རྒྱལ་སྲས་ཆེན་པོ་ཞི་བ་ལྷ་ནི། འཕགས་ཡུལ་རྒྱལ་པོ་དགེ་བའི་གོ་ཆའི་སྲས་སུ་སྐུ་འཁྲུངས་ཤིང་། དཔལ་ནཱ་ལེནྡྲའི་གཙུག་ལག་ཁང་དུ་རབ་ཏུ་བྱུང་། དེར་བཞུགས་སྐབས་གཞན་ངོར་བྷུ་སུ་ཀུ་ཞེས་པའི་མཚན་ཆགས། འོན་ཀྱང་དོན་ལ་རྣལ་འབྱོར་གྱི་སྤྱོད་པར་གཞོལ་བར་མཛད། དགེ་འདུན་གྱི་དབུས་སུ་ཆོས་གསུང་དགོས་པའི་བཀའ་ཕེབས་པ་ན། བྱང་ཆུབ་སེམས་དཔའི་སྤྱོད་པ་ལ་འཇུག་པ་གསུངས་ཏེ་ཀུན་ལ་ངོ་མཚར་བསྐྱེད། ཁྱད་པར་དུ་ཤེས་རབ་ལེའུའི་སྐབས་སུ་ནམ་མཁར་འཕགས་ཏེ་སྐུ་མི་སྣང་བར་གྱུར། ཁོང་གིས་མཛད་པའི་བསྟན་བཅོས་བསླབ་བཏུས། མདོ་བཏུས། སྤྱོད་འཇུག་དེ་དག་ནི་ཐེག་པ་ཆེན་པོའི་ཉམས་ལེན་གྱི་སྙིང་ནོར་དམ་པ་ཡིན་པར་གདོན་མི་ཟ། གཞན་ཡང་བསྟན་འགྲོའི་དོན་ལ་སེམས་ན། ཁོང་གིས་མུ་སྟེགས་པ་རྣམས་ཚར་བཅད་ཅིང་ནང་པའི་བསྟན་སྒོར་བཙུགས། མུ་གེས་མནར་བའི་ཡུལ་དུ་འཚོ་བ་སྦྱིན་པ་སོགས་གྲུབ་པའི་རྟགས་མཚན་དུ་མ་བསྟན་ཏེ་སེམས་ཅན་དུ་མར་སྨན་པ་མཛད།
| Reference | slob dpon zhi ba lha'i rnam thar [སློབ་དཔོན་ཞི་བ་ལྷའི་རྣམ་ཐར།]. |
|---|---|
| People | The Second Pawo Tsuklak Trengwa |
The purpose of this website is to provide a resource hub for trustworthy information for learning about and teaching Bodhicitta ("bodhichitta") and Śāntideva's ("Shantideva's") related texts. Unique content will be shared here and the site will act as a broker for other projects and authors that have already created quality materials, which we will curate for a wide range of audiences.
