https://bodhicitta.tsadra.org/api.php?action=feedcontributions&feedformat=atom&user=Kiran 2026-09-25T04:46:03Z User contributions MediaWiki 1.39.10 https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127266 2026-03-09T11:33:44Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibP|འདིར་སྨྲས་པ།}}&lt;br&gt;<br /> <br /> {{TibVerse|ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibP|སྨྲས་པ། }}&lt;/br&gt;<br /> <br /> {{TibVerse|ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibP|སྨྲས་པ། }}&lt;/br&gt;<br /> <br /> {{TibVerse|རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibP| སྨྲས་པ།}}&lt;/br&gt;<br /> <br /> {{TibVerse|འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}&lt;/br&gt;<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}&lt;/br&gt;<br /> <br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།}}&lt;/br&gt;<br /> <br /> {{TibVerse|དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།}}&lt;/br&gt;<br /> <br /> {{TibVerse|དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}&lt;/br&gt;<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}&lt;/br&gt;<br /> <br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།&lt;/br&gt;<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།&lt;/br&gt;<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།&lt;/br&gt;<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}&lt;/br&gt;<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127265 2026-03-09T11:30:32Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibP|འདིར་སྨྲས་པ།}}&lt;br&gt;<br /> <br /> {{TibVerse|ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibP|སྨྲས་པ། }}&lt;/br&gt;<br /> <br /> {{TibVerse|ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibP|སྨྲས་པ། }}&lt;/br&gt;<br /> <br /> {{TibVerse|རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibP| སྨྲས་པ།}}&lt;/br&gt;<br /> <br /> {{TibVerse|འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།}}&lt;/br&gt;<br /> <br /> {{TibVerse|དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།}}&lt;/br&gt;<br /> <br /> {{TibVerse|དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}&lt;/br&gt;<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།&lt;/br&gt;<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།&lt;/br&gt;<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།&lt;/br&gt;<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127264 2026-03-09T11:29:38Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibP|སྨྲས་པ། }}&lt;/br&gt;<br /> <br /> {{TibVerse|ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibP|སྨྲས་པ། }}&lt;/br&gt;<br /> <br /> {{TibVerse|རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibP| སྨྲས་པ།}}&lt;/br&gt;<br /> <br /> {{TibVerse|འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།}}&lt;/br&gt;<br /> <br /> {{TibVerse|དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།}}&lt;/br&gt;<br /> <br /> {{TibVerse|དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}&lt;/br&gt;<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།&lt;/br&gt;<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།&lt;/br&gt;<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།&lt;/br&gt;<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibP|སྨྲས་པ།}}&lt;/br&gt;<br /> <br /> {{TibVerse|དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127263 2026-03-09T11:25:12Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibP|སྨྲས་པ། }}&lt;/br&gt;<br /> <br /> {{TibVerse|ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།}}&lt;/br&gt;<br /> <br /> {{TibVerse|དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།}}&lt;/br&gt;<br /> <br /> {{TibVerse|དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}&lt;/br&gt;<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།&lt;/br&gt;<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།&lt;/br&gt;<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།&lt;/br&gt;<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127262 2026-03-09T11:23:54Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|སྨྲས་པ། <br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།}}&lt;/br&gt;<br /> <br /> {{TibVerse|དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།}}&lt;/br&gt;<br /> <br /> {{TibVerse|དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}&lt;/br&gt;<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།&lt;/br&gt;<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།&lt;/br&gt;<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།&lt;/br&gt;<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127261 2026-03-09T11:23:08Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|སྨྲས་པ། <br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།}}&lt;/br&gt;<br /> <br /> {{TibVerse|དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།}}&lt;/br&gt;<br /> <br /> {{TibVerse|དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}&lt;/br&gt;<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།&lt;/br&gt;<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།&lt;/br&gt;<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།&lt;/br&gt;<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127260 2026-03-09T11:22:28Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|སྨྲས་པ། <br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།}}&lt;/br&gt;<br /> <br /> {{TibVerse|དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།}}&lt;/br&gt;<br /> <br /> {{TibVerse|དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}&lt;/br&gt;<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།&lt;/br&gt;<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།&lt;/br&gt;<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127259 2026-03-09T11:21:53Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|སྨྲས་པ། <br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།}}&lt;/br&gt;<br /> <br /> {{TibVerse|དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།}}&lt;/br&gt;<br /> <br /> {{TibVerse|དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}&lt;/br&gt;<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།&lt;/br&gt;<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127258 2026-03-09T11:20:29Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|སྨྲས་པ། <br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།}}&lt;/br&gt;<br /> <br /> {{TibVerse|དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།}}&lt;/br&gt;<br /> <br /> {{TibVerse|དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}&lt;/br&gt;<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127257 2026-03-09T11:19:07Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|སྨྲས་པ། <br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}&lt;/br&gt;<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།&lt;/br&gt;<br /> <br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།&lt;/br&gt;<br /> <br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127256 2026-03-09T11:18:13Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|སྨྲས་པ། <br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}&lt;/br&gt;<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།&lt;/br&gt;<br /> <br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།&lt;/br&gt;<br /> <br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127255 2026-03-09T11:16:55Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།&lt;/br&gt;<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|སྨྲས་པ། <br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།&lt;/br&gt;<br /> <br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།&lt;/br&gt;<br /> <br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127254 2026-03-09T11:14:08Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།}}&lt;/br&gt;<br /> <br /> {{TibVerse|རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།}}&lt;/br&gt;<br /> <br /> {{TibVerse|གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།}}&lt;/br&gt;<br /> <br /> {{TibVerse|གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།}}&lt;/br&gt;<br /> <br /> {{TibVerse|འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།}}&lt;/br&gt;<br /> <br /> {{TibVerse|ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།}}&lt;/br&gt;<br /> <br /> {{TibVerse|མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།}}&lt;/br&gt;<br /> <br /> {{TibVerse|དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།}}&lt;/br&gt;<br /> <br /> {{TibVerse|སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།}}&lt;/br&gt;<br /> <br /> {{TibVerse|ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།}}&lt;/br&gt;<br /> <br /> {{TibVerse|འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|འདིར་སྨྲས་པ། <br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།}}&lt;/br&gt;<br /> <br /> {{TibVerse|རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།}}&lt;/br&gt;<br /> <br /> {{TibVerse|ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།}}&lt;/br&gt;<br /> <br /> {{TibVerse|བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།}}&lt;/br&gt;<br /> <br /> {{TibVerse|རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|སྨྲས་པ། <br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།}}&lt;/br&gt;<br /> <br /> {{TibVerse|རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།}}&lt;/br&gt;<br /> <br /> {{TibVerse|རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།}}&lt;/br&gt;<br /> <br /> {{TibVerse|ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།}}&lt;/br&gt;<br /> <br /> {{TibVerse|དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།}}&lt;/br&gt;<br /> <br /> {{TibP|ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།}}&lt;/br&gt;<br /> <br /> {{TibVerse|བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།}}&lt;/br&gt;<br /> <br /> {{TibVerse|ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།}}&lt;/br&gt;<br /> <br /> {{TibVerse|མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།}}&lt;/br&gt;<br /> <br /> {{TibVerse|ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།}}&lt;/br&gt;<br /> <br /> {{TibVerse|སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།}}&lt;/br&gt;<br /> <br /> {{TibVerse|གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།}}&lt;/br&gt;<br /> <br /> {{TibVerse|ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།}}&lt;/br&gt;<br /> <br /> {{TibVerse|ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། }}&lt;/br&gt;<br /> <br /> {{TibP|ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།}}&lt;/br&gt;<br /> <br /> {{TibVerse|ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། }}&lt;/br&gt;<br /> <br /> {{TibP|ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།}}&lt;/br&gt;<br /> <br /> {{TibVerse|རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།}}&lt;/br&gt;<br /> <br /> {{TibVerse|ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།}}&lt;/br&gt;<br /> <br /> {{TibVerse|རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།}}&lt;/br&gt;<br /> <br /> {{TibVerse|རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།}}&lt;/br&gt;<br /> <br /> {{TibVerse|རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།}}&lt;/br&gt;<br /> <br /> {{TibVerse|འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།&lt;/br&gt;<br /> <br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།&lt;/br&gt;<br /> <br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127253 2026-03-09T11:05:53Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|<br /> &lt;br&gt;<br /> རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།&lt;/br&gt;<br /> &lt;br&gt;<br /> རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།&lt;/br&gt;<br /> &lt;br&gt;<br /> གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།&lt;/br&gt;<br /> &lt;br&gt;<br /> གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།&lt;/br&gt;<br /> &lt;br&gt;<br /> འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།&lt;/br&gt;<br /> &lt;br&gt;<br /> ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།&lt;/br&gt;<br /> &lt;br&gt;<br /> མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།&lt;/br&gt;<br /> &lt;br&gt;<br /> འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།&lt;/br&gt;<br /> &lt;br&gt;<br /> དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།&lt;/br&gt;<br /> &lt;br&gt;<br /> སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།&lt;/br&gt;<br /> &lt;br&gt;<br /> ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།&lt;/br&gt;<br /> &lt;br&gt;<br /> འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}&lt;/br&gt;<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|<br /> <br /> འདིར་སྨྲས་པ། <br /> &lt;br&gt;<br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།&lt;/br&gt;<br /> &lt;br&gt;<br /> རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།&lt;/br&gt;<br /> &lt;br&gt;<br /> ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།&lt;/br&gt;<br /> &lt;br&gt;<br /> བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།&lt;/br&gt;<br /> &lt;br&gt;<br /> རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|<br /> སྨྲས་པ། <br /> &lt;br&gt;<br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།&lt;/br&gt;<br /> &lt;br&gt;<br /> རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།&lt;/br&gt;<br /> &lt;br&gt;<br /> རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།&lt;/br&gt;<br /> &lt;br&gt;<br /> ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།&lt;/br&gt;<br /> &lt;br&gt;<br /> དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།<br /> <br /> ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|<br /> &lt;br&gt;<br /> ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།&lt;/br&gt;<br /> &lt;br&gt;<br /> བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།&lt;/br&gt;<br /> &lt;br&gt;<br /> ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|<br /> &lt;br&gt;<br /> སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།&lt;/br&gt;<br /> &lt;br&gt;<br /> མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།&lt;/br&gt;<br /> &lt;br&gt;<br /> ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།&lt;/br&gt;<br /> &lt;br&gt;<br /> སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།&lt;/br&gt;<br /> &lt;br&gt;<br /> གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|<br /> &lt;br&gt;<br /> སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།&lt;/br&gt;<br /> &lt;br&gt;<br /> ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།&lt;/br&gt;<br /> &lt;br&gt;<br /> ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|<br /> &lt;br&gt;<br /> སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།&lt;/br&gt;<br /> &lt;br&gt;<br /> ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། <br /> ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|<br /> &lt;br&gt;<br /> སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།&lt;/br&gt;<br /> &lt;br&gt;<br /> རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།&lt;/br&gt;<br /> &lt;br&gt;<br /> ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> &lt;br&gt; <br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།&lt;/br&gt;<br /> &lt;br&gt;<br /> རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།&lt;/br&gt;<br /> &lt;br&gt;<br /> རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།&lt;/br&gt;<br /> &lt;br&gt;<br /> རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| <br /> སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།&lt;/br&gt;<br /> &lt;br&gt;<br /> འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།&lt;/br&gt;<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།&lt;/br&gt;<br /> <br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།&lt;/br&gt;<br /> <br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127252 2026-03-09T11:05:29Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|<br /> &lt;br&gt;<br /> རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།&lt;/br&gt;<br /> &lt;br&gt;<br /> རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།&lt;/br&gt;<br /> &lt;br&gt;<br /> གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།&lt;/br&gt;<br /> &lt;br&gt;<br /> གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།&lt;/br&gt;<br /> &lt;br&gt;<br /> འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།&lt;/br&gt;<br /> &lt;br&gt;<br /> ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།&lt;/br&gt;<br /> &lt;br&gt;<br /> མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།&lt;/br&gt;<br /> &lt;br&gt;<br /> འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།&lt;/br&gt;<br /> &lt;br&gt;<br /> དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།&lt;/br&gt;<br /> &lt;br&gt;<br /> སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།&lt;/br&gt;<br /> &lt;br&gt;<br /> ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།&lt;/br&gt;<br /> &lt;br&gt;<br /> འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}&lt;/br&gt;<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}&lt;/br&gt;<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}&lt;/br&gt;<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}&lt;/br&gt;<br /> <br /> {{TibVerse|<br /> <br /> འདིར་སྨྲས་པ། <br /> &lt;br&gt;<br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།&lt;/br&gt;<br /> &lt;br&gt;<br /> རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།&lt;/br&gt;<br /> &lt;br&gt;<br /> ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།&lt;/br&gt;<br /> &lt;br&gt;<br /> བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།&lt;/br&gt;<br /> &lt;br&gt;<br /> རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}&lt;/br&gt;<br /> <br /> {{TibVerse|<br /> སྨྲས་པ། <br /> &lt;br&gt;<br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།&lt;/br&gt;<br /> &lt;br&gt;<br /> རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།&lt;/br&gt;<br /> &lt;br&gt;<br /> རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།&lt;/br&gt;<br /> &lt;br&gt;<br /> ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།&lt;/br&gt;<br /> &lt;br&gt;<br /> དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།<br /> <br /> ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}&lt;/br&gt;<br /> <br /> {{TibVerse|<br /> &lt;br&gt;<br /> ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།&lt;/br&gt;<br /> &lt;br&gt;<br /> བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།&lt;/br&gt;<br /> &lt;br&gt;<br /> ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}&lt;/br&gt;<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}&lt;/br&gt;<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}&lt;/br&gt;<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}&lt;/br&gt;<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}&lt;/br&gt;<br /> <br /> {{TibVerse|<br /> &lt;br&gt;<br /> སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།&lt;/br&gt;<br /> &lt;br&gt;<br /> མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།&lt;/br&gt;<br /> &lt;br&gt;<br /> ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།&lt;/br&gt;<br /> &lt;br&gt;<br /> སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།&lt;/br&gt;<br /> &lt;br&gt;<br /> གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}&lt;/br&gt;<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}&lt;/br&gt;<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}&lt;/br&gt;<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}&lt;/br&gt;<br /> <br /> {{TibVerse|<br /> &lt;br&gt;<br /> སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།&lt;/br&gt;<br /> &lt;br&gt;<br /> ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།&lt;/br&gt;<br /> &lt;br&gt;<br /> ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}&lt;/br&gt;<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}&lt;/br&gt;<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}&lt;/br&gt;<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}&lt;/br&gt;<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}&lt;/br&gt;<br /> <br /> {{TibVerse|<br /> &lt;br&gt;<br /> སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།&lt;/br&gt;<br /> &lt;br&gt;<br /> ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། <br /> ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}&lt;/br&gt;<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}&lt;/br&gt;<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}&lt;/br&gt;<br /> <br /> {{TibVerse|<br /> &lt;br&gt;<br /> སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།&lt;/br&gt;<br /> &lt;br&gt;<br /> རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།&lt;/br&gt;<br /> &lt;br&gt;<br /> ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}&lt;/br&gt;<br /> <br /> {{TibVerse|<br /> &lt;br&gt; <br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།&lt;/br&gt;<br /> &lt;br&gt;<br /> རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།&lt;/br&gt;<br /> &lt;br&gt;<br /> རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།&lt;/br&gt;<br /> &lt;br&gt;<br /> རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}&lt;/br&gt;<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}&lt;/br&gt;<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}&lt;/br&gt;<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}&lt;/br&gt;<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}&lt;/br&gt;<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}&lt;/br&gt;<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}&lt;/br&gt;<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}&lt;/br&gt;<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}&lt;/br&gt;<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}&lt;/br&gt;<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}&lt;/br&gt;<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| <br /> སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།&lt;/br&gt;<br /> &lt;br&gt;<br /> འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}&lt;/br&gt;<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}&lt;/br&gt;<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}&lt;/br&gt;<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}&lt;/br&gt;<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}&lt;/br&gt;<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}&lt;/br&gt;<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}&lt;/br&gt;<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}&lt;/br&gt;<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}&lt;/br&gt;<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}&lt;/br&gt;<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}&lt;/br&gt;<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}&lt;/br&gt;<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}&lt;/br&gt;<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}&lt;/br&gt;<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}&lt;/br&gt;<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}&lt;/br&gt;<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།&lt;/br&gt;<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}&lt;/br&gt;<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}&lt;/br&gt;<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}&lt;/br&gt;<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}&lt;/br&gt;<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}&lt;/br&gt;<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}&lt;/br&gt;<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}&lt;/br&gt;<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}&lt;/br&gt;<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}&lt;/br&gt;<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།&lt;/br&gt;<br /> <br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།&lt;/br&gt;<br /> <br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}&lt;/br&gt;<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}&lt;/br&gt;<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}&lt;/br&gt;<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}&lt;/br&gt;<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127251 2026-03-09T11:00:51Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|<br /> &lt;br&gt;<br /> རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།&lt;/br&gt;<br /> &lt;br&gt;<br /> རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།&lt;/br&gt;<br /> &lt;br&gt;<br /> གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།&lt;/br&gt;<br /> &lt;br&gt;<br /> གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།&lt;/br&gt;<br /> &lt;br&gt;<br /> འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།&lt;/br&gt;<br /> &lt;br&gt;<br /> ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།&lt;/br&gt;<br /> &lt;br&gt;<br /> མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།&lt;/br&gt;<br /> &lt;br&gt;<br /> འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།&lt;/br&gt;<br /> &lt;br&gt;<br /> དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།&lt;/br&gt;<br /> &lt;br&gt;<br /> སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།&lt;/br&gt;<br /> &lt;br&gt;<br /> ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།&lt;/br&gt;<br /> &lt;br&gt;<br /> འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}<br /> <br /> {{TibVerse|<br /> <br /> འདིར་སྨྲས་པ། <br /> &lt;br&gt;<br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།&lt;/br&gt;<br /> &lt;br&gt;<br /> རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།&lt;/br&gt;<br /> &lt;br&gt;<br /> ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།&lt;/br&gt;<br /> &lt;br&gt;<br /> བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།&lt;/br&gt;<br /> &lt;br&gt;<br /> རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}<br /> <br /> {{TibVerse|<br /> སྨྲས་པ། <br /> &lt;br&gt;<br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།&lt;/br&gt;<br /> &lt;br&gt;<br /> རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།&lt;/br&gt;<br /> &lt;br&gt;<br /> རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།&lt;/br&gt;<br /> &lt;br&gt;<br /> ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།&lt;/br&gt;<br /> &lt;br&gt;<br /> དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།<br /> <br /> ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}<br /> <br /> {{TibVerse|<br /> &lt;br&gt;<br /> ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།&lt;/br&gt;<br /> &lt;br&gt;<br /> བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།&lt;/br&gt;<br /> &lt;br&gt;<br /> ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།&lt;/br&gt;<br /> &lt;br&gt;<br /> མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།&lt;/br&gt;<br /> &lt;br&gt;<br /> ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།&lt;/br&gt;<br /> &lt;br&gt;<br /> སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།&lt;/br&gt;<br /> &lt;br&gt;<br /> གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}<br /> <br /> {{TibVerse|<br /> &lt;br&gt;<br /> སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།&lt;/br&gt;<br /> &lt;br&gt;<br /> ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།&lt;/br&gt;<br /> &lt;br&gt;<br /> ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}<br /> <br /> {{TibVerse|<br /> &lt;br&gt;<br /> སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།&lt;/br&gt;<br /> &lt;br&gt;<br /> ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། <br /> ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།&lt;/br&gt;<br /> &lt;br&gt;<br /> རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།&lt;/br&gt;<br /> &lt;br&gt;<br /> ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}<br /> <br /> {{TibVerse|<br /> &lt;br&gt; <br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།&lt;/br&gt;<br /> &lt;br&gt;<br /> རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།&lt;/br&gt;<br /> &lt;br&gt;<br /> རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།&lt;/br&gt;<br /> &lt;br&gt;<br /> རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| <br /> སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།&lt;/br&gt;<br /> &lt;br&gt;<br /> འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།&lt;/br&gt;<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།&lt;/br&gt;<br /> <br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།&lt;/br&gt;<br /> <br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> {{TibVerse|སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།}}&lt;/br&gt;<br /> <br /> {{TibVerse|དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།}}&lt;/br&gt;<br /> <br /> {{TibVerse|ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།}}&lt;/br&gt;<br /> <br /> {{TibVerse|དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།}}&lt;/br&gt;<br /> <br /> {{TibVerse|ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།}}&lt;/br&gt;<br /> <br /> {{TibVerse|ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།}}&lt;/br&gt;<br /> <br /> {{TibVerse|དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།}}&lt;/br&gt;<br /> <br /> {{TibVerse|ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།}}&lt;/br&gt;<br /> <br /> {{TibVerse|ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།}}&lt;/br&gt;<br /> <br /> {{TibVerse|རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།}}&lt;/br&gt;<br /> <br /> {{TibP|ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།}}&lt;/br&gt;<br /> <br /> {{TibP|བཞི་པ་ནི།}}<br /> <br /> {{TibVerse|ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།}}&lt;/br&gt;<br /> <br /> {{TibVerse|སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།}}&lt;/br&gt;<br /> <br /> {{TibVerse|འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།}}&lt;/br&gt;<br /> <br /> {{TibVerse|རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།}}&lt;/br&gt;<br /> <br /> {{TibVerse|ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།}}&lt;/br&gt;<br /> <br /> {{TibP|འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། }}&lt;/br&gt;<br /> <br /> {{TibVerse|འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།}}&lt;/br&gt;<br /> <br /> {{TibVerse|བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།}}&lt;/br&gt;<br /> <br /> {{TibVerse|ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།}}&lt;/br&gt;<br /> <br /> {{TibVerse|འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།}}&lt;/br&gt;<br /> <br /> {{TibVerse|དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།}}&lt;/br&gt;<br /> <br /> {{TibVerse|ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།}}&lt;/br&gt;<br /> <br /> {{TibVerse|ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།}}&lt;/br&gt;<br /> <br /> {{TibVerse|ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།}}&lt;/br&gt;<br /> <br /> {{TibVerse|ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།}}&lt;/br&gt;<br /> <br /> {{TibVerse|ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།}}&lt;/br&gt;<br /> <br /> {{TibVerse|གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།}}&lt;/br&gt;<br /> <br /> {{TibVerse|ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།}}&lt;/br&gt;<br /> <br /> {{TibVerse|ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།}}&lt;/br&gt;<br /> <br /> {{TibVerse|ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།}}&lt;/br&gt;<br /> <br /> {{TibVerse|སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།}}&lt;/br&gt;<br /> <br /> {{TibVerse|དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། }}&lt;/br&gt;<br /> <br /> {{TibChung|{{TibVerseRedInline|ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།}}}}&lt;/br&gt;<br /> <br /> {{TibVerse|གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།}}&lt;/br&gt;<br /> <br /> {{TibP|སརྦ་ཛ་ག་ཏཱཾ་མངྒ་ལཾ།།}}</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127250 2026-03-09T10:30:25Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|<br /> &lt;br&gt;<br /> རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།&lt;/br&gt;<br /> &lt;br&gt;<br /> རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།&lt;/br&gt;<br /> &lt;br&gt;<br /> གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།&lt;/br&gt;<br /> &lt;br&gt;<br /> གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།&lt;/br&gt;<br /> &lt;br&gt;<br /> འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།&lt;/br&gt;<br /> &lt;br&gt;<br /> ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།&lt;/br&gt;<br /> &lt;br&gt;<br /> མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།&lt;/br&gt;<br /> &lt;br&gt;<br /> འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།&lt;/br&gt;<br /> &lt;br&gt;<br /> དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།&lt;/br&gt;<br /> &lt;br&gt;<br /> སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།&lt;/br&gt;<br /> &lt;br&gt;<br /> ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།&lt;/br&gt;<br /> &lt;br&gt;<br /> འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}<br /> <br /> {{TibVerse|<br /> <br /> འདིར་སྨྲས་པ། <br /> &lt;br&gt;<br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།&lt;/br&gt;<br /> &lt;br&gt;<br /> རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།&lt;/br&gt;<br /> &lt;br&gt;<br /> ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།&lt;/br&gt;<br /> &lt;br&gt;<br /> བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།&lt;/br&gt;<br /> &lt;br&gt;<br /> རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}<br /> <br /> {{TibVerse|<br /> སྨྲས་པ། <br /> &lt;br&gt;<br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།&lt;/br&gt;<br /> &lt;br&gt;<br /> རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།&lt;/br&gt;<br /> &lt;br&gt;<br /> རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།&lt;/br&gt;<br /> &lt;br&gt;<br /> ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།&lt;/br&gt;<br /> &lt;br&gt;<br /> དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།<br /> <br /> ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}<br /> <br /> {{TibVerse|<br /> &lt;br&gt;<br /> ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།&lt;/br&gt;<br /> &lt;br&gt;<br /> བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།&lt;/br&gt;<br /> &lt;br&gt;<br /> ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།&lt;/br&gt;<br /> &lt;br&gt;<br /> མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།&lt;/br&gt;<br /> &lt;br&gt;<br /> ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།&lt;/br&gt;<br /> &lt;br&gt;<br /> སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།&lt;/br&gt;<br /> &lt;br&gt;<br /> གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}<br /> <br /> {{TibVerse|<br /> &lt;br&gt;<br /> སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།&lt;/br&gt;<br /> &lt;br&gt;<br /> ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།&lt;/br&gt;<br /> &lt;br&gt;<br /> ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}<br /> <br /> {{TibVerse|<br /> &lt;br&gt;<br /> སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།&lt;/br&gt;<br /> &lt;br&gt;<br /> ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། <br /> ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།&lt;/br&gt;<br /> &lt;br&gt;<br /> རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།&lt;/br&gt;<br /> &lt;br&gt;<br /> ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}<br /> <br /> {{TibVerse|<br /> &lt;br&gt; <br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།&lt;/br&gt;<br /> &lt;br&gt;<br /> རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།&lt;/br&gt;<br /> &lt;br&gt;<br /> རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།&lt;/br&gt;<br /> &lt;br&gt;<br /> རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| <br /> སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།&lt;/br&gt;<br /> &lt;br&gt;<br /> འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།&lt;/br&gt;<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}<br /> <br /> {{TibVerse|སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།&lt;/br&gt;<br /> <br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།&lt;/br&gt;<br /> <br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}<br /> <br /> {{TibQuote|དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}<br /> <br /> {{TibVerse|སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།}}&lt;/br&gt;<br /> <br /> {{TibVerse|སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།}}&lt;/br&gt;<br /> <br /> {{TibVerse|ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།}}&lt;/br&gt;<br /> <br /> {{TibVerse|མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།}}&lt;/br&gt;<br /> <br /> {{TibVerse|བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།}}&lt;/br&gt;<br /> <br /> {{TibP|ཞེས་ཀྱང་འཚེར་རོ།།}}<br /> <br /> {{TibSabche|གསུམ་པ་ནི།}}<br /> {{TibP|ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ {{TibArgInline|ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་}}ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། {{TibQuoteInline|གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །}}ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་{{TibQuoteInline|ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་}}ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།}}<br /> <br /> {{TibP|བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། {{TibQuoteInline|བརྟག་མིན་ཕྱིར་དང་བརྗོད་མིན་ཕྱིར།། }}ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། {{TibQuoteInline|བརྗོད་དུ་མེད་པའི་བདག་ཉིད་ཀྱིས་ཡོད་པ། }}ཞེས་དང་། འཇུག་པར། {{TibQuoteInline|སྤྲོས་ཀུན་ཡུལ་མིན། }}ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། {{TibQuoteInline|རྣམ་པར་རྟོག་པའི་སྤྱོད་ཡུལ། }}ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། {{TibQuoteInline|ཡིན་པར་གྱུར་ལ་བྱ་བ་མེད།། }}ཅེས་སོགས་དང་། {{TibQuoteInline|རང་བཞིན་མེད་པ་ཉིད་ལོག་ན།། }}ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།}}&lt;/br&gt;<br /> <br /> {{TibQuote|རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།}}&lt;/br&gt;<br /> <br /> {{TibP|ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །}}&lt;/br&gt;<br /> <br /> {{TibVerse|སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།}}&lt;/br&gt;<br /> <br /> {{TibVerse|དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།}}&lt;/br&gt;<br /> <br /> {{TibVerse|མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།}}&lt;/br&gt;<br /> <br /> {{TibVerse|གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།}}&lt;/br&gt;<br /> <br /> {{TibVerse|རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།}}&lt;/br&gt;<br /> <br /> {{TibVerse|གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།}}&lt;/br&gt;<br /> <br /> {{TibVerse|མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།}}&lt;/br&gt;<br /> <br /> {{TibSabche|གསུམ་པ་ལོག་རྟོག་བསལ་བ་ནི། }}<br /> {{TibP|༼མི་ཕམ་གྱིས་༽{{TibArgInline|དངོས་སྨྲས་སྟོང་ཉིད་མ་ཡིན་དགག་ཏུ་འདོད་}}ཅེས་བྱེ་སྨྲ་དང་ཁྱད་མེད་པར་འཁྲུལ། {{TibArgInline|བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་}}ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །{{TibArgInline|དངོས་སྨྲ་བ་}}ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།}}&lt;/br&gt;<br /> <br /> {{TibP|གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽{{TibArgInline|སེམས་མ་ཡིན་པ་བཅད་ནས་ཡིན་པ་སྟོན་}}ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། {{TibQuoteInline|བློ་ངན་ཁྱོད་ཀྱི་རལ་བ་ཅི།། }}ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།}}&lt;/br&gt;<br /> <br /> {{TibP|ཡང༼མི་ཕམ་གྱིས་༽{{TibArgInline|རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་}}ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་{{TibArgInline|རྟེན་གནས་ཀྱི་སྒྲ་ཡིན་}}གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽{{TibArgInline|སྡེབ་སྦྱོར་བྱས་ན་གཞན་དང་མི་མཉམ་པ་ནུས་}}ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།}}&lt;/br&gt;<br /> <br /> {{TibP|ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། {{TibQuoteInline|ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། }}ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།}}&lt;/br&gt;<br /> <br /> {{TibP|ཡང་ཁྱེད་ཀྱིས་༼མི་ཕམ་གྱིས་༽{{TibArgInline|ཕུང་འདི་སྟོང་ཞེས་རྟོགས་ན་}}ཞེས་ས་མཐའ་ཅན་དུ་བྲིས་པ་{{TibArgInline|ཡི་གེ་བས་ནོར་}}ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་ཏུ་འཛིན་པའི་ང་རྒྱལ་དང་བདག་འཛིན་འགལ་}}སྙམ་པ་དང་། {{TibArgInline|དེ་གཉིས་འབྲེལ་བ་གཉིས་ཀར་རུང་}}གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །{{TibArgInline|བློ་ནུས་ཡོད་ན་འཆད་པའི་སྒོ་དོག་མི་དགོས་}}གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་}}ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་}}ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽{{TibArgInline|གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་}}ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། {{TibQuoteInline|སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། }}ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|ཟླས་དྲངས་}}ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽{{TibArgInline|ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་}}ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།}}&lt;/br&gt;<br /> <br /> {{TibVerse|སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།}}&lt;/br&gt;<br /> <br /> {{TibVerse|རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།}}&lt;/br&gt;<br /> <br /> {{TibVerse|མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།}}&lt;/br&gt;<br /> <br /> {{TibP|ཞེས་བྱ་བ་ནི་ངེས་པའི་ཚིག་གོ།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་}}ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽{{TibArgInline|བག་ཆགས་མ་སྤངས་ན་སླར་སྐྱེ་བར་འགྱུར་}}ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་{{TibArgInline|འགྲེལ་བ་མང་པོ་བརྩམས་}}ཟེར་མོད། ལོང་བས་མུན་མདའ་འཕེན་པར་ཟད་དོ།།}}&lt;/br&gt;<br /> <br /> {{TibP|དེ་བཞིན་དུ་༼མི་ཕམ་གྱིས་༽{{TibArgInline|བདེན་གཉིས་མེད་ཅེས་སུས་སྨྲས་}}ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽{{TibArgInline|ལུགས་དེ་གཉིས་ཀ་ལྟར་མི་སྨྲ་}}ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་}}གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་{{TibQuoteInline|རྩ་བའི་སྡུད་པར་མ་ཚང་བས་}}ཞེས་པའམ། {{TibQuoteInline|ཡང་དག་བསྡུས་པའི་གཞི་ཉམས་ཕྱིར་}}ཞེས་སོགས་དང་། བོ་དོང་བས། {{TibQuoteInline|པོད་བརྒྱ་མཛད་པར་གྲགས་}}པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།}}&lt;/br&gt;<br /> <br /> {{TibP|ཡང་༼མི་ཕམ་གྱིས་༽{{TibArgInline|རྒྱལ་བས་གསུངས་པར་ཤེས་ན་སུན་མི་འབྱིན།། }}ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽{{TibArgInline|བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་}}གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།}}&lt;/br&gt;<br /> <br /> {{TibP|ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། {{TibQuoteInline|ཕུང་པོ་མ་གཏོགས་དེ་འཛིན་མ་གྲུབ་ཕྱིར། །}}ཞེས་དང་། རྣམ་འགྲེལ་དུ། {{TibQuoteInline|རྟེན་མཐོང་མེད་པར་གང་ལས་རྟོགས།། }}ཞེས་དང་། དོན་གསལ་དུ། {{TibQuoteInline|ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་}}ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།}}&lt;/br&gt;<br /> <br /> {{TibP|རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽{{TibArgInline|ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་}}ཟེར་བ་དང་། {{TibArgInline|ཡོད་པ་མི་འགོག་}}ཟེར་བ་སོགས་ནང་འགལ་ནི། དཔལ་ལྡན་ཟླ་བས། {{TibQuoteInline|བཤད་ཟིན་ཉེས་པ་དེ་དག་ཐོག་ཏུ་འབབ་པ་}}ཞེས་དང་། {{TibQuoteInline|རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། }}ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།}}&lt;/br&gt;<br /> <br /> {{TibQuote|ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།}}&lt;/br&gt;<br /> <br /> {{TibP|ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། {{TibQuoteInline|ངན་སྐྱུག་ཁྲོམ་པ་སུ་ཞིག་སློང་།། }}ཞེས་གསུང་བ་ཁོ་ན་ལྟར་ཟད་དོ།།}}&lt;/br&gt;<br /> <br /> {{TibVerse|སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།}}&lt;/br&gt;<br /> <br /> {{TibVerse|རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་ཀྱང་སྨྲས་སོ།།}}&lt;/br&gt;<br /> <br /> {{TibP|འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།}}&lt;/br&gt;<br /> <br /> {{TibQuote|ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།}}&lt;/br&gt;<br /> <br /> {{TibP|ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།}}&lt;/br&gt;<br /> <br /> {{TibP|ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽{{TibArgInline|དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། }}ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།}}&lt;/br&gt;<br /> <br /> {{TibVerse|རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།}}&lt;/br&gt;<br /> <br /> {{TibP|ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། }}&lt;/br&gt;<br /> <br /> {{TibP|ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། }}&lt;/br&gt;<br /> <br /> {{TibP|གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།}}&lt;/br&gt;<br /> <br /> {{TibP|གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། }}&lt;/br&gt;<br /> <br /> {{TibP|བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།}}&lt;/br&gt;<br /> <br /> {{TibP|ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽{{TibArgInline|རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་}}ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།}}&lt;/br&gt;<br /> <br /> {{TibQuote|འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།}}&lt;/br&gt;<br /> <br /> {{TibP|ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། {{TibQuoteInline|རྒྱལ་པོ་ལྐོག་ཏུ་འདུག་ན་མཛེས།། }}ཞེས་གསུང་བ་ཉིད་མན་ངག་གོ།}}&lt;/br&gt;<br /> <br /> སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།<br /> དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།<br /> ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།<br /> དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།<br /> ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།<br /> ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།<br /> དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།<br /> ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།<br /> ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།<br /> རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།<br /> ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།<br /> <br /> བཞི་པ་ནི།<br /> ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།<br /> སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།<br /> འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།<br /> རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།<br /> ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།<br /> འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། <br /> འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།<br /> བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།<br /> <br /> ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།<br /> འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།<br /> དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།<br /> ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།<br /> ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།<br /> ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།<br /> ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།<br /> ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།<br /> གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།<br /> ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།<br /> ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།<br /> ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།<br /> སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།<br /> དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། <br /> ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།<br /> གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།<br /> སརྦ་ཛ་ག་ཏཱཾ་མངྒ་ལཾ།།</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=127248 2026-03-09T09:11:57Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|<br /> &lt;br&gt;<br /> རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།&lt;/br&gt;<br /> &lt;br&gt;<br /> རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།&lt;/br&gt;<br /> &lt;br&gt;<br /> གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།&lt;/br&gt;<br /> &lt;br&gt;<br /> གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།&lt;/br&gt;<br /> &lt;br&gt;<br /> འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།&lt;/br&gt;<br /> &lt;br&gt;<br /> ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།&lt;/br&gt;<br /> &lt;br&gt;<br /> མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།&lt;/br&gt;<br /> &lt;br&gt;<br /> འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།&lt;/br&gt;<br /> &lt;br&gt;<br /> དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།&lt;/br&gt;<br /> &lt;br&gt;<br /> སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།&lt;/br&gt;<br /> &lt;br&gt;<br /> ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།&lt;/br&gt;<br /> &lt;br&gt;<br /> འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}<br /> <br /> {{TibVerse|<br /> <br /> འདིར་སྨྲས་པ། <br /> &lt;br&gt;<br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།&lt;/br&gt;<br /> &lt;br&gt;<br /> རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།&lt;/br&gt;<br /> &lt;br&gt;<br /> ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།&lt;/br&gt;<br /> &lt;br&gt;<br /> བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།&lt;/br&gt;<br /> &lt;br&gt;<br /> རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}<br /> <br /> {{TibVerse|<br /> སྨྲས་པ། <br /> &lt;br&gt;<br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།&lt;/br&gt;<br /> &lt;br&gt;<br /> རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།&lt;/br&gt;<br /> &lt;br&gt;<br /> རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།&lt;/br&gt;<br /> &lt;br&gt;<br /> ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།&lt;/br&gt;<br /> &lt;br&gt;<br /> དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།<br /> <br /> ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}<br /> <br /> {{TibVerse|<br /> &lt;br&gt;<br /> ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།&lt;/br&gt;<br /> &lt;br&gt;<br /> བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།&lt;/br&gt;<br /> &lt;br&gt;<br /> ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།&lt;/br&gt;<br /> &lt;br&gt;<br /> མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།&lt;/br&gt;<br /> &lt;br&gt;<br /> ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།&lt;/br&gt;<br /> &lt;br&gt;<br /> སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།&lt;/br&gt;<br /> &lt;br&gt;<br /> གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}<br /> <br /> {{TibVerse|<br /> &lt;br&gt;<br /> སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།&lt;/br&gt;<br /> &lt;br&gt;<br /> ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།&lt;/br&gt;<br /> &lt;br&gt;<br /> ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}<br /> <br /> {{TibVerse|<br /> &lt;br&gt;<br /> སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།&lt;/br&gt;<br /> &lt;br&gt;<br /> ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། <br /> ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།&lt;/br&gt;<br /> &lt;br&gt;<br /> རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།&lt;/br&gt;<br /> &lt;br&gt;<br /> ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}<br /> <br /> {{TibVerse|<br /> &lt;br&gt; <br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།&lt;/br&gt;<br /> &lt;br&gt;<br /> རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།&lt;/br&gt;<br /> &lt;br&gt;<br /> རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།&lt;/br&gt;<br /> &lt;br&gt;<br /> རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| <br /> སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།&lt;/br&gt;<br /> &lt;br&gt;<br /> འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}<br /> <br /> {{TibP|ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།}}<br /> <br /> {{TibP|སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།}}<br /> <br /> {{TibP|ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།}}<br /> <br /> {{TibP|མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།}}<br /> <br /> {{TibQuote|སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།&lt;/br&gt;<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།&lt;/br&gt;<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།}}<br /> <br /> {{TibQuote|ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།&lt;/br&gt;<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།&lt;/br&gt;<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།}}&lt;/br&gt;<br /> <br /> {{TibP|ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་བདག་ཏུ་འཛིན་པའི་དགྲ་ཆེན་པོ།།&lt;/br&gt;<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།&lt;/br&gt;<br /> ཐོག་མ་མེད་ནས་བདག་ལ་གནས་ནས་ནི།།&lt;/br&gt;<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།}}&lt;/br&gt;<br /> <br /> {{TibQuote|གདོད་མའི་མུ་ནས་དགྲ་ཡིས་བརྐུས་ནས་ནི།།&lt;/br&gt;<br /> མཚན་མའི་ཚང་ཚིང་གནས་སུ་སྦས་ནས་བཞག།&lt;/br&gt;<br /> ད་དུང་འཆིང་ཞིང་འཁོར་བར་འཁྱམ་དུ་འདུག།&lt;/br&gt;<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།}}&lt;/br&gt;<br /> <br /> {{TibQuote|དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།&lt;/br&gt;<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།&lt;/br&gt;<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།}}&lt;/br&gt;<br /> <br /> {{TibP|རྒྱལ་བོས་གསོལ་བ།}}<br /> <br /> {{TibQuote|དགྲ་ཆེན་དེ་དང་ཇི་ལྟར་འཐབ་པར་བགྱི།།}}&lt;/br&gt;<br /> <br /> {{TibP|བཅོམ་ལྡན་འདས་ཀྱིས་བཀའ་བསྩལ་པ།}}<br /> <br /> {{TibQuote|རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།&lt;/br&gt;<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།&lt;/br&gt;<br /> དགེ་བས་དཔུང་བྱས་བཟོད་པའི་གོ་གྱོན་ལ།།&lt;/br&gt;<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།&lt;/br&gt;<br /> བདག་མེད་སྟོང་བའི་མདའ་ཡིས་བདག་འཛིན་བསད།།}}&lt;/br&gt;<br /> <br /> {{TibP|ཅེས་གསུང་སྟེ། ཡང་བཅོམ་ལྡན་འདས་ཀྱིས།}}<br /> <br /> {{TibQuote|བློ་དང་ལྡན་ན་ཚིག་གཅིག་གིས།།&lt;/br&gt;<br /> ཆིག་བརྒྱ་དག་ནི་ཤེས་པར་འགྱུར།།}}<br /> <br /> {{TibP|ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།}}<br /> <br /> {{TibVerse|སྨྲས་པ།&lt;/br&gt;<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།&lt;/br&gt;<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།&lt;/br&gt;<br /> རེག་པས་དཀའ་གནད་འདབ་སྟོང་པདྨོའི་རྒྱ།།&lt;/br&gt;<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།}}&lt;/br&gt;<br /> <br /> {{TibVerse|ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།&lt;/br&gt;<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།&lt;/br&gt;<br /> བདེ་བླག་ཉིད་དུ་གསལ་བར་མཚོན་པའི་དཔལ།།&lt;/br&gt;<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།}}&lt;/br&gt;<br /> <br /> {{TibVerse|བླང་དོར་ཕྱེད་པའི་གོ་རིགས་མཐུ་དམན་ཀྱང་།།&lt;/br&gt;<br /> རང་ཚོད་བསྙལ་ཞིང་རང་མཐོང་ཆེ་བ་དག།&lt;/br&gt;<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།།&lt;/br&gt;<br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།}}&lt;/br&gt;<br /> <br /> {{TibVerse|རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།&lt;/br&gt;<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།&lt;/br&gt;<br /> འབེལ་གཏམ་བང་རིམ་མཛེས་པའི་རྩེ་མོ་རུ།།&lt;/br&gt;<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་འཕྲོས་དོན་བསྡུས་པའོ།།}}<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་}}ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།}}<br /> <br /> {{TibP|སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། {{TibQuoteInline|རྣམ་པར་མི་རྟོག་བློ་ཅན་གྱི།། }}ཞེས་དང་། {{TibQuoteInline|སྟོང་པ་ཉིད་དགའ་མཆོག་གི་བློ།། }}ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།}}<br /> <br /> {{TibP|ཡང་ཁོ་བོས་༼མི་ཕམ་གྱིས་༽{{TibArgInline|ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་}}ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་{{TibArgInline|ཤེར་འགྲེལ་}}ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།}}<br /> <br /> {{TibP|ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།}}<br /> <br /> {{TibSabche|སྡེ་ཚན་གྱི་མཇུག་བསྡུ་བ།}}<br /> <br /> {{TibVerse|ཀུན་གསལ་མེ་ལོང་དག་པའི་དཀྱིལ་འཁོར་མཛེས།། &lt;/br&gt;<br /> འོད་སྟོང་འབར་བ་པདྨོའི་ཚལ་ལ་རོལ།། &lt;/br&gt;<br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།&lt;/br&gt;<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།།}}&lt;/br&gt;<br /> <br /> {{TibVerse|རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། &lt;/br&gt;<br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། &lt;/br&gt;<br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། &lt;/br&gt;<br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།།}}&lt;/br&gt;<br /> <br /> {{TibVerse|འཆི་མེད་བུ་མོས་བསྟོད་བསྔགས་ཤིས་པ་བརྗོད།། &lt;/br&gt;<br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། &lt;/br&gt;<br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། &lt;/br&gt;<br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།།}}&lt;/br&gt;<br /> <br /> {{TibP|ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།}}<br /> <br /> {{TibSabche|གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི།}}<br /> {{TibP|བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽{{TibArgInline|འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར།}} {{TibQuoteInline|རང་གི་ས་པའི་ཉོན་མོངས་ཀུན།། }}ཞེས་དང་། {{TibQuoteInline|རྨོངས་ལས་ཐེ་ཚོམ་}}ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། {{TibArgInline|འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་}}ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །}}<br /> <br /> {{TibVerse|སྨྲས་པ།&lt;/br&gt;<br /> དབུས་མེད་དབུ་མར་སྨྲ་བ་དབུ་འཁོར་ནས།།&lt;/br&gt;<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།&lt;/br&gt;<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།&lt;/br&gt;<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།&lt;/br&gt;<br /> <br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།&lt;/br&gt;<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།&lt;/br&gt;<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།&lt;/br&gt;<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།&lt;/br&gt;<br /> <br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།&lt;/br&gt;<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།&lt;/br&gt;<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།&lt;/br&gt;<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།}}&lt;/br&gt;<br /> <br /> {{TibP|ཞེས་བྱ་བ་ནི་གསོང་པོར་སྨྲས་པའོ།།}}<br /> <br /> {{TibP|གཉིས་པ་ནི། ༼མི་ཕམ་གྱིས་༽རབ་སྣང་དུ་{{TibArgInline|སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་}}ཞེས་སྨྲས་སོ། །འོ་ན་འདི་ལྟར།}}<br /> <br /> {{TibVerse|རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།&lt;/br&gt;<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།&lt;/br&gt;<br /> རབ་འཇིགས་རྔམས་པའི་སྦར་མོས་བཅིང་བ་ལས།།&lt;/br&gt;<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།}}&lt;/br&gt;<br /> <br /> {{TibP|སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།}}<br /> {{TibQuote|དབང་པོ་ལྔ་རྣམས་གནས་གྱུར་ན།།&lt;/br&gt;<br /> དོན་ཀུན་འཇུག་དང་ཐམས་ཅད་ཀྱི།།&lt;/br&gt;<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།།}}<br /> <br /> སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།<br /> སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།<br /> ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།<br /> མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།<br /> བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།<br /> ཞེས་ཀྱང་འཚེར་རོ།།<br /> <br /> གསུམ་པ་ནི། ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།<br /> བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། བརྟག་མིན་ཕྱིར་དང་བརྗོད་མིན་ཕྱིར།། ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། བརྗོད་དུ་མེད་པའི་བདག་ཉིད་ཀྱིས་ཡོད་པ། ཞེས་དང་། འཇུག་པར། སྤྲོས་ཀུན་ཡུལ་མིན། ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། རྣམ་པར་རྟོག་པའི་སྤྱོད་ཡུལ། ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། ཡིན་པར་གྱུར་ལ་བྱ་བ་མེད།། ཅེས་སོགས་དང་། རང་བཞིན་མེད་པ་ཉིད་ལོག་ན།། ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།<br /> རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།<br /> ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །<br /> སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།<br /> དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།<br /> མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།<br /> གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།<br /> རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།<br /> གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།<br /> མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།<br /> <br /> གསུམ་པ་ལོག་རྟོག་བསལ་བ་ནི། ༼མི་ཕམ་གྱིས་༽དངོས་སྨྲས་སྟོང་ཉིད་མ་ཡིན་དགག་ཏུ་འདོད་ཅེས་བྱེ་སྨྲ་དང་ཁྱད་མེད་པར་འཁྲུལ། བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །དངོས་སྨྲ་བ་ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།<br /> གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽སེམས་མ་ཡིན་པ་བཅད་ནས་ཡིན་པ་སྟོན་ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། བློ་ངན་ཁྱོད་ཀྱི་རལ་བ་ཅི།། ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།<br /> ཡང༼མི་ཕམ་གྱིས་༽རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་རྟེན་གནས་ཀྱི་སྒྲ་ཡིན་གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽སྡེབ་སྦྱོར་བྱས་ན་གཞན་དང་མི་མཉམ་པ་ནུས་ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།<br /> ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།<br /> ཡང་ཁྱེད་ཀྱིས་༼མི་ཕམ་གྱིས་༽ཕུང་འདི་སྟོང་ཞེས་རྟོགས་ན་ཞེས་ས་མཐའ་ཅན་དུ་བྲིས་པ་ཡི་གེ་བས་ནོར་ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།<br /> ཡང་༼མི་ཕམ་གྱིས་༽བདག་ཏུ་འཛིན་པའི་ང་རྒྱལ་དང་བདག་འཛིན་འགལ་སྙམ་པ་དང་། དེ་གཉིས་འབྲེལ་བ་གཉིས་ཀར་རུང་གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །བློ་ནུས་ཡོད་ན་འཆད་པའི་སྒོ་དོག་མི་དགོས་གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།<br /> ཡང་༼མི་ཕམ་གྱིས་༽གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།<br /> ༼མི་ཕམ་གྱིས་༽སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།<br /> ཡང་༼མི་ཕམ་གྱིས་༽ཟླས་དྲངས་ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།<br /> སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།<br /> རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།<br /> མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།<br /> ཞེས་བྱ་བ་ནི་ངེས་པའི་ཚིག་གོ།<br /> ཡང་༼མི་ཕམ་གྱིས་༽བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽བག་ཆགས་མ་སྤངས་ན་སླར་སྐྱེ་བར་འགྱུར་ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་འགྲེལ་བ་མང་པོ་བརྩམས་ཟེར་མོད། ལོང་བས་མུན་མདའ་འཕེན་པར་ཟད་དོ།།<br /> དེ་བཞིན་དུ་༼མི་ཕམ་གྱིས་༽བདེན་གཉིས་མེད་ཅེས་སུས་སྨྲས་ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽ལུགས་དེ་གཉིས་ཀ་ལྟར་མི་སྨྲ་ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ།བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་རྩ་བའི་སྡུད་པར་མ་ཚང་བས་ཞེས་པའམ། ཡང་དག་བསྡུས་པའི་གཞི་ཉམས་ཕྱིར་ཞེས་སོགས་དང་། བོ་དོང་བས། པོད་བརྒྱ་མཛད་པར་གྲགས་པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།<br /> ཡང་༼མི་ཕམ་གྱིས་༽རྒྱལ་བས་གསུངས་པར་ཤེས་ན་སུན་མི་འབྱིན།། ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།<br /> ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།<br /> ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། ཕུང་པོ་མ་གཏོགས་དེ་འཛིན་མ་གྲུབ་ཕྱིར། །ཞེས་དང་། རྣམ་འགྲེལ་དུ། རྟེན་མཐོང་མེད་པར་གང་ལས་རྟོགས།། ཞེས་དང་། དོན་གསལ་དུ། ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།<br /> རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་ཟེར་བ་དང་། ཡོད་པ་མི་འགོག་ཟེར་བ་སོགས་ནང་འགལ་ནི། དཔལ་ལྡན་ཟླ་བས། བཤད་ཟིན་ཉེས་པ་དེ་དག་ཐོག་ཏུ་འབབ་པ་ཞེས་དང་། རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།<br /> ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།<br /> ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། ངན་སྐྱུག་ཁྲོམ་པ་སུ་ཞིག་སློང་།། ཞེས་གསུང་བ་ཁོ་ན་ལྟར་ཟད་དོ།།<br /> སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།<br /> རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།<br /> ཞེས་ཀྱང་སྨྲས་སོ།།<br /> འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།<br /> ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།<br /> ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།<br /> ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།<br /> རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།<br /> ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། <br /> ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། <br /> གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།<br /> གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། <br /> བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།<br /> ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།<br /> འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།<br /> ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། རྒྱལ་པོ་ལྐོག་ཏུ་འདུག་ན་མཛེས།། ཞེས་གསུང་བ་ཉིད་མན་ངག་གོ།<br /> སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།<br /> དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།<br /> ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།<br /> དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།<br /> ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།<br /> ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།<br /> དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།<br /> ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།<br /> ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།<br /> རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།<br /> ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།<br /> <br /> བཞི་པ་ནི།<br /> ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།<br /> སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།<br /> འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།<br /> རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།<br /> ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།<br /> འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། <br /> འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།<br /> བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།<br /> <br /> ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།<br /> འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།<br /> དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།<br /> ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།<br /> ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།<br /> ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།<br /> ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།<br /> ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།<br /> གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།<br /> ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།<br /> ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།<br /> ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།<br /> སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།<br /> དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། <br /> ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།<br /> གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།<br /> སརྦ་ཛ་ག་ཏཱཾ་མངྒ་ལཾ།།</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=126934 2026-03-06T07:38:51Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|<br /> &lt;br&gt;<br /> རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།&lt;/br&gt;<br /> &lt;br&gt;<br /> རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།&lt;/br&gt;<br /> &lt;br&gt;<br /> གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།&lt;/br&gt;<br /> &lt;br&gt;<br /> གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།&lt;/br&gt;<br /> &lt;br&gt;<br /> འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།&lt;/br&gt;<br /> &lt;br&gt;<br /> ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།&lt;/br&gt;<br /> &lt;br&gt;<br /> མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།&lt;/br&gt;<br /> &lt;br&gt;<br /> འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།&lt;/br&gt;<br /> &lt;br&gt;<br /> དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།&lt;/br&gt;<br /> &lt;br&gt;<br /> སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།&lt;/br&gt;<br /> &lt;br&gt;<br /> ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།&lt;/br&gt;<br /> &lt;br&gt;<br /> འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}<br /> <br /> {{TibVerse|<br /> <br /> འདིར་སྨྲས་པ། <br /> &lt;br&gt;<br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།&lt;/br&gt;<br /> &lt;br&gt;<br /> རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།&lt;/br&gt;<br /> &lt;br&gt;<br /> ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།&lt;/br&gt;<br /> &lt;br&gt;<br /> བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།&lt;/br&gt;<br /> &lt;br&gt;<br /> རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}<br /> <br /> {{TibVerse|<br /> སྨྲས་པ། <br /> &lt;br&gt;<br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།&lt;/br&gt;<br /> &lt;br&gt;<br /> རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།&lt;/br&gt;<br /> &lt;br&gt;<br /> རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།&lt;/br&gt;<br /> &lt;br&gt;<br /> ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།&lt;/br&gt;<br /> &lt;br&gt;<br /> དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།<br /> <br /> ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}<br /> <br /> {{TibVerse|<br /> &lt;br&gt;<br /> ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།&lt;/br&gt;<br /> &lt;br&gt;<br /> བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།&lt;/br&gt;<br /> &lt;br&gt;<br /> ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།&lt;/br&gt;<br /> &lt;br&gt;<br /> མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།&lt;/br&gt;<br /> &lt;br&gt;<br /> ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།&lt;/br&gt;<br /> &lt;br&gt;<br /> སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།&lt;/br&gt;<br /> &lt;br&gt;<br /> གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}<br /> <br /> {{TibVerse|<br /> &lt;br&gt;<br /> སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།&lt;/br&gt;<br /> &lt;br&gt;<br /> ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།&lt;/br&gt;<br /> &lt;br&gt;<br /> ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}<br /> <br /> {{TibVerse|<br /> &lt;br&gt;<br /> སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།&lt;/br&gt;<br /> &lt;br&gt;<br /> ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། <br /> ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།&lt;/br&gt;<br /> &lt;br&gt;<br /> རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།&lt;/br&gt;<br /> &lt;br&gt;<br /> ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}<br /> <br /> {{TibVerse|<br /> &lt;br&gt; <br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།&lt;/br&gt;<br /> &lt;br&gt;<br /> རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།&lt;/br&gt;<br /> &lt;br&gt;<br /> རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།&lt;/br&gt;<br /> &lt;br&gt;<br /> རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།}}&lt;/br&gt;<br /> <br /> {{TibP|ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| <br /> སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།&lt;/br&gt;<br /> &lt;br&gt;<br /> འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}<br /> <br /> ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།<br /> སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།<br /> ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།<br /> མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།<br /> སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།<br /> ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།<br /> ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།<br /> ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།<br /> རྣམ་རྟོག་བདག་ཏུ་འཛིན་པའི་དགྲ་ཆེན་པོ།།<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།<br /> ཐོག་མ་མེད་ནས་བདག་ལ་གནས་ནས་ནི།།<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།<br /> གདོད་མའི་མུ་ནས་དགྲ་ཡིས་བརྐུས་ནས་ནི།།<br /> མཚན་མའི་ཚང་ཚིང་གནས་སུ་སྦས་ནས་བཞག།<br /> ད་དུང་འཆིང་ཞིང་འཁོར་བར་འཁྱམ་དུ་འདུག།<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།<br /> དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།<br /> རྒྱལ་བོས་གསོལ་བ།<br /> དགྲ་ཆེན་དེ་དང་ཇི་ལྟར་འཐབ་པར་བགྱི།།<br /> བཅོམ་ལྡན་འདས་ཀྱིས་བཀའ་བསྩལ་པ།<br /> རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།<br /> དགེ་བས་དཔུང་བྱས་བཟོད་པའི་གོ་གྱོན་ལ།།<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།<br /> བདག་མེད་སྟོང་བའི་མདའ་ཡིས་བདག་འཛིན་བསད།།<br /> ཅེས་གསུང་སྟེ། ཡང་བཅོམ་ལྡན་འདས་ཀྱིས།<br /> བློ་དང་ལྡན་ན་ཚིག་གཅིག་གིས།།<br /> ཆིག་བརྒྱ་དག་ནི་ཤེས་པར་འགྱུར།།<br /> ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།<br /> སྨྲས་པ།<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།<br /> རེག་པས་དཀའ་གནད་འདབ་སྟོང་པདྨོའི་རྒྱ།།<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།<br /> ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།<br /> བདེ་བླག་ཉིད་དུ་གསལ་བར་མཚོན་པའི་དཔལ།།<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།<br /> བླང་དོར་ཕྱེད་པའི་གོ་རིགས་མཐུ་དམན་ཀྱང་།།<br /> རང་ཚོད་བསྙལ་ཞིང་རང་མཐོང་ཆེ་བ་དག།<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།། <br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།<br /> རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།<br /> འབེལ་གཏམ་བང་རིམ་མཛེས་པའི་རྩེ་མོ་རུ།།<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།<br /> ཞེས་བྱ་བ་ནི་འཕྲོས་དོན་བསྡུས་པའོ།།<br /> ཤེར་ཊིཀ་ཏུ་༼མི་ཕམ་གྱིས་༽དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།<br /> སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། རྣམ་པར་མི་རྟོག་བློ་ཅན་གྱི།། ཞེས་དང་། སྟོང་པ་ཉིད་དགའ་མཆོག་གི་བློ།། ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།<br /> ཡང་ཁོ་བོས་༼མི་ཕམ་གྱིས་༽ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་ཤེར་འགྲེལ་ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།<br /> ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།<br /> སྡེ་ཚན་གྱི་མཇུག་བསྡུ་བ།<br /> ཀུན་གསལ་མེ་ལོང་དག་པའི་དཀྱིལ་འཁོར་མཛེས།། <br /> འོད་སྟོང་འབར་བ་པདྨོའི་ཚལ་ལ་རོལ།། <br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།། <br /> རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། <br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། <br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། <br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།། <br /> འཆི་མེད་བུ་མོས་བསྟོད་བསྔགས་ཤིས་པ་བརྗོད།། <br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། <br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། <br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།། <br /> ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།<br /> <br /> གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི། བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར། རང་གི་ས་པའི་ཉོན་མོངས་ཀུན།། ཞེས་དང་། རྨོངས་ལས་ཐེ་ཚོམ་ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །<br /> སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།<br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།<br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།<br /> ཞེས་བྱ་བ་ནི་གསོང་པོར་སྨྲས་པའོ།།<br /> གཉིས་པ་ནི། ༼མི་ཕམ་གྱིས་༽རབ་སྣང་དུ་སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་ཞེས་སྨྲས་སོ། །འོ་ན་འདི་ལྟར། <br /> རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།<br /> སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།<br /> དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།<br /> ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།། <br /> སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།<br /> སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།<br /> ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།<br /> མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།<br /> བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།<br /> ཞེས་ཀྱང་འཚེར་རོ།།<br /> <br /> གསུམ་པ་ནི། ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།<br /> བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། བརྟག་མིན་ཕྱིར་དང་བརྗོད་མིན་ཕྱིར།། ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། བརྗོད་དུ་མེད་པའི་བདག་ཉིད་ཀྱིས་ཡོད་པ། ཞེས་དང་། འཇུག་པར། སྤྲོས་ཀུན་ཡུལ་མིན། ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། རྣམ་པར་རྟོག་པའི་སྤྱོད་ཡུལ། ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། ཡིན་པར་གྱུར་ལ་བྱ་བ་མེད།། ཅེས་སོགས་དང་། རང་བཞིན་མེད་པ་ཉིད་ལོག་ན།། ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།<br /> རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།<br /> ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །<br /> སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།<br /> དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།<br /> མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།<br /> གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།<br /> རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།<br /> གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།<br /> མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།<br /> <br /> གསུམ་པ་ལོག་རྟོག་བསལ་བ་ནི། ༼མི་ཕམ་གྱིས་༽དངོས་སྨྲས་སྟོང་ཉིད་མ་ཡིན་དགག་ཏུ་འདོད་ཅེས་བྱེ་སྨྲ་དང་ཁྱད་མེད་པར་འཁྲུལ། བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །དངོས་སྨྲ་བ་ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།<br /> གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽སེམས་མ་ཡིན་པ་བཅད་ནས་ཡིན་པ་སྟོན་ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། བློ་ངན་ཁྱོད་ཀྱི་རལ་བ་ཅི།། ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།<br /> ཡང༼མི་ཕམ་གྱིས་༽རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་རྟེན་གནས་ཀྱི་སྒྲ་ཡིན་གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽སྡེབ་སྦྱོར་བྱས་ན་གཞན་དང་མི་མཉམ་པ་ནུས་ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།<br /> ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།<br /> ཡང་ཁྱེད་ཀྱིས་༼མི་ཕམ་གྱིས་༽ཕུང་འདི་སྟོང་ཞེས་རྟོགས་ན་ཞེས་ས་མཐའ་ཅན་དུ་བྲིས་པ་ཡི་གེ་བས་ནོར་ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།<br /> ཡང་༼མི་ཕམ་གྱིས་༽བདག་ཏུ་འཛིན་པའི་ང་རྒྱལ་དང་བདག་འཛིན་འགལ་སྙམ་པ་དང་། དེ་གཉིས་འབྲེལ་བ་གཉིས་ཀར་རུང་གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །བློ་ནུས་ཡོད་ན་འཆད་པའི་སྒོ་དོག་མི་དགོས་གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།<br /> ཡང་༼མི་ཕམ་གྱིས་༽གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།<br /> ༼མི་ཕམ་གྱིས་༽སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།<br /> ཡང་༼མི་ཕམ་གྱིས་༽ཟླས་དྲངས་ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།<br /> སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།<br /> རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།<br /> མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།<br /> ཞེས་བྱ་བ་ནི་ངེས་པའི་ཚིག་གོ།<br /> ཡང་༼མི་ཕམ་གྱིས་༽བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽བག་ཆགས་མ་སྤངས་ན་སླར་སྐྱེ་བར་འགྱུར་ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་འགྲེལ་བ་མང་པོ་བརྩམས་ཟེར་མོད། ལོང་བས་མུན་མདའ་འཕེན་པར་ཟད་དོ།།<br /> དེ་བཞིན་དུ་༼མི་ཕམ་གྱིས་༽བདེན་གཉིས་མེད་ཅེས་སུས་སྨྲས་ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽ལུགས་དེ་གཉིས་ཀ་ལྟར་མི་སྨྲ་ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ།བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་རྩ་བའི་སྡུད་པར་མ་ཚང་བས་ཞེས་པའམ། ཡང་དག་བསྡུས་པའི་གཞི་ཉམས་ཕྱིར་ཞེས་སོགས་དང་། བོ་དོང་བས། པོད་བརྒྱ་མཛད་པར་གྲགས་པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།<br /> ཡང་༼མི་ཕམ་གྱིས་༽རྒྱལ་བས་གསུངས་པར་ཤེས་ན་སུན་མི་འབྱིན།། ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།<br /> ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།<br /> ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། ཕུང་པོ་མ་གཏོགས་དེ་འཛིན་མ་གྲུབ་ཕྱིར། །ཞེས་དང་། རྣམ་འགྲེལ་དུ། རྟེན་མཐོང་མེད་པར་གང་ལས་རྟོགས།། ཞེས་དང་། དོན་གསལ་དུ། ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།<br /> རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་ཟེར་བ་དང་། ཡོད་པ་མི་འགོག་ཟེར་བ་སོགས་ནང་འགལ་ནི། དཔལ་ལྡན་ཟླ་བས། བཤད་ཟིན་ཉེས་པ་དེ་དག་ཐོག་ཏུ་འབབ་པ་ཞེས་དང་། རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།<br /> ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།<br /> ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། ངན་སྐྱུག་ཁྲོམ་པ་སུ་ཞིག་སློང་།། ཞེས་གསུང་བ་ཁོ་ན་ལྟར་ཟད་དོ།།<br /> སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།<br /> རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།<br /> ཞེས་ཀྱང་སྨྲས་སོ།།<br /> འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།<br /> ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།<br /> ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།<br /> ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།<br /> རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།<br /> ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། <br /> ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། <br /> གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།<br /> གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། <br /> བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།<br /> ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།<br /> འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།<br /> ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། རྒྱལ་པོ་ལྐོག་ཏུ་འདུག་ན་མཛེས།། ཞེས་གསུང་བ་ཉིད་མན་ངག་གོ།<br /> སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།<br /> དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།<br /> ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།<br /> དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།<br /> ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།<br /> ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།<br /> དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།<br /> ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།<br /> ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།<br /> རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།<br /> ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།<br /> <br /> བཞི་པ་ནི།<br /> ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།<br /> སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།<br /> འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།<br /> རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།<br /> ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།<br /> འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། <br /> འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།<br /> བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།<br /> <br /> ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།<br /> འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།<br /> དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།<br /> ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།<br /> ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།<br /> ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།<br /> ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།<br /> ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།<br /> གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།<br /> ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།<br /> ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།<br /> ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།<br /> སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།<br /> དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། <br /> ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།<br /> གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།<br /> སརྦ་ཛ་ག་ཏཱཾ་མངྒ་ལཾ།།</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=126933 2026-03-06T07:35:25Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|<br /> &lt;br&gt;<br /> རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།&lt;/br&gt;<br /> &lt;br&gt;<br /> རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།&lt;/br&gt;<br /> &lt;br&gt;<br /> གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།&lt;/br&gt;<br /> &lt;br&gt;<br /> གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།&lt;/br&gt;<br /> &lt;br&gt;<br /> འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།&lt;/br&gt;<br /> &lt;br&gt;<br /> ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།&lt;/br&gt;<br /> &lt;br&gt;<br /> མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།&lt;/br&gt;<br /> &lt;br&gt;<br /> འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།&lt;/br&gt;<br /> &lt;br&gt;<br /> དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།&lt;/br&gt;<br /> &lt;br&gt;<br /> སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།&lt;/br&gt;<br /> &lt;br&gt;<br /> ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།&lt;/br&gt;<br /> &lt;br&gt;<br /> འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}<br /> <br /> {{TibVerse|<br /> <br /> འདིར་སྨྲས་པ། <br /> &lt;br&gt;<br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།&lt;/br&gt;<br /> &lt;br&gt;<br /> རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།&lt;/br&gt;<br /> &lt;br&gt;<br /> ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།&lt;/br&gt;<br /> &lt;br&gt;<br /> བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།&lt;/br&gt;<br /> &lt;br&gt;<br /> རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}<br /> <br /> {{TibVerse|<br /> སྨྲས་པ། <br /> &lt;br&gt;<br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།&lt;/br&gt;<br /> &lt;br&gt;<br /> རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།&lt;/br&gt;<br /> &lt;br&gt;<br /> རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།&lt;/br&gt;<br /> &lt;br&gt;<br /> ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།&lt;/br&gt;<br /> &lt;br&gt;<br /> དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།<br /> <br /> ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}<br /> <br /> {{TibVerse|<br /> &lt;br&gt;<br /> ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།&lt;/br&gt;<br /> &lt;br&gt;<br /> བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།&lt;/br&gt;<br /> &lt;br&gt;<br /> ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།&lt;/br&gt;<br /> &lt;br&gt;<br /> མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།&lt;/br&gt;<br /> &lt;br&gt;<br /> ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།&lt;/br&gt;<br /> &lt;br&gt;<br /> སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།&lt;/br&gt;<br /> &lt;br&gt;<br /> གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}<br /> <br /> {{TibVerse|<br /> &lt;br&gt;<br /> སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།&lt;/br&gt;<br /> &lt;br&gt;<br /> ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།&lt;/br&gt;<br /> &lt;br&gt;<br /> ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}<br /> <br /> {{TibVerse|<br /> &lt;br&gt;<br /> སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།&lt;/br&gt;<br /> &lt;br&gt;<br /> ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། <br /> ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།&lt;/br&gt;<br /> &lt;br&gt;<br /> རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།&lt;/br&gt;<br /> &lt;br&gt;<br /> ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}<br /> <br /> {{TibVerse|<br /> &lt;br&gt; <br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།&lt;/br&gt;<br /> &lt;br&gt;<br /> རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།&lt;/br&gt;<br /> &lt;br&gt;<br /> རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།&lt;/br&gt;<br /> &lt;br&gt;<br /> རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།<br /> ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| <br /> སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།&lt;/br&gt;<br /> &lt;br&gt;<br /> འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}<br /> <br /> {{TibP|གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།}}<br /> <br /> {{TibP|ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།}}<br /> <br /> {{TibP|ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།}}<br /> <br /> ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།<br /> སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།<br /> ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།<br /> མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།<br /> སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།<br /> ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།<br /> ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།<br /> ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།<br /> རྣམ་རྟོག་བདག་ཏུ་འཛིན་པའི་དགྲ་ཆེན་པོ།།<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།<br /> ཐོག་མ་མེད་ནས་བདག་ལ་གནས་ནས་ནི།།<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།<br /> གདོད་མའི་མུ་ནས་དགྲ་ཡིས་བརྐུས་ནས་ནི།།<br /> མཚན་མའི་ཚང་ཚིང་གནས་སུ་སྦས་ནས་བཞག།<br /> ད་དུང་འཆིང་ཞིང་འཁོར་བར་འཁྱམ་དུ་འདུག།<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།<br /> དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།<br /> རྒྱལ་བོས་གསོལ་བ།<br /> དགྲ་ཆེན་དེ་དང་ཇི་ལྟར་འཐབ་པར་བགྱི།།<br /> བཅོམ་ལྡན་འདས་ཀྱིས་བཀའ་བསྩལ་པ།<br /> རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།<br /> དགེ་བས་དཔུང་བྱས་བཟོད་པའི་གོ་གྱོན་ལ།།<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།<br /> བདག་མེད་སྟོང་བའི་མདའ་ཡིས་བདག་འཛིན་བསད།།<br /> ཅེས་གསུང་སྟེ། ཡང་བཅོམ་ལྡན་འདས་ཀྱིས།<br /> བློ་དང་ལྡན་ན་ཚིག་གཅིག་གིས།།<br /> ཆིག་བརྒྱ་དག་ནི་ཤེས་པར་འགྱུར།།<br /> ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།<br /> སྨྲས་པ།<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།<br /> རེག་པས་དཀའ་གནད་འདབ་སྟོང་པདྨོའི་རྒྱ།།<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།<br /> ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།<br /> བདེ་བླག་ཉིད་དུ་གསལ་བར་མཚོན་པའི་དཔལ།།<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།<br /> བླང་དོར་ཕྱེད་པའི་གོ་རིགས་མཐུ་དམན་ཀྱང་།།<br /> རང་ཚོད་བསྙལ་ཞིང་རང་མཐོང་ཆེ་བ་དག།<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།། <br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།<br /> རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།<br /> འབེལ་གཏམ་བང་རིམ་མཛེས་པའི་རྩེ་མོ་རུ།།<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།<br /> ཞེས་བྱ་བ་ནི་འཕྲོས་དོན་བསྡུས་པའོ།།<br /> ཤེར་ཊིཀ་ཏུ་༼མི་ཕམ་གྱིས་༽དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།<br /> སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། རྣམ་པར་མི་རྟོག་བློ་ཅན་གྱི།། ཞེས་དང་། སྟོང་པ་ཉིད་དགའ་མཆོག་གི་བློ།། ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།<br /> ཡང་ཁོ་བོས་༼མི་ཕམ་གྱིས་༽ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་ཤེར་འགྲེལ་ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།<br /> ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།<br /> སྡེ་ཚན་གྱི་མཇུག་བསྡུ་བ།<br /> ཀུན་གསལ་མེ་ལོང་དག་པའི་དཀྱིལ་འཁོར་མཛེས།། <br /> འོད་སྟོང་འབར་བ་པདྨོའི་ཚལ་ལ་རོལ།། <br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།། <br /> རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། <br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། <br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། <br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།། <br /> འཆི་མེད་བུ་མོས་བསྟོད་བསྔགས་ཤིས་པ་བརྗོད།། <br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། <br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། <br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།། <br /> ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།<br /> <br /> གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི། བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར། རང་གི་ས་པའི་ཉོན་མོངས་ཀུན།། ཞེས་དང་། རྨོངས་ལས་ཐེ་ཚོམ་ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །<br /> སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།<br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།<br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།<br /> ཞེས་བྱ་བ་ནི་གསོང་པོར་སྨྲས་པའོ།།<br /> གཉིས་པ་ནི། ༼མི་ཕམ་གྱིས་༽རབ་སྣང་དུ་སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་ཞེས་སྨྲས་སོ། །འོ་ན་འདི་ལྟར། <br /> རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།<br /> སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།<br /> དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།<br /> ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།། <br /> སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།<br /> སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།<br /> ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།<br /> མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།<br /> བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།<br /> ཞེས་ཀྱང་འཚེར་རོ།།<br /> <br /> གསུམ་པ་ནི། ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།<br /> བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། བརྟག་མིན་ཕྱིར་དང་བརྗོད་མིན་ཕྱིར།། ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། བརྗོད་དུ་མེད་པའི་བདག་ཉིད་ཀྱིས་ཡོད་པ། ཞེས་དང་། འཇུག་པར། སྤྲོས་ཀུན་ཡུལ་མིན། ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། རྣམ་པར་རྟོག་པའི་སྤྱོད་ཡུལ། ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། ཡིན་པར་གྱུར་ལ་བྱ་བ་མེད།། ཅེས་སོགས་དང་། རང་བཞིན་མེད་པ་ཉིད་ལོག་ན།། ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།<br /> རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།<br /> ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །<br /> སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།<br /> དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།<br /> མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།<br /> གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།<br /> རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།<br /> གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།<br /> མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།<br /> <br /> གསུམ་པ་ལོག་རྟོག་བསལ་བ་ནི། ༼མི་ཕམ་གྱིས་༽དངོས་སྨྲས་སྟོང་ཉིད་མ་ཡིན་དགག་ཏུ་འདོད་ཅེས་བྱེ་སྨྲ་དང་ཁྱད་མེད་པར་འཁྲུལ། བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །དངོས་སྨྲ་བ་ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།<br /> གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽སེམས་མ་ཡིན་པ་བཅད་ནས་ཡིན་པ་སྟོན་ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། བློ་ངན་ཁྱོད་ཀྱི་རལ་བ་ཅི།། ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།<br /> ཡང༼མི་ཕམ་གྱིས་༽རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་རྟེན་གནས་ཀྱི་སྒྲ་ཡིན་གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽སྡེབ་སྦྱོར་བྱས་ན་གཞན་དང་མི་མཉམ་པ་ནུས་ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།<br /> ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།<br /> ཡང་ཁྱེད་ཀྱིས་༼མི་ཕམ་གྱིས་༽ཕུང་འདི་སྟོང་ཞེས་རྟོགས་ན་ཞེས་ས་མཐའ་ཅན་དུ་བྲིས་པ་ཡི་གེ་བས་ནོར་ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།<br /> ཡང་༼མི་ཕམ་གྱིས་༽བདག་ཏུ་འཛིན་པའི་ང་རྒྱལ་དང་བདག་འཛིན་འགལ་སྙམ་པ་དང་། དེ་གཉིས་འབྲེལ་བ་གཉིས་ཀར་རུང་གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །བློ་ནུས་ཡོད་ན་འཆད་པའི་སྒོ་དོག་མི་དགོས་གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།<br /> ཡང་༼མི་ཕམ་གྱིས་༽གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།<br /> ༼མི་ཕམ་གྱིས་༽སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།<br /> ཡང་༼མི་ཕམ་གྱིས་༽ཟླས་དྲངས་ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།<br /> སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།<br /> རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།<br /> མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།<br /> ཞེས་བྱ་བ་ནི་ངེས་པའི་ཚིག་གོ།<br /> ཡང་༼མི་ཕམ་གྱིས་༽བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽བག་ཆགས་མ་སྤངས་ན་སླར་སྐྱེ་བར་འགྱུར་ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་འགྲེལ་བ་མང་པོ་བརྩམས་ཟེར་མོད། ལོང་བས་མུན་མདའ་འཕེན་པར་ཟད་དོ།།<br /> དེ་བཞིན་དུ་༼མི་ཕམ་གྱིས་༽བདེན་གཉིས་མེད་ཅེས་སུས་སྨྲས་ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽ལུགས་དེ་གཉིས་ཀ་ལྟར་མི་སྨྲ་ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ།བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་རྩ་བའི་སྡུད་པར་མ་ཚང་བས་ཞེས་པའམ། ཡང་དག་བསྡུས་པའི་གཞི་ཉམས་ཕྱིར་ཞེས་སོགས་དང་། བོ་དོང་བས། པོད་བརྒྱ་མཛད་པར་གྲགས་པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།<br /> ཡང་༼མི་ཕམ་གྱིས་༽རྒྱལ་བས་གསུངས་པར་ཤེས་ན་སུན་མི་འབྱིན།། ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།<br /> ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།<br /> ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། ཕུང་པོ་མ་གཏོགས་དེ་འཛིན་མ་གྲུབ་ཕྱིར། །ཞེས་དང་། རྣམ་འགྲེལ་དུ། རྟེན་མཐོང་མེད་པར་གང་ལས་རྟོགས།། ཞེས་དང་། དོན་གསལ་དུ། ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།<br /> རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་ཟེར་བ་དང་། ཡོད་པ་མི་འགོག་ཟེར་བ་སོགས་ནང་འགལ་ནི། དཔལ་ལྡན་ཟླ་བས། བཤད་ཟིན་ཉེས་པ་དེ་དག་ཐོག་ཏུ་འབབ་པ་ཞེས་དང་། རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།<br /> ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།<br /> ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། ངན་སྐྱུག་ཁྲོམ་པ་སུ་ཞིག་སློང་།། ཞེས་གསུང་བ་ཁོ་ན་ལྟར་ཟད་དོ།།<br /> སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།<br /> རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།<br /> ཞེས་ཀྱང་སྨྲས་སོ།།<br /> འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།<br /> ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།<br /> ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།<br /> ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།<br /> རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།<br /> ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། <br /> ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། <br /> གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།<br /> གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། <br /> བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།<br /> ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།<br /> འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།<br /> ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། རྒྱལ་པོ་ལྐོག་ཏུ་འདུག་ན་མཛེས།། ཞེས་གསུང་བ་ཉིད་མན་ངག་གོ།<br /> སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།<br /> དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།<br /> ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།<br /> དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།<br /> ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།<br /> ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།<br /> དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།<br /> ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།<br /> ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།<br /> རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།<br /> ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།<br /> <br /> བཞི་པ་ནི།<br /> ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།<br /> སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།<br /> འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།<br /> རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།<br /> ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།<br /> འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། <br /> འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།<br /> བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།<br /> <br /> ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།<br /> འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།<br /> དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།<br /> ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།<br /> ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།<br /> ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།<br /> ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།<br /> ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།<br /> གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།<br /> ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།<br /> ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།<br /> ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།<br /> སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།<br /> དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། <br /> ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།<br /> གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།<br /> སརྦ་ཛ་ག་ཏཱཾ་མངྒ་ལཾ།།</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=126913 2026-03-06T03:34:42Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|<br /> &lt;br&gt;<br /> རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།&lt;/br&gt;<br /> &lt;br&gt;<br /> རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།&lt;/br&gt;<br /> &lt;br&gt;<br /> གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།&lt;/br&gt;<br /> &lt;br&gt;<br /> གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།&lt;/br&gt;<br /> &lt;br&gt;<br /> འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།&lt;/br&gt;<br /> &lt;br&gt;<br /> ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།&lt;/br&gt;<br /> &lt;br&gt;<br /> མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།&lt;/br&gt;<br /> &lt;br&gt;<br /> འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།&lt;/br&gt;<br /> &lt;br&gt;<br /> དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།&lt;/br&gt;<br /> &lt;br&gt;<br /> སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།&lt;/br&gt;<br /> &lt;br&gt;<br /> ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།&lt;/br&gt;<br /> &lt;br&gt;<br /> འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}<br /> <br /> {{TibVerse|<br /> <br /> འདིར་སྨྲས་པ། <br /> &lt;br&gt;<br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།&lt;/br&gt;<br /> &lt;br&gt;<br /> རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།&lt;/br&gt;<br /> &lt;br&gt;<br /> ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།&lt;/br&gt;<br /> &lt;br&gt;<br /> བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།&lt;/br&gt;<br /> &lt;br&gt;<br /> རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}<br /> <br /> {{TibVerse|<br /> སྨྲས་པ། <br /> &lt;br&gt;<br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།&lt;/br&gt;<br /> &lt;br&gt;<br /> རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།&lt;/br&gt;<br /> &lt;br&gt;<br /> རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།&lt;/br&gt;<br /> &lt;br&gt;<br /> ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།&lt;/br&gt;<br /> &lt;br&gt;<br /> དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།<br /> <br /> ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}<br /> <br /> {{TibVerse|<br /> &lt;br&gt;<br /> ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།&lt;/br&gt;<br /> &lt;br&gt;<br /> བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།&lt;/br&gt;<br /> &lt;br&gt;<br /> ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།&lt;/br&gt;<br /> &lt;br&gt;<br /> མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།&lt;/br&gt;<br /> &lt;br&gt;<br /> ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།&lt;/br&gt;<br /> &lt;br&gt;<br /> སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།&lt;/br&gt;<br /> &lt;br&gt;<br /> གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}<br /> <br /> {{TibVerse|<br /> &lt;br&gt;<br /> སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།&lt;/br&gt;<br /> &lt;br&gt;<br /> ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།&lt;/br&gt;<br /> &lt;br&gt;<br /> ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}<br /> <br /> {{TibVerse|<br /> &lt;br&gt;<br /> སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།&lt;/br&gt;<br /> &lt;br&gt;<br /> ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། <br /> ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།&lt;/br&gt;<br /> &lt;br&gt;<br /> རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།&lt;/br&gt;<br /> &lt;br&gt;<br /> ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་{{TibArgInline|ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་}}ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}<br /> <br /> {{TibP|ཤེར་ཊིཀ་ཏུ་{{TibArgInline|འཇིག་ལྟ་ཕྲ་མོ་མི་སྤོང་}}ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་{{TibArgInline|ཕྲ་རགས་ཕྱེ་སྟེ་སྤོང་}}ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་}}ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། {{TibQuoteInline|སྟོང་ཉིད་མཐོང་བས་ཅི་ཞིག་བྱ།། }}ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}<br /> <br /> {{TibVerse|<br /> &lt;br&gt; <br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།&lt;/br&gt;<br /> &lt;br&gt;<br /> རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།&lt;/br&gt;<br /> &lt;br&gt;<br /> རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།&lt;/br&gt;<br /> &lt;br&gt;<br /> རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།<br /> ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽{{TibArgInline|ཀུན་གཞི་མི་འདོད་པ་ཡོད་}}གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། {{TibArgInline|རྟོག་གཉིས་གཅིག་ཅར་མཐོང་བ་}}མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}<br /> <br /> {{TibP|ཤེར་ཊིཀ་ཏུ་{{TibArgInline|རང་རིག་དགག་སྒྲུབ་གང་ཡང་མེད་པས་ཡོད་}}ཟེར། སྐབས་གཞན་དུ་{{TibArgInline|རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་}}ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་{{TibArgInline|འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་}}ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}<br /> <br /> {{TibP|{{TibArgInline|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་}}ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}<br /> <br /> {{TibP|{{TibArgInline|སངས་འཕགས་རྒྱུད་ལ་གཉིས་འཛིན་གྱི་སེམས་མེད་}}ཅེས་ཁྱད་པར་སྦྱོར་བ་དང་། ཡང་{{TibArgInline|སེམས་མེད་}}ཟེར་བ་དང་། {{TibArgInline|ཡོད་ཀྱང་ཡེ་ཤེས་}}ཟེར་ཞེས་པ་དང་། {{TibArgInline|སེམས་ཀྱི་རྫུ་འཕྲུལ་གྱི་རྐང་པ་}}སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་}}ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་{{TibArgInline|དྲངས་པ་སྐབས་སུ་བབ་}}གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}<br /> <br /> {{TibP|ཁྱོད་ཀྱིས་ཀྱང་འདིར་{{TibArgInline|སྤྲོས་བྲལ་གྱི་རྣམ་པ་འཐད་}}པར་ཁས་བླངས་པས་སྔར་{{TibArgInline|དམིགས་པ་དང་འཛིན་སྟངས་མེད་}}ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་{{TibArgInline|སངས་རྒྱས་ནས་བཟུང་པཎ་གྲུབ་དུ་མས་གསུང་}}ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། {{TibQuoteInline|འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། }}ཞེས་གསུངས་པས་སོ།།}}<br /> <br /> {{TibP|{{TibArgInline|བདེན་མེད་}}ཅེས་ཡང་ཡང་བཤད་མོད། {{TibArgInline|བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་}}ཟེར་བ་འགལ་ལོ། །{{TibArgInline|ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་}}ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག {{TibArgInline|ཁས་ལེན་མེད་}}ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}<br /> <br /> {{TibP|{{TibArgInline|རྗེའི་གསུང་ལས་ཧྭ་ཤང་གིས་མདོ་ལུང་དྲངས་}}གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། {{TibQuoteInline|བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་}}གསུང་བར་ཇི་ལྟར་བསྙོན།}}<br /> <br /> {{TibP|{{TibArgInline|ད་ལྟ་དཔེ་མི་སྣང་}}ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། {{TibQuoteInline|རྩ་བའི་སྡུད་པར་མ་ཚང་བས།། }}ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> <br /> {{TibVerse| <br /> སྨྲས་པ།<br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།&lt;/br&gt;<br /> &lt;br&gt;<br /> འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}<br /> <br /> གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།<br /> ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།<br /> ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།<br /> ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།<br /> སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།<br /> ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།<br /> མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།<br /> སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།<br /> ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།<br /> ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།<br /> ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།<br /> རྣམ་རྟོག་བདག་ཏུ་འཛིན་པའི་དགྲ་ཆེན་པོ།།<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།<br /> ཐོག་མ་མེད་ནས་བདག་ལ་གནས་ནས་ནི།།<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།<br /> གདོད་མའི་མུ་ནས་དགྲ་ཡིས་བརྐུས་ནས་ནི།།<br /> མཚན་མའི་ཚང་ཚིང་གནས་སུ་སྦས་ནས་བཞག།<br /> ད་དུང་འཆིང་ཞིང་འཁོར་བར་འཁྱམ་དུ་འདུག།<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།<br /> དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།<br /> རྒྱལ་བོས་གསོལ་བ།<br /> དགྲ་ཆེན་དེ་དང་ཇི་ལྟར་འཐབ་པར་བགྱི།།<br /> བཅོམ་ལྡན་འདས་ཀྱིས་བཀའ་བསྩལ་པ།<br /> རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།<br /> དགེ་བས་དཔུང་བྱས་བཟོད་པའི་གོ་གྱོན་ལ།།<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།<br /> བདག་མེད་སྟོང་བའི་མདའ་ཡིས་བདག་འཛིན་བསད།།<br /> ཅེས་གསུང་སྟེ། ཡང་བཅོམ་ལྡན་འདས་ཀྱིས།<br /> བློ་དང་ལྡན་ན་ཚིག་གཅིག་གིས།།<br /> ཆིག་བརྒྱ་དག་ནི་ཤེས་པར་འགྱུར།།<br /> ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།<br /> སྨྲས་པ།<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།<br /> རེག་པས་དཀའ་གནད་འདབ་སྟོང་པདྨོའི་རྒྱ།།<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།<br /> ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།<br /> བདེ་བླག་ཉིད་དུ་གསལ་བར་མཚོན་པའི་དཔལ།།<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།<br /> བླང་དོར་ཕྱེད་པའི་གོ་རིགས་མཐུ་དམན་ཀྱང་།།<br /> རང་ཚོད་བསྙལ་ཞིང་རང་མཐོང་ཆེ་བ་དག།<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།། <br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།<br /> རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།<br /> འབེལ་གཏམ་བང་རིམ་མཛེས་པའི་རྩེ་མོ་རུ།།<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།<br /> ཞེས་བྱ་བ་ནི་འཕྲོས་དོན་བསྡུས་པའོ།།<br /> ཤེར་ཊིཀ་ཏུ་༼མི་ཕམ་གྱིས་༽དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།<br /> སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། རྣམ་པར་མི་རྟོག་བློ་ཅན་གྱི།། ཞེས་དང་། སྟོང་པ་ཉིད་དགའ་མཆོག་གི་བློ།། ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།<br /> ཡང་ཁོ་བོས་༼མི་ཕམ་གྱིས་༽ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་ཤེར་འགྲེལ་ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།<br /> ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།<br /> སྡེ་ཚན་གྱི་མཇུག་བསྡུ་བ།<br /> ཀུན་གསལ་མེ་ལོང་དག་པའི་དཀྱིལ་འཁོར་མཛེས།། <br /> འོད་སྟོང་འབར་བ་པདྨོའི་ཚལ་ལ་རོལ།། <br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།། <br /> རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། <br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། <br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། <br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།། <br /> འཆི་མེད་བུ་མོས་བསྟོད་བསྔགས་ཤིས་པ་བརྗོད།། <br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། <br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། <br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།། <br /> ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།<br /> <br /> གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི། བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར། རང་གི་ས་པའི་ཉོན་མོངས་ཀུན།། ཞེས་དང་། རྨོངས་ལས་ཐེ་ཚོམ་ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །<br /> སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།<br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།<br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།<br /> ཞེས་བྱ་བ་ནི་གསོང་པོར་སྨྲས་པའོ།།<br /> གཉིས་པ་ནི། ༼མི་ཕམ་གྱིས་༽རབ་སྣང་དུ་སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་ཞེས་སྨྲས་སོ། །འོ་ན་འདི་ལྟར། <br /> རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།<br /> སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།<br /> དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།<br /> ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།། <br /> སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།<br /> སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།<br /> ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།<br /> མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།<br /> བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།<br /> ཞེས་ཀྱང་འཚེར་རོ།།<br /> <br /> གསུམ་པ་ནི། ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།<br /> བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། བརྟག་མིན་ཕྱིར་དང་བརྗོད་མིན་ཕྱིར།། ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། བརྗོད་དུ་མེད་པའི་བདག་ཉིད་ཀྱིས་ཡོད་པ། ཞེས་དང་། འཇུག་པར། སྤྲོས་ཀུན་ཡུལ་མིན། ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། རྣམ་པར་རྟོག་པའི་སྤྱོད་ཡུལ། ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། ཡིན་པར་གྱུར་ལ་བྱ་བ་མེད།། ཅེས་སོགས་དང་། རང་བཞིན་མེད་པ་ཉིད་ལོག་ན།། ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།<br /> རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།<br /> ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །<br /> སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།<br /> དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།<br /> མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།<br /> གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།<br /> རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།<br /> གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།<br /> མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།<br /> <br /> གསུམ་པ་ལོག་རྟོག་བསལ་བ་ནི། ༼མི་ཕམ་གྱིས་༽དངོས་སྨྲས་སྟོང་ཉིད་མ་ཡིན་དགག་ཏུ་འདོད་ཅེས་བྱེ་སྨྲ་དང་ཁྱད་མེད་པར་འཁྲུལ། བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །དངོས་སྨྲ་བ་ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།<br /> གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽སེམས་མ་ཡིན་པ་བཅད་ནས་ཡིན་པ་སྟོན་ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། བློ་ངན་ཁྱོད་ཀྱི་རལ་བ་ཅི།། ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།<br /> ཡང༼མི་ཕམ་གྱིས་༽རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་རྟེན་གནས་ཀྱི་སྒྲ་ཡིན་གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽སྡེབ་སྦྱོར་བྱས་ན་གཞན་དང་མི་མཉམ་པ་ནུས་ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།<br /> ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།<br /> ཡང་ཁྱེད་ཀྱིས་༼མི་ཕམ་གྱིས་༽ཕུང་འདི་སྟོང་ཞེས་རྟོགས་ན་ཞེས་ས་མཐའ་ཅན་དུ་བྲིས་པ་ཡི་གེ་བས་ནོར་ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།<br /> ཡང་༼མི་ཕམ་གྱིས་༽བདག་ཏུ་འཛིན་པའི་ང་རྒྱལ་དང་བདག་འཛིན་འགལ་སྙམ་པ་དང་། དེ་གཉིས་འབྲེལ་བ་གཉིས་ཀར་རུང་གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །བློ་ནུས་ཡོད་ན་འཆད་པའི་སྒོ་དོག་མི་དགོས་གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།<br /> ཡང་༼མི་ཕམ་གྱིས་༽གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།<br /> ༼མི་ཕམ་གྱིས་༽སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།<br /> ཡང་༼མི་ཕམ་གྱིས་༽ཟླས་དྲངས་ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།<br /> སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།<br /> རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།<br /> མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།<br /> ཞེས་བྱ་བ་ནི་ངེས་པའི་ཚིག་གོ།<br /> ཡང་༼མི་ཕམ་གྱིས་༽བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽བག་ཆགས་མ་སྤངས་ན་སླར་སྐྱེ་བར་འགྱུར་ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་འགྲེལ་བ་མང་པོ་བརྩམས་ཟེར་མོད། ལོང་བས་མུན་མདའ་འཕེན་པར་ཟད་དོ།།<br /> དེ་བཞིན་དུ་༼མི་ཕམ་གྱིས་༽བདེན་གཉིས་མེད་ཅེས་སུས་སྨྲས་ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽ལུགས་དེ་གཉིས་ཀ་ལྟར་མི་སྨྲ་ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ།བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་རྩ་བའི་སྡུད་པར་མ་ཚང་བས་ཞེས་པའམ། ཡང་དག་བསྡུས་པའི་གཞི་ཉམས་ཕྱིར་ཞེས་སོགས་དང་། བོ་དོང་བས། པོད་བརྒྱ་མཛད་པར་གྲགས་པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།<br /> ཡང་༼མི་ཕམ་གྱིས་༽རྒྱལ་བས་གསུངས་པར་ཤེས་ན་སུན་མི་འབྱིན།། ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།<br /> ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།<br /> ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། ཕུང་པོ་མ་གཏོགས་དེ་འཛིན་མ་གྲུབ་ཕྱིར། །ཞེས་དང་། རྣམ་འགྲེལ་དུ། རྟེན་མཐོང་མེད་པར་གང་ལས་རྟོགས།། ཞེས་དང་། དོན་གསལ་དུ། ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།<br /> རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་ཟེར་བ་དང་། ཡོད་པ་མི་འགོག་ཟེར་བ་སོགས་ནང་འགལ་ནི། དཔལ་ལྡན་ཟླ་བས། བཤད་ཟིན་ཉེས་པ་དེ་དག་ཐོག་ཏུ་འབབ་པ་ཞེས་དང་། རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།<br /> ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།<br /> ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། ངན་སྐྱུག་ཁྲོམ་པ་སུ་ཞིག་སློང་།། ཞེས་གསུང་བ་ཁོ་ན་ལྟར་ཟད་དོ།།<br /> སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།<br /> རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།<br /> ཞེས་ཀྱང་སྨྲས་སོ།།<br /> འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།<br /> ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།<br /> ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།<br /> ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།<br /> རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།<br /> ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། <br /> ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། <br /> གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།<br /> གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། <br /> བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།<br /> ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།<br /> འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།<br /> ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། རྒྱལ་པོ་ལྐོག་ཏུ་འདུག་ན་མཛེས།། ཞེས་གསུང་བ་ཉིད་མན་ངག་གོ།<br /> སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།<br /> དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།<br /> ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།<br /> དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།<br /> ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།<br /> ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།<br /> དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།<br /> ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།<br /> ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།<br /> རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།<br /> ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།<br /> <br /> བཞི་པ་ནི།<br /> ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།<br /> སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།<br /> འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།<br /> རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།<br /> ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།<br /> འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། <br /> འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།<br /> བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།<br /> <br /> ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།<br /> འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།<br /> དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།<br /> ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།<br /> ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།<br /> ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།<br /> ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།<br /> ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།<br /> གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།<br /> ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།<br /> ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།<br /> ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།<br /> སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།<br /> དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། <br /> ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།<br /> གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།<br /> སརྦ་ཛ་ག་ཏཱཾ་མངྒ་ལཾ།།</div>

Kiran https://bodhicitta.tsadra.org/index.php?title=Texts/Shes_ldan_yid_kyi_gdung_sel_rigs_lam_ga_bur_chu_rgyun/Full_text/Shes_ldan_yid_kyi_gdung_sel_rigs_lam_ga_bur_chu_rgyun_Tsadra_version&diff=126910 2026-03-06T03:16:22Z

<p>Kiran: </p> <hr /> <div>{{TibH1|༄༅། །ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་བཞུགས་སོ།།}}<br /> <br /> {{TibVerse|<br /> &lt;br&gt;<br /> རྟེན་འབྱུང་འགོག་པ་མེད་པའི་དབྱིངས།།<br /> སྣ་ཚོགས་ཁམས་བཞིན་རྗེས་འགྲོ་བས།།<br /> རྣམ་བཀྲ་དྲི་མེད་ཡེ་ཤེས་སྐུས།།<br /> ས་གསུམ་འགྲོ་འདི་ཤིས་པས་སྐྱོངས།།&lt;/br&gt;<br /> &lt;br&gt;<br /> རྒྱལ་ཀུན་མཁྱེན་བརྩེའི་ཕུང་པོ་བཅུ་དྲུག་ཆར།།<br /> རྫོགས་པའི་ཡིད་འཕྲོག་མཚན་དཔེའི་ལང་ཚོ་ཅན།།<br /> མགྲིན་པའི་འོ་མཚོར་རོལ་བའི་དགྱེས་འཛུམ་གྱིས།།<br /> ལེགས་བཤད་སྟན་པའི་གླུ་དབྱངས་དེང་འདིར་སྒྲོགས།།&lt;/br&gt;<br /> &lt;br&gt;<br /> གང་གིས་རིང་ནས་བསྙེན་པའི་ངག་གི་ལྷས།།<br /> འདི་ནི་དབུ་མའི་ལམ་ལས་རིང་དུ་གྲོལ།།<br /> རྣོ་ངར་གཟི་འོད་འབར་བའི་མཚོན་ཆ་འདི།།<br /> ཁྱོད་ཀྱིས་ཟུངས་ཞེས་བདག་ལ་བཀའི་དབང་བསྐུར།།&lt;/br&gt;<br /> &lt;br&gt;<br /> གངས་ཅན་ལུམ་བིའི་སྐྱེད་ཚལ་སུམ་རྩེན་གནས།།<br /> མཁྱེན་གཏེར་རང་གཟུགས་སྲིད་ཞིའི་མཆོད་སྡོང་ཆེ།།<br /> བྱིན་རླབས་འོད་སྟོང་འབར་བའི་ཉིན་མོར་བྱེད།།<br /> མཚན་དཔེའི་རི་དྭགས་བཀྲ་བའི་འོད་དཀར་ཅན།།&lt;/br&gt;<br /> &lt;br&gt;<br /> འཕྲིན་ལས་དྲི་བསུང་སྤྲོ་བའི་དཔག་བསམ་ལྗོན།།<br /> སྡེ་བཞིའི་འབྱོར་བ་རྫོགས་པའི་ཀ་ལཱ་པ།།<br /> ཕན་བདེའི་རིན་ཆེན་གཏེར་གྱུར་ནོར་བུའི་གླིང་།།<br /> དགེ་མཚན་ཆུ་བོ་འབུམ་འཁྱིལ་མ་དྲོས་མཚོ།།&lt;/br&gt;<br /> &lt;br&gt;<br /> ཁྲིམས་ལྡན་ཞི་དུལ་ངང་མོ་བྱེ་བའི་ཚོགས།།<br /> ཟབ་རྒྱས་སྙན་པའི་དབྱངས་ཀྱིས་ཅིར་ཡང་རྩེན།།<br /> ཆོས་སྲིད་ལུགས་བརྒྱའི་རི་མོ་མ་ཉམས་པས།།<br /> བགྲང་ཡས་སྐྱེ་བོ་བག་ཕེབས་བདེ་བར་སྤྱོད།།&lt;/br&gt;<br /> &lt;br&gt;<br /> མཐའ་དབུས་དཔལ་དང་འབྱོར་བའི་གཡང་གི་ཚོགས།།<br /> སྲེད་པའི་ཞགས་པ་མེད་པར་ངང་གིས་འདུ།།<br /> ཡིད་སྲུབས་ལས་ཀྱི་དྲི་མ་དང་བྲལ་བས།།<br /> དྭངས་པའི་མཚོ་བཞིན་ཀུན་གྱི་ཡི་གར་མཐུན།།&lt;/br&gt;<br /> &lt;br&gt;<br /> འཇམ་དཔལ་རྡོ་རྗེའི་ཡེ་ཤེས་ཕོ་བྲང་མཆོག།<br /> ངུར་སྨྲིག་འཆང་བའི་སྡེ་ཆེན་རྣམ་པར་འཕྲུལ།།<br /> དེ་ལྟའི་ངོ་མཚར་ཞིང་གི་ཆུ་ལྷའི་ཕྱོགས།།<br /> ཁམས་སུ་གྲགས་པའི་ཡུལ་ལྗོངས་ཁྱོན་ཡངས་པ།།&lt;/br&gt;<br /> &lt;br&gt;<br /> དགེ་མཚན་ཕྱོགས་ཀྱི་འདབ་མ་རབ་རྒྱས་ཤིང་།།<br /> སྲིད་ན་གྲགས་པའི་ངོ་མཚར་བཟོ་རིག་དང་།།<br /> རྨོངས་པའི་མུན་སེལ་ནང་དོན་རིག་པའི་བཟོ།།<br /> མདོ་སྔགས་བཤད་སྒྲུབ་ལས་ཀྱིས་ཐུབ་པའི་བསྟན།།&lt;/br&gt;<br /> &lt;br&gt;<br /> སྤེལ་བའི་ས་དགེ་ཕྱག་རྫོགས་དྲན་དབང་བརྒྱས།།<br /> ཡོངས་སུ་བཟུང་བས་ཆོས་ཀྱི་ལོངས་སྤྱོད་རྫོགས།།<br /> ཁྱད་པར་རྣམ་དཔྱོད་བརྩོན་པའི་མཐུ་ལྡན་ཞིང་།།<br /> མང་ཐོས་ཉམས་སུ་ལེན་པའི་ཀུ་ས་ལི།།&lt;/br&gt;<br /> &lt;br&gt;<br /> ཟབ་དོན་ཚོལ་བའི་ངལ་བ་མང་བསྟེན་པ།།<br /> ང་ཡི་མཛའ་ཆེན་མི་ཕམ་བཤེས་གཉེན་བཞུགས།།<br /> གང་གི་ཤེར་ཊིཀ་ཡང་ལན་ནམ་མཁའི་དབྱིངས།།<br /> ཉེ་བར་སྡུད་པའི་ལུང་རིགས་ལྷ་རྫས་དར།།&lt;/br&gt;<br /> &lt;br&gt;<br /> འདྲིལ་བའི་ཡིད་འཕྲོག་དགུ་ཚིགས་ཞགས་པ་འདི།།<br /> གུས་བཅས་སོར་མོའི་འདབ་མ་བརྐྱང་སྟེ་འབུལ།།}}<br /> <br /> {{TibP|ཇི་སྐད་དུ། འཇམས་དཔལ་རྩ་རྒྱུད་ལས། {{TibQuoteInline|བདག་ཉིད་ཆེན་པོ་འཇམ་དཔལ་ནི། །སྤྲུལ་བའི་སྐུ་ནི་འབུམ་གྱུར་ནས། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །}}ཅེས་སོགས་ཀྱིས་འཇམ་དཔལ་ཉིད་གསུམ་ལྡན་ངུར་སྨྲིག་འཆང་བའི་རྣམ་པར་རོལ་ཞིང་དེ་ལས་སྐྱེ་བ་སྤྲུལ་བའི་སྐུ་དང་གྲངས་སྨོས་པས་ཆོས་སྡེ་ཆེན་པོའི་མཚན་སྒྲ་གསལ་ཞིང་། ཁྱད་པར་ཟབ་དོན་མ་ནོར་བར་སྟོན་པར་ལུང་བསྟན། དེ་ལྟར་མདོ་རྒྱུད་པན་གྲུབ་དུ་མས་ཚད་མའི་སྐྱེས་བུར་བསྔགས་པའི་འཇམ་མགོན་རིང་ལུགས་ཁྱད་པར་གསུམ་ལྡན་ཆོས་ཀྱི་ཚུལ་འདི་ལའང་ལྟ་བས་ཅུང་ཟད་གནོད་པར་གསུངས་པར། མཁས་གྲུབ་ཐམས་ཅད་མཁྱེན་པས། {{TibQuoteInline|བློ་ངན་ལོག་པའི་གཞུང་ལུགས་ཉིན་བཞིན་འཕེལ། །}}ཞེས་གསུང་སྣང་ན་ད་ལྟ་ཅི་སྨོས། དེའི་ཕྱིར་རྫོགས་ཆེན་མཁས་པ་མི་ཕམ་པའི་ཐུགས་རྟོག་ལ། དགེ་ལྡན་རིང་ལུགས་སུ་གྲགས་པའི་ཆོས་ཀྱི་སྒྲ་བོ་ཆེ་འདི་ནི་སངས་རྒྱས་ཀྱི་བསྟན་པའི་སྙིང་པོར་གྲགས་པ་ལྟར་དོན་ལ་གནས་ཤིང་། སྔོན་དུས་མཁས་གྲུབ་གཉིས་འཛོམ་ལུང་རིགས་ཀྱི་དཔའ་རྩལ་རྫོགས་པ་དུ་མས་གཅེས་པར་བསྐྱངས་པའི་བཀའ་དྲིན་གྱིས་ད་ལྟའང་དབུ་འཕང་མཐོ་མོད། འོན་ཀྱང་གྲུབ་མཐའ་རིས་མེད་ཀྱི་བསྟན་པའི་བདག་པོ་གོང་ས་ལྔ་པ་ཆེན་པོས། {{TibQuoteInline|ཕ་མེས་ལུང་དང་རྟོགས་པའི་ཁྱད་ནོར་ཚོགས། །རྣམ་གཡེང་རྐུན་པོར་ཤོར་བའི་ལག་སྟོང་མང་། །}}ཞེས་གསུངས་པ་དང་། བསྟོད་པ་དོན་ལྡན་དུའང་། {{TibQuoteInline|ཀྱེ་ཧུད་དགེ་ལྡན་བསྟན་པ་ནི། །དཔལ་དང་འབྱོར་བས་རབ་རྒྱས་ཀྱང་། །བཤད་དང་སྒྲུབ་པས་ཆེས་ཕྲ་བ། །བསམ་གྱིན་ཤེས་པ་སྙིང་ནས་འཕྱོ། །}}ཞེས་གསུངས་པ་རྣམས་ལ་དཔག་ན། ཆོས་བརྒྱད་ཀྱི་ཡོ་ལང་ལ་ཕན་ཚུན་འགྲན་ནས་ལོ་རེ་བཞིན་འཕེལ་བར་བྱེད་པ་ནི་མངོན་སུམ་དུ་གྲུབ་པས་ན། སྤྱིར་བསྟན་པ་དང་ཁྱད་པར་བཀའ་གདམས་ཀྱི་བསྟན་པ་ལ་ཉམས་པའི་རྐྱེན་འདོད་ཡོན་བདུད་ཀྱི་གཡབ་མོ་འབྱུང་གསུང་བ་མ་ཤེས་པར་སྣང་བའི་ལྟ་སྤྱོད་དྲི་མ་མེད་པའི་ཚུལ་ལ་བརྟག་པར་རིགས་ཤིང་། ཁོ་བོ་སྐྱེས་སྦྱངས་དང་འཆད་རྩོད་རྩོམ་པའི་སྤོབས་པ་ཡང་མི་དམན་པས་ཅུང་ཟད་དཔྱད་པའི་སྒོ་ཕྱེ་ན། རང་གཞན་གྱི་གྲུབ་མཐའ་འཛིན་པའི་ཤེས་ལྡན་དག་གི་རྒྱུད་ལ་སྤོབས་པ་འདི་ལྟར་སྐྱེ་སྙམ་སྟེ། ཨོ་ཕྱི་རོལ་གྱི་ཆ་ལུགས་འདིས་ཅི་བྱེད། ནང་གི་ལྟ་སྤྱོད་ཟེར་བ་ཞིག་ཡོད་དགོས་ཞེས་པའི་བློ་འབྱུང་བར་ངེས་པས། དེས་ན་སྔོན་གྱི་མཁས་པ་དག་གི་གཞུང་གཟིགས་པ་དང་རང་གི་གོ་ཚོད་དང་བཅས་སད་མདའི་སྨན་སྦྱོར་གྱི་ཚིག་བྱ་དགོངས་ནས་དགག་པའི་ཟོལ་གྱི་གཞུང་འགའ་བརྩམས་སོ།།}}<br /> <br /> {{TibP|དེའི་ཚེ་སྟོད་ཛ་ཏིའི་མེ་ཏོག་བཀྲ་བ་ནས་ཤར་རྒྱ་མཚོ་ཆེན་པོ་ལ་ཐུག་གི་བར་བསྟན་པའི་ཆུ་ཀླུང་འབུམ་ཕྲག་འབྱུང་བའི་ཕྱི་མོར་གྱུར་པ་དབུས་འགྱུར་ཆོས་ཀྱི་གདན་ས་ཆེན་པོ་ནས་དགེ་བའི་བཤེས་གཉེན་དག་འདི་སྐད་དུ། མི་ཕམ་པ་ཁོང་ཁམས་ཕྱོགས་སུ་མཁས་པར་གྲགས་ཤིང་རང་གཞན་གྱི་གཞུང་དུ་མ་བཀླགས་པ་ཞིག་ཡིན་ཀྱང་མཁས་མང་འདུས་པའི་གྲྭར་རིགས་ལམ་མ་སྦྱངས་པས་དགག་ལན་མི་དགོས་མོད། འོན་ཀྱང་དེང་དུས་འཁོར་འབངས་ལོངས་སྤྱོད་རྙེད་བཀུར་ཕྱིར་རྩོད་པ་མང་ནའང་ཆོས་ཕྱིར་རྩོད་པའི་གཏམ་ཕལ་ཆེར་ནུབ་པ་དང་། བླུན་པོ་འགའ་ཞིག་གིས་དགེ་ལྡན་པ་ལ་ལན་འདེབས་མཁན་ཡང་མ་བྱུང་ཟེར་བའི་དགག་བྱའང་ཡོད་སྲིད་པས་ན་འདིར་བརྒལ་ལན་བྱ་སྙམ་དུ་དགོངས་སོ།།}}<br /> <br /> {{TibP|དེ་ནས་བཤེས་གཉེན་ཀླུའི་དབང་པོ་མང་དུ་ཐོས་པའི་ཡོན་ཏན་གྱི་གདེངས་ཀ་སྟོང་ཕྲག་འབར་བའི་སྤྱི་བོར་བློ་གྲོས་དྲི་མ་མེད་པའི་ནོར་བུའི་ཏོག་གིས་མཛེས་པའི་དཀྱིལ་འཁོར་ནས་རྣམ་དག་ལུང་གི་དུས་ཀྱི་ཆར་སྤྲིན་འཁྲིགས་ཤིང་སུན་འབྱིན་འབྲུག་སྟོང་ལྡིར་བས་ས་ཆེན་འདར། རིགས་པའི་གློག་དམར་མཚོན་ཆ་བསྣོལ་མར་འཁྱུགས་པ་ནས་ཁས་བླངས་ཀྱི་བསལ་བ་སོགས་སྤྲོ་བའི་གནོད་བྱེད་གནམ་ལྕགས་ཀྱི་ཐོག་སེར་བབས་པ་ལ། མི་ཕམ་པ་ནས་ཕྱིར་མིག་ཙམ་ཡང་མ་བལྟས་གསུང་བ་ལེགས་པར་སྣང་སྟེ། འཆད་འགྱུར་ལྟར་འགལ་འཁྲུལ་མི་སྡུག་པའི་མཚན་མ་སྟོང་དུ་བཀྲ་བ་རིགས་པ་སྨྲ་བའི་མཁས་པ་དག་གི་མཐོང་རིན་དུ་མི་ཆོག་པའི་ཕྱིར་རོ།།}}<br /> <br /> {{TibP|རྩོད་ཡིག་རྒོལ་ངན་འཇོམས་པའི་རྡོ་རྗེ་ཕ་ལམ་ཞེས་པ་བདག་གིས་ཀྱང་མཐོང་སྟེ། མང་དུ་ཐོས་ཤིང་རིགས་པའི་རྩལ་སྦྱངས་པའི་ལེགས་བཤད་དུ་སྣང་ངོ་།།}}<br /> <br /> {{TibVerse|<br /> <br /> འདིར་སྨྲས་པ། <br /> &lt;br&gt;<br /> ཡིད་འོང་ཤེལ་དཀར་ས་འཛིན་ཕྲེང་བ་ཡི།།<br /> མུ་ཁྱུད་མཛེས་པའི་གངས་ཅན་མ་ག་དྷ།།<br /> མཆོག་ཏུ་བསྔགས་པའི་ཆུ་གཏེར་བདེ་འབྱུང་མེ།།<br /> བཤད་སྒྲུབ་འབྲི་ཤིང་རྩེན་པར་སུ་ཞིག་འགྲན།།&lt;/br&gt;<br /> &lt;br&gt;<br /> རྣམ་འདྲེན་པདྨ་དཀར་པོའི་འཕྲིན་ལས་ཀྱི།།<br /> རྣམ་རོལ་སྐུ་ཡི་སྣང་བརྙན་ཉི་ཟླ་ཟུང་།།<br /> ཆོས་ཀྱི་རྒྱ་མཚོ་མི་ཟད་ཀླུ་ཡི་དབང་།།&lt;/br&gt;<br /> &lt;br&gt;<br /> ཆོས་སྤྲིན་དོ་ཤལ་བཀྲ་བ་ནམ་མཁའི་རྒྱན།།<br /> རྫོགས་ལྡན་ཆོས་ཀྱི་ལང་ཚོ་འབར་བ་ཡི།།<br /> དག་པའི་ཞིང་མཆོག་སྟུག་པོ་བཀོད་པའི་གནས།།&lt;/br&gt;<br /> &lt;br&gt;<br /> བས་མཐའི་སྐལ་དམན་ལོང་བས་མ་མྱོང་བ།།<br /> སྙིང་ལ་གདུངས་པའི་མེ་འབར་བཅིལ་མ་ནུས།།<br /> དེ་ལྟ་ནའང་འཇམ་མགོན་རིང་ལུགས་ལ།།<br /> གཞན་དྲིང་མི་འཇོག་སྤོབས་པ་ཆེས་དཀའ་ཡང་།།&lt;/br&gt;<br /> &lt;br&gt;<br /> རྙེད་བཀུར་ཕྱིར་དུ་རང་ལུགས་གཏོང་བ་དང་།།<br /> ཟབ་ཆོས་གཞན་དུ་ཚོལ་བའི་ཟོག་པོ་མིན།། <br /> ཞེས་བྱ་བ་ནི་རང་བཞིན་བརྗོད་པའོ།།}}&lt;/br&gt;<br /> <br /> {{TibP|དེ་ལྟར་ན་དྲི་མ་མེད་པའི་ཆོས་ཀྱི་ཚུལ་ལ་གཞན་དུའང་བསྲེ་སླད་ཀྱི་མཚན་མ་མཐོང་བ་ཡབ་རྗེའི་རིགས་སུ་སྐྱེས་པའི་མཁས་པ་རྣམ་དཔྱོད་ཅན་གྱིས་རྟག་ཏུ་འཚོ་བར་རིགས་ལ། མཁས་པ་མི་ཕམ་པའི་གཞུང་རྣམས་ཚིག་སྦྱོར་ལེགས་ཤིང་ཟབ་གནས་ཀྱི་བརྗོད་བྱའི་སྲོག་རབ་ཏུ་བརླིང་བས་མཁས་རློམ་དག་གིས་མཐོང་བ་ཙམ་གྱིས་ཡིད་ཞུམ་ཞིང་ལྐོག་གྲོས་ཀྱིས་སྨེ་སྔགས་བཏོན་པས་ཁ་ཉེན་པོར་སོང་བ་ལ། བསྙོན་གདེང་སྟེ་སྨྲས་པ། མི་ཕམ་པ་བླུན་པོ་དགག་པའི་འོས་མ་ཡིན་ཟེར་སྐད། །དགག་པའི་ཡུལ་ཡང་མཐོང་རེ་མེད་མོད། མདོ་ལས། {{TibQuoteInline|སྐྱེས་བུ་སྐྱེ་བའི་ཁ་ནས་ནི། །ཚིག་གི་སྟ་རེས་སྐྱེ་བ་ཡིས། །བདག་ཉིད་ལ་ནི་གཅོད་པར་བྱེད། །}}ཅེས་གསུང་བ་ལྟར་རྣམ་པ་ཀུན་ཏུ་ཕྲག་དོག་གིས་ཡིད་དཀྲུག་པས་བྱུང་རྒྱལ་སྨྲ་བ་རང་ཉིད་ཀྱི་དགེ་བའི་སེམས་ཀྱི་སྲོག་རྩ་ཕྲ་མོ་དེ་གཅོད་པ་ལ་འབད་པར་ཟད་དོ།།}}<br /> <br /> {{TibVerse|<br /> སྨྲས་པ། <br /> &lt;br&gt;<br /> ཆོས་ཚུལ་དྲི་མ་མེད་པའི་འོ་མཚོ་ཡང་།།<br /> ལྟ་སྤྱོད་མི་མཐུན་ཁྲག་གིས་སྦགས་གྱུར་ཀྱང་།།<br /> བརྐམ་ཆགས་ཅན་དག་བཀུར་སྟིའི་གདུངས་པ་ཡིས།།<br /> ཟོན་མེད་དབེན་པའི་དགའ་ཚལ་ཀུན་ཏུ་ཉུལ།།&lt;/br&gt;<br /> &lt;br&gt;<br /> རང་མཐོང་འུད་ཀྱིས་ཁེངས་པའི་ཟོག་པོ་དང་།།<br /> དྲེགས་པའི་ས་འཛིན་དགུང་དུ་བསྙེགས་པ་རྣམས།།<br /> ཕས་རྒོལ་ཚིག་གི་མཚོན་ཆ་གདེངས་པ་འདིས།།<br /> རྒུད་པའི་ས་འོག་མུན་པའི་ཁུང་དུ་བྲོས།།&lt;/br&gt;<br /> &lt;br&gt;<br /> རྒོལ་བ་མཛེས་པའི་རྒྱན་གྱི་ཆས་རྫོགས་པའི།།<br /> རུ་འདྲེན་དཔའ་བོས་དཔུང་གི་གཡུལ་བཤམས་ཏེ།།<br /> ལུང་རིགས་མཚོན་ཆ་འབུམ་ཕྲག་བརྟུལ་བ་ན།།<br /> གཏོལ་མེད་སྙོམས་ལས་བསྟེན་པའི་སྡར་མ་མང་།།&lt;/br&gt;<br /> &lt;br&gt;<br /> ཧེ་ཧེ་མ་འཇིགས་མི་སྐྱོན་གྲོགས་པོ་དག།<br /> ལུང་རིགས་དཔའ་རྩལ་རྫོགས་པའི་ཕས་རྒོལ་དང་།།<br /> ལྷན་ཅིག་རལ་ག་བྱས་པའི་ཉམས་མྱོང་དང་།།<br /> དཔའ་ལ་སྐྱོང་བའི་མན་ངག་ཞལ་ཤེས་ཡོད།།&lt;/br&gt;<br /> &lt;br&gt;<br /> དེ་སླད་ཕ་རོལ་སྦྱིན་སྐྱེས་དཔུང་གི་ཚོགས།།<br /> འཇོམས་པའི་ཞོ་འཐུང་རུས་པ་ལས་གྲུབ་པའི།།<br /> ཐོགས་མེད་ལུང་རིགས་རྡོ་རྗེ་རྩེ་བརྒྱ་བ།། <br /> དྲན་པས་ལྷ་མིན་ལོག་རྟོག་མངལ་ཀུན་འཇིག།<br /> <br /> ཅེས་བྱ་བ་ནི་སྔ་ཕྱི་མཚམས་སྦྱོར་བའི་ཚིགས་སུ་བཅད་པའོ།།}}&lt;/br&gt;<br /> <br /> {{TibP|དེ་ལྟར་ན་དུས་མཐའ་འདི་ལ་མཁས་པའི་ཟོབ་ཀྱིས་རྒྱུ་བའི་ཚུལ་འཆོས་མཁན་པོ་རྟོག་གེ་བ་བདག་གིས་རབ་ཚེས་མེ་བྱ་ལ་རྩོད་པའི་སྦྱོར་དངོས་ཀྱི་ཡི་གེ་གཉིས་བསྐུར། དེ་ནས་ལོ་གཅིག་གཉིས་སོང་བ་ན་འགའ་ཞིག་ན་རེ། རྩོད་ཡིག་ཁོང་ལ་འབྱོར་སོང་བས་ཁྱོད་ལ་ལན་གྱི་ཡི་གེ་འོངས་སམ་ཟེར། ཁོ་བོས་འདི་སྐད་དུ། བཤེས་གཉེན་མི་ཕམ་པ་ནི་བདག་ལྟ་བུ་རྩོམ་ཆོས་གང་མང་གི་སྙིང་ཁམས་འགྲན་ཞིང་ཆགས་སྡང་གིས་སྐྱེ་བོ་མང་པོ་ངན་སོང་དུ་བསྒྱུར་བའི་སྨྲ་བ་ལ་དགའ་བའི་ཉེས་དམིགས་མཐའ་ཡས་པ་སྤྱི་བོས་ནོད་པ་ཞིག་མ་ཡིན་གྱི། སྒྲུབ་པ་སྙིང་པོར་བྱས་ཏེ་གཏན་གྱི་འདུན་མར་བརྩོན་པའི་ངེས་དོན་གྱི་མཁས་པ་ཆེན་པོ་ཞིག་ཡིན་པས་དགེ་སྦྱོང་གི་ཆོས་བདག་གིར་བཞེས་ཏེ་ལན་མི་བྱེད་པར་ངེས། ལན་ཙམ་འབྲི་མི་ནུས་པ་མ་ཡིན་ཞེས་སྨྲས། ཆུ་ཡོས་༣༣ ཟླ་༩ ཚེས་༨ ལ་ཡོང་འདུག་ཟེར། ཨོ་བསྟོད་ར་བྱས་པ་སྔ་ཐལ་བས་གཞན་ལ་ངོ་ཡང་གནོང་མོད། འོ་ན་མཚམས་བསྙེན་གྱི་འུད་བསྒྲགས་ཀྱང་ཁ་ཆོས་པ་ཞིག་ཡིན་སྣང་བ་སད་ན་འདི་ལྟར།}}<br /> <br /> {{TibVerse|<br /> &lt;br&gt;<br /> ཏིང་འཛིན་མལ་དུ་ཏིང་འཛིན་འཇའ་ཚོན་ཡལ།།<br /> ཀུན་རྟོག་པིར་གྱིས་ཡིད་ཀྱི་མེ་ལོང་ངལ།།<br /> རྗེས་སུ་སུག་ལས་ངན་པས་ལུས་ཀྱང་ངལ།།<br /> ལས་དེས་མཐའ་ཡས་འགྲོ་ལ་ཇི་ལྟར་འགྱུར།།&lt;/br&gt;<br /> &lt;br&gt;<br /> བསྔགས་བརྗོད་ཚིག་གི་པདྨོའི་དོ་ཤལ་གྱིས། །<br /> གང་གི་རྣལ་འབྱོར་མགུལ་བ་མཛེས་གྱུར་པ།།<br /> ཆགས་སྡང་མེ་ཆུ་འཐབ་པའི་དཀྱིལ་འཁོར་དུ།།<br /> རྗེས་མེད་སྐལ་བ་དམན་པ་འདི་ཀོ་ཅི།།&lt;/br&gt;<br /> &lt;br&gt;<br /> ངེས་དོན་རྣལ་འབྱོར་དབང་པོར་རེ་ཐག་ཆད།།<br /> མཚམས་ཀྱི་ཟོལ་བསྟེན་དཔེ་ཀློག་རྩོད་ཡིག་བྲིས།།<br /> ཐུན་དང་ཐུན་གསེང་ཁ་ཕོ་ཆེར་སྒྲོག་ཀྱང་།།<br /> ཏིང་འཛིན་ནོར་གྱིས་དབུལ་ཕྱིར་སུ་ཞིག་མཚར།།}}&lt;/br&gt;<br /> <br /> {{TibP|རྩོད་ཡིག་ཕོན་ཆེ་བ་ལ་ཁོ་བོས་ཡི་གེ་རྣམས་རྫོགས་པར་བྲིས། ཉམས་སད་པའི་ཀུ་རེ་བྲིས་པ་འཁོན་འཛིན་གྱི་ཐུགས་དོག་པས་ཕྱིར་ཀློག ཧྭ་ཤང་དགོངས་པ་རྫོགས་ཕྱིར་བརྗོད་མེད་ཅང་མེད་སྤྲོས་བྲལ་ཞེས་པའི་ལུང་གི་ཚོགས་མང་དུ་བྲིས་པ་དང་བཅས་ལྡེའུ་མཁའ་ནོར་ཉེ་ཞིང་། ལྷག་མ་དེ་དང་མཉམ་པ་ནི་ལན་གྱི་ཚུལ་ལོ།།}}<br /> <br /> {{TibP|འདིར་དགེ་བཤེས་གཞོན་པ་དག་ན་རེ། མི་ཕམ་པ་གོ་བ་ཅན་གཞུང་མང་བ་བཀླག་སྟེ་རྩོམ་པ་བྱས་པར་སྔ་མའི་ཟེར་སྒྲོས་དང་རང་ཚིག་འགལ་བ་ཤ་སྟག་ཏུ་འདུག དཔལ་སྤྲུལ་ནས་ཁྱོད་རྩོམ་པ་ལེགས་རྩོད་པ་བྱེད་མི་ནུས་གསུང་སྐད། དེས་ན་རྩོད་ལན་མི་དགོས་ལ་དཔེ་ཁྲིད་རེ་བྱས་ན་ལེགས་མོད་ཟེར།}}<br /> <br /> {{TibP|ངེས་དོན་གྱི་དགེ་བའི་བཤེས་གཉེན་གཞན་དག་ན་རེ། མི་ཕམ་པ་དང་ཁྱེད་གཉིས་ཀྱི་གྲུབ་མཐའི་ཁ་འཛིན་དེ་དགག་བྱ་ཆེ་ལ་དོན་ཆུང་། དེ་བས་ན་དེང་དུས་ཀྱི་ཆེ་ཚད་ཀྱང་བརྒལ་བས་ཕྱི་མའི་ལམ་རྒྱགས་རེ་བསྒྲུབ་ན་མི་ལེགས་སམ། སྐྱེ་བསྡོགས་ཀྱི་སྦྱོར་བ་དེའང་གྱི་ནའོ་གསུང་བ་ཤིན་ཏུ་མད་དེ། བཤེས་གཉེན་གྱི་མཆོག་མཚང་ལ་རྒོལ་བ་ཡིན། གདམས་ངག་གི་མཆོག་མཚང་ཐོག་ཏུ་འབབ་པ་ཡིན་གསུང་ཞིང་། བཅོམ་ལྡན་འདས་ཉིད་ཀྱིས་ཀྱང་རི་དྭགས་རྨས་མ་ལྟ་བུའི་སྦྱོད་ཚུལ་དང་། སྤྱོད་འཇུག་ཏུ་ཤིང་བཞིན་གནས་པའི་བསླབ་བྱ་སྡེ་ཚན་ལྔ་དང་། རྟག་ཏུ་གཅོམ་སྐྱུང་དགའ་བར་བྱ། །ཞེས་སོགས་མང་དུ་གསུངས་པས་ཕྱིན་ཆད་གྲུབ་མཐའ་གཞན་དང་གཤགས་མི་འགྱེད་པར་དམ་བཅས་སོ།།}}<br /> <br /> {{TibP|ཁོ་བོ་བློ་དང་བརྩོན་པ་དམན་པས་ཐོགས་མེད་དུ་རྩོམ་པའི་སྤོབས་པ་མེད་ལ། མཁས་པ་ཉིད་ནས། ལན་མི་དགོས་པ་སུན་འབྱིན་ཐ་མ་ཡིན། །ཞེས་སྣང་བས་ལན་ཞིག་དགོས་ལ། དེ་ཡང་བྱིས་པ་ཀློག་སློབ་པ་ལྟར་མཐར་ཆགས་སུ་བྲིས་པའི་ངལ་བ་སྤངས་ཏེ། མཐོན་པོའི་རྩེ་ནས་ཐང་གི་ཚད་གཞལ་བ་ལྟར་རིགས་མཐུན་པ་རྣམས་ཕྱོགས་སུ་བསྡེབ་སྟེ་དོན་ཚན་དུ་བཅད་ནས་འཇུག་པ་ནི།}}<br /> <br /> {{TibP|ཁས་བླངས་དང་འགལ་བ་དང་། མ་རྟོགས་འཁྲུལ་བའི་ཉེས་པ་དང་། ལོག་པར་རྟོག་པའི་ཉེས་པ་བསལ་བ་དང་། །ཆོས་ཚུལ་སྙིང་པོ་གཅིག་ཏུ་འབབ་པའི་ཚུལ་དང་བཞིའོ། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> ཡིད་འོང་ནགས་ཚལ་འཁྲིགས་པའི་མཱ་ལ་ཡའི།།<br /> ཕུག་ཏུ་འཚོ་བའི་དགེ་སྦྱོང་སྤོང་བ་པའི།།<br /> མཁྱེན་དཔྱོད་ས་འཛིན་ལྟེ་བ་ལས་འཁྲུང་བའི།།<br /> ཚིག་གི་ལོ་འདབ་རྒྱས་པའི་ལྗོན་པ་མཐོང་།།&lt;/br&gt;<br /> &lt;br&gt;<br /> མཚམས་བཅད་བསྙེན་པའི་ཞལ་བཞེས་འུད་ཆེ་བས།།<br /> ཉམས་ཚོད་འགམ་པའི་ཀུ་རེ་ཚིག་སྨྲས་པ།།<br /> བཟོད་མེད་ཐུགས་ཀྱི་ཚེར་མ་བཞིན་གྱུར་ཏེ།།<br /> ཟས་སྐོམ་བསྙུང་ཞིང་གཉིད་ཀྱང་ཡལ་བ་སྙམ།།&lt;/br&gt;<br /> &lt;br&gt;<br /> ཕྱོགས་སྔའི་ཚིག་དང་རིགས་པའི་འགྲོས་ཙམ་གྱིས།།<br /> དགག་པའི་ལམ་གྱི་ངལ་དུབ་མཐར་ཡང་ལྷུང་།།<br /> ཚིག་རྣམས་ཇི་བཞིན་ཕྱིར་ཡང་ཟློས་བྱས་པས།།<br /> བདེ་འཇམ་ཐུགས་ནི་ཏིང་འཛིན་གཉིད་དུ་སོང་།།&lt;/br&gt;<br /> &lt;br&gt;<br /> སྔོན་དུས་ཧྭ་ཤང་ཐེག་པ་ཆེན་པོ་བས།།<br /> ཅང་མེད་ཤེས་བྱེད་དྲངས་པ་མཁའ་ཀླུར་སླེབ།།<br /> དེ་བཞིན་འདིར་ཡང་ཚིག་ལ་རྟོན་པའི་ཕྱིར།།<br /> མདོ་རྒྱུད་ལུང་གིས་ཚིག་གི་ཚོགས་ཀྱང་བསྐྱེད།།&lt;/br&gt;<br /> &lt;br&gt;<br /> གང་གིས་སྨྱོས་གནང་བཀའ་རྒྱ་དེང་གྲོལ་བས།།<br /> མ་དུལ་རྟོག་གེ་གླང་ཆེན་བག་མེད་ངས།།<br /> ཟབ་སྣང་རྒྱ་མཚོ་དཀྲུག་པའི་འདམ་རྫབ་ཀྱིས།། <br /> ས་སྟེང་བཀང་ཡང་ཤེས་ལྡན་སུ་ཞིག་ཁྲོ།།<br /> ཞེས་བྱ་བ་ནི་སྤྱི་དོན་ནོ།།}}&lt;/br&gt;<br /> <br /> {{TibP|བྱེ་བྲག་ཏུ་བཤད་པ་ལ། འཁྲུལ་བ་འབྱམས་ཀླས་པ་སུ་ཞིག་གིས་འཆད། ཆེ་ལོང་ཙམ་གོང་ལྟར་{{TibSabcheInline|དོན་ཚན་བཞིས་བཏགས་པའི་དང་པོ་ལ།}} རབ་སྣང་དུ་༼མི་ཕམ་གྱིས་༽{{TibArgInline|ཁ་འུར་སྤངས་}}གསུངས་ཀྱང་། འདི་དང་ཤེར་ཊིཀ་ཏུ་{{TibArgInline|འཐད་སྒྲུབ་ཀྱི་རིགས་པས་སྤྲོས་བྲལ་ལ་ཡིད་ཆེས་རྙེད་ཅིང་གནས་ལུགས་ཀྱི་དོན་མཐོང་}}ཟེར་བ་འགལ་ཏེ། ཟབ་དོན་ལ་མྱོང་བ་ཐོན་པ་ཕར་ཞོག མི་རྟག་པར་མྱོང་བ་ཐོན་ཏེ་ལོང་མེད་རྒྱུད་ལ་སྐྱེ་ན་བབ་ཅོལ་དུ་རྩོམ་ཆོས་མང་པོ་དང་། ཁྱད་པར་ཆགས་སྡང་གིས་གཤགས་འགྱེད་འདི་འདྲ་མི་བྱེད་པར་ངེས་ཏེ། སྤྱན་སྔ་ཀོ་ཤམ་པཪ་གྲགས་པའི་རྣམ་ཐར་གྱིས་ཤེས་སོ།།}}<br /> <br /> {{TibP|{{TibArgInline|རྫུན་ལྷངས་མི་བྱེད་}}ཟེར་ཡང་། བྱེ་སྨྲའི་ལུགས་ལ་སྟོན་པའི་ཐུགས་རྒྱུད་ལ་དུ་ཁ་ཡོད་པ་ལུང་རིགས་དུ་མས་འགྲུབ་པས་ཡོད་པར་ཁས་བླངས་ཀྱང་། {{TibArgInline|གོང་མའི་ལུགས་ལ་དེ་ལྟར་ཁས་བླངས་པ་ལྟར་བྱེད་པ་དང་། སྟོན་པ་ཉིད་དང་ཐ་མལ་བ་འདྲ་བར་ཁས་བླངས་}}ཟེར་བ་སོགས་འགལ་ལོ།།}}<br /> <br /> {{TibP|བྱེ་སྨྲས་སྡུག་བསྔལ་འདོད་ཀྱང་ཐ་མལ་བ་དང་འདྲ་བར་ག་ལ་འདོད། {{TibArgInline|རང་གཞན་ལ་བསྟོད་སྨད་སྤངས་}}ཟེར་ཡང་། གཞན་གྱི་གཞུང་དུག་བཞིན་ཀུན་ལ་གནོད། ཁོ་རང་གི་གཞུང་སྨན་དང་འདྲ་བར་ཐམས་ཅད་ལ་ཕན་ཟེར་བ་ཡང་འགལ་ལོ།།}}<br /> <br /> {{TibP|གཞན་གྱི་ཚིག་ལ་{{TibArgInline|གཏམ་གྱི་ཉེས་པ་ཡོད་རང་ལ་མེད། ཞེན་ལྟ་སྤངས་}}ཟེར་བ་དང་། རང་ཕྱོགས་ལ་ཆགས་པ་དང་། སྔ་རབས་པ་འགའི་ལུགས་ལ་ཞེན་ལྟས་བཅིང་བ་འགལ་ལོ། །གཞན་གྱི་ཚིག་གིས་ཞེ་སྡང་བསླང་ན་ཁྱེད་ལ་བསླང་བས་{{TibArgInline|ཞེ་སྡང་མེད་}}ཟེར་བ་འགལ། གཞན་གྱི་སྐྱོན་བརྗོད་ཀྱི་ཚིག་ཇི་བཞིན་དུ་བཟླས་པས་ཞེ་སྡང་མི་སློང་བའང་འགལ་བའོ། །}}<br /> <br /> {{TibVerse|<br /> &lt;br&gt;<br /> སྨྲས་པ། <br /> རྫོགས་ཆེན་མཁས་དབང་དམ་པ་དཔལ་སྤྲུལ་དང་།།<br /> མང་ཐོས་ཀོང་སྤྲུལ་ཡོན་ཏན་རྒྱ་མཚོ་སོགས།།<br /> དག་སྣང་ཕྱོགས་མེད་བག་ཡོད་ཞི་དུལ་གྱིས།།<br /> རང་གཞན་ཀུན་གྱིས་བསྟོད་ཅིང་མཐོང་སྨོན་བྱེད།།&lt;/br&gt;<br /> &lt;br&gt;<br /> ཁྱོད་ནི་མཁས་པའི་ཡོན་ཏན་མི་དམན་མོད།།<br /> ཕྱོགས་རྣམས་ཀུན་ནས་ཕས་རྒོལ་དགྲ་ལྡང་བ།།<br /> དེ་ནི་ངན་ལྟས་ལས་གཞན་ཇི་ག་ཞིག།<br /> བཟོད་པའི་ཞིང་ནི་དཀོན་པའི་རྒྱུ་མཚན་གཟིགས།།&lt;/br&gt;<br /> &lt;br&gt;<br /> ཤེར་ལེར་རྩོད་ལན་མང་བ་གཟིགས་ལེགས་ཏེ།།<br /> བག་ཡོད་ཤེས་བཞིན་ལེའུ་ཅིས་མ་གཟིགས།།<br /> སྣ་ཚོགས་གྲུབ་མཐའི་ལྟ་སྤྱོད་སྐྱོན་མཁས་པས།།<br /> རིས་མེད་རྟོགས་ལྡན་ནམ་མཁའི་སྐར་ཚོགས་མཛེས།། ཞེས་སྨྲས་སོ།།}}&lt;/br&gt;<br /> <br /> {{TibP|རྗེ་ཐམས་ཅད་མཁྱེན་པ་ལ་བསྟོད་པ་ཆེར་བྱས་ཟེར་མོད། ཤེར་ཊིཀ་ཏུ་༼མི་ཕམ་གྱིས་༽{{TibArgInline|ངག་འབྲེལ་མེད་དེ་འདྲ་}}ཟེར་བ་དང་། {{TibArgInline|གཞན་དུ་བཤད་པ་ཇི་སྙེད་པ་ཀླུ་སྒྲུབ་དང་ཟླ་བའི་དགོངས་པ་མ་ཡིན་}}ཟེར་བ་སོགས་སྔ་ཕྱི་འགལ་བས་བསྟོད་ཚུལ་ནི་མིས་ཁ་ཉེན་པ་འགོག་པའོ།།}}<br /> <br /> {{TibP|འདིར་{{TibArgInline|ཁྱེད་ཅག་གིས་བསྟོད་པ་ལས་མི་དམན་པ་ཙམ་ཤེས་ནས་གསུང་ལ་ངེས་ཤེས་སྐྱེ་}}ཟེར་བ་འགལ་ཏེ། ཁྱེད་ཀྱིས་བསྟོད་པ་ཁྱེད་ཀྱིས་ཤེས་པ་དོན་མེད་ལ། ཙམ་སྒྲ་རང་བྱུང་ཡིན་པས་ཁྱེད་ཀྱིས་མི་ཤེས་པར་སྣང་ལ། ངེས་ཤེས་རྙེད་ནས་བསྟོད་ན་འབྲེལ་མོད་དེ་མ་ཡིན་པས་དགོས་དབང་ངོ་།།}}<br /> <br /> {{TibP|{{TibArgInline|ཡན་ལག་གི་དོན་རྒྱུ་ལ་བྱས་ཀྱང་འགལ་བ་མེད་}}ཅེས་དངོས་འགལ་དུ་བུད། འདི་སྔ་ནས་གསུང་ན་ཆགས་སྡང་གི་རྒྱ་མཚོ་འཁྲུག་པའི་གཞི་མེད་པ་ལ། རྩོད་རིགས་ཀྱི་མདའ་ཟུག་པས་བསོད་ནམས་ཀྱི་ལུས་ཉམས་པ་ཡི་རེ་ཕངས། འདིར་ཡན་ལག་རྒྱུ་ལ་བྱེད་པ་ལེའུ་སྔ་མ་རྣམས་ཀྱི་འགྲོས་དང་། འགྲེལ་བར། ཞི་གནས་ལས་ལྷག་མཐོང་སྐྱེ་ཚུལ་གསུངས་པས་ཞི་ལྷག་གི་རྒྱུ་ཚོགས་སྔོན་དུ་འགྲོ་བ་དང་། བསོད་ནམས་ཀྱི་ཚོགས་མཐའ་ཡས་པ་ལས་དམིགས་མེད་ཀྱི་ལྟ་བ་འཁྲུངས་པས་གྲུབ་བོ།།}}<br /> <br /> {{TibP|ཡང་ཊིཀྐར། ༼མི་ཕམ་གྱིས་༽ {{TibArgInline|ཤེས་རབ་ནས་སྒྲུབ་པར་བྱེད་ཀྱི། ཕར་ཕྱིན་གཞན་གྱིས་མི་ནུས་}}ཟེར་བའང་འགལ་ཏེ། ཤེས་རབ་མེད་ན་ཞེས་དུ་མར་གསུང་པ་དང་། བསོད་ནམས་ཀྱིས་གཟུགས་སྐུ་མི་འགྲུབ་པ་ཧ་ཅང་ཐལ་ལོ། །འདིར་བློ་ཆུང་ཁ་ཅིག་ཕར་ཕྱིན་དྲུག་དོན་གཅིག་པས་གོ་རིམ་གསུང་བ་ཇི་འདྲ་ཟེར་ཡང་། མདོ་རྒྱན་ཕར་ལེར་དོན་ཚན་བཅུ་དང་གོ་རིམ་གསུམ་གསུང་བ་དང་། {{TibQuoteInline|གྲུབ་བདེ་རྫས་གཅིག་མིན་ཀྱང་རྫས་གཅིག་འདོད།།}} ཅེས་པ་དང་། དགེ་སློང་གི་རྒྱུད་ཀྱི་བདག་དང་། མི་དང་། དགེ་སློང་རྣམས་རིམ་པར་གྲུབ་ཚུལ་གསུང་བ་དང་། དད་པ་ལས་གུས་པ་སོགས་དང་། དེ་རིང་གི་དམ་བཅའ་བ་ཉིད་མཚམས་སྦྱར་བ་དང་། མངལ་ནས་བཙས་པ་གང་ནས་སྐྱེ། སྟོང་ཉིད་སྔར་ནས་རྟོགས་པ་ལ་འདིར་བསྟན་སྙིང་རྗེ་ཆོས་གཞན་གཉིས་ཀྱི་རྩ་བར་འགྱུར་ཚུལ་དྲིས་ན་སྤྱན་ནམ་མཁར་བཏེག་སྟེ་ལན་ཚོལ་བ་དག་སྣང་ངོ་།།}}<br /> <br /> {{TibP|སྦྱིན་ཚུལ་ཕན་ཚུན་མཚུངས་པར་མི་ལྡན་ཡང་། དེ་དག་བཟོད་བརྩོན་སོགས་བཞི་དང་ལྡན་པར་ངེས། བཟོད་པ་ཞེ་སྡང་མེད་པ་དང་རྣམ་པར་མི་འཚེ་བ་དང་། དེ་གཉིས་བཟོད་པ་དང་། བཟོད་པ་དང་བྱམས་པ་སོགས་མུར་ཕྱེ་ཚུལ། བྱམས་པ་དང་མཚུངས་ལྡན་གྱི་སྦྱིན་པ་བྱམས་པའི་སྦྱིན་པ་དང་། བཟློག་སྟེ་དང་། དེ་བཞིན་དུ་སྦྱིན་པ་བཞི། བཟོད་པ་གསུམ། ཆོས་ལ་ངེས་སེམས་ཀྱི་བཟོད་པ་བརྒྱད། བརྩོན་འགྲུས་གསུམ་དང་། དྲུག་རྣམས་ཕན་ཚུན་མཚུངས་པར་ལྡན་ཚུལ། ཉན་ཐོས་ཀྱི་ཡིད་བྱེད་སྤོང་བའི་ཚུལ་ཁྲིམས་དང་། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དག་ལ་རྟོགས་རིགས་དྲུག་སོགས་དཔྱད་འོས་མང་བ་ཞར་བྱུང་ཙམ་སྟེ་མཁས་པ་ཁོང་ལ་ཞུས་པ་མ་ཡིན་ནོ།།}}<br /> <br /> {{TibVerse|<br /> &lt;br&gt;<br /> སྨྲས་པ། <br /> གཅམ་པུའི་ཚིག་གི་དྲག་ཆར་སུ་ཡིད་རྟོན།།<br /> ལྟར་སྣང་དམ་བཅའི་ན་བུན་བཏུད་པས་འཇིག།<br /> དོན་ཆེན་ལྷུན་པོ་འདྲེན་བྱེད་ཡུལ་ལས་འགོང་།།<br /> ཚད་དུ་མ་ཕབ་བབ་ཅོལ་ཆུ་ཤིང་སྟོང་།།&lt;/br&gt;<br /> &lt;br&gt;<br /> ཕྱི་རོལ་རྩོད་པའི་ལས་ལ་ཞུམ་མེད་ཀྱང་།།<br /> རང་སེམས་ལས་སུ་རུང་བའི་སྐལ་བ་ཕྲ།།<br /> ཆོས་ཀྱི་དོན་པོ་སེམས་ཀྱི་གསང་མ་ཤེས།།<br /> དོན་མེད་དལ་བས་དལ་འབྱོར་ནོར་བུ་བརླག། <br /> ཅེས་ཀྱང་འཚེར་རོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽དེ་ལས་ཀྱང་བཟློག་{{TibArgInline|ཅེས་པ་བདག་འཛིན་བཟློག་པར་སྦྱར་བ་མི་རིགས་}}ཞེས་བཤད་ཀྱང་། རབ་སྣང་འདིར་{{TibArgInline|དགེ་བ་ལྷ་དང་ཤེར་འབྱུང་གི་དགོངས་པར་སོང་བས་རུང་}}ཞེས་དངོས་འགལ་དུ་བུད། འདིར་{{TibArgInline|སྔ་ཕྱི་འགལ་བ་ཡོད་}}ཟེར་མོད། །སྐབས་དོན་དང་ཁས་ལེན་སོང་ཚུལ་གྱི་རིགས་པའང་མ་ཤེས་པས་ནོངས་ཏེ། སེམས་ལྡན་དུ་ཞེན་པའི་ལོག་ཤེས་ཡོད། དེ་མ་ཡིན་པར་ཞེན་པའི་ཚད་མ་ཡོད། མྱང་འདས་ཐོབ་བྱར་ཞེན་པའི་ཚད་མ་ཡོད། དེ་ཐོབ་བྱ་མ་ཡིན་པར་ཞེན་པའི་ལོག་ཤེས་ཡོད་པའི་ཕྱིར་མི་ཤེས་ན་རིགས་པ་སྨྲ་བ་ཞིག་ལ་དྲིས་དང་ངེས་པ་སྐྱེའོ།།}}<br /> <br /> {{TibP|{{TibArgInline|ཁྱོད་ཝ་ལྟ་བུ་དང་ཁོ་བོ་སེངྒེ་ལྟ་བུ་}}ཞེས་གསུང་བ་ལྟར་བྲིས་པ་བརྗེད་པར་སྣང་ལ། སྡོམ་པ་གོང་མ་གཉིས་ཀའི་སྐ་རགས་ཅིག་ཅར་དགྲོལ་ཏེ་མཚོན་གྱི་རྨས་པའི་ན་ཟུག་ཀྱང་ཆེ་སྟབས་མཚམས་ཁང་དུ་གཟིམ་པར་གསལ་ལོ།།}}<br /> <br /> {{TibP|ཡང་ནང་འགལ་སྨྲས་པ། {{TibArgInline|བདག་གཉིས་རིམ་ཅན་དུ་འབྱུང་ན་སྔ་མ་ཡོད་ལ་ཕྱི་མ་མེད་པའི་སོ་སྐྱེ་ཡོད་པར་ཐལ་}}ཟེར། དེའི་རྗེས་དེ་མ་ཐག་ཏུ་{{TibArgInline|བདག་འཛིན་གཉིས་ཀྱི་དེ་བྱུང་གི་འབྲེལ་བ་ལ་སྐྱོན་བརྗོད་པ་མ་ཡིན་ཀྱང་སྔར་ལྟར་རིགས་པའི་རྣམ་འགྱུར་བྱས་}}གསུང་། འོ་ན་སེམས་དང་བདག་འཛིན་གཉིས་རྣམས་དེ་དང་དེའི་རྐྱེན་བཞི་ལས་སྐྱེ་ཕྱིར་སེམས་མེད་པའི་སེམས་ཅན་དང་། བདག་འཛིན་མེད་པའི་སོ་སྐྱེ་ཁྱོད་ཀྱིས་ཁས་ལོངས་ཤིག ཀྱེ་མ་རིགས་པའི་རྣམ་འགྱུར་སྨེ་བོ་འདི་མ་བྱས་ན་ལེགས་མོད། འདི་འདྲ་ཞིག་དང་རྩོད་པ་བྱས་ན་ང་ཡང་ངོ་གནོང་ངོ་། །}}<br /> <br /> {{TibVerse|<br /> &lt;br&gt;<br /> སྨྲས་པ།<br /> རིགས་ལམ་མ་སྦྱངས་མི་ཕམ་དགོན་པ་བ།།<br /> རིགས་པའི་མེ་གྲོགས་རླུང་གིས་མ་ཟིན་པས།།<br /> རིགས་པ་བཀོད་དེ་རང་གིས་སུན་ཕྱུང་བ།།<br /> རིགས་པ་སྨྲ་བའི་ཚོགས་ཀྱིས་ག་ཞར་མཛོད།།&lt;/br&gt;<br /> &lt;br&gt;<br /> རྒྱལ་བའི་མདུན་སར་རྒྱལ་སྲས་ཉན་ཐོས་བཅས།།<br /> བརྒལ་ལན་རིགས་པའི་འཕྲུལ་གྱིས་དུ་མར་རྩེན།།<br /> དེ་བཞིན་རྒྱ་བོད་མཁས་གྲུབ་བྱེ་བ་ཡང་།།<br /> རིགས་པའི་གསང་ཚིག་སླ་བའི་སྤོབས་པ་འཛིན།།&lt;/br&gt;<br /> &lt;br&gt;<br /> ཚུལ་གནས་ཐོས་བསམ་སྒོམ་པའི་ལམ་གྱི་སྲོལ།།<br /> དུས་གསུམ་སྲས་བཅས་རྒྱལ་བའི་བགྲོད་གཅིག་ལམ།།<br /> ཚད་ལ་མ་ནོར་འཇམ་མགོན་ལུགས་བཟང་ཞེས།།<br /> བསྔགས་པའི་སྒྲ་བརྒྱ་སྐལ་བཟང་རྣ་བར་འཇེབ།།<br /> ཅེས་བྱ་བ་ནི་རྟེན་འབྱུང་གི་དེ་ཉིད་བསྟན་པའོ།།}}&lt;/br&gt;<br /> <br /> {{TibP|ཤེར་ཊིཀ་ཏུ་༼མི་ཕམ་གྱིས་༽{{TibArgInline|དགྲ་བཅོམ་པའི་རྒྱུད་ཀྱི་སྲེད་པ་}}ཞེས་དང་། {{TibArgInline|སྲེད་པ་ཉོན་མོངས་ཅན་མིན་པ་ཅི་སྟེ་མེད་}}ཅེས་བྲིས་ཀྱང་། རབ་སྣང་འདིར། {{TibArgInline|ད་ལྟའི་སྲེད་པ་མེད་ཀྱང་སྔར་གྱི་སྲེད་པས་གསོས་བཏབ་}}ཅེས་ཀྱང་བྲིས། ཡང་འདི་ལྟར། {{TibArgInline|ཡན་ལག་བཅུ་གཉིས་ཀྱི་སྲེད་པ་ཉོན་མོངས་ཅན་ཡིན་པ་བདེན། འོན་ཀྱང་སྲེད་པ་ཉོན་མོངས་ཅན་མིན་པ་ཡོད་}}ཟེར། འོ་ན་ད་ལྟའི་སྲེད་པ་ཞེས་ཅི་ལ་སྦྱར། ཁྱོད་ལྟར་ན་སྲེད་པ་སྤངས་པ་ལས་སངས་རྒྱས་དགོས་པས། ཆོས་ཀྱི་གྲགས་པས། {{TibQuoteInline|སྲིད་པའི་སྲེད་ལས་རྣམ་བརྒལ་}}ཞེས་སོགས་དང་། ཀུན་མཁྱེན་གཉིས་པས། {{TibQuoteInline|སྲེད་དང་བྲལ་ལ་འབྱུང་བ་མེད།།}} ཅེས་སྲེད་པ་སྤངས་ཀྱང་འཕེན་བྱེད་ལས་ཡོད་པ་ཞིག་གསུང་བ་བཞག་ཏུ་མེད་པར་འགྱུར་རོ། །རྩ་བར། {{TibQuoteInline|ཚོར་བའི་རྐྱེན་གྱིས་སྲེད་པ་ཡིན།།}} ཞེས་གསུང་བ་ལྟར་ཡན་ལག་བཅུ་གཉིས་ཀྱི་སྐབས་ཡིན་ཞིང་གོང་འོག་ཏུ་ཡོད་མེད་འདུ་ཤེས་མེད་པ་ལྟར། སླར་ཡང་སྐྱེ་ཟེར་ས་རྣམས་གཞི་གཅིག་མོད། ལྟ་མགུར་དུ། འོན་ཀྱང་གཞུང་ལུགས་ལ་སྦྱངས་པ་ཆུང་རྣམས། ཞེས་གསུང་ངམ་དྲི་མ་མེད་པའི་རིགས་པས་གཞུང་ཆེན་མོའི་ཁོག་སྒྲིག་མ་ནུས་པས་ལན་པའོ།།}}<br /> <br /> {{TibP|ཤེར་ཊིཀ་ཏུ་འཇིག་ལྟ་ཕྲ་མོ་མི་སྤོང་ཞེས་ཁྱད་ཕྱེ་བ་ལ་ནང་འགལ་འཕང་བ་མ་བཟོད་ནས་གཏོལ་ཅི་ཡང་མེད་ཕྲ་རགས་ཕྱེ་སྟེ་སྤོང་ཟེར། འོ་ན་སྔར་ཤེར་ཊིཀ་ཏུ་བཤད་པ་དང་འགལ་ལོ།།}}<br /> <br /> {{TibP|ཡང་༼མི་ཕམ་གྱིས་༽བདག་འཛིན་སྤོང་བར་ཁས་བླངས་པས་ཕྲ་མོ་སྤོང་བར་ཁས་བླངས་ཟེར། འོ་ན་བདེན་པ་མཐོང་བར་ཁས་བླངས་པས་བདེན་པ་ཕྲ་མོ་མཐོང་བར་འདོད་ན། སྟོང་ཉིད་མཐོང་བས་ཅི་ཞིག་བྱ།། ཞེས་རྩོད་པ་དོན་མེད་དུ་ཐལ་ལོ། །གང་ཟག་རང་བཞིན་གྱིས་གྲུབ་པར་འཛིན་པའི་བློ་ལོག་ཤེས་སུ་འདོད་པར་ཐལ། ལུགས་འདིའི་འཇིག་ལྟ་སྤོང་བར་འདོད་པའི་ཕྱིར། བར་འདིར་ཚིགས་བཅད་བྲིས་པ་ལ་ནང་འགལ་བརྗོད་པ།}}<br /> <br /> {{TibVerse|<br /> &lt;br&gt; <br /> རིགས་པ་སོང་ཞེས་རློམ་པའི་རྐྱལ་སྟོང་བུས།།<br /> ཁ་ཕོ་མེད་ཟེར་ནུས་པ་ཆེ་སྐད་ལོ།།<br /> ནང་འགལ་གྱ་གྱུའི་རི་མོ་མང་བཀྲ་བ།།<br /> ཕྲ་ཞིབ་རིགས་པའི་མན་ངག་མེད་པས་ནོངས།།&lt;/br&gt;<br /> &lt;br&gt;<br /> རིགས་པ་རྣོ་ཞིང་སྤོབས་པ་བརྟན་གསུང་བ།།<br /> ཆོས་བརྒྱད་རོ་སྙོམས་གདམས་པ་མེད་པས་ནོངས།།<br /> ཅ་ཅོར་སྣང་བ་ཇི་བཞིན་རྗེས་བཟླས་པས།།<br /> ཅ་ཅོ་མི་སྨྲ་གསུང་བ་ཁྱོད་རེ་ལོང་།།&lt;/br&gt;<br /> &lt;br&gt;<br /> རྩོད་པའི་འཁྲུག་ལོང་བརྒྱ་ཡི་སྒོ་ཕྱེ་ནས།།<br /> ད་དུང་ཡ་རབས་ཡིན་སྙམ་ཁྱོད་རེ་གླེན།།<br /> མ་དྲངས་དྲོལ་བ་བདག་དང་འགྲོ་བ་ཡིས།།<br /> སྒོ་གསུམ་བསྲུང་མེད་སྒོམ་ཆེན་ཁྱོད་རེ་མཁས།།&lt;/br&gt;<br /> &lt;br&gt;<br /> རང་ལ་འབད་པར་དོན་སྨྲ་ལ་འཁྲུལ་བས།།<br /> ཁོར་གསུམ་འཕང་ས་ནོར་རོ་ཧེ་ནུས་ཞིས།།<br /> ཚིག་གསུམ་ཙམ་ལ་ནང་འགལ་འདི་མཐོང་བས།།<br /> ཇི་ཙམ་ཚིག་ལ་སུམ་འགྱུར་ནང་འགལ་ལོ།།<br /> ཞེས་བྱ་བ་ནི་འགལ་བའི་རྒྱན་གྱི་ཚུལ་ལོ།།}}&lt;/br&gt;<br /> <br /> {{TibP|༼མི་ཕམ་གྱིས་༽ཀུན་གཞི་མི་འདོད་པ་ཡོད་གསུང་མོད་གསལ་བར་མ་སྨྲས། དེ་ལྟ་ན་ཀུན་གཞི་དང་ཉོན་ཡིད་སྒྲུབ་བྱེད་ཀྱི་རིགས་པ་བརྒྱད་དང་དྲུག་གསུང་བ་རྣམས་ལ་ལུང་རིགས་ཀྱི་འགལ་སྤོང་དགོས་མོད། རྟོག་གཉིས་གཅིག་ཅར་མཐོང་བ་མེད་གསུང་བ་རང་ལུགས་བྱས་འདུག་པས་སྟར་རྡོག་སྐམ་པོའི་དེ་ཉིད་གོ་བར་ཟད་དོ།།}}<br /> <br /> {{TibP|ཤེར་ཊིཀ་ཏུ་རང་རིག་དགག་སྒྲུབ་གང་ཡང་མེད་པས་ཡོད་ཟེར། སྐབས་གཞན་དུ་རྣམ་གྲངས་པ་དང་རྣམ་གྲངས་མ་ཡིན་པའི་དོན་དམ་གཉིས་སུ་མི་གསལ་བས་ཟླ་བས་གཉིས་མི་འདོད་ཟེར་བ་ཤིན་ཏུ་ཡ་མཚན་པ་སྟེ། མེད་པ་དང་ཡོད་པར་བསྒྲུབ་པའི་རྒྱུ་མཚན་ཡང་དག་གཉིས་ཀྱི་གཞི་མཐུན་འདོད་པ་མཁས་པའི་བཞད་གད་ཀྱི་གནས་ཡིན་པའི་ཕྱིར། ཡང་འཇུག་པར་རང་རིག་ནན་ཏན་གྱིས་བཀག་པ་དོན་དམ་དུ་ཡིན་ཞེས་ཀྱང་བྲིས་པ་འགལ་ཏེ། རྩ་ཤེས་སུ་འགྲོ་འོང་གི་བྱ་བ་བཀག་ཅེས་ཁས་ལེན་རིགས་པར་ཐལ་ལོ། །ལས་འབྲས་སྐྱེ་བ་སྔ་ཕྱི་ཡང་ནན་གྱིས་བཀག་པར་སྨྲོས་ཤིག སོ་སོ་རང་རིག་པའི་ཡེ་ཤེས་རང་རིག་ཡིན་ན་རང་ཉིད་རིག་པར་འགྱུར་ལ། དེ་ལྟ་ན་ཡེ་ཤེས་དེ་ཉིད་དོན་དམ་བདེན་པར་འགྱུར་ཞིང་། སྟོང་ཉིད་ལ་འདུ་བྱས་དང་འདུ་མ་བྱས་གཉིས་ཡོད་པར་འགྱུར་རོ། །དེ་ལྟ་ན་ཡོངས་གྲུབ་དང་གཞན་དབང་མི་འགལ་བ་སོགས་འགལ་ཚབས་ཆེ་མོད། དབུ་ཕར་དང་ཚད་མའི་གཞུང་གི་རིགས་པའི་རྩལ་མ་བྱང་བས་དགོས་པ་མེད་ལ། བཤད་གྲྭ་ཆེན་མོ་རྣམས་སུ་དམ་བཅའ་འཇོག་ཐུབ་ན་གོ་བ་སྐྱེ་རྒྱུ་ཡོད་ལ། དབེན་པ་ཞིག་ཏུ་ཡི་གེ་མང་པོ་བྲིས་ཀྱང་ངལ་བ་ཙམ་མོ།།}}<br /> <br /> {{TibP|ལུགས་འདིའི་སྲེད་པ་སྨྲས་པས་ལུགས་གཞན་གྱི་སྲེད་པ་གོ་མི་ནུས། དགྲ་བཅོམ་ཐོབ་པའི་རྒྱུད་ཀྱི་སྲེད་པ་སྨྲས་པས་མ་ཐོབ་པའི་རྒྱུད་ཀྱི་སྲེད་པ་ཞིག་གོ་ནུས་ཟེར་བའང་ནང་འགལ་ལོ། །སྲེད་པ་དང་ཉོན་མོངས་ཅན་མིན་པ་ཞེས་དང་། སྲེད་པ་ཉོན་མོངས་ཅན་མིན་པའང་ཞེས་པའི་ཚིག་རྣམས་ལ་ཁྱད་མེད་ན། ཁྱད་གཞི་དང་ཁྱད་ཆོས་ལ་ཚིག་ཕྲད་སྦྱར་བའི་རྣམ་དབྱེ་བརྡའ་སྤྲོད་ཀྱི་གཞུང་ལས་ཕྱི་རོལ་དུ་འགྱུར་རོ།།}}<br /> <br /> {{TibP|སངས་འཕགས་རྒྱུད་ལ་གཉིས་འཛིན་གྱི་སེམས་མེད་ཅེས་ཁྱད་པར་སྦྱོར་བ་དང་། ཡང་སེམས་མེད་ཟེར་བ་དང་། ཡོད་ཀྱང་ཡེ་ཤེས་ཟེར་ཞེས་པ་དང་། སེམས་ཀྱི་རྫུ་འཕྲུལ་གྱི་རྐང་པ་སོགས་གསུངས་ནས་ཡོད་ཟེར་བ་སོགས་གཏད་སོ་ཅི་ཡང་མི་སྣང་ལ། སླར་ཡང་ཞིབ་ཏུ་བརྟག་པར་འགྱུར་རོ།།}}<br /> <br /> {{TibP|ཡང་༼མི་ཕམ་གྱིས་༽བདེན་མེད་གནས་ལུགས་མིན་ཞེས་མ་སྨྲས། སོ་སྐྱེ་ནི་བློ་ལ་བལྟོས་ཏེ་གནས་ལུགས་མཐར་ཐུག་མ་ཡིན་ཟེར། འོ་ན་འཕགས་པའི་མི་རྟོག་ཡེ་ཤེས་ལ་བལྟོས་ཏེ་གནས་ལུགས་ཡིན་པར་ཁས་བླངས། དེ་ལྟ་ན་དོན་དམ་སྤྲོས་བྲལ་ཡང་བློ་སྔ་མ་ལ་བལྟོས་ཏེ་གནས་ལུགས་མཐར་ཐུག་མ་ཡིན་པ་དང་། ཕྱི་མར་བལྟོས་ཏེ་ཡིན་པར་འགྱུར་བས་ནང་འགལ་ལོ།།}}<br /> <br /> {{TibP|དེས་ན་ཡུལ་གྱི་ངོས་ནས་ཁྱད་འབྱེད་མི་ནུས་པས་ཁོ་བོ་ཅག་བདེན་མེད་དང་སྟོང་ཉིད་དོན་དམ་དང་སྤྲོས་བྲལ་གནས་ལུགས་མཐར་ཐུག་ཏུ་འདོད་པ་ལ་བརྟེན་ན་མཛེས་པ་དེའི་ཕྱིར་ཡུལ་དེ་དག་བློ་སོ་སོ་ལ་ལ་བལྟོས་ནས་རྣམ་གྲངས་དང་རྣམ་གྲངས་མ་ཡིན་པའི་དོན་དམ་སོ་སོར་བཞག་ལ། བློ་གཉིས་ཀྱང་དོན་དམ་སོ་སོར་གྲུབ་པས་དེ་ལྟར་གསུང་ལ། ཁྱོད་ཀྱིས་ཀྱང་གོང་ལྟར་ཁས་བླངས་མོད། ཞེན་ལྟས་བཅིངས་པས་དག་པ་མི་སྟེར་བར་ཟད་དོ།།}}<br /> <br /> {{TibP|སློབ་པའི་སར་བློ་དེ་གཉིས་འགལ་ཞིང་། སངས་རྒྱས་ཚེ་མཉམ་རྗེས་ངོ་བོ་གཅིག་ཏུ་སོང་བས་བློ་དེ་གཉིས་དོན་གཅིག་པས། སྤྱིར་ཡུལ་ཅན་གཉིས་ལ་མུ་བཞི་དང་། ཡུལ་གྱི་སྒོས་ཕྱི་མ་ཡིན་ལ་སྔ་མ་མ་ཡིན་པ་མེད་པས་མུ་གསུམ་དུ་འགྱུར།}}<br /> <br /> {{TibP|འོ་ན་མི་རྟོག་ཡེ་ཤེས་ཀྱི་གཟིགས་ངོའི་སྟོང་ཉིད་སྔ་མ་ཡིན་ནམ་ཞེ་ན། བློ་སྔ་མ་ལ་བལྟོས་ཏེ་རྣམ་གྲངས་པར་འགྱུར། ཡང་བློ་ཕྱི་མ་ལ་བལྟོས་ཏེ་སྟོང་ཉིད་ཆོས་ཅན་ཟེར་བ་སོགས་རིགས་པའི་འགྲོས་མང་བ་སུ་ཞིག་གིས་སྤྲོ་ནུས། བསལ་བྱ་ལོག་སྒྲུབ་སྐབས་བདེན་གཉིས་ཟུང་དུ་འབྲེལ་ཚུལ་མ་ཤེས་པས་རྩོད་པ་བཀོད་པ་འགོག་ཚུལ་ཁྱོད་ཀྱིས་ཁོ་བོ་འགོག་པ་ལ་དྲངས་པ་སྐབས་སུ་བབ་གསུང་། དེ་ནི་མཁས་དབང་ཆེན་པོ་ཐུགས་མཛད་པའི་རྟགས་ཏེ། སློབ་པའི་མི་རྟོག་ཡེ་ཤེས་མཐར་ཐུག་རྒྱུན་མཐའི་བར་ཆད་མེད་ལམ་ཚད་མ་ཡིན་ཕྱིར་དམིགས་པ་མེད་ན་སྤྲོས་བྲལ་ཚད་མས་མ་དམིགས་པར་འགྱུར་ཞིང་། ཐེག་ཆེན་སྒྲུབ་པའི་དམིགས་པ་ཡང་མེད་པར་ཐལ་ལོ།།}}<br /> <br /> {{TibP|ཁྱོད་ཀྱིས་ཀྱང་འདིར་སྤྲོས་བྲལ་གྱི་རྣམ་པ་འཐད་པར་ཁས་བླངས་པས་སྔར་དམིགས་པ་དང་འཛིན་སྟངས་མེད་ཅེས་བྲིས་པས་དངོས་འགལ་དུ་བུད། ཡང་སྤྲོས་པ་ཅན་ལྟ་བ་དེ་དག་གནས་ལུགས་མཐར་ཐུག་པ་ཡིན་པར་སངས་རྒྱས་ནས་བཟུང་པཎ་གྲུབ་དུ་མས་གསུང་ཞེས་པ་དཀའ་ཚེགས་ཆེན་པོས་བཀའ་བསྟན་ནང་དུ་དྲངས་པ་ཕྱོགས་སྔའི་ཚུལ་མ་ཤེས་ཤིང་ཁྱད་པར་རིགས་ལམ་ལ་མ་སྦྱངས་པའི་བབ་ཅོལ་ཏེ། ཁོ་བོ་ཅག་དམིགས་བཅས་ཀྱི་ལྟ་བ་ཕར་ཞོག དམིགས་མེད་ཀྱི་ལྟ་བའང་སྟོང་ཉིད་དུ་མི་འདོད་དེ། ལྟ་བ་དེ་གཉིས་ཤེས་པ་ཡིན་པས་འདུ་བྱས་སུ་འདོད་ལ། སྟོང་ཉིད་འདུ་མ་བྱས་ཁོ་ནར་འདོད་དེ། འཕགས་པའི་གང་ཟག་རྣམས་ནི་འདུ་མ་བྱས་ཀྱིས་རབ་ཏུ་ཕྱེ་བའོ།། ཞེས་གསུངས་པས་སོ།།}}<br /> <br /> {{TibP|བདེན་མེད་ཅེས་ཡང་ཡང་བཤད་མོད། བདེན་གྲུབ་དང་དོན་དམ་པར་གྲུབ་པའི་ཁྱད་པར་མི་སྦྱོར་ཟེར་བ་འགལ་ལོ། །ཆོས་དབྱིངས་ལས་མ་འདས་པའི་ཕྱིར་ན། དོན་དུ་སྐྱེ་བ་མེད་ཀྱང་སྐྱེ་བ་ལྟར་སྣང་ཟེར། དོན་དུ་ཞེས་པ་དོན་དམ་དུ་ཟེར་བ་ཡིན་ན་གོང་དང་འགལ། དངོས་པོའི་གནས་ཚོད་ལ་བྱེད་ན་སྟོང་ཉིད་ཀྱང་གནས་ལུགས་སུ་མི་འགྱུར་རོ།།}}<br /> <br /> {{TibP|མདོར་ན་དོན་དུ་སྐྱེ་བ་སྔ་ཕྱི་དང་ལས་འབྲས་དཀོན་མཆོག་གསུམ་མེད་པར་ཁས་ལོངས་ལ། དོན་དུ་མེད་པར་སྨྲ་བའི་གྲལ་མགོར་བཞུགས་ཤིག ཁས་ལེན་མེད་ཟེར་བ་དང་། ཁས་ལེན་མེད་ཅེས་ཁས་ལེན་པའང་འགལ་ལོ།།}}<br /> <br /> {{TibP|དབང་དུས་སུ་ཁས་བླངས་པའི་དམ་ཚིག་ག་ལ་ཡོད། ཁས་ལེན་པའི་ཕྱིར་རྗེས་སུ་ཟློས་ཞེས་པ་དང་། ལུང་གསུམ་གྱི་ཆིང་ཞེས་པ་རྣམས་ཅིས་མ་མཁྱེན། ཆོས་ཐམས་ཅད་བདེན་པར་མེད་པའི་ཁས་ལེན་མེད་པའི་དབུ་མ་བ་ཆེན་པོ་ཁྱེད་ཉོན་ཅིག ཁོ་བོ་ཅག་དངོས་པོ་བདེན་གྲུབ་ཀྱིས་སྟོང་བའི་རྒྱུ་མཚན་གྱིས་སྐྱེ་བ་སོགས་ཡོད་ལ། སྐྱེ་འགག་ཡོད་པའི་རྒྱུ་མཚན་གྱིས་བདེན་པར་མེད་ཅེས་སྨྲའོ། །དེས་ན་སྟོང་ཉིད་དག་ལས་རབ་ཏུ་སྐྱེ་བ་དང་སྟོང་པ་ཉིད་རྒྱུ་འབྲས་སུ་འཆར་བའི་དོན་ལེགས་པར་བཤད་པས་བདེན་གཉིས་ཟུང་འཇུག་གི་གནད་མ་བོར་ལ། ཁྱེད་རང་གིས་མང་པོ་ཞིག་བཤད་ནས་མཐར་ཧྭ་ཤང་གི་ལྟ་བར་བབ་པ་ལ་ལྟོས། གཏམ་འདི་དག་ཁོ་བོ་ཅག་གིས་སྒྲོ་བཏགས་མ་ཡིན་གྱི། མཁྱེན་གཏེར་རྣམ་འཕྲུལ་འཇམ་མགོན་ས་སྐྱ་པཎྜི་ཏ་སོགས་ཚད་ཐུབ་དུ་མས་གསུང་བ་མཐུན་གྲུབ་བོ། །དམ་བཅའ་བཞི་མེད་ན་རྒྱལ་བའི་མི་འཇིགས་པ་བཞི་ལ་སྐུར་འདེབས་སུ་ཡང་འགྱུར་རོ།།}}<br /> <br /> {{TibP|རྗེའི་གསུང་ལས་ཧྭ་ཤང་གིས་མདོ་ལུང་དྲངས་གསུངས་པས་ཡིད་མི་ཆེས་ནའང་། བུ་སྟོན་ཐམས་ཅད་མཁྱེན་པས། བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན་གཉིས། རིགས་པ་དང་ལུང་གིས་བསྒྲུབ་པར་མདོ་ལུང་བརྒྱད་ཅུ་དྲངས་གསུང་བར་ཇི་ལྟར་བསྙོན།}}<br /> <br /> {{TibP|ད་ལྟ་དཔེ་མི་སྣང་ཟེར་བ་རྒྱུ་མཚན་ཤིན་ཏུ་མ་ངེས་པ་སྟེ། རྩ་བའི་སྡུད་པར་མ་ཚང་བས།། ཞེས་སོགས་དང་། བོ་ཏོང་བས་པོད་བརྒྱ་མཛད་པར་གསུང་བས་ཁེགས་སོ། །}}&lt;br&gt;<br /> <br /> {{TibP|སྨྲས་པ།}}&lt;br&gt;<br /> {{TibVerse| <br /> འཇམ་མགོན་གསུང་གི་འོད་སྟོང་འགྱེད་པ་ལས།། <br /> སྣ་ཚོགས་གྲུབ་མཐའི་དགག་སྒྲུབ་སྤུ་རིས་ཕྱེ།།<br /> ལག་རྡུམ་བྲག་ལ་འཇུ་བའི་བློ་གྲོས་ཀྱིས།།<br /> བཀའ་པོད་གཞུང་བརྒྱའི་གནད་དོན་ཇི་ལྟར་གཞལ།།&lt;/br&gt;<br /> &lt;br&gt;<br /> འོན་ཀྱང་རང་སྣང་འཁྲུལ་བའི་སྲིན་བུ་དང་།།<br /> ཁྲོན་པའི་རུས་སྦལ་མོ་ཡི་ངང་ཚུལ་བཞིན།། <br /> དབུ་ཚད་རིགས་པའི་སྨན་མཆོག་བདུད་རྩི་ཡིས།། <br /> བློ་མིག་དག་པས་ངོ་མཚར་ཅི་ཡང་མཐོང་།།}}&lt;/br&gt;<br /> <br /> {{TibP|ཞེས་བྱ་བ་ནི་རྣམ་པར་དབྱེ་བའི་ཚིག་གོ།}}<br /> <br /> {{TibP|འོ་ན་ཁས་ལེན་དང་དམ་བཅའ་མེད་ཅེས་བྱུང་བའི་དོན་ཇི་ལྟར་ཡིན་སྙམ་ན། སྐབས་དོན་མི་འདྲ་བ་ཡོད་དེ། འཇུག་པར་{{TibQuoteInline|བསྒྲུབ་བྱའི་དངོས་པོའང་ཡོད་གྱུར་ན། }}ཞེས་པ་རང་བཞིན་གྱིས་གྲུབ་པ་ཁས་མ་བླངས་པའི་དོན་ཏེ། ཕྱོགས་འདི་ནི་ཡོད་པ་མིན་ཞེས་ངོས་བཟུང་སྨོས་པའི་དགོས་པ་ཡོད་པའི་ཕྱིར། ལམ་གཙོའི་དོན་ནི། སྟོང་ཉིད་རྟོགས་པའི་བློས་དེ་རྟོགས་ཚུལ་དག་གིས་ཇི་ལྟ་བ་བཞིན་བརྗོད་དུ་མེད་པའི་དོན་ཡིན་ཏེ། སྦྲང་རྩིའི་དཔེས་ཤེས་སོ།།}}<br /> <br /> {{TibP|ཡང་༼མི་ཕམ་གྱིས་༽{{TibArgInline|རྟོག་གེའི་ཡུལ་མ་ཡིན་པའི་ཆོས་ཉིད་ཡོད་པ་མདོ་རྒྱན་གྱིས་བསྒྲུབ་པ་དང་། སྤྲོས་བྲལ་སོ་སྐྱེས་རྟོགས་དགོས་པར་འདོད་པ}}འང་ནང་འགལ་ལོ། །{{TibArgInline|བདེན་མེད་ལ་གནས་ན་མེད་མཐའ་ལ་གནས་ཀྱང་། སྤྲོས་བྲལ་ལ་གནས་པ་དེ་དང་མི་འདྲ་}}ཟེར། འོ་ན་སྤྲོས་པ་མེད་པ་ལ་གནས་པར་འོས་སམ། མཐའ་བཞིའི་སྤྲོས་པ་མེད་པ་ལ་གནས་པའི་ཕྱིར་ཡོད་མཐའི་སྤྲོས་པ་མེད་པ་ལ་གནས་དགོས། དེ་ལྟ་ན་{{TibArgInline|བདེན་གྲུབ་ཀྱི་སྤྲོས་པ་མེད་པ་དང་། བདེན་མེད་ལ་མི་གནས་}}ཟེར་བའང་འགལ་ལོ། །མཐའ་རེ་རེ་བའི་སྤྲོས་པ་མེད་པ་མེད་དགག་ཡིན་ཀྱང་། མཐའ་བཞིའི་སྤྲོས་པ་མེད་པ་མེད་དགག་ཡིན་པའང་འགལ་ལོ།།}}<br /> <br /> {{TibP|འོ་ན་སྤྲོས་བྲལ་མ་ཡིན་དགག་བཅུ་བཞི་གསུང་བའི་གང་ཡིན། སྒྲ་དང་བློས་མ་ཡིན་དགག་དང་སྒྲུབ་པ་གང་རུང་འཕེན་དགོས་པས་གང་ཞིག་འཕེན། སྤྲོས་བྲལ་ཞེས་པས་སྤྲོས་པ་ཞིག་འཕངས་པས་སྤྲོས་བྲལ་སྤྲོས་བཅས་སུ་བྱས་པ་མི་ཤེས་སམ། ཁོ་བོ་ཅག་ནི་བརྗོད་མེད་ཀྱི་དོན་སྔར་ལྟར་ལ། སྤྲོས་བྲལ་ནི་རང་མངོན་སུམ་དུ་རྟོགས་པའི་བློ་ངོར་གཉིས་སྣང་གི་སྤྲོས་པ་མེད་པ་ལ་འདོད་དོ།།}}<br /> <br /> {{TibP|བདེན་གྲུབ་ཀྱི་སྤྲོས་བྲལ་སྤྲོས་བྲལ་ཡིན་མོད། མཐའ་བཞིའི་སྤྲོས་བྲལ་དེ་མ་ཡིན། མཐའ་བཞི་དང་བྲལ་བའི་སྤྲོས་བྲལ་དེ་ཡིན་པར་འདོད་དོ། །བར་མ་དེ་ཀུན་རྫོབ་བདེན་པ་ཡིན་པའི་ཕྱིར། རྟགས་མ་གྲུབ་ན། བདེན་གྲུབ་དང་རི་བོང་རྭ་གཉིས་མེད་པ་སྟོང་ཉིད་དུ་འགྱུར་རོ། །མཐའ་བཞིར་གྲུབ་པར་འཛིན་པའི་བློ་བདག་འཛིན་དང་འཁོར་རྩར་འདོད་དམ། རྒྱུན་མཐའི་བར་ཆད་མེད་ལམ་བདག་འཛིན་དང་འཛིན་སྟངས་དངོས་འགལ་དུ་འདོད་དགོས་ཏེ།}}<br /> <br /> {{TibP|རིགས་པའི་རྒྱལ་བོས། {{TibQuoteInline|བྱམས་སོགས་རྨོངས་དང་འགལ་མེད་ཕྱིར།། }}ཞེས་སོགས་དང་། {{TibQuoteInline|སྟོང་ཉིད་ལྟ་དང་དེ་འགལ་ཕྱིར།། }}ཞེས་དང་། {{TibQuoteInline|དེ་ཉིད་ལ་ནི་དེ་འགལ་དོན།། }}ཞེས་སོགས་མཐའ་ཡས་ཀྱང་རིགས་པའི་ལམ་ལ་ཉེས་དམིགས་སུ་མཐོང་བ། འགྲོ་བ་ཀུན་གྱི་མིག་ཏུ་འགྱུར་བར་གསུང་བ་མ་གོ་བའི་བབ་ཅོལ་ཏེ། འོན་ཀྱང་རང་གིས་མི་ཤེས་ན་ཆོས་སུ་མི་བརྩི་བ་མང་ངོ།།}}<br /> <br /> {{TibP|༼མི་ཕམ་གྱིས་༽{{TibArgInline|རྒྱུན་མཐའི་རྡོར་ཏིང་གི་དམིགས་པ་དང་འཛིན་སྟངས་ཡོད་པ་རྗེ་ཐམས་ཅད་མཁྱེན་པས་བཞེད་པ་ལྟར་ཁོ་བོ་ཅག་གིས་ཀྱང་འདོད་}}ཅེས་བྲིས་འདུག དེ་ལྟར་ན་བདེན་མེད་རྒྱུན་མཐའི་བར་ཆད་མེད་ལམ་ལ་སྣང་བར་ཁས་བླངས། ཐ་སྙད་དུ་ཡོད་པའང་སྣང་དགོས་ཏེ། བདེན་གཉིས་ཟུང་འཇུག་དེ། སྤྲོས་བྲལ་སྟོང་ཉིད་ཆེན་པོར་འདོད་པའི་ཕྱིར། དེས་ན་སྟོང་པ་ཕྱང་ཆད་དང་། སྣང་བ་ཕྱང་ཆད་གཉིས་ཀ་སྣང་བ་དང་། མཐའ་གཉིས་སམ་ཕྱང་ཆད་ཟུང་གཉིས་མཐའ་བྲལ་དབུ་མ་ཆེན་པོར་འདོད་པ་ཤིན་ཏུ་ཡ་མཚན་ནོ།།}}<br /> <br /> {{TibP|ཀློང་ཆེན་པས་ཧྭ་ཤང་གི་ལྟ་བ་སྲིད་རྩེ་ལ་སྦྱར་བ་ནོར་བ་སྟེ། ཡིད་ལ་བྱེད་པ་ཕྲ་མོ་ལས་ཀྱང་འདས་ཏེ་ཡིད་ལ་མི་བྱེད་པ་སྟོང་ཉིད་བསྒོམ་པའི་དོན་དུ་འདོད་པའི་ཕྱིར། ལུས་མེད་སོལ་བས་བྱུགས་པར་མ་ཟད་ལུས་མེད་སྙིང་ལ་ཞུགས་པའི་སྒྲུབ་པའི་བར་ཆད་བྱུང་བའང་མང་ངོ་།།}}<br /> <br /> {{TibP|ཁྱེད་ཅག་དོན་དམ་བདེན་པ་{{TibArgInline|སྣང་སྟོང་ཟུང་ལ་ངོས་འཛིན་པ། སླར་ཡང་བདེན་གཉིས་ཟུང་འཇུག་}}ཟེར་དོན་མེད་དེ། སྣང་སྟོང་ཟུང་འཇུག་དེ་ཀུན་རྫོབ་དང་ཟུང་དུ་འཇུག་གོས་ན། དོན་དམ་དང་ཡང་ཟུང་དུ་འཇུག་དགོས་པས། བདེན་གཉིས་ཟུང་འཇུག་དེས་དེ་ཉིད་ཀྱི་གོ་མ་ཆོད་པ་ལྟར་གྱུར་ཏོ།།}}<br /> <br /> {{TibP|{{TibArgInline|སྤྲོས་བྲལ་དོན་དམ་དངོས་ཡིན་}}ཟེར་བའང་དོན་མེད་དེ། དོན་དམ་དངོས་ལ་སྣང་ཕྱོགས་སྤྲེལ་དགོས་པར་སྨོས་པས། སྤྲོས་བྲལ་ནི་སྤྲོས་པ་མེད་པ་ཞེས་པའི་དོན་ཡིན་པས་ཁྱེད་རང་ལྟར་མེད་པ་ཕྱང་ཆད་དུ་སོང་བའི་ཕྱིར། རྟགས་ཀློང་ཆེན་རྗེས་འབྲང་དང་བཅས་པས་ཁས་བླངས་སོ།།}}<br /> <br /> {{TibP|བདེན་མེད་སྣང་བའང་མི་རིགས་ཏེ། ཁྱེད་ཀྱིས་{{TibArgInline|དེ་རྣམ་གྲངས་པའི་དོན་དམ་ཡིན་པས་མི་རྟོག་ཡེ་ཤེས་ཀྱི་དོན་ག་ལ་ཡོད་}}ཅེས་བྲིས་པའི་ཕྱིར། ཁོ་བོ་ཅག་མཉམ་བཞག་དེའི་ངོར་བདེན་མེད་ཡོད་ཀྱང་། མཁས་གྲུབ་ཐམས་ཅད་མཁྱེན་པས། {{TibQuoteInline|དེའི་ཚེ་དགག་བྱ་གསར་དུ་གསལ་བཏབ་སྟེ་བདེན་མེད་དོ་སྙམ་དུ་བྱེད་པ་མིན་ཏེ། }}ཞེས་གསུང་བ་ལྟར་འདོད་པའི་ཕྱིར། ཁྱོད་ལྟར་ན་མཉམ་བཞག་དེའི་ངོར་སྣང་སྟོང་ཟུང་འཇུག་ཡོད་པས་དེའི་ངོར་སྣང་སྟོང་དང་བདེན་གཉིས་ཡོད་དམ། ཡོད་ན་དེ་གཉིས་སྟོང་ཉིད་ཆེན་པོ་དང་དོན་དམ་བདེན་པར་འགྱུར། ཡང་ན་དེ་གཉིས་ཟུང་འཇུག་ཡོད་ཀྱང་དེ་གཉིས་མེད་ཟེར་རམ། སྣང་བ་ནི་ཀུན་རྫོབ་ཡིན་པས་དེའི་ངོར་ཡོད་ན་དེ་ཡུལ་བཅས་རྣམ་གྲངས་པའི་དོན་དམ་དུ་ཐལ་ལོ།།}}<br /> <br /> {{TibP|ཁོ་བོ་ཅག་ལྟར་ན་བླ་མེད་སྐབས་སྟོན་གནམ་གཡའ་དག་དཔེར་བཀོད་པ་ལྟར་སྣང་བ་རགས་པ་དེ་རྣམས་མེད་ལ། ཁྱད་པར་མི་རྟོག་ཡེ་ཤེས་ཀྱི་ངོར་གཉིས་སྣང་ཕྲ་མོ་ཡང་མེད། སློབ་པ་མཐའི་རྡོར་ཏིང་གིས་སྟོང་ཉིད་ལས་ཀུན་རྫོབ་མ་གཟིགས་ཀྱང་སྟོང་བས་མེད་མཐའ་སེལ་བའི་ནུས་པ་དང་ལྡན་ཕྱིར། བདེན་གཉིས་ཟུང་འཇུག་གི་དོན་ལས་ཉམས་པར་མི་འགྱུར་ལ། སངས་རྒྱས་ཚེ་བདེན་གཉིས་ངོ་བོ་ཐ་དད་དུ་ཞེན་པའི་དྲི་མ་སྤངས་པས་ན། ཡེ་ཤེས་དེ་ཉིད་རིག་ཤེས་གཉིས་ཀ་དང་། མཉམ་རྗེས་གཉིས་ཀར་འགྱུར་རོ།།}}<br /> <br /> གཞན་ཡང་དཔྱད་པའི་ཚུལ་འདི་ལྟར། སངས་རྒྱས་ཀྱི་མི་རྟོག་ཡེ་ཤེས་ལ་སྣང་ངོ་དང་ངེས་ངོ་གཉིས་ཀར་ཀུན་རྫོབ་ཀྱི་གཉིས་སྣང་ཡོད་པས་ཡུལ་ཅན་རྣམ་གྲངས་མ་ཡིན་པའི་དོན་དམ་དངོས་སུ་ཇི་ལྟར་རིགས། སྟོང་ཉིད་ཀྱང་ཡེ་ཤེས་དེ་ལ་བལྟོས་ཏེ་རྣམ་གྲངས་མ་ཡིན་པའི་དོན་དམ་དུ་མི་འགྱུར་ཏེ། ཡེ་ཤེས་དེས་གཉིས་སྣང་དང་བཅས་པའི་ཚུལ་གྱིས་རྟོགས་པའི་ཕྱིར། གལ་ཏེ་ཡེ་ཤེས་དེས་སྟོང་ཉིད་ལ་གཟིགས་ངོར་ཀུན་རྫོབ་མེད་པས་སྐྱོན་མེད་ཅེ་ན། དེ་ལྟ་ན་འདི་སྣང་ངོར་ཀུན་རྫོབ་ཡོད་པས་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པར་འགྱུར་བ་སྦྱོར་ལམ་ལྟར་འདོད་དམ།<br /> ཡང་ཁྱེད་ཅག་ལྟར་ན། བདེན་པར་མེད་ཀྱང་ཀུན་རྫོབ་ཏུ་ཡོད་པར་སྣང་བ་དང་། ཐ་སྙད་དུ་ཡོད་ཀྱང་བདེན་པར་མེད་པར་སྣང་བ་གཉིས་ཀ་བདེན་གཉིས་ཟུང་འཇུག་དང་། དོན་དམ་བདེན་པར་འདོད་པ་ཡིན་ནམ། ཁོ་བོ་ཅག་སྔ་མ་ཀུན་རྫོབ་བདེན་པ་དང་། ཕྱི་མ་དོན་དན་བདེན་པར་འདོད། སྔ་ཕྱི་དེ་དག་དང་བདེན་གཉིས་ཟུང་འཇུག་སྣང་སྟོང་ཚོགས་པ་རྣམས་སོ་སོར་མ་འདྲེས་པར་བྱེད་དགོས་པར་སྣང་མོད། རེ་ཞིག་མ་སྤྲོས།<br /> ད་ནི་ཁྱེད་རང་རྣམས་འཁྲུལ་གཞི་དབུ་མ་སྣང་བའི་ཚིག་ལ་བརྩེག་པར་བྱ་སྟེ། དེ་ཉིད་དུ། སྐྱེ་བ་མེད་པ་འདི་ཡང་དོན་དམ་པ་དང་མཐུན་པའི་ཕྱིར་དོན་དམ་པ་ཞེས་བྱའི་དངོས་སུ་ནི་མ་ཡིན་ཏེ། དོན་དམ་པ་ནི་སྤྲོས་པ་ཐམས་ཅད་ལས་འདས་པའི་ཕྱིར། ཞེས་པར་སྣང་མོད། དེ་ནི་རང་འགྲེལ་དུ། གཏན་ཚིགས་ཀྱིས་སྐྱེ་བ་མེད་པ་ཞེས་སོགས་གསུང་བས་རིག་ཤེས་རྟོག་བཅས་རྣམ་གྲངས་པའི་དོན་དམ་སྐབས་ཡིན་ཏེ། དེ་གང་དང་རྗེས་སུ་མཐུན་པ་ནི་མི་རྟོག་ཡེ་ཤེས་ཡུལ་བཅས་ཡིན་ཏེ། དེ་ལྟ་བས་ན་གཏན་ཚིགས་སྨོས་པ་དོན་ཡོད་ལ། འདི་ཞེས་པ་ཚུར་རོལ་མཐོང་བའི་བློ་ལ་བལྟོས་པའི་སྐྱེ་མེད་དང་། ཡང་ཞེས་པ་རྟོག་བཅས་ཀྱི་བློ་དེ་རྗེས་མཐུན་པར་མ་ཟད་ཡུལ་བདེན་པར་སྐྱེ་བ་མེད་པ་ཡང་བློ་དེ་ལ་བལྟོས་ཏེ་རྗེས་མཐུན་པ་ཡིན་པའི་དོན་ཏེ། སྤྲོས་བྲལ་ཀྱང་བློ་དེ་ལ་བལྟོས་ཏེ་སྤྲོས་པ་ཕྱོགས་གཅིག་ཙམ་དང་བྲལ་བའི་རྣམ་གྲངས་པའི་དོན་དམ་དུ་བྱས་ན་གཞུང་རྣམས་ལེགས་པར་གུང་འགྲིག་གོ།<br /> ཡང་འདི་ལྟར། མཐའ་བཞིའི་སྤྲོས་བྲལ་གནས་ལུགས་མཐར་ཐུག་ཡིན་ན། མཐའ་བཞིའི་སྤྲོས་པར་འཛིན་པའི་བློ་འཁོར་རྩ་མཐར་ཐུག་ཡིན་ནམ། ཁྱེད་ཅག་བདེན་མེད་ནི་སྟོང་ཉིད་ཉི་ཚེ་བར་འདོད་པས་དེ་ལྟ་ན་བདག་འཛིན་ཀྱང་འཁོར་རྩ་ཉི་ཚེ་བ་དང་། འཁོར་རྩ་མཐར་ཐུག་ལ་དེའི་སྟེང་དུ་སྣང་ཕྱོགས་དང་སྦྲེལ་བའི་སྒེར་ཆོས་ཤིག་བསྣན་དགོས་པའི་ཕྱིར། ཞི་སྒོ་ལ་དེའི་ཕྱིར། ཁྱེད་ཅག་ལྟར་ན། བདེན་མེད་ནི་མེད་པའི་སྤྲོས་པ་དང་། ཐ་སྙད་དུ་ཡོད་པ་ནི་ཡོད་པའི་སྤྲོས་པར་འདོད་པས་མི་རྟོག་ཡེ་ཤེས་ཀྱི་ངོར་མེད་པར་འགྱུར་ཏེ། དེ་དག་སྤྲོས་པ་ཡིན་པའི་ཕྱིར། འདོད་མི་ནུས་ཏེ། བདེན་མེད་དེའི་ངོར་ཡོད་པར་ཡང་བཤད་པའི་ཕྱིར། ཁོ་བོ་ཅག་སྔ་མ་སྤྲོས་བྲལ་དང་། ཕྱི་མ་སྤྲོས་པར་འདོད་ལ། ཁྱེད་ཅག་སྤྲོས་པ་གཉིས་བསྡོམས་པ་སྤྲོས་བྲལ་དུ་འདོད་པ་ཤིན་ཏུ་འགལ་བའོ།།<br /> སྟོང་ཉིད་ཅེས་པའི་མིང་དོན་ཡང་མ་གོ་བར་ཟད་དེ། ཆོས་ཐམས་ཅད་བདེན་གྲུབ་ཀྱིས་སྟོང་ཡང་སྟོང་པ་ཙམ་དེ་ལ་དངོས་པོའི་རྐྱེན་གྱི་དོན་ཉིད་སྦྱར་བ་གནད་ཆེན་པོར་སྣང་ངོ་།།<br /> ཁྱེད་ཅག་བདེན་མེད་དང་། ཐ་སྙད་དུ་ཡོད་པའི་འདུ་ཤེས་ཐམས་ཅད་མི་རྟོག་ཡེ་ཤེས་ཀྱི་དགག་བྱར་འདོད་པས་དེ་ལྟ་ན་ཧྭ་ཤང་ལྟར་སོང་ཞེས་བཀག་པའི་ཕྱིར། བློ་དེའི་ངོར་མེད་ཀྱང་དེའི་དགག་བྱ་ཡིན་མི་དགོས་པའི་ཕྱིར། གཞན་དུ་ན་སྒྲ་མིག་ཤེས་ཀྱི་དགག་བྱར་འགྱུར་པ་སོགས་གནོད་བྱེད་མང་ངོ་།།<br /> མདོར་ན་བདག་འཛིན་གྱི་མ་རིག་པས་གཞི་བྱས་ཏེ་ཉོན་མོངས་དང་ལས་སྣ་ཚོགས་པའི་དབང་གིས་མ་དག་པའི་སྣོད་བཅུད་ཀྱི་སྲིད་པའི་འཕྲུལ་འཁོར་འབྱུང་བ་ནི། བཅོམ་ལྡན་འདས་ཀྱིས།<br /> སེམས་ཅན་ཐ་མ་འབྲིང་དང་མཆོག་གྱུར་ཇི་སྙེད་པ།།<br /> དེ་ཀུན་མ་རིག་ལས་བྱུང་བདེ་བར་གཤེགས་པས་གསུངས།།<br /> རྐྱེན་རྣམས་འཚོགས་ནས་སྡུག་བསྔལ་འཕྲུལ་འཁོར་རབ་ཏུ་འབྱུང་།།<br /> ཞེས་དང་། དེ་བཞིན་དུ་བདེན་གྲུབ་བམ་རང་བཞིན་གྱིས་མེད་པར་རྟོགས་པའི་ཤེས་རབ་གཙོ་བོ་བྱས་ཏེ། རྒྱུ་རྐྱེན་ཚོགས་པ་དང་བཅས་པས་དག་པའི་སྣོད་བཅུད་ཡེ་ཤེས་ཀྱི་འཕྲུལ་འཁོར་འབྱུང་བ་ནི། མདོ་ལས།<br /> ཡེ་ཤེས་ཚུལ་སྒོ་ཐབས་དང་རྩ་བ་ཇི་སྙེད་པ།།<br /> དེ་ཀུན་ཤེས་རབ་ཕ་རོལ་ཕྱིན་པ་མཆོག་ལས་བྱུང་།།<br /> རྐྱེན་རྣམས་འཚོགས་ནས་ཡེ་ཤེས་འཕྲུལ་འཁོར་རབ་ཏུ་འབྱུང་།།<br /> ཞེས་གསུངས། ཚུལ་དེ་ཉིད་བཅོམ་ལྡན་འདས་ཉིད་ཀྱིས་དམར་ཁྲིད་དུ་སྟོན་པ་ནི། པད་ས་ལའི་རྒྱལ་བོ་ལ་གདམས་པ་ལས། བཅོམ་ལྡན་འདས་ཀྱིས་བཀའ་བསྩལ་པ།<br /> རྣམ་རྟོག་བདག་ཏུ་འཛིན་པའི་དགྲ་ཆེན་པོ།།<br /> འདི་ནི་རྒྱུ་བཞིན་དངོས་པོ་མེད་བཞིན་དུ།།<br /> ཐོག་མ་མེད་ནས་བདག་ལ་གནས་ནས་ནི།།<br /> བདག་གི་ཆོས་སྐུ་ཡིད་བཞིན་རིན་ཆེན་དེ།།<br /> གདོད་མའི་མུ་ནས་དགྲ་ཡིས་བརྐུས་ནས་ནི།།<br /> མཚན་མའི་ཚང་ཚིང་གནས་སུ་སྦས་ནས་བཞག།<br /> ད་དུང་འཆིང་ཞིང་འཁོར་བར་འཁྱམ་དུ་འདུག།<br /> འཇིག་རྟེན་དགྲས་ནི་བསད་ནས་ནོར་འཕྲོག་ཙམ།།<br /> དེ་ལ་བཟོད་བྱས་བསོད་ནམས་ཚོགས་ཀྱང་རྫོགས།།<br /> དགྲ་འདིས་ཞི་བདེ་ཐར་བའི་སྲོག་ཀྱང་གཅོད།།<br /> དེ་བསྟེན་སེམས་ཅན་༢ལོར་བར་འདམ་དུ་འཆིང་།།<br /> རྒྱལ་བོས་གསོལ་བ།<br /> དགྲ་ཆེན་དེ་དང་ཇི་ལྟར་འཐབ་པར་བགྱི།།<br /> བཅོམ་ལྡན་འདས་ཀྱིས་བཀའ་བསྩལ་པ།<br /> རྣམ་རྟོག་དགྲ་ལ་རྒོལ་བའི་ཤོམ་ར་ཡང་།།<br /> དད་པས་སྦྱིན་དང་ཚུལ་ཁྲིམས་མཁར་བརྩིགས་ཏེ།།<br /> དགེ་བས་དཔུང་བྱས་བཟོད་པའི་གོ་གྱོན་ལ།།<br /> བརྩོན་འགྲུས་ལྕག་ཐོགས་བསམ་གཏན་གཞུ་བརྡུང་སྟེ།།<br /> བདག་མེད་སྟོང་བའི་མདའ་ཡིས་བདག་འཛིན་བསད།།<br /> ཅེས་གསུང་སྟེ། ཡང་བཅོམ་ལྡན་འདས་ཀྱིས།<br /> བློ་དང་ལྡན་ན་ཚིག་གཅིག་གིས།།<br /> ཆིག་བརྒྱ་དག་ནི་ཤེས་པར་འགྱུར།།<br /> ཞེས་སོགས་གསུངས་པ་ལྟར། སྔར་དྲངས་པའི་ལུང་གིས་མདོ་རྒྱུད་རྒྱ་མཚོའི་གནད་དོན་ཟིན་པར་འགྱུར་མོད། མིན་ནའང་ཅི་དགྱེས་མཛོད།<br /> སྨྲས་པ།<br /> འཇམ་དབྱངས་མཁྱེན་པའི་འོད་ཟེར་འབུམ་ཕྲག་གིས།།<br /> ཡོངས་སུ་འཁྱུད་པའི་བློ་གྲོས་ཉིན་བྱེད་ཀྱིས།།<br /> རེག་པས་དཀའ་གནད་འདབ་སྟོང་པདྨོའི་རྒྱ།།<br /> ཅི་དགར་གྲོལ་བའི་བསུང་ཞིམ་ཀུན་ཏུ་ལྡང་།།<br /> ཕྲ་ཞིབ་མཛངས་པའི་རྣམ་དཔྱོད་འཕྲུལ་སྤྱད་ཀྱིས།།<br /> བློ་ཆེན་ཡིད་ལ་འཛིང་བའི་རྒྱ་མདུད་གསང་།།<br /> བདེ་བླག་ཉིད་དུ་གསལ་བར་མཚོན་པའི་དཔལ།།<br /> བལྟ་ཕྱིར་མཆོད་སྦྱིན་བརྒྱ་པས་སྤྱན་སྟོང་བགྲད།།<br /> བླང་དོར་ཕྱེད་པའི་གོ་རིགས་མཐུ་དམན་ཀྱང་།།<br /> རང་ཚོད་བསྙལ་ཞིང་རང་མཐོང་ཆེ་བ་དག།<br /> ལེགས་བཤད་ཡིད་བཞིན་དབང་གི་རྒྱལ་པོ་ཡང་།། <br /> ཉེས་བཤད་འདམ་དུ་བསྒྱུར་བ་དེང་འདིར་ཕྱུངས།།<br /> རིགས་ལམ་དྲི་མེད་བདུད་རྩིའི་ཆུ་ཡིས་བཀྲུས།།<br /> རྣམ་དག་ལུང་གི་དར་གྱིས་བྱི་དོར་བསྒྲུབ།།<br /> འབེལ་གཏམ་བང་རིམ་མཛེས་པའི་རྩེ་མོ་རུ།།<br /> ལེགས་པར་བཀོད་དོ་དཔྱོད་ལྡན་མིག་གིས་སྒྲིམས།།<br /> ཞེས་བྱ་བ་ནི་འཕྲོས་དོན་བསྡུས་པའོ།།<br /> ཤེར་ཊིཀ་ཏུ་༼མི་ཕམ་གྱིས་༽དོན་དམ་བདེན་པ་སྒྲ་དང་བློའི་ཡུལ་མིན་པར་བཤད། འདིར་སྒྲ་དང་བློའི་ཡུལ་ཡིན་ཞེས་དངོས་འགལ་དུ་བུད། འབད་འབད་ནས་བོད་སྔ་མའི་གྲུབ་མཐའ་བསྐྱངས་མ་ནུས། གཉིས་སྣང་ཅན་གྱི་བློའི་ཡུལ་མིན་ཞེས་བོད་ཕྱི་མའི་རྗེས་སུ་འབྲང་ངོ་།།<br /> སྤྱིར་བློའི་ཡུལ་ཡིན་པ་རིགས་པར་མ་ཟད་ལུང་ཤིན་ཏུ་གསལ་བ། རྒྱུད་ལས། རྣམ་པར་མི་རྟོག་བློ་ཅན་གྱི།། ཞེས་དང་། སྟོང་པ་ཉིད་དགའ་མཆོག་གི་བློ།། ཞེས་སོགས་ཤིན་ཏུ་མང་བ་ཡིག་ཚོགས་ཆེ་བས་སུ་ཞིག་འབྲི། ཁྱེད་ཅག་གིས་དམ་བཅའ་སྔ་མའི་དོན་དུ་བརྗོད་མེད་སྤྲོས་མེད་ཅེས་པའི་ལུང་མང་དུ་དྲངས་པ་རང་ངལ་བ་ཙམ་དུ་ཟད་དོ།།<br /> ཡང་ཁོ་བོས་༼མི་ཕམ་གྱིས་༽ཀུན་གསལ་ཆུ་སྐྱེར་སོན་ཞེས་ས་བསྡུས་ནས་ར་གོང་དུ་སྦྱར་བ་མི་རིགས་ཟེར། ངོ་ཚ་བོར་བ་སྟེ། ཁྱེད་ཀྱིས་རབ་སྣང་འདིའི་མགོར་ཤེར་འགྲེལ་ཞེས་པ་བསྡུས་ནས་ར་ཤེ་ལ་སྦྱར་བ་དེ། ཁྱེད་རང་གིས་རང་ལ་ལན་བཏབ་པར་ངོ་སྤྲད་པ་ཡིན་ནོ།།<br /> ཁོ་བོ་ཅག་ནམ་མཁར་སྤྱན་དྲངས་ཞེས་འ་བསྡུས་ནས་ལ་དོན་གྱི་ར་སྦྱར་ཏེ་འདོན་ལ། སུམ་ཅུ་པར་མཚམས་སྦྱོར་བསྡུ་བ་དང་། བླ་མའི་མན་ངག་སྦྱཪ་གསུང་བའི་དོན་ཡིན་མོད། བརྡོལ་གཏམ་སྨྲ་བ་དག་སའི་ཡང་འཇུག་ཀྱང་མི་དགོས་ཟེར་བ་རང་གིས་ཡི་གེའི་ནོར་སོ་མང་དུ་བཤད་པ་དང་འགལ་ལ་ད་དྲག་བསྡུས་པ་དང་ཇི་ལྟར་འདྲ། རྫོགས་སོ་ཞེས་པའི་སླར་བསྡུ་ཡང་མེད་པར་འགྱུར་ཞིང་། ཉི་ཤུ་སུམ་ཅུ་སོགས་གྲངས་ཀྱི་སྐབས་ཡི་གེ་ཕྲི་སྣོན་མང་དུ་བྱུང་བས་ཅི་དགར་བྱ་བ་ལ་རིངས་པར་མི་རིགས་ཤིང་མདོ་ཙམ་གཞན་དུ་བཤད་ཟིན་ཏོ།།<br /> སྡེ་ཚན་གྱི་མཇུག་བསྡུ་བ།<br /> ཀུན་གསལ་མེ་ལོང་དག་པའི་དཀྱིལ་འཁོར་མཛེས།། <br /> འོད་སྟོང་འབར་བ་པདྨོའི་ཚལ་ལ་རོལ།། <br /> ལང་ལོང་གཡོ་བའི་སྤྲིན་སྔོན་འཕྲེང་བ་དཀྲིག།<br /> ལྷང་ལྷང་དལ་གྱིས་བཞད་པའི་འབྲུག་སྒྲ་རྒོད།། <br /> རིགས་འཕྲུལ་རྡོ་རྗེ་རྩེ་བརྒྱ་མེ་དཔུང་འབར།། <br /> ལྷ་ལས་རྒན་པས་ལྷ་དབང་ཞབས་སྐྱེས་མཆོད།། <br /> ཕྱོགས་སུ་རྣམ་པར་རྒྱལ་བའི་རྒྱལ་མཚན་བསྒྲེང་།། <br /> དྲི་ཟའི་ན་ཆུང་འགྱུར་ཁུག་གླུ་དབྱངས་ལེན།། <br /> འཆི་མེད་བུ་མོས་བསྟོད་བསྔགས་ཤིས་པ་བརྗོད།། <br /> རང་བྱུང་ལྷ་ཡི་རྔ་ཆེན་དགུང་དུ་ལྡིར།། <br /> ཆོས་དུང་སྙན་པའི་པི་ཝང་རྒྱུད་མངས་བརྡུང་།། <br /> འཇམ་མགོན་རིང་ལུགས་རྫོགས་ལྡན་མགྲོན་དུ་བསྟར།། <br /> ཞེས་བྱ་བ་ནི་ཁས་བླངས་འགལ་བའི་ཚུལ་ཆེ་ལོང་ཙམ་བཤད་པའི་སྐབས་སོ།། །།<br /> <br /> གཉིས་པ་མ་རྟོག་འཁྲུལ་བའི་ཉེས་པ་བརྗོད་པ་ལ་གསུམ་ལས། དང་པོ་ནི། བྱེ་སྨྲས་འཇིག་ལྟའི་རྒྱུ་དང་རྒྱུ་ཅན་གཉིས་ཀ་ཡིན་པའི་ཕྲ་རྒྱས་བཞི་བཅུ་འདོད་ཅེས་ཁོ་བོས་བྲིས་པ། ཁོང་ལ་ཐུགས་རྒྱུས་མེད་པས་བབ་ཅོལ་འདི་ལྟར་སྨྲས་ཏེ། ༼མི་ཕམ་གྱིས་༽འཇིག་ལྟའི་རྒྱུ་དང་རྒྱུ་ཅན་གྱི་ཕྲ་རྒྱས་ལོས་ཡོད། ༼མཛོད་༽རྩབར། རང་གི་ས་པའི་ཉོན་མོངས་ཀུན།། ཞེས་དང་། རྨོངས་ལས་ཐེ་ཚོམ་ཞེས་སོགས་དྲངས། བཞི་བཅུའི་གྲངས་སྨོས་པ་འབྲི་ཡང་མ་ཕོད་མོད། ཐུགས་འཚུབ་ལངས་ག་ལ་དགོས། གྲངས་འདྲེན་ངན་བསྙོག་མི་བྱེད་དེ། ངའི་ཆོས་ཀྱི་ཟླ་བོ་མཆོག་གི་དྲིན་ཇི་ལྟར་བརྗེད། འོན་ཀྱང་ལུགས་དེར་འཇིག་ལྟ་མ་དྲངས་པའི་སྲེད་པ་མེད་ཅེས་ཁྱེད་ཀྱིས་བྲིས་པས་དེ་འགོག་ཕྱིར་གཉིས་ཡིན་གྱི་གྲངས་སྨོས་ཤིང་། ཁྱེད་ཀྱིས་དྲངས་པའི་ལུང་སྔ་མ་དེས་འཇིག་ལྟས་དྲངས་པའི་སྲེད་པ་ཇི་ལྟར་སྟོན། ལུང་དེ་དང་འབྲེལ་བར་ཆིག་རྐྱང་ཐུབ་པ་སྔ་མས་གཞན་ཞེས་དང་། དངོས་གཞི་ལྡན་པར་ལོག་ལྟ་མངོན་དུ་རྒྱུད་ཚུལ་སོགས་དཔྱད་འོས་མང་བ་སུ་ཞིག་འབྲི། ལུང་ཕྱི་མས་བརྒྱུད་ནས་སྐྱེས་ཚུལ་སྟོན་ནའང་། རྒྱུ་བཞི་འབྲས་བུ་གཉིས་མུ་གསུམ་གསུང་བའི་སྐབས་དོན་དང་ག་ལ་འབྲེལ་ཤར་ནུབ་བཞིན་ནོ། །འཇིག་ལྟའི་སྔ་རོལ་དུ་བྱུང་བའི་འཇིག་ལྟ་འདིའི་སྐབས་ཀྱི་འབྲས་བུ་མིན་ལ། འཇིག་ལྟའི་འཇིག་ལྟ་དང་གཅིག་ཡིན་མོད་ཞེས་ཀྱང་རྒོལ་ལོ། །<br /> སྨྲས་པ།<br /> དབུས་མེད་དབུ་མར་སྨྲ་བ་དབུ་འཁོར་ནས།།<br /> ཆོས་མངོན་མཛོད་ཀྱི་ཐང་ཆེན་ཉུལ་བས་དལ།།<br /> ཀཱ་ཡེ་ཉོན་དང་མི་ཕམ་དགེ་བའི་བཤེས།།<br /> ད་ནི་ཆོས་མངོན་སྨྲ་བའི་བཤེས་གཉེན་བསྟེན།།<br /> དེ་ཡི་དགྱེས་འཛུམ་ཞལ་གྱི་བདུད་རྩི་ཡིས།།<br /> ཁྱོད་ཐུགས་གདུངས་པའི་མེ་ཆེན་གཞིལ་བར་འགྱུར།།<br /> འོན་ཀྱང་ལོང་བའི་མུན་མདའ་འཕངས་པའི་ཚུལ།།<br /> དྲན་པས་ཕྱིར་ཞིང་ཡིད་མུག་གྱུར་ན་འང་།།<br /> དེ་ཚེ་དགག་སྒྲུབ་ལས་ལ་ཐུགས་སྐྱོ་ནས།།<br /> ཏིང་འཛིན་བསྒོམ་པའི་བློ་ཞིག་འོང་ཡང་མཆི།།<br /> ལུས་མེད་མདའ་ཡིས་རྨས་པའི་ཉེས་དམིགས་ཀྱང་།།<br /> མཐོང་བར་ངེས་ཏེ་དེ་ནས་རྟག་ཏུ་སྒྲིམས།།<br /> ཞེས་བྱ་བ་ནི་གསོང་པོར་སྨྲས་པའོ།།<br /> གཉིས་པ་ནི། ༼མི་ཕམ་གྱིས་༽རབ་སྣང་དུ་སངས་རྒྱས་ཚེ་སེམས་མེད་པར་ཐལ། སེམས་གནས་གྱུར་པའི་ཕྱིར། ས་བོན་མྱུ་གུར་གནས་གྱུར་ཚེ་ས་བོན་མེད་པ་བཞིན་ཞེས་སྨྲས་སོ། །འོ་ན་འདི་ལྟར། <br /> རྟོག་གེ་དྲེགས་ལྡན་སེང་ཆེན་འཇིགས་པའི་གདོང་།།<br /> ལས་ཀྱིས་བསྙེགས་པའི་ཀླག་ཅོར་མཁན་འདི་སུ།།<br /> རབ་འཇིགས་རྔམས་པའི་སྦར་མོས་བཅིང་བ་ལས།།<br /> རྣོ་ངར་མཆེ་བའི་ཕྲག་པར་འདྲེན་ལ་ལྟོས།།<br /> སངས་རྒྱས་ས་ན་དབང་པོ་ལྔ་མེད་པར་ཐལ། སངས་རྒྱས་ཚེ་དབང་པོ་ལྔ་གནས་གྱུར་པའི་ཕྱིར། རྟགས་གྲུབ་སྟེ། མགོན་པོ་བྱམས་པས།<br /> དབང་པོ་ལྔ་རྣམས་གནས་གྱུར་ན།།<br /> དོན་ཀུན་འཇུག་དང་ཐམས་ཅད་ཀྱི།།<br /> ཡོན་ཏན་བརྒྱ་ཕྲག་བཅུ་གཉིས་འབྱུང་།།<br /> ཞེས་གསུངས་པའི་ཕྱིར། ཡ་ཚ་ལ་ལ། སངས་རྒྱས་ས་ན་ནམ་མཁའི་འདུ་ཤེས་མེད་པར་ཐལ། རྒྱན་ལས། ནམ་མཁའི་འདུ་ཤེས་གཞན་གྱུར་ན།། ཞེས་སོགས་གསུངས་པའི་ཕྱིར། མ་ཚ་ལ་ལ། སངས་རྒྱས་ས་ན་མིག་ཤེས་སོགས་མེད་པར་ཐལ། དབང་ཤེས་ལྔ་གནས་གྱུར་པའི་ཕྱིར། ཙན་དྲ་གོ་མིས། དབང་པོ་ལྔ་ཡི་རྣམ་ཤེས་གང་།། ཞེས་སོགས་གསུངས་པའི་ཕྱིར། ཕ་ཚ་ལ་ལ། སངས་རྒྱས་ས་ན་གཟུགས་མེད་པར་ཐལ། གཟུགས་ཕུང་སོགས་གནས་གྱུར་པའི་ཕྱིར། རྟགས་གྲུབ་སྟེ། གཞུང་དུ་མར། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། ཞེས་སོགས་གསུངས་པའི་ཕྱིར། ཨ་བ་ལེ་བ། མདོར་ན་གནས་གྱུར་གྱི་དོན་མ་གོ་བ་སྟེ། གནས་སྐབས་ཅན་དེ་རྣམས་གནས་སྐབས་ཁྱད་པར་བར་སོན་པའི་དོན་ཡིན་ལ། གནས་སྐབས་ཅན་སྤྱི་དེ་མེད་མི་དགོས། གནས་སྐབས་ཀྱང་དེ་བཞིན་འཇོག་ཅིང་། དེ་གཉིས་ཀྱི་སྔ་ཕྱིའི་སྐད་ཅིག་སོ་སོ་བ་རྣམས་སྤྱི་དེ་དག་དང་སྐྱེ་འགག་མི་མཉམ་པ་སོགས་དཔྱད་བྱ་མང་མོད་ཡི་གེས་འཇིགས་སོ།། <br /> སྨྲས་པ།<br /> དགག་སྒྲུབ་ལས་སུ་གནང་བ་དཀྲོལ་ན་ཡང་།།<br /> མི་འདོད་ཕྱིར་ཞིང་སྤྲོ་བ་འཕེལ་ཞེས་མོལ།།<br /> འོ་ན་རྨོངས་འཁྲུལ་མི་སྡུག་རང་མཚང་འདིར།།<br /> སྒྲིམས་ནས་ལྟོས་དང་རང་ཡང་ཡིད་འབྱུང་འགྱུར།།<br /> སྒོམ་པའི་ཏིང་འཛིན་རྩོད་པའི་ཤེས་རབ་སྟེ།།<br /> གཉིས་ཀས་བཏང་བའི་མི་ཕམ་ཇི་ལྟར་ཕམ།།<br /> ལྟོས་ཤིག་འཛམ་གླིང་ཡངས་པའི་མཁས་པ་རྣམས།།<br /> ཁྱབ་བ་ལོག་པའི་ཉེས་མཚུངས་རི་མོ་བཀྲ།<br /> ཧ་ཧ་ཀུ་རེ་བྱས་སོ་མཁས་པའི་དབང་།།<br /> ཁྱོད་ཐུགས་འགྱེད་ཆེ་བརྟན་བརྗིད་ལྷུན་པོ་བཞིན།།<br /> ཚིག་གི་བསེར་བུ་ཕྲ་མོས་གཡོ་མ་ཡིན།།<br /> ཤིང་བལ་རེག་པའི་ཁང་བཟང་ཇི་བཞིན་ནོ།།<br /> མི་བརྟན་ཚེ་ནི་གློག་བཞིན་གཡོ།།<br /> དལ་འབྱོར་གྲུ་གཟིངས་ཀུན་ནས་ཟག།<br /> ལས་ངན་སྡུག་བསྔལ་ཁང་བུ་རུ།།<br /> ཇི་ལྟར་འཇུག་སྙམ་བློ་མ་བདེ།།<br /> བག་མེད་ལང་ལ་ཤོར་བའི་རོ་འཛིན་འདི།།<br /> མི་བཟད་སྡིག་པའི་ལས་ཀྱི་ཕྱག་མ་སྟེ།། <br /> ཇི་སྲིད་དུར་སར་མེ་ཡིས་མ་རེག་བར།།<br /> དེ་སྲིད་དོན་མེད་ངལ་ལོ་ཨ་ཙ་མ།།<br /> ཞེས་ཀྱང་འཚེར་རོ།།<br /> <br /> གསུམ་པ་ནི། ཁོ་བོས་བརྗོད་མེད་ཀྱི་བདག་བཀག་པ་དང་། མདོ་ལས་ཤེས་བྱ་ལྔ་གསུང་བ་མི་འགལ་ཚུལ་ཞེས་བྲིས་པ། ཁོང་ལ་རྒྱུས་མ་བྱུང་བས་༼མི་ཕམ་གྱིས་༽ལང་གཤེགས་ལས་བྱུང་བའི་ཆོས་ལྔ་དང་། མདོ་རྒྱན་ལས་གསུང་བའི་ཡོངས་ཤེས་ལྔ་ཡིན་ནམ། ཤེས་བྱ་གྲངས་ལྔ་བ་མང་བས་བརྟག་གཞིར་སོང་ཞེས་བྲིས་འདུག ཀྱེ་མ་མི་ཤེས་སྨྲས་ན་ཆོག་སྟེ། འུ་ཅག་སོ་སྐྱེ་ཡིན་པ་སུ་ལ་གསང་། མི་ཤེས་པ་མཐའ་མེད་ཅིང་ཤེས་པ་རྡུལ་ཙམ་ལས་མེད་མོད། ཚུལ་འདི་ལ་དཔག་ན། མཁས་པའི་ཟོབ་ཀྱང་ཆེ་བར་སྣང་། ལེགས་པར་དཔྱད་མ་ནུས་པའི་སྐྱོན་དུ་མཐོང་སྟེ། མི་འགལ་ཚུལ་སྨོས་པས་ཤེས་དགོས་ཏེ། བློ་ལྡན་ལ་འགལ་ལམ་སྙམ་པའི་དོགས་པ་སྐྱེ་རིགས་པའི་གནད་ཡོད་པའི་ཕྱིར། དེས་ན་འདི་ལྟར། ཁོ་བོའི་ཡབ་རྗེ་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་གྲགས་པའི་སྡེའི་གྲུབ་མཐའ་ཆེན་མོར་མཛོད་འགྲེལ་གྱི་གནས་དགུ་པ་དྲངས་པར། གལ་ཏེ་འདི་ཕུང་པོ་རྣམས་ལས་གཞན་དུ་བརྗོད་པར་བྱ་བ་མིན་ན། ཤེས་བྱ་ནི་རྣམ་པ་ལྔ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། འདུ་མ་བྱས་དང་། བརྗོད་པར་བྱ་བ་མིན་པའོ། །ཞེས་ཤེས་བྱ་ལྔ་འདོད་པ་དང་འགལ་བ་བརྗོད་པས་སོ། །ཞེས་བྱུང་ཞིང་གཞན་དུའང་ཤེས་བྱ་ལྔའི་རྒྱ་མཚོའི་ཕ་རོལ་དུ་ཕྱིན་པར་གྱུར་ཏོ་ཞེས་གསུང་སྟེ། བརྗོད་མེད་ཀྱི་ཤེས་བྱ་ནི་སྦྲོས་བྲལ་སྟོང་པ་ཉིད་ཡིན་ལ། ཁྱེད་ཅག་སྔོན་མ་རྣམས་དང་བཅས་པས་ལུང་འདི་དག་མ་མཐོང་བར་ངེས་ཏེ། མཐོང་ན་བརྗོད་མེད་སྨོས་པས་དགའ་ཞིང་། ཤེས་བྱ་སྨོས་པས་ཡིད་མི་བདེ་བར་སེམས་སོ།།<br /> བརྗོད་མེད་ཅེས་བྱུང་ཚད་སྒྲ་རྟོག་གི་ཡུལ་མ་ཡིན་པར་འདོད་ན། ད་དུང་མང་པོ་ལུས་འདུག་པ་ཁྱེད་ཅག་ལ་སྦྲན་པར་བྱ་སྟེ། མཐོང་སྒོམ་སོགས་ཆོས་དཀོན་མཆོག་སྒྲ་རྟོག་གི་ཡུལ་མ་ཡིན་པར་ཐལ། རྒྱུད་བླ་མར། བརྟག་མིན་ཕྱིར་དང་བརྗོད་མིན་ཕྱིར།། ཞེས་སོགས་གསུངས་པའི་ཕྱིར། གཞན་དབང་སྒྲ་རྟོག་གི་ཡུལ་མ་ཡིན་པར་ཐལ། བྱང་སར། བརྗོད་དུ་མེད་པའི་བདག་ཉིད་ཀྱིས་ཡོད་པ། ཞེས་དང་། འཇུག་པར། སྤྲོས་ཀུན་ཡུལ་མིན། ཞེས་གསུངས་པའི་ཕྱིར། ཡང་རྟོག་པའི་ཡུལ་ཡིན་པར་ཐལ། དགོངས་འགྲེལ་ལས། རྣམ་པར་རྟོག་པའི་སྤྱོད་ཡུལ། ཞེས་སོགས་ཁྱད་པར་གསུམ་ལྡན་དུ་བཤད་པའི་ཕྱིར། གཞན་ཡང་གྲངས་ཀྱི་གནས་བརྒྱ་དང་ཉེར་གསུམ་གྱི་ནང་དུ་བརྗོད་དུ་མེད་པ་སོགས་གསུམ་བྱུང་བ་ཡང་སྒྲའི་ཡུལ་མ་ཡིན་པར་ཁས་ལོངས་ཤིག འཇིག་རྟེན་གྲགས་ཚོད་དང་ཡང་འགལ་ཏེ། བརྗོད་དུ་མེད། བསམ་དུ་མེད། གྲངས་མེད་ཅེས་གྲགས་པ་དུ་མ་ཡོད་པའི་ཕྱིར། རབ་སྣང་འདིར་སྟོང་ཉིད་སྒྲའི་བརྗོད་བྱ་ཡིན་པར་ཡང་བཤད་མོད། རྣམ་འགྲེལ་གྱི་ལུང་དྲངས་ནས་རང་མཚན་སྒྲའི་བརྗོད་བྱ་མིན་པར་བཤད་པས་གཏད་ས་ཅི་ཡང་མེད་དེ། སྟོང་ཉིད་སྒྲའི་བརྗོད་བྱ་ཡིན་དགོས་པའི་རྒྱུ་མཚན་དེས་འདུ་བྱས་རྣམས་སྒྲའི་བརྗོད་བྱར་མི་འགྲུབ་བམ། རྒྱུ་འབྲས་ཆེ་ཆུང་ཡིན་གྱུར་མིན་གྱུར་ཡིན་ལོག་མིན་ལོག་སོགས་དོན་མེད་ཟེར་བ་ནི། དབུ་མ་རིགས་པའི་ཚོགས་སུ་རྐྱེན་བརྟག་པ་སྔ་རོལ་ན་གནས་པ་བརྟག་པ་དང་། ཡིན་པར་གྱུར་ལ་བྱ་བ་མེད།། ཅེས་སོགས་དང་། རང་བཞིན་མེད་པ་ཉིད་ལོག་ན།། ཞེས་སོགས་རྒྱ་ཆེར་གསུང་བ་རྣམས་སྐབས་དོན་ལས་ཉམས་པའི་སྐྱོན་ཅན་དུ་བྱོས་ཤིག འཕགས་བོད་ཀྱི་རིགས་པའི་དབང་ཕྱུག་རྣམས་ཀྱི་གཞུང་རང་གིས་མི་ཤེས་པའི་ཉེས་དམིགས་སུ་བལྟས་པའི་རྣམ་སྨིན་འདིར་མངོན་དུ་གྱུར་འདུག་པས་དེས་ན། སྤྱོད་འཇུག་ལས།<br /> རྒྱལ་སྲས་རྣམས་ཀྱིས་མི་སློབ་པའི།།<br /> དངོས་དེ་གང་ཡང་ཡོད་མ་ཡིན།།<br /> དེ་ལྟར་གནས་པའི་མཁས་པ་ལ།།<br /> བསོད་ནམས་མི་འགྱུར་གང་ཡང་མེད།།<br /> ཅེས་སོགས་གསུང་བ་དག་འབྲེལ་མེད་དུ་མི་དགོངས་པར་གསོལ་བ་འདེབས་སོ། །<br /> སྨྲས་པ།<br /> ཤེས་བྱ་རིགས་པའི་གནས་ནི་མཁའ་ལྟར་ཡངས།།<br /> ཚུར་རོལ་བྱིས་པའི་བློ་མིག་རྨོངས་པས་ལོང་།།<br /> དབང་མེད་བྱུང་རྒྱལ་སྨྲ་བའི་བཀའ་ཁྲིམས་དེ།།<br /> རང་མཐོང་ཆེ་བའི་དྲེགས་ལྡན་སེམས་ཀྱིས་བསྒྲག།<br /> དྲི་མེད་རིགས་ལམ་འཕྲུལ་གྱི་མན་དྷ་རས།།<br /> རབ་འབྱམས་གཞུང་ལུགས་རྒྱ་མཚོ་བསྲུབས་པ་ལས།།<br /> ལེགས་འོངས་ས་འཛིན་ཡངས་པའི་དཀྱིལ་འཁོར་ན།།<br /> མི་སྙན་དགུ་སྙན་དགའ་བ་བསྐྱེད་པའི་རྫས།།<br /> མི་ཟེར་དགུ་ཟེར་རྣམ་རྟོག་མཆེད་པའི་རྫས།།<br /> མི་མཐུན་གཅོང་ནད་ཞི་བའི་སྨན་གྱི་རིགས།།<br /> མི་ཕམ་བླ་མར་མི་དམན་འབུལ་བ་ཡོད།།<br /> སྤྲུལ་བའི་སྐུ་མཆོག་གཉིས་ལ་ཕྱེད་ཀ་རེ།།<br /> གཞན་དག་ལ་ཡང་ངལ་བ་ཆུད་མ་གཟོན།།<br /> བསམ་གཏན་བཏང་ནས་དགག་སྒྲུབ་ལ་ཞུགས་པའི།།<br /> ལས་ཀྱི་རྣམ་སྨིན་མཁྱེན་པའི་རྟེན་དུ་འབུལ།།<br /> གཤིས་བཟང་ཐོས་འཛིན་ལྷག་བསམ་དག་པ་ཡིས།།<br /> རབ་སྣང་སྤྲོས་པ་དགའ་བའི་འཕྲིན་བཞིན་སྤྱོད།།<br /> བླ་མའི་ཐུགས་ཀྱི་བསྙུང་གཞི་ཐོན་པའི་ཕྱིར།།<br /> ལེགས་པར་བྱས་པ་ལ་ཡང་གློ་བ་དགའ།།<br /> ད་དུང་འགལ་འཁྲུལ་ཚབས་ཆེན་ནད་ཡོད་ན།།<br /> གསོ་བའི་རྟོག་གེ་སྨན་པ་ང་ཡིན་ཏེ།།<br /> རྩུབ་དཔྱད་འགའ་ཞིག་བཙན་ཡང་ཁོང་སྐྲན་འདོན།།<br /> མ་རིག་རྨོངས་པས་སྨྲས་པ་མཐོལ་ལོ་བཤགས།།<br /> མ་རྟོག་འཁྲུལ་བས་འཁྱམ་པ་གནོང་ཞིང་འགྱོད།།<br /> མ་དད་ལོག་པའི་ཚིག་གི་མཚོན་ཆ་ཡིས།།<br /> མ་གཟས་རེག་པའི་ཉེས་པ་བྱུང་ན་བཟོད།།<br /> ཅེས་བྱ་བ་ནི་བག་མེད་འཆོལ་བའི་གཏམ་གྱི་རིམ་པའོ།།<br /> <br /> གསུམ་པ་ལོག་རྟོག་བསལ་བ་ནི། ༼མི་ཕམ་གྱིས་༽དངོས་སྨྲས་སྟོང་ཉིད་མ་ཡིན་དགག་ཏུ་འདོད་ཅེས་བྱེ་སྨྲ་དང་ཁྱད་མེད་པར་འཁྲུལ། བདེན་གྲུབ་ཀྱིས་སྟོང་པར་བྱས་ན་སྟོང་ཉིད་མ་ཡིན་དགག་ཏུ་སོང་ཟེར། བདེན་མེད་མེད་དགག་དེ། སྟོང་ཉིད་དུ་མི་རིགས་ཞེས་འགོག་པ་དང་རང་གིས་ཀྱང་སྐབས་འགར་སྟོང་ཉིད་དུ་བཤད་པ་འཁྲུལ་ལོ། །དངོས་སྨྲ་བ་ཞེས་སྦྱར་བས་ངོ་བོ་ཉིད་མེད་པར་སྨྲ་བས་སྟོང་ཉིད་མེད་དགག་ཏུ་འདོད་པར་ཡང་ཁས་བླང་ངོ་།།<br /> གཟུགས་བདེན་གྲུབ་ཀྱིས་སྟོང་པ་མེད་དགག་མིན་ན་མེད་དགག་མེད་ཅིང་། འབྲེལ་ཟླ་མི་དམིགས་པ་སོགས་དགག་རྟགས་མེད་པས་རྣམ་འགྲེལ་གྱི་ཊིཀྐ་གནང་བ་ཡ་མཚན་ཆེའོ། །ཙམ་གྱི་སྒྲ་ནི་ཚད་གཟུང་བའི་དོན་དུ་གསུང་མོད། མཁས་པ་ཉིད་ནས་ཁྱད་ཅི་ཡང་མི་བྱེད་པར་སྣང་། སེམས་ཙམ་གྱི་སྒྲའི་ཚུལ་གཉིས་གཞུང་ཆེན་མོ་དག་ཏུ་གསུང་ལ། ཁོང་ནས་༼མི་ཕམ་གྱིས་༽སེམས་མ་ཡིན་པ་བཅད་ནས་ཡིན་པ་སྟོན་ཟེར། འོ་ན་སྔོན་གྱི་བསྟན་པ་རྫོགས་ལྡན་གྱི་དུས་དེ། རྟགས་ཙམ་འཛིན་པའི་དུས་ཡིན་པར་ཐལ། མི་འཛིན་པ་མ་ཡིན་ཞིང་འཛིན་པའི་དུས་ཡིན་པའི་ཕྱིར། རྟགས་དངོས་དང་ཁྱབ་པ་དོན་གྱིས་ཁས། དེང་དུས་རབ་བྱུང་ཡིན་ཟེར་ཀྱང་རྟགས་ཙམ་ཡང་འཛིན་པའི་ལེའུ་བཅུ་གཅིག་པ་ཞིག་སྣང་ལ། ཕྱི་པའི་དྲང་སྲོང་བསམ་གཏན་པའི་སྲོལ་སྐྲ་རིང་པོར་འཇོག་པ་བཅོམ་ལྡན་འདས་ཉིད་ཀྱིས་ཤིན་ཏུ་སྨད་པ། བློ་ངན་ཁྱོད་ཀྱི་རལ་བ་ཅི།། ཞེས་པའི་གསུང་སུན་འབྱིན་པ་རབ་བྱུང་དང་ཁྱིམ་པའི་ཆས་བསྲེས་པའི་རྟགས་གཉིས་ལྡན་གྱི་ལེའུ་བཅུ་གཉིས་པའང་བཟོས་པ་སྟོན་པ་ཉིད་ལ་བརྙས་པར་འདོད་པ་སྟེ། རྒྱུད་ལས་སྔགས་པ་ཁྱིམ་པར་རབ་བྱུང་གི་རྟགས་མི་དགོས་གསུངས་པས་རབ་བྱུང་སྔགས་པས་ཁྱིམ་པའི་རྟགས་རྣམས་ཀྱང་འཛིན་མི་དགོས་པར་རིགས་པ་སྔ་མ་དེས་ཤེས་པའི་ཕྱིར། གལ་ཏེ་ཁྱད་མེད་ན་གོས་མེད་པར་གཅེར་བུར་ཕྱུང་ལ་སྣང་མཛད་དང་མི་བསྐྱོད་པར་ཅི་དགར་སྤྱོད་ཅིག། འདོད་པས་གདུངས་པས་ཆང་དང་རིག་མར་སྤྱོད་ཅིང་རྡོ་རྗེ་འཆང་གི་དགོངས་པ་རྫོགས་སྙམ་པ་ཤིན་ཏུ་འཁྲུལ་བ་སྟེ། གཞན་དུ་ན་རྒྱལ་བུ་དོན་གྲུབ་ཀྱིས་བཙུན་མོ་དྲུག་ཁྲི་བཏང་བ་དང་། བུང་བ་ལྟར་གནག་ཅིང་སྣུམ་ལ་ཡིད་འཕྲོག་པའི་དབུ་སྐྲ་བྲེག་པ་དེ་ནོངས་སམ། ལེགས་པར་མ་བརྟགས་པ་སྟེ་ཆོས་བརྒྱད་ཀྱི་གདོན་དེ་གཟོ་མཁས་པས་ཆོས་པ་མང་པོ་ཞིག་བསླུས་སོ།།<br /> ཡང༼མི་ཕམ་གྱིས་༽རང་བཞིན་གྱིས་གྲུབ་པ་སོ་སྐྱེའི་ངོར་སྣང་བ་ལ་ཞེས་པའི་ལ་སྒྲ་འོག་གི་བསྒྲུབ་པའི་ཚིག་དང་འབྲེལ་བས་སྤྱིར་ལས་ལ་གཉིས་དང་བཞིར་ཡང་བཤད་པའི་ལས་དང་བྱ་བ་གཉིས་སུ་ཕྱེ་ནས་ལས་ལ་ཉེ་བའི་རྣམ་དབྱེ་ཡིན་དགོས་རྒྱུ་ལ་དེ་མིན་རྟེན་གནས་ཀྱི་སྒྲ་ཡིན་གསུང་། དེ་ལྟ་ན་སྣང་བ་གཞི་བྱས་ཏེ། དེའི་སྟེང་དུ་གནས་པ་ཞིག་སྟོན་དགོས། གཏན་ཚིགས་སྟོན་ནའང་སྣང་བར་བསྒྲུབ་པའི་རྟགས་དེར་མ་བསྟན་པའི་ཕྱིར་དང་། གནས་དང་གནས་པ་གཉིས་སུ་ཕྱེ་སྟེ་གཙོ་བོ་གནས་ལ་ཉེ་བ་རྣམ་དབྱེ་བདུན་པའི་དོན་དུ་བཤད་པའི་ཕྱིར། ཡང་༼མི་ཕམ་གྱིས་༽སྡེབ་སྦྱོར་བྱས་ན་གཞན་དང་མི་མཉམ་པ་ནུས་ཞེས་བསམ་གཏན་པ་ང་རྒྱལ་ཅན་ཞིག་འདུག་སྟེ་སྔོན་དུས་ཡང་དེ་འདྲ་མང་པོ་བྱུང་བ་མདོ་དྲངས་པ་ལྟར་རོ།།<br /> ཁོ་བོ་ནི་དེ་འདྲ་མིན་ཞིང་ཚིག་དོན་གང་ལའང་འཁྲུལ་སྙམ་དུ་སེམས་ཁོང་དུ་ཆུད་པ་ལ་མེད་མོད། ཇི་སྐད་དུ། ཐུབ་བསྟན་ལང་ཚོ་ཡོལ་བའི་བསྐལ་བཟང་གིས།། ཆོས་སྨྲའི་གཡར་ཁྲལ་ཕོག་པ་བདག་འདྲ་ཡང་།། ཞེས་གསུང་བ་ལྟར་ཉམས་དང་འུད་བསྒྲག་པ་ཙམ་མོ།།<br /> ཡང་ཁྱེད་ཀྱིས་༼མི་ཕམ་གྱིས་༽ཕུང་འདི་སྟོང་ཞེས་རྟོགས་ན་ཞེས་ས་མཐའ་ཅན་དུ་བྲིས་པ་ཡི་གེ་བས་ནོར་ཞེས་ངོ་སོ་མེད་པར་མ་ཉེས་པའི་ཁ་ཡོག་ཅིག་མགོ་བོར་བསྐྱོན་སྣང་སྟེ། ཉམ་ཆུང་ཡི་གེ་བ་དེ་སྙིང་མ་རྗེ། ཁོ་བོས་ཡི་གེ་དག་མོ་མི་ཤེས་ལ་གཞན་ལ་ངན་ཁེགས་འགེལ་ཡང་མི་ཕོད། གསུང་དེ་དག་རྩོམ་ཆོས་མང་པོ་སྤེལ་བ་ལ་ངན་གཡོའི་ཚིག་བཞིན་གསང་བའི་མན་ངག་ཅིག་ཡིན་མཆི།<br /> ཡང་༼མི་ཕམ་གྱིས་༽བདག་ཏུ་འཛིན་པའི་ང་རྒྱལ་དང་བདག་འཛིན་འགལ་སྙམ་པ་དང་། དེ་གཉིས་འབྲེལ་བ་གཉིས་ཀར་རུང་གསུངས་པས་ངོ་བོ་གཅིག་དང་ངོ་བོ་ཐ་དད་གཉིས་ཀར་ཐལ་ལོ། །བློ་ནུས་ཡོད་ན་འཆད་པའི་སྒོ་དོག་མི་དགོས་གསུང་བ་སྤྱི་བརྡོལ་ཤིན་ཏུ་ཆེ་བའི་རང་བཞིན་ཡ་ང་བ་ཞིག་སྟེ། བཀའ་གདམས་པའི་གསུང་གྲོས་ལ་སེམས་ཀྱི་དཔངས་དམའ་དགོས་པར་འདུག་པ་དགོངས་འཚལ། ཉོན་མོངས་ཀྱི་ཆོས་ཉིད་དང་། རྣམ་མཁྱེན་གྱི་ཆོས་ཉིད་ངོ་བོ་གཅིག་ཡིན་གསུང་བའི་དཔེ་མེ་ལ་སྦྱོར་བ་ཧ་ཅང་ཕུང་ངོ་། །ཁྱེད་ངན་སོང་ལ་རྒྱུས་མེད་པ་སངས་རྒྱས་ས་ནས་མར་རིམ་གྱིས་བྱོན་པ་ཞིག་ཡིན་སྟབས་བདེན་ངེས། ད་ཁས་ལེན་མེད་པའི་ལྟ་བ་དེ་སྐྱོང་ལ་མཐོ་རིས་སུ་འགྲོ་ན་འབྲས་བུ་ཆེ་བའི་ཕྱོགས་ཤིག་ན་དབེན་པའི་རི་ཁྲོད་ཉམས་དགའ་བ་ཞིག་ཡོད་འདུག་པས་དེར་བསྐལ་ཆེན་ལྔ་བརྒྱར་མཚམས་སུ་བཞུགས་པར་ཞུ། ཧ་ཧ་ཀུ་རེ་ཙམ་མོ།།<br /> ཡང་༼མི་ཕམ་གྱིས་༽གཟུང་འཛིན་གྱི་སེམས་སངས་རྒྱས་ཀྱི་ས་ན་མེད་ཟེར། དེ་ལྟ་ནའང་གཟུང་བ་དང་འཛིན་པ་གང་ཡིན་ཞེས་བརྟག་པར་རིགས་ནའང་ཡི་གེས་འཇིགས་སོ།།<br /> ༼མི་ཕམ་གྱིས་༽སེམས་སངས་རྒྱས་ས་ན་ཡོད་ན་དེ་སེམས་ཅན་དུ་ཐལ་ཟེར། སྙིང་རྗེ་པད་དཀར་སོགས་སུ་སེམས་ཅན་ཆེན་པོ་ཞེས་གསུངས་མོད། གྲགས་ཚོད་དང་བསྟུན་ན་ཉི་སྣང་དུ་ཞུམ་པའི་བདག་ཉིད་ཅན་ཡིན་པས་སེམས་ཅན་ཞེས་བྱུང་བ་ལྟར་ཤེས་དགོས་ལ། ཁྱེད་རང་ལྟར་ན་སྲོག་དང་ལྡན་ན་སྲོག་ཆགས་དང་། མཚོ་ལས་སྐྱེས་ན་མཚོ་སྐྱེས་དང་། འགྲོ་བའི་བྱ་བ་ཡོད་ན་འགྲོ་བ་ཡིན་པའི་ཁྱབ་པ་ཁས་ལོངས་ཤིག ༼མི་ཕམ་གྱིས་༽གཉུག་སེམས་ཡོད་ན་ཡང་སེམས་མི་ཟེར་ཡེ་ཤེས་ཞེས་མིང་འདོགས་པས་མིང་ལ་མི་རྩོད་ཞེས་ཀྱང་གསུང་། ཡེ་ཤེས་ཡིན་ན་ཡོད་པར་ཁས་བླངས་པས་སེམས་ཅན་དུ་ཐལ་བ་ཁྱེད་ཀྱིས་ཕྱིར་མནོས་པ་ལེགས་སོ། །ལུང་ལས། སེམས་ཀྱི་སྐད་ཅིག་གཅིག་ལ་ཐུགས་ཆུད་ནས།། ཞེས་དང་། སེམས་ཀྱི་སྐད་ཅིག་དོན་ཀུན་རིག། ཅེས་གསུངས་ལ། ཀུན་རྫོབ་དང་དོན་དམ་པའི་སེམས་བསྐྱེད་སངས་རྒྱས་ས་ན་ཡོད་དགོས། སེམས་མེད་ན་མུ་ལ་ངེས་ལྔ་དང་། དགེ་བ་བཅུ་གཅིག་འདོད་པ་འགལ་ཞིང་། སེམས་སེམས་བྱུང་དུས་མཚུངས་པ་སོགས་མི་རིགས་པ་དང་། གནོད་བྱེད་ཤིན་ཏུ་མང་བ་སུ་ཞིག་འབྲི། འོན་ཀྱང་གོང་འོག་དུ་མར་སེམས་ཡོད་པར་ཡང་བཤད་དོ།།<br /> ཡང་༼མི་ཕམ་གྱིས་༽ཟླས་དྲངས་ཞེས་པའི་དོན་མ་དགོངས་པར་སྣང་སྟེ། སྤྱིར་ཟླས་དབྱེ་ཞེས་པ་དང་། ཟླས་བསྡུས་ཞེས་འགལ་ཟླ་དང་འབྲེལ་ཟླར་གོ་ཚུལ་མང་མོད། སྲེད་པ་འདི་ཞེས་སྨོས་པས་ཐལ་འགྱུར་བའི་ལུགས་ཀྱི་སྦེད་པ་པོ། འདི་ཞེས་པས་སྲེད་པ་དེ་ཟེར་བ་ཞིག་ཟླས་དྲངས་པ་ཕ་རོལ་བས་འདོད་པའི་སྲེད་པ་སྟེ། དེ་ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན། ཕ་རོལ་བས་འདོད་པ་ལྟར་གྱི་ཉོན་མོངས་ཅན་ཡིན་མིན་གཉིས་གཞི་ཐ་དད་ཀྱང་གོ་སྟོབས་ཆེ་བས་མ་ཤེས་པར་སྣང་ལ། ༼མི་ཕམ་གྱིས་༽ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་དང་། ཉོན་མོངས་ཅན་མ་ཡིན་པའི་གཞི་མཐུན་འདོད་དམ་ཟེར། སྔ་མ་ལ་ཁྱད་པར་སྦྱར་ཡང་། ཕྱི་མ་ལ་མ་སྦྱར་བས་རིགས་པའི་འགྲོས་མི་འདྲ་བ་ཡོད་དེ། ཉན་ཐོས་སྡེ་བས་འདོད་པ་ལྟར་གྱི་ཉོན་མོངས་ཅན་ཡིན་ཀྱང་། ལུགས་འདིར་བློ་དོན་མཐུན་ཡིན་པ་ཡོད་པའི་ཕྱིར། གཟུགས་རང་བཞིན་གྱིས་མེད་པར་འཛིན་པའི་བློ་དེ། སྔ་མ་ཡིན་ལ། ཕྱི་མ་ཡང་ཡིན་པའི་ཕྱིར། འོན་ཀྱང་དབེན་པར་གབ་པ་ལ་ཅི་ཆ་ཡོད།<br /> སྨྲས་པ།<br /> ཀུན་རྟོག་ངན་པའི་ཤ་འོད་བརྡོལ་བ་ལས།།<br /> མི་གཙང་རྩ་བར་བཀྲམས་པའི་མྱ་ངམ་ཐང་།།<br /> ཤེས་ལྡན་ཡི་གར་མི་འོང་སྐྱོ་བའི་ཡིད།།<br /> ལ་གོལ་བཞུད་ལས་མིག་གིས་འཚོ་མ་ཡིན།།<br /> རྩོད་རིགས་འཕུལ་གྱིས་རྩེན་པའི་དཀྱིལ་འཁོར་ཆེ།།<br /> ཆོས་ཀྱི་ཚོང་བརྡལ་རིན་ཆེན་གླིང་མཆོག་ནས།།<br /> འོང་བའི་དེད་དཔོན་རིགས་པའི་གཏེར་མཛོད་ལ།།<br /> འཁུ་བའི་ད་རི་དྲ་ཡི་རྨོངས་ཚབས་ལྟོས།།<br /> མི་མཉམ་བསམ་གཏན་བདེ་བ་དབེན་པར་འོས།།<br /> རིགས་ལམ་འཕྲུལ་གྱི་གསང་ཚིག་ཆོས་ཀྱི་གྲྭར།།<br /> རང་རང་ལས་ཀྱི་བགོ་སྐལ་མི་བསྣོལ་བ།།<br /> དེ་ནི་དོན་ཆེན་ནོར་གྱིས་དབུལ་མ་ཡིན།།<br /> ཞེས་བྱ་བ་ནི་ངེས་པའི་ཚིག་གོ།<br /> ཡང་༼མི་ཕམ་གྱིས་༽བདེན་འཛིན་དགྲ་བཅོམ་རྒྱུད་ལ་སླར་སྐྱེ་བར་འགྱུར་ཞེས་རྫུན་ལྷངས་བྱས་ཟེར། ལེགས་པར་ཉོན་ཅིག། བྱས་ན་མི་རྟག་པར་འགྱུར་ཞེས་པའི་ན་རྒྱུ་མཚན་སྟོན་པ་སྟེ། སྨྲ་སྒོར་ན་ཡིག་དོན་བཅུ་གསུམ་ལ་འཇུག་པར་བཤད་པའི་གསུམ་པར་བཤད། དེས་བྱས་ན་མི་རྟག་པས་ཁྱབ་པ་བསྟན་པར་འགྱུར་བས་རྒྱུ་མཚན་སྟོན་པ་དེ་བཞིན་དུ། ཁྱོད་ཀྱིས་༼མི་ཕམ་གྱིས་༽བག་ཆགས་མ་སྤངས་ན་སླར་སྐྱེ་བར་འགྱུར་ཞེས་སྨྲས་པས་དེ་ལྟ་ན་ཉན་ཐོས་དགྲ་བཅོམ་ལ་སླར་བདེན་འཛིན་སྐྱེ་བར་འགྱུར་བར་ཐལ། དེའི་བག་ཆགས་མ་སྤང་བའི་གང་ཟག་ཡིན་པའི་ཕྱིར། ཁྱབ་པ་ཁས་བླངས་ཟེར་བ་ཡིན། རིགས་པའི་འགྲོས་དང་འབྲེལ་ཅི་ཡང་མེད་པར་ཐལ་བ་འཕེན་པ་ག་ལ་རིགས། རྣམ་དབྱེ་དང་ཚིག་ཕྲད་ཀྱི་རིགས་པའི་རྣམ་གཞག་ཀྱང་མི་ཤེས་པར་འགྲེལ་བ་མང་པོ་བརྩམས་ཟེར་མོད། ལོང་བས་མུན་མདའ་འཕེན་པར་ཟད་དོ།།<br /> དེ་བཞིན་དུ་༼མི་ཕམ་གྱིས་༽བདེན་གཉིས་མེད་ཅེས་སུས་སྨྲས་ཟེར་ཡང་། དེ་ཡང་འདི་ལྟར། དོན་དམ་བདེན་པ་བློའི་ཡུལ་མིན་ཞེས་སྨྲས་པས་དེ་ལྟར་ན་ཤེས་བྱར་མི་རིགས་པས་ཡོད་པ་ག་ལ་ཡིན། ཀུན་རྫོབ་ཏུ་ཡོད་པས་ཡོད་པར་ཁས་ལེན་པའི་ལུགས་མ་ཡིན་པས་ཀུན་རྫོབ་བདེན་པ་ཇི་ལྟར་ཡོད། འདིར་ཡང་འོག་ཏུ་༼མི་ཕམ་གྱིས་༽ལུགས་དེ་གཉིས་ཀ་ལྟར་མི་སྨྲ་ཞེས་མ་བྲིས་སམ། རྗེ་ཉིད་ནས་ཧྭ་ཤང་གི་གཞུང་ཡོད་ཚུལ་གསུང་བར་ཡིད་མི་ཆེས་ནའང་། ཀུན་མཁྱེན་བུའི་ཆོས་འབྱུང་དུ།བསམ་གཏན་ཉལ་བའི་འཁོར་ལོ། རྩོད་སྤོང་ལོན་དང་ཡང་ལོན། རིགས་པས་བསྒྲུབ་པ་ལྟ་བུའི་རྒྱབ་ཤ། ལུང་གིས་བསྒྲུབ་པ་མདོ་སྡེ་བརྒྱད་ཅུ་ཁུངས་སུ་དྲངས་གསུང་བར་ཡིད་ཆེས་མོད། ཆོས་རྒྱལ་ཆེན་པོའི་བཀའ་ཁྲིམས་བཙན་པས་ཀྱང་ཕལ་ཆེར་ནུབ་པར་ངེས་ལ། གཞན་ཡང་རྩ་བའི་སྡུད་པར་མ་ཚང་བས་ཞེས་པའམ། ཡང་དག་བསྡུས་པའི་གཞི་ཉམས་ཕྱིར་ཞེས་སོགས་དང་། བོ་དོང་བས། པོད་བརྒྱ་མཛད་པར་གྲགས་པ་སོགས་ཀྱིས་ད་ལྟ་དཔེ་མེད་པའི་རྒྱུ་མཚན་དེ་ཤིན་ཏུ་འཁྲུལ་ལོ།།<br /> ཡང་༼མི་ཕམ་གྱིས་༽རྒྱལ་བས་གསུངས་པར་ཤེས་ན་སུན་མི་འབྱིན།། ཟེར། སེམས་ཙམ་པས་གཞན་དབང་བདེན་གྲུབ་ཏུ་འདོད་པ་འདིར་སུན་མི་འབྱིན་པར་ཐལ། དེ་དགོངས་འགྲེལ་དུ་གསུང་བའི་ཕྱིར། འོ་ན་རྒྱལ་བའི་གསུང་སུན་འབྱིན་པར་ཐལ། སྒྲ་ཇི་བཞིན་མིན་པ་སུན་འབྱིན་པའི་ཕྱིར་ན་མ་ཁྱབ་བོ། །རྟགས་གྲུབ་སྟེ། སྒྲས་ཟིན་ལ་གནོད་བྱེད་སྟོན་པའི་ཕྱིར། ཡང་༼མི་ཕམ་གྱིས་༽སྟོང་ཉིད་རྟོགས་པའི་བློ་ཤེས་རབ་ཡིན་ཟེར། དེ་ཡིན་པ་བྱིས་པ་གསར་བུ་དག་གིས་ཤེས་མོད། འདི་ལྟར། ཤེས་རབ་ནི་ཡུལ་ངེས་ལྔའི་ནང་ཚན་ཡིན་ལ། བློ་དེ་ལ་རྣམ་ཤེས་ཚོགས་དྲུག། སེམས་བྱུང་ཉེར་གསུམ་ཡོད་པས་ངོ་ཚ་བོར་བའོ།།<br /> ཁོ་བོས། སྟོང་ཉིད་ཆོས་ཅན། རྗེས་དཔག་གི་གཞལ་བྱ་ཡིན་པར་ཐལ། ལྐོག་གྱུར་ཡིན་པའི་ཕྱིར། ཁྱབ་པ་རྒྱང་ཕེན་པས་ཤེས་སྨྲས་པ་ལ། ༼མི་ཕམ་གྱིས་༽བསྒྲུབ་བྱ་རྟགས་ཕ་རོལ་བས་ཁས་མི་ལེན་པ་ལ། རྗེས་སུ་འགྲོ་ལྡོག་གི་ཁྱབ་པ་ངེས་ཚུལ་མེད་པས་ཁྱོད་མཆོང་དྲགས་པས་རྐང་བ་སྣད་པའི་དཔེར་སོང་གསུང་། ཁོང་ལ་ལམ་རྒྱུས་མེད་སྟབས་འཇིགས་ཞུམ་ཞིང་བག་འཁུམ་པ་སྟེ། བྱེ་སྨྲ་ལ། བདེན་གྲུབ་ཆོས་ཅན། མེད་པ་ཡིན་པར་ཐལ། ཚད་མས་མི་དམིགས་པ་ཡིན་པའི་ཕྱིར། ཞེས་བཀོད་པའི་རྗེས་ལྡོག་གི་ཁྱབ་པ་བྱེ་སྨྲས་ངེས་པའི་ཕྱིར། སྤྱིར་ཐལ་འགྱུར་གྱི་རྩོད་གཞི་དང་། དམ་བཅའ། སྦྱོར་བའི་ཤེས་འདོད་ཆོས་ཅན་དང་། བསྒྲུབ་བྱ་ཞེས་ཐ་སྙད་སོ་སོར་དགོས་ཀྱང་ཁྱེད་ཆ་མེད་པས་མ་མཁྱེན་པའོ།།<br /> ཡང་གདགས་གཞི་ཕུང་པོའི་རྣམ་པ་མ་ཤར་བར་གདགས་ཆོས་གང་ཟག་གི་རྣམ་པ་མི་འཆར་བ་ནི། ཕུང་པོ་མ་གཏོགས་དེ་འཛིན་མ་གྲུབ་ཕྱིར། །ཞེས་དང་། རྣམ་འགྲེལ་དུ། རྟེན་མཐོང་མེད་པར་གང་ལས་རྟོགས།། ཞེས་དང་། དོན་གསལ་དུ། ཁྱད་པར་མ་བཟུང་བར་ཁྱད་པར་ཅན་གྱི་བློ་མི་སྐྱེའོ་ཞེས་སོགས་སྐབས་དུ་མའི་དགོངས་པ་མ་རྟོགས་པའི་བབ་ཅོལ་ལོ།།<br /> རྣམ་པ་བརྒྱ་དོན་གསུམ་གྲངས་ཙམ་སྨོས་མོད། འདོད་ཆགས་དང་བྲལ་བ་དང་། ངོ་བོ་མེད་པའི་ངོ་བོ་ཉིད་སྟོང་པ་ཉིད་དོན་རྣམ་སོ་དྲུག་གི་གྲངས་སུ་བགྲང་བ་མིན་ན་ལེགས་སོ། །དོན་རྣམ་དང་། ཤེས་རྣམ། སྦྱོར་རྣམ། དེའི་མི་མཐུན་ཕྱོགས་ཏེ་རེ་རེ་ལ་བརྒྱ་དང་དོན་གསུམ་རེ་ཡོད། དང་པོ་ལ་དོན་དམ་དང་། ཀུན་རྫོབ་ཇི་ལྟར་ཡོད་ཚུལ། གཉིས་པ་དང་། གསུམ་པར་རྟོགས་རིགས་དྲུག། སེམས་རྟེན་ས་བཅུ་གཅིག། མཚན་ཉིད་གོ་གཅིག་ལ། སྦྱོར་བ་ཉི་ཤུ་སོགས་ལས་ཇི་ལྟར་ཡོད་པའི་ཁྱད་པར་དང་། བཞི་བ་བརྒྱ་དང་དོན་གསུམ་ལ་ཉོན་སྒྲིབ་དང་། ཐུན་མོང་དང་ཐུན་མོང་མ་ཡིན་པའི་ཤེས་སྒྲིབ་འབྱེད་ཚུལ། བྱང་སེམས་ལ་སྦྱོར་རྣམ་དེ་དག་དང་། མཚན་ཉིད་གོ་གཅིག་ལས་ལྡན་པར་ངེས་མ་ངེས་ཀྱི་ཁྱད་པར་དང་། རྒྱུན་མཐའི་བར་ཆད་མེད་ལམ་ལ་སྦྱོར་རྣམ་དང་། མཚན་ཉིད་དེ་དག་ལས་ཇི་ཙམ་ཡོད་དང་། ཡོད་པར་ངེས་པའི་ཞིབ་ཆ་སྨྲས་ན་རིགས་ལམ་ལ་སྦྱངས་པ་དོན་དང་ལྡན་ལ། གཞན་དུ་འཕགས་སེང་དང་མཉམ་པའི་སྐད་ནི་འུད་སྒྲོགས་པ་ལ་དགའ་བ་ཙམ་མོ། །མཚམས་པ་ཚང་ཁོང་ལ་གྲངས་ཙམ་ཡོད་པའང་ངོ་མཚར་ཆེ། ༼མི་ཕམ་གྱིས་༽ཡོད་མེད་སོགས་ཀྱི་མཐའ་ལ་དགག་བྱའི་ཁྱད་པར་མི་སྦྱོར་ཟེར་བ་དང་། ཡོད་པ་མི་འགོག་ཟེར་བ་སོགས་ནང་འགལ་ནི། དཔལ་ལྡན་ཟླ་བས། བཤད་ཟིན་ཉེས་པ་དེ་དག་ཐོག་ཏུ་འབབ་པ་ཞེས་དང་། རེ་རེ་ལས་ནི་སྐྱེ་བ་འགྲུབ་པ་ཡོད་མིན་པ།། ཞེས་གསུང་བ་དག་ལ་གཏོལ་ཅི་ཡང་མ་བྱུང་བར་སྣང་ལ། གཉིས་ཀ་མིན་པ་མིན་ན། གཉིས་ཀ་ཡིན་དགོས་ཞེས་རང་ལ་ཉེས་པ་མཚུངས་པ་དང་། བསྡུ་བར་ངོ་བོ་ཉིད་མེད་པ་དང་རྩོད་ཚུལ་གྱི་གནད་དང་། དབུས་མཐར།<br /> ཡོད་པས་མེད་པས་ཡོད་པས་ན།།<br /> དེ་ནི་དབུ་མའི་ལམ་ཡིན་ནོ།།<br /> ཞེས་སོགས་གསུང་བའི་ཕྱོགས་སྔ་ཕྱིའི་ཁྱད་པར་ཅི་ཡང་མ་ཕྱེད་པས་འཇམ་མགོན་ས་པན་གྱིས། ངན་སྐྱུག་ཁྲོམ་པ་སུ་ཞིག་སློང་།། ཞེས་གསུང་བ་ཁོ་ན་ལྟར་ཟད་དོ།།<br /> སྨྲས་པ།<br /> རྫོགས་ཆེན་ལྟ་བ་བོར་བས་འཁྲུལ་ཞིག་པས།།<br /> འཁྲུལ་བ་མ་ཞིག་དབྱར་དུས་ཆུ་བཞིན་བརྡོལ།།<br /> འཇམ་མགོན་གསང་མཛོད་གནས་ལ་སྤྱན་གདངས་ཀྱང་།།<br /> དམ་བཅའ་བཞི་ལྡན་རིགས་པའི་མདའ་ཡིས་འཇིགས།།<br /> རབ་འབྱམས་གཞུང་ལུགས་ནགས་ཀྱི་ཚང་ཚིང་དུ།།<br /> ཚུལ་བཞིན་དྲང་ངེས་ཕྱེད་པའི་བློ་གྲོས་མིག།<br /> དྲི་མེད་རིགས་ལམ་བདུད་རྩིས་འདྲོངས་པ་ཡིས།།<br /> ངོ་མཚར་དོན་གྱི་ཁྱད་པར་ཅི་ཡང་མཐོང་།།<br /> ཞེས་ཀྱང་སྨྲས་སོ།།<br /> འཇམ་མགོན་བླ་མས་ཀྱང་འཁྲུལ་བ་ཡེ་ཤེས་སུ་འཆར་བ་སོགས་དམ་པ་སྔ་མའི་གསུང་བགྲོས་བསྐྱར་བ་དང་། གདུལ་བྱའི་བསམ་ངོར་བསྟུན་པའི་གསུང་ངག་ཅི་རིགས་ཡོད་ནའང་། བཅོམ་ལྡན་འདས་ཀྱིས།<br /> ཕ་དང་མ་ནི་བསད་བྱས་ཤིང་།།<br /> མི་བཟད་པ་ཡི་སྟག་བསད་པ།།<br /> ཞེས་སོགས་ལྡེམ་དགོངས་མཛད་པ་ལྟར་ལ། ཁོ་བོ་ཅག༧རྗེ་ཉིད་ནས་བསྟན་པ་སྤྱིའི་གཞུང་ལམ་དུ་བཀའ་བསྩལ་པའི་ལམ་རིམ་གཉིས་དང་། རྣམ་བཤད་ཆེན་མོ་རྣམས་རྟག་ཏུ་དཔང་པོར་བྱེད་པས་ལུང་ཙམ་སྐྱབས་སུ་གྱུར་པ་མ་ཡིན་ནོ།།<br /> ཁོ་བོས། སྟོང་ཉིད་ཀུན་རྫོབ་ཏུ་སྤྲོས་བྲལ་དང་། སྒྲ་རྟོག་གི་ཡུལ་ཡིན་པ་མི་འགལ་ན། སྤྱིར་ཡང་དེ་གཉིས་མི་འགལ་བར་རུང་ངོ་ཞེས་སྨྲས་པ་ལ་ལན་རྣལ་མ་ཞིག་མ་བྱུང་མོད། འོན་ཀྱང་ཞལ་ཕོ་དང་བཅས་འདི་སྐད་དུ། ༼མི་ཕམ་གྱིས་༽དེ་ལ་དྲི་མ་མེད་པའི་ལན་སྨྲས་པ། སྔ་རབས་པ་ཕལ་མོ་ཆེས་ཐ་སྙད་དུ་ཡོད་པས་ཡོད་གོ་མི་ཆོད། དོན་དམ་པར་མེད་པས་མེད་གོ་ཆོད་ཅེས་འཛེར། ཕྱི་རབས་པ་ཕལ་གྱིས་ཀུན་རྫོབ་ཏུ་ཡོད་པས་ཡོད་གོ་ཆོད། དོན་དམ་དུ་མེད་པས་མེད་གོ་མི་ཆོད་ཟེར། བདག་ཅག་གིས་ནི་དེ་གཉིས་ཀ་མི་སྨྲ་སྟེ། ཐ་སྙད་དུ་ཡོད་པས་ཐ་སྙད་དུ་ཡོད་པའི་གོ་ཆོད་ལ་དོན་དམ་པར་ཡོད་པའི་གོ་མི་ཆོད། དོན་དམ་པར་མེད་པས་དོན་དམ་པར་མེད་པའི་གོ་ཆོད་ལ་ཐ་སྙད་དུ་ཡོད་པའི་གོ་མི་ཆོད། ཅེས་སོགས་ངེས་པར་འབྲེལ་མེད་ཀྱི་རྟོག་བཟོ་འབའ་ཞིག་སྨྲས་སོ། །འདི་སྐད་དུ།<br /> རིས་མེད་མཁས་པའི་ཚོགས་རྣམས་དེང་འདིར་གཟིགས།།<br /> ང་ཡི་གྲོགས་པོ་སྒོམ་ཆེན་རྟོག་གེ་བའི།།<br /> ལན་འདི་དྲི་མེད་རིགས་པའི་ཐབ་ཏུ་གཞུག།<br /> སུན་འབྱིན་རྡོ་རྗེ་ཐོ་བས་བརྡུང་ཞིང་བརྟག།<br /> ཕན་དེ་ནི་ལྷག་ཆད་ནོར་བ་གྲགས་པ་དང་འགལ་བ་ཁས་བླངས་དང་འགལ་བའི་ཉེས་པ་ལྔ་ཕྲུགས་སུ་སྦྱར་བས་འགོག་པར་བྱ་སྟེ། <br /> ཉེས་པ་དང་པོ་ནི། བདེན་གཉིས་ཀྱི་ཁྱད་པར་སྦྱར་བའི་ཡོད་མེད་ཀྱིས་དེ་ཉིད་ཀྱི་གོ་ཆོད་པ་དང་། དེ་དག་གི་སྟེང་དུ་སླར་ཡང་དོན་དམ་དང་ཐ་སྙད་དུ་ཡོད་པ་དང་མེད་པའི་ཁྱད་པར་སྦྱར་བ་ལྷག་པའི་ཕྱིར། <br /> གཉིས་པ་ནི། ཁྱད་པར་སྦྱར་བའི་ཡོད་མེད་ཀྱིས་མ་སྦྱར་བའི་ཡོད་མེད་སྤྱིའི་གོ་ཆོད་མི་ཆོད་དཔྱད་དོན་གཙོ་བོ་ཡིན་པ་ལ། ཁྱོད་ཀྱིས་དེ་མ་བཤད་པའི་ཕྱིར།<br /> གསུམ་པ་ནི། སྐབས་དོན་བོར་ནས་རང་གི་གོ་ཆོད་ཟེར་བ་ནོར་བའི་ཕྱིར། <br /> བཞི་པ་ནི། ཁ་ཅིག་གིས་བོད་ན་ཡོད་པས་ཡོད་པའི་གོ་ཆོད། བོད་ན་མེད་པས་མེད་པའི་གོ་ཆོད་ཅེས་པ་ལ། གཞན་ཞིག་གིས་རང་རང་གི་གོ་ཆོད་ཅེས་སྨྲས་ན། འབྲེལ་མེད་སྨྲ་བར་བརྩི་བ་དང་འདྲ་བའི་ཕྱིར།<br /> ལྔ་པ་ནི། ལུགས་གཉིས་པ་ཁྱོད་ཀྱིས་ཁས་བླངས་པར་ཐལ། ཟུར་སྔ་མ་ཁས་བླངས། ཕྱི་མའང་ཁས་བླངས་པའི་ཕྱིར། ཕྱི་མ་སླ། སྔ་མ་གྲུབ་སྟེ། ༼མི་ཕམ་གྱིས་༽རང་རིག་དང་ཀུན་གཞི་ཡོད་པ་ཀུན་རྫོབ་ཏུ་ཡོད་པས་ཡིན་ཞེས་བྲིས་པའི་ཕྱིར། ལུགས་གཉིས་ཀས་ཁྱོད་ཀྱིས་སྨྲས་པའི་ཚུལ་དེ་གཉིས་ཀ་ཁས་བླངས་པས་མུ་གསུམ་པར་མ་སོང་བའི་ཕྱིར། ཁྱོད་ཀྱིས་སྨྲས་པའི་རྟོག་བཟོ་དེ་ལྟར་ན་ཁོ་བོས་མུ་བཞི་པ་དང་ལྔ་པ་ཞིག་ཀྱང་བཟོས་ཆོག་མོད། དེ་འདྲ་བྲིས་ཀྱང་དོན་མེད་པའི་ཕྱིར། ཁོ་བོས་གང་གི་མིང་ཡིན་པ་སྨྲོས་དང་ཞེས་པར་སྔ་ཕྱིར་མ་བརྟགས་པར་གོ་ལོག་བྱས་ཏེ། བརྗོད་བྲལ་བརྗོད་བཅས་སུ་བྱས་པ་ངོ་མཚར་ཆེ། ལྟ་མགུར་དུ།<br /> འོན་ཀྱང་གཞུང་ལུགས་ལ་སྦྱངས་པ་ཆུང་རྣམས།།<br /> ཐ་སྙད་སྦྱོར་ཚུལ་ཞིག་མ་མཁྱེན་ཡིན་སྲིད།།<br /> ཅེས་གསུང་བ་ཤིན་ཏུ་མད། རྩོད་ལན་འདིར་རིགས་པ་དང་གོ་བ་དམན་པའི་ངང་ཚུལ་མང་དུ་འདུག་པས་མཁས་པ་ཉིད་ནས་མཛད་པ་མིན་ནམ་གང་ལྟར། རྒྱལ་པོ་ལྐོག་ཏུ་འདུག་ན་མཛེས།། ཞེས་གསུང་བ་ཉིད་མན་ངག་གོ།<br /> སྨྲས་པ།<br /> དབེན་པའི་ནགས་སུ་ཤོར་བའི་ཁ་ཡན་པོ།།<br /> སུན་འབྱིན་འབར་བའི་ལྕགས་ཀྱུ་རྣོན་པོ་ཡིས།།<br /> ཁས་བླངས་བསལ་བའི་འཆོར་མེད་ར་བ་རུ།།<br /> བཅུག་སྟེ་ལུང་རིགས་མཚོན་ཆས་བསྣུན་པར་ལྟོས།།<br /> དགག་སྒྲུབ་རིགས་པའི་གཡུལ་ངོར་ཞུགས་པ་ན།།<br /> འཆི་རྨས་སྣང་བའི་འཇིགས་པ་ཡོང་ཐང་ཡོད།།<br /> འགལ་རྐྱེན་རྒོད་པའི་མཛའ་བོ་རྙེད་པ་ཡི།།<br /> དྲི་མ་མེད་པའི་སྒོམ་གྱི་དོན་རྟགས་མཐོང་།།<br /> ཀུན་རྟོག་ཡངས་པའི་ཞིང་ས་གཤིན་པོ་ལ།།<br /> ཆགས་སྡང་རྐྱེན་གྱིས་སྨིན་པ་འབྲས་བུའི་ཚོགས།།<br /> ཕྲ་ཞིབ་རིགས་པས་ཕྱེ་མར་བཏག་པ་ལས།། <br /> འགལ་འཁྲུལ་ནོར་བ་རོ་བརྒྱའི་བ་ལིང་ཏ།།<br /> དགའ་མའི་བདག་པོའི་དཔུང་ཚོགས་ལ་འབུལ་གྱི།།<br /> བཞེས་ལ་ང་ཡི་སྨོན་འདྲིན་སྤོང་བ་བར།།<br /> དེང་ནས་མེ་ཏོག་མདའ་ཡིས་བསྣུན་ན་རེ།།<br /> བསམ་གཏན་ཚེར་མས་མནར་བའི་དུ་ཁར་རྟོག།<br /> ད་ནི་གཏིང་ནས་འགྱོད་པས་སྒོམ་སྲན་འཛུག།<br /> མ་སྨད་ཏིང་འཛིན་ཡར་ངོའི་ཟླ་བ་བཞིན།།<br /> འཕེལ་ཞིང་སྤངས་རྟོགས་བཅུ་དྲུག་ཆ་རྫོགས་ཚེ།།<br /> བདུད་རྩིའི་བགོ་སྐལ་སྦྱིན་ནོ་ལུས་མེད་བདག།<br /> ཤེར་ཊིཀ་ཀེ་ཏ་ཀ་ཡི་འཕྲིན་ལས་ཀྱི།།<br /> རང་གཞན་སྡིག་ལྟུང་ཕུང་པོ་ཇི་སྙེད་པ།།<br /> མི་བཟད་སྡིག་པའི་གཟུགས་སུ་སྨིན་པ་རྣམས།།<br /> དཔལ་ལྡན་རྡོ་རྗེ་མཁའ་འགྲོའི་ཞལ་དུ་བསྟབ།།<br /> ཨོཾ་སརྦ་པཱ་པཾ་ཁཱ་ཧི་ད་ཧ་ན་ཀུ་རུ་ཧཱུཾ།<br /> དྲི་མེད་རིགས་ལམ་རྡོ་རྗེ་ཕུར་བུ་ནི།།<br /> རྒྱབ་རྟེན་ལུང་གི་ཐོ་བས་བརྡེག་པ་ལས།།<br /> འཁྲུལ་འབྱམས་བུད་ཤིང་དུམ་བརྒྱར་བཀས་པའི་ཚོགས།།<br /> རྡོ་རྗེ་མེ་དཔུང་འབར་བའི་ཐབ་ཏུ་བསྲེག།<br /> ཟུངས་ཟད་ནད་པ་ལྟ་བུའི་ཆོས་ཀྱི་ཚུལ།།<br /> མི་རྟོག་རང་དོན་རྩྭ་རྩེའི་ཟིལ་པ་དང་།།<br /> སྲིད་འབྱོར་ཧུབ་ཀྱིས་དྲངས་པའི་མི་ངོམས་པ།།<br /> མི་ཕམ་ཚིག་གིས་ཕམ་པ་བཞིན་དུ་མནར།།<br /> ཆོས་སྲིད་འབྱོར་བའི་ཁམས་ཀྱི་ལྷུན་པོའི་རྩེར།།<br /> མཁྱེན་པའི་སྤྱན་སྟོང་གཡོ་བའི་བཤེས་གཉེན་ཁྱོད།།<br /> ཆེར་བསྙིགས་རྒུད་པའི་མུན་ཚོགས་མཐར་བྱས་ཏེ།།<br /> སྐལ་བཟང་ལྷ་བརྒྱའི་ཆོས་ཀྱི་འདུན་ས་མཛེས།།<br /> རྟོག་གེ་གླང་སྨྱོན་ལོག་པའི་སྦྱོར་བ་བརྒྱས།།<br /> ཁྱོད་ཐུགས་ཤེས་བྱའི་གཟུགས་བརྙན་གསལ་བའི་མཚོ།།<br /> ཡང་ཡང་རྙོག་ཅིང་དཀྲུག་པའི་ཉེས་ཚོགས་ཀུན།།<br /> ཞུམ་ཞུམ་ཡིད་ལ་གཅགས་པས་མཐོལ་ཞིང་བཤགས།།<br /> ཞེས་བྱ་བ་ནི་ངང་ཚུལ་གསོང་བོར་བརྗོད་པའོ།།<br /> <br /> བཞི་པ་ནི།<br /> ཐུབ་དབང་བསྟན་པའི་གངས་ཀྱི་རི་སུལ་ནས།།<br /> འོང་བའི་སྣ་ཚོགས་གྲུབ་མཐའི་ཆུ་ཀླུང་འབུམ།།<br /> ཀུན་གཟིགས་རྒྱལ་བའི་རིན་ཆེན་གླིང་མཆོག་ཏུ།།<br /> འདྲེས་པའི་སྤངས་རྟོགས་དབྱེར་མེད་ཆོས་སྐུ་རྨད།།<br /> སྣ་ཚོགས་རྐྱེན་དང་འཇུག་ངོགས་དེ་སྙེད་ཀྱིས།།<br /> དྲི་རོ་ནུས་པའི་བྱེ་བྲག་ཐ་དད་ལྟར།།<br /> ཁམས་དང་བསམ་པས་ཐ་སྙད་དུ་མ་ཡང་།།<br /> མི་འགལ་རིས་མེད་མཁས་རྣམས་ཅི་དགྱེས་མཛོད།།<br /> འདི་སྣང་ཆོས་བརྒྱད་སྦུན་པ་འཕྱར་བར་མཉམ།།<br /> སྲིད་པའི་ཕུན་ཚོགས་གདུག་པའི་སྦྲུལ་གྱི་ཚང་།།<br /> ཞི་བའི་སྒོ་མཆོག་ཟབ་མོ་དབུ་མའི་ལྟ།།<br /> མ་རྒན་དྲིན་ལན་འཁོར་ཕྱིར་བྱམས་སེམས་བསྐྱེད།།<br /> རིམ་གཉིས་ཟབ་ལམ་མྱུར་བས་བོགས་ཀྱང་འདོན།།<br /> ས་ལམ་རིན་ཆེན་གསེར་གྱི་ཐེམ་སྐས་ལས།།<br /> དོན་གཉིས་ལྷུན་གྲུབ་འཕྲིན་ལས་རྒྱུན་མི་འཆད།།<br /> ཨེ་མ་ཚང་ལ་མ་ནོར་ལུགས་བཟང་གི།<br /> ཆུ་གཏེར་གཞུང་ལམ་བགྲོད་གཅིག་བླ་ན་མེད།།<br /> འདི་ཀོ་རིགས་པའི་རྗེས་འབྲང་དགའ་བའི་དཔྱིད།།<br /> ཅེས་བྱ་བ་ནི་དོན་དམ་པ་ངེས་པའི་དོན་ནོ།།<br /> འདིར་འབེལ་གཏམ་རྣམ་པར་དཀར་བའི་བྱ་བ་རྣམས་མཐར་ཕྱིན་པའི་ཚུལ་ཚིགས་སུ་བཅད་པའི་དབྱངས་ཀྱིས་བསྒྲག་པ་དྲི་ཟའི་ན་ཆུང་སྒེག་པའི་གར་གྱིས་རོལ་བ་ནི། <br /> འཇམ་དབྱངས་སྲས་མཆོག་མཁྱེན་གཏེར་ངག་གི་དབང་།།<br /> ཟླ་བྲལ་ལེགས་པར་བཤད་པའི་འོད་སྟོང་ཅན།།<br /> བློ་གྲོས་པདྨོའི་གྲོགས་སུ་རྩེན་པ་ལས།།<br /> ཤེས་ལྡན་བུང་བ་དགའ་བའི་དབྱངས་ཀྱིས་བྲེལ།།<br /> བྱམས་བརྩེའི་ཐུགས་ཀྱིས་མ་ཡིས་བུ་ལ་བཞིན།།<br /> ཕངས་མེད་ཡོན་ཏན་ནོར་གྱི་མཆོག་སྦྱིན་པ།།<br /> མཚན་ལྡན་དམ་པའི་ལེགས་བྱས་དྲན་པའི་ཡིད།།<br /> དད་གུས་འཁྲི་ཤིང་གར་གྱི་མཆོད་སྤྲིན་སྤྲོས།།<br /> <br /> ཡིད་ཆེས་དད་པའི་འོ་མཚོ་འཁྱིལ་བའི་ལྷག་བསམ་ལྗོན་པའི་དོ་ར་ན།།<br /> བརྩེ་ཆེན་པད་དཀར་འདབ་སྟོང་བཞད་པའི་ལྟེ་བར་ཆགས་པའི་ཉ་རྒྱས་ཟླར།།<br /> རྒྱལ་ཀུན་མཁྱེན་བརྩེའི་ཤེལ་དཀར་ཕུང་པོ་བཅུ་དྲུག་ལང་ཚོར་འབར་བའི་སྐུས།།<br /> ཤེས་རབ་མཚོན་ཆའི་འཕྲུལ་འཁོར་བསྐྱོད་པས་ཀུན་རྟོག་དྲ་བའི་འཆིང་བ་ཞིག།<br /> འཇམ་དཔལ་རྡོ་རྗེ་རྣོན་པོའི་སྒྱུ་འཕྲུལ་གར།།<br /> འཇམ་མགོན་རང་ལུགས་ཆོས་ཀྱི་རྒྱལ་མཚན་མཆོག།<br /> འཇམ་དབྱངས་སྤྲུལ་བའི་མྱུ་གུ་སྐྱེད་ཚལ་དུ།།<br /> འཇམ་དཔལ་སྙིང་པོས་བསྒྲེང་ཞེས་དབང་བསྐུར་བཞིན།།<br /> དྲི་མེད་ཡན་ལག་བརྒྱད་ལྡན་ལྷ་ཡི་ཆབ།།<br /> བྱིན་རླབས་རིན་ཆེན་མཛེས་པའི་བུམ་བཟང་ནས།།<br /> སྲས་བཅས་རྒྱལ་ཀུན་ཤིས་བརྗོད་གླུ་དབྱངས་ཀྱིས།།<br /> ལྔ་རིག་འོད་འབར་རིན་ཆེན་ཅོད་པན་བཅིང་།།<br /> ཚིག་དོན་དྲན་པའི་རྩིབས་སྟོང་སུ་ལྭར་ནས།།<br /> རབ་རྨོངས་བདུད་ཀྱི་དཔུང་ཚོགས་ལས་རྒྱལ་ཏེ།།<br /> ཕུན་ཚོགས་སྡེ་བཞིའི་གླིང་ལ་དབང་བསྒྱུར་བའི།།<br /> ཆོས་ཀྱི་རྒྱལ་སྲིད་སྐྱོང་བའི་དཔལ་ཐོབ་ཤོག།<br /> ཀུན་བྱང་ཕྲ་ཞིབ་ཁྱད་པར་མ་འདྲེས་པའི།།<br /> ངོ་མཚར་ཟ་འོག་རི་མོ་གསལ་བའི་ཡིད།།<br /> རབ་ཏུ་དགའ་བའི་རིན་ཆེན་དབང་གི་རྒྱལ།།<br /> ཆོས་ཚུལ་རྒྱལ་མཚན་ཏོག་ཏུ་མཛེས་གྱུར་ཅིག།<br /> ལུས་སེམས་ལས་སུ་རུང་བའི་བདེ་ཆེན་གྱིས།།<br /> དགའ་བའི་མཆོག་སྟེར་ཤིན་སྦྱངས་མཛའ་ན་མོ།།<br /> ཟག་མེད་བདེ་ཆེན་དཔལ་ལ་རྣམ་རོལ་ནས།།<br /> ཞི་བ་གཡུང་དྲུང་དམ་པའི་གནས་ཐོབ་ཤོག།<br /> ཕན་བདེའི་དགེ་མཚན་འདོད་དགུའི་ནོར་གྱི་གཡང་།།<br /> འཛིན་པའི་བསམ་གཏན་གུར་ཁྱིམ་མཛེས་པའི་བདག།<br /> གཟུངས་སྔགས་རྫུ་འཕྲུལ་ནམ་མཁའ་མཛོད་ཀྱི་སྒོ།།<br /> འབུམ་ཕྲག་གྲོལ་བས་དབུལ་བ་སེལ་གྱུར་ཅིག།<br /> ལྷག་བསམ་ལུས་སྟོབས་རྫོགས་པའི་ཤེས་རབ་ཀྱི།།<br /> ས་སྲུང་དབང་པོ་རིགས་པའི་སྣ་ཞགས་ཀྱི།།<br /> མཚོན་ཆ་རབ་ཏུ་འབར་བའི་འཁོར་ལོ་ཡིས།།<br /> བདུད་བཞིའི་དཔུང་ཚོགས་མྱུར་དུ་མཐར་བྱེད་ཤོག།<br /> གུས་རྟག་བརྩོན་པའི་མྱུར་མགྱོགས་ཅང་ཤེས་ཀྱིས།།<br /> སྲིད་པ་ཉམ་ངའི་ཐང་ཆེན་རབ་བརྒལ་ཏེ།།<br /> འཕགས་ཆེན་དམ་པའི་ས་ལམ་གནོན་པའི་འགྲོས།།<br /> བདེ་ལེགས་གྲོང་ཁྱེར་མཆོག་ཏུ་ཕྱིན་གྱུར་ཅིག།<br /> ཐེག་མཆོག་ལམ་བཟང་བགྲོད་པ་དབང་བོའི་ཐབས།།<br /> བླང་དོར་མན་ངག་རིག་པའི་བློ་ཡི་གྲོགས།།<br /> ཚུལ་བཞིན་བསྟེན་པའི་བཏང་སྙོམས་རྒྱུ་མཚན་གྱིས།།<br /> ཆོས་འབྱོར་དཔལ་ལ་དབང་བའི་མཐུ་ཐོབ་ཤོག།<br /> ཆོས་ཚུལ་ཡངས་པའི་ཁྱོན་ལ་དབང་བྱེད་པའི།།<br /> བྱང་ཆུབ་ཡན་ལག་རིན་ཆེན་རྣམ་བདུན་གྱིས།།<br /> བསམ་སྦྱོར་བདེར་གཤེགས་གཞན་དོན་སྐྱོབ་པ་ཡི།།<br /> ཕུན་ཚོགས་སྡེ་བཞིའི་བང་མཛོད་འཛིན་པར་ཤོག།<br /> ཟབ་རྒྱས་གསང་བའི་གཏེར་ཆེན་མཛོད་ཀྱི་གཏམ།།<br /> བཀྲེན་པས་ཕོངས་པ་བདག་ལ་ཅི་ཆ་ཡང་།།<br /> མི་ཕམ་བཤེས་གཉེན་ཚིག་གི་ཕོ་ཉ་ཡིས།།<br /> བསྐུལ་བའི་འཕྲིན་ལན་ཇི་བཞིན་དེང་འདིར་བསྒྲག།<br /> སྐྱོན་བྲལ་པདྨ་དཀར་པོའི་ཕྲེང་བསྟར་བས།།<br /> རབ་འབྱམས་རྒྱལ་བའི་དཀྱིལ་འཁོར་མི་བཟད་པར། <br /> ཟབ་རྒྱས་གདམས་པའི་དེ་ཉིད་སྟོན་མཁས་པའི།།<br /> མི་ཕམ་འཇམ་དབྱངས་མཆེད་དུ་གྱུར་ཅིག་གུ།<br /> དེ་ལྟར་རང་གཞན་དུས་གསུམ་དགེ་ཚོགས་དགེ་ལེགས་ཆུ་གཏེར་ཀློང་ཡངས་སུ།།<br /> དབྱེར་མེད་འཕྱུར་བའི་རྦ་རླབས་ཕྲེང་བ་ཕྲེང་བར་དཀྲིག་པའི་སྤྲིན་གྱི་ཚོགས།།<br /> སྲིད་པར་རིང་ནས་འཁྱམ་པའི་ཡིད་ཅན་ཡིད་ཀྱི་དགེ་བའི་ལོ་ཏོག་ཀུན།།<br /> རབ་རྒྱས་འབྲས་བུ་དུས་སུ་སྨིན་པ་སྨིན་དང་གྲོལ་བའི་དཔལ་ཐོབ་ཤོག། <br /> ཅེས་དགག་ལན་ཤེས་ལྡན་ཡིད་ཀྱི་གདུང་སེལ་རིགས་ལམ་ག་བུར་ཆུ་རྒྱུན་ཞེས་བྱ་བ་འདི་ནི། རྩོམ་དུས་འཚུབ་ལྟས་མང་བས་གསེར་སྡོང་ཆེན་མོ་དང་། བཀའ་སྡོད་ཆོས་ཀྱི་རྒྱལ་བོའི་དྲུང་དུ་བརྟགས་པས་གནང་བའི་ཡིད་ཆེས་ཀྱི་དད་པའི་མཚན་མ་ཐོབ་སྟེ། རབ་ཚེས་ཆུ་ཡོས་ཉིན་བྱེད་དབང་པོ་ཆུ་སྲིན་གྱི་ཁྱིམ་དུ་སྤྱོད་པའི་དཀར་ཕྱོགས་ཀྱི་རྒྱལ་བ་དང་པོར། མདོ་སྨད་ཆོས་ཀྱི་འབྱུང་གནས་གངས་ཅན་ལུམ་བིའི་སྐྱེད་ཚལ་དཔལ་ལྡན་བཤད་སྒྲུབ་གླིང་གི་དཀའ་བཞི་པ། བློ་བཟང་རབ་གསལ་གྱིས་སྦྱར་བའི་ཡི་གེ་པ་ནི་རྣམ་དཔྱོད་ཡངས་པ་བསོད་ནམས་བཟང་བོས་བགྱིས་པ་འདི་ཡང་། །རིས་མེད་བསྟན་དང་འགྲོ་ལ་ཕན་པའི་རྒྱུར་གྱུར་ཅིག། །།<br /> གངས་ཅན་བོད་ཀྱི་དྭངས་མ་ཨ་རིག་གི།<br /> དགོན་ཆེན་ཁྲིམས་ལྡན་འདུས་པའི་རྒྱ་མཚོ་ཆེར།།<br /> བདོག་པའི་དངོས་པོ་སྤྲིན་ཚོགས་འཁྲིགས་པ་ལས།།<br /> འཛད་མེད་ཆོས་ཀྱི་ལོངས་སྤྱོད་འབྱམས་སུ་ཀླས།། །།<br /> སརྦ་ཛ་ག་ཏཱཾ་མངྒ་ལཾ།།</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126390 2026-03-04T09:00:32Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}&lt;/br&gt;<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}&lt;/br&gt;<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}&lt;/br&gt;<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}&lt;/br&gt;<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}&lt;/br&gt;<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}&lt;/br&gt;<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}&lt;/br&gt;<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}&lt;/br&gt;<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}&lt;/br&gt;<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}&lt;/br&gt;<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}&lt;/br&gt;<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}&lt;/br&gt;<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}&lt;/br&gt;<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}&lt;/br&gt;<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}&lt;/br&gt;<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}&lt;/br&gt;<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}&lt;/br&gt;<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}&lt;/br&gt;<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}&lt;/br&gt;<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}&lt;/br&gt;<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}&lt;/br&gt;<br /> <br /> {{TibP|ཞེས་དང་།}}&lt;/br&gt;<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}&lt;/br&gt;<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}&lt;/br&gt;<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}&lt;/br&gt;<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}&lt;/br&gt;<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}&lt;/br&gt;<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}&lt;/br&gt;<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}&lt;/br&gt;<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}&lt;/br&gt;<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}&lt;/br&gt;<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}&lt;/br&gt;<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}&lt;/br&gt;<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}&lt;/br&gt;<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}&lt;/br&gt;<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}&lt;/br&gt;<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}&lt;/br&gt;<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}&lt;/br&gt;<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}&lt;/br&gt;<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}&lt;/br&gt;<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}&lt;/br&gt;<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}&lt;/br&gt;<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}&lt;/br&gt;<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}&lt;/br&gt;<br /> <br /> {{TibP|ཞེས་བྱས་སོ། །}}&lt;/br&gt;<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}&lt;/br&gt;<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}&lt;/br&gt;<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}&lt;/br&gt;<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}&lt;/br&gt;<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}&lt;/br&gt;<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}&lt;/br&gt;<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}&lt;/br&gt;<br /> <br /> {{TibP|ཞེས་དང་། }}&lt;/br&gt;<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}&lt;/br&gt;<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}&lt;/br&gt;<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}&lt;/br&gt;<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}&lt;/br&gt;<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}&lt;/br&gt;<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}&lt;/br&gt;<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}&lt;/br&gt;<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}&lt;/br&gt;<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}&lt;/br&gt;<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}&lt;/br&gt;<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}&lt;/br&gt;<br /> <br /> {{TibP|ཞེས་དང་། རྗེ་མི་ལས་ཀྱང་། }}&lt;/br&gt;<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}&lt;/br&gt;<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}&lt;/br&gt;<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}&lt;/br&gt;<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}&lt;/br&gt;<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}&lt;/br&gt;<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}&lt;/br&gt;<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}&lt;/br&gt;<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}&lt;/br&gt;<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}&lt;/br&gt;<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}&lt;/br&gt;<br /> <br /> {{TibP|ཞེས་གསུངས་པའི་ཕྱིར། }}&lt;/br&gt;<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}&lt;/br&gt;<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}&lt;/br&gt;<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}&lt;/br&gt;<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}&lt;/br&gt;<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}&lt;/br&gt;<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}&lt;/br&gt;<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}&lt;/br&gt;<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}&lt;/br&gt;<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}&lt;/br&gt;<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}&lt;/br&gt;<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}&lt;/br&gt;<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}&lt;/br&gt;<br /> <br /> {{TibP|འདིར་སྨྲས་པ། }}&lt;/br&gt;<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}&lt;/br&gt;<br /> <br /> {{TibVerseRedInline|{{TibChung|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}}}<br /> }}<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126389 2026-03-04T08:56:39Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}<br /> <br /> {{TibP|འདིར་སྨྲས་པ། }}<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}&lt;/br&gt;<br /> <br /> {{TibVerseRedInline|{{TibChung|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}}}<br /> }}<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126388 2026-03-04T08:55:13Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}<br /> <br /> {{TibP|འདིར་སྨྲས་པ། }}<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}&lt;/br&gt;<br /> <br /> {{TibVerseRedInline|{{TibChung|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}}}<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126387 2026-03-04T08:54:18Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}<br /> <br /> {{TibP|འདིར་སྨྲས་པ། }}<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}<br /> <br /> {{TibVerseRedInline|{{TibChung|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}}}<br /> }}<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126386 2026-03-04T08:53:09Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}<br /> <br /> {{TibP|འདིར་སྨྲས་པ། }}<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།}&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}<br /> <br /> {{TibVerseRedInline|{{TibChung|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}}}<br /> }}<br /> }}<br /> <br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126385 2026-03-04T08:51:39Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}<br /> <br /> {{TibP|འདིར་སྨྲས་པ། }}<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།}&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}<br /> <br /> {{TibVerseRedInline|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}<br /> }}<br /> <br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126384 2026-03-04T08:50:38Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}<br /> <br /> {{TibP|འདིར་སྨྲས་པ། }}<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།}&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}<br /> <br /> {{TibChung|{{TibVerseRedInline|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}<br /> }}<br /> <br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126383 2026-03-04T08:49:39Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}<br /> <br /> {{TibP|འདིར་སྨྲས་པ། }}<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།}&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}<br /> <br /> {{TibChung|{{TibVerseRedInline|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}}}<br /> }}<br /> <br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126382 2026-03-04T08:48:59Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}<br /> <br /> {{TibP|འདིར་སྨྲས་པ། }}<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།}&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}<br /> <br /> {{TibVerseRedInline|{{TibChung|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}<br /> }}<br /> <br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126381 2026-03-04T08:47:46Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> {{TibP|{{TibSabcheInline|གསུམ་པ། }}རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །{{TibSabcheInline|བཞི་པ།}} ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །{{TibSabcheInline|ལྔ་པ།}} ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། {{TibSabcheInline|དྲུག་པའང་།}} གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །{{TibSabcheInline|བདུན་པ།}} ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། {{TibQuoteInline|དངོས་དང་དངོས་མེད་འདུས་བྱས་ཡིན།། }}ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། {{TibSabcheInline|བརྒྱད་པ།}} དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །}}<br /> <br /> {{TibP|དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།}}<br /> <br /> {{TibP|དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས།}}<br /> <br /> {{TibQuote|དེ་བཞིན་ལོག་པར་བཟུང་བ་དེས།།&lt;/br&gt;<br /> འཕུང་བ་དག་ནི་འཐོབ་འགྱུར་ཞིང༌།།&lt;/br&gt;<br /> ལེགས་པར་ཤེས་པས་བདེ་བ་དང༌།།&lt;/br&gt;<br /> བྱང་ཆུབ་བླ་ན་མེད་པ་འཐོབ།།}}<br /> <br /> {{TibP|ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།}}<br /> <br /> {{TibQuote|དེ་ཕྱིར་འདི་ལ་སྤོང་བ་དང་།།&lt;/br&gt;<br /> མེད་པའི་ལྟ་བ་སྤང་ནས་ནི།།&lt;/br&gt;<br /> དོན་ཀུན་བསྒྲུབ་ཕྱིར་ཡང་དག་པའི།།&lt;/br&gt;<br /> ཤེས་པ་ནན་ཏན་མཆོག་མཛོད་ཅིག།།}}<br /> <br /> {{TibP|ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །}}<br /> <br /> {{TibP|འདིར་སྨྲས་པ། }}<br /> <br /> {{TibVerse|རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།&lt;/br&gt;<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།&lt;/br&gt;<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།&lt;/br&gt;<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།}}&lt;/br&gt;<br /> <br /> {{TibVerse|ལུགས་བཟང་དྲི་མེད་བ་ཀུ་ལ་ཡི་ཁ།།&lt;/br&gt;<br /> ཤིན་ཏུ་འབྱེད་པ་དཀའ་བའི་གནས་དེ་ནི།།&lt;/br&gt;<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།&lt;/br&gt;<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།}&lt;/br&gt;<br /> <br /> {{TibVerse|ཚུལ་དེའི་བཞེད་གཞུང་དྲི་མ་མེད་པ་ལ།།&lt;/br&gt;<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།&lt;/br&gt;<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།&lt;/br&gt;<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།}}&lt;/br&gt;<br /> <br /> {{TibVerse|བདག་ནི་བློ་གྲོས་རྟུལ་ཞིང་སྦྱངས་པ་དམན།།&lt;/br&gt;<br /> ཟབ་དོན་འབྱེད་པའི་སྤོབས་པ་ཕྲ་ནའང་།།&lt;/br&gt;<br /> མོས་ལྡན་ངག་གིས་ཡང་ཡང་བསྐུལ་བ་དང་།།&lt;/br&gt;<br /> འགའ་ལ་ཕན་པ་སྲིད་སྙམ་གཏམ་འདི་བྱས།།}}&lt;/br&gt;<br /> <br /> {{TibVerse|ཚུལ་འདི་འབད་ལས་དགེ་བ་གང་ཐོབ་པ།།&lt;/br&gt;<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།&lt;/br&gt;<br /> བསྟན་པ་རིན་ཆེན་རིང་དུ་གནས་པ་དང་།།&lt;/br&gt;<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།}}<br /> <br /> {{TibVerseRedInline|{{TibChung|ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།}}}}<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=126380 2026-03-04T07:08:02Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> {{TibSabche|༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། }}<br /> {{TibP|ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། {{TibQuoteInline|བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། }}ཞེས་དང་། ཟླ་བས་ཀྱང་།}}<br /> <br /> {{TibQuote|རྣལ་འབྱོར་པ་ཡིས་བདག་ནི་འགོག་པར་བྱེད།།}}<br /> <br /> {{TibP|ཅེས་པའི་རང་འགྲེལ་དུ། {{TibQuoteInline|ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །}}ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །}}<br /> <br /> {{TibP|འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས།}}<br /> <br /> {{TibQuote|རྟོག་པ་མེད་པར་འདོད་ཆགས་ལ།།&lt;/br&gt;<br /> སོགས་ལ་ཡོད་ཉིད་ཡོད་མིན་ན།།&lt;/br&gt;<br /> ཡང་དག་དོན་དང་རྟོག་པ་ཞེས།།&lt;/br&gt;<br /> བློ་དང་ལྡན་པ་སུ་ཞིག་འཛིན།།}}<br /> <br /> {{TibP|ཞེས་དང་། }}<br /> <br /> {{TibP|དེའི་འགྲེལ་པ་ལས་ཀྱང་། {{TibQuoteInline|རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །}}ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །}}<br /> <br /> {{TibSabcheInline|གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། }}{{TibP|རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །}}<br /> <br /> {{TibSabcheInline|ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། }}{{TibP|དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །}}<br /> <br /> {{TibSabcheInline|གཉིས་པ་ནི། }}{{TibP|དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།}}<br /> <br /> {{TibQuote|ནང་གི་བདག་ཉིད་སྟོང་པར་ལྟོས།།&lt;/br&gt;<br /> ཕྱི་རོལ་དག་ཀྱང་སྟོང་པར་ལྟོས།།}}<br /> <br /> {{TibP|ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།}}<br /> <br /> {{TibQuote|བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།&lt;/br&gt;<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།&lt;/br&gt;<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།}}<br /> <br /> {{TibP|ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན།}} ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །{{TibSabcheInline|གཉིས་པ་ལྟར་ན། }}ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།}}<br /> <br /> {{TibP|དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། {{TibSabcheInline|དང་པོ་ལྟར་ན། }}དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། {{TibSabcheInline|གཉིས་པ་ལྟར་ན། }}དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །}}<br /> <br /> {{TibP|དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས།}}<br /> <br /> {{TibQuote|རང་བཞིན་གྱིས་ནི་སྟོང་པ་དང་།།&lt;/br&gt;<br /> བྱ་བྱེད་འཐད་པའང་མི་འགལ་ཞིང་།།}}<br /> <br /> {{TibP|ཞེས་དང་། རྗེ་མི་ལས་ཀྱང་། }}<br /> <br /> {{TibQuote|མེད་ཀྱང་སྣང་བ་ངོ་མཚར་ཆེ།།}}<br /> <br /> {{TibP|ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ།}}<br /> <br /> {{TibSabcheInline|དེའི་དང་པོ་ནི། }}{{TibP|རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །}}<br /> <br /> {{TibSabcheInline|གཉིས་པ་ནི། }}{{TibP|རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །}}<br /> <br /> {{TibP|དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། {{TibQuoteInline|རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །}}ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །}}<br /> <br /> {{TibP|གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས།}}<br /> <br /> {{TibQuote|གལ་ཏེ་ཕྱི་དུས་དྲན་པ་ལས་འགྲུབ་ན།།&lt;/br&gt;<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།&lt;/br&gt;<br /> མ་གྲུབ་འདི་ནི་སྒྲུབ་པར་བྱེད་པ་མིན།།&lt;/br&gt;<br /> རང་རིག་པ་ནི་གྲུབ་ལ་རག་མོད་ཀྱི།།&lt;/br&gt;<br /> དེ་ལྟའང་དྲན་པས་དྲན་པར་རིག་མིན་ཏེ།།&lt;/br&gt;<br /> གཞན་ཕྱིར་}}<br /> <br /> {{TibP|ཞེས་གསུངས་པའི་ཕྱིར་མི་འཐད་དོ། །}}<br /> <br /> {{TibP|རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|གཞན་མྱོང་བ་དང་འབྲེལ་བ་ལས།།&lt;/br&gt;<br /> དྲན་འགྱུར་བྱི་བའི་དུག་བཞིན་ནོ།།}}<br /> <br /> {{TibP|ཞེས་གསུངས་པའི་ཕྱིར། }}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ {{TibArgInline|མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་}}ཅེས་དང་། {{TibArgInline|ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་}}སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ།}}<br /> <br /> {{TibP|ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། {{TibQuoteInline|འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །}}ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །}}<br /> <br /> {{TibP|དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །}}<br /> <br /> {{TibP|གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད།}}<br /> <br /> {{TibQuote|རྒྱལ་གསུང་དྲི་མེད་གསེར་གྱི་ལྷུན་པོ་ནི།།&lt;/br&gt;<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།&lt;/br&gt;<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།&lt;/br&gt;<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །}}<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124894 2026-02-27T10:25:42Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> {{TibP|འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། {{TibQuoteInline|ཉོན་མོངས་མེད་ཀྱང་}}ཞེས་པའི་སྐབས་སུ་༼མི་ཕམ་༽{{TibArgInline|འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་}}ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །}}<br /> <br /> {{TibP|ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽{{TibArgInline|ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་}}ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽{{TibArgInline|རྒྱ་འགྲེལ་}}ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །}}<br /> <br /> {{TibP|ཡང་། {{TibQuoteInline|སྲེད་འདི་}}ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽{{TibArgInline|གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་}}ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །}}<br /> <br /> {{TibP|དེས་ན་༼མི་ཕམ་༽{{TibArgInline|སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་}}དང་། {{TibArgInline|ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་}}པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་{{TibArgInline|ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་}}ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། {{TibArgInline|ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་}}ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །}}<br /> <br /> {{TibP|དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽{{TibArgInline|ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་}}ཞེས་དང་། {{TibArgInline|ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་}}ཞེས་དང་། {{TibArgInline|དེས་རྟོགས་པའི་སྟོང་ཉིད་ཉི་ཚེ་བ་ཡིན་}}ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་{{TibArgInline|ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་}}བར་འདོད་ནས་{{TibArgInline|བོད་ཀྱི་ཞེ་འདོད་དང་མི་བསྲེ་}}ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །}}<br /> <br /> {{TibP|ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། }}<br /> <br /> {{TibQuote|ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།&lt;/br&gt;<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།&lt;/br&gt;<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།&lt;/br&gt;<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།།}}<br /> <br /> {{TibP|ཞེས་དང་།}}<br /> <br /> {{TibQuote|དང་པོར་ང་ཞེས་བདག་ལ་ཞེན་གྱུར་ཅིང་།།&lt;/br&gt;<br /> བདག་གི་འདི་ཞེས་དངོས་ལ་ཆགས་བསྐྱེད་པ།།&lt;/br&gt;<br /> ཟོ་ཆུན་འཕྱན་ལྟར་རང་དབང་མེད་པ་ཡི།།&lt;/br&gt;<br /> འགྲོ་ལ་་་་}}<br /> <br /> {{TibP|ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་།}}<br /> <br /> {{TibQuote|གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།}}<br /> <br /> {{TibP|ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །}}<br /> <br /> {{TibP|ཡང་དེ་ལ་ཁྱོད་ཀྱིས་{{TibArgInline|འཇུག་འགྲེལ་}}ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། {{TibQuoteInline|གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །}}དེ་སྐད་དུའང་རིན་པོ་ཆེའི་ཕྲེང་བ་ལས། {{TibQuoteInline|ཇི་སྲིད་ཕུང་པོར་}}ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་{{TibArgInline|སྟོང་ཉིད་ཉི་ཚེ་}}བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །}}<br /> <br /> {{TibP|དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། {{TibQuoteInline|ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་}}ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་{{TibArgInline|བོད་ཀྱི་ཞེ་འདོད་}}ཡིན་ཡང་དང་དུ་བླང་བར་རིགས་སོ། །}}<br /> <br /> {{TibP|འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་{{TibVerseRedInline|ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་}}ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།}}<br /> <br /> {{TibSabche|༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི།}}<br /> {{TibP|དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས།}}<br /> <br /> {{TibQuote|གང་ཞིག་ཀུན་རྫོབ་དེ་བཞིན་དོན་དམ་སྟེ།།&lt;/br&gt;<br /> བདེན་པ་གསུམ་པ་ནམ་ཡང་མ་མཆིས་སོ།།}}<br /> <br /> {{TibP|ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། {{TibQuoteInline|དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །}}ཞེས་གསུངས་པའི་ཕྱིར།}}<br /> <br /> {{TibSabcheInline|བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། }}{{TibP|གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར།}}<br /> <br /> {{TibSabcheInline|དེ་དག་གི་སྒྲ་དོན་ཡང་ཡོད་དེ། }}{{TibP|ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །}}<br /> <br /> {{TibP|དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས།}}<br /> <br /> {{TibQuote|ཀུན་རྫོབ་དང་ནི་དོན་དམ་སྟེ།།&lt;/br&gt;<br /> འདི་ནི་བདེན་པ་གཉིས་སུ་འདོད།།&lt;/br&gt;<br /> དོན་དམ་བློ་ཡིས་སྤྱོད་ཡུལ་མིན།།&lt;/br&gt;<br /> བློ་ནི་ཀུན་རྫོབ་ཡིན་པར་འདོད།།}}<br /> <br /> {{TibP|ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །}}<br /> <br /> {{TibP|འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽{{TibArgInline|དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་}}ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།}}<br /> <br /> {{TibQuote|ཀུན་རྫོབ་སྟོང་པ་ཉིད་དུ་བཤད།།&lt;/br&gt;<br /> སྟོང་ཉིད་ཁོ་ན་ཀུན་རྫོབ་ཡིན།།&lt;/br&gt;<br /> མེད་ན་མི་འབྱུང་ངེས་པའི་ཕྱིར།།&lt;/br&gt;<br /> བྱས་དང་མི་རྟག་དག་བཞིན་ནོ།།}}<br /> <br /> {{TibP|ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། {{TibQuoteInline|དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་}}ཞེས་དང་། མདོ་ལས། {{TibQuoteInline|བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། }}ཞེས་དང་། ཚིག་གསལ་ལས་ཀྱང་། {{TibQuoteInline|དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་}}བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །}}<br /> <br /> {{TibP|ཡང་ཁྱོད་ཀྱིས་དེའི་འོག་ཏུ་༼མི་ཕམ་༽{{TibArgInline|ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། }}ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །}}<br /> <br /> {{TibP|ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་{{TibArgInline|ཐ་སྙད་དུ་དེ་བཞིན་ཉིད་ཤེས་བྱར་འདོད་པ་}}དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། {{TibQuoteInline|གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །}}ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །}}<br /> <br /> {{TibP|ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །}}<br /> <br /> {{TibVerse|གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།&lt;/br&gt;<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།&lt;/br&gt;<br /> ཟབ་དོན་གནམ་འཕང་གཅོད་དུ་རློམ་པ་རྣམས།།&lt;/br&gt;<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། }}<br /> <br /> {{TibP|ཞེས་བྱས་སོ། །}}<br /> <br /> {{TibP|དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །}}<br /> <br /> {{TibP|ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །}}<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124893 2026-02-27T08:45:27Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།&lt;/br&gt;<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།&lt;/br&gt;<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།&lt;/br&gt;<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།&lt;/br&gt;<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།&lt;/br&gt;<br /> འཇམ་མགོན་བླ་མའི་ཞབས་ཀྱི་པདྨོ་ལ།།&lt;/br&gt;<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།&lt;/br&gt;<br /> གསེར་གྱི་ཁང་མཆོག་འབར་བ་ཡིད་འོང་བ།།&lt;/br&gt;<br /> འདི་ན་དེ་ལའང་བྱེད་པོ་དགའ་མེད་དོ།།&lt;/br&gt;<br /> དེ་དག་རྟོག་པའི་དབང་གིས་བཞག་པ་ཡིན།།&lt;/br&gt;<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།&lt;/br&gt;<br /> དེ་སྲིད་དེ་ལ་ངར་འཛིན་ཉིད།།&lt;/br&gt;<br /> ངར་འཛིན་ཡོད་ན་ཡང་ལས་ཏེ།།&lt;/br&gt;<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TibP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།&lt;/br&gt;<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124892 2026-02-27T08:43:59Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། {{TibQuoteInline|དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། }}ཞེས་གསུངས་པའི་ཕྱིར།}}<br /> <br /> {{TibSabche|གཉིས་པ་ནི། }}<br /> {{TibP|བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།}}<br /> <br /> {{TibQuote|ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།}}<br /> <br /> {{TibP|ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་{{TibArgInline|འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། }}ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །}}<br /> <br /> {{TIbP|དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། }}<br /> <br /> {{TibQuote|བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། {{TibChung|9.40}}}}<br /> <br /> {{TibP|ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། {{TibQuoteInline|གང་ཕྱིར་ལུང་ལས་ {{TibChung|[9.44]}}}} ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །}}<br /> <br /> {{TibP|དེ་ནས། {{TibQuoteInline|ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། {{TibChung|[9.45)]}}}} ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། {{TibQuoteInline|ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། }}ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །}}<br /> <br /> {{TibP|ཡང་དེའི་ལན་དུ། {{TibQuoteInline|རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། {{TibChung|[9.46]}}}} ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། {{TibQuoteInline|སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། {{TibChung|[9.47]}}}} ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །}}<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124891 2026-02-27T08:35:19Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> {{TibP|དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་{{TibVerseRedInline|འཇམ་དབྱངས་རྣམ་རྒྱལ་}}གྱིས་མཛད་པའི་{{TibVerseRedInline|སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་}}ཞེས་བྱ་བ་འདི་དག་ལ་{{TibVerseRedInline|གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་}}སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །}}<br /> <br /> {{TibSabche|དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི།}}<br /> {{TibP|བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །}}<br /> <br /> {{TibP|ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།}}<br /> <br /> {{TibQuote|སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།}}<br /> <br /> {{TibP|ཞེས་གསུངས་པའི་ཕྱིར། {{TibSabcheInline|དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། }}ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།}}<br /> <br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124890 2026-02-27T06:53:19Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}&lt;/br&gt;<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124889 2026-02-27T06:52:22Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> <br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124888 2026-02-27T06:51:25Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124887 2026-02-27T06:50:46Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|1866–1928}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124886 2026-02-27T06:49:44Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124885 2026-02-27T06:49:09Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> {{TibVerse|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124884 2026-02-27T06:48:01Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> <br /> {{6nbsp}}{{TibP|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124883 2026-02-27T06:47:29Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> {{6nbsp}}{{TibP|{{TibChung|1866–1928}}}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124882 2026-02-27T06:46:26Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> {{TibP|1866–1928}}<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124881 2026-02-27T06:45:26Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent=__NOTOC__<br /> {{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> 1866–1928<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124880 2026-02-27T06:44:29Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent={{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> <br /> {{TibVerseRed|བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།}}<br /> 1866–1928<br /> <br /> {{TibP|༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ། བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།}}<br /> {{TibVerse|ཚོགས་གཉིས་གསེར་གྱི་རྩ་བ་རབ་ཏུ་བརྟན།།<br /> ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།།<br /> སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།།<br /> འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།}}<br /> <br /> {{TibP|དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །}}<br /> <br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/Zab_mo_dbu_ma%27i_gnad_cung_zad_brjod_pa_blo_gsal_dga%27_ba%27i_gtam_zhes_bya_ba_mi_pham_rnam_rgyal_la_klan_ka_bgyis_pa_dang_po/Full_text&diff=124879 2026-02-27T06:40:24Z

<p>Kiran: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionDate=2026-02-10<br /> |VersionContent={{TibH3|༄༅། །ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་<br /> མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།}}<br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བ་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བར་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> ཞེས་ཇི་སྲིད་ཕུང་པོ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བས། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།། 9.40<br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ [9.44] ཞེས་ཚིག་རྐང་གཉིས་དང་། བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། [9.45)] ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། [9.46] ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། [9.47] ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་༼མི་ཕམ་༽འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ། ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ༼མི་ཕམ་༽ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། ༼མི་ཕམ་༽རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་༼མི་ཕམ་གྱིས་གཞན་ལུགས་བརྗོད་པ་༽གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་༼མི་ཕམ་༽སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་༼མི་ཕམ་གྱིས་༽ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་བཏེགས་ཏེ་སྨྲའོ།།<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པ་མ་ཡིན་པར་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །<br /> དམ་པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། ༼མི་ཕམ་༽དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་༼མི་ཕམ་༽ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ། ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་། འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ། རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་། དེའི་ཡུལ་གཟུགས་བརྙན་དང་བྲག་ཆ་སོགས་ཀྱང་ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བས། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བས་རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བས་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པས་དེ་དག་ལ་དགོངས་ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པས། དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན། རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་བར་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པས་ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར།<br /> དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།། ཞེས་དང་།<br /> རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པས་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི། ༡ ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། ༢ རང་རིག་འགོག་ཚུལ་ཐུན་མོང་མ་ཡིན་པ་དང་། ༣ རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ༤ ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ༥ ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ༦ ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ༧ ཞིག་པ་དངོས་པོ་ཡིན་པ་དང་། ༨ དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་པ་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར། འཛིན་པ་རྫས་གཞན་ཉིད་དང་བྲལ་ཞིང་གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་བསྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས། ༼མི་ཕམ་༽ མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་སྙད་ཙམ་དུ་ཅི་ཡང་འཐད་པས་སོ། །ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།། ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ། འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་བཅད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་ཁྲིད་པའི་རྒྱུ་རུ་བསྔོ།།<br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}<br /> |TsadraVersion=No<br /> |FullTextSource=Khenpo Tamphel input from [http://purl.bdrc.io/resource/MW23608_DAA192 BDRC W23608-v12_img401-436]<br /> |FullTextDate=2024-06-25<br /> |PdfLink=File:Zab mo dbu ma'i gnad cung zad brjod pa blo gsal dga' ba'i gtam zhes bya ba mi pham rnam rgyal la klan ka bgyis pa dang po-W23608-v12 img401-436.pdf<br /> |FullTextTibetan=༄༅།།ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་མི་ཕམ་རྣམ་རྒྱལ་ལ་ཀླན་ཀ་བགྱིས་པ་དང་པོ་བཞུགས་སོ།།<br /> <br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> <br /> 398<br /> <br /> ༄༅།།ཟབ་མོ་དབུ་མའིགནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ།<br /> བླམ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།<br /> <br /> ཚོགས་གཉིས་གསེར་གྱི་རྩ་བ་རབ་ཏུ་བརྟན།། ཕྱིན་དྲུག་ཡལ་འདབ་སྟོབས་བཅུའི་མེ་ཏོག་བཀྲ།།<br /> དེ་ཉིད་འབྲས་བཟང་གཡུར་དུ་བཟའ་བ་ཡི།། སྟོན་པ་མཉམ་མེད་དཔག་བསམ་དབང་པོ་རྒྱལ།།<br /> ཟབ་མོའི་དོན་གཟིགས་འཕགས་པ་ཡབ་སྲས་དང་།། འཇམ་མགོན་བླ་མའི་ཞབས་ཀྱི་པདྨོ་ལ།།<br /> རབ་ཏུ་བདུད་དེ་ཟབ་མོའི་གཏམ་འདི་བྱ།།<br /> <br /> དེ་ལ་འདིར་གཏིང་མཐའ་མི་མངོན་པར་སྣ་ཚོགས་པའི་ལས་ཀྱི་རྦ་ཀློང་འཁྲུགས་ཤིང་ཉོན་མོངས་པའི་ཆུ་སྲིན་གྱི་འཛིན་ཁྲིས་ཁྱབ་པ། སྡུག་བསྔལ་གསུམ་གྱི་འབུ་སྲིན་དུ་མས་བར་མཚམས་མེད་པར་མནར་བའི་ལུས་ཅན་མཐའ་དག་བླ་མེད་བྱང་ཆུབ་ཀྱི་ལམ་དུ་བཀྲི་བའི་ཐབས་སུ་སྟོན་པ་མཉམ་མེད་ཐུགས་རྗེ་ཅན་དེ་ཉིད་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྩལ་བའི་ནང་ནས་རབ་<br /> 399 <br /> དང་མཆོག་ཏུ་གྱུར་པ་ནི་ཤེར་ཕྱོགས་ཀྱི་མདོ་སྡེ་རིན་པོ་ཆེ་ཡིན་ལ། དེ་ལའང་ཟབ་པ་དང་རྒྱ་ཆེ་བའི་རིམ་པ་གཉིས་ལས། དང་པོ་ནི། རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལྟ་ཅི་སྨྲོས། ཉན་རང་གི་བྱང་ཆུབ་མངོན་དུ་བྱེད་པ་ཙམ་དང་། ཕྱིན་ཆད་ངན་སོང་དུ་མི་ལྟུང་བའི་བཙན་ས་ཟིན་པ་ཙམ་ལའང་ཟབ་མོ་སྟོང་པ་ཉིད་ཀྱི་དོན་འདི་ནི་ངེས་པར་མཐོང་དགོས་ཤིང། གཞན་ཡང་གསང་སྔགས་ཀྱི་མཚན་བཅས་མཚན་མེད་ཀྱི་ལམ་མམ་བསྐྱེད་རྫོགས་ཀྱི་རིམ་པའི་ལམ་དག་ལྟ་བ་འདི་མེད་པར་མི་འབྱུང་བ་སྨོས་ཅི་དགོས། ཐ་ན་མཆོད་པ་བྱིན་རླབས་ཙམ་ཡན་ཆད་ལའང་ཟབ་མོ་སྟོང་པ་ཉིད་ལ་ལྟ་བའི་ཤེས་རབ་ནི་མེད་དུ་མི་རུང་བའི་དོན་ཟབ་མོ་ཁྱད་པར་ཅན་འདི་ནི་རང་རེའི་བཅོམ་ལྡན་འདས་ཀྱི་བསྟན་པ་ཁོ་ན་ལས་རྙེད་ཀྱི། གཞན་དུ་དྲང་སྲོང་སེར་སྐྱ་སོགས་ཀྱི་བསྟན་པ་ལས་ནི་རྙེད་པར་མི་འགྱུར་ཏེ། དེ་དག་ནི་ལོག་པའི་ལྟ་བ་ངན་པ་ལ་ཞུགས་པའི་ཕྱིར་དང་། རང་རེའི་སྟོན་པ་ནི་རྟེན་འབྲེལ་གྱི་དོན་ཟབ་མོ་རང་གིས་མངོན་དུ་མཛད་དེ་གཞན་ལའང་ <br /> <br /> 400 <br /> <br /> བརྩེ་བ་ཆེན་པོས་ཚུལ་བཞིན་དུ་སྟོན་པར་མཛད་པའི་ཕྱིར་རོ། །<br /> དེས་ན་ཟབ་མོ་རྟེན་ཅིང་འབྲེལ་བར་འབྱུང་བའི་དོན་བཅོམ་ལྡན་འདས་ཀྱིས་ཉེ་བར་སྟོན་པའི་གནད་ནི་མཁས་གྲུབ་ཚད་ལྡན་རྣམས་ཀྱི་ལུང་རིགས་ཡང་དག་ལ་བརྟེན་ནས་ཅུང་ཟད་ཅིག་བརྗོད་པར་བྱ་སྟེ། དེ་ཡང་དེང་སང་དུས་དབང་གིས་གཞུང་ལུགས་དྲི་མ་མེད་པའི་དགོངས་པ་ལ་དྲང་ངེས་ཀྱི་གནད་རྣམས་འབྱེད་པའི་སྐྱེས་བུ་ནི་ཤིན་ཏུ་དཀོན་ནའང་། བསྟན་པ་ལ་བཤད་སྒྲུབ་ཀྱི་སྤོབས་པ་ཅུང་ཟད་དགེ་བ་མདོ་ཁམས་འཇམ་དབྱངས་རྣམ་རྒྱལ་གྱིས་མཛད་པའི་སྤྱོད་བཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་ལ་གྲུབ་མཐའ་གོང་འོག་གི་ཁས་ལེན་སྐབས་མ་ཕྱེད་པའི་ཧམ་བཤད་དང་དོན་དུ་མི་འགྱུར་བའི་དགག་བཞག་སོགས་ཀྱིས་ལུང་རིགས་ཚད་ལྡན་དང་འགལ་ཚབས་ཆེ་བར་མང་ཙམ་འདུག་པ་འདི་ལ་ཟབ་དོན་བཤད་པའི་ཞོར་དུ་དགག་བཞག་ཅུང་ཟད་ཅིག་བྱ་བ(ར)་སྤྲོ་སྟེ། དེ་ཡང་རང་ཉིད་མཁས་འདོད་དང་། གཞན་ལ་མི་སྙན་པ་སྒྲོགས་འདོད་ཀྱི་བསམ་པའི་ཀུན་ནས་སློང་བ་ནི་མ་ཡིན་གྱི། ཅིའི་ཕྱིར་ན་ཕྱིས་འབྱུང་གི་བློ་གསལ་དོན་གཉེར་ཅན་རྣམས་ཀྱིས་ལོག་རྟོག་དང་ཐེ་ཚོམ་གྱི་དྲ་བ་གཅོད་པའི་ཆེད་དུའོ། །<br /> <br /> དེས་ན་འདི་ལ་གཉིས། དགག་བྱ་ངོས་བཟུང་བ་དང། བདག་མེད་གཏན་ལ་འབབས་བའོ། །དང་པོ་ནི། <br /> བདག་ལྟ་བུའི་སྐྱེ་བོ་རྣམས་སྔོན་ <br /> <br /> 401 <br /> <br /> ཐོག་མ་མེད་པ་ནས་ད་དུང་ཡན་ཆད་དུ་འཁོར་བར་འཁྱམ་བྱེད་ཀྱི་རྒྱུའི་གཙོ་བོ་ནི་བདག་འཛིན་མ་རིག་པ་ལྷན་སྐྱེས་ཡིན་ལ། དེ་དངོས་འཛིན་པ་ལའང་རང་སྡེ་རང་རྒྱུད་པ་རྣམས་ཀྱིས་བློ་གནོད་མེད་ལ་སྣང་བའི་དབང་གིས་བཞག་པ་མ་ཡིན་པར་དོན་གྱི་སྡོད་ལུགས་ཀྱི་ངོས་ནས་གྲུབ་པ་ཞིག་བྱུང་ན་དེ་ལ་བདེན་གྲུབ་དང་། དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །<br /> ཐལ་འགྱུར་པ་རང་ལུགས་ནི་ཆོས་ཐམས་ཅད་རྟོག་པས་བཏགས་ཙམ་མ་ཡིན་པ། ཡུལ་རང་ངོས་ནས་གྲུབ་པ་ཞིག་བྱུང་ན་དེ་བདེན་གྲུབ་དང་དེར་འཛིན་པའི་བློ་ལ་བདེན་འཛིན་ལྷན་སྐྱེས་སུ་བཞེད་དོ། །དེས་ན་ཆོས་ཐམས་ཅད་རྟོག་པས་བཏགས་པའམ། དེའི་དབང་གིས་བཞག་པ་ཡིན་ཏེ། ཉེ་བར་འཁོར་གྱིས་ཞུས་པ་ལས།<br /> <br /> སྣ་ཚོགས་ཡིད་དགའ་མེ་ཏོག་ཁ་ཕྱེ་ཞིང་།།<br /> གསེར་གྱི་ཁང་མཆོག་འབར་བ་ཡིད་འོང་བ།།<br /> འདི་ན་དེ་ལའང་བྱེད་པོ་དགའ་མེད་དོ།།<br /> དེ་དག་རྟོག་པའི་དབང་གིས་བཞག་པ་ཡིན།།<br /> རྟོག་པའི་དབང་གིས་འཇིག་རྟེན་རྣམས་བཏགས་ཏེ།།<br /> <br /> ཞེས་གསུངས་པའི་ཕྱིར། དེ་ལྟར་ཡུལ་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་དེ་ལའང་འཇིག་ལྟ་ལྷན་སྐྱེས་ཡིན་མིན་གཉིས་ལས། <br /> དང་པོ་ནི། ང་དང་ང་ཡི་བ་རང་མཚན་གྱིས་གྲུབ་པར་འཛིན་པའི་ཤེས་རབ་ཉོན་མོངས་པ་ཅན་ཞིག་སྟེ། འཇུག་འགྲེལ་ལས། དེ་ལ་འཇིག་ཚོགས་ལ་ལྟ་བ་ནི་ང་དང་ངའི་སྙམ་པ་དེ་ལྟ་བུའི་<br /> <br /> 402<br /> <br /> རྣམ་པར་ཞུགས་པའི་ཤེས་རབ་ཉོན་མོངས་པ་ཅན་ནོ།། ཞེས་གསུངས་པའི་ཕྱིར།<br /> གཉིས་པ་ནི། བདག་གི་བའི་མཚན་གཞི་མིག་སོགས་དང་། རྒྱུད་ཀྱིས་མ་བསྡུས་པའི་བཟའ་བཏུང་དང་ཁང་ཁྱིམ་སོགས་རང་མཚན་གྱིས་གྲུབ་པར་འཛིན་པའི་བློ་ལྷན་སྐྱེས་ཏེ། དེ་གཉིས་ཀའང་འཁོར་བའི་རྩ་བ་བདག་འཛིན་མ་རིག་པ་ལྷན་སྐྱེས་སུ་གསུངས་ལ། དེའང་ཆོས་ཀྱི་བདག་འཛིན་ལ་བརྟེན་ནས་ནི་གང་ཟག་གི་བདག་འཛིན་མ་རིག་པ་ལྷན་སྐྱེས་འབྱུང་སྟེ། རིན་ཆེན་ཕྲེང་བ་ལས།<br /> <br /> ཇི་སྲིད་ཕུང་པོར་འཛིན་ཡོད་པ།།<br /> དེ་སྲིད་དེ་ལ་ངར་འཛིན་ཉིད།།<br /> ངར་འཛིན་ཡོད་ན་ཡང་ལས་ཏེ།།<br /> དེ་ལས་ཡང་ནི་སྐྱེ་བ་ཡིན།།<br /> <br /> ཞེས་ཇི་སྲིད་ཕུང་པོ་བ་བདེན་པར་གྲུབ་པར་འཛིན་དུ་ཡོད་པ་དེ་སྲིད་དུ། དེ་ལས་ངར་འཛིན་པའི་འཇིག་ལྟ་ལྷན་སྐྱེས་ཉིད་འབྱུང་ལ། འཇིག་ལྟ་མ་ལུས་པ་སྤངས་པ་ལ་ཕུང་པོ་བདེན་པར་འཛིན་པ་ཉིད་ངེས་པར་སྤོང་དགོས་པར་བསྟན་ཏེ། རྐང་པ་ཕྱི་མ་གཉིས་ཀྱིས་ངར་འཛིན་པའི་འཇིག་ལྟ་ཡོད་ན། དེ་ལས་ལས་དབང་གིས་འཁོར་བར་སྐྱེ་བ་བསྟན་ནོ། །ལུང་འདི་ཡི་དོན་འདི་བཞིན། ཟླ་བས་ཀྱང་བཞེད་པའི་འཐད་ལྡན་དུ་འཛིན་གྱི། གཞན་དུ་ན་མི་ཕམ་རྣམ་རྒྱལ་གྱིས་སྤྱོད་ཊཱིཀ་སོགས་སུ་འཇུག་པ་ལས། བདག་མེད་མཐོང་ཚེ་རྟག་པའི་བདག་སྤངས་ཤིང་།། ཞེས་སོགས་ཚིག་རྐང་བཞིའི་དོན་དང་གཅིག་ཏུ་འཆད་པ་ནི་གཞུང་ཆེན་པོ་ལ་གོམས་འདྲིས་<br /> <br /> 403<br /> <br /> དམན་པའི་རང་མཚངས་ངོམས་པའོ། །<br /> དེ་ལྟར་ལུང་འདིས་ནི་ཉན་རང་ལ་ཆོས་ཀྱི་བདག་མེད་རྟོགས་པར་ཡོད་པའང་དོན་གྱིས་བསྟན་ཏེ། བདག་འཛིན་གཉིས་པོ་དེ་འཁོར་བའི་རྩ་བ་ཡིན་པ་ལ་ནི་ཁྱད་མེད་ཅིང་། དེ་དག་གི་ཞེན་ཡུལ་སུན་མ་ཕྱུང་བར་དེ་སྲིད་དུ་འཁོར་བ་ལས་ཐར་བར་མི་འགྱུར་བའི་(བས་)། འཁོར་བ་ལས་མ་ཐར་བའི་ཉན་རང་དགྲ་བཅོམ་པ་ནི་སུས་ཀྱང་ཁས་མི་ལེན་པས་ཉན་རང་ལ་བདག་མེད་གཉིས་ཀྱི་དོན་མངོན་སུམ་དུ་རྟོགས་པར་ཡོད་པ་ཤིན་ཏུ་གསལ་ལོ། །ཚུལ་དེ་དང་མཐུན་པ་རྒྱལ་སྲས་ཆེན་པོ་ཞི་བ་ལྷས་ཀྱང་། <br /> <br /> (9.40) བདེན་པ་མཐོང་བས་གྲོལ་གྱུར་གྱི།།<br /> སྟོང་ཉིད་མཐོང་བས་ཅི་ཞིག་བྱ།།<br /> <br /> ཞེས་མི་རྟག་སོགས་བཅུ་དྲུག་རྟོགས་པའི་ལམ་ཙམ་གྱིས་གྲོལ་ན། ཉོན་མོངས་སྤང་བའི་དོན་དུ་སྟོང་ཉིད་མཐོང་བ་དོན་མེད་པར་གྱུར་བ་དང་། གང་ཕྱིར་ལུང་ལས་ཞེས་ཚིག་རྐང་གཉིས་དང་། (9.44) བསྟན་རྩ་དགེ་སློང་ཉིད་ཡིན་ན།། ཞེས་ཚིག་རྐང་བཞིས་ལུང་ལས་ཀྱང་སྟོང་པ་མཐོང་བའི་ལམ་འདི་དང་བྲལ་ན་བྱང་ཆུབ་གསུམ་པོ་གང་ཡང་མེད་པར་གསུངས་པ་དང་། སེམས་བདེན་འཛིན་གྱི་དམིགས་པ་དང་བཅས་པའི་ལམ་གྱིས་གྲོལ་བ་མི་ནུས་པ་བསྟན་ནོ། །<br /> (9.45) དེ་ནས། ཉོན་མོངས་སྤངས་པས་གྲོལ་ན་དེའི།། དེ་མ་ཐག་ཏུ་དེ་འགྱུར་རོ།། ཞེས་གལ་ཏེ་སྟོང་ཉིད་རྟོགས་པ་ནི་མི་དགོས་ཀྱི་མི་རྟག་སོགས་བཅུ་དྲུག་བསྒོམ་<br /> <br /> 404<br /> <br /> པས་ཉོན་མོངས་ཟད་པར་སྤངས་ཏེ་གྲོལ་བ་འཐོབ་པོ་ཞེ་ན། མི་རྟག་སོགས་བཅུ་དྲུག་བསྒོམ་པའི་ལམ་གྱིས་ཉོན་མོངས་མངོན་གྱུར་རེ་ཞིག་སྤངས་པ་དེའི་དེ་མ་ཐག་ཏུ་དགྲ་བཅོམ་པ་དེར་འགྱུར་བར་ཐལ་ལོ། །འདོད་པ་དེའི་ཕྱིར། ཉོན་མོངས་མེད་ཀྱང་དེ་དག་ལ།། ལས་ཀྱི་ནུས་པ་མཐོང་བ་ཡིན།། ཞེས་ཉོན་མོངས་མངོན་གྱུར་རེ་ཞིག་མེད་ཀྱང་ལས་ཀྱི་དབང་གིས་ཡང་སྲིད་ཕྱི་མར་འཕེན་པའི་ལས་ཀྱི་ནུས་པ་མཐོང་བ་ཡིན་པའི་ཕྱིར་རོ། །<br /> (9.46) ཡང་དེའི་ལན་དུ། རེ་ཞིག་ཉེར་ལེན་སྲེད་པ་ནི།། མེད་ཅེས་ངེས་པ་ཉིད་ཅེ་ན།། ཞེས་ལས་ཀྱི་དབང་གིས་ཡང་སྲིད་ཕྱི་མ་མི་ལེན་པ་ནི་ངེས་པ་ཉིེད་དེ། སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་རྟག་སོགས་ཀྱི་ལམ་བསྒོམ་པས་ཟད་པར་བྱས་པས་སོ། །ཞེ་ན། དེའི་ལན་དུ། སྲེད་འདི་ཉོན་མོངས་ཅན་མིན་ཡང་།། ཀུན་རྨོངས་བཞིན་དུ་ཅིས་ཏེ་མེད།། <br /> (9.47) ཚོར་བའི་རྐྱེན་གྱིས་སྲེད་པ་ཡིན།། ཚོར་བ་དེ་དག་ལ་ཡང་ཡོད།། ཅེས་ཁྱོད་ཀྱིས་འདོད་པའི་དགྲ་བཅོམ་པ་དེའི་རྒྱུད་ཀྱི་སྲེད་པ་འདི་ཉོན་མོངས་ཅན་མིན་ཡང་། ཀུན་རྨོངས་ལ་མངོན་པ་ནས་བཤད་པའི་ཉོན་མོངས་ཅན་ཡིན་མིན་གཉིས་སུ་འདོད་པ་བཞིན་དུ་སྲེད་པ་ལ་ཡང་མངོན་པ་ནས་བཤད་པ་ལྟར་གྱིས་ཉོན་མོངས་ཅན་ཡིན་མིན་གཉིས་སུ་ཅི་སྟེ་མེད། དེས་ན་སྔར་བཤད་པ་ལྟར་གྱི་ལམ་རྒྱུད་ལ་སྐྱེས་པའི་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་<br /> <br /> 405<br /> <br /> འགྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཞིག་ཅི་སྟེ་མེད། དེས་ན་ཁྱོད་འདོད་པའི་དགྲ་བཅོམ་དེས་ནི་སྟོང་ཉིད་རྟོགས་པའི་ཚོར་བ་རང་མཚན་གྱིས་གྲུབ་པར་འཛིན་པའི་མ་རིག་པ་མངོན་འགྱུར་ཙམ་ཡང་མ་སྤངས་པ་དེས་ན་ཚོར་བའི་རྐྱེན་གྱིས་ཚོར་བ་བདེ་བ་དང་མི་འབྲལ་ཞིང་སྡུག་བསྔལ་དང་བྲལ་འདོད་ཀྱི་སྲེད་པ་ཅིའི་ཕྱིར་མི་སྐྱེ་སྟེ། རྒྱུ་རྐྱེན་གྲངས་ཚང་བ་ལས་ནི་འབྲས་བུ་སྐྱེ་བར་ངེས་པ་དེའི་ཕྱིར་རོ། །<br /> <br /> འདིར་དེང་སང་གི་སྤྱོད་ཊཱིཀ་པ་ཁ་ཅིག་ནི། ཉོན་མོངས་མེད་ཀྱང་ཞེས་པའི་སྐབས་སུ་འདིར་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་བ་མི་འཐད་དེ་ཞེས་སོགས་སྨྲོས་ཏེ་དགག་ཁུལ་བགྱིས་པ་ནི་མུ་ཏོ་བས་རྒྱལ་པོ་ལ་འཐབ་པ་བཞིན་དུ་གནོད་པ་ཡོད་པར་མ་མཐོང་སྟེ། འདིའི་ལས་ཀྱི་ནུས་པ་ཡོད་མེད་ཅེས་པ་ནི་ཡང་སྲིད་ཕྱི་མ་འཕེན་བྱེད་ཀྱི་ལས་ཀྱི་ནུས་པ་ཡོད་མེད་ལ་བྱེད་པའི་ཕྱིར་ཏེ། འདིར་མི་རྟག་སོགས་བསྒོམ་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་རོ། །དེས་ན་འདིར་དོན་ལ་མི་གནས་པའི་དགྲ་བཅོམ་མཽ་གལ་གྱི་བུ་ལྟ་བུ་དང་བསམ་མི་ཁྱབ་འགྱུར་གྱི་འཆི་འཕོ་སོགས་ལ་སྦྱར་ནས་གྲོལ་བ་གཏན་དུ་བ་ཡིན་མིན་རྩོད་པ་སོགས་རང་གིས་རང་ལ་ངལ་བ་སྟེར་མི་དགོས་སོ། །<br /> ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་དེ་<br /> <br /> 406<br /> <br /> ཉོན་མོངས་མངོན་གྱུར་ཙམ་སྤངས་པས་གྲོལ་བར་མི་འདོད་པར་ཐལ་བ་འཕངས་པ་ལ། ཕ་རོལ་པོས་མངོན་གྱུར་ཙམ་སྤངས་པས་གྲོལ་བར་མི་འདོད་པས་འབྲེལ་མེད་ཀྱི་ཐལ་བ་ཞེས་རང་གིས་ཐལ་འགྱུར་གྱི་འགྲོ་ཚུལ་ཟུར་ཙམ་ཡང་མི་ཤེས་པའི་ནང་ཆ་ཤིན་ཏུ་གསལ་པོ་དེ་འདྲ་མི་མཛད་པར་ཞུ། རྒྱ་འགྲེལ་ཡིན་ཡང་ཤིང་རྟ་ཆེན་པོ་རྣམས་ཀྱི་དགོངས་པ་ལས་ལོགས་སུ་གྱུར་ན་བླང་བྱའི་གནས་མ་ཡིན་ཏེ་གང་ཟག་ལ་མི་རྟོན་ཆོས་ལ་རྟོན་དགོས་པའི་ཕྱིར་རོ། །<br /> ཡང་། སྲེད་འདི་ཞེས་པའི་སྐབས་སུ་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་། གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་སྦྱར་བ་མི་འཐད་དེ། སྤྱིར་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པ་འགལ་ཞེས་སོགས་སྨྲོས་ཏེ་དགག་ཁུལ་བགྱིས་ཀྱང་། ཕ་རོལ་པོས་གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་པ་ན་སྲིད་པ་ཉེར་ལེན་གྱི་རྐྱེན་སྲེད་པ་སྤངས་ཞེས་འདོད་པ་ལ། ད་དུང་དེ་ཙམ་གྱིས་སྲིད་པ་ཉེ་བར་ལེན་བྱེད་ཀྱི་རྐྱེན་སྲེད་པ་མི་ལྡོག་སྟེ། ཁྱོད་ཀྱིས་འདོད་པའི་གང་ཟག་དེའི་རྒྱུད་ཀྱི་སྲེད་པ་འདི་མངོན་པ་ནས་བཤད་པའི་སྲེད་པ་ཉོན་མོངས་ཅན་མིན་ཡང་། ཤེར་མདོ་ནས་བཤད་པའི་གང་ཟག་རང་ངོས་ནས་གྲུབ་པར་<br /> <br /> 407<br /> <br /> འཛིན་པའི་འཇིག་ལྟ་མ་རིག་པ་ནི་དེ་དག་གིས་མངོན་གྱུར་ཙམ་ཡང་སྤངས་མ་ནུས་ལ། དེས་ན་འཇིག་ལྟ་དེ་དག་གིས་དྲངས་པའི་སྲེད་པ་ཉོན་མོངས་ཅན་ཞིག་ནི་ཅི་སྟེ་མེད་ཅེས་རྩོད་པ་སྔ་མའི་རྗེས་འབྲེལ་དུ་མཐར་གྱིས་རྩོད་པ་ནི་དོན་གྱི་མཁས་པའི་སྲོལ་ལོ། །<br /> དེས་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མས་དྲངས་པའི་སྲེད་པ་དུ་མ་ཡོད་པར་འགལ་བ་དང་། ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཡོད་པའི་ཞལ་བཞེས་མི་འདུག་ཅིང་། ཕ་རོལ་པོས་འདོད་པའི་གང་ཟག་དེའི་རྒྱུད་ལ་ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན་ཅི་སྟེ་མེད་ཅེས་ཆེད་དུ་སྨྲ་བར་མི་འགྱུར་ཞིང་། ཀུན་རྨོངས་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ནི་སྟོན་བྱས་ན་འོས་ཡིན་ཏེ་རྩོད་པ་སྔ་མའི་འགྲོས་ཀྱིས་ཤེས་པ་དེའི་ཕྱིར་མཁས་པ་ཆེན་པོའི་གསུང་དོན་འོལ་སྤྱི་ཙམ་ཡང་མ་གོ་བར་དོན་མེད་ཀྱི་ཅ་ཅོ་སྒྲོགས་པ་འདི་དག་ནི་འབེན་རྩད་མ་ཆོད་པར་མདའ་འཕེན་པ་བཞིན་དུ་མཁས་པས་མཐོང་ན་བཞད་གད་ཀྱི་གནས་སོ། །<br /> དེ་ལྟར་ཁྱོད་ཀྱི་འདོད་པ་ཕལ་ཆེར་ལོག་རྟོག་ཤ་སྟག་ཏུ་འདུག་པས་རེ་རེ་ནས་དགག་པ་བགྱིད་དུ་མ་ལངས་ཀྱང་། སྐབས་སུ་གནས་པ་འགའ་ཞིག་ལུང་རིགས་ཉུང་ངུས་དགག་པར་བྱ་སྟེ། དེ་ཡང་ཁྱོད་ཀྱིས་ཆོས་ཀྱི་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ་ཞེས་དང་། ཉན་རང་དགྲ་བཅོམ་པས་ཕུང་སོགས་ཤེས་བྱ་<br /> <br /> 408<br /> <br /> མཐའ་དག་གི་སྟེང་གི་སྟོང་ཉིད་མ་རྟོགས་ཞེས་དང་། དེས་རྟོགས་པའི་སྟོང་ཉིད་ཉི་ཚེ་བ་ཡིན་ཞེས་དང་། བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་ཐེག་ཆེན་མཐོང་ལམ་དུ་སྒྲིབ་གཉིས་ཀུན་བཏགས་ཀྱི་ཆ་སྤོང་ལ། དེ་ནས་རིམ་བཞིན་སྒྲིབ་གཉིས་མཉམ་པར་སྤངས་ནས་ས་བརྒྱད་པ་ནས་ཉོན་མོངས་མེད་ཀྱང་དེ་ཕན་ཆད་དུ་ཤེས་སྒྲིབ་འབའ་ཞིག་སྤོང་བར་འདོད་ནས་བོད་ཀྱི་ཞེ་འདོད་དང་མི་བསྲེ་ཞེས་སྨྲས་ཀྱང་སྙིང་པོ་ཡོད་པར་མ་མཐོང་སྟེ། <br /> དེ་ལྟར་ན་ཆོས་ཀྱི་བདག་འཛིན་སྤོང་བའི་གང་ཟག་ཡིན་ན་ཤེས་སྒྲིབ་སྤོང་བའི་གང་ཟག་ཡིན་པས་ཁྱབ་པར་ཐལ། འདོད་པའི་ཕྱིར། འདོད་ན་ཉན་རང་དགྲ་བཅོམ་རྣམས་སངས་རྒྱས་ཉིད་དུ་ཐལ། དེ་དག་གིས་ཉོན་མོངས་པ་ཆོས་ཀྱི་བདག་འཛིན་སྤངས་པའི་ཕྱིར་ཏེ། དེ་དག་གིས་ཉོན་མོངས་ཐ་དག་སྤངས་པའི་ཕྱིར་ཏེ། ལུགས་འདིར་ཆོས་ཀྱི་བདག་འཛིན་བདེན་འཛིན་གང་ཞིག་དེ་ཉོན་སྒྲིབ་ཏུ་བཞེད་པའི་ཕྱིར་རོ། །<br /> ཡང་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ན། དེ་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར། ཁྱབ་སྟེ་འཇུག་པ་ལས། <br /> <br /> ཁྱོད་ཀྱི་རྣལ་འབྱོར་བདག་མེད་མཐོང་བ་ཡིས།།<br /> གཟུགས་སོགས་དེ་ཉིད་རྟོགས་པར་མི་འགྱུར་ཞིང་།།<br /> གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།།<br /> སྐྱེ་འགྱུར་དེ་ཡི་ངོ་བོ་ <br /> <br /> 409<br /> <br /> རྟོགས་མེད་ཕྱིར།། ཞེས་དང་། <br /> <br /> དང་པོར་ང་ཞེས་བདག་ལ་ཞེན་གྱུར་ཅིང་།།<br /> བདག་གི་འདི་ཞེས་དངོས་ལ་ཆགས་བསྐྱེད་པ།།<br /> ཟོ་ཆུན་འཕྱན་ལྟར་རང་དབང་མེད་པ་ཡི།།<br /> འགྲོ་ལ་་་་<br /> ཞེས་བདག་དང་བདག་གི་བའི་མིག་སོགས་རང་མཚན་གྱིས་གྲུབ་པར་འཛིན་པ་ཡོད་པ་དེ་སྲིད་དུ་འཁོར་བར་འཁོར་བ་མི་འཆད་ཅེས་པའི་དོན་ཡིན་པའི་ཕྱིར། རིགས་པ་དྲུག་བཅུ་པའི་འགྲེལ་པ་ལས་ཀྱང་། <br /> གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།།<br /> ཞེས་སོགས་ལུང་རིགས་ཀྱི་གནོད་པ་བཟློག་ཏུ་མེད་པའི་ཕྱིར་མི་འཐད་དོ། །<br /> ཡང་དེ་ལ་ཁྱོད་ཀྱིས་འཇུག་འགྲེལ་ཤེས་བྱེད་དུ་དྲངས་པའང་དགོངས་པ་མ་ལོན་པ་ཉིད་དེ། འཇུག་འགྲེལ་ལས་སྔ་མ་དང་མཐུན་པར། གཟུགས་ལ་སོགས་པའི་རང་གི་ངོ་བོ་ལ་དམིགས་པས་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པ་རྟོགས་པར་ཡང་མི་འགྱུར་ཏེ་བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ། །དེ་སྐད་དུའང་རིན་པོ་ཆེའི་ཕྲེང་བ་ལས། ཇི་སྲིད་ཕུང་པོར་ཞེས་སོགས་ཤེས་བྱེད་ཁུངས་དང་བཅས་ཏེ་གསལ་བར་གསུངས་པའི་ཕྱིར། དེས་ན་ཉན་རང་འཕགས་པས་སྟོང་ཉིད་ཉི་ཚེ་བ་ལས་མ་རྟོགས་པ་སོགས་འཁྱོགས་བཤད་ཀྱི་བ་མོས་ལུགས་བཟང་གི་པདྨོ་གཞོམས་པར་མི་བྱའོ། །<br /> དེ་ནས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་<br /> <br /> 410<br /> <br /> པ་མ་སྤངས་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤོང་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་འཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ། །འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པས་ཞེས་སོགས་ཤེས་བྱེད་ཀྱི་ལུང་དུ་མ་ཡོད་པའི་ཕྱིར་རོ། །རྒྱུ་མཚན་དེ་རྣམས་ཀྱི་ཕྱིར་འདི་ལ་ཤིང་རྟ་ཆེན་པོ་རྣམས་ཀྱི་དགོངས་པ་དང་མཐུན་ན་བོད་ཀྱི་ཞེ་འདོད་ཡིན་ཡང་དང་དུ་བླང་བར་རིགས་སོ། །<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཤེ་ན། ཡོད་དེ། དེས་ཆོས་ཀྱི་བདག་མེད་རྟོགས་པ་མེད་ཅེས་པ་ནི་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་དག་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ་ཞེས་ལུང་རིགས་ཚད་ལྡན་གྱི་རྗེས་སུ་འབྲངས་ནས་མགྲིན་པ་གཟེངས་(བསྟོད)བཏེགས་ཏེ་སྨྲའོ། །<br /> <br /> ༈ གཉིས་པ་ལ་གཉིས། གཞི་བདེན་གཉིས་ཀྱི་རྣམ་བཞག་ངོས་བཟུང་བ། བདག་མེད་གཉིས་ཀྱི་དོན་སོ་སོ་ནས་བཤད་པའོ། །དང་པོ་ནི། དབྱེ་གཞི་ཤེས་བྱ་ལ་དབྱེ་བའི་ཆོས་བདེན་པ་གཉིས་སུ་གྲངས་ངེས་པ་ཡིན་ཏེ། ཡབ་<br /> <br /> 411<br /> <br /> སྲས་མཇལ་བའི་མདོ་ལས། <br /> གང་ཞིག་ཀུན་རྫོབ་དེ་བཞིན་དོན་དམ་སྟེ།།<br /> བདེན་པ་གསུམ་པ་ནམ་ཡང་མ་མཆིས་སོ།།<br /> <br /> ཞེས་བདེན་པ་གཉིས་སུ་མ་འདུས་པའི་བདེན་པ་གསུམ་པ་ནི་དུས་ནམ་ཡང་ཡོད་པར་མ་ཡིན་པ་བསྟན་ལ། དེས་ན་འཕགས་པའི་བདེན་པ་བཞི་གསུངས་པ་དག་ཀྱང་འདིར་བདེན་པ་གཉིས་སུ་མ་འདུས་པའི་སྐྱོན་མེད་དེ། སྡུག་ཀུན་གཉིས་དང་ལམ་གྱི་བདེན་པ་ནི་ཀུན་རྫོབ་བདེན་པ་དང་། འགོག་པའི་བདེན་པ་ནི་དོན་དམ་བདེན་པའི་ཁུངས་སུ་འདུ་སྟེ། འཇུག་འགྲེལ་ལས། དེ་ལ་སྡུག་བསྔལ་དང་། ཀུན་འབྱུང་དང་། ལམ་གྱི་བདེན་པ་ནི་ཀུན་རྫོབ་ཀྱི་བདེན་པའི་ཁུངས་སུ་གཏོགས་སོ། །འགོག་པའི་བདེན་པ་དོན་དམ་པའི་རང་གི་ངོའོ། །ཞེས་གསུངས་པའི་ཕྱིར། <br /> བདེན་པ་དེ་གཉིས་ཀྱི་ངོ་བོའང་བཞག་ཏུ་ཡོད་དེ། གཉིས་སྣང་གི་བློས་སྤྱོད་ཡུལ་དུ་གྱུར་པ་གང་ཞིག བློ་དེས་རང་ཉིད་གཉིས་སྣང་དང་བཅས་པའི་ཚུལ་གྱིས་རྟོགས་པར་བྱ་བ་ནི་ཀུན་རྫོབ་བདེན་པ་དང་། གཉིས་སྣང་གིས་བློས་སྤྱོད་ཡུལ་དུ་མ་གྱུར་པ་གང་ཞིག རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་ནུབ་པའི་ཚུལ་གྱིས་རྟོགས་པར་བྱ་བ་དོན་དམ་བདེན་པའི་ངོ་བོ་ཡིན་པའི་ཕྱིར། <br /> དེ་དག་གི་སྒྲ་དོན་ཡང་ཡོད་དེ། ཀུན་རྫོབ་བདེན་པ་ཞེས་པའི་ཀུན་རྫོབ་ནི་སྒྲིབ་བྱེད་དང་སྐད་དོད་གཅིག་པའི་དེ་ཁོ་ན་ཉིད་མཐོང་བ་ལ་སྒྲིབ་པས་ན་ཀུན་རྫོབ་དང་། བློ་ཀུན་རྫོབ་པ་བདེན་འཛིན་གྱི་ངོར་བདེན་པས་ན་བདེན་པ་ཞེས་བཤད་དོ། །དམ་<br /> <br /> 412<br /> <br /> པའམ་ཡང་དག་པ་དེ་ཁོ་ན་ཉིད་ཀྱི་དོན་ཡིན་པས་ན་དོན་དམ་དང་། བསླུ་བའི་ཆོས་སུ་མ་གྱུར་པ་བདེན་པས་ན་བདེན་པ་ཞེས་བཤད་དོ། །དེ་ལྟར་རྒྱལ་སྲས་ཆེན་པོ་ཞི་བ་ལྷས། <br /> ཀུན་རྫོབ་དང་ནི་དོན་དམ་སྟེ།།<br /> འདི་ནི་བདེན་པ་གཉིས་སུ་འདོད།།<br /> དོན་དམ་བློ་ཡིས་སྤྱོད་ཡུལ་མིན།།<br /> བློ་ནི་ཀུན་རྫོབ་ཡིན་པར་འདོད།།<br /> ཅེས་རྐང་པ་དང་པོ་གཉིས་ཀྱིས་ཤེས་བྱ་དབྱེ་གཞི་བྱས་ནས་དེ་བདེན་པ་གཉིས་སུ་གྲངས་ངེས་པར་བསྟན། ཕྱི་མ་གཉིས་ཀྱིས་བདེན་གཉིས་སོ་སོའི་ངོ་བོ་བསྟན་པའོ། །<br /> འདིར་དེང་སང་གི་སྤྱོད་འཇུག་ཊཱི་ཀ་བྱེད་པ་ཁ་ཅིག་གིས་ལུང་འདིའི་དོན་འགྲེལ་བ་ན། དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་། གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྤྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་པ་ཡིན་གྱི་དོན་དམ་པ་མ་ཡིན་པའི་ཕྱིར་རོ་ཞེས་ཚིག་རྐང་སྔ་མ་དམ་བཅའ་དང་ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན་དོན་དམ་བདེན་པ་ཆོས་ཅན། གཏན་མེད་པར་ཐལ། བློའི་གཞལ་བྱ་མ་ཡིན་པའི་ཕྱིར། འདོད་ན། བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། གཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ་བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་<br /> <br /> 413<br /> <br /> དང་མི་རྟག་དག་བཞིན་ནོ།།<br /> <br /> ཞེས་བདེན་གཉིས་ངོ་གཅིག་ལ་ལྡོག་པ་ཐ་དད་པ། མེད་ན་མི་འབྱུང་ངམ་བདག་གཅིག་གི་འབྲེལ་པར་ངེས་ཤིང་། བྱས་དང་མི་རྟག་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱི་བདག་གི་རང་གི་ངོ་བོ་རྙེད་པ་ཡིན་གྱི་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ་ལུང་རིགས་ཀྱིས་གནོད་པ་བཟློག་ཏུ་མེད་དོ། །<br /> ཡང་ཁྱོད་ཀྱིས་དེའི་འོག་ཏུ་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་ཆོས་ཀྱི་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པར་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ། ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བ་སྐད་དུ་སྣང་ཡང་། དེ་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ངེས་ཏེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲས་པ་ལས། དོན་དམ་པ་དེ་བཞིན་ཉིད་གཟུང་བྱའམ་ཤེས་བྱ་ཡིན་ཞེས་མ་<br /> <br /> 414<br /> <br /> སྨྲས་པས་གནོད་བྱེད་དུ་མི་འགྱུར་ལ། རང་གིས་དོན་དམ་བདེན་པ་ཤེས་བྱ་ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ། །<br /> ཡང་འདི་དག་གིས་ལུང་རིགས་སྔ་མའི་གནོད་བྱེད་བཟློག་སྟེ་གོང་གི་འབྲེལ་ངག་འཐད་པར་འགྱུར་སྙམ་ན་མི་འཐད་དེ། ཁྱོད་ཀྱིས་ཐ་སྙད་དུ་དེ་བཞིན་ཉིད་ཤེས་བྱར་འདོད་པ་དེ་བཞིན་དུ་བདེན་གཉིས་ཀྱི་རྣམ་བཞག་ཀྱང་ཐ་སྙད་དུ་བྱས་པར་མངོན་ལ། འདོད་ཀྱང་དགོས་ཏེ་ཀུན་རྫོབ་ཀྱི་རྣམ་བཞག་ཐ་སྙད་དུ་བྱེད་དགོས་པ་གང་ཞིག། དོན་དམ་བདེན་པའང་དེ་ལྟར་བྱེད་དགོས་པའི་ཕྱིར། སྔ་མ་ལ་དོགས་པ་མེད་ཅིང་། ཕྱི་མ་གྲུབ་སྟེ། རིགས་པ་དྲུག་ཅུ་པའི་འགྲེལ་པ་ལས། གལ་ཏེ་དེ་ལྟར་ནའང་ཇི་ལྟར་མྱ་ངན་ལས་འདས་པ་དོན་དམ་པའི་བདེན་པ་གསུང་ཞེ་ན། དེའི་བདག་ཉིད་དུ་འཇིག་རྟེན་ན་མི་སླུ་བའི་ཕྱིར་འཇིག་རྟེན་གྱི་ཐ་སྙད་ཁོ་ནས་དོན་དམ་པའི་བདེན་པར་གསུངས་སོ། །ཞེས་གསུངས་པའི་ཕྱིར་དེ་ལྟར་འདོད་དགོས་ཤིང་འདོད་ན་རྒྱལ་སྲས་ཆེན་པོའི་གསུང་ཚིག་རྐང་པ་གཉིས་པོ་དེ་དག་ཀྱང་བདེན་གཉིས་ཀྱི་རྣམ་བཞག་འཆད་བྱེད་ཡིན་པས་བདེན་གཉིས་ཐ་སྙད་དུ་རྣམ་པར་བཞག་པར་འདོད་དགོས་ཏེ་རྒྱུ་མཚན་སྔ་མ་དེའི་ཕྱིར། ཚིག་རྐང་སྔ་མས་དེ་ཁོ་ན་ཉིད་དོན་དམ་པར་བློའི་ཡུལ་མིན་པར་དམ་བཅས་ཞེས་འགྲེལ་བ་ནི་གཏན་ནས་མི་འཐད་པ་ཉིད་དུ་གསལ་ལོ། །དེས་ན་བདེན་པ་གཉིས་པོ་དེ་དག་གཉིས་སྣང་གི་བློའི་ཡུལ་<br /> <br /> 415<br /> <br /> ཡིན་མིན་གྱི་སྒོ་ནས་འཆད་པ་ལས་འོས་མི་འདུག་སྟེ་དོན་ལ་གནས་པས་སོ། །<br /> ཁྱོད་ཀྱིས་ད་དུང་འདིའི་གོང་འོག་རྣམས་སུ་འདི་དང་རིགས་མཐུན་པར་དགོས་མེད་ཀྱི་དགག་བཞག་དང་། ལུང་དོན་ལ་དྲང་ངེས་སྐབས་མ་ཕྱེད་པར་ཕྱིན་ཅི་ལོག་ཏུ་འགྲེལ་བ་ནི་ཆེས་མང་ཡང་དོན་གྱི་སྙིང་པོས་དབེན་ཕྱིར་རྟོག་དཔྱོད་བྱེད་དུ་མི་ལངས་སོ། །<br /> གཞུང་ལུགས་ཟབ་མོར་དཔྱད་པའི་བློ་སྟོབས་ཞན།།<br /> འཁྱོགས་བཤད་ལྤགས་པའི་གཤོག་པ་ལ་བརྟེན་ནས།།<br /> ཟབ་དོན་གནམ་འཕང་གཅོད་དུ་རློམ་པ་རྣམས།།<br /> དཔྱད་གསུམ་འཕྲང་ལ་གཞོལ་ཚེ་རང་མཚངས་ངོམས།། ཞེས་བྱས་སོ། །<br /> <br /> དེ་ལྟར་བདེན་པ་གཉིས་པོ་དེ་ལས་ཀུན་རྫོབ་ཀྱི་བདེན་པ་ལ་སྤྱིར་ཡང་ལོག་གི་ཁྱད་པར་མེད་ཀྱང་། འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་ལོག་གཉིས་སུ་འདོད་དེ། འཕྲལ་གྱི་འཁྲུལ་རྒྱུས་མ་བསླད་པའི་དབང་པོ་དྲུག་དང་དེའི་ཤེས་པ་རྣམས་ནི་ཡུལ་ཅན་ཡང་དག་པ་དང་། དེའི་ཡུལ་གཟུགས་སོགས་རྣམས་ཡུལ་ཡང་དག་པ་དང་། འཕྲལ་གྱི་འཁྲུལ་རྒྱུས་སླད་པའི་དབང་པོ་དྲུག་དང་། དེ་ལ་བརྟེན་པའི་ཤེས་པ་རྣམས་ཡུལ་ཅན་ལོག་པ་དང་དེའི་ཡུལ་གཟུགས་བརྙན་དང་བྲག་ཆ་སོགས་ཡང་(ཀྱང་)ལོག་པ་ཉིད་དུ་རྣམ་པར་བཞག་གོ །<br /> ཡུལ་ཡང་དག་ཡིན་ན་ཐ་སྙད་དུ་ཡོད་མི་དགོས་ཏེ། བདག་འཛིན་ཕྲ་མོ་གཉིས་ཀྱི་ཞེན་ཡུལ་བདག་ལྟ་བུ་འཇིག་རྟེན་གྱི་ཤེས་ངོ་ལ་ལྟོས་ཏེ་ཡང་དག་ཡིན་ཀྱང་ཐ་སྙད་དུ་མེད་པའི་ཕྱིར། འདིར་འཇིག་རྟེན་གྱི་<br /> <br /> 416<br /> <br /> ཤེས་པ་ཡིན་མིན་སྟོང་ཉིད་ལ་བློ་ཁ་ཕྱོགས་པ་དང་མི་ཕྱོགས་པའི་ཤེས་པ་ལ་བྱེད་ཅིང་། དེ་ལའང་ཚད་མ་དང་ཚད་མིན་གྱི་ཤེས་པ་སོགས་དུ་མ་ཡོད་དེ་རྒྱས་པ་གཞན་དུ་བཤད་པར་བྱའོ། །<br /> <br /> ༈ གཉིས་པ་ལ་གཉིས། གང་ཟག་གི་བདག་མེད་གཏན་ལ་འབེབས་པ། ཆོས་ཀྱི་བདག་མེད་གཏན་ལ་འབེབས་པའོ། །དང་པོ་ནི། ཐར་འདོད་རྣམས་ཀྱི་ཐོག་མར་བདག་རང་བཞིན་གྱིས་མ་གྲུབ་པ་ཉིད་ནི་བཙལ་བར་བྱ་སྟེ། ཡུམ་གྱི་མདོ་ལས། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཤེས། སེམས་ཅན་ཐམས་ཅད་ཅི་འདྲ་དེ་འདྲ་ཆོས་ཀུན་ཤེས། ཞེས་དང་། ཟླ་བས་ཀྱང་།<br /> རྣལ་འབྱོར་པ་ཡིས་བདག་ནི་འགོག་པར་བྱེད།།<br /> <br /> ཅེས་པའི་རང་འགྲེལ་དུ། ཇི་ལྟར་ཐོག་མར་རྣལ་འབྱོར་པའི་བདག་ཁོ་ན་འགོག་པར་བྱེད་དོ། །ཞེས་གསུངས་པའི་ཕྱིར། འོ་ན་འཇུག་པ་སོགས་ལས་དང་པོ་ཆོས་ཀྱི་བདག་མེད་གཏན་ལ་འབེབས་པ་མི་འཐད་པར་འགྱུར་རམ་སྙམ་ན་སྐྱོན་མེད་དེ། བདག་འཛིན་ལྷན་སྐྱེས་ཀྱི་ཞེན་ཡུལ་འགོག་པའི་ཐབས་སུ་ཀུན་བཏགས་ཀྱི་ཞེན་ཡུལ་དགག་པ་གནད་ཆེ་བའི(བས)། རང་སྡེ་དངོས་སྨྲ་བ་རྣམས་ཀྱིས་སྤྱིར་ཆོས་ཐམས་ཅད་རང་བཞིན་གྱིས་གྲུབ་པར་དམ་བཅའ་ཡང་། ཁྱད་པར་དུ་འདུས་བྱས་ཀྱི་ཆོས་རྣམས་སྐྱེ་འཇིག་གནས་གསུམ་དུ་མཐོང་བའི་(བས)རང་བཞིན་གྱིས་གྲུབ་པར་འཛིན་པའི་དོགས་པ་ཆེ་བའི(བས)་དེ་ཁེགས་ན་འདུས་མ་བྱས་རྣམས་རང་བཞིན་གྱིས་གྲུབ་པར་དམ་བཅའ་བ་ཤུགས་ལ་ཁེགས་པའི(པས)་དེ་དག་ལ་དགོངས་<br /> <br /> 417<br /> <br /> ནས་ཐོག་མར་ཆོས་ཀྱི་བདག་མེད་འཆད་པར་མཛད་དོ། །<br /> འདིར་གང་ཟག་གི་བདག་མེད་དང་པོར་འཆད་པ་ནི་སྒོམ་རིམ་གྱི་དབང་དུ་བྱས་པ་ཡིན་པས་དམིགས་ལེགས་པར་ཕྱེད་པར་བྱའོ། །དེས་ན་སྐབས་འདིར་སྒོམ་རིམ་དང་བསྟུན་ནས་གང་ཟག་གི་བདག་མེད་པའི་དོན་རྩ་ཧྲིལ་གྱིས་བསྡུས་ཏེ་བཤད་དེ། འཕགས་པ་ལྷས། <br /> རྟོག་པ་མེད་པར་འདོད་ཆགས་ལ།།<br /> སོགས་ལ་ཡོད་ཉིད་ཡོད་མིན་ན།།<br /> ཡང་དག་དོན་དང་རྟོག་པ་ཞེས།།<br /> བློ་དང་ལྡན་པ་སུ་ཞིག་འཛིན།། ཞེས་དང་། <br /> <br /> དེའི་འགྲེལ་པ་ལས་ཀྱང་། རྟོག་པ་ཡོད་པ་ཁོ་ནས་ཡོད་པ་ཉིད་དང་། རྟོག་པ་མེད་པར་ཡོད་པ་ཉིད་མེད་པ་དེ་དག་ནི་གོར་མ་ཆགས་པར་ཐག་པ་བསྡོགས་པ་ལ་བཏགས་པའི་སྦྲུལ་ལྟར་རང་གི་ངོ་བོས་མ་གྲུབ་པར་ངེས་སོ། །ཞེས་བདག་དང་བདག་གི་བའི་མིག་རྣ་སོགས་ཆོས་ཐམས་ཅད་རྟོག་པས་ཕར་བཏགས་པ་ཙམ་དང་། རྟོག་པའི་དབང་གིས་བཞག་པ་ཙམ་ཡིན་གྱི། རང་གི་ངོ་བོས་གྲུབ་པ་དང་། དེ་ལ་ལྟོས་ཏེ་སྐྱེས་པ་ནི་བློ་དང་ལྡན་པ་སུ་ཞིག་གིས་འཛིན་ཏེ་མི་འཛིན་ནོ། །དེ་ལྟར་ཡིན་ཏེ། དཔེར་ན་མུན་པས་ཅུང་ཟད་ཁེབས་པའི་ཡུལ་མི་གསལ་བ་ཞིག་ན། ཐག་པ་ཁྲ་བོ་འཁྱིལ་ལུགས་སྦྲུལ་དང་འདྲ་བ་ཞིག་མཐོང་ན་འདི་ནི་སྦྲུལ་ལོ་སྙམ་པའི་བློ་ཞིག་སྐྱེའོ། །དེའི་ཚེ་ཐག་པ་ནི་སྦྲུལ་དུ་མ་གྲུབ་སྟེ། ཐག་པའི་ཚོགས་པ་དང་ཆ་ཤས་གང་ཡང་སྦྲུལ་གྱི་མཚན་གཞིར་འཇོག་ཏུ་མ་རྙེད་པས། དེའི་སྦྲུལ་<br /> <br /> 418<br /> <br /> ནི་རྟོག་པས་བཏགས་པ་ཙམ་དུ་ཟད་དོ། །དེ་བཞིན་དུ་ཕུང་པོ་ལ་བརྟེན་ནས་ངའོ་སྙམ་པའི་བློ་དམ་སྦྲིང་བ་ཞིག་འབྱུང་ན། ང་དེ་ཕུང་པོའི་རྒྱུན་གྱི་ཚོགས་པ་དང་། དུས་གཅིག་པའི་ཚོགས་པ་དང་། མགོ་ལག་སོགས་དེའི་ཆ་ཤས་གང་ཡང་དེའི་མཚན་གཞིར་འཇོག་ཏུ་མ་རྙེད་པའི་ང་དེ་ནི་རྟོག་པས་བཏགས་པ་ཙམ་དུ་ཟད་དོ། །ཞེས་པའི་དོན་ཏེ། ཕུང་པོ་ལྔ་ཚོགས་པ་ཙམ་མམ་ལུས་སེམས་གཉིས་ཚོགས་པ་ཙམ་གྱི་སྟེང་དུ་རྟོག་པས་བཏགས་པ་ཙམ་མ་ཡིན་པ་ཡུལ་རང་ངོས་ནས་གྲུབ་པའི་ང་ཞིག་ཡོད་པར་འཛིན་པའི་བློ་དེ་ལ་ངར་འཛིན་ལྷན་སྐྱེས་ཞེས་བྱ་ལ། དེའི་འཛིན་སྟངས་ཀྱི་ང་དེ་ནི་ཡོད་པ་མ་ཡིན་ཏེ། གལ་ཏེ་ཡོད་ན་རང་གི་ཕུང་པོ་ལྔའི་སྟེང་དུ་ཡོད་པ་ལས་འོས་མེད་པའི་(པས)དེས་ན་ང་དེ་ཕུང་པོ་ལྔ་དང་གཅིག་ཏུ་ཡོད་དམ་ཐ་དད་དུ་ཡོད། དེ་ལས་གཞན་པའི་ཡོད་ཚུལ་ཕུང་གསུམ་པ་ནི་ག་ལ་སྲིད་དེ་མི་སྲིད་དོ། །<br /> གལ་ཏེ་ང་དེ་ཕུང་པོ་ལྔ་དང་གཅིག་ཏུ་གྲུབ་ན་རང་གི་ཕུང་པོ་ལ་ལྔ་ཡོད་པ་དེ་བཞིན་དུ། ང་ཡང་རྒྱུད་ཐ་དད་པ་ལྔར་འགྱུར་པར་ཐལ་ཞིང་། ཡང་ན་ང་གཅིག་ཡིན་པ་དེ་བཞིན་དུ་རང་གི་ཕུང་པོ་ལྔ་ཡང་གཅིག་ཏུ་འགྱུར་པ(ར)་ཐལ་ལོ། །གཞན་ཡང་ངར་འཛིན་ལྷན་སྐྱེས་ཀྱིས་བཟུང་བ་ལྟར་གྱི་ང་དེ་ཕུང་པོ་ལྔ་དང་གཅིག་ཡིན་ན། ཕུང་པོ་ལྔ་སྐྱེ་འཇིག་བྱེད་པ་བཞིན་དུ། ང་ཡང་སྐྱེ་འཇིག་བྱེད་དགོས་ལ། སྐྱེ་འཇིག་བྱེད་པའི་ང་དེའི་སྐད་ཅིག་སྔ་ཕྱི་རྣམས་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་<br /> <br /> 419<br /> <br /> ན་ཚེ་འདིའི་ང་དང་ཚེ་སྔ་ཕྱིའི་ང་གསུམ་ཡང་ཆ་མེད་པ་གཅིག་ཏུ་འགྱུར་བར་ཐལ་ཞིང་། གཉིས་པ་ལྟར་ན། རང་བཞིན་གྱིས་གྲུབ་པའི་ཐ་དད་ཡིན་ན་ཕན་ཚུན་འབྲེལ་མེད་ཀྱི་ཐ་དད་ཡིན་དགོས་པའི་(པས)ཚེ་འདིའི་ང་དང་། ཚེ་སྔ་ཕྱིའི་ང་གསུམ་འབྲེལ་མེད་ཐ་དད་དུ་འགྱུར་བས། ལས་མ་བྱས་པ་དང་ཕྲད་ཅིང་། བྱས་པ་ཆུད་ཟ་བ་སོགས་ཀྱི་ཉེས་པ་ཟློག་ཏུ་མེད་པ་དུ་མ་ཡོད་པའི་ཕྱིར། ང་དེ་རང་གི་ཕུང་པོ་ལྔ་དང་གཅིག་ཏུ་ག་ལ་གྲུབ་སྟེ་མི་གྲུབ་བོ། །<br /> ཡང་ན་ང་དེ་ཕུང་པོ་ལྔ་དང་ཐ་དད་དུ་གྲུབ་ན། དེ་ཡང་མི་འཐད་དེ་ཕུང་པོ་ལྔ་པོ་རེ་རེ་ནས་བསལ་བའི་ཤུལ་དུ། ང་དེ་འདིའོ་ཞེས་ངོས་འཛིན་རྒྱུ་ཞིག་དགོས་པ་ལ། དེ་མེད་པའི་ཕྱིར། གཞན་ཡང་ཤིང་རྟའི་དཔྱད་པ་ལ་བརྟེན་ནས་བདག་མཐའ་བདུན་དུ་བཙལ་བས་མི་རྙེད་ཀྱང་། རང་གི་གདགས་གཞིའི་ཕུང་པོ་ལ་བརྟེན་ནས་བཏགས་པའི་ང་ཙམ་དེ་ནི་ཡོད་ལ། རང་མཚན་གྱིས་གྲུབ་པའི་བདག་གམ་ང་དེ་ནི་རྣམ་པ་ཀུན་ཏུ་ཡོད་པ་མ་ཡིན་ནོ། །<br /> གཉིས་པ་ནི། དེ་ལྟར་དཔྱད་པར་བྱས་པའི་ང་ཉིད་རང་བཞིན་གྱིས་མ་གྲུབ་པ་དེ་བཞིན་དུ། རང་གི་ཕུང་པོ་དང་ཁང་ཁྱིམ་རི་བྲག་སོགས་ཕྱི་རོལ་གྱི་ཆོས་རྣམས་ལའང་རང་བཞིན་གྱིས་མ་གྲུབ་པར་བལྟ་བར་བྱ་སྟེ། མདོ་ལས།<br /> ནང་གི་བདག་ཉིད་སྟོང་པར་ལྟོས།།<br /> ཕྱི་རོལ་དག་ཀྱང་སྟོང་པར་ལྟོས།།<br /> <br /> ཞེས་ནང་གི་བདག་རང་བཞིན་གྱིས་མ་གྲུབ་པར་དཔྱད་པའི་རིགས་པ་དང་འགྲོས་སྦྱར་སྟེ། དེ་ལས་<br /> <br /> 420<br /> <br /> གཞན་ཕྱི་རོལ་གྱི་ཆོས་རྣམས་རང་བཞིན་གྱིས་མ་གྲུབ་པར་ལྟོས་ཞེས་དང་། འཇུག་པ་ལས།<br /> བུམ་པ་སྣམ་བུ་རེ་ལྡེ་དམག་དང་ནགས་ཚལ་ཕྲེང་བ་ལྗོན་ཤིང་དང་།།<br /> ཁང་ཁྱིམ་ཤིང་རྟ་ཕྲན་དང་མགྲོན་གནས་ལ་སོགས་དངོས་རྣམས་གང་དག་དང་།།<br /> དེ་བཞིན་གང་དག་སྒོ་ནས་སྐྱེ་འདིས་བསྙད་བ་དེ་རྣམས་རྟོགས་བྱ་སྟེ།།<br /> <br /> ཞེས་ལུང་དོན་སྔ་མ་དང་མཐུན་པར་གསུངས་ཏེ། མདོར་ན་བདག་གི་གདགས་གཞིའི་ཕུང་པོ་འདི་ནི་བདག་དང་རང་བཞིན་གྱིས་གྲུབ་པའི་གཅིག་དང་ཐ་དད་གང་དུའང་མ་གྲུབ་སྟེ། དེ་ལྟར་གྲུབ་ན་སྔར་ལྟར་མང་སྐྱོན་དང་ཆ་ཀུན་གཅིག་ཏུ་འགྱུར་པ་སོགས་ཐལ་ཏེ། དཔེར་ན་རང་གི་ཤ་རུས་རྡོས་བཅས་ཀྱི་ལུས་འདིའི་སྟེང་དུ་ལུས་ཞེས་རྟོག་པས་ཕར་བཏགས་པ་ཙམ་མ་ཡིན་པར་ལུས་རང་ངོས་ནས་གྲུབ་པ་ཞིག་བྱུང་ན་དེ་དག་དཔྱད་པར་བྱ་སྟེ། དེ་ཡང་ཤ་རུས་རྡོས་བཅས་ཀྱི་ཡན་ལག་ལྔ་ཚོགས་ཙམ་གྱི་ལུས་འདིའི་སྟེང་དུ་ཡོད་ན། དེ་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན། ཤ་རུས་རྡོས་བཅས་ཀྱི་ལུས་འདིའི་རྒྱུ་ཕ་མའི་ཁུ་ཁྲག་དག་ཀྱང་ཡན་ལག་ལྔ་ཚོགས་ཀྱི་ལུས་སུ་ཐལ་ཞིང་། ཤ་རུས་རྡོས་བཅས་ཀྱི་ལུས་ལ་ཡན་ལག་ལྔ་ཡོད་པ་བཞིན་དུ་ལུས་ཀྱང་ལྔར་འགྱུར་བར་ཐལ་ལོ། །གཉིས་པ་ལྟར་ན། ལུས་དེའི་ཡན་ལག་ལྔ་དང་བྱང་ཁོག་སྟོད་སྨད་ཤ་རུས་ལྤགས་པ་ཆུ་རྒྱུས་དང་། ནང་གི་དོན་ལྔ་སྣོད་དྲུག་ཕྱི་ནང་བར་གྱི་ཟུང་བདུན་ཏེ། ལུས་ཀྱི་མི་གཙང་བའི་<br /> <br /> 421<br /> <br /> རྫས་སོ་དྲུག་པོ་རེ་རེ་ནས་བསལ་བའི་ཤུལ་དུ་ལུས་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར། དེ་བཞིན་དུ་ནང་གི་ཤེས་པ་ལའང་དཔྱད་དེ། དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་ཀྱི་སྟེང་དུ་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པ་ཞིག་བྱུང་ན་དེ་ནི་མི་རིགས་ཏེ། གལ་ཏེ་དེ་ལྟར་ཡིན་ན་དེ་རིང་གི་ཤེས་པ་དེ་དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་དང་གཅིག་ཏུ་གྲུབ་བམ་ཐ་དད་དུ་གྲུབ། དང་པོ་ལྟར་ན་དེ་རིང་གི་ཕྱི་དྲོའི་ཤེས་པའི་སྟེང་དུ་དེ་རིང་གི་སྔ་དྲོའི་ཤེས་པའང་ཡོད་པ་ཐལ་ཞིང་། གཉིས་པ་ལྟར་ན། དེ་རིང་གི་སྔ་དྲོ་དང་ཕྱི་དྲོའི་ཤེས་པ་གཉིས་རེ་རེ་ནས་བསལ་བའི་ཤུལ་དུ། དེ་རིང་གི་ཤེས་པ་ནི་འདིའོ་ཞེས་བསྟན་རྒྱུ་ཞིག་དགོས་པ་ལ་དེ་མེད་པའི་ཕྱིར་མི་འཐད་དོ། །<br /> དེ་བཞིན་དུ་ཕྱི་ནང་གི་ཆོས་གང་ལ་དཔྱད་ཀྱང་རང་བཞིན་གྱིས་གྲུབ་པ་རྡུལ་ཕྲན་ཙམ་མེད་ཀྱང་ཐ་སྙད་ཀྱི་བྱ་བྱེད་དགེ་སྡིག་ལས་རྒྱུ་འབྲས་སོགས་ནི་འགོག་མེད་དུ་འཆར་ཞིང་འཐད་པ་ཡིན་ཏེ། རྗེ་ཐམས་ཅད་མཁྱེན་པའི་ཞལ་ནས། <br /> རང་བཞིན་གྱིས་ནི་སྟོང་པ་དང་།།<br /> བྱ་བྱེད་འཐད་པའང་མི་འགལ་ཞིང་།།<br /> <br /> ཞེས་དང་། རྗེ་མི་ལས་ཀྱང་། <br /> མེད་ཀྱང་སྣང་བ་ངོ་མཚར་ཆེ།།<br /> ཞེས་ཆོས་ཐམས་ཅད་རང་བཞིན་གྱིས་གྲུབ་པའི་སྟོང་ནའང་། བདེ་སྡུག་སོགས་བཟང་ངན་གྱི་བྱ་བྱེད་ཐམས་ཅད་བསྙོན་མེད་དུ་འཇོག་ཤེས་པ་འདི་ནི་ཀླུ་སྒྲུབ་ཡབ་<br /> <br /> 422<br /> <br /> སྲས་ཀྱི་དགོངས་པ་རྨ་མེད་པ་ལགས་ཤིང་། ཚུལ་འདི་ནི་རང་སྡེ་འོག་མ་རྣམས་ཀྱི་སྤྱོད་ཡུལ་དུ་མ་གྱུར་པ་ཐལ་འགྱུར་བ་རང་ལུགས་ཀྱི་དགོངས་དོན་ཐུན་མོང་མ་ཡིན་པ་ཡིན་ཞིང་། <br /> གནད་འདི་དག་ལ་བརྟེན་ནས་རང་སྡེ་འོག་མ་ཀུན་དང་མི་མཐུན་པའི་ལུགས་འདི་ལ་ཐུན་མོང་མ་ཡིན་པའི་ཁས་ལེན་གཙོ་བོར་བརྒྱད་དུ་གྲགས་པ་ནི་ཚོགས་དྲུག་ལས་ངོ་བོ་ཐ་དད་པའི་ཀུན་གཞིའི་རྣམ་ཤེས་ཁས་མི་ལེན་པ་དང་། རང་རིག་འགོག་ཚུལ་ཐུན་མོང་མ་ཡིན་པ་དང་། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཁོ་ན་ཉིད་རྟོགས་པའི་ལྟ་བ་སྐྱེད་པ་ཁས་མི་ལེན་པ་དང་། ཤེས་པ་ཁས་ལེན་པ་དེ་བཞིན་དུ་ཕྱི་དོན་ཡང་ཁས་ལེན་དགོས་པ་དང་། ཉན་རང་ལ་དངོས་པོ་རང་བཞིན་གྱིས་མ་གྲུབ་པ་རྟོགས་པར་ཡོད་པ་དང་། ཆོས་ཀྱི་བདག་འཛིན་ཉོན་མོངས་སུ་འདོད་པ་དང་། ཞིག་པ་དངོས་པོ་ཡིན་པ་དང་། དེ་ལ་བརྟེན་ནས་དུས་གསུམ་གྱི་རྣམ་བཞག་ཐུན་མོང་མ་ཡིན་པ་འཇོག་པ་སོགས་ཏེ། <br /> དེའི་དང་པོ་ནི། རང་སྡེ་འོག་མ་ཁ་ཅིག་ཀུན་གཞི་འདོད་པ་རྣམས་ཀྱིས་རྣམ་ཤེས་ཚོགས་དྲུག་ལས་ངོ་བོ་ཐ་དད་ཅིང་རང་བཞིན་གྱིས་གྲུབ་པའི་ཀུན་གཞིའི་རྣམ་པར་ཤེས་པ་ཞིག་ནི་ངེས་པར་འདོད་དགོས་ཏེ། དེ་མེད་ན་ལས་བཟང་ངན་གྱི་རྟེན་བཅའ་བའི་གཞི་མེད་པར་འགྱུར་ཞེས་སྨྲ་ལ། རང་ལུགས་ནི་ཀུན་གཞིའི་རྣམ་པར་ཤེས་ཉིད་མེད་ཀྱང་། རང་གི་ཕུང་པོ་ལྔ་ཚོགས་པ་ལ་བརྟེན་ནས་བཏགས་པའི་ང་<br /> <br /> 423<br /> <br /> ཙམ་ཉིད་ལས་འབྲས་ཀྱི་རྟེན་དུ་འཇོག་ཆོག་པའི་ཕྱིར་ཀུན་གཞིའི་རྣམ་པར་ཤེས་པ་ནི་ཐ་སྙད་དུའང་ཁས་ལེན་པ་མ་ཡིན་ཏེ། དོན་མེད་པས་སོ། །<br /> གཉིས་པ་ནི། རང་སྡེ་འོག་མ་ཁ་ཅིག་གིས། ཕྱི་རོལ་གྱི་བཟུང་བ་མེད་པར་འཛིན་པ་རྫས་གཞན་ཉིད་དང་བྲལ་ཞིང་། གཟུང་འཛིན་རྫས་ཐ་དད་པ་གཉིས་ཀྱིས་སྟོང་པའི་གཞན་དབང་གི་དངོས་པོ་ཡོད་ཅིང་། དེ་གང་གིས་ཤེས་པར་འགྱུར་བའི་སྒྲུབ་བྱེད་བརྗོད་རིགས་ཏེ། ཚད་མས་མ་བཟུང་བའི་ཡོད་པ་ནི་ཁས་ལེན་དུ་མི་རུང་བའི་ཕྱིར། རང་རིག་གིས་གྲུབ་བོ་ཞེས་རང་གིས་རང་ཉམས་སུ་མྱོང་བའི་ཤེས་པ་ཞིག་འདོད་དོ། །<br /> དེ་ནི་མི་རིགས་ཏེ། གལ་ཏེ་ཁྱོད་ཀྱི་ཤེས་པ་རང་ཉིད་ཀྱིས་རང་ཉིད་ཡོད་པར་གྲུབ་ཅེས་སྨྲ་བ་དེ་ལྟར་ན་བྱ་བྱེད་ལས་གསུམ་གཅིག་ཏུ་འགྱུར་བ་ཐལ་ཞིང་། རང་གིས་རང་ལ་བྱེད་པ་འཇུག་པ་ལ་ཇི་ཙམ་དཔྱད་ཀྱང་ཆ་མེད་པའི་གཅིག་ཏུ་འཆར་བ་མི་ནུས་པའི་ཕྱིར། གཞན་ཡང་མདོ་ལས། རལ་གྲིའི་སོ་ཉིད་ཀྱིས་རལ་གྲིའི་སོ་གཅོད་པར་མི་ནུས་པ་དང་། སོར་མོའི་རྩེ་མོ་ཉིད་ཀྱིས་སོར་མོའི་རྩེ་མོ་ལ་རེག་པ་མི་ནུས་པ་དེ་བཞིན་དུ། སེམས་དེ་ཉིད་ཀྱིས་སེམས་དེ་ཉིད་མཐོང་བ་མི་ནུས་སོ། །ཞེས་སོགས་ལུང་རིགས་ཀྱིས་གནོད་པ་ཟློག་ཏུ་མེད་དོ། །<br /> གལ་ཏེ་ཕྱི་དུས་ཀྱི་དྲན་པ་རང་བཞིན་གྱིས་གྲུབ་པས་རང་རིག་འགྲུབ་བོ་ཞེ་ན། དྲན་པ་རང་བཞིན་གྱིས་གྲུབ་པས་རང་རིག་སྒྲུབ་པར་མི་ནུས་ཏེ། མ་གྲུབ་པའི་ཕྱིར། <br /> <br /> 424<br /> <br /> རང་རིག་པ་ནི་གྲུབ་ལ་རག་མོད་ཀྱི་དེ་ལྟར་ནའང་དྲན་ཤེས་ཀྱིས་ཡུལ་མྱོང་དྲན་པ་མི་རིགས་པར་ཐལ་ཏེ། མྱོང་དྲན་རང་བཞིན་གྱིས་གྲུབ་པའི་གཞན་ཡིན་པའི་ཕྱིར། དེ་ལྟར་ཡང་འཇུག་པ་ལས། <br /> གལ་ཏེ་ཕྱི་དུས་དྲན་པ་ལས་འགྲུབ་ན།།<br /> མ་གྲུབ་སྒྲུབ་པར་བྱ་ཕྱིར་བརྗོད་པ་ཡི།།<br /> མ་གྲུབ་འདི་ནི་སྒྲུབ་པར་བྱེད་པ་མིན།།<br /> རང་རིག་པ་ནི་གྲུབ་ལ་རག་མོད་ཀྱི།།<br /> དེ་ལྟའང་དྲན་པས་དྲན་པར་རིག་མིན་ཏེ།།<br /> གཞན་ཕྱིར་<br /> ཞེས་གསུངས་པའི་ཕྱིར་མི་འཐད་དོ། །<br /> རང་ལུགས་ལ་རང་རིག་མེད་ཀྱང་དྲན་པ་སྐྱེ་ཚུལ་ཡོད་དེ། སྔར་སྔོན་འཛིན་གྱི་ཡུལ་སྔོན་པོ་ལྟ་བུ་མྱོང་བ་ལས་ཕྱིས་སྔོན་འཛིན་གྱིས་སྔོན་པོ་དཔྱད་པའི་ཚུལ་གྱིས་དྲན་སྐྱེ་བ་ན། སྔར་སྔོན་འཛིན་གྱི་ཤེས་པ་སྤངས་ནས་དྲན་པ་སྐྱེ་བ་ནི་མ་ཡིན་གྱི། སྔར་སྔོན་པོ་འདི་མཐོང་ངོ་ཞེས་ཡུལ་ཡུལ་ཅན་གཉིས་འབྲེལ་བར་དྲན་པའི་ཕྱིར་རོ། །དཔེར་ན་དགུན་དུས་སུ་རང་ཉིད་བྱི་བས་རྨུག་པ་ན་དུག་ཞུགས་ཀྱང་། དེའི་ཚེ་རྨུགས་པ་མྱོང་གི་དུག་མ་མྱོང་ལ། ཕྱིས་དབྱར་དུས་སུ་འབྲུག་སྒྲ་ཐོས་ནས་སྔར་གྱི་དུག་ཞུགས་པ་ལངས་ཏེ་ན་བ་ན་རྨུགས་པའི་ཚེ་དུག་ཞུགས་པར་འདུག་སྙམ་དུ་དྲན་ཀྱང་། སྔར་རྨུགས་དུས་སུ་དུག་མ་མྱོང་བ་བཞིན་ཡིན་པའི་ཕྱིར་ཏེ། རྒྱལ་སྲས་ཆེན་པོ་ཞི་བ་ལྷས། <br /> གཞན་མྱོང་བ་དང་འབྲེལ་བ་ལས།།<br /> དྲན་འགྱུར་བྱི་བའི་དུག་བཞིན་ནོ།། ཞེས་གསུངས་པའི་ཕྱིར། <br /> <br /> འདིར་དེང་སང་གི་སྤྱོད་འཇུག་ཊཱི་ཀ་<br /> <br /> 425<br /> <br /> བྱེད་པ་ཁ་ཅིག་གིས། མདོར་ན་རང་རིག་པ་འགོག་པ་ནི། དོན་དམ་པར་འགོག་པ་ཡིན་གྱི་བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པར་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་རྒྱུད་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་ཀྱང་རྒྱུན་ཆད་པར་འགྱུར་བ་སོགས་རིག་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་། ལུགས་འདིར་ཐ་སྙད་དུའང་རང་རིག་དང་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་བཀག་པའང་མེད་ལ་སྒྲུབ་པའང་མེད་མོད་ཀྱི། དོན་དམ་པར་བཀག་གོ་ཞེས་སྨྲ་བའང་རང་གི་ནང་ཆ་བསྟན་པ་ཙམ་དུ་ཟད་དེ། <br /> ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། དཔལ་ལྡན་ཟླ་བས་འཇུག་འགྲེལ་དུ། འོན་ཏེ་འཇིག་རྟེན་ཐ་སྙད་ཀྱི་དབང་དུ་ཡིན་ན་ནི། དེ་ལྟ་ནའང་རང་རིག་པའི་རྒྱུ་ཅན་གྱི་དྲན་པ་མི་སྲིད་པ་ཉིད་དོ། །ཞེས་གསལ་བར་གསུངས་པའི་ཕྱིར་དང་། གཞན་ཡང་ཐ་སྙད་དུ་རང་རིག་བཀག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེ་རང་ངོས་ནས་གྲུབ་པར་ཐལ་བའི་ཐལ་བ་བཟློག་ཏུ་མེད་པའི་ཕྱིར། རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་དགོས་མེད་ཀྱི་དགག་པ་རྣམས་ཀྱང་འདོར་དུ་རིགས་ཏེ། གོང་དུ་རང་རིག་མེད་ཀྱང་དྲན་པ་སྐྱེ་བ་ཡོད་པ་འཆད་པ་ལ་<br /> <br /> 426<br /> <br /> དགོས་པ་ཡོད་ཅིང་། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པར་འཆད་དགོས་པའི་ཕྱིར་རོ། །<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ་དེ་ལྟར་ན་ལུགས་འདིས་ཕྱི་རོལ་གྱི་དོན་ཡང་འགོག་པར་འགྱུར་ལ། དེས་ན་མདོ་སྡེ་ས་བཅུ་པ་དང་དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་གསུངས་པ་སོགས་དོན་མེད་པ་ཉིད་དུ་ཐལ་བས་འདོད་དུ་ག་ལ་ནུས་ཏེ་མི་ནུས་སོ། །<br /> གཞན་ཡང་ཁྱོད་ཀྱི་འགྲེལ་པ་འདིར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་བཀོད་པའི་ལུང་རིགས་ཀྱི་སྒོ་ཙམ་བསྟན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་མོའི་བློས་གོ་བསྡུར་མི་དམན་པ་རེ་མཛོད། <br /> རྒྱལ་གསུང་དྲི་མེད་གསེར་གྱི་ལྷུན་པོ་ནི།།<br /> ཁུངས་ལྡན་ལུང་རིགས་རིན་ཆེན་ཕྲས་མཛེས་ཤིང་།།<br /> དགག་སྒྲུབ་རྟ་བདུན་འོད་ཀྱི་ཟེར་འཁྱུད་པ།།<br /> འདི་ཡང་རྒྱལ་བསྟན་མཛེས་པའི་དཔྱིད་དུ་གྲུབ། །<br /> <br /> གསུམ་པ། རང་རྒྱུད་ཀྱི་རྟགས་ལ་བརྟེན་ནས་ཕྱི་རྒོལ་གྱི་རྒྱུད་ལ་དེ་ཉིད་རྟོགས་པའི་ཤེས་རབ་སྐྱེ་བ་མེད་དེ་རང་རྒྱུད་ཀྱི་རྟགས་མ་གྲུབ་པའི་ཕྱིར་ཏེ། རང་བཞིན་གྱིས་གྲུབ་པའི་རྟགས་མ་གྲུབ་པས་སོ། །<br /> བཞི་པ། ཕྱི་དོན་ཡང་འགོག་པ་མ་ཡིན་ཏེ། གཟུགས་སོགས་ཇི་ལྟར་སྣང་བ་དེ་ལྟར་རང་མཚན་གྱིས་མ་གྲུབ་ཀྱང་། ཐ་<br /> <br /> 427<br /> <br /> སྙད་ཙམ་དུ་ཅི་ཡང་འཐད་པས་སོ། །<br /> ལྔ་པ། ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པ་ནི་གོང་དུ་ཅུང་ཟད་བཤད་ཟིན་ལ། <br /> <br /> དྲུག་པའང་། གོང་དུ་དགག་བྱའི་གནད་བཤད་པ་དེ་དག་གིས་ངེས་སོ། །<br /> བདུན་པ། ཞིག་པ་ནི་དངོས་པོ་ཡིན་ཏེ། གང་ཞིག་རྒྱུའི་དངོས་པོ་དེ་དེའི་འབྲས་བུ་ཡིན་པའི་ཕྱིར། དེ་ལྟར་ཡང་འཕགས་པའི་རྩ་ཤེས་ལས། དངོས་དང་དངོས་མེད་འདུས་བྱས་ཡིན།།<br /> <br /> ཞེས་བུམ་པ་ལྟ་བུའི་དངོས་པོ་དང་། དེ་ཞིག་པ་དེའི་དངོས་མེད་དེ་གཉིས་ཀ་འདུས་བྱས་ཡིན་པ་གསལ་བར་གསུངས་པའི་ཕྱིར། དེ་བཞིན་དུ་རིགས་པའི་འགྲོས་སྦྱར་ཏེ་དཔྱད་ན། <br /> བརྒྱད་པ། དུས་གསུམ་གྱི་རྣམ་བཞག་འཇོག་ཚུལ་ཐུན་མོང་མ་ཡིན་པའང་ཤེས་པར་འགྱུར་རོ། །<br /> དེ་ལྟར་ལུགས་འདིར་རང་སྡེ་འོག་མ་ཀུན་ལས་ཁྱད་པར་འཕགས་པའི་ཞལ་བཞེས་དེ་དག་ཀྱང་རང་མཚན་གྱིས་གྲུབ་པར་ཐ་སྙད་དུའང་ཁས་མི་ལེན་པའི་གནད་ཀྱིས་ཡིན་ཏེ་རྒྱས་པ་གཞན་དུ་བཤད་དོ། །<br /> དེ་ལྟར་ལུགས་འདིར་གཞན་གྱི་དམ་བཅའ་འགོག་པ་ན་རང་རྒྱུད་ཀྱི་གཏན་ཚིག་ཞལ་གྱིས་མི་བཞེས་ཤིང་། འགལ་བརྗོད་ཀྱི་ཐལ་འགྱུར་གྱི་སྒོ་ནས་གཙོ་བོར་བྱེད་པས་ན་ཐལ་འགྱུར་བ་ཞེས་མཚན་དུ་ཆགས་པ་ཡིན་ལ། གཞན་དུ་ན་དོན་དང་མི་མཐུན་པའི་བཤད་པ་འུད་ཆེན་པོས་དྲངས་ཏེ་ལུགས་འདིའི་དགོངས་དོན་དང་མཚན་གྱིས་སྒྲ་བཤད་འདྲ་མིན་སྣ་ཚོགས་སུ་སྨྲས་པ་རྣམས་ནི་བཞད་གད་ཀྱི་གནས་ཙམ་དུ་ཟད་དོ།།<br /> <br /> 428<br /> <br /> དེ་ལྟར་ཟབ་མོ་སྟོང་པ་ཉིད་ཀྱི་དོན་འདི་ནི་ཚད་ལྡན་གྱི་མཁས་པ་དང་གཞུང་ལུགས་དྲི་མ་མེད་པའི་རྗེས་སུ་བྲངས་ཏེ། རིགས་པ་ཡང་དག་གིས་ཡང་དང་ཡང་དུ་དཔྱད་པ་ལ་བརྟེན་ནས་རང་ཉིད་ཀྱིས་ངེས་པར་རྙེད་པ་བྱ་ཞིང་། གཞན་ལའང་དེ་ལྟ་བུའི་སྒོ་ནས་འཆད་པ་ཡིན་གྱིས། གཞན་དུ་ན་མཚན་ལྡན་གྱི་སློབ་དཔོན་དང་ལུང་རིགས་ཡང་དག་ལ་མ་བརྟེན་པ་རྟོག་བཟོ་དང་ཕོ་ཚོད་ཀྱི་དཔྱད་པས་ནི་ཟབ་མོའི་ལམ་འདི་དག་ལ་ལྟ་ཚུལ་ཉེས་ཏེ་མཐར་འཛིན་གྱི་གཡང་ས་ཆེན་པོར་ལྷུང་བ་ཉིད་དང་། ཚུལ་དེ་དག་ལས་ཟློག་པས་ནི་བླ་མེད་བྱང་ཆུབ་ཀྱི་བདེ་བ་འདྲེན་པ་ཉིད་དེ་འཕགས་པ་ཀླུས། <br /> དེ་བཞིན་ལོག་པར་བཟུང་བ་དེས།།<br /> འཕུང་བ་དག་ནི་འཐོབ་འགྱུར་ཞིང༌།།<br /> ལེགས་པར་ཤེས་པས་བདེ་བ་དང༌།།<br /> བྱང་ཆུབ་བླ་ན་མེད་པ་འཐོབ།།<br /> <br /> ཅེས་དང་། ཡང་དེ་ལྟར་ན་རྟེན་འབྲེལ་རྟག་ཆད་ཀྱི་མཐའ་གཉིས་དང་བྲལ་བ་ཡང་དག་པར་ཤེས་པ་ལ་ནི་ནན་ཏན་གྱི་བརྩོན་པ་མཆོག་ཏུ་བསྐྱེད་དགོས་ཏེ། དེའི་མཇུག་ཐོགས་སུ།<br /> དེ་ཕྱིར་འདི་ལ་སྤོང་བ་དང་།།<br /> མེད་པའི་ལྟ་བ་སྤང་ནས་ནི།།<br /> དོན་ཀུན་བསྒྲུབ་ཕྱིར་ཡང་དག་པའི།།<br /> ཤེས་པ་ནན་ཏན་མཆོག་མཛོད་ཅིག།།<br /> <br /> ཅེས་གསུངས་པའི་ཕྱིར་ཏེ། གོང་དུ་བཤད་པ་ལྟར་ཟབ་མོའི་ལམ་བཟང་པོ་དེ་དག་ལ་འབད་པ་ཆེན་པོའི་སྒོ་ནས་ཐོས་བསམ་གྱི་སྒྲོ་འདོགས་གཅོད་ནས་རིང་དུ་མི་འགྱངས་པར་ལོངས་མེད་ཀྱི་དྲན་པས་བསྐུལ་ནས་ཤིན་ཏུའང་དབེན་པའི་གནས་སུ་སྒྲུབ་པ་སྙིང་པོ་བྱས་ཏེ་གནས་པ་<br /> <br /> 429<br /> <br /> དག་ལ་ནི་བསྟན་པ་དང་འགྲོ་བའི་དོན་མཛད་པའི་དོན་གྱི་བསྟན་འཛིན་ནམ་སྐྱེས་བུ་དམ་པའོ། །ཞེས་སྔགས་པར་འོས་པ་ཉིད་དེ་བསྔགས་པ་དོན་དང་ལྡན་པ་ཉིད་དུ་རིགས་སོ། །<br /> <br /> འདིར་སྨྲས་པ། <br /> རླབས་ཆེན་ཐུགས་བསྐྱེད་ལྷ་ལམ་ཡངས་པོར་དྲི་མེད་མཁྱེན་པའི་ཆར་སྤྲིན་འཁྲིགས།།<br /> ཚད་ལྡན་ལུང་གི་གློག་འཕྲེང་གཡོ་དང་ལྷན་ཅིག་ལེགས་བཤད་འབྲུག་སྒྲ་ལྡིར།།<br /> རྣོ་ངར་རིག་པའི་ཐོག་མདའ་འཕངས་དང་ལྷན་ཅིག་སྨྲ་ངན་བྲག་རི་བཅོམ།།<br /> དཔལ་ལྡན་མཁས་དང་གྲུབ་པའི་བདག་ཉིད་འཕགས་མཆོག་ཀླུ་སྒྲུབ་ཡབ་སྲས་ཀྱི།།<br /> ལུགས་བཟང་དྲི་མེད་བ་ཀུ་ལ་ཡི་ཁ།།<br /> ཤིན་ཏུ་འབྱེད་པ་དཀའ་བའི་གནས་དེ་ནི།།<br /> འཇམ་མགོན་བླ་མའི་ལེགས་བཤད་འགྲམ་ཆང་གིས།།<br /> གསལ་བར་ཕྱེས་པའི་དགེ་མཚན་ཕྱོགས་འདིར་འབར།།<br /> ཚུལ་དེའི་བཞེད་གཞུང་དྲི་མ་མེད་པ་ལ།།<br /> རབ་གུས་ཡིད་ཀྱི་མཆོད་སྤྲིན་སྒྲེང་བཞིན་དུ།།<br /> ཀུན་ཕན་ལྷག་བསམ་གློག་གི་ཕྲེང་བ་བཅས།།<br /> ཟབ་མོའི་གཏམ་གྱི་དབྱར་རྔ་ཅུང་ཞིག་བརྡུང་།།<br /> བདག་ནི་བློ་གྲོས་རྟུལ་ཞིང་སྦྱངས་པ་དམན།།<br /> ཟབ་དོན་འབྱེད་པའི་སྤོབས་པ་ཕྲ་ནའང་།།<br /> མོས་ལྡན་ངག་གིས་ཡང་ཡང་བསྐུལ་བ་དང་།།<br /> འགའ་ལ་ཕན་པ་སྲིད་སྙམ་གཏམ་འདི་བྱས།།<br /> ཚུལ་འདི་འབད་ལས་དགེ་བ་གང་ཐོབ་པ།།<br /> དེ་ཡང་ཟབ་དང་རྒྱ་ཆེའི་ཆོས་ཚུལ་གྱི།།<br /> བསྟན་པ་རིན་ཆེན་རིང་དུ་གནས་པ་དང་།།<br /> འགྲོ་ཀུན་གཏན་བདེར་<br /> <br /> 430<br /> <br /> ཁྲིད་པའི་རྒྱུ་རུ་བསྔོ།།<br /> <br /> ཞེས་ཟབ་མོ་དབུ་མའི་གནད་ཅུང་ཟད་བརྗོད་པ་བློ་གསལ་དགའ་བའི་གཏམ་ཞེས་བྱ་བ་འདིའང་མི་ཕམ་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀའི་གོང་འོག་རྣམས་སུ་ལུང་རིགས་ཡང་དག་དང་འགལ་ཚབས་ཆེ་བ་མང་ཙམ་མཐོང་བའི་རྐྱེན་བྱས་ཉེ་ཆར་ཟབ་ལམ་ལ་མོས་པ་ཐོབ་པའི་ལུང་རིགས་སྨྲ་བ་དུ་མས་ཀྱང་འདི་ལྟ་བུ་ཞིག་དགོས་ཞེས་ཡང་དང་ཡང་དུ་བསྐུལ་བ་ལ་བརྟེན་ནས་མཁས་གྲུབ་གཉིས་ལྡན་གྱི་ཡོངས་འཛིན་དུ་མའི་བཀའ་དྲིན་གྱིས་རིང་དུ་འཚོ་བའི་སྡོམ་བརྩོན་མདོ་སྨད་སྐར་འཛིན་གྱི་སའི་ཆར་བྲག་དཀར་སྤྲུལ་མིང་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་རང་ལོ་ཉེར་གསུམ་ཐོག་དབུས་འགྱུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྡོད་དུས་སྦྱར་བ་དགེ་ལེགས་འཕེལ།<br /> }}</div>

Kiran https://bodhicitta.tsadra.org/index.php?title=Texts/%27jam_dbyangs_rnam_rgyal_gyi_%27dod_tshul_la_klan_ka_bgyis_pa_zab_mo%27i_gtam/Full_text&diff=124878 2026-02-27T06:36:29Z

<p>Kiran: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=Khenpo Tamphel input from [http://purl.bdrc.io/resource/MW23608_4337FF BDRC W23608-v12_img437-452]<br /> |FullTextDate=2024-06-25<br /> |PdfLink=File:'jam dbyangs rnam rgyal gyi 'dod tshul la klan ka bgyis pa zab mo'i gtam-W23608-v12 img437-452.pdf<br /> |FullTextTibetan=༄༅། །འཇམ་དབྱངས་རྣམ་རྒྱལ་གྱི་འདོད་ཚུལ་ལ་ཀླན་ཀ་བགྱིས་པ་ཟབ་མོའི་གཏམ་<br /> ཞེས་བྱ་བ་བཞུགས་སོ།།<br /> བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས།<br /> 1866–1928<br /> ༄༅། །ན་མོ་གུ་རུ་མཉྫུ་གྷོ་ཥཱ་ཡ། <br /> གང་ཞིག་སྤྲོས་དང་བྲལ་བའི་དོན།།<br /> རྟེན་བྱུང་ཟབ་མོའི་རིགས་ལམ་གྱིས།།<br /> གསལ་མཛད་འཕགས་ཡུལ་ཤིང་རྟ་ཆེ།།<br /> སངས་རྒྱས་གཉིས་པ་ཀླུ་སྒྲུབ་དང་།།<br /> དེ་སྲས་རྗེས་འབྲངས་བཅས་པ་ལ།།<br /> ངེས་པ་དོན་གྱི་ཕྱག་གིས་མཆོད།།<br /> དེང་སང་སྙིགས་མའི་དུས་ངན་འདིར།།<br /> ཚད་ཐུབ་མཁས་པ་དཀོན་ནའང་།།<br /> བསྟན་ལ་དད་པའི་མཐུ་ཐོབ་ཅིང་།།<br /> གཞུང་ལུགས་སྨྲ་བའི་ཁུར་འཛིན་པ།།<br /> འཇམ་དབྱངས་རྣམ་རྒྱལ་གྱིས་སྦྱར་བའི།།<br /> སྤྱོད་འཇུག་ཤེས་རབ་ལེའུའི་འགྲེལ།།<br /> ནོར་བུ་ཀེ་ཏ་ཀར་གྲགས་པ།།<br /> འདི་ལ་ཚད་ཐུབ་གཞུང་ལུགས་དང་།།<br /> འགལ་ཚབས་ཆེ་བ་མང་མཐོང་བ།།<br /> དེའི་ཕྱིར་ག་ཟུ་བོའི་བློ་གྲོས་ཀྱིས།།<br /> དྲི་མེད་གཞུང་དང་བསྟུན་ནས་ནི།།<br /> དགག་བཞག་ཉུང་ངུའི་གཏམ་འདི་བྱ།།<br /> དེས་ན་འདི་ལ་གཉིས། གཞི་བདེན་གཉིས་ཀྱི་འདོད་ཚུལ་དགག་པ་དང་། ལམ་བདག་མེད་ཀྱི་འདོད་ཚུལ་དགག་པའོ།། དང་པོ་ནི། རྒྱལ་སྲས་ཆེན་པོ་ཞི་བ་ལྷས།<br /> དོན་དམ་བློ་ཡིས་སྤྱོད་ཡུལ་མིན།།<br /> བློན་ཀུན་རྫོབ་ཡིན་པར་འདོད།།<br /> ཞེས་པའི་དོན་གྲེལ་བ་ན། ༼མི་ཕམ་༽ དེའི་ཕྱིར་དངོས་པོའི་གནས་ཚུལ་དོན་དམ་པ་ནི་ཡོད་པ་དང་། མེད་པ་དང་གཉིས་ཀ་དང་། གཉིས་མིན་གྱི་མཐའ་ཀུན་དང་བྲལ་བས་བློ་ཡིས་སྦྱོད་ཡུལ་མ་ཡིན་ཏེ། བློ་དང་སྒྲ་ནི་ཀུན་རྫོབ་ཡིན་གྱི་དོན་དམ་པ་ནི་མ་ཡིན་པའི་ཕྱིར་རོ། །ཞེས་ཚིང་རྐང་སྔ་མས་དམ་བཅའ་དང། ཕྱི་མ་རྟགས་སུ་བྱས་ཏེ་འགྲེལ་པ་ནི་མི་འཐད་དེ། ཀུན་རྫོབ་བདེན་པ་ཡིན་ན་དོན་དམ་མི་འཇལ་བས་མ་ཁྱབ་པའི་ཕྱིར། མ་གྲུབ་ན། དོན་དམ་བདེན་པ་ཆོས་ཅན། གཏན་མེད་ཡིན་པར་ཐལ། བློས་གཞལ་བྱ་མ་ཡིན་པའི་ཕྱིར། འདོད་ན་བདེན་གཉིས་ངོ་བོ་གཅིག་ལ་ལྡོག་པ་ཐ་དད་མ་ཡིན་པར་ཐལ། ཅིག་ཤོས་མ་གྲུབ་པའི་ཕྱིར། འདོད་མི་ནུས་ཏེ། བྱང་ཆུབ་སེམས་འགྲེལ་ལས།<br /> ཀུན་རྫོབ་སྟོང་པ་ཉིད་དུ་བཤད།།<br /> སྟོང་ཉིད་ཁོ་ན་ཀུན་རྫོབ་ཡིན།།<br /> མེད་ན་མི་འབྱུང་ངེས་པའི་ཕྱིར།།<br /> བྱས་དང་མི་རྟག་དག་བཞིན་ནོ།།<br /> <br /> <br /> 436 <br /> <br /> གཅིག་ལ་ལྡོག་པ་ཐ་དད་མེད་ན་མི་འབྱུང་ངམ་བདག་གཅིག་གི་འབྲེལ་བ་ངེས་ཤིང་བྱས་དང་མི་རྟག་པ་བཞིན་ཡིན་པ་གསལ་བར་གསུངས་པའི་ཕྱིར་དང་། གཞན་ཡང་དེ་ཆོས་ཅན། བློའི་ཡུལ་ཡིན་པར་ཐལ། འཕགས་པའི་མཉམ་བཞག་ཡེ་ཤེས་ཀྱིས་གཞལ་བྱ་ཡིན་པའི་ཕྱིར། འཇུག་འགྲེལ་ལས། དེ་ལ་དོན་དམ་པ་ནི་ཡང་དག་པར་གཟིགས་པ་རྣམས་ཀྱི་ཡེ་ཤེས་ཀྱི་ཁྱད་པར་གྱིས་ཡུལ་ཉིད་ཀྱིས་ཞེས་དང་། མདོ་ལས། བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས་རབ་ཏུ་མཁྱེན། ཞེས་དང་། ཚིག་གསལ་ལས་ཀྱང་། དེ་མེད་ན་བྱང་སེམས་རྣམས་ཀྱིས་ཕ་རོལ་ཏུ་ཕྱིན་པའི་ལམ་སྒོམ་པ་དོན་མེད་པར་ཐལ་བ་སོགས་ཀྱི་རིགས་པ་སྟེ། ལུང་རིགས་ཀྱིས་གནོད་པ་བཟློག་ཏུ་མེད་དོ།།<br /> གཞན་ཡང་ཁྱོད་ཀྱིས་འདི་ལ་མདོ་རྒྱན་སོགས་ཀྱིས་ཤེས་བྱེད་བྱས་པ་རྣམས་ཀྱང་དྲང་ངེས་མ་ཕྱེད་པའི་རང་མཚང་ངོམས་པར་ཟད་དེ། ལུང་དེ་དག་གི་དོན་ནི་དོན་དམ་པ་གཉིས་སྣང་གི་བློའི་སྤྱོད་ཡུལ་མ་ཡིན་པའི་དོན་ཡིན་པའི་ཕྱིར་ཏེ། གཉིས་སྣང་གི་བློ་ཡིན་མིན་གྱི་ཁྱད་པར་བཙལ་ན་གོ་བར་འགྱུར་རོ།།<br /> ཡང་ཁྱོད་ཀྱིས་ཐ་སྙད་དུ་ནི་འཕགས་པའི་མཉམ་བཞག་ཡུལ་ཅན་དང་། ཆོས་དབྱིངས་ཡུལ་དུ་བྱས་པ་ལ་བརྟེན་ནས་ཤེས་བྱ་ཡིན་ཞེས་བརྗོད་རུང་གི་དོན་དམ་པ་དེ་བཞིན་ཉིད་བཟུང་བྱའམ་ཤེས་བྱ་ཡིན་ཞེས་སྨྲ་ན་ཚིག་དེ་དངོས་ཤུགས་མི་འགལ་ལམ་ཞེས་ཕྱོགས་སྨྲ་བའི་རིགས་པ་ལ་ཟུར་ཟ་བའི་སྐད་དུ་སྣང་ཡང་། དེས་ནི་ཕྱོགས་སྨྲ་བ་ལ་ཅི་ཡང་མི་གནོད་པའི་ཁར་རང་གི་ནང་ཆ་སྟོན་པར་ཟད་དེ། ཕྱོགས་སྨྲ་བས་དོན་དམ་བདེན་པ་ཡུལ་དུ་འདོད་ཅེས་སྨྲ་བ་ལས་དོན་དམ་པར་དེ་བཞིན་ཉིད་བཟུང་བྱའམ་ཤེས་བྱ་ཡིན་ཞེས་མ་སྨྲས་པས་གནོད་བྱེད་དུ་མི་འགྱུར་བ་ལ། རང་གིས་དོན་དམ་བདེན་པ་ཤེས་བྱ་<br /> <br /> 437 <br /> <br /> ཡིན་མིན་དཔྱད་པ་དང་། དོན་དམ་པར་ཡོད་མེད་དཔྱད་པ་གཉིས་ཀྱི་སྐབས་མ་ཕྱེད་པའི་རང་མཚངས་ཤིན་ཏུ་གསལ་པོར་བྱས་པའི་ཕྱིར་རོ།།<br /> ཡང་གོང་དུ་དོན་དམ་ཤེས་བྱ་མ་ཡིན་པ་གློ་ཀུན་རྫོབ་པའི་རྟགས་ཀྱིས་སྒྲུབ་པ་དང་། འདིར་ཐ་སྙད་དུ་ཆོས་དབྱིངས་ཡུལ་དུ་འདོད་ཅེས་སྨྲས་པ་གཉིས་ཀྱང་རང་ཚིག་སྔ་ཕྱི་འགལ་བའི་བཞད་གོད་ཆེན་པོ་ཉིད་དུ་འདུག་པས་དེ་ལའང་ཐལ་བ་འདི་བྱ་སྟེ། ཁྱོད་ཀྱིས་གོང་དུ་བློ་ཀུན་རྫོབ་པ་ཡིན་པའི་རྟགས་ཀྱིས་དོན་དམ་བློ་ཡིས་སྤྱོད་ཡུལ་མ་ཡིན་པར་སྒྲུབ་པ་མི་འཐད་པར་ཐལ། དོན་དམ་བློ་ཡིས་སྤྱོད་ཡུལ་ཡིན་པའི་ཕྱིར་ཏེ།། དོན་དམ་ཐ་སྙད་དུ་ཤེས་བྱ་ཡིན་པའི་ཕྱིར། ཁྱབ་པ་ཁས། འདོད་ན་དམ་བཅའ་སྔ་མ་བུད། ཡང་ན་འདོད་མི་ནུས་ཏེ། དེ་བཞིན་ཉིད་ཐ་སྙད་དུ་ཤེས་བྱ་ཡིན་རུང་། དོན་དམ་པར་ཤེས་བྱ་མ་ཡིན་པའི་རྣམ་པ་ཀུན་ཏུ་ཤེས་བྱ་ཡིན་པར་མི་འདོད་པའི་སྐྱོན་མེད་སྙམ་ན། དེ་ཡང་མཚར་ཏེ། ཁྱོད་ལ་དོན་དམ་ཐ་སྙད་དུ་ཤེས་བྱ་ཡིན་པའི་ཡིན་གོ་མ་ཆོད་པ་དེ་བཞིན་དུ་དགེ་སྡིག་དང་ལས་འབྲས་སོགས་ཀྱང་ཐ་སྙད་དུ་ཤེས་བྱ་ཡིན་པའི་ཡིན་གོ་མི་ཆོད་པར་མཚུངས་དགོས་ལ། དེས་ན་ལས་རྒྱུ་འབྲས་སོགས་གཏན་མེད་དུ་འདོད་དགོས་པའི་ཕྱིར། ཆད་མཐའི་གཡང་ས་ཆེན་པོ་དེ་ལ་ངལ་བསོ་མེད་པར་ཕེབས་ཤིག ཡང་ཁྱོད་ཀྱིས་སྟོང་ཉིད་ཤེས་བྱར་ཁས་ལེན་ན་སྟོང་ཉིད་དངོས་པོར་གོལ་སྙམ་པའི་དོགས་པ་དེ་ཡང་ངེས་པར་མིང་ཙམ་གྱིས་ངལ་བར་ཟད་དེ། འཕགས་པ་ཀླུས། ཆོས་རྣམས་སྟོང་པ་འདི་ཤེས་ནས།། ལས་དང་འབྲས་བུ་རྟེན་པ་གང་།། ངོ་མཚར་བས་ཀྱང་འདི་ངོ་མཚར།། ཞེས་ཆོས་རྣམས་རང་བཞིན་གྱིས་སྟོང་པ་འདི་ཤེས་ནས་ཀྱང་ལས་དང་འབྲས་བུ་རྟེན་པའི་ཆོག་ཅིང་། ལས་དང་འབྲས་བུ་རྟེན་<br /> <br /> 438 <br /> <br /> པས་ཀྱང་སྟོང་པ་མི་འགོག་པ་འདི་གཉིས་གཅིག་གྲོགས་སུ་གཅིག་ཤར་བ་བྱུང་ན་སྣང་སྟོང་ཟུང་འཇུག་གམ་སྟོང་རྟེན་ཟུང་དུ་འཇུག་པ་ཞེས་བྱ་སྟེ། དོན་འདི་ནི་ངོ་མཚར་ཆེ་ཞེས་བསྔགས་པ་མཛད་པའི་ཕྱིར་རོ།།<br /> ཁྱོད་ཀྱིས་ལྟར་ན་སྟོང་པ་འདི་ཤེས་ནས་ལས་དང་འབྲས་བུ་རྟེན་པ་མི་འཐད་པར་འགྱུར་ཏེ། སྟོང་པ་ཉིད་སྟོན་པ་ན་གཟུགས་སོགས་ཀྱི་ཆོས་ཐམས་ཅད་མེད་པར་འགྱུར་བས་སོ།། དེས་ན་ཁྱོད་ལ་ཟུང་དུ་འཇུག་པ་དང་ངོ་མཚར་རྒྱུ་ཅི་ཞིག་ཡོད་དེ་མེད་པར་ཐལ་ལོ།། ཕྱོགས་སྨྲ་བ་ནི་ཐ་སྙད་ལ་མཁས་པའི་དོན་ལ་རྟོན་པ་ཁོ་ན་བྱུང་ཞིང་། ཁྱོད་ནི་མེད་པ་དང་རང་བཞིན་གྱིས་མེད་ཚུལ་ཡོད་པ་དང་རང་བཞིན་གྱིས་ཡོད་ཚུལ་སོགས་ཀྱི་རྣམ་དབྱེ་ཅུང་ཟད་ཀྱང་མ་ཕྱེད་པ་མིང་ཙམ་གྱིས་ངལ་བ་ཁོ་ནར་ཟད་དོ།། །།<br /> བློ་གྲོས་གཤོག་རྩལ་མ་རྫོགས་ཀྱང་།།<br /> གཞུང་ལུགས་ནམ་འཕངས་བཅད་པར་རློམས།།<br /> ལྟག་སྤྲོད་ཚིག་གི་སྲད་བུ་ལ།།<br /> འཁྱོགས་བཤད་ཕྲེང་བ་རྒྱུས་འདི་རྨོངས།།<br /> མཁས་མང་ཚོགས་པའི་མདུན་ས་རུ།། <br /> བླུན་པོའི་རང་མཚང་ངོམས་བྱེད་ཀྱི།།<br /> འཁྱོགས་བཤད་གཏམ་གྱི་ཕྲེང་བ་དེ།།<br /> བླུན་པོ་ཡོངས་ཀྱི་དགའ་སྟོན་གྱིས།། །།<br /> <br /> གཉིས་པ་ལ་གསུམ། ཉང་རང་དགྲ་བཅོམ་གྱིས་ཆོས་བདག་མེད་རྫོགས་པར་མ་རྟོགས་པ་དགག་པ། བྱང་སེམས་རྣམས་ཀྱིས་སྤང་བྱ་སྤོང་ཚུལ་མི་འགྲིགས་པ་སྟོན་པ། རང་རིག་དང་ཀུན་གཞི་ཐ་སྙད་དུ་འདོད་པ་དགག་པའོ།། དང་པོ་ནི། ཁྱོད་ཀྱིས་ཆོས་བདག་མེད་རྟོགས་པའི་ཡེ་ཤེས་སྤྱི། གང་ཟག་གི་བདག་མེད་རྟོགས་པའི་ཡེ་ཤེས་ནི་དེའི་བྱེ་བྲག་སྟེ་ཉི་ཚེ་བའོ།། ཆོས་བདག་འཛིན་ནི་རྨོངས་པ་སྤྱི་དང་། གང་ཟག་གི་བདག་འཛིན་ནི་དེའི་བྱེ་བྲག་སྟེ། ཤིང་དང་པ་ལ་ཤ་བཞིན་ནོ།། ཞེས་ཞེ་འདོད་དེ་ལ་བརྟེན་<br /> <br /> 439 <br /> <br /> ནས་ཉན་རང་དགྲ་བཅོམ་པས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་ཤིང་དེས་རྟོགས་པའི་སྟོང་ཉིད་སྟོང་ཉིད་ཉི་ཚེ་བ་ཡིན་ཚུལ་སོགས་གཏན་ནས་མི་འཐད་དེ། དེ་ལྟར་ན་ཉན་རང་དགྲ་བཅོམ་པ་རྣམས་ཆོས་ཅན། འཁོར་བ་ལས་མ་ཐར་བར་ཐལ། འཁོར་བའི་རྩ་བ་ཕུང་སོགས་རང་མཚན་གྱིས་གྲུབ་པར་འཛིན་པའི་བདེན་འཛིན་མ་སྤངས་པའི་ཕྱིར་ཏེ། དེས་ཕུང་སོགས་ཤེས་བྱ་མཐའ་དག་གི་སྟེང་གི་སྟོང་ཉིད་མ་རྟོགས་པའི་ཕྱིར། གཞན་ཡང་དེ་ཆོས་ཅན། ད་རུང་རང་རྒྱུད་ལ་འདོད་ཆགས་སོགས་སྐྱེ་བར་འགྱུར་བར་ཐལ། གཟུགས་སོགས་ལ་བདེན་པར་དམིགས་ནས་འཇུག་པའི་ཕྱིར་ཏེ། གཟུགས་སོགས་ཀྱི་དེ་ཁོ་ན་ཉིད་ཆོས་ཀྱི་བདག་མེད་གང་ཞིག་དེ་མ་རྟོགས་པའི་ཕྱིར། རྟགས་གཉིས་ཀ་གྲུབ་སྟེ། འཇུག་པ་ལས། ཁྱོད་ཀྱིས་རྣལ་འབྱོར་བདག་མེད་མཐོང་བ་ཡིས།། གཟུགས་སོགས་དེ་ཉིད་རྟོགས་པར་མི་འགྱུར་ཞིང་།། གཟུགས་ལ་དམིགས་ནས་འཇུག་ཕྱིར་འདོད་ཆགས་སོགས།། སྐྱེ་འགྱུར་དེ་ཡི་ངོ་བོ་རྟོགས་མེད་ཕྱིར།། ཞེས་དང་། རིགས་པ་དྲུག་ཅུ་པའི་འགྲེལ་པ་ལས་ཀྱང་། གང་དག་གཟུགས་ལ་སོགས་པ་རྣམས་ཀྱི་རང་བཞིན་དམིགས་ཀྱང་ཉོན་མོངས་པ་རྣམས་སྤང་བར་འདོད་པ་དེ་དག་ལ་ནི་ཉོན་མོངས་པ་སྤོང་བ་མི་སྲིད་པ་ཉིད་དོ།། ཞེས་བསྟན་པའི་ཕྱིར། གནས་དང་བཅས་པའི་སེམས་ཡོད་ལ།། ཉོན་མོངས་དུག་ཆེན་ཅིས་མི་འབྱུང་།། ཞེས་དེའི་ཕྱི་འགྲེལ་དང་གཞན་ཡང་། གང་ཚེ་ཐ་མལ་འདུག་པ་ཡང་།། ཉོན་མོངས་སྦྲུལ་གྱིས་ཟིན་པར་འགྱུར།། ཞེས་སོགས་ཀྱི་འགྲེལ་པ་རྣམས་ལས་ཀྱང་ཡང་ནས་ཡང་དུ་རྒྱུ་མཚན་དང་བཅས་ཏེ་གསལ་བར་གསུངས་པའི་ཕྱིར་རོ།། <br /> བདག་འཛིན་གྱི་བྱེ་བྲག་ཏུ་སྨྲ་བའང་མི་རིགས་ཏེ། དེ་ལྟར་ན་ཉན་རང་དགྲ་<br /> <br /> 440 <br /> <br /> བཅོམ་སྒྲིབ་གཉིས་སྤང་བའི་གང་ཟག་ཏུ་ཐལ། དེ་རྨོངས་པ་སྤྱི་སྤོང་བའི་གང་ཟག་ཡིན་པའི་ཕྱིར་ཏེ། སྤྱི་ཁེགས་ན་བྱེ་བྲག་ཁེགས་དགོས་པ་གང་ཞིག། དེས་ཆོས་ཀྱི་བདག་འཛིན་སྤོང་བ་ལུང་རིགས་ཡང་དག་གིས་གྲུབ་པའི་ཕྱིར་རོ།། ཁྱབ་པ་ཁས། ཡང་ཁྱོད་ཀྱིས་འདི་ལ་བདག་མེད་འདི་ནི་འགྲོ་བ་རྣམ་དགྲོལ་ཕྱིར་ཞེས་པའི་ཐད་ཀྱི་འཇུག་འགྲེལ་ཤེས་བྱེད་དུ་བྱས་ནས། སྒྲིབ་གཉིས་ཀྱི་གཉེན་པོ་བདག་མེད་གཉིས་བསྟན་པར་བརྗོད་ཅིང་ཞེས་དང་། ཉན་རང་ལ་བདག་མེད་རྫོགས་པར་སྒོམ་པ་མེད་ཅེས་དང་། སྟོང་ཉིད་བཅུ་དྲུགས་པོ་ཐེག་ཆེན་མུན་མོང་མ་ཡིན་པར་བཤད་པའི་ཕྱིར་རོ།། ཞེས་པ་རྣམས་ཀྱང་ཚིག་ཙམ་ལ་འཁྲུལ་ནས་དོན་གྱི་སྙིང་པོ་སྟོར་བར་ཟད་དེ། གལ་ཏེ་ཁྱོད་ཀྱིས་གང་ཟག་གི་བདག་མེད་ཉོན་སྒྲིབ་ཀྱི་དངོས་གཉེན་དང་། ཆོས་ཀྱི་བདག་མེད་ཤེས་སྒྲིབ་ཀྱི་དངོས་གཉེན་ཁོ་ནར་གོ་བར་འདུག་པ་དང་། གང་ཟག་གི་བདག་འཛིན་ལས་ནི་ཉོན་མོངས་པའི་སྒྲིབ་པ་དང་། ཆོས་ཀྱི་བདག་ལས་ནི་ཤེས་སྒྲིབ་སྐྱེ་བར་བཤད་ཅིང་སེམས་པའང་སྙིང་རྗེ་སྟེ། གཟུགས་སོགས་རང་མཚན་གྱིས་གྲུབ་པར་འཛིན་པ་ཆོས་ཀྱི་བདག་འཛིན་གང་ཞིག་དེའི་ཞེན་ཡུལ་སུན་མ་ཕྱུང་བ་དེ་སྲིད་དུ་གང་ཟག་གི་བདག་མེད་པ་རྟོགས་པར་མི་ནུས་པའི་ཕྱིར་ཏེ། འཇུག་འགྲེལ་ལས་ལུང་སྔ་མ་རྣམས་དང་མཐུན་པར་གཟུགས་ལ་སོགས་པ་རང་གི་ངོ་བོ་ལ་དམིགས་པ་ཕྱིན་ཅི་ལོག་ཏུ་གྱུར་པའི་ཕྱིར་གང་ཟག་གི་བདག་མེད་པར་རྟོགས་པའང་མི་འགྱུར་ཏེ། བདག་ཏུ་གདགས་པའི་རྒྱུ་ཕུང་པོ་ལ་དམིགས་པའི་ཕྱིར་རོ།། ཇི་སྐད་དུ་རིན་ཆེན་ཕྲེང་བ་ལས། ཇི་སྲིད་ཕུང་པོར་འཛིན་ཡོད་པ་ཞེས་སོགས་ཤེས་བྱེད་ཀྱི་ཁུངས་དང་བཅས་ཏེ་གསལ་བར་གསུང་བའི་ཕྱིར། རིན་ཕྲེང་གི་ལུང་འདིའི་དོན་ཡང་ <br /> <br /> 441 <br /> <br /> ཆོས་ཀྱི་བདག་འཛིན་ལས་གང་ཟག་གི་བདག་འཛིན་དང་དེ་ལས་ལས་དབང་གིས་འཁོར་བར་སྐྱེ་བར་བསྟན་པ་འདི་བཞིན་ཡིན་པར་གསལ་ལ། དེ་ལས་གཞན་དུ་བཤད་པ་ནི་གཞུང་དོན་རྙོག་པའོ།། སྟོང་ཉིད་བཅུ་དྲུག་པོ་ཐེག་ཆེན་ཐུན་མོང་མ་ཡིན་པར་བཤད་པའང་ཁྱབ་པ་མ་ངེས་སོ།།<br /> ད་རུང་ལུང་རིགས་ཀྱི་སྒོ་གཞན་ཡང་ཡོད་མོད་ཁྱོད་ཀྱིས་སྒྲིབ་གཉིས་དང་། བདག་འཛིན་གཉིས་དང་བདག་མེད་གཉིས་སོགས་ཀྱི་རྣམ་དབྱེ་ཅུང་ཟད་ཀྱང་མ་ཕྱེད་འདུག་པའི་ཕྱིར་རེ་ཞིག་དེ་ཙམ་མོ།།<br /> འོ་ན་མདོ་དང་བསྟན་བཅོས་དུ་མ་ནས་ཉན་རང་ལ་ཆོས་ཀྱི་བདག་མེད་རྫོགས་པར་རྟོགས་པ་མེད་ཅེས་གསུངས་པ་རྣམས་ཇི་ལྟར་དྲངས་ཞེ་ན་ཡོད་དེ། དེ་དག་ཉན་རང་ལ་ཆོས་ཐམས་ཅད་བདེན་མེད་དུ་རྟོགས་པའི་ཡེ་ཤེས་ཡོད་ཀྱང་། དེ་བཞིན་ཉིད་རིགས་པའི་རྣམ་གྲངས་མཐའ་ཡས་པའི་སྒོ་ནས་རྟོགས་པ་མེད་པའི་དོན་ཡིན་ནོ།། ཞེས་ལུང་རིག་ཚད་ལྡན་གྱི་རྗེས་སུ་འབྲངས་ནས་མགྲིན་པའི་གཟེངས་བཏེགས་ཏེ་སྨྲའོ།།<br /> ཡང་ཁྱོད་ཀྱིས་ཉོན་མོངས་སྤངས་པས་ཞེས་པ་ཉོན་མོངས་ཟད་པར་སྤངས་པ་གཞི་བཞག་ནས་དེ་ཙམ་གྱིས་གྲོལ་བ་གཏན་དུ་བ་མ་ཡིན་ཏེ། དགྲ་བཅོམ་མོའུ་འགལ་གྱི་བུ་ལྟ་བུར་ཉོན་མོངས་མེད་ཀྱང་སྔོན་ལས་ཀྱི་རྣམ་སྨིན་མཐོང་བ་ཡིན་པའི་ཕྱིར་ཞེས་འགྲེལ་བ་དང་། འོག་ནས་ཉན་རང་དགྲ་བཅོམ་གྱིས་ཆོས་རང་བཞིན་མེད་པ་རྫོགས་པར་མ་རྟོགས་པའི་དམིགས་པ་དང་བཅས་པའི་སེམས་དེ་ནི་འཁོར་འདས་སྤང་གཉེན་དུ་འཛིན་པ་ལྟ་བུའི་ཕྱོགས་སམ་སྤྲོས་པ་འགའ་ཞིག་ལ་གནས་པར་འདོད་པ་འདི་དག་རང་ཚིག་སྔ་ཕྱི་འགལ་བའི་བཞད་གད་ཆེན་པོ་ཉིད་དུ་འགྱུར་ཏེ། དེ་ལྟར་ན་དགྲ་བཅོམ་<br /> <br /> 442 <br /> <br /> མོའུ་འགལ་བུ་ཆོས་ཅན། ཁྱོད་ཀྱི་རྒྱུད་ལ་ཉོན་མོངས་ཡོད་པར་ཐལ། ཆོས་རང་བཞིན་མེད་པ་རྫོགས་པར་མ་རྟོགས་པའི་ཕྱིར། དེའི་རྒྱུད་ལ་དངོས་པོ་འགའ་ཞིག་ལ་ཞེན་པའི་བློ་ཡོད་པའི་ཕྱིར་ཏེ། འཁོར་འདས་སྤང་གཉེན་དུ་ཞེན་པའི་བློ་ཡོད་པའི་ཕྱིར། ཁྱབ་པ་ཁས། རྟགས་དེ་ལྟར་ཡང་། ཚིགས་གསལ་ལས། དངོས་པོ་རྣམས་རང་བཞིན་ཡོད་པར་རྟོགས་ནས་མངོན་པར་ཞེན་པ་དེ་ནི་ཆོས་རྣམས་ལ་འདི་བདེན་པར་མངོན་པར་ཞེན་པ་ཉིད་ཀྱི་སྒོ་ནས་མངོན་པར་ཞེན་པར་གྱུར་དང་། ལས་ཀྱང་བྱེད་ཅིང་འཁོར་བར་འགྱུར་ལ། ཕྱིན་ཅི་ལོག་ལ་གནས་པས་མྱ་ངན་ལས་འདས་པ་ཐོབ་པའི་སྐལ་བ་ཅན་དུ་ཡང་མི་འགྱུར་རོ།། ཞེས་དང་འཕགས་པས་ཀྱང་། གང་ཡང་རུང་བའི་གནས་རྙེད་ན།། ཉོན་མོངས་སྦྲུལ་གདུག་གཡོ་ཅན་གྱིས།། ཟིན་པར་འགྱུར་རོ་ཞེས་སོགས་ལུང་རིགས་ཚད་ལྡན་དང་འགལ་བ་ཟློག་ཏུ་མེད་པ་སྔར་ཡང་བཤད་ཟིན་པའི་ཕྱིར་རོ།། <br /> དེ་ལྟར་ན་དགྲ་བཅོམ་དེ་དག་ཚོར་བ་བདེན་འཛིན་ལ་བརྟེན་ནས་སྲེད་པ་ཉོན་མོངས་ཅན་སྐྱེ་ཞིང་དེ་ལས་ལས་དབང་གིས་ཡང་སྲིད་ཕྱི་མར་འཕེན་ཞེས་འགྲེལ་དགོས་པར་ཐལ་བ་དང་། སྐབས་འདིར་གྲོལ་བ་གཏན་དུ་བ་ཡིན་མིན་རྩོད་པ་འབྲེལ་མེད་དེ། འདིར་མི་རྟག་སོགས་རྟོགས་པའི་ལམ་ཙམ་གྱིས་འཁོར་བ་ལས་གྲོལ་མི་གྲོལ་རྩོད་པའི་སྐབས་ཡིན་པའི་ཕྱིར་ཏེ། འདི་བདེན་པར་མཐོང་བས་ཞེས་སོགས་ཀྱི་རྩོད་པའི་འཕྲོ་ཡིན་པའི་ཕྱིར་ཁྱོད་ཀྱིས་འགྲེལ་ཚུལ་གོང་འོག་ཀུན་གཏན་ནས་མི་འཐད་པར་གསལ་ལོ།། <br /> ཡང་འཇམ་མགོན་ཡབ་སྲས་ཀྱིས་ཉོན་མོངས་མངོན་གྱུར་ཙམ་སྤངས་པས་གྲོལ་ན་ཞེས་སྦྱར་མ་མི་འཐད་དེ། ཕ་རོལ་པོས་ཀྱང་མངོན་གྱུར་ཙམ་སྤངས་པས་གྲོལ་བར་མི་འདོད་པའི་འབྲེལ་མེད་<br /> <br /> <br /> 443<br /> <br /> ཀྱི་ཐལ་བ་ཞེས་དང་། དགྲ་བཅོམ་མོའུ་འགལ་གྱི་བུ་ལྟ་བུ་ལ་སྦྱར་ཏེ་རྒྱ་འགྲེལ་ཐམས་ཅད་ཞལ་འཆམས་པར་བཀྲལ་ཞིང་རིགས་པས་ཀྱང་གྲུབ་ཅེས་སོགས་སྨྲོས་ཏེ་དགག་པའང་བཞད་གད་དེ། ཕ་རོལ་པོས་མི་རྟག་སོགས་རྟོགས་པའི་ལམ་ཙམ་གྱིས་གྲོལ་བར་འདོད་པའི་འདོད་པ་རྟགས་སུ་བཀོད་ནས། ཉོན་མོངས་མངོན་གྱུར་ཙམ་སྤོང་བས་གྲོལ་བར་མི་འདོད་པ་ཐལ་བ་འཕངས་ལ། ཕ་རོལ་པོས་དེ་མི་འདོད་པའི་འབྲེལ་མེད་ཀྱི་ཐལ་བ་ཞེས་ཐལ་འགྱུར་གྱི་འགྲོ་མཚམས་འདི་ཙམ་ཡང་མི་ཤེས་པར་ད་དུང་གཞུང་ཆེན་མོ་ལ་འགྲེལ་པ་རྩོམ་ཁུལ་བགྱིས་པ་འདི་སྙིང་ཡང་རྗེ། རྒྱ་འགྲེལ་ཡིན་ནའང་ཁྱབ་པ་མེད་ཅིང་སྒྲུབ་བྱེད་ཀྱི་རིགས་པའང་འགལ་བར་བསྒྲུབ་ཟིན་ཏོ།། <br /> ཡང་སྲེད་འདི་ཞེས་པའི་སྐབས་སུ་འཇམ་མགོན་ཡབ་སྲས་ཀྱིས་གང་ཟག་རང་རྐྱ་ཐུབ་པའི་བདག་འཛིན་གྱིས་དྲངས་པའི་སྲེད་པ་མངོན་གྱུར་བ་རེ་ཞིག་སྤངས་ཀྱང་གང་ཟག་ངོ་བོ་ཉིད་ཀྱིས་གྲུབ་པར་འཛིན་པའི་འཇིག་ལྟས་དྲངས་པའི་སྲེད་པ་ཅི་སྟེ་མེད་ཅེས་བཤད་སྦྱར་མཛད་ཀྱང་། སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མ་ཡོད་པར་འགལ་ལ། ཕྱི་མས་དྲངས་པའི་ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པ་ཅི་སྟེ་ཡོད་ཅེས་སོགས་སྨྲས་ཏེ་དགག་པའང་རང་མཚང་ངོམས་པར་ཟད་དེ། རིམ་བཞིན་ཕྱོགས་སྔས་འདོད་པའི་གང་ཟག་དེའི་རྒྱུད་ལ་རང་དབང་བའི་བདག་འཛིན་མེད་པར་འདོད་པ་བཞིན་འདིར་ཡང་འདོད་ན་སྐྱེས་བུ་གཅིག་གི་རྒྱུད་ལ་དུས་མཉམ་པའི་བདག་འཛིན་དུ་མ་ཡོད་པར་འགལ་ཞེས་ཅི་ལ་ཟེར། མཚན་འཛིན་གྱི་འཇིག་<br /> <br /> 444<br /> <br /> ལྟས་དྲངས་པའི་སྲེད་པ་ནི་ཉོན་མོངས་ཅན་ཡིན་ལ། དེས་ན་ཡན་ལག་གང་རུང་གཉིས་ཀྱི་ནང་ཚན་དུ་གྱུར་པའི་སྲེད་པ་ལ་ཉོན་མོངས་ཅན་མིན་པར་ཡོད་པའི་ཞལ་བཞེས་གང་ན་འདུག། ཕ་རོལ་པོས་འཇིག་ལྟས་དྲངས་པའི་སྲེད་པ་ཡོད་པར་འདོད་ན། ཀུན་རྨོངས་ཡོད་པ་བཞིན་དུ་སྲེད་པ་ཅི་སྟེ་མེད་ཅིང་སྨྲས་པས་ཅི་ཞིག་བྱ། ཉོན་མོངས་ཅན་མིན་ཡང་ཞེས་དང་ཀུན་རྨོངས་བཞིན་དུ་ཞེས་པའི་ཚིག་གིས་སྲེད་པ་ཉོན་མོངས་ཅན་ཞིག་ཡོད་པར་སྟོན་དགོས་སྟེ། ཕྱི་རྒོལ་གྱིས་ཁོ་རང་འདོད་པའི་གང་ཟག་དེའི་རྒྱུད་ལ་སྲེད་པ་ཉོན་མོངས་ཅན་མེད་པར་འདོད་པ་ལ། ཁྱོད་ཀྱིས་དེའི་རྒྱུད་ལ་མངོན་པ་ནས་བཤད་པའི་སྲེད་པ་ཉོན་མོངས་ཅན་མེད་ཀྱང་། ཤེར་མདོ་ནས་བཤད་པའི་འཇིག་ལྟ་ཡོད་གང་ཞིག་དེས་དྲངས་པའི་སྲེད་པ་ཉོན་མོངས་ཅན་ཞིག་ཅི་སྟེ་མེད་ཅེས་སྦྱར་བ་ཡིན་པའི་ཕྱིར། མདོར་ན་ཁྱོད་ཀྱི་འགྲེལ་ཚུལ་འདི་བཞིན་སྨྱོན་པའི་ངག་སྒྲོས་ལྟར་གང་ཟིན་ཟིན་ནས་རྩོད་ཅིང་རང་ཚིག་སྔ་ཕྱི་འགལ་བར་འདུག་པ་འདི་འདྲ་ཡིན་ན་ངག་འབྲེལ་མེད་དུ་འགྱུར་གྱི་གཞུང་བཟང་གི་གོ་སྟོབས་དང་མཐུན་ཞིང་གོ་རིམ་མཐར་ཆགས་སུ་རྩོད་པའི་འགྲེལ་ངག་འདི་ལྟ་བུ་ནི་རྒྱལ་སྲས་ཆེན་པོ་དགྱེས་པའི་མཆོད་སྤྲིན་དུ་རིགས་པ་ཡང་དག་གིས་གྲུབ་བོ།། <br /> འཇམ་མགོན་གཞུང་ལུགས་རྟ་བདུན་བདག་པོའི་ཟེར།།<br /> ཡངས་པའི་ས་འདིར་འཕོས་པ་ཙམ་གྱིས་ཀྱང་།།<br /> ཐུབ་བསྟན་འདབ་བརྒྱ་ཁོང་ནས་འཛུམ་པ་དང་།།<br /> ལྷན་ཅིག་ལོག་ལྟའི་མུན་པ་དབྱིངས་སུ་བྲོས།། <br /> ཚད་ཐུབ་མཁས་པའི་དབང་པོ་འདི་འདྲ་ལ།།<br /> ཚད་མིན་ཚིག་གི་ཀླན་ཀ་བགྱིས་པའང་།།<br /> ཚད་ལྡན་ལུང་རིགས་སྲང་ལ་གཞལ་བའི་ཚེ།།<br /> ཚད་མེད་རང་མཚང་ངོམས་པའི་རྒྱུ་རུ་ཟད།།<br /> <br /> 445<br /> <br /> ད་དུང་ལྟར་སྣང་རིགས་པ་ཡིས།།<br /> བསྐལ་པའི་སྲིད་དུ་རྒོལ་འདོད་ཀྱང་།།<br /> ཚད་ལྡན་ལུང་ལ་བརྟེན་པ་ངས།།<br /> རིགས་པའི་ངར་གདངས་ཅི་ཡང་བསྐྱེད།། ཅེས་བྱས་སོ།། །།<br /> <br /> གཉིས་པ་བྱང་སེམས་རྣམས་ཀྱིས་སྤང་བྱ་སྤོང་ཚུལ་ཡང་མི་འཐད་དེ། ཉོན་མོངས་པ་ས་བོན་དང་བཅས་པ་མ་སྤོང་བར་དུ་ཉོན་མོངས་པའི་བག་ཆགས་ཤེས་སྒྲིབ་ཀྱི་ཆ་ཅུང་ཟད་ཀྱང་སྤངས་མི་ནུས་པའི་ཕྱིར་ཏེ། དཔེར་ན་རས་ཀྱི་སྟེང་དུ་སྣུམ་ལྷུང་བའི་སྣུམ་དེ་མ་ཟད་བར་དུ་སྣུམ་གྱིས་གོས་པའི་དྲི་མ་ཕྲ་མོ་སེལ་མི་ཐུབ་པ་བཞིན་ཡིན་པའི་ཕྱིར་ཏེ། འཇུག་འགྲེལ་ལས། ཏིལ་མར་དང་མེ་ཏོག་ལ་སོགས་པ་བསལ་དུ་ཟིན་ཀྱང་བུམ་པ་དང་སྣམ་བུ་ལ་སོགས་པ་རྣམས་ལ་དེ་དག་དང་ཕྲད་པའི་ཡོན་ཏན་ཕྲ་མོ་དམིགས་པ་བཞིན་ནོ།། འདི་ལྟར་ཉོན་མོངས་པ་སྤངས་ཀྱང་བག་ཆགས་ཡོད་པའི་ཞེས་སོགས་གསུངས་པའི་ཕྱིར་རོ།། འདི་ཡང་ལུགས་འདིའི་ས་ལམ་གྱི་བགྲོད་ཚུལ་ཐུན་མོང་མ་ཡིན་པའི་གནད་ཅུང་ཟད་ཀྱང་མ་ཤེས་པའི་རང་མཚང་ངོམས་པའོ།། །།<br /> གསུམ་པ་ནི་གཞན་མྱོང་བ་དང་འབྲེལ་བ་ལས་ཞེས་པའི་ཐད་དུ། མདོར་ན་རང་རིག་པ་འགོག་པ་ནི། དོན་དམ་པར་དགོག་པ་ཡིན་གྱིས། བེམ་པོ་ལས་ལོག་ཙམ་ལ་ཐ་སྙད་དུ་རང་རིག་པ་འདོགས་པའི་ཚུལ་དེ་འགོག་པ་མ་ཡིན་ཏེ། དེ་བཀག་ན་རང་བློ་རང་ལ་ལྐོག་ཏུ་གྱུར་པ་དང་། རང་ལ་བློ་ཡོད་པའི་སྒྲུབ་བྱེད་མི་རིགས་པ་དང་། མཐར་དོན་རིག་གི་ཐ་སྙད་རྒྱུན་ཆད་པར་འགྱུར་བ་སོགས་རིགས་པའི་དབང་ཕྱུག་གིས་ཇི་སྐད་གསུངས་པས་གནོད་ཅེས་དང་།།<br /> ལུགས་འདིར་ཐ་སྙད་དུའང་རང་རིག་ཀུན་གཞི་ཁས་མི་ལེན་ཟེར་ཡང་། ཐ་སྙད་དུ་ནི་དགག་པའང་མེད་ལ་སྒྲུབ་པའང་མེད་ཀྱི་དོན་དམ་པར་བཀག་གོ། <br /> <br /> 446 <br /> <br /> ཞེས་སྨྲ་བའང་རང་གི་ནང་ཆ་བསྟན་པར་ཟད་དེ། ལུགས་འདིར་དོན་དམ་དུ་མ་ཟད་ཐ་སྙད་དུའང་རང་རིག་བཀག་པ་ཡིན་པའི་ཕྱིར་ཏེ། འཇུག་འགྲེལ་ལས། འོན་ཏེ་འཇིག་རྟེན་གྱི་ཐ་སྙད་ཀྱི་དབང་དུ་ཡིན་ན་ནི། དེ་ལྟར་ནའང་རང་རིག་པའི་རྒྱུ་ཅན་གྱིས་དྲན་པ་མི་སྲིད་པ་ཉིད་དོ།། ཞེས་གསལ་བར་གསུངས་པའི་ཕྱིར་རོ།། གཞན་ཡང་ཐ་སྙད་དུ་རང་རིག་དགག་པ་མ་ཡིན་ན་ཐ་སྙད་དུ་བྱ་བྱེད་ལས་གསུམ་པོ་དེའང་ཕན་ཚུན་ལྟོས་པ་མེད་པར་གཅིག་ཏུ་འགྱུར་ལ། དེ་ལྟར་ན་ཐ་སྙད་དུ་བྱ་བྱེད་ལས་གསུམ་པོ་དེ་དག་རང་ངོས་གྲུབ་པར་ཐལ་བ་ཟློག་ཏུ་མེད་དོ།།<br /> གཞན་ཡང་དེ་ལྟར་ན་རང་རིག་མེད་ཀྱང་དྲན་པ་སྐྱེ་བ་ཡོད་ཚུལ་འཆད་པ་སོགས་ཀྱང་དགོས་མེད་དུ་ཐལ་ལོ།། རིགས་པའི་དབང་ཕྱུག་གིས་ཇི་སྐད་གསུངས་པས་ཀྱང་གནོད་པ་མེད་དེ། གྲུབ་མཐའ་གོང་འོག་གི་ལུགས་རྣམས་སོ་སོ་ནས་མ་འདྲེས་པ་འཆད་དགོས་པའི་ཕྱིར་རོ།།<br /> དེ་བཞིན་དུ་ཀུན་གཞིའི་རྣམ་པར་ཤེས་པའང་ཐ་སྙད་དུ་ཡོད་ཅེས་སྨྲ་བ་ག་ལ་རིགས་ཏེ། དེ་ལྟར་ན་ལུགས་འདིར་ཕྱི་རོལ་གྱི་དོན་ཡང་འགོག་དགོས་པར་འགྱུར་ལ། དེས་ན་མདོ་སྡེ་ས་བཅུ་པ་དང་། དེའི་དགོངས་འགྲེལ་སོགས་ལས་ཕྱི་དོན་འགོག་ཏུ་མི་རིགས་པ་གསུངས་པ་དང་། དེ་ལ་བརྟེན་ནས་ལུགས་འདིའི་ཐ་སྙད་ཀྱི་རྣམ་བཞག་འཇོག་ཚུལ་ཐུན་མོང་མ་ཡིན་པའི་གནད་ཀྱང་སྟོར་བར་འགྱུར་བའི་ཕྱིར་མི་འཐད་དོ།།<br /> གཞན་ཡང་ཁྱོད་ཀྱིས་འགྲེལ་པར་འཁྱོགས་བཤད་ཀྱི་ཚིག་ཕྲེང་འདི་དང་རིགས་མཐུན་པ་མང་དུ་མཆིས་ཀྱང་། རེ་རེ་ནས་དགག་ཏུ་མ་ལངས་མོད། འོན་ཀྱང་འདིར་འགོད་པའི་ལུང་རིགས་ཀྱི་སྒོ་ཙམ་སྟོན་པ་འདི་རྣམས་ལ་ཞིབ་ཏུ་དཔྱད་ན་ཕལ་ཆེར་འགོག་པར་ཡོད་པས་ཞིབ་བློས་གོ་བསྡུར་<br /> <br /> 447<br /> <br /> མི་དམན་པ་རེ་མཛོད།།<br /> འདིར་སྨྲས་པ། <br /> དེང་དུས་བླུན་རྨོངས་མཁས་པའི་ངང་ཚུལ་ཅན།།<br /> འཁྱོགས་བཤད་དུག་གི་ཁ་རླངས་མ་འགོག་པར།།<br /> གསུང་རབས་ཆུ་ཀླུང་རྙོག་པར་བྱེད་པའི་འགྲེལ།།<br /> སྔོན་མེད་ནོར་བུ་ཀེ་ཏ་ཀ་འདི་མཚར།།<br /> དྲི་མེད་མཁྱེན་པའི་དཀྱིལ་འཁོར་རབ་རྒྱས་ཤིང་།།<br /> འཆད་རྩོད་རྩོམ་པའི་འོད་ཟེར་སྟོང་འཕྲོ་བའི།།<br /> བདག་ཉིད་ཆེན་པོ་འཇམ་མགོན་བླ་མ་ཞེས།།<br /> ས་ཆེན་གསུམ་ན་སྙན་པར་རབ་གྲགས་པ།།<br /> གང་དེའི་གཞུང་བཟང་ཡན་ལག་བརྒྱད་ལྡན་ཆབ།།<br /> དད་གསུམ་སྙིང་གི་བུམ་པར་ལེགས་སྐྱིལ་བའི།།<br /> དཔྱོད་ལྡན་མཁས་པ་ཡོངས་ཀྱི་དགའ་སྟོན་ལས།།<br /> ཟབ་མོའི་གཏམ་འདི་སུ་ཡི་གོ་བར་འགྱུར།།<br /> འོན་ཀྱང་འཁྱོགས་བཤད་གཏམ་གྱི་ཕྲེང་།།<br /> བླུན་པོའི་རྣ་བར་བབས་གྱུར་ཀྱང་།།<br /> མཐར་ཐུག་ཟབ་རྒྱས་ཆོས་ཀྱི་ཚུལ།།<br /> དྲི་མས་སྦགས་པར་འགྱུར་བའི་ཕྱིར།།<br /> ཚུལ་འདི་ཡིད་ཀྱིས་མ་བཟོད་པར།།<br /> རྒལ་བའི་གཏམ་འདི་གླེང་བ་ལས།།<br /> ཕྱོགས་ཞེན་གྱིས་ནི་མ་ཡིན་ནོ།།<br /> འདི་ཡིས་བསྟན་པ་རྒྱས་གྱུར་ཅིག།།<br /> <br /> ཅེས་འཇམ་དབྱངས་རྣམ་རྒྱལ་གྱིས་སྤྱོད་འཇུག་ཤེར་ལེའི་འགྲེལ་པ་ནོར་བུ་ཀེ་ཏ་ཀ་ཞེས་བྱ་བ་འདི་དག་གི་གོང་འོག་རྣམས་སུ་གཞུང་བཟང་གི་དགོངས་པ་ལས་ཕྱི་རོལ་དུ་གྱུར་པ་མང་དུ་མཐོང་ནས་རྐྱེན་སྦྱར་ཏེ། དགག་བཞག་གི་ཚིག་ཕྲེང་ལུང་རིགས་ཉུང་ངུས་བརྒྱན་པ་འདིའང་བསྟན་པ་ལ་ཕན་བསམ་གྱིས་ཀུན་ནས་སློང་སྟེ་ཞྭ་སེར་བསྟན་པའི་རྗེས་འཇུག་སྤྲང་སྨྱོན་བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས་ཀྱིས་སྦྱར་བ་དགེ་ལེགས་འཕེལ།། །།<br /> }}</div>

Kiran