017-Tsadra-BCA-Root-Tsadra_Edition/553 ID: 017-Tsadra-BCA-Root-Tsadra_Edition <br> Date: 15 October 2025 <br> Creator: Migmar;Kiran;Dawa;Gwen;Jeremi <br> Origin: Tsadra Foundation
Segment Data
| RootTextChapterNum | 8 |
|---|---|
| RootTextVerseNum | 39 |
| SegmentFormat | Root |
| SourcePageNumber | 105-1-25a |
| SourceSegmentOrder | 553 |
| Tibetan | འཇིག་རྟེན་འདི་དང་ཕ་རོལ་དུའང་། ། འདོད་པ་རྣམས་ནི་ཕུང་ཁྲོལ་བསྐྱེད། ། འདིར་ནི་བསད་དང་བཅིང་དང་གཅོད། ། ཕ་རོལ་དུ་ནི་དམྱལ་སོགས་སྒྲུབ། །131ཏུན་ཧོང་ཀ་པར་འདི་ནས་མར་གོ་རིམ་མི་འདྲ་བར་འདི་ལྟར་འབྱུང་། ‘འདོད་དོན་ངན་པ་ཁ་ཅིག་ནི། །ཉིན་རང་ལས་ཀྱིས་ཡོངས་དུབ་སྟེ། །ཁྱིམ་དུ་འོང་ནས་ཆད་པའི་ལུས། །རོ་དང་འདྲ་བར་ཉལ་བར་བྱེད། །ཁ་ཅིག་བྱེས་བསྐྲོད་ཉོན་མོངས་དང་། །རིང་དུ་སོང་བའྀ་སྡུག་བསྔལ་ཅན། །བུ་སྨད་འདོད་བཞིན་བུ་སྨད་རྣམས། །ཁྱུད་ཁོརད་ལོས་ཀྱང་མཐོང་མྱི་འགྱུརད། །ལ་ལ་རང་གི་ལུས་བཙོངས་ཤིང་། །དབང་མྱེད་གཞན་གྱིས་བཀོལ་གྱུརད་ཏེ། །ཆུང་མ་དག་ཀྱང་བུ་འབྱུང་ན། །ཤིང་དྲུང་དགོན་པར་བབ་བབ་འབྱུང་། །འདོད་པས་བསླུས་པའྀ་གླེན་པ་དག །འཚོ་འདོད་འཚོ་བར་བྱའོ་ཞེས། །སྲོག་སྟོར་དོགས་བཞིན་གཡུལ་དུ་འཇུག །ཁེ་ཕྱིར་བྲན་དུ་འགྲོ་བར་བྱེད། །འདོད་ལྡན་ལ་ལ་ལུས་ཀྱང་བཅད། །ཁ་ཅིག་གསལ་ཤིང་རྩེ་ལ་བཙུགས། །ཁ་ཅིག་མདུང་ཐུང་དག་གིས་བསྣུནད། །ཁ་ཅིག་བསྲེགས་པ་དག་ཀྱང་སྣང་། །བྱིས་པ་ནོར་སྤེལ་མྱྀ་ནུས་པས། །དར་ལ་བབ་ན་འདྀ་ཅིས་བདེ། །ནོར་སྩོགས་པ་ཡིས་ཚེ་གཏུགས་ན། །རྒས་ན་འདོད་པས་ཅྀ་ཞིག་བྱ། །འདོད་ལྡན་རྣམས་ལ་དེ་ལྟ་བུར། །ཉེས་དམྱིགས་མང་ལ་མནོང་ཆུང་སྟེ། །ཤིང་རྟ་འདྲེནད་པའི་ཕྱུགས་དག་གིས། །རྩྭ་ནྀ་ཁམ་འགའ་ཟོས་པ་བཞིན། །ཕྱུགས་ཀྱིས་བསྒྲུབས་ནའང་མྱི་དཀོན་བའི། །མནོག་ཆུང་གང་ཡིན་དེའི་དོན་དུ། །དལ་འབྱོར་ཕུན་སུམ་རྙེད་དཀའ་འདི། །ལས་ཀྱིས་མནརད་པ་རྣམས་ཀྱིས་བཅོམ། །འདོད་པ་ངེས་པར་འཇིག་འགྱུར་ཞིང་། །དམྱལ་ལམ་སྩོགས་པར་ལྷུང་བྱེད་པ། །ཆེན་པོ་མྱིན་ཕྱིར་དུས་ཀུན་དུ། །དུབ་པའྀ་ཚེགས་འབྱུང་གང་ཡིན་བ། །དེའི་བྱེ་བའི་ཆ་ཙམ་གྱིས། །ཚེགས་ཀྱིས་སངས་རྒྱས་ཉིད་འགྲུབ་ན། །འདོད་དོན་བྱང་ཅུབ་སྤྱོད་པ་བས། །སྡུག་བསྔལ་ཆེ་ལ་བྱང་ཅུབ་མྱེད། །དམྱལ་སྩོགས་སྡུག་བསྔལ་བསམ་བྱས་ན། །འདོད་པ་རྣམས་ལ་མཚོན་དང་ནི། །དུག་དང་མྱེ་དང་གཡང་ས་དང་། །དགྲ་རྣམས་ཀྱྀས་ཀྱང་དཔེར་མྱི་ཕོད། །འདོད་དོན་ངན་པ་རྨོངས་པ་རྣམས། །ཤིང་བལ་རེག་ན་འཇམ་བ་ལ་ཡང་། །ཉལ་པོ་བྱ་བར་མི་རུང་ཞེས། །དེ་ལ་ཁྲོ་བ་དག་དུ་བྱེད། །གང་ལ་གཡོགས་ན་འང་ཆགས་འགྱུརད་བ། །དེ་བཤུགས་ན་འང་ཅིས་མྱྀ་སྡུག །གལ་ཏེ་དེ་གོས་མྱེད་ཅེ་ན། །གཡོགས་པ་ཅྀ་ཕྱིར་འདོད་པར་བྱེད། །གལ་ཏེ་མྱི་གཙང་ཆགས་བྱེད་ན། །མྱི་གཙང་ཞིང་ལས་བྱུང་གྱུརད་ཅིང་། །དེ་ཡི་ས་བོན་མང་སྤངས་པའ། །གཞན་ཁྱོད་ཅི་ཕྱིར་ཕང་དུ་ཁྱུད། །མྱི་གཙང་ལས་བྱུང་མྱི་གཙང་སྲིན། །ཆུང་ངུ་འང་ཁྱོད་འདོད་མྱི་བྱེད་ལ། །མྱི་གཙང་མང་གི་རང་བཞིན་ལུས། །མྱི་གཙང་སྐྱེས་པ་འང་འདོད་པར་བྱེད། །ས་སྩོགས་མྱི་གཙང་གིས་གོས་པའ། །གལ་ཏེ་རེག་པར་མྱི་འདོད་ན། །གང་ལས་དེ་ནི་འབྱུང་བ་ཡི། །ལུས་ལ་ཅྀ་སྟེ་ཁྱོད་རེག་འདོད། །ཁྱོད་ནྀ་རང་གྀ་མྱི་གཙང་ལ། །སྨོད་མྱི་བྱེད་པར་མ་ཟད་ཀྱི། །མྱི་གཙང་རྐྱལ་པ་མྱྀ་གཙང་ལ། །བརྐམ་པ་གཞན་ཡང་འདོད་པར་བྱེད། །ག་པུར་ལས་སྩོགས་ཡིད་འོང་བའ། །འབྲས་ཆེན་དག་གམ་ཚོད་མ་འང་རུང་། །ཁར་བཅུག་ཕྱིར་ཕྱུང་བོར་བ་ཡི། །ས་ཡང་མྱི་གཙང་བརྩོག་པར་འགྱུར། །གལ་ཏེ་མྱི་གཙང་འདྀ་འདྲ་བ། །མངོན་སུམ་གྱུརད་ཡང་ཐེ་ཚོམ་ན། །དུར་ཁྲོད་དག་དུ་བོར་བའྀ་ལུས། །མྱྀ་སྡུག་གཞན་ཡང་བལྟ་བར་གྱིས། །གང་ཞིག་པགས་པའྀ་ཁ་ཕྱེ་ན། །འཇིགས་པ་ཆེན་པོ་སྐྱེ་འགྱུར་བར། །ཤེས་ཀྱང་ཅྀ་ལྟར་དེ་ཉིད་ལ། །ཕྱིར་ཞིང་དགའ་བ་སྐྱེ་བར་འགྱུརད། །ལུས་ལ་བསྐུས་པའྀ་དྲི་དེ་ཡང་། །ག་པུར་ལས་སྩོགས་ཡིན་གཞན་མྱྀན་ན། །གཞན་གྱྀ་དྲི་དེས་གཞན་དག་ལ། །ཅྀའི་ཕྱིར་ན་ཆགས་པར་བྱེད། །གལ་ཏེ་རང་བཞིན་དྲི་ང་བས། །འདྀ་ལ་མ་ཆགས་ལེགས་མྱིན་འང་། །འཇིག་རྟེན་དོན་མྱེད་སྲེད་པ་དག །ཅྀ་སྟེ་དེ་ལ་དྲྀ་ཞིམ་སྐུད། །དེ་བས་བྱིས་པའྀ་སྤྱོད་པས་ཆོག །བདག་གིས་མཁས་པའྀ་རྗེས་བསྙག་སྟེ། །བག་ཡོད་གཏམ་ནྀ་དྲན་བྱས་ནས། །གཉིད་དང་རྨུགས་པ་བཟློག་པར་བྱ། །རྒྱལ་སྲས་ཐུགས་རྗེ་ཆེ་རྣམས་ལ། །རིགས་པའི་སྲན་ནྀ་གཟུགས་བྱ་སྟེ། །ཉིན་མཚན་ཁྱད་པར་མ་འབད་ན། །བདག་གྀ་སྡུག་བསྔལ་ནམ་མཐརད་ཕྱིནད། །དེ་བས་བསྒྲིབ་པ་གསལ་བྱའི་ཕྱིར། །ལོག་པའི་ལམ་ལས་སེམས་བླནད་ཏེ། །ཡང་དག་དམྱིགས་ལ་རྟག་པར་ཡང་། །བདག་གིས་མཉམ་པར་བཞག་པར་བྱ། །བྱང་ཅུབ་སེམས་དཔའྀ་སྤྱོད་པ་ལ་འཇུག་པ་ལས། བསམ་གཏན་བསྟནད་པ་ཞེས་བྱ་བ་སྟེ། ལེའུ་བདུན་པའོ།།’ |
| Wylie | jig rten 'di dang pha rol du'ang /_/ 'dod pa rnams ni phung khrol bskyed/_/ 'dir ni bsad dang bcing dang gcod/_/ pha rol du ni dmyal sogs sgrub/_/131tun hong ka par 'di nas mar go rim mi 'dra bar 'di ltar 'byung / ‘'dod don ngan pa kha cig ni/_/nyin rang las kyis yongs dub ste/_/khyim du 'ong nas chad pa'i lus/_/ro dang 'dra bar nyal bar byed/_/kha cig byes bskrod nyon mongs dang /_/ring du song ba'-i sdug bsngal can/_/bu smad 'dod bzhin bu smad rnams/_/khyud khord los kyang mthong myi 'gyurd/_/la la rang gi lus btsongs shing /_/dbang myed gzhan gyis bkol gyurd te/_/chung ma dag kyang bu 'byung na/_/shing drung dgon par bab bab 'byung /_/'dod pas bslus pa'-i glen pa dag_/'tsho 'dod 'tsho bar bya'o zhes/_/srog stor dogs bzhin g.yul du 'jug_/khe phyir bran du 'gro bar byed/_/'dod ldan la la lus kyang bcad/_/kha cig gsal shing rtse la btsugs/_/kha cig mdung thung dag gis bsnund/_/kha cig bsregs pa dag kyang snang /_/byis pa nor spel my-i nus pas/_/dar la bab na 'd-i cis bde/_/nor stsogs pa yis tshe gtugs na/_/rgas na 'dod pas c-i zhig bya/_/'dod ldan rnams la de lta bur/_/nyes dmyigs mang la mnong chung ste/_/shing rta 'drend pa'i phyugs dag gis/_/rtswa n-i kham 'ga' zos pa bzhin/_/phyugs kyis bsgrubs na'ang myi dkon ba'i/_/mnog chung gang yin de'i don du/_/dal 'byor phun sum rnyed dka' 'di/_/las kyis mnard pa rnams kyis bcom/_/'dod pa nges par 'jig 'gyur zhing /_/dmyal lam stsogs par lhung byed pa/_/chen po myin phyir dus kun du/_/dub pa'-i tshegs 'byung gang yin ba/_/de'i bye ba'i cha tsam gyis/_/tshegs kyis sangs rgyas nyid 'grub na/_/'dod don byang cub spyod pa bas/_/sdug bsngal che la byang cub myed/_/dmyal stsogs sdug bsngal bsam byas na/_/'dod pa rnams la mtshon dang ni/_/dug dang mye dang g.yang sa dang /_/dgra rnams ky-is kyang dper myi phod/_/'dod don ngan pa rmongs pa rnams/_/shing bal reg na 'jam ba la yang /_/nyal po bya bar mi rung zhes/_/de la khro ba dag du byed/_/gang la g.yogs na 'ang chags 'gyurd ba/_/de bshugs na 'ang cis my-i sdug_/gal te de gos myed ce na/_/g.yogs pa c-i phyir 'dod par byed/_/gal te myi gtsang chags byed na/_/myi gtsang zhing las byung gyurd cing /_/de yi sa bon mang spangs pa'/_/gzhan khyod ci phyir phang du khyud/_/myi gtsang las byung myi gtsang srin/_/chung ngu 'ang khyod 'dod myi byed la/_/myi gtsang mang gi rang bzhin lus/_/myi gtsang skyes pa 'ang 'dod par byed/_/sa stsogs myi gtsang gis gos pa'/_/gal te reg par myi 'dod na/_/gang las de ni 'byung ba yi/_/lus la c-i ste khyod reg 'dod/_/khyod n-i rang g-i myi gtsang la/_/smod myi byed par ma zad kyi/_/myi gtsang rkyal pa my-i gtsang la/_/brkam pa gzhan yang 'dod par byed/_/ga pur las stsogs yid 'ong ba'/_/'bras chen dag gam tshod ma 'ang rung /_/khar bcug phyir phyung bor ba yi/_/sa yang myi gtsang brtsog par 'gyur/_/gal te myi gtsang 'd-i 'dra ba/_/mngon sum gyurd yang the tshom na/_/dur khrod dag du bor ba'-i lus/_/my-i sdug gzhan yang blta bar gyis/_/gang zhig pags pa'-i kha phye na/_/'jigs pa chen po skye 'gyur bar/_/shes kyang c-i ltar de nyid la/_/phyir zhing dga' ba skye bar 'gyurd/_/lus la bskus pa'-i dri de yang /_/ga pur las stsogs yin gzhan my-in na/_/gzhan gy-i dri des gzhan dag la/_/c-i'i phyir na chags par byed/_/gal te rang bzhin dri nga bas/_/'d-i la ma chags legs myin 'ang /_/'jig rten don myed sred pa dag_/c-i ste de la dr-i zhim skud/_/de bas byis pa'-i spyod pas chog_/bdag gis mkhas pa'-i rjes bsnyag ste/_/bag yod gtam n-i dran byas nas/_/gnyid dang rmugs pa bzlog par bya/_/rgyal sras thugs rje che rnams la/_/rigs pa'i sran n-i gzugs bya ste/_/nyin mtshan khyad par ma 'bad na/_/bdag g-i sdug bsngal nam mthard phyind/_/de bas bsgrib pa gsal bya'i phyir/_/log pa'i lam las sems bland te/_/yang dag dmyigs la rtag par yang /_/bdag gis mnyam par bzhag par bya/_/byang cub sems dpa'-i spyod pa la 'jug pa las/_bsam gtan bstand pa zhes bya ba ste/_le'u bdun pa'o//’ |
| ChantedAudio |
Alignment info
| Parameter | Value |
|---|---|
| AuthorLabel | Karma Phuntsho, 2025 |
| DuplicateRootTranslation | false |
| RootSourceTransMem | 017-Tsadra-BCA-Root-Tsadra_Edition |
| ShortTitle | Tsadra Critical Edition |
| SourceAuthor | Śāntideva |
| SourceCitation | "Phuntsho, Karma, ed. །རྒྱལ་སྲས་ཞི་བ་ལྷའི་གསུང་རྩོམ་བཞུགས་སོ།། The Written Works of Śāntideva. Tsadra Foundation Bodhicitta Project. Thimphu, Bhutan: Loden Foundation, 2025. Created by comparing four versions of the text from Derge, Cone, Narthang, and Peking Tengyurs from BDRC scans, along with Dunhuang manuscripts IOL Tib J 628, 629, and 630. When Tibetan readings were problematic, the Sanskrit texts from GRETIL and LTB (Oslo) were consulted. " |
| SourcePublishedYear | 2025-10-15 |
| SourceShortTitle | Karma Phuntsho, 2025 |
| SourceSortOrder | 4 |
| SourceTitleTibetan | བྱང་ཆུབ་སེམས་དཔའི་སྤྱོད་པ་ལ་འཇུག་པ་ |
| SourceTitleWylie | byang chub sems dpa'i spyod pa la 'jug pa |
| SourceVersionLabel | Tsadra Critical Edition §This text was created by comparing four versions of the text from Derge, Cone, Narthang, and Peking Tengyurs from BDRC scans, along with Dunhuang manuscripts IOL Tib J 628, 629, and 630. When Tibetan readings were problematic, the Sanskrit texts from GRETIL and LTB (Oslo) were consulted. |
| SourceWikiPage | Books/The Written Works of Śāntideva (Phuntsho 2025) |
| TransMemCreator | Migmar;Kiran;Dawa;Gwen;Jeremi |
| TransMemDate | 15 October 2025 |
| TransMemID | 017-Tsadra-BCA-Root-Tsadra_Edition |
| TransMemNum | 017 |
| TransMemOrigin | Tsadra Foundation |
| TransMemType | Root verses |
