འགྲོ་བའི་སྐྱེ་གནས་གཞན་ཁྲི་ཕྲག་དུ་མ་བརྒྱུད་པས་མྱོང་བའི་རྒྱུ་མཐུན་སྤྱོད་ཅིང༌། ཡང་ དེའི་ཚེ་ལས་ཀྱི་བག་ཆགས་ངན་པས་བྱེད་པ་རྒྱུ་མཐུན་སྔོན་བྱས་ཀྱི་སྡིག་པ་དེ་ལྟ་བུ་མང་དུ་ 110 བག་ཡོད་བསྟན་པ། སྤྱོད་པ་ལ་ལས་དེ་རེ་རེ་ཡང་རྣམ་སྨིན་རྒྱུ་མཐུན་དང་བཅས་པ་ནི་བསྐལ་པ་མང་པོས་ཚར་ ཕྱིན་དགོས་པའི་ཕྱིར་རོ།། གསུམ་པ་གཉེན་པོའི་དགེ་བ་ལ་འབད་དགོས་པར་བསྟན་པ་ལ་བཞི། མི་ལུས་ཐོབ་ དུས་དགེ་བ་མ་བྱས་ན་རང་གིས་རང་བསླུས་པར་བསྟན་པ། ཕྱི་དུས་སུ་འགྱོད་པ། དམྱལ་ བར་སྐྱེས་པའི་ཚེ་འགྱོད་པ། ལས་འབྲས་གོ་བཞིན་དུ་རང་གིས་རང་དམྱལ་བར་ཁྲིད་ན་ སེམས་མེད་པར་ཟད་པའོ། །དང་པོ་ནི། འདི་འདྲའི་དལ་བ་རྙེད་གྱུར་ནས།། བདག་གིས་དགེ་གོམས་མ་བྱས་ན།། འདི་ལས་བསླུས་པ་གཞན་མེད་དེ།། འདི་ལས་རྨོངས་པའང་གཞན་མེད་དོ།། ༢༣ ཞེས་གསུངས། གཉིས་པ་ཕྱི་དུས་སུ་འགྱོད་པ་ནི། གལ་ཏེ་བདག་གིས་དེ་རྟོགས་ནས།། རྨོངས་པས་ཕྱིས་ཀྱང་སྒྱིད་ལུག་ན།། འཆི་བར་འགྱུར་བའི་དུས་ཀྱི་ཚེ།། མྱ་ངན་ཆེན་པོ་ལྡང་བར་འགྱུར།། ༢༤ ཞེས་གསུངས། 111 བག་ཡོད་བསྟན་པ། གསུམ་པ་དམྱལ་བར་སྐྱེས་པའི་ཚེ་འགྱོད་པ་ནི། དམྱལ་མེ་བཟོད་དཀས་ཡུན་རིང་དུ།། བདག་གི་ལུས་ལ་བསྲེགས་གྱུར་ན།། འགྱོད་པ་མི་བཟད་མེ་འབར་བས།། སེམས་གདུང་འགྱུར་བར་གདོན་མི་ཟ།། ༢༥ ཞེས་གསུངས་ཏེ། དེ་དག་གི་དོན་ནི། དེ་བས་ན་ད་ལྟ་དལ་བ་རྙེད་དུས་འདི་ཁོ་ནར་མ་འབད་ ན་ཕྱིས་འགྱོད་པ་ཆེན་པོ་སྐྱེ་སྟེ་མྱ་ངམ་གྱི་ཐང་ལ་ཁུར་ཆེན་པོ་ལྕི་བ་འཇིག་ཏུ་ཉེ་བ་ཁྱེར་ནས་ འག ྲོ་ལ། དེ་ས་ལ་བསྡད་ནས་བཅོས་ན་ཡང་ལངས་མི་ནུས་པར་མཐོང་ནས་ངལ་བཞིན་དུ་ འག ྲོ་བ་ལམ་གྱི་དབུས་ཞིག་ཏུ་ངལ་སྟེགས་གྲིབ་བསིལ་ཆུ་གཙང་མ་དང་བཅས་པ་ཕྲད་ལ་ དེར་ལེ་ལོས་མ་བཅོས་པར་ཕྱིན་པས་ཡང་མྱ་ངམ་གྱི་ཐང་སྔ་མ་བས་ཆེ་བ་མཐོང་ནས་ཆེས་ འགྱོད་པར་འགྱུར་བ་ལྟར། དལ་བ་འདི་མེད་དུ་ཟད་ན་འཆི་ཁར་འགྱོད་པ་དང༌། དམྱལ་བར་ སྡུག་བསྔལ་གྱི་དབང་གིས་སྐྱེ་བ་བདུན་བརྒྱུད་དུ་དྲན་ཞིང༌། གཤིན་རྗེའི་སྐྱེས་བུས་ཀྱང་དལ་ བ་ཕུན་སུམ་ཚོགས་པ་ཐོབ་ནས་དོན་མེད་དུ་བྱས་ཏེ་འདིར་འོང་བ་ཞེས་སྤྱོས་ཤིང་བརྡེགས་ པའི་ཚེ་ཆེས་འགྱོད་པ་སྐྱེ་བའི་ཕྱིར། བཞི་པ་ལས་འབྲས་གོ་བཞིན་དུ་རང་གིས་རང་དམྱལ་བར་ཁྲིད་ན་སེམས་མེད་པར་ཟད་པ་ནི། 112 བག་ཡོད་བསྟན་པ། ཤིན་ཏུ་རྙེད་དཀའ་ཕན་པའི་ས།། ཅི་ཞིག་ལྟར་སྟེས་རྙེད་གྱུར་ནས།། བདག་ཉིད་ཤེས་དང་ལྡན་བཞིན་དུ།། ཕྱིར་ཡང་དམྱལ་བ་དེར་ཁྲིད་ན།། ༢༦ སྔགས་ཀྱིས་རྨོངས་པར་བྱས་པ་བཞིན།། བདག་ལ་འདིར་སེམས་མེད་དུ་ཟད།། ཅེས་གསུངས་ཏེ། དེས་ན་དལ་བ་ཡང་སྟེས་དབང་གིས་རྙེད། ཆོས་སྒྲུབ་པའི་བློ་ཙམ་དང་ ཡང་ལྡན་བཞིན་དུ་ད་དུང་བག་མེད་སེམས་ཀྱི་དབང་དུ་བཏང་ནས་རང་གིས་རང་ངན་འགྲོ ར་ ཁྲིད་ན་ནི་བདག་གི་སེམས་འདིས་ཅི་ཞིག་བྱ་སྟེ། སེམས་མེད་པ་ཁོ་ནར་ཟད་པའི་དོན་ཏོ།། གསུམ་པ་ཉོན་མོངས་སྤང་བ་ལ་བག་བྱ་བ་ལ་གསུམ། བསམ་པས་མི་མཐུན་པར་ལྟ་ བ་གསུམ། སྦྱོར་བས་མི་སྐྱོ་བར་བྱ་བ་གསུམ། སྤང་ནུས་པར་སྤྲོ་བ་སྐྱེད་པ་གཉིས་སོ། །དང་ པོ་ལ་གསུམ། གནོད་པའི་རྣམ་པར་བརྟག་པ་བཞི། མི་བཟོད་པར་བསྟན་པ། ང་རྒྱལ་སྐྱེད་ པའོ། །དང་པོ་བཞི་ནི། རང་དབང་མེད་པར་བྱེད་པ། སྡུག་བསྔལ་ལ་སྦྱོར་བ། རྟག་ཏུ་འབྲང་ བ། བསྟེན་དུ་མི་རུང་བར་བསྟན་པའོ། །དང་པོ་ནི། ཅིས་རྨོངས་བདག་གིས་མ་ཤེས་ཏེ།། བདག་གི་ཁོང་ན་ཅི་ཞིག་ཡོད།། ༢༧ 113 བག་ཡོད་བསྟན་པ། ཞེ་སྡང་སྲེད་སོགས་དགྲ་རྣམས་ནི།། རྐང་ལག་ལ་སོགས་ཡོད་མིན་ལ།། དཔའ་མཛངས་མིན་ཡང་ཇི་ཞིག་ལྟར།། དེ་དག་གིས་བདག་བྲན་བཞིན་བྱས།། ༢༨ བདག་གི་སེམས་ལ་གནས་བཞིན་དུ།། དགའ་མགུར་བདག་ལ་གནོད་བྱེད་པ།། དེ་ལའང་མི་ཁྲོ་བཟོད་པ་ནི།། གནས་མིན་བཟོད་པ་སྨད་པའི་གནས།། ༢༩ ཞེས་གསུངས་ཏེ། ཅི་རྨོངས་པ་འདི་ལྟ་བུ་སྐྱེ་བའི་རྒྱུ་བདག་གི་ཁོང་ན་ཅི་ཞིག་ཡོད་ཅེས་རྣམ་པར་ བརྟག་གོ །བརྟགས་པ་ན་ཞེ་སྡང་ལ་སོགས་པ་ཀུན་ནས་ཉོན་མོངས་པ་འདི་རྣམས་ཡིན་པར་ མཐོང་ངོ༌། །དེའི་ཚེ་འདི་རྣམས་ལ་སྒྱུ་རྩལ་དང༌། མི་ཞུམ་པའི་དཔའ་བ་དང༌། ཚོད་རིག་པའི་ མཛངས་པ་དང༌། ཚན་པོ་ཆེ་ལ་སོགས་པའི་སྟོབས་དང༌། རྐང་ལག་གི་ཤེད་དང༌། བསྣུན་པའི་ མཚོན་ཆ་སོགས་གཞན་ལས་ཁྱད་པར་དུ་གྱུར་པ་ཅི་ཞིག་ཡོད་པ་སོ་སོར་བརྟག་པར་བྱའོ།། དེ་ལྟར་བརྟགས་པ་ན་དེ་ལྟ་བུ་ཅི་ཡང་མ་མཐོང་སྟེ། ཉོན་མོངས་པའི་སེམས་འདི་ནི་ཆུ་ ལས་ཆུ་བུར་ལྟར་སྐད་ཅིག་གིས་སྐྱེ་ཞིང་དེ་ཉིད་དུ་འཇིག་ལ། གང་ནས་ཀྱང་མ་འོངས། གང་ དུ་ཡང་མི་འགྲོ། གང་ནའང་མི་གནས་ལ། ངོ་བོ་ཉིད་ཀྱིས་སྟོང་པ་གསོག་དང༌། གསོབ་དང༌། 114 བག་ཡོད་བསྟན་པ། ཡ་མ་བརླ་ཞིག་སྟེ། འོ་ན་སྙིང་པོ་མེད་པ་འདིས་བདག་བྲན་བཞིན་དུ་བྱེད་པ་ཅིའི་ཐ་ཚིག་ཅེས་ བདག་ཉིད་ཀྱིས་བདག་ཉིད་ལ་ངོ་ཚ་བ་དང་བཞད་གད་ཀྱི་བློ་སྐྱེའོ།། ཡང་བརྟགས་པ་ན་འདི་ལ་ནི་བདག་གི་སེམས་ལས་གཞན་པའི་རྟེན་ནི་འགའ་ཡང་མ་ མཐོང་ངོ༌། །འདི་སེམས་ཀྱི་ངོ་བོ་ཉིད་ཀྱིས་ཀྱང་མ་ཡིན་པར་མཐོང་སྟེ། འདི་ནི་ཕྱིན་ཅི་ལོག་གི་ བཅོས་མ་གོམས་པ་ཙམ་ཞིག་སྟེ། འོན་ཀྱང་བདག་ཉིད་གང་ལ་རྟེན་བཅས་པའི་སེམས་དེ་ ཁོ་ན་ལ་གནོད་པར་བྱེད་པས་རང་བཞིན་གྱིས་དགྲར་གྱུར་པ་འདི་ལ་ནི་བཟོད་པར་མི་བྱ་སྟེ། གནས་མ་ཡིན་པའི་བཟོད་པ་ནི་འཇིག་རྟེན་ན་སྨད་པའི་གནས་ཡིན་པའི་ཕྱིར་རོ། །དེས་ན་ བཅོམ་ལྡན་འདས་ཀྱིས་རྒྱལ་པོ་ཤར་པ་ལ། རྒྱལ་པོ་ཆེན་པོ་དགྲ་འདི་མ་ཡིན་པའི་དགྲ་ཆེན་ པོ་ཤར་གཉེར་བ་གཞན་ཞིག་ཡོད་དོ། །ཞེས་བདག་ཏུ་འཛིན་པ་དགྲར་བསྟན་པས། རྒྱལ་ པོས་གསོལ་པ། སྔར་བདག་གིས་དགྲ་མ་ཡིན་པ་ཞིག་དགྲར་བཟུང་ད་ནི་བདག་གིས་དགྲ་ ཡང་དག་པ་ངོས་ཟིན་ཏེ་འདི་གདུལ་བར་བྱའོ། །ཞེས་གསོལ་བ་ལྟ་བུའོ།། གཉིས་པ་སྡུག་བསྔལ་ལ་སྦྱོར་བ་ནི། གལ་ཏེ་ལྷ་དང་ལྷ་མིན་རྣམས།། ཐམས་ཅད་བདག་ལ་དགྲར་ལངས་ཀྱང༌།། དེ་དག་གིས་ཀྱང་མནར་མེད་པའི།། མེ་ནང་ཁྲིད་ཅིང་གཞུག་མི་ནུས།། ༣༠ 115 བག་ཡོད་བསྟན་པ། ཉོན་མོངས་སྟོབས་ཆེན་དགྲ་འདིས་ནི།། གང་དང་ཕྲད་ན་རི་རབ་ཀྱང༌།། ཐལ་བར་ཡང་ནི་མི་ལུས་པ།། དེར་བདག་སྐད་ཅིག་གཅིག་ལ་འདོར།། ༣༡ ཞེས་གསུངས་ཏེ། དགྲ་གཞན་པས་འདི་གནོད་པ་ཆེ་སྟེ། འདིས་ནི་ཚ་བའི་ཁྱད་པར་རི་རབ་ ཀྱང་སྐད་ཅིག་གིས་སྲེག་ནུས་པའི་དམྱལ་བ་མནར་མེད་པའི་མེ་ལྕེར་ཡང་བདག་ཡུད་ཀྱིས་ འདོར་ནུས་སོ།། གསུམ་པ་རྟག་ཏུ་འབྲང་བ་ནི། བདག་གི་ཉོན་མོངས་དགྲ་བོ་གང༌།། དུས་རིང་ཐོག་མཐའ་མེད་པ་ལྟར།། དགྲ་གཞན་ཀུན་ཀྱང་དེ་ལྟ་བུར།། ཡུན་རིང་ཐུབ་པ་མ་ཡིན་ནོ།། ༣༢ ཞེས་གསུངས་ཏེ། དགྲ་གཞན་ནི་ཚེ་རབས་ཐམས་ཅད་དུ་རྗེས་སུ་མི་འབྲང་སྟེ་ཤི་འཕོས་ ནས་ལས་བཞིན་སོ་སོར་སྐྱེའོ། །ཉོན་མོངས་པ་འདི་ནི་དེ་ལྟ་མིན་ཏེ་སེམས་དང་ཐ་མི་དད་ པར་རྗེས་སུ་འབྲང་ངོ༌།། 116 བག་ཡོད་བསྟན་པ། བཞི་པ་བསྟེན་དུ་མི་རུང་བར་བསྟན་པ་ནི། མཐུན་པར་རིམ་གྲོ་བསྟེན་བྱས་ན།། ཐམས་ཅད་ཕན་དང་བདེ་བྱེད་མོད།། ཉོན་མོངས་རྣམས་ནི་བསྟེན་བྱས་ན།། ཕྱིར་ཞིང་སྡུག་བསྔལ་གནོད་པ་བྱེད།། ༣༣ ཅེས་གསུངས་ཏེ། དགྲ་གཞན་ནི་བསྟེན་ན་ཕན་འདོགས་ཀྱང་ཉོན་མོངས་འདི་ནི་གང་གིས་བསྟེན་པ་དེ་ ཕུང་བར་བྱེད་དོ།། གཉིས་པ་མི་བཟོད་པར་བསྟན་པ་ནི། དེ་ལྟར་ཡུན་རིང་རྒྱུན་ཆགས་དགྲར་གྱུར་པ།། གནོད་པའི་ཚོགས་རབ་འཕེལ་བའི་རྒྱུ་གཅིག་པུ།། བདག་གི་སྙིང་ལ་ངེས་པར་གནས་འཆའ་ན།། འཁོར་བར་འཇིགས་མེད་དགའ་བར་ག་ལ་འགྱུར།། ༣༤ འཁོར་བའི་བཙོན་རའི་སྲུང་མ་དམྱལ་སོགས་སུ།། གསོད་བྱེད་གཤེད་མར་གྱུར་པ་འདི་དག་ནི།། 117 བག་ཡོད་བསྟན་པ། གལ་ཏེ་བློ་གནས་ཆགས་པའི་དྲ་བ་ན།། གནས་ན་བདག་ལ་བདེ་བ་ག་ལ་ཡོད།། ༣༥ ཅེས་གསུངས་ཏེ། དགྲ་དེ་ལྟ་བུ་བདག་གི་སྙིང་ངམ་སེམས་ལ་རྟག་པར་བཞག་ནས་ཡིད་ བདེར་འདུག་པ་མི་རིགས་ཏེ། དམྱལ་བའི་གཤེད་མ་ལ་སོགས་པའི་རྒྱུ་ཡང་དགྲ་འདི་ཁོ་ན་ ཡིན་ཏེ་འདི་ཡོད་ན་དེ་དག་ཡོད་པའི་ཕྱིར་རོ།། གསུམ་པ་ང་རྒྱལ་སྐྱེད་པ་ནི། དེ་ལྟར་ཇི་སྲིད་བདག་གིས་དགྲ་འདི་མངོན་སུམ་དུ།། ངེས་པར་མ་བཅོམ་དེ་སྲིད་བདག་འདིར་བརྩོན་མི་འདོར།། རེ་ཞིག་གནོད་བྱེད་ཆུང་ངུ་ལ་ཡང་ཁྲོས་གྱུར་པའི།། ང་རྒྱལ་བདོ་རྣམས་དེ་མ་བཅོམ་པར་གཉིད་མི་འོང༌།། ༣༦ ཞེས་གསུངས་ཏེ། སྲོག་ལ་བབ་ཀྱང་འདི་ཡལ་བར་མི་འདོར་བར་འཇོམས་པའི་གོ་ཆ་བསྒོ་བའོ།། གཉིས་པ་སྦྱོར་བས་མི་སྐྱོ་བར་བྱ་བ་ལ་གསུམ། མི་སྦྱོར་བའི་ཉེས་པ་བསྟན། སྦྱོར་བའི་ ཕན་ཡོན་གསུམ་བཤད། སྦྱོར་བ་ལྷུར་བླང་བའི་ཐབས་སོ། །དང་པོ་ནི། རང་བཞིན་འཆི་བས་སྡུག་བསྔལ་གྱུར་པའི་ཉོན་མོངས་དག། གཡུལ་ངོར་དངར་ཚེ་ནན་གྱིས་གཞོམ་པར་འདོད་པ་ཡང༌།། 118 བག་ཡོད་བསྟན་པ། མདའ་མདུང་མཚོན་གྱིས་ཕོག་པའི་སྡུག་བསྔལ་ཁྱད་བསད་ནས།། དོན་མ་གྲུབ་པར་ཕྱིར་ཕྱོགས་འབྱེར་བར་མི་བྱེད་ན།། ༣༧ རྟག་ཏུ་སྡུག་བསྔལ་ཀུན་གྱི་རྒྱུར་གྱུར་པ།། རང་བཞིན་དགྲར་ངེས་གཞོམ་བརྩོན་བདག་ལ་དེང༌།། སྡུག་བསྔལ་བརྒྱ་ཕྲག་རྒྱུར་གྱུར་གང་གིས་ཀྱང༌།། ཡི་ཆད་སྒྱིད་ལུག་མི་འགྱུར་སྨོས་ཅི་དགོས།། ༣༨ ཞེས་གསུངས་ཏེ། རང་བཞིན་གྱིས་འཆི་བ་སྟེ་མ་བསད་རུང་འཆི་བའོ། །དགྲ་དེ་ལྟ་བུ་ཡང་ འཇོམས་ན་ནང་གི་དགྲ་འདི་ལྟ་ཅི་སྨོས་པས་འདི་འཇོམས་པའི་སྡུག་བསྔལ་ཐམས་ཅད་ བཟོད་པར་རིགས་པའོ།། གཉིས་པ་སྦྱོར་བའི་ཕན་ཡོན་གསུམ་བཤད་པ་ནི། རང་དོན། གཞན་དོན། དམ་བཅའ་ མཐར་འབྱིན་པའོ། །དང་པོ་ནི། དོན་མེད་དགྲ་ཡིས་རྨ་སྲོལ་གཏོད་པ་ཡང༌།། ལུས་ལ་རྒྱན་དང་འདྲ་བར་སྤེལ་བྱེད་ན།། དོན་ཆེན་སྒྲུབ་ཕྱིར་ཡང་དག་བརྩོན་གྱུར་པ།། བདག་ལ་སྡུག་བསྔལ་ཅི་ཕྱིར་གནོད་བྱེད་ཡིན།། ༣༩ ཞེས་པའོ།། 119 བག་ཡོད་བསྟན་པ། གཉིས་པ་གཞན་དོན་ནི། ཉ་པ་གདོལ་པ་ཞིང་པ་ལ་སོགས་པ། རང་གི་འཚོ་བ་ཙམ་ཞིག་སེམས་པ་ཡང༌།། གྲང་དང་ཚ་ལ་སོགས་པའི་གནོད་བཟོད་ན།། འག ྲོ་བའི་བདེ་ཕྱིར་བདག་ལྟས་ཅིས་མི་བཟོད།། ༤༠ ཅེས་པའོ།། གསུམ་པ་དམ་བཅའ་མཐར་འབྱིན་པ་ནི། ཕྱོགས་བཅུ་ནམ་མཁའི་མཐས་གཏུགས་པའི།། འག ྲོ་བ་ཉོན་མོངས་ལས་སྒྲོལ་བར།། དམ་བཅས་གང་ཚེ་བདག་ཉིད་ཀྱང༌།། ཉོན་མོངས་རྣམས་ལས་མ་གྲོ ལ་བ།། ༤༡ བདག་གི་ཚོད་ཀྱང་མི་ཤེས་པར།། སྨྲ་བ་ཇི་ལྟར་སྨྱོན་པ་མིན།། ཞེས་པའོ།། 120 བག་ཡོད་བསྟན་པ། གསུམ་པ་སྦྱོར་བ་ལྷུར་བླང་བའི་ཐབས་ནི། དེ་ལྟས་ཉོན་མོངས་གཞོམ་པ་ལ།། རྟག་ཏུ་ཕྱིར་མི་ལྡོག་པར་བྱ།། ༤༢ འདི་ལ་ནན་གྱིས་ཞེན་བྱ་ཞིང༌།། འཁོན་དུ་བཟུང་ནས་གཡུལ་སྤྲད་དེ།། རྣམ་པ་དེ་འདྲའི་ཉོན་མོངས་པ།། ཉོན་མོངས་འཇོམས་བྱེད་མ་གཏོགས་སོ།། ༤༣ བདག་ནི་བསྲེགས་ཏེ་བསད་གྱུར་ཏམ།། བདག་གི་མགོ་བོ་བཅད་ཀྱང་སླའི།། རྣམ་པ་ཀུན་ཏུ་ཉོན་མོངས་པའི།། དགྲ་ལ་འདུད་པར་མི་བྱའོ།། ༤༤ ཞེས་གསུངས་ཏེ། སྤང་བྱའི་ཉོན་མོངས་ལ་འཁོན་དུ་བཟུང་ནས་འཇོམས་པའི་ཉོན་མོངས་ ཏེ་སྤང་བྱའི་བྱས་པ་དྲན་པའི་འཁོན་འཛིན་འཇོམས་པར་ནུས་པའི་ང་རྒྱལ་གཅིག་ཆར་དུ་ འཇོམས་པའི་ཞེ་སྡང་རྣམས་སྐྱེད་དེ། སྤང་བྱའི་ཉོན་མོངས་ཀྱི་དབང་དུ་སྐད་ཅིག་ཀྱང་མི་ གཏོང་བའོ།། 121 བག་ཡོད་བསྟན་པ། གསུམ་པ་སྤང་ནུས་པར་སྤྲོ་བ་སྐྱེད་པ་ལ་གཉིས། རྟེན་གཞན་མེད་པར་བསྟན་པ་དང༌། རང་བཞིན་མེད་པར་བསྟན་པའོ། །དང་པོ་ནི། ཐ་མལ་དགྲ་བོ་ཡུལ་ནས་ཕྱུང་ཡང་ནི།། ཡུལ་གཞན་དག་ཏུ་གནས་ཤིང་ཡོངས་བཟུང་ནས།། ནུས་པ་བརྟས་ནས་དེ་ནས་ཕྱིར་ལྡོག་གི། ཉོན་མོངས་དགྲ་ཚུལ་དེ་དང་འདྲ་མ་ཡིན།། ༤༥ ཉོན་མོངས་ཉོན་མོངས་ཤེས་རབ་མིག་གིས་སྤང༌།། བདག་ཡིད་ལས་བསལ་གང་དུ་འགྲོ ་བར་འགྱུར།། གང་དུ་གནས་ནས་བདག་གནོད་བྱ་ཕྱིར་འོང༌།། བློ་ཞན་བདག་ལ་བརྩོན་པ་མེད་པར་ཟད།། ༤༦ ཅེས་གསུངས་ཏེ། དགྲ་གཞན་ལས་འདི་སྤང་བར་སླ་སྟེ་རང་གི་སེམས་ལས་བསལ་ནས་ གང་དུའང་གནས་ས་མེད་པའི་ཕྱིར་རོ།། གཉིས་པ་རང་བཞིན་མེད་པར་བསྟན་པ་ནི། ཉོན་མོངས་རྣམས་ནི་ཡུལ་ན་མི་གནས་དབང་ཚོགས་ལ་མིན་བར་ནའང་མིན།། དེ་ལས་གཞན་ནའང་མིན་ན་འདི་དག་གར་གནས་འགྲོ་བ་ཀུན་གནོད་བྱེད།། 122 བག་ཡོད་བསྟན་པ། འདི་ནི་སྒྱུ་འདྲ་དེ་ཕྱིར་སྙིང་ལ་འཇིགས་སྤོངས་ཤེས་ཕྱིར་བརྩོན་པ་བསྟེན།། དོན་མེད་ཉིད་དུ་བདག་ལ་དམྱལ་སོགས་རྣམས་སུ་ཅི་སྟེ་གནོད་པ་བྱེད།། ༤༧ ཅེས་གསུངས་ཏེ། ཤེས་རབ་མིག་གིས་ཇི་ལྟར་སྤང་ན་ཁ་ནང་དུ་ཕྱོགས་ལ་ཉོན་མོངས་པར་ སྣང་བའི་ཤེས་པ་དེ་ཉིད་ལ་སོ་སོ་རང་རིག་པས་ལྟོས་ཤིག དེའི་ངོ་བོ་འམ་རང་བཞིན་ནི་ཇི་ ལྟ་བུ་ཞིག་གང་ཞིག་ན་གནས་པ་སོགས་ལེགས་པར་རྟོགས་ཤིག་དང༌། དེ་ལྟར་བརྟགས་པ་ ན་ཡུལ་གཟུགས་སོགས་དྲུག་ལ་མི་གནས། བདག་རྐྱེན་དབང་པོ་དྲུག་ལ་མི་གནས། ཡུལ་ དབང་གི་བར་ན་མི་གནས། དེ་ལས་གཞན་ནའང་མི་གནས་ཏེ་དེ་ནི་མ་བརྟགས་པའི་དུས་ ན་བདེན་པ་ལྟར་སྣང་བའི་བློ་ཕྱིན་ཅི་ལོག་གི་རང་བཞིན་ཞིག་སྟེ། བརྟགས་པ་ན་བྱུང་སོང་ གནས་པ་དང་བྲལ་བ་ཅི་ཡང་མ་ཡིན་པ་ངོ་བོ་ཉིད་ཀྱིས་མ་སྐྱེས་པ་གཟོད་མ་ནས་རྣམ་པར་ དག་ཅིང༌། འོད་གསལ་བ་ཞིག་སྟེ། འདི་ལ་རང་བཞིན་ཅི་ཡང་མེད་དོ། །དེ་ལྟར་མེད་ཀྱང་རྐྱེན་ ལས་སྐྱེ་བ་ལྟར་སྣང་ལ། དེའི་ཚེ་ཡང་སྐྱེ་བ་མེད་པ་ཉིད་ཀྱིས་འདི་ནི་སྒྱུ་མ་ལྟ་བུའོ། །དེས་ན་ འདི་ལྟ་བུ་སྤང་མི་ནུས་སོ་ཞེས་འཇིགས་པར་མི་བྱ་སྟེ། འདིའི་རང་བཞིན་ཤེས་པའི་ཤེས་རབ་ ཀྱིས་བརྩོན་པར་གྱིས་ཤིག་པའོ།། བཞི་པ་མཇུག་བསྡུ་བ་ནི། དེ་ལྟར་རྣམ་བསམས་ཇི་སྐད་བཤད་པ་ཡི།། བསླབ་པ་སྒྲུབ་པའི་ཆེད་དུ་འབད་པར་བྱ།། 123 བག་ཡོད་བསྟན་པ། སྨན་པའི་ངག་མ་མཉན་ན་སྨན་དག་གིས།། བཅོས་དགོས་ནད་པ་སོས་པ་ག་ལ་ཡོད།། ༤༨ ཅེས་གསུངས་ཏེ། སྔར་བཤད་པ་དེ་རྣམས་མ་བརྗེད་པར་ཚུལ་བཞིན་བསམས་ནས་བྱང་ཆུབ་ སེམས་དང་བསླབ་པ་སྒྲུབ་པ་ལ་འབད་པར་བྱས་ན་བྱང་ཆུབ་འཐོབ་ཀྱི་གཞུང་བཀླགས་པ་ དང་ཐོས་པའི་ཤེས་རབ་ཀྱིས་གོ་བ་ཙམ་གྱིས་མི་ཕན་ཏེ། སྨན་དཔྱད་བཀླགས་པས་ནད་མི་ སེལ་བ་བཞིན་ནོ།། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བག་ཡོད་བསྟན་པ་སྟེ་ལེའུ་བཞི་པ་ རྣམ་པར་ཕྱེ་བའོ།། །། 124 ཤེས་བཞིན་སྲུང་བ། ལེའུའི་འབྲེལ་ནི། དཀའ་འགྲེལ་ཆུང་ངུར། དེ་ལྟར་ཕ་རོལ་ཏུ་ཕྱིན་པ་ཐམས་ཅད་ཀྱི་ ཐུན་མོང་གི་རང་བཞིན་བག་ཡོད་པ་བཤད་ནས་ད་ནི་སོ་སོའི་རང་བཞིན་འཆད་དོ། །ཞེས་སོ།། གཉིས་པ་ཕ་རོལ་ཏུ་ཕྱིན་པ་དྲུག་རེ་རེ་ཞིང་ཉམས་སུ་ལེན་པ་ལ་དྲུག སྦྱིན་པ་མདོར་ བསྡུས་ཏེ་བསྟན། སེམས་སྲུང་པའི་ཚུལ་ཁྲིམས་བཤད། བཟོད་པ། བརྩོན་འགྲུས། བསམ་ གཏན། ཤེས་རབ་རྣམས་རེ་རེ་ཞིང་བཤད་པའོ། །དང་པོ་ནི། དཀའ་འགྲེལ་ཆུང་ངུར། དེ་ཡང་སྦྱིན་པའི་ཕ་རོལ་ཏུ་ཕྱིན་པ་དང་པོར་འཆད་པའི་སྐབས་ ཡིན་ཡང་འདིར་མ་བཤད་དེ་གཏོང་བའི་ངོ་བོ་ནི། སེམས་སྐྱེད་པའི་སྐབས་སུ་བདག་གི་ལུས་ ལོངས་སྤྱོད་དང་དུས་གསུམ་གྱི་དགེ་བ་ཐམས་ཅད་བཏང་བར་བརྗོད་པས་བཤད་ཟིན་པའི་ཕྱིར་ དང༌། སྦྱིན་པ་ཉམས་སུ་ལེན་པའི་སྤྱོད་པ་ནི་སེམས་ཅན་དོན་བྱེད་ཀྱི་ཚུལ་ཁྲིམས་འཆད་པར་ ཟང་ཟིང་དང༌། ཆོས་ཀྱིས་སེམས་ཅན་བསྡུ་བའི་སྤྱོད་པ་བརྗོད་དགོས་པའི་ཕྱིར། དེས་ན་ཚུལ་ ཁྲིམས་ཀྱི་ཕ་རོལ་ཏུ་ཕྱིན་པའི་རང་བཞིན་དྲན་པ་དང་ཤེས་བཞིན་སྲུང་བ་འཆད་དོ། །ཞེས་སོ།། གཉིས་པ་དེས་ན་དྲན་པ་ཤེས་བཞིན་གྱི་སྒོ་ནས་སེམས་སྲུང་བའི་ཚུལ་ཁྲིམས་འཆད་ པ་ལ་ལྔ། བསླབ་པའི་ངོ་བོ་སེམས་སྲུང་བ། དེའི་ཐབས་དྲན་པ་དང་ཤེས་བཞིན། དེའི་སྤྱོད་ པ་ལ་བསླབ་པ། བསླབ་པ་ཕུན་སུམ་ཚོགས་བྱེད་ཀྱི་ཡན་ལག ཤེས་བཞིན་སྲུང་བའི་མཚན་ ཉིད་མདོར་བརྗོད་པའོ། །དང་པོ་ལ་གསུམ། སེམས་བསྲུངས་པས་ཐམས་ཅད་བསྲུངས་བར་ འགྱུར་བ། ཐམས་ཅད་སེམས་ལ་རག་ལས་པར་བསྟན་པ། དེས་ན་སེམས་སྲུང་བ་ལ་འབད་ 125 ཤེས་བཞིན་སྲུང་བ། པའོ། །དང་པོ་ལ་བཞི། མདོར་བསྟན་པ། སེམས་མ་ཐུལ་བ་ཉེས་པའི་འབྱུང་ཁུངས་སུ་ བསྟན། སེམས་ཐུལ་བ་ཡོན་ཏན་གྱི་འབྱུང་ཁུངས་སུ་བསྟན། སེམས་བཏུལ་བས་འཇིགས་ པ་ཐམས་ཅད་ཐུལ་བར་བསྟན་པའོ། །དང་པོ་ནི། བསླབ་པ་སྲུང་བར་འདོད་པ་ཡིས།། རབ་ཏུ་བསྒྲིམས་ནས་སེམས་སྲུང་སྟེ།། སེམས་འདི་སྲུང་བར་མ་བྱས་ན།། བསླབ་པ་སྲུང་བར་ཡོང་མི་ནུས།། ༡ ཞེས་གསུངས། གཉིས་པ་སེམས་མ་ཐུལ་བ་ཉེས་པའི་འབྱུང་ཁུངས་སུ་བསྟན་པ་ནི། སེམས་ཀྱི་གླང་པོ་ཡན་བཏང་བས།། མནར་མེད་གནོད་པ་བྱེད་པ་ལྟར།། གླང་ཆེན་མ་ཐུལ་མྱོས་པ་ཡིས།། འདི་ན་དེ་འདྲའི་གནོད་མི་བྱེད།། ༢ ཅེས་གསུངས། གསུམ་པ་སེམས་ཐུལ་བ་ཡོན་ཏན་གྱི་འབྱུང་ཁུངས་སུ་བསྟན་པ་ནི། ཀུན་ནས་དྲན་པའི་ཐག་པ་ཡིས།། སེམས་ཀྱི་གླང་པོ་དམ་བཏགས་ན།། 126 ཤེས་བཞིན་སྲུང་བ། འཇིགས་པ་ཐམས་ཅད་མེད་འགྱུར་ཞིང༌།། དགེ་བ་ཐམས་ཅད་ལག་ཏུ་འོང༌།། ༣ ཞེས་གསུངས་ཏེ། འགྲེལ་ཆེན་ལས། དྲན་པ་དེ་ཉིད་ནི་ཐག་པ་དང་འདྲ་བ་སྟེ། འཆིང་བའི་ ཐབས་ཡིན་པའི་ཕྱིར། ཀུན་ནས་ནི་རྣམ་པ་ཐམས་ཅད་དུ་སྟེ། དམ་པ་མ་ཡིན་པའི་ཕྱོགས་ལ་ འཇུག་པ་འགེགས་པའི་ཕྱིར་རོ། །ཞེས་སོ།། བཞི་པ་སེམས་བཏུལ་བས་འཇིགས་པ་ཐམས་ཅད་ཐུལ་བར་བསྟན་པ་ནི། སྟག་དང་སེང་གེ་གླང་ཆེན་དྲེད།། སྦྲུལ་དང་དགྲ་རྣམས་ཐམས་ཅད་དང༌།། སེམས་ཅན་དམྱལ་བའི་སྲུང་མ་དང༌།། བྱད་མ་དེ་བཞིན་སྲིན་པོ་རྣམས།། ༤ སེམས་འདི་གཅིག་པུ་བརྟགས་པ་ཡིས།། དེ་དག་ཐམས་ཅད་བཏགས་པར་འགྱུར།། སེམས་འདི་གཅིག་པུ་བཏུལ་བ་ཡིས།། དེ་དག་ཐམས་ཅད་ཐུལ་བར་འགྱུར།། ༥ ཞེས་གསུངས་ཏེ། སྟག་སོགས་ཀྱི་གནོད་པ་ཡང་ལས་ཀྱིས་བསྐྱེད་ལ། ལས་ཀྱང་སེམས་ ཡིན་ཏེ་སེམས་པ་ལས་ཡིན་ལ། ཞེས་གསུངས་ཤིང༌། ངག་དང་ལུས་ཀྱི་ལས་ཀྱང་སེམས་ 127 ཤེས་བཞིན་སྲུང་བ། ཉིད་ཀྱིས་ཀུན་ནས་སློང་བའི་ཕྱིར། དེ་མེད་པར་དེ་དག་མི་འབྱུང་བས་བསམ་པའི་ལས་ཞེས་ བརྗོད་པའི་ཕྱིར། ལས་ལས་འཇིག་རྟེན་སྣ་ཚོགས་སྐྱེས།། ལས་ནི་སེམས་པ་དང་དེས་བྱས།། སེམས་པ་ཡིད་ཀྱི་ལས་ཡིན་ཏེ།། དེས་བསྐྱེད་ལུས་དང་ངག་གི་འོ།། ཞེས་སོ། །གནོད་སེམས་མེད་ན་ནི་སུ་ཡང་གནོད་པ་མི་བྱེད་དེ། འཇིག་རྟེན་ན་ནི་སྡིག་པའི་སེམས།། མེད་ལ་སྡང་དང་འཇིགས་པ་མེད།། གང་གིས་སེམས་ནི་དབང་བྱས་པ།། དེ་ཡི་བདེ་བ་ཉམས་པ་མེད།། དེའི་ཕྱིར་འདི་སྐད་དུ། སེམས་དུལ་བ་ནི་ལེགས་པ་སྟེ།། སེམས་དུལ་བས་ནི་བདེ་བ་འཐོབ།། ཅེས་གསུངས་སོ།། 128 ཤེས་བཞིན་སྲུང་བ། གཉིས་པ་ཐམས་ཅད་སེམས་ལ་རག་ལས་པར་བསྟན་པ་ལ་གཉིས། ཉེས་པ་ཐམས་ ཅད་སེམས་ལ་རག་ལས་པ་དང༌། ཡོན་ཏན་ཐམས་ཅད་སེམས་ལ་རག་ལས་པའོ། །དང་པོ་ ལ་གསུམ། ལུང་དང་སྦྱར་བ། གནོད་པ་ཐམས་ཅད་སྡིག་སེམས་ཀྱི་འཁྲུལ་སྣང་དུ་བསྟན། དོན་བསྡུས་པའོ། །དང་པོ་ནི། འདི་ལྟར་འཇིགས་པ་ཐམས་ཅད་དང༌།། སྡུག་བསྔལ་དཔག་ཏུ་མེད་པ་ཡང༌།། སེམས་ལས་བྱུང་བ་ཡིན་ནོ་ཞེས།། ཡང་དག་གསུང་བ་ཉིད་ཀྱིས་བསྟན།། ༦ ཞེས་གསུངས་ཏེ། དེ་ཡང་འགྲེལ་ཆེན་ལས། དངོས་པོའི་དེ་ཁོ་ན་ཉིད་གསུངས་པའི་ཕྱིར་ཡང་ དག་གསུང་བ་བཅོམ་ལྡན་འདས་ཀྱིས་དཀོན་མཆོག་སྤྲིན་ལས། སེམས་ནི་ཆོས་ཐམས་ཅད་ ཀྱི་སྔོན་དུ་འགྲོ་བ་སྟེ་སེམས་ཡོངས་སུ་ཤེས་ན་ཆོས་ཐམས་ཅད་ཡོངས་སུ་ཤེས་པར་འགྱུར་ རོ། །ཞེས་གསུངས་སོ། །གཞན་ཡང༌། འཇིག་རྟེན་སེམས་ཀྱིས་ཁྲིད་པ་སྟེ།། སེམས་ཀྱིས་སེམས་ནི་མི་མཐོང་ངོ༌།། དགེ་འམ་ཡང་ན་མི་དགེ་བའི།། ལས་ནི་སེམས་ཀྱིས་གསོག་པར་བྱེད།། 129 ཤེས་བཞིན་སྲུང་བ། སེམས་ནི་མགལ་མེ་བཞིན་དུ་འཁོར།། སེམས་ནི་རླབས་དང་འདྲ་བར་གཡོ།། སེམས་ནི་ནགས་ཀྱི་མེ་བཞིན་སྲེག། སེམས་ནི་ཆུ་ཆེན་བཞིན་དུ་བསྐྱོད།། ཅེས་གསུངས་ཏེ། དེ་ལྟར་ཉེ་བར་བརྟགས་པས་སེམས་ལ་དྲན་པ་ཉེ་བར་བཞག་ནས་གནས་ ཏེ་སེམས་ཀྱི་དབང་དུ་མི་འགྲོའོ། །འོན་ཀྱང་དེ་ཡི་དབང་དུ་སེམས་ཉིད་འགྲོ་བར་འགྱུར་ཏེ། དེའི་དབང་དུ་སེམས་གྱུར་པ་ན་ཆོས་ཐམས་ཅད་དབང་དུ་གྱུར་པ་ཡིན་ནོ། །ཞེས་སོ།། གཉིས་པ་གནོད་པ་ཐམས་ཅད་སྡིག་སེམས་ཀྱི་འཁྲུལ་སྣང་དུ་བསྟན་པ་ནི། སེམས་ཅན་དམྱལ་བའི་མཚོན་ཆ་རྣམས།། སུ་ཞིག་གིས་ནི་ཆེད་དུ་བྱས།། ལྕགས་སྲེག་ས་གཞི་སུ་ཡིས་བྱས།། མེ་སོགས་དེ་དག་གང་ལས་བྱུང༌།། ༧ དེ་འདྲ་དེ་དག་ཐམས་ཅད་ཀྱང༌།། སྡིག་སེམས་བྱུང་བར་ཐུབ་པས་གསུངས།། ཞེས་གསུངས་ཏེ། སྡིག་སེམས་ཡིན་པར་ཐུབ་པས་གསུངས། །ཞེས་པ་ནི། དྲན་ཉེ་ལས། 130 ཤེས་བཞིན་སྲུང་བ། སེམས་ནི་དགྲ་དང་དགྲ་ཆེན་ཏེ།། སེམས་ལས་གཞན་པའི་དགྲ་མེད་དེ།། གཙུབ་ཤིང་རང་གིས་རང་སྲེག་ལྟར།། སེམས་ནི་རང་གི་སེམས་ཀྱིས་སྲེག། ཅེས་དང༌། འག ྲོ་བ་རྣམ་འབྱེད་ཀྱི་མདོ་ལས། ལྕགས་ཀྱིི་ས་གཞི་འབར་ཞིང་ཚ།། འབར་བའི་མེ་ལྕེས་ཀུན་ནས་ཁྱབ།། ལྕགས་ཀྱི་སོག་ལེ་རྣོན་པོ་ཡིས།། ལུས་གཅིག་ཆ་ཤས་བརྒྱར་གཤེག་པ།། ལུས་ངག་ཡིད་ཀྱི་སྡིག་པ་ཅན།། རྣམས་ཀྱི་སེམས་ལས་བྱུང་བ་ཡིན།། ཞེས་དང༌། རྡོ་རྗེ་སྙིང་པོའི་མདོར། འཇམ་དཔལ། སེམས་ཅན་དམྱལ་བ་པ་རྣམས་ནི་ཡོད་པ་མ་ 131 ཤེས་བཞིན་སྲུང་བ། ཡིན་པ་ལ་བྱིས་པ་སོ་སོའི་སྐྱེ་བོ་རྣམས་ཀྱི་ཕྱིན་ཅི་ལོག་གིས་བསྒྲུབས་ཏེ། རང་རང་གི་རྣམ་ པར་རྟོག་པ་ལས་བྱུང་བའོ། །ཞེས་དང༌། ས་བཅུ་པའི་མདོར། ཀྱེ་རྒྱལ་བའི་སྲས་དག་ཁམས་ གསུམ་པོ་འདི་དག་ནི་སེམས་ཙམ་མོ། །ཞེས་སོ།། ལྕགས་བསྲེགས་ས་གཞི་སུ་ཡིས་བྱས། །ཞེས་སོགས་ནི་རིགས་པས་ཀྱང་སྒྲུབ་བཞེད་ པ་སྟེ། སྡིག་སེམས་ཀྱི་འཁྲུལ་སྣང་མ་གཏོགས་རང་བཞིན་གྱིས་དེ་ལྟ་བུ་ཞིག་ཡོད་ན་གོང་ དུ་མནར་མེད་ཀྱི་མེ་ལ་རི་རབ་ཀྱང་བྱ་སྒྲོ་བསྲེགས་པའི་ཚོད་ལས་མི་འབྱུང་བར་བསྟན་པ་ལྟར་ས་ ཆེན་པོ་འདི་སྐད་ཅིག་གིས་ཀྱང་ཅིས་མི་སྲེག ཡང་དེ་དང་ཉེ་བ་ཉིད་དུ་གྲང་བའི་དམྱལ་བའི་ཁྱག་རོམ་ གྱི་གཞི་ཇི་ལྟར་གནས། མེ་ནི་བུད་ཤིང་ལ་བལྟོས་ན་དེའི་བུད་ཤིང་གང་ཞིག་ཅེས་རྣམ་པར་དཔྱད་ པའོ། །དེས་ན་ཕྱི་རོལ་པ་རྣམས་ཚངས་པའི་ལུང་གིས་གྲུབ་པར་སྨྲ་བ་ལྟ་བུ་མ་ཡིན་ཏེ། འདི་ ནི་སོ་སོ་ཡང་དག་པའི་རིག་ངོར་ཡང་སྡིག་སེམས་ཀྱི་སྣང་བ་མེད་བཞིན་དུ་སྣང་བ་ཁོ་ན་ལས་ གཞན་ཅི་ཡང་མ་ཡིན་ནོ།། གསུམ་པ་དོན་བསྡུས་པ་ནི། དེ་ལྟར་འཇིག་རྟེན་གསུམ་པོ་ན།། སེམས་ལས་འཇིགས་པ་གཞན་འགའ་མེད།། ༨ ཞེས་སོ།། 132 ཤེས་བཞིན་སྲུང་བ། གཉིས་པ་ཡོན་ཏན་ཐམས་ཅད་སེམས་ཡིན་པར་བསྟན་པ་ལ་དྲུག སྦྱིན་པ། ཚུལ་ ཁྲིམས། བཟོད་པ། བརྩོན་འགྲུས། བསམ་གཏན། ཤེས་རབ་རྣམས་སེམས་ཡིན་པར་བསྟན་ པའོ། །དང་པོ་སྦྱིན་པ་སེམས་ལས་གཞན་མ་ཡིན་པ་ནི། གལ་ཏེ་འགྲོ་བ་དབུལ་བོར་བས།། སྦྱིན་པའི་ཕ་རོལ་ཕྱིན་ཡིན་ན།། ད་དུང་འག ྲོ་བཀྲེན་ཡོད་ན་སྔོན།། སྐྱོབ་པ་ཇི་ལྟར་ཕ་རོལ་ཕྱིན།། ༩ ཅེས་གསུངས་ཏེ། འགྲོ་བ་ཐམས་ཅད་དབུལ་བ་དང་བྲལ་བར་བྱས་པ་སྦྱིན་པའི་ཕར་ཕྱིན་ རྫོགས་པའི་ཚད་དུ་ཁ་ཅིག་གིས་སྨྲས་སོ།། འོ་ན་སྔོན་བྱོན་གྱི་སངས་རྒྱས་ཐམས་ཅད་ཀྱིས་སྦྱིན་པའི་ཕར་ཕྱིན་མ་རྫོགས་པར་ཐལ་ཏེ། ད་དུང་འག་བ་དབུལ་པོ་སྣང་བའི་ཕྱིར། ཞེས་བཀག་ནས་འོ་ན་ཅི་ཞེ་ན། ྲོ བདོག་པ་ཐམས་ཅད་འབྲས་བཅས་ཏེ།། སྐྱེ་བོ་ཀུན་ལ་གཏོང་སེམས་ཀྱིས།། སྦྱིན་པའི་ཕ་རོལ་ཕྱིན་གསུངས་ཏེ།། དེ་ལྟས་དེ་ནི་སེམས་ཉིད་དོ།། ༡༠ 133 ཤེས་བཞིན་སྲུང་བ། ཞེས་གསུངས་ཏེ། སེར་སྣ་དང་བྲལ་བས་བདོག་པ་ཐམས་ཅད་ཆགས་མེད་དུ་ཐམས་ཅད་ལ་ ཐམས་ཅད་དུ་གཏོང་བའི་བློ་ནི་སྦྱིན་པའི་ཕར་ཕྱིན་གྱི་མིང་དུ་འཇོག་སྟེ། དཀོན་མཆོག་སྤྲིན་ ལས། སྦྱིན་པའི་ཕ་རོལ་ཏུ་ཕྱིན་པ་གང་ཞེ་ན། བདོག་པ་ཐམས་ཅད་འབྲས་བུ་དང་བཅས་ཏེ་ གཞན་ལ་བཏང་བར་སེམས་པའོ། །ཞེས་དང༌། ཡེ་ཤེས་རྨད་དུ་བྱུང་བའི་མདོ་ལས། གཏོང་ བའི་སེམས་ཀུན་ཏུ་བསྟེན་པ་དང༌། གོམས་པར་བྱེད་པ་དང༌། ལན་མང་དུ་བྱེད་ན་སྦྱིན་པ་ ཡོངས་སུ་རྫོགས་པར་འགྱུར་རོ། །ཞེས་སོ།། གཉིས་པ་ཚུལ་ཁྲིམས་སེམས་ཡིན་པ་ནི། ཉ་ལ་སོགས་པ་གང་ཞིག་ཏུ།། དེ་དག་གསོད་མི་འགྱུར་བར་བསྐྲད།། སྤོང་བའི་སེམས་ནི་ཐོབ་པ་ལས།། ཚུལ་ཁྲིམས་ཕ་རོལ་ཕྱིན་པར་བཤད།། ༡༡ ཅེས་གསུངས་ཏེ། གཞན་གནོད་གཞི་བཅས་མི་བྱའོ་སྙམ་པའི་སྤོང་སེམས་ལ་ཚུལ་ཁྲིམས་སུ་ བཤད་དེ། ཚུལ་ཕྱིན་གང་ཞེ་ན། གཞན་ལ་འཚེ་བ་སྤོང་བའི་སེམས་པའོ། །ཞེས་དང༌། སྔ་མ་ ལྟར་སྤོང་བའི་སེམས་ཀུན་ཏུ་བསྟེན་པ་དང་གོམས་པ། ཞེས་སོགས་སོ། །དེས་ན་ཕ་རོལ་ལ་ ཕན་པར་གྱུར་ཀྱང་རུང་མ་གྱུར་ཡང་རུང་རང་ཉིད་ཀྱིས་ཕན་པར་བསམས་པའི་ཆ་ནས་དགེ་བར་ འཇོག་པ་སྟེ། དཔེར་ན་ཉ་གསོད་ས་ནས་ཕྱུང་སྟེ། ཆུ་བོ་གཞན་དུ་བཞག་པ་ཙམ་ལ་སྲོག་ཐར་ 134 ཤེས་བཞིན་སྲུང་བ། བར་བྱས་པའི་དགེ་བར་འཇོག་མོད་ཀྱང༌། དེ་སླར་མི་གསོད་པར་ནི་མ་ངེས་ཏེ་དུད་འགྲོ ་རྣམས་ ནི་དགྲ་བོ་ཁོ་ནའི་ཁྲོད་ན་རྟག་པར་གནས་པ་དང༌། ཆུ་ནང་ན་གནས་པའི་ཕྱིར་དང༌། ཆུ་སྲིན་ དང༌། སྲམ་དང༌། ཉ་ལ་སོགས་པ་ཡང་གཅིག་གི་དགྲ་གཅིག་ཡིན་པས་སོ། །ཉན་ཐོས་ཀྱི་སྡོམ་ པ་ལའང་སྲོག་གཅོད་སྤོང་བ་ལྟ་བུ་ཡུལ་སེམས་ཅན་ཐམས་ཅད་ལས་འཐོབ་པར་འཆད་ལ། འདི་ཡང་བདག་གིས་སུ་ཡང་བསད་པར་མི་བྱའོ་སྙམ་པའི་བློར་ཟད་དེ། ལྷ་རྣམས་དང༌། ཁམས་ གོང་གི་འགྲོ་བ་དང༌། སྤྱོད་ཡུལ་མི་མཚུངས་པའི་འགྲོ་བ་རྣམས་གསོད་པ་ལྟ་ཞོག་བདག་གིས་ བལྟར་ཡང་མེད་མོད་ཀྱང༌། དེ་དག་ཡང་བསད་པར་མི་བྱའོ་སྙམ་པའི་བློ་དགོས་པའི་ཕྱིར་རོ།། གལ་ཏེ་ཚུལ་ཁྲིམས་སེམས་མ་ཡིན་ཏེ། སྡོམ་སྡོམ་མིན་བར་མ་ནི་བེམ་པོའི་དབྱེ་བར་ བཤད་པའི་ཕྱིར་རོ་སྙམ་ན། དེ་ནི་ཐེག་དམན་གྱི་གཞུང་ལས་ཡིན་གྱི་ཐེག་ཆེན་གྱི་ཚུལ་འདིར་ དེ་དག་ལྟ་ཞོག་ཆོས་ཐམས་ཅད་ཀྱང་སེམས་ལས་དོན་གཞན་མ་ཡིན་པ་ཁོ་ནའོ།། གསུམ་པ་བཟོད་པ་སེམས་ཡིན་པ་ལ་གསུམ། རང་རྒྱུད་ཀྱི་ཁྲོ་བ་འཇོམས་པ། དཔེ་ བསྟན་པ། དགྲ་ཐམས་ཅད་ཐུལ་བར་འགྱུར་བའི་དོན་དང་སྦྱར་ནས་བསྟན་པའོ། །དང་པོ་ནི། སེམས་ཅན་མི་སྲུན་ནམ་མཁའ་བཞིན།། དེ་དག་གཞོམ་གྱིས་ག་ལ་ལང༌།། ཁྲོ་བའི་སེམས་འདི་གཅིག་བཅོམ་ན།། དགྲ་དེ་ཐམས་ཅད་ཆོམས་དང་འདྲ།། ༡༢ 135 ཤེས་བཞིན་སྲུང་བ། ཞེས་གསུངས་ཏེ། དེ་ཡང་གཞན་རྒྱུད་ཀྱི་ཁྲོ་བ་ཞི་བ་བཟོད་པའི་ཕར་ཕྱིན་ནོ་ཞེ་ན། འོ་ན་སྔོན་ གྱི་སངས་རྒྱས་རྣམས་བཟོད་པའི་ཕར་ཕྱིན་མ་བརྙེས་པར་འགྱུར་ཏེ། སེམས་ཅན་མི་སྲུན་པ་ ད་དུང་རབ་ཏུ་མང་བའི་ཕྱིར། དེས་ན་རང་རྒྱུད་ཀྱི་ཁྲོ་བ་ཆོམས་པ་བཟོད་ཕྱིན་ཡིན་ཏེ། བཟོད་ ཕྱིན་གང་ཞེ་ན། སེམས་ཀུན་ནས་མནར་སེམས་པ་དང་བྲལ་བའོ། །ཞེས་སོ།། གཉིས་པ་དཔེ་ནི། ས་སྟེང་འདི་དག་ཀོས་གཡོག་ཏུ།། དེ་སྙེད་ཀོ་བས་ག་ལ་ལང༌།། ལྷམ་ཐིལ་ཙམ་གྱི་ཀོ་བས་ནི།། ས་སྟེང་ཐམས་ཅད་གཡོགས་དང་འདྲ།། ༡༣ ཞེས་གསུངས་ཏེ། དཔེར་ན་ཚེར་མ་ལས་སྐྱོབ་པའི་ཕྱིར། ས་སྟེང་ཀོ་བས་གཡོགས་ཀྱིས་མི་ ལང་མོད་ཀྱང༌། ལྷམ་ཐིལ་གྱི་ཀོ་བས་ཚེར་མ་དེ་ཐམས་ཅད་ལས་སྐྱོབ་ནུས་པས་ས་སྟེང་ཀོ་ བས་གཡོགས་པ་དང་འདྲ་བའི་དོན་གྲུབ་པའི་ཕྱིར། གསུམ་པ་དགྲ་ཐམས་ཅད་ཐུལ་བར་འགྱུར་བའི་དོན་དང་སྦྱར་ནས་བསྟན་པ་ནི། དེ་བཞིན་ཕྱི་རོལ་དངོས་པོ་ཡང༌།། བདག་གིས་ཕྱིར་ཟློག་མི་ལང་གིས།། 136 ཤེས་བཞིན་སྲུང་བ། བདག་གི་སེམས་འདི་ཕྱིར་ཟློག་བྱའི།། གཞན་རྣམས་བཟློག་གོ་ཅི་ཞིག་དགོས།། ༡༤ ཞེས་གསུངས་ཏེ། དེ་བཞིན་དུ་གཞན་རྒྱུད་ཀྱི་ཁྲོ་བ་མཐའ་དག་བདག་གིས་ལྡོག་མི་ནུས་ཀྱི་ དེའི་ཚེ་རང་རྒྱུད་ཀྱི་ཁྲོ་བ་ཁོ་ན་ཟློག་པར་བྱ་ལ། རང་རྒྱུད་ཀྱི་ཁྲོ་བ་ཞི་ན་གཞན་ཟློག་པར་བྱ་ བ་མེད་དོ།། མདོར་ན་བྱང་ཆུབ་སེམས་དཔའ་ལ་ལུས་དང་ལོངས་སྤྱོད་ལ་བསྣུན་པ་དང་ཕྲོགས་པ་ལ་ སོགས་པ་བྱས་ཀྱང༌། དེ་ནི་བྱང་ཆུབ་སེམས་དཔའ་ལ་གནོད་པ་མ་ཡིན་ཏེ། ཆོས་ཐམས་ཅད་ རྟེན་ཅིང་འབྲེལ་འབྱུང་གི་གཞན་གྱིར་ཤེས་པས་གང་ཡང་བདག་གི་བར་མ་མཐོང་བའི་ཕྱིར་ དང༌། ལུས་ལོངས་སྤྱོད་ནི་སེམས་ཅན་ཐམས་ཅད་ལ་བྱིན་ཟིན་པས་ཁོ་རང་དབང་བའི་རྫས་ལ་ ཁོ་རང་བསྣུན་འཕྲོག་བྱེད་པ་ལྟར་མཐོང་བའི་ཕྱིར་དང༌། ཕན་གནོད་ནི་བྱིས་པ་རྣམས་བྱེ་མའི་ ཁང་བུ་ལ་ཞེན་པས་དིབ་ན་ངུ་བ་ལྟར་མཐོང་བས་ཆོས་ཐམས་ཅད་ནི་བཞད་གད་ཀྱི་གནས་ཙམ་ དུ་ཤེས་པའི་ཕྱིར་དང༌། བདག་གིས་ཆེད་དུ་སྦྱིན་པར་བྱ་བ་ཡིན་ན་ཁོ་རང་གིས་བླངས་པ་ནི་ ཤིན་ཏུ་ལེགས་པའི་ཕྱིར་དང༌། བཟོད་པའི་དགེ་བའི་བཤེས་གཉེན་དུ་ཤེས་པའི་ཕྱིར་དང༌། ལུས་ ལོངས་སྤྱོད་སོག་མའི་ཕུང་པོ་ལྟ་བུ་ལས་བཟོད་པའི་ཕ་རོལ་ཏུ་ཕྱིན་པ་ཡིད་བཞིན་གྱི་ནོར་བུ་ལྟ་ བུ་འགྲུབ་པས་ཕན་པའི་རབ་ཏུ་མཐོང་བའི་ཕྱིར་དང༌། བཟོད་པ་སྒོམས་ཤིག་ཅེས་སྟོན་པ་ཙམ་ ལས་བཟོད་པ་ལ་དངོས་སུ་སྦྱོར་བ་འདི་ལྟ་བུ་བླ་མས་ཀྱང་མི་ནུས་པའི་ཕྱིར་རོ།། 137 ཤེས་བཞིན་སྲུང་བ། དེས་ན་བྱང་ཆུབ་སེམས་དཔའ་ལ་གནོད་པ་ནི་ཁྲོ་བ་དང་འཁྲུག་པ་ཉིད་ཡིན་ལ། དེ་ནི་ བདག་རྒྱུད་ལས་སྐྱེ་བ་ཡིན་གྱི་གཞན་ལས་མི་འབྱུང་བས་རྐྱེན་ཅིས་ཀྱང་བདག་རྒྱུད་ལ་ཁྲོ་ འཁྲུག་གི་སྐབས་མི་འབྱེད་པ་སྟེ། བདག་རྒྱུད་ལས་སྐྱེས་པའི་ཁྲོ་འཁྲུག་སོགས་ལ་གནོད་པར་ འཇོག་གི་ཕྱི་རོལ་གྱི་གང་ཟག་དང་རྐྱེན་གཞན་ལ་ནི་གནོད་པ་ཞེས་མི་བྱའོ།། བཞི་པ་བརྩོན་འགྲུས་སེམས་ཡིན་པ་ནི། སེམས་གསལ་གཅིག་སྐྱེད་འབྲས་བུ་གང༌།། ཚངས་ལ་སོགས་པ་ཡིན་པ་ལྟར།། ལུས་ངག་བཅས་པའི་འབྲས་བུ་ཡང༌།། སྤྱོད་པ་ཞན་པས་དེ་ལྟ་མིན།། ༡༥ ཞེས་གསུངས་ཏེ། མྱང་འདས་ཀྱི་མདོར། མ་སྨད་གཉིས་ཆུས་ཁྱེར་བ་ན་གཅིག་ལ་གཅིག་ བྱམས་པ་དང་ལྡན་པས་དེ་མ་ཤི་ན་རུང་སྟེ་སྙམ་པའི་ངང་དུ་ཚེའི་དུས་བྱས་པས་གཉིས་ཀ་ ཚངས་པར་སྐྱེས་པ་ལྟ་བུ་སྟེ། སེམས་གསལ་བ་སྐད་ཅིག་མ་གཅིག་གི་འབྲས་བུ་ཡང་དེ་ ལྟ་བུ་ཡིན་ལ། སེམས་ཀྱིས་ལེགས་པར་མ་ཟིན་པའི་སྤྱོད་པས་ནི་འབྲས་བུ་འབྱིན་དཀའ་ བའོ། །དེས་ན་དགེ་བ་ལ་སྤྲོ་ཞིང་བརྩོན་པའི་བློ་ལ་བརྩོན་འགྲུས་སུ་བྱས་པ་སྟེ། བརྩོན་གང་ དགེ་ལ་སྤྲོ་བའོ། །ཞེས་འཆད་པར་འགྱུར་རོ།། 138 ཤེས་བཞིན་སྲུང་བ། ལྔ་པ་བསམ་གཏན་སེམས་ཡིན་པ་ནི། བཟླས་བརྗོད་དང་ནི་དཀའ་ཐུབ་ཀུན།། ཡུན་རིང་དུས་སུ་སྤྱད་བྱས་ཀྱང༌།། སེམས་གཞན་གཡེངས་པས་བྱས་པ་ནི།། དེ་ཉིད་རིག་པས་དོན་མེད་གསུངས།། ༡༦ ཞེས་གསུངས་ཏེ། དགེ་བ་ལ་སེམས་རྩེ་གཅིག་པ་ལ་བསམ་གཏན་དུ་གསུངས་ཀྱི་སེམས་ ཡན་པར་བཏང་བའི་ལུས་ངག་གི་སྤྱོད་པ་ནི་དོན་མེད་པ་སྟེ། ཡུམ་ལས། སེམས་གཡེངས་ པས་ནི་བདག་གི་དོན་ཡང་འགྲུབ་པར་མི་འགྱུར་ན་གཞན་གྱི་དོན་ལྟ་ཅི་སྨོས། དེའི་ཕྱིར་ སེམས་གཡེང་བའི་གོ་སྐབས་ནི་འགའ་ཙམ་ཡང་དབྱེ་བར་མི་བྱའོ། །ཞེས་སོ།། དྲུག་པ་ཤེས་རབ་སེམས་ཡིན་པ་ནི། གང་གིས་ཆོས་ཀྱི་དོན་པོ་མཆོག། སེམས་ཀྱི་གསང་འདི་མ་ཤེས་ན།། བདེ་འཐོབ་སྡུག་བསྔལ་གཞོམ་འདོད་ཀྱང༌།། དེ་དག་དོན་མེད་གྱི་ནར་འཁྱམས།། ༡༧ ཞེས་གསུངས་ཏེ། ཆོས་ཐམས་ཅད་སེམས་ཀྱི་རྗེས་སུ་འབྲང་བའི་ཕྱིར་ཆོས་ཀྱི་གཙོ་ 139 ཤེས་བཞིན་སྲུང་བ། བོའོ། །རྟག་ཏུ་འགྲོགས་ཀྱང་རྟོགས་པར་དཀའ་ཞིང་ཐོས་བསམ་སྒོམ་པའི་ཤེས་པས་མི་ ཕིགས་ལ་རང་གིས་རང་རྟོགས་པ་ན་འདི་ཙམ་དུ་ཟད་ན། ཅིའི་ཕྱིར་སྔོན་ནས་མི་རྟོགས་སྙམ་ པའི་བློ་སྐྱེ་བར་འགྱུར་བས་ན་སེམས་ཀྱི་གསང་ཞེས་བྱའོ། །འདི་ཞེས་བྱ་བ་ནི། སྐབས་དེར་ སློབ་དཔོན་ཉིད་ཀྱིས་ཇི་ལྟར་གཟིགས་པའི་དོན་འདི་ལྟ་བུ་ཞེས་པ་སྟེ་འདི་ཚིག་ད་ལྟ་བ་ལ་ འཇུག་པས་སོ། །འདི་མ་ཤེས་པའི་ལམ་ཐམས་ཅད་ནི་ཀུན་རྫོབ་ཁོ་ནར་ཟད་པས་འཇིག་ རྟེན་ལས་འདའ་མི་ནུས་པའི་དོན་ཏོ། །འདི་མ་ཤེས་ན་དོན་མེད་དུ་གྱི་ནར་ཇི་ལྟར་འཁྱམ་ཞེ་ ན། ཕྱི་རོལ་པ་རྣམས་ཀྱིས་མེ་ལྔ་བསྟེན་པ་སོགས་དཀའ་སྤྱད་བརྒྱ་ཕྲག་མང་པོ་བྱེད་མོད་དེ། ངལ་བ་འབྲས་བུར་ཟད་པའི་ཕྱིར་རོ།། གསུམ་པ་དེས་ན་སེམས་སྲུང་བ་ལ་འབད་པར་སྟོན་པ་ལ་ལྔ། སེམས་སྲུང་བ་མ་ གཏོགས་བྱ་བ་གཞན་མེད་པར་བསྟན་པ། སྲུང་བའི་ཚུལ། དེའི་འཐད་པ་བསྟན་པ། དེ་ལྟར་ སྤྱོད་པ་ལ་ཉེས་པས་གླགས་མི་རྙེད་པ། ལུས་སྲོག་དང་དགེ་བ་གཞན་བློས་བཏང་ནས་ སེམས་སྲུང་དགོས་པར་བསྟན་པའོ། །དང་པོ་ནི། དེ་ལྟས་བདག་གི་སེམས་འདི་ནི།། ལེགས་བཟུང་ལེགས་པར་སྲུང་བར་བྱ།། སེམས་སྲུང་བརྟུལ་ཞུགས་མ་གཏོགས་པ།། བརྟུལ་ཞུགས་མང་པོས་ཅི་ཞིག་བྱ།། ༡༨ 140 ཤེས་བཞིན་སྲུང་བ། ཞེས་གསུངས་ཏེ། དེས་ན་རང་གི་སེམས་སྲུང་བ་ལས་གཞན་པའི་བརྟུལ་ཞུགས་ཅི་ཡང་ བརྩམ་པར་མི་བྱ་སྟེ། སྡོང་རྒྱན་ལས། བྱང་ཆུབ་སེམས་དཔའི་སྤྱོད་པ་ཐམས་ཅད་ནི་རང་གི་ སེམས་ལ་བསྟེན་ཏོ། །ཞེས་དང༌། འགྲེལ་ཆེན་དུ། ཆོས་ཡང་དག་པར་སྡུད་པའི་མདོ་དྲངས་ པ། བྱང་ཆུབ་སེམས་དཔའ་རྣམ་པར་གནོན་པའི་བློ་གྲོས་ཀྱིས་གསོལ་པ། ཆོས་ཆོས་ཞེས་ བགྱི་བའི་ཆོས་གང་ལགས་པ་དེ་ནི་ཡུལ་ན་མི་གནས་ཕྱོགས་ན་མི་གནས་ཏེ་གཞན་དུ་ན་ ཆོས་རང་གི་སེམས་ལ་རག་ལས་པ་ནི་མ་གཏོགས་སོ། །དེ་ལྟ་བས་ན་བདག་གིས་རང་གི་ སེམས་ཤིན་ཏུ་བཟུང་བ་དང༌། ཤིན་ཏུ་སྦྱངས་ཏེ་མཐར་ཐུག་སེམས་ཐུལ་བ་དང༌། མཉམ་ པར་བརྩམས་པ་དང༌། ཚར་བཅད་པར་བྱའོ། །དེ་ཅིའི་ཕྱིར་ཞེ་ན། སེམས་གང་ན་མཆིས་པ་དེ་ ན་ཡོན་ཏན་དང་ཉེས་པ་རྣམས་མཆིས་ཀྱི། སེམས་མ་མཆིས་པ་ལ་ནི་ཡོན་ཏན་དང་ཉེས་པ་ རྣམས་མ་མཆིས་ཏེ། དེ་ལྟ་བས་ན་བྱང་ཆུབ་སེམས་དཔས་ཉེས་པ་རྣམས་ལས་སེམས་ཟློག་ ནས་ཡོན་ཏན་རྣམས་ལ་འཇུག་སྟེ། དེ་ལྟ་བས་ན་ཆོས་ནི་སེམས་ལ་རག་ལས་བྱང་ཆུབ་ནི་ ཆོས་ལ་རག་ལས་ཞེས་བགྱིའོ། །ཞེས་སོ།། གཉིས་པ་སྲུང་ཚུལ་ནི། མ་གྲངས་ག ྲོལ་བའི་ཁྲོད་གནས་པས།། བསྒྲིམས་ཏེ་རྨ་ཡི་བག་བྱེད་བཞིན།། སྐྱེ་བོ་ངན་ཁྲོད་གནས་པས་ཀྱང༌།། སེམས་ཀྱི་རྨ་ནི་རྟག་ཏུ་སྲུང༌།། ༡༩ 141 ཤེས་བཞིན་སྲུང་བ། ཞེས་གསུངས་ཏེ། མ་གྲངས་པ་ནི་རླངས་པ་མ་ཡོལ་བ་ལྟ་བུ་སྟེ། ཤེད་མ་བྱེ་བའི་དོན་གྱི་ བརྡ་རྙིང་ཡིན་ལ། གྲོལ་བ་ནི་བྱུང་རྒྱལ་དུ་བག་མེད་པར་སྤྱོད་པས་མི་སྲུན་པའི་དོན་ཏེ། སྐྱེས་ བུ་རྨ་ཅན་ཞིག་བྱིས་པ་རྩེ་བའི་ཁྲོད་ན་གནས་ན་དེ་དག་གིས་ནི་འདིའི་རྨ་ལ་གནོད་ན་མི་རུང་ ངོ་ཞེས་མི་བསམ་པར་བྱུང་རྒྱལ་དུ་རྩེ་བས་ན་བདག་ཉིད་རང་གིས་རྨའི་ཟོན་གྱི་བག་བྱེད་ དགོས་པ་ལྟར། རང་བཞིན་གྱིས་ཐོག་མེད་ནས་མ་གྲངས་ཤིང་གྲོལ་བའི་སེམས་ཅན་ཁྱད་ པར་སྙིགས་མ་ལས་ཆེས་སྙིགས་པ་འདི་ལྟ་བུའི་དུས་ཀྱི་སེམས་ཅན་གྱི་ནང་ན་གནས་པས་ སེམས་ཀྱི་རྨ་སྲུང་བའི་བརྩོན་པ་དཔེ་བས་ཀྱང་བརྒྱ་འགྱུར་གྱིས་ལྷག་པ་བྱེད་དགོས་སོ།། གསུམ་པ་དེའི་འཐད་པ་བསྟན་པ་ནི། རྨ་ཡི་སྡུག་བསྔལ་ཆུང་ངུ་ཡིས།། སྐྲག་པའང་རྨ་ཡི་བག་བྱེད་ན།། བསྡུས་འཇོམས་རིས་འཇོམས་སྐྲག་པ་ཡིས།། སེམས་ཀྱི་རྨ་ལྟ་ཅིས་མི་སྲུང༌།། ༢༠ ཞེས་གསུངས་ཏེ། ལུས་ཀྱི་རྨ་ནི་རང་བཞིན་གྱིས་ཀྱང་འཚོ་བ་དང་ཤིན་ཏུ་འཇིགས་པ་ཆེ་ཡང་ ཤི་ནས་མི་གནོད་ལ། སེམས་ཀྱི་རྨ་ནི་འཚོ་བར་དཀའ་ཞིང་སྐྱེ་བ་ཐམས་ཅད་དུ་རྗེས་སུ་འབྲང་ བས་དམྱལ་བ་ལ་སོགས་པར་འཕེན་པའི་ཕྱིར་རོ།། 142 ཤེས་བཞིན་སྲུང་བ། བཞི་པ་དེ་ལྟར་སྤྱོད་པ་ལ་ཉེས་པས་གླགས་མི་རྙེད་པ་ནི། སྤྱོད་པ་འདི་འདྲས་གནས་བྱེད་ན།། སྐྱེ་བོ་ངན་པའི་ཁྲོད་གནས་སམ།། བུད་མེད་ཁྲོད་ན་གནས་ཀྱང་རུང༌།། སྡོམ་བརྩོན་བརྟན་པ་ཉམས་མི་འགྱུར།། ༢༡ ཞེས་གསུངས་ཏེ། སྤྱོད་པ་འདིས་ནི་ཞེ་སྡང་གི་ཡུལ་དགྲ་དང་ཆགས་ཡུལ་བུད་མེད་ཀྱི་ནང་ སོགས་གང་ན་གནས་ཀྱང་ཆགས་སྡང་གི་ཉེས་པས་མི་གོས་པ་པདྨ་འདམ་ན་གནས་པ་ལྟ་ བུར་འགྱུར་རོ།། ལྔ་པ་ལུས་སྲོག་དང་དགེ་བ་གཞན་བློས་བཏང་ནས་སེམས་སྲུང་དགོས་པར་བསྟན་པ་ནི། བདག་གི་རྙེད་དང་བཀུར་སྟི་དང༌།། ལུས་དང་འཚོ་བ་མེད་སླ་ཞིང༌།། དགེ་བ་གཞན་ཡང་ཉམས་སླ་ཡི།། སེམས་ནི་ནམ་ཡང་ཉམས་མི་བྱ།། ༢༢ ཞེས་གསུངས་ཏེ། དེས་ན་སེམས་ལ་མི་ཕན་པའི་དགེ་བར་སྣང་བའང་དོར་ཏེ་སེམས་སྲུང་ ན་ལུས་སྲོག་དང་རྙེད་བཀུར་ལྟ་ཅི་སྨོས་ཏེ། ཐམས་ཅད་དོར་ནས་སེམས་སྲུང་བ་ཁོ་ན་ལ་ འདེམས་ཤིག་པའོ།། 143 ཤེས་བཞིན་སྲུང་བ། གཉིས་པ་དེའི་ཐབས་དྲན་པ་དང་ཤེས་བཞིན་ལ་གསུམ། མདོར་བསྟན། དྲན་ཤེས་མེད་ པའི་སྐྱོན་ལྔ་བཤད། དྲན་པ་སྲུང་ཚུལ་ལོ། །དང་པོ་ནི། སེམས་སྲུང་འདོད་པ་རྣམས་ལ་ནི།། དྲན་པ་དང་ནི་ཤེས་བཞིན་དག། སྲོག་ལ་བབ་ཀྱང་སྲུངས་ཤིག་ཅེས།། བདག་ནི་དེ་སྐད་འདོམས་པར་བྱེད།། ༢༣ ཅེས་གསུངས་ཏེ། སེམས་སྲུང་བའི་ཐབས་ཅི་ཞེ་ན། བྱང་ཆུབ་ཀྱི་སེམས་མི་བརྗེད་པའི་དྲན་ པ་དང༌། གནང་བཀག་ལས་སྤྱོད་ལམ་ཐམས་ཅད་དུ་མི་འདའ་བའི་ཤེས་བཞིན་འདི་གཉིས་ ནི་སྲོག་ལ་བབ་ཀྱང་མ་ཉམས་པར་སྲུངས་ཤིག་ཅེས་ཞི་བའི་ལྷ་བདག་ནི་དེ་སྐད་འདོམས་ པར་བྱེད་ཀྱི་འདི་ལས་གདམས་ངག་གཞན་གཉིས་པ་མེད་དོ། །ཞེས་པའི་དོན་ཅན་ནོ།། གཉིས་པ་དྲན་ཤེས་མེད་པའི་སྐྱོན་ལྔ་བཤད་པ་ནི། དྲན་ཤེས་མེད་པའི་སྐྱོན་བྱ་བ་ལ་ མཐུ་ཆུང་བ། ཁྱད་པར་ཤེས་བཞིན་མེད་པའི་སྐྱོན་ཤེས་རབ་ཕུན་སུམ་ཚོགས་པར་མི་འགྱུར་ བ། ཚུལ་ཁྲིམས་ཕུན་སུམ་ཚོགས་པར་མི་འགྱུར་བ། བསགས་པའི་དགེ་བ་འཇིག་པ། མ་ བསགས་པའི་དགེ་བ་མི་འགྲུབ་པའོ། །དང་པོ་ནི། ནད་ཀྱིས་དཀྲུགས་པའི་མི་དག་ནི།། ལས་རྣམས་ཀུན་ལ་མཐུ་མེད་པ།། 144 ཤེས་བཞིན་སྲུང་བ། དེ་བཞིན་རྨོངས་པས་སེམས་དཀྲུགས་པ།། ལས་རྣམས་ཀུན་ལ་མཐུ་མེད་དོ།། ༢༤ ཞེས་གསུངས་ཏེ། དྲན་ཤེས་མེད་པའི་རྨོངས་པས་ནི་བྱ་བ་གང་ཡང་མི་འགྲུབ་པའོ།། གཉིས་པ་ཁྱད་པར་ཤེས་བཞིན་མེད་པའི་སྐྱོན་ཤེས་རབ་ཕུན་སུམ་ཚོགས་པར་མི་འགྱུར་བ་ནི། ཤེས་བཞིན་མེད་པའི་སེམས་ལྡན་པའི།། ཐོས་དང་བསམ་དང་སྒོམ་པ་ཡང༌།། གློ་བརྡོལ་བུམ་པའི་ཆུ་བཞིན་དུ།། དྲན་པ་ལ་ནི་དེ་མི་གནས།། ༢༥ ཞེས་གསུངས་ཏེ། བུམ་པ་གློ་བརྡོལ་བར་ཆུ་མི་གནས་པ་ལྟར་ཤེས་བཞིན་མེད་ན་ཐོས་ བསམ་སྒོམ་པ་གང་ཡང་མི་གནས་པའོ།། གསུམ་པ་ཚུལ་ཁྲིམས་ཕུན་སུམ་ཚོགས་པར་མི་འགྱུར་བ་ནི། ཐོས་ལྡན་དད་པ་ཅན་དང་ནི།། བརྩོན་པ་ལྷུར་ལེན་དུ་མ་ཡང༌།། ཤེས་བཞིན་མེད་པའི་སྐྱོན་ཆགས་པས།། ལྟུང་བའི་རྙོག་དང་བཅས་པར་འགྱུར།། ༢༦ 145 ཤེས་བཞིན་སྲུང་བ། ཞེས་གསུངས་ཏེ། ཤེས་བཞིན་མེད་ན་ཐོས་སོགས་ཡོད་ཀྱང་ལྟུང་བ་དང་བཅས་པར་འགྱུར་བའོ།། བཞི་པ་བསགས་པའི་དགེ་བ་འཇིག་པ་ནི། ཤེས་བཞིན་མེད་པའི་ཆོམ་རྐུན་དག། དྲན་པ་ཉམས་པའི་རྗེས་འབྲངས་པས།། བསོད་ནམས་དག་ནི་ཉེར་བསགས་ཀྱང༌།། རྐུན་པོས་ཕྲོགས་བཞིན་ངན་འགྲོ ར་འག ྲོ།། ༢༧ ཞེས་གསུངས་ཏེ། ཤེས་བཞིན་མེད་ན་ཁོང་ཁྲོ་སོགས་སྐྱེ་ལ་དེས་དགེ་བ་འཇོམས་ཏེ། བསྐལ་ པ་སྟོང་དུ་བསགས་པ་ཡི། །ཞེས་འཆད་པར་འགྱུར་བའི་ཕྱིར། ལྔ་པ་མ་བསགས་པའི་དགེ་བ་མི་འགྲུབ་པ་ནི། ཉོན་མོངས་ཆོམ་རྐུན་ཚོགས་འདི་ནི།། གླགས་སྐབས་ཚོལ་བར་བྱེད་པ་སྟེ།། གླགས་རྙེད་གྱུར་ན་དགེ་འཕྲོག་ཅིང༌།། བདེ་འགྲོའི་སྲོག་ཀྱང་འཇོམས་པར་བྱེད།། ༢༨ ཅེས་གསུངས་ཏེ། བདག་རྒྱུད་ལ་གནས་པའི་ཉོན་མོངས་པ་ཆོམ་རྐུན་ལྟ་བུ་སྲུང་བ་ལ་ཤེས་ བཞིན་གྱི་མེལ་ཚེ་ལས་གཞན་མེད་པའི་ཕྱིར་རོ།། 146 ཤེས་བཞིན་སྲུང་བ། གསུམ་པ་དྲན་པ་སྲུང་ཚུལ་ལ་བཞི། དྲན་པ་སྲུང་བ་དངོས་བཤད། དྲན་པ་སྐྱེ་བའི་རྒྱུ་ལྔ་ བཤད། ཁྱད་པར་གུས་པ་དང་འཇིགས་པ་སྐྱེད་ཚུལ་བཤད། དྲན་པ་བསྲུངས་ན་ཤེས་བཞིན་ རང་བཞིན་གྱིས་འོང་བར་བསྟན་པའོ། །དང་པོ་ནི། དེ་བས་དྲན་པ་ཡིད་སྒོ་ནས།། གུད་དུ་ནམ་ཡང་མི་བཏང་ངོ༌།། སོང་ནའང་ངན་སོང་གནོད་པ་དག། དྲན་པར་བྱས་ཏེ་ཉེ་བར་བཞག། ༢༩ ཅེས་གསུངས་ཏེ། དེ་ཡང་དགེ་བའི་དམིགས་པ་གང་ཡིན་པ་ལས་གཞན་དུ་མ་ཡེངས་པར་ བྱས་ལ། ཅུང་ཟད་ཡེངས་ནའང་དེ་མ་ཐག་ཏུ་ཚོར་བས་སླར་རྩེ་གཅིག་ཏུ་བསྡུ་བ་འདི་ནི་དྲན་ པ་སྲུང་བ་དངོས་ཡིན་ནོ།། གཉིས་པ་དྲན་པ་སྐྱེ་བའི་རྒྱུ་ལྔ་བཤད་པ་ནི། བླ་མ་དང་ནི་འགྲོ གས་པ་དང༌།། མཁན་པོས་རྗེས་སུ་བསྟན་པ་དང༌།། འཇིགས་པས་སྐལ་ལྡན་གུས་བྱེད་ལ།། དྲན་པ་བདེ་བླག་སྐྱེ་བར་འགྱུར།། ༣༠ 147 ཤེས་བཞིན་སྲུང་བ། ཅེས་གསུངས་ཏེ། དགེ་བའི་བཤེས་གཉེན་ཚུལ་བཞིན་བསྟེན་པ་དང་། དེས་སེམས་འདུལ་བའི་ གདམས་ངག་གི་གནད་རྗེས་སུ་བསྟན་པ་དང༌། དྲན་པ་ཉམས་པས་འཇིགས་པ་དང༌། རང་ བཞིན་གྱིས་རྒྱུད་བཟང་པོ་གོམས་པ་སྐལ་པ་དང་ལྡན་པ་དང༌། ལམ་ལ་གུས་པས་བརྩོན་པ་ ལྷུར་བྱེད་པ་རྣམས་ལ་ནི་དྲན་པ་བདེ་བླག་ཏུ་སྐྱེ་ཞིང་ཤེས་བཞིན་མི་ཉམས་པའི་རྒྱུའོ།། གསུམ་པ་ཁྱད་པར་གུས་པ་དང་འཇིགས་པ་སྐྱེད་ཚུལ་བཤད་པ་ནི། སངས་རྒྱས་བྱང་ཆུབ་སེམས་དཔའ་དག། ཀུན་ཏུ་ཐོགས་མེད་གཟིགས་པར་ལྡན།། དེ་དག་ཐམས་ཅད་སྤྱན་སྔ་ན།། བདག་ནི་རྟག་པར་གནས་སོ་ཞེས།། ༣༡ དེ་ལྟར་ངོ་ཚ་ཤེས་གུས་དང༌།། འཇིགས་བཅས་དྲན་པ་རྟག་ཏུ་བཞག། དེས་ནི་སངས་རྒྱས་རྗེས་དྲན་པའང༌།། དེ་ལ་ཡང་དང་ཡང་དུ་འབྱུང༌།། ༣༢ ཞེས་གསུངས་ཏེ། དེ་ལས་འཇིགས་པ་དང་གུས་པ་དེ་གང་ཞེ་ན། མིག་ལྡན་གྱི་མདུན་ན་ལོང་ བ་འཁོད་པ་ལྟར་སངས་རྒྱས་དང་བྱང་ཆུབ་སེམས་དཔའ་ཞིང་གངྒཱ་ཀླུང་གི་བྱེ་མ་སྙེད་ཀྱི་ཕ་ 148 ཤེས་བཞིན་སྲུང་བ། རོལ་དང་མདུན་གྱི་གཞི་འདི་ལ་གཟིགས་པ་དང༌། གསན་པ་དང༌། བསམ་པ་མཁྱེན་པ་ལ་ རྒྱང་རིང་ཐུང་མི་མངའ་བ་ཏིང་ངེ་འཛིན་ལས་མ་བཞེངས་པར་ཡང་ཤེས་བྱ་ཐམས་ཅད་ལ་ཡེ་ ཤེས་འཇུག་པ་དེ་ཐམས་ཅད་ཀྱི་སྤྱན་སྔ་ན་བདག་རྟག་པར་གནས་ལ། བདག་གི་བསམ་སྤྱོད་ ཐམས་ཅད་དེ་རྣམས་ཀྱིས་ཇི་ལྟ་བར་གཟིགས་སོ། །ཞེས་འཇིགས་ཤིང་ངོ་ཚ་ཤེས་པ་དང༌། དེ་ རྣམས་དང་བསླབ་པ་ལ་གུས་པའི་དྲན་པ་དྲག་ཏུ་སྐྱེད་པའོ། །དེ་ལྟར་བསྒྲུབས་ན་ནི་སངས་ རྒྱས་ལ་དམིགས་པའི་བློ་དེ་ཉིད་ལ་སངས་རྒྱས་རྗེས་སུ་དྲན་པ་ཞེས་བྱ་བས་དེ་ཉིད་རྟག་པར་ འབྱུང་ཞིང་དྲན་པའི་ས་གཞི་བརྟན་པར་འགྱུར་རོ།། བཞི་པ་དྲན་པ་བསྲུངས་ན་ཤེས་བཞིན་རང་བཞིན་གྱིས་འོང་བར་བསྟན་པ་ནི། གང་ཚེ་དྲན་པ་ཡིད་སྒོ་ནས།། སྲུང་བའི་དོན་དུ་གནས་གྱུར་པ།། དེ་ཚེ་ཤེས་བཞིན་འོང་འགྱུར་ཞིང༌།། སོང་བ་དག་ཀྱང་ཕྱིར་འོང་འགྱུར།། ༣༣ ཞེས་གསུངས་ཏེ། གང་དྲན་པ་མ་ཉམས་པ་དེ་ཉིད་ལ་ཤེས་བཞིན་ཞེས་མིང་དུ་འདོགས་པའི་ ཕྱིར་དེ་ལྟ་བུ་ལ་ནི་ཤེས་བཞིན་དཀའ་བ་མེད་པར་སྐྱེའོ།། གསུམ་པ་སེམས་སྲུང་བའི་སྤྱོད་པ་ལ་བསླབ་པ་ལ་གསུམ། ཉེས་སྤྱོད་སྡོམ་པའི་སྤྱོད་ པ་ལ་བསླབ་པ། དགེ་བ་ཆོས་སྡུད་ཀྱི་སྤྱོད་པ་ལ་བསླབ་པ། སེམས་ཅན་དོན་བྱེད་ཀྱི་སྤྱོད་པ་ 149 ཤེས་བཞིན་སྲུང་བ། ལ་བསླབ་པའོ། །དང་པོ་ལ་གཉིས། ལུས་སེམས་ཀྱི་ཁ་ན་མ་ཐོ་བ་སྤང་བ་དང༌། རྣམ་པར་ གཡེང་བ་ཕྲ་མོ་སྤང་བའོ། །དང་པོ་ལ་གསུམ། ལུས་ཀྱི་ཁ་ན་མ་ཐོ་བ་སྤང་བ། སེམས་ཀྱི་ཁ་ ན་མ་ཐོ་བ་སྤང་བ། མི་ནུས་པའི་དུས་བཏང་སྙོམས་སུ་བྱ་བའོ། །དང་པོ་ལ་བཞི། རྩ་བ་ཀུན་ སློང་ལ་བརྟག་པར་བསྟན། དགོས་མེད་དུ་ལྟ་བ་སྤང༌། དེའི་གནང་བཀག་བསྟན། མདོར་ན་ ལུས་ཀྱི་གནས་སྐབས་དོན་མེད་དུ་མི་བཞག་པ་བསྟན་པའོ། །དང་པོ་ནི། རེ་ཞིག་དང་པོར་འདི་འདྲའི་སེམས།། འདི་ནི་སྐྱོན་བཅས་ཤེས་བྱས་ནས།། དེ་ཚེ་བདག་གིས་ཤིང་བཞིན་དུ།། ཟུངས་ཐུབ་པར་ནི་གནས་པར་བྱ།། ༣༤ ཞེས་གསུངས་ཏེ། དེ་ཡང་རེ་ཞིག་དང་པོར་ཞེས་བྱ་བ་ནི་སྒོ་གསུམ་གྱི་བྱ་བ་གང་རྩོམ་ཡང་ དེའི་ཐོག་མར་སེམས་ཀྱི་ཀུན་སློང་ལ་བརྟག་སྟེ་བྱ་བ་དེ་ཅིའི་ཆེད་དུ་བྱེད་པར་འདོད་ཅེས་ཁ་ ནང་དུ་ཕྱོགས་ལ་ཤེས་པའི་གནས་སྐབས་ལ་བརྟག་གོ །བརྟགས་པ་ན་རྙེད་བཀུར་དང་ གྲགས་པ་འདོད་པའམ་གཞན་དང་འགྲན་སེམས་སམ་ང་རྒྱལ་ལམ་གཞན་ལ་གནོད་པར་ འདོད་པ་སོགས་ཀྱི་ཀུན་སློང་གིས་ཡིན་པར་འདུག་ན། དེ་ནི་སངས་རྒྱས་ཀྱི་བསྟན་པ་ལ་ ཆོས་མ་ཡིན་པ་དང་མི་དགེ་བ་ཁོ་ན་ཡིན་པས་རྣམ་པ་དགེ་བ་ལྟར་སྣང་ཡང་སྤང་བར་བྱ་སྟེ། 150 ཤེས་བཞིན་སྲུང་བ། འདོད་ཆགས་ཞེ་སྡང་གཏི་མུག་གསུམ།། དེས་བསྐྱེད་ལས་ནི་མི་དགེ་བ།། ཞེས་སོ།། རང་དོན་ཞི་བདེ་འདོད་པའི་བློས་ཡིན་ན་ཉན་རང་གི་དགེ་བར་འགྱུར་ཡང་ཐེག་ཆེན་གྱི་མི་ དགེ་བ་ཡིན་ཏེ། ངན་སོང་དུ་སྐྱེས་པ་ནི་བྱང་ཆུབ་སེམས་དཔའ་བྱང་ཆུབ་སྒྲུབ་པ་ལ་གཏན་གྱི་ གེགས་མ་ཡིན་གྱི་ཉན་རང་གི་བྱང་ཆུབ་ཏུ་ལྷུང་ན་དེ་གཏན་གྱི་གེགས་ཡིན་པར་བཤད་པའི་ཕྱིར། ཀུན་སློང་ངན་པ་དེ་དག་མཐོང་ན་རང་གི་སྐྱོན་རང་གིས་བཟུང་སྟེ་འདི་འདྲ་བའི་སེམས་འདི་ནི་ སྐྱོན་འདི་དང་བཅས་པའོ། །ཞེས་ཤེས་པར་བྱས་ནས་ཀུན་སློང་དེའི་གཉེན་པོ་འཁོར་བའི་ཉེས་ དམིགས་སམ། ཚེ་འདི་སྙིང་པོ་མེད་པའམ། ལས་འབྲས་སམ། བྱང་ཆུབ་ཀྱི་སེམས་སོགས་ དངོས་གཉེན་དུ་གང་འགྱུར་བ་ཞིག་བསམས་ཏེ་ཀུན་སློང་ངན་པ་དེ་ཚར་མ་ཆོད་ཀྱི་བར་གྱི་ཚེ་ བདག་གི་ལུས་མི་གཡོ། ངག་མི་སྨྲ། ཡིད་ཀྱིས་ལས་གཞན་མི་བྱེད་པར་ཤིང་སྡོང་བཞིན་དུ་ཟུངས་ ཐུབ་པར་གནས་པར་བྱ་ལ། ནམ་ཀུན་སློང་དེ་ཚར་ཆོད་ནས་དགེ་བའི་བློར་འགྱུར་ཏེ་སེམས་ལས་ རུང་དུ་གྱུར་པ་དེའི་ཚེ་ཡང༌། སྤང་བྱ་རྐུ་ཐབས་སུ་ལྡང་མི་ལྡང་དང༌། ངན་སེམས་དེ་གཏིང་ནས་ཚར་ ཆོད་མ་ཆོད་དལ་བུས་བརྟག་པར་བྱ་ལ། ཀུན་སློང་ཁྱད་པར་ཅན་དུ་མཐོང་ཡང་ཏབ་ཏོབ་ཏུ་མི་ རྩོམ་པར་རེ་ཞིག་སེམས་བསྡུས་ཤིང༌། མཉམ་པར་བཞག་པས་ཕན་སེམས་དགྲར་ལངས་ཀྱི་ ཕྲེང་དུ་མི་ལྟུང་བའི་དགོས་པ་ཡོད་དོ།། 151 ཤེས་བཞིན་སྲུང་བ། གཉིས་པ་དགོས་མེད་དུ་ལྟ་བ་སྤང་བ་ནི། དོན་མེད་གཡེང་བར་ལྟ་བ་ནི།། ནམ་ཡང་བདག་གིས་མི་བྱ་སྟེ།། ངེས་པར་སེམས་པས་རྟག་ཏུ་ནི།། མིག་ནི་ཕབ་སྟེ་བལྟ་བར་བྱ།། ༣༥ ཞེས་གསུངས་ཏེ། མིག་ཕབ་སྟེ་ལྟ་བ་ནི་རྟག་པར་གཉའ་ཤིང་གང་ཙམ་གྱི་མདུན་དུ་ལྟ་བ་ སྟེ། དེས་འགྲོ་བ་ན་ལམ་ན་སྲོག་ཆགས་ཡོད་མེད་དང༌། ཚེར་མ་ཡོད་མེད་སོགས་མཐོང་བས་ བདག་གཞན་ལ་མི་གནོད། སེམས་ངང་གིས་གནས་པའི་ཕྱིར་ཏེ་དགེ་སློང་གི་འདུལ་བ་ལས་ ཀྱང་དེ་སྐད་བཤད་པ་དང༌། གཉའ་ཤིང་གང་ཙམ་ལྟ་ཞིང་འགྲོ་ལ་སེམས་འཁྲུལ་མེད།། ཅེས་ ཕྱིར་མི་ལྡོག་པའི་རྟགས་སུ་ཡང་བཤད་པའི་ཕྱིར་རོ། །འོན་ཀྱང་བྱང་ཆུབ་སེམས་དཔའི་སྤྱོད་ པ་ནི་བསམ་པས་འབྱེད་དགོས་པས་ཤིན་ཏུ་ཕྲ་བ་ཡིན་ཏེ། གཉའ་ཤིང་གང་ཙམ་དུ་ལྟ་བ་ན་ ཡང་གཞན་གྱིས་དེར་གོ་དགོས་པའི་ཀུན་སློང་ཡད་ཡུད་འདུག་ན་དེ་ཡང༌། འདི་ནི་སྐྱོན་བཅས་ ཤེས་བྱས་ནས། །ཞེས་བྱ་བའི་ཤེས་པ་དེ་ཡིན་ཏེ་རྣམ་པ་དུ་མས་ཚར་བཅད་པར་བྱའོ།། གསུམ་པ་དེའི་གནང་བཀག་བསྟན་པ་ནི། བལྟས་པས་ངལ་གསོའི་ཆེད་དུ་ནི།། རེས་འགའ་ཕྱོགས་སུ་བལྟ་བར་བྱ།། 152 ཤེས་བཞིན་སྲུང་བ། འགའ་ཞིག་མིག་ལམ་སྣང་གྱུར་ན།། བལྟས་ལ་འོངས་པ་ལེགས་ཞེས་བརྗོད།། ༣༦ ལམ་སོགས་འཇིགས་པ་བརྟག་པའི་ཕྱིར།། ཡང་དང་ཡང་དུ་ཕྱོགས་བཞིར་བལྟ།། ངལ་གསོ་ཁ་ནི་ཕྱིར་བལྟས་ནས།། རྒྱབ་ཀྱི་ཕྱོགས་སུ་བལྟ་བར་བྱ།། ༣༧ ཞེས་གསུངས་ཏེ། གཉའ་ཤིང་གང་ཙམ་ལྟ་བས་དུབ་སྟེ་རབ་རིབ་ཏུ་གྱུར་པ་སོགས་ནི་ངལ་ གསོ་བའི་ཆེད་དུ་ཤེས་བཞིན་དང་ལྡན་པས་ཕྱོགས་སུ་དལ་བུས་བལྟ་བར་བྱའོ། །སྤྱིར་བྱང་ཆུབ་ སེམས་དཔས་གཟུགས་ལ་ལྟ་བ་ན་སྒྱུ་མ་ལྟ་བུར་ཡིད་ལ་བྱེད་དོ། །སེམས་ཅན་ལ་ལྟ་བ་ན་རུས་ པའི་འཕྲུལ་འཁོར་བསྐྱོད་པ་ཙམ་དང༌། སྡུག་བསྔལ་གྱི་རང་བཞིན་ལ་བརྩེ་བ་དང༌། ཕ་མར་ རམ་དགེ་བའི་བཤེས་གཉེན་གྱི་འདུ་ཤེས་སམ། བདག་གིས་འདི་དག་བྱང་ཆུབ་ལ་དགོད་པར་ བྱའོ། །ཞེས་སམ། རྨི་ལམ་མམ། ནམ་མཁའ་ལྟ་བུར་ཡོངས་སུ་ལྟ་ཞིང་ཡིད་ལ་བྱེད་དོ།། ལྟ་སྟངས་མི་གཡེང་བ་སོགས་ཀྱང་སེམས་སྲུང་བའི་ཆེད་ཡིན་པས་གཟུགས་སོགས་ རང་རྒྱུད་པར་ཞེན་ཞིང་དེ་ལ་བརྟེན་ནས་ཆགས་སྡང་རྨོངས་གསུམ་གྱི་རྟོག་པ་ལུ་གུ་བརྒྱུད་ དུ་སྐྱེ་བ་རྣམས་མ་ཚོར་མི་འཇོམས་པར་དང་དུ་ལེན་པས་དུས་འདའ་ན་ལྟ་སྟངས་མི་གཡོ་ན་ ཡང་སྙིང་པོ་མེད་དེ། དེས་ན་ཡང་སེམས་ཀྱི་གནས་སྐབས་ཁོ་ན་ལ་བརྟག་པར་བྱའོ། །གཞན་ 153 ཤེས་བཞིན་སྲུང་བ། མཐོང་ན་འོངས་པ་ལེགས་སོ། །ཞེས་བརྗོད་པ་ནི་ཕ་རོལ་པོ་མི་དགའ་བ་སྤང་བའི་དོན་ཏེ། ཡུལ་གྲུ་ཁ་ཅིག་ན་དེ་ལྟར་མ་སྨྲས་ན་འཕྱ་བའི་ཕྱིར་ཡིན་གྱི་རྣམ་པ་ཐམས་ཅད་དུ་ངེས་པར་ དགོས་པ་མ་ཡིན་ནོ།། ལམ་སོགས་སུ་འཇིགས་པ་བརྟག་པ་དང་རྒྱབ་ཏུ་ལྟ་བ་སོགས་ཀྱང་དེའི་དགོས་པ་དང་ ལྡན་ན་བྱ་སྟེ་ལུས་སྲུང་བའི་ཡན་ལག་ཏུ་འགྱུར་བའོ། །འགྲེལ་ཆེན་ལས། ཕྱོགས་ཐམས་ཅད་ དུ་བལྟ་དགོས་ན་རྒོད་པའི་རྣམ་པ་སྤང་བའི་ཕྱིར་བསྡད་དེ་བལྟའོ།།ཞེས་སོ།། བཞི་པ་མདོར་ན་ལུས་ཀྱི་གནས་སྐབས་དོན་མེད་དུ་མི་བཞག་པ་བསྟན་པ་ནི། མདུན་དང་རྒྱབ་ཏུ་བརྟག་བྱས་ནས།། འག ྲོ་འམ་ཡང་ན་འོང་བྱ་སྟེ།། དེ་ལྟར་གནས་སྐབས་ཐམས་ཅད་དུ།། དགོས་པ་ཤེས་ནས་སྤྱད་པར་བྱ།། ༣༨ ལུས་ཀྱིས་འདི་ལྟར་གནས་བྱ་ཞེས།། བྱ་བ་བསྡོགས་ནས་དེ་ནས་ནི།། སྐབས་སུ་ལུས་འདི་ཇི་ལྟ་བུར།། གནས་པ་ཡིན་ཞེས་བལྟ་བར་བྱ།། ༣༩ 154 ཤེས་བཞིན་སྲུང་བ། ཞེས་གསུངས་ཏེ། མདོར་ན་དེས་མཚོན་ནས་སྤྱོད་པ་ཐམས་ཅད་ལ་རིགས་འགྲེ་བ་སྟེ། དེ་ ལྟར་གནས་སྐབས་ཐམས་ཅད་དུ། །དགོས་པ་ཤེས་ནས་སྤྱད་པར་བྱ། །ཞེས་བདག་གཞན་ལ་ ཕན་པར་མཐོང་ན་ཤེས་བཞིན་དུ་སྤྱད་ཀྱི། མི་ཕན་པ་དང་སྙིང་པོ་མེད་པའི་ལུང་དུ་མ་བསྟན་པ་ རྣམས་ཀྱང་འདོར་བའོ།། ལུས་ཀྱིས་འདི་ལྟར་གནས་བྱ་ཞེས། །ཞེས་པ་ནི་མཚོན་པ་སྟེ། ཉིན་ ཞག་འདི་དང༌། ཐུན་འདི་དང༌། ཐུན་ཕྱེད་པ་འདི་དང༌། ཆུ་ཚོད་འདིའི་ནང་དུ་བདག་གིས་སྒོ་ གསུམ་དོན་ཡོད་པ་འདི་ལྟ་བུས་གནས་པར་བྱའོ། །ཞེས་དམ་བཅའི་གོ་བསྒོས་ཏེ་ཤེས་བཞིན་ གྱིས་བསྒྲུབ་པར་བྱ་ལ། སྐབས་སུ་གཉེན་པོའི་ཤེས་པ་རྒྱལ་པོའི་བཀྲབས་པ་དང་འདྲ་བས་ མྱུལ་ཞིང༌། ཅི་དམ་ལས་འགལ་ལམ་འོན་ཏེ་མ་འགལ་ཅི་ལྟ་བུས་གནས་ཞེས་རྟོག་ཅིང་འགལ་ ན་ཚར་གཅོད་པ་དང༌། མ་འགལ་ན་རྗེས་སུ་ཡི་རང་བས་གོང་དུ་སྤེལ་བར་བྱའོ།། གཉིས་པ་སེམས་ཀྱི་ཁ་ན་མ་ཐོ་བ་སྤང་བ་ནི། སེམས་ཀྱི་གླང་ཆེན་མྱོས་པ་ནི།། ཆོས་ལ་སེམས་པའི་ཀ་ཆེན་ལ།། ཇི་ལྟར་བཏགས་པ་མི་འཆོར་བར།། དེ་ལྟར་འབད་པས་ཀུན་གྱིས་བརྟག། ༤༠ ཅི་ནས་ཏིང་འཛིན་བརྩོན་པ་ནི།། སྐད་ཅིག་གཅིག་ཀྱང་མི་འཆོར་བར།། 155 ཤེས་བཞིན་སྲུང་བ། བདག་གི་ཡིད་འདི་གར་སྤྱོད་ཅེས།། དེ་ལྟར་ཡིད་ལ་སོ་སོར་བརྟག། ༤༡ ཅེས་གསུངས་ཏེ། གླང་པོ་ཆེ་ནི་སྟོབས་ཆེ་ཞིང་རང་བཞིན་གྱིས་མི་སྲུན་པ་ཡིན་ལ། དེ་ཆང་ གིས་མྱོས་པས་ནི་གནོད་པ་སྣ་ཚོགས་པ་བྱེད་པ་ལྟར་སེམས་ནི་རང་བཞིན་གྱིས་སྟོབས་ཆེ་ ཞིང་མི་སྲུན་ལ། ཉོན་མོངས་པའི་ཆང་གིས་མྱོས་པས་ནི་མི་བྱེད་པ་ཅི་ཡང་མེད་པས་དེ་གདུལ་ བའི་ཕྱིར་དྲན་པའི་ལྕགས་ཀྱུས་སྤྱི་བོ་ནས་བཟུང་སྟེ་བཀུག ཤེས་བཞིན་གྱི་ལིང་རིའི་ཐག་པ་ སྲ་བ་ལྔ་བརྒྱས་བརྟོད་དེ་ཆོས་ལ་སེམས་པའི་ཀ་བའམ་སྡོང་ཆེན་ལ་བཏགས་ཏེ་ཇི་ལྟར་ནམ་ དུ་ཡང་མི་འཆོར་བར་དམ་དུ་ཐོགས་ཤིག་པའོ། །ཤེས་བཞིན་ཐག་པ་ལྟ་བུ་དེ་ཡང་གང་ཞེ་ན། ཅི་ནས་ཀྱང་ཏིང་ངེ་འཛིན་ལས་བརྩོན་པ་སྐད་ཅིག་ཀྱང་མ་ཡེངས་པར་བྱ་བའི་འཕེན་པ་བཏང་ སྟེ། དྲན་པའི་མེལ་ཚེ་བས་ཡང་ཡང་མྱུལ་ཞིང་བརྟག་པའོ།། གསུམ་པ་མི་ནུས་པའི་དུས་བཏང་སྙོམས་སུ་བྱ་བ་ནི། འཇིགས་དང་དགའ་སྟོན་སོགས་འབྲེལ་བས།། གལ་ཏེ་མི་ནུས་ཅི་བདེར་བྱ།། འདི་ལྟར་སྦྱིན་པའི་དུས་དག་ཏུ།། ཚུལ་ཁྲིམས་བཏང་སྙོམས་བྱ་བར་གསུངས།། ༤༢ 156 ཤེས་བཞིན་སྲུང་བ། ཞེས་གསུངས་ཏེ། གང་ཡང་རུང་བའི་འཇིགས་པས་གཡེངས་ཏེ་རྟབ་རྟབ་པོར་གྱུར་པ་དང༌། དགའ་སྟོན་གྱི་འདུས་པ་ཆེན་པོར་གྱུར་པས་ཟིང་ཟིང་པོར་སྤྱོད་པ་ལ་སོགས་དང༌། དགེ་བའི་ ག ྲོགས་བྱེད་པ་སོགས་གཞན་དོན་དང་འབྲེལ་བས་གཡེངས་ཏེ། དོན་མེད་གཡེང་བར་ལྟ་བ་ནི།། ནམ་ཡང་བདག་གིས་མི་བྱ་སྟེ།། ཞེས་སོགས་རྩེ་གཅིག་ཏུ་མཉམ་པར་འཇོག་མི་ནུས་ན་ཇི་ལྟར་བྱ་ཞེ་ན། དེའི་ཚེ་ཅི་བདེ་བར་ སྤྱོད་པ་སྟེ་མ་ནུས་པ་ལ་ཉེས་མེད་དུ་གསུངས་པའི་ཕྱིར།། འོན་ཀྱང་གནས་སྐབས་གཞན་དུ་མ་ཡིན་ཏེ། འདུལ་བ་ལས། ངས་ཁྱེད་ལ་ཕོངས་ པའི་དུས་སུ་གནང་བ་གང་ཡིན་པ་དེ་དེ་ལས་གཞན་དུ་སྤྱད་པར་མི་བྱའོ། །ཞེས་གསུངས་པ་ དང་རྒྱུ་མཚན་མཚུངས་པའི་ཕྱིར། གནང་བ་འདི་ཡང་ལུས་ངག་གི་སྤྱོད་པ་ཕྲ་མོ་རྣམས་ཡིན་ གྱི་སེམས་ཀྱི་ཀུན་སློང་ལ་བརྟག་མི་དགོས་པ་ནི་མ་ཡིན་ཏེ་འོག་ནས་ནན་གྱིས་འཆད་པར་ འགྱུར་བའི་ཕྱིར་རོ།། དེའི་ཚེ་ལྟུང་མེད་ཀྱི་རྒྱུ་མཚན་ཅི་ཞེ་ན། འདི་ལྟར་སྦྱིན་པའི་དུས་དག་ཏུ་ཚུལ་ཁྲིམས་ བཏང་སྙོམས་བྱ་བར་གསུངས་པའི་ཕྱིར་ཏེ། བློ་གྲོས་མི་ཟད་པའི་མདོར། སྦྱིན་པའི་དུས་ སུ་ཚུལ་ཁྲིམས་ཉེ་བར་བསྡུས་ཏེ་བཏང་སྙོམས་སུ་བྱའོ། །ཞེས་སྤྱིར་ཕན་ཡོན་ཆེ་ཆུང་གི་ཁྱད་ ཡོད་མོད་ནའང་གཙོ་བོར་སྦྱིན་པ་སྒྲུབ་པའི་ཚེ་དེ་དང་འགལ་བའི་ཚུལ་ཁྲིམས་ཁ་ཅིག་ཀྱང་ 157 ཤེས་བཞིན་སྲུང་བ། བཏང་སྙོམས་སུ་བཞག་ནས་སྦྱིན་པ་སྒྲུབ་པ་སྟེ། སྤྱིར་ལྕགས་དོར་ཏེ་གསེར་ལེན་པར་བྱེད་མོད་ཀྱང༌། ལྕགས་ཀྱི་ཕུང་པོ་དུ་མ་དང་གསེར་མ་ཤ་ཀ་གཅིག་ནི་ལྕགས་ལ་འདམ་པར་བྱེད་པ་བཞིན་ནོ།། གལ་ཏེ་གཙོ་བོ་ཚུལ་ཁྲིམས་དོར་ནས་གཙོ་བོ་མ་ཡིན་པའི་སྦྱིན་པ་ལྷུར་བྱེད་པ་མི་རིགས་ཏེ། ཆུང་ངུའི་ཕྱིར་ནི་ཆེ་མི་བཏང༌། །ཞེས་དང༌། གོང་ནས་གོང་དུ་ཁྱད་ཞུགས་སྤྱད།། ཅེས་པ་དང་ འགལ་ལོ་ཞེ་ན། དེ་ནི་དགག་བྱ་མཉམ་ཞིང་དགོས་པ་མཚུངས་ན་ཕྱི་མ་སྒྲུབ་པའི་དོན་ཡིན་ གྱི་འདི་ནི་ཕྱི་མ་བས་སྔ་མ་དགོས་པ་ཆེ་བ་སྟེ། ཆོས་སྨྲ་བ་མེ་ཏོག་ཟླ་མཛེས་ཀྱིས་ཞག་བདུན་ པོ་དེར་བསམ་གཏན་ལ་མཉམ་པར་བཞག་པ་བས་རྒྱལ་པོའི་ཕོ་བྲང་འཁོར་དུ་དེ་སྲིད་ཆོས་ བསྟན་པ་ཕན་ཡོན་གཞལ་གྱིས་མི་ལང་བ་ཐོབ་པ་དང༌། ཁྱེའུ་སྐར་མ་ལོ་བཞི་ཁྲི་ཉིས་སྟོང་དུ་ཚངས་པར་སྤྱད་པས་དེ་སྲིད་ཀྱི་ཚོགས་མ་བཟླུམས་ ལ། ཕྱིས་བུད་མེད་ཀྱི་སྲོག་སྐྱོབ་པའི་སྙིང་རྗེས་ལོ་བཅུ་གཉིས་སུ་ཚངས་སྤྱོད་བཏང་བས་ བསྐལ་པ་འབུམ་གྱི་ཚོགས་རྫོགས་པའི་ཕྱིར་རོ།། གང་ཞིག་བསམས་ཏེ་བྱར་བརྩམས་པ།། དེ་ལས་གཞན་དུ་མི་བསམ་སྟེ།། དེར་གཏད་པ་ཡིས་བསམ་པ་ཡིས།། དེ་ཉིད་རེ་ཞིག་བསྒྲུབ་པར་བྱ།། ༤༣ ཞེས་གསུངས་ཏེ། ཁྱད་པར་འདིར་ནི་གང་ཐོག་མར་བྱ་བར་བརྩམས་པའི་སྦྱིན་པ་ལྟ་བུ་དེ་ 158 ཤེས་བཞིན་སྲུང་བ། སྲོག་ལ་བབ་ཀྱང་དེ་ཉིད་བསྒྲུབ་པར་བྱ་ལ། དེ་གྲུབ་ནས་ཚུལ་ཁྲིམས་ལ་སོགས་པ་གཞན་ བརྩམ་པར་བྱའོ།། དེ་ལྟ་ན་ནི་ཀུན་ལེགས་བྱས།། གཞན་དུ་གཉི་གར་མི་འགྱུར་རོ།། ཤེས་བཞིན་མ་ཡིན་ཉེ་ཉོན་མོངས།། དེ་ལྟ་ན་ནི་འཕེལ་མི་འགྱུར།། ༤༤ ཞེས་གསུངས་ཏེ། དེ་ལྟར་བྱས་ན་ཕྱི་མ་ཡང་གདོན་མི་ཟ་བར་གྲུབ་པར་འགྱུར་བས་སྔ་ཕྱི་ ཀུན་ལེགས་པར་བྱས་པར་འགྱུར་གྱི། སྔ་མ་ཡལ་བར་དོར་ནས་ཕྱི་མ་བརྩམས་ན་ཕྱི་མ་ཡང་ མི་འགྲུབ་པས་ན་བྱ་བ་གཉིས་ཀ་ལས་ཉམས་པར་འགྱུར་རོ། །དེས་ན་གང་བརྩམས་པ་ དེ་མཐར་ཕྱིན་པར་སྒྲུབ་པར་བྱས་ན་ཤེས་བཞིན་མ་ཡིན་པའི་ཉེ་ཉོན་བརྗེད་ངས་དང་ལེ་ལོ་ སོགས་སྤོང་བར་འགྱུར་བའོ།། ལུགས་ཀྱི་བསྟན་བཅོས་ཙ་ན་ཀར་ཡང༌། སྔ་མ་མ་ཚར་གཞན་བསྒྲུབས་ན།། གཉིས་ཀ་མི་འགྲུབ་ངལ་བའི་གནས།། རྐང་པ་ཡ་གཅིག་མ་ཚུགས་པར།། ཡ་གཅིག་བཏེག་ན་འགྱེལ་བའི་རྒྱུ།། ཞེས་སོ།། 159 ཤེས་བཞིན་སྲུང་བ། གཉིས་པ་རྣམ་པར་གཡེང་བ་ཕྲ་མོ་སྤང་བ་ལ་གཉིས། ལུས་ཀྱི་སྤྱོད་པ་སྲུང་བ་དང༌། སེམས་ཀྱི་སྤྱོད་པ་སྲུང་བའོ། །དང་པོ་ལ་གསུམ། གཡེང་བ་ལ་དགའ་བ་སྤང་བ། དོན་མེད་ཀྱི་ སྤྱོད་པ་སྤང་བ། གཙོ་བོར་སེམས་ཀྱི་ཀུན་སློང་བརྟག་པའོ། །དང་པོ་ནི། བྲེ་མོའི་གཏམ་ནི་སྣ་ཚོགས་དང༌།། ངོ་མཚར་ལྟད་མོ་རྣམ་མང་པོ།། ཀུན་ལ་འཇུག་པར་གྱུར་པ་ན།། དེ་ལ་ཆགས་པ་སྤང་བར་བྱ།། ༤༥ ཞེས་གསུངས་ཏེ། ཀུ་རེ་དང་ཀྱལ་ཀའི་ཚིག་ནི་བྲེ་མོའི་གཏམ་མོ། །སྒྱུ་མ་ལ་སོགས་པ་ངོ་ མཚར་བར་གྲགས་པའི་རྩེད་མོ་ལ་ལྟ་བ་འདུས་པ་ནི་ལྟད་མོའོ། །རེ་ཞིག་གཞན་སེམས་སྲུང་ བ་སོགས་ཀྱི་དགོས་པའི་དབང་ལས་དེ་དག་ལ་འཇུག་དགོས་ནའང་ཞེན་པས་མ་ཡིན་གྱི་ སེམས་ནང་དུ་བསྡུ་བ་ཉེ་རྒྱལ་གྱིས། ཤི་རྒྱུས་ཤི་བའི་པགས་པ་དང༌།། འཆི་འགྱུར་སྐྱེ་བོ་བཞད་གད་མཁན།། འཆི་བའི་སྐྱེ་བོ་ཚོགས་པ་ལ།། བསམ་ཤེས་སུ་ཞིག་སྐྱོ་མི་འགྱུར།། 160 ཤེས་བཞིན་སྲུང་བ། པང་ནས་སྐྱེས་ཀྱིས། རྒྱན་རྣམས་ཐམས་ཅད་ཁུར་ཡིན་ཏེ།། གར་རྣམས་ཐམས་ཅད་ཐོ་འཚམས་པ།། གླུ་རྣམས་ཐམས་ཅད་ངུ་བའི་སྒྲ།། དེ་ལ་བསམ་ཤེས་སུ་ཞིག་དགའ།། ཞེས་སྨྲས་པ་ལྟར། དེ་དག་ནི་སྙིང་རྗེའི་གནས་ཡིན་གྱི་དགའ་བའི་གནས་མ་ཡིན་པའི་ཕྱིར་རོ།། གཉིས་པ་དོན་མེད་ཀྱི་སྤྱོད་པ་སྤང་བ་ནི། དོན་མེད་ས་རྐོ་རྩྭ་གཅོད་དང༌།། ས་རིས་འབྲི་སོགས་བྱེད་གྱུར་ན།། བདེ་གཤེགས་བསླབ་པ་དྲན་བྱས་ནས།། སྐྲག་པས་དེ་ཡི་མོད་ལ་བཏང༌།། ༤༦ ཞེས་གསུངས་ཏེ། དགོས་པ་ཁྱད་པར་བ་མེད་པར་ལག་དལ་གྱིས་ས་རྐོ་བ་དང་རྩྭ་གཅོད་པ་དང་ས་གཞི་ ལ་ས་རིས་འབྲི་བ་སོགས་ནི། སྲོག་ཆགས་ཕྲ་མོ་འཆི་ཞིང་དགེ་སློང་ལ་བཅས་འགལ་ཡང་ ཡིན་ཞིང་དོན་མེད་པའི་ཕྱིར་དྲན་མ་ཐག་ནས་དེ་དག་ལ་འཇུག་པར་མི་བྱའོ།། 161 ཤེས་བཞིན་སྲུང་བ། གསུམ་པ་གཙོ་བོར་སེམས་ཀྱི་ཀུན་སློང་བརྟག་པ་ལ་བཞི། མདོར་བསྟན་པ། ཉོན་ མོངས་པའི་སེམས་ཀྱིས་བྱ་བ་ལ་མི་འཇུག་པ། རྒོད་བག་གི་སེམས་ཀྱིས་བྱ་བ་ལ་མི་འཇུག་ པ། དོན་བསྡུ་བའོ། །དང་པོ་ནི། གང་ཚེ་སྐྱོད་པར་འདོད་གྱུར་ཏམ།། སྨྲ་བར་འདོད་པར་གྱུར་ན་ཡང༌།། དང་པོར་རང་གི་སེམས་བརྟགས་ནས།། བརྟན་པར་རིགས་པ་ལྡན་པར་བྱ།། ༤༧ ཞེས་གསུངས། གཉིས་པ་ཉོན་མོངས་པའི་སེམས་ཀྱིས་བྱ་བ་ལ་མི་འཇུག་པ་ནི། གང་ཚེ་རང་ཡིད་ཆགས་པ་དང༌།། ཁྲོ་བར་མཐོང་བ་དེ་ཡི་ཚེ།། ལས་སུ་མི་བྱ་སྨྲ་མི་བྱ།། ཤིང་བཞིན་དུ་ནི་གནས་པར་བྱ།། ༤༨ ཞེས་གསུངས། 162 ཤེས་བཞིན་སྲུང་བ། གསུམ་པ་རྒོད་བག་གི་སེམས་ཀྱིས་བྱ་བ་ལ་མི་འཇུག་པ་ནི། རྒོད་དང་ག་ཞར་བཅས་པ་དང༌།། གལ་ཏེ་ང་རྒྱལ་རྒྱགས་ལྡན་པའམ།། མཚང་འབྲུ་བ་ཡི་བསམ་པ་དང༌།། གལ་ཏེ་སྐྱོར་འབྱིན་སླུ་སེམས་སམ།། ༤༩ གང་ཚེ་བདག་བསྟོད་ལྷུར་ལེན་པའམ།། གཞན་ལ་སྨོད་པ་ཉིད་དང་ནི།། གཤེ་བཅས་འགྱེད་དང་བཅས་གྱུར་པ།། དེ་ཚེ་ཤིང་བཞིན་གནས་པར་བྱ།། ༥༠ རྙེད་དང་བཀུར་སྟི་གྲགས་འདོད་པའམ།། གཡོག་འཁོར་དོན་དུ་གཉེར་འདོད་པའམ།། བདག་སེམས་རིམ་གྲོ་འདོད་གྱུར་ན།། དེ་ཚེ་ཤིང་བཞིན་གནས་པར་བྱ།། ༥༡ 163 ཤེས་བཞིན་སྲུང་བ། གཞན་དོན་ཡལ་བར་འདོར་བ་དང༌།། རང་དོན་གཉེར་བར་འདོད་པ་དང༌། སྨྲ་བར་འདོད་པའི་སེམས་བྱུང་ན།། དེར་ནི་ཤིང་བཞིན་གནས་པར་བྱ།། ༥༢ མི་བཟོད་ལེ་ལོའི་འཇིགས་པ་དང༌།། དེ་བཞིན་སྤྱི་ཏོལ་མུ་ཅོར་དང༌།། རང་གི་ཕྱོགས་ཞེན་སེམས་བྱུང་ན།། དེར་ནི་ཤིང་བཞིན་གནས་པར་བྱ།། ༥༣ ཞེས་གསུངས་ཏེ། ཀུན་སློང་ཉོན་མོངས་པ་ཅན་གྱིས་བྱ་བ་ལ་མི་འཇུག་པར་མ་ཟད་ཁ་ན་ མ་ཐོ་བའི་ཕྱོགས་སུ་གཏོགས་པ་ལང་ཚོ་དང་ནད་མེད་པ་སོགས་ཀྱིས་རྒྱགས་པས་དབང་པོ་ རྒོད་བག་ཅན་དུ་གྱུར་པས་མ་ཞི་བ་དང༌། ག་ཞ་སྟེ་བཞད་གད་སྒྲོག་པ་དང༌། ང་རྒྱལ་གྱིས་ རྒྱགས་པ་དང༌། གཞན་ལ་མཚང་འབྲུ་བར་འདོད་པ་དང༌། སྐྱོར་འབྱིན་པ་རྩོད་པ་ཞི་བ་ལ་སྐྱོ་ བསྔོགས་བྱ་བར་འདོད་པའམ་གཡོ་སྒྱུས་གཞན་སླུ་བའི་གྱ་གྱུ་བྱ་བར་འདོད་པའམ། བདག་ བསྟོད་གཞན་སྨོད་དམ། ལྟ་བ་ལ་རྩོད་པ་ལྟ་བུ་གཤེ་ཞིང་འགྱེད་པའི་དུས་སམ། རྙེད་སོགས་ ལ་འདུན་པའི་བློ་འདུག་པ་དང༌། གཞན་དོན་འདོར་བ་དང་རང་དོན་ལ་དམིགས་པའི་བློ་ དང༌། མི་བཟོད་པ་ཁྲོ་བ་དང༌། ལས་སུ་མི་རུང་བའི་ལེ་ལོ་དང༌། ངན་པའི་སྤྱོད་པ་བྱེད་པ་སྤྱི་ 164 ཤེས་བཞིན་སྲུང་བ། ཏོལ་དང༌། དོན་མེད་དུ་སྨྲ་བ་མུ་ཅོར་གྱི་གཏམ་དང༌། རང་གི་ཕྱོགས་ཀུན་ནས་འཛིན་པའི་ སེམས་ཀྱི་ཀུན་སློང་འདུག་ན་དེའི་ཚེ་ཤིང་བཞིན་གནས་པར་བྱའོ།། བཞི་པ་དོན་བསྡུ་བ་ནི། དེ་ལྟར་ཀུན་ནས་ཉོན་མོངས་དང༌།། དོན་མེད་བརྩོན་པའི་ཡིད་བརྟགས་ནས།། དེ་ཚེ་དཔའ་བོས་གཉེན་པོ་ཡིས།། དེ་ནི་བརྟན་པོར་བཟུང་བར་བྱ།། ༥༤ ཞེས་གསུངས་ཏེ། འདི་རྣམས་ནི། རེ་ཞིག་དང་པོ་འདི་འདྲའི་སེམས། །ཞེས་པའི་མཚན་ཉིད་ རྒྱས་པར་བཤད་པ་ཡིན་པས་དོན་དེ་ཁོ་ན་ལྟར་སྦྱར་བར་བྱའོ། །དེ་ལྟར་ན་འབྲས་བུ་མེད་པའི་ སྤྱོད་པ་སྤངས་པས་དོན་མེད་པ་སྤངས་པའི་ཕྱིར་ལུས་སྲུང་བ་བསྟན་པ་ཡིན་ནོ། །ལུས་སྲུང་ བ་གང་ཞེ་ན། དོན་མེད་སྤོང་བའོ།། དེ་ཀུན་གང་གིས་འཐོབ་ཅེ་ན།། འབྲས་བུ་མེད་པའི་སྤྱོད་སྤངས་ལས།། དེ་ཡང་རྟག་ཏུ་དྲན་པས་འགྲུབ།། དྲན་པ་གུས་པ་དྲན་ལས་བྱུང༌།། 165 ཤེས་བཞིན་སྲུང་བ། གུས་ནི་ཞི་གནས་བདག་ཉིད་ཅེས།། ཤེས་པར་གྱུར་ནས་བརྟུན་པ་སྐྱེ།། ཞེས་སོ།། གཉིས་པ་སེམས་ཀྱི་སྤྱོད་པ་སྲུང་བ་ནི། ཤིན་ཏུ་ངེས་དང་རབ་དད་དང༌།། བརྟན་དང་གུས་དང་ཞེ་སར་བཅས།། ངོ་ཚ་ཤེས་དང་འཇིགས་དང་བཅས།། ཞི་ཞིང་གཞན་དགའ་བྱེད་ལ་བརྩོན།། ༥༥ ཕན་ཚུན་མི་མཐུན་བྱིས་པ་ཡི།། འདོད་པ་རྣམས་ཀྱིས་མི་སྐྱོ་ཞིང༌།། ཉོན་མོངས་སྐྱེས་པས་འདི་དག་གི། སེམས་འདི་བྱུང་སྙམ་བརྩེར་ལྡན་དང༌།། ༥༦ ཁ་ན་མ་ཐོ་མེད་དངོས་ལ།། བདག་དང་སེམས་ཅན་དབང་བྱས་ཤིང༌།། 166 ཤེས་བཞིན་སྲུང་བ། སྤྲུལ་པ་བཞིན་དུ་ང་མེད་པར།། ཡིད་འདི་རྟག་ཏུ་བཟུང་བར་བྱ།། ༥༧ རིང་ཞིག་ལོན་ནས་དལ་བའི་མཆོག། ཐོབ་པ་ཡང་དང་ཡང་བསམས་ནས།། སེམས་དེ་ལྟ་བུར་རི་རབ་ལྟར།། རབ་ཏུ་མི་གཡོ་བཟུང་བར་བྱ།། ༥༨ ཞེས་གསུངས་ཏེ། བླང་དོར་གྱི་གནས་ལ་མ་འཁྲུལ་བས་ཤིན་ཏུ་ངེས་པ་དང༌། དེ་ཉིད་ལ་རབ་ ཏུ་དད་པ་དང་སེམས་བརྟན་པ་དང༌། ཡུལ་མཆོག་ལ་ལུས་སེམས་ཀྱིས་གུས་པ་དང་ངག་ གིས་ཞེ་སར་བཅས་པའམ། ཡང་ན་སེམས་ཅན་ཐམས་ཅད་ལ་ཡང་ཡིན་ཏེ་བྱང་ཆུབ་སེམས་ དཔས་ཐམས་ཅད་ལ་སྟོན་པ་ལྟ་བུར་ལྟ་བའི་ཕྱིར་རོ། །སྐྱེས་བུ་དམ་པས་ཁྲེལ་དོགས་པའི་ངོ་ ཚ་ཤེས་པ་དང༌། རྣམ་སྨིན་ལ་འཇིགས་པ་དང༌། རང་རྒྱུད་ཞི་བ་དང༌། བསྡུ་བ་བཞིས་གཞན་ དགའ་བར་བྱེད་པ་ལ་བརྩོན་པ་དང༌། བྱིས་པ་རྣམས་ནི་རང་བཞིན་གྱིས་ཕན་ཚུན་མི་མཐུན་ པར་གནས་པས་གཅིག་ལ་ཕན་བཏགས་ན་གཅིག་ཤོས་ཁྲོ་བར་བྱེད་པ་སོགས་མགུ་བར་ དཀའ་བ་འདོད་པ་ཐ་དད་པ་དེ་རྣམས་ཀྱིས་མི་སྐྱོ་ཞིང་སེམས་ཅན་འདི་དག་ནི་རང་བཞིན་ གྱིས་རྣམ་པར་དག་པ་ཡིན་ལ། སྐྱོན་འདི་དག་ནི་གློ་བུར་གྱི་ཉོན་མོངས་པ་འདིས་བསྐྱེད་ པར་ཟད་པས་བདག་གིས་འདི་དག་གི་ཉོན་མོངས་པ་བསལ་བར་བྱའོ། །ཞེས་ལྷག་པར་ 167 ཤེས་བཞིན་སྲུང་བ། བརྩེ་བ་དང༌། སེམས་འཁྲུག་པ་སོགས་ཉོན་མོངས་པ་ཅན་གྱི་ཁ་ན་མ་ཐོ་བ་མེད་པའི་དགེ་ བའི་དངོས་པོ་སེམས་ལས་སུ་རུང་བས་བདག་གཞན་དབང་དུ་བྱས་ཏེ་རྟག་པར་གནས་པ་ དང༌། སྒྱུ་མའི་སྐྱེས་བུའམ་སྤྲུལ་པ་བཞིན་དུ་ང་དང་ང་ཡིར་ལྟ་བ་མེད་པ་དེ་ལྟ་བུ་ལ་བདག་གི་ སེམས་རྟག་ཏུ་གནས་པར་བྱའོ།། མདོར་ན་དལ་འབྱོར་རྙེད་དཀའ་བ་དང༌། དགེ་བའི་བློ་སྐྱེ་དཀའ་བ་བསམས་ཏེ་ངེས་ སོགས་ཀྱི་དགེ་བའི་བློ་ལ་རྐྱེན་ཆུང་འབྲིང་ཆེན་པོ་གང་གིས་ཀྱང་མི་གནོད་པ་རི་རབ་ལྟར་ སྲན་ཚུགས་པར་བྱའོ།། གཉིས་པ་དགེ་བ་ཆོས་སྡུད་ཀྱི་ཚུལ་ཁྲིམས་ལ་གཉིས། ལུས་ལ་མ་ཆགས་པར་དགེ་ བ་ལ་སྦྱོར་བ་དང༌། དགེ་བ་སྒྲུབ་པའི་སྤྱོད་པ་ལ་བསླབ་པའོ། །དང་པོ་ལ་ལྔ། ལུས་ལ་རྟོག་ པ་མེད་པར་བསྟན། ལུས་མི་གཙང་བར་བསྟན། སྙིང་པོ་མེད་པར་བསྟན། མཁོ་བ་མེད་པར་ བསྟན། དེ་ལྟར་དགོས་པ་མེད་པ་དེ་ཐབས་ཀྱིས་དགོས་པ་ལ་སྦྱོར་ཞིག་པའོ། །དང་པོ་ནི། བྱ་རྒོད་ཤ་ལ་ཆགས་པ་ཡིས།། ཕན་ཚུན་ཀུན་ནས་བཤལ་ཁྲིད་ཀྱང༌།། ལུས་ཁྱོད་མི་དགར་མི་བྱེད་ན།། ད་ལྟ་ཅི་ཕྱིར་ཁ་ཏ་བྱེད།། ༥༩ ཅེས་གསུངས་ཏེ། ལུས་འདི་ནི་རྟོག་པ་མེད་སེམས་པ་མེད་དེ། དུར་ཁྲོད་དུ་བྱ་རྒོད་ཀྱིས་ཕན་ 168 ཤེས་བཞིན་སྲུང་བ། ཚུན་དུ་ཐེན་ཤལ་ཁྲིད་ཀྱང་མི་དགའ་བ་དང་སྲུང་བ་མེད་ལ། ཙནྡན་ལ་སོགས་པས་བྱུགས་ ཤིང་མཆོད་ཀྱང་དགའ་བ་མེད་ན་ད་ལྟ་བདག་གི་ལུས་ཞེས་ཅིའི་ཕྱིར་སྲུང་སྟེ་སྲུང་བ་མི་རིགས་ པའོ། །སེམས་ཀྱིས་བདག་གིར་བཟུང་བས་ལུས་ལ་གནོད་ན་སེམས་མི་དགའ་འོ་ཞེ་ན། ལུས་འདི་བདག་གིར་བཟུང་བྱས་ནས།། ཡིད་ཁྱོད་ཅི་ཕྱིར་སྲུང་བར་བྱེད།། ཁྱོད་དང་འདི་གཉིས་སོ་སོ་ན།། དེས་ཀོ་ཁྱོད་ལ་ཅི་ཞིག་བྱ།། ༦༠ ཞེས་གསུངས་ཏེ། སུའི་ཡང་མ་ཡིན་པའི་བེམས་པོ་འདི་ལ་སེམས་སྟོང་པ་གང་དུ་ཡང་མི་ ཐོགས་པའི་ཤེས་པ་ཙམ་ཁྱོད་བདག་གིར་འཛིན་པ་ཆེས་མི་རིགས་ཏེ། ཤིན་ཏུ་ཐ་དད་པའི་ ཕྱིར། དཔེར་ན། བརྒྱ་བྱིན་གྱིས་ཁྱི་རོ་ལ་བདག་གིར་བྱ་མི་རིགས་པ་བཞིན་ནོ།། གཉིས་པ་ལུས་མི་གཙང་བར་བསྟན་པ་ནི། རྨོངས་པའི་ཡིད་ཁྱོད་ཅི་ཡི་ཕྱིར།། ཤིང་གཟུགས་གཙང་མ་གཟུང་མི་བྱེད།། མི་གཙང་ཚོགས་ཀྱི་འཁྲུལ་འཁོར་འདི།། རུལ་པ་བསྲུངས་ཏེ་ཅི་ཞིག་རུང༌།། ༦༡ 169 ཤེས་བཞིན་སྲུང་བ། ཞེས་གསུངས་ཏེ། སེམས་ཁྱོད་ཅིས་ཀྱང་བདག་གིར་འཛིན་ན་ཤིང་སྡོང་གཙང་མ་འདི་ལ་ བདག་གིར་བྱོས་ཤིག་སྟེ་བདག་གིར་བཟུང་དུ་ཡོད་པ་ཙམ་དང༌། བཟུང་མ་བཟུང་གང་གི་ ཚེའང་སུའི་ཡང་མ་ཡིན་པ་ལ་ལུས་དང་ཤིང་གཉིས་ཁྱད་མེད་པའི་ཕྱིར་དང༌། ཤིང་འདི་མི་ གཙང་བ་སོ་གཉིས་ཀྱི་གོང་བུ་མ་ཡིན་པའི་ཕྱིར་རོ།། གསུམ་པ་སྙིང་པོ་མེད་པར་བསྟན་པ་ནི། ཐོག་མར་པགས་པའི་རིམ་པ་འདི།། རང་གི་བློ་ཡིས་ཐ་དད་ཕྱེ།། ཤ་ཡང་རུས་པའི་དྲ་བ་ལས།། ཤེས་རབ་མཚོན་གྱིས་གུད་དུ་ཕྱེ།། ༦༢ རུས་པ་རྣམས་ཀྱང་དབྱེ་བྱས་ནས།། རྐང་གི་བར་དུ་བལྟ་བྱ་ཞིང༌།། འདི་ལ་སྙིང་པོ་ཅི་ཡོད་ཅེས།། བདག་ཉིད་ཀྱིས་ནི་བརྟག་པར་གྱིས།། ༦༣ དེ་ལྟར་འབད་དེ་བཙལ་ཡང་དེར།། ཁྱོད་ཀྱིས་སྙིང་པོ་མ་མཐོང་ན།། 170 ཤེས་བཞིན་སྲུང་བ། ད་དུང་ཅི་ཕྱིར་ཆགས་ཚུལ་གྱིས།། ཁྱོད་ནི་ལུས་འདི་སྲུང་བར་བྱེད།། ༦༤ ཅེས་གསུངས་ཏེ། ལུས་འདི་ལ་སྙིང་པོ་སྲ་མཁྲང་ཅན་ཡུངས་འབྲུ་ཙམ་ཡང་ཡོད་པ་མ་ཡིན་ ཏེ། གཞན་གྱི་ལུས་ཞིག་པ་དཔེར་གྱིས་ལ། རང་གི་ལུས་ལ་ཡང་སེམས་ཀྱིས་ཚོལ་ཞིག་ པའོ། །བཙལ་བས་སྙིང་པོ་མ་རྙེད་ན་ནི་ཅི་ཞིག་ལ་ཆགས་པར་བྱེད། བཞི་པ་མཁོ་བ་མེད་པར་བསྟན་པ་ནི། ཁྱོད་ཀྱི་མི་གཙང་བཟར་མི་རུང༌།། ཁྲག་ཀྱང་བཏུང་དུ་མི་རུང་ལ།། རྒྱུ་ལྟོའང་གཞིབ་ཏུ་མི་རུང་ན།། ལུས་ཀྱིས་ཁྱོད་ལ་ཅི་ཞིག་བྱ།། ༦༥ ཉིས་ན་ཝ་དང་བྱ་རྒོད་ཀྱིས།། ཟས་ཀྱི་དོན་དུ་འདི་སྲུང་རིགས།། ཞེས་གསུངས་ཏེ། སེམས་ཁྱོད་ལ་ལུས་འདི་མཁོ་བ་ཅུང་ཟད་ཀྱང་མེད་དེ། ཁྱོད་ནི་བཟའ་ བཏུང་དོན་དུ་གཉེར་ལ། འདི་ནི་ཁྱོད་ཀྱི་བཟའ་བཏུང་དུ་མི་རུང་བའི་ཕྱིར་དང་གཞན་ཡང་ འདིས་ཁྱོད་ལ་ཅི་ཞིག་བྱ། གལ་ཏེ་སྲུང་ན་བྱ་རྒོད་ལ་སོགས་པས་སྲུང་བར་རིགས་ཏེ། དེ་ 171 ཤེས་བཞིན་སྲུང་བ། དག་གིས་ནམ་ཞིག་ན་བཟའ་བར་བྱ་བ་ཡིན་པའི་ཕྱིར་རོ། །འདིར་དོགས་པ་འདི་འབྱུང་ བའི་གནས་ཡོད་དེ། ལུས་དེ་ཙམ་དུ་སྙིང་པོ་མེད་ན་སྔར་དལ་འབྱོར་གྱི་ལུས་ཞེས་མེད་དུ་ མི་རུང་བ་དང༌། རྙེད་དཀའ་བ་དང༌། ཡོན་ཏན་ཆེ་བར་བཤད་པ་དང་འགལ་ལོ་སྙམ་པ་ནི་ གཅིག་གོ། ཡང་ཁ་ཅིག་འདུལ་བར་སྟོན་པས་མི་སྡུག་པ་སྒོམ་པར་གསུངས་པ་ན་དགེ་སློང་དྲུག་ཅུ་ ལུས་ཀྱིས་སྐྱོ་བས་རང་ཉིད་གསོད་དུ་བཅུག་པ་དང༌། མང་པོ་ཞིག་ཆུ་ལ་སོགས་པར་ལྕེབས་ པར་བཤད་པ་ལྟར་ལུས་ལ་སྐྱོ་བས་འདིས་ཅི་བྱ་ཞེས་འདོར་བར་འདོད་པའི་བློ་སྐྱེ་བའོ།། དང་པོའི་ལན་ནི། དེ་ནི་གནས་སྐབས་ཐ་དད་དེ། སྔར་ཆོས་ཀྱི་དོན་དུ་མི་ལུས་དགོས་ པར་བཤད་པ་ནི། དེ་བཞིན་ཁོ་ན་སྟེ་ངན་འགྲོ་ལ་སོགས་པས་ཆོས་མི་གོ་ཞིང་དེ་དག་ལ་ བལྟོས་ཏེ་མི་ལུས་འདི་ཡོན་ཏན་རྨད་དུ་བྱུང་བའི་ཕྱིར་རོ། །འདིར་ནི་ལུས་ལ་ཞེན་ཞིང་ཆགས་ པའི་བློ་འཇོམས་པའི་ཕྱིར་ལུས་ལ་ཆགས་བྱ་མ་ཡིན་པར་བསྟན་པ་སྟེ། ལུས་ལ་ཞེན་ཞིང་ ཆགས་ན་ཕ་རོལ་ཏུ་ཕྱིན་པ་དྲུག་ག་མི་འགྲུབ། དམ་པའི་ཆོས་མཐའ་དག་ལས་རིང་དུ་ འགྱུར་བའི་ཕྱིར་རོ། །གཉིས་པའི་ལན་ནི་གཞུང་གིས་འདེབས་པར་འགྱུར་རོ།། ལྔ་པ་དེ་ལྟར་དགོས་པ་མེད་པ་དེ་ཐབས་ཀྱིས་དགོས་པ་ལ་སྦྱོར་ཞིག་པ་ལ་གསུམ། ལུས་དགེ་བ་ལ་བཀོལ་དགོས་པར་བསྟན། རང་དོན་དུ་བཀོལ་བ་དང༌། གཞན་དོན་ལ་ བཀོལ་བར་བསྟན་པའོ། །དང་པོ་ནི། 172 ཤེས་བཞིན་སྲུང་བ། མིའོ་ཅོག་གི་ལུས་འདི་ནི།། བཀོལ་བར་བྱ་བ་ཉིད་དུ་ཟད།། ༦༦ ཅེས་གསུངས་ཏེ། དེ་ཡང་མི་འོ་ཅོག་གི་ཞེས་པ་ནི་བདག་ཅག་མིར་སྐྱེས་སོ་ཅོག་གི་ཞེས་པ་ སྟེ། ལུས་ཀྱི་དགོས་པ་ནི་དགེ་བ་ལ་བཀོལ་བ་ཁོ་ན་སྟེ། དགེ་སྡིག་ལུང་མ་བསྟན་གང་ལ་ བཀོལ་ཡང་ལུས་ཉིད་ནི་རིང་པོར་མི་ཐོགས་པར་འཇོག་ཅིང་འཇིག་མོད་ཀྱང༌། བཀོལ་བ་ པོའི་རྣམ་ཤེས་ཀྱི་རྒྱུན་དེ་ཉིད་གང་ནས་གང་དུ་འགྲོ་བར་ལས་དེ་རྗེས་སུ་འབྲངས་ཏེ། སྡིག་ པ་ལ་བཀོལ་ན་ངན་སོང་ནས་ངན་སོང་མུ་མཐའ་མེད་པར་གཞོལ་ནས་སྡུག་བསྔལ་མི་བཟད་ པ་མྱོང་ལ། དགེ་བ་ལ་བཀོལ་ན་མཐོ་རིས་ཀྱི་བདེ་བ་དཔག་ཏུ་མེད་པ་མྱོང་བར་འགྱུར་བའི་ ཕྱིར་རོ། །ལུང་དུ་མ་བསྟན་པའི་ལས་ཀྱང་གནས་སྐབས་ཀྱི་བྱ་བ་ཟིན་པ་ཙམ་དེ་ཉིད་འབྲས་ བུར་ཟད་དེ། དེ་ལས་གཞན་མི་བསྐྱེད་པ་རྫ་བྱེད་འདོད་ཙམ་ཁོ་ནས་འཇིམ་པ་ལ་སོགས་པ་ ལས་རྫ་བྱས་པའི་འབྲས་བུ་ནི་རྫ་གྲུབ་པ་དེ་ཉིད་དུ་ཟད་དེ། དེ་ལས་རྣམ་པར་སྨིན་པ་གཞན་ མེད་དོ། །དེས་ན་ལུང་དུ་མ་བསྟན་པ་སྙིང་པོ་མེད་པ་རྣམས་ཀྱང་དོར་ཏེ། མི་དགེ་བའི་བྱ་བ་ སྐད་ཅིག་གི་ཡང་སྐབས་མི་འབྱེད་པར་དགེ་བ་ཁོ་ན་ལ་ལུས་ལ་འཕངས་པ་དང༌། སྐྱོ་བ་དང༌། དུབ་པ་དང༌། རློམ་སེམས་མེད་པར་བཀོལ་ཞིག་པའོ།། གཉིས་པ་རང་དོན་དུ་བཀོལ་བར་བསྟན་པ་ནི། འདི་ལྟར་ཁྱོད་ཀྱིས་བསྲུངས་ཀྱང་ནི།། འཆི་བདག་བརྩེ་བ་མེད་པ་ཡིས།། 173 ཤེས་བཞིན་སྲུང་བ། འཕྲོགས་ཏེ་བྱ་དང་ཁྱིར་བྱིན་ན།། དེ་ཚེ་ཁྱོད་ཀྱིས་ཅི་བྱར་ཡོད།། ༦༧ བྲན་གཡོག་བཀོལ་དུ་མི་བཏུབ་ལའང༌།། གོས་ལ་སོགས་པ་མི་སྦྱིན་ན།། ལུས་འདི་སྙོད་ཀྱང་གཞན་འགྲོ ་ན།། ཁྱོད་ཀོ་ཅི་སྟེ་ཤ་ཐང་གསོ།། ༦༨ འདི་ལ་གླ་རྔན་བྱིན་ནས་ནི།། ད་ནི་རང་དོན་བྱེད་དུ་ཆུག། ཕན་པ་མེད་པ་འདི་ལ་ནི།། ཐམས་ཅད་སྦྱིན་པར་མི་བྱའོ།། ༦༩ ཞེས་གསུངས་ཏེ། དེ་ཡང་ལུས་འདི་འཕངས་མེད་དུ་དགེ་བ་ལ་བཀོལ་དགོས་ཏེ། ནམ་ འཇིག་ཆ་མེད་པའི་ཕྱིར། སྐྱོ་དུབ་མེད་པར་བཀོལ་དགོས་ཏེ། སེམས་རང་ཉིད་ལ་གཏན་ དུ་ཕན་པའི་བྱ་བ་འདི་ལས་གཞན་མེད་པའི་ཕྱིར། རློམ་སེམས་དང་ཡུས་མེད་པར་བཀོལ་ དགོས་ཏེ། རང་གི་བཀྲེས་པ་སེལ་ཕྱིར་ཟས་ཟ་བ་ལ་གཞན་ལ་ཡུས་བྱ་ས་མེད་པ་བཞིན་ནོ།། དེ་ཡང་ད་ལྟ་ནས་རིངས་པར་བཀོལ་དགོས་ཏེ། ཚེ་ལ་ངེས་པ་མེད་ནམ་འཆི་ཆ་མེད་ཤི་ ཕན་ཆད་ལུས་དེས་ཅི་ཡང་བྱར་མེད་པའི་ཕྱིར་རོ།། 174 ཤེས་བཞིན་སྲུང་བ། དེས་ན་ལུས་འདི་ལ་གླ་རྔན་གྱི་དོན་དུ་ཟས་སྐོམ་དང༌། གོས་དང༌། སྨན་དང༌། གནས་མལ་ རྣམས་འདོད་པ་བསོད་སྙོམས་ཀྱི་མཐའ་སྤངས་ཤིང༌། ངལ་ཞིང་དུབ་པའི་མཐའ་སྤངས་པ་ཇི་ ཙམ་གྱིས་བདེ་བར་འཚོ་ནུས་པ་རེ་བྱིན་ལ། སེམས་དེ་ཉིད་ལ་གཏན་དུ་ཕན་པའི་དགེ་བའི་བྱ་ བ་ལ་གཅིག་ཏུ་སྦྱོར་བའི་བྲན་གྱི་ལས་ཚོལ་ཞིག དེ་ལྟ་མིན་པར་འདི་ལ་བདག་གིར་འདུ་ཤེས་ ཏེ་གཅེས་འཛིན་གྱིས་བསོས་ཤིང་རྒྱགས་ལ་མཚག་བཟང་བར་བྱས་པ་ལ་ནི་སྙིང་པོ་ཅི་ཡང་ མེད་དེ། འདི་ནི་ཇི་ཙམ་བསོས་ཀྱང་མཐར་སེམས་དང་མི་འགྲོ གས་པར་ཐ་དད་དུ་འག ྲོ ་ལ། དེའི་ ཚེ་ཤི་བའི་རོ་ཚོ་བར་ཟད་ལ། དེས་སེམས་ཁྱོད་ལ་ཅི་ཞིག་ཕན། དེས་ན་སུའི་ཡང་མ་ཡིན་པའི་ དངོས་པོ་མི་གཙང་བའི་འདུས་པ་རུས་པའི་འཁྲུལ་འཁོར་བསྐྱེད་པ་ཙམ་འདི་ལ་ཆགས་ཤིང་ བདག་གིར་ཞེན་པས་དངོས་པོ་ཇི་སྙེད་པ་ཐམས་ཅད་ཟས་སྐོམ་དང་གོས་དང་རྒྱན་དུ་བྱས་ཏེ་ འདི་ལ་བྱིན་པར་ནི་མི་བྱའོ།། གསུམ་པ་གཞན་དོན་ལ་བཀོལ་བར་བསྟན་པ་ནི། འག ྲོ་དང་འོང་བའི་རྟེན་ཙམ་དུ།། ལུས་ལ་གྲུ་ཡི་བློ་བཞག་སྟེ།། སེམས་ཅན་རྣམས་དོན་སྒྲུབ་པའི་ཕྱིར།། ཡིད་བཞིན་གྱི་ནི་ལུས་སུ་སྒྱུར།། ༧༠ ཞེས་གསུངས་ཏེ། འོན་ཀྱང་ལུས་འདི་ནི་འཁོར་བའི་མཚོ་ལས་བདག་གཞན་སྒྲོལ་བ་ལ་གྲུ་ 175 ཤེས་བཞིན་སྲུང་བ། ཙམ་དུ་འགྱུར་ལ། གྲུ་དེ་ཤིང་དང་ལྕགས་ལ་སོགས་པའི་འདུས་པ་ཡིན་ཞིང་རྟོག་པ་ཅི་ཡང་མེད་ ཀྱང་ཆུ་བོ་ལས་སྒྲོལ་ན་མེད་དུ་མི་རུང་ཞིང་དེ་ལ་ཡང་གཟེར་དང་པྲ་ཚིལ་ལ་སོགས་པས་དུས་ དུས་སུ་གྲུ་ཚགས་མ་བྱས་ན་འཇིག་པ་ལྟར་ལུས་ཀྱི་གྲུ་འདི་ལའང་གྲུ་ཚགས་ལྟ་བུའི་ཟས་གོས་ སྨན་གྱིས་བསྐྱངས་ཏེ། བདག་དང་སེམས་ཅན་ཐམས་ཅད་ཀྱི་དོན་དུ་རེ་ཞིག་ཟུང་ལ། མཐར་ ཆུ་བུར་མི་གཙང་བའི་ལུས་མི་རྟག་པ་བདག་མེད་པ་གསོབ་གསོག་སྙིང་པོ་མེད་པ་འདི་ལ་བརྟེན་ ནས་རྡོ་རྗེའི་སྐུ་གཙང་བ་དམ་པ་རབ་ཀྱི་མཐར་སོན་པ་རྟག་པ་གཡུང་དྲུང་གི་རང་བཞིན་བདག་ དམ་པའི་ཕ་རོལ་ཏུ་ཕྱིན་པའི་དངོས་པོ་མི་ཤིགས་པ་སྙིང་པོར་གྱུར་པ་འགྲོ་བ་ཐམས་ཅད་ཀྱི་ རྟེན་གནས་ཡིད་བཞིན་གྱི་ནོར་བུ་ལྟ་བུ་ཆོས་ཀྱི་སྐུ་འཐོབ་པར་གྱིས་ཤིག་པའོ།། དེ་ལྟར་ལུས་དང་ལོངས་སྤྱོད་ཀྱི་རང་བཞིན་ཤེས་པས་ཆགས་པ་མེད་པར་འགྱུར་ལ། ལུས་དང་ལོངས་སྤྱོད་ལ་མ་ཆགས་པས་ནི་ཕ་རོལ་ཏུ་ཕྱིན་པ་ཐམས་ཅད་འགྲུབ་པར་འགྱུར་ གྱི་གཞན་དུ་ན་ལོངས་སྤྱོད་ལ་ཆགས་པས་སྦྱིན་པ་མི་འགྲུབ། ལུས་ལ་ཆགས་པས་ཚུལ་ ཁྲིམས་བཟོད་བརྩོན་གསུམ་མི་འགྲུབ། རྒྱུ་དེས་བསམ་གཏན་དང་རྟོགས་པ་ལས་ཉམས་ པར་འགྱུར་རོ། །དེའི་ཕྱིར་ལུས་ལ་ཆགས་པར་བྱ་བ་མ་ཡིན་པར་བསྟན་པའོ།། གཉིས་པ་དགེ་བ་སྒྲུབ་པའི་སྤྱོད་པ་ལ་བསླབ་པ་ལ་དྲུག རྗེས་ཐོབ་ཀྱི་སྤྱོད་པ་སྤྱིར་ བསྟན་པ། གདམས་ངག་དང་དུ་བླང་བ། གཞན་གྱི་བསོད་ནམས་ལ་བསྟོད་པར་བྱ་བ། ཇི་ ལྟར་སྨྲ་ཚུལ། མིག་གིས་ལྟ་ཚུལ། དགེ་བ་ཁྱད་པར་ཅན་ཇི་ལྟར་སྒྲུབ་ཚུལ་ལོ། །དང་པོ་ནི། 176 ཤེས་བཞིན་སྲུང་བ། དེ་ལྟར་རང་དབང་ཡོད་ཀྱིས་ཏེ།། རྟག་ཏུ་འཛུམ་པའི་བཞིན་དུ་གྱིས།། ཁྲོ་གཉེར་ངོ་ཟུམ་ཡོངས་ཐོང་སྟེ།། འག ྲོ་བའི་བཤེས་དང་གསོང་པོར་གྱིས།། ༧༡ ཞེས་གསུངས་ཏེ། སེམས་དུལ་ཞིང་ལས་སུ་རུང་བ་ནི་སྤྱོད་པ་ཐམས་ཅད་ཀྱི་གཞི་སྟེ། དེ་མེད་ ན་རྟ་རྒོད་ལྟར་ཁ་ལོ་བསྒྱུར་བར་མི་ནུས་པའི་ཕྱིར། བཞིན་འཛུམ་པ་དང་བཅས་པས་གསོང་ པོ་སྟེ་དྲང་པོ་དང་ཕན་པར་སྨྲ་བར་བྱ་སྟེ། འདི་ལ་ཡང་སེམས་ཐག་པ་ནས་མ་ཡིན་པར་དེ་ལྟར་ བྱེད་ན། ངོ་དགའ་དང༌། གཅམ་བུ་དང༌། ཁ་གསག་ཡིན་པས་ཡང་དག་མིན་ལ། སེམས་དང་ འདྲེ་བ་ནི་བྱམས་པ་དང་རྗེས་སུ་འབྲེལ་བའོ།། ཁྲི་ལ་སོགས་པ་བབ་ཅོལ་དུ།། སྒྲ་དང་བཅས་པར་མི་དོར་རོ།། སྒོ་ཡང་དྲག་ཏུ་མི་དབྱེ་སྟེ།། རྟག་ཏུ་བཅོམ་སྐྱུང་དགའ་བར་བྱ།། ༧༢ ཞེས་གསུངས་ཏེ། ཁྲི་སོགས་སྒྲ་བཅས་སུ་དྲག་པོར་མི་དོར་བ་དང༌། སྒོ་བཙན་ཐབས་སུ་ དྲག་པོར་མི་འབྱེད་པ་དང༌། སྐད་ཆེན་པོ་དགོས་མེད་དུ་མི་འབྱིན་པ་སོགས་ནི་སྲོག་ཆགས་ 177 ཤེས་བཞིན་སྲུང་བ། ཕྲ་མོ་མང་པོ་སྐྲག་པས་འཆི་བ་སོགས་ལས་སྲུང་བ་དང༌། ཕ་རོལ་པོའི་ཏིང་ངེ་འཛིན་སོགས་ ལ་བར་ཆད་དུ་མི་འགྱུར་བ་དང༌། བཙན་ཐབས་སུ་སྐྲག་པ་མི་སྐྱེ་བ་དང༌། རང་ཉིད་ཀྱི་ཤེས་ བཞིན་མི་ཉམས་པར་འགྱུར་བའི་ཕྱིར་རོ།། ཆུ་སྐྱར་བྱི་ལ་ཆོམ་རྐུན་དག། སྒྲ་མེད་འཇབ་ཅིང་འགྲོ་བ་ཡིས།། མངོན་པར་འདོད་པའི་དོན་གྲུབ་པ།། ཐུབ་པས་རྟག་ཏུ་དེ་བཞིན་སྤྱད།། ༧༣ ཅེས་གསུངས་ཏེ། དེས་ན་ལུས་ངག་གི་སྤྱོད་ལམ་ཐམས་ཅད་འཇམ་ཞིང་དལ་ལ། གཞན་གྱི་ ཡིད་ལ་མི་གཟན་པ་ངག་གིས་བཅོམ་བསྐྱུངས་ཤིང་མངོན་ཚན་ཆུང་བ་ཁོ་ནས་རང་གི་སྤྱོད་ པ་འགྲུབ་པར་བྱ་དགོས་པའོ། །ཆུ་སྐྱར་ལ་སོགས་པའི་དཔེ་ནི་མངོན་ཚན་ཆུང་བར་བྱེད་པའི་ དཔེ་ཁོ་ན་སྟེ། དེ་ལས་གཞན་པའི་དཔེ་མ་ཡིན་ནོ། །ཐུབ་པ་ཞེས་པ་ནི་སྤྱིར་དཀའ་ཐུབ་པ་ དང༌། དྲང་སྲོང་ངམ། བརྟུལ་ཞུགས་ཅན་མཐའ་དག་ལ་འཇུག་ཀྱང་སྐབས་འདིར་བྱང་ཆུབ་ སེམས་དཔའ་དེས་ཞེས་བྱ་བའི་དོན་ཏོ།། གཉིས་པ་གདམས་ངག་དང་དུ་བླང་བ་ནི། གཞན་ལ་གཞེན་བསྐུལ་འདེབས་མཁས་ཤིང༌།། མ་བཅོལ་ཕན་པ་བྱེད་པའི་ངག། 178 ཤེས་བཞིན་སྲུང་བ། གུས་པས་སྤྱི་བོས་བླང་བྱ་སྟེ།། རྟག་ཏུ་ཀུན་གྱི་སློབ་མར་གྱུར།། ༧༤ ཞེས་གསུངས་ཏེ། གཞན་དགེ་བ་ལ་བསྐུལ་བའི་གཞེན་བསྐུལ་ཐབས་མཁས་པས་འདེབས་ པར་བྱ་སྟེ། ཁ་ཅིག་ནི་བསྟོད་ཅིང་བཀུར་སྟི་དང་བཅས་པས་འདུལ་བ་དང༌། དེ་བཞིན་དུ་ དམད་ཅིང་དཔྱོས་པ་དང༌། བཞད་གད་དང་བཅས་པ་དང༌། གཏམ་གཞན་སྣ་ཚོགས་ལས་ འཕྲོས་ཏེ་གླེངས་པ་དང༌། དམ་པའི་ཆོས་ཉིད་ཀྱི་རིམ་པས་བསྟན་པ་དང༌། ཟུར་གྱིས་བསྟན་ པ་དང༌། ཐ་མལ་པའི་ངག་ཉིད་ཡིན་པར་བཅོས་ཏེ་བསྟན་པས་འདུལ་བ་སྣ་ཚོགས་པར་ཡོད་ པས་དེ་དང་དེའི་ཚུལ་གྱིས་བསྟན་པར་བྱ་དགོས་པའི་དོན་ཏོ།། གལ་ཏེ་གཞན་སུ་ཞིག་བདག་ཉིད་ལས་མཁས་ཀྱང་རུང་མི་མཁས་ཀྱང་རུང༌། ཆོས་སྒྲུབ་པ་ཞིག་ཡིན་ཡང་རུང་གདོལ་པ་ལྟ་བུ་ཞིག་ཡིན་ཡང་རུང༌། འོས་ཀྱང་རུང་ མི་འོས་ཀྱང་རུང༌། བཅོལ་ཡང་རུང་མ་བཅོལ་ཡང་རུང༌། བསམ་པ་དག་པས་ཡིན་ཡང་རུང་ བརྙས་འདོད་པ་སོགས་ཀྱིས་ཡིན་ཡང་རུང་སྟེ། ཐ་ན་ཚིགས་སུ་བཅད་པ་གཅིག་གམ། རྐང་ པ་གཅིག་ཙམ་མམ། དོན་དང་ལྡན་པའི་ཚིག་གཅིག་ཙམ་སྨྲ་བར་བྱེད་ནའང་བདག་གིས་ དམ་པའི་ཆོས་དེ་བླང་བར་བྱ་ཞིང་གུས་པར་བྱ་སྟེ། ཁོ་བོ་ནི་རྒྱ་ཆེར་ཤེས་པས་འདི་ཙམ་ལ་ མ་ལྟོས་སོ་ཞེ་འམ། འདི་བས་བདག་མཁས་སོ་ཞེ་འམ། ཁོ་བོས་ཆོས་སྟོན་པར་མ་བཅོལ་ ལོ་ཞེ་འམ། འདི་ལས་མཉན་ན་བདག་གི་རྙེད་པ་དང་བཀུར་སྟི་ཉམས་པར་འགྱུར་རོ་སྙམ་ 179 ཤེས་བཞིན་སྲུང་བ། དུ་རྟོག་པར་མི་བྱ་སྟེ། བྱང་ཆུབ་སེམས་དཔའ་ནི་རྟག་ཏུ་ཐམས་ཅད་ཀྱི་བྲན་དང་སློབ་མ་ལྟ་ བུར་ཁས་ལེན་པའི་ཕྱིར་ཏེ། སྔོན་བྱང་ཆུབ་སེམས་དཔས། འདི་ནི་གང་གི་ཁྱོར་གྱུར་པའི།། བུད་མེད་དེ་ཡང་མྱ་ངན་འདས།། ཞེས་རི་དྭགས་སྐྱེས་ཀྱིས་བརྗོད་པ་ན། མྱ་ངན་འདས་ཞེས་པའི་ཚིག་ཙམ་ལ་དགྱེས་ནས་མུ་ ཏིག་གི་ཕྲེང་བ་གནང་བ་དང༌། གནོད་སྦྱིན་དང་སྲིན་པོའི་གཟུགས་ཅན་དུ་མ་ལས་རང་གི་ ཤས་དམ་པའི་ཆོས་ཚིགས་བཅད་རེ་རེ་ཉོས་པ་དང༌། ཚིགས་བཅད་གཅིག་གི་དོན་དུ་ལུས་ ལ་ལྕགས་གཟེར་སྟོང་བཏབ་པ་དང༌། མར་མེའི་སྡོང་བུ་སྟོང་བཙུགས་པ་དང༌། བདག་དང་ བཙུན་མོ་དང་སྲས་ཏེ་མཆོག་གསུམ་བྱིན་པ་སོགས་སྐྱེས་རབས་རྒྱ་མཚོ་ལྟ་བུའི་ཕྱིར་དང༌། བྱང་ཆུབ་སེམས་དཔའ་རྫུ་འཕྲུལ་ཐོབ་པ་རྣམས་ཀྱང་ཆོས་ཚིགས་བཅད་གཅིག་གི་ཆེད་དུ་ སྟོང་གསུམ་མེ་ལྕེས་གང་བ་དུ་མ་བརྒལ་ནས་འག ྲོ་བའི་ཕྱིར་རོ།། ལེགས་པར་སྨྲས་པ་ཐམས་ཅད་ལ།། དགེ་བར་གསུངས་ཞེས་བརྗོད་པར་བྱ།། ཞེས་གསུངས་ཏེ། དེ་བཞིན་དུ་གཞན་གྱིས་ཆོས་ལེགས་པར་སྨྲ་བ་མཐོང་ན་དེ་ལ་སེམས་ ཐག་པ་དང་དངོས་སུ་དག་གིས་ཀྱང་ལེགས་པར་གསུངས་སོ། །རྗེས་སུ་ཡི་རང་ངོ་ཞེས་ དགའ་བའི་ཚིག་སྨྲ་བར་བྱ་སྟེ། གལ་ཏེ་ལེགས་པར་སྨྲས་པ་སྟོན་པའི་བཀའ་དང་མི་འགལ་ 180 ཤེས་བཞིན་སྲུང་བ། བ་ཡིན་ནའོ། །གལ་ཏེ་ཆོས་མ་ཡིན་པ་སྟོན་པ་ཞིག་ན་ནི་རིགས་པ་དང་ལུང་གིས་ཚར་བཅད་ པར་བྱ་ལ། གལ་ཏེ་དེ་ལྟར་མ་ནུས་པའམ་དགེ་འདུན་འཁྲུག་ལོང་གི་རྒྱུར་འགྱུར་བ་སོགས་ མཐོང་ན་ཅི་ཡང་སྨྲ་བར་མི་བྱ་ལ་མཉན་པར་ཡང་མི་བྱ་སྟེ། དམ་ཆོས་ཀྱི་རྒྱལ་པོ་སོགས་ཀྱི་ མདོ་ལས། མ་འོངས་པའི་ཚེ་ཆོས་མ་ཡིན་པ་སྨྲ་བ། དངོས་པོ་དང་མཚན་མ་དང་བདག་ཏུ་ལྟ་ བ་དག་གིས་དེ་ལྟར་སྟོན་པ་ན་སྔོན་སངས་རྒྱས་མཐོང་བའི་སར་བུ་བློ་གྲོས་ཅན་ཁ་ཅིག་དེ་ལ་ མི་དགའ་ནས་འཁོར་དེ་ནས་ལངས་ཏེ་སོང་བ་དང༌། སྔོན་སངས་རྒྱས་མཐོང་བའི་ལྷ་རྣམས་ དགའ་སྟེ་ད་དུང་སྟོན་པའི་བསྟན་པ་གནས་སོ། །ཞེས་སར་བུ་དེ་དག་ལ་བསྔགས་པར་བཤད་ པའི་ཕྱིར་རོ།། གསུམ་པ་གཞན་གྱི་བསོད་ནམས་ལ་བསྟོད་པར་བྱ་བ་ནི། བསོད་ནམས་བྱེད་པ་མཐོང་གྱུར་ན།། བསྟོད་པས་ལེགས་པར་དགའ་བ་སྐྱེད།། ༧༥ ཅེས་གསུངས་ཏེ། གཞན་བསོད་ནམས་ཀྱི་ལས་བྱེད་པ་ཐོས་པའམ་མཐོང་ན་དེ་ལ་སེམས་ ཐག་པས་ཡི་རང་བར་བྱ་ཞིང༌། ཕ་རོལ་པོ་ལ་མི་གནོད་ན་དངོས་སུའང་བསྟོད་ཅིང་ཡི་རང་ བར་བྱའོ།། ལྐོག་ན་ཡོན་ཏན་བརྗོད་བྱ་ཞིང༌།། ཡོན་ཏན་བརྗོད་ན་རྗེས་སུ་བརྗོད།། 181 ཤེས་བཞིན་སྲུང་བ། རང་གི་ཡོན་ཏན་བརྗོད་ན་དེ།། ཡོན་ཏན་ཤེས་པར་རིག་པར་བྱ།། ༧༦ ཞེས་གསུངས་ཏེ། སྤྱིར་གཞན་གྱི་ཡོན་ཏན་བརྗོད་ན་ངོར་མི་བརྗོད་པར་ལྐོག་ན་བརྗོད་པར་བྱ་ སྟེ། རློམ་སེམས་དང་ང་རྒྱལ་མི་སྐྱེ་བའི་ཆེད་དང༌། ཡ་རབས་དག་ནི་ངོར་བསྟོད་ན་ངོ་ཚ་བར་ བྱེད་ཀྱིས་དགའ་བར་མི་བྱེད་ལ། ངོར་བསྟོད་ཁ་གསག་དེང་སང་གི་མི་ཆེན་རྣམས་ལ་ཞལ་ འཛིན་དང༌། དགོངས་ལེན་དང༌། གཟིགས་སྐུར་ཞེས་མེད་མི་རུང་དུ་དགོས་པ་འདི་དག་ནི་ མ་རབས་མགུ་བྱ་ཡིན་མོད་ཀྱང་གཡོ་སྒྱུའི་བྱེ་བྲག་ཡིན་པའི་ཕྱིར། མཁས་པ་རྣམས་ཀྱིས་ དེ་ལ་དགའ་བ་དང་དེས་འཚོ་བའི་སྐྱེས་བུ་གཉིས་ཀ་རིང་དུ་སྤང་བར་བྱ་བ་ཡིན་པའི་ཕྱིར་ རོ། །རང་གི་ཡོན་ཏན་ཕ་རོལ་གྱིས་བརྗོད་པ་མཐོང་ན་ཡོན་ཏན་ཤེས་པ་དང༌། དེ་ལ་ཕྲག་མི་ དོག་པར་བསྔགས་པ་ཙམ་ལ་དགའ་ཞིང་རྗེས་སུ་ཡི་རང་བར་བྱའི་བསྟོད་པས་མགུ་བ་དང་ རློམ་སེམས་སུ་ནི་མི་བྱའོ།། རྩོམ་པ་ཐམས་ཅད་དགའ་ཕྱིར་ཏེ།། དེ་ནི་རིན་གྱིས་ཉོ་ནའང་དཀོན།། དེ་ལྟར་གཞན་བྱས་ཡོན་ཏན་གྱིས།། དགའ་བའི་བདེ་བ་སྤྱད་པར་བྱ།། ༧༧ ཞེས་གསུངས་ཏེ། མདོར་ན་བྱང་ཆུབ་སེམས་དཔའི་བྱ་བ་ཅི་རྩོམ་ཡང་གཞན་དོན་དུ་ཡིན་ལ། 182 ཤེས་བཞིན་སྲུང་བ། བློ་འདི་ལྟ་བུ་ནི་རིན་གྱིས་ཀྱང་འཇིག་རྟེན་དུ་གཞན་ལ་མི་རྙེད་དོ། །དེ་ལྟར་གཞན་དོན་ཁོ་ ན་བསྒྲུབ་པར་བྱ་བ་ཡིན་ན་རང་ཉིད་ཀྱིས་བསྒྲུབས་པ་ལ་མ་ལྟོས་པར་སེམས་ཅན་རང་རང་ གིས་རྒྱུ་བསོད་ནམས་དང་འབྲས་བུ་བདེ་བ་སྤྱོད་ན་དགའ་བ་བརྒྱ་འགྱུར་དུ་བྱ་བར་རིགས་ ཏེ། དེ་ལྟར་གཞན་བྱས་ཡོན་ཏན་གྱིས་བདག་དགའ་བའི་བདེ་བ་སྤྱད་པ་བུ་གཅིག་པོ་ནད་ ཆེན་པོ་ལས་སོས་ཏེ་བདེ་བ་ཐོབ་པ་མས་མཐོང་བ་ན་བུ་ཉིད་ནད་ལས་སོས་པའི་དགའ་བདེ་ ལས་དེ་མཐོང་བའི་མ་དགའ་བདེ་ཁྱད་པར་དུ་གྱུར་པ་ལྟ་བུའོ།། བདག་ལ་འདིར་གོད་ཡོང་མེད་ལ།། ཕ་རོལ་ཏུ་ཡང་བདེ་བ་ཆེ།། ཉེས་པས་མི་དགའ་སྡུག་བསྔལ་ཞིང༌།། ཕ་རོལ་ཏུ་ཡང་སྡུག་བསྔལ་ཆེ།། ༧༨ ཞེས་གསུངས་ཏེ། དེ་ལྟར་གཞན་བདེས་བདག་དགའ་བ་འདི་ལ་ནི་བདག་ཉིད་ལ་ནི་འདིར་ ཀར་ཥ་པ་ཎ་གཅིག་གོད་པ་ཡང་མེད་ལ། ཕ་རོལ་ཏུ་ཡང་བསོད་ནམས་ཚད་མེད་པའི་བདེ་བ་ འཐོབ་པར་འགྱུར་རོ། །དེ་ལས་ཟློག་སྟེ་གཞན་གྱི་བདེ་བ་མི་བཟོད་པ་དང་ཉེས་པར་དགའ་ བའི་བློ་འདིས་ནི་འཕྲལ་དུ་རང་ཉིད་སྡུག་བསྔལ་ཞིང་ཟུག་རྔུ་ཡིད་གདུངས་ལ་ཕ་རོལ་ཏུ་ཡང་ སྡུག་བསྔལ་མི་བཟད་པ་མྱོང་དགོས་པའི་ཕྱིར་རོ།། 183 ཤེས་བཞིན་སྲུང་བ། བཞི་པ་ཇི་ལྟར་སྨྲ་ཚུལ་ནི། སྨྲ་ན་ཡིད་ཕེབས་འབྲེལ་བ་དང༌།། དོན་གསལ་ཡིད་དུ་འོང་བ་དང༌།། ཆགས་དང་ཞེ་སྡང་སྤངས་པ་དང༌།། འཇམ་ཞིང་རན་པར་སྨྲ་བར་བྱ།། ༧༩ ཞེས་གསུངས་ཏེ། བྱང་ཆུབ་སེམས་དཔས་སྨྲ་བ་ན་བག་ཕབ་སྟེ་ཕ་རོལ་པོ་ཡིད་ཕེབས་ པར་བྱེད་པ་དང༌། ཚིག་འབྲེལ་བ་དང༌། དོན་གསལ་ཞིང་ཡིད་དུ་འབབ་པ་དང༌། དུག་ གསུམ་མེད་པའི་ཚིག་དང༌། འཇམ་ཞིང་མང་ཉུང་སོགས་རན་ཞིང་འཚམ་པར་སྨྲ་བས་ དོན་བྱེད་པ་སྟེ། བློ་གྲོས་རྒྱ་མཚོས་ཞུས་པའི་མདོ་ལས། བྱང་ཆུབ་སེམས་དཔའ་ལ་ཚིག་ གི་འཁྲུལ་པའི་སྐྱོན་དྲུག་ཅུ་རྩ་བཞི་དང་བྲལ་བར་གསུངས་ཏེ། དེའི་སྡོམ་ནི། ཚིག་རྩུབ་ རྙོག་དང་གྱོ་མོའི་སྒྲ། །ཞེས་སོགས་རྗེ་དཔའ་བོ་གཙུག་ལག་ཕྲེང་བའི་འགྲེལ་ཆེན་ལས་ གསུངས་པ་ལྟར་ཤེས་པར་བྱའོ།། དེ་ལྟར་སྐྱོན་དེ་དག་དང་བྲལ་ཞིང་ཡོན་ཏན་ཡང་ཕྱད་པར་ལུང་སྟོན་པ་དང༌། ཡང་དག་པ་ དང༌། དེ་ཁོ་ན་དང༌། བདེན་པ་རྣམ་པར་དགོད་པ་དང༌། བདེན་པའི་རྗེས་སུ་འབྲང་བ་དང༌། སེམས་ཅན་ཐམས་ཅད་ཀྱི་སྐད་ལ་འཇུག་པ་དང༌། བསམ་པ་བཞིན་ཚིམ་པར་བྱེད་པ་སོགས་ རྒྱ་ཆེར་བཤད་དོ།། 184 ཤེས་བཞིན་སྲུང་བ། ལྔ་པ་མིག་གིས་ལྟ་ཚུལ་ནི། མིག་གིས་སེམས་ཅན་ལྟ་ན་ཡང༌།། འདི་དག་ཉིད་ལ་བརྟེན་ནས་བདག། སངས་རྒྱས་ཉིད་དུ་འགྱུར་རོ་ཞེས།། དྲང་ཞིང་བྱམས་པའི་ཚུལ་གྱིས་ལྟ།། ༨༠ ཞེས་གསུངས་ཏེ། འདིར་ནི་དགེ་བའི་བཤེས་གཉེན་གྱི་འདུ་ཤེས་ཀྱིས་གཞན་ལ་ལྟ་བ་ སྟེ། སྤྱིར་ཆགས་པ་སྤང་བའི་ཕྱིར་འཁྲུལ་འཁོར་གྱི་འདུ་ཤེས་དང༌། བྱམས་པའི་ཕྱིར་ཕ་མའི་ འདུ་ཤེས་དང༌། སྙིང་བརྩེའི་ཕྱིར་སྡུག་བསྔལ་བའི་འདུ་ཤེས་དང༌། ཕ་རོལ་ཏུ་ཕྱིན་པ་དྲུག་ གི་ཕྱིར་དགེ་བའི་བཤེས་གཉེན་གྱི་འདུ་ཤེས་དང༌། ཞེན་པ་སྤོང་བའི་ཕྱིར་སྒྱུ་མ་ལྟ་བུའི་འདུ་ ཤེས་དང༌། ཞིང་ཡོངས་སུ་སྦྱོང་བའི་ཕྱིར་རྣམ་པར་དག་པའི་འདུ་ཤེས་སོགས་སྐབས་སོ་སོའི་ དགོས་པ་དང་སྦྱར་རོ། །འགྲེལ་པར། དྲང་པོར་ལྟ་བ་ནི་ཡོན་པོ་དང་གྱ་གྱུ་ཅན་མ་ཡིན་པར་ དགའ་བས་ཚིམ་པར་ཆགས་སྡང་རྨོངས་པ་མེད་པར་ལྟ་བའོ། །ཞེས་སོ།། དྲུག་པ་དགེ་བ་ཁྱད་པར་ཅན་ཇི་ལྟར་སྒྲུབ་ཚུལ་ལ་གསུམ། ཆོས་བཞི་ལྡན་གྱི་དགེ་བ་ནི་ དགེ་བ་གཞན་ལས་ཁྱད་པར་འཕགས་པར་བསྟན། རང་ཉིད་ཁོ་ནས་སྒྲུབ་དགོས་པར་བསྟན། དགེ་བས་ཆོག་མི་ཤེས་པར་གོང་མ་ལ་བདམ་དགོས་པར་བསྟན་པའོ། །དང་པོ་ནི། 185 ཤེས་བཞིན་སྲུང་བ། རྟག་པར་མངོན་ཞེན་གྱིས་བསླང་བའམ།། གཉེན་པོ་ཡིས་ནི་བསླང་བ་ཡིས།། ཡོན་ཏན་ཞིང་དང་ཕན་འདོགས་ཞིང༌།། སྡུག་བསྔལ་བ་ལ་དགེ་ཆེན་འགྱུར།། ༨༡ ཞེས་གསུངས་ཏེ། དེ་ཡང་བཤེས་སྤྲིང་ལས། རྟག་དང་མངོན་པར་ཞེན་དང་གཉེན་པོ་དང༌།། ཡོན་ཏན་གཙོ་ལྡན་གཞི་ལས་བྱུང་བའི་ལས།། དགེ་དང་མི་དགེ་རྣམ་ལྔ་ཆེན་པོ་སྟེ།། དེ་བས་དགེ་བ་སྤྱད་ལ་བརྩོན་པར་གྱིས།། ཞེས་པ་ལྟར་དུས་ཀྱི་ཁྱད་པར་རྟག་ཏུ་བྱེད་པ་དང༌། བསམ་པའི་ཁྱད་པར་མངོན་ཞེན་ནམ་ འདུན་པ་དྲག་པོས་ཀུན་ནས་བསླང་བ་དང༌། གཉེན་པོའི་ཁྱད་པར་བྱང་ཆུབ་ཀྱི་སེམས་དང་དེ་ ཁོ་ན་ཉིད་སྒོམ་པ་སོགས་གཉེན་པོ་ཆེན་པོས་ཟིན་པའམ་ཀུན་ནས་བསླང་བ་ཉིད་དང༌། ཞིང་ གི་ཁྱད་པར་ཡོན་ཏན་གྱི་ཞིང་དཀོན་མཆོག་གསུམ། ཕན་བཏགས་པའི་ཞིང་ཕ་མ་དང་མཁན་ སློབ། སྡུག་བསྔལ་བའི་ཞིང་ནད་པ་དང་མགོན་མེད་རྣམས་ལ་སྦྱིན་པ་ལ་སོགས་པ་བྱས་ པ་ན་ཆུང་ངུ་ལས་མ་བྱས་ཀྱང་དེའི་དགེ་བ་དེ་ནི་བསོད་ནམས་ཀྱི་ལས་གཞལ་དུ་མེད་པར་ འགྱུར་བ་ཡིན་ནོ།། 186 ཤེས་བཞིན་སྲུང་བ། གཉིས་པ་རང་ཉིད་ཁོ་ནས་སྒྲུབ་དགོས་པར་བསྟན་པ་ནི། མཁས་ཤིང་དགའ་དང་ལྡན་བྱས་ནས།། ལས་རྣམས་རྟག་ཏུ་བདག་གིས་བྱ།། ལས་རྣམས་ཀུན་ལ་སུ་ལ་ཡང༌།། ལྟོས་པར་བྱ་བ་མ་ཡིན་ནོ།། ༨༢ ཞེས་གསུངས་ཏེ། དེ་ལྟར་ལས་དང་རྣམ་སྨིན་ལ་མཁས་ཤིང་བསོད་ནམས་ཀྱི་ལས་ལ་ཆེས་ དགའ་བས་སུ་ལ་ཡང་ག ྲོགས་བྱ་བའི་ལྟོས་པ་མེད་པར་བདག་ཉིད་ཁོ་ནས་ཚར་ཕྱིན་པར་ བསྒྲུབ་པར་བྱའོ།། གསུམ་པ་དགེ་བས་ཆོག་མི་ཤེས་པར་གོང་མ་ལ་བདམ་དགོས་པར་བསྟན་པ་ནི། སྦྱིན་པའི་ཕ་རོལ་ཕྱིན་ལ་སོགས།། གོང་ནས་གོང་དུ་ཁྱད་ཞུགས་སྤྱད།། ཆུང་ངུའི་ཕྱིར་ནི་ཆེ་མི་བཏང༌།། གཙོ་ཆེར་གཞན་གྱི་དོན་བསམ་མོ།། ༨༣ ཞེས་གསུངས་ཏེ། དེ་ཙམ་གྱིས་ཆོག་ཤེས་པར་ཡང་མི་བྱ་སྟེ་སྦྱིན་པའི་ཕ་རོལ་ཏུ་ཕྱིན་པ་ཙམ་ ནི་སྒྲུབ་པར་ཆེས་དཀའ་བ་ཡང་མ་ཡིན་ལ། བླ་ན་མེད་པ་ཡང་མ་ཡིན་ཏེ་དགེ་བའི་ཐེམ་སྐས་ འོག་མ་ཙམ་དུ་ཟད་པའི་ཕྱིར། དེ་གྲུབ་ནས་དེ་བས་སྒྲུབ་པར་དཀའ་ཞིང་ཕན་ཡོན་ཆེས་ཆེ་ 187 ཤེས་བཞིན་སྲུང་བ། བ་ཐེམ་སྐས་གཉིས་པ་ལྟ་བུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ཆེད་དུ་ནན་ཏན་ལྷུར་བྱ་ལ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་བར་དུ་གོང་ནས་གོང་དུ་ བསྒྲུབ་པར་བྱ་ལ། དེ་དག་ལས་གཉིས་ནང་འདོམ་པ་ན་ཕན་ཡོན་ཆུང་བ་དེ་དོར་ནས་ཕན་ ཡོན་ཆེ་བ་དེ་ཉིད་ལ་འཇུག་དགོས་ལ། ཕན་ཡོན་ཡང་མཚུངས་ན་སྐབས་དེར་གཞན་དོན་དུ་ གང་འགྱུར་བ་དེ་སྒྲུབ་པར་བྱའོ།། གསུམ་པ་སེམས་ཅན་དོན་བྱེད་ཀྱི་ཚུལ་ཁྲིམས་ལ་གསུམ། གཞན་དོན་གཙོ་བོར་བྱ་བ། སེམས་ཅན་བསྡུ་བའི་སྤྱོད་པ། གཞན་སེམས་སྲུང་བར་བསྟན་པའོ། །དང་པོ་ནི། དེ་ལྟར་རིག་བྱས་གཞན་དོན་ལ།། རྟག་ཏུ་བརྩོན་པར་གནས་པར་བྱ།། ཐུགས་རྗེ་མངའ་བ་རིང་གཟིགས་པས།། བཀག་པ་རྣམས་ཀྱང་དེ་ལ་གནང༌།། ༨༤ ཞེས་གསུངས་ཏེ། དེ་ལྟར་རིག་བྱས་ཞེས་པ་སྔར་བཤད་པ་དེ་རྣམས་འདྲིས་ཤིང་རྒྱུད་ལ་ འདྲེས་པར་བྱ་བའོ། །དེ་ཐམས་ཅད་ཀྱི་དགོས་པ་ནི་རྟག་ཏུ་གཞན་དོན་ལ་བརྩོན་པ་ཡིན་ཏེ། སངས་རྒྱས་དང་བྱང་ཆུབ་སེམས་དཔའི་བྱ་བ་ནི་དེ་ལས་གཞན་མེད་པའི་ཕྱིར། ཐུགས་རྗེ་ མངའ་བ་ཕྱི་རྗེས་རྒྱང་རིང་དུ་གཟིགས་པའི་སངས་རྒྱས་ཀྱིས་བཀག་པའི་དངོས་པོ་སྟེ། རང་ དོན་དུ་སྲོག་ལ་བབ་ཀྱང་མི་བྱ་བར་གསུངས་པ་རྣམས་ཀྱང་གཞན་དོན་འབའ་ཞིག་པའི་བློ་ 188 ཤེས་བཞིན་སྲུང་བ། ཅན་དེ་ལ་གཞན་དོན་དུ་འགྱུར་བའི་ཚེ་ནི་གནང་བ་ཉིད་དེ། དེད་དཔོན་སྙིང་རྗེ་ཆེན་པོས་བྱང་ ཆུབ་སེམས་དཔའ་ལྔ་བརྒྱ་ཕྱིར་མི་ལྡོག་པའི་བར་ཆད་དུ་མི་འགྱུར་བའི་ཆེད་དང་སྐྱེས་བུ་དེ་ ངན་སོང་དུ་མི་ལྟུང་བའི་ཆེད་དུ་མི་ནག་མདུང་ཐུང་ཅན་བསད་པས་བསྐལ་པ་ཁྲིའི་ཚོགས་ རྫོགས་པ་དང༌། ཁྱེའུ་སྐར་མས་བུ་མོའི་སྲོག་སྐྱོབ་པའི་ཆེད་དུ་ཚངས་སྤྱོད་བཏང་བས་བསྐལ་ པ་འབུམ་གྱི་ཚོགས་བཟླུམས་པར་གསུངས་པའི་ཕྱིར། ཅི་མི་ནག་མདུང་ཐུང་ཅན་བསད་པས་ངན་སོང་གི་རྣམ་སྨིན་མྱོང་ཞིང་སངས་རྒྱས་ནས་ ཀྱང་ཞབས་ལ་སེང་ལྡེང་གི་ཚལ་པ་ཟུག་པ་མ་ཡིན་ནམ་ཞེ་ན། དེ་ནི་སྲིད་པ་ཐ་མ་པ་བཞི་བཅུ་ གདུལ་བའི་ཆེད་དུ་དགོས་པས་བསྟན་པ་སྟེ་དྲང་དོན་དུ་རིག་པར་བྱ་ལ། འདིས་བསྐལ་པ་དེ་ སྙེད་ཀྱི་ཚོགས་བཟླུམས་ན་མི་དགེ་བའི་ལས་སུ་ལྟ་ག་ལ་འགྱུར། གཉིས་པ་སེམས་ཅན་བསྡུ་བའི་སྤྱོད་པ་ལ་གཉིས། ཟང་ཟིང་དང༌། ཆོས་ཀྱིས་བསྡུ་ བའོ། །དང་པོ་ལ་གསུམ། ཟས་གོས་ལས་བྱིན་ཚུལ། དུས་མིན་དུ་ལུས་དངོས་སུ་མི་བཏང་ བའི་ཚུལ། དོན་ཆེན་པོའི་རྒྱུར་བཏང་བར་བསྟན་པའོ། །དང་པོ་ནི། ལོག་པར་ལྟུང་དང་མགོན་མེད་དང༌།། བརྟུལ་ཞུགས་གནས་ལ་བགོ་བྱ་ཞིང༌།། རན་པ་ཙམ་དུ་བཟའ་བྱ་སྟེ།། ཆོས་གོས་གསུམ་མ་གཏོགས་པ་སྦྱིན།། ༨༥ 189 ཤེས་བཞིན་སྲུང་བ། ཞེས་གསུངས་ཏེ། དེ་ཡང་འདིར་བྱང་ཆུབ་སེམས་དཔའ་རབ་བྱུང་གི་དབང་དུ་བྱས་ནས་ བསོད་སྙོམས་དེ་ལས་ཆ་བཞིར་བགོས་ཏེ། དང་པོ་ལོག་པར་ལྟུང་བ་ནི་ཡི་དྭགས་དང་དུད་ འག ྲོ་སྟེ། དཀའ་འགྲེལ་ཆུང་ངུར། ལོག་པར་ལྟུང་བ་ནི་ཡི་དྭགས་ལ་སོགས་པའོ། །དེ་ལ་ བགོ་བ་ནི་འཕྲོག་མ་ལ་ཆང་བུ་གཉིས་བྱིན་པ་དང༌། དེའི་བུ་ཐུ་བོ་དགའ་བྱེད་ལ་གཅིག་བྱིན་ པ་དང༌། ཁམ་གྱི་དང་པོ་ལྷག་མ་མི་ཟ་བ་ལ་བྱིན་པ་དང༌། ཐ་མ་ལྷག་མ་ཟ་བ་རྣམས་ལ་ བྱིན་པའོ། །ཞེས་སོགས་ཀྱིས་མགོན་མེད་ནད་པ་དང་སྤྲང་པོ། བརྟུལ་ཞུགས་ཀྱི་གནས་ནི་ དཀའ་ཐུབ་ཅན་ཏེ་ཕྱི་ནང་གཉིས་ཀའི་འོ། །འགྲེལ་ཆེན་ལས། ཚངས་པ་མཚུངས་པར་སྤྱོད་ པ་ཞེས་པས་ཆོས་འདི་པ་སངས་རྒྱས་པ་ཁོ་ནར་བསྟན་མོད། སྤྱིར་འདུལ་བར་དགེ་སློང་ གིས་མུ་སྟེགས་ལ་བྱིན་པ་ན་དེས་ཁྱེད་ཅག་གི་མཆོད་གནས་ནི་མགོ་རེག་འདི་རྣམས་ཡིན་ ལ། འདི་རྣམས་ཀྱི་མཆོད་གནས་ནི་ངེད་ཚོ་ཡིན་པས་ཕུལ་ལོ་ཞེས་ཁྱིམ་པ་རྣམས་ལ་ངོམ་པོ་ བྱས་པས་དད་པ་ཅན་མི་དགའ་བར་གྱུར་པ་ལ་བརྟེན་ནས། མུ་སྟེགས་ལ་མི་སྦྱིན་པར་ཡང་ གསུངས་པས་དེ་ལྟ་བུའི་དགག་བྱ་ཡོད་མེད་བརྟགས་ཏེ་མེད་ན་བྱིན་དུ་རུང་ལ་ཡོད་ན་བྱིན་ པར་མི་བྱའོ། །ཆ་གཅིག་ནི་བདག་ཉིད་ཀྱི་ལུས་ཀྱི་སྲིན་བུ་གསོ་བ་དང་གྲུ་ཆགས་ཀྱི་འདུ་ ཤེས་ཀྱིས་བཟང་ངན་དུ་མི་རྟོག་རོ་མི་མྱང་ཆགས་པ་དང་སྡང་བ་མེད་པར་ཤེས་བཞིན་གྱིས་ བཟའོ། །འདི་རྣམས་སུ་ཕུད་དཀོན་མཆོག་ལ་དབུལ་བ་ཚིག་གིས་མ་ཐོན་ཡང་དེ་ནི་ངེས་པར་ དགོས་ཏེ་སྐྱབས་འགྲོའི་བསླབ་བྱ་ཡང་ཡིན་པས་སོ།། 190 ཤེས་བཞིན་སྲུང་བ། དེ་ཡང་ཨོཾ་བུདྡྷ་ནཻ་ཝཱིདྱ་ཨཱཿཧཱུཾ་གིས་སངས་རྒྱས་ལ་དབུལ་བ་སོགས་དང་ཨོཾ་ཧ་རི་ནི་སྭཱ་ ཧཱས་འཕྲོག་མ་ལ་སྟེར་བ་སོགས་སྔགས་བརྗོད་པ་ནི་བྱ་རྒྱུད་སོགས་གསང་སྔགས་དང་སྦྱར་ བ་ཡིན་ལ། འདུལ་བ་དང་ཕར་ཕྱིན་ཐེག་པའི་སྐབས་འདིར་སེམས་དང་བས་ཡུལ་དེ་ལ་སྦྱིན་ དབུལ་བྱ་ཡི་སྔགས་ངེས་པར་དགོས་པ་ནི་མ་ཡིན་ཏེ། གསང་སྔགས་སུ་ཕྱག་དང་བསྐོར་ བ་སོགས་ལའང་བྱིན་གྱིས་རློབ་པའི་སྔགས་དང་ཆོ་ག་ཡོད་ཀྱང་ཕར་ཕྱིན་དུ་དེ་མི་དགོས་པ་ བཞིན་ནོ། །དགེ་སློང་གི་སྣམ་སྦྱར་དང་བཅས་པའི་ཆོས་གོས་གསུམ་མམ། རབ་བྱུང་སྡེ་ལྔ་ ཐུན་མོང་གི་བླ་གོས་མཐང་གོས་གདིང་བ་སྟེ་ཆོས་གོས་གསུམ་ནི་ཕྱིའི་རྟགས་ཀྱི་སྒོ་ནས་རབ་ བྱུང་ཡིན་མིན་གྱི་འབྱེད་ཆོས་ཡིན་པས་དེ་ཙམ་ཞིག་མི་བཏང་ལ། ལྷག་པོ་དང་དེ་ལས་གཞན་ པའི་ཡོ་བྱད་བཏང་བའོ། །འགྲེལ་ཆེན་དུ། བྱང་ཆུབ་སེམས་དཔའི་སོ་སོར་ཐར་པ་ལས། ཡང་ ལ་ལ་ཞིག་འོངས་ནས་ལྷུང་བཟེད་དང་ཆོས་གོས་སློང་ན་གལ་ཏེ་དེ་ལ་སངས་རྒྱས་ཀྱིས་ གནང་བའི་ཆོས་གོས་གསུམ་ལས་ལྷག་པ་ཞིག་ཡོད་ན་ཇི་ལྟ་བ་བཞིན་དུ་བཏང་ཞིང་སྦྱིན་ པར་བྱའོ། །གལ་ཏེ་དེ་ལ་ཆོས་གོས་གསུམ་ལས་མེད་ན་གང་ལ་བསྟེན་ནས་ཚངས་པར་སྤྱོད་ པ་ལ་གནས་པ་དེ་ནི་ཡོངས་སུ་བཏང་བར་མི་བྱའོ་སོགས་དྲངས་ཏེ་ཆོས་གོས་གསུམ་ཁོ་ན་ ལས་མེད་པས་དེ་བཏང་ན་བཅས་པ་དང་འགལ་ཞིང་ཧ་ཅང་གཏོང་བ་ནི་འདོད་པ་ཆུང་བ་མ་ ཡིན་པའི་ཕྱིར་རོ། །ཞེས་སོ།། གཉིས་པ་དུས་མིན་དུ་ལུས་དངོས་སུ་མི་བཏང་བའི་ཚུལ་ནི། ཡང་སྔོན་དུ་ལུས་སེམས་ ཅན་ལ་བཏང་ཟིན་ན་ཅི་ད་སྲུང་ངམ་མི་སྲུང་ཞེ་ན། 191 ཤེས་བཞིན་སྲུང་བ། དམ་པའི་ཆོས་ནི་སྤྱོད་པའི་ལུས།། ཕྲན་ཚེགས་ཆེད་དུ་གནོད་མི་བྱ།། དེ་ལྟར་བྱས་ན་སེམས་ཅན་གྱི།། བསམ་པ་མྱུར་དུ་རྫོགས་པར་འགྱུར།། ༨༦ ཞེས་གསུངས་ཏེ། དལ་འབྱོར་གྱི་ལུས་ནི་དམ་པའི་ཆོས་སྤྱོད་པའི་རྟེན་མེད་དུ་མི་རུང་བ་ཡིན་ ལ། འདི་ལ་བརྟེན་ནས་སྐད་ཅིག་སྐད་ཅིག་དང་ཉིན་ཉིན་བཞིན་དུ་ཡང་དགེ་བ་རྒྱ་ཆེར་སྒྲུབ་ པ་དང་འཕེལ་བར་འགྱུར་ལ། དུས་མིན་དུ་ལུས་ཆུད་གཟན་པ་ནི་དེ་ལྟ་མིན་པའི་ཕྱིར་དུས་ མིན་དུ་བཏང་བར་མི་བྱ་ལ། ལུས་དུབ་པར་བྱེད་པ་ལ་ཆོས་སུ་འདུ་ཤེས་པ་ཕྱི་རོལ་པའི་ དཀའ་ཐུབ་ལྟ་བུ་དང་བསྙུང་བ་སོགས་ཀྱིས་ལུས་ལ་གནོད་པ་ཡང་མི་བྱ་ལ། ལུས་ལ་གནོད་ པའི་ས་ཕྱོགས་སུ་འགྲོ་བ་དང་སྨན་མ་ཡིན་པ་བསྟེན་པ་སོགས་ཀྱང་སྤངས་དགོས་སོ།། གསུམ་པ་དོན་ཆེན་པོའི་རྒྱུར་བཏང་བར་བསྟན་པ་ནི། སྙིང་རྗེའི་བསམ་པ་མ་དག་པར།། ལུས་འདི་བཏང་བར་མི་བྱ་སྟེ།། ཅི་ནས་འདི་དང་གཞན་དག་ཏུ།། དོན་ཆེན་སྒྲུབ་པའི་རྒྱུར་བཏང་ངོ༌།། ༨༧ 192 ཤེས་བཞིན་སྲུང་བ། ཞེས་གསུངས་ཏེ། གལ་ཏེ་ལུས་སློང་བ་ཞིག་འོངས་ན་ཡང་དོན་ཆེན་པོ་མ་ཡིན་པར་མཐོང་ན་ བདག་བྱང་ཆུབ་སེམས་དཔའ་ལས་དང་པོ་པ་ཡིན་པས་ད་ལྟ་སྦྱིན་པར་མི་ནུས་ཀྱིས་བདག་ གི་བྱང་ཆུབ་ཀྱི་བར་ཆད་མ་བྱེད་ཅིག་ཅེས་བཞམས་ཏེ་བསྒོ་བས་བཟློག་པར་བྱ་ལ། སྔར་ བསྟན་པ་ལྟར་ལུས་ཀྱི་རང་བཞིན་ཁོང་དུ་ཆུད་པས་སེམས་ཀྱིས་ཞེན་པར་ཡང་མི་བྱ་ལ་དུས་ མ་ཡིན་པར་བཏང་བར་ཡང་མི་བྱ་སྟེ། སྨན་གྱི་སྡོང་བུ་མྱུ་གུའི་དུས་སྲུང་ཞིང་ཕྱིས་འབྲས་བུ་ ཟད་མི་ཤེས་པའི་དུས་སྤྱད་པའི་དཔེས་བསླབ་བཏུས་སུ། དཔེར་ན་སྨན་ཤིང་ལྗོན་པ་ལྟ་སྡུག་པ།། རྩ་བ་ལ་སོགས་སྤྱད་འོས་ས་བོན་ནི།། བྱིན་ཡང་དུས་མིན་སྤྱོད་ལས་སྲུང་བྱེད་པ།། རྫོགས་པའི་སངས་རྒྱས་སྨན་ཤིང་དེ་བཞིན་ནོ།། ཞེས་སོ།། སྤྱིར་བྱང་ཆུབ་སེམས་དཔའ་རིགས་ལ་གནས་པ་སྙིང་རྗེའི་དབང་གིས་སོ་སྐྱེའི་དུས་ནའང་ གཏོང་བ་བླ་མ་དྷརྨ་རཀྵི་ཏ་ལྟ་བུའང་ཡོད་ལ། སྤྱིར་ས་དང་པོ་ཐོབ་པ་སྦྱིན་པའི་ཕར་ཕྱིན་གཙོ་ བོར་སྒྲུབ་པའི་དུས་སུ་ཡིན་ལ། ཁྱད་པར་དུ་ནི་ལུས་དེས་བྱ་བ་བྱས་ཟིན་ནས་སླར་འཇིག་པ་ དོན་མེད་དུ་མི་འགྱུར་བའི་ཆེད་དང༌། ཡུལ་དུས་དེར་མི་རྣམས་སྦྱིན་པ་ཕྲ་མོས་ང་རྒྱལ་དུ་བྱེད་ 193 ཤེས་བཞིན་སྲུང་བ། ཅིང་དྲེགས་པ་དང༌། བརྩོན་འགྲུས་ཕྲ་མོས་ང་རྒྱལ་བ་ཤས་ཆེར་མཐོང་བ་ན་བདག་གི་ལུས་ བཏང་བས་འདི་རྣམས་ཀྱི་དྲེགས་པ་གཞོམ་པར་བྱའོ་ཞེས་དགོས་པ་དེ་ལྟ་བུ་མཐོང་བ་དང༌། ཡུལ་དེ་ལ་སྙིང་རྗེ་ཆེན་པོ་རང་དབང་མེད་པས་བཟོད་པར་མ་ནུས་པས་གཏོང་བ་སྟེ་དེ་ལྟ་བུ་ནི་ དུས་སུ་གཏོང་བ་སྟེ་དེ་དག་ལ་ནི་ཅི་སྦྱིན་ནམ་མི་སྦྱིན་ནུས་སམ་མི་ནུས་ཞེས་སོམ་ཉིའི་ཁྱོགས་ ལ་འཕྱང་བ་མེད་ལ། སོམ་ཉི་དང་བཅས་པའི་དུས་ནི་བཏང་བར་བྱ་བ་མ་ཡིན་པའོ།། གཉིས་པ་ཆོས་ཀྱིས་བསྡུ་བ་ལ་གཉིས། གང་ལ་མི་འཆད་པའི་ཡུལ་དང༌། ཇི་ལྟར་མི་ འཆད་པའི་ཚུལ་ལོ། །དང་པོ་ནི། མ་གུས་པ་ལ་ཆོས་མི་བཤད།། མི་ན་བཞིན་དུ་མགོ་གཡོགས་དང༌།། གདུགས་དང་འཁར་བ་མཚོན་ཐོགས་དང༌།། མགོ་བོ་གཡོགས་པ་དག་ལའང་མིན།། ༨༨ དམན་ལ་ཟབ་དང་རྒྱ་ཆེ་དང༌།། སྐྱེས་པ་མེད་པར་བུད་མེད་མིན།། ཞེས་གསུངས་ཏེ། ཆོས་ལ་མ་གུས་པ་ལ་ཆོས་བསྟན་ན་དེ་ཞེ་སྡང་སྐྱེ་བར་འགྱུར་བས་རྒྱུ་དེས་ དེའི་ཆོས་ལ་སྡང་བའི་བློ་རྒྱ་ཆེར་འཕེལ་བར་འགྱུར་བས་ན་མི་བཤད་པའོ། །གལ་ཏེ་མ་གུས་ 194 ཤེས་བཞིན་སྲུང་བ། པར་ཤེས་ནའང་ཆོས་ཐོས་ན་དེ་ལས་ལྡོག་པར་མཐོང་ནས་བཤད་ན་ཉེས་པ་མེད་དོ། །མགོ་ གཡོགས་པ་དང༌། གདུགས་དང༌། འཁར་བ་དང༌། མཚོན་ཆ་དང༌། གོ་ཆ་ཅན་དང༌། མགོ་ཐོད་ ཀྱིས་བཀྲིས་པ་རྣམས་ནི་མ་གུས་པ་དང་ང་རྒྱལ་གྱི་སྤྱོད་ལམ་ཡིན་པས་མི་བཤད་པ་སྟེ། དེས་ ཕན་པའི་ནད་པ་ཡིན་ན་ཉེས་པ་མེད་དོ། །བློ་དམན་པ་ལ་དེས་མི་གོ་བའི་ཟབ་པ་དང་རྒྱ་ཆེ་ བའི་གཏམ་བསྟན་པར་མི་བྱ་སྟེ་དེས་ཁོང་དུ་མི་ཆུད་པའི་ཕྱིར་རོ། །གལ་ཏེ་དེ་ལ་བརྟེན་ནས་ བློ་གོང་དུ་འགྱུར་བར་མཐོང་ན་ཉེས་པ་མེད་དོ། །སྐྱེས་པ་གཞན་མེད་པར་བུད་མེད་ཉིད་ལ་མི་ བསྟན་པ་སྟེ་གཞན་གྱིས་མ་དད་པའི་སེམས་སྐྱེ་བའི་ཕྱིར་རོ། །གལ་ཏེ་གདུལ་བའི་སྐབས་ ཤེས་པས་ཡིན་ན་ཉེས་པ་མེད་དེ། མ་འགགས་པས་ཁྱེའུ་སྤྱི་ཏོལ་ཅན་གྱི་མ་བདེན་པ་ལ་ བཀོད་པ་བཞིན་ཏེ་ཐེག་ཆེན་དུ་དེ་བས་ཀྱང་གཞན་དོན་གྱི་དགོས་པ་དབང་བཙན་པའི་ཕྱིར། གཉིས་པ་ཇི་ལྟར་མི་འཆད་པའི་ཚུལ་ནི། དམན་དང་མཆོག་གི་ཆོས་རྣམས་ལ།། མཚུངས་པར་གུས་པས་ཀུན་ཏུ་སྤྱད།། ༨༩ རྒྱ་ཆེན་ཆོས་ཀྱི་སྣོད་གྱུར་པ།། དམན་པའི་ཆོས་ལ་སྦྱར་མི་བྱ།། མདོ་དང་སྔགས་ཀྱིས་འདྲིད་མི་བྱ།། སྤྱོད་པ་ཡོངས་སུ་དོར་མི་བྱ།། ༩༠ 195 ཤེས་བཞིན་སྲུང་བ། ཞེས་གསུངས་ཏེ། ཐེག་པ་ཆེ་ཆུང་ལ་སེམས་མཉམ་པས་གུས་པར་བྱ་སྟེ་གཞན་དུ་ན་ཐེག་ དམན་སྤངས་ན་ཆོས་སྤོང་གི་ལས་ལྕི་བའི་ཕྱིར། འོན་ཀྱང་གདུལ་བྱ་ཐེག་ཆེན་དུ་ཁ་དྲང་ དགོས་པ་ལ་ཐེག་དམན་གྱི་མི་བསྔགས་པ་དང་ཐེག་ཆེན་གྱི་བསྔགས་པ་བརྗོད་པ་ལ་ཉེས་ པ་མེད་དོ། །ཐེག་པ་ཆེན་པོ་ཟབ་རྒྱས་ཀྱི་སྣོད་དུ་གྱུར་པ་ལ་ཐེག་དམན་ནམ་ཐེག་ཆེན་གྱི་ཡང་ དྲང་དོན་ཉི་ཚེ་བ་ཙམ་བསྟན་པར་མི་བྱ་སྟེ། དེའི་འབད་པ་དོན་མེད་དུ་འགྱུར་བའི་ཕྱིར་རོ། །འོ་ ན་ཡང་རེ་ཞིག་སྣོད་མ་ཤེས་ནས་བརྟག་པའི་ཆེད་དམ་དུས་ལ་སྡོད་དགོས་པར་མཐོང་བའམ་ དེར་འཁོད་པ་གཞན་ཞིག་དེའི་སྣོད་མ་ཡིན་པར་མཐོང་ནས་དེ་སྲིད་དུ་རྣམ་པ་གཞན་སྟོན་པ་ ལ་ཉེས་པ་མེད་དོ།། འདི་ལྟར་བླང་དོར་མང་པོ་མི་དགོས་ཀྱི་མདོ་འདི་ཁོ་ན་ཀློགས་ཤིག་ཅེའམ་གསང་སྔགས་ འདི་ཟློས་ཤིག་དང་གྲོལ་བར་འགྱུར་རོ། །ཞེས་སོགས་ཉན་ཐོས་ཀྱི་མདོ་དང༌། མུ་སྟེགས་ཀྱི་ གསང་སྔགས་སོགས་ཀྱིས་ཕ་རོལ་པོ་འདྲིད་པར་མི་བྱ་སྟེ། རང་ཉིད་ཀྱང་དེ་ལ་ཡིད་མི་ཆེས་ ན་གཞན་ལ་ཕན་པར་ལྟ་ག་ལ་འགྱུར་བའི་ཕྱིར། གལ་ཏེ་མངོན་ཤེས་ཅན་གྱིས་ཆོས་དེ་ཁོ་ ནའི་སྐལ་པ་ཅན་དུ་མཐོང་བས་གདུལ་བའི་ཐབས་ཡིན་ན་ནི་བྲིད་པ་མ་ཡིན་ཏེ། དེ་ཉིད་ལས་ དོན་ཆེན་པོར་འགྱུར་བའི་ཕྱིར། བྱང་ཆུབ་སེམས་དཔའི་སྤྱོད་པ་རྒྱ་ཆེན་པོ་དོར་བར་མི་བྱ་སྟེ་ བསྒྲུབ་བྱའི་གཙོ་བོ་ཡིན་པའི་ཕྱིར་ཞེས་སམ། ཡང་ན་ཆོས་སྨྲ་བའི་ལུས་ཀྱི་སྤྱོད་པ་ཁྲུས་བྱས་ཤིང་ཆོས་གོས་ལེགས་པར་བསྒོས་པ་ 196 ཤེས་བཞིན་སྲུང་བ། སོགས་དང་ལྡན་ལ། ངག་གི་སྤྱོད་པ་ཁ་ན་མ་ཐོ་བ་རྣམས་སྤངས་ནས་གུས་ཤིང་གཙང་སྦྲ་ དང་ལྡན་པར་བྱའི་དེ་ལས་ལོག་པ་ཡ་རབས་ཀྱི་སྤྱོད་པ་ཡོངས་སུ་དོར་ཏེ་ཞིག་པོ་སོགས་སུ་ ཁས་འཆེ་བའི་ཕྱིར། ཉལ་བ་དང༌། གོས་སྐ་རགས་མ་བཅིངས་པ་དང༌། ངག་འཆལ་ཚིག་ དང༌། ག ྲོང་པའི་ཚིག་ཁོ་ན་མུ་ཅོར་དུ་སྨྲ་བ་ལ་སོགས་པས་ཆོས་སྟོན་པར་མི་བྱ་སྟེ་ཆོས་ཀྱི་ ཕྱིར། ལྷ་ལ་སོགས་པ་འདུས་པ་རྣམས་མི་དགའ་བ་སྤང་བའི་ཕྱིར་དང༌། ཆོས་ལ་གུས་པའི་ སྤྱོད་ལམ་གྱི་ཕྱིར་རོ། །གལ་ཏེ་ན་བ་ལ་སོགས་པས་མི་ནུས་ན་ཉེས་པ་མེད་དོ།། དེས་ན་ཇི་ལྟར་འབྱོར་བའི་སེང་གེའི་ཁྲི་བཤམས་པ་ལ་ཆོས་སྨྲ་བ་གཙང་སྦྲ་དང་ལྡན་ པས་འཛེགས་ཏེ་ལེགས་པར་འདུག བྱང་ཆུབ་ཀྱི་སེམས་ཀྱིས་ཁྱབ་པར་བྱས་ནས་ཐོག་ མར། བློ་གྲོས་རྒྱ་མཚོས་ཞུས་པའི་མདོ་ལས་གསུངས་པ་བདུད་ཀྱི་ནུས་པ་གཞོམ་པའི་ སྔགས་འདི་བརྗོད་པར་བྱ་སྟེ། ཏདྱ་ཐཱ། ཤ་མེ་ཤ་མ་ཝ་ཏི། ཤ་མི་ཏ་ཤ་ཏྲུ། ཨཾ་ཀུ་རེ་མཾ་ཀུ་ རེ། མཱ་ར་ཛི་ཏེ། ཀ་རོ་ཊེ། ཀེ་ཡཱུ་རེ། ཏེ་ཛོ་ཝ་ཏི། ཨོ་ལོ་ཡ་ནི། བི་ཤུདྡྷ་ནིརྨ་ལེ་མ་ལཱ་པ་ན་ ཡེ། ཁུ་ཁུ་རེ། ཁ་ཁ་གྲ་སེ། གྲ་ས་ནེ། ཨོ་མུ་ཁི། པ་རཾ་མུ་ཁི། ཨ་མུ་ཁི། ཤ་མི་ཏཱ་ནི། སརྦ་ གྲ་ཧ་བནྡྷ་ནཱ་ནེ། ནི་གྲྀ་ཧི་ཏྭ། སརྦ་པཱ་ར་པྲ་ཝཱ་དི་ན། བི་མུཀྟ་མཱ་ར་པཱ་ཤ། སྠཱ་པི་ཏྭ། བུདྡྷ་མུ་ དྲ། ཨ་ནུཏྒ་ཏི་ཏཱ། སརྦ་མཱ་རེ། པུ་ཙ་རི་ཏ་པ་རི་ཤུདྡྷེ། བི་གཙྪནྟུ། སརྦ་མཱ་ར་ཀརྨ་ཎི། ཞེས་ བརྗོད་པས་ཁོར་ཡུག་ཚུན་ཆད་དུ་བདུད་ཀྱིས་མི་ཚུགས་སོ། །དེ་ནས་ཆོས་ལེགས་པར་ བཤད་ཅིང་མཐར་དགེ་བ་བསྔོ་བར་བྱའོ།། 197 ཤེས་བཞིན་སྲུང་བ། གསུམ་པ་གཞན་སེམས་སྲུང་བ་ལ་དྲུག མི་མཛེས་པའི་སྤྱོད་པ་སྤང༌། མ་དད་པའི་རྒྱུ་ སྤང༌། མ་གུས་པའི་ཚུལ་སྤང༌། མ་བསྡམས་པ་སྤང༌། ཉལ་བའི་ཚུལ་བཤད། བྱང་ཆུབ་ཀྱི་ སེམས་སྦྱང་དགོས་པར་བསྟན་པའོ། །དང་པོ་ནི། སོ་ཤིང་དང་ནི་མཆིལ་མ་དག། དོར་བ་ན་ནི་དགབ་པར་བྱ།། གཅི་ལ་སོགས་པའང་ལོངས་སྤྱོད་པའི།། ཆུ་དང་ཐང་ལ་དོར་བ་སྨད།། ༩༡ ཁ་བཀང་བ་དང་སྒྲ་བཅས་དང༌།། ཁ་གདངས་ནས་ནི་བཟའ་མི་བྱ།། རྐང་པ་བརྐྱང་སྟེ་འདུག་མི་བྱ།། ལག་པ་མཉམ་པར་མི་མཉེ་འོ།། ༩༢ ཞེས་གསུངས་ཏེ། དེ་ཡང་སོ་ཤིང་ནི་ཤིང་བུས་སོའི་དྲི་མ་བྲུད་པ་སྟེ་དེ་དང་མཆིལ་མ་ལ་ སོགས་པ་ས་གཙང་མར་མི་དོར་ཞིང་གང་དུ་དོར་བ་དེར་ཡང་དོར་བ་དེའི་སྟེང་སས་དགབ་ པར་བྱ་སྟེ། གཞན་གྱིས་མཐོང་ན་སྐྱུག་མི་བྲོ་བའི་ཕྱིར་ཏེ། འདུལ་བ་ལས་ཁ་དུག་ཅན་ཡིན་ན་ སྦྲང་མ་མི་འཆི་བའི་ཕྱིར་དུའང་བཤད་ལ། འགྲེལ་ཆེན་ལས། འདི་དག་ལྷ་ལ་སོགས་པ་འཕྱ་ 198 ཤེས་བཞིན་སྲུང་བ། བས་བསོད་ནམས་མ་ཡིན་པ་འབྱུང་ངོ༌།།ཞེས་སོ། །བཤང་གཅི་ཡང་གཞན་གྱིས་ཉིན་པར་ གནས་པ་ལ་སོགས་པས་ལོངས་སྤྱོད་པའི་ས་ཕྱོགས་སུ་དོར་ན་སྐྱེ་བོས་དམད་པར་འགྱུར་ བས་མི་དོར་རོ། །ཁ་བཀང་བ་སོགས་ནི་མ་རབས་བཀྲེས་རྔབས་ཅན་གྱི་ཚུལ་སྤང་བ་དང་ བག་མེད་པའི་ཚུལ་སྤོང་བའོ།། གཉིས་པ་མ་དད་པའི་རྒྱུ་སྤང་བ་ནི། བཞོན་པ་མལ་སྟན་གནས་དག་ཏུ།། བུད་མེད་གཞན་དང་གཅིག་མི་བྱ།། འཇིག་རྟེན་མ་དད་གྱུར་པ་ཀུན།། མཐོང་དང་དྲིས་ཏེ་སྤང་བར་བྱ།། ༩༣ ཞེས་གསུངས་ཏེ། བུད་མེད་དང་སྟན་གཅིག་ལ་འདུག་པ་སོགས་འཇིག་རྟེན་མ་དད་པའི་རྒྱུ་ གཞན་རྣམས་ཀྱང་ཡུལ་དུས་དེར་བརྟགས་ལ་སྤང་བ་ནི་དཀོན་མཆོག་སྤྲིན་ལས་གསུངས་སོ།། གསུམ་པ་མ་གུས་པའི་ཚུལ་སྤང་བ་ནི། སོར་མོས་བརྡ་ནི་མི་བྱ་སྟེ།། གུས་དང་བཅས་པས་གཡས་པ་ཡི།། ལག་པ་དག་ནི་ཀུན་གྱིས་ཀྱང༌།། ལམ་ཡང་དེ་ལྟར་བསྟན་པར་བྱ།། ༩༤ 199 ཤེས་བཞིན་སྲུང་བ། ཞེས་གསུངས་ཏེ། གཞན་ལ་ལམ་སྟོན་པ་མཛུབ་ཀེར་གྱིས་བྱེད་ན་མ་གུས་པའམ་བརྙས་པ་ ཡིན་པས་དེ་སྤངས་ཏེ་ལག་པ་གཡས་པ་ཀུན་གྱིས་གུས་པར་བསྟན་པའོ།། བཞི་པ་མ་བསྡམས་པ་སྤང་བ་ནི། ལག་པ་ཤས་ཆེར་བསྐྱོད་མིན་ཏེ།། ཅུང་ཟད་བསྐྱོད་ནས་སྒྲ་བསྒྲགས་ལ།། སེ་གོལ་ལ་སོགས་བརྡ་བྱ་སྟེ།། གཞན་དུ་མ་བསྡམས་པར་འགྱུར་རོ།། ༩༥ ཞེས་གསུངས་ཏེ། འགྲོ་བ་ན་ལག་པ་ཆེར་བསྐྱོགས་ཤིང་བསྐྱོད་པ་ལང་ཚོས་རྒྱགས་པའི་ ཚུལ་སྤངས་ཏེ། ཅུང་ཟད་བསྐྱོད་པས་སེ་གོལ་ལམ། འཁར་སིལ་གྱི་སྒྲས་མདུན་ན་འཁོད་ པའི་སྐྱེ་བོ་ལ་གོ་བར་བྱའོ།། ལྔ་པ་ཉལ་བའི་ཚུལ་བཤད་པ་ནི། མགོན་པོ་མྱ་ངན་འདས་གཟིམས་ལྟར།། འདོད་པའི་ཕྱོགས་སུ་ཉལ་བར་བྱ།། ཤེས་བཞིན་མྱུར་དུ་ལྡང་སེམས་ལ།། ཐོག་མ་ཉིད་དུ་ངེས་པར་སྦྱར།། ༩༦ 200 ཤེས་བཞིན་སྲུང་བ། ཞེས་གསུངས་ཏེ། ཉལ་བ་ན་སངས་རྒྱས་མྱ་ངན་ལས་འདས་པའམ། གཟིམས་པའི་ཚུལ་ ལྟར་སེང་གེའི་ཉལ་སྟབས་གློ་གཡས་ཕབ་ལག་མཐིལ་གཡས་ཀྱི་སྟེང་དུ་འགྲམ་པ་བཞག རྐང་པ་བརྩེགས་ཏེ་བརྐྱང་པ་འམ་པུས་མོ་བརྩེགས་ཏེ་བརྐྱང་ནས་དེ་མན་གྱེན་དུ་བསྐུམ། ལག་པ་གཡོན་བརླ་གཡོན་པའི་སྟེང་དུ་བརྐྱང་སྟེ་བདེ་བ་ཅན་དུ་འོད་དཔག་མེད་ལ་མགོ་ བསྟན་པ་ལྟ་བུས་གང་མོས་པར་སྔས་གཏད་དེ་མྱུར་དུ་ལྡང་བར་བྱའོ་སྙམ་པ་དང༌། ས་ཕྱོགས་ དེ་ཉིན་མོ་ལྟར་འོད་ཀྱིས་ཁྱབ་པ་དང༌། དེ་བཞིན་གཤེགས་པ་དེ་ཡིད་ལ་བྱས་ཏེ་ཤེས་བཞིན་ དུ་ཉལ་བར་བྱ་སྟེ། གཉིད་ཀྱི་བདེ་བའི་ཆེད་དུ་མ་ཡིན་པར་འབྱུང་བ་རྣམས་མི་འཁྲུག་ཅིང་ ལུས་བདེ་བར་འཚོ་བའི་ཟས་ཡིན་པའི་ཕྱིར་རོ། །ཐུན་གཅིག་གམ་གཉིས་ནས་སེམས་ཅན་ ཐམས་ཅད་གཏི་མུག་ལས་བསླང་བར་བྱའོ་ཞེས་ལངས་ཏེ་དགེ་བ་ལ་སྦྱར་བར་བྱའོ།། དྲུག་པ་བྱང་ཆུབ་ཀྱི་སེམས་སྦྱང་དགོས་པར་བསྟན་པ་ནི། བྱང་ཆུབ་སེམས་དཔའི་སྤྱོད་པ་དག། ཚད་མེད་པར་ནི་གསུངས་པ་ལས།། སེམས་སྦྱང་པ་ཡི་སྤྱོད་པ་ནི།། ངེས་པར་དེ་སྲིད་སྤྱད་པར་བྱ།། ༩༧ ཞེས་གསུངས་ཏེ། མདོར་ན་བྱང་ཆུབ་ཀྱི་སེམས་སྦྱོང་བ་ཁོ་ན་བྱ་བ་ཡིན་ཏེ་དེ་འཕེལ་བའི་སྤྱོད་ པ་ཁོ་ན་བྱའོ།། 201 ཤེས་བཞིན་སྲུང་བ། བཞི་པ་བསླབ་པ་ཕུན་སུམ་ཚོགས་བྱེད་ཀྱི་ཡན་ལག་ལ་དྲུག བཤགས་བསྡམ་གྱིས་བྱི་ དོར་བྱ་བ། བསླབ་པའི་གཞི་དངོས། དེའི་ཆེད་དུ་བྱ་བ། རྟེན་དགེ་བའི་བཤེས་གཉེན། ཤེས་ བྱེད་ཀྱི་ཁུངས། བསླབ་དོན་མདོར་བསྡུ་བའོ། །དང་པོ་ནི། ཉིན་དང་མཚན་མོ་ལན་གསུམ་དུ།། ཕུང་པོ་གསུམ་པ་གདོན་བྱ་ཞིང༌།། རྒྱལ་དང་བྱང་ཆུབ་སེམས་བསྟེན་པས།། ལྟུང་བའི་ལྷག་མ་དེས་ཞི་བྱ།། ༩༨ ཞེས་གསུངས་ཏེ། སོ་སོ་སྐྱེ་བོ་ལ་ལྟུང་བས་གཏན་མ་གོས་པ་སྲིད་པར་དཀའ་བས་ན་ཉེས་ པས་གོས་པ་རྣམས་ཀྱང་ཉིན་མཚན་ཐུན་དྲུག་ཏུ་སངས་རྒྱས་སུམ་ཅུ་སོ་ལྔ་ལ་ཕྱག་བྱས་ ནས་བཤགས་པའི་ཕུང་པོ་དང༌། རྗེས་སུ་ཡི་རང་བའི་ཕུང་པོ་དང༌། བསྔོ་བའི་ཕུང་པོ་སྟེ། བསོད་ནམས་ཀྱི་ཕུང་པོ་གསུམ་སྟོན་པ་དཀོན་བརྩེགས་ཀྱི་ཉེ་བ་འཁོར་གྱིས་ཞུས་པ་ལས་ བྱུང་བ་བྱང་ཆུབ་སེམས་དཔའི་ལྟུང་བ་བཤགས་པ་འདིས་ཉེས་པ་སྔ་མ་རྣམས་བཤགས་ པར་བྱ་ཞིང་སླར་སངས་རྒྱས་ལ་བརྟེན་ནས་བྱང་ཆུབ་ཀྱི་སེམས་ལེན་པས་སོར་ཆུད་པར་ བྱའོ། །འདིར་ཕུང་པོ་གསུམ་པའི་མདོ་གཞན་ཡོད་ཀྱང་འདིའི་ཐད་ཀྱི་བསླབ་བཏུས་སུ་ལྟུང་ བཤགས་ཉིད་དྲངས་སོ།། 202 ཤེས་བཞིན་སྲུང་བ། གཉིས་པ་བསླབ་པའི་ངོ་བོ་ནི། རང་ངམ་གཞན་གྱི་དབང་ཡང་རུང༌།། གནས་སྐབས་གང་དུ་ཅི་སྤྱོད་ཀྱང༌།། བསླབ་པར་གསུངས་པ་གང་ཡིན་པའི།། གནས་སྐབས་དེ་ལ་འབད་དེ་བསླབ།། ༩༩ ཅེས་གསུངས་ཏེ། མདོར་ན་བྱང་ཆུབ་སེམས་དཔས་བསླབ་བྱར་གསུངས་པ་ལས་མི་འདའ་ བ་སྟེ། སྤང་བྱར་གསུངས་པ་རྣམས་སྤོང་བ་ལས་མི་འདའ་བ་དང༌། བསྒྲུབ་བྱར་གསུངས་པ་ རྣམས་སྒྲུབ་པ་ལས་མི་འདའ་བའོ།། རྒྱལ་སྲས་རྣམས་ཀྱིས་མི་བསླབ་པ།། དེ་ནི་གང་ཡང་ཡོད་མིན་ཏེ།། དེ་ལྟར་གནས་པའི་མཁས་པ་ལ།། བསོད་ནམས་མི་འགྱུར་གང་ཡང་མེད།། ༡༠༠ ཅེས་གསུངས་ཏེ། སྤྱིར་རྒྱལ་བའི་སྲས་ཀྱིས་ཤེས་པར་བྱ་བ་ཙམ་དུ་མི་བསླབ་པ་ནི་ཅུང་ཟད་ ཀྱང་མེད་དེ་གཞན་དོན་མཐའ་ཡས་པ་ལ་འཇུག་དགོས་པའི་ཕྱིར་དང༌། དེ་ཐམས་ཅད་ལ་ཡང་ འཇུག་ཀྱང་གོས་པ་མེད་པ་པདྨ་ཆུ་ནང་ན་གནས་པ་ལྟ་བུར་རང་གི་ཚུལ་ལས་མི་གཡོ་བ་དེ་ ལ་ནི་བསོད་ནམས་སུ་མི་འགྱུར་བ་གཞན་མེད་པའོ།། 203 ཤེས་བཞིན་སྲུང་བ། གསུམ་པ་དེའི་ཆེད་དུ་བྱ་བ་ནི། དངོས་སམ་ཡང་ན་བརྒྱུད་ཀྱང་རུང༌།། སེམས་ཅན་དོན་ལས་གཞན་མི་སྤྱད།། སེམས་ཅན་ཁོ་ནའི་དོན་གྱི་ཕྱིར།། ཐམས་ཅད་བྱང་ཆུབ་ཕྱིར་བསྔོའོ།། ༡༠༡ ཞེས་གསུངས་ཏེ། གཞན་དོན་དང་བྱང་ཆུབ་ལ་དམིགས་པ་ཁོ་ན་ཐོག་མ་ནས་དོན་དུ་གཉེར་ བྱ་ཡིན་པའི་ཕྱིར་རོ།། བཞི་པ་རྟེན་དགེ་བའི་བཤེས་གཉེན་ནི། རྟག་པར་དགེ་བའི་བཤེས་གཉེན་ནི།། ཐེག་ཆེན་དོན་ལ་མཁས་པ་དང༌།། བྱང་ཆུབ་སེམས་དཔའི་བརྟུལ་ཞུགས་མཆོག། སྲོག་གི་ཕྱིར་ཡང་མི་གཏོང་བའོ།། ༡༠༢ དཔལ་འབྱུང་བ་ཡི་རྣམ་ཐར་ལས།། བླ་མ་བསྟེན་པའི་ཚུལ་ལྟར་བསླབ།། 204 ཤེས་བཞིན་སྲུང་བ། ཅེས་གསུངས་ཏེ། ཡོན་ཏན་ཐམས་ཅད་དགེ་བའི་བཤེས་གཉེན་ལ་རག་ལས་ལ། དེའི་ མཚན་ཉིད་ནི། ཐེག་ཆེན་གྱི་དོན་སྟོང་ཉིད་སྙིང་རྗེ་དབྱེར་མེད་དང༌། ཤུགས་ཀྱིས་བསྟན་པ་ ཚིག་འབྲུ་གསུང་རབ་ཡན་ལག་བཅུ་གཉིས་སམ། ཤིན་ཏུ་རྒྱས་པའི་སྡེ་སྣོད་ལ་མཁས་ཤིང་ བྱང་སྡོམ་སྲོག་ཕྱིར་ཡང་མི་གཏོང་བའི་བརྟུལ་ཞུགས་བརྟན་པོ་གྲུབ་པའོ། །དེ་བསྟེན་པ་ནི་ དཔལ་འབྱུང་གི་རྣམ་ཐར་ལས་བསྟན་ཏོ།། དེ་ཡང་ཚོང་དཔོན་གྱི་བུ་ནོར་བཟང་ལ། ཁྱེའུ་དཔལ་འབྱུང་དང་བུ་མོ་དཔལ་གྱི་བློ་གྲོ ས་ མས་ཇི་ལྟར་བསྟེན་པའི་ཚུལ་རྗེ་དཔའ་བོ་གཙུག་ལག་ཕྲེང་བའི་འགྲེལ་ཆེན་ལས་མདོར་ བསྡུས་ཏེ་གསུངས་པ་ལྟར་ཤེས་པར་བྱའོ།། ལྔ་པ་ཤེས་བྱེད་ཀྱི་ཁུངས་ལ་བཞི། མཚམས་སྦྱར་བ། ནམ་སྙིང་གི་མདོ་ཁུངས་སུ་ བསྟན། སློབ་དཔོན་ཉིད་ཀྱི་བསྟན་བཅོས་གཉིས་ཁུངས་སུ་བསྟན། ཀླུ་སྒྲུབ་ཞབས་ཀྱི་བསྟན་ བཅོས་ཁུངས་སུ་བསྟན་པའོ། །དང་པོ་ནི། འདི་དང་སངས་རྒྱས་བཀའ་བསྩལ་གཞན།། མདོ་སྡེ་བཀླགས་ནས་ཤེས་པར་བྱ།། ༡༠༣ མདོ་སྡེ་རྣམས་ལ་བསླབ་པ་སྣང༌།། དེ་བས་མདོ་སྡེ་བཀླག་པར་བྱ།། ཞེས་གསུངས་ཏེ། དེ་ཡང་དགེ་བའི་བཤེས་གཉེན་བསྟེན་ཚུལ་འདི་དང་ཕ་རོལ་ཏུ་ཕྱིན་པ་ 205 ཤེས་བཞིན་སྲུང་བ། དྲུག་གི་ཚུལ་སོགས་མཐའ་ཡས་པ་རྣམས་ནི་བཅོམ་ལྡན་འདས་ཀྱི་བཀའ་ཉིད་ལས་ཤེས་ པར་བྱ་སྟེ། མདོ་སྡེའི་མིང་གིས་སྨོས་པ་ཐེག་ཆེན་གྱི་སྡེ་སྣོད་གསུམ་ལ་བསླབ་པར་བྱའོ།། གཉིས་པ་ནམ་སྙིང་གི་མདོ་ཁུངས་སུ་བསྟན་པ་ནི། ནམ་མཁའི་སྙིང་པོའི་མདོ་སྡེ་ནི།། ཐོག་མ་ཉིད་དུ་བལྟ་བར་བྱ།། ༡༠༤ གང་ཕྱིར་རྟག་ཏུ་སྤྱད་པ་ནི།། དེ་ལས་རྒྱ་ཆེར་རབ་སྟོན་པས།། ཞེས་གསུངས་ཏེ། དེའི་ཡང་ཐོག་མར་ནམ་མཁའི་སྙིང་པོས་ཞུས་པའི་མདོ་ནི། བྱང་ཆུབ་ སེམས་དཔའ་ལས་དང་པོ་པའི་ལྟུང་བ་སྦྱང་ཐབས་དང་བཅས་པ་དེ་ལས་སྟོན་པས་ཐོག་མར་ བལྟ་ལ། དེ་ནས་གཞན་ཤིན་ཏུ་རྒྱས་པའི་སྡེ་སྣོད་ཀྱི་བར་དུ་བལྟའོ། །སྤྱིརགླང་པོ་རྙེད་ནས་ གླང་པོའི་རྗེས་ནི་འཚོལ་བ་ལྟར། །ཤེས་རབ་ཕ་རོལ་ཕྱིན་ཐོས་མདོ་ཚོལ་དེ་བཞིན་ནོ།། ཞེས་སོགས་དང༌། མདོ་དང་སྔགས་ཀྱིས་འདྲིད་མི་བྱ། །ཞེས་སོགས་ཉན་ཐོས་ཀྱི་གཞུང་ལ་ མདོའི་མིང་དུ་གསུངས་ནས་ཐེག་ཆེན་གྱི་མི་མཐུན་པའི་ཕྱོགས་སུ་གསུངས་པ་དང༌། སྡེ་སྣོད་ གསུམ་གྱི་བྱེ་བྲག་གི་མདོ་སྡེ་ལ་དེར་བཤད་པ་ཡོད་ཀྱང༌། སྐབས་འདིར་ནི་ཐེག་ཆེན་གྱི་ བཀའ་ཙམ་ལ་མདོ་སྡེའི་མིང་གིས་གསུངས་པ་སྟེ། གཞན་དུ་ན་དཔལ་འབྱུང་གི་རྣམ་ཐར་ 206 ཤེས་བཞིན་སྲུང་བ། སོགས་གང་ལས་འབྱུང་བའི་ཕལ་པོ་ཆེ་ནི་ཐེག་ཆེན་གྱི་མངོན་པ་གཙོ་ཆེ་བ་ཡིན་ཞིང༌། ཉེ་བ་ འཁོར་གྱིས་ཞུས་པ་སོགས་ཐེག་ཆེན་གྱི་འདུལ་བ་ཡིན་པའི་ཕྱིར་རོ།། གསུམ་པ་སློབ་དཔོན་ཉིད་ཀྱི་བསྟན་བཅོས་གཉིས་ཁུངས་སུ་བསྟན་པ་ནི། བསླབ་པ་ཀུན་ལས་བཏུས་པ་ཡང༌།། ངེས་པར་ཡང་དང་ཡང་དུ་བལྟ།། ༡༠༥ ཡང་ན་རེ་ཞིག་མདོར་བསྡུས་པ།། མདོ་རྣམས་ཀུན་ལས་བཏུས་པ་བལྟ།། ཞེས་གསུངས། བཞི་པ་ཀླུ་སྒྲུབ་ཞབས་ཀྱི་བསྟན་བཅོས་ཁུངས་སུ་བསྟན་པ་ནི། འཕགས་པ་ཀླུ་སྒྲུབ་ཀྱིས་མཛད་པའི།། གཉིས་པོའང་འབད་པས་བལྟ་བར་བྱ།། ༡༠༦ ཞེས་གསུངས་ཏེ། སློབ་དཔོན་ཉིད་ཀྱི་བསྟན་བཅོས་གཉིས་དང༌། འཕགས་པ་ཀླུའི་བསྟན་ བཅོས་གཉིས་ཀྱང་སངས་རྒྱས་ཀྱི་གསུང་རབ་ཀུན་ལས་བཏུས་ཏེ། བསྟན་པ་ཉིད་ཡིན་པའི་ ཕྱིར། བཀའ་དེ་དག་གི་གླེགས་བམ་མ་རྙེད་པའམ། དེ་ཙམ་ལྟ་བར་མི་ནུས་པ་རྣམས་ཀྱིས་ བསྟན་བཅོས་དེ་དག་བལྟས་པས་དོན་གྲུབ་པའོ། །འདིར། གཉིས་པོའང་འབད་པས་བལྟ་ 207 ཤེས་བཞིན་སྲུང་བ། བར་བྱ། །ཞེས་ཞི་བའི་ལྷ་ཉིད་ཀྱི་ཀུན་བཏུས་གཉིས་སུ་མ་ཟད། འཕགས་པས་མཛད་པའི་ ཀུན་བཏུས་གཉིས་ཀྱང་ཡོད་པར་སྟོན་པ་ཡིན་ནོ།། དྲུག་པ་བསླབ་དོན་མདོར་བསྡུ་བ་ནི། གང་ལས་གང་ནི་མ་བཀག་པ།། དེ་ཉིད་སྤྱད་པར་བྱ་བ་སྟེ།། འཇིག་རྟེན་སེམས་ནི་སྲུང་བའི་ཕྱིར།། བསླབ་པ་མཐོང་ནས་ཡང་དག་སྤྱད།། ༡༠༧ ཅེས་གསུངས་ཏེ། མདོར་ན་གང་མདོ་བསྟན་བཅོས་དེ་རྣམས་ལས་སྤྱོད་པ་གང་མ་བཀག་པ་ དང་མ་བཀག་པའི་ཕྱོགས་དང་མཐུན་པ་རྣམས་སྒྲུབ་པ་དང༌། བཀག་པ་དང་བཀག་པའི་ ཕྱོགས་དང་མཐུན་ཤས་ཆེ་བ་རྣམས་སྤང་བ་སྟེ། འདུལ་བ་ལས་མདོར་བསྡུས་རུང་མཐུན་ སྦྱར་བའི་དོན་ཏེ་འཇིག་རྟེན་གྱི་སེམས་དང་བྱང་ཆུབ་ཀྱི་ལམ་གཉི་ག་དང་མི་འགལ་བར་སྤྱོད་ པ་ནི་བྱང་ཆུབ་སེམས་དཔའི་བསླབ་པ་སྙིང་པོར་དྲིལ་བའོ།། ལྔ་པ་ཤེས་བཞིན་སྲུང་བ་མདོར་བསྡུས་པ་ལ་གཉིས། དངོས་དང༌། ཚིག་ཏུ་མི་བཞག་ པར་སྒྲུབས་ཤིག་པའོ། །དང་པོ་ནི། ལུས་དང་སེམས་ཀྱི་གནས་སྐབས་ལ།། ཡང་དང་ཡང་དུ་བརྟག་བྱ་བ།། 208 ཤེས་བཞིན་སྲུང་བ། དེ་ཉིད་ཁོ་ན་མདོར་ན་ནི།། ཤེས་བཞིན་སྲུང་བའི་མཚན་ཉིད་དོ།། ༡༠༨ ཞེས་གསུངས་ཏེ། མདོར་ན་བདག་ཉིད་ཀྱི་ལུས་ཅི་སྤྱོད་པ་དང༌། སེམས་ཅི་བསམ་པ་སྐད་ ཅིག་ཀྱང་མ་ཡེངས་པར་བརྟག་ཅིང་བླང་དོར་བྱ་བ་ཁོ་ན་ལ་ཤེས་བཞིན་སྲུང་བ་ཞེས་བྱའོ།། གཉིས་པ་ཚིག་ཏུ་མི་བཞག་པར་སྒྲུབས་ཤིག་པ་ནི། ལུས་ཀྱིས་འདི་དག་སྤྱད་པར་བྱ།། ཚིག་ཙམ་བརྗོད་པས་ཅི་ཞིག་འགྲུབ།། སྨན་དཔྱད་བཀླགས་པ་ཙམ་གྱིས་ནི།། ནད་པ་དག་ལ་ཕན་འགྱུར་རམ།། ༡༠༩ ཞེས་གསུངས་ཏེ། དེ་ལས་གཞན་དུ་ཤེས་བཞིན་སྲུང་བར་དེ་ལ་དེ་རྣམས་ཀྱང་ཐོས་པ་ཙམ་ དང༌། དེ་ལྟ་བུ་ཞིག་གོ་ཞེས་གོ་བྱར་མི་བཞག་པར་རྒྱུད་ལ་སྦྱོར་ཞིང་ཉམས་སུ་ལོང་ཞིག་པ་ དཔེ་དང་བཅས་ཏེ་བསྟན་ཏོ།། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། ཤེས་བཞིན་སྲུང་བ་ཞེས་བྱ་བ་སྟེ་ ལེའུ་ལྔ་པ་རྣམ་པར་ཕྱེ་བའོ།། །། 209 བཟོད་པ་བསྟན་པ། ད་ནི་བཟོད་པ་བཤད་པར་བྱ་སྟེ། དེ་ལ་ལེའུའི་འབྲེལ་ནི། ཕ་རོལ་ཏུ་ཕྱིན་པ་སྔ་མ་སྔ་ མའི་དངོས་འབྲས་ནི་ཕྱི་མ་ཕྱི་མ་ཡིན་པའི་ཕྱིར། ཤེས་རབ་ཀྱི་ལེའུའི་བར་གྱི་འབྲེལ་བ་རིག་ པར་བྱ་ལ། དེས་ན་ཚུལ་ཁྲིམས་དག་པ་དང་ལྡན་ན་བཟོད་བྱའི་གནས་རྣམས་ལ་བཟོད་པར་ ནུས་ཤིང༌། བཟོད་པ་དང་མི་ལྡན་ན་ཚུལ་ཁྲིམས་ཀྱང་མི་འགྲུབ་པའི་ཕྱིར་དེ་མ་ཐག་ཏུ་བཟོད་ པའི་ལེའུ་བཤད་དོ།། གསུམ་པ་བཟོད་པའི་ལེའུ་འཆད་པ་ལ་གཉིས། བཟོད་པ་མེད་དུ་མི་རུང་བར་བསྟན་པ་ གསུམ། བཟོད་པ་སྒྲུབ་པའི་ཐབས་ཡིད་ལ་བྱ་བ་གཉིས་བསྟན་པའོ། །དང་པོ་ལ་གསུམ། མ་མཐོང་བའི་འབྲས་བུ། མཐོང་ཆོས་ཀྱི་འབྲས་བུ། མཐོང་བ་དང་མ་མཐོང་བའི་འབྲས་བུ་ བཤད་པའོ། །དང་པོ་ནི། བསྐལ་པ་སྟོང་དུ་བསགས་པ་ཡི།། སྦྱིན་དང་བདེ་གཤེགས་མཆོད་ལ་སོགས།། ལེགས་སྤྱད་གང་ཡིན་དེ་ཀུན་ཀྱང༌།། ཁོང་ཁྲོ་གཅིག་གིས་འཇོམས་པར་བྱེད།། ༡ ཞེ་སྡང་ལྟ་བུའི་སྡིག་པ་མེད།། བཟོད་པ་ལྟ་བུའི་དཀའ་ཐུབ་མེད།། 210 བཟོད་པ་བསྟན་པ། དེ་བས་བཟོད་ལ་ནན་ཏན་དུ།། སྣ་ཚོགས་ཚུལ་གྱིས་བསྒོམ་པར་བྱ།། ༢ ཞེས་གསུངས་ཏེ། འཆགས་འཇིག་སྟོངས་གནས་བཞི་པོ་རེ་རེ་ལ་བར་བསྐལ་ཉི་ཤུ་རེར་བྱས་ པའི་བར་བསྐལ་བརྒྱད་ཅུ་ནི་རྒྱུའི་ཐེག་པའི་ལུགས་ཀྱི་འཇིག་རྟེན་གྱི་ཁམས་འདིའི་བསྐལ་པ་ ཆེན་པོ་གཅིག་གོ །སྟོང་ནི་དཔེར་མཚོན་པ་ཡིན་གྱི་ངེས་བཟུང་མ་ཡིན་ཏེ་བརྒྱ་འམ་སྟོང་ངམ་ ཁྲི་ལ་སོགས་པ་ཡང་སྟེ་ལམ་པོ་ཆེ་ལ་ཁྲི་ལམ་དུ་གྲགས་པ་ལྟ་བུའོ།། ཡུན་དེ་ལ་སོགས་པར་བསགས་པའི་དགེ་བ་ཡང་ཁོང་ཁྲོ་དྲག་པོ་གཅིག་གིས་འཇོམས་པར་ བྱེད་དེ། འགྲེལ་ཆེན་དུ་དྲངས་པ་འཇམ་དཔལ་རྣམ་རོལ་གྱི་མདོ་ལས། འཇམ་དཔལ་ཁོང་ ཁྲོ་ཞེས་བྱ་བ་ནི་བསྐལ་པ་བརྒྱར་བསགས་པའི་དགེ་བ་འཇོམས་པ་སྟེ། དེའི་ཕྱིར་ཁོང་ཁྲོ་ ཞེས་བྱའོ། །ཞེས་དང༌། ཐམས་ཅད་ཡོད་སྨྲའི་གཞུང་ལས། དགེ་སློང་དག་དགེ་སློང་འདི་སྐྲ་ དང་སེན་མོའི་མཆོད་རྟེན་ལ་ཡན་ལག་ཐམས་ཅད་ཀྱིས་ཕྱག་འཚལ་ནས་སེམས་དང་བར་ བྱེད་པ་ལ་ལྟོས། བཙུན་པ་དེ་ལྟར་ལགས་སོ། །དགེ་སློང་དག་དགེ་སློང་འདིས་ཇི་ཙམ་ཞིག་ ནོན་པའི་འོག་ཏུ་དཔག་ཚད་བརྒྱད་ཁྲི་བཞི་སྟོང་ན་གསེར་ལས་གྲུབ་པ་ལ་ཐུག་གི་བར་ན་ བྱེ་མའི་རྡུལ་ཇི་སྙེད་ཡོད་པ་དེ་སྙེད་དུ་དགེ་སློང་འདིས་འཁོར་ལོས་བསྒྱུར་བའི་རྒྱལ་སྲིད་སྟོང་ འགྱུར་དུ་ཡོངས་སུ་སྤྱོད་པར་འགྱུར་རོ།། འོ་ན་ཕྱག་འཚལ་བ་ནི་མང་ལ་འཁོར་ལོས་བསྒྱུར་བ་ནི་ཆེས་ཉུང་ན་དགེ་བ་དེ་གང་དུ་ 211 བཟོད་པ་བསྟན་པ། ཟད་པ་ལགས། ཉེ་བ་འཁོར། ཇི་སྲིད་དུ་ཚངས་པར་སྤྱོད་པ་དམ་པས་ཚངས་པ་མཚུངས་པར་ སྤྱོད་པ་ལ་སྡང་བའི་སེམས་བསྐྱེད་པ་དེ་སྲིད་དུ་ཟད་པ་དང་ཉམས་པར་ཡང་དག་པར་རྗེས་སུ་ མཐོང་ངོ༌། །ཉེ་བ་འཁོར། དེར་དགེ་བའི་རྩ་བ་ཆེན་པོ་འདི་ཡང་བསྲབས་པ་དང་ཡོངས་སུ་བྱང་ བ་དང་ཡོངས་སུ་ཟད་པར་འགྱུར་བ་དེ་ལྟ་བས་ན་མགལ་དུམ་ལ་ཡང་སེམས་ཀྱིས་ཁྲོ་བར་མི་ བྱེད་ན་རྣམ་པར་ཤེས་པ་དང་བཅས་པའི་ལུས་ལ་ལྟ་ཅི་སྨོས། ཞེས་སོ།། དེའི་ཕྱིར་ཞེ་སྡང་ལྟ་བུའི་སྡིག་པ་མེད་དེ་མི་དགེ་བས་བསོད་ནམས་ཟལ་གྱིས་གནོན་པ་ལྟ་ ི བུ་གཞན་མེད་དོ། །བཟོད་པ་སྲན་ཚུགས་པ་ལྟ་བུ་དང་འདྲ་བའི་དཀའ་ཐུབ་གཞན་མེད་དོ། །ཞེས་ བཤད་དོ།། དེས་ན་གསོག་པ་ན་སྒོ་གསུམ་གྱི་དཀའ་བ་ཆེན་པོས་ཡུན་རིང་དུ་ཆུང་ངུ་ནས་བསགས་ པའི་ལེགས་པར་སྤྱད་པ་དགེ་བའི་རྩ་བའི་ཕུང་པོ་ཆེན་པོ་ཡང་ཁོང་ཁྲོའི་མེ་གཅིག་གིས་ཅིག་ ཆར་དུ་འཇོམས་ཏེ། དགེ་བ་ཁ་ཅིག་ནི་རྨེག་མེད་པ་ཐལ་བ་ལྟ་བུར་བྱེད། ཁ་ཅིག་ནི་ཉམ་ དམས་ཏེ་འབྲས་བུ་ཆུང་ངུར་བྱེད། ཁ་ཅིག་ནི་བག་ལ་ཞ་སྟེ་འབྲས་བུ་འབྱིན་མི་ནུས་པར་ བྱེད་པས་ཞེ་སྡང་ལྟ་བུར་འཇིགས་སུ་རུང་བའི་སྡིག་པ་གཞན་མེད་དོ། །གང་འཇིག་རྟེན་ན་ དཀའ་བའི་གནས་སུ་གྲགས་པ་ཕྱི་རོལ་པ་ཁ་ཅིག་གིས་རྐང་པ་གཅིག་གིས་འགྲེང་བའི་ བརྟུལ་ཞུགས་དང༌། བ་ལང་གི་ལྕི་བས་འཚོ་བ་དང༌། གཅེར་བུའི་བརྟུལ་ཞུགས་སོགས་ དང༌། སངས་རྒྱས་པའི་ཕྱགས་བདར་ཁྲོད་པ་བ་དང་གཞི་ཇི་བཞིན་པ་ལ་སོགས་པ་སྦྱངས་ཡོན་ 212 བཟོད་པ་བསྟན་པ། བཅུ་གཉིས་ཀྱི་དཀའ་ཐུབ་རྣམས་ཀྱང་ལུས་ཀྱི་སྤྱོད་པ་ཙམ་དུ་ཟད་པས་དེ་ཙམ་དུ་དཀའ་བ་མིན་ལ། དངོས་པོ་མེད་པའི་སེམས་ཉོན་མོངས་པའི་དངོས་པོར་སྣང་བ་བདག་ཏུ་འཛིན་པ་ལ་སོགས་པ་ ཕྱིན་ཅི་ལོག་གི་བག་ཆགས་བསྐལ་པ་མཐའ་ཡས་པར་ཐོག་མ་མེད་པ་ནས་གོམས་པ་མཐུ་བརྟས་ པ་འདི་རང་གིས་རང་འདུལ་བ་ནི་ཤིན་ཏུ་དཀའ་བའི་གནས་ཏེ། དེའི་ཕྱིར་བཟོད་པ་ལྟ་བུའི་དཀའ་ ཐུབ་ནི་གཞན་མེད་དེ། སངས་རྒྱས་རྣམ་གཟགས་ཀྱི་སྔོན་གྱི་གསོ་སྦྱོང་ལས། ི བཟོད་པ་དཀའ་ཐུབ་དམ་པ་བཟོད་པ་སྟེ།། མྱ་ངན་འདས་པ་མཆོག་ཅེས་སངས་རྒྱས་གསུང༌།། ཞེས་སོ། །དེའི་ཕྱིར་བཟོད་པ་ཁོ་ན་ལ་ནན་ཏན་དུ་བྱའོ།། གཉིས་པ་མཐོང་ཆོས་ཀྱི་འབྲས་བུ་ལ་གསུམ། རང་ཉིད་ཟུག་རྔུས་སྡུག་བསྔལ་བར་ འགྱུར་བ་དང༌། འཁོར་སྐྱོ་བར་འགྱུར་བ་དང༌། མཛའ་བཤེས་ཀྱིས་འདོར་བར་བསྟན་ པའོ། །དང་པོ་ནི། ཞེ་སྡང་ཟུག་རྔུའི་སེམས་འཆང་ན།། ཡིད་ནི་ཞི་བ་ཉམས་མི་མྱོང༌།། དགའ་དང་བདེ་བའང་མི་འཐོབ་ལ།། གཉིད་མི་འོང་ཞིང་བརྟན་མེད་འགྱུར།། ༣ 213 བཟོད་པ་བསྟན་པ། ཞེས་གསུངས་ཏེ། དཔེར་ན་དུག་མདའི་མདེའུ་ཁོང་དུ་ལུས་ན་བདེ་བའི་སྐབས་མེད་པ་བཞིན་ དུ། ཞེ་སྡང་གིས་ནི་སྙིང་ལ་ཚེར་མ་ཟུག་པའམ་སྙིང་བཀས་པ་ལྟ་བུའི་ཟུག་རྔུ་སྐྱེ་ཞིང༌། བཞིན་ དམར་ཞིང་འཇིགས་སུ་རུང་བས་གཞན་གྱིས་ལྟར་མི་མོས་པ་དང༌། ས་གཞི་དམར་པོར་ མཐོང་ཞིང་ཡིད་རང་དབང་མེད་པས་ཀུན་ནས་འཁྲུགས་ཏེ། ཤིན་ཏུ་བརྩེ་བའི་གནས་བུ་ལ་ སོགས་པ་གམ་དུ་འོངས་པ་ལ་ཡང་ཁྲོ་ཞིང༌། རང་ཤ་རང་གིས་གཅོད་པ་ཡང་ཡོད་ཅིང་ཐབས་ ཟད་པ་ཁ་ཅིག་རང་གི་མཁོ་བའི་ཡོ་བྱད་རྣམས་ཀྱང་རྡེབ་པ་དང་གཅོག་པ་ལ་སོགས་པས་ ཆུད་གཟོན་པར་བྱེད་ཅིང༌། རང་དང་གཞན་དང་འདི་དང་ཕྱི་མ་ཅི་ལ་ཡང་མི་ལྟ་བར་ཐམས་ཅད་ ཉམས་པར་བྱེད་པས་རྒྱུད་ཞེ་སྡང་གིས་དཀྲུགས་པ་ལྟ་བུའི་སྡུག་བསྔལ་ནི་གཞན་འགའ་ཡང་ ཡོད་པ་མིན་ནོ།། གཉིས་པ་འཁོར་སྐྱོ་བར་འགྱུར་བ་ནི། གང་དག་ནོར་དང་བཀུར་སྟི་ཡིས།། དྲིན་བྱིན་དེ་ལ་བསྟེན་གྱུར་པ།། དེ་དག་ཡང་ནི་སྡང་ལྡན་པའི།། རྗེ་དཔོན་དེ་ལ་གསོད་པར་རྒོལ།། ༤ ཞེས་གསུངས་ཏེ། དེ་བཞིན་དུ་ཞེ་སྡང་གིས་ནི་གང་ནོར་དང་ལོངས་སྤྱོད་ཀྱི་དྲིན་ཆེན་པོས་ བསྐྱངས་པའི་འཁོར་དེ་དག་གིས་ཀྱང་མི་ཐེག་པར་གསོད་པར་རྒོལ་བ་འབྱུང་ངོ༌།། 214 བཟོད་པ་བསྟན་པ། གསུམ་པ་མཛའ་བཤེས་ཀྱིས་འདོར་བར་བསྟན་པ་ནི། དེ་ཡིས་མཛའ་བཤེས་སྐྱོ་བར་འགྱུར།། སྦྱིན་པས་བསྡུས་ཀྱང་སྟེན་མི་བྱེད།། ཅེས་གསུངས་ཏེ། ཚིག་རྩུབ་མོས་མཛའ་བཤེས་བྱམས་པའི་གནས་རྣམས་ཀྱང་སྐྱོ་སྟེ་འབོར་ བར་འགྱུར་བའི་དོན་ཏོ།། གསུམ་པ་མཐོང་བ་དང་མ་མཐོང་བའི་འབྲས་བུ་བཤད་པ་ནི། མདོར་ན་ཁྲོ་བ་བདེར་གནས་པ།། དེ་ནི་འགའ་ཡང་ཡོད་མ་ཡིན།། ༥ ཞེས་གསུངས་ཏེ། དེ་ལྟ་བུའི་ཞེ་སྡང་གི་འབྲས་བུ་ནི་དམྱལ་བའི་སྡུག་བསྔལ་བཟོད་པར་ དཀའ་བ་རྣམས་ཡིན་ཏེ། དེས་ན་གནས་སྐབས་དང་མཐར་ཐུག་གཉི་གར་གང་དུ་འཇིགས་སུ་ རུང་བའི་ཕྱིར་ཁྲོ་བ་བདེ་བར་གནས་པ་ནི་འགའ་ཡང་མེད་ལ། ཁྲོ་བའི་དགྲ་ཡིས་དེ་ལ་སོགས།། སྡུག་བསྔལ་དག་ནི་བྱེད་པར་འགྱུར།། ཞེས་གསུངས་ཏེ། ཁྲོ་བས་ནི་གཡུལ་ལ་སོགས་པར་འཇུག་ཅིང་རང་གསོད་པར་འགྱུར་བ་ དང༌། གཞན་མཐོང་བ་དང་མ་མཐོང་བ་དང་ཐ་ན་གྲོག་མ་ལ་སོགས་པའི་བར་གྱི་སེམས་ ཅན་ཉེས་པ་མེད་ཅིང་ཉམ་ཆུང་བ་དཔག་ཏུ་མེད་པ་ཡང་རྒྱལ་པོ་གདུག་པ་ལྟ་བུ་སེམས་ཅན་ 215 བཟོད་པ་བསྟན་པ། གཅིག་གི་ཞེ་སྡང་གི་ཞར་ལ་དམྱལ་ཐག་གཅོད་པའི་ཕྱིར་ཁྲོ་བའི་དགྲས་ནི་དེ་ལ་སོགས་པ་ རང་གཞན་མཐའ་ཡས་པ་སྡུག་བསྔལ་བར་བྱེད་པ་ཡིན་ལ། གང་ཞིག་བསྒྲིམས་ཏེ་ཁྲོ་འཇོམས་པ།། དེ་ནི་འདི་དང་གཞན་དུ་བདེ།། ༦ ཞེས་གསུངས་ཏེ། དེ་ལྟ་བུའི་ཞེ་སྡང་གི་སྐྱོན་རིག་པས་མདེའུ་ཁོང་དུ་ལུས་པ་འབྱིན་པ་ལྟར་ རང་རྒྱུད་ཀྱི་ཁྲོ་བ་དེ་ནན་གྱིས་བཅོམ་སྟེ་སེམས་ལས་རུང་དུ་གྱུར་པ་ན་འདིར་ཡང་དུག་ནད་ ལས་ཐར་བ་ལྟར་སེམས་ལ་དགའ་བདེ་ཁྱད་པར་ཅན་མྱོང་ཞིང་སྐྱེ་བ་གཞན་དུ་ཡང་བདེ་བ་ ནས་བདེ་བར་འགྲོ་བའི་དོན་ཏེ། བཤེས་སྤྲིང་ལས་ཀྱང༌། ཁྲོ་བ་སྤངས་པས་ཕྱིར་མི་ལྡོག་པ་ཉིད།། འཐོབ་པར་འགྱུར་བར་སངས་རྒྱས་ཞལ་གྱིས་བཞེས།། ཞེས་སོ། །དེ་ལྟར་བཟོད་པ་མེད་དུ་མི་རུང་བས་བཟོད་པ་ལ་ལྷུར་བྱ་དགོས་པར་བསྟན་ནས། གཉིས་པ་བཟོད་པ་སྒྲུབ་པའི་ཐབས་ལ་གཉིས་ཏེ། ཁྲོ་བའི་རྒྱུ་མཚན་ཟློག་པ་དྲུག་དང༌། བཟོད་པའི་འབྲས་བུ་ཡིད་ལ་བྱ་བ་བཞིའོ། །དང་པོ་ལ་དྲུག མི་དགའ་བ་ཁྲོ་བའི་རྒྱུར་བསྟན་ པ། དེའི་ཟས་ཡིད་མི་བདེ་གཞོམ་པ། དགའ་བ་དང་མི་འབྲལ་བར་དམ་བཅའ་བ། གང་ལ་ བཟོད་པར་བྱ་བ་འདོད་མི་འདོད་ཀྱི་རྟོག་པ་བསྟན་པ། མི་འདོད་པ་ལ་མི་དགའ་བའི་རྟོག་པ་ གཞོམ་པ། འདོད་པའི་གེགས་བྱས་པ་ལ་མི་དགའ་བ་གཞོམ་པའོ། །དང་པོ་ནི། 216 བཟོད་པ་བསྟན་པ། མི་འདོད་བྱས་དང་འདོད་པ་ཡི།། གེགས་བྱས་པ་ལས་བྱུང་གྱུར་པ།། ཡིད་མི་བདེ་བའི་ཟས་རྙེད་ནས།། ཞེ་སྡང་བརྟས་ཏེ་བདག་འཇོམས་སོ།། ༧ ཞེས་གསུངས་ཏེ། དེ་ཡང་ཁྲོ་བའི་རྒྱུ་ནི་བདག་འདོད་པའི་བྱ་བ་ལ་གེགས་བྱུང་བའམ་མི་ འདོད་པའི་བྱ་བ་བྱུང་པ་ལས་དེ་ལ་མི་དགའ་བའི་བློ་སྐྱེས་པ་ཡིན་ལ། དེའི་རྒྱུ་མཚན་གྱིས་ ཡིད་ལ་མི་བདེ་བ་གཅོང་ནད་ལྟ་བུ་ཁོང་དུ་ཞུགས་ཏེ་རྟག་ཏུ་སེམས་པར་བྱེད་ལ། དེའི་མཐུ་ བརྟས་པ་ན་ཁོང་ཁྲོ་དྲག་པོ་སྐྱེ་བའི་ཕྱིར་ན་མི་དགའ་བ་ནི་ཁོང་ཁྲོའི་རྒྱུ་དང་ཡིད་མི་བདེ་ནི་ དེའི་ཟས་ལྟ་བུར་རྣམ་པར་བཞག་གོ །དེ་ལ་འདོད་མི་འདོད་ཀྱི་རྟོག་པ་ནི་བདག་ལ་གནོད་པ་ བྱས་སོ། །བྱེད་དོ། །བྱེད་པར་འགྱུར་རོ་ཞེའམ། བདག་གི་ཕྱོགས་ལ་གནོད་པ་བྱས་སོ། །བྱེད་ དོ། །བྱེད་པར་འགྱུར་རོ་ཞེའམ། བདག་དང་མི་མཛའ་བའི་དོན་བྱས་སོ། །བྱེད་དོ། །བྱེད་པར་ འགྱུར་རོ། །ཞེས་རྟོག་པ་ཀུན་ནས་མནར་སེམས་པའི་དངོས་པོ་དགུའོ།། ཡང་ན་ཉི་ཤུ་རྩ་བཞི་སྟེ། དཀའ་འགྲེལ་ཆུང་ངུར། འདི་ལ་ཁྲོ་བའི་རྒྱུ་ནི་མི་དགའ་ བའོ། །དེའི་རྒྱུ་ནི་འདོད་པ་དང་མི་འདོད་པའི་ཆོས་སུ་ཞེན་པའོ། །འདོད་པ་དང་མི་འདོད་པ་ ཡང་ཉི་ཤུ་རྩ་བཞི་སྟེ་འདོད་པ་བཅུ་གཉིས་དང་མི་འདོད་པ་བཅུ་གཉིས་སོ།། དེ་ལ་མི་འདོད་པ་ནི་བཅུ་གཉིས་ཏེ། བདག་ལ་སྡུག་བསྔལ་བ་དང་བརྙས་པ་དང་ཚིག་རྩུབ་ 217 བཟོད་པ་བསྟན་པ། དང་མི་སྙན་པ་བྱུང་བ་སྟེ་བཞི་དང༌། བདག་གི་བ་ལ་དེ་བྱུང་བ་བཞི་སྟེ་བརྒྱད་དང༌། བདག་གི་དགྲ་ ལ་དེ་ལས་བཟློག་པ་བདེ་བ་དང་རྙེད་པ་དང་བསྟོད་པ་དང་སྙན་པ་བྱུང་བ་སྟེ་བཅུ་གཉིས་སོ།། འདོད་པ་བཅུ་གཉིས་ནི་བདག་གམ་བདག་གི་བ་ལ་བདེ་བ་ལ་སོགས་པ་བྱུང་བ་བཞི་བཞི་ དང་བདག་གི་དགྲ་ལ་སྡུག་བསྔལ་ལ་སོགས་པ་བཞི་བྱུང་བ་སྟེ་བཅུ་གཉིས་སོ། །ཞེས་སོ།། འདི་ཡང་གཙོ་བོར་སེམས་ཅན་དུ་ཆུད་པས་འདོད་མི་འདོད་ཀྱི་བྱ་བ་བྱེད་པ་མང་བས་ གནོད་པ་ལ་ཇི་མི་སྙམ་པའི་བཟོད་པའི་ཡུལ་ནི། གཙོ་བོར་སེམས་ཅན་ཡིན་ཡང་སེམས་ཅན་ ཁོ་ན་ནི་མ་ཡིན་ཏེ་བེམ་པོར་གྱུར་པ་ལ་ཁྲོས་པས་ཀྱང་འབྲས་བུ་འབྱིན་པ་དགེ་སློང་ཆོས་ གོས་མགལ་དུམ་ལ་ཐོགས་པ་ལ་ཞེ་སྡང་གིས་བརྡེགས་པས་དམྱལ་བར་སྐྱེས་པ་དང༌། ཨེ་ ལའི་ལོ་མ་ལ་ཞེ་སྡང་གིས་བཅད་པས་ཀླུ་ཨེ་ལའི་འདབ་ཅན་དུ་སྐྱེས་པའི་ཕྱིར་དང༌། ཞེ་སྡང་ གི་མཐུས་དམྱལ་པར་སྐྱེ་བ་ཡིན་གྱི་ཡུལ་གྱི་ཆ་ནས་མ་ཡིན་པའི་ཕྱིར། སྲོག་ཅན་དང་སྲོག་ མེད་ཐམས་ཅད་ལ་ཡང་བཟོད་པར་བྱ་དགོས་སོ།། གཉིས་པ་དེའི་ཟས་ཡིད་མི་བདེ་གཞོམ་པ་ནི། དེ་ལྟས་བདག་གི་དགྲ་བོ་དེའི།། ཟས་ནི་རྣམ་པར་གཞོམ་པར་བྱ།། འདི་ལྟར་བདག་ལ་གནོད་པ་ལས།། དགྲ་འདི་ལ་ནི་ལས་གཞན་མེད།། ༨ 218 བཟོད་པ་བསྟན་པ། ཅེས་གསུངས་ཏེ། དེ་ཡང་བདག་གི་རྣམ་པ་ཀུན་ཏུ་རང་བཞིན་ཉིད་ཀྱིས་དགྲར་གྱུར་པ་ནི། སྤྱིར་ཉོན་མོངས་པ་དང་ཁྱད་པར་ཁྲོ་བ་འདི་ཡིན་ལ། དེའི་ཁ་ཟས་ནི་ཡིད་མི་བདེ་བ་འདི་ཡིན་ ཏེ་ཁོང་ཁྲོ་ནི་ཡིད་མི་བདེ་བ་དང་མཚུངས་པར་ལྡན་ནོ། །ཞེས་གསུངས་པའི་ཕྱིར་དང༌། འདི་ སྟོབས་འཕེལ་བ་ན་འབྲས་བུ་ཞེ་སྡང་ཁོ་ན་སྐྱེ་བར་མཐོང་བའི་ཕྱིར། དེས་ན་དེའི་ཁ་ཟས་ཡིད་ མི་བདེ་བ་འདི་བདག་གིས་རྣམ་པར་གཞོམ་པར་བྱའོ།། གསུམ་པ་དགའ་བ་དང་མི་འབྲལ་བར་དམ་བཅའ་བ་ལ་གཉིས། དམ་བཅས་པ་དང༌། དེའི་རྒྱུ་མཚན་བསྟན་པའོ། །དང་པོ་ནི། ཅི་ལ་བབ་ཀྱང་བདག་གིས་ནི།། དགའ་བའི་ཡིད་ནི་དཀྲུག་མི་བྱ།། ཞེས་གསུངས་ཏེ། བདག་རྟེན་དལ་འབྱོར་ཐོབ། བྱང་ཆུབ་ཏུ་སེམས་བསྐྱེད། སྐྱབས་གནས་ དཀོན་མཆོག་ལྟ་བུ་ཟླ་མེད་པ་ལ་བསྟེན་དུ་ཡོད་པ་འདི་ཅིའི་ཕྱིར་ཡིད་མི་བདེ་སྟེ། ད་ནི་ནམ་ དུ་ཡང་ཡིད་མི་བདེ་བའི་རྟོག་པ་འདི་ཚར་བཅད་པར་བྱའི་དང་དུ་བླང་བར་མི་བྱའོ། །ཞེས་ བརྟུལ་ཞུགས་བརྟན་པོ་བཅའ་ཞིང་ཡིད་མི་བདེ་བའི་འགལ་ཟླ་ནི་སེམས་དགའ་བ་སྟེ། ད་ ནི་ཅི་ནས་ཀྱང་བདག་གིས་སེམས་དགའ་བ་དང་མི་འབྲལ་བར་བྱའོ། །ཞེས་དམ་ཆེན་པོ་ བཅའ་འོ།། 219 བཟོད་པ་བསྟན་པ། གཉིས་པ་དེའི་རྒྱུ་མཚན་བསྟན་པ་ནི། མི་དགའ་བྱས་ཀྱང་འདོད་མི་འགྲུབ།། དགེ་བ་དག་ནི་ཉམས་པར་འགྱུར།། ༩ ཞེས་གསུངས་ཏེ། དེ་ཡང་བདག་ཡིད་མི་དགའ་བ་དེས་ནི་བདག་ཉིད་སྡུག་བསྔལ་བར་ཟད་ ཀྱི་དེས་འདོད་པ་འགྲུབ་པ་ནི་མ་ཡིན་ལ། ཡིད་མི་དགའ་བ་བསམ་པ་དེ་སྲིད་སྒོ་གསུམ་གྱི་ དགེ་བ་རྒྱུན་འཆད་ཅིང༌། དེས་སེམས་ལས་སུ་མི་རུང་བར་གྱུར་ནས་ཕྱིས་དགེ་བ་རྩོམ་པ་ན་ ཡང་ལུས་ངག་གི་དགེ་བ་ལྟར་སྣང་མ་གཏོགས་སེམས་ཐག་པ་ནས་མི་འགྲུབ་པའི་ཕྱིར་དང༌། དེ་ལས་སྐྱེས་པའི་ཁོང་ཁྲོས་སྔོན་གྱི་དགེ་བ་མང་པོ་ཐལ་བར་རློག་པའི་ཕྱིར་དང༌། གལ་ཏེ་བཅོས་སུ་ཡོད་ན་ནི།། དེ་ལ་མི་དགར་བྱ་ཅི་དགོས།། གལ་ཏེ་བཅོས་སུ་མེད་ན་ནི།། དེ་ལ་མི་དགའ་བྱས་ཅི་ཕན།། ༡༠ ཞེས་གསུངས་ཏེ། གལ་ཏེ་བྱ་བ་དེ་དག་ཕྱིར་བཅོས་སུ་ཡོད་ན་ནི་མི་དགའ་བ་ག་ལ་དགོས་ཏེ་ མི་དགའ་བའི་བློ་བསམ་པ་དེ་སྲིད་ཀྱི་ཡུན་ཡང་མི་དགའ་བ་དོར་ནས་སླར་འཆོས་པར་རིགས་ ཤིང་དེས་འགྲུབ་པའི་ཕྱིར། གལ་ཏེ་ཕྱིར་བཅོས་སུ་མེད་ན་ནི་མི་དགའ་བ་བྱས་པས་ཅི་ཞིག་ཏུ་ ཕན་ཏེ་སེམས་མི་དགའ་བ་ཙམ་ལྟ་ཞོག་བདག་ཉིད་མེར་མཆོངས་སུ་ཟིན་ཡང་བྱ་བ་དེ་ལྡོག་ 220 བཟོད་པ་བསྟན་པ། ཏུ་མེད་པའི་ཕྱིར། དེས་ན་བདག་གིས་ཉེས་པའི་འབྱུང་གནས་ཡིད་མི་བདེ་དང་དུ་མི་བླང་ཞིང་ ཕན་ཡོན་རྒྱ་ཆེན་པོ་ཅན་གྱི་དགའ་བའི་སེམས་ལས་གཞན་དུ་གཡོ་བར་མི་བྱའོ། །ཞེས་དམ་ བཅའ་བར་བྱའོ།། བཞི་པ་གང་ལ་བཟོད་པར་བྱ་བ་འདོད་མི་འདོད་ཀྱི་རྟོག་པ་བསྟན་པ་ནི། བདག་གམ་བདག་གི་བཤེས་རྣམས་ལ།། སྡུག་བསྔལ་བརྙས་དང་ཚིག་རྩུབ་དང༌།། མི་སྙན་ཞེས་བྱར་མི་འདོད་དེ།། དགྲ་ལ་དེ་ལས་བཟློག་པས་སོ།། ༡༡ ཞེས་གསུངས་ཏེ། དེས་ན་གང་ལ་བཟོད་པར་བྱ་བ་ནི་སྡུག་བསྔལ་བརྙས་དང་ཚིག་རྩུབ་ དང་མི་སྙན་པ་སྟེ། བཞི་པོ་བདག་གམ་བདག་གི་བཤེས་ལ་མི་འདོད་པ་དང་དགྲ་ལ་དེ་ ལས་ཟློག་པའོ། །ཞེས་དེ་བཞི་དགྲ་ལ་བྱུང་བ་ལ་དགའ་བ་རྣམས་ཚར་བཅད་དེ་དེ་དག་གིས་ སེམས་མི་གཡོ་བར་བྱ་བའོ།། ལྔ་པ་མི་འདོད་པ་ལ་མི་དགའ་བའི་རྟོག་པ་གཞོམ་པ་ལ་གསུམ་སྟེ། བདག་ཉིད་ལ་ ཉེས་པ་བྱེད་པ་ལ་མི་དགའ་བ་དོར་བ་གཉིས། བདག་གི་བ་ལ་ཉེས་པ་བྱེད་པ་ལ་མི་དགའ་ བ་དོར་བ་གཉིས། བདག་གི་དགྲ་ལ་ལེགས་པ་བྱེད་པ་ལ་མི་དགའ་བ་དོར་བ་གསུམ་ མོ། །དང་པོ་གཉིས་ནི། སྡུག་བསྔལ་བྱེད་པ་ལ་མི་དགའ་བ་དོར་བ་གསུམ་དང༌། བརྙས་པ་ 221 བཟོད་པ་བསྟན་པ། བྱེད་པ་ལ་མི་དགའ་བ་དོར་བའོ། །དང་པོ་ལ་གསུམ་ནི། སྡུག་བསྔལ་དང་ལེན་གྱི་བཟོད་ པ་དྲུག ཆོས་ལ་ངེས་པར་རྟོག་པའི་བཟོད་པ་བཞི། གནོད་པ་ལ་ཇི་མི་སྙམ་པའི་བཟོད་པ་ བསྟན་པའོ། །སྤྱིར་བཟོད་པ་ཐམས་ཅད་དེ་གསུམ་དུ་འདུ་མོད་ཀྱང༌། སྐབས་འདིར་སྒོམ་བདེ་ བའི་ཕྱིར་དང༌། གཞུང་འདི་གོ་རིམ་སོགས་ལ་ཆེད་དུ་མ་མཛད་པར་རྡོ་རྗེའི་གླུ་ལྟ་བུར་གནས་ པའི་ཕྱིར་འདི་ལྟར་བཤད་པ་ནི། དགེ་བའི་ལྷ་དང༌། དཀའ་འགྲེལ་ཆུང་ངུའི་ལུགས་ལྟར་བྱས་ པའོ།། དང་པོ་སྡུག་བསྔལ་དང་ལེན་གྱི་བཟོད་པ་ལ་དྲུག་ནི། སྡུག་བསྔལ་ངེས་འབྱུང་གི་རྒྱུར་ སྟོན་པ། ཐར་པའི་དོན་དུ་བཟོད་པར་བྱ་བ། གོམས་ན་སླ་བར་བསྟན་པ། བརྟགས་ཏེ་བཟོད་ པར་བྱ་བ། དེ་ལྟར་བཟོད་ན་དཔའ་བོའི་དམ་པར་བསྟན་པ། སྡུག་བསྔལ་ཕན་ཡོན་ཅན་དུ་ བསྟན་པའོ། །དང་པོ་ནི། བདེ་བའི་རྒྱུ་ནི་རེས་འགའ་འབྱུང༌།། སྡུག་བསྔལ་རྒྱུ་ནི་ཤིན་ཏུ་མང༌།། སྡུག་བསྔལ་མེད་པར་ངེས་འབྱུང་མེད།། དེ་བས་སེམས་ཁྱོད་བརྟན་པར་མནོས།། ༡༢ ཞེས་གསུངས་ཏེ། དེ་ཡང་འདིར་འཇིག་རྟེན་པ་ལ་གྲགས་པའི་བདེ་བའི་རྒྱུ་ནི་བསོད་ནམས་ ཀྱི་ལས་ཡིན་ལ། དེ་ནི་གསོག་པ་ལ་བལྟོས་ཤིང་དེ་ཡང་དགེ་བའི་བློ་ལ་རག་ལས་ལ། འཇིག་ རྟེན་ན་དགེ་བའི་བློ་ནི་ཤིན་ཏུ་སྐྱེ་བ་དཀོན་པའི་ཕྱིར་བདེ་བའི་རྒྱུ་ནི་བརྒྱ་ལམ་ན་ལན་རེ་ 222 བཟོད་པ་བསྟན་པ། འབྱུང་བར་ཟད་ལ། སྡུག་བསྔལ་གྱི་རྒྱུ་ནི་སྡིག་པ་ཡིན་པའི་ཕྱིར་དེ་ནི་སེམས་ཅན་རྣམས་རྟག་ ཏུ་སྤྱོད་པས་ཤིན་ཏུ་མང་སྟེ་དེའི་ཕྱིར་སྡུག་བསྔལ་ནི་ཆེས་མང་བས་འདི་ལ་བཟོད་པར་བྱ་བ་ ཤིན་ཏུ་གལ་ཆེའོ།། ཡང་དག་པར་ན་འཁོར་བ་པ་རྣམས་བདེ་བར་འཛིན་པ་འདི་དག་ཡང་བདེ་བ་མ་ཡིན་ཏེ་ འགྱུར་བའི་སྡུག་བསྔལ་ཡིན་པའི་ཕྱིར་དང༌། ཕུང་པོ་དང་ཁམས་དང་སྐྱེ་མཆེད་ལྡན་པ་ཙམ་ འདི་ཁོ་ན་ནད་དང་འབྲས་དང་ཟུག་རྔུ་ལྟ་བུའི་འདུ་བྱེད་ཀྱི་སྡུག་བསྔལ་ཡིན་ཏེ་ཟག་པ་དང་ བཅས་པ་ནི་སྡུག་བསྔལ་ལོ། །ཞེས་གསུངས་ལ། དེ་ལྟར་སྡུག་བསྔལ་གྱི་ཕུང་པོ་སྲིད་པ་གསུམ་འདི་ལས་ཐར་བར་འདོད་པ་ནི་ངེས་འབྱུང་གི་ བསམ་པ་ཡིན་ལ། ངེས་འབྱུང་འདི་མེད་ན་ཐར་པའི་རྒྱུ་སྒྲུབ་པའི་བློ་མི་སྐྱེ་བའི་ཕྱིར་ཐར་པ་མེད་ལ། སྡུག་བསྔལ་མེད་ན་དེ་ལས་ཐར་འདོད་ཀྱི་ངེས་འབྱུང་ཡང་མི་སྐྱེ་བའི་ཕྱིར་རོ།། གཉིས་པ་ཐར་པའི་དོན་དུ་བཟོད་པར་བྱ་བ་ནི། དཀའ་ཟློག་དད་དང་ཀརྞ་པ།། བསྲེགས་དང་བཅད་སོགས་ཚོར་བ་ནི།། དོན་མེད་བཟོད་བྱེད་ཐར་པ་ཡི།། དོན་དུ་བདག་ཀོ་ཅི་ཕྱིར་སྡར།། ༡༣ 223 བཟོད་པ་བསྟན་པ། ཞེས་གསུངས་ཏེ། དཀའ་ཟློག་ཞེས་སོགས་ལ། སྔོན་ལྷ་རྣམས་ལྷ་མ་ཡིན་ལས་ཕམ་པའི་ ཚེ་དབང་ཕྱུག་རི་རབ་ཀྱི་བྱང་ཤར་ན་དཀའ་ཐུབ་སྤྱོད་པ་མཐོང་ནས་འདིས་གྲོ གས་བྱས་ན་ བདག་ཅག་རྒྱལ་བར་འགྱུར་རོ། །ཞེས་བགྲོས་ཏེ་ལྷ་རྣམས་ཀྱི་འོད་གཅིག་ཏུ་བསྡུས་པས་ ལྷ་མོ་ཨུ་མ་ཞེས་བྱ་བ་ཆེས་མཛེས་པ་ཞིག་བྱུང་སྟེ་དེས་དབང་ཕྱུག་ལ་གཡོ་བསྟན་པ་ན་ཅི་ ཞིག་ན་མིག་ཟུར་ཙམ་བལྟས་པ་དང་སླར་ཤ་དྲོད་ཀྱིས་ལོ་བཅུ་གཉིས་རེག་པས་དབང་ཕྱུག་ ཆགས་ཏེ་ཁྱོ་ཤུག་ཏུ་གྱུར་པར་ཕྱི་རོལ་པ་ལ་གྲགས་ལ། ནང་པའི་རྒྱུད་དག་ལས་ཀྱང་དེ་ གཉིས་ལས་ནག་པོ་ཆེན་པོ་དང་དཔལ་ལྷ་མོ་སྐྱེས་ཏེ་ནག་པོ་ཆེན་པོས་བེང་དྲིལ་བ་དང་ལྷ་ མོའི་ལྟེ་བ་ལ་ལྷའི་རྫོང་བཅས་པས་ལྷ་མིན་བཅོམ་མོ། །ཞེས་བཤད་ལ། དེའི་དཀའ་ཐུབ་ ཟློག་པའི་ཕྱིར་ཨུ་མ་ལ་དཀའ་ཐུབ་ཟློག་མ་ཞེས་གྲགས་ལ། དེ་མགུ་ན་ཐར་པ་འཐོབ་བོ་ ཞེས་བྱ་བའི་ལོག་པའི་གཏན་ཚིགས་ལས་ཕྱི་རོལ་པ་དག་དེ་མཆོད་པའི་ཕྱིར་ཡན་ལག་ལ་ སོགས་པ་སྲེག་པ་ཞིག་སྟེ། དཀའ་འགྲེལ་ཆུང་ངུར། དཀའ་ཟློག་ནི་དབང་ཕྱུག་ཆེན་པོའི་ ཆུང་མ་སྟེ་ཨུ་མའོ། །ལྷ་ཐམས་ཅད་ཀྱིས་ཨུ་མ་སྤྲུལ་ནས་དབང་ཕྱུག་ཆེན་པོ་དཀའ་ཐུབ་ལས་ ཟློག་གོ་ཞེས་གྲགས་སོ། །ཞེས་དང༌། ཀརྞ་ཌ་པ་ཞེས་བྱ་བ་ནི། རྒྱ་གར་ལྷོ་ཕྱོགས་ཀྱི་ཡུལ་ཞིག་སྟེ་དེ་ན་སྔོན་གྱི་ལོག་པའི་ གྲགས་པ་ཞིག་རྒྱུ་མཚན་དུ་བྱས་པ་ལས་མཐོ་རིས་སུ་སྐྱེ་བའི་ཕྱིར་དང༌། གཞན་དག་གིས་ དེའི་མིང་ཐོག་མར་བྲིས་ཏེ་མཆོད་པར་བྱེད་པས་ན་དེའི་གྲགས་པ་འདོད་པའི་ཕྱིར་ཟླ་བ་ གཟས་ཟིན་པའི་ཚེ་ཕན་ཚུན་དུ་མགོ་གཅོད་པར་བྱེད་པ་ཞིག་གོ། 224 བཟོད་པ་བསྟན་པ། དེ་ལྟར་དོན་མེད་པའི་སྡུག་བསྔལ་དེ་ལྟ་བུ་ཡང་བཟོད་པར་བྱེད་པ་དག་ཡོད་ན་བདག་གིས་དོན་ ཆེན་པོ་བླ་ན་མེད་པའི་བྱང་ཆུབ་དང༌། སེམས་ཅན་ཐམས་ཅད་ཀྱི་དོན་དུ་ཅིའི་ཕྱིར་མི་བཟོད་དེ། རྒྱུ་མཚན་ དེ་དག་བསམས་ནས་སྡུག་བསྔལ་མི་བཟོད་པའི་སྡར་མ་ཝ་སྐྱེས་ལྟ་བུའི་བློ་དོར་ཞིག་པའོ།། གསུམ་པ་གོམས་ན་སླ་བར་བསྟན་པ་ནི། གོམས་ན་སླ་བར་མི་འགྱུར་བའི།། དངོས་དེ་གང་ཡང་ཡོད་མ་ཡིན།། དེ་བས་གནོད་པ་ཆུང་གོམས་པས།། གནོད་པ་ཆེན་པོའང་བཟོད་པར་བྱ།། ༡༤ ཞེས་གསུངས་ཏེ། གོམས་ན་སོགས་ལ་དཀའ་འགྲེལ་ཆེན་མོར། སྡུག་བསྔལ་ཆུང་ངུ་བཟོད་ ཀྱང་མགོ་བོ་གཅོད་པ་སོགས་ཇི་ལྟར་བཟོད་ཅེ་ན། གོམས་ན་ཞེས་སོགས་ཏེ། དེ་ལ་སྡུག་ བསྔལ་ཆུང་ངུ་ལ་གོམས་པ་སྔོན་དུ་བཏང་ན་དཀའ་བ་ཤིན་ཏུ་དཀའ་བ་ལ་ཡང་གོམས་ པར་འགྱུར་ཏེ། དཔེར་ན། གོམས་པའི་དབང་གིས་སེམས་ཅན་རྣམས་སྡུག་བསྔལ་ལ་བདེ་ བར་འདུ་ཤེས་པ་བཞིན་དུ་སྡུག་བསྔལ་བྱུང་བ་ཐམས་ཅད་ལ་བདེ་བའི་འདུ་ཤེས་གནས་ པ་གོམས་པར་བྱས་པས་བདེ་བའི་འདུ་ཤེས་ཉིད་དུ་ཉེ་བར་གནས་པར་འགྱུར་ལ། དེའི་རྒྱུ་ མཐུན་གྱི་འབྲས་བུ་ཆོས་ཐམས་ཅད་ལ་བདེ་བར་འགྲོ་བའི་ཏིང་ངེ་འཛིན་འཐོབ་སྟེ། ཡབ་ 225 བཟོད་པ་བསྟན་པ། སྲས་མཇལ་བ་ལས། བཅོམ་ལྡན་འདས་ཆོས་ཐམས་ཅད་ལ་བདེ་བར་འགྲོ་བ་ཞེས་བྱ་བའི་ ཏིང་ངེ་འཛིན་མཆིས་ཏེ། དེ་གང་གིས་ཐོབ་པའི་བྱང་ཆུབ་སེམས་དཔའ་དམིགས་པའི་དངོས་ པོ་ཐམས་ཅད་ལ་བདེ་བའི་ཚོར་བ་ཤ་སྟག་མྱོང་བར་འགྱུར་ཞིང་སྡུག་བསྔལ་གྱི་ཚོར་བ་ཡང་ མི་མྱོང་སྡུག་བསྔལ་ཡང་མ་ལགས་བདེ་བ་ཡང་མ་ལགས་པའི་ཚོར་བ་ཡང་མི་མྱོང་སྟེ། དེ་ལ་ སེམས་ཅན་དམྱལ་བའི་གནོད་པ་ནས་ཀར་ཤ་པ་ཎ་ཙམ་དུ་བཏུབས་སམ་འབྲས་ཕྱེ་ལྟར་ བཙོས་སམ་གླང་པོ་ཆེ་རྣམས་ཀྱིས་མཉེས་ཀྱང་བདེ་བའི་འདུ་ཤེས་འཇུག་གོ། ཞེས་ལུང་དང་ བཅས་ཏེ་བཤད་དོ།། འོ་ན་སྡུག་བསྔལ་བདེ་བར་འཆར་བར་འགྱུར་ན་དེ་འཁོར་བའི་བདེ་བར་འཆར་རམ། མྱ་ ངན་ལས་འདས་པའི་བདེ་བར་འཆར། དང་པོ་ལྟར་ན། སྲིད་པ་ན་བདེ་བ་མེད་པ་དང་འགལ། ཕྱི་མ་ལྟར་ན། སོ་སྐྱེས་དེ་ཉམས་སུ་བླང་མི་ནུས་པར་འགྱུར་རོ་ཞེ་ན། ཟག་བཅས་སྡུག་ བསྔལ་དུ་བཤད་པ་ཡང་ཐེག་པ་ཐུན་མོང་གི་སྐབས་སུ་ཡིན་གྱི་ཐེག་ཆེན་ཐུན་མོང་མ་ཡིན་ པའི་ཚེ་ལྟ་བའི་སྐབས་སུ་སྡུག་བསྔལ་དང་བདེ་བ་གང་ཡང་དམིགས་སུ་མེད་ལ། སྒོམ་པའི་ ཚེ་བདེ་བ་དང་སྡུག་བསྔལ་དང་བཏང་སྙོམས་གང་དུ་བསྒོམས་པ་དེར་འཆར་ཞིང༌། སྤྱོད་པའི་ ཚེ་རྒྱལ་པོ་ནམ་མཁས་རྒྱལ་སྲིད་ནས་ཡན་ལག་དང་དབང་པོ་རྣམས་དང་པགས་པ་དང་ཤའི་ བར་དུ་བྱིན་པས་བསམ་པ་ཡོངས་སུ་རྫོགས་ཏེ་དགའ་བ་རྒྱ་ཆེན་པོ་ཐོབ་པ་ལྟར་གཞན་དོན་ དུ་གྱུར་ན་ཅི་ལྟ་བུ་ཡང་བདེ་བའི་མཆོག་ཏུ་འདུ་ཤེས་པ་སྟེ་བདེ་སྡུག་ནི་འཛིན་སྟངས་ལས་སོ་ སོར་འདུ་ཤེས་པར་ཟད་ཀྱི་ངོ་བོ་ཉིད་ཀྱིས་བདེ་བའམ་སྡུག་བསྔལ་བ་དེ་དང་དེར་གནས་པ་ 226 བཟོད་པ་བསྟན་པ། ཞིག་ནི་ཡོད་པ་མ་ཡིན་ནོ།།དེ་བས་ན་འཁོར་བ་པ་རྣམས་སྡུག་བསྔལ་དུ་འཛིན་པ་ལུས་ཀྱི་ ན་ཚ་དང་སེམས་ཀྱི་ཟུག་རྔུ་འདི་དག་ལའང་འདི་ནི་སྡུག་བསྔལ་ལོ་ཞེས་ཞེན་པར་མི་བྱ་བར་ བདེ་བ་དང་བཏང་སྙོམས་དང་སྟོང་པ་སོགས་སྣ་ཚོགས་པར་བལྟས་ཏེ་སྦྱངས་པས་དེ་དང་ དེར་འཆར་བར་འགྱུར་རོ།། བཞི་པ་བརྟགས་ཏེ་བཟོད་པར་བྱ་བ་ལ་བཞི། དོན་མེད་ཀྱི་སྡུག་བསྔལ་ལ་བསམས་ཏེ་ དོན་ལྡན་གྱི་སྡུག་བསྔལ་བཟོད་པར་བྱ་བ། གཟེ་རེག་མི་བྱ་བ། དཔའ་བ་དང་སྡར་མའི་དཔེ་ བསྟན་པ། དོན་བསྡུས་ཏེ་གདམས་པའོ། །དང་པོ་ནི། སྦྲུལ་དང་ཤ་སྦྲང་དག་དང་ནི།། བཀྲེས་སྐོམ་ལ་སོགས་ཚོར་བ་དང༌།། གཡན་པ་ལ་སོགས་བཅས་པ་ཡི།། དོན་མེད་སྡུག་བསྔལ་ཅིས་མ་མཐོང༌།། ༡༥ ཞེས་གསུངས་ཏེ། དེ་ཡང་དུག་སྦྲུལ་དང་དུག་སྦྲང་སོགས་དུས་ཀྱི་རྗེས་སུ་འབྲང་བའི་སྲོག་ ཆགས་ཀྱིས་ལུས་ལ་ཟོས་པའི་སྡུག་བསྔལ་དང༌། བཀྲེས་སྐོམ་སོགས་འཚོ་བའི་ཡོ་བྱད་མ་ ཚང་བའི་སྡུག་བསྔལ་དང༌། གཡན་པ་ལ་སོགས་པ་ནད་ཀྱི་སྡུག་བསྔལ་རྣམས་དབང་མེད་དུ་ མྱོང་ཞིང་མི་བཟོད་མཐུ་མེད་པ་མཐོང་བ་ལ་བསམས་ནས་ཆོས་ཀྱི་ཕྱིར་སྡུག་བསྔལ་ཅི་བྱུང་ ཡང་བཟོད་པར་བྱའོ།། 227 བཟོད་པ་བསྟན་པ། གཉིས་པ་གཟེ་རེག་མི་བྱ་བ་ནི། ཚ་གྲང་ཆར་དང་རླུང་སོགས་དང༌།། ནད་དང་འཆིང་དང་བརྡེག་སོགས་ལ།། བདག་གིས་གཟེ་རེག་མི་བྱ་སྟེ།། དེ་ལྟར་བྱས་ན་གནོད་པ་འཕེལ།། ༡༦ ཞེས་གསུངས་ཏེ། རི་རབ་རླུང་གིས་མི་བསྒུལ་བ་ལྟར་བདག་དང་བདག་གི་ལ་གཅེས་སྤྲས་ སུ་འཛིན་པའི་གཟེ་རེག་སྤངས་ཏེ་རྐྱེན་ཅིས་ཀྱང་སེམས་མི་གཡོ་བར་བྱ་ལ། གཟེ་རེག་དང་ བཟོད་སྲན་གཉི་གའང་གོམས་པའི་རྩ་བ་ཅན་ཏེ། དེས་ན་གཟེ་རེག་གོམས་པ་ལས་ལྡོག་སྟེ་ བཟོད་སྲན་ལ་གོམས་པར་བྱའོ།། གསུམ་པ་དཔའ་བ་དང་སྡར་མའི་དཔེ་བསྟན་པ་ནི། ལ་ལ་བདག་གི་ཁྲག་མཐོང་ན།། དཔའ་བརྟན་ལྷག་པར་སྐྱེ་འགྱུར་ཡོད།། ལ་ལ་གཞན་གྱི་ཁྲག་མཐོང་ན།། བོག་ཅིང་བརྒྱལ་བར་འགྱུར་བ་ཡོད།། ༡༧ དེ་ནི་སེམས་ཀྱི་ངང་བརྟན་དང༌།། སྡར་མའི་ཚུལ་ལས་གྱུར་པ་ཡིན།། 228 བཟོད་པ་བསྟན་པ། ཞེས་གསུངས་ཏེ། འཇིག་རྟེན་ན་ཡང་སྡར་མ་དག་ནི་གཡུལ་ངོར་གཞན་ལ་ཁྲག་བྱུང་བ་ མཐོང་བས་བརྒྱལ་འབོག་ཏུ་འགྱུར་ལ། དཔའ་བ་དག་ནི་བདག་ཉིད་ལ་རྨ་བྱུང་ན་ལྷག་པར་ ཞེ་སྡང་གིས་དཔའ་བའི་བློ་སྐྱེས་ཏེ་རྨ་ལ་ཇི་མི་སྙམ་པར་ཕ་རོལ་འཇོམས་པ་ཡོད་དེ། སེམས་ ངང་གིས་བརྟན་པ་དང་སྡར་བ་དེ་ཡང་སྐྱེ་བ་གཞན་དང་གཞན་དག་ནས་དཔའ་བ་ལ་གོམས་ པ་དང་སྡར་བ་ལ་གོམས་པའི་ཁྱད་པར་ཡིན་ནོ།། བཞི་པ་དོན་བསྡུས་ཏེ་གདམས་པ་ནི། དེ་བས་གནོད་པ་ཁྱད་བསད་ཅིང༌།། སྡུག་བསྔལ་རྣམས་ཀྱིས་མི་ཚུགས་བྱོས།། ༡༨ མཁས་པས་སྡུག་བསྔལ་བྱུང་ཡང་ནི།། སེམས་ཀྱིས་རབ་ཏུ་རྙོག་མི་བྱ།། ཞེས་གསུངས་ཏེ། དེས་ན་གནོད་པ་དང་སྡུག་བསྔལ་ཐམས་ཅད་ལ་ཅི་སྙམ་དུ་མི་འཛིན་པར་ ཁྱད་དུ་བསད་དེ། ཅིས་ཀྱང་སེམས་མི་གཡོ་བར་བྱ་ཞིང་ལུས་ཀྱིས་སྡུག་བསྔལ་མྱོང་ཡང་ སེམས་བཟོད་པས་དང་བར་བྱའི་ཞེ་སྡང་གིས་རྙོག་པར་མི་བྱའོ།། ལྔ་པ་དེ་ལྟར་བཟོད་ན་དཔའ་བོའི་དམ་པར་བསྟན་པ་ནི། ཉོན་མོངས་རྣམས་དང་གཡུལ་འགྱེད་ལ།། གཡུལ་འགྱེད་ཚེ་ན་གནོད་པ་མང༌།། ༡༩ 229 བཟོད་པ་བསྟན་པ། སྡུག་བསྔལ་ཐམས་ཅད་ཁྱད་བསད་ནས།། ཞེ་སྡང་ལ་སོགས་དགྲ་འཇོམས་པ།། དེ་དག་རྒྱལ་བྱེད་དཔའ་བོ་སྟེ།། ལྷག་མ་རོ་ལ་གསོད་པའོ།། ༢༠ ཞེས་གསུངས་ཏེ། དགྲ་བོ་དཔུང་ཆེན་པོ་དང་གཡུལ་འགྱེད་པ་ན་ནན་ཏན་གྱིས་སྒྲིམ་དགོས་ པ་ལྟར་འཁོར་བའི་རྩ་བ་ཉོན་མོངས་པ་དང་གཡུལ་འགྱེད་པ་ལ་ནི་ཤིན་ཏུ་སྒྲིམ་དགོས་ལ། དེའི་ཚེ་ན་ལུས་སེམས་ལ་གནོད་པའི་རྣམ་པ་མང་དུ་འབྱུང་མོད་ཀྱི་དེ་ལ་ཅིར་ཡང་མི་སྙམ་ པས་ཁྱད་དུ་བསད་དེ། བདག་རྒྱུད་ཀྱི་ཉོན་མོངས་འཇོམས་པ་དེ་ནི་སྲིད་པ་གསུམ་ལས་ འདས་པའི་དཔའ་བོ་ཡིན་ཏེ་འཇིག་རྟེན་ན་རང་བཞིན་གྱིས་འཆི་བའི་མི་ལ་སོགས་པ་གསོད་ པ་དེ་ནི་ཤི་བའི་རོ་ལ་མཚོན་འདེབས་པ་ལྟར་ཟད་ཀྱི་དཔའ་བོར་བརྗོད་མི་རིགས་སོ།། དྲུག་པ་སྡུག་བསྔལ་ཕན་ཡོན་ཅན་དུ་བསྟན་པ་ནི། གཞན་ཡང་སྡུག་བསྔལ་ཡོན་ཏན་ནི།། སྐྱོ་བས་དྲེགས་པ་སེལ་བར་བྱེད།། འཁོར་བ་པ་ལ་སྙིང་རྗེ་སྐྱེ།། སྡིག་ལ་འཛེམ་ཞིང་དགེ་ལ་དགའ།། ༢༡ ཞེས་གསུངས་ཏེ། སྡུག་བསྔལ་འདི་ནི་ཕན་ཡོན་ཆེན་པོ་ཅན་ཏེ་སེམས་སྐྱོ་བའི་དབང་གིས་ང་ 230 བཟོད་པ་བསྟན་པ། རྒྱལ་གྱི་དྲེགས་པ་སེལ་བ་དང་གཞན་ལ་སྙིང་རྗེ་སྐྱེ་བ་དང༌། དེའི་རྒྱུ་སྡིག་པར་ཤེས་ཤིང་བདེ་ བའི་རྒྱུ་དགེ་བར་ཤེས་ནས་བླང་དོར་ཚུལ་བཞིན་དུ་བྱེད་པར་འགྱུར་བའི་ཕྱིར་རོ།། གཉིས་པ་ཆོས་ལ་ངེས་པར་སེམས་པའི་བཟོད་པ་ལ་བཞི། ཉོན་མོངས་ཀྱི་དབང་གིས་ ཕ་རོལ་ལ་རང་དབང་མེད་པར་བསྟན་པ། རང་དབང་གི་གཙོ་བོ་སོགས་འགོག་པ། སྤྲུལ་ པ་ལྟ་བུ་ཡིན་ན་ཁྲོ་བ་ཟློག་མི་རིགས་པའི་རྩོད་པ་སྤང་བ། དོན་བསྡུ་བའོ། །དང་པོ་ལ་བཞི། རྐྱེན་ལ་རག་ལས་པར་བསྟན་པ། དཔེ་དང་སྦྱར་ཏེ་བསྒྲུབས། གནོད་བྱེད་ལ་རང་དབང་མེད་ པར་བསྟན། རྐྱེན་དེ་དག་ཀྱང་སེམས་པ་མེད་པར་བསྟན་པའོ། །དང་པོ་ནི། མཁྲིས་པ་ལ་སོགས་སྡུག་བསྔལ་གྱི།། འབྱུང་གནས་ཆེ་ལ་མི་ཁྲོ་བར།། སེམས་ཡོད་རྣམས་ལ་ཅི་སྟེ་ཁྲོ།། དེ་དག་ཀུན་ཡང་རྐྱེན་གྱིས་བསྐུལ།། ༢༢ ཞེས་གསུངས་ཏེ། དེ་ཡང་རླུང་མཁྲིས་བད་ཀན་གྱིས་དཀྲུགས་པ་དང་སྐྱེས་བུས་མཚོན་ཆ་ བརྒྱབ་པ་གཉིས་སྡུག་བསྔལ་གྱི་རྒྱུར་མཚུངས་པ་ལས་མཁྲིས་སོགས་ལ་མི་ཁྲོ་བར་སྐྱེས་ བུ་ལ་ཅིའི་ཕྱིར་ཁྲོ། དེ་གཉི་གའང་རྐྱེན་གྱིས་བསྐུལ་བར་མཚུངས་ཏེ་མཁྲིས་སོགས་ཀྱང་ཟས་ སྤྱོད་དང་དུས་ལ་སོགས་པས་བསྐྱེད་པ་ལྟར་སྐྱེས་བུའི་ཁྲོ་བ་ཡང་ཚུལ་མིན་ཡིད་བྱེད་ཀྱིས་ བསྐྱེད་པའི་ཕྱིར། 231 བཟོད་པ་བསྟན་པ། གཉིས་པ་དཔེ་དང་སྦྱར་ཏེ་བསྒྲུབས་པ་ནི། དཔེར་ན་མི་འདོད་བཞིན་དུ་ཡང༌།། ནད་འདི་འབྱུང་བར་འགྱུར་བ་ལྟར།། དེ་བཞིན་མི་འདོད་བཞིན་དུ་ཡང༌།། ནན་གྱིས་ཉོན་མོངས་འབྱུང་བར་འགྱུར།། ༢༣ ཁྲོ་བར་བྱ་ཞེས་མ་བསམས་ཀྱང༌།། སྐྱེ་བོ་རྣམས་ནི་གྱི་ནར་ཁྲོ།། བསྐྱེད་པར་བྱ་ཞེས་མ་བསམས་ཀྱང༌།། ཁྲོ་བ་དེ་བཞིན་སྐྱེ་བར་འགྱུར།། ༢༤ ཞེས་གསུངས། གསུམ་པ་གནོད་བྱེད་ལ་རང་དབང་མེད་པར་བསྟན་པ་ནི། ཉེས་པ་ཇི་སྙེད་ཐམས་ཅད་དང༌།། སྡིག་པ་རྣམ་པ་སྣ་ཚོགས་པ།། དེ་ཀུན་རྐྱེན་གྱི་སྟོབས་ལས་བྱུང༌།། རང་དབང་ཡོད་པ་མ་ཡིན་ནོ།། ༢༥ ཞེས་གསུངས། 232 བཟོད་པ་བསྟན་པ། བཞི་པ་རྐྱེན་དེ་དག་ཀྱང་སེམས་པ་མེད་པར་བསྟན་པ་ནི། རྐྱེན་རྣམས་ཚོགས་པ་དེ་དག་ཡང༌།། བསྐྱེད་པར་བྱ་ཞེས་སེམས་པ་མེད།། དེས་བསྐྱེད་དེ་ཡང་བདག་སྐྱེད་ཅེས།། སེམས་པ་ཡོད་པ་མ་ཡིན་ནོ།། ༢༦ ཞེས་གསུངས་ཏེ། དེས་ན་རྒྱུ་རྐྱེན་ཚོགས་ན་མཁྲིས་སོགས་དབང་མེད་དུ་སྐྱེ་བ་ལྟར་རྒྱུ་རྐྱེན་ ཚོགས་པ་ན། སྐྱེས་བུ་ལ་དབང་མེད་པར་ཁྲོ་བ་འབྱུང་བ་ཡིན་གྱི་བདག་གིས་ནི་འདི་ལ་ཁྲོ་ བར་བྱའོ། །ཞེས་བསམས་བཞིན་དུ་བསྐྱེད་པ་མ་ཡིན་ལ་ཁྲོ་བའི་རྐྱེན་ཚུལ་མིན་ཡིད་བྱེད་དང་ གནོད་པར་འཛིན་པ་སོགས་ཀྱང་བདག་ཅག་གིས་ཁྲོ་བ་བསྐྱེད་པར་བྱའོ། །ཞེས་མི་སེམས་ ཞིང་ཁྲོ་བ་དེ་ཡང་བདག་གིས་བདག་མི་ཤེས་མོད་ཀྱི་རྒྱུ་རྐྱེན་ཚོགས་པས་གནས་སྐབས་ གཞན་དུ་སྣང་བ་ཙམ་ཞིག་སྟེ་དེ་དག་སོ་སོ་ཡང་བདག་གིས་བདག་མི་རིག་ཅིང་སེམས་པ་ མེད་དེ་རྒྱུ་རྐྱེན་གྱི་གཞན་དབང་ལ་བལྟོས་པ་ཁོ་ནའོ།། གཉིས་པ་རང་དབང་གི་གཙོ་བོ་སོགས་འགོག་པ་ལ་གསུམ། གྲངས་ཅན་པའི་འདོད་པ་ བཀག རིག་པ་ཅན་པ་བཀག དོན་བསྡུས་པའོ། །དང་པོ་ནི། གཙོ་བོ་ཞེས་བྱར་གང་འདོད་དང༌།། བདག་ཅེས་བཏགས་པ་གང་ཡིན་པ།། 233 བཟོད་པ་བསྟན་པ། དེ་ཉིད་བདག་ནི་འབྱུང་བྱ་ཞེས།། ཆེད་དུ་བསམས་ཤིང་འབྱུང་བ་མེད།། ༢༧ ཅེས་གསུངས་ཏེ། དེ་ཡང༌། གཙོ་བོ་ཞེས་བྱར་གང་འདོད་དང༌། །བདག་ཅེས་བཏགས་པ་གང་ ཡིན་པ། །ཞེས་པ་ནི་གྲངས་ཅན་པས་རྡུལ་མུན་སྙིང་སྟོབས་ཆ་མཉམ་པ་ལ་གཙོ་བོ་ཞེས་རྣམ་ འགྱུར་ཉེར་གསུམ་གྱི་བྱེད་པ་པོ་མཐོང་བའི་ཡུལ་མིན་པ་བེམ་པོ་དང༌། བདག་ཤེས་རིག་གི་ སྐྱེས་བུ་ཞེས་བྱ་བ་རྣམ་འགྱུར་ལ་ལོངས་སྤྱོད་པ་པོ་སེམས་པ་དང་བཅས་ཤིང་དེ་གཉིས་ཀ་རྟག་ པ་དང་རྣམ་འགྱུར་རྣམས་ནི་མི་རྟག་གོ་ཞེས་ཀུན་ནས་བཏགས་པ་དེའོ། །རྐྱེན་ལ་རག་ལས་པ་ རྣམས་རང་དབང་ཅན་མ་ཡིན་ཡང་གཙོ་བོ་དང་བདག་དེ་རྐྱེན་ལ་མི་ལྟོས་པས་རང་དབང་ཅན་ ཡིན་ནོ་ཞེ་ན། ཞེས་གྲངས་ཅན་པའི་དོགས་པ་སྔུན་བསུས་ཏེ། དེ་འགོག་པ་ནི། དེ་ཡང་གཙོ་བོ་ དེ་བདག་ཉིད་འབྱུང་བར་བྱའོ་ཞེས་སམ། བདག་གིས་རྣམ་འགྱུར་བྱའོ། །ཞེས་ཆེད་དུ་བསམས་ ཤིང་འབྱུང་བ་མེད་དེ། དེ་བེམ་པོ་ཡིན་པའི་ཕྱིར་དང༌། རྟག་པ་ཡིན་པའི་ཕྱིར། བདག་ཤེས་རིག་ གི་སྐྱེས་བུ་དེ་ཡང་བདག་ཉིད་འབྱུང་བར་བྱའོ། །ཞེས་ཆེད་དུ་བསམས་ཤིང་འབྱུང་བ་མེད་དེ། དེ་ རྟག་པ་ཡིན་ལ་རྟག་པ་ནི་དངོས་པོ་མ་ཡིན་པས་ཤེས་པར་མི་རིགས་པའི་ཕྱིར། མ་སྐྱེས་པར་ནི་དེ་མེད་ན།། དེ་ཚེ་སྐྱེ་བར་འདོད་པ་གང༌།། ཞེས་གསུངས་ཏེ། ཡང་བདག་དང་གཙོ་བོ་དེ་རྒྱུ་རྐྱེན་ལས་སྐྱེས་སམ་མ་སྐྱེས་ཞེས་ 234 བཟོད་པ་བསྟན་པ། དྲིའོ། །སྐྱེས་ན་ནི་མི་རྟག་པར་འགྱུར་བས་རྟག་པར་འདོད་པ་དང་འགལ་ཞིང་སྐྱེ་ན་རྒྱུ་རྐྱེན་ གཞན་ལས་སྐྱེ་དགོས་པས་གཞན་ལ་མ་ལྟོས་པའི་རང་དབང་ཅན་དུ་འདོད་པ་དང་ཡང་ འགལ་ལོ། །མ་སྐྱེས་པར་འདོད་ན་ནི་དེ་མེད་པར་ཐལ་ཏེ་རྒྱུ་རྐྱེན་ལས་མ་བྱུང་བའི་ངོ་བོ་ཉིད་ ཀྱིས་ཡོད་པ་མི་སྲིད་པའི་ཕྱིར། དེ་ལྟར་དཔྱད་པའི་ཚེ་གཙོ་བོ་དང་བདག་ཉིད་མེད་ན་དེ་ལས་ རྣམ་འགྱུར་སྐྱེ་བར་འདོད་པ་དང་རྣམ་འགྱུར་དེ་བདག་གིས་སྤྱོད་པར་འདོད་པ་གང་ཡིན་ཏེ་རི་ བོང་གི་རྭ་མེད་ན་དེའི་ཐེམ་གཉེར་བགྲང་བ་ལྟ་ག་ལ་ཡོད། ཡུལ་ལ་རྟག་ཏུ་གཡེངས་འགྱུར་བས།། འགག་པར་འགྱུར་བ་མ་ཡིན་ནོ།། ༢༨ ཞེས་གསུངས་ཏེ། ཡང་བདག་དེ་གཙོ་བོས་གཏད་པའི་རྣམ་འགྱུར་ལ་ལོངས་སྤྱོད་ན་ཡུལ་ རྣམ་འགྱུར་ཉེར་གསུམ་པོ་ཐམས་ཅད་ལ་གཅིག་ཆར་དུ་ལོངས་སྤྱོད་པས་བདག་དེ་རྟག་ཏུ་ གཡེངས་པར་འགྱུར་ཏེ། བདག་རྟག་པ་ཡིན་ལ་རྟག་པ་ལ་གནས་སྐབས་གཞན་མི་སྲིད་པའི་ ཕྱིར། དེ་འདོད་པར་མི་ནུས་ཏེ་བདག་དེ་མེ་ལ་ལོངས་སྤྱོད་པའི་ཚེ་དེ་ཆུ་ལ་ལོངས་མི་སྤྱོད་ཅིང་ ཆུ་ལ་ལོངས་སྤྱོད་པའི་ཚེ་མེ་ལ་མི་སྤྱོད་པ་དང༌། བདེ་བའི་ཚེ་སྡུག་བསྔལ་མི་འབྱུང་ལ་སྡུག་ བསྔལ་གྱི་ཚེ་བདེ་བ་མི་འབྱུང་བའི་ཕྱིར་དང༌། གཟུགས་ཀྱི་ཤེས་པ་འགགས་ནས་སྒྲའི་ཤེས་ པ་སྐྱེ་བ་སོགས་སྐྱེ་འགག་ཐམས་ཅད་དེ་ལ་མི་འཐད་པར་འགྱུར་བས་བདག་དེ་གཟུགས་ལ་ ལོངས་སྤྱོད་པ་སོགས་རེ་རེ་ཞིང་ནམ་དུའང་འགག་པར་འགྱུར་བ་མ་ཡིན་པར་ཐལ་བའི་ཕྱིར། 235 བཟོད་པ་བསྟན་པ། འདོད་མི་ནུས་ཏེ་ཨུཏྤ་ལ་འཛིན་པ་ན་ཁ་མ་བྱེ་བ་དང་བྱེ་བ་དང་རྒྱས་པ་དང་རྙིང་པ་དང་ཟེའུ་ འབྲུ་འབའ་ཞིག་ལུས་པ་དང་དེ་མ་སྨིན་པ་དང་སྨིན་པ་རྣམས་ཕྱི་མའི་གནས་སྐབས་སྐྱེས་པ་ ན་སྔ་མའི་གནས་སྐབས་འགག་ཅིང་དེ་ཉམས་སུ་མྱོང་བའི་ཤེས་རིག་ཡང་སྐྱེ་འགག་ཅན་དུ་ མངོན་སུམ་གྱིས་ཉམས་སུ་མྱོང་བའི་ཕྱིར་རོ།། གཉིས་པ་རིག་པ་ཅན་པ་བཀག་པ་ནི། གྲངས་ཅན་ལས་གཞན་རིག་པ་ཅན་པ་ན་རེ། བདག་དེ་ནི་རྟག་ཅིང་སེམས་པ་མེད་ལ་ནམ་མཁའ་ལྟར་ཁྱབ་པ་དང་ལས་རྣམས་ཀྱི་བྱེད་པ་ པོ་དང་འབྲས་བུ་ལོངས་སྤྱོད་པ་པོ་ཡིན་ལ། སེམས་པ་མེད་ཀྱང་སེམས་པ་ཅན་དང་འབྲེལ་ བས་སེམས་པར་བྱེད་པ་རང་དབང་ཅན་ཡིན་པས་དེ་ལ་ཁྲོ་བར་བྱའོ། །ཞེས་འདོད་དོ། །དེ་ འགོག་པ་ནི། ཅི་སྟེ་བདག་དེ་རྟག་ན་ནི།། མཁའ་བཞིན་བྱེད་པ་མེད་པར་མངོན།། ཞེས་གསུངས་ཏེ། དེས་ནི་གནོད་པ་སོགས་ཅི་ཡང་བྱེད་པ་མེད་པར་ཐལ་ཏེ། རྟག་པའི་ཕྱིར། ནམ་མཁའ་བཞིན་ནོ། །རང་བཞིན་རྟག་ཀྱང་རྐྱེན་སེམས་པ་སོགས་དང་ཕྲད་པས་གནོད་པ་ བྱེད་དོ་ཞེ་ན། རྐྱེན་གཞན་རྣམས་དང་ཕྲད་ན་ཡང༌།། འགྱུར་བ་མེད་ལ་ཅི་བྱར་ཡོད།། ༢༩ 236 བཟོད་པ་བསྟན་པ། ཅེས་གསུངས་ཏེ། སེམས་པ་ལ་སོགས་པའི་རྐྱེན་གཞན་རྣམས་དང་ཕྲད་ན་ཡང་བདག་གི་ རང་བཞིན་འགྱུར་བ་མེད་པ་དེ་ལ་རྐྱེན་གྱིས་ཅི་བྱར་ཡོད་དེ་རི་རབ་དང་ཕྲད་པས་ནམ་མཁའ་ སྲ་བར་མི་འགྱུར་བ་བཞིན་ནོ།། ཡང་བདག་དེ་གནོད་པ་བྱེད་པའི་ཚེ་རྟག་ཅིང་སེམས་པ་མེད་ལ་ཁྱབ་པའི་སྔོན་གྱི་གནས་ སྐབས་དེ་དོར་ནས་སེམས་པ་དང་བཅས་པས་གནོད་པ་བྱེད་དམ། འོན་ཏེ་སྔོན་གྱི་གནས་ སྐབས་མ་དོར་བར་བྱེད། དང་པོ་ལྟར་ན་དེ་མི་རྟག་པར་ཐལ་ལོ། །ཕྱི་མ་ལྟར་ན། བྱེད་པའི་ཚེ་ཡང་སྔོན་བཞིན་ན།། བྱེད་པས་དེ་ལ་ཅི་ཞིག་བྱས།། དེ་ཡི་བྱེད་པ་འདི་ཡིན་ཞེས།། འབྲེལ་བར་གྱུར་པ་གང་ཞིག་ཡོད།། ༣༠ ཅེས་གསུངས་ཏེ། གལ་ཏེ་བདག་དེ་གནོད་པ་བྱེད་པའི་ཚེ་ནའང་རྟག་ཅིང་སེམས་པ་མེད་པ་ སྔོན་གྱི་གནས་སྐབས་ཁོ་ན་ལས་འགྱུར་བ་མེད་པ་ཡིན་ན། ལྷན་ཅིག་བྱེད་པའི་རྐྱེན་གྱིས་ དེ་ལ་ཅི་ཞིག་བྱས་ཤིང་བྱར་ཡོད་དམ་སྟེ་ཐགས་ཀྱི་རྐྱེན་ཚོགས་ཀྱང་ནམ་མཁའ་ཐགས་སུ་ བཏག་པར་མི་ནུས་པ་བཞིན་ནོ། །གནོད་པ་ལ་སོགས་པ་དེའི་བྱེད་པའི་རྐྱེན་དང་བྱེད་པ་པོ་ བདག་དེ་ལ་བདག་གཅིག་པ་དང་དེ་ལས་བྱུང་བའི་འབྲེལ་བ་ཅི་ཞིག་ཡོད་དེ་ཐགས་མཁན་ དང་རི་བོང་གི་རྭ་ལ་འབྲེལ་བ་མེད་པ་བཞིན་ནོ།། 237 བཟོད་པ་བསྟན་པ། གསུམ་པ་དོན་བསྡུས་པ་ནི། དེ་ལྟར་ཐམས་ཅད་གཞན་གྱི་དབང༌།། དེ་ཡི་དབང་གིས་དེ་དབང་མེད།། དེ་ལྟར་ཤེས་ན་སྤྲུལ་ལྟ་བུའི།། དངོས་པོ་ཀུན་ལ་ཁྲོ་མི་འགྱུར།། ༣༡ ཞེས་གསུངས་ཏེ། མདོར་ན་རང་དབང་ཅན་གྱི་བདག་དང་གཙོ་བོ་སོགས་མེད་དེ་ཆོས་ཐམས་ ཅད་རྒྱུ་རྐྱེན་ལ་བལྟོས་པས་ན་དེ་ལྟར་ཐམས་ཅད་གཞན་གྱི་དབང་ཅན་ཏེ་རྒྱུ་རྐྱེན་ཚོགས་པ་ དེའི་དབང་གིས་འབྲས་བུ་དེ་རང་དབང་མེད་པར་བསྐྱེད་པའོ།། དེ་ལྟར་ཤེས་པ་ན་ཆུ་ལས་ལྦུ་བ་དང་མེ་ལས་དུ་བ་ལྟར་མེད་བཞིན་དུ་རྒྱུ་རྐྱེན་ཙམ་དུ་ སྣང་བའི་ཆོས་འདི་ཐམས་ཅད་སྤྲུལ་པའམ་སྒྱུ་མ་ལྟར་རིག་སྟེ་གང་ལ་ཁྲོ་བར་བྱ་བའི་ཡུལ་ དང་གང་གིས་ཁྲོ་བར་བྱེད་པའི་བདག་ཀྱང་མི་མཐོང་བ་དེའི་ཚེ་ཆོས་གང་ལ་ཡང་ཁྲོ་བར་མི་ འགྱུར་རོ།། གསུམ་པ་སྤྲུལ་པ་ལྟ་བུ་ཡིན་ན་ཁྲོ་བ་ཟློག་མི་རིགས་པའི་རྩོད་པ་སྤང་བ་ནི། གང་གིས་གང་ཞིག་བཟློག་བྱ་སྟེ།། བཟློག་པའང་རིགས་པ་མིན་ཞེ་ན།། 238 བཟོད་པ་བསྟན་པ། ཞེས་གསུངས་ཏེ། འོ་ན་ཐམས་ཅད་སྤྲུལ་པ་ལྟ་བུ་ཡིན་ན་ཟློག་པ་པོ་གང་གིས་བཟློག་བྱ་གང་ ཞིག་བཟློག་པར་བྱ་སྟེ། བཟློག་བྱ་དང་ཟློག་བྱེད་གང་ཡང་མེད་པའི་ཕྱིར། དེས་ན་ཁྲོ་བ་ཟློག་ པའང་རིགས་པ་མིན་ནོ་ཞེ་ན། དེ་ལ་བརྟེན་ནས་སྡུག་བསྔལ་རྣམས།། རྒྱུན་ཆད་འགྱུར་འདོད་མི་རིགས་མེད།། ༣༢ ཅེས་གསུངས་ཏེ། བཟློག་བྱའི་ཁྲོ་བ་དང༌། ཟློག་བྱེད་ཀྱི་གཉེན་པོ་དང༌། ཟློག་པ་པོའི་གང་ ཟག་རྣམས་ངོ་བོ་ཉིད་ཀྱིས་ཡོད་པ་ནི་མ་ཡིན་ཡང་ཐག་ཁྲ་ལ་སྦྲུལ་འཛིན་གྱི་བློས་བྲོས་པ་ན་ གཡང་དུ་ལྷུང་ནས་སྡུག་བསྔལ་བར་བྱེད་པ་ལྟར་གློ་བུར་དུ་བྱུང་བའི་ཁྲོ་བ་འདིས་ངན་སོང་གི་ གཡང་དུ་ལྷུང་བར་བྱེད་ལ། སྦྲུལ་འཛིན་གྱི་བློ་ལོག་པ་ན་འཇིགས་པ་མེད་པ་ལྟར་ཁྲོ་བ་རང་ བཞིན་མེད་པའི་གློ་བུར་བ་དེ་ཉིད་གཉེན་པོ་རང་བཞིན་མེད་པའི་གློ་བུར་བས་བཟློག་པ་དེ་ལ་ བརྟེན་ནས་འབྲས་བུ་ངན་སོང་དང་མཐོང་ཆོས་ཀྱི་སྡུག་བསྔལ་རྣམས་རྒྱུན་འཆད་པར་འགྱུར་ ལ། དེའི་ཕྱིར་ཐག་ཁྲ་ཡིན་གྱི་སྦྲུལ་མ་ཡིན་ནོ། །ཞེས་སྟོན་པ་ལྟར་ཁྲོ་བ་ཟློག་པར་འདོད་པའི་ ཕྱིར་འདི་ལ་མི་རིགས་པ་མེད་དོ།། བཞི་པ་དོན་བསྡུ་བ་ནི། དེ་བས་དགྲ་འམ་མཛའ་ཡང་རུང༌།། མི་རིགས་བྱེད་པ་མཐོང་གྱུར་ན།། 239 བཟོད་པ་བསྟན་པ། འདི་འདྲའི་རྐྱེན་ལས་གྱུར་ཏོ་ཞེས།། དེ་ལྟར་སོམས་ཏེ་བདེ་བར་མནོས།། ༣༣ གལ་ཏེ་རང་དགས་འགྲུབ་འགྱུར་ན།། འགའ་ཡང་སྡུག་བསྔལ་མི་འདོད་པས།། ལུས་ཅན་དག་ནི་ཐམས་ཅད་ཀྱང༌།། སུ་ལའང་སྡུག་བསྔལ་འབྱུང་མི་འགྱུར།། ༣༤ ཞེས་གསུངས་ཏེ། དེ་ལྟར་རང་དབང་མེད་པར་ཁྲོ་བའི་སེམས་ཅན་དག་ནི་སྙིང་རྗེའི་ཡུལ་ཡིན་ གྱི་ཁྲོ་བའི་ཡུལ་མིན་ལ། རྒྱུ་རྐྱེན་གཞན་མ་ཚོགས་ན་བསམས་པ་ཙམ་གྱིས་ནི་ཅི་ཡང་མི་ འགྲུབ་སྟེ། སེམས་ཅན་ཐམས་ཅད་བདག་སྡུག་བསྔལ་བར་མི་འདོད་ཅིང་བདེ་བ་ཁོ་ན་འདོད་ པས་ན་དེ་ལྟར་ཡང་འགྱུར་རིགས་ཀྱང་དེ་མི་སྣང་བའི་ཕྱིར། དེས་ན་ཕ་རོལ་གྱི་སེམས་ལ་ཁྲོ་ བ་བསམས་པ་ཙམ་གྱིས་ནི་བདག་ལ་གནོད་པ་ཡང་མ་ཡིན་ནོ་ཞེས་ཚིགས་སུ་བཅད་པ་ཕྱི་ མ་འདི་ཞར་བྱུང་གི་རིགས་པར་བསྟན་ཏོ།། འགྲེལ་པ་དུ་མར་རྒྱུ་མེད་དུ་རང་གར་འགྲུབ་པར་འགྱུར་ན། ཞེས་འབྲུ་བསྣན་མོད་ ཀྱང་འགའ་ཡང་སྡུག་བསྔལ་མི་འདོད་པས་ཞེས་པ་དང་འབྲེལ་བའི་ཕྱིར་རང་དགའ་བ་སྟེ་ བསམས་པས་འགྲུབ་ན་ཞེས་པའི་དོན་དུ་སྣང་ངོ༌།། 240 བཟོད་པ་བསྟན་པ། དེ་དག་གིས་ནི་ལས་དང་པོ་བའི་ཆོས་ཟབ་མོ་ལ་ངེས་པར་སེམས་པའི་བཟོད་པ་ བསྟན་གྱི་འཕགས་པ་རྣམས་ཀྱི་དེ་ནི་བསམ་གྱིས་མི་ཁྱབ་པ་ཞིག་སྟེ། ནམ་མཁའ་མཛོད་ ཀྱི་མདོ་ལས། འདི་དག་བདག་ལ་གཤེ་ཡང་བཟོད་དོ་སྙམ་པ་དེ་ནི་ང་ཡིར་འཛིན་པའི་བཟོད་ པའོ། །ཞེས་སོགས་དང༌། འདི་ལྟ་སྟེ། ཚིག་ནམ་མཁའ་དང་མཚུངས་པའི་ཕྱིར་གཤེ་ཡང་ སླར་མི་གཤེ་བ་དང༌། ལུས་ནམ་མཁའ་དང་མཚུངས་པའི་ཕྱིར་བརྡེགས་ཀྱང་སླར་མི་བརྡེག་ པ་དང༌། སེམས་ནམ་མཁའ་དང་མཚུངས་པའི་ཕྱིར་སྤྱོས་ཀྱང་སླར་མི་སྤྱོ་བ་དང༌། བསམ་ པ་ནམ་མཁའ་དང་མཚུངས་པའི་ཕྱིར་ཁྲོས་ཀྱང་སླར་མི་ཁྲོ་བ་སྟེ། ཆོས་བཞི་པོ་དེ་དག་དང་ ལྡན་ན་བཟོད་པ་ནམ་མཁའ་དང་མཚུངས་པ་ཡིན་ནོ། །ཞེས་སོགས་བྱང་ཆུབ་སེམས་དཔའ་ རྣམས་ཀྱི་ཆོས་ལ་ངེས་པར་རྟོག་པའི་བཟོད་པ་རྒྱས་པར་གསུངས་པ་ལྟར་རོ།། གསུམ་པ་གནོད་པ་ལ་ཇི་མི་སྙམ་པའི་བཟོད་པ་སྟོན་པ་ལ་བཞི། གནོད་བྱེད་སྙིང་རྗེའི་ ཡུལ་དུ་བསྟན་པ། ཁྲོ་བའི་རྒྱུ་མཚན་ལ་དཔྱད་པ། རང་ཉིད་ཀྱིས་ཉེས་པར་བསྟན་པ། གནོད་ བྱེད་དེ་བདག་ལ་ཕན་འདོགས་ཡིན་ཡང་གནོད་པའི་རྣམ་སྨིན་གྱི་སྡུག་བསྔལ་རང་བཞིན་ གྱིས་མྱོང་བར་བསྟན་པའོ། །དང་པོ་ནི། བག་མེད་པས་ནི་བདག་ལ་བདག། ཚེར་མ་ལ་སོགས་གནོད་པ་བྱེད།། བུད་མེད་ལ་སོགས་འཐོབ་བྱའི་ཕྱིར།། རྔམ་ཞིང་ཟས་གཅོད་ལ་སོགས་བྱེད།། ༣༥ 241 བཟོད་པ་བསྟན་པ། ཁ་ཅིག་འགག་ཅིང་གཡང་སར་མཆོང༌།། དུག་དང་མི་འཕྲོད་ཟ་བ་དང༌།། བསོད་ནམས་མ་ཡིན་སྤྱོད་པ་ཡིས།། རང་ལ་གནོད་པ་བྱེད་པ་ཡོད།། ༣༦ གང་ཚེ་ཉོན་མོངས་དབང་གྱུར་བས།། བདག་སྡུག་ཉིད་ཀྱང་གསོད་བྱེད་པ།། དེ་ཚེ་དེ་དག་གཞན་ལུས་ལ།། གནོད་མི་བྱེད་པར་ཇི་ལྟར་འགྱུར།། ༣༧ ཉོན་མོངས་སྐྱེས་པས་དེ་ལྟ་བུར།། བདག་གསོད་ལ་སོགས་ཞུགས་པ་ལ།། སྙིང་རྗེ་བརྒྱ་ལ་མ་སྐྱེས་ཀྱང༌།། ཁྲོ་བར་འགྱུར་བ་ཅིའི་ཐ་ཚིག། ༣༨ ཅེས་གསུངས་ཏེ། འགྲེལ་ཆེན་ལས། བག་མེད་པ་ནི་མ་བརྟགས་པའོ། །ཞེས་གསུངས་ཏེ། ཕྱི་རྗེས་གཞན་མ་བལྟས་པར་ཟས་ནོར་རམ་བུད་མེད་སོགས་འཕྲལ་གྱི་བདེ་བ་སྣ་རེའི་ཆེད་ དུ་སེམས་ཅན་འདི་དག་མི་བྱ་བ་ཅི་ཡང་མེད་དེ། ཉོན་མོངས་པའི་དབང་དུ་གྱུར་པ་ན་ཤིན་ཏུ་ གཅེས་པ་བདག་ཉིད་ཀྱང་བདག་ཉིད་ལ་མཚོན་བརྡེག་པ་དང༌། ཤིན་ཏུ་སྡུག་པའི་བུ་སོགས་ 242 བཟོད་པ་བསྟན་པ། ཀྱང་གསོད་པ་ཡོད་ན་དེ་དག་གཞན་ལ་གནོད་པ་ཅིས་མི་བྱེད། འདི་ལྟར་སྨྱོན་པ་ལྟ་བུར་ གནས་པ་ལ་སུ་ཞིག་ཁྲོ་སྟེ་ཤིན་ཏུ་སྙིང་རྗེའི་ཡུལ་ཁོ་ནའོ།། གཉིས་པ་ཁྲོ་བའི་རྒྱུ་མཚན་ལ་དཔྱད་པ་ནི། གལ་ཏེ་གཞན་ལ་འཚེ་བྱེད་པ།། བྱིས་པ་རྣམས་ཀྱི་རང་བཞིན་ན།། ཞེས་གསུངས་ཏེ། ཁྲོ་བ་ནི་བྱིས་པའི་ཆོས་ཉིད་ཀྱིས་ཡིན་ནོ་ཞེ་ན། དེ་ལ་ཁྲོ་བ་མི་རིགས་ཏེ།། སྲེག་པའི་རང་བཞིན་མེ་བཀོན་འདྲ།། ༣༩ ཞེས་གསུངས་ཏེ། མེའི་རང་བཞིན་ཚ་བའི་ཕྱིར་མེ་སྦར་ནས་ཚ་བ་ལ་ཁྲོ་མི་རིགས་པ་ལྟར་ བྱིས་པ་བསྟེན་ནས་དེ་ཁྲོ་བ་ལ་ཁྲོ་མི་རིགས་པར་འགྱུར་རོ།། འོན་ཏེ་སྐྱོན་དེ་གློ་བུར་ལ།། སེམས་ཅན་རང་བཞིན་དེས་ན་ཡང༌།། ཞེས་གསུངས་ཏེ། གལ་ཏེ་ཁྲོ་བ་གློ་བུར་བ་ཡིན་ལ་སེམས་ཅན་གྱི་ངོ་བོ་ཉིད་ཀྱིས་མ་ཡིན་ན་ནི། འོ་ནའང་ཁྲོ་བ་མི་རིགས་ཏེ།། མཁའ་ལ་དུད་འཐུལ་བཀོན་པ་བཞིན།། ༤༠ 243 བཟོད་པ་བསྟན་པ། ཞེས་གསུངས་ཏེ། ནམ་མཁའ་ལ་དུད་པ་འཐུལ་བ་ན་ནམ་མཁས་ཉེས་སོ། །ཞེས་བཀོན་པ་ལྟ་ བུ་སྟེ། དུ་བས་མིག་ཚ་བར་བྱེད་པ་ནི་དུ་བའི་ཉེས་པ་ཡིན་གྱི་ནམ་མཁའི་ཉེས་པ་མ་ཡིན་ནོ།། དབྱུག་པ་ལ་སོགས་དངོས་བཀོལ་ཏེ།། གལ་ཏེ་འཕེན་པ་ལ་ཁྲོ་ན།། ཞེས་གསུངས་ཏེ། དབྱུག་པ་སོགས་བསྣུན་པ་ལ་ཁྲོ་ན་དབྱུག་པ་ལ་ཁྲོ་བར་རིགས་སོ། །དེ་ སྐྱེས་བུས་བསྣུན་ནོ་ཞེ་ན། དེ་ཡང་ཞེ་སྡང་གིས་རྦད་པས།། ཉིས་ན་ཞེ་སྡང་ལ་ཁྲོ་རིགས།། ༤༡ ཞེས་གསུངས་ཏེ། སྐྱེས་བུའང་ཞེ་སྡང་གིས་རྦད་པས་ཞེ་སྡང་ལ་ཁྲོ་བ་རིགས་ལ། དེ་ལྟ་ན་ སྐྱེས་བུའི་ཞེ་སྡང་ནི་བདག་གིས་མི་མཐོང་ལ་བདག་རྒྱུད་ཀྱི་ཞེ་སྡང་ནི་བདག་ཉིད་ཀྱི་མངོན་ སུམ་དུ་མྱོང་བའི་ཕྱིར་རང་གི་ཞེ་སྡང་ལ་ཁྲོ་བར་རིགས་སོ།། གསུམ་པ་རང་ཉིད་ཀྱིས་ཉེས་པར་བསྟན་པ་ལ་གསུམ། སྔོན་གྱི་ལེ་ལན་ཡིན་པར་ བསྟན། གནོད་བྱའི་ལུས་བཟུང་བས་ཉེས་པར་བསྟན། རང་གི་སྡིག་པའི་འབྲས་བུར་བསྟན་ པའོ། །དང་པོ་ནི། བདག་གིས་སྔོན་ཆད་སེམས་ཅན་ལ།། འདི་འདྲ་བ་ཡི་གནོད་པ་བྱས།། 244 བཟོད་པ་བསྟན་པ། དེ་བས་སེམས་ཅན་འཚེ་བྱེད་པ།། བདག་ལ་གནོད་པ་འདི་འབྱུང་རིགས།། ༤༢ ཞེས་གསུངས་ཏེ། སྔོན་ཡང་བདག་གིས་གཞན་ལ་གནོད་པ་བྱས་པས་རྣམ་སྨིན་གྱི་འབྲས་བུ་ ངན་སོང་གི་སྡུག་བསྔལ་མང་དུ་མྱོང་ནས་ད་ལྟ་མྱོང་བ་རྒྱུ་མཐུན་གྱི་འབྲས་བུ་གནོད་པ་འདི་ མྱོང་བ་ཡིན་ན། ཡང་ད་ལྟ་ལན་དུ་གནོད་པ་བྱས་ནས་ཕྱིས་རྣམ་སྨིན་གྱི་འབྲས་བུ་དམྱལ་བར་ སྐྱེ་ཞིང་མྱོང་བ་རྒྱུ་མཐུན་གྱི་དུས་འདི་བས་ཆེས་ལྷག་པའི་གནོད་པ་ལན་གྲངས་བྱེ་བ་ཕྲག་ མང་པོ་མྱོང་བར་བྱེད་དམ་ཅི་ཞེས་པའོ།། གཉིས་པ་གནོད་བྱའི་ལུས་བཟུང་བས་ཉེས་པར་བསྟན་པ་ནི། དེ་ཡི་མཚོན་དང་བདག་གི་ལུས།། གཉིས་ཀ་སྡུག་བསྔལ་རྒྱུ་ཡིན་ཏེ།། དེས་མཚོན་བདག་གིས་ལུས་ཕྱུང་ན།། གང་ཞིག་ལ་ནི་ཁྲོ་བར་བྱ།། ༤༣ ཤུ་བ་མི་ཡི་གཟུགས་འདྲ་བ།། རེག་ཏུ་མི་བཟོད་སྡུག་བསྔལ་ཅན།། སྲེད་ལྡོངས་བདག་གིས་བཟུང་གྱུར་ན།། དེ་ལ་གནོད་པ་སུ་ལ་ཁྲོ།། ༤༤ 245 བཟོད་པ་བསྟན་པ། ཞེས་གསུངས་ཏེ། དེ་ལྟ་མོད་ཀྱི་རང་གིས་ལུས་རགས་པ་གདོས་བཅས་མི་གཙང་བའི་རང་ བཞིན་འདི་བཟུང་བས་གཞན་གྱིས་མཚོན་རྡེག་པར་ཟད་ཀྱི་ནམ་མཁའ་ལྟ་བུ་ཞིག་ན་ནི་སུས་ ཀྱང་ཅི་བྱར་ཡང་མེད་པས་འབེན་ལྟ་བུའི་ལུས་ལ་ཁྲོ་བར་རིགས་སོ།། གསུམ་པ་རང་གི་སྡིག་པའི་འབྲས་བུར་བསྟན་པ་ནི། བྱིས་པ་སྡུག་བསྔལ་མི་འདོད་ཅིང༌།། སྡུག་བསྔལ་རྒྱུ་ལ་བརྐམས་པས་ན།། རང་གི་ཉེས་པས་གནོད་གྱུར་པ།། གཞན་ལ་བཀོན་དུ་ཅི་ཞིག་ཡོད།། ༤༥ དཔེར་ན་དམྱལ་བའི་སྲུང་མ་དང༌།། རལ་གྲི་ལོ་མའི་ནགས་ཚལ་ལྟར།། རང་གི་ལས་ཀྱིས་འདི་བསྐྱེད་ན།། གང་ཞིག་ལ་ནི་ཁྲོ་བར་བྱ།། ༤༦ ཞེས་གསུངས་ཏེ། དེས་ན་སེམས་ཅན་རྣམས་ནི་འཚིག་པར་མི་འདོད་ཀྱང་མེ་ལ་ནན་གྱིས་ མཆོང་བའི་ཕྱེ་མ་ལེབ་ལྟ་བུ་སྟེ་སྡུག་བསྔལ་མི་འདོད་ཀྱང་སྡུག་བསྔལ་གྱི་རྒྱུ་སྡིག་པ་ལ་ནན་ གྱིས་འཇུག་པ་ཁོ་ན་ཡིན་པས་རང་བྱས་ཀྱི་འབྲས་བུ་སྨིན་པར་ཟད་པ་ངན་སོང་གི་སྡུག་ བསྔལ་ལྟ་བུ་སྟེ་རང་གི་ལས་ཀྱིས་བསྐྱེད་པས་གཞན་ལ་ཁྲོར་མེད་དོ།། 246 བཟོད་པ་བསྟན་པ། བཞི་པ་གནོད་བྱེད་དེ་བདག་ལ་ཕན་འདོགས་ཡིན་ཡང་གནོད་པའི་རྣམ་སྨིན་གྱི་སྡུག་ བསྔལ་རང་བཞིན་གྱིས་མྱོང་བར་བསྟན་པ་ལ་ལྔ། མདོར་བསྟན། གསལ་བར་བཤད། ཕན་ བཏགས་པ་ལ་ཁྲོ་མི་རིགས་པར་བསྟན། རང་སེམས་བསྲུངས་ན་ངན་འགྲོར་མི་འགྲོ ་བ་ བསྟན། ལན་བྱས་ན་རང་ཉིད་ཉམས་པར་བསྟན་པའོ། །དང་པོ་ནི། བདག་གི་ལས་ཀྱིས་བསྐུལ་བྱས་ནས།། བདག་ལ་གནོད་བྱེད་རྣམས་འབྱུང་སྟེ།། དེ་ཡིས་སེམས་ཅན་དམྱལ་འདོང་ན།། བདག་གིས་དེ་དག་མ་བརླག་གམ།། ༤༧ ཞེས་གསུངས་ཏེ། བདག་རང་གི་ལས་ཀྱིས་ཕ་རོལ་པོ་བསྐུལ་ཏེ་གནོད་པ་བྱས་མོད་ཀྱང་བྱེད་ པ་པོ་ཉིད་ཀྱིས་རྣམ་སྨིན་སྡུག་བསྔལ་མི་བཟད་པ་མྱོང་དགོས་པས་ན་བདག་གིས་གནོད་བྱེད་ བརླག་པར་བྱས་ཟིན་པས་ལན་ཆེས་ཆེ་བ་བསླན་ཟིན་གྱིས་ལན་གཞན་སླན་པར་མི་བྱའོ།། གཉིས་པ་གསལ་བར་བཤད་པ་ནི། འདི་དག་ལ་ནི་རྟེན་བཅས་ནས།། བཟོད་པས་བདག་སྡིག་མང་དུ་འབྱང༌།། བདག་ལ་བརྟེན་ནས་དེ་དག་ནི།། ཡུན་རིང་སྡུག་བསྔལ་དམྱལ་བར་འདོང༌།། ༤༨ ཞེས་གསུངས། 247 བཟོད་པ་བསྟན་པ། གསུམ་པ་ཕན་བཏགས་པ་ལ་ཁྲོ་མི་རིགས་པར་བསྟན་པ་ནི། བདག་ནི་དེ་ལ་གནོད་བྱེད་ལ།། དེ་དག་བདག་ལ་ཕན་འདོགས་ན།། ཕྱིན་ཅི་ལོག་ཏུ་ཅི་ཡི་ཕྱིར།། མ་རུངས་སེམས་ཁྱོད་ཁྲོ་བར་བྱེད།། ༤༩ ཅེས་གསུངས་ཏེ། གནོད་བྱེད་ལ་བདག་གིས་བཟོད་པ་བསྒོམས་པས་བདག་གི་སྡིག་པ་མང་ དུ་འབྱང་ཞིང་དགེ་བ་ཆེར་འཕེལ་བའི་ཕྱིར་བདག་ལ་ཚུར་ཕན་ཆེར་བཏགས་པ་ཡིན་ན་དེ་ལ་ ཅིའི་ཕྱིར་ཁྲོ། བཞི་པ་རང་སེམས་བསྲུངས་ན་ངན་འགྲོར་མི་འགྲོ་བ་བསྟན་པ་ནི། གལ་ཏེ་བདག་ལ་བསམ་པ་ཡི།། ཡོན་ཏན་ཡོད་ན་དམྱལ་མི་འགྲོ ། གལ་ཏེ་བདག་གིས་བདག་བསྲུངས་ན།། དེ་དག་ལས་འདིར་ཅི་ཞིག་བྱུང༌།། ༥༠ ཞེས་གསུངས་ཏེ། གལ་ཏེ་གཞན་ངན་འགྲོ་སྐྱེ་བའི་རྒྱུ་བདག་ལ་རག་ལས་པས་ན་བདག་ ཡང་དེར་སྐྱེ་བས་དེའི་ཕྱིར་ཁྲོའོ་ཞེ་ན། བདག་ལ་གཞན་ངན་འགྲོར་སྐྱེ་བར་བྱའོ་སྙམ་པ་མེད་ 248 བཟོད་པ་བསྟན་པ། ཅིང་བསམ་པའི་ཡོན་ཏན་བཟོད་པ་ཡོད་ན་བདག་ངན་འགྲོ ར་ག་ལ་འག ྲོ་སྟེ་རྒྱུ་མེད་པའི་ཕྱིར། དེ་ལྟར་བདག་གིས་བདག་བསྲུངས་ན་གནོད་བྱེད་དེ་དག་གིས་བདག་ངན་འགྲོ ར་སྐྱུར་བར་ མི་ནུས་ཤིང་སེམས་ལ་ཉེས་པ་ཅི་ཡང་བསྐྱེད་མི་ནུས་སོ།། ལྔ་པ་ལན་བྱས་ན་རང་ཉིད་ཉམས་པར་བསྟན་པ་ནི། འོན་ཏེ་ལན་དུ་གནོད་བྱས་ན།། དེ་དག་བསྲུངས་པར་མ་གྱུར་ལ།། བདག་གི་སྤྱོད་པའང་ཉམས་པར་འགྱུར།། དེས་ན་དཀའ་ཐུབ་ཞིག་པར་འགྱུར།། ༥༡ ཞེས་གསུངས་ཏེ། འོན་ཏེ་ལན་དུ་གནོད་པ་བྱས་ན་བདག་གིས་བདག་མ་བསྲུངས་པ་ཡིན་ པས་བདག་གི་བྱང་ཆུབ་སེམས་དཔའི་སྤྱོད་པ་ཉམས་པ་དང་དཀའ་ཐུབ་ཀྱི་དམ་པ་བཟོད་པ་ ཞིག་པར་འགྱུར་བས་ན་བདག་ཉིད་སྲུང་བ་ལ་འབད་པར་བྱའོ།། གཉིས་པ་བརྙས་སོགས་ལ་བཟོད་པར་བྱ་བ་ལ་བཞི། བརྙས་སོགས་ཀྱིས་ལུས་ལ་ མི་གནོད་པར་བསྟན། གཞན་སྡང་བ་ཙམ་གྱིས་བདག་ལ་མི་གནོད་པར་བསྟན། རྙེད་པའི་ གེགས་བྱེད་པ་ལ་ཁྲོ་མི་རིགས་པར་བསྟན། གཞན་མ་དད་པར་བྱེད་པ་ལའང་ཁྲོ་མི་རིགས་ པར་བསྟན་པའོ། །དང་པོ་ནི། 249 བཟོད་པ་བསྟན་པ། ཡིད་ནི་ལུས་ཅན་མ་ཡིན་པས།། སུས་ཀྱང་གང་དུའང་གཞོམ་མི་ནུས།། ལུས་ལ་མངོན་པར་ཞེན་པས་ན།། ལུས་ནི་སྡུག་བསྔལ་དག་གིས་གནོད།། ༥༢ བརྙས་དང་ཚིག་རྩུབ་སྨྲ་བ་དང༌།། མི་སྙན་པ་ཡི་ཚིག་དེ་ཡིས།། ལུས་ལ་གནོད་པར་མི་འགྱུར་ན།། སེམས་ཁྱོད་ཅི་ཕྱིར་རབ་ཏུ་ཁྲོ།། ༥༣ ཞེས་གསུངས་ཏེ། བརྙས་པ་སྟེ་བཀུར་སྟི་ལས་ལོག་པར་བྱེད་པ་དང༌། ཚིག་རྩུབ་མོ་སྟེ་མི་ དགའ་བར་འགྱུར་བ་སྨྲ་བ་དང༌། མི་སྙན་པ་སྟེ་གཞན་ལ་བདག་གི་བསྔགས་པ་མ་ཡིན་པ་ བརྗོད་པ་རྣམས་ལ་མི་དགའ་བར་མི་རིགས་ཏེ། དེ་དག་ཙམ་གྱིས་བདག་གི་ལུས་ལ་མི་ གནོད་ཅིང་སེམས་ནི་སུས་ཀྱང་མི་མཐོང་བས་གཞོམ་མི་ནུས་པའི་ཕྱིར། དེས་གཞན་དག་ བདག་ལ་མི་དགའ་བར་འགྱུར་བས་ཁྲོའོ་ཞེ་ན། གཉིས་པ་གཞན་སྡང་བ་ཙམ་གྱིས་བདག་ལ་མི་གནོད་པར་བསྟན་པ་ནི། གཞན་དག་བདག་ལ་མི་དགའ་བ།། དེས་ནི་ཚེ་འདིའམ་ཚེ་གཞན་ལ།། 250 བཟོད་པ་བསྟན་པ། བདག་ལ་ཟ་བར་མི་བྱེད་ན།། བདག་ནི་ཅི་ཕྱིར་དེ་མི་འདོད།། ༥༤ ཅེས་གསུངས་ཏེ། གཞན་མི་དགའ་བ་དེས་ཀྱང་བདག་ལ་ཟ་བར་མི་བྱེད་དེ་མི་དགའ་བ་ནི་ ཡིད་མི་བདེ་བའི་རང་བཞིན་ཡིན་པས་སུ་ལ་ལྡན་པ་དེ་སྡུག་བསྔལ་བར་ཟད་དོ། །དེས་བདག་ གི་རྙེད་པའི་བར་ཆད་བྱེད་པས་ཁྲོ་འོ་ཞེ་ན། གསུམ་པ་རྙེད་པའི་གེགས་བྱེད་པ་ལ་ཁྲོ་མི་རིགས་པར་བསྟན་པ་ལ་བཞི། རྙེད་པ་ལ་ སྙིང་པོ་མེད་པར་བསྟན། ལོག་འཚོས་གསོན་པ་བས་ཤི་ན་ལེགས་པར་བསྟན། འཆི་བ་ལ་ རྙེད་པས་མི་ཕན་པར་བསྟན། རྙེད་པ་ལ་ཞེན་ན་སྡིག་པ་འཕེལ་བར་བསྟན་པའོ། །དང་པོ་ནི། རྙེད་པའི་བར་ཆད་བྱེད་པའི་ཕྱིར།། གལ་ཏེ་འདི་དག་མི་འདོད་ན།། བདག་གི་རྙེད་པ་འདིར་འདོར་གྱི།། སྡིག་པ་དག་ནི་བརྟན་པར་གནས།། ༥༥ ཞེས་གསུངས་ཏེ། དེ་ཡང་ལོངས་སྤྱོད་ནི་ཚེ་ཕྱི་མར་རྗེས་སུ་འབྲང་བ་མེད་དེ་སེམས་ཅན་ རྣམས་འཆི་བ་ན་ལུས་ཀྱང་ཤུལ་དུ་བོར་ཏེ་རྣམ་ཤེས་གཅིག་པོར་འགྲོ་ན་རྙེད་པ་གཞན་ཇི་ ལྟར་འཁྱེར་དུ་ཡོད་དེ་ལས་དགེ་སྡིག་ཁོ་ན་མ་གཏོགས་པ་སྐབས་དེར་གྲོགས་གཞན་ཅི་ཡང་ ཡོད་པ་མ་ཡིན་ལ། གསོན་པའི་དུས་རྙེད་པ་སྣ་རེའི་ཆེད་དུ་ཡང་དཀའ་བ་དང་སྡིག་པ་མང་ 251 བཟོད་པ་བསྟན་པ། པོས་བསྒྲུབས་མོད་ཀྱང་རྙེད་པ་དེ་འགྲུབ་པར་ཡང་མ་ངེས་ལ། གྲུབ་ཀྱང་གཞན་གྱིས་དབྲོག་ པ་སོགས་ཀྱིས་ཞག་གཅིག་ལོངས་སྤྱོད་དུ་ཡོད་པར་ཡང་མ་ངེས་ལ། ལོངས་སྤྱོད་དུ་བྱུང་ ཡང་འཆི་བའི་ཚེ་རྙེད་པ་དེ་ཤུལ་དུ་བཞག་ནས་དེའི་ཆེད་དུ་བསགས་པའི་སྡིག་པ་ཁོ་ན་དང་ འག ྲོ གས་ནས་འག ྲོ་བར་ཟད་དོ།། གཉིས་པ་ལོག་འཚོས་གསོན་པ་བས་ཤི་ན་ལེགས་པར་བསྟན་པ་ནི། བདག་ཉིད་དེ་རིང་ཤི་ཡང་སླའི།། ལོག་འཚོས་ཡུན་རིང་གསོན་མི་རུང༌།། ཞེས་གསུངས། གསུམ་པ་འཆི་བ་ལ་རྙེད་པས་མི་ཕན་པར་བསྟན་པ་ནི། བདག་ལྟ་ཡུན་རིང་གནས་གྱུར་ཀྱང༌།། འཆི་བའི་སྡུག་བསྔལ་དེ་ཉིད་ཡིན།། ༥༦ རྨི་ལམ་ལོ་བརྒྱར་བདེ་མྱོང་ནས།། སད་པར་གྱུར་བ་གང་ཡིན་དང༌།། གཞན་ཞིག་ཡུད་ཙམ་བདེ་མྱོང་ནས།། སད་པར་གྱུར་པ་གང་ཡིན་པ།། ༥༧ 252 བཟོད་པ་བསྟན་པ། སད་པ་དེ་དག་གཉིས་ཀ་ལའང༌།། བདེ་བ་དེ་ནི་ཕྱིར་འོང་མེད།། ཚེ་རིང་ཚེ་ཐུང་གཉིས་ཀ་ཡང༌།། འཆི་བའི་དུས་སུ་དེ་འདྲར་ཟད།། ༥༨ རྙེད་པ་མང་པོ་ཐོབ་གྱུར་ཏེ།། ཡུན་རིང་དུས་སུ་བདེ་སྤྱད་ཀྱང༌།། ཆོམ་པོས་ཕྲོགས་པ་ཇི་བཞིན་དུ།། སྒྲེན་མོ་ལག་པ་སྟོང་པར་འགྲོ ། ༥༩ ཞེས་གསུངས་ཏེ། སྲིད་པའི་བདེ་བ་ཐམས་ཅད་ཀྱང་འཕྲལ་མྱོང་ཙམ་དུ་སྣང་ཡང་དེ་མ་ཐག་ མི་བདེན་པར་འགགས་ཏེ་ཕྱིས་དེའི་ཚེ་དེ་ལྟར་བྱུང་ངོ་ཞེས་དྲན་པའི་ཡུལ་ཙམ་དུ་ཟད་པས་རྨི་ ལམ་ལྟ་བུ་ཁོ་ན་སྟེ། རྨི་ལམ་དུ་བདེ་སྡུག་ཅི་མྱོང་ཡང་སད་པ་ན་མི་སྣང་བ་ལྟར་འཁོར་བའི་བདེ་ སྡུག་ཚེ་རིང་ཐུང་རྙེད་མ་རྙེད་སོགས་སྣང་བ་ཐམས་ཅད་དེ་འདྲ་བར་ཟད་དེ། ཚོང་པ་ཆོམ་པོས་ བཅོམ་པ་ལྟར་འཆི་བདག་གི་ཆོམ་པོས་བཅོམ་པ་ན་མགོན་སྐྱབས་ཀྱི་གོས་མེད་ཅིང་དགེ་བའི་ ནོར་མ་ཁྱེར་བའི་སྒྲེན་མོ་ལག་སྟོང་དུ་འགྲོ་བ་ཁོ་ནའོ།། 253 བཟོད་པ་བསྟན་པ། བཞི་པ་རྙེད་པ་ལ་ཞེན་ན་སྡིག་པ་འཕེལ་བར་བསྟན་པ་ནི། གལ་ཏེ་རྙེད་པས་གསོན་གྱུར་ན།། སྡིག་ཟད་བསོད་ནམས་བྱ་ཞེ་ན།། རྙེད་པའི་དོན་དུ་ཁྲོས་གྱུར་ན།། བསོད་ནམས་ཟད་སྡིག་མི་འགྱུར་རམ།། ༦༠ གང་གི་དོན་དུ་བདག་གསོན་པ།། དེ་ཉིད་གལ་ཏེ་ཉམས་གྱུར་ན།། སྡིག་པ་འབའ་ཞིག་བྱེད་པ་ཡི།། གསོན་པོ་དེས་ཀོ་ཅི་ཞིག་བྱ།། ༦༡ ཞེས་གསུངས་ཏེ། འོན་ཏེ་སྔར་རྙེད་པ་བསྒྲུབས་ཏེ་རྙེད་པ་དེས་ཕྱིས་དགེ་བ་བྱའོ་ཞེ་ན། རྙེད་ པའི་དོན་དུ་ཁྲོ་བ་སོགས་སྡིག་པ་བསགས་པ་དེས་བསོད་ནམས་ཟད་པར་འགྱུར་ལ། རྙེད་ པ་དེས་བསོད་ནམས་ཀྱི་ལས་མ་བྱས་པའི་སྔར་བདག་འཆི་བར་འགྱུར་མི་འགྱུར་ཡང་གཏོལ་ མེད་ལ། བསོད་ནམས་སྔ་མ་དག་ཟད་པར་འགྱུར་བའི་དགེ་བ་ཆུང་ངུ་དེས་ཀྱང་ཅི་ཞིག་བྱ་ལ། གྲུ་ནི་ཆུ་བོ་ལས་བརྒལ་བའི་ཆེད་དུ་ཡིན་པ་ལྟར་བྱང་ཆུབ་སེམས་དཔའི་ལུས་ཀྱང་གཞན་ དོན་དུ་དགེ་བ་སྒྲུབ་པའི་ཆེད་དུ་བཟུང་བར་ཟད་ལ། གང་གི་ཆེད་དུ་བདག་ཉིད་གསོན་པའི་ 254 བཟོད་པ་བསྟན་པ། དགེ་བ་ཉམས་ན་སྡིག་པ་འཕེལ་བའི་གསོན་པས་ཅི་ཞིག་བྱ་སྟེ་ངན་སོང་གི་རྒྱུ་སྒྲུབ་པ་ཁོ་ ནར་ཟད་པའི་ཕྱིར་རོ།། བཞི་པ་གཞན་མ་དད་པར་བྱེད་པ་ལའང་ཁྲོ་མི་རིགས་པར་བསྟན་པ་ནི། གལ་ཏེ་སེམས་ཅན་དད་མེད་པས།། མི་སྙན་སྨྲ་ལ་ཁྲོ་ཞེ་ན།། ཞེས་གསུངས་ཏེ། གལ་ཏེ་མི་སྙན་པར་བརྗོད་པ་ལས་གཞན་བདག་ལ་མ་དད་པར་འགྱུར་ བས་དེའི་ཕྱིར་ཁྲོའོ་ཞེ་ན། གཞན་ལ་མི་སྙན་བརྗོད་ལའང་ཁྱོད།། དེ་བཞིན་ཅི་སྟེ་ཁྲོ་མི་བྱེད།། ༦༢ ཅེས་གསུངས་ཏེ། དེ་ལྟ་ན་གཞན་གྱིས་གཞན་ལ་མི་སྙན་པར་བརྗོད་པས་ཀྱང་གཞན་ལ་མ་ དད་པ་སྐྱེ་བར་མཚུངས་པས་དེ་ལ་ཡང་ཁྲོ་བར་རིགས་སོ།། མ་དད་གཞན་ལ་རག་ལས་པས།། དད་པ་མེད་ལ་ཁྱོད་བཟོད་ན།། ཉོན་མོངས་རྐྱེན་ལ་རག་ལས་པའི།། མི་སྙན་སྨྲ་ལ་ཅིས་མི་བཟོད།། ༦༣ 255 བཟོད་པ་བསྟན་པ། ཅེས་གསུངས་ཏེ། གལ་ཏེ་གཞན་དམིགས་ཡུལ་དུ་བྱས་ནས་མ་དད་པ་ལ་ཁྲོ་བར་མི་བྱེད་ པས་གཞན་ལ་དད་པ་མེད་པ་ལ་ཁྱོད་བཟོད་ན་བདག་ལ་དད་པ་མེད་པ་ལའང་བཟོད་པར་ རིགས་ལ། ལེགས་པར་བརྟགས་ན་བདག་ནི་གང་ནའང་ཡོད་པ་མིན་པས་སུ་ལའང་མི་སྙན་ པར་བརྗོད་པ་མེད་ལ། བརྗོད་པ་པོ་ཡང་ཉོན་མོངས་པས་རང་དབང་མེད་པར་བསྐུལ་ཏེ་བླ་ རྡོལ་ཙམ་དུ་ཟད་ན་ཡང་དག་པར་སུས་ཀྱང་སུ་ལ་དམད་པ་མ་ཡིན་པའི་ཚིག་བྲག་ཆ་ལྟ་བུ་དེ་ ལ་ཅིའི་ཕྱིར་མི་བཟོད། ཅེས་པའི་དོན་ཏོ། ། དེ་ལྟར་བདག་ཉིད་ལ་གནོད་པ་བྱེད་པ་ལ་བཟོད་ པ་སྒོམ་ཚུལ་བཤད་ནས། གཉིས་པ་བདག་གི་བ་ལ་གནོད་པ་བྱེད་པ་ལ་བཟོད་པ་སྒོམ་ཚུལ་ལ་ཡང་གཉིས་ ཏེ། ཆོས་ལ་ངེས་པར་སེམས་པས་སྒོམ་པ་དང༌། གནོད་པ་ལ་ཇི་མི་སྙམ་པས་སྒོམ་པ་ བཞིའོ། །དང་པོ་ནི། སྐུ་གཟུགས་མཆོད་རྟེན་དམ་ཆོས་ལ།། འཁྱལ་ཞིང་འཇིག་པར་བྱེད་པ་ལའང༌།། བདག་གིས་ཞེ་སྡང་མི་རིགས་ཏེ།། སངས་རྒྱས་སོགས་ལ་གནོད་མི་མངའ།། ༦༤ ཞེས་གསུངས་ཏེ། གསེར་ལ་སོགས་པ་ལས་དེ་བཞིན་གཤེགས་པའི་སྐུའི་དབྱིབས་ལྟ་བུར་ བཅོས་པ་སོགས་ནི་སྐུ་གཟུགས་ཡིན་ལ། ལམ་དང་འབྲས་བུ་མཚོན་པའི་ཕྱིར་དབྱིབས་སུ་ 256 བཟོད་པ་བསྟན་པ། བྱས་པ་ནི་མཆོད་རྟེན་ཏེ་བིམྤ་དང༌། ཁང་བུ་ལྟ་བུ་དང༌། རྒྱལ་མཚན་ལྟར་གྲགས་པ་བརྒྱད་ལ་ སོགས་པའོ། །སྟོན་པས་གསུངས་པའི་དམ་པའི་ཆོས་མིང་ཚིག་ཡི་གེ་རྣམས་ཡུལ་གྲུ་སོ་སོའི་ ཡི་གེའི་མཚན་མ་ལཉྩ་ལ་སོགས་པར་བྲིས་ཏེ་གླེགས་བམ་དུ་བྱས་པ་ནི་དམ་ཆོས་ཀྱི་རྟེན་ ཡིན་ལ། བསླབ་པ་གསུམ་ནི་ཉམས་སུ་བླང་བྱའི་དམ་ཆོས་དངོས་ཡིན་ནོ།། དེ་ལ་སྐུ་གཟུགས་དང་མཆོད་རྟེན་དང་གླེགས་བམ་དེ་དག་གཞིག་པ་དང་ཚུལ་ཁྲིམས་ དང༌། ཏིང་ངེ་འཛིན་དང༌། ཤེས་རབ་ཀྱི་བར་དུ་གཅོད་ཅིང་སེམས་ཅན་རྣམས་དེ་དག་ལས་ ཟློག་ཏུ་འཇུག་པ་ནི་བསྟན་པ་གཞིག་པ་ཞེས་བྱ་ཞིང་བསྟན་པ་ལ་མ་གུས་པས་དམད་ཅིང་ཞེ་ སྡང་བར་བྱེད་པ་སོགས་དེ་དག་ལ་ཁྲོ་བར་རིགས་སོ་ཞེ་ན། དེ་ཡང་སྙིང་རྗེ་དང་ལྡན་པས་དེ་ལས་ལྡོག་པར་བྱ་བ་ཡིན་གྱི་ཞེ་སྡང་བའི་གནས་ནི་མ་ ཡིན་ཏེ་ཤིན་ཏུ་སྙིང་རྗེའི་ཞིང་ཡིན་པའི་ཕྱིར་དང༌། དཀོན་མཆོག་དེ་དག་ལ་ནི་གནོད་པ་མི་ མངའ་བའི་ཕྱིར། བླ་མ་གཉེན་ལ་སོགས་པ་དང༌།། བཤེས་ལ་གནོད་པ་བྱེད་རྣམས་ལའང༌།། སྔ་མའི་ཚུལ་གྱིས་རྐྱེན་དག་ལས།། འགྱུར་བར་མཐོང་ནས་ཁྲོ་བ་བཟློག། ༦༥ 257 བཟོད་པ་བསྟན་པ། ཅེེས་གསུངས་ཏེ། དེ་བཞིན་དུ་མཁན་པོ་དང་སློབ་དཔོན་དང་ཕ་མ་དང་རིགས་ཀྱི་རྒན་ རབས་སོགས་བླ་མའི་གནས་རྣམས་དང་གཉེན་བཤེས་སོགས་ལ་གནོད་བྱེད་ལ་ཡང༌། མཁྲིས་པ་ལ་སོགས་སྡུག་བསྔལ་གྱི།། འབྱུང་གནས་ཆེ་ལ་མི་ཁྲོ་བར།། སེམས་ཡོད་རྣམས་ལ་ཅིས་ཏེ་ཁྲོ།། དེ་དག་ཀུན་ཀྱང་རྐྱེན་གྱིས་བསྐུལ།། སོགས་དང༌། དེ་བས་དགྲའམ་མཛའ་ཡང་རུང༌།། མི་རིགས་བྱེད་པ་མཐོང་གྱུར་ན།། འདི་འདྲའི་རྐྱེན་ལས་གྱུར་ཏོ་ཞེས།། དེ་ལྟར་སེམས་ཏེ་བདེ་བར་མནོས།། ཞེས་སོགས་དང༌། དེ་དག་ཉིད་ཀྱི་ལས་སུ་ལྟ་བ་སོགས་སྔར་བསྟན་པ་རྣམས་ཀྱི་ཚུལ་གྱིས་ རྣམ་པར་བརྟགས་ཏེ་ཁྲོ་བ་ཟློག་པར་བྱའོ།། གཉིས་པ་གནོད་པ་ལ་ཇི་མི་སྙམ་པས་སྒོམ་པ་ལ་ཡང་བཞི། སེམས་ཡོད་ལ་བཀར་ཏེ་ ཁྲོ་བར་མི་རིགས་པ་དང༌། སྐྱོན་ཅན་ཁྱད་མེད་དུ་འགྱུར་བ་དང༌། རང་གིས་ཉེས་པར་བརྟག་ པ་དང༌། འབྲས་བུ་ཡིད་ལ་བྱ་བ་གསུམ་བསྟན་པའོ། །དང་པོ་ནི། 258 བཟོད་པ་བསྟན་པ། ལུས་ཅན་རྣམས་ལ་སེམས་ཡོད་དང༌།། སེམས་མེད་གཉིས་ཀས་གནོད་བྱས་ན།། སེམས་ཡོད་ཅིས་ཏེ་བཀར་ཏེ་བཀོན།། དེ་བས་གནོད་པ་བཟོད་པར་གྱིས།། ༦༦ ཞེས་གསུངས་ཏེ། འགྲོ་བ་འདི་དག་ལ་སེམས་ཡོད་པའི་དགྲས་གནོད་པ་བྱེད་པ་ལྟར་སེམས་ མེད་པའི་འབྱུང་བ་དང་རླུང་མཁྲིས་བད་ཀན་སོགས་ཀྱིས་ཀྱང་གནོད་པ་བྱེད་པར་ཁྱད་མེད་ན་ ཅིའི་ཕྱིར་བེམ་པོ་དེ་དག་ལ་ཁྲོ་བར་མི་བྱེད་ལ། སེམས་ལྡན་ཁོ་ན་ཟུར་དུ་བཀར་ནས་ཁྲོ་བར་ བྱེད་པ་འདི་ཅིའི་ཐ་ཚིག་ཅེས་པའོ།། གཉིས་པ་སྐྱོན་ཅན་ཁྱད་མེད་དུ་འགྱུར་བ་ནི། ལ་ལ་རྨོངས་པས་ཉེས་པ་བྱེད།། ལ་ལ་རྨོངས་ཏེ་ཁྲོས་གྱུར་ན།། དེ་ལ་སྐྱོན་མེད་གང་གིས་བྱ།། སྐྱོན་དང་བཅས་དེ་གང་ཞིག་ཡིན།། ༦༧ ཞེས་གསུངས་ཏེ། ལ་ལ་ཞེས་བྱ་བ་ནི་གང་ཡང་རུང་བའི་དོན་ཏེ་སེམས་ཅན་ཁ་ཅིག་གིས་ཁྲོས་ ཤིང་ཁ་ཅིག་གིས་དེའི་ལན་བྱས་ན་དེ་གཉིས་ཁྱད་མེད་པར་འགྱུར་ཏེ། དེའི་ཚེ་དེ་གཉིས་ལས་སུ་ 259 བཟོད་པ་བསྟན་པ། སྐྱོན་དང་བཅས་པ་དང་སུ་སྐྱོན་མེད་པའི་ཁྱད་པར་འགའ་ཡང་མི་རྙེད་དོ། །དེས་ན་བདག་ཉིད་ སྐྱོན་མེད་པ་དང་ཡོན་ཏན་དང་ལྡན་པར་འདོད་པ་དེས་བཟོད་པ་ཁོ་ན་ལ་གནས་པར་བྱའོ།། གསུམ་པ་རང་གིས་ཉེས་པར་བརྟག་པ་ནི། གང་གིས་གཞན་དག་གནོད་བྱེད་པའི།། ལས་དེ་སྔོན་ཆད་ཅི་ཕྱིར་བྱས།། ཐམས་ཅད་ལས་ལ་རག་ལས་ན།། བདག་གིས་དེ་ལ་ཅི་སྟེ་བཀོན།། ༦༨ ཞེས་གསུངས་ཏེ། གཉེན་བཤེས་ལ་སོགས་པ་གནོད་བྱ་གང་དག་དེ་ཉིད་ཀྱིས་སྔོན་ཚེ་རབས་ གཞན་དང་གཞན་དག་གམ་འདི་ཉིད་དུ་ཡང་གཞན་དག་ལ་རྡེག་པ་དང་མི་སྙན་པ་བརྗོད་པ་ སོགས་ཀྱི་ལས་བྱས་ཏེ། དེའི་འབྲས་བུས་གཞན་དག་གིས་གནོད་པ་བྱེད་པར་ཟད་ན་སྡུག་ བསྔལ་འདི་ལྟ་བུ་སྐྱེད་པར་བྱེད་པའི་ལས་དེ་འདྲ་བ་ཞིག་ཅིའི་ཕྱིར་བྱས་ཞེས་འགྱོད་པ་སྐྱེད་ པའོ། །དེ་ལྟར་བདེ་སྡུག་ཐམས་ཅད་རང་གི་ལས་ལ་རག་ལས་པ་ཡིན་ན་ལས་ལ་མི་ཁྲོ་བར་ གནོད་བྱེད་ལ་ཅིའི་ཕྱིར་ཁྲོ། ཞེས་པའོ།། གལ་ཏེ་ལས་ལ་ཁྲོའོ་ཞེ་ན། དེ་ནི་མཐོང་བྱ་མིན་པས་དམིགས་པར་མི་ནུས་ལ་ཁྲོས་ པས་དེ་གཞོམ་ཡང་མི་ནུས་པའི་ཕྱིར་ཁྲོས་པ་དོན་མེད་ལ་ཉེས་པར་བྱས་པའི་ལས་དེ་ནི་ འགྱོད་པས་བཤགས་ཤིང་ཕྱིན་ཆད་བསྡམ་པར་བྱ་བ་ལ་དགོད་པ་ཁོ་ན་ཡིན་ནོ།། 260 བཟོད་པ་བསྟན་པ། དེ་ལྟར་མཐོང་ནས་ཅི་ནས་ཀྱང༌།། ཐམས་ཅད་ཕན་ཚུན་བྱམས་སེམས་སུ།། འགྱུར་བ་དེ་ལྟར་བདག་གིས་ནི།། བསོད་ནམས་དག་ལ་བསྒྲིམས་ཏེ་བྱ།། ༦༩ ཞེས་གསུངས་ཏེ། དེ་ལྟར་ཁྲོ་བའི་ཉེས་དམིགས་དང༌། བཟོད་པའི་ཕན་ཡོན་མཐོང་བས་རྟག་ ཏུ་ཁྲོ་བའི་སྐབས་མི་འབྱེད་ཅིང༌། བྱམས་པ་ལ་གནས་པས་བདག་མཐོང་བ་ཙམ་ཡང་བྱམས་ པ་དང་ལྡན་པར་འགྱུར་བ། འཕགས་པ་བྱམས་པ་སྔོན་དགེ་སློང་བློ་གྲོ ས་བརྟན་པར་གྱུར་པ་ ན། སྒོ་གང་གི་ཐེམ་པ་ལ་ཞབས་བཞག་པ་ཙམ་གྱིས་ཁྱིམ་དེའི་སེམས་ཅན་ཐམས་ཅད་ལ་ བྱམས་པའི་ཏིང་ངེ་འཛིན་སྐྱེ་བར་འགྱུར་བ་དེ་ལྟ་བུར་བདག་གིས་ཀྱང་བསྒྲུབ་པར་བྱའོ།། བཞི་པ་འབྲས་བུ་ཡིད་ལ་བྱ་བ་གསུམ་བསྟན་པ་ལ་གསུམ། བསོད་ནམས་མི་ཉམས་ པ། སྡུག་བསྔལ་ལས་ལྡོག་པ། དོན་འགྲུབ་པའོ། །དང་པོ་ནི། དཔེར་ན་ཁྱིམ་ཚིག་གྱུར་པའི་མེ།། ཁྱིམ་གཞན་ཞིག་ཏུ་སོང་ནས་ནི།། རྩྭ་སོགས་གང་ལ་མཆེད་བྱེད་པ།། དེ་ནི་ཕྱུང་སྟེ་དོར་བ་ཡིན།། ༧༠ 261 བཟོད་པ་བསྟན་པ། དེ་བཞིན་གང་ལ་སེམས་ཆགས་ནས།། ཞེ་སྡང་མེ་ནི་མཆེད་གྱུར་པ།། བསོད་ནམས་འཚིག་པར་དོགས་པ་ཡིས།། དེ་ནི་དེ་ཡི་མོད་ལ་དོར།། ༧༡ ཞེས་གསུངས་ཏེ། ཁྱིམ་མེས་ཚིག་པ་ན་བུད་ཤིང་བསྣན་པར་བྱ་བ་མ་ཡིན་གྱི་ཡོ་བྱད་ འཚིག་པར་དོགས་པས་གང་ལ་མཆེད་པའི་རྩྭ་སོགས་དོར་ཞིང་ས་དང་ཆུས་དགབ་པར་བྱ་ བ་ཡིན་པ་དེ་བཞིན་དུ། རྒྱུད་ལ་ཞེ་སྡང་གི་མེ་འབར་བ་ན་ཡང་ང་བདེན་གྱི་ཡུས་བསྣན་པར་ མི་བྱ་ལ། བསོད་ནམས་འཚིག་པར་དོགས་པས་ཞེ་སྡང་སྐྱེས་མ་ཐག་ཏུ་རིག་པར་བྱས་ལ་ དང་དུ་མི་བླང་བར་འདོར་ཞིང་བྱམས་སོགས་ཀྱི་སས་དགབ་ཅིང་དེ་ཁོ་ན་ཉིད་ཤེས་པའི་ ཆུས་བསད་པར་བྱའོ།། གཉིས་པ་སྡུག་བསྔལ་ལས་ལྡོག་པ་ནི། གསད་བྱའི་མི་ཞིག་ལག་བཅད་དེ།། གལ་ཏེ་ཐར་ན་ཅིས་མ་ལེགས།། གལ་ཏེ་མི་ཡི་སྡུག་བསྔལ་གྱིས།། དམྱལ་བ་བྲལ་ན་ཅིས་མ་ལེགས།། ༧༢ 262 བཟོད་པ་བསྟན་པ། ད་ལྟའི་སྡུག་བསྔལ་འདི་ཙམ་ལའང༌།། བདག་གིས་བཟོད་པར་མི་ནུས་ན།། དེས་ན་དམྱལ་བའི་སྡུག་བསྔལ་རྒྱུ།། ཁྲོ་བ་ཅིས་ཏེ་བཟློག་མི་བྱེད།། ༧༣ ཅེས་གསུངས་ཏེ། རྒྱལ་པོའི་ཁྲིམས་ཆེན་པོས་གསད་པར་བྱ་བ་ཞིག་ལག་པ་ཙམ་བཅད་ ནས་ཐར་བར་གྱུར་ན་ཆེས་ལེགས་པར་བྱེད་པ་བཞིན་དུ་ད་ལྟའི་མིའི་སྡུག་བསྔལ་འདི་ཙམ་ ཞིག་གིས་ཕྱིས་ངན་སོང་གི་སྡུག་བསྔལ་ཡུན་རིང་མྱོང་བར་འགྱུར་བ་རྣམས་བྲལ་བར་གྱུར་ན་ ཅིའི་ཕྱིར་མ་ལེགས་ཏེ། ཐེག་ཆེན་གྱི་མདོ་དུ་མར་འཇིག་རྟེན་གྱི་ཁམས་གཞན་གྱི་དེ་བཞིན་ གཤེགས་པ་རྣམས་ཀྱིས་ཞིང་འདིའི་བསྔགས་པ་བརྗོད་པ་ན། སངས་རྒྱས་ཀྱི་ཞིང་དག་པ་ རྣམས་སུ་བསྐལ་པ་མཐའ་ཡས་པར་ཕ་རོལ་ཏུ་ཕྱིན་པ་བཅུ་ལ་སྤྱད་པ་བས་འཇིག་རྟེན་གྱི་ ཁམས་མི་མཇེད་དེར་སྔ་དྲོ་གཅིག་བྱམས་པ་ལ་གནས་པ་ཆེས་བསོད་ནམས་རྨད་དུ་བྱུང་ལ། བསྐལ་པ་དུ་མར་ངན་སོང་གི་གནས་མྱོང་འགྱུར་རྣམས་ཀྱང་སྔ་དྲོ་གཅིག་ཀླད་པ་ན་བས་བྱང་ བར་བྱེད་དོ། །ཞེས་བྱུང་ཞིང༌། རྡོ་རྗེ་གཅོད་པར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ བྱང་ཆུབ་སེམས་དཔའ་དེ་ནི་མནར་བར་འགྱུར། ཤིན་ཏུ་མནར་བར་འགྱུར་ཏེ། དེ་ནི་ཚེ་རབས་ ཕྱི་མའི་རྣམ་སྨིན་ངན་པ་ཐམས་ཅད་ཚེ་འདིར་འདྲེན་པའི་སླད་དུའོ། །ཞེས་གསུངས་པ་ལྟར། ད་ལྟའི་སྡུག་བསྔལ་ཕྲ་མོས་ཀྱང་རྣམ་སྨིན་ཆེན་པོ་རྣམས་ཀྱང་སྦྱོང་བར་བྱེད་པའི་ཕྱིར་རོ།། 263 བཟོད་པ་བསྟན་པ། གསུམ་པ་དོན་འགྲུབ་པ་ནི། འདོད་པའི་དོན་དུ་སྲེག་ལ་སོགས།། དམྱལ་བ་སྟོང་ཕྲག་མྱོང་གྱུར་ཀྱང༌།། བདག་གིས་རང་གི་དོན་དང་ནི།། གཞན་གྱི་དོན་ཡང་མ་བྱས་སོ།། ༧༤ ཞེས་གསུངས་ཏེ། ཐོག་མ་མེད་པ་ནས་རྙེད་བཀུར་ལ་སོགས་པ་འདོད་པ་ངན་ངོན་སྣ་རེའི་ ཆེད་དུ་ཡང་མི་བྱ་བ་མེད་པའི་སྡིག་པའི་ལས་བྱས་ཏེ། དེའི་འབྲས་བུས་དམྱལ་བའི་སྡུག་ བསྔལ་བགྲང་དུ་མེད་པ་མྱོང་མོད་ཀྱི་རང་སྡུག་བསྔལ་བ་ཁོ་ན་ཙམ་ལས་རང་གཞན་སུ་ལ་ ཡང་མ་ཕན་ནོ།། འདི་ནི་དེ་ཙམ་གནོད་མིན་ལ།། དོན་ཆེན་དག་ཀྱང་འགྲུབ་འགྱུར་བས།། འག ྲོ་བའི་གནོད་སེལ་སྡུག་བསྔལ་ལ།། དགའ་བ་འབའ་ཞིག་འདིར་བྱ་རིགས།། ༧༥ ཞེས་གསུངས་ཏེ། ད་ལྟའི་སྡུག་བསྔལ་དང་བརྙས་སོགས་འདི་ནི་དམྱལ་བའི་སྡུག་བསྔལ་ ཙམ་གྱི་གནོད་པ་ཡང་མིན་པས་བཟོད་པར་ཡང་སླ་ཞིང་བཟོད་པར་བྱས་ན་དོན་ཆེན་པོ་བླ་ན་ མེད་པའི་བྱང་ཆུབ་ཀྱི་བར་དུ་ཡང་འགྲུབ་པར་འགྱུར་བས་ན། བཟོད་པའི་རྐྱེན་དུ་གྱུར་པའི་ 264 བཟོད་པ་བསྟན་པ། སྡུག་བསྔལ་དང་བརྙས་སོགས་ལ་བདག་གིས་རྙེད་པའི་མཆོག་རྙེད་པ་ལྟར་དགའ་བ་ཁོ་ན་ བྱ་བར་རིགས་སོ།། དེ་ལྟར་བདག་དང་བདག་གི་བ་ལ་གནོད་པ་ལ་བཟོད་པ་བསྟན་ནས། གསུམ་པ་དགྲ་ལ་ལེགས་པ་བྱེད་པ་ལ་བཟོད་པ་སྒོམ་ཚུལ་གསུམ་ནི། དགྲ་ལ་བསྟོད་ གྲགས་བྱུང་བ་ལ་མི་བཟོད་པ་སྤང་བ་གཉིས། དགྲ་ལ་བདེ་བ་སྒྲུབ་པ་ལ་མི་བཟོད་པ་སྤང་ བ། དགྲ་ལ་རྙེད་པ་སྒྲུབ་པ་ལ་མི་བཟོད་པ་སྤང་བ་གཉིས་སོ། །དང་པོ་ལ་གཉིས། རང་གིས་ གཞན་ལ་བསྟོད་ན་བདེ་བ་འཐོབ་པར་བསྟན་པ་དང༌། གཞན་གྱི་ཡོན་ཏན་ལ་བསྟོད་པ་མི་ བཟོད་ན་བདག་ཉིད་ལ་སྡུག་བསྔལ་འབྱུང་བར་བསྟན་པའོ། །དང་པོ་ནི། གཞན་གྱིས་ཡོན་ཏན་ལྡན་བསྟོད་ནས།། གལ་ཏེ་དགའ་བའི་བདེ་འཐོབ་ན།། ཡིད་ཁྱོད་ཀྱང་ནི་དེ་བསྟོད་ནས།། ཅི་ཕྱིར་དེ་ལྟར་དགའ་མི་བྱེད།། ༧༦ ཅེས་གསུངས་ཏེ། དེ་ཡང་བདག་གིས་མི་མཛའ་བ་དགྲར་བཟུང་བ་ཡོན་ཏན་དང་ལྡན་པ་ ཞིག་ལ་སྐྱེ་བོ་ཡོན་ཏན་ཤེས་པ་གཞན་ཞིག་གིས་དེའི་ཡོན་ཏན་ཇི་ལྟ་བས་བསྟོད་པ་ན་བསྟོད་ ཡུལ་དེ་དགའ་བའི་བདེ་བ་འཐོབ་ཅིང་དེ་གཉིས་མཛའ་བོར་འགྱུར་རོ། །དེ་ལ་སེམས་ཁྱོད་ཁྲོ་ བར་མི་རིགས་ཏེ་ཁྲོ་བས་ནི་ཁྲོ་བ་པོ་སྡུག་བསྔལ་བ་ཁོ་ནར་ཟད་པས་ན་ཁྲོ་བར་མི་བྱ་བར་ ཡིད་ཁྱོད་ཉིད་ཀྱང་དགྲ་བོ་ཡོན་ཏན་དང་ལྡན་པ་དེའི་ཡོན་ཏན་ཚུལ་བཞིན་བསྟོད་པར་གྱིས་ 265 བཟོད་པ་བསྟན་པ། ཤིག་དང༌། དེས་རང་གི་ཁྲོ་བའི་མེ་ཞི་ཞིང་དགྲ་བོ་དེ་ཡང་དགའ་བ་འཐོབ་པས་བདག་དང་ མཛའ་བོར་འགྱུར་བས་ན་ཅིའི་ཕྱིར་གཉི་ག་དགའ་བ་དེ་ཅིས་མི་བྱེད། ཁྱོད་ཀྱི་དགའ་བའི་བདེ་བ་འདི།། བདེ་འབྱུང་ཁ་ན་མ་ཐོ་མེད།། ཡོན་ཏན་ལྡན་པ་རྣམས་ཀྱིས་གནང༌།། གཞན་སྡུད་པ་ཡི་མཆོག་ཀྱང་ཡིན།། ༧༧ ཞེས་གསུངས་ཏེ། དེ་ལྟར་བྱས་པས་ཁྱོད་ཀྱི་རྒྱུད་ལ་ཐོབ་པའི་དགའ་བདེ་འདི་ནི་བདེ་བ་མང་ དུ་འབྱུང་བའི་གནས་ཀྱང་ཡིན་ལ། ཁ་ན་མ་ཐོ་བ་མེད་པའི་བདེ་བ་ཡང་ཡིན་ཏེ་ཡོན་ཏན་དང་ ལྡན་པའི་སངས་རྒྱས་རྣམས་ཀྱིས་ཀྱང་ཁྲོ་བ་ཞི་བ་ལས་བྱུང་བའི་བདེ་བ་འདི་ནི་བསྟེན་པར་ གནང་ལ་འདིས་ཕ་རོལ་གྱི་ཁྲོ་བ་ཡང་ཞི་བར་བྱེད་པའི་ཕྱིར་སེམས་ཅན་གཞན་ཆོས་ཀྱིས་ སྡུད་པའི་མཆོག་ཏུའང་འདི་འགྱུར་བ་ཡིན་ནོ།། གཉིས་པ་གཞན་གྱི་ཡོན་ཏན་ལ་བསྟོད་པ་མི་བཟོད་ན་བདག་ཉིད་ལ་སྡུག་བསྔལ་ འབྱུང་བར་བསྟན་པ་ནི། གཞན་ཡང་དེ་ལྟར་བདེ་འགྱུར་ཞེས།། གལ་ཏེ་ཁྱོད་བདེ་འདི་མི་འདོད།། གླ་རྔན་བྱིན་སོགས་སྤངས་པའི་ཕྱིར།། མཐོང་དང་མ་མཐོང་ཉམས་པར་འགྱུར།། ༧༨ 266 བཟོད་པ་བསྟན་པ། ཞེས་གསུངས་ཏེ། དེ་ལྟར་གཞན་དང་ཡང་གི་སྒྲས་རང་ཡང་སྟེ་གཉི་ག་དེ་ལྟ་བུར་རྩོད་པ་མེད་ ཅིང་ཁོན་ཞི་བའི་བདེ་བ་འཐོབ་པར་འགྱུར་རོ། །ཞེས་བསྟན་ཡང་ད་དུང་སེམས་ཁྱོད་དགྲའི་ ཡིད་བདེ་ཞིང་རང་ཡང་ཁྲོ་བ་ཞི་བས་བདེ་བ་འདི་མི་འདོད་ན་ནི་སྔར་སེམས་ཁྱོད་ཀྱི་རྟེན་དུ་ གྱུར་པའི་ལུས་འདི་ལ་དག་པའི་དོན་དུ་ཟས་གོས་ཀྱི་གླ་རྔན་ཙམ་བྱིན་ནས་གསོས་མོད་ཀྱི་ སེམས་ཁྱོད་དེ་ལྟར་མ་རུངས་པར་བྱེད་ན། ད་ནི་ཁྱོད་ཆད་པ་བྱ་བའི་འོས་ཡིན་པའི་ཕྱིར། ཁྱོད་ གང་ལ་བསྟེན་པའི་ལུས་འདི་ལ་གླ་རྔན་གྱི་ཟས་གོས་མི་སྟེར་བས་ན་མཐོང་བའི་ཆོས་འདི་ ལ་ཡང་སེམས་ཁྱོད་བཀྲེས་སྐོམ་དང་འཁྱགས་པས་སྡུག་བསྔལ་བར་འགྱུར་ལ། མ་མཐོང་ བའི་ཆོས་ཚེ་ཕྱི་མ་ལ་ནི་སེམས་ཁྱོད་ཞེ་སྡང་གི་འབྲས་བུས་དམྱལ་བར་སྐྱེས་ཏེ་སྡུག་བསྔལ་ མི་བཟད་པ་མྱོང་བའི་ཕྱིར་སེམས་ཁྱོད་འདི་ཕྱི་ཐམས་ཅད་དུ་ཉམས་པར་འགྱུར་རོ། །ཞེས་ འཇིགས་པའི་གནས་བསྟན་ཏོ།། རང་གི་ཡོན་ཏན་བརྗོད་པའི་ཚེ།། གཞན་ལའང་བདེ་བ་འདོད་པར་བྱེད།། གཞན་གྱི་ཡོན་ཏན་བརྗོད་པའི་ཚེ།། རང་ལའང་བདེ་བ་འདོད་མི་བྱེད།། ༧༩ ཅེས་གསུངས་ཏེ། དེ་ལྟ་མོད་ཀྱི་གཞན་ཞིག་གིས་རང་ཉིད་ཀྱི་ཡོན་ཏན་བརྗོད་པ་ན་ནི་སེམས་ ཁྱོད་དགའ་ཞིང་མགུ་བས་བདག་གི་ཡོན་ཏན་ལ་བསྟོད་པ་པོ་བདེ་བར་གྱུར་ཅིག་སྙམ་ནས་ 267 བཟོད་པ་བསྟན་པ། གཞན་ལ་ཡང་བདེ་བ་འདོད་པར་བྱེད་ལ། སྐྱེ་བོ་གཞན་གྱིས་དགྲ་ལ་སོགས་པ་གཞན་གྱི་ ཡོན་ཏན་བརྗོད་པ་ན་ནི་གཞན་ལ་བསྟོད་པ་དེ་མི་བཟོད་པས་སེམས་ཁྱོད་ཁྲོ་ཞིང་འཁྲུག་པས་ འཕྲལ་དུ་སྡུག་བསྔལ་བ་དང༌། ཕྱི་མར་དེའི་འབྲས་བུས་དམྱལ་བར་འཕེན་པའི་ཕྱིར་ན་རང་ ལའང་བདེ་བ་འདོད་པར་མི་བྱེད་པ་འདི་ཅིའི་ཐ་ཚིག་ཅེས་རང་ཉིད་ལ་ཁྲེལ་བའི་ཚིག་གོ། གཉིས་པ་དགྲ་ལ་བདེ་བ་སྒྲུབ་པ་ལ་མི་བཟོད་པ་སྤང་བ་ནི། སེམས་ཅན་ཐམས་ཅད་བདེར་འདོད་པས།། བྱང་ཆུབ་ཏུ་ནི་སེམས་བསྐྱེད་ནས།། སེམས་ཅན་རང་གིས་བདེ་རྙེད་ན།། དེ་ཀོ་ཅི་སྟེ་ཁྲོ་བར་བྱེད།། ༨༠ ཅེས་གསུངས་ཏེ། དགྲ་བོ་བདེ་བ་ན་སེམས་ཁྱོད་ཞེ་སྡང་བར་མི་རིགས་ཏེ། ཁྱོད་ཀྱིས་སྔར་ སེམས་ཅན་བདེ་བར་འདོད་པས་བྱང་ཆུབ་ཏུ་ནི་སེམས་བསྐྱེད་པ་ཡིན་ན་དེ་སེམས་ཅན་དགྲ་ བོ་ཁོ་རང་གིས་བདེ་བ་རྙེད་པ་ལ། སེམས་ལ་ཁྱོད་ཀྭའི་ཞེས་བོས་ནས་ཅིའི་ཕྱིར་ཁྲོ་བར་བྱེད་ དེ་དགྲ་བོ་དེ་སེམས་ཅན་གྱི་ནང་དུ་མ་འདུས་སམ་ཞེས་རང་ཉིད་ལ་དྲི་བའོ།། གསུམ་པ་དགྲ་ལ་རྙེད་པ་སྒྲུབ་པ་ལ་མི་བཟོད་པ་སྤང་བ་ལ་གཉིས། ཚིགས་བཅད་སྔ་ མའི་དོན་རྒྱུ་མཚན་གྱིས་བསྟན་པ། གཞན་ལ་མ་བྱིན་ཀྱང་སྦྱིན་བདག་གི་ཁྱིམ་ན་གནས་ པའི་ཡོ་བྱད་ཀྱིས་བདག་ལ་མི་ཕན་པར་བསྟན་པའོ། །དང་པོ་ལ་གསུམ། སངས་རྒྱས་སྦྱིན་ 268 བཟོད་པ་བསྟན་པ། པར་འདོད་ན་རྙེད་བཀུར་ལ་སེར་སྣ་བྱེད་པ་མི་རིགས་པར་བསྟན། བདག་གིས་གསོ་བར་བྱ་ དགོས་ན་རང་གིས་འཚོ་བ་རྙེད་པ་ལ་ཁྲོ་མི་རིགས་པར་བསྟན། དོན་བསྡུས་པའོ། །དང་པོ་ནི། འཇིག་རྟེན་གསུམ་མཆོད་འཚང་རྒྱ་བར།། སེམས་ཅན་རྣམས་ནི་འདོད་ཅེ་ན།། རྙེད་བཀུར་ངན་ངོན་ཙམ་མཐོང་ན།། ཅི་ཕྱིར་དེ་ལ་གདུང་བར་བྱེད།། ༨༡ ཅེས་གསུངས་ཏེ། དེ་ཡང་བདག་གིས་སེམས་ཅན་རྣམས་སངས་རྒྱས་ལ་དགོད་པར་ཁས་ བླངས་ཀྱི་བདེ་བ་གཞན་ལ་མ་ཡིན་ནོ་ཞེ་ན། དེ་ཉིད་ཀྱི་ཕྱིར་སངས་རྒྱས་ཀྱང་སྟེར་བར་ཁས་ བླངས་ནས་འཕྲལ་གྱི་རྙེད་བཀུར་ངན་ངོན་ཙམ་ཞིག་ཁོ་རང་ཉིད་ཀྱིས་རྙེད་ན་དེ་ལ་ཅིའི་ཕྱིར་ ཁྲོ། ཅིའི་ཕྱིར་རྙེད་བཀུར་ངན་ངོན་དུ་བརྗོད་ཅེ་ན། ལྷ་དང་ཀླུ་དང་མིའམ་ཅི་ལ་སོགས་པའི་ འཚོ་བ་ནི་རང་བཞིན་གྱིས་གྲུབ་པའི་བདུད་རྩི་རོ་བརྒྱ་པ་གཙང་ཞིང་དག་པ་དང་བདུད་རྩིའི་ འབྲས་བུ་ཁྱད་པར་ཅན་དང་དཔག་བསམ་གྱི་ཤིང་ལས་བྱུང་བའི་གོས་རྩོལ་བ་ལས་བྱུང་བ་ མ་ཡིན་པ་སྲབ་ཅིང་འཇམ་པ་དུས་དང་མཐུན་པའི་རེག་བྱ་ཅན་ཡིན་ལ། དེ་དག་ལ་བལྟོས་ ཏེ་མིའི་འཚོ་བ་ནི་ཡ་ང་ཞིང་མི་གཙང་བ་སྟེ་མང་ཞིག་ནི་སྲོག་ཆགས་ལ་གནོད་པ་བྱས་པ་ ལས་བྱུང་བ་ཤ་ཁྲག་ལ་སོགས་པ་འཇིགས་སུ་རུང་བའི་གནས་ཡིན་ལ། འོ་མ་དང་མར་ལ་ སོགས་པ་ཡང་སྲོག་ཆགས་ཀྱི་དྲི་མའི་ཁམས་འདུས་པའི་སྙིང་པོར་ཟད་ལ། འབྲུ་རྣམས་ 269 བཟོད་པ་བསྟན་པ། ཀྱང་མི་གཙང་བའི་ལྗན་ལྗིན་ཁོ་ནས་བསྐྱེད་པ་མི་རྣམས་ཀྱིས་རྩོལ་བ་ཆེན་པོས་ཕུབ་མ་དང་ ཕྲལ་ཞིང་སླར་རྔོད་འཐག་ཏུ་བྱས་པ་སོགས་རེ་རེའང་རྩོལ་བ་མཐའ་ཡས་པས་བསྒྲུབས་པར་ ཟད་པའི་ཕྱིར་དང༌། གོས་ཀྱང་སྲད་བུ་ཕྲ་མོ་ནས་བཀལ་ཞིང་ཐགས་དང་ཆགས་སུ་བྱས་པ་ སོགས་དཀའ་བ་མཐའ་ཡས་པས་བསྒྲུབས་མོད་ཀྱང་རང་བཞིན་གྱིས་གྲུབ་པ་དེ་དག་གི་ཆར་ ཡང་ཉེ་བ་མ་ཡིན་པའི་ཕྱིར་རོ།། གཉིས་པ་བདག་གིས་གསོ་བར་བྱ་དགོས་ན་རང་གིས་འཚོ་བ་རྙེད་པ་ལ་ཁྲོ་མི་རིགས་ པར་བསྟན་པ་ནི། གསོ་བྱ་གང་ཞིག་ཁྱོད་གསོ་བ།། ཁྱོད་ཉིད་ཀྱིས་ནི་སྦྱིན་བྱ་དེ།། གཉེན་གྱིས་འཚོ་བ་རྙེད་གྱུར་ན།། དགར་མི་འགྱུར་བར་སླར་ཁྲོའམ།། ༨༢ ཞེས་གསུངས་ཏེ། དེས་ན་བྱང་ཆུབ་སེམས་དཔས་སེམས་ཅན་ཐམས་ཅད་བདེ་བ་ཐམས་ཅད་ ལ་དགོད་པར་བྱ་བར་ཐམས་ཅད་ཀྱི་ཕ་མ་ལྟར་ཁས་བླངས་པ་ཡིན་པས་འགྲོ་བ་འདི་དག་ བྱང་ཆུབ་སེམས་དཔའ་བདག་རང་གིས་གསོ་དགོས་པ་ཡང་ཡིན་ན་ཁོང་རང་སོ་སོས་འཚོ་བ་ རྙེད་པ་ལ་ཅིའི་ཕྱིར་ཁྲོ། 270 བཟོད་པ་བསྟན་པ། གསུམ་པ་དོན་བསྡུས་པ་ནི། དེ་ཅི་འགྲོ་ལ་མི་འདོད་ན།། དེ་ལ་བྱང་ཆུབ་འདོད་གང་ཡིན།། གང་ཞིག་གཞན་འབྱོར་ཁྲོ་དེ་ལ།། བྱང་ཆུབ་སེམས་ནི་ག་ལ་ཡོད།། ༨༣ ཅེས་གསུངས་ཏེ། དེས་ན་བུས་རྙེད་པ་ཁྱད་པར་ཅན་ཐོབ་ན་ཕ་མ་ཆེས་དགའ་བ་ལྟར་སེམས་ ཅན་རྣམས་རྙེད་བཀུར་དང་ལྡན་པ་ན་བྱང་ཆུབ་སེམས་དཔའ་ཤིན་ཏུ་དགའ་བར་རིགས་ པའི་དོན་ཏེ། སེམས་ཅན་རང་གིས་རྙེད་པའི་རྙེད་པ་དང་བཀུར་སྟི་ཙམ་ཡང་བདག་གི་བློས་ མི་ཐོངས་ཤིང་སེར་སྣ་བྱེད་ན་བདེ་བ་ཐམས་ཅད་ཀྱི་མཐར་ཐུག་བྱང་ཆུབ་སྦྱིན་པར་ལྟ་ག་ལ་ བྱེད། དེས་ན་གཞན་འབྱོར་བས་ཡིད་མི་བདེ་ཞིང་ཁྲོ་བ་དེ་ལ་ནི་ཉན་ཐོས་ཀྱི་དགེ་སྦྱོང་གི་ ཆོས་ཀྱང་མེད་ན་བྱང་ཆུབ་ཀྱི་སེམས་ལྟ་ག་ལ་ཡོད་པའི་དོན་ཏོ།། གཉིས་པ་གཞན་ལ་མ་བྱིན་ཀྱང་སྦྱིན་བདག་གི་ཁྱིམ་ན་གནས་པའི་ཡོ་བྱད་ཀྱིས་བདག་ ལ་མི་ཕན་པར་བསྟན་པ་ལ་གསུམ། དངོས་དང༌། ཁྲོ་ན་རང་ཉིད་ལ་ཁྲོ་བར་རིགས་པ་དང༌། བསོད་ནམས་ལྡན་པ་ལ་འགྲན་མི་རིགས་པར་བསྟན་པའོ། །དང་པོ་ནི། གལ་ཏེ་དེས་དེ་ལས་རྙེད་དམ།། སྦྱིན་བདག་ཁྱིམ་དུ་གནས་གྱུར་ཀྱང༌།། 271 བཟོད་པ་བསྟན་པ། ཀུན་ཏུའང་དེ་ཁྱོད་ལ་མེད་ན།། བྱིན་མ་བྱིན་རུང་དེས་ཅི་བྱ།། ༨༤ ཞེས་གསུངས་ཏེ། གལ་ཏེ་དེས་བདག་གི་སྦྱིན་བདག་ལས་རྙེད་པ་བླངས་པས་བདག་གི་རྙེད་ པ་ཆུང་ངུར་བྱས་སོ་ཞེ་ན། དེ་ལ་བྱིན་ནམ་མ་བྱིན་ཡང་རུང་སྟེ་སྦྱིན་བདག་གི་ཁྱིམ་ན་གནས་ པ་དེ་ནི་ཁྱོད་དབང་བ་མ་ཡིན་ན་ཁྱི་ལྟར་རང་མི་དབང་བའི་བདོག་པ་བསྲུངས་ནས་ཅི་ཞིག་བྱ། གཉིས་པ་ཁྲོ་ན་རང་ཉིད་ལ་ཁྲོ་བར་རིགས་པ་ནི། བསོད་ནམས་དང་ནི་དད་པའམ།། རང་གི་ཡོན་ཏན་ཅིའི་ཕྱིར་འདོར།། རྙེད་པར་འགྱུར་བ་མི་འཛིན་ལ།། གང་ཞིག་ཁྲོ་བར་མི་བྱེད་སྨྲོས།། ༨༥ ཞེས་གསུངས་ཏེ། དེ་ལྟ་མོད་ཀྱི་ཆོས་བཞིན་གྱི་རྙེད་པ་རྣམས་ནི་རང་གི་ཕྲག་དོག་མེད་པའི་ བློ་དང་བསོད་ནམས་དང་དད་པ་དང་བྱམས་པ་ལ་སོགས་པའི་རྒྱུ་ལས་འབྱུང་བ་ཡིན་ན་ རྙེད་པ་ལ་ཞེན་པས་རྙེད་པའི་རྒྱུ་རང་གི་ཡོན་ཏན་དེ་དག་འདོར་བ་ནི་ཆེས་མི་རིགས་པས་ གལ་ཏེ་རྙེད་པ་ལ་ཞེན་ནས་ཁྲོ་ན་རྙེད་པའི་རྒྱུ་ཡོན་ཏན་འདོད་པའི་རང་གི་སེམས་འདི་ལ་ ཁྲོ་བར་རིགས་སོ།། 272 བཟོད་པ་བསྟན་པ། གསུམ་པ་བསོད་ནམས་ལྡན་པ་ལ་འགྲན་མི་རིགས་པར་བསྟན་པ་ནི། ཁྱོད་ནི་རང་གིས་སྡིག་བྱས་ལ།། མྱ་ངན་མེད་པར་མ་ཟད་ཀྱི།། བསོད་ནམས་བྱས་པ་གཞན་དག་དང༌།། ལྷན་ཅིག་འགྲན་པར་བྱེད་འདོད་དམ།། ༨༦ ཞེས་གསུངས་ཏེ། དེས་ན་རང་གིས་ཁྲོ་བའི་སྡིག་པ་བསྐྱེད་པ་ལ་མྱ་ངན་མེད་ཀྱི་སྟེང་དུ་བསོད་ ནམས་དང་ལྡན་པ་གཞན་དག་ལ་འགྲན་པར་བྱེད་པ་ནི་ཆེས་མི་རིགས་ཏེ། བསོད་ནམས་ ཆེན་པོ་ཅན་རྣམས་ལ་འགྲན་སེམས་སུ་བྱེད་པ་ནི་ཕྱེ་མ་ལེབ་མར་མེ་ལ་འགྲན་པ་ལྟར་རང་ གི་དགེ་བ་ཟད་པར་བྱེད་པའི་ཕྱིར་རོ།། བམ་པོ་གཉིས་པ་ཞེས་བྱ་བ་ནི། ད་ལྟ་སྤྱོད་འཇུག་གི་བོད་དཔེ་མཐོང་བ་རྣམས་ན་གཞུང་ གི་ཐོག་མར་བམ་པོ་དང་པོ་ཞེས་པ་མི་སྣང་ཡང༌། འདིར་བམ་པོ་གཉིས་པ་བཤད་པའི་ཕྱིར་ངེས་ པར་འཐོབ་སྟེ། དེ་ཡང་རྩྭའི་ཆུན་པོ་ལ་ཕོན་དང་བམ་པོར་བརྗོད་པ་ལྟར་གཞུང་ལ་ལྷག་ཆད་སྤང་ བའི་ཕྱིར་བོད་དུ་བསྒྱུར་དུས་ལོ་པཎ་གྱིས་བམ་མཚམས་བཀོད་པ་ཡིན་ལ། བམ་པོ་ཆེ་ཚད་ཤླཽ ཽ་ ཀ་ལྔ་བརྒྱ་དང༌། འབྲིང་སྟོང་གི་སུམ་ཆ་དང༌། ཐ་མ་ཤླཽཽོ་ཀ་ཉི་ཤུ་རྩ་ལྔ་ལ་བཞག་པ་ལས་འདིར་ ཤླཽཽོ་ཀ་སྟོང་ལ་བམ་པོ་གཉིས་སུ་བྱས་པའི་ཕྱིར་བམ་ཚད་ཆེ་བ་ཡིན་ལ། འདི་ཡན་གྱི་བམ་པོ་དང་ པོ་རྫོགས་ནས་འདི་ནས་བམ་པོ་གཉིས་པ་འཆད་པ་ནི་ཞེས་བྱ་བའི་དོན་ཏོ།། 273 བཟོད་པ་བསྟན་པ། དྲུག་པ་འདོད་པའི་གེགས་བྱེད་པ་ལ་བཟོད་པ་སྒོམ་པ་ལ་གཉིས། དགྲ་ལ་གནོད་པའི་ གེགས་བྱེད་པ་ལ་བཟོད་པར་བསྟན་པ་དང༌། བདག་དང་བདག་གི་ཕྱོགས་ལ་ལེགས་པ་ འགྲུབ་པའི་བར་ཆད་བྱེད་པ་ལ་བཟོད་པར་བསྟན་པའོ། །དང་པོ་ནི། གལ་ཏེ་དགྲ་ཞིག་མི་དགའ་ནའང༌།། དེ་ལ་ཁྱོད་དགར་ཅི་ཞིག་ཡོད།། ཁྱོད་ཀྱི་ཡིད་སྨོན་ཙམ་གྱིས་ནི།། དེ་ལ་གནོད་པའི་རྒྱུར་མི་འགྱུར།། ༨༧ ཁྱོད་ཀྱི་འདོད་པ་སྡུག་བསྔལ་དེ།། གྲུབ་ནའང་ཁྱོད་དགར་ཅི་ཞིག་ཡོད།། གལ་ཏེ་འཚེངས་པར་འགྱུར་ཞེ་ན།། དེ་ལས་ཕུང་བའང་གཞན་ཅི་ཡོད།། ༨༨ ཉོན་མོངས་ཉ་པས་བཏབ་པ་ཡི།། མཆིལ་པ་འདི་ནི་མི་བཟད་གཟེ།། དེས་བཟུང་སེམས་དམྱལ་བུམ་པར་ཡང༌།། དམྱལ་བའི་བསྲུང་མས་བདག་འཚེད་ངེས།། ༨༩ 274 བཟོད་པ་བསྟན་པ། ཞེས་གསུངས་ཏེ། དགྲ་བོ་ལ་གནོད་པ་བྱུང་ན་དེ་མི་དགའ་ཞིང་སྡུག་བསྔལ་བར་འགྱུར་བ་དེ་ ལ་ཡང་སེམས་ཁྱོད་དགའ་བར་མི་རིགས་ཏེ། ངན་སོང་བ་རྣམས་ཀྱིས་སྡུག་བསྔལ་མྱོང་བས་ ལྷ་མི་ལ་མི་ཕན་པ་ལྟར། དགྲ་སྡུག་བསྔལ་བས་ཁྱོད་ཀྱི་ལུས་སེམས་གང་ལ་ཡང་མི་ཕན་ པའི་ཕྱིར། གལ་ཏེ་དགྲ་ལ་སྡུག་བསྔལ་མ་བྱུང་ན་ནི་སེམས་ཁྱོད་ཀྱིས་དགྲ་བོ་སྡུག་བསྔལ་ན་ ཅི་མ་རུང་སྙམ་པའི་བློ་ཡིད་སྨོན་ཙམ་དེས་ནི་དགྲ་ལ་གནོད་པར་མི་འགྱུར་གྱི་རང་ཉིད་ཀྱི་ཡིད་ མི་བདེ་བར་ཟད་དོ།། གལ་ཏེ་དགྲ་ལ་སྡུག་བསྔལ་དེ་གྲུབ་ན་ཡང་ཁྱོད་དགའ་བར་བྱར་ཅི་ཡོད་དེ་བཤད་མ་ ཐག་པའི་བདག་ལ་མི་ཕན་པ་ཉིད་ཀྱི་ཕྱིར། གལ་ཏེ་སེམས་ཀྱི་འདོད་པ་གྲུབ་པས་འཚེངས་ སོ་ཞེ་ན། གཞན་སྡུག་བསྔལ་བས་རང་དགའ་བ་སྐྱེ་ན་དེ་ལས་ཕུང་བ་གཞན་ཅི་ཡོད་དེ་བློ་ དེ་འཛིན་པ་ནི་བྱང་སེམས་ལྟ་ཅི་སྨོས་ཉན་ཐོས་པར་ཡང་ག་ལ་ཆུད། གཞན་ལ་གནོད་པར་ སེམས་པའི་ཉོན་མོངས་པ་ཉ་པ་ལྟ་བུས་བཏབ་པའི་སྡིག་པའི་མཆིལ་པ་སྟེ། ཉ་འདྲེན་པའི་ ལྕགས་ཀྱུ་ཟས་ཅན་དང་འདྲ་བ་ཤིན་ཏུ་རྣོ་ཞིང་གཟེ་བ་གང་ལ་བཏབ་ན་འཆོར་མི་སྲིད་པ་ འདིས་སེམས་ཉ་ལྟར་ཚུལ་བཞིན་མ་ཡིན་པ་ཡིད་ལ་བྱེད་པའི་ཆུ་བོའི་ནང་ན་ཀུན་ནས་འགྲེ་བ་ ཁྱོད་བཟུང་སྟེ། དམྱལ་བ་ཆེན་པོའི་བུམ་པར་ཁྲོ་ཆུ་ཁོལ་མའི་ནང་དུ་འཚེད་པར་གདོན་མི་ཟ་ བས་ན་ད་ལྟ་ནས་དེའི་རྒྱུ་གཞན་གནོད་ཀྱི་བསམ་སྦྱོར་ཐོངས་ཤིག་པའོ།། གཉིས་པ་བདག་དང་བདག་གི་ཕྱོགས་ལ་ལེགས་པ་འགྲུབ་པའི་བར་ཆད་བྱེད་པ་ལ་ 275 བཟོད་པ་བསྟན་པ། བཟོད་པར་བསྟན་པ་ལ་གཉིས། འཇིག་རྟེན་གྱི་ཆོས་ཀྱི་གེགས་བྱེད་པ་ལ་སྒོམ་པ་དང༌། བསོད་ནམས་ཀྱི་གེགས་བྱེད་པ་ལ་སྒོམ་པའོ། །དང་པོ་ལ་གཉིས། བདག་གི་བསྟོད་གྲགས་ འཇིག་པ་ལ་གནོད་པར་མི་ལྟ་བ་དང༌། བསྟོད་གྲགས་འགོག་པ་ནི་ཕན་འདོགས་ཀྱི་དམ་པར་ བསྟན་པའོ། །དང་པོ་ལ་བཞི། བསྟོད་སོགས་ནི་བདག་གི་བདེ་བའི་རྒྱུ་མ་ཡིན་པར་བསྟན། བསྟོད་གྲགས་ལ་ཆགས་པའི་ཉེས་པ་བསྟན། རྣམ་པར་བརྟགས་ཏེ་བསྟོད་གྲགས་ལ་ཆགས་ བྱ་མ་ཡིན་པར་བསྟན། དོན་བསྡུས་པའོ། །དང་པོ་ནི། བསྟོད་དང་གྲགས་དང་རིམ་གྲོ་ནི།། བསོད་ནམས་མི་འགྱུར་ཚེར་མི་འགྱུར།། བདག་སྟོབས་མི་འགྱུར་ནད་མེད་མིན།། ལུས་བདེ་བར་ཡང་མི་འགྱུར་རོ།། ༩༠ ཞེས་གསུངས་ཏེ། དེ་ཡང་གལ་ཏེ་བསྟོད་པའམ་གྲགས་པ་བསྒྲགས་པ་ན་དེས་བདག་གི་ནད་ ཞི་བའམ་ཚེ་འཕེལ་བའམ་བསོད་ནམས་རྒྱས་པ་ཞིག་ཏུ་འགྱུར་ན་སྐྱེ་བོ་གཉུག་མར་གནས་ པ་རྣམས་ལ་ཡང་བདག་གི་ཡོ་བྱད་ཅི་བདོག་པ་བྱིན་ཏེ་བསྟོད་གྲགས་སྒྲོག་ཏུ་འཇུག་པར་ འོས་མོད་ཀྱང་བསྟོད་གྲགས་དེས་ནི་བདག་ལ་ཕན་པ་ཅིར་ཡང་མི་འགྱུར་རོ།། བདག་ནི་རང་དོན་ཤེས་གྱུར་ན།། དེ་ལ་རང་དོན་ཅི་ཞིག་ཡོད།། 276 བཟོད་པ་བསྟན་པ། ཅེས་གསུངས་ཏེ། དེ་ལྟ་མོད་ཀྱི་སེམས་ཁྱོད་ནི་སུ་ཡང་མ་ཡིན་པ་ཞིག་ལ་རང་དུ་ཞེན་ཅིང་འདི་ ཁོ་ན་ཕུན་སུམ་ཚོགས་པའི་དོན་སྒྲུབ་པར་འདོད་ན་ཅི་བསྟོད་གྲགས་ཚིག་ཙམ་པ་དེ་ལས་ཁྱོད་ ཀྱི་རང་དོན་ཅི་ཞིག་འགྲུབ། གལ་ཏེ་ཚིག་ཙམ་པ་དེ་ལ་ཆགས་ན་སྒྲ་ཙམ་ལ་ཡང་ཅིའི་ཕྱིར་མི་ ཆགས་ཏེ། དེ་ལྟ་ན་ཆུ་སྒྲ་དང་རླུང་སྒྲ་ལ་ཡང་ཁྱོད་ཆགས་པར་གྱིས་ཤིག་པའོ།། ཡིད་བདེ་འབའ་ཞིག་འདོད་ན་ནི།། རྒྱན་སོགས་ཆང་ཡང་བསྟེན་དགོས་སོ།། ༩༡ ཞེས་གསུངས་ཏེ། གལ་ཏེ་ལུས་ལ་བདེ་བ་སོགས་མི་འབྱུང་ཡང་བསྟོད་གྲགས་དེས་བདག་ གི་ཡིད་བདེ་བར་འགྱུར་རོ་ཞེ་ན། མཐར་ཉེས་པ་བསྐྱེད་པའི་འཕྲལ་གྱི་ཡིད་བདེ་བ་ཙམ་ཁོ་ ན་སྒྲུབ་ན་ཆོ་ལོ་དང་མིག་མང་དུ་རྡེའུ་འགྲིག་སོགས་རྒྱན་པོ་འགྱེད་པ་དང་ཆང་དང་གཟུགས་ ཚོང་གི་ཁྱིམ་དུ་རྒྱུ་བ་ཡང་བསྟེན་བྱར་ཐལ་ལོ། །དུག་ཀྱང་ཟ་རིགས་པར་འགྱུར་ཏེ་འཕྲལ་དུ་ མངར་བའི་ཕྱིར། དེས་ན་བསྟོད་གྲགས་ཀྱིས་ཡིད་བདེ་བར་འཛིན་པ་ནི་སེམས་ཁྱོད་རང་གི་ ཕྱིན་ཅི་ལོག་གོམས་པས་སྣང་བར་ཟད་ཀྱི་བྱུང་མ་ཐག་ཏུ་འགགས་པའི་སྒྲ་དེས་ནི་བྱ་བ་ཅི་ ཡང་བྱས་པ་མེད་དོ།། གཉིས་པ་བསྟོད་གྲགས་ལ་ཆགས་པའི་ཉེས་པ་བསྟན་པ་ནི། གྲགས་པའི་ཕྱིར་ནི་ནོར་ཤོར་ཞིང༌།། བདག་ཉིད་ཀྱང་ནི་གསོད་བྱེད་ན།། 277 བཟོད་པ་བསྟན་པ། ཚིག་འབྲུ་རྣམས་ཀྱིས་ཅི་ཞིག་བྱ།། ཤི་ནས་དེས་ཀོ་སུ་ལ་བདེ།། ༩༢ ཞེས་གསུངས་ཏེ། དེ་ལྟ་མོད་ཀྱི་བསྟོད་གྲགས་ནི་ཉེས་པའི་འབྱུང་ཁུངས་ཡིན་ཏེ་བསྟོད་ གྲགས་སྐམ་པོ་དེ་འདོད་པས་གཞན་དང་འགྲན་པའི་ཕྱིར་ལོངས་སྤྱོད་ཐམས་ཅད་གནས་མིན་ དུ་གོད་པར་བྱེད་པ་དང་དཔའ་ཞིང་རྟུལ་ཕོད་དེ་ཞེས་པའི་མིང་འདོད་པས་གཡུལ་དུ་ཞུགས་ ཏེ་འཆི་བར་འགྱུར་བ་དང༌། ཡང་ན་གཞན་བསད་དེ་གཉིས་ཀའང་ཞེ་སྡང་གིས་མཚམས་སྦྱར་ བས་དམྱལ་བར་འདོང་དགོས་ལ། དེ་ལྟར་བསྟོད་གྲགས་ལ་བརྟེན་ནས་ཚེ་འདིར་ལོངས་ སྤྱོད་དང་བྲལ་ནས་ཤི་ཞིང་ཕྱི་མར་ངན་སོང་དུ་ལྷུང་བར་བྱེད་ན་དེ་ལྟ་བུའི་བསྟོད་གྲགས་དེས་ སེམས་ཁྱོད་ཅི་ཞིག་བྱ་ཞེས་སོམས་ཤིག་པའོ།། བྱེ་མའི་ཁང་བུ་རྡིབ་གྱུར་ན།། བྱིས་པ་རྣམས་ནི་ག་ཆད་ངུ༌།། དེ་བཞིན་བསྟོད་དང་གྲགས་ཉམས་ན།། རང་གི་སེམས་ནི་བྱིས་པ་བཞིན།། ༩༣ ཞེས་གསུངས་ཏེ། དེས་ན་བྱེ་མའི་ཁང་བུ་རྡིབ་པ་ན་བྱིས་པ་དག་ག་ཆད་པར་ངུ་ཞིང་འགྲེ་ ལྡོག་པ་ལྟར་བསྟོད་གྲགས་བྱེ་མའི་ཁང་བུ་ལྟར་སྙིང་པོ་མེད་པར་མ་ཤེས་པས་སེམས་བྱིས་པ་ ལྟ་བུའང་ག་ཆད་པར་ངུ་བ་ལྟར་ཟད་དོ།། 278 བཟོད་པ་བསྟན་པ། གསུམ་པ་རྣམ་པར་བརྟགས་ཏེ་བསྟོད་གྲགས་ལ་ཆགས་བྱ་མ་ཡིན་པར་བསྟན་པ་ནི། རེ་ཞིག་སྒྲ་ལ་སེམས་མེད་ཕྱིར།། བདག་ལ་བསྟོད་སེམས་ཡོང་མི་སྲིད།། ཅེས་གསུངས་ཏེ། དེ་ལྟ་མོད་ཀྱི་རེ་ཞིག་བརྟག་པར་བྱ་སྟེ་བསྟོད་གྲགས་དེ་ནི་མིང་ཚིག་ཡི་གེ་ ཚོགས་པའི་སྒྲ་ཙམ་དུ་ཟད་དེ། དཔེར་ན། སྐྱེས་བུ་ཁྱོད་མཛེས་སོ། །ཞེས་བྱ་བ་འདི་གཞན་ ཞིག་གིས་བདག་ལ་བརྗོད་པས་བསྟོད་པ་དང༌། དེ་བཞིན་དུ་མས་བརྒྱུད་ནས་བསྒྲགས་པ་ནི་ གྲགས་པར་འཇོག་ལ། དེའི་ཚེ་སྐྱེས་བུ་སོགས་ཀྱི་ས་ཡིག་དང་ཀ་ཡིག་དང་ཡ་བཏགས་དང་ སྲོག་གི་ཨེ་དང་ས་ཡིག་དང་བ་ཡིག་དང་སྲོག་གི་ཨུ་སོགས་རེ་རེ་ཞིང་ཡི་གེ་ཐ་དད་པ་རེ་སྟེ་དེ་ ལྟར་ཕྱེ་ན་ཡི་གེ་རེ་རེ་བ་དེ་དག་གིས་ཅི་ཡང་བརྗོད་པ་མེད་དོ།། དེ་དག་ཚོགས་པ་ལས་སྐྱེས་བུ་དང་ཁྱོད་དང་མཛེས་པ་ཞེས་སོགས་ནི་མིང་རེ་རེ་བ་སྟེ་དེ་ དག་ཀྱང་མིང་བསྒྲིགས་པར་ཟད་ཀྱི་དོན་གྱི་ཁྱད་པར་འགའ་ཡང་མ་བསྟན་ཏེ། དཔེར་ན། ཀ་ ཁ་ག་ང༌། ཞེས་པས་དོན་གྱི་ཁྱད་པར་ཅི་ཡང་མ་བསྟན་པ་བཞིན་ནོ།། གལ་ཏེ་མིང་འདུས་པས་དོན་གྱི་ཁྱད་པར་བསྟན་པའི་ཚིག་ཡིན་ནོ་སྙམ་ན། འདི་ནི་རང་ གི་བློས་འདིས་འདི་བརྗོད་དོ་སྙམ་དུ་སྒྲོ་བཏགས་ནས་ཞེན་པར་ཟད་ཀྱི་ཞེན་པའི་དུས་དེ་ཉིད་ ན་ཡང་མིང་ཚིག་ཡི་གེའི་སྒྲ་དེས་ནི་ཅི་ཡང་བརྗོད་པ་མེད་དེ་ཇི་ལྟར་རླུང་གི་སྒྲས་ཅི་ཡང་མ་ བརྗོད་པ་བཞིན་ཏེ་སྒྲ་ཐམས་ཅད་ནི་དེ་ལྟ་བུ་ཁོ་ནའོ།། 279 བཟོད་པ་བསྟན་པ། དེས་ན་ཡང་དག་པར་ན་བསྟོད་པ་དང་གྲགས་པའི་སྒྲ་ཞིག་ཀྱང་མེད་ལ། གལ་ཏེ་སྒྲ་ ཙམ་འདི་ཁོ་ན་བསྟོད་གྲགས་ཡིན་ནོ་ཞེ་ན། སྒྲ་དེ་ལ་ནི་བསྟོད་པའི་སེམས་མེད་པས་བྲག་ཆ་ ལྟར་ཟད་པའི་ཕྱིར་དེ་བས་ཀྱང་དགའ་བར་མི་རིགས་སོ།། བདག་ལ་གཞན་དགའ་ཞེས་གྲག་པ།། དེ་ནི་དགའ་བའི་རྒྱུ་ཡིན་གྲང༌།། ༩༤ གཞན་ནམ་ཡང་ན་བདག་ལའང་རུང༌།། གཞན་དགས་བདག་ལ་ཅི་ཞིག་ཕན།། དགའ་བདེ་དེ་ནི་དེ་ཉིད་ཀྱི།། བདག་གིས་དེ་ལས་ཤས་མི་འཐོབ།། ༩༥ ཅེས་གསུངས་ཏེ། ཡང་དེ་ལ་བརྟེན་ནས་བདག་ལ་གཞན་དག་དགའ་འོ་ཞེས་རང་གིས་ གོ་བར་འགྱུར་བས་འདི་ཙམ་ཞིག་ལ་བདག་དགའ་འོ་ཞེ་ན། བདག་གཞན་སུ་ལ་ཡང་རུང་ གཞན་དགའ་བ་ཙམ་དེས་ཅི་ཕན་ཏེ་དགའ་བ་དེ་ནི་དགའ་བ་པོ་ཁོ་རང་གི་སེམས་ཡིན་པས་ ཁོ་རང་བདེ་བར་ཟད་ཀྱི་ཁོའི་བདེ་བ་དེ་ལས་བདག་གིས་ཅུང་ཟད་ཀྱི་ཤས་ཀྱང་མི་འཐོབ་བོ།། དེ་བདེ་བ་ཡིས་བདག་བདེ་ན།། ཀུན་ལའང་དེ་བཞིན་བྱ་དགོས་ན།། 280 བཟོད་པ་བསྟན་པ། ཇི་ལྟར་གཞན་ལ་དགའ་བ་ཡིས།། བདེ་བར་གྱུར་ན་བདག་མི་བདེ།། ༩༦ ཞེས་གསུངས་ཏེ། གལ་ཏེ་དེ་བདེ་བས་བདག་གི་ཡིད་བདེ་འོ་ཞེ་ན། ལེགས་ཏེ་སེམས་ཁྱོད་ ཀྱིས་སེམས་ཅན་ཐམས་ཅད་ལ་དེ་ལྟར་བྱོས་ཤིག གལ་ཏེ་གཞན་ལ་བསྟོད་གྲགས་བྱུང་བས་ དེ་དགའ་བར་འགྱུར་དུ་འོང་ངོ་ཞེས་སེམས་ཁྱོད་ཡིད་མི་བདེ་ན་ནི་ཁྱོད་ཀྱིས་དེ་བདེ་བ་ཡིས་ བདག་བདེའོ་ཞེས་སྨྲས་པ་དེ་བརྫུན་པར་འགྱུར་རོ།། བཞི་པ་དོན་བསྡུས་པ་ནི། དེ་བས་བདག་ནི་བསྟོད་དོ་ཞེས།། རང་གིས་དགའ་བ་སྐྱེ་འགྱུར་པ།། དེ་ཡང་དེ་ལྟར་མི་འཐད་པས།། བྱིས་པའི་སྤྱོད་པ་ཁོ་ནར་ཟད།། ༩༧ ཅེས་གསུངས་ཏེ། རྒྱུ་མཚན་དེ་རྣམས་ཀྱིས་རྣམ་པར་བརྟགས་པ་ན་སྙིང་པོ་མེད་པའི་བསྟོད་ གྲགས་ལ་ཆགས་པ་ནི་ངོ་ཚ་བའི་གནས་བྱིས་པ་ཤེད་མ་བྱེ་བའི་སྤྱོད་པ་ཁོ་ནར་ཟད་དོ་ཞེས་ བདག་གིས་ཀྱང་ཤེས་པར་འགྱུར་རོ།། གཉིས་པ་བསྟོད་གྲགས་འགོག་པ་ནི་ཕན་འདོགས་ཀྱི་དམ་པར་བསྟན་པ་ལ་གཉིས། ངན་སོང་ལས་སྲུང་བ་དང༌། ཐར་པའི་གྲོགས་སུ་བསྟན་པའོ། །དང་པོ་ནི། 281 བཟོད་པ་བསྟན་པ། བསྟོད་སོགས་དག་ནི་གཡེང་བར་བྱེད།། དེས་ནི་སྐྱོ་བའང་འཇིག་པར་བྱེད།། ཡོན་ཏན་ལྡན་ལ་ཕྲག་དོག་དང༌།། ཕུན་སུམ་ཚོགས་པའང་འཇིག་པར་བྱེད།། ༩༨ ཅེས་གསུངས་ཏེ། དེ་ཡང་བསྟོད་གྲགས་ལ་དགའ་བ་ན་དེས་སེམས་གཡོ་ཞིང་ཏིང་ངེ་འཛིན་ དང་བྲལ་བར་བྱེད། རྒྱུད་ང་རྒྱལ་བས་དྲེགས་ཏེ་སྐྱོ་བའི་བློ་འཇིག །གཞན་ཡོན་ཏན་དང་ལྡན་ པར་མཐོང་ན་ཕྲག་དོག་དང་འགྲན་སེམས་སྐྱེ་ཞིང་ཡོན་ཏན་དང་མི་ལྡན་པ་ལ་བརྙས་ཤིང་ ཁྱད་དུ་གསོད། དེ་དག་ལ་བརྟེན་ནས་འཐབ་རྩོད་དང་སྡིག་པ་འཕེལ་བས་འདི་ཕྱིའི་ཕུན་ ཚོགས་ཞིག་སྟེ་ངན་སོང་དུ་འགྲོའོ།། དེ་ཕྱིར་བདག་གི་བསྟོད་སོགས་ནི།། གཞིག་ཕྱིར་གང་དག་ཉེར་གནས་པ།། དེ་དག་བདག་ནི་ངན་སོང་དུ།། ལྟུང་བ་སྲུང་ཕྱིར་ཞུགས་མིན་ནམ།། ༩༩ ཞེས་གསུངས་ཏེ། དེས་ན་སུ་ཞིག་བདག་གི་བསྟོད་པ་དང་གྲགས་པ་སོགས་འགོག་ཅིང་མི་སྙན་ པ་སྒྲུབ་པར་བྱེད་པ་དེ་ནི་བདག་གི་དགེ་བའི་གྲོགས་དམ་པ་ཡིན་ཏེ། རྙེད་གྲགས་ལ་ཞེན་པས་ 282 བཟོད་པ་བསྟན་པ། སྡིག་པ་བསགས་ཏེ་བདག་ངན་སོང་དུ་འདོད་པར་ཕྱོགས་པ་ལས་སྲུང་བར་བྱེད་པ་ཡིན་པའི་ ཕྱིར་ཏེ། བདག་གཡང་དུ་ལྷུང་ལ་ཁད་པ་ན་གཞན་ཞིག་གིས་བཟུང་བ་ལྟ་བུ་ཡིན་ནོ།། གཉིས་པ་ཐར་པའི་གྲོགས་སུ་བསྟན་པ་ནི། བདག་ནི་གྲོལ་བ་དོན་གཉེར་ལ།། རྙེད་དང་བཀུར་སྟིས་འཆིང་མི་དགོས།། ཞེས་གསུངས་ཏེ། དེ་ལྟ་མོད་ཀྱི་བདག་ནི་དང་པོར་རབ་ཏུ་བྱུང་བ་དང་བྱང་ཆུབ་ཏུ་སེམས་ བསྐྱེད་པ་ཉིད་ནས་རྣམ་པར་གྲོལ་བའི་བྱང་ཆུབ་དོན་དུ་གཉེར་བ་ཡིན་གྱི་དེ་སྒྲུབ་པའི་གེགས་ ནི་རྙེད་བཀུར་གྱི་འཆིང་བ་ཁོ་ན་ཆེ་སྟེ། འོད་སྲུང་གི་མདོར། ལྟ་གྱུར་འཆིང་དང་རྙེད་དང་བཀུར་སྟི་དང༌།། གྲགས་པའི་འཆིང་བ་རབ་ཏུ་བྱུང་བ་ཡི།། འཆིང་བ་དམ་ཞེས་འཕགས་པ་རྣམས་ཀྱིས་གསུངས།། དེ་དག་རྟག་ཏུ་རབ་ཏུ་བྱུང་བས་སྤང༌།། ཞེས་དང༌། གཞན་ཡང་མདོ་རྣམས་ལས། འདུ་འཛིའི་ཉེས་དམིགས་རྒྱས་པར་བསྟན་པའི་ ཕྱིར་ན། བདག་ལ་རྙེད་བཀུར་གྱི་འཆིང་བས་ཅི་བྱ་སྟེ་ཐག་རིང་པོར་མྱུར་དུ་འགྲོ་བར་འདོད་ པའི་སྐྱེས་བུ་ཡན་ལག་ལྕགས་སྒྲོག་གིས་བསྡམས་པ་དོན་དུ་མི་གཉེར་བ་ལྟར་རོ།། 283 བཟོད་པ་བསྟན་པ། གང་དག་བདག་བཅིངས་གྲོལ་བྱེད་པ།། དེ་ལ་བདག་ནི་ཇི་ལྟར་ཁྲོ།། ༡༠༠ ཞེས་གསུངས་ཏེ། དེས་ན་བདག་བྱང་ཆུབ་ཀྱི་ལམ་དུ་མྱུར་བར་འགྲོ་བ་ལ་ཚེ་འདི་དོན་ གཉེར་གྱི་འདམ་དུ་བྱིང་ཞིང་རྙེད་བཀུར་གྱི་ཞགས་པས་བཅིངས་པ་ལས་འགྲོལ་བར་བྱེད་ པ་དེ་ལྟ་བུ་ལ་ཅིས་ཁྲོ་སྟེ། གྲོགས་དང་བཤེས་ཀྱི་དམ་པ་ཡིན་པའི་ཕྱིར་ཏེ། ནད་སེལ་བ་ལ་ སྨན་པ་བཞིན་ནོ།། བདག་ནི་སྡུག་བསྔལ་འཇུག་འདོད་ལ།། སངས་རྒྱས་ཀྱིས་ནི་བྱིན་བརླབས་བཞིན།། མི་གཏོང་སྒོ་འཕར་ཉིད་གྱུར་པ།། དེ་ལ་བདག་ནི་ཇི་ལྟར་ཁྲོ།། ༡༠༡ ཞེས་གསུངས་ཏེ། དེ་ལྟར་བདག་སྡུག་བསྔལ་གྱི་རྒྱུ་ལས་ལྡོག་པ་ངན་སོང་གི་སྒོ་གཅོད་པའི་ སྒོ་གླེགས་ལྟ་བུར་གྱུར་པ་དེ་ལ་ནི་ཅིས་ཁྲོ་སྟེ་སངས་རྒྱས་ཀྱི་བྱིན་རླབས་ཁོ་ན་ཡིན་ཏེ་འདིས་ བདག་ལ་དགེ་བའི་བཤེས་གཉེན་གྱི་བྱ་བ་བྱས་པའི་ཕྱིར་རོ།། གཉིས་པ་བསོད་ནམས་ཀྱི་གེགས་བྱེད་པ་ལ་བཟོད་པར་བསྟན་པ་ལ་གསུམ། ཁྲོ་བ་ཁོ་ ན་བསོད་ནམས་ཀྱི་གེགས་སུ་བསྟན། གནོད་བྱེད་གེགས་མ་ཡིན་པར་བསྟན། དེ་གུས་པའི་ ཡུལ་དུ་བསྟན་པའོ། །དང་པོ་ནི། 284 བཟོད་པ་བསྟན་པ། འདི་ནི་བསོད་ནམས་གེགས་བྱེད་ཅེས།། དེ་ལའང་ཁྲོ་བ་རིགས་མིན་ཏེ།། བཟོད་མཚུངས་དཀའ་ཐུབ་ཡོད་མིན་ན།། བདག་ནི་དེ་ལ་མི་གནས་སམ།། ༡༠༢ ཞེས་གསུངས་ཏེ། དེ་ཡང་གནོད་བྱེད་འདིས་བདག་གི་བསོད་ནམས་ཀྱི་ལས་དགེ་བའི་བར་ ཆད་བྱས་པས་ཁྲོ་འོ་ཞེ་ན། དེ་ལ་ཡང་ཁྲོ་བར་མི་རིགས་ཏེ་འདིས་གེགས་མ་བྱས་པས་སྦྱིན་པ་ ལྟ་བུའི་དགེ་བ་ཕྲ་མོ་ཞིག་འགྲུབ་པར་ཟད་ལ། འདིའི་གནོད་པ་ལ་བཟོད་པ་བསྒོམས་པས་དེ་ ནི་དེ་བས་ཆེས་ལྷག་པའི་དགེ་བ་འགྲུབ་སྟེ་བཟོད་པ་དང་མཚུངས་པའི་དཀའ་ཐུབ་ནི་གཞན་ མེད་པའི་ཕྱིར། དེས་ན་དགེ་བ་ཆུང་ངུའི་ཚབ་ཏུ་ཆེན་པོ་བསྒྲུབས་ཆོག་པ་འདི་ལ་བདག་ཅིའི་ ཕྱིར་མི་གནས་ཞེས་པའོ།། གལ་ཏེ་བདག་ནི་རང་སྐྱོན་གྱིས།། འདི་ལ་བཟོད་པར་མི་བྱེད་ན།། བསོད་ནམས་རྒྱུ་ནི་ཉེར་གནས་པ།། འདི་ལ་བདག་གེགས་བྱས་པར་ཟད།། ༡༠༣ ཅེས་གསུངས་ཏེ། དེ་ལྟ་མོད་ཀྱི་བདག་ནི་རང་གི་སྐྱོན་ཞེ་སྡང་གི་དབང་དུ་གྱུར་ཏེ་དགེ་བ་ཆེན་ པོ་བཟོད་པ་ལ་གནས་པར་མི་བྱེད་ན་ནི་རང་ཉིད་ཀྱིས་རང་གི་དགེ་བའི་གེགས་བྱས་པར་ཟད་ པས་རང་ཉིད་ལ་ཁྲོ་རིགས་པར་འགྱུར་རོ།། 285 བཟོད་པ་བསྟན་པ། གཉིས་པ་གནོད་བྱེད་གེགས་མ་ཡིན་པར་བསྟན་པ་ནི། གང་ཞིག་གང་མེད་མི་འབྱུང་ལ།། གང་ཞིག་ཡོད་ན་ཡོད་འགྱུར་བ།། དེ་ཉིད་དེ་ཡི་རྒྱུ་ཡིན་ན།། ཇི་ལྟར་དེ་ལ་གེགས་ཞེས་བྱ།། ༡༠༤ ཞེས་གསུངས་ཏེ། དེས་ན་གང་ཞིག་གནོད་བྱེད་མེད་ན་བཟོད་པ་གང་མེད་ལ་གནོད་བྱེད་ཡོད་ ན་བཟོད་པ་གང་ཡོད་པར་འགྱུར་བའི་ཕྱིར། གནོད་བྱེད་དེ་ཉིད་ནི་བཟོད་པའི་དངོས་རྒྱུའམ་ དངོས་ཀྱི་རྐྱེན་གྲུང་པོ་ཡིན་ན་ཇི་ལྟར་ན་གནོད་བྱེད་དེ་ལ་དགེ་བའི་གེགས་སོ་ཞེས་བྱར་ཅི་ ཞིག་རུང་སྟེ་མི་རུང་ངོ༌།། དུས་སུ་ཕྱིན་པའི་སློང་མོ་བས།། སྦྱིན་པའི་གེགས་བྱས་ཡོད་མ་ཡིན།། རབ་ཏུ་འབྱིན་པར་བྱེད་གྱུར་པ།། རབ་བྱུང་གེགས་ཞེས་བྱར་མི་རུང༌།། ༡༠༥ ཞེས་གསུངས་ཏེ། དཔེར་ན། དུས་སུ་ཕྱིན་པའི་སློང་མོ་པས་སྦྱིན་པའི་གེགས་བྱས་པ་ཡོད་ པ་མ་ཡིན་ལ། རབ་ཏུ་འབྱིན་པར་བྱེད་པར་གྱུར་པ་མཁན་པོ་སོགས་ལ་རབ་བྱུང་གི་གེགས་ ཞེས་བྱར་མི་རུང་བ་བཞིན་ནོ།། 286 བཟོད་པ་བསྟན་པ། གསུམ་པ་གུས་པའི་ཡུལ་དུ་བསྟན་པ་ལ་གཉིས། བཟོད་པའི་གྲོགས་ཡིན་པའི་ཕྱིར་ གུས་པར་བྱ་བ་དང༌། སྟོན་པའི་ཐུགས་དགོངས་རྫོགས་པའི་ཕྱིར་གུས་པར་བྱ་བའོ། །དང་ པོ་ལ་གསུམ། ཕན་འདོགས་ཆེ་བར་བསྟན་པ། ཕ་རོལ་གྱི་སྡང་སེམས་མེད་ན་བཟོད་པ་མི་ འབྱུང་བར་བསྟན་པ། སྟོན་པ་དང་འདྲ་བ་དེ་བསྟན་པའོ། །དང་པོ་ནི། འཇིག་རྟེན་ན་ནི་སློང་བ་མོད།། གནོད་པ་བྱེད་པ་དཀོན་པ་སྟེ།། འདི་ལྟར་ཕར་གནོད་མ་བྱས་ན།། འགའ་ཡང་ཚུར་གནོད་མི་བྱེད་དོ།། ༡༠༦ ཞེས་གསུངས་ཏེ། དེ་ཡང་འཇིག་རྟེན་གྱི་ཁམས་དག་པ་རྣམས་ན་སེམས་ཅན་དབུལ་པོ་ དང་མི་དགེ་བ་སྤྱོད་པ་དང་གནོད་པ་བྱེད་པ་སོགས་མེད་པས་སྦྱིན་པ་དང་ཚུལ་ཁྲིམས་དང་ བཟོད་པ་ཡང་ཡུལ་མེད་པའི་ཕྱིར་གསལ་བར་མི་འབྱུང་ལ། མི་མཇེད་ཀྱི་ཁམས་འདི་ནི་རྣམ་ པ་མ་དག་པ་ལྟར་སྣང་ཡང་དེ་རྣམས་ཡོད་པས་སྦྱིན་ཚུལ་བཟོད་གསུམ་བྱར་ཡོད་ཅིང་དེའི་ ཕྱིར་འཇིག་རྟེན་གྱི་ཁམས་གཞན་དུ་བསྐལ་པར་བྱང་ཆུབ་སེམས་དཔའི་སྤྱོད་པ་སྤྱད་པ་ལས་ འདིར་སྔ་དྲོ་གཅིག་བྱམས་པ་ལ་གནས་པ་ཙམ་ཡང་ཆེས་ཕན་ཡོན་ཆེ་བར་གསུངས་པ་ཡིན་ ལ། ཕར་ཕྱིན་གྱི་ཡུལ་དེ་དག་གི་ནང་ནས་ཀྱང་སྦྱིན་པའི་ཡུལ་སློང་མོ་བ་ནི་ཤིན་ཏུ་མོད་དེ་རྒྱུ་ དེས་སྦྱིན་པ་ནི་ཆེས་འབྱུང་བར་སླའོ།། 287 བཟོད་པ་བསྟན་པ། དེའི་ཤུགས་ཀྱིས་བསྟན་པ་ཚུལ་ཁྲིམས་ཀྱི་རྐྱེན་མི་དགེ་བའི་ཡུལ་ཡང་ཤིན་ཏུ་མང་ལ་ སློང་མོ་པ་ལས་ཀྱང་འབྱུང་ཉེ་བའི་ཕྱིར་དེ་སྤོང་བའི་ཚུལ་ཁྲིམས་ཀྱང་འབྱུང་བར་སླ་ལ། དེ་དག་ལ་བལྟོས་ཏེ་བཟོད་པའི་ཡུལ་བདག་ལ་གནོད་པ་བྱེད་པ་ནི་ཤིན་ཏུ་དཀོན་ཏེ་འདི་ ལྟར་སེམས་ཅན་དུད་འགྲོའི་སྐྱེ་གནས་ཅན་སྟག་དང་སེང་གེ་དང་དོམ་དང་དྲེད་ལ་སོགས་པ་ ཡང་མིས་ཕར་གནོད་པ་མ་བྱས་ཀྱི་བར་དུ་མི་ལ་བྱོལ་ཞིང་འབྲོས་པར་ཟད་ཀྱི་ཚུར་གནོད་པ་ མི་བྱེད་དོ།། གལ་ཏེ་ཕར་གནོད་པ་བྱས་ཏེ་མཚོན་ལ་སོགས་ཀྱིས་ཟུག་པའམ་འཛིན་པའི་ཐབས་ ས་མདའ་ལ་སོགས་པ་བྱས་པར་ཤེས་ན་ནི་སླར་རྒོལ་བར་བྱེད་ལ། ལམ་དོག་པོར་མི་དང་ གདོང་ཐུག་ཏུ་ཕྲད་དེ་འབྲོས་སུ་མ་རྙེད་ན་རང་འཇིགས་ཤིང་སྐྲག་པས་མ་བཟོད་སྟེ་གྱ་ཚོམས་ སུ་རྒོལ་བར་ཟད་དོ། །དུད་འགྲོའི་ཆོས་ཉིད་ཀྱང་དེ་ལྟ་བུ་ཡིན་ན་བསམ་ཤེས་སུ་འདོད་པའི་ མི་ལྟ་ག་ལ་སྨོས་ཏེ་སྐྱེ་བོ་ཐ་ཆད་རེ་ཙམ་མ་གཏོགས་པ་ནི་ཕར་གནོད་པ་མ་བྱས་ན་ཚུར་ འགའ་ཡང་གནོད་པ་མི་བྱེད་དོ།། དེ་བས་ངལ་བས་མ་སྒྲུབས་པའི།། ཁྱིམ་དུ་གཏེར་ནི་བྱུང་བ་ལྟར།། བྱང་ཆུབ་སྤྱོད་པའི་གྲོ གས་གྱུར་པས།། བདག་གིས་དགྲ་ལ་དགའ་བར་བྱ།། ༡༠༧ 288 བཟོད་པ་བསྟན་པ། ཞེས་གསུངས་ཏེ། དེ་བས་ན་གནོད་པ་བྱེད་པ་ནི་ཆེས་དཀོན་ན་བདག་ཉིད་ཀྱིས་ཉེས་སམ་མ་ ཉེས་ཀྱང་རུང་སྟེ་ངལ་བས་སྒྲུབ་པའི་དཀའ་བ་མེད་པར་ཁྱིམ་ནང་དུ་རིན་པོ་ཆེའི་གཏེར་བྱུང་ བ་ལྟར་བྱང་ཆུབ་ཀྱི་སྤྱོད་པ་མཆོག་བཟོད་པའི་གྲོགས་གནོད་བྱེད་བྱུང་བ་འདི་ནི་ཆེས་དགའ་ བར་རིགས་ཏེ་ཁྱིམ་ནང་དུ་གསེར་ཐོན་ཀྱང་ཤི་ཕན་ཆད་རྗེས་སུ་མི་འབྲང་ལ། འདི་ལ་བདག་ གིས་བཟོད་པར་བྱས་པ་དེ་ནི་ཚེ་རབས་ཐམས་ཅད་དུ་སུས་ཀྱང་དབྲོག་ཏུ་མེད་ཅིང་འདི་ལས་ དེ་བཞིན་གཤེགས་པའི་སྐུ་ཛམྦུའི་གསེར་གྱི་མདོག་ཅན་ཉི་མ་བྱེ་བའི་འོད་འབར་བ་ལྷམ་མེ་ ལྷན་ནེ་ལྷང་ངེར་འདུག་པ་ལྟ་བས་ཆོག་མི་ཤེས་པ་དེ་འཐོབ་པའི་ཕྱིར་རོ།། འདི་དང་བདག་གིས་བསྒྲུབས་པས་ན།། དེའི་ཕྱིར་བཟོད་པའི་འབྲས་བུ་ནི།། འདི་ལ་ཐོག་མར་བདར་འོས་ཏེ།། འདི་ལྟར་དེ་ནི་བཟོད་པའི་རྒྱུ།། ༡༠༨ ཞེས་གསུངས་ཏེ། དེས་ན་གནོད་བྱེད་འདིས་བཟོད་པའི་ཡུལ་བྱས་ལ་བདག་གིས་སྒོམ་པ་ པོ་བྱས་ཏེ་གཉི་ག་ཚོགས་པས་བཟོད་པ་གྲུབ་པའི་ཕྱིར་བཟོད་པ་འདི་ནི་གནོད་བྱེད་འདི་དང་ བདག་གིས་བསྒྲུབས་པས་ན་དེའི་ཕྱིར་བཟོད་པའི་འབྲས་བུ་ནི་གནོད་བྱེད་འདི་ལ་ཐོག་མར་ བདར་ཞིང་སྟབ་པར་འོས་ཏེ་འདི་ལྟར་དེ་ནི་བཟོད་པའི་རྒྱུ་གྲུང་པོ་ཡིན་པའི་ཕྱིར་རོ།། འོ་ན་བཟོད་པའི་འབྲས་བུ་ཐོག་མར་གནོད་བྱེད་ཀྱིས་འཐོབ་བམ་ཞེ་ན། ལས་ནི་བྱེད་ 289 བཟོད་པ་བསྟན་པ། པ་པོ་ཉིད་ཀྱིས་ཟིན་པའི་ཕུང་ཁམས་ལ་རྣམ་པར་སྨིན་པའི་ཕྱིར་ཐོག་མར་བཟོད་པ་སྒོམ་པ་ པོ་འཚང་རྒྱ་ཞིང་དེའི་འོག་ཏུ་བཟོད་ཡུལ་གྱིས་ཕན་བདེ་གྲུབ་པ་ནི་མི་འགལ་ཏེ། རྒྱལ་པོ་ བྱམས་པའི་སྟོབས་ཉིད་སངས་རྒྱས་ནས་འཁོར་གྱི་ཐོག་མར་གནོད་བྱེད་ཀྱི་གནོད་སྦྱིན་ལྔ་ པོ་ལྔ་སྡེར་གྱུར་པ་ལ་དམ་བཅའ་དང་སྨོན་ལམ་གྱི་དབང་གིས་བདུད་རྩི་ཐོག་མར་བསྩལ་ བ་བཞིན་ནོ།། གཉིས་པ་ཕ་རོལ་གྱི་སྡང་སེམས་མེད་ན་བཟོད་པ་མི་འབྱུང་བར་བསྟན་པ་ནི། གལ་ཏེ་བཟོད་སྒྲུབ་བསམ་མེད་པས།། དགྲ་འདི་མཆོད་བྱ་མིན་ཞེ་ན།། གྲུབ་པ་ཡི་ནི་རྒྱུར་རུང་བ།། དམ་པའི་ཆོས་ཀྱང་ཅིས་ཏེ་མཆོད།། ༡༠༩ ཅེས་གསུངས་ཏེ། གལ་ཏེ་དགྲ་འདི་ནི་ཁྲོ་བས་གནོད་པ་བྱེད་པར་ཟད་ཀྱི་འདི་ལ་བཟོད་པ་ སྒྲུབ་པའི་གྲོགས་བྱའོ་བསམ་པ་མེད་པས་ན་འདི་ལ་བདག་གིས་མཆོད་པ་དང་དགའ་བར་ མི་རིགས་སོ་ཞེ་ན། འོ་ན་བྱང་ཆུབ་འགྲུབ་པའི་རྒྱུར་གྱུར་པའི་དམ་ཆོས་ཀྱང་མཆོད་བྱ་མིན་ པར་འགྱུར་ཏེ་འདི་ལ་ཕན་གདགས་པར་བྱའོ་བསམ་པའི་བསམ་པ་མེད་པའི་ཕྱིར། དེ་བཞིན་ དུ་སངས་རྒྱས་ལའང་མཚུངས་ཏེ་འདུ་ཤེས་ཀྱི་རྒྱུ་བ་མི་མངའ་བའི་ཕྱིར། དེ་བཞིན་དུ་མཆོད་ རྟེན་དང་སྐུ་གཟུགས་སོགས་ལའང་རིགས་པ་མཚུངས་པར་འཐོབ་བོ།། 290 བཟོད་པ་བསྟན་པ། གལ་ཏེ་དགྲ་འདི་གནོད་བྱ་ཡི།། བསམ་ཡོད་མཆོད་བྱ་མིན་ཞེ་ན།། སྨན་པ་བཞིན་དུ་ཕན་བརྩོན་ན།། བདག་གི་བཟོད་པ་ཇི་ལྟར་འགྲུབ།། ༡༡༠ ཅེས་གསུངས་ཏེ། གལ་ཏེ་དགྲ་འདི་ནི་བདག་ལ་གནོད་པར་བྱ་བའི་བསམ་པ་ཡོད་པས་ མཆོད་པ་བྱ་བ་མིན་ནོ་ཞེ་ན། དེའི་ཕྱིར་བདག་གི་བཟོད་པའི་གྲོགས་ཡིན་གྱི་ནད་གསོ་བའི་ སྨན་པ་དང་མཛའ་བོ་འམ་ཕ་མ་ལྟར་བྱམས་ཤིང་ཕན་པ་འབའ་ཞིག་བྱེད་ན་དེ་ལ་བཟོད་པ་ སྒོམ་མི་དགོས་པའི་ཕྱིར་དེ་ལས་བདག་གི་བཟོད་པ་ཅིའི་ཕྱིར་འགྲུབ། དེ་བས་རབ་ཏུ་སྡང་སེམས་ལ།། བརྟེན་ནས་བཟོད་པ་སྐྱེ་བས་ན།། དེ་ཉིད་བཟོད་པའི་རྒྱུ་ཡིན་པས།། དམ་པའི་ཆོས་བཞིན་མཆོད་པར་འོས།། ༡༡༡ ཞེས་གསུངས་ཏེ། དེས་ན་ཕ་རོལ་གྱི་རབ་ཏུ་ཞེ་སྡང་པའི་སེམས་ལ་བརྟེན་ནས་སེམས་ཅན་ མ་སྦྱངས་པ་དག་བདག་རྒྱུད་ལ་ཁྲོ་བ་སྐྱེ་ལ་དེའི་ཚེ་བྱང་ཆུབ་སེམས་དཔས་བདག་རྒྱུད་ ཀྱི་ཁྲོ་བ་དང་དུ་མི་བླང་བར་གཉེན་པོས་བཅོམ་སྟེ་ཕ་རོལ་གྱིས་ཇི་ལྟར་བྱས་ཀྱང་གླང་པོ་ ཆེ་ལ་ཚེར་མ་ཟུག་པའམ་རི་རབ་རླུང་གིས་མི་བསྒུལ་བ་ལྟར་སེམས་གཡོ་བ་མེད་པར་སྲན་ 291 བཟོད་པ་བསྟན་པ། ཚུགས་པས་ཇི་ལྟར་བྱས་ཀྱང་ཇི་མི་སྙམ་པར་བཟོད་པ་ནི་བཟོད་པ་སྟེ། དེས་ན་ཕ་རོལ་གྱི་ སྡང་སེམས་དེ་ཁོ་ན་བདག་གི་བཟོད་པའི་རྒྱུ་ཡིན་པས་ན་གནོད་བྱེད་དེ་ནི་དམ་པའི་ཆོས་དང་ དཀོན་མཆོག་གཞན་ལྟར་བདག་ལ་དྲིན་ཆེ་ཞིང་མཆོད་པར་བྱ་བ་ཁོ་ན་ཡིན་ནོ།། གསུམ་པ་སྟོན་པ་དང་འདྲ་བ་དེ་བསྟན་པ་ནི། དེ་ནི་སེམས་ཅན་ཞིང་དང་ནི།། རྒྱལ་བའི་ཞིང་ཞེས་ཐུབ་པས་གསུངས།། ཞེས་གསུངས་ཏེ། དེ་ཡང་ཞིང་ས་གཤིན་པོ་ལ་བརྟེན་ནས་ལོ་ཏོག་སྐྱེ་བ་ལྟར་བྱང་ཆུབ་ སེམས་དཔའ་རྣམས་ཀྱི་དགེ་བའི་ལོ་ཏོག་སྤེལ་བའི་ཞིང་ཡང་གཉིས་སུ་ངེས་ཏེ་སེམས་ཅན་ གྱི་ཞིང་ལས་སྦྱིན་པ་དང་ཚུལ་ཁྲིམས་དང་བཟོད་པ་དང་བྱམས་སོགས་ཀྱི་ལོ་ཏོག་སྤེལ་ བ་དང༌། སངས་རྒྱས་ཀྱི་ཞིང་ལས་དད་པ་དང་ལྷག་པའི་བསམ་པ་དང་སྟོབས་སོགས་ཀྱི་ ལོ་ཏོག་བསྐྲུན་ཞིང༌། མདོར་ན་གཉིས་ཀ་ལས་བྱང་ཆུབ་ཀྱི་སེམས་ཀྱི་ལོ་ཏོག་འབྲས་བུ་ ཡོངས་སུ་འབྱོར་བ་སེམས་ཅན་ཐམས་ཅད་ཀྱི་གསོས་གཅིག་པུར་གྱུར་པ་འདི་སྤེལ་བར་བྱེད་ དོ། །དེས་ན་ཞིང་རྣམ་པ་གཉིས་ཡིན་ཏེ། སྨོན་ལམ་དག་པའི་མདོ་ལས། ངས་སྔོན་སེམས་ཅན་ཞིང་རྣམས་དང༌།། ཐུབ་པའི་ཞིང་ལ་བརྟེན་ནས་ནི།། སངས་རྒྱས་ཆོས་རྣམས་མཐའ་ཡས་པའི།། ལོ་ཏོག་ཕུན་སུམ་ཚོགས་པ་ཐོབ།། 292 བཟོད་པ་བསྟན་པ། ཅེས་གསུངས་ཤིང༌། ཆོས་ཡང་དག་པར་སྡུད་པའི་མདོ་ལས་ཀྱང་གསུངས་པའི་ཕྱིར་རོ།། འདི་དག་མགུ་བྱས་མང་པོ་ཞིག། འདི་ལྟར་ཕུན་སུམ་ཕ་རོལ་ཕྱིན།། ༡༡༢ ཞེས་གསུངས་ཏེ། རིགས་པས་ཀྱང་གྲུབ་སྟེ་སེམས་ཅན་འདི་དག་གནས་སྐབས་དང་མཐར་ ཐུག་གི་མགུ་བར་བྱས་པ་ལས་སྔོན་ཡང་མང་པོ་ཞིག་འདི་ལྟར་ཕ་རོལ་ཏུ་ཕྱིན་པ་ཕུན་སུམ་ ཚོགས་པ་ཐམས་ཅད་དང་ལྡན་པའི་བྱང་ཆུབ་ཐོབ་པའི་ཕྱིར། སེམས་ཅན་རྣམས་དང་རྒྱལ་བ་ལས།། སངས་རྒྱས་ཆོས་འགྲུབ་འདྲ་བ་ལས།། རྒྱལ་ལ་གུས་བྱེད་དེ་བཞིན་དུ།། སེམས་ཅན་ལ་མིན་ཅི་ཡི་ཚུལ།། ༡༡༣ ཞེས་གསུངས་ཏེ། དེས་ན་སེམས་ཅན་རྣམས་མགུ་བར་བྱས་པ་དང་སངས་རྒྱས་མཉེས་ པར་བྱས་པ་གཉིས་བདག་ཉིད་སངས་རྒྱས་ཀྱི་ཆོས་མི་སློབ་པའི་གོ་འཕང་འགྲུབ་པའི་རྒྱུར་ མཚུངས་པ་ལས་སངས་རྒྱས་ལ་གུས་པར་བྱེད་ལ། སེམས་ཅན་ལ་དེ་ལྟར་མི་བྱེད་པ་ཅིའི་ཐ་ ཚིག་ཅེས་རང་ཉིད་ལ་དྲི་བའི་སྒོ་ནས་མི་བཟོད་པའི་བློ་ཚར་གཅོད་པའོ།། 293 བཟོད་པ་བསྟན་པ། བསམ་པའི་ཡོན་ཏན་རང་གིས་མིན།། འབྲས་བུ་ལས་ཡིན་དེ་མཚུངས་པར།། སེམས་ཅན་རྣམས་ལའང་ཡོན་ཏན་ཡོད།། དེ་ཕྱིར་དེ་དག་མཉམ་པ་ཡིན།། ༡༡༤ ཞེས་གསུངས་ཏེ། འོ་ན་སེམས་ཅན་དང་སངས་རྒྱས་ཡོན་ཏན་མཚུངས་པར་ཐལ་ལོ་ཞེ་ན། དེ་གཉིས་བསམ་པའི་ཡོན་ཏན་རང་གི་སྒོ་ནས་མཉམ་པར་བཞག་པ་མིན་ཏེ། སངས་རྒྱས་ལ་ སྟོབས་སོགས་ཀྱི་ཡོན་ཏན་མངོན་དུ་གྱུར་ཅིང་སེམས་ཅན་ལ་དེ་ས་བོན་གྱི་ཚུལ་དུ་གནས་ཀྱི་ མངོན་དུ་མ་གྱུར་པའི་ཕྱིར། དེས་ན་བྱང་ཆུབ་ཀྱི་སེམས་ཀྱིས་ཟིན་པས་སེམས་ཅན་ལ་སྦྱིན་ སོགས་དང་སངས་རྒྱས་ལ་མཆོད་པ་གཉིས་འབྲས་བུ་སངས་རྒྱས་འཐོབ་པར་མཉམ་པའི་ ཕྱིར་རེ་ཞིག་ཞིང་དེ་གཉིས་མཚུངས་པར་བསྟན་པ་ཡིན་ནོ།། བྱམས་སེམས་ལྡན་ལ་མཆོད་པ་གང༌།། དེ་ནི་སེམས་ཅན་ཆེ་བ་ཉིད།། སངས་རྒྱས་དད་པའི་བསོད་ནམས་གང༌།། དེ་ཡང་སངས་རྒྱས་ཆེ་བ་ཉིད།། ༡༡༥ ཅེས་གསུངས་ཏེ། དེས་ན་སེམས་ཅན་རྣམས་ལའང་ཡོན་ཏན་ཡོད་དེ་ཁམས་རང་བཞིན་ གྱིས་རྣམ་པར་དག་ལ་སྟོབས་སོགས་འཐོབ་རུང་དུ་ཡོད་ཅིང་བྱང་ཆུབ་སེམས་དཔའ་ 294 བཟོད་པ་བསྟན་པ། རྣམས་ལ་མཆོད་པ་བྱས་ན་ཕན་ཡོན་གཞལ་དུ་མེད་པ་འཐོབ་པ་དང༌། དེ་ལྟ་མིན་ཡང་ཕ་ མ་དང་ཆོས་སྨྲ་བ་དང་མཁན་སློབ་སོགས་བདག་ལ་བྱམས་པའི་སེམས་དང་ལྡན་པ་ལ་ མཆོད་པས་ཕན་ཡོན་ཆེས་ཆེ་བ་དང་ཐ་ན་དུད་འགྲོར་གྱུར་པ་ལ་སྦྱིན་པ་ཁམ་གཅིག་ཙམ་ བསྩལ་བའི་དགེ་བའང་རྒྱ་ཆེར་བསྟན་པས་ན་སེམས་ཅན་རྣམས་ཀྱང་ཆེ་བའི་བདག་ཉིད་ དང་ལྡན་པར་གྲུབ་པའི་ཕྱིར། ཇི་ལྟར་ན་སངས་རྒྱས་ལ་སྐད་ཅིག་ཙམ་དད་པ་དང་ཐ་ན་ བྱེ་མ་སྙིམ་པ་གང་གིས་མཆོད་པས་ཀྱང་འཛམ་གླིང་གི་རྒྱལ་པོ་མྱ་ངན་མེད་ཀྱི་དཔལ་ཐོབ་ པ་དང༌། སྲན་མ་འབྲུ་བཞི་ལྷུང་བཟེད་དུ་ལྷུང་ཞིང་གཅིག་ཕྱིར་ཡར་བ་ལས་གླིང་བཞི་བརྒྱ་ བྱིན་གྱི་སྟན་ཕྱེད་དང་བཅས་པ་དབང་བ་ང་ལས་ནུའི་གོ་འཕང་ཐོབ་པ་དེ་ཡང་སངས་རྒྱས་ ཀྱི་ཆེ་བ་ཡིན་པ་བཞིན་ནོ།། སངས་རྒྱས་ཆོས་འགྲུབ་ཆ་ཡོད་པ།། དེས་ན་དེ་དག་མཉམ་པར་འདོད།། ཅེས་གསུངས་ཏེ། དེས་ན་སེམས་ཅན་ནི་གང་གི་ཆེད་དུ་བྱ་བའི་ཡུལ་ཡིན་ལ། སངས་རྒྱས་ ནི་གང་འཐོབ་པར་བྱ་བའི་འབྲས་བུ་ཡིན་ཞིང་དེ་གཉིས་ཚོགས་པའི་བྱང་ཆུབ་ཀྱི་སེམས་ནི་ སངས་རྒྱས་ཀྱི་ཐབས་སམ་རྒྱུ་དངོས་ཡིན་ལ། སེམས་ཅན་ལ་བརྟེན་ནས་ཕར་ཕྱིན་དྲུག་ རྫོགས་དགོས་པའི་ཕྱིར་གཉིས་ཀ་ལས་སངས་རྒྱས་ཀྱི་ཆོས་འགྲུབ་པའི་ཆ་ཤས་ཡོད་པ་དེས་ ན་ཞིང་དེ་དག་མཉམ་པར་བརྗོད་པ་ཡིན་ནོ།། 295 བཟོད་པ་བསྟན་པ། འོ་ན་ཞིང་དེ་གཉིས་ཁྱད་པར་གཏན་མེད་དམ་ཞེ་ན། རང་གི་བློ་སྦྱོང་བའི་ཆ་ནས་དེ་ལྟར་ ཡིན་མོད། ཡོན་ཏན་གྱི་ཆ་ནས་ཁྱད་པར་མཐའ་ཡས་ཏེ། རྒྱུད་བླ་མ་ལས། དེ་ལྟ་མོད་ཀྱི་ས་རྡུལ་དང༌།། རྒྱ་མཚོ་བ་ལང་རྨིག་རྗེས་ཀྱི།། ཁྱད་པར་གང་ཡིན་སངས་རྒྱས་དང༌།། བྱང་ཆུབ་སེམས་དཔའི་ཁྱད་དེ་ཉིད།། ཅེས་སངས་རྒྱས་དང་ས་བཅུ་རྒྱུན་མཐའི་བྱང་སེམས་ཀྱི་ཁྱད་པར་ཡང་ས་ཆེན་པོ་དང་རྡུལ་ཕྲ་ རབ་རྒྱ་མཚོ་དང་རྨིག་རྗེས་ཆུས་གང་བ་ཉི་མ་དང་མེ་ཁྱེར་གྱི་ཁྱད་པར་ཙམ་ཡོད་པར་གསུངས་ ན་བྱིས་པ་རྣམས་དང་ལྟ་ཅི་སྨོས་ཏེ། དེས་ན། ཡོན་ཏན་རྒྱ་མཚོ་མཐའ་ཡས་པའི།། སངས་རྒྱས་རྣམས་དང་འགའ་མི་མཉམ།། ༡༡༦ ཞེས་བྱའོ།། ཡོན་ཏན་མཆོག་ཚོགས་གཅིག་པུ་ཡི།། ཡོན་ཏན་ཤས་ཙམ་འགའ་ཞིག་ལ།། སྣང་ནའང་དེ་ལ་མཆོད་དོན་དུ།། ཁམས་གསུམ་ཕུལ་ཡང་ཆུང་བར་འགྱུར།། ༡༡༧ 296 བཟོད་པ་བསྟན་པ། ཞེས་གསུངས་ཏེ། གལ་ཏེ་སྐྱེ་བོ་འགའ་ཞིག་ལ་ཡང་རུང་སྟེ་སངས་རྒྱས་ཀྱི་ཡོན་ཏན་ལས་ གངྒཱའི་ཀླུང་གི་བྱེ་མ་སྙེད་ཀྱི་བྱེ་མའི་འབྲུ་གཅིག་གི་བྱེ་བའི་ཆ་ཙམ་ཞིག་ཡོད་པར་མཐོང་ན་ ཡང་དེ་ལ་ཁམས་གསུམ་པོ་ཕུལ་ཡང་དེ་ཙམ་གྱིས་མཆོད་པ་བྱས་པར་མི་འགྱུར་ཏེ་ཡོན་ཆུང་ བར་ཟད་དོ།། སངས་རྒྱས་ཆོས་མཆོག་སྐྱེ་བའི་ཤས།། སེམས་ཅན་རྣམས་ལའང་ཡོད་པས་ན།། འདི་ཙམ་དག་གི་ཆ་བསྟུན་ནས།། སེམས་ཅན་མཆོད་པར་རིགས་པར་འགྱུར།། ༡༡༨ ཞེས་གསུངས་ཏེ། དེ་ལྟར་ཡོན་ཏན་གྱི་ཆ་ནས་ནམ་མཁའ་དང་རྩྭ་མཆོག་གི་བུ་གའི་ཁྱད་པར་ ཙམ་ཡིན་དུ་ཟིན་ཡང༌། སངས་རྒྱས་སྒྲུབ་པའི་ཚེ་ནི་ལམ་གྱི་ཕྱེད་སེམས་ཅན་ཁོ་ན་ལ་རག་ ལས་པས་ན། སངས་རྒྱས་ཀྱི་ཆོས་ཀྱི་མཆོག་སྐྱེ་བའི་ཆ་ཤས་སེམས་ཅན་རྣམས་ལའང་ཡོད་ པས་འདི་ཙམ་གྱི་ཆ་དང་བསྟུན་པ་རྒྱུ་མཚན་དུ་བྱས་ནས་སེམས་ཅན་རྣམས་ཀྱང་མཆོད་པར་ རིགས་པར་འགྱུར་བ་ཡིན་ནོ།། གཉིས་པ་སྟོན་པའི་ཐུགས་དགོངས་རྫོགས་པའི་ཕྱིར་གུས་པར་བྱ་བ་ལ་ལྔ། སེམས་ ཅན་མགུ་བས་སྟོན་པའི་དྲིན་ལན་ལོན་པར་བསྟན། སྟོན་པའི་རྗེས་སུ་འཇུག་ན་དེ་ལྟར་བྱ་ དགོས་པར་བསྟན། སེམས་ཅན་ལ་གནོད་པ་བྱས་ན་སངས་རྒྱས་བྱང་སེམས་རྣམས་མི་ 297 བཟོད་པ་བསྟན་པ། དགྱེས་པར་བསྟན། དེའི་ཉེས་པ་རྣམས་བཤགས་ཤིང་ཕྱིན་ཆད་སྡོམ་པའི་དམ་བཅའ་བར་ བསྟན། སེམས་ཅན་འདི་དག་ཀྱང་ངོ་བོ་ཉིད་ཀྱིས་སངས་རྒྱས་སུ་བསྟན་པའོ། །དང་པོ་ནི། གཞན་ཡང་གཡོ་མེད་གཉེན་གྱུར་ཅིང༌།། ཕན་པ་དཔག་མེད་མཛད་རྣམས་ལ།། སེམས་ཅན་མགུ་བྱ་མ་གཏོགས་པར།། གཞན་གང་ཞིག་གིས་ལན་ལོན་འགྱུར།། ༡༡༩ ཞེས་གསུངས་ཏེ། དེ་ལ་གཞན་ཡང་ཞེས་བྱ་བ་ནི་སྔར་བསྟན་པ་དེ་དག་ཏུ་མ་ཟད་སེམས་ ཅན་མགུ་བར་བྱ་དགོས་པའི་རྒྱུ་མཚན་གཞན་ཡང་ཡོད་དེ་ཞེས་བྱ་བའི་དོན་ཏོ། །དེ་གང་ཞེ་ ན། ནམ་དུ་ཡང་གཡོ་དང་སྒྱུ་མེད་པར་སེམས་ཅན་ཐམས་ཅད་ལ་མ་འདྲིས་པའི་གཉེན་དུ་ གྱུར་པ་ཕན་པ་དང་བདེ་བ་དཔག་ཏུ་མེད་པ་མཛད་པ་པོ་རྫོགས་པའི་སངས་རྒྱས་དང་བྱང་ ཆུབ་སེམས་དཔའ་རྣམས་ལ་ནི་སེམས་ཅན་མགུ་བྱ་མ་གཏོགས་པ་གཞན་གང་ཞིག་གིས་ ལན་ལོན་པར་འགྱུར་ཏེ། འཕགས་པ་ཤཱ་རིའི་བུ་དང་འཆར་ཁ་ལ་སོགས་པ་ཉན་ཐོས་ཆེན་པོ་ དག་ཀྱང་དགྲ་བཅོམ་ཐོབ་པ་ན་བཅོམ་ལྡན་འདས་ཀྱིས་བདག་ལ་བཀའ་དྲིན་ཆེར་མཛད་ན། བདག་གིས་དྲིན་ལན་ཅི་ལྟ་བུ་ཞིག་གིས་སླན་པར་བྱ་སྙམ་པ་ན་བཅོམ་ལྡན་འདས་ནི་སེམས་ ཅན་གདུལ་བ་ཁོ་ནར་ཟད་དེ་སེམས་ཅན་ལ་ཕན་པ་མ་གཏོགས་སྟོན་པ་ལ་གཞན་གྱིས་དྲིན་ ལན་སླན་པར་མི་ནུས་ཀྱི་བདག་གིས་ཀྱང་སྟོན་པའི་དགོངས་པ་རྫོགས་པར་བྱའོ། །ཞེས་ 298 བཟོད་པ་བསྟན་པ། བསམས་ཏེ་རྣག་གི་ལུས་ཀྱིས་མི་སྐྱོ་བར་གཞན་དོན་སྤྱོད་པར་བཤད་ན་ཐེག་པ་ཆེན་པོར་ལྟ་ ཅི་སྨོས་པའི་ཕྱིར་རོ།། གང་ཕྱིར་སྐུ་གཏོང་མནར་མེད་འཇུག་པ་ལ།། དེ་ལ་ཕན་བཏགས་ལན་ལོན་འགྱུར་བས་ན།། དེ་བས་འདི་དག་གནོད་ཆེན་བྱེད་ན་ཡང༌།། ཐམས་ཅད་བཟང་གུ་ཞིག་ཏུ་སྤྱད་པར་བྱ།། ༡༢༠ ཞེས་གསུངས་ཏེ། དེས་ན་བདག་ཅག་གི་སྟོན་པ་ཤཱཀྱའི་དབང་པོ་དེ་ཉིད་ཀྱང་སྔོན་སློབ་ པའི་ལམ་སྤྱོད་པའི་ཚེ་སེམས་ཅན་གཅིག་གི་སྲོག་གི་ཆེད་དུ་ཡང་བདག་གི་སྐུ་ལུས་འཇིག་ རྟེན་ན་གཅེས་ཤིང་འཕངས་པ་ལ་ཡང་རྡུལ་ཙམ་གྱི་བལྟོས་པ་མེད་པར་སྐུ་ལུས་གཏོང་ཞིང་ སེམས་ཅན་རེ་རེའི་ཆེད་དུ་ཡང་མནར་མེད་པར་ཡང་འཇུག་པར་མཛད་དེ། སྟག་མོའི་ཆེད་དུ་ ལུས་བཏང་བ་དང༌། ཕུག་རོན་རང་གི་ཤས་བླུས་པ་དང༌། དམྱལ་བར་ཡང་ལྕགས་ཀྱི་ཤིང་ རྟ་འདྲེན་པའི་གྱད་དུ་གྱུར་པའི་ཚེ་ཟླ་བོ་སྟོབས་ཆུང་བའི་སྐལ་བ་ཡང་རང་གིས་བཞེས་པའི་ ཕྱིར་ཏེ། དེ་ལྟ་བུས་རང་གི་བདེ་བ་ཐམས་ཅད་ཁྱད་དུ་བསད་དེ། སེམས་ཅན་ཁོ་ནའི་ཕན་བདེ་ སྒྲུབ་པར་མཛད་པས་ན་སེམས་ཅན་དེ་དག་ལ་ཕན་བཏགས་ན་བདག་གི་རྗེ་བོ་རྫོགས་པའི་ སངས་རྒྱས་དེ་ལ་དྲིན་ལན་གླན་པ་དང་ལོན་པར་འགྱུར་ཞིང་སངས་རྒྱས་དེ་དག་མཉེས་པའི་ ཐབས་ནི་སེམས་ཅན་ལ་ཕན་པ་ལས་གཞན་མེད་པའི་ཕྱིར་སེམས་ཅན་འདི་དག་བདག་ལ་ 299 བཟོད་པ་བསྟན་པ། གནོད་པ་ཆེར་བྱེད་དུ་ཟིན་ཀྱང་བདག་གིས་གནོད་ལན་བྱ་བ་ལྟ་ཅི་སྨོས་ཏེ་ཐ་ན་སྐད་ཅིག་ཙམ་ གྱིས་གནོད་སེམས་དང་ཁྲོ་བ་ཡང་མི་བྱ་བར་དེ་དག་གིས་ཅི་བྱས་པ་ཐམས་ཅད་ཀྱང་བཟང་ གུ་སྟེ་ལེགས་པ་འབའ་ཞིག་ཏུ་བལྟ་བར་བྱའོ།། གཉིས་པ་སྟོན་པའི་རྗེས་སུ་འཇུག་ན་དེ་ལྟར་བྱ་དགོས་པར་བསྟན་པ་ནི། རེ་ཞིག་བདག་གི་རྗེར་གྱུར་ཉིད་ཀྱང་ནི།། གང་ཕྱིར་རང་གི་སྐུ་ལའང་མི་གཟིགས་པ།། དེ་ལ་རྨོངས་པ་བདག་གིས་ཇི་ལྟར་ན།། ང་རྒྱལ་བྱ་ཞིང་བྲན་གྱི་དངོས་མི་བྱ།། ༡༢༡ ཞེས་གསུངས་ཏེ། མདོར་ན་བདག་གི་རྗེ་བོ་ནི་སངས་རྒྱས་ཡིན་ལ་དེས་ཀྱང་རྗེ་བོ་ལྟར་ གཟིགས་པ་ནི་སེམས་ཅན་རྣམས་ཡིན་ཏེ། དགེ་བསྙེན་ཞི་བའི་གོ་ཆས། རི་བོ་པོ་ཊ་ལར་ ཕྱིན་པའི་ཚེ་སྒྲོལ་མ་དང་ཁྲོ་གཉེར་ཅན་གྱིས་གདམས་པ་ན་ཁྱོད་ཀྱིས་སེམས་ཅན་སུ་ལའང་ ངན་སེམས་མ་སྐྱེད་ཅིག དེ་ཅིའི་ཕྱིར་ཞེ་ན། ཇོ་བོའི་ཡང་ཇོ་བོ་ནི་སེམས་ཅན་རྣམས་ཁོ་ན་ཡིན་ ནོ། །ཞེས་དང༌། ཐུགས་རྗེ་ཆེ་ཞེས་གང་གྲགས་པ། །སྙིང་རྗེ་ཆེན་པོ་དེ་ལ་བྱ། །ཞེས་བསྟན་ པའི་ཕྱིར་རོ། །དེས་ན་བདག་གི་རྗེ་བོ་ཡང་གང་གི་ཆེད་དུ་རང་གི་སྐུ་ལའང་མི་གཟིགས་པར་ ཕན་པ་མཛད་པའི་ཡུལ་དེ་ལ་བདག་གིས་ཇི་ལྟར་ང་རྒྱལ་གྱིས་གནས་པར་བྱ་སྟེ་བྲན་དང་གོ་ རེ་ལོང་མི་བྱེད་པ་འདི་ཅིའི་ཐ་ཚིག་ཞེས་པའོ།། 300 བཟོད་པ་བསྟན་པ། གསུམ་པ་སེམས་ཅན་ལ་གནོད་པ་བྱས་ན་སངས་རྒྱས་བྱང་སེམས་རྣམས་མི་དགྱེས་ པར་བསྟན་པ་ནི། གང་དག་བདེ་བས་ཐུབ་རྣམས་མཉེས་འགྱུར་ཞིང༌།། གང་ལ་གནོད་ན་མི་དགྱེས་འབྱུང་འགྱུར་ལ།། དེ་དག་བདེ་བྱས་ཐུབ་དབང་ཀུན་མཆོད་ཅིང༌།། དེ་ལ་གནོད་བྱས་ཐུབ་ལ་གནོད་པ་བྱས།། ༡༢༢ ཞེས་གསུངས་ཏེ། དེས་ན་སེམས་ཅན་གང་དག་བདེ་བས་ཐུབ་རྣམས་མཉེས་པར་འགྱུར་ ཞིང་གང་གིས་སེམས་ཅན་གང་དག་ལ་གནོད་པ་བྱས་ན་དེ་ལ་ཐུབ་རྣམས་མི་དགྱེས་པར་ འགྱུར་ལ། དེའི་ཕྱིར་སེམས་ཅན་དེ་དག་ལ་ཕན་བཏགས་ན་སངས་རྒྱས་ཐམས་ཅད་མཆོད་ པར་འགྱུར་ལ། དེ་ལ་གནོད་པ་བྱས་ན་སངས་རྒྱས་ཐམས་ཅད་ལ་གནོད་པ་བྱས་པར་འགྱུར་ རོ། །དེ་ལྟ་མོད་ཀྱི་སངས་རྒྱས་ལ་མཉེས་མ་མཉེས་ཡོད་ན་དེ་ལ་ཆགས་སྡང་ཡང་ཡོད་པར་ འགྱུར་རོ་ཞེ་ན། སངས་རྒྱས་རང་གི་ངོ་བོ་ཉིད་ཀྱིས་ཕུང་པོ་ལྔ་གནས་ཡོངས་སུ་གྱུར་པས་ འདུ་ཤེས་དང༌། འདུ་བྱེད་དང༌། རྣམ་པར་ཤེས་པའི་རྒྱུ་བ་མི་མངའ་ཞིང་བདག་དང་གཞན་དུ་ གཟིགས་པ་མེད་པས་ནམ་མཁའ་ལྟར་ཀུན་ནས་དག་པའི་ཕྱིར། མཉེས་པ་དང་མ་མཉེས་པ་ ག་ལ་ཡོད་ཀྱང་གཞན་ངོར་གདུལ་བྱའི་དབང་དུ་བྱས་ཏེ། གཟུགས་ཀྱི་སྐུ་ནི་བདག་ལ་བསྟོད་ པ་སོགས་ལ་ཆགས་པ་དང་སྨད་པ་སོགས་ལ་སྡང་བ་ནི་མི་མངའ་སྟེ། བྲམ་ཟེ་བ་ར་དྷཱ་ཛས་ 301 བཟོད་པ་བསྟན་པ། མི་སྙན་པའི་ཚིག་ལྔ་བརྒྱས་སྤྱོས་ཀྱང་བ་སྤུ་ཙམ་ཡང་གཡོ་བ་མི་མངའ་བའི་ཕྱིར་དང༌། སེར་ སྐྱ་བཅོམ་པའི་ཚེ་ཕྲིན་ལས་མཐུན་པར་སྟོན་པས་དབུ་བསྙུན་པར་བསྟན་གྱི་ཐ་ན་ཟློག་པར་ ཡང་མ་མཛད་ལ། མཽངྒལ་གྱི་བུས་བདག་གིས་འཕགས་སྐྱེས་པོ་དང་མ་ལ་གནོད་འཇིག་རྟེན་ གྱི་ཁམས་གཞན་དུ་བཞག་པར་བགྱིའོ། །ཞེས་དང༌། གྲོང་ཁྱེར་སེར་སྐྱ་ལྕགས་ཀྱི་ར་བས་ བསྐོར་བར་བགྱིའོ། །ཞེས་ཞུས་ཀྱང་འདི་ནི་ཤཱཀྱ་རྣམས་ཉིད་ཀྱིས་མྱོང་བར་ངེས་པའི་ལས་ སོ། །ཞེས་གསུངས་ནས་མ་གནང་བའི་ཕྱིར་རོ།། འོན་ཀྱང་སེམས་ཅན་དག་ཆོས་ཡང་དག་པ་ལ་ཞུགས་པ་ན་མཉེས་པ་དང་དེ་ལས་ལྡོག་པ་ན་ མི་མཉེས་པར་སྟོན་པ་ནི་ཡོད་དེ། ཆོས་ཀྱི་རྣམ་གྲངས་ཁྱད་པར་ཅན་ཞུས་པ་དང་རྟོགས་པ་ ཁྱད་པར་ཅན་སྐྱེས་པས་ཆེད་དུ་བརྗོད་པ་སོགས་ལ་ལེགས་སོ་ལེགས་སོ་ཞེས་དགྱེས་པའི་ ཚིག་སྩོལ་བ་དང༌། བསླབ་པ་དང་འགལ་བ་ལ་ངས་འདོད་པ་དག་ནི་རྣམ་པར་སྨད་ན་སྐྱེས་ བུ་གཏི་མུག་ཅན་ཁྱོད་ཀྱིས་དེ་ལས་འགལ་བར་བྱས་སོ་ཞེས་ཚར་གཅོད་པ་དང༌། མ་འོངས་ པ་ལ་དགོངས་ཏེ་ཡང་གང་རྟག་པ་དང་ཆད་པར་སྨྲ་བ་ནི་ངའི་ཉན་ཐོས་མ་ཡིན་ལ་ང་ཡང་དེ་ ཡི་སྟོན་པ་མ་ཡིན་ནོ། །ཞེས་གསུངས་པའི་ཕྱིར་རོ།། དེས་ན་སེམས་ཅན་ལ་གནོད་པ་བྱས་ན་མཆོག་གི་སྤྲུལ་པའི་སྐུར་བཞེངས་པའི་སངས་ རྒྱས་རྣམས་མི་དགྱེས་པར་འགྱུར་ལ། བྱང་ཆུབ་སེམས་དཔའ་ཆེན་པོ་རྣམས་ནི་ཤིན་ཏུ་ མི་མཉེས་པས་མྱ་ངན་དུ་མཛད་དེ། བ་རི་ལོ་ཙཱ་བ་རྡོ་རྗེ་གདན་ན་བཞུགས་དུས་རྨི་ལམ་དུ་ 302 བཟོད་པ་བསྟན་པ། ཐུགས་རྗེ་ཆེན་པོ་སྤྱན་ཆབ་འབྱིན་པ་ལན་གཉིས་སུ་མཐོང་ནས་རྒྱུ་ཞུས་པས་ངའི་བུ་མང་ འོར་ལོ་ཙཱ་བའི་གསེར་ཞོ་དོ་སྨྱལ་པ་ལོ་ཙཱ་བས་བརྐུས་ནས་ངུ་ཞིང་འདུག་པ་ལ་མ་བཟོད་པ་ ཡིན་གསུང་ནས་བ་རི་བས་བཙལ་པས་མང་འོར་ལོ་ཙཱ་བ་ངུ་ཞིང་བླ་མ་རྣལ་འབྱོར་པ་ཞིག་ལ་ དབང་བསྐུར་ཞུ་བའི་ཡོ་བྱད་ཚོལ་དུ་བོད་ལ་ཕྱིན་དཀའ་བ་ཆེན་པོས་བཙལ་བས་གསེར་ཞོ་ དོ་རྙེད་པ་སྟོར། ད་དབང་བསྐུར་མི་ཐོབ་ཟེར་ནས་སྡུག་བསྔལ་ཆེ་བར་འདུག་པས་བ་རི་ལོ་ཙཱ་ བས་གསེར་ཞོ་བཞི་བྱིན་པས་ཤིན་ཏུ་དགའ། ཡང་མཱ་ག་དྷཱའི་རྒྱལ་པོས་བཙོན་བརྒྱ་ཕྲག་གཅིག་བཟུང་ནས་གསོད་པར་འདུག་པས་ མ་བཟོད་པ་ཡིན་གསུང་བ་ལ་བ་རི་བས་གསེར་སྲང་རེ་རེས་བླུ་བར་བྱས་པས་རྒྱལ་པོས་ མ་སྟེར། རེ་རེ་ལ་གསེར་སྲང་བཅུ་རེ་དགོས་ཟེར་ནས་དེས་བླུས་ནས་བཏང་ངོ༌། །ཞེས་དོན་ ཞགས་ཀྱི་ལོ་རྒྱུས་ལས་བྱུང་བའི་ཕྱིར་རོ།། ཇི་ལྟར་ལུས་ལ་ཀུན་ནས་མེ་འབར་ན།། འདོད་པ་ཀུན་གྱིས་ཡིད་བདེར་མི་འགྱུར་བ།། དེ་བཞིན་སེམས་ཅན་གནོད་པ་བྱས་ན་ཡང༌།། ཐུགས་རྗེ་ཆེ་རྣམས་དགྱེས་པའི་ཐབས་མེད་དོ།། ༡༢༣ ཞེས་གསུངས་ཏེ། དེས་ན་མི་ཞིག་ལུས་ལ་མེ་འབར་བ་ན་དེ་མ་ཞིའི་བར་ཅིས་ཀྱང་བདེ་ བར་མི་འགྱུར་བ་བཞིན་དུ་སེམས་ཅན་ལ་གནོད་པ་བྱས་ན་སངས་རྒྱས་བྱང་སེམས་རྣམས་ 303 བཟོད་པ་བསྟན་པ། དགྱེས་པའི་ཐབས་མེད་དོ། །ཞེས་དཔེས་བསྟན་པར་མཛད་ལ། དཔེ་གཞན་ཡང་ཡོད་དེ་བུ་ གཅིག་པོ་བསད་ནས་མ་དེ་ལ་ཕན་པ་ཅི་བྱས་ཀྱང་མགུ་བར་མི་འགྱུར་བ་བཞིན་ནོ།། བཞི་པ་དེའི་ཉེས་པ་རྣམས་བཤགས་ཤིང་ཕྱིན་ཆད་སྡོམ་པའི་དམ་བཅའ་བར་བསྟན་པ་ནི། དེ་བས་བདག་གིས་འགྲོ་ལ་གནོད་བྱས་པས།། ཐུགས་རྗེ་ཆེ་ཀུན་མི་དགྱེས་གྱུར་པ་གང༌།། སྡིག་དེ་དེ་རིང་སོ་སོར་བཤགས་བགྱི་ཡིས།། མི་དགྱེས་གང་ལགས་དེ་ཀུན་བཟོད་པར་གསོལ།། ༡༢༤ དེ་བཞིན་གཤེགས་རྣམས་དགྱེས་པར་བགྱི་སླད་དུ།། དེང་ནས་བཟུང་སྟེ་འཇིག་རྟེན་བྲན་དུ་མཆི།། འག ྲོ་མང་རྡོག་པས་བདག་གི་སྤྱིར་འཚོག་གམ།། འགུམས་ཀྱང་མི་ཁྲོ་འཇིག་རྟེན་མགོན་དགྱེས་མཛོད།། ༡༢༥ ཅེས་གསུངས་ཏེ། དེས་ན་བདག་གིས་སྔོན་སེམས་ཅན་ལ་གནོད་པ་བྱས་པས་སངས་རྒྱས་ དང་བྱང་ཆུབ་སེམས་དཔའ་རྣམས་མི་མཉེས་པར་གྱུར་པ་དེ་ཐམས་ཅད་འགྱོད་པས་བཤགས་ ཤིང་བཟོད་པར་གསོལ་ནས། ད་ཕྱིན་ཆད་སངས་རྒྱས་དགྱེས་པར་བྱ་བའི་སླད་དུ་སེམས་ཅན་ རྣམས་ཀྱིས་བདག་གི་སྤྱི་བོར་རྡོག་པས་འཚོག་གམ་འགུམ་པ་སྟེ་གསོད་པར་བྱེད་དམ་ཇི་ 304 བཟོད་པ་བསྟན་པ། ལྟར་བྱེད་དུ་ཟིན་ཡང༌། བདག་གིས་དེ་ཐམས་ཅད་ལ་ཁྲོ་བ་སྐད་ཅིག་ཡང་མི་སྐྱེད་པར་བཟོད་ པར་བྱ་ཞིང་འཇིག་རྟེན་ཀུན་གྱི་བྲན་ལྟ་བུར་ཁས་བླང་བར་བགྱིའོ་ཞེས་དམ་འཆའ་བའོ།། ལྔ་པ་སེམས་ཅན་འདི་དག་ཀྱང་ངོ་བོ་ཉིད་ཀྱིས་སངས་རྒྱས་སུ་བསྟན་པ་ནི། འག ྲོ་བ་འདི་ཀུན་ཐུགས་རྗེའི་བདག་ཅན་དེས།། བདག་ཏུ་མཛད་པ་འདི་ལ་ཐེ་ཚོམ་མེད།། སེམས་ཅན་ངོ་བོར་མཐོང་བ་འདི་དག་ཉིད།། མགོན་ཏེ་བདག་ཉིད་ཅི་ཕྱིར་གུས་མི་བྱེད།། ༡༢༦ ཅེས་གསུངས་ཏེ། དེ་ལྟ་མོད་ཀྱི་སེམས་ཅན་འདི་དག་སངས་རྒྱས་རྣམས་ཀྱིས་བདག་གིར་ མཛད་པ་ཙམ་དུ་མ་ཟད་རང་ཅག་མ་དག་པའི་ངོར་སེམས་ཅན་དུ་སྣང་བ་འདི་དག་ཁོ་ན་བདག་ ཅག་གིས་ཡིན་ཚུལ་མ་མཐོང་བར་ཟད་ཀྱི་ངོ་བོ་ཉིད་ཀྱིས་ནི་སངས་རྒྱས་ལས་གཞན་མ་ཡིན་ ཏེ། སྔོན་དང་ད་ལྟར་གྱི་སངས་རྒྱས་ཐམས་ཅད་ཀྱང་འདི་ལྟ་བུ་ཁོ་ན་ལས་བྱུང་བའི་ཕྱིར་དང༌། གཟོད་ནས་རྣམ་པར་དག་པའི་ཁམས་ཀྱི་རང་བཞིན་ལ་ཐ་དད་པ་མ་མཐོང་བའི་ཕྱིར་རོ།། དེ་ལྟར་བཟོད་པ་ཉམས་སུ་བླང་བ་བཤད་ཟིན་ནས། གཉིས་པ་འབྲས་བུ་ཡིད་ལ་བྱ་བ་ ལ་བཞི། མདོར་བསྟན་པ། དཔེས་རྒྱས་པར་བཤད་པ། དཔེ་ལས་ཁྱད་པར་དུ་འཕགས་ཚུལ་ བཤད་པ། འབྲས་བུ་དངོས་བཤད་པའོ། །དང་པོ་ནི། 305 བཟོད་པ་བསྟན་པ། འདི་ཉིད་དེ་བཞིན་གཤེགས་པ་མཉེས་བྱེད་ཡིན།། རང་དོན་ཡང་དག་སྒྲུབ་པའང་འདི་ཉིད་དེ།། འཇིག་རྟེན་སྡུག་བསྔལ་སེལ་བ་འདི་ཉིད་དོ།། དེ་ལྟར་བདག་གིས་རྟག་ཏུ་དེ་ཉིད་བྱ།། ༡༢༧ ཞེས་གསུངས་ཏེ། དེ་ཡང་འདི་ཉིད་དེ་བཞིན་གཤེགས་པ་མཉེས་བྱེད་ཡིན་ཏེ། སེམས་ཅན་མགུ་བྱ་མ་གཏོགས་པ།། གཞན་གང་ཞིག་གིས་ལན་ལོན་འགྱུར།། ཞེས་བཤད་ཟིན་པའི་ཕྱིར། རང་དོན་ཡང་དག་སྒྲུབ་པའང་འདི་ཉིད་དེ། བྱིས་པས་རང་དོན་ བྱས་པ་དང༌། །ཞེས་སོགས་ཀྱིས་རྣམ་པར་བཤད་པའི་ཕྱིར། འཇིག་རྟེན་སྡུག་བསྔལ་སེལ་ བའང་འདི་ཉིད་དེ། བདག་བས་གཞན་གཅེས་ཀྱི་བྱང་ཆུབ་ཀྱི་སེམས་ནི་སངས་རྒྱས་ཀྱི་རྒྱུ་ གྲུང་པོ་ཡིན་ལ། དེ་ཡོད་ན་རྫོགས་པའི་སངས་རྒྱས་འཐོབ་པ་ལ་སངས་རྒྱས་འཇིག་རྟེན་དུ་ བྱུང་ན་སེམས་ཅན་གྱི་ཕན་བདེ་ཐམས་ཅད་འབྱུང་བའི་ཕྱིར་ཏེ། ཉི་མའི་དཀྱིལ་འཁོར་གང་ཚེ་འོད་ཀྱི་དྲ་བ་འགྱེད།། དེ་ཚེ་སེམས་ཅན་ལས་བྱེད་བརྩོན་པ་དེ་བཞིན་དུ།། མཁས་པའི་ཤེས་ཕྱིར་འཇིག་རྟེན་བྱང་ཆུབ་སེམས་བྱུང་ན།། 306 བཟོད་པ་བསྟན་པ། ཡེ་ཤེས་ཀྱི་ནི་སེམས་ཅན་ཡོན་ཏན་ཆོས་དང་ལྡན།། དཔེར་ན་མ་དྲོས་གནས་པའི་ཀླུ་བདག་མེད་གྱུར་ན།། ཛམྦུའི་གླིང་འདིར་ཆུ་ཀླུང་འབབ་པར་ག་ལ་འགྱུར།། ཞེས་སོགས་དཔེ་དང་བཅས་ཏེ་རྒྱས་པར་བསྟན་པའི་ཕྱིར། དེས་ན། དེ་ལྟར་རྟག་ཏུ་བདག་ གིས་དེ་ཉིད་བྱ། །ཞེས་འགུམས་ཀྱང་མི་ཁྲོ་ཞེས་སོགས་ཀྱི་དམ་བཅའ་སླར་ཡང་བརྟན་པོར་ བཟུང་བ་ཡིན་ནོ།། གཉིས་པ་དཔེས་རྒྱས་པར་བཤད་པ་ནི། དཔེར་ན་རྒྱལ་པོའི་མི་འགའ་ཞིག། སྐྱེ་བོ་མང་ལ་གནོད་བྱེད་ཀྱང༌།། སྐྱེ་བོ་མིག་རྒྱང་རིང་པོ་དག། ནུས་ཀྱང་ཕྱིར་གནོད་མི་བྱེད་དེ།། ༡༢༨ འདི་ལྟར་དེ་གཅིག་མ་ཡིན་གྱི།། རྒྱལ་པོའི་མཐུ་སྟོབས་དེ་ཡི་དཔུང༌།། ཞེས་གསུངས་ཏེ། དེ་རིགས་ཏེ་དཔེར་ན་རྒྱལ་པོས་མངགས་པའི་མི་གཅིག་པོ་ཞིག་གིས་མང་ པོ་ལ་གནོད་པ་བྱེད་ཀྱང༌། སྐྱེ་བོ་མིག་རྒྱང་རིང་བ་ཕྱི་རྗེས་རིང་དུ་ལྟ་བ་དག་མི་གཅིག་པོ་དེ་ 307 བཟོད་པ་བསྟན་པ། ཐུབ་པར་སླ་མོད་ཀྱང་དེ་ལ་གནོད་པ་མི་བྱེད་དེ། རྒྱལ་པོ་དཔུང་དང་བཅས་པ་དེའི་ཕྱོགས་ ཡིན་པའི་ཕྱིར། དེ་བཞིན་གནོད་བྱེད་ཉམ་ཆུང་བ།། འགའ་ཡང་ཁྱད་དུ་བསད་མི་བྱ།། ༡༢༩ འདི་ལྟར་དམྱལ་བའི་སྲུང་མ་དང༌།། ཐུགས་རྗེ་ལྡན་རྣམས་དེ་ཡི་དཔུང༌།། ཞེས་གསུངས་ཏེ། དེ་བཞིན་དུ་སྐྱེ་བ་ཕྱི་མ་ནས་ཕྱི་མ་དཔག་ཏུ་མེད་པར་ཕྱི་རྗེས་རིང་དུ་ལྟ་ བའི་སྐྱེ་བོ་མིག་རྒྱང་རིང་པོ་རྣམས་གནོད་བྱེད་ཉམ་ཆུང་ཡང་བརྙས་པར་མི་བྱེད་དེ། འདི་ལྟར་ དཀོན་མཆོག་ཐམས་ཅད་དང་དམྱལ་སྲུང་ལ་སོགས་པ་རྣམས་དེའི་ཕྱོགས་ཡིན་པའི་ཕྱིར་ཏེ། རྣམ་པར་གནག་པའི་ལས་ཆུང་ངུས་ཀྱང་འབྲས་བུ་མི་བཟད་པ་སྐྱེད་པ་ནི་དགྲ་བཅོམ་པ་ལ་ སྤྲེའུ་ལྟར་ཡང་རྩལ་ཆེའོ་ཞེས་བྱས་པས་ངན་འགྲོ་དུ་མ་མྱོང་ཞིང་ཚེ་རབས་བརྒྱ་སྟོང་ཕྲག་དུ་ མར་སྤྲེའུར་གྱུར་པ་སོགས་མདོ་སྡེ་ལས་བརྒྱ་པ་སོགས་ལས་བསྟན་ཏོ།། དེ་ལྟར་དམངས་ཀྱིས་རྒྱལ་གཏུམ་བཞིན།། སེམས་ཅན་རྣམས་ནི་མགུ་བར་བྱ།། ༡༣༠ ཞེས་གསུངས་ཏེ། དེའི་ཕྱིར་རྒྱལ་པོ་གཏུམ་པོ་གཟུ་ལུམས་ཅན་ནི་ཅིས་ཀྱང་མགུ་བར་དཀའ་ ཞིང་རྒྱུ་མེད་དུ་གནོད་པ་བྱེད་མོད་ཀྱི། དེའི་འབངས་ན་གནས་པ་རྣམས་ཀྱིས་ཅི་ནས་ཀྱང་དེའི་ 308 བཟོད་པ་བསྟན་པ། སེམས་སྲུང་དགོས་པ་བཞིན་དུ། བདག་ཅག་དཀོན་མཆོག་ལ་སྐྱབས་སུ་འཛིན་པ་རྣམས་ཀྱིས་ ཀྱང་དཀོན་མཆོག་གི་སྲས་ལྟ་བུའི་སེམས་ཅན་རྣམས་མགུ་བར་བྱའི་གནོད་པར་མི་བྱའོ།། གསུམ་པ་དཔེ་ལས་ཁྱད་པར་དུ་འཕགས་ཚུལ་བཤད་པ་ནི། རྒྱལ་པོ་ལྟ་ཞིག་ཁྲོས་ན་ཡང༌།། སེམས་ཅན་མི་མགུ་བྱས་པ་ཡིས།། མྱོང་བར་འགྱུར་བ་གང་ཡིན་པ།། དམྱལ་བའི་གནོད་པ་དེས་བྱེད་དམ།། ༡༣༡ ཞེས་གསུངས་ཏེ། དེ་ལྟ་མོད་ཀྱི་རྒྱལ་པོ་ནི་ཤིན་ཏུ་ཁྲོས་ཀྱང་ནོར་དབྲོག་པ་དང་གསོད་པར་ ཟད་ཀྱི་དམྱལ་བར་སྐྱུར་མི་ནུས་ལ། སེམས་ཅན་ལ་གནོད་པ་ལས་ནི་ངན་སོང་གི་སྡུག་ བསྔལ་མུ་མཐའ་མེད་པ་ཐམས་ཅད་འབྱུང་ངོ༌།། རྒྱལ་པོ་ལྟ་ཞིག་མགུ་ན་ཡང༌།། སེམས་ཅན་མགུ་བར་བྱས་པ་ཡིས།། འཐོབ་པར་འགྱུར་བ་གང་ཡིན་པ།། སངས་རྒྱས་ཉིད་སྦྱིན་མི་སྲིད་དོ།། ༡༣༢ ཞེས་གསུངས་ཏེ། ཡང་རྒྱལ་པོ་ནི་ཤིན་ཏུ་མགུ་ནའང་རྒྱལ་སྲིད་ཀྱི་ཕྱེད་སྦྱིན་པར་ཟད་ཀྱི་ཕྱི་ 309 བཟོད་པ་བསྟན་པ། མའི་བདེ་བ་སྦྱིན་པར་མི་ནུས་ལ། སེམས་ཅན་ལ་ཕན་པ་ལས་ནི་གནས་སྐབས་དང་མཐར་ ཐུག་གི་བདེ་བ་སངས་རྒྱས་ཉིད་ཀྱི་བར་དུ་ཐམས་ཅད་སྦྱིན་པར་བྱེད་དོ།། བཞི་པ་འབྲས་བུ་དངོས་བཤད་པ་ནི། སེམས་ཅན་མགུ་ལས་བྱུང་བ་ཡིས།། མ་འོངས་སངས་རྒྱས་འགྲུབ་ལྟ་ཞོག། ཚེ་འདི་ཉིད་ལ་དཔལ་ཆེ་དང༌།། གྲགས་དང་སྐྱིད་འགྱུར་ཅིས་མ་མཐོང༌།། ༡༣༣ འཁོར་ཚེ་བཟོད་པས་མཛེས་སོགས་དང༌།། ནད་མེད་པ་དང་གྲགས་པ་ཡིས།། ཤིན་ཏུ་ཡུན་རིང་འཚོ་བ་དང༌།། འཁོར་ལོས་བསྒྱུར་བའི་བདེ་རྒྱས་འཐོབ།། ༡༣༤ ཅེས་གསུངས་ཏེ། དེ་ཡང༌། སེམས་ཅན་མགུ་ལས་བྱུང་བ་ཡིས།། མ་འོངས་སངས་རྒྱས་འགྲུབ་་་་་་་༌།། ཅེས་པས་ནི་མཐར་ཐུག་གི་འབྲས་བུ་དང༌། 310 བཟོད་པ་བསྟན་པ། ་་་་་་་་་་་་་་་་་་་་་་་་་་་་་་ལྟ་ཞོག། ཚེ་འདི་ཉིད་ལ་དཔལ་ཆེ་དང༌།། གྲགས་དང་སྐྱིད་འགྱུར་ཅིས་མ་མཐོང༌།། ཞེས་པས་ནི་མཐོང་ཆོས་ཀྱི་འབྲས་བུ་དང༌། འཁོར་ཚེ་བཟོད་པས་ཞེས་སོགས་ཀྱིས་མ་མཐོང་ བའི་ཆོས་ཀྱི་འབྲས་བུ་བསྟན་ཏོ།། དེ་ཡང་སེམས་ཅན་ལ་ཕན་བདེར་བྱས་པའི་མཐར་ཐུག་གི་དངོས་འབྲས་ནི་རྫོགས་པའི་ སངས་རྒྱས་ཡིན་ལ། མཐར་ཐུག་ལྟ་ཞོག་མཐོང་བའི་ཆོས་ལ་ཡང་མང་པོས་བཀུར་བའི་རྒྱལ་ པོས་ཞིང་ཆ་མཉམ་དུ་བགོས་ཤིང་ཞིང་ལེགས་པར་བསྲུངས་པས་སྐྱེ་བོ་ཀུན་གྱིས་རྒྱལ་པོར་ བཀུར་ཏེ་བསྐལ་པ་བཟང་པོ་འདི་ལ་རྒྱལ་པོའི་ཐོག་མར་གྱུར་པ་བཞིན་ནོ། །མ་མཐོང་བའི་ ཆོས་ཚེ་རབས་གཞན་དག་ལ་ཡང་གཟུགས་མཛེས་ཤིང་ལྟ་ན་སྡུག་པ་དང་ནད་མེད་ཅིང་སྙན་ པར་གྲགས་པ་དང་ཚེ་རིང་ཞིང་འཁོར་ཕུན་སུམ་ཚོགས་པ་དང་འཁོར་ལོས་བསྒྱུར་བའི་རྒྱལ་ སྲིད་ལ་སོགས་པ་རྒྱ་ཆེར་འཐོབ་པར་འགྱུར་རོ།། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བཟོད་པ་བསྟན་པ་ཞེས་བྱ་སྟེ་ལེའུ་ དྲུག་པ་རྣམ་པར་ཕྱེ་བའོ།། །། 311 བརྩོན་འགྲུས་བསྟན་པ། ད་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བཤད་པར་བྱའོ།། དེ་ལ་ལེའུའི་འབྲེལ་ནི། དེ་ལྟར་བཟོད་པ་དང་ལྡན་ན་བརྩོན་འགྲུས་བརྩམ་པར་ནུས་ ཤིང༌། དོན་ཆེན་པོ་དང་ལྡན་པར་མཐོང་ནས་རྩོམ་པར་ཡང་འགྱུར་བས་བཟོད་པའི་དེ་མ་ཐག་ ཏུ་བརྩོན་འགྲུས་ཀྱི་ལེའུ་བཤད་པའོ།། བཞི་པ་བརྩོན་འགྲུས་ཀྱི་ལེའུ་འདི་ལ་ལྔ། བརྩོན་འགྲུས་ལ་སྤྲོ་བ་སྐྱེད་པ། བརྩོན་ འགྲུས་ཀྱི་ངོ་བོ། མི་མཐུན་ཕྱོགས་སྤང་བ། བརྩོན་འགྲུས་བརྩམ་ཚུལ་དངོས། བརྩོན་འགྲུས་ སྤེལ་བའི་ཚུལ་ལོ། །དང་པོ་ནི། དེ་ལྟར་བཟོད་པས་བརྩོན་འགྲུས་བརྩམ།། དེ་ལྟར་བརྩོན་ལ་བྱང་ཆུབ་གནས།། རླུང་མེད་གཡོ་བ་མེད་པ་བཞིན།། བསོད་ནམས་བརྩོན་འགྲུས་མེད་མི་འབྱུང༌།། ༡ ཞེས་གསུངས་ཏེ། དེ་ལྟར་བཟོད་པ་དང་ལྡན་པའི་དགོས་པ་ནི་བརྩོན་འགྲུས་བརྩམ་པ་སྟེ། གལ་ཏེ་བརྩོན་འགྲུས་དང་བྲལ་ན་བཟོད་པ་ཉིད་ཀྱང་མི་བརྟན་ནོ། །དེས་ན་བྱང་ཆུབ་ལ་ སོགས་པ་དགེ་བའི་ཆོས་ཐམས་ཅད་ནི་བརྩོན་འགྲུས་ཁོ་ན་ལ་རག་ལས་ཏེ། དཔེར་ན་གཡོ་ བ་ནི་རླུང་ལ་རག་ལས་པ་བཞིན་ནོ། །དེས་ན་བརྩོན་འགྲུས་མེད་ན་བསོད་ནམས་ཀྱི་ལས་ 312 བརྩོན་འགྲུས་བསྟན་པ། གང་ཡང་མི་འབྱུང་སྟེ། བློ་གྲོས་རྒྱ་མཚོའི་མདོ་ལས། ལེ་ལོ་ཅན་ལ་ནི་སྦྱིན་པ་ནས་ཤེས་རབ་ ཀྱི་བར་དུ་མེད་དོ། །ལེ་ལོ་ཅན་ལ་ནི་གཞན་དོན་བྱ་བ་མེད་དོ། །ལེ་ལོ་ཅན་ལ་ནི་བྱང་ཆུབ་ ཤིན་ཏུ་རིང་ཞིང་རྣམ་པར་རིང་ངོ༌། །ཞེས་སོ།། བརྩོན་འགྲུས་དང་ལྡན་ན་ཡོན་ཏན་ཐམས་ཅད་ འཐོབ་སྟེ། བློ་གྲོས་རྒྱ་མཚོ་གང་ན་བརྩོན་འགྲུས་ཡོད་པ་དེ་ན་བྱང་ཆུབ་ཡོད་དོ། །ཞེས་སོ།། གཉིས་པ་ངོ་བོ་ནི། བརྩོན་གང་དགེ་ལ་སྤྲོ་བའོ།། ཞེས་གསུངས་ཏེ། མི་དགེ་བ་དང་ལུང་དུ་མ་བསྟན་པའི་ཚོང་སོ་ནམ་སོགས་ལ་འབད་པ་ནི་ བརྩོན་འགྲུས་མ་ཡིན་ཏེ། བྱ་བ་ངན་ཞེན་གྱི་ལེ་ལོ་འམ་དམད་པའི་ལེ་ལོ་ཞེས་བྱའོ། །དེས་ ན་དགེ་བ་ལ་སྤྲོ་བས་འཇུག་པ་ནི་བརྩོན་འགྲུས་ཡིན་ཏེ། མདོ་ལས། བརྩོན་འགྲུས་གང་ཞེ་ན་ དགེ་བ་ལ་སྤྲོ་བའོ། །ཞེས་དང༌། རྒྱན་གྱི་འགྲེལ་པར། དགེ་ལ་ཡང་དག་སྤྲོ་བ་དང་ཞེས་བྱ་བ་ ནི་ངོ་བོ་ཉིད་དེ། ཞེས་སོ། །འགྲེལ་ཆེན་ལས་ཀྱང༌། བརྩོན་འགྲུས་གང་ཞེ་ན། དགེ་བའི་ལས་ སྦྱིན་པ་ལ་སོགས་པ་དང་ཐོས་པ་ལ་སོགས་པ་ལ་སྤྲོ་བ་དེ་ལ་བརྩོན་འགྲུས་ཞེས་བརྗོད་དེ། མི་དགེ་བ་ལ་སྤྲོ་བ་ནི་ལེ་ལོ་ཉིད་དོ། །ཞེས་སོ།། གསུམ་པ་མི་མཐུན་ཕྱོགས་སྤང་བ་ལ་ལྔ། མདོར་བསྟན་པ། ལེ་ལོ་སྐྱེ་བའི་རྒྱུ་བཤད་ པ། སྙོམས་ལས་ཀྱི་ལེ་ལོ། བྱ་བ་ངན་ཞེན་གྱི་ལེ་ལོ། སྒྱིད་ལུག་པའི་ལེ་ལོ་སྟེ་གསུམ་པོ་རིམ་ པས་སྤང་ཚུལ་ལོ། །དང་པོ་ནི། 313 བརྩོན་འགྲུས་བསྟན་པ། དེ་ཡི་མི་མཐུན་ཕྱོགས་བཤད་བྱ།། ལེ་ལོ་ངན་ལ་ཞེན་པ་དང༌།། སྒྱིད་ལུག་བདག་ལ་བརྙས་པའོ།། ༢ ཞེས་གསུངས་ཏེ། འདི་ལྟར་བརྩོན་འགྲུས་ཀྱི་མི་མཐུན་ཕྱོགས་ནི་བྱ་བར་འོས་པ་དུས་ལས་ ཡོལ་བར་བྱེད་པའི་ཕྱིར་ལེ་ལོ་ཞེས་བྱ་སྟེ། དེ་ནི་སྙོམས་ལས་ཀྱིས་བག་མེད་དུ་གནས་པ་ དང༌། བྱ་བ་ངན་པ་མཁས་པས་དམད་པའི་གནས་ལ་ཞེན་པ་དང༌། བདག་ཉིད་ལ་བརྙས་ པས་ཞུམ་ཞིང་སྒྱིད་ལུག་པ་སྟེ་སྤང་པར་བྱ་བའི་ལེ་ལོ་ནི་རྣམ་པ་གསུམ་མོ།། གཉིས་པ་ལེ་ལོ་སྐྱེ་བའི་རྒྱུ་བཤད་པ་ནི། སྙོམས་ལས་བདེ་བའི་རོ་མྱང་དང༌།། གཉིད་ལ་བསྟེན་པའི་སྲེད་པ་ཡིས།། འཁོར་བའི་སྡུག་བསྔལ་མི་སྐྱོ་ལས།། ལེ་ལོ་ཉེ་བར་སྐྱེ་བར་འགྱུར།། ༣ ཞེས་གསུངས་ཏེ། སོས་དལ་དུ་སྡོད་པ་ཙམ་ལ་དགའ་བའི་སྙོམས་ལས་ལ་བདེ་བར་འདུ་ ཤེས་པས་དེའི་རོ་མྱང་བ་དང༌། ཉལ་བ་དང༌། བསྙེས་པ་དང༌། གཉིད་ལ་དགའ་བས་གོང་ ནས་གོང་དུ་དེའི་ཞེན་པ་འཕེལ་ཞིང་དེ་ལ་སྐྱོན་དུ་མི་ལྟ་བ་ནི་ལེ་ལོ་སྐྱེ་བའི་རྒྱུ་སྟེ། དེས་འཁོར་ 314 བརྩོན་འགྲུས་བསྟན་པ། བ་ལ་སྐྱོ་བར་མི་འགྱུར་ལ། འཁོར་བ་ལས་མི་སྐྱོ་བ་དང༌། མི་འཆི་བའི་འདུ་ཤེས་ཀྱིས་ཀྱང་ ལེ་ལོ་གོང་དུ་སྐྱེ་བར་འགྱུར་ཏེ། དཀའ་འགྲེལ་ཆུང་ངུ་ལས་ཀྱང༌། རྒྱུ་གང་ལས་ཞེ་ན། འཁོར་ བའི་སྡུག་བསྔལ་ལས་མི་སྐྱོ་བ་ལས་སོ། །ཞེས་སོ།། གསུམ་པ་སྙོམས་ལས་ཀྱི་ལེ་ལོ་སྤང་བ་ལ་གཉིས། འཆི་བའི་འཇིགས་པ་བསམས་ཏེ་ རྒྱུད་བསྐུལ་བ་དང༌། ཕྱི་མར་ངན་སོང་ལ་འཇིགས་པས་བསྐུལ་བའོ། །དང་པོ་ལ་དྲུག སྐྱེས་ པའི་ཕྱིར་འཆི་ངེས་པར་བསྟན། རང་གཞན་ཀུན་ཀྱང་རིམ་གྱིས་འཆི་བར་བསྟན། འཆི་བ་ ལས་མི་ཐར་བར་བསྟན། མྱུར་དུ་འཆི་བར་བསྟན་པ། བློ་བུར་དུ་འཆི་བར་བསྟན་པ། དེའི་ཚེ་ ཅིས་ཀྱང་མི་ཕན་པར་བསྟན་པའོ། །དང་པོ་ནི། ཉོན་མོངས་ཉ་པས་བཤོར་ནས་ནི།། སྐྱེ་བའི་རྒྱར་ནི་ཆུད་གྱུར་ནས།། འཆི་བདག་ཁར་ནི་སོང་གྱུར་བ།། ཅི་སྟེ་ད་དུང་མི་ཤེས་སམ།། ༤ ཞེས་གསུངས་ཏེ། དེ་ཡང་ཉོན་མོངས་པ་ཉ་པ་ལྟ་བུས་འདུས་བྱས་པའི་སྐྱེ་གནས་རྣམ་པ་ བཞིའི་རྒྱར་བདག་ཆུད་ཟིན་ན་ལྕགས་ཀྱུས་ཟིན་པའི་ཉ་ད་ལྟ་ཆུ་ནང་ན་འཕྱོ་ཡང་སྐམ་སར་ ཐོན་ཟིན་པ་དང་འདྲ་བ་ལྟར་བདག་ཀྱང་འཆི་བདག་གི་ཁར་སོང་ཟིན་པ་དང་མཚུངས་པ་སྟེ། ཅིས་ཀྱང་འཆི་དགོས་སོ།། 315 བརྩོན་འགྲུས་བསྟན་པ། གཉིས་པ་རང་གཞན་ཀུན་ཀྱང་རིམ་གྱིས་འཆི་བར་བསྟན་པ་ནི། རང་སྡེ་རིམ་གྱིས་གསོད་པ་ཡང༌།། ཁྱོད་ཀྱིས་མཐོང་བར་མ་གྱུར་ཏམ།། འོན་ཀྱང་གཉིད་ལ་བསྟེན་པ་གང༌།། གདོལ་པ་དང་ནི་མ་ཧེ་བཞིན།། ༥ ཞེས་གསུངས་ཏེ། འོན་ཏེ་ཡིད་མི་ཆེས་ན་རང་དང་སྐྱེ་གནས་གཅིག་པའི་སྡེ་ཚན་ཡུལ་མི་ ལ་སོགས་པ་མཆོག་དམན་ཐམས་ཅད་རིམ་གྱིས་འཆི་བ་འདི་ཅིས་མ་མཐོང༌། གལ་ཏེ་འདི་ མཐོང་བཞིན་དུ་ཡང་གཉིད་དང་སྙོམས་ལས་ལ་ཞེན་ན་ལུག་དང༌། མ་ཧེ་སོགས་ར་བར་ བཅུག་སྟེ། གདོལ་པས་རིམ་གྱིས་གསོད་པ་མཐོང་བ་ན། ཕྱི་མ་དེ་དག་སྐྲག་ཆེས་བས་ གདོལ་བའི་གྲི་སྦས་ཏེ་སས་འགེབས་པ་དང༌། ངུ་ཞིང་འཕྱོང་བ་དང༌། ཁ་ཅིག་རང་བཞིན་ གྱིས་སྙིང་གས་ཏེ་འཆིའོ་ཞེས་ཐོས་ན་ཁྱོད་ནི་དེ་བས་ཀྱང་བླུན་པར་ཟད་དེ། རང་སྡེ་རིམ་གྱིས་ གསོད་པ་མཐོང་ཡང་སེམས་ཅུང་ཟད་ཀྱང་མི་སྐྲག་པས་སོ།། གསུམ་པ་འཆི་བ་ལས་མི་ཐར་བར་བསྟན་པ་ནི། ལམ་ནི་ཀུན་ནས་བཀག་ནས་སུ།། འཆི་བདག་གིས་ནི་བལྟས་བཞིན་དུ།། ཇི་ལྟར་ཁྱོད་ནི་ཟ་དགའ་ཞིང༌།། འདི་ལྟར་གཉིད་ལོག་ཇི་ལྟར་དགའ།། ༦ 316 བརྩོན་འགྲུས་བསྟན་པ། ཞེས་གསུངས་ཏེ། དེས་ན། གང་དུ་ཕྱིན་ཡང་འཆི་བས་མི་ཚུགས་པའི།། ས་ཕྱོགས་དེ་ནི་གང་ནའང་ཡོད་མ་ཡིན།། ནམ་མཁའ་ལ་མེད་རྒྱ་མཚོའི་གཏིང་ནའང་མེད།། རི་བོ་ཀུན་གྱི་ཕུག་ཏུ་ཞུགས་ཀྱང་མེད།། ཅེས་དང༌། རྒྱལ་པོ་གཟུགས་ཅན་སྙིང་པོ་ལ་གདམས་པའི་མདོ་ལས། རྒྱལ་པོ་ཆེན་པོ། དཔེར་ན། ཕྱོགས་བཞི་ནས་རི་ཆེན་པོ་སྲ་བ། བརྟན་པ། མ་གས་པ། འཕན་མེད་པ་བཞི། ནམ་མཁའ་ ལ་རེག་ཅིང་ས་རློག་སྟེ་རྩྭ་ཤིང་དང་སྲོག་ཆགས་ཐམས་ཅད་ཕྱེ་མར་འཐག་ཅིང༌། འོང་བ་དེ་ དག་ལ་མགྱོགས་པས་འབྲོས་པའམ། སྟོབས་ཀྱིས་ཟློག་པའམ། ནོར་གྱིས་ཟློག་པར་སླ་བ་ མ་ཡིན་ནོ། །དེ་བཞིན་དུ་འཇིགས་པ་ཆེན་པོ་འདི་དག་འབྱུང་སྟེ། བཞི་གང་ཞེ་ན། རྒ་བས་ནི་ དར་ལ་བབ་པ་འཇོམས་ཤིང་འོང༌། ནད་ཀྱིས་ནི་ནད་མེད་པ་འཇོམས། གུད་པས་ནི་ཕུན་སུམ་ ཚོགས་པ་འཇོམས། འཆི་བས་ནི་སྲོག་འཇོམས་ཤིང་འོང་སྟེ། དེ་ལ་མགྱོགས་པས་འབྲོས་པ་ ལ་སོགས་པར་སླ་བ་མ་ཡིན་ནོ། །ཞེས་པ་ལྟར་བདག་ལ་འབྲོས་པའི་ལམ་ནི་མེད་ལ། འཆི་ བདག་གིས་ནི་བདག་ལ་སྐད་ཅིག་ཀྱང་མི་གཡེལ་བར་ལྟ་བ་འདི་ཤེས་བཞིན་དུའང་བདག་ གཉིད་དང་ཟས་སྐོམ་ལ་ཆགས་པར་རིགས་སམ་སོམས་ཤིག་པའོ།། 317 བརྩོན་འགྲུས་བསྟན་པ། བཞི་པ་མྱུར་དུ་འཆི་བར་བསྟན་པ་ནི། མྱུར་བ་ཉིད་དུ་འཆི་འགྱུར་བས།། དེ་སྲིད་དུ་ནི་ཚོགས་སོག་བྱ།། དེ་ཚེ་ལེ་ལོ་སྤངས་ཀྱང་ནི།། དུས་མ་ཡིན་པས་ཅི་ཞིག་བྱ།། ༧ ཞེས་གསུངས་ཏེ། དེ་ལྟ་མོད་ཀྱི་ཚེ་ལ་ལོང་མེད་པའི་ཕྱིར། མྱུར་དུ་འཆི་ཞིང༌། དེའི་ཚེ་ལེ་ལོ་ སྤངས་སུ་ཟིན་ཀྱང་ཅི་ཡང་མི་ནུས་ཀྱི་དེ་བས་བདག་ཀྱང་འདི་ལྟ་བུ་ཁོ་ནའི་ཆོས་ཅན་དུ་གོ་ བར་གྱིས་ལ། ད་ལྟ་ལེ་ལོ་སྤངས་ཏེ་དགེ་བའི་ཚོགས་ལ་འབད་པ་བྱོས་ཤིག་པའོ།། ལྔ་པ་གློ་བུར་དུ་འཆི་བར་བསྟན་པ་ནི། འདི་ནི་མ་བྱས་བརྩམས་པ་དང༌།། འདི་ཕྱེད་བྱས་པར་གནས་པ་ལ།། བློ་བུར་འཆི་བདག་འོངས་ནས་ནི།། ཀྱེ་ཧུད་བཅོམ་ཞེས་སེམས་པར་འགྱུར།། ༨ ཞེས་གསུངས་ཏེ། བྱ་བ་ཁ་ཅིག་ནི་མགོ་བརྩམས། ཁ་ཅིག་ནི་ཕྱེད་ཟིན་པ་སོགས་བདག་གི་ བྱ་བ་ཚར་མ་ཚར་ལ་མ་ལྟོས་པར་འཆི་བདག་གིས་གློ་བུར་དུ་བསད་དེ། ཀྱེ་མ། བདག་ནི་ བཅོམ་གྱིས་མེད་དོ་ཞེས་འགྱོད་ཅིང༌། འཇིགས་པ་དང་བཅས་ཏེ་འཆི་བར་འགྱུར་རོ།། 318 བརྩོན་འགྲུས་བསྟན་པ། དྲུག་པ་དེའི་ཚེ་ཅིས་ཀྱང་མི་ཕན་པར་བསྟན་པ་ནི། མྱ་ངན་ཤུགས་ཀྱིས་སྐྲངས་པ་ཡི།། མིག་དམར་གདོང་ལ་མཆི་མ་འཛག། ཉེ་དུ་རེ་ཐག་ཆད་པ་དང༌།། གཤིན་རྗེའི་ཕོ་ཉའི་བཞིན་ལ་ལྟ།། ༩ རང་སྡིག་དྲན་པས་གདུངས་པ་དང༌།། དམྱལ་བའི་སྒྲ་ནི་ཐོས་པ་ཡིས།། སྐྲག་པས་མི་གཙང་ལུས་གོས་ཤིང༌།། མྱོས་པར་གྱུར་ཚེ་ཅི་ཞིག་བྱ།། ༡༠ ཞེས་གསུངས་ཏེ། དེའི་ཚེ་མཛའ་བཤེས་དང་འབྲལ་བར་ཤེས་ཏེ། རེ་ཐག་ཆད་པས་མྱ་ངན་ གྱིས་ཅི་བྱ་ཏོལ་མེད་པའི་ཉེ་དུ་རྣམས་མིག་ཁྲག་ལྟར་དམར་ཞིང༌། གདོང་ཆེས་སྐྲངས་པར་ ངུ་བས་མཐའ་བསྐོར་ཡང་འཆི་བ་པོ་ཉིད་ནི་རིས་མནན་པ་དང་ཆུ་བོར་སུབས་པ་སོགས་ཀྱི་ འཁྲུལ་སྣང་འཆར་ཞིང་དབུགས་རིང་ཐུང་དུ་རྩེག་ལ། གཤིན་རྗེའི་ཕོ་ཉ་ཡང་ཡུད་དུ་མཐོང་ བའི་བཞིན་ལ་འཇིགས་ཤིང་སྐྲག་པས་ལྟ་བ་དང༌། རང་གི་སྡིག་པས་འགྱོད་ཅིང་དམྱལ་བའི་ སྣང་བ་ཤར་ཏེ་ངུ་འབོད་དང༌། འཚེད་པ་དང༌། འཚིར་བའི་སྒྲ་འཇིགས་སུ་རུང་བ་རྣམས་ཐོས་ 319 བརྩོན་འགྲུས་བསྟན་པ། པས་སྐྲག་ཆེས་བས་འཆི་ཀ་མའི་ལུས་དེ་ལས་བཤང་གཅི་དང་རྔུལ་འཛག་ཅིང༌། མགོན་ སྐྱབས་མེད་པར་ཕ་རོལ་ཏུ་འགྲོ་བ་དེའི་ཚེ་ཅི་ཞིག་བྱ་ཞེས་པའོ།། གཉིས་པ་ཕྱི་མར་ངན་སོང་ལ་འཇིགས་པས་བསྐུལ་བ་ལ་བཞི། དམྱལ་བའི་སྡུག་ བསྔལ་ཚད་མེད་པར་བསྟན། ད་ལྟ་བཏང་སྙོམས་སུ་སྡོད་མི་རིགས་པར་བསྟན། བདག་གི་ སྤྱོད་པ་ལ་ཡི་ཆད་པར་བསྟན། ད་ལྟ་འབད་དེ་སྒྲུབ་དགོས་པར་བསྟན་པའོ། །དང་པོ་ནི། ཁྱོད་ནི་ཉ་གསོན་འགྲེ་བ་ལྟའི།། ཚེ་འདིར་འཇིགས་དང་ལྡན་གྱུར་ན།། སྡིག་བྱས་དམྱལ་བ་མི་བཟད་པའི།། སྡུག་བསྔལ་རྣམས་ནི་སྨོས་ཅི་དགོས།། ༡༡ ཞེས་གསུངས་ཏེ། དེ་ཡང་ཁྱོད་ནི་འཆི་བ་ན་ཡང་གནད་གཅོད་ཀྱི་སྡུག་བསྔལ་ཉ་གསོན་པོར་ བྱེ་ཚན་ལ་འགྲེ་ལྡོག་བྱེད་པ་ལྟ་བུ་སྔར་བཤད་པ་དེ་ལྟ་ཡིན་མོད་ཀྱང༌། དེས་ཁྱོད་ཀྱི་སྡིག་པའི་ འབྲས་བུ་ཕྱོགས་ཙམ་ཡང་ཟད་པ་མ་ཡིན་ཏེ། འདི་ནི་མྱུ་གུ་ཙམ་དུ་ཟད་ལ། སྡོང་བུ་དང༌། མེ་ཏོག་དང༌། འབྲས་བུ་ལྟ་བུའི་དམྱལ་བའི་སྡུག་བསྔལ་འཇིགས་སུ་རུང་བ་ནི། ད་གདོད་ འོང་སྟེ། དེ་དག་ནི་ཉན་པ་ཙམ་ཡང་བཟོད་པར་དཀའ་སྟེ། མནར་མེད་པའི་དམྱལ་བའི་སྡུག་ བསྔལ་ཇི་ལྟ་བར་ཐོས་ན་མི་རྣམས་ཁྲག་དྲོན་མོ་བསྐྱུགས་ཏེ། འཆི་བར་འགྱུར་བས་ན་མ་ གསུངས་པར་བཤད་ལ། 320 བརྩོན་འགྲུས་བསྟན་པ། སུམ་ཅུ་རྩ་གསུམ་གྱི་ཤིང་ཤྲི་ཤི་ཥའི་གཞལ་མེད་ཁང་སྟོང་པ་གཅིག་ཤོས་ན་སངས་ རྒྱས་འཁོར་བ་འཇིག་གིས་བྱིན་གྱིས་བརླབས་པའི་རིགས་དྲུག་གི་དུས་གསུམ་གྱི་གཟུགས་ བརྙན་ཞལ་བ་ལ་འཆར་བ་ཡོད་པར་ཡང་ལྷ་རྣམས་དེ་མཐོང་ན་ཁྲག་དྲོན་མོ་བསྐྱུགས་ཏེ་འཆི་ བས་ན། མནར་མེད་ཀྱི་རྣམ་པ་མ་བསྟན་པ་ལྟ་བུ་ཡིན་ལ། དམྱལ་བ་གཞན་བདུན་པོ་དག་ ཀྱང་བྲིས་པ་མཐོང་ན་ཡང་ལྟར་མི་བཟོད་དེ། བཤེས་སྤྲིང་ལས། དམྱལ་བ་བྲིས་པ་མཐོང་དང་ཐོས་པ་དང༌།། དྲན་དང་བཀླགས་དང་གཟུགས་སུ་བགྱིས་རྣམས་ཀྱང༌།། འཇིགས་པ་སྐྱེད་པར་བགྱིད་ན་མི་བཟད་པའི།། རྣམ་སྨིན་ཉམས་སུ་མྱོང་རྣམས་སྨོས་ཅི་དགོས།། ཞེས་སོ།། གཉིས་པ་ད་ལྟ་བཏང་སྙོམས་སུ་སྡོད་མི་རིགས་པར་བསྟན་པ་ནི། ཆུ་ཚན་གྱིས་ནི་རེག་པ་ན།། གཞོན་ཤ་ཅན་ལ་རབ་ཚ་བའི།། དམྱལ་བ་ཡི་ནི་ལས་བྱས་ནས།། ཅི་ཕྱིར་འདི་ལྟར་བདེ་བར་གནས།། ༡༢ 321 བརྩོན་འགྲུས་བསྟན་པ། ཞེས་གསུངས་ཏེ། མཐོ་རིས་སུ་བསོད་ནམས་ཀྱི་ལས་ཀྱིས་ལུས་གཞོན་ཤ་ཅན་དུ་འགྱུར་ལ། དེ་ནི་འཇམ་ཞིང་ཁ་དོག་བཟང་བ་ལྟ་ན་མཛེས་པས་བདག་ཉིད་བདེ་བར་བྱེད་པའོ། །ངན་ སོང་དུ་ནི་སྡིག་པའི་ལས་ཀྱིས་ལུས་གཞོན་ཤ་ཅན་ཤིན་ཏུ་རྙི་བར་འགྱུར་ཡང་མི་དགེ་བའི་ ལས་ཀྱིས་བསྐྱེད་པའི་ཕྱིར། གཞན་སྐྱུག་བྲོ་བ་དང༌། མི་མཛེས་པ་དང༌། འཇིགས་སུ་རུང་བ་ སྐྱེད་ཅིང་རྩྭའི་མྱུ་གུས་ཀྱང་ལུས་ལ་ཚེར་མ་ལྟར་འཛུག་པའི་ཟུག་རྔུ་སྐྱེད་པས་གཟེ་རེག་ཆེ་ཞིང་ བདག་ཉིད་སྡུག་བསྔལ་བར་བྱེད་པ་སྟེ། སྦལ་པ་དང་ན་བུན་གྱི་འབུའི་ལུས་ལྟ་བུ་ཡིན་ལ། དམྱལ་བར་ནི་དེ་བས་འབུམ་འགྱུར་གྱིས་ཡང་སོས་ཀྱི་ལུས་རྙི་བ་ནས་མནར་མེད་ཀྱི་བར་དུ་ བདུན་འགྱུར་གྱིས་རིམ་པས་རྙི་ཞིང་མི་སྡུག་པར་འགྱུར་ལ། དེ་ལྟར་དམྱལ་བ་པའི་ལུས་ལས་ ངན་གྱིས་བསྐྱེད་པའི་རྙི་ཞིང་གཞོན་ལ་མི་སྡུག་པ་ལ་ཟངས་ཞུན་ཁོལ་མས་སྲེག་ལ། ཡང་ སྐད་ཅིག་དེ་ཉིད་དུ་དེ་བས་ཀྱང་རྙི་བའི་ལུས་སུ་འགྱུར་ཞིང་ཡང་སྲེག་པ་སོགས་ལོ་གྲངས་ མཐའ་ཡས་པར་དེ་ལྟར་མྱོང་ངེས་ཀྱི་ལས་བསགས་ནས་ད་ལྟ་རློམ་སེམས་དང་བཅས་ཏེ་བདེ་ བའི་ང་རྒྱལ་གྱིས་སྡོད་ནུས་པ་འདི་ཅི་ལྟ་ཞིག་ཏུ་རུང༌། གསུམ་པ་བདག་གི་སྤྱོད་པ་ལ་ཡི་ཆད་པར་བསྟན་པ་ནི། བརྩོན་མེད་འབྲས་བུ་འདོད་པ་དང༌།། གཟེ་རེག་ཅན་ལ་གནོད་མང་ཞིང༌།། འཆི་བས་བཟུང་བཞིན་ལྷ་ལྟར་སྤྱོད།། ཀྱེ་ཧུད་སྡུག་བསྔལ་དག་གིས་བཅོམ།། ༡༣ 322 བརྩོན་འགྲུས་བསྟན་པ། ཞེས་གསུངས་ཏེ། རང་ལ་ཁྲེལ་གདའ་བ་སྟེ། འདི་ལྟར་འབྲས་བུ་འདོད་ལ་བརྩོན་འགྲུས་མི་ རྩོམ་པ་ནི་འགལ་ལོ་ཞེས་སོགས་ཀྱི་དོན་ཅན་ནོ།། བཞི་པ་ད་ལྟ་འབད་དེ་སྒྲུབ་དགོས་པར་བསྟན་པ་ནི། མི་ཡི་གྲུ་ལ་བསྟེན་ནས་ནི།། སྡུག་བསྔལ་ཆུ་བོ་ཆེ་ལས་སྒྲོལ།། གྲུ་འདི་ཕྱི་ནས་རྙེད་དཀའ་བས།། རྨོངས་པ་དུས་སུ་གཉིད་མ་ལྡོག། ༡༤ ཅེས་གསུངས་ཏེ། དེས་ན་དལ་འབྱོར་གྱི་གྲུ་དང༌། དགེ་བའི་བཤེས་གཉེན་གྱི་མཉན་པ་ འཛོམ་པའི་དུས་འདིར་སེམས་ཁྱོད་སྡུག་བསྔལ་གྱི་ཆུ་བོ་འདི་ལས་རྒོལ་ཞིག་སྟེ། གྲུ་དང་ མཉན་པ་འདི་ལྟ་བུ་ཕྱིས་མི་རྙེད་པས་ད་ལྟ་ཁོ་ན་ཆུ་བོ་ལས་རྒལ་དགོས་ཏེ། ཅུང་ཟད་ཀྱང་ལེ་ ལོ་བྱ་བའི་དུས་ནི་འདི་མ་ཡིན་ནོ།། བཞི་པ་ངན་ཞེན་གྱི་ལེ་ལོ་སྤང་བ་ནི། དགའ་བའི་རྒྱུ་ནི་མཐའ་ཡས་པའི།། དམ་ཆོས་དགའ་བའི་མཆོག་སྤངས་ནས།། སྡུག་བསྔལ་རྒྱུ་ཡི་གཡེང་བ་དང༌།། རྒོད་སོགས་ལ་ཁྱོད་ཅི་ཕྱིར་དགའ།། ༡༥ 323 བརྩོན་འགྲུས་བསྟན་པ། ཞེས་གསུངས་ཏེ། དུས་སྟོན་དང༌། གླུ་གར་དང༌། མགྲོན་དུ་བོད་པ་སོགས་ནི་དགའ་བའི་ གནས་ཡིན་པས་དེ་ལ་ཆགས་པར་རིགས་སོ་ཞེ་ན། གནས་སྐབས་དང་མཐར་ཐུག་གི་དགའ་ བ་ཐམས་ཅད་ཀྱི་རྒྱུ་དམ་པའི་ཆོས་ཀྱི་དགའ་བ་སྤངས་ནས་སྡུག་བསྔལ་ཁོ་ནའི་རྒྱུར་གྱུར་པ་ དེ་དག་ལ་ཅིའི་ཕྱིར་དགའ་སྟེ། གླུ་གར་ནི་རང་ཉིད་ལུས་ངལ་ཞིང་དུབ་པར་འགྱུར་ལ། དཔྱོད་ ལྡན་གྱི་ངོ་ཚ་དང༌། སྙིང་རྗེའི་གནས་ཡིན་ཞིང༌། དུས་སྟོན་སོགས་ཀྱང་འབྲས་བུ་མེད་པར་མ་ ཟད། ཡམས་ནད་དང༌། རྒྱལ་པོའི་ཆད་པ་དང༌། ཆོམ་རྐུན་སོགས་འཇིགས་པ་དུ་མའི་གནས་ ཡིན་པའི་ཕྱིར་ན་རྒོད་ཅིང་རྩེ་བ་སོགས་བྱིས་པའི་སྤྱོད་པ་དེ་དག་ལ་ངོ་ཚ་ཞིང་སྐྱོ་བར་རིགས་ ཀྱི་དགའ་བར་མི་རིགས་སོ། །དེས་ན་རྒྱལ་བུ་ལྕགས་ཁྱིམ་སྐྱེས་ཀྱིས་ཀུ་མུ་དའི་དུས་སྟོན་ མཐོང་བ་ན་འདི་ལྟ་བུ་ཡང་རིང་པོར་མི་གནས་སོ་སྙམ་པ་དང༌། མི་འདི་ཐམས་ཅད་འཆི་བའི་ ཆོས་ཅན་ནོ། །ཞེས་སྐྱོ་བར་གྱུར་པ་དེ་ལྟ་བུའི་འདུ་ཤེས་གོམས་པར་བྱའོ།། ལྔ་པ་སྒྱིད་ལུག་གི་ལེ་ལོ་སྤང་བ་ལ་གསུམ། བསྒྲུབ་བྱ་མཐའ་དག་མདོར་བསྟན་པ། འབྲས་བུ་བྱང་ཆུབ་ལ་སྒྱིད་ལུག་སྤང་བ། རྒྱུ་སྦྱིན་སོགས་ལ་སྒྱིད་ལུག་སྤང་བའོ། །དང་པོ་ནི། སྒྱིད་ལུག་མེད་དང་དཔུང་ཚོགས་དང༌།། ལྷུར་བླང་བདག་ཉིད་དབང་བྱ་དང༌།། བདག་དང་གཞན་དུ་མཉམ་པ་དང༌།། གཞན་དང་བདག་ཏུ་རྗེ་བར་གྱིས།། ༡༦ 324 བརྩོན་འགྲུས་བསྟན་པ། ཞེས་གསུངས་ཏེ། སྒྱིད་ལུག་མེད་དང་ཞེས་པས་སྒྱིད་ལུག་པའི་གཉེན་པོ་དངོས་བསྟན་ ཏོ། །དཔུང་ཚོགས་དང་ཞེས་པས་མོས་པ་དང༌། བརྟན་པ་དང༌། དགའ་བ་དང༌། དོར་བའི་ དཔུང་ཚོགས་བཞི་འཆད་ལ། ལྷུར་བླང་དང༌། བདག་ཉིད་དབང་དུ་བྱ་བ་དང་བཅས་ཏེ་བརྩོན་ འགྲུས་བརྩམ་པ་དང༌། སྤེལ་བ་ཡང་མདོར་བསྟན་ཏོ། །བདག་གཞན་མཉམ་པ་དང༌། བདག་ གཞན་རྗེ་བར་གྱིས་ཤིག་པས་ནི་བྱང་ཆུབ་སེམས་དཔའི་སྤྱོད་པ་མཐའ་དག་ཡང་བསྟན་ཏེ་ ཚིགས་སུ་བཅད་པ་འདི་ནི་དོན་ཟབ་ཅིང་རྒྱ་ཆེ་བ་ཡིན་ནོ།། འདིར་བི་བྷུ་ཏིས། ཚིགས་བཅད་འདི་གཞན་གྱིས་བཅུག་པ་ཡིན་གྱི་སློབ་དཔོན་གྱི་མ་ ཡིན་པར་གསུངས་མོད། རྗེ་དཔའ་བོ་གཙུག་ལག་ཕྲེང་བས་སློབ་དཔོན་གྱི་གསུང་ཉིད་དུ་ བཞེད་དོ།། གཉིས་པ་འབྲས་བུ་བྱང་ཆུབ་ལ་སྒྱིད་ལུག་སྤང་བ་ནི། བདག་གིས་བྱང་ཆུབ་ག་ལ་ཞེས།། སྒྱིད་ལུག་པར་ནི་མི་བྱ་སྟེ།། འདི་ལྟར་དེ་བཞིན་གཤེགས་པ་ནི།། བདེན་པ་གསུང་བས་བདེན་འདི་གསུངས།། ༡༧ ཞེས་གསུངས་ཏེ། བྱང་ཆུབ་ནི་བསོད་ནམས་ཅན་རྣམས་ཀྱིས་འཐོབ་ཀྱི་བདག་འདྲ་བས་མི་ འཐོབ་བོ་སྙམ་དུ་སེམས་ཞུམ་པ་དང་སྒྱིད་ལུག་པར་མི་བྱ་སྟེ། བདེན་པར་གསུང་བ་དེ་བཞིན་ 325 བརྩོན་འགྲུས་བསྟན་པ། གཤེགས་པ་ཉིད་ཀྱིས་མདོ་ལས། ལག་བཟང༌། གཞན་ཡང༌། བྱང་ཆུབ་སེམས་དཔའ། འདི་ ལྟར་ཡང་དག་པར་སློབ་སྟེ། གང་དག་སེང་གེ་དང༌། སྟག་དང༌། ཁྱི་དང༌། ཅེ་སྤྱང་ནས་སྦྲང་ བུ་དང༌། ཤ་སྦྲང་དུ་གྱུར་པ་དེ་དག་གིས་ཀྱང་མངོན་པར་རྫོགས་པར་འཚང་རྒྱ་བར་འགྱུར་ ན། བདག་མིར་གྱུར་བཞིན་དུ་སྲོག་གི་ཕྱིར་ཡང་ཅིའི་ཕྱིར་ཡང་དག་པར་རྫོགས་པའི་བྱང་ཆུབ་ འཐོབ་པར་འགྱུར་བའི་བརྩོན་འགྲུས་ཉམས་པར་བྱ་སྟེ། ཞེས་སྲོག་གི་ཕྱིར་ཡང་མི་འདོར་ བར་གསུངས་པ་དང༌། རྒྱན་ལས་ཀྱང༌། གང་ཕྱིར་སེམས་ཅན་མིར་གྱུར་པ།། ཚད་མེད་སྐད་ཅིག་རེ་རེ་ལ།། རྫོགས་པའི་བྱང་ཆུབ་ཐོབ་དེའི་ཕྱིར།། ཞུམ་པ་དང་དུ་བླང་མི་བྱ།། ཞེས་སོགས་གསུངས་པའི་ཕྱིར། སྦྲང་བུ་ཤ་སྦྲང་བུང་བ་དང༌།། དེ་བཞིན་སྲིན་བུར་གང་གྱུར་པ།། དེས་ཀྱང་བརྩོན་པའི་སྟོབས་བསྐྱེད་ན།། བྱང་ཆུབ་འཐོབ་དཀའ་བླ་མེད་འཐོབ།། ༡༨ ཅེས་གསུངས་ཏེ། དེས་ན་སྦྲང་བུ་སོགས་ཀྱིས་ཀྱང་སེམས་སྐྱེད་པ་ཡོད་ན་ངེས་པར་འགྲུབ་ 326 བརྩོན་འགྲུས་བསྟན་པ། ལ། འདས་པ་དང་ད་ལྟ་བའི་སངས་རྒྱས་རྣམས་ཀྱང་སྔོན་སེམས་ཅན་དུ་གྱུར་པ་བདག་ཅག་ ལྟ་བུ་ལས་བརྩོན་འགྲུས་ཀྱི་ཁྱད་པར་གྱིས་སྔོན་དུ་སངས་རྒྱས་པ་ཁོ་ན་ཡིན་པའི་ཕྱིར་རོ།། བདག་ལྟ་རིགས་ཀྱི་མིར་སྐྱེས་ལ།། ཕན་དང་གནོད་པ་ངོ་ཤེས་ནས།། བྱང་ཆུབ་སྤྱོད་པ་མ་བཏང་ན།། བདག་གིས་བྱང་ཆུབ་ཅིས་མི་འཐོབ།། ༡༩ ཅེས་གསུངས་ཏེ། དེས་ན་བདག་ད་ལྟ་དལ་འབྱོར་གྱི་ལུས་ཐོབ་ལ། ཕན་གནོད་ཀྱི་གནས་ ཆོས་དང་ཆོས་མ་ཡིན་པ་ཁ་ཅིག་ཤེས། མི་ཤེས་པ་དག་ཡང་དགེ་བའི་བཤེས་གཉེན་ལ་དྲིར་ ཡོད་པའི་དུས་འདིར་བདག་ཉིད་ཀྱིས་བརྩོན་འགྲུས་བརྩམས་ན་བྱང་ཆུབ་ཅིས་མི་འཐོབ་སྟེ། ད་ནི་ཤིན་ཏུ་འབད་པའི་དུས་ཡིན་གྱིས་ཞུམ་པའི་དུས་མ་ཡིན་ནོ།། གསུམ་པ་རྒྱུ་སྦྱིན་སོགས་ལ་སྒྱིད་ལུག་སྤང་བ་ལ་གསུམ། སྦྱིན་སོགས་ཀྱི་སྡུག་བསྔལ་ ནི་སྡུག་བསྔལ་ཆུང་ངུར་བསྟན་པ། གོམས་ན་མི་དཀའ་བར་བསྟན་པ། དེ་ཉིད་བདེ་བའི་ མཆོག་ཏུ་བསྟན་པའོ། །དང་པོ་ལ་བཞི། མཚམས་སྦྱར། སྡུག་བསྔལ་ཆུང་ངུ་འདི་མ་སྐྱེད་ན་ སྡུག་བསྔལ་གཞན་ཚད་མེད་མྱོང་དགོས་པར་བསྟན། དེའི་དཔེ་བཤད། དཔེ་ལས་ལྷག་པར་ བསྟན་ཏོ། །དང་པོ་ནི། འོན་ཏེ་རྐང་ལག་ལ་སོགས་པ།། བཏང་དགོས་བདག་ནི་འཇིགས་ཞེ་ན།། 327 བརྩོན་འགྲུས་བསྟན་པ། ལྕི་དང་ཡང་བ་མ་དཔྱད་པར།། རྨོངས་པས་བདག་ནི་འཇིགས་པར་ཟད།། ༢༠ ཅེས་གསུངས་ཏེ། དེ་ཡང་བྱང་ཆུབ་སྒྲུབ་པ་ནི་མགོ་དང་རྐང་ལག་ལ་སོགས་ཀྱང་གཏོང་དགོས་ སྐད་ན་དེ་ལྟ་བུ་མི་ནུས་སོ་ཞེ་ན། དེ་ནི་ཆུའི་སྒྲ་ཐོས་པ་ཙམ་གྱིས་ལྷམ་འབུད་པ་ལྟར་མ་བརྟགས་ པར་གྱ་ཚོམས་སུ་སྐྲག་པར་ཟད་དེ། ཐབས་མཁས་པས་མགོ་ལ་སོགས་པ་གཏོང་བ་མེད་པར་ བདེ་བས་ལམ་བགྲོད་པ་ཡང་ཡོད་ལ། མགོ་ལ་སོགས་གཏོང་བ་དེའི་ཚེ་ཡང་བྱང་ཆུབ་ཆེད་དུ་བྱ་ དཀའ་སྤྱོད་པ་འདི་ལྕི་འམ་འོན་ཏེ་འཁོར་བའི་སྡུག་བསྔལ་གཞན་ལྕི་ཞེས་ལྕི་ཡང་གི་ཁྱད་པར་ བརྟགས་ན། འདི་ནི་ཡུད་ཙམ་ཞིག་སྡུག་བསྔལ་བར་སྣང་བ་འདི་བཟོད་པར་བྱས་པ་ཁོ་ནས་ སྡུག་བསྔལ་གྱི་རྒྱ་མཚོ་འདི་བ་ལང་གི་རྐང་རྗེས་ཀྱི་ཆུ་ཙམ་དུ་བྱེད་ལ། ཚོགས་གཉིས་ཀྱི་ཁྱད་ པར་མཐའ་ཡས་པ་འཐོབ་པས་བཤང་གཅིའི་བུམ་པ་བཙོངས་ཏེ། གྲུབ་པའི་བུམ་པ་བཟང་པོ་ ཐོབ་པ་ལྟ་བུ་ཡིན་པས་སྡུག་བསྔལ་འདི་ནི་ཆེས་ཡང་བར་མཐོང་ངོ༌།། གཉིས་པ་སྡུག་བསྔལ་ཆུང་ངུ་འདི་མ་སྐྱེད་ན་སྡུག་བསྔལ་གཞན་ཚད་མེད་མྱོང་དགོས་ པར་བསྟན་པ་ནི། བསྐལ་པ་བྱེ་བ་གྲངས་མེད་དུ།། ལན་གྲངས་དུ་མར་གཅོད་པ་དང༌།། དབུག་དང་སྲེག་དང་གཤེག་འགྱུར་གྱི།། བྱང་ཆུབ་འཐོབ་པར་མི་འགྱུར་རོ།། ༢༡ 328 བརྩོན་འགྲུས་བསྟན་པ། ཞེས་གསུངས་ཏེ། འདི་ལྟར་མ་སྤྱད་ན་འཁོར་བ་མཐའ་མེད་དུ་འཁྱམ་ཞིང་དེར་མི་འདོད་མི་ བཟོད་བཞིན་དུ་དམྱལ་བ་ལ་སོགས་པར་འབྲས་ལྟར་འཚེད་པ་དང༌། ཡུངས་ཀར་ལྟར་འཚིར་ བ་དང༌། ཀར་ཥ་པ་ཎ་ཙམ་དུ་བཏུབ་པ་སོགས་གྲངས་མེད་པ་བསྐལ་པ་ཐམས་ཅད་གཏུགས་ པར་མྱོང་དགོས་ལ་དེས་རང་གཞན་གང་ལའང་ཅུང་ཟད་ཀྱང་མི་ཕན་ནོ།། གསུམ་པ་དེའི་དཔེ་བཤད་པ་ནི། བདག་གིས་བྱང་ཆུབ་སྒྲུབ་པ་ཡི།། སྡུག་བསྔལ་འདི་ནི་ཚོད་ཡོད་དེ།། ཟུག་རྔུ་ཁོང་བརླག་གནོད་བསལ་ཕྱིར།། ལུས་རྨ་གཏོད་པའི་སྡུག་བསྔལ་བཞིན།། ༢༢ སྨན་པ་ཀུན་ཡང་གསོ་དཔྱད་ཀྱི།། མི་བདེ་བ་ཡིས་ནད་མེད་བྱེད།། དེ་བས་སྡུག་བསྔལ་མང་པོ་དག། གཞོམ་ཕྱིར་མི་བདེ་ཆུང་བཟོད་བྱ།། ༢༣ ཞེས་གསུངས་ཏེ། དེ་ལྟར་ལྕི་ཡང་ལ་དཔྱད་ན་བྱང་ཆུབ་སྒྲུབ་པའི་སྡུག་བསྔལ་འདི་ནི་ཤིན་ཏུ་ སྡུག་བསྔལ་ཆུང་ངུ་སྡུག་བསྔལ་ལྟར་སྣང་ཙམ་དུ་ཟད་དེ། ཚེ་འདི་ཁོ་ནའི་ནང་མདེའུ་དུག་ཅན་ 329 བརྩོན་འགྲུས་བསྟན་པ། འདོད་པ་དང༌། སྙིང་ཆུ་དང༌། གློ་རྣག་དང༌། རྩ་སྦུབས་ཀྱི་ནད་འབྱིན་པའི་ཕྱིར། སྨན་པས་ རྨ་གཏོང་བ་ལྟ་བུ་སྟེ། དཔྱད་རྩུབ་མོ་དེ་དག་གིས་ཀྱང་ནད་ཆུང་ངུ་འབྱིན་པར་བྱེད་ན་སྐྱེ་བ་ གཏན་དུ་སྡུག་བསྔལ་ཐམས་ཅད་ཀྱི་རྒྱུར་གྱུར་པའི་ནད་ཆེན་པོ་དབྲལ་བར་དཀའ་བ་བདག་ ཏུ་འཛིན་པ་གཞོམ་པའི་ཆེད་དུ་སྡུག་བསྔལ་ཆུང་ངུ་དེ་ཅིའི་ཕྱིར་མི་བཟོད། བཞི་པ་དཔེ་ལས་ལྷག་པར་བསྟན་པ་ནི། གསོ་དཔྱད་ཕལ་པ་འདི་འདྲ་བའང༌།། སྨན་པའི་མཆོག་གིས་མ་མཛད་དེ།། ཆོ་ག་ཤིན་ཏུ་འཇམ་པོ་ཡིས།། ནད་ཆེན་དཔག་མེད་གསོ་བར་མཛད།། ༢༤ ཅེས་གསུངས་ཏེ། དེ་ལྟ་མོད་ཀྱིས་རྫོགས་པའི་སངས་རྒྱས་ཀྱིས་ནི་གཏར་སྲེག་ཙམ་གྱི་དཔྱད་ རྩུབ་མོའང་མ་གསུངས་ཏེ། སེམས་ལ་གྲོས་གདབ་པའི་ཆོ་ག་འཇམ་པོ་ཁོ་ནས་སྒོ་གསུམ་ གྱི་ནད་ཐམས་ཅད་ཅིག་ཆར་ཞི་བར་མཛད་པའི་ཕྱིར་དང༌། ཉན་ཐོས་ཀྱི་སྐབས་སུ་ཡོ་བྱད་ བསྙུངས་པ་བསྔགས་པའི་ཚེའང་ངལ་ཞིང་དུབ་པའི་མཐའ་སྤང་བར་གསུངས་པའི་ཕྱིར་རོ།། གཉིས་པ་གོམས་ན་མི་དཀའ་བར་བསྟན་པ་ལ་གཉིས། གོམས་སུ་གཞུག་ཚུལ་དང༌། གོམས་ན་སླ་བར་བསྟན་པའོ། །དང་པོ་ནི། 330 བརྩོན་འགྲུས་བསྟན་པ། ཚོད་མ་ལ་སོགས་སྦྱིན་པ་ལའང༌།། འདྲེན་པས་ཐོག་མར་སྦྱོར་བར་མཛད།། དེ་ལ་གོམས་ནས་ཕྱིས་ནས་ནི།། རིམ་གྱིས་རང་གི་ཤ་ཡང་གཏོང༌།། ༢༥ ཞེས་གསུངས་ཏེ། ངེས་པར་མགོ་ལ་སོགས་པ་གཏོང་དགོས་སོ་ཞེས་ཁྱབ་འཇུག་གི་ཚིག་ ལྟ་བུས་ཁྲིམས་བཅས་པ་ཡང་མ་ཡིན་ཏེ། དང་པོར་སེམས་ཞེན་པ་ལས་ལྡོག་པ་དང༌། རང་ གཞན་གྱི་བདེ་བའི་ཆེད་དུ་དང་པོར་ཚོད་མ་ངན་ངོན་དང༌། ཁ་ཟས་ཀྱི་ལྷག་མ་རང་བཞིན་ གྱིས་དོར་བྱ་དང༌། ཆུ་ཙམ་གྱི་སྦྱིན་པ་བྱོས་ཤིག་ཞེས་བསྟན་ཏེ། དེ་གོམས་པ་ན་དངོས་པོ་ ཆེན་པོའང་མི་འཕངས་པར་གཏོང་བར་ནུས་སོ།། གཉིས་པ་གོམས་ན་སླ་བར་བསྟན་པ་ནི། གང་ཚེ་རང་གི་ལུས་ལ་ནི།། ཚོད་སོགས་ལྟ་བུའི་བློ་སྐྱེས་པ།། དེ་ཚེ་ཤ་ལ་སོགས་གཏོང་བ།། དེ་ལ་དཀའ་བ་ཅི་ཞིག་ཡོད།། ༢༦ ཅེས་གསུངས་ཏེ། མཐར་ལུས་དང་ཚོད་མའང་མཉམ་པར་མཐོང་སྟེ། གཉི་ག་ལ་སེམས་པ་མེད་ 331 བརྩོན་འགྲུས་བསྟན་པ། པ་དང༌། སུའི་ཡང་མ་ཡིན་པར་མཐོང་བས་ལུས་ལ་གཅེས་སྤྲས་དང༌། བདག་གིར་འཛིན་པ་ ལས་ལོག་སྟེ། ཆགས་པ་མེད་ཅིང་སྙིང་རྗེའི་གཞན་དབང་དུ་གྱུར་པས་བདག་ཉིད་ཀྱིས་དགའ་ བཞིན་དུ་གཏོང་བ་བུ་གཅེས་པ་ལ་ཟས་བཟང་པོ་སྟེར་བ་ལྟ་བུའི་བློ་འབྱུང་བ་ཡིན་ཏེ། སྡུག་དང་མི་སྡུག་ཀུན་ལ་ལྟ་བ་མེད་པ་ཡིན།། མགོ་དང་རྐང་ལག་གཏོང་ཞིང་ཞུམ་པའི་སེམས་ཀྱང་མེད།། བདོག་པ་ཐམས་ཅད་གཏོང་ཞིང་རྟག་ཏུ་ཞེན་པ་མེད།། ཆོས་རྣམས་རང་བཞིན་བདག་མེད་ཡ་མ་རླར་ཤེས་ནས།། བདག་གི་ཤ་ཡང་གཏོང་ལ་ཞུམ་པའི་སེམས་མེད་ན།། དེ་ཚེ་ཕྱི་རོལ་དངོས་པོ་གཏོང་ལ་སྨོས་ཅི་དགོས།། ཞེས་གསུངས་པ་ཡིན་གྱི་དུས་མིན་དུ་ལྕེབ་དགོས་པར་བསྟན་པ་མིན་ལ། དེས་ན་ཁྱིམ་ བདག་ཤིན་ཏུ་སེར་སྣ་ཅན་ཞིག་ལ་ཁོ་རང་གི་ལག་པ་གཡས་པས་གཡོན་པ་ལ་སྟེར་བ་ བསླབས་པས་ཕྱིས་བདོག་པ་ཐམས་ཅད་ཆགས་མེད་དུ་གཏོང་བ་ཞིག་བྱུང་བར་བཤད་པ་ ལྟར་སྤྱོད་པ་ཐམས་ཅད་ཀྱང་གོམས་པའི་རྩ་བ་ཅན་ཡིན་ནོ།། གསུམ་པ་དེ་ཉིད་བདེ་བའི་མཆོག་ཏུ་བསྟན་པ་ལ་བཞི། འཁོར་བའི་རང་བཞིན་ཤེས་ པས་འཇིགས་པ་མེད་པར་བསྟན། འཁོར་བས་མི་སྐྱོ་བར་བསྟན། དེའི་ཕྱིར་ཉན་རང་ལས་ ལྷག་པར་བསྟན། དོན་བསྡུས་པའོ། །དང་པོ་ནི། 332 བརྩོན་འགྲུས་བསྟན་པ། སྡིག་པ་སྤངས་ཕྱིར་སྡུག་བསྔལ་མེད།། མཁས་པའི་ཕྱིར་ན་མི་དགའ་མེད།། འདི་ལྟར་ལོག་པར་རྟོག་པ་དང༌།། སྡིག་པས་སེམས་དང་ལུས་ལ་གནོད།། ༢༧ ཅེས་གསུངས་ཏེ། ཁ་ཅིག་བྱང་ཆུབ་སེམས་དཔའ་ནི་འཁོར་བར་བསྐལ་པ་མཐའ་ཡས་པར་ གནས་དགོས་སོ་ཞེས་ཐོས་ནས་འཁོར་བ་ནི་སྐྱི་གཡའ་ཞིང་འཇིགས་སུ་རུང་བ་གཤིན་རྗེའི་ དོང་ལྟ་བུ་ཡིན་པས་དེ་ཙམ་དུ་གནས་པའི་སྡུག་བསྔལ་ཇི་ལྟར་བཟོད། དེས་ན་སྲིད་པ་ལས་ མྱུར་དུ་ཐར་བར་བྱེད་པའི་ཉན་རང་གི་བྱང་ཆུབ་སྒྲུབ་བོ་ཞེ་ན། འདི་ཡང་གང་ལྕི་བ་དང་གང་ ཡང་བ་མ་དཔྱད་པས་སྐྲག་པ་ཉིད་ཡིན་ཏེ། མི་སྐྱེ་བའི་ཆོས་ལ་བཟོད་པ་ཆུང་ངུ་ཐོབ་པ་ཡང་ འདོད་ན་ཞག་བདུན་གྱིས་ཡང་དག་པའི་མཐའ་མངོན་དུ་བྱེད་པར་ནུས་མོད་ཀྱང༌། སྙིང་རྗེ་ ཆེན་པོས་སེམས་ཅན་ལ་བརྩེ་བ་འབའ་ཞིག་གི་ཕྱིར་དང༌། འཁོར་བ་དང་མྱ་ངན་ལས་འདས་ པ་ནི་རང་བཞིན་གྱིས་མཉམ་པ་ཉིད་དུ་གཟིགས་པས་རེ་དོགས་ཀྱི་བློ་མི་མངའ་བ་དང༌། བདེ་ བ་དང་སྡུག་བསྔལ་ནི་སྒྲོ་བཏགས་གོམས་པར་ཁོ་ནར་ཟད་ཀྱི་ངོ་བོ་ཉིད་ཀྱིས་མ་ཡིན་པར་ གཟིགས་པས་བླང་དོར་གྱི་དམིགས་པ་མི་མངའ་བའི་ཕྱིར། ཡང་དག་པའི་མཐའ་ལག་ཐིལ་ དུ་འོངས་ཀྱང་དུས་མིན་དུ་མངོན་དུ་མི་བྱེད་པར་སྙིང་རྗེའི་ཆུས་བསྐྲུན་པ་བསམ་གྱིས་མི་ཁྱབ་ པའི་འཆི་འཕོ་ཡོངས་སུ་སྟོན་པས་འདམ་ན་པདྨ་ལྟར་འཁོར་བར་སྤྱོད་ཀྱང་དེས་མ་གོས་པར་ 333 བརྩོན་འགྲུས་བསྟན་པ། གནས་ཤིང༌། བསྐལ་པ་མཐའ་ཡས་པ་དང་སྐད་ཅིག་མ་གཅིག་ཀྱང་ཡང་དག་པར་རིང་ཐུང་ གི་མཚན་མ་མི་མངའ་བར་གཟིགས་པས་དུས་རིང་ངོ་ཞེའམ་ཐུང་ངོ་ཞེས་མི་རྟོག་པའི་ཕྱིར། སྐྱོ་བ་མེད་པར་རྒྱལ་པོ་སྐྱེད་ཚལ་ན་སྤྱོད་པ་ལྟར་བསམས་བཞིན་དུ་དགའ་བས་བཞུགས་པར་ ཟད་ཀྱི་སྡུག་བསྔལ་ཞིང་དབང་མེད་དུ་འཁོར་བར་གནས་པ་ག་ལ་ཡིན་ཏེ། ཡུལ་ཡུལ་ཅན་ལ་ མཚན་མར་ཞེན་པའི་ལོག་རྟོག་གིས་ནི་ཡིད་མི་བདེ་དང༌། དེས་སེམས་ཀྱི་སྡུག་བསྔལ་སྐྱེད་ ལ། སྡིག་པའི་རྣམ་སྨིན་གྱིས་ལུས་ལ་ནད་མཚོན་གྱིས་གནོད་པར་འགྱུར་བ་ཡིན་ལ། བྱང་ ཆུབ་སེམས་དཔའ་དེ་ནི་ལས་ཀྱི་སྒྲིབ་པ་མི་དགེ་བ་བཅུ་ཀུན་ཏུ་སྤངས་པའི་ཕྱིར། འབྲས་བུ་ སྡུག་བསྔལ་མེད་ལ། ཆོས་ཐམས་ཅད་རང་བཞིན་མེད་པའི་མཐོང་བ་ལ་མཁས་པའི་ཕྱིར། ཡིད་མི་བདེ་དང་དེས་ཀུན་ནས་བསླང་པའི་ཉོན་མོངས་རྣམས་མེད་པའི་ཕྱིར་རོ།། གཉིས་པ་འཁོར་བས་མི་སྐྱོ་བར་བསྟན་པ་ནི། བསོད་ནམས་ཀྱིས་ནི་ལུས་བདེ་ལ།། མཁས་པ་ཡིས་ནི་སེམས་བདེ་ན།། གཞན་དོན་འཁོར་བར་གནས་ཀྱང་ནི།། སྙིང་རྗེ་ཅན་དག་ཅི་སྟེ་སྐྱོ།། ༢༨ ཞེས་གསུངས་ཏེ། དེས་ན་བསོད་ནམས་གཞལ་དུ་མེད་པ་སྐད་ཅིག་རེ་རེ་ལ་ཡང་གོང་ནས་ གོང་དུ་འཕེལ་ཞིང༌། ཆོས་ཐམས་ཅད་ཀྱི་རང་བཞིན་ངོ་བོ་ཉིད་མེད་པ་མཉམ་པ་ཉིད་ལས་མི་ 334 བརྩོན་འགྲུས་བསྟན་པ། གཡོ་བ་ལ་སངས་རྒྱས་དང་མཚུངས་པའི་གཟིགས་པ་ཐོབ་པ་དེ་ནི་བདེ་བར་འགྲོ་བའི་ཏིང་ངེ་ འཛིན་གྱིས་དུས་འདའ་ཞིང༌། ཟག་མེད་ཀྱི་བསོད་ནམས་ཆེན་པོས་བསྒྲུབས་པའི་འཕགས་ པའི་ལོངས་སྤྱོད་ཚུར་མཐོང་གི་ཡུལ་མ་ཡིན་པ་རྣམས་ཀྱི་རྟག་ཏུ་དགྱེས་པར་རྩེན་པའི་སྙིང་ རྗེའི་མཐུ་ཅན་འདི་དག ཇི་ལྟར་འཁོར་བས་སྐྱོ་སྟེ་ལུས་སེམས་ཀྱི་བདེ་བ་འདི་ནི་བརྒྱ་བྱིན་ དགའ་ཚལ་ན་མི་སྐྱོ་བ་ལྟ་བུས་དཔེ་དང་ཆ་དང་རྒྱུར་ཡང་མི་བཟོད་དོ།། གསུམ་པ་དེའི་ཕྱིར་ཉན་རང་ལས་ལྷག་པར་བསྟན་པ་ནི། འདི་ནི་བྱང་ཆུབ་སེམས་སྟོབས་ཀྱིས།། སྔོན་གྱི་སྡིག་པ་ཟད་བྱེད་ཅིང༌།། བསོད་ནམས་རྒྱ་མཚོ་སྡུད་བྱེད་ཕྱིར།། ཉན་ཐོས་རྣམས་ལས་མཆོག་ཏུ་བཤད།། ༢༩ ཅེས་གསུངས་ཏེ། འདི་ལྟར་བྱང་ཆུབ་སེམས་དཔའ་གཅིག་ཁོ་ནས་ཆོས་ཐམས་ཅད་གཟོད་ ནས་དག་པར་མཐོང་བའི་ཉི་མའི་དཀྱིལ་འཁོར་དམིགས་པ་མེད་པའི་སྙིང་རྗེ་ཆེན་པོའི་འོད་ ཟེར་མཐའ་ཡས་པ་ཅན་གྱིས་སྒྲིབ་པའི་མུན་པ་དྲུང་འབྱིན་ཞིང༌། བསོད་ནམས་ཀྱི་ཆུ་བོ་ཇི་ སྙེད་པ་སེམས་ཀྱི་རྒྱ་མཚོར་རྒྱུན་མི་འཆད་པར་སྡུད་པ་འདི་ལྟ་བུ་ཉན་ཐོས་དང་རང་སངས་ རྒྱས་བྱེ་བ་ཕྲག་དུ་མ་ལ་ཡང་ག་ལ་ཡོད་དེ། དེའི་ཕྱིར་བྱང་ཆུབ་སེམས་དཔའ་བུད་མེད་འགྱུར་ བའི་སྤོབས་པས་འཕགས་པ་རབ་འབྱོར་ཟིལ་གྱིས་མནན་པ་དང༌། བུ་མོ་ཟླ་མཆོག་གི་ 335 བརྩོན་འགྲུས་བསྟན་པ། སྤོབས་པས་མཽངྒལ་གྱི་བུ་ཟིལ་གྱིས་མནན་ཅིང༌། ཕྱིས་དགྲ་བཅོམ་པ་དེ་དག་གིས་ཕྱག་བྱས་ པ་ན་འཕགས་པ་ཤཱ་རིའི་བུའི་སྤོབས་པ་ཡང་ཟིལ་གྱིས་ནོན་ཏེ། འདི་དག་ནི་ལྷ་དང་བཅས་ པའི་འཇིག་རྟེན་ཐམས་ཅད་ཀྱི་ཕྱག་གི་ཡུལ་ཡིན་ན། ཚེ་དང་ལྡན་པ་རབ་འབྱོར་དང༌། མཽངྒལ་ གྱི་བུས་ལྟ་ཅི་སྨོས་ཞེས་སྨྲས་པ་ལྟ་བུའི་ཕྱིར། དེ་ལྟ་མོད་ཀྱི་བྱང་ཆུབ་སེམས་དཔའ་ཆེན་པོ་དེ་ དག་ལྟ་ཞོག་སྨོན་འཇུག་གི་སེམས་དང་པོ་བསྐྱེད་པའི་བྱང་ཆུབ་སེམས་དཔའ་ཡང་ཉན་རང་ ལས་ཆེས་རྨད་དུ་བྱུང་སྟེ། འཁོར་ལོས་བསྒྱུར་བའི་རྒྱལ་པོར་འགྱུར་རྒྱུ་ནུར་ནུར་པོ་ལ་གནས་ པ་ཡང་མངོན་པར་ཤེས་པ་ཅན་གྱི་མཐོང་བར་རྒྱལ་པོ་དང་རྒྱལ་ཕྲན་ཇི་སྙེད་པ་དང་མི་མཉམ་ པར་མཐོང་བ་ལྟ་བུའི་ཕྱིར་དང༌། ཀ་ལ་པིངྐའི་ཕྲུ་གུ་སྒོ་ང་ནས་མ་བྱུང་བའི་སྐད་ཀྱིས་བྱ་གཞན་ ཐམས་ཅད་ཟིལ་གྱིས་གནོན་པ་དང༌། སེང་གེའི་ཕྲུ་གུ་བཙས་མ་ཐག་པ་ཡང་སེང་གེའི་ང་རོ་ ཐོས་ན་མི་སྐྲག་ཅིང་དགའ་བ་འཕེལ་ལ། བཙས་མ་ཐག་པ་དེའི་ང་རོ་ཡང་དུད་འགྲོ ་གཞན་ གྱིས་མི་བཟོད་པ་ལྟར་ཐེག་ཆེན་གྱི་རིགས་ཅན་ལས་དང་པོ་པ་ཡང་སྟོང་པ་ཉིད་ལ་སོགས་པ་ ཟབ་མོའི་སྒྲར་འབྱིན་ཞིང་ཟབ་རྒྱས་ཀྱི་སྡེ་སྣོད་ཐོས་ན་མི་སྐྲག་པར་མོས་ཤིང༌། དེའི་སྟོང་པ་ ཉིད་ལ་སོགས་པའི་སྨྲ་བ་ཙམ་ཡང་དམིགས་པ་ཅན་ཐམས་ཅད་ཀྱིས་བཟོད་པར་མི་ནུས་པར་ སྡོང་རྒྱན་ལས་གསུངས་པ་ལྟར་དང༌། སྔོན་ཁྱེའུ་གསུམ་དུ་གྱུར་པ་ན་དབུས་མས་སངས་རྒྱས་དང་གཉིས་ཀྱིས་ཉན་ཐོས་སུ་ སེམས་བསྐྱེད་པ་ལས་བརྩམས་ནས་ཤཱ་རིའི་བུ་དང་མཽངྒལ་གྱི་བུ་འདི་གཉིས་དེའི་ཚེ་འཁོར་ བས་སྐྲག་སྟེ་མྱུར་དུ་འཐར་པར་འདོད་པས་ཉན་ཐོས་སུ་སེམས་བསྐྱེད་པ་ཡིན་ཡང་ང་འཚང་ 336 བརྩོན་འགྲུས་བསྟན་པ། མ་རྒྱས་ཀྱི་བར་དུ་འདི་གཉིས་ཐར་བར་མ་ནུས་ལ། ང་སངས་རྒྱས་ནས་འདི་གཉིས་ངས་ བཏུལ་བ་ཡིན་ནོ། །དེས་ན་མྱུར་དུ་འཁོར་བ་ལས་ཐར་བར་འདོད་པས་ཀྱང་རྫོགས་པའི་བྱང་ ཆུབ་ཏུ་སེམས་བསྐྱེད་པར་བྱའོ། །ཞེས་གསུངས་པ་ཡིན་ནོ།། བཞི་པ་དོན་བསྡུས་བ་ནི། དེ་བས་སྐྱོ་ངལ་ཀུན་སེལ་བའི།། བྱང་ཆུབ་སེམས་ཀྱི་རྟ་ཞོན་ནས།། བདེ་ནས་བདེ་བར་འགྲོ ་བ་ལ།། སེམས་ཤེས་སུ་ཞིག་སྒྱིད་ལུག་འགྱུར།། ༣༠ ཞེས་གསུངས་ཏེ། དེས་ན་སྐྱོ་འཇིགས་ཐམས་ཅད་ལས་རྣམ་པར་རྒྱལ་བའི་བྱང་ཆུབ་ཀྱི་ སེམས་ཀྱི་ཐེག་པ་ལྷའི་གཞལ་མེད་ཁང་བྱེ་བར་ལྡན་པའི་རིན་པོ་ཆེའི་ཤིང་རྟ་ནམ་མཁའ་ལྡིང་ འབུམ་གྱིས་དྲངས་པ་ལྟ་བུའི་ཐེག་པ་ལ་ཞོན་ནས་བདེ་བ་ནས་བདེ་བ་དང༌། དེ་བཞིན་ཉིད་ ནས་དེ་བཞིན་ཉིད་དུ་འགྲོ་བ་ལ་སུ་ཞིག་ངལ་ཏེ། དེའི་ཕྱིར། ཐེག་པ་འདི་ནི་མཁའ་འདྲ་གཞལ་མེད་ཁང་ཆེན་ཏེ།། དགའ་སྐྱིད་བདེ་བ་མངོན་པར་འཐོབ་བྱེད་ཐེག་པའི་མཆོག། ཅེས་གསུངས་པ་ཡིན་ནོ། །དེ་ལྟར་མི་མཐུན་པའི་ཕྱོགས་ལེ་ལོ་བཤད་ནས། 337 བརྩོན་འགྲུས་བསྟན་པ། བཞི་པ་བརྩོན་འགྲུས་བརྩམ་ཚུལ་དངོས་ལ་གཉིས། མདོར་བསྟན་པ་དང༌། རྒྱས་པར་ བཤད་པའོ། །དང་པོ་ནི། སེམས་ཅན་དོན་གྲུབ་བྱ་ཕྱིར་དཔུང༌།། མོས་བརྟན་དགའ་དང་དོར་བ་ཡིན།། མོས་པ་སྡུག་བསྔལ་འཇིགས་པ་དང༌།། དེ་ཡི་ཕན་ཡོན་བསམས་པས་སྐྱེ།། ༣༡ དེ་ལྟར་མི་མཐུན་ཕྱོགས་སྤངས་ཏེ།། མོས་དང་ང་རྒྱལ་དགའ་དང་དོར།། ལྷུར་བླང་དབང་བསྒྱུར་སྟོབས་ཀྱིས་ནི།། བརྩོན་འགྲུས་སྤེལ་ཕྱིར་འབད་པར་བྱ།། ༣༢ ཞེས་གསུངས་ཏེ། རྒྱལ་པོ་ཆེན་པོ་རྣམས་དཔུང་ཚོགས་ཡན་ལག་བཞིས་ཕས་རྒོལ་འཇོམས་ ཤིང་བཀར་བཏགས་པའི་ཁྲིམས་ཀྱིས་བྱ་བ་སྒྲུབ་པ་ལྟར་བྱང་ཆུབ་སེམས་དཔས་ཀྱང་དགེ་ བ་ལ་མོས་ཤིང་འདུན་པས་ཁ་ལོ་བསྒྱུར་སླ་བ་ཤིང་རྟ་པའི་ཚོགས་ལྟ་བུ་དང༌། བརྟན་ཞིང་མི་ ཟློགས་པ་གླང་པོ་ཆེ་པའི་ཚོགས་ལྟ་བུ་དང༌། དགའ་ཞིང་སྤྲོ་བས་འཇུག་པས་ཟོར་ཡང་བ་རྟ་ པའི་ཚོགས་ལྟ་བུ་དང༌། མི་ནུས་ན་རེ་ཞིག་དོར་བ་བསྐྱིལ་བར་སླ་བ་རྐང་ཐང་གི་ཚོགས་ལྟ་བུ་ 338 བརྩོན་འགྲུས་བསྟན་པ། སྟེ། གཉེན་པོའི་དཔུང་ཚོགས་ཡན་ལག་བཞིས་ལེ་ལོ་ལས་རྒྱལ་བར་བྱ་ལ། དེ་ལ་བརྟེན་ནས་ བརྩོན་འགྲུས་སྤེལ་བའི་ཕྱིར། ལྷུར་བླང་བ་དང༌། དབང་དུ་བྱ་བ་བཀར་བཏགས་པའི་ཁྲིམས་ལྟ་ བུས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་རང་དབང་ཐོབ་པར་བྱའོ། །དེ་དག་གི་རྒྱུ་ཡང་སྡུག་ བསྔལ་ལ་འཇིགས་པ་དང་བརྩོན་འགྲུས་ཀྱི་ཕན་ཡོན་བསམས་པས་ནི་མོས་འདུན་ཉིད་སྐྱེ་ལ། དེ་གོམས་པས་དེ་ཉིད་བརྟན་པ་སྟེ་སྤང་བྱ་འཇོམས་པ་ལ་དཔའ་བའི་ང་རྒྱལ་དང༌། དེ་ལས་གོང་ ནས་གོང་དུ་བརྩོན་འགྲུས་རྩོམ་པར་དགའ་བ་སྐྱེ་ལ། དོར་བ་ནི་ཅུང་ཟད་ངལ་གསོ་བ་ཡིན་པས་ ཆེད་དུ་སྐྱེ་མི་དགོས་ཀྱང་དུས་ཤེས་པས་འགྲུབ་པར་འགྱུར་ལ། དེ་བཞིའི་འབྲས་བུ་ནི་བརྩོན་ འགྲུས་ལྷུར་ལོངས་པ་ཉིད་དང་བདག་ཉིད་དབང་དུ་གྱུར་པ་ཡིན་ནོ།། གཉིས་པ་རྒྱས་བཤད་ལ་བཞི། མོས་པ། བརྟན་པ། དགའ་བ། དོར་བ་སྟེ་བཞི་པོ་རེ་རེ་ ཞིང་བཤད་པའོ། །དང་པོ་ལ་བཞི། གང་ལ་མོས་པའི་ཡུལ། མོས་པའི་འབྲས་བུ། མོས་པ་ སྐྱེ་བའི་རྒྱུ། མཇུག་བསྡུ་བའོ། །དང་པོ་ལ་གསུམ། ཉེས་པ་འདོར་བ་དང༌། ཡོན་ཏན་སྒྲུབ་པ་ དང༌། བྱ་བའི་རྣམ་གྲངས་བསྟན་པའོ། །དང་པོ་ནི། བདག་དང་གཞན་གྱི་ཉེས་པ་ནི།། དཔག་མེད་བདག་གིས་གཞོམ་བྱ་སྟེ།། གང་དུ་ཉེས་པ་རེ་རེ་ལའང༌།། བསྐལ་པ་རྒྱ་མཚོར་ཟད་འགྱུར་པ།། ༣༣ 339 བརྩོན་འགྲུས་བསྟན་པ། ཉེས་ཟད་རྩོམ་པ་དེ་ཡི་ནི།། ཆ་ཡང་བདག་ལ་མ་མཐོང་ན།། སྡུག་བསྔལ་དཔག་ཏུ་མེད་པའི་སྣོད།། བདག་ཀོ་ཅི་སྟེ་སྙིང་མ་གས།། ༣༤ ཞེས་གསུངས། གཉིས་པ་ཡོན་ཏན་སྒྲུབ་པ་ནི། བདག་དང་གཞན་གྱི་ཡོན་ཏན་ནི།། མང་པོ་བདག་གིས་བསྒྲུབ་བྱ་སྟེ།། དེ་ལ་ཡོན་ཏན་རེ་རེ་ལའང༌།། བསྐལ་པ་རྒྱ་མཚོས་གོམས་འགྱུར་ན།། ༣༥ བདག་ནི་ཡོན་ཏན་ཆ་ལ་ཡང༌།། གོམས་པ་ནམ་ཡང་མ་སྐྱེས་ཏེ།། ཅི་ཞིག་ལྟར་རྙེད་སྐྱེ་བ་ནི།། བདག་གིས་དོན་མེད་བྱས་པ་མཚར།། ༣༦ ཞེས་གསུངས་ཏེ། དེ་ཡང་ཉེས་པ་དོར་བ་དང་ཡོན་ཏན་སྒྲུབ་པ་དེ་གཉིས་ཀྱི་དོན་ནི། གང་ལ་ ཡིད་མོས་པར་བྱ་ཞེ་ན། བདག་གིས་བྱང་ཆུབ་ཏུ་སེམས་བསྐྱེད་ནས་བདག་གཞན་ཐམས་ཅད་ 340 བརྩོན་འགྲུས་བསྟན་པ། ཀྱི་ཉེས་པ་ཐམས་ཅད་འཇོམས་ཤིང༌། ཡོན་ཏན་ཐམས་ཅད་སྒྲུབ་པར་དམ་བཅས་ཟིན་པའི་ཕྱིར། བླང་དོར་དེ་གཉིས་ལ་མོས་པས་རྩེ་གཅིག་ཏུ་སྒྲུབ་དགོས་མོད་ཀྱང་ཉེས་པ་དང་ཡོན་ཏན་ཐམས་ ཅད་ལྟ་ཞོག་བདག་འཛིན་ལྟ་བུའི་ཉེས་པ་རེ་རེ་འཇོམས་པ་དང༌། མི་སྐྱེ་བའི་བཟོད་པ་ལྟ་བུའི་ ཡོན་ཏན་རེ་རེ་སྒྲུབ་པ་ལ་ཡང་བསྐལ་པ་ཚད་མེད་པར་བརྩོན་འགྲུས་བརྩམ་དགོས་ལ། ད་ལྟར་ བདག་ལ་དེ་ལྟ་བུའི་བརྩོན་འགྲུས་ཀྱི་ཆ་ཙམ་ཡང་མ་མཐོང་བས་རང་གིས་རང་ལ་ཀོ་ཞེས་བོས་ ཏེ་འདི་ལྟ་བུ་ལ་སྙིང་འགས་པ་ལྟ་བུའི་མི་བཟོད་པ་སྐྱེ་བར་རིགས་ཀྱི་ལེ་ལོར་སྡོད་ཁོམ་མམ། གསུམ་པ་བྱ་བའི་རྣམ་གྲངས་བསྟན་པ་ནི། བདག་གིས་བཅོམ་ལྡན་མ་མཆོད་ཅིང༌།། དགའ་སྟོན་ཆེན་པོའི་བདེ་མ་བྱིན།། བསྟན་ལ་བྱ་བ་མ་བྱས་དང༌།། དབུལ་པོའི་བསམ་པ་རྫོགས་མ་བྱས།། ༣༧ འཇིགས་ལ་མི་འཇིགས་མ་བྱིན་དང༌།། ཉམ་ཐག་བདེ་མ་བྱིན་ན་བདག། མ་ཡི་མངལ་གྱི་ཟུག་རྔུ་དང༌།། སྡུག་བསྔལ་འབའ་ཞིག་སྐྱེད་པར་ཟད།། ༣༨ 341 བརྩོན་འགྲུས་བསྟན་པ། ཅེས་གསུངས་ཏེ། གལ་ཏེ་རང་རྒྱུད་ལ་ཉོན་མོངས་པ་བཅོམ་པ་སོགས་ཀྱི་ཡོན་ཏན་འགའ་ ཡང་མ་སྐྱེས་ཤིང༌། བསྟན་པ་དང་འགྲོ་བ་ལ་ཕན་པར་ཡང་མ་གྱུར་ཅིང༌། ཐ་ན་སྦྱིན་པ་གསུམ་ གྱིས་ཅུང་ཟད་ཕན་གདགས་པ་ཙམ་ཡང་མ་བྱས་པ་འདིའི་ངང་དུ་བདག་ལྔ་པར་གྱུར་ན་ནི་མི་ ལུས་ཐོབ་པ་འདིས་དོན་ཅི་ཡང་མ་གྲུབ་ཀྱི་སྟེང་དུ་མ་ལ་ཚོར་བའི་སྡུག་བསྔལ་བསྐྱེད་པ་འདི་ ཁོ་ན་འབྲས་བུར་ཟད་དོ་ཞེས་རང་ཉིད་ལ་ནན་གྱིས་འདོམས་པའོ།། གཉིས་པ་མོས་པའི་འབྲས་བུ་ལ་གཉིས། མོས་པ་དང་བྲལ་བའི་ཉེས་དམིགས་དང༌། མོས་པའི་ཕན་ཡོན་བསྟན་པའོ། །དང་པོ་ནི། བདག་ནི་སྔོན་དང་ད་ལྟར་ཡང༌།། ཆོས་ལ་མོས་དང་བྲལ་བ་ཡིས།། ཕོངས་པ་འདི་འདྲ་བྱུང་གྱུར་ན།། ཞེས་གསུངས། གཉིས་པ་མོས་པའི་ཕན་ཡོན་བསྟན་པ་ནི། སུ་ཞིག་ཆོས་ལ་མོས་པ་གཏོང༌།། ༣༩ དགེ་བའི་ཕྱོགས་ནི་ཐམས་ཅད་ཀྱི།། རྩ་བ་མོས་པར་ཐུབ་པས་གསུངས།། 342 བརྩོན་འགྲུས་བསྟན་པ། ཞེས་གསུངས་ཏེ། དགེ་བའི་ཕྱོགས་ཐམས་ཅད་ཀྱི་རྩ་བ་ནི་མོས་པ་ཁོ་ན་སྟེ། འཇམ་དཔལ་ གྱི་ཞིང་གི་ཡོན་ཏན་བཀོད་པར། ཆོས་རྣམས་ཐམས་ཅད་རྐྱེན་བཞིན་ཏེ།། འདུན་པའི་རྩེ་ལ་རབ་ཏུ་གནས།། ཞེས་གསུངས་ཤིང༌། མོས་པ་ནི་དད་པ་ཉིད་ཡིན་ལ། དད་པ་ནི་ཐར་པའི་རྒྱུ་གཅིག་པོ་སྟེ། ཀུན་དགའ་བོ་དད་པ་ལ་སྦྱོར་བར་གྱིས་ཤིག་འདི་ནི་དེ་བཞིན་གཤེགས་པས་གསོལ་བ་ འདེབས་པ་ཡིན་ནོ། །ཞེས་གསུངས་པའི་ཕྱིར་རོ།། གསུམ་པ་མོས་པ་སྐྱེ་བའི་རྒྱུ་ལ་བཞི། ལས་རྒྱུ་འབྲས་བསམ་པ་མོས་པའི་རྒྱུའི་གཙོ་ བོར་བསྟན། དཀར་ནག་གི་ལས་འབྲས་སྤྱིར་བསྟན། གཅིག་ཏུ་དཀར་བའི་ལས་ཀྱི་འབྲས་ བུ་བསྟན། གཅིག་ཏུ་གནག་པའི་ལས་ཀྱི་འབྲས་བུ་བསྟན་པའོ། །དང་པོ་ནི། དེ་ཡི་རྩ་བ་རྟག་ཏུ་ནི།། རྣམ་སྨིན་འབྲས་བུ་བསྒོམས་པས་སོ།། ༤༠ ཞེས་གསུངས་ཏེ། དད་པའི་རྒྱུ་ནི་དཀར་ནག་གི་ལས་འབྲས་བསམ་པ་ཁོ་ན་ཡིན་ཏེ། དེས་ ལས་འབྲས་ལ་ཡིད་ཆེས་པ་སྐྱེ་ལ་དེའི་ཚེ་སྲོག་ལ་བབ་ཀྱང་དཀར་ནག་གི་བླང་དོར་མི་གཏོང་ པ་འདི་ནི། དད་པ་རྒྱུད་ལ་སྐྱེས་པ་ཞེས་བྱ་སྟེ། དེའི་ཕྱིར་ཐར་རྒྱན་དུའང༌། འདོད་ཆགས་དང༌། 343 བརྩོན་འགྲུས་བསྟན་པ། ཞེ་སྡང་དང༌། གཏི་མུག་དང༌། འཇིགས་པ་སྟེ་བཞིའི་ཕྱིར་ཆོས་མི་གཏོང་ན་དད་པ་ཅན་དུ་ བཤད་པ་ཡིན་ནོ།། དེས་ན་མི་འདོད་པ་མྱོང་བ་ཐམས་ཅད་ནི་རང་བྱས་ཀྱི་སྡིག་པའི་འབྲས་བུ་སྨིན་པ་ཡིན་ ལ། བདེ་བ་མྱོང་བ་ཐམས་ཅད་ནི་རང་བྱས་ཀྱི་དགེ་བ་རྣམ་པར་སྨིན་པ་ཡིན་ཏེ། ས་བོན་ཚ་བ་རྣམས་ལས་ནི།། མྱུ་གུ་ཚ་བ་སྐྱེ་བར་འགྱུར།། ས་བོན་མངར་བ་རྣམས་ལས་ནི།། འབྲས་བུ་མངར་བ་སྨིན་པར་འགྱུར།། དཀར་པོའི་རྣམ་སྨིན་མངར་བ་དང༌།། སྡིག་པའི་རྣམ་སྨིན་ཚ་བ་ཉིད།། ཅེས་སོ།། གཉིས་པ་དཀར་ནག་གི་ལས་འབྲས་སྤྱིར་བསྟན་པ་ནི། སྡུག་བསྔལ་ཡིད་མི་བདེ་བ་དང༌།། འཇིགས་པ་རྣམ་པ་སྣ་ཚོགས་དང༌།། འདོད་པ་རྣམས་དང་བྲལ་བ་ནི།། སྡིག་པ་སྤྱོད་ལས་འབྱུང་བར་འགྱུར།། ༤༡ 344 བརྩོན་འགྲུས་བསྟན་པ། ཡིད་ལ་བསམས་པའི་དགེ་བྱས་པས།། གང་དང་གང་དུ་འག ྲོ ་འགྱུར་པ།། དེ་དང་དེར་ནི་བསོད་ནམས་དེས།། འབྲས་བུ་ཡོན་གྱིས་མངོན་མཆོད་འགྱུར།། ༤༢ སྡིག་པ་བྱེད་པ་བདེ་འདོད་ཀྱང༌།། གང་དང་གང་དུ་འག ྲོ ་འགྱུར་བ།། དེ་དང་དེར་ནི་སྡིག་པ་དེས།། སྡུག་བསྔལ་མཚོན་གྱིས་རྣམ་པར་འཇོམས།། ༤༣ ཞེས་གསུངས་ཏེ། དེས་ན་དགེ་བ་བྱེད་པ་ནི་གང་དུ་ཕྱིན་ཡང་བདེ་བ་འཐོབ་པ་སྔོན་རྒྱལ་བུ་ གཟུགས་སྟོབས་དང༌། གཟོ་སྟོབས་དང༌། བརྩོན་འགྲུས་སྟོབས་དང༌། ཤེས་རབ་སྟོབས་ དང༌། བྱང་ཆུབ་སེམས་དཔའ་ཉིད་ལྔ་པ་བསོད་ནམས་སྟོབས་སུ་གྱུར་ཏེ། རང་རང་གི་ཡོན་ ཏན་གྱི་མཐུ་བརྟག་པའི་ཕྱིར། སོ་སོར་ཡུལ་གཞན་དུ་ཞུགས་པ་ན་བསོད་ནམས་སྟོབས་ དབུལ་པོའི་ཁྱིམ་དུ་ཞུགས་མ་ཐག་དེ་ལོངས་སྤྱོད་ཐམས་ཅད་ཀྱིས་གང་བ་སོགས་སྐྱེ་བོ་ ཐམས་ཅད་ཀྱིས་བཀུར་བ་ལྟ་བུའོ།། གང་སྡིག་པ་མི་བཟད་པ་བྱས་པ་ནི་གང་དུ་ཕྱིན་ཡང་སྡུག་བསྔལ་བ་ཉིད་མྱོང་བ་སྟེ། 345 བརྩོན་འགྲུས་བསྟན་པ། རྒྱལ་པོ་སྒམ་པོ་ཞེས་བྱ་བ་སྔོན་དགྲ་བཅོམ་པ་མང་པོ་བཀྲོང་བ་ཞིག་དམྱལ་བ་ན་སྡུག་ བསྔལ་མྱོང་བ་དེ་སྟོན་པས་བཀུག་ཏེ། མི་རྣམས་ལ་བསྟན་པ་ན་དེ་ལྕགས་ཀྱི་འཁོར་ལོ་ཆར་ པ་ལྟར་བབ་པས་ལུས་གཅོད་པ་དང༌། གཤིན་རྗེའི་ཚོགས་ཀྱིས་མི་བཟོད་པར་མནར་བས་ འབྲོས་པར་རྩོམ་སྟེ། ནམ་མཁའ་ལ་སོང་བ་ན་ལྕགས་ཀྱི་བྱ་རྒོད་བྱེ་བ་མང་པོས་ཀླད་པ་འབྲུ་ བ་དང་བར་སྣང་ལ་སོང་ན་ལྕགས་ཀྱི་ཁྭ་རྣམས་ཀྱིས་མིག་འབྱིན་པ་དང༌། ཆུ་བོར་ཞུགས་ན་ ཆུ་བོ་མེར་འབར་ཞིང༌། ལྕགས་སྲེག་གི་ཉ་བོ་ཆེ་དང་སྲིན་བུས་འབྲང་ཞིང༌། གཤིན་རྗེའི་སྐྱེས་ བུས་མཐའ་ནས་ལྕགས་སྲེག་གི་རྒྱས་བཤོར་བ་དང༌། ཐང་ལ་སོང་ན་ལྕགས་ཀྱི་འཁོར་ལོས་ རྐང་པ་གཅོད་པ་དང༌། གཤིན་རྗེ་ལྔ་བརྒྱས་མདས་བསྣུན་པ་སོགས་ཁོ་ན་མྱོང་ཞིང༌། ད་དུང་ བསྐལ་བཟང་གི་སངས་རྒྱས་དགུ་བརྒྱ་དགུ་བཅུ་རྩ་ལྔ་པོའི་བར་སྡུག་བསྔལ་དེ་ཁོ་ན་མྱོང་ལ། མཐར་དེ་བཞིན་གཤེགས་པ་མོས་པའི་དུས་ངན་སོང་ལས་འཐར་བར་གསུངས་པ་ལྟ་བུ་སྟེ། སྤྱིར་ངན་སོང་བ་ཐམས་ཅད་གང་དུ་ཕྱིན་ཡང་སྡུག་བསྔལ་བ་འདི་ལྟ་བུའི་ཆོས་ཅན་ཏེ། དཔེར་ན། རྟ་དང༌། བོང་བུ་དང༌། དྲེའུ་ལ་སོགས་པ་གང་དུ་སོང་ཡང་བྲན་དུ་བཀོལ་བ་དང༌། ལུག་ལ་སོགས་པ་གང་དུ་ཕྱིན་ཡང་གསོད་པར་འགྱུར་བ་ལྟ་བུ་བདག་ཅག་གིས་ཀྱང་མངོན་ སུམ་དུ་མཐོང་བའི་ཕྱིར་རོ། །དེ་ལྟར་བསོད་ནམས་ཀྱི་ལས་ཀྱི་འབྲས་བུ་ཤིན་ཏུ་དཀར་བ་ དང་བསོད་ནམས་མ་ཡིན་པ་ལས་འབྲས་བུ་ཤིན་ཏུ་གནག་པ་ལ་ཐུགས་ཆེས་པས་མཆོག་ ཏུ་ངོ་མཚར་ཏེ་སློབ་དཔོན་ཉིད་ཀྱིས་ཚིགས་སུ་བཅད་པ་རེ་རེས་ཆེད་དུ་བརྗོད་པར་མཛད་དོ།། 346 བརྩོན་འགྲུས་བསྟན་པ། གསུམ་པ་གཅིག་ཏུ་དཀར་བའི་ལས་ཀྱི་འབྲས་བུ་བསྟན་པ་ནི། རྒྱ་ཆེ་དྲི་བཟང་བསིལ་བའི་པདྨའི་སྙིང་པོར་གནས།། རྒྱལ་བའི་གསུང་སྙན་ཟས་ཀྱིས་གཟི་བརྗིད་བསྐྱེད་བྱས་པ།། ཐུབ་འོད་ཀྱིས་རྒྱས་པདྨ་ལས་བྱུང་ལུས་མཆོག་ཅན།། རྒྱལ་བའི་མདུན་གནས་བདེ་གཤེགས་སྲས་སུ་དགེ་བས་འགྱུར།། ༤༤ ཞེས་གསུངས་ཏེ། བསོད་ནམས་ཀྱི་ལས་ཀྱིས་བདེ་བ་ཅན་ལ་སོགས་པ་དག་པའི་ཞིང་དུ་ རིན་པོ་ཆེའི་པདྨའི་ནང་དུ་བལྟ་བས་མི་ངོམས་པའི་ལུས་སུ་བརྫུས་ཏེ་སྐྱེ་ཞིང༌། སངས་རྒྱས་ ཀྱི་གསུང་ཆོས་ཀྱི་བདུད་རྩི་ཐོས་པས་ཟས་སྐོམ་གྱི་བྱ་བ་དང༌། སྟོན་པའི་འོད་ཟེར་གྱིས་ཉི་ མའི་བྱ་བ་བྱས་ཏེ་པདྨའི་ཁ་བྱེ་ནས་སྟོན་པའི་ཞལ་ལ་བལྟ་བའི་བདེ་བ་ཁྱད་པར་ཅན་དེ་ལྟ་བུ་ མྱོང་བའི་ཕྱིར་དང༌། བཞི་པ་གཅིག་ཏུ་གནག་པའི་ལས་ཀྱི་འབྲས་བུ་བསྟན་པ་ནི། གཤིན་རྗེའི་སྐྱེས་བུས་པགས་པ་མ་ལུས་བཤུས་པས་རབ་ཏུ་ཉམ་ཐག་ཅིང༌།། རབ་ཏུ་ཚ་བའི་མེ་ཡིས་བཞུས་པའི་ཟངས་ཞུན་ལུས་ལ་བླུགས་གྱུར་པ།། འབར་བའི་རལ་གྲི་མདུང་ཐུང་གིས་བསྣུན་ཤ་ཡི་དུམ་བུ་བརྒྱར་ལྷགས་ཤིང༌།། ཤིན་ཏུ་འབར་བའི་ལྕགས་ཀྱི་ས་གཞིར་ལྷུང་བ་མི་དགེ་མང་པོས་འགྱུར།། ༤༥ 347 བརྩོན་འགྲུས་བསྟན་པ། ཞེས་གསུངས་ཏེ། མི་དགེ་བའི་ལས་ཀྱིས་དམྱལ་བར་གཤིན་རྗེའི་ཚོགས་ཀྱིས་པགས་པ་ བཤུས་པ་ལ་སླར་ཟངས་ཞུན་གྱིས་ཤ་བརྙིལ་བ་དང༌། མཚོན་ཆ་ཐམས་ཅད་ཀྱིས་བསྣུན་ཞིང་ ལྕགས་བསྲེགས་ཀྱི་གཞིར་བསྐལ་པར་བསྲེགས་ཀྱང་འཆི་བར་ཡང་མི་ནུས་པའི་སྡུག་བསྔལ་ མྱོང་བའི་ཕྱིར་རོ།། བཞི་པ་མཇུག་བསྡུ་བ་ནི། དེ་བས་དགེ་ལ་མོས་བྱ་ཞིང༌།། གུས་པ་ཉིད་དུ་བསྒོམ་པར་བྱ།། ཞེས་གསུངས་ཏེ། དེས་ན་ལུས་སྲོག་ཙམ་ནི་འཁོར་བ་གང་དུ་སྐྱེས་ཀྱང་རྟག་པར་བརྙེད་ལ་ དགེ་བའི་བློ་ནི་དེ་ལྟ་མ་ཡིན་པས་ད་ནི་སྲོག་ལ་ལན་སྟོང་དུ་བབ་ཀྱང་དད་པ་མི་གཏོང་བའི་ ཡི་དམ་བརྟན་པོ་བཅས་ཏེ། སྒོ་གསུམ་སྐད་ཅིག་ཀྱང་དོན་མེད་དུ་མི་འཇོག་པར་དགེ་བ་ལ་ བསྐུལ་བར་བྱའོ།། གཉིས་པ་བརྟན་པའི་དཔུང་ཚོགས་རྒྱས་བཤད་ལ་གཉིས། རྩོམ་པ་ལ་བརྟན་པ་དང༌། ཞུགས་པ་ལ་བརྟན་པའོ། །དང་པོ་ལ་གཉིས། དངོས་དང༌། རྩོམ་པ་བརྟན་པའི་ཕན་ཡོན་དང་ མི་བརྟན་པའི་ཉེས་དམིགས་བཤད་པའོ། །དང་པོ་ནི། རྡོ་རྗེ་རྒྱལ་མཚན་ཆོ་ག་ཡིས།། བརྩམས་ནས་ང་རྒྱལ་བསྒོམ་པར་བྱ།། ༤༦ 348 བརྩོན་འགྲུས་བསྟན་པ། དང་པོར་འབྱོར་པ་བརྟགས་ནས་ནི།། རྩོམ་མམ་ཡང་ན་མི་རྩོམ་བྱ།། མ་བརྩམ་པ་ནི་མཆོག་ཡིན་གྱི།། བརྩམས་ནས་ལྡོག་པར་མི་བྱའོ།། ༤༧ ཞེས་གསུངས་ཏེ། དེ་ཡང་སངས་རྒྱས་ཕལ་པོ་ཆེའི་རྡོ་རྗེ་རྒྱལ་མཚན་གྱི་བསྔོ་བ་རྣམ་པ་བཅུ་ ལས། བསྔོ་བ་དང་པོའི་སྐབས་སུ་དཔེར་ན། ལྷའི་བུ་ཉི་མ་ཤར་བ་ནི་དམུས་ལོང་གི་ཉེས་པས་ མི་ལྡོག་གོ །སའི་རྡུལ་དང༌། དུ་བ་དང༌། གྲིབ་མ་ཐ་དད་པ་དང༌། རི་མི་མཉམ་པའི་ཉེས་པས་ མི་ལྡོག་གོ །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཟབ་ཅིང་རྒྱ་ཆེ་ བ་རྣག་པ་མ་ཞུམ་པ་ནི་སེམས་ཅན་འཁུ་བའི་ངང་ཚུལ་ཅན་གྱི་ཉེས་པས་མི་ལྡོག་གོ །དམུ་ རྒོད་ཀྱི་ཉེས་པས་མི་ལྡོག་གོ །སེམས་ཅན་མ་རུངས་པས་བྱང་ཆུབ་ཀྱི་གོ་ཆ་རྒྱུན་མི་གཅོད་ དོ། །སེམས་ཅན་གྱི་ཐ་བའི་རྙོག་པ་ཐམས་ཅད་ཀྱིས་འགྲོ་བ་ཐམས་ཅད་ཡོངས་སུ་སྐྱོབ་པའི་ སྨོན་ལམ་རྒྱུན་གཅོད་པར་མི་བྱེད་དོ། །བྱིས་པའི་སྐྱེ་བོ་དང་འགྲོགས་པ་དང༌། སེམས་ཅན་ གཞན་གྱིས་ཉེས་པ་རྣམས་ཀྱིས་སྐྱོ་བར་མི་བྱེད་དོ། །ཞེས་སོགས་དང༌། སེམས་ཅན་གྱི་དོན་ དུ་བདག་གིས་སྡུག་བསྔལ་གྱི་ཕུང་པོ་ཆེན་པོ་བླང་བར་བྱའོ། །བརྩོན་པར་བྱའོ། །སྤྲོ་བ་དང༌། མི་ལྡོག་པ་དང༌། མི་སྐྲག་པ་དང༌། མི་འཇིགས་པར་བྱའོ། །ཞེས་གསུངས་པ་རྣམས་ཀྱིས་གོ་ ཆ་ཆེན་པོ་བསྒོས་ཏེ། གང་བརྩམས་པ་དེ་ཉིད་རྐྱེན་ཅིས་ཀྱང་ལྡོག་པར་མི་ནུས་པའི་ང་རྒྱལ་ བརྟན་པོས་བསྒྲུབ་པར་བྱའོ།། 349 བརྩོན་འགྲུས་བསྟན་པ། དེ་ལ་ཡང་བྱ་བ་གང་རྩོམ་ཡང་རུང་སྟེ། ཡུལ་དུས་དང་བདག་ཉིད་ཀྱི་འབྱོར་བ་སོགས་ལ་ ཞིབ་མོར་བརྟགས་ཏེ། ཅི་བྱ་བ་འདི་བདག་གིས་སྒྲུབ་པར་ནུས་སམ་མི་ནུས་ཞེས་ཞིབ་མོར་ བསམ་ཞིང་བྱ་བ་ཆེན་པོ་དག་ལ་ནི་འགྲུབ་མི་འགྲུབ་སོགས་དཀོན་མཆོག་ལ་གསོལ་བ་ བཏབ་པས་མ་བཀག་པར་མཐོང་ཞིང་འགྲུབ་པར་ཤེས་ན་བསྒྲུབ་པར་བྱའི། མ་བརྟགས་པར་ ཚམ་ཚོམ་གྱིས་འཇུག་པར་མི་བྱ་བའི་ཕྱིར། དང་པོར་འབྱོར་བ་བརྟགས་ནས་ནི། །རྩོམ་མམ་ ཡང་ན་མི་རྩོམ་བྱ། །ཞེས་སོ།། དེས་ན་དཔའ་བྱིན་གྱི་མདོ་ལས་ཀྱང༌། གལ་ཏེ་བསླབ་པའི་གཞི་ལྔ་ལ་བསླབ་པར་ མི་ནུས་ན་བཞི་འམ་གསུམ་མམ་གཉིས་སམ་ཐ་ན་གཅིག་ཙམ་ལ་ཡང་བསླབ་པར་ བྱའོ། །ཞེས་དགེ་བ་རང་གི་ཉམ་དང་སྦྱར་ཏེ་བསྒྲུབ་པར་བྱ་བར་གསུངས་པ་ཡིན་ནོ། །དེ་ ལ་བྱ་བ་གང་ཡང་མ་བརྩམས་པ་ནི་མཆོག་ཡིན་མོད་ཀྱང༌། གང་ཞིག་ཕན་ཡོན་ཁྱད་པར་ ཅན་མཐོང་ནས་བྱ་བར་བརྩམས་པ་དེ་ནི་རྐྱེན་ཅིས་ཀྱང་མི་ལྡོག་པར་བསྒྲུབ་པར་བྱ་སྟེ། དེའི་གོམས་པས་སྐྱེ་བ་འདི་དང་གཞན་དུ་ཡང་རུང་སྟེ། ལེགས་པའི་དོན་ཐམས་ཅད་བདེ་ བླག་ཏུ་འགྲུབ་པར་འགྱུར་རོ།། གཉིས་པ་རྩོམ་པ་བརྟན་པའི་ཕན་ཡོན་དང་མི་བརྟན་པའི་ཉེས་དམིགས་བཤད་པ་ནི། སྐྱེ་བ་གཞན་དུའང་དེ་གོམས་ནས།། སྡིག་དང་སྡུག་བསྔལ་འཕེལ་འགྱུར་ཏེ།། 350 བརྩོན་འགྲུས་བསྟན་པ། གཞན་དུ་འབྲས་བུའི་དུས་ཀྱང་ནི།། དམན་འགྱུར་དེ་ཡང་འགྲུབ་མི་འགྱུར།། ༤༨ ཞེས་གསུངས་ཏེ། གལ་ཏེ་ཐོག་མར་བྱ་བར་བརྩམས་ལ། དེ་ནས་མ་སྒྲུབས་པར་དོར་ན་ནི་ སྐྱེ་བ་ཕྱི་མ་རྣམས་ལའང་བརྩམས་ནས་ལྡོག་པ་དེ་ཉིད་གོམས་པའི་བྱེད་པ་དང་མྱོང་བའི་རྒྱུ་ མཐུན་གྱི་འབྲས་བུས་བྱ་བ་གང་ཡང་ཚར་མི་ཕྱིན་ཞིང༌། འབྲས་བུས་དབེན་པ་དང༌། འབྲས་ བུ་འཐོབ་ནའང་ཕྱི་ནུད་ཏུ་ནུར་བ་དང༌། སྔ་མ་དོར་ཏེ་ཕྱི་མ་སྒྲུབ་པར་བརྩམ་པ་དེ་ཡང་གྲུབ་ པར་དཀའ་བ་ཉིད་དུ་འགྱུར་རོ།། གཉིས་པ་ཞུགས་པ་ལ་བརྟན་པ་ལ་གཉིས། མདོར་བསྟན་པ་དང༌། རྒྱས་པར་བཤད་ པའོ། །དང་པོ་ནི། ལས་དང་ཉོན་མོངས་ནུས་པ་སྟེ།། གསུམ་པོ་དག་ལ་ང་རྒྱལ་བྱ།། ཞེས་གསུངས་ཏེ། དེ་ལྟར་ལེགས་པར་བརྟགས་ཏེ་འཇུག་པ་ནི་རྩོམ་པ་ལ་བརྟན་པ་ཡིན་ལ། དེ་ནས་སྲོག་ལ་བབ་ཀྱང་མི་འདོར་བ་ནི་ཞུགས་པ་ལ་བརྟན་པ་ཞེས་བྱའོ། །ཞུགས་པ་ལ་ བརྟན་པ་དེ་ཡང་གཉེན་པོའི་ང་རྒྱལ་གསུམ་གྱིས་སྒྲུབ་སྟེ། ལས་འདི་ཐམས་ཅད་གཞན་དྲིང་ ལ་མི་འཇོག་པར་བདག་ཉིད་ཁོ་ནས་སྒྲུབ་པར་ནུས་སོ་ཞེས་སྙིང་སྟོབས་བསྐྱེད་པ་ལས་ཀྱི་ ང་རྒྱལ་ལོ། །བདུད་ཀྱི་སྡེ་འཇོམས་པ་དང༌། ཕོངས་པ་ཐམས་ཅད་སེལ་བ་དང༌། བླ་ན་མེད་ 351 བརྩོན་འགྲུས་བསྟན་པ། པའི་བྱང་ཆུབ་ཀྱི་ཡོན་ཏན་ཐམས་ཅད་བདག་གིས་སྒྲུབ་པར་ནུས་སོ་ཞེས་སྙིང་སྟོབས་བསྐྱེད་ པ་ནུས་པའི་ང་རྒྱལ་ལོ། །ཉོན་མོངས་རྣམས་ཀྱིས་བདག་མི་ཐུབ་ལ་བདག་གིས་ཉོན་མོངས་ ཐམས་ཅད་འཇོམས་པར་བྱའོ། །ཞེས་སྲན་ཚུགས་པ་ཉོན་མོངས་འཇོམས་པའི་ང་རྒྱལ་ལམ་ ཉོན་མོངས་ལྟར་སྣང་བའི་ང་རྒྱལ་ལོ།། གཉིས་པ་རྒྱས་བཤད་ལ་གསུམ། ལས་ཀྱི་ང་རྒྱལ་དང༌། ནུས་པའི་ང་རྒྱལ་དང༌། ཉོན་ མོངས་འཇོམས་པའི་ང་རྒྱལ་རྒྱས་པར་བཤད་པའོ། །དང་པོ་ནི། བདག་ཉིད་གཅིག་པུས་བྱའོ་ཞེས།། འདི་ནི་ལས་ཀྱི་ང་རྒྱལ་ཉིད།། ༤༩ ཉོན་མོངས་དབང་མེད་འཇིག་རྟེན་འདིས།། རང་དོན་སྒྲུབ་པར་མི་ནུས་པས།། འག ྲོ་བས་བདག་ལྟར་མི་ནུས་ཏེ།། དེ་བས་བདག་གིས་འདི་བྱའོ།། ༥༠ ཞེས་གསུངས་ཏེ། དེ་ཡང་ཉོན་མོངས་པས་བྲན་དུ་བཀོལ་བའི་སེམས་ཅན་འདི་རྣམས་ཀྱིས་ ནི་རང་རང་གི་ཚེ་འདིའི་དོན་བདེ་བ་ལྟར་སྣང་སྔ་དྲོ་གཅིག་ལུས་སེམས་བདེ་བར་འདུག་པ་ ཙམ་རེ་ཡང་སྒྲུབ་པར་མི་ནུས་ཏེ། རང་རྒྱུད་ཀྱི་བུད་ཤིང་ལ་ཉོན་མོངས་ཀྱི་མེ་འབར་བ་ལ་ 352 བརྩོན་འགྲུས་བསྟན་པ། བདག་དང་བདག་གིར་འདུ་ཤེས་པས་དུས་འདའ་བར་ཟད་ན། བྱང་ཆུབ་སེམས་དཔའ་ བདག་ཅག་རྣམས་ལྟ་བུར་སེམས་ཅན་ཐམས་ཅད་བདེ་བ་ལ་འགོད་པ་ལྟ་ག་ལ་ནུས། དེ་བས་ ན་འདི་རྣམས་ཀྱིས་བསྒོ་བར་མི་ནུས་པའི་བཟོད་པའི་གོ་བསྒོ་ཞིང་ཐོགས་པར་མི་ནུས་པའི་ ཤེས་རབ་ཀྱི་མཚོན་བཟུང་ལ་བརྣགས་པར་མི་ནུས་པའི་བྱང་ཆུབ་ཀྱི་སེམས་གཅིག་ཏུ་བརྟན་ པས་བདག་གིས་སེམས་ཅན་ཐམས་ཅད་ཀྱི་སྡུག་བསྔལ་གྱི་རྒྱ་མཚོ་གཞོམ་པར་བྱ་ལ། གཞན་ཡང་དམན་པའི་ལས་བྱེད་ན།། བདག་ཉིད་ཀྱང་ནི་ཇི་ལྟར་འདུག། ང་རྒྱལ་གྱིས་འདི་མི་བྱེད་དེ།། བདག་ལ་ང་རྒྱལ་མེད་པ་མཆོག། ༥༡ ཅེས་གསུངས་ཏེ། སེམས་ཅན་ཉོན་མོངས་པའི་ང་རྒྱལ་ཅན་འདི་དག་ཡང་འཚོ་བ་ལ་སོགས་ པ་མ་རྙེད་པ་ན་ང་རྒྱལ་བསྐྱུངས་ཏེ། ཕྱགས་བདར་པ་དང་བྲན་དུ་ཁས་བླངས་པས་ཀྱང་འཚོ་ བ་སྒྲུབ་ན་བདག་བྱང་ཆུབ་སེམས་དཔས་བླ་ན་མེད་པའི་བྱང་ཆུབ་སྒྲུབ་པ་ལ་ལྟ་ཅི་སྨོས་ཏེ། བདག་ནི་རིགས་རུས་ཆེ་བས་དབུལ་པོ་ལ་ལག་གིས་སྦྱིན་པར་མི་འོས་སོ་ཞེས་བསྙེམས་པ་ དང༌། བསླབ་པས་རྒན་པ་སོགས་ཕྱག་གི་གནས་ལ་བདག་རིགས་རུས་ཀྱིས་ལྷག་གོ་ཞེས་ ཕྱག་མི་བྱེད་པ་ལ་སོགས་པ་ཉོན་མོངས་པ་ཅན་གྱི་མངོན་པའི་ང་རྒྱལ་བཅོམ་སྟེ། སེམས་ ཅན་ཐམས་ཅད་ཀྱི་བྲན་དུ་ཁས་ལེན་པས་ཕ་རོལ་ཏུ་ཕྱིན་པ་རྣམས་བསྒྲུབ་པར་བྱ་སྟེ། 353 བརྩོན་འགྲུས་བསྟན་པ། བདག་ལ་མངོན་པའི་ང་རྒྱལ་མེད་པ་འདི་ནི་མཆོག་ཡིན་ཏེ། གལ་ཏེ་མངོན་པའི་ང་རྒྱལ་ཡོད་ ན་དེས་གཉེན་པོའི་ང་རྒྱལ་གསུམ་སྒྲུབ་པར་མི་ནུས་སོ།། གཉིས་པ་ནུས་པའི་ང་རྒྱལ་བཤད་པ་ནི། ཤི་བའི་སྦྲུལ་དང་ཕྲད་གྱུར་ན།། ཁྭ་ཡང་མཁའ་ལྡིང་ལྟ་བུར་སྤྱོད།། གལ་ཏེ་བདག་ཉིད་ཉམ་ཆུང་ན།། ལྟུང་བ་ཆུང་ངུས་ཀྱང་གནོད་བྱེད།། ༥༢ ཅེས་གསུངས་ཏེ། ནུས་པའི་ང་རྒྱལ་སྒོམ་ཚུལ་ཡང༌། དཔེར་ན། བྱ་ཁྭ་རྣམས་སྦྲུལ་མཐོང་ན་ སྒྲ་འབྱིན་ཞིང་འབྲོས་ཀྱང་སྦྲུལ་གྱི་རོ་མཐོང་ན་ཉམ་ང་མེད་པར་མཁའ་ལྡིང་ལྟར་ཟ་བར་བྱེད་ པ་ལྟར། བདག་ཉིད་གཉེན་པོའི་ཉམ་ཆུང་བའི་ཚེ་ལྟུང་བ་ཆུང་ངུ་ཡང་སྤོང་མི་ནུས་པས་སེམས་ ལ་གནོད་པར་འགྱུར་ལ། གཉེན་པོའི་ཉམ་སྟོབས་རྒྱས་པའི་ཚེ་ནི་ཐམས་ཅད་ཀྱང་བྱང་ཆུབ་ ཀྱི་སེམས་ཀྱི་གྲོགས་སུ་འགྱུར་གྱི་ཅིས་ཀྱང་གནོད་པར་མི་ནུས་སོ།། ཞུམ་བཅས་རྩོལ་བ་དོར་བ་ལ།། ཕོངས་ལས་ཐར་པ་ཡོད་དམ་ཅི།། ང་རྒྱལ་རྩོལ་བ་བསྐྱེད་པས་ནི།། ཆེན་པོ་ཡིས་ཀྱང་ཐུབ་པར་དཀའ།། ༥༣ 354 བརྩོན་འགྲུས་བསྟན་པ། ཞེས་གསུངས་ཏེ། དེས་ན་བདག་འདྲ་བས་མི་ནུས་སོ་ཞེས་ཞུམ་ཞིང་སྒྱིད་ལུག་པས་གནས་ པས་ནི་ཅི་ཡང་ཐོབ་པར་མི་ནུས་ལ། ང་རྒྱལ་གྱི་སྒྲས་བསྟན་པ་སྙིང་སྟོབས་དང༌། རྩོལ་བ་ ཆེར་བསྐྱེད་ན་མི་འགྲུབ་པ་ཅི་ཡང་མེད་ལ། གཞོམ་དཀའ་བའི་ཉེས་པ་ཆེན་པོས་ཀྱང་བདག་ མི་ཐུབ་སྟེ་བདེ་བླག་ཏུ་འཇོམས་སོ།། དེ་བས་སེམས་ནི་བརྟན་པ་ཡིས།། ལྟུང་བ་རྣམས་ནི་གཞོམ་བྱ་སྟེ།། བདག་ནི་ལྟུང་བས་ཕམ་བྱས་ན།། ཁམས་གསུམ་རྒྱལ་འདོད་བཞད་གད་འགྱུར།། ༥༤ ཞེས་གསུངས་ཏེ། དེས་ན་སེམས་བརྟན་ཞིང་མི་གཡོ་བས་རང་རྒྱུད་ཀྱི་ཉེས་པ་བྱུང་ངོ་ཅོག་ དང་པོར་ངོས་བཟུང་བར་དུ་ཚར་བཅད་མཐར་ས་བོན་ལྡང་བ་མེད་པར་གཞོམ་དགོས་ཏེ། བདག་ཉིད་ཀྱིས་རང་རྒྱུད་ཀྱི་ཉེས་པ་ཙམ་ཡང་མ་ཐུབ་ན་ཁམས་གསུམ་ལས་རྒྱལ་བའི་ སངས་རྒྱས་ཇི་ལྟར་འགྲུབ། བདག་གིས་ཀུན་ལས་རྒྱལ་བྱ་སྟེ།། བདག་ལས་སུ་ཡང་རྒྱལ་མི་བྱ།། རྒྱལ་བ་སེང་གེའི་སྲས་དག་གིས།། ང་རྒྱལ་འདི་ལ་གནས་པར་བྱ།། ༥༥ 355 བརྩོན་འགྲུས་བསྟན་པ། ཞེས་གསུངས་ཏེ། ཆོས་ཐམས་ཅད་ནི་རང་གི་རྣམ་རྟོག་ཙམ་དུ་ཟད་པས་རྣམ་རྟོག་དེ་ཐམས་ ཅད་རང་གི་ངོ་བོ་ཇི་ལྟ་བར་རྟོགས་པའི་ཤེས་རབ་ཀྱིས་ཚར་བཅད་ནས་དབང་དུ་བསྡུས་ཏེ། ཕྱོགས་ཐམས་ཅད་ལས་རྣམ་པར་རྒྱལ་བར་བྱ་ཡི་རྣམ་རྟོག་གང་གིའང་དབང་དུ་བདག་མི་ འག ྲོ་བའི་ཕྱིར། རྣམ་རྟོག་སུ་ཡང་བདག་ལས་རྒྱལ་དུ་མི་གཞུག་གོ་ཞེས་དེ་བཞིན་གཤེགས་ པ་མིའི་སེང་གེའི་སྲས་རྣམས་ཀྱིས་ང་རྒྱལ་འདི་ལྟ་བུ་བརྩམ་པར་བྱ་ཡི། འག ྲོ་གང་ང་རྒྱལ་གྱིས་བཅོམ་སྟེ།། ཉོན་མོངས་ང་རྒྱལ་ཅན་མ་ཡིན།། ང་རྒྱལ་ཅན་དགྲའི་དབང་མི་འགྲོ །། དེ་དག་ང་རྒྱལ་དགྲ་དབང་འགྱུར།། ༥༦ ཞེས་གསུངས་ཏེ། མི་གཙང་བ་ལ་གཙང་བར་འཁྲུལ་བ་ལྟ་བུའི་ཉོན་མོངས་པའི་ང་རྒྱལ་དེ་ ནི། རྨོངས་པ་ཕྱིན་ཅི་ལོག་འབའ་ཞིག་ཏུ་ཟད་པ་ལྦུ་བ་ལ་ཤེལ་འཛིན་གྱི་བློ་ལྟ་བུར་མཐོང་ བའི་ཕྱིར་ན་ཡང་དག་པར་དེ་ནི་ང་རྒྱལ་མ་ཡིན་ཏེ། རྣམ་པ་ཐམས་ཅད་དུ་དགྲར་གྱུར་པའི་ཉོན་ མོངས་པའི་དབང་དུ་དེ་མ་ཐག་འགྲོ་བའི་ཕྱིར་དང༌། གང་ང་རྒྱལ་ཅན་ཡིན་ན་དགྲ་འཇོམས་ པར་རིགས་ཀྱི་དགྲའི་དབང་དུ་འགྲོ་བར་མི་རིགས་པའི་ཕྱིར། ཉོན་མོངས་ང་རྒྱལ་གྱིས་ཁེངས་ན།། ངན་འག ྲོར་ང་རྒྱལ་གྱིས་འཁྲིད་ཅིང༌།། 356 བརྩོན་འགྲུས་བསྟན་པ། མི་ཡི་དགའ་སྟོན་བཅོམ་པ་དང༌།། གཞན་གྱི་ཟན་ཟའི་བྲན་དང་ནི།། གླེན་པ་མི་སྡུག་ཉམ་ཆུང་དང༌།། ༥༧ ཐམས་ཅད་དུ་ནི་བརྙས་པར་འགྱུར།། ཞེས་གསུངས་ཏེ། སྤང་བྱའི་ང་རྒྱལ་ནི་གཞོམ་པར་བྱ་དགོས་ཏེ། སེམས་ཅན་ཐམས་ཅད་ཀྱང་ ང་རྒྱལ་གྱིས་ཀུན་ནས་བསླང་བའི་ལས་ཀྱིས་ངན་སོང་དུ་འཕེན་པ་དང༌། མཐོ་རིས་ཀྱིས་ བཀལ་བ་དང༌། མིར་སྐྱེས་སྲིད་ཀྱང་བྲན་དང་གླེན་པ་དང་ཉམ་ཆུང་བ་སོགས་སྐྱེ་བོས་བརྙས་ ཤིང་བཞད་གད་དུ་བྱེད་པ་རྣམས་སུ་སྐྱེ་བའི་ཕྱིར་ཏེ། ཡུལ་འཁོར་སྐྱོང་ཞུས་ཀྱི་མདོར། རྨོངས་པ་དེ་དག་ང་རྒྱལ་དབང་གིས་ནི།། ངན་སོང་ས་དང་མི་ཁོམ་སྐྱེ་བ་དང༌།། དབུལ་དང་དམན་པའི་རིགས་སུ་སྐྱེ་བ་དང༌།། དམུས་ལོང་མདོག་ངན་མཐུ་ཆུང་རྣམས་སུ་སྐྱེ།། ཞེས་སོ།། ཉོན་མོངས་ཀྱི་ང་རྒྱལ་དེ་གང་ཞེ་ན། བདག་ཏུ་ཞེན་པ་ལས་སླར་བདག་ཉིད་མཆོག་ཏུ་ འཛིན་པ་ཕྱིན་ཅི་ལོག་གི་རྨོངས་པ་ཡིན་ལ། དེ་ཡང་རྣམ་པ་བདུན་དུ་མདོ་དང་བསྟན་བཅོས་ ལས་བཤད་དེ། བདག་ཏུ་ལྟ་བ་ངའོ་སྙམ་པའི་ང་རྒྱལ་དང༌། ང་རྒྱལ་ཙམ་པོ་བ་དང༌། ཆེ་ 357 བརྩོན་འགྲུས་བསྟན་པ། བའི་ང་རྒྱལ་དང༌། ཆེར་བསྙེམས་པ་ང་རྒྱལ་ལས་ཀྱང་ང་རྒྱལ་དང༌། ཐོས་པ་ལ་སོགས་པས་ བསྙེམས་པ་མངོན་པའི་ང་རྒྱལ་དང༌། ཅུང་ཟད་སྙམ་པའི་ང་རྒྱལ་དང༌། ཀུན་བཏགས་ཀྱི་ བདག་ཏུ་ཞེན་པ་ལོག་པའི་ང་རྒྱལ་ཏེ་བདུན་ནོ།། ང་རྒྱལ་གྱིས་ཁེངས་དཀའ་ཐུབ་ཅན།། དེ་ཡང་ང་རྒྱལ་ཅན་གཏོགས་ན།། དམན་པ་ཅི་འདྲ་ཡིན་པ་སྨྲོས།། ༥༨ ཞེས་གསུངས་ཏེ། དེས་ན་དགྲ་ཆུང་ངུས་ཀྱང་བྲན་དུ་བྱེད་ནུས་པ་དེ་ང་རྒྱལ་ཅན་ཡིན་ན་སུ་ ཞིག་ཉམ་ཆུང་ཡིན། གང་ཞིག་ང་རྒྱལ་དགྲ་ལས་རྒྱལ་ཕྱིར་ང་རྒྱལ་འཆང༌།། དེ་ནི་ང་རྒྱལ་ཅན་དང་རྣམ་རྒྱལ་དཔའ་དེ་ཉིད།། གང་ཞིག་ང་རྒྱལ་དགྲ་བདོ་བ་ཡང་དེས་བཅོམ་སྟེ།། འག ྲོ་ལ་འདོད་བཞིན་རྒྱལ་བའི་འབྲས་བུ་རྫོགས་པར་བྱེད།། ༥༩ ཅེས་གསུངས་ཏེ། དེས་ན་ལས་ཉོན་གྱིས་མི་ཚུགས་ཤིང་ལས་ཉོན་ལས་ཀུན་ཏུ་རྒྱལ་བ་དེ་ནི་ ཡང་དག་པའི་ང་རྒྱལ་ཅན་དང༌། ཕྱོགས་ལས་རྣམ་པར་རྒྱལ་བའི་དཔའ་བོ་ཡིན་ཏེ། ང་རྒྱལ་ ལ་སོགས་པ་རང་གཞན་གྱི་རྒྱུད་ཀྱི་དགྲ་བོ་ཉོན་མོངས་པ་ཐམས་ཅད་ཚར་བཅད་དེ། ཡིད་ བཞིན་གྱི་སྐུ་ཅན་རྫོགས་པའི་སངས་རྒྱས་འཐོབ་པའི་ཕྱིར་རོ།། 358 བརྩོན་འགྲུས་བསྟན་པ། གསུམ་པ་ཉོན་མོངས་འཇོམས་པའི་ང་རྒྱལ་རྒྱས་པར་བཤད་པ་ནི། ཉོན་མོངས་ཚོགས་ཀྱི་ཁྲོད་གནས་ན།། རྣམ་པ་སྟོང་དུ་སྲན་གཟུགས་ཏེ།། ཝ་ལ་སོགས་པས་སེང་གེ་བཞིན།། ཉོན་མོངས་ཚོགས་ཀྱིས་མི་ཚུགས་བྱ།། ༦༠ ཞེས་གསུངས་ཏེ། འོ་ན་ཉོན་མོངས་པ་འཇོམས་པའི་ང་རྒྱལ་ཇི་ལྟར་སྐྱེད་ཅེ་ན། བདག་གི་ རྒྱུད་འདི་ནི་ཉོན་མོངས་པའི་རྣམ་པ་མཆིས་སོ་འཚལ་གྱི་ས་བོན་དང༌། ཀུན་ལྡང་དང༌། རྣམ་ སྨིན་ཐམས་ཅད་པ་ཡིན་ཏེ། ས་ཆེན་པོ་འདི་ས་བོན་དང༌། མྱུ་གུ་དང༌། ལྡོང་བུ་ཐམས་ཅད་པ་ ཡིན་པ་བཞིན་ནོ། །ཇི་ལྟར་ས་བོན་ཐམས་ཅད་ཀྱི་རྩ་བའང་ས་ཆེན་པོ་འདིའི་གཏིང་ཇི་སྲིད་ པར་སོན་ལ་དབྱེར་མི་ནུས་པ་ནི་འགའ་ཡང་མེད་དེ། རིམ་པ་དང་པོ་མན་དུ་ཕལ་ཆེར་འདའ་ བ་མེད་པ་ལྟར་ཉོན་མོངས་དེ་ཡང་སེམས་ཀྱི་ཁ་རིམ་ལྟ་བུའི་རྣམ་པར་རྟོག་པར་ཟད་ཀྱི་ངོ་ བོར་དབྱེར་མེད་དུ་ཞུགས་པ་ནི་མ་ཡིན་པས་སྦྱང་བར་ཆེར་སླའོ།། དེས་ན་ས་གཞི་ལ་ས་བོན་མེད་ན་ཆུ་ལུད་ཁོ་ནས་ཅི་ཡང་སྐྱེད་མི་ནུས་པ་ལྟར་བདག་རྒྱུད་ ལ་ཉོན་མོངས་ཀྱི་ས་བོན་གནས་པ་དེ་ཕ་རོལ་གྱི་གནོད་པ་ལ་སོགས་པ་ཆུ་ལུད་དང་འདྲ་ བས་སྐྱེད་པར་སྣང་བར་ཟད་ཀྱི་ས་བོན་མེད་ན་ཅི་ཡང་སྐྱེད་མི་ནུས་པས་ན། རང་ཅག་སོ་སྐྱེ་ རྣམས་ནི་རང་རྒྱུད་ཀྱི་ཉོན་མོངས་པ་ཐམས་ཅད་ཀྱི་ཁྲོད་ན་རྟག་པར་གནས་པའི་ཕྱིར། ཉོན་ མོངས་ཚོགས་ཀྱི་ཁྲོད་གནས་ན། །ཞེས་བྱའོ།། 359 བརྩོན་འགྲུས་བསྟན་པ། འདིའི་རིང་ནི་བདག་ཉིད་ཀྱིས་རྣམ་པ་སྟོང་དང་འབུམ་དང་བྱེ་བར་ཡང་དེའི་དབང་དུ་ མི་འགྲོ་བར་སྲན་ཚུགས་པར་བྱ་སྟེ། ཝ་ལ་སོགས་པ་རི་དྭགས་ཐམས་ཅད་ཀྱིས་སེང་གེ་ལ་ གདོར་མི་ཚུགས་ཤིང་སེང་གེའི་དྲི་ཚོར་བ་ཙམ་གྱིས་ཀྱང་རི་དྭགས་ཐམས་ཅད་ཅི་བྱ་ཏོལ་མེད་ པར་འབྲོས་པ་ལྟ་བུར་སྤང་བྱས་མི་ཚུགས་པའི་བརྩོན་འགྲུས་བསྐྱེད་པར་བྱའོ།། ཉམ་ང་ཆེ་ཐང་བྱུང་གྱུར་ཀྱང༌།། མི་ཡིས་མིག་ནི་སྲུང་བ་ལྟར།། དེ་བཞིན་ཉམ་ང་བྱུང་གྱུར་ཀྱང༌།། ཉོན་མོངས་དབང་དུ་མི་འགྱུར་བྱ།། ༦༡ བདག་ནི་བསྲེགས་ཏེ་གསོད་པ་འམ།། མགོ་བོ་ལྷུང་བར་བྱས་རུང་གི། ཉོན་མོངས་དགྲ་ལ་ཐམས་ཅད་དུ།། འདུད་པ་ཉིད་དུ་མི་བྱའོ།། ཞེས་གསུངས་ཏེ། དང་པོར་གོ་ཆའི་བརྩོན་འགྲུས་ཀྱིས་མི་རྣམས་ཉམ་ང་བ་ཅི་བྱུང་ཡང་ཐོག་ མར་རང་གི་མིག་སྲུང་བ་ལྟར། བདག་གིས་ཀྱང་སུས་བདག་མེར་བསྲེགས་སམ་ཆུར་དོར་ རམ་མགོ་བོ་བཅད་ཀྱང་དེའི་ཚེ་བདག་གིས་ཞེ་སྡང་གི་དགྲའི་དབང་དུ་མི་གཏོང་བར་བྱའོ་ 360 བརྩོན་འགྲུས་བསྟན་པ། ཞེས་འཕེན་པས་དམ་བཅའ་བ་སྔོན་དུ་བཏང་སྟེ། དེ་ནས་སྦྱོར་བའི་བརྩོན་འགྲུས་ཀྱིས་དྲན་ ཤེས་ཀྱིས་སྒྲིམ་ཞིང་ཅིས་ཀྱང་མི་ལྡོག་པའི་བརྩོན་འགྲུས་བསྐྱེད་པར་བྱའོ།། དེ་བཞིན་གནས་སྐབས་ཐམས་ཅད་ཏུ།། རིགས་པ་ལས་ནི་གཞན་མི་སྤྱད།། ཅེས་གསུངས་ཏེ། ཞེ་སྡང་ལ་བཤད་པ་དེ་བཞིན་དུ་འདོད་ཆགས་དང༌། ང་རྒྱལ་དང༌། ཕྲག་ དོག་སྐྱེ་བའི་ཡུལ་ཉེ་བ་སོགས་ཀྱི་གནས་སྐབས་ཐམས་ཅད་དུ་འང་དེ་ཁོ་ན་ལྟར་ཤིན་ཏུ་བྱ་ བར་རིགས་པའི་བརྩོན་པ་ཁོ་ན་བསྐྱེད་ཀྱི། དེ་ལས་སྤང་བྱའི་དབང་དུ་འགྱུར་བ་ནི་སྤྱད་པར་ མི་བྱའོ་ཞེས་གདམས་པ་ཡིན་ནོ།། གསུམ་པ་དགའ་བའི་དཔུང་ནི། རྩེད་མོའི་བདེ་འབྲས་འདོད་པ་ལྟར།། འདི་ཡིས་བྱ་བའི་ལས་གང་ཡིན།། ལས་དེ་ལ་ནི་ཞེན་བྱ་ཞིང༌།། ལས་དེས་མི་ངོམས་དགའ་བར་བྱ།། ༦༢ ཞེས་གསུངས་ཏེ། ཇི་ལྟར་ལྷ་རྣམས་ཀྱང་སྐྱེད་མོས་ཚལ་དུ་འཇུག་ཅིང་འདོད་ཡོན་སྣ་ཚོགས་ ཀྱིས་བག་མེད་པར་རྩེ་ཞིང་དགའ་མགུར་སྤྱོད་པ་དང༌། མི་རྣམས་ཀྱང་དུས་སྟོན་དང༌། བྲོ་གར་ 361 བརྩོན་འགྲུས་བསྟན་པ། དང༌། བཟང་སྡེའི་འདུས་པ་སོགས་ལ་ཤིན་ཏུ་དགའ་བས་འཇུག་པ་ལྟར་བྱང་ཆུབ་སེམས་ དཔས་ཀྱང་དགེ་བའི་ལས་ལམ་གང་ཡིན་པ་དེ་ལ་མི་ངོམས་པའི་དགའ་བ་ཚད་མེད་པས་ འཇུག་པར་རིགས་ཏེ། བདེ་བའི་དོན་དུ་ལས་བྱས་ཀྱང༌།། བདེ་འགྱུར་མི་འགྱུར་གཏོལ་མེད་ཀྱི།། གང་གི་ལས་ཉིད་བདེར་གྱུར་པ།། དེའི་ལས་མི་བྱེད་ཇི་ལྟར་བདེ།། ༦༣ ཞེས་གསུངས་ཏེ། མི་རྣམས་ཀྱི་གླུ་གར་གྱི་ཁྲོམ་དུ་འཇུག་པ་སོགས་ནི་བདེ་བར་འདུ་ཤེས་ ཤིང་བདེ་བའི་རྒྱུར་རློམ་མོད་ཀྱི། དེ་ནི་བདེ་བ་ལྟར་སྣང་ཙམ་དེར་ཡང་འགྱུར་མི་འགྱུར་ གཏོལ་མེད་དེ། གླུ་གར་གྱི་རྐྱེན་ལས་ཤི་བའམ་ཁྲོམ་དེར་རྒྱལ་པོའི་ཆད་པའམ་འཐབ་མོ་ ལ་སོགས་པས་ཤི་བ་དང་ནད་ཀྱི་སྡུག་བསྔལ་ཆེར་བསྐྱེད་པའང་ཡོད་པའི་ཕྱིར། དགེ་བ་ ནི་འབྲས་བུའི་དུས་ནའང་བདེ་བར་འགྲུབ་མི་འགྲུབ་མ་ངེས་པ་དེ་འདྲ་ཡང་མིན་ལ། བྱེད་ པའི་དུས་ཉིད་ནའང་ལུས་སེམས་དང་ཞིང་འགྱོད་པ་མེད་པ་དགའ་བའི་བདག་ཉིད་ཅན་དུ་ གདོན་མི་ཟ་བས་འབྲས་བུ་ལྟ་ཞོག་རྒྱུའི་དུས་ཉིད་ནའང་བདེ་བ་ཡིན་ན་དེ་ཀོ་སུ་ཞིག་མི་ སྒྲུབ་ཅེས་པའི་ཐ་ཚིག་གོ། 362 བརྩོན་འགྲུས་བསྟན་པ། སྤུ་གྲིའི་སོར་ཆགས་སྦྲང་རྩི་ལྟའི།། འདོད་པ་རྣམས་ཀྱིས་མི་ངོམས་ན།། རྣམ་སྨིན་བདེ་ལ་ཞི་བ་ཡི།། བསོད་ནམས་ཀྱིས་ལྟ་ཅིས་ཏེ་ངོམས།། ༦༤ ཞེས་གསུངས་ཏེ། སྒྲུབ་པ་ཙམ་ལྟ་སྨོས་ཀྱང་ཅི་དགོས་དགེ་བའི་ལས་དེས་ངོམས་ཤིང་ཆོག་ པར་ཡང་མི་རུང་སྟེ། འཇིག་རྟེན་པ་རྣམས་ཉེས་དམིགས་མང་ལ་མནོག་ཆུང་བ་སྤུ་གྲིའི་སོར་ ཆགས་པའི་སྦྲང་རྩི་ལྕེས་བལྡག་པ་ལྟ་བུའི་འཁྲིག་པ་ལ་སོགས་པ་འདོད་པའི་ཡོན་ཏན་ རྣམས་ཀྱིས་མི་ངོམས་པར་མཐོང་ན། རྒྱུ་དང་འབྲས་བུ་གཉིས་ཀའི་དུས་བདེ་བ་ཕུན་སུམ་ ཚོགས་པ་ཤིན་ཏུ་ཞི་བའི་གནས་འཐོབ་པའི་བསོད་ནམས་ཀྱི་ལས་ཀྱིས་སུ་ཞིག་ངོམས། དེ་ལྟས་ལས་ཚར་ཕྱིན་བྱའི་ཕྱིར།། ཉི་མ་ཕྱེད་དུས་གདུངས་པ་ཡི།། གླང་ཆེན་མཚོ་ཕྲད་མཚོར་འཇུག་ལྟར།། ལས་དེ་ལ་ཡང་འཇུག་པར་བྱ།། ༦༥ ཞེས་གསུངས་ཏེ། དེ་ལྟ་བས་ན་བརྩམས་པའི་ལས་གང་ཡིན་པ་དེ་ཚར་ཕྱིན་པར་བདེ་བླག་ ཏུ་བྱ་བའི་ཕྱིར་སོས་ཀའི་དུས་ཉི་མའི་གུང་ལ་ཚད་པས་ཆེས་གདུངས་ལ། སྤྱིར་གླང་པོ་ཆེ་ 363 བརྩོན་འགྲུས་བསྟན་པ། རང་བཞིན་གྱིས་སྤུ་ཆུང་ཞིང་སྲབ་པས་མིའི་བ་སྤུ་ལྟ་བུར་སྣང་ལ། ལུས་ཆེ་བས་བསིལ་གྲིབ་ ཀྱི་གནས་མི་རྙེད་ཅིང་ལུས་ལྕི་བ་ལས་སླར་ཉི་མས་ཤིན་ཏུ་ཚིག་པ་དེ་མཚོ་དང་ཕྲད་ན་ལུས་ ཆེ་བའི་ཕྱིར། གཏིང་གི་ཚོད་ལོངས་ཤིང་བསིལ་བར་འདོད་པས་ཚམ་ཚོམ་མེད་པར་མཚོར་ འཇུག་ཅིང་ཉལ་དང་རྒལ་བ་སོགས་བྱེད་པ་ལྟར། ཆོས་ཐམས་ཅད་ཀྱི་རང་བཞིན་ཤེས་པས་ གང་ལའང་མི་སྐྲག་ཅིང་རློམ་སེམས་མེད་ལ། གཞན་སྐྱོབ་པར་འདོད་པའི་བློ་འབའ་ཞིག་གིས་ དགེ་བའི་ལས་དེ་ཐམས་ཅད་ལ་ཚམ་ཚོམ་མེད་པར་འཇུག་པར་བྱོས་ཤིག་པའོ།། བཞི་པ་འདོར་བའི་དཔུང་ནི། སྟོབས་ཉམས་པ་དང་རྗེས་འབྲེལ་ན།། སླར་བྱའི་དོན་དུ་དོར་བར་བྱ།། ལེགས་པར་ཟིན་ནས་ཕྱི་མ་དང༌།། ཕྱི་མ་འདོད་པས་དེ་སྤང་བྱ།། ༦༦ ཞེས་གསུངས་ཏེ། གལ་ཏེ་ཧ་ཅང་ནན་ཏན་གྱིས་འབད་པས་ལུས་སེམས་ཀྱི་སྟོབས་ཉམས་ ཏེ་དུབ་ཆེས་པ་ན་ནི་སླར་ཕྱི་ནས་བྱ་བའི་ཕྱིར། རེ་ཞིག་དོར་བས་ངལ་གསོ་བར་བྱ་སྟེ། ཐོས་ བསམ་དང་ལས་ཀྱི་འཁོར་ལོས་དུབ་པ་ལ་ནི་ཏིང་ངེ་འཛིན་དུ་བཞག་པས་ངལ་གསོ་བ་དང༌། འཁོར་གསུམ་གྱི་རྟོག་པའི་སྤྲོས་པས་དུབ་ན་ཅིར་ཡང་མི་དམིགས་པའི་ཤེས་རབ་ཟབ་མོར་ 364 བརྩོན་འགྲུས་བསྟན་པ། ངལ་གསོ་བ་དང༌། ཏིང་ངེ་འཛིན་སྐྱེ་བའི་ཕྱིར་བསྒོམས་པས་སེམས་རྩེ་གཅིག་པ་མ་ཐོབ་ པར་དུབ་ན་ཁ་ཐོན་ལ་སོགས་པས་ངལ་གསོ་བ་དང༌། རེས་འགའ་སྒོ་གསུམ་བཏང་སྙོམས་ སུ་གནས་པས་ཀྱང་ཅུང་ཟད་ངལ་གསོར་རུང་སྟེ། སྤྱིར་སྤྱན་རས་གཟིགས་དབང་ཕྱུག་གིས་ སེམས་ཅན་མཐའ་ཡས་པ་དྲངས་པས་དུབ་པ་ལྟར་མཛད་དེ་སེམས་ཉིད་ངལ་གསོའི་ཏིང་ངེ་ འཛིན་མཛད་པ་ལྟ་བུ་ཡིན་ལ། དེ་བཞིན་དུ་སྤྲོས་པ་དང་མཚན་མས་དུབ་པ་ན་འགོག་པ་ལ་ སྙོམས་པར་ཞུགས་པས་ཀྱང་ངལ་གསོ་སྟེ། འོན་ཀྱང་ཡང་དག་མཐའ་དུས་མིན་དུ་མངོན་ དུ་བྱས་དོགས་པས་བྱང་ཆུབ་སེམས་དཔས་ཞག་བདུན་ལས་འགོག་པ་ལ་སྙོམས་པར་མི་ འཇུག་པར་སྟོན་པས་བཅའ་བ་མཛད་པ་ཡིན་ནོ།། ལེགས་པར་ཟིན་ནས་ཕྱི་མ་དང༌།། ཕྱི་མ་འདོད་པས་དེ་སྤང་བྱ།། ཞེས་པ་ལ་འབྲུ་གཉིས་སུ་འགྱུར་ཏེ་དོར་བའི་དཔུང་ཉིད་དུ་བཤད་ན་ངལ་གསོ་བའི་ཕྱིར། རེ་ ཞིག་དོར་བ་དེ་ལེགས་པར་ཟིན་པ་ཡིན་ལ། དེ་ལ་ཡུན་རིང་དུ་ཆགས་པར་མི་བྱ་སྟེ། དགེ་བའི་ བར་ཆད་དུ་འགྱུར་བའི་ཕྱིར། དེ་ནས་ངལ་སོས་ནས་སླར་དགེ་བ་ཕྱི་མ་དང་དེའི་ཕྱི་མ་གཞན་ སྒྲུབ་པའི་ཆེད་དུ་སླར་ཡང་འབད་པར་བྱའོ་ཞེས་པར་འགྱུར་ལ། གལ་ཏེ་དཔུང་ཚོགས་བཞི་ ཀའི་དོན་བསྡུ་ལྟ་བུར་འཆད་ན་ནི་དགེ་བ་དེ་དག་ཟིན་ནས་དེ་ཉིད་ལ་མི་ཞེན་པར་སླར་ཕྱི་མ་ གཞན་དང་གཞན་སྒྲུབ་དགོས་སོ་ཞེས་པར་འགྱུར་རོ།། 365 བརྩོན་འགྲུས་བསྟན་པ། ལྔ་པ་བརྩོན་འགྲུས་སྤེལ་བ་ལ་གཉིས། ལྷུར་བླང་བ་དང༌། བདག་ཉིད་དབང་དུ་བྱ་ བའོ། །དང་པོ་ལ་ལྔ། བག་ཡོད་ལྷུར་བྱ་བ་དང༌། དྲན་ཤེས་ལྷུར་བྱ་བ་དང༌། རྒྱུད་ལ་ཉེས་པའི་ སྐབས་མི་དབྱེ་བ་དང༌། ཉེས་པ་བྱུང་ན་དེ་མ་ཐག་ཟློག་པ་དང༌། མདོར་ན་བྱ་བ་སྒྲུབ་པ་ལྷུར་ བླང་བའོ། །དང་པོ་ནི། འཐབ་རྙིང་དགྲ་དང་ལྷན་ཅིག་ཏུ།། གཡུལ་ངོར་རལ་ཁ་ལྷགས་པ་བཞིན།། ཉོན་མོངས་མཚོན་ལས་གཟུར་བྱ་ཞིང༌།། ཉོན་མོངས་དགྲ་རྣམས་འཇེབས་པར་བཏགས།། ༦༧ ཅེས་གསུངས་ཏེ། དེ་ཡང་དམག་གི་སྐྱེས་བུ་གཡུལ་དུ་ཤིན་ཏུ་གོམས་ཤིང་རང་སྲུང་བ་དང་ གཞན་འཇོམས་པའི་སྦྱོར་བ་ལ་མཁས་པ་ཞིག་གཡུལ་ཆེན་པོར་དགྲ་བོ་གཞན་དང་རལ་ གྲིའི་སྟབས་དང༌། འཕོང་གི་སྟབས་དང༌། ཕྱིར་བསྣུར་བ་དང༌། མདུན་དུ་བསྣུར་བ་ལ་སོགས་ པ་མཚོན་ཆའི་སྟབས་འགྱེད་དུ་ལྷགས་པ་ན་རང་ཉིད་ཕ་རོལ་གྱི་མཚོན་ལས་གཟུར་ཏེ། དགྲ་ ཐམས་ཅད་ལྷག་མ་མེད་པར་འཇེབས་པར་ཁ་བཏགས་པ་དེ་བཞིན་དུ། གོ་ཆའི་བརྩོན་འགྲུས་ ཀྱིས་ཉོན་མོངས་ཀྱིས་མི་གནོད་པར་བྱས་ཏེ་སྦྱོར་བ་དང་མི་ལྡོག་པའི་བརྩོན་འགྲུས་ཀྱིས་ ཉོན་མོངས་ལྡང་མི་སྲིད་པར་ཚར་བཅད་པར་བྱའོ།། 366 བརྩོན་འགྲུས་བསྟན་པ། གཉིས་པ་དྲན་ཤེས་ལྷུར་བྱ་བ་ནི། གཡུལ་དུ་རལ་གྲི་ལྷུང་གྱུར་ན།། འཇིགས་པས་མྱུར་དུ་ལེན་པ་ལྟར།། དེ་བཞིན་དྲན་པའི་མཚོན་ཤོར་ན།། དམྱལ་བའི་འཇིགས་དྲན་མྱུར་དུ་བླང༌།། ༦༨ ཞེས་གསུངས་ཏེ། གཡུལ་དུ་རྩོད་པའི་ཚེ་རང་གི་རལ་གྲི་སར་བྲུལ་ན་མྱུར་དུ་ལེན་པ་ ལྟར་གོ་ཆའི་བརྩོན་འགྲུས་དྲན་པ་དང༌། ཤེས་བཞིན་ནི་ཅུང་ཟད་བརྗེད་ནའང་ངན་སོང་གི་ འཇིགས་པ་དྲན་པས་དེ་མ་ཐག་མི་བརྗེད་པར་བླང་དགོས་ཏེ། ཉོན་མོངས་པ་ནི་སྐྱེ་བར་ སླ་ལ་འཇོམས་པར་དཀའ་བ། དཔེར་ན། ཟས་སྐོམ་ལྗན་ལྗིན་རྣམས་མེ་དྲོད་ཀྱིས་དངས་ རྙིགས་ཕྱེ་ནས་དངས་མ་ཁྲག་ཏུ་གྱུར་པས་རྩ་ཁམས་ཐམས་ཅད་དུ་སོང་སྟེ། ཤ་ལ་སོགས་ པ་རིམ་པས་སྐྱེད་ལ། གལ་ཏེ་དུག་ཁོང་དུ་སོང་ན་དེ་ལུས་ཟུངས་ཀྱི་ཁྲག་དེ་ལ་བརྟེན་ནས་ རྩ་གནས་སུ་འག ྲོ་བས་ཉེས་པ་སྐྱེད་ཅིང༌། སྤྱིར་དུག་གི་རྟེན་ཁྲག་ཡིན་པས་སྨན་པ་དག་ དུག་ཁོང་དུ་སོང་མ་ཐག་ལ་གསོན་པོའི་ཁྲག་བླུད་པ་ལ་དུག་འདུར་བཅུག་ནས་སླར་སྨན་ རྣོན་པོས་སྦྱོང་བར་བྱེད་དོ།། 367 བརྩོན་འགྲུས་བསྟན་པ། གསུམ་པ་རྒྱུད་ལ་ཉེས་པའི་སྐབས་མི་དབྱེ་བ་ནི། ཇི་ལྟར་ཁྲག་ལ་བརྟེན་བཅས་ནས།། དུག་ནི་ལུས་ལ་ཁྱབ་འགྱུར་བ།། དེ་བཞིན་གླགས་ནི་རྙེད་གྱུར་ན།། ཉེས་པས་སེམས་ལ་ཁྱབ་པར་འགྱུར།། ༦༩ ཡུངས་མར་བཀང་བའི་སྣོད་བསྐུར་ལ།། རལ་གྲི་ཐོགས་པས་དྲུང་བསྡད་དེ།། བོ་ན་བསོད་བསྡིགས་འཇིགས་པ་ལྟར།། བརྟུལ་ཞུགས་ཅན་གྱིས་དེ་བཞིན་སྒྲིམ།། ༧༠ ཞེས་གསུངས་ཏེ། དེས་ན་དྲན་ཤེས་ཀྱིས་མ་ཟིན་པའི་གནས་སྐབས་ཁྲག་ལྟ་བུ་ལ་བརྟེན་ ནས་ཉེས་པས་སེམས་ཆུད་འཛའ་བར་བྱེད་པའི་ཚུལ་ཤེས་ནས། སྔོན་འཕགས་པ་ཀ་ཏྱཱ་ན་ ལ་རྒྱལ་པོ་རབ་སྣང་གིས་མཆོད་པའི་ཕྱིར། གླུ་གར་བྱས་ཏེ། འཕགས་པ་གླུ་སྙན་ནམ་གར་ བཟང་ངམ་ཞེས་དྲིས་པ་ན་སུ་མཐོང་བ་དང་ཐོས་པ་ལ་དྲིས་ཤིག རྒྱལ་པོས་སྨྲས་པ། དབང་ པོ་ནང་དུ་བསྡུས་པ་རྣམས་ཀྱིས་མ་མཐོང་བ་ནི་སྲིད་ན་མ་ཐོས་པ་ལྟ་ག་ལ་རིགས། འཕགས་ པས་སྨྲས་པ། རྒྱལ་པོ་ཁྱོད་ཀྱི་འོག་ན་མི་གསོད་པའི་ཆད་པ་ལ་ཐུག་པ་འགའ་ཡོད་དམ། ཡོད་ 368 བརྩོན་འགྲུས་བསྟན་པ། དོ། །འོ་ན་དེ་ལ་ཡུངས་མར་གྱིས་ཁ་ད་ཆད་དུ་བཀང་བའི་སྣོད་ལག་ཏུ་བསྐུར་ལ། དེའི་ཕྱི་ བཞིན་དུ་གཤེད་མ་རལ་གྲི་ཤུབས་ནས་ཕྱུང་སྟེ་ཕྱར་བ་ཐོངས་ལ་འདི་ལས་ཐིགས་པ་གཅིག་ འབོ་ན་དེའི་མོད་ལ་རལ་གྲིས་རྐེ་བཅད་དོ། །གལ་ཏེ་གཏན་མ་འབོ་ན་ཆད་པ་ལས་ཐར་རོ་ ཞེས་གྱིས་ལ། དེའི་མདུན་དུ་གླུ་གར་བྱེད་བཞིན་པས་གྲོང་ཁྱེར་བསྐོར་ཅིག་གསུང་སྟེ། དེ་ ལྟར་བྱས་ནས་དེའི་འོག་ཏུ་མི་དེ་ལ་གླུ་སྙན་ནམ་གར་བཟང་ངམ་དྲིས་པས་བདག་གིས་མ་ མཐོང་མ་ཐོས་ཏེ་བདག་སྲོག་གིས་འཇིགས་སྐྲག་པས་ཉེན་ན་ལྟ་བ་དང་ཉན་པ་ལྟ་ཅི་སྨོས་ ཞེས་ཟེར་བ་ན། འཕགས་པས་རྒྱལ་པོ་ཆེན་པོ་མི་འདི་ཚེ་འདི་གཅིག་པུའི་སྲོག་གི་ཆེད་དུ་འདི་ ལྟར་དབང་པོ་ནང་དུ་སྡུད་ན། བདག་ཅག་རྣམས་འཁོར་བའི་མཐའ་ཇི་སྲིད་པའི་སྡུག་བསྔལ་ གཞོམ་པའི་སླད་དུ་ཅིས་མི་སྡུད། ཅེས་གསུངས་པས་རྒྱལ་པོ་དད་པར་བྱས་པ་ལྟ་བུ་སྟེ་དེ་ ལྟར་ཤེས་བཞིན་གྱིས་སྒྲིམ་མོ།། བཞི་པ་ཉེས་པ་བྱུང་ན་དེ་མ་ཐག་ཟློག་པ་ནི། དེ་བས་པང་དུ་སྦྲུལ་འོངས་ན།། ཇི་ལྟར་རིངས་སུ་ལྡང་བ་ལྟར།། དེ་བཞིན་གཉིད་དང་སྙོམ་འོངས་ན།། མྱུར་དུ་དེ་དག་བཟློག་པར་བྱ།། ༧༡ 369 བརྩོན་འགྲུས་བསྟན་པ། ཉེས་པ་བྱུང་བ་རེ་རེ་ཞིང༌།། བདག་ལ་སྨད་ནས་ཅི་ནས་ཀྱང༌།། བདག་ལ་ཕྱིས་འདི་མི་འབྱུང་བ།། དེ་ལྟར་བྱ་ཞེས་ཡུན་རིང་བསམ།། ༧༢ ཞེས་གསུངས་ཏེ། དེ་ལྟར་དྲན་ཤེས་ཀྱིས་རྟག་པར་ཟིན་པ་ན་ཉོན་མོངས་པ་རྣམས་རྒྱུད་ལ་ མི་འབྱུང་ལ། གལ་ཏེ་གཉིད་དང་སྙོམས་ལས་ལྟ་བུ་ལུང་དུ་མ་བསྟན་པའི་རྣམ་པ་ཅན་ཅུང་ ཟད་བྱུང་ནའང་དེ་མ་ཐག་ཏུ་ཚོར་བར་འགྱུར་བས་དང་དུ་མི་བླང་བ་པང་པར་སྦྲུལ་ཞུགས་པ་ འདོར་བ་ལྟ་བུའི་བརྩོན་པ་བསྐྱེད་དེ་ཉེས་པས་མ་གོས་པར་བྱ་ཞིང༌། འདོད་ཁམས་པ་ལ་ཟས་ སུ་འགྱུར་བའི་དུས་ཀྱི་གཉིད་མཚན་མོའི་དྲུག་ཆའམ་བཞི་ཆ་གཅིག་གུང་ལ་ཉལ་བ་ཙམ་ ནི་མ་གཏོགས་ཏེ། དེ་ནི་སྔར་བསྟན་པ་ལྟར་དགེ་བའི་གཉིད་དུ་བྱ་སྟེ། དུས་མིན་གྱི་གཉིད་ སྙོམས་སོགས་ཉེས་པ་བྱུང་ངོ་ཅོག་སྐད་ཅིག་གིས་ཚོར་ནས་དང་དུ་མི་བླང་ཞིང་སྔ་མ་ཚར་ བཅད་པ་དང་ཕྱི་མ་མི་སྐྱེ་བའི་ཕྱིར་འབད་པར་བྱ་སྟེ། ལྔ་པ་མདོར་ན་བྱ་བ་སྒྲུབ་པ་ལྷུར་བླང་བ་ནི། ཇི་ལྟར་གནས་སྐབས་འདི་དག་ལ།། དྲན་པ་གོམས་པ་ཉིད་འགྱུར་ཞེས།། 370 བརྩོན་འགྲུས་བསྟན་པ། རྒྱུ་འདི་ཡིས་ནི་ཕྲད་པ་འམ།། རིགས་པའི་ལས་ནི་འདོད་པར་བྱ།། ༧༣ ཞེས་གསུངས་ཏེ། མདོར་ན་གནས་སྐབས་དེ་ཐམས་ཅད་དུ་དགེ་བའི་དྲན་པ་གོམས་པ་ལྷུར་ བྱ་ཞིང་དེ་ལས་ཤེས་བཞིན་གྱིས་རིགས་པའི་ལས་ལ་རྩེ་གཅིག་ཏུ་འབད་པར་བྱ་བ་ཁོ་ནའོ།། གཉིས་པ་བདག་ཉིད་དབང་དུ་བྱ་བ་ལ་གཉིས། ལུས་དབང་དུ་བྱ་བ་དང༌། སེམས་ དབང་དུ་བྱ་བའོ། །དང་པོ་ནི། ཅི་ནས་ལས་བྱེད་སྔོན་རོལ་ནས།། ཐམས་ཅད་ལ་ནི་མཐུ་ཡོད་པ།། དེ་ལྟར་བག་ཡོད་གཏམ་དྲན་ཏེ།། བདག་ཉིད་ལྡང་བ་ཡང་བར་བྱ།། ༧༤ ཞེས་གསུངས་ཏེ། དེ་ཡང་ལས་རྣམས་ཀྱི་སྔོན་རོལ་དུ་རྩོམ་པ་ལ་བརྟན་པས་གྱ་ཚོམས་མ་ ཡིན་པར་འཇུག་ཅིང༌། དེ་སྒྲུབ་པའི་མཐུ་ཡོད་པར་བྱ་བའི་ཕྱིར། བག་ཡོད་ཀྱི་ལེའུ་དང་དེ་མ་ ཐག་ཏུའང་བཤད་པའི་རྗེས་སུ་བསྟན་པའི་གཏམ་རྣམས་མི་བརྗེད་པར་དྲན་པས་བདག་གི་ སྒོ་གསུམ་འཇུག་ལྡང་ཡང་ཞིང་ཁ་ལོ་བདེ་བར་བྱ་སྟེ། 371 བརྩོན་འགྲུས་བསྟན་པ། གཉིས་པ་སེམས་དབང་དུ་བྱ་བ་ནི། ཇི་ལྟར་རླུང་ནི་འགྲོ ་བ་དང༌།། འོང་བས་ཤིང་བལ་དབང་བསྒྱུར་བ།། དེ་བཞིན་སྤྲོ་བས་དབང་བསྒྱུར་བྱ།། དེ་ལྟ་ན་ནི་འགྲུབ་པར་འགྱུར།། ༧༥ ཞེས་གསུངས་ཏེ། ཇི་ལྟར་ཤིང་བལ་ཆུང་ངུ་ནི་རླུང་ཆུང་ངུས་ཀྱང་དབང་བསྒྱུར་ཞིང་འགྲོ་འོང་ སྟོན་པ་ལྟར་སེམས་ཀྱི་ཤིང་བལ་ཡང་སྤྲོ་བ་དང་གཉེན་པོའི་རླུང་གིས་རང་དབང་དུ་འགྱུར་ བར་བྱ་སྟེ། རང་གི་སེམས་དུལ་བ་འདི་ནི་ཆོས་ཀྱི་དོན་པོ་ཡིན་ལ། འདི་དང་ལྡན་ན་དགེ་བ་ ཐམས་ཅད་འགྲུབ་པ་ཡིན་ལ། འདིས་ནི་བརྩོན་འགྲུས་ཀྱི་འབྲས་བུ་ཕུན་སུམ་ཚོགས་པ་ཡང་ བསྟན་པ་ཡིན་ནོ།། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བརྩོན་འགྲུས་ཀྱི་ལེའུ་རྣམ་པར་ཕྱེ་ བ་སྟེ་བདུན་པའོ།། །། 372 བསམ་གཏན་་བསྟན་པ།

དེ་ལྟར་བརྩོན་འགྲུས་བརྩམས་པའི་དངོས་འབྲས་ནི། དགེ་བ་ལ་སེམས་རྩེ་གཅིག་པ་

ཐོབ་པ་ཉིད་ཁོ་ན་ཡིན་པའི་ཕྱིར། བརྩོན་འགྲུས་ཀྱི་དེ་མ་ཐག་ཏུ་དེའི་འབྲས་བུ་བསམ་གཏན་ གྱི་ལེའུ་འཆད་པར་འབྲེལ་ཏོ།། ལྔ་པ་བསམ་གཏན་གྱི་ལེའུ་འཆད་པ་ལ་གསུམ། མི་མཐུན་པའི་ཕྱོགས་རྣམ་གཡེང་སྤང་ བ་དང༌། ཞི་གནས་ཀྱི་དམིགས་པ་བྱང་ཆུབ་ཀྱི་སེམས་སྒོམ་པ། དོན་བསྡུ་བའོ། །དང་པོ་ལ་ གསུམ། སྤང་བའི་གནས་མདོར་བསྟན་པ། འཇིག་རྟེན་སྤོང་བ་རྒྱས་བཤད་དང༌། རྣམ་རྟོག་ སྤོང་བ་རྒྱས་བཤད་དོ། །དང་པོ་ནི། དེ་ལྟར་བརྩོན་འགྲུས་བསྐྱེད་ནས་ནི།། ཡིད་ནི་ཏིང་ངེ་འཛིན་ལ་བཞག། སེམས་ནི་རྣམ་པར་གཡེངས་པའི་མི།། ཉོན་མོངས་མཆེ་བའི་ཕྲག་ན་གནས།། ༡ ལུས་དང་སེམས་ནི་དབེན་པ་ཡིས།། རྣམ་པར་གཡེང་བ་མི་འབྱུང་ངོ༌།། དེ་བས་འཇིག་རྟེན་སྤང་བྱ་ཞིང༌།། རྣམ་པར་རྟོག་པའང་ཡོངས་སུ་དོར།། ༢ ཞེས་གསུངས་ཏེ། སེམས་རྣམ་པར་གཡེངས་ན་ཉོན་མོངས་པའི་དབང་དུ་འགྱུར་ལ། དེ་གྱུར་ 373 བསམ་གཏན་་བསྟན་པ། ན་སྦྱིན་སོགས་བཞི་པོ་དེ་ཡང་མི་འགྲུབ་པའི་ཕྱིར་སེམས་རྣམ་གཡེང་ལས་ལྡོག་དགོས་ལ། དེའི་རྒྱུ་ནི་ལུས་ངག་འདུ་འཛིས་དབེན་པ་དང༌། སེམས་རྣམ་རྟོག་གིས་དབེན་པ་གཉིས་ཡིན་ ལ། སྤང་བར་བྱ་བའི་རྣམ་གཡེང་དེ་ནི་མདོར་བསྡུ་ན་སྐབས་འདིར། འཇིག་རྟེན་སྤང་བ་དང༌། རྣམ་རྟོག་སྤང་བ་གཉིས་ཡིན་ནོ།། གཉིས་པ་འཇིག་རྟེན་སྤོང་ཚུལ་ལ་ལྔ། གང་གིས་མི་སྤོངས་པའི་རྒྱུ། གང་གིས་སྤོངས་ པའི་རྒྱུ། གཉེན་པོ་ཇི་ལྟར་སྒྲུབ་ཚུལ། འདུ་འཛིའི་ཉེས་པ། དབེན་པའི་ཕན་ཡོན་བསྔགས་ པའོ། །དང་པོ་ནི། ཆགས་པའི་ཕྱིར་དང་རྙེད་སོགས་ལ།། སྲེད་པས་འཇིག་རྟེན་མི་སྤོངས་ཏེ།། དེ་བས་འདི་དག་ཡོངས་སྤོངས་ལ།། མཁས་པས་འདི་ལྟར་སྤྱད་པར་བྱ།། ༣ ཞེས་གསུངས་ཏེ། སྐྱེས་པ་དང་བུད་མེད་ལ་སོགས་པ་ནང་སེམས་ཅན་ལ་ཆགས་པ་དང༌། ཕྱིའི་རྙེད་བཀུར་སོགས་ལ་ཞེན་པ་ནི་འཇིག་རྟེན་མི་སྤོངས་པའི་རྒྱུ་སྟེ། དེས་ཁྱིམ་དུ་བུ་སྨད་ དང་བཅས་པར་འཆིང་ལ། རྒྱུ་དེས་བདག་གི་མི་ལུས་ཐོབ་པ་དོན་མེད་པར་བྱེད་དོ། །དེས་ན་ ཆགས་ཡུལ་དེ་དག་ལ་སྙིང་པོ་མེད་པའི་ཚུལ་འཆད་པར་འགྱུར་པ་འདི་དག་སེམས་པས་ཞེན་ པ་སྤོངས་ལ་འདི་ལྟར་གྱིས་ཤིག་པའོ།། 374 བསམ་གཏན་་བསྟན་པ། གཉིས་པ་གང་གིས་སྤོངས་པའི་རྒྱུ་ནི། ལྷག་མཐོང་རབ་ཏུ་ལྡན་པའི་ཞི་གནས་ཀྱིས།། ཉོན་མོངས་རྣམ་པར་འཇོམས་པར་ཤེས་བྱས་ནས།། ཐོག་མར་ཞི་གནས་བཙལ་བྱ་དེ་ཡང་ནི།། འཇིག་རྟེན་ཆགས་པ་མེད་ལ་མངོན་དགས་འགྲུབ།། ༤ ཅེས་གསུངས་ཏེ། དེ་ཁོ་ན་ཉིད་ཤེས་པ་ནི་ལྷག་མཐོང་ངོ༌། །དེ་ལ་རྩེ་གཅིག་ཏུ་གནས་པ་ནི་ སྐབས་དེའི་ཞི་གནས་ཏེ་རབ་ཏུ་ལྡན་པའི་སྒྲས་ཞི་ལྷག་དབྱེར་མེད་པར་ཟུང་དུ་ཆུད་པ་འདིས་ ཉོན་མོངས་པ་ཐམས་ཅད་རྣམ་པར་འཇོམས་ཏེ་ཞི་གནས་ཀྱིས་མངོན་གྱུར་བ་མགོ་གནོན་ ཞིང༌། ལྷག་མཐོང་གིས་ས་བོན་སྐྱེ་འགྱུར་གྱི་ཆ་འཇོམས་པའི་ཕྱིར་རོ། །དེ་ཡང་དང་པོར་སྒྲུབ་ སླ་བ་དང༌། ཕ་རོལ་ཏུ་ཕྱིན་པ་དྲུག་རིམ་འཇུག་གི་དབང་དུ་བྱས་ནས་ཐོག་མར་ཞི་གནས་ བཙལ་བར་བྱ་ལ། དེ་ནི་འཇིག་རྟེན་ཐམས་ཅད་ཀྱི་ཉེས་དམིགས་རིག་པས་གང་ལའང་ ཆགས་པ་མེད་པར་སྐྱོ་ཞིང་ཡིད་འབྱུང་ལ། དབེན་ཞིང་ཞི་བ་ལ་གཅིག་ཏུ་མངོན་པར་དགའ་ བས་སེམས་ནང་དུ་སྡུད་པ་འདིས་འགྲུབ་སྟེ། ཇོ་བོ་རྗེས། འཇིག་རྟེན་བྱ་བ་དག་ལ་ཕར་བལྟས་པས།། བྱས་པ་ཐམས་ཅད་དོན་མེད་སྡུག་བསྔལ་རྒྱུ།། ཅི་ལ་བསམས་ཀྱང་ཕན་པར་མི་འགྱུར་བས།། རང་གི་སེམས་ལ་ལྟ་བ་གོམས་པར་གྱིས།། 375 བསམ་གཏན་་བསྟན་པ། ཞེས་གསུངས་པ་ལྟར་འཇིག་རྟེན་སྤང་བ་དང༌། རྣམ་སྣང་མངོན་བྱང་གི་རྒྱུད་ལས། རྣམ་རྟོག་མ་རིག་ཆེན་པོ་སྟེ།། འཁོར་བའི་རྒྱ་མཚོར་ལྟུང་བྱེད་ཡིན།། མི་རྟོག་ཏིང་འཛིན་ལ་གནས་ན།། མཁའ་བཞིན་དྲི་མ་མེད་པར་འགྱུར།། ཞེས་པ་ལྟར་རྟོག་པ་སྤང་བ་སྟེ་གཉིས་ཀྱིས་འགྲུབ་བོ།། གསུམ་པ་གཉེན་པོ་སྒྲུབ་པ་ལ་གཉིས། སེམས་ཅན་ལ་མ་ཆགས་པ་སྒྲུབ་པ་དང༌། རྙེད་ སོགས་ལ་མ་ཆགས་པ་སྒྲུབ་པའོ། །དང་པོ་ལ་གཉིས། ཆགས་པའི་ཉེས་པ་བསྟན་པ་དང༌། བྱིས་པ་ནི་འགྲོགས་བྱ་མ་ཡིན་པར་བསྟན་པའོ། །དང་པོ་ལ་ལྔ། སྤྱིར་བསྟན་པ། མཐོང་ཆོས་ ལ་སྡུག་བསྔལ་སྐྱེད་པ་དང༌། ཐར་པའི་གེགས་བྱེད་པ་དང༌། ཡོན་ཏན་སྔར་མེད་མི་སྐྱེ་བ་དང༌། ཡོན་ཏན་སྔར་ཡོད་འགག་པར་བསྟན་པའོ། །དང་པོ་ནི། མི་རྟག་སུ་ཞིག་མི་རྟག་ལ།། ཡང་དག་ཆགས་པར་བྱེད་པ་ཡོད།། ཅེས་གསུངས་ཏེ། དེ་ཡང་ཆགས་པ་པོ་རང་ཉིད་མི་རྟག་ཅིང་མྱུར་དུ་འཆི་ལ། མི་སྡུག་པ་མི་ གཙང་བ་འདུས་པའི་ལུས་རུས་པའི་འཁྲུལ་འཁོར་ཅན་ཡིན་ལ། 376 བསམ་གཏན་་བསྟན་པ། ཆགས་ཡུལ་བུད་མེད་སོགས་ཀྱང་དེ་ཁོ་ན་ཡིན་པ་ལ་དེ་ལྟར་མི་ཤེས་ཀྱི་སྟེང་དུ་མི་གཙང་ བའི་འདུས་པ་གཅིག་གིས་གཅིག་ལ་གཙང་བར་འཛིན་པ་དང༌། བརྟགས་ན་རོ་ལངས་ལྟར་ འཇིགས་སུ་རུང་བའི་གནས་གཅིག་གིས་གཅིག་ལ་མཛེས་པ་དང༌། ཆགས་པར་འཛིན་པ་ནི་ ཤིན་ཏུ་འཁྲུལ་པའི་ཕྱིར། འདི་ལྟ་བུ་བྱེད་པ་སུ་ཡོད་ཅེས་ཁྲེལ་ཞིང་དམད་པ་ཡིན་ལ། དེས་ནི་ཚེ་རབས་སྟོང་ཕྲག་ཏུ།། སྡུག་པ་མཐོང་བར་ཡོང་མི་འགྱུར།། ༥ ཞེས་གསུངས་ཏེ། བུ་མོ་ཟླ་མཆོག་བུད་མེད་རིན་པོ་ཆེར་བཀུར་བ་མི་ལས་འདས་ཤིང་ལྷའི་ ལུས་མ་ཐོབ་པ་དེ་ལ། རྒྱལ་བུ་དང་ཁྱིམ་བདག་གི་བུ་མཆོག་ཏུ་བཀུར་བ་ཐམས་ཅད་ཀྱིས་ སློངས་ཀྱང་མ་བྱིན་ནས། ང་རང་གིས་ཁྱིམ་ཐབ་འདམ་མོ་ཞེས་དྲིལ་བསྒྲགས་པས་སྐྱེ་བོ་ རྣམས་རང་རང་གི་གཟུགས་ལ་སོགས་པས་དྲེགས་ཤིང་འདམ་དུ་རེ་བས་ཕྱིས་བདར་དང༌། རྒྱན་ཐམས་ཅད་ཀྱིས་བརྒྱན་ཏེ་འདུས་པ་ན་བུ་མོ་དེ་ནམ་མཁའ་ལ་འཕགས་ནས་བདག་གི་ ལུས་མཆོག་འདི་ནི་ཚུལ་ཁྲིམས་དང༌། བཟོད་པས་ཐོབ་པ་ཡིན་གྱི་འདོད་པས་ཐོབ་པ་མ་ཡིན་ ལ། འདོད་པ་ལ་ཞེན་པ་དག་གིས་འདི་ལྟ་བུ་འཐོབ་པའི་གནས་མེད་དོ་ཞེས་པའི་དོན་ཅན་གྱི་ ཆོས་རྒྱ་ཆེར་བསྟན་ནས་སྟོན་པའི་སྤྱན་སྔར་སོང་བ་ལྟར། གཟུགས་སྡུག་པ་ལ་ཞེན་པ་དེས་ ནི་ཚེ་རབས་མཐའ་ཡས་པར་ཡང་ཤིན་ཏུ་མི་སྡུག་པའི་ལུས་འཐོབ་ཅིང་མི་སྡུག་པའི་གྲོ གས་ འཐོབ་ལ། ཚུལ་ཁྲིམས་དང༌། བཟོད་པ་ལ་གནས་པས་ནི་ལུས་སྡུག་པ་འཐོབ་ཅིང༌། སྡུག་ ཅིང་ཡིད་དུ་འོང་བའི་གྲོགས་འཐོབ་པར་འགྱུར་རོ།། 377 བསམ་གཏན་་བསྟན་པ། གཉིས་པ་མཐོང་ཆོས་ལ་སྡུག་བསྔལ་སྐྱེད་པ་ནི། མ་མཐོང་ན་ནི་དགར་མི་འགྱུར།། ཡིད་ཀྱང་མཉམ་འཇོག་མི་འགྱུར་ལ།། མཐོང་ཡང་ངོམས་པར་མི་འགྱུར་བས།། སྔར་བཞིན་སྲེད་པས་གདུང་བར་འགྱུར།། ༦ ཞེས་གསུངས་ཏེ། དེ་ལྟར་མོད་ཀྱི་འདོད་པའི་ཡོན་ཏན་ལ་ཞེན་པ་ནི་ལན་ཚྭའི་ཆུ་ཇི་ཙམ་ འཐུངས་པ་ཙམ་དུ་སྐོམ་པ་འཕེལ་བ་ལྟར། ཇི་ཙམ་སྤྱད་པ་དེ་ཙམ་དུ་ཞེན་ཞིང་སྲེད་པར་ འགྱུར་གྱི་ངོམས་པ་མེད་ལ། མ་མཐོང་ན་སྙིང་ཕྱུང་བ་ལྟར་སྡུག་བསྔལ་ཞིང་ཤུགས་རིང་གིས་ འདེབས་ལ་ནང་གི་མྱ་ངན་མི་བཟད་པ་འཕེལ་བར་ཟད་དོ།། གསུམ་པ་ཐར་པའི་གེགས་བྱེད་པ་ནི། སེམས་ཅན་རྣམས་ལ་ཆགས་བྱས་ན།། ཡང་དག་ཉིད་ལ་ཀུན་ནས་སྒྲིབ།། སྐྱོ་བའི་སེམས་ཀྱང་འཇིག་པར་བྱེད།། ཐ་མར་མྱ་ངན་གདུང་བར་འགྱུར།། ༧ ཞེས་གསུངས་ཏེ། དེས་ནི་མི་རྟག་པའི་འདུ་ཤེས་ཙམ་སྐྱེ་བ་ལ་ཡང་གེགས་བྱེད་ན་ཆོས་ཉིད་ 378 བསམ་གཏན་་བསྟན་པ། མཐོང་བ་ལ་ལྟ་ཅི་སྨོས། ཕྱིན་ཅི་ལོག་གི་འདུ་ཤེས་ལ་གཅིག་ཏུ་ཞེན་པ་དེས་འཁོར་བའི་ཉེས་ དམིགས་མཐོང་བར་མི་འགྱུར་བའི་ཕྱིར། ཐར་པའི་རྩ་བ་འདུས་བྱས་ཀྱིས་སྐྱོ་ཞིང་ཡིད་འབྱུང་ བ་ཡིན་ན་དེ་ཇི་ལྟར་སྐྱེ། བཞི་པ་ཡོན་ཏན་སྔར་མེད་མི་སྐྱེ་བ་ནི། དེ་ལ་སེམས་པ་འབའ་ཞིག་གིས།། ཚེ་འདི་དོན་མེད་འདའ་བར་འགྱུར།། ཞེས་གསུངས་ཏེ། ཉིན་མཚན་རྟག་ཏུ་ཡང་འདོད་པའི་ཡུལ་སེམས་པ་དེས་དུས་འདའ་བས་ དགེ་བའི་རྩ་བ་ལྟ་ཞོག་ཐ་ན་སོ་ནམ་དང་བཟོ་ལ་སོགས་པ་ལུང་དུ་མ་བསྟན་པའི་ལས་ལམ་ རྣམས་ཀྱང་མི་འགྲུབ་ན་དམ་པའི་ཆོས་ལྟ་སྨོས་ཀྱང་ཅི་དགོས། ལྔ་པ་ཡོན་ཏན་སྔར་ཡོད་འགག་པར་བསྟན་པ་ནི། རྟག་པ་མེད་པའི་མཛའ་བཤེས་ཀྱིས།། གཡུང་དྲུང་ཆོས་ཀྱང་འཇིག་པར་འགྱུར།། ༨ ཞེས་གསུངས་ཏེ། འདུས་བྱས་ལ་ནི་འབྲལ་བ་ལས་གཞན་པའི་ཆོས་ཉིད་མེད་པའི་ཕྱིར། སྡུག་པའི་ཡུལ་དེ་རྙེད་དུ་ཟིན་ཡང་ཤི་བའམ་གསོན་པ་གང་རུང་གིས་ངེས་པར་འབྲལ་ལ། དེའི་ཚེ་སྡུག་པ་དང་བྲལ་བའི་སྡུག་བསྔལ་གྱིས་མནར་བར་འགྱུར་ལ། དེ་ལྟར་མི་རྟག་པའི་ 379 བསམ་གཏན་་བསྟན་པ། མཛའ་བཤེས་ལ་ཆགས་ན་རྟག་པ་དང༌། ཞི་བ་དང༌། གཡུང་དྲུང་གི་བདག་ཉིད་བདེ་བ་ ཐམས་ཅད་ཀྱི་འབྱུང་གནས་དམ་པའི་ཆོས་ལས་ཉམས་པར་འགྱུར་རོ།། དེས་ན་མེ་ལས་རྒྱང་རིང་དུ་བྱོལ་ན་འཚིག་པའི་སྡུག་བསྔལ་མི་འབྱུང་བ་ལྟར་འདོད་པའི་ ཉེས་དམིགས་རིག་པས་སྐྱེས་པ་དང༌། བུད་མེད་དང༌། མཛའ་བཤེས་དང༌། ཉེ་དུ་སོགས་ལ་སྙིང་ པོ་མེད་པར་ཤེས་ཏེ་ཆགས་པའི་བློ་དོར་བ་ཙམ་གྱིས་སྡུག་བསྔལ་དེ་ཐམས་ཅད་མི་འབྱུང་ལ། དེ་ ཙམ་གྱིས་སེམས་དུལ་ཞིང་དེས་ལ་ལས་སུ་རུང་སྟེ་ཏིང་ངེ་འཛིན་དེ་མ་ཐག་སྐྱེ་བར་འགྱུར་རོ།། དེའི་ཕྱིར། ཞི་གནས་རྒྱུ་ནི་ཚུལ་ཁྲིམས་ལས་གཞན་མེད།། ཅེས་གསུངས་པ་ཡིན་ལ། ཚུལ་ཁྲིམས་དེ་ཡང་སེམས་ཀུན་ནས་སྡོམ་པ་འདི་ལྟ་བུ་ཞིག་ཡིན་གྱི། དེང་སང་ངེས་འབྱུང་ལ་ སོགས་པའི་བསམ་པ་ཅི་ཡང་མེད་པར་ཁྱིམ་པའི་དུས་ཀྱི་བསམ་པ་འཇིག་རྟེན་པའི་བློ་དེ་ཉིད་ ལས་མ་གཡོས་པ་ལ་རྟགས་དང་ཆོ་ག་ཙམ་རེ་བྱིན་པ་ལ་ཚུལ་ཁྲིམས་སུ་འདོགས་པ་འདིས་ ནི་ཏིང་ངེ་འཛིན་མི་སྐྱེ་བར་མངོན་སུམ་དུ་མཐོང་ངོ༌།། དེས་ན་སེམས་ཅན་རྣམས་སེམས་རྒྱུད་རེ་རེ་བ་ཐ་དད་ཅིང༌། ལས་ཐ་དད་པ་རྣམས་ འཁོར་བའི་མཐོ་དམན་ཐམས་ཅད་དུ་སྐྱེ་གནས་གྲངས་མེད་པ་རྒྱུན་མི་ཆད་པར་འཛིན་པ་ ལས་ད་ལྟ་མིའི་ལུས་རིས་མཐུན་པར་ས་ཕྱོགས་གོ་སྐབས་ཉེ་བར་སྐྱེ་བ་ལན་གཅིག་ཚོགས་ པ་ཙམ་འདི་ལ་མཛའ་བཤེས་དང༌། དགྲ་གཉེན་སོགས་སུ་བཟུང་ནས་ཐོག་མ་ནས་ཐ་མའི་ བར་དུ་འདི་ཁོ་ན་བདེན་པར་ལྟ་བ་འདི་ནི་ནང་གི་མུན་ནག་ཆེན་པོ་མི་བཟད་པ་ཡིན་ལ། ཁྱིམ་ 380 བསམ་གཏན་་བསྟན་པ། པ་རྣམས་ཀྱིས་དེ་ལྟར་མི་གོ་བ་བདེན་མོད་ཀྱང༌། ཆོས་སྒོར་ཞུགས་ཤིང་དམ་པའི་ཆོས་ལ་ ཐོས་བསམ་སྒོམ་པར་རློམ་པ་དང༌། མཁས་པ་དང༌། བཙུན་པ་དང༌། བཟང་པོར་རློམ་པ་ རྣམས་ཀྱང་དགྲ་གཉེན་མཛའ་བཤེས་ཉེ་དུ་ལ་སོགས་པའི་ཞེན་པ་སྔར་ཁྱིམ་པའི་དུས་ལས་ ཀྱང་ཆེས་འཕེལ་བ་ཞིག་དེང་སང་སྣང་བ་འདི་ནི་འཇིགས་པ་དང༌། ཡ་ང་བ་དང༌། བག་ཚ་བ་ དང༌། མུ་སྟེགས་པ་རྣམས་དང༌། འཇིག་རྟེན་པ་རྣམས་ལ་ཡང་ངོ་ཚ་བར་སྣང་ངོ༌།། གཉིས་པ་བྱིས་པ་ནི་འགྲོགས་བྱ་མ་ཡིན་པར་བསྟན་པ་ལ་དྲུག ངན་འགྲོར་འཁྲིད་པ། བྱིས་པའི་ངང་ཚུལ་བསྟན་པ། བསྟེན་པའི་ཉེས་དམིགས། སྤང་དགོས་པར་བསྟན་པ། བསྟེན་ དགོས་ནའང་གཉི་ག་ལ་མི་གནོད་པ་བར་མའི་བརྟུལ་ཞུགས་ཀྱིས་གནས་དགོས་པ། སེམས་ རྩེ་གཅིག་ཏུ་བསྡུས་ཏེ་གནས་དགོས་པར་བསྟན་པའོ། །དང་པོ་ནི། བྱིས་དང་སྐལ་པ་མཉམ་སྤྱོད་ན།། ངེས་པར་ངན་འགྲོ ར་འག ྲོ ་བར་འགྱུར།། སྐལ་མི་མཉམ་པར་འཁྲིད་བྱེད་ན།། བྱིས་པ་བསྟེན་པས་ཅི་ཞིག་བྱ།། ༩ ཞེས་གསུངས་ཏེ། དེ་ལྟ་མོད་ཀྱི་བྱིས་པའི་གྲོགས་སམ་འཁོར་ཙམ་ཡང་ཐག་སྲིང་བར་བྱའི། བསྟེན་པར་བྱ་བ་མ་ཡིན་ཏེ། འཇིག་རྟེན་ན་ཡང་བུས་པ་གཞོན་ནུ་ཤེད་མ་བྱེ་བ་དག་ལ་བྱིས་ 381 བསམ་གཏན་་བསྟན་པ། པར་སྒྲོག་ཅིང༌། དེ་ནི་ནད་འཇོམས་པའི་སྨན་ཅུང་ཟད་ཁ་བ་བྱིན་ན་མི་འཐུང་ཞིང་ལྕེ་ལ་རེག་ མ་ཐག་ངུ་ཞིང་ལྕེ་སྦར་མོས་འབྲད་པར་བྱེད་ལ། འདིས་ཁྱོད་ཀྱི་ནད་ཞིའོ་ཞེས་སྨྲས་ཀྱང་ཡུས་ པས་ངུ་བར་བྱེད་ཀྱི་སྨན་མི་འཐུང་ལ་བཙན་དུག་གི་དུམ་བུ་ལྕེ་ལ་རེག་ན་མངར་བར་མཐོང་ བས་འདིས་འཆི་ཡི་བཟའ་མི་རུང་ངོ་ཞེས་སྨྲས་ཀྱང་བརྐུས་ནས་ཀྱང་ཟ་བར་བྱེད་པ་ལྟར། སེམས་ཅན་འདི་རྣམས་ཀྱང་དགེ་བའི་བསམ་པའི་ཤེད་མ་བྱེ་ཕན་གནོད་ཀྱི་མིག་རྒྱང་ཐུང་ བས་དགེ་བའི་རྩ་བ་སྨན་ཁ་བ་ལྟ་བུ་ལ་བཅུག་ན་ལྡོག་ཅིང་འདོར་ལ། མི་དགེ་བ་བཙན་དུག་ ལྟ་བུ་རོ་མངར་བ་དང་འདྲ་བའི་འཕྲལ་གྱི་རྙེད་བཀུར་རམ་མིང་དང་གྲགས་པ་སྣ་རེའི་ཆེད་དུ་ གཞན་གྱིས་བསྲུངས་ཀྱང་མི་ཐུབ་པར་ནན་གྱིས་འཇུག་ལ། ངན་སོང་གི་འཇིགས་པ་སོགས་ བསྟན་ཡང་ཅིར་ཡང་མི་སེམས་པ་བ་ལང་གི་མདུན་དུ་རིག་བྱེད་བཏོན་པ་ལྟ་བུར་སྣང་བ་ འདི་དག་ནི་བྱིས་པ་ཉིད་ཡིན་གྱིས་བུས་པ་ལུས་ཆུང་ངུ་དེ་དག་ནི་ལོ་འགའ་ཟུང་ཁོ་ནར་ལུས་ རྫོགས་ཤིང་སྨན་དང་དུག་ཤེས་པ་ཙམ་གྱི་ཤེད་མྱུར་དུ་བྱེ་བར་འགྱུར་ཡང༌། སེམས་ཅན་འདི་ རྣམས་ལ་ནི་སྐྱེ་བ་མཐའ་ཡས་པ་དང་བསྐལ་པ་བསམ་གྱིས་མི་ཁྱབ་པས་ཀྱང་བླང་དོར་ཇི་ ལྟ་བ་ཤེས་པའི་ཤེད་བྱེ་བའི་དུས་མི་སྣང་བའི་ཕྱིར་རོ།། དེས་ནི་བྱིས་པ་དང་སྤྱོད་པའམ་སྐལ་བ་མཚུངས་པར་སྤྱད་ན་ནི་བྱིས་པ་གང་དུ་འགྲོ་ བའི་གནས་ངན་འགྲོ་དེར་བདག་ཀྱང་འགྲོ་བར་འགྱུར་བས་ད་ལྟའི་མི་ལུས་འདི་དང་སྐལ་བ་ མི་མཉམ་ཞིང་ངན་པའི་ངན་སོང་དུ་འཁྲིད་པའི་གྲོགས་དེས་བདག་ལ་ཅི་ཞིག་བྱ། 382 བསམ་གཏན་་བསྟན་པ། གཉིས་པ་བྱིས་པའི་ངང་ཚུལ་བསྟན་པ་ནི། སྐད་ཅིག་གཅིག་གིས་མཛའ་འགྱུར་ལ།། ཡུད་ཙམ་གཅིག་གིས་དགྲར་ཡང་འགྱུར།། དགའ་བའི་གནས་ལའང་ཁྲོ་བྱེད་པས།། སོ་སོའི་སྐྱེ་བོ་མགུ་བར་དཀའ།། ༡༠ ཞེས་གསུངས་ཏེ། དེ་ལྟ་མོད་ཀྱི་བྱིས་པའི་རྣམ་པར་ཐར་པ་ནི་འདི་དག་ཡིན་ཏེ། ཕྲད་པ་ཙམ་ གྱིས་ཀྱང་རྒྱུ་རྐྱེན་གཞན་མེད་ཀྱང་ཅ་ཅོ་དང༌། ག་ཞར་བྱེད་ཅིང༌། བདག་ཅག་མཛའ་བོ་ཡིན་ནོ་ ཞེས་འབྲལ་མི་ཕོད་པ་ཙམ་གྱི་མཛའ་བར་ཡང་བྱེད་ལ། དེ་མ་ཐག་ཚིག་བརྗོད་ལེགས་ཉེས་ཅུང་ ཟད་ཀྱིས་ཁྲོས་འཁྲུགས་ཏེ་དབྱུག་པ་དང་ཁུ་ཚུར་དང་མཚོན་ཆས་འགྱེད་ཅིང་ཚིག་གི་རྨ་འབྱིན་ ལ། གསོད་པའི་བར་དུ་ཡང་བྱེད་པས་རྒྱུ་མེད་དུ་མཛའ་ལ་རྒྱུ་མེད་དུ་ཁྲོ་བར་ཡང་བྱེད་དོ། །དོན་ ཉམས་པར་བྱེད་པའི་བྱ་བ་མ་ཡིན་པ་ལས་ལྡོག་ཅིང་བྱ་བར་འོས་པའི་ལས་ཀྱི་གྲོས་ལེགས་ པར་བཏབ་ན་དེ་ལ་ཁྲོ་ཞིང་བདག་ཉམས་ཀྱང་ཁྱོད་ལ་ཅི་ཏོ་ཞེས་སོགས་འཁོན་ཆེན་པོར་འཛིན་ ལ། མི་འོས་པར་བསྟོད་པ་སོགས་ཁ་གསག་གིས་བསླུས་ན་ཤིན་ཏུ་དགའ་བར་བྱེད་ལ། ཕན་པ་སྨྲས་ན་ཁྲོ་བར་བྱེད།། བདག་ཀྱང་ཕན་ལས་ཟློག་པར་བྱེད།། ཅེས་གསུངས་ཏེ། ཕན་པ་ལ་སྦྱར་ན་ཁྲོ་ཞིང་མི་སྒྲུབ་པར་མ་ཟད་སྦྱོར་བ་པོ་བདག་ཉིད་ཀྱང་ 383 བསམ་གཏན་་བསྟན་པ། ཕན་པ་ལས་ལྡོག་པར་བྱེད་དེ། དཔེར་ན། རྔོན་པའི་ལས་མ་བྱེད་ཅིག་ཅེས་བསྒོ་ན་འདི་ནི་རིན་ མི་དགོས་པར་ཟས་ཞིམ་པོ་འབྱུང་བས་ཁེ་སྤོགས་ཀྱི་མཆོག་ཡིན་གྱི་ཁྱོད་ཉིད་ཀྱང་འདོང་ངོ་ ཞེས་དཀྲི་བ་ལྟ་བུ་གཞན་དག་ཀྱང་བྱ་བ་མ་ཡིན་པ་ལ་སྦྱོར་བར་བྱེད་ལ། དེ་དག་ངག་ནི་མ་མཉན་ན།། ཁྲོས་པས་ངན་འགྲོ ར་འག ྲོ ་བར་འགྱུར།། ༡༡ ཞེས་གསུངས་ཏེ། དེའི་ངག་མ་མཉན་ན་ཁྲོས་པས་ཚིག་རྩུབ་མོ་སྨྲ་ཞིང་ཞེ་འཁོན་དུ་དམ་ པོར་འཛིན་ཏེ། རྒྱུ་དེ་ལས་ཀྱང་དེ་ངན་འགྲོར་འདོང་པར་འགྱུར་ལ། དཔེར་ན། རྒྱལ་པོ་ངན་པ་ ལྟ་བུ་ལ་ཡ་རབས་ཀྱི་ཆོས་ལུགས་ཀྱི་གྲོས་བཏབ་ན་ཤིན་ཏུ་ཁྲོས་པས་ཆད་པ་བྱེད་པ་དང༌། ག ྲོས་འདེབས་པ་པོ་དེ་དུས་མིན་གྱི་དཔྱ་ཁྲལ་དང༌། གནས་མིན་གྱི་རྩུབ་ཁྲིམས་བྱེད་པ་པོར་ བསྐོ་ཞིང་སུན་འབྱིན་པ་དང་བློན་པོ་ལས་འབྱིན་པ་སོགས་བྱེད་ལ། གཡོ་སྒྱུའི་གཅི་སག་སྨྲས་ ན་མགུ་ཞིང་རངས་པས་བློན་པོའི་དམ་པར་བཀུར་བ་རྒྱལ་པོ་ཨུ་ཏྲ་ཡ་ནའི་བུ་གཙུག་ཕུད་ ཅན་གྱིས་ཆོས་བཞིན་གྱི་བློན་པོ་ཧེ་རུ་ཀ་དང་བྷི་རུ་ཀ་གཉིས་ལེགས་པའི་གྲོ ས་བཏབ་པས་ བློན་པོ་ལས་ཕྱུང་ཞིང༌། སྡིག་བློན་དབྱུག་པ་དང་ཐོ་བ་གཉིས་ཀྱིས་རྒྱལ་པོའི་བསམ་པ་ལྟར་ སྙན་པར་སྨྲས་པས་བློན་པོའི་དམ་པར་བཅུག་པ་ལས་དེ་གཉིས་ཀྱིས་རྒྱལ་པོ་ཕ་དགྲ་བཅོམ་ པ་གསོད་དུ་བཅུག འཕགས་པ་ཀ་ཏྱཱ་ན་ཕྱགས་དར་གྱི་ཕུང་པོས་གཡོགས་པས་སའི་ཆར་ གྱིས་གྲོང་ཁྱེར་སྒྲ་སྒྲོགས་མི་མངོན་པར་མནན་ཏེ་ལུས་འདིས་དམྱལ་བར་ལྷུང་བ་བཞིན་ནོ།། 384 བསམ་གཏན་་བསྟན་པ། མཐོ་ལ་ཕྲག་དོག་མཉམ་དང་འགྲན།། དམའ་ལ་ང་རྒྱལ་བསྟོད་ན་དྲེགས།། མི་སྙན་བརྗོད་ན་ཁོང་ཁྲོ་སྐྱེ།། ནམ་ཞིག་བྱིས་ལས་ཕན་པ་འཐོབ།། ༡༢ ཅེས་གསུངས་ཏེ། གཞན་ཡང་མཐོ་བ་དང༌། དམའ་བ་དང༌། བར་མར་རྟོག་པ་ནི་ནམ་མཁའ་ ལ་མཐོ་དམན་དུ་རྟོག་པ་ལྟར་ཤིན་ཏུ་སྒྲོ་བཏགས་པ་འབའ་ཞིག་གིས་ཡིན་གྱི་སྒྲོ་བཏགས་ དུས་ན་ཡང་དེ་ལྟར་མི་བདེན་ལ། སྒྲོ་བཏགས་གོམས་པས་མཐོ་དམའ་བར་མར་འཛིན་ཙམ་ པ་དེ་ཉིད་ཀྱང་མི་རྟག་པས་གནས་སྐབས་གཞན་དུ་འགྱུར་བ་ལ་ཚེགས་མེད་མོད་ཀྱི་དེ་ལྟ་བུ་ མི་ཤེས་ཀྱི་སྟེང་དུ་སུ་ཞིག་ནི་བདག་ལས་རྙེད་པའམ་བཀུར་སྟིའམ་ཐོས་པ་ལ་སོགས་པའི་ ཡོན་ཏན་གྱིས་ལྷག་གོ་ཞེས་ཐོས་ན། དེ་ལ་ཕྲག་དོག་གི་ཚེར་མས་རང་གི་སེམས་རྩུབ་པར་ གྱུར་ཏེ་བཞིན་གྱི་མདངས་ཉམས། མིག་རིག་རིག་པོར་འགྱུར། ལག་པ་འདྲིལ། ངག་གིས་དེ་ ལ་མི་སྙན་པ་སྣ་ཚོགས་བརྗོད་པར་བྱེད་དོ།། ཁ་ཅིག་བདག་དང་མཉམ་པར་ཐོས་ན་བུས་པ་ལུས་བོངས་འགྲན་པ་ན་རྐང་འོག་ཏུ་ རྡེའུ་བཅུག་པ་དང་ལུས་བརྙེངས་པས་ཀྱང་མཐོར་རེ་བ་ལྟར་རྣམ་པ་སྣ་ཚོགས་པའི་སྒོ་ནས་དེ་ ལས་ལྷག་པར་སྒྲུབ་པར་བྱེད་དོ། །ཆེ་གེ་ཞིག་བདག་ལས་དམན་པར་ཐོས་སམ་མཐོང་ན་དེ་ ལ་བརྙས་ཤིང་ཁྱད་དུ་གསོད་པས་སྤྲེའུ་མིའི་ལག་ཏུ་ཚུད་པ་ལྟར་བཞད་གད་ཀྱི་གནས་སུ་བྱེད་ 385 བསམ་གཏན་་བསྟན་པ། ལ། རང་ཉིད་ནི་ཀླ་ཀློས་སྟག་སོད་པ་ལྟ་བུའི་ང་རྒྱལ་གྱིས་འགྱིང་ཞིང་བཞིན་གྱི་རྣམ་འགྱུར་ ཀྱང་སེམས་རང་བཞིན་དུ་གནས་པས་མཐོང་ན་ངོ་ཚ་བའི་གནས་སུ་བྱེད་དོ།། གལ་ཏེ་ཡོན་ཏན་གྱི་ཆ་ཅུང་ཟད་ཙམ་ཡོད་པ་ལ་སྒྲོ་བཏགས་པས་བསྟོད་ཀྱང་རུང་ཡོན་ ཏན་གཏན་མེད་པ་ལ་སྒྲོ་བཏགས་པ་ཁོ་ནས་བསྟོད་ཀྱང་རུང་སྟེ། ཁ་ཅིག་གིས་བདག་ལ་ བསྟོད་པར་གྱུར་ན་ནི་ཅི་བདག་ལ་ཡོན་ཏན་འདི་ལྡན་ནམ་མི་ལྡན་ཞེས་རྟོག་པ་ཡང་མེད་དེ། ང་རྒྱལ་ཞིང་སེམས་ཤིན་ཏུ་མཐོ་བས་རློམ་སེམས་སུ་བྱེད་དོ།། གལ་ཏེ་བདག་ལ་ཡོད་པའི་སྐྱོན་ནས་བརྗོད་པའམ་མེད་པའི་སྐྱོན་ནས་བརྗོད་ནའང་རུང་ སྟེ། བདག་ཉིད་ལ་མི་སྙན་པའམ་སྐྱོན་ཞིག་བརྗོད་ན་ནི་བདག་ཉིད་ལ་སྐྱོན་དེ་འདུག་ན་སྨན་ པས་ནད་ངོས་བཟུང་བ་ལྟ་བུ་ཡིན་པས་འདོར་ཞིང་མི་འདུག་ན་དེ་ཉིད་ཀྱིས་ཆོག་མོད་ཀྱང་དེ་ ལྟར་མི་ཤེས་པར་ཐོས་པ་ཙམ་གྱིས་ཁྲོས་འཁྲུགས་རྔམ་པར་བྱེད་དོ། །དེ་ལྟར་ན་ཅིས་ཀྱང་མགུ་ བར་མི་ནུས་ཤིང་རེས་འགའ་རྒྱུ་མེད་དང་རྒྱུ་ཕྱིན་ཅི་ལོག་གིས་ཀྱང་མགུ་བར་བྱེད་ལ་ཞེས་པའོ།། གསུམ་པ་བསྟེན་པའི་ཉེས་དམིགས་ནི། བྱིས་དང་འགྲོགས་ན་བྱིས་པ་ལས།། བདག་བསྟོད་གཞན་ལ་སྨོད་པ་དང༌།། འཁོར་བར་དགའ་བའི་གཏམ་ལ་སོགས།། མི་དགེ་ཅིས་ཀྱང་ངེས་པར་འབྱུང༌།། ༡༣ 386 བསམ་གཏན་་བསྟན་པ། དེ་འདྲ་བདག་དང་གཞན་བརྟེན་པ།། དེ་ནི་ཕུང་བར་འགྱུར་བར་ཟད།། ཅེས་གསུངས་ཏེ། མགུ་བ་དང་ཁྲོ་བ་གང་སྣང་ཡང་ཆུ་ཚོད་གཅིག་ཙམ་དུ་ཡང་ཡིད་བརྟན་པར་ མི་ནུས་པ་ཕན་བཏགས་པ་ལ་དགྲར་འཛིན་ཞིང༌། ཕན་གནོད་ཀྱི་བྱེ་བྲག་མི་ཤེས་པ་འདི་ རྣམས་ལ་ད་ལྟ་བདག་གིས་ཕན་གདགས་པར་མི་ནུས་ཏེ་འདི་དག་དང་འགྲོ གས་ན་གནག་ རྫི་ལས་གནག་གི་གཏམ་དང༌། ཚོང་པ་ལས་ཚོང་གི་གཏམ་ལས་གཞན་མི་འབྱུང་བ་ལྟར། བྱིས་པ་ལས་ནི་བདག་བསྟོད་གཞན་སྨོད་ཆགས་སྡང་རྨོངས་གསུམ། ང་རྒྱལ། ཕྲག་དོག ཚོང་ སོ་ནམ། དམག་བུད་མེད་ལ་སོགས་པ་དག་གི་རྣམ་པ་བཞི་གང་ཡང་རུང་བ་ཁོ་ནའི་གཏམ་ ལས་གཞན་མི་འབྱུང་ལ། དེ་དག་གི་ངོ་སྲུང་བའི་ཕྱིར། བདག་ཀྱང་གཏམ་དེ་ལྟ་བུ་ལ་འཇུག་ དགོས་ཤིང༌། དེའི་རེ་རེ་སེམས་ཀྱི་དགེ་བ་དང་ངག་གི་དགེ་བ་རྣམ་པར་ཉམས་པར་འགྱུར་ བས་བྱིས་པའི་གྲོགས་བསྟེན་པ་ནི་འདི་ཕྱིར་ཕུང་བར་ཟད་དོ།། བཞི་པ་སྤང་དགོས་པར་བསྟན་པ་ནི། དེས་ཀྱང་བདག་དོན་མ་བྱས་ལ།། བདག་ཀྱང་དེ་དོན་མི་འགྱུར་བས།། ༡༤ བྱིས་ལས་ཐག་རིང་བྱོལ་བར་བྱ།། ཞེས་གསུངས་ཏེ། བདག་ཀྱང་ད་ལྟ་ཡོན་ཏན་གྱི་མཐུ་མ་རྫོགས་ཏེ་མར་མེ་རླུང་ནང་ན་གནས་ 387 བསམ་གཏན་་བསྟན་པ། པ་ལྟར་མཐོང་ནས་བྱིས་པ་དེ་རྣམས་ལ་ད་ལྟ་བདག་གིས་ཕན་མི་ཐོགས་པར་ཡང་ཤེས། དེ་ ལ་ཁྲོ་བའི་ཡུལ་དུ་ཡང་མི་བྱེད། བྱིས་པའི་ངང་ཚུལ་ཤེས་པས་བུས་པ་ལ་རྒན་པོས་སྙིང་ བརྩེ་བ་ལྟར་སྙིང་བརྩེའི་འདུ་ཤེས་ཉེ་བར་བཞག་སྟེ། རེ་ཞིག་བྱིས་པའི་གྲོགས་ལས་བྱོལ་ ནས་ལུས་འདུ་འཛིས་དབེན་པ་དང༌། སེམས་རྣམ་གཡེང་གིས་དབེན་པས་སྒྱུ་མ་ལྟ་བུ་དང༌། དཔའ་བར་འག ྲོ་བ་ལ་སོགས་པའི་ཏིང་ངེ་འཛིན་དང༌། དེས་བསྐྱེད་པའི་ཆོ་འཕྲུལ་རྣམ་པ་ གསུམ་བསྒྲུབས་ཏེ་ནུས་པ་ཐོབ་པ་ན་འདི་ཐམས་ཅད་བྱང་ཆུབ་ལ་གདོད་ཀྱིས་དགོད་པར་བྱ་ ལ། ད་ལྟ་ནི་འདི་དག་གིས་ཀྱང་བདག་གི་དོན་མི་བྱེད་ལ་བདག་གིས་ཀྱང་འདི་དག་ལ་ཕན་ པར་མི་ནུས་སོ་ཞེས་ཤེས་པས་གཅིག་པུར་བསམ་གཏན་བསྒྲུབ་པར་བྱའོ།། ལྔ་པ་བསྟེན་དགོས་ནའང་གཉི་ག་ལ་མི་གནོད་པ་བར་མའི་བརྟུལ་ཞུགས་ཀྱིས་གནས་ དགོས་པ་ནི། ཕྲད་ན་དགའ་བས་མགུ་བྱ་སྟེ།། འདྲིས་ཆེན་ཉིད་དུ་མི་འགྱུར་བར།། ཐ་མལ་པ་ཙམ་ལེགས་པར་བྱ།། ༡༥ ཞེས་གསུངས་ཏེ། གལ་ཏེ་བྱིས་པ་འགའ་ཞིག་སྟེས་དབང་གིས་འགྲོགས་དགོས་བྱུང་བའམ། དབེན་པར་བདག་གི་གན་དུ་འོངས་པ་ན་དེ་ལ་གཏམ་བདེན་པ་དང་གསོང་པོ་ཡིན་ལ། དེའི་ ཡིད་དང་ཡང་མི་འགལ་བ་ཁ་གསག་དང་གཅམ་བུ་ཡང་མ་ཡིན་པ་ཧ་ཅང་མི་མང་བ་ཙམ་ 388 བསམ་གཏན་་བསྟན་པ། གྱིས་མགུ་བར་བྱས་ཏེ། མ་འདྲིས་ཆེས་པས་དེ་བདག་ལ་བརྙས་སོ་ཞེས་ཁྲོ་བར་ཡང་མི་ འགྱུར་ལ། འདྲིས་ཆེས་པས་བདག་གི་ཚོད་ལོངས་པར་རློམ་ཏེ་བདག་གི་དགེ་བ་ལ་བར་དུ་ གཅོད་པ་ཡང་མ་ཡིན་པ་ཐ་མལ་པ་བར་མ་ཙམ་ལ་གནས་པར་བྱའི། ཧ་ཅང་མ་བསྟེན་པས་ མ་འདྲིས་ཆེས་པ་དང༌། ཧ་ཅང་བསྟེན་པས་འདྲིས་ཆེས་པ་དང༌། ཅི་འདོད་ལོངས་ཤིག་ཅེས་ ཟེར་བ་ན་ཧ་ཅང་བསླངས་པ་དང༌། དང་པོར་བསྟེན་ཆེས་ལ་ཕྱིས་མ་བསྟེན་ཆེས་པ་སོགས་ནི་ འཇིག་རྟེན་ན་ཤིན་ཏུ་འཁོན་གྱི་རྒྱུ་ཡིན་པས་སྤང་བར་བྱའོ།། དྲུག་པ་སེམས་རྩེ་གཅིག་ཏུ་བསྡུས་ཏེ་གནས་དགོས་པར་བསྟན་པ་ནི། བུང་བས་མེ་ཏོག་སྦྲང་རྩི་བཞིན།། ཆོས་ཀྱི་དོན་ཙམ་བླངས་ནས་ནི།། ཀུན་ལ་སྔོན་ཆད་མ་མཐོང་བཞིན།། འདྲིས་པ་མེད་པར་གནས་པར་བྱ།། ༡༦ ཞེས་གསུངས་ཏེ། སོ་སྐྱེའི་སྤྱོད་པ་ཅན་གྱི་པཎྜི་ཏ་ལ་སོགས་ལས་ཆོས་ཀྱི་ཚིག་དོན་ལེན་ དགོས་པའམ་གྲོང་ན་ཆོས་ཀྱི་དོན་དུ་བསོད་སྙོམས་ཙམ་ལེན་པ་ན་ཡང་བུང་བ་ནི་མེ་ཏོག་ལ་ ཡང་མ་གནོད་ཡུན་རིང་ཆེས་པ་ཡང་མ་ཡིན་པར་སྦྲང་རྩི་ཚིམ་པར་བླངས་ཏེ་ཆགས་པ་མེད་ པར་འཕུར་ཏེ་འགྲོ་བ་ལྟར། ཕ་རོལ་ལ་མི་གནོད་ཅིང་བདག་གི་དོན་གྲུབ་པ་དུས་རིང་པོ་ ཡང་མ་ཡིན་ལ་ཞེན་པ་མེད་པར་འཇུག་པར་བྱ་ཞིང༌། ཇོ་བོའི་སློབ་མ་རྣལ་འབྱོར་པ་ཕྱག་ཁྲི་ 389 བསམ་གཏན་་བསྟན་པ། མཆོག་ཁོ་བོ་མཚམས་ཆེན་པོ་བགྱི་གསུང་ནས་སུ་ལ་ཡང་ངོ་མཁྱེན་པའི་ཚུལ་མི་མཛད་པར་ བཞུགས་པ་ལྟར་འདྲིས་མ་འདྲིས་དང་བར་མར་འཛིན་པའི་རྟོག་པ་ཐམས་ཅད་ཚར་བཅད་དེ་ སེམས་རྩེ་གཅིག་ཏུ་བསྡུ་བ་ཁོ་ནས་དུས་འདའ་བར་བྱའོ།། ཡང་དག་པར་ན་གང་མཐོང་བ་ཐམས་ཅད་ཀྱང་སྔོན་མ་མཐོང་བ་མཐོང་བ་ཁོ་ན་ཡིན་ ཏེ། ལི་ཙཱ་ཝི་དྲི་མ་མེད་པར་གྲགས་པས་འཇམ་དཔལ་ལ་འོངས་པ་ལེགས་སོ། །སྔོན་མ་ མཐོང་བ་མཐོང་ངོ༌། །འཇམ་དཔལ་གྱིས་སྨྲས་པ། ཁྱིམ་བདག དེ་དེ་བཞིན་ཏེ། སྔོན་མཐོང་ བ་ཐམས་ཅད་ནི་ཕྱིས་མི་མཐོང་ངོ༌། །གང་མཐོང་བ་ཐམས་ཅད་ནི་སྔོན་མ་མཐོང་བ་མཐོང་ བའོ། །ཞེས་བཤད་པ་ལྟར་ཆོས་ཐམས་ཅད་ནི་སྐད་ཅིག་མ་ཁོ་ནར་ཟད་ལ། སྔ་མ་ཡང་གཞན་ ཕྱི་མ་ཡང་གཞན་ལ་སྔ་མ་མཐོང་བའི་ཤེས་པ་ཡང་གཞན་ཕྱི་མ་མཐོང་བའི་ཤེས་པ་ཡང་ གཞན་ཏེ་ཆོས་ཐམས་ཅད་སོ་མར་ཤེས་ན་སྔར་འདྲིས་པ་ལ་སོགས་པ་འདས་པ་ལ་ཞེན་པ་ ཐམས་ཅད་འཇིག་པར་འགྱུར་རོ།། གཉིས་པ་རྙེད་སོགས་ལ་མ་ཆགས་པ་སྒྲུབ་པ་ལ་ལྔ། རྙེད་སོགས་ཀྱིས་ཕྱི་མར་སྡུག་ བསྔལ་སྐྱེད་པར་བསྟན། རྙེད་ཀྱང་ངོམས་པ་མེད་པར་བསྟན། རྙེད་སོགས་མི་རྟག་པར་ བསྟན། རྙེད་སོགས་བདག་གི་རྗེས་སུ་མི་འབྲང་བར་བསྟན། བསྟོད་སྨད་ལ་སྙིང་པོ་མེད་པར་ བསྟན་པའོ། །དང་པོ་ནི། བདག་ནི་རྙེད་མང་བཀུར་སྟི་བྱས།། བདག་ལ་མང་པོ་དགའ་འོ་ཞེས།། 390 བསམ་གཏན་་བསྟན་པ། དེ་འདྲའི་བསྙེམས་པ་འཆང་གྱུར་ན།། ཤི་བའི་འོག་ཏུ་འཇིགས་པ་སྐྱེ།། ༡༧ ཞེས་གསུངས་ཏེ། དེ་ཡང་འཇིག་རྟེན་ན་ཀུན་ནས་ཞེན་པའི་གནས་ནི་ཆོས་བརྒྱད་དེ། ཟས་ནོར་ དང་ལོངས་སྤྱོད་གསར་དུ་ཐོབ་པ་ནི་རྙེད་པའོ། །མ་ཐོབ་པ་ནི་མ་རྙེད་པའོ། །བདག་གི་ཡོན་ ཏན་གྱི་ཁྱད་པར་བདེན་པའམ་བརྫུན་པ་ཡང་རུང་སྟེ་སྐྱེ་བོ་གཞན་གྱིས་སྒྲོག་ཅིང་དེ་གཅིག་ནས་ གཅིག་ཏུ་བརྒྱུད་པས་མང་པོས་སྒྲོག་པ་ནི་གྲགས་པ་ཡིན་ལ། དེ་མེད་པའམ་ཡང་ན་བདེན་མི་ བདེན་གང་རུང་གི་སྐྱོན་གྱི་རྣམ་པ་གཅིག་ནས་གཅིག་ཏུ་གླེང་པ་ནི་མ་གྲགས་པའམ་གྲགས་པ་ མ་ཡིན་པའོ། །ལུས་སེམས་སིམ་པ་ཉམས་སུ་མྱོང་བ་དང་འདོད་པའི་དོན་གྲུབ་པ་ནི་བདེ་བའོ།། གདུང་བར་ཉམས་སུ་མྱོང་བ་དང་འདོད་པའི་དོན་མ་གྲུབ་པ་ནི་སྡུག་བསྔལ་ལོ། །བདག་ ཉིད་ལ་ཡོད་པའམ་མེད་པའི་ཡོན་ཏན་བདག་ལ་ལྡན་པར་གཞན་གྱིས་བརྗོད་པ་ནི་བསྟོད་ པའོ། །བདེན་པའམ་མི་བདེན་པའི་སྐྱོན་ནས་བརྗོད་པ་ནི་སྨད་པ་སྟེ། ཆོས་བརྒྱད་པོ་དེ་ལས་ རྙེད་པ་དང༌། གྲགས་པ་དང༌། བདེ་བ་དང༌། བསྟོད་པ་བཞི་ནི་བདག་ཉིད་དང་བདག་ཉིད་ཀྱི་ ཕྱོགས་ལ་བྱུང་ན་དགའ་ཞིང་ཞེན་ལ། དེ་ལྟ་བུ་བྱུང་ན་ཅི་མ་རུང་སྙམ་དུ་སྨོན་པར་བྱེད་དོ། །མ་ རྙེད་པ་དང༌། གྲགས་པ་མ་ཡིན་པ་དང༌། སྡུག་བསྔལ་དང༌། སྨད་པ་སྟེ་བཞི་ནི་བདག་ཉིད་ དང་བདག་ཉིད་ཀྱི་ཕྱོགས་ལ་མི་འདོད་ཅིང༌། བྱུང་ན་ཡང་ཞེ་སྡང་ཞིང་འཁྲུག་པར་བྱེད་དོ། །དེ་ ལྟར་འདོད་པའི་ཆོས་བརྒྱད་ལ་བླང་དོར་དུ་ཀུན་ནས་ཞེན་པ་འདིས་ནི་སྡུག་བསྔལ་དང་ཉེས་ པ་ཐམས་ཅད་སྐྱེད་པར་བྱེད་དོ།། 391 བསམ་གཏན་་བསྟན་པ། གཉིས་པ་རྙེད་ཀྱང་ངོམས་པ་མེད་པར་བསྟན་པ་ནི། དེ་བས་རྣམ་པར་རྨོངས་པའི་ཡིད།། གང་དང་གང་ལ་ཆགས་གྱུར་པ།། དེ་དང་དེ་བསྡོངས་སྟོང་འགྱུར་དུ།། སྡུག་བསྔལ་ཉིད་དུ་གྱུར་ཞིང་ལྡང༌།། ༡༨ ཞེས་གསུངས་ཏེ། དེའི་ཕྱིར་བདག་ཉིད་རྣམ་ཐོས་ཀྱི་བུའི་ལོངས་སྤྱོད་ལྟ་བུའི་རྙེད་པ་ཐོབ་ཅིང་ འབྱོར་ལ་སྐྱེ་བོ་ཐམས་ཅད་ཀྱིས་ཚངས་པ་དང་བརྒྱ་བྱིན་ལྟར་བལྟ་བས་ཕྱག་དང་ལྡང་བ་དང་ སྟན་མཐོན་པོ་སྟོབ་པའི་བཀུར་སྟི་བྱེད་ལ། སྙན་པར་བསྟོད་པ་དང་དེ་འཛམ་གླིང་ཐམས་ཅད་ དུ་རྒྱ་ཆེར་གྲགས་སུ་ཟིན་ཡང་དེ་རྣམས་ཀྱིས་བདག་ལ་ཅི་བྱ་སྟེ། དེའི་ཚེ་བདག་མཆོག་ཏུ་ འཛིན་པའི་ང་རྒྱལ་དང་རྒྱུ་དེས་གཞན་ཁྱད་དུ་གསོད་པར་འགྱུར་ལ། དེས་སྐྱེ་བ་ཕྱི་མར་ངན་ སོང་དང༌། དབུལ་པོ་དང༌། བྲན་གྱི་ཁྱིམ་སོགས་སྨད་པའི་གནས་སུ་ང་རྒྱལ་གྱི་མཐུས་སྐྱེ་ཞིང་ གཞན་ཁྱད་དུ་བསད་པའི་རྒྱུ་ལས་སྐྱེ་བོ་ཐམས་ཅད་ཀྱིས་བརྙས་ཤིང་དམད་པ་དང༌། ག་ཞའི་ གནས་སུ་བྱེད་པར་འགྱུར་བའི་ཕྱིར་དང༌། ཆོས་ཉིད་ཀྱིས་འདོད་པའི་ཡོན་ཏན་གྱིས་ནི་ལན་ ཚྭའི་ཆུ་ལྟར་ངོམས་པ་མེད་དེ། རྒྱལ་པོ་ང་ལས་ནུ་གླིང་བཞི་དང༌། རྒྱལ་ཆེན་རིས་བཞི་པ་དང༌། བརྒྱ་བྱིན་གྱི་སྟན་ཕྱེད་ཀྱིས་ཀྱང་མ་ངོམས་པ་དང༌། རི་བོ་གསེར་དུ་གྱུར་ན་ཡང༌།། གཅིག་གི་ནོར་དུའང་མི་ཆོག་སྟེ།། 392 བསམ་གཏན་་བསྟན་པ། ཞེས་པ་ལྟར། རྙེད་བཀུར་ཇི་ཙམ་འཕེལ་བ་དེ་ཙམ་བརྒྱ་སྟོང་དུ་བསྒྱུར་བའི་སྲེད་ཞེན་དང༌། དེས་འབྲས་བུ་སྡུག་བསྔལ་ཁོ་ན་འཕེལ་བ་སྟེ། སྔོན་ཝ་སྐྱེས་གཅིག་གིས་གླང་པོ་ཆེའི་རོ་ དང༌། མི་སྟོང་གི་རོ་རྙེད་པ་ན་ད་ལྟ་གཞོན་པའི་དུས་སྲ་བ་ནས་ཟ་ལ་རྒས་ནས་རྙི་བ་རྣམས་ བཟའ་བར་སེམས་ཏེ་གཞུ་རྒྱུད་ཟོས་པས་ཆད་དེ་གཞུ་སྣ་ལ་ཕོག་ནས་ཤི་ཞིང༌། ལྷ་རྣམས་ ཀྱིས་ཚིགས་བཅད་སྨྲས་པར་ལུང་ལས་བཤད་པའི་ཕྱིར། གསུམ་པ་རྙེད་སོགས་མི་རྟག་པར་བསྟན་པ་ནི། དེ་བས་མཁས་པས་ཆགས་མི་བྱ།། ཆགས་པ་ལས་ནི་འཇིགས་པ་སྐྱེ།། འདི་དག་རང་བཞིན་འདོར་འགྱུར་བར།། བརྟན་པར་གྱིས་ཏེ་རབ་ཏུ་རྟོགས།། ༡༩ ཞེས་གསུངས་ཏེ། རྙེད་བཀུར་དེ་ལྟ་བུ་ཐོབ་ཀྱང་རྟག་པ་མ་ཡིན་ཏེ། རིང་པོར་མི་ཐོགས་པར་ དེ་དག་དོར་ཏེ་བདག་གི་རྣམ་པར་ཤེས་པ་གཅིག་པུར་ཕ་རོལ་ཏུ་འགྲོ་དགོས་པའི་ཕྱིར་དང༌། བཞི་པ་རྙེད་སོགས་བདག་གི་རྗེས་སུ་མི་འབྲང་བར་བསྟན་པ་ནི། རྙེད་པ་དག་ནི་མང་བྱུང་ཞིང༌།། གྲགས་དང་སྙན་པ་བྱུང་གྱུར་ཀྱང༌།། 393 བསམ་གཏན་་བསྟན་པ། རྙེད་དང་གྲགས་པའི་ཚོགས་བཅས་ཏེ།། གང་དུ་འདོང་བའི་གཏོལ་མེད་དོ།། ༢༠ ཞེས་གསུངས་ཏེ། དེའི་ཚེ་བདག་གི་རྙེད་བཀུར་དང༌། བསྟོད་གྲགས་དེ་དག་ནི་རྨི་ལམ་ན་ནོར་ བུ་རྙེད་པ་ལས་སད་པ་ལྟར། ཡིད་ཀྱི་དྲན་ཡུལ་དུ་གསལ་ཞིང་ད་ལྟ་མེད་པས་ཀྱེ་མ་ཞེས་སྡུག་ བསྔལ་བ་སྐྱེད་ཀྱི་རྙེད་གྲགས་དེ་དག་གང་དུ་སོང་ཡང་མི་ཤེས་ན་བདག་ཉིད་ཀྱི་དབང་བྱར་ག་ ལ་ཡོད་པའི་ཕྱིར་རོ།། ལྔ་པ་བསྟོད་སྨད་ལ་སྙིང་པོ་མེད་པར་བསྟན་པ་ནི། བདག་ལ་སྨོད་པ་གཞན་ཡོད་ན།། བསྟོད་པས་བདག་དགར་ཅི་ཞིག་ཡོད།། བདག་ལ་བསྟོད་པ་གཞན་ཡོད་ན།། སྨད་པས་མི་དགར་ཅི་ཞིག་ཡོད།། ༢༡ ཅེས་གསུངས་ཏེ། ཁྱད་པར་བསྟོད་སྨད་ནི། སྒྲ་ཙམ་དང༌། མིང་ཚིག་དང༌། ཡི་གེའི་ཚོགས་པ་ ཙམ་ཡིན་ལ། དེ་དག་གི་འབྲེལ་བ་དང་བརྗོད་བྱ་རྗོད་བྱེད་ཀྱང་རང་བློས་སྒྲོ་བཏགས་པ་ཁོ་ ནར་ཟད་པས་ཡང་དག་པར་ཆུ་སྒྲ་དང་རླུང་གི་སྒྲ་སོགས་ལ་བསྟོད་སྨད་དུ་བཟུང་བ་ལྟ་བུ་ཁོ་ ནའི་ཕྱིར་དང༌། སྤྱིར་འཇིག་རྟེན་ནི་མཛའ་བ་དང༌། མི་མཛའ་བ་དང༌། བར་མར་གནས་ལ། སྐྱེ་ བོ་ཐམས་ཅད་ཀྱིས་མགྲིན་གཅིག་ཏུ་གཅིག་ཆར་བསྟོད་པའམ་སྨད་པ་ནི་མི་སྲིད་ལ། མཛའ་ 394 བསམ་གཏན་་བསྟན་པ། བ་ཁ་ཅིག་གིས་བསྟོད་པ་དང༌། མི་མཛའ་བ་ཁ་ཅིག་གིས་སྨད་པ་ཙམ་ལ་དགའ་བ་དང་མི་ དགའ་བ་ཅི་ཡང་བྱར་ཅི་ཡོད་དེ། བདག་གི་ཕུང་པོ་ལྔ་དང་ཕ་རོལ་གྱི་བསྟོད་སྨད་ཀྱི་སྒྲ་ཙམ་དེ་ ལ་འབྲེལ་བ་ཅི་ཡང་མེད་པའི་ཕྱིར་དང༌། མཛའ་མི་མཛའ་བར་མ་གསུམ་ཡང་རྐྱེན་ཅུང་ཟད་རེ་ ལས་གནས་སྐབས་གཞན་དུ་འགྱུར་བའི་ཕྱིར་དང༌། སྐྱེས་བུ་ཞིག་ན་བ་ན་ཁྱོད་ཀྱི་ནད་མེད་དོ་ ཞེས་བསྟོད་པ་དང༌། ཁྱོད་ཀྱི་ནད་ལྕིའོ་ཞེས་སྨོད་པ་གཉིས་ཀས་ཀྱང་ནད་འཕེལ་འགྲིབ་གང་ ཡང་མེད་པ་ལྟར། བསྟོད་སྨད་ཀྱིས་བདག་ལ་ཕན་གནོད་ཅི་ཡང་མེད་པའི་ཕྱིར་དང༌། གཅིག་ གིས་བདག་ལ་བསྟོད་པའི་ཚེ་དགའ་བར་བྱེད་ན་དེའི་དུས་ཁོ་ན་ན་གཞན་བདག་ལ་སྨད་པ་ དུ་མ་ཡོད་པས་དེ་དག་ལ་མི་དགའ་བ་སྐྱེད་པར་ཡང་རིགས་ཤིང༌། གཅིག་གིས་སྨད་པའི་ཚེ་ མི་དགའ་བ་སྐྱེད་ན་དེའི་དུས་ཁོ་ན་ན་བདག་ལ་བསྟོད་མཁན་ཡང་དུ་མ་ཡོད་པས་དེ་དག་ལ་ དགའ་བར་ཡང་རིགས་ལ། དེ་ལྟར་ན་དགའ་མི་དགའ་གཉིས་གཅིག་ཆར་དུས་མཉམ་དུ་སྐྱེད་ དགོས་པས་དེའི་ཚེ་སེམས་ཁྱོད་ཇི་ལྟར་བྱ་ཞེས་རྣམ་པར་བརྟགས་པའོ།། བཞི་པ་འདུ་འཛིའི་ཉེས་པ་ལ་གསུམ། སེམས་ཅན་མགུ་མི་ནུས་པར་བསྟན་པ། དེའི་རྒྱུ་ མཚན་བརྗོད་པ། ལུང་དང་སྦྱར་བའོ། །དང་པོ་ནི། སེམས་ཅན་མོས་པ་སྣ་ཚོགས་པ།། རྒྱལ་བས་ཀྱང་ནི་མ་མགུ་ན།། བདག་འདྲ་ངན་པས་སྨོས་ཅི་དགོས།། དེ་བས་འཇིག་རྟེན་བསམ་པ་གཏོང༌།། ༢༢ 395 བསམ་གཏན་་བསྟན་པ། ཞེས་གསུངས་ཏེ། དེ་ཡང་སེམས་ཅན་རྣམས་ནི་བསམ་པ་སྣ་ཚོགས་པས་མོས་པ་ཐ་དད་ པ་བསམ་གྱིས་མི་ལང་བ་ཞིག་སྟེ། སྦྱར་བའི་དུག་ནི་སྐྱེ་བོ་ཀུན་འཇིགས་པའི་གནས་ཡིན་ མོད་ཀྱང་ཀླ་ཀློའི་ཡུལ་དག་ན་སྦྱར་བའི་དུག་འཆོས་ཤིང་འཚོང་ལ་བྱིན་པས་འཚོ་བར་བྱེད་པ་ མང་དུ་ཡོད་ལ། དེ་དག་ཉིད་ནི་དུག་ཇི་ཙམ་དུ་རྣོ་བ་ལ་ཡོན་ཏན་གྱི་མཆོག་ཏུ་ལྟ་བར་བྱེད་པ་ དང༌། སྤྱིར་ཕ་མ་ལ་གུས་པ་འཇིག་རྟེན་ན་ཡ་རབས་ཀྱི་ཆོས་ལུགས་ཀྱི་གཙོ་བོ་ཡིན་ཡང༌། སྟག་གཟིག་གི་ཡུལ་ན་བུས་མ་བག་མར་ལེན་པ་དང༌། ཡང་བག་མ་གཞན་ལེན་ན་མ་བསད་ པའི་མགོ་བུའི་མདུན་དུ་འདྲེན་ཞིང་ཤ་ཁྲག་གཞན་དེའི་ཚེ་འདུས་པ་རྣམས་ཀྱི་བྱ་ནར་བྱེད་པ་ སོགས་ལ་རིགས་ཀྱི་ཆོས་ལུགས་སུ་ཞེན་པ་སོགས་འཇིག་རྟེན་འདི་ན་མི་སྲིད་པ་འགའ་ཡང་ མེད་ཅིང༌། དེ་བཞིན་གཤེགས་པ་ཉི་མའི་དཀྱིལ་འཁོར་ལྟ་བུའི་མདུན་རོལ་དུ་ཡང་སོལ་བའི་ དུམ་བུ་ལྟ་བུའི་མུ་སྟེགས་ཀྱི་སྟོན་པ་དྲུག་མཆོད་ཅིང་བཀུར་བ་དང་སྟོན་པ་དྲུག་ལ་སོགས་ པས་དགེ་སྦྱོང་གཽ་ཏ་མ་ནི་བྱས་པ་མི་གཟོ་བ་སྟེ། རབ་ཏུ་བྱུང་བས་རྒྱལ་པོ་ཟས་གཙང་མ་ སྡུག་བསྔལ་བར་བྱས་སོ། །ཞེས་དང༌། འདི་ནི་སྒྱུ་མ་སྟེ་བདེན་པའི་དངོས་པོ་མེད་དོ། །ཞེས་ དང༌། འདིའི་སྒྱུ་མས་འཇིག་རྟེན་སླུས་སོ་ཞེས་སོགས་ཀྱང་སྒྲོག་པར་བྱེད་ན་བདག་ཅག་བྱིས་ པའི་སྐྱེ་བོས་འདི་ཐམས་ཅད་ཅིག་ཆར་མགུ་བར་ལྟ་ག་ལ་ནུས། ཅུང་ཟད་མགུ་ནའང་ཡིད་ བརྟན་དུ་མི་རུང་སྟེ། ཡང་དེ་མ་ཐག་ཁྲོ་བར་ཡང་འགྱུར་བའི་ཕྱིར། མགུ་བ་ཙམ་དེ་ཡུན་རིང་དུ་ རྟག་སྲིད་ཀྱང་སྙིང་པོ་འགའ་ཡང་མེད་དེ། ལྷའི་བུ་དང་བུ་མོའི་ཚོགས་པ་བཞིན་ནོ།། 396 བསམ་གཏན་་བསྟན་པ། གཉིས་པ་དེའི་རྒྱུ་མཚན་བརྗོད་པ་ནི། སེམས་ཅན་རྙེད་པ་མེད་ལ་སྨོད།། རྙེད་པ་ཅན་ལའང་མི་སྙན་བརྗོད།། རང་བཞིན་འགྲོགས་དཀའ་དེ་དག་གིས།། དགའ་བ་ཇི་ལྟར་སྐྱེ་བར་འགྱུར།། ༢༣ ཞེས་གསུངས་ཏེ། ཡང་རྙེད་བཀུར་དང་མི་ལྡན་པ་ལ་ནི་སེམས་ཅན་རྣམས་བརྙས་པར་བྱེད་ དེ། བསོད་ནམས་མ་བསགས་པ་དང༌། མུ་ཏོ་བའོ། །ཞེས་སོགས་ཀྱིས་བརྙས་ཤིང་སྡང་ བ་དང་ལྟར་མི་འདོད་པར་བྱེད་ལ། རྙེད་བཀུར་གྱིས་འབྱོར་བ་དག་ལ་ཡང་མིག་ཕྲ་བོ་ཞེས་ སོགས་ཀྱིས་སྨོད་དེ། བོད་ཀྱི་ཞ་ལུ་པཎྜི་ཏས། ཐམས་ཅད་མགུ་བའི་སྤྱོད་པ་ངས་མ་ཤེས།། བདག་གི་སྤྱོད་ལམ་ཇི་ལྟར་བྱས་ན་ཡང༌།། ངན་པའི་སྙད་མ་བཏགས་པ་མ་བྱུང་ངོ༌།། ཞེས་པ་ལྟ་བུ་ཁོ་ན་ཡིན་ཏེ། དཔེར་ན། ཚེར་མ་དང་ཟྭ་ཚོད་ནི་རང་བཞིན་གྱིས་འགྲོ གས་ པར་དཀའ་ཞིང་ཤིན་ཏུ་ཉེ་ན་འཛུག་པར་གདོན་མི་ཟ་བ་བཞིན་དུ་བྱིས་པའི་གྲོགས་ཀྱང་དེ་ ལྟ་བུ་ཡིན་ལ། 397 བསམ་གཏན་་བསྟན་པ། གསུམ་པ་ལུང་དང་སྦྱར་བ་ནི། གང་ཕྱིར་བྱིས་པ་རང་དོན་ནི།། མེད་པར་དགའ་བ་མི་འབྱུང་བས།། བྱིས་དང་བཤེས་ལ་དགའ་མེད་ཅེས།། དེ་བཞིན་གཤེགས་པ་རྣམས་ཀྱིས་གསུངས།། ༢༤ ཞེས་གསུངས་ཏེ། བྱིས་པ་དེ་དག་གིས་བདག་ཉིད་ཀྱི་དོན་གྱི་མཆོག་ཚད་མེད་པ་ཡིན་ཡང་ གནས་སྐབས་དོན་ཆུང་ངུར་མངོན་པ་བྱང་ཆུབ་ཏུ་སེམས་བསྐྱེད་པ་ལྟ་བུ་དང༌། རང་ཉིད་ལ་ གནོད་པ་ཆེན་པོའི་རྒྱུ་ཡིན་ཡང་འཕྲལ་ཡིད་དུ་འོང་བར་སྣང་བ་དཀོན་པའི་ཟས་ལ་དུག་སྦྱར་ བ་ལྟ་བུ་སྡིག་པའི་ལས་སོགས་རང་དོན་དུ་འགྱུར་བ་དང་མི་འགྱུར་བའི་དབྱེ་བའང་མི་ཤེས་ པས་རང་ཕྱུག་པར་འདོད་ནས་གཞན་ནོར་རྐུ་འཕྲོག་བྱེད་པ་དང༌། རང་ཚེ་རིང་བར་འདོད་ནས་ རིམ་གྲོར་གཞན་གསོད་པ་སོགས་འབྲས་བུ་བདེ་བ་འདོད་ལ། དེའི་རྒྱུ་ཕྱིན་ཅི་ལོག་འབའ་ ཞིག་སྒྲུབ་ཅིང༌། དོན་ཆེན་པོ་རྣམས་ལ་ནི་ཤིན་ཏུ་བརྙས་པས་འདོར་ཏེ་རྒྱུ་ཕྱིན་ཅི་ལོག་གྲུབ་ པ་ལ་རང་དོན་དུ་ཞེན་ནས་དེའི་གྲོགས་སུ་གྱུར་ན་དགའ་བར་བྱེད་ཀྱི་དེའི་གྲོ གས་སུ་མ་གྱུར་ ན་ཁྲོ་ཞིང་སྡང་བར་བྱེད་པས་ན་བྱིས་པ་དང་བཤེས་པ་ལ་ནི་སྙིང་པོ་འགའ་ཡང་མེད་དེ། སྤྱང་ ཀི་དང༌། སྟག་གཟིག་དང༌། བ་ལང་དང༌། ར་ལུག་སོགས་མི་མཐུན་པའི་སྲོག་ཆགས་རྣམས་ བསགས་ནས་མཛའ་བོར་བཟུང་སྟེ། བདག་ཉིད་དང་གནས་ཁང་གཅིག་ཏུ་རྟག་པར་འདུག་ 398 བསམ་གཏན་་བསྟན་པ། ན་དེ་དག་གཅིག་ལ་གཅིག་འཚེ་བ་དང་བདག་ཉིད་ལ་ཡང་འཚེ་བས་བདེ་བའི་སྐབས་མི་རྙེད་ པ་བཞིན་ཏེ། ཟླ་བ་སྒྲོན་མར། སོ་སོའི་སྐྱེ་བོ་རྣམས་ལ་མཛའ་བ་མེད།། ཚུལ་དང་མཐུན་པའི་ཚིག་གིས་སྨྲས་གྱུར་ཀྱང༌།། ཁྲོ་དང་ཞེ་སྡང་ཡིད་མི་ཆེས་པ་དག། རབ་ཏུ་སྨྲ་སྟེ་འདི་ནི་བྱིས་པའི་ཆོས།། དོན་དེ་རྣམ་པར་རིག་ནས་ཡིད་མི་རྟོན།། ཞེས་དང༌། བྱིས་པ་ཇི་ལྟར་ཡུན་རིང་ལེགས་བསྟེན་ཡང༌།། དེ་དག་ཕྱིར་ཞིང་མི་མཛའ་དགྲར་འགྱུར་ཞེས།། བྱིས་པའི་ངོ་བོ་ཉིད་ཀྱི་རྒྱུས་ཤེས་ནས།། མཁས་པ་བྱིས་པ་དག་དང་བསྟེན་མི་བྱེད།། ཅེས་དང༌། འདི་དག་བདག་ལ་གནོད་སེམས་ལྡན་པའོ་ཞེས།། མཁས་པ་བྱིས་པ་རྣམས་དང་རྩོད་མི་བྱེད།། 399 བསམ་གཏན་་བསྟན་པ། བསྟི་བསྟང་བྱས་ཏེ་བྱིས་པ་ཡོངས་སུ་སྤོང༌།། ཞེས་སོགས་རྒྱ་ཆེར་གསུངས་པའི་ཕྱིར་རོ།། ལྔ་པ་དབེན་པའི་ཡོན་ཏན་ལ་ལྔ། གྲོ གས་འག ྲོགས་བདེ་བ་དང༌། གནས་རང་དབང་ ཐོབ་པ་དང༌། ཡོ་བྱད་རྙེད་སྲུང་སླ་བ་དང༌། རྐྱེན་གྱིས་བརྩོན་འགྲུས་འཕྲལ་དུ་སྐྱེ་བ་དང༌། མ་ ཆགས་ཤིང་གཡེང་བ་མེད་པར་བསྟན་པའོ། །དང་པོ་ནི། ནགས་ན་རི་དྭགས་བྱ་རྣམས་དང༌།། ཤིང་རྣམས་མི་སྙན་བརྗོད་མི་བྱེད།། འག ྲོགས་ན་བདེ་བ་དེ་དག་དང༌།། ནམ་ཞིག་ལྷན་ཅིག་བདག་གནས་འགྱུར།། ༢༦ ཞེས་གསུངས་ཏེ། དེ་ཡང་གང་ན་ལྗོན་ཤིང་གི་ཚོགས་པ་ཡོད་པ་ལ་ནགས་ཚལ་ཞེས་བྱ་མོད་ ཀྱང༌། རྒྱ་གར་ན་དགོན་པའི་གནས་རྣམས་ནགས་ཀྱིས་ཁྱབ་པ་ཤས་ཆེ་ཞིང་བཅོས་པ་དང་ རང་བཞིན་གྱིས་གྲུབ་པའི་རི་ཆུང་ངུ་རེ་རེ་ཙམ་མ་གཏོགས་རི་བོ་ཆེན་པོ་དག་ཉུང་བའི་ཕྱིར། ནགས་ཞེས་གཙོ་ཆེ་བ་སྨོས་པར་ཟད་ཀྱི་ཤིང་ནགས་ཁོ་ན་ལ་ནི་མི་བཟུང་སྟེ། བོད་ལ་སོགས་ པ་མཐའ་འཁོབ་ཀྱི་ཡུལ་གྲུ་རྣམས་ན་རི་བོ་ཆེ་ཞིང་ལྷུན་སྟུག་པ་གངས་རི་དང༌། བྲག་དང༌། གཡའ་དང༌། རྫ་དང༌། སྤང་སོགས་ཤིང་དང་བཅས་པ་དང་མ་བཅས་པ་དང་ཆེས་མང་བས་དེ་ ལྟ་བུའི་དགོན་པའི་གནས་ཐམས་ཅད་བསྡུ་བའོ།། 400 བསམ་གཏན་་བསྟན་པ། དེ་དག་ན་ནི་སྐྱེ་བོའི་རྒྱུན་ལུགས་ཀྱིས་དབེན་པས་བྱ་དང་རི་དྭགས་དང་ལྗོན་ཤིང་ལ་ སོགས་པ་གྲོགས་སུ་ཟད་ལ། དེ་དག་ནི་ངོ་སྲུང་བ་མི་དགོས་ཤིང་སྨོད་པར་མི་བྱེད་པས་ འག ྲོགས་ན་བདེ་བའོ། །ཅི་དེ་དག་ན་གཅན་གཟན་གཏུམ་པོ་དག་ཡོད་པས་དེ་དག་ནི་ འག ྲོགས་ན་བདེ་བ་མ་ཡིན་ནོ་སྙམ་ན། དེ་ལྟ་བུའང་རེས་འགའ་ནི་སྲིད་མོད་ཀྱི་རྣམ་པ་ཀུན་ ཏུ་མ་ཡིན་པ་དང༌། བྱང་ཆུབ་སེམས་དཔའ་ནི་ལུས་སྲོག་ལ་ཆགས་པ་མེད་ཅིང༌། སེམས་ ཅན་ཐམས་ཅད་ཕ་མར་འདུ་ཤེས་པས་དེའི་དོན་དུ་དབེན་པར་འགྲོ་བའི་ཕྱིར། ཆགས་པ་ དང་འཇིགས་པ་མེད་ལ། སེམས་གཡོ་བར་མི་བྱེད་ན་ལུས་ཀྱི་གནས་སྐབས་ཅི་ཐོབ་ཀྱང་ སྡུག་བསྔལ་མ་ཡིན་ཏེ་སྡུག་བསྔལ་ནི་ཚོར་བ་ཡིན་ལ། དེ་ནི་ཤེས་པའི་ཆོས་ཡིན་གྱི་བེམ་ པོ་ལ་མེད་དོ།། གཉིས་པ་གནས་རང་དབང་ཐོབ་པ་ནི། ཕུག་གམ་ལྷ་ཁང་སྟོང་པའམ།། ལྗོན་ཤིང་དྲུང་དུ་གནས་བཅས་ཏེ།། ནམ་ཞིག་རྒྱབ་ཏུ་མི་ལྟ་ཞིང༌།། ཆགས་པ་མེད་པར་འགྱུར་ཞིག་གུ།། ༢༧ ས་ཕྱོགས་བདག་གིར་བཟུང་མེད་པ།། རང་བཞིན་གྱིས་ནི་ཡངས་རྣམས་སུ།། 401 བསམ་གཏན་་བསྟན་པ། རང་དབང་སྤྱོད་ཅིང་ཆགས་མེད་པར།། ནམ་ཞིག་བདག་ནི་གནས་པར་འགྱུར།། ༢༨ ཞེས་གསུངས་ཏེ། དེ་དག་ཏུ་བྲག་གི་ཕུག་གམ་བྱ་སྐྱིབས་སོགས་དང༌། སྔོན་ཚངས་པ་ལ་ སོགས་པའི་གཟུགས་བརྙན་བྱས་ཏེ་མཆོད་པ་འཇིག་རྟེན་པའི་ལྷ་ཁང་ཡིན་པ་ལས་ཕྱིས་ ཕྱོགས་དེ་སྐྱེ་བོས་དབེན་པས་སྟོང་པར་གྱུར་བའམ། ལྗོན་ཤིང་ཆེན་པོ་ལོ་མའི་སྐྱིབས་ཆེ་ཞིང་ གཡུར་ཟ་བས་ཆར་དང༌། ཉི་མའི་གདུང་བ་དང༌། རླུང་ལས་སྐྱོབ་པས་ཁང་བཟང་གི་མཆོག་ ལྟ་བུ་ལ་སོགས་པ་རྙེད་པར་སླ་ཞིང་འཆོས་པའི་སྡུག་བསྔལ་མེད་པ་སུས་ཀྱང་བདག་གིར་ མ་བཟུང་བས་རྩོད་པ་མེད་པ་རྣམས་སུ་ཅི་ལྟར་བདེ་བས་གནས་ཏེ་གཞན་དབང་གི་ཁོལ་པོ་ མ་ཡིན་པས་རང་དབང་དུ་སྤྱོད་ལ། རྒྱབ་ལྟ་བུ་འདས་པ་དང་དེས་མཚོན་པ་མདུན་ལྟ་བུ་མ་ འོངས་པ་སྟེ་ཚེ་འདིའི་བསམ་པ་ཅི་ལ་ཡང་མི་ལྟ་ཞིང་མི་སེམས་པའོ།། གསུམ་པ་ཡོ་བྱད་རྙེད་སྲུང་སླ་བ་ནི། ལྷུང་བཟེད་ལ་སོགས་ཉི་ཚེ་དང༌།། ཀུན་ལ་མི་མཁོའི་གོས་འཆང་ཞིང༌།། ལུས་འདི་སྦ་བར་མ་བྱས་ཀྱང༌།། འཇིགས་མེད་གནས་པར་ནམ་ཞིག་འགྱུར།། ༢༩ 402 བསམ་གཏན་་བསྟན་པ། ཞེས་གསུངས་ཏེ། ནང་པའི་རབ་བྱུང་ལ་ལྷུང་བཟེད་དང༌། དཀའ་ཐུབ་པ་གཞན་ལ་སློང་ཕོར་ ལ་སོགས་པར་བརྗོད་པའི་སྣོད་ངན་ངོན་དང༌། སྐྱེ་བོ་རྣམས་ཆས་གོས་ངན་པ་ལ་ངོ་ཚ་བར་ བྱེད་པས་དེ་དག་ལ་མི་མཁོ་བའི་ཕྱིར། འཕྲོག་པར་མི་བྱེད་པའི་ཆོས་གོས་སམ། ཇི་ལྟར་རྙེད་ པ་ལ་སོགས་པ་གོས་ངན་ངོན་ཙམ་དང་རྩྭ་དང་ཤིང་འཇམ་པོ་ལ་སོགས་པའི་སྟན་གྱིས་ཆོག་ ཤེས་ཤིང་ཉེ་བའི་གྲོང་དག་ནས་བསོད་སྙོམས་ཙམ་བླངས་པས་འཚོ་བའམ། ཡང་ན་རྙེད་པར་ སླ་ལ་གཞན་ལ་རག་མ་ལུས་པའི་མེ་ཏོག་དང༌། འབྲས་བུ་དང༌། རྩ་བ་དང༌། ལོ་མ་དང༌། ས་ རྡོ་བཞུན་པ་དང༌། ཆུ་གཙང་མ་སོགས་ཀྱིས་འཚོ་བ་སྟེ། སྐྱེས་རབས་ལས། ཆོག་ཤེས་དེས་པའི་བདག་ཉིད་ཅན།། འཚོ་བ་གང་ནའང་བཙལ་མི་དཀའ།། རྩྭ་དང་ལོ་མ་ཆུ་ནི་གནས།། གང་ནའང་མེད་པ་མ་ཡིན་ནོ།། ཞེས་གསུངས་པ་ལྟར་སྤྱོད་ཅིང༌། དབེན་པའི་གནས་དེ་ལྟ་བུ་ན་ནི་རང་ཉིད་གཅིག་པུར་ཟད་ པའི་ཕྱིར། གང་ལ་འཇིགས་པ་དང་ངོ་ཚ་བའི་ཡུལ་གཞན་མེད་པས་འཇིགས་པའམ་ངོ་ཚའི་ གནས་སྲུང་བའི་ཕྱིར་ལུས་སྦ་བའི་སྤྱོད་ལམ་གྲོང་དུ་འཆོས་པ་ལྟ་བུ་ཡང་དགོས་པ་མ་ཡིན་ ནོ། །དེ་ལྟར་གནས་སུའི་ཡང་མ་ཡིན་པ་རྣམས་སུ་ཟས་གོས་གང་བྱུང་གིས་ཆོག་ཤེས་པས་ གཡེང་བ་མེད་པར་གཅིག་པུར་སེམས་རྣལ་དུ་ཕེབས་པས་རང་དབང་དུ་གནས་པ་ནི་བདེ་ བའི་མཆོག་སྟེ། 403 བསམ་གཏན་་བསྟན་པ། སྟོན་པ་ཉིད་ཀྱིས་ཀྱང༌། རང་དབང་ཐམས་ཅད་བདེ་བ་སྟེ།། གཞན་དབང་ཐམས་ཅད་སྡུག་བསྔལ་ཡིན།། ཞེས་བཀའ་བསྩལ་བ་ལྟར། བདག་ཀྱང་གནས་དེ་ལྟ་བུར་ནམ་ཞིག་ན་སྤྱོད་པ་དེས་གནས་ པར་འགྱུར་ཞིག་གུ་ཞེས་ཤིན་ཏུ་སྨོན་པའི་ཚིག་སྟེ་སྐབས་སོ་སོར་སྦྱར་རོ།། བཞི་པ་རྐྱེན་གྱིས་བརྩོན་འགྲུས་འཕྲལ་དུ་སྐྱེ་བ་ནི། དུར་ཁྲོད་སོང་ནས་གཞན་དག་གི། རུས་གོང་དག་དང་བདག་གི་ལུས།། འཇིག་པའི་ཆོས་ཅན་དག་ཏུ་ནི།། ནམ་ཞིག་མགོ་སྙོམ་བྱེད་པར་འགྱུར།། ༣༠ ཞེས་གསུངས་ཏེ། དགོན་པའི་གནས་དེ་དག་ནི་དུར་ཁྲོད་དང་ཡང་མི་རིང་བ་ཡིན་ལ། གང་ དུ་མི་རྣམས་ཀྱི་རོ་འདོར་བའི་གནས་ནི་དུར་ཁྲོད་དུ་གྲགས་ལ། འདུལ་བ་ལས་ཀྱང༌། དགེ་ སློང་གིས་དུར་ཁྲོད་དུ་ཡང་ཡང་འགྲོ་ཞིང་སྒོམ་པར་གསུངས་ལ། དེར་སྐྱེས་པ་དང་བུད་མེད་ དང་མཆོག་དམན་དུ་མ་ཤི་བའི་རོ་འཕྲལ་འཕྲལ་དུ་འབྱུང་བའི་ཕྱིར། དེ་མཐོང་བའི་མི་རྟག་ པའི་འདུ་ཤེས་དང༌། 404 བསམ་གཏན་་བསྟན་པ། བདག་གི་ལུས་ནི་འདི་ཉིད་ཀྱང༌།། གང་གི་དྲི་ཡིས་ཝ་དག་ཀྱང༌།། དྲུང་དུ་ཉེར་འགྲོ་མི་འགྱུར་བ།། དེ་ལྟ་བུར་ནི་འགྱུར་བར་འོང༌།། ༣༡ ཞེས་གསུངས་ཏེ། ལུས་མཛེས་ཤིང་བྱི་དོར་བྱས་པ་རྣམས་ཀྱང་གཅེར་བུར་ཕྱུང་བ་ན་ འཇིགས་སུ་རུང་བ་དང༌། མི་གཙང་བ་དང༌། བམ་པ་དང༌། སྔོས་པ་དང༌། རུལ་ཞིང་མྱགས་ པ་དང༌། རུས་གོང་གི་བར་དུ་མཐོང་བས་མི་སྡུག་པའི་འདུ་ཤེས་དང༌། ལུས་འདི་གཅིག་པུ་བྱུང་བ་ཡང༌།། ལྷན་ཅིག་སྐྱེས་པའི་ཤ་རུས་དག། ཞིག་སྟེ་སོ་སོར་འགྱེས་འགྱུར་ན།། མཛའ་བ་གཞན་ལྟ་ཅི་ཞིག་སྨོས།། ༣༢ ཞེས་གསུངས་ཏེ། འདི་ལྟར་ལྷན་ཅིག་ཏུ་བྱུང་བའི་ཤ་རུས་ཀྱང་འགྱེས་ཤིང་རུས་ཚིགས་རེ་ ཡང་རྡུལ་ཕྲ་རབ་ཏུ་འཐོར་བ་འདི་ལྟ་ན་གྲོགས་ཙམ་གྱི་མཛའ་བ་ལྟ་ག་ལ་རྟག་ཅེས་འབྲལ་ བའི་འདུ་ཤེས་དང༌། སྐྱེ་ནའང་གཅིག་པུ་སྐྱེ་འགྱུར་ཞིང༌།། འཆི་ནའང་དེ་ཉིད་གཅིག་འཆི་སྟེ།། 405 བསམ་གཏན་་བསྟན་པ། སྡུག་བསྔལ་སྐལ་གཞན་མི་ལེན་ན།། གེགས་བྱེད་མཛའ་བས་ཅི་ཞིག་བྱ།། ༣༣ ཞེས་གསུངས་ཏེ། རོའི་རྗེས་སུ་འབྲང་བའི་བུ་ལ་སོགས་པ་དག་མྱ་ངན་དང་ངུད་མོ་ཆེར་བྱེད་ ཀྱང་ཤི་བ་པོའི་སེམས་དེ་ནི་སུས་ཀྱང་མ་དམིགས། ལུས་དེ་ནི་དེ་ལྟར་དོར་བ་ན་མྱ་ངན་དེས་ སུ་ལའང་མ་ཕན་ཏེ། སྔོན་ཡང་རང་གཅིག་པུར་སྐྱེས་ཤིང་ཕྱིས་ཀྱང་རང་ཉིད་གཅིག་པོར་ཤི་ སྟེ། བདེ་སྡུག་ཐམས་ཅད་རང་ཉིད་གཅིག་པུས་མྱོང་གི་སུས་ཀྱང་སྐལ་བའི་ཤས་མི་ལེན་ཞིང་ བགོ་བཤའ་བྱར་མེད་པར་ཤེས་པས་གྲོགས་ལ་མ་ཆགས་པའི་འདུ་ཤེས་དང༌། ལམ་དག་ཏུ་ནི་ཞུགས་པ་རྣམས།། ཇི་ལྟར་གནས་ནི་འཛིན་བྱེད་ལྟར།། དེ་བཞིན་སྲིད་པའི་ལམ་ཞུགས་པ།། སྐྱེ་བའི་གནས་ནི་ཡོངས་སུ་འཛིན།། ༣༤ ཞེས་གསུངས་ཏེ། མགྲོན་པོ་རྣམས་ལམ་དུ་ཞུགས་པ་ན་ཞག་སའི་གནས་སྔ་མ་སྔ་མ་འདོར་ ཞིང་ཕྱི་མ་ཕྱི་མ་འཛིན་པ་ལྟར། ཁམས་གསུམ་ཐམས་ཅད་དུ་རྒྱུ་བའི་སེམས་ཅན་རྣམས་ཀྱང་ སྐྱེ་བའི་གནས་ཡང་ཡང་དུ་འཛིན་པས་བདག་གཞན་ཐམས་ཅད་ཀྱང་མགྲོན་པོ་ཙམ་དང༌། སྐྱེ་ གནས་ཐམས་ཅད་ཀྱང་ཞག་མལ་ཙམ་དུ་འདུ་ཤེས་པ་རྣམས་ངང་གི་སྐྱེའོ།། 406 བསམ་གཏན་་བསྟན་པ། ལྔ་པ་མ་ཆགས་ཤིང་གཡེང་བ་མེད་པར་བསྟན་པ་ནི། འཇིག་རྟེན་ཀུན་ནས་གདུང་བཞིན་དུ།། ཇི་སྲིད་སྐྱེས་བུ་བཞི་ཡིས་ནི།། དེ་ལས་དེ་ནི་མ་བཏེག་པ།། དེ་སྲིད་དུ་ནི་ནགས་སུ་སོང༌།། ༣༥ ཞེས་གསུངས་ཏེ། དེས་ན་ལུས་སྙིང་པོ་མེད་པ་དང༌། ཚེ་ངེས་པ་མེད་པ་དང༌། འཆི་བའི་རྐྱེན་ མང་བ་བསམས་ན་སྔོན་མ་ཤི་བ་ཁར་རྗེ་ཆེ་ལ། ད་ལྟ་མི་འཆི་བའི་ངེས་པའང་མེད་ན་རྣམ་ པར་གཡེང་བ་གཞན་བྱར་ཅི་ཁོམ་སྟེ། ད་ནི་ཕྱི་མའི་དོན་སྒྲུབ་པ་རན་པས་མི་ཆོག་འཕྱིས་པར་ ཡང་ཟད་པས་བརྩོན་པ་ཆེན་པོ་སྐྱེད་པའི་དུས་ཡིན་གྱི། བདག་མི་འདོད་བཞིན་བློ་བུར་དུ་ ཤི་ནས་ཤུལ་ན་གནས་པ་དག་གིས་བདག་གི་རོ། ཁྱོགས་ཀྱིས་དུར་ཁྲོད་དུ་མ་ཁྱེར་བ་དེའི་ སྔ་རོལ་ཏུ་ད་ལྟ་ནས་བདག་ཉིད་ཀྱིས་དཀའ་ཐུབ་ཀྱི་ནགས་སུ་ཕྱིན་ནས་བརྩོན་པ་ཆེན་པོ་ བརྩམ་དགོས་སོ་ཞེས་རང་གིས་རང་ལ་ནན་ཏན་གྱིས་འདོམས་པའོ།། བཤེས་མེད་འཁོན་པའང་མེད་བྱས་ནས།། ལུས་འདི་གཅིག་པུ་དབེན་གནས་ཏེ།། སྔ་ནས་ཤི་དང་འདྲར་བརྩིས་ན།། ཤི་ཡང་མྱ་ངན་བྱེད་པ་མེད།། ༣༦ 407 བསམ་གཏན་་བསྟན་པ། དྲུང་ན་འཁོད་པ་སུ་དག་ཀྱང༌།། མྱ་ངན་གནོད་པ་བྱེད་མེད་པས།། འདི་ཡི་སངས་རྒྱས་རྗེས་དྲན་སོགས།། སུས་ཀྱང་གཡེངས་པར་འགྱུར་བ་མེད།། ༣༧ ཅེས་གསུངས་ཏེ། ཅི་ནགས་སུ་འཆི་བ་དེ་མི་འབྱུང་ངམ་ཞེ་ན། གང་དུ་ཕྱིན་ཡང་འཆི་བས་མི་ཚུགས་པའི།། ས་ཕྱོགས་དེ་ནི་གང་ནའང་ཡོད་མིན་ཏེ།། ནམ་མཁའ་ལ་མེད་རྒྱ་མཚོའི་གཏིང་ནའང་མེད། རི་བོ་དག་གི་ཕུག་ཏུ་ཞུགས་ནའང་མེད།། ཅེས་གསུངས་པ་ལྟར། འཆི་བ་ནི་གར་ཡང་འབྱུང་མོད་ཀྱང་འཆི་ཚུལ་ལ་ཁྱད་པར་ཆེ་སྟེ། གྲོ ང་ ལ་སོགས་པར་ཤི་ན་གཉེན་གྱི་མྱ་ངན་བྱེད། དགྲ་རྣམས་དགའ་བའི་ཅ་ཅོ་འདོན། འཆི་བ་ པོ་ཡང་ཉེ་དུ་མྱ་ངན་ཅན་མཐོང་བས་ཆགས་ཤིང་སྡུག་བསྔལ། དགེ་བའི་དམིགས་པ་བརྗེད་ ཅིང་མི་དྲན་སྡུག་བསྔལ་དང་མྱ་ངན་གྱི་ངང་དུ་འཆི་ལ། རྒྱུ་དེས་ངན་སོང་གི་གནས་སུ་ཉིང་ མཚམས་སྦྱོར་རོ། །དབེན་པར་ཤི་བ་ནི་དེ་ལྟ་བུ་མ་ཡིན་ཏེ་དགྲ་གཉེན་སུ་ཡང་མེད་པས་ ཆགས་སྡང་གི་ཡུལ་མེད། 408 བསམ་གཏན་་བསྟན་པ། གཙུག་ཕུད་འདོར་བ་ནི་རྒྱ་གར་ན་ཉེ་དུའི་གྲལ་ནས་ཕྱུང་བའི་ཐ་ཚིག་ཡིན་ལ། ཤི་བ་ དང་རབ་ཏུ་བྱུང་བ་ནི་ཁྱད་པར་གང་ཡང་མེད་དོ་ཞེས་ཡང་ཡང་བྱུང་བའི་ཕྱིར། རབ་ཏུ་བྱུང་བ་ ཉིད་ཀྱིས་ཉེ་དུའི་གྲལ་ནས་ཕྱུང་སྟེ་ཤི་བ་དང་འདྲ་བར་བརྩིས་ཟིན་པས་ན་མྱ་ངན་བྱེད་པ་མེད་ ཅིང༌། རྗེས་སུ་དྲན་པ་དྲུག་ལ་སོགས་པ་དགེ་བའི་དམིགས་པ་ལ་གཡེང་བ་མེད་པར་བརྟན་ ཅིང་རྩེ་གཅིག་པའི་ངང་ནས་འཆི་བར་འགྱུར་ལ། རྒྱུ་དེས་སངས་རྒྱས་ཀྱི་ཞིང་དག་པ་རྣམས་ སུ་པདྨའི་སྦུབས་ལས་སྐྱེ་བའི་ལུས་ཁྱད་པར་ཅན་ཐོབ་ནས་སངས་རྒྱས་ལས་དངོས་སུ་ཆོས་ ཉན་པ་འཐོབ་ཅིང་ཐ་ནའང་མཐོ་རིས་ནས་མཐོ་རིས་སུ་འགྲོ་བར་བྱེད་པའི་ཕྱིར་རོ།། དེ་བས་ཤིན་ཏུ་མདངས་དགའ་བའི།། ནགས་ཚལ་ཚེགས་ཆུང་བདེ་སྐྱིད་ཅིང༌།། གཡེང་བ་ཐམས་ཅད་ཞི་བྱེད་པར།། བདག་ཉིད་གཅིག་པུར་གནས་པར་བྱ།། ༣༨ ཞེས་གསུངས་ཏེ། དེས་ན་རྣམ་པར་གཡེང་བ་ཐམས་ཅད་དོར་ཏེ་སྐྱེ་བོའི་རྒྱུན་ལུགས་ཀྱིས་ དབེན་པར་ཆོག་ཤེས་ཤིང༌། རྩེ་གཅིག་པས་དུས་འདའ་བ་བོད་ཀྱི་ཡུལ་གྲུ་འདིར་ཡང་སྣུབས་ ནམ་མཁའི་སྙིང་པོ་དང༌། རྦ་ཡེ་ཤེས་དབང་པོ་དང༌། རྣལ་འབྱོར་གྱི་དབང་ཕྱུག་མི་ལ་དང༌། རྨོག་ལྕོག་པ་དང༌། སྐྱེར་སྒང་པ་ལ་སོགས་པ་བསམ་གཏན་གྱི་དེད་དཔོན་ཆེན་པོ་རྣམས་ ཀྱིས་ཇི་ལྟར་བསྒྲུབས་པ་ལྟར་རྣལ་འབྱོར་དུ་བྱ་ལ། གཙོ་བོར་གནས་ལོངས་སྤྱོད་སོགས་གང་ བྱུང་གིས་ཆོག་ཤེས་པ་ཁོ་ན་མཆོག་ཡིན་ཏེ། 409 བསམ་གཏན་་བསྟན་པ། སྐྱེས་རབས་ལས། མང་དུ་ཐོས་ལ་ང་རྒྱལ་མེད།། དཀའ་ཐུབ་ཅན་ལ་གཏོང་བར་ལྡན།། དབེན་པར་གནས་ལ་ཆོག་ཤེས་པ།། འདི་རྣམས་རྒྱན་གྱི་རྒྱན་ཡིན་ནོ།། ཞེས་དང༌། བཤེས་སྤྲིང་ལས། ནོར་རྣམས་ཀུན་གྱི་ནང་ན་ཆོག་ཤེས་པ།། རབ་མཆོག་ལགས་པར་ལྷ་མིའི་སྟོན་པས་གསུངས།། ཀུན་ཏུ་ཆོག་ཤེས་མཛོད་ཅིག་ཆོག་མཁྱེན་ན།། ནོར་མི་བདོག་ཀྱང་ཡང་དག་འབྱོར་བ་ལགས།། ཞེས་དང༌། ཆོག་ཤེས་བདེ་སྤྱོད་གང་ཡིན་པ།། དབང་པོས་ཀྱང་ནི་དེ་རྙེད་དཀའ།། ཞེས་འཆད་པར་འགྱུར་བའི་ཕྱིར་རོ། །འདིར་དོགས་པའི་གནས་འདི་ཡོད་དེ། ཤེར་ཕྱིན་གྱི་མདོ་ ལས། སེམས་དབེན་པ་གཙོ་བོར་གསུངས་པ་མ་ཡིན་ནམ། འདི་ནི་ལུས་ངག་གི་དབེན་པར་ ཟད་དོ་ཞེ་ན། དེ་ནི་ཉན་རང་ལུས་ངག་གི་དབེན་པ་ལ་དགའ་བས་ཐེག་ཆེན་གྱི་ལས་དང་པོ་ 410 བསམ་གཏན་་བསྟན་པ། བ་རྣམས་དེ་ལས་ལྡོག་པའི་ཕྱིར། སེམས་རང་དོན་ཡིད་བྱེད་ཀྱི་བློས་དབེན་ན་གར་བསྡད་ཀྱང་ དབེན་པ་ཡིན་གྱི། དེ་མེད་པར་ལུས་ངག་དབེན་པ་ཙམ་ལ་ནི་སྙིང་པོ་མེད་དོ་ཞེས་སྟོན་པའི་ཕྱིར། གང་ཞིག་དཔག་ཚད་ལྔ་བརྒྱ་ཡོད་པའི་རི་ཡི་སུལ།། སྦྲུལ་གྱི་གང་བར་ལོ་མང་བྱེ་བར་གནས་བྱེད་ཀྱང༌།། དབེན་པ་འདི་མི་ཤེས་པའི་བྱང་ཆུབ་སེམས་དཔའ་དེ།། ལྷག་པའི་ང་རྒྱལ་རྙེད་ནས་འདྲེ་བར་གནས་པ་ཡིན།། ཞེས་དང༌། གང་ཞིག་གྲོང་ངམ་འོན་ཏེ་དགོན་པར་གནས་ཀྱང་རུང༌།། ཐེག་པ་གཉིས་ཀྱི་སེམས་བྲལ་བྱང་ཆུབ་མཆོག་དེས་ན།། འདི་ནི་འགྲོ་དོན་ཞུགས་པ་རྣམས་ཀྱི་དབེན་པ་སྟེ།། ཞེས་དང༌། རྟག་ཏུ་ག ྲོང་དང་ཡུལ་འཁོར་གྲོང་རྡལ་གནས་བྱེད་ཅིང༌།། སེམས་ཅན་སྨིན་བྱེད་བྱང་ཆུབ་བརྩོན་པ་མ་གཏོགས་པར།། འདི་ན་དགྲ་བཅོམ་རང་རྒྱལ་འདོད་པ་གཞན་མི་སྐྱེད།། འདི་ནི་བདེ་བར་གཤེགས་པའི་སྲས་ཀྱི་དབེན་པར་གསུངས།། 411 བསམ་གཏན་་བསྟན་པ། ཞེས་བྱང་ཆུབ་ཀྱི་སེམས་དང་མ་བྲལ་བ་ལ་སེམས་ཀྱི་དབེན་པར་གསུངས་ནས་དེ་བསྔགས་ པའི་སྐབས་ཡིན་ལ། འདི་ནི་སེམས་ཀྱི་དབེན་པ་དེ་དང་ལྡན་པས་དེ་བརྟན་ཞིང་འཕེལ་བའི་ ཕྱིར། གཞན་དོན་ཁོ་ནའི་ཆེད་དུ་གཞན་དོན་གྱི་ནུས་པ་སྒྲུབ་པའི་ཕྱིར་ལུས་ངག་གི་དབེན་པ་ བསྟེན་པ་མཉན་པ་གྲུ་འཆོས་པ་ལྟ་བུ་ཡིན་ཏེ། ཟླ་བ་སྒྲོན་མར། ག ྲོ ང་དང་ག ྲོང་ཁྱེར་དག་ལ་དགའ་སྤོངས་ལ།། རྟག་ཏུ་དབེན་པའི་ནགས་ཁྲོད་བསྟེན་པར་གྱིས།། བསེ་རུ་ལྟ་བུར་རྟག་ཏུ་གཅིག་པོར་བྱོས།། རིང་པོར་མི་ཐོགས་ཏིང་འཛིན་མཆོག་འཐོབ་འགྱུར།། ཞེས་གསུངས་ཤིང༌། ཤེར་ཕྱིན་ཉིད་ལས་ཀྱང༌། ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པར་ འདོད་པས་དགོན་པར་གནས་པར་བྱ། བས་མཐའི་གནས་ལ་བསྟེན་པར་བྱའོ། །ཞེས་ གསུངས་པ་ལྟ་བུ་བཞིན་ནོ།།དེ་ལྟར་འཇིག་རྟེན་སྤོང་བ་བཤད་ནས། གསུམ་པ་རྣམ་རྟོག་སྤོང་ཚུལ་ལ་གཉིས། འདོད་པ་ལ་སྐྱོ་བ་སྐྱེད་པ་དང༌། དབེན་པ་ལ་ དགའ་བ་སྐྱེད་པའོ། །དང་པོ་ལ་གསུམ། ནང་སེམས་ཅན་ལ་ཆགས་པ་སྤང་བ་དང༌། ཕྱི་ཡོ་ བྱད་ལ་ཆགས་པ་སྤང་བ་དང༌། གཉི་གའི་ཉེས་དམིགས་ཐུན་མོང་དུ་བསྟན་པའོ། །དང་པོ་ ལ་གསུམ། འབྲས་བུ་འཇིགས་སུ་རུང་བར་བསྟན་པ། རང་བཞིན་མི་གཙང་བར་བསྟན་པ། སྒྲུབ་པའི་རྒྱུ་སྡུག་བསྔལ་ཆེ་བར་བསྟན་པའོ། །དང་པོ་ནི། 412 བསམ་གཏན་་བསྟན་པ། བསམ་པ་གཞན་ནི་ཀུན་བཏང་སྟེ།། བདག་ལ་སེམས་པ་གཅིག་པུ་ཡིས།། སེམས་ནི་མཉམ་པར་བཞག་ཕྱིར་དང༌།། དུལ་བར་བྱ་ཕྱིར་བརྩོན་པར་བྱ།། ༣༩ ཞེས་གསུངས་ཏེ། དེ་ཡང་དབེན་པའི་ཡོན་ཏན་དེ་ལྟ་བུ་རིག་ནས་འཇིག་རྟེན་པའི་བསམ་པ་ ཐམས་ཅད་ལས་ལྡོག་སྟེ་བྱང་ཆུབ་སེམས་དཔའ་བདག་ཉིད་ཀྱིས་སྔོན་ནས་བརྣགས་པའི་དོན་ གཅིག་པུ་སེམས་ཅན་ཐམས་ཅད་སྡུག་བསྔལ་ལས་སྒྲོལ་བའི་ཕྱིར། དེ་ནུས་པའི་རྫོགས་པའི་ སངས་རྒྱས་སྒྲུབ་པ་ཁོ་ནའི་ཆེད་དུ་ཆོས་ཐམས་ཅད་ཀྱི་རང་བཞིན་ཡོངས་སུ་ཤེས་པའི་ཏིང་ངེ་ འཛིན་ལ་རྩེ་གཅིག་ཏུ་མཉམ་པར་བཞག་སྟེ། ཉོན་མོངས་པ་མངོན་གྱུར་དང་ས་བོན་བག་ཉལ་ དང་བཅས་པ་ལྡང་བ་མེད་པར་དུལ་ཞིང་གཞོམ་པའི་ཕྱིར། རྩེ་གཅིག་ཏུ་བརྩོན་པར་བྱའོ།། འཇིག་རྟེན་འདི་དང་ཕ་རོལ་ཏུའང༌།། འདོད་པ་རྣམས་ནི་ཕུང་ཁྲོལ་སྐྱེད།། འདིར་ནི་བསད་དང་བཅིང་དང་གཅོད།། ཕ་རོལ་ཏུ་ནི་དམྱལ་སོགས་འགྲུབ།། ༤༠ ཅེས་གསུངས་ཏེ། ཅིའི་ཕྱིར་འདོད་པ་ལས་བློ་ལྡོག་ཅེ་ན། ནང་སེམས་ཅན་དང་ཕྱིའི་ཡོ་བྱད་ ལ་ཞེན་པའི་བློ་འདིས་ནི་ཚེ་འདིར་ཡང་དེའི་དོན་དུ་ཕན་ཚུན་གཅིག་གིས་གཅིག་གསོད་པ་ 413 བསམ་གཏན་་བསྟན་པ། དང༌། བཙོན་དུ་འཆིང་བ་དང༌། ལུས་མཚོན་གྱིས་གཅོད་ཅིང་རྨ་འབྱིན་པ་སོགས་ཕུང་ཁྲོལ་ མཐའ་ཡས་པ་སྐྱེད་ལ། འཇིག་རྟེན་ཕ་རོལ་ཏུ་ནི་དེའི་རྣམ་སྨིན་གྱི་འབྲས་བུ་དམྱལ་བ་ཆེན་ པོ་རྣམས་དང་ངན་འགྲོ་གཞན་དུ་ཡང་རྒྱུ་མཐུན་པའི་འབྲས་བུ་མི་བཟད་པ་མྱོང་བའི་ཕྱིར་རོ།། གཉིས་པ་རང་བཞིན་མི་གཙང་བར་བསྟན་པ་ལ་ཡང་གཉིས། དུར་ཁྲོད་ཀྱི་ཆོས་ཀྱིས་མི་ གཙང་བར་བསྟན་པ་དང༌། གསོན་པ་ཉིད་ནའང་མི་གཙང་བར་བསྟན་པའོ། །དང་པོ་ལ་གསུམ། ཀེང་རུས་སུ་ལྟ་བ། བྱ་གཅན་གྱི་ཁ་ཟས་སུ་ལྟ་བ། རོ་ལངས་ལྟ་བུར་ལྟ་བའོ། །དང་པོ་ནི། ཕོ་ཉ་ཕོ་ཉ་མོ་ལས་སྔོན།། གང་ཕྱིར་དུ་མར་གསོལ་བཏབ་ཅིང༌།། སྡིག་པ་རྣམས་སམ་གྲགས་མིན་ལའང༌།། གང་གི་དོན་དུ་མ་འཛེམས་པར།། ༤༡ འཇིགས་པ་ལ་ཡང་བདག་ཞུགས་ཤིང༌།། རྫས་ཀྱང་ཟད་པར་བྱས་གྱུར་ཏེ།། གང་ལ་ཡོངས་སུ་འཁྱུད་པ་ན།། མཆོག་ཏུ་དགའ་འགྱུར་དེ་དག་ཉིད།། ༤༢ ཀེང་རུས་ཉིད་ཡིན་གཞན་མིན་ན།། རང་དབང་དང་ནི་བདག་མིན་ལ།། 414 བསམ་གཏན་་བསྟན་པ། རབ་ཏུ་འདོད་ཅིང་ཡོངས་ཞེན་ནས།། ཅི་ཕྱིར་མྱ་ངན་འདས་མི་འགྲོ ། ༤༣ ཞེས་གསུངས་ཏེ། ཅི་འདོད་པའི་ཁམས་ཀྱི་བདེ་བའི་མཆོག་ནི་ཡུལ་ཡིད་དུ་འོང་བ་ལས་བྱུང་ བའི་རེག་པའི་བདེ་བ་མ་ཡིན་ནམ་ཞེ་ན། དེ་ནི་མི་གཙང་བ་ལ་གཙང་བར་འཛིན་པ་ཕྱིན་ཅི་ ལོག་གི་བློ་གོམས་པར་ཟད་ཀྱི་སྐྱེས་པ་དང་བུད་མེད་ཀྱི་ཡུལ་དེ་དག་ནི་མི་གཙང་བ་ཐམས་ ཅད་འདུས་པའི་ཕུང་པོ་དང་ཀེང་རུས་ཀྱི་འཕྲུལ་འཁོར་ཁོ་ན་ཡིན་པའི་ཕྱིར། གཉེན་ནམ་ མཛའ་ན་མོར་བྱ་བའི་ཕྱིར་ཕོ་ཉའམ་ཕོ་ཉ་མོ་ལས་བརྒྱུད་དེ། དེ་དང་ཕྲད་པའི་དོན་དུ་དཀའ་བ་ དུ་མ་བྱས་ཤིང་ཡོ་བྱད་ཀྱང་དེའི་ཆེད་དུ་ཟད་པར་བྱས་ནས་སྡིག་པ་དང་མི་སྙན་པ་གཉི་ག་ལ་ མ་འཛེམས་པར་ཕྲད་ཅིང་ཞུགས་པས་དགའ་བ་ཆེར་ཐོབ་པ་དེ་ཉིད་ཇི་ལྟར་སྒྱུ་མ་མཁན་གྱིས་ ཀེང་རུས་ལས་བུད་མེད་དུ་སྤྲུལ་ཏེ། དེ་ལ་གཞན་ཞིག་གིས་འཁྱུད་ཅིང་དགའ་བར་བཟུང་བ་ ལས་མོད་ལ་སྒྱུ་མ་བཤིག་པ་ན་འཇིགས་སུ་རུང་བའི་ཀེང་རུས་ལ་འཁྱུད་པར་མཐོང་ནས་ལ་ གོར་དུ་ལངས་ཏེ་འབྲོས་པ་ལྟར་ཟད་དེ། སྒྱུ་མ་ཞིག་པ་ལྟར་སྐྱེས་པའམ་བུད་མེད་དེ་ཤི་བའི་ ཚེ་ལུས་དུར་ཁྲོད་དུ་བོར་བ་དེ་ལྟོས་ཤིག་དང་ཁྱོད་ཉིད་ཀྱིས་ཤེས་པར་འགྱུར་རོ། །སེམས་ཅན་ འདི་དག་བདག་གམ་བདག་གི་བ་ལ་ཞེན་ཞིང་ཆགས་པར་ནི་མཐོང་མོད་ཀྱང་གང་ལ་ཆགས་ པའི་ཡུལ་བུད་མེད་ལྟ་བུ་འདི་ནི་བདག་ཀྱང་མ་ཡིན་ལ། བདག་ཉིད་དབང་བ་ཡང་མ་ཡིན་ན་ དེ་ལ་འདོད་ཅིང་ཞེན་ནས་ཐར་པ་མི་སྒྲུབ་པར་སྡོད་པ་འདི་ཅིའི་ཐ་ཚིག་ཅེས་སྣང་བའོ།། 415 བསམ་གཏན་་བསྟན་པ། གཉིས་པ་བྱ་གཅན་གྱི་ཁ་ཟས་སུ་ལྟ་བ་ནི། གང་ཞིག་དང་པོ་འབད་དེ་བཏེག། དྲངས་ཀྱང་ངོ་ཚས་འོག་ཏུ་བལྟ།། ཞེས་གསུངས་ཏེ། དེ་ལྟ་མོད་ཀྱི་ཆགས་པས་གཟིར་བའི་སྐྱེས་པ་དག་ཆགས་ཡུལ་དེའི་གདོང་ ལྟ་བར་འདོད་པས་སྟེང་དུ་གཏེག་ཅིང་དྲངས་ཀྱང་དེ་ངོ་ཚ་བའམ་གཡོ་སྒྱུའི་བྱེ་བྲག་གིས་དེ་ ཙམ་གྱིས་འོག་ཏུ་ལྟ་ཞིང་འབྱོལ་བ་ལྟར་བྱེད་པ་དང༌། སྔོན་ནི་མཐོང་ངམ་མ་མཐོང་ཡང༌།། གོས་ཀྱིས་གདོང་ནི་གཡོགས་པར་གྱུར།། ༤༤ ཞེས་གསུངས་ཏེ། རྒྱ་གར་ན་ཡུལ་བཅོམ་བརླག་པ་རྣམས་རིགས་ཀྱི་བུད་མེད་ཀྱི་གདོང་རྟག་ ཏུ་སེང་རས་ཀྱིས་འགེབས་ཤིང༌། ཡུལ་དབུས་ན་རྟག་ཏུ་དྲ་བས་འགེབས་པས་སྐྱེས་པས་ བུད་མེད་ཀྱི་བཞིན་གསལ་བར་མི་མཐོང་བ་དེ་དག་གི་དབང་དུ་བྱས་ནས་ཁྱོད་སྔོན་ནི་བུད་ མེད་ཀྱི་གདོང་ལྟ་བར་འདོད་ཀྱང་གཡོགས་པ་ལས་གཞན་དུ་ཚིམ་པར་མ་མཐོང་ལ། ཁྱོད་ཉོན་མོངས་པའི་གདོང་དེ་ནི།། ད་ལྟ་མངོན་སུམ་གྱུར་པ་བཞིན།། བྱ་རྒོད་ཀྱིས་བསལ་བྱས་མཐོང་ནས།། ད་ལྟ་ཅི་ཕྱིར་འབྱེར་བར་བྱེད།། ༤༥ 416 བསམ་གཏན་་བསྟན་པ། ཅེས་གསུངས་ཏེ། དེ་ཙམ་གྱིས་འདོད་པ་དག་ནི་ཚྭ་ཆུ་འཐུངས་པ་འདྲ་བའི་ཕྱིར། མཐོང་ བར་འདོད་པ་འཕེལ་བ་ཡིན་ན་ད་ལྟ་བུད་མེད་དེའི་ལུས་དུར་ཁྲོད་དུ་བོར་བའི་ཚེ་བཞིན་ ལ་གཡོགས་པ་མེད་པས་ཤིན་ཏུ་གསལ་བའི་སྐབས་འདི་དང༌། དེ་བས་ཀྱང་བྱ་རྒོད་ཀྱིས་ པགས་པ་དང་ཤས་གཡོགས་པ་ཡང་བཤུས་ཏེ་རུས་པ་འབའ་ཞིག་ཏུ་སྒྲེན་མོར་བྱས་པ་ འདི་ལྟ་བར་རིགས་ཀྱི་འཇིགས་པས་འབྲོས་པར་མི་རིགས་ཏེ། སྔོན་ཁྱོད་ཉིད་ཆེས་ཆགས་ པའི་ལུས་དེ་འདི་ཁོ་ན་ཡིན་པའི་ཕྱིར་དང༌། སྔོན་གཡོགས་པའི་ཚེ་དེ་ཙམ་དུ་ཆགས་ན་ཕྱིས་ མ་གཡོགས་པའི་སྐབས་འདིར་དེ་བས་ཆེས་ཆགས་པར་རིགས་ལ། མ་གཡོགས་པའི་ལུས་ འདི་ལ་མི་ཆགས་ན་ནི་སྔོན་གཡོགས་པའི་སྐབས་ལའང་ཆགས་པར་མི་རིགས་ཏེ་གང་ལ་ གཡོགས་པའི་ལུས་ནི་འདི་ཁོ་ན་ཡིན་ལ། གཡོགས་པའི་གོས་དེ་ཡང་ཆགས་བྱའི་ཡུལ་མ་ ཡིན་པའི་ཕྱིར་རོ།། གཞན་རྣམས་མིག་གིས་བལྟ་ན་ཡང༌།། གང་ཞིག་ཡོངས་སུ་བསྲུངས་གྱུར་པ།། ཇི་སྲིད་དེ་ནི་དེ་ཟ་ན།། སེར་སྣ་ཅན་ཁྱོད་ཅིས་མི་སྲུང༌།། ༤༦ ཞེས་གསུངས་ཏེ། སྔོན་ནི་སྐྱེས་པ་གཞན་གྱིས་མིག་ཟུར་ཙམ་ལྟ་བ་ལ་ཡང་མིག་སེར་གྱིས་ ཁྲོ་ཞིང་ནན་གྱིས་བསྲུངས་པ་ཡིན་ལ། ད་ནི་བྱ་རྒོད་དང་གཅན་གཟན་རྣམས་ཀྱིས་དེའི་མིག་ 417 བསམ་གཏན་་བསྟན་པ། འབྲུ་ཞིང་ལྕེ་འབྱིན་ལ། རྒྱུ་ལྟོ་དང་ནང་རོལ་ཐམས་ཅད་གཞིབ་ཅིང་རུས་པའི་བར་དུ་ཧབ་ཐོབ་ ཏུ་ཟ་ན་སེར་སྣ་ཅན་ཁྱོད་ཅིའི་ཕྱིར་འདི་མི་སྲུང༌། ཤ་ཡི་ཕུང་པོ་འདི་མཐོང་ནས།། བྱ་རྒོད་དང་གཞན་ཟ་བྱེད་ན།། གཞན་གྱི་ཟས་ལ་མེ་ཏོག་གི། ཕྲེང་བ་ཙནྡན་རྒྱན་གྱིས་མཆོད།། ༤༧ ཅེས་གསུངས་ཏེ། གལ་ཏེ་ཤི་བའི་རོ་ནི་བྱ་གཅན་གྱིས་ཟ་བ་འཇིག་རྟེན་ན་ཆོས་ཉིད་ཡིན་པས་ མི་སྲུང་ངོ་ཞེ་ན། འོ་ན་སྔོན་ནི་ཁྱོད་ཀྱིས་འདི་ལ་ཙནྡན་གྱི་བྱུག་པས་བསྐུ་ཞིང་མིག་སྨན་དང་སྨུག་ རྩིའི་ཐིག་ལེ་འབྲི་ལ། མེ་ཏོག་དང་རིན་པོ་ཆེ་ལ་སོགས་པའི་ཕྲེང་བས་བརྒྱན་ཞིང་གོས་སྲབ་མོ་ ཁ་དོག་སྡུག་གུ་དག་གིས་གཡོགས་པས་མཆོད་པ་ཡིན་ལ། ད་ལྟ་ནི་འདི་བྱ་གཅན་གྱི་ཟས་སུ་ སྣང་ན་ཅི་ཁྱོད་གཞན་གྱི་ཁ་ཟས་ལ་དེ་ལྟར་དུ་མཆོད་པར་བྱེད་པའི་རྒྱུ་མཚན་ཅི་ཞེས་པའོ།། གསུམ་པ་རོ་ལངས་ལྟ་བུར་ལྟ་བ་ནི། རུས་གོང་ཉིད་དུ་མཐོང་ནས་ནི།། མི་འགུལ་ཡང་ནི་ཁྱོད་སྐྲག་ན།། རོ་ལངས་གཞན་དུ་འགའ་ཡིས་ཀྱང༌།། བསྐྱོད་པར་གྱུར་ན་ཅིས་མི་འཇིགས།། ༤༨ 418 བསམ་གཏན་་བསྟན་པ། གང་ལ་གཡོགས་ཀྱང་འདི་ཆགས་ན།། དེ་མ་གཡོགས་ཚེ་ཅིས་མི་འདོར།། དེ་ལ་དགོས་པ་མེད་ན་ནི།། གཡོགས་པ་ལ་ནི་ཅི་ཕྱིར་འཁྱུད།། ༤༩ ཅེས་གསུངས་ཏེ། སྔོན་ཆགས་པའི་གནས་ཡིན་ཡང་རོའི་གནས་སྐབས་སུ་འཇིགས་པར་ ལྟ་བ་འཇིག་རྟེན་གྱི་ལུགས་སོ་ཞེ་ན། འོ་ན་འཇིག་རྟེན་ན་རོ་ལ་ཅུང་ཟད་སྐྲག་ཅིང་རོ་ལངས་ ལ་ཤིན་ཏུ་སྐྲག་པ་ལྟར་འདི་སྔོན་གཡོ་ཞིང་བསྐྱོད་པ་དེའི་ཚེ་ཤིན་ཏུ་སྐྲག་པར་རིགས་ཏེ་རོ་ ལངས་ནི་འཁྲུལ་འཁོར་གྱི་སྐྱེས་བུ་ལྟར་གདོན་གྱི་མཐུས་བསྐྱོད་པ་ཙམ་དུ་ཟད་ཀྱི་གཡོ་སྒྱུ་ ལ་སོགས་པ་ཅན་མ་ཡིན་ལ། འདི་སྔོན་བསྐྱོད་པ་དེ་ཡི་ཚེ་ན་ཉོན་མོངས་པ་མཐའ་ཡས་པའི་ མཛོད་ཡིན་ཞིང༌། གཡོ་སྒྱུ་དང༌། ཕྲ་མ་དང༌། བརྫུན་དང༌། ཚིག་རྩུབ་ཐམས་ཅད་ཀྱི་འབྱུང་ གནས་ཡིན་པའི་ཕྱིར། རོ་ལངས་འབུམ་ལས་ཀྱང་འདི་འཇིགས་སུ་རུང་བ་ཡིན་ནོ།། གཉིས་པ་གསོན་པ་ཉིད་ན་མི་གཙང་བར་བསྟན་པ་ལ་གསུམ། མི་གཙང་བ་ཐམས་ཅད་ ཀྱི་འབྱུང་གནས་ལུས་ཡིན་པར་བསྟན་པ། དེ་རིགས་པས་སྒྲུབ་པ། གཞན་གྱི་རྒྱུས་གཞན་ལ་ ཆགས་པར་མི་རིགས་པའོ། །དང་པོ་ནི། ཟས་ནི་གཅིག་པུ་ཉིད་ལས་ནི།། བཤང་དང་ཁ་ཆུ་འབྱུང་གྱུར་ན།། 419 བསམ་གཏན་་བསྟན་པ། དེ་ལས་བཤང་ལ་མི་དགའ་ཞིང༌།། ཁ་ཆུ་ལ་ཁྱོད་ཅི་ཕྱིར་དགའ།། ༥༠ ཞེས་གསུངས་ཏེ། དེ་ལྟ་མོད་ཀྱི་ཆགས་པས་ཤིན་ཏུ་རྨོངས་པ་ཁྱོད་ནི་ཆགས་ཡུལ་སྐྱེས་ པའམ། བུད་མེད་དེའི་བཤང་ལམ་འཇིབ་པ་དང༌། བཤང་གཅི་ལ་ཤིན་ཏུ་ལྕེས་གཞིབ་པར་ རིགས་ཏེ། དེའི་ཁ་དང་བཤང་ལམ་དག་ནི་ལུས་གཅིག་གི་ཆ་ཤས་སུ་ཁྱད་མེད་ཅིང་བཤང་ གཅི་དང་ཁ་ཆུ་ཡང་ཟས་གཅིག་ལས་མངོན་པར་སྐྱེད་པར་ཁྱད་མེད་ལ། ཁ་དང་མཆུ་དང་ཁ་ཆུ་ ལ་ཁྱོད་དེ་ཙམ་དུ་རོ་མྱང་བར་བྱེད་པའི་ཕྱིར། ཤིང་བལ་རེག་ན་འཇམ་པ་ཡི།། སྔས་ལའང་དགའ་བར་མི་བྱེད་པར།། དྲི་ང་འཛག་པ་མ་ཡིན་ཞེས།། འདོད་ལྡན་མི་གཙང་བ་ལ་རྨོངས།། ༥༡ འདོད་ལྡན་ངན་པ་རྨོངས་པ་རྣམས།། ཤིང་བལ་རེག་ན་འཇམ་པ་ལའང༌།། ཉལ་པོ་བྱ་བར་མི་ནུས་ཞེས།། དེ་ལ་ཁྲོ་བ་དག་ཏུ་བྱེད།། 420 བསམ་གཏན་་བསྟན་པ། ཅེས་གསུངས་ཏེ། གལ་ཏེ་རེག་བྱ་འཇམ་པ་དང་རྙི་བ་ཙམ་འདི་ལ་དགའ་འོ་ཞེ་ན། འོ་ན་ ཨརྫྷུན་ལར་སོགས་པའི་ཤིང་བལ་འཇམ་ཞིང་འབོལ་བ་ལྔ་ལས་ཆགས་སུ་བཅགས་པའི་ སྔས་དང༌། སྟན་འཇམ་པོས་དགའ་བར་རིགས་ཀྱང་འདི་ནི་འཇམ་མོད་ཀྱི་འདིས་ཉལ་པོ་ བྱ་མི་ནུས་སོ་ཞེས་ཁྲོ་བར་བྱེད་པས་ཁྱོད་ནི་བཤང་གཅིའི་ཕུང་པོ་འདི་ཁོ་ན་ལ་ཆགས་པར་ ཟད་དོ།། གལ་ཏེ་མི་གཙང་ཆགས་མེད་ན།། རུས་གཟེབ་རྒྱུས་པས་སྦྲེལ་བ་ལ།། ཤ་ཡི་འདམ་གྱིས་ཞལ་ཞལ་བྱས།། གཞན་ཁྱོད་ཅི་ཕྱིར་པང་དུ་འཁྱུད།། ༥༢ ཅེས་གསུངས་ཏེ། གལ་ཏེ་བཤང་གཅི་ནི་མི་གཙང་ཞིང་དྲི་ང་བས་མི་འདོད་དོ་ཞེ་ན། སོ་ཡང་ བཙོག་པའི་དྲི་མ་དང་ལྡན་ཞིང༌། ལྕེ་ནི་བད་ཀན་གྱི་ལྗན་ལྗིན་དྲི་ང་བས་རྟག་ཏུ་གཡོགས་ པས་མི་གཙང་བ་ཡིན་ན། དེ་ཅིའི་ཕྱིར་འདོད་དེ། ཁྱོད་མི་གཙང་བ་མི་འདོད་པ་གལ་ཏེ་བདེན་ ན་ལྷ་བ་སོབ་སོབ་པོ་རྣམས་ཁྲག་གིས་གང་ཞིང་རྐང་གི་ནང་ན་རྐང་མར་དང་སྦུབས་ལྗན་ ལྗིན་གྱིས་གང་བ་དེ་ལྟ་བུའི་རུས་པ་དབྱུག་པ་ལྟ་བུ་དང༌། ཟླུམ་པོ་དང༌། ལེབ་མོ་དང༌། སྲབ་ མོ་དང༌། སྟུག་པོ་དང༌། ཆེ་བ་དང༌། ང་བ་སྣ་ཚོགས་པའི་དུམ་བུ་སུམ་བརྒྱ་དང་དྲུག་ཅུ་མིའི་ དབྱིབས་སུ་བསྒྲིགས་པ་ལ་རྩ་རྒྱུས་ཀྱི་སྲད་བུས་སྦྲེལ་ཕྱི་རོལ་ཤ་རྣག་མའི་འདམ་གྱིས་ཞལ་ 421 བསམ་གཏན་་བསྟན་པ། བ་ལྟར་བྱུགས་ཤིང༌། མགོ་བོར་ཀླད་པ། རྒྱབ་ཏུ་གཞུངས་པ། ཁྲུང་ཁྲུང་གི་ནང་དུ་སྣབས། རོ་སྟོད་དུ་ཁྲག་བར་དུ་མཁྲིས་པ་དང་བད་ཀན་གྱི་ལྗན་ལྗིན། སྨད་དུ་བཤང་གཅི་བླུགས་ཤིང་ གནས་ཐམས་ཅད་དུ་སྲིན་བུའི་རིགས་བརྒྱད་ཁྲིས་མི་གཙང་བ་འབུས་གཞིགས་པ་ལྟར་ལོང་ ལོང་པོར་བྱས་ཤིང༌། ཁྲག་དང༌། ཆུ་སེར་དང༌། རྣག་དང༌། ཞག་དང༌། རྔུལ་གྱིས་ཀུན་ནས་ ཁྱབ་པའི་ཕྱི་པགས་པའི་སྐྱི་ཤུན་གྱིས་བཏུམས། བུ་ག་རགས་པ་དགུ་དང་ཕྲ་བ་བ་སྤུའི་སྒོ་ཇི་ སྙེད་པ་གཏོད་པ་ཐམས་ཅད་ནང་ནས་མི་གཙང་བའི་དྲི་ངད་ལྡན་པའི་རླུང་དང་རླངས་པ་ཀུན་ ནས་རྒྱུན་མི་འཆད་པར་འབྱུང་ཞིང༌། སྒོ་དགུ་པོ་ལས་རང་རང་གི་དྲི་མ་རྟག་ཏུ་འཛག་ཅིང་བ་ སྤུ་ཐམས་ཅད་ལས་རྔུལ་འབྱུང་བ། མགོ་ལ་སོགས་པའི་གནས་ཁ་ཅིག་ཏུ་ཕྱུགས་ཀྱི་སྤུ་ལྟ་བུ་ ཁ་ཅིག་ཏུ་རིང་པོ་དང༌། ཁ་ཅིག་ཏུ་ཐུང་ངུར་སྐྱེས་ཤིང་ཐམས་ཅད་ཀྱང་སྲིན་བུའི་སྤུ་ལྟ་བུའི་བ་ སྤུས་ཁྱབ་པ་སྒྲེན་མོར་འགྲོ་ཞིང་འཕྱན་པ་མཐོང་ན་འཇིགས་སུ་རུང་བའི་བློ་སྐྱེ་བ་འདི་ལྟ་བུ་ དག་ཅིའི་ཕྱིར་པང་དུ་འཁྱུད། ཁྱོད་ཉིད་མི་གཙང་མང་ཡོད་པ།། དེ་ཉིད་ལ་ཁྱོད་བརྟན་སྤྱོད་ཅིང༌།། མི་གཙང་རྐྱལ་བ་གཞན་དག་ལའང༌།། མི་གཙང་བརྐམ་པས་འདོད་པར་བྱེད།། ༥༣ ཅེས་གསུངས་ཏེ། ཁྱོད་ཉིད་ཀྱི་ལུས་ཀྱང་འདི་ཁོ་ན་སྟེ་མི་གཙང་བ་ཐམས་ཅད་ཀྱི་འབྱུང་ 422 བསམ་གཏན་་བསྟན་པ། གནས་སུ་རང་གིས་མངོན་སུམ་དུ་མཐོང་ཡང་དེས་མི་སྐྱོ་བར་སླར་མི་གཙང་བ་ཐམས་ཅད་ གཅིག་ཏུ་བསྡུས་པའི་རྐྱལ་བ་གཞན་ལ་བརྐམ་ཞིང་ཆགས་པས་འདོད་པ་འདི་ཅིའི་ཐ་ཚིག་ ཅེས་དམད་པའོ།། བདག་ནི་ཤ་འདི་ལ་དགའ་ཞེས།། རེག་དང་ལྟ་བར་འདོད་ན་ཀོ། སེམས་མེད་པ་ཡི་རང་བཞིན་གྱི།། ཤ་ནི་ཁྱོད་ཀོ་ཅིས་མི་འདོད།། ༥༤ ཅེས་གསུངས་ཏེ། ཡང་ཤའི་རེག་བྱ་འཇམ་པ་འདོད་ཀྱི་ཤིང་བལ་གྱི་འཇམ་པོ་མི་འདོད་དོ་ཞེ་ ན། དེ་ལྟ་ན་ཤི་བའི་རོ་བསྔོས་པ་དང༌། བརྣགས་པ་དང༌། བམ་པ་རྣམས་ཀྱི་རེག་བྱ་ཡང་ཅིས་ མི་འདོད་དེ། ཁྱོད་ནི་ཤའི་རེག་པ་འདོད་ན་ཤི་མ་ཤི་གང་གི་ཚེ་ཡང་ཤ་ནི་སེམས་དང་བཅས་ པ་མ་ཡིན་པར་སྔ་ཕྱི་མཚུངས་པའི་ཕྱིར། འདོད་པའི་སེམས་གང་ཡིན་པ་དེ།། རེག་དང་བལྟ་བར་མི་ནུས་ལ།། གང་ཞིག་ནུས་དེ་ཤེས་པ་མིན།། དོན་མེད་འཁྱུད་དེས་ཅི་ཞིག་བྱ།། ༥༥ ཞེས་གསུངས་ཏེ། ཡང་སེམས་དང་བཅས་པའི་ཤ་ལ་རེག་པར་འདོད་ཀྱི་སེམས་མེད་པའི་ 423 བསམ་གཏན་་བསྟན་པ། ཤ་ལ་མ་ཡིན་ནོ་ཞེ་ན། ཤ་ལ་ནི་ནམ་ཡང་སེམས་ཡོད་པ་མི་སྲིད་ལ་ཕ་རོལ་གྱི་སེམས་དེ་ ནི་ནམ་ཡང་ཁྱོད་ཀྱིས་བལྟ་བ་དང་རེག་པར་མི་ནུས་ལ། གང་མིག་གིས་མཐོང་ཞིང་ལུས་ ཀྱིས་རེག་ཏུ་ཡོད་པ་དེ་ནི་ཕ་རོལ་པོའི་སེམས་དེ་མ་ཡིན་ན། ཁྱོད་ཀྱི་རེག་པའི་ཡུལ་དེ་སུ་ ཞིག་ཅེས་བརྟག་པའོ།། མི་གཙང་རང་བཞིན་གཞན་གྱི་ལུས།། མི་རྟོགས་ངོ་མཚར་མི་ཆེ་ཡི།། རང་ཉིད་མི་གཙང་ཉིད་ཡིན་པར།། རྟོགས་པར་མི་འགྱུར་ངོ་མཚར་ཆེ།། ༥༦ ཞེས་གསུངས་ཏེ། དེ་ལྟ་མོད་ཀྱི་གཞན་གྱི་ལུས་ཀྱི་མི་གཙང་བ་མི་ཤེས་པ་སྲིད་མོད་ཀྱང་རང་གི་ ལུས་སྣབས་དང༌། ངར་སྣབས་དང༌། སྐྱུགས་པ་དང༌། བླུགས་པ་དང༌། བཤང་གཅི་སོགས་ཡང་ ཡང་དུ་རང་རང་གིས་མཐོང་བཞིན་པར་འབྱུང་བའི་གནས་འདི་མི་གཙང་བར་མི་ཤེས་པ་ནི་ཤིན་ ཏུ་དམད་པའི་གནས་ཏེ་ཨ་ཧོ་ཞེས་པ་ངོ་མཚར་གྱི་སྒྲ་ཡ་མཚན་པའི་རྨད་དུ་བྱུང་བ་དང༌། ཤིན་ཏུ་ དམད་པའི་གནས་ལ་ཁྲེལ་བ་སོགས་དུ་མ་ལ་འཇུག་པ་ལས་འདིར་ཁྲེལ་བའི་དོན་ཏོ།། གཉིས་པ་དེ་རིགས་པས་སྒྲུབ་པ་ནི། སྤྲིན་བྲལ་ཉི་ཟེར་གྱིས་ཕྱེ་བའི།། པདྨ་གཞོན་ནུ་སྤངས་ནས་ནི།། 424 བསམ་གཏན་་བསྟན་པ། མི་གཙང་ཞེན་པའི་སེམས་ཀྱིས་ནི།། མི་གཙང་གཟེབ་ལ་ཅིའི་ཕྱིར་དགའ།། ༥༧ ཞེས་གསུངས་ཏེ། དེས་ན་ཉི་ཟེར་དྭངས་པས་ཕྱེ་བའི་པདྨ་གཞོན་ནུ་ཁ་དོག་རྒྱས་ཤིང་དྲི་ བཟང་བ་སྤངས་ནས་གཞན་གྱི་ལུས་མི་གཙང་བའི་ཕུང་པོ་ལ་ཇི་ལྟར་དགའ། ས་ཕྱོགས་མི་གཙང་གིས་གོས་པ།། གལ་ཏེ་རེག་པར་མི་འདོད་ན།། གང་ལས་དེ་ནི་བྱུང་བ་ཡི།། ལུས་ལ་ཇི་ལྟར་ཁྱོད་རེག་འདོད།། ༥༨ ཅེས་གསུངས་ཏེ། བཤང་གཅི་དང་ངར་སྣབས་སོགས་ཅུང་ཟད་ལྷུང་བའི་ས་ཕྱོགས་ཀྱང་ བཙོག་གོ་ཞེས་སྐྱུག་བྲོ་ཞིང་སྣ་གོས་ཀྱིས་འགེབས་པར་བྱེད་ལ། གང་ལས་མི་གཙང་བ་དེ་ འབྱུང་བའི་ལུས་ལ་རེག་ཅིང་ཞེན་པར་བྱེད་པ་འདི་ལྟ་བུ་ཅི་ཞིག གལ་ཏེ་མི་གཙང་ཆགས་མེད་ན།། གཞན་ཁྱོད་ཅི་ཕྱིར་པང་དུ་འཁྱུད།། མི་གཙང་ལས་བྱུང་མི་གཙང་སྲིན།། ཆུང་ངུའང་ཁྱོད་འདོད་མི་བྱེད་ན།། ༥༩ 425 བསམ་གཏན་་བསྟན་པ། མི་གཙང་ཞིང་ལས་བྱུང་གྱུར་ཞིང༌།། དེ་ཡི་ས་བོན་དེས་བསྐྱེད་པ།། མི་གཙང་མང་གི་རང་བཞིན་ལུས།། མི་གཙང་སྐྱེས་པའང་འདོད་པར་བྱེད།། ༦༠ ཅེས་གསུངས་ཏེ། ས་ཕྱོགས་མི་གཙང་བས་ཅུང་ཟད་གོས་པ་འདོར་བ་འདི་དང་མི་གཙང་བའི་ ཁྲོད་ཀྱི་སྲིན་བུ་ཆུང་ངུ་ལ་ཡང་ཁྱོད་སྐྱུག་བྲོ་བས་ལྟ་བར་མི་འདོད་པ་འདི་ལྟ་ན། གཞན་གྱི་ ལུས་མི་གཙང་བའི་ཞིང་མའི་མངལ་བཙོག་པ་ནས་སྐྱེས་ཤིང༌། ས་བོན་མི་གཙང་བ་ཁུ་ཁྲག་ གི་ཐིགས་པ་ལས་བྱུང་ཞིང་མའི་ལྗན་ལྗིན་མི་གཙང་བས་བསྐྱེད་པ། ད་ལྟ་མི་གཙང་བ་འབའ་ ཞིག་འདུས་པའི་ལུས་མངོན་སུམ་དུའང་མི་གཙང་བ་འབྱུང་བཞིན་པ་འདི་ལ་འདོད་ཅིང་ཞེན་ པར་མི་རིགས་སོ་ཞེས་བསྟན་པའོ།། ཁྱོད་ནི་རང་ཉིད་མི་གཙང་ལ།། སྨོད་མི་བྱེད་པར་མ་ཟད་ཀྱི།། མི་གཙང་རྐྱལ་པ་མི་གཙང་ལ།། བརྐམ་པས་གཞན་ཡང་འདོད་པར་བྱེད།། ༦༡ ཅེས་དང༌། 426 བསམ་གཏན་་བསྟན་པ། ག་པུར་ལ་སོགས་ཡིད་འོང་དང༌།། འབྲས་ཆན་དག་གམ་ཚོད་མའང་རུང༌།། ཁར་བཅུག་ཕྱིར་ཕྱུང་བོར་བ་ཡི།། ས་ཡང་མི་གཙང་བཙོག་པར་འགྱུར།། ༦༢ ཞེས་གསུངས་ཏེ། རིགས་པ་གཞན་ཡང་ག་པུར་དང་ཙནྡན་ལ་སོགས་པ་དྲི་ཞིམ་པ་དང་ འབྲས་ཆན་སོགས་རོ་བཟང་པོ་དག་ཀྱང་ཁར་བཅུག་ནས་བོར་ན་སྐྱུག་བྲོ་བས་དེའི་ས་ཡང་ བཙོག་པར་ལྟ་ན་ལུས་མི་གཙང་བའི་འབྱུང་གནས་ལ་ཅིའི་ཕྱིར་ཆགས། གལ་ཏེ་མི་གཙང་འདི་འདྲ་བ།། མངོན་སུམ་གྱུར་ཀྱང་ཐེ་ཚོམ་ན།། དུར་ཁྲོད་དག་ཏུ་བོར་བའི་ལུས།། མི་གཙང་གཞན་ཡང་བལྟ་བར་གྱིས།། ༦༣ ཞེས་གསུངས་ཏེ། འོན་ཏེ་ད་དུང་ཡིད་མི་ཆེས་ན་དུར་ཁྲོད་དུ་སོང་ལ་སྐྱེས་པ་དང་བུད་མེད་ཀྱི་ ཚོགས་ཤི་བའི་རོ་ལ་ལྟོས་ཤིག་དང༌། གང་ཞིག་པགས་པའི་ཁ་ཕྱེ་ན།། འཇིགས་པ་ཆེན་པོ་སྐྱེ་འགྱུར་བ།། 427 བསམ་གཏན་་བསྟན་པ། ཤེས་ཀྱང་ཇི་ལྟར་དེ་ཉིད་ལ།། ཕྱིར་ཞིང་དགའ་བ་སྐྱེ་བར་འགྱུར།། ༦༤ ཞེས་གསུངས་ཏེ། དང་པོར་པགས་པའི་ཁ་ཕྱེ་སྟེ་དབྲལ་བ་ཙམ་གྱིས་ཀྱང་དམར་བ་དང་ཁྲག་ དང་ཆུ་སེར་འཛག་པ་སོགས་མཐོང་བས་འཇིགས་པ་སྐྱེ་ཞིང༌། དེ་ནས་ལུས་ཀྱི་གནས་ཐམས་ ཅད་ཀྱང་ལྟོས་ཤིག་དང༌། ལུས་ཀྱི་རང་བཞིན་བདག་ཉིད་ཀྱིས་ཤེས་པར་འགྱུར་རོ།། གསུམ་པ་གཞན་གྱི་རྒྱུས་གཞན་ལ་ཆགས་པར་མི་རིགས་པ་ནི། ལུས་ལ་བསྐུས་པའི་དྲི་དེ་ཡང༌།། ཙནྡན་སོགས་ཡིན་གཞན་མིན་ན།། གཞན་གྱི་དྲི་དེས་གཞན་དག་ལ།། ཅི་ཡི་ཕྱིར་ན་ཆགས་པར་བྱེད།། ༦༥ ཅེས་གསུངས་ཏེ། གལ་ཏེ་དྲི་བྱུགས་ཤིང་རྒྱན་གྱིས་བརྒྱན་པ་ལ་ཆགས་སོ་ཞེ་ན། དྲི་དེ་ནི་ ཙནྡན་དང༌། ག་པུར་དང༌། ཨེ་ལ་ལ་སོགས་པའི་ཡིན་གྱི་ལུས་དེའི་དྲི་མ་ཡིན་ལ་གཞན་ ཙནྡན་དང་ག་པུར་སོགས་དྲི་ཞིམ་པ་རྒྱུ་མཚན་དུ་བྱས་ནས་གཞན་གྱི་ལུས་དྲི་ང་བ་དེ་ལ་ ཆགས་པར་རིགས་ན་མི་གཙང་བའི་ཕུང་པོ་ལ་ཡང་ག་པུར་གྱི་ཆུས་གཏོར་ཏེ་ཆགས་པར་ཡང་ རིགས་ལ། གཡས་སུ་ག་པུར་གྱི་གོང་བུ་བཞག་པ་དྲི་ཞིམ་པའི་རྒྱུ་མཚན་ལས་གཡོན་དུ་ཁྱིའི་ རོ་རུལ་པ་བཞག་པ་ལ་ཡང་ཆགས་པར་རིགས་སོ།། 428 བསམ་གཏན་་བསྟན་པ། གལ་ཏེ་རང་བཞིན་དྲི་ང་བས།། འདི་ལ་མ་ཆགས་ལེགས་མིན་ནམ།། འཇིག་རྟེན་དོན་མེད་སྲེད་པ་དག། ཅི་སྟེ་དེ་ལ་དྲི་ཞིམ་སྐུད།། ༦༦ ཅེས་གསུངས་ཏེ། དེས་ན་ནང་བཤང་གཅིའི་གོང་བུ་ལ་ཕྱི་དྲི་ཞིམ་པོས་བསྐུས་ཀྱང་དྲི་ཆུད་ ཟོས་པར་ཟད་ཀྱི་བཤང་གཅིའི་རང་བཞིན་གཞན་དུ་མི་འགྱུར་བས་དྲི་ལས་ཀྱང་ཆགས་པར་ མི་རིགས་སོ།། འོན་ཏེ་དྲི་ཞིམ་ཙནྡན་ན།། ལུས་ལས་འདིར་ནི་ཅི་ཞིག་བྱུང༌།། གཞན་གྱི་དྲི་ཡིས་གཞན་དག་ལ།། ཅི་ཡི་ཕྱིར་ན་ཆགས་པར་བྱེད།། ༦༧ ཅེས་གསུངས། དེ་བཞིན་དུ། ལུས་ལ་བརྒྱན་པའི་རྒྱན་དེ་ཡང༌།། རིན་ཆེན་སོགས་ཡིན་གཞན་མིན་ན།། གཞན་གྱིས་མདོག་གིས་གཞན་དག་ལ།། ཅི་ཡི་ཕྱིར་ན་ཆགས་པར་བྱེད།། 429 བསམ་གཏན་་བསྟན་པ། ཅེས་ཀྱང་དགོངས་པ་སྟེ། གསེར་དང༌། བཻཌཱུརྱ་དང༌། མུ་ཏིག་ལ་སོགས་པའི་རིན་པོ་ཆེའི་རྒྱན་ དང༌། མེ་ཏོག་གི་ཕྲེང་བ་སོགས་ཀྱིས་བརྒྱན་པའང་ཆགས་བྱའི་གནས་མ་ཡིན་ཏེ། རིན་པོ་ཆེ་ དེ་དག་ཁ་དོག་གསལ་བ་དང༌། མདངས་བཟང་བའི་རྒྱུ་མཚན་གྱིས་ལུས་ལ་ཆགས་རིགས་ ན་པདྨ་ཁ་དོག་ལེགས་པས་དེའི་འདམ་ལ་ཆགས་པར་བྱ་རིགས་པ་དང༌། སོལ་བའི་ཕུང་ པོ་དང་མུ་ཏིག་གི་ཕྲེང་བ་ཁད་ཉེ་བར་བཞག་པ་ན་སོལ་བའི་ཕུང་པོ་དེ་ཆགས་པའི་གནས་སུ་ འགྱུར་བར་ཐལ་བའི་ཕྱིར་རོ།། གལ་ཏེ་སྐྲ་སེན་རིང་བ་དང༌།། སོ་སྐྱ་དྲི་མར་བཅས་པ་དང༌།། འདམ་གྱི་དྲིས་བསྒོས་གཅེར་བུ་སྟེ།། ལུས་ཀྱི་རང་བཞིན་འཇིགས་བཅས་ན།། ༦༨ རང་ལ་གནོད་པའི་མཚོན་འདྲ་བ།། དེ་འབད་ཅི་ཕྱིར་བྱི་དོར་བྱེད།། ཅེས་གསུངས་ཏེ། དེ་ལྟར་ཁྲུས་དང་གོས་དང་དྲི་དང་རྒྱན་དང་བཅས་པའི་ཚེ་ཡང་དེ་ཙམ་དུ་ ཟད་ལ། དེ་དག་མེད་པའི་ཚེ་ནི་སྐྲ་མ་བཀྲུས་པས་ཟིང་ཟིང་པོ་དང༌། སེན་མོ་རིང་ཞིང་མདོག་ མི་ལེགས་པ་དང༌། སོ་དྲི་མ་སེར་སྔོན་གྱིས་གཡོགས་པ་དང༌། ལུས་ཐམས་ཅད་ནག་ཅིང་མི་ མཛེས་པའི་དྲི་མ་སྟུག་པོས་ཁྱབ་ལ་འདམ་རྫབ་ཀྱི་དྲི་དང་ལྡན་པ་དེ་ལྟ་བུ་སྒྲེན་མོར་གར་བྱེད་ 430 བསམ་གཏན་་བསྟན་པ། པ་དང༌། རྒྱུག་པ་དང༌། མཆོང་བ་མཐོང་ན་འཇིགས་སུ་རུང་བ་དང༌། སྤྱིར་མཚོན་བྱ་འབུམ་ ཕྲག་ལས་ཀྱང་ཆེ་བའི་གནོད་པས་བདག་འདི་ཕྱི་ཐམས་ཅད་དུ་ཕུང་བར་བྱེད་པ་ཡིན་ཡང་དེ་ ལྟར་གནོད་པ་དང་རང་བཞིན་མི་ཤེས་པར་འདི་ལྟ་བུ་ལ་གཙང་མཛེས་དང་ཕན་པར་འཁྲུལ་ བའི་སེམས་ཅན་འདི་རྣམས་ཅིའི་ཐ་ཚིག་ཅེས་བརྩེ་བ་ཆེན་པོ་སྐྱེས་པའོ།། བདག་ལ་རྨོངས་པའི་འབད་པ་ཡིས།། སྨྱོས་པས་ས་འདི་ཀུན་ཏུ་འཁྲུགས།། ༦༩ རུས་གོང་འབའ་ཞིག་མཐོང་ནས་ནི།། དུར་ཁྲོད་དུ་ནི་ཡིད་འབྱུང་ན།། གཡོ་བའི་རུས་གོང་གིས་ཁྱབ་པའི།། ག ྲོང་གི་དུར་ཁྲོད་ལ་དགའ་འམ།། ༧༠ ཞེས་གསུངས་ཏེ། དེ་ལྟར་དུར་ཁྲོད་དུ་ཕྱིན་པས་རུས་གོང་གི་ཚོགས་ཀྱིས་སྐྱོ་ཞིང་ཡིད་མི་ འཆགས་ན་དུར་ཁྲོད་ནི་མི་གཡོ་བའི་རུས་གོང་གནོད་པ་མི་བྱེད་པས་ཁྱབ་པར་ཟད་ལ་གྲོ ང་ ན་ནི་གཡོ་བའི་རུས་གོང་གཡོ་སྒྱུས་འབྲིད་བརྫུན་གྱིས་སླུ་ཕྲ་མས་འབྱེད་ཆོས་ལས་འབེབས་ ཚུལ་ཁྲིམས་འཕྲོག་དགེ་བའི་བར་ཆད་བྱེད་པའི་ཚོགས་ཀྱིས་ཟིང་ཟིང་པོར་ཁྱབ་པའི་ཕྱིར་དེ་ བས་ཀྱང་ག ྲོང་ལ་སྐྱོ་ཞིང་ཡིད་མི་འཆགས་པར་རིགས་སོ།། 431 བསམ་གཏན་་བསྟན་པ། གསུམ་པ་སྒྲུབ་པའི་རྒྱུ་སྡུག་བསྔལ་ཆེ་བར་བསྟན་པ་ནི། དེ་ལྟར་མི་གཙང་གྱུར་པ་དེའང༌།། རིན་མེད་པར་ནི་མི་རྙེད་དོ།། དེ་དོན་བསྒྲུབས་པས་ཤ་ཐང་དང༌།། དམྱལ་ལ་སོགས་པའི་གནོད་པར་འགྱུར།། ༧༡ ཞེས་གསུངས་ཏེ། དེ་ལྟར་བརྟགས་ན་འཇིགས་སུ་རུང་བ་དང་མི་གཙང་བའི་བུད་མེད་དེ་ ཡང་འཇིག་རྟེན་ན་རིན་མེད་པར་མི་རྙེད་དེ། ཁྱིམ་བདག་མགོན་མེད་ཟས་སྦྱིན་གྱི་བུ་ཐ་ ཆུང་གི་ཆུང་མ་རྒྱལ་པོའི་ཁབ་ནས་དགུག་པ་ན་རིན་དུ་གངས་ཀྱི་གླང་པོ་ཆེ་བརྒྱ་དང༌། ཀ་ ཤིའི་བུ་མོ་བརྒྱ་ལ་སོགས་པ་ཕབ་པ་ལྟ་བུའི་ཕྱིར་དང༌། དེའི་ཆེད་དུ་ལུས་ངག་གི་ངལ་བ་ དུ་མ་སྒྲུབ་དགོས་ཤིང་ཕྱི་མར་ངན་སོང་གི་སྡུག་བསྔལ་སྐྱེད་པའི་ཕྱིར། ནང་སེམས་ཅན་ ལ་ཆགས་པ་ནི་ཉེས་དམིགས་ཐམས་ཅད་ཀྱི་འབྱུང་ཁུངས་ཡིན་པས་འབད་པ་ཐམས་ཅད་ ཀྱིས་ལྡོག་པར་བྱའོ།། གཉིས་པ་ཕྱིའི་ཡོ་བྱད་ལ་ཆགས་པ་སྤང་བ་ལ་གཉིས། ཚེགས་ཆེན་པོས་སྒྲུབ་དགོས་པ་ དང༌། སྡུག་བསྔལ་གྱི་འབྱུང་ཁུངས་སུ་བསྟན་པའོ། །དང་པོ་ནི། བྱིས་པ་ནོར་སྤེལ་མི་ནུས་པས།། དར་ལ་བབ་ན་འདི་ཅིས་བདེ།། 432 བསམ་གཏན་་བསྟན་པ། ནོར་གསོག་པ་ཡིས་ཚེ་གཏུགས་ནས།། རྒས་ནས་འདོད་པས་ཅི་ཞིག་བྱ།། ༧༢ ཞེས་གསུངས་ཏེ། དེ་བཞིན་དུ་ལོངས་སྤྱོད་ཀྱང་དེ་འདྲ་སྟེ་ལོངས་སྤྱོད་མེད་ན་དབུལ་པོ་ཞེས་ མི་རྣམས་ཀྱིས་བརྙས་པར་བྱེད་དེ། མི་རྣམས་བདེ་བའང་ལོངས་སྤྱོད་མེད་མིན་ལ། །ཞེས་ པ་ལྟར་རོ། །ལོངས་སྤྱོད་ཡོད་ཀྱང་བྱིས་པའི་ཚེ་ན་ནི་ཤེད་མ་བྱེ་བས་གསོག་པ་དང་སྲུང་བ་ སོགས་ལྟ་ཅི་སྨོས། ཐ་ན་མེད་དུ་མི་རུང་བའི་ཟས་གོས་ཙམ་ལ་ཡང་བཀྲེས་སམ་འཁྱགས་ན་ ངུ་བར་བྱེད་ཀྱང་འདི་བདག་ལ་དགོས་སོ་ཞེས་མི་ཤེས་ན་ལོངས་སྤྱོད་གོང་དུ་སྤེལ་ནུས་པ་ལྟ་ ག་ལ་ཞིག ཕྱིས་འཇིག་རྟེན་པའི་ཤེད་བྱེ་ཞིང་དར་ལ་བབ་པ་ན་ནི་ལོངས་སྤྱོད་དགོས་པར་གོ་ ནས་ཡོད་པ་སྲུང་བ་དང༌། ཚོང་དང་སོ་ནམ་ལ་སོགས་པས་སྤེལ་བ་དང༌། མེད་པ་ཚོལ་བས་ སྡུག་བསྔལ་ཞིང་ཤ་ཐང་ཆད་དེ། ཇི་ལྟར་ཁྱིམ་བདག་འབྱོར་པའི་བུ། འབྱོར་དགའ། འབྱོར་ སྐྱོབ། འབྱོར་ལེན་གསུམ་སྐྱེས་པ་མེད་པར་རོལ་མོ་ཁོ་ནས་སྟེང་ཁང་ན་རྩེ་ཞིང་གང་པོས་ མཛོད་པ་བྱེད་ཅིང༌། ཁྱིམ་བདག་རང་ཉིད་སྐད་ཅིག་ཀྱང་མི་དལ་བར་ནོར་སྤེལ་བའི་ཚེ་བུ་སྔ་ མ་གསུམ་གྱིས་ཡབ་འདི་ལྟ་བུར་འོ་བརྒྱལ་བ་ཅི་མཛད་ཅེས་དྲིས་པས་དེས་བདག་གིས་ཀྱང་ ཁྱེད་རྣམས་ལྟར་རྩེ་བས་དུས་འདའ་བར་བྱས་ན་བདག་ཅག་ཐམས་ཅད་ལ་བཟའ་བ་དང་ བསྒོ་བ་ཅི་ཡང་མི་འབྱུང་ངོ་ཞེས་སྨྲས་པས་དེ་གསུམ་གནད་དུ་ཕོག་པ་ལྟར་གྱུར་ཏེ། དོན་གྱིས་ ཕས་བདག་ཅག་ལ་བསྐུལ་ལོ་སྙམ་ནས་སོ་སོར་བདག་ཅག་གསེར་སྲང་འབུམ་རེ་མ་རྙེད་ཀྱི་ བར་དུ་རིན་པོ་ཆེའི་རྣ་ཆ་མི་འདོགས་སོ་ཞེས་དམ་བཅས་ནས་རེ་རེ་ཞིང་ཤིང་དང༌། རྒྱ་སྐྱེགས་ 433 བསམ་གཏན་་བསྟན་པ། དང༌། ཞ་ཉེའི་རྣ་ཆ་བྱས་ཏེ་ཡུལ་གཞན་དུ་ཚོང་ལ་སོང་བས་རྣ་ཆའི་མིང་གིས་ཐོགས་ཤིང་གང་ པོས་ཀྱང་གཞིར་ཚོང་བྱས་ཏེ་རེ་རེ་ཞིང་གསེར་འབུམ་རེ་རྙེད་པ་ལྟ་བུ་སྟེ། དེ་ལྟར་ཚོང་དང་སོ་ ནམ་ལ་སོགས་པ་དལ་བ་མེད་པས་ནོར་སྤེལ་དགོས་ལ། དེས་ཀྱང་ནོར་འགྲུབ་པར་ཡང་མ་ ངེས་ལ་གྲུབ་ཀྱང་རྐུན་པོ་དང༌། རྒྱལ་པོ་ལ་སོགས་པས་དབྲོག་པ་དང༌། མེ་ཆུས་ཆུད་འཛའ་ བ་སོགས་ཀྱིས་ལོངས་སྤྱད་དུ་འབྱུང་བར་མ་ངེས་ཤིང་འཕེལ་ཞིང་ཆུད་མ་ཟོས་པར་བདོག་ ཀྱང་སེར་སྣས་སྤྱད་པར་ཡང་མི་ནུས་ལ་དེའི་ངང་དུ་ཚེ་གཏུགས་ཏེ་རྒན་པོར་གྱུར་པ་ན་ནི་ ལོངས་སྤྱོད་དེ་དག་བུ་དང་མནའ་མས་བདག་གིར་བྱས་ཏེ་ཅི་ཡང་མི་དབང་བས་སྡུག་བསྔལ་ ཆེ་ལ་རང་གིས་ལོངས་སྤྱད་དུ་ཡོད་ཀྱང་མིག་གིས་དེ་དག་གི་གཟུགས་མི་མཐོང༌། སོས་མི་ ཕེད། ཕོ་བར་མི་འཇུ། ལྕེའི་དབང་པོ་ཉམས་པས་རོ་ཡང་སྔར་ལྟར་མི་མྱོང་སྟེ། དེའི་ཚེ་སྔར་ ལྟར་འབད་པས་བསགས་པ་རྣམས་ཀྱང་སྙིང་པོ་མེད་པར་རང་གིས་ཀྱང་གོ་བར་འགྱུར་ལ། འདོད་ལྡན་ངན་པ་ཁ་ཅིག་ནི།། ཉིན་རངས་ལས་ཀྱིས་ཡོངས་དུབ་སྟེ།། ཁྱིམ་དུ་འོངས་ནས་ཆད་པའི་ལུས།། རོ་དང་འདྲ་བར་ཉལ་བར་བྱེད།། ༧༣ ཅེས་གསུངས་ཏེ། དེ་བཞིན་དུ་མེད་པ་ཚོལ་བའི་ཕྱིར་གཞན་གྱི་གླ་མི་བྱས་ཏེ་དུབ་པར་ལས་ བྱེད་ཅིང༌། ཉིན་རེས་ཀ་ཀ་ནི་རེ་ཙམ་རྙེད་པ་ལ་ངོ་མཚར་དུ་བྱེད་པ་དང༌། 434 བསམ་གཏན་་བསྟན་པ། ཁ་ཅིག་བྱེས་བགྲོད་ཉོན་མོངས་དང༌།། རིང་དུ་སོང་བའི་སྡུག་བསྔལ་ཅན།། བུ་སྨད་འདོད་བཞིན་བུ་སྨད་རྣམས།། ཁྱུད་ཁོར་ལོས་ཀྱང་མཐོང་མི་འགྱུར།། ༧༤ ཞེས་གསུངས་ཏེ། ཁ་ཅིག་ཚོང་དང་ནོར་བུ་ལེན་པའི་ཕྱིར་རྒྱ་མཚོར་འཇུག་པ་སོགས་ཀྱིས་ ཤི་བ་དང༌། མ་ཤི་ཡང་བྱེས་སུ་བགྲོད་པས་བུ་སྨད་དང་ལོ་ཆེས་མང་པོར་མི་འཕྲད་དེ། ཤ་ ནའི་གོས་ཅན་སྟོན་པ་བཞུགས་དུས་ལོ་ལྔ་པའི་དུས་སྟོན་བྱེད་འདོད་པས་རྒྱ་མཚོར་ཞུགས་ ཀྱང་སྟོན་པ་མྱ་ངན་ལས་འདས། འོད་སྲུང་ཆེན་པོའང་འདས་ནས་འཕགས་པ་ཀུན་དགའ་བོ་ བསྟན་པའི་བདག་པོ་མཛད་པའི་ཚེ་འཁོར་བ་ལྟ་བུ་དང༌། གཞོན་ནུ་གསེར་མདོག་གི་ཕ་སྟོན་པ་རྒྱལ་པོའི་ཁབ་ཏུ་ཐ་མ་ཕེབས་དུས་ཁྱིམ་བདག་ ཆེན་པོ་རྣམས་ཀྱིས་མཆོད་པ་མཐོང་བས་འགྲན་པའི་བློས་རྒྱ་མཚོར་ཞུགས་པ་ཤ་ནའི་གོས་ ཅན་རབ་ཏུ་བྱུང་བའི་འོག་རོལ་ཏུ་ཕྱིར་འཁོར་བ་ལྟ་བུ་ལོ་ཉི་ཤུ་དང་སུམ་ཅུ་ལ་སོགས་པར་ ཡུལ་གཞན་དུ་འཁྱམ་པས་ལོངས་སྤྱོད་ཚོལ་བ་དང༌། བདག་ལ་ཕན་འདོད་རྣམ་རྨོངས་པས།། རང་དོན་ཉིད་དུ་བཙོངས་པ་ཡང༌།། དེ་མ་ཐོབ་པར་དོན་མེད་པའི།། གཞན་གྱི་ལས་ཀྱི་རླུང་གིས་བདས།། ༧༥ 435 བསམ་གཏན་་བསྟན་པ། ལ་ལ་རང་གི་ལུས་བཙོངས་ཤིང༌།། དབང་མེད་གཞན་གྱིས་བཀོལ་གྱུར་ཏེ།། ཆུང་མ་དག་ཀྱང་བུ་བྱུང་ན།། ཤིང་དྲུང་དགོན་པར་བབ་བབ་འབྱུང༌།། ༧༦ ཞེས་གསུངས་ཏེ། བྲན་ཁ་ཅིག་རང་གི་ལུས་བཙོངས་པས་འཚོ་བར་བྱེད་ཅིང་དེས་བདེ་བར་ རེ་ཡང་སླར་བྲན་གྱི་སྡུག་བསྔལ་ཕྱགས་བདར་ཁུང་ལ་སོགས་པར་ཉལ། བཅའ་བ་ན་ཡང་ཕྱི་ རོལ་གྱི་གནས་དམན་པ་དག་ཏུ་འབྱིན། ཟས་གོས་ཐམས་ཅད་ཀྱི་ཐ་ཆད་ཚེགས་ཆེན་པོས་ རྙེད་ཅིང་ཚིག་རྩུབ་དང་རྡེག་ཐབས་ཀྱིས་སྟེར་པ་ཙམ་གྱིས་འཚོ་ལ། འདོད་པས་བསླུས་པའི་གླེན་པ་དག། འཚོ་འདོད་འཚོ་བར་བྱའོ་ཞེས།། སྲོག་སྟོར་དོགས་བཞིན་གཡུལ་དུ་འཇུག། ཁེ་ཕྱིར་བྲན་དུ་འགྲོ་བར་བྱེད།། ༧༧ ཅེས་གསུངས་ཏེ། ཁ་ཅིག་གིས་རྒྱལ་པོའི་ངོ་སྲུང་ཞིང་དེས་འཚོ་བ་ཐོབ་པར་འདོད་པས་ཤི་བར་ དོགས་བཞིན་དུ་གཡུལ་ངོར་འཇུག་ཅིང་དེར་ཡང་རྒྱལ་བ་ཐོབ་པ་ནི་ཁ་ཅིག་ཙམ་ཡིན་ལ། འདོད་ལྡན་ལ་ལ་ལུས་ཀྱང་བཅད།། ཁ་ཅིག་གསལ་ཤིང་རྩེ་ལ་བཙུགས།། 436 བསམ་གཏན་་བསྟན་པ། ཁ་ཅིག་མདུང་ཐུང་དག་གིས་བསྣུན།། ཁ་ཅིག་བསྲེགས་པ་དག་ཀྱང་སྣང༌།། ༧༨ ཞེས་གསུངས་ཏེ། དེ་བཞིན་དུ་ནོར་གྱི་ཕྱིར་ཆོམ་རྐུན་སོགས་བྱས་པས་ཆད་པས་བཅད་དེ་ ལུས་གཅོད་པ་དང༌། འབིགས་པ་དང༌། གསལ་ཤིང་ལ་འཛུགས་པ་དང༌། མེར་སྲེག་པ་དང༌། ཆུར་འཕེན་པ་སོགས་སྣ་ཚོགས་པ་མྱོང་བ་ཡོད་དོ།། གཉིས་པ་སྡུག་བསྔལ་གྱི་འབྱུང་གནས་སུ་བསྟན་པ་ནི། བསགས་དང་བསྲུང་དང་བརླག་པའི་གདུང་བ་ཡིས།། ནོར་ནི་ཕུང་ཁྲོལ་མཐའ་ཡས་ཤེས་པར་བྱ།། ནོར་ལ་ཆགས་པས་གཡེངས་པར་གྱུར་པ་རྣམས།། སྲིད་པའི་སྡུག་བསྔལ་ལས་གྲོལ་སྐབས་མེད་དོ།། ༧༩ ཞེས་གསུངས་ཏེ། མདོར་ན་ལོངས་སྤྱོད་རྣམས་ནི་མཐོང་བའི་ཆོས་འདི་ལ་ཡང་དང་པོར་ བསགས་པས་སྡུག་བསྔལ། བར་དུ་སྲུང་བས་སྡུག་བསྔལ། ཐ་མར་བརླག་པས་སྡུག་བསྔལ་ ལ། ཕྱི་མར་ནི་དེའི་ཆེད་དུ་བསགས་པའི་སྡིག་པ་རེ་རེས་ཀྱང་ངན་འགྲོ་མཐའ་མེད་དུ་འཕེན་ ན་མང་པོས་ལྟ་སྨོས་ཀྱང་ཅི་དགོས་ཏེ་ངན་འགྲོ་ལས་ཐར་བ་མེད་པ་དེ་ལ་སྲིད་པ་ཐམས་ཅད་ ལས་ག ྲོལ་བའི་མྱ་ངན་ལས་འདས་པ་ལྟ་ག་ལ་ཡོད། 437 བསམ་གཏན་་བསྟན་པ། གསུམ་པ་ཐུན་མོང་གི་ཉེས་དམིགས་བསྟན་པ་ནི། འདོད་ལྡན་རྣམས་ལ་དེ་ལ་སོགས།། ཉེས་དམིགས་མང་ལ་མནོག་ཆུང་སྟེ།། ཤིང་རྟ་འདྲེན་པའི་ཕྱུགས་དག་གིས།། རྩྭ་ནི་ཁམ་འགའ་ཟོས་པ་བཞིན།། ༨༠ ཞེས་གསུངས་ཏེ། དེས་ན་ཕྱི་ནང་གི་འདོད་པ་རྣམས་ལ་ནི་དེ་དག་ལ་སོགས་པའི་ཉེས་ དམིགས་མང་བས་བརྗོད་ཀྱིས་མི་ལང་སྟེ་འདོད་པ་སྐད་ཅིག་ཙམ་ལ་ཞེན་པས་བདེ་བ་ཆེན་ པོ་ལས་ཉམས་ཤིང་སྡུག་བསྔལ་དུ་མ་མྱོང་བ་ཇི་ལྟར་བ་ལང་དུ་མས་ཤིང་རྟ་འདྲེན་པ་ན་དེ་ ལས་བ་ལང་གཅིག་གིས་རྩྭ་ཁམ་གཉིས་སམ་གསུམ་བཟའ་བའི་ཕྱིར་གོམ་པ་སྲིས་ན་ཤིང་ རྟའི་འཁོར་ལོས་ལུས་སྨད་བཅོམ་སྟེ་སྡུག་བསྔལ་བའམ། ཡང་ན་ཤིང་རྟའི་མགོ་ལོགས་ན་ གནས་པའི་ཁ་ལོ་བས་ལྕག་གིས་དྲག་པོར་བཞུས་ཏེ་སྡུག་བསྔལ་ཆེར་མྱོང་བ་ལྟ་བུ་དང༌། བྲམ་ཟེ་རྣམས་ལ་ཟླ་བ་བཞིར་ཁ་ཟས་རོ་བརྒྱ་པའི་མཆོད་སྦྱིན་ཡོན་དང་བཅས་པ་བྱུང་བའི་ ཚེ་ཐོག་མའི་ཉིན་གང་འོངས་པ་ལ་ལག་པ་ལ་སྦྲང་རྩི་སོགས་སྦྱར་བའི་རྒྱས་བཏབ་སྟེ་གང་ ལ་རྒྱ་མཐོང་བ་དེ་ལ་ཕྱིས་སྟེར་བ་ལས་བྲམ་ཟེ་བརྐམ་པ་ཞིག་གིས་རྒྱའི་མངར་བ་དེ་ལ་ལྕེས་ བལྡགས་པས་ཟླ་བ་བཞིའི་འཚོ་བ་དང་རྙེད་པ་ལས་ཉམས་པ་ལ་སོགས་པའི་ཕྱིར་ཏེ། ཕྱུགས་ཀྱིས་བསྒྲུབས་ནའང་མི་དཀོན་པའི།། མནོག་ཆུང་གང་ཡིན་དེའི་དོན་དུ།། 438 བསམ་གཏན་་བསྟན་པ། དལ་འབྱོར་ཕུན་སུམ་རྙེད་དཀའ་འདི།། ལས་ཀྱིས་མནར་བ་རྣམས་ཀྱིས་བཅོམ།། ༨༡ འདོད་པས་ངེས་པར་འཇིག་འགྱུར་ཞིང༌།། དམྱལ་ལ་སོགས་པར་ལྟུང་བྱེད་པ།། ཆེན་པོ་མིན་ཕྱིར་དུས་ཀུན་ཏུ།། དུབ་པའི་ཚེགས་བྱུང་གང་ཡིན་པ།། ༨༢ ཞེས་གསུངས་ཏེ། རྙེད་པ་དང་བཀུར་སྟི་དང་ཟས་གོས་གནས་མལ་འཁྲིག་པ་སོགས་ནི་ ངན་འག ྲོ་པ་རྣམས་ལ་ཡང་ཆེས་བཟང་བར་ཡོད་དེ་གྲུབ་པའི་དངུལ་ཆུ་ལ་སོགས་བཅུད་ཀྱི་ ལེན་ཁྱད་པར་ཅན་ཚེ་བསྐལ་པར་འཚོ་ནུས་པ་དང༌། ཤི་བ་ལས་སློང་བའི་བདུད་རྩི་སོགས་ ནི་གནོད་སྦྱིན་དང༌། སྲིན་པོ་དང༌། མིའམ་ཅི་དང༌། ཡི་དྭགས་མཐུ་བོ་ཆེ་སོགས་ཀྱི་ལག་ན་ ཡོད་ལ། རིན་པོ་ཆེ་མཆོག་རྣམས་ཀྱང་ཀླུའི་རྒྱལ་པོ་རྣམས་ལ་ཡོད་ཅིང༌། ཀླུའི་རྒྱལ་པོ་སངས་ རྒྱས་བཅོམ་ལྡན་འདས་ཞེས་བྱ་བས་སྟོང་གསུམ་ལ་དབང་བྱེད་ཅིང༌། རྒྱ་མཚོས་ཁོར་ཡུག་ ཆུང་ངུའི་བར་དང༌། མ་དྲོས་པས་འཛམ་གླིང་དང༌། དགའ་བོ་དང་ཉེར་དགས་རི་རབ་སོགས་ དབང་བྱེད་པས་དེ་དག་གི་འཁོར་ཚོགས་ལ་ལྟོས་ན་འཁོར་ལོས་བསྒྱུར་བའི་རྒྱལ་པོའི་འཁོར་ ནི་ཤིན་ཏུ་ཉུང་ངུར་ཟད་པའི་ཕྱིར་དང༌། ཀླུའི་རྒྱལ་པོ་དང༌། མིའམ་ཅིའི་རྒྱལ་པོ་རྣམས་ལ་ཆུང་ མའི་འཁོར་ཡང་ལྷ་དང་ཀླུ་དང་མི་འམ་ཅིའི་བུ་མོ་བྱེ་བ་ཕྲག་མང་པོ་དང་ལྡན་ཞིང་དེ་དག་གི་ 439 བསམ་གཏན་་བསྟན་པ། མཛེས་པ་ལ་བལྟོས་ན་མིའི་བུད་མེད་བཙུན་མོ་རིན་པོ་ཆེ་ཡང་བདུད་རྩིའི་མདུན་དུ་མི་གཙང་ བ་བཞག་པ་ལྟར་ཟད་པའི་ཕྱིར་དང༌། ཉི་ཚེ་བའི་དམྱལ་བ་ཁ་ཅིག་ཀྱང་ལྷའི་བདེ་བ་ཕལ་ཆེར་སྤྱོད་ཅིང་སྐབས་འགར་དམྱལ་ བའི་སྡུག་བསྔལ་མྱོང་བར་གསུངས་པའི་ཕྱིར། དེ་ལྟར་མནོག་ཆུང་ལ་སྙིང་པོ་མེད་པའི་འདོད་ པ་སྣ་རེའི་དོན་དུ་ཤ་ཐང་དུ་འབད་འབད་པས་དལ་འབྱོར་རིན་པོ་ཆེ་རྙེད་པར་དཀའ་ཞིང་ཕན་ ཡོན་ཆེ་བ་འདི་ལྟ་བུ་དོན་མེད་དུ་བྱས་པར་མ་ཟད། སླར་འདི་ལ་བརྟེན་ནས་ངན་འགྲོའི་རྒྱུ་ མཐའ་ཡས་པ་བསྒྲུབས་ཏེ་ཐར་པ་མེད་པའི་དོང་ཆེན་པོར་རང་ཉིད་ཀྱིས་མཆོང་བ་འདི་ལྟ་བུ་ ཀྱེ་མ་ཀྱི་ཧུད་ཅེས་སྙིང་རྗེའི་ཐུགས་ཀྱིས་མ་བཟོད་པའོ།། དེ་ཡི་བྱེ་བའི་ཆ་ཙམ་གྱི།། ཚེགས་ཀྱིས་སངས་རྒྱས་ཉིད་འགྲུབ་ན།། འདོད་ལྡན་བྱང་ཆུབ་སྤྱོད་པ་བས།། སྡུག་བསྔལ་ཆེ་ལ་བྱང་ཆུབ་མེད།། ༨༣ ཅེས་གསུངས་ཏེ། དེས་ན་མིའི་རྟེན་ལ་སྒྲུབ་པར་ནུས་ཤིང་ལྷ་དང་ཀླུ་དང་གནོད་སྦྱིན་དང་ཡི་ དྭགས་དང་དུད་འག ྲོ་དང་དམྱལ་བ་སོགས་འགྲོ་བ་གཞན་གྱིས་སྒྲུབ་པར་མི་ནུས་པ་ནི་དམ་ པའི་ཆོས་རིན་པོ་ཆེ་ཁོ་ན་སྟེ། སློབ་སྤྲིང་ལས། སེམས་ཀྱི་སྟོབས་ཆེན་མི་ཡིས་རྙེད་པ་གང་ཡིན་པའི།། 440 བསམ་གཏན་་བསྟན་པ། ལམ་འདི་ལྷ་དང་ཀླུ་ཡིས་མི་རྙེད་ལྷ་མིན་དང༌།། མཁའ་ལྡིང་རིག་འཛིན་མིའམ་ཅི་དང་ལྟོ་འཕྱེས་མིན།། ཞེས་གསུངས་ཤིང༌། ལྷ་བས་ལྷག་པའི་ལུས་ཐོབ་ནས། །ཞེས་འཆད་པར་འགྱུར་པའི་ཕྱིར་ རོ། །དེ་ལྟར་གནས་སྐབས་སུ་སྡུག་བསྔལ་ཞིང་འབྲས་བུ་འཇིགས་སུ་རུང་བའི་ནོར་དང་བུད་ མེད་སོགས་འདོད་པ་སྣ་རེའི་དོན་དུ་དུབ་པར་འབད་པའི་དཀའ་བ་གཅིག་ཁོ་ནའི་བྱེ་བའི་ཆ་ གཅིག་ཆོས་ཀྱི་ཕྱིར་སྤྱད་ན་དེ་ཙམ་གྱིས་འཚང་རྒྱ་བའམ་མཐོང་བའི་ལམ་མངོན་དུ་བྱེད་པ་ ལ་སོགས་པར་ནུས་མོད་ཀྱང་སྡུག་བསྔལ་ཆེ་ལ་དོན་མེད་པ་འདི་ལྟ་བུ་སྤྱོད་པར་སྙིང་རྗེ་ཞེས་ དགོངས་པའོ།། དམྱལ་སོགས་སྡུག་བསྔལ་བསམས་བྱས་ན།། འདོད་པ་རྣམས་ལ་མཚོན་དང་ནི།། དུག་དང་མེ་དང་གཡང་ས་དང༌།། དགྲ་རྣམས་ཀྱིས་ཀྱང་དཔེར་མི་ཕོད།། ༨༤ ཅེས་གསུངས་ཏེ། འཆི་བ་དང་ལུས་འཇིགས་པའི་སྡུག་བསྔལ་སྐྱེས་པ་ལ་བསམས་ན་འཕྲལ་ དུ་དུག་ཆུང་ངུ་སྲན་མའི་འབྲུ་ཙམ་པ་དེ་ཡང་འཇིགས་སུ་རུང་བའི་གནས་ཡིན་པ་ལྟར་མཐོང་ ཆོས་ལ་སྡུག་བསྔལ་སྐྱེས་པ་དང༌། རྣམ་སྨིན་ངན་འགྲོའི་སྡུག་བསྔལ་སྐྱེད་པ་ལ་བསམས་ ན་ནོར་དང་བུད་མེད་སོགས་ཀྱི་འདོད་པ་འདི་ནི་ཤིན་ཏུ་རབ་ཏུ་ཀུན་ཏུ་འཇིགས་སུ་རུང་བའི་ 441 བསམ་གཏན་་བསྟན་པ། གནས་ཡིན་ཏེ། དུག་དང༌། མེ་ཆུ་དང༌། དགྲ་དང༌། མཚོན་ཆ་སོགས་ཀྱིས་ནི་འཆི་བར་བྱེད་པ་ ཙམ་ཡིན་གྱི་དེ་ཕན་ཆད་དུ་གནོད་པར་མི་ནུས་ལ་འདི་ལས་བྱུང་བའི་མི་དགེ་བའི་ལས་ལམ་ནི་ སྐྱེ་བ་མཐའ་ཡས་པར་རྗེས་སུ་འབྲང་བས་གནོད་པ་བྱེད་པའི་ཕྱིར་ཏེ། སྟོན་པ་གཤེགས་པའི་ བཤུལ་ཀར་འོད་པས་ས་བསྙིལ་བའི་སེབ་ནས་གསེར་གྱི་ཕུང་པོ་འོད་འཕྲོ་བ་ཡོད་པ་ལ། ཀུན་ དགའ་བོས། བཅོམ་ལྡན་འདས་སྦྲུལ་དུག་མྱུར་དུ་ཁྱབ་པར་བྱེད་པ་ལགས་སོ། །ཞེས་ལན་ གཉིས་གསོལ་བ་ན། སྟོན་པས་འདི་ནི་སྦྲུལ་གདུག་དྲག་པོའོ། །ཞེས་ལན་གཉིས་སུ་བཀའ་ བསྩལ་པ། མི་ཞིག་གིས་ཐོས་ནས་སྦྲུལ་གདུག་དྲག་པོ་ནི་སྔོན་མ་མཐོང་མ་ཐོས་སོ་སྙམ་ནས་ བལྟས་པ་ན། གཏེར་མཐོང་ནས་བླང་བར་བརྩམས་ཤིང་ཡང་རང་གི་ཆུང་མས་གསང་བར་ ནུས་མི་ནུས་བརྟག་པའི་ཕྱིར། བདག་གི་མཚན་འོག་ནས་བྱ་རོག་དཀར་པོ་ཞིག་འཕུར་ཏེ་སོང་ བས་ཁྱོད་ཀྱིས་སུ་ལ་ཡང་མ་བཤད་ཅིག བཤད་ན་བདག་འཆིའོ་ཞེས་སྨྲས་པ་དེས་གཅིག་ནས་ གཅིག་ཏུ་བརྒྱུད་དེ། བྱ་རོག་སྟོང་འཕུར་རོ་ཞེས་ཐམས་ཅད་ཀྱིས་གྲགས་པའི་ཚེ། རྒྱལ་པོ་མ་ སྐྱེས་དགྲས་ཐོས་ནས། མི་དེ་ལ་གཞན་ལ་བཟླར་མི་རུང་བའི་གཏམ་ཡོད་པར་འདུག་པས་ ཟུངས་ཤིག་ཅེས་བཟུང་ནས་ཕྱག་སྦལ་དུ་བཅུག་སྟེ་དྲིས་པ་ན། མ་སྨྲས་པས་དེའི་ཉེ་འཁོར་ ཐམས་ཅད་ཀྱང་བཟུང་ནས་བཅིངས་པ་ན། དེ་སྡུག་བསྔལ་བས་སྟོན་པ་གཙོ་འཁོར་གྱི་ཞུ་ལན་ གྱི་ཚིག་དེ་དག་ལན་གཉིས་སུ་བཟླས་པས་རྒྱལ་པོས་དེའི་རྒྱུ་དྲིས། དེས་མི་འཇིགས་པ་སྟེར་ན་ སྨྲ་བར་བྱས་ཏེ་མི་འཇིགས་པ་བྱིན། དེ་ནས་དོན་དེ་སྨྲས་ཏེ་སྦྲུལ་དུག་མྱུར་དུ་ཁྱབ་པར་བྱེད་པས་ ཟིན་ན་བདག་གཅིག་པུ་འཆི་བར་ཟད་ཀྱང་སྦྲུལ་གདུག་དྲག་པོས་ཟིན་པས་བདག་གཉེན་ཀོར་ 442 བསམ་གཏན་་བསྟན་པ། དང་བཅས་པ་འདི་ལྟར་སྡུག་བསྔལ་བས་བཅོམ་ལྡན་འདས་གཏེར་ལ་སྦྲུལ་གདུག་དྲག་པོར་ བཀའ་བསྩལ་པ་བདེན་ནོ་ཞེས་བརྗོད་པར་བཤད་པ་ལྟ་བུའི་ཕྱིར་རོ།། གཉིས་པ་དབེན་པ་ལ་དགའ་བ་སྐྱེད་པ་ལ་གཉིས། མདོར་བསྟན་པ། རྒྱས་པར་བཤད་ པའོ། །དང་པོ་ནི། དེ་ལྟར་འདོད་ལ་སྐྱོ་བྱས་ཏེ།། དབེན་པ་ལ་ནི་དགའ་བ་སྐྱེད།། ཅེས་གསུངས་ཏེ། དེས་ན་འདོད་པ་ལ་སྐྱོ་ཞིང་ཞེན་པ་ལོག་པ་ཁོ་ནས་ཀྱང་བསམ་གཏན་ཁྱད་ པར་ཅན་སྐྱེ་བར་འགྱུར་ཏེ། རྒྱ་གར་གྱི་སློབ་དཔོན་ཨ་ཝ་དྷུ་ཏི་པ་སངས་རྒྱས་ཡེ་ཤེས་ཀྱི། བསམ་གཏན་གྱི་ཆོས་དྲུག་ཉུང་གསལ་ལས། སེར་སྐྱ་མོ་དང་ཆུ་སྐྱར་སྦྲུལ།། ནགས་ན་རི་དྭགས་ཚོལ་བ་དང༌།། མདའ་མཁན་དང་ནི་གཞོན་ནུ་མ།། འདི་དྲུག་ང་ཡི་སློབ་དཔོན་ཡིན།། རེ་བ་ཟང་ཟིང་ཁྱིམ་སྤོང་དང༌།། དབེན་པའི་ནགས་སུ་གོམས་པ་དང༌།། 443 བསམ་གཏན་་བསྟན་པ། དམིགས་པ་བརྟན་དང་གཅིག་པུ་ཉིད།། བདག་གི་བླ་མ་ལས་འདི་རྙེད།། ༡ ཅེས་བུད་མེད་སེར་སྐྱ་མོ་ཞེས་བྱ་བ་ཞིག་ནམ་སྟོད་ལ་སྐྱེས་པ་འོང་དུ་རེ་བས་སྡུག་ བསྔལ་ལ། ནམ་སྨད་ལ་མི་འོང་བར་ཤེས་པས་ཁོ་ཐག་ཆོད་དེ་བདེ་བར་གཉིད་ལོག་པ་ལྟར། འདོད་པ་ལ་རེ་བ་ནི་སྡུག་བསྔལ་གྱི་རྩ་བ་ཡིན་ལ། རེ་བ་མེད་པ་ནི་བདེ་བའི་དམ་པའོ།། ༢ ཆུ་སྐྱར་ཞིག་གིས་ཉ་ཆེན་པོ་མགུལ་བར་མི་ཆུད་པ་ཞིག་ཁྱེར་བས་ཆུ་སྐྱར་གཞན་ ཐམས་ཅད་ཀྱིས་དེད་པས་དེས་མ་ཐར་ནས་ཉ་བོར་བས་འདེད་མཁན་མེད་ལ་ཆུ་སྐྱར་གཞན་ ཞིག་གིས་ཉ་དེ་བླངས་པས་དེ་ཐམས་ཅད་ཀྱིས་དེད་པ་ལྟ་བུ་ཁོ་ན་རིམ་པར་བྱུང་བ་ལྟར། ཟང་ ཟིང་སུས་བཟུང་བ་དེ་ལ་རྩོད་པར་འབྱུང་གི་ཟང་ཟིང་སྤངས་ན་རྩོད་པའི་གཞི་མེད། ༣ སྦྲུལ་ཞིག་ཚང་དུ་ཉལ་བར་རང་གི་ཕྲུ་གུ་མང་པོས་གཙེས་པས་ཚང་ནས་བྱུང་སྟེ་ཁུང་ གཞན་དུ་གཅིག་པུར་ཉལ་བས་བདེ་བ་ལྟར། ཁྱིམ་དུ་བུ་སྨད་ཀྱི་སྡུག་བསྔལ་ལ་གཅིག་པུར་ བསྡད་པ་ལ་དེའི་སྡུག་བསྔལ་མེད། ༤ རྔོན་པ་ཞིག་རྟག་ཏུ་རྔོན་གྱི་ཕྱིར་ནགས་སུ་འགྲོ ་བ་ལས་བསམ་གཏན་པ་དག་ མཐོང་ཞིང་རང་ཉིད་ཀྱང་ནགས་སུ་གོམས་པས་བསམ་གཏན་པར་གྱུར་པ་ལྟར། དབེན་པར་ གོམས་སུ་གཞུག། 444 བསམ་གཏན་་བསྟན་པ། ༥ མདའ་མཁན་མདའ་བྱེད་པའི་མདུན་དུ་རྒྱལ་པོ་དཔུང་བཅས་འགྲོ་བ་མ་མཐོང་བ་ ལྟར། རྩེ་གཅིག་ཏུ་མ་ཡེངས་པར་འབད། ༦ གཞོན་ནུ་མ་སྤོས་བདར་བ་ན་གདུབ་བུ་མང་པོ་འཁྲོལ་བས་མ་བདེ་ནས་རིམ་གྱིས་ ཕུད་མཐར་གཉིས་ཀྱང་འཁྲོལ་བ་ན་གཅིག་ཤོས་ཀྱང་ཕུད་པས་མི་འཁྲོལ་བར་བདེ་བ་ལྟར། ག ྲོ གས་སྤངས་ནས་གཅིག་པུ་ལ་བསླབ་པ་སྟེ། དཔེ་འདི་དྲུག་མཐོང་བས་སློབ་དཔོན་དེ་ལ་ ཏིང་ངེ་འཛིན་ཁྱད་པར་ཅན་སྐྱེས་པ་ཡིན་ལ། ལུང་ལས་ཀྱང༌། རྒྱལ་པོ་ཞིག་གཡུལ་ལས་བྲོས་པས་ཆུ་སྐྱར་གྱི་དཔེ་དེ་མཐོང་སྟེ་བདག་ ཀྱང་རྒྱལ་སྲིད་སྤངས་ན་རྩོད་པ་མེད་དོ་སྙམ་ནས་ནགས་སུ་རང་རྒྱལ་ཐོབ་པ་དང༌། རྒྱལ་པོ་ གཅིག་གིས་གཞོན་ནུ་མའི་གདུབ་བུའི་དཔེ་དེ་མཐོང་བས་འདི་ལྟར་བདག་ཀྱང་གཅིག་པུ་ བདེའོ་སྙམ་ནས་ནགས་སུ་རང་རྒྱལ་ཐོབ་པར་བཤད་དོ།། དེས་ན་རྒྱ་ཆེ་རོལ་པ་ལས། འདོད་པའི་སྐྱོན་རྣམས་མཐའ་ཡས་བདག་གིས་རིག། འཐབ་མོ་འཁོན་བཅས་མྱ་ངན་སྡུག་བསྔལ་རྩ།། འཇིགས་བྱེད་དུག་གི་ལོ་མ་འདྲ་བ་སྟེ།། མེ་དང་འདྲ་ཞིང་རལ་གྲིའི་སོ་དང་འདྲ།། ཞེས་དང༌། 445 བསམ་གཏན་་བསྟན་པ། འདོད་པའི་ཁོལ་པོ་རྣམས་ནི་གཤེག་ཅིང་གཏུབ།། མགོ་དང་མིག་དང་རྐང་ལག་གཅོད་པར་འགྱུར།། འདོད་ཆགས་ཀྱིས་ནི་སེམས་ཅན་དམྱལ་བར་ལྟུང༌།། འདོད་ཆགས་ཀྱིས་ནི་ཡི་དྭགས་དུད་འགྲོ ར་འག ྲོ ། ཞེས་གསུངས་པ་ལྟར། འདོད་པའི་ཉེས་དམིགས་ཁོང་དུ་ཆུད། སེམས་དང་འདྲེས། ཤིན་ཏུ་ སྐྱོ། བརྒྱ་བྱིན་གྱི་བདེ་བ་ཡང་བཙོན་ར་ལྟར་ཤེས་པས་དབེན་པ་ཁོ་ན་ལ་དགའ་བ་བསྐྱེད་པར་ བྱ་སྟེ། ཆགས་སྡང་གི་ཡུལ་མེད་ལ་དེར་སླེབ་པས་ཀྱང་སེམས་ཞི་ཞིང་དང་བར་འགྱུར་བའི་ དཀའ་ཐུབ་ཀྱི་ནགས་བསྟེན་པར་བྱའོ།། གཉིས་པ་རྒྱས་པར་བཤད་པ་ལ་གཉིས། རྒྱལ་པོ་ལས་བདེ་བ་ལྷག་པ་དང༌། བརྒྱ་བྱིན་ ལས་བདེ་བ་ལྷག་པར་བསྟན་པའོ། །དང་པོ་ནི། རྩོད་དང་ཉོན་མོངས་ཀྱིས་སྟོང་པ།། ཞི་བའི་ནགས་ཀྱི་ནང་དག་ཏུ།། ༨༥ སྐལ་ལྡན་ཟླ་འོད་ཙནྡན་གྱིས་བསིལ་བའི།། ཡངས་པའི་རྡོ་ལེབ་ཁང་བཟང་ཉམས་དགའ་བར།། སྒྲ་མེད་ཞི་བའི་ནགས་ཀླུང་གཡོབ་པ་ཡིས།། གཞན་ལ་ཕན་དོན་སེམས་ཤིང་འཆག་པར་བྱེད།། ༨༦ 446 བསམ་གཏན་་བསྟན་པ། ཅེས་གསུངས་ཏེ། འདི་ལྟར་གནས་པ་ནི་རྒྱལ་པོ་རྒྱལ་སྲིད་ལ་སྤྱོད་པའི་བདེ་བ་ལས་ཆེས་ལྷག་ པ་ཡིན་ཏེ། རྒྱལ་པོ་རྣམས་ནི་ཁང་བཟང་དང་ཁ་ཟས་སོགས་བཟང་མོད་ཀྱང་བྱ་རོག་ལྟར་ཁུ་ འཕྲིག་ཟ་བས་སུ་ལའང་བག་རྟོན་མི་ནུས་པ་དང༌། དགྲ་བོ་ལ་འཇིགས་པ་དང་ཁ་ཟས་ལའང་ དུག་ཅན་དུ་དོགས་པ་སོགས་ཀྱིས་དུས་འདའ་ལ་དབེན་པར་སྤྱོད་པ་འདི་ལ་ནི་དེ་ལྟ་བུའི་ འཇིགས་པ་ཅི་ཡང་མེད་ཅིང་དབེན་པ་དང་ཞི་བའི་བདེ་བས་སེམས་དང་ཞིང་གསལ་ལ་ལས་སུ་ རུང་བར་རྣལ་དུ་ཕེབས་ཤིང༌། ག་པུར་གྱིས་བྱུག་པ་དང༌། རྔ་ཡབ་ཀྱིས་གཡབས་པའི་སེར་བུ་ ལས་ཆེས་བསིལ་བ་མཚན་མོ་ཟླ་བའི་འོད་དང༌། རླུང་སེར་བུ་དྲི་ཞིམ་པོ་ལྡང་བ་ཙནྡ་ནའི་ངད་ ལྟ་བུས་ཚ་གདུང་དང་སྦྲང་བུ་ལས་སྐྱོབ་པ་དང༌། རང་བཞིན་གྱིས་གྲུབ་པའི་བྲག་ཕུག་གམ། རྡོ་ ལེབ་ཀྱིས་གཡོགས་པའི་སྤྱིལ་བུ་འཚམ་ཞིང་རན་པས་རྒྱལ་པོའི་ཁང་བཟང་ལས་བདེ་བ་དང༌། མེ་ཏོག་དང་འབྲས་བུ་དང་ལོ་འདབ་ཏུ་ལྡན་པའི་ཤིང་སྟུག་པོའི་ཚལ་དང་མེ་ཏོག་དང་སྨན་དང་ རྩྭ་དང་ལྡུམ་བུ་ཡིད་དུ་འོང་བས་ཁེབས་ཤིང༌། དེ་དག་སྒྲ་མེད་པའི་རླུང་འཇམ་པོས་བསྐྱོད་པ་ན་ བྲོ་གར་ལས་ཆེས་ལྟ་ན་མཛེས་པ་དང༌། གཞན་ཡང་ཆུ་སྒྲ་སྙན་པ་ལྷུང་ལྷུང་པོར་སྒྲོག་པ་དང་བྱ་ སྤུ་མདོག་སྡུག་ཅིང་སྒྲ་སྙན་པ་དག་སྐད་དུ་མར་བསྒྱུར་བས་གླུ་དང་རོལ་མོ་ཟིལ་གྱིས་གནོན་པ་ སྟེ་རྒྱལ་པོའི་སྐྱེད་ཚལ་ལས་ཆེས་རྨད་དུ་བྱུང་བའི་ནགས་ཚལ་དག་ན་སྙིང་རྗེ་དང་བྱང་ཆུབ་ཀྱི་ སེམས་འབའ་ཞིག་ཡིད་ལ་བྱེད་པས་འཆག་པ་དང༌། སྐྱིལ་མོ་ཀྲུང་དུ་བྱེད་པས་དུས་འདའ་ཞིང་ གང་ཡང་ཡོངས་སུ་མ་བཟུང་བས་སྲུང་བའི་སྡུག་བསྔལ་མེད་ལ། གང་ལ་ཡང་རེ་བ་དང་ལྟོས་པ་ མེད་ཅིང་གནས་དེ་དག་ལ་ཡང་ཆགས་པ་མེད་པར་གང་དུ་འདོད་པར་འགྲོ་ཞིང༌། ཇི་ཙམ་འདོད་ 447 བསམ་གཏན་་བསྟན་པ། པར་གནས་པས་བག་ཡངས་སུ་སྤྱོད་པའི་ཕྱིར་རྒྱལ་པོའི་བདེ་བ་ཟིལ་གྱིས་གནོན་པ་ཡིན་ཏེ། སྔོན་རྒྱལ་པོ་ཞིག་གིས་གྲུའི་སྐྱེད་ཚལ་དུ་སྤྱོད་པའི་ཚེ་ཆུ་དེའི་རྒྱུན་གྱི་མགོ་ན་ནྱ་གྲོ་དྷའི་སྡོང་པོ་ འབྲས་བུ་ཕུན་སུམ་ཚོགས་པ་ཡོད་པ་ལས་ངན་ཤོས་གཅིག་ཆུས་ཁྱེར་བ་དེའི་དྲིས་བྱུག་པའི་དྲི་ ཐམས་ཅད་ཟིལ་གྱིས་མནན་ཞིང་ཁ་དོག་བཟང་ལ་འཇམ་པ་དེ་རྒྱལ་པོས་ཟོས་པས་རང་གི་ཁ་ ཟས་ཐམས་ཅད་ལ་ཡིད་བྱུང་སྟེ། རྒྱལ་སྲིད་སྤྱོད་པའི་སྡུག་བསྔལ་ཡོང་མེད་པར།། འདི་འདྲ་ཟ་བ་གང་དེ་རྒྱལ་པོ་ཡིན།། ཞེས་སྨྲས་པ་ལྟ་བུའི་ཕྱིར་རོ།། གཉིས་པ་བརྒྱ་བྱིན་ལས་བདེ་བ་ལྷག་པར་བསྟན་པ་ནི། ཁང་སྟོང་ཤིང་དྲུང་ཕུག་དག་ཏུ།། གང་དུ་ཇི་སྲིད་འདོད་གནས་ཤིང༌།། ཡོངས་འཛིན་སྲུང་བའི་སྡུག་བསྔལ་སྤངས།། ལྟོས་པ་མེད་པར་བག་ཡངས་སྤྱོད།། ༨༧ རང་དབང་སྤྱོད་ཅིང་ཆགས་མེད་ལ།། གང་དང་ཡང་ནི་འབྲེལ་མེད་པའི།། 448 བསམ་གཏན་་བསྟན་པ། ཆོག་ཤེས་བདེ་སྤྱོད་གང་ཡིན་པ།། དབང་པོས་ཀྱང་ནི་དེ་རྙེད་དཀའ།། ༨༨ ཞེས་གསུངས་ཏེ། མིའི་རྒྱལ་པོ་ལྟ་ཞོག་བརྒྱ་བྱིན་གྱི་བདེ་བ་ལས་ཀྱང་ཆེས་རྨད་དུ་བྱུང་བ་ ཡིན་ཏེ། བརྒྱ་བྱིན་ནི་ལྷ་མ་ཡིན་ཐགས་བཟང་རིས་གཡུལ་དུ་ཞུགས་ན་བདག་ཉིད་ངེས་པར་ གཡུལ་དུ་འཇུག་དགོས་པ་ལྟ་བུས་རང་དབང་ཅན་མ་ཡིན་པ་དང༌། རྒྱལ་པོ་མ་སྐྱེས་དགྲ། ལྷས་བྱིན་གྱིས་བསླུས་པའི་ཚེ་དཀོན་མཆོག་མི་མཆོད་པའི་ཁྲིམས་བཅས་པ་ལས་བཙུན་ མོའི་འཁོར་ཞིག་གིས་སྟོན་པའི་དབུ་སྐྲ་དང་སེན་མོའི་མཆོད་རྟེན་ལ་མར་མེ་ཕུལ་བས་གླུ་ རོལ་བྱེད་བཞིན་པ་ལ་མ་སྐྱེས་དགྲས་འཁོར་ལོ་འཕངས་ཏེ་བསད་པ་ན་མིའི་རོལ་མོའི་སྒྲ་མ་ ཞི་བར་ལྷའི་རོལ་མོའི་སྒྲ་བྱུང་སྟེ་སུམ་ཅུ་རྩ་གསུམ་དུ་ལྷ་མོ་དཔེ་མེད་པར་མཛེས་པ་ཞིག་ཏུ་ སྐྱེས་པ་ན་འཇིག་རྟེན་སྐྱོང་བ་བཞི་དང་བརྒྱ་བྱིན་དང་ལྔ་ཀ་དེ་ལ་ཆགས་པས་ཡ་ཡ་བོར་གྱུར་ ཏེ་སུ་འདོད་པའི་ཚིགས་བཅད་ངོ་ཚ་མེད་པ་སྨྲ་བར་ནུས་པ་དེས་བདག་གིར་བྱེད་པར་བྱས་ ནས་སོ་སོས་གཡུལ་གྱི་རྔ་སྒྲས་ཀྱང་སེམས་ལ་ཆགས་པ་སྐྱེ་བ་དེ་ལྟ་བུར་བདག་འདོད་དོ་ ཞེས་སོགས་རེ་རེ་སྨྲས་ཤིང༌། བརྒྱ་བྱིན་གྱིས། ཁྱེད་ཅག་ཚིགས་བཅད་སྨྲ་བས་ན།། ཁྱེད་ཅག་རབ་ཏུ་བདེ་བ་ཡིན།། བདག་ནི་ཧ་ཅང་འདོད་ཆེས་པས།། ཤིའམ་གསོན་པའི་གཏོལ་མེད་དོ།། 449 བསམ་གཏན་་བསྟན་པ། ཞེས་སྨྲས་པས་བརྒྱ་བྱིན་ལ་བྱིན་པ་ལྟ་བུ་ཆགས་པས་སེམས་ཆོག་མི་ཤེས་པ་དང་རང་དབང་ མེད་པ་དེ་ལྟ་བུ་དང་ལྡན་ལ། བསམ་གཏན་པ་ནི་རང་གི་སེམས་རང་དབང་དུ་གྱུར་བ་དང༌། སུ་དང་ཡང་རྩོད་པ་མེད་པ་དང༌། ཉེ་དུ་དང་འཁོར་ལ་སོགས་པ་གང་དང་ཡང་སེམས་ཀྱི་ འབྲེལ་ཐག་ཆོད་པས་གང་ལ་ཡང་ལྟོས་པ་མེད་པ་དང༌། གང་བྱུང་དེས་ཆོག་ཤེས་པས་ཅི་ལ་ ཡང་རེ་བ་མེད་པ་སྟེ་བརྒྱ་བྱིན་ལས་ལྷག་པའི་བདེ་བ་དེ་ལྟ་བུ་ཡོད་པའི་ཕྱིར་རོ།། དེ་ལྟར་མི་མཐུན་པའི་ཕྱོགས་སྤོང་བ་རྒྱས་པར་བཤད་ནས། གཉིས་པ་བྱང་ཆུབ་ཀྱི་ སེམས་སྒོམ་པར་བསྟན་པ་ལ་གསུམ། བདག་གཞན་མཉམ་པ་སྒོམ་པ། བདག་གཞན་བརྗེ་ བ་སྒོམ་པ། བསམ་གཏན་གྱི་སྒྲིབ་པ་བསལ་བའོ། །དང་པོ་ལ་གསུམ། མདོར་བསྟན་པ། སྒོམ་ཚུལ་རྒྱས་བཤད། དེ་བསྒོམས་པའི་ཕན་ཡོན་བསྟན་པའོ། །དང་པོ་ནི། དེ་ལ་སོགས་པའི་རྣམ་པ་ཡིས།། དབེན་པའི་ཡོན་ཏན་བསམ་བྱས་ནས།། རྣམ་རྟོག་ཉེ་བར་ཞི་བ་དང༌།། བྱང་ཆུབ་སེམས་ནི་བསྒོམ་པར་བྱ།། ༨༩ ཞེས་གསུངས་ཏེ། དེ་ཡང་དབེན་པའི་ཕན་ཡོན་དང་གཡེང་བའི་ཉེས་དམིགས་ཇི་ལྟར་བསྟན་ ཟིན་པ་དེ་དག་དང་དེ་ཁོ་ནར་ཟད་པ་ཡང་མ་ཡིན་ཏེ། ཏིང་ངེ་འཛིན་རྒྱལ་པོའི་མདོ་ལ་སོགས་པ་ དང༌། སྐྱེས་པའི་རབས་ལ་སོགས་པར་དེ་ལྟ་བུ་རྒྱ་ཆེར་བཤད་པ་རྣམས་དང༌། བསམ་གཏན་ 450 བསམ་གཏན་་བསྟན་པ། ལ་གཙོ་བོར་གཞོལ་བའི་དམ་པ་རྣམས་ཀྱི་ངོ་མཚར་གྱི་གླེང་སློང་བ་ལས་བྱུང་བ་རྣམས་རྒྱ་ཆེར་ ཐོས་ཤིང་བསམས་ཏེ་སྐྱེ་བོའི་རྒྱུན་ལུགས་མེད་པའི་དབེན་པ་དེ་དག་ཏུ་རྣམ་གཡེང་ཐམས་ཅད་ སྤངས་ཏེ་སེམས་རབ་ཏུ་དབེན་པས་བྱང་ཆུབ་ཀྱི་སེམས་ཁོ་ན་བསྒོམ་པར་བྱའོ།། བདག་དང་གཞན་དུ་མཉམ་པ་ནི།། དང་པོ་ཉིད་དུ་འབད་དེ་བསྒོམ།། ཞེས་གསུངས་ཏེ། དེས་ན་བྱང་ཆུབ་ཀྱི་སེམས་ཁོ་ན་བསྒོམ་པར་བྱ་ལ་དེའི་ཡང་དང་པོར་སྐྱེ་ དཀའ་སླའི་གོ་རིམ་གྱིས་ཀུན་རྫོབ་བྱང་སེམས་དང༌། དེ་ལས་ཀྱང་བདག་གཞན་མཉམ་པའི་ བྱང་ཆུབ་ཀྱི་སེམས་ཐོག་མར་བསྒོམ་པར་བྱའོ།། བདེ་དང་སྡུག་བསྔལ་མཉམ་པས་ན།། ཐམས་ཅད་བདག་བཞིན་བསྲུང་བར་བྱ།། ༩༠ ཞེས་གསུངས་ཏེ། ཇི་ལྟར་སྒོམ་ན་བདག་ཉིད་བདེ་བ་འདོད་ཅིང་སྡུག་བསྔལ་མི་འདོད་པ་ལྟར་ སེམས་ཅན་ཐམས་ཅད་རེ་རེ་ཞིང་ཡང་བདེ་བ་འདོད་ཅིང་སྡུག་བསྔལ་མི་འདོད་པར་མཚུངས་ པའི་རྒྱུ་མཚན་ལེགས་པར་བསམས་ནས་བདག་འདོད་པའི་བདེ་བ་སེམས་ཅན་ལ་བསྒྲུབས་ པར་བྱ་ཞིང༌། བདག་ཉིད་མི་འདོད་པའི་སྡུག་བསྔལ་ནི་སེམས་ཅན་སུ་ལ་འདུག་ཀྱང་བསལ་ བར་བྱའོ་སྙམ་པའི་བློ་རྩེ་གཅིག་ཏུ་གོམས་པར་བྱ་ཞིང་དེ་བཅོས་མིན་དུ་སེམས་ཀྱི་ཁོང་ནས་ 451 བསམ་གཏན་་བསྟན་པ། བཟོད་མེད་དུ་སྐྱེས་པ་ནི་བདག་གཞན་མཉམ་པའི་བྱང་ཆུབ་ཀྱི་སེམས་སྐྱེས་པ་ཡིན་ལ་རྐྱེན་ ཅིས་ཀྱང་མི་འཕྲོགས་ཤིང་ཡེངས་ཀྱང་ཐུབ་ན་འབྱོངས་པ་ཉིད་དོ།། གཉིས་པ་སྒོམ་ཚུལ་རྒྱས་བཤད་ལ་གསུམ། བདག་གཞན་མཉམ་པར་སྒོམ་རིགས་པའི་ རྒྱུ་མཚན། སྒོམ་ཚུལ་དངོས། དེ་ལ་རྩོད་པ་སྤང་པའོ། །དང་པོ་ལ་གཉིས། བདག་གཞན་བདེ་ འདོད་དུ་མཉམ་པར་བསྟན། སྡུག་བསྔལ་མི་བཟོད་པར་མཚུངས་པར་བསྟན་པའོ། །དང་པོ་ནི། ལག་པ་ལ་སོགས་དབྱེ་བ་རྣམ་མང་ཡང༌།། ཡོངས་སུ་བསྲུང་བྱའི་ལུས་སུ་གཅིག་པ་ལྟར།། དེ་བཞིན་འགྲོ་བའི་སྡུག་བསྔལ་ཐ་དད་ཀྱང༌།། ཐམས་ཅད་བདག་བཞིན་བདེ་བ་འདོད་མཉམ་གཅིག། ༩༡ ཅེས་གསུངས་ཏེ། ཅིའི་ཕྱིར་བདེ་བ་འདོད་པ་དང་སྡུག་བསྔལ་མི་འདོད་པར་བདག་གཞན་ མཚུངས་ཞེ་ན། འདི་ནི་ཕལ་ཆེར་མངོན་སུམ་གྱིས་གྲུབ་པ་ཡིན་ཏེ་རང་དང་སྤྱོད་ཡུལ་ མཚུངས་པས་མཐོང་བའི་མི་ནས་སྲིན་བུའི་བར་འདི་དག་བདེ་བ་ལ་སྲེད་ཅིང་སྡུག་བསྔལ་ལ་ འབྲོས་པར་མཐོང་བའི་ཕྱིར་དང༌། འདིའི་རིགས་པས་སེམས་ཅན་ཐམས་ཅད་དེ་ལྟ་བུར་ངེས་ པའི་ཕྱིར་རོ་ཞེས་དགོངས་ཤིང༌། དཔེར་ན། བདག་གི་ལུས་ལ་རྐང་ལག་དང་སོར་མོ་ལ་ སོགས་པའི་དབྱེ་བ་མང་མོད་ཀྱི་དེ་ཐམས་ཅད་བདག་ཉིད་ཀྱིས་བསྲུང་བྱར་གཅིག་ཅིང་སྲུང་ དགོས་ལ། དེ་ལས་གང་ལ་གནོད་པ་བྱུང་ཡང་བདག་ཉིད་སྡུག་བསྔལ་བ་ལྟར་སེམས་ཅན་ 452 བསམ་གཏན་་བསྟན་པ། སེམས་རྒྱུད་ཐ་དད་པ་འདི་རྣམས་ཀྱང་རང་རང་བདེ་བ་འདོད་པར་གཅིག་ལ་སྡུག་བསྔལ་བྱུང་ ན་སོ་སོར་མི་འདོད་པའི་ཕྱིར་རོ།། གཉིས་པ་སྡུག་བསྔལ་མི་བཟོད་པར་མཚུངས་པར་བསྟན་པ་ནི། གལ་ཏེ་བདག་གི་སྡུག་བསྔལ་གྱིས།། གཞན་གྱི་ལུས་ལ་མི་གནོད་པ།། དེ་ལྟའང་དེ་བདག་སྡུག་བསྔལ་ཏེ།། བདག་ཏུ་ཞེན་པས་མི་བཟོད་ཉིད།། ༩༢ དེ་བཞིན་གཞན་གྱི་སྡུག་བསྔལ་དག། བདག་ལ་འབབ་པར་མི་འགྱུར་ཡང༌།། དེ་ལྟའང་དེ་བདག་སྡུག་བསྔལ་དེ།། བདག་ཏུ་ཞེན་པས་བཟོད་པར་དཀའ།། ༩༣ ཞེས་གསུངས་ཏེ། གལ་ཏེ་གཞན་སྡུག་བསྔལ་ན་བསྔལ་དུ་ཟད་མོད་དེས་བདག་ལ་མི་གནོད་ དོ་སྙམ་ན། བདག་སྡུག་བསྔལ་བས་གཞན་ལ་མི་གནོད་མོད་ཀྱང་རང་ཉིད་ཀྱིས་མི་བཟོད་ པར་མངོན་སུམ་དུ་མཐོང་ལ། སྡུག་བསྔལ་དེ་མ་བཅོལ་བར་གཞན་གྱིས་སེལ་མཁན་བྱུང་ན་ རང་དགའ་བ་མཐའ་ཡས་པ་འཐོབ་པ་ལྟར་གཞན་གྱི་སྡུག་བསྔལ་འདི་བདག་ལ་མི་འབབ་ 453 བསམ་གཏན་་བསྟན་པ། མོད་ཀྱང༌། སེམས་ཅན་དེ་ཉིད་ཀྱིས་ནི་མི་བཟོད་པར་ཡོད་ལ་དེས་བདག་ལ་སེལ་བར་མ་ བཅོལ་ཡང་བདག་གིས་དེའི་སྡུག་བསྔལ་བསལ་ན་དེ་དགའ་བ་མཐའ་ཡས་པ་འཐོབ་ཅིང་རྒྱུ་ དེས་དགེ་བ་ཆེར་སྐྱེད་པར་གདོན་མི་ཟ་བའི་ཕྱིར། དེས་ན་གཞན་མི་བཟོད་པའི་སྡུག་བསྔལ་ ཅན་དེ་སྙིང་རྗེའི་གནས་ཡིན་པས་དེའི་སྡུག་བསྔལ་སེལ་བར་རིགས་སོ།། གཉིས་པ་སྒོམ་ཚུལ་དངོས་ལ་བརྒྱད། ཇི་ལྟར་སྒོམ་པ་བཤད་པ། དེའི་རྒྱུ་མཚན་བསྟན་ པ། གཞན་གྱི་སྡུག་བསྔལ་གྱིས་བདག་ལ་མི་གནོད་པས་སེལ་མི་དགོས་པ་བཀག དེའི་ལན་ གྱི་བདག་མེད་པར་བསྟན། གཞན་གྱི་སྡུག་བསྔལ་གཞན་གྱིས་སེལ་མི་རིགས་པ་བཀག བདག་འཛིན་སྤང་བྱར་བསྟན། རྒྱུན་དང་ཚོགས་པ་བརྫུན་པར་བསྟན། དེ་དག་གི་དོན་བསྡུས་ ཏེ་བསྟན་པའོ། །དང་པོ་ནི། བདག་གིས་གཞན་གྱི་སྡུག་བསྔལ་བསལ།། སྡུག་བསྔལ་ཡིན་ཕྱིར་བདག་སྡུག་བཞིན།། བདག་གིས་གཞན་ལ་ཕན་པར་བྱ།། སེམས་ཅན་ཡིན་ཕྱིར་བདག་ལུས་བཞིན།། ༩༤ ཞེས་གསུངས་ཏེ། དེ་རིགས་པས་སྒྲུབ་པའི་ཕྱིར། གཞན་གྱི་ན་བའི་སྡུག་བསྔལ་ལྟ་བུ་ཆོས་ ཅན། བདག་གིས་བསལ་བར་བྱ་བ་ཡིན་ཏེ། རང་གཞན་ལ་མི་ཕན་པའི་སྡུག་བསྔལ་ཡིན་ པའི་ཕྱིར། དཔེར་ན། བདག་གི་ཚེར་མ་ཟུག་པའི་སྡུག་བསྔལ་བཞིན་ནོ།། 454 བསམ་གཏན་་བསྟན་པ། ཡང་སེམས་ཅན་གཞན་ཆོས་ཅན། བདག་གིས་ཕན་བདེ་སྒྲུབ་པར་བྱ་བ་ཡིན་ཏེ། སེམས་ཅན་ཡིན་པའི་ཕྱིར། དཔེར་ན། བདག་ལུས་ལ་ཕན་བདེ་སྒྲུབ་པ་བཞིན་ནོ། །ཞེས་ སྒྲུབ་ངག་ཡང་དག་བཀོད་ནས་དེའི་ཁྱབ་པ་སྒྲུབ་པའི་ཕྱིར། གཉིས་པ་དེའི་རྒྱུ་མཚན་བསྟན་པ་ནི། གང་ཚེ་བདག་དང་གཞན་གཉིས་ཀ། བདེ་བ་འདོད་དུ་མཚུངས་པ་ལ།། བདག་དང་ཁྱད་པར་ཅི་ཡོད་ན།། གང་ཕྱིར་བདག་གཅིག་བདེ་བར་བརྩོན།། ༩༥ གང་ཚེ་བདག་དང་གཞན་གཉིས་ཀ། སྡུག་བསྔལ་མི་འདོད་མཚུངས་པ་ལ།། བདག་དང་ཁྱད་པར་ཅི་ཡོད་ན།། གང་ཕྱིར་གཞན་མིན་བདག་སྲུང་བྱེད།། ༩༦ ཅེས་གསུངས་ཏེ། ཐམས་ཅད་རང་ལ་བདེ་བ་འདོད་ཅིང་སྡུག་བསྔལ་མི་འདོད་པར་མཚུངས་ པར་ནི་ངེས་སླ་ལ། དེ་ལྟ་ན་བདག་གཞན་བདེ་འདོད་དུ་མཚུངས་པར་ཤེས་ནས་གཞན་ལ་ བདེ་བ་མི་སྒྲུབ་པ་འགལ་ཞིང་སྡུག་བསྔལ་མི་འདོད་པར་མཚུངས་པར་ཤེས་ནས་གཞན་གྱི་ སྡུག་བསྔལ་མི་སེལ་བ་འགལ་ལོ།། 455 བསམ་གཏན་་བསྟན་པ། གསུམ་པ་གཞན་གྱི་སྡུག་བསྔལ་གྱིས་བདག་ལ་མི་གནོད་པས་སེལ་མི་དགོས་པ་ བཀག་པ་ནི། གལ་ཏེ་དེ་ལ་སྡུག་བསྔལ་བས།། བདག་ལ་མི་གནོད་ཕྱིར་མི་བསྲུང༌།། མ་འོངས་པ་ཡི་སྡུག་བསྔལ་ཡང༌།། གནོད་མི་བྱེད་ན་དེ་ཅིས་བསྲུང༌།། ༩༧ ཞེས་གསུངས་ཏེ། གལ་ཏེ་གཞན་གྱི་སྡུག་བསྔལ་སེལ་མི་དགོས་ཏེ་བདག་ལ་ད་ལྟ་མི་གནོད་ པའི་ཕྱིར་སྙམ་ན། འོ་ན་བདག་གི་མ་འོངས་པའི་ངན་སོང་གི་སྡུག་བསྔལ་སྲུང་བའི་ཕྱིར་སྡིག་ པ་སྤོང་བ་ཡང་མི་རིགས་པར་ཐལ་ཏེ། དེས་བདག་ལ་ད་ལྟར་མི་གནོད་པའི་ཕྱིར་རོ།། བཞི་པ་དེའི་ལན་གྱི་བདག་མེད་པར་བསྟན་པ་ནི། བདག་གིས་དེ་ནི་མྱོང་སྙམ་པའི།། རྣམ་པར་རྟོག་དེ་ལོག་པ་སྟེ།། འདི་ལྟར་ཤི་བ་གཞན་ཉིད་ལ།། སྐྱེ་བ་ཡང་ནི་གཞན་ཉིད་ཡིན།། ༩༨ ཞེས་གསུངས་ཏེ། གལ་ཏེ་མ་འོངས་པའི་སྡུག་བསྔལ་དེས་བདག་ལ་ད་ལྟར་མི་གནོད་ཀྱང་ མ་འོངས་པ་ན་བདག་ཉིད་ཀྱིས་མྱོང་བས་སྲུང་རིགས་སོ་སྙམ་ན། བདག་ནི་འདས་མ་འོངས་ 456 བསམ་གཏན་་བསྟན་པ། ད་ལྟར་ཐམས་ཅད་ན་གཅིག་ཏུ་བདེན་ནོ་སྙམ་པ་འདི་ནི་ཕྱིན་ཅི་ལོག་གི་རྣམ་རྟོག་ཆེན་པོ་ཡིན་ ཏེ། འདི་ལྟར་བདག་ནི་སྐྱེ་འོ་ཞེས་འཛིན་པ་སྐྱེ་བའི་དུས་ཀྱི་བདག་འཛིན་དེ་སྐད་ཅིག་དེ་ཉིད་ དུ་འགག་ལ་དེ་ནས་རིང་ཞིག་ན་བདག་ནི་དར་ལ་བབ་པའོ་ཞེས་དང༌། དེ་ཡང་འགགས་ནས་ བདག་ནི་རྒས་པའོ་ཞེས་དང༌། དེ་འགགས་ནས་བདག་ནི་འཆིའོ་སྙམ་པ་དག་རིམ་པར་སྐྱེ་ མོད་ཀྱི་བདག་འཛིན་དེ་དག་སྔ་མ་སྔ་མ་འགགས་ནས་ཕྱི་མ་ཕྱི་མ་སྐྱེ་བར་མཐོང་བས་བདག་ འཛིན་གཅིག་མ་ཡིན་པར་མངོན་སུམ་གྱིས་མྱོང་བའི་ཕྱིར་དང༌། བདག་ཏུ་བཟུང་བྱའི་ལུས་ སེམས་ཀྱང་སྐྱེས་མ་ཐག་པ་ན་སེམས་མི་གསལ་ལུས་ཉམ་ཆུང༌། དར་ལ་བབ་པ་ན་སེམས་ གསལ་ཞིང་ལུས་འཁྲེགས། རྒན་པོའི་ཚེ་གཉི་ག་མཐུ་ཆུང༌། འཆི་བའི་ཚེ་གཉི་གའི་སྟོབས་ ཉམས་པས་ཕྱི་མའི་ཚེ་སྔ་མའི་གནས་སྐབས་འགག་པར་མངོན་སུམ་གྱིས་མྱོང་བས་ལུས་ སེམས་མི་རྟག་པར་རང་གིས་མངོན་སུམ་གྱིས་ངེས་པའི་ཕྱིར་རོ།། ལྔ་པ་གཞན་གྱི་སྡུག་བསྔལ་གཞན་གྱིས་སེལ་མི་རིགས་པ་བཀག་པ་ནི། གང་ཚེ་གང་གི་སྡུག་བསྔལ་གང༌།། དེ་ནི་དེ་ཉིད་ཀྱིས་བསྲུང་ན།། རྐང་པའི་སྡུག་བསྔལ་ལག་པས་མིན།། ཅི་ཕྱིར་དེས་ནི་དེ་སྲུང་བྱ།། ༩༩ ཞེས་གསུངས་ཏེ། གཞན་ཡང་རང་གིས་རང་གི་སྡུག་བསྔལ་སེལ་རིགས་ཀྱི་གཞན་གྱི་སྡུག་ 457 བསམ་གཏན་་བསྟན་པ། བསྔལ་སེལ་མི་དགོས་སོ་སྙམ་ན། འོ་ན་མིག་ཏུ་རྡུལ་སོང་བའི་རྡུལ་ལག་པས་སེལ་མི་ རིགས་པའམ་རྐང་པ་ལ་ཚེར་མ་ཟུག་པ་ན་རྐང་པ་ཉིད་ཀྱིས་འབྱིན་པར་རིགས་ཀྱི་ལག་པས་ འབྱིན་མི་རིགས་པ་དང༌། བུའི་སྡུག་བསྔལ་བུ་ཉིད་ཀྱིས་སེལ་བ་ལས་མས་སེལ་མི་རིགས་ པ་ལྟ་བུ་མཐའ་ཡས་པར་ཐལ་ལོ།། དྲུག་པ་བདག་འཛིན་སྤང་བྱར་བསྟན་པ་ནི། གལ་ཏེ་རིགས་པ་མིན་ཡང་འདིར།། བདག་ཏུ་འཛིན་ལས་འཇུག་ཅེ་ན།། བདག་གཞན་མི་རིགས་གང་ཡིན་དེ།། ཅི་ནུས་པར་ནི་སྤང་བྱ་ཉིད།། ༡༠༠ ཅེས་གསུངས་ཏེ། གལ་ཏེ་དེ་དག་དཔྱད་ན་མི་རིགས་ཀྱང་བདག་དང་བདག་གིར་འཛིན་པ་ གོམས་པ་ལས་བྱུང་བའི་ཕྱིར་གནས་སྐབས་སུ་མི་འགལ་ལོ་སྙམ་ན། བདག་ནི་ཀུན་རྫོབ་ ཉིད་དུའང་གང་ནའང་ཡོད་པ་མིན་པས་བདག་དང་བདག་གིར་འཛིན་པ་དེ་ཉིད་མི་རིགས་ཏེ་ སྤང་དགོས་སོ།། བདུན་པ་རྒྱུན་དང་ཚོགས་པ་བརྫུན་པར་བསྟན་པ་ནི། རྒྱུན་དང་ཚོགས་ཞེས་བྱ་བ་ནི།། ཕྲེང་བ་དམག་ལ་སོགས་བཞིན་བརྫུན།། 458 བསམ་གཏན་་བསྟན་པ། སྡུག་བསྔལ་ཅན་གང་དེ་མེད་པ།། དེ་འདིར་སུ་ཞིག་དབང་བར་འགྱུར།། ༡༠༡ ཞེས་གསུངས་ཏེ། གལ་ཏེ་བདག་ལུས་སོ་སོ་བ་སོགས་ལ་དཔྱད་ན་མེད་ཀྱང་ལུས་ཀྱི་ཚོགས་ པ་དང་རྒྱུན་ཙམ་བདག་ཡིན་ནོ་སྙམ་ན། རྒྱུན་ཉིད་མི་འགྲུབ་སྟེ་གྲོག་མ་མང་པོ་འགྲོ ་བ་ལ་ ག ྲོག་མའི་ཕྲེང་བ་ཞེས་བཏགས་ཀྱང་དེ་རྣམས་གྲོག་མའི་རྒྱུན་གཅིག་མ་ཡིན་པའི་ཕྱིར་དང༌། གློག་ཡང་ཡང་འབྱུང་བ་ལ་གློག་གི་རྒྱུན་དང་ཕྲེང་བར་བཏགས་ཀྱང་དེ་ནི་བར་མུན་ནག་གིས་ ཆོད་ཅིང་ཕྱི་མ་སྐྱེ་བའི་ཕྱིར་རྒྱུན་དུ་གནས་པ་མེད་ལ། འདུས་བྱས་གཞན་ལ་རྒྱུན་དུ་རྟོག་པ་ ཡང་སྔ་ཕྱི་མཚམས་མ་ཕྱེད་འཇུག་པ་མྱུར་བས་འབྲེལ་བ་འཁྲུལ་བ་ཁོ་ན་ཡིན་གྱི་ཆོས་འདི་ རྣམས་ནི་སྐད་ཅིག་སྐད་ཅིག་ཏུ་ཟད་དེ་སྔ་ཕྱི་རེག་ཅིང་འབྲེལ་བ་མེད་ལ་སྐད་ཅིག་དེ་ཉིད་ཀྱང་ གང་དུ་ཡང་གནས་པ་མེད་དོ། །ཚོགས་པ་ཡང་རྫུན་པ་ཁོ་ན་སྟེ་གོ་སྐབས་ཉེ་བ་ལས་བཏགས་ པར་ཟད་ཀྱི་རེ་རེ་བཞིན་དཔྱད་ན་རྡུལ་ཕྲ་རབ་དང༌། དེ་ཡང་ཕྱོགས་ཆས་དཔྱད་ན་རྡུལ་དུ་ཡང་ མི་གནས་པའི་ཕྱིར་རོ། །དེས་ན་བདག་སུ་ཡང་མེད་ན་འདིར་སུ་ཞིག་མ་འོངས་པ་ན་སྡུག་ བསྔལ་བར་འགྱུར། བརྒྱད་པ་དེ་དག་གི་དོན་བསྡུས་ཏེ་བསྟན་པ་ནི། སྡུག་བསྔལ་བདག་པོ་མེད་པར་ནི།། ཐམས་ཅད་བྱེ་བྲག་མེད་པ་ཉིད།། 459 བསམ་གཏན་་བསྟན་པ། སྡུག་བསྔལ་ཡིན་ཕྱིར་དེ་བསལ་བྱ།། ངེས་པས་དེར་ནི་ཅི་ཞིག་བྱ།། ༡༠༢ ཞེས་གསུངས་ཏེ། དེས་ན་ཡང་དག་པར་ན་བདག་མི་དམིགས་པས་ལྟོས་ཟླ་གཞན་ཡང་མི་ དམིགས་ཤིང་སྤྲོས་མཚན་ངོ་བོ་ཉིད་ཀྱིས་ཞི་བར་ཆོས་ཐམས་ཅད་བྱེ་བྲག་མེད་པས་ཁྱད་གཞི་ བདག་གཞན་དང་ཁྱད་ཆོས་བདེ་སྡུག་ཉིད་ཀྱང་དམིགས་སུ་མེད་ལ། དེ་ལྟར་ཤེས་པ་ན་དེ་མ་ ཤེས་པའི་སེམས་ཅན་དུ་སྣང་ཙམ་པ་འདི་ལ་སྙིང་རྗེ་ཁྱད་པར་དུ་འཇུག་པས་དེ་ཉིད་གང་ལ་ ཞེན་པའི་བདེ་བ་སྒྲུབ་པ་དང༌། སྡུག་བསྔལ་སེལ་བ་ལ་ཆེས་བརྩོན་པར་འགྱུར་བས་བདག་ གི་སྡུག་བསྔལ་སེལ་ལ་གཞན་གྱི་མི་སེལ་ལོ་སྙམ་པའི་གཏི་མུག་ནི་དེར་འཇིག་གོ། གལ་ཏེ་བདག་གཞན་ཡང་དག་པར་མེད་ན་སྔར་སྒྲུབ་ངག་བཀོད་པའི་དཔེ་མ་གྲུབ་པར་ ཐལ་ལོ་སྙམ་ན། དེ་ནི་ཀུན་རྫོབ་མ་དཔྱད་པའི་སྐབས་མྱུ་གུ་ལྟ་བུའི་དབང་དུ་བྱས་ལ། འདི་ནི་ དོན་དམ་པའི་རིགས་པས་དཔྱད་པའི་སྐབས་སཱ་ལུ་སྨིན་པ་ལྟ་བུའི་སྐབས་ཏེ་འབྲས་ཀྱི་མྱུ་གུ་ སྐྱེད་པ་འགལ་ཏེ་སཱ་ལུ་སྨིན་པ་དང་མི་མཚུངས་པའི་ཕྱིར་རོ་ཞེས་རྟོག་པར་མི་བྱའོ།། གསུམ་པ་རྩོད་སྤང་ལ་གསུམ། ཐམས་ཅད་ཀྱི་སྡུག་བསྔལ་ཟློག་མི་དགོས་པའི་རྩོད་པ་ སྤངས། སྙིང་རྗེ་སྡུག་བསྔལ་ཡིན་པས་སྒོམ་མི་རིགས་པའི་རྩོད་པ་སྤངས། སྡུག་བསྔལ་ཡིན་ ཀྱང་རང་གཞན་ལ་ཕན་ན་བསྟེན་རིགས་པར་བསྟན་པའོ། །དང་པོ་ནི། 460 བསམ་གཏན་་བསྟན་པ། ཅི་ཕྱིར་ཀུན་གྱི་སྡུག་བསྔལ་ནི།། བཟློག་པར་བྱ་ཞེས་བརྩད་དུ་མེད།། གལ་ཏེ་བཟློག་ནའང་ཐམས་ཅད་བཟློག། དེ་མིན་བདག་ཀྱང་སེམས་ཅན་བཞིན།། ༡༠༣ ཞེས་གསུངས་ཏེ། དེས་ན་སེམས་ཅན་ཐམས་ཅད་ཀྱི་སྡུག་བསྔལ་ཟློག་མི་རིགས་སོ་ཞེས་ བརྩད་པར་བྱར་མེད་དེ། བདག་གི་སྡུག་བསྔལ་ཟློག་པར་བྱེད་ན་ཐམས་ཅད་ཀྱི་སྡུག་བསྔལ་ ཟློག་རིགས་ལ། གཞན་གྱི་མི་ཟློག་ན་བདག་གི་ཡང་མི་ཟློག་པར་རིགས་སོ།། གཉིས་པ་སྙིང་རྗེ་སྡུག་བསྔལ་ཡིན་པས་སྒོམ་མི་རིགས་པའི་རྩོད་སྤངས་ནི། སྙིང་རྗེ་སྡུག་བསྔལ་མང་གྱུར་པས།། ཅི་ཕྱིར་ནན་གྱིས་བསྐྱེད་ཅེ་ན།། འག ྲོ་བའི་སྡུག་བསྔལ་བསམས་བྱས་ན།། ཇི་ལྟར་སྙིང་རྗེ་སྡུག་བསྔལ་མང༌།། ༡༠༤ ཞེས་གསུངས་ཏེ། གལ་ཏེ་བདག་གི་སྡུག་བསྔལ་ཟློག་ན་སྙིང་རྗེ་སྒོམ་མི་རིགས་ཏེ་སྙིང་རྗེ་ནི་ སྡུག་བསྔལ་ཡིན་པའི་ཕྱིར་ཞེ་ན། སེམས་ཅན་གྱི་སྡུག་བསྔལ་ཕ་མཐའ་ཡས་པ་ལ་བསམས་ན་ ཇི་ལྟར་སྙིང་རྗེ་སྡུག་བསྔལ་མང་སྟེ་སྙིང་རྗེ་སྡུག་བསྔལ་ག་ལ་ཡིན་ཏེ་བདེ་བར་ཡང་རིགས་སོ།། 461 བསམ་གཏན་་བསྟན་པ། གསུམ་པ་སྡུག་བསྔལ་ཡིན་ཀྱང་རང་གཞན་ལ་ཕན་ན་བསྟེན་རིགས་པར་བསྟན་པ་ནི། གལ་ཏེ་སྡུག་བསྔལ་གཅིག་གིས་ནི།། སྡུག་བསྔལ་མང་པོ་མེད་འགྱུར་ན།། བརྩེ་དང་ལྡན་པས་སྡུག་བསྔལ་དེ།། རང་དང་གཞན་ལ་བསྐྱེད་བྱ་ཉིད།། ༡༠༥ ཅེས་གསུངས་ཏེ། སྤྱིར་སྡུག་བསྔལ་ཡིན་ཡང་རང་གི་ད་ལྟའི་སྡུག་བསྔལ་ཙམ་ཞིག་གིས་མ་ འོངས་པའི་སྡུག་བསྔལ་མང་པོ་མེད་པར་འགྱུར་བའམ། རང་གི་སྡུག་བསྔལ་གྱིས་གཞན་ མང་པོའི་སྡུག་བསྔལ་ཟད་པར་གྱུར་ན་སྡུག་བསྔལ་དེ་ངེས་པར་སྒྲུབ་དགོས་ལ། གཞན་གྱི་ ད་ལྟའི་སྡུག་བསྔལ་ཆུང་ངུས་མ་འོངས་པའི་སྡུག་བསྔལ་ཆེན་པོ་སེལ་ནུས་ན་སྡུག་བསྔལ་དེ་ གཞན་ལ་ཡང་ངེས་པར་སྐྱེད་དགོས་ཏེ། སྨན་དཔྱད་ཀྱི་དཔེས་སྡུག་བསྔལ་དང་ལེན་གྱི་བཟོད་ པར་བཤད་པ་བཞིན་ནོ།། དེས་ན་མེ་ཏོག་ཟླ་མཛེས་ཀྱིས།། རྒྱལ་པོའི་གནོད་པ་ཤེས་ཀྱང་ནི།། བདག་གི་སྡུག་བསྔལ་མ་བསལ་ཏེ།། མང་པོའི་སྡུག་བསྔལ་ཟད་འགྱུར་ཕྱིར།། ༡༠༦ ཞེས་གསུངས་ཏེ། དེས་ན་སྔོན་དེ་བཞིན་གཤེགས་པ་རིན་ཆེན་པད་ཟླ་མངོན་པར་འཕགས་ 462 བསམ་གཏན་་བསྟན་པ། པའི་བསྟན་པའི་སྙིགས་མ་ལ་དམིགས་པར་ལྟ་བའི་དགེ་སྦྱོང་དང་བྲམ་ཟེས་གང་སྟེ་བྱང་ཆུབ་ སེམས་དཔའ་བདུན་སྟོང་རྒྱལ་པོའི་ཕོ་བྲང་འཁོར་ནས་བསྐྲད་དེ་ནགས་ཚལ་ཀུན་ཏུ་བཟང་ པོར་གནས་ཤིང༌། དེ་དག་གི་བླ་མ་ཆོས་སྨྲ་བ་དགེ་སློང་མེ་ཏོག་ཟླ་མཛེས་ལས་དམ་པའི་ ཆོས་ཉན་ཏོ། །དེའི་ལྷའི་མིག་གིས་བལྟས་ན་སངས་རྒྱས་ཀྱི་ཞིང་སྣ་ཚོགས་ནས་སེམས་ཅན་ དགེ་རྩ་བསགས་པ་ཁྲག་ཁྲིག་མང་པོ་རྒྱལ་པོ་དཔའ་བས་བྱིན་གྱི་ཕོ་བྲང་འཁོར་དུ་མིར་སྐྱེས་ ཏེ་དེ་དག་རང་ལས་ཆོས་ཉན་པ་རྙེད་ན་ཕྱིར་མི་ལྡོག་པ་འཐོབ་ལ། མ་རྙེད་ན་ལྡོག་པར་མཐོང་ ཞིང་དེར་ཕྱིན་ན་རང་གི་སྲོག་གི་བར་ཆད་དུ་ཡང་འགྱུར་ལ། རྒྱལ་པོ་ཡང་དམྱལ་བར་ལྟུང་ བར་ཤེས་མོད་ཀྱི་དེ་ལ་མ་བལྟས་པར་སྙིང་རྗེས་དེར་ཞུགས་ཏེ་ཉིན་དྲུག་གི་བར་དུ་གྲོ ང་དང་ ལྗོངས་དང་ཕོ་བྲང་འཁོར་དུ་ཆོས་བསྟན་པས་སྲོག་ཆགས་མཐའ་ཡས་པ་ཕྱིར་མི་ལྡོག་པར་ བཀོདཅིང་ཟས་ཀྱི་བྱ་བ་མེད་པར་མཚན་མོ་ནི་དབུ་སྐྲ་དང་སེན་མོའི་མཆོད་རྟེན་གྱི་དྲུང་དུ་ འགྲེང་བས་དུས་འདའ་འོ།། ཉིན་བདུན་པ་ལ་རྒྱལ་པོ་དེ་བུ་དང་བུ་མོ་ལྔ་བརྒྱ་རེ་དང་བཙུན་མོའི་འཁོར་དང་དཔུང་ ཚོགས་སུ་བཅས་ཏེ་སྐྱེད་ཚལ་དུ་འགྲོ་བ་ན་རྒྱལ་པོའི་འཁོར་རྣམས་ཀྱིས་བྱང་ཆུབ་སེམས་ དཔའ་ཤིང་དྲུང་དུ་འཁོད་པ་ལ་སྐྱེ་བོའི་ཚོགས་ཆོས་ཉན་པ་མཐོང་མ་ཐག་དད་པའི་དབང་པོ་ བརྟས་ཤིང་ཕལ་ཆེར་ཕྱིར་མི་ལྡོག་པར་ཡང་གྱུར་ཏེ་བཞོན་པ་ལས་བབས་ནས་ཆོས་ཉན་པ་ མཐོང་བས་རྒྱལ་པོས་དེ་ཤིན་ཏུ་གཟུགས་མཛེས་པ་དང༌། བདག་ཉིད་ལས་གཞན་པའི་སྲོག་ ཆགས་ཐམས་ཅད་ཀྱིས་བླ་མར་བྱས་པ་མཐོང་བས་འདིས་བདག་གི་རྒྱལ་སྲིད་འཕྲོག་གོ་ 463 བསམ་གཏན་་བསྟན་པ། སྙམ་ནས་གསོད་པར་བསྒོས་པ་རང་གི་བུ་དག་གིས་ཟློག་པས་དེ་བས་ཀྱང་ཁུ་འཕྲིག་ཟོས་ ཏེ་གཤེད་མ་དགའ་བྱེད་ལ་བསྒོས་ཏེ། དེས་ཡན་ལག་དང་ཉིང་ལག་བཏུབས་པ་ན་འོ་མའི་ རྒྱུན་བབ། བཅད་མཚམས་ནས་འོད་ཟེར་མཐའ་ཡས་པས་འཇིག་རྟེན་སྣང་བར་བྱས་ཏེ་སླར་ དེ་ཉིད་དུ་ནུབ། རྒྱལ་པོ་ཞག་བདུན་སྐྱེད་ཚལ་དུ་གནས་ཀྱང་སྡིག་པའི་ལས་བྱས་པའི་ཕྱིར་ དགའ་བ་མ་ཐོབ་ནས་སླར་ལོག་པ་ན་དེའི་ས་གཞི་མེ་ཏོག་གི་ཆར་གྱིས་གཡོགས་ཤིང་ལུས་ གསེར་གྱི་ཁ་དོག་མ་ཉམས་ལ། སྐྱེས་བུ་ཆེན་པོའི་མཚན་སྣང་བ་མཐོང་བས་འདི་ནི་ཕྱིར་མི་ ལྡོག་པར་ངེས་ཏེ་བདག་གིས་མི་བཟད་པའི་ལས་བྱས་སོ་སྙམ་པའི་མོད་ལ་ལྷ་རྣམས་ཀྱིས་ དེ་དེ་བཞིན་ནོ་ཞེས་བརྗོད་ཅིང་བྱང་ཆུབ་སེམས་དཔའ་བདུན་སྟོང་པོ་ཡང་ལྷགས་ཏེ་དེའི་ཡོན་ ཏན་བརྗོད་པས་རྒྱལ་པོ་མི་བཟད་པར་འགྱོད་དེ་ཙནྡ་ནའི་མེས་གདུང་སྦྱངས། རིན་པོ་ཆེའི་ མཆོད་རྟེན་བྱས་ཏེ་མཆོད་པ་ཆེར་བྱས་ཉིན་རེ་དུས་གསུམ་དུ་བཤགས་པ་བྱས་ཀྱང་ཤི་ནས་ ངན་སོང་དུ་སོང་ལ། རྒྱལ་པོ་དེ་སྟོན་པ་ཉིད་དང་ཆོས་སྨྲ་བ་དེ་ཟླ་འོད་གཞོན་ནུར་གྱུར་པ་ཡིན་ པར་ཟླ་བ་སྒྲོན་མར་གསུངས་སོ། །དེས་ན་ཆོས་སྨྲ་བ་དེས་གཞན་མང་པོའི་སྡུག་བསྔལ་ཟད་ པར་བྱ་བའི་ཕྱིར་རང་དུས་མིན་དུ་འཆི་བའི་སྡུག་བསྔལ་ལ་མ་འཛེམས་པ་ལྟར་དོན་ཆེན་པོ་ མཐོང་ན་དེ་ལྟ་བུར་བསྒྲུབ་པར་བྱ་དགོས་སོ།། གསུམ་པ་ཕན་ཡོན་ལ་བཞི། གཞན་གྲོལ་བར་བྱེད་པའི་ཕན་ཡོན་དངོས་བཤད། རང་ དོན་འབའ་ཞིག་པའི་ཐར་པ་ལ་སྨད། རློམ་སེམས་དང་རེ་བ་མེད་པར་བསྟན། དེའི་ཕྱིར་ བདག་གཞན་མཉམ་པའི་སེམས་སྒོམ་པར་གདམས་པ་ཡིན་ནོ། །དང་པོ་ནི། 464 བསམ་གཏན་་བསྟན་པ། དེ་ལྟར་རྒྱུད་ནི་གོམས་གྱུར་ན།། གཞན་གྱི་སྡུག་བསྔལ་ཞི་དགའ་བས།། པདྨའི་མཚོ་ལ་ངང་པ་ལྟར།། མནར་མེད་པར་ཡང་འཇུག་པར་འགྱུར།། ༡༠༧ ཞེས་གསུངས་ཏེ། དེ་ལྟར་ཀུན་རྫོབ་ཏུ་བདག་གཞན་མཉམ་པ་དང་དོན་དམ་དུ་བདག་གཞན་ མི་དམིགས་པ་འདི་གོམས་ན་རང་གི་སྡུག་བསྔལ་ལ་ཇི་མི་སྙམ་པར་སྙིང་རྗེས་གཞན་གྱི་ སྡུག་བསྔལ་སེལ་བའི་ཆེད་དུ་མནར་མེད་པར་ཡང་དགའ་བས་འཇུག་གོ། གཉིས་པ་རང་དོན་འབའ་ཞིག་པའི་ཐར་པ་ལ་སྨད་པ་ནི། སེམས་ཅན་རྣམས་ནི་གྲོ ལ་བ་ན།། དགའ་བའི་རྒྱ་མཚོ་གང་ཡིན་པ།། དེ་ཉིད་ཀྱིས་ནི་ཆོག་མིན་ནམ།། ཐར་པ་འདོད་པས་ཅི་ཞིག་བྱ།། ༡༠༨ ཞེས་གསུངས་ཏེ། གཞན་གྲོལ་བ་དང་བདེ་བ་དེའི་དགའ་བས་བདག་ཉིད་ཚིམ་སྟེ་དེ་ཁོ་ན་ སྒྲུབ་ཀྱི་ཉན་རང་གི་ཐར་པ་ལག་མཐིལ་དུ་འོངས་ཀྱང་ཐོབ་པར་མི་བྱེད་དོ། །དེ་ལྟར་ཤིན་ཏུ་ ཡང་རིགས་ཏེ་སུ་ཡང་སྒྲོལ་བར་མི་བྱེད་པའི་གྲུ་ལ་སྙིང་པོ་མེད་པ་ལྟར་རང་ཉིད་གཅིག་པུའི་ ཐར་པ་ནི་སྙིང་རྗེ་ཅན་གྱི་མདུན་ན་ངོ་ཚ་བའི་གནས་ཡིན་པའི་ཕྱིར་རོ།། 465 བསམ་གཏན་་བསྟན་པ། གསུམ་པ་རློམ་སེམས་དང་རེ་བ་མེད་པར་བསྟན་པ་ནི། དེ་ལྟར་གཞན་གྱི་དོན་བྱས་ཀྱང༌།། རློམ་སེམས་དང་ནི་ངོ་མཚར་མེད།། གཅིག་ཏུ་གཞན་དོན་ལ་དགའ་བས།། རྣམ་སྨིན་འབྲས་བུར་རེ་བ་མེད།། ༡༠༩ ཅེས་གསུངས་ཏེ། དེ་ལྟར་ཉིན་རེས་ཀྱང་སེམས་ཅན་མཐའ་ཡས་པ་སྒྲོལ་བར་བྱེད་ཀྱང་ གཞན་དོན་ལ་དགའ་བ་དང་གོམས་པས་འཇུག་པར་ཟད་ཀྱི་བདག་གིས་བྱའོ་ཞེའམ་བྱས་སོ་ ཞེས་རློམ་སེམས་དང་ངོ་མཚར་དུ་འཛིན་པ་མེད་ལ་དེ་དག་ལས་ལན་དང་སྙན་ཚིག་མི་འདོད་ ཅིང་ཐ་ན་འབྲས་བུ་བྱང་ཆུབ་ལ་ཡང་རེ་བ་མེད་དེ། ཆོས་ཐམས་ཅད་བྱང་ཆུབ་ལས་མི་གཡོ་ བར་ཤེས་པའི་ཕྱིར་རོ།། བཞི་པ་དེའི་ཕྱིར་བདག་གཞན་མཉམ་པའི་སེམས་སྒོམ་པར་གདམས་པ་ནི། དེ་བས་ཇི་ལྟར་ཆུང་ངུ་ན།། མི་སྙན་ལས་ཀྱང་བདག་སྲུང་བ།། དེ་བཞིན་གཞན་ལའང་སྲུང་སེམས་དང༌།། སྙིང་རྗེའི་སེམས་ནི་དེ་ལྟར་བྱ།། ༡༡༠ 466 བསམ་གཏན་་བསྟན་པ། ཞེས་གསུངས་ཏེ། དེས་ན་བདག་ཉིད་མི་སྙན་པའི་ཚིག་ཆུང་ངུ་ལས་ཀྱང་སྲུང་བ་ལྟར་སེམས་ ཅན་ཐམས་ཅད་ཀྱང་བདག་བཞིན་དུ་སྡུག་བསྔལ་ལས་སྲུང་ཞིང་ཕན་བདེ་བསྒྲུབ་པར་བྱའོ།། གཉིས་པ་བདག་གཞན་བརྗེ་བ་སྒོམ་པ་ལ་གསུམ། བརྗེ་ནུས་པར་བསྟན་པ། སྒོམ་ ཚུལ་མདོར་བསྟན། དེ་རྒྱས་བཤད་དོ། །དང་པོ་ནི། གོམས་པ་ཡིས་ནི་གཞན་དག་གི། ཁུ་བ་ཁྲག་གི་ཐིགས་པ་ལ།། དངོས་པོ་མེད་པར་གྱུར་ཡང་ནི།། བདག་གོ་ཞེས་ནི་ཤེས་པ་ལྟར།། ༡༡༡ ཞེས་གསུངས་ཏེ། དེ་ཡང་བདག་མེད་སྒོམ་པ་ནི་ཆོས་ཀྱི་མཆོག་ཡིན་ལ་བདག་གཞན་བརྗེ་ བ་ནི་དེ་ལྟ་མ་ཡིན་ནོ་སྙམ་ན། སྤྱིར་གང་ཟག་གི་བདག་རྟོག་དང༌། གཟུང་བའི་བདག་རྟོག་ ཙམ་གཙོ་བོར་ཟློག་པ་ནི་ཉན་རང་གི་ལམ་སྟེ་འབྲས་བུ་ཉི་ཚེ་བར་ཟད་ལ། ཇི་ལྟར་རྡོ་གཙང་ མའི་སྟེང་དུ་ས་བོན་མི་སྐྱེ་ལ། ས་གཞི་ལྗན་ལྗིན་དང་བཙོག་པས་ཁེབས་པ་ལ་ནི་ལོ་ཐོག་ ལེགས་པར་སྐྱེ་བ་ལྟར་ཉན་རང་སྲེད་པ་དང་བྲལ་བ་ལ་ནི་དེ་ལྟ་མིན་ལ། སོ་སྐྱེ་ཉོན་མོངས་ ཀྱི་འཆིང་བ་ཐམས་ཅད་པ་ལ་ནི་བྱང་ཆུབ་ཀྱི་སེམས་ཡོན་ཏན་ཐམས་ཅད་པ་སྐྱེ་སྟེ། དེའི་ཕྱིར་ བདག་ཏུ་འཛིན་པ་ནི་དེ་བཞིན་གཤེགས་པའི་གདུང་ངོ༌། །མ་རིག་པ་དང་འདོད་ཆགས་དང་ ཞེ་སྡང་དང་གཏི་མུག་ནི་དེ་བཞིན་གཤེགས་པའི་གདུང་ངོ༌། །ཞེས་དང༌། 467 བསམ་གཏན་་བསྟན་པ། ཇི་ལྟར་གྲོང་ཁྱེར་སྐྱེ་བོའི་མི་གཙང་ལུད།། དེ་ནི་བུ་རམ་ཤིང་པའི་ཞིང་ལ་ཕན།། དེ་བཞིན་བྱང་ཆུབ་སེམས་དཔའི་ཉོན་མོངས་ལུད།། དེ་ནི་སངས་རྒྱས་ཆོས་རྣམས་སྐྱེད་ལ་ཕན།། ཞེས་གསུངས་པ་ཡིན་ནོ། །དེ་ཡང་གཞན་ཕའི་ཁུ་བ་དང་མའི་ཁྲག་གི་ཐིགས་པ་འདྲེས་པའི་ གོང་བུ་སྨིན་ནས་ཡན་ལག་དང༌། ཉིང་ལག་དང༌། དབང་པོ་དང་བཅས་པར་སྣང་བ་འདི་ ལ་བདག་གམ་གཞན་ཞེས་བྱ་བ་ཅི་ཡང་མེད་ཀྱང་སེམས་ཀྱིས་བདག་གོ་ཞེས་འདུ་ཤེས་པ་ གོམས་པ་དེ་ལྟར་དུ། དེ་བཞིན་གཞན་གྱི་ལུས་ལ་ཡང༌།། བདག་ཅེས་ཅི་ཡི་ཕྱིར་མི་བཟུང༌།། བདག་གི་ལུས་ནི་གཞན་དག་ཏུའང༌།། བཞག་པ་དེ་ལྟར་དཀའ་བ་མེད།། ༡༡༢ ཅེས་གསུངས་ཏེ། སེམས་ཁྱོད་ཀྱིས་སེམས་ཅན་གཞན་འདི་རྣམས་ལ་ཡང་བདག་ཏུ་ཅིས་མི་ བཟུང་སྟེ། བཟུང་བྱའི་བདག་མེད་པར་ཡང་མཚུངས་ཤིང་བློས་འཛིན་ན་གང་ལ་ཡང་བཟུང་ ཆོག་པའི་ཕྱིར། དེ་ལྟར་གོམས་ན་གཞན་ལུས་ལ་བདག་གི་འདུ་ཤེས་སྐྱེ་ཞིང་བདག་ལུས་ལ་ གཞན་གྱི་འདུ་ཤེས་སྐྱེ་བ་ལ་ཡང་དཀའ་བ་ཅི་ཡང་མེད་དོ།། 468 བསམ་གཏན་་བསྟན་པ། གཉིས་པ་མདོར་བསྟན་ནི། བདག་ཉིད་སྐྱོན་བཅས་གཞན་ལ་ཡང༌།། ཡོན་ཏན་རྒྱ་མཚོར་ཤེས་བྱས་ནས།། བདག་འཛིན་ཡོངས་སུ་དོར་བ་དང༌།། གཞན་བླང་བ་ནི་བསྒོམ་པར་བྱ།། ༡༡༣ ཞེས་གསུངས་ཏེ། དེས་ན་བདག་འབའ་ཞིག་སྐྱོན་གྱི་ཕུང་པོ་དང་གཞན་ཡོན་ཏན་གྱི་རྒྱ་ མཚོར་ཤེས་པས་བདག་གཅེས་པར་འཛིན་པ་དོར་ཏེ་ད་ནི་གཞན་ཁོ་ན་གཅེས་པར་བཟུང་ བར་བྱའོ།། གསུམ་པ་རྒྱས་བཤད་ལ་བཞི། བརྗེ་རིགས་པའི་འཐད་པ། བདག་དོར་ཞིང་གཞན་བླང་ བའི་སྒོ་ནས་བསམ་པས་བརྗེ་ཚུལ། བརྗེས་པའི་ཕན་ཡོན་དང་མ་བརྗེས་པའི་ཉེས་དམིགས། བརྗེ་ཚུལ་དངོས་རྒྱས་པར་བཤད་པའོ། །དང་པོ་ལ་དྲུག གོམས་ན་གཞན་ལ་ཡང་བདག་ གི་བློ་སྐྱེ་ནུས་པར་བསྟན། དེའི་ཕན་ཡོན་བསྟན། གོམས་སུ་གཞུག་ཚུལ་བཤད། དེའི་དཔེ་ བསྟན། གོམས་ན་སླ་བས་འཇིགས་མི་དགོས་པར་བསྟན། དེས་ན་བདག་གཞན་བརྗེ་བ་ སྒོམ་པར་གདམས་པའོ། །དང་པོ་ནི། ཇི་ལྟར་ལག་པ་ལ་སོགས་པ།། ལུས་ཀྱི་ཡན་ལག་ཡིན་འདོད་ལྟར།། 469 བསམ་གཏན་་བསྟན་པ། དེ་བཞིན་འགྲོ་བའི་ཡན་ལག་ཏུ།། ཅི་ཕྱིར་ལུས་ཅན་རྣམས་མི་འདོད།། ༡༡༤ ཅེས་གསུངས་ཏེ། གལ་ཏེ་གཞན་མང་པོ་ཡིན་ན་དེ་དང་བདག་གཅིག་པུ་རྗེ་བར་ག་ལ་ནུས་ སྙམ་ན་ལུས་འདི་ཡང་ཕྱེ་ན། རུས་ཚིགས་སུམ་བརྒྱ་དྲུག་ཅུ། སྐྲ་ཉི་ཁྲི་ཆིག་སྟོང༌། རྩ་སྟོང་ཕྲག་ དོན་གཉིས། བ་སྤུ་བྱེ་བ་ཕྲག་མང་པོ། དོན་ལྔ། སྣོད་དྲུག་སོགས་ཡན་ལག་མང་པོ་ཡིན་ཡང་ སེམས་ཀྱིས་བདག་ལུས་གཅིག་ཏུ་འཛིན་པ་ལྟར་སེམས་ཅན་མང་པོ་འདི་རྣམས་ཀྱང་རེ་རེ་ཞིང་ སྐྱེ་འགྲོའི་བྱེ་བྲག་ཡིན་ལ། སེམས་ཅན་དེ་ཐམས་ཅད་ལ་གཞན་གཅིག་གི་འདུ་ཤེས་སྐྱེ་བར་ནུས་ སོ། །དཔེ་འདི་གོང་དུ། ལག་པ་ལ་སོགས་དབྱེ་བ་རྣམ་མང་ཡང༌། །ཞེས་པ་དང་ཟློས་སོ་ཞེ་ན། མི་ཟློས་ཏེ་སྔ་མ་སྲུང་བྱར་གཅིག་པ་དང་འདི་ལུས་སུ་གཅིག་པའི་དོན་དུ་འཆད་པའི་ཕྱིར་རོ།། ཇི་ལྟར་བདག་མེད་ལུས་འདི་ལ།། གོམས་པས་བདག་གི་བློ་འབྱུང་བ།། དེ་བཞིན་སེམས་ཅན་གཞན་ལ་ཡང༌།། གོམས་པས་བདག་བློ་ཅིས་མི་སྐྱེ།། ༡༡༥ ཞེས་གསུངས་ཏེ། དེ་ལན་གཅིག་སྐྱེས་པས་ཆོག་གམ་སྙམ་ན་ཡང་ཡང་གོམས་པར་བྱ་ དགོས་ཏེ་གོམས་པ་ན་བདག་མེད་ཀྱི་ལུས་ལ་བདག་གི་བློ་སྐྱེ་བ་ལྟར་གཞན་ལ་བདག་ འཛིན་གོམས་ནའང་དེ་ལ་བདག་གི་འདུ་ཤེས་སྐྱེའོ།། 470 བསམ་གཏན་་བསྟན་པ། གཉིས་པ་དེའི་ཕན་ཡོན་བསྟན་པ་ནི། དེ་ལྟ་ན་ནི་གཞན་གྱི་དོན།། བྱས་ཀྱང་ངོ་མཚར་རློམ་མི་འབྱུང༌།། བདག་ཉིད་ཀྱི་ནི་ཟན་ཟོས་ནས།། ལན་ལ་རེ་བ་མི་འབྱུང་ཞིང༌།། ༡༡༦ ཞེས་གསུངས་ཏེ། དེ་ལྟར་སྔར་གཞན་དུ་བཟུང་བ་དེ་ཁོ་ན་ལ་གཅེས་པར་འཛིན་པ་སྐྱེས་ཏེ་ རྣམ་པ་སྣ་ཚོགས་པས་དེའི་དོན་སྒྲུབ་པར་འགྱུར་ལ། དེའི་ཚེ་ཡང་དོན་སྒྲུབ་ཡུལ་དེ་ལས་ཕན་ བཏགས་པའི་ལན་འདོད་པ་དང་ཚིག་གི་གཏང་རག་རེ་བའམ་འདིའི་དོན་བྱས་སོ་ཞེས་པའི་ རློམ་སེམས་གང་ཡང་འབྱུང་བའི་གནས་མེད་དེ། དཔེར་ན། འཇིག་རྟེན་པ་དག་རང་གི་ཟས་ ཟོས་ནས་རང་ལ་ལན་མི་རེ་བ་བཞིན་ནོ།། གསུམ་པ་གོམས་སུ་གཞུག་ཚུལ་བཤད་པ་ནི། དེ་བས་ཇི་ལྟར་ཆུང་ངུ་ན།། མི་སྙན་ལས་ཀྱང་བདག་སྲུང་བ།། དེ་བཞིན་འགྲོ་ལ་སྲུང་སེམས་དང༌།། སྙིང་རྗེའི་སེམས་ནི་གོམས་པར་བྱ།། ༡༡༧ 471 བསམ་གཏན་་བསྟན་པ། ཞེས་གསུངས་ཏེ། གོམས་པ་དེ་ཡང་དང་པོར་མེ་ཆུང་ངུ་ནས་གསོ་བ་ལྟར་ཆུང་ངུ་ནས་གོམས་ པར་བྱ་སྟེ། ཇི་ལྟར་བདག་ཉིད་མི་འདོད་པ་ཆུང་ངུ་ལས་ཀྱང་སྲུང་བ་དེ་ལྟར་སེམས་ཅན་གང་ ཡང་རུང་བ་ཞིག་ལ་ཐ་ན་ཀུ་རེ་དང་ཀྱལ་ཀ་ཙམ་དུ་ཡང་མི་འདོད་པ་དང་མི་སྙན་པ་ཆུང་ངུ་ ཙམ་འདུག་པའང་བསལ་ཞིང་སྲུང་བར་བྱ་ལ། རྟག་ཏུ་གཞན་ཕན་དང་སྙིང་རྗེའི་སེམས་རྒྱུན་ མི་འཆད་པར་གོམས་ཤིང་ལག་ལེན་དུ་གདབ་པར་བྱའོ།། བཞི་པ་དེའི་དཔེ་བསྟན་པ་ནི། དེ་བས་མགོན་པོ་སྤྱན་རས་གཟིགས།། ཐུགས་རྗེ་ཆེན་པོས་འགྲོ་བ་ཡི།། འཁོར་གྱི་འཇིགས་པའང་བསལ་བའི་ཕྱིར།། རང་གི་མཚན་ཡང་བྱིན་གྱིས་བརླབས།། ༡༡༨ ཞེས་གསུངས་ཏེ། འགྲོ་བའི་སྡུག་བསྔལ་ཆུང་ངུ་ནས་བསལ་དགོས་ཤིང་སེལ་ནུས་ཏེ། ཇི་ ལྟར་མགོན་པོ་སྤྱན་རས་གཟིགས་འཁོར་ལོས་བསྒྱུར་བ་རྩིབས་ཀྱི་མུ་ཁྱུད་ཀྱི་སྲས་ཀྱི་ཐུ་བོ་ མིག་མི་འཛུམས་པར་གྱུར་པའི་ཚེ་བདག་གིས་སེམས་ཅན་གྱི་ཁམས་ཐམས་ཅད་ལ་རྣམ་ པར་བལྟས་ནས་སྡུག་བསྔལ་མཐའ་ཡས་པར་མཐོང་ལ་སྡུག་བསྔལ་དེ་ཐམས་ཅད་ལས་ བསྐྱབ་པའི་ཕྱིར། བདག་གིས་བྱང་ཆུབ་སེམས་དཔའི་དུས་ཉིད་ནས་སངས་རྒྱས་ཀྱི་བྱ་བ་བྱ་ སྟེ་བདག་གིས་མིང་བྱིན་གྱིས་བརླབ་པར་བྱའོ།། 472 བསམ་གཏན་་བསྟན་པ། བདག་གི་མིང་གང་གིས་ཐོས་པ་ལ་ངན་འགྲོའི་འཇིགས་པ་མེད་པ་དང༌། མི་ཁོམ་པར་མི་ལྟུང་ བ་དང༌། བདེ་བ་ཅན་དུ་སྐྱེ་བར་གྱུར་ཅིག་ཅེས་སོགས་རྒྱ་ཆེར་སྨོན་པ་ན་དེ་བཞིན་གཤེགས་པ་ རིན་ཆེན་སྙིང་པོས་ལེགས་སོ་བྱིན་ཏེ། ཁྱོད་ཀྱིས་སེམས་ཅན་གྱི་ཁམས་ཐམས་ཅད་ལ་རྣམ་ པར་བལྟས་པའི་ཕྱིར་ཁྱོད་ཀྱི་མིང་ནི་སྤྱན་རས་གཟིགས་དབང་ཕྱུག་ཅེས་བྱའོ་ཞེས་མཚན་ བཏགས་ཅིང་སྡོང་པོ་བཀོད་པར། བདག་གི་མིང་ལན་གསུམ་དྲན་པས་འཁོར་གྱི་ནང་དུ་བག་ ཚ་བའི་འཇིགས་པ་མེད་པར་གྱུར་ཅིག་ཅེས་དང༌། སེམས་ཅན་འགའ་ཞིག་སེམས་མྱོས་པས་ ཀྱང་བདག་གི་མིང་ཙམ་འཛིན་པར་བྱེད་ན། དེ་ལ་སྡུག་བསྔལ་ཐམས་ཅད་རྣམ་པ་ཐམས་ཅད་ དུ་འབྱུང་བར་མི་འགྱུར་ལ། ཐ་ན་འཁོར་གྱིས་འཇིགས་ཤིང་སྐྲག་པ་ཙམ་ཡང་མི་འབྱུང་བར་ ངས་བྱིན་གྱིས་བརླབས་སོ། །ཞེས་གསུངས་ཤིང༌། གཞན་ཡང་བརྩོན་དུ་བཅིངས་པས་དེའི་མཚན་དྲན་ན་སྒྲོག་དང་རྡོས་ལ་སོགས་པའི་ འཆིང་བ་ཐམས་ཅད་ཆད་ཅིང་བདེ་བར་ཐར་བ་དང༌། གཡུལ་ངོར་དྲན་ན་མཚོན་གྱིས་མི་ འཛུག་ཅིང་རྒྱལ་བ་འཐོབ་པ་སོགས་རྒྱ་ཆེར་བཤད་དོ། །དེས་ན་འཁོར་གྱིས་བག་ཚ་བའི་ འཇིགས་པ་ཙམ་ལས་ཀྱང་སྐྱོབ་པར་སྨོན་ལམ་མཛད་ཅིང་དེའི་མཚན་དྲན་པས་ཀྱང་སྐྱོབ་ ནུས་པ་ལྟར་བདག་ཅག་གིས་ཀྱང་སྨོན་ལམ་དང་ཐབས་མཁས་པའི་མཐུས་སྐྱོབ་པར་ནུས་ ཤིང་བསྐྱབ་པ་ལ་བརྩོན་པར་བྱའོ།། 473 བསམ་གཏན་་བསྟན་པ། ལྔ་པ་གོམས་ན་སླ་བས་འཇིགས་མི་དགོས་པར་བསྟན་པ་ནི། དཀའ་ལས་ཕྱིར་ལྡོག་མི་བྱ་སྟེ།། གང་གིས་མིང་ཐོས་འཇིགས་པ་ཡང༌།། འདི་ལྟར་གོམས་པའི་མཐུ་ཡིས་ནི།། དེ་ཉིད་མེད་ན་མི་དགར་འགྱུར།། ༡༡༩ ཞེས་གསུངས་ཏེ། གཞན་ལ་གཅེས་པར་འཛིན་པ་ནི་དཀའོ་སྙམ་ན་མི་དཀའ་སྟེ། སྤྱིར་ཕ་མ་ དག་ཀྱང་རང་གི་བུའོ་སྙམ་དུ་འདུ་ཤེས་པ་དེ་ལ་རང་ལས་གཅེས་པར་འཛིན་པ་དང་ཁྲ་དང་ སྤྱང་ཀི་ཡང་རང་གི་ཕྲུ་གུ་ལ་གཅེས་པར་བལྟ་བ་སོགས་སེམས་ཅན་འདི་རྣམས་ཀྱི་འཇིག་ རྟེན་པའི་བདག་པས་གཞན་གཅེས་ཀྱི་བློ་འབྱུང་བ་དུ་མ་ཡོད་པ་ཡང་བདག་པས་གཞན་ གཅེས་ཀྱི་རིགས་ཡིན་པས་སེམས་ཅན་ཐམས་ཅད་ལ་ཡང་འདིའི་རིགས་དང་ས་བོན་ཙམ་ ཡོད་དེ། མ་བུ་ལ་བྱམས་པ་སོགས་བྱམས་པ་དང་སྙིང་རྗེའི་རིགས་ཡིན་པ་བཞིན་ནོ།། དེས་ན་རིགས་དེ་གསལ་གདབ་པར་ནུས་པའི་ཕྱིར་དང་ཆོས་ཐམས་ཅད་ནི་གོམས་ པའི་རྩ་བ་ཅན་ཏེ། དཔེར་ན། རྒྱལ་པོ་གཉིས་དགྲར་གྱུར་ཏེ་གཅིག་ལ་གཅིག་ཐོས་སུ་མི་ བཟོད་པའི་ཞེ་སྡང་ཡོད་པ་ལས་ཅི་ཞིག་ན་མཛའ་བོར་བྱས་པ་ན་ཆེས་ཕན་ཚུན་བྱམས་པས་ སྐད་ཅིག་ཙམ་བྲལ་ན་ཡང་མི་དགའ་ཞིང་སྐྱོ་བར་འགྱུར་བས་འབྲལ་མི་ཕོད་པའི་མཛའ་ བོར་འགྱུར་བ་བཞིན་ནོ།། 474 བསམ་གཏན་་བསྟན་པ། དྲུག་པ་དེས་ན་བདག་གཞན་བརྗེ་བ་སྒོམ་པར་གདམས་པ་ནི། གང་ཞིག་བདག་དང་གཞན་རྣམས་ནི།། མྱུར་དུ་བསྐྱབ་པར་འདོད་པ་དེས།། བདག་དང་གཞན་དུ་བརྗེ་བྱ་བ།། གསང་བའི་དམ་པ་སྤྱད་པར་བྱ།། ༡༢༠ ཞེས་གསུངས་ཏེ། དེས་ན་བདག་ཉིད་སྐྱོབ་པར་འདོད་པ་རྣམས་ཀྱིས་ཀྱང་བདག་དོན་དོར་ ནས་གཞན་ཕན་ཁོ་ན་ལྷུར་བྱ་སྟེ། བྱིས་པས་རང་དོན་བྱས་པ་དང༌།། ཐུབ་པས་གཞན་དོན་མཛད་པ་སྟེ།། འདི་གཉིས་ཀྱི་ནི་ཁྱད་པར་ལྟོས།། ཞེས་འཆད་པར་འགྱུར་རོ། །སྙིང་རྗེའི་བློ་ཅན་སེམས་ཅན་ཐམས་ཅད་བསྐྱབ་པར་འདོད་པ་ དེས་ཀྱང་འདི་ཁོ་ན་ལ་བསླབ་པར་བྱ་སྟེ། ཀླུའི་ཞབས་ཀྱིས། བདག་ལ་དེ་དག་སྡིག་སྨིན་ཞིང༌།། བདག་དགེ་མ་ལུས་དེར་སྨིན་ཤོག། ཅེས་གསུངས་ཤིང༌། སྐྱེས་པའི་རབས་རྒྱ་མཚོ་ལྟ་བུ་རྣམས་ཀྱང་བདག་གི་བདེ་དགེ་དང༌། 475 བསམ་གཏན་་བསྟན་པ། གཞན་གྱི་སྡུག་བསྔལ་བརྗེ་བ་ཕྱག་བཞེས་སུ་བཏབ་པ་ཁོ་ན་ཡིན་པའི་ཕྱིར། བདག་ གཞན་བརྗེ་བའི་བྱང་ཆུབ་ཀྱི་སེམས་སྒོམ་པ་འདི་ནི་བྱང་ཆུབ་སེམས་དཔའ་རྣམས་ཀྱི་ གསང་བའི་ལམ་སྟེ་ཕྱི་རོལ་པ་ལྟ་ཞོག་ཉན་ཐོས་དང༌། རང་སངས་རྒྱས་ཐམས་ཅད་ལ་ ཡང་རྨི་ལམ་དུ་ཡང་མ་གྲགས་པ་ཞིག་སྟེ། མདོ་ཆེན་པོ་རྣམས་ལས་ཀྱང་བདག་ཏུ་ལྟ་བ་ནི་ དེ་བཞིན་གཤེགས་པའི་གདུང་ངོ༌། །ཞེས་སོགས་ཀྱིས་ས་བོན་ཙམ་རྡོ་རྗེའི་ཚིག་ཏུ་བསྟན་ ཞིང་འཕགས་པ་འཇམ་དཔལ་གྱིས་དཔལ་མགོན་ཀླུའི་ཞབས་དང༌། བཅོམ་ལྡན་འདས་ བྱམས་པས་འཕགས་པ་ཐོགས་མེད་རྗེས་སུ་བཟུང་ནས་མདོའི་དོན་མན་ངག་ཏུ་གསལ་ བར་མཛད་པ་ཡིན་ནོ།། གཉིས་པ་བདག་དོར་ཞིང་གཞན་བླང་བའི་སྒོ་ནས་བསམ་པས་བརྗེ་ཚུལ་ལ་གསུམ། ལུས་ཆགས་བྱ་མིན་པར་བསྟན། ལུས་ལ་ཆགས་པའི་ཉེས་པ་བསྟན། སྤྱད་པ་སྐྱོན་དང་བྱིན་ པ་ཡོན་ཏན་དུ་བསྟན་པའོ། །དང་པོ་ནི། བདག་ལུས་གང་ལ་ཆགས་པ་ཡིས།། འཇིགས་གནས་ཆུང་ལའང་འཇིགས་སྐྱེ་བ།། འཇིགས་པ་སྐྱེ་བའི་ལུས་དེ་ལ།། སུ་ཞིག་དགྲ་བཞིན་སྡང་མི་བྱེད།། ༡༢༡ ཅེས་གསུངས་ཏེ། བློ་ཆུང་ངུ་ཁ་ཅིག་བདག་གི་ལུས་ནི་ཤིན་ཏུ་གཅེས་པས་བརྗེ་བར་མི་ནུས་སོ་ 476 བསམ་གཏན་་བསྟན་པ། སྙམ་ན་སྔར་ཡང་ལུས་ལ་ཆགས་པ་ཁོ་ནས་སྡུག་བསྔལ་ཐམས་ཅད་སྐྱེད་པ་ཡིན་ཏེ། འཇིགས་ པའི་གནས་ཆུང་ངུ་སྡོམ་དང་སྡིགས་པ་དང་ཤ་སྦྲང་ཙམ་ལ་ཡང་སྐྲག་པ་དང༌། འཇིགས་པར་ལྟ་ བ་ནི་དེས་ལུས་ལ་གནོད་ཀྱིས་དོགས་པ་གོམས་པ་ལས་བྱུང་བ་ཡིན་ལ། དེས་ན་ལུས་འདི་ལ་ ཆགས་ན་ནི་འཇིགས་པའི་གནས་སུ་མི་མཐོང་བ་འགའ་ཡང་མེད་དེ་གྲིབ་མ་ལ་འདྲེར་མཐོང་བ་ དང༌། མཚན་མོ་བྱུང་བ་ན་འདྲེས་འཇིགས་པ་དང་མུན་པ་ར་རིའི་ཚེ་ཤིང་ཕུང་ལྟ་བུ་ནག་ཡོར་བ་ ཙམ་མཐོང་བས་ཀྱང་སྐྲག་པ་སོགས་སྐྱེ་བའི་ཕྱིར། སེམས་ལ་སུས་ཀྱང་གནོད་པར་མི་ནུས་ཤིང་ ལུས་ཉིད་ནི་ཅིར་ཡང་མི་རྟོག་མོད་ཀྱང་ལུས་ལྦུ་བ་ལྟ་བུ་འདི་ལ་སེམས་རླུང་ལྟ་བུ་འདིས་བདག་ གིར་བཟུང་བས་བདུད་སྡིག་ཅན་གྱི་མགུལ་པར་ཁྱི་རོ་རུལ་བ་ཐོགས་པ་ལྟ་བུར་སྡུག་བསྔལ་ མྱོང་བ་ཡིན་ན་ཁྱི་རོ་ལྟ་བུའི་ལུས་དེ་ལ་སུ་ཞིག་ཆགས་པར་བྱེད། གཉིས་པ་ལུས་ལ་ཆགས་པའི་ཉེས་པ་བསྟན་པ་ནི། ལུས་གང་བཀྲེས་དང་སྐོམ་སོགས་ནད།། གསོ་བའི་ཆོ་ག་བྱེད་འདོད་པས།། བྱ་དང་ཉ་དང་རི་དྭགས་དག། གསོད་པར་བྱེད་ཅིང་ལམ་སྒུགས་བྱེད།། ༡༢༢ གང་ཞིག་ཁེ་དང་རིམ་གྲོའི་ཕྱིར།། ཕ་དང་མ་ཡང་གསོད་བྱེད་ཅིང༌།། 477 བསམ་གཏན་་བསྟན་པ། དཀོན་མཆོག་གསུམ་གྱི་དཀོར་བརྐུས་ནས།། དེས་ན་མནར་མེད་སྲེག་འགྱུར་ན།། ༡༢༣ མཁས་པ་སུ་ཞིག་ལུས་དེ་ལ།། འདོད་ཅིང་སྲུང་དང་མཆོད་བྱེད་ཀྱི།། འདི་ལ་སུ་ཞིག་དགྲ་བཞིན་དུ།། ལྟ་བར་མི་བྱེད་བརྙས་མི་བྱེད།། ༡༢༤ ཅེས་གསུངས་ཏེ། ལུས་གསོ་བའི་ལྟོ་གོས་ཙམ་གྱི་ཕྱིར་སྡིག་པའི་ལས་མི་བྱེད་པ་ཅི་ཡང་མེད་ དེ། བྱ་པ་དང༌། རྔོན་པ་དང༌། ཉ་པའི་ལས་བྱེད་ཅིང་མཚམས་མེད་པ་ལྔ་བྱེད་པ་དང༌། དཀོན་ མཆོག་གི་དཀོར་རྐུ་ཞིང་འཕྲོག་པ་སོགས་ལྕི་བའི་སྡིག་པ་བྱེད་ལ་གང་གི་དོན་དུ་བྱས་པའི་ ལུས་དེ་ནི་ཤུལ་དུ་ཞིག་པར་འགྱུར་ཡང༌། བྱེད་པ་པོའི་སེམས་རྒྱུན་དེས་ནི་དམྱལ་བ་མནར་ མེད་པ་ལ་སོགས་པར་སྡུག་བསྔལ་མི་བཟད་པ་མྱོང་བར་འགྱུར་ལ། འདི་ལྟར་ལུས་ལ་ཆགས་ པ་ལྟ་བུའི་གནོད་པ་ནི་དགྲས་ཀྱང་བྱེད་པར་མི་ནུས་ཏེ་དགྲས་ནི་གསོད་པ་དང་ནོར་འཕྲོག་ པ་ཙམ་དུ་ཟད་ཀྱི་དམྱལ་བར་སྐྱུར་མི་ནུས་པའི་ཕྱིར་རོ། །དེས་ན་སྔར་བསྟན་པ་ལྟར་ལུས་ འདི་ནི་ཤ་ཐང་ཆད་ཆད་དུ་དགེ་བ་ལ་བཀོལ་བར་རིགས་ཀྱི་ཞེན་ཞིང་ཆགས་པས་འདི་ཁོ་ན་ མཚག་བཟང་བར་བྱེད་མི་རིགས་སོ།། 478 བསམ་གཏན་་བསྟན་པ། གསུམ་པ་སྤྱད་པ་སྐྱོན་དང་བྱིན་པ་ཡོན་ཏན་དུ་བསྟན་པ་ནི། གལ་ཏེ་བྱིན་ན་ཅི་སྤྱད་ཅེས།། བདག་དོན་སེམས་པ་འདྲེ་ཡི་ཚུལ།། གལ་ཏེ་སྤྱད་ན་ཅི་སྦྱིན་ཞེས།། གཞན་དོན་སེམས་པ་ལྷ་ཡི་ཆོས།། ༡༢༥ ཞེས་གསུངས་ཏེ། དེའི་ཕྱིར་འདི་གཞན་ལ་བྱིན་ན་དེའི་འོག་ཏུ་བདག་ཅི་ཟ་ཞེས་དང༌། འདི་ གཞན་ལ་བྱིན་ན་བདག་ཅི་ལོངས་སྤྱོད་སྙམ་པ་དེ་ནི་ངན་པ་འདྲེ་ལྟ་བུའི་རྟོག་པ་སྟེ་དབུལ་ བའི་རྒྱུ་ཡང་སེར་སྣ་ཁོ་ན་ཡིན་པའི་ཕྱིར་རོ།། གལ་ཏེ་འདི་བདག་ཉིད་ཀྱིས་ལོངས་སྤྱད་ན་གཞན་ལ་ཅི་ཞིག་སྦྱིན་ཞེས་སེམས་པས་ རྒྱལ་པོ་གསེར་མདོག་གིས་རང་གི་བཟའ་བ་འབྲས་བྲེའུ་ཆུང་གང་ཁོ་ན་བདོག་པའི་ཚེ་འདི་ནི་ ཟོས་སམ་མ་ཟོས་ཀྱང་འཆི་ཡི་དྲང་སྲོང་འདི་བདག་ལས་བསོད་སྙོམས་མ་ཐོབ་པར་བྱོན་ན་ མི་རུང་ངོ་སྙམ་ནས་དེ་རང་རྒྱལ་ལ་བྱིན་པ་ལྟ་བུ་ནི་ལྷའི་ཚུལ་རྨད་དུ་བྱུང་བའི་བློ་ཡིན་ལ། སྤྱིར་དེ་བཞིན་གཤེགས་པས་ངས་སྦྱིན་པའི་ཕན་ཡོན་མངོན་སུམ་དུ་མཐོང་བ་ལྟ་བུར་སེམས་ ཅན་འདི་དག་གིས་ཀྱང་མཐོང་ན་ཁམ་གྱི་ཕྱེད་ཀྱང་སྦྱིན་པར་བྱེད་ཀྱི་ཟ་བར་མི་སྤྲོའོ་ཞེས་ གསུངས་ལ། ཡང་ན་སེར་སྣ་ནི་ཡི་དྭགས་ཀྱི་རྒྱུ་དང་སྦྱིན་པ་ནི་ལྷར་སྐྱེ་བའི་རྒྱུ་འོ་ཞེས་ཀྱང་ བཤད་རུང་ངོ༌།། 479 བསམ་གཏན་་བསྟན་པ། གསུམ་པ་བརྗེས་པའི་ཕན་ཡོན་དང་མ་བརྗེས་པའི་ཉེས་དམིགས་ལ་ལྔ། བདག་གཞན་ མ་བརྗེས་པའི་སྐྱོན་དང་བརྗེས་པའི་ཡོན་ཏན་སྣྲེལ་ཞིང་བཤད། མ་བརྗེས་ན་སངས་རྒྱས་མི་ འགྲུབ་པར་བསྟན་པ། རྣམ་གསལ་གྱི་དཔེ་བཤད་པ། གཞན་ལ་གནོད་པའི་འབྲས་བུ་བསྟན་ པ། རྩ་བ་བདག་འཛིན་དོར་བྱར་བསྟན་པའོ། །དང་པོ་ནི། བདག་ཕྱིར་གཞན་ལ་གནོད་བྱས་ན།། དམྱལ་ལ་སོགས་པར་གདུང་བར་འགྱུར།། གཞན་ཕྱིར་བདག་ལ་གནོད་བྱས་ན།། ཕུན་སུམ་ཚོགས་པ་ཐམས་ཅད་འཐོབ།། ༡༢༦ ཅེས་གསུངས་ཏེ། མདོར་ན་བདག་ཉིད་གཅེས་པར་བཟུང་བ་ཁོ་ནས་མཐོང་བ་དང་མ་ མཐོང་བའི་སྡུག་བསྔལ་ཐམས་ཅད་བསྐྱེད་པ་ཡིན་ཏེ་ངན་སོང་གསུམ་ཡང༌། གཞན་ལ་ གནོད་པ་བྱས་པའི་རྣམ་སྨིན་གྱི་འབྲས་བུ་ཁོ་ན་ཡིན་ལ། དེ་ཡང་བདག་གམ་བདག་གི་ བའི་ཆེད་ཁོ་ནར་བྱེད་པའི་ཕྱིར། གཞན་ཕྱིར་བདག་ལ་གནོད་བྱས་ན་ཕུན་སུམ་ཚོགས་པ་ ཐམས་ཅད་འཐོབ་སྟེ་མགོ་ལ་སོགས་པ་བཏང་དཀའ་བ་གཞན་གྱི་བསམ་པ་རྫོགས་པའི་ ཕྱིར་གཏོང་བ་དང་ཡན་ལག་དང་ཉིང་ལག་བཅད་ཀྱང་མི་འཁྲུགས་པའི་བཟོད་པ་སོགས་ ཀྱིས་རྫོགས་པའི་སངས་རྒྱས་འགྲུབ་ཅིང་གནས་སྐབས་སུ་ལྷ་མིའི་མཆོག་ཟད་མི་ཤེས་པ་ འཐོབ་པའི་ཕྱིར། 480 བསམ་གཏན་་བསྟན་པ། བདག་ཉིད་མཐོ་བར་འདོད་པ་དེས།། ངན་འག ྲོ་ངན་དང་གླེན་པར་འགྱུར།། དེ་ཉིད་གཞན་ལ་སྤོ་བྱས་ན།། བདེ་འགྲོར་རིམ་གྲོ་འཐོབ་པར་འགྱུར།། ༡༢༧ ཞེས་གསུངས་ཏེ། བདག་ཉིད་ང་རྒྱལ་གྱིས་མཐོ་བར་བསྙེམས་པ་དང་བདག་ཁོ་ན་མཐོ་ལ་ གཞན་ཐམས་ཅད་དམའ་བར་བྱ་འདོད་པ་དང༌། བདག་གི་དོན་དུ་གཞན་བཀོལ་ན།། བྲན་ལ་སོགས་པ་མྱོང་བར་འགྱུར།། གཞན་གྱི་དོན་དུ་བདག་སྤྱད་ན།། རྗེ་དཔོན་ཉིད་སོགས་མྱོང་བར་འགྱུར།། ༡༢༨ ཞེས་གསུངས་ཏེ། བདག་གི་དོན་དུ་གཞན་བྲན་དུ་བཀོལ་བ་སོགས་ནི་ད་ལྟ་མཐོ་བ་ཐོབ་ པ་དེ་སྔོན་གཞན་ལ་བཀུར་སྟི་བྱས་ཤིང་ཁྱད་དུ་མ་བསད་པའི་མྱོང་བ་རྒྱུ་མཐུན་གྱི་འབྲས་བུ་ ཡིན་ཡང༌། ད་ལྟ་ང་རྒྱལ་གྱི་རྒྱུ་དེས་ཕྱི་མར་རྣམ་འབྲས་ངན་སོང་གི་སྐྱེ་བ་མང་པོ་དང༌། མྱོང་ འབྲས་མཐོ་རིས་སུ་ཐམས་ཅད་ཀྱིས་བརྙས་པའི་གནས་དང༌། བྲན་གྱི་ཐ་ཆད་དུ་བཀོལ་ བ་མྱོང་བར་འགྱུར་ལ། དེ་ལས་ཟློག་སྟེ་བདག་ལ་དམན་པའི་འདུ་ཤེས་འཇོག་ཅིང་གཞན་ ཐམས་ཅད་ལ་མཆོག་ཏུ་བཀུར་ལ། ང་རྒྱལ་སྤངས་ཏེ་གཞན་དོན་དུ་བདག་ལུས་བཀོལ་བ་ 481 བསམ་གཏན་་བསྟན་པ། དེ་ནི་ལྷ་མིའི་མཆོག་འཁོར་བསྒྱུར་དང༌། བརྒྱ་བྱིན་སོགས་འཐོབ་ཅིང་ཐམས་ཅད་ཀྱིས་ཕ་ལྟ་ བུར་བྱ་བ་དང་འདུད་པར་བྱ་བའི་གནས་སུ་འགྱུར་རོ།། འདི་ནི་མཐོང་ཆོས་ལ་ཡང་འབྱུང་བ་ཡོད་དེ། ཞིང་དཔོན་མང་བཀུར་གྱི་རྒྱལ་པོས་རང་ཉིད་ ལ་མ་བསམས་པར་ཞིང་ཐམས་ཅད་གཞན་ལ་ཆ་མཉམ་དུ་བགོས། ཉིན་མཚན་གཡེལ་མེད་དུ་ ཞིང་རྣམས་བསྲུངས་པས་ཐམས་ཅད་ཀྱི་དྲུག་ཆའི་དཔྱ་ཁྲལ་བྱིན་ཞིང་འདིས་བདག་ཅག་བདེ་ བར་བསྐྱངས་སོ་ཞེས་དཔོན་དུ་བཀུར་བས་གླིང་འདིར་མིའི་རྒྱལ་པོའི་ཐོག་མར་གྱུར་པ་ལྟ་བུའོ།། འཇིག་རྟེན་བདེ་བ་ཇི་སྙེད་པ།། དེ་ཀུན་གཞན་བདེ་འདོད་ལས་བྱུང༌།། འཇིག་རྟེན་སྡུག་བསྔལ་ཇི་སྙེད་པ།། དེ་ཀུན་རང་བདེ་འདོད་ལས་བྱུང༌།། ༡༢༩ ཞེས་གསུངས་ཏེ། མདོར་ན་འཇིག་རྟེན་ན་བདེ་བ་ཇི་སྙེད་པ་ནི་གཞན་བདེ་བར་འདོད་པ་ ལས་བྱུང་སྟེ། གྲོང་ཁྱེར་གཅིག་ན་མི་གཅིག་གིས་གྲོང་གི་སྐྱེ་བོ་རྣམས་བདེ་བའི་ཕྱིར་འབད་ན་ དེ་སྤྱི་ཚིས་ཆེ་ཞེས་ཐམས་ཅད་ཀྱིས་བཀུར་བར་མཐོང་ལ། ཕྱི་མར་ཡང་རྒྱུ་དེས་མཐོ་རིས་སུ་ འག ྲོ་ལ་གཞན་བདེ་བར་འདོད་པ་ནི་བྱང་ཆུབ་ཀྱི་སེམས་ཀྱི་རྒྱས་འགྱུར་གྱི་རིགས་ཀྱང་ཡིན་ ལ། འདི་སྐྱེས་པ་ན་ཐེག་ཆེན་གྱི་རྒྱས་འགྱུར་གྱི་རིགས་སད་པར་ཉེ་བའི་རྟགས་དུ་བའི་སྔོན་ དུ་དྲོ་བ་འབྱུང་བ་ལྟ་བུ་ཡིན་པའི་ཕྱིར། འཇིག་རྟེན་ན་སྡུག་བསྔལ་ཇི་སྙེད་པ་ནི་རང་ཉིད་ཁོ་ན་ 482 བསམ་གཏན་་བསྟན་པ། བདེ་བར་འདོད་པ་ལས་བྱུང་སྟེ། རང་ཉིད་ཁོ་ནས་རྙེད་ཅིང་གྲགས་ལ་བདེ་ཞིང་བསྟོད་པ་ཞིག་ འདོད་ན་རང་ལས་གཞན་པ་རྣམས་ལ་དེ་ལས་ཟློག་པར་འདོད་པར་གདོན་མི་ཟ་ལ། དེའི་ཚེ་ གཞན་ལ་དེ་དག་མི་འབྱུང་བའི་ཕྱིར་དང༌། རང་དང་མཉམ་པ་གཞན་མཐོང་ན་ཕྲག་དོག་གིས་ སྡིག་པའི་ལས་མི་བྱེད་པ་ཅི་ཡང་མེད་པས་སོ།། མང་དུ་བཤད་ལྟ་ཅི་ཞིག་དགོས།། བྱིས་པས་རང་གི་དོན་བྱས་དང༌།། ཐུབ་པས་གཞན་གྱི་དོན་མཛད་པ།། འདི་གཉིས་ཀྱི་ནི་ཁྱད་པར་ལྟོས།། ༡༣༠ ཞེས་གསུངས་ཏེ། མདོར་ན་མང་དུ་བཤད་ཅི་དགོས་ཏེ་བྱིས་པ་རྣམས་རང་དོན་ཁོ་ན་བྱས་པས་ འཁོར་བར་འཁྱམས་པ་དང༌། ཐུབ་པས་གཞན་དོན་འབའ་ཞིག་མཛད་པས་བླ་ན་མེད་པའི་གོ་ འཕང་ཇི་ལྟར་བརྙེས་པ་འདིའི་ཁྱད་པར་ལྟོས་ཤིག་དང་འདི་ཁོ་ནས་ཤེས་པར་ནུས་སོ།། གཉིས་པ་མ་བརྗེས་ན་སངས་རྒྱས་མི་འགྲུབ་པར་བསྟན་པ་ནི། བདག་བདེ་གཞན་གྱི་སྡུག་བསྔལ་དག། ཡང་དག་བརྗེ་བར་མ་བྱས་ན།། སངས་རྒྱས་ཉིད་དུ་མི་འགྲུབ་ཅིང༌།། འཁོར་བ་ན་ཡང་བདེ་བ་མེད།། ༡༣༡ 483 བསམ་གཏན་་བསྟན་པ། ཅེས་གསུངས་ཏེ། དེས་ན་བདག་གི་བདེ་བ་གཞན་ལ་གཏོང་ཞིང་གཞན་གྱི་སྡུག་བསྔལ་ བདག་ལ་ལེན་པས་བདག་གཞན་བརྗེ་བ་འདི་ལྟ་བུ་མ་བྱས་ན་སངས་རྒྱས་མི་འཐོབ་ཅིང་ འཁོར་བར་འཁོར་ཕན་ཆད་སྡུག་བསྔལ་རྣམ་པ་གསུམ་པོ་ཁོ་ན་ལས་མི་འདའ་འོ།། སངས་རྒྱས་མ་ཐོབ་ཀྱང་ཉན་རང་གི་ཐར་པ་ཡོད་དོ་སྙམ་ན། གནས་སྐབས་ཐེག་གསུམ་ དུ་འཇོག་པའི་ཚེ་ནི་དགྲ་བཅོམ་པ་རྣམས་ཀྱང་བྱང་ཆུབ་སེམས་དཔའ་ཆེན་པོ་རྣམས་ཀྱི་ཆོ་ འཕྲུལ་དང༌། ཡོན་ཏན་མཐོང་བ་ན་བདག་ཉིད་ཐེག་དམན་དུ་ཞུགས་པ་ལ་འགྱོད་ཅིང་གདུང་ བའི་མྱ་ངན་སྐྱེད་དེ་སྟོན་པས་ཐེག་ཆེན་གྱི་ཆོས་འདི་སྔོན་དུ་གསུངས་ན་བདག་ཅག་ཐེག་ དམན་དུ་མི་འཇུག་པ་ཞིག་ན་ད་ནི་ཤིང་ཚིག་པ་བཞིན་དུ་ཅི་བྱར་ཡང་མེད་དོ་ཞེས་སྨྲ་བ་དང༌། འོད་སྲུང་ཆེན་པོས་ལི་ཙཱ་ཝི་དྲཱི་མ་མེད་པར་གྲགས་པའི་ཡོན་ཏན་བརྗོད་ནས་བདག་གིས་དེ་ ཕྱིན་ཆད་སེམས་ཅན་སུ་ཡང་ཐེག་དམན་ལ་མ་བཙུད་དོ་ཞེས་ཞུས་པའི་ཕྱིར་འབྲས་བུ་ཐོབ་ ཀྱང་ཕྱིས་འགྱོད་གནས་སུ་འགྱུར་བ་ཡིན་ལ། མཐར་ཐུག་ཐེག་པ་གཅིག་ཏུ་འཇོག་པའི་ཚེ་ནི་ དམན་མོས་ཁ་དྲང་བའི་ཆེད་དུ་གསུངས་ཀྱང་ཐེག་པ་ཐ་དད་མེད་པས་སངས་རྒྱས་མ་ཐོབ་ ཀྱི་བར་དགྲ་བཅོམ་པ་མི་འཐོབ་པའི་ཕྱིར་སྐྱོན་མེད་དོ།། གསུམ་པ་རྣམ་གསལ་གྱི་དཔེ་བཤད་པ་ནི། འཇིག་རྟེན་ཕ་རོལ་ཕར་ཞོག་གི། བྲན་གཡོག་ལས་མི་བྱེད་པ་དང༌།། 484 བསམ་གཏན་་བསྟན་པ། རྗེ་དཔོན་རྔན་པ་མི་སྟེར་པའི།། ཚེ་འདིར་དོན་ཡང་འགྲུབ་མི་འགྱུར།། ༡༣༢ ཞེས་གསུངས་ཏེ། དེ་ལྟ་མོད་ཀྱི་འཇིག་རྟེན་ཕ་རོལ་ལྟ་ཞོག་མཐོང་ཆོས་ལ་ཡང་ལུས་ལ་ འཕངས་པས་ལས་མི་ནུས་པའི་བྲན་གཡོག་གིས་ཟས་གོས་མི་མྱོང་བ་དང་ནོར་ལ་འཕངས་ པས་རྔན་པ་མི་སྟེར་བའི་རྗེ་དཔོན་གྱིས་གཡུལ་ལས་རྒྱལ་བ་མི་འཐོབ་པ་སོགས་མངོན་ སུམ་གྱིས་མཐོང་བའི་ཕྱིར་རོ།། བཞི་པ་གཞན་ལ་གནོད་པའི་འབྲས་བུ་བསྟན་པ་ནི། མཐོང་དང་མ་མཐོང་བདེ་འགྲུབ་པའི།། ཕུན་སུམ་བདེ་སྐྱིད་ཡོངས་བོར་ཞིང༌།། གཞན་ལ་སྡུག་བསྔལ་བྱས་པའི་རྒྱུས།། རྨོངས་རྣམས་སྡུག་བསྔལ་མི་བཟད་ལེན།། ༡༣༣ ཞེས་གསུངས་ཏེ། དེས་ན་བདག་བདེ་ཞིང་གཞན་སྡུག་བསྔལ་བར་འདོད་པ་འདིས་ནི་འདི་ ཕྱིའི་བདེ་སྐྱིད་ཐམས་ཅད་དང་བྲལ་ཏེ་སྡུག་བསྔལ་ཐམས་ཅད་ལེན་པར་བྱེད་པ་ཡིན་ནོ།། ལྔ་པ་རྩ་བ་བདག་འཛིན་དོར་བྱར་བསྟན་པ་ནི། འཇིག་རྟེན་དག་ན་འཚེ་བ་གང་ཡོད་དང༌།། འཇིགས་དང་སྡུག་བསྔལ་ཇི་སྙེད་ཡོད་གྱུར་པ།། 485 བསམ་གཏན་་བསྟན་པ། དེ་ཀུན་བདག་ཏུ་འཛིན་པ་ལས་གྱུར་ན།། འདྲེ་ཆེན་དེས་ཀོ་བདག་ལ་ཅི་ཞིག་བྱ།། ༡༣༤ ཞེས་གསུངས་ཏེ། དེས་ན་ཉེས་སྐྱོན་ཐམས་ཅད་ནི་བདག་གཅེས་འཛིན་ལས་བྱུང་ལ་དེ་ཡང་ བདག་ཏུ་འཛིན་པ་ལས་བྱུང་བས་ན། འདྲེ་ཆེན་པོ་བདག་ཏུ་འཛིན་པ་དེས་ལུས་སེམས་འདི་ ལ་ཅི་ཞིག་བྱ་སྟེ་དགོས་པ་མེད་དོ་ཀོ་ཞེས་སེམས་ལ་བོས་ཏེ་བདག་ཉིད་ལ་བདག་ཉིད་ཀྱིས་ གདམས་པའོ།། བདག་ཉིད་ཡོངས་སུ་མ་བཏང་ན།། སྡུག་བསྔལ་སྤོང་བར་མི་ནུས་ཏེ།། ཇི་ལྟར་མེ་ནི་མ་བཏང་ན།། སྲེག་པ་སྤོང་བར་མི་ནུས་བཞིན།། ༡༣༥ ཞེས་གསུངས་ཏེ། བདག་བདེ་བར་འདོད་ན་ཡང་བདག་ཉིད་གཞན་ལ་བཏང་དགོས་ཏེ་དེ་མ་ བཏང་ན་སྡུག་བསྔལ་སྤོང་མི་ནུས་པ་མེ་མ་དོར་ན་སྲེག་པ་འདོར་མི་ནུས་པ་བཞིན་ནོ།། བཞི་པ་བརྗེ་ཚུལ་དངོས་ལ་གཉིས། མདོར་བསྟན་པ་དང༌། རྒྱས་པར་བཤད་པའོ། །དང་ པོ་ལ་གསུམ། སྤྱིར་བསྟན། བྱེ་བྲག་ཏུ་བསམ་པས་བརྗེ་ཚུལ་དང༌། སྦྱོར་བས་སྒྲུབ་ཚུལ་ མདོར་བསྟན་པའོ། །དང་པོ་ནི། 486 བསམ་གཏན་་བསྟན་པ། དེ་ལྟས་བདག་གནོད་ཞི་བ་དང༌།། གཞན་གྱི་སྡུག་བསྔལ་ཞི་བྱའི་ཕྱིར།། བདག་ཉིད་གཞན་ལ་བཏང་བྱ་དང༌།། གཞན་རྣམས་བདག་ཏུ་བཟུང་བར་བྱ།། ༡༣༦ ཞེས་གསུངས་ཏེ། དེ་ལྟ་བས་ན་བདག་གཞན་ཐམས་ཅད་ཀྱི་ཉེས་པ་དང་སྡུག་བསྔལ་ཐམས་ ཅད་ཞི་བར་བྱ་བའི་ཕྱིར་སྔར་བདག་ཏུ་བཟུང་བ་འདི་གཞན་ལ་བཏང་ནས་ཕྱིན་ཆད་གཅེས་ སྤྲས་མི་བྱ་ཞིང་སྔར་གཞན་དུ་བཟུང་བའི་སེམས་ཅན་འདི་རྣམས་ཕྱིན་ཆད་བདག་ཉིད་དུ་ བཟུང་སྟེ་གཅེས་སྤྲས་དང་བཀུར་སྟི་ཐམས་ཅད་འདི་ལ་བྱའོ་ཞེས་རང་དམ་རང་གིས་འཆའོ།། གཉིས་པ་བསམ་པས་བརྗེ་ཚུལ་ནི། བདག་ནི་གཞན་གྱི་དབང་གྱུར་ཞེས།། ཡིད་ཁྱོད་ངེས་པར་ཤེས་གྱིས་ལ།། སེམས་ཅན་དོན་དུ་མ་གཏོགས་པ།། ད་ནི་ཁྱོད་ཀྱིས་གཞན་མི་བསམ།། ༡༣༧ ཞེས་གསུངས་ཏེ། སེམས་ཁྱོད་ད་ནི་སེམས་ཅན་ཐམས་ཅད་ལ་བྱིན་ཟིན་གྱིས་ཕྱིན་ཆད་ བདག་ནི་གཞན་དབང་དུ་གྱུར་པ་ཡིན་ནོ་ཞེས་ཤེས་པར་གྱིས་ལ་སུ་ལ་བྱིན་པའི་སེམས་ཅན་ ཐམས་ཅད་ཀྱི་དོན་ལས་གཞན་ཅི་ཡང་མ་སེམས་ཤིག། 487 བསམ་གཏན་་བསྟན་པ། གསུམ་པ་སྦྱོར་བས་སྒྲུབ་ཚུལ་མདོར་བསྟན་པ་ནི། གཞན་དབང་མིག་ལ་སོགས་པ་ཡིས།། རང་དོན་སྒྲུབ་པ་རིགས་མ་ཡིན།། དེ་ཡི་མིག་ལ་སོགས་པ་ཡིས།། དེ་ལ་ལོག་པར་བྱ་མི་རིགས།། ༡༣༨ ཞེས་གསུངས་ཏེ། གལ་ཏེ་སྔར་གྱི་བདག་འཛིན་ངན་པ་གོམས་པས་སེམས་བདག་ཉིད་བདེ་ བར་བྱའོ་སྙམ་ན་གཞན་སེམས་ཅན་དབང་བའི་མིག་སོགས་སྐྱེ་མཆེད་དྲུག་གིས་མི་དབང་ བའི་སེམས་ཀྱི་བདེ་བ་སྒྲུབ་པར་མི་རིགས་ལ་སེམས་ཅན་དེའི་དོན་དུ་བསྔོས་ཤིང་བྱིན་ལ་ དེ་དབང་བའི་མིག་གིས་སེམས་ཅན་དེ་ཉིད་ལ་སྡང་མིག་ཏུ་ལྟ་བ་དང་དེ་དབང་བའི་ངག་ དང་ལྕེས་དེ་ཉིད་ལ་སྨོད་པ་དང་དེ་དབང་བའི་སེམས་ཀྱིས་དེ་ཉིད་ལ་གནོད་སེམས་སུ་ལྟ་བ་ སོགས་ལོག་པར་བྱེད་མི་རིགས་སོ་ཞེས་ཤེས་པར་གྱིས་ཤིག་པའོ།། དེས་ན་སེམས་ཅན་གཙོར་བྱས་ཏེ།། བདག་གི་ལུས་ལ་ཅི་མཐོང་བ།། དེ་དང་དེ་ནི་ཕྲོགས་ནས་ཀྱང༌།། གཞན་དག་ལ་ནི་ཕན་པར་སྤྱོད།། ༡༣༩ 488 བསམ་གཏན་་བསྟན་པ། ཅེས་གསུངས་ཏེ། དེས་ན་སྔར་བདག་ཏུ་བཟུང་བའི་ལུས་སེམས་གང་ལ་བྱིན་པའི་སེམས་ ཅན་དེ་ཉིད་ཁོ་ན་གཙོ་བོར་གྱིས་ལ། ལུས་སེམས་ལ་ཡོན་ཏན་དང་བདེ་བ་དང་ཟས་ནོར་ སོགས་ཅི་མཐོང་ཡང་བདོག་པ་དེ་ཐམས་ཅད་ལུས་སེམས་ཉིད་ལོངས་སྤྱོད་དུ་མ་གཞུག་པར་ ཕྲོགས་ལ་སྔར་གཞན་དུ་བཟུང་ཞིང་ཕྱིས་བདག་དང་རྗེ་བོར་བཟུང་བའི་སེམས་ཅན་རྣམས་ ལ་བྱིན་ལ་དེ་རྣམས་ལ་ཕན་པ་དང་བདེ་བར་གྱིས་ཤིག་གོ། གཉིས་པ་རྒྱས་བཤད་ལ་བཞི། སེམས་ཅན་གཞན་བདག་ཏུ་བྱས་ནས་ལུས་སེམས་ལ་ ཕྲག་དོག་དང་འགྲན་སེམས་དང་ང་རྒྱལ་སྒོམ་པ། བདག་འཛིན་རང་སོར་བཞག་ནས་བདག་ གཞན་བརྗེ་བ། གཉེན་པོ་ལ་བདག་ཏུ་བྱས་ནས་སེམས་ཚར་བཅད་པ། ལུས་ལ་ཆགས་པ་ ཉེས་པའི་འབྱུང་གནས་སུ་བསྟན་པའོ། །དང་པོ་ལ་གཉིས། མདོར་བསྟན་པ་དང༌། རྒྱས་པར་ བཤད་པའོ། །དང་པོ་ནི། དམན་སོགས་བདག་ཏུ་བྱས་པ་དང༌།། གཞན་ཉིད་དུ་ནི་བདག་བྱས་ནས།། རྣམ་རྟོག་མེད་པའི་སེམས་ཀྱིས་སུ།། ཕྲག་དོག་དང་ནི་ང་རྒྱལ་སྒོམ།། ༡༤༠ ཞེས་གསུངས་ཏེ། ད་ནི་དེ་ལག་ཏུ་བླང་བའི་ཕྱིར་སྔར་ཐོག་མེད་ནས་བདག་ཏུ་བཟུང་བ་དེ་ལ་ ཕྲག་དོག་དང་ང་རྒྱལ་དང་འགྲན་སེམས་སྒོམ་པ་བཤད་པར་བྱ་སྟེ། ཆོས་ཐམས་ཅད་གོམས་ 489 བསམ་གཏན་་བསྟན་པ། པ་ལ་རག་ལས་པ་ཁོ་ན་ཡིན་པས་སྔར་གྱི་ལུས་སེམས་བདག་དང་བདག་གི་གང་ཡང་མ་ཡིན་ པ་དེ་ལ་བདག་དང་བདག་གིར་བཟུང་བ་ལས་ལྡོག་སྟེ། ད་ནི་སེམས་ཅན་དམན་འབྲིང་མཐོ་ གསུམ་ཐམས་ཅད་བདག་ཏུ་བྱས་ཏེ་སྔར་བདག་ཏུ་བཟུང་བའི་ལུས་སེམས་དེ་གཞན་དུ་བཟུང་ ནས་བདག་སེམས་ཅན་རྙེད་གྲགས་སོགས་མེད་པས་དམའ་ལ། གཞན་ལུས་སེམས་དེ་དེས་ མཐོ་ན་དེ་བདག་སེམས་ཅན་གྱིས་མི་བཟོད་པའི་ཕྲག་དོག་སྒོམ་པ་དང༌། བདག་སེམས་ཅན་ ནི་རང་བཞིན་གྱིས་དག་པས་མཆོག་ཡིན་གྱི་ལུས་སེམས་ཙམ་ལ་ཕྱིན་ཅི་ལོག་ཏུ་ངར་བཟུང་བ་ དཔྱད་མ་བཟོད་པ་འདི་ནི་དམད་པའི་གནས་སོ་ཞེས་ང་རྒྱལ་སྒོམ་པ་དང༌། ལུས་སེམས་ཙམ་ ལ་ཀུན་ཏུ་ཞེན་པར་ཟད་ཀྱི་སྙིང་པོ་མེད་པ་འདི་ནི་བདག་སེམས་ཅན་ལས་ལྷག་ཏུ་མི་གཞུག་ གོ་ཞེས་འགྲན་སེམས་སྒོམ་པ་སྟེ་བདག་འཛིན་ལྟར་བཅོས་པའི་གཉེན་པོས་སྤང་བྱའི་བདག་ འཛིན་འཇོམས་པ་དང༌། ཉོན་མོངས་ལྟར་བཅོས་པའི་གཉེན་པོས་ཉོན་མོངས་དངོས་འཇོམས་ པ་ཇི་ལྟར་མེས་ཚིག་པའི་རྨ་མེས་གདུངས་པས་ཞི་བར་བྱེད་པ་ལྟ་བུ་གཉེན་པོའི་དམ་པ་གསང་ བའི་ཐེག་པ་འདི་ཐེ་ཚོམ་དང་སོམ་ཉིའི་རྣམ་རྟོག་མེད་པར་བསྒོམ་པར་བྱའོ།། གཉིས་པ་རྒྱས་བཤད་ལ་གསུམ། སེམས་ཅན་རྣམས་བདག་ཏུ་བྱས་ནས་གཞན་ལུས་ སེམས་ལ་ཕྲག་དོག་སྒོམ་པ། སེམས་ཅན་རྣམས་བདག་ཏུ་བྱས་ནས་གཞན་ལུས་སེམས་ ལ་འགྲན་སེམས་སྒོམ་པ། སེམས་ཅན་རྣམས་བདག་ཏུ་བྱས་ནས་གཞན་ལུས་སེམས་ལ་ ང་རྒྱལ་སྒོམ་པའོ། །དང་པོ་ལ་གསུམ། ལུས་སེམས་ལ་རྙེད་བཀུར་དང་གྲགས་པ་བྱུང་བ་ ལ་བདག་སེམས་ཅན་གྱིས་མི་བཟོད་པ་སྒོམ་པ་དང༌། ལུས་སེམས་ཀྱིས་བརྙས་པ་བྱས་པ་ 490 བསམ་གཏན་་བསྟན་པ། བདག་སེམས་ཅན་གྱིས་མི་བཟོད་པ་དང༌། ལུས་སེམས་ཀྱིས་བསྡོ་བ་བདག་སེམས་ཅན་ གྱིས་མི་བཟོད་པ་སྒོམ་པའོ། །དང་པོ་ནི། འདི་ནི་བཀུར་བྱས་བདག་ནི་མིན།། འདི་བཞིན་བདག་གིས་མ་རྙེད་ཅིང༌།། འདི་ནི་བསྟོད་བྱས་བདག་ལ་སྨོད།། འདི་བདེ་བདག་ནི་སྡུག་བསྔལ་ལ།། ༡༤༡ བདག་ནི་ལས་རྣམས་བྱེད་པ་དང༌།། འདི་ནི་བདེ་བ་ཉིད་དུ་གནས།། འདི་ནི་འཇིག་རྟེན་ལ་ཆེ་དང༌།། བདག་དམན་ཡོན་ཏན་མེད་པར་གྲགས།། ༡༤༢ ཡོན་ཏན་མེད་པས་ཅི་ཞིག་བྱ།། བདག་ཀུན་ཡོན་ཏན་ལྡན་པ་ཉིད།། ཅེས་གསུངས་ཏེ། དེ་ཡང་ནམ་ལུས་སེམས་ཙམ་དེ་ལ་རྙེད་པ་དང་བཀུར་སྟི་སོགས་བྱུང་ ཞིང་བདེ་བར་སྣང་བ་དང་ཚུལ་ཁྲིམས་དང་ཐོས་སོགས་ཀྱི་ཡོན་ཏན་དང་ལྡན་པར་སྣང་ ལ་སེམས་ཅན་གཞན་དག་དེ་ལས་དམན་ཞིང་སྡུག་བསྔལ་བར་མཐོང་ནས་དམན་པ་ 491 བསམ་གཏན་་བསྟན་པ། ལ་བརྙས་སེམས་དང་བདག་ལ་ང་རྒྱལ་སྐྱེས་པ་ན་སེམས་ཅན་དམན་པར་སྣང་བ་དེ་ལ་ བདག་གི་འདུ་ཤེས་བཞག་སྟེ་ལུས་སེམས་ཙམ་འདི་ནི་འཇིག་རྟེན་གྱིས་བཀུར་སྟི་བྱས་ ལ་བདག་སེམས་ཅན་ལ་ནི་བཀུར་སྟི་མི་བྱེད་དོ། །འདིས་ལོངས་སྤྱོད་རྙེད་པ་ལྟར་བདག་ སེམས་ཅན་གྱིས་མ་རྙེད་དོ། །འདི་ནི་གཞན་གྱིས་ཡོན་ཏན་གྱིས་བསྟོད་ལ་བདག་སེམས་ ཅན་ལ་ནི་དམད་པར་བྱེད་དོ། །འདི་ནི་བདེ་ཞིང་སྐྱིད་པར་གནས་ལ་བདག་སེམས་ཅན་ནི་ སྡུག་བསྔལ་ལ་ཉམ་ཆུང་ངོ༌།། འདི་ནི་སྐྱིད་པར་སོས་དལ་དུ་གནས་ལ་བདག་སེམས་ཅན་ནི་ལས་རྣམས་བྱེད་པས་ ངལ་ཞིང་དུབ་བོ། །འདི་ནི་འཇིག་རྟེན་ལ་ཆེ་བར་གྲགས་ཤིང་བདག་སེམས་ཅན་ནི་ཡོན་ཏན་ མེད་པར་གྲགས་ན་ཡོན་ཏན་མེད་པར་གྲགས་པ་དེས་བདག་སེམས་ཅན་ལ་ཅི་བྱ་སྟེ་དམད་པ་ ནི་མི་མཁོ་ལ་བདག་སེམས་ཅན་ཀུན་ནི་དམད་པར་བྱ་བ་ཡིན་ཏེ། རང་བཞིན་གྱིས་རྣམ་པར་ དག་པ་སྟོབས་སོགས་ཀྱི་ཡོན་ཏན་གྱིས་ཕྱུག་པའི་སྙིང་པོ་ཅན་ཚངས་པ་དང་བརྒྱ་བྱིན་དང་ འཁོར་བསྒྱུར་ལ་སོགས་པ་བྱེ་བ་མང་པོས་བསྐྲུན་དུ་མེད་པའི་སངས་རྒྱས་ཀྱི་གདུང་རིགས་ ཆེན་པོ་ཡིན་པའི་ཕྱིར། གཉིས་པ་ལུས་སེམས་ཀྱིས་བརྙས་པ་བྱས་པ་བདག་སེམས་ཅན་གྱིས་མི་བཟོད་པ་ནི། གང་བས་དེ་དམན་དེ་ཡོད་ཅིང༌།། གང་བས་བདག་མཆོག་དེ་ཡང་ཡོད།། ༡༤༣ 492 བསམ་གཏན་་བསྟན་པ། ཅེས་གསུངས་ཏེ། ལུས་སེམས་ཙམ་ལ་བྱང་ཆུབ་སེམས་དཔའ་ཞེས་བྱ་བ་ལ་སོགས་པའི་ མིང་གིས་བཏགས་ནས་ཁོ་རང་ཆེན་པོར་རློམ་པ་འདིས་བདག་སེམས་ཅན་ལ་བརྙས་པར་མི་ རིགས་ཏེ་མཐོ་དམན་ནི་རེས་འགའ་བ་ཙམ་ཡིན་ཞིང་མི་ལ་བལྟོས་ན་བརྒྱ་བྱིན་མཆོག་ཡིན་ ཡང་ཚངས་པ་ལ་བལྟོས་ན་བརྒྱ་བྱིན་དམན་པ་ཡིན་པ་ལྟར་བལྟོས་ནས་བཞག་པར་ཟད་ ལ། གང་ཟག་གཅིག་ཉིད་ཀྱང་ཡུལ་ལ་ལར་བཀུར་བ་ལྟར་ཐམས་ཅད་དུ་བཀུར་བར་མ་ངེས་ ཤིང་ཡུལ་ལ་ལར་བརྙས་པ་ལྟར་ཐམས་ཅད་དུ་བརྙས་པར་ཡང་མ་ངེས་ལ་ཚེ་གཅིག་ལ་བརྒྱ་ བྱིན་ལྟ་བུའི་བཀུར་སྟི་མྱོང་ཡང་དེའི་ཕྱི་མ་ལ་བྲན་ཁོལ་གྱི་ཐ་ཆད་དུ་སྐྱེ་བ་ཡང་ཡོད་པས་རྙེད་ སོགས་ནི་མི་རྟག་པའི་ཕྱིར། སྐབས་རེ་འགའ་ན་གང་བས་ཏེ་སུ་ལས་ཀྱང་ལུས་སེམས་ལ་ བྱང་ཆུབ་སེམས་དཔར་བཏགས་པ་འདི་དམན་པའི་སྐབས་ཀྱང་ཡོད་ཅིང་རེས་འགའ་ན་སུ་ ལས་ཀྱང་སེམས་ཅན་བདག་མཆོག་ཏུ་བཀུར་བའི་སྐབས་དེ་ཡང་ཡོད་དོ།། ཚུལ་ཁྲིམས་ལྟ་བས་རྒུད་སོགས་ནི།། ཉོན་མོངས་སྟོབས་ཀྱིས་བདག་དབང་མིན།། ཞེས་གསུངས་ཏེ། འོན་ཀྱང་ད་ལྟ་ལུས་སེམས་ཙམ་ལ་བྱང་ཆུབ་སེམས་དཔར་བཏགས་པ་ འདི་ལ་ཚུལ་ཁྲིམས་སོགས་ཅུང་ཟད་སྣང་ཞིང་བདག་སེམས་ཅན་ལ་དེ་དག་མི་སྣང་མོད་ཀྱི་ འདི་ཡང་བདག་སེམས་ཅན་གྱི་ཉོན་མོངས་པའི་སྟོབས་ཀྱིས་མི་སྣང་བར་ཟད་ཀྱི་ཉོན་མོངས་ པ་འདི་ཡང་གནས་སྐབས་རེས་འགའ་བ་ཡིན་གྱི་བདག་གི་ཆོས་ཉིད་ཀྱིས་རང་དབང་དུ་ 493 བསམ་གཏན་་བསྟན་པ། ཞུགས་པ་མིན་པས་འདིའི་ཚུལ་ཁྲིམས་དང་ལྟ་བ་སོགས་ཡོན་ཏན་ཕྲ་མོ་འདི་ཙམ་ནི་བདག་ སེམས་ཅན་གྱིས་སྒྲུབ་པ་ལ་དཀའ་བ་མེད་དོ།། ཅི་ནུས་བདག་གིས་གསོ་དགོས་ཏེ།། གནོད་པའང་བདག་གིས་དང་དུ་བླང༌།། ༡༤༤ ཞེས་གསུངས་ཏེ། གལ་ཏེ་འདི་བྱང་ཆུབ་སེམས་དཔར་ཁས་འཆེ་ཞིང་བཟང་པོར་རློམ་ན་ནི་ འདིས་བྱང་ཆུབ་སེམས་དཔའི་བྱ་བ་དང་བཟང་པོའི་བྱ་བ་བྱེད་དགོས་ལ། དེ་ལྟ་ན་བདག་ སེམས་ཅན་དམན་པ་ལ་བརྙས་པ་མི་བྱེད་ཀྱི་སྟེང་དུ་ཅི་ནུས་པས་ཁོ་རང་གིས་བདག་ཅག་ གསོ་ཞིང་བསྐྱང་བར་ཡང་བྱེད་པར་རིགས་ཏེ། དཔེར་ན། སྨན་པ་མཁས་པར་ཁས་ལེན་ན་ ནད་པ་དག་ལ་ཁྲེལ་བགད་ཀྱིས་འདེབས་ཤིང༌། བརྙས་པས་འདོར་བ་དེ་ལྟ་བུ་མི་བྱེད་པར་ ནད་དེ་ཞི་བའི་བདེ་བ་ལ་འགོད་དགོས་པ་ལྟ་བུ་ཡིན་མོད། འདིས་ཀྱང་དེ་ལྟར་བྱེད་ན་བརྙས་ པའམ་གནོད་པ་ཅུང་ཟད་བྱས་ཀྱང་ནད་པས་སྨན་པའི་སྤྱོ་བ་བཟོད་པ་ལྟར་བདག་སེམས་ཅན་ གྱིས་ཀྱང་དང་དུ་བླང་ཞིང་བཟོད་པར་རིགས་མོད་ཀྱང༌། འོན་ཏེ་བདག་འདིའི་གསོ་བྱ་མིན།། ཅི་ཕྱིར་བདག་ལ་བརྙས་པ་བྱེད།། ཅེས་གསུངས་ཏེ། འོན་ཏེ་བྱང་ཆུབ་སེམས་དཔར་ཁས་བླངས་པ་འདིས་སེམས་ཅན་བདག་ གསོ་ཞིང་སྐྱོང་བར་ཡང་མི་བྱེད་ཀྱི་སྟེང་དུ་ཅིའི་ཕྱིར་བརྙས་པར་བྱེད། 494 བསམ་གཏན་་བསྟན་པ། གསུམ་པ་ལུས་སེམས་ཀྱིས་བསྡོ་བ་བདག་སེམས་ཅན་གྱིས་མི་བཟོད་པ་སྒོམ་པ་ནི། བདག་ལ་དེ་ཡི་ཡོན་ཏན་གྱིས།། ཅི་བྱ་འདི་བདག་ཡོན་ཏན་ཅན།། ༡༤༥ ཞེས་གསུངས་ཏེ། འདིའི་ཡོན་ཏན་ཆུང་ངུ་འདི་ལ་བདག་སེམས་ཅན་སྨོན་པར་ཡང་མི་བྱེད་ དེ། དེ་ཙམ་གྱིས་ཅི་ཞིག་བྱ་སྟེ་སེམས་ཅན་བདག་ཉིད་ཡོན་ཏན་ཐམས་ཅད་ཀྱི་ས་བོན་ཅན་ ཡིན་པའི་ཕྱིར། ངན་འག ྲོ་གདུག་པའི་ཁར་གནས་པའི།། འག ྲོ་ལ་སྙིང་རྗེ་མེད་པར་འདི།། ཕྱིར་ལ་ཡོན་ཏན་རློམ་པ་ཡིས།། མཁས་པ་དག་ལ་བསྡོ་བར་འདོད།། ༡༤༦ ཅེས་གསུངས་ཏེ། དེས་ན་མི་དགེ་བའི་ལས་སྤྱོད་པས་ངན་འགྲོའི་གཡང་ཁར་སང་ལྷུང༌། གནངས་ལྷུང་དུ་གནས་པའི་འགྲོ་བ་རྣམས་ལ་སྙིང་རྗེ་མེད་ཀྱི་སྟེང་དུ་ཁོ་རང་ཡོན་ཏན་གྱི་ རློམ་པ་ཆེན་པོས་ང་རྒྱལ་ནས་དམན་པ་ལ་བརྙས་ཤིང་མཆོག་རྣམས་ལ་བསྡོ་བར་འདོད་པ་ འདི་ནི་མི་རིགས་སོ་ཞེས་སྒོམ་པ་སྟེ། དཔེར་ན། བདག་ལྟ་བུས་སེམས་ཅན་དམྱལ་བ་པ་ ལ་དམན་པ་དང་བརྙས་པའི་འདུ་ཤེས་ཞུགས་པའི་ཚེ་དམན་འཛིན་དང་བརྙས་རྟོག་དེ་སེལ་ བའི་ཕྱིར་འདི་ལྟར་དམྱལ་བ་པ་བདག་ཏུ་བྱས་ཤིང༌། བདག་གཞན་དུ་བཞག་ནས་སྒོམ་སྟེ། 495 བསམ་གཏན་་བསྟན་པ། བདག་འདི་ནི་གཞན་གྱིས་བཀུར་སྟི་བྱས་ལ་བདག་དམྱལ་བ་པ་ལ་མ་བྱས་སོ་ཞེས་པ་ནས་ བདག་འདི་བདག་དམྱལ་བ་པ་ལྟ་བུ་སོགས་ལ་སྙིང་རྗེ་མེད་ཀྱི་སྟེང་དུ་བརྙས་ཤིང་དམན་ པར་འཛིན་ལ། ཁོ་རང་ཡོན་ཏན་གྱིས་རློམ་པས་ཁོ་རང་གི་འགྲན་ཟླར་འཛིན་པའི་ཆོས་སྨྲ་ བ་ལ་སོགས་པ་གཞན་ལ་བསྡོ་བར་འདོད་པ་འདི་ནི་མི་རིགས་སོ་ཞེས་པའི་བར་གྱིས་སྐྱོན་ མཚང་བྲུས་ཏེ་སེམས་གཙང་བར་བྱེད་པ་སྟེ། དོན་ལ་བདག་ཉིད་བརྙས་པ་དང་དམད་བྱ་ཡིན་ གྱི་གཞན་བརྙས་པ་དང་དམད་པར་བྱ་བ་མ་ཡིན་པར་སྟོན་ཏོ།། གཉིས་པ་སེམས་ཅན་རྣམས་བདག་ཏུ་བྱས་ནས་གཞན་ལུས་སེམས་ལ་འགྲན་སེམས་ སྒོམ་པ་ལ་གསུམ། ལུས་སེམས་ལ་རྙེད་བཀུར་འདུག་ན་ཕྲོགས་ཏེ་བདག་སེམས་ཅན་གྱིས་ སྤྱོད་པ་དང༌། ལུས་སེམས་ནི་གྲགས་སུ་མི་གཞུག་ཅིང་བདག་སེམས་ཅན་གྱི་གྲགས་པ་སྤེལ་ བ་དང༌། ཉེས་པ་ཐམས་ཅད་གཞན་ལུས་སེམས་འདི་ལ་བསྐུར་ཞིང་ལེགས་པ་ཐམས་ཅད་ བདག་སེམས་ཅན་གྱིས་སྤྱོད་པར་བསྟན་པའོ། །དང་པོ་ནི། བདག་དང་མཉམ་གཞན་ལ་བལྟས་ནས།། གང་གིས་རང་ནི་ལྷག་བྱའི་ཕྱིར།། བདག་གི་རྙེད་དང་བཀུར་སྟི་ནི།། རྩོད་པ་ཡིས་ཀྱང་ངེས་པར་སྒྲུབ།། ༡༤༧ ཅེས་གསུངས་ཏེ། ཕྲག་དོག་ཇི་ལྟར་སྒོམ་པ་བཤད་ནས། ད་ནི་འགྲན་སེམས་སྒོམ་ཚུལ་ 496 བསམ་གཏན་་བསྟན་པ། བཤད་པར་བྱ་སྟེ། དེ་ཡང་བྱང་ཆུབ་སེམས་དཔས་སེམས་ཅན་གང་ཡང་རུང་བ་ཞིག་ལ་ བདག་དང་མཉམ་པར་བཟུང་ནས་འགྲན་སེམས་སྐྱེས་པ་དང༌། དེ་བདག་ལས་ལྷག་པར་ དོགས་པ་སྐྱེས་པ་ན་མཉམ་འཛིན་དང་གཞན་མཐོ་བ་མི་བཟོད་པ་གཞོམ་པའི་ཕྱིར། གཉེན་ པོའི་འགྲན་སེམས་འདི་ལྟར་སྒོམ་སྟེ་བྱང་ཆུབ་སེམས་དཔའ་ཉིད་གཞན་དུ་བྱ་ཞིང་འགྲན་ཟླ་ སེམས་ཅན་ལ་བདག་གི་འདུ་ཤེས་བཞག་ནས་གང་རྙེད་བཀུར་དང་གྲགས་པ་ལ་སོགས་ པས་ལུས་སེམས་ཙམ་ལ་བྱང་ཆུབ་སེམས་དཔར་བཏགས་པའི་སྐྱེས་བུ་འདི་ལས་སེམས་ ཅན་རང་ཉིད་ཁོ་ན་ཆེས་ལྷག་པར་བྱ་བའི་ཕྱིར་རྩོད་པ་སྟེ་འཐབ་མོ་དགོས་ཀྱང་བྱས་ནས་རྙེད་ བཀུར་ལྷག་པར་སྒྲུབ་ལ། གཉིས་པ་ལུས་སེམས་ནི་གྲགས་སུ་མི་གཞུག་ཅིང་བདག་སེམས་ཅན་གྱི་གྲགས་པ་ སྤེལ་བ་ནི། ཅི་ནས་བདག་གི་ཡོན་ཏན་ནི།། འཇིག་རྟེན་ཀུན་ལ་གྲགས་པ་དང༌།། གཞན་ཡང་འདི་ཡི་ཡོན་ཏན་གང༌།། སུས་ཀྱང་ཐོས་པར་མི་འགྱུར་བྱ།། ༡༤༨ ཞེས་གསུངས་ཏེ། ཅི་ནས་བདག་སེམས་ཅན་གྱི་ཡོན་ཏན་ནི་འཇིག་རྟེན་ཀུན་ལ་གྲགས་པར་ བྱ་ལ་གཞན་ལུས་སེམས་ཙམ་འདིའི་ཡོན་ཏན་ནི་སུས་ཀྱང་མི་ཐོས་པར་བྱའོ།། 497 བསམ་གཏན་་བསྟན་པ། གསུམ་པ་ཉེས་པ་ཐམས་ཅད་གཞན་ལུས་སེམས་འདི་ལ་བསྐུར་ཞིང་ལེགས་པ་ཐམས་ ཅད་བདག་སེམས་ཅན་གྱིས་སྤྱོད་པར་བསྟན་པ་ནི། བདག་གི་སྐྱོན་ཡང་སྦ་བྱ་ཞིང༌།། བདག་ནི་མཆོད་འགྱུར་འདི་ལ་མིན།། བདག་དེང་རྙེད་པ་ལེགས་བརྙེད་ཅིང༌།། བདག་ནི་བཀུར་འགྱུར་འདི་ལ་མིན།། ༡༤༩ ཞེས་གསུངས་ཏེ། བདག་སེམས་ཅན་གྱི་སྐྱོན་ནི་ཤིན་ཏུ་ཆེ་ན་ཡང་རུང་ཆུང་ན་ཡང་རུང་སྟེ་ གསང་ཞིང་སྦ་ལ་ལུས་སེམས་ཙམ་འདིའི་སྐྱོན་ནི་ཤིན་ཏུ་ཆུང་ངུ་ཡང་འཇིག་རྟེན་ལ་བསྒྲག་པ་ དང་བདག་སེམས་ཅན་ནི་ཀུན་གྱིས་མཆོད་པ་དང་འདི་ལ་སུས་ཀྱང་ཅིར་ཡང་མི་རྩི་བ་དེ་ལྟར་ བྱའོ། །བདག་སེམས་ཅན་ནི་དེང་དུས་དང་ཕྱིས་ནས་ཀྱང་རྙེད་པ་རྙེད་ཅིང་ཐམས་ཅད་ཀྱིས་ བཀུར་སྟི་བྱེད་པ་དང་འདིས་ནི་ཅི་ཡང་མི་རྙེད་ཅིང་སུས་ཀྱང་མི་བཀུར་བ་དེ་ལྟར་བྱའོ།། འདི་ནི་མ་རུངས་བྱས་པ་ལ།། ཡུན་རིང་བདག་ནི་དགའ་བས་ལྟ།། འག ྲོ་བ་ཀུན་གྱིས་བཞད་གད་དང༌།། ཕན་ཚུན་སྨོད་པ་དག་ཏུ་བྱ།། ༡༥༠ 498 བསམ་གཏན་་བསྟན་པ། ཞེས་གསུངས་ཏེ། ལུས་སེམས་ཙམ་ལ་ཐོག་མ་མེད་པ་ནས་ངར་གཅེས་པས་ཞེན་པ་འདི་ ནི་ཤིན་ཏུ་མི་རུང་བ་སྟེ་ཉམ་ང་བ་དང་སྡུག་བསྔལ་བར་བྱས་ཏེ། དེ་ལ་བདག་སེམས་ཅན་ ནི་ཡུན་ཤིན་ཏུ་རིང་བས་དགའ་བས་བལྟ་ཞིང་ཁྲེལ་གད་ཀྱིས་གདབ་པར་བྱ་ལ་སེམས་ཅན་ བདག་གཅིག་པུར་མ་ཟད་སེམས་ཅན་ཐམས་ཅད་ཀྱིས་ཀྱང་འདི་ཉམ་ཉེས་པ་ལ་བལྟས་ནས་ བཞད་གད་དང་སྨོད་པར་བྱེད་པ་ཞིག་བྱའོ་ཞེས་སེམས་པའོ།། གསུམ་པ་སེམས་ཅན་རྣམས་བདག་ཏུ་བྱས་ནས་གཞན་ལུས་སེམས་ལ་ང་རྒྱལ་སྒོམ་ པ་ལ་གཉིས། ལུས་སེམས་ལས་བདག་སེམས་ཅན་ལྷག་པར་བསྟན། དེ་བདག་གི་བྲན་དུ་ བཀོལ་བར་བསྟན་པའོ། །དང་པོ་ནི། ཉོན་མོངས་འདི་ཡང་བདག་དང་ནི།། ལྷན་ཅིག་ཏུ་ནི་འགྲན་ཞེས་གྲག། འདི་བདག་ཐོས་དང་ཤེས་རབ་བམ།། གཟུགས་རིགས་ནོར་གྱིས་མཉམ་མམ་ཅི།། ༡༥༡ ཞེས་གསུངས་ཏེ། ང་རྒྱལ་སྒོམ་པ་ནི་དེ་ཙམ་དུ་འཁོན་དུ་འཛིན་པའི་རྒྱུ་མཚན་ཅི་ཞེ་ན། ལུས་ སེམས་ཀྱི་ཚོགས་པ་ཙམ་ལ་ངར་ཞེན་པ་འདི་ནི་ཁོ་རང་ཉོན་མོངས་ཤིང་སྡུག་བསྔལ་བ་ ཡིན་དུ་ཟིན་ཡང་སླར་བདག་སེམས་ཅན་དང་ལྷན་ཅིག་ཏུ་འགྲན་སྐད་ན་ཉམ་ཆུང་ངུ་འདི་ དང་བདག་སེམས་ཅན་ཇི་ལྟར་མཉམ། ཅི་ཐོས་པ་དང་ཤེས་རབ་དང་གཟུགས་དང་རིགས་ 499 བསམ་གཏན་་བསྟན་པ། དང་ལོངས་སྤྱོད་གང་གིས་ན་འདི་དང་བདག་མཉམ་མམ་ཅི་སྟེ་དེ་དག་ཅི་ཡང་མེད་པ་འདིས་ བདག་སེམས་ཅན་ཐོས་སོགས་ཐམས་ཅད་དང་ལྡན་པ་འདི་ལ་འགྲན་པར་མི་འོས་པས་སོ།། དེ་ལྟར་ཀུན་ལ་གྲགས་པ་ཡི།། བདག་གི་ཡོན་ཏན་ཐོས་ནས་ནི།། སྤུ་ལྡང་དགའ་བ་སྐྱེ་འགྱུར་བའི།། བདེ་སྐྱིད་ལ་ནི་ཡོངས་སུ་སྤྱོད།། ༡༥༢ ཅེས་གསུངས་ཏེ། དེ་ལྟར་བདག་སེམས་ཅན་གྱིས་ཡོན་ཏན་ཆེན་པོ་འདི་ནི་འཇིག་རྟེན་ཀུན་ ལ་ཡོངས་སུ་གྲགས་པ་སྟེ། ལུས་སེམས་ཁྱོད་ཀྱིས་ཀྱང་མི་འདོད་བཞིན་དུ་འདི་ཐོས་པས་ ཁྱོད་བ་སྤུ་ལྡང་བའི་དགའ་བ་སྐྱེས་སམ་ཞེས་ཁྱོད་ལ་ཅི་འདྲས་བྱུང་ཞེས་པའི་ཚུལ་གྱིས་ བསྟིང་ཚིག་ཏུ་འདྲི་བའོ།། གཉིས་པ་དེ་བདག་གི་བྲན་དུ་བཀོལ་བར་བསྟན་པ་ནི། ཅི་སྟེ་འདི་ལ་རྙེད་ཡོད་ཀྱང༌།། གལ་ཏེ་ང་ཡི་ལས་བྱེད་ན།། འདི་ལ་འཚོ་བ་ཙམ་བྱིན་ནས།། བདག་གི་སྟོབས་ཀྱིས་དེ་བླང་བྱ།། ༡༥༣ 500 བསམ་གཏན་་བསྟན་པ། འདི་ནི་བདེ་ལས་ཉམས་བྱ་ཞིང༌།། བདག་གི་སྣོད་དང་རྟག་སྦྱར་བྱ།། ཞེས་གསུངས་ཏེ། དེ་བས་ན་ཅི་སྟེ་ལུས་སེམས་ཁྱོད་ལ་རྙེད་པ་དང་ལོངས་སྤྱོད་མང་དུ་ཡོད་ ཀྱང་ཐམས་ཅད་ཁྱོད་ལོངས་སྤྱད་པར་མི་དབང་སྟེ། ལུས་སེམས་ཁྱོད་ནི་ངེད་སེམས་ཅན་ལ་ སྔོན་ནས་བྱིན་ཟིན་པའི་ཕྱིར། གལ་ཏེ་ལུས་སེམས་ཁྱོད་དེང་སེམས་ཅན་གྱི་ལས་གཞན་ དོན་བྱེད་ན་ཁྱོད་ལ་ཟས་གོས་འཚོ་ཙམ་རེ་བྱིན་ནས་ཁྱོད་ལ་མཐུ་རྩལ་ཅི་ཡོད་པ་ཐམས་ཅད་ བདག་སེམས་ཅན་གྱིས་སྟོབས་ཀྱིས་བླང་བར་བྱ་ལ། ལུས་སེམས་འདི་ནི་བདེ་བ་ལས་ ཉམས་པར་བྱ་ཞིང་བདག་སེམས་ཅན་གྱིས་སྣོད་དང་སྦྱར་ཏེ་ཅི་དགོས་པར་བྲན་དུ་བཀོལ་ བར་བྱའོ་ཞེས་བསམ་པ་སྟེ། དཔེར་ན། བདག་གིས་སྐྱེས་བུ་མཆོད་སྦྱིན་ལ་འགྲན་སེམས་ སྐྱེས་པའི་ཚེ་འགྲན་སེམས་དེ་གཞོམ་པའི་ཕྱིར། མཆོད་སྦྱིན་ལ་བདག་ཏུ་འདུ་ཤེས་བཞག་ ནས་གང་གིས་ཁོ་ལས་བདག་མཆོད་སྦྱིན་རང་ནི་ལྷག་པར་བྱ་བའི་ཕྱིར། བདག་གི་རྙེད་དང་ བཀུར་སྟི་ནི་རྩོད་པས་ཀྱང་ངེས་པར་སྒྲུབ་པ་ནས་འདི་ནི་བདག་མཆོད་སྦྱིན་གྱི་གནས་སྐབས་ གང་དགོས་དང་སྦྱར་ནས་བཀོལ་ལོ་ཞེས་སྒོམ་པ་ལྟ་བུ་སྟེ། མདོར་ན་སེམས་ཅན་འགྲན་ཟླ་ མ་ཡིན་གྱི་བདག་འཛིན་འགྲན་ཟླ་ཡིན་ནོ་ཞེས་སྟོན་པའོ།། དེ་ལྟར་སེམས་ཅན་ལ་བདག་ཏུ་བཟུང་ནས་བདག་གཞན་བརྗེ་བ་བསྟན་ཟིན་ནས། གཉིས་པ་བདག་འཛིན་རང་སར་བཞག་ནས་བདག་གཞན་བརྗེ་བ་ལ་གསུམ། སྔར་རང་ 501 བསམ་གཏན་་བསྟན་པ། དོན་འབའ་ཞིག་བསམས་པས་བསླུས་པར་བསྟན། ཕྱིན་ཆད་དེ་ལས་ལྡོག་པར་གདམས། བདེ་དགེ་རྣམས་གཞན་ལ་བྱིན་ལ་སྡུག་བསྔལ་བདག་གིས་ལོང་ཞིག་པར་གདམས་ པའོ། །དང་པོ་ནི། འདི་ཡིས་བརྒྱ་ཕྲག་ཐམས་ཅད་དུ།། འཁོར་བར་བདག་ལ་གནོད་པ་བྱས།། ༡༥༤ ཡིད་ཁྱོད་རང་དོན་བྱེད་འདོད་པས།། བསྐལ་པ་གྲངས་མེད་འདས་གྱུར་ཀྱང༌།། ངལ་བ་ཆེན་པོ་དེ་ལྟ་བུས།། ཁྱོད་ཀྱི་སྡུག་བསྔལ་འབའ་ཞིག་བསྒྲུབས།། ༡༥༥ ཞེས་གསུངས་ཏེ། དེས་ན་བདག་འཛིན་འདི་ཡིས་འཁོར་བ་ཐོག་མ་མེད་པ་ནས་བདག་ཏུ་བཟུང་ ཡུལ་གྱི་སེམས་འདི་ཉིད་ལ་གནོད་པ་ཁོ་ན་བྱས་ཏེ། སེམས་ཁྱོད་ཉིད་ཐོག་མ་མེད་པ་ནས་རང་ དོན་ཁོ་ན་བྱེད་པར་འདོད་པ་འདིས་དུས་འདས་ཀྱང་སྡུག་བསྔལ་འབའ་ཞིག་མྱོང་བར་ཟད་དོ།། གཉིས་པ་ཕྱིན་ཆད་དེ་ལས་ལྡོག་པར་གདམས་པ་ནི། དེ་ལྟར་ངེས་པར་གཞན་དག་གི། དོན་ལ་རབ་ཏུ་འཇུག་གྱིས་དང༌།། 502 བསམ་གཏན་་བསྟན་པ། ཐུབ་པའི་བཀའ་ནི་མི་སླུ་བས།། དེ་ཡི་ཡོན་ཏན་ཕྱིས་མཐོང་འགྱུར།། ༡༥༦ ཞེས་གསུངས་ཏེ། ད་ནི་བདག་གཅེས་འཛིན་དེ་ཐོངས་ལ་གཞན་དོན་ལ་རབ་ཏུ་འཇུག་པར་ གྱིས་དང༌། རང་དོན་གྱི་མཆོག་ནི་གཞན་དོན་ཡིན་པར་སངས་རྒྱས་ཀྱིས་གསུངས་པ་མི་སླུ་ བས་འདིའི་ཕན་ཡོན་མཐའ་ཡས་པ་མཐོང་ནས་ཡིད་ཆེས་པར་འགྱུར་རོ།། གལ་ཏེ་ཁྱོད་ཀྱིས་སྔ་དུས་སུ།། ལས་འདི་བྱས་པར་གྱུར་ན་ནི།། སངས་རྒྱས་ཕུན་སུམ་བདེ་མིན་པ།། འདི་འདྲའི་གནས་སྐབས་སྲིད་མི་འགྱུར།། ༡༥༧ ཞེས་གསུངས་ཏེ། སྔོན་ནས་སེམས་ཁྱོད་ཀྱིས་འདི་ལྟར་བྱས་ན་སངས་རྒྱས་ཀྱི་བདེ་བ་འཐོབ་ ཀྱི་འཁོར་བའི་སྡུག་བསྔལ་ཟད་མི་ཤེས་པ་འདི་ལྟ་བུ་མྱོང་མི་དགོས་པ་ཞིག་ན་གཞན་ཕ་མའི་ ཁུ་ཁྲག་གི་ཐིགས་པ་ཙམ་ལ་ང་དང་ང་ཡིར་བཟུང་ནས་གཅེས་སྤྲས་བྱས་པས་སྲིད་པའི་སྡུག་ བསྔལ་འདི་མྱོང་ངོ༌།། གསུམ་པ་བདེ་དགེ་རྣམས་གཞན་ལ་བྱིན་ལ་སྡུག་བསྔལ་བདག་གིས་ལོང་ཞིག་པར་ གདམས་པ་ནི། 503 བསམ་གཏན་་བསྟན་པ། དེ་བས་འདི་ལྟར་གཞན་དག་གི། ཁུ་བ་ཁྲག་གི་ཐིགས་པ་ལ།། ཁྱོད་ཀྱིས་བདག་འཛིན་བྱས་པ་ལྟར།། དེ་བཞིན་གཞན་ལའང་གོམས་པར་གྱིས།། ༡༥༨ ཞེས་གསུངས་ཏེ། ད་ནི་སྔར་ཁུ་ཁྲག་ལ་བདག་ཏུ་བཟུང་བ་དེ་ལྟར་ཁྱོད་ཀྱིས་གཞན་སེམས་ ཅན་ལ་ཡང་བདག་འཛིན་གོམས་པར་གྱིས་ཤིག། གཞན་གྱི་རྟོག་ཆེན་བྱས་ནས་ནི།། བདག་གི་ལུས་ལ་ཅི་སྣང་བ།། དེ་དང་དེ་ཉིད་ཕྲོགས་བྱས་ནས།། ཁྱོད་ཀྱིས་གཞན་ལ་ཕན་པར་སྦྱོར།། ༡༥༩ ཞེས་གསུངས་ཏེ། དེ་བཞིན་དུ་ད་ནི་གཞན་ཁོ་ན་གཅེས་པར་བཟུང་ནས་གཞན་གྱི་རྟོག་ཆེན་ པ་སྟེ་མཚང་ལེན་པའི་བྱ་ར་བ་གྱིས་ལ་བདག་ལ་བདོག་པ་ཅི་མཐོང་ཡང་དེ་ཕྲོགས་ནས་ གཞན་སེམས་ཅན་ལ་བྱིན་ལ་ཕན་བདེར་གྱིས་ཤིག། བདག་སྐྱིད་གཞན་ནི་མི་སྐྱིད་ལ།། བདག་མཐོ་གཞན་ནི་དམའ་བ་དང༌།། 504 བསམ་གཏན་་བསྟན་པ། བདག་ནི་ཕན་བྱེད་གཞན་མིན་ཞེས།། བདག་ལ་ཕྲག་དོག་ཅིས་མི་བྱེད།། ༡༦༠ ཅེས་གསུངས་ཏེ། འཁོར་བ་ཐོག་མེད་ནས་བདག་འཛིན་འདིས་གནོད་པ་བྱས་པས་ད་ནི་ བདག་ཉིད་བདེ་བ་སོགས་ལ་ཕྲག་དོག་པར་རིགས་ཀྱི་གཞན་བདེ་བ་ལ་ཕྲག་དོག་པར་མི་ རིགས་སོ།། བདག་ནི་བདེ་དང་བྲལ་གྱིས་ཏེ།། གཞན་གྱི་སྡུག་བསྔལ་བདག་ལ་སྦྱོར།། ཞེས་གསུངས་ཏེ། དེའི་ཕྱིར་བདག་གི་བདེ་དགེ་གཞན་སེམས་ཅན་ལ་ཐོངས་ལ་གཞན་ སེམས་ཅན་གྱི་སྡིག་སྡུག་བདག་ཉིད་ལ་ལོང་ཞིག། གང་ཚེ་འདི་ན་ཅི་བྱེད་ཅེས།། བདག་གི་སྐྱོན་ལ་བརྟག་པར་གྱིས།། ༡༦༡ ཞེས་གསུངས་ཏེ། ད་ནི་གཞན་སྐྱོན་ལ་བརྟག་པའི་དུས་མ་ཡིན་གྱི་རྣམ་པ་ཀུན་ཏུ་བདག་ཉིད་ ཀྱི་སྐྱོན་ལ་བརྟག་པ་དང༌། གཞན་གྱིས་ཉེས་པ་བྱས་པ་ཡང༌།། རང་གི་སྐྱོན་དུ་བསྒྱུར་བྱོས་ལ།། 505 བསམ་གཏན་་བསྟན་པ། བདག་གིས་ཉེས་པ་ཆུང་བྱས་ཀྱང༌།། སྐྱེ་བོ་མང་ལ་རབ་ཏུ་ཤོད།། ༡༦༢ ཅེས་གསུངས་ཏེ། བཟོད་སྨྲའི་སྐྱེས་རབས་སུ་རྒྱལ་པོས་ཉེས་མེད་དུ་ཡན་ལག་བཏུབས་ཀྱང་ ཀྱེ་མ་བདག་བཟོད་པའི་སྟོབས་ཆུང་བས་རྒྱལ་པོ་འདིའི་ཁྲོ་བ་གཞིལ་མ་ནུས་སོ་ཞེས་རང་ ཉིད་ཀྱི་སྐྱོན་དུ་རྟོག་པ་ལྟར་གཞན་ལ་སྐྱོན་མཐོང་ནའང་དེ་ལྟར་རྟོག་པ་རང་ཉིད་ཀྱི་སྐྱོན་དུ་ ངོས་འཛིན་པ་དང༌། གཞན་གྱིས་གནོད་པ་བྱས་ཀྱང་བདག་གི་ལས་ཀྱིས་ཉེས་སོ་ཞེས་རང་ ཉིད་ཀྱི་སྐྱོན་དུ་ཤེས་པར་བྱ་ལ། རང་གིས་ཉེས་པ་ཆུང་ངུ་ཙམ་བྱུང་ནའང་མང་པོའི་མདུན་དུ་ མཐོལ་ཞིང་བཤགས་ཏེ་ས་བོན་ཙམ་ཡང་རྒྱུད་ལ་མ་ལུས་པར་བྱོས་ཤིག། གཞན་གྱི་གྲགས་པ་ལྷག་བརྗོད་པས།། རང་གི་གྲགས་པ་ཟིལ་གྱིས་གནོན།། བདག་ནི་བྲན་གྱི་ཐ་མ་ལྟར།། དོན་རྣམས་ཀུན་ལ་བཀོལ་བར་གྱིས།། ༡༦༣ ཞེས་གསུངས་ཏེ། དེ་བཞིན་དུ་བདག་གི་ཡོན་ཏན་སུས་ཀྱང་མི་ཤེས་པར་སྦ་ཞིང་གཞན་གྱི་ ཡོན་ཏན་དང་གྲགས་པ་སྒྲོགས་ཤིང་གཞན་རྣམས་ལ་རྗེ་བོའི་འདུ་ཤེས་བཞག་སྟེ་རང་ཉིད་ བྲན་ལྟར་བཀོལ་བར་བྱའོ།། 506 བསམ་གཏན་་བསྟན་པ། འདི་ནི་སྐྱོན་ཅན་རང་བཞིན་ཏེ།། གློ་བུར་ཡོན་ཏན་ཆས་མི་བསྟོད།། འདི་ཡི་ཡོན་ཏན་ཅི་ནས་ཀྱང༌།། འགས་ཀྱང་མི་ཤེས་དེ་ལྟར་གྱིས།། ༡༦༤ ཞེས་གསུངས་ཏེ། བྱིས་པ་སྐྱོན་གྱི་རང་བཞིན་ཡིན་པའི་ཕྱིར་རང་ཉིད་སྐྱོན་གྱི་འབྱུང་གནས་ སུ་ཤེས་པར་བྱ་ལ། གལ་ཏེ་ཡོན་ཏན་ཅུང་ཟད་མཐོང་ནའང་སོ་སྐྱེའི་ཡོན་ཏན་རྣམས་ནི་གློག་ ལྟར་སྐད་ཅིག་ཙམ་དུ་ཟད་པས་གློ་བུར་གྱི་ཆོས་དེས་བསྙེམས་ཤིང་རང་བསྟོད་པར་མི་བྱའོ།། མདོར་ན་བདག་གི་དོན་གྱི་ཕྱིར།། ཁྱོད་ཀྱིས་གཞན་ལ་གནོད་བྱས་གང༌།། གནོད་དེ་སེམས་ཅན་དོན་གྱི་ཕྱིར།། བདག་ཉིད་ལ་ནི་འབབ་པར་གྱིས།། ༡༦༥ ཞེས་གསུངས་ཏེ། མདོར་ན་སྔོན་ཆད་བདག་དོན་དུ་བསམས་ནས་གཞན་ལ་གནོད་པ་བྱས་ པ་དེ་ཐམས་ཅད་ད་ནི་སེམས་ཅན་ཐམས་ཅད་ཀྱི་བྱང་ཆུབ་ཀྱི་རྒྱུར་བདག་ཉིད་ཁོ་ན་ལ་འབབ་ པར་གྱིས་ཤིག། འདི་ནི་གཉའ་དྲག་འགྱུར་ཚུལ་དུ།། ཤེད་སྐྱེད་པར་ནི་མི་བྱ་སྟེ།། 507 བསམ་གཏན་་བསྟན་པ། བག་མ་གསར་པའི་ཚུལ་བཞིན་དུ།། ངོ་ཚས་འཇིགས་དང་བསྡམས་ཏེ་བཞག། ༡༦༦ ཅེས་གསུངས་ཏེ། དེ་ལྟར་རྣམ་པ་དུ་མར་བརྟགས་ཏེ་བདག་འཛིན་འདི་ནི་གཉའ་དྲག་ཅེས་པ་ བརྡ་རྙིང་སྟེ་ཆེར་དྲེགས་པར་འགྱུར་བར་ཤེད་སྐྱེད་པར་མི་བྱ་སྟེ། ཅི་ནས་ཀྱང་བག་ཞུམ་ཞིང་ གདོང་དམའ་ལ་རབ་ཏུ་ངོ་ཚ་བ་བག་སར་ལྟ་བུ་དང་འཇིགས་ཤིང་སྐྲག་པ་གཤེད་མས་ཟིན་ པའི་མི་ལྟ་བུ་དང༌། སྒོ་གསུམ་ཀུན་ནས་བསྡམས་པ་དུལ་བའི་དགེ་སློང་ལྟ་བུར་ཐུལ་བར་ གྱིས་ཤིག་པའོ།། གསུམ་པ་གཉེན་པོ་ལ་བདག་ཏུ་བྱས་ནས་སེམས་ཚར་བཅད་པ་ལ་གསུམ། སེམས་ ཚར་བཅད་བྱར་བསྟན། ཕྱིན་ཆད་སེམས་ཀྱི་དབང་དུ་མི་གཏོང་བར་བསྟན། སེམས་ཀྱི་དབང་ དུ་གཏོང་མི་རིགས་པར་བསྟན་པའོ། །དང་པོ་ནི། དེ་བྱ་དེ་ལྟར་གནས་བྱ་ཞིང༌།། དེ་ལྟར་ཁྱོད་ཀྱིས་མི་བྱ་བ།། དེ་ལྟར་འདི་ནི་དབང་བྱ་སྟེ།། དེ་ལས་འདས་ན་ཚར་བཅད་བྱ།། ༡༦༧ ཞེས་གསུངས་ཏེ། ད་ནི་གཉེན་པོའི་ཤེས་པ་ལ་བདག་ཏུ་བཟུང་སྟེ་ལེགས་པར་འདོམས་པ་ འཆད་དེ། དེ་ལྟར་གཞན་ཕན་འབའ་ཞིག་བྱ་ཞིང་སྒོ་གསུམ་སྐད་ཅིག་ཀྱང་དོན་མེད་དུ་མི་ 508 བསམ་གཏན་་བསྟན་པ། གནས་པར་གཞན་དོན་དུ་འགྱུར་བ་དེ་ལྟ་བུ་ཁོ་ནས་གནས་པར་བྱ་ཡི་སྔར་ཕུང་པོ་ལ་བདག་ ཏུ་བཟུང་ནས་བདག་ཉིད་གཅེས་འཛིན་ཁོ་ན་བྱས་པ་དེ་ལྟར་ནི་སེམས་ཁྱོད་ཀྱིས་ད་ཕྱིན་ཆད་ སྐད་ཅིག་ཀྱང་མི་བྱ་སྟེ། དེ་ལྟ་བུའི་ཚུལ་ལ་རང་གི་སེམས་འདི་ནི་རང་གི་དབང་དུ་འདུས་ཤིང་ དགའ་མགུར་བྱར་ཡོད་པ་རྟ་ཅང་ཤེས་དུལ་བ་ལྟ་བུར་བྱོས་ཤིག །གལ་ཏེ་བླང་དོར་དེ་ལས་ འདས་ནས་ད་དུང་ཕྱིན་ཅི་ལོག་ཏུ་སྤྱོད་ན་ནི་སེམས་ཁྱོད་ཚར་བཅད་པར་བྱའོ། །ཞེས་ཅུང་ཟད་ བསྡིགས་པ་དང༌། འོན་ཏེ་དེ་ལྟར་གདམས་ཀྱང་ནི།། སེམས་ཁྱོད་དེ་ལྟར་མི་བྱེད་ན།། ཁྱོད་ལ་ཉེས་ཀུན་བརྟེན་པས་ན།། ཁྱོད་ཉིད་ཚར་བཅད་བྱ་བར་ཟད།། ༡༦༨ ཅེས་གསུངས་ཏེ། དེ་ལྟར་གདམས་པས་ཀྱང་སེམས་ཁྱོད་མ་དུལ་བའི་ངན་ལང་བྱེད་ན་ནི་ འཁོར་བ་ཐོག་མེད་ནས་ཀྱི་སྐྱོན་དང་ཉེས་རྩ་ཐམས་ཅད་ཕུང་པོ་ལ་བདག་འཛིན་ཅན་གྱི་ སེམས་ཁྱོད་ཁོ་ན་ལ་བརྟེན་པར་ཟད་པས་ཁྱོད་ཤིན་ཏུ་གཅེས་སྤྲས་སུ་བྱེད་པའི་ལུས་ལ་ཟས་ གོས་མི་སྦྱིན་པར་བཀོལ་བ་དང༌། སོ་སོར་རྟོག་པའི་ཤེས་རབ་ཀྱི་སྒོ་དུ་མ་དང་སོ་སོ་རང་ རིག་པའི་ཡེ་ཤེས་ཀྱིས་ཕུང་པོ་ལ་བདག་ཏུ་འཛིན་པ་ཅན་གྱི་སེམས་ཁྱོད་ལྡང་བ་མེད་པར་ ཚར་བཅད་པར་བྱའོ་ཞེས་ཆེར་བསྡིགས་པ་དང༌། 509 བསམ་གཏན་་བསྟན་པ། གཉིས་པ་ཕྱིན་ཆད་སེམས་ཀྱི་དབང་དུ་མི་གཏོང་བར་བསྟན་པ་ནི། ཁྱོད་ཀྱིས་ཁོ་བོ་གར་བརླག་པའི།། སྔོན་གྱི་དུས་དེ་གཞན་ཡིན་ཏེ།། ངས་མཐོང་ཁྱོད་ད་གང་དུ་འགྲོ ། ཁྱོད་ཀྱི་དྲེགས་པ་ཀུན་གཞོམ་བྱ།། ༡༦༩ ཞེས་གསུངས་ཏེ། འཁོར་བ་ཐོག་མེད་ནས་ཕུང་པོ་ལ་བདག་འཛིན་ཁྱོད་ཀྱིས་སེམས་རྒྱུན་ ཙམ་ཁོ་བོ་བརླག་པ་ཁོ་ནར་བྱས་མོད་ཀྱང་སྔོན་ཁོ་བོས་ཁྱོད་ཀྱི་སྐྱོན་མ་ཤེས་ཤིང་གཉེན་པོའི་ ལུས་སྟོབས་མ་རྫོགས་པའི་དུས་དེ་གཞན་ཡིན་ལ། ད་ནི་ཉེས་རྩ་ཐམས་ཅད་ཁྱོད་ལ་བརྟེན་ པ་འདི་ཡང་ངས་མཐོང་ཞིང་ཁྱོད་ནི་ཕྱིན་ཅི་ལོག་གི་འཛིན་སྟངས་གོམས་པ་ཙམ་མ་གཏོགས་ ཡུངས་འབྲུ་ཙམ་དུ་ཡང་མི་བདེན་པ་འདི་ཡང་མཐོང་གི་ད་ནི་ཁྱོད་གར་འབྲོས་ཏེ་སེང་གེས་རི་ དྭགས་བཟུང་བ་ལྟར་ཁྱོད་ཀྱི་དྲེགས་པ་ཐམས་ཅད་ངས་གཞོམ་པར་བྱའོ།། ད་དུང་བདག་ལ་རང་གི་དོན།། ཡོད་སྙམ་སེམས་པ་དེ་དོར་ཞིག། བདག་གིས་གཞན་ལ་ཁྱོད་བཙོངས་ཀྱིས།། སྐྱོ་བར་མ་སེམས་ཞོ་ཤ་ཕུལ།། ༡༧༠ ཞེས་གསུངས་ཏེ། ད་ཕྱིན་ཆད་ཕུང་པོ་ལ་བདག་དང་གཅེས་པར་བཟུང་ནས་བདག་བདེ་བར་ 510 བསམ་གཏན་་བསྟན་པ། བྱའོ་སྙམ་པའི་བློ་སྔོན་ནས་ཡོད་པ་དེ་དོར་ཞིག ལུས་སེམས་ཙམ་ཁྱོད་ནི་གཉེན་པོའི་ཤེས་པ་ མཐུ་བརྟས་པ་ང་ཡིས་སེམས་ཅན་ཐམས་ཅད་ལ་བྱང་ཆུབ་ཀྱི་སེམས་ཉོ་བའི་རིན་དུ་བཙོངས་ ཟིན་གྱིས་སེམས་ཅན་ཐམས་ཅད་ཀྱི་བྲན་དུ་གྱུར་པ་ཁྱོད་སྐྱོ་ངལ་དུ་མ་སེམས་པར་ཇོ་བོ་ སེམས་ཅན་རྣམས་ལ་རང་གི་ནུས་པ་ཅི་ཡོད་ཀྱིས་ཞོ་ཤ་སྟེ་མཁོ་བེད་གང་ཡོད་ཕུལ་ཞིག གསུམ་པ་སེམས་ཀྱི་དབང་དུ་གཏོང་མི་རིགས་པར་བསྟན་པ་ནི། གལ་ཏེ་བག་མེད་གྱུར་ནས་ཁྱོད།། སེམས་ཅན་རྣམས་ལ་མ་བྱིན་ན།། ཁྱོད་ཀྱིས་ཁོ་བོ་དམྱལ་བ་ཡི།། སྲུང་མ་རྣམས་ལ་བྱིན་དུ་ངེས།། ༡༧༡ ཞེས་གསུངས་ཏེ། རྣམ་པ་ཀུན་ཏུ་བག་མེད་པར་གྱུར་པ་གདོལ་བ་ལྟ་བུའི་སེམས་བདག་ འཛིན་ཅན་ཁྱོད་གལ་ཏེ་སེམས་ཅན་ལ་མ་བྱིན་པར་མཐོ་ཞིང་གཅེས་པར་བཟུང་ན་ཁྱོད་ཀྱིས་ གཉེན་པོའི་ཤེས་པ་ཅན་གྱི་སེམས་རྒྱུན་ཁོ་བོ་དམྱལ་སྲུང་འཇིགས་སུ་རུང་བ་རྣམས་ལ་སྟེར་ བར་གདོན་མི་ཟའོ།། དེ་ལྟར་ཁྱོད་ཀྱིས་རེ་ལྟ་ཞིག། ཁོ་བོ་བྱིན་པས་ཡུན་རིང་སྡུག། 511 བསམ་གཏན་་བསྟན་པ། ད་ནི་འཁོན་རྣམས་དྲན་བྱས་ཏེ།། ཁྱོད་ཀྱི་རང་དོན་སེམས་པ་གཞོམ།། ༡༧༢ ཞེས་གསུངས་ཏེ། སྔར་ཡང་ཐོག་མ་མེད་པ་ནས་ཕུང་པོ་ལ་བདག་འཛིན་ཁྱོད་ལ་གཅེས་སྤྲས་ སུ་བྱས་པས་ཁྱོད་ཀྱིས་སེམས་ཁོ་བོ་རེས་འགའ་དམྱལ་སྲུང་རྣམས་ལ་བྱིན་ཏེ་སྲན་མ་ལྟར་ བཙོས། ཡུངས་ཀར་ལྟར་བཙིར། ཤིང་ལྟར་བཤགས། སྡུག་བསྔལ་ལ་མ་མྱོང་བ་མེད་པ་ ལ་གཏད། རེས་འགའ་ཡི་དྭགས་སུ་འཕངས་ཏེ་བཀྲེས་སྐོམ་གྱིས་མནར། རེས་འགའ་དུད་ འག ྲོར་འཕངས་ཏེ་སྡུག་བསྔལ་ལས་ཐར་དུས་མེད། དེ་ལྟར་སངས་རྒྱས་ཀྱིས་ཀྱང་བགྲང་ གིས་མི་ལང་བ་དེ་ཐམས་ཅད་ཁྱོད་ཁོ་ནས་བཅོལ་བ་ཡིན་ལ། ད་ནི་ཁྱོད་ཀྱི་འཁོན་རྣམས་ཁོ་ བོས་ཀྱང་དྲན་ཏེ་ཕྱིན་ཆད་ཕུང་པོ་ལ་བདག་ཏུ་བཟུང་ནས་དེ་བདེ་བར་འདོད་པའི་སེམས་ཁྱོད་ རྨི་ལམ་ན་ཡང་མི་རྒྱུ་བ་དེ་ལྟར་གཞོམ་པར་བྱ་ཞིང་རྩད་ནས་དབྱུང་བར་བྱའོ།། བཞི་པ་ལུས་ལ་ཆགས་པ་ཉེས་པའི་འབྱུང་གནས་སུ་བསྟན་པ་ལ་དྲུག །མདོར་བསྟན། བསྐྱངས་ན་གཟེ་རེག་འཕེལ་བ་དང༌། བདག་ཏུ་བཟུང་བྱ་མ་ཡིན་པ་དང༌། ལུས་ལ་སྙིང་པོ་ མེད་པ་དང༌། ལུས་ལ་བསྟོད་དམད་བྱས་པ་ལ་ཆགས་སྡང་སྐྱེད་མི་རིགས་པ་དང༌། ལུས་སྙིང་ པོ་མེད་ཀྱང་དུས་མིན་དུ་མི་དོར་ཞིང་དུས་སུ་ཕྱིན་ན་བཏང་བྱར་བསྟན་པའོ། །དང་པོ་ནི། དེས་ཏེ་བདག་ནི་དགའ་འདོད་ན།། རང་ལ་བདག་གིས་དགར་མི་བྱ།། 512 བསམ་གཏན་་བསྟན་པ། དེས་ཏེ་བདག་ནི་སྲུང་འདོད་ན།། གཞན་དག་རྟག་ཏུ་སྲུང་བར་བྱ།། ༡༧༣ ཞེས་གསུངས་ཏེ། དེ་ལྟར་གཉེན་པོའི་ཤེས་པ་ལ་བདག་ཏུ་བྱས་ཤིང་ཕུང་པོ་ངར་འཛིན་ལ་ གཞན་དུ་བཞག་ནས་ཚར་བཅད་པ་བསྟན་ཟིན་ནས། ད་ནི་བདག་གཞན་གྱི་ཐ་སྙད་འཇིག་ རྟེན་གྱི་གྲགས་པ་ལྟར་སོར་བཞག་སྟེ་བདག་གཞན་བརྗེ་བ་དང་ལུས་ལ་ཆགས་བྱ་མ་ཡིན་ པར་སྟོན་ཏེ། རྒྱུ་མཚན་དེ་རྣམས་ཀྱི་ཕྱིར་ན་སུ་ཞིག་བདག་ཉིད་བདེ་བར་འདོད་ན་བདག་ གཅེས་འཛིན་འདོར་བར་བྱ་སྟེ། བདག་ཏུ་ལྟ་བ་དང་གཅེས་པར་འཛིན་པ་མེད་ན་སྡུག་ བསྔལ་ཞེས་བྱ་བ་ཤེས་བྱ་ལ་མི་མཐོང་སྟེ་ཇི་ལྟར་བེམ་པོ་རྣམས་ལ་སྡུག་བསྔལ་མེད་པ་ བཞིན་ནོ། །བདག་ཉིད་སྲུང་བར་འདོད་པ་དེས་ཀྱང་གཞན་ཐམས་ཅད་སྲུང་བར་བྱ་སྟེ་ཐམས་ ཅད་ཀྱི་ནང་དུ་བདག་ཉིད་ཀྱང་ཞར་ལ་འདུ་བའི་ཕྱིར་དང༌། ཇི་ལྟར་ཡུལ་ཁམས་དེ་བསྲུངས་ ན་རང་ཁྱིམ་ཞར་ལ་བསྲུངས་བར་འགྱུར་བ་བཞིན་ནོ།། གཉིས་པ་བསྐྱངས་ན་གཟེ་རེག་འཕེལ་བ་ནི། ཇི་ལྟ་ཇི་ལྟར་ལུས་འདི་ནི།། ཡོངས་སུ་སྐྱོང་བར་བྱེད་འགྱུར་བ།། དེ་ལྟ་དེ་ལྟར་ཤིན་ཏུ་ནི།། གཟེ་རེག་ཅན་དུ་གྱུར་ནས་ལྟུང༌།། ༡༧༤ 513 བསམ་གཏན་་བསྟན་པ། ཞེས་གསུངས་ཏེ། དེས་ན་བདག་ལ་ཆགས་པར་མི་བྱ་སྟེ་སེམས་ནི་ངོ་བོ་ཉིད་ཀྱིས་སྟོང་ཞིང་ རང་བཞིན་གྱིས་འོད་གསལ་བ་ཡིན་པས་ངོ་བོ་ཉིད་དེ་ལ་ནི་དམིགས་པ་ཙམ་དུ་ཡང་བྱར་མེད་ པ་ཡིན་པས་བདག་གཞན་གང་ཡང་མ་ཡིན་ཞིང་ཆགས་པར་མི་ནུས་ལ། ལུས་འདི་ནི་ཆུ་བུར་ ཙམ་སྟེ་བདག་གཞན་གང་ཡང་མ་ཡིན་ལ་སུའི་ཡང་མ་ཡིན་པའི་ཕྱིར་དང༌། ལུས་འདི་ནི་ཅི་ ཙམ་བསྐྱངས་པ་དེ་ཙམ་དུ་གཟེ་རེག་འཕེལ་བ་ཡིན་ནོ།། དེ་ལྟར་ལྟུང་བ་དེ་ཡི་ཡང༌།། འདོད་པ་ས་འདི་ཐམས་ཅད་ཀྱིས།། རྫོགས་པར་ནུས་པ་ཡོད་མིན་ན།། དེ་ཡི་འདོད་པ་སུས་བྱེད་ནུས།། ༡༧༥ ཞེས་གསུངས་ཏེ། སེམས་ཅན་གཅིག་གི་འདོད་པ་ལ་བརྣབ་སེམས་པ་དེའི་བསམ་པ་ནི་ས་ འདི་ཐམས་ཅད་གསེར་དུ་གྱུར་ཀྱང་མི་རྫོགས་ཤིང་མི་ཚིམ་སྟེ་ད་དུང་འདི་ཐམས་ཅད་བཻཌཱུརྱར་ གྱུར་ཅིང་འཇིག་རྟེན་གྱི་ཁམས་གཞན་དག་ཀྱང་གསེར་དུ་གྱུར་ནས་བདག་ལ་ཡོད་ན་ཅི་མ་ རུང་སྙམ་པ་སོགས་ཐུག་མཐའ་མེད་པའི་ཕྱིར་དང༌། ནུས་མེད་འདོད་ལས་ཉོན་མོངས་དང༌།། བསམ་པ་ཉམས་པའང་སྐྱེ་བར་འགྱུར།། ཞེས་གསུངས་ཏེ། ལོངས་སྤྱོད་དང་བདེ་བ་ཅི་ཐོབ་ཀྱང་ཚིམ་པ་མེད་ཀྱི་སྟེང་དུ་སླར་ཡང་ཆོག་ 514 བསམ་གཏན་་བསྟན་པ། མི་ཤེས་པའི་འདོད་སྲེད་དང་སྒྲུབ་པའི་སྡུག་བསྔལ་ལུས་སེམས་ཉོན་མོངས་པར་བྱེད་པ་དང༌། དེའི་ཕྱིར་གཞན་ལ་བསམ་ངན་སོགས་བསམ་པ་ཉམས་པ་སྐྱེ་ཞིང་དེ་ལག་ཏུ་ལེན་པའི་སྦྱོར་ ངན་ལ་འཇུག་ཅིང་བསམ་པའི་ཆ་ཙམ་ཡང་མ་རྫོགས་པར་ཤི་ནས་ཕྱི་མར་མི་བཟད་པའི་ སྡུག་བསྔལ་མཐའ་མེད་དུ་མྱོང་བར་འགྱུར་རོ།། གང་ཞིག་ཀུན་ལ་ལྟོས་མེད་པ།། དེ་ཡི་ཕུན་ཚོགས་ཟད་མི་ཤེས།། ༡༧༦ ཞེས་གསུངས་ཏེ། དེས་ན་སུ་ཞིག་གང་ལ་ཡང་བལྟོས་པ་དང་རེ་བ་དང་ཆགས་པ་མེད་པ་དེ་ ལ་ནི་གནས་སྐབས་དང་མཐར་ཐུག་གི་ཕུན་ཚོགས་ཐམས་ཅད་ཟད་མི་ཤེས་པར་འདུ་བ་རྒྱ་ མཚོར་ཆུ་བོ་བཞིན་དུ་འཇུག་སྟེ་ནམ་མཁའི་མཛོད་དང་ལག་ན་རིན་པོ་ཆེ་ལ་སོགས་པའི་རྒྱལ་ སྲས་ཆེན་པོ་རྣམས་དང༌། རྫོགས་པའི་སངས་རྒྱས་བཞིན་ནོ།། གསུམ་པ་བདག་ཏུ་བཟུང་བྱ་མ་ཡིན་པ་ནི། དེ་བས་ལུས་ཀྱི་འདོད་པ་ནི།། འཕེལ་ཕྱིར་སྐབས་དབྱེ་མི་བྱ་སྟེ།། གང་ཞིག་ཡིད་འོང་མི་འཛིན་པ།། དེ་ནི་དངོས་པོ་བཟང་པོ་ཡིན།། ༡༧༧ 515 བསམ་གཏན་་བསྟན་པ། ཞེས་གསུངས་ཏེ། དེ་བས་ན་ལུས་ལ་ཆགས་ཤིང་ཞེན་པའི་སེམས་སྐྱེ་བའི་སྐབས་དབྱེ་བར་ མི་བྱ་ལ་གང་ཞིག་ཕྱི་ནང་གི་དངོས་པོ་གང་རུང་ལ་ཡིད་དུ་འོང་བའོ་ཞེས་མི་འཛིན་ཞིང་དེ་ལྟ་ བུ་ལ་ཞེན་པར་མི་བྱེད་པ་དེ་ནི་སེམས་ཀྱི་དངོས་པོའི་ནང་ན་ཤིན་ཏུ་མཆོག་ཡིན་ནོ།། ཐ་མར་ཐལ་བའི་མཐར་གཏུགས་ཤིང༌།། མི་གཡོ་གཞན་གྱིས་བསྐྱོད་བྱ་བ།། མི་གཙང་གཟུགས་ནི་མི་བཟད་པ།། འདི་ལ་ཅི་ཕྱིར་བདག་ཏུ་འཛིན།། ༡༧༨ ཞེས་གསུངས་ཏེ། དེས་ན་ཤི་བའི་མཐར་ཤ་རུས་སོ་སོར་འབྲལ་ཞིང་རུས་ཚིགས་སུམ་བརྒྱ་ དྲུག་ཅུ་པོ་ཡང་ཐ་དད་དུ་བྱེ་ལ་ཚིགས་རེ་ཡང་དུམ་བུ་མང་པོར་འཐོར་ཞིང་དུམ་བུ་རེ་ཡང་ཕྱེ་ མར་ཞིགས་ཏེ་མཐར་ཐལ་བར་འགྱུར་ཞིང་ཐལ་བ་དེ་ཉིད་ཀྱང་གར་སོང་མི་མངོན་པར་འགྱུར་ ལ། ད་ལྟ་གསོན་པར་བཟུང་བའི་དུས་འདི་ཉིད་ནའང་ལུས་ཁོ་རང་ནི་བེམས་པོ་ཡིན་པས་ མི་གཡོ་བ་སེང་གེའི་གསོབ་ལྟ་བུ་ཡིན་ལ་སེང་གེའི་གསོབ་དེའི་ནང་དུ་མིས་ཞུགས་ཏེ་འགྲོ་ བ་དང་འཁྱམ་པ་ལྟར་ལུས་ལས་གཞན་ཐ་དད་པའི་སེམས་མི་ལྟ་བུས་ནང་ནས་བསྐྱོད་པ་ན་ འག ྲོ་བ་དང༌། སྨྲ་བ་ལ་སོགས་པར་སྣང་བ་ངོ་བོ་མི་གཙང་བ་འདུས་པའི་ཕུང་པོ་བརྟགས་ ན་འཇིགས་སུ་རུང་བ་སྐྱེ་བས་མི་བཟད་པ་འདི་ལྟ་བུའི་ལུས་གཟུགས་ལ་བདག་གོ་ཞེའམ་ བདག་གི་ཞེས་ཅིའི་ཕྱིར་འཛིན། 516 བསམ་གཏན་་བསྟན་པ། བཞི་པ་ལུས་ལ་སྙིང་པོ་མེད་པ་ནི། གསོན་ནམ་ཡང་ན་ཤི་ཡང་སླའི།། བདག་ལ་འཁྲུལ་འཁོར་འདིས་ཅི་བྱ།། བོང་སོགས་འདི་ཁྱད་ཅི་ཡོད་ན།། ཀྱེ་ཧུད་ང་རྒྱལ་སེལ་མི་བྱེད།། ༡༧༩ ཅེས་གསུངས་ཏེ། དེས་ན་གསོན་པའམ་ཤི་བ་གང་གི་ཚེ་ཡང་སེམས་སྟོང་པ་ཁྱོད་ལ་ལུས་ གདོས་བཅས་རོ་ཁུར་བ་ལྟ་བུས་ཅི་ཞིག་བྱ། ཕྱི་རོལ་གྱི་ས་དང་རྡོ་དང་བོང་བ་སོགས་དང་ འདི་ལ་བེམ་པོ་ཡིན་པ་དང་སྙིང་པོ་མེད་པ་དང་འཇིག་པའི་ཆོས་ཅན་ཡིན་པའི་ཆ་ནས་ཁྱད་ པར་ཅི་ཞིག་ཡོད་ན་བོང་སོགས་ལ་བདག་གམ་བདག་གི་ཞེས་མི་འཛིན་ལ་ལུས་འདི་ལ་ བདག་གམ་བདག་གི་ཞེས་འཛིན་པའི་རྒྱུ་མཚན་ཅི་ཡོད་ནས་བདག་ལྟའི་ང་རྒྱལ་སེལ་བར་ མི་བྱེད་དེ་ཀྱེ་ཧུད་ཅེས་བདག་ལྟའི་འདུ་ཤེས་ལ་དམད་པ་དང༌། དེས་སྐྱོ་བའི་ཚིག་སྟེ་འཇམ་ དཔལ་རྣམ་རོལ་གྱི་མདོར་དེ་བཞིན་གཤེགས་པས་ཚོང་དཔོན་གྱི་བུ་འཇིགས་བྱིན་ལ་སྨད་ ཚོང་གི་བུ་མོ་གསེར་མཆོག་འོད་དཔལ་བསྟན་ཏེ་ཁྱོད་ཀྱིས་འདི་ཅིར་མཐོང་དྲིས་པ་ན། འདི་ལུས་རྩ་དང་རྩིག་པ་འདྲ།། སེམས་ནི་བསྟན་ཏུ་མ་མཆིས་ཏེ།། ཞེས་སོགས་ཀྱིས་ལན་བཏབ་པ་བཞིན་ནོ།། 517 བསམ་གཏན་་བསྟན་པ། ལུས་ཀྱི་ཁ་ཏ་བྱས་པ་ཡིས།། དོན་མེད་སྡུག་བསྔལ་ཉེར་བསགས་ནས།། རྗེས་སུ་ཆགས་དང་ཁོང་ཁྲོ་བ།། ཤིང་མཚུངས་འདི་ལ་ཅི་ཞིག་བྱ།། ༡༨༠ ཞེས་གསུངས་ཏེ། དེས་ན་སྔོན་ཆད་ལུས་འདིའི་འཚོ་ཚིས་ཀྱི་ཁ་ཏ་ཁོ་ན་བྱས་ཏེ་ཟས་གོས་ སོགས་ཀྱི་ཕྱིར་སྡིག་པ་མང་དུ་བསགས་ཤིང་སོག་རུམ་དང་སྲུང་ཚོལ་ལས་བྱུང་བའི་སྡུག་ བསྔལ་ཡང་མཐའ་ཡས་པར་མྱོང་ཡང་སྙིང་པོ་མེད་ཀྱི་སྟེང་དུ་ངན་འགྲོའི་རྒྱུ་མཐའ་ཡས་པ་ བསྒྲུབས་མོད་ཀྱང་ལུས་འདི་ནི་ཤིང་སྡོང་ལ་རྩིག་པས་བསྐོར་ཞིང་ཆུས་བྲན་ཡང་དགའ་བ་ དང་ཆགས་པ་མེད་ལ་སྟ་རེས་བཅད་ཅིང་དུམ་བུར་བྱས་ཀྱང་ཁོང་ཁྲོ་བ་མེད་པ་ལྟར་ལུས་འདི་ ཡང་དེ་ལྟར་ཟད་ན་ཕན་གནོད་ཅི་ཡང་བྱས་པར་མི་ཤེས་པ་དེ་ཅིའི་ཕྱིར་སྐྱོང༌། བདག་གིས་འདི་ལྟར་བསྐྱངས་པ་འམ།། བྱ་རྒོད་སོགས་ཀྱིས་ཟོས་ཀྱང་རུང༌།། ཆགས་མེད་ཞེ་སྡང་ཡོད་མིན་ན།། ཅི་སྟེ་དེ་ལ་ཆགས་པར་བྱེད།། ༡༨༡ ཅེས་གསུངས་ཏེ། སེམས་བདག་གིས་བསྐྱངས་པ་དང་ཕྱིས་བྱ་རྒོད་ཀྱིས་ཟོས་པ་གཉི་གའི་ ཚེ་ཡང་སྐྱོང་བ་པོ་ལ་དགའ་བ་དང་ཟ་བ་པོ་ལ་སྡང་བ་མི་འདུག་ན་འདི་ལ་སེམས་བདག་ཅིའི་ ཕྱིར་ཆགས། 518 བསམ་གཏན་་བསྟན་པ། ལྔ་པ་ལུས་ལ་བསྟོད་དམད་བྱས་པ་ལ་ཆགས་སྡང་སྐྱེད་མི་རིགས་པ་ནི། གང་ཞིག་སྨོད་པས་ཁྲོ་བ་དང༌།། གང་ཞིག་བསྟོད་པས་མགུ་གྱུར་བ།། གལ་ཏེ་དེ་ཉིད་ཤེས་མེད་ན།། བདག་གིས་གང་གི་ངལ་བ་བྱས།། ༡༨༢ ཞེས་གསུངས་ཏེ། བསྟོད་དམ་དམད་ཀྱང་བདག་ལ་བསྟོད་དོ་ཞེའམ་དམད་དོ་ཞེས་ཁོ་རང་ གིས་དེ་ཉིད་ཤེས་པ་མེད་པ་ལ་ལུས་ལ་བསྟོད་དམད་བྱུང་བ་ལ་སེམས་བདག་གིས་ཆགས་ སྡང་བྱེད་པ་འདི་ནི་བོང་བ་ལ་བསྟོད་དམད་བྱུང་བ་ན་ནམ་མཁས་ཆགས་སྡང་བྱེད་པ་ལྟ་བུར་ ཤིན་ཏུ་མི་རིགས་པའོ།། གང་ཞིག་ལུས་འདི་འདོད་གྱུར་པ།། དེ་དང་བདག་བཤེས་ཡིན་ཞེ་ན།། ཐམས་ཅད་རང་གི་ལུས་འདོད་པས།། དེ་ལ་བདག་ཀོ་ཅིས་མི་དགའ།། ༡༨༣ ཞེས་གསུངས་ཏེ། ཡང་ལུས་འདི་ལ་ཕན་པར་འདོད་པ་དེ་སེམས་བདག་གི་བཤེས་སམ་ མཛའ་བོ་ཡིན་ནོ་ཞེ་ན། སེམས་ཅན་ཐམས་ཅད་ཀྱང་རང་རང་གི་ལུས་ལ་ཕན་པར་འདོད་ པས་དེ་ཐམས་ཅད་ལ་ཅིའི་ཕྱིར་མི་དགའ། 519 བསམ་གཏན་་བསྟན་པ། དྲུག་པ་ལུས་སྙིང་པོ་མེད་ཀྱང་དུས་མིན་དུ་མི་དོར་ཞིང་དུས་སུ་ཕྱིན་ན་བཏང་བྱར་བསྟན་པ་ནི། དེ་བས་བདག་གིས་ཆགས་མེད་པར།། འག ྲོ་ལ་ཕན་ཕྱིར་ལུས་བཏང་བྱ།། ཞེས་གསུངས་ཏེ། དེ་རྣམས་ལ་སོགས་པའི་རྒྱུ་མཚན་མཐའ་ཡས་པས་ན་སེམས་བདག་གིས་ ལུས་འདི་ལ་ཆགས་ཤིང་ཞེན་པར་མི་བྱ་བར་སེམས་ཅན་ཐམས་ཅད་ཀྱི་དོན་དུ་ལུས་འདི་དཀོན་ མཆོག་ལ་དབུལ་ཞིང་བསམ་པས་སེམས་ཅན་ཐམས་ཅད་ལ་རྟག་ཏུ་བཏང་བར་བྱ་ལ། སྦྱོར་ བས་ནི་ཚེ་དེ་ལ་ལུས་ཀྱིས་ལེགས་པར་བྱ་བ་རྣམས་ཟིན་ཞིང་ཕ་རོལ་ལ་ཕན་བདེ་ཆེན་པོར་ འགྱུར་བའི་སྐབས་མཐོང་ན་ལུས་དེ་དོན་མེད་དུ་ཞིག་མི་འཇུག་པར་སྙིང་པོ་བླང་བའི་ཕྱིར་དངོས་ སུ་ཡང་བཏང་བར་བྱ་སྟེ། རྒྱལ་པོ་ཟླ་འོད་ཀྱི་སྐྱེས་རབས་ལ་སོགས་པ་བཞིན་ནོ།། དེས་ན་འདི་ལ་ཉེས་མང་ཡང༌།། ལས་ཀྱི་སྤྱད་བཞིན་བཟུང་བར་བྱ།། ༡༨༤ ཞེས་གསུངས་ཏེ། འོ་ན་ཉན་ཐོས་མི་སྡུག་པ་གོམས་པ་དག་ལྕེབ་པ་དང་གསོད་དུ་འཇུག་ པར་བརྩོན་པ་ལྟར་ལུས་འདོར་རམ་ཞེ་ན། ལུས་འདི་ཉེས་པ་མང་པོ་ཅན་ཡིན་མོད་ཀྱང་དུས་ མིན་དུ་མི་འདོར་ཏེ་རང་གི་ལས་ཀྱིས་ཇི་ལྟར་འཕངས་པའི་ཚེ་ཚད་དང་བདེ་སྡུག་སོགས་ འབད་རྩོལ་མ་བྱས་པར་ཇི་ལྟར་བྱུང་བ་དེ་ཙམ་ཞིག་སྤྱད་པར་བྱ་བ་ཁོ་ནའོ། །དེས་ན་ལུས་ལ་ ཆགས་པའི་བློ་སྤང་བར་བསྟན་གྱི་ལུས་ཉིད་སྤང་བར་བསྟན་པ་མ་ཡིན་པས་ལུས་སྲུང་བར་ བཤད་པ་དང་ཡང་འགལ་བ་མེད་དོ།། 520 བསམ་གཏན་་བསྟན་པ། གསུམ་པ་བསམ་གཏན་གྱི་སྒྲིབ་པ་བསལ་བ་ལ་གཉིས། བསམ་གཏན་གྱི་སྒྲིབ་པ་ལྔ་ སེལ་བ་བསྟན། རྩེ་གཅིག་ཏུ་འབད་དགོས་པར་བསྟན་པའོ། །དང་པོ་ནི། དེ་བས་བྱིས་པའི་སྤྱོད་པས་ཆོག། བདག་གིས་མཁས་པའི་རྗེས་སྙེག་སྟེ།། བག་ཡོད་གཏམ་ནི་དྲན་བྱས་ནས།། གཉིད་དང་རྨུགས་པ་བཟློག་པར་བྱ།། ༡༨༥ ཞེས་གསུངས་ཏེ། དེ་ཡང་འདུ་འཛི་ལ་དགའ་བ་དང༌། ཕྱི་ཡོ་བྱད་དང་ནང་སེམས་ཅན་ལ་ ཆགས་པ་སོགས་འདོད་པའི་རྣམ་པར་རྟོག་པ་དང༌། ལུས་སེམས་ལ་བདག་དང་བདག་གིར་ ལྟ་བས་ཞེན་ཞིང༌། དེའི་དོན་དུ་ཤ་ཐང་དུ་འབད་པ་སོགས་དེ་རྣམས་ནི་བྱིས་པ་མ་རབས་ཀྱི་ སྤྱོད་པ་ཁོ་ན་སྟེ། འཁོར་བ་ཐོག་མ་མེད་པ་ནས་དེ་ལྟ་བུ་ཁོ་ན་ལ་ལོངས་སྤྱད་པ་དེས་ཆོག་ ཤེས་ཀྱི་ད་ནི་བྱིས་པའི་སྤྱོད་པ་དེས་སྐྱོ་ཞིང་སྔར་སྤྱད་པ་དེ་ཡང་མཁས་པའི་མདུན་ན་ངོ་ཚ་ ཞིང་འགྱོད་ལ། ད་ནི་ནམ་དུ་ཡང་དེ་དག་ལས་བཟློག་སྟེ་མཁས་པ་སངས་རྒྱས་དང་བྱང་ཆུབ་ སེམས་དཔའ་རྣམས་ཀྱི་སྤྱོད་པའི་རྗེས་སུ་འཇུག་ཅིང་བཟང་པོར་སྤྱོད་པ་ཁོ་ན་རྗེས་སུ་བསྒྲུབ་ པར་བྱའོ། །ཞེས་རང་གིས་དམ་བཅས་ཏེ་བག་ཡོད་ཀྱི་ལེའུར་བཤད་པའི་གཏམ་རྣམས་ དྲན་པར་བྱས་ལ་བསམ་གཏན་གྱི་སྒྲིབ་པ་རྣམས་བཟློག་ཅིང་རྩེ་གཅིག་པས་རྣལ་འབྱོར་དུ་ བྱའོ། །དེ་ལ་སྒྲིབ་པ་ནི་ལྔ་སྟེ། བཤེས་སྤྲིང་ལས། 521 བསམ་གཏན་་བསྟན་པ། རྒོད་ཅིང་འགྱོད་དང་གནོད་སེམས་རྨུགས་པ་དང༌།། གཉིད་དང་འདོད་ལ་འདུན་དང་ཐེ་ཚོམ་སྟེ།། ལྔ་པོ་འདི་དག་བསམ་གཏན་དགེ་བའི་ནོར།། འཕྲོག་པའི་ཆོམ་རྐུན་ལགས་པར་ཐུབ་པས་གསུངས།། ཞེས་པ་ལྟར་རྒོད་འགྱོད་དང༌། གནོད་སེམས་དང༌། གཉིད་རྨུགས་དང༌། འདོད་འདུན་དང༌། ཐེ་ཚོམ་སྟེ་ལྔའོ།། གཉིས་པ་རྩེ་གཅིག་ཏུ་འབད་དགོས་པར་བསྟན་པ་ནི། རྒྱལ་སྲས་ཐུགས་རྗེ་ཆེ་རྣམས་ལྟར།། རིགས་པའི་སྲན་ནི་གཟུགས་བྱས་ཏེ།། ཉིན་མཚན་ཕྱད་པར་མ་འབད་ན།། བདག་གིས་སྡུག་བསྔལ་ནམ་མཐར་ཕྱིན།། ༡༨༦ ཞེས་གསུངས་ཏེ། དེས་ན་མཁས་པ་རྒྱལ་བའི་སྲས་ཐུགས་རྗེའི་དབང་ཕྱུག་ཆེན་པོ་དེ་རྣམས་ ལུས་སྲོག་དང་རང་གི་ཞི་བ་ལ་མི་གཟིགས་པར་བྱང་ཆུབ་སེམས་དཔའི་སྤྱད་པ་སྤྱོད་པ་ལྟར་ བདག་གིས་ཀྱང་རང་གིས་རང་ལ་རིགས་པའི་སྲན་བཙུགས་ཏེ་ཉིན་མཚན་ཕྱད་པར་མ་ འབད་ན་སྡུག་བསྔལ་གྱི་མཚོ་ལས་རང་གཞན་སྒྲོལ་མི་ནུས་པས་ད་ནི་རྩེ་གཅིག་ཏུ་འབད་དོ་ ཞེས་ཡི་དམ་བཅའ་བའོ།། 522 བསམ་གཏན་་བསྟན་པ། གསུམ་པ་དོན་བསྡུ་བ་ནི། དེ་བས་སྒྲིབ་པ་བསལ་བའི་ཕྱིར།། ལོག་པའི་ལམ་ལས་སེམས་བསླན་ཏེ།། ཡང་དག་དམིགས་ལ་རྟག་པར་ཡང༌།། བདག་གིས་མཉམ་པར་བཞག་པར་བྱ།། ༡༨༧ ཞེས་གསུངས་ཏེ། དེ་ལྟར་རྒྱས་པར་བཤད་ནས་ད་ནི་ལེའུ་འདི་མཐའ་དག་གི་དོན་བསྡུ་བར་བྱ་ སྟེ། བྱང་ཆུབ་སེམས་དཔའ་བརྩོན་འགྲུས་དང་ལྡན་པ་དེས་འདུ་འཛི་དང་རྣམ་གཡེང་གི་ཉེས་ པ་མཐོང་ནས་དབེན་པར་སོང་སྟེ། འདོད་པའི་རྣམ་རྟོག་ཐམས་ཅད་ལས་རིང་དུ་ཕྱོགས་ནས་ སྐྱིལ་མོ་ཀྲུང་གིས་འདུག་སྟེ། བདག་གཞན་མཉམ་པ་དང༌། བརྗེ་བའི་བྱང་ཆུབ་ཀྱི་སེམས་ དང༌། ཆོས་ཐམས་ཅད་གཟོད་ནས་དག་པའི་ཤེས་རབ་དྲི་མ་མེད་པ་ལ་དམིགས་ནས་སེམས་ ཅན་ཐམས་ཅད་ཀྱི་དོན་དུ་བྱང་ཆུབ་འཐོབ་པའི་ཕྱིར། སྐད་ཅིག་ཀྱང་མི་གཡེང་བར་མཉམ་པར་ བཞག་པར་བྱ་ཞིང་བསམ་གཏན་གྱི་སྒྲིབ་པ་དག་བྱུང་ན་ཟློག་ཅིང་རྩེ་གཅིག་ཏུ་བཞག་པས་དང་ པོར་དམིགས་པ་ལ་རྩེ་གཅིག་པ་འདོད་པའི་ཞི་གནས་སྐྱེ་ལ་སླར་གོང་ནས་གོང་དུ་ཏིང་ངེ་འཛིན་ གྱི་རོ་མི་མྱོང་ཞིང་ཆོག་མི་ཤེས་ལ་མཚན་མར་མི་འཛིན་པར་བཞག་པས་བྱང་ཆུབ་ཀྱི་སེམས་ ཀུན་རྫོབ་བམ་དོན་དམ་པའི་རྣམ་པ་གང་ལ་དམིགས་པ་དེ་ཉིད་ལ་ཡན་ལག་ལྔ་དང་ལྡན་པས་ རྩེ་གཅིག་ཏུ་གནས་པ་བསམ་གཏན་གྱི་དངོས་གཞི་ཁྱད་པར་ཅན་སྐྱེ་བར་འགྱུར་ལ། དེ་ཡང་ གོང་ལྟར་བསྐྱངས་པས་རྟོག་དཔྱོད་དགའ་བདེ་འདུ་བྱེད་ཀྱི་མཚན་རྟོག་ནུབ་ནས་བཞི་པའི་ 523 བསམ་གཏན་་བསྟན་པ། དངོས་གཞི་ཁྱད་པར་ཅན་འཐོབ་ཅིང༌། དེ་ལས་གཞན་གྱི་སེམས་ལ་དམིགས་ཏེ་བཞག་པས་ གཞན་སེམས་ཤེས་པའི་མངོན་ཤེས་དང༌། སྔོན་དང༌། ཕྱི་མའི་གནས་ལ་དམིགས་ཏེ་བཞག་ པས་སྔོན་གནས་རྗེས་དྲན་གྱི་མངོན་ཤེས་སོགས་མངོན་ཤེས་ལྔ་སྐྱེ་ལ། དེའི་ཚེ་གཞན་དོན་གྱི་ ནུས་པ་གྲུབ་པས་གང་རྫུ་འཕྲུལ་གྱིས་འདུལ་བ་དང༌། ཆོས་བསྟན་པས་འདུལ་བ་དང༌། ཚར་ བཅད་པས་འདུལ་བ་དང༌། སྤྱོ་བས་འདུལ་བ་དང༌། སྤྲོ་བས་འདུལ་བ་དང༌། དོར་བས་འདུལ་ བ་སོགས་གདུལ་བྱའི་ཁམས་དང༌། འདུལ་བྱེད་ཀྱི་ཐབས་ཤེས་པས་དུས་ཇི་ལྟ་བ་བཞིན་ འཇུག་པས་སྦྱོར་བའི་གཞན་དོན་མཚན་ཉིད་པ་འགྲུབ་པ་ཡིན་ནོ། །དེས་ན། དེ་བས་སྒྲིབ་པ་ བསལ་བའི་ཕྱིར། །ལོག་པའི་ལམ་ལས་སེམས་བསླན་ཏེ། །ཞེས་པས་མི་མཐུན་ཕྱོགས་སྤོང་བ་ ཐམས་ཅད་བསྡུས་ཤིང༌། ཡང་དག་དམིགས་ལ། ཞེས་པས་ཡུལ་ལྷག་མཐོང་སྟེ་ཀུན་རྫོབ་དང་ དོན་དམ་པའི་བྱང་ཆུབ་ཀྱི་སེམས་དང༌། རྟག་པར་ཡང༌། །བདག་གིས་མཉམ་པར་བཞག་པར་ བྱ། །ཞེས་པས་ཞི་གནས་ལ་ཇི་ལྟར་བཞག་པ་རྣམས་ལེགས་པར་བསྡུས་པ་ཡིན་ནོ།། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བསམ་གཏན་བསྟན་པ་ཞེས་བྱ་བ་ སྟེ་ལེའུ་བརྒྱད་པ་རྣམ་པར་བཤད་ཟིན་ཏོ།། །། 524 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེ་ལྟར་ཡང་དག་པའི་བསམ་གཏན་ལ་འབད་པས་ཟད་པ་དང་མི་སྐྱེ་བ་ཤེས་པའི་བར་ གྱི་ཤེས་རབ་མངོན་དུ་བྱེད་པའི་ཕྱིར། བསམ་གཏན་གྱི་དེ་མ་ཐག་ཏུ་ཤེས་རབ་ཀྱི་ཕ་རོལ་ཏུ་ ཕྱིན་པ་བཤད་པར་འབྲེལ་ཏོ།། དྲུག་པ་ཤེས་རབ་ཀྱི་ལེའུ་འཆད་པ་ལ་ལྔ། ཤེས་རབ་ཀྱི་ཕན་ཡོན། ཤེས་རབ་ངོས་ བཟུང་བ། སྟོང་ཉིད་སྒོམ་ཚུལ། དངོས་འཛིན་དགག་པ། སྟོང་ཉིད་བསྒོམས་པའི་འབྲས་བུ་ བསྟན་པའོ། །དང་པོ་ནི། ཡན་ལག་འདི་དག་ཐམས་ཅད་ནི།། ཐུབ་པས་ཤེས་རབ་དོན་དུ་གསུངས།། དེ་ཡི་ཕྱིར་ན་སྡུག་བསྔལ་དག། ཞི་བར་འདོད་པས་ཤེས་རབ་སྐྱེད།། ༡ ཅེས་གསུངས་ཏེ། སྦྱིན་པ་ལ་སོགས་པ་ཡན་ལག་ལྔ་པོ་འདི་དག་ཐམས་ཅད་ནི་ཐུབ་པ་ བཅོམ་ལྡན་འདས་ཀྱིས་ལུས་སམ། འབྲས་བུ་ཤེས་རབ་སྐྱེད་པའི་དོན་དུ་གསུངས་པ་ཁོ་ན་ སྟེ། རྒྱུ་བསོད་ནམས་ཀྱི་ཚོགས་སྦྱིན་སོགས་ལྔ་ལས་འབྲས་བུ་ཡེ་ཤེས་ཀྱི་ཚོགས་ཤེས་རབ་ སྐྱེ་བའི་ཕྱིར་ཏེ། ཡུམ་ལས། བསོད་ནམས་ཀྱི་ཚོགས་མ་བསགས་པར་ཤེས་རབ་ཀྱི་ཕ་རོལ་ ཏུ་ཕྱིན་པ་རྣ་ལམ་དུ་ཡང་གྲག་པར་མི་འགྱུར་རོ། །ཞེས་སོ།། 525 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེ་ཡི་ཕྱིར་ན་སྦྱིན་སོགས་ལྔ་པོ་ཙམ་གྱིས་ཆོག་ཤེས་པར་མི་བྱ་བར་སླར་རང་གཞན་གྱི་ སྡུག་བསྔལ་ཐམས་ཅད་དག་ཞི་བར་འདོད་པ་རྣམས་ཀྱིས་ཤེས་རབ་སྐྱེད་པ་ཁོ་ན་ལ་ནན་ ཏན་དུ་བྱའོ། །གལ་ཏེ། སྦྱིན་པ་སྦྱིན་པའི་སྔོན་དུ་འགྲོ་བ་ཤེས་རབ་སྟེ། །ཚུལ་ཁྲིམས་བཟོད་ དང་བརྩོན་འགྲུས་བསམ་གཏན་དེ་བཞིན་ནོ།། ཞེས་སྦྱིན་སོགས་ལྔའི་སྔོན་དུ་ཤེས་རབ་དགོས་པར་བཤད་པ་དང་འགལ་ལོ་ཞེ་ན། དེ་ ནི་སྦྱིན་སོགས་ཙམ་ལྔ་པོ་དམུས་ལོང་ལྟ་བུ་ཡིན་ལ། ཤེས་རབ་ཀྱི་དམིགས་བུས་ཁྲིད་ན་དེ་ རྣམས་ཀྱང་ཕ་རོལ་ཏུ་ཕྱིན་པར་འགྱུར་པའི་ཕྱིར་ཕ་རོལ་ཏུ་ཕྱིན་པར་འཇོག་པ་ལ། ཤེས་རབ་ དགོས་པར་བསྟན་པ་ཡིན་ལ། ཤེས་རབ་དེ་ཡང་བསོད་ནམས་མ་བསགས་པར་མི་སྐྱེ་བའི་ ཕྱིར་འདིར་ནི་སྦྱིན་སོགས་ལྔ་ཙམ་པོ་བ་ལ་དགོངས་པ་ཡིན་ཏེ། རིན་ཆེན་ཕྲེང་བར། བསོད་ནམས་ཆུང་བས་ཆོས་འདི་ལ།། ཐེ་ཚོམ་ཙམ་ཡང་མི་སྐྱེ་སྟེ།། འདི་ལ་ཐེ་ཚོམ་སྐྱེས་པས་ཀྱང༌།། སྲིད་པ་ཧྲུལ་པོར་བྱེད་པར་འགྱུར།། ཞེས་གསུངས་པ་བཞིན་ནོ།། གཉིས་པ་ཤེས་རབ་ངོས་བཟུང་བ་ལ་གཉིས། ཤེས་བྱ་བདེན་པ་གཉིས་སྟོང་ཉིད་དུ་ 526 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སྒྲུབ་པ་དང༌། དེ་ཤེས་པ་ལམ་དུ་སྒྲུབ་པའོ། །དང་པོ་ལ་བཞི། བདེན་གཉིས་ཀྱི་དབྱེ་བ། མཚན་ཉིད། དེ་སྒྲུབ་པ། དེ་ལ་རྩོད་པ་སྤང་བའོ། །དང་པོ་ནི། ཀུན་རྫོབ་དང་ནི་དོན་དམ་སྟེ།། འདི་ནི་བདེན་པ་གཉིས་སུ་འདོད།། ཅེས་གསུངས་ཏེ། འདིར་ནི་མདོར་བསྡུ་ན་གང་ཤེས་པར་བྱ་བ་ནི། ཀུན་རྫོབ་ཀྱི་བདེན་པ་ དང༌། དོན་དམ་པའི་བདེན་པ་སྟེ། རེ་ཞིག་ཤེས་བྱ་འདི་ནི་བདེན་པ་གཉིས་སུ་ངེས་པར་ བདག་ཉིད་ཆེན་པོ་ཞི་བའི་ལྷ་ཉིད་འདོད་དོ། །ཞེས་ཞལ་གྱིས་འཆེས་པའོ། །དེ་ལ་ཀུན་ནི་མང་ པོའི་སྒྲ་སྟེ་རྣམ་པ་སྣ་ཚོགས་པར་སྣང་བའི་དོན་ཏོ། །རྫོབ་ནི་བརྫུན་པའི་དོན་ཏེ་ཇི་ལྟར་སྣང་ བ་དེར་མི་བདེན་པས་གསོབ་དང་གསོག་དང་ཡ་མ་རླ་ཙམ་དུ་ཟད་པའི་དོན་ཏོ།། འོ་ན་ཅིའི་ཕྱིར་ཀུན་རྫོབ་དེ་བདེན་པར་བཞག་ཅེ་ན། རེ་ཞིག་འཇིག་རྟེན་གཞུག་པའི་ཐ་ སྙད་ཀྱི་དོན་དུ་སྟེ་འཇིག་རྟེན་པ་རྣམས་ཇི་ལྟར་སྣང་བ་དེར་བདེན་པར་ཞེན་པའི་ཕྱིར་དང༌། གནས་སྐབས་པའི་རིགས་ངོར་ཡང་རྒྱུ་འབྲས་མི་འཁྲུལ་པར་དོན་བྱེད་ནུས་པར་སྣང་བའི་ ཕྱིར་རེ་ཞིག་པའི་བདེན་པར་བཞག་གོ །འདི་ཡང་གཏན་དུ་བའི་བདེན་པ་ནི་མ་ཡིན་ཏེ་དཔྱད་ མི་བཟོད་པའི་ཕྱིར་དང་འཕགས་པ་རྣམས་ཀྱི་མཉམ་བཞག་གི་ཡུལ་དུ་མི་སྣང་བའི་ཕྱིར་རོ།། ཀུན་རྫོབ་ལ་བལྟོས་ན་དངོས་པོའི་གནས་ཚུལ་དུ་ཞུགས་པའི་ཕྱིར་དང་དོན་དུ་གཉེར་བྱ་ ཡིན་པའི་ཕྱིར་དོན་ཞེས་བྱ་ལ། ཐར་འདོད་ལ་ཉེ་བར་མཁོ་ཞིང་འབྲས་བུ་སངས་རྒྱས་ལ་མི་ 527 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སླུ་བའི་ཕྱིར་དམ་པ་སྟེ་གཞི་མཐུན་པའི་སྒྲའོ། །འདིས་ནི་དོན་དམ་པར་བདེན་པ་ཞེས་ཁྱད་ གཞི་དང་ཁྱད་ཆོས་ཀྱི་སྒྲར་འདོད་པ་ཡང་བསལ་བ་ཡིན་ནོ། །འདི་ནི་ཆོས་ཐམས་ཅད་ཀྱི་རང་ བཞིན་གཉུག་མར་གནས་པ་ཡིན་ཞིང་འཕགས་པ་རྣམས་ཀྱི་མཉམ་བཞག་ཟབ་མོའི་ཡུལ་ ཡིན་པའི་ཕྱིར་ཀུན་རྫོབ་ལ་བལྟོས་ཏེ་གཏན་དུ་བའི་བདེན་པར་བཞག་གོ །མ་ལྟོས་པར་ངོ་བོ་ ཉིད་ཀྱིས་ནི་མ་ཡིན་ཏེ་སངས་རྒྱས་ཉིད་ཀྱིས་བདེན་པའམ་བརྫུན་པའི་ཆོས་མ་གཟིགས་པའི་ ཕྱིར་རོ། །དང་ཡིག་ནི་ཀུན་རྫོབ་དང་དེ་ལས་གཞན་པའི་དོན་དམ་ཞེས་འབྱེད་པའི་སྒྲ་ཡང་ ཡིན་ལ། འདི་གཉི་གའང་བདེན་པ་ཙམ་དུ་མཚུངས་སོ་ཞེས་བསྡུ་བའི་སྒྲ་ཡང་ཡིན་ནོ།། གཉིས་པ་མཚན་ཉིད་ནི། དོན་དམ་བློ་ཡི་སྤྱོད་ཡུལ་མིན།། བློ་ནི་ཀུན་རྫོབ་ཡིན་པར་བརྗོད།། ༢ ཅེས་གསུངས་ཏེ། འོ་ན་འདིར་བདེན་གཉིས་ཀྱི་ཟླས་ཕྱེ་བའི་དོན་དམ་པའི་བདེན་པ་དེ་གང༌། ཀུན་རྫོབ་ཀྱི་བདེན་པ་དེ་གང་ཞེ་ན། གང་སངས་རྒྱས་རྣམས་བྱོན་ཡང་རུང་མ་བྱོན་ཡང་རུང་ སྟེ་སངས་རྒྱས་ཀྱིས་ཀྱང་བཅོས་སུ་མེད་པ། ངས་ཀྱང་མ་གཟིགས་མི་གཟིགས་གཟིགས་ པར་མི་འགྱུར་རོ། །ཞེས་སྟོན་པ་ཆོས་ཐམས་ཅད་ཀྱི་རང་བཞིན་རྣལ་མ་རྟོག་བཅས། རྟོག་ མེད། མངོན་སུམ། རྗེས་དཔག་སོགས་སྐྱེ་འཕགས་དང་སློབ་མི་སློབ་གང་གི་ཡང་ཤེས་པའི་ སྤྱོད་ཡུལ་དུ་མ་གྱུར། མི་འགྱུར། འགྱུར་མི་སྲིད་པའི་ཆོས་ཀྱི་དབྱིངས་ཇི་བཞིན་པ་ཉིད་འདི་ 528 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ནི་དོན་དམ་པའི་བདེན་པ་ཞེས་ཐ་སྙད་དུ་བྱས་སོ། །དེ་ལྟ་བུའི་དོན་དམ་དེ་ནི་བློ་ཡི་སྤྱོད་ཡུལ་ མིན་པ་ཉིད་དོ།། འོ་ན་ཀུན་རྫོབ་ཀྱང་དེ་ལྟར་ཟད་པས་བློའི་སྤྱོད་ཡུལ་མ་ཡིན་ནོ་ཞེ་ན། ཤིན་ཏུ་བདེན་ཏེ་ དེའི་ཕྱིར་ཆོས་ཐམས་ཅད་བདེན་པ་གཅིག་ཏུ་ཡང་གསུངས་ལ། བདེན་རྫུན་ཞེས་བྱ་བ་ཉིད་ མི་དམིགས་པར་ཡང་གསུངས་མོད་ཀྱི་འོན་ཀྱང་བྱིས་པ་རྣམས་སྐྲག་པ་སྤང་བའི་ཕྱིར། རེ་ ཞིག་ཡུལ་ཡུལ་ཅན་གྱི་རྣམ་འཇོག་འཇིག་རྟེན་ལ་གྲགས་པ་ཙམ་རང་སོར་བཞག་སྟེ་ཀུན་ རྫོབ་ཀྱི་བདེན་པ་ཞེས་ཐ་སྙད་བྱས་ནས་བྱིས་པ་རྣམས་དཀྲི་བར་བྱེད་པ་ཡིན་ནོ།། ཅིའི་ཕྱིར་དོན་དམ་བློ་ཡི་སྤྱོད་ཡུལ་མིན་ཞེ་ན། བློ་འམ་ཤེས་པ་ནི་ཀུན་རྫོབ་ཉིད་ཡིན་ པར་འདོད་ལ། ཀུན་རྫོབ་ཀྱིས་དོན་དམ་ཡུལ་དུ་བྱེད་མི་སྲིད་པའི་ཕྱིར་རོ། །དོན་དམ་བློ་ཡི་ ཡུལ་མིན་པར་གང་གིས་ངེས་ན་འདི་ནི་བསམ་གྱིས་མི་ཁྱབ་པ་ཆོས་ཉིད་ཀྱི་རིགས་པས་ངེས་ ཏེ་འཕགས་ཆེན་རྣམས་ཀྱིས་ཆོས་ཀྱི་དབྱིངས་ལ་མཉམ་པར་བཞག་པ་ན་ཡང་ཇི་ཙམ་དུ་ བཞག་པ་དེ་ཙམ་གྱིས་ཕྲ་ཞིང་བསམ་གྱིས་མི་ཁྱབ་པར་གྱུར་ཏེ་མཉམ་པར་བཞག་བྱ་འཇོག་ བྱེད་ཉིད་ཞི་བར་འགྱུར་གྱི་ཆོས་དབྱིངས་ཀྱི་མཐའ་རྟོགས་པར་མི་ནུས་པའི་ཕྱིར་དང༌། དེ་ བཞིན་གཤེགས་པ་ཡང་ཆོས་དབྱིངས་ཀྱི་ཚད་གསུང་བར་མི་མཛད་པའི་ཕྱིར་རོ། །དེ་ལྟར་ ཆོས་ཀྱི་དབྱིངས་སྨྲ་བསམ་བརྗོད་པའི་ཡུལ་མ་ཡིན་པར་གཟིགས་པ་དེ་ཉིད་ལ་ཆོས་ཉིད་ཁོང་ དུ་ཆུད་ཅེས་དང༌། དོན་དམ་པའི་བདེན་པ་གཟིགས་ཞེས་ཐ་སྙད་དུ་བྱས་ཤིང་ཡུལ་དང་ཡུལ་ ཅན་གྱི་སྤྲོས་མཚན་མ་དམིགས་པའི་ཤེས་པ་དེ་ཉིད་ལ་སོ་སོ་རང་རིག་པའི་ཡེ་ཤེས་ཀྱི་ཐ་ 529 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སྙད་དུ་མཛད་ནས་ཡུལ་ཡུལ་ཅན་དུ་འཛིན་པས་ནི་ཆོས་ཉིད་མི་མཐོང་ལ། ཡུལ་ཡུལ་ཅན་མི་ དམིགས་པར་ཤེས་ན་ཆོས་ཉིད་ལ་འཇུག་པའི་ཕྱིར་སོ་སོ་རང་རིག་པའི་ཡེ་ཤེས་ཀྱིས་ཆོས་ ཉིད་རྟོགས་ཞེས་གཞན་ལས་ཐ་སྙད་དུ་མཛད་པ་ཡིན་གྱི་བློས་ཇི་ལྟར་བཏགས་པའི་ཡུལ་ ཡུལ་ཅན་དང༌། རྟོགས་བྱ་རྟོགས་བྱེད་ལྟར་ནི་རྣམ་པ་ཐམས་ཅད་དུ་གནས་པ་མ་ཡིན་ལ། ཡུལ་ཡུལ་ཅན་དང་རྟོགས་བྱ་རྟོགས་བྱེད་ཀྱང་སྒྲོ་བཏགས་པ་ཁོ་ན་ལས་ཡིན་གྱི་རང་གི་ངོ་བོ་ ཉིད་ཀྱིས་ནི་ནམ་དུ་ཡང་དེ་ལྟར་ཡོད་པ་མིན་ནོ།། གསུམ་པ་དེ་སྒྲུབ་པ་ནི། དེ་ལ་འཇིག་རྟེན་རྣམ་གཉིས་མཐོང༌།། རྣལ་འབྱོར་པ་དང་ཕལ་པའོ།། དེ་ལ་འཇིག་རྟེན་ཕལ་པ་ནི།། རྣལ་འབྱོར་འཇིག་རྟེན་གྱིས་གནོད་ཅིང༌།། ༣ རྣལ་འབྱོར་པ་ཡང་བློ་ཁྱད་ཀྱིས།། གོང་མ་གོང་མ་རྣམས་ཀྱིས་གནོད།། ཅེས་གསུངས་ཏེ། གལ་ཏེ་སོ་སྐྱེའི་མཐོང་བ་དོན་དམ་མ་ཡིན་མོད་ཀྱང་དོན་དམ་པ་འཕགས་ པ་རྣམས་ཀྱི་དངོས་ཡུལ་ཡིན་པས་འཕགས་པའི་གཟིགས་པ་དོན་དམ་དུ་རིགས་སོ་ཞེ་ ན། དེའི་ལན་བསྟན་པའི་ཕྱིར་དུ་དེ་ལ་འཇིག་རྟེན་ན་ཀུན་རྫོབ་ནི་རྣམ་པ་གཉིས་སུ་མཐོང་ 530 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སྟེ་ཕལ་པ་འཇིག་རྟེན་རྣམས་ཀྱི་མཐོང་བ་དང་ལམ་ལ་ཞུགས་པའི་རྣལ་འབྱོར་པ་རྣམས་ཀྱི་ མཐོང་བའོ། །དེ་ལ་འཇིག་རྟེན་ཕལ་པ་ནི་གཉིས་ཏེ་གྲུབ་མཐའ་ལ་མ་ཞུགས་པ་སྐྱེ་བོ་སྤྱི་དང་ གྲུབ་མཐའ་ལ་ཞུགས་པ་ཕྱི་རོལ་པའོ།། རྣལ་འབྱོར་པ་ཡང༌། གྲུབ་མཐའ་བཞི་སྨྲ་བ་དང༌། ལམ་ལྔ་དང༌། མཐོང་སྒོམ་ལ་ས་ བཅུར་ཕྱེ་བས་རྣམ་པ་དུ་མ་སྟེ། དེ་རྣམས་ཀྱང་སྔ་མ་སྔ་མའི་མཐོང་བ་ལ་ཕྱི་མ་ཕྱི་མའི་ རིགས་པས་གནོད་པ་སྟེ་གྲུབ་མཐའ་ལ་མ་ཞུགས་པའི་སྐྱེ་བོ་རྣམས་ཀྱི་འདོད་པ་ལ། གྲུབ་ མཐའ་ལ་ཞུགས་པའི་ཕྱི་རོལ་པའི་རིགས་པས་གནོད་དེ། ཕྱི་རོལ་པ་སྒྲ་ཚད་ལ་བྱང་བ་ རྣམས་ཀྱིས་དེ་རྣམས་ལ་བ་ལང་ཙམ་དུ་འཛིན་ཞིང༌། འདོད་པ་ལ་ཞེན་པ་རྣམས་ལ་དྲང་ སྲོང་རྣམས་ཀྱིས་སྙིང་རྗེའི་ཡུལ་དུ་བྱེད་པའི་ཕྱིར། དེ་ལ་གྲུབ་མཐའ་ལ་ཞུགས་མ་ཞུགས་ ཀྱི་འཇིག་རྟེན་ཕལ་པ་དེ་གཉིས་ཀ་ཕུང་པོ་ལྔ་ལ་གཙང་བདག་བདེ་རྟག་ཏུ་ཞེན་པ་ལ་ནི། ནང་པའི་རྣལ་འབྱོར་པ་བྱེ་བྲག་ཏུ་སྨྲ་བའི་འཇིག་རྟེན་ཀུན་རྫོབ་ཀྱི་རིགས་པ་མི་གཙང༌། བདག་མེད། སྡུག་བསྔལ། མི་རྟག་པར་སྟོན་པས་གནོད་ཅིང༌། རྣལ་འབྱོར་པ་རྣམས་ཉིད་ ཀྱང་རྒྱུད་སྦྱངས་མ་སྦྱངས་དང༌། དབང་པོ་རྣོ་བརྟུལ་ལ་སོགས་པ་བློའི་ཁྱད་པར་མཆོག་ དམན་ཆེར་ཡོད་པ་ཉིད་ཀྱིས་ན། འོག་མ་འོག་མ་རྣམས་ཀྱི་འདོད་པ་ལ་གོང་མ་གོང་མ་ རྣམས་ཀྱི་རིགས་པའི་གནོད་བྱེད་འབབ་ཅིང་ཆོས་བཞིན་གྱི་ལན་ལྡོན་པར་མི་ནུས་པ་སྟེ། བྱེ་སྨྲའི་དོན་ཤེས་ཐུག་ཕྲད་དུ་འདོད་པ་ལ་མདོ་སྡེ་པའི་རྣམ་མེད་འགོག་བྱེད་ཀྱི་རིགས་པས་ གནོད་ཅིང༌། བྱེ་མདོ་གཉི་གའི་དོན་ཤེས་ཀྱི་རང་མཚན་རྫས་གྲུབ་ཏུ་འདོད་པ་ལ་སེམས་ 531 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཙམ་པའི་ཕྱི་དོན་འགོག་བྱེད་ཀྱི་རིགས་པས་གནོད་ལ། སེམས་ཙམ་པའི་སེམས་བདེན་ པར་འདོད་པ་ལ་དབུ་མ་པའི་གཅིག་དུ་བྲལ་དང་མུ་བཞི་སྐྱེ་འགོག་གིས་གནོད་ལ། དབུ་ མ་པའི་སྟོང་ཉིད་ལ་རིགས་པའི་གནོད་པ་ཆེད་དུ་མི་འབབ་མོད་ཀྱང་དེ་ལ་མོས་པས་སྤྱོད་ པ་དྲོད་རྩེ་བཟོད་མཆོག་གི་སྐབས་དང༌། མངོན་སུམ་དུ་སྤྱོད་པ་ས་བཅུ་རྣམས་སུ་སྔ་མའི་ མཐོང་བ་ཡང་དག་ཏུ་རློམ་པ་རྣམས་ཕྱི་མ་ཕྱི་མ་ཐོབ་པའི་ཚེ་བུས་པའི་རྩེད་མོ་ལྟར་འགྱུར་ ལ། ས་བཅུ་པ་བས་ཇི་ལྟར་གཟིགས་པ་དེ་ཡང་སངས་རྒྱས་ཀྱི་སར་མི་གནས་པའི་ཕྱིར་ ཉན་རང་དང་བྱང་སེམས་རྣམས་ཀྱི་བློའི་ཡུལ་མིན་ལ། དེ་བཞིན་གཤེགས་པ་ནི་ཕུང་པོ་ ལྔ་གནས་ཡོངས་སུ་གྱུར་པས་འདུ་ཤེས་ཀྱི་རྒྱུ་བ་མི་མངའ་བའི་ཕྱིར་སངས་རྒྱས་ཀྱི་བློའི་ ཡུལ་ཡང་མིན་ཏེ་དེ་ལ་བློ་མི་མངའ་བའི་ཕྱིར་རོ།། གལ་ཏེ་མཁྱེན་པའི་ཡུལ་ཡིན་ནོ་ཞེ་ན། ཆོས་ཐམས་ཅད་རྣམ་པ་ཐམས་ཅད་དུ་མངོན་ པར་རྫོགས་པར་སངས་རྒྱས་པ་བརྙེས་པའི་ཕྱིར་ཡུལ་གཞན་མཁྱེན་བྱ་ཞིག་ཤུལ་དུ་མ་ལུས་ ལ། མཁྱེན་བྱ་མེད་པའི་མཁྱེན་པའང་མི་འཐད་པས་ཡང་དག་པར་ན་སངས་རྒྱས་ལ་མཁྱེན་ པ་དང་མ་མཁྱེན་པ་ཞེས་བྱ་བ་ཅི་ཡང་མི་མངའོ།། བཞི་པ་རྩོད་སྤང་ལ་གཉིས། མདོར་བསྟན་པ་དང༌། རྒྱས་པར་བཤད་པའོ། །དང་པོ་ནི། གཉིས་ཀ་ཡང་ནི་འདོད་པའི་དཔེས།། འབྲས་བུའི་དོན་དུ་མ་དཔྱད་ཕྱིར།། ༤ 532 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འཇིག་རྟེན་པ་ཡིས་དངོས་མཐོང་བཞིན།། ཡང་དག་ཉིད་དུ་རྟོག་བྱེད་ཀྱི།། སྒྱུ་མ་ལྟ་བུ་མིན་པས་འདིར།། རྣལ་འབྱོར་པ་དང་འཇིག་རྟེན་རྩོད།། ༥ ཅེས་གསུངས་ཏེ། འོ་ན་བློ་ཐམས་ཅད་འཁྲུལ་པ་ཡིན་ན་འཁྲུལ་པ་ནི་མེད་པ་ཉིད་ཡིན་པས་ གཟུགས་སོགས་འཛིན་པའི་ཤེས་པ་གཏན་མེད་པར་འགྱུར་ཞིང༌། དེ་ལྟར་ན་གཟུགས་ སྒྲ་སོགས་སྣང་མི་སྲིད་པར་འགྱུར་རོ་ཞེ་ན། གཟུགས་སྒྲ་སོགས་དང་དེ་འཛིན་པའི་བློར་ བཅས་པ་ཡོད་ནས་སྣང་བ་མ་ཡིན་ཡང་རྟེན་འབྲེལ་ཚོགས་པའི་རྫུན་སྣང་གིས་མེད་བཞིན་ དུ་སྣང་བ་ཁོ་ན་ཡིན་ཏེ། ཕལ་པ་དང་རྣལ་འབྱོར་པ་གཉི་གའམ། རྒོལ་བ་སྔ་ཕྱི་གཉིས་ ཀ་ཡང་ནི་མཐུན་པར་མེད་བཞིན་དུ་སྣང་བར་འདོད་པའི་དཔེ་སྒྱུ་མ་དང་རྨི་ལམ་ལ་སོགས་ པས་མཚོན་ནུས་པའི་ཕྱིར། ཡང་བློ་ཐམས་ཅད་འཁྲུལ་པ་ཡིན་ན་སྦྱིན་གཏོང་གི་བློ་ལ་སོགས་པ་ཕར་ཕྱིན་ལྔ་པོ་ རྣམས་ཀྱང་ལམ་མ་ཡིན་པར་འགྱུར་རོ་ཞེ་ན། དེ་དག་ནི་རྒྱུ་བསོད་ནམས་ཀྱི་ཚོགས་ལས་ འབྲས་བུ་ཡེ་ཤེས་ཀྱི་ཚོགས་སྐྱེ་ལ། དེ་ལས་སངས་རྒྱས་འཐོབ་པས་ན་གོ་འཕང་དེ་འཐོབ་ པའི་དོན་དུ་རེ་ཞིག་བདེན་བརྫུན་དང་ཡོད་མེད་སོགས་མ་དཔྱད་པ་ཡང་དག་ཀུན་རྫོབ་ཙམ་ གྱིས་འཇུག་པའི་ཕྱིར་སྐྱོན་མེད་དོ།། 533 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། མདོར་ན་གྲུབ་མཐའ་ལ་མ་ཞུགས་པ་དང་ཞུགས་པའི་འཇིག་རྟེན་པ་ཡིས་ནི་གཟུགས་ སོགས་དངོས་པོ་རྣམས་ཇི་ལྟར་མཐོང་བ་འདི་བཞིན་དུ་བདེན་ནོ་སྙམ་ནས་སྣང་མྱོང་ཙམ་ལ་ ཡང་དག་པ་ཉིད་དུ་རྟོག་པར་བྱེད་ཀྱི་དཔྱད་མི་བཟོད་ཅིང་སྣང་ལ་རང་བཞིན་མེད་པ་སྒྱུ་མ་ལྟ་ བུར་ཤེས་པ་མིན་པས་ན་སྒྱུ་མ་ལྟར་འཆད་པའི་སྐབས་འདིར་ནི་རྣལ་འབྱོར་པ་དང་འཇིག་ རྟེན་པ་རྩོད་པ་འབྱུང་བ་ཡིན་ཏེ། འཇིག་རྟེན་ནི་ང་དང་རྩོད་པར་བྱེད་ཀྱི་ང་ནི་འཇིག་རྟེན་དང་ རྩོད་པར་མི་བྱེད་དོ། །ཞེས་གསུངས་པ་ལྟར་རོ།། གཉིས་པ་རྒྱས་བཤད་ལ་གཉིས། ཀུན་རྫོབ་ལ་རྩོད་སྤང་དྲུག་དང༌། དོན་དམ་གྱི་རྩོད་ སྤང་གཉིས་བསྟན་པའོ། །དང་པོ་ལ་དྲུག ཚད་མ་དང་འགལ་བ་སྤང་བ། ལུང་དང་འགལ་བ་ སྤང་བ། སངས་རྒྱས་མཆོད་པས་བསོད་ནམས་མི་འབྱུང་བར་ཐལ་བ་སྤང་བ། སེམས་ཅན་ཤི་ ནས་མི་སྐྱེ་བར་ཐལ་བ་སྤང་བ། བསད་པའི་སྡིག་པ་མི་འབྱུང་བར་ཐལ་བ་སྤང་བ། སངས་ རྒྱས་ཀྱང་སླར་འཁོར་བར་ཐལ་བ་སྤང་བའོ། །དང་པོ་ནི། གཟུགས་སོགས་མངོན་སུམ་ཉིད་ཀྱང་ནི།། གྲགས་པས་ཡིན་གྱི་ཚད་མས་མིན།། དེ་ནི་མི་གཙང་ལ་སོགས་ལ།། གཙང་སོགས་གྲགས་པ་བཞིན་དུ་བརྫུན།། ༦ 534 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། གཟུགས་སྒྲ་སོགས་ཡང་དག་པར་ཡོད་དེ་མངོན་སུམ་དུ་མྱོང་བའི་ཕྱིར་ སྙམ་ན། གཟུགས་མངོན་སུམ་དུ་མཐོང་བ་སོགས་ཉིད་ཀྱང་ནི་འཇིག་རྟེན་ན་གྲགས་པ་ཙམ་ གཅིག་ནས་གཅིག་ཏུ་བརྒྱུད་པ་ལ་ཞེན་ནས་གོམས་པས་དེའི་བློ་སྐྱེ་བར་ཟད་ཀྱི་ཚད་མས་ གྲུབ་པ་མིན་ཏེ་ཆུར་འཛིན་གྱི་བག་ཆགས་གོམས་པས་སྒྱུ་མའི་ཆུ་ཀླུང་མཐོང་བ་ན་ཡང་ཆུར་ ཞེན་སྐྱེ་བ་བཞིན་ནོ།། ཏིང་རྒྱལ་ལས་ཀྱང༌། མིག་དང་རྣ་བ་སྣ་ཡང་ཚད་མ་མིན།། ལྕེ་དང་ལུས་དང་ཡིད་ཀྱང་ཚད་མ་མིན།། གལ་ཏེ་དབང་པོ་འདི་དག་ཚད་ཡིན་ན།། སུ་ལ་འཕགས་པའི་ལམ་གྱིས་ཅི་ཞིག་བྱ།། ཞེས་གསུངས་ཤིང༌། དེས་ན་མེད་བཞིན་དུ་སྣང་བ་ལ་མངོན་སུམ་དུ་མཐོང་བར་འཛིན་པ་དེ་ ནི་མི་གཙང་བའི་དངོས་པོ་བཤང་གཅིའི་འབྱུང་གནས་ཀྱི་ལུས་ལ་གཙང་བ་དང༌། སོགས་ཀྱི་ སྒྲས་མི་རྟག་པའི་དངོས་པོ་ཆུ་དྲག་ཏུ་འབབ་པ་ལ་ཆུའི་རྒྱུན་རྟག་པར་གྲགས་པ་ལྟ་བུ་བཞིན་ ཏེ་མི་བདེན་པ་བརྫུན་གྱི་རང་བཞིན་ནོ།། 535 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གཉིས་པ་ལུང་དང་འགལ་བ་སྤང་བ་ནི། འཇིག་རྟེན་གཞུག་པའི་དོན་དུ་ནི།། མགོན་པོས་དངོས་བསྟན་དེ་ཉིད་དུ།། དེ་དག་སྐད་ཅིག་མ་ཉིད་མིན།། ཞེས་གསུངས་ཏེ། རང་སྡེ་བྱེ་མདོ་དག་ན་རེ། གཟུགས་སོགས་མེད་ན་འདུས་བྱས་སྐད་ཅིག་ མར་གསུངས་པ་དང་འགལ་ལོ་ཞེ་ན། འཇིག་རྟེན་པ་རྣམས་དེ་ཁོ་ན་ཉིད་ལ་གཞུག་པའི་དོན་ དུ་ནི་མགོན་པོས་རགས་པའི་བདེན་རྟོག་ཟློག་པའི་ཕྱིར་འདུས་བྱས་ཐམས་ཅད་ནི་སྐད་ཅིག་ མ་ཡིན་གྱི་ཡིད་བརྟན་པར་མི་བྱའོ། །ཞེས་དངོས་སུ་བསྟན་པ་ཙམ་ཡིན་གྱི་སྐད་ཅིག་མར་ གྲུབ་པར་གསུངས་པ་ནི་མ་ཡིན་ཏེ། དཔེར་ན། འདི་ནི་སྒྱུ་མའི་ཆུའོ། །ཞེས་བརྗོད་པ་ན་སྒྱུ་ མར་སྟོན་པ་ཡིན་གྱི་ཆུར་གྲུབ་པར་སྟོན་པ་མ་ཡིན་པ་བཞིན་ཏེ། རིགས་པ་དྲུག་ཅུ་པར། དགོས་པའི་དབང་གིས་རྒྱལ་བ་རྣམས།། ང་དང་ང་ཡི་ཞེས་གསུང་ལྟར།། ཕུང་པོ་ཁམས་དང་སྐྱེ་མཆེད་རྣམས།། དེ་བཞིན་དགོས་པའི་དབང་གིས་གསུངས།། ཞེས་སོ།། 536 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེས་ན་སྐད་ཅིག་མ་དེ་ཉིད་དུ་དེ་དག་ཞེན་པར་བྱ་བ་ནི་མ་ཡིན་ཏེ་དཔྱད་ན་སྐད་ཅིག་མ་ ཉིད་དུ་ཡང་གྲུབ་པ་མིན་པའི་ཕྱིར། ཀུན་རྫོབ་ཏུ་ཡང་འགལ་ཞེ་ན།། ༧ རྣལ་འབྱོར་ཀུན་རྫོབ་ཉེས་མེད་དེ།། འཇིག་རྟེན་ལ་བལྟོས་དེ་ཉིད་མཐོང༌།། གཞན་དུ་བུད་མེད་མི་གཙང་བར།། ངེས་རྟོག་འཇིག་རྟེན་གྱིས་གནོད་འགྱུར།། ༨ ཞེས་གསུངས་ཏེ། འོ་ན་སྐད་ཅིག་མ་དོན་དམ་མིན་ན་ཀུན་རྫོབ་ནི་འཇིག་རྟེན་ལ་ཇི་ལྟར་སྣང་ བ་ཙམ་ཡིན་ལ། སྐད་ཅིག་མ་འཇིག་རྟེན་ལ་མི་སྣང་བའི་ཕྱིར་ཀུན་རྫོབ་ཏུ་འཇོག་པར་དེ་བས་ ཀྱང་འགལ་བས་ཡང་ན་བདེན་གཉིས་ཀྱིས་མ་བསྡུས་པའམ་ཡང་ན་བདེན་པ་གསུམ་པར་ ཐལ་ལོ་ཞེ་ན། སྐད་ཅིག་མ་དེ་འཇིག་རྟེན་པའི་ཀུན་རྫོབ་མ་ཡིན་ཡང་རྣལ་འབྱོར་པའི་ཀུན་ རྫོབ་ཡིན་པས་ཉེས་པ་དེ་མེད་དོ། །འོ་ན་སྐད་ཅིག་མ་མཐོང་བ་དེ་བདེན་པ་མཐོང་བ་ཡིན་པར་ གསུངས་པ་དང་འགལ་ལོ་ཞེ་ན། མི་འགལ་ཏེ་འཇིག་རྟེན་པའི་ཀུན་རྫོབ་ལ་བལྟོས་ནས་དེ་ ཁོ་ན་ཉིད་མཐོང་བར་བརྗོད་པའི་ཕྱིར། གལ་ཏེ་རྣལ་འབྱོར་པའི་ཀུན་རྫོབ་འཇོག་པ་མི་འཐད་དོ་ཞེ་ན། འཐད་དེ། དེ་མ་བཞག་ 537 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ན་མི་སྡུག་པ་གོམས་པའི་རྣལ་འབྱོར་པས་བུད་མེད་ལ་ཀེང་རུས་དང་མི་གཙང་བར་ངེས་པར་ རྟོགས་ཤིང་མཐོང་བ་དེ་འཇིག་རྟེན་པའི་ཀུན་རྫོབ་ཏུ་འཇོག་དགོས་པར་འགྱུར་ལ། དེ་ལྟ་ན་ འཇིག་རྟེན་གྱི་གྲགས་པས་གནོད་པར་འགྱུར་ཏེ། འཇིག་རྟེན་ནི་བུད་མེད་ཁྲུས་བྱས་པ་ལ་ གཙང་མཛེས་སུ་འཛིན་པའི་ཕྱིར་རོ།། གསུམ་པ་སངས་རྒྱས་མཆོད་པས་བསོད་ནམས་མི་འབྱུང་བར་ཐལ་བ་སྤང་བ་ནི། སྒྱུ་འདྲའི་རྒྱལ་ལས་བསོད་ནམས་ནི།། ཇི་ལྟར་དངོས་ཡོད་ལ་ཇི་བཞིན།། ཞེས་གསུངས་ཏེ། འོ་ན་སངས་རྒྱས་མཆོད་པས་བསོད་ནམས་སུ་མི་འགྱུར་བར་ཐལ་ཏེ་ སངས་རྒྱས་སྒྱུ་མ་ལྟ་བུ་ཡིན་པའི་ཕྱིར་ཞེ་ན། སྒྱུ་མ་དང་འདྲ་བའི་རྒྱལ་བ་ལ་མཆོད་པ་བྱས་ པས་སྒྱུ་མ་ལྟ་བུའི་བསོད་ནམས་འཐོབ་སྟེ། ཇི་ལྟར་ཁྱེད་དོན་སྨྲ་བ་རྣམས་དངོས་པོར་བདེན་ པའི་སངས་རྒྱས་ལ་བསོད་ནམས་བསགས་པས་དངོས་པོར་བདེན་པའི་བསོད་ནམས་ འཐོབ་པར་འདོད་པ་དེ་བཞིན་ནོ།། བཞི་པ་སེམས་ཅན་ཤི་ནས་མི་སྐྱེ་བར་ཐལ་བ་སྤང་བ་ནི། གལ་ཏེ་སེམས་ཅན་སྒྱུ་འདྲ་ན།། ཤི་ནས་ཇི་ལྟར་སྐྱེ་ཞེ་ན།། ༩ 538 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཇི་སྲིད་རྐྱེན་རྣམས་ཚོགས་གྱུར་པ།། དེ་སྲིད་སྒྱུ་མའང་འབྱུང་བར་འགྱུར།། ཡུན་རིང་ཙམ་གྱིས་ཇི་ལྟར་ན།། སེམས་ཅན་བདེན་པར་ཡོད་མ་ཡིན།། ༡༠ ཞེས་གསུངས་ཏེ། གལ་ཏེ་སེམས་ཅན་ཡང་སྒྱུ་མ་འདྲ་བ་ཡིན་ན་དེ་ཤི་ནས་ཇི་ལྟར་སྐྱེ་ཞེ་ན། སྐྱོན་མེད་དེ་ཇི་སྲིད་དུ་སྒྱུ་མའི་རྐྱེན་སྔགས་དང་སྦྱོར་བ་རྣམས་ཚོགས་པར་གྱུར་པ་དེ་སྲིད་དུ་ནི་སྒྱུ་ མའང་འབྱུང་བར་འགྱུར་བ་ལྟར་མ་རིག་པ་ལ་སོགས་པའི་རྒྱུ་རྐྱེན་ཚོགས་པ་དེ་སྲིད་དུ་སེམས་ ཅན་སྒྱུ་མ་ལྟ་བུའང་འབྱུང་བར་འགྱུར་རོ། །གལ་ཏེ་སྒྱུ་མ་ནི་གློ་བུར་བ་ཡིན་པས་མི་བདེན་ལ་ སེམས་ཅན་ནི་ཐོག་མ་མེད་པ་ནས་འོངས་པས་བདེན་ནོ་སྙམ་ན་ཡུན་རིང་བར་སྣང་བ་ཙམ་གྱིས་ སེམས་ཅན་བདེན་པར་ཡོད་པ་ག་ལ་ཡིན་ཏེ། སྒྱུ་མ་དང་རྨི་ལམ་གྱི་ཡུན་བསྐལ་པ་བརྒྱད་ཁྲི་ སོགས་སྣང་བ་དང་སྐད་ཅིག་མ་གཅིག་ཏུ་སྣང་བ་ལ་བདེན་བརྫུན་གྱི་ཁྱད་པར་མེད་པའི་ཕྱིར་རོ།། ལྔ་པ་བསད་པའི་སྡིག་པ་མི་འབྱུང་བར་ཐལ་བ་སྤང་བ་ནི། སྒྱུ་མའི་སྐྱེས་བུ་བསད་སོགས་ལ།། སེམས་མེད་ཕྱིར་ན་སྡིག་མེད་དེ།། སྒྱུ་མའི་སེམས་དང་ལྡན་པ་ལ།། བསོད་ནམས་དང་ནི་སྡིག་པ་འབྱུང༌།། ༡༡ 539 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། འོ་ན་སེམས་ཅན་བསད་ཀྱང་སྡིག་པར་མི་འགྱུར་བར་ཐལ་ཏེ། སེམས་ཅན་ སྒྱུ་མ་ལྟ་བུ་ཡིན་ལ། སྒྱུ་མའི་སྐྱེས་བུ་བསད་པ་ལ་སྡིག་པ་མེད་པའི་ཕྱིར་ཞེ་ན། སྐྱོན་མེད་དེ། སྒྱུ་མའི་སྐྱེས་བུ་བསད་པ་དང༌། སོགས་ཀྱི་སྒྲས་འཕྲུལ་འཁོར་གྱི་སྐྱེས་བུ་དང་སྤྲུལ་པ་བསད་ པ་སོགས་ལ་དེ་དག་ལ་སེམས་མེད་པའི་ཕྱིར། བསད་ཀྱང་སྡིག་པར་འགྱུར་བ་མེད་མོད། སེམས་ཅན་ལ་ནི་དེ་ལྟ་མ་ཡིན་ཏེ། སྒྱུ་མའི་སེམས་དང་ལྡན་པའི་སྒྱུ་མའི་སྐྱེས་བུ་ཡིན་པའི་ ཕྱིར། དེས་ན་སྒྱུ་མའི་སེམས་དང་བཅས་པ་དེ་ལ་ཕན་བཏགས་པ་ལས་ནི་བསོད་ནམས་དང་ གནོད་པ་བྱས་པ་ལས་ནི་སྡིག་པ་འབྱུང་བ་ཡིན་ནོ།། སྔགས་སོགས་རྣམས་ལ་ནུས་མེད་ཕྱིར།། སྒྱུ་མའི་སེམས་ནི་འབྱུང་བ་མེད།། ཅེས་གསུངས་ཏེ། འོ་ན་སྒྱུ་མའི་སྐྱེས་བུ་ལ་སྒྱུ་མའི་སེམས་མི་འབྱུང་བའི་རྒྱུ་མཚན་ཅི་ཞེ་ན། སྒྱུ་མའི་སྔགས་སོགས་དེ་རྣམས་ལ་རྟ་གླང་སོགས་ཀྱི་སྒྱུ་མའི་དབྱིབས་སྐྱེད་པའི་ནུས་པ་ ཡོད་ཀྱི་སྒྱུ་མའི་སེམས་སྐྱེད་པའི་ནུས་པ་མེད་པའི་ཕྱིར། དེ་དག་ལ་སྒྱུ་མའི་སེམས་ནི་འབྱུང་ བ་མེད་དོ།། སྣ་ཚོགས་རྐྱེན་ལས་བྱུང་བ་ཡི།། སྒྱུ་མ་དེ་ཡང་སྣ་ཚོགས་ཉིད།། ཅེས་གསུངས་ཏེ། སྒྱུ་མའི་མི་སྤྲུལ་ནུས་ན་དེའི་སེམས་ཀྱང་སྤྲུལ་ནུས་སོ་ཞེ་ན། སྣ་ཚོགས་པའི་ 540 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། རྐྱེན་སོ་སོ་ལས་བྱུང་བའི་སྒྱུ་མ་དེ་ཡང་སྣ་ཚོགས་པ་སོ་སོ་ཡིན་ཏེ་རྟ་གླང་སྐྱེད་པའི་རྐྱེན་གྱིས་ ཁང་བཟང་སོགས་མ་ཡིན་ལ། ཁང་བཟང་སྐྱེད་པའི་རྐྱེན་གྱིས་རྟ་གླང་མ་ཡིན་པ་ལྟར་རོ།། རྐྱེན་གཅིག་གིས་ནི་ཀུན་ནུས་པ།། གང་ན་ཡང་ནི་ཡོད་མ་ཡིན།། ༡༢ ཞེས་གསུངས་ཏེ། དེས་ན་རྐྱེན་གཅིག་གིས་དངོས་པོ་ཀུན་སྐྱེད་པར་ནུས་པ་དེ་འདྲ་བ་ནི་གང་ ན་ཡང་ནམ་དུའང་ཡོད་པ་མིན་ནོ།། དྲུག་པ་སངས་རྒྱས་ཀྱང་སླར་འཁོར་བར་ཐལ་བ་སྤང་བ་ནི། གལ་ཏེ་དོན་དམ་མྱ་ངན་འདས།། འཁོར་བ་ཀུན་རྫོབ་དེ་ལྟ་ན།། སངས་རྒྱས་ཀྱང་ནི་འཁོར་འགྱུར་བས།། བྱང་ཆུབ་སྤྱོད་པ་ཅི་ཞིག་བྱ།། ༡༣ ཞེས་གསུངས་ཏེ། འོ་ན་སྒྲིབ་པ་རང་བཞིན་གྱིས་མེད་ན་གཟོད་ནས་སངས་རྒྱས་པར་འགྱུར་ ལ། དེ་ལྟ་ན་འཁོར་བ་མི་སྲིད་པར་འགྱུར་རོ་ཞེ་ན། གཟོད་ནས་དག་པ་ཡིན་ཡང་དེ་ལྟར་མ་ རྟོགས་པའི་དབང་གིས་ཀུན་རྫོབ་ཏུ་འཁོར་བར་སྣང་བ་མི་འགལ་ལོ་ཞེས་སྨྲས་པ་ན། དོན་ སྨྲ་བ་ན་རེ། གལ་ཏེ་དོན་དམ་པར་མྱ་ངན་ལས་འདས་པ་ཡིན་ཡང་འཁོར་བར་ཀུན་རྫོབ་ཏུ་ 541 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སྣང་བ་མི་འགལ་བ་དེ་ལྟ་ན་སངས་རྒྱས་ནས་ཀྱང་ནི་རིགས་པ་དེ་ཉིད་མཚུངས་པས་སླར་ འཁོར་བར་འཁོར་དགོས་པར་འགྱུར་བས་བྱང་ཆུབ་སྤྱོད་པས་ཅི་ཞིག་བྱ་ཞེས་ཟེར་རོ།། རྐྱེན་རྣམས་རྒྱུན་ནི་མ་ཆད་ན།། སྒྱུ་མའང་ལྡོག་པར་མི་འགྱུར་གྱི།། རྐྱེན་རྣམས་རྒྱུན་ནི་ཆད་པ་ན།། ཀུན་རྫོབ་ཏུ་ཡང་མི་འབྱུང་ངོ༌།། ༡༤ ཞེས་གསུངས་ཏེ། དེ་ལ་སྨྲས་པ་རང་བཞིན་གྱིས་དག་པར་སངས་རྒྱས་དང་སེམས་ཅན་ཁྱད་མེད་ ཀྱང་ཀུན་རྫོབ་ཏུ་འཁོར་བར་འཁོར་མི་འཁོར་གྱི་ཁྱད་པར་ཡོད་དེ། སངས་རྒྱས་ལ་འཁོར་བའི་ རྐྱེན་མ་རིག་པ་དང་སྲིད་ལེན་སོགས་རྒྱུན་ཆད་ཟིན་པའི་ཕྱིར་དང༌། སེམས་ཅན་ལ་དེ་རྣམས་རྒྱུན་ མ་ཆད་པའི་ཕྱིར། དེས་ན་རྐྱེན་རྣམས་རྒྱུན་ནི་མ་ཆད་ན་སྒྱུ་མའང་ལྡོག་པར་མི་འགྱུར་གྱི་ནམ་སྒྱུ་ མའི་རྐྱེན་རྣམས་རྒྱུན་ནི་ཆད་པ་ན་ཀུན་རྫོབ་ཏུ་ཡང་སྒྱུ་མ་དེ་མི་འབྱུང་བ་ལྟར་རོ།། གཉིས་པ་དོན་དམ་གྱི་རྩོད་སྤང་ལ་གཉིས། སྒྱུ་མ་ཀུན་རྫོབ་ཏུའང་མེད་པར་ཐལ་བ་སྤང་ བ་དང༌། སྨྲ་བའི་རྟེན་མེད་པར་ཐལ་བ་སྤང་བའོ། །དང་པོ་ལ་བརྒྱད། འཁྲུལ་པ་མེད་ན་སྒྱུ་མ་ མི་དམིགས་པར་ཐལ་བའི་རྩོད་པ་བཀོད། དེ་ལ་མཚུངས་པ་བརྗོད། རྣམ་བདེན་པའི་འདོད་ པ་བཀོད། རང་རིག་སྤྱིར་བཀག རང་གསལ་དུ་འདོད་པ་བཀག རང་རིག་གི་སྒྲུབ་བྱེད་བཀག བདེན་འཛིན་ཁོ་ན་དགག་བྱར་བསྟན། རྣམ་མེད་པའི་འདོད་པ་བཀག་པའོ། །དང་པོ་ནི། 542 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གང་ཚེ་འཁྲུལ་པའང་ཡོད་མིན་ན།། སྒྱུ་མ་གང་གིས་དམིགས་པར་འགྱུར།། ༡༥ ཞེས་གསུངས་ཏེ། དེ་ཡང་རྣམ་རིག་སྨྲ་བ་རྣམས་ན་རེ། ཕྱི་རོལ་གྱི་དོན་རང་བཞིན་མེད་པ་ བདེན་མོད་ཀྱང་དབུ་མ་པ་ཁྱོད་ཀྱིས་སྒྱུ་མ་སོགས་རྒོལ་བ་གཉིས་ཀ་ལ་གྲགས་པའི་དཔེར་ བཤད་པ་འདི་ཁྱོད་ཉིད་ལ་མ་གྲུབ་སྟེ། གང་གི་ཚེ་འཁྲུལ་པའང་ཡོད་པ་མིན་པར་ཁས་བླངས་ན་ སྒྱུ་མ་ཉིད་གང་གིས་དམིགས་པར་འགྱུར་ཏེ་འཁྲུལ་པ་མེད་ན་སྒྱུ་མ་ལྟ་ག་ལ་ཡོད་པའི་དོན་ཏོ།། གཉིས་པ་དེ་ལ་མཚུངས་པ་བརྗོད་པ་ནི། གང་ཚེ་ཁྱོད་ལ་སྒྱུ་མ་ཉིད།། མེད་ན་དེ་ཚེ་ཅི་ཞིག་དམིགས།། ཞེས་གསུངས་ཏེ། དེ་ལ་སྨྲས་པ། སེམས་ཙམ་པ་ཁྱོད་ཉིད་ཕྱི་རོལ་གྱི་དོན་མེད་པར་འདོད་ པའི་ཕྱིར་གང་གི་ཚེ་ཁྱོད་ལ་སྒྱུ་མ་ཉིད་ཀྱང་མེད་ན་སྒྱུ་མའི་དཔེ་ཅི་ཞིག་དམིགས་ཞེས་ཁྱབ་པ་ ལ་མཚུངས་པ་བསྒྲེས་སོ།། གསུམ་པ་རྣམ་བདེན་པའི་འདོད་པ་བཀོད་པ་ནི། གལ་ཏེ་དེ་ཉིད་དུ་གཞན་ཡོད།། རྣམ་པ་དེ་ནི་སེམས་ཉིད་ཡིན།། ༡༦ ཞེས་གསུངས་ཏེ། དེ་ལ་གལ་ཏེ་རྣམ་བདེན་པ་ན་རེ། སྒྱུ་མ་སོགས་ཕྱི་རོལ་གྱི་དོན་དུ་མེད་ 543 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཀྱང་སྒྱུ་མ་ལ་སོགས་པའི་དཔེའི་དེ་ཉིད་ཙམ་དུ་ནི་དེར་སྣང་བའི་རྣམ་པ་གཞན་ཡོད་དེ་རྣམ་པ་ དེ་ནི་སྣང་བ་པོའི་སེམས་དེ་ཉིད་དུ་བདེན་པ་ཡིན་ནོ་ཞེ་ན། བཞི་པ་རང་རིག་སྤྱིར་བཀག་པ་ནི། གང་ཚེ་སེམས་ཉིད་སྒྱུ་མ་ན།། དེ་ཚེ་གང་ཞིག་གང་གིས་མཐོང༌།། འཇིག་རྟེན་གྱི་ནི་མགོན་པོས་ཀྱང༌།། སེམས་ཀྱིས་སེམས་མི་མཐོང་ཞེས་གསུངས།། རལ་གྲིའི་སོ་ནི་རང་ལ་རང༌།། ཇི་ལྟར་མི་གཅོད་དེ་བཞིན་ཡིད།། ༡༧ ཅེས་གསུངས་ཏེ། ཕྱི་རོལ་གྱི་དོན་མེད་ན་ཕྱི་རོལ་དོན་གྱི་རྣམ་པ་ཡོད་པར་འགལ་ཏེ་རི་བོང་ གི་རྭ་མེད་ལ་དེའི་རྣམ་པ་ཡོད་པའི་ཁྱད་པར་མི་འཐད་པ་བཞིན་ནོ། །དེ་ལྟ་མོད་ཀྱིས་སེམས་དེ་ ཉིད་ཀྱང་བལྟོས་པ་དང་བཅས་པ་དཔྱད་མི་བཟོད་པ་སྒྱུ་མ་ལྟ་བུ་ཡིན་ཏེ་གཟུགས་ནས་རྣམ་ མཁྱེན་གྱི་བར་དང་མྱ་ངན་ལས་འདས་པ་ལས་ཆེས་ལྷག་པའི་ཆོས་ཡོད་ན་དེ་ཡང་སྒྱུ་མ་ལྟ་བུར་ གསུངས་པའི་ཕྱིར། དེས་ན་གང་གི་ཚེ་སེམས་དེ་ཉིད་ཀྱང་སྒྱུ་མ་ལྟ་བུ་ཡིན་ན་དེའི་ཚེ་མཐོང་བྱ་ གང་ཞིག་མཐོང་བྱེད་གང་གིས་མཐོང་སྟེ་སེམས་ལས་གཞན་པའི་མཐོང་རྒྱུ་མེད་ལ་སེམས་རང་ གིས་རང་མི་མཐོང་བའི་ཕྱིར། འདི་ནི་རིགས་པས་ཀྱང་གྲུབ་སྟེ་རང་ཉིད་རང་ལ་བྱ་བྱེད་འགལ་ 544 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བའི་ཕྱིར་དང༌། རྣལ་འབྱོར་ཅན་གྱིས་རང་གི་སེམས་ལ་ནང་དུ་བརྟགས་པ་ན་མཐོང་བྱ་དང་ མཐོང་བ་པོ་དུས་མཉམ་དུ་གཞི་གཅིག་ལ་མི་འདུ་ཞིང་ཇི་ཙམ་བརྟགས་པ་དེ་ཙམ་གྱིས་ཟབ་ ཅིང་ཕྲ་ལ། མཐར་མཐོང་བྱ་མཐོང་བྱེད་ཀྱི་སྤྲོས་པ་ཉིད་ཞི་བ་སྲད་བུས་མར་མེའི་ཞེང་དང་སྦོམས་ ཀྱི་ཚད་གཞལ་བ་ན། ཚད་མ་ལོངས་པར་སྲད་བུ་ཉིད་འཚིག་པ་ལྟར་འགྱུར་བའི་ཕྱིར། ལུང་གིས་ ཀྱང་གྲུབ་སྟེ་འཇིག་རྟེན་གྱི་ནི་མགོན་པོས་ཀྱང་སེམས་ཀྱིས་སེམས་མི་མཐོང་ཞེས་གཙུག་ན་ རིན་ཆེན་གྱི་མདོ་ལས་གསུངས་ལ། རལ་གྲིའི་སོ་ནི་རང་ལ་རང་ཇི་ལྟར་མི་གཅོད་པ་དེ་བཞིན་ དུ་ཡིད་ཀྱང་རང་ཉིད་གཅིག་པུ་མཐོང་ཡུལ་མཐོང་མཁན་མཐོང་བ་གསུམ་གར་དུ་ཅིག་ཆར་ འགྱུར་བ་ནི་གནས་མ་ཡིན་པར་གསུངས་པའི་ཕྱིར་ཏེ། ལང་གཤེགས་ལས། ཇི་ལྟར་རལ་གྲིས་རང་སོ་དང༌།། ཇི་ལྟར་སོར་མོ་རང་རྩེ་ལ།། མི་གཅོད་རེག་པར་མི་བྱེད་པ།། དེ་བཞིན་སེམས་ཀྱིས་སེམས་མི་མཐོང༌།། ཞེས་གསུངས་པའི་ཕྱིར། ལྔ་པ་རང་གསལ་དུ་འདོད་པ་བཀག་པ་ནི། ཇི་ལྟར་མར་མེ་རང་གི་དངོས།། ཡང་དག་གསལ་བར་བྱེད་བཞིན་ན།། 545 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ལ་རྣམ་རིག་པ་ན་རེ། ཇི་ལྟར་མར་མེ་རང་གིས་མར་མེའི་དངོས་པོ་ ཡང་དག་པར་གསལ་བར་བྱེད་པས་རང་གསལ་ཡིན་པ་བཞིན་དུ་སེམས་ཀྱང་རང་གསལ་ བ་ཡིན་ནོ་ཞེ་ན། མར་མེས་གསལ་བར་བྱ་མིན་ཏེ།། གང་ཕྱིར་མུན་གྱིས་བསྒྲིབས་པ་མེད།། ༡༨ ཅེས་གསུངས་ཏེ། དེ་ལ་བཤད་པ་དེ་ནི་དཔེ་མ་གྲུབ་སྟེ། གསལ་བ་ནི་མུན་པ་བཀག་ནས་ གཟུགས་གསལ་བར་བྱས་པ་ལ་མར་མེས་གསལ་བར་བྱས་པའི་ཐ་སྙད་དུ་འཇོག་པ་ཡིན་ ལ། མར་མེ་རང་ཉིད་ནི་གསལ་བར་བྱ་དགོས་པ་མིན་ཏེ། གང་གི་ཕྱིར་མར་མེ་མུན་གྱིས་ བསྒྲིབས་པ་མེད་པའི་ཕྱིར་ཏེ། དབུ་མ་རྩ་བར། མར་མེ་དང་ནི་གང་དག་ན།། དེ་འདུག་པ་ན་མུན་པ་མེད།། མར་མེས་ཅི་ཞིག་སྣང་བར་བྱེད།། མུན་པ་སེལ་བས་སྣང་བྱེད་ཡིན།། ཞེས་སོ།། ཡང་མར་མེ་རང་གསལ་ཡང་ཡིན་ན་གཞན་ཡང་སྣང་བར་བྱེད་པར་འདོད་དགོས་ལ། དེ་ ལྟ་ན་མུན་པས་རང་གཞན་གཉི་ག་སྒྲིབ་པར་འགྱུར་ཏེ། 546 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། མར་མེ་རང་དང་གཞན་གྱི་དངོས།། གལ་ཏེ་སྣང་བར་བྱེད་འགྱུར་ན།། མུན་པའང་རང་དང་གཞན་གྱི་དངོས།། སྒྲིབ་པར་འགྱུར་བར་ཐེ་ཚོམ་མེད།། ཅེས་སོ།། ཤེལ་བཞིན་སྔོན་པོ་སྔོ་ཉིད་ལ།། གཞན་ལ་བལྟོས་པ་ཡོད་མ་ཡིན།། དེ་བཞིན་འགའ་ཞིག་གཞན་ལ་ནི།། བལྟོས་དང་ལྟོས་མེད་པ་ཡང་མཐོང༌།། ༡༩ ཞེས་གསུངས་ཏེ། རྣམ་རིག་པ་ན་རེ། སྐྱོན་དེ་མེད་དེ་ཤེལ་དྭངས་པ་སྔོན་པོ་མ་ཡིན་ཡང་དར་ སྔོན་པོ་དང་ཉེ་བའི་རྐྱེན་གྱིས་སྔོན་པོར་སྣང་བ་བཞིན་དུ་རྐྱེན་གཞན་ལ་བལྟོས་པའི་གསལ་ བ་དང་ཨུཏྤལ་སྔོན་པོ་ཉིད་སོགས་ལ་ནི་རྐྱེན་གཞན་ལ་བལྟོས་པ་ཡོད་པ་མ་ཡིན་པར་རང་ བཞིན་གྱིས་སྔོན་པོར་གནས་པ་དེ་བཞིན་དུ་ཆོས་འགའ་ཞིག་རྐྱེན་གཞན་ལ་ནི་བལྟོས་པ་ དང༌། འགའ་ཞིག་བལྟོས་པ་མེད་པར་ངོ་བོ་ཉིད་ཀྱིས་དེ་ལྟར་ཡིན་པ་ཡང་མཐོང་བས་ན་ཤེས་ པ་ནི་རྐྱེན་གཞན་ལ་མ་བལྟོས་པར་ངོ་བོ་ཉིད་ཀྱིས་རང་གསལ་བ་ཡིན་ནོ་ཞེ་ན། 547 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སྔོ་ཉིད་མིན་ལ་སྔོན་པོར་དེ།། བདག་གིས་བདག་ཉིད་བྱས་པ་མེད།། ༢༠ ཅེས་གསུངས་ཏེ། དེ་དགག་པ་ནི་སྔོན་པོ་དང་རང་རིག་དཔེ་མི་མཚུངས་ཏེ་ཨུཏྤལ་ལའི་སྔོན་ པོ་ནི་ངོ་བོ་ཉིད་ཀྱིས་གཟོད་ནས་སྔོན་པོར་ཡོད་པ་མ་ཡིན་མོད་ཀྱང་འབྱུང་བའི་དྭངས་མའི་རྒྱུ་ རྐྱེན་གཞན་གྱིས་སྔོན་པོར་བསྐྱེད་ཟིན་པ་ཡིན་ལ། རང་རིག་རང་གསལ་དུ་ནི་རྒྱུ་རྐྱེན་གྱིས་ སྐྱེད་མ་ཟིན་ཅིང་རིག་པ་ནི་རིག་བྱ་དང་རིག་བྱེད་ལ་བལྟོས་ཤིང་གསལ་བ་ནི་མི་གསལ་བའི་ གནས་སྐབས་ལ་བལྟོས་པས་བལྟོས་ཟླ་ཡོད་པ་ན་རྟོག་པ་ཕན་ཚུན་བརྟེན་པའི་སྐྱོན་གྱིས་ རང་རིག་རང་གསལ་མི་འགྲུབ་ལ་བལྟོས་ཟླ་མེད་ན་དེ་བས་ཀྱང་མི་འགྲུབ་པའི་ཕྱིར། ཤེལ་ དར་དང་འཆིང་བུའི་སྣོད་ལ་སོགས་པའི་རྐྱེན་གྱིས་སྔོན་པོར་སྣང་མོད་ཀྱང་དེ་ནི་ཤེལ་དྭངས་ པའི་ཕྱིར་མ་བསྒྲིབས་པར་དར་རམ་འཆིང་བུའི་སྣོད་དེའི་ཁ་དོག་མཐོང་བར་ཟད་ཀྱི་ཤེལ་སྔོན་ པོར་གྱུར་པ་མ་ཡིན་པའི་ཕྱིར། ཤེལ་སྔོན་པོ་ཉིད་མིན་པ་ལ་རྐྱེན་དེས་ཀྱང་སྔོན་པོར་ཤེལ་ དེ་བྱས་པ་མེད་ལ། ཤེལ་བདག་ཉིད་ཀྱིས་བདག་ཉིད་སྔོན་པོར་བྱས་པ་ཡང་མེད་པའི་ཕྱིར་ རོ། །དེ་ལྟ་མོད་ཀྱིས་མར་མེ་རང་གསལ་བར་བྱེད་དོ་ཞེས་སུས་ཤེས་ཏེ་བརྗོད་ཅེས་འདྲིའོ།། མར་མེ་གསལ་བ་ཉིད་དོ་ཞེས།། ཤེས་པས་ཤེས་ཏེ་བརྗོད་ཅེ་ན།། བློ་ནི་གསལ་བ་ཉིད་ཡིན་ཞེས།། གང་གིས་ཤེས་ནས་དེ་སྐད་བརྗོད།། ༢༢ 548 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གང་ཚེ་འགས་ཀྱང་མཐོང་མིན་ན། གསལ་བ་འམ་ནི་མི་གསལ་བ།། མོ་གཤམ་བུ་ཡི་འགྱིང་བག་བཞིན།། དེ་ནི་བརྗོད་ཀྱང་དོན་མེད་དོ།། ༢༣ ཞེས་གསུངས་ཏེ། རྣམ་རིག་པ་ན་རེ། དེ་ནི་ཤེས་པས་ཤེས་ཏེ་བརྗོད་དོ་ཞེ་ན། འོ་ན་བློ་ནི་རང་ གསལ་བ་ཉིད་ཡིན་ནོ་ཞེས་གང་གིས་ཤེས་ནས་དེ་སྐད་བརྗོད། རང་རིག་གིས་སོ་ཞེ་ན། སྒྲུབ་ བྱེད་བསྒྲུབ་བྱ་དང་མཚུངས་ཏེ་རང་རིག་ཉིད་སྒྲུབས་ཤིག། དྲུག་པ་རང་རིག་གི་སྒྲུབ་བྱེད་བཀག་པ་ནི། གལ་ཏེ་རང་རིག་ཡོད་མིན་ན།། རྣམ་ཤེས་དྲན་པར་ཇི་ལྟར་འགྱུར།། ཞེས་གསུངས་ཏེ། རྣམ་རིག་པ་ན་རེ། གལ་ཏེ་རང་རིག་ཡོད་མིན་ན་སྔོན་མྱོང་བའི་རྣམ་ཤེས་ ཕྱིས་དྲན་པར་ཇི་ལྟར་འགྱུར་ཞེ་ན། གཞན་མྱོང་བ་དང་འབྲེལ་བ་ལས།། དྲན་འགྱུར་བྱི་བའི་དུག་བཞིན་ནོ།། ༢༤ ཞེས་གསུངས་ཏེ། དབུ་མ་པས་སྨྲས་པ། དེ་ནི་རང་རིག་ཡོད་པས་དྲན་པ་མ་ཡིན་ཏེ་དེ་ཉིད་ 549 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཀྱི་ཚེ་རྒྱུ་རྐྱེན་གཞན་ཉམས་སུ་མྱོང་བ་དང་འབྲེལ་བའི་དབང་ལས་སྔོན་གྱི་གནས་སྐབས་ལ་ དམིགས་པའི་དྲན་པ་སྐྱེ་བར་འགྱུར་ཡང་ད་ལྟ་བའི་མྱོང་བ་དེ་ལ་སྔོན་གནས་དྲན་པར་འཁྲུལ་ བར་ཟད་ཀྱི་སྔོན་གནས་དེ་ཉིད་ནི་མ་ཡིན་ཏེ་འགགས་ཟིན་པའི་ཕྱིར། འགགས་པ་སླར་སྐྱེ་བ་ ནི་གང་དུ་ཡང་མི་སྲིད་དོ།། དེས་ན་སྔོན་སྦྲུལ་གྱིས་བདག་ནི་དུག་དྲག་པས་མི་རྣམས་ལ་འཛིན་ཞིང་དེས་མི་རྣམས་ འཇིགས་པར་བྱེད་ཀྱི་ཁྱོད་འདྲ་བ་ལ་སུ་ཡང་མི་འཇིགས་སོ་ཞེས་ང་རྒྱལ་གྱིས་སྨྲས་པ་ན། བྱི་བ་ན་རེ། འདི་ནི་ཁྱོད་ཀྱི་དུག་མ་ཡིན་གྱི་ཁོ་རང་གི་རྣམ་རྟོག་ཏུ་ཟད་དོ། །གལ་ཏེ་ཡིད་མི་ ཆེས་ན་མངོན་སུམ་དུ་བྱའོ་ཞེས་གཉིས་ཀར་ལམ་དུ་འདུག་སྟེ། མི་ཞིག་འོངས་པ་ན་བྱི་བས་ མི་མངོན་པར་རྐང་པ་ལ་སོ་བཏབ་སྟེ་སྦྲུལ་གྱིས་དེ་དང་ཉེ་བར་ལུས་སྣང་བར་བྱས་པས་མི་དེ་ བདག་ལ་སྦྲུལ་གྱི་དུག་གིས་ཟིན་ཏཻ་རྨ་བྱུང་ངོ་ཞེས་བརྒྱལ་ཞིང་ལྟོས་འཕྱེ་བར་བྱེད་ལ། ཡང་མི་ཞིག་འོངས་པ་ན་སྦྲུལ་གྱིས་ལུས་མི་མངོན་པར་རྨུགས་ཏེ་བྱི་བས་རྨུག་པ་པོ་ ཡིན་པ་ལྟར་བཅོས་པ་ན། མི་དེ་ན་རེ། བྱི་བས་རྨུགས་པ་ལྟ་ལ་འཇིགས་པ་ཅི་ཡོད་ཟེར་ནས་ ཅི་ཡང་མ་ཉེས་པར་སོང་བ་ལྟ་བུ་ཞེས་བསམ་གཏན་པ་ཡང་མང་པོ་ལ་གྲགས་པ་སྟེ། རང་ ཉིད་དུག་ཏུ་དོགས་པའི་དྲན་པ་སྐྱེས་པར་གྱུར་པ་ན་བྱི་བས་རྨུགས་པ་ལ་སྦྲུལ་གྱི་དུག་ཏུ་འདུ་ ཤེས་པས་གནོད་པ་ཆེར་སྐྱེད་ཅིང་སྦྲུལ་གྱིས་ཟིན་པ་ལ་ཡང་བྱི་བའི་དུག་ཏུ་འདུ་ཤེས་པ་ན་ གནོད་པ་མེད་པ་བཞིན་ཏེ། 550 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དཔེར་ན་དོགས་པའི་འདུ་ཤེས་ཀྱིས་ནི་དུག་འདས་པ།། དུག་དེ་ཁོང་དུ་སོང་བ་མེད་ཀྱང་བརྒྱལ་བར་འགྱུར།། ཞེས་གསུངས་པ་དང་ཡང་ཤིན་ཏུ་འབྱོར་རོ།། རྐྱེན་གཞན་དག་དང་ལྡན་པ་ན།། མཐོང་ཕྱིར་རང་ཉིད་རང་གསལ་ན།། ཞེས་གསུངས་ཏེ། དེ་ལ་རྣམ་རིག་པ་ན་རེ། ཏིང་ངེ་འཛིན་ལ་སོགས་པའི་རྐྱེན་གཞན་དག་དང་ ལྡན་པ་ན་གཞན་གྱི་སེམས་ཤེས་པ་དང་རང་གཞན་གྱི་སྔོན་གནས་རྗེས་སུ་དྲན་པ་མཐོང་ བའི་ཕྱིར་རང་རིག་རང་གསལ་བ་ཡོད་དོ་ཞེ་ན། གྲུབ་པའི་མིག་སྨན་སྦྱོར་བ་ལས།། བུམ་མཐོང་མིག་སྨན་ཉིད་འགྱུར་མིན།། ༢༥ ཞེས་གསུངས་ཏེ། གཞན་སེམས་སོགས་ཤེས་ཀྱང་དེས་སེམས་རང་ཉིད་མཐོང་བ་མ་ཡིན་ ཏེ་མིག་གིས་གཟུགས་མཐོང་གིས་མིག་ཉིད་མི་མཐོང་པའི་ཕྱིར་དང་གྲུབ་པའི་མིག་སྨན་ གི་ཝང་ལ་སོགས་པ་སྦྱར་བ་གྲུབ་སྟེ་དྲོ་བ་དང་དུ་བ་དང་འབར་བར་སྣང་བ་དག་མིག་ལ་ བྱུགས་པས་ས་འོག་སོགས་ཐག་རིང་ན་ཡོད་པའི་བུམ་པ་བཟང་པོ་དང་ནོར་བུ་སོགས་ མཐོང་ནས་ལེན་པར་བྱེད་ཀྱང་མིག་ལ་བྱུགས་པའི་མིག་སྨན་དེ་ཉིད་དམ་མིག་ཉིད་མཐོང་ བ་མིན་པ་བཞིན་ནོ།། 551 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གལ་ཏེ་སྔོན་གནས་སོགས་དྲན་པའི་ཤེས་པ་དེ་ཉིད་རང་གསལ་ཡིན་ཏེ་ཏིང་ངེ་འཛིན་ གྱི་རྐྱེན་ལས་གསལ་བྱའི་རང་བཞིན་དུ་སྐྱེས་པའི་ཕྱིར་ཞེ་ན། འོ་ན་བུམ་པ་དེ་ཡང་མིག་སྨན་ དང་ལྡན་པའི་མིག་ཏུ་ཐལ་ཏེ། མིག་གི་རྐྱེན་ལས་གསལ་བྱའི་རང་བཞིན་དུ་སྐྱེས་པའི་ཕྱིར་ རོ། །དེས་ན་རིག་བྱ་རང་དང་རིག་བྱེད་ཤེས་པ་དང་རིག་ཚུལ་གསལ་བར་འཛིན་པ་ནི་སྒྲོ་ བཏགས་པ་ཉིད་ཡིན་གྱི་ཤེས་པ་དེ་ཉིད་ཅིག་ཆར་དེ་གསུམ་གར་དུ་ལྡང་བའི་གནས་མེད་དོ།། བདུན་པ་བདེན་འཛིན་ཁོ་ན་དགག་བྱར་བསྟན་པ་ནི། ཇི་ལྟར་མཐོང་ཐོས་ཤེས་པ་དག། འདིར་ནི་དགག་པར་བྱ་མིན་ཏེ།། འདིར་ནི་སྡུག་བསྔལ་རྒྱུར་གྱུར་པ།། བདེན་པར་རྟོག་པ་བཟློག་བྱ་ཡིན།། ༢༦ ཞེས་གསུངས་ཏེ། འོ་ན་རང་རིག་མེད་པ་དེའི་ཚེ་གཞན་རིག་ཀྱང་མི་འཐད་པས་ཤེས་པ་ ཉམས་སུ་མྱོང་བ་དང་གཟུགས་སྒྲ་སོགས་ཉམས་སུ་མྱོང་བ་ཐམས་ཅད་མི་འཐད་པར་འགྱུར་ རོ་ཞེ་ན། ཇི་ལྟར་ན་གཟུགས་མཐོང་བ་དང་སྒྲ་ཐོས་པ་ལ་སོགས་པ་ཉམས་སུ་མྱོང་བའི་ཤེས་ པ་དག་དེ་ཁོ་ན་ཉིད་ལ་དཔྱོད་པའི་སྐབས་འདིར་ནི་དགག་པར་བྱ་བ་མིན་ཏེ་འཁོར་བའི་སྡུག་ བསྔལ་གྱི་རྒྱུར་གྱུར་པ་མཐོང་ཐོས་ཀྱི་ཤེས་སོགས་དེ་དག་ལ་བདེན་པར་ཞེན་པ་ཁོ་ན་ཟློག་ པར་བྱ་བ་ཡིན་ཏེ། སེམས་ཙམ་པས་དོན་སྨྲ་བའི་ཕྱི་དོན་འགོག་པར་བྱེད་པའི་ཚེ་ཡང་ལོང་ བ་དང་འོན་པ་ལྟར་གཟུགས་མི་མཐོང་སྒྲ་མི་ཐོས་པ་ཞིག་སྒྲུབ་པར་མི་བྱེད་ཀྱི་གཟུགས་སྒྲ་ 552 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ལ་བདེན་འཛིན་འགོག་པ་ཁོ་ན་དང་མཚུངས་ཏེ་འདིར་ཡང་ཤེས་པ་གསལ་མྱོང་ཙམ་འགོག་ པར་མི་བྱེད་ཀྱང་གསལ་མྱོང་དུ་གྲུབ་འཛིན་གྱི་ཞེན་པ་དེ་འགོག་པ་ཡིན་ནོ། །དེས་ན་ཁོ་བོ་ ཅག་ལ་དེས་བརྒལ་དུ་མེད་ཀྱང་རྣམ་རིག་པ་ཁྱོད་ཉིད་ལ་གཞན་རིག་མེད་པ་དེའི་ཚེ་རང་ རིག་ཀྱང་མེད་པར་འགྱུར་རོ་ཞེས་ལྡོག་སྟེ་བརྗོད་ན་ལན་གྱིས་དབེན་ནོ།། བརྒྱད་པ་རྣམ་མེད་པའི་འདོད་པ་བཀག་པ་ནི། སེམས་ལས་སྒྱུ་མ་གཞན་མིན་ཞིང༌།། གཞན་མིན་པར་ཡང་མི་བརྟག་ན།། དངོས་ན་ཇི་ལྟར་དེ་གཞན་མིན།། གཞན་མིན་ཞེ་ན་དངོས་པོར་མེད།། ༢༧ ཅེས་གསུངས་ཏེ། ཡང་རྣམ་མེད་སྨྲ་བ་ན་རེ། རྣམ་པ་བདེན་པར་འདོད་པ་ལ་སྐྱོན་དེ་དག་ འཇུག་མོད་ཀྱང་ཁོ་བོ་ཅག་ནི་རྣམ་པ་དེ་ཡང་སྒྱུ་མ་ལྟར་བརྫུན་ལ་སེམས་དང་དེ་ཉིད་དང་ གཞན་དུ་ཡང་བརྗོད་དུ་མེད་པར་འདོད་པས་སྐྱོན་མེད་དོ་ཞེས་ཟེར་རོ།། དེ་ལ་བརྒལ་བ། ཁྱོད་སེམས་ལས་སྒྱུ་མ་གཞན་མིན་པར་འདོད་ཅིང་དེ་ལས་གཞན་ གཅིག་པ་ཡང་མིན་པར་འདོད་དེ། དེ་ཉིད་དང་གཞན་དུ་བརྗོད་དུ་མེད་པར་འདོད་ན་གང་ཚེ་ འཁྲུལ་པའང་ཡོད་མིན་ན་སོགས་ཀྱིས་ངེད་ལ་བརྒལ་དུ་ཅི་ཡོད་དེ་ཁྱོད་ཉིད་ཀྱིས་སྒྱུ་མ་མེད་ པར་ཁས་བླངས་པའི་ཕྱིར། བདག་གིས་ཁས་མ་བླངས་ཀྱང་གཞན་གྱིས་ཁས་བླངས་པས་ 553 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འདིར་འགྱུར་རོ་ཞེ་ན། ཆོས་ཐམས་ཅད་ངོ་བོ་ཉིད་མེད་པར་ཡང་ཁྱོད་ཀྱིས་ཁས་བླངས་པར་ འགྱུར་ཏེ་གཞན་གྱིས་ཁས་བླངས་པའི་ཕྱིར། འོན་ཏེ་སྒྱུ་མ་དེ་དངོས་པོར་འདོད་ན་ནི་ཇི་ལྟར་ སེམས་ལས་གཞན་མིན་ཏེ་སེམས་ལས་གཞན་ཡིན་དགོས་སོ། །ཅིའི་ཕྱིར་ན་སྒྱུ་མ་ནི་སྒྱུ་མ་ མཁན་གྱིས་རྫས་སྔགས་ཀྱིས་སྤྲུལ་པ་ལ་རག་ལས་ལ་ཤེས་པ་ནི་སྒྱུ་མ་མཁན་ལ་རག་མ་ ལས་པའི་ཕྱིར་རོ། །སྒྱུ་མ་དེ་སེམས་ལས་གཞན་མིན་པར་འདོད་ན་ནི་དེ་གཉིས་ཐ་མི་དད་ པས་སེམས་དངོས་པོར་མེད་དེ། སྒྱུ་མ་དངོས་པོར་མེད་པའི་ཕྱིར་རོ།། ཇི་ལྟར་སྒྱུ་མ་བདེན་མིན་ཡང༌།། བལྟ་བྱ་དེ་བཞིན་ལྟ་བྱེད་ཡིད།། ཅེས་གསུངས་ཏེ། དེའི་རྩོད་པ་སྤོང་བར་འདོད་ནས་ཇི་ལྟར་ན་སྒྱུ་མ་བདེན་པ་མིན་ཡང་འཇིག་ རྟེན་གྱི་བལྟ་བྱ་ཙམ་དུ་གྲགས་པའོ་ཞེ་ན། འོ་ན་ལེགས་ཏེ་ལྟ་བྱེད་ཀྱི་ཡིད་ཀྱང་རང་རིག་ སོགས་གང་དུ་ཡང་མི་བདེན་པ་ལྟ་བྱེད་དུ་གྲགས་པ་ཙམ་དུ་ཤེས་པར་གྱིས་ཤིག། གཉིས་པ་རྟེན་མེད་པར་ཐལ་བ་སྤང་པ་ལ་གཉིས། རྩོད་པ་བཀོད་པ་དང༌། དེ་བཀག་ པའོ། །དང་པོ་ནི། གལ་ཏེ་འཁོར་བ་དངོས་རྟེན་ཅན།། གཞན་དུ་དེ་ནི་མཁའ་འདྲར་འགྱུར།། ༢༨ ཞེས་གསུངས་ཏེ། གལ་ཏེ་རྣམ་རིག་པ་ན་རེ། ཕྱི་དོན་མེད་པའི་ཕྱིར་འཁོར་བ་འདི་དངོས་མེད་ 554 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཡིན་མོད་ཀྱང་རང་རིག་པའི་དངོས་པོ་ལ་བརྟེན་པ་ཅན་ཡིན་པས་ན་སྣང་གི་དེ་ནི་གཞན་དུ་དེ་ ལྟ་མིན་ན་ནམ་མཁའ་འདྲ་བར་སྣང་མེད་དུ་འགྱུར་རོ་ཞེ་ན། གཉིས་པ་དེ་བཀག་པ་ནི། དངོས་མེད་དངོས་ལ་བརྟེན་པ་ནའང༌།། བྱེད་དང་ལྡན་པར་ཇི་ལྟར་འགྱུར།། ཁྱོད་ཀྱི་སེམས་ནི་གྲོགས་མེད་པར།། གཅིག་པུ་ཉིད་དུ་འགྱུར་བ་ཡིན།། ༢༩ ཞེས་གསུངས་ཏེ། དངོས་མེད་ནི་དངོས་པོ་ལ་བརྟེན་པ་ན་ཡང་བྱེད་ལས་དང་ལྡན་པར་ཇི་ ལྟར་འགྱུར་ཏེ་རི་བོང་གི་རྭ་ཅི་ལ་བརྟེན་ཡང་འབིགས་པར་མི་ནུས་པ་བཞིན་ནོ། །དེ་འདོད་ན། རྣམ་རིག་པ་ཁྱོད་ཀྱི་སེམས་ནི་འཁོར་བའི་གྲོགས་མེད་པར་མྱ་ངན་ལས་འདས་པའི་དོན་དམ་ པ་གཅིག་པུ་ཉིད་དུ་ཐལ་བར་འགྱུར་བ་ཡིན་ལ། དེ་འདོད་ན། རང་རིག་དོན་དམ་འཁོར་བའི་ རྟེན་གྱི་ཕྱིར་ཁས་བླངས་པ་ལ་དགོས་པ་མེད་པར་འགྱུར་རོ།། གང་ཚེ་སེམས་ནི་གཟུང་བྲལ་བ།། དེ་ཚེ་ཐམས་ཅད་དེ་བཞིན་གཤེགས།། དེ་ལྟ་ན་ཡང་སེམས་ཙམ་དུ།། བརྟགས་ལ་ཡོན་ཏན་ཅི་ཞིག་ཡོད།། ༣༠ 555 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཅེས་གསུངས་ཏེ། དེས་ན་གང་གི་ཚེ་སེམས་ནི་གང་ལ་ཞེན་པའི་དམིགས་པའམ་གཟུང་བ་ ཐམས་ཅད་དང་བྲལ་བ་དེའི་ཚེ་ཆོས་ཐམས་ཅད་ཀྱང་དེ་བཞིན་གཤེགས་པའི་རང་བཞིན་ཉིད་ ལས་ཐ་མི་དད་པར་མཐོང་ཞིང་གང་མཐོང་བ་དེ་ཉིད་ཀྱང་མཐོང་བ་མེད་པ་ཁོ་ནར་རྟོགས་པར་ འགྱུར་རོ། །དེ་ལྟ་ཡིན་མོད་ཅེ་ན། དེ་ལྟ་ན་ཡང་ཁྱོད་ཀྱིས་སེམས་ཙམ་དང་དེ་ཡང་རང་རིག་ཏུ་ ནན་གྱིས་བཏགས་པ་ལ་དགོས་པ་ཅི་ཞིག་ཡོད་དེ། ནམ་མཁའ་མཐའ་མེད་པར་གོ་ཡང་ནམ་ མཁའ་ལ་ཞེན་པས་ཚད་འཇལ་བ་ལ་དགོས་པ་མེད་པ་བཞིན་ནོ།། གཉིས་པ་དེ་ཤེས་པ་ལམ་དུ་སྒྲུབ་པ་ལ་གསུམ། སྒྱུ་མར་མཐོང་བ་ལམ་དུ་སྒྲུབ་པ་དང༌། སྟོང་ཉིད་དུ་མཐོང་བ་ལམ་དུ་སྒྲུབ་པ། དེ་གཉི་གའི་བྱེད་པ་བསྡུ་བའོ། །དང་པོ་ལ་དྲུག རྩོད་པ་ སྤང་བ། དངོས་འཛིན་གྱི་གཉེན་པོ་སྟོང་ཉིད་དུ་བསྟན་པ། མཐར་འཛིན་དང་བྲལ་བས་རང་ དོན་ཆོས་སྐུ་འཐོབ་པ། དེ་ལས་འབད་མེད་དུ་གཟུགས་སྐུ་འབྱུང་ཚུལ། སྨོན་ལམ་གྱི་དབང་ གིས་ཕྲིན་ལས་རྒྱུན་མི་འཆད་པའི་ཚུལ། སེམས་ལྡན་མིན་ཡང་མཆོད་པས་བསོད་ནམས་ འཐོབ་པའོ། །དང་པོ་ནི། སྒྱུ་མ་ལྟ་བུར་ཤེས་ན་ཡང༌།། ཇི་ལྟར་ཉོན་མོངས་ལྡོག་འགྱུར་ཏེ།། གང་ཚེ་སྒྱུ་མའི་བུད་མེད་ལ།། དེ་བྱེད་ཉིད་ཀྱང་ཆགས་སྐྱེ་འགྱུར།། ༣༡ 556 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། རྣམ་རིག་པ་ན་རེ། དབུ་མ་པ་ཁྱོད་ཀྱིས་ཆོས་ཐམས་ཅད་སྒྱུ་མ་ལྟ་བུར། ཤེས་ན་ཡང་ཇི་ལྟར་ཉོན་མོངས་ལྡོག་འགྱུར་ཏཻ་གང་ཚེ་སྒྱུ་མའི་བུད་མེད་ལ་དེ་བྱེད་པ་པོ་སྒྱུ་མ་ མཁན་ཉིད་ཀྱང་ཆགས་པ་སྐྱེ་བར་འགྱུར་བའི་ཕྱིར་ཞེ་ན། དེ་བྱེད་པ་ནི་ཤེས་བྱ་ལ།། ཉོན་མོངས་བག་ཆགས་མ་སྤངས་པས།། སྟོང་ཉིད་བག་ཆགས་ཉམ་ཆུང་ཉིད།། དེས་ན་དེ་མཐོང་བ་ན་དེ།། ༣༢ ཞེས་གསུངས་ཏེ། དེ་བྱེད་པ་པོ་སྒྱུ་མ་མཁན་ནི་སྒྱུ་མའི་སྔགས་བསྒྲུབས་པར་ཟད་ཀྱི་ཤེས་བྱ་ ལ་ཉོན་མོངས་པ་མགོ་མ་མནན་ཞིང་བག་ཆགས་མ་སྤངས་པ་དེས་ན་སྒྱུ་མའི་བུད་མེད་དེ་ མཐོང་བ་ན་དེ་སྟོང་ཉིད་ཀྱི་བག་ཆགས་ཉམ་ཆུང་བའི་ཕྱིར་ཆགས་པ་སྐྱེ་བར་ཟད་དོ།། གཉིས་པ་དངོས་འཛིན་གྱི་གཉེན་པོ་སྟོང་ཉིད་དུ་བསྟན་པ་ནི། སྟོང་ཉིད་བག་ཆགས་གོམས་པས་ནི།། དངོས་པོ་བག་ཆགས་སྤོང་འགྱུར་ཞིང༌།། ཅི་ཡང་མེད་ཅེས་གོམས་པས་ནི།། དེ་ཡང་ཕྱི་ནས་སྤོང་བར་འགྱུར།། ༣༣ 557 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ཡང་ཆོས་ཐམས་ཅད་ལ་སྒྱུ་མ་ལྟ་བུའི་འདུ་ཤེས་བསྒོམ་པར་བྱ་སྟེ། དེ་ གོམས་པ་ན་སྒྱུ་མ་ཙམ་དུ་ཡང་མི་དམིགས་པ་སྟོང་པའི་རྣམ་པར་མཐོང་བར་འགྱུར་ལ། སྟོང་ ཉིད་དེའི་བག་ཆགས་གོམས་པས་ནི་གཅིག་ཐ་དད་སོགས་སྣ་ཚོགས་པར་འཛིན་པའི་དངོས་ པོའི་བག་ཆགས་སྤོང་བར་འགྱུར་ཏེ་ཆོས་ཐམས་ཅད་ལ་ཅི་ཡང་མེད་པར་མཐོང་བར་འགྱུར་རོ།། ཅི་ཡང་མེད་པ་འདི་ཉིད་དོན་དམ་ཡིན་ནམ་ཞེ་ན། འདི་ཡང་འདུ་ཤེས་ཀྱི་རྣམ་པ་གཉེན་ པོའི་གོ་རིམ་དུ་ཟད་ཀྱི་ཡང་དག་པ་ཉིད་ནི་མ་ཡིན་ཏེ་ཅི་ཡང་མེད་པ་ཉིད་དུ་ཡང་མི་གནས་ པའི་ཕྱིར་ཏེ། ཀླུའི་ཞབས་ཀྱིས་འཇིག་རྟེན་ལས་འདས་པར་བསྟོད་པར། ཀུན་རྟོག་ཐམས་ཅད་སྤང་བའི་ཕྱིར།། སྟོང་ཉིད་བདུད་རྩི་སྟོན་མཛད་དེ།། གང་ཞིག་དེ་ལ་ཞེན་གྱུར་པ།། དེ་ཡང་ཁྱོད་ཀྱིས་སྤངས་པ་ལགས།། ཞེས་སོ། །འོན་ཡང་སྤྲོས་པ་འབའ་ཞིག་གིས་ཕུང་བའི་སེམས་ཅན་རྣམས་ཀྱི་སྤྲོས་འཛིན་ གྱི་ནད་ཀྱི་གཉེན་པོར་ཅི་ཡང་མེད་པར་མཐོང་བའི་བཀྲུ་སྨན་འདི་འཇུག་སྟེ། འདི་ནི་གང་ཡང་ ཐོབ་པ་དང༌། མ་ཐོབ་པ་དང༌། བཅིངས་པ་དང༌། གྲོལ་བ་དང༌། མཐོང་བ་དང༌། མ་མཐོང་ བ་སོགས་ཅི་ཡང་མེད་དོ་ཞེས་སྤྲོས་པ་ཀུན་ཟད་ཀྱི་རྣམ་པར་མཐོང་བ་འདི་ཉིད་གོང་དུ་འདྲིས་ ཤིང་གོམས་པས་ནི་ཅི་ཡང་མེད་པར་འཛིན་པའི་བློ་དེ་ཡང་ཕྱི་ནས་སྤོང་བར་འགྱུར་ཏེ། 558 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གང་ཚེ་གང་ཞིག་མེད་དོ་ཞེས།། བརྟག་བྱའི་དངོས་པོ་མི་དམིགས་པ།། དེ་ཚེ་དངོས་མེད་རྟེན་འབྲེལ་བ།། བློ་ཡི་མདུན་དུ་ཇི་ལྟར་གནས།། ༣༤ ཞེས་གསུངས་ཏེ། གང་གི་ཚེ་ཆོས་ཐམས་ཅད་སྒྱུ་མ་ལྟར་མཐོང་བས་བདེན་རྟོག་གི་དངོས་ འཛིན་ལོག་ཅིང་གང་ཞིག་ཅི་ཡང་མེད་དོ་ཞེས་བརྟག་པར་བྱ་བའི་དངོས་པོ་མེད་པ་ཉིད་ཀྱང་ མི་དམིགས་པ་དེའི་ཚེ་ཆོས་ཐམས་ཅད་ཡོད་མེད་ལ་སོགས་པའི་དངོས་པོ་གང་དུ་ཡང་མེད་པ་ རྟེན་དང་བརྟེན་པ་ལ་སོགས་པའི་འདུ་ཤེས་ཀྱི་རྒྱུ་བ་ཐམས་ཅད་དང་བྲལ་བ་ཡིན་ཡང་དངོས་ མེད་རྟེན་བྲལ་ཙམ་གྱི་བུད་ཤིང་གི་དངོས་པོ་དེ་ཡང་དེ་ཁོ་ན་ཉིད་ཀྱི་ཤེས་རབ་དྲི་མ་མེད་པ་ དུས་མཐའི་མེ་ལྕེ་ལྟ་བུའི་བློ་ཡི་མདུན་ན་ཇི་ལྟར་གནས་ལ། བུད་ཤིང་ཟད་པ་ན་མེ་ཡང་རང་ ཞི་བ་ལྟར་ཤེས་རབ་དྲི་མ་མེད་པའི་བློ་དེ་ཉིད་ཀྱང་གཟོད་མ་ནས་མ་སྐྱེས་མ་འགགས་པའི་ངོ་ བོ་ཉིད་དུ་རྟག་ཏུ་ཞི་བ་ཡིན་པ་དེ་ཁོ་ནའི་དབྱིངས་སུ་དེ་ལྟར་ཞི་བ་ཡིན་ནོ།། གསུམ་པ་མཐར་འཛིན་དང་བྲལ་བས་རང་དོན་ཆོས་སྐུ་འཐོབ་པ་ནི། གང་ཚེ་དངོས་དང་དངོས་མེད་དག། བློ་ཡི་མདུན་ན་མི་གནས་པ།། དེ་ཚེ་རྣམ་པ་གཞན་མེད་པ།། དམིགས་པ་མེད་པར་རབ་ཏུ་ཞི།། ༣༥ 559 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ལྟར་སྨོན་པའི་བྱང་ཆུབ་ཏུ་སེམས་བསྐྱེད་ཅིང་འཇུག་པའི་བྱང་ཆུབ་ཀྱི་ སེམས་ཀྱི་ངོ་བོ་ཕ་རོལ་ཏུ་ཕྱིན་པ་རྣམས་ས་དང་ས་རྣམས་སུ་མངོན་པར་སྦྱངས་པས་དོན་ དམ་བྱང་ཆུབ་ཀྱི་སེམས་སྟོང་པ་ཉིད་དང་སྙིང་རྗེ་ཆེན་པོ་རོ་གཅིག་པ་ཆོས་གང་ལའང་མི་ གནས་པའི་གནས་པ་ཅན་སུས་ཀྱང་གང་དུ་ཇི་ལྟར་ཡང་གོམས་སུ་བྱར་མེད་པའི་དོན་ལ་ གོམས་པ་རབ་ཀྱི་མཐར་སོན་པས་སྐད་ཅིག་གཅིག་དང་ལྡན་པའི་ཤེས་རབ་ཀྱིས་དེ་ཁོ་ན་ ཉིད་མཐོང་བ་མེད་པའི་ཚུལ་གྱིས་མཐོང་བ་གང་གི་ཚེ་དངོས་པོ་དང་དངོས་མེད་དང་འདིར་ དག་སྒྲ་ནི་གཉིས་ཚིག་མིན་པར་མང་ཚིག་ལ་འགྱུར་ཁྱད་དུ་གོ་བར་བྱ་སྟེ། དངོས་དངོས་ མེད་ཀྱིས་མཚོན་ནས་འཁོར་འདས་དང་འདུས་བྱས་དང་འདུས་མ་བྱས་དང་སྟོང་པ་དང་ མི་སྟོང་པ་དང་རྟག་པ་དང་མི་རྟག་པ་དང་བདེན་པ་དང་བརྫུན་པ་དང་ཀུན་རྫོབ་དང་དོན་ དམ་ལ་སོགས་པའི་ཆོས་སུ་དམིགས་པ་གང་ཡང་ཤེས་རབ་དྲི་མ་མེད་པའི་བློ་ཡང་དག་པ་ དེའི་མདུན་ན་མི་གནས་པ་སྟེ། ངོ་བོ་ཉིད་ཀྱིས་ཆོས་འདི་དག་ནི་རྣམ་པ་འགར་ཡང་དེ་ལྟར་ གནས་པ་མ་ཡིན་པ་ཉིད་དེ་ལྟར་མངོན་དུ་བྱས་པས་ཆོས་གང་ཡང་མ་གཟིགས་མི་གཟིགས་ གཟིགས་པར་མི་འགྱུར་བ་རབ་ཀྱི་མཐར་སོན་པ་སྟེ། དཔེར་ན། ནམ་མཁའ་ལ་སྐྲ་ཤད་ངོ་ བོ་ཉིད་ཀྱིས་རིང་པོ་དང་ཐུང་ངུ་དང་ཤིན་ཏུ་ཕྲ་བའི་ཟླུམ་པོ་དང་འཛིངས་པ་དང་མ་འཛིངས་ པ་ལ་སོགས་པ་གང་ཡང་རྣམ་པ་ཐམས་ཅད་དུ་མི་གནས་མོད་ཀྱི་རབ་རིབ་ཅན་གྱི་ངོར་སྐྲ་ ཤད་སྣ་ཚོགས་པར་སྣང་ཞིང་སྨན་དང་སྔགས་ཀྱི་མཐུས་རབ་རིབ་སྦྱངས་ཏེ་ཡོངས་སུ་བྱང་ བ་ན། སྐྲ་ཤད་དེ་དག་ལས་འཛིངས་པ་ལྟ་བུ་འཁོར་བའི་ཆོས་དང་མ་འཛིངས་པ་ལྟ་བུ་མྱང་ 560 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འདས་ཀྱི་ཆོས་དང་རིང་པོ་ཀུན་རྫོབ་དང་ཕྲ་བ་དོན་དམ་དང་ཟླུམ་པོ་ཕྲ་མོ་ལྟ་བུ་ཐ་ན་ཆོས་ དབྱིངས་སུ་དམིགས་པ་ཡང་ཉེ་བར་ཞི་བ་ཡིན་ལ། དེའི་ཚེ་གང་ཐོབ་པའི་བྱང་ཆུབ་དང་གང་ གིས་འཐོབ་པ་པོ་བྱང་ཆུབ་སེམས་དཔའ་དང་གང་དུ་འཐོབ་པའི་གནས་འོག་མིན་ལ་སོགས་ པ་དང༌། ཇི་ལྟར་འཐོབ་པའི་ཚུལ་འཚང་རྒྱ་བའི་གོ་རིམ་སོགས་འདུ་བྱས་པའི་རྣམ་པ་དེ་དག་ དང་དེ་དག་ལས་གཞན་པའི་རྣམ་པ་གང་ཡང་མེད་ཅིང་བྱང་ཆུབ་ཉིད་ཀྱང་དམིགས་སུ་མེད་ལ་ དམིགས་སུ་ཡོད་མེད་ཉིད་ཀྱང་དམིགས་པ་མེད་པར་ཆོས་ཀྱི་དབྱིངས་ཇི་ལྟ་བ་ཉིད་དུ་གཅིག་ དང་ཐ་དད་དུ་གདགས་མི་ནུས་པར་རྣམ་པ་ཐམས་ཅད་དུ་དངོས་པོ་ཐམས་ཅད་ཚུལ་ཐམས་ ཅད་པས་རབ་ཏུ་གཟོད་མ་ནས་ཞི་བ་ཉིད་ཇི་ལྟ་བ་དེ་ལྟར་ཞི་བ་ཉིད་དེ་འདིའི་རང་བཞིན་ཉིད་ ནི་རྫོགས་པའི་སངས་རྒྱས་ཐམས་ཅད་ཉིད་ཀྱང་སྨྲ་བསམ་བརྗོད་པར་མི་མཛད་དོ།། བཞི་པ་དེ་ལས་འབད་མེད་དུ་གཟུགས་སྐུ་འབྱུང་ཚུལ་ནི། ཡིད་བཞིན་ནོར་བུ་དཔག་བསམ་ཤིང༌།། ཇི་ལྟར་རེ་བ་ཡོངས་སྐོང་བ།། དེ་བཞིན་གདུལ་བྱར་སྨོན་ལམ་གྱི།། དབང་གིས་རྒྱལ་བའི་སྐུར་སྣང་ངོ༌།། ༣༦ ཞེས་གསུངས་ཏེ། འོན་ཀྱང་དེ་ཉིད་གདུལ་བྱ་ལ་མཚོན་པའི་ཆེད་དུ་གནས་ཆོས་ཀྱི་དབྱིངས་ ཐམས་ཅད་པ་འོག་མིན་སྟུག་པོ་བཀོད་པར་སྐད་ཅིག་གཅིག་དང་ལྡན་པའི་ཤེས་རབ་ཀྱིས་ 561 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། རང་དོན་དོན་དམ་པའི་སྐུར་ཆོས་གང་ཡང་མངོན་པར་རྫོགས་པར་འཚང་རྒྱ་བ་མེད་པའི་ ཚུལ་གྱིས་སངས་རྒྱས་སོ་ཞེས་སྟོན་པར་མཛད་དོ། །དེའི་ཚེ་རང་དང་གཞན་ལ་སོགས་པའི་ དམིགས་པ་ཐམས་ཅད་རྣམ་པར་ལོག་ཅིང་འདུ་ཤེས་ཀྱི་རྒྱུ་བ་རྣམ་པར་ཆད་ལ་འདུ་ཤེས་མེད་ པ་ཡང་མ་ཡིན་པ་ཀུན་སློང་གི་རྣམ་པ་ཅི་ཡང་མི་མངའ་མོད་ཀྱི། རྩོམ་པ་ཐམས་ཅད་དགའ་ ཕྱིར་ཏེ། །ཞེས་པ་ལྟར་སྔོན་ཐོག་མ་མེད་པ་ནས་རང་དོན་ལ་བལྟོས་པ་རྡུལ་ཙམ་ཡང་མེད་ པར་གཞན་ཕན་འབའ་ཞིག་ཁོ་ནར་དགོངས་པའི་གོམས་པ་རབ་ཀྱི་མཐར་སོན་ཞིང་སྨོན་ ལམ་བསམ་གྱིས་མི་ཁྱབ་པ་རྣམས་གྲུབ་པའི་ཕྱིར། ནམ་མཁའ་ལྟར་སྤྲོས་པ་ཞི་བ་དེའི་ཚེ་ འབད་རྩོལ་མེད་པར་སྨོན་ལམ་དང་ཐུགས་རྗེའི་དབང་གིས་སེམས་ཅན་ཐམས་ཅད་ཀྱི་དོན་ ཅིག་ཆར་དུ་རྒྱུན་མི་འཆད་པར་གྲུབ་པར་འགྱུར་ཏེ། ཇི་ལྟར་ཡིད་བཞིན་གྱི་ནོར་བུ་རྟོག་པ་ མེད་པར་གསོལ་བ་འདེབས་པོ་ལ་དགོས་འདོད་སྩོལ་བ་དང་དཔག་བསམ་གྱི་ཤིང་ལས་ གོས་དང༌། རྒྱན་དང་བཟའ་བཏུང་སོགས་གང་འདོད་བླང་དུ་འབྱུང་བ་དེ་བཞིན་དུ་གདུལ་ བྱའི་ཚོགས་ལ་སྨོན་ལམ་གྱི་དབང་གིས་ཕྲིན་ལས་འཇུག་པར་འགྱུར་ཏེ། དེ་ཡང་གདུལ་བྱ་ དག་པ་རྣམས་ལ་ཡིད་བཞིན་གྱི་ནོར་བུ་ལྟ་བུའི་ལོངས་སྤྱོད་རྫོགས་པའི་སྐུར་སྣང་བས་ཆོས་ ཀྱི་དགོས་འདོད་རྒྱ་མཚོ་ལྟ་བུ་སྩོལ་ལ། ཅུང་ཟད་དག་པ་རྣམས་ལ་མཆོག་གི་སྤྲུལ་པའི་ སྐུ་དཔག་བསམ་གྱི་ཤིང་ལྟ་བུར་སྣང་བས་ལས་དང་པོ་པ་རྣམས་ལ་མངོན་མཐོའི་ཐེག་པ་ བཟའ་བཏུང་ལྟ་བུ་དང༌། གདུལ་བྱ་ཐུན་མོང་བ་དག་ལ་ངེས་ལེགས་ཀྱི་ཐེག་པ་གོས་ལྟ་བུ་ དང༌། གདུལ་བྱ་ཁྱད་པར་ཅན་རྣམས་ལ་ཐེག་ཆེན་གྱི་ཆོས་རྒྱན་གྱི་མཆོག་ལྟ་བུ་སྩོལ་བར་ 562 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། མཛད་ལ། མ་སྨིན་པ་རྣམས་ལ་བྱང་ཆུབ་སེམས་དཔའ་དང་ཉན་རང་དང་ཚངས་སོགས་ནས་ གཟིངས་དང་ཟམ་པ་ལ་སོགས་པའི་བར་སྲིད་པ་དང༌། མི་སྲིད་པའི་རྣམ་པ་གང་དུ་ཡང་སྣང་ བས་དོན་ཆེན་པོ་མཛད་དེ། དེའི་ཕྱིར་ཆོས་ཀྱི་སྐུ་གང་དུ་ཡང་མི་གནས་པ་དེ་ཉིད་རྒྱལ་བའི་ གཟུགས་ཀྱི་སྐུར་སྣང་བ་གདུལ་བྱ་ལ་འབྱུང་ངོ༌།། ལྔ་པ་སྨོན་ལམ་གྱི་དབང་གིས་ཕྲིན་ལས་རྒྱུན་མི་འཆད་པའི་ཚུལ་ནི། དཔེར་ན་ནམ་མཁའ་ལྡིང་གི་ནི།། མཆོད་སྡོང་བསྒྲུབས་ནས་འདས་གྱུར་པ།། དེ་འདས་ཡུན་རིང་ལོན་ཡང་དེས།། དུག་ལ་སོགས་པ་ཞི་བྱེད་བཞིན།། ༣༧ བྱང་ཆུབ་སྤྱོད་དང་རྗེས་མཐུན་པར།། རྒྱལ་བའི་མཆོད་སྡོང་བསྒྲུབས་པ་ཡང༌།། བྱང་ཆུབ་སེམས་དཔའ་མྱ་ངན་ལས།། འདས་ཀྱང་དོན་རྣམས་ཐམས་ཅད་མཛད།། ༣༨ ཅེས་གསུངས་ཏེ། དཔེར་ན། ནམ་མཁའ་ལྡིང་གི་རིགས་སྔགས་གྲུབ་པའི་སྐྱེས་བུས་རྒྱ་ མཚོའི་འགྲམ་དུ་རིན་པོ་ཆེ་ལས་མཆོད་སྡོང་བྱས་ཏེ་དེའི་རྩེར་མཁའ་ལྡིང་གི་གཟུགས་བྱས་ 563 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཏེ་སྔགས་ཀྱིས་བསྒྲུབས་ནས་ཕྱིས་ཅི་ཞིག་ན་སྒྲུབ་པ་པོ་དེ་དུས་ལས་འདས་པར་གྱུར་ལ། དེ་ འདས་ནས་ཡུན་ཤིན་ཏུ་རིང་མོ་ལོ་བྱེ་བ་ཕྲག་མང་པོ་ལོན་ཡང་མཆོད་སྡོང་དེས་གཞན་གྱི་ མཐོང་བའི་དུག་དང༌། རྫི་ཡི་དུག་དང༌། ཁོང་དུ་སོང་བ་དང༌། རེག་པའི་དུག་ལ་སོགས་པ་ དང་ཀླུ་ནད་ཀྱིས་གཟིར་བ་རྣམས་མཐོང་བ་དང་རེག་པས་ཀྱང་ཞི་བར་བྱེད་པ་ལ་སྔ་མ་དང་ ཁྱད་པར་མེད་པ་དེ་བཞིན་དུ། བྱང་ཆུབ་སེམས་དཔས་བྱང་ཆུབ་སྤྱོད་པའི་རྗེས་སུ་མཐུན་པས་ རྒྱལ་བའི་མཆོད་སྡོང་བསྒྲུབས་པ་དེ་ཡང་སྔོན་བྱང་ཆུབ་སེམས་དཔར་གང་ལས་མིང་འདོགས་ པའི་སེམས་དང་སེམས་བྱུང་གི་རྒྱུན་དེ་ནི་རྡོ་རྗེ་ལྟ་བུའི་ཏིང་ངེ་འཛིན་གྱིས་དེ་ཁོ་ན་ཉིད་རྟོགས་ པའི་མོད་ལ་རྣམ་པར་ལོག་ཅིང་འཁོར་བ་དང་མྱང་འདས་ཀྱི་གནས་ལས་འདས་ཏེ། ཆོས་ཀྱི་ དབྱིངས་སུ་བྱང་ཆུབ་པས་བདག་གཞན་གྱི་དམིགས་པ་མེད་ཀྱང་སེམས་ཅན་ཐམས་ཅད་ཀྱི་ དོན་རྣམས་མ་ལུས་པར་མཛད་པའི་ཕྲིན་ལས་རྟོག་མེད་དུ་འབྱུང་བ་ཡིན་ནོ།། དྲུག་པ་སེམས་ལྡན་མིན་ཡང་མཆོད་པས་བསོད་ནམས་འཐོབ་པ་ནི། སེམས་མེད་པ་ལ་མཆོད་བྱས་པས།། ཇི་ལྟར་འབྲས་བུ་ལྡན་པར་འགྱུར།། གང་ཕྱིར་བཞུགས་པའམ་མྱ་ངན་འདས།། མཚུངས་པ་ཁོ་ནར་བཤད་ཕྱིར་རོ།། ༣༩ ཞེས་གསུངས་ཏེ། དངོས་སྨྲ་བ་ན་རེ། འོ་ན་རྫོགས་པའི་སངས་རྒྱས་ལ་སེམས་མི་མངའ་ 564 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བ་ཡིན་ན་སེམས་མེད་པ་ལ་མཆོད་པ་བྱས་པས་ཇི་ལྟར་འབྲས་བུ་དང་ལྡན་པའི་དགེ་བའི་ ལས་སུ་འགྱུར་ཞེ་ན། གང་གི་ཕྱིར་སངས་རྒྱས་ཞལ་བཞུགས་པ་ལ་གདུགས་ཚོད་སོགས་ ཀྱིས་མཆོད་པ་བྱས་པའམ་མྱ་ངན་ལས་འདས་པའི་སྐུ་གདུང་གི་རིང་སྲེལ་སོགས་ལ་མཆོད་ པ་བྱས་པ་ནི་བསོད་ནམས་ཁྱད་མེད་དུ་མཚུངས་པ་ཉིད་དུ་བཤད་པའི་ཕྱིར་ཏེ། མེ་ཏོག་ བརྩེགས་པའི་གཟུངས་ལས། གང་གིས་སངས་རྒྱས་མཐོང་ནས་དད་པའི་སེམས་ཀྱིས་ མཆོད་པ་བྱས་པ་དང༌། གང་གིས་དེ་བཞིན་གཤེགས་པའི་རིང་སྲེལ་གྱི་མཆོད་རྟེན་ལ་མཆོད་ པ་བྱས་པའི་བསོད་ནམས་ནི་མཉམ་པར་ཤེས་པར་བྱའོ། །ཞེས་དང༌། གང་གིས་བཞུགས་པ་ལ་མཆོད་དང༌།། མྱ་ངན་འདས་པའི་སྐུ་གདུང་ལ།། སེམས་ནི་དད་པ་མཉམ་པ་ཡིས།། མཆོད་པའི་བསོད་ནམས་མཉམ་པ་འབྱུང༌།། ཞེས་དང༌། བྱང་ཆུབ་སེམས་དཔའི་སྡེ་སྣོད་ལས། གང་ཞིག་བཞུགས་ལ་མཆོད་པ་དང༌།། གང་ཡང་མྱ་ངན་འདས་པ་ཡི།། རིང་སྲེལ་ཡུངས་འབྲུ་ཙམ་མཆོད་པ།། སེམས་ཀྱང་མཚུངས་ལ་འབྲས་བུའང་མཚུངས།། 565 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་སོགས་དང༌། འདུལ་བ་ལུང་སྨན་གྱི་གཞི་ལས་ཀྱང་གསུངས་པའི་ཕྱིར་རོ།། ཀུན་རྫོབ་བམ་ནི་དེ་ཉིད་དུའང༌།། རུང་སྟེ་དེ་འབྲས་ལུང་ལས་ཡིན།། དཔེར་ན་བདེན་པའི་སངས་རྒྱས་ལ།། ཇི་ལྟར་འབྲས་བུ་བཅས་པ་བཞིན།། ༤༠ ཞེས་གསུངས་ཏེ། གལ་ཏེ་ཅི་སྒྱུ་མ་ལྟ་བུའི་སངས་རྒྱས་ལ་མཆོད་པས་འབྲས་བུ་འབྱུང་བ་དེ་ ཀུན་རྫོབ་ཏུ་ཡིན་ནམ་དོན་དམ་དུ་ཡིན་ཞེས་འདྲི་ན། ལན་ནི་དེ་རེ་ཞིག་ཀུན་རྫོབ་བམ་དེ་ཁོ་ ན་ཉིད་གང་དུ་ཡིན་ནའང་རུང་སྟེ། བསོད་ནམས་ཀྱི་ལས་ནི་འབྲས་བུ་གྱ་ནོམ་པ་དང་བཅས་ པར་ཐེག་པ་ཆེ་ཆུང་གཉིས་ཀའི་ལུང་ལས་གསུངས་པའི་ཕྱིར། ཡིད་ཆེས་པར་བྱ་བ་ཡིན་གྱི་ འདི་ལ་ནི་བདེན་པ་གཉིས་རེ་ཞིག་དཔྱད་མི་དགོས་ཏེ་སྟོན་པ་ཉིད་ཀྱིས་ཀྱང་བདེན་གཉིས་མ་ དཔྱད་པར་བཀའ་བསྩལ་བའི་ཕྱིར། རིན་ཆེན་ཕྲེང་བར། དོན་འདི་ལ་ནི་རྒྱལ་བ་ལས།། ལྷག་པའི་ཚད་མ་གཞན་ཡོད་མིན།། ཞེས་དང༌། རྒྱུད་བླར། གང་ཕྱིར་རྒྱལ་ལས་ཆེས་མཁས་འགའ་ཡང་འཇིག་རྟེན་འདི་ན་ཡོད་མིན་ཏེ།། དེ་ཕྱིར་དྲང་སྲོང་རང་ཉིད་ཀྱིས་བཞག་མདོ་སྡེ་གང་ཡིན་དེ་མི་དཀྲུགས།། 566 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་པ་ལྟར་རོ། །ཡང་ན་ལན་གྱི་རྣམ་གྲངས་འདི་ཡང་གཟིགས་ཏེ་སེམས་མེད་པ་ལ་མཆོད་ པ་བྱས་པས་ཀྱང་ཕན་ཡོན་འབྱུང་སྟེ། མཆོད་རྟེན་དང་གླེགས་བམ་མཆོད་པའི་ཕན་ཡོན་ བཞིན་ནོ། །སྒྱུ་མ་ལྟ་བུའི་སངས་རྒྱས་ལ་མཆོད་པ་བྱས་པས་བསོད་ནམས་ཀྱང་སྒྱུ་མ་ཙམ་ དུ་འབྱུང་སྟེ། དཔེར་ན་ཁྱེད་ཅག་དངོས་སྨྲ་བ་རྣམས་བདེན་པའི་སངས་རྒྱས་ལ་མཆོད་པ་བྱས་ པས་ཇི་ལྟར་འབྲས་བུ་བདེན་པ་དང་བཅས་པ་འབྱུང་བར་འདོད་པ་བཞིན་ནོ།། གཉིས་པ་སྟོང་ཉིད་ཀྱི་མཐོང་བ་ལམ་དུ་སྒྲུབ་པ་ལ་གཉིས། ལུང་གིས་སྒྲུབ་པ་དང༌། རིགས་པས་སྒྲུབ་པའོ། །དང་པོ་ལ་གསུམ། རྩོད་པ་དགོད་པ། ལུང་གི་ལན་མདོར་བསྟན་པ། ཐེག་པ་ཆེན་པོ་བཀར་སྒྲུབ་པའོ། །དང་པོ་ནི། བདེན་པ་མཐོང་བས་གྲོལ་འགྱུར་གྱི།། སྟོང་ཉིད་མཐོང་བས་ཅི་ཞིག་བྱ།། ཞེས་གསུངས་ཏེ། དེ་ཡང་ཉན་ཐོས་གྲུབ་མཐའ་པ་ན་རེ། བདེན་པ་བཞི་ལ་རྣམ་པ་བཅུ་དྲུག་ ཏུ་མཐོང་བས་འཁོར་བ་ལས་གྲོལ་བར་འགྱུར་བ་ཡིན་གྱི་སྟོང་པ་ཉིད་མཐོང་བས་ཅི་ཞིག་བྱ་ ཞེས་ཟེར་ན། གཉིས་པ་ལུང་གི་ལན་མདོར་བསྟན་པ་ནི། གང་ཕྱིར་ལུང་ལས་ལམ་འདི་ནི།། མེད་པར་བྱང་ཆུབ་མེད་པར་གསུངས།། ༤༡ 567 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། གང་གི་ཕྱིར་སྟོན་པ་ཉིད་ཀྱི་ལུང་ལས་སྟོང་ཉིད་མཐོང་བའི་ལམ་འདི་ནི་མེད་ པར་གྱུར་ན་བྱང་ཆུབ་འཐོབ་པ་མེད་པར་གསུངས་ཏེ། རྒྱལ་བའི་ཡུམ་ལས། དངོས་པོའི་འདུ་ ཤེས་ཅན་ལ་ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པ་མེད་དོ། །ཏིང་ངེ་འཛིན་དང་གཟུངས་ཀྱི་ སྒོ་ཐམས་ཅད་དང༌། སྟོབས་དང༌། མི་འཇིགས་པ་དང༌། སོ་སོ་ཡང་དག་པར་རིག་པ་ནས་ སངས་རྒྱས་ཀྱི་ཆོས་མ་འདྲེས་པ་སྒོམ་པའི་བར་དུ་མེད་དོ། །ཞེས་དང༌། མཉམ་པ་ཉིད་ལ་ འཇུག་པའི་མདོ་ལས། འཇམ་དཔལ་སྟོང་པ་ཉིད་ཡིད་ལ་བྱེད་པས་བྱང་ཆུབ་གསུམ་པོ་འཐོབ་ པ་འདི་ནི་གནས་ཡོད་ཅིང་སྐབས་ཡོད་དོ། །དངོས་པོའི་འདུ་ཤེས་ཅན་གྱིས་བྱང་ཆུབ་གསུམ་ འཐོབ་པ་འདི་ནི་གནས་མེད་ཅིང་སྐབས་མེད་དོ། །ཞེས་དང༌། རྒྱལ་བ་འདས་དང་མ་བྱོན་ཕྱོགས་བཅུར་གང་བཞུགས་པ།། ཀུན་ལམ་ཕ་རོལ་ཕྱིན་པ་འདི་ཡིན་གཞན་མ་ཡིན།། ཞེས་སོགས་རྒྱ་ཆེར་གསུངས་པའི་ཕྱིར། གསུམ་པ་ཐེག་པ་ཆེན་པོ་བཀར་སྒྲུབ་པ་ལ་ལྔ། མཚུངས་པ་བརྗོད། མདོ་སྡེ་ལ་འཇུག་ པ་ལ་སོགས་པར་བསྒྲུབས། ལྡོག་ཚུལ་གྱིས་དགག་ནུས་ན་རྗེས་འགྲོའི་ཚུལ་གྱིས་སྒྲུབ་ ནུས་པར་སྟོན། རང་གིས་མ་རྟོགས་པ་གཞན་འགོག་བྱེད་ཀྱི་གཏན་ཚིགས་མ་ཡིན་པར་སྟོན། གཉིས་ཀས་འདོད་པ་དང་རྩོད་བཅས་ཀྱི་རྟགས་ཀྱིས་དངོས་རྟག་གང་དུ་ཡང་སྒྲུབ་མི་ནུས་ པར་བསྟན་པའོ། །དང་པོ་ནི། 568 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེ་ལ་ཉན་ཐོས་ཀྱི་འཕགས་པ་ཐེག་ཆེན་སྤོང་བ་ནི་མི་སྲིད་དེ་དགྲ་བཅོམ་པ་གང་ཐེག་ པ་ཆེན་པོ་འདི་ཐོས་ནས་མངོན་པར་དང་བར་མི་འགྱུར་བ་ནི་གནས་མ་ཡིན་ཞིང་སྐབས་མེད་ པར་གསུངས་ལ། རྒྱུན་ཞུགས་ཀྱི་བར་ཡང་དེས་ཕྱོགས་མཚོན་ནུས་པའི་ཕྱིར། འདུ་ཤེས་ཉི་ ཤུ་ལས་གང་ཡང་རུང་བ་ཐོབ་པ་བསམ་གཏན་ལྷུར་བྱེད་པ་རྣམས་ཀྱང་ཐེག་ཆེན་སྤོང་བ་སྤྱིར་ ཉུང་སྟེ། དེ་དག་ཀྱང་རང་རྒྱུད་ཀྱི་གནས་སྐབས་ལ་རྟོག་པ་ལྷུར་བྱེད་པ་མང་བའི་ཕྱིར། འོན་ ཀྱང་བསམ་གཏན་བཞི་པའི་དངོས་གཞི་ཐོབ་ནས་འདུ་ཤེས་དང་ཚོར་བ་བཀག་པ་འདུ་ཤེས་ མེད་པའི་སྙོམས་འཇུག་ཐོབ་པ་ན་བདག་དགྲ་བཅོམ་ཐོབ་བོ་སྙམ་དུ་འཛིན་པ་དགྲ་བཅོམ་ པར་མངོན་པའི་ང་རྒྱལ་ཅན་ཞེས་བྱ་བ་འདིས་ཐེག་ཆེན་སྤོང་བ་སྲིད་དེ། དཀོན་མཆོག་ཟ་མ་ ཏོག་གི་མདོ་ལས་བཤད་པའི་ཕྱིར་དང༌། སྤྱིར་དྲང་སྲོང་མངོན་ཤེས་ལྔ་ལྡན་གྱིས་སྔོན་གནས་ རྗེས་སུ་དྲན་པའི་མངོན་ཤེས་ཀྱིས་སྐྱེ་བ་སྔ་མ་ལྔ་བརྒྱ་མཐོང༌། དེ་ཕན་མ་མཐོང་བས་དེ་ཕན་ བདག་མེད་དོ་ཞེས་སོགས་སྐྱེ་བ་སྔ་ཕྱི་གྲངས་ཅན་གྱི་ལོག་པའི་གྲུབ་མཐའ་བྱུང་བའི་ཕྱིར་རོ།། དེས་ན་གཙོ་བོར་ཉན་ཐོས་རྟོག་གེ་པ་སྡེ་སྣོད་གསུམ་ལས་གང་ཡང་རུང་བའི་ཚིག་ཙམ་ འཛིན་ཞིང་དེ་ལ་རིག་གྲོལ་གྱི་སྤོབས་པར་རློམ་པས་ཁེངས་པ་པཎྜི་ཏ་ལ་སོགས་པར་གྲགས་ ཤིང་ཁས་འཆེ་བ་དག་ནི་སངས་རྒྱས་ཀྱི་ཆེས་བསམ་གྱིས་མི་ཁྱབ་པ་མི་ཤེས་པར་རང་གི་ ཤེས་པའི་སྦྲང་མའི་འདོམ་ལྟ་བུས་ཆོས་ཀྱི་ནམ་མཁའ་མཐའ་ཡས་པའི་ཚད་འཛིན་ཞིང་ཟིན་ པར་རློམ་སྟེ། དེ་དང་མ་མཐུན་ནོ་ཅོག་ཆོས་མིན་པར་སྨྲ་ཞིང་ཁོང་ཁྲོ་བས་གཤེ་ཞིང་སྤོང་བར་ བྱེད་དེ། སྤྲིན་ཆེན་པོ་དང་རྔ་བོ་ཆེ་ལ་སོགས་ལས་རྒྱ་གར་གྱི་ཡུལ་དབུས་དང༌། ནུབ་ཕྱོགས་ 569 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དང༌། ཤར་ཕྱོགས་ལ་སོགས་པར་ཐེག་ཆེན་སྤོང་བ་ཉན་ཐོས་པར་ཁས་འཆེ་བ་འདི་སྙེད་རེ་ འབྱུང་ཞིང་དེ་ཐམས་ཅད་ཆོས་སྤངས་པའི་སྒྲིབ་པས་ངན་འགྲོ་མཐའ་ཡས་པར་གཞོལ་བར་ ལུང་བསྟན་པ་ལྟ་བུ་དང༌། བོད་ཡུལ་འདིར་ཡང་མཐའ་བཞི་བསལ་བའི་ལྟ་བ་ལ་ཡོད་མིན་ མེད་མིན་པ་ཞེས་འགོག་པ་དང༌། བློ་བྲལ་ཡིད་ལ་མི་བྱེད་པའི་སྒོམ་པ་ལ་རྒྱ་ནག་ཧ་ཤང་གི་ ལུགས་ཞེས་འདོར་བ་དང༌། རྣམ་རྟོག་གི་རང་བཞིན་ཆོས་ཉིད་དུ་བསྟན་པ་དང་བླང་དོར་མེད་ པར་བསྟན་པ་སོགས་ལ་ལོག་པའི་ཆོས་ཚད་མེད་པར་འཛིན་པ་པོ་སྨྲ་བའི་ཉི་མར་རློམ་པ་ མཐའ་ཡས་པར་བྱུང་ཞིང་རྗེས་འབྲངས་རྣམས་ཀྱིས་ཀྱང་ད་ལྟའི་བར་དུའང་དེའི་ཆོས་སྤོང་གི་ རྡོ་རྟའི་ངག་སྒྲོས་རྒྱ་ཆེར་སྤེལ་ཞིང་ས་འོག་གི་སྒོ་འབྱེད་པར་སྣང་བའི་ཕྱིར། དེས་ན་དེ་ལྟ་བུའི་ སྐལ་ངན་ཤིང་སྲིན་ལྟ་བུ་དག་ན་རེ། ཐེག་པ་ཆེན་པོ་བྱ་བ་མེད་དེ། ཤཱ་རིའི་བུ་ལ་སོགས་པ་ སྟོན་པའི་དངོས་ཀྱི་འཁོར་རྣམས་ཀྱིས་མ་ཐོས་པའི་ཕྱིར། གལ་ཏེ་ཐོས་ན་བདག་ཅག་ཉན་ ཐོས་རྣམས་ལ་འོང་རིགས་པ་ལས་མ་བྱུང་བའི་ཕྱིར་དང༌། མདོ་སྡེ་ལ་འཇུག འདུལ་བ་ལ་ སྣང༌། ཆོས་ཉིད་དང་མི་འགལ་ན་བཀར་གསུངས་པ་ལས་ཐེག་ཆེན་ནི་དེ་ལྟ་བུ་མ་ཡིན་པའི་ ཕྱིར་ཏེ། ངེད་ཀྱི་མདོ་སྡེ་ལ་མི་འཇུག་པ་ལ་སོགས་པའི་ཕྱིར་ཞེས་ཟེར་རོ། །དེ་ལ་སྨྲས་པ། གལ་ཏེ་ཐེག་ཆེན་མ་གྲུབ་ན།། ཁྱོད་ཀྱི་ལུང་ནི་ཇི་ལྟར་གྲུབ།། གང་ཕྱིར་གཉིས་ཀ་ལ་འདི་གྲུབ།། དང་པོ་ཁྱོད་ལ་འདི་མ་གྲུབ།། ༤༢ 570 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། རྐྱེན་གང་གིས་ནི་དེར་ཡིད་ཆེས།། དེ་ནི་ཐེག་ཆེན་ལ་ཡང་མཚུངས།། ཞེས་གསུངས་ཏེ། གལ་ཏེ་ཐེག་ཆེན་བཀའ་ཡིན་པར་མ་གྲུབ་ན། ཉན་ཐོས་པ་ཁྱོད་ཀྱི་ལུང་ སྡེ་སྣོད་གསུམ་ནི་བཀའ་ཡིན་པར་ཇི་ལྟར་གྲུབ་ཅེས་དྲིའོ། །གང་གི་ཕྱིར་ཡུ་བུ་གཉི་ག་ལ་འདི་ གྲགས་ཤིང་གྲུབ་པས་སོ་ཞེ་ན། ཅི་ཁྱོད་ཀྱིས་ཐོག་མ་མེད་པ་ནས་འདི་བཀར་ཡིད་ཆེས་པ་ ཡིན་ནམ། ཕྱིས་དགེ་བའི་བཤེས་གཉེན་གྱི་མཐུས་བཀར་ཤེས་པ་ཡིན། དང་པོ་ལྟར་ནི་མ་ ཡིན་ཏེ་ཁྱོད་བྱིས་པ་སྐྱེས་མ་ཐག་པ་ཤེད་མ་བྱེ་བའི་དུས་དང་གྲུབ་མཐའ་ལ་མ་ཞུགས་པས་ བཀའི་ཐ་སྙད་ལ་ཡང་རྨོངས་པའི་ཁྱིམ་པའི་དུས་ན་འདི་བཀའ་ཡིན་པར་ཁྱོད་ལ་མ་གྲུབ་པའི་ ཕྱིར། དགེ་བའི་བཤེས་གཉེན་ལ་སོགས་པའི་རྐྱེན་གང་གིས་ནི་སྟོན་པ་སངས་རྒྱས་དང༌། བསྟན་པ་དམ་ཆོས་དང༌། འདྲེན་པ་དགེ་འདུན་ལ་དེ་དང་དེར་ཡིད་ཆེས་པ་ཡིན་ན་ནི་འདི་ཐེག་ ཆེན་ལ་ཡང་མཚུངས་ཏེ། ཐེག་ཆེན་གྱི་དགེ་བའི་བཤེས་གཉེན་དང༌། ཟབ་རྒྱས་ཀྱི་སྡེ་སྣོད་ཀྱི་ རྐྱེན་ལས་ཆོས་གཟུགས་ཀྱི་སྐུ་བསམ་གྱིས་མི་ཁྱབ་པ་དང་ཐེག་ཆེན་གྱི་སྡེ་སྣོད་མཐའ་ཡས་ པ་དང་བྱང་ཆུབ་སེམས་དཔའི་དགེ་འདུན་རྨད་དུ་བྱུང་བ་ལ་ཡིད་ཆེས་སྐྱེ་བའི་ཕྱིར་རོ། །ཤཱ་ རིའི་བུ་སོགས་ཉན་ཐོས་ཆེན་པོ་རྣམས་ཀྱིས་མ་གསན་པ་ཡང་མ་ཡིན་ཏེ། ཐེག་ཆེན་གྱི་མདོ་ ཆེན་པོ་རྣམས་ཀྱི་གླེང་གཞིར་དེ་དག་གི་མཚན་སྨོས་ཤིང་བྱང་ཆུབ་སེམས་དཔའ་ཆེན་པོ་ རྣམས་དང་དེ་དག་དྲིས་ལན་གྱིས་ཆོས་གཏན་ལ་ཕབ་པའི་ཕྱིར། ཐེག་ཆེན་གྱི་སྣོད་དུ་མ་གྱུར་ 571 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། པའི་ཉན་ཐོས་ཕྱོགས་རེ་བས་མ་ཐོས་ཤིང་མ་མྱོང་བ་ནི་ཐེག་ཆེན་མེད་པར་སྒྲུབ་པའི་རྟགས་ ཡང་དག་ཏུ་མི་འགྱུར་ཏེ་པདྨ་ལས་བུང་བས་སྦྲང་རྩི་བླངས་པ་མི་སྲིད་དེ་པདྨ་ལ་སྦྲང་རྩི་ཡོད་ ན་པདྨའི་རྩ་བར་རྟག་ཏུ་ཞེན་པའི་སྲིན་བུ་དང་སྦལ་པ་དག་གིས་མྱོང་དགོས་པ་ལས་མ་མྱོང་ བའི་ཕྱིར་ཞེས་པ་དང་ཁྱད་པར་ཅི་ཡོད། གཉིས་པ་མདོ་སྡེ་ལ་འཇུག་པ་ལ་སོགས་པར་བསྒྲུབས་པ་ནི། ངག་གང་མདོ་སྡེ་ལ་འཇུག་དེ།། གལ་ཏེ་སངས་རྒྱས་གསུང་འདོད་ན།། ༤༣ ཐེག་ཆེན་ཕལ་ཆེར་ཁྱེད་ཅག་གི། མདོ་དང་མཚུངས་འདོད་མིན་ནམ་ཅི།། ཞེས་གསུངས་ཏེ། ངག་གང་མདོ་སྡེ་ལ་འཇུག འདུལ་བ་ལ་སྣང༌། ཆོས་ཉིད་དང་མི་འགལ་ བའི་ཚིག་དེ། གལ་ཏེ་སངས་རྒྱས་ཀྱི་གསུང་ཡིན་པར་འདོད་མོད། འོ་ན་ཉན་ཐོས་ཀྱི་སྡེ་སྣོད་ གསུམ་པོ་དེ་ཡང་བཀའ་མ་ཡིན་པར་འགྱུར་ཏེ་ཐེག་ཆེན་གྱི་མདོ་སྡེ་ལ་མི་འཇུག འདུལ་བ་ལ་ མི་སྣང༌། ཆོས་ཉིད་དང་འགལ་བའི་ཕྱིར། སྐྱོན་མེད་དེ་ཉན་ཐོས་ཉིད་ཀྱི་མདོ་སྡེ་ལ་འཇུག་པ་ ལ་སོགས་པའི་ཕྱིར་སྙམ་ན། འོ་ན་ཐེག་ཆེན་གྱི་ཆོས་ཀྱང་ཐེག་ཆེན་ཉིད་ཀྱི་མདོ་སྡེ་ལ་འཇུག་ པ་ལ་སོགས་པས་བཀར་ཅིས་སྒྲུབ་མི་ནུས། དེས་ན་ཐེག་ཆེན་ཕལ་ཆེར་ཡང་ཁྱོད་ཅག་གི་ མདོ་དང་མཚུངས་ཏེ་གནས་སྐབས་དེ་དང་དེར་གསུངས་པའི་བཀའ་ཡིན་པར་ཅིས་མི་འདོད། 572 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འདིར་མ་ཡིན་ནམ་ཞེས་འདྲི་ཚིག་ལྟ་བུར་བསྒྱུར་བ་ནི་འགྱུར་ནུས་པ་ཆུང་སྟེ་ཅིས་མི་འདོད་ ཅེས་ཁྱོད་ཀྱང་མི་འདོད་བཞིན་དུ་ཁས་ལེན་དགོས་པར་འགྱུར་རོ་ཞེས་པའི་དོན་དུ་འཆད་དོ།། གསུམ་པ་ལྡོག་ཚུལ་གྱིས་དགག་ནུས་ན་རྗེས་འགྲོའི་ཚུལ་གྱིས་སྒྲུབ་ནུས་པར་སྟོན་པ་ནི། གལ་ཏེ་མ་བརྟགས་གཅིག་གིས་ནི།། ཐམས་ཅད་སྐྱོན་དང་བཅས་འགྱུར་ན།། ༤༤ མདོ་མཚུངས་གཅིག་གིས་ཐམས་ཅད་ནི།། རྒྱལ་བས་གསུངས་པ་ཅིས་མ་ཡིན།། ཞེས་གསུངས་ཏེ། གལ་ཏེ་བདག་ཅག་གི་མདོ་ནི་མི་རྟག་པ་སོགས་སྟོན་ལ། ཐེག་ཆེན་ནི་སྟོང་ ཉིད་སྟོན་པས་བཀའ་མ་ཡིན་ནོ་ཞེ་ན། རྣམ་པར་མ་བརྟགས་པའམ་རྒྱུ་མཚན་མི་མཚུངས་ པ་གཅིག་གིས་ནི་གཞུང་ལུགས་དེ་ཐམས་ཅད་སྐྱོན་དང་བཅས་པར་སྒྲུབ་ནུས་པར་འགྱུར་ན། ཐེག་ཆེན་གྱི་མདོ་ཆོས་ཅན། བཀའ་མ་ཡིན་ཏེ། ཉན་ཐོས་ཀྱི་མདོ་ལྟར་མི་རྟག་པ་མ་བསྟན་ པའི་ཕྱིར། ཞེས་སྒྲུབ་ངག་བཀོད་པར་འགྱུར་ལ། འདི་ལ་རྟགས་ཀྱང་མི་འགྲུབ་མོད་ཀྱང་རེ་ ཞིག་ལྡོག་པའི་མཚུངས་པ་བསྒྲེས་ཏེ། འོ་ན་ཐེག་ཆེན་གྱི་མདོ་ཆོས་ཅན། བཀའ་ཡིན་ཏེ། ཉན་ ཐོས་ཀྱི་མདོ་དང་མཚུངས་པར་བདེན་བཞི་དང་བྱང་ཕྱོགས་སོ་བདུན་བསྟན་པའི་ཕྱིར། ཞེས་ ཁྱེད་ཅག་གི་མདོ་དང་མཚུངས་པའི་རིགས་པ་གཅིག་གིས་ཐེག་ཆེན་གྱི་མདོ་ཐམས་ཅད་ནི་ རྒྱལ་བས་གསུངས་པར་ཡང་སྒྲུབ་ནུས་པ་ཅིས་མ་ཡིན། 573 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བཞི་པ་རང་གིས་མ་རྟོགས་པ་གཞན་འགོག་བྱེད་ཀྱི་གཏན་ཚིགས་མ་ཡིན་པར་སྟོན་པ་ནི། ངག་གང་འོད་སྲུང་ཆེན་པོ་ལ།། སོགས་པས་གཏིང་མ་དཔོགས་གྱུར་པ།། ༤༥ དེ་ནི་ཁྱོད་ཀྱིས་མ་རྟོགས་པས།། གཟུང་བྱ་མིན་པར་སུ་ཞིག་བྱེད།། དེ་ནི་ཐེག་དམན་ལ་ཡང་མཚུངས།། ཞེས་གསུངས་ཏེ། དེས་ན་དགོངས་ལྡེམ་དགོངས་རྣམ་པ་མཐའ་ཡས་པའི་དོན་ཅན་གྱི་ཐེག་ པ་ཆེན་པོའི་ངག་གང་དག་འོད་སྲུང་ཆེན་པོ་དང༌། ཤཱ་རིའི་བུ་ལ་སོགས་པ་དག་གིས་ཀྱང་ གཏིང་དཔོགས་པར་མ་གྱུར་ལ། ཤཱ་རིའི་བུ་ལ་ཟབ་མོའི་གནས་མཐའ་དག་དྲིས་པ་ན་སྤོབས་ པ་གཏུགས་པས་ལན་གྱིས་བཀལ་བའི་ཚེ། ཅི་ཁྱོད་དེ་བཞིན་གཤེགས་པས་ཤེས་རབ་ཅན་ གྱི་མཆོག་ཏུ་ལུང་མ་བསྟན་ནམ། ཉན་ཐོས་ཕྱོགས་གཅིག་པའི་ཤེས་པ་དང་ལྡན་པ་རྣམས་ ཀྱི་དབང་དུ་མཛད་ནས་བདག་ཤེས་རབ་ཅན་གྱི་མཆོག་ཏུ་བསྟན་གྱི་བྱང་ཆུབ་སེམས་དཔའ་ བསམ་གྱིས་མི་ཁྱབ་པའི་ཤེས་པ་དང་ལྡན་པ་རྣམས་ཀྱི་དབང་དུ་མཛད་ནས་ནི་མ་ཡིན་ནོ་ ཞེས་ལན་འདེབས་ཤིང༌། བུ་མོ་ཟླ་མཆོག་དང༌། བུད་མེད་འགྱུར་བ་དང༌། དྲི་མ་མེད་པར་ གྲགས་པ་སོགས་ཀྱི་སྤོབས་པས་ཉན་ཐོས་ཆེན་པོ་རྣམས་ཟིལ་གྱིས་ནོན་པར་བསྟན་པའི་ ཕྱིར། དེ་ལྟ་བུའི་བསམ་གྱིས་མི་ཁྱབ་པའི་དོན་ཅན་དེ་ནི་ཁྱེད་ཅག་རྟོག་གེ་ཕྱོགས་གཅིག་པའི་ 574 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཤེས་པ་ཅན་གྱིས་མ་རྟོགས་པ་རྒྱུ་མཚན་དུ་བྱས་ནས་ཐེག་པ་ཆེན་པོ་ཚད་མར་བཟུང་བྱ་མིན་ པར་ཅིའི་ཕྱིར་བྱེད། གལ་ཏེ་ཁ་ཅིག་གིས་མ་ཤེས་པ་ལས་ཡང་དག་མིན་པར་སྒྲུབ་ནུས་ན་དེ་ ནི་ཐེག་དམན་ལ་ཡང་མཚུངས་ཏེ་བ་ལང་གིས་མ་རྟོགས་པའི་ཕྱིར། ལྔ་པ་གཉིས་ཀས་འདོད་པ་དང་རྩོད་བཅས་ཀྱི་རྟགས་ཀྱིས་དངོས་རྟག་གང་དུ་ཡང་ སྒྲུབ་མི་ནུས་པར་བསྟན་པ་ནི། གཞན་གཉིས་འདོད་པས་བདེན་ན་ནི།། ༤༦ རིག་བྱེད་སོགས་ཀྱང་བདེན་པར་འགྱུར།། ཞེས་གསུངས་ཏེ། གཞན་ཡང་ཁྱོད་ཀྱིས། གང་ཕྱིར་གཉིས་ཀ་ལ་འདི་གྲུབ། །ཅེས་ལན་ བཏབ་པ་འདི་ཡང་རྗེས་འགྲོའི་ཚུལ་མ་ངེས་པ་ཡིན་ཏེ། གལ་ཏེ་རྒོལ་བ་རང་གཞན་གཉི་གས་ རེ་ཞིག་གྲུབ་པར་འདོད་པས་བདེན་པ་ཡིན་ན་ནི་རིག་བྱེད་བཞི་སོགས་ཀྱང་བདེན་པར་ཁས་ བླང་བྱར་འགྱུར་ཏེ་ཕྱི་ནང་གཉིས་ཀས་རེ་ཞིག་ཁས་ལེན་པའི་ཕྱིར། ཐེག་ཆེན་རྩོད་བཅས་ཕྱིར་ཞེ་ན།། ལུང་ལ་མུ་སྟེགས་པ་རྣམས་དང༌།། ལུང་གཞན་ལ་ཡང་རང་གཞན་དག། ༤༧ རྩོད་བཅས་ཡིན་ཕྱིར་དོར་བྱར་འགྱུར།། 575 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། གལ་ཏེ་མི་མཚུངས་ཏེ་ཐེག་ཆེན་ནི་བཀའ་ཡིན་མིན་རྩོད་པ་དང་བཅས་ པའི་ཕྱིར་ཞེ་ན། འོ་ན་ཐེག་དམན་གྱི་ལུང་ལ་ཡང༌། ཀྱེ་མ་མང་ཐོས་གང་སྨྲ་བ།། དེ་ནི་སྤྱང་ཀིའི་རྗེས་བཞིན་ནོ།། ཞེས་སོགས་ཀྱིས་ཕྱི་རོལ་གྱི་མུ་སྟེགས་པ་རྣམས་དང་རྩོད་བཅས་ཡིན་ཞིང༌། སངས་རྒྱས་ པའི་ལུང་གཞན་ལ་ཡང་རང་སྡེ་གཞི་ཐམས་ཅད་ཡོད་པར་སྨྲ་བ་དང༌། གཞན་མང་བཀུར་བ་ ལ་སོགས་པ་སྡེ་པ་བཅོ་བརྒྱད་པོ་དག་རྩོད་པ་དང་བཅས་པ་ཡིན་པའི་ཕྱིར་ཐེག་དམན་གྱི་ ལུང་ཡང་དོར་བྱར་ཐལ་བར་འགྱུར་རོ།། གཉིས་པ་རིགས་པས་སྒྲུབ་པ་ལ་གསུམ། སྟོང་ཉིད་མ་རྟོགས་ན་དོན་དམ་གྱི་དགེ་སློང་ དང་མྱང་འདས་མི་འཐོབ་པར་བསྟན། དགྲ་བཅོམ་པ་རྣམས་ཀྱང་ལས་ལས་མ་གྲོ ལ་བར་ བསྟན། སྟོང་ཉིད་མ་རྟོགས་ན་སྐྱེ་བའི་རྒྱུན་མི་འཆད་པར་བསྟན་པའོ། །དང་པོ་ནི། བསྟན་རྩ་དགེ་སློང་ཉིད་ཡིན་ན།། དགེ་སློང་ཉིད་ཀྱང་དཀའ་བར་གནས།། སེམས་ནི་དམིགས་དང་བཅས་རྣམས་ཀྱི།། ༤༨ མྱ་ངན་འདས་པའང་དཀའ་བར་གནས།། 576 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ལྟར་ལུང་གིས་སྒྲུབ་པ་བཤད་ནས་རིགས་པས་སྒྲུབ་པ་ཡང༌། ཐེག་ཆེན་ ལ་མ་བསྟེན་ན་སངས་རྒྱས་ཀྱི་བསྟན་པ་རྫོགས་པར་མི་རྙེད་དེ་བསྟན་པའི་རྩ་བ་ནི་དགེ་སློང་ ཉིད་ཡིན་མོད་ན་ཡང་དགེ་སློང་ཉིད་ཀྱང་ཤིན་ཏུ་དཀའ་བར་གནས་པའི་ཕྱིར། ཅི་འདུལ་བ་ལས། དགེ་སློང་ནི་ལྔ་སྟེ། མིང་གི་དགེ་སློང་དང༌། ཁས་འཆེ་བའི་དགེ་སློང་ དང༌། སློང་བའི་ཕྱིར་དགེ་སློང་དང༌། ཉོན་མོངས་པ་བཅོམ་པའི་དགེ་སློང་ངོ༌། །དེ་ལས་འདིར་ ནི་ཆོས་འདི་པའི་གསོལ་བ་དང་བཞིའི་ལས་ཀྱིས་བསྙེན་པར་རྫོགས་པ་གང་ཡིན་པ་དེ་ནི་ དགེ་སློང་ཞེས་བྱ་བར་དགོངས་སོ། །ཞེས་གསོལ་བཞིའི་ཆོ་གས་སྡོམ་པ་ཕོག་པ་ཉིད་དགེ་ སློང་དུ་གསུངས་པས་དེ་ཙམ་དུ་དཀའ་བ་མ་ཡིན་ནོ་སྙམ་ན། དེ་ནི་རེ་ཞིག་བྱིས་པ་རྗེས་སུ་ བཟུང་བའི་སྒོ་ཙམ་དུ་ཟད་ལ། དགེ་སློང་ཡང་དག་པ་ནི་དོན་དམ་པའི་དགེ་སློང་དུ་དགོངས་ པ་ཡིན་ཞིང་དེ་ནི་ཉོན་མོངས་པ་བཅོམ་པ་ཡིན་ལ། ཉོན་མོངས་པ་རྫོགས་པར་བཅོམ་པ་ནི་ སངས་རྒྱས་ཁོ་ན་ཡིན་པའི་ཕྱིར། དེས་ན་སེམས་ནི་དམིགས་པ་དང་བཅས་པ་རྣམས་ཀྱི་ནི་ མྱ་ངན་ལས་འདས་པ་ཡང་དཀའ་བར་གནས་ཏེ། དམ་ཆོས་པད་དཀར་ལས། ཉན་ཐོས་ཁྱེད་ཅག་མྱ་ངན་མ་འདས་ཏེ།། ཞེས་དང༌། ཐེག་པ་གཅིག་སྟེ་གཉིས་སུ་ཡོད་མ་ཡིན།། བཀྲི་བའི་དོན་དུ་ཐེག་པ་གསུམ་བསྟན་ཏོ།། 577 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དགེ་སློང་ཁྱེད་ཅག་དེ་ཕྱིར་དེ་རིང་ངས།། འདི་ཙམ་གྱིས་ནི་མྱ་ངན་མི་འདའ་སྟེ།། ཁྱེད་ཀྱིས་ཐམས་ཅད་མཁྱེན་པའི་ཡེ་ཤེས་ཕྱིར།། བརྩོན་འགྲུས་རླབས་ཆེན་དམ་པ་བསྐྱེད་པར་གྱིས།། ཞེས་དང༌། འཕགས་པ་ཤཱ་རིའི་བུས། སྔོན་ཚེ་བདག་ནི་ལྟ་ལ་ཆགས་གྱུར་པ།། མུ་སྟེགས་ཅན་གྱིས་བཀུར་བའི་ཀུན་ཏུ་རྒྱུ།། དེ་ནས་མགོན་པོས་བདག་གི་བསམ་མཁྱེན་ནས།། ལྟ་བ་དག ྲོལ་ཕྱིར་མྱ་ངན་འདའ་བ་གསུངས།། ལྟ་བར་གྱུར་པ་དེ་དག་ཀུན་ལས་བཀྲོལ།། བདག་གིས་སྟོང་པ་ཉིད་ཀྱི་ཆོས་ཐོབ་སྟེ།། དེ་ཕྱིར་བདག་ནི་མྱ་ངན་འདས་སྙམ་བགྱིད།། མྱ་ངན་འདས་ཞེས་བགྱི་བ་དེ་མ་ལགས།། གང་ཚེ་སངས་རྒྱས་སེམས་ཅན་གཙོར་གྱུར་ཏེ།། ལྷ་མི་གནོད་སྦྱིན་སྲིན་པོས་མདུན་དུ་བདར།། 578 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སུམ་ཅུ་རྩ་གཉིས་མཚན་གྱི་གཟུགས་ལྡན་པ།། དེ་ཚེ་མ་ལུས་མྱ་ངན་འདས་པ་ལགས།། ཞེས་གསོལ་བ་སོགས་མདོ་མང་པོ་ལས་རྒྱ་ཆེར་བཤད་ཅིང༌། དེས་ན་སངས་རྒྱས་མ་ཐོབ་པར།། མྱ་ངན་འདས་པ་མི་འཐོབ་སྟེ།། འོད་དང་འོད་ཟེར་སྤངས་ནས་ནི།། ཉི་མ་ལྟ་བར་མི་ནུས་བཞིན།། ཞེས་བཅོམ་ལྡན་འདས་བྱམས་པ་བཞེད་པའི་ཕྱིར་དང༌། སྟོང་ཉིད་མ་རྟོགས་ན་དམིགས་པ་ ལས་མི་འདའ་ལ། དམིགས་པ་དང་བཅས་པས་བཟོད་པ་འཐོབ་པ་ནི་གནས་མ་ཡིན་པར་ གསུངས་ན་བཟོད་པ་ཡང་མི་འཐོབ་པ་དེ་ལ་བྱང་ཆུབ་ལྟ་ག་ལ་འཐོབ་པའི་ཕྱིར། གཉིས་པ་དགྲ་བཅོམ་པ་རྣམས་ཀྱང་ལས་ལས་མ་གྲོལ་བར་བསྟན་པ་ནི། ཉོན་མོངས་སྤངས་པས་ག ྲོལ་ན་དེའི།། དེ་མ་ཐག་ཏུ་དེར་འགྱུར་རོ།། ཉོན་མོངས་མེད་ཀྱང་དེ་དག་ལ།། ༤༩ ལས་ཀྱི་ནུས་པ་མཐོང་བ་ཡིན།། 579 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། སྟོང་ཉིད་མ་རྟོགས་ཀྱང་ཉོན་མོངས་པ་ལས་གྲོལ་ན་དེ་ཉིད་བྱང་ཆུབ་བོ་ ཞེ་ན། འོ་ན་ཉོན་མོངས་ལས་གྲོལ་བ་དེའི་དེ་མ་ཐག་ཏུ་སྤངས་པ་ཕུན་སུམ་ཚོགས་པར་ཐལ་ བར་འགྱུར་རོ། །འདོད་མི་ནུས་ཏེ་ཉོན་མོངས་མངོན་གྱུར་པ་མེད་ཀྱང་ཐེག་དམན་གྱི་དགྲ་ བཅོམ་དུ་འདོད་པ་དེ་དག་ལ་སྔོན་མའི་ལས་ཀྱིས་འཕངས་པའི་འབྲས་བུ་མཽངྒལ་གྱི་བུ་ཀུན་ ཏུ་རྒྱུས་ཡན་ལག་བཅོམ་པ་དང༌། འཆར་ཀ་ཆོམ་རྐུན་པའི་དཔོན་གྱིས་དབུ་བཅད་པ་དང༌། སྒུར་ཆུང་ཞག་བདུན་སྨྱུང་བར་གྱུར་པའི་མཐར་ཐལ་སྐྱོ་གསོལ་བ་དང༌། ཉེ་སྡེ་སྦྲུལ་དུག་ཅན་ གྱིས་ཟིན་པ་སོགས་དུ་མ་བཤད་པ་དང༌། ཉོན་མོངས་པའི་བག་ཆགས་དགྲ་བཅོམ་པ་ཆུ་ འཐུང་གིས་ཞེ་སྡང་གི་བག་ཆགས་ལས་གྲེ་ལས་སྐྱེས་ཀྱི་མཆོད་རྟེན་བཤིག་པ་དང༌། ཁ་ཅིག་ བུད་མེད་ལ་བཟང་མོ་ཞེས་འབོད་པ་དང་རྟ་གད་དུ་རྒོད་པ་སོགས་བཤད་པ་དང༌། ཀུན་དགའ་ བོའི་སྲིང་མོའི་བུ་གཉིས་ལོ་བདུན་པ་ལ་དགེ་ཚུལ་དང་དགྲ་བཅོམ་ཐོབ་ནས་ཆུ་ལེན་པ་ན་ བུམ་པ་ནམ་མཁའ་ལ་སྔོན་དུ་བཏང་ནས་བདག་ཉིད་ཕྱི་ནས་འོང་བ་སོགས་རྫུ་འཕྲུལ་གྱི་ རྩེད་མོ་བྱེད་པ་དང༌། བ་ལང་བདག་མཛའ་བའི་བག་ཆགས་ཀྱིས་ཇོ་བོ་གང་པོ་ཞེས་འབོད་པ་ སོགས་ལས་ཀྱི་བག་ཆགས་དང་ལྡན་པར་མཐོང་བ་ཡིན་པའི་ཕྱིར་རོ།། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། སྲེད་འདི་ཉོན་མོངས་ཅན་མིན་ཡང༌།། ༥༠ ཀུན་རྨོངས་བཞིན་དུ་ཅི་སྟེ་མེད།། 580 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཅེས་གསུངས་ཏེ། གལ་ཏེ་དེ་བདེན་མོད་ཀྱང་རེ་ཞིག་སྲིད་པ་ཕྱི་མ་ཉེ་བར་ལེན་པའི་སྲེད་པ་ནི་ མེད་ཅེས་ངེས་པ་ཉིད་དོ་ཞེ་ན། ཉན་རང་གི་དགྲ་བཅོམ་པར་འདོད་པ་དེ་དག་ལ་ཉོན་མོངས་པ་ ཅན་གྱི་མ་རིག་པ་མེད་ཀྱང་ཉོན་མོངས་ཅན་མ་ཡིན་པའི་མ་རིག་པ་ཡོད་པས་ཤེས་བྱ་ཐམས་ ཅད་ལ་ཡེ་ཤེས་འཇུག་མི་ནུས་པ་ཡིན་ལ། དེས་ན་དེ་དག་ལ་སྲེད་པ་འདི་ཡང་ཉོན་མོངས་ཅན་ ཡོད་པ་མིན་ཡང་ཉོན་མོངས་ཅན་མིན་པའི་ཀུན་ནས་རྨོངས་པ་ཡོད་པ་དེ་བཞིན་དུ་ཉོན་མོངས་ ཅན་མ་ཡིན་པའི་སྲེད་པ་ཅི་སྟེ་མེད་དེ། ཁ་ཟས་ཚོལ་བ་དང་སྨན་བསྟེན་པ་སོགས་མཐོང་བའི་ ཕྱིར་རོ། །འོ་ན་སངས་རྒྱས་ལ་ཡང་དེར་ཐལ་ལོ་སྙམ་ན་མ་ཡིན་ཏེ། སངས་རྒྱས་བསོད་སྙོམས་ ལ་གཤེགས་པ་སོགས་ནི་དགོས་པ་ཁྱད་པར་ཅན་ཡོད་པའི་ཕྱིར་རོ།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་གསུངས་ཏེ། གཞན་ཡང་ཉན་རང་དེ་དག་ལ་སྲེད་པ་ཡོད་དེ་ཚོར་བའི་རྐྱེན་གྱིས་སྲེད་པ་ འབྱུང་བ་ཡིན་ལ། ཚོར་བ་ནི་དེ་དག་ལ་ཡང་ཡོད་པའི་ཕྱིར། འོ་ན་སྲེད་པ་ལས་ལེན་པ་དང་ དེ་ལས་སྲིད་པ་འབྱུང་བས་དེ་དག་སྲིད་པར་སྐྱེ་བ་ཡང་ཡོད་པར་ཐལ་ལོ་ཞེ་ན། ལས་ཉོན་ མངོན་གྱུར་པས་འཕངས་པའི་ལེན་སྐྱེ་མེད་ཀྱང་བག་ཆགས་ཕྲ་མོས་བསྒོས་པ་མ་རིག་བག་ ཆགས་ཀྱི་ས་ལ་བརྟེན་པ་བསམ་གྱིས་མི་ཁྱབ་པའི་འཆི་འཕོ་བར་བསྒྱུར་བའི་ལེན་སྐྱེ་ནི་ཡོད་ དེ། དེའི་ཕྱིར་དེ་དག་གིས་མ་རིག་བག་ཆགས་ཀྱི་ས་སྤངས་པའི་གཙང་བ་དམ་པ་དང་བསམ་ 581 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གྱིས་མི་ཁྱབ་པའི་འཆི་འཕོ་སྤངས་པའི་རྟག་པ་དམ་པའི་ཕ་རོལ་ཏུ་སོན་པ་མ་ཐོབ་པར་ དཔལ་ཕྲེང་གི་མདོ་སོགས་ལས་གསུངས་སོ།། གསུམ་པ་སྟོང་ཉིད་མ་རྟོགས་ན་སྐྱེ་བའི་རྒྱུན་མི་འཆད་པར་བསྟན་པ་ནི། དམིགས་པ་དང་ནི་བཅས་པའི་སེམས།། ༥༡ འགའ་ཞིག་ལ་ནི་གནས་པར་འགྱུར།། སྟོང་ཉིད་དང་ནི་བྲལ་བའི་སེམས།། འགགས་པ་སླར་ཡང་སྐྱེ་འགྱུར་ཏེ།། འདུ་ཤེས་མེད་པའི་སྙོམས་འཇུག་བཞིན།། ༥༢ ཞེས་གསུངས་ཏེ། དེས་ན་ཡུལ་གང་ལ་དམིགས་པ་དང་བཅས་པའི་སེམས་ཀྱིས་ཏིང་ངེ་ འཛིན་འགའ་ཞིག་ལ་ནི་བསྐལ་པ་མང་པོར་གནས་པར་འགྱུར་བ་ཡོད་མོད་ཀྱང་སྙིང་པོར་མི་ ཆེ་སྟེ། སྟོང་པ་དེ་ཁོ་ན་ཉིད་རྟོགས་པ་དང་ནི་བྲལ་བའི་སེམས་ནི་ལན་གཅིག་འགགས་པ་ན་ ཡང་སླར་ཡང་རྐྱེན་གཞན་ལས་སྐྱེ་བར་འགྱུར་ཏེེ་ཇི་ལྟར་འདུ་ཤེས་མེད་པ་པའི་སྙོམས་འཇུག་ བསྐལ་པ་ཆེན་པོ་བརྒྱད་ཁྲི་བཞི་སྟོང་སོགས་སུ་སེམས་རྒྱུན་ཆད་ཀྱང་སླར་ཡང་སད་དེ་འཁོར་ བའི་གནས་གཞན་དུ་སྐྱེ་བ་བཞིན་ནོ།། གསུམ་པ་གཉི་གའི་བྱེད་པ་བསྡུ་བ་ལ་གསུམ། སྟོང་པ་ཉིད་བསྒོམས་པའི་འབྲས་བུ་ བཤད། ཐེ་ཚོམ་སྤོང་བར་གདམས། ཤིན་ཏུ་སྒོམ་རིགས་པར་བསྟན་པའོ། །དང་པོ་ནི། 582 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེས་ན་སྟོང་ཉིད་བསྒོམ་པར་བྱ།། རྨོངས་པ་སྡུག་བསྔལ་ཅན་དོན་དུ།། ཆགས་དང་འཇིགས་མཐའ་ལས་གྲོ ལ་བར།། འཁོར་བར་གནས་པ་འགྲུབ་འགྱུར་བ།། ༥༣ འདི་ནི་སྟོང་ཉིད་འབྲས་བུ་ཡིན།། ཞེས་གསུངས་ཏེ། དེས་ན་སྒོམ་པ་པོ་བདག་དང་གང་ཟག་སུ་ཡང་མ་དམིགས་ཤིང་གང་ བསྒོམ་པར་བྱ་བ་འདུས་བྱས་སམ་འདུས་མ་བྱས་སམ་རྟག་པའམ་མི་རྟག་པའམ་བདེན་ པའམ་བརྫུན་པའི་རྣམ་པ་ཅི་ཡང་མ་མཐོང་བས་འདུ་ཤེས་ཅི་ཡང་མི་ལེན་ཅིང་མི་འདོར་ལ་ གང་ཞིག་ཇི་ལྟར་དུ་སྒོམ་པའི་ཚུལ་ཅིར་ཡང་མི་དམིགས་ལ་དམིགས་པ་དང་མ་དམིགས་པར་ འཛིན་པ་ཡང་ཤེས་པ་དྲི་མ་མེད་པའི་མདུན་ན་མེད་པས་སུ་ཞིག་གང་དུ་ཅི་ལ་ཡང་མི་གནས་ ཤིང་ཅིའི་རྣམ་པར་ཡང་མ་མཐོང་བ་འདི་ནི་ཡང་དག་པའི་དོན་མཐོང་བ་དང་གང་དུ་སུས་ཅི་ ཡང་སྒོམ་དུ་མེད་པར་ཤེས་པས་དེ་ཉིད་ལས་མི་གཡོ་བ་ནི་སྟོང་པ་ཉིད་སྒོམ་པ་ཞེས་བྱ་བ་ ཡིན་ཏེ། མདོ་ལས། དེས་གང་གི་ཚེ་སེམས་དང་དམིགས་པ་ཡང་དག་པར་རྗེས་སུ་མི་མཐོང་ བ་དེའི་ཚེ་ཡང་དག་པ་མཐོང་བ་ཡིན་པས་ཞེས་སོགས་རྒྱ་ཆེར་བཤད་ལ། སྟོང་པ་ཉིད་འདི་ ལ་གནས་པ་ནི་བྱམས་པའི་མཆོག་དང༌། ཕ་རོལ་ཏུ་ཕྱིན་པ་ཐམས་ཅད་དང༌། དམ་པའི་ཆོས་ ཡོངས་སུ་འཛིན་པའི་མཆོག་དང༌། ཚུལ་ཁྲིམས་དག་པའི་མཆོག་ཡིན་པ་མདོ་སྡེ་རྒྱ་མཚོ་ལྟ་ 583 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བུ་ལས་མང་དུ་བཤད་དོ། །དེའི་ཕྱིར་ཡང་དག་པའི་དོན་དམིགས་པ་ཐམས་ཅད་ལས་འདས་ པ་འདི་ཉིད་ཁོ་ན་ཅི་ཡང་མི་སྒོམ་པའི་ཚུལ་གྱིས་བསྒོམ་པར་བྱའོ།། དེས་ན་དམིགས་པ་སྣ་ཚོགས་ཀྱིས་ཐོག་མ་མེད་པ་ནས་རྨོངས་པ་སྡུག་བསྔལ་གྱི་རྒྱུ་ལ་ གཅིག་ཏུ་བརྩོན་ཞིང་འབྲས་བུ་ལ་སྡང་བར་ལྟ་བ་རང་གིས་རང་སྡུག་བསྔལ་བ་ཅན་དུ་བྱས་པ་ རང་གཡོས་ཀྱི་འདམ་དུ་རང་ཚུད་ནས་ཅི་བྱ་གཏོལ་དང་བྲལ་བ་འདི་རྣམས་ཀྱི་དོན་དུ་རྩེ་གཅིག་ ཏུ་འབད་པ་སྨན་པ་མཁས་པ་ནད་པའི་དོན་དུ་འབད་པ་ལྟར་གྱུར་ཅིང༌། དེ་ཁོ་ན་ཉིད་ཤེས་པས་ བྱིས་པ་གང་དུ་བྱིང་བའི་འདམ་གྱི་ཟབ་ཐུང་ཞིང་མཆུ་ཞེང་ཆུང་བར་ཤེས་པ་ལྟར་འཁོར་བའི་རང་ བཞིན་ཁོང་དུ་ཆུད་པས་རང་ཉིད་འདམ་ལྟ་བུའི་འཁོར་བ་ལ་ཆགས་པ་དང་འཇིགས་པ་གཉིས་ ཀ་ལས་ག ྲོལ་བར་གྱུར་ཞིང་སེམས་ཅན་འབྱིན་པའི་ནུས་པའང་བདག་ཉིད་ལ་ཡོད་པར་ཤེས་ ནས་ནམ་མཁའ་ཇི་སྲིད་པར་འཁོར་བར་གཞན་དོན་དུ་གནས་པ་འགྲུབ་པར་འགྱུར་བ་འདི་ནི་ སྟོང་པ་ཉིད་བསྒོམས་པའི་དངོས་ཀྱི་འབྲས་བུ་ཡིན་ཏེ། བཅོམ་ལྡན་འདས་བྱམས་པས། བདག་སྲེད་མ་ལུས་ཤེས་རབ་ཀྱིས་བཅད་དེ།། སེམས་ཅན་སྲེད་ཕྱིར་བརྩེ་ལྡན་ཞི་འཐོབ་མིན།། དེ་ལྟར་བློ་བརྩེ་བྱང་ཆུབ་ཐབས་བསྟེན་པས།། འཕགས་པ་འཁོར་བའམ་མྱ་ངན་འདས་མི་འགྱུར།། ཞེས་དང༌། 584 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཤེས་པས་སྲིད་ལ་མི་གནས་ཤིང༌།། སྙིང་རྗེས་ཞི་ལ་མི་གནས་དང༌།། ཞེས་སོ།། གཉིས་པ་ཐེ་ཚོམ་སྤོང་བར་གདམས་པ་ནི། དེ་བས་སྟོང་པ་ཉིད་ཕྱོགས་ལ།། སུན་འབྱིན་པ་ནི་འཐད་མ་ཡིན།། དེས་ན་ཐེ་ཚོམ་མི་ཟ་བར།། ༥༤ སྟོང་པ་ཉིད་ནི་བསྒོམ་པར་བྱ།། ཞེས་གསུངས་ཏེ། ཇི་ལྟར་འབྲས་བུ་ལོ་ཏོག་འདོད་ལ་རྒྱུ་སོ་ནམ་འགོག་པ་ནི་འཇིག་རྟེན་ ན་གནག་རྫིས་ཀྱང་དམད་པར་བྱ་བ་ཡིན་པ་དེ་བས་ན། འབྲས་བུ་བྱང་ཆུབ་འདོད་པ་རྣམས་ ཀྱིས་རྒྱུ་སྟོང་པ་ཉིད་ཀྱི་ཕྱོགས་ལ་སུན་འབྱིན་པ་དང་སྐུར་བ་འདེབས་པ་ནི་འཐད་པ་མ་ཡིན་ ནོ། །དེས་ན་སྡིག་གྲོགས་ཀྱི་ངག་ལ་ཡིད་མི་རྟོན་ཞིང་ཐེ་ཚོམ་མི་ཟ་བར་སྟོང་པ་ཉིད་དངོས་ པོའི་གནས་ལུགས་ཆོས་ཐམས་ཅད་ཀྱི་ངོ་བོ་ཉིད་གང་ཡིན་པ་འདི་ཁོ་ན་སྒོམ་པར་བྱའོ།། གསུམ་པ་ཤིན་ཏུ་སྒོམ་རིགས་པར་བསྟན་པ་ནི། ཉོན་མོངས་ཤེས་བྱའི་སྒྲིབ་པ་ཡི།། མུན་པའི་གཉེན་པོ་སྟོང་པ་ཉིད།། 585 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། མྱུར་དུ་ཐམས་ཅད་མཁྱེན་འདོད་པས།། ༥༥ དེ་ནི་ཇི་ལྟར་སྒོམ་མི་བྱེད།། ཅེས་གསུངས་ཏེ། དེ་ལྟ་མོད་ཀྱི་ཉོན་མོངས་པ་དང་ཤེས་བྱའི་སྒྲིབ་པའི་ཚོགས་ནང་གི་མུན་པ་ སྟུག་པོ་དེ་ཁོ་ན་ཉིད་ལ་སྒྲིབ་པར་བྱེད་པ་འདིའི་དངོས་ཀྱི་གཉེན་པོ་ནི་སྟོང་པ་ཉིད་ཁོ་ན་ཡིན་ ཏེ། ཚོགས་སྦྱོར་དུ་སྟོང་ཉིད་ལ་མོས་པས་ཞུགས་པ་ལས་མཐོང་བའི་ལམ་དུ་ནམ་མཁའ་ཐ་ དད་མེད་པ་ལྟ་བུའི་སྟོང་ཉིད་ཀུན་འགྲོའི་ཚུལ་གྱིས་རྟོགས་ཤིང་སྒོམ་པའི་ལམ་རྣམས་སུ་གློ་ བུར་གྱི་དྲི་མ་བསལ་སྟོབས་ཀྱིས་འཇིག་རྟེན་གྱི་ཁམས་ཚད་མེད་པའི་ནམ་མཁའ་ནས་སྐྲ་རྩེ་ བྱེ་བའི་ཆའི་སྦུབས་ཀྱི་ནམ་མཁའི་བར་རེ་རེ་ཞིང་གི་རྒྱ་ཚད་དང་ཁྱད་པར་རྣམས་ཀྱང་ཇི་ལྟ་ བར་ཁོང་དུ་ཆུད་པ་ལྟ་བུར་སྟོང་པ་ཉིད་ཡོན་ཏན་གྱི་རྣམ་པ་ཐམས་ཅད་པ་རེ་རེ་ཞིང་མངོན་དུ་ བྱས་ཏེ། མཐར་གཅིག་དང་ཐ་དད་ལས་འདས་པའི་ནམ་མཁའི་ཁམས་དུས་གསུམ་གྱིས་ བསྡུས་པ་ཐམས་ཅད་སྐད་ཅིག་གིས་ཅིག་ཆར་དུ་ཁོང་དུ་ཆུད་པ་ལྟར་སངས་རྒྱས་དང༌། བྱང་ ཆུབ་སེམས་དཔའ་དང༌། ཉན་ཐོས་དང༌། རང་སངས་རྒྱས་དང༌། སེམས་ཅན་ཐམས་ཅད་ དང༌། ཕུང་པོ་ལྔ་དང༌། ཁམས་བཅོ་བརྒྱད་དང་སྐྱེ་མཆེད་བཅུ་གཉིས་དང་སྤང་བྱ་དང་ཐོབ་ བྱ་ཐམས་ཅད་ལ་རྟག་པར་རྗེས་སུ་ཞུགས་པའི་ཆོས་དབྱིངས་སམ་སྟོང་ཉིད་དེ་ཐམས་ཅད་ གཅིག་པ་དང་ཐ་དད་པ་ལས་འདས་པ་ཇི་ལྟ་བ་ཉིད་དུ་སྐད་ཅིག་གིས་ཅིག་ཆར་ཁོང་དུ་ཆུད་ པ་ན་རྫོགས་པའི་སངས་རྒྱས་ཐོབ་བོ། །ཞེས་འཇིག་རྟེན་ཀུན་རྫོབ་ལ་བལྟོས་ནས་རྣམ་པར་ འཇོག་གོ །དེས་ན་མྱུར་དུ་ཐམས་ཅད་མཁྱེན་པ་ཉིད་འཐོབ་པར་འདོད་ཀྱང་རུང་གཞན་དོན་དུ་ 586 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ནམ་མཁའ་ཇི་སྲིད་པར་འཁོར་བར་གནས་པར་འདོད་པ་བྱང་ཆུབ་སེམས་དཔའ་འདོད་ཆེན་ པའི་བརྟུལ་ཞུགས་འཛིན་པས་ཀྱང་རུང་སྟེ་དེ་འཐོབ་པའི་རྒྱུ་ནི་སྟོང་ཉིད་ཤེས་པ་ཁོ་ན་ཡིན་ པས་སྟོང་པ་ཉིད་དེ་ནི་ཇི་ལྟར་ན་སྒོམ་པར་མི་བྱེད་དེ་འདི་ཁོ་ན་སྒོམ་པར་རིགས་སོ།། དངོས་གང་སྡུག་བསྔལ་སྐྱེད་བྱེད་པ།། དེ་ལ་སྐྲག་པ་སྐྱེ་འགྱུར་མོད།། སྟོང་ཉིད་སྡུག་བསྔལ་ཞི་བྱེད་པ།། དེ་ལ་འཇིགས་པ་ཇི་ལྟར་སྐྱེ།། ༥༦ ཞེས་གསུངས་ཏེ། བདག་ཅག་ནི་མ་སྦྱངས་པས་སྟོང་ཉིད་ལ་སྐྲག་གོ་ཞེ་ན། དངོས་པོ་གང་སྡུག་ བསྔལ་སྐྱེད་པར་བྱེད་པ་དེ་ལ་སྐྲག་པ་སྐྱེ་བར་འགྱུར་བ་ནི་འཇིག་རྟེན་ན་རིགས་མོད་ཀྱང་ཕན་ པར་བྱེད་པ་དེ་ལ་སྐྲག་པ་ནི་འཇིག་རྟེན་ན་མི་རིགས་པར་འཇོག་སྟེ། ནད་ལ་སྐྲག་པར་བྱེད་ཀྱི་ སྨན་དང་སྨན་པ་ལ་སྐྲག་པར་མི་བྱེད་པ་བཞིན་ནོ། །དེས་ན་སྟོང་པ་ཉིད་འདིས་ནི་དངོས་འཛིན་ གྱི་ནད་དང་སྡུག་བསྔལ་ཐམས་ཅད་ཞི་བར་བྱེད་པའི་ཕྱིར། སྨན་དང་སྨན་པའི་མཆོག་ལྟ་བུ་ཡིན་ ན་དེ་ལ་འཇིགས་པ་ཇི་ལྟར་སྐྱེ་སྟེ་འདི་ནི་ཐེ་ཚོམ་མེད་པར་དད་པར་བྱ་བ་ཡིན་ནོ།། གསུམ་པ་སྟོང་ཉིད་སྒོམ་ཚུལ་ལ་གཉིས། གང་ཟག་གི་བདག་མེད་སྒོམ་པ་དང༌། ཆོས་ ཀྱི་བདག་མེད་སྒོམ་པའོ། །དང་པོ་ལ་ལྔ། སྤྱིར་བདག་མ་གྲུབ་པར་སྟོན་པ། བྱེ་བྲག་ཏུ་གྲངས་ ཅན་པའི་འདོད་པ་དགག་པ། རིགས་པ་ཅན་པ་དགག་པ། བདག་མེད་ཀྱང་ལས་འབྲས་མི་ 587 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འགལ་བ། ཞར་ལ་དཔྱོད་པ་བ་དང་རང་སྡེ་གནས་མ་བུ་པའི་གང་ཟག་འགོག་པའོ། །དང་ པོ་ལ་གསུམ། སྐྲག་པ་པོའི་བདག་མེད་པར་བསྟན་པ། ལུས་བདག་མ་ཡིན་པར་བསྟན་པ། སེམས་བདག་མ་ཡིན་པར་བསྟན་པའོ། །དང་པོ་ནི། གལ་ཏེ་བདག་འགའ་ཡོད་ན་ནི།། ཅི་ཡང་རུང་ལས་འཇིགས་འགྱུར་ན།། བདག་ཉིད་འགའ་ཡང་ཡོད་མིན་པས།། འཇིགས་པར་འགྱུར་བ་སུ་ཞིག་ཡིན།། ༥༧ ཞེས་གསུངས་ཏེ། དེ་ཡང༌། སྟོང་ཉིད་སྡུག་བསྔལ་ཞི་བྱེད་པ། །དེ་ལ་འཇིགས་པ་ཇི་ལྟར་ སྐྱེ། །ཞེས་སྟོང་ཉིད་འཇིགས་པའི་གནས་མིན་པར་བསྟན་ནས། དེ་ལྟ་མོད་ཀྱི་གལ་ཏེ་ འཇིགས་པ་པོ་བདག་འགའ་ཞིག་ཡོད་ན་ནི་འཇིགས་གནས་ཅི་ཡང་རུང་བ་ལ་འཇིགས་པར་ འགྱུར་ལ་རག་མོད་ནའང་བདག་ཉིད་ནི་འགའ་ཞིག་སྟེ་ཆུང་ངུ་ཙམ་ཡང་ཡོད་པ་མིན་པས་ འཇིགས་པར་མི་རིགས་ཏེ། ཐོག་མར་འཇིགས་པར་འགྱུར་བ་པོ་དེ་སུ་ཞིག་ཡིན་བརྟག་པར་ བྱོས་ཤིག་གོ། གཉིས་པ་ལུས་བདག་མ་ཡིན་པར་བསྟན་པ་ནི། སོ་དང་སྐྲ་སེན་བདག་མ་ཡིན།། བདག་ནི་རུས་པ་ཁྲག་མ་ཡིན།། 588 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སྣབས་མིན་བད་ཀན་མ་ཡིན་ཏེ།། ཆུ་སེར་དང་ནི་རྣག་ཀྱང་མིན།། ༥༨ བདག་ནི་ཞག་དང་རྡུལ་མིན་ཏེ།། གློ་མཆིན་དག་ཀྱང་བདག་མ་ཡིན།། ནང་རོལ་གཞན་ཡང་བདག་མིན་ཏེ།། བདག་ནི་ཕྱི་ས་གཅིན་མ་ཡིན།། ༥༩ ཤ་དང་པགས་པ་བདག་མིན་ཏེ།། དྲོད་དང་རླུང་ཡང་བདག་མ་ཡིན།། བུ་ག་བདག་མིན་་་་་་་་་་་་་་་་་་་་་་༌།། ཞེས་གསུངས་ཏེ། གལ་ཏེ་ལུས་བདག་གོ་ཞེ་ན། ཡན་ལག་གི་ཚོགས་པ་ལས་གཞན་པའི་ ལུས་ནི་མེད་ལ་ཡན་ལག་དེ་རྣམས་ནི་བདག་མ་ཡིན་ཞིང་དེ་རྣམས་ལ་ཡང་བདག་མེད་དེ། འདི་ལྟར་སོ་དང་སྐྲ་དང་སེན་མོ་ནི་རུས་པ་དང་སྤུ་ཡིན་གྱི་བདག་མ་ཡིན་ལ་བདག་ནི་རུས་ པ་དང་སྤུ་ལ་སོགས་པར་མི་རིགས་སོ། །དེ་བཞིན་དུ་ཁྲག་ནི་བདག་མ་ཡིན་ལ་བདག་ཀྱང་ ཁྲག་མ་ཡིན་ནོ། །སྣབས་མིན་བད་ཀན་མ་ཡིན་ཏེ། ཆུ་སེར་དང་ནི་རྣག་ཀྱང་མིན་ཏེ་དེ་དག་ནི་ 589 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ལྗན་ལྗིན་ཡིན་ལ། བདག་ལྗན་ལྗིན་དུ་མི་རིགས་ཤིང་ལྗན་ལྗིན་བདག་ཏུ་ཡང་མི་རིགས་པའི་ ཕྱིར། བདག་ནི་ཞག་དང་རྡུལ་མིན་ཏེ། དེ་གཉིས་ནི་ནང་གི་ཆུ་ཁམས་སུ་ཟད་དོ། །གློ་མཆིན་ དག་ཀྱང་བདག་མ་ཡིན། ནང་རོལ་གཞན་ཡང་བདག་མིན་ཏེ་དེ་དག་ནི་ཤར་ཟད་པའི་ཕྱིར། བདག་ནི་ཕྱི་ས་གཅིན་མ་ཡིན་ཏཻ་དེ་གཉིས་ནི་ཟས་སྐོམ་གྱི་སྙིགས་མ་ཡིན་པའི་ཕྱིར། ཤ་ དང་པགས་པ་དང་རུས་པ་དང་རྩ་དང་རྒྱུས་པ་ཡང་བདག་མ་ཡིན་ཏེ། དུར་ཁྲོད་དུ་བོར་བའི་ ཤ་སོགས་བདག་དང་བདག་གི་གང་ཡང་མ་ཡིན་པར་མཐོང་ལ་ལུས་འདིའི་ཤ་སོགས་དང་ དེ་དག་ལ་ཁྱད་པར་མ་མཐོང་བའི་ཕྱིར། དེ་རྣམས་ཀྱིས་ལུས་ཀྱི་ས་ཁམས་དང༌། ཆུ་ཁམས་ བདག་མ་ཡིན་པར་བསྟན་ལ། དེ་བཞིན་དུ་དྲོད་མེའི་ཁམས་དང་རླུང་འབྱུང་འཇུག་གནས་པ་ དབུགས་ཀྱི་ཆ་ཡང་བདག་མ་ཡིན་ཏེ། ཇི་ལྟར་ཐབ་ཀའི་མེ་བདག་མ་ཡིན་པ་དང་སྦུད་པའི་ རླུང་བདག་མ་ཡིན་པ་བཞིན་ནོ། །རྣ་བ་ལ་སོགས་པ་ནང་གི་བུ་ག་གཞན་དང་གཞན་རྣམས་ ཀྱང་བདག་མ་ཡིན་ཏེ། ཕྱིའི་སྐར་ཁུང་བདག་མ་ཡིན་པ་བཞིན་ནོ།། གསུམ་པ་སེམས་བདག་མ་ཡིན་པར་བསྟན་པ་ནི། ་་་་་་་་་་་་་་་་་་་་་་་་་་་་་་་་་་རྣམ་ཀུན་ཏུ།། རྣམ་ཤེས་དྲུག་ཀྱང་བདག་མ་ཡིན།། ༦༠ ཞེས་གསུངས་ཏེ། གལ་ཏེ་ལུས་བདག་མ་ཡིན་མོད་སེམས་བདག་ཡིན་ནོ་ཞེ་ན། རྣམ་པ་ ཀུན་ཏུ་ཡུལ་ལ་འཇུག་པའི་མིག་གི་རྣམ་ཤེས་ལ་སོགས་པ་དྲུག་པོ་འདི་དག་ཀྱང་བདག་མ་ 590 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཡིན་ཏེ། འདི་དག་ནི་ཡུལ་གཟུགས་སོགས་ལ་བརྟེན་ནས་སྐྱེ་ཡི་བདག་ནི་རྐྱེན་ལ་རག་ལས་ པར་མི་རིགས་པ་དང་བདག་གི་མིག་གི་རྣམ་ཤེས་ཞེས་འདི་དག་ལ་བདག་གི་བའི་འདུ་ཤེས་ འཇུག་པའི་ཕྱིར། བདག་ཡིན་ན་བདག་གི་བར་འགལ་ཏེ་བདག་ཀྱང་ཡིན་ལ། བདག་གི་ རྟ་ཡང་ཡིན་པ་མི་སྲིད་པ་ལྟ་བུའི་ཕྱིར། ཚོགས་དྲུག་པོ་ལས་གཞན་པའི་སེམས་ཀྱང་མེད་དེ། རྣམ་པར་ཤེས་པ་ནི་ཤེས་པའི་ཚོགས་གཅིག་ཁོ་ན་ཡིན་ལ་དེ་ཉིད་ཡུལ་གྱི་དབང་གིས་དྲུག་ ཏུ་བཞག་པའི་ཕྱིར། ཀུན་གཞིའི་རྣམ་ཤེས་བདག་གོ་ཞེ་ན། དེ་ནི་ཐེག་ཆེན་གྱི་སྐབས་ལས་ གཞན་དུ་མ་བསྟན་ཏེ། ལེན་པའི་རྣམ་པར་ཤེས་པ་ཟབ་ཅིང་ཕྲ།། ས་བོན་ཐམས་ཅད་ཆུ་བོ་བཞིན་དུ་འབབ།། བདག་ཏུ་རྟོག་པར་གྱུར་ན་མི་རུང་ཞེས།། དེ་ནི་བྱིས་པ་རྣམས་ལ་ངས་མ་བསྟན།། ཞེས་སོ། །ཀུན་གཞིའི་རྣམ་ཤེས་རྣམ་པར་བཞག་པའི་ཚེ་ནའང་དེ་ཡང་བདག་མ་ཡིན་ཏེ་དེ་ ལ་ཡང་བདག་གི་བའི་འདུ་ཤེས་འཇུག་པའི་ཕྱིར་དང༌། སྤྱིར་རྒྱུ་མེད་དུ་ལྟ་བ་ལྡོག་ཕྱིར་ཀུན་ གཞི་ནི་དགོངས་པས་གསུངས་ཀྱི་ངོ་བོ་ཉིད་ཀྱིས་ཡོད་པ་མ་ཡིན་ཏེ། སངས་རྒྱས་ཀྱི་སར་ མི་གནས་པའི་ཕྱིར་དང་མཐར་ཐུག་ཀུན་གཞི་མེད་པའི་ཆོས་ཀྱི་འཁོར་ལོ་གཙོ་བོར་སྟོན་པའི་ ཕྱིར་དང༌། གང་ཀུན་གཞི་འདོད་པ་དེ་ནི་ཆོས་འདོད་པ་མ་ཡིན་ནོ། །ཞེས་གསུངས་པའི་ཕྱིར། 591 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ལུས་སེམས་དེ་དག་ལས་གཞན་པའི་བདག་ཡོད་ན་རང་ཉིད་ལ་སྣང་བར་རིགས་ཏེ་རང་ཉིད་ ལ་རང་ལྐོག་ཏུ་གྱུར་པ་མི་སྲིད་པའི་ཕྱིར། དེ་ཡང་མི་སྣང་བ་ལས་ན་བདག་དེ་ནི་ཀུན་རྫོབ་ བམ་དོན་དམ་དུའང་རུང་དཔྱད་པའམ་ཐ་སྙད་དུའང་རུང་སྟེ་ནམ་དུ་ཡང་སྲིད་པ་མ་ཡིན་ནོ།། གཉིས་པ་བྱེ་བྲག་ཏུ་གྲངས་ཅན་པའི་འདོད་པ་དགག་པ་ལ་བཞི། སྒྲ་འཛིན་རྟག་པ་ བཀག དེས་གཟུགས་འཛིན་པ་བཀག བལྟོས་པའི་དཔེ་བརྗོད་པ་བཀག རྟག་པ་དང་གཅིག་ པུར་བདེན་པ་བཀག་པའོ། །དང་པོ་ནི། དེ་ལ་གྲངས་ཅན་པ་ན་རེ། ཤེས་པ་ནི་བདག་ཡིན་ལ་དེ་དང་བཅས་པའི་སྐྱེས་བུ་ནི་རང་ གི་ངོ་བོ་སྟེ། དེའི་འདོད་པ་ལས་རྡུལ་མུན་སྙིང་སྟོབས་གསུམ་ཆ་མཉམ་པ་ནི་རང་བཞིན་ཏེ་ རྟག་པ་ཡིན་ལ། ཆ་མི་མཉམ་པ་ནི་འགྲོ་བ་ཞེས་བྱ་བ་སྐྱེ་འཇིག་ཅན་ཡིན་ཞིང་རྟག་པ་དང་ འདྲེས་པ་ལས་ཆེན་པོའམ་བློ། དེ་ལས་ང་རྒྱལ། དེ་ལས་སྒྲ་སོགས་དེ་ཙམ་ལྔ་བློ་མེ་ལོང་ངོས་ གཉིས་པ་ལྟ་བུ་ལ་འཕོས་པ་ལས་བདག་ལ་གཟུགས་བརྙན་ལྟར་སྣང་ཞིང་མྱོང་ལ་བློས་ཞེན་ པ་དེ་སྐྱེས་བུས་སེམས་པར་བྱེད་དོ། །དེས་ན་བདག་དེ་ནི་རྟག་ཏུ་སྒྲའི་ཤེས་པ་ལ་སོགས་པའི་ རང་བཞིན་ཅན་ཡིན་ནོ། །ཞེས་ཟེར་རོ། །དེ་དགག་པ་ནི། གལ་ཏེ་སྒྲ་ཡི་ཤེས་རྟག་ན།། ཐམས་ཅད་ཚེ་ན་སྒྲ་འཛིན་འགྱུར།། ཞེས་གསུངས་ཏེ། གལ་ཏེ་ཁྱོད་ལྟར་སྒྲའི་ཤེས་པ་དེ་རྟག་པ་ཡིན་ན་ནི་འོ་ན་དུས་ཐམས་ཅད་ 592 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཀྱི་ཚེ་ན་ཤེས་པས་སྒྲ་འཛིན་པས་སྒྲ་རྒྱུན་མི་འཆད་པར་གྲག་པར་ཐལ་བའི་ཕྱིར། དུང་འབུད་ པ་དང་པི་ཝང་སྒྲེང་བ་སོགས་ཀྱི་རྩོལ་བ་ལ་མ་ལྟོས་པར་དུང་སྒྲ་དང་པི་ཝཾ་གི་སྒྲ་རྒྱུན་མི་ འཆད་པར་འགྱུར་རོ།། ཤེས་བྱ་མེད་ན་ཅི་རིགས་ན།། གང་གིས་ཤེས་པ་ཞེས་བརྗོད་བྱེད།། ༦༡ ཅེས་གསུངས་ཏེ། རེས་འགའ་ཡུལ་སྒྲ་མི་ཉེ་བས་དེ་ཡི་ཚེ་སྒྲ་མི་འབྱུང་ངོ་ཞེ་ན། ཤེས་བྱ་སྒྲ་མི་ ཉེ་བས་མེད་པ་དེའི་སྐབས་ན་ཤེས་པ་དེས་ཅི་ཞིག་རིག་ན་གང་གིས་དེ་ལ་སྒྲའི་ཤེས་པ་ཞེས་ བརྗོད་པར་བྱེད་པ་སྨོས་ཤིག། གལ་ཏེ་ཤེས་མེད་ཤེས་ཡིན་ན།། ཤིང་ཡང་ཤེས་པར་ཐལ་བར་འགྱུར།། ཞེས་གསུངས་ཏེ། གལ་ཏེ་ཤེས་བྱ་སྒྲ་མེད་པ་དེའི་ཚེ་ཡང་སྒྲའི་ཤེས་པ་ཡིན་ནོ་ཞེ་ན། འོ་ན་ ཡུལ་ཤེས་མི་དགོས་པའི་ཕྱིར་ལྗོན་ཤིང་ཡང་ཤེས་པར་ཐལ་བར་འགྱུར་རོ།། དེས་ན་ཤེས་བྱ་ཉེར་གནས་པ།། མེད་པར་ཤེས་པ་མེད་ཅེས་ངེས།། ༦༢ ཞེས་གསུངས་ཏེ། དེས་ན་ཤེས་བྱ་ཉེ་བར་གནས་པ་མེད་པར་ཤེས་པ་སྐྱེ་བ་མེད་ཅེས་ངེས་ 593 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། པའི་ཕྱིར་སྒྲ་མེད་ན་ཡང་སྒྲ་འཛིན་གྱི་ཤེས་པ་ཡོད་པར་མ་སྨྲ་ཞིག། གཉིས་པ་དེས་གཟུགས་འཛིན་པ་བཀག་པ་ནི། དེ་ཉིད་ཀྱིས་ནི་གཟུགས་ཤེས་ན།། དེ་ཚེ་ཐོས་པའང་ཅི་སྟེ་མིན།། ཞེས་གསུངས་ཏེ། གལ་ཏེ་སེམས་པ་རྟག་པ་དེ་ཉིད་ཀྱིས་ནི་སྒྲ་མི་ཤེས་པའི་ཚེ་ནའང་ཡུལ་ ཉེ་བ་ན་གནས་པའི་གཟུགས་ཤེས་སོ་ཞེ་ན། འོ་ན་དེའི་ཚེ་སྒྲ་ཐོས་པའང་ཅིས་ཏེ་མིན་ཏེ་སྒྲའི་ ཤེས་པར་རྟག་པའི་ཕྱིར། གཞན་ཡང་དུང་དཀར་མཐོང་བ་ན་དུང་སྒྲ་ཐོས་དགོས་པར་འགྱུར་ ཏེ། དུང་དཀར་དེ་དུང་སྒྲའི་རྟེན་ཡིན་ལ། སེམས་རྟག་པ་དེས་ཉེ་བའི་དུང་གཟུགས་མཐོང་ཞིང་ དུང་སྒྲ་དང་དུང་གཟུགས་ལ་ཡུལ་ཉེ་རིང་གི་ཁྱད་མེད་པའི་ཕྱིར་ཞེས་པར་ཡང་འཐོབ་བོ།། གལ་ཏེ་སྒྲ་མི་ཉེ་ཕྱིར་ན།། དེ་ན་དེ་ཡི་ཤེས་པའང་མེད།། ༦༣ ཅེས་གསུངས་ཏེ། གལ་ཏེ་ཡུལ་སྒྲ་ཐག་མི་ཉེ་བའི་ཕྱིར་ན་སྒྲ་མེད་དོ་ཞེ་ན། དེ་ལྟ་ན་སྒྲ་དེའི་ ཤེས་པ་ཡང་མེད་དེ་རི་བོང་གི་རྭ་མེད་ན་དེ་ཡི་ཤེས་པ་ག་ལ་ཡོད་པ་ལྟར་རོ། །དེ་ལྟར་ཡིན་མོད་ ཅེ་ན། འོ་ན་སྒྲའི་ཤེས་པ་རྟག་པའི་དམ་བཅའ་ཉམས་སོ།། སྒྲ་འཛིན་རང་བཞིན་གང་ཡིན་པ།། 594 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེས་གཟུགས་འཛིན་པར་ཇི་ལྟར་འགྱུར།། ཞེས་གསུངས་ཏེ། ཡང་དྲི་བར་བྱ་སྟེ་ཅི་སྒྲ་འཛིན་པའི་རང་བཞིན་གང་ཡིན་པའི་ཤེས་པ་དེས་ གཟུགས་འཛིན་པར་ཇི་ལྟར་འགྱུར། གསུམ་པ་བལྟོས་པའི་དཔེ་བརྗོད་པ་བཀག་པ་ནི། གཅིག་ནི་ཕ་དང་བུ་ཉིད་དུ།། བཏགས་ཡིན་ཡང་དག་ཉིད་མིན་ཏེ།། ༦༤ ཞེས་གསུངས་ཏེ། ཁོ་ན་རེ། སྐྱེས་བུ་གཅིག་ཉིད་ཕ་ལ་བལྟོས་ནས་བུ་དང་བུ་ལ་བལྟོས་ནས་ ཕར་འཇོག་པ་བཞིན་ནོ་ཞེ་ན། སྐྱེས་བུ་གཅིག་ལ་ནི་རེས་ཕ་དང་རེས་བུ་ཉིད་དུ་འདོགས་པ་ ནི་བལྟོས་ནས་བཏགས་པ་ཡིན་གྱི་ཡང་དག་པ་ཉིད་དུ་མ་ཡིན་ལ། མ་ལྟོས་པའི་ཚེ་ཕ་བུ་གང་ ཡང་མ་ཡིན་པས་སོ།། ཇི་ལྟར་སྙིང་སྟོབས་རྡུལ་དང་ནི།། མུན་པ་བུ་མིན་ཕ་ཡང་མིན།། དེ་ནི་སྒྲ་འཛིན་དང་ལྡན་པའི།། རང་བཞིན་དུ་ནི་མཐོང་མ་ཡིན།། ༦༥ ཞེས་གསུངས་ཏེ། འདི་ལྟར་ཁྱོད་འདོད་པའི་སྙིང་སྟོབས་བདེ་བ་དང་རྡུལ་སྡུག་བསྔལ་དང་ 595 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། མུན་པ་གཏི་མུག་དེ་རྣམས་ནི་བུ་མིན་ཕ་ཡང་མིན་ཏེ་གང་ལ་ཡང་མ་ལྟོས་པའི་ཕྱིར། རྣམ་ འགྱུར་ལ་བལྟོས་སོ་ཞེ་ན། མ་ལྟོས་པའི་དུས་སུ་རྡུལ་མུན་སྙིང་སྟོབས་དེ་ནི་སྒྲ་འཛིན་དང་ ལྡན་པའི་རང་བཞིན་ཉིད་དུ་ནི་སུས་ཀྱང་མཐོང་བ་མ་ཡིན་ནོ།། བཞི་པ་རྟག་པ་དང་གཅིག་པུར་བདེན་པ་བཀག་པ་ནི། གར་མཁན་ལྟ་བུའི་ཚུལ་གཞན་གྱིས།། དེ་ཉིད་མཐོང་ན་དེ་རྟག་མིན།། ཞེས་གསུངས་ཏེ། གལ་ཏེ་ཟློས་གར་མཁན་གྱིས་སྐད་ཅིག་རེར་སྲིད་སྒྲུབ་དང་འཇིགས་སྡེ་ སོགས་ཀྱི་གཟུགས་ཐ་དད་འཛིན་པ་ལྟར་ཤེས་པ་དེ་ཉིད་ཚུལ་གཞན་གྱིས་རྣམ་པ་གཞན་ འཛིན་ནོ་ཞེ་ན། ཁྱོད་ཀྱིས་དེ་ལྟ་བུ་ཉིད་དུ་མཐོང་ན་ཤེས་པ་དེ་རྟག་པ་མིན་པར་ངེས་ཏེ་སྐད་ ཅིག་གིས་འགྱུར་བའི་ཕྱིར་རོ།། གལ་ཏེ་ཚུལ་གཞན་དེ་ཉིད་ན།། གཅིག་ཉིད་དེ་ནི་སྔོན་མེད་ཅིག། ༦༦ ཅེས་གསུངས་ཏེ། གལ་ཏེ་གར་མཁན་གྱིས་ཚུལ་གཞན་ཐ་དད་འཛིན་ཡང་གར་མཁན་ གཅིག་པོ་དེ་ཉིད་ཡིན་པ་ལྟར་རྣམ་པ་ཐ་དད་འཛིན་ཡང་སྒྲ་འཛིན་པའི་ཤེས་པ་རྟག་པ་ཅན་གྱི་ བདག་གཅིག་པོ་དེ་ཉིད་ཡིན་པས་སྐྱོན་མེད་དོ་ཞེ་ན། འོ་ན་སྒྲ་འཛིན་གྱི་ཤེས་པ་རྟག་པ་ཅན་ 596 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གྱི་བདག་གཅིག་པུ་ཉིད་ཀྱང་ཡིན་ལ། གཟུགས་འཛིན་དང་དྲི་འཛིན་ལ་སོགས་པ་དངོས་ པོ་སྣ་ཚོགས་སུ་འགྱུར་བ་ཡང་ཡིན་ན་དེ་ནི་འཇིག་རྟེན་ན་སྔོན་མེད་ཅིང་མི་སྲིད་པ་གཅིག་གོ་ ཞེས་བསྟིངས་སོ། །གཞན་ཡང་བདག་དེ་སྒྲ་དེ་ཙམ་གྱི་ཤེས་པར་རྟག་ན་གཟུགས་དེ་ཙམ་ ལ་སོགས་པ་དེ་ཙམ་ལྔ་གའི་ཤེས་པར་རྟག་དགོས་ལ། དེ་ལྟ་ན་ཡུལ་དང་དབང་པོ་མེད་ཀྱང་ གཟུགས་སོགས་ལྔ་ཀ་རྟག་ཏུ་འཛིན་དགོས་པར་འགྱུར་ལ་དེ་ལྟ་ན་དམུས་ལོང་དང་འོན་པའི་ བདག་དང་གཉིད་ལོག་པ་དང་བརྒྱལ་བའི་དུས་ཀྱི་བདག་ཇི་ལྟར་བྱ། གལ་ཏེ་ཚུལ་གཞན་བདེན་མིན་ན།། དེ་ཡི་རང་གི་རང་བཞིན་སྨྲོས།། ཞེས་གསུངས་ཏེ། གལ་ཏེ་བདག་རྟག་གཅིག་དེ་ཚུལ་གཞན་དེར་བདེན་པ་མིན་པས་རྟག་ གཅིག་དང་མི་འགལ་ལོ་ཞེ་ན། འོ་ན་བདག་དེ་ཡི་རང་གི་རང་བཞིན་གང་ཡིན་པ་སྨྲོས་ཤིག ཤེས་ཉིད་ཅེ་ན་དེ་ལྟ་ན།། སྐྱེས་ཀུན་གཅིག་ཏུ་ཐལ་བར་འགྱུར།། ༦༧ སེམས་པ་སེམས་མེད་དེ་དག་ཀྱང༌།། གཅིག་འགྱུར་གང་ཕྱིར་ཡོད་ཉིད་མཚུངས།། ཞེས་གསུངས་ཏེ། ཤེས་པ་ཙམ་ཉིད་དོ་ཞེ་ན། དེ་ལྟ་ན་སྐྱེ་བོ་ཀུན་གཅིག་ཏུ་ཐལ་བར་འགྱུར་ ཏེ་བདག་ཤེས་པ་ཙམ་གཅིག་ཏུ་ཁྱད་མེད་པའི་ཕྱིར། ཁྱོད་ཉིད་འདོད་པའི་སེམས་པ་ཅན་གྱི་ 597 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སྐྱེས་བུ་དེ་དང་སེམས་མེད་པའི་གཙོ་བོ་དེ་དག་ཀྱང་གཅིག་ཏུ་ཐལ་བར་འགྱུར་ཏེེ་གང་གི་ཕྱིར་ བདག་གཅིག་ཡིན་པའི་ཕྱིར་རོ།། གང་ཚེ་བྱེ་བྲག་ཕྱིན་ཅི་ལོག། དེ་ཚེ་འདྲ་བའི་རྟེན་གང་ཡིན།། ༦༨ ཞེས་གསུངས་ཏེ། གལ་ཏེ་རང་བཞིན་དང་སྐྱེས་བུ་ནི་ཡོད་པ་ཉིད་དུ་མཚུངས་པས་གཅིག་ པ་འདོད་དོ་ཞེ་ན། གང་གི་ཚེ་སྐྱེས་བུ་སེམས་བཅས་དང་རང་བཞིན་སེམས་མེད་ཀྱི་བྱེ་བྲག་ ཁྱད་པར་བ་ཁྱོད་ཀྱིས་བཞག་པ་དེ་ནི་ཕྱིན་ཅི་ལོག་པ་ཡིན་ཏེ་དེའི་ཚེ་ཁྱད་ཆོས་སེམས་བཅས་ དང་སེམས་མེད་དེ་གཉིས་གཅིག་ཏུ་འདུ་བའམ་འདྲ་བའི་ཁྱད་གཞི་འམ་རྟེན་གང་ཡིན་ཏེ་དེ་ གཉིས་ལས་གཞན་པའི་དེ་གཉིས་ཀྱི་གཞི་གང་ཡང་མེད་ལ་དེ་གཉིས་ཀྱང་ཕན་ཚུན་གཅིག་ཏུ་ གཅིག་མི་འདུ་བའི་ཕྱིར་གཅིག་པར་ཡང་མི་འགྱུར་རོ།། གསུམ་པ་རིགས་པ་ཅན་པ་དགག་པ་ལ་གཉིས། སེམས་མེད་པའི་བདག་བཀག དེ་ འགྱུར་མེད་དུ་འདོད་པ་བཀག་པའོ། །དང་པོ་ནི། སེམས་མེད་པ་ཡང་བདག་མིན་ཏེ།། སེམས་མེད་ཉིད་ཕྱིར་བུམ་སོགས་བཞིན།། ཞེས་གསུངས་ཏེ། དེ་ལྟར་བདག་སེམས་བཅས་སུ་འདོད་པ་གྲངས་ཅན་པ་ཁེགས་པ་ན། 598 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། རིགས་པ་ཅན་པ་ན་རེ། བདག་སེམས་བཅས་སུ་ཁས་བླངས་ན་སྐྱོན་དེ་རྣམས་འཇུག་མོད། ཁོ་བོ་ཅག་ནི་སེམས་མེད་དུ་ཁས་ལེན་ཏོ་ཞེ་ན། སེམས་མེད་པ་ཡང་བདག་མ་ཡིན་ཏེ་སེམས་ མེད་པ་ཉིད་ཀྱི་ཕྱིར། དཔེར་ན་བུམ་པ་དང་སྣམ་བུ་ལ་སོགས་པ་བཞིན་ནོ།། འོན་ཏེ་སེམས་དང་ལྡན་པའི་ཕྱིར།། ཤེས་ན་མི་ཤེས་འཇིག་པར་ཐལ།། ༦༩ ཞེས་གསུངས་ཏེ། ཁོ་ན་རེ། འོན་ཏེ་བདག་ལ་སེམས་མེད་ཀྱང་ཡོན་ཏན་གྱི་ཁྱད་པར་ཤེས་ པ་ཞེས་བྱ་བ་དང་འཕྲད་པས་སེམས་དང་བཅས་པར་འགྱུར་རོ་ཞེ་ན། འོ་ན་བདག་དེ་སེམས་ དང་ལྡན་པའི་ཕྱིར་ཤེས་པ་ཡིན་པར་འགྱུར་ལ། དེ་ལྟ་ན་སྔར་མི་ཤེས་པར་ཁས་བླངས་པ་དེ་ ཞིག་པར་ཐལ་ལ། སྔར་ཤེས་པ་དང་མི་ལྡན་པ་ཕྱིས་ལྡན་པར་ཁས་བླངས་པའི་ཕྱིར་བདག་ དེ་རྟག་པར་འདོད་པ་དང་ཡང་འགལ་ལོ།། གཉིས་པ་དེ་འགྱུར་མེད་དུ་འདོད་པ་བཀག་པ་ནི། ཅི་སྟེ་བདག་ལ་འགྱུར་མེད་ན།། སེམས་པས་དེ་ལ་ཅི་ཞིག་བྱས།། དེ་ལྟར་ཤེས་མེད་བྱ་བྲལ་བ།། ནམ་མཁའ་བདག་ཏུ་བྱས་པར་འགྱུར།། ༧༠ 599 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། ཇི་སྟེ་བདག་རྟག་པ་ལ་འགྱུར་བ་མེད་དོ་སྙམ་ན། འོ་ན་ཤེས་པའམ་ སེམས་པའི་ཡོན་ཏན་དེས་བདག་དེ་ལ་ཤེས་པ་སྐྱེ་བའི་ཐབས་ཅི་ཞིག་བྱས་པའམ་བྱ་སྟེ་ རྟག་པ་ལ་བྱ་བྱེད་ཅི་ཡང་མི་ནུས་པའི་ཕྱིར། དེ་ལྟར་ཤེས་པ་མེད་ཅིང་བྱ་བྱེད་དང་བྲལ་བ་དེ་ ལ་བདག་ཏུ་འདོགས་ན་ནམ་མཁའ་ལ་བདག་ཏུ་བཏགས་པར་འགྱུར་བས་ཕྱིན་ཆད་ནམ་ མཁའ་ལ་བདག་ཏུ་ཟུངས་ཤིག་པའོ།། བཞི་པ་བདག་མེད་ཀྱང་ལས་འབྲས་མི་འགལ་བ་ལ་གསུམ། རྩོད་པ་བཀོད། བདག་ བྱེད་པ་པོ་མེད་པ་རྒོལ་བ་གཉིས་ཀ་ལ་མཚུངས་པར་བསྟན། རྒྱུ་འབྲས་དུས་མཉམ་མི་སྲིད་ པར་བསྟན་པའོ། །དང་པོ་ནི། གལ་ཏེ་བདག་ནི་ཡོད་མིན་ན།། ལས་འབྲས་འབྲེལ་བ་རིགས་མིན་ཏེ།། ལས་བྱས་ནས་ནི་ཞིག་པས་ན།། སུ་ཡི་ལས་སུ་འགྱུར་ཞེ་ན།། ༧༡ ཞེས་གསུངས་ཏེ། དེ་ལྟར་ལྷན་སྐྱེས་དང༌། ཀུན་བཏགས་ཀྱི་བདག་མེད་པར་བསྟན་པའི་ཚེ་ གཟེགས་ཟན་པ་ལ་སོགས་པ་ན་རེ། གལ་ཏེ་བདག་ནི་ཡོད་མིན་ན་ལས་དང་འབྲས་བུའི་ འབྲེལ་བ་རིགས་པ་མིན་པར་ཐལ་ཏེ། བྱེད་པ་པོའི་བདག་མེད་ཅིང་ལས་དེ་ཉིད་བྱས་ནས་ནི་ ཟིན་པའི་འོག་ཏུ་ཞིག་པས་ན་ཕྱིན་ཆད་སུའི་ལས་སུ་འགྱུར་ཏེ་སུ་ཞིག་ལ་འབྲས་བུ་སྨིན་ཞེ་ན། 600 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གཉིས་པ་བདག་བྱེད་པ་པོ་མེད་པ་རྒོལ་བ་གཉིས་ཀ་ལ་མཚུངས་པར་བསྟན་པ་ནི། བྱ་བ་འབྲས་གཞི་ཐ་དད་དང༌།། དེ་བདག་བྱེད་པ་མེད་པར་ཡང༌།། ཡུ་བུ་གཉིས་ཀ་ལ་གྲུབ་པས།། འདིར་བརྩད་དོན་མེད་མ་ཡིན་ནམ།། ༧༢ ཞེས་གསུངས་ཏེ། ཁྱོད་ཀྱང་བདག་རྟག་པ་བྱ་བྱེད་མེད་པར་འདོད་ཅིང་ངེད་སངས་རྒྱས་པ་ ཡང་བདག་མེད་པར་འདོད་པས་ལས་གང་གིས་ཡང་བྱ་བ་རྒྱུའི་དུས་དང་ཟིན་པ་འབྲས་བུའི་ དུས་ནི་གཞི་དང་རྟེན་ཐ་དད་ཅིང་སྔ་ཕྱི་ཡོད་པ་དང༌། དེ་གཉིས་ཀའི་དུས་ནའང་བདག་གིས་ བྱ་བ་བྱེད་པ་ཅི་ཡང་མེད་པར་ཡུ་བུ་ཕྱོགས་གཉིས་ཀ་ལའང་འདི་མཚུངས་པར་ཁས་ལེན་པས་ ཁྱོད་ཀྱིས་འདིར་བརྩད་པ་ནི་ཁྱོད་ཉིད་ལ་ལྡོག་པས་དོན་མེད་པ་མ་ཡིན་ནམ། གསུམ་པ་རྒྱུ་འབྲས་དུས་མཉམ་མི་སྲིད་པར་བསྟན་པ་ནི། རྒྱུ་ལྡན་འབྲས་བུ་དང་བཅས་པར།། མཐོང་བ་འདི་ནི་སྲིད་མ་ཡིན།། ཞེས་གསུངས་ཏེ། ཆོས་གཅིག་ཁོ་ན་ལ་བལྟོས་ཏེ་ཅིག་ཆར་རྒྱུ་དང་ཡང་ལྡན་ཞིང་འབྲས་བུ་ དང་ཡང་བཅས་པ་ཞེས་བྱ་བ་མཐོང་བ་འདི་ནི་འཇིག་རྟེན་ན་སྲིད་པ་མ་ཡིན་ཏེ། དཔེར་ན་ པདྨའི་ས་བོན་ཡང་མ་ཞིག་ལ་མྱུ་གུ་ཡང་སྐྱེས་ཤིང་མྱུ་གུ་ལས་མ་འདས་ལ་མེ་ཏོག་ཀྱང་ཁ་བྱེ་ 601 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བ་དང་མེ་ཏོག་གི་འདབ་མ་ཡང་མ་བྲུལ་ཞིང་འབྲས་བུ་ཡང་སྨིན་པ་ནི་མི་སྲིད་པ་བཞིན་ནོ།། རྒྱུན་གཅིག་ལ་ནི་བརྟེན་ནས་སུ།། བྱེད་པོ་སྤྱོད་པོ་ཞེས་བྱར་བསྟན།། ༧༣ ཞེས་གསུངས་ཏེ། ཁྱེད་རང་གི་སྟོན་པས་ལས་བྱེད་པ་པོས་འབྲས་བུ་མྱོང་བར་གསུངས་སོ་ཞེ་ ན། ཆུ་ལ་བདག་ཅི་ཡང་མེད་ཅིང་སྔ་ཕྱི་ཐ་དད་པ་ཡིན་ཡང་རྒྱུན་གྱིས་གཅིག་ཏུ་འཇོག་པ་ལྟར་ བདག་ཅི་ཡང་མེད་ཀྱང་སེམས་ཀྱི་རྒྱུད་གཅིག་ལ་བརྟེན་ནས་སུ་སྔ་མ་ལས་བྱེད་པའི་དུས་སུ་ བྱེད་པ་པོ་དང་ཕྱིས་འབྲས་བུ་མྱོང་བའི་དུས་སུ་སྤྱོད་པ་པོ་ཞེས་བྱ་ཞིང་བྱེད་པ་པོའི་བདག་མེད་ ཅིང་བྱེད་པ་པོའི་སེམས་དེ་ཉིད་དུ་འགགས་ཀྱང་དེའི་རྒྱུན་ཙམ་གྱིས་རྣམ་སྨིན་ཆུད་མི་ཟ་བར་ མྱོང་ངེས་སུ་བསྟན་པ་ཡིན་ནོ།། ལྔ་པ་ཞར་ལ་དཔྱོད་པ་བ་དང་རང་སྡེ་གནས་མ་བུ་པའི་གང་ཟག་འགོག་པ་ལ་བཞི། འདས་མ་འོངས་བདག་མ་ཡིན་པ་དང༌། ད་ལྟ་བ་བདག་མ་ཡིན་པར་བསྟན་པ། བདག་མི་ རྙེད་པར་བསྟན་པ། སེམས་ཅན་མེད་ན་སྙིང་རྗེ་མི་འཐད་པའི་རྩོད་པ་སྤངས་པའོ། །དང་པོ་ནི། འདས་དང་མ་འོངས་པ་ཡི་སེམས།། བདག་མིན་དེ་ནི་མེད་པའི་ཕྱིར།། ཞེས་གསུངས་ཏེ། དེའི་ཚེ་དཔྱོད་པ་པ་ལ་སོགས་པ་ན་རེ། སེམས་ཀྱི་རྒྱུན་དེ་ཉིད་བདག་ཡིན་ ནོ་ཞེ་ན། དེ་ཡང་མ་ཡིན་ཏེ་སེམས་ནི་རྒྱུན་གྱི་རྣམ་པ་ཅན་ཡིན་ལ། དེ་ལ་འདས་པ་དང་མ་ 602 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འོངས་པའི་སེམས་ནི་བདག་མ་ཡིན་ཏེ། འདས་པ་དེ་ནི་འགགས་ཟིན་ནས་ད་ལྟར་མེད་པ་ཁ་ སང་གི་མར་མེ་ལྟ་བུའི་ཕྱིར་དང༌། མ་འོངས་པ་ནི་མ་སྐྱེས་པས་ད་ལྟར་མེད་དེ་སང་གི་འཇའ་ ཚོན་ད་ལྟ་མེད་པ་ལྟ་བུའི་ཕྱིར། གཉིས་པ་ད་ལྟ་བ་བདག་མ་ཡིན་པར་བསྟན་པ་ནི། འོན་ཏེ་སྐྱེ་སེམས་བདག་ཡིན་ན།། དེ་ཞིག་ན་ཡང་བདག་མེད་ན།། ༧༤ ཞེས་གསུངས་ཏེ། འོན་ཏེ་ད་ལྟར་སྐྱེས་ལ་མ་འགགས་པའི་སེམས་བདག་ཡིན་ནོ་ཞེ་ན། འདི་ཡང་ཤིན་ཏུ་ཕྲ་བའི་དུས་གསུམ་གྱི་ཆ་དང་ལྡན་པ་ཡིན་ཏེ་ཞིབ་མོར་དཔྱད་ན་ད་ལྟ་བ་ དམིགས་པར་མི་ནུས་ལ་རགས་པར་བྱས་ན་ཡང་བདག་ཏུ་བཟུང་བའི་ཚེ་བཟུང་བྱ་དེ་ཞིག་ ཟིན་པས་དེ་ལྟ་ན་ཡང་ད་ལྟར་བ་བདག་ཡིན་པ་མེད་དོ།། གསུམ་པ་བདག་མི་རྙེད་པར་བསྟན་པ་ནི། དཔེར་ན་ཆུ་ཤིང་སྡོང་པོ་དག། ཆ་ཤས་ཕྱེ་ན་འགའ་མེད་པ།། དེ་བཞིན་རྣམ་པར་དཔྱད་པ་ཡིས།། བཙལ་ན་བདག་ཀྱང་ཡང་དག་མིན།། ༧༥ 603 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ལ་རང་སྡེ་གནས་མ་བུ་པ་ན་རེ། བདག་ནི་ཕུང་པོ་ལས་དེ་ཉིད་དང་ གཞན་གང་དུ་ཡང་བརྗོད་དུ་མེད་དོ་ཞེས་ཟེར་རོ། །དེ་ཡང་མ་ཡིན་ཏེ། དཔེར་ན་ཆུ་ཤིང་གི་སྡོང་ པོ་དག་ལ་སྟ་རེས་བཅད་ཅིང་དུམ་བུར་བྱས་ལ་དེ་རེ་རེ་ཡང་ཆ་ཤས་སུ་རྣམ་པར་ཕྱེ་སྟེ། ད་ནི་ འདི་རྣམས་གང་ལ་ཆུ་ཤིང་གི་སྡོང་པོ་གནས་སྙམ་དུ་བརྟགས་ན་ཆ་ཤས་དེ་དག་མ་གཏོགས་ ཆ་ཤས་ཅན་གྱི་སྡོང་པོ་འགའ་ཡང་མེད་པར་མཐོང་ལ། ཆ་ཤས་དེ་དག་ཀྱང་རེ་རེ་ཞིང་སྡོང་པོ་ མ་ཡིན་པར་མཐོང་ནས་ཆུ་ཤིང་གི་སྡོང་པོར་ཞེན་པ་རྣམ་པར་ལོག་པ་དེ་བཞིན་དུ། ཕྱི་ནང་ གི་ཕུང་པོ་ཐམས་ཅད་ལ་རིགས་པས་རྣམ་པར་དཔྱད་པ་ཡིས་བཙལ་ན་དེ་ཉིད་དང་གཞན་དུ་ བརྗོད་དུ་མེད་པའི་བདག་དེ་ཉིད་ཀྱང་ཡང་དག་པ་མིན་པར་མཐོང་སྟེ་བདག་ཅེས་བྱ་བ་གང་ ཡང་མཐོང་བར་མི་འགྱུར་རོ།། བཞི་པ་སེམས་ཅན་མེད་ན་སྙིང་རྗེ་མི་འཐད་པའི་རྩོད་པ་སྤངས་པ་ནི། གལ་ཏེ་སེམས་ཅན་ཡོད་མིན་ན།། སུ་ལ་སྙིང་རྗེ་བྱ་ཞེ་ན།། ཞེས་གསུངས་ཏེ། དེ་ལྟར་དུ་བདག་མེད་ན་བདག་དང་སེམས་ཅན་དང་གང་ཟག་ནི་སྒྲ་རྣམ་ གྲངས་པ་ཡིན་པས་སེམས་ཅན་ཡང་མེད་པར་ཁས་བླངས་པར་འགྱུར་ལ། གལ་ཏེ་སེམས་ ཅན་ཉིད་ཀྱང་ཡོད་པ་མིན་པ་དེའི་ཚེ་ན་སུས་སུ་ལ་སྙིང་རྗེ་བསྒོམ་པར་བྱ་སྟེ། ཐེག་ཆེན་པ་ ཉིད་ཀྱིས་སྙིང་རྗེ་བསྒོམ་བྱའི་གཙོ་བོར་བཤད་པ་དང་འགལ་ལོ་ཞེ་ན། 604 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འབྲས་བུའི་དོན་དུ་ཁས་བླངས་པའི།། རྨོངས་པས་བཏགས་པ་གང་ཡིན་པའོ།། ༧༦ ཞེས་གསུངས་ཏེ། སྤྱིར་ཤེས་རབ་ཀྱིས་མ་དཔྱད་པའི་སྐབས་སུ་འབྲས་བུ་རྫོགས་པའི་ སངས་རྒྱས་འཐོབ་པའི་དོན་དུ་སྙིང་རྗེའི་དབང་གིས་གཞན་དོན་དུ་ཁས་བླངས་པའི་དམ་ བཅའ་ཙམ་ཡིན་ལ། དཔྱད་པའི་ཚེ་བདག་དང་སེམས་ཅན་དང་སྡུག་བསྔལ་གང་ཡང་རྨི་ལམ་ གྱི་དངོས་པོ་ཙམ་དུ་ཡང་མ་གྲུབ་པར་ཤེས་པ་ན་དེ་ལྟར་མ་རྟོགས་པས་བདག་དང་གཞན་ དང་སྡུག་བསྔལ་དུ་ལྟ་བའི་གཏི་མུག་གི་ཕུང་པོས་ཀུན་ནས་རྨོངས་པས་བདག་གཞན་ སོགས་བདེན་པར་སྒྲོ་བཏགས་ཤིང་འདོགས་པར་བྱེད་པ་གང་ཡིན་པ་འདི་རྣམས་ལ་བརྩེ་བ་ བརྒྱ་ཕྲག་ཏུ་འཕེལ་བར་འགྱུར་རོ།། སེམས་ཅན་མེད་འབྲས་སུ་ཡི་ཡིན།། བདེན་ཏེ་འོན་ཀྱང་རྨོངས་ལས་འདོད།། ཅེས་གསུངས་ཏེ། འོ་ན་ཆེད་དུ་བྱ་བའི་ཡུལ་སེམས་ཅན་མེད་ན་དེའི་ཆེད་དུ་འབྲས་བུ་སངས་ རྒྱས་འཐོབ་པ་དེ་ཡང་སུ་ཡི་དོན་དུ་ཡིན་ཞེ་ན། ཤིན་ཏུ་བདེན་ཏེ་འོན་ཀྱང་དེ་ལྟར་མ་ཤེས་པའི་ རྨོངས་པ་རྣམས་ལས་བརྩམས་ཏེ་དེ་རྣམས་ཀྱི་དོན་བྱ་བར་འདོད་དོ།། སྡུག་བསྔལ་ཉེ་བར་ཞི་དོན་དུ།། འབྲས་བུའི་རྨོངས་པ་ཟློག་མི་བྱ།། ༧༧ 605 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། གཞན་དོན་དུ་སངས་རྒྱས་འཐོབ་འདོད་ཀྱང་འབྲས་བུའི་རྨོངས་པ་ཡིན་ནོ་ ཞེ་ན། མཐར་ཐུག་དོན་དམ་ལ་བལྟོས་ན་ཡིན་མོད་ཀྱང་སེམས་ཅན་ཐམས་ཅད་ཀྱི་སྡུག་བསྔལ་ ཉེ་བར་ཞི་བར་བྱ་བའི་དོན་དུ་འབྲས་བུའི་རྨོངས་པ་འདི་ནི་རྨོངས་པར་ཤེས་ཀྱང་རེ་ཞིག་ལྡོག་ པར་མི་བྱ་སྟེ་སྨན་པ་རྣམས་ཀྱང་དུག་གི་རིགས་ཁ་ཅིག་ནད་ཀྱི་གཉེན་པོར་ངེས་པར་བསྟེན་པ་ བཞིན་ནོ། །འོན་ཀྱང་འབྲས་བུའི་རྨོངས་པ་འདི་ནི་ཆེད་དུ་མ་སྤངས་ཀྱང་ཅི་ཞིག་ན་མེ་ཏོག་ཡལ་ བ་ན་དྲི་ལྟར་མ་རིག་པའི་གཉིད་ལས་སངས་པའི་ཚེ་རང་བཞིན་གྱིས་དག་པར་འགྱུར་རོ།། སྡུག་བསྔལ་རྒྱུ་ཡི་ང་རྒྱལ་ནི།། བདག་ཏུ་རྨོངས་པས་འཕེལ་བར་འགྱུར།། ཞེས་གསུངས་ཏེ། འོ་ན་རེ་ཞིག་ལམ་གྱི་རྟེན་དུ་འབྲས་བུའི་རྨོངས་པ་མི་ལྡོག་པ་ལྟར་བདག་ འཛིན་ཡང་བསྟེན་པར་འོས་སོ་ཞེ་ན། ཆུར་མཚུངས་ཀྱང་ཡན་ལག་བརྒྱད་ལྡན་བསྟེན་པར་ བྱེད་ཀྱི་དུག་ཆུ་དང་རྡོའི་ཆུ་ནི་དེ་ལྟ་མིན་པ་ལྟར་རྨོངས་པར་མཚུངས་ཀྱང་འབྲས་བུའི་རྨོངས་ པ་བཞིན་དུ་བདག་འཛིན་ནི་བསྟེན་པར་མི་བྱེད་དེ། སྡུག་བསྔལ་མཐའ་དག་གི་རྒྱུའི་ངོ་བོ་ བྱེད་པའི་ང་རྒྱལ་ནི་བདག་ཏུ་རྨོངས་པ་འདི་ལས་འཕེལ་བར་འགྱུར་བའི་ཕྱིར། དེ་བས་ན་ ཅིས་ཀྱང་བདག་འཛིན་ལས་ལྡོག་པར་བྱའོ།། དེས་ཀྱང་བདག་ཏུ་མེད་ཅེ་ན།། བདག་མེད་བསྒོམ་པ་མཆོག་ཡིན་ནོ།། ༧༨ 606 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ནས་ཅི་བྱ་ཞེ་ན། ཆོས་ཐམས་ཅད་བདག་མེད་ཅིང་སྤྲོས་པ་ཉེ་བར་ཞི་བ་ འདི་ཁོ་ན་སྒོམ་པར་བྱ་སྟེ་འདི་ནི་མཆོག་གི་བྱ་བ་ཕུལ་དུ་བྱུང་བ་ཡིན་ནོ།། གཉིས་པ་ཆོས་ཀྱི་བདག་མེད་སྒོམ་པ་ལ་བཞི་སྟེ། ལུས་དྲན་པ་ཉེ་བར་བཞག་པ། ཚོར་ བ་དྲན་པ་ཉེ་བར་བཞག་པ། སེམས་དྲན་པ་ཉེ་བར་བཞག་པ། ཆོས་དྲན་པ་ཉེ་བར་བཞག་པ་ སྒོམ་པའོ། །དང་པོ་ལ་གཉིས། ཡན་ལག་སོ་སོ་ལུས་མ་ཡིན་པ་དང༌། ཡན་ལག་ཅན་དགག་ པའོ། །དང་པོ་ལ་གཉིས། ཆ་ཤས་རེ་རེ་ཞིང་ལུས་མ་ཡིན་པ་དང༌། ལུས་སྒྲོ་བཏགས་སུ་ བསྟན་པའོ། །དང་པོ་ནི། ལུས་ནི་རྐང་པ་བྱིན་པ་མིན།། བརླ་དང་རྐེད་པའང་ལུས་མ་ཡིན།། ལྟོ་དང་རྒྱབ་ཀྱང་ལུས་མ་ཡིན།། བྲང་དང་དཔུང་པའང་ལུས་མ་ཡིན།། ༧༩ རྩིབས་ལོགས་ལག་པའང་ལུས་མ་ཡིན།། མཆན་ཁུང་ཕྲག་པའང་ལུས་མ་ཡིན།། ནང་རོལ་རྣམས་ཀྱང་དེ་མིན་ལ།། མགོ་དང་མགྲིན་པའང་ལུས་མིན་ན།། ༨༠ 607 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ཡང་ཡན་ལག་སྣ་ཚོགས་པའི་འདུས་པ་འདི་ལ་ལུས་ཞེས་བརྗོད་ཅིང་ དེར་ཞེན་པར་བྱེད་ན། རེ་ཞིག་བདག་ཉིད་ཀྱིས་བརྟག་པར་རིགས་ཏེ་ཅི་ལུས་ཞེས་བྱ་བ་དེ་ གང་ཞིག་ལ་ཟེར། ལུས་ནི་རྐང་པ་དང་བྱིན་པ་ཡང་མིན་ལ། དེ་བཞིན་དུ་བརླ་དང་རྐེད་པའང་ ལུས་མ་ཡིན་ལྟོ་དང་རྒྱབ་ཀྱང་ལུས་མ་ཡིན་ནོ། །བྲང་དང་དཔུང་པའང་ལུས་མ་ཡིན་རྩིབས་ ལོག་དང་ལག་པའང་ལུས་མ་ཡིན། མཆན་ཁུང་དང་ཕྲག་པའང་ལུས་མ་ཡིན་ནང་རོལ་ རྣམས་ཀྱང་དེ་མིན་ལ། དེ་བཞིན་དུ་མགོ་བོ་དང་མགྲིན་པ་དང་དེ་ལས་གཞན་པའི་ཆ་ཤས་སོ་ སོའང་ལུས་མིན་པར་རང་གིས་ཀྱང་ངེས་པར་སྣང་ན། ཞེས་སོ།། གཉིས་པ་ལུས་སྒྲོ་བཏགས་སུ་བསྟན་པ་ནི། འདི་ལ་ལུས་ནི་གང་ཞིག་ཡིན།། ཞེས་གསུངས་ཏེ། ད་ནི་འདི་ལ་ལུས་ཞེས་བྱ་བ་གང་ཞིག་ཡིན་ཏེ་འདི་ནི་མིང་ཙམ་སྟེ་སྒྲོ་ བཏགས་པ་ཁོ་ནར་ཟད་དོ།། གཉིས་པ་ཡན་ལག་ཅན་དགག་པ་ལ་བཞི། ཆ་ཤས་ཐམས་ཅད་ལ་ལུས་གནས་པ་ བཀག ལུས་ཐོ་ཡོར་ལ་མིར་ཞེན་ལྟར་བསྟན། དཔྱད་ན་ཡན་ལག་དང་ཉིང་ལག་ཀྱང་མི་ འགྲུབ་པར་བསྟན། དེས་ན་གཟུགས་རྨི་ལམ་ལྟར་བསྟན་པའོ། །དང་པོ་ནི། དེའི་ཚེ་བྱེ་བྲག་པ་ལ་སོགས་པ་ན་རེ། དེ་རྣམས་ནི་ལུས་ཀྱི་ཆ་ཤས་ཡིན་ལ་ཆ་ཤས་ཅན་ གྱི་ལུས་དངོས་དེ་ནི་ཆ་ཤས་ཐམས་ཅད་ལ་ཁྱབ་པར་གནས་སོ། །ཞེས་ཟེར་ཞིང༌། བོད་ཕྱི་མ་ 608 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཁ་ཅིག་ཀྱང་ཆ་ཤས་ཅན་བརླན་གཤེར་ཕོར་གང་གི་སྟེང་ན་ཆ་ཤས་བདུད་རྩི་དང་རྣག་ཁྲག་ལ་ སོགས་པ་དྲུག་གནས་སོ་ཞེས་ཟེར་རོ།། གལ་ཏེ་ལུས་འདི་ཐམས་ཅད་ལ།། ཕྱོགས་རེ་ཡིས་ནི་གནས་གྱུར་ན།། ཆ་རྣམས་ཆ་ལ་གནས་གྱུར་མོད།། ༨༡ དེ་རང་ཉིད་ནི་གང་ལ་གནས།། ཞེས་གསུངས་ཏེ། དེ་ལ་བརྒལ་བ། གལ་ཏེ་ལུས་ཉིད་ནི་ཆ་ཤས་ཐམས་ཅད་ལ་ཕྱོགས་རེ་ ཡིས་ནི་གནས་པར་གྱུར་ན་མགོ་ལྟ་བུ་ཆ་ཤས་སོ་སོ་བ་རྣམས་ཆ་ཤས་སོ་སོ་ཉིད་ལ་གནས་ པར་གྱུར་ཏོ་ཞེས་སྒྲོ་འདོགས་ན་འདོགས་སུ་ཟད་མོད་ལུས་དེ་རང་ཉིད་ནི་ཆ་ཤས་དེ་རྣམས་ཀྱི་ ནང་ནས་གང་ལ་གནས་ཞེས་དྲིའོ།། གལ་ཏེ་བདག་ཉིད་ཀུན་གྱི་ལུས།། ལག་སོགས་རྣམས་ལ་གནས་ན་ནི།། ལག་སོགས་དེ་དག་ཇི་སྙེད་པ།། ༨༢ དེ་སྙེད་ཀྱི་ནི་ལུས་སུ་འགྱུར།། ཞེས་གསུངས་ཏེ། གལ་ཏེ་ལུས་བདག་ཉིད་དེ་ཆ་ཤས་ཀུན་གྱི་ལུས་ལག་པ་ལ་སོགས་པ་ 609 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། རྣམས་ལ་རེ་རེ་ཞིང་གནས་པར་འདོད་ན་ནི་ལག་པ་ལ་གནས་པའི་ལུས་དང་རྐང་པ་ལ་ གནས་པའི་ལུས་ཞེས་སོགས་ལག་སོགས་འདི་དག་གི་གྲངས་ཇི་སྙེད་པ་དེ་སྙེད་ཀྱི་ལུས་ སུ་འགྱུར་བས་ལུས་ཆེས་མང་པོར་འགྱུར་ལ། ལག་པ་ལ་གནས་པའི་ལུས་ལ་ཡང་གཡས་ གཡོན་གྱི་ལུས་གཉིས་དང་རེ་རེ་ལ་ཡང་ཚིགས་ཀྱི་ལུས་གསུམ་དང་སོར་མོའི་ལུས་ལྔ་དང་ ཚིགས་ཆུང་གི་ལུས་བཅོ་ལྔ་སོགས་ནས་ཐ་ན་རྡུལ་ཕྲ་རབ་ཀྱི་བར་གྱི་ལུས་དེ་སྙེད་དུ་ཐལ་ བར་འགྱུར་རོ། །འདོད་མི་ནུས་ཏེ་དེ་ལྟ་ན་ཆ་ཤས་རེ་རེ་ཞིང་ལུས་སུ་ཐལ་བས་ཁྱབ་བྱེད་ཆ་ ཤས་ཅན་གྱི་ལུས་ཁས་བླངས་པ་ཉམས་པའི་ཕྱིར་དང་སྐྱེས་བུ་གཅིག་ལ་རྡུལ་ཕྲ་རབ་ཀྱི་ གྲངས་ཀྱི་ལུས་ཡོད་པ་ཆེས་ངོ་མཚར་བའི་གནས་སོ།། ཕྱི་དང་ནང་ན་ལུས་མེད་ན།། ཇི་ལྟར་ལག་སོགས་ལ་ལུས་ཡོད།། ལག་སོགས་རྣམས་ལས་གཞན་མེད་ན།། ༨༣ དེ་ནི་ཇི་ལྟར་ཡོད་པ་ཡིན།། ཞེས་གསུངས་ཏེ། དེས་ན་ཕྱི་བེམ་པོར་སྣང་བ་དང་ནང་ཤེས་པར་སྣང་བ་འདི་གང་ནའང་ དཔྱད་ན་ལུས་ཞེས་བྱ་བ་རྡུལ་ཙམ་ཡང་མེད་པར་མཐོང་ན་ཇི་ལྟར་ན་ལག་སོགས་ལ་ལུས་ ཡོད་ཅེས་སྨྲ་སྟེ་ལག་སོགས་ཐལ་བར་བྱས་ཀྱང་དེའི་ནང་ནས་ལུས་མི་རྙེད་དོ། །གལ་ཏེ་ཆ་ ཤས་འདི་རྣམས་མ་ཡིན་པའི་ལུས་གཅིག་ཡིན་པར་འདོད་ན། དེ་ལྟ་ན་སྲོག་དབང་གི་བར་ 610 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དུ་བཏུབས་ཀྱང་ལུས་ལ་གནོད་པར་མི་འགྱུར་ཏེ་ལུས་ནི་དེ་དག་ལས་གཞན་ཡིན་པའི་ཕྱིར། དེས་ན་ལག་སོགས་ཀྱི་ཆ་ཤས་རེ་རེ་ཞིང་ལུས་མ་ཡིན་ལ་ཆ་ཤས་དེ་རྣམས་ལས་གཞན་ ནའང་ལུས་མེད་ན་ལུས་དེ་ནི་ཇི་ལྟར་ན་ཡོད་པ་ཡིན་ཏེ་མིང་ཙམ་དུ་ཤེས་སོ།། གཉིས་པ་ལུས་ཐོ་ཡོར་ལ་མིར་ཞེན་ལྟར་བསྟན་པ་ནི། དེས་ན་ལུས་མེད་ལག་སོགས་ལ།། རྨོངས་པ་ཡིས་ནི་ལུས་བློར་འགྱུར།། དབྱིབས་སུ་ཡོད་པའི་ཁྱད་པར་གྱིས།། ༨༤ ཐོ་ཡོར་ལ་ནི་མིའི་བློ་བཞིན།། ཞེས་གསུངས་ཏེ། དེས་ན་ཆ་ཤས་ཅན་ནམ་གཞན་ཡང་རུང་སྟེ་ལུས་ཞེས་བྱ་བ་གཏན་མེད་ ཀྱང་ལག་སོགས་ཀྱི་འདུས་པ་ལ་སེམས་གཏི་མུག་གི་རྨོངས་པ་ཡིས་ནི་ལུས་ཀྱི་བློ་སྐྱེ་བར་ འགྱུར་བ་ཡིན་ཏེ། ཇི་ལྟར་མི་དང་ཐོ་ཡོར་རྒྱང་ནས་ལྟ་ན་ནག་ཡོར་ཙམ་དུ་འདྲ་བའི་དབྱིབས་ སུ་ཡོད་པའི་ཁྱད་པར་གྱིས་ཐོ་ཡོར་ལ་ནི་མི་ཞིག་སྣང་ངོ་སྙམ་པའི་བློ་སྐྱེ་བ་བཞིན་ནོ།། ཇི་སྲིད་རྐྱེན་ཚོགས་དེ་སྲིད་དུ།། ཐོ་ཡོར་སྐྱེས་བུ་ལྟར་སྣང་བ།། དེ་བཞིན་ཇི་སྲིད་ལག་སོགས་ལ།། ༨༥ དེ་ཡོད་དེ་སྲིད་དེར་ལུས་སྣང༌།། 611 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། གལ་ཏེ་ཐོ་ཡོར་ལ་དུས་ཐ་གི་ཙམ་ཞིག་ཏུ་མིར་འཁྲུལ་པར་ཟད་ལ་ལག་ སོགས་ལ་ལུས་བློ་ཡུན་རིང་དུ་འབྱུང་བས་མི་འདྲའོ་ཞེ་ན། ཇི་སྲིད་དེའི་རྒྱུ་རྐྱེན་ཚོགས་པ་དེ་ སྲིད་དུ་ནི་ཐོ་ཡོར་ལ་ཡང་སྐྱེས་བུ་ལྟར་སྣང་བ་སྐྱེ་བ་དེ་བཞིན་དུ་ཇི་སྲིད་ལག་སོགས་ལ་ཡང་ རྒྱུ་རྐྱེན་དེ་ཡོད་པ་དེ་སྲིད་དུ་ལུས་བློར་སྣང་བ་སྐྱེ་བས་ཁྱད་པར་མེད་དོ།། གསུམ་པ་དཔྱད་ན་ཡན་ལག་དང་ཉིང་ལག་ཀྱང་མི་འགྲུབ་པར་བསྟན་པ་ནི། དེ་བཞིན་སོར་མོའི་ཚོགས་ཡིན་ཕྱིར།། ལག་པའང་གང་ཞིག་ཡིན་པར་འགྱུར།། དེ་ཡང་ཚིགས་ཀྱི་ཚོགས་ཡིན་ཕྱིར།། ༨༦ ཚིགས་ཀྱང་རང་གི་ཆས་ཕྱེ་བས།། ཆ་ཡང་རྡུལ་དུ་ཕྱེ་བ་སྟེ།། རྡུལ་དེའང་ཕྱོགས་ཆའི་དབྱེ་བ་ཡིས།། ཕྱོགས་དབྱེའང་ཆ་ཤས་དང་བྲལ་ཕྱིར།། མཁའ་བཞིན་དེས་ན་རྡུལ་ཡང་མེད།། ༨༧ ཅེས་གསུངས་ཏེ། དེ་ལྟར་ལུས་རིལ་པོར་འཛིན་པ་ཟློག་པར་མ་ཟད་ཆ་ཤས་ཀྱང་དཔྱད་ན་མི་ འགྲུབ་སྟེ། ལུས་བཞིན་དུ་ལག་པ་དེ་ཡང་སོར་མོའི་ཚོགས་ཡིན་ཕྱིར། ལག་པའང་གང་ཞིག་ ཡིན་པར་འགྱུར། སོར་མོ་དེ་ཡང་ཚིགས་ཀྱི་ཚོགས་ཡིན་ཕྱིར། ཚིགས་ཀྱང་རང་གི་ཆ་ཤས་ཕྱེ་ 612 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བས། ཆ་ཡང་རྡུལ་དུ་ཕྱེ་བ་སྟེ། རྡུལ་དེའང་ཕྱོགས་ཆའི་དབྱེ་བ་ཡིས། ཕྱོགས་དབྱེའང་ཆ་ཤས་ དང་བྲལ་ཕྱིར། དེས་ན་ནམ་མཁའ་བཞིན་ཏེ་དེའི་ཕྱིར་རྡུལ་ཡང་དམིགས་སུ་མེད་དོ།། བཞི་པ་གཟུགས་རྨི་ལམ་ལྟར་བསྟན་པ་ནི། དེ་ལྟར་རྨི་ལམ་ལྟ་བུ་ཡི།། གཟུགས་ལ་དཔྱོད་ལྡན་སུ་ཞིག་ཆགས།། གང་ཚེ་དེ་ལྟར་ལུས་མེད་པ།། དེ་ཚེ་སྐྱེས་གང་བུད་མེད་གང༌།། ༨༨ ཞེས་གསུངས་ཏེ། སྐྱེས་པ་དང་བུད་མེད་ནི་དབང་པོའི་ཁྱད་པར་ལས་བཞག་པར་ཟད་ལ་ དབང་པོ་དེ་ཡང་ལུས་སུ་ཞེན་པ་ལས་འབྱུང་ལ་ལུས་ཉིད་མི་དམིགས་པར་ཤེས་ནས་དེའི་ ཁྱད་པར་ལྟ་ཤུལ་དུ་ག་ལ་ལུས་པའི་དོན་ཏོ།། གཉིས་པ་ཚོར་བ་དྲན་ཉེ་ལ་བཞི་སྟེ། ཚོར་བ་ཉིད་མ་གྲུབ་པ། ཚོར་བའི་རྒྱུ་མེད་པ། གང་ ཚོར་བའི་ཡུལ་མེད་པ། ཚོར་བའི་འཛིན་པ་མེད་པའོ། །དང་པོ་ལ་བཞི། སྡུག་བསྔལ་དོན་དམ་ དུ་མེད་པར་བསྟན། བདེ་བས་ཟིལ་གྱིས་མནན་པར་འདོད་པ་བཀག སྡུག་བསྔལ་ཕྲ་མོར་ ཡོད་པ་བཀག ཚོར་བ་རང་བཞིན་མེད་པར་བསྟན་པའོ། །དང་པོ་ནི། སྡུག་བསྔལ་དེ་ཉིད་དུ་ཡོད་ན།། ཇི་སྟེ་རབ་དགའ་ལ་མི་གནོད།། 613 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བདེ་ན་མྱ་ངན་གདུང་སོགས་ལ།། ཞིམ་སོགས་ཅི་སྟེ་དགའ་མི་བྱེད།། ༨༩ ཅེས་གསུངས་ཏེ། དེ་ཡང་ཚོར་བ་ནི་མིག་གིས་འདུས་ཏེ་རེག་པའི་རྐྱེན་གྱིས་ཚོར་བ་སོགས་ དྲུག་གམ། བསྡུ་ན་བདེ་སྡུག་བར་མ་གསུམ་དུ་འདུ་བའི་ཕྱིར། རེ་ཞིག་སྡུག་བསྔལ་གྱི་ཚོར་བ་ སྡུག་བསྔལ་དེ་ཉིད་དུ་བདེན་ཞིང་ཡོད་པར་ངེས་ན་ཅིའི་ཕྱིར་རབ་ཏུ་དགའ་བདེའི་ཚོར་བ་ལ་ཅིས་ མི་གནོད་དེ་སྡུག་བསྔལ་གྱི་ཚོར་བ་ཉིད་དུ་བདེན་པས་བདེ་བ་ཚོར་དུས་ན་ཡང་སྡུག་བསྔལ་དེ་ ཉིད་ཡོད་པའི་ཕྱིར། བདེ་བ་དོན་དམ་པར་ཡོད་ན་ཡང་མྱ་ངན་དང་སྡུག་བསྔལ་གྱིས་གདུངས་པ་ སོགས་ཀྱི་གནས་སྐབས་ལའང་རོ་ཞིམ་པ་སོགས་ལ་དགའ་བ་དང་ཅི་སྟེ་ཡིད་བདེ་ཞིང་དགའ་ བར་མི་བྱེད་དེ་བདེ་བ་དོན་དམ་དུ་བདེན་ལ་དེ་དང་ལྡན་པའི་སེམས་ཡིན་པའི་ཕྱིར། གཉིས་པ་བདེ་བས་ཟིལ་གྱིས་མནན་པར་འདོད་པ་བཀག་པ་ནི། སྟོབས་དང་ལྡན་པས་ཟིལ་མནན་ཕྱིར།། གལ་ཏེ་དེ་མྱོང་མ་ཡིན་ན།། གང་ཞིག་ཉམས་མྱོང་བདག་ཉིད་མིན།། དེ་ནི་ཚོར་བ་ཇི་ལྟར་ཡིན།། ༩༠ ཞེས་གསུངས་ཏེ། སྡུག་བསྔལ་གྱི་ཚོར་བ་ཡོད་མོད་ནའང་བདེ་བ་སྟོབས་དང་ལྡན་པས་ཟིལ་ གྱིས་མནན་པའི་ཕྱིར། གང་ཞིག་བདེ་བ་ཉམས་སུ་མྱོང་བས་ཟིལ་གྱིས་མནན་པའི་བདག་ 614 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཉིད་ཅན་གྱི་སྡུག་བསྔལ་དེ་ནི་སྡུག་བསྔལ་མ་ཡིན་ཏེ་སྡུག་བསྔལ་ནི་ཚོར་ཞིང་ཉམས་སུ་མྱོང་ བ་ལ་འདོགས་ན་སུས་ཀྱང་ཉམས་སུ་མ་མྱོང་བ་དེ་ནི་ཚོར་བ་ཇི་ལྟར་ཡིན། གསུམ་པ་སྡུག་བསྔལ་ཕྲ་མོར་ཡོད་པ་བཀག་པ་ནི། སྡུག་བསྔལ་ཕྲ་མོ་ཉིད་དུ་ཡོད།། འདི་ཡིས་རགས་པ་བསལ་མིན་ནམ།། དེ་ནི་དེ་ལས་གཞན་འགའ་ཙམ།། ཞེ་ན་ཕྲ་ཉིད་དེ་ཡང་དེའི།། ༩༡ ཞེས་གསུངས་ཏེ། གལ་ཏེ་སྡུག་བསྔལ་ཕྲ་མོ་ཉིད་དུ་ཡོད་པས་རྒྱུན་ཆད་པ་ཡང་མ་ཡིན་ནོ་ཞེ་ན། འོ་ན་དེའི་ཚེ་སྡུག་བསྔལ་ཕྲ་མོ་མྱོང་ཞིང་ཡོད་པ་འདིས་དེའི་དུས་ཀྱི་བདེ་བ་རགས་པ་ཡང་བསལ་ བ་མིན་ནམ་སྟེ་སྡུག་བསྔལ་ཕྲ་མོ་དང་བདེ་བ་རགས་པ་ཤེས་པ་གཅིག་གིས་དུས་ཅིག་ཆར་མྱོང་ བ་མི་སྲིད་པའི་ཕྱིར། སྡུག་བསྔལ་ཕྲ་མོ་དེ་ནི་བདེ་བ་རགས་པ་དེ་ལས་གཞན་པའི་དུས་འགའ་ ཞིག་ཏུ་སྐྱེ་བས་སྐྱོན་མེད་དོ་ཞེ་ན། སྡུག་བསྔལ་ཕྲ་མོ་ཉིད་དེ་ཡང་བདེ་བ་རགས་པ་དེའི་འགལ་ རྐྱེན་དུ་གྱུར་པས་ན་སྡུག་བསྔལ་དེ་ཡོད་བཞིན་དུ་བདེ་བ་དེ་སྐྱེ་མི་སྲིད་པར་འགྱུར་ལ། སྡུག་ བསྔལ་དེ་ནི་དོན་དམ་པར་ཡོད་པས་ནམ་ཡང་བདེ་བ་སྐྱེ་བ་མི་སྲིད་པར་ཐལ་བར་འགྱུར་རོ།། གལ་ཏེ་འགལ་རྐྱེན་སྐྱེས་པས་ན།། སྡུག་བསྔལ་སྐྱེས་པ་མིན་ན་ནི།། 615 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཚོར་བར་རྟོག་པ་མངོན་ཞེན་ཉིད།། ཡིན་ཞེས་བྱ་བར་གྲུབ་མིན་ནམ།། ༩༢ ཞེས་གསུངས་ཏེ། གལ་ཏེ་སྡུག་བསྔལ་ནི་རང་བཞིན་གྱིས་རྟག་པར་སྐྱེས་པ་མིན་ཏེ་རྒྱུ་རྐྱེན་ ཚོགས་པ་ལས་བྱུང་བ་ཙམ་མོ་ཞེ་ན་ནི། དེ་ལྟ་ན་རྒྱུ་རྐྱེན་བརྫུན་པ་ཚོགས་པ་ལས་གནས་ སྐབས་གཞན་དུ་སྣང་བ་ཙམ་དེ་ལ་ཚོར་བ་བདེ་སྡུག་བར་མར་རྟོག་ཅིང་དེ་ཡང་དག་ཏུ་འཛིན་ པ་ནི་ཕྱིན་ཅི་ལོག་ཏུ་མངོན་པར་ཞེན་པ་ཁོ་ན་ཉིད་ཡིན་ནོ་ཞེས་བྱ་བར་འགྲུབ་པ་མིན་ནམ། བཞི་པ་ཚོར་བ་རང་བཞིན་མེད་པར་བསྟན་པ་ནི། དེ་ཉིད་ཕྱིར་ན་འདི་ཡི་ནི།། གཉེན་པོར་རྣམ་དཔྱོད་འདི་སྒོམ་སྟེ།། རྣམ་བརྟགས་ཞིང་ལས་བྱུང་བ་ཡི།། བསམ་གཏན་རྣལ་འབྱོར་པ་ཡི་ཟས།། ༩༣ ཞེས་གསུངས་ཏེ། དེ་ཉིད་ཀྱི་ཕྱིར་ན་བདེ་སོགས་ཀྱི་ཚོར་བ་ལ་བདེན་པར་ཞེན་པ་འདི་ཡི་ནི་ གཉེན་པོར་ཚོར་བ་རང་གི་ངོ་བོ་ལ་རྣམ་པར་དཔྱོད་པ་འདི་སྒོམས་ཤིག་དང་ཚུལ་བཞིན་དུ་ རྣམ་པར་བརྟགས་པའི་ཞིང་ས་གཤིན་པོ་ལས་སྐྱེས་པའི་བསམ་གཏན་གྱི་མྱུ་གུ་ཤེས་རབ་ཀྱི་ འབྲས་བུས་ལྕིད་པ་སྤྲོས་པའི་སྦུན་པ་དང་བྲལ་བ་འདི་ནི་ཤེས་རབ་དམ་པ་ལ་སྤྱོད་པའི་རྣལ་ འབྱོར་པ་རྣམས་ཀྱི་བདེ་བར་འཚོ་བའི་ཟས་ཀྱི་དམ་པའོ།། 616 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གཉིས་པ་ཚོར་བའི་རྒྱུ་མེད་པར་བསྟན་པ་ལ་གསུམ། དབང་དོན་ཕྲད་པ་བཀག རྣམ་ ཤེས་ལ་ཕྲད་པ་མི་འཐད་པར་བསྟན། དེས་ན་རེག་པ་མེད་པས་ཚོར་བ་མི་འབྱུང་བར་བསྟན་ པའོ། །དང་པོ་ནི། དེའི་ཚེ་རང་སྡེ་བྱེ་སྨྲ་བ་ན་རེ། དབང་ཤེས་དང་ཡུལ་ཕྲད་པ་ནི་རེག་པ་ཡིན་ལ། དེ་ལས་ ཚོར་བ་ནི་དོན་དམ་པར་སྐྱེའོ་ཞེ་ན། གལ་ཏེ་དབང་དོན་བར་བཅས་ན།། དེ་དག་གང་དུ་ཕྲད་པར་འགྱུར།། བར་མེད་ན་ཡང་གཅིག་ཉིད་དེ།། གང་ཞིག་གང་དང་འཕྲད་པར་འགྱུར།། ༩༤ ཞེས་གསུངས་ཏེ། དེ་ལ་དྲིས་པ་ཅི་དབང་དོན་བར་བཅས་སུ་སྐྱེའམ་བར་མེད་དུ་སྐྱེ། གལ་ཏེ་ དབང་ཤེས་དང་དོན་གྱི་བར་རྣམ་པའམ་དེ་ལས་གཞན་གང་ཡང་རུང་བས་ཆོད་པ་དང་བཅས་ ཏེ་སྐྱེ་ན་དབང་དོན་དེ་དག་གང་དུ་ཕྲད་པར་འགྱུར་ཏེ་བར་གཞན་གྱིས་ཆོད་པའི་ཕྱིར། འོན་ཏེ་ ་བར་མེད་དུ་འདོད་ན་ཡང་དབང་དོན་འཕྲད་པ་ན་དེ་གཉིས་གཅིག་ཉིད་དུ་འདྲེ་བར་འགྱུར་ཏེ་ བར་གཞན་གྱིས་མ་ཆོད་པའི་ཕྱིར། དེས་ན་དབང་དོན་གང་དང་གང་ཞིག་ཕྲད་པར་འགྱུར་ཏེ་ དཔྱད་ན་ཕྲད་པ་ཉམས་སོ།། 617 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། རྡུལ་ཕྲན་རྡུལ་ཕྲན་ལ་འཇུག་མེད།། དེ་ནི་སྐབས་མེད་མཉམ་པ་ཡིན།། མ་ཞུགས་པ་ལ་འདྲེས་མེད་ཅིང༌།། མ་འདྲེས་པ་ལ་ཕྲད་པ་མེད།། ༩༥ ཆ་མེད་པ་ལའང་ཕྲད་པ་ཞེས།། བྱ་བ་ཇི་ལྟར་འཐད་པར་འགྱུར།། ཕྲད་པ་དང་ནི་ཆ་མེད་པར།། གལ་ཏེ་མཐོང་ན་བསྟན་པར་གྱིས།། ༩༦ ཞེས་གསུངས་ཏེ། གལ་ཏེ་རགས་པ་ཕྲད་པ་མ་ཡིན་གྱི་རྡུལ་ཕྲ་རབ་ཕྲད་པའོ་ཞེ་ན། རྡུལ་ཕྲ་ རབ་ནི་རྡུལ་ཕྲ་རབ་རང་ཉིད་ལ་འཇུག་པ་མེད་དེ་རྡུལ་ཕྲ་རབ་དེ་ཡི་རང་བཞིན་ནི་གོ་སྐབས་ གཞན་ནམ་བུ་ག་མེད་པ་མཉམ་པ་ཆ་མེད་གཅིག་ཡིན་པར་ཉན་ཐོས་པ་ཁྱོད་ཉིད་འདོད་པའི་ ཕྱིར། དེས་ན་ཆུ་ལ་ཆུ་ལྟར་གཅིག་ལ་གཅིག་མ་ཞུགས་པ་ལ་འདྲེས་པ་མེད་ཅིང་མ་འདྲེས་པ་ ལ་ནི་ཐུག་ཕྲད་དུ་ཕྲད་པ་མེད་ལ་ཕྱོགས་དང་སྐད་ཅིག་གི་ཆ་མེད་པ་ལ་ཡང་ཕྲད་པ་ཞེས་བྱ་བ་ ཇི་ལྟར་ན་འཐད་པར་འགྱུར་དེའི་ཕྱིར་ཕྲད་པ་དང་ནི་སྐད་ཅིག་དང་ཕྱོགས་ཀྱི་ཆ་མེད་པར་གཞི་ མཐུན་པ་དེ་ལྟ་བུ་གལ་ཏེ་ཁྱོད་ཀྱིས་མཐོང་ན་ཁོ་བོ་ལ་བསྟན་པར་གྱིས་ཤིག་དང་ངོ་མཚར་གྱི་ རྙེད་པ་བྱིན་པར་བྱའོ།། 618 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གཉིས་པ་རྣམ་ཤེས་ལ་ཕྲད་པ་མི་འཐད་པར་བསྟན་པ་ནི། རྣམ་ཤེས་ལུས་མེད་པ་ལ་ནི།། ཕྲད་པ་འཐད་པ་མ་ཡིན་ཉིད།། ཚོགས་པའང་དངོས་པོ་མེད་ཕྱིར་ཏེ།། སྔར་ནི་ཇི་ལྟར་རྣམ་དཔྱད་བཞིན།། ༩༧ ཞེས་གསུངས་ཏེ། སྤྱིར་ཡང་ལུས་ཅན་ལ་ཕྲད་པ་ཡོད་མོད། རྣམ་ཤེས་ལུས་མེད་པ་ལ་ནི་ཕན་ ཚུན་ཕྲད་པ་འཐད་པ་མ་ཡིན་པ་ཉིད་དོ། །གལ་ཏེ་རྣམ་ཤེས་ལའང་ཚོགས་པ་ལས་ཕྲད་པ་ བཞག་གོ་ཞེ་ན། ཚོགས་པའང་དཔྱད་ན་དངོས་པོ་མེད་པའི་ཕྱིར་ཏེ་སྔར་ནི་ཕྲེང་བ་དང་དམག་ སོགས་ཀྱི་དཔེས་ཇི་ལྟར་རྣམ་པར་དཔྱད་པ་བྱས་པ་བཞིན་ནོ།། གསུམ་པ་དེས་ན་རེག་པ་མེད་པས་ཚོར་བ་མི་འབྱུང་བར་བསྟན་པ་ནི། དེ་ལྟར་རེག་པ་ཡོད་མིན་ན།། ཚོར་བ་གང་ལས་འབྱུང་བར་འགྱུར།། ངལ་འདི་ཅི་ཡི་དོན་དུ་ཡིན།། གང་གིས་གང་ལ་གནོད་པར་འགྱུར།། ༩༨ ཞེས་གསུངས་ཏེ། དེ་ལྟར་དབང་དོན་ཕན་ཚུན་དུ་རེག་པ་ཡོད་པ་མིན་ན་དེའི་ཚོར་བ་གང་ 619 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ལས་འབྱུང་བར་འགྱུར་ཏེ། མེ་མེད་ན་དུ་བ་བཞིན་ནོ། །གལ་ཏེ་རྒྱུ་མ་མཐོང་ན་ཡང་ཚོར་བ་ ཙམ་ཞིག་ཡོད་དོ་ཞེ་ན། རྒྱུ་མེད་ཀྱང་འབྲས་བུ་ཡོད་པར་འདོད་པའི་ངལ་བ་འདི་ལྟ་བུ་ཅིའི་ དོན་དུ་ཡིན་ཏེ་ངལ་བ་འདིས་ཅི་བྱ། དེས་ན། གང་ཚེ་ཚོར་པོ་འགའ་མེད་ཅིང༌།། ཚོར་བའང་ཡོད་པ་མ་ཡིན་པ།། དེ་ཚེ་གནས་སྐབས་འདི་མཐོང་ནས།། སྲེད་པ་ཅི་ཕྱིར་ལྡོག་མི་འགྱུར།། ༩༩ ཞེས་གསུངས་པ་སྟེ། ཚོར་བ་ལས་སྲེད་པ་འབྱུང་ལ་རྒྱུ་འགགས་ན་འབྲས་བུ་ལྡོག་པའི་ཕྱིར་རོ།། གསུམ་པ་ཚོར་བའི་ཡུལ་མེད་པ་ནི། མཐོང་བ་འམ་ནི་རེག་པ་ཡང༌།། རྨི་ལམ་སྒྱུ་འདྲའི་བདག་ཉིད་ཀྱིས།། ཞེས་གསུངས་ཏེ། གཞན་ཡང་གང་ཚོར་བའི་ཡུལ་ཞིག་ཡོད་ན་ཚོར་ལ་རག་མོད་ཀྱང་གང་ མཐོང་བའམ་གང་ལ་རེག་པར་སྣང་བའི་ཡུལ་འདི་ཡང་ཇི་ལྟར་རྨི་ལམ་ན་མཐོང་རེག་དང་སྒྱུ་ མའི་མཐོང་རེག་འདྲ་བའི་བདག་ཉིད་ཀྱིས་གནས་པ་ཡིན་གྱི་དེ་ལས་གཞན་དུ་ཅུང་ཟད་ཀྱང་ མེད་པའི་ཕྱིར། 620 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བཞི་པ་ཚོར་བའི་འཛིན་པ་མེད་པ་ལ་གསུམ། དུས་གསུམ་གྱི་ཚོར་འཛིན་བཀག ཚོར་བ་ པོ་མེད་པར་བསྟན། བརྗོད་བྱའི་དོན་སྤྱིར་བསྡུས་པའོ། །དང་པོ་ནི། སེམས་དང་ལྷན་ཅིག་སྐྱེས་པའི་ཕྱིར།། ཚོར་བ་དེ་ཡིས་མཐོང་མ་ཡིན།། ༡༠༠ སྔ་དང་ཕྱི་མར་སྐྱེས་པས་ཀྱང༌།། དྲན་པར་འགྱུར་གྱིས་མྱོང་མ་ཡིན།། ཞེས་གསུངས་ཏེ། གཞན་ཡང་ཚོར་བ་ཡང་དག་པར་མེད་དེ་དེ་སེམས་ཀྱིས་མི་མྱོང་བའི་ཕྱིར། དེ་ལ་སེམས་ཀྱི་སྐད་ཅིག་དང་ཚོར་བའི་སྐད་ཅིག་ལྷན་ཅིག་ཏུ་སྐྱེས་པ་ན་ནི་ཚོར་བ་དེ་ཡིས་ སེམས་དེ་ཡང་མཐོང་བ་མ་ཡིན་ལ། སེམས་དེས་ཚོར་བ་དེ་ཡང་མཐོང་བ་མ་ཡིན་ཏེ་དུས་ མཉམ་ལ་བྱ་བྱེད་འགལ་བའི་ཕྱིར། ཚོར་བ་སྔ་ལོགས་དང་སེམས་ཕྱི་མར་སྐྱེས་པས་ཀྱང་སྔ་ ལོགས་ཀྱི་ཚོར་བ་དེ་དྲན་པར་འགྱུར་གྱི་ཕྱི་མའི་སེམས་ཀྱིས་མྱོང་བ་མིན་ཏེ་འགགས་ཟིན་ པའི་ཕྱིར། དཔེར་ན་ཁ་སང་གི་གྲང་རེག་དེ་རིང་ཡིད་ལ་བྱེད་པ་བཞིན་ནོ། །སེམས་སྔ་ལ་ཚོར་ བ་འཕྱི་ནའང་སྐྱོན་དེ་ཉིད་ཀྱིས་རེག་གོ། གཉིས་པ་ཚོར་བ་པོ་མེད་པར་བསྟན་པ་ནི། རང་གིས་བདག་ཉིད་མྱོང་མིན་ན།། གཞན་དག་གིས་ཀྱང་མྱོང་མ་ཡིན།། ༡༠༡ 621 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཚོར་པོ་འགའ་ཡང་ཡོད་མིན་ཏེ།། དེས་ན་ཚོར་བ་དེ་ཉིད་མིན།། ཞེས་གསུངས་ཏེ། ཚོར་བ་རང་གིས་ཚོར་བ་བདག་ཉིད་མྱོང་བའང་མིན་ཏེ་མིག་རང་གིས་ རང་མི་མཐོང་བ་ལྟ་བུའི་ཕྱིར། ཚོར་བ་རང་ལས་གཞན་པ་དག་གིས་ཀྱང་མྱོང་བ་མ་ཡིན་ཏེ་ གཟུགས་ཀྱིས་སྒྲ་མི་མྱོང་བ་བཞིན་ནོ། །དེ་ལྟར་དཔྱད་པ་ན་ཤེས་རབ་དྲི་མ་མེད་པའི་མདུན་ ན་གང་ཞིག་ཚོར་བ་དང་གང་གིས་ཚོར་བ་པོ་དང་ཇི་ལྟར་ཚོར་བ་འགའ་ཡང་ཡོད་པ་མིན་ཏེ། དེས་ན་ཚོར་བ་ནི་མ་དཔྱད་པ་འཁྲུལ་ངོར་སྒྲོ་བཏགས་པས་སྣང་བ་ཡིན་གྱི་དཔྱད་ན་དེ་ཁོ་ན་ ཉིད་མིན་ནོ།། གསུམ་པ་བརྗོད་བྱའི་དོན་སྤྱིར་བསྡུས་པ་ནི། དེ་ལྟར་བདག་མེད་ཚོགས་འདི་ལ།། འདི་ཡིས་ཅི་སྟེ་གནོད་པ་བྱེད།། ༡༠༢ ཅེས་གསུངས་ཏེ། དེ་ལྟར་ཆོས་དང་གང་ཟག་གི་བདག་མེད་པ་ལུས་སེམས་ཀྱི་ཚོགས་པ་སྒྱུ་ མ་ཙམ་འདི་ལ་སྒྲོ་བཏགས་པའི་ཚོར་བ་འདིས་ཕན་པའམ་གནོད་པར་ཅི་ཞིག་བྱེད་དེ་སྒྱུ་མའི་ ནམ་མཁའ་ལ་སྒྱུ་མའི་མེ་ཆུས་མི་གནོད་པ་བཞིན་ནོ། །འདི་ནི་ཚོར་བའི་དྲན་ཉེ་ཡང་དག་པར་ སྒོམ་པ་ཡིན་ཏེ། འཇམ་དཔལ་གང་གིས་ཚོར་བ་ཉིད་མི་དམིགས་ན་དེ་ནི་ཚོར་བ་ལ་ཚོར་བའི་ རྗེས་སུ་ལྟ་བའི་དྲན་པ་ཉེ་བར་བཞག་པའོ། །ཞེས་སོ།། 622 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གསུམ་པ་སེམས་དྲན་ཉེ་ལ་ཡང་གཉིས། སེམས་མ་གྲུབ་པ་དང༌། ཡུལ་མ་གྲུབ་ པའོ། །དང་པོ་ལ་གཉིས། སེམས་དཔྱད་མི་བཟོད་པ་དང༌། གཟོད་ནས་དག་པར་བསྟན་ པའོ། །དང་པོ་ནི། ཡིད་ནི་དབང་རྣམས་ལ་མི་གནས།། གཟུགས་སོགས་ལ་མིན་བར་ནའང་མིན།། ནང་ཡང་སེམས་མིན་ཕྱི་མིན་ཞིང༌།། གཞན་དུ་ཡང་ནི་རྙེད་མ་ཡིན།། ༡༠༣ ཞེས་གསུངས་ཏེ། དེ་ཡང་ཚོར་བ་ཡོད་དེ་ཚོར་བ་པོ་སེམས་ཡོད་པས་སོ་སྙམ་ན། སེམས་ སམ་ཡིད་དེ་ཉིད་ནི་ནང་མིག་སོགས་ཀྱི་དབང་པོ་རྣམས་ལ་མི་གནས་ཤིང་ཕྱི་གཟུགས་ སོགས་ཀྱི་ཡུལ་ལ་ཡང་མིན་ལ་དེ་གཉིས་ཀྱི་བར་ནའང་གནས་པ་མིན་ཏེ། དེས་ན་གང་ ནའང་མི་གནས་པ་དེ་ནི་ངོ་བོ་ཉིད་ཀྱིས་ཡོད་པ་མ་ཡིན་ནོ། །སུ་ཞིག་སེམས་ཡིན་ཞེས་ བརྟགས་ན་ནང་དབང་པོ་ཡང་སེམས་མིན་ལ་ཕྱི་ཡུལ་ཡང་སེམས་མིན་ཞིང་ཕྱི་ནང་དེ་ལས་ གཞན་དུ་ཡང་ནི་སེམས་ཐ་དད་པར་རྙེད་པ་མིན་ཏེ་སུ་ཡང་སེམས་ཡིན་པ་པོ་མ་མཐོང་ན་ད་ ནི་སེམས་ཞེས་གང་ཞིག་ལ་འདོགས། གང་ཞིག་ལུས་མིན་གཞན་དུ་མིན།། འདྲེས་མིན་ལོགས་སུ་འགར་མེད་པ།། 623 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེས་ན་གང་ཞིག་ཡིད་དེ་ནི་ལུས་ཀྱང་མིན་ལ་ལུས་ལས་གཞན་དུའང་མིན་ ཞིང་ལུས་དང་འདྲེས་པའང་མིན་ལ་ལུས་ལས་ལོགས་སུ་ཡང་འགར་ཡང་མཐོང་དུ་མེད་དོ།། གཉིས་པ་གཟོད་ནས་དག་པར་བསྟན་པ་ནི། དེ་ནི་ཅུང་ཟད་མིན་དེའི་ཕྱིར།། སེམས་ཅན་རང་བཞིན་མྱ་ངན་འདས།། ༡༠༤ ཞེས་གསུངས་ཏེ། དེ་ནི་རང་གི་ངོ་བོ་ཅུང་ཟད་དུ་ཡང་མཐོང་བ་མིན་པ་དེའི་ཕྱིར་སེམས་ཅན་ གྱི་སེམས་ཀྱི་རང་བཞིན་གཟོད་མ་ནས་མྱ་ངན་ལས་འདས་པ་སྤྲོས་པས་མ་གོས་པ་ཉིད་དོ།། གཉིས་པ་ཡུལ་མ་གྲུབ་པ་ལ་གསུམ། ཤེས་བྱ་སྔ་མ་དང༌། དུས་མཉམ་པ་དང༌། ཤེས་ བྱ་འཕྱི་བའི་སྐྱོན་བསྟན་པའོ། །དང་པོ་ནི། ཤེས་བྱ་ལས་སྔར་ཤེས་ཡོད་ན།། དེ་ནི་ཅི་ལ་དམིགས་ནས་སྐྱེ།། ཞེས་གསུངས་ཏེ། གལ་ཏེ་ཤེས་པ་ཡང་དག་པར་ཡོད་དེ་ཡུལ་ཤེས་བྱ་རང་བཞིན་གྱིས་ཡོད་ པའི་ཕྱིར་སྙམ་ན། འོ་ན་ཤེས་བྱ་དང་ཤེས་པ་སྔོན་དུ་གང་བྱུང་ཞེས་དྲི་བར་བྱའོ། །གལ་ཏེ་ ཤེས་པ་སྔ་ན་ཤེས་བྱ་ལས་སྔར་ཤེས་པ་ཡོད་པར་འགྱུར་ལ། དེ་ལྟ་ན་ཤེས་པ་དེ་ནི་ཅི་ལ་ དམིགས་ནས་སྐྱེ་སྟེ་ཤེས་བྱ་ལས་གཞན་པའི་ཡུལ་མེད་ལ་ཤེས་བྱ་ནི་བྱུང་མ་ཟིན་པའི་ཕྱིར། 624 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གཉིས་པ་དུས་མཉམ་པའི་སྐྱོན་ནི། ཤེས་དང་ཤེས་བྱ་ལྷན་ཅིག་ན།། དེ་ནི་ཅི་ལ་དམིགས་ནས་སྐྱེ།། ༡༠༥ ཞེས་གསུངས་ཏེ། ཤེས་པ་དང་ཤེས་བྱ་ལྷན་ཅིག་དུས་མཉམ་དུ་བྱུང་ངོ་ཞེ་ན། ཤེས་པ་དེ་ནི་ཅི་ ལ་དམིགས་ནས་སྐྱེ་སྟེ་དུས་མཉམ་པ་ནི་བྱ་བྱེད་འགལ་བས་ན་གཞལ་བར་མི་བྱེད་པའི་ཕྱིར། གསུམ་པ་ཤེས་བྱ་འཕྱི་བའི་སྐྱོན་བསྟན་པ་ནི། འོན་ཏེ་ཤེས་བྱ་ཕྱིས་ཡོད་ན།། དེ་ཚེ་ཤེས་པ་གང་ལས་སྐྱེ།། ཞེས་གསུངས་ཏེ། དེ་ལྟར་ན་ཆོས་རྣམས་ཐམས་ཅད་ཀྱི་སྐྱེ་འགག་གནས་པ་དང་ཡུལ་ཡུལ་ ཅན་སོགས་ནི་བག་ཆགས་གོམས་པའི་འཁྲུལ་རྒྱུན་ལ་ཞེན་ཏེ་སྒྲོ་བཏགས་པར་ཟད་ཀྱི་ ཡང་དག་པའི་ཤེས་པའི་ངོར་དེ་དག་ཡོད་པ་མིན་ནོ། །དེ་ལྟར་སེམས་གཟོད་ནས་དག་པར་ མཐོང་བ་ནི་སེམས་དྲན་ཉེ་སྟེ། གཙུག་ན་རིན་ཆེན་གྱི་མདོ་ལས། དེ་སེམས་ཀུན་ཏུ་ཚོལ་བ་ ན་སེམས་དེ་ནི་ནང་དང་ཕྱི་དང་གཉི་ག་དེང་ེཕེེུ་ང་ཁམས་སྐྱེ་མཆེད་རྣམས་ལ་ཡང་དག་པར་ རྗེས་སུ་མི་མཐོང་ངོ༌། །ཞེས་དང༌། འཇམ་དཔལ་གང་གིས་སེམས་མིང་ཙམ་དུ་ཤེས་ན་དེ་ནི་ སེམས་ལ་སེམས་ཀྱིས་རྗེས་སུ་ལྟ་བའི་དྲན་པ་ཉེ་བར་བཞག་པའོ། །ཞེས་སོ།། 625 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བཞི་པ་ཆོས་དྲན་ཉེ་ལ་གསུམ། ཆོས་ཐམས་ཅད་སྐྱེ་མེད་དུ་བསྟན་པ། ཧ་ཅང་ཐལ་བ་ སྤང་བ། ཐུག་མེད་དུ་ཐལ་བ་སྤང་བའོ། །དང་པོ་ནི། དེ་ལྟར་ཆོས་རྣམས་ཐམས་ཅད་ཀྱི།། སྐྱེ་བ་རྟོགས་པར་འགྱུར་མ་ཡིན།། ༡༠༦ ཞེས་གསུངས་ཏེ། དེ་ཡང་ལུས་དང་ཚོར་བ་དང་སེམས་སུ་ཞེན་པ་དེ་ལྟར་ཟློག་པ་ན་དེ་རྣམས་ ལས་གཞན་པའི་ཆོས་ཤུལ་ན་མེད་པའི་ཕྱིར་ཆོས་ཐམས་ཅད་ཀྱང་རང་བཞིན་མེད་པར་ཁོང་ དུ་ཆུད་པར་འགྱུར་ལ། དེ་ལྟར་ཆོས་རྣམས་ཐམས་ཅད་ཀྱི་སྐྱེ་བ་རྟོགས་པར་འགྱུར་བ་མ་ཡིན་ པར་ཤེས་པས་སྐྱེ་བའི་འཛིན་པ་ལས་ལོག་ཅིང་དེའི་ཕྱིར་འགག་པ་དང་གནས་པར་ཡང་མི་ དམིགས་པས་སྤྲོས་པ་དང་གཟོད་ནས་བྲལ་བར་ཁོང་དུ་ཆུད་པར་འགྱུར་རོ།། གཉིས་པ་ཧ་ཅང་ཐལ་བ་སྤང་བ་ལ་གཉིས། བརྒལ་བ་བཀོད། ལན་བཏབ་པའོ། །དང་པོ་ནི། གལ་ཏེ་དེ་ལྟར་ཀུན་རྫོབ་མེད།། དེ་ལ་བདེན་གཉིས་ག་ལ་ཡོད།། ཅེས་གསུངས་ཏེ། དེའི་ཚེ་རྣམ་རིག་པ་དང་དངོས་སྨྲ་བ་དག་ན་རེ། གལ་ཏེ་ཐམས་ཅད་སྐྱེ་ མེད་ཡིན་པ་དེ་ལྟ་ན་ཀུན་རྫོབ་མེད་པར་འགྱུར་ལ། ཀུན་རྫོབ་མེད་པར་འདོད་པ་དེ་ལ་ནི་ བདེན་པ་གཉིས་ག་ལ་ཡོད་དེ་སྔར་བདེན་གཉིས་རྣམ་པར་བཞག་པ་དང་འགལ་ལོ།། 626 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེ་ཡང་ཀུན་རྫོབ་གཞན་གྱིས་ན། སེམས་ཅན་མྱ་ངན་ག་ལ་འདའ།། ༡༠༧ ཞེས་གསུངས་ཏེ། ཀུན་རྫོབ་དེ་ཡང་ཀུན་རྫོབ་རང་གི་ངོ་བོ་ནས་བཞག་པ་མིན་པར་རྒྱུ་མཚན་ གཞན་གྱིས་བལྟོས་ཏེ་བཞག་པ་སྨིག་རྒྱུ་ལ་ཆུར་ཞེན་ནི་སྨིག་རྒྱུས་བཞག་པ་མིན་པར་དེར་ ཞེན་གྱི་བློ་ཀུན་རྫོབ་པ་གཞན་གྱིས་བཞག་པ་ལྟར་རོ་ཞེ་ན། འོ་ན་སེམས་ཅན་མྱ་ངན་ག་ལ་ འདའ་སྟེ་ཀུན་རྫོབ་མེད་ན་སེམས་ཅན་མེད་པའི་ཕྱིར་རམ་སངས་རྒྱས་ཟིན་ཡང་གཞན་གྱིས་ མ་རིག་པ་ཅན་དུ་འཇོག་སྲིད་པའི་ཕྱིར་རོ། །ཞེས་རྒོལ་བའི་རྩོད་པ་དང༌། ལན་གྱི་དོགས་པ་ བསུས་ནས་སླར་བརྒལ་བར་རློམ་པ་བཀོད་ནས། གཉིས་པ་ལན་བཏབ་པ་ནི། འདི་ནི་གཞན་སེམས་རྣམ་རྟོག་སྟེ།། དེ་ནི་རང་གི་ཀུན་རྫོབ་མིན།། ཞེས་གསུངས་ཏེ། དེ་ལྟར་སངས་རྒྱས་པ་དང་མ་རྒྱས་པར་བཞག་པ་འདི་ནི་གཞན་སེམས་ ཀྱི་རྣམ་པར་རྟོག་པ་ལས་བཏགས་པ་ཡིན་ཏེ། དེ་ནི་སངས་རྒྱས་རང་གི་ངོ་བོ་ནས་ཀུན་རྫོབ་ གཟིགས་པས་སངས་རྒྱས་པའམ་མ་རྒྱས་པར་བཞག་པ་མ་ཡིན་ཏེ་ཆོས་ཐམས་ཅད་གཟོད་ མ་ནས་ངོ་བོ་ཉིད་ཀྱིས་ཅི་ཡང་མ་ཡིན་པར་གཟིགས་ཤིང༌། བདེན་བརྫུན་ལ་སོགས་པའི་ འདུ་ཤེས་རྣམ་པར་ལོག་པའི་ཕྱིར། སྤྱིར་ཡང་སྟོང་ཉིད་ནམ་མཁའ་འམ་རྒྱ་མཚོ་ལྟ་བུ་ལ་རྟེན་ 627 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཅིང་འབྲེལ་བར་འབྱུང་བ་ཀུན་རྫོབ་པ་སྤྲིན་ནམ་ཆུ་རླབས་ལྟ་བུ་སྣང་དུ་རུང་ཞིང་རྒྱ་མཚོ་དང་ དེའི་རླབས་ནི་གཅིག་གམ་ཐ་དད་དུ་གདགས་པར་མི་ནུས་པ་ལྟ་བུ་སྟེ། དོན་དམ་ཆོས་ཀྱི་སྐུ་ མངོན་དུ་བྱས་པ་ན་གཞན་སྣང་ལ་ཀུན་རྫོབ་གཟུགས་ཀྱི་སྐུ་འབད་མེད་དུ་འབྱུང་བ་ཡིན་ལ། ད་ལྟར་ཡང་ཀུན་རྫོབ་ངོ་བོ་ཉིད་ཀྱིས་མེད་པ་དང་ཀུན་རྫོབ་ཏུ་སྣང་བ་སྣ་ཚོགས་འབྱུང་བ་ནི་ མི་འགལ་ཏེ་ཆུ་ནང་གི་ཟླ་གཟུགས་མི་བདེན་པ་དང་སྣང་བ་མི་འགལ་བ་བཞིན་ནོ།། ཕྱིས་དེ་ངེས་ན་དེ་ཡོད་དེ།། མིན་ན་ཀུན་རྫོབ་མེད་པ་ཉིད།། ༡༠༨ ཅེས་གསུངས་ཏེ། ཕྱི་ནས་ཁྱེད་ཅག་གིས་ཀྱང་དེ་ལྟ་བུ་ངེས་ཤིང་ཁོང་དུ་ཆུད་ན་དོན་དམ་སྐྱེ་མེད་ དང༌། ཀུན་རྫོབ་སྒྱུ་མ་ལྟ་བུར་ཡོད་པ་མི་འགལ་བ་དེ་ཁོང་དུ་ཆུད་པར་འགྱུར་ལ། དོན་དམ་སྐྱེ་ མེད་མ་ཡིན་ན་ནི་ཀུན་རྫོབ་མེད་པ་ཉིད་དུ་ཁྱེད་ཅག་མི་འདོད་བཞིན་དུ་ཁས་ལེན་དགོས་ཏེ། གང་ལ་སྟོང་ཉིད་མི་རུང་བ།། དེ་ལ་ཅི་ཡང་རུང་མ་ཡིན།། སོགས་དང༌། གལ་ཏེ་སྟོང་ཉིད་མ་ཡིན་ན།། འཕགས་པའི་བདེན་པ་བཞི་པོ་རྣམས།། ཁྱོད་ལ་མེད་པར་ཐལ་བར་འགྱུར།། ཞེས་སོགས་གསུངས་པའི་ཕྱིར། 628 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གསུམ་པ་ཐུག་མེད་དུ་ཐལ་བ་སྤང་བ་ལ་བཞི། རྩོད་པ་བཀོད་པ། ལན་བཏབ་པ། ཕ་ རོལ་གྱི་ཡང་ལན་བརྗོད། དེ་ཡི་དོགས་པ་བསལ་བའོ། །དང་པོ་ནི། རྟོག་དང་བརྟག་པར་བྱ་བ་དག། གཉིས་པོ་ཕན་ཚུན་བརྟེན་པ་ཡིན།། ཞེས་གསུངས་ཏེ། གལ་ཏེ་གང་གིས་རྟོག་པར་བྱ་བ་ཤེས་པ་ལ་བལྟོས་ནས་གང་བརྟག་པར་ བྱ་བ་ཤེས་བྱ་འཇོག་ཅིང༌། ཤེས་བྱ་ལ་བལྟོས་ནས་ཀྱང་ཤེས་པར་འཇོག་པ་དག་ཡིན་པ་དེའི་ ཚེ་ན་ཤེས་པ་དང་ཤེས་བྱ་གཉིས་པོ་རྟོག་པ་ཕན་ཚུན་བརྟེན་པ་ཡིན་པས་ནམ་ཡང་རྣམ་པར་ དཔྱོད་མི་ནུས་པར་འགྱུར་རོ་ཞེ་ན། གཉིས་པ་ལན་བཏབ་པ་ནི། ཇི་ལྟར་གྲགས་པ་ལ་བརྟེན་ནས།། རྣམ་པར་དཔྱད་པ་ཐམས་ཅད་བརྗོད།། ༡༠༩ ཅེས་གསུངས་ཏེ། དེ་ལྟར་དཔྱད་ན་རྟོག་པ་ཕན་ཚུན་བརྟེན་པའི་ཕྱིར་གཉི་གའང་མི་འགྲུབ་ པ་ནི་དོན་དམ་པའི་གནས་སྐབས་ཡིན་ལ། རེ་ཞིག་ཀུན་རྫོབ་རྣམ་འཇོག་གི་སྐབས་འདིར་ ནི་རྒོལ་བ་གཉི་ག་ལ་གྲགས་པའི་ཆོས་གཟུགས་ལ་སོགས་པ་མ་དཔྱད་པའི་ངོར་ཇི་ལྟར་ གྲགས་པ་འདི་ཙམ་ལ་བརྟེན་ནས་རྣམ་པར་དཔྱད་པ་ཐམས་ཅད་གཞན་གྱི་ལོག་རྟོག་ཟློག་ པའི་དགོས་པ་རྒྱུ་མཚན་དུ་བྱས་ནས་བརྗོད་པ་སྟེ་རྣམ་དཔྱོད་ཉིད་ཀྱང་ངོ་བོ་ཉིད་ཀྱིས་དེར་ བདེན་པ་ནི་མ་ཡིན་ནོ།། 629 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གསུམ་པ་ཕ་རོལ་གྱི་ཡང་ལན་བརྗོད་པ་ནི། གང་ཚེ་རྣམ་པར་དཔྱད་པ་ཉིད།། རྣམ་དཔྱོད་ཀྱིས་ནི་དཔྱོད་བྱེད་ན།། ཞེས་གསུངས་ཏེ། འོ་ན་རྣམ་དཔྱོད་དེ་ཉིད་ཀྱང་རྣམ་དཔྱོད་གཞན་གྱིས་དཔྱོད་དགོས་སོ་ཞེ་ན། གལ་ཏེ་རྣམ་པར་དཔྱད་པ་ཡང་རྣམ་དཔྱོད་ཀྱིས་ནི་དཔྱོད་བྱེད་ན། ཞེས་སོ།། བཞི་པ་དེ་ཡི་དོགས་པ་བསལ་བ་ནི། དེ་ཚེ་རྣམ་དཔྱོད་དེ་ཡང་ནི།། རྣམ་དཔྱོད་ཕྱིར་ན་ཐུག་པ་མེད།། ༡༡༠ དཔྱད་བྱ་རྣམ་པར་དཔྱད་བྱས་ནས།། རྣམ་དཔྱོད་ལ་ནི་རྟེན་ཡོད་མིན།། རྟེན་མེད་ཕྱིར་ན་མི་སྐྱེ་སྟེ།། དེ་ཡང་མྱ་ངན་འདས་པར་བརྗོད།། ༡༡༡ ཅེས་གསུངས་ཏེ། དེ་ཚེ་རྣམ་དཔྱོད་དེ་ཡང་ནི། རྣམ་དཔྱོད་ཕྱིར་ན་ཐུག་པ་མེད་པར་ཐལ་ བར་འགྱུར་མོད། དེ་ལྟར་ཡང་མ་ཡིན་ཏེ། དཔྱད་བྱ་ཕ་རོལ་གྱི་ལོག་རྟོག་ཇི་སྙེད་པ་དེ་སྙེད་ དུ་དཔྱོད་བྱེད་ཤེས་རབ་ཀྱིས་རྣམ་པར་དཔྱད་པར་བྱས་པ་ན་ཕ་རོལ་གྱི་ལོག་རྟོག་ལྡོག་ཅིང་ 630 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེ་ལོག་པ་ན་རྣམ་དཔྱོད་ཀྱི་དགོས་པ་གྲུབ་པས་རྣམ་དཔྱོད་ཉིད་ཀྱང་རང་ཞི་བར་འགྱུར་ཏེ་ དགོས་པ་འདིའི་ཕྱིར་རྣམ་པར་དཔྱོད་པར་ཟད་ཀྱི། རྣམ་དཔྱོད་ཉིད་ལ་ནི་རྟེན་ནམ་ངོ་བོ་ཁྱད་ པར་བ་ཡོད་པ་མིན་ལ། ལོག་རྟོག་ལྡོག་ཟིན་པའི་རྗེས་སུ་རྟེན་ནམ་དགོས་པ་མེད་པའི་ཕྱིར་ ན་རྣམ་དཔྱོད་ཉིད་ཀྱང་མི་སྐྱེ་སྟེ་ཤིང་བསྲེགས་ཟིན་པ་ན་མེ་རང་ལྡོག་པ་བཞིན་དང༌། ཟླ་ མཆོག་གི་མདོ་ལས་ཀྱང༌། བུ་མོ་ཁྱོད་ཀྱི་སྤོབས་པ་འདི་སུས་བྱིན། གནས་བརྟན་ཉིད་ཀྱིས་ བསྩལ་ཏེ་གནས་བརྟན་གྱིས་མ་དྲིས་ན་བདག་གི་སྤོབས་པ་འདི་མི་སྐྱེ་བའི་ཕྱིར། ཞེས་སོ།། དེ་ལྟར་སྒྲོ་སྐུར་གྱི་ཞེན་པ་ལོག་པ་ན་ཆོས་རྣམས་ཀྱི་རང་བཞིན་བསལ་བཞག་བྱར་མེད་ པ་སྟོང་ཞིང་འོད་གསལ་བ་ཙམ་འདི་ནི་ཆོས་རྣམས་ཀྱི་གཉུག་མ་སྟེ་དེ་ཡང་གཟོད་མ་ནས་མྱ་ ངན་འདས་པ་ཉིད་དུ་བརྗོད་དོ། །དེ་ལྟར་ཆོས་འདུས་བྱས་སམ་འདུས་མ་བྱས་གང་ཡང་མི་ དམིགས་པས་དགེ་བ་དང་མི་དགེ་བར་འཛིན་པ་ཡང་རྣམ་པར་ལོག་པ་ནི་ཆོས་དྲན་པ་ཉེར་ བཞག་ཡང་དག་པ་སྟེ། འཇམ་དཔལ་གང་གིས་དགེ་བ་དང་མི་དགེ་བའི་ཆོས་མི་དམིགས་ན་ དེ་ནི་ཆོས་ལ་ཆོས་ཀྱི་རྗེས་སུ་ལྟ་བའི་དྲན་པ་ཉེ་བར་བཞག་པའོ། །ཞེས་སོ།། བཞི་པ་དངོས་འཛིན་དགག་པ་ལ་གཉིས། དངོས་པོ་ལ་སྒྲུབ་བྱེད་མེད་པར་བསྟན་པ་ དང༌། གནོད་བྱེད་ཡོད་པར་བསྟན་པའོ། །དང་པོ་ལ་བཞི། མདོར་བསྟན། ཤེས་པ་དང་ཤེས་ བྱ་མི་འགྲུབ་པར་བསྟན། དེའི་དཔེ་བཤད། ས་མྱུག་གི་དཔེ་དང་མི་མཚུངས་པར་བསྟན་ པའོ། །དང་པོ་ནི། 631 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གང་གི་ལྟར་ན་འདི་གཉིས་བདེན།། དེ་ཉིད་ཤིན་ཏུ་དཀའ་བར་གནས།། ཞེས་གསུངས་ཏེ། དེ་ཡང་དངོས་པོར་སྨྲ་བ་རྣམས་གང་གི་ལུགས་ལྟར་ན་རྣམ་པར་དཔྱད་བྱ་ དཔྱོད་བྱེད་འདི་གཉིས་ངོ་བོ་ཉིད་ཀྱིས་བདེན་པར་འགྱུར་ལ། དཔྱད་བྱ་དཔྱོད་བྱེད་བདེན་པ་དེ་ གཉིས་ནི་ཤིན་ཏུ་དཀའ་བར་གནས་པས་སུས་ཀྱང་མི་འགྲུབ་སྟེ། དཔྱད་བྱ་དཔྱོད་བྱེད་ནི་ཕན་ ཚུན་གཅིག་ལ་གཅིག་བལྟོས་ཤིང་མ་བལྟོས་པའི་ཚེ་ན་ནི་གཉི་ག་མེད་པའི་ཕྱིར། གཉིས་པ་ཤེས་པ་དང་ཤེས་བྱ་མི་འགྲུབ་པར་བསྟན་པ་ནི། གལ་ཏེ་ཤེས་དབང་ལས་དོན་གྲུབ།། ཤེས་ཡོད་ཉིད་ལ་རྟེན་ཅི་ཡོད།། ༡༡༢ ཅེས་གསུངས་ཏེ། དོན་སྨྲ་བ་ན་རེ། གལ་ཏེ་ཤེས་པ་དང་དབང་པོ་ལས་ཕྱི་དོན་གཟུགས་སོགས་ འགྲུབ་བོ་ཞེ་ན། ཐོག་མར་ཤེས་པ་ཡོད་པ་ཉིད་ལ་རྟེན་ནམ་འཐད་པ་ཅི་ཞིག་ཡོད་སྨྲོས་ཤིག འོན་ཏེ་ཤེས་བྱ་ལས་ཤེས་གྲུབ།། ཤེས་བྱ་ཡོད་ལ་རྟེན་ཅི་ཡོད།། དེ་སྟེ་ཕན་ཚུན་དབང་གིས་ཡོད།། གཉིས་ཀ་ཡང་ནི་མེད་པར་འགྱུར།། ༡༡༣ 632 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། འོན་ཏེ་ཡུལ་ཤེས་བྱ་ཡོད་པ་ལས་ཡུལ་ཅན་ཤེས་པ་གྲུབ་བོ་ཞེ་ན། ཡུལ་ ཤེས་བྱ་ཡོད་པ་ལའང་རྟེན་གྱི་གཏན་ཚིགས་ཅི་ཡོད། དེ་སྟེ་ཤེས་པ་ལས་ཤེས་བྱ་འགྲུབ་ཅིང་ ཤེས་བྱ་ལས་ཤེས་པ་འགྲུབ་པས་ཕན་ཚུན་བལྟོས་པའི་དབང་གིས་ཡོད་དོ་ཞེ་ན། འོ་ན་མ་ ལྟོས་པའི་ཚེ་གཉི་ག་ཡང་ནི་མེད་པར་འགྱུར་ཏེ་ཤེས་པ་ལ་མ་ལྟོས་པར་ཤེས་བྱ་མེད་ཅིང་ཤེས་ བྱ་ལ་མ་ལྟོས་པར་ཤེས་པ་མེད་པའི་ཕྱིར། གསུམ་པ་དེའི་དཔེ་བཤད་པ་ནི། གལ་ཏེ་བུ་མེད་ཕ་མིན་ན།། བུ་ཉིད་གང་ལས་བྱུང་བ་ཡིན།། བུ་མེད་པར་ནི་ཕ་མེད་པ།། དེ་བཞིན་དེ་གཉིས་མེད་པ་ཉིད།། ༡༡༤ ཅེས་གསུངས་ཏེ། དཔེར་ན་ཕས་བསྐྱེད་པ་ལ་བལྟོས་ཏེ་བུ་དང༌། བུ་སྐྱེད་པ་ལ་བལྟོས་ཏེ་ཕར་ འཇོག་པའི་ཕྱིར། གལ་ཏེ་དེས་བསྐྱེད་པའི་བུ་མེད་ན་ནི་དེ་ཕ་མིན་ནོ། །དེ་བཞིན་དུ་ཕ་མེད་ན་ ནི་བུ་ཉིད་གང་ལས་བྱུང་བ་ཡིན། གང་ལ་དེས་སྐྱེད་པའི་བུ་མེད་པར་ནི་དེ་ཕར་འཇོག་བྱེད་མེད་ པས་དེ་བཞིན་དུ་མ་ལྟོས་པའི་ཚེ་ཕ་བུ་དེ་གཉིས་ཀ་མེད་པ་ཉིད་བཞིན་ནོ།། 633 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བཞི་པ་ས་མྱུག་གི་དཔེ་དང་མི་མཚུངས་པར་བསྟན་པ་ནི། མྱུ་གུ་ས་བོན་ལས་སྐྱེས་ཤིང༌།། ས་བོན་དེ་ཉིད་ཀྱིས་རྟོགས་བཞིན།། ཤེས་བྱ་ལས་སྐྱེས་ཤེས་པ་ཡིས།། དེ་ཡོད་པར་ནི་ཅིས་མི་རྟོགས།། ༡༡༥ ཞེས་གསུངས་ཏེ། གལ་ཏེ་མྱུ་གུ་ས་བོན་ལས་སྐྱེ་ཞིང་ས་བོན་ཡོད་པར་མྱུ་གུ་དེ་ཉིད་ཀྱིས་ རྟོགས་པར་འགྱུར་བ་བཞིན། ཤེས་བྱ་ལས་སྐྱེས་པའི་ཤེས་པ་ཡིས་ཀྱང་ཤེས་བྱ་དེ་ཡོད་པར་ ཅིས་མི་རྟོགས་ཤེ་ན། མྱུ་གུ་ལས་གཞན་ཤེས་པ་ཡིས།། ས་བོན་ཡོད་ཅེས་རྟོགས་འགྱུར་ན།། གང་ཕྱིར་ཤེས་བྱ་དེ་རྟོགས་པས།། ཤེས་པ་ཡོད་ཉིད་གང་ལས་རྟོགས།། ༡༡༦ ཞེས་གསུངས་ཏེ། དེ་ནི་དཔེ་མི་མཚུངས་ཏེ་མྱུ་གུ་ལས་དོན་གཞན་ཞིང་ཐ་དད་པའི་ཤེས་པ་ ཡིས་ས་བོན་ཡོད་ཅེས་རྟོགས་པར་འགྱུར་བ་ཡིན་ལ། གང་གི་ཕྱིར་ཤེས་བྱ་ལས་སྐྱེས་པའི་ ཤེས་པ་དེས་ཤེས་བྱ་ཡོད་ཅེས་རྟོགས་པར་འགྱུར་ན་ཤེས་པ་ཡོད་པ་ཉིད་དེ་ལས་གཞན་ 634 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། པའི་ཤེས་པ་གང་གིས་རྒྱུ་མཚན་གང་ལས་རྟོགས་ཏེ། ཤེས་བྱ་ལས་སྐྱེས་པའི་ཤེས་པ་ལས་ གཞན་པའི་ཤེས་པ་གང་གིས་རྟོགས་བྱེད་ཀྱི་ཤེས་པ་གཞན་མ་དམིགས་པའི་ཕྱིར་རོ།། གཉིས་པ་གནོད་བྱེད་ལ་གཉིས། རྒྱུ་ལ་དཔྱད་པ་རྡོ་རྗེ་གཟེགས་མ་དང༌། འབྲས་བུ་ལ་ དཔྱད་པ་ཡོད་མེད་སྐྱེ་འགོག་གོ། དང་པོ་ལ་ལྔ། རྒྱུ་མེད་དུ་སྐྱེ་བ་དགག་པ། གཞན་སྐྱེ་དགག་ པ་བཞི། རང་སྐྱེ་དགག་པ་གསུམ། ཡུལ་མེད་པར་དགག་པའི་བློ་ཚད་མར་བསྟན་པ། ཚད་ མས་ངེས་པའི་དོན་བརྗོད་པའོ། །དང་པོ་ལ་གསུམ། རྒྱུ་འཇིག་རྟེན་གྱིས་དངོས་སུ་མཐོང་ བར་བསྟན། སྡོང་བུ་དང་འདབ་མ་སོགས་རྒྱུའི་དབྱེ་བ་ཡོད་པར་བསྟན། དེ་རྣམས་སྔ་མའི་ རྒྱུན་ལས་སྐྱེ་བར་བསྟན་པའོ། །དང་པོ་ནི། དེ་ཡང་རྒྱང་འཕེན་པ་ཁ་ཅིག་རྒྱུ་གཏན་མེད་དུ་འདོད་ལ། ཁ་ཅིག སྲན་ཟླུམ་ཚེར་མ་གཟངས་རིང་རྣོ་བ་དང༌།། རྨ་བྱའི་སྒྲོ་གཤོག་རི་མོ་བཀྲ་བ་དང༌།། ཉི་ཤར་ཆུ་བོ་ཐུར་དུ་འབབ་པ་རྣམས།། སུས་ཀྱང་མ་བྱས་ངོ་བོ་ཉིད་ཀྱི་རྒྱུ།། ཞེས་རང་བཞིན་གྱིས་བྱུང་བའི་ཕྱིར་ངོ་བོ་ཉིད་རྒྱུ་འོ་ཞེས་ཟེར་རོ།། རེ་ཞིག་འཇིག་རྟེན་མངོན་སུམ་གྱིས།། རྒྱུ་རྣམས་ཐམས་ཅད་མཐོང་བ་ཡིན།། 635 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ལ་སྨྲས་པ་རེ་ཞིག་རྒྱུ་མེད་པ་ཡང་མ་ཡིན་ལ་ངོ་བོ་ཉིད་ཀྱིས་ཀྱང་མ་ཡིན་ ཏེ། འཇིག་རྟེན་ན་མངོན་སུམ་གྱིས་མྱུ་གུའི་རྒྱུ་ས་བོན་ཡིན་པ་ལ་སོགས་པ་རྒྱུ་རྣམས་ཐམས་ ཅད་མཐོང་བ་ཡིན་པའི་ཕྱིར། གཉིས་པ་སྡོང་བུ་དང་འདབ་མ་སོགས་རྒྱུའི་དབྱེ་བ་ཡོད་པར་བསྟན་པ་ནི། པདྨའི་སྡོང་བུ་སོགས་དབྱེ་ནི།། རྒྱུ་ཡི་དབྱེ་བས་བསྐྱེད་པ་ཡིན།། ༡༡༧ ཞེས་གསུངས་ཏེ། རྨ་བྱའི་སྒྲོ་གཤོག་ཁ་དོག་སྣ་ཚོགས་པ་ཅན་གྱི་ཁ་དོག་སོ་སོའི་རྒྱུ་ཐ་དད་ པར་ཡོད་ལ། དེ་བཞིན་དུ་པདྨའི་སྡོང་བུ་དང་ལོ་མ་དང་ཟེ་འབྲུ་དང་གེ་སར་དང་ཁ་དོག་ཐ་ དད་པ་ལ་སོགས་པའི་དབྱེ་བ་ནི། སོ་སོའི་རྒྱུའི་དབྱེ་བ་ཉིད་ཀྱིས་བསྐྱེད་པ་ཉིད་དེ། ས་བོན་ གཅིག་ལ་རྒྱུའི་རྣམ་པ་དེ་དག་དབྱེར་མེད་དུ་གནས་ལ། འདི་ནི་ཆོས་ཅན་ཇི་སྙེད་པ་ལ་མ་ བསྒྲིབས་པ་རྣམས་ཀྱི་སྤྱན་གྱི་ཡུལ་ཡིན་གྱི་བྱིས་པས་མི་ཤེས་སོ།། གསུམ་པ་དེ་རྣམས་སྔ་མའི་རྒྱུན་ལས་སྐྱེ་བར་བསྟན་པ་ནི། རྒྱུ་དབྱེ་གང་གིས་བྱས་ཤེ་ན།། སྔར་གྱི་རྒྱུ་དབྱེ་ཉིད་ལས་སོ།། ཅི་ཕྱིར་རྒྱུ་ཡིས་འབྲས་སྐྱེད་ནུས།། སྔར་གྱི་རྒྱུ་ཡི་མཐུ་ཉིད་ལས།། ༡༡༨ 636 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། རྒྱུའི་དབྱེ་བ་དེ་དག་གང་གིས་བྱས་གལ་ཏེ་བྱེད་པ་པོ་མེད་ན་ནི། དེ་མེད་ པར་གྲུབ་བོ་ཞེ་ན། སྐད་ཅིག་སྔ་མ་སྔ་མའི་རྒྱུའི་དབྱེ་བ་ཉིད་ལས་ཕྱི་མ་ཕྱི་མ་རིམ་པས་ འགྲུབ་པའོ། །ཅིའི་ཕྱིར་རྒྱུ་ཡིས་འབྲས་བུ་སྐྱེད་པར་ནུས་ཤེ་ན། སྔར་གྱི་རྒྱུ་ཐོག་མ་མེད་པའི་ མཐུ་གཅིག་ནས་གཅིག་ཏུ་བརྒྱུད་པའི་རྟེན་འབྲེལ་ལས་སོ། །གཞན་ཡང་རྒྱུ་མེད་པར་འདོད་ ཅིང་དེའི་གཏན་ཚིགས་ཀྱང་འགོད་པ་ནི་སྐད་ཅིག་གིས་འགལ་བ་ཡིན་ཏེ་གཏན་ཚིགས་ནི་གོ་ བར་བྱེད་པའི་རྒྱུ་ཡིན་ལ། དེ་ཡོད་ན་རྒྱུ་གཞན་ཡང་ཡོད་པར་འགྲུབ་པའི་ཕྱིར་རོ།། གཉིས་པ་རྒྱུ་གཞན་ལས་སྐྱེ་བ་དགག་པ་ལ་བཞི། དབང་ཕྱུག་མ་གྲུབ་པར་བསྟན། དེའི་ འབྲས་བུ་མི་སྲིད་པར་བསྟན། སྐྱེད་བྱེད་དུ་འགལ་བར་བསྟན། རྡུལ་ཕྲ་དགག་པའོ། །དང་པོ་ ལ་གཉིས། འབྱུང་བ་བཞི་དབང་ཕྱུག་མིན་པར་བསྟན། ནམ་མཁའ་དང་བསམ་དུ་མེད་པ་ དབང་ཕྱུག་མིན་པར་བསྟན་པའོ། །དང་པོ་ནི། དེ་ཡང་བྱེ་བྲག་པ་ལ་སོགས་པ་ན་རེ། དབང་ཕྱུག་ཅེས་བྱ་བའི་ལྷ་གཙང་བ། ཡང་བ། མཆོད་པར་འོས་པ། རྟག་པ། གཅིག་པུར་ཀུན་ཏུ་འགྲོ་བའི་བྱེད་པ་པོ་ཐམས་ཅད་ལ་རང་ དབང་དུ་བྱེད་པ་ཡོད་དེ། གང་ཞིག་ཕྲ་ཞིང་གཅིག་པུ་སྐྱེ་གནས་འདུག། སོགས་དང༌། 637 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། རྐྱེན་ལྡན་གཞན་པ་ཐམས་ཅད་ཀྱི།། རྒྱུ་ནི་དབང་ཕྱུག་བྱེད་པར་བརྗོད།། སེམས་མེད་པས་ནི་རང་གི་འབྲས།། རང་ཉིད་ཀྱིས་ནི་རྩོམ་ནུས་མིན།། ཞེས་ཟེར་རོ། །དེ་ལ་དྲིས་པ། དབང་ཕྱུག་འག ྲོ་བའི་རྒྱུ་ཡིན་ན།། རེ་ཞིག་དབང་ཕྱུག་གང་ཡིན་སྨྲོས།། ཞེས་གསུངས། འབྱུང་རྣམས་ཞེ་ན་དེ་ལྟ་མོད།། མིང་ཙམ་ལ་ཡང་ཅི་ཞིག་ངལ།། ༡༡༩ ཞེས་གསུངས་ཏེ། ཁོ་ན་རེ། འབྱུང་བ་ཆེན་པོ་རྣམས་ལ་དབང་ཕྱུག་ཏུ་འདོད་དོ་ཞེ་ན། དེ་ལྟ་ མོད་ཀྱི་འབྱུང་བ་རྣམས་རྒྱུ་ཡིན་པར་ངེད་ཀྱང་འདོད་པས་འབྱུང་བ་དང་དབང་ཕྱུག་གི་མིང་ཐ་ དད་པ་ཙམ་ལ་ནི་རྩོད་པས་ཅི་ཞིག་ངལ་བར་བྱ་སྟེ་མི་རྩོད་དོ།། འོན་ཀྱང་ས་སོགས་དུ་མ་དང༌།། མི་རྟག་གཡོ་མེད་ལྷ་མིན་ཞིང༌།། 638 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འགོང་བྱ་ཉིད་དང་མི་གཙང་བས།། དེ་ནི་དབང་ཕྱུག་ཉིད་མ་ཡིན།། ༡༢༠ ཞེས་གསུངས་ཏེ། འོན་ཀྱང་ཁྱོད་ཉིད་ཀྱི་ལུགས་ལ་འགལ་ཏེ་ས་སོགས་འབྱུང་བ་ནི་དུ་མ་ ཡིན་ལ། དབང་ཕྱུག་གཅིག་པུར་འདོད་པའི་ཕྱིར་དང༌། ས་སོགས་ནི་མི་རྟག་ཅིང་དབང་ཕྱུག་ རྟག་པར་འདོད་པ་དང༌། ས་སོགས་ནི་གཡོ་བ་མིན་པས་སེམས་མེད་ལ་དབང་ཕྱུག་སེམས་ བཅས་སུ་འདོད་པ་དང༌། ས་སོགས་ནི་ལྷ་མིན་ཞིང་རྐང་པས་འགོང་བར་བྱ་བ་ཉིད་ཡིན་ལ། དབང་ཕྱུག་ནི་ལྷ་དང་མཆོད་འོས་སུ་འདོད་པའི་ཕྱིར་དང༌། ས་སོགས་ནི་མི་གཙང་བས་ཁྱབ་ ལ་དབང་ཕྱུག་ནི་གཙང་བར་འདོད་པའི་ཕྱིར་ཁྱོད་རང་གི་ལུགས་ལ་འབྱུང་བ་དེ་ནི་དབང་ཕྱུག་ ཉིད་མ་ཡིན་ནོ།། གཉིས་པ་ནམ་མཁའ་དང་བསམ་དུ་མེད་པ་དབང་ཕྱུག་མིན་པར་བསྟན་པ་ནི། དབང་ཕྱུག་མཁའ་མིན་གཡོ་མེད་ཕྱིར།། བདག་མིན་སྔར་ནི་བཀག་ཟིན་ཕྱིར།། བསམ་མིན་པ་ཡི་བྱེད་པོ་ཡང༌།། བསམ་མིན་བརྗོད་པས་ཅི་ཞིག་བྱ།། ༡༢༡ ཞེས་གསུངས་ཏེ། གལ་ཏེ་ནམ་མཁའ་དབང་ཕྱུག་གོ་ཞེ་ན། དབང་ཕྱུག་ནི་ནམ་མཁའ་མིན་ ཏེ་དབང་ཕྱུག་ནི་གཡོ་བ་ཡིན་ལ་ནམ་མཁའ་གཡོ་བ་མེད་པའི་ཕྱིར། བདག་དབང་ཕྱུག་ཡིན་ 639 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ནོ་ཞེ་ན། ནམ་དུ་ཡང་མི་སྲིད་པའི་བདག་ནི་དབང་ཕྱུག་མིན་ཏེ་བདག་སྔར་ནི་བཀག་ཟིན་ པའི་ཕྱིར། བསམ་དུ་མེད་པ་ཞིག་དབང་ཕྱུག་གོ་ཞེ་ན། བསམ་བྱ་མིན་པའི་བྱེད་པོ་དབང་ ཕྱུག་དེ་ཡང་བསམ་པར་བྱ་བ་མིན་ན་བརྗོད་པར་ཡང་མི་ནུས་པས་དེ་ལ་དབང་ཕྱུག་ཅེས་ བརྗོད་པས་ཅི་ཞིག་བྱ། གཉིས་པ་དེའི་འབྲས་བུ་མི་སྲིད་པར་བསྟན་པ་ལ་གསུམ། དེས་སྐྱེད་པ་མེད་པར་བསྟན་ པ། བདག་དབང་ཕྱུག་ཏུ་འདོད་པ་བཀག ལས་ཀྱིས་སྐྱེད་པར་བསྟན་པའོ། །དང་པོ་ནི། དེས་བསྐྱེད་འདོད་པའང་གང་ཞིག་ཡིན།། ཞེས་གསུངས་ཏེ། དེ་ལྟར་ན་དབང་ཕྱུག་མ་གྲུབ་པས་དེས་བསྐྱེད་པའི་ཆོས་གཞན་ཞིག་འདོད་ པའང་གང་ཞིག་ཡིན། གཉིས་པ་བདག་དབང་ཕྱུག་ཏུ་འདོད་པ་བཀག་པ་ནི། བདག་ནི་དེ་དང་ས་སོགས་དང༌།། དབང་ཕྱུག་ངོ་བོའང་རྟག་མིན་ནམ།། ཞེས་གསུངས་ཏེ། གལ་ཏེ་ཐམས་ཅད་བདག་གིས་སྤྲུལ་པས་བདག་ནི་དབང་ཕྱུག་གོ་ཞེ་ན། དབང་ཕྱུག་ནི་གཅིག་པུ་དེ་དང་རྟག་པ་དེ་ཡིན་པར་འདོད་ན་དེས་ས་སོགས་དངོས་པོ་ཐམས་ ཅད་དུས་ཅིག་ཆར་དུ་རྟག་ཏུ་སྤྲུལ་པར་ཐལ་བ་དང༌། ཡང་ན་ནམ་ཡང་མི་སྤྲུལ་བར་ཐལ་ཏེ། དབང་ཕྱུག་དེའི་ངོ་བོའང་རྟག་པ་ཡིན་པར་འདོད་པ་མིན་ནམ། 640 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གསུམ་པ་ལས་ཀྱིས་སྐྱེད་པར་བསྟན་པ་ནི། ཤེས་པ་ཤེས་བྱ་ལས་སྐྱེས་དང༌།། ༡༢༢ ཐོག་མེད་བདེ་སྡུག་ལས་ལས་ཡིན།། དེ་ཡིས་གང་ཞིག་སྐྱེད་པ་སྨྲོས།། ཞེས་གསུངས་ཏེ། དེས་ན་ཤེས་པ་དང་ཤེས་བྱ་ནི་ཕན་ཚུན་བལྟོས་པ་ལས་སྐྱེས་པ་དང་ཐོག་ མ་མེད་པའི་བདེ་སྡུག་ཀྱང་རང་གི་ལས་ལས་སྐྱེས་པ་ཡིན་གྱི་མིང་ཁོ་ནར་ཟད་པའི་དབང་ ཕྱུག་དེ་ཡིས་ནི་གང་ཞིག་སྐྱེད་པ་སྨྲོས་ཤིག། གསུམ་པ་སྐྱེད་བྱེད་དུ་འགལ་བར་བསྟན་པ་ལ་གཉིས། ཚོགས་པ་རྒྱུར་བསྟན་པ། དབང་ཕྱུག་ལ་རང་དབང་མེད་པར་བསྟན་པའོ། །དང་པོ་ནི། རྒྱུ་ལ་ཐོག་མ་མེད་ཡིན་ན།། འབྲས་བུ་ཐོག་མ་ག་ལ་ཡོད།། ༡༢༣ ཅེས་གསུངས་ཏེ། གཞན་ཡང་རྒྱུ་དབང་ཕྱུག་དེ་ལ་སྔོན་གྱི་ཐོག་མའི་མཐའ་ཡོད་པ་མིན་ན་དེ་ ལས་བྱུང་བའི་འབྲས་བུའི་ཐོག་མ་ལྟ་ག་ལ་ཡོད། དེ་འདོད་ན། འབྲས་བུ་གསར་བྱུང་གཏན་ མི་སྲིད་པར་ཐལ་ལོ།། རྟག་ཏུ་ཅི་ཕྱིར་བྱེད་མིན་ཏེ།། དེ་ནི་གཞན་ལ་བལྟོས་པ་མིན།། 641 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེས་བྱས་མིན་གཞན་ཡོད་མ་ཡིན།། དེས་འདི་གང་ལ་བལྟོས་པར་འགྱུར།། ༡༢༤ ཞེས་གསུངས་ཏེ། གལ་ཏེ་དབང་ཕྱུག་དེ་ཐམས་ཅད་བྱེད་པ་པོ་ཡིན་ན་དེས་ཆུ་ལེན་པ་དང་མེ་ འབུད་པ་སོགས་ཀྱང་རྟག་ཏུ་ཅིའི་ཕྱིར་བྱེད་པ་མིན་ཏེ། དེ་ལྟ་ན་དབང་ཕྱུག་གིས་བྱེད་མོད་བྲན་ གཞན་གསོ་བས་ཅི་ཞིག་བྱ། དབང་ཕྱུག་ཁོ་ནས་བྱེད་པ་དེ་ནི་རྒྱུ་གཞན་ལ་བལྟོས་པ་མིན་ མོད། ཆོས་འདི་དག་ནི་རྒྱུ་གཞན་ལ་བལྟོས་པར་འཇིག་རྟེན་གྱིས་མངོན་སུམ་གྱིས་མཐོང་ སྟེ། མེ་འདོད་ན་བུད་ཤིང་དགོས་ཀྱིས་དབང་ཕྱུག་གིས་ཅི་ཞིག་བྱ། དབང་ཕྱུག་དེས་བྱས་པ་ མིན་པ་གཞན་ཡོད་པ་མིན་ན་རྫ་དང་མར་མེ་ལ་སོགས་པ་དེ་འདི་དག་རྒྱུ་རྐྱེན་གཞན་གང་ ལ་བལྟོས་པར་འགྱུར་ཏེ། བལྟོས་པར་མི་རིགས་ཀྱང་རྫ་ནི་དབང་ཕྱུག་གིས་མི་བྱེད་པར་རྫ་ མཁན་གྱིས་བྱེད་པ་དང༌། མར་མེ་ནི་དབང་ཕྱུག་ལས་མི་སྐྱེའི་སྣུམ་དང་སྡོང་བུ་དང་ཀོང་བུ་ དང་མེ་ལས་འབྱུང་བར་མཐོང་བའི་ཕྱིར། གལ་ཏེ་བལྟོས་ན་ཚོགས་པ་ཉིད།། རྒྱུ་ཡིན་འགྱུར་གྱིས་དབང་ཕྱུག་མིན།། ཚོགས་ན་མི་བསྐྱེད་དབང་མེད་ཅིང༌།། དེ་མེད་པར་ནི་སྐྱེད་དབང་མེད།། ༡༢༥ ཅེས་གསུངས་ཏེ། གལ་ཏེ་རྒྱུ་དེ་དག་ལ་བལྟོས་ན་ནི་ཚོགས་པ་ཉིད་རྒྱུ་ཡིན་པར་འགྱུར་གྱི་ 642 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དབང་ཕྱུག་ནི་མིན་ཏེ་རྒྱུ་རྐྱེན་དེ་དག་ཚོགས་ན་ནི་དབང་ཕྱུག་གིས་མི་སྐྱེ་བར་འདོད་ཀྱང་མི་སྐྱེ་ བའི་དབང་མེད་ཅིང་ཚོགས་པ་དེ་མེད་པར་ནི་སྐྱེད་པར་འདོད་ཀྱང་སྐྱེ་བའི་དབང་ཡོད་པ་མིན་ནོ།། གཉིས་པ་དབང་ཕྱུག་ལ་རང་དབང་མེད་པར་བསྟན་པ་ནི། གལ་ཏེ་དབང་ཕྱུག་མི་འདོད་བཞིན།། བྱེད་ན་གཞན་གྱི་དབང་དུ་ཐལ།། འདོད་ནའང་འདོད་ལ་རག་ལས་འགྱུར།། བྱེད་ནའང་དབང་ཕྱུག་ག་ལ་ཡིན།། ༡༢༦ ཞེས་གསུངས་ཏེ། ཡང་དྲིས་པ། ཅི་དབང་ཕྱུག་དེ་མི་འདོད་བཞིན་དུ་དངོས་པོ་བྱེད་དམ་འདོད་ ནས་བྱེད། གལ་ཏེ་དབང་ཕྱུག་རང་ཉིད་མི་འདོད་བཞིན་དུ་བྱེད་ན་དེ་གཞན་གྱི་དབང་ཅན་དུ་ ཐལ་ཏེ། བྲན་ལྟར་མི་འདོད་ཀྱང་བྱེད་དགོས་པའི་ཕྱིར། འདོད་ནས་བྱེད་དོ་ཞེ་ན། ཡང་འདོད་ པ་ལ་རག་ལས་ཤིང་དེའི་རྗེས་སུ་འབྲངས་བའི་ཕྱིར་འདོད་པའི་གཞན་དབང་ཅན་དུ་འགྱུར་ལ། གཉི་ག་ལྟར་ཡང་རང་དབང་ཅན་ཉམས་པས་དེ་ལྟ་ན་རང་དབང་ཅན་གྱི་དབང་ཕྱུག་ག་ལ་ཡིན། བཞི་པ་རྡུལ་ཕྲ་དགག་པ་ནི། གང་དག་རྡུལ་ཕྲ་རྟག་སྨྲ་བ།། དེ་དག་ཀྱང་ནི་སྔར་ཟློག་ཟིན།། 643 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ལྟར་བྱེ་བྲག་པ་སོགས་བཀག་ནས་གཞན་དཔྱོད་པ་བ་ལ་སོགས་པ་ གང་དག་རྡུལ་ཕྲ་ཆ་མེད་རྟག་པར་ཡོད་པ་ལས་འཇིག་རྟེན་བརྟན་གཡོ་ཐམས་ཅད་སྐྱེ་བར་སྨྲ་ བ་དེ་དག་ཀྱང་འཐད་པ་མ་ཡིན་ཏེ་རྡུལ་ཕྲ་ཆ་མེད་རྟག་པ་མི་འགྲུབ་སྟེ། ཉི་ཤུ་པར། དྲུག་གིས་ཅིག་ཆར་སྦྱར་བ་ན།། ཕྲ་རབ་རྡུལ་ཆ་དྲུག་ཏུ་འགྱུར།། དྲུག་པོ་དག་ནི་ཆ་མེད་ན།། གོང་བུའང་རྡུལ་ཕྲ་ཙམ་དུ་འགྱུར།། ཞེས་པས་ཆ་མེད་མི་འགྲུབ་ཅིང་རྡུལ་ཕྲ་རབ་གསེར་ཡིན་ན་དེ་བསགས་པའི་རི་བོ་ཡང་གསེར་ ཡིན་དགོས་པ་ལྟར་རྡུལ་ཕྲ་རབ་རྟག་པ་ཡིན་ན་དེ་བསགས་པའི་རི་ར་བ་ཁང་ཁྱིམ་ཡང་རྟག་ པར་ཐལ་བའི་ཕྱིར། དེས་ན་ལུགས་དེ་དག་ཀྱང་ནི།། ཕྱོགས་དབྱེའང་ཆ་ཤས་དང་བྲལ་ཕྱིར།། མཁའ་བཞིན་དེས་ན་རྡུལ་ཡང་མེད།། ཅེས་སོགས་སུ་སྔར་བཟློགས་ཟིན་ཏོ།། གསུམ་པ་རང་སྐྱེ་འགོག་པ་ལ་གསུམ། གྲངས་ཅན་པའི་གཙོ་བོ་འགོག་པ། བདེ་སོགས་ རྟག་པར་འདོད་པ་སེལ་བ། རྒྱུ་ལ་འབྲས་བུ་གནས་པར་འདོད་པ་འགོག་པའོ། །དང་པོ་ལ་ 644 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བཞི། ཕྱོགས་སྔ་བརྗོད་པ། ཡོན་ཏན་བཀག དེས་བསྐྱེད་པའི་སྒྲ་སོགས་བཀག ས་སོགས་ ལ་བདེ་སོགས་ཡོད་པར་ཧ་ཅང་ཐལ་བ་འཕངས་པའོ། །དང་པོ་ནི། གཙོ་བོ་རྟག་པ་འགྲོ་བ་ཡི།། རྒྱུ་ཡིན་པར་ནི་གྲངས་ཅན་འདོད།། ༡༢༧ སྙིང་སྟོབས་རྡུལ་དང་མུན་པ་ཞེས།། བྱ་བའི་ཡོན་ཏན་མཉམ་གནས་ནི།། གཙོ་བོ་ཞེས་བྱར་རབ་བརྗོད་དེ།། མི་མཉམ་འགྲོ་བ་ཡིན་པར་བརྗོད།། ༡༢༨ ཅེས་གསུངས་ཏེ། དེ་ཡང་གཙོ་བོ་རྟག་པ་ནི་བརྟན་གཡོའི་འགྲོ་བ་ཡི་རྒྱུ་ཡིན་པར་ནི་མུ་སྟེགས་ གྲངས་ཅན་པ་འདོད་དེ། སྙིང་སྟོབས་དང་རྡུལ་དང་མུན་པ་ཞེས་བྱ་བའི་ཡོན་ཏན་གསུམ་ཆ་ མཉམ་པར་གནས་པ་ཆོས་ལྔ་ལྡན་ནི་གཙོ་བོ་ཞེས་བྱ་བར་རབ་ཏུ་བརྗོད་དེ་རྟག་པ་ཡིན། བེམ་ པོ་ཡིན། མི་སྣང་བ་ཡིན། གཅིག་པུ་ཡིན། རང་བཞིན་ཡིན་ལ། རྣམ་འགྱུར་མ་ཡིན་པར་འདོད་ ཅིང༌། རྒྱུ་ཁོ་ན་ཡིན་གྱི་འབྲས་བུ་མ་ཡིན་པར་འདོད་ལ། ཡོན་ཏན་གསུམ་ཆ་མི་མཉམ་པའི་ སྐབས་ན་འག ྲོ་བ་ཞེས་བྱ་བ་ཡིན་པར་བརྗོད་དེ། དེ་ལ་ཉེར་བཞི་ལས། བདག་ནི་ཆོས་ལྔ་དང་ ལྡན་ཏེ། རིག་པ་ཡིན། རྟག་པ་ཡིན། གཅིག་པུ་ཡིན། སྐྱེས་བུའི་རྒྱུད་དུ་གཏོགས་པ་ཡིན། བྱེད་ པ་པོ་མ་ཡིན་པའི་ཟ་བ་པོ་ཡིན་པའོ། །གཙོ་བོ་ལས་ཆེན་པོའམ་བློ་ཞེས་བྱ་བ་ཤེལ་གྱི་མེ་ལོང་ 645 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ངོས་གཉིས་པ་ལྟ་བུ་སྐྱེ་ལ། དེ་ལས་ང་རྒྱལ། དེ་ལས་བློའི་དབང་པོ་དང༌། རྣ་བའི་དབང་པོ་ སོགས་ལྔ་དང༌། ལས་ཀྱི་དབང་པོ་ངག་སོགས་ལྔ་དང༌། ལམ་བློ་གཉི་གའི་དབང་པོ་ཡིད་དེ་ དབང་པོ་བཅུ་གཅིག་དེ་ལས་སྒྲ་དེ་ཙམ་སོགས་དེ་ཙམ་ལྔ། དེ་ལས་ནམ་མཁའ་སོགས་འབྱུང་བ་ ལྔ་སྟེ་ཉེར་གསུམ་པོ་རིམ་པར་འབྱུང་ལ། དེ་ལས་དབང་པོ་བཅུ་གཅིག་དང་འབྱུང་བ་ལྔ་ནི་རྒྱུ་ཁོ་ ནར་འདོད་ལ་བློ་ལ། བདག་དང་ཡུལ་གཉི་གའི་རྣམ་པ་གཅིག་ཆར་ཤར་བས་སྐྱེས་བུས་ཡུལ་ ལོངས་སྤྱོད་ཅིང་དེ་གཙོ་བོས་བྱས་པར་སྐྱེས་བུས་ཤེས་པ་ན་གཙོ་བོ་ཁ་སྐྱེངས་ཏེ་རྣམ་འགྱུར་མི་ བྱེད་པས་གཙོ་བོ་དང་བྲལ་ཏཻ་བདག་གྲོལ་ལོ་ཞེས་ཟེར་རོ།། གཉིས་པ་ཡོན་ཏན་བཀག་པ་ནི། གཅིག་ལ་རང་བཞིན་གསུམ་ཉིད་ནི།། རིགས་མིན་དེས་ན་དེ་ཡོད་མིན།། དེ་བཞིན་ཡོན་ཏན་ཡོད་མིན་ཏེ།། དེ་ཡང་སོ་སོར་རྣམ་གསུམ་ཕྱིར།། ༡༢༩ ཞེས་གསུངས་ཏེ། དེ་ལ་བརྒལ་བ། གཙོ་བོ་གཅིག་པུ་ལ་རང་བཞིན་གསུམ་ཉིད་ནི་ཡོད་པར་ རིགས་པ་མིན་ཏེ། གཙོ་བོ་གཅིག་པུ་མིན་པར་གསུམ་དུ་ཐལ་བའི་ཕྱིར། གལ་ཏེ་གསུམ་དུ་ ཡོད་ཀྱང་གཅིག་ཡིན་པ་མི་འགལ་ལོ་ཞེ་ན། འོ་ན་བུམ་པ་དང་སྣམ་བུའང་གཉིས་སུ་ཡོད་ཀྱང་ གཅིག་ཡིན་པ་མི་འགལ་བར་ཐལ་ལོ། །དེས་ན་ཆ་མཉམ་པའི་གཙོ་བོར་ནི་ཡོད་པ་མ་ཡིན་ 646 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ནོ། །དེ་བཞིན་དུ་ཡོན་ཏན་རྡུལ་མུན་སྙིང་སྟོབས་གསུམ་པོ་དེ་ཉིད་ཡོད་པ་མིན་ཏེ་ཡོད་ན་སྣང་ དུ་རུང་བ་ལས་གང་ནའང་མ་དམིགས་པའི་ཕྱིར་དང༌། དེ་ཡང་སོ་སོར་རྡུལ་གྱི་རྡུལ་སོགས་ རྣམ་པ་གསུམ་རེར་ཁྱོད་ཉིད་འདོད་པའི་ཕྱིར་ན་ཐུག་མེད་དུ་ཐལ་བས་སོ།། གསུམ་པ་དེས་བསྐྱེད་པའི་སྒྲ་སོགས་བཀག་པ་ནི། ཡོན་ཏན་མེད་ན་སྒྲ་སོགས་ཀྱང༌།། ཡོད་ཉིད་ཤིན་ཏུ་རྒྱང་རིང་འགྱུར།། ཞེས་གསུངས་ཏེ། དེ་ལྟར་ཡོན་ཏན་དེ་ཉིད་མེད་ན་དེ་ལྡན་གྱི་གཙོ་བོས་བསྐྱེད་པའི་སྒྲ་སོགས་ དེ་ཙམ་དང་འབྱུང་བ་རྣམས་ཀྱང་ཡོད་པ་ཉིད་ཤིན་ཏུ་རྒྱང་རིང་བར་འགྱུར་ཏེ། མོ་གཤམ་གྱི་བུ་ མེད་ན་དེ་ཡི་རྒན་གཞོན་མེད་པ་བཞིན་ནོ།། བཞི་པ་ས་སོགས་ལ་བདེ་སོགས་ཡོད་པར་ཧ་ཅང་ཐལ་བ་འཕངས་པ་ནི། སེམས་མེད་ས་ལ་སོགས་པ་ལ།། བདེ་སོགས་ཡོད་པར་སྲིད་པའང་མིན།། ༡༣༠ ཞེས་གསུངས་ཏེ། འགྲོ་བ་ཉེར་གསུམ་པོ་ཐམས་ཅད་ཡོན་ཏན་བདེ་སོགས་གསུམ་དང་ལྡན་ པར་མི་རིགས་ཏེ། སེམས་མེད་པའི་ས་ལ་སོགས་པ་ལ་བདེ་བ་སྙིང་སྟོབས་དང་སྡུག་བསྔལ་ རྡུལ་དང་མུན་པ་གཏི་མུག་གི་ཚོར་མྱོང་ཡོད་པའང་སྲིད་པ་མིན་པའི་ཕྱིར། འང་སྒྲས་ནི་ཡོན་ ཏན་གསུམ་ཉིད་མེད་པར་མ་ཟད་ཅེས་པའི་དོན་ཏོ།། 647 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དངོས་རྣམས་དེ་རྒྱུའི་རང་བཞིན་ན།། དངོས་པོ་རྣམ་དཔྱད་ཟིན་མིན་ནམ།། ཁྱོད་ཀྱི་རྒྱུ་ཡང་བདེ་སོགས་ཉིད།། དེ་ལས་སྣམ་སོགས་འབྱུང་བའང་མེད།། ༡༣༡ ཅེས་གསུངས་ཏེ། གལ་ཏེ་དངོས་པོ་རྣམས་བདེ་སོགས་དེའི་རྒྱུའི་རང་བཞིན་ཡིན་པས་ན་ས་ སོགས་ལས་བདེ་སོགས་དེ་སྐྱེའོ་སྙམ་ན། དངོས་པོ་དེ་ཉིད་རྡུལ་ཕྲ་རབ་ནས་ཚོགས་པའི་བར་ དུ་ཡང་སྔར་རྣམ་པར་དཔྱད་དེ་བཀག་ཟིན་པ་ཉིད་མིན་ནམ། དེ་ལྟ་མོད་ཀྱིས་གྲངས་ཅན་ཁྱོད་ ཀྱི་ལུགས་ཀྱིས་རྒྱུ་ཡང་བདེ་སོགས་ཉིད་ཡིན་པར་འདོད་ན་དེ་ལས་སྣམ་བུ་ལ་སོགས་འབྱུང་ བ་མེད་དེ། བདེ་བ་ལས་སྣམ་བུ་སྐྱེ་བ་ནི་སུས་ཀྱང་མ་མཐོང་བའི་ཕྱིར། སྣམ་སོགས་ལས་ནི་བདེ་སོགས་ཡིན།། དེ་མེད་ཕྱིར་ན་བདེ་སོགས་མེད།། ཅེས་གསུངས་ཏེ། ཁྱོད་ཀྱི་གྲུབ་མཐའ་དེ་བས་ནི་སྣམ་སོགས་ལས་ནི་བདེ་སོགས་ སྐྱེའོ། །ཞེས་བརྗོད་ན་འོས་པར་འགྱུར་ཏེ་སྣམ་སོགས་ཀྱི་གོས་དེ་མེད་ན་དྲོ་བའི་བདེ་སོགས་ དེ་མེད་པའི་ཕྱིར་ནའོ། །དེ་ལྟར་ན་ནི་བདེ་སོགས་ཀྱི་རྒྱུ་སྣམ་སོགས་ཡིན་ལ། སྣམ་སོགས་ ཀྱི་རྒྱུ་བདེ་སོགས་ཡིན་པའི་ཕྱིར། ནམ་དུ་ཡང་སྣམ་སོགས་དང་བདེ་སོགས་གང་ཡང་ འགྲུབ་པར་མི་འགྱུར་རོ།། 648 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གཉིས་པ་བདེ་སོགས་རྟག་པར་འདོད་པ་སེལ་བ་ལ་གསུམ། མ་མྱོང་བའི་རྟགས་ཀྱིས་ བདེ་སོགས་རྟག་ཏུ་ཡོད་པ་མ་ཡིན་པར་བསྟན། རྟག་པ་ལ་རགས་ཕྲ་མི་རིགས་པར་བསྟན། བདེ་སོགས་མི་རྟག་པར་བསྟན་པའོ། །དང་པོ་ནི། བདེ་སོགས་རྟག་པ་ཉིད་དུ་ཡང༌།། ནམ་ཡང་དམིགས་པ་ཡོད་མ་ཡིན།། ༡༣༢ ཞེས་གསུངས་ཏེ། གཞན་ཡང་གཙོ་བོ་དང་ཡོན་ཏན་དེ་དག་རྟག་པ་མ་ཡིན་ཏེ། དེའི་འབྲས་ བུ་བདེ་སོགས་རྟག་པ་ཉིད་དུ་ཡང་ནམ་ཡང་དམིགས་པ་ཡོད་པ་མ་ཡིན་པའི་ཕྱིར། བདེ་ སོགས་རྟག་པར་ཡོད་ཀྱང་མ་མྱོང་བར་ཟད་དོ་ཞེ་ན། བདེ་སོགས་གསལ་བ་ཡོད་ཉིད་ན།། མྱོང་བ་ཅི་ཕྱིར་འཛིན་མ་ཡིན།། ཞེས་གསུངས་ཏེ། དེ་བདེ་བ་ལ་སོགས་པའི་གསལ་བ་སྟེ་བྱེ་བྲག་གམ་ཁྱད་པར་ཡོད་པ་ཉིད་ ཡིན་ན་མྱོང་བ་ཅིའི་ཕྱིར་འཛིན་པ་མ་ཡིན་ཏེ་ཤེས་པ་ནི་མྱོང་བ་ཡིན་ན་མི་མྱོང་ན་མྱོང་བར་ འགལ་བའི་ཕྱིར་རོ།། གཉིས་པ་རྟག་པ་ལ་རགས་ཕྲ་མི་རིགས་པར་བསྟན་པ་ནི། དེ་ཉིད་ཕྲ་མོར་གྱུར་ན་དེ།། རགས་དང་ཕྲ་བ་ཇི་ལྟར་ཡིན།། ༡༣༣ 649 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། ཡང་མྱོང་བ་དེ་ཉིད་ཕྲ་མོར་གྱུར་པས་ན་དེ་མི་འཛིན་ནོ་ཞེ་ན། བདེ་སོགས་ གཅིག་ལ་རགས་པ་དང་ཕྲ་བ་གཉིས་འཇོག་པའང་ཇི་ལྟར་སྲིད་པ་ཡིན། གསུམ་པ་བདེ་སོགས་མི་རྟག་པར་བསྟན་པ་ནི། རགས་པ་དོར་ནས་ཕྲ་འགྱུར་བས།། ཕྲ་རགས་དེ་དག་མི་རྟག་ཉིད།། དེ་བཞིན་དངོས་པོ་ཐམས་ཅད་ནི།། མི་རྟག་ཉིད་དུ་ཅིས་མི་འདོད།། ༡༣༤ ཅེས་གསུངས་ཏེ། བདེ་སོགས་དེ་སྐད་ཅིག་གིས་རགས་པ་དོར་ནས་ཕྲ་བར་གྱུར་པས་ན་ཕྲ་ རགས་སྣ་ཚོགས་སུ་འགྱུར་བ་དེ་དག་ནི་མི་རྟག་པ་ཉིད་དུ་ངེས་ཏེ། དེ་ལྟ་ན་ཡོན་ཏན་རྟག་པ་ ཉམས་སོ། །བདེ་སོགས་མི་རྟག་པར་ངེས་པར་མཐོང་ན་ནི་དེ་བཞིན་དུ་དངོས་པོ་ཐམས་ཅད་ ནི་མི་རྟག་པ་ཉིད་དུ་ཅིས་མི་འདོད་དེ། མི་རྟག་པར་ངེས་པར་འགྱུར་ལ། རགས་པ་དེ་ལས་གཞན་མིན་ན།། བདེ་བ་གསལ་བར་མི་རྟག་ཉིད།། ཅེས་གསུངས་ཏེ། བདེ་སོགས་ཀྱི་རགས་པ་དང་ཕྲ་བ་ཡང་བདེ་སོགས་ལས་གཞན་མིན་པར་ འདོད་ན་བདེ་བ་དང་སྡུག་བསྔལ་སོགས་ནི་རྐྱེན་ལས་སྐྱེ་བ་དང་གནས་སྐབས་རེས་འགའ་ བ་ཡིན་པ་དང་ཕན་ཚུན་འགལ་རྐྱེན་དུ་འགྱུར་བའི་ཕྱིར་མི་རྟག་པ་ཉིད་དུ་རང་གིས་མངོན་ སུམ་དུ་ཤེས་སོ།། 650 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གསུམ་པ་རྒྱུ་ལ་འབྲས་བུ་གནས་པར་འདོད་པ་འགོག་པ་ལ་གསུམ། དོན་གྱིས་གཞན་ སྐྱེ་ཁས་བླངས་པར་བསྟན་པ། རྒྱུ་འབྲས་དུས་མཉམ་ན་ཧ་ཅང་ཐལ་བ་བཀོད། དེའི་ལན་ བཀག་པའོ། །དང་པོ་ནི། གལ་ཏེ་མེད་པ་འགའ་ཡང་ནི།། སྐྱེ་མིན་མེད་ཕྱིར་ཞེས་འདོད་ན།། གསལ་བ་མེད་པར་སྐྱེ་བ་ནི།། ཁྱོད་མི་འདོད་ཀྱང་གནས་པ་ཉིད།། ༡༣༥ ཅེས་གསུངས་ཏེ། དེ་ལྟར་དཔྱད་པ་ན་གཙོ་བོ་རྒྱུ་མ་ཡིན་པ་བདེན་མོད་ཀྱང་རང་ཉིད་རྒྱུ་ཡིན་ ཏེ། གལ་ཏེ་མེད་པ་འགའ་ཡང་ནི་སྐྱེ་བ་མིན་ལ་རྒྱུ་གཞན་ཡང་མེད་པའི་ཕྱིར་རང་ཉིད་ལས་ རང་སྐྱེ་བར་གོར་མ་ཆག་གོ་ཞེས་འདོད་ན། ཁྱོད་ཀྱིས་རང་སྐྱེ་མ་མཐོང་ཡང་འོལ་ཚོད་ཀྱིས་ རང་སྐྱེ་ཁས་ལེན་དགོས་སོ་ཞེས་སྨྲས་པ་ལྟར་རྒྱུའི་ཚོགས་གསལ་བ་མེད་པར་ཡང་སྐྱེ་བ་ནི་ ཁྱོད་མི་འདོད་ཀྱང་ཁས་ལེན་དགོས་པར་གནས་པ་ཉིད་དོ།། གཉིས་པ་རྒྱུ་འབྲས་དུས་མཉམ་ན་ཧ་ཅང་ཐལ་བ་བཀོད་པ་ནི། གལ་ཏེ་རྒྱུ་ལ་འབྲས་གནས་ན།། ཟན་ཟ་མི་གཙང་ཟ་བར་འགྱུར།། རས་ཀྱི་རིན་གྱིས་རས་བལ་གྱི།། ས་བོན་ཉོས་ལ་བགོ་བར་གྱིས།། ༡༣༦ 651 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་ལྟ་མོད་ཀྱིས་གལ་ཏེ་རྒྱུ་ལ་འབྲས་བུ་གནས་པར་འདོད་ན་འབྲས་ཆན་ ལ་སོགས་པའི་ཟན་ཟ་བ་ནི་མི་གཙང་བ་བཤང་བ་ཟ་བར་འགྱུར་ཏེ། རྒྱུ་ཟས་ལ་འབྲས་བུ་ བཤང་བ་གནས་པའི་ཕྱིར་དང༌། རས་ཀྱི་རིན་གྱིས་རས་བལ་གྱི་ས་བོན་སྲན་མ་ལྟ་བུ་དེ་ཉོས་ ལ་ཁྱོད་རང་གོས་སུ་བགོ་བར་གྱིས་ཤིག་སྟེ་རྒྱུ་རས་བལ་གྱི་ས་བོན་ཉིད་ལ་འབྲས་བུ་རས་ བལ་དང་རས་ཡུག་གནས་པའི་ཕྱིར། གསུམ་པ་དེའི་ལན་བཀག་པ་ནི། འཇིག་རྟེན་རྨོངས་པས་མ་མཐོང་ན།། དེ་ཉིད་ཤེས་ཀྱིའང་བཞག་དེ་ཉིད།། ༡༣༧ ཤེས་ཏེ་འཇིག་རྟེན་ལ་ཡང་ནི།། ཡོད་པས་ཅི་སྟེ་མཐོང་མ་ཡིན།། ཞེས་གསུངས་ཏེ། གལ་ཏེ་རྒྱུ་ལ་འབྲས་བུ་ཡོད་མོད་ཀྱང་འཇིག་རྟེན་རྨོངས་པས་མ་མཐོང་བའོ་ ཞེ་ན། དེ་ཉིད་ཤེས་པར་རློམ་པ་ཁྱོད་ཉིད་ཀྱིས་རས་ཀྱི་རིན་གྱིས་རས་བལ་གྱི་ས་བོན་ཉོས་ནས་ ས་བོན་ཉིད་གོས་སུ་བསྒོ་བ་སྔར་སྣམ་བུར་བཞག་པ་དེ་ཉིད་བྱོས་ཤིག དེ་ལྟ་མོད་ཀྱི་ཁྱོད་ཀྱིས་ རྒྱུ་རས་ཀྱི་ས་བོན་ལ་འབྲས་བུ་རས་ཡུག་ཡོད་པར་ཤེས་པ་ཡིན་ན་རྒྱུ་རས་བལ་ལས་འབྲས་བུ་ རས་ཡུག་འགྲུབ་པར་ཤེས་པ་ཙམ་ཞིག་འཇིག་རྟེན་ལ་ཡང་ནི་ཡོད་པས་འཇིག་རྟེན་པ་རྣམས་ ཀྱིས་ཀྱང་རས་ཀྱི་ས་བོན་ལ་རས་ཡུག་ཡོད་པ་ཅི་སྟེ་མཐོང་བ་མ་ཡིན་ཏེ་མཐོང་དགོས་སོ།། 652 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འཇིག་རྟེན་ཚད་མ་ཉིད་མིན་ན།། གསལ་བར་མཐོང་བའང་བདེན་མ་ཡིན།། ༡༣༨ ཞེས་གསུངས་ཏེ། གལ་ཏེ་འཇིག་རྟེན་གྱིས་མ་མཐོང་བ་སྐྱོན་མིན་ཏེ་འཇིག་རྟེན་ཚད་མ་ཉིད་ མིན་ནོ་སྙམ་ན། འོ་ན་སྐྱེ་བ་སོགས་གསལ་བར་མཐོང་བའང་བདེན་པ་མ་ཡིན་ལ། བདག་ དང་གཙོ་བོ་སོགས་བཏགས་པའང་འཇིག་རྟེན་བཞིན་བདེན་པ་མ་ཡིན་ནོ།། བཞི་པ་ཡུལ་མེད་པར་དགག་པའི་བློ་ཚད་མར་བསྟན་པ་ལ་གསུམ། བརྒལ་བ་བཀོད། བརྫུན་པ་ཙམ་དུ་བསྟན། དེ་དངོས་འཛིན་གྱི་གཉེན་པོར་བསྟན་པའོ། །དང་པོ་ནི། གལ་ཏེ་ཚད་མ་ཚད་མིན་ན།། དེས་གཞལ་བརྫུན་པར་མི་འགྱུར་རམ།། དེ་ཉིད་དུ་ན་སྟོང་པ་ཉིད།། སྒོམ་པ་དེ་ཕྱིར་མི་འཐད་འགྱུར།། ༡༣༩ ཞེས་གསུངས་ཏེ། དེ་ཡང་གལ་ཏེ་རྒོལ་བ་དག་ན་རེ། ཁྱེད་དབུ་མ་པའི་ལུགས་ལ་གང་འཇལ་ བྱེད་ཀྱི་ཚད་མ་ཐམས་ཅད་ཀྱང་ཡང་དག་པར་ཚད་མ་མིན་པར་འདོད་ན། དེས་གཞལ་བའི་ཆོས་ ཀྱང་བརྫུན་པར་མི་འགྱུར་རམ། དབུ་མ་པ་ཉིད་ཀྱི་རྣམ་པར་དཔྱོད་པ་དེ་ཉིད་ལྟར་དུ་དཔྱད་ན་ སྟོང་པ་ཉིད་ཀྱང་མི་འགྲུབ་པས་སྟོང་ཉིད་སྒོམ་པ་དེ་ཡང་མི་འཐད་པར་འགྱུར་རོ་ཞེ་ན། 653 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གཉིས་པ་བརྫུན་པ་ཙམ་དུ་བསྟན་པ་ནི། བཏགས་པའི་དངོས་ལ་མ་རེག་པར།། དེ་ཡི་དངོས་མེད་འཛིན་མ་ཡིན།། དེ་ཕྱིར་བརྫུན་པའི་དངོས་གང་ཡིན།། དེ་ཡི་དངོས་མེད་གསལ་བར་བརྫུན།། ༡༤༠ ཞེས་གསུངས་ཏེ། གང་བཏགས་པའི་དངོས་པོ་ཙམ་དེ་ལ་མ་རེག་པ་སྟེ་མ་བརྟེན་པར་དེ་ཡི་ དངོས་མེད་སྟོང་ཉིད་ཀྱང་འཛིན་པའམ། འཇོག་ནུས་པ་མ་ཡིན་ཏེ། ནམ་མཁའི་ཐ་སྙད་ལ་ མ་བརྟེན་ན་ནམ་མཁའ་དངོས་མེད་དུ་ཡང་འཇོག་མི་ནུས་པའི་ཕྱིར། དེའི་ཕྱིར་བརྫུན་པའི་ དངོས་པོ་སྣང་ཙམ་པ་དེ་ལ་སེམས་ཅན་རྣམས་བདེན་པར་ཞེན་པས་འཁོར་བར་ལྟུང་ལ། དེ་ ཉིད་མི་བདེན་པ་སྒྱུ་མ་ཙམ་དུ་ཤེས་ན་དེ་ཡི་གཉེན་པོར་འགྱུར་མོད་ཀྱང་དངོས་པོར་སྣང་བ་ བརྫུན་པ་དེའི་དངོས་མེད་དུ་བཏགས་པ་སྟོང་ཉིད་དེ་ཡང་གསལ་བར་བརྫུན་པ་ཡིན་ལ། སྒྱུ་ མའི་སེང་གེས་སྒྱུ་མའི་གླང་པོ་ཆེ་གསོད་པ་ལྟར་བདེན་པར་རྟོག་པའི་དངོས་འཛིན་གྱི་གཉེན་ པོར་སྟོང་ཉིད་དུ་ཤེས་པའི་དངོས་འཛིན་དེ་འཇུག་པ་ཡིན་ནོ།། གསུམ་པ་དེ་དངོས་འཛིན་གྱི་གཉེན་པོར་བསྟན་པ་ནི། དེས་ན་རྨི་ལམ་བུ་ཤི་བ།། དེ་མེད་སྙམ་པའི་རྣམ་རྟོག་ནི།། 654 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེ་ཡོད་རྣམ་པར་རྟོག་པ་ཡི།། གེགས་ཡིན་དེ་ཡང་བརྫུན་པ་ཡིན།། ༡༤༡ ཞེས་གསུངས་ཏེ། དེས་ན་རྨི་ལམ་དུ་བུ་སྐྱེས་ནས་ཤི་བར་རྨིས་ན་སྐྱེས་པ་དང་ཤི་བ་དེ་གཉི་ ག་རྨི་ལམ་དུ་ཁྱད་མེད་མོད་ཀྱང་སྐྱེས་པར་མཐོང་བ་དེ་ལས་བུ་ཡོད་དོ་སྙམ་པའི་བློ་སྐྱེ་ལ། ཤི་ བར་སྣང་བ་ན་བུ་དེ་ནི་ཤི་ནས་མེད་དོ་སྙམ་པའི་རྣམ་རྟོག་འབྱུང་ཞིང་དེ་ནི་བུ་དེ་ཡོད་དོ་སྙམ་ པའི་རྣམ་པར་རྟོག་པ་དེའི་གེགས་ཡིན་ལ། བུ་ཡོད་པ་དང་མེད་པ་དེ་གཉི་ག་ཡང་རྨི་ལམ་དུ་ མཚུངས་པས་བརྫུན་པ་ཉིད་ཡིན་པ་ལྟར་རོ།། ལྔ་པ་ཚད་མས་ངེས་པའི་དོན་བརྗོད་པ་ལ་གཉིས། དཔྱད་ན་རྒྱུ་མི་འགྲུབ་པར་བསྟན། ཐམས་ཅད་སྒྱུ་མ་ལྟ་བུར་བསྟན་པའོ། །དང་པོ་ནི། དེ་བས་དེ་ལྟར་རྣམ་དཔྱད་པས།། འགའ་ཡང་རྒྱུ་མེད་ཡོད་མ་ཡིན།། སོ་སོ་བའམ་འདུས་པ་ཡི།། རྐྱེན་རྣམས་ལ་ཡང་གནས་མ་ཡིན།། ༡༤༢ གཞན་ནས་འོངས་པའང་མ་ཡིན་ལ།། གནས་པ་མ་ཡིན་འགྲོ་མ་ཡིན།། 655 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། དེ་བས་དེ་ལྟར་རྣམ་པར་དཔྱད་པས་ཆོས་འགའ་ཡང་རྒྱུ་མེད་དུ་སྐྱེ་བ་ཡང་ ཡོད་པ་མིན་ལ། རྒྱུ་སོ་སོ་བའམ་མང་པོ་འདུས་པ་ཡི་རྐྱེན་རྣམས་ལ་ཡང་འབྲས་བུ་གནས་ པ་མ་ཡིན་ཞིང་རྒྱུ་གཞན་ནས་འོངས་པ་ཡང་མ་ཡིན་ལ་རྒྱུ་ལ་འབྲས་བུ་གནས་པའང་མ་ཡིན་ ཞིང་འབྲས་བུ་བསྐྱེད་ནས་རྒྱུ་འགགས་འགྲོ་བའང་མ་ཡིན་ཏེ། ཞེས་སོ།། གཉིས་པ་ཐམས་ཅད་སྒྱུ་མ་ལྟ་བུར་བསྟན་པ་ནི། རྨོངས་པས་བདེན་པར་གང་བྱས་འདི།། སྒྱུ་མ་ལས་ནི་ཁྱད་ཅི་ཡོད།། ༡༤༣ ཅེས་གསུངས་ཏེ། རྨོངས་པས་བདེན་པར་གང་བྱས་ཤིང་བཟུང་བ་འདི་ཐམས་ཅད་ནི་སྒྱུ་མ་ ལས་ནི་ཁྱད་པར་ཅི་ཡོད་དེ། སྒྱུ་མ་ལྟ་བུར་ཤེས་པར་བྱ་སྟེ། དེའི་ཕྱིར་ཡུམ་ལས་གཟུགས་ནས་ མྱ་ངན་ལས་འདས་པའི་བར་དང་དེ་ལས་ཆེས་ལྷག་པའི་ཆོས་ཡོད་ན་དེ་ཡང་སྒྱུ་མ་ལྟ་བུར་ བསྟན་པ་ཡིན་ནོ།། གཉིས་པ་ཡོད་མེད་སྐྱེ་འགོག་གི་གཏན་ཚིགས་ལ་གཉིས། རྟགས་ཀྱི་རང་བཞིན་དང༌། ཚད་མས་ངེས་པའི་དོན་ནོ། །དང་པོ་ལ་བཞི། སྒྱུ་མ་ལྟར་འགྲོ་འོང་གནས་པ་མེད་པར་ བསྟན། གཟུགས་བརྙན་ལྟར་མི་བདེན་པར་བསྟན། ཡོད་མེད་གང་ཡིན་ཡང་རྒྱུ་མི་དགོས་ པར་བསྟན། དངོས་མེད་དངོས་པོར་འགྱུར་བ་དང་དངོས་པོ་དངོས་མེད་དུ་འགྱུར་བ་བཀག་ པའོ། །དང་པོ་ནི། 656 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། སྒྱུ་མས་སྤྲུལ་པ་གང་ཡིན་དང༌།། རྒྱུ་རྣམས་ཀྱིས་ནི་གང་སྤྲུལ་པ།། དེ་ནི་གང་ནས་འོངས་གྱུར་ཅིང༌།། གང་དུ་འག ྲོ་བའང་བརྟག་པར་གྱིས།། ༡༤༤ ཞེས་གསུངས་ཏེ། དེ་ཡང་སྒྱུ་མའི་སྔགས་སོགས་ཀྱིས་སྤྲུལ་པའི་སྒྱུ་མའི་སྣང་བ་གང་ཡིན་ པ་དང་རྒྱུ་མཚན་ཉིད་པར་རློམ་པའི་རྒྱུ་རྐྱེན་གྱིས་ནི་གང་སྤྲུལ་པའི་དངོས་པོར་སྣང་ཙམ་པ་ འདི་ལ་ནི་ཁྱད་པར་ཅུང་ཟད་ཀྱང་མེད་དེ། དེ་གཉི་གའང་ནི་གང་ནས་འོངས་པར་གྱུར་ཅིང་ གང་དུ་འག ྲོ་བ་དང་ད་ལྟ་ཇི་ལྟར་གནས་པའང་བརྟག་པར་གྱིས་ཤིག་དང་དེ་དག་གང་ཡང་ རྙེད་པར་མི་འགྱུར་རོ།། གཉིས་པ་གཟུགས་བརྙན་ལྟར་མི་བདེན་པར་བསྟན་པ་ནི། གང་ཞིག་གང་ནི་ཉེ་བ་ཡིས།། མཐོང་འགྱུར་དེ་མེད་ན་མིན་པ།། བཅོས་བུ་གཟུགས་བརྙན་དང་མཚུངས་པ།། དེ་ལ་བདེན་ཉིད་ཇི་ལྟར་ཡོད།། ༡༤༥ ཅེས་གསུངས་ཏེ། དེས་ན་དངོས་པོ་གང་ཞིག་མེ་ལོང་དང་གཟུགས་ཉེ་བ་ན་གཟུགས་ བརྙན་ལྟར་རྒྱུ་རྐྱེན་གང་ནི་ཉེ་བ་ཡིས་མཐོང་བར་འགྱུར་ལ། རྒྱུ་རྐྱེན་ཉེ་བ་དེ་མིན་ན་མཐོང་ 657 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བ་མིན་པ་ཟློས་གར་མཁན་གྱི་གླང་པོ་ཆེ་ལྟ་བུ་བཅོས་བུར་བྱས་པ་དང༌། མེ་ལོང་གི་ གཟུགས་བརྙན་དང་མཚུངས་པ་དཔྱད་མི་བཟོད་ཅིང་མ་བརྟགས་ན་ཉམས་དགའ་བ་ཙམ་ དེ་ལ་བདེན་པ་ཉིད་ཇི་ལྟར་ཡོད། གསུམ་པ་ཡོད་མེད་གང་ཡིན་ཡང་རྒྱུ་མི་དགོས་པར་བསྟན་པ་ནི། ཆོས་གང་ཡོད་པའང་ རྒྱུ་ལ་མི་ལྟོས་ཤིང་མེད་པའང་རྒྱུ་ལ་མི་ལྟོས་ཏེ། དངོས་པོ་ཡོད་པར་གྱུར་པ་ལ།། རྒྱུ་ཡིས་དགོས་པ་ཅི་ཞིག་ཡོད།། འོན་ཏེ་དེ་ནི་མེད་ན་ཡང༌།། རྒྱུ་ཡི་དགོས་པ་ཅི་ཞིག་ཡོད།། ༡༤༦ བྱེ་བ་ཕྲག་བརྒྱའི་རྒྱུ་ཡིས་ཀྱང༌།། དངོས་པོ་མེད་པ་བསྒྱུར་དུ་མེད།། ཅེས་གསུངས་སོ།། བཞི་པ་དངོས་མེད་དངོས་པོར་འགྱུར་བ་དང་དངོས་པོ་དངོས་མེད་དུ་འགྱུར་བ་བཀག་པ་ནི། གནས་སྐབས་དེ་དངོས་ཇི་ལྟར་ཡིན།། དངོས་གྱུར་གཞན་ཡང་གང་ཞིག་ཡིན།། ༡༤༧ 658 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞེས་གསུངས་ཏེ། གལ་ཏེ་དངོས་པོ་མེད་པའི་གནས་སྐབས་ཉིད་ཕྱིས་དངོས་པོར་འགྱུར་རོ་ ཞེ་ན། དངོས་མེད་ཀྱི་གནས་སྐབས་དེ་ཉིད་ཕྱིས་དངོས་པོར་འགྱུར་བ་ཇི་ལྟར་ཡིན་ཏེ། ནམ་ མཁའི་པདྨ་ཕྱིས་ཆུ་ནང་གི་ཨུཏྤ་ལར་མི་འགྱུར་བ་བཞིན་ནོ། །དེ་མི་འགྱུར་ཡང་གནས་སྐབས་ གཞན་ཞིག་དངོས་པོར་འགྱུར་རོ་ཞེ་ན། དངོས་པོར་འགྱུར་བའི་གནས་སྐབས་གཞན་ཡང་ གང་ཞིག་ཡིན་ཏེ། དངོས་པོ་དང་དངོས་མེད་གང་ཡང་མ་ཡིན་པ་དེ་འདྲ་བ་མི་སྲིད་པའི་ཕྱིར། མེད་ཚེ་དངོས་ཡོད་སྲིད་མིན་ན།། དངོས་པོ་ཡོད་པར་ནམ་ཞིག་འགྱུར།། ཞེས་གསུངས་ཏེ། དེས་ན་དངོས་པོ་ཡོད་མེད་དང་དེའི་གནས་སྐབས་དང་དེ་ལས་གཞན་ པའང་དངོས་པོར་འགྱུར་བ་མེད་པ་དེའི་ཚེ་དངོས་པོ་ཡོད་པའང་སྲིད་པ་མིན་ན་སྔར་ནས་ དངོས་པོར་ཡོད་པ་ཞིག་སྐྱེ་བར་ནམ་ཞིག་འགྱུར་ཏེ། རི་བོང་གི་རྭ་ཙམ་སྲིད་པ་མིན་ན་རི་བོང་ དཀར་པོའི་རྭ་ཤེལ་ལྟར་དྭངས་པ་སྐྱེ་བ་ལྟ་ག་ལ་ཡོད། དངོས་པོ་སྐྱེ་བར་མ་གྱུར་བར།། དངོས་མེད་དེ་ནི་འབྲལ་མི་འགྱུར།། ༡༤༨ དངོས་མེད་དེ་དང་མ་བྲལ་ནའང༌།། དངོས་པོ་ཡོད་པའི་སྐབས་མི་སྲིད།། ཅེས་གསུངས་ཏེ། གཞི་གཅིག་ལ་བལྟོས་ཏེ་དངོས་པོ་སྐྱེ་བར་མ་གྱུར་པ་དེ་སྲིད་དུ་དངོས་མེད་ 659 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེ་ནི་འབྲལ་བར་མི་འགྱུར་ལ། དངོས་མེད་དང་མ་བྲལ་ན་ནི་དེ་ལ་དངོས་པོ་ཡོད་པའི་སྐབས་ ཀྱང་མི་སྲིད་དོ།། དངོས་པོའང་མེད་པར་འགྱུར་མིན་ཏེ།། རང་བཞིན་གཉིས་སུ་ཐལ་འགྱུར་ཕྱིར།། ༡༤༩ ཞེས་གསུངས་ཏེ། དེས་ན་དངོས་པོ་ནི་སྔར་ཡོད་པ་ལས་ཕྱིས་མེད་པར་འགྱུར་བ་མིན་ལ། འང་གི་སྒྲས་སྔར་མེད་པ་ལས་ཕྱིས་ཡོད་པར་འགྱུར་བའང་མིན་ཏེ། དངོས་པོ་གཅིག་ཉིད་ཡོད་ མེད་ཀྱི་རང་བཞིན་གཉིས་སུ་སྟེ་གཉི་གར་དུ་ཅིག་ཆར་ཐལ་བར་འགྱུར་བའི་ཕྱིར། གཉིས་པ་ཚད་མས་ངེས་པའི་དོན་ལ་གཉིས། ཆོས་ཐམས་ཅད་སྐྱེ་འགག་མེད་པར་ བསྟན། འཁོར་འདས་མི་དམིགས་པར་བསྟན་པའོ། །དང་པོ་ནི། དེ་ལྟར་འགག་པ་ཡོད་མིན་ཞིང༌།། དངོས་པོའང་ཡོད་མིན་དེ་ཡི་ཕྱིར།། འག ྲོ་བ་འདི་དག་ཐམས་ཅད་ནི།། རྟག་ཏུ་མ་སྐྱེས་མ་འགགས་ཉིད།། ༡༥༠ ཅེས་གསུངས་ཏེ། དེ་ལྟར་སྐྱེ་བ་མེད་པས་འགག་པ་དང༌། གནས་པ་ཡང་ཡོད་པ་མིན་ཞིང༌། སྐྱེ་འགག་མེད་པས་དངོས་པོ་འདུས་བྱས་ཡོད་པ་མིན་ལ། འང་གི་སྒྲས་དེའི་བལྟོས་ཟླ་ 660 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། འདུས་མ་བྱས་སམ་དངོས་མེད་ཀྱང་ཡོད་པ་མིན་ལ། དེ་དག་ལས་གཞན་པ་ཡང་ཡོད་པ་མིན་ པ་དེའི་ཕྱིར་ན། འགྲོ་བ་འདི་དག་ཐམས་ཅད་ནི་རྟག་ཏུ་མ་སྐྱེས་མ་འགགས་ཉིད། ཅེས་སོ།། གཉིས་པ་འཁོར་འདས་མི་དམིགས་པར་བསྟན་པ་ནི། འག ྲོ་བ་རྨི་ལམ་ལྟ་བུ་སྟེ།། རྣམ་པར་དཔྱད་ན་ཆུ་ཤིང་འདྲ།། མྱ་ངན་འདས་དང་མ་འདས་པའང༌།། དེ་ཉིད་དུ་ནི་ཁྱད་པར་མེད།། ༡༥༡ ཅེས་གསུངས་ཏེ། དེས་ན་ཇི་ལྟར་རྨི་ལམ་གྱི་ཆུ་དང་སྐམ་ས་ལྟར་འཁོར་བ་དང་མྱ་ངན་ ལས་འདས་པ་ཡང་སྒྲོ་བཏགས་པ་གཉེན་པོའི་རྣམ་པར་རྟོག་པ་ཙམ་སྟེ། ཆོས་ཐམས་ཅད་ ནི་རྟག་ཏུ་བློ་ལས་འདས་པ་སྨྲ་བསམ་བརྗོད་དུ་མེད་པ་ངོ་བོ་ཉིད་ཀྱིས་གཟོད་མ་ནས་རྣམ་ པར་དག་པ་ཁོ་ནའོ།། ལྔ་པ་སྟོང་ཉིད་བསྒོམས་པའི་འབྲས་བུ་ལ་གསུམ། ཉོན་མོངས་ཀྱིས་མི་འཕྲོགས་པས་ སྲིད་པ་ལས་འདའ་བ་དང༌། མ་རྟོགས་པ་ལ་སྙིང་རྗེ་སྐྱེ་བས་ཞི་བར་མི་ལྟུང་བ་སྟེ་རང་དོན་གྱི་ ཡོན་ཏན་གཉིས་དང༌། སེམས་ཅན་ཐམས་ཅད་སྐྱོབ་པ་གཞན་དོན་གྱི་ཡོན་ཏན་ནོ། །དང་པོ་ལ་ གསུམ། འདོད་པའི་ཆོས་བརྒྱད་ཀྱིས་མི་གཡོ་བར་བསྟན། འཁོར་བའི་རྒྱུ་ཁམས་གསུམ་གྱི་སྲེད་ པའི་དངོས་གཉེན་དུ་བསྟན། ཐམས་ཅད་ནམ་མཁའ་ལྟར་མཐོང་བར་བསྟན་པའོ། །དང་པོ་ནི། 661 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དེ་ལྟར་སྟོང་པའི་དངོས་རྣམས་ལ།། ཐོབ་པ་ཅི་ཡོད་ཤོར་ཅི་ཡོད།། གང་གིས་རིམ་གྲོ ་བྱས་པའམ།། ཡོངས་སུ་བརྙས་པའང་ཅི་ཞིག་ཡོད།། ༡༥༢ བདེའམ་སྡུག་བསྔལ་གང་ལས་ཡིན།། མི་དགར་ཅི་ཡོད་དགར་ཅི་ཡོད།། ཅེས་གསུངས་ཏེ། དེ་ཡང་ཀུན་རྫོབ་བྱང་ཆུབ་ཀྱི་སེམས་མྱུ་གུ་ལྟ་བུ་གོམས་པར་བྱས་པས་ དོན་དམ་པའི་བྱང་ཆུབ་ཀྱི་སེམས་སྙེ་མ་ལྟ་བུ་སྐྱེ་བར་འགྱུར་ལ། དངོས་འཛིན་གྱི་ནད་ ཐམས་ཅད་རྩ་བ་ནས་འབྱིན་པའི་གཉེན་པོ་སངས་རྒྱས་ཐམས་ཅད་ཀྱི་ཆོས་ཀྱི་སྙིང་པོ་ཟབ་ མོ་ཤེས་རབ་ཀྱི་ཕ་རོལ་ཏུ་ཕྱིན་པ་དོན་དམ་པའི་བྱང་ཆུབ་ཀྱི་སེམས་སྤྲོས་པ་ཐམས་ཅད་ ཉེ་བར་ཞི་བ་དེ་ཁོ་ན་ཉིད་དེ་ལྟར་དུ་གོམས་པ་ན་ཆོས་ཐམས་ཅད་ཀྱི་རང་བཞིན་གཟོད་ནས་ རྣམ་པར་དག་པ་སྨྲ་བསམ་ཤེེེས་བརྗོད་ཀྱི་ཡུལ་མ་ཡིན་པ་ཉིད་དེ་ལྟར་དུ་མཐོང་བར་འགྱུར་ ལ། དེའི་ཚེ་སྣང་གྲག་ཙམ་གྱི་ཆོས་འདི་ཐམས་ཅད་ནི་རང་བཞིན་གྱིས་སྟོང་པའི་དངོས་པོ་རྨི་ ལམ་གྱི་སྣང་བ་ལྟར་ཁོང་དུ་ཆུད་པས་གཟུགས་བརྙན་ཙམ་གྱི་ཆོས་འདི་རྣམས་ལ། འདོད་ པ་དང་མི་འདོད་པ་དང་རེ་བ་དང་དོགས་པ་དང་བླང་བ་དང་དོར་བའི་བློ་རང་བཞིན་གྱིས་ འཇིག་པར་འགྱུར་ཏེ་དེ་དག་ལ་ནི། 662 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཐོབ་པ་ཅི་ཡོད་ཤོར་ཅི་ཡོད།། གང་གིས་རིམ་གྲོ ་བྱས་པའམ།། ཡོངས་སུ་བརྙས་པ་ཅི་ཞིག་ཡོད།། བདེ་བ་འམ་སྡུག་བསྔལ་གང་ལས་ཡིན།། མི་དགར་ཅི་ཡོད་དགར་ཅི་ཡོད།། དེ་ཆོས་བརྒྱད་ལ་ཆགས་སྡང་ཞར་ལ་འཇིག་པར་འགྱུར་རོ། །བྱིས་པ་རྣམས་གང་ལ་ ཞེན་པའི་ཡུལ་དེ་དག་ལ་མཁས་པ་རྣམས་ཇི་སྙམ་དུ་ཡང་མི་བྱེད་མོད། འདི་ཙམ་ནི་དེ་དག་ ལ་ཡོན་ཏན་ཡང་མ་ཡིན་ཏེ། འཇིག་རྟེན་ན་འཆིང་བ་ཀུན་ལྡན་དུ་མཚུངས་པའི་སྐྱེ་བོ་དག་ ཀྱང་བུས་པ་རྣམས་གང་ལ་ཞེན་པའི་བྱེ་མའི་ཁང་བུ་དང་འཇིམ་པའི་རྟ་གླང་སོགས་ལ་རྒན་ པོ་རྣམས་ཅིར་ཡང་མི་སྙམ་པ་སྣང་བའི་ཕྱིར་རོ།། གཉིས་པ་འཁོར་བའི་རྒྱུ་ཁམས་གསུམ་གྱི་སྲེད་པའི་དངོས་གཉེན་དུ་བསྟན་པ་ནི། དེ་ཉིད་དུ་ནི་བཙལ་བྱས་ན།། གང་ཞིག་སྲེད་ཅིང་གང་ལ་སྲེད།། ༡༥༣ ཅེས་གསུངས་ཏེ། ཡང་དག་པ་དེ་ཁོ་ན་ཉིད་དུ་སོ་སོར་རྟོག་པའི་ཤེས་རབ་ཀྱིས་གཞལ་བྱ་ བཅལ་ཞིང་སོ་སོ་རང་རིག་པའི་ཡེ་ཤེས་ཀྱིས་མཉམ་པར་བཞག་པར་བྱས་ན་སྲེད་པ་པོ་གང་ 663 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཞིག་ཡུལ་གང་ལ་སྲེད་ཅིང་རྒྱུ་མཚན་གང་ལས་སྲེད་དེ་རྨི་ལམ་གྱི་སྨིག་རྒྱུ་ལ་རྨི་ལམ་གྱི་རི་ དྭགས་སྲེད་པ་ལྟར་ཆོས་ཐམས་ཅད་དེ་ཁོ་ན་ལྟར་མཐོང་བར་འགྱུར་ལ། དཔྱད་ན་གསོན་པའི་འཇིག་རྟེན་འདི།། གང་ཞིག་འདིར་ནི་འཆི་འགྱུར་ཏེ།། ཞེས་གསུངས་ཏེ། དེ་ལྟར་ཚུལ་བཞིན་དཔྱད་པ་ན་སྔར་མ་རྟོགས་པའི་དུས་བདེན་བདེན་འདྲ་ ཞིང་གསོན་པོ་ལྟར་སྣང་བའི་འཇིག་རྟེན་གྱི་སྣང་བ་འདི་ཐམས་ཅད་ནི་གང་ཞིག་ཤེས་རབ་དྲི་ མ་མེད་པའི་མདུན་འདིར་ནི་འཆི་བའམ་ཤི་བ་ལྟར་འགྱུར་ཏེ་རྫུན་པའི་ཕུགས་སྐད་ཅིག་གིས་ རྡིབ་པར་འགྱུར་ཏེ་བྱ་བ་ཅི་ཡང་མི་བྱེད་དོ།། གསུམ་པ་ཐམས་ཅད་ནམ་མཁའ་ལྟར་མཐོང་བར་བསྟན་པ་ནི། འབྱུང་འགྱུར་གང་ཡིན་བྱུང་གྱུར་གང༌།། གཉེན་གང་བཤེས་ཀྱང་གང་ཞིག་ཡིན།། ༡༥༤ ཐམས་ཅད་ནམ་མཁའ་འདྲ་བར་ནི།། བདག་འདྲས་ཡོངས་སུ་བཟུང་བར་གྱིས།། ཞེས་གསུངས་ཏེ། དེའི་ཚེ་འབྱུང་འགྱུར་མ་འོངས་པ་དེ་གང་ཞིག་ཡིན་ལ། བྱུང་ཟིན་པར་གྱུར་ པར་འཛིན་པ་འདས་པའི་ཆོས་དེ་གང་ཞིག་ཡིན། མཛའ་བའི་གཉེན་བཤེས་དང་ཀྱང་གི་སྒྲས་ མི་མཛའ་བར་བཏགས་པ་དགྲ་ཡང་གང་ངམ་སུ་ཞིག་ཡིན་ཏེ། ཆོས་ཐམས་ཅད་ནི་གཟོད་ 664 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ནས་ངོ་བོ་ཉིད་ཀྱིས་ནམ་མཁའ་དང་འདྲ་བ་དངོས་པོ་མེད་ལ། བསམ་དུ་མེད་པ་མཐའ་དང་ ཚད་མི་དམིགས་པ་གང་དུ་ཡང་མཐོང་དུ་མེད་ལ། ནམ་གྱི་ཚེ་འང་མ་མཐོང་བ་མེད་པ་འདི་ལྟ་ བུར་ནི་བྱང་ཆུབ་སེམས་དཔའ་བདག་ཉིད་དང༌། བདག་ཉིད་དང་སྐལ་བ་འདྲ་བའི་བློ་གྲོ ས་ ཅན་རྣམས་ཀྱིས་ཀྱང་ཡོངས་སུ་བཟུང་བར་གྱིས། ཁོང་དུ་ཆུད་པར་གྱིས། ཀུན་ཆུབ་པར་གྱིས། ནན་ཏན་དུ་གྱིས་ཤིག ཞེས་གདམས་ངག་འདོམས་པ་དང་བཅས་པའོ།། འོ་ན་འཁོར་བའི་རྒྱུ་ནི་སྲེད་པ་ཡིན་ལ་སྟོང་ཉིད་བསྒོམས་པས་སྲེད་པ་ལྡོག་པའི་ཕྱིར་ཉན་ རང་གི་དགྲ་བཅོམ་དུ་འགྱུར་ལ། དེ་ལྟ་ན་ཉན་རང་ནི་ཐེག་ཆེན་པའི་གཡང་སར་བཤད་པ་ དང་འགལ་ལོ་ཞེ་ན། དེ་ལྟར་འཁོར་བ་གཞི་རྩ་དང་བཅས་པ་ཁོང་དུ་ཆུད་པས་མྱ་ངན་ལས་ འདས་པ་ལག་མཐིལ་དུ་འོངས་པ་ཡིན་མོད་ཀྱང་དེ་ལ་རྡུལ་ཕྲ་རབ་ཙམ་དུ་ཡང་རྩི་བར་མི་ བྱེད་དེ། ཆོས་ཐམས་ཅད་གཟོད་མ་ནས་མྱ་ངན་ལས་འདས་པ་ངོ་བོ་ཉིད་ཀྱིས་བྱང་ཆུབ་པ་ ཁོ་ན་ཉིད་དུ་མཐོང་བས་གསེར་གྱི་རི་བདུན་གྱི་ངོས་སུ་སོན་པའི་མིས་ར་གན་གྱི་དུམ་བུ་ལ་ གསེར་དུ་གུས་པ་མི་སྐྱེད་པ་བཞིན་ནོ།། གཉིས་པ་མ་རྟོགས་པ་ལ་སྙིང་རྗེ་སྐྱེ་བས་ཞི་བར་མི་ལྟུང་བ་ལ་དྲུག སྡིག་སྤྱོད་ལ་སྙིང་ བརྩེ་བ། མཐོ་རིས་པ་རྣམས་ལ་སྙིང་བརྩེ་བ། འཁོར་བ་ཐམས་ཅད་སྡུག་བསྔལ་དུ་བསྟན་ པ། མིར་སྐྱེས་ཀྱང་རྣམ་དཔྱོད་འདི་ལྟ་བུ་རྙེད་དཀའ་བར་བསྟན། རྙེད་ཀྱང་བདུད་ཀྱི་ལས་ ལྡོག་དཀའ་བར་བསྟན། དེ་ལྟ་བུའི་སེམས་ཅན་འདི་རྣམས་ཤིན་ཏུ་སྙིང་རྗེའི་ཡུལ་དུ་བསྟན་ པའོ། །དང་པོ་ནི། 665 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བདག་ཉིད་བདེ་བར་འདོད་རྣམས་ནི།། འཐབ་དང་སྤྲོ་བའི་རྒྱུ་དག་གིས།། ༡༥༥ རབ་ཏུ་འཁྲུག་དང་དགའ་བར་བྱེད།། མྱ་ངན་འབད་རྩོལ་རྩོད་པ་དང༌།། ཕན་ཚུན་གཅོད་དང་འབིགས་པ་དང༌།། སྡིག་པ་དག་གིས་ཚེགས་ཆེན་འཚོ།། ༡༥༦ ཞེས་གསུངས་ཏེ། དེ་ལྟ་མོད་ཀྱི་དེ་ལྟར་མ་རྟོགས་པའི་སེམས་ཅན་ལ་སྙིང་རྗེ་ཆེན་པོ་ཁོ་ན་ བཟོད་མེད་དུ་འཇུག་ཅིང་དེའི་ཚེ་ཡང་སེམས་ཅན་དང་སྡུག་བསྔལ་དུ་ཅུང་ཟད་ཀྱང་དམིགས་ པ་མེད་ལ། དེ་ཙམ་གྱིས་བཟློགས་སུ་མེད་པའི་སྙིང་རྗེ་ཆེན་པོ་ཁོ་ན་འཕེལ་བར་འགྱུར་བ་སྟེ། བྱང་ཆུབ་སེམས་དཔའ་རྣམས་ཀྱི་ཚུལ་ཆེན་པོ་འདི་ལྟ་བུ་ནི་རང་ཅག་བྱིས་པའི་སྐྱེ་བོ་རྣམས་ ཀྱིས་ཡིད་ཆེས་པ་དང་མོས་པ་ལྟ་ཞོག་མཉན་པ་ཙམ་དུ་ཡང་དཀའ་སྟེ། སྟོད་ནས་མེ་འབར་ ཞིང༌། སྨད་ནས་ཆུ་འབྲུབ་པའི་ཡ་མ་ཟུང་གི་ཆོ་འཕྲུལ་བྱེ་བ་བརྒྱ་ཕྲག་གིས་བསྐྲུན་དུ་མེད་ པའི་ཆོ་འཕྲུལ་ཡ་མ་ཟུང་རྨད་དུ་བྱུང་བ་ནི་འདི་ཡིན་ནོ།། དེ་ལྟ་མོད་ཀྱིས་མ་རྒན་སྨྱོན་པ་ལྟ་བུ་ཅི་བྱ་མཚང་བརླག་པ་འདི་རྣམས་ཀྱི་ངང་ཚུལ་ལ་ བལྟས་ན་བདག་ཅག་བྱིས་པར་མཚུངས་པ་འདི་རྣམས་ཀྱང་གཅིག་ལ་གཅིག་སྙིང་རྗེས་ 666 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བཟོད་མི་ནུས་པར་སྣང་ན་བསྐལ་པ་མཐའ་ཡས་པར་བྱམས་པ་དང་སྙིང་རྗེ་ལ་གོམས་པ་ བདག་གི་བདེ་བ་ལ་བལྟོས་པ་རྣམ་པ་ཐམས་ཅད་དུ་སྤངས་པ་སྐུ་གསུང་ཐུགས་ཡོན་ཏན་ ཕྲིན་ལས་ཐམས་ཅད་སེམས་ཅན་ཁོ་ནའི་ཆེད་དུ་བཟུང་བ་དེ་རྣམས་ཀྱི་སྙིང་རྗེ་ཆེན་པོའི་ཆུ་ ཀླུང་བགྲང་དུ་མེད་པ་འབད་པ་དང་རྟོག་པ་མེད་པར་རང་བཞིན་གྱིས་འབབ་པ་རྒྱུན་མི་འཆད་ པ་བྲི་གང་དུ་མི་མངོན་པ་རྟག་ཆད་ཀྱི་འགྲམ་ངོགས་སྤངས་པ་ཟག་མེད་ཀྱི་ཡོན་ཏན་མཐའ་ ཡས་པའི་རིན་པོ་ཆེ་དང་བ་སྐྱེ་འགྲོ་ཐམས་ཅད་ཀྱི་རྟེན་གནས་གཅིག་པུ་པར་གྱུར་པ་དེ་དག་ གི་བརླབས་ཕྲེང་ཅིའི་ཕྱིར་མི་གཡོ། དེ་ཡང་བདག་ཅག་གི་ཕ་མའི་ཚོགས་འདི་རྣམས་བདག་ཉིད་བདེ་བར་འདོད་པས་སྡིག་ པའི་ལས་མི་བྱེད་པ་ཅི་ཡང་མེད་དེ། བདག་འགྲན་ཟླ་མེད་པར་འདོད་པས་ཕ་རོལ་པོ་གསོད་ པར་བྱེད་ལ། རྒྱུ་དེས་བདག་ཉིད་སྐྱེ་བ་མཐའ་ཡས་པར་དམྱལ་བ་ཡང་སོས་སུ་སྐྱེ་བས་ཉིན་ རེ་ལ་ལན་ཁྲི་ཕྲག་ཏུ་ཕན་ཚུན་གསོད་པ་མྱོང་ལ། དེ་ལས་ཐར་ནས་ཀྱང་གང་དུ་སྐྱེས་པར་ཚེ་ ཐུང་ཞིང་ནད་མང་ལ་གཞན་གྱིས་གསོད་པར་བྱེད་པ་ཁོ་ན་མྱོང་ལ། ད་དུང་བྱེད་པ་རྒྱུ་མཐུན་ ལ་སྤྱོད་པས་སྲོག་གཅོད་པ་ལ་དགའ་ཞིང་མོས་པས་དེ་ལས་ལྡོག་པར་དཀའ་ཞིང་ཡང་དེའི་ རྣམ་སྨིན་གྱི་འབྲས་བུས་དམྱལ་བ་སོགས་སུ་ཟོ་ཆུན་གྱི་རྒྱུན་ལྟར་འཁོར་ཏེ་སྡུག་བསྔལ་ལས་ ཐར་དུས་མེད་དོ། ཁ་ཅིག་ནི་ཕྱུག་ཅིང་འབྱོར་བར་འདོད་ནས་གཞན་གྱི་ལོངས་སྤྱོད་འཕྲོག་པ་ དང་རྐུ་བས་མ་བྱིན་པར་ལེན་ལ། དེའི་རྣམ་སྨིན་གྱི་འབྲས་བུ་དམྱལ་བ་དང༌། ཡི་དྭགས་ཀྱི་ 667 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གནས་གྲངས་མེད་པར་སྡུག་བསྔལ་གྱི་དམྱལ་ཐག་བཅད་ནས་གཞན་གང་དུ་སྐྱེས་པ་དེར་ ཡང་དབུལ་ཞིང་འཕོངས་ལ་ཡོ་བྱད་རྐུ་འཕྲོག་ལ་འཆོར་བ་ཁོ་ན་དང༌། མེ་ཆུས་ཆུད་འཛའ་ བ་སོགས་རང་ལ་ཕན་མི་ཐོགས་ཤིང་གནས་མིན་དུ་གོད་པ་ཤ་སྟག་འབྱུང་ལ། བག་ཆགས་ ཀྱི་དབང་གིས་གང་དུ་སྐྱེས་ན་ཡང་མ་བྱིན་པར་ལེན་པ་ལ་མོས་ཤིང་ལྡོག་པར་དཀའ་ལ་ཡང་ དེའི་རྣམ་སྨིན་གྱི་འབྲས་བུ་མྱོང་བ་སོགས་རྒྱུན་མི་འཆད་པར་འཁོར་རོ། །དེ་བཞིན་དུ་སྤོང་ བ་བདུན་ག་ལ་འདི་ལྟ་བུར་ཤེས་པར་བྱ་སྟེ་ཚེ་འདིའི་དེ་རིང་ཕྱིན་གྱི་ཟས་གོས་ལོངས་སྤྱོད་ ཐམས་ཅད་བཙོངས་ནས་རེག་དུག་ཐུན་གཅིག་ཉོས་ནས་རང་ལུས་ལ་འབྱུག་པ་ལྟར་ཚེ་ འདིའི་བདེ་བ་ལྟར་སྣང་སྣ་རེ་རེའི་ཆེད་དུ་འདི་ཕྱིན་གྱི་སྐྱེ་བ་འབུམ་དང་བྱེ་བ་དང་ཁྲག་ཁྲིག་ མཐའ་ཡས་པའི་བདེ་སྐྱིད་ཐམས་ཅད་འཚོང་བ་ཁོ་ན་ཡིན་ནོ། །དེ་བཞིན་དུ་སྐྱེ་བ་གཏན་གྱི་ཕ་ མ་ཐམས་ཅད་འཁོར་བའི་སྡུག་བསྔལ་དར་དྲག་ཡུན་རིང་མཐའ་མེད་དུ་མྱོང་བ་འདི་ལ་མྱ་ངན་ མི་བྱེད་ལ་ཚེ་གཅིག་པོ་འདིའི་ཉེ་དུར་བཟུང་བ་མགྲོན་ཁང་དུ་ཞག་གཅིག་ཚོགས་པའི་མགྲོ ན་ པོ་ཙམ་པ་འདིའི་གཅིག་ཤི་བ་ན་མྱ་ངན་གྱིས་འགྲེ་ལྡོག་པ་དང༌། ལོངས་སྤྱོད་ཀྱི་རྒྱུ་སྦྱིན་པ་ ལ་མི་འབད་པར་དོན་མེད་ཏུ་ཚོང་ལ་སོགས་པས་ཐང་ཤ་ཆད་པར་འབད་ལ། ཟས་གོས་ཙམ་ ཞིག་གི་ཆེད་ཏུ་མི་བྱ་བ་མེད་པའི་ཚེགས་ཆེན་པོས་ཚོལ་ཞིང་འཚོ་བར་བྱེད་པ་སྟེ། དེས་ན། བདག་ཉིད་བདེ་བར་འདོད་པ་རྣམས་ནི་འཐབ་པ་དང་སྤྲོ་བའི་རྒྱུ་དག་གིས། རབ་ཏུ་འཁྲུག་ པ་དང་དགའ་བར་བྱེད་ཅིང་མྱ་ངན་འབད་རྩོལ་རྩོད་པ་དང༌། ཕན་ཚུན་གཅོད་པ་དང་འབིགས་ པ་དང་སྡིག་དག་གིས་ནི་ཚེགས་ཆེན་འཚོ་བ་འདི་རྣམས་ལ་སུ་ཞིག་སྙིང་མི་བརྩེ། 668 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གཉིས་པ་མཐོ་རིས་པ་རྣམས་ལ་སྙིང་བརྩེ་བ་ནི། བདེ་འགྲོར་ཡང་དང་ཡང་འོངས་ཏེ།། བདེ་བ་མང་པོ་སྤྱད་སྤྱད་ནས།། ཤི་ནས་ངན་སོང་སྡུག་བསྔལ་ནི།། ཡུན་རིང་མི་བཟད་རྣམས་སུ་ལྟུང༌།། ༡༥༧ ཞེས་གསུངས་ཏེ། ཡང་རིང་སྲེལ་ཅན་གྱི་མཆོད་རྟེན་ལ་ཕྱག་གཅིག་བྱས་པས་གསེར་གྱི་ས་ གཞིའི་བར་དུ་ལུས་ཁྱོན་གྱིས་གང་ཁྱབ་པ་དེའི་བྱེ་མ་ཇི་སྙེད་པ་སྟོང་དུ་བསྒྱུར་བའི་གྲངས་དེ་ སྙེད་ཀྱི་འཁོར་ལོས་བསྒྱུར་བ་འཐོབ་པར་གསུངས་པ་ལྟར་དགེ་བའི་ལས་སྣ་རེས་ཀྱང་ལྷ་ མིའི་ལུས་འབུམ་ཕྲག་མང་པོ་འཐོབ་པར་ནུས་པ་ཡོད་ལ། དགེ་བ་དེ་རྣམས་ཆུད་མ་ཟོས་ན་ ལྷ་མིའི་ལུས་དེ་སྙེད་འཐོབ་ལ། དེ་རྣམས་སུ་རྒྱལ་སྲིད་ལ་སོགས་པའི་འབྱོར་པ་ཆེན་པོ་མཐའ་ ཡས་པ་སྤྱོད་ཅིང་མི་ལོ་འབུམ་ཕྲག་མང་པོར་འཚོ་བར་ནུས་པ་སོགས་འབྱུང་མོད་ཀྱང་སླར་ དགེ་བ་ཁྱད་པར་ཅན་མ་སྐྱེད་ན་སྔར་གྱི་ཕན་བྱེད་ཀྱི་དགེ་བ་དེ་རྣམས་ཟད་པའི་འོག་ཏུ་སླར་ ཡང་ངན་འག ྲོར་འཁོར་ཞིང་སྡུག་བསྔལ་མི་བཟད་པ་མྱོང་བར་འགྱུར་བ། བདེ་འགྲོ ར་ཡང་དང་ ཡང་འོངས་ཏེ། །བདེ་བ་མང་པོ་སྤྱད་བྱས་ནས། །ཤི་ནས་ངན་སོང་སྡུག་བསྔལ་ནི། །ཡུན་རིང་ མི་བཟད་རྣམས་སུ་ལྟུང་བ་དེ་དག་ལ་ཁྱད་པར་དུ་ཡང་བརྩེ་བར་རིགས་སོ།། 669 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། གསུམ་པ་འཁོར་བ་ཐམས་ཅད་སྡུག་བསྔལ་དུ་བསྟན་པ་ནི། སྲིད་པ་ན་ནི་གཡང་ས་མང༌།། དེར་ནི་དེ་ཉིད་མིན་འདི་འདྲ།། དེར་ཡང་ཕན་ཚུན་འགལ་བས་ན།། སྲིད་ན་དེ་ཉིད་འདི་འདྲ་མེད།། ༡༥༨ ཅེས་གསུངས་ཏེ། དེས་ན་འཁོར་བ་འདི་ནི་གང་ལ་ཡང་ཡིད་བརྟན་པར་མི་ནུས་པ། གཏིང་ འཇིགས་པ། ཡ་ང་བ། འཇིགས་སུ་རུང་བའི་གནས་ཁོ་ན་སྟེ་སྲིད་པ་ན་ནི་དེ་འདྲ་བའི་གཡང་ ས་མང་ལ་གང་དུ་སྐྱེས་པ་དེར་ཡང་ནི་སྙིང་པོ་ཅན་དེ་ཁོ་ན་ཉིད་མིན་པ་ལྟུང་ཞིང་འགྱེས་པ་འདི་ འདྲ་བ་ཁོ་ནའོ། །གང་དུ་སྐྱེས་པ་དེར་ཡང་བདེ་བ་ལ་ཆགས་ཤིང་སྡུག་བསྔལ་ལ་སྡང་བར་ བྱེད་པ་ཕན་ཚུན་འགལ་བའི་བློ་ཁོ་ནའི་གཞན་དབང་དུ་གྱུར་པས་ན་བདེ་བ་འདོད་པའི་ཕྱིར་ སྡུག་བསྔལ་སྒྲུབ་པ་ཁོ་ན་ལ་བརྩོན་པར་འགྱུར་གྱི། སྲིད་པ་འདི་ན་ནི་བདེ་སྡུག་གི་རང་བཞིན་ མི་བདེན་པར་ཤེས་པའི་དེ་ཁོ་ན་ཉིད་ལ་འཇུག་པ་འདི་འདྲ་བ་ནི་རྨི་ལམ་ཙམ་ན་ཡང་མེད་དོ།། དེར་ཡང་དཔེ་མེད་མི་བཟད་པའི།། སྡུག་བསྔལ་རྒྱ་མཚོ་མཐའ་ལས་འདས།། ཞེས་གསུངས་ཏེ། དེས་ན་རྨི་ལམ་ན་བདེ་སྡུག་དང་མྱོང་བ་པོ་གང་ཡང་མེད་ཀྱང་དེ་ལྟར་མ་ རྟོགས་རིང་འཁྲུལ་ངོར་སྣ་ཚོགས་པ་མྱོང་བར་སྣང་བ་ལྟར་འཁོར་བ་གང་དུ་སྐྱེས་པ་དེར་ཡང་ 670 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དཔེ་མེད་མི་བཟད་པའི་སྡུག་བསྔལ་རྒྱ་མཚོ་མཐའ་ལས་འདས་པ་མྱོང་བར་སྣང་སྟེ། སྒྱུ་མའི་ གཉེན་དང་བྲལ་བའི་སྡུག་བསྔལ་བཞིན་ནོ།། བཞི་པ་མིར་སྐྱེས་ཀྱང་རྣམ་དཔྱོད་འདི་ལྟ་བུ་རྙེད་དཀའ་བར་བསྟན་པ་ནི། དེར་ནི་དེ་ལྟར་སྟོབས་ཆུང་ཞིང༌།། དེར་ནི་ཚེ་ཡང་ཐུང་བ་ཉིད།། ༡༥༩ དེར་ཡང་གསོན་དང་ནད་མེད་ཀྱི།། བྱེད་དང་བཀྲེས་ནའི་ངལ་བ་དང༌།། གཉིད་དང་འཚེ་བ་དེ་བཞིན་དུ།། བྱིས་དང་འགྲོགས་སོགས་དོན་མེད་ཀྱིས།། ༡༦༠ ཚེ་ནི་དོན་མེད་མྱུར་འདའ་ཡིས།། རྣམ་དཔྱོད་ཤིན་ཏུ་རྙེད་པར་དཀའ།། ཞེས་གསུངས་ཏེ། བདེ་འགྲོ་མཐོ་རིས་པ་རྣམས་ཀྱང་གཉེན་པོའི་སྟོབས་ཆུང་ཞིང་ཚེ་ཐུང་ལ་ ཇི་སྲིད་གསོན་པ་དེར་ཡང་ནད་ཀྱིས་མནར་བ་དང་ནད་མེད་པ་ནའང་བྲེལ་ཕོངས་སྣ་ཚོགས་ པས་དུབ་ཅིང༌། བྱིས་པར་གྱུར་པ་དང༌། འགྲོགས་པ་དང༌། གཞན་གྱིས་དབང་མེད་དུ་བཀོལ་ ཏེ། འགྲོ་བ་སོགས་སྣ་ཚོགས་པར་སྡུག་བསྔལ་བས་དོན་མེད་དུ་ཚེ་ཟད་པར་འགྱུར་གྱི་དམ་ པའི་ཆོས་ཀྱི་རྣམ་པར་དཔྱོད་པ་འདི་ལྟ་བུ་ནི་ནམ་ཡང་རྙེད་པར་དཀའ་ཞེས་སོ།། 671 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ལྔ་པ་རྙེད་ཀྱང་བདུད་ཀྱི་ལས་ལྡོག་དཀའ་བར་བསྟན་པ་ནི། དེར་ཡང་རྣམ་གཡེང་གོམས་པ་ནི།། ཟློག་པའི་ཐབས་ནི་ག་ལ་ཡོད།། ༡༦༡ དེར་ཡང་ངན་སོང་ཆེན་པོར་ནི།། ལྟུང་ཕྱིར་བདུད་ནི་བརྩོན་པར་བྱེད།། དེར་ནི་ལོག་པའི་ལམ་མང་ཞིང༌།། ཐེ་ཚོམ་ལས་ཀྱང་བརྒལ་དཀའ་སྟེ།། ༡༦༢ ཞེས་གསུངས་ཏེ། གལ་ཏེ་ཆོས་ལ་འཇུག་པ་ལན་རེ་རྙེད་སྲིད་ཀྱང་ཚེ་རབས་མཐའ་ཡས་པར་ རྣམ་གཡེང་ཁོ་ན་ལ་གོམས་པའི་ཕྱིར། རྣམ་གཡེང་ལས་སེམས་ལྡོག་པར་དཀའ་ཞིང་ཕུང་པོ་ ལ་ཆགས་པ་ཕུང་པོའི་བདུད་དང༌། ཉོན་མོངས་པའི་སེམས་ཉོན་མོངས་པའི་བདུད་ཀྱི་དབང་ དུ་གྱུར་པས་ངན་འག ྲོར་འཕེན་ལ། མ་རིག་པའི་རྟེན་འབྲེལ་ལས་སྣང་བ་ལྷའི་བུའི་བདུད་ ཀྱིས་ཀྱང་དགེ་བའི་བཤེས་གཉེན་ལྟར་བཅོས་ནས་ཆོས་ལྟར་བཅོས་པ་དང༌། ཐེག་པ་ཆེན་པོ་ ལྟར་བཅོས་པ་དང་དབུ་མ་ལྟར་བཅོས་པ་དང་གསང་སྔགས་ལྟར་བཅོས་པ་སྣ་ཚོགས་བསྟན་ པས་མཐོ་རིས་དང་ཐར་པའི་གེགས་བྱེད་ལ། ལམ་ལྟར་བཅོས་པ་ཆེས་མང་བ་དེའི་ཕྱིར་ལམ་ གྱི་གོལ་ས་མང་ལ། ཡང་དག་པའི་དོན་ལ་ནི་སྐྱེ་བོ་དག་ཡིད་ཆེས་པར་དཀའ་ལ་ལམ་གོལ་ བ་ལ་ནི་མོས་པ་མང་བའི་ཕྱིར་ལམ་གྲུབ་པ་ནི་ཆེས་ཉུང་ངོ༌།། 672 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དྲུག་པ་དེ་ལྟ་བུའི་སེམས་ཅན་འདི་རྣམས་ཤིན་ཏུ་སྙིང་རྗེའི་ཡུལ་དུ་བསྟན་པ་ནི། སླར་ཡང་དལ་བ་རྙེད་དཀའ་ཞིང༌།། སངས་རྒྱས་འབྱུང་རྙེད་ཤིན་ཏུ་དཀའ།། ཉོན་མོངས་ཆུ་བོ་སྤང་དཀའ་སྟེ།། ཀྱེ་མ་སྡུག་བསྔལ་བརྒྱུད་པར་འགྱུར།། ༡༦༣ ཞེས་གསུངས་ཏེ། མི་ལུས་རྙེད་ཅིང་ཆོས་དང་ཕྲད་པའི་དུས་ལོང་བས་ཕྱགས་བདར་གྱི་ གསེབ་ནས་ནོར་བུ་རྙེད་པ་ལྟ་བུ་འདི་ལ་མ་འབད་ན་ཕྱིས་འགྲུབ་པར་དཀའ་སྟེ། སླར་ཡང་དལ་བ་རྙེད་དཀའ་ཞིང༌།། སངས་རྒྱས་འབྱུང་རྙེད་ཤིན་ཏུ་དཀའ།། ཉོན་མོངས་ཆུ་བོ་སྤང་དཀའ་སྟེ།། ཀྱེ་མ་སྡུག་བསྔལ་བརྒྱུད་པར་འགྱུར།། ཞེས་འཁོར་བ་མཐའ་མེད་དུ་འཁྱམ་དགོས་པའི་དོན་ཏོ།། དེ་ལྟར་ཤིན་ཏུ་སྡུག་བསྔལ་ཡང༌།། རང་སྡུག་མི་མཐོང་གང་ཡིན་པ།། སྡུག་བསྔལ་ཆུ་བོར་གནས་འདི་དག། ཀྱེ་ཧུད་མྱ་ངན་བྱ་བར་འོས།། ༡༦༤ 673 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། དཔེར་ན་འགའ་ཞིག་ཡང་ཡང་ཁྲུས།། བྱས་ཏེ་ཡང་ཡང་མེར་འཇུག་པ།། དེ་ལྟར་ཤིན་ཏུ་སྡུག་བསྔལ་བར།། གནས་ཀྱང་བདག་ཉིད་བདེར་རློམ་བཞིན།། ༡༦༥ དེ་ལྟར་རྒ་དང་འཆི་མེད་པ།། བཞིན་དུ་སྤྱོད་པས་གནས་རྣམས་ལ།། དང་པོ་ཉིད་དུ་བསད་བྱས་ནས།། ངན་སོང་ལྟུང་བ་མི་བཟད་འོང༌།། ༡༦༦ ཞེས་གསུངས་ཏེ། དེ་ལྟར་སྡུག་བསྔལ་འབའ་ཞིག་གིས་ཐོག་མ་མེད་པ་ནས་སྐད་ཅིག་ཀྱང་ བར་མ་ཆད་པར་མནར་ཡང་མི་སྐྱོའི་སྟེང་དུ་སྡུག་བསྔལ་མ་ཐོབ་ཀྱིས་དོགས་པ་ཕྱེ་མ་ལེབ་ མེ་ལ་ལྕེབ་པ་ལྟ་བུ་འབའ་ཞིག་ཏུ་གནས་པ་འོན་ཀྱང་བདག་ཉིད་བདེ་བར་རློམ་ཞིང་ང་རྒྱལ་ ལ་འཆི་བ་མེད་པར་རྟག་ཏུ་ཚེ་འདིས་གནས་ཆོག་པ་ཙམ་དུ་འཛིན་པ་འདི་རྣམས་ལ་དང་པོ་ ཉིད་དུ་གུད་པས་ནོར་འཇོམས་པ་དང༌། རྒས་པས་ལང་ཚོ་འཇོམས་པ་དང༌། ན་བས་ནད་ མེད་པ་འཇོམས་པ་དང༌། འབྲལ་བས་འདུས་པ་འཇོམས་པ་དང༌། འཆི་བས་སྲོག་འཇོམས་ པ་རྣམས་ཀྱིས་རིམ་པར་བསད་ནས་སླར་ངན་སོང་མི་བཟད་པ་མྱོང་དགོས་པ་འདི་རྣམས་ལ་ ཐབས་ཇི་ལྟར་བྱས་ན་རུང་ཞེས་བཟོད་མེད་དུ་དགོངས་པ་སྟེ། དེ་ལྟར་ཤིན་ཏུ་སྡུག་བསྔལ་ མང༌། །རང་སྡུག་མི་མཐོང་གང་ཡིན་པ། །སྡུག་བསྔལ་ཆུ་བོར་གནས་འདི་དག །ཀྱེ་ཧུད་ 674 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། མྱ་ངན་བྱ་བར་འོས། །དཔེར་ན་འགའ་ཞིག་ཡང་ཡང་ཁྲུས། །བྱས་ཏེ་ཡང་ཡང་མེར་འཇུག་ པ། །དེ་ལྟར་ཤིན་ཏུ་སྡུག་བསྔལ་བར། །གནས་ཀྱང་བདག་ཉིད་བདེར་རློམ་བཞིན། །དེ་ ལྟར་རྒ་དང་འཆི་མེད་པ། །བཞིན་དུ་སྤྱོད་པས་གནས་རྣམས་ལ། །དང་པོ་ཉིད་དུ་བསད་བྱས་ ནས། །ངན་སོང་ལྟུང་བ་མི་བཟད་འོང༌། །ཞེས་ཤིན་ཏུ་ཐུགས་རྗེ་བའི་ཚིག་གོ། གསུམ་པ་སེམས་ཅན་ཐམས་ཅད་སྐྱོབ་པ་གཞན་དོན་གྱི་ཡོན་ཏན་ལ་གཉིས། སེམས་ ཅན་གྱི་ཕན་བདེའི་རྟེན་དུ་འགྱུར་བ་དང༌། ཆོས་ཀྱི་འཁོར་ལོ་བསྐོར་བས་འགྲོ ་ཀུན་བྱང་ཆུབ་ ལ་འགོད་པར་བསྟན་པའོ། །དང་པོ་ནི། དེ་ལྟར་སྡུག་བསྔལ་མེས་གདུངས་ལ།། བསོད་ནམས་སྤྲིན་ལས་ལེགས་བྱུང་བའི།། རང་གིས་བདེ་བའི་ཚོགས་ཆར་གྱིས།། ཞི་བྱེད་པར་བདག་ནམ་ཞིག་འགྱུར།། ༡༦༧ ཞེས་གསུངས་ཏེ། དེ་ལྟར་ཤེས་རབ་དྲི་མ་མེད་པས་གླང་པོ་ཆེ་ས་སྲུང་གི་བུས་མཚོའི་ཚད་ ལོངས་པས་ཇི་མི་སྙམ་པར་འཇུག་པ་ལྟར། འཁོར་བའི་ཚད་ལོངས་པས་སྐྲག་པ་མེད་ཅིང་ ཆོས་ཐམས་ཅད་ལ་རང་དབང་དུ་བྱེད་ཀྱང་བདག་ཉིད་སྙིང་རྗེའི་གཞན་དབང་དུ་གྱུར་པས་དེ་ དག་གི་མ་རིག་པ་ལ་སོགས་པ་ནི་སེམས་ཅན་གྱི་གནས་ཚུལ་མ་ཡིན་པ་གློ་བུར་བར་མཁྱེན་ པས་གཞོམ་ནུས་པ་དང༌། སེམས་ཅན་གྱི་ཁམས་གཟོད་ནས་དག་པའི་ཕྱིར་བྱང་ཆུབ་ཀྱི་ངོ་ བོ་ཉིད་དུ་གནས་པས་ཀུན་ཀྱང་བྱང་ཆུབ་ཀྱི་སྐལ་བ་ཅན་དུ་གཟིགས་ཤིང་མ་རིག་པ་གློ་བུར་ 675 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། བ་དེ་སེལ་བ་ལ་དཀའ་བ་མེད་པར་གཟིགས་ནས་སྒྱུ་མ་ལ་སྒྱུ་མར་མ་ཤེས་པས་སྡུག་བསྔལ་ བ་ལྟ་བུ་དེ་དག་གི་དོན་དུ་མཐའ་ཡས་པའི་ཐུགས་བསྐྱེད་ཅིང་བསམ་གྱིས་མི་ཁྱབ་པའི་གོ་ཆ་ བསྒོ་བར་མཛད་པ་ནི་ཆོས་ཉིད་ཡིན་ཏེ། དེའི་ཕྱིར། དེ་ལྟར་སྡུག་བསྔལ་མེས་གདུངས་ལ།། བསོད་ནམས་སྤྲིན་ལས་ལེགས་བྱུང་བའི།། རང་གི་བདེ་བའི་ཚོགས་ཆར་གྱིས།། ཞི་བྱེད་པར་བདག་ནམ་ཞིག་འགྱུར།། ཞེས་ཕན་བདེའི་ཡོ་བྱད་ཐམས་ཅད་ཀྱིས་སེམས་ཅན་ཐམས་ཅད་གནས་སྐབས་དང༌། མཐར་ ཐུག་ཐམས་ཅད་དུ་སྡུག་བསྔལ་སེལ་ཞིང་ཚིམ་པར་བྱེད་པ་དང༌། ཞེས་པའོ།། གཉིས་པ་ཆོས་ཀྱི་འཁོར་ལོ་བསྐོར་བས་འགྲོ་ཀུན་བྱང་ཆུབ་ལ་འགོད་པར་བསྟན་པ་ནི། ནམ་ཞིག་དམིགས་པ་མེད་ཚུལ་དུ།། གུས་པས་བསོད་ནམས་ཚོགས་བསགས་ཏེ།། དམིགས་པས་ཕུང་བར་གྱུར་རྣམས་ལ།། སྟོང་པ་ཉིད་ནི་སྟོན་པར་འགྱུར།། ༡༦༨ ཞེས་གསུངས་ཏེ། ཤེས་རབ་དྲི་མ་མེད་པ་ཡེ་ཤེས་ཀྱི་ཚོགས་ལས་མི་གཡོ་བར་ཐབས་ཕ་རོལ་ 676 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ། ཏུ་ཕྱིན་པ་ལྔ་རྫོགས་པར་བསྒྲུབས་ཏེ་བླ་ན་མེད་པའི་བྱང་ཆུབ་མངོན་དུ་བྱས་ནས་དམིགས་པ་ དང་མཚན་མ་དང་ཞེན་པ་ཁོ་ནས་རང་གཡོས་ཀྱི་འདམ་དུ་རང་ཚུད་པའམ་དར་གྱི་སྲིན་བུ་རང་ གི་ཁ་ཆུས་བཅིངས་པ་ལྟར་སྡུག་བསྔལ་བར་གྱུར་པའི་སེམས་ཅན་འདི་རྣམས་ལ་དམིགས་པ་ དང་མཚན་མར་ལྟ་བ་དྲུངས་ནས་འབྱིན་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་ཟབ་ མོའི་ཆོས་ཀྱི་འཁོར་ལོ་བསྐོར་ཏེ། རང་རྒྱུད་ཀྱི་ཆོས་སྐུ་མངོན་དུ་བྱེད་པ་ལ་འགོད་པ་དེ་ལྟ་བུར་ བདག་ནམ་གྱི་ཚེ་འགྱུར་ཞིག་གུ་ཞེས་སྨོན་པས་ཐུགས་བསྐྱེད་པ་སྟེ། འདི་ལྟར་ཤེས་པས་སྲིད་ པ་ལ་མི་གནས་ཤིང༌། སྙིང་རྗེས་ཞི་བ་ལ་མི་གནས་པ་འདི་ནི་ཐེག་པ་ཆེན་པོ་ཡོངས་སུ་རྫོགས་ ཤིང་ཡོངས་སུ་ཚང་བ་ཡིན་ལ། གང་བསྒོམ་པར་བྱ་བ་སྟོང་ཉིད་སྙིང་རྗེ་དང༌། དེ་སྒོམ་པའི་ཕན་ ཡོན་དང༌། དེའི་བྱེད་ལས་ཐམས་ཅད་ཀྱང་ལྷན་ཅིག་ཏུ་བསྟན་པ་ཡིན་ནོ།། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། ཤེས་རབ་ཀྱི་ཕ་རོལ་ཏུ་ཕྱིན་པའི་ ལེའུ་སྟེ་དགུ་པ་རྣམ་པར་ཕྱེ་བའོ།། །། 677 ཡོངས་སུ་བསྔོ་བ་བསྟན་པ། དེ་ལྟར་བརྩམས་པའི་དགེ་བ་ལེགས་པའི་ཚོགས་ཉིད་དུ་བསྔོ་བར་འབྲེལ་བའི་ཕྱིར། ད་ནི་གསུམ་པ་ཡོངས་སུ་བསྔོ་བའི་ལེའུ་བཤད་པར་བྱ་བ་ལ་གཉིས། བསྔོ་བ་དངོས་ དང༌། བཀའ་དྲིན་དྲན་པའི་ཕྱག་གིས་བསྟན་བཅོས་ཀྱི་མཐའ་བསྡུ་བའོ། །དང་པོ་ལ་གསུམ། གཙོ་བོར་གཞན་དོན་དུ་བསྔོ་བ། ཞར་ལ་རང་དོན་དུ་བསྔོ་བ། སངས་རྒྱས་ཀྱི་བསྟན་པའི་ དོན་དུ་བསྔོ་བའོ།། དང་པོ་ལ་གཉིས། འགྲོ་བ་ཕལ་པའི་དོན་དུ་བསྔོ་བ་དང༌། མཆོག་གི་དོན་དུ་བསྔོ་ བའོ། །དང་པོ་ལ་གསུམ། སྤྱིར་བསྔོ་བ། ངན་སོང་གསུམ་གྱི་སྡུག་བསྔལ་ཞི་བར་བསྔོ་བ། མཐོ་རིས་པའི་སྡུག་བསྔལ་ཞི་བར་བསྔོ་བའོ། །དང་པོ་ལ་གསུམ། སེམས་ཅན་ཐམས་ཅད་ བྱང་ཆུབ་ཀྱི་ལམ་དུ་འཇུག་པར་བསྔོས། སེམས་ཅན་གྱི་ནད་ཞི་བར་བསྔོས། ཐམས་ཅད་ཕན་ བདེ་འཐོབ་པར་བསྔོས་པའོ། །དང་པོ་ནི། བདག་གིས་བྱང་ཆུབ་སྤྱོད་པ་ལ།། འཇུག་པ་རྣམ་པར་བརྩམས་པ་ཡི།། དགེ་བ་གང་དེས་འགྲོ ་བ་ཀུན།། བྱང་ཆུབ་སྤྱོད་ལ་འཇུག་པར་ཤོག། ༡ ཅེས་གསུངས་ཏེ། དེ་ཡང་སློབ་དཔོན་ཉིད་ཀྱིས་མདོ་བསྟན་བཅོས་ཐམས་ཅད་ཀྱི་སྙིང་པོ་ འདི་ལྟ་བུ་སྐབས་དེ་ཉིད་དུ་གཞུང་འདོན་པའི་ཚུལ་གྱིས་ཐོགས་མེད་དུ་བརྩམས་པ་འདིས་ 678 ཡོངས་སུ་བསྔོ་བ་བསྟན་པ། ནི། ཐེག་ཆེན་གྱི་སྡེ་སྣོད་རྒྱ་མཚོ་ཆེན་པོ་ལྟ་བུར་འཇུག་པར་མི་ནུས་པ་རྣམས་ཀྱིས་ཀྱང་འདི་ ལྟ་བུ་ཐོས་པའི་མོད་ལ་ཡིད་བཞིན་གྱི་ནོར་བུ་ལྟ་བུའི་བྱང་ཆུབ་ཀྱི་སེམས་ཐེག་ཆེན་གྱི་ངོ་བོ་ ཐོབ་པར་འགྱུར་ལ། གང་ཟག་གཅིག་ཁོ་ན་བྱང་ཆུབ་ཀྱི་སེམས་ལ་བཞག་པའི་ཕན་ཡོན་ཡང་ མཐའ་མེད་ན་འགྲོ་བ་མཐའ་ཡས་པ་ལྟ་ཅི་སྨོས་ཏེ། དེའི་ཕྱིར་བསོད་ནམས་དང་ཡེ་ཤེས་ཀྱི་ ཚོགས་གཞལ་དུ་མེད་པ་ཆོས་ཀྱི་རྣམ་གྲངས་འདི་གསུངས་པའི་དུས་དེ་ཁོ་ནར་ཡང་ཐོབ་པ་ དེ་ཉིད་བསྔོ་རྒྱུའི་གཙོ་བོར་བྱས་ཏེ། དགེ་བ་དེ་ཡི་མཐུས་སེམས་ཅན་ཐེག་ཆེན་དུ་མ་ཞུགས་ པ་ཐམས་ཅད་ཀྱང་བྱང་ཆུབ་ཀྱི་སྤྱོད་པ་འདི་ལྟ་བུ་ལ་འཇུག་ཅིང་ཞུགས་པ་རྣམས་སླར་མི་ ལྡོག་པར་གོང་ནས་གོང་དུ་འཇུག་པར་གྱུར་ཅིག་པའོ།། གཉིས་པ་སེམས་ཅན་གྱི་ནད་ཞི་བར་བསྔོས་པ་ནི། ཕྱོགས་རྣམས་ཀུན་ན་ལུས་དང་སེམས།། སྡུག་བསྔལ་ནད་པ་ཇི་སྙེད་པ།། དེ་དག་བདག་གི་བསོད་ནམས་ཀྱིིས།། བདེ་དགའ་རྒྱ་མཚོ་འཐོབ་པར་ཤོག། ༢ ཅེས་གསུངས་ཏེ། བྱེ་བྲག་ཏུ་ལུས་སེམས་སྡུག་བསྔལ་གྱིས་མནར་བའི་ནད་པ་ཐམས་ཅད་ དགེ་བ་འདིའི་མཐུས་ནད་ཐམས་ཅད་ལྡང་བ་མེད་པར་ཞི་སྟེ། ལུས་རྣལ་དུ་ཕེབས་པས་བདེ་ བ་དང་སེམས་རྣལ་དུ་ཕེབས་པས་དགའ་བ་ཆེན་པོ་འཐོབ་པར་གྱུར་ཅིག། 679 ཡོངས་སུ་བསྔོ་བ་བསྟན་པ། གསུམ་པ་ཐམས་ཅད་ཕན་བདེ་འཐོབ་པར་བསྔོས་པ་ནི། དེ་དག་སངས་རྒྱས་བདེ་ཐོབ་ཀྱི།། བར་དུ་བདེ་ལས་ཉམས་མ་གྱུར།། འག ྲོ་བ་བླ་ན་མེད་པ་ཡི།། བདེ་བ་རྒྱུན་མི་འཆད་པར་ཤོག། ༣ ཅེས་གསུངས་ཏེ། དེ་དག་གི་དགའ་བདེ་དེ་ཡང་སངས་རྒྱས་མ་ཐོབ་ཀྱི་བར་དུ་མི་ཉམས་པར་ གོང་དུ་འཕེལ་ཞིང༌། མདོར་ན་འགྲོ་བ་ཐམས་ཅད་ཀྱང་བླ་ན་མེད་པ་སྲིད་ཞི་ལས་འདས་པའི་ ཟག་མེད་ཀྱི་བདེ་བ་འཐོབ་ཅིང་མི་ཉམས་ལ་རྟག་ཏུ་དེས་འཚོ་བར་གྱུར་ཅིག་པའོ།། གཉིས་པ་ངན་སོང་གསུམ་གྱི་སྡུག་བསྔལ་ཞི་བར་བསྔོ་བ་ལ་བཅུ་བཞི། འཇིག་རྟེན་ ཐམས་ཅད་ཀྱི་དམྱལ་བ་པ་ཡོད་དོ་ཅོག་གི་སྤྱིའི་སྡུག་བསྔལ་ཞི་བར་བསྔོ་བ་དང༌། དེ་ལས་ གྲང་དམྱལ་བའི་སྡུག་བསྔལ་ཞི་བར་བསྔོ་བ་དང༌། ཚ་དམྱལ་པ་སྤྱིའི་སྡུག་བསྔལ་ཞི་བར་ བསྔོ་བ་དང༌། ཉེ་འཁོར་པའི་དོན་དང༌། ཁྱད་པར་མནར་མེད་པའི་དོན་དང༌། བསྡུས་འཇོམས་ པའི་དོན་དང༌། ཡང་སོས་པའི་སྡུག་བསྔལ་རང་བཞིན་གྱིས་ཞི་བར་བསྔོ་བ་དང༌། སློབ་ དཔོན་ཉིད་ཀྱི་དགེ་བའི་མཐུས་སྡུག་བསྔལ་ཞི་བ་དང༌། ཕྱག་ན་རྡོ་རྗེའི་མཐུ་དང༌། སྤྱན་རས་ གཟིགས་ཀྱི་མཐུ་དང༌། འཇམ་དབྱངས་ཀྱི་མཐུ་དང༌། བྱང་ཆུབ་སེམས་དཔའ་གཞན་ཐམས་ 680 ཡོངས་སུ་བསྔོ་བ་བསྟན་པ། ཅད་ཀྱི་མཐུས་ཞི་བར་བསྔོས་པ། དུད་འགྲོའི་སྡུག་བསྔལ་ཞི་བ་དང༌། ཡི་དྭགས་ཀྱི་སྡུག་ བསྔལ་ཞི་བར་བསྔོས་པའོ། །དང་པོ་ནི། འཇིག་རྟེན་ཁམས་ན་དམྱལ་བ་དག། གང་དག་ཇི་སྙེད་ཡོད་པ་རྣམས།། དེ་དག་ཏུ་ནི་ལུས་ཅན་རྣམས།། བདེ་ཆེན་བདེ་བས་དགའ་བར་ཤོག། ༤ ཅེས་གསུངས་སོ།། གཉིས་པ་དེ་ལས་གྲང་དམྱལ་བའི་སྡུག་བསྔལ་ཞི་བར་བསྔོ་བ་ནི། གྲང་བས་ཉམ་ཐག་དྲོ་ཐོབ་ཤོག། ཅེས་གསུངས་སོ།། གསུམ་པ་ཚ་དམྱལ་པ་སྤྱིའི་སྡུག་བསྔལ་ཞི་བར་བསྔོ་བ་ནི། བྱང་ཆུབ་སེམས་དཔའི་སྤྲིན་ཆེན་ལས།། བྱུང་བའི་ཆུ་བོ་མཚོ་ཡས་ཀྱིས།། ཚ་བས་ཉམ་ཐག་བསིལ་བར་ཤོག། ༥ ཅེས་གསུངས་ཏེ། བྱང་ཆུབ་སེམས་དཔའི་མོས་པ་དང་ཏིང་ངེ་འཛིན་གྱི་མཐུ་ལས་སྤྲིན་ཆེན་ པོ་གློ་བུར་དུ་བྱུང་བའི་ཆར་གྱིས་དམྱལ་མེ་གཞིལ་བ་དང༌། 681 ཡོངས་སུ་བསྔོ་བ་བསྟན་པ། བཞི་པ་ཉེ་འཁོར་པའི་དོན་དུ་བསྔོ་བ་ནི། རལ་གྲི་ལོ་མའི་ནགས་ཚལ་ཡང༌།། དེ་ལ་དགའ་ཚལ་སྡུག་གུར་ཤོག། ཤལ་མ་ལི་ཡི་སྡོང་པོ་དག། དཔག་བསམ་ཤིང་དུ་འཁྲུངས་པར་ཤོག། ༦ ཅེས་གསུངས་སོ།། ལྔ་པ་ཁྱད་པར་མནར་མེད་པའི་དོན་དུ་བསྔོ་བ་ནི། མཐིང་རིལ་ངུར་པ་དག་དང་ངང་པ་དང༌།། བཞད་སོགས་སྐད་སྙན་འབྱིན་པས་མཛེས་གྱུར་ཅིང༌།། པདྨ་དྲི་བསུང་ཆེ་ལྡན་མཚོ་དག་གིས།། དམྱལ་བའི་ས་ཕྱོགས་དག་ནི་ཉམས་དགར་ཤོག། ༧ སོལ་ཕུང་དེ་ཡང་རིན་ཆེན་ཕུང་པོར་གྱུར།། ས་སྲེག་ཤེལ་གྱི་ས་གཞི་བསྟར་བར་ཤོག། ཅེས་གསུངས་སོ།། 682 ཡོངས་སུ་བསྔོ་བ་བསྟན་པ། དྲུག་པ་བསྡུས་འཇོམས་པའི་དོན་དུ་བསྔོ་བ་ནི། བསྡུས་འཇོམས་རི་བོ་རྣམས་ཀྱང་མཆོད་པའི་སྤྲིན། གཞལ་མེད་ཁང་གྱུར་བདེ་གཤེགས་གང་བར་ཤོག། ༨ མདག་མ་རྡོ་བསྲེགས་མཚོན་གྱི་ཆར་པ་ཡང༌།། དེང་ནས་བཟུང་སྟེ་མེ་ཏོག་ཆར་པར་གྱུར།། ཞེས་གསུངས་ཏེ། མཐིང་རིལ་དང་བཞད་དཀར་ནི་ཆུ་བྱའི་རྣམ་གྲངས་ཏེ་དམྱལ་བའི་ས་གཞི་ ཐམས་ཅད་པདྨའི་མཚོ་བསིལ་བ་ཆུ་བྱ་དང་བཅས་པར་གྱུར་ཅིག་པའོ།། བདུན་པ་ཡང་སོས་པའི་སྡུག་བསྔལ་རང་བཞིན་གྱིས་ཞི་བར་བསྔོ་བ་ནི། ཕན་ཚུན་མཚོན་གྱིས་འདེབས་པ་དེ་ཡང་ནི།། དེང་ནས་རྩེ་ཕྱིར་མེ་ཏོག་འཕེན་པར་ཤོག ། ༩ ཅེས་གསུངས་སོ།། བརྒྱད་པ་སློབ་དཔོན་ཉིད་ཀྱི་དགེ་བའི་མཐུས་སྡུག་བསྔལ་ཞི་བར་བསྔོ་བ་ནི། ཆུ་བོ་རབ་མེད་མེ་དང་འདྲ་ནང་བྱིང་བ་དག། ཤ་ཀུན་ཞིག་གྱུར་རུས་གོང་མེ་ཏོག་ཀུན་དའི་མདོག། བདག་གི་དགེ་བའི་སྟོབས་ཀྱིས་ལྷ་ཡི་ལུས་ཐོབ་ནས།། ལྷ་མོ་རྣམས་དང་དལ་གྱིས་ལྷན་ཅིག་འབབ་གནས་ཤོག ། ༡༠ 683 ཡོངས་སུ་བསྔོ་བ་བསྟན་པ། ཅེས་གསུངས་སོ།། དགུ་པ་ཕྱག་ན་རྡོ་རྗེའི་མཐུས་སྡུག་བསྔལ་ཞི་བར་བསྔོ་བ་ནི། ཅི་ཕྱིར་འདི་ན་གཤིན་རྗེའི་མི་དང་ཁྭ་དང་བྱ་རྒོད་མི་བཟད་རྣམས་སྐྲག་བྱེད།། ཀུན་ནས་མུན་བསལ་བདེ་དགའ་བསྐྱེད་པའི་མཐུ་བཟང་འདི་ཀོ་སུ་ཡི་མཐུ་སྙམ་སྟེ།། གྱེན་དུ་བལྟས་པས་ནམ་མཁའི་དཀྱིལ་ན་ཕྱག་ན་རྡོ་རྗེ་འབར་བ་བཞུགས་མཐོང་ནས།། རབ་ཏུ་དགའ་བའི་ཤུགས་ཀྱིས་སྡིག་དང་བྲལ་ནས་དེ་དང་ལྷན་ཅིག་འགྲོགས་པར་ཤོག། ༡༡ ཅེས་གསུངས་སོ།། བཅུ་པ་སྤྱན་རས་གཟིགས་ཀྱི་མཐུས་སྡུག་བསྔལ་ཞི་བར་བསྔོ་བ་ནི། མེ་ཏོག་ཆར་པ་སྤོས་ཆུ་དང་འདྲེས་བབ་པ་ཡིས།། དམྱལ་བའི་མེ་དག་ཆིལ་ཆིལ་གསོད་པ་མཐོང་གྱུར་ནས།། གློ་བུར་བདེ་བས་ཚིམ་པ་འདི་ཅི་བསམས་པ་དང༌།། སེམས་དམྱལ་རྣམས་ཀྱིས་ཕྱག་ན་པདྨ་མཐོང་བར་ཤོག། ༡༢ ཅེས་གསུངས་སོ།། 684 ཡོངས་སུ་བསྔོ་བ་བསྟན་པ། བཅུ་གཅིག་པ་འཇམ་དབྱངས་ཀྱི་མཐུས་སྡུག་བསྔལ་ཞི་བར་བསྔོ་བ་ནི། ག ྲོགས་དག་འཇིགས་པ་བོར་ལ་རིངས་པར་ཚུར་ཤོག་ཡུ་བུའི་ཐད་དུ་ནི།། གང་གི་མཐུ་ཡིས་སྡུག་བསྔལ་ཐམས་ཅད་བྲལ་ཞིང་དགའ་བའི་ཤུགས་ཕྱིན་ལ། འག ྲོ་བ་ཀུན་སྐྱོབ་བྱང་ཆུབ་སེམས་དང་འོད་དང་བརྩེ་བ་སྐྱེས་གྱུར་པ།། གཞོན་ནུ་ཟུར་ཕུད་ཅན་འབར་འཇིགས་པ་མེད་པར་བྱེད་པ་ཅི་ཞིག་བྱོན།། ༡༣ ཁྱོད་ཀྱིས་ལྷ་བརྒྱའི་ཅོད་པན་དག་གིས་ཞབས་ཀྱི་པདྨ་ལ་མཆོད་ཅིང༌།། ཐུགས་རྗེས་བརླན་སྤྱན་དབུ་ལ་མེ་ཏོག་དུ་མའི་ཚོགས་ཀྱི་ཆར་འབབ་པ།། ཁང་བརྩེགས་ཡིད་འོང་ལྷ་མོ་སྟོང་ཕྲག་བསྟོད་དབྱངས་སྒྲོག་ལྡན་འདི་ལྟོས་ཞེས།། འཇམ་དབྱངས་དེ་འདྲ་མཐོང་ནས་ད་ནི་སེམས་དམྱལ་ཅ་ཅོ་འདོན་པར་ཤོག། ༡༤ ཅེས་གསུངས་སོ།། བཅུ་གཉིས་པ་བྱང་ཆུབ་སེམས་དཔའ་གཞན་ཐམས་ཅད་ཀྱི་མཐུས་ཞི་བར་བསྔོས་པ་ནི། དེ་ལྟར་བདག་གི་དགེ་རྩས་ཀུན་ཏུ་བཟང་ལ་སོགས།། བྱང་ཆུབ་སེམས་དཔའ་སྒྲིབ་པ་མེད་སྤྲིན་བདེ་བ་དང༌།། བསིལ་ཞིང་དྲི་ཞིམ་ངད་ལྡང་ཆར་པ་འབེབས་མཐོང་ནས།། སེམས་ཅན་དམྱལ་བ་དེ་དག་མངོན་པར་དགའ་གྱུར་ཅིག། ༡༥ 685 ཡོངས་སུ་བསྔོ་བ་བསྟན་པ། ཅེས་གསུངས་ཏེ། གཞན་སྟོབས་ཀྱིས་ཞི་བར་བྱེད་པ་ནི་འཕགས་པ་སྤྱན་རས་གཟིགས་ དབང་ཕྱུག་གིས་སྔོན། བདག་གིས་ངན་སོང་གནས་ལ་ཕྱོགས་གྱུར་ན། །ངན་སོང་གནས་ རྣམས་ཞིག་ཅིང་སྟོང་གྱུར་ཅིག །ཅེས་སོགས་ཀྱི་སྨོན་ལམ་མཛད་པ་གྲུབ་པ་དང༌། ཏིར་མེད་པ་ སྐེམས་པ་ཞེས་བྱ་བའི་ཏིང་ངེ་འཛིན་གྱི་མཐུ་ལས་ངན་འགྲོ་སྟོངས་པར་མཛད་པ་སྟེ། ཟ་མ་ ཏོག་བཀོད་པ་ལས། སྤྱན་རས་གཟིགས་དབང་ཕྱུག་དེ་དམྱལ་བ་མནར་མེད་པར་ཞུགས་མ་ ཐག་ཏུ་ལྕགས་ཁང་ཐམས་ཅད་ནི་ཞིག དམྱལ་བའི་ཕྲུ་ཆེན་རྣམས་ནི་འཐོར་མེ་ནི་ཞི་སྟེ་རྫིང་ བུ་བསིལ་བར་གྱུར། དམྱལ་བ་པ་དེ་རྣམས་སྐད་ཅིག་གིས་ཚེ་འཕོས་པས་དམྱལ་སྲུང་རྣམས་ གཤིན་རྗེའི་མདུན་དུ་དོང་ནས་སེམས་ཅན་དམྱལ་བ་འདིར་སྐྱེས་བུ་འདོད་པའི་གཟུགས་ ཅན་ཞིག་འོངས་མ་ཐག་བདག་ཅག་གི་ལས་ཀྱིས་བས་པར་གྱུར་ཏོ། །ཞེས་གསོལ་ཞིང་ གཤིན་རྗེའི་རྒྱལ་པོས་བལྟས་ན་སྤྱན་རས་གཟིགས་བཞུགས་པར་མཐོང་ནས་བསྟོད་ཅིང་ ཕྱག་བཙལ་བ་དང༌། དེ་ནས་སྤྱན་རས་གཟིགས་ཡི་དྭགས་ཀྱི་ཡུལ་དུ་སོང་བ་དང་ཡི་དྭགས་ ཁ་ནས་མེ་འབར་བ་ཡན་ལག་འཇག་མ་ལྟར་ཕྲ་བ་ལུས་རི་བོ་ཙམ་པ་རྡུལ་གྱི་གྲངས་ཙམ་ བདག་ཅག་བཀྲེས་སོ། །སྐོམ་མོ། །ཞེས་དེའི་མདུན་ན་རྒྱུག་པ་དང་དེས་ཕྱག་ཞབས་ཀྱི་སོར་ མོ་བཅུ་ལས་ཆུ་བོ་ཆེན་པོ་བཅུ་ཕབ་སྟེ་ཡི་དྭགས་དེ་རྣམས་ཀྱིས་མང་དུ་འཐུངས་པས་བཀྲེས་ སྐོམ་ཞི་སྟེ། བདེ་བ་ཅན་དུ་བྱང་ཆུབ་སེམས་དཔའ་འདོད་པ་སྦྱིན་པ་ཞེས་མིང་མཐུན་པར་སྐད་ ཅིག་ལ་སྐྱེས་པར་གསུངས་པ་ལྟ་བུ་སྟེ། སྤྱན་རས་གཟིགས་ཇི་ལྟ་བ་དེ་ལྟར་ཕྱག་ན་རྡོ་རྗེ་ལ་ སོགས་པ་རྒྱལ་སྲས་དེ་ཐམས་ཅད་ཀྱིས་རེ་རེ་ཞིང་ཡང་ངན་འགྲོ་འདོན་པའི་ཕྲིན་ལས་དེ་ལྟ་ 686 ཡོངས་སུ་བསྔོ་བ་བསྟན་པ། བུ་མཛད་པར་གྱུར་ཅིག་པའོ། །ཞེས་ཚིགས་བཅད་བཅུ་གཉིས་ཀྱིས་དམྱལ་བའི་སྡུག་བསྔལ་ ཞི་བར་བསྔོས་པའོ།། བཅུ་གསུམ་པ་དུད་འག ྲོའི་སྡུག་བསྔལ་ཞི་བར་བསྔོ་བ་ནི། དུད་འག ྲོ་རྣམས་ནི་གཅིག་ལ་གཅིག། ཟ་བའི་འཇིགས་དང་བྲལ་བར་ཤོག། ཅེས་གསུངས་སོ།། བཅུ་བཞི་པ་ཡི་དྭགས་ཀྱི་སྡུག་བསྔལ་ཞི་བར་བསྔོ་བ་ནི། སྒྲ་མི་སྙན་པའི་མི་བཞིན་དུ།། ཡི་དྭགས་རྣམས་ནི་བདེ་གྱུར་ཅིག། ༡༦ འཕགས་པ་སྤྱན་རས་གཟིགས་དབང་གིས།། ཕྱག་ནས་འབབ་པའི་འོ་རྒྱུན་གྱིས།། ཡི་དྭགས་རྣམས་ནི་ཚིམ་བྱས་ཤིང༌།། ཁྲུས་བྱས་རྟག་ཏུ་བསིལ་བར་ཤོག། ༡༧ ཅེས་གསུངས་ཏེ། སྒྲ་མི་སྙན་པའི་མི་བཞིན་ཞེས་པ་ནི། བྱང་སྒྲ་མི་སྙན་ན་ངག་འཁྱལ་མ་ གཏོགས་སྤོང་བ་དྲུག་པོ་མེད་པ་དང༌། གོས་དང་རྒྱན་དང་ལོངས་སྤྱོད་ཐམས་ཅད་དཔག་ 687 ཡོངས་སུ་བསྔོ་བ་བསྟན་པ། བསམ་གྱི་ཤིང་ལས་འབྱུང་བས་བདག་གིར་བྱ་བ་མེད་པ་དང༌། ལོ་སྟོང་འཚོ་ཞིང་གློ་བུར་དུ་ འཆི་བ་མེད་པ་དང༌། འཆི་བའི་ཞག་བདུན་མ་གཏོགས་ནད་མེད་ཅིང་མི་དགེ་བའི་མཚམས་ སྦྱོར་མེད་པས་ཤི་ནས་ཀྱང་ལྷ་མི་གང་རུང་དུ་སྐྱེ་བའི་ཕྱིར་གླིང་གཞན་ལ་བལྟོས་ན་བདེ་བའི་ ཕྱིར་དཔེར་བྱས་པའོ།། གཉིས་པ་གཙོ་བོར་མཐོ་རིས་པའི་དོན་དུ་བསྔོ་བ་ལ་གཉིས། རྒུད་པ་ཞི་བར་བསྔོ་བ་ དང༌། འབྱོར་བ་ཕུན་སུམ་ཚོགས་པར་བསྔོ་བའོ། །དང་པོ་ནི། ལོང་བ་རྣམས་ཀྱིས་མིག་མཐོང་ཞིང༌།། འོན་པས་རྟག་ཏུ་སྒྲ་ཐོས་ཤོག། ཅེས་གསུངས་ཏེ། ལོང་འོན་སོགས་དབང་པོ་སྐྱོན་ལྡན་རྣམས་ཀྱི་དབང་པོའི་སྐྱོན་རབ་རིབ་ སོགས་ཞི་ནས་དབང་པོ་ཡོངས་སུ་དག་པ་མིག་གསལ་བ་དང་རྣ་བ་གསང་བ་དང་སྨྲ་མཁས་ པ་དང་དྲན་པ་དང་ལྡན་པ་སོགས་འཐོབ་པར་གྱུར་ཅིག་པའོ།། ལྷ་མོ་སྒྱུ་འཕྲུལ་བཞིན་དུ་ནི།། སྦྲུམ་མའང་གནོད་མེད་བཙའ་བར་ཤོག། ༡༨ ཅེས་གསུངས་ཏེ། སྦྲུམ་མ་རྣམས་ནི་མ་བུ་གཉི་གར་ཤིན་ཏུ་སྡུག་བསྔལ་ཞིང་བཙའ་བའི་ཚེ་ མའི་ལུས་ཀྱི་ཚིགས་རྣམས་འབྱེད་པའི་ཟུག་རྔུ་དང༌། བཙའ་བ་པོ་ནི་ལྕགས་སྲེགས་ཀྱི་འཇུར་ 688 ཡོངས་སུ་བསྔོ་བ་བསྟན་པ། མིག་ནས་དྲངས་པ་ལྟར་སྡུག་བསྔལ་ལ་གཉི་ག་འཚོ་འཆི་ཕྱེད་མའི་སྐབས་ཡིན་པས་དེ་གཉི་ ག་བཙའ་བའི་ཟུག་རྔུ་མེད་པས་བཙའ་ཞིང་འཚོ་བར་གྱུར་ཅིག་པའོ།། གཅེར་བུ་རྣམས་ཀྱིས་གོས་དག་དང༌།། བཀྲེས་པ་རྣམས་ཀྱིས་ཟས་དག་དང༌།། སྐོམ་པ་རྣམས་ཀྱིས་ཆུ་དག་དང༌།། བཏུང་བ་ཞིམ་པོ་ཐོབ་པར་ཤོག། ༡༩ ཅེས་གསུངས་ཏེ། གོས་དང་མལ་ཆ་དང་ཟས་སྐོམ་གྱིས་ཕོངས་པ་རྣམས་ཀྱིས་དེ་དག་ཕུན་ སུམ་ཚོགས་པ་རྙེད་པར་གྱུར་ཅིག་པའོ།། བཀྲེན་པ་རྣམས་ཀྱི་ནོར་ཐོབ་ཤོག། མྱ་ངན་ཉམ་ཐག་དགའ་འཐོབ་ཤོག། ཡི་ཆད་རྣམས་ཀྱང་ཡི་སོས་ཤིང༌།། བརྟན་པ་ཕུན་སུམ་ཚོགས་པར་ཤོག། ༢༠ ཅེས་གསུངས་ཏེ། ཚིག་རྐང་པ་དང་པོས་དབུལ་པོས་ལོངས་སྤྱོད་རྙེད་པར་གྱུར་ཅིག་ པའོ། །གཉིས་པས་མཛའ་བཤེས་དང་བྲལ་བ་ལ་སོགས་པའི་མྱ་ངན་ཞི་བར་གྱུར་ཅིག་ པའོ། །གསུམ་པ་དང་བཞི་པས་སྲོ་ཤི་ཞིང་ཡི་ཆད་པ་རྣམས་ཀྱི་སེམས་ཀྱི་རེ་བ་རྫོགས་པས་ ཡི་སོས་པར་གྱུར་ཅིག་པའོ།། 689 ཡོངས་སུ་བསྔོ་བ་བསྟན་པ། སེམས་ཅན་ནད་པ་ཇི་སྙེད་པ།། མྱུར་དུ་ནད་ལས་ཐར་བར་གྱུར།། འག ྲོ་བའི་ནད་ནི་མ་ལུས་པ།། རྟག་ཏུ་འབྱུང་བ་མེད་པར་ཤོག། ༢༡ ཅེས་གསུངས་ཏེ། ནད་བྱུང་བ་ཞི་ཞིང་སུ་ལ་ཡང་ནད་མི་འབྱུང་བར་གྱུར་ཅིག་པའོ།། སྐྲག་པ་རྣམས་ནི་འཇིགས་མེད་ཤོག། བཅིངས་པ་རྣམས་ནི་གྲོ ལ་བར་གྱུར།། མཐུ་མེད་རྣམས་ནི་མཐུ་ལྡན་ཞིང༌།། ཕན་ཚུན་སེམས་ནི་མཉེན་གྱུར་ཅིག། ༢༢ ཅེས་གསུངས་ཏེ། ཚིག་རྐང་དང་པོས་མེ་དང་ཆུ་དང་སྦྲུལ་དང་ཐོག་དང་གཅན་གཟན་ གཏུམ་པོ་དང་ཤ་ཟ་དང་ཆོམ་རྐུན་དང་ཆད་པ་སོགས་འཇིགས་པ་བརྒྱད་དམ་བཅུ་དྲུག་ གིས་སྐྲག་པ་རྣམས་འཇིགས་པ་ལས་ཐར་བར་གྱུར་ཅིག་པའོ། །གཉིས་པས་བཙོན་དུ་ བཅིངས་པ་རྣམས་བདེ་བར་ཐར་བར་གྱུར་ཅིག་པའོ། །གསུམ་པ་དང་བཞི་པས་ལུས་ སེམས་ཀྱི་མཐུ་ཆུང་བ་རྣམས་མཐུ་སྟོབས་དང་ལྡན་ལ། དེས་དྲེགས་པ་མེད་པར་སེམས་ མཉེན་ཞིང་དགེ་བར་གྱུར་ཅིག་པའོ། །དེ་ནས་ཚིགས་བཅད་གསུམ་ནི་ལམ་དུ་ཞུགས་པའི་ མག ྲོན་པོ་རྣམས་ཀྱི་དོན་དུ་བསྔོ་བ་སྟེ། 690 ཡོངས་སུ་བསྔོ་བ་བསྟན་པ། མག ྲོན་པ་དག་ནི་ཐམས་ཅད་ལ།། ཕྱོགས་རྣམས་ཐམས་ཅད་བདེ་བར་ཤོག། གང་གི་དོན་དུ་འགྲོ་བྱེད་པ།། དེ་འབད་མི་དགོས་གྲུབ་གྱུར་ཅིག། ༢༣ གྲུ་དང་གྲུ་ཆེན་ཞུགས་པ་རྣམས།། ཡིད་ལ་བསམས་པ་གྲུབ་གྱུར་ཏེ།། ཆུ་ཡི་ངོགས་སུ་བདེར་ཕྱིན་ནས།། གཉེན་དང་ལྷན་ཅིག་དགའ་བར་ཤོག། ༢༤ མྱ་ངམ་ལམ་གོལ་འཁྱམས་པ་རྣམས།། མག ྲོ ན་པ་དག་དང་ཕྲད་གྱུར་ནས།། ཆོམ་རྐུན་སྟག་སོགས་འཇིགས་མེད་པར།། མི་ངལ་བདེ་བླག་འདོང་བར་ཤོག། ༢༥ ཅེས་གསུངས་ཏེ། དང་པོས་དེ་ཐམས་ཅད་ལམ་དུ་འཇིགས་པ་མེད་ཅིང་བདེ་བར་བགྲོ ད་ལ་ དོན་ཚེགས་ཆུང་ངུས་གྲུབ་པའི་ཆེད་དང༌། གཉིས་པས་གངྒཱ་ལ་སོགས་པ་བརྒལ་བའི་ཕྱིར་ གྲུའི་བྱེ་བྲག་རྣམས་སུ་ཞུགས་པ་དང་རྒྱ་མཚོའི་གྲུ་བོ་ཆེར་ཞུགས་ཏེ་འདོང་བ་རྣམས་ནི་ཁྱད་ 691 ཡོངས་སུ་བསྔོ་བ་བསྟན་པ། པར་དུ་སྲོག་ལ་དོགས་པ་ཆེ་བས་དེ་དག་གི་གྲུ་ཉེ་ཞོ་མེད་ཅིང་བསམས་པ་གྲུབ་ནས་རང་ གནས་སུ་ཕྱིན་པའི་ཆེད་དང༌། ཐ་མས་མྱ་ངམ་གྱི་ཐང་དང་དགོན་དུང་ཚ་སྒོ་ཅན་ལ་སོགས་ པར་ལམ་འཁྱམས་ཏེ་ཅི་བྱ་གཏོལ་མེད་པ་རྣམས་ལམ་སྟོན་པ་དང་གྲོགས་དང་ཕྲད་ཅིང་བདེ་ བར་ཕྱིན་པར་བསྔོས་པ་སྟེ་ངལ་ཞིང་དུབ་ལ་སླར་འཇིགས་པས་ཉེན་པ་འདི་དག་ཤིན་ཏུ་སྙིང་ རྗེ་བའི་ཕྱིར་རོ།། དགོན་སོགས་ལམ་མེད་ཉམ་ང་བར།། བྱིས་པ་རྒན་པོ་མགོན་མེད་པ།། གཉིད་ལོག་མྱོས་ཤིང་རབ་མྱོས་རྣམས།། ལྷ་དག་སྲུང་བར་བྱེད་པ་ཤོག། ༢༦ ཅེས་གསུངས་ཏེ། དབུལ་པོ་སོགས་སློང་བའི་ཆེད་དང༌། ཁ་ཅིག་གཞན་གྱི་བྲན་དུ་གྱུར་པས་ བ་ལང་སོགས་འཚོ་བའི་ཕྱིར། དགོན་པ་ཉམ་ང་བར་གཅིག་པུས་འདུག་པ་དང༌། གཉིད་ ཀྱིས་ལོག་པ་དང༌། གང་དག་ཆང་གིས་ར་རོ་བས་འཕྱན་པ་དེ་དག་ལ་ལྷ་དག་གིས་བསྲུངས་ ཏེ་གནོད་སྦྱིན་དང་ཤ་ཟས་འཚེ་བ་མེད་པར་གྱུར་ཅིག་པའོ།། གཉིས་པ་འབྱོར་པ་ཕུན་སུམ་ཚོགས་པར་བསྔོ་བ་ནི། མི་དལ་ཀུན་ལས་ཐར་པ་དང༌།། དད་དང་ཤེས་རབ་བརྩེར་ལྡན་ཞིང༌།། 692 ཡོངས་སུ་བསྔོ་བ་བསྟན་པ། ཟས་དང་སྤྱོད་པ་ཕུན་ཚོགས་ནས།། རྟག་ཏུ་ཚེ་རབས་དྲན་གྱུར་ཅིག། ༢༧ ཅེས་གསུངས་ཏེ། ཐམས་ཅད་དལ་འབྱོར་གཉིས་དང་ལྡན་ཞིང་ཚེ་རབས་དྲན་པའི་མངོན་ ཤེས་དང་ལྡན་པར་གྱུར་ཅིག་པའོ།། ཐམས་ཅད་ནམ་མཁའ་མཛོད་བཞིན་དུ།། ལོངས་སྤྱོད་ཟད་པ་མེད་པར་ཤོག། རྩོད་པ་མེད་ཅིང་འཚེ་མེད་པ།། རང་དབང་དུ་ནི་སྤྱོད་པར་ཤོག། ༢༨ ཅེས་གསུངས་ཏེ། བྱང་ཆུབ་སེམས་དཔའ་ནམ་མཁའ་མཛོད་ནི་ནམ་མཁའ་ལས་ཅི་བསམས་ པ་འབྱུང་ཞིང་ཟད་པ་མེད་པ་ལྟར་ཐམས་ཅད་ནམ་མཁའི་མཛོད་ཀྱི་ཏིང་ངེ་འཛིན་དང༌། དེ་ ལས་བྱུང་བ་ནམ་མཁའི་མཛོད་འཐོབ་པར་གྱུར་ཅིག་པའོ།། སེམས་ཅན་གཟི་བརྗིད་ཆུང་ངུ་དག། དེ་དག་གཟི་བརྗིད་ཆེན་པོར་ཤོག། དཀའ་ཐུབ་ཅན་གང་གཟུགས་ངན་པ།། གཟུགས་བཟང་ཕུན་སུམ་ཚོགས་གྱུར་ཅིག། ༢༩ ཅེས་གསུངས་ཏེ། གཟི་བརྗིད་ཕུན་སུམ་ཚོགས་པར་གྱུར་ཅིག་པའོ།། 693 ཡོངས་སུ་བསྔོ་བ་བསྟན་པ། འཇིག་རྟེན་བུད་མེད་ཇི་སྙེད་པ།། དེ་དག་སྐྱེས་པ་ཉིད་གྱུར་ཅིག། ཅེས་གསུངས་ཏེ། བུད་མེད་རྣམས་སྐྱེས་པའི་དངོས་པོ་འཐོབ་པ་དང༌། བུད་མེད་ནི་ཕལ་ཆེར་ གཞན་དབང་དུ་གྱུར་པ་དང༌། སྙིང་སྟོབས་ཆུང་བ་དང༌། ཉོན་མོངས་པ་མང་བ་དང༌། མངལ་ འཛིན་པའི་སྡུག་བསྔལ་ཆེ་ཞིང་བུད་མེད་ཀྱི་རྟེན་ལ་སངས་རྒྱས་དང༌། འཁོར་ལོས་བསྒྱུར་ བ་དང༌། རང་སངས་རྒྱས་དང༌། བརྒྱ་བྱིན་དང༌། འཇིག་རྟེན་སྐྱོང་བ་སྟེ་མཆོག་ལྔ་མི་འབྱུང་ ལ། རྟེན་གྱི་གཙོ་བོ་སྐྱེས་པ་ཁོ་ན་ཡིན་ལ་བུད་མེད་རབ་ཏུ་ཕྱུང་བས་བསྟན་པ་ལོ་ལྔ་བརྒྱ་ འགྲིབས་པས་ན་དེ་དག་བུད་མེད་ཀྱི་དངོས་པོ་ལས་འདའ་བའི་ཕྱིར་བསྔོས་པའོ།། མ་རབས་རྣམས་ནི་མཐོ་ཐོབ་ཅིང༌།། ང་རྒྱལ་དག་ཀྱང་བཅོམ་པར་ཤོག། ༣༠ ཅེས་གསུངས་ཏེ། མ་རབས་ཀྱི་གནས་ལས་འདའ་བར་བསྔོས་པ་སྟེ། མ་རབས་གདོལ་པ་ ལ་སོགས་པ་རྣམས་དམད་པའི་ལས་སྤངས་ཏེ་མཐོན་པོར་འགྱུར་ཞིང༌། འོན་ཀྱང་མ་རབས་ ལ་མཐོན་པོའི་གནས་བྱུང་བ་ཕལ་ཆེར་ནི་ང་རྒྱལ་ཆེ་ཞིང་གནས་མིན་གྱི་བྱ་བ་བྱེད་པས་རང་ གཞན་གཉི་ག་བརླག་པ། ཝ་སྐྱེས་ལ་དུད་འགྲོའི་རྒྱལ་པོའི་གནས་བྱུང་བ་ལྟ་བུ་མང་བས་ན་ དེ་དག་མཐོན་པོ་ཐོབ་ཀྱང་ང་རྒྱལ་མེད་པར་གྱུར་ཅིག་པར་བསྔོས་པའོ།། 694 ཡོངས་སུ་བསྔོ་བ་བསྟན་པ། བདག་གི་བསོད་ནམས་འདི་ཡིས་ནི།། སེམས་ཅན་ཐམས་ཅད་མ་ལུས་པ།། སྡིག་པ་ཐམས་ཅད་སྤངས་ནས་ནི།། རྟག་ཏུ་དགེ་བ་བྱེད་པར་ཤོག། ༣༡ བྱང་ཆུབ་སེམས་དང་མི་འབྲལ་ཞིང༌།། བྱང་ཆུབ་སྤྱོད་ལ་གཞོལ་བ་དང༌།། སངས་རྒྱས་རྣམས་ཀྱིས་ཡོངས་བཟུང་ཞིང༌།། བདུད་ཀྱི་ལས་ཀྱང་སྤོང་བར་ཤོག། ༣༢ སེམས་ཅན་དེ་དག་ཐམས་ཅད་ནི།། ཚེ་ཡང་དཔག་མེད་རིང་བར་ཤོག། རྟག་ཏུ་བདེ་བར་འཚོ་འགྱུར་ཞིང༌།། འཆི་བའི་སྒྲ་ཡང་གྲག་མ་གྱུར།། ༣༣ ཞེས་གསུངས་ཏེ། ཚིགས་བཅད་གསུམ་གྱིས་ཐམས་ཅད་དགེ་སྡིག་གི་བླང་དོར་ཚུལ་བཞིན་ དུ་བྱེད་པ་དང༌། ཐེག་ཆེན་དུ་ཞུགས་ཏེ་བདུད་ལས་སྤོང་བ་དང༌། མཐོ་རིས་ཀྱི་ཡོན་ཏན་ 695 ཡོངས་སུ་བསྔོ་བ་བསྟན་པ། བདུན་ཚང་ཞིང་ཚེ་ཕུན་སུམ་ཚོགས་པར་རིམ་པས་བསྔོས་པ་སྟེ། དེ་རྣམས་ནི་གཙོ་བོར་ སེམས་ཅན་ཡོངས་སུ་སྨིན་པའི་དོན་དུ་བསྔོས་པ་ཡང་ཡིན་ནོ།། དཔག་བསམ་ཤིང་གི་སྐྱེད་མོས་ཚལ།། སངས་རྒྱས་དང་ནི་སངས་རྒྱས་སྲས།། ཆོས་ཉན་སྒྲོགས་པས་གང་བ་ཡིས།། ཕྱོགས་རྣམས་ཐམས་ཅད་གང་བར་ཤོག། ༣༤ ཅེས་གསུངས་ཏེ། དེ་ནས། དཔག་བསམ་ཤིང་གི་སྐྱེད་མོས་ཚལ། །ལ་སོགས་པའི་ཚིགས་ སུ་བཅད་པ་བཞིས་ནི་གནས་ཐམས་ཅད་ཕུན་སུམ་ཚོགས་པར་བསྔོ་བ་སྟེ། དང་པོས་འཇིག་ རྟེན་གྱི་ཁམས་ཐམས་ཅད་དཔག་བསམ་གྱི་ཤིང་གོས་དང་རྒྱན་དང་བཟའ་བཏུང་གི་འབྱུང་ གནས་ཅི་འདོད་བླང་དུ་ཡོད་པས་གང་བ་སྐྱེད་མོས་ཚལ་ལྟར་ཡིད་དུ་འོང་བ་སངས་རྒྱས་དང་ བྱང་ཆུབ་སེམས་དཔའ་ཆོས་སྒྲོག་པས་གང་བར་གྱུར་ཅིག་པའོ།། ཐམས་ཅད་དུ་ཡང་ས་གཞི་དག། གསེག་མ་ལ་སོགས་མེད་པ་དང༌།། ལག་མཐིལ་ལྟར་མཉམ་བཻཌཱུརྱ་འི།། རང་བཞིན་འཇམ་པོར་གནས་གྱུར་ཅིག། ༣༥ ཅེས་གསུངས་ཏེ། ས་ཕལ་པ་དང་མཐོ་དམན་སོགས་མེད་པར་ལག་མཐིལ་ལྟར་མཉམ་པའི་ 696 ཡོངས་སུ་བསྔོ་བ་བསྟན་པ། བཻཌཱུརྱའི་ས་གཞི་གསེར་གྱིས་མིག་མང་རིས་སུ་བྲིས་པ་རེག་ན་འཇམ་པའི་རྩ་རྨ་བྱའི་མགྲིན་ པའི་མདོག་ཅན་གྱིས་ཁེབས་པར་གྱུར་ཅིག་པའོ།། འཁོར་གྱི་དཀྱིལ་འཁོར་ཡོད་དགུར་ཡང༌།། བྱང་ཆུབ་སེམས་དཔའ་མང་པོ་དག། རང་གི་ལེགས་པས་ས་སྟེང་དག། བརྒྱན་པར་མཛད་པས་བཞུགས་གྱུར་ཅིག། ༣༦ ཅེས་གསུངས་ཏེ། དེ་ཐམས་ཅད་དུ་བྱང་ཆུབ་སེམས་དཔའ་མཚན་དཔེ་རྫོགས་པས་གང་ཞིང་ བརྒྱན་པར་གྱུར་ཅིག་པའོ།། ལུས་ཅན་ཀུན་གྱིས་བྱ་དང་ནི།། ཤིང་དང་འོད་ཟེར་ཐམས་ཅད་དང༌།། ནམ་མཁའ་ལས་ཀྱང་ཆོས་ཀྱི་སྒྲ།། རྒྱུན་མི་འཆད་པར་ཐོས་པར་ཤོག། ༣༧ ཅེས་གསུངས་ཏེ། ནམ་མཁས་ཀླས་པའི་ཞིང་དེ་ཐམས་ཅད་དུ་འབྱུང་བ་བཞི་དང་ནམ་མཁའ་ ལས་ཆོས་ཀྱི་སྒྲ་རྟག་པར་འབྱུང་ཞིང་སེམས་ཅན་ཐམས་ཅད་སྨིན་པར་གྱུར་ཅིག་པ་སྟེ། འདི་ རྣམས་ནི་སློབ་དཔོན་ཉིད་ཀྱི་ཞིང་དག་སྦྱོར་དང་སངས་རྒྱས་ཀྱི་ཞིང་ཡོངས་སུ་སྦྱོང་བའི་སྨོན་ ལམ་ཡང་ཡིན་ནོ།། 697 ཡོངས་སུ་བསྔོ་བ་བསྟན་པ། འདི་མན་ནི་འཇིག་རྟེན་ཐམས་ཅད་ཕུན་སུམ་ཚོགས་པར་བསྔོ་བ་སྟེ། དེ་དག་རྟག་ཏུ་སངས་རྒྱས་དང༌།། སངས་རྒྱས་སྲས་དང་ཕྲད་གྱུར་ཅིག། མཆོད་པའི་སྤྲིན་ནི་མཐའ་ཡས་པས།། འག ྲོ་བའི་བླ་མ་མཆོད་པར་ཤོག། ༣༨ ཅེས་གསུངས་ཏེ། སེམས་ཅན་ཐམས་ཅད་དགེ་བའི་བཤེས་གཉེན་དང་ཕྲད་ཅིང་མཆོད་པའི་ ལས་ལ་བརྩོན་པར་གྱུར་ཅིག་པའོ།། ལྷ་ཡང་དུས་སུ་ཆར་འབེབས་ཤིང༌།། ལོ་ཏོག་ཕུན་སུམ་ཚོགས་པར་ཤོག། ཅེས་གསུངས་ཏེ། ཆར་དུས་སུ་འབབ་ཅིང་ལོ་ཏོག་དང་འབྲུས་འབྱོར་པར་གྱུར་ཅིག་པའོ། རྒྱལ་པོ་ཆོས་བཞིན་བྱེད་གྱུར་ཅིག། འཇིག་རྟེན་དག་ཀྱང་དར་བར་ཤོག། ༣༩ ཅེས་གསུངས་ཏེ། ཆོས་བཞིན་གྱི་རྒྱལ་པོ་ཤ་སྟག་འབྱུང་བར་གྱུར་ཅིག་པ་དང༌། རྒྱུ་དེ་དག་ ལས་ལྷ་མིའི་འགྲོ་བ་མང་དུ་འཕེལ་ཞིང་དར་བར་གྱུར་ཅིག་པའོ།། 698 ཡོངས་སུ་བསྔོ་བ་བསྟན་པ། སྨན་རྣམས་མཐུ་དང་ལྡན་པ་དང༌།། གསང་སྔགས་བཟླས་བརྗོད་འགྲུབ་པར་ཤོག། ཅེས་གསུངས་ཏེ། རྐང་པ་དང་པོས་སྨན་དང་འབྲུ་བཅུད་ཐམས་ཅད་བཅུད་ཆེ་ཞིང་ནུས་པ་དང་ ལྡན་པའི་ཆེད་དང༌། གཉིས་པས་ཕན་བྱེད་ཀྱི་གསང་སྔགས་སྒྲུབ་པ་པོ་རྣམས་ཀྱང་ངག་ནུས་ དང་ལྡན་ཞིང་རིག་པ་དེ་མྱུར་དུ་འགྲུབ་པར་འགྱུར་བའི་ཆེད་དུ་བསྔོ་བའོ།། མཁའ་འག ྲོ་སྲིན་པོ་ལ་སོགས་པ།། སྙིང་རྗེའི་སེམས་དང་ལྡན་གྱུར་ཅིག། ༤༠ ཅེས་གསུངས་ཏེ། ཤ་ཟ་དང་གནོད་སྦྱིན་དང་སྲིན་པོ་རྣམས་གདུག་པའི་སེམས་ཞི་ཞིང་ཁྱད་ པར་མཁའ་འག ྲོ་ཞེས་བྱ་བ་ཕྲ་མེན་ཕོ་མོ་ཉིན་པར་མིའི་ལུས་སུ་གནས་ཤིང་མཚན་མོ་རྫུ་ འཕྲུལ་གྱིས་འགྲོ་བས་གཞན་ལ་གནོད་པ་བྱེད་པ་འདི་ལ་རྒྱ་གར་ན་འཇིགས་པ་ཆེན་པོར་ལྟ་ བའི་ཕྱིར་དེ་རྣམས་ཀྱི་གདུག་རྩུབ་ཞི་ཞིང་སྙིང་རྗེ་དང་ལྡན་པར་བསྔོ་བའོ།། སེམས་ཅན་འགའ་ཡང་སྡུག་མ་གྱུར།། སྡིག་པར་མ་གྱུར་ན་མ་གྱུར།། འཇིགས་དང་བརྙས་པར་མི་འགྱུར་ཞིང༌།། འགའ་ཡང་ཡིད་མི་བདེ་མ་གྱུར།། ༤༡ 699 ཡོངས་སུ་བསྔོ་བ་བསྟན་པ། ཞེས་གསུངས་ཏེ། མདོར་ན་སུ་ཡང་རུང་སྟེ། སེམས་ཅན་འགའ་ཡང་སྡུག་མ་གྱུར། །སྡིག་པར་ མ་གྱུར་ན་མ་གྱུར། །འཇིགས་དང་བརྙས་པར་མི་འགྱུར་ཞིང༌། །འགའ་ཡང་ཡིད་མི་བདེ་བར་ མ་གྱུར་ཅིག །ཞེས་དོན་བསྡུས་པ་སྟེ། འདིའི་ཚིག་རྐང་གཉིས་པ་འདི་གླེགས་བམ་ཕལ་ལ་ ཆད་སྣང་བས་ངེས་པར་གཞུག་གོ། ཞེས་གསུངས། གཉིས་པ་མཆོག་གི་དོན་དུ་བསྔོ་བ་ནི། གཙུག་ལག་ཁང་རྣམས་ཀློག་པ་དང༌།། ཁ་ཏོན་གྱིས་རྒྱས་ལེགས་གནས་ཤོག། རྟག་ཏུ་དགེ་འདུན་མཐུན་པ་དང༌།། དགེ་འདུན་དོན་ཡང་འགྲུབ་པར་ཤོག། ༤༢ ཅེས་གསུངས་ཏེ། དེ་ནི་དགེ་འདུན་གནས་བཅས་ཀྱི་དོན་དུ་བསྔོས་པ་སྟེ། དེ་ཡང་གཙུག་ ལག་ནི་གཞུང་ལུགས་ཀྱི་མིང་གི་རྣམ་གྲངས་ཡིན་ལ། དེ་འཛིན་པའི་གང་ཟག་གི་གནས་ནི་ གཙུག་ལག་ཁང་པ་ཞེས་བྱའོ། །མདོར་ན་ཆོས་འདི་པའི་ཐེག་པ་ཆེ་ཆུང་གི་གཙུག་ལག་ཁང་ དང༌། གཙུག་ལག་ཁང་ཆེན་པོ་དང༌། ཁྱམས་དང༌། བཀད་ས་དང༌། དགོན་པའི་བསྟི་གནས་ ལ་སོགས་པ་དེ་ཐམས་ཅད་དུ་རབ་ཏུ་བྱུང་བ་ཀློག་པ་པོ་རྣམས་སྡེ་སྣོད་གསུམ་པོ་ཀློག་པའི་ ཁ་ཐོན་བྱེད་པས་གང་ཞིང་རྒྱས་ལ་བསམ་གཏན་པའི་གནས་རྣམས་སུ་བསམ་གཏན་ལ་ ཤིན་ཏུ་མཉམ་པར་བཞག་པ་རྣམས་ཀྱིས་གང་བར་འགྱུར་ཅིག་པའོ།། 700 ཡོངས་སུ་བསྔོ་བ་བསྟན་པ། དེ་ཐམས་ཅད་དུ་དགེ་འདུན་རྣམས་མཐུན་པ་དང་མི་ཕྱེད་པ་འོ་མ་དང་འོ་མ་གཅིག་ཏུ་འདྲེས་ པ་ལྟ་བུར་གྱུར་པས་སྟོན་པའི་བསྟན་པ་གསལ་པར་བྱེད་ཅིང་ཀློག་པ་ལས་རིག་གྲོལ་གྱི་ སྤོབས་པ་ཐོབ་ཅིང༌། བསམ་གཏན་ལས་འབྲས་བུ་བཞི་དང་ས་བཅུ་སོགས་ཐོབ་པས་དགེ་ འདུན་དེ་ཐམས་ཅད་ཀྱིས་བསླབ་པ་གསུམ་གྱི་དོན་མཐར་ཕྱིན་པ་གྲུབ་པར་གྱུར་ཅིག་པ་སྟེ། སྔོན་སྟོན་པ་ཉིད་ལ་སྦྲིད་པ་བྱུང་བ་ན་སྐྱེ་དགུའི་བདག་མོ་གཽ་ཏ་མིས་བཅོམ་ལྡན་འདས་རིང་ དུ་འཚོ་བར་གྱུར་ཅིག་ཅེས་བརྗོད་པ་འོག་མིན་གྱི་བར་དུ་གྲགས་པ་ན་སྟོན་པས་དེ་སྐད་ཅེས་ མི་བརྗོད་པར་དགེ་འདུན་མཐུན་པར་གྱུར་ཅིག་ཅེས་བརྗོད་པར་བྱ་སྟེ་ང་ནི་དགེ་འདུན་མཐུན་ པ་ཉིད་བཞེད་དོ། །ཞེས་གསུངས་པས་འདི་ནི་སྟོན་པའི་དགོངས་པ་རྫོགས་པར་བྱེད་པའི་ སྨོན་ལམ་ཡང་ཡིན་ནོ།། བསླབ་པ་འདོད་པའི་དགེ་སློང་དག། དབེན་པ་དག་ཀྱང་འཐོབ་པར་ཤོག། གཡེང་བ་ཐམས་ཅད་སྤངས་ནས་ནི།། སེམས་ནི་ལས་རུང་སྒོམ་གྱུར་ཅིག། ༤༣ ཅེས་གསུངས་ཏེ། དགེ་སློང་གི་དོན་དུ་སྤྱིར་བསྔོ་བ་སྟེ་སྤྱིར་སློང་མོས་འཚོ་བ་ལ་དགེ་སློང་དུ་ བཞག་པ་སློང་བའི་ཕྱིར་དགེ་སློང་དང༌། མིང་གི་དགེ་སློང་མིང་གང་དགེ་སློང་ཞེས་བྱ་བ་དང༌། ཁས་འཆེ་བའི་དགེ་སློང་བྲམ་ཟེ་ལ་སོགས་པ་བདག་ཅག་དགེ་སློང་དང་དགེ་སྦྱོང་དང་བྲམ་ 701 ཡོངས་སུ་བསྔོ་བ་བསྟན་པ། ཟེའོ་ཞེས་ཁས་ཆེ་བ་ལ་དགེ་སློང་དུ་བཞག་པ་དང༌། རྒྱན་གྱིས་བརྒྱན་པར་བྱས་ཀྱང་ཆོས་ སྤྱོད་ཅིང༌། །སོགས་ཟག་པ་ཟད་པ་ལ་དགེ་སློང་དུ་བྱས་པ་སྟེ། སྤྱིར་རྣམ་གྲངས་བཞི་དང༌། དེ་ལས་ཆོས་འདི་པའི་གསོལ་བ་དང་བཞིའི་ལས་ཀྱིས་བསྙེན་པར་རྫོགས་པ་གང་ཡིན་པ་དེ་ ནི་དོན་འདིར་དགེ་སློང་ཡིན་པར་དགོངས་སོ་ཞེས་པ་ལྟར་དགེ་སློང་གི་སྡོམ་པ་ཐོབ་ལ་མ་ ཉམས་པ་ནི་སྐབས་འདིའི་དགེ་སློང་ཡིན་ཏེ། དགེ་སློང་མ་ཟུར་དུ་བཀར་ནས་བཤད་པ་དང་ བསླབ་པ་འདོད་པ་ཞེས་པའི་མཐུ་ལས་སོ།། དེ་ལྟར་བསླབ་པ་གསུམ་འདོད་པའི་དགེ་སློང་རྣམས་ཀྱི་བསླབ་པ་དག་པའི་རྒྱུ་ནི་ལུས་ ངག་འདུ་འཛིས་དབེན་པ་དང་སེམས་རྣམ་གཡེང་གིས་དབེན་པ་ཡིན་པས་ལུས་སེམས་ཀྱི་ དབེན་པ་ཐོབ་པར་གྱུར་ཅིག་པ་སྟེ། དག་སྒྲའི་གཉིས་ཚིག་གིས་ལུས་སེམས་ཀྱི་དབེན་པ་ གཉིས་འདྲེན་ཏོ། །གཡེང་བ་སྤོང་བའི་ཚིག་གིས་ནི་དབེན་པ་དེ་གཉིས་གསལ་བར་བྱེད་པ་སྟེ། ལུས་ཀྱི་གཡེང་བ་བྱ་བ་སྣ་ཚོགས་པ་དང༌། ངག་གི་གཡེང་བ་བྲེ་མོ་དང་ངག་འཁྱལ་བ་དང༌། སེམས་ཀྱི་གཡེང་བ་ཡུལ་ལ་སེམས་པ་ཐམས་ཅད་སྤངས་ནས་སེམས་དུལ་ཞིང་ལས་སུ་རུང་ བས་འདུ་ཤེས་ཉི་ཤུ་དང༌། བྱང་ཆུབ་ཀྱི་སེམས་གཉིས་དང༌། སྒྱུ་མ་ལྟ་བུ་དང༌། ནམ་མཁའ་ ལྟ་བུའི་ཏིང་ངེ་འཛིན་སྒོམ་པར་གྱུར་ཅིག་པའོ།། དགེ་སློང་མ་རྣམས་རྙེད་ལྡན་ཞིང༌།། འཐབ་དང་གནོད་པ་སྤོང་བར་ཤོག། 702 ཡོངས་སུ་བསྔོ་བ་བསྟན་པ། ཅེས་གསུངས་ཏེ། དགེ་སློང་མའི་དོན་དུ་བསྔོས་པ་སྟེ། དགེ་སློང་མ་རྣམས་ནི་འཁོར་གྱི་གཙོ་ བོ་མ་ཡིན་པའི་ཕྱིར། ཡོ་བྱད་རྙེད་པར་དཀའ་ཞིང་རྙེད་པ་ཆུང་བའི་ཕྱིར། དགེ་སློང་ཉེར་དགས་ དགྲ་བཅོམ་མ་ཨུཏྤ་ལའི་མདོག་ཅན་ལས་རས་ཟུང་བཟང་པོ་བླངས་པས། ཨུཏྤ་ལའི་མདོག་ ཅན་ཆོས་གོས་ཀྱིས་ཕོངས་པའི་ཚེ་འདི་ལྟར་བུད་མེད་ནི་རྙེད་པ་ཆུང་ཞིང་ཚེགས་ཆེན་པོས་ འཚོ་བ་ཡིན་པས་དགེ་སློང་མ་ཉེ་དུ་མ་ཡིན་པ་ལས་དགེ་སློང་གིས་གོས་སློང་བར་མི་བྱའོ་ ཞེས་བཅས་པ་མཛད་པའོ།། དེས་ན་དགེ་སློང་མ་རྣམས་ནི་ཆོས་གོས་དང་བསོད་སྙོམས་ལ་སོགས་པའི་རྙེད་པ་ ཆེན་པོ་དང་ལྡན་ཞིང་རྙེད་སླ་བར་གྱུར་ཅིག་པའོ། །བུད་མེད་ནི་རང་བཞིན་གྱིས་འཐབ་ཀྲོལ་ ལ་དགའ་ཞིང་ཟས་ལ་གདུ་བའི་ཕྱིར། སྟོན་པས་དེ་གཉིས་ལས་བྱུང་བའི་བསླབ་པ་སོར་ བཤགས་དང་ལྷག་མ་མང་དུ་བཅས་པ་སྟེ། དེའི་ཕྱིར་དགེ་སློང་མ་རྣམས་འཐབ་དཀྲོལ་སྤོང་ ཞིང་རྒྱུད་འཇམ་པོར་གྱུར་ཅིག་པའོ། །དེ་ནས་རབ་བྱུང་སྤྱིའི་དོན་དུ་བསྔོས་པ་སྟེ། དེ་བཞིན་རབ་ཏུ་བྱུང་བ་ཀུན།། ཚུལ་ཁྲིམས་ཉམས་པ་མེད་གྱུར་ཅིག། ༤༤ ཚུལ་ཁྲིམས་འཆལ་བས་ཡིད་བྱུང་ནས།། རྟག་ཏུ་སྡིག་པ་ཟད་བྱེད་ཤོག། བདེ་འགྲོ་དག་ཀྱང་ཐོབ་གྱུར་ནས།། དེར་ཡང་བརྟུལ་ཞུགས་མི་ཉམས་ཤོག། ༤༥ 703 ཡོངས་སུ་བསྔོ་བ་བསྟན་པ། ཅེས་གསུངས་ཏེ། མདོར་ན་རབ་ཏུ་བྱུང་བ་ནི་ཚུལ་ཁྲིམས་ཁོ་ནས་ཕྱེ་བ་ཡིན་པས་དེ་ཐམས་ ཅད་ཚུལ་ཁྲིམས་དང་ལྡན་ཞིང་མི་ཉམས་པ་དང༌། ཚུལ་འཆལ་གྱིས་ཡིད་བྱུང་སྟེ་སེམས་ཤིན་ ཏུ་གཙང་བས་གནས་པས་ཟག་པ་ཟད་པ་འཐོབ་པ་དང༌། གལ་ཏེ་ཟག་པ་མ་ཟད་པར་ཤི་ འཕོས་ན་ཡང་ཚུལ་ཁྲིམས་ཀྱི་མཐུས་བདེ་འགྲོ་ལྷ་མི་གང་རུང་དུ་སྐྱེ་ཞིང་དེར་ཡང་སྔོན་གྱི་ གནས་རྗེས་སུ་དྲན་པས་འདོད་པ་ལ་མི་འཇུག་པར་ལྷ་རྣམས་ཀྱི་ལྷའི་དྲང་སྲོང་དུ་འགྱུར་ བའམ་མི་རྣམས་སུ་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ་ཤི་འཕོས་ཀྱང་སྔ་མའི་བརྟུལ་ ཞུགས་ཉམས་པ་མེད་པར་གྱུར་ཅིག་པའོ།། འདི་ལ་སྐྱེ་བ་སྔ་མ་ཇི་སྲིད་འཚོའི་བར་ཁས་བླངས་པའི་དུས་ཀྱི་ཆ་ཕྱོགས་གཅིག་བཏང་ ཡང་སྤོང་སེམས་ཀྱི་ངོ་བོ་མ་ཉམས་པ་སྟེ། བར་དོ་དང༌། སྐྱེ་བ་ཕྱི་མ་ལ་ཡང་བདག་དགེ་སློང་ སྟེ་འདི་ལྟ་བུ་བྱར་མི་རུང་ངོ་ཞེས་དྲན་པ་དང་ཤེས་བཞིན་རྒྱུན་མི་ཆད་པས་སྔ་མའི་བརྟུལ་ ཞུགས་མ་ཉམས་པ་ཞེས་བྱའོ།། གལ་ཏེ་ཕྱི་མར་བརྟུལ་ཞུགས་མ་ཉམས་པར་ཡོད་ན་སྔ་མའི་སྡོམ་པ་ཇི་སྲིད་འཚོ་བར་ གྱི་སྡོམ་པར་འགལ་ལོ་ཞེ་ན། ཇི་སྲིད་འཚོའི་བར་ཁས་བླངས་པ་འདི་ནི་འཇིག་རྟེན་ན་ང་མ་ ཤིའི་བར་ཞེས་ཡུན་རིང་བའི་མཐར་འཇོག་པ་ལྟར་ཇི་སྲིད་འཚོའི་བར་ཁས་ལེན་ན་དེ་ཚུན་གྱི་ གནས་སྐབས་གཞན་ལ་ལྟ་ཅི་སྨོས་ཞེས་ཉན་ཐོས་རང་ལུགས་ནས་ཡུན་རིང་བའི་ཕྱིར་མཐར་ བཞག་པ་སྟེ་སངས་མ་རྒྱས་ཀྱི་བར་ལེན་པ་ལྟ་བུ་ནི་བློར་མ་ཤོང་བས་རང་གི་བློར་ཤོང་ཚོད་ ཀྱི་དུས་ཀྱི་རིང་མཐའ་ཁས་བླངས་པ་ཡིན་གྱི། བདག་ཇི་སྲིད་འཚོའི་བར་སྲུང་ལ་ཤི་ནས་མི་ 704 ཡོངས་སུ་བསྔོ་བ་བསྟན་པ། སྲུང་ངོ་ཞེས་རྣམ་བཅད་བྱས་པ་མ་ཡིན་པ་འདི་གོ་བར་གྱིས་ཤིག དེ་ནས་མཁས་པའི་དོན་དུ་ བྱེ་བྲག་ཏུ་བསྔོས་པ་སྟེ། མཁས་པ་རྣམས་ནི་བཀུར་བ་དང༌།། བསོད་སྙོམས་དག་ཀྱང་རྙེད་པར་ཤོག། ཅེས་གསུངས་ཏེ། སྤྱིར་ཤེས་བྱ་ལ་མཁས་པའི་རྒྱུ་ནི་སྐྱེ་བ་སྔ་མ་རྣམས་སུ་མང་དུ་སྦྱངས་པ་ དང་ཆོས་ཀྱི་སྦྱིན་པ་བྱས་པ་དང་ཚེ་འདིར་སྐྱེ་བས་ཐོབ་པའི་ཤེས་རབ་དང་ལྡན་པའམ་མི་ ལྡན་ཡང་རུང་སྟེ། དགེ་བའི་བཤེས་གཉེན་བསྟེན་ཞིང་དཀའ་བས་སྦྱངས་པ་རྣམས་ནི་མཁས་ པར་འགྱུར་བའི་རྒྱུ་ཡིན་ལ། རྙེད་པའི་རྒྱུ་ནི་ཚེ་རབས་གཞན་དུ་སྦྱིན་པ་བཏང་བ་ལས་འབྱུང་ ཞིང༌། བཀུར་སྟིའི་རྒྱུ་ཡང་ཚེ་རབས་གཞན་དུ་ཕ་མ་དང་བླ་མའི་གནས་ལ་བཀུར་སྟི་བྱས་པ་ དང་གཞན་ཁྱད་དུ་མ་བསད་ཅིང་ང་རྒྱལ་སྤངས་པ་ལས་བྱུང་བའི་ཕྱིར། མཁས་པ་འཐོབ་པ་ དང་རྙེད་བཀུར་འཐོབ་པ་ནི་རྒྱུ་ཐ་དད་ཡིན་པས་མཁས་པ་རྙེད་བཀུར་དང་མི་ལྡན་པ་ཡོད་ལ། དེའི་ཚེ་ཁ་ཅིག་ཁོ་བོ་ལྟ་བུ་ལ་རྙེད་བཀུར་མི་འབུལ་བར་བླུན་པོ་འདི་དང་འདི་ལ་འབུལ་ལོ་ ཞེས་ང་རྒྱལ་དང་ཕྲག་དོག་དང་ཞུམ་པ་ཅིག་ཆར་སྐྱེད་པ་དུ་མ་ཡོད་པས་དེའི་ཕྱིར་རིག་གནས་ ཆུང་བ་ལྔ་ཙམ་ཤེས་པའི་པཎྜི་ཏ་ཆུང་བའམ། རིག་གནས་དང་ཁྱད་པར་སྡེ་སྣོད་གསུམ་དང་ ཐེག་པ་ཆེན་པོའི་སྡེ་སྣོད་དང་རྒྱུད་སྡེ་རྒྱ་མཚོ་ལྟ་བུ་ཤེས་པའི་མཁས་པ་རྣམས་ལ་སོ་སོ་ལ་ཇི་ འཚམ་པའི་བཀུར་སྟི་མཐོན་པོའི་གོ་འཕང་ལ་འཇོག་ཅིང་སྐྱེ་བོས་འདུད་པ་དང་ལོངས་སྤྱོད་ ཀྱི་རྙེད་པ་ཆེན་པོ་དང་ལྡན་པར་གྱུར་ཅིག་པའོ།། 705 ཡོངས་སུ་བསྔོ་བ་བསྟན་པ། རྒྱུད་ནི་ཡོངས་སུ་དག་པ་དང༌།། ཕྱོགས་རྣམས་ཀུན་ཏུ་གྲགས་པར་ཤོག། ༤༦ ཅེས་གསུངས་ཏེ། ཇི་ལྟར་མུ་གེའི་དུས་གཞོན་ནུ་མ་སྐྱེས་དགྲས་ལྷས་བྱིན་འཁོར་བཅས་ལ་ ཤིང་རྟ་ལྔ་བརྒྱ་ཁ་ཟས་བསོད་པས་གང་བས་རྟག་ཏུ་མཆོད་ཅིང་རྫུ་འཕྲུལ་མ་ཐོབ་པའི་དགེ་ སློང་རྣམས་འཚོ་བས་ཕོངས་པའི་ཚེ། སྟོན་པས་ལྷས་བྱིན་གྱི་རྙེད་པ་དང་བཀུར་སྟི་ནི་སྦ་དང་ སྨྱིག་མའི་འབྲུ་དང༌། དྲེའུ་མོ་སྦྲུམ་པ་ལྟ་བུར་བལྟ་བར་བྱ་སྟེ། སྐྱེ་བོ་ངན་པ་ནི་རྙེད་པ་དང་ བཀུར་སྟིས་ཕུང་བར་འགྱུར་རོ། །ཞེས་གསུངས་པ་ལྟར། ཡོན་ཏན་ཤེས་སམ་མི་ཤེས་ཀྱང་ རུང་སྟེ་སྐྱེ་བོ་རང་བཞིན་ངན་པ་ཁ་ཅིག་ནི་རྙེད་བཀུར་ཅུང་ཟད་ཐོབ་ན་རིགས་ངན་མདུན་ན་ འདོན་གྱི་སྟན་ལ་བཞག་པ་ལྟར་དྲེགས་ཤིང་རང་གཞན་ཕུང་བར་བྱེད་པ་ཡོད་པས། དེའི་ཕྱིར་ མཁས་པ་རྣམས་རྙེད་བཀུར་ཐོབ་ཀྱང་ང་རྒྱལ་དང་ཕྲག་དོག་མེད་པར་རྒྱུད་ཡོངས་སུ་དག་ ཅིང་མཁས་པའི་གྲགས་པ་འཐོབ་པར་གྱུར་ཅིག་པའོ།། ངན་སོང་སྡུག་བསྔལ་མི་མྱོང་ཞིང༌།། དཀའ་བ་སྤྱད་པ་མེད་པར་ཡང༌།། ལྷ་ལས་ལྷག་པའི་ལུས་ཀྱིས་ནི།། དེ་དག་སངས་རྒྱས་མྱུར་འགྲུབ་ཤོག། ༤༧ ཅེས་གསུངས་ཏེ། དེ་ལ་མཁས་པ་ཡང་དག་པ་ནི་ཆོས་ཀྱི་ཚད་འཛིན་པར་མི་བྱེད་ལ་རྒྱུ་ 706 ཡོངས་སུ་བསྔོ་བ་བསྟན་པ། འབྲས་ལ་མཁས་པའི་ཕྱིར་ཆོས་སྤོང་དང་གང་ཟག་ལ་དམོད་པར་མི་བྱེད་མོད་ཀྱང་ཕྱོགས་ རེས་ཁེངས་པ་ཁ་ཅིག་ནི་གཞན་ཐམས་ཅད་ལ་བ་ལང་ལྟར་ལྟ་ཞིང་རྩོད་པ་དང་རྩོམ་པ་ན་ ཡང་ཚིག་རྩུབ་རྣམ་སྨིན་མི་བཟད་པ་འབྱུང་བ་མང་དུ་འཕེན་ལ་ཆོས་སྤོང་དང་གང་ཟག་སྤོང་ བའི་ལས་ཆེར་གསོག་ཅིང༌། རྒྱུ་དེས་ཕྱི་མར་ངན་འགྲོའི་གནས་མི་བཟད་པ་ལེན་པ་ཡོད་པས་ དེ་རྣམས་ལ་དགོངས་ནས་མཁས་པ་དེ་དག་ངན་སོང་དུ་མི་ལྟུང་ཞིང་ཕྱི་མར་ཡང་དལ་བ་ འཐོབ་ལ་བརྩོན་པ་མེད་པར་ཡང་བྱང་ཆུབ་མྱུར་དུ་འཐོབ་པར་གྱུར་ཅིག་པའོ།། དེ་ནས་སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་བསྔོས་པ་སྟེ། སེམས་ཅན་ཀུན་གྱི་ལན་མང་དུ།། སངས་རྒྱས་ཐམས་ཅད་མཆོད་བྱེད་ཅིང༌།། སངས་རྒྱས་བདེ་བ་བསམ་ཡས་ཀྱིས།། རྟག་ཏུ་བདེ་དང་ལྡན་གྱུར་ཅིག། ༤༨ ཅེས་གསུངས་ཏེ། སངས་རྒྱས་ཐམས་ཅད་མཆོད་པར་བྱེད་ཅིང་དེ་ཡི་འབྲས་བུ་བདེ་བ་དམ་པ་ འཐོབ་པར་གྱུར་ཅིག་པའོ།། དེ་ནས་རྒྱལ་བ་དང་རྒྱལ་སྲས་རྣམས་ཀྱི་བཞེད་པ་རྫོགས་པར་བསྔོས་པ་སྟེ། བྱང་ཆུབ་སེམས་དཔའ་རྣམས་ཀྱི་ནི།། འག ྲོ་དོན་ཐུགས་ལ་དགོངས་འགྲུབ་ཤོག། 707 ཡོངས་སུ་བསྔོ་བ་བསྟན་པ། མགོན་པོ་ཡིས་ནི་གང་དགོངས་པ།། སེམས་ཅན་རྣམས་ལ་བདེ་འབྱོར་ཤོག། ༤༩ ཅེས་གསུངས་ཏེ། དེ་རྣམས་ཀྱི་བཞེད་པའི་གཙོ་བོ་ནི་འགྲོ་བའི་དོན་ཁོ་ན་ཡིན་པས་དེ་ཇི་ལྟར་ དགོངས་པ་དེ་བཞིན་དུ་གྲུབ་པར་གྱུར་ཅིག་པའོ། །དེ་བཞིན་དུ་མགོན་པོ་སངས་རྒྱས་རྣམས་ ཀྱིས་ཇི་ལྟར་དགོངས་པའི་ཕྲིན་ལས་དེ་ཉིད་སེམས་ཅན་རྣམས་ལ་བདེ་ཞིང་གྱ་ནོམ་པས་ འབྱོར་བར་གྱུར་ཅིག་པའོ།། དེ་བཞིན་རང་སངས་རྒྱས་རྣམས་དང༌།། ཉན་ཐོས་རྣམས་ཀྱང་བདེ་གྱུར་ཅིག། ཅེས་གསུངས་ཏེ། དེ་ནི་ཉན་རང་གི་དོན་དུ་བསྔོས་པ་སྟེ། ཉན་རང་དེ་དག་སྲིད་པའི་ འཇིགས་པ་མེད་པས་མྱ་ངན་ལས་འདས་པ་རྣམ་པར་གྲོལ་བའི་བདེ་བ་དང་ལྡན་པ་ཡིན་ མོད་ཀྱང༌། དགྲ་བཅོམ་པ་རྣམས་ཀྱང་སྡུག་བསྔལ་གྱི་ཕུང་པོའི་ལྷག་མ་ཞེས་བྱ་བ་སྐུ་ཚེ་ འདིའི་ཕུང་པོ་ལྔ་མ་སྤངས་པ་དེ་སྲིད་ཕུང་པོ་ལ་གཤེད་མ་མཚོན་ཐོགས་པ་ཕྱི་བཞིན་འབྲང་ བ་དང༌། ཁམས་བཞི་ལ་སྦྲུལ་གདུག་བཞི་ཕྲག་ལ་ཐོགས་པ་ལྟར་འདུ་བྱེད་ཀྱི་སྡུག་བསྔལ་ གྱིས་ཀུན་ཏུ་འཇིགས་པས། འབྲུ་མར་གང་བའི་སྣོད་བསྐུར་ཏེ། །ཞེས་སོགས་ལྟར་ཉམ་ང་ བ་ཡོད་པས་དེ་དང་བྲལ་ཏེ་བསམ་གཏན་དང་རྣམ་པར་ཐར་པའི་བདེ་བས་ཚིམ་པར་གྱུར་ ཅིག་པའི་དོན་ཏོ།། 708 ཡོངས་སུ་བསྔོ་བ་བསྟན་པ། གཉིས་པ་ཞར་ལ་རང་དོན་དུ་བསྔོ་བ་ནི།། བདག་ཀྱང་འཇམ་དབྱངས་བཀའ་དྲིན་གྱིས།། ས་རབ་དགའ་བ་ཐོབ་བར་དུ།། ༥༠ རྟག་ཏུ་ཚེ་རབས་དྲན་པ་དང༌།། རབ་ཏུ་འབྱུང་བ་འཐོབ་པར་ཤོག། ཅེས་གསུངས་ཏེ། དེ་ཡང་ཁེངས་སྐྱུང་ཞིང་གཞན་གྱི་ང་རྒྱལ་གཞོམ་པ་སྟེ། ཁ་ཅིག་མངོན་ པར་རྟོགས་པའི་ཡོན་ཏན་ཅུང་ཟད་ཀྱིས་ཁེངས་ཏེ་བདག་ནི་བརྟུལ་ཞུགས་གྲུབ་པའོ་ཞེས་ བསྙེམས་པ་དག་གཞོམ་པའི་ཕྱིར། བདག་ཀྱང་ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ་ གར་སྐྱེ་ཡང་ཚེ་རབས་དྲན་པ་དང་རབ་ཏུ་འབྱུང་བ་ཁོ་ནར་གྱུར་ཅིག ཅེས་གསུངས་ཏེ། སློབ་ དཔོན་གྱི་ངོ་མཚར་གྱི་བཀོད་པ་དེ་ལྟ་བུ་མཐོང་བ་དེ་ཡང་འདི་ལྟར་སྨོན་ལམ་མཛད་ན་བདག་ འདྲ་བ་ལྟ་ག་ལ་ཞིག་སྙམ་ནས་འཁོར་དེ་ནས་དྲེགས་པ་ཅན་མང་པོ་ཞིག་འདིས་བཏུལ་བར་ གདོན་མི་ཟའོ།། བདག་ནི་ཁ་ཟས་གྱི་ནས་ཀྱང༌།། ཉམས་དང་ལྡན་ཞིང་འཚོ་བར་ཤོག། ༥༡ ཚེ་རབས་ཀུན་ཏུ་དབེན་གནས་པ།། ཕུན་སུམ་ལྡན་པ་ཐོབ་གྱུར་ཅིག། 709 ཡོངས་སུ་བསྔོ་བ་བསྟན་པ། ཅེས་གསུངས་ཏེ། དེ་བཞིན་དུ་ཁམ་གྱིི་ཟས་ལ་མ་ལྟོས་ཤིང་སྒོ་གསུམ་བྱང་ཆུབ་ཀྱི་མི་མཐུན་ ཕྱོགས་ཀྱིས་དབེན་ཞིང་སངས་རྒྱས་ཀྱི་རྒྱུའི་ཡོན་ཏན་ཕུན་ཚོགས་འཐོབ་པར་འགྱུར་ཅིག་པའོ།། གང་ཚེ་ལྟ་བར་འདོད་པའམ།། ཅུང་ཟད་འདྲི་བར་འདོད་ན་ཡང༌།། ༥༢ མགོན་པོ་འཇམ་དབྱངས་དེ་ཉིད་ནི།། གེགས་མེད་པར་ཡང་མཐོང་བར་ཤོག། ཅེས་གསུངས་ཏེ། དུས་ཐམས་ཅད་དུ་འཇམ་དཔལ་ལ་སོགས་པའི་དགེ་བའི་བཤེས་གཉེན་ དང་མི་འབྲལ་ཞིང་དེའི་ངག་ཇི་ལྟ་བར་བསྒྲུབ་པར་གྱུར་ཅིག་པའོ།། ཕྱོགས་བཅུ་ནམ་མཁའི་མཐས་གཏུགས་པའི།། སེམས་ཅན་ཀུན་དོན་སྒྲུབ་པའི་ཕྱིར།། ༥༣ ཇི་ལྟར་འཇམ་དཔལ་སྤྱོད་མཛད་པ།། བདག་སོགས་སྤྱོད་པའང་དེ་འདྲར་ཤོག། ཅེས་གསུངས་ཏེ། སེམས་ཅན་ཐམས་ཅད་ཀྱི་དོན་དུ་འཇམ་དཔལ་དང༌། སྤྱན་རས་གཟིགས་ དང༌། ཀུན་ཏུ་བཟང་པོ་དང༌། ཕྱག་ན་རྡོ་རྗེ་དང༌། ནམ་མཁའ་མཛོད་དང༌། སངས་རྒྱས་མཐའ་ ཡས་པའི་མཚན་བཟུང་བ་ལས་དེ་དག་གི་མཚན་བཟུང་བ་ཕན་ཡོན་ཆེ་བར་གསུངས་པའི་ བྱང་ཆུབ་སེམས་དཔའ་བཞི་པོ་ཡེ་ཤེས་བླ་མ་དང༌། འོད་ཀྱི་ཏོག་དང༌། སྨོན་ལམ་བློ་གྲོ ས་ 710 ཡོངས་སུ་བསྔོ་བ་བསྟན་པ། དང༌། དབང་པོ་ཞི་བ་རྣམས་དང༌། གཞན་ཡང་བཟང་སྐྱོང་དང༌། ཕུག་སྦས་དང༌། འདམ་བུས་ བྱིན་ལ་སོགས་པ་སྐྱེས་བུ་དམ་པ་ལྔ་བརྒྱ་དང༌། སྐྱེས་བུ་དམ་པ་བཅུ་དྲུག་དང༌། བརྒྱད་དང༌། མདོར་ན་བྱང་ཆུབ་སེམས་དཔའ་མཐུ་བོ་ཆེ་དེ་ཐམས་ཅད་ཀྱི་སྤྱོད་པ་ནི་རེ་རེ་ལ་ཡང་ཀུན་གྱིས་ འཇུག་པས་ན་བདག་ཀྱང་དེ་ཐམས་ཅད་ཀྱི་མཛད་པ་ཇི་ལྟ་བ་བཞིན་དུ་བདག་ཉིད་རྟག་པར་ སྤྱོད་པར་འགྱུར་ཅིག་པའོ།། ཇི་སྲིད་ནམ་མཁའ་གནས་པ་དང༌།། འག ྲོ་བ་ཇི་སྲིད་གནས་གྱུར་པ།། ༥༤ དེ་སྲིད་བདག་ནི་གནས་གྱུར་ཏེ། འག ྲོ་བའི་སྡུག་བསྔལ་སེལ་བར་ཤོག། ཅེས་གསུངས་ཏེ། སྤྱོད་པ་དེ་ཐམས་ཅད་ཀྱང་ནམ་མཁའི་མཐའ་ཇི་ཙམ་པ་དང་སེམས་ཅན་ གྱི་མཐའ་ཇི་ཙམ་པ་དེ་ཙམ་དུ་དུས་དང་རྒྱར་ཆད་པ་མེད་པས་འགྲོ་བ་ཐམས་ཅད་ཀྱི་མདུན་ ན་བདག་ཉིད་གནས་ཏེ། སྡུག་བསྔལ་ཐམས་ཅད་སེལ་ཞིང་བདེ་བ་ཐམས་ཅད་སྦྱིན་པར་བྱེད་ པར་འགྱུར་ཅིག་པའོ།། འག ྲོ་བའི་སྡུག་བསྔལ་གང་ཅིའང་རུང།། དེ་ཀུན་བདག་ལ་སྨིན་གྱུར་ཅིག། ༥༥ བྱང་ཆུབ་སེམས་དཔའི་དགེ་འདུན་གྱིས།། འག ྲོ་བ་བདེ་ལ་འགོད་པར་ཤོག། 711 ཡོངས་སུ་བསྔོ་བ་བསྟན་པ། ཅེས་གསུངས་ཏེ། བདག་གི་བདེ་བ་དང་གཞན་གྱི་སྡུག་བསྔལ་བརྗེ་བ་མངོན་སུམ་དུ་འགྲུབ་ ཅིང༌། མདོར་ན་བདག་ལ་སོགས་པ་བྱང་ཆུབ་སེམས་དཔའ་ཐམས་ཅད་ཀྱི་དགེ་བའི་མཐུ་ ཀུན་གཅིག་ཏུ་བསྡོམས་ཏེ་སེམས་ཅན་ཐམས་ཅད་གནས་སྐབས་དང་མཐར་ཐུག་གི་བདེ་བ་ ཐམས་ཅད་ལ་འགོད་པར་བསྔོས་པའོ།། གསུམ་པ་བསྟན་པའི་དོན་དུ་བསྔོ་བ་ནི།། འག ྲོ་བའི་སྡུག་བསྔལ་སྨན་གཅིག་པུ།། བདེ་བ་ཐམས་ཅད་འབྱུང་བའི་གནས།། ༥༦ བསྟན་པ་རྙེད་དང་བཀུར་བསྟི་དང༌།། བཅས་ཏེ་ཡུན་རིང་གནས་གྱུར་ཅིག། ཅེས་གསུངས་ཏེ། འགྲོ་བ་ཐམས་ཅད་ཀྱི་སྡུག་བསྔལ་རྒྱུ་དང་བཅས་པ་སེལ་བའི་ཕྱིར་སྨན་ གྱི་དམ་པ་དང་གནས་སྐབས་འཁོར་བའི་བདེ་འབྲས་དང་མཐར་ཐུག་གི་བདེ་བ་བྱང་ཆུབ་ དམ་པ་གང་ལས་འབྱུང་བའི་གནས་ནི་སངས་རྒྱས་ཀྱི་བསྟན་པ་དམ་པའི་ཆོས་གཅིག་པུ་ ཁོ་ན་སྟེ། དེའི་ཕྱིར་ལུང་གི་བསྟན་པ་སྡེ་སྣོད་གསུམ་ནི། ཀློག་པ་དང༌། ཁ་ཏོན་གྱིས་རབ་ ཏུ་རྒྱས་ཤིང་མི་ནུབ་ལ། རྟོགས་པའི་བསྟན་པ་བསླབ་པ་གསུམ་ནི། རྩེ་གཅིག་ཏུ་ཚུལ་ བཞིན་སྒྲུབ་པ་ལྷུར་བྱེད་པས་རབ་ཏུ་རྒྱས་ཤིང་དེ་དག་གི་རྟེན་ལུང་གི་གླེགས་བམ་དང་སྐུ་ 712 ཡོངས་སུ་བསྔོ་བ་བསྟན་པ། གཟུགས་དང་མཆོད་རྟེན་དང་དམ་པའི་ཆོས་འཛིན་པའི་གང་ཟག་ཆོས་སྨྲ་བར་བཅས་པ་ ཐམས་ཅད་ལ་ཡང་ལྷ་རྣམས་ཀྱིས་ཆེར་བསྔགས་པ་དང༌། མེ་ཏོག་དང་སྤོས་ཆུ་དང་ཙནྡ་ ནའི་ཕྱེ་མའི་ཆར་ལ་སོགས་པས་མཆོད་པ་དང༌། ཀླུ་དང་གནོད་སྦྱིན་དང་དྲི་ཟ་དང་ལྟོས་ འཕྱེ་ལ་སོགས་པ་འགྲོ་བ་ཐམས་ཅད་ཀྱིས་མཆོད་ཅིང་བསྔགས་པ་དང༌། གང་མི་རྣམས་ཀྱི་ ནང་ན་རྒྱལ་པོ་དང༌། རྒྱལ་ཕྲན་དང༌། བཙུན་མོ་དང༌། བློན་པོ་དང༌། བྲམ་ཟེ་དང༌། རྒན་ རབས་དང༌། ཡུལ་མིར་བཅས་པ་དང༌། ཆོས་འདི་ལས་ཕྱི་རོལ་པའི་དགེ་སྦྱོང་རྣམས་ཀྱིས་ ཀྱང་གཙུག་ཏུ་གུས་པར་བཀུར་ཞིང་མཆོད་པའི་ཡོ་བྱད་ཀྱི་ཁྱད་པར་མཐའ་ཡས་པས་རྟག་ ཏུ་མཆོད་པ་དང་བཅས་ཏེ། ཛམྦུའི་གླིང་འདི་དང་སངས་རྒྱས་ཀྱི་ཞིང་ཐམས་ཅད་དང་ལྷ་ཀླུ་ ལ་སོགས་པའི་འགྲོ་བའི་གནས་ཐམས་ཅད་དུ་ཡང་ནམ་ཡང་ནུབ་པ་མེད་པས་གནས་པར་ གྱུར་ཅིག་པའོ།། གཉིས་པ་བཀའ་དྲིན་དྲན་པའི་ཕྱག་གིས་བསྟན་བཅོས་ཀྱི་མཐའ་བསྡུ་བ་ནི། གང་གི་དྲིན་གྱིས་དགེ་བློ་བྱུང༌།། འཇམ་པའི་དབྱངས་ལ་ཕྱག་འཚལ་ལོ།། ༥༧ གང་གི་དྲིན་གྱིས་བདག་དར་བ།། དགེ་བའི་བཤེས་ལའང་བདག་ཕྱག་འཚལ།། 713 ཡོངས་སུ་བསྔོ་བ་བསྟན་པ། ཞེས་གསུངས་ཏེ། ཡོན་ཏན་ཐམས་ཅད་དགེ་བའི་བཤེས་གཉེན་ལས་བྱུང་བར་སྟོན་པ་དང་ བྱས་པ་ཤེས་ཤིང་དྲིན་དུ་གཟོ་བ་ནི་དམ་པའི་བྱ་བར་སྟོན་པའི་ཕྱིར་དང༌། བདག་གིས་འདི་ ལྟ་བུ་ཤེས་སོ་ཞེས་ང་རྒྱལ་མི་མངའ་བ་ཉིད་ཀྱིས་དེ་ཐམས་ཅད་དགེ་བའི་བཤེས་གཉེན་གྱི་ དྲིན་དུ་མཁྱེན་པས་བསྟན་བཅོས་ཀྱི་ཐ་མར་དགེ་བར་ཡང་དགེ་བའི་བཤེས་གཉེན་ལ་ཆེད་ དུ་བརྗོད་པས་བསྔགས་པ་སྟེ། སློབ་དཔོན་ཉིད་ལ་དགེ་བའི་བློ་བྱང་ཆུབ་ཀྱི་སེམས་དང་ པོར་སྐྱེས་པ་དང༌། མཐར་དེ་ཁོ་ན་ཉིད་རྟོགས་པའི་བར་ཐམས་ཅད་འཇམ་དཔལ་གྱིས་བྱིན་ གྱིས་བརླབས་པ་ཁོ་ནའི་ཕྱིར་དེ་ཉིད་ལ་ཕྱག་འཚལ་བ་དང༌། རབ་ཏུ་བྱུང་བ་དང་དགེ་སློང་ གི་བསླབ་པ་སོགས་སྟེར་བས་ཐུགས་ཀྱི་དགེ་བ་དར་བར་མཛད་པ་མཁན་པོ་རྒྱལ་བའི་ ལྷ་ལ་སོགས་པའི་དགེ་བའི་བཤེས་གཉེན་རྣམས་ལ་ཡང་བཀའ་དྲིན་དྲན་པའི་ཕྱག་མཛད་ པའོ། །བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། བསྔོ་བ་བསྟན་པ་ཞེས་བྱ་བ་སྟེ་ ལེའུ་བཅུ་པ་རྣམ་པར་ཕྱེ་བའོ།། གསུམ་པ་ཐ་མར་དགེ་བ་བསྟན་བཅོས་ཀྱི་མཇུག་བསྡུ་བ་ནི། བྱང་ཆུབ་སེམས་དཔའི་སྤྱོད་པ་ལ་འཇུག་པ་སློབ་དཔོན་ཤཱནྟ་དེ་ཝས་མཛད་པ་རྫོགས་སོ།། ཞེས་མཛད་བྱང་དང༌། རྒྱ་གར་གྱི་མཁན་པོ་སརྦ་ཛྙཱ་དེ་ཝ་སྟེ་ཐམས་ཅད་མཁྱེན་པའི་ལྷ་དང༌། ཞུས་ཆེན་གྱི་ལོ་ ཙཱ་བ་བནྡྷེ་དཔལ་བརྩེགས་ཀྱིས་ཁ་ཆེའི་དཔེ་དང་བསྟུན་ནས་ཞུས་ཏེ། འདི་ནི་སྤྱིར་ཆོས་ 714 ཡོངས་སུ་བསྔོ་བ་བསྟན་པ། རྒྱལ་ཁྲི་སྲོང་གི་དུས་བསྒྱུར་ནས་ཕྱིས་མངའ་བདག་ཁྲི་རལ་གྱི་དུས་གསར་བཅད་ཀྱིས་ གཏན་ལ་ཕབ་པའོ།། སླར་པཎྜི་ཏ་དྷརྨ་ཤྲི་བྷ་ཏྲ་ཆོས་དཔལ་བཟང་པོ་དང༌། ཞུས་ཆེན་གྱི་ལོ་ཙཱ་བ་བནྡྷེ་རིན་ ཆེན་བཟང་པོ་དང་ཤཱཀྱ་བློ་གྲོས་ཀྱིས་ཡུལ་དབུས་ཀྱི་དཔེ་དང་འགྲེལ་བ་དང་བསྟུན་ཏེ་བསྒྱུར་ ལ། ཕྱིས་བལ་ཡུལ་གྱི་པཎྜི་ཏ་སུ་མ་ཏི་ཀིརྟི་ལེགས་པའི་བློ་གྲོ ས་གྲགས་པ་དང༌། རྔོག་ལོ་ཙཱ་ བ་བློ་ལྡན་ཤེས་རབ་ཀྱིས་འགྲེལ་པ་དང་བསྟུན་ནས་བསྒྱུར་བཅོས་པ་སྟེ། དེ་རེ་རེ་ཞིང་ཡང་ རྒྱ་སྐད་ལས་བོད་སྐད་དུ་བསྒྱུར། སྐད་གཉིས་ཅར་དུ་ཕན་ཚུན་བཀླགས་ཏེ་ཞུས་ཆེན་བགྱིས། དེ་ནས་བཤད་ཉན་གྱིས་གཏན་ལ་ཕབ་སྟེ་དར་ཞིང་རྒྱས་པར་མཛད་པ་སྟེ་འགྲེལ་པས་ཀྱང་ དཔྱིས་ཕྱིན་པར་གཏན་ལ་ཕབ་པ་ལེགས་པར་གྲུབ་བོ།། ཞེས་པ་འདི་ཡང་དཔའ་བོ་གཙུག་ལག་ཕྲེང་བས་མཛད་པའི་སྤྱོད་འཇུག་གི་འགྲེལ་ཆེན་ ཉིད་དུ། རྒྱ་འགྲེལ་གྱི་བཞེད་པ་མི་འདྲ་བ་རྣམས་ཕྱོགས་བསྡུས་གནང་བ་དང༌། མདོ་དང་ བསྟན་བཅོས་ཀྱི་དགོངས་པ་རྒྱ་ཆེ་བ་རྣམས་ཚིགས་བཅད་དུ་བསྒྲིགས་ནས་བློ་ལ་འཛིན་ བདེ་བར་མཛད། རང་ལུགས་ཐུན་མོང་མ་ཡིན་པའི་གནད་རྣམས་སྤྱི་དོན་གྱིས་གསལ་བར་ ཕྱེས་ཏེ། རྣམ་དཔྱོད་ཕུན་སུམ་ཚོགས་ཤིང་ཞལ་གསལ་ཉམས་ཕན་ཆེ་བས་མགོན་པོ་གང་གི་ གསུང་སོར་བཞག་ཐོག་དཔེ་ཆ་བ་གསར་བུ་ལས་དང་པོ་པ་རྣམས་འཇུག་བདེ་བའི་ཆེད་དུ། ཁྲ་འགུ་བས་རྩ་བའི་ཚིག་འགྲེལ་ཁོ་ན་ཕྱོགས་བསྒྲིག་བྱེད་འཆར་ལྟར། རང་སློབ་མཁན་པོ་ 715 ཡོངས་སུ་བསྔོ་བ་བསྟན་པ། ཤེས་རབ་ཕུན་ཚོགས་ཀྱིས་ཐོན་གསར་རིག་མཛོད་ལས་འདོན་འཇུག་བཅས་གྲུབ་པར་བྱས་ པས། ཐོས་བསམ་སྒོམ་གསུམ་ལ་བརྩོན་པ་རྣམས་ཀྱི་ཡོན་ཏན་འཕེལ་ཞིང་རྒྱས་པའི་རྒྱུར་ སྨོན་པ་ལགས་སོ།། །། མཁས་པའི་རྣམ་དཔྱོད་སྤེལ་བའི་ཆེད་མིན་པས།། མཁས་དབང་དམ་པ་རྣམས་ཀྱིས་བཟོད་པར་མཛོད།། དང་པོའི་ལས་ཅན་མཁས་པར་འགྱུར་བའི་ཕྱིར།། བྲིས་འདིས་དེ་རྣམས་མཁས་པའི་རྒྱུར་གྱུར་ཅིག།

སརྦ་མངྒལཾ།།