Texts/Bslab btus kyi legs 'grel/Full text

བསླབ་བཏུས་ཀྱི་ལེགས་འགྲེལ།

bslab btus kyi legs 'grel

An Elegant Commentary on the Compendium of Instructions

FULL TEXT

Descriptionངོ་སྤྲོད།

བསླབ་པ་ཀུན་ལས་བཏུས་ཀྱི་ལུས་རགས་པར་ཕྱེ་བའི་ལེ་འགྲེལ་འདིར། <<བྱང་ཆུབ་སེམས་དཔའི་སྤྱོད་པ་ལ་འཇུག་པ་>>དང་ཤིན་ཏུ་མཐུན་པར་<<བསླབ་པ་ཀུན་ལས་བཏུས་པའི་>>གཞུང་གི་ལེའུ་དག་གིས་ཀྱང་ལམ་ཕར་ཕྱིན་དྲུག་ལ་ཉམས་སུ་ལེན་པའི་རིམ་པ་ཆོས་བཅུ་གཉིས་ཀྱི་སྒོ་ནས་སྟོན་ཚུལ་ངོ་སྤྲོད་མཛད་ཡོད།

Reference	Glo bo mkhan chen bsod nams lhun grub (གློ་བོ་མཁན་ཆེན་བསོད་ནམས་ལྷུན་གྲུབ). bslab btus kyi legs 'grel [བསླབ་བཏུས་ཀྱི་ལེགས་འགྲེལ།]. [An Elegant Commentary on the Compendium of Instructions].
People	Lowo Khenchen Sönam Lhundrub

Tibetan · Tsadra Version

Tibetan

[edit]

Input by Khenpo Tamphel for Tsadra Foundation
Read this text with translation by adding the Dharmamitra Chrome extension to your browser: Dharmamitra
Legend	Headers Root Commentary Quotes

༈ བསླབ་བཏུས་ཀྱི་ལེ་འགྲེལ་བཞུགས་སོ།། སྲིད་དང་ཞི་བའི་དཔལ་གྱིས་གང་གི་ཐུགས། །རབ་མཛེས་འཇམ་དབྱངས་གཞོན་ནུའི་ཡེ་ཤེས་སྐུ། །མཐའ་ཡས་ཡོན་ཏན་ཚོགས་ལ་དབང་འབྱོར་བའི། །སྐྱེ་དགུའི་ཉེར་འཚོ་རྒྱལ་སྲས་མཆོག་ལ་འདུད། །འདིས་མཛད་པའི་བསླབ་པ་ཀུན་ལས་བཏུས་པ་ལ་གསུམ་སྟེ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །གཉིས་པ་ལ་གསུམ་སྟེ། བསླབ་པ་མདོར་བསྟན། བསླབ་པ་རྒྱས་པར་བཤད། བསླབ་པའི་དོན་བསྡུ་བའོ། །གཉིས་པ་ལ། ལེའུ་བཅུ་དྲུག་ཡོད་པའི་དོན་རྣམས་གཏང་། བསྲུང་། དག། སྤེལ་གྱི་ཆོས་བཞི་གསུམ་བཅུ་གཉིས་ཀྱིས་བསྡུས་ཤིང་ཕར་ཕྱིན་དྲུག་དང་སྦྱར་ནས་བསྟན་པ་ལ། ལེའུ་དང་པོ་སྦྱིན་པའི་ཕར་ཕྱིན་གྱིས་གཏོང་བ་གསུམ་{སྦྱིན་པ་}བསྟན། ལེའུ་གཉིས་པ་{འདི་མན་ཚུལ་ཁྲིམས་}ནས་དྲུག་པའི་བར་ལྔས་བསྲུང་བ་བསྟན། ལེའུ་བདུན་པས་ལོངས་སྤྱོད་དང་བསོད་ནམས་བསྲུང་བ་བསྟན། དག་པ་ལ་གསུམ་ལས། ལུས་དག་པ་ལ་གཉིས་ཏེ། སྡིག་པ་སྦྱོང་བ་དང་། ཉོན་མོངས་པ་སྦྱོང་བའོ། །དང་པོ་ནི། ལེའུ་བརྒྱད་པས་བསྟན། གཉིས་པ་ནི་ལེའུ་དགུ་པ་ནས་བཅུ་བཞི་པའི་བར་དྲུག་གིས་བསྟན། ལོངས་སྤྱོད་དང་བསོད་ནམས་དག་པ་ལེའུ་བཅོ་ལྔ་པས་བསྟན། བཞི་པ་སྤེལ་བ་ལ་གསུམ་ལས། ལུས་དང་ལོངས་སྤྱོད་སྤེལ་བ་ནི། ལེའུ་བཅུ་དྲུག་པའི་བམ་པོ་གཉིས་པོ་ཞེས་པས་བསྟན། དེ་མན་ནས་ལེའུ་བཅུ་དགུ་པའི་རྒྱ་ཆེར་ནི་སངས་རྒྱས་ཀྱི་ཡུལ་ཉིད་ཡིན་ནོ། །ཞེས་པའི་བར་གྱིས་བསོད་ནམས་སྤེལ་བར་བསྟན་ཏོ། །ལེའུ་དང་པོ་གོ་སླ་ལ། གཉིས་པ་ནས་དྲུག་པའི་བར་ལྔས་ལུས་བསྲུང་བ་ལ། དངོས་དང་། དེའི་ཐབས་གསུམ་བསྟན་པའོ། །དང་པོ་ལ་གཉིས་ཏེ། རབ་བྱུང་གི་བསླབ་བྱ། ཁྱིམ་པའི་བསླབ་བྱའོ། །དེའི་དང་པོ་ལ་ལྔ་སྟེ། ཆོས་འཛིན་པ། བདུད་ལས་སྤོང་བ། མི་དགེ་བའི་བཤེས་གཉེན་སྤོང་བ། བྱང་སེམས་འདོར་བ་སྤོང་བ། འཁྲུལ་པའི་ཉེས་པ་སྤོང་བའོ། །ཁྱིམ་པའི་བསླབ་བྱ་ལ་གཉིས་ཏེ། གནོད་པ་དངོས་དང་། དེ་སྤོང་ཐབས་སོ། །དང་པོ་ལ་གསུམ་སྟེ། མི་ཁོམ་པའི་གནོད་པ། མི་དགེ་བ་བཅུའི་གནོད་པ། བྱང་སེམས་ལ་ལོག་སྒྲུབ་དང་། ཆོས་སྤོང་གི་གནོད་པའོ། །ལེའུ་བཞི་པའོ། །གཉིས་པ་སྤོང་བའི་ཐབས་ནི་ལེའུ་ལྔ་པས་བསྟན། ལེའུ་དྲུག་པའི་ལུས་བསྲུང་བའི་ཐབས་ལ་གསུམ་སྟེ། དྲན་ཤེས་བཞིན་གྱིས་བསྲུང་བ། གཞན་མ་དད་པ་སྤང་བས་བསྲུང་བ། སྨན་སོགས་བསྟེན་པས་བསྲུང་བའོ། །དག་པ་གསུམ་གྱི་ལུས་དག་པའི་ཕྱོགས་སུ་སྡིག་པ་སྦྱོང་བ་ནི་ལེའུ་བརྒྱད་པས་བསྟན། {འདི་ཡན་ཚུལ་ཁྲིམས་ཡིན་} ཕྱོགས་གཉིས་པ་ཉོན་མོངས་པ་སྦྱོང་བ་ནི། ལེའུ་དགུ་པ་ནས་བཅུ་བཞི་པའི་བར་དྲུག་གིས། བཟོད་པ་ལ་ལེའུ་གཅིག། བརྩོན་འགྲུས་ལ་ལེའུ་གཅིག། བསམ་གཏན་ལ་ལེའུ་གཉིས། ཤེས་རབ་ལ་ལེའུ་གཉིས་ཏེ་དྲུག་གོ། བཟོད་བརྩོན་གཉིས་གོ་སླ་ལ། བསམ་གཏན་ལ་གཉིས་ཏེ། སྤྱིའི་རྣམ་གཡེང་སྤོང་བ། སྤངས་ནས་ཏིང་ངེ་འཛིན་བསྒོམ་པའོ། །དང་པོས་ནི་དགོན་པར་གནས་པའི་ལེའུ་བསྟན། གཉིས་པ་ལ་གཉིས་ཏེ། ཞི་གནས་བསྒོམ་པ་དང་། ལྷག་མཐོང་བསྒོམ་པའོ། །དང་པོ་ལའང་བཞི་སྟེ། རྣམ་གཡེང་གི་གཉེན་པོར་སྐྱེ་རྒ་ན་འཆི་བསྒོམ་པ། འདོད་ཆགས་ལ་མི་སྡུག་པ་བསྒོམ་པ། ཞེ་སྡང་ལ་བྱམས་པ་བསྒོམ་པ། གཏི་མུག་ལ་རྟེན་འབྲེལ་བསྒོམ་{ལེའུ་བཅུ་གཉིས་པས་བསྟན། འདི་ཡན་བསམ་གཏན་}པའོ། །གཉིས་པ་ལྷག་མཐོང་། ཤེས་རབ་ལ་གཉིས་ཏེ། གང་ཟག་གི་བདག་མེད་བསྒོམ་པ་དང་། ཆོས་ཀྱི་བདག་མེད་བསྒོམ་པའོ། །དང་པོ་ལེའུ་བཅུ་གསུམ་པས་བསྟན། གཉིས་པ་ནི་ལེའུ་བཅུ་བཞི་པས་བསྟན་པ་ཡིན་ནོ། །དེ་ལྟར་ན་ཕར་ཕྱིན་དྲུག་ལ་ཉམས་སུ་ལེན་པའི་རིམ་པ་ཆོས་བཅུ་གཉིས་ཀྱི་སྒོ་ནས་བསྟན་པ་ཡིན་པས་སྤྱོད་པ་ལ་འཇུག་དང་ཤིན་མཐུན་པ་ཡིན་པར་ཤེས་པར་བྱའོ། །བསླབ་པ་ཀུན་ལས་བཏུས་ཀྱི་ལུས་རགས་པར་ཕྱེ་བ་འདི་གོ་སླ་བར་བྱ་བའི་ཕྱིར་བྲིས་ཏེ། ལེ་འགྲེལ་ལོགས་སུ་ཤེས་པར་བྱའོ།། མངྒལཾ།། །།

[edit]

Date	2024-07-02
Read this text with translation by adding the Dharmamitra Chrome extension to your browser: Dharmamitra
Legend	Headers Root Commentary Quotes

༈ བསླབ་བཏུས་ཀྱི་ལེ་འགྲེལ་བཞུགས་སོ། ། སྲིད་དང་ཞི་བའི་དཔལ་གྱིས་གང་གི་ཐུགས། །རབ་མཛེས་འཇམ་དབྱངས་གཞོན་ནུའི་ཡེ་ཤེས་སྐུ། །མཐའ་ཡས་ཡོན་ཏན་ཚོགས་ལ་དབང་འབྱོར་བའི། །སྐྱེ་དགུའི་ཉེར་འཚོ་རྒྱལ་སྲས་མཆོག་ལ་འདུད། །འདིས་མཛད་པའི་བསླབ་པ་ཀུན་ལས་བཏུས་པ་ལ་གསུམ་སྟེ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །གཉིས་པ་ལ་གསུམ་སྟེ། བསླབ་པ་མདོར་བསྟན། བསླབ་པ་རྒྱས་པར་བཤད། བསླབ་པའི་དོན་བསྡུ་བའོ། །གཉིས་པ་ལ། ལེའུ་བཅུ་དྲུག་ཡོད་པའི་དོན་རྣམས་གཏང་། བསྲུང་། དག། སྤེལ་གྱི་ཆོས་བཞི་གསུམ་བཅུ་གཉིས་ཀྱིས་བསྡུས་ཤིང་ཕར་ཕྱིན་དྲུག་དང་སྦྱར་ནས་བསྟན་པ་ལ། ལེའུ་དང་པོ་སྦྱིན་པའི་ཕར་ཕྱིན་གྱིས་གཏོང་བ་གསུམ་{སྦྱིན་པ་}བསྟན། ལེའུ་གཉིས་པ་{འདི་མན་ཚུལ་ཁྲིམས་}ནས་དྲུག་པའི་བར་ལྔས་བསྲུང་བ་བསྟན། ལེའུ་བདུན་པས་ལོངས་སྤྱོད་དང་བསོད་ནམས་བསྲུང་བ་བསྟན། དག་པ་ལ་གསུམ་ལས། ལུས་དག་པ་ལ་གཉིས་ཏེ། སྡིག་པ་སྦྱོང་བ་དང་། ཉོན་མོངས་པ་སྦྱོང་བའོ། །དང་པོ་ནི། ལེའུ་བརྒྱད་པས་བསྟན། གཉིས་པ་ནི་ལེའུ་དགུ་པ་ནས་བཅུ་བཞི་པའི་བར་དྲུག་གིས་བསྟན། ལོངས་སྤྱོད་དང་བསོད་ནམས་དག་པ་ལེའུ་བཅོ་ལྔ་པས་བསྟན། བཞི་པ་སྤེལ་བ་ལ་གསུམ་ལས། ལུས་དང་ལོངས་སྤྱོད་སྤེལ་བ་ནི། ལེའུ་བཅུ་དྲུག་པའི་བམ་པོ་གཉིས་པོ་ཞེས་པས་བསྟན། དེ་མན་ནས་ལེའུ་བཅུ་དགུ་པའི་རྒྱ་ཆེར་ནི་སངས་རྒྱས་ཀྱི་ཡུལ་ཉིད་ཡིན་ནོ། །ཞེས་པའི་བར་གྱིས་བསོད་ནམས་སྤེལ་བར་བསྟན་ཏོ། །ལེའུ་དང་པོ་གོ་སླ་ལ། གཉིས་པ་ནས་དྲུག་པའི་བར་ལྔས་ལུས་བསྲུང་བ་ལ། དངོས་དང་། དེའི་ཐབས་གསུམ་བསྟན་པའོ། །དང་པོ་ལ་གཉིས་ཏེ། རབ་བྱུང་གི་བསླབ་བྱ། ཁྱིམ་པའི་བསླབ་བྱའོ། །དེའི་དང་པོ་ལ་ལྔ་སྟེ། ཆོས་འཛིན་པ། བདུད་ལས་སྤོང་བ། མི་དགེ་བའི་བཤེས་གཉེན་སྤོང་བ། བྱང་སེམས་འདོར་བ་སྤོང་བ། འཁྲུལ་པའི་ཉེས་པ་སྤོང་བའོ། །ཁྱིམ་པའི་བསླབ་བྱ་ལ་གཉིས་ཏེ། གནོད་པ་དངོས་དང་། དེ་སྤོང་ཐབས་སོ། །དང་པོ་ལ་གསུམ་སྟེ། མི་ཁོམ་པའི་གནོད་པ། མི་དགེ་བ་བཅུའི་གནོད་པ། བྱང་སེམས་ལ་ལོག་སྒྲུབ་དང་། ཆོས་སྤོང་གི་གནོད་པའོ། །ལེའུ་བཞི་པའོ། །གཉིས་པ་སྤོང་བའི་ཐབས་ནི་ལེའུ་ལྔ་པས་བསྟན། ལེའུ་དྲུག་པའི་ལུས་བསྲུང་བའི་ཐབས་ལ་གསུམ་སྟེ། དྲན་ཤེས་བཞིན་གྱིས་བསྲུང་བ། གཞན་མ་དད་པ་སྤང་བས་བསྲུང་བ། སྨན་སོགས་བསྟེན་པས་བསྲུང་བའོ། །དག་པ་གསུམ་གྱི་ལུས་དག་པའི་ཕྱོགས་སུ་སྡིག་པ་སྦྱོང་བ་ནི་ལེའུ་བརྒྱད་པས་བསྟན། {འདི་ཡན་ཚུལ་ཁྲིམས་ཡིན་} ཕྱོགས་གཉིས་པ་ཉོན་མོངས་པ་སྦྱོང་བ་ནི། ལེའུ་དགུ་པ་ནས་བཅུ་བཞི་པའི་བར་དྲུག་གིས། བཟོད་པ་ལ་ལེའུ་གཅིག། བརྩོན་འགྲུས་ལ་ལེའུ་གཅིག། བསམ་གཏན་ལ་ལེའུ་གཉིས། ཤེས་རབ་ལ་ལེའུ་གཉིས་ཏེ་དྲུག་གོ། བཟོད་བརྩོན་གཉིས་གོ་སླ་ལ། བསམ་གཏན་ལ་གཉིས་ཏེ། སྤྱིའི་རྣམ་གཡེང་སྤོང་བ། སྤངས་ནས་ཏིང་ངེ་འཛིན་བསྒོམ་པའོ། །དང་པོས་ནི་དགོན་པར་གནས་པའི་ལེའུ་བསྟན། གཉིས་པ་ལ་གཉིས་ཏེ། ཞི་གནས་བསྒོམ་པ་དང་། ལྷག་མཐོང་བསྒོམ་པའོ། །དང་པོ་ལའང་བཞི་སྟེ། རྣམ་གཡེང་གི་གཉེན་པོར་སྐྱེ་རྒ་ན་འཆི་བསྒོམ་པ། འདོད་ཆགས་ལ་མི་སྡུག་པ་བསྒོམ་པ། ཞེ་སྡང་ལ་བྱམས་པ་བསྒོམ་པ། གཏི་མུག་ལ་རྟེན་འབྲེལ་བསྒོམ་{ལེའུ་བཅུ་གཉིས་པས་བསྟན། འདི་ཡན་བསམ་གཏན་}པའོ། །གཉིས་པ་ལྷག་མཐོང་། ཤེས་རབ་ལ་གཉིས་ཏེ། གང་ཟག་གི་བདག་མེད་བསྒོམ་པ་དང་། ཆོས་ཀྱི་བདག་མེད་བསྒོམ་པའོ། །དང་པོ་ལེའུ་བཅུ་གསུམ་པས་བསྟན། གཉིས་པ་ནི་ལེའུ་བཅུ་བཞི་པས་བསྟན་པ་ཡིན་ནོ། །དེ་ལྟར་ན་ཕར་ཕྱིན་དྲུག་ལ་ཉམས་སུ་ལེན་པའི་རིམ་པ་ཆོས་བཅུ་གཉིས་ཀྱི་སྒོ་ནས་བསྟན་པ་ཡིན་པས་སྤྱོད་པ་ལ་འཇུག་དང་ཤིན་མཐུན་པ་ཡིན་པར་ཤེས་པར་བྱའོ། །བསླབ་པ་ཀུན་ལས་བཏུས་ཀྱི་ལུས་རགས་པར་ཕྱེ་བ་འདི་གོ་སླ་བར་བྱ་བའི་ཕྱིར་བྲིས་ཏེ། ལེ་འགྲེལ་ལོགས་སུ་ཤེས་པར་བྱའོ།། མངྒལཾ།། །།