Gser gling pa'i rnam thar/Full text
From Bodhicitta
Texts/Gser gling pa'i rnam thar/Full text
Description
| Reference | gser gling pa'i rnam thar [གསེར་གླིང་པའི་རྣམ་ཐར།]. |
|---|---|
| People | Tsechokling Yeshe Gyaltsen |
གསེར་གླིང་པ་ཆོས་ཀྱི་གྲགས་པ་ནི་གསེར་གླིང་དུ་རྒྱལ་པོའི་སྲས་སུ་སྐུ་འཁྲུངས། སྐུ་ན་ཆུང་ངུའི་དུས་ནས་དཀོན་མཆོག་ལ་སྐྱབས་སུ་འགྲོ་བའི་ཚིག་རྒྱུན་དུ་བརྗོད་པ་དང་། ཤཱཀྱ་ཐུབ་པའི་ལི་སྐུ་ཞིག་རྙེད་པ་ལ་མཆོད་པ་བྱས་པས་ཡུལ་ཁམས་བཀྲ་ཤིས་པར་མཛད་པའི་ངོ་མཚར་གྱི་ལྟས་དུ་མ་ཤར། དེ་ནས་འཛམ་བུའི་གླིང་དུ་བྱོན་ཏེ་བླ་མ་མ་ཧཱ་ཤྲཱི་རཏྣ་ལས་རྒྱལ་བའི་བསྟན་པ་ལ་རབ་ཏུ་བྱུང་ཞིང་། ཤིང་རྟ་ཆེན་པོ་གཉིས་ཀྱིས་བཀྲལ་བའི་ཟབ་པ་དང་རྒྱ་ཆེ་བའི་ལམ་གྱི་རིམ་པ་མཐའ་དག་གསན་པས་སྣོད་གཅིག་ནས་གཅིག་ཏུ་བྱོ་བ་བཞིན་དུ་ཐུགས་སུ་ཆུད། ཁྱད་པར་དུ་བདག་བས་གཞན་གཅེས་པའི་བྱང་ཆུབ་ཀྱི་སེམས་རིན་པོ་ཆེ་ཐུགས་ལ་འཁྲུངས་ཏེ། དུས་དེའི་ཚེ་བྱང་ཆུབ་ཀྱི་སེམས་ཀྱི་བདག་པོ་ཞེས་ཡོངས་སུ་གྲགས། ཁོང་ནི་ཇོ་བོ་རྗེ་དཔལ་ལྡན་ཨ་ཏི་ཤའི་བཀའ་དྲིན་གསུམ་ལྡན་གྱི་བླ་མ་གཙོ་བོ་ཡིན་ཏེ། ཇོ་བོ་རྗེས་ལོ་བཅུ་གཉིས་ཀྱི་རིང་ལ་བརྟེན་ནས་ཐེག་པ་ཆེན་པོའི་ལམ་གྱི་རིམ་པ་ཡོངས་སུ་རྫོགས་པ་གསན་པས། ཇོ་བོ་རྗེའི་ཐུགས་ཀྱི་བུམ་བཟང་བྱང་ཆུབ་ཀྱི་སེམས་ཀྱི་བདུད་རྩིས་ཡོངས་སུ་གང་བར་མཛད། དེ་ལྟར་བསྟན་འགྲོའི་དོན་རྒྱ་ཆེར་མཛད་ནས་མཐར་དགའ་ལྡན་ཆོས་ཀྱི་ཕོ་བྲང་དུ་གཤེགས་པ་འདི་ནི། ལམ་རིམ་ལ་བློ་སྦྱོང་བར་འདོད་པ་རྣམས་ཀྱིས་གསོལ་བ་འདེབས་པའི་ཡུལ་དམ་པ་དང་། བྱང་ཆུབ་ཀྱི་སེམས་ཉམས་ལེན་གྱི་མིག་དཔེ་བླ་ན་མེད་པ་ཞིག་གོ། །
| Reference | gser gling pa'i rnam thar [གསེར་གླིང་པའི་རྣམ་ཐར།]. |
|---|---|
| People | Tsechokling Yeshe Gyaltsen |
The purpose of this website is to provide a resource hub for trustworthy information for learning about and teaching Bodhicitta ("bodhichitta") and Śāntideva's ("Shantideva's") related texts. Unique content will be shared here and the site will act as a broker for other projects and authors that have already created quality materials, which we will curate for a wide range of audiences.