Spyod 'jug brgyud pa'i gsol 'debs/Full text

སྤྱོད་འཇུག་བརྒྱུད་པའི་གསོལ་འདེབས།

spyod 'jug brgyud pa'i gsol 'debs

Supplication to the Lineage of Entering into the Conduct [of the Bodhisattva]

FULL TEXT

Descriptionངོ་སྤྲོད།

This is Patrul Rinpoche's supplication prayer to the transmission lineage of Bodhicaryāvatāra, starting from Buddha, Mañjuśrī, Śāntideva, Lhoden Sherab, and so on, until Zhenphen Thaye and Jigme Chokyi Wangpo. Type of Commentary: supplication to the lineage gurus of the Bodhicaryāvatāra
Length: 2
Tradition: Nyingma

འདི་ནི་སྟོན་མཆོག་ཐུབ་པའི་དབང་པོ་དང་། རྫེ་བཙུན་འཇམ་དཔལ་དབྱངས། རྒྱས་སྲས་ཞི་བ་ལྷ། ཛེ་ཏཱ་རི་དང་ཟླ་གྲགས་ཆུང་བ་ལ་སོགས་པ་རྒྱ་གར་དང་། བློ་ལྡན་ཤེས་རབ། སློབ་དཔོན་ཇོ་བཙུན་པ། བུ་སྟོན། གཡག་ཕྲུག། རྒྱལ་སྲས་གཞན་ཕན་མཐའ་ཡས་དང༌འཇིགས་མེད་ཆོས་དབང་སོགས་བོད་ཀྱི་སྤྱོད་འཇུག་བརྒྱུད་པའི་བླ་མ་རྣམས་ལ་གསོལ་བ་འདེབས་པ་ཚིགས་སུ་བཅད་པ་ཞིག་གོ།

Reference	Dpal sprul rin po che (དཔལ་སྤྲུལ་རིན་པོ་ཆེ་). spyod 'jug brgyud pa'i gsol 'debs [སྤྱོད་འཇུག་བརྒྱུད་པའི་གསོལ་འདེབས།]. [Supplication to the Lineage of Entering into the Conduct [of the Bodhisattva]].
People	Patrul Rinpoche

Tibetan

[edit]

Source	Khyentse Lineage
Date	2024-06-07
Read this text with translation by adding the Dharmamitra Chrome extension to your browser: Dharmamitra
Legend	Headers Root Commentary Quotes

༄༅། །སྤྱོད་འཇུག་བརྒྱུད་པའི་གསོལ་འདེབས་བཞུགས།

སྟོན་མཆོག་ལྷ་མིའི་བླ་མ་ཤཱཀྱའི་གཙོ། ། རྒྱལ་སྲས་འཇམ་དཔལ་དབྱངས་དང་ཞི་བ་ལྷ། ། ཛེ་ཏཱ་རི་དང་ཟླ་གྲགས་ཆུང་བའི་ཞབས། ། ཇོ་བོ་གུ་ཎ་ཤྲཱི་ལ་གསོལ་བ་འདེབས། །

ཀཱ་ན་ཀ་ཤྲཱི་སུ་མ་ཏི་ཀིརྟི། ། བློ་ལྡན་ཤེས་རབ་སློབ་དཔོན་ཇོ་བཙུན་པ། ། མཁས་པ་བུ་སྟོན་ཐུགས་སྲས་ལོ་ཙཱ་བ། ། གཡག་ཕྲུག་སངས་རྒྱས་དཔལ་ལ་གསོལ་བ་འདེབས། །

སངས་རྒྱས་འཕེལ་དང་ཕྲིན་ལས་མི་བསྐྱོད་རྗེ། ། དཀོན་མཆོག་འབྱུང་གནས་ཀརྨ་ཆགས་མེད་ཞབས། ། གྲུབ་པའི་དབང་ཕྱུག་པདྨ་རིག་འཛིན་རྗེར། ། གསོལ་བ་འདེབས་སོ་ཐུགས་རྗེས་བྱིན་གྱིས་རློབས། །

ནམ་མཁའ་འོད་གསལ་ཐེག་མཆོག་བསྟན་འཛིན་ཞབས། ། བཀྲ་ཤིས་རྒྱ་མཚོ་རིག་འཛིན་བཟང་པོ་དང་། ། སེམས་དཔའ་ཆེན་པོ་པདྨ་བཀྲ་ཤིས་ལ། ། གསོལ་བ་འདེབས་སོ་ཐུགས་རྗེས་བྱིན་གྱིས་རློབས། །

རྒྱལ་བའི་སྲས་པོ་གཞན་ཕན་མཐའ་ཡས་དང་། ། འཇིགས་མེད་ངོ་མཚར་འཇིགས་མེད་ཆོས་ཀྱི་དབང་། ། བྱང་ཆུབ་སེམས་ཀྱི་མངའ་བདག་ཐམས་ཅད་ལ། ། གསོལ་བ་འདེབས་སོ་ཐུགས་རྗེས་བྱིན་གྱིས་རློབས། །

ཚད་མེད་བཞི་ཡི་ཞིང་ས་གཤིན་པོ་ལ། ། བྱང་ཆུབ་སེམས་ཀྱི་མྱུ་གུ་རབ་ཏུ་འཁྲུངས། ། ཕྱིན་དྲུག་ལམ་གྱི་འབྲས་བཟང་ཆེར་སྨིན་ཏེ། ། ཁམས་གསུམ་འགྲོ་བའི་ཉེར་འཚོའི་གཞིར་གྱུར་ཅིག །

བདག་གཞན་མཉམ་ཉིད་རྟོགས་པའི་ཡེ་ཤེས་ཀྱིས། ། བདག་དོན་གཉིས་འཛིན་འཆིང་བ་ཀུན་བཅད་ནས། ། རང་གཞན་དོན་གཉིས་ལྷུན་གྱིས་འགྲུབ་པ་དང་། ། བྱང་ཆུབ་སེམས་མཆོག་འབྱོངས་པར་བྱིན་གྱིས་རློབས། །

ཞེས་པའང་དཔལ་སྤྲུལ་པས་སྨྲས་སོ། །དགེའོ། །