Bodhicaryāpradīpa/Full text

बोधिचर्याप्रदीप

Bodhicaryāpradīpa

The Lamp of Enlightened Deeds (84000)

FULL TEXT

Description

The Bodhicaryāpradīpa (Lamp for the Practice of Awakening), a short verse text by Kamalaśīla translated into Tibetan by Jñānaguhya and Öngpo Lotsāwa, opens with a stark meditation on impermanence and the sufferings of death and the bardo, then uses this as motivation for a brisk tour through the essentials of bodhisattva training—from refuge, bodhicitta, and the six perfections to tantric practices of illusory body and clear light—urging the practitioner to tame the mind and pursue awakening without delay.

Reference	Kamalaśīla (rje btsun ka ma la shI la). bodhicaryāpradīpa [बोधिचर्याप्रदीप]. byang chub spyod pa'i sgron ma [བྱང་ཆུབ་སྤྱོད་པའི་སྒྲོན་མ།]. [The Lamp of Enlightened Deeds (84000)]. Tengyur, RKTST 1159 http://www.rkts.org/cat.php?id=1159&typ=2.
People	Kamalaśīla, Jñānaguhya, Ongpo Lotsāwa

[edit]

Source	Adarsha
Date	2025-05-27
Read this text with translation by adding the Dharmamitra Chrome extension to your browser:

Legend	Headers Root Commentary Quotes

Bodhicaryāpradīpa-nāma

52-263b

༄༅༅། །རྒྱ་གར་སྐད་དུ། བོ་དྷི་ཙརྱ་པྲ་དཱི་པ་ནཱ་མ། བོད་སྐད་དུ། བྱང་ཆུབ་སྤྱོད་པའི་སྒྲོན་མ་ཞེས་བྱ་བ། འཇམ་དཔལ་སྨྲ་བའི་སེང་གེ་

52-264a

ལ་ཕྱག་འཚལ་ལོ། །སྒྲོལ་མ་ལ་ནི་ཕྱག་འཚལ་ནས། །དམ་པ་སྐྱེས་མཆོག་རྣམས་ལ་འདུད། །འགྲོ་བ་སྡུག་བསྔལ་གདུངས་པ་ལ། །ཞི་བྱེད་བསིལ་ལྡན་དྲི་མེད་བཤད། །འཇིག་རྟེན་ཁམས་འདི་མི་རྟག་སྟེ། །དཔེར་ན་འཇའ་ཚོན་ཡལ་དང་འདྲ། །ལོ་ཟླ་ཚེས་གྲངས་འཆི་དང་ཉེ། །བུ་ཚ་ལ་སོགས་གྲོགས་རྣམས་དང་། །བོར་ནས་གཅིག་པུ་འགྲོ་དགོས་ན། །བར་དོ་བཞི་ལས་འཆི་བའི་ཚེ། །སྡུག་བསྔལ་རི་བོས་མནན་པས་སྡུག །བདུན་ཚོ་བདུན་དུ་བར་དོ་རུ། །གཤེད་པོས་འཚེ་ཞིང་སྡུག་རེ་བསྔལ། །མ་རིག་འཁྲུལ་པས་ལུས་བླངས་ཏེ། །ཉོན་མོངས་ལྔ་ཡིས་སེམས་ཀྱང་དཀྲུགས། །དཔེར་ན་ཤིང་རྟའི་འཁོར་ལོ་བཞིན། །འགྲོ་བ་དྲུག་གི་སྡུག་བསྔལ་མྱོང་། །སྡུག་བསྔལ་བཞི་སོགས་སྡུག་བསྔལ་བས། །དེ་ཕྱིར་བྱང་ཆུབ་བསྒྲུབ་པར་བྱ། །ལེ་ལོ་གཡེང་བ་རབ་སྤངས་ཏེ། །ཤེས་རབ་གསུམ་ལ་བློ་སྦྱངས་ལ། །རྟག་ཏུ་དུར་ཁྲོད་གནས་སུ་འདུག །དྲན་པ་བཞི་དང་ལྡན་པ་ཡིས། །ཐོ་རངས་ལངས་ཏེ་ཁྲུས་བྱས་ལ། །དད་དང་མོས་གུས་སྔོན་བཏང་སྟེ། །བྱང་ཆུབ་སེམས་དང་རབ་ལྡན་པས། །འགྲོ་བ་བུ་བཞིན་གདུང་བར་བྱ། །གསུམ་ལ་སྐྱབས་འགྲོ་མ་ཉམས་བྱ། །བདེན་པའི་ཆོས་ལ་ཐེ་ཚོམ་སྤང་། །འདོད་པ་སྤེལ་ཕྱིར་ཆུ་སྦྱིན་གཏང་། །མཆོད་བཤགས་ལ་སོགས་ཁ་ཏོན་བྱ། །གྲུ་ཡི་ཚུལ་དུ་ལུས་ཀྱང་བཙལ། །བག་ཡོད་སྤྱོད་ལམ་བློ་གྲོས་ཟབ། །ལྷ་དང་མི་འབྲལ་བསམ་པ་བཟང་། །དང་པོ་བྱུང་བས་དཀོན་མཆོག་མཆོད། །ཁ་ཟས་ཀུན་ལས་རྣལ་འབྱོར་བྱ། །ལྷག་མ་འབྱུང་བོ་རྣམས་ལ་བསྔོ། །བཤང་གཅི་རྣམས་ཀྱང་སྦྱིན་པར་གཏང་། །སྨོན་ལམ་རྒྱ་ཆེན་གདབ་པའོ། །ཆོས་སུ་འགྲོ་བའི་ཚིག་ཀྱང་བརྗོད། །སཱཙྪ་གདབ་ཅིང་སྲོག་ཀྱང་གདོན། །བསོད་ནམས་ཚོགས་ནི་ཅི་ནུས་བསགས། །ཡེ་ཤེས་ཚོགས་ཀྱང་དེ་བཞིན་ཏེ། །སྡོམ་པ་གསུམ་དང་ལྡན་པར་བྱ། །ཕ་རོལ་ཕྱིན་པ་དྲུག་སྤྱད་དེ། །དབང་བཞི་རྫོགས་པའི་རྣལ་འབྱོར་བྱ། །བསྐོར་བ་བྱ་ཞིང་ལུས་ཀྱང་བཅག །འབྱུང་བ་བཞི་ནི་རོ་སྙོམས་ཏེ། །མཚན་མོ་ནང་གི་སྤྱད་པ་བྱ། །སྲོད་ལ་གཏོར་ཚོགས་ཆེན་པོ་གཏང་། །ནམ་ཕྱེད་

52-264b

ཚོགས་ཀྱི་འཁོར་ལོ་བསྐོར། །ཕྱི་བཅུད་ནང་བཅུད་རང་སོར་གཞག །ནམ་སྨད་དགེ་བའི་གཉིད་ཀྱང་ལོག །སྤྱོད་ལམ་རྣམ་བཞིའི་ཆོས་ལ་བསྡུ། །མ་ཡེངས་ཆུ་བོའི་རྒྱུན་ལྟར་སྤྱད། །སྒྱུ་ལུས་འོད་གསལ་བསྲེ་བ་ཡང་། །སུམ་ཅུ་རྩ་བཞིའི་གདམས་པའི་དོན། །སེམས་ཉིད་ལས་སུ་རུང་བས་ནི། །རང་དབང་རྒྱལ་པོ་སེམས་ལ་ཐོབ། །དེ་ཕྱིར་རྣལ་འབྱོར་བརྩོན་པར་སྤྱད། །བྱང་ཆུབ་སྤྱོད་པའི་སྒྲོན་མ་ཞེས་བྱ་བ་རྗེ་བཙུན་ཀ་མ་ལ་ཤཱི་ལས་མཛད་པ་རྫོགས་སོ།། །།པཎྜི་ཏ་ཁ་ཆེ་ཛྙཱ་ན་གུ་ཧྱ་དང་། ཨོང་པོ་ལོ་ཙཱ་བས་བསྒྱུར་བའོ།།