https://bodhicitta.tsadra.org/api.php?action=feedcontributions&feedformat=atom&user=Khenpo+Tamphel Bodhicitta - User contributions [en] 2026-10-11T00:48:29Z User contributions MediaWiki 1.39.10 https://bodhicitta.tsadra.org/index.php?title=Texts/Bai_DUrya_dang_sman_bla%27i_gzungs_bod_skad_du_bsgyur_ba_tog_gi_blo_gros/Full_text&diff=142264 Texts/Bai DUrya dang sman bla'i gzungs bod skad du bsgyur ba tog gi blo gros/Full text 2026-09-19T03:21:49Z <p>Khenpo Tamphel: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=No<br /> |VersionSource=[http://purl.bdrc.io/resource/MW1ALS06331E BDRC]&lt;br&gt;Dngul chu dharma bha dra. ''Bai ḍūrya dang sman bla'i gzungs bod skad du bsgyur ba tog gi blo gros''. 1 vols. Accessed September 17, 2026. http://purl.bdrc.io/resource/MW1ALS06331E. [BDRC bdr:MW1ALS06331E]<br /> |VersionDate=2026-09-17<br /> |VersionContent=p. 1 [1a]&lt;br&gt;<br /> <br /> ༄༅། །བྷོ་ཊ་བྷཱ་ཥཾ་སྲྀ་ཀ་བཻ་ཌཱུ་རྱ་ཙ་བྷཻ་ཥ་ཛྱ་སུ་རོ་དྷཱར་ཎི་ཀེ་ཏུམ་ཏི་ནཱ་མ་བྷི་ཛ་ཧཱར་༎<br /> <br /> ༄༅། །བཻཌཱུརྱ་དང་སྨན་བླའི་གཟུངས་བོད་སྐད་དུ་བསྒྱུར་བ་ཏོག་གི་བློ་གྲོས་ཞེས་བྱ་བ་བཞུགས་སོ།།<br /> <br /> p. 2 [1b]&lt;br&gt;<br /> ༄༅༅། །ན་མོ་མཉྫུ་ཤྲི་ཡེ། བླ་མ་ལྷ་དང་བདེ་གཤེགས་མཆེད་བརྒྱད་ལ། །གུས་པས་བཏུད་ནས་བཻཌཱུརྱ་དང་ནི། །སྨན་གྱི་བླ་མའི་གཟུངས་མཆོག་ལྷ་ཡི་སྐད། །གངས་ཅན་<br /> སྐད་དུ་འབད་པས་བསྒྱུར་བར་བྱ། །འདི་ལ་གཉིས། སྨན་མདོ་ཆེ་ཆུང་ནས་འབྱུང་བའི་བཻཌཱུརྱའི་གཟུངས་དོན་དང་། གསོ་དཔྱད་བཤད་རྒྱུད་སོགས་ནས་འབྱུང་བའི་སྨན་བླའི་གཟུངས་<br /> དོན་ནོ། །དང་པོ་ལ་གཉིས། ཐད་བསྒྱུར་དུ་བཤད་པ་དང་། ཅུང་ཟད་འཁྲུགས་བསྡེབས་ནས་བཤད་པའོ། །དང་པོ་ནི། ཏདྱ་ཐཱ། འདི་ལྟ་སྟེ། གྷུ་མེ་གྷུ་མེ། གཉིད་ཡུར་གཉིད་ཡུར། ཨི་མེ།<br /> འདི་རྣམས། ནི་མེ་ཧི། ངེས་པར་སློངས་ཤིག །མ་ཏི་མ་ཏི། བློ་གྲོས་བློ་གྲོས། སཔྟ༑ བདུན། ཏ་ཐཱ༑ དེ་བཞིན༑ ག་ཏ༑ གཤེགས་པ། ས་མཱདྷི། ཏིང་ངེ་འཛིན། ཨ་དྷི་ཥཊཿཨི་ཏེ། བྱིན་གྱིས་བརླབས་པ་སྟེ། མཚམས་སྦྱར་<br /> <br /> p. 3 [2a]&lt;br&gt; <br /> ༄༅། །བས། ས་མཱ་དྷྱ་དྷི་ཥཊཿཨི་ཏེ། ཨ་ཏེ། མཁས་མ། མ་ཏེ། མཆོད་མ། པཱ་ལེ། སྤྱོད་མ། པཱ་པ། སྡིག་པ། ཤོ་དྷ་ནི། སྦྱོངས། སརྦ། ཐམས་ཅད། པཱ་པཾ། སྡིག་པ། ནཱ་ཤ་ཡ། ཉམས་<br /> པར་གྱིས། མ་མ་བུདྡྷ། རང་སངས་རྒྱས། བུདྡྷ། སངས་རྒྱས། ཨུཏྟ་མེ། གོང་མ་སྟེ། མཚམས་སྦྱར་བས། བུདྡྷོ་ཏྟ་མེ། ཨུ་མེ། མཛེས་མ། ཀུ་མེ། ངན་པ་ཞི་མ། བུདྡྷ། སངས་རྒྱས། ཀྵེ་ཏྲ། ཞིང་། པ་རི། ཡོངས་སུ། ཤོ་དྷ་<br /> ནི། སྦྱོངས། དྷ་མེ། སྒྲ་སྒྲོགས་མ། ནི་དྷ་མེ། ངེས་པར་སྒྲ་སྒྲོགས་མ། མེ་རུ་མེ་རུ། རི་བོ་དང་། མེ་རུ་ཤི་ཁ་རེ། རི་བོའི་རྩེ་མོ། སརྦ། ཐམས་ཅད། ཨ་ཀཱ་ལ། དུས་མ་ཡིན་པ། མྲྀ་ཏྱུ། འཆི་བ། ནི་པཱ་ར་ཎི། ངེས་པར་<br /> སྒྲིབ་པ། བུདྡྷེ། གངས་རྒྱས་མ། སུ་བུདྡྷེ། ལེགས་པར་སངས་རྒྱས་མ། བུདྡྷ། སངས་རྒྱས། ཨ་དྷི་ཥཊཿཨི་ཏེ་ན། བྱིན་གྱི་བརླབས་ཀྱིས་ཏེ། མཚམས་སྦྱར་བས། བུདྡྷ་དྷི་ཥཊཿཨི་ཏེ་ན། རཀྵནྟུ། བསྲུང་བར་མཛོད། མེ། བདག་ལ། སརྦ།<br /> <br /> p. 4 [2b]&lt;br&gt; <br /> ཐམས་ཅད། དེ་པཱ། ལྷ་རྣམས། ས་མེ། མཉམ་མ། ཨ་སོ་མོ། མ་མཉམ་མ། ས་མ་ནུ། དགོངས་པར། ཨཱ་ཧ་རནྟུ། མཛད་དུ་གསོལ་ཏེ། མཚམས་སྦྱར་བས། ས་མ་ནཱ་ཧ་རནྟུ། མེ། བདག་ལ། སརྦ། ཐམས་ཅད། བུདྡྷ། སངས་རྒྱས་<br /> བོ་དྷི། བྱང་ཆུབ། ས་ཏྭཱ། སེམས་དཔའ་རྣམས། ཤ་མེ་ཤ་མེ། ཞི་མ་ཞི་མ། པ་ཤ་མནྟ། རབ་ཏུ་ཞི་བར་མཛོད། མེ། བདག་གི །སརྦ། ཐམས་ཅད། ཨི་ཏི། རྣམ་རྟོག་ཨུ་པ། ཉེ་བར་ཏེ། མཚམས་སྦྱར་བས། ཨི་ཏྱུ་པ། དྲ་བ།<br /> འཚེ་བ། བྱ་དྷ་ཡ། འགོ་བའི་ནད་རྣམས། པཱུ་ར་ཎ། རྫོགས་མ་རྫོགས་མ། པུ་ར་ཡ། རྫོགས་པ། མེ། བདག་གི། སརྦ། ཐམས་ཅད། ཨཱ་ཤཱ། བསམ་པ། བཻ་ཌཱུ་རྱ། ཤིན་ཏུ་དྲངས་པ། པྲ་ཏི། སོ་སོར། བྷ་སེ།<br /> སྣང་བ། སརྦ། ཐམས་ཅད། པཱ་པཾ། སྡིག་པ། ཀྵ་ཡཾ། ཟད་པར། ཀ་རི། མཛོད་ཅིག་སྭཱ་ཧཱ། གཞི་ཚུགས། ཞེས་པའོ། །གཉིས་པ་ཅུང་ཟད་འཁྲུགས་བསྡེབས་ནས་བཤད་པ་ནི། འདི་ལྟ་སྟེ། གཉིད་ཡུར་<br /> ཅིང་གཉིད་ཡུར་བ་འདི་རྣམས་ངེས་པར་སྤོངས་ཤིག །བློ་གྲོས་བློ་གྲོས། དེ་བཞིན་གཤེགས་པ་བདུན་གྱི་ཏིང་ངེ་འཛིན་གྱི་བྱིན་གྱིས་བརླབས་པ། མཁས་མ། མཆོད་མ། སྐྱོང་མ། སྡིག་པ་ཐམས་<br /> ཅད་སྦྱོངས། སྡིག་པ་ཉམས་པར་གྱིས། རང་སངས་རྒྱས། སངས་རྒྱས་གང་མ། མཛེས་མ། ངན་པ་ཞི་མ། སངས་རྒྱས་ཀྱི་ཞིང་ཡོངས་སུ་སྦྱོངས། སྒྲ་སྒྲོགས་མ། ངེས་པར་སྒྲ་སྒྲོགས་མ།<br /> <br /> p. 5 [3a]&lt;br&gt; <br /> ༄༅། །རི་བོ་རི་བོ། རི་བོའི་རྩེ་མོ། དུས་མ་ཡིན་པའི་འཆི་བ་ཐམས་ཅད་ངེས་པར་སྒྲིབ་པར་མཛོད། སངས་རྒྱས་མ། ལེགས་པར་སངས་རྒྱས་མ། སངས་རྒྱས་ཀྱི་བྱིན་གྱིས་རླབས་ཀྱིས་<br /> བདག་ལ་ལྷ་རྣམས་ཐམས་ཅད་ཀྱིས་བསྲུང་བར་མཛོད། མཉམ་མ། མི་མཉམ་མ། སངས་རྒྱས་ཐམས་ཅད་དང་བྱང་ཆུབ་སེམས་དཔའ་རྣམས་བདག་ལ་དགོངས་པར་མཛད་དུ་གསོལ། ཞི་མ་ཞི་<br /> མ། །བདག་གི་རྣམ་རྟོག་དང་ཉེ་བར་འཚེ་བ་ཐམས་ཅད་དང་། འགྲོ་བའི་ནང་རྣམས་རབ་ཏུ་ཞི་བར་མཛོད། རྫོགས་མ་རྫོགས་མ། བདག་གི་བསམ་པ་ཐམས་ཅད་རྫོགས་པར་མཛོད། བཻ་ཌཱུརྱའི་འོད་ཀྱིས།<br /> སྡིག་པ་ཐམས་ཅད་ཟད་པར་མཛོད་ཅིག་གཞི་ཚུགས། ཞེས་པའོ། །གཉིས་པ་གསོ་དཔྱད་བཤད་རྒྱུད་སོགས་ནས་འབྱུང་བའི་སྨན་བླའི་གཟུངས་དོན་ལ་གཉིས། ཐད་བསྒྱུར་དུ་བཤད་པ་དང་། འཁྲུགས་<br /> བསྡེབས་ནས་བཤད་པའོ། །དང་པོ་ནི། ཨོཾ། བཀྲ་ཤིས་པའི་དོན། ན་མོ། ཕྱག་འཚལ་ལོ། །བྷ་ག་ཝ་ཏེ། བཅོམ་ལྡན་འདས། བྷཻ་ཥ་ཛྱེ། སྨན་གྱི། གུ་རུ། བླ་མ། བཻ་ཌཱུ་རྱ། གོང་བཞིན། པྲ་བྷཱ་རཱ་ཛཱ་ཡ། འོད་ཀྱི་རྒྱལ་<br /> པོ་ལ། ཏ་ཐཱ་ག་ཏཱ་ཡ། དེ་བཞིན་གཤེགས་པ་ལ། ཨརྟ་ཏེ། དགྲ་བཅོམ་པ་ལ། ས་མྱ་ཀྶི་བུདྡྷ་ཡ། ཡང་དག་པར་རྫོགས་པའི་སངས་རྒྱས་ལ། ཏ་དྱ་ཐཱ། འདི་ལྟ་སྟེ། ཨོཾ། བཀྲ་ཤིས། བྷཻ་ཥ་ཛྱེ་བྷཻ་ཥ་ཛྱེ། སྨན་པ་སྨན་པ། མཧཱ་<br /> <br /> p. 6 [3b]&lt;br&gt; <br /> བྷཻ་ཥ་ཛྱ། སྨན་པ་ཆེན་པོ། བྷཻ་ཥ་ཛྱེ་རཱ་ཛཱ། སྨན་པའི་རྒྱལ་པོ། ས་མུངྒ་ཏེ། ཡང་དག་པར་འཕགས་མ། སྭཱཧཱ། ལེགས་པའི་གཞི་ཚུགས། ཞེས་པའོ། །གཉིས་པ་འཁྲུགས་བསྡེབས་ནས་བཤད་པ་ནི། བཀྲ་ཤིས་པར་གྱུར་ཅིག །<br /> བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་ཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །འདི་ལྟ་སྟེ། བཀྲ་ཤིས། སྨན་པ་སྨན་པ། སྨན་པ་ཆེན་པོ། སྨན་<br /> པའི་རྒྱལ་པོ། ཡང་དག་པར་འཕགས་མ་ལེགས་པའི་གཞི་ཚུགས། ཞེས་པའོ། །སྨྲས་པ། ལེགས་སྦྱར་ལྷ་ཡི་སྐད་ལ་འདྲིས་ཆུང་ཞིང་། །རྒྱ་བོད་མཁས་པའི་གཞུང་མང་མ་མཐོང་བའི། །བློ་ཆུང་བ་ལང་<br /> རྨིག་རྗེས་འཁྱིལ་བའི་ཆུར། །ལེགས་བཤད་ནོར་གྱི་བུ་དེ་འབྱུང་སྲིད་དམ། །འོན་ཏེ་མཚན་ཉིད་ཀུན་རྫོགས་དྲིན་ཅན་རྗེའི། །བཀའ་སྩལ་གསེར་སྦྱངས་ཅོད་པན་སྤྱི་བོ་རུ། །བཅིངས་ནས་བློ་གྲོས་རྩལ་རྒུ་<br /> སྤྲུགས་པ་ལས། །སྐད་གཉིས་ཤན་སྦྱར་ཏོག་གི་བློ་གྲོས་བྱུང་། །ཚུལ་འདིར་འབད་ལས་བྱུང་བའི་བསོད་ནམས་ཚོགས། །ཉ་རྒྱས་ཆུ་ཤེལ་དབང་པོའི་རྗེས་འགྲོ་གང་། །འཆི་མེད་ལམ་མཉམ་མར་གྱུར་འགྲོ་<br /> བའི་སླད། །རྣམ་པ་ཐམས་ཅད་མཁྱེན་པའི་རྒྱུར་གྱུར་ཅིག །ཅེས་བཻ་ཌཱུརྱ་དང་སྨན་བླའི་གཟུངས་གཉིས་བསྟན་འགྲོར་སྨན་ཆེད་བོད་སྐད་དུ་སྒྱུར་ཅིག་ཅེས། རྗེ་བླ་མ་བཀའ་དྲིན་ཟླ་མེད་སེང་ཆེན་རྡོ་རྗེ་འཆང་<br /> <br /> p. 7 [4a]&lt;br&gt; <br /> ༄༅། །ཆེན་པོའི་བཀའ་ཤོག་སྤྱི་བོར་ཕེབས་པའི་དགོངས་པ་བཞིན། དགེ་སློང་དྷརྨ་བྷ་དྲས་དགེ་བྱེད་ཀྱི་ལོ་དབོ་ཟླ་བའི་གྲལ་ཚེས་བཟང་པོར། དབེན་གནས་དངུལ་ཆུའི་རི་ཕུག་ཏུ་བསྒྱུར་བའི་ཡི་གེ་<br /> པ་ནི་རང་དབོན་དབྱངས་ཅན་གྲུབ་པའི་རྡོ་རྗེས་བགྱིས་པ་བྱཱ་ཛ་ཡན་ཏུ། །སྭ་སྟི། རྒྱལ་བསྟན་གྲུ་ཡིས་འགྲོ་བ་ཀུན། །རྣམ་མཁྱེན་ནོར་བུའི་གླིང་མཆོག་ཏུ། །དཀྲི་ཕྱིར་དགེ་འཕེལ་ཆོས་གྲྭ་ནས། །ཆོས་<br /> སྦྱིན་འདོད་རྒུའི་ཆར་འདི་ཕབ༎ ༎<br /> }}<br /> |TsadraVersion=No<br /> }}</div> Khenpo Tamphel https://bodhicitta.tsadra.org/index.php?title=Texts/Bai_DUrya_dang_sman_bla%27i_gzungs_bod_skad_du_bsgyur_ba_tog_gi_blo_gros/Full_text&diff=142263 Texts/Bai DUrya dang sman bla'i gzungs bod skad du bsgyur ba tog gi blo gros/Full text 2026-09-19T03:21:27Z <p>Khenpo Tamphel: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=No<br /> |VersionSource=[http://purl.bdrc.io/resource/MW1ALS06331E BDRC]&lt;br&gt;Dngul chu dharma bha dra. ''Bai ḍūrya dang sman bla'i gzungs bod skad du bsgyur ba tog gi blo gros''. 1 vols. Accessed September 17, 2026. http://purl.bdrc.io/resource/MW1ALS06331E. [BDRC bdr:MW1ALS06331E]<br /> |VersionDate=2026-09-17<br /> |VersionContent=p. 1 [1a]&lt;br&gt;<br /> ལས&lt;br&gt;<br /> ༄༅། །བྷོ་ཊ་བྷཱ་ཥཾ་སྲྀ་ཀ་བཻ་ཌཱུ་རྱ་ཙ་བྷཻ་ཥ་ཛྱ་སུ་རོ་དྷཱར་ཎི་ཀེ་ཏུམ་ཏི་ནཱ་མ་བྷི་ཛ་ཧཱར་༎<br /> <br /> ༄༅། །བཻཌཱུརྱ་དང་སྨན་བླའི་གཟུངས་བོད་སྐད་དུ་བསྒྱུར་བ་ཏོག་གི་བློ་གྲོས་ཞེས་བྱ་བ་བཞུགས་སོ།།<br /> <br /> p. 2 [1b]&lt;br&gt;<br /> ༄༅༅། །ན་མོ་མཉྫུ་ཤྲི་ཡེ། བླ་མ་ལྷ་དང་བདེ་གཤེགས་མཆེད་བརྒྱད་ལ། །གུས་པས་བཏུད་ནས་བཻཌཱུརྱ་དང་ནི། །སྨན་གྱི་བླ་མའི་གཟུངས་མཆོག་ལྷ་ཡི་སྐད། །གངས་ཅན་<br /> སྐད་དུ་འབད་པས་བསྒྱུར་བར་བྱ། །འདི་ལ་གཉིས། སྨན་མདོ་ཆེ་ཆུང་ནས་འབྱུང་བའི་བཻཌཱུརྱའི་གཟུངས་དོན་དང་། གསོ་དཔྱད་བཤད་རྒྱུད་སོགས་ནས་འབྱུང་བའི་སྨན་བླའི་གཟུངས་<br /> དོན་ནོ། །དང་པོ་ལ་གཉིས། ཐད་བསྒྱུར་དུ་བཤད་པ་དང་། ཅུང་ཟད་འཁྲུགས་བསྡེབས་ནས་བཤད་པའོ། །དང་པོ་ནི། ཏདྱ་ཐཱ། འདི་ལྟ་སྟེ། གྷུ་མེ་གྷུ་མེ། གཉིད་ཡུར་གཉིད་ཡུར། ཨི་མེ།<br /> འདི་རྣམས། ནི་མེ་ཧི། ངེས་པར་སློངས་ཤིག །མ་ཏི་མ་ཏི། བློ་གྲོས་བློ་གྲོས། སཔྟ༑ བདུན། ཏ་ཐཱ༑ དེ་བཞིན༑ ག་ཏ༑ གཤེགས་པ། ས་མཱདྷི། ཏིང་ངེ་འཛིན། ཨ་དྷི་ཥཊཿཨི་ཏེ། བྱིན་གྱིས་བརླབས་པ་སྟེ། མཚམས་སྦྱར་<br /> <br /> p. 3 [2a]&lt;br&gt; <br /> ༄༅། །བས། ས་མཱ་དྷྱ་དྷི་ཥཊཿཨི་ཏེ། ཨ་ཏེ། མཁས་མ། མ་ཏེ། མཆོད་མ། པཱ་ལེ། སྤྱོད་མ། པཱ་པ། སྡིག་པ། ཤོ་དྷ་ནི། སྦྱོངས། སརྦ། ཐམས་ཅད། པཱ་པཾ། སྡིག་པ། ནཱ་ཤ་ཡ། ཉམས་<br /> པར་གྱིས། མ་མ་བུདྡྷ། རང་སངས་རྒྱས། བུདྡྷ། སངས་རྒྱས། ཨུཏྟ་མེ། གོང་མ་སྟེ། མཚམས་སྦྱར་བས། བུདྡྷོ་ཏྟ་མེ། ཨུ་མེ། མཛེས་མ། ཀུ་མེ། ངན་པ་ཞི་མ། བུདྡྷ། སངས་རྒྱས། ཀྵེ་ཏྲ། ཞིང་། པ་རི། ཡོངས་སུ། ཤོ་དྷ་<br /> ནི། སྦྱོངས། དྷ་མེ། སྒྲ་སྒྲོགས་མ། ནི་དྷ་མེ། ངེས་པར་སྒྲ་སྒྲོགས་མ། མེ་རུ་མེ་རུ། རི་བོ་དང་། མེ་རུ་ཤི་ཁ་རེ། རི་བོའི་རྩེ་མོ། སརྦ། ཐམས་ཅད། ཨ་ཀཱ་ལ། དུས་མ་ཡིན་པ། མྲྀ་ཏྱུ། འཆི་བ། ནི་པཱ་ར་ཎི། ངེས་པར་<br /> སྒྲིབ་པ། བུདྡྷེ། གངས་རྒྱས་མ། སུ་བུདྡྷེ། ལེགས་པར་སངས་རྒྱས་མ། བུདྡྷ། སངས་རྒྱས། ཨ་དྷི་ཥཊཿཨི་ཏེ་ན། བྱིན་གྱི་བརླབས་ཀྱིས་ཏེ། མཚམས་སྦྱར་བས། བུདྡྷ་དྷི་ཥཊཿཨི་ཏེ་ན། རཀྵནྟུ། བསྲུང་བར་མཛོད། མེ། བདག་ལ། སརྦ།<br /> <br /> p. 4 [2b]&lt;br&gt; <br /> ཐམས་ཅད། དེ་པཱ། ལྷ་རྣམས། ས་མེ། མཉམ་མ། ཨ་སོ་མོ། མ་མཉམ་མ། ས་མ་ནུ། དགོངས་པར། ཨཱ་ཧ་རནྟུ། མཛད་དུ་གསོལ་ཏེ། མཚམས་སྦྱར་བས། ས་མ་ནཱ་ཧ་རནྟུ། མེ། བདག་ལ། སརྦ། ཐམས་ཅད། བུདྡྷ། སངས་རྒྱས་<br /> བོ་དྷི། བྱང་ཆུབ། ས་ཏྭཱ། སེམས་དཔའ་རྣམས། ཤ་མེ་ཤ་མེ། ཞི་མ་ཞི་མ། པ་ཤ་མནྟ། རབ་ཏུ་ཞི་བར་མཛོད། མེ། བདག་གི །སརྦ། ཐམས་ཅད། ཨི་ཏི། རྣམ་རྟོག་ཨུ་པ། ཉེ་བར་ཏེ། མཚམས་སྦྱར་བས། ཨི་ཏྱུ་པ། དྲ་བ།<br /> འཚེ་བ། བྱ་དྷ་ཡ། འགོ་བའི་ནད་རྣམས། པཱུ་ར་ཎ། རྫོགས་མ་རྫོགས་མ། པུ་ར་ཡ། རྫོགས་པ། མེ། བདག་གི། སརྦ། ཐམས་ཅད། ཨཱ་ཤཱ། བསམ་པ། བཻ་ཌཱུ་རྱ། ཤིན་ཏུ་དྲངས་པ། པྲ་ཏི། སོ་སོར། བྷ་སེ།<br /> སྣང་བ། སརྦ། ཐམས་ཅད། པཱ་པཾ། སྡིག་པ། ཀྵ་ཡཾ། ཟད་པར། ཀ་རི། མཛོད་ཅིག་སྭཱ་ཧཱ། གཞི་ཚུགས། ཞེས་པའོ། །གཉིས་པ་ཅུང་ཟད་འཁྲུགས་བསྡེབས་ནས་བཤད་པ་ནི། འདི་ལྟ་སྟེ། གཉིད་ཡུར་<br /> ཅིང་གཉིད་ཡུར་བ་འདི་རྣམས་ངེས་པར་སྤོངས་ཤིག །བློ་གྲོས་བློ་གྲོས། དེ་བཞིན་གཤེགས་པ་བདུན་གྱི་ཏིང་ངེ་འཛིན་གྱི་བྱིན་གྱིས་བརླབས་པ། མཁས་མ། མཆོད་མ། སྐྱོང་མ། སྡིག་པ་ཐམས་<br /> ཅད་སྦྱོངས། སྡིག་པ་ཉམས་པར་གྱིས། རང་སངས་རྒྱས། སངས་རྒྱས་གང་མ། མཛེས་མ། ངན་པ་ཞི་མ། སངས་རྒྱས་ཀྱི་ཞིང་ཡོངས་སུ་སྦྱོངས། སྒྲ་སྒྲོགས་མ། ངེས་པར་སྒྲ་སྒྲོགས་མ།<br /> <br /> p. 5 [3a]&lt;br&gt; <br /> ༄༅། །རི་བོ་རི་བོ། རི་བོའི་རྩེ་མོ། དུས་མ་ཡིན་པའི་འཆི་བ་ཐམས་ཅད་ངེས་པར་སྒྲིབ་པར་མཛོད། སངས་རྒྱས་མ། ལེགས་པར་སངས་རྒྱས་མ། སངས་རྒྱས་ཀྱི་བྱིན་གྱིས་རླབས་ཀྱིས་<br /> བདག་ལ་ལྷ་རྣམས་ཐམས་ཅད་ཀྱིས་བསྲུང་བར་མཛོད། མཉམ་མ། མི་མཉམ་མ། སངས་རྒྱས་ཐམས་ཅད་དང་བྱང་ཆུབ་སེམས་དཔའ་རྣམས་བདག་ལ་དགོངས་པར་མཛད་དུ་གསོལ། ཞི་མ་ཞི་<br /> མ། །བདག་གི་རྣམ་རྟོག་དང་ཉེ་བར་འཚེ་བ་ཐམས་ཅད་དང་། འགྲོ་བའི་ནང་རྣམས་རབ་ཏུ་ཞི་བར་མཛོད། རྫོགས་མ་རྫོགས་མ། བདག་གི་བསམ་པ་ཐམས་ཅད་རྫོགས་པར་མཛོད། བཻ་ཌཱུརྱའི་འོད་ཀྱིས།<br /> སྡིག་པ་ཐམས་ཅད་ཟད་པར་མཛོད་ཅིག་གཞི་ཚུགས། ཞེས་པའོ། །གཉིས་པ་གསོ་དཔྱད་བཤད་རྒྱུད་སོགས་ནས་འབྱུང་བའི་སྨན་བླའི་གཟུངས་དོན་ལ་གཉིས། ཐད་བསྒྱུར་དུ་བཤད་པ་དང་། འཁྲུགས་<br /> བསྡེབས་ནས་བཤད་པའོ། །དང་པོ་ནི། ཨོཾ། བཀྲ་ཤིས་པའི་དོན། ན་མོ། ཕྱག་འཚལ་ལོ། །བྷ་ག་ཝ་ཏེ། བཅོམ་ལྡན་འདས། བྷཻ་ཥ་ཛྱེ། སྨན་གྱི། གུ་རུ། བླ་མ། བཻ་ཌཱུ་རྱ། གོང་བཞིན། པྲ་བྷཱ་རཱ་ཛཱ་ཡ། འོད་ཀྱི་རྒྱལ་<br /> པོ་ལ། ཏ་ཐཱ་ག་ཏཱ་ཡ། དེ་བཞིན་གཤེགས་པ་ལ། ཨརྟ་ཏེ། དགྲ་བཅོམ་པ་ལ། ས་མྱ་ཀྶི་བུདྡྷ་ཡ། ཡང་དག་པར་རྫོགས་པའི་སངས་རྒྱས་ལ། ཏ་དྱ་ཐཱ། འདི་ལྟ་སྟེ། ཨོཾ། བཀྲ་ཤིས། བྷཻ་ཥ་ཛྱེ་བྷཻ་ཥ་ཛྱེ། སྨན་པ་སྨན་པ། མཧཱ་<br /> <br /> p. 6 [3b]&lt;br&gt; <br /> བྷཻ་ཥ་ཛྱ། སྨན་པ་ཆེན་པོ། བྷཻ་ཥ་ཛྱེ་རཱ་ཛཱ། སྨན་པའི་རྒྱལ་པོ། ས་མུངྒ་ཏེ། ཡང་དག་པར་འཕགས་མ། སྭཱཧཱ། ལེགས་པའི་གཞི་ཚུགས། ཞེས་པའོ། །གཉིས་པ་འཁྲུགས་བསྡེབས་ནས་བཤད་པ་ནི། བཀྲ་ཤིས་པར་གྱུར་ཅིག །<br /> བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་ཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །འདི་ལྟ་སྟེ། བཀྲ་ཤིས། སྨན་པ་སྨན་པ། སྨན་པ་ཆེན་པོ། སྨན་<br /> པའི་རྒྱལ་པོ། ཡང་དག་པར་འཕགས་མ་ལེགས་པའི་གཞི་ཚུགས། ཞེས་པའོ། །སྨྲས་པ། ལེགས་སྦྱར་ལྷ་ཡི་སྐད་ལ་འདྲིས་ཆུང་ཞིང་། །རྒྱ་བོད་མཁས་པའི་གཞུང་མང་མ་མཐོང་བའི། །བློ་ཆུང་བ་ལང་<br /> རྨིག་རྗེས་འཁྱིལ་བའི་ཆུར། །ལེགས་བཤད་ནོར་གྱི་བུ་དེ་འབྱུང་སྲིད་དམ། །འོན་ཏེ་མཚན་ཉིད་ཀུན་རྫོགས་དྲིན་ཅན་རྗེའི། །བཀའ་སྩལ་གསེར་སྦྱངས་ཅོད་པན་སྤྱི་བོ་རུ། །བཅིངས་ནས་བློ་གྲོས་རྩལ་རྒུ་<br /> སྤྲུགས་པ་ལས། །སྐད་གཉིས་ཤན་སྦྱར་ཏོག་གི་བློ་གྲོས་བྱུང་། །ཚུལ་འདིར་འབད་ལས་བྱུང་བའི་བསོད་ནམས་ཚོགས། །ཉ་རྒྱས་ཆུ་ཤེལ་དབང་པོའི་རྗེས་འགྲོ་གང་། །འཆི་མེད་ལམ་མཉམ་མར་གྱུར་འགྲོ་<br /> བའི་སླད། །རྣམ་པ་ཐམས་ཅད་མཁྱེན་པའི་རྒྱུར་གྱུར་ཅིག །ཅེས་བཻ་ཌཱུརྱ་དང་སྨན་བླའི་གཟུངས་གཉིས་བསྟན་འགྲོར་སྨན་ཆེད་བོད་སྐད་དུ་སྒྱུར་ཅིག་ཅེས། རྗེ་བླ་མ་བཀའ་དྲིན་ཟླ་མེད་སེང་ཆེན་རྡོ་རྗེ་འཆང་<br /> <br /> p. 7 [4a]&lt;br&gt; <br /> ༄༅། །ཆེན་པོའི་བཀའ་ཤོག་སྤྱི་བོར་ཕེབས་པའི་དགོངས་པ་བཞིན། དགེ་སློང་དྷརྨ་བྷ་དྲས་དགེ་བྱེད་ཀྱི་ལོ་དབོ་ཟླ་བའི་གྲལ་ཚེས་བཟང་པོར། དབེན་གནས་དངུལ་ཆུའི་རི་ཕུག་ཏུ་བསྒྱུར་བའི་ཡི་གེ་<br /> པ་ནི་རང་དབོན་དབྱངས་ཅན་གྲུབ་པའི་རྡོ་རྗེས་བགྱིས་པ་བྱཱ་ཛ་ཡན་ཏུ། །སྭ་སྟི། རྒྱལ་བསྟན་གྲུ་ཡིས་འགྲོ་བ་ཀུན། །རྣམ་མཁྱེན་ནོར་བུའི་གླིང་མཆོག་ཏུ། །དཀྲི་ཕྱིར་དགེ་འཕེལ་ཆོས་གྲྭ་ནས། །ཆོས་<br /> སྦྱིན་འདོད་རྒུའི་ཆར་འདི་ཕབ༎ ༎<br /> }}<br /> |TsadraVersion=No<br /> }}</div> Khenpo Tamphel https://bodhicitta.tsadra.org/index.php?title=Texts/Bzang_spyod_smon_lam_gyi_zin_bris_mkhan_chen_%27jigs_med_phun_tshogs_kyi_zhal_lung/Full_text&diff=141861 Texts/Bzang spyod smon lam gyi zin bris mkhan chen 'jigs med phun tshogs kyi zhal lung/Full text 2026-09-12T03:45:53Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=Yes<br /> |FullTextTibetan=༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུ་མཁན་ཆེན་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་མཆོག་གི་ཞལ་ལུང་ཞེས་བྱ་བ་བཞུགས་སོ། །<br /> ༈ མགོ་བརྗོད། <br /> འཇིགས་མེད་མཚན་བཟང་འཆང་བའི་བླ་མ་ཡི། །<br /> མཛད་ཕྲིན་འོད་ཟེར་སྟོང་གིས་མཁའ་ལ་ཁྱབ། །<br /> འཕགས་བོད་མཁས་གྲུབ་བྱེ་བའི་གཙུག་རྒྱན་མཆོག །<br /> ཁྱེད་ལ་གུས་པས་འདུད་དོ་བརྩེ་བས་དགོངས། །<br /> སྔོན་བསྐལ་བ་གྲངས་མེད་མང་པོའི་གོང་རོལ་ནས་གདོད་མའི་དབྱིངས་སུ་མངོན་པར་སངས་རྒྱས་ཟིན་ཀྱང་གདུལ་བྱའི་སྣང་ངོར་ས་གསུམ་ན་འགྲན་ཟླ་དང་བྲལ་བ་མཚན་བརྗོད་པར་དཀའ་ཡང་དོན་གྱི་སླད་དུ་མཚན་ནས་སྨོས་ན་༧ཆོས་རྗེ་དམ་པ་ཡིད་བཞིན་ནོར་བུ་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་གང་གི་བཀའ་དྲིན་ནི་སྟོང་གསུམ་འཇིག་རྟེན་གྱི་ཁམས་ཐམས་ཅད་གསེར་སྲང་སྟོང་ཕྲག་དུ་མས་ལེགས་པར་བཀང་ཡང་བཀའ་དྲིན་གྱི་ཆ་ཤས་ཙམ་ཡང་གསོ་ག་ལ་ནུས། འོན་ཀྱང་མེ་ཏོག་ཆུང་ཡང་ལྷ་རྫས་གཙང་མ། ཨ་རུ་ཆུང་ཡང་སྨན་གྱི་བཅུད་ཕུལ་ཟེར་བའི་དཔེ་ལྟར། སྐབས་སུ་བབས་པ་རྣམ་བཞིའི་འཁོར་ཚོགས་རྒྱ་མཚོ་ལ་སྨོན་ལམ་ཐམས་ཅད་ཀྱི་རྒྱལ་པོ་འཕགས་པ་བཟང་པོ་སྤྱོད་པའི་སྨོན་ལམ་འདི་ཉིད་ལྗགས་ཁྲིད་མཛད་པ་ད་ལན་ཁོ་བོས་ཟིན་བྲིས་སུ་བཀོད་པ་ཡིན། དེ་ཡང་འཕགས་པ་བཟང་པོ་སྤྱོད་པའི་སྨོན་ལམ་འདི་ཉིད་ཁོང་དང་ཁོང་གི་སློབ་བརྒྱུད་དུ་གཏོགས་པ་སོགས་དགེ་འདུན་པ་སྤྱིས་གཙུགས་ཆེན་བྱས་ཏེ་ནམ་རྒྱུན་གསུངས་དང་གསུང་བཞིན་པ་ཡིན་པ་དང༌། ཁོང་ཉིད་ཀྱིས་གདམས་ངག་བདུད་རྩི་མངར་མོས་ཟུར་བརྒྱན་ཏེ་གསུངས་ཡོད་པ་སོགས་བརྗེད་དུ་ཕངས་ཤིང་། རང་ཅག་ཚང་མས་ནམ་རྒྱུན་ཚིག་རྗེས་དོན་དྲན་རེ་ཡོང་ན་སྙམ་པ་སོགས་ཐོག་མའི་ཀུན་སློང་ཡིན། བར་དུ་དཀའ་ཚེགས་གང་ལ་ཡང་མ་འཛེམས་པར་བྱ་བ་འདི་བསྒྲུབས་ཁུལ་བྱས་པ་ཡིན་ཡང་ཚུལ་བཞིན་མ་རྟོགས་པའི་ཉེས་ཆ་ཅི་མཆིས་ཚང་མ་རང་སྐྱོན་ཁོ་ན་ཡིན་པས་མཆེད་ལྕམ་ཡོངས་ལ་སོར་བཅུའི་འདབ་མ་སྙིང་ཁར་ཟུམ་ཏེ་མཐོལ་ཞིང་བཤགས་པ་ཡིན་ལ། ཐ་མ་གླེགས་བམ་གྱི་ངོ་བོར་ཇི་ལྟར་གྲུབ་ཚུལ་ནི། བསླབ་གསུམ་ནོར་བུའི་གཏེར་གྱིས་མངོན་པར་མཛེས་ཤིང་། གཞན་ཕན་བྱང་ཆུབ་སེམས་ཀྱིས་ཐུགས་རྒྱུད་ཕྱུག་པའི་མཁན་སྤྲུལ་རྣམ་པ་དང་། ཆོས་ཀྱི་མཆེད་པོ་རྣམས་ཀྱིས་དཀའ་ཚེགས་དང་འོ་བརྒྱལ་གང་ལ་ཡང་མ་འཛེམས་པར་རོགས་སྐྱོར་རྒྱ་ཆེན་བྱས་པའི་སྟོབས་ཀྱིས་ལེགས་འགྲུབ་བྱུང་བ་ཡིན་ནོ། །བོད་ས་གླང་ལོའི་ཟླ་བ་བདུན་པའི་དཀར་ཕྱོགས་དགའ་བ་གསུམ་པའི་དུས་བཟང་ཕུན་སུམ་ཚོགས་པའི་ཉིན་ལ་ཟིན་བྲིས་འགོད་པ་པོས་བགྱིས་པ་དགེ་གྱུར་ཅིག<br /> <br /> ༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་བཞུགས་སོ། །<br /> <br /> ༄༅། །རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷཱ་ན་རཱ་ཛ། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེངྒེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱི་འོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད༎མེ་ཏོག་དམ་པ་ཕྲེང་བ་དམ་པ་དང༌། །སིལ་སྙན་རྣམས་དང་བྱུག་པ་གདུགས་མཆོག་དང༌། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང་། །ཕྱེ་མ་ཕུར་མ་རི་རབ་མཉམ་པ་དང༌། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང༌། །འགྲོ་བ་ཀུན་གྱི་བསོད་ནམས་གང་ལ་ཡང་། །དེ་དག་ཀུན་གྱི་རྗེས་སུ་བདག་ཡི་རང་། །གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང་། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང༌། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། །༈ འདས་པའི་སངས་རྒྱས་རྣམས་དང་ཕྱོགས་བཅུ་ཡི། །འཇིག་རྟེན་དག་ན་གང་བཞུགས་མཆོད་པར་གྱུར། །གང་ཡང་མ་བྱོན་དེ་དག་རབ་མྱུར་བར། །བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན། །ཕྱོགས་བཅུ་ག་ལའི་ཞིང་རྣམས་ཇི་སྙེད་པ། །དེ་དག་རྒྱ་ཆེར་ཡོངས་སུ་དག་པར་གྱུར། །བྱང་ཆུབ་ཤིང་དབང་དྲུང་གཤེགས་རྒྱལ་བ་དང་། །སངས་རྒྱས་སྲས་ཀྱིས་རབ་ཏུ་གང་བར་ཤོག །ཕྱོགས་བཅུའི་སེམས་ཅན་གང་རྣམས་ཇི་སྙེད་པ། །དེ་དག་རྟག་ཏུ་ནད་མེད་བདེ་བར་གྱུར། །འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིང་རེ་བའང་འགྲུབ་པར་ཤོག །བྱང་ཆུབ་སྤྱོད་པ་དག་ནི་བདག་སྤྱོད་ཅིང་། །འགྲོ་བ་ཀུན་ཏུ་སྐྱེ་བ་དྲན་པར་གྱུར། །ཚེ་རབས་ཀུན་ཏུ་འཆི་འཕོ་སྐྱེ་བ་ན། །རྟག་ཏུ་བདག་ནི་རབ་ཏུ་འབྱུང་བར་ཤོག །རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་པོ་སྤྱོད་པ་ཡོངས་སུ་རྫོགས་བྱེད་ཅིང༌། །ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ལྷ་ཡི་སྐད་དང་ཀླུ་དང་གནོད་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྒྲ་རྣམས་ཇི་ཙམ་པར། །ཐམས་ཅད་སྐད་དུ་བདག་གིས་ཆོས་བསྟན་ཏོ། །དེས་ཤིང་ཕ་རོལ་ཕྱིན་ལ་རབ་བརྩོན་ཏེ། །བྱང་ཆུབ་སེམས་ནི་ནམ་ཡང་བརྗེད་མ་གྱུར། །སྡིག་པ་གང་རྣམས་སྒྲིབ་པར་གྱུར་པ་དག །དེ་དག་མ་ལུས་ཡོངས་སུ་བྱང་བར་ཤོག །ལས་དང་ཉོན་མོངས་བདུད་ཀྱི་ལས་རྣམས་ལས། །གྲོལ་ཞིང་འཇིག་རྟེན་འགྲོ་བ་རྣམས་སུ་ཡང༌། །ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོགས་པ་མེད་ལྟར་སྤྱད། །ཞིང་གི་ཁྱོན་དང་ཕྱོགས་རྣམས་ཅི་ཙམ་པར། །ངན་སོང་སྡུག་བསྔལ་རབ་ཏུ་ཞི་བར་བྱེད། །བདེ་བ་དག་ལ་འགྲོ་བ་ཀུན་འགོད་ཅིང་། །འགྲོ་བ་ཐམས་ཅད་ལ་ནི་ཕན་པར་སྤྱད། །བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང་། །སེམས་ཅན་དག་གི་སྤྱོད་དང་མཐུན་པར་འཇུག །བཟང་པོ་སྤྱོད་པ་དག་ནི་རབ་སྟོན་ཅིང་། །མ་འོངས་བསྐལ་པ་ཀུན་ཏུ་སྤྱོད་པར་གྱུར། །བདག་གི་སྤྱོད་དང་མཚུངས་པར་གང་སྤྱོད་པ། །དེ་དག་དང་ནི་རྟག་ཏུ་འགྲོགས་པར་ཤོག །ལུས་དང་ངག་རྣམས་དང་ནི་སེམས་ཀྱིས་ཀྱང༌། །སྤྱོད་པ་དག་དང་སྨོན་ལམ་གཅིག་ཏུ་སྤྱད།།བདག་ལ་ཕན་པར་འདོད་པའི་གྲོགས་པོ་དག །བཟང་པོ་སྤྱོད་པ་རབ་ཏུ་སྟོན་པ་རྣམས། །དེ་དག་དང་ཡང་རྟག་ཏུ་ཕྲད་པར་ཤོག །དེ་དག་བདག་གིས་ནམ་ཡང་ཡིད་མི་དབྱུང་། །སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །མངོན་སུམ་རྟག་ཏུ་བདག་གིས་རྒྱལ་བ་བལྟ། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་དག་ལ་ཡང་མཆོད་པ་རྒྱ་ཆེར་བགྱི། །རྒྱལ་བ་རྣམས་ཀྱི་དམ་པའི་ཆོས་འཛིན་ཅིང་། །བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྦྱོང་བ་ཡང་། །མ་འོངས་བསྐལ་པ་ཀུན་ཏུ་སྤྱད་པར་བགྱི། །སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང༌། །ཡོན་ཏན་ཀུན་གྱི་མི་ཟད་མཛོད་དུ་གྱུར། །རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞིང་དེར་བསམ་གྱིས་མི་ཁྱབ་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་ལ། །བྱང་ཆུབ་སྤྱད་པ་སྤྱོད་ཅིང་བལྟ་བར་བགྱི། །དེ་ལྟར་མ་ལུས་ཐམས་ཅད་ཕྱོགས་སུ་ཡང༌། །སྐྲ་ཙམ་ཁྱོན་ལ་དུས་གསུམ་ཚད་སྙེད་ཀྱི། །སངས་རྒྱས་རྒྱ་མཚོ་ཞིང་རྣམས་རྒྱ་མཚོ་དང༌། །བསྐལ་པ་རྒྱ་མཚོར་སྤྱོད་ཅིང་རབ་ཏུ་འཇུག །གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་དབྱངས་ཡན་ལག་རྣམ་དག་པ། །འགྲོ་བ་ཀུན་གྱི་བསམ་པ་ཇི་བཞིན་དབྱངས། སངས་རྒྱས་གསུང་ལ་རྟག་ཏུ་འཇུག་པར་བགྱི། །དུས་གསུམ་གཤེགས་པའི་རྒྱལ་བ་ཐམས་ཅད་དག །འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། །དེ་དག་གི་ཡང་གསུང་དབྱངས་མི་ཟད་ལ། །བློ་ཡི་སྟོབས་ཀྱིས་བདག་ཀྱང་རབ་ཏུ་འཇུག །མ་འོངས་བསྐལ་པ་ཐམས་ཅད་འཇུག་པར་ཡང་། །སྐད་ཅིག་གཅིག་གིས་བདག་ཀྱང་འཇུག་པར་བགྱི། །གང་ཡང་བསྐལ་པ་དུས་གསུམ་ཚད་དེ་དག །སྐད་ཅིག་ཆ་ཤས་ཀྱིས་ནི་ཞུགས་པར་སྤྱད། །དུས་གསུམ་གཤེགས་པ་མི་ཡི་སེངྒེ་གང༌། །དེ་དག་སྐད་ཅིག་གཅིག་ལ་བདག་གིས་བལྟ། །རྟག་ཏུ་དེ་དག་གི་ནི་སྤྱོད་ཡུལ་ལ། །སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག །གང་ཡང་དུས་གསུམ་དག་གི་ཞིང་བཀོད་པ། །དེ་དག་རྡུལ་གཅིག་སྟེང་དུ་མངོན་པར་བསྒྲུབ། །དེ་ལྟར་མ་ལུས་ཕྱོགས་རྣམས་ཐམས་ཅད་དུ། །རྒྱལ་བ་དག་གི་ཞིང་རྣམས་བཀོད་ལ་འཇུག །གང་ཡང་མ་བྱོན་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། །མགོན་པོ་ཀུན་གྱི་དྲུང་དུ་བདག་མཆི་འོ། །ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང༌། །ཀུན་ནས་སྒོ་ཡི་ཐེག་པའི་སྟོབས་དག་དང༌། །ཀུན་ཏུ་ཡོན་ཏན་སྤྱོད་པའི་སྟོབས་རྣམས་དང་། །ཀུན་ཏུ་ཁྱབ་པ་བྱམས་པ་དག་གི་སྟོབས། །ཀུན་ནས་དགེ་བའི་བསོད་ནམས་སྟོབས་དག་དང་། །ཆགས་པ་མེད་པར་གྱུར་པའི་ཡེ་ཤེས་སྟོབས། །ཤེས་རབ་ཐབས་དང་ཏིང་འཛིན་སྟོབས་དག་གིས། །བྱང་ཆུབ་སྟོབས་རྣམས་ཡང་དག་སྒྲུབ་པར་བྱེད། །ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང༌། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞིང་རྣམས་རྒྱ་མཚོ་རྣམ་པར་དག་བྱེད་ཅིང་། སེམས་ཅན་རྒྱ་མཚོ་དག་ནི་རྣམ་པར་སྒྲོལ། །ཆོས་རྣམས་རྒྱ་མཚོ་རབ་ཏུ་མཐོང་བྱེད་ཅིང་། །ཡེ་ཤེས་རྒྱ་མཚོ་རབ་ཏུ་རྟོགས་པར་བྱེད། །སྤྱོད་པ་རྒྱ་མཚོ་རྣམ་པར་དག་བྱེད་ཅིང་། །སྨོན་ལམ་རྒྱ་མཚོ་ཡོངས་སུ་རྫོགས་པར་བྱེད། །སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང་། །བསྐལ་པ་རྒྱ་མཚོར་མི་སྐྱོ་སྤྱད་པར་བགྱི། །གང་ཡང་དུས་གསུམ་གཤེགས་པའི་རྒྱལ་བ་ཡི། །བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པས་བྱང་ཆུབ་སངས་རྒྱས་ནས། །དེ་ཀུན་བདག་གིས་མ་ལུས་རྫོགས་པར་བགྱི། །རྒྱལ་བ་ཀུན་གྱི་སྲས་ཀྱི་ཐུ་བོ་པ། །གང་གི་མིང་ནི་ཀུན་ཏུ་བཟང་ཞེས་བྱ། །མཁས་པ་དེ་དང་མཚུངས་པར་སྤྱད་པའི་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ལུས་དང་ངག་དང་ཡིད་ཀྱང་རྣམ་དག་ཅིང་། །སྤྱོད་པ་རྣམ་དག་ཞིང་རྣམས་ཡོངས་དག་པ། །བསྔོ་བ་བཟང་པོ་མཁས་པ་ཅི་འདྲ་བ། །དེ་འདྲར་བདག་ཀྱང་དེ་དང་མཚུངས་པར་ཤོག །ཀུན་ནས་དགེ་བ་བཟང་པོ་སྤྱད་པའི་ཕྱིར། །འཇམ་དཔལ་གྱི་ནི་སྨོན་ལམ་སྤྱད་པར་བགྱི། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་ཡི་བྱ་བ་མ་ལུས་རྫོགས་པར་བགྱི། །སྤྱོད་པ་དག་ནི་ཚད་ཡོད་མ་གྱུར་ཅིག །ཡོན་ཏན་རྣམས་ཀྱང་ཚད་བཟུང་མེད་པར་ཤོག །སྤྱོད་པ་ཚད་མེད་པ་ལ་གནས་ནས་ཀྱང་། །དེ་དག་འཕྲུལ་པ་ཐམས་ཅད་འཚལ་བར་བགྱི། །ནམ་མཁའི་མཐར་ཐུག་གྱུར་པ་ཇི་ཙམ་པར། །སེམས་ཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །གང་ཡང་ཕྱོགས་བཅུའི་ཞིང་རྣམས་མཐའ་ཡས་པ། །རིན་ཆེན་བརྒྱན་ཏེ་རྒྱལ་བ་རྣམས་ལ་ཕུལ། །ལྷ་དང་མི་ཡི་བདེ་བའི་མཆོག་རྣམས་ཀྱང་། །ཞིང་གི་རྡུལ་སྙེད་བསྐལ་པར་ཕུལ་བ་བས། །གང་གིས་བསྔོ་བའི་རྒྱལ་པོ་འདི་ཐོས་ནས། །བྱང་ཆུབ་མཆོག་གི་རྗེས་སུ་རབ་མོས་ཤིང་། །ལན་ཅིག་ཙམ་ཡང་དད་པ་བསྐྱེད་པ་ན། །བསོད་ནམས་དམ་པའི་མཆོག་ཏུ་འདི་འགྱུར་རོ། །གང་གིས་བཟང་སྤྱོད་སྨོན་ལམ་འདི་བཏབ་པས། །དེས་ནི་ངན་སོང་ཐམས་ཅད་སྤོང་བར་འགྱུར། །དེས་ནི་གྲོགས་པོ་ངན་པ་སྤངས་པ་ཡིན། །སྣང་བ་མཐའ་ཡས་དེ་ཡང་དེས་མྱུར་མཐོང་། །དེ་དག་རྙེད་པ་རབ་རྙེད་བདེ་བར་འཚོ། །མི་ཚེ་འདིར་ཡང་དེ་དག་ལེགས་པར་འོང་། །ཀུན་ཏུ་བཟང་པོ་དེ་ཡང་ཅི་འདྲ་བར། །དེ་དག་རིང་པོར་མི་ཐོགས་དེ་བཞིན་འགྱུར། །མཚམས་མེད་ལྔ་པོ་དག་གི་སྡིག་པ་རྣམས། །གང་གིས་མི་ཤེས་དབང་གིས་བྱས་པ་དག །དེ་ཡིས་བཟང་པོ་སྤྱོད་པ་འདི་བརྗོད་ན། །མྱུར་དུ་མ་ལུས་ཡོངས་སུ་བྱང་བར་འགྱུར། །ཡེ་ཤེས་དང་ནི་གཟུགས་དང་མཚན་རྣམས་དང་། །རིགས་དང་ཁ་དོག་རྣམས་དང་ལྡན་པར་འགྱུར། །བདུད་དང་མུ་སྟེགས་མང་པོས་དེ་མི་ཐུབ། །འཇིག་རྟེན་གསུམ་པོ་ཀུན་ནའང་མཆོད་པར་འགྱུར། །བྱང་ཆུབ་ཤིང་དབང་དྲུང་དུ་དེ་མྱུར་འགྲོ ། སོང་ནས་སེམས་ཅན་ཕན་ཕྱིར་དེར་འདུག་སྟེ། །བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར། །བདུད་རྣམས་སྡེ་དང་བཅས་པ་ཐམས་ཅད་བཏུལ། །གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་ན་ཡང་། །དེ་ཡི་རྣམ་པར་སྨིན་པའང་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག །འཇམ་དཔལ་དཔའ་བོས་ཇི་ལྟར་མཁྱེན་པ་དང༌། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ།།དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང་། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་བ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ ། དེར་སོང་ནས་ནི་སྨོན་ལམ་འདི་དག་ཀྱང༌། །ཐམས་ཅད་མ་ལུས་མངོན་དུ་འགྱུར་བར་ཤོག །དེ་དག་མ་ལུས་བདག་གིས་ཡོངས་སུ་བཀང༌། །འཇིག་རྟེན་ཇི་སྲིད་སེམས་ཅན་ཕན་པར་བགྱི། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བའི་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །དེར་ནི་བདག་གིས་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་པོ་བགྱི། །བཟང་པོ་སྤྱོད་པའི་སྨོན་ལམ་བཏོན་པ་ཡི། །དགེ་བ་ཅུང་ཟད་བདག་གིས་ཅི་བསགས་པ། །དེས་ནི་འགྲོ་བའི་སྨོན་ལམ་དགེ་བ་རྣམས། །སྐད་ཅིག་གཅིག་གིས་ཐམས་ཅད་འབྱོར་བར་ཤོག །གང་ཡང་བཟང་པོ་སྤྱོད་པ་འདི་བསྔོས་པས། །བསོད་ནམས་མཐའ་ཡས་དམ་པ་གང་ཐོབ་དེས། །འགྲོ་བ་སྡུག་བསྔལ་ཆུ་བོར་བྱིང་བ་རྣམས། །འོད་དཔག་མེད་པའི་གནས་རབ་ཐོབ་པར་ཤོག །སྨོན་ལམ་རྒྱལ་པོ་འདི་དག་མཆོག་གི་གཙོ། །མཐའ་ཡས་འགྲོ་བ་ཀུན་ལ་ཕན་བྱེད་ཅིང་། །ཀུན་ཏུ་བཟང་པོས་བརྒྱན་པའི་གཞུང་གྲུབ་སྟེ། །ངན་སོང་གནས་རྣམས་མ་ལུས་སྟོང་བར་ཤོག །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་རྫོགས་སོ།། །། རྒྱ་གར་གྱི་མཁན་པོ་ཛི་ན་མུ་ཏྲ་དང༌། སུ་རེནྡྲ་བྷོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཞིང་ལོ་ཆེན་བཻ་རོ་ཙ་ནས་ཞུས་ཆེན་མཛད་པའོ།། །། སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང༌། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །ཏདྱ་ཐཱ། པཉྩནྡྲི་ཡ་ཨ་ཝ་བོ་དྷ་ནི་ཡེ་སྭཱ་ཧཱ། །<br /> <br /> ༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུ་མཁན་ཆེན་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་མཆོག་གི་ཞལ་ལུང་ཞེས་བྱ་བ་བཞུགས་སོ། །<br /> <br /> ན་མོ་གུ་རུ་ཨ་བྷྱ་ལཀྵ་ཀ་ར་ཡེ། ལྟ་བས་མི་ངོམས་མཐོང་གྲོལ་མཚན་དཔེའི་སྐུ། །ཡན་ལག་དྲུག་ཅུའི་ཚངས་དབྱངས་སྙན་པའི་གསུང་། །སྨྲ་བསམ་བརྗོད་བྲལ་མཉམ་པ་ཉིད་ཀྱི་ཐུགས། །བཅོམ་ལྡན་ལྷ་ཡི་ལྷ་ལ་གུས་ཕྱག་འཚལ། །དྭངས་བསིལ་ལྷོ་ནུབ་འོ་མའི་རྒྱ་མཚོར་འདབ་སྟོང་ཆུ་སྐྱེས་བཞད་པའི་རྩེར། །རང་བྱུང་རྡོ་རྗེའི་མཚན་དཔེའི་དཀྱིལ་འཁོར་མི་མཇེད་ཞིང་དུ་མངོན་པར་མཛེས། །སྐྱེ་འགྲོ་ཡོངས་ཀྱི་སྐྱབས་མགོན་གཅིག་པུ་གསང་ཆེན་བསྟན་པའི་ཤིང་རྟ་བ། །ཁམས་གསུམ་སྲིད་གསུམ་ཟིལ་གྱིས་གནོན་མཛད་པདྨ་ཀ་རར་སྙིང་ནས་གུས། །ཀ་དག་གཏིང་གསལ་གཞི་ཀློང་ཡངས་པ་རུ། །བརྩེ་ཆེན་ཐུགས་རྗེའི་གདངས་རྩལ་མ་འགག་པ། །རབ་འབྱམས་ཕྱོགས་དུས་རྒྱལ་བའི་སྲས་གཅིག་པུ། །ཀུན་མཁྱེན་ངག་གི་དབང་པོས་བདག་སྐྱོངས་ཤིག །རྒྱལ་ཀུན་ཕྲིན་ལས་གཅིག་ཏུ་བསྡུས་མཛད་ཟུར་ཕུད་ལྔ་པའི་རྣམ་རོལ་གར། །ཐེག་མཆོག་སེང་གེའི་སྒྲ་དབྱངས་སྒྲོག་མཁས་འགྲོ་བའི་སྣང་སེམས་དབང་མེད་འགུགས། །འགྲན་བྲལ་སྨྲ་བའི་དབང་ཕྱུག་ཆེན་མོ་ཐུབ་བསྟན་མཛེས་རྒྱན་ཉིན་མོར་བྱེད། །གསོལ་འདེབས་བུ་ལ་བརྩེ་བས་རྗེས་བཟུང་འཇམ་དཔལ་རྡོ་རྗེས་ཤིས་པར་སྩོལ། །མཐོང་བ་ཙམ་གྱིས་དད་པའི་སྤུ་ལོང་གཡོ། །ཐོས་པ་ཙམ་གྱིས་སྲིད་ཞིའི་དཔལ་ཡོན་འཕེལ། །ཕན་བདེའི་ལེགས་ཚོགས་ཆར་ལྟར་འབེབས་མཛད་པ། །དཔལ་ལྡན་བླ་མ་སྙིང་དབུས་པདྨོར་རོལ། །བསྐལ་མང་གོང་ནས་མངོན་བྱང་ཆུབ་ཀྱང་འགྲོ་རྣམས་ཐུགས་བརྩེས་མི་འདོར་ཕྱིར། །མཚན་དཔེའི་མེ་ཏོག་མཛེས་མདངས་བཀྲ་ཞིང་ཡན་ལག་དྲུག་ཅུའི་སྒྲ་དབྱངས་སྒྲོག །སྐྱབས་མེད་འགྲོ་བའི་མགོན་དུ་བྱོན་ནས་འབྲེལ་ཚད་བདེ་ལྡན་དག་ཞིང་དུ། །འདྲེན་པའི་དེད་དཔོན་ཡིད་བཞིན་ནོར་བུས་མི་འབྲལ་ཚེ་རབས་ཕྲེང་བར་སྐྱོངས། །སྐྱབས་རྗེ་གང་གི་ཐུགས་བརྩེས་རྗེས་བཟུང་ནས། །ལེགས་གསུངས་རྡོ་རྗེའི་ཚིག་གི་ཕྲེང་བ་རྣམས། །སྐལ་བཟང་འཁོར་ལ་དགའ་སྟོན་འགྱེད་པའི་ཚུལ། །མི་བརྗེད་དྲན་པའི་གཟུངས་སུ་བཏབ་པ་ཉིད། །རྫོགས་པའི་སངས་རྒྱས་མྱུར་དུ་འགྲུབ་བྱེད་སྨོན་ལམ་ཡོངས་ཀྱི་རྒྱལ་པོ་འདིར། །ཆོས་རྗེ་བླ་མའི་ཞལ་གསུངས་གསུང་སྒྲོས་ལྗགས་ཆབ་དྲོན་མོས་བྲན་པ་དག །མ་འོངས་ཐར་འདོད་སྐྱེ་འགྲོ་ཡོངས་ལ་ཕན་བདེའི་གྲུ་ཆར་སྟེར་ཕྱིར་དུ། །མ་འདྲེས་འཇའ་ཚོན་ཇི་ལྟ་བ་བཞིན་ཡི་གེའི་ལམ་ནས་འདིར་གསལ་བྱ། །དུས་གསུམ་སངས་རྒྱས་ཐམས་ཅད་ཀྱི་ངོ་བོ་རིགས་དང་དཀྱིལ་འཁོར་རྒྱ་མཚོའི་ཁྱབ་བདག་བཀའ་དྲིན་མཚུངས་པ་མེད་པ་རྗེ་བཙུན་དཔལ་མགོན་རྩ་བའི་བླ་མ་རིན་པོ་ཆེ་རྣམས་ཀྱི་ཞབས་ཀྱི་རྡུལ་དྲི་མ་མེད་པ་ལ་མགོ་བོས་རབ་ཏུ་བཏུད་དེ་གུས་པས་ཕྱག་འཚལ་ཞིང་སྐྱབས་སུ་མཆིའོ་བྱིན་གྱིས་བརླབ་པར་མཛད་དུ་གསོལ། གང་གི་ཞལ་བཟང་ལྟ་བས་མི་ངོམས་གེ་སར་འཛུམ་པའི་མདངས་བཀྲ་ཞིང༌། །མཚན་དཔེའི་གཟི་འོད་ཟེའུ་འབྲུ་གསལ་བས་འགྲོ་ཀུན་མིག་གི་བདུད་རྩིར་གྱུར། །ཐུགས་རྗེའི་འདབ་མ་ཀུན་ནས་དཀྱུས་རིང་འཇིག་རྟེན་གསུམ་གྱི་ཁོངས་ཁྱབ་པ། །ཐུབ་དབང་པདྨ་དཀར་པོའི་ཞབས་པད་དེ་རིང་བདག་བློའི་པད་མཚོར་སྐྱོངས། །རྒྱལ་ཀུན་མཁྱེན་བརྩེ་ནུས་པའི་ངོ་བོ་ཉིད། །བགྲང་ཡས་དཀྱིལ་འཁོར་འཁོར་ལོ་ལེགས་འཆང་ནས། །ཞིང་འདིར་སློབ་དཔོན་ཚུལ་བཟུང་ཐེག་མཆོག་གི ། སྟོན་པ་མཚུངས་མེད་པདྨ་ཀ་ར་རྒྱལ། །ཆོས་ཟད་ཀློང་དུ་ཆོས་སྐུའི་དགོངས་པ་བརྙེས།།འོད་གསལ་དབྱིངས་སུ་ལོངས་སྐུའི་ཞིང་སྣང་གཟིགས། །གདུལ་བྱའི་སྣང་ངོར་སྤྲུལ་སྐུའི་འགྲོ་དོན་མཛད། །ཀུན་མཁྱེན་ཆོས་ཀྱི་རྒྱལ་པོ་ལ་ཕྱག་འཚལ། །སྨྲ་བའི་སེང་གེའི་མཁྱེན་རབ་སྙིང་ལ་ཤར། །ཀུན་ཏུ་བཟང་པོའི་སྨོན་ལམ་རྣམ་པར་སྦྱངས། །སྲས་བཅས་རྒྱལ་བའི་ཕྲིན་ལས་འཛིན་མཛད་པ། །འཇམ་དབྱངས་བླ་མའི་ཞབས་ལ་གསོལ་བ་འདེབས། །དགོངས་བརྡ་སྙན་བརྒྱུད་རིག་འཛིན་བླ་མ་དང་། །ཞི་ཆགས་ཁྲོ་བོའི་ཚུལ་འཆང་ཡི་དམ་ལྷ། །གནས་གསུམ་མཁའ་འགྲོ་རྒྱུད་གསུམ་དྲེགས་ཚོགས་བཅས། །རབ་འབྱམས་རྩ་གསུམ་ལྷ་ལ་མགོས་ཕྱག་འཚལ། །སྲིད་གསུམ་སྡུག་བསྔལ་ཇི་འདྲ་ཁྱེད་ཀྱིས་མཁྱེན། །དམྱལ་སོགས་མེ་དཔུང་ཞི་བར་བགྱིད་ལ་སོགས། །སེམས་ཅན་དོན་ལ་མྱུར་དུ་བདག་བརྩོན་ན། །དམ་པ་རྣམས་ཀྱིས་ནུས་མཐུ་བསྩལ་ཏུ་གསོལ། །གང་ཚེ་བདག་གིས་གཞན་ཕན་སེམས་ཀྱིས་སུ། །སྙིང་དབུས་པདྨོར་གཞོན་ནུ་ཁྱེད་དྲན་ནས། །ལེགས་བཤད་བདུད་རྩིའི་སྒྲ་དབྱངས་སྒྲོག་བགྱིད་ན། །འཇམ་དཔལ་བདག་གི་ཡིད་ལ་དཔལ་སྩོལ་ཅིག །གང་དག་ཕྱོགས་བཅུ་སྟོང་གི་འཇིག་རྟེནན། །བདེ་གཤེགས་སློབ་མར་གྱུར་བ་གང་སུ་དག །དེང་འདིར་སྟོན་པའི་ཆོས་ཀྱི་ཆར་འབེབས་ཀྱིས། །གསན་པར་འདོད་པ་ཐམས་ཅད་འདིར་གཤེགས་ཤིག །ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་གཏན་བདེ་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ། དེའི་ཆེད་དུ་དམ་པའི་ཆོས་གང་ཞིག་གསན་ནས་དོན་ཉམས་སུ་བླང་བར་བགྱིའོ་སྙམ་པའི་བྱང་ཆུབ་མཆོག་ཏུ་ཐུགས་བསྐྱེད་པ་དང་ཆོས་ཉན་པའི་ཀུན་ཏུ་སྤྱོད་པ་རྣམས་ཀྱང་བླང་དོར་མ་འཆོལ་བར་བགྱིས་ཏེ་གསན་འཚལ། དེ་ལ་གང་གསན་པར་བྱ་བའི་ཆོས་ནི། འཕགས་པ་བཟང་པོ་སྤྱོད་པའི་སྨོན་ལམ་གྱི་འགྲེལ་ཆུང་འཕགས་མཆོག་རྣམས་ཀྱི་རྣམ་པར་ཐར་བ་མཐའ་དག་ལ་འཇུག་པའི་སྒོ་ཞེས་བྱ་བ། དེ་བཞིན་གཤེགས་པ་སྲས་དང་བཅས་པ་ཐམས་ཅད་དང་བྱང་ཆུབ་སེམས་དཔའ་ཀུན་ཏུ་བཟང་པོ་ལ་ཕྱག་འཚལ་ལོ། །ཚོགས་གཉིས་རྒྱ་མཚོ་ལས་འཁྲུངས་པའི། །རྫོགས་སངས་རྒྱས་ཀུན་ལ་བཏུད་དེ། །གང་གི་ཞིང་དང་རྣམ་ཐར་ལ། །འཇུག་པའི་སྒོ་བརྒྱ་དབྱེ་བར་བྱ། །དེ་ལ་འདིར་སངས་རྒྱས་ཀྱི་གསུང་ཕལ་མོ་ཆེའི་ནང་ན་སྡོང་པོ་བཀོད་པའི་མདོ་ཞེས་བྱ་བ་བྱང་ཆུབ་སེམས་དཔའི་སྤྱོད་པ་རབ་འབྱམས་སྟོན་པ་མཇུག་གི་ཆ་ལས་བཀོལ་བ་སྨོན་ལམ་གྱི་མདོ་འདི་ཉིད་སུ་ཞིག་གིས་བཏབ་ཅེ་ན། སྔོན་གཞོན་ནུ་ནོར་བཟང་གིས་འཕགས་པ་འཇམ་དཔལ་ནས་བྱམས་པའི་བར་གྱི་དགེ་བའི་བཤེས་གཉེན་མང་པོ་བསྟེན་པའི་མཐར། འཇམ་དཔལ་གྱི་བྱིན་རླབས་ཀྱི་མཐུས་ཡེ་ཤེས་ཀྱི་སྤྱོད་ཡུལ་ཡངས་པར་བརྙེས་ནས་ཀུན་ཏུ་བཟང་པོའི་སྤྱོད་པའི་དཀྱིལ་འཁོར་ལ་ཞུགས་ནུས་པར་གྱུར་ཏེ། བྱང་ཆུབ་སེམས་དཔའ་ཀུན་ཏུ་བཟང་པོ་ཉིད་དགེ་བའི་བཤེས་གཉེན་དུ་ཐོབ་པ་ན། དེའི་རྣམ་པར་ཐར་པ་བསམ་གྱིས་མི་ཁྱབ་པའི་ཡེ་ཤེས་ཀྱི་རྣམ་འཕྲུལ་མཐའ་ཡས་པ་བཀོད་པའི་སྤྲིན་ཆེན་པོ་གཞོན་ནུ་ནོར་བཟང་ལ་གསུངས་པ། ཇི་སྐད་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་བསྐལ་པ་ནས་བསྐལ་པ་འབྱམས་ཀླས་པ་འཇིག་རྟེན་ཁམས་གཅིག་ནས་གཅིག་ཏུ་བརྒྱུད་པ། སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཕྲ་མོ་ཇི་སྙེད་པ་དག་བསྣན་ཏེ་མངོན་པར་བརྗོད་པའི་ཕྱིར་ཚིགས་སུ་བཅད་པའི་དབྱངས་ཀྱིས་སྨོན་ལམ་བཏབ་པ། ཇི་སྙེད་སུ་དག་སོགས་འབྱུང་བ་ཡིན་ནོ། །འདི་ནི་མདོ་ཕལ་པོ་ཆེ་ཟེར་ནི། སྤྱིར་འབུམ་བཞི་ཟེར་རྒྱུ་ཡོད་ཨོས་དར། ཚིགས་སུ་བཅད་པ་འབུམ་རྒྱས་པ། འབུམ་ཏིང་འཛིན་རྒྱལ་པོ་ཏིང་ངེ་འཛིན་གྱི་འབུམ། སྤྱོད་ཡུལ་ཡོངས་སུ་རྫོགས་པའི་ཕལ་པོ་ཆེའི་མདོ་ནི་བྱང་ཆུབ་སེམས་དཔའི་སྤྱོད་པའི་འབུམ། དེ་ལྟ་བུའི་འབུམ་མདོ་ཁ་ཤས་ཡོད་ནི་རེད། བྱང་ཆུབ་སེམས་དཔའི་སྤྱོད་ཡུལ་རྣམ་པར་དག་པ་མི་འདྲ་བ་འབུམ་བསྟན་པ་ནི་ཕལ་པོ་ཆེ་རེད། ཕལ་པོ་ཆེའི་མཇུག་གི་ལེའུ་དེ་ནི་སྡོང་པོ་རྒྱན་པའི་མདོ་ཟེར་ནི་རེད། སྡོང་པོ་རྒྱན་པའི་མདོའི་མཇུག་ན། བྱང་ཆུབ་སེམས་དཔའ་ནོར་བཟང་གིས་ཐོག་མར་རྒྱ་ནག་རི་བོ་རྩེ་ལྔའི་ནོར་བཟང་ཕུག་པར་མགོན་པོ་འཇམ་པའི་དབྱངས་བཞུགས་སྐབས་སུ་དང་པོ་བྱང་ཆུབ་མཆོག་ཏུ་ཐུགས་བསྐྱེད། དེ་ནས་དགེ་བའི་བཤེས་གཉེན་བརྒྱ་རྩ་བརྒྱད་བསྟེན་ནས་མཐར་བྱམས་པ་བསྟེན། བྱམས་པས་ལུང་བསྟན་ནས་ཀུན་ཏུ་བཟང་པོའི་དཀྱིལ་འཁོར་ལ་འཇུག་པར་སྨོན་དེ། ནས་བཟུང་བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་བཏབ་པ་རེད། སྨོན་ལམ་འདི་དུས་གསུམ་གྱི་སངས་རྒྱས་ཐམས་ཅད་ཀྱིས་མཛད་པ་དང་། སྨོན་ལམ་ཐམས་ཅད་ཕྱོགས་གཅིག་ཏུ་བསྡུས་པ་དེ། སྨོན་ལམ་འདིའི་ནང་ལ་འདུས་ཡོད་ནི་རེད། འདིའི་ནང་དུ་མ་འདུས་པའི་སངས་རྒྱས་དང་བྱང་ཆུབ་སེམས་དཔའ་རྣམས་ལ་སྨོན་ལམ་གཞན་གང་ཡང་འདེབས་རྒྱུ་ཡོད་ནི་མ་རེད། དེའི་ཕྱིར་ན་དེ་ནི་ཇི་ལྟར་ཡིན་ཞེ་ན། དི་འཆད་པ་ལ་གསུམ་སྟེ། ཀླད་དོན། གཞུང་དོན། མཇུག་གི་དོན་ནོ། །བསྟན་བཅོས་གང་ཡིན་ཡང་ཀླད་ཀྱི་དོན་གཞུང་དོན་མཇུག་གི་དོན་ཏེ་གསུམ་ཡོད་ནི་རེད། དང་པོ་ལ་མཚན་དོན་དང་འགྱུར་ཕྱག་གཉིས་ལས་མཚན་དོན་ནི། རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷཱ་ན་རཱ་ཛ། ཞེས་པ་དེ་རྒྱ་གར་སྐད་ཀྱི་དབང་དུ་བྱས་པ་རེད། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། ཞེས་གསུངས་ནི་རེད། བཟང་པོ་ཟེར་ན་ཀུན་ཏུ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཞེས་གསུངས་ནི་རེད། འདིར་ནི་སྨོན་ལམ་འདེབས་པ་པོའི་མིང་གིས་བཏགས་ནི་རེད། སྨོན་ལམ་ཐམས་ཅད་ཀྱི་རྒྱལ་པོ་མཆོག་ཏུ་གྱུར་པ་འདི་ཡིན་ཟེར་ནི་རེད། གཉིས་པ་ནི། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །གསུངས་པ་ནི་འགྱུར་ཕྱག་རེད། ལོ་ཙཱ་བ་ཡེ་ཤེས་སྡེ་སོགས་ཀྱིས་འདི་ཉིད་སྔ་འགྱུར་གྱི་དུས་སུ་བསྒྱུར་བའི་གནས་སྐབས་ན་རང་གི་ལྷག་པའི་ལྷ་ལ་ཕྱག་འཚལ་བ་ནི་འགྱུར་ལ་བར་ཆད་མི་འབྱུང་བའི་ཕྱིར་དུ་འཇོག་ནའང་ཆོག་གསུངས་ནི་རེད། འདིར་མངོན་པ་དང་མངོན་པའི་ཕྱོགས་སུ་གཏོགས་པའི་རྒྱུ་མཚན་གྱིས་འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཞེས་གསུངས་སོ། །གཉིས་པ་གཞུང་དོན་ལ་གསུམ་སྟེ། སྔོན་འགྲོ་ཡན་ལག་བདུན་པས་རྒྱུད་དག་པར་བྱ་བ། དངོས་གཞི་སྨོན་ལམ་གྱི་རབ་དབྱེ་རྒྱས་པར་བཤད་པ། རྗེས་ཕན་ཡོན་བསྟན་པས་མཇུག་བསྡུ་བའོ། །དང་པོ་ལའང་བདུན་གསུངས་ནི་རེད། དེ་ཡང་སྤྱིར་ཚོགས་བསགས་སྒྲིབ་པ་སྦྱངས་བ་དང་། དེའི་འཕྲོས་བསམ་པ་བྱང་ཆུབ་མཆོག་ཏུ་སེམས་བསྐྱེད་པ། དེའི་རྗེས་སུ་སྨོན་ལམ་བཏབ་ན་སྨོན་ལམ་ངེས་པར་དུ་འགྲུབ་ནི་རེད། རང་ཁར་བསམ་པ་བཟང་པོས་སྨོན་ལམ་བཏབ་ན་སྨོན་ལམ་མི་འགྲུབ་པ་མིན་ཡང་། སྨོན་ལམ་འགྲུབ་པའི་རྐྱེན་བཟང་པོ་ནི་ཚོགས་བསགས་སྒྲིབ་སྦྱངས་སྔོན་དུ་འགྲོ་དགོས་ནི་རེད། སྤྱིར་ན་ཚོགས་བསགས་སྒྲིབ་སྦྱངས་དགེ་བ་གོང་འཕེལ་དུ་སྤེལ་བར་བྱ་རྒྱུ་དེ་ལ་བསགས་སྦྱངས་སྤེལ་གསུམ་ཟེར་ནི་རེད། ཐམས་ཅད་པོ་སྤྱི་རིགས་ནས་ཕྱོགས་གཅིག་ཏུ་བསྡུས་ན་ཐེག་པ་ཆེན་པོའི་མདོ་སྡེ་ཐམས་ཅད་ཀྱི་ནང་ན་ཡན་ལག་བདུན་པའི་ནང་དུ་འདུས་ཡོད་པར་གསུངས་ཡོད་ནི་རེད། དེས་ན་ཡན་ལག་བདུན་པ་དེ་རིམ་བཞིན་བཤད་ནི་ཡིན། ཇི་སྐད་དུ། ཕྱག་མཆོད་བཤགས་དང་ཡི་རང་བ། །ཆོས་སྟོན་བསྐུལ་དང་བཞུགས་གསོལ་བསྔོ། །ཞེས་པ་ལྟར་ཕྱག་འཚལ་བ་དང་། མཆོད་པ་འབུལ་བ། སྡིག་པ་བཤགས་པ། དགེ་བ་ལ་རྗེས་སུ་ཡི་རང་བ། ཆོས་ཀྱི་འཁོར་ལོ་བསྐོར་བར་བསྐུལ་བ། མྱ་ངན་ལས་མི་འདའ་བར་གསོལ་བ་འདེབས་པ། དགེ་རྩ་བྱང་ཆུབ་ཏུ་བསྔོ་བ་དེ་རྣམས་ལ་ཡན་ལག་བདུན་པ་ཟེར་ནི་རེད། དེའི་ནང་གི་དང་པོ་ཕྱག་འཚལ་བའི་ཡན་ལག་ལ་ཡང༌། མདོར་བསྟན་པ་དང༌། རྒྱས་པར་བཤད་པ་གཉིས་ལས། དང་པོ་ནི། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེངྒེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱི་འོ། །ཞེས་གསུངས་ཏེ་ཕྱག་འཚལ་བའི་ཡན་ལག་མདོར་བསྟན་ནི་རེད། ཕྱག་གང་ལྟར་འཚལ་ན་ཇི་སྙེད་སུ་དག་ཕྱོགས་བཅུའི་འཇིག་རྟེན་ན་གསུངས་ནས། ཕྱོགས་བཅུའི་འཇིག་རྟེན་གྱི་ཁམས་ཕྱོགས་བཞི་ཤར་ལྷོ་ནུབ་བྱང་། མཚམས་བཞི་སྟེང་འོག་གཉིས་དང་བཅུ་རེད། ཕྱོགས་བཅུས་མ་བསྡུས་པའི་ས་ཞིག་མེད་ལ། དེའི་ཁྱོན་ན། དུས་གསུམ་གཤེགས་པ་མི་ཡི་སེངྒེ་ཀུན། །ཞེས་འདས་མ་འོངས་ད་ལྟ་དུས་གསུམ་ན་བཞུགས་པའི་མི་ཡི་སེངྒེ་ཟེར་ན་སངས་རྒྱས་རེད། བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །ཞེས་གསུངས་པའི་དོན་ནི། ཕྱོགས་བཅུའི་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། ཞིང་རབ་འབྱམས་ན་སྔོན་འདས་པའི་དུས་སུ་གཤེགས་ཟིན་པ་དང་། ད་ལྟར་བཞུགས་པ། མ་འོངས་པར་འབྱོན་པར་འགྱུར་བའི་རྒྱལ་བ་སྲས་དང་བཅས་པ་ཐམས་ཅད་ལ། ལུས་གུས་པས་ཕྱག་འཚལ་རྒྱུ་དེ་ནི་ལག་པས་ཐལ་མོ་སྦྱར། མགོ་བོས་བཏུད་དེ། གུས་པའི་རྣམ་འགྱུར་ཁྱད་པར་ཅན་ཞིག་ལ་ཟེར་ནི་རེད། ངག་གིས་ཕྱག་འཚལ་ཟེར་རྒྱུ་དེ་ནི། རྒྱལ་བ་སྲས་དང་བཅས་པའི་ཡོན་ཏན་བརྗོད། རྒྱལ་བ་སྲས་དང་བཅས་པ་ལ་གསོལ་བ་འདེབས་པ་དང༌། རྒྱལ་བ་སྲས་དང་བཅས་པ་ལ་དད་པའི་གདུང་ཤུགས་དྲག་པོས་འབོད་པ་ལ་ཟེར་ནི་རེད། ཡིད་ཀྱིས་ཕྱག་འཚལ་ཟེར་རྒྱུ་དེ་ནི། རྒྱལ་བ་སྲས་དང་བཅས་པའི་ཡོན་ཏན་རྗེས་སུ་དྲན་ནས་དུས་ཇི་སྲིད་བྱང་ཆུབ་སྙིང་པོ་མ་ཐོབ་ཀྱི་བར་དུ་ཡོངས་སུ་མི་གཏོང་བར་བྱ་སྙམ་པའི་དམ་བཅའ་དང་མི་འབྲལ་བ་དེ་རེད། དེའི་ཕྱིར་ན་རྒྱལ་བ་སྲས་བཅས་ཇི་སྙེད་ཅིག་ཡོད་པ་ཐམས་ཅད་ལ་རང་གིས་ལུས་ངག་ཡིད་གསུམ་གུས་པས་ཕྱག་འཚལ་ལོ། །གསུངས་ནས་མདོར་བསྟན་ནི་རེད།གཉིས་པ་རྒྱས་པར་བཤད་པ་ལ་གསུམ་སྟེ། བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །ཞེས་གསུངས་ཏེ། བྱང་ཆུབ་སེམས་དཔའ་ཀུན་ཏུ་བཟང་པོའི་བྱིན་རླབས་དང་ཐུགས་རྗེའི་སྟོབས་ལས་རྒྱལ་བ་ཐམས་ཅད་ཡིད་ཀྱིམངོན་སུམ་དུ་བསྒོམ་རྒྱུ་དེ་ཡང༌། སངས་རྒྱས་གཅིག་དང་གཉིས་ཙམ་མ་ཡིན་པར་ཕྱོགས་བཅུའི་ཞིང་རབ་འབྱམས་ན་རྡུལ་ཕྲན་བསམ་གྱིས་མི་ཁྱབ་པ་ཞིག་ཡོད། རང་ཅག་གིས་དཔེར་ན་ས་གཞི་རི་རབ་དང་བཅས་པ་ཡུངས་འབྲུ་ཙམ་རེ་བྱས་ཏེ་བརྩི་དགོས་ན་གྲངས་མེད་པ་ཞིག་ཡོད་ལ། དེ་འདྲ་བ་རྒྱལ་བ་ཐམས་ཅད་ཡིད་ཀྱིས་མངོན་སུམ་དུ་དམིགས་ཤིང་རང་གི་ལུས་དེ་ཡང་གཅིག་མ་ཡིན་པར་ལུས་ཀྱང་གྲངས་མེད་པ་དཔག་ཏུ་མེད་པ་མང་པོ་ཞིག་ཏུ་སྤྲུལ་ནས་རྒྱལ་བ་ཐམས་ཅད་ལ་ཕྱག་འཚལ་ལོ་གསུངས་ནི་རེད། ཡིད་ཀྱིས་ཕྱག་འཚལ་བ་ནི། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །ཞེས་གསུངས་པའི་དོན་ནི། ཡིད་ཀྱིས་རྡུལ་ཆ་མེད་གཅིག་གི་གོ་ས་ན་ཡང་ཕྱོགས་བཅུའི་ཞིང་རབ་འབྱམས་ཀྱི་རྡུལ་གྱི་གྲངས་དང་མཉམ་པའི་རྒྱལ་བ་སྲས་བཅས་ཡོད་པར་བསམ། སངས་རྒྱས་དེ་དག་ཀྱང་སྲས་བྱང་ཆུབ་སེམས་དཔའ་ཉན་ཐོས་རང་རྒྱལ་ཐམས་ཅད་ཀྱི་དབུས་ན་ལྷང་ངེ་ལྷམ་མེ་ལྷན་ནེ་བཞུགས་ཡོད་པར་དམིགས་ཡོད་ནི་རེད། དེ་བཞིན་དུ་ཕྱོགས་བཅུའི་ཞིང་གི་རྡུལ་ཇི་སྙེད་ཡོད་པ་རེ་རེའི་ཁྱོན་ན་ཡང་སངས་རྒྱས་བྱང་ཆུབ་སེམས་དཔའ་གྲངས་མེད་པ་ཞིག་བཞུགས་ཡོད་པར་དམིགས། དེ་དག་ཐམས་ཅད་ལ་གུས་པ་དང་དད་པ་བྱེད་པ་དེ་ནི་ཡིད་ཀྱིས་ཕྱག་འཚལ་ནི་རེད། མདོར་ན་གནམ་ས་བར་སྣང་གི་ཁྱོན་མ་ལུས་པ་ཐམས་ཅད་ཀུན་ཀྱང་རྒྱལ་བ་སྲས་བཅས་ཀྱིས་ཡོངས་སུ་གང་ཡོད་བསམས་ནས་ཕྱག་འཚལ་རྒྱུ་དེ་ཡིད་ཀྱིས་ཕྱག་འཚལ་བ་ཡིན། ངག་གི་ཕྱག་འཚལ་བ་ནི། དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །༢) རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད། །ངག་གི་ཕྱག་འཚལ་རྒྱུ་དེ་ནི་རྒྱལ་བ་སྲས་བཅས་དེ་དག་ལ་བསྟོད་བསྔགས་བྱེད་རྒྱུ་དེ་ཡིན། རང་གི་ལུས་དེ་ཡང་ལུས་དུ་མ། ལུས་རེ་རེ་ལ་ཡང་མགོ་དུ་མ་ཡོད་པར་བསམ། མགོ་རེ་རེས་ཀྱང་དབྱངས་ཀྱི་ཡན་ལག་དུ་མ་ལེན་ཅིང་། དེ་ཡང་འགྱུར་ཁུགས་དང་འདེགས་འཇོག་སོགས་དབྱངས་ཀྱི་ཡན་ལག་དྲུག་དང་ལྡན་པའི་དབྱངས་སྙན་མོ་སྣ་ཚོགས་པས་བདེ་བར་གཤེགས་པ་རྒྱལ་བ་སྲས་བཅས་ཀྱི་ཡོན་ཏན་རྗེས་སུ་བརྗོད་པ་ངག་གི་ཕྱག་འཚལ་བ་ཡིན་ནོ། །གཉིས་པ། མཆོད་པ་འབུལ་བའི་ཡན་ལག་ལ་གཉིས་ཏེ། བླ་ན་ཡོད་པ་དང་མེད་པའོ། །དང་པོ་ནི། མེ་ཏོག་དམ་པ་ཕྲེང་བ་དམ་པ་དང༌། །སིལ་སྙན་རྣམས་དང་བྱུག་པ་གདུཊ་མཆོག་དང༌། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ཞེས་གསུངས་ནས་རྒྱལ་བ་སྲས་བཅས་ལ་འབུལ་རྒྱུ་དེ་ནི་འཇིག་རྟེན་གྱི་ཁམས་ན་ཆུ་དང་རི་དང་ནགས་ཚལ་ལ་སོགས་པ་ཐམས་ཅད་ལས་སྐྱེས་པའི་མེ་ཏོག་རྣམ་པ་སྣ་ཚོགས་དཀར་སེར་དམར་ལྗང་ཨུཏྤལ་ཀུ་མུ་ད་ལ་སོགས་པའི་མེ་ཏོག་རྣམ་པ་སྣ་ཚོགས་དང་། དེ་བཞིན་དུ་མེ་ཏོག་གི་ཕྲེང་བ། རིན་པོ་ཆེའི་ཕྲེང་བའི་བྱེ་བྲག་རྣམ་པ་སྣ་ཚོགས་དང་། འབུད་དཀྲོལ་བརྡུང་བྱ་སོགས་སིལ་འཁྲོལ་སྙན་པའི་སྒྲ་རྣམས་དང་། རྒྱལ་བ་སྲས་བཅས་ཀྱི་སྐུ་ལ་སྐུ་ཕྱིས་བྱེད་པའི་དྲི་ཆབ། ཙནྡན་ག་བུར་ལ་སོགས་པའི་དྲི་བཟང་པོ་རྣམ་པ་སྣ་ཚོགས་ཀྱི་ཆུ་ཡིས་སྐུ་ལུས་ལ་བྱུག་བྱེད་ཀྱི་མཆོད་པ་སྣ་ཚོགས་འབུལ་རྒྱུ་དང་། ཚ་གདུང་སྐྱོབ་བྱེད་དུ་རིན་པོ་ཆེའི་གདུགས་དང་། མར་མེ་མཆོག་རང་བྱུང་གི་མར་མེ་ཉི་མ་དང་ཟླ་བ་སྐར་མ་ལ་སོགས་པ་དང་བཟོས་པ་ནི་འབྲི་མར་རྩི་མར། གཞན་ཡང་ཤིང་རས་འོད་ཀྱི་མདངས་འཇིག་རྟེན་གྱི་ཁམས་ན་འོད་ཇི་སྙེད་ཅིག་ཡོད་པ་ཐམས་ཅད་མར་མེ་དེ་དག་མར་མེ་དམ་པ་ཡིན་ནོ། །དེ་དག་ཀྱང་རྒྱལ་བ་སྲས་བཅས་ཐམས་ཅད་ལ་མཆོད་གསུངས་ནི་རེད། ན་བཟའ་དམ་པ་རྣམས་དང་དྲི་མཆོག་དང༌། །ཕྱེ་མ་ཕུར་མ་རི་རབ་མཉམ་པ་དང༌། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། ཞེས་ན་བཟའ་གོས་ཀྱི་རིགས་བྱེད་སྲབ་འཇམ་མཉེན་པའི་ན་བཟའ་རྣམ་པ་སྣ་ཚོགས་དང་། དྲི་ཞིམ་གྱི་ཆག་དར་དང་དྲི་བཟང་པོའི་ཕྱེ་མ་ཐུམ་པོར་བྱས་ནས་རི་རབ་དང་མཉམ་པ་མང་པོ་སྤུངས་པ་དང་། གཞན་ཡང་མཆོད་པའི་བྱེ་བྲག་ཀུན་ཀྱང་དཔེར་ན་ཡོན་ཆབ་ལྟ་བུ་གཅིག་ལ་མཚོན་ན་ཡོ་རེག་གི་སྐྱོན་སོགས་ཀྱིས་མ་གོས་པ་བཀོད་པ་ཁྱད་པར་འཕགས་པ་ཡིད་དུ་འོང་བ་གཙང་ལ་དགའ་ཞིང་སྤྲོ་བར་བྱེད་པ་དེ་ལྟ་བུའི་མཆོད་པ་ཀུན་གྱིས་རྒྱལ་བ་སྲས་བཅས་ཐམས་ཅད་ལ་མཆོད་གསུངས་ནི་རེད། གཉིས་པ་བླ་ན་མེད་པའི་མཆོད་པ་ནི། མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །བླ་ན་མེད་པའི་མཆོད་པ་དེ་བྱང་ཆུབ་སེམས་དཔའ་ཀུན་ཏུ་བཟང་པོ་དང༌། བྱང་ཆུབ་སེམས་དཔའ་འཇམ་པའི་དབྱངས་ལ་སོགས་པའི་རྒྱལ་བ་སྲས་བཅས་རྣམས་ཀྱི་མཆོད་རྒྱུ་དེ་བླ་ན་མེད་པའི་མཆོད་པ་ཡིན་གསུངས་ནི་རེད། དེའི་མཆོད་པའི་དངོས་པོ་རང་རང་གིས་དཔེར་ན། བྱང་ཆུབ་སེམས་དཔའ་ཀུན་ཏུ་བཟང་པོའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོ། འོད་ཟེར་རེ་རེའི་རྩེ་ལ་ཡང་ཀུན་ཏུ་བཟང་པོ་དཔག་ཏུ་མེད་པ་འཕྲོ། ཀུན་ཏུ་བཟང་པོ་རེ་རེའི་ཐུགས་ཀ་ནས་ཀྱང་འོད་ཟེར་དཔག་ཏུ་མེད་པ་འཕྲོ། དེ་རེ་རེའི་ཕྱག་ན་མཆོད་རྫས་བསམ་གྱིས་མི་ཁྱབ་པ་སྤྲུལ་ནས་ནམ་མཁའ་བར་སྣང་གི་ཁྱོན་མ་ལུས་པ་ཡོངས་སུ་གང་བར་གྱུར་པ་དེ་དག་ཀུན་ཀྱང་མཐོང་བ་དང་རེག་པ་ཡིད་ལ་དྲན་པ་ཙམ་གྱིས་ཀྱང་བྱང་ཆུབ་ཀྱི་ཡན་ལག་བདུན་དད་པ་སྙིང་རྗེ་ལ་སོགས་པ་རྒྱུད་ལ་སྐྱེ་བར་བྱེད་པ་དང༌། འབུལ་བ་པོའི་གང་ཟག་དེ་ཡང་ཆོས་ཐམས་ཅད་མཉམ་པ་ཉིད་ཀྱི་རང་བཞིན་ཅན་དུ་རྟོགས་ནས་འཁོར་གསུམ་དམིགས་མེད་ཀྱི་ལྟ་བས་ཡོངས་སུ་འབུལ་རྒྱུ་དེ་ནི་བླ་ན་མེད་པའི་མཆོད་པ་རེད། རང་གིས་ཀྱང་དེ་ལྟ་བུའི་འཁོར་གསུམ་དམིགས་མེད་ཀྱི་ལྟ་བས་ཟིན་པའི་མཆོད་པ་འབུལ་རྒྱུ་དེ་བླ་ན་མེད་པའི་མཆོད་པ་རེད། དེ་ལྟར་མ་ནུས་ཀྱང་བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པའི་རྒྱལ་བ་སྲས་བཅས་རྣམས་ཀྱིས་ཇི་ལྟར་མཆོད་པ་བཞིན་དུ་བདག་གིས་ཀྱང་དེ་ལྟར་དུ་མཆོད་པར་བགྱིའོ་སྙམ་དུ་མཆོད་རྒྱུ་དེ་ནི་བླ་ན་མེད་པའི་མཆོད་པ་ཡིན་གསུངས། གསུམ་པ་ཉེས་པ་བཤགས་པའི་ཡན་ལག་ནི། འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང༌། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཞེས་གསུངས་ཏེ། སྡིག་པ་ཞེས་པ་གང་ལ་ཟེར་ཞེ་ན། རྒྱུ་འདོད་ཆགས་དང་ཞེ་སྡང་དང་གཏི་མུག་གསུམ་གྱིས་ཀུན་ནས་བསླངས་པའི་བྱ་བ་བཟང་ངན་ལྟར་སྣང་ཇི་ལྟ་བུ་ཡིན་ཡང་མི་དགེ་བ་ཟེར་ནི་རེད། འདོད་ཆགས་མེད་པ་དང་། ཞེ་སྡང་མེད་པ་དང་། གཏི་མུག་མེད་པས་ཀུན་ནས་བསླངས་པའི་ལུས་ངག་གི་བྱ་བ་གང་དང་གང་ཡིན་ཡང་དགེ་བ་ཟེར་ནི་རེད། མགོན་པོ་ཀླུ་སྒྲུབ་ཀྱིས། འདོད་ཆགས་ཞེ་སྡང་གཏི་མུག་གསུམ། །དེས་བསྐྱེད་ལས་ནི་མི་དགེ་བ། །མ་ཆགས་མི་སྡང་གཏི་མུག་མེད། །དེས་བསྐྱེད་ལས་ནི་དགེ་བ་འོ། ཞེས་གསུངས་ནི་རེད། འདོད་ཆགས་ནི་སྲིད་པ་ལ་ཆགས་པ། དཔེར་ན། སྐྱེས་པ་དང་བུད་མེད་ནང་ཕན་ཚུན་གྱི་ལུས་ལ་ཆགས་རྒྱུ་དེ་ནི་སྲིད་པ་ལ་ཆགས་པ་རེད། སྲིད་པའི་ཡོ་བྱད་ལ་ཆགས་པ་ནི་རྒྱུ་ནོར་རྫ་ས། ཐོབ་མངའ་ཐང་མཚན་སྙན་གྲགས་ལ་སོགས་པ་ཐམས་ཅད་ལ་ཆགས་རྒྱུ་དེ་ནི་སྲིད་པའི་ཡོ་བྱད་ལ་ཆགས་པ་ཟེར་ནི་རེད། དེ་ལྟ་བུའི་འདོད་ཆགས་ཀྱིས་ཀུན་ནས་བསླངས་པའི་བྱ་བ་བཟང་ངན་ཇི་ལྟར་བྱས་ཀྱང་ལྟར་སྣང་ཇི་ལྟར་ཡིན་ཡང་དོན་གྱིས་མི་དགེ་བ་ཉིད་དུ་ལོག་འགྲོ་ནི་རེད། ཞེ་སྡང་ཟེར་རྒྱུ་དེ་ནི་རང་དང་རང་གི་ཉེ་འབྲེལ་ཐམས་ཅད་ལ་གནོད་པ་བྱེད་མཁན་ཐམས་ཅད་ལ་སེམས་མི་དགའ་ཞིང་འཚིག་པར་འགྱུར་ལ། རང་གི་དགྲ་བོ་ལ་ཕན་བཏགས་པ་དེ་ལ་སེམས་མི་དགའ་ཞིང་སྤྲོ་ཁོས་འགྲོ། སྤྲོ་ཁོས་འགྲོ་བའི་བྱ་བ་གང་བསྒྲུབས་ཀྱང་དེ་ཡང་མི་དགེ་བ་རེད། གཏི་མུག་ཟེར་རྒྱུ་དེ་ནི། བླང་དོར་གྱི་གནད་མི་ཤེས་པར་རྨོངས་ནས་བྱ་བ་གང་བསྒྲུབས་པར་བྱས་ཀྱང་ཚང་མ་མི་དགེ་བ་རེད། སྤྱིར་མི་དགེ་བ་ཡིན་ནས་བཟུང་རྩ་བ་དུག་གསུམ་པོས་ཀུན་ནས་བསླངས་པས་ཁྱབ་གསུངས་ནི་རེད། མི་དགེ་བའི་ངོ་བོ་དེ་བཅས་པ་དང་རང་བཞིན་གྱི་ཁ་ན་མ་ཐོ་བ་གཉིས་ཀྱི་ནང་ལ་འདུས་ནི་རེད། བཅས་པའི་ཁ་ན་མ་ཐོ་བ་གང་ཡིན་ཞེ་ན། རང་ཅག་གིས་སོ་སོར་ཐར་བ་དང་བྱང་ཆུབ་སེམས་དཔའི་ལམ་དང་སྔགས་ཀྱི་ལམ་ལ་ཞུགས་དུས་གཟོད་ཉེས་པ་དེ་འབྱུང་ལ། དེ་མིན་ན་མི་འབྱུང་བའི་ཉེས་པ། དཔེར་ན། ཁྲིམས་ལྡན་དགེ་སློང་ལ་ཕྱི་དྲོའི་ཁ་ཟས་བཟའ་རྒྱུ་དང་རྩྭ་སྔོན་གཅད་རྒྱུ་དེ་ལྟ་བུ་ནི་བཅས་པའི་ཁ་ན་མ་ཐོ་བའི་སྡིག་པ་ཟེར་ནི་རེད། རང་བཞིན་གྱི་སྡིག་པ་ནི་སོར་བྱང་སྔགས་གསུམ་གྱི་ལམ་ལ་མ་ཞུགས་ཀྱང་སྡིག་པ་འབྱུང་བ་སྲོག་གཅོད་པ་མ་བྱིན་པ་ལེན་པ་འདོད་པའི་ལོག་པར་གཡེམ་པ་རྫུན་ཕྲ་མ་ཚིག་རྩུབ་ངག་འཁྱལ་བརྣབ་སེམས་གནོད་སེམས་ལོག་ལྟ་ལ་སོགས་པ་དེ་དག་ཐམས་ཅད་ལ་རང་བཞིན་གྱི་སྡིག་པ་ཞེས་གསུངས་སོ། །སྡིག་པ་འབྱུང་བའི་སྒོ་གང་ནས་འབྱུང་ཞེ་ན། ལུས་ཀྱི་སྒོ་ནས་འབྱུང་བ་ནི་སྲོག་གཅོད་པ་ལྟ་བུ་དང་། ངག་གི་སྒོ་ནས་འབྱུང་བ་ནི་རྫུན་སྨྲ་བ་ལྟ་བུ་དང༌། ཡིད་ཀྱི་སྒོ་ནས་འབྱུང་བ་ནི། གནོད་སེམས་སྐྱེས་པ་ལྟ་བུ་རྣམས་ཏེ། ལུས་ངག་ཡིད་གསུམ་གྱི་སྒོ་ནས་ཡིན། དེ་མ་ཡིན་པའི་མི་དགེ་བ་ཞིག་མེད། མདོར་ན་མི་དགེ་བ་རང་གིས་བྱེད་པ་དང་། གཞན་ལ་བྱེད་དུ་བཅུག་ན་ཡང་འདྲ་བ་ཡིན། དེང་སང་གི་སྐྱེ་བོ་མང་ཆེ་བ་ཞིག་གིས་སྡིག་པ་དེ་ལ་སྡིག་གླ་སྦྱིན་ནས་རང་གིས་ལག་སྡིག་མ་བྱས་ན་སྡིག་པ་མིན་བསམ་ཡང་དེ་ཡང་འདྲ་འདྲ་ཡིན། ད་དུང་ཕལ་ཆེར་དེའི་སྡིག་པ་ཆེ། མི་དགེ་བཅུ་པོའི་ནང་ན་འདོད་པའི་ལོག་པར་གཡེམ་པ་གཞན་ལ་བཅུག་པ་དང་རང་གིས་སྤྱོད་པ་གཉིས་འདྲ་བ་མིན་པར་རང་གིས་སྤྱོད་པས་ཉེས་པ་ཆེ་གཞན་ལ་བཅོལ་བའི་སྡིག་པ་དེས་དངོས་གཞི་མི་འབྱུང༌། དེ་མ་གཏོགས་པའི་མི་དགེ་བ་ཚང་མ་འདྲ་འདྲ་ཡིན། དེས་ན་སྡིག་པ་དེ་བཤགས་དགོས་ནི་རེད། རྒྱལ་བ་སྲས་བཅས་རྣམས་ཀྱིས་མི་ཤེས་པ་དང་མི་མཁྱེན་པ་གཅིག་ཀྱང་ཡོད་ནི་མ་རེད། ཁྱེད་རྣམས་ཀྱིས་མཁྱེན་རྒྱུ་ཚང་མ་ཡང་ངས་བཤད། རང་གིས་ཚེ་རབས་ཐོག་མེད་ནས་བསགས་པའི་སྡིག་པ་གང་བྱས་ཐམས་ཅད་དངོས་སུ་བཤད་རྒྱུ་ཡོད་ན་དངོས་སུ་བཤད་དགོས་ནི་རེད། རྒྱལ་སྲས་ཆེན་པོ་ཞི་བ་ལྷས། སྡིག་པ་ཆུང་ངུ་ཙམ་ཞིག་ཀྱང་མ་བཤད་ན་མི་འདག་འགྱོད་པ་དང་ལྡན་པའི་སྒོ་ནས་སྐྱེ་བོ་མང་པོ་ལ་བཤད་ན་འདག་འགྲོ་གསུངས། གསང་བར་བྱས་ན་སྡིག་པ་རྩ་བ་ནས་འདག་རྒྱུ་མེད་གསུངས། དེ་འདྲ་བ་ལ་མཐོལ་ཟེར་ནི་རེད། སྡིག་པ་འདག་བྱེད་སྔར་བྱས་ཀྱི་སྡིག་པ་ལ་འགྱོད་པ་དང་ཕྱིན་ཆད་སྡོམ་སེམས་གཉིས་གཙོ་བོར་བྱས་ཏེ། ཁ་འདོན་དགེ་སྦྱོར་བྱས་ནས་བཤགས་དགོས་ནི་རེད། ད་ཕན་ཆོད་རང་ཅག་གིས་དངོས་སུ་བསམ་བཞིན་དུ་རང་གི་སྲོག་ལ་བབས་ཀྱང་སྲོག་ཆགས་གྲོག་མ་ཡན་ཆད་ཀྱི་སྲོག་མི་གཅད་རྒྱུ་དེ་ཁས་ལེན་རྒྱུའི་དམ་བཅའ་ཡིན་ཟེར་ནི་རེད། ཁ་ཞེ་གཉིས་མེད་ཀྱིས་བཤགས་པ་རེ་བྱས་ན་ཕལ་ཆེར་ཚེ་རབས་ཐོག་མེད་ནས་བསགས་པའི་སྲོག་བཅད་པའི་སྡིག་པ་འདག་རྒྱུ་རེད། དེས་ན་ཚང་མས་དེ་ལ་གཟབ་དགོས་ནི་རེད། བཞི་བ་བསོད་ནམས་ལ་ཡི་རང་བའི་ཡན་ལག་ནི། ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང༌། །འགྲོ་བ་ཀུན་གྱི་བསོད་ནམས་གང་ལ་ཡང༌། །དེ་དག་ཀུན་གྱི་རྗེས་སུ་བདག་ཡི་རང་། །ཞེས་གསུངས་པའི་དོན་ནི། གཞན་གྱི་དགེ་བ་ལ་རྗེས་སུ་ཡི་རང་བའམ་དུས་རྟག་ཏུ་དགའ་བ་བསྒོམས་ན་དེ་འདྲ་བའི་དགེ་བ་ཞིག་ཐོབ་ནི་རེད། དཔེར་ན། ངེད་ཅག་གིས་བཟང་སྤྱོད་དུང་སྒྲུབ་ཆེན་མོ་དང་། གར་དབང་རིག་འཛིན་འབུམ་ཚོགས་ཆེན་མོ་སོགས་ཚོགས་རྒྱུ་རེད། ངེད་ཅག་དངོས་སུ་བྱ་བ་དེ་ལ་འཇུག་རྒྱུ་རེད། གཞན་གང་ཡང་རུང་བ་ཞིག་གིས་ཕྲག་དོག་མེད་པར་ཁ་ཞེ་གཉིས་མེད་ཀྱིས་དགེ་བ་དེ་ལ་དགའ་བ་བསྒོམས་ན་དགེ་རྩ་འདྲ་འདྲ་འཐོབ་རྒྱུ་རེད། ད་དུང་དེ་ལས་ཀྱང་ལྷག་པ་ཞིག་ཨེ་འཐོབ་ཤེས་ནི་མ་རེད། ངེད་ཅག་གི་དགེ་བ་དེ་ལ་སོ་སོའི་སྐྱེ་བོ་རང་ཁ་བ་ང་དང་ང་འདྲ་བ་ཕལ་ཆེར་ལ་ངོམས་འདོད་ཀྱང་ཡོད། གྲགས་འདོད་ཀྱང་ཡོད། དགེ་བ་ལ་ཀློག་རྫུན་ཡང་བྱེད། རྗེས་སུ་ཡི་རང་གི་དགེ་བ་ལ་ངོམས་འདོད་གྲགས་འདོད་གང་ཡང་ཡོད་རྒྱུ་མ་རེད། སྔོན་རྒྱལ་པོ་གསལ་རྒྱལ་གྱིས་བཅོམ་ལྡན་འདས་འཁོར་དང་བཅས་པ་ལ་ཟླ་བ་མང་པོར་བསོད་སྙོམས་ཕུལ་དུས། དབུལ་མོ་གྲོང་ཉུག་མས་དེ་ལ་རྗེས་སུ་ཡི་རང་བྱས་ནས་རྒྱལ་པོ་གསལ་རྒྱལ་གྱིས་སྔོན་ཡང་ཚོགས་བསགས་སྒྲིབ་པ་སྦྱངས་པས་འདི་ལྟ་བུའི་ལུས་རྟེན་ཁྱད་པར་ཅན་ཐོབ་ནི་རེད། ཕྱི་མ་ཡང་འདི་ལྟ་བུའི་རྒྱལ་པོ་དེ་ཡང་ལོངས་སྤྱོད་ཆེ་ཞིང་མངའ་ཐང་ཆེ་བ་འདི་ལྟ་བུའི་སྐྱེ་བ་ལེན་རྒྱུ་རེད་བསམས་ནས་དགའ་བ་བསྒོམས་ནས་ཡོད་དུས་བཅོམ་ལྡན་འདས་ཀྱིས་གདུགས་ཚོད་ཡོན་བསྔོ་བྱ་བའི་གནས་སྐབས་སུ་དགེ་བ་འདི་རྒྱལ་པོ་ཁྱེད་ལ་བསྔོ་དང་ཁྱེད་ལས་ལྷག་པའི་དགེ་རྩ་ཅན་ཞིག་ཡོད་ན་དེ་ལ་བསྔོ་གསུངས་དུས་དགེ་རྩ་སུའི་ཆེ་ན་དེ་ལ་སྔོས་ཟེར་རོ། །དེ་དུས་བཅོམ་ལྡན་འདས་ཀྱིས་དབུལ་མོ་གྲོང་ཉུག་མའི་མིང་གི་བཟུང་ནས་དེ་ལ་བསྔོས་པ་རེད། རྒྱལ་པོ་ལས་ཀྱང་དབུལ་མོའི་དགེ་རྩ་ཆེ་བར་གསུངས། དེའི་ཕྱིར་ན་དགེ་བ་ལ་རྗེས་སུ་ཡི་རང་དགོས་ནི་རེད། དགེ་བ་ལ་རྗེས་སུ་ཡི་རང་བྱས་ན་ངེས་པར་དུ་རང་དང་འདྲ་བ་མན་ཆད་ཀྱི་དགེ་རྩ་ནི་འདྲ་འདྲ་ཐོབ་རྒྱུ་རེད། སངས་རྒྱས་ཤཱཀྱ་ཐུབ་པའི་དགེ་རྩ་ལ་རྗེས་སུ་ཡི་རང་བྱས་ན་ཆ་འདྲ་བ་ཞིག་ཐོབ་པ་ལས་ཡོངས་རྫོགས་ཐོབ་པ་མིན། བྱང་ཆུབ་སེམས་དཔའ་ས་ཐོབ་ཀྱི་དགེ་རྩ་ཡང་ཐོབ་དཀའ་མོ་ཡིན། སོ་སོའི་སྐྱེ་བོའི་དགེ་རྩ་ཚང་མ་འདྲ་མཉམ་ཞིག་རང་གི་རྒྱུད་ལ་འཐོབ་རྒྱུ་རེད། རྒྱལ་བ་སྲས་དང་བཅས་པ་རང་རྒྱལ་དང་སློབ་དང་མི་སློབ་པ་ཐམས་ཅད་ཀྱི་དགེ་རྩ་ལ་ཕྲག་དོག་མེད་པར་དགའ་བ་བསྒོམས་ན་ནི། མདོ་སྡུད་པ་ལས་ཀྱང་། སྟོང་གསུམ་རི་རབ་སྲང་ལ་གཞལ་བས་ཚད་བཟུང་རུང༌། །རྗེས་སུ་ཡི་རང་དགེ་བ་དེ་ནི་དེ་ལྟ་མིན། །ཞེས་གསུངས་ཏེ། སྟོང་གསུམ་རི་རབ་སྲང་ལ་གཞལ་དགོས་ན་སླ་མོ་རེད། རྗེས་སུ་ཡི་རང་གི་བསོད་ནམས་དེ་ནི་གཞལ་རྒྱུ་མེད་པ་ཡིན་པར་གསུངས་ནི་རེད། དེས་ན་དཀའ་ལས་མི་དགོས་པར་ཚོགས་གཉིས་རྒྱ་ཆེན་རྫོགས་པར་འདོད་ན་རྗེས་སུ་ཡི་རང་ལ་འབད་དགོས་པ་ཡིན། སོ་སོའི་སྐྱེ་བོ་ཕྲག་དོག་ཅན་རྣམས་ཀྱི་བློ་ཡུལ་ལ་དེ་ཤོང་བ་མིན་མ་གཏོགས། གཞན་གྱི་དགེ་བ་བསྒྲུབས་པ་རྣམས་ལ་དགའ་བ་བསྒོམས་ན་དགེ་བ་འདྲ་འདྲ་འཐོབ་ནི་རེད། དེའི་ཕྱིར་ན་ཐམས་ཅད་ཀུན་གྱིས་ཀྱང་དགེ་བ་ལ་རྗེས་སུ་ཡི་རང་བའི་དགའ་བ་སྒོམས། ཕྲག་དོག་མ་བྱེད་རོགས་གསུངས་ནི་རེད། ལྔ་བ་ཆོས་འཁོར་བསྐོར་བར་བསྐུལ་བའི་ལན་ལག་ནི། གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །ཞེས་གསུངས་པའི་དོན་ནི། ཕྱོགས་བཅུའི་ཞིང་རབ་འབྱམས་ན་བཞུགས་པའི་སངས་རྒྱས་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད་མངོན་པར་རྫོགས་པར་སངས་རྒྱས་ནས་ཆོས་འཁོར་མི་བསྐོར་བར་བཞུགས་ཡོད་པ་རྣམས་ལ། དཔེར་ན། སྔོན་བདག་ཅག་གི་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། སྟོན་པ་ཆོས་འཁོར་མི་བསྐོར་བར་བཞུགས་ཡོད་པའི་དུས་སུ་ཚངས་པ་དང་བརྒྱ་བྱིན་གཉིས་ཀྱིས་ཆོས་ཀྱི་འཁོར་ལོ་བསྐོར་བར་བསྐུལ་ནས་ཆོས་འཁོར་རིམ་པ་གསུམ་བསྐོར་མྱོང་བ་རེད། དེ་བཞིན་དུ་བདག་གིས་ལུས་གུས་པས་ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་ཁ་ཞེ་མེད་པར་སྙིང་ཁོང་རུས་པའི་གཏིང་ནས་རྒྱལ་བ་སྲས་བཅས་རྣམས་ཀྱིས་སེམས་ཅན་རྣམས་མ་རིག་པའི་དམིགས་ལོང་རྣམས་ཀྱི་ལང་ཏོག་དེ་ཕྱིས་ནས་ཆོས་ཀྱི་འཁོར་ལོ་བསྐོར་དུ་གསོལ་བསམས་ནས་གསོལ་བ་འདེབས་དགོས་ནི་རེད།གཞན་ཡང་བྱང་ཆུབ་སེམས་དཔའ་དང་བླ་མ་དགེ་བའི་བཤེས་གཉེན་ལ་སོགས་པས་བསྟན་པ་དང་སེམས་ཅན་གྱི་དོན་ལ་ཆོས་རྣམ་པར་དག་པ་ཞིག་གསུང་བར་མཛད་དུ་གསོལ་བསམས་ནས་ཆོས་འཁོར་བསྐོར་བར་བསྐུལ་ན་རང་ཉིད་སྐྱེ་བ་ཚེ་རབས་ཀྱི་བར་དུ་སངས་རྒྱས་ཀྱི་སྒྲ་མི་གྲག་པ། ཆོས་ཀྱི་སྒྲ་མི་གྲག་པ། དགེ་འདུན་གྱི་སྒྲ་མི་གྲག་པའི་མཐའ་འཁོབ་དང་ཆོས་མེད་པའི་ཡུལ་དུ་སྐྱེ་དགོས་ནི་མ་རེད། དེས་ན་ཆོས་ཀྱི་འཁོར་ལོ་བསྐོར་བར་བསྐུལ་ན་དེ་ནི་གལ་ཆེ་བ་ཞིག་རེད། དྲུག་པ་མྱ་ངན་ལས་མི་འདའ་བར་གསོལ་བའི་ཡན་ལག་ནི། མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང༌། །བདག་གིས་ཐལ་མོ་རབ་སྦྱར་གསོལ་བར་བགྱི། །ཞེས་གསུངས་ཏེ། སངས་རྒྱས་ཐམས་ཅད་ཀུན་གྱིས་ཀྱང་གདུལ་བྱ་རེ་ཞིག་རྫོགས་ནས་སྤྲུལ་སྐུ་ཐམས་ཅད་མྱ་ངན་ལས་འདའ་ཚུལ་སྟོན་བཞིན་ཡོད་པ་ཐམས་ཅད་དང་ནི། གཞན་ཡང་བྱང་ཆུབ་སེམས་དཔའ་བླ་མ་དགེ་བའི་བཤེས་གཉེན་ཐམས་ཅད་ཀུན་གྱིས་ཀྱང་རེ་ཞིག་སྐུ་དངོས་ཀྱི་གདུལ་བྱ་རྫོགས་ནས་ཞིང་ཁམས་གཞན་ལ་འབྱོན་གྲབས་བྱེད་བཞིན་ཡོད་པ་དེ་དག་ལ་རང་གིས་ལུས་ངག་ཡིད་གསུམ་གུས་པས་གསོལ་བ་འདེབས་ན། ཁྱེད་རྣམ་པས་སྐུ་མྱ་ངན་ལས་མི་འདའ་བར་བསྐལ་པ་ཞིང་གི་རྡུལ་སྙེད་ཀྱི་གྲངས་དང་མཉམ་པའི་བར་དུ་ཡང་བཞུགས་པར་མཛད་དུ་གསོལ་བསམས་ནས་གསོལ་བ་བཏབ་ན། རང་གི་མོས་གུས་རྣམ་པར་དག་པའི་སྟོབས་ཀྱིས་སྐྱེ་བ་ལ་རང་དབང་ཐོབ་པའི་སངས་རྒྱས་དང་བྱང་ཆུབ་སེམས་དཔའ་བླ་མ་དགེ་བའི་བཤེས་གཉེན་རྣམས་ངེས་པར་དེ་ལྟར་བཞུགས་པར་འགྱུར་ནི་རེད། སྔོན་བདག་ཅག་གི་སྟོན་པ་མྱ་ངན་ལས་འདའ་ཆས་བྱེད་སྐབས། དགེ་བསྙེན་ཙིརྫས་གསོལ་བ་བཏབ་པའི་ངོར་བདག་ཅག་གི་སྟོན་པ་ཡང་ཡུན་རིང་པོའི་བར་མྱ་ངན་ལས་མི་འདའ་བར་བཞུགས་ནི་རེད། དེ་བཞིན་དུ་བླ་མ་དགེ་བའི་བཤེས་གཉེན་ལ་སོགས་པ་མྱ་ངན་ལས་མི་འདའ་བར་གསོལ་བ་བཏབ་ན་རང་ཡང་ཚེ་རིང་བ་དང༌། སྐྱེ་བ་ཚེ་རབས་ཀུན་ཏུ་བླ་མ་དགེ་བའི་བཤེས་གཉེན་དང་འཕྲད་པར་འགྱུར་བ་དང་། སངས་རྒྱས་མཐོང་བ་དང་མི་འབྲལ་བ་ལ་སོགས་པའི་དགོས་པ་ཁྱད་པར་ཅན་ཡོད་པ་ཡིན་པས། དེའི་ཕྱིར་ན་མྱ་ངན་ལས་མི་འདའ་བར་གསོལ་བ་གདབ་དགོས་གསུངས་ནི་རེད། བདུན་པ་དགེ་རྩ་བྱང་ཆུབ་ཏུ་བསྔོ་བའི་ཡན་ལག་ནི། ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། ཞེས་དགེ་རྩ་གཞན་དོན་དུ་བསྔོ་དགོས་པའི་དོན་ཡིན། དེ་ཡང་དགེ་རྩ་གང་བསྔོ་ཞེ་ན། ཕྱག་འཚལ་བ་དང་། མཆོད་པ་འབུལ་བ། སྡིག་པ་བཤགས་པ་དང༌། དགེ་བ་ལ་རྗེས་སུ་ཡི་རང་བ། ཆོས་ཀྱི་འཁོར་ལོ་བསྐོར་བར་བསྐལ་བ། མྱ་ངན་ལས་མི་འདའ་བར་གསོལ་བ་འདེབས་པ་སོགས་ཡན་ལག་དྲུག་གི་བསོད་ནམས་ཀྱིས་མཚོན་དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་གཅིག་ཏུ་བསྡོམས་ཏེ། བདག་དང་མཐའ་ཡས་པའི་སེམས་ཅན་ཐམས་ཅད་བླ་ན་མེད་པ་སངས་རྒྱས་ཀྱི་གོ་འཕང་ཐོབ་པར་བྱ་བའི་ཕྱིར་དུ་ཡོངས་སུ་བསྔོ་བར་བགྱིའོ་གསུངས་ནི་རེད། ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། །ཐམས་ཅད་བླ་མེད་བྱང་ཆུབ་ཕྱིར་བསྔོ་འོ། །ཞེས་གསུངས་པ་འདི་གཉིས་འགྱུར་གྱི་ཁྱད་པར་འདྲ་མི་འདྲ་གཉིས་ཡིན། བདག་གིས་དང་། བླ་མེད་གཉིས་ཀ་གང་ཡིན་ཡང་དག་པ་ཡིན་མ་གཏོགས། དེང་སང་འགའ་རེས་བླ་མའི་བྱང་ཆུབ་ཕྱིར་བསྔོའོ། །ཟེར་ཡང་བླ་མའི་བྱང་ཆུབ་ཕྱིར་བསྔོ་ཞེས་པ་ནོར་བ་ཡིན། དེ་ཡན་ཆད་ཀྱིས་ཡན་ལག་བདུན་པ་བཤད་ཟིན་པ་ཡིན་ནོ། །ཕྱག་འཚལ་བ་དང༌། མཆོད་སྡིག་པ་བཤགས་ཚུལ་སོགས་མདོར་བསྡུས་ཙམ་གོ་ཡོད་རྒྱུ་རེད། ཁྱེད་རྣམ་པས་ཕྱིས་སུ་འདོན་དུས་ཚིག་རྗེས་དོན་དྲན་ཕྱོགས་ཙམ་ཞིག་ཤེས་པར་གྱིས། པ་འབུལ་རྒྱུ་དང་། གཉིས་པ་དངོས་གཞི་སྨོན་ལམ་གྱི་རབ་དབྱེ་རྒྱས་པར་བཤད་པ་ལ་གཉིས་ཏེ། དངོས་དང་སྨོན་ལམ་གྱི་མཐའ་བསྟན་པའོ། །སྨོན་ལམ་གྱི་མཐའ་སྨོན་ལམ་རྒྱ་ཆེ་ཆུང་ཅི་འདྲ་ཞིག་ཡིན་ཞེ་ན། དངོས་དང་མཐའ་བསྟན་པ་གཉིས་ཡོད། ནམ་མཁའི་མཐར་ཐུག་གྱུར་པ་ཅི་ཙམ་པར། །ཞེས་སོགས་ཀྱིས་སྨོན་ལམ་གྱི་མཐའ་བསྟན་པ་ཡིན། དེ་ཡན་ཆད་སྨོན་ལམ་དངོས་རེད། ད་ནི་སྨོན་ལམ་དངོས་བཤད་ནི་ཡིན། དང་པོ་ལ་སྤྱི་དོན་བཅུ་དྲུག་ཡོད། སྤྱིར་བྱང་ཆུབ་སེམས་དཔའི་སྨོན་ལམ་ཆེན་པོ་བཅུ་ཡོད་ཀྱང་ས་བཅད་འདིའི་ཁོངས་སུ་བསྡུས་ཏེ་བཤད་ཀྱང་ཆོག ས་བཅད་འཇོག་ཚུལ་ལ་མཁས་པ་སོ་སོས་རང་བློ་ལྟར་དུ་གཞལ་བ་མང་ཡང་། འདིར་སྨིན་གླིང་ལོ་ཆེན་གྱིས་གསུངས་པ་ལྟར་ས་བཅད་རྣམ་པ་བཅུ་དྲུག་གི་སྒོ་ནས་འཆད་&lt;&lt;གླ༥༡ རྒྱུ་ཡིན། ས་བཅད་རྣམ་པ་བཅུ་དྲུག་པོ་ཇི་ལྟར་གསུངས་ཞེ་ན། ཚིག་གིས་དངོས་བསྟན་གྱི་གོ་བ་དང་འབྲེལ་ནས་གསུངས་ཡོད། མདོ་སྡེ་གཞན་དང་བསྒྲགས་ཏེ་བཤད་མེད། ས་བཅད་བཅུ་དྲུག་པོ་གང་ཡིན་ཞེ་ན། བསྡོམས་ཚིག་ལས། བསམ་དག་བྱང་སེམས་མི་བརྗེད་དང༌། །མ་གོས་སྦྱོར་དང་ཕན་བདེ་དང་། །གོ་ཆ་དང་ནི་སྐལ་མཉམ་འགྲོགས། །བཤེས་བསྟེན་སངས་རྒྱས་མངོན་གྱུར་དང༌། །དམ་ཆོས་འཛིན་དང་མཛོད་རྙེད་དང་། །འཇུག་དང་སྟོབས་དང་སྒྲུབ་དང་ལས། །རྗེས་སློབ་ཀུན་གྱི་མཇུག་སྡུད་དོ། །ཞེས་གསུངས་པ་ལྟར།༼༡༽དང་པོ་བསམ་པ་དག་པས་སྨོན་ལམ་འདེབས་པ་དང་། ༼༢༽སྐྱེ་བ་ཚེ་རབས་ཀུན་ཏུ་བྱང་ཆུབ་ཀྱི་སེམས་མི་བརྗེད་པར་སྨོན་ལམ་འདེབས་པ་དང༌། ༼༣༽ འཁོར་བ་ན་འཁོར་བའི་ཚེ་སྐྱོན་གྱིས་མ་གོས་པར་སྨོན་ལམ་འདེབས་པ་དང་། ༼༤༽ སེམས་ཅན་ཕན་བདེ་ལ་འགོད་པའི་སྨོན་ལམ་འདེབས་པ་དང་། ༼༥༽སེམས་ཅན་གྱི་དོན་དུ་བརྩོན་པ་ལ་སྙིང་སྟོབས་རྣམ་པར་དག་པས་སྨོན་ལམ་འདེབས་པ་དང༌། ༼༦༽ སྐལ་མཉམ་གྱི་གྲོགས་བཟང་པོ་དང་སྐྱེ་བ་ནས་ཚེ་རབས་ཀུན་ཏུ་འགྲོགས་པའི་སྨོན་ལམ་འདེབས་པ་དང་། ༼༧༽ བླ་མ་དགེ་བའི་བཤེས་གཉེན་དང་འཕྲད་པར་སྨོན་ལམ་འདེབས་པ་དང་། དེ་མིན་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། ༼༨༽ སྐྱེ་བ་ཚེ་རབས་ཀུན་ཏུ་སངས་རྒྱས་མཐོང་བ་དང་མི་འབྲལ་བར་སྨོན་ལམ་འདེབས་པ་དང༌། ༼༩༽ དུས་གསུམ་སངས་རྒྱས་ཐམས་ཅད་ཀྱི་ཆོས་འཁོར་འཛིན་ནུས་པར་སྨོན་ལམ་འདེབས་པ་དང་། ༼༡་༽ མི་ཟད་པའི་མཛོད་རྙེད་པའི་སྨོན་ལམ་འདེབས་པ་དང་། ༼༡༡༽ བྱང་ཆུབ་སེམས་དཔའི་སྤྱོད་པ་རྒྱ་མཚོ་ལྟ་བུ་ལ་འཇུག་པར་སྨོན་ལམ་འདེབས་པ་དང་། ༼༡༢༽ལས་ཀྱི་སྟོབས་ཟད་པ་དང་། ཉོན་མོངས་པའི་སྟོབས་ཟད་པ་དང༌། བདུད་ཀྱི་སྟོབས་ཟད་པ་དང༌། བཟང་པོ་སྤྱོད་པའི་སྟོབས་ཡོངས་སུ་རྫོགས་པ་ལ་སོགས་སྟོབས་ཁྱད་པར་ཅན་ལ་སྨོན་ལམ་འདེབས་པ་དང་། ༼༡༣༽ སྒྲུབ་པའམ་གཉེན་པོའི་སྒོ་ནས་སྨོན་ལམ་འདེབས་པ་དང་། ༼༡༤༽ཕྲིན་ལས་ཀྱི་སྒོ་ནས་སྨོན་ལམ་འདེབས་པ་དང་། ༼༡༥༽ རྒྱལ་བ་ཀུན་གྱི་རྗེས་སུ་སློབ་པར་སྨོན་ལམ་འདེབས་པ་དང་། ༼༡༦༽ དུས་གསུམ་གྱི་སངས་རྒྱས་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད་མཛད་པ་སྨོན་ལམ་མཁྱེན་བརྩེ་ནུས་པ་ཐམས་ཅད་བདག་ལ་རྫོགས་པར་གྱུར་ཅིག་སྙམ་སྟེ་སྨོན་ལམ་འདེབས་རྒྱུ་དེ་མཇུག་སྡུད་རེད། སྨིན་གླིང་ལོ་ཆེན་གྱིས་མཁས་པའི་ཁྱད་ཆོས་བཞག་སྟེ་མ་གསུངས་པར། ཐད་ཀ་ཐད་ཀར་ཚིག་འགྲེལ་ལ་ཉེ་བར་མཁོ་བའི་ཕྱིར་དུ་ས་བཅད་བཞག་ནི་རེད། སྤྱི་དོན་དང་པོ་བསམ་པ་དག་པས་སྨོན་པ་ལ་དོན་བཞི་སྟེ། དང་པོ་སངས་རྒྱས་ལ་མཆོད་པའི་བསམ་པ་ནི། བསམ་པ་དག་རྒྱུ་དེ་ལ་རྣམ་པ་བཞི་ཡོད། དང་པོ་སངས་རྒྱས་མཆོད་པར་སྨོན་ལམ་བཏབ་ནི་རེད། དེ་ཅི་འདྲ་ཡིན་ཟེར་ན། འདས་པའི་སངས་རྒྱས་རྣམས་དང་ཕྱོགས་བཅུ་ཡི། འཇིག་རྟེན་དག་ན་གང་བཞུགས་མཆོད་པར་གྱུར། །ཞེས་གསུངས་ཏེ། འདས་པའི་སངས་རྒྱས་མར་མེ་མཛད་རྣམ་གཟིགས་གཙུག་ཏོར་ཅན་ཐམས་ཅད་སྐྱོབས་འཁོར་བ་འཇིག་གསེར་ཐུབ་འོད་སྲུང་ལ་སོགས་པའི་སངས་རྒྱས་མང་པོ་ཡོད་རྒྱུ་རེད། ད་ལྟའི་སངས་རྒྱས་བདག་ཅག་གི་སྟོན་པ་ལྟ་བུ་ནི་འདས་པའི་སངས་རྒྱས་ཀྱི་ཕྱོགས་གཏོགས་ཞེས་བཤད་ཀྱང་ཆོག ད་ལྟའི་སངས་རྒྱས་ཡིན་ཞེས་བཤད་ནའང་ཆོག དེ་བཞིན་དུ་ཤར་ཕྱོགས་ན་སངས་རྒྱས་མཚན་ལེགས་རིན་ཟླ་གསེར་བཟང་མྱ་ངན་མེད་སོགས་སྨན་བླ་མཆེད་བརྒྱད་དང་། དེ་བཞིན་དུ་ལྷོ་ཕྱོགས་ན་སངས་རྒྱས་རིན་ཆེན་འབྱུང་ལྡན། ནུབ་ཕྱོགས་ན་སངས་རྒྱས་འོད་དཔག་མེད། བྱང་ཕྱོགས་ན་སངས་རྒྱས་དོན་ཡོད་གྲུབ་པ། རྡོ་རྗེ་མི་བསྐྱོད་པ་ལ་སོགས་པ་ད་ལྟར་བཞུགས་པའི་སངས་རྒྱས་དེ་དག་ཐམས་ཅད་ལ་བདག་གིས་ལུས་ངག་ཡིད་གསུམ་དང་བའི་སྒོ་ནས་ལུས་ལོངས་སྤྱོད་དུས་གསུམ་གྱི་དགེ་བ་ཐམས་ཅད་ཀྱིས་དུས་རྟག་ཏུ་མཆོད་པ་བྱེད་ནུས་པར་གྱུར་ཅིག མདོར་ན་འདས་པའི་སངས་རྒྱས་དང་ད་ལྟར་གྱི་སངས་རྒྱས་ལ་མཆོད་པར་སྨོན་ལམ་བཏབ་པ་ཡིན། གཉིས་པ་དགོངས་པ་ཡོངས་སུ་བསྐང་པ་ནི། གང་ཡང་མ་བྱོན་དེ་དག་རབ་མྱུར་བར། །བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན། །ཞེས་གསུངས་ཏེ། མ་འོངས་པའི་སངས་རྒྱས་བྱམས་པ་ལ་སོགས་པ་གང་ཡང་མ་བྱོན་པའི་སངས་རྒྱས་དེ་དག་རབ་མྱུར་བའི་བསམ་པ་རྫོགས་ནས་བྱང་ཆུབ་སེམས་དཔའི་ས་བཅུ་ལམ་ལྔ་ལ་སོགས་པ་ཐམས་ཅད་མྱུར་དུ་མཁྱེན་བརྩེ་ནུས་གསུམ་རྩལ་རྫོགས་ནས་སེམས་ཅན་ཐམས་ཅད་ཀྱི་དོན་ལ་བརྩོན་ནུས་པར་གྱུར་ཅིག མ་བཟང་སྤྱོད་ཀྱི་ཟིན་བྲིས་བཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། འོངས་པའི་སངས་རྒྱས་ཐམས་ཅད་ད་ལྟ་བསམ་ན་སེམས་ཅན་རེད། མདོ་རང་གི་སྐབས་དོན་གྱི་དབང་དུ་བྱས་ན་ངེད་ཅག་གིས་ཉིན་དེར། བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཞེས་པའི་བདེ་གཤེགས་ནི་སྔར་གྱི་སངས་རྒྱས་རེད། དབང་ཕྱུག་ནི་བླ་མ་དགེ་བའི་བཤེས་གཉེན་ད་ལྟར་བཞུགས་པའི་སངས་རྒྱས་ཡིན། སེམས་ཅན་ནི་མ་འོངས་པའི་སངས་རྒྱས་ཡིན། དགོས་པ་གསུམ་ནི། འདས་པའི་སངས་རྒྱས་རྣམས་ཀྱི་ཐུགས་དགོངས་ཡོངས་སུ་རྫོགས་པའི་ཕྱིར་དང་། ད་ལྟ་བླ་མ་དགེ་བའི་བཤེས་གཉེན་ཐམས་ཅད་ཀྱི་ཐུགས་དགྱེས་པ་བསྐང་བར་བྱ་བའི་ཕྱིར་དང་། མ་འོངས་པའི་སངས་རྒྱས་ཐམས་ཅད་ཀྱི་ས་ལམ་ཡོངས་སུ་རྫོགས་པའི་ཆེད་དུ་ཟེར་ནས་ངེད་ཅག་གིས་དགོས་པ་གསུམ་དེ་ལྟར་བཤད་དར། འདས་པའི་སངས་རྒྱས་དང་། ད་ལྟར་གྱི་སངས་རྒྱས་ཐམས་ཅད་ལ་མཆོད་ནུས་པར་ཤོག་ཅིག མ་འོངས་པའི་སངས་རྒྱས་ཐམས་ཅད་མྱུར་དུ་སངས་རྒྱས་ནས་སེམས་ཅན་ཐམས་ཅད་ལ་ཆོས་ཀྱི་འཁོར་ལོ་བསྐོར་བར་གྱུར་ཅིག་གསུངས་ནི་རེད། གསུམ་པ་སངས་རྒྱས་ཀྱི་ཞིང་སྦྱང་བ་ནི། ཕྱོགས་བཅུ་ག་ལའི་ཞིང་རྣམས་ཇི་སྙེད་པ། །དེ་དག་རྒྱ་ཆེར་ཡོངས་སུ་དག་པར་གྱུར། །བྱང་ཆུབ་ཤིང་དབང་དྲུང་གཤེགས་རྒྱལ་བ་དང༌། །སངས་རྒྱས་སྲས་ཀྱིས་རབ་ཏུ་གང་བར་ཤོག །ཅེས་གསུངས་ཏེ། ཕྱོགས་བཅུ་ག་ལ་བའི་ཞིང་ཇི་སྙེད་ཡོད་པ་ཐམས་ཅད་ཡོངས་སུ་དག་པར་གྱུར་ཅིག ས་ཕྱོགས་ཐམས་ཅད་ཀྱང་བཻཌཱུརྱ་ལ་གསེར་གྱི་མིག་མང་རེས་སུ་བྲིས་པ་མནན་ན་ནེམ་པར་བཏེག་ན་འཕར་བ། དཔེར་ན། བདེ་བ་ཅན་གྱི་ཞིང་གི་ཡོན་ཏན་ཇི་ལྟ་བཞིན་དུ་ཐམས་ཅད་ཡོངས་སུ་རྫོགས་པར་གྱུར་ཅིག་ཅེས་ཞིང་ཁམས་དག་པར་སྨོན་ལམ་བཏབ་པ་རེད། ཞིང་ཁམས་དག་པ་དེའི་དབང་གིས་བྱང་ཆུབ་ཀྱི་ཤིང་གིས་བརྒྱན་པའི་དྲུང་དུ་དཔེར་ན། སངས་རྒྱས་འོད་དཔག་མེད་དང་། སངས་རྒྱས་ཤཱཀྱ་ཐུབ་པ་ལྟ་བུའི་སངས་རྒྱས་མང་པོ་བཞུགས། དེའི་འཁོར་དུ་བྱང་ཆུབ་སེམས་དཔའ་འཇམ་དཔལ་དབྱངས་དང་། སྤྱན་རས་གཟིགས་ལྟ་བུ་མང་པོས་བསྐོར་ནས་གང་བར་གྱུར་ཅིག་ཅེས་བཅུད་དག་པའི་སྨོན་ལམ་བཏབ་པ་ཡིན་གསུངས་ནི་རེད། ཕྱོགས་བཅུ་ག་ལས་ཞིང་རྣམས་ཐམས་ཅད་པོ་དེ་ནི་ཞིང་དག་པ་དང་། བཅུད་དག་པ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་གང་འགྲོ་བར་གྱུར་ཅིག་བསམས་ནས་སྨོན་ལམ་འདེབས་དགོས་ནི་རེད། བཞི་པ་སེམས་ཅན་ལ་ཕན་གདག་པའི་བསམ་པ་ནི། ཕྱོགས་བཅུའི་སེམས་ཅན་གང་རྣམས་ཇི་སྙེད་པ། དེ་དག་རྟག་ཏུ་ནད་མེད་བདེ་བར་གྱུར། འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིང་རེ་བའང་འགྲུབ་པར་ཤོག །སེམས་ཅན་ལ་ཕན་པའི་བསམ་པ་བཟང་པོས་ཕྱོགས་བཅུའི་སེམས་ཅན་གང་རྣམས་ཇི་སྙེད་ཡོད་པ་ཐམས་ཅད་དུས་རྟག་ཏུ་ལུས་ལ་སྡུག་བསྔལ་མེད་པ་དང་སེམས་ལ་སྡུག་བསྔལ་མེད་པར་གྱུར་ཅིག སེམས་ཀྱི་སྡུག་བསྔལ་ནི་ཡིད་མི་བདེ་བ་ལ་ཟེར། མདོར་ན་ངེད་ཅག་གིས་དང་པོ་ཁོ་ན་སེམས་ཅན་ཐམས་ཅད་ཀྱི་ལུས་ལ་ན་ཚ་དང༌། སེམས་ལ་སྡུག་བསྔལ་ཐམས་ཅད་བྲལ་བར་ཤོག་ཅིག་ཅེས་ཟེར་བ་ལྟར་ཡིན། མ་ཟད་སེམས་ཅན་རྣམས་ཀྱིས་ཆོས་བསྒྲུབ་པ་ལ་བློ་མཐུན་གྲོས་མཐུན་བྱས་ཏེ་ཐམས་ཅད་ཀུན་གྱིས་ཆོས་སྒྲུབ་པར་ཤོག་ཅིགསེམས་ཅན་ཐམས་ཅད་ཆོས་ལ་འཇུག་ནུས་པར་ཤོག་ཅིག སེམས་ཅན་ཐམས་ཅད་ཀྱིས་ཆོས་ཡང་དག་པ་ཞིག་སྒྲུབ་ནུས་པར་ཤོག་ཅིག ཆོས་སྒྲུབ་པའི་རེ་བ་གནས་སྐབས་མངོན་མཐོའི་བདེ་བ་དང་། མཐར་ཐུག་སངས་རྒྱས་ཀྱི་གོ་འཕང་འཐོབ་པ་དང་། གཞན་ཡང་ཆོས་དང་འགལ་བ་མ་ཡིན་པའི་ཚེ་རིང་བ་ནད་མེད་པ་ལོངས་སྤྱོད་ཆེ་བ། གཟི་བརྗིད་བཟང་བ་བསམ་པའི་དོན་ཐམས་ཅད་འགྲུབ་པ་ལ་སོགས་པ་འགྲོ་བ་ཐམས་ཅད་ཀྱི་རེ་བ་ཅི་ཡོད་པ་རྣམས་འགྲུབ་པར་གྱུར་ཅིག འདིའི་ཚིག་བཞི་བོའི་ནང་དུ་མ་འདུས་པའི་སྨོན་ལམ་ཞིག་མེད། སྨོན་ལམ་གཞན་ཞིག་གི་ནང་དུ་འདི་ལྟ་བུ་ཞིག་སྟོན་མི་ཐུབ། དཔེར་ན། སེམས་ཅན་ཐམས་ཅད་ཀྱི་ལུས་ལ་སྡུག་བསྔལ་མེད། སེམས་ཀྱི་སྡུག་བསྔལ་ཐམས་ཅད་བྲལ། གནས་སྐབས་དང་མཐར་ཐུག་གི་རེ་བ་ཡོངས་སུ་རྫོགས་དམ་པའི་ཆོས་ཐམས་ཅད་ཡོངས་སུ་སྤྱོད་པར་གྱུར་ན་དེའི་ནང་དུ་མ་འདུས་པ་ཞིག་ཅི་ཡང་མེད། དེའི་ཕྱིར་ན་བསམ་པ་དག་པས་སྨོན་ལམ་འདེབས་དགོས་ནི་རེད། སྤྱི་དོན་གཉིས་པ་བྱང་ཆུབ་ཀྱི་སེམས་མི་བརྗེད་པའི་སྒོ་ནས་སྨོན་པ་ལ་བདུན་ལས། དངོས་གཞི་ལ་བྱང་ཆུབ་ཀྱི་སེམས་མི་བརྗེད་པར་སྨོན་ལམ་འདེབས་དགོས་ནི་རེད། སྐྱེ་བ་ཚེ་རབས་ཀུན་ཏུ་བྱང་ཆུབ་ཀྱི་སེམས་བརྗེད་ཉན་ནི་མ་རེད་མ་གཏོགས་སེམས་ཅན་གྱི་དོན་འགྲུབ་ནི་མ་རེད། བྱང་ཆུབ་ཀྱི་སེམས་མི་བརྗེད་པར་བྱེད་པ་ལ་མཐུན་རྐྱེན་མང་པོ་སྒྲུབ་དགོས་པ་དང་། འགལ་རྐྱེན་མང་པོ་བསལ་དགོས་ནི་རེད། ངེད་ཅག་ཡིན་ནའང་ད་ལྟ་བྱང་ཆུབ་མཆོག་ཏུ་སེམས་བསྐྱེད་དགོས་ནི་རེད། དེའི་ཞར་མ་ཞོར་ལ་འགལ་རྐྱེན་བསལ་བའི་ཕྱིར་དུ་འཕགས་པ་སྤྱན་རས་གཟིགས་ལ་གསོལ་བ་བཏབ་ནས་དཔལ་ཕྲེང་སེང་གེའི་སྒྲའི་གཟུངས་བཏོན། དཔལ་རྟ་མགྲིན་ལ་གསོལ་བ་བཏབ་སྟེ་ཧྱ་གྲི་ཝའི་གཟུངས་བཏོན། ཨོ་རྒྱན་རིན་པོ་ཆེ་ལ་ཡང་གསོལ་བ་བཏབ་ནས་སྤྲུལ་པའི་གུ་རུ་མཚན་བརྒྱད་སོགས་དང་། ཨོ་རྒྱན་རིན་པོ་ཆེ་ལ་གསོལ་བ་འདེབས་ཞེས་པ་བཏོན་ཏེ་ཨོ་རྒྱན་རིན་པོ་ཆེ་ལ་ཡང་གསོལ་བ་འདེབས་བཞིན་ཡོད་ནི་རེད། དེ་བཞིན་དུ་མཐུན་རྐྱེན་ཡོངས་སུ་འགྲུབ་པར་བྱ་བའི་ཕྱིར་དུ་དབང་སྡུད་གསོལ་འདེབས། གར་དབང་ལྷ་དགུ་ལ་སོགས་པའི་ལྷ་ལ་གསོལ་བ་འདེབས་བཞིན་ཡོད་ནི་རེད། དེ་འདྲ་བྱས་ན་མཐུན་རྐྱེན་འགྲུབ་འགལ་རྐྱེན་སེལ་དངོས་གཞི་བྱང་ཆུབ་ཀྱི་སེམས་རྒྱུད་ལ་སྐྱེ་རྒྱུ་རེད། དེ་ལ་བྱང་ཆུབ་ཀྱི་སེམས་མི་བརྗེད་པ་སོགས་ལ་བདུན་ལས་དང་པོ་ནི། དང་པོ་ཚེ་རབས་དྲན་པ་ནི། བྱང་ཆུབ་སྤྱོད་པ་དག་ནི་བདག་སྤྱོད་ཅིང༌། །འགྲོ་བ་ཀུན་ཏུ་སྐྱེ་བ་དྲན་པར་གྱུར། །ཅེས་གསུངས་ནི་རེད། དོན་ནི་དང་པོ་སྐྱེ་བ་དྲན་དགོས་ནི་རེད། ས་དང་པོ་རབ་ཏུ་དགའ་བ་མ་ཐོབ་བར་དུ་གང་དུ་སྐྱེས་ཀྱང་སྐྱེ་བ་སྔ་མ་སྔ་མ་ཐམས་ཅད་དྲན་པར་གྱུར་ཅིག་ཟེར་ནས་སྨོན་ལམ་འདེབས་རྒྱུ་རེད། རྒྱལ་སྲས་ཆེན་པོ་ཞི་བ་ལྷས། ས་རབ་དགའ་བ་ཐོབ་བར་དུ། །རྟག་ཏུ་ཚེ་རབས་དྲན་པ་དང༌། །ཞེས་སོགས་གསུངས་ཡོད་ནི་རེད། དེས་ན་ཚེ་རབས་དྲན་དགོས་རྒྱུ་ཅི་ཡིན་ཟེར་ན། ཚེ་རབས་མ་དྲན་ན་བྱང་ཆུབ་ཀྱི་སེམས་བརྗེད་འགྲོ་རྒྱུ་རེད། ད་ལྟ་རང་ཅག་གིས་ཀྱང་བྱང་ཆུབ་ཀྱི་སེམས་རྒྱུད་ལ་བླངས་ཡོད་ནི་རེད། ཚེ་རབས་མ་དྲན་ནས་བཟུང་སྟེ་གཟོད་མངལ་སྒོ་འགྲིམས་ནས་ཕྱི་མར་འགྲོ་དུས་བྱང་ཆུབ་ཀྱི་སེམས་རྒྱུད་ལ་བླངས་ཡོད་པ་བརྗེད་འགྲོ་ནི་རེད། དེའི་ཕྱིར་ན་ཐོག་མར་སྐྱེ་བ་དྲན་རྒྱུ་དེ་གལ་ཆེ་བ་ཡིན། སྐྱེ་བ་སྔ་ཕྱི་དྲན་ན་སྔ་མ་སྡུག་བསྔལ་མྱོང་བ་དང༌། བར་དུ་དགེ་བ་བསྒྲུབས་ནི་ཚང་མ་དྲན་ནས་རྗེས་སུ་ཡི་རང་བ་བྱས་ཏེ་མུ་མཐུད་དེ་དགེ་བ་སྒྲུབ་ནི་རེད། དེའི་ཕྱིར་མདོར་ན་བདག་གང་ནས་གང་དུ་སྐྱེས་ཀྱང་སྐྱེ་བ་སྔ་མ་སྔ་མ་ཐམས་ཅད་དྲན་པར་གྱུར་ཅིག་ཅེས་གསུངས་ནི་རེད། གཉིས་པ་རབ་ཏུ་བྱུང་བར་སྨོན་ལམ་འདེབས་པ་ནི། ཚེ་རབས་ཀུན་ཏུ་འཆི་འཕོ་སྐྱེ་བ་ན། །རྟག་ཏུ་བདག་ནི་རབ་ཏུ་འབྱུང་བར་ཤོག །ཅེས་གསུངས་ཏེ། ལུས་རྟེན་དེ་ཡང་སྤྱིར་ན་གང་ལ་གང་འདུལ་གྱི་སྒོ་ནས་བྱ་ལ་བྱ་རུ་སྤྲུལ། རི་དྭགས་ལ་རི་དྭགས་སུ་སྤྲུལ། དེ་བཞིན་དུ་སྨད་འཚོང་མ་དང་། ཤན་པ་ལ་སོགས་པའི་གཟུགས་ཀྱིས་འགྲོ་དོན་མཛད་ཚུལ་ཡོད་ནི་རེད། ཇི་སྲིད་ས་དང་པོ་མ་ཐོབ་ཀྱི་བར་དུ་དེ་ལྟ་བུའི་འགྲོ་དོན་འགྲུབ་ནི་མ་རེད། དེ་ལྟ་བུའི་སྐྱེ་བ་དམན་པའི་ལུས་རྟེན་མང་པོ་ཞིག་ལེན་ཚེ་ལས་དང་ཉོན་མོངས་པའི་གཞན་དབང་དུ་གྱུར་ནས་བྱང་ཆུབ་སེམས་དཔའི་བསམ་པ་དང་སྤྱོད་པ་རྣམས་ཉམས་འགྲོ་ནི་རེད། དེའི་ཕྱིར་ན་ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ། དཔེར་ན། ཇོ་མོ་རྣམས་ལ་མཚོན་ན་ཁྱེད་རྣམ་པས་སྨོན་ལམ་འདེབས་རྒྱུ་དེ། ལས་དང་ཉོན་མོངས་པའི་གཞན་དབང་གིས་སྒོ་ནས་བུད་མེད་ཀྱི་ལུས་རྟེན་ད་ཕན་ཆད་སྐྱེ་བ་ལེན་པར་མ་གྱུར་ཅིག་ཅེས་ཁ་ཞེ་གཉིས་མེད་ཀྱིས་སྨོན་ལམ་འདེབས་རྒྱུ་དེ་ཧ་ཅང་གལ་ཆེ་བ་ཡིན་པ་ཤེས་དགོས། དེ་མ་ཡིན་པར་རྣམ་པ་ཀུན་ཏུ་བུད་མེད་ཀྱི་སྐྱེ་བ་མི་ལེན་པར་གྱུར་ཅིག་ཟེར་ནས་སྨོན་ལམ་མ་འདེབས་མ་གཏོགས་ནམ་ཞིག་གི་གནས་སྐབས་ན་བུད་མེད་ཀྱི་ལུས་རྟེན་གྱིས་འགྲོ་དོན་མང་པོ་མཛད་དུས་ཡོད་རྒྱུ་རེད། བུད་མེད་ཀྱི་ལུས་རྟེན་གྱིས་སྐྱེ་བ་ལ་དབང་ཐོབ་པའི་ཏིང་ངེ་འཛིན་གྱི་སྨོན་ལམ་རྣམས་ཀྱི་སྒོ་ནས་ཀྱང་འགྲོ་དོན་མཛད་སྐབས་ཡོད་ནི་རེད། དེའི་ཕྱིར་ན་གཙོ་བོ་ས་དང་པོ་ཡན་ཆད་ཀྱི་སྨོན་ལམ་རེད། སྐྱེ་བ་ཀུན་ཏུ་བདག་ཤི་ནས་འཇིག་རྟེན་གྱི་ཁམས་གཞན་དུ་འཕོ་ན་ལུས་རྟེན་བཟང་པོ་ལ་རབ་ཏུ་བྱུང་བ་ཚུལ་ཁྲིམས་རྣམ་པར་དག་པ་ཐོབ་པར་གྱུར་ཅིག་ཟེར་ནས་སྨོན་ལམ་བཏབ་ནི་རེད། ཚུལ་ཁྲིམས་རྣམ་པར་དག་པ་ཞིག་མེད་ན་མངོན་མཐོ་དང་ངེས་ལེགས་ཀྱི་ཡོན་ཏན་གང་ཡང་རྒྱུད་ལ་སྐྱེ་ཐབས་ཡོད་ནི་མ་རེད། བྱང་ཆུབ་ཀྱི་ལམ་གང་ཡང་རྒྱུད་ལ་འབྱུང་ཐབས་མེད། རྒྱས་པར་ཚུལ་ཁྲིམས་ལ་བསྔགས་པ་ལས་གསུངས་པ་ལྟར་རེད། དེའི་ཕྱིར་ན་ཚུལ་ཁྲིམས་དག་དགོས། ཚུལ་ཁྲིམས་རྒྱུད་ལ་མེད་པའི་གང་ཟག་ཅིག་གི་རྒྱུད་ལ་ཡོན་ཏན་སྣ་གཅིག་ཀྱང་སྐྱེ་ཐབས་མེད། མ་ཟད་འདིའི་སྐབས་ན་གཙོ་བོ་ཚུལ་ཁྲིམས་རྣམ་པར་དག་པ་ལ་གཞན་གནོད་གཞི་བཅས་སྤང་རྒྱུ་དེ་རེད། ས་དང་པོ་ཐོབ་པ་ཡན་ཆད་ཀྱིས་འདྲ་མི་འདྲའི་འགྲོ་དོན་མཛད་ཚུལ་ཡོད་ནི་རེད། རྒྱལ་སྲས་འཇམ་དཔལ་གཞོན་ནུར་གྱུར་པ་དང་འཕགས་པ་སྤྱན་རས་གཟིགས་ཀྱང་སྲོག་ཆགས་སྣ་ཚོགས་ཀྱིས་སྐྱེ་བ་བླངས་ནས་འགྲོ་དོན་མཛད་ཚུལ་ཡོད་ནི་རེད། དེས་ན་རབ་ཏུ་བྱུང་བ་ལ་སྨོན་ལམ་འདེབས་དགོས་ནི་རེད། ས་དང་པོ་མ་ཐོབ་བར་དུ་ངེས་པར་རབ་ཏུ་བྱུང་བའི་ལུས་རྟེན་ཞིག་ཐོབ་དགོས་ནི་རེད་མ་གཏོགས་རབ་ཏུ་བྱུང་བའི་ལུས་རྟེན་དེ་མ་ཐོབ་ན། རང་ཅག་བན་རྒན་ཞིག་གིས་སེར་གོས་ཤིག་གྱོན་ཁྱིམ་ཐབ་ཅན་ཞིག་གི་སྐྱེ་བ་བླངས་སོང་ན། བུ་དང་བུ་མོས་གཡས་སུ་བསྐོར་ཆུང་མས་མདུན་ནས་འཁྱུད་པའི་གནས་སྐབས་ན། མི་གསོ་ཁ་མེད་ཆུང་མའི་འབྲེལ་ཐག མི་སྐྱོང་ཁ་མེད་བུ་ཚའི་འབྲེལ་ཐག་ཡོད་སོང་དུས་ཚེ་འདིར་དཀོར་ནག་ཐལ་བ་འགམ་འགམ་བྱས་ཏེ་རང་གིས་དགེ་བ་རྒྱབ་ཏུ་བསྐྱུར་ནས་རང་དོན་ཙམ་ཡང་མི་འགྲུབ་ན་གཞན་དོན་དེ་བས་ཀྱང་འགྲུབ་ནི་མ་རེད། དེའི་ཕྱིར་ན་ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ་འཆི་འཕོ་སྐྱེ་བ་ཐམས་ཅད་དུ་ནི་རབ་ཏུ་བྱུང་བའི་ལུས་རྟེན་ཚུལ་ཁྲིམས་རྣམ་པར་དག་པ་དགེ་ཚུལ་སློང་གི་སྐྱེ་བ་ལེན་ནུས་པར་གྱུར་ཅིག་བསམས་ནས་སྨོན་ལམ་འདེབས་དགོས་ནི་རེད། གསུམ་པ་སྤྱོད་པ་སྤྱི་དང་ཚུལ་ཁྲིམས་དག་པ་ལ་བསླབ་པ་ནི། རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་པོ་སྤྱོད་པ་ཡོངས་སུ་རྫོགས་བྱེད་ཅིང༌། །ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ཅེས་གསུངས་ཏེ། རབ་ཏུ་བྱུང་བའི་ལུས་རྟེན་ཐོབ་པ་ཙམ་གྱིས་མི་ཆོག་པར་སྤྱིར་རྒྱལ་བ་སྲས་དང་བཅས་པའི་རྗེས་སུ་བསླབས་ནས་སེམས་ཅན་ཐམས་ཅད་ཀྱི་དོན་དུ་ཚུལ་ཁྲིམས་རྣམ་པར་དག་པའི་སྤྱོད་པ་དྲི་མ་མེད་པ་ཟེར་ན་འཁོར་གསུམ་རྣམ་པར་དག་པའི་བདེན་པར་འཛིན་པ་མེད་པ་ཞིག་ལ་ཟེར་ནི་རེད། ས་ཐོབ་ཡིན་ན་གཞན་ལ་གནོད་པ་བྱེད་ནི་མ་རེད། རྒྱལ་སྲས་བྱང་ཆུབ་སེམས་དཔའ་ཞིག་གིས་གཞན་ལ་གནོད་པ་མི་བྱེད་པར་མ་ཟད་གཞན་ལ་ཕན་པ་འབའ་ཞིག་བསྒྲུབ་ནི་རེད། རྒྱལ་སྲས་ཆེན་པོ་ཞི་བ་ལྷས། དངོས་སམ་ཡང་ན་བརྒྱུད་ཀྱང་རུང་། །སེམས་ཅན་དོན་ལས་གཞན་མི་བྱེད། །ཅེས་གསུངས་ནས་སེམས་ཅན་གྱི་དོན་དུ་འགྱུར་རྒྱུ་ཞིག་ཡིན་ན་སྨོས་མ་དགོས་པ་ཡིན། དངོས་སུ་སེམས་ཅན་གྱི་དོན་མ་ཡིན་ཡང་། བརྒྱུད་ནས་སེམས་ཅན་གྱི་དོན་དུ་འགྱུར་རྒྱུ་ཞིག་ཡིན་ན་དེ་ཡང་བསྒྲུབ་ནི་རེད། དེ་ལ་ཚུལ་ཁྲིམས་ཟེར་ནི་རེད། དེ་ནི་སེམས་ཅན་ལ་ཕན་པ་བསྒྲུབ་རྒྱུ་སེམས་ཅན་ལ་གནོད་པ་མི་བྱེད་རྒྱུ་དེ་ཡང་ཚུལ་ཁྲིམས་རྣམ་པར་དག་པ་ཟེར། བྱང་ཆུབ་སེམས་དཔའ་ལ་ཚུལ་ཁྲིམས་གསུམ་ཡོད། ཉེས་སྤྱོད་སྡོམ་པའི་ཚུལ་ཁྲིམས་ནི་གཞན་གནོད་གཞི་དང་བཅས་པ་སྤང་རྒྱུ་དེ་ཡིན། དགེ་བ་ཆོས་སྡུད་ཀྱི་ཚུལ་ཁྲིམས་ནི། ཏིང་ངེ་འཛིན་ལ་སོགས་པའི་ལམ་གྱི་རིམ་པ་ལ་སློབ་པར་བྱེད་པ་དེ་རེད། སེམས་ཅན་དོན་བྱེད་ཀྱི་ཚུལ་ཁྲིམས་ནི། དངོས་སུ་བསྡུ་དངོས་བཞི་ལ་སོགས་པའི་སྒོ་ནས་སེམས་ཅན་གྱི་དོན་མཛད་པ་དེ་རེད། མདོར་བསྡུས་ན་རྒྱལ་སྲས་བྱང་ཆུབ་སེམས་དཔའི་ཚུལ་ཁྲིམས་ཐམས་ཅད་ནི་གཞན་དོན་བསྒྲུབ་པའི་ནང་དུ་མ་འདུས་པ་ཞིག་མེད། དེའི་ཕྱིར་ན་རྒྱལ་བ་སྲས་དང་བཅས་པ་ཐམས་ཅད་ཀྱི་རྗེས་སུ་བསླབས་ནས་བདག་ཚུལ་ཁྲིམས་རྣམ་པར་དག་པའི་དགེ་ཚུལ་སློང་གཙང་མ་བྱང་ཆུབ་སེམས་དཔའི་སྡོམ་པ་དང་ལྡན་པ་སེམས་ཅན་ཐམས་ཅད་ལ་ཕན་པ་སྒྲུབ་པ་ཞིག་གི་སྐྱེ་བ་ལེན་ནུས་པར་ཤོག་ཅིག་ཅེས་སྨོན་ལམ་བཏབ་ན་དེ་ཡང་ས་དང་པོ་ཡན་ཆད་ཀྱི་སྨོན་ལམ་རེད། བཞི་པ་སྐད་སྣ་ཚོགས་ཀྱིས་ཆོས་སྟོན་པ་ནི། ལྷ་ཡི་སྐད་དང་ཀླུ་དང་གནོད་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང༌། །འགྲོ་བ་ཀུན་གྱི་སྒྲ་རྣམས་ཇི་ཙམ་པར། །ཐམས་ཅད་སྐད་དུ་བདག་གིས་ཆོས་བསྟན་ཏོ། །ཞེས་གསུངས་པའི་དོན་ནི། ས་དང་པོ་ཡན་ཆད་ཀྱི་ཡིན་པའི་ངེས་པ་མེད། ནམ་མཁའ་མ་སྟོང་གི་བར་དུ་འགྲོ་བ་བྱ་ལ་བྱ་ཡི་སྐད་དང་། རི་དྭགས་ལ་རི་དྭགས་ཀྱི་སྐད་དང་ལྷ་ལ་ལྷ་ཡི་སྐད་དང་། ཀླུ་ལ་ཀླུ་ཡི་སྐད་དང༌། མི་ལ་མི་ཡི་སྐད་དང༌། གནོད་སྦྱིན་ལ་གནོད་སྦྱིན་གྱི་སྐད་དང༌། རང་རང་སོ་སོའི་སྐད་ཀྱིས་རང་རང་སོ་སོའི་བློ་ཡི་རིམ་པ་དང་མཐུན་པའི་རང་རང་སོ་སོའི་མོས་པའི་ཆོས་སྟོན་ནུས་པའི་སྨོན་ལམ་བཏབ་ནི་རེད། སེམས་ཅན་ཐམས་ཅད་གང་ལ་གང་འདུལ་གྱིས་ཆོས་སྟོན་ཐུབ་དགོས་མ་གཏོགས་རང་ཅག་གི་སྐད་རྐྱང་པ་ཞིག་གིས་ཆོས་བཤད་དགོས་ན་མཐའ་ཡས་པའི་སེམས་ཅན་ཐམས་ཅད་ཀྱི་དོན་སྒྲུབ་ཐུབ་ནི་མ་རེད། དེའི་ཕྱིར་ན་ཁྭ་ཏ་ལ་ཁྭ་ཏའི་སྐད་ཀྱིས་ཆོས་བཤད་ནུས་པར་ཤོག་ཅིག་གསུངས་ནི་རེད། ངེད་ཅག་བླ་རུང་སྒར་ནའང་ཁྭ་ཏ་ངོ་མཚར་ཅན་མང་པོ་ཡོད། བྱང་ཆུབ་སེམས་དཔའི་སྤྲུལ་བ་རེ་ཡིན་ཤས་ཆེ། རྒྱུན་དུ་ཀུན་དགའ་ར་བའི་ཁ་སྐོར་ན་ཨོཾ་ཨཱཿཧཱུྃ། ཨོཾ་ཨཱཿཧཱུཾ། ༀ་ཨཱཿཧཱུཾ། ཞེས་ཟེར་ནས་རྒྱུན་དུ་གྲག་གིན་འདུག གྲུབ་ཆེན་རིན་པོ་ཆེས། ཨ་ཝ་ཀོ་ཝ་ལ་སོགས་ལེགས་སྦྱར་སྐད། །ཅེས་སོགས་ཁྭ་ཏའི་བསྟོད་པའི་ནང་དུ་གསུངས་ཡོད། ཨ་ཝ་དང་ཨ་ལི་ཀ་ལིའི་དབྱངས་སྙན་སྒྲོག་དུས་ངོ་མ་བྱང་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུ་། ཆུབ་སེམས་དཔའི་སྤྲུལ་པ་ཞིག་ཡིན་འདུག བྱ་རིགས་རྣམས་ལ་ཨ་ཝ་ཀོ་ཝའི་སྒྲ་གདངས་ཀྱིས་ཆོས་འཆད་བཞིན་ཡོད་ནའང་ཐང༌། སྐྱེ་བ་ཚེ་རབས་ཀྱི་བར་དུ་དེ་ལྟ་བུའི་རྣམ་པ་སྣ་ཚོགས་ཀྱིས་སེམས་ཅན་ཐམས་ཅད་ལ་ཆོས་སྟོན་ནུས་པར་ཤོག་ཅིག་བསམས་ནས་སྨོན་ལམ་གདབ་དགོས་ནི་རེད། ལྔ་པ་དགེ་བ་ལ་བརྩོན་པ་ནི། དེས་ཤིང་ཕ་རོལ་ཕྱིན་ལ་རབ་བརྩོན་ཏེ། །ཞེས་གསུངས་ཏེ། དེས་ཤིང་ནི་རང་རྒྱུད་ཞི་ཞིང་དུལ་བའི་བྱང་ཆུབ་སེམས་དཔའ་ཞིག་ལ་ཟེར་ནི་རེད། བྱང་ཆུབ་སེམས་དཔའི་སྤྱོད་ལམ་ནི། ཞི་ཞིང་དུལ་བ་གཞན་ལ་གནོད་པ་མེད་པའི་སྒོ་ནས་ཕ་རོལ་ཏུ་ཕྱིན་པ་དྲུག་ལ་སློབ་པར་བྱེད་དེ། སྦྱིན་པ་སྦྱིན། ཚུལ་ཁྲིམས་སྲུང་། བཟོད་པ་བསྒོམ། བརྩོན་འགྲུས་རྩོམ། བསམ་གཏན་གྱི་དོན་ལ་མཉམ་པར་བཞག ཐོས་བསམ་སྒོམ་པའི་ཤེས་རབ་ཀྱི་ལམ་ཡང་དག་པ་ཉམས་སུ་ལེན་རྒྱུ་དེ་རེད། དེ་ལྟ་བུའི་ཕ་རོལ་ཏུ་ཕྱིན་པ་ཐོབ་པར་གྱུར་ཅིག་གསུངས་ནི་རེད། དྲུག་པ་རྒྱུ་ལྔ་པོ་དེས་བྱང་ཆུབ་ཀྱི་སེམས་མི་བརྗེད་པ་ནི། བྱང་ཆུབ་སེམས་ནི་ནམ་ཡང་བརྗེད་མ་གྱུར། །ཅེས་གསུངས་ཏེ། རྒྱུ་ལྔ་པོ་དེ་ཡོད་ན་བྱང་ཆུབ་ཀྱི་སེམས་རྒྱུད་ལ་སྐྱེ་ནི་རེད། རྒྱུ་ལྔ་པོ་མེད་ན་བྱང་ཆུབ་ཀྱི་སེམས་རྒྱུད་ལ་སྐྱེ་ཡང་དཀའ། གལ་ཏེ་སྐྱེ་ཡང་ཉམས་པར་འགྱུར་ནི་རེད། དེས་ན་ད་ལྟ་ཚེ་རབས་མ་དྲན་ན་བྱང་ཆུབ་སེམས་ཉམས་པར་འགྱུར་བ་དང༌། རབ་ཏུ་མ་བྱུང་བ་དང་ཚུལ་ཁྲིམས་རྣམ་པར་མ་དག་ན་བྱང་ཆུབ་ཀྱི་སེམས་རྒྱུད་ལ་མི་སྐྱེ་བ་དང༌། འགྲོ་བ་སེམས་ཅན་ཐམས་ཅད་ལ་རང་རང་སོ་སོའི་སྐད་ཀྱིས་ཆོས་སྟོན་མ་ནུས་པ་དང་དགེ་བ་ལ་བརྩོན་མ་ནུས་ན་བྱང་ཆུབ་སེམས་དཔའི་ལམ་ལ་སློབ་པར་མི་ནུས། དེའི་ཕྱིར་ན་དེ་ལྔ་པོ་ཡོད་ན་བྱང་ཆུབ་ཀྱི་སེམས་རྒྱུད་ལ་སྐྱེ་ནི་རེད། བྱང་ཆུབ་ཀྱི་སེམས་རིན་པོ་ཆེ་འདི་ནི་ནམ་ཡང་བརྗེད་པར་མ་གྱུར་ཅིག་ཅེས་གསུངས་ནི་རེད། བྱང་ཆུབ་ཀྱི་སེམས་ཟེར་རྒྱུ་དེ་གང་འདྲ་ཞིག་ཡིན་སྙམ་ན། མཐའ་ཡས་པའི་སེམས་ཅན་ཐམས་ཅད་སངས་རྒྱས་ཀྱི་ས་ལ་ངས་འགོད་པར་བྱ། ངས་འགོད་ཐུབ་པ་ཞིག་བྱེད་བསམ་རྒྱུའི་དམ་བཅའ་བྱེད་རྒྱུ་དེ་སྨོན་པ་སེམས་བསྐྱེད་རེད། མཐའ་ཡས་པའི་སེམས་ཅན་ཐམས་ཅད་སངས་རྒྱས་ཀྱི་ས་ཐོབ་པའི་ཆེད་དུ་ངས་དགེ་བ་བསྒྲུབ་སྡིག་པ་སྤང་བསམས་ནས་རང་ནུས་གང་ལྕོགས་ཀྱིས་སྒྲུབ་པར་བྱེད་པ་ནི་འཇུག་པ་སེམས་བསྐྱེད་ཅེས་བྱ། བྱང་ཆུབ་ཀྱི་སེམས་མི་ཉམས་པར་བྱ་བའི་ཕྱིར་དུ་ཉིན་ལན་གསུམ། མཚན་ལན་གསུམ་རང་རྒྱུད་ལ་ངེས་པར་དུ་བྱང་ཆུབ་ཀྱི་སེམས་ལེན་དགོས་གསུངས་ཏེ། སྤྱོད་ཡུལ་ཡོངས་སུ་དག་པའི་མདོ་སྡེ་དང་། སྨིན་གླིང་ལོ་ཆེན་གྱི་སྡོམ་གསུམ་དཔག་བསམ་སྙེ་མ་སོགས་ཀྱི་སྐབས་ན་ཡང་གསུངས་ཡོད། བདུན་པ་འགལ་རྐྱེན་བྲལ་བར་སྨོན་པ་ནི། སྡིག་པ་གང་རྣམས་སྒྲིབ་པར་གྱུར་པ་དག །དེ་དག་མ་ལུས་ཡོངས་སུ་བྱང་བར་ཤོག །ཅེས་སྲོག་གཅོད་པ་ལ་སོགས་པའི་སྡིག་པ་དང་སྒྲིབ་པར་གྱུར་པ་དེ་དག་ཐམས་ཅད་ཡོངས་སུ་དག་ཅིང་བྱང་བར་གྱུར་ཅིག་ཅེས་སྨོན་ལམ་བཏབ་ནི་རེད། རང་གི་རྒྱུད་ལ་བྱང་ཆུབ་ཀྱི་སེམས་སྐྱེ་བར་ཤོག་ཅིག རང་གཞན་གྱི་རྒྱུད་ལ་བྱང་ཆུབ་ཀྱི་སེམས་སྐྱེ་བའི་གེགས་སུ་སྡིག་པ་དང་སྒྲིབ་པ་ཐམས་ཅད་ཡོངས་སུ་དག་པར་གྱུར་ཅིག་ཅེས་བསམ་པ་ཙམ་གྱིས་ཆོགསྤྱི་དོན་གསུམ་པ། མ་གོས་པའི་སྤྱོད་པའམ་མ་ཆགས་པའི་སྒོ་ནས་སྨོན་པ་ནི། ལས་དང་ཉོན་མོངས་བདུད་ཀྱི་ལས་རྣམས་ལས། །གྲོལ་ཞིང་འཇིག་རྟེན་འགྲོ་བ་རྣམས་སུ་ཡང༌། །ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོགས་པ་མེད་ལྟར་སྤྱད། ཅེས་གསུངས་ཏེ། མ་གོས་པའི་སྤྱོད་པ་ནི་སེམས་ཅན་གྱི་དོན་བསྒྲུབ་པའི་གནས་སྐབས་ན། སྐྱོན་གྱིས་མ་གོས་པ་ཞིག་དགོས་ནི་རེད། དེ་གང་ཡིན་ཞེ་ན། འོག་ཏུ། ལས་ཀྱི་སྟོབས་རྣམས་ཡོངས་སུ་དགབྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞེས་སོགས་ཀྱི་སྐབས་སུ་རྒྱས་པར་བཤད་པ་མ་གཏོགས་འདི་གཉིས་ནང་དོན་གཅིག་ཡིན་པས་དེ་ལྟར་ཤེས་དགོས། སྔོན་ཆད་ངེད་ཅག་གིས་རྒྱ་གར་རྡོ་རྗེ་གདན་གྱི་མཆོད་རྟེན་ལ་བསྐོར་བའི་གནས་སྐབས་ཉིན་ཁ་ཤས་ཀྱི་རིང་ལ། ཉིན་མཚན་བར་མེད་དུ་སྨོན་ལམ་གདབ་རྒྱུའི་གཙོ་བོ། ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞེས་སྨོན་ལམ་འདི་བཏབ་ནི་ཡིན། དེས་ན་ལས་དང་ཉོན་མོངས་པའི་སྐྱོན་གྱིས་གོས་ཉན་ནི་མ་རེད། ལས་ཀྱི་སྐྱོན་ནི། སྲོག་གཅོད་པ་དང༌། མ་བྱིན་ལེན་པ་དང༌། འདོད་པའི་ལོག་པར་གཡེམ་པ་སོགས་མདོར་ན་མི་དགེ་བ་བསག་རྒྱུ་དེ་ལས་ཡིན། དེ་ལྟ་བུའི་ལས་ཀྱིས་ཡོངས་སུ་མ་གོས་པར་གྱུར་ཅིག ཉོན་མོངས་པ་རང་གི་རྒྱུད་ལ་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་ལ་སོགས་པ་ཉོན་མོངས་དེ་དག་གིས་མ་གོས་པར་གྱུར་ཅིག་ཅེས་གསུངས། བདུད་རྒྱུད་ལ་ཞུགས་ན་སངས་རྒྱས་ལ་མི་དགའ། ཆོས་ལ་མི་དགའ། དགེ་འདུན་ལ་མི་དགའ། དཀོན་མཆོག་གསུམ་ལ་རྒྱབ་ཀྱིས་ཕྱོགས་ཤིང་། གྲོགས་ངན་པ་ལ་དགའ། བཟང་པོའི་སྤྱོད་པ་ལ་མི་སྤྲོ་བ་དེ་རྣམས་ནི་བདུད་ཀྱི་ལས་རེད། དེ་དག་ཐམས་ཅད་ཀྱིས་མི་གོས་པར་གྱུར་ཅིག་གསུངས་ནི་རེད། རང་དོན་གྱི་སྒོ་ནས་ཇི་ལྟར་པདྨོ་ཆུས་མི་ཆགས་པ་བཞིན་དང༌། གཞན་དོན་དུ་ཉི་ཟླ་ནམ་མཁར་ཐོགས་པ་མེད་ལྟར་སྤྱད་གསུངས་ནི་རེད། རང་དོན་དེ་ཇི་འདྲ་ཞིག་ཡིན་ཟེར་ན། རང་འཁོར་བ་ན་གནས་ནས་སེམས་ཅན་གྱི་དོན་མཛད་པའི་གནས་སྐབས་སུ་གང་ལ་གང་འདུལ་གྱིས་འགྲོ་དོན་མཛད་ནི་རེད། སྨད་འཚོང་མ་དང་། ཤན་པ་གདོལ་བ། གཡོག་པོ་སྡུག་སྤྱོད་ཅན་ཕལ་བས་འགྲོ་དོན་མཛད་པའི་གནས་སྐབས་ན། རང་གི་རྒྱུད་ལ་ལས་དང་ཉོན་མོངས་པ་དང་། བདུད་ཀྱིས་མ་གོས་པ། དཔེར་ན། པདྨོ་འདམ་ལས་སྐྱེས་ཀྱང་འདམ་གྱིས་མ་གོས་ཤིང་ཆུ་ལས་སྐྱེས་ཀྱང་ཆུ་ཡིས་མ་གོས་པ་ལྟ་བུ་རང་རྒྱུད་སྐྱོན་གྱིས་མ་གོས་པར་ཤོག་ཅིག དེ་ནི་བདག་དོན་དུ་སྨོན་པ་རེད། དེ་ནས་ཉི་ཟླ་གཉིས་ནམ་མཁའི་ཁམས་སུ་བསྐྱོད་པའི་གནས་སྐབས་ན་རླུང་དང་སྤྲིན་དང་གཞན་འབྱུང་བ་གང་གིས་ཀྱང་འགོག་མི་ནུས་པར་རང་ཤུགས་ཀྱིས་འགྲོ་བ་ལྟར། རང་གིས་གཞན་དོན་སྒྲུབ་པར་བྱེད་པ་ལ་གང་གིས་ཀྱང་གེགས་བྱེད་མི་ནུས་པ་དང༌། རང་གིས་གཞན་སེམས་ཅན་ཐམས་ཅད་ཀྱི་དོན་མཛད་པ་ལ་ཆགས་ཐོགས་མེད་པ་ཞིག་ཏུ་འགྱུར་བར་ཤོག་ཅིག་ཅེས་གསུངས་ནས་སྨོན་ལམ་བཏབ་ནི་རེད། མཁས་པ་སྔ་མའི་གསུངས་པ་དེ་ཚུལ་བཞིན་མི་དྲན་ཡང་ཕལ་ཆེར་ཚིག་དོན་འདི་ལྟར་ཡིན་སྙམ་མོ། །སྤྱིར་ན་བཟང་སྤྱོད་ཀྱི་འགྲེལ་བ་ཐམས་ཅད་ཀྱི་ནང་ན་བཟང་ཤོས་རྒྱས་ཤོས་ཤིག་ཇོ་ནང་ཀུན་མཁྱེན་ཏ་ར་ནཱ་ཐས་གསུངས་པ་དེ་རེད། སྔོན་ཆད་ང་ལྕང་མ་རི་ཁྲོད་དུ་མ་སོང་གོང་དུ་ལན་གཅིག་མཇལ་མྱོང་ཡང་ད་ལྟ་སྣང་ལ་མ་ངེས་པ་ཉིད་དུ་གྱུར་འདུག་པས་ཅི་ཡང་མི་དྲན། དེ་མ་གཏོགས་བཟང་སྤྱོད་ཀྱི་འགྲེལ་བ་རྒྱས་པ་ཞིག་མཇལ་མ་མྱོང་། དེས་ན་རང་བཟོ་བྱས་ཏེ་འགྲེལ་བ་མ་གཏོགས་སྨིན་གླིང་ལོ་ཆེན་སོགས་ཀྱིས་སྤྲོས་མེད་བྱས་ཏེ་འགྲེལ་ཡོད་པས་གང་ཡིན་གསལ་བོར་ཐག་མི་ཆོད་ཀྱང་ཧ་ལམ་འདི་ལྟར་འགྲེལ་ན་སྟོན་པ་བཅོམ་ལྡན་འདས་ཀྱི་གསུང་དང་མཐུན་པས་དེས་ཆོག་གམ་སྙམ། ངེད་ཅག་རྒྱ་ནག་རི་བོ་རྩེ་ལྔར་བོད་རིགས་ཁྲི་ཕྲག་གཅིག་དང་མཉམ་དུ་བཟང་སྤྱོད་སྨོན་ལམ་ཉིན་དང་པོ་འདོན་པའི་གནས་སྐབས་ན། ཆོས་རྒྱལ་མྱ་ངན་མེད་པས་སྔོན་སྨོན་ལམ་གྱི་སྟོབས་ཀྱིས་དེ་བཞིན་གཤེགས་པའི་དྲུང་དུ་ཕེབས་པ་རེད། མ་འོངས་པར་གནོད་སྦྱིན་རྣམས་འཁོར་སའི་གནས་ཤིག་ཏུ་མཆོད་རྟེན་བྱེ་བ་གཅིག་བཞེངས་ནི་རེད། དེའི་མཆོད་རྟེན་བྱེ་བ་གཅིག་གི་ནང་གི་གཅིག་འདི་རེད། དེའི་དྲུང་དུ་སྨོན་ལམ་འདེབས་དུས་དགེ་འདུན་པ་ཚང་མ་འཚོགས་ཡོད། དེའི་སྐབས་སུ་ང་རང་ཐོན་པ་དང་མཉམ་དུ་དགེ་འདུན་པ་ཚང་མ་གདན་ལས་བཞེངས་ཀྱང་། འདོན་པ་ཁ་ནས་མ་ཆད་པར་ངའི་རྐང་པ་ཁྲི་སྟེང་ལ་འཇོག་དུས་ཇི་ལྟར་པདྨོ་ཆུས་མི་ཆགས་པ་བཞིན་གསུངས། ང་རང་ཁྲི་སྟེང་དུ་འདུག་དུས་ཉི་ཟླ་ནམ་མཁར་ཐོགས་པ་མེད་ལྟར་སྤྱད་ཅེས་གསུངས་པ་དང་འཕྲད། ངས་ཀྱང་དེ་ལྟ་བུ་ཞིག་ཆེད་དུ་བསྒྲིགས་པ་མིན། དགེ་འདུན་པ་རྣམས་ཀྱིས་ཀྱང་ཆེད་དུ་བསྒྲིགས་པ་མིན་ཡང་རྟེན་འབྲེལ་ཧ་ཅང་ལེགས་པོ་ཞིག་འགྲིག་སོང་བས་དགའ་ཞིང་སྐྱིད་པའི་ངང་ནས་བྱང་ཆུབ་མཆོག་ཏུ་སེམས་བསྐྱེད་པའི་ཐོག་མའང་དེ་ཡིན། ང་རང་གི་ལུས་རྟེན་འདི་ལ་ཡང་བསྟན་པ་དང་སེམས་ཅན་གྱི་དོན་རྒྱ་ཆེན་པོ་ཞིག་འགྲུབ་རྒྱུ་རེད་བསམ། དེ་ལ་བར་ཆད་ཆེན་པོ་ཡོད་རྒྱུ་མ་རེད་བསམས་ནས་དགའ་སྤྲོ་ཆེན་པོ་ཞིག་སྐྱེས་བྱུང་། རྟེན་འབྲེལ་ཐོག་མ་ཡང་དེའི་སྐབས་སུ་འགྲིག དེ་ཚུན་ཆོད་བསྟན་པ་དག་སྒྲིག་བྱེད་པ་སོགས་ཀྱི་སྐབས་སུ་ཡང་འགལ་རྐྱེན་མང་པོ་ཞིག་ལྡང་ཡང་གང་གིས་ཀྱང་མ་གོས་པ་དེ་ཡང་དེའི་སྟོབས་ཀྱིས་ཡིན། སྤྲུལ་སྐུ་བསྟན་འཛིན་རྒྱ་མཚོས་རི་བོ་རྩེ་ལྔ་ལ་འགྲོ་བའི་རྟོགས་བརྗོད་ཀྱི་སྐབས་སུ་རྒྱས་པར་གསུངས་ཡོད་པ་ལྟར་རོ། །སྔར་ཡང་རྟེན་འབྲེལ་བཟང་པོ་འགྲིག་ནི་ཡིན། ད་ལྟའི་གནས་སྐབས་ན་ཡང་ཧ་ཅང་སྐལ་བ་བཟང་པོ་ཞིག་རེད། ངེད་ཅག་གིས་སྐྱེ་བ་ཚེ་རབས་ཀུན་ཏུ་ཇི་ལྟར་པདྨོ་ཆུས་མི་ཆགས་པ་བཞིན་ཉི་ཟླ་ནམ་མཁར་ཐོགས་པ་མེད་ལྟར་སྤྱད་ཅེས་པ་ལྟ་བུའི་འགྲོ་དོན་རྒྱ་ཆེན་པོ་འབྱུང་རྒྱུའི་རྟེན་འབྲེལ་སྔར་ཡང་འགྲིག་ནི་རེད། ད་ལྟ་ཡང་འགྲིག་པར་ཁྱེད་རྣམ་པས་ཀྱང་སྨོན་ལམ་ཡང་ཡང་ཐོབ། མཐུན་འགྱུར་ཡང་གནོངས། སྤྱི་དོན་བཞི་བ་ཕན་བདེ་ལ་འགོད་པར་སྨོན་པ་ནི། ཞིང་གི་ཁྱོན་དང་ཕྱོགས་རྣམས་ཅི་ཙམ་པར། །ངན་སོང་སྡུག་བསྔལ་རབ་ཏུ་ཞི་བར་བྱེད། །བདེ་བ་དག་ལ་འགྲོ་བ་ཀུན་འགོད་ཅིང༌། །འགྲོ་བ་ཐམས་ཅད་ལ་ནི་ཕན་པར་སྤྱད། །ཅེས་གསུངས་ཏེ། མི་མཇེད་འཇིག་རྟེན་གྱི་ཁམས་དང་མདོ་སྡེ་དྲན་པ་ཉེར་བཞག་ལ་སོགས་པས་རགས་བསྡུས་ཀྱི་སྒོ་ནས་གསུངས་པའི་ཚ་དམྱལ་བརྒྱད་གྲངས་དམྱལ་བརྒྱད་ཉི་ཚེ་ཉེ་འཁོར་ཏེ། དམྱལ་ཁམས་བཅོ་བརྒྱད་ཅེས་བཤད་ཀྱང༌། སྤྱིར་དམྱལ་བ་ཞེས་གྲངས་གཞལ་དུ་མེད་པ། དཔག་ཏུ་མེད་པ་ཞིག་རེད། སྔོན་ཆད་ཤུག་ཆུང་མཁའ་འགྲོ་མའི་གསུང་ལས། དམྱལ་བ་ཟེར་རྒྱུ་དེ་ནི། ཡང་སོས་ཐིག་ནག་ཟེར་རྒྱུ་ཅི་ཡང་མེད་པར་གྲངས་གཞལ་དུ་མེད་པ་ཞིག་རེད་ཅེས་གསུངས་པ་དེ་བདེན་པ་རེད། གོང་དུ་བཤད་པ་ནི་དམྱལ་བའི་སྡུག་བསྔལ་གྱི་རིགས་ཙམ་བསྡུས་ཏེ་བཅོམ་ལྡན་འདས་ཀྱིས་སྤྱི་ཁྱབ་ཀྱི་དབང་དུ་བྱས་ཏེ་གསུངས་པ་ཙམ་རེད་མ་གཏོགས་མཐའ་གཅིག་ཏུ་ངེས་པ་མེད། དེ་ལྟ་བུའི་དམྱལ་བ་འམ། ཡི་དྭགས་དང་། དུད་འགྲོ་ལ་སོགས་པ་གྲངས་མེད་པ་རེད། མདོར་ན་ཕྱོགས་བཅུའི་ཞིང་རབ་འབྱམས་ན་ཡོད་པའི་ངན་སོང་གི་སྡུག་བསྔལ་ཐམས་ཅད་རབ་ཏུ་ཞི་བར་ཤོག་ཅིག་ཅེས་གསུངས་ནི་རེད། བདེ་བ་ཐོབ་པར་བྱ་བའི་ཕྱིར་དུ་བདག་གིས་སེམས་ཅན་གྱི་དོན་ལ་བརྩོན་པར་ཤོག་ཅིག་ཕན་ཐོགས་པར་བྱ་བའི་ཕྱིར་དུ་བདག་གིས་ལམ་ལྷག་པའི་བསླབ་པ་གསུམ་གྱི་ལམ་ལ་སློབ་ནུས་པར་ཤོག་ཅིག་གསུངས་ཏེ། གནས་སྐབས་ཀྱི་བདེ་བ་དང་མཐར་ཐུག་སངས་རྒྱས་ཀྱི་ས་ལ་འགོད་པར་གྱུར་ཅིག དེར་དགོད་པར་བྱ་བའི་ཕྱིར་དུ་བདག་གིས་ཀྱང་དེ་ལྟ་བུའི་སྤྱོད་པ་ལ་སྤྱོད་ནུས་པར་ཤོག་ཅིགསྤྱི་དོན་ལྔ་བ་གོ་ཆ་བགོ་བའི་སྒོ་ནས་སྨོན་པ་ནི། བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང༌། །སེམས་ཅན་དག་གི་སྤྱོད་དང་མཐུན་པར་འཇུག །བཟང་པོ་སྤྱོད་པ་དག་ནི་རབ་སྟོན་ཅིང་། །མ་འོངས་བསྐལ་པ་ཀུན་ཏུ་སྤྱོད་པར་གྱུར། །ཅེས་གསུངས་ཏེ། གོ་ཆ་ཞེས་པ་ནི་སྙིང་སྟོབས་ཆེན་པོ་ལ་ཟེར་བ་ཡིན། རང་གི་བྱང་ཆུབ་སྤྱོད་པ་མ་ལུས་པ་རྫོགས། དེ་ནས་སེམས་ཅན་དག་གི་སྤྱོད་པ་དང་མཐུན་པར་འཇུག་སེམས་ཅན་དག་གི་སྤྱོད་པ་དང་མ་མཐུན་ན། ངེད་ཅག་གིས་མིའི་ལུས་རྟེན་གྱི་སྟེང་ནས་བྱ་ཞིག་ལ་ཆོས་བཤད་དགོས་ན་བྱ་ཐམས་ཅད་འུར་རྡོས་སྒྲོག་པ་བཞིན་དུ་བྲོས་འགྲོ་ངེས་ཅན་ཡིན། བྱ་ལ་བྱ་ཉིད་དུ་སྤྲུལ། རི་དྭགས་ལ་རི་དྭགས་ཉིད་དུ་སྤྲུལ་ནས་རང་གི་སྤྱོད་པ་རྫོགས། གཞན་གྱི་སྤྱོད་པ་དང་མཐུན་དགོས་ནི་རེད། སྤྱོད་པ་དང་མ་མཐུན་ན་དཔེར་ན། ཐེག་པ་ཆེན་པོའི་ཆོས་བཤད་དུས་ཐེག་དམན་གྱི་ལུང་དྲངས་མི་ཉན་མ་གཏོགས་གཉིས་ཀ་བྱང་ཆུབ་སེམས་དཔའི་རྩ་ལྟུང་ཡིན་ཚུལ་འདྲ་བ་རེད། མདོར་ན་སེམས་ཅན་ཐམས་ཅད་ཀྱི་བསམ་སྤྱོད་དང་མཐུན། སེམས་ཅན་ཐམས་ཅད་ལ་གང་ལ་གང་འདུལ་གྱིས་ཆོས་སྟོན། རང་གིས་བཟང་པོ་སྤྱོད་པ་འདི་ལ་སྤྱད། སེམས་ཅན་ཐམས་ཅད་བཟང་པོ་སྤྱོད་པ་ལ་སྤྱད་དུ་བཅུག་ནས། ཚུལ་ཁྲིམས་བསྲུང་། ཏིང་འཛིན་བསྒོམ། བདག་མེད་རྟོགས་པའི་ཤེས་རབ་རྣམས་ཀྱི་ནང་དུ་མ་འདུས་པ་མེད། དེ་ལ་འཇུག་ནུས་པར་ཤོག་ཅིག་གསུངས་ནི་རེད། སྤྱི་དོན་དྲུག་པ། སྐལ་མཉམ་གྱི་གྲོགས་དང་འགྲོག་པར་སྨོན་པ་ནི། བདག་གི་སྤྱོད་དང་མཚུངས་པར་གང་སྤྱོད་པ། །དེ་དག་དང་ནི་རྟག་ཏུ་འགྲོག་པར་ཤོག །ལུས་དང་ངག་རྣམས་དང་ནི་སེམས་ཀྱིས་ཀྱང་། །སྤྱོད་པ་དག་དང་སྨོན་ལམ་གཅིག་ཏུ་སྤྱད། །ཅེས་གསུངས་ནས་བདག་གི་བསམ་པ་བཟང་པོ་ནི་བྱང་ཆུབ་ཀྱི་སེམས་རེད། སྤྱོད་པ་བཟང་པོ་ནི་གཞན་ཕན་བྱེད་པ་རེད། དེ་ལྟ་བུའི་སྤྱོད་པ་དང་མཐུན་པའི་གང་ཟག་ཐམས་ཅད་ལ་བདག་དུས་རྟག་ཏུ་འབྲལ་བ་མེད་པར་འགྲོག་པར་ཤོག་ཅིག་ཅེས་སྐལ་མཉམ་གྱི་གྲོགས་དང་འགྲོག་པར་སྨོན་པའོ། །གྲོགས་ངན་རྣམས་ཀྱི་དབང་དུ་འགྲོ་ཉན་ནི་མ་རེད། ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ་གྲོགས་བཟང་པོ་དང་འགྲོགས་ན་བཟང་པོར་འགྱུར་རྒྱུ་རེད། གྲོགས་ངན་པ་དང་འགྲོགས་ན་ངན་པར་འགྱུར་རྒྱུ་རེད། དེས་ན་ས་དང་པོ་ཐོབ་པ་ནས་བཟུང་སྟེ། སྤྱོད་པ་འདི་འདྲའི་གནས་སྤྱད་ན། །སྐྱེ་བོ་ཡོངས་ཀྱི་ཁྲོད་གནས་སམ། །བུད་མེད་ཁྲོད་ན་གནས་ཀྱང་རུང་། །སྡོམ་བཙུན་དམ་པ་ཉམས་མི་འགྱུར། །ཞེས་གསུངས་ཏེ། གཞན་དབང་དུ་འགྱུར་རྒྱུ་མ་རེད། དེ་མིན་ན་གྲོགས་བཟང་པོ་ལ་སྨོན་ལམ་འདེབས་དགོས་ནི་རེད། དུས་རྒྱུན་དུ་གྲོགས་བཟང་པོ་བཙལ་དགོས་ནི་རེད། གྲོགས་བཟང་པོ་ནི་མཆེད་གྲོགས་བཟང་པོ་རེད། ལུས་ཀྱི་སྒོ་དང་ངག་གི་སྒོ་དང་ཡིད་ཀྱི་སྒོ་ནས་ཀྱང་སྤྱོད་པ་གྲོགས་བཟང་པོ་ཐམས་ཅད་དང་ལྷན་ཅིག་ཏུ་འགྲོག་པར་སེམས་ཀྱིས་ཀྱང་སྨོན། ངག་གིས་ཀྱང་དེ་ལྟ་བུའི་སྨོན་ཚིག་བརྗོད། ལུས་ཀྱིས་ཀྱང་དེ་ལྟ་བུ་སྨོན་པའི་སྤྱོད་པ་ལ་འཇུག་ནུས་པར་ཤོག་ཅིག དཔེར་ན། ད་ངེད་ཅག་གིས་བཟང་སྤྱོད་དུང་སྒྲུབ་ཆེན་མོ་དང་། གར་དབང་རིག་འཛིན་འབུམ་ཚོགས་ཆེན་མོ་སོགས་ཆོས་ཀྱི་མཛད་སྒོ་རྒྱ་ཆེན་པོ་དགེ་འདུན་པའི་སྡེ་གྲངས་མང་པོ་འདི་ལྟ་བུ་དང་དུས་རྒྱུན་དུ་འཕྲད་པར་ཤོག་ཅིག འཕྲད་པ་ཙམ་གྱིས་མི་ཆོག་པར་དེ་དག་ཐམས་ཅད་དང་ལྟ་སྤྱོད་མཐུན་པའི་སྤྱོད་པ་བཟང་པོ་ལ་འཇུག་པར་གྱུར་ཅིག འཇུག་པ་ཙམ་གྱིས་མི་ཆོག་པར་འཇུག་པའི་འབྲས་བུ་ཡང་མཐར་ཕྱིན་པར་ཤོག་ཅིག་གསུངས་ཏེ། དེ་ལྟ་བུའི་གྲོགས་བཟང་པོ་དང་འཕྲད་པར་སྨོན་ལམ་འདེབས་དགོས་ནི་རེད། སྔོན་ཆད་ང་རང་རྒྱ་གར་ལ་འགྲོ་དུས་གོང་ས་སྐྱབས་མགོན་ཆེན་པོ་ལ། ཁྱེད་དང་ང་གཉིས་ཚེ་རབས་ཕྲེང་བ་རུ། །སྨོན་ལམ་ལས་ཀྱིས་འབྲེལ་ལ་གློ་བ་དགའ། །ད་དུང་དུ་ཡང་བྱང་ཆུབ་སྙིང་པོའི་བར། །བཟང་པོ་སྤྱོད་ལ་མཉམ་དུ་འཇུག་པར་སྨོན། །ཟེར་རྒྱུའི་ནང་དོན་ལྟར་རེད། ངེད་ཅག་ཚང་མས་ཀྱང་བྱང་ཆུབ་སྙིང་པོའི་བར་དུ་བཟང་པོ་སྤྱོད་པ་ལ་སྤྱོད་ནས་གྲོགས་བཟང་པོ་དང་མཉམ་དུ་འགྲོག་པར་སྨོན་ལམ་འདེབས་ནི་རེད། སྤྱི་དོན་བདུན་པ་དགེ་བའི་བཤེས་གཉེན་བསྟེན་ཅིང་མཉེས་པར་བྱེད་པ་ནི། བདག་ལ་ཕན་པར་འདོད་པའི་གྲོགས་པོ་དག །བཟང་པོ་སྤྱོད་པ་རབ་ཏུ་སྟོན་པ་རྣམས། །དེ་དག་དང་ཡང་རྟག་ཏུ་འཕྲད་པར་ཤོག །དེ་དག་བདག་གིས་ནམ་ཡང་ཡིད་མི་དབྱུང་། །ཞེས་གསུངས་ཏེ། བདག་ལ་ཕན་པར་བྱེད་པ་ནི་འཁོར་བ་ངན་སོང་གནས་ནས་བསྒྲལ་ཏེ་རྣམ་གྲོལ་གཏན་གྱི་བདེ་བ་ལ་འགོད་པར་བྱེད་པའི་གྲོགས་པོ་དེ་བླ་མ་རེད། གྲོགས་པོ་བླ་མ་བཟང་པོ་དང་རྟག་ཏུ་མི་འབྲལ་བར་ཤོག་ཅིག སྐྱེ་བ་ཚེ་རབས་ཀྱི་བར་དུ་བླ་མ་དང་མི་འབྲལ་བར་ཤོག་ཅིག དེ་ལྟ་བུའི་བླ་མ་བཟང་པོ་བྱང་ཆུབ་ཀྱི་སེམས་ཀྱིས་ཐུགས་རྒྱུད་བརྟུལ་ཡོད་པ། མདོར་ན་སྐྱེ་བ་ཚེ་རབས་ཀུན་ཏུ་དེ་ལྟ་བུའི་བླ་མ་བཟང་པོ་དེ་དང་མི་འབྲལ་བར་ཤོག་ཅིགབླ་མ་དང་འཕྲད་པ་ཙམ་གྱིས་མི་ཆོག་པར་རབ་སྒྲུབ་པའི་མཆོད་པ། འབྲིང་ཞབས་ཏོག་གི་མཆོད་པ། ཐ་མ་ཟང་ཟིང་གི་མཆོད་པའི་སྒོ་ནས་བླ་མའི་ཐུགས་མཉེས་པ་ཞིག་བྱེད་ནུས་པར་ཤོག་ཅིག་གསུངས་ཏེ་སྔོན་ཆད་རྒྱ་སྐོང་གཞན་དགའི་ཞལ་ནས། དགེ་མིང་འོན་པོ་བསྟན་དགའ་ལ་ཞུ་མཆིད་ཀྱི་སྐབས་ན། མཐུ་ཆེ་ཡང་རུང་ལ་ཆུང་ཡང་རུང་། །ངའི་བླ་མ་ཨོ་རྒྱན་བསྟན་འཛིན་ཡིན། །ཐོབ་མངའ་ཐང་ཆེ་ཡང་ཆུང་ཡང་རུང་། །སྤྲང་བདག་ལ་སྐྱབས་མགོན་ཁྱེད་ལས་མེད། །རྗེ་བླ་མ་བཀའ་དྲིན་མཚུངས་མེད་དེས། །ཐུགས་དགྱེས་ནས་བུ་དང་འདྲ་འོ་གསུངས། །ཞེས་གསུངས་པ་ལྟར་བླ་མ་གཞན་པ་རྣམས་ཀྱིས་ཐུགས་དགྱེས་ནས་བུ་དང་འདྲའོ་གསུངས་ཞེས་པ་དེ་སྔ་འགྱུར་རིག་འཛིན་བརྒྱུད་པའི་རྣམ་ཐར་ཐམས་ཅད་ཀྱི་ཆེ་ཤོས་ཤིག་རེད། ངས་ཀྱང་ཁྱེད་རྣམ་པར་ཞུ་མྱོང་། ང་གནུབས་ཟུར་དགོན་གྱིས་བསུ་མ་འོང་བའི་སྐབས་སུ་ཐུབ་དགའ་ཡིད་བཞིན་ནོར་བུས་ད་ཁོང་གི་ལུས་ཤ་ཁྲག་ལས་ཆད་པའི་གཅེས་སྤྲས་ཡོད་རྒྱུ་མ་རེད་ན་གསུངས་ནས་འགག་མཛད་དར། ཁོང་གིས་རྒྱུན་དུ་ལྗགས་མནའ་གསོལ་རྒྱུ་མིན་ཡང་དེ་ཉིན་འགག་མཛད་པ་དེར་ཡོད་ཀུན་གྱིས་ཐོས་སོ། །དེ་ལྟ་བུའི་བླ་མ་མཉེས་པའི་སྨོན་ལམ་འདེབས་དགོས་ནི་རེད། འཇིགས་མེད་རྒྱལ་བའི་མྱུ་གུས་ཀྱང་རྣམ་ཐར་དང་ཡོན་ཏན་ཐམས་ཅད་ཀྱི་གཙོ་བོ་འདི་ཡིན་གསུངས་ཡོད། ཁོང་ལ་གཞན་ཡོན་ཏན་གང་ཡང་མེད་ཀྱང་རིག་འཛིན་འཇིགས་མེད་གླིང་པ་ལ་སྐུ་ཚེ་གང་བོར་ཞལ་ལོག་དང་ཐེ་ཚོམ་ཙམ་ཡང་མཛད་པའི་སྤྱོད་པ་སྒྲུབ་མ་མྱོང་གསུངས་ཨོས་ཡོད། དེ་ལྟ་བུའི་བླ་མ་བཟང་པོ་དང་འཕྲད་པར་ཤོག་ཅིག བླ་མ་བཟང་པོ་དང་འཕྲད་ནས་བླ་མའི་ཐུགས་མཉེས་པ་ཞིག་ང་རང་གིས་བསྒྲུབ་ནུས་པར་ཤོག་ཅིག་བསམ་དགོས་སོ། །ངེད་ཅག་གིས་ཀྱང་སྔོན་ཆད་བསྐལ་པ་སྟག་གི་ལོ་སྨོན་ལམ་འདེབས་པའི་གནས་སྐབས་ན། བདག་ནི་འདི་ནས་ཚེ་རབས་ཐམས་ཅད་དུ། །བླ་མ་ལྷག་པའི་ལྷ་ཡིས་རྗེས་སུ་བཟུང་། །བསླབ་གསུམ་ཡོན་ཏན་རྒྱ་མཚོའི་གཏེར་ལ་དབང་། །བསྟན་འགྲོའི་དོན་ཆེན་འབད་མེད་འགྲུབ་པར་ཤོག །ཅེས་པ་འདི་བཏོན་ནས་སྨོན་ལམ་བཏབ་ནི་རེད། སྨོན་ལམ་དེ་ཡང་བླ་མ་དང་ལྷག་པའི་ལྷ། ཁྱད་པར་དུ་ཡང་བླ་མ་དང་འཕྲད་བླ་མའི་ཐུགས་མཉེས་པར་ཤོག་ཅིག་ཅེས་ཟེར་ནས་སྨོན་ལམ་ཐོབ། འདིའི་ཚིག་དོན་ལ་མི་གོ་རྒྱུ་མེད། ངས་ཀྱང་སྨོན་ལམ་བཏབ་རབས་ཨ་བཤད་ཡང་བཤད་ཡིན་ཡང་། དཔེར་ན། བླ་མ་མི་ཕམ་ཚང་གིས་མི་ཡུལ་དུ་ལུས་རྟེན་བཟུང་ནས་འགྲོ་དོན་མཛད་ན་ཁོང་གི་སློབ་མའི་བཟང་ཤོས། ཉེ་གནས་ཀྱི་མཆོག་ཐུགས་ལ་ཧ་ཅང་འཕྲོད་པའི་གང་ཟག་ཉིད་དུ་སྐྱེ་བ་ལེན་པར་ཤོག་ཅིག ཁོང་རྡོ་རྗེ་འཛིན་པ་ལྟ་བུའི་སྐྱེ་བ་བཞེས་ན། རབ་ན་ཁོང་གི་སྲས། ཁྱད་པར་དུ་ཁོང་གི་ཐུགས་ལ་ཧ་ཅང་མཛའ་བའི་བདེ་སྟོང་གི་ཡེ་ཤེས་སྐྱེད་པར་བྱེད་པའི་གཟུངས་མ་ཉིད་དུ་འགྱུར་བར་ཤོག་ཅིག གཞན་ཡང་བླ་མ་རིན་པོ་ཆེས་བྱ་དང་རི་དྭགས་ལ་སོགས་པའི་སྐྱེ་བ་བཞེས་ནས་འགྲོ་དོན་མཛད་པའི་གནས་སྐབས་ན་བླ་མ་རིན་པོ་ཆེ་ལུས་རྟེན་དམན་པ་ཁྭ་ཏ་ལྟ་བུ་ཞིག་གི་སྐྱེ་བ་བཞེས་ན་ཡང་དེའི་ཡིད་ལ་ཧ་ཅང་འཐད་པའི་ཁྭ་མོ་ཉིད་དུ་འགྱུར་བར་ཤོག་ཅིག་ཟེར་ནས་སྨོན་ལམ་བཏབ་ནི་ཡིན། ཁྱེད་རྣམ་པས་ཀྱང་དུས་རྒྱུན་དུ་བླ་མ་དང་མི་འབྲལ་བའི་སྨོན་ལམ་འདེབས་དགོས། བླ་མའི་ཐུགས་གང་གིས་མཉེས་ན་དེའི་ནང་ལ་མ་འདུས་པ་ཅི་ཡང་མེད་པས། དེ་ལ་སྨོན་ལམ་གདབ་དགོས་ནི་རེད། སྤྱི་དོན་བརྒྱད་པ་སངས་རྒྱས་མངོན་གྱུར་ལ་མཆོད་པའི་སྒོ་ནས་སྨོན་པ་ནི། སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །མངོན་སུམ་རྟག་ཏུ་བདག་གིས་རྒྱལ་བ་བལྟ། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་དག་ལ་ཡང་མཆོད་པ་རྒྱ་ཆེར་བགྱི། །ཞེས་གསུངས་ཏེ། སངས་རྒྱས་བྱང་ཆུབ་སེམས་དཔའ་གྲངས་མེད་དུང་ཕྱིར་མང་པོས་བསྐོར་ཡོད། སངས་རྒྱས་ཐམས་ཅད་ཀྱི་ཞལ་དེ་བདག་གིས་མངོན་སུམ་དུ་མཇལ་བར་ཤོག་ཅིག་ཅེས་གསུངས་ནི་རེད། ད་ལྟ་རང་གི་ཡིད་ལ་སྨོན་པའི་ལྷག་པའི་ལྷ་མྱུར་བ་ཉིད་དུ་ཐོག་མར་ཞལ་མཇལ་བར་ཤོག་ཅིག་ཅེས་ཟེར་བ་དང་། དེ་བཞིན་དུ་སངས་རྒྱས་སྲས་ཀྱིས་བསྐོར་བའི་མགོན་པོ་རྣམས་མངོན་སུམ་རྟག་ཏུ་བདག་གིས་ཞལ་མཇལ་བར་ཤོག་ཅིག ད་ལྟའི་ལྷ་མཇལ་བ་ཙམ་ཞིག་གིས་མི་ཚད་པར་སྐད་ཅིག་ཙམ་ཡང་རྒྱལ་བ་སྲས་བཅས་ཀྱི་ཞལ་མཐོང་རྒྱུ་གསུང་ཐོས་རྒྱུ་དེ་དང་མི་འབྲལ་བར་མ་འོངས་བསྐལ་པ་ཀུན་ཏུ་འཕྲད་པར་ཤོག་ཅིག་གསུངས་ནི་རེད། མ་འོངས་བསྐལ་པ་ཀུན་ཏུ་ཡང་དེ་ལྟ་བུའི་སངས་རྒྱས་སྲས་དང་བཅས་པ་ཐམས་ཅད་ཀྱི་ཞལ་མཇལ་གསུང་ཐོས་སྐད་ཅིག་ཙམ་ཡང་མི་འབྲལ་བར་ཤོག་ཅིག་གསུངས་ནས་སྨོན་ལམ་བཏབ་ནི་རེད། སྤྱི་དོན་དགུ་པ་དམ་ཆོས་ཡོངས་སུ་འཛིན་པར་སྨོན་པ་ནི། ད་གྲོགས་བཟང་པོ་དང་ནི་འགྲོགས། བླ་མ་ནི་བརྟེན། སངས་རྒྱས་ནི་མཇལ། ད་སྤྱོད་པ་བཟང་པོ་རྣམ་པར་དག་པ་ཞིག་དགོས་ནི་རེད། དེ་ལ་སྨོན་པ་ནི། རྒྱལ་བ་རྣམས་ཀྱི་དམ་པའི་ཆོས་འཛིན་ཅིང༌། །བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྦྱོང་བ་ཡང༌། །མ་འོངས་བསྐལ་པ་ཀུན་ཏུ་སྤྱད་པར་བགྱི། །ཞེས་གསུངས་ཏེ་སངས་རྒྱས་ཐམས་ཅད་ཀྱིས་གསུངས་པའི་ཆོས་ལ་རང་ཉིད་འཇུག་པའི་སྤོབས་པ་དང་། མི་བརྗེད་པའི་གཟུངས་དང་། སངས་རྒྱས་ཐམས་ཅད་ཀྱི་གསུང་དེ་བློ་ཡུལ་ལ་ལོན་འགྲོ་རྒྱུ་དེ་ལ་སྤོབས་པ་ཟེར་ནི་རེད། སྤོབས་པས་ནི་སྔར་མེད་ཀྱི་ཡོན་ཏན་ཐམས་ཅད་རང་རྒྱུད་ལ་སྒྲུབ་པར་བྱེད་ནི་རེད། གཟུངས་ཀྱིས་ནི་སྔར་ཡོད་ཀྱི་ཡོན་ཏན་ཐམས་ཅད་མི་ཉམས་པར་བྱེད་ནི་རེད། དོན་གྱི་ཆོས་ཐམས་ཅད་རང་གིས་འཛིན་ནུས་པར་ཤོག་ཅིག དེ་ལྟ་བུའི་བྱང་ཆུབ་སེམས་དཔའི་སྤྱོད་པ་ལ་བསླབས། དེ་ཡང་ལུས་རྟེན་འདི་ཙམ་མ་ཡིན་པར་མ་འོངས་བསྐལ་པ་ཀུན་ཏུ་ནམ་མཁའ་འདི་མ་སྟོང་གི་བར་དུ་བྱང་ཆུབ་སེམས་དཔའི་བསམ་པ་ཕུན་སུམ་ཚོགས་པ་སྤྱོད་པ་ཕུན་སུམ་ཚོགས་པ་དེ་ལ་བདག་གིས་སློབ་ནུས་པར་ཤོག་ཅིག་ཟེར་ནས་སྨོན་ལམ་བཏབ་ནི་རེད། སྤྱི་དོན་བཅུ་པ་མི་ཟད་པའི་མཛོད་རྙེད་པའི་སྒོ་ནས་སྨོན་པ་ནི། སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང་། །ཡོན་ཏན་ཀུན་གྱི་མི་ཟད་མཛོད་དུ་གྱུར། །ཅེས་གསུངས་ཏེ། སྲིད་པར་འཁོར་བའི་གནས་སྐབས་ན་དམིགས་བཅས་བསོད་ནམས་ཀྱི་ཚོགས་དང་དམིགས་མེད་ཡེ་ཤེས་ཀྱི་ཚོགས་ཏེ་ཚོགས་གཉིས་ཟད་ཉན་ནི་མ་རེད། དེ་ཟད་སོང་ན་རང་དོན་འགྲུབ་ནི་མ་རེད་གཞན་དོན་ག་ལ་སྒྲུབ་ནུས། དེའི་ཕྱིར་ན་རང་ཉིད་མངོན་པར་སངས་རྒྱས་ཀྱང་གདུལ་བྱ་རྣམས་རྗེས་སུ་འཛིན་པར་བྱ་བའི་ཕྱིར་དུ་བསོད་ནམས་ཀྱི་ཚོགས་དེ་ཡང་རྒྱ་ཆེན་པོ་བསགས། དམིགས་མེད་ཡེ་ཤེས་ཀྱི་ཚོགས་དེ་ཡང་རྒྱ་ཆེན་པོ་བསགས། ཚོགས་གཉིས་བསགས་པ་རྒྱུན་མ་ཆད་པར་འབད་ནུས་པར་ཤོག་ཅིག རང་རྒྱུད་ཀྱི་བསོད་ནམས་དང་ཡེ་ཤེས་ཀྱི་ཚོགས་དེ་ཡང་ཟད་པ་མེད་པ་ཉིད་དུ་འགྱུར་བར་ཤོག་ཅིག ཐབས་ཟེར་རྒྱུ་དེ་གཞན་དོན་སྒྲུབ་པའི་ཐབས་ཆེན་པོ་ཞིག་ལ་ཟེར་ནི་རེད། ཐབས་མཁས་པ་དཔེར་ན། བསྡུ་དངོས་བཞི་ལ་སོགས་པ་རེད། ཤེས་རབ་ཟེར་རྒྱུ་དེ་ནི་གཞན་ཕན་སྒྲུབ་པར་བྱེད་པ་ལ་མ་རྨོངས་པ་དེ་ལ་ཟེར། ཏིང་འཛིན་ཟེར་རྒྱུ་དེ་ནི་སེམས་ཏིང་ངེ་འཛིན་བསྒོམ་པ་ལ་གནས་པ་ཅན་དེ་ལ་ཟེར་ནི་རེད། རྣམ་ཐར་ཟེར་རྒྱུ་དེ་ཏིང་ངེ་འཛིན་གྱི་སྟོབས་ཀྱིས་རྩལ་དང་མཐུན་པ་ཞིག་ལ་ཟེར་ནི་རེད། ཟད་པ་ཟིལ་གནོན་ཟེར་རྒྱུ་མང་པོ་ཞིག་ཡོད་ཀྱང་ཏིང་ངེ་འཛིན་དང་པོ་སྦྱོང་བ་བར་དུ་བརྟན་པ་མཐར་ཕྱིན་པ་ཞིག་ལ་ཟེར་ནི་རེད། ཏིང་ངེ་འཛིན་ལ་དབང་ཐོབ་ནས་རྫུ་འཕྲུལ་སྣ་ཚོགས་བསྒྱུར་བ་ཞིག་ལ་ཏིང་ངེ་འཛིན་ཟེར་ནི་རེད། དེ་ནས་ཐབས་དང་ལྡན། ཤེས་རབ་དང་ལྡན། ཏིང་ངེ་འཛིན་དང་ལྡན། ཏིང་ངེ་འཛིན་གྱི་རྗེས་ལ་རྣམ་པར་ཐར་བ་དང་ལྡན་པར་གྱུར་ཅིག་ཅེས་སྨོན་ལམ་བཏབ་ནི་རེད། སྤྱི་དོན་བཅུ་གཅིག་པ་འཇུག་པ་དུ་མའི་སྒོ་ནས་སྨོན་པར་འཇུག་པ་ལ་བརྒྱད་ལས། བསྟན་པ་དང་སེམས་ཅན་གྱི་དོན་ཡོངས་སུ་སྒྲུབ་པར་བྱེད་པ་ལ་ས་བཅད་ནང་གསེས་ཀྱིས་རྣམ་པ་བརྒྱད་ཡོད་ནི་རེད། དང་པོ་ཞིང་དང་བཅས་པའི་སངས་རྒྱས་བལྟ་བ་ལ་འཇུག་པ་ནི། རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞིང་དེར་བསམ་གྱིས་མི་ཁྱབ་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་ལ། །བྱང་ཆུབ་སྤྱད་པ་སྤྱོད་ཅིང་བལྟ་བར་བགྱི། །ཞེས་གོང་དུ་འདིའི་འོག་ན་ཞིང་སྦྱང་བ་ཡོད་ཅེས་བཤད་པ་དེ་འདི་རེད། རྡུལ་གཅིག་གི་ཁྱོན་ལ་རྡུལ་སྙེད་ཀྱི་སངས་རྒྱས་དང༌། སངས་རྒྱས་རེ་རེ་ལ་བྱང་ཆུབ་སེམས་དཔའ་དཔག་ཏུ་མེད་པས་བསྐོར། དེ་དག་ཐམས་ཅད་ཀྱི་ཞལ་མཇལ་གསུང་ཐོས། དེ་རྣམས་ལ་མཆོད་པ་འབུལ། དེ་དག་ཐམས་ཅད་བདག་གིས་ཡོངས་སུ་མཉེས་པར་ཤོག་ཅིག་གསུངས་ནས་སྨོན་ལམ་བཏབ་ནི་རེད། དེ་ལྟར་མ་ལུས་ཐམས་ཅད་ཕྱོགས་སུ་ཡང་། །སྐྲ་ཙམ་ཁྱོན་ལ་དུས་གསུམ་ཚད་སྙེད་ཀྱི། །སངས་རྒྱས་རྒྱ་མཚོ་ཞིང་རྣམས་རྒྱ་མཚོ་དང༌། །བསྐལ་པ་རྒྱ་མཚོར་སྤྱོད་ཅིང་རབ་ཏུ་འཇུག །ཅེས་གསུངས་ནས་རྡུལ་ཆ་མེད་གཅིག་གི་སྟེང་ན་ཕྱོགས་བཅུའི་ཞིང་རབ་འབྱམས་ཀྱི་རྒྱལ་བ་སྲས་བཅས་ཐམས་ཅད་ཀྱི་དྲུང་ན་ཆོས་ཉན། དེ་ཐམས་ཅད་ལ་མཆོད་པ་འབུལ། དེ་དག་ཐམས་ཅད་ཀྱི་སྤྱོད་པ་དང་མཐུན་པར་འཇུག རྡུལ་ཆ་མེད་རེ་རེའི་སྟེང་ལ་ཕྱོགས་བཅུའི་ཞིང་རབ་འབྱམས་ན་ཡོད་པའི་སངས་རྒྱས་དེ་འདྲ་བའི་ཞིང་ཁམས་གྲངས་མེད་པ་བསམ་གྱིས་མི་ཁྱབ་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་གིས་སྤྱོད་པ་དེ་སྤྱོད་ནུས་པར་ཤོག་ཅིག དེ་ཡང་ནི་བསྐལ་པ་གཅིག་དང་གཉིས་མ་ཡིན་པར་ནམ་མཁའ་མ་སྟོང་གི་བར་དུ་འཇུག་པར་ཤོག་ཅིག་གསུངས་ནི་རེད། བྱང་ཆུབ་སེམས་དཔའ་ས་ཆེན་པོ་ལ་གནས་པའི་བྱང་ཆུབ་སེམས་དཔའི་སྨོན་ལམ་རེད། འདིའི་འཇུག་པ་བསམ་གྱིས་མི་ཁྱབ་པར་སྨོན་རྒྱུ་དེ་གཙོ་བོ་དག་ས་ལ་གནས་པའི་བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་གྱི་ཕྱོགས་སུ་འགྲོ་བ་ཡིན། སོ་སོའི་སྐྱེ་བོའི་ས་ནས་བཟུང་སྟེ་སངས་རྒྱས་ཀྱི་སའི་བར་དུ་སྨོན་ལམ་ཆ་ཚང་བ་ཞིག་བཏབ་ནི་རེད། བྱང་ཆུབ་ཀྱི་སེམས་མི་བརྗེད་པར་སྨོན་པ། བླ་མ་དགེ་བའི་བཤེས་གཉེན་རྣམས་དང་འཕྲད་པར་སྨོན་པ། གྲོགས་བཟང་པོ་དང་མི་འབྲལ་བར་སྨོན་པ། སངས་རྒྱས་ལ་བལྟ་བར་བྱེད་པར་སྨོན་པ་ཐམས་ཅད་ཕལ་ཆེར་སོ་སོའི་སྐྱེ་བོའི་སྨོན་ལམ་རེད། དེ་ཡན་ཆད་ཀྱིས་སྨོན་ལམ་ས་དང་པོ་དང་མང་ཆེ་བ་ཞིག་ས་བརྒྱད་པ་ཡན་ཆད་ཀྱི་སྨོན་ལམ་རེད། བསམ་གྱིས་མི་ཁྱབ་པ་དེ་ལྟ་བུ་ནི་ངེད་ཅག་གིས་བློ་ཡུལ་དུ་ཆུད་པར་དཀའ་བ་རེད། སོ་སོའི་སྐྱེ་བོ་ཞིག་གིས་འདི་ལྟ་བུ་ཞིག་ཤེས་པ་མ་དགོས་བློ་ཡུལ་དུ་ཤར་ཡང་དཀའ་ནི་རེད། ད་དེ་ལྟ་བུའི་མཛད་པ་ལ་འཇམ་དཔལ་དབྱངས་དང་ཀུན་ཏུ་བཟང་པོ་ལ་སོགས་པས་ཀྱང་བསླབས་ནས་སོང་ནི་རེད། རང་གིས་ཀྱང་དེ་ལྟ་བུ་ལ་སློབ་ནུས་པར་ཤོག་ཅིག་ཅེས་ཟེར་ནས་ཕལ་ཆེར་དངོས་སུ་སྨོན་ལམ་འདེབས་ཐུབ་ནི་རེད། ད་ལྟ་སེམས་ཅན་གྱི་ལུས་ལ་ན་ཚ་མེད་པར་ཤོག་ཅིག སེམས་ལ་སྡུག་བསྔལ་མེད་པར་ཤོག་ཅིག ངན་སོང་གསུམ་གྱི་སེམས་ཅན་ཐམས་ཅད་རྒྱུན་ཆད་པར་ཤོག་ཅིག མཐོ་རིས་ལྷ་མིའི་བདེ་བ་ལ་གནས་སྐབས་སྤྱོད་ནས་མཐར་ཐུག་སངས་རྒྱས་ཀྱི་གོ་འཕང་ཐོབ་པར་ཤོག་ཅིགདེ་ཙམ་ཞིག་རང་ཅག་གིས་སྨོན་ལམ་འདེབས་མི་ཤེས་རྒྱུ་ཅི་ཡང་མེད། ད་འདི་མན་ཆད་ཀྱིས་སྨོན་ལམ་ཐམས་ཅད་གཞུང་གི་ཇི་མ་ཇི་བཞིན་དུ་བློ་ཡུལ་ལ་བཀོད་ཐུབ་ནི་མ་རེད། ད་བླ་མ་རིན་པོ་ཆེ་མི་ཕམ་ཚང་གི་ཁྲིད་ཡིག་སངས་རྒྱས་ལག་བཅང་མའི་སྐྱོང་ཐབས་གནད་ཀྱི་མན་ངག་ནང་ན་འདི་ལྟ་བུ་ལ་སྙིང་སྟོབས་སྤྱད་ནས་དེ་ལ་འདི་ལྟ་བུའི་སྤྱོད་པ་ལ་སློབ་ཐུབ། འདི་ལྟ་བུའི་སྨོན་ལམ་ཡང་འདེབས་ཐུབ། སྨོན་ལམ་འདེབས་ཐུབ་པར་མ་ཟད་འདི་ལྟ་བུའི་སྤྱོད་པ་ལའང་འཇུག་ཐུབ། བསམ་པས་རྒྱས་གདབ་ཐུབ་ན། དེ་ཕྱིར་མི་ལྡོག་པའི་བྱང་ཆུབ་སེམས་དཔའ་ཟེར་རྒྱུ་དེ་རེད། དེ་ལྟ་བུའི་སྙིང་སྟོབས་མེད་ན་ད་ནི་འདི་ལྟ་བུའི་སྙིང་སྟོབས་དེ་ལ་རིམ་གྱིས་རིམ་གྱིས་ཞུགས་ནས་སྐྱེ་བ་མཐའ་མའི་བར་དུ་ཡོངས་སུ་མི་གཏང་བསམ་རྒྱུའི་བསམ་པ་ཞིག་ཡོད་ན་མོས་པ་སྤྱོད་པའི་བྱང་ཆུབ་སེམས་དཔའ་ཟེར་ནི་རེད། རང་ཅག་མང་ཆེ་བ་མོས་པ་སྤྱོད་པའི་བྱང་ཆུབ་སེམས་དཔའ་ཡིན་རྒྱུ་རེད། རང་ཅག་གིས་ཀྱང་བཟང་པོ་སྤྱོད་པའི་སྨོན་ལམ་འདི་ལ་དངོས་སུ་འཇུག་མི་ནུས་པ་ཐམས་ཅད་ཀུན་གྱིས་ཀྱང་རིམ་གྱིས་རིམ་གྱིས་ནམ་མཁའ་མ་སྟོང་གི་བར་དུ་སློབ་དགོས་མོད། དེ་ཙམ་མ་ནུས་ཀྱང་འདི་དག་ཐམས་ཅད་ཡོངས་སུ་མི་གཏོང་བསམ་རྒྱུའི་དམ་བཅའ་ཁྱད་པར་ཅན་དགོས་ནི་རེད། གཉིས་པ་སངས་རྒྱས་ཀྱི་གསུང་ལ་འཇུག་པ་ནི། གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་དབྱངས་ཡན་ལག་རྣམ་དག་པ། །འགྲོ་བ་ཀུན་གྱི་བསམ་པ་ཇི་བཞིན་དབྱངས། །སངས་རྒྱས་གསུང་ལ་རྟག་ཏུ་འཇུག་པར་བགྱི། །ད་འདི་ཡང་ས་ལ་གནས་པའི་བྱང་ཆུབ་སེམས་དཔའི་སྤྲོད་པ་རེད། གསུང་གཅིག་ཡན་ལག་ཅེས་པ་ནི། དཔེར་ན། སངས་རྒྱས་ཤཱཀྱ་ཐུབ་པས་རྡོ་རྗེ་གདན་དུ། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་ཤིག་བདག་གིས་རྙེད། །གསུངས་ནས་ཚིག་གཅིག་གསུངས་ན་ཚིག་དེའི་སྟོབས་ཀྱིས་ཕྱོགས་བཅུའི་ཞིང་རབ་འབྱམས་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཇི་སྙེད་ཅིག་ཡོད་པ་ཐམས་ཅད་ཀྱི་གསུང་ཐམས་ཅད་དེའི་སྟོབས་ཀྱིས་ཡོངས་སུ་རྫོགས་པར་དུས་གཅིག་ལ་འདུས་པར་ཤོག་ཅིག་དེ་ཐམས་ཅད་ཀྱང་དུས་གཅིག་གི་སྟེང་དུ་ད་ལྟ་མ་ཟད་མ་འོངས་པའི་སངས་རྒྱས་ཐམས་ཅད་ཀྱི་གསུང་ཡོངས་ལ་ཉན་ནུས་པར་ཤོག་ཅིག་གསུངས་ནི་རེད། ངེད་ཅག་གིས་བལྟས་ན་མ་འོངས་པ་ན་སངས་རྒྱས་གནས་དགོས་ནི་མ་རེད། དེ་ལས་ཀྱང་མངོན་པ་བ་རྣམས་ཀྱིས་མ་འོངས་པ་དངོས་མེད་ཡིན་ན། དངོས་མེད་ཀྱིས་སངས་རྒྱས་ཀྱི་གསུང་ལ་ཅིའི་ཕྱིར་ཉན་བསམ་རྒྱུ་རེད་དེ། འོན་ཀྱང་བྱང་ཆུབ་སེམས་དཔའི་སྤྱོད་པ་རྣམས་ནི་བསམ་གྱིས་མི་ཁྱབ་པ་རེད། སངས་རྒྱས་ཀྱིས་གོང་གི་ཚིག་གཉིས་ཀྱི་དོན་ལ་ཕྱོགས་བཅུའི་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་གསུང་ཕྱོགས་ཀྱི་རྒྱ་མཚོ་ལྟ་བུ་དུས་གཅིག་ལ་ཉན་ནུས་པར་ཤོག་ཅིག་གསུངས་ནས་དེ་ཉན་པར་ཡང་ནུས་ནི་རེད། དེ་ནི་བྱང་ཆུབ་སེམས་དཔའ་ས་བརྒྱད་པ་ཡན་ཆད་ཡིན་རྒྱུ་རེད། ས་དང་པོ་ཐོབ་པ་ནས་བཟུང་སྟེ། ཀུན་ཏུ་བཟང་པོའི་སྨོན་པས་རབ་སྨོན་ཞིང༌། །གང་གི་སེམས་ནི་བཟང་སྤྱོད་ཀྱི་ཟིན་བྲིས་བཟོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། རབ་དགའ་ལ་གནས་པ། །དེ་ནི་རྒྱལ་བའི་སྲས་ཀྱི་དང་པོར་བརྗོད། །ཅེས་གསུངས་ཏེ། ཀུན་ཏུ་བཟང་པོའི་སྨོན་པ་ལ་འཇུག་ནུས་པར་གསུངས་ཡོད་ནི་རེད། གསུམ་པ་ཆོས་འཁོར་བསྐོར་བ་ལ་བཇུག་པ་ནི། དུས་གསུམ་གཤེགས་པའི་རྒྱལ་བ་ཐམས་ཅད་དག །འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། །དེ་དག་གི་ཡང་གསུང་དབྱངས་མི་ཟད་ལ། །བློ་ཡི་སྟོབས་ཀྱིས་བདག་ཀྱང་རབ་ཏུ་འཇུག །གསུངས་ནི་རེད། འདས་མ་འོངས་ད་ལྟ་དུས་གསུམ་དུ་ཆོས་ཀྱི་འཁོར་ལོ་བསྐོར་བར་བསྐུལ་དང་སྐུལ་བཞིན་པ་ཐམས་ཅད་ལ་རང་གི་བློའི་སྟོབས་ཀྱིས་ཚིག་གཅིག་ཀྱང་ཆད་ལྷག་མེད་པར་ཡོངས་སུ་ཉན། ཉན་པ་ཙམ་གྱིས་མི་ཚད་པར་སེམས་ལ་བཟུང༌། བཟུང་བ་ཙམ་གྱིས་མི་ཚད་པར་རྒྱུད་ལ་འཇུག་ནུས་པར་ཤོག་ཅིག་གསུངས་ནི་རེད།བཞི་པ་བསྐལ་པའི་སྒོ་ནས་འཇུག་པ་ནི། མ་འོངས་བསྐལ་པ་ཐམས་ཅད་འཇུག་པར་ཡང༌། །སྐད་ཅིག་གཅིག་གིས་བདག་ཀྱང་འཇུག་པར་བགྱི། །གང་ཡང་བསྐལ་པ་དུས་གསུམ་ཚད་དེ་དག །སྐད་ཅིག་ཆ་ཤས་ཀྱིས་ནི་ཞུགས་པར་སྤྱད། །ཅེས་གསུངས་ཏེ། དེ་ཡང་བྱང་ཆུབ་སེམས་དཔའ་ཆེན་པོ་ཞིག་གི་སྤྱོད་པ་རེད། ནམ་མཁའ་སྟོང་མ་སོང་བར་དུ་མ་འོངས་པར་བསྐལ་པ་དུ་མར་སངས་རྒྱས་དང་བྱང་ཆུབ་སེམས་དཔའི་མཛད་སྤྱོད་ཐམས་ཅད་ལ་བདག་ད་ལྟ་དུས་མཐའི་སྐད་ཅིག་མ་གཅིག་གི་ཡུན་ལ་དེ་ལྟ་བུའི་སྤྱོད་པ་ལ་འཇུག་པར་ཤོག་ཅིག་གསུངས་ནི་རེད། འདི་བྱང་ཆུབ་སེམས་དཔའི་ཚད་མེད་པའི་བློ་སྟོབས་ཆེན་པོའི་སྤྱོད་ཡུལ་རེད། དུས་མཐའི་སྐད་ཅིག་མ་ཟེར་ན་སེ་གོལ་གཅིག་གི་ཡུན་ལ་དུས་མཐའི་སྐད་གཅིག་མ་དྲུག་ཅུ་ཡོད་ནི་རེད། རེ་ལྔ་ཟེར་ནི་ཡང་ཡོད། ད་གང་ཡིན་ནའང་དེ་འདྲ་བ་ཞིག་གི་ཡུན་ལ་ཕྱོགས་བཅུའི་ཞིང་རབ་འབྱམས་ཀྱི་སངས་རྒྱས་ཐམས་ཅད་ཀྱི་འདས་པ་དང་གཟོད་མ་འོངས་པ་ཡན་ཆད་ནམ་མཁའ་སྟོང་མ་སོང་གི་བར་དུ་མཛད་པ་དང་སྤྱོད་པ་ཇི་སྙེད་ཡོད་པ་ཐམས་བཅད་བདག་གིས་སྤྱོད་ནུས་པར་ཤོག་ཅིག་གང་ཡང་བསྐལ་པ་འདས་མ་འོངས་ད་ལྟ་དུས་གསུམ་གྱི་བསྐལ་པ་ཇི་སྙེད་ཅིག་ཡོད་ཀྱང་། བསྐལ་བའི་ཆ་ཤས་དུས་མཐའི་སྐད་ཅིག་མ་གཅིག་གི་ཡུན་ལའང་བདག་གིས་འཇུག་ནུས་པར་ཤོག་ཅིག་གསུངས་ནི་རེད།ལྔ་པ་དེ་བཞིན་གཤེགས་པ་ལ་བལྟ་བས་འཇུག་པ་ནི། །དུས་གསུམ་གཤེགས་པ་མི་ཡི་སེངྒེ་གང༌། །དེ་དག་སྐད་ཅིག་གཅིག་ལ་བདག་གིས་བལྟ། །ཞེས་གསུངས་ཏེ། ནམ་མཁའི་མཐའ་སྟོང་མ་སོང་གི་བར་དུ་སྐད་ཅིག་གཅིག་གི་ཡུན་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཛད་པ་སྒྲུབ་ནུས་པར་ཤོག་ཅིག་ཅེས་འདི་ནི་ས་བརྒྱད་པ་ཡན་ཆད་ཀྱི་བྱང་ཆུབ་སེམས་དཔའི་སྨོན་ལམ་རེད། མདོར་ན་འདས་མ་འོངས་ད་ལྟ་དུས་གསུམ་གྱི་སངས་རྒྱས་ཐམས་ཅད་དུས་མཐའི་སྐད་ཅིག་མ་གཅིག་ལ་ཞལ་མཇལ་གསུང་ཐོས་ཐུགས་ཀྱི་བྱིན་རླབས་རྒྱུད་ལ་འཕོས། དེ་ནས་ཆོས་ཚུལ་རབ་འབྱམས་རྒྱ་མཚོ་ལྟ་བུ་མཐའ་དག་ཀྱང་བདག་གི་རྒྱུད་ལ་ཡོངས་སུ་འཕོ་ནུས་པར་ཤོག་ཅིག་ཟེར་ནས་སྨོན་ལམ་བཏབ་ནི་རེད། དྲུག་པ་དེའི་སྤྱོད་ཡུལ་ལ་འཇུག་པ་ནི། རྟག་ཏུ་དེ་དག་གི་ནི་སྤྱོད་ཡུལ་ལ། །སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག །ཅེས་གསུངས་ཏེ། སོ་སོའི་སྐྱེ་བོ་ཞིག་གིས་དེ་ལྟ་བུ་ཞིག་གཏན་ནས་མི་སྲིད་བསམ་རྒྱུ་རེད་དེ། སྐད་ཅིག་མ་གཅིག་གི་ཡུན་ལ་དུས་གསུམ་གྱི་སངས་རྒྱས་ཐམས་ཅད་ཀྱི་ཞལ་མཇལ་དུས་གསུམ་གྱི་སངས་རྒྱས་ཐམས་ཅད་ཀྱི་མདུན་དུ་ཆོས་ཉན། དུས་གསུམ་གྱི་སངས་རྒྱས་ཐམས་ཅད་ཀྱི་གདམས་པ་ཡོངས་སུ་རྫོགས་པ་རྒྱུད་ལ་འཛིན་རྒྱུ་དེ་ནི། སྒྱུ་མ་དང་རྨི་ལམ་ལྟ་བུ་ཡིན་པས་མི་སྲིད་པ་ཞིག་ཡིན་རྒྱུ་མ་རེད། ཆོས་ཐམས་ཅད་སྣང་ལ་རང་བཞིན་གྱིས་མ་གྲུབ་པ་ཅི་ཡང་མ་ཡིན་པ་ལས་ཅི་ཡང་འཆར་དུ་རུང་བ་ཞེས་པ་སྒྱུ་འཕྲུལ་དྲྭ་བ་ཆེན་པོའི་རྒྱུད་ལས་གསུངས་ཡོད་ནི་རེད། དེ་ལྟ་བུའི་གནད་ལ་ངེས་པ་སྐྱེ་ན་མི་སྲིད་པ་ཞིག་ཅི་ཡང་ཡོད་ནི་མ་རེད། གཟུགས་ལ་མཚོན་ན་མེ་ལོང་མཐེ་བོང་ལྟ་བུ་ཞིག་གི་ངོ་ལ་རི་གཟུགས་མང་པོ་ཡང་ཤར་ཆོག་པ་དང༌། དཔེར་ན་ཡུན་ཐུང་ངུ་ཙམ་ལ་ཡུན་རིང་པོ་ཤར་ཆོག་ནི་རེད། དཔེར་ན། ཁྱེད་རྣམ་པ་ལ་སྔན་ཆོད་ཀྱང་ཞུ་མྱོང་ངས་གསལ་མོ་ཞིག་ཞུ་མི་ཤེས་ཀྱང་ཕྱོགས་ཙམ་ཞིག་ཞུ། སྔོན་མཉམ་མེད་ཇོ་བོ་རྗེ་དཔལ་ལྡན་དཱི་པཾ་ཀ་ར་ལྷ་རི་ཡངས་པའི་མགུལ་ན་བཞུགས་པའི་དུས་སུ་ནག་ཚོ་ཚུལ་ཁྲིམས་རྒྱལ་གྱིས་ཇོ་བོ་རྗེ་ལ་ཁྱེད་ཀྱིས་ཆོས་ཐམས་ཅད་སྒྱུ་མ་དང་རྨི་ལམ་ལྟ་བུར་གསུངས་པས་ན། ཁྱེད་ཀྱིས་སྒྱུ་མའི་དཔེ་ཞིག་གསུང་བར་ཞུ་ཞེས་གསུངས་སྐབས། ཇོ་བོས་སྒྱུ་མ་ལྟ་བུའི་ཆོས་བཤད་གསུངས་ཏེ། སྔོན་གྱི་དུས་སུ་སྒྱུ་མ་མཁན་རབ་ཏུ་བཟང་པོ་ཟེར་བ་ཞིག་ཡོད། གྲོགས་ཟླ་བ་བཟང་པོ་ཟེར་བ་ཞིག་ཡོད། གྲོགས་ཟླ་བ་བཟང་པོ་ནི་རྟ་ལ་ཧ་ཅང་གཙོ་ཆེན་འཛིན་པ་ཞིག་ཡིན། སྒྱུ་མ་མཁན་རབ་ཏུ་བཟང་པོ་ནི་གྲོགས་པོ་དེའི་དྲུང་དུ་སོང་ནས་ཁྱེད་ཀྱིས་སྒྱུ་མ་ཞིག་བསླབས་ན་མི་དགའམ་ཞེས་བརྗོད། ཟླ་བཟང་གིས་སྒྱུ་མ་ཞིག་གིས་ཅི་བྱེད། ཟ་ནི་མི་ནུས་གྱོན་ནི་མི་ནུས་དེ་བས་རྟ་ཕོ་བཟང་པོ་ཞིག་གིས་དགའ་ཟེར། རབ་བཟང་གིས་ཨོ་ཡ་ཟེར་ནས་ཕྱིར་ལོག་སོང་། ཉིན་ཅིག་ཟླ་བཟང་གཟའ་མི་གཉིས་ཁྱིམ་ན་གནས། མོའི་སྐུད་པ་ཆ་ཤས་ཤིག་ལག་ན་བཟུང་སྐུད་པ་འཁལ་ཟིན་རྣམས་མགོ་ལ་བཞག་ནས་གཉིས་ཀས་ཇ་འཐུང་། ཟླ་བཟང་གིས་ཇ་འཐུང་ཕོ་ཡ་མཚན་ཅན་མཛེས་ཤིང་ཡིད་དུ་འོང་བ་ཞིག་ལ་ཞོན་ནས་དེ་ན་ཕེབས། ཟླ་བཟང་གིས་གྲོགས་པོ་ལ་རྟ་ཡག་པོ་ཞིག་ཡོད་ཁུ་ཟེར་ཚེ། རབ་བཟང་གིས་ཁྱེད་ལ་རྟ་ཡག་པོ་ཞིག་མ་གཏོགས་ཅི་ཡང་བསམ་རྒྱུ་མེད་པས་ན་ཁྱེད་ཀྱིས་ཨེ་ཉོ་བསམས་ནས་ཞོན་འོང་བ་ཡིན་ཞེས་བཤད་མ་ཐག ཟླ་བ་བཟང་པོས་རྟ་འདི་བདག་གིས་ཉོ་ན་ཆོག དང་པོ་རྟ་འདི་ལ་རྒྱུག་ཚད་ཅིག་ལྟ་དགོས་ཟེར་ནས་རྟ་ལ་ཞོན་ནས་རྒྱུག་དུས་རྟ་དེ་མགྱོགས་པ་དང་གོམ་ལག་བདེ་བདང་གོང་ཡང་སྐྱིད། བར་སྐབས་སུ་ཇེ་མགྱོགས་ཇེ་མགྱོགས་ལ་སོང་ནས་ནགས་ཚལ་སྟག་པོ་ཡོད་ས། མི་མེད་དབེན་པའི་ལུང་སྟོང༌། ཧ་ཅང་ས་ཐག་རིང་པོ་ཆ་མེད་རྒྱུས་མེད་ཀྱི་ཡུལ་ཕྱོགས་ཤིག་ལ་ཁུར་སོང་ངོ་། དེ་ན་མི་མེད་པར་མ་ཟད་རི་དྭགས་ཀྱང་མེད། རྒྱང་རིང་གི་ནགས་གསེབ་ཅིག་ན་དུ་བ་ཞིག་བཏང་བ་མཐོང་ནས་དེར་བལྟ་རུ་ཕྱིན། དེ་ན་རྒན་མོ་མ་བུ་གཉིས་ཡོད་ཁྱེད་གཉིས་ཅི་ཡིན་དྲིས་ཚེ། ཁོང་གཉིས་ཡུལ་ཁམས་གཞན་ལ་འཁྱམས་ནས་འདི་ན་ཕེབས། འདིར་ཐོན་ནས་ལོ་ཁ་ཤས་ཤིག་ཡིན། ས་ཕྱོགས་འདི་ན་ཤིང་ཏོག་ཅུང་ཟད་ཅིག་མ་གཏོགས་ཅི་ཡང་བཟའ་རྒྱུ་མེད་གོན་རྒྱུ་ཡང་མེད། ད་སྐབས་གྲོགས་སུ་ཡང་མེད་ཁྱེད་འཇིག་རྟེན་ཁམས་ནས་འདིརའོང་བ་དེ་དགའ་སྤྲོ་ཆེ། རང་ཅག་རྣམས་ལྷན་དུ་བསྡད་ན་ཨེ་ཆོག་ཟེར་དུས། ཁོང་རྣམས་སྐད་རིགས་ཀྱང་གཅིག་ཡིན་པས། ཧ་ཅང་དགའ་ནས་ང་རང་ནི་ཕྱོགས་གང་ནས་འོང་ཙམ་ཡང་མི་ཤེས། རྟ་རྒན་གཅིག་མ་གཏོགས་ཅི་ཡང་མེད། ད་ངེད་རྣམས་ལྷན་དུ་གནས་ཟེར་ནས་ཁོང་གསུམ་ལྷན་དུ་བསྡད་དེ་ལོ་མང་པོ་མང་པོ་ཞིག་སོང་། ནམ་ཞིག་ན་བུ་ཞིག་སྐྱེས། དེ་ནས་ལོ་མང་པོ་སོང་བ་ནའང་བུ་ཆུང་བ་ཞིག་སྐྱེས། དེའི་རྗེས་སུ་རྒན་མོའི་མ་རྒན་ནི་ཤི་ཁོང་ཡང་ལོ་ཆེན་པོར་གྱུར། ཉིན་ཅིག་ཆུ་ཁ་ན་སོང་དུས་བུ་ཆུང་བ་རྡོ་སྟེང་ནས་ཞུད་དེ་ཆུ་ནང་དུ་ལྷུང་། ཕ་བོ་ཟེར་ནས་བུ་ཆེ་བ་ཡང་ཆུ་ནང་དུ་མཆོང་། རྒན་མོས་བུ་གཉིས་ཆུས་ཁྱེར་ཐལ་ཟེར་ནས་སྐད་ངན་བསྒྲགས་ནས་ཆུ་ནང་དུ་མཆོང་། དེ་དུས་བསམ་བློ་ཞིག་བཏང་ཚེ། ཨཱ། གཅེས་པའི་བུ་ཕྲུག་གཉིས་རྒན་མོ་དང་བཅས་པ་ནི་ཆུས་ཁྱེར། ས་སྟོང་འདི་ནས་ལོ་མང་པོ་འདི་ལྟ་བུ་ཞིག་སོང་ཚར། གནའ་ལོ་ཉུང་གི་སྐབས་འདིར་ཕེབས་ནས་ད་ནི་མགོའི་སྐྲ་དཀར་ཁའི་སོ་ཆད་། ས་ཆ་ཐབས་སྡུག་ཅིག་ན་སྡུག་བསྔལ་ཆེན་པོ་འདི་ལྟ་བུ་ཞིག་ནི་འཇིག་རྟེན་ཁམས་ན་སུ་ལ་ཡོད་བསམས་ནས་གོམ་པ་ཞིག་སྤོ་དུས་འགྲོ་ཡང་མ་ནུས། དེ་མ་ཐག་གཉིད་སད་པ་ལྟ་བུའི་སྣང་བ་ཞིག་ཤར་ཚེ། གནའ་དང་པོའི་ཁྱིམ་གྱི་སྒོ་ཁ་ན་ཕེབས། ཁྱིམ་ན་སོང་དུས་གནའ་སྔན་ཆོད་ཀྱི་རྒན་མོས་སྣ་གླུ་ཞིག་བླངས་ནས་བསྡད་ཡོད། དེ་དུས་ང་ལ་འདི་འདྲའི་སྡུག་བསྔལ་ཆེན་པོ་ཞིག་ཡོད་དུས་ཁྱོད་ཀྱིས་ད་དུང་གླུ་ལེན་ཟེར་ནས་ཡི་ཆད་དང་སྡུག་མོ་བྱས་ཚེ། མོས་ཁྱེད་ཀྱིས་སྨྱོ་བཤད་མ་བྱེད་ཟེར། རྒན་པོ་ངུས་ནས་ཚེ་གཅིག་གི་སྡིགས་བསྔལ་རྣམས་གླེང༌། ཁྱེད་ཀྱིས་ཚེ་གཅིག་མ་ཟེར་ད་སྐབས་ངེད་གཉིས་ཀྱིས་ཇ་ཡང་འཐུང་མ་ཚར་བར་ངས་སྐད་པ་མགོ་ལ་བཞག་པ་དང༌། ཁྱེད་ཇ་འཐུང་མ་ཚར་གོང་སྒོ་ལ་སོང་བ་ཨེ་བདེན་མི་བདེན་ནི། ཁྱེད་ཀྱིས་ཇ་ཕོཪ་ནང་གི་ཇ་ཨེ་འཁྱག་ལྟོས་ཟེར་དུས། ཁོ་རང་གིས་ཀྱང་བསམ་བློ་ཞིག་བཏང་ནས་བལྟས་པ་ན་ད་གཟོད་ཡིད་ཆེས་པ་ཡིན། དེ་མ་ཐག་སྒྱུ་མ་མཁན་རབ་ཏུ་བཟང་པོ་ཧ་བགད་ཅིག་བྱས་ནས་གྲོགས་པོ་སྒྱུ་མ་ཞེས་པ་དེ་འདྲ་ཞིག་རེད། ད་སྒྱུ་མའི་དགའམ་རྟ་ཡི་དགའ་ཟེར་ནས་ཚར་སོང་། དེ་ནས་ཇོ་བོས་གྲོགས་ཟླ་བ་བཟང་པོ་ཞེས་པ་དེ་ད་ལྟ་ཚུལ་ཁྲིམས་རྒྱལ་ཁྱེད་ཡིན། སྒྱུ་མ་མཁན་རབ་ཏུ་བཟང་པོ་ནི་ཁོང་གི་སྐྱེ་བ་ཡིན་གསུངས། སྔོན་ཡང་ཁོང་གིས་སྒྲ་མ་ལྟ་བུས་ཆོས་བཤད་ནས་གྲོགས་པོ་འདི་ཐར་པའི་ལམ་ལ་བཀོད་པ་ཡིན། ད་ལྟ་ཡང་ནག་ཚོ་ཚུལ་ཁྲིམས་རྒྱལ་བ་ལ་སྒྱུ་མ་ལྟ་བུས་ཆོས་བཤད་ནི་ཡིན་གསུངས་ནི་རེད། དེ་ལྟ་བུའི་སྒོ་ནས་སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག་ཅེས་པ་དེ་ཧ་ལམ་དེ་འདྲ་ཞིག་རེད། བདུན་པ་ཞིང་བསྒྲུབ་པ་ལ་འཇུག་པ་ནི། གང་ཡང་དུས་གསུམ་དག་གི་ཞིང་བཀོད་པ། །དེ་དག་རྡུལ་གཅིག་སྟེང་དུ་མངོན་པར་བསྒྲུབ། །རྒྱལ་བ་དག་གི་ཞིང་རྣམས་བཀོད་ལ་འཇུག །ཅེས་གསུངས་ཏེ། དཔེར་ན། སངས་རྒྱས་འོད་དཔག་མེད་ཀྱིས་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང༌། སངས་རྒྱས་བྱེ་བ་ཕྲག་ཁྲིག་བརྒྱ་སྟོང་ཕྲག་གི་སངས་རྒྱས་ཐམས་ཅད་ཀྱི་ཞིང་གི་ཡོན་ཏན་བཀོད་པ་གཅིག་ཏུ་བསྡུས་ནས་ཞིང་ཁམས་འདི་འདྲ་བ་ཞིག་ལ་བདག་མངོན་པར་རྫོགས་པར་སངས་རྒྱས་པར་གྱུར་ཅིག་གསུངས་ཏེ་སངས་རྒྱས་རིན་ཆེན་སྙིང་པོའི་དྲུང་དུ་ཐུགས་བསྐྱེད་ཚུལ་དམ་ཆོས་པད་མ་དཀར་པོ་ལས་གསུངས་པ་ལྟར་ཡིན། དེ་བཞིན་དུ་ཕྱོགས་བཅུའི་ཞིང་རབ་འབྱམས་ཀྱི་རྒྱལ་བ་ཐམས་ཅད་ཀྱིས་ཞིང་དག་པ་ཇི་སྙེད་ཅིག་ཡོད་པའི་ཞིང་ཁམས་ཐམས་ཅད་ཀྱི་བཀོད་པ་དང་ཡོན་ཏན་རྣམས་གཅིག་ཏུ་བསྡུས་པ་འདྲ་བ་ཞིག་གི་ཡོན་ཏན་མངོན་དུ་གྱུར་པའི་ཞིང་ཁམས་དེ་ལ་བདག་མངོན་པར་རྫོགས་པར་སངས་རྒྱས་པར་གྱུར་ཅིག་གསུངས་ནས་གཙོ་བོ་ཞིང་སྦྱངས་པ་རེད། དེ་ཡང་ནི་ཞིང་ཁམས་ཕྱོགས་རེ་ཙམ་མ་ཡིན་པར་གྱི་ཁམས་རབ་འབྱམས་ཐམས་ཅད་ཀུན་ཀྱང་དེ་ལྟ་བུའི་ཞིང་དག་པ་འབའ་ཞིག་ཉིད་དུ་འགྱུར་བར་ཤོག་ཅིག་གསུངས་ནི་རེད། བརྒྱད་པ་དེ་བཞིན་གཤེགས་པའི་དྲུང་དུ་འགྲོ་བ་ལ་འཇུག་པ་ནི། གང་ཡང་མ་བྱོན་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། མགོན་པོ་ཀུན་གྱི་དྲུང་དུ་བདག་མཆི་འོ། །ཞེས་གསུངས་ཏེ་ངེད་ཅག་བསྐལ་པ་བཟང་པོ་འདི་ལ་མཚོན་ན་བྱམས་པ་སེང་གེ་ལ་སོགས་པའི་བསྐལ་བཟང་གི་སངས་རྒྱས་ད་དུང་ཞིང་འདིར་རྣམ་འདྲེན་དགུ་བརྒྱ་དགུ་བཅུ་གོ་དྲུག་འབྱོན་དགོས་ནི་རེད། དེ་དག་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད། བྱང་ཆུབ་སེམས་དཔའི་ལམ་ལ་བསླབ། མངོན་པར་རྫོགས་པར་སངས་རྒྱ་དགོས་ནི་རེད་དེ་བཞིན་དུ་ཕྱོགས་བཅུའི་ཞིང་རབ་འབྱམས་ན་ཡོད་པའི་སངས་རྒྱས་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད། ལམ་ལ་བསླབས་ནས་སངས་རྒྱས་པར་གྱུར་པ་དེ་དག་ཐམས་ཅད་ཀྱི་དྲུང་དུ་བདག་གནས་པར་ཤོག་ཅིག་གསུངས་པ་དང༌། མ་འོངས་པའི་སངས་རྒྱས་རྣམས་ཀྱིས་བྱང་ཆུབ་མཆོག་ཏུ་ཐུགས་བསྐྱེད་དེ་ནས་དགའ་ལྡན་གནས་ནས་འཕོ། ཡུམ་གྱི་ལྷུམས་སུ་ཞུགས། སྐུ་བལྟམས་པ། བཙུན་མོའི་འཁོར་གྱིས་རོལ། བཟོ་ཡི་གནས་ལ་མཁས། ཁྱིམ་ནས་མངོན་པར་བྱུང་། ངེས་འབྱུང་དཀའ་བ་སྤྱད། བྱང་ཆུབ་སྙིང་པོར་གཤེགས། བདུད་སྡེ་བཅོམ། མངོན་པར་བྱང་ཆུབ། ཆོས་ཀྱི་འཁོར་ལོ་བསྐོར། ཡོངས་སུ་མྱ་ངན་ལས་འདའ་བའི་བར་དུ་བདག་དེ་དག་ཐམས་ཅད་ཀྱི་དྲུང་ན་གནས། དེ་རྣམས་ཀྱི་ཕྲིན་ལས་ཀྱི་བྱེད་པོ་ཉིད་དུ་འགྱུར་བར་ཤོག་ཅིག་གསུངས་ནི་རེད། ངེད་ཅག་རྣམས་ཀྱིས་ཀྱང་། མ་འོངས་རྣམ་འདྲེན་དགུ་བརྒྱ་དགུ་བཅུ་དྲུག །ཞིང་འདིར་མངོན་འཚང་རྒྱ་བའི་ཚུལ་སྟོན་ཚེ། །རྟག་ཏུ་ཞབས་འབྲང་ཉེར་གནས་མཆོག་ཏུ་གྱུར། །རླབས་ཆེན་ཕྲིན་ལས་སྤེལ་བའི་མཐུ་ཐོབ་ཤོག །ཅེས་སྨོན་ལམ་བཏབ་པ་དང་གཅིག་རེད། མདོར་ན་མ་འོངས་པའི་སངས་རྒྱས་ཐམས་ཅད་ཀྱི་མཛད་པ་བྱེད་ནུས་པར་ཤོག་ཅིག་གསུངས་ནི་རེད། སྔོན་སྨིན་གླིང་ལོ་ཆེན་རྐྱེན་དབང་གིས་ཡོངས་སུ་མྱ་ངན་ལས་འདས་པའི་སྐབས་ན་ཇུན་ཧོར་དམག་གིས་ཁོང་བཟུང་ནས་འགྲོངས་ཆས་བྱེད་སྐབས་ཁོང་ཇོ་བོ་མཇལ་བ་རུ་ཨེ་མངག་གསུངས་དུས་མངག་ན་ཆོག་ཟེར། ཇོ་བོའི་སྐུ་མདུན་དུ་མགོན་པོ་ཀུན་གྱི་དྲུང་དུ་བདག་མཆིའོ་གསུངས་ནས་བཟང་ཡོད་ནི་ཟིན་བྲིས་བཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། ཡོངས་སུ་མྱ་ངན་ལས་འདས་སོང་ནི་རེད། ངེད་ཅག་སྨིན་གླིང་བ་ཕལ་ཆེ་བ་ཞིག་གིས་མགོན་པོ་ཀུན་གྱི་དྲུང་དུ་བདག་མཆིའོ་ཟེར་ནས་བཅད་དེ་ཚིག་མགོ་ཡང་ལེན་བྱེད་པའི་སྲོལ་ཡང་ཡོད་དར། སྔོན་ཆད་བྲག་རྫོང་མཁན་པོས་དེ་ལྟར་ཚིག་མགོ་ལེན་དར། ང་རང་གིས་བྲག་རྫོང་མཁན་པོ་ལ་ཨ་མཚར་དུ་འདི་རྟེན་འབྲེལ་ལེགས་པོ་ཞིག་མ་རེད་སྨིན་གླིང་ལོ་ཆེན་འདས་འགྲོ་ས་རེད་མ་བཅད་ན་དགའ་ཞེས་ཞུ་མྱོང་། རྒྱལ་བ་སྲས་བཅས་ཀྱི་དྲུང་དུ་བདག་གིས་བྱང་ཆུབ་སེམས་དཔའི་སྤྱོད་པ་ལ་སློབ་པར་གྱུར་ཅིག་གསུངས་ནི་རེད། སྤྱི་དོན་བཅུ་གཉིས་པ་སྟོབས་ཀྱི་སྒོ་ནས་སྨོན་པ་ནི། ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང༌། །ཀུན་ནས་སྒོ་ཡི་ཐེག་པའི་སྟོབས་དག་དང་། །ཀུན་ཏུ་ཡོན་ཏན་སྤྱོད་པའི་སྟོབས་རྣམས་དང་། །ཀུན་ཏུ་ཁྱབ་པ་བྱམས་པ་དག་གི་སྟོབས། །ཀུན་ནས་དགེ་བའི་བསོད་ནམས་སྟོབས་དག་དང་། ཆགས་པ་མེད་པར་གྱུར་པའི་ཡེ་ཤེས་སྟོབས། །ཤེས་རབ་ཐབས་དང་ཏིང་འཛིན་སྟོབས་དག་གིས། །བྱང་ཆུབ་སྟོབས་རྣམས་ཡང་དག་སྒྲུབ་པར་བྱེད། ཅེས་གསུངས་ཏེ། དཔེར་ན། ས་དང་པོའི་གནས་སྐབས་ན་སྐད་ཅིག་མ་གཅིག་གི་ཡུན་ལ་ཞིང་ཁམས་བརྒྱ་ལ་འཇུག་ནུས། སེམས་ཅན་བརྒྱ་སྨིན་ནུས། འཇིག་རྟེན་ཁམས་བརྒྱ་གཡོ་ནུས། སྤྲུལ་བ་བརྒྱ་འགྱེད་ནུས། ཆོས་ཀྱི་སྒོ་མོ་བརྒྱ་སྟོན་ནུས། ཏིང་འཛིན་བརྒྱ་ལ་འཇུག་ནུས་པ་ལ་སོགས་པ་དེ་ལྟ་བུའི་ཀུན་ཏུ་མྱུར་བའི་རྫུ་འཕྲུལ་གྱི་སྟོབས་དང་ནི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་སྤྱིར་ཡོན་ཏན་གྱི་རྣམ་གྲངས་བསམ་གྱིས་མི་ཁྱབ་པ་ཡོད་ཀྱང་རིགས་བསྡུ་ན། སྒྲིབ་གཉིས་བག་ཆགས་དང་བཅས་པ་སྤངས་པའི་ཡོན་ཏན་དང༌། ཇི་ལྟ་ཇི་སྙེད་མཁྱེན་པའི་ཡེ་ཤེས་ཐམས་ཅད་རང་རྒྱུད་ལ་ཡོངས་སུ་རྟོགས་པའི་སྨོན་ལམ་དང༌། གཞན་དོན་ལ་ཕྲིན་ལས་ཆགས་ཐོགས་མེད་པར་འཇུག་པ་དེ་ལྟ་བུའི་ཡོན་ཏན་ཚད་མེད་དང་ལྡན་པ་དང་། གནས་སྐབས་བདག་མེད་རྟོགས་པའི་ཡེ་ཤེས་མ་འབྲེལ་བའི་སེམས་ཅན་ཐམས་ཅད་བདེ་བ་དང་ལྡན་པར་འདོད་པ་ལ་ཚངས་པའི་བྱམས་པ་ཟེར་ནི་རེད། དེ་སྲིད་པ་ན་སྐྱེ་བར་བྱེད་པའི་རྒྱུ་ཞིག་རེད། སྲིད་པ་ལས་འདས་པའི་བྱམས་པ་ནི་བདག་མེད་རྟོགས་པའི་ཡེ་ཤེས་ཀྱི་སེམས། ཁྱད་པར་དུ་སངས་རྒྱས་ཀྱི་གོ་འཕང་ཐོབ་པར་བྱ་བའི་ཕྱིར་སེམས་ཅན་ཐམས་ཅད་ལ་ཉེ་རིང་ཆགས་སྡང་མེད་པར་ནམ་མཁས་གར་ཁྱབ་ཀྱི་སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བསམ་པ་བཟང་པོ་དེ་རང་གི་རྒྱུད་ལ་སྐྱེ་བར་བྱེད་པ་གཞན་གྱི་རྒྱུད་ལ་ཡང་སྐྱེ་བར་བྱེད་དགོས་བསམ་རྒྱུ་དེ་ནི་ཀུན་ཏུ་ཁྱབ་པའི་བྱམས་པ་དང་། དེས་མ་ཁྱབ་པ་མེད་པའི་སེམས་ཅན་ཐམས་ཅད་ལ་རང་གི་བུ་དང་བུ་མོ་ལྟར་སྙིང་རྗེ་དང་བྱམས་པ་སྐྱེས་ནི་རེད། དགྲ་ལ་ཡང་བྱམས་པ་སྐྱེས་ནི་རེད། ཀུན་ནས་དགེ་བའི་ཟེར་རྒྱུ་དེ་ནི། བྱང་ཆུབ་སེམས་དཔའི་དགེ་བ་ཆུང་ངུ་ཙམ་ཞིག་བྱེད་པ་དེས་བསོད་ནམས་རྒྱ་ཆེན་པོ་འགྲུབ་པར་བྱེད་ནི་རེད། ཡང་དཔེར་ན། བདག་ཅག་གི་སྟོན་པ་ཐུགས་རྗེ་ཅན་གྱིས་སྔོན་སློབ་པ་ལམ་གྱི་གནས་སྐབས་ན་དགེ་བ་ཆུང་ངུ་ཞིག་གིས་ཀྱང་སྐད་ཅིག་རེ་རེའི་ཡུན་ལ་བསྐལ་པ་མང་པོའི་ཚོགས་རྫོགས་འགྲོ་བ་དང་། ལྟར་སྣང་ལ་མི་དགེ་བ་ལྟར་དུ་སྣང་ཡང་སྔོན་དེད་དཔོན་སྙིང་རྗེ་ཅན་གྱིས་མི་ནག་མདུང་ཐུང་ཅན་བསད་པ་ལྟ་བུའི་དགེ་རྩ་གཅིག་གིས་ཀྱང་བསྐལ་པ་བརྒྱད་ཁྲིའི་ཚོགས་རྫོགས་འགྲོ་བ་ལྟ་བུ་དང་། ཁྱེའུ་སྐར་མ་ལ་དགའ་བ་རྒྱལ་བའི་སྲས་ཡིན་པའི་གནས་སྐབས་ན་བྲམ་ཟེ་བུ་མོ་འདོད་ཆགས་ཀྱིས་གདུང་བས་དེ་ལ་བྱང་སེམས་ཀྱི་སྒོ་ནས་ཆགས་པ་སྤྱོད་ཁྱིམ་ཐབ་བྱས་ནས་བསྐལ་པ་བཞི་ཁྲིའི་ཚོགས་རྫོགས་པར་བྱས་ནི་རེད། དེ་བཞིན་དུ་སྲིད་པའི་ཉེར་ལེན་གྱི་དགེ་བ་ཟེར་རྒྱུ་དེ་ནི་དེ་ལྟ་བུའི་སྐད་ཅིག་གི་དགེ་བ་ཁྱད་པར་ཅན་རང་གི་རྒྱུད་ལ་རྫོགས་པར་ཤོག་ཅིག་གསུངས་ནི་རེད། དགེ་བ་སྒྲུབ་ན་རང་ཁར་སོ་སོའི་སྐྱེ་བོ་ཞིག་གིས་དགེ་བ་སྒྲུབ་པ་དེ་དཔེར་ན། སྦྱིན་པ་སྦྱིན་ན་སྦྱིན་པ་པོ་རང་དང་སྦྱིན་པའི་ཡུལ་སྦྱིན་རྒྱུ་དངོས་པོ་གསུམ་ལ་བདག་ཏུ་འཛིན་པའང་ཡོད། དེ་ལ་ང་རྒྱལ་ཕྱོགས་འཛིན་ཁེངས་སེམས་དང་། སྦྱིན་པའི་སྐབས་ན་བརྙས་བཅོས་ལྟ་བུ་ཡང་ཡོད་ནི་རེད། བྱང་ཆུབ་སེམས་དཔའ་རྣམས་ཀྱིས་སྦྱིན་པ་དེ་ལ་སྦྱིན་པ་སྦྱིན་བྱ་ལེན་པོ་ཐམས་ཅད་ཀུན་ཀྱང་སྒྱུ་མ་དང་རྨི་ལམ་ལྟ་བུ་སྟོང་ཉིད་ཀྱི་ལྟ་བ་རྟོགས། ཀུན་རྫོབ་སྒྱུ་མ་ལྟ་བུ་ལ་བསླུ་བ་མེད་པའི་སྒོ་ནས་སེམས་ཅན་ཐམས་ཅད་ལ་སྦྱིན་པ་སྦྱིན་པ་དེ་རང་གི་ཤ་བཅད་ནས་སྦྱིན་དགོས་ནའང་དགའ་བ་ལས་མེད། དཔེར་ན། དབུ་མ་ལ་འཇུག་པ་ལས། ཇི་ལྟར་བྱིན་ཅིག་ཅེས་སྒྲ་ཐོས་སེམས་ལས། །རྒྱལ་སྲས་བདེ་འབྱུང་དེ་ལྟར་ཐུབ་རྣམས་ལ། །ཞི་བར་ཞུགས་པས་བདེ་བ་བྱེད་མིན་ན། །ཐམས་ཅད་བཏང་བས་ལྟ་ཞིག་སྨོས་ཅི་དགོས། །ཞེས་གསུངས་ཏེ། དཔེར་ན། རང་གི་ཤ་བཅད་ནས་དགོས་ཟེར་ན་བྱང་ཆུབ་སེམས་དཔའ་ལ་ཉན་ཐོས་དགྲ་བཅོམ་རྣམས་འགོག་པའི་བདེ་བ་ལ་ཞུགས་པའི་དགའ་བ་ལས་ཀྱང་དགའ་བ་ཁྱད་པར་ཅན་ཞིག་ཡོད་ནི་རེད། དེ་བཞིན་དུ་བྱང་ཆུབ་སེམས་དཔའི་སྦྱིན་པ་དེ་ཡང་རང་གི་ལག་གིས་སྦྱིན་པ་དང་ཉེ་བར་སྦྱིན་པ་དང་། རྣམ་འགྱུར་དགའ་བ་དང༌། སྤྲོ་བའི་སྒོ་ནས་སྦྱིན་པ་སྦྱིན་ནི་རེད། དེ་ལ་ཡང་ལན་དང་རྣམ་སྨིན་ལ་མི་རེ་བའི་སྒོ་ནས་སྦྱིན་པ་སྦྱིན་ནི་རེད། ངེད་ཅག་གིས་སྦྱིན་པ་ཞིག་སྦྱིན་ན་ཕར་གཅིག་སྦྱིན་ན་ཚུར་གཅིག་སྦྱིན་འོང་བསམ་པའི་ལན་དང་རྣམ་སྨིན་ལ་རེ་བ། གལ་ཏེ་ལན་ལ་རེ་བ་མེད་ནའང་རྣམ་སྨིན་ལ་རེ་བ་ཡོད། ངས་ཚོགས་བསགས་སྒྲིབ་སྦྱོང་བྱས་པས་ང་གནས་སྐབས་ལྷ་མིའི་བདེ་བ་དང་། མཐར་ཐུག་གི་བདེ་བ་རྒྱ་ཆེན་པོ་ཞིག་ཨེ་ཐོབ་བསམ་རྒྱུའི་རྣམ་སྨིན་ལ་རེ་བ་ཡོད་ནི་རེད། བྱང་ཆུབ་སེམས་དཔའ་ལ་དེ་ལྟ་བུ་ཡོད་ནི་མ་རེད། སེམས་ཅན་ཐམས་ཅད་གནས་སྐབས་དང་མཐར་ཐུག་བདེ་སོང་ན་ཅི་མ་རུང་། རང་ཅི་རེད་ན་ཅི་རེད་ཟེར་ནི་རེད། དཔེར་ན། ཕ་མ་སྙིང་བརྩེ་ལྡན་པས་བུ་ལ་ཟས་སྦྱིན་ན་དེས་ང་ལ་ལན་ཞིག་ཨེ་སྦྱིན་མི་བསམ་པར་ཁོང་གིས་བུ་འདི་ལ་ཟས་ཤིག་སྦྱིན་ན་ང་ལ་དགེ་བ་རྒྱ་ཆེན་པོ་ཨེ་ཡོད་མི་བསམ། བྱང་ཆུབ་སེམས་དཔའ་ཡིན་ན་ཧ་ལམ་དེ་དག་དང་ཆ་འདྲ་བ་རེད། ཤེས་རབ་དང་ཐབས་དང་ཏིང་ངེ་འཛིན་གྱིས་སངས་རྒྱས་ཀྱི་གོ་འཕང་སྒྲུབ་པར་བྱེད་པ་ལ་ཆོས་ཐམས་ཅད་བདག་མེད་རྟོགས་པའི་ཡེ་ཤེས་ཡོད་དགོས་ནི་རེད་མ་གཏོགས། བདག་མེད་མ་རྟོགས་པའི་དགེ་རྩ་ཙམ་ཞིག་གིས་སངས་རྒྱས་ཀྱི་གོ་འཕང་ཐོབ་ཐུབ་ནི་མ་རེད། བྱམས་སོགས་རྨོངས་དང་འགལ་མེད་ཕྱིར། །ཤིན་ཏུ་ཉེས་པ་ཚར་གཅོད་མིན། །ཞེས་གསུངས་སོ། །དེའི་ཕྱིར་ན་བདག་མེད་རྟོགས་པའི་ཤེས་རབ་རང་གི་རྒྱུད་ལ་རྫོགས་པར་གྱུར་ཅིག བདག་མེད་རྐྱང་བ་ཙམ་ཞིག་རྟོགས་ནའང་ཐབས་མཁས་ཁྱད་པར་ཅན་ཞིག་གི་གྲོགས་ཡོད་དགོས་ནི་རེད། ཐབས་མཁས་ཁྱད་པར་ཅན་ཟེར་རྒྱུ་དེ་བྱང་ཆུབ་སེམས་དཔའི་གནས་སྐབས་ན་གོང་དུ་བཤད་པ་ལྟར་དེད་དཔོན་སྙིང་རྗེ་ཅན་དང་། ཁྱེའུ་སྐར་མ་ལ་དགའ་བའི་རྣམ་ཐར་ལྟ་བུ་སྐད་ཅིག་གི་བྱ་བ་དེས་བསྐལ་མང་གི་ཚོགས་རྫོགས་འགྲོ་བ་དང་། གསང་སྔགས་རྡོ་རྗེ་ཐེག་པའི་གྲལ་ན་མིག་འཕྲུལ་ལྟ་བུའི་སྒོ་ནས་བསྐལ་ཆེན་གྲངས་མེད་གསུམ་དང་སུམ་ཅུ་སོ་གསུམ་གྱི་འབྲས་བུ་ཐོབ་རྒྱུ་དེ་མི་ལུས་གཅིག་གམ་རྫོགས་པ་ཆེན་པོའི་ལམ་ལྟ་བུའི་ཐབས་ཁྱད་པར་ཅན་ལ་བརྟེན་ན་ཟླ་བ་དྲུག་གིས་ཟུང་འཇུག་གི་སྐུ་འགྲུབ་པར་བྱེད་པ་ཡོད་ནི་རེད། དེ་འདྲའི་ཐབས་ཁྱད་པར་ཅན་ཟེར་རྒྱུ་དེ་གསང་སྔགས་རྡོ་རྗེ་ཐེག་པའི་ནང་ན་བཤད་ཡོད་ནི་རེད། མདོ་ཕར་ཕྱིན་ཐེག་པའི་སྐབས་ན་ཡང་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཕྱོགས་ཙམ་ཡང་མི་ཤེས་པ་ནི་ཐབས་ཀྱི་རྣམ་གྲངས་བསམ་གྱིས་མི་ཁྱབ་པ་ཡིན་པས་རེད། སྤྱིར་བྱང་ཆུབ་སེམས་དཔའི་འགྲོ་དོན་མཛད་པ་ལ་བྱ་བ་གང་བསྒྲུབ་དགོས་ན་བསམ་པ་སྔོན་དུ་འགྲོ་དགོས་ཏེ། ཆོས་རྣམས་སྔོན་དུ་ཡིད་འགྲོ་ཞིང༌། །ཡིད་འགྲོགས་ཡིད་འདི་གཙོ་བོ་ཡིན། །ཞེས་བསམ་པ་སྔོན་དུ་འགྲོ་དགོས་པར་གསུངས་ནི་རེད། དཔེར་ན་རྩམ་པ་ཞིག་ཟ་དགོས་ནའང་དང་པོ་ཟ་བསམ་རྒྱུའི་བསམ་པ་སྔོན་དུ་སོང་ནས་ཟ་དགོས་པ་དང་གོམ་པ་འདོར་དགོས་ན་འགྲོ་བསམ་པ་སྔོན་དུ་སོང་ནས་གོམ་པ་འདོར་དགོས་པ་དེ་བཞིན་དུ་བྱང་ཆུབ་སེམས་དཔའ་དང་སངས་རྒྱས་ཐམས་ཅད་ཀྱིས་རང་གཞན་གྱི་དོན་གང་དང་གང་ཞིག་བསྒྲུབ་ན་ཏིང་ངེ་འཛིན་གྱི་སྟོབས་ཀྱིས་སྒྲུབ་པར་བྱེད་ནི་རེད། ཏིང་ངེ་འཛིན་གྱི་སྒོ་དེ་ནི་བསམ་གྱིས་མི་ཁྱབ་པ་རེད། རྒྱས་པར་ད་ཞག་ཉེ་སྲས་བརྒྱད་ཀྱི་རྟོགས་བརྗོད་ཀྱི་སྐབས་ན་གསུངས་ཡོད་པ་དེ་ངས་ཕྱོགས་ཙམ་ཞིག་ཞུས་མྱོང་པ་ལྟར་རེད། དཔེར་ན། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པའི་དེ་བཞིན་གཤེགས་པ་ཤཱཀྱ་ཐུབ་པའི་དྲུང་དུ་འཁོར་བསྡུ་བའི་ཚེ་ན་ཏིང་ངེ་འཛིན་གཅིག་ལ་མཉམ་པར་བཞག་ནས་དེའི་སྟོབས་ཀྱིས་འཁོར་ཐམས་ཅད་བསྡུས། བདུད་ཐམས་ཅད་ཚར་གཅད་པའི་ཚེ་ན་ཡང་ཏིང་ངེ་འཛིན་གྱི་རྣམ་གྲངས་གཅིག་ལ་མཉམ་པར་བཞག་ནས་བདུད་ཐམས་ཅད་ཚར་གཅོད་པར་བྱེད། དེ་བཞིན་དུ་རང་གཞན་གྱི་དོན་གང་ཞིག་བསྒྲུབ་དགོས་ཀྱང་ཏིང་ངེ་འཛིན་ལ་དབང་འབྱོར་དགོས་ནི་རེད། ཏིང་ངེ་འཛིན་ཟེར་རྒྱུ་དེ་ནི་ངེད་ཅག་གིས་སྒོམ་ཞེས་རྩེ་གཅིག་ཏུ་མཉམ་པར་བཞག་པ་དེ་ཧ་ལམ་ཏིང་ངེ་འཛིན་གྱི་ཕྱོགས་གཏོགས་རེད། ད་དུང་ངེད་ཅག་ལས་དང་པོ་པ་རེད། ཏིང་ངེ་འཛིན་གྱི་སྒོ་ལ་གསར་དུ་འཇུག་ཅིང༌། ནམ་ཞིག་ཏིང་ངེ་འཛིན་ལ་དབང་འབྱོར་བར་བྱེད་ནི་རེད། ཏིང་ངེ་འཛིན་གྱི་རྣམ་པ་དེ་སྤྱིར་ན་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱིས་ཚད་མེད་པ་གཞལ་དུ་མེད་པ་ཞིག་ཡོད་པར་གསུངས་ནི་རེད། དེ་བཞིན་གཤེགས་པའི་མདོ་སྡེ་ཏིང་འཛིན་རྒྱལ་པོ་ཟེར་བ་ཞིག་ད་སྐབས་བོད་དུ་འགྱུར་ཡོད་ནི་རེད། དེའི་ནང་དུ་ཏིང་ངེ་འཛིན་གྱི་སྒོ་མི་འདྲ་བ་འབུམ་ཕྲག་གཅིག་བཤད་ཡོད་ནི་རེད། དཔེར་ན། མདོ་ཏིང་འཛིན་རྒྱལ་པོ་ལས་བཤད་པའི་སྒྱུ་མ་ལྟ་བུའི་ཏིང་ངེ་འཛིན་དང་དཔའ་བར་འགྲོ་བའི་ཏིང་ངེ་འཛིན། རྡོ་རྗེ་ལྟ་བུའི་ཏིང་ངེ་འཛིན་ལ་སོགས་པའི་ཏིང་ངེ་འཛིན་གྱི་རྣམ་གྲངས་འབུམ་ཕྲག་གཅིག་དངོས་བསྟན་རེད། སྒོ་འབུམ་ཕྲག་གཅིག་གི་མཐའ་ཆོད་ཟེར་ན་ག་ལ་ཆོད་དེ་ཆོད་ནི་མ་རེད། ངེད་ཅག་སོ་སོའི་སྐྱེ་བོ་ཞིག་གི་རྣམ་རྟོག་གིས་སངས་རྒྱས་དང་བྱང་ཆུབ་སེམས་དཔའི་ཏིང་ངེ་འཛིན་གྱི་མཐའ་ག་ལ་ཆོད། དེ་ལྟ་བུའི་ཏིང་ངེ་འཛིན་དེ་ནི་རང་དང་འབྲེལ་བ་ཐོགས་ཚད་ཀྱི་སེམས་ཅན་ཐམས་ཅད་ཀྱི་རྒྱུད་ལ་སྐྱེ་བར་ཤོག་ཅིག་གསུངས་ནི་རེད། དེ་འདྲའི་ཚིག་གཅིག་གིས་སྨོན་ལམ་བཏབ་ན་དེའི་ནང་དུ་མ་འདུས་པ་ཞིག་ཅི་ཡང་མེད། ས་ཐོབ་པའི་རྒྱུད་ན་འདི་ལྟ་བུའི་ཚིག་ཟབ་ལ་དོན་རྒྱ་ཆེ་བ་བྱིན་རླབས་ཀྱི་ནུས་པ་ལྷག་པར་ཆེ་བ་ཡོད་པས་དེ་རྒྱུད་ལ་སྐྱེ་བའི་ཐབས་སུ་དུས་རྒྱུན་དུ་སྨོན་ལམ་འདེབས་པ་དང་། རྒྱས་པར་ཏིང་འཛིན་རྒྱལ་པོའི་གཞུང་ལས་བཤད་པའི་དོན་ཐམས་ཅད་ཁོང་དུ་ཆུད་པ་བྱེད་དགོས་ནི་རེད། སྤྱི་དོན་བཅུ་གསུམ་པ་སྒྲུབ་པའམ་གཉེན་པོའི་སྒོ་ནས་སྨོན་པ་ནི། ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞེས་གསུངས་ཏེ། ལས་ཀྱི་སྟོབས་དེ་མེད་པར་གྱུར་ཅིག་ཞེས་མི་དགེ་བ་བཅུ་པོ་རང་རྒྱུད་ལ་མི་སྐྱེ་བར་གྱུར་ཅིག་ལས་དེ་ལའང་བསམ་པའི་ལས་དང་སེམས་པའི་ལས་ཞེས་མདོ་སྡེ་ཁ་ཅིག་ན་དེ་ལྟར་བཤད་ཡོད། སེམས་ལ་རྟག་ཏུ་མང་པོ་ཞིག་བསམ་འདུག་རྒྱུ་དེའི་མིང་ལ་སེམས་པ་ཡིད་ཀྱི་ལས་དང་དེས་བསྐྱེད་པའི་ལུས་དང་ངག་གི་ལས་དེ་ལའང་སེམས་པའི་ལས་ཟེར། ལུས་ངག་གི་སྟེང་དུ་ཐོན་པ་དངོས་སུ་ཁ་ནས་བརྗོད་པའི་ལས་དེ་ལ་བསམ་པའི་ལས་ཟེར་ནི་རེད། མདོར་ན་ལུས་ངག་ཡིད་གསུམ་གྱི་སྒོ་ནས་སྡུག་བསྔལ་ཡིད་དུ་མི་འོང་བ་སྨིན་པར་བྱེད་པའི་ལས་ངན་པ་ཐམས་ཅད་ཡོངས་སུ་ཟད་པར་གྱུར་ཅིག་གསུངས་ནི་རེད། འཁོར་བ་མཐའ་དག་ལ་སྐྱེ་བར་བྱེད་པའི་ལས་དཀར་ནག་དང་དཀར་ནག་ཕྱེད་མས་མངོན་མཐོ་ལྷ་མིའི་གནས་སུ་སྐྱེ་བར་བྱེད་པའི་ཟག་བཅས་དགེ་བའི་ལས་རེད། དེ་ཟད་དགོས་ནི་རེད་མ་གཏོགས་དེས་ཀྱང་འཁོར་བ་ལ་སྐྱེ་ནི་རེད། དོན་དང་པོ་མི་དགེ་བའི་ལས་མཐའ་དག་རྩ་བ་ནས་ཡོངས་སུ་སྤངས་ཏེ་ཕྱིན་ཆད་མི་དགེ་བ་ཕྲ་མོ་ཙམ་ལ་ཡང་མི་འཇུག་པར་ཤོག་ཅིག་གསུངས་ནི་རེད། ལས་དེ་ཀུན་ནས་སློང་བྱེད་ཉོན་མོངས་རེད། ཉོན་མོངས་པ་ཞེས་པ་དེ་མང་པོ་ཡོད་ཀྱང་སྲིད་པ་དང་སྲིད་པའི་ཡོ་བྱད་ལ་ཞེན་ཅིང་ཆགས་འདུག་རྒྱུའི་འདོད་ཆགས་ཞེས་པ་ནི་ཞེ་སྡང་འདྲ་བའི་ཧ་ཅང་བཟོད་བཀའ་བ་མིན་ཡང་དེ་རྒྱུད་ན་ཡོད་ནས་བཟུང་སྟེ་གཏན་ནས་བཟློག་པར་དཀའ་བ་ཞིག་ཡིན་ནི་རེད། དཔེར་ན་སྐྱེས་པ་ཞིག་བུད་མེད་ལ་ཆགས་པ་དང་། བུད་མེད་ཅིག་སྐྱེས་པ་ལ་ཆགས་པ་ལྟ་བུ་ནི། བཅོམ་ལྡན་འདས་ཀྱི་གསུང་དང་ཡང་འགལ་བ་དང་། བླ་མ་དགེ་བའི་བཤེས་གཉེན་གྱི་གསུང་དང་ཡང་འགལ། ཤེས་བཞིན་དུ་སེམས་འདི་གཏན་ནས་བཟློག་མི་ཐུབ་པ་འཇིག་རྟེན་པའི་ཁ་སྐད་ལའང༌། རྣག་སྐྲ་སྤངས་ལ་ཟུག་ན་འབའ་ཡོད། ཕོ་སྙིང་མོ་ལ་ཟུག་ན་འབའ་མེད་ཟེར་བ་ལྟར་བཟློག་རྒྱུ་གཏན་ནས་མེད་པ་ཞིག་ལ་ཟེར་བས་དེ་ལ་ངོ་སྤྲོད་ཅིག་མི་དགོས། རྒྱུ་རྫས་ལོངས་སྤྱོད་ལ་ཆགས་པ་དེའང་ཧ་གོ་བཞིན་པ་དེ་རེད། དཔེར་ན། ཕྲུག་ཚ་རུ་གཡུ་བྱུ་རུ་སྒོར་གསེར་དངུལ་སོགས་ལ་ཆགས་ཤིང་ཞེན་པ་དེ་ལ་འདོད་ཆགས་ཟེར་ནི་རེད། ཞེ་སྡང་ཞེས་པ་ནི། མི་ཞེ་སྡང་ཅན་རྣམས་ཀྱིས་རང་གི་ཤ་སོས་བཅད་ཀྱང་མི་གོ་བ་དང་། རང་གི་ལུས་ལས་ཆད་པའི་བུ་བསད་ན་མི་གོ་རྒྱུ་འདྲ་བ་དེ་ལྟ་བུའི་ཞེ་སྡང་དེ་ངོ་སྤྲོད་ཅིག་མི་དགོས་པར་ཚང་མས་ཤེས་ནི་རེད། འདོད་ཆགས་ཞེ་སྡང་གཉིས་ཀ་ལ་འཕྲད་འོང་དུས་བཟློག་མི་ཐུབ་པ་ལྟ་བུ་ཞིག་རེད། གཏི་མུག་ཅེས་པ་དེ་ཡང་དགེ་བ་སྒྲུབ་མི་ཤེས་སྡིག་པ་སྤང་མི་ཤེས་པ་དེ་ནི་གཏི་མུག་རེད། ཉེས་པ་མང་ཆེ་བའི་འབྱུང་གནས་དེ་གཏི་མུག་རེད། རང་ཅག་གིས་ད་ལྟ་གཞུང་ལུགས་རབ་འབྱམས་ལ་ཐོས་བསམ་སྒོམ་གསུམ་བྱེད་རྒྱུ་དེ་གཙོ་བོ་གཏི་མུག་སེལ་བའི་ཆེད་རེད། དཔེར་ན། དགེ་འདུན་པའི་དཀོར་ལ་ལོངས་སྤྱོད་རྒྱུ་དེ་ཕྲ་ཞིང་ཕྲ་བ་ནས་ལག་ལེན་དོགས་མཐའ་ལེགས་པོ་ཞིག་ཤེས་དགོས་ན་ད་ཞག་མཁན་སྤྲུལ་རྣམ་པ་ཐམས་ཅད་ལྷན་དུ་འཚོགས་ནས་གྲོས་བསྡུར་བྱེད་སྐབས། ངེད་ཅག་གིས་ཚུལ་བཞིན་བཤད་མི་ཤེས་དེ་ཡང་གཏི་མུག་གིས་རེད། སྤྱིར་ན་མི་དགེ་བ་ནི་མ་ཤེས་པའི་དབང་གིས་འབྱུང་ནི་རེད། མ་གུས་པ་དང་བག་མེད་པའི་དབང་གིས་ཉེས་པ་ཆེ་ཕྲ་ཐམས་ཅད་འབྱུང་བ་ཡིན། བག་མེད་ཞེས་པ་དེ་དྲན་ཤེས་མི་བརྟེན་པ་ལ་ཟེར། ཉོན་མོངས་པའི་དབང་གིས་འབྱུང་བའང་ཡོད་པས། དེའི་སྡུག་ཆེ་བ་ཞིག་ཅི་ཡང་མེད། ཉོན་མོངས་པ་ཐམས་ཅད་རིགས་བསྡུ་ན་འདོད་ཆགས་ཞེ་སྡང་གཏི་མུག་གསུམ་གྱི་ནང་དུ་ཕྱོགས་ཙམ་འདུ་རྒྱུ་རེད། ཕྲག་དོག་དེ་ཞེ་སྡང་གི་ཕྱོགས་གཏོགས་རེད། སེར་སྣ་ཟེར་བ་ནི་འདོད་ཆགས་དང་ཕྱོགས་འདྲ་བ་ཞིག་རེད། སྤྱིར་ན་མི་དགེ་བ་འདོད་ཆགས་ཞེ་སྡང་གཏི་མུག་གསུམ་གྱིས་ཀུན་ནས་བསླངས་པའི་ལུས་ངག་ཡིད་ཀྱི་སྤྱོད་པ་ཚང་མ་རྣམ་པ་ཀུན་ཏུ་མི་དགེ་བ་འབའ་ཞིག་རེད། དེས་ན་འདོད་ཆགས་ཞེ་སྡང་གཏི་མུག་གསུམ་པོ་དེ་མེད་པར་གྱུར་ཅིག་གསུངས་ནི་རེད། ༈ སེས་ཞེས་པ་དེ་འདོད་ཆགས་ཞེ་སྡང་གཏི་མུག་རྣམས་རང་རྒྱུད་ལ་སྐྱེ་བར་བྱེད་པ་དེ་རེད། སྣང་ཚུལ་གྱི་དབང་དུ་བྱས་ན་ཕྱི་རོལ་དུ་དགའ་རབ་དབང་ཕྱུག་འཁོར་དང་བཅས་པ་ནག་པོའི་རྩ་ལག་ཏུ་གྱུར་པ་ཐམས་ཅད་ཀྱིས་རབ་ཏུ་བྱུང་བ་ཐམས་ཅད་ལ་ཉིན་རེ་བཞིན་དུ་ཆགས་པར་བྱེད་པའི་མདའ། སེམས་རྨོངས་པར་བྱེད་པའི་མདའ་དང་། སེམས་ང་རྒྱལ་བར་བྱེད་པའི་མདའ་དང་། འཐབ་པར་བྱེད་པའི་མདའ་དང༌། འདུ་འཛི་དང་རྙེད་བཀུར་ལ་བརྟེན་ཏེ་སེམས་གཡེང་བར་བྱེད་པ་སོགས་མདའ་ལྔ་རེ་འཕེན་ནི་རེད། དེ་ནི་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་སེར་སྣ་སོགས་སྐྱེ་བྱེད་དེ་ལ་མདའ་ལྔ་ཟེར་ནི་རེད། དེ་འདྲའི་མདའ་འཇམ་པོ་འཇམ་པོ་ཞིག་གིས་བརྒྱབ་པ་ཡང་མི་གོ་བར་ཁྱབ་འགྲོ་བ་ཞིག་རེད། དེ་ལྟ་བུའི་ཉོན་མོངས་པ་རྒྱུད་ལ་སྐྱེ་བར་བྱེད་པ་ནི་བྱང་ཆུབ་གསུམ་ལ་བར་ཆད་བྱེད་པའི་བདུད་ཟེར་རྒྱུ་བོ་དེ་རེད། འདྲེ་བགེགས་ལ་སོགས་པ་གཙོ་བོ་རང་གི་སེམས་ཀྱི་ཆོ་འཕྲུལ་རེད་མ་གཏོགས་སེམས་ལས་གཞན་དུ་གྱུར་པའི་ཕྱི་རོལ་གྱི་ཁ་མིག་རྣ་བ་ཅན་གྱི་བདུད་ཅིག་མེད་ཀྱང་སེམས་རྣམ་པར་མ་དག་ན་བགེགས་ཡོད་དེ། རྗེ་བཙུན་མི་ལའི་རྣམ་མགུར་ལས། ཁྱེད་རང་སེམས་འདྲེ་རུ་བཟུང་གྱུར་ན། །འདྲེ་ང་བས་མི་ཚད་གཞན་པ་ཡོད། །ཅེས་གསུངས་ཏེ། ཕྱི་རོལ་ན་ཁ་ལག་རིང་པོ་ཁ་མིག་རྣ་བ་ཅན་ཞིག་ཡོད་རྒྱུའི་དབང་དུ་བྱེད་པ་དགའ་རབ་དབང་ཕྱུག་དང་བཙན་རྒྱལ་པོ་མ་མོ་ཐེའུ་རང་དམ་སྲི། ཁྱད་པར་དུ་སངས་རྒྱས་ཀྱི་བསྟན་པ་རིན་པོ་ཆེ་ལ་མི་དགའ་བའི་ནག་ཕྱོགས་བདུད་ཀྱི་སྟོབས་དེ་ཟད་པར་གྱུར་ཅིག་གསུངས་ནས་སྨོན་ལམ་བཏབ་ནི་རེད། བཟང་པོ་སྤྱོད་པའི་སྟོབས་ཞེས་པ་དེ་བསམ་པ་བཟང་པོ་བྱང་ཆུབ་ཀྱི་སེམས་དང་སྤྱོད་པ་རྣམ་པར་དག་པ་བསླབ་པ་ཚུལ་ཁྲིམས་ཏིང་འཛིན་ཤེས་རབ་གསུམ་པོ་དེའི་སྟོབས་ནི་ཡོངས་སུ་རྫོགས་ནས་སེམས་ཅན་ཐམས་ཅད་ཀྱི་རྒྱུད་ལ། དཔེར་ན། སོས་ཀའི་དུས་སུ་ཆེད་དུ་བརྩོན་པ་མ་བྱས་ཀྱང་ས་གཞི་ལ་རྩི་ཤིང་ནགས་ཚལ་ཐམས་ཅད་སྐྱེ་བ་དེ་བཞིན་དུ་སེམས་ཅན་ཐམས་ཅད་ཀྱི་རྒྱུད་ལ་ལམ་ལྷག་པའི་བསླབ་པ་གསུམ་དང་བྱང་ཆུབ་ཀྱི་སེམས་རིན་པོ་ཆེ་འབད་མེད་དུ་རྒྱུད་ལ་སྐྱེ་བར་གྱུར་ཅིག་བསམས་ནས་སྨོན་ལམ་འདེབས་དགོས་ནི་རེད། ངེད་ཅག་རྣམས་ཀྱིས་སྔོན་རྒྱ་གར་རྡོ་རྗེ་གདན་གྱི་མཆོད་རྟེན་ལ་སྐོར་བ་བྱེད་པའི་སྐབས་ན་འདིའི་ཚིགས་སུ་བཅད་པ་དེ་གྲངས་མང་པོ་བཏོན་ནས་བསྐོར་ནི་ཡིན། ངས་ཁྱེད་རྣམ་པ་ལ་སྔོན་ཆད་ཀྱང་ཞུ་མྱོང་། སྨོན་ལམ་འདེབས་པའི་སྐབས་སུ་གྱུར་རྣམས་ལ་འགྱུར་མ་ཟེར། གྱུར་ཟེར་བ་དེ་གྱུར་ཅིག་ཟེར་བ་དང་དོན་གཅིག་རེད། སྡེབ་སྦྱོར་གྱི་དབང་གིས་མ་ཤོང་ནི་རེད། ཁྱད་པར་དུ་སྐད་སྦུག་རྣམས་ཀྱི་ནང་དུ་གྱུར་རྣམས་ལ་འགྱུར་མ་ཟེར་མ་གཏོགས་མཁས་པ་ཞིག་གིས་ཉན་ན་ཨེ་བླ་རུང་སྒར་མཁས་ཟེར་ཡང་གྱུར་དང་འགྱུར་གཉིས་ཀྱི་ཁྱད་འབྱེད་མི་ནུས་འུ་ཟེར་འོང་ནི་རེད། ཐམས་ཅད་ཀྱིས་ཐུགས་ལ་འཛིན་པར་ཞུ། ད་ངོ་མ་བཤད་ན་བྱང་ཆུབ་སེམས་དཔའི་སྨོན་ལམ་རྒྱ་མཚོ་ལྟ་བུ་འདི་ཁོ་ནའི་ནང་དུ་འདུ་ནི་རེད། ལས་ཀྱི་སྟོབས་ཟད། ཉོན་མོངས་པའི་སྟོབས་འཇོམས། བདུད་ཀྱི་སྟོབས་མེད་པར་བྱེད། བཟང་པོ་སྤྱོད་པའི་སྟོབས་རྫོགས་སོང་ན་དེའི་ནང་དུ་མ་འདུས་པའི་སྨོན་ལམ་ཞིག་མེད། དེའི་ཕྱིར་ན་བཟང་པོ་སྤྱོད་པའི་སྨོན་ལམ་འདི་སྨོན་ལམ་གཞན་དང་མི་འདྲ་ཟེར་བའི་གནད་དོན་ཡང་དེ་འདི་ལྟ་བུ་རེད། སྤྱི་དོན་བཅུ་བཞི་པ་ཕྲིན་ལས་ཀྱི་སྒོ་ནས་སྨོན་པ་ནི། ཞིང་རྣམས་རྒྱ་མཚོ་རྣམ་པར་དག་བྱེད་ཅིང༌། །སེམས་ཅན་རྒྱ་མཚོ་དག་ནི་རྣམ་པར་སྒྲོལ། །ཆོས་རྣམས་རྒྱ་མཚོ་རབ་ཏུ་མཐོང་བྱེད་ཅིང༌། །ཡེ་ཤེས་རྒྱ་མཚོ་རབ་ཏུ་རྟོགས་པར་བྱེད། །སྤྱོད་པ་རྒྱ་མཚོ་རྣམ་པར་དག་བྱེད་ཅིང༌། །སྨོན་ལམ་རྒྱ་མཚོ་ཡོངས་སུ་རྫོགས་པར་བྱེད། །སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང་། །བསྐལ་པ་རྒྱ་མཚོར་མི་སྐྱོ་སྤྱད་པར་བགྱི། །༡༽ཞེས་གསུངས་ཏེ། མངོན་པར་རྫོགས་པར་སངས་རྒྱས་ནས་འཕྲིན་ལས་ཀྱིས་སེམས་ཅན་ཐམས་ཅད་ལ་གང་ལ་གང་འདུལ་གྱི་མཛད་པ་མཛད་དགོས་ནི་རེད། དེའི་ཕྱིར་ན་རང་གིས་ཕྱོགས་བཅུའི་ཞིང་རབ་འབྱམས་ན་གནས་པའི་ཞིང་ཁམས་ཐམས་ཅད་དག་པ་ཉིད་དུ་བསྒྱུར་ནུས་པར་ཤོག་ཅིགདཔེར་ན། མགོན་པོ་འོད་དཔག་མེད་ཀྱི་ཞིང་ཁམས་ཇི་ལྟ་བ་བཞིན་དུ་ཕྱོགས་བཅུའི་ཞིང་རབ་འབྱམས་ཀུན་ཀྱང་ཡོངས་སུ་དག་པ་ཉིད་དུ་འགྱུར་བར་ཤོག་ཅིག་ཟེར་ནས་སྨོན་ལམ་འདེབས། ནམ་ཞིག་ན་རང་གིས་དེ་ལྟ་བུ་དངོས་སུ་བསྒྱུར་ནུས་པར་ཤོག་ཅིག་བསམ།༢༽ ཕྱོགས་བཅུའི་ཞིང་རབ་འབྱམས་ན་བཞུགས་པའི་སེམས་ཅན་གཅིག་ཀྱང་མ་ལུས་པ་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་མ་བསྒྲལ་བ་རྣམས་བསྒྲལ་ཏེ་སངས་རྒྱས་ཀྱི་ས་ལ་ཡོངས་སུ་འགོད་ནུས་པར་ཤོག་ཅིག་བསམ། ༣༽ འདས་མ་འོངས་ད་ལྟ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་བླ་མ་དགེ་བའི་བཤེས་གཉེན་རྣམས་ཀྱི་གསུང་རྣམས་ཀྱི་ཚིག་ཟུར་ཙམ་ཡང་མ་ལྷག་པར་ཐམས་ཅད་རང་གི་ཡིད་ལ་འཛིན་ནུས་པར་གྱུར་ཅིག དོན་ཀུན་ཀྱང་རང་གི་ཡིད་ལ་འཆར་ནུས་པར་གྱུར་ཅིག ཚིག་དོན་ཐམས་ཅད་ཡ་མ་བྲལ་བར་རང་གིས་ཉམས་སུ་ལེན་ནུས་པར་གྱུར་ཅིག མ་ཟད་པར་རང་དང་འབྲེལ་བ་ཐོག་ཚད་དང་མཐའ་ཡས་པའི་སེམས་ཅན་ཐམས་ཅད་ལ་དེ་དེ་བཞིན་དུ་ཚིག་དོན་རྣམས་ཉམས་སུ་ལེན་པའི་ཡོན་ཏན་ཐམས་ཅད་ཡོངས་སུ་རྫོགས་པར་གྱུར་ཅིག༤༽ ད་དུང་སོ་སོའི་སྐྱེ་བོའི་གྲལ་ན་སངས་རྒྱས་དང་བྱང་ཆུབ་སེམས་དཔའ་ཡེ་ཤེས་དང་ཡོན་ཏན་བསམ་གྱིས་མི་ཁྱབ་པ་ཅན་ཡོད་ནི་རེད། དེ་ལྟ་བུའི་ཡེ་ཤེས་དེ་ཡང་སེམས་ཅན་ཐམས་ཅད་ཀྱི་རྒྱུད་ལ་ཡོངས་སུ་སྨིན་པར་ཤོག་ཅིག་གསུངས་ནི་རེད། ༥༽ སྤྱིར་བྱང་ཆུབ་སེམས་དཔའི་སྤྱོད་པ་རྒྱ་མཚོ་ལྟ་བུ་བསམ་གྱིས་མི་ཁྱབ་པ་རེད། སྤྱོད་པ་ཐམས་ཅད་ངོ་བོའི་སྒོ་ནས་བསྡུ་ན་དངོས་དང་བརྒྱུད་པའི་སེམས་ཅན་ཐམས་ཅད་ལ་ཕན་པར་བྱེད་པ་འབའ་ཞིག་གི་ནང་དུ་འདུ་ནི་རེད། དེ་ཡང་རང་གིས་སེམས་ཅན་ཐམས་ཅད་ལ་ཕན་པའི་སྤྱོད་པ་རྫོགས་པར་གྱུར་ཅིག་གསུངས་ནི་རེད། ཁྱད་པར་དུ་ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་ཀྱི་ཞལ་ནས། རྒྱལ་སྲས་རྣམས་ཀྱིས་ཀུན་ལ་བསླབ་བྱ་སྟེ། །གཙོ་བོ་ཕ་རོལ་ཕྱིན་པ་དྲུག་ལ་སློབ། །ཅེས་གསུངས་ཏེ་རྒྱལ་སྲས་རྣམས་ཀྱི་བསླབ་བྱ་དེ་ལ་ཚད་མེད་པ་གྲངས་མེད་པ་གཞལ་དུ་མེད་པ་ཞིག་ཡོད་ཀྱང་རྒྱལ་སྲས་བྱང་ཆུབ་སེམས་དཔའ་ཐམས་ཅད་ཀྱིས་དངོས་གནས་བཤད་ན་དེ་རིང་འདི་ན་འོང་ནས་ཚིག་རྩུབ་དང་། ངག་འཁྱལ་སོགས་འདྲ་མི་འདྲ་བཤད་ན་ཡང་དེ་ཐམས་ཅད་སེམས་ཅན་གྱི་དོན་དུ་འགྱུར་ནི་རེད། དེ་ཡང་སྔོན་བྱང་ཆུབ་སེམས་དཔའ་འཇམ་དཔལ་དབྱངས་ཀྱིས་གསལ་རྒྱལ་གྱི་བཙུན་མོ་རྣམས་ལ་སུན་འབྱིན་པ་ན་འོད་སྲུང་ཆེན་པོས་འཇམ་དཔལ་དབྱངས་གནས་དབྱུང་མཛད་དགོས་པར་གསུངས་ཀྱང་། ཕྱོགས་བཅུའི་ཞིང་རབ་འབྱམས་ཐམས་ཅད་དུ་འཇམ་དཔལ་དབྱངས་ཀྱིས་ཁྱབ་པ་ན་བཅོམ་ལྡན་འདས་ཀྱིས་ཁྱེད་ཀྱིས་འཇམ་དཔལ་གང་གནས་ནས་དབྱུང་རྒྱུ་ཡིན་ཞེས་གསུངས་དུས་འོད་སྲུང་ངོ་ཚ་ནས་ཅི་ཡང་ཟེར་མ་ཤེས་པར་གནས་ནས་དབྱུང་བར་མ་ནུས། སྔོན་སངས་རྒྱས་བཅོམ་ལྡན་འདས་ཀྱིས་འཇམ་དཔལ་དབྱངས་འཁོར་དུ་བཞེས་པའི་སྐབས་སུ་མཉན་ཡོད་ན་རྒྱལ་པོ་གསལ་རྒྱལ་གྱི་བཙུན་མོ་རྣམས་ཀྱིས་གཙོས་སེམས་ཅན་གྲངས་མེད་པའི་འགྲོ་དོན་མཛད་པར་གསུངས་སོ། །ཤཱ་རིའི་བུས་ཇི་ལྟར་ལགས་ཞུས་པས། སེམས་ཅན་ཆོས་ལ་དགའ་བ་རྣམས་ལ་ཆོས་ཀྱི་སྤྱོད་པ་དང་། ཆགས་པ་ཅན་རྣམས་ལ་ཆགས་པའི་ཚུལ་བསྟན་པ་དང༌། ཞེ་སྡང་ཅན་ཐམས་ཅད་ལ་ཞེ་སྡང་གི་ཚུལ་བསྟན་པ་དང༌། བག་མེད་པ་རྣམས་ལ་བག་མེད་པའི་ཚུལ་བསྟན་པ་དང་། རྩེད་མོ་ལ་དགའ་བ་རྣམས་ལ་རྩེད་མོའི་ཚུལ་བསྟན་པ་དང་དེ་ལྟ་བུའི་སྤྱོད་པ་རྣམ་པ་སྣ་ཚོགས་ཀྱིས་སེམས་ཅན་རྣམས་འདུལ་བར་མཛད་པར་གསུངས་སོ། །བྱང་ཆུབ་སེམས་དཔའི་སྤྱོད་པ་ཚད་མེད་པ་ཡོད་ཀྱང་སྤྱོད་པ་ལེགས་ཤོས་ཐམས་ཅད་བསྡུས་ན། སྦྱིན་པ་སྦྱིན་པ་དང༌། ཚུལ་ཁྲིམས་སྲུང་བ་དང༌། བཟོད་པ་སྒོམ་པ་དང༌། བརྩོན་འགྲུས་རྩོམ་པ་དང༌། བསམ་གཏན་སྒོམ་པ་དང༌། ཤེས་རབ་ཀྱི་དོན་རྟོགས་པར་བྱེད་པ་སྟེ། དེ་ལྟ་བུའི་སྤྱོད་པ་རྒྱ་མཚོ་ལྟ་བུ་རང་གི་རྒྱུད་ལ་ཡོངས་སུ་རྫོགས་པར་ཤོག་ཅིག་གསུངས་ནི་རེད། ༦༽སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྨོན་ལམ་བཟང་སྤྱོད་སྨོན་ལམ་གྱི་ནང་དུ་མ་འདུས་པའི་སྨོན་ལམ་གཅིག་ཀྱང་མེད། དེ་ཡང་སྨིན་གླིང་ལོ་ཆེན་གྱི་སྡོམ་ཚིག་རྣམ་པ་བཅུ་དྲུག་གི་ཁོངས་སུ་བསྡུས་ཡོད། མདོ་སྡེ་ཐམས་ཅད་ཀྱི་ནང་ན་ཡང་། ལུས་ཀུན་སྟོན་དང་ཞིང་ཀུན་འཇུག །ཕར་ཕྱིན་རྫོགས་དང་སེམས་ཅནསྨིན། །ཞིང་སྦྱོང་སྤྱོད་ཡུལ་མཐུན་པར་འཇུག །སྤྱོད་ཀུན་དོན་ཡོད་བྱང་ཆེན་ཐོབ། །བྱང་སེམས་སྨོན་ལམ་ཆེན་པོ་བཅུའོ། །ཞེས་གསུངས་ཏེ་སྨོན་ལམ་ཆེན་པོ་བཅུ་དང་སྨོན་ལམ་ཆེན་པོ་རེ་རེ་ལ་ཡང་འཁོར་སྨོན་ལམ་འབུམ་ཕྲག་འབུམ། མདོ་རྣམས་ནས་གསུངས་པ་ལྟར་སྨོན་ལམ་ཆེན་པོ་ཐམས་ཅད་ཡོངས་སུ་རྫོགས་པར་ཤོག་ཅིག་གསུངས་ནི་རེད། བྱང་ཆུབ་སེམས་དཔའ་རྣམས་ཀྱིས་དམིགས་བསལ་གྱི་སྨོན་ལམ་འདེབས་ཚུལ་ཡང་ཡོད། དཔེར་ན། བདེ་བར་གཤེགས་པ་མཆེད་བརྒྱད་ཀྱིས་སྨོན་ལམ་འདེབས་ཚུལ་ནི་མཚན་ལེགས་པར་ཡོངས་གྲགས་དཔལ་གྱི་རྒྱལ་པོས་ནི་སྔོན་དང་པོ་བྱང་ཆུབ་མཆོག་ཏུ་ཐུགས་བསྐྱེད་པ་ནས་བཟུང་མཐར་མངོན་པར་རྫོགས་པར་སངས་རྒྱས་མ་ཐོབ་ཀྱི་བར་དུ་དུས་དང་གནས་སྐབས་ཀུན་ཏུ་སྨོན་ལམ་ཆེན་པོ་བརྒྱད་བཏབ་ནི་རེད། སྨོན་ལམ་ཆེན་པོ་རྣམ་པ་བརྒྱད་པོ་མངོན་དུ་མ་གྱུར་བ་དེ་སྲིད་དུ་བདག་མངོན་པར་རྫོགས་པར་ཚངས་རྒྱ་བར་མ་གྱུར་ཅིག་གསུངས་ནི་རེད། སྨོན་ལམ་ད་ལྟ་མངོན་དུ་གྱུར་ནས་སངས་རྒྱས་འཚོ་ཞིང་གཞེས། ཆོས་ཀྱང་སྟོན་ཤར་ཕྱོགས་ན་བཞུགས་པ་དང༌། དེ་བཞིན་དུ་རིན་པོ་ཆེ་ཟླ་བ་དང་གསེར་བཟང་དྲི་མེད་ལ་སོགས་པས་སྨོན་ལམ་རྣམ་པ་བརྒྱད་རེ་དུས་རྒྱུན་དུ་བཏབ། མྱ་ངན་མེད་མཆོག་དང་ཆོས་གྲགས་མངོནམཁྱེན་ལ་སོགས་པས་སྨོན་ལམ་རྣམ་པ་བཞི་རེ་བཞི་རེ་དུས་རྒྱུན་དུ་བཏབ། དེ་བཞིན་གཤེགས་པ་སྨན་གྱི་བླ་མས་སྨོན་ལམ་རྣམ་པ་བཅུ་གཉིས་བཏབ། བདག་ཅག་གི་སྟོན་པ་ཐུགས་རྗེ་ཅན་གྱིས་སྙིང་རྗེ་པད་མ་དཀར་པོའི་མདོ་སྡེ་ལས་གསུངས་པ་བཞིན་བླ་མ་རིན་པོ་ཆེ་མི་ཕམ་ཚང་གི་ཞལ་སྔ་ནས་མཛད་པའི་ཐུབ་ཆོག་བྱིན་རླབས་གཏེར་མཛོད་ལས། སྙིང་རྗེ་ཆེན་པོས་རྩོད་ལྡན་སྙིགས་མའི་ཞིང༌། །བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ། །པད་དཀར་ལྟར་བསྔགས་མཚན་ཐོས་ཕྱིར་མི་ལྡོག །སྟོན་པ་ཐུགས་རྗེ་ཅན་ལ་ཕྱག་འཚལ་ལོ། །ཞེས་གསུངས་པ་ལྟར་སྔོན་བྲམ་ཟེ་རྒྱ་མཚོའི་རྡུལ་ཞེས་བྱ་བའི་སྐྱེ་བ་བཞེས་སྐབས་ན་བདག་ཅག་གི་སྟོན་པ་ཐུགས་རྗེ་ཅན་གྱིས་བཟང་སྤྱོད་ཀྱི་ཟིན་བྲིས་&quot;ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། མ་འོངས་པ་ན་ཞིང་མ་དག་པ་གདུལ་བར་དཀའ་བའི་སྐྱེ་བོ་མ་རུང་བ་ཐམས་ཅད་ལ་སྙིང་སྟོབས་ཆེན་པོའི་སྒོ་ནས་དེ་དག་ཐམས་ཅད་གདུལ་བར་བྱ་བའི་ཕྱིར་དུ་སྨོན་ལམ་ཆེན་པོ་ལྔ་བརྒྱ་བཏབ་ནི་རེད། དེ་ཐམས་ཅད་མདོ་སྡེ་པདྨ་དཀར་པོའི་ནང་ན་ཡང་གསུངས་ཡོད། སྨོན་ལམ་དེ་དག་ཐམས་ཅད་ཀྱི་ཚིག་དོན་གནད་བསྡུས་ནས་བླ་མ་རིན་པོ་ཆེ་མི་ཕམ་ཚང་གིས་ཐུབ་ཆོག་པདྨ་དཀར་པོ་ལས་གསལ་བར་གསུངས་ཡོད། དེ་ལྟ་བུའི་དམིགས་བསལ་གྱི་སྨོན་ལམ་འདེབས་ཚུལ་ཡོད། ངེད་ཅག་གིས་སྔོན་ཆད་བསྐལ་པ་སྟག་གི་ལོ་བྱང་ཆུབ་མཆོག་ཏུ་སེམས་བསྐྱེད་པའི་གནས་སྐབས་ན། བདག་ནི་འདི་ནས་ཚེ་རབས་ཐམས་ཅད་དུ། །བླ་མ་ལྷག་པའི་ལྷ་ཡིས་རྗེས་སུ་བཟུང༌། །བསླབ་གསུམ་ཡོན་ཏན་རྒྱ་མཚོའི་གཏེར་ལ་དབང་། །བསྟན་འགྲོའི་དོན་ཆེན་འབད་མེད་འགྲུབ་པར་ཤོག །ཅེས་སྨོན་ལམ་བཏབ་ནི་རེད། དེ་ཡང་དམིགས་བསལ་གྱི་སྨོན་ལམ་རེད། མདོར་ན་སྨོན་ལམ་མང་པོ་དང་ཉུང་ངུ་ཅི་འདྲ་ཞིག་བཏབ་པ་ཐམས་ཅད་ཀུན་ཀྱང་བདག་དང་བདག་ལ་འབྲེལ་བ་ཐོག་པའི་སེམས་ཅན་ཐམས་ཅད་ཀྱི་སྨོན་ལམ་འདི་ཡོངས་སུ་རྫོགས་ནུས་པར་ཤོག་ཅིག་གསུངས་ནི་རེད། ༧༽ འདས་མ་འོངས་ད་ལྟ་དུས་གསུམ་དུ་བཞུགས་པའི་སངས་རྒྱས་ཐམས་ཅད་ལ་རང་གིས་གདུགས་དང་མར་མེ་ལུས་ལོངས་སྤྱོད་དུས་གསུམ་གྱི་དགེ་བ་ལ་སོགས་པ་ཀུན་ཀྱང་དུས་རྟག་ཏུ་མཆོད་པར་ཤོག་ཅིག བྱང་ཆུབ་སེམས་དཔའ་ཀུན་ཏུ་བཟང་པོའི་མཆོད་པ་ལྟ་བུའི་མཆོད་པ་རྒྱ་ཆེན་པོ་རྒྱུན་རིང་བ་གྲངས་མེད་པ་མཆོད་པར་ཤོག་ཅིག་གསུངས་ནི་རེད། ༨༽ནམ་མཁའ་མ་སྟོང་གི་བར་དུ་འཇམ་དཔལ་དབྱངས་ལྟ་བུས་སེམས་ཅན་གྱི་དོན་ལ་བརྩོན་པ་སྐད་ཅིག་ཙམ་ཡང་གཡེང་བ་མེད་པར་ཏིང་ངེ་འཛིན་དང་གཟུངས་དང་རྣམ་ཐར་ལ་རང་དབང་ཐོབ་པ་ནས་བཟུང་སྟེ། དག་པའི་ཞིང་ཁམས་སོགས་ལ་ངེས་པར་དུ་སྨོན་ལམ་མི་འདེབས། གང་ལ་སྨོན་ལམ་འདེབས་ཞེ་ན། མ་དག་པའི་ཞིང་སྲིད་པའི་གྲོང་ཁྱེར་ལ་སྨོན་ལམ་འདེབས་དགོས་ནི་རེད། སྨོན་ལམ་འདེབས་པའི་དུས་དེ་ཡང་ཐབས་དང་ཤེས་རབ་ཏིང་ངེ་འཛིན་དང་རྣམ་ཐར་དང་ཡོན་ཏན་ཀུན་གྱི་མི་ཟད་པའི་མཛོད་དུ་མ་གྱུར་བར་དུ་འཁོར་བ་ལ་སྐྱེ་བར་སྨོན་ལམ་བཏབ་ན་བསམ་པ་བཟང་པོ་ཡིན་ཡང་ལོང་བས་ལོང་བ་ཁྲིད་འདྲ་ལོང་བ་འཐབ་མོར་ལྷུང་འདྲ་ཡིན་པས་གཞན་དོན་དུ་མི་འགྱུར། དེ་ལ་མཐུན་རྐྱེན་དེ་ཡང་། སྐྱེ་བ་ཀུན་ཏུ་ཡབ་གཅིག་མཁྱེན་པའི་གཏེར། །འཇམ་དཔལ་དཔའ་བོས་དགྱེས་བཞིན་རྗེས་སུ་བཟུང༌། །ཀུན་ཏུ་བཟང་པོའི་སྨོན་ལམ་ལས་བསྟན་པའི། །བྱང་ཆུབ་སྤྱོད་པ་རྒྱ་མཚོ་མཐར་ཕྱིན་ཤོག །ཅེས་སྐྱེ་བ་ཀུན་ཏུ་ཡབ་གཅིག་འཇམ་དཔལ་དཔའ་བོས་དགྱེས་བཞིན་དུ་རྗེས་སུ་བཟུང་ནས་བར་ཆད་བདུད་ཀྱིས་གླགས་བྱེད་ནུས་ནི་མ་རེད། ཀུན་ཏུ་བཟང་པོའི་སྤྱོད་པ་དེ་ལ་སྨོན་པར་གྱུར་ཅིག་གསུངས་ནི་རེད། སྤྱི་དོན་བཅོ་ལྔ་པ་རྗེས་སུ་སློབ་པའི་སྒོ་ནས་སྨོན་པ་ལ་གཉིས་ལས། དང་པོ་སངས་རྒྱས་ཀྱི་རྗེས་སུ་སློབ་པ་ནི། གང་ཡང་དུས་གསུམ་གཤེགས་པའི་རྒྱལ་བ་ཡི། །བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པས་བྱང་ཆུབ་སངས་རྒྱས་ནས། །དེ་ཀུན་བདག་གིས་མ་ལུས་རྫོགས་པར་བགྱི། །ཞེས་གསུངས་ཏེ། དུས་གསུམ་གྱི་སངས་རྒྱས་ཐམས་ཅད་ཀྱི་སྨོན་ལམ་རྣམས་རང་གིས་ཡོངས་སུ་རྫོགས་པར་ཤོག་ཅིག་གསུངས་ནི་རེད། བླ་མ་རིན་པོ་ཆེས། བདེ་གཤེགས་སྲས་བཅས་ཀུན་གྱི་ཐུགས་བསྐྱེད་དང༌། །མཛད་པ་སྨོན་ལམ་མཁྱེན་བརྩེ་ནུས་པའི་ཚུལ། །བླ་མེད་ཡེ་ཤེས་སྒྱུ་འཕྲུལ་ཅི་འདྲ་བ། །དེ་འདྲ་ཁོ་ནར་བདག་ཀྱང་འགྱུར་བར་ཤོག །ཅེས་རྒྱལ་བ་སྲས་དང་བཅས་པའི་མཛད་པ་དང་མཁྱེན་པ་དང་བརྩེ་བས་བྱང་ཆུབ་མཆོག་ཏུ་ཐུགས་བསྐྱེད་པ་དང་སྨོན་ལམ་འདེབས་པ་ཐམས་ཅད་བདག་གིས་རྫོགས་པར་ཤོག་ཅིག་གསུངས་ནས་སངས་རྒྱས་ཐམས་ཅད་ཀྱི་རྗེས་སུ་སློབ་པའི་སྨོན་ལམ་བཏབ་ནི་རེད། གཉིས་པ་སེམས་དཔའ་མཆོག་གཉིས་ཀྱི། སྤྱིར་ན་སེམས་དཔའ་མཆོག་གཉིས་བྱང་ཆུབ་སེམས་དཔའ་ཐམས་ཅད་ལས་ཀྱང་རྒྱལ་བ་ཀུན་གྱི་སྲས་ཀྱི་ཐུ་བོར་གྱུར་པ་སྙིང་སྟོབས་ཆེ་བ་འཇམ་དཔལ་གཞོན་ནུར་གྱུར་པ་དང་ཀུན་ཏུ་བཟང་པོ་གཉིས་ཀ་རེད། དེ་ལས་ཀྱང་གཞོན་ནུ་ནོར་བཟང་ལ་འབྲེལ་བ་ཆེ་བ་དགེ་བའི་བཤེས་གཉེན་ཡོངས་ཀྱི་ཐོག་མ་འཇམ་དཔལ་གཞོན་ནུར་གྱུར་པ་རེད། དེ་གཉིས་ཀྱིས་མཚོན་ནས་དགེ་བའི་བཤེས་གཉེན་བརྒྱ་དང་རྩ་བརྒྱད་ཀྱིས་མཛད་པ་དང་སྤྱོད་པ་ཐམས་ཅད་ལ་སྨོན་ལམ་འདི་བཏབ་ནི་རེད། དང་པོ་ཀུན་ཏུ་བཟང་པོའི་རྗེས་སུ་སློབ་པ་ནི། རྒྱལ་བ་ཀུན་གྱི་སྲས་ཀྱི་ཐུ་བོ་པ། །གང་གི་མིང་ནི་ཀུན་ཏུ་བཟང་ཞེས་བྱ། །མཁས་པ་དེ་དང་མཚུངས་པར་སྤྱད་པའི་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ལུས་དང་ངག་དང་ཡིད་ཀྱང་རྣམ་དག་ཅིང་། །སྤྱོད་པ་རྣམ་དག་ཞིང་རྣམས་ཡོངས་དག་པ། །བསྔོ་བ་བཟང་པོ་མཁས་པ་ཅི་འདྲ་བ། །དེ་འདྲར་བདག་ཀྱང་དེ་དང་མཚུངས་པར་ཤོག །ཅེས་གསུངས་ཏེ། རྒྱལ་བ་ཀུན་གྱི་སྲས་ཀྱི་ཐུ་བོ་དེ་ཀུན་ཏུ་བཟང་པོ་རེད། དེ་དང་མཚུངས་པར་སྤྱད་པའི་ཕྱིར་དུ་སྨོན་ལམ་དག་པ་ལྔ་བཏབ་ནི་རེད། ལྔ་པོ་གང་ཞེ་ན། ལུས་དང་ངག་དང་ཡིད་ཀྱང་རྣམ་པར་དག་ཅིང་གསུངས་ནས་ལུས་དག་པ་ནི། དཔེར་ན་མི་དགེ་བ་སྲོག་གཅོད་པ་ལ་སོགས་པ་སྤངས་པ་དང༌། ངག་དག་པ་ནི། རྫུན་ཕྲ་མ་ཚིག་རྩུབ་ལ་སོགས་པ་བྲལ་བ་དང་། ཡིད་དག་པ་ནི་བརྣབ་སེམས་གནོད་སེམས་ལ་སོགས་པ་མེད་པ་དེ་ཡིན། གནས་སྐབས་ཀུན་ཏུ་མི་དགེ་བ་བཅུ་ལྟ་བུ་ཞིག་ལ་མཚོན་ན་དེ་ལྟ་བུ་ཞིག་དག་དགོས་ནི་རེད། གཞན་ཡང་ལུས་མ་དག་པ་ངག་མ་དག་པ་ཡིད་མ་དག་པ་རྣམས་སངས་རྒྱས་ཀྱི་ས་མ་ཐོབ་བར་དུ་མ་དག་པ་མང་པོ་ཞིག་ཡོད་ནི་རེད། ཡིད་མ་དག་པ་ལ་དཔེར་མཚོན་ན་རྒྱལ་ལ་སོགས་ལ་ཆགས་པ་ཕྲ་གསུངས་ནས་མཐར་ཐུག་གི་གནས་སྐབས་ན་སངས་རྒྱས་ཐོབ་འདོད་ཀྱི་བསམ་པ་དེ་ཡང་ཆགས་པ་ཕྲ་མོ་ཡིད་ཀྱི་སྐྱོན་ཡིན་གསུངས་ནི་རེད། དེ་ལྟ་བུའི་སྐྱོན་གྱིས་མ་གོས་པའི་ལུས་ལ་སྐྱོན་མེད་པར་གྱུར་ཅིག ལུས་མཛེས་པ་དང་ནད་མེད་པ་དང་ཡིད་དུ་འོང་བར་གྱུར་ཅིག ངག་ལ་སྐྱོན་མེད་པར་གྱུར་ཅིག་ངག་སྙན་པར་གྱུར་ཅིག ཡིད་ཀུན་དང་མཐུན་པར་གྱུར་ཅིགཡིད་རང་དབང་ཐོབ་པ་དང་ཆོས་ལ་འཇུག་པར་གྱུར་ཅིག་གསུངས་ནི་རེད། བླ་མ་རིན་པོ་ཆེས་ཀྱང༌། ༈ བདག་ནི་སྐྱེ་བ་ཚེ་རབས་ཐམས་ཅད་དུ། །རྣམ་རྟོག་ངན་པའི་དབང་དུ་མི་འགྲོ་ཞིང་། །སེམས་ལ་དབང་ཐོབ་རྒྱལ་བའི་བྱིན་རླབས་ཞུགས། །འཇིགས་མེད་བདེ་ཆེན་རྡོ་རྗེ་ཐོབ་པར་ཤོག །༈ བདག་ནི་སྐྱེ་བ་ཚེ་རབས་ཐམས་ཅད་དུ། །མཚུངས་མེད་ལྟ་ན་སྡུག་པའི་ས་མཆོག་ནི། །ནད་མེད་སྟོབས་ལྡན་རྡོ་རྗེ་ལྟ་བུ་ཐོབ། །རྒྱལ་ཀུན་སྐུ་ཡི་བྱིན་རླབས་འཇུག་པར་ཤོག །༈ བདག་ནི་སྐྱེ་བ་ཚེ་རབས་ཐམས་ཅད་དུ། །དབྱངས་སྙན་སྙན་ངག་བརྗོད་པ་ཕུལ་བྱུང་ཞིང༌། །དབྱངས་ཅན་ངག་གི་རྒྱལ་མོ་མགྲིན་པར་ཞུགས། །དམ་ཆོས་རྒྱ་མཚོའི་སྒྲ་དབྱངས་སྒྲོག་པར་ཤོག །༈ བདག་ནི་སྐྱེ་བ་ཚེ་རབས་ཐམས་ཅད་དུ། །སྲིད་ཞིའི་ཡོན་ཏན་ཕུན་སུམ་ཚོགས་པ་ཐོབ། །སྐྱོན་མེད་སེམས་ཀྱི་གཞན་ཕན་དོན་གཉེར་ཞིང༌། །རྒྱལ་བའི་ཆོས་མཛོད་རྒྱ་མཚོ་འཛིན་པར་ཤོག །དེ་ལྟར་ལུས་ངག་ཡིད་གསུམ་དག་པའི་སྟེང་དུ་སྤྱོད་པ་རྣམ་པར་དག་པ་དང་ཞིང་རྣམས་ཡོངས་སུ་དག་པ་སྟེ་ཀུན་ཏུ་བཟང་པོའི་དག་པ་ལྔ་པོ་དེ་རེད། རང་གིས་སྤྱོད་པ་གང་བྱས་ཀྱང་གཞན་དོན་དུ་འགྱུར་བའི་སྤྱོད་པ་དེ་སྤྱོད་པ་རྣམ་པར་དག་པ་ཡིན། ཞིང་གང་དུ་སྐྱེས་ན་ཞིང་དག་པ་ཡིན། དེ་ལྟ་བུའི་ལུས་ངག་ཡིད་གསུམ་དག་པ་དང་སྤྱོད་པ་རྣམ་པར་དག་པ་དང་ཞིང་རྣམ་པར་དག་པའི་སྨོན་ལམ་རྣམས་བདག་གིས་མངོན་དུ་འགྱུར་བར་ཤོག་ཅིག་གསུངས་ནི་རེད། གཉིས་པ་འཇམ་དཔལ་གྱི་རྗེས་སུ་སློབ་པ་ནི། ཀུན་ནས་དགེ་བ་བཟང་པོ་སྤྱད་པའི་ཕྱིར། །འཇམ་དཔལ་གྱི་ནི་སྨོན་ལམ་སྤྱད་པར་བགྱི། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་ཡི་བྱ་བ་མ་ལུས་རྫོགས་པར་བགྱི། །ཞེས་གསུངས་ཏེ། དགེ་བ་བཟང་པོ་ཞིག་སྤྱད་པར་བྱ་བའི་ཕྱིར་དུ་འཇམ་དཔལ་གྱི་སྨོན་ལམ་དེ་ངས་འདེབས་པ་ཡིན་གསུངས་ནི་རེད། འཇམ་དཔལ་གྱི་སྨོན་ལམ་གང་ཡིན་ཞེ་ན། ནམ་མཁའ་ཇི་སྲིད་གནས་པ་དང༌། །འགྲོ་བ་ཇི་སྲིད་གནས་གྱུར་པ། །དེ་སྲིད་བདག་ནི་གནས་གྱུར་ནས། །འགྲོ་བའི་སྡུག་བསྔལ་སེལ་བར་ཤོག །ཅེས་གསུངས་ཏེ། དེ་ནི་འཇམ་དཔལ་དབྱངས་ཀྱི་སྨོན་ལམ་རེད་སྨོན་ལམ་ལ་མཐའ་ཡོད་ནི་མ་རེད། ནམ་མཁའ་མ་སྟོང་བར་དུ་སེམས་ཅན་གྱི་དོན་ལ་སྨོན་ལམ་བཏབ་ནི་རེད། སྤྱི་དོན་བཅུ་དྲུག་པ་ཀུན་གྱི་མཇུག་སྡུད་པའི་སྒོ་ནས་བསྔོ་བ་བསྟན་པ་ནི། སྤྱོད་པ་དག་ནི་ཚད་ཡོད་མ་གྱུར་ཅིག །ཡོན་ཏན་རྣམས་ཀྱང་ཚད་བཟུང་མེད་པར་ཤོག །སྤྱོད་པ་ཚད་མེད་པ་ལ་གནས་ནས་ཀྱང༌། །་དག་འཕྲུལ་པ་ཐམས་ཅད་འཚལ་བར་བགྱི། །ཞེས་བདག་གི་རྒྱུ་སྦྱིན་སོགས་སྤྱོད་པ་དག་གི་མཐའ་ནི་འདི་ཙམ་མོ་ཞེས་གཟུང་དུ་ཡོད་པར་མ་གྱུར་ཅིག རྒྱུ་དེ་ལས་བྱུང་བའི་འབྲས་བུ་གཟུངས་དང་སྤོབས་པ་སོགས་ཡོན་ཏན་རྣམས་ཀྱང་ཚད་འདི་ཙམ་ཞེས་གཟུང་དུ་མེད་པར་ཤོག་ཅིག དེ་ལྟར་སྤྱོད་པ་དང་ཡོན་ཏན་ཚད་མེད་པ་ལ་གནས་པར་བྱས་ནས་ཀྱང་སངས་རྒྱས་དང་བྱང་ཆུབ་སེམས་དཔའ་དེ་དག་གི་སྐུ་གསུང་ཐུགས་ཀྱི་རྣམ་པར་འཕྲུལ་བ་ཐམས་ཅད་འཚལ་བར་བགྱི་སྟེ་ཐོབ་པར་སྨོན་པའོ། །དེ་ལ་སྨིན་གླིང་ལོ་ཆེན་གྱིས་ས་བཅད་སྒྲིག་ལུགས་ཀྱི་དབང་དུ་བྱས་ན་ཀུན་ནས་དགེ་བ་སོགས་འཇམ་དཔལ་གྱི་སྨོན་ལམ་དུ་བཞག སྤྱོད་པ་ཚད་མེད་སོགས་སྨོན་ལམ་ཐམས་ཅད་ཀྱི་མཇུག་སྡུད་དུ་བཞག་ཡོད་ཀྱང་ཕལ་ཆེར་དེ་ཡང་འཇམ་དཔལ་གྱི་སྨོན་ལམ་རེད། ཁྱེད་རྣམ་པ་ལ་ཇོ་ནང་ཀུན་མཁྱེན་གྱི་འགྲེལ་བ་ཡོད་ན་གཟིགས་དང་ཇི་ལྟར་གསུངས་ཡོད་མ་མཐོང་ཡང་། ཆེན་པོ་ཞིག་ཁྱད་པར་ཡོད་རྒྱུ་མ་རེད། དེ་དག་གིས་སྨོན་ལམ་གྱི་རབ་དབྱེ་དངོས་བཤད་ཟིན་ནི་རེད། གཉིས་པ་སྨོན་ལམ་གྱི་མཐའ་བསྟན་པ་ནི། ནམ་མཁའི་མཐར་ཐུག་གྱུར་པ་ཇི་ཙམ་པར། །སེམས་ཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །ཞེས་གསུངས་ཏེ། ནམ་མཁའ་ལ་མཐའ་མེད་པ་བཞིན་དུ་སེམས་ཅན་ལ་མཐའ་མེད། སེམས་ཅན་ལ་མཐའ་མེད་པ་བཞིན་དུ་ལས་དང་ཉོན་མོངས་པ་ལ་མཐའ་མེད། ལས་དང་ཉོན་མོངས་པ་ལ་མཐའ་མེད་པ་བཞིན་དུ་སྡུག་བསྔལ་ལ་མཐའ་མེད། སྡུག་བསྔལ་དེ་དག་མ་ཟད་ཀྱི་བར་དེ་སྲིད་དུ་བདག་གི་སྨོན་ལམ་དེ་ཡང་ཟད་པར་མི་འགྱུར་བདག་གི་སྨོན་ལམ་མཐའ་མེད་པར་གསུངས་ནི་རེད། སྨོན་ལམ་གྱི་མཐའ་མེད་པ་མཐར་བསྟན་ནི་རེད། གསུམ་པ་རྗེས་ཀྱི་ཕན་ཡོན་བསྟན་པས་མཇུག་བསྡུ་བ་ལ་གཉིས་ཏེ། སྨོན་ལམ་གྱི་ཕན་ཡོན་བཤད་པ་དང་ཕན་ཡོན་གྱི་སྨོན་ལམ་ཉིད་བསྔོ་བའོ། །དང་པོ་ལའང་བསྟན་བཤད་བསྡུ་གསུམ་ལས། དང་པོ་མདོར་བསྟན་ནི། གང་ཡང་ཕྱོགས་བཅུའི་ཞིང་རྣམས་མཐའ་ཡས་པ། །རིན་ཆེན་བརྒྱན་ཏེ་རྒྱལ་བ་རྣམས་ལ་ཕུལ། །ལྷ་དང་མི་ཡི་བདེ་བའི་མཆོག་རྣམས་ཀྱང༌། ཞིང་གི་རྡུལ་སྙེད་བསྐལ་པར་ཕུལ་བ་བས། །གང་གིས་བསྔོ་བའི་རྒྱལ་པོ་འདི་ཐོས་ནས། །བྱང་ཆུབ་མཆོག་གི་རྗེས་སུ་རབ་མོས་ཤིང་། །ལན་ཅིག་ཙམ་ཡང་དད་པ་བསྐྱེད་པ་ན། །བསོད་ནམས་དམ་པའི་མཆོག་ཏུ་འདི་འགྱུར་རོ། །ཞེས་གསུངས་ཏེ། གང་ཡང་ཕྱོགས་བཅུའི་ཞིང་རབ་འབྱམས་ཞེས་པ་དེ་ཡུལ་གྱི་སྒོ་ནས་བསམ་ན་ཕྱོགས་བཅུ་ཡི་ནང་ན་མ་འདུས་པ་ཞིག་མེད། དུས་ཞེས་པ་ནི། དུས་གསུམ་གྱི་ནང་ལ་མ་འདུས་པ་མེད། ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་གང་ཡོད་པ་རྣམས། དཔེར་ན། འཇིག་རྟེན་པའི་ཁ་སྐད་ལ་གནམ་ས་གཉིས་ཀྱི་བར་ན་ཡོད་པའི་སངས་རྒྱས་དང་བྱང་ཆུབ་སེམས་དཔའ་གཅིག་ཀྱང་མ་ལྷག་པ་ཐམས་ཅད་ལ་ཉིན་གཅིག་ཙམ་མ་ཡིན་པར་བསྐལ་པ་གྲངས་མེད་དཔག་ཏུ་མེད་པ་ལོ་དུང་ཕྱུར་མང་པོའི་བར་དུ་མཆོད་པ་བྱེད། མཆོད་པ་དེ་ཡང་ཁྱད་པར་དུ་འཕགས་པ་གསེར་དངུལ། རིན་པོ་ཆེ། མུ་ཏིག་མུ་མེན་ལ་སོགས་པ། མི་ཡུལ་གྱི་རིན་པོ་ཆེ་དང༌། ནོར་བུ་ཀེ་ཀེ་ལ་དང༌། ནོར་བུ་དགོས་འདོད་དཔུང་འཇོམས་ལ་སོགས་པ་ལྷའི་ནོར་བུ་དང་། ཀླུ་ཡི་ནོར་བུ་ལ་སོགས་པ་དང་ལྷ་དང་མི་ཡུལ་གྱི་ཡོ་བྱད་ཟས་གོས་ནོར་དང་རྒྱན་ཆ་གཙུག་ལག་ཁང་མལ་སྟན་ལ་སོགས་པ་མདོར་ན་ལྷ་ཀླུ་གནོད་སྦྱིན་རྣམས་ཀྱི་ཡུལ་ན་ཡོད་པའི་ཡོ་བྱད་རང་གི་ལུས་དང་སེམས་ཀྱི་བདེ་བ་ཐམས་ཅད་དང་ལྷ་མིའི་བདེ་བ་མཆོག་ཏུ་གྱུར་པ་གྲངས་མེད་པ་ཞིང་གི་རྡུལ་ལྟར་གྲངས་མེད་པ་དེ་བསྐལ་པའི་བར་དུ་འབུལ་བ་ལས་ཀྱང་གང་ཟག་གང་གིས་བཟང་པོ་སྤྱོད་པའི་སྨོན་ལམ་འདི་ཐོས་ནས་དེ་ལ་དད་པ་སྐྱེས། སངས་རྒྱས་ཀྱི་རྗེས་སུ་སློབ་བསམ་བྱང་ཆུབ་སེམས་དཔའི་རྗེས་སུ་ངེས་པར་དུ་རང་གི་ནུས་ཚོད་ཀྱིས་འཇམ་དཔལ་དབྱངས་དང་ཀུན་ཏུ་བཟང་པོ་དང་བདག་ཅག་གི་སྟོན་པ་ཐུགས་རྗེ་ཅན་དང༌། སངས་རྒྱས་འོད་དཔག་མེད་ལ་སོགས་པའི་རྗེས་སུ་བསླབ་དགོས་བསམས་ནས་དམ་བཅའ་དང་དད་པ་རེ་སྐྱེས་ན་བསོད་ནམས་དེའི་ཆེ་བ་ཡིན་གསུངས་ནི་རེད། དེ་ཡི་ཕན་ཡོན་གཅིག་གི་ཚད་དེ་ཡང་བསམ་གྱིས་མི་ཁྱབ་པ་རེད། ཕྱོགས་བཅུའི་ཞིང་རབ་འབྱམས་ན་ཡོད་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བསྐལ་པ་དུང་ཕྱུར་མང་པོའི་བར་དུ་མཆོད་པའི་དངོས་པོ་ལྷ་ཀླུ་གནོད་སྦྱིན་དང་དྲི་ཟ་ཡི་དྭགས་ཐམས་ཅད་ལ་ཡོད་པའི་ཡོ་བྱད་ཡོད་པ་རྣམས་དང་ད་དུང་ལུས་དང་སེམས་ཀྱི་བདེ་བ་ཡོད་ཚད་པོ་འབུལ་བ་བས་ཀྱང་བཟང་སྤྱོད་སྨོན་ལམ་འདི་ལན་གཅིག་བཏབ་པ་དེ་ལ་དགའ་བ་སྐྱེས་ངས་ཀྱང་འདི་ལ་སློབ་དགོས་བསམ་རྒྱུའི་དད་པ་སྐྱེས་ན་དེའི་ཕན་ཡོན་གྱི་ཆེ་གསུངས་ནི་རེད། དེ་ལ་བསླུ་བ་མེད་ཁུ། བདེན་པ་ཉག་གཅིག་སྨྲ་བ་སངས་རྒྱས་བཅོམ་ལྡན་འདས་ཀྱི་བཀའ་རེད། དེ་ཁོ་ན་ཡིད་ལ་བཟུང་ནས་བཟང་སྤྱོད་ལན་གཅིག་བཏོན་པའི་ཕན་ཡོན་དེ་ཚིག་རྗེས་དོན་དྲན་བྱས་ནས་རྗེས་སུ་ཡི་རང་གིས་མོས་མཐུན་གྱི་བསམ་པ་རེ་སྐྱེས་ན་དེ་ལས་དགེ་བ་མི་དགོས་པ་ལྟ་བུ་རེད། བྱང་ཆུབ་སྤྱོད་པའི་རྗེས་སུ་ལན་གཅིག་ཙམ་དད་པ་སྐྱེས་ན་བསོད་ནམས་ཚད་མེད་པ་ཡོད་ན་དངོས་སུ་འཇུག་ན་སྨོས་མ་དགོས་པ་རེད། དངོས་སུ་སློབ་ཚུལ་དེ་ཡང་རྒྱལ་སྲས་ཆེན་པོ་ཞི་བ་ལྷས། རིམ་པ་བཞིན་དུ་བསླབ་པར་བགྱི་གསུངས་པ་ལྟར་ཡིན། ད་ལྟ་ནས་བདག་ཅག་གི་སྟོན་པ་དང་འཇམ་དཔལ་དབྱངས་ལྟ་བུས་དབུ་དང་ཡན་ལག་བཅད་ནས་སེམས་ཅན་ཐམས་ཅད་ལ་སྦྱིན་པ་བྱིན་མི་ནུས་ཏེ། སྙིང་རྗེའི་བསམ་པ་མ་དག་ན། །ལུས་ངག་གཏང་བར་མི་བྱའོ། །ཞེས་གསུངས་ཏེ། ཇི་སྲིད་ས་དང་པོ་མ་ཐོབ་བར་དུ་རང་གི་ལུས་གཞན་ལ་སྦྱིན་ཉན་ནི་མ་རེད། མི་ཉན་པའི་རྒྱུ་མཚན་རྗེས་སུ་ན་ཚ་གཟེར་ཟུག་ཆེ་དུས་འགྱོད་པ་སྐྱེ་འོང་ནི་རེད། དེའི་སྐབས་ན་དགེ་རྩ་འཇོམས་འགྲོ་ནི་རེད། དམིགས་བསལ་སྙིང་སྟོབས་ཤིན་ཏུ་ཆེ་བ་རྣམས་ཀྱིས་སྐུ་ལུས་བཏང་རབས་ཀྱི་ལོ་རྒྱུས་ནི། ཇོ་བོ་རྗེའི་བླ་མ་དྷརྨ་རཀྵི་ཏས་ཁྱི་ཞིག་ལ་རང་གི་ཕྱག་བཅད་ནས་སྦྱིན་པས། ན་ཚ་གཟེར་ཟུག་མི་བཟོད་པ་ཞིག་སྐྱེཡང་ཁོང་ལ་སྙིང་རྗེ་ཆེན་པོའི་སྒོ་ནས་འགྱོད་པ་གཏན་ནས་མ་སྐྱེས། སྡུག་བསྔལ་བཟོད་དུ་མེད་པ་མྱོང་ནས་མཚན་གང་བོ་ལ་གཉིད་མ་འོང་། ཐོ་རེངས་ཀྱི་སྐབས་ན་མགོན་པོ་སྤྱན་རས་གཟིགས་ཀྱི་ཞལ་མཇལ་ནས་རིགས་ཀྱི་བུ་བྱང་ཆུབ་སེམས་དཔའི་སྤྱོད་པ་ལ་སྤྱད་པའི་ཚེ་ན་འདི་འདྲའི་དཀའ་བ་སྤྱད་པ་ནི་ལེགས་སོ་ལེགས་སོ་གསུངས་ནས་སྤྱན་རས་གཟིགས་ཀྱིས་ལྗགས་ཆབ་བཏབ་པ་རྨིས། སད་མ་ཐག་ཏུ་ནད་མེད་པར་གྱུར། དེས་ན་སོ་སོའི་སྐྱོ་བོའི་གནས་སྐབས་ན་བསམ་པ་དག་པས་དེ་ལྟ་བུ་སྦྱིན་ནུས་པ་རེད། འོ་ན་ཡན་ལག་གི་སྦྱིན་པ་གཏོང་དགོས་ན་བྱང་ཆུབ་སེམས་དཔའི་སྤྱོད་པ་ལ་འཇུག་མི་ནུས་བསམ་ཡང་ཐོག་མ་ནས་དེ་ལྟ་བུ་དགོས་ནི་མ་རེད། ཚོད་མ་ལ་སོགས་སྦྱིན་པ་ལ། །འདྲེན་པའི་ཐོག་མ་སྦྱོར་བར་མཛད། དེ་ལ་གོམས་འདྲིས་བྱས་ནས་ནི། །རིམ་གྱིས་རང་གི་ཤ་ཡང་གཏོང་། །ཞེས་གསུངས་ནས་དང་པོ་ལོ་མ་ལོ་སྐྱུར་སྦྱིན་ཨེ་ཐུབ་བལྟ། དེ་ཡང་མ་ཐུབ་ན་སྔོན་གྱི་དགེ་བཤེས་རྣམས་ཀྱི་ཕྱག་བཞེས་ལ་གཏན་ནས་སྦྱིན་མི་ནུས་པའི་སེམས་ཅན་ཡིན་ན་དཔེར་ན་ཕྲེང་བ་ཞིག་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། གཡས་པས་གཡོན་པ་ཁྱེད་ལ་སྦྱིན་ཟེར་ནས་གཏོང་སེམས་སྐྱེ་རུ་འཇུག་པར་བརྩོན། གཡོན་པས་གཡས་པ་ལ་ཁྱེད་ལ་སྦྱིན་ཟེར་ནས་གཏོང་སེམས་སྐྱེ་རུ་འཇུག དེ་ལྟར་ཐོག་མར་ལག་པ་གཡས་གཡོན་གཉིས་ཀྱིས་སྦྱིན་པ་ལ་བརྩོན། དེ་ནས་རང་གི་ཤིན་ཏུ་གཅེས་པའི་བུ་དང་ཆུང་མ་སོགས་ལ་སྦྱིན་པར་བརྩོན། དེ་ནས་བར་མའི་སེམས་ཅན་ལ་སྦྱིན་པར་བརྩོན། དེ་ནས་དགྲ་ལ་སོགས་པ་ལ་སྦྱིན་པར་བརྩོན། སྦྱིན་རྒྱུའི་དངོས་པོ་དང་པོ་རྒྱུ་རྩ་ཆུང་བ་རང་གིས་མི་འདོད་པའི་དངོས་པོ་རྣམས་སྦྱིན། རིམ་གྱིས་དངོས་པོ་ཇེ་བཟང་རྣམས་སྦྱིན། ནམ་ཞིག་ས་དང་པོ་ཐོབ་པ་ན་རང་གི་ལུས་དེ་ཡང་ཚོད་མ་ལྟ་བུའི་འདུ་ཤེས་མ་གཏོགས་ལུས་ལ་བདག་འཛིན་ཡོད་ནི་མ་རེད། ལུས་ལ་ན་ཚ་སོགས་གང་ཡང་ཡོད་ནི་མ་རེད། གལ་ཏེ་མིག་དང་མགོ་ལ་སོགས་པ་སྦྱིན་ན་ཡང་ས་དང་པོ་ཐོབ་པ་ཡན་ཆད་ཀྱིས་བདེན་ཚིག་གྲུབ་པའི་སྨོན་ལམ་བཏབ་ན་ཐད་ཀར་སོས་འགྲོ་ནི་རེད། དེའི་སྐབས་སུ་བྱང་ཆུབ་སེམས་དཔའི་ལམ་དེར་སྐྲག་དགོས་ནི་མ་རེད། མ་སྤྱད་ན་ལུས་སྲོག་གཞན་ལ་གཏོང་དགོས་ཞེས་བརྗོད་ན་དཀའ་བར་སྣང་ཡང་། དེ་ལྟར་དགོས་ནི་མ་རེད། དེའི་ཕྱིར་ན་ད་ལྟ་ནས་རང་ནུས་ཅི་ཡོད་ཀྱིས་རིམ་པ་བཞིན་དུ་བསླབ་པར་བགྱི་གསུངས་ནི་རེད། གཉིས་པ་རྒྱས་པའི་ཕན་ཡོན་བཅུ་གསུམ་བཤད་པ་ནི། གང་གིས་བཟང་སྤྱོད་སྨོན་ལམ་འདི་བཏབ་པས། །དེས་ནི་ངན་སོང་ཐམས་ཅད་སྤོང་བར་འགྱུར། །དེས་ནི་གྲོགས་པོ་ངན་པ་སྤངས་པ་ཡིན། །སྣང་བ་མཐའ་ཡས་དེ་ཡང་དེས་མྱུར་མཐོང་། །དེ་དག་རྙེད་པ་རབ་རྙེད་བདེ་བར་འཚོ། །མི་ཚེ་འདིར་ཡང་དེ་དག་ལེགས་པར་འོང་། །ཀུན་ཏུ་བཟང་པོ་དེ་ཡང་ཅི་འདྲ་བར། །དེ་དག་རིང་པོར་མི་ཐོགས་དེ་བཞིན་འགྱུར། །མཚམས་མེད་ལྔ་པོ་དག་གི་སྡིག་པ་རྣམས། གང་གིས་མི་ཤེས་དབང་གིས་བྱས་པ་དག །དེ་ཡིས་བཟང་པོ་སྤྱོད་པ་འདི་བརྗོད་ན། །མྱུར་དུ་མ་ལུས་ཡོངས་སུ་བྱང་བར་འགྱུར། །ཡེ་ཤེས་དང་ནི་གཟུགས་དང་མཚན་རྣམས་དང་། །རིགས་དང་ཁ་དོག་རྣམས་དང་ལྡན་པར་འགྱུར། །བདུད་དང་མུ་སྟེགས་མང་པོས་དེ་མི་ཐུབ། །འཇིག་རྟེན་གསུམ་པོ་ཀུན་ནའང་མཆོད་པར་འགྱུར། །བྱང་ཆུབ་ཤིང་དབང་དྲུང་དུ་དེ་མྱུར་འགྲོ ། སོང་ནས་སེམས་ཅན་ཕན་ཕྱིར་དེར་འདུག་སྟེ། །བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར། །བདུད་རྣམས་སྡེ་དང་བཅས་པ་ཐམས་ཅད་བཏུལ། །ཞེས་གསུངས་ཏེ། ཕན་ཡོན་ལ་ནང་གསེས་ཀྱིས་རྒྱས་པར་བཤད་ན་བཅུ་གསུམ་ཡོད་གསུངས་ནི་རེད། ༡༽བཟང་སྤྱོད་སྨོན་ལམ་འདི་ཁ་ཏོན་བྱས་ན་སྐྱེ་བ་ཚེ་རབས་ཀྱི་བར་དུ་དམྱལ་བ་ཡི་དྭགས་དུད་འགྲོ་ངན་སོང་གསུམ་གྱི་གནས་གསུམ་དུ་གཏན་ནས་མི་སྐྱེ་གསུངས་ཡོད་ནི་རེད། དེ་བཅོམ་ལྡན་འདས་ཀྱི་གསུང་རེད། ༢༽བཟང་སྤྱོད་སྨོན་ལམ་འདི་ཁ་ཏོན་བྱས་ན་སངས་རྒྱས་ལ་མི་དད་པ་དང་ཆོས་ལ་མི་དད་པ་དང་དགེ་འདུན་ལ་མི་དད་པ་དང༌། རང་ལམ་ལོག་ལ་ཁྲིད་པའི་གྲོགས་ངན་པ་ཐམས་ཅད་སྐྱེ་བ་ཀུན་ཏུ་འགྲོག་མི་དགོས། སྐྱེ་བ་གང་དང་གང་དུ་སྐྱེས་ཀྱང་འཕགས་པའི་དགེ་འདུན་དང་བླ་མ་དགེ་བའི་བཤེས་གཉེན་དང་སངས་རྒྱས་བྱང་ཆུབ་སེམས་དཔའ་དང་གྲོགས་བཟང་པོ་ཐམས་ཅད་དང་འགྲོག་ཆོག་གསུངས་ནི་རེད། བཟང་སྤྱོད་སྨོན་ལམ་ཐོན་དང་ངེད་ཅག་ཚེ་འདིར་ཡང་འཕགས་ཚོགས་དགེ་འདུན་རྒྱ་མཚོ་དང་ལྷན་གཅིག་ཏུ་འཚོགས། ཚེ་འདི་འཕོས་མ་ཐག་ཏུ། ཡང་ན་མཁའ་སྤྱོད་མཁའ་འགྲོ་འདུས་པའི་ཚོགས་གྲལ་དུ་སོང་ནས་ཐབས་ཤེས་ཀྱི་ཉེ་རྒྱུ་ཟབ་མོ་ལ་སྤྱོད་ནས་ཚེ་ལུས་གཅིག་གི་ཟུང་འཇུག་གི་སྐུ་འགྲུབ་པར་འགྱུར། ཡང་ན་ནུབ་ཕྱོགས་བདེ་བ་ཅན་ལ་སོགས་པ་དག་པའི་ཞིང་ཁམས་སུ་སྐྱེས་ནས་བདེ་བ་མ་གཏོགས་པ་སྡུག་བསྔལ་གྱི་སྒྲ་ཙམ་ཡང་མེད་པའི་ཞིང་ཁམས་དེ་ལ་སྐྱེས་ནས་སངས་རྒྱས་ཀྱི་གོ་འཕང་ཐོབ་པར་འགྱུར་རོ། །བཟང་སྤྱོད་སྨོན་ལམ་འདི་ཁ་ཏོན་བྱས་ན་འོད་དཔག་མེད་ཀྱི་ཞལ་ཡང་མྱུར་དུ་མཇལ་འོང་གསུངས་ནི་རེད། དེ་ཡང་ཚེ་འདིའི་ཐོག་ཏུ་ཞལ་མཇལ་འོང་གསུངས་ནི་རེད། ཚེ་ཕྱི་མ་བདེ་བ་ཅན་ལ་སྐྱེ་དུས་འོད་དཔག་མེད་མི་མཇལ་བར་གང་དུ་འགྲོ་བཟང་སྤྱོད་དེ་གཟབ་གཟབ་བྱས་ནས་ཐོན་དང་འོད་དཔག་མེད་ཀྱི་ཞལ་མཇལ་འོང་གསུངས་ནི་རེད། ༤༽ རྙེད་པ་རབ་རྙེད་གསུངས་པ་དེ་དལ་འབྱོར་གྱི་མི་ལུས་རྙེད་པ་བདེ་བ་ཚོགས་གསུམ་མཐོ་རིས་ཀྱི་ཡོན་ཏན་བདུན་དང་ལྡན་པ། མཐོ་རིས་ཀྱི་ཡོན་ཏན་ཞེས་པ་དེ་གང་ཡིན་ཞེ་ན། ཚེ་རིང་བ་ནད་མེད་པ་གཟུགས་བཟང་བ་སྐལ་བ་བཟང་བ་དང་རིགས་མཐོ་བ་ནོར་མང་བ་ཤེས་རབ་ཆེ་བ་དེ་རྣམས་མཐོ་རིས་ཀྱི་ཡོན་ཏན་བདུན་པོ་ཡིན་ནི་རེད། གང་དང་གང་དུ་སྐྱེས་ཀྱང་རྙེད་པ་བཟང་པོ་ཅན་དུ་སྐྱེ་གསུངས་ནི་རེད། དེ་ནས་བཟུང་སྟེ་བུད་མེད་དང་སྐྱེ་བ་དམན་པའི་ལུས་སུ་མི་སྐྱེ་བར་རྒྱལ་རིགས་དང་རྗེ་རིགས་ལ་སོགས་པའི་སྐྱེ་བ་བཟང་པོ་རབ་ཏུ་བྱུང་བའི་ཚུལ་ཁྲིམས་རྣམ་པར་དག་པ་དེ་ལྟ་བུ་འབའ་ཞིག་གི་ལུས་རྟེན་ཉིད་དུ་སྐྱེ་འགྲོ་གསུངས་ནི་རེད། ༥༽ མི་ཚེ་འདིར་ཡང་དེ་དག་ལེགས་པར་འོང་གསུངས་རྒྱུ་དེ་སྨིན་གླིང་ལོ་ཆེན་གྱི་འགྲེལ་དུས་གོང་དུ་བཤད་པའི་ཕན་ཡོན་དེ་དག་ཚེ་འདིའི་སྟེང་དུ་འགྱུར་གསུངས་ཡོད་ཁུ། དེ་ཡིན་ན་ངན་སོང་གསུམ་དུ་མི་སྐྱེ་རྒྱུ་གྲོགས་བཟང་པོ་དང་འཕྲད་རྒྱུ་དང་སངས་རྒྱས་འོད་དཔག་མེད་ཀྱི་ཞལ་མཇལ་རྒྱུ་མཐོ་རིས་ཀྱི་ཡོན་ཏན་བདུན་ཐོབ་རྒྱུ་དེ་རྣམས་དཔེ་ཆ་བ་རྣམས་ལ་སྐྱེས་ནས་མྱོང་འགྱུར་དང་ལན་གྲངས་གཞན་ལ་མྱོང་བའི་མྱོང་འགྱུར་ཟེར་ནས་གཟོད་ཤི་རྗེས་དེའི་ཕྱི་མའི་ཕྱི་མ་མྱོང་བ་ཡིན་པ་ཚེ་འདིའི་སྟེང་དུ་སྨིན་གསུངས་ནི་རེད་ཅེས་དེ་ལྟར་འགྲེལ་ཡོད། ༦༽ཡང་མིན་ན་ཚེ་འདིར་ཡང་དེ་དག་ལེགས་པར་འོང་ཞེས་པ་ནི་ཚེ་རིང་ནད་མེད་གཟུགས་བཟང་བསམ་པའི་དོན་ཐམས་ཅད་འགྲུབ། མདོར་ན་ཚེ་འདིའི་རྒུད་པ་ཇི་སྙེད་མཆིས་པ་ཐམས་ཅད་བཟང་སྤྱོད་སྨོན་ལམ་བཏོན་ན་ནད་ཞི་བར་འདོད་ན་ནད་ཞི། གདོན་ཞི་བར་འདོད་ན་གདོན་ཞི། དུག་ཞི་བར་འདོད་ན་དུག་ཞི། ཚེ་རིང་བར་འདོད་ན་ཚེ་རིང་བར་འགྱུར། ནོར་རྒྱས་པར་འདོད་ན་ནོར་རྒྱས་པར་འགྱུར། བསོད་ནམས་ཆེ་བར་འདོད་ན་བསོད་ནམས་ཆེ་བར་འགྱུར། ལྷ་དབང་དུ་འདུ་བར་འདོད་ན་ལྷ་དབང་དུ་འདུ། ཀླུ་དབང་དུ་འདུ་བར་འདོད་ན་ཀླུ་དབང་དུ་འདུ། མི་དབང་དུ་འདུ་བར་འདོད་ན་མི་དབང་དུ་འདུ་བར་འགྱུར། དེ་བཞིན་དུ་དགྲ་བགེགས་གནོད་བྱེད་འབྱུང་པོ་ཐམས་ཅད་ཚར་གཅད་པར་འདོད་ན་དྲག་པོ་མངོན་སྤྱོད་ཀྱི་ལས་བསམ་ངན་སྦྱོར་རྩུབ་ལ་མ་ལྟོས་པར་ཐམས་ཅད་རང་བཞིན་གྱིས་ཞི་བར་འགྱུར་བ་ལ་སོགས་པའི་ཡོན་ཏན་ཐམས་ཅད་འབྱུང་བར་འགྱུར་གསུངས་ནི་རེད། དེའི་ཚིག་གི་ཤུགས་ལ་དེ་ལྟ་བུར་འགྲེལ་ཡང་རུང་ངམ་སྙམ། ༧༽བཟང་སྤྱོད་སྨོན་ལམ་འདི་ཁ་ཏོན་བྱས་ན་བྱང་ཆུབ་སེམས་དཔའ་ཀུན་ཏུ་བཟང་པོ་ཅི་འདྲ་བ་དེ་འདྲ་བ་མྱུར་བ་ཉིད་དུ་འགྱུར་འགྲོ་གསུངས་ནི་རེད། ཀུན་ཏུ་བཟང་པོའི་སྤྱོད་ཡུལ་བསམ་གྱིས་མི་ཁྱབ་པ་རེད། ཉིན་འགའ་ཞིག་གིས་ངེད་ཅག་གིས་ཀུན་ཏུ་བཟང་པོའི་རྟོགས་བརྗོད་འཆད་དུསཤེས་རྒྱུ་རེད། ༨༽བཟང་སྤྱོད་སྨོན་ལམ་ཁ་ཏོན་བྱས་ན་འཇིག་རྟེན་གྱི་ཁམས་འདི་ན་མདོ་ཕར་ཕྱིན་ཐེག་པའི་སྐབས་སུ་བཤད་པ་དེ་ལ་མཚམས་མེད་ལྔ་ཡི་སྡིག་པ་དེ་སྡིག་པ་ཐམས་ཅད་ཀྱི་ནང་ནས་ཆེ་ཤོས་ཤིག་རེད། དེ་ཡང་གང་ཞེ་ན་ད་ལྟའི་རྩ་བའི་ཕ་བསད་པ་དང་མ་བསད་པ་དང་དགྲ་བཅོམ་པ་བསད་པ་དང་དེ་བཞིན་གཤེགས་པ་ཤཱཀྱ་ཐུབ་པ་ལྟ་བུ་ཞིག་དགྲོང་བསམས་ནས་གྲི་སོགས་ཀྱིས་བསྣུན་ནས་ངན་སེམས་ཀྱིས་ཁྲག་ཕྱུང་བ་དང༌། དགེ་འདུན་གྱི་སྡེ་ཆེན་པོ་རྣམས་སོ་སོར་དབྱེ་བ་དགེ་འདུན་འཁོར་ལོའི་དབྱེན་ཞེས་པ་དེ་སངས་རྒྱས་བཞུགས་ཡོད་པའི་སྐབས་སུ་འབྱུང་རྒྱུ་རེད། དགེ་འདུན་དབྱེན་དང་ཆ་འདྲ་བ་ད་ལྟའི་སྐབས་སུ་དགོན་སྡེ་ཁག་རྣམས་སོ་སོར་དབྱེ་བར་བྱ་བ་དང་བླ་སེར་རྣམས་ལ་མཁའ་ཁ་དབྱེན་མཆིས་སོ་སོར་འབྲལ་བར་བྱེད་པ་དེ་འདི་དང་ཆ་འདྲ་བ་ཞིག་རེད། དེ་ནི་ཉེས་པ་ཆེན་པོ་རེད། འདིའི་ཉེས་པ་འདི་ལ་ཧ་ཅང་གཟབ་དགོས་ནི་རེད་དེ། དེང་སང་གི་གནས་སྐབས་སུ་དགེ་འདུན་གྱི་སྡེ་གང་དང་གང་ན་ཡོད་ཀྱང་དམ་སྲི་སྙིང་ལ་ཞུགས་པའི་སྐྱེ་བོ་ཁ་ཅིག་གིས་ངོ་མ་མཁའ་ཁ་དབྱེན་མཆི་ཁོ་ན་བྱེད་པ་ནི་བསམ་གྱིས་མི་ཁྱབ་པའི་མང་པོ་འདུགདེའི་ཕྱིར་ན་ཀུན་གྱིས་ཀྱང་འདི་ལ་ཐུགས་གཟབ་བྱེད་པ་གལ་ཆེའོ། །སྤྱིར་ན་དགེ་འདུན་གྱི་དབྱེན་བྱེད་པ་རྣམས་སྡུམ་རེ་ཨེ་ཐུབ་ཁུ། དབྱེན་སྡུམ་པ་ལས་ལྷག་པའི་བསོད་ནམས་ཤིག་མེད། ཚངས་པའི་གནས་པར་གྱུར་པའི་བསོད་ནམས་རེད། དགེ་འདུན་པ་མི་འཇིག་པའི་ཐབས་ལ་ཡང་བརྩོན་དགོས་ནི་རེད། ངེད་ཅག་གི་ཆོས་སྡེ་ཆེན་མོ་འདི་ལ་ཡང་དགེ་འདུན་པ་གྲངས་མང་པོ་རེད་མི་རིགས་མང་པོ་རེད། སྐད་རིགས་མང་པོ་རེད། བསམ་པ་ཐ་དད་པ་མང་པོ་རེད། སྤྱོད་པ་འདྲ་མི་འདྲ་མང་པོ་རེད། ཐམས་ཅད་ཀྱིས་དྲན་ཤེས་བག་ཡོད་ཀྱིས་རང་གི་བཤེས་གཉེན་རང་གིས་བྱས་ནས་གཟབ་གཟབ་གྱིས་མ་གཏོགས་ཕྱོགས་བཅུའི་དགེ་འདུན་པ་གཞན་རྣམས་མཁའ་ཁ་དབྱིན་མཆིས་དགེ་འདུན་པའི་སྡེ་ནང་འཁྲུག་བྱས་སོང་ན་འཇིག་རྟེན་གྱི་ཁམས་འདིའི་འབྲེལ་ཚད་ཀྱི་སེམས་ཅན་ཐམས་ཅད་དམྱལ་བར་སྐྱེ་འགྲོ་བས། དེ་ཡི་སྡུག་ཆེ་བ་ཞིག་འཇིག་རྟེན་གྱི་ཁམས་ན་མེད། དེ་ལ་ཧ་ཅང་གཟབ་དགོས་ནི་རེད། དེ་ལྟ་བུའི་དགེ་འདུན་འཁོར་ལོའི་དབྱེན་བྱེད་པ་ལ་སོགས་པའི་མཚམས་མེད་པ་ལྔའི་ལས་བྱེད་ནའང་བཟང་སྤྱོད་འདི་ཡིས་དག་འགྲོ་གསུངས་ནི་རེད། ༩༽བཟང་སྤྱོད་སྨོན་ལམ་འདི་བཏོན་ན་སངས་རྒྱས་ཀྱི་ཇི་ལྟ་བ་མཁྱེན་པའི་ཡེ་ཤེས་དང་ལྡན། མཚན་བཟང་པོ་སུམ་ཅུ་རྩ་གཉིས་དཔེ་བྱད་བཟང་པོ་བརྒྱད་ཅུ་ལ་སོགས་པའི་མཚན་དང་ལྡན་པ་དང་། ༡་༽ རིགས་བཟང་པོ་རྒྱལ་རིགས་རྗེ་རིགས་ལ་སོགས་པའི་རིགས་བཟང་པོ་དང་། ཁ་དོག་དཀར་དམར་གྱི་མདངས་དང་ལྡན་པ། དཔེར་ན། དུང་དཀར་གཡས་སུ་འཁྱིལ་བ་ལ་རྒྱ་ཇ་སྐྲག་མས་ཕྲ་ཚོམ་དཀྲིས་པ་དང་འདྲ་བའི་གཟུགས་ཕུན་སུམ་ཚོགས་པར་ཡང་སྐྱེ་བར་གསུངས་ནི་རེད། ༡༡༽ བཟང་སྤྱོད་སྨོན་ལམ་འདི་ཁ་ཏོན་བྱས་ན་བདུད་བགེགས་འབྱུང་པོ་དམ་སྲི་གཅིག་གིས་ཀྱང་མི་ཐུབ་གསུངས་ནི་རེད། ཐམས་ཅད་ཀྱིས་མོ་ངན་རྩིས་འཁྲུག་དང༌། ཚེ་གེགས་ཞི་བར་བྱེད་པ་ལ་སྤྱིར་གསང་སྔགས་ཀྱི་ཆོ་ག་དེ་བསམ་པ་དག་པ་སྦྱོར་བ་དག་པའི་སྒོ་ནས་བཏོན་ན་བསམ་གྱིས་མི་ཁྱབ་པ་ཞིག་ཡིན་ཡང་འདོན་པ་པོ་གང་ཟག་གི་བསམ་པ་ངན་པ་དང་སྦྱོར་བ་རྩུབ་མོའི་སྒོ་ནས་བཏོན་ན་འབྲས་བུ་ངན་པ་མ་གཏོགས་སྨིན་རྒྱུ་མེད། ཁྱེད་ཅག་གིས་བཀའ་བརྒྱད་ཁྲམ་ཤིང་ཟེར་བ་དང་ཕུར་བ་བཟློག་སྟོང་དང་གཤིན་རྗེའི་ཁྲམ་བཟློག་དེ་རྣམས་འདོན་པ་ལས་ཀྱང་བཟང་སྤྱོད་བཏོན་ན་བདུད་དང་མུ་སྟེགས་མང་པོས་གང་ཟག་དེ་མི་ཐུབ་གསུངས་སོ། །༡༢༽བཟང་སྤྲོད་འདི་བཏོན་ན་ས་འོག་ས་སྟེང་ས་བླར་སྤྱོད་པའི་འཇིག་རྟེན་གསུམ་པོ་ཀུན་ནའང་འགྲོ་བ་ཐམས་ཅད་ཀྱིས་སྨོན་ལམ་འདེབས་པ་པོ་དེ་ལ་མཆོད་ཅིང་གུས་པ་དང་ཕན་འདོགས་པར་བྱེད་པར་འགྱུར་རོ། ། ༡༣༽མདོར་བསྡུ་ན་བཟང་སྤྱོད་འདི་བཏོན་ན་བྱང་ཆུབ་སེམས་སངས་རྒྱས་ནས་ཆོས་ཀྱི་འཁོར་ལོ་བསྐོར། མཐའ་ཡས་པའི་སེམས་ཅན་ཐམས་ཅད་ཀྱི་དོན་མཛད་པ་སངས་རྒྱས་འོད་དཔག་མེད་པ་དང་ཤཱཀྱ་ཐུབ་པ་ལྟ་བུ་ཞིག་འདོད་ན་བཟང་སྤྱོད་སྨོན་ལམ་འདི་བཏོན་ན་འགྲུབ་ནི་རེད། གསུམ་པ་དོན་བསྡུ་བ་ནི། གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་ན་ཡང་། །དེ་ཡི་རྣམ་པར་སྨིན་པའང་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག །ཅེས་གསུངས་ཏེ། བཟང་སྤྱོད་སྨོན་ལམ་གྱི་ཕན་ཡོན་བསྡུས་ན། བཟང་སྤྱོད་ཁ་ཏོན་དུ་བྱེད་པ་དང་གླེགས་བམ་འཆང་བ་དང་ཡིད་ལ་བཟུང་བ་དང་དེའི་རྗེས་སུ་སློབ་པ་དང་དེ་ལ་མཆོད་པ་འབུལ་ན་དེའི་ཕན་ཡོན་དེ་སོ་སྐྱེས་ཤིག་གིས་བཤད་ག་ལ་ནུས། ས་ལ་གནས་པའི་བྱང་ཆུབ་སེམས་དཔའ་རྣམས་ཀྱིས་ཀྱང་འདིའི་ཡོན་ཏན་བཤད་དགོས་ན་བཤད་ཐུབ་ནི་མ་རེད། འདིའི་ཡོན་ཏན་སུས་མཁྱེན་ཟེར་ན་སངས་རྒྱས་ཁོ་ནས་མཁྱེན་ནི་རེད། དེའི་འབྲས་བུ་མཐར་ཐུག་བྱང་ཆུབ་ཀྱི་མཆོག་རྫོགས་པའི་སངས་རྒྱས་འཐོབ་པར་འགྱུར་བ་ལ་སོམ་ཉིའམ་ཐེ་ཚོམ་མ་བྱེད་དང་འཐོབ་ངེས་པའོ། །མདོར་ན་འདིའི་ཕན་ཡོན་ལ་ཟད་རྒྱུ་ཡོད་ནི་མ་རེད། གཉིས་པ་ཕན་ཡོན་ཅན་གྱི་སྨོན་ལམ་ཉིད་བསྔོ་བ་ལ་ལྔ་ལས། དང་པོ་སེམས་དཔའ་མཆོག་གིས་བསྔོས་པ་ལ་འཇུག་པ་ནི། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ཞེས་དུས་གསུམ་བསགས་ཡོད་ཀྱི་དགེ་རྩ་ཐམས་ཅད་འཇམ་དཔལ་དབྱངས་ཀྱིས་ཇི་ལྟར་བསྔོས་པ་དེ་བཞིན་དུ་བསྔོ་བ་དང་། ཀུན་ཏུ་བཟང་པོས་ཇི་ལྟར་བསྔོས་པ་དེ་བཞིན་དུ་བསྔོ་ནི་ཡིན་བསམ་པ་དེ་བསྔོ་བ་རྗེས་མཐུན་པ་ཡིན། འདི་མན་ཆད་བསྔོ་བ་རེད། སྤྱིར་བསྔོ་བ་དང་སྨོན་ལམ་གཉིས་ཀྱི་ཁྱད་པར་ནི། སྨོན་ལམ་ཞེས་པ་དེ་བསམ་པ་རྣམ་པར་དག་པས་སྨོན་ལམ་བཏབ་པ་ལ་སྨོན་ལམ་ཟེར་ནི་རེད། བསྔོ་བ་ནི། དགེ་བ་བློ་ཡུལ་དུ་བྱས་ནས་དགེ་བ་དེ་ཡི་སྟོབས་ཀྱིས་བསྔོས་པ་ནི་བསྔོ་བ་རེད། དེའི་ཕྱིར་ན་དགེ་བ་ཡོད་མེད་ཀྱི་ཁྱད་འཇོག་ནི་རེད། འདི་ཡན་ཆད་ཀྱིས་བཟང་སྤྱོད་ཀྱི་སྨོན་ལམ་བཏབ་པ་རྣམས་བསྔོ་ནི་རེད། ངེད་ཅག་གིས་སང་གནང་བཟང་སྤྱོད་སྨོན་ལམ་འདེབས་པ་དེ་བསྔོ་བ་ཡང་རེད་སྨོན་ལམ་ཡང་རེད། གཉིས་པ་རྒྱལ་བས་བསྔོས་པ་ལ་འཇུག་པ་ནི། དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང༌། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །ཞེས་གསུངས་ཏེ། འདས་མ་འོངས་ད་ལྟ་དུས་གསུམ་གྱི་སངས་རྒྱས་རྣམས་ཀྱིས་ཇི་ལྟར་བསྔོ་བ་བཞིན་དུ་བདག་གིས་ཀྱང་དགེ་བ་འདི་དག་ཐམས་ཅད་དེ་ལྟར་བསྔོ་རྒྱུ་ཡིན་བསམ། སངས་རྒྱས་ཐམས་ཅད་ཀྱིས་བསྟན་པ་དང་འགྲོ་བའི་དོན་དུ་ཇི་ལྟར་སྨོན་ལམ་བཏབ་པ་བཞིན་བདག་གིས་ཀྱང་དེ་ལྟར་འདེབས་པ་ཡིན་གསུངས་ནི་རེད། བཟང་སྤྱོད་སྨོན་ལམ་གྱི་དོན་ཡོངས་རྫོགས་བསྡུས་ན་ས་བཅད་རྣམ་པ་བཅུ་དྲུག་གི་ནང་དུ་བསྡུས་ཡོད། དེ་ཡང་བསྡུས་ན་བསྟན་པ་དང་འགྲོ་བའི་དོན་ལ་སྨོན་ལམ་བཏབ་པ་གཉིས་ཀྱི་ནང་དུ་འདུས་ནི་རེད། རང་ཅག་གིས་ཀྱང་དུས་རྒྱུན་དུ། དྲི་མེད་རྒྱལ་བསྟན་དར་ཞིང་ཡུན་དུ་གནས། །རིས་མེད་འགྲོ་རྣམས་ཕན་བདེའི་དཔལ་གྱིས་འཚོ། །དུས་ཀུན་ཡིད་ལ་སྨོན་པ་འདི་ཁོ་ན། །མཐུན་འགྱུར་གསུང་གིས་དབུགས་དབྱུང་དེང་འདིར་སྩོལ། །ཅེས་ངེད་ཅག་གི་ཡིད་ལ་སྨོན་རྒྱུ་དེ་ཡང་འདི་རེད། དེ་ཡང་བསྡུས་ན་བསྟན་པ་དར་བ་དང་སངས་རྒྱས་ཀྱི་ཆོས་རབ་ཏུ་འཛིན་པར་སྨོན་ལམ་བཏབ་ན་དེའི་ནང་ལ་འདུས་ནི་རེད། བསྟན་པ་དར་ན་སེམས་ཅན་ལ་ཕན་པ་ངང་གིས་འབྱུང་ནི་རེད། དཔེར་ན། ཉི་མ་ཤར་ན་འོད་ཟེར་འབྱུང་བ་བཞིན་སངས་རྒྱས་ཀྱི་བསྟན་པ་དར་ན་སེམས་ཅན་ལ་བདེ་སྐྱིད་མི་འབྱུང་བར་རང་དབང་ཡོད་ནི་མ་རེད། དེའི་ཕྱིར་ན་བསྟན་པ་དར་བར་གྱུར་ཅིག་སེམས་ཅན་རྣམས་བདེ་ཞིང་སྐྱིད་པ་གྱུར་ཅིག་བསམ་དགོས་ཏེ། ཀུན་མཁྱེན་ཆོས་ཀྱི་རྒྱལ་པོའི་ཞལ་ནས། སངས་རྒྱས་བསྟན་པ་དར་ཞིང་རྒྱས་པར་ཤོག །སེམས་ཅན་ཐམས་ཅད་བདེ་ཞིང་སྐྱིད་པར་ཤོག །ཉིན་དང་མཚན་མོར་ཆོས་ལ་སྤྱོད་པར་ཤོག །རང་གཞན་དོན་གཉིས་ལྷུན་གྱིས་འགྲུབ་པར་ཤོག །ཅེས་གསུངས་པ་ལྟར་ངེད་ཅག་གིས་རྒྱུན་དུ་འདོན་རྒྱུ་བྱས་ཡོད་ནི་རེད། གསུམ་པ་སྨོན་ལམ་གྱི་འབྲས་བུ་མངོན་གྱུར་དུ་བསྔོ་བ་ནི། བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་བ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ ། དེར་སོང་ནས་ནི་སྨོན་ལམ་འདི་དག་ཀྱང༌། །ཐམས་ཅད་མ་ལུས་མངོན་དུ་འགྱུར་བར་ཤོག །དེ་དག་མ་ལུས་བདག་གིས་ཡོངས་སུ་བཀང་། །འཇིག་རྟེན་ཇི་སྲིད་སེམས་ཅན་ཕན་པར་བགྱི། །ཞེས་གསུངས་ཏེ། བདེ་བ་ཅན་དུ་སྐྱེ་བའི་སྨོན་ལམ་བཏབ་ནི་རེད། གཟོད་འཆི་ཁ་ཐུམ་རིམ་རྫོགས་ཚེ་མི་ངོ་རང་ངོ་མི་ཤེས་པའི་སྐབས་ན་སངས་རྒྱས་འོད་དཔག་མེད་མངོན་སུམ་དུ་བྱོན་འོང་ནི་རེད། དེ་ནས་བྱང་ཆུབ་སེམས་དཔའ་ཉེ་བའི་སྲས་བརྒྱད་ཀྱིས་བསྐོར་ནས་བདེ་བ་ཅན་གྱི་ཞིང་ཁམས་སུ་ཁྲིད་འགྲོ་གསུངས་ནི་རེད། ངེད་ཅག་གིས་བཟང་སྤྱོད་སྨོན་ལམ་འདི་ལ་བརྩོན་པ་བརྒྱ་འགྱུར་བྱས་ནས་བཏོན་ན་འཆི་ཁ་ནད་གཅོད་ཀྱི་སྡུག་བསྔལ་ཡོད་ནི་མ་རེད། ཤི་རྒྱབ་བར་དོའི་སྡུག་བསྔལ་ཡོད་ནི་མ་རེད། གཤེན་རྗེ་ཆོས་ཀྱི་རྒྱལ་པོའི་མདུན་ན་ངས་དགེ་བ་བྱས་སྡིག་པ་མ་བྱས་ཟེར་ནས་དགེ་སྡིག་རྒྱ་མ་ལ་བཀྱག་དགོས་ནི་མ་རེད། བདག་དང་བདག་ལ་འབྲེལ་ཐོགས་ཀུན། །འདི་ནས་ཚེ་འཕོས་གྱུར་མ་ཐག །སྤྲུལ་པའི་སངས་རྒྱས་འོད་དཔག་མེད། །དགེ་སློང་དགེ་འདུན་འཁོར་གྱིས་བསྐོར། །མདུན་དུ་མངོན་སུམ་འབྱོན་པར་ཤོག །ཅེས་པ་དེ་བདེ་བ་ཅན་ན་བཞུགས་པའི་འོད་དཔག་མེད་མ་རེད། ད་དུང་ལུས་སེམས་གཉིས་ཀ་མ་འབྲལ་གོང་ན་སྤྲུལ་བའི་སངས་རྒྱས་འོད་དཔག་མེད་མངོན་སུམ་དུ་བྱོན་ནས་བསུ་མ་བྱེད་གསུངས་ནི་རེད། ལས་ངན་སྡིག་ཆེན་གྱི་གང་ཟག་རྣམས་དེའི་སྐབས་སུ་ལ་ལས་རི་དྭགས་མང་པོ་བསད་པས་རི་དྭགས་རྣམས་ཀྱིས་རྡུང་སྣང་ཤར། དེ་བཞིན་ལ་ལར་ལུག་ལ་སོགས་པས་རྡུང་བ་དང་ལ་ལར་མེ་འབར་བ་སོགས་སྣང་བའི་སྐབས་སུ་སངས་རྒྱས་འོད་དཔག་མེད་མངོན་སུམ་དུ་མཐོང་ནས་བདེ་བ་ཅན་དུ་སྐྱེ། སངས་རྒྱས་འོད་དཔག་མེད་དང་བྱང་ཆུབ་སེམས་དཔའ་ཉེ་བའི་སྲས་བརྒྱད་ཀྱིས་ད་ཁྱེད་བདེ་བ་ཅན་དུ་འགྲོ་བའི་དུས་ལ་བབས་པ་ཡིན་ཁྱེད་རང་བུ་དང་བུ་མོ་ལ་མ་ཆགས་བུ་དང་བུ་མོ་རྣམས་ཚེ་འདི་ལ་ལུས་དང་སེམས་ལ་སྡུག་བསྔལ་མེད་པ་ཞིག་དང་ཚེ་འདི་འཕོས་མ་ཐག་ཏུ་བདེ་བ་ཅན་དུ་ཁྲིད་པར་བྱེད་གསུངས་སོ། །དེའི་སྐབས་སུ་རང་གི་ཡང་དོན་ཆེན་འགྲུབ། ཕྱིས་སུ་འདུག་པ་རྣམས་ཀྱང་དོན་ཆེན་འགྲུབ་ནས་སྣང་བ་དགའ་ཡ་ལེ་སེམས་པ་སྤྲོ་སང་ངེ་བྱེད་ནས་སྤྲུལ་གཞིའི་འོད་དཔག་མེད་ཀྱི་མདུན་དུ་ཕེབས་འགྲོ་གསུངས་ནི་རེད། དེ་མཐོང་ཡིད་དགའ་སྣང་བ་སྐྱིད། །ཤི་བའི་སྡུག་བསྔལ་མེད་པར་ཤོག །བྱང་ཆུབ་སེམས་དཔའ་མཆེད་བརྒྱད་ནི། །རྫུ་འཕྲུལ་སྟོབས་ཀྱིས་ནམ་མཁར་བྱོན། །ཞེས་པ་ལྟར་དེ་ནས་བདེ་བ་ཅན་གྱི་ཞིང་ཁམས་ལ་ཕེབས་ནས་བཟང་སྤྱོད་སྨོན་ལམ་མཐའ་དག་མངོན་དུ་འགྱུར། ཞིང་དེ་ན་མ་གཏོགས་ཐམས་ཅད་མངོན་དུ་འགྱུར་ནུས་ནི་མ་རེད། དཔེར་ན། རྡུལ་གཅིག་གི་གོ་ས་ན་རྡུལ་སྙེད་ཀྱི་ཞིང་ཁམས་བཀོད། དེ་ལས་སངས་རྒྱས་རེ་རེའི་མདུན་དུ་མཛད་པ་མཛད། ནམ་མཁའི་མཐར་ཐུག་གི་སེམས་ཅན་གྱི་དོན་མཛད། བདེ་བ་ཅན་གྱི་ཞིང་ཁམས་སུ་སྐྱེས་ནས་བདག་གི་སྤྲོད་པ་རྒྱ་མཚོ་མཐར་ཕྱིན་པར་ཤོག་ཅིག་གསུངས་ནི་རེད། བདེ་བ་ཅན་གྱི་ཞིང་ཁམས་སུ་སོང་ནས་རང་གི་རྒྱུད་ཡོངས་སུ་སྨིན་པར་བྱེད། ཕར་ཕྱིན་རྫོགས། སེམས་ཅན་སྨིན་པར་བྱེད། ཞིང་སྦྱངས་རང་འབྲས་སྨིན་ནས་བཟུང་སྟེ་ནམ་མཁའ་ཇི་སྲིད་དུ་སྐྱེ་བ་དམན་པ་དུད་འགྲོ་ལྟར་རྒུད་པའི་དུས་ནའང་དེ་ལ་སྡུག་བསྔལ་དག་གིས་འཇིགས་པ་མེད། འཁོར་བར་པདྨའི་ཚལ་ན་རྩེད་མོ་བྱེད་དེ་འགྲོ་བ་ལྟ་བུ་ཡིན། མདོར་ན་ནམ་མཁའ་ཇི་སྲིད་བར་དུ་སེམས་ཅན་གྱི་དོན་བྱེད་པར་ཤོག་ཅིག་གསུངས་ནི་རེད། བཞི་པ་སངས་རྒྱས་ལས་དངོས་སུ་ལུང་བསྟན་ཐོབ་པར་བསྔོ་བ་ནི། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །ཅེས་གསུངས་ཏེ། རྒྱལ་བའི་དཀྱིལ་འཁོར་བཟང་པོ་བདེ་བ་ཅན་གྱི་ཞིང་ཁམས་རེད། མཛེས་ལས་སྐྱེས་ཞེས་པ་ནི། མཚན་བཟང་པོ་སུམ་ཅུ་རྩ་གཉིས་དཔེ་བྱེད་བཟང་པོ་བརྒྱད་ཅུ་ཡོངས་སུ་རྫོགས་པ་ལུས་དེ་ལ་ལྡན་པར་འགྱུར། འོད་དཔག་མེད་ཀྱིས་རིགས་ཀྱི་བུ་ཁྱེད་ཞིང་ཁམས་གཞན་ག་ལ་བ་ན་སངས་རྒྱས་པ་ཡིན་གསུངས་ནས་ལུང་བསྟན་པ་ཐོབ། ལུང་བསྟན་ཐོབ་པ་དེ་ཡང་དབང་པོ་རྣོན་པོ་ཡིན་ན་སྦྱོར་ལམ་དང་མཐོང་ལམ། དབང་པོ་རྟུལ་པོ་ཡིན་ན་ས་བརྒྱད་པ་མ་གཏོགས་ཐོབ་ནི་མ་རེད། དེའི་ལུང་བསྟན་དེ་ཡང་དེ་མ་ཐག་ཏུ་ཐོབ་པར་གྱུར་ཅིག་གསུངས་ནི་རེད། ལྔ་པ་ལུང་བསྟན་ཐོབ་ནས་སེམས་ཅན་ལ་ཕན་པ་བསྒྲུབ་པར་བསྔོ་བ་ནི། དེར་ནི་བདག་གིས་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བཟ་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང། བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་པོ་བགྱི། །ཞེས་གསུངས་ཏེ། ལུང་བསྟན་ཐོབ། ཡོན་ཏན་གྱི་ཞིང་སྦྱངས་ནམ་མཁའ་ཇི་སྲིད་དུ་སེམས་ཅན་རྣམས་ཀྱི་དོན་ཡོངས་སུ་འགྲུབ་ནུས་པར་ཤོག་ཅིག་གསུངས་ནི་རེད། ལོ་ཙཱ་བ་ཆེན་པོ་བཻ་རོ་ཙ་ནས་བསྒྱུར་བའི་སྨོན་ལམ་མཛད་པར་གྲགས་པ་དེ་དོན་ལ་གནས་སམ་སྙམ་མོ། །ཚིགས་བཅད་གསུམ་པོ་འདི་ཡང་ཅུང་ཟད་བཤད་ན་དོན་གསུམ་སྟེ་སྨོན་ལམ་བཏོན་པ་དང་། སྨོན་ལམ་བསྔོས་པ་དང་། སྨོན་ལམ་གྱི་དགེ་རྩ་ཕྱིར་བསྔོ་བ་གསུམ་ལས། དང་པོ། བཟང་པོ་སྤྱོད་པའི་སྨོན་ལམ་བཏོན་པ་ཡི། །དགེ་བ་ཅུང་ཟད་བདག་གིས་ཅི་བསགས་པ། །དེས་ནི་འགྲོ་བའི་སྨོན་ལམ་དགེ་བ་རྣམས། །སྐད་ཅིག་གཅིག་གིས་ཐམས་ཅད་འབྱོར་བར་ཤོག །ཅེས་བཟང་པོ་སྤྱོད་པའི་སྨོན་ལམ་གྱི་གླེགས་བམ་བཀླགས་སམ་ཁ་ཏོན་དུ་བཏོན་པའི་དགེ་བ་ཅུང་ཟད་བདག་གིས་ཅི་བསགས་པ་དེ་ཡིས་ནི་འགྲོ་བ་སེམས་ཅན་མ་ལུས་པའི་ཡིད་ལ་སྨོན་པའི་དོན་འགྲུབ་པར་ཤོག་ཅིག་ཅེས་བརྗོད་པ་སྨོན་ལམ་དུ་བྱས་པའི་དགེ་བ་རྣམས་ཇི་ལྟ་བ་བཞིན་དུ་ཡུན་རིང་པོར་མི་ཐོགས་པར་དུས་སྐད་ཅིག་གིས་འབད་རྩོལ་མི་དགོས་པར་ཐམས་ཅད་འབྱོར་ཞིང་འགྲུབ་པར་ཤོག་ཅིག་གསུངས་ནི་རེད། གཉིས་པ་ནི། གང་ཡང་བཟང་པོ་སྤྱོད་པ་འདི་བསྔོས་པས། །བསོད་ནམས་མཐའ་ཡས་དམ་པ་གང་ཐོབ་དེས། །འགྲོ་བ་སྡུག་བསྔལ་ཆུ་བོར་བྱིང་བ་རྣམས། །འོད་དཔག་མེད་པའི་གནས་རབ་ཐོབ་པར་ཤོག །ཅེས་བཟང་པོ་སྤྱོད་པའི་སྨོན་ལམ་ཡོངས་སུ་བསྔོས་པ་འདི་ཡིས་བསོད་ནམས་ངོ་བོ་བཟང་བས་དམ་པ་དང་རྒྱ་ཆེ་བས་མཐའ་ཡས་པར་གྱུར་པ་གང་ཞིག་ཐོབ་པ་དེས་འགྲོ་བ་སྡུག་བསྔལ་གྱི་ཆུ་བོར་བྱིང་ནས་ཉམ་ཐག་པ་རྣམས་དེ་བཞིན་གཤེགས་པ་འོད་དཔག་ཏུ་མེད་པའི་བཞུགས་གནས་བདེ་བ་ཅན་གྱི་ཞིང་ཁམས་རྟག་ཏུ་བདེ་ཞིང་སྐྱིད་པའི་གནས་དེ་རབ་ཏུ་ཐོབ་པར་ཤོག་ཅིག་གམ་དེར་སྐྱེ་བར་གྱུར་ཅིག་གསུངས་ནི་རེད། གསུམ་པ་ནི། སྨོན་ལམ་རྒྱལ་པོ་འདི་དག་མཆོག་གི་གཙོ། །མཐའ་ཡས་འགྲོ་བ་ཀུན་ལ་ཕན་བྱེད་ཅིང་། །ཀུན་ཏུ་བཟང་པོས་བརྒྱན་པའི་གཞུང་གྲུབ་སྟེ། །ངན་སོང་གནས་རྣམས་མ་ལུས་སྟོང་བར་ཤོག །ཅེས་སྨོན་ལམ་གྱི་རྒྱལ་པོ་འདི་དག་གིས་ནི་མཆོག་གི་གཙོ་བོ་བླ་ན་མེད་པའི་བྱང་ཆུབ་འགྲུབ་པ་དང༌། མཁའ་ལྟར་མཐའ་ཡས་པའི་འགྲོ་བ་སེམས་ཅན་ཀུན་ལ་གནས་སྐབས་དང་མཐར་ཐུག་གི་ཕན་བདེ་སྟེར་བར་བྱེད་ཅིང༌། ཐམས་ཅད་ཀུན་ཏུ་བཟང་པོའི་སྨོན་ལམ་གྱིས་བརྒྱན་པའི་ཞིང་ཁམས་ཁྱད་པར་ཅན་དུ་བསྒྲུབས་པས་གྲུབ་པའམ། ཡང་ན་དཔེ་ཕལ་ཆེ་བར་གཞུང་གྲུབ་སྟེ་ཞེས་པ་ལྟར་ན། འཕགས་པ་ཀུན་ཏུ་བཟང་པོའི་དེ་བཞིན་གཤེགས་པ་སྲས་དང་བཅས་པའི་སྤྱོད་པ་རབ་འབྱམས། མཛེས་བྱེད་ཟབ་ཅིང་རྒྱ་ཆེ་བའི་ཚིག་དང་དོན་གྱིས་རྣམ་པར་བརྒྱན་པའི་སྨོན་ལམ་གྱི་མདོ་ཆེན་པོ་གསུངས་པའི་གཞུང་འདི་ལས་ཇི་སྐད་འབྱུང་བ་དེ་ཁོ་ན་བཞིན་དུ་གྲུབ་པར་གྱུར་ཏེ། ཕྱོགས་བཅུའི་ཞིང་ཀུན་གྱི་ངན་སོང་གི་རྒྱུད་རྣམས་མ་ལུས་པ་སྟོང་བར་ཤོག་ཅིག་གསུངས་ནི་རེད། གསུམ་པ་མཇུག་གི་དོན་ནི། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མུ་ཏྲ་དང༌། སུ་རེནྡྲ་བྷོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ལོ་ཆེན་བཻ་རོ་ཙ་ནས་ཞུས་ཆེན་མཛད་པའོ།། །། འདི་སྔ་འགྱུར་གྱི་དུས་སུ་ཆོས་རྒྱལ་ཁྲི་སྲོང་ལྡེའུ་བཙན་གྱི་སྐུ་རིང་ལ་བཻ་རོ་ཙ་ནས་བསྒྱུར་ནི་རེད། བླ་སེར་ཇོ་མོ་དགེ་བསྙེན་ཁྱེད་རྣམས་ཀྱིས་ཚིག་འགྲེལ་ཞིག་སྐྱོར་སྦྱང་བྱ་རྒྱུ་ཨེ་ལག་ལྟོས། སང་གནང་འདོན་དུས་ཚིག་རྗེས་དོན་དྲན་ཡག་པོ་ཞིག་ཨེ་འོང་ལྟོས། རྒྱ་ཆེན་པོ་ཞིག་མ་ཤེས་ན་ཡང༌། སེམས་ཅན་ཐམས་ཅད་ཀྱི་ལུས་ལ་ན་ཚ་མེད་པར་གྱུར་ཅིག སེམས་ལ་སྡུག་བསྔལ་མེད་པར་གྱུར་ཅིག་དམ་པའི་ཆོས་སྒྲུབ་པ་ལ་བློ་མཐུན་གྲོས་མཐུན་ཉིད་དུ་གྱུར་ཅིག སེམས་ཅན་ཐམས་ཅད་ཀྱི་བསམ་པའི་རེ་བ་ཐམས་ཅད་འགྲུབ་པར་གྱུར་ཅིག སྐྱེ་བ་ཚེ་རབས་ཀུན་ཏུ་རབ་ཏུ་བྱུང་བའི་ལུས་རྟེན་ཐོབ་པར་གྱུར་ཅིག རྟེན་དེ་ལ་ཚུལ་ཁྲིམས་རྣམ་པར་དག་པར་གྱུར་ཅིག བླ་མ་དགེ་བའི་བཤེས་གཉེན་དང་འཕྲད་པར་གྱུར་ཅིག གྲོགས་བཟང་པོ་དང་མི་འབྲལ་བར་གྱུར་ཅིག བྱང་ཆུབ་ཀྱི་སེམས་རྒྱུད་ལ་སྐྱེ་བར་གྱུར་ཅིག མདོར་བསྡུས་པ་ཞིག་བཤད་ན་དེ་འདྲ་ཞིག་རེད། དེའི་ཕྱིར་ན་ཚིག་རྗེས་དོན་དྲན་ཞིག་ཤེས་ན་ཧ་ཅང་བཟང་པོ་རེད། སྨོན་ལམ་འགྲུབ་པའི་མཐུན་འགྱུར་མཛད་པ་ནི། སངས་རྒྱས་སྐུ་གསུམ་བརྙེས་པའི་བྱིན་རླབས་དང༌། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །ཏདྱ་ཐཱ། པཉྩནྡྲི་ཡ་ཨ་ཝ་བོ་དྷ་ནི་ཡེ་སྭཱ་ཧཱ། །ཞེས་གསུངས་ཏེ་སངས་རྒྱས་སྐུ་གསུམ་བརྙེས་པའི་བྱིན་རླབས་ཀྱི་སྟོབས་ཀྱིས་སྨོན་ལམ་འདི་འགྲུབ་པར་གྱུར་ཅིག་གསུངས་ནི་རེད། ཆོས་ཉིད་ཀྱི་དོན་ལ་འགྱུར་བ་ཡོད་ནི་མ་རེད། དེ་ཡང་ཅི་ཡང་མ་གྲུབ་པ་ལས་ཅི་ཡང་འཆར་དུ་རུང་བ་དེའི་སྟོབས་ཀྱིས་སྨོན་ལམ་འདི་འགྲུབ་པར་གྱུར་ཅིག་གསུངས་ནི་རེད། མང་ཆེ་བ་ཞིག་གིས་དགེ་འདུན་མང་བྱོན་འཚོགས་པའི་བྱིན་རླབས་ཀྱིས་ཟེར་ནས་ཞེ་ལ་བསམ་རྒྱུ་དེ་ཡང་དེ་ལྟར་བསམས་ནས་འདོན་མཁན་ཡོད་ཀྱང་དེ་ལྟར་མ་རེད། འདིའི་ཚིག་གི་ནང་ན་དགེ་འདུན་མི་ཕྱེད་འདུན་པའི་ཐུགས་རྒྱུད་ཀྱི་ཡོན་ཏན་དེ་གཞན་སུས་ཀྱང་སོ་སོར་ཕྱེ་ནུས་ནི་མ་རེད། དགེ་འདུན་གྱི་ཐུགས་རྒྱུད་ཀྱི་ཡོན་ཏན་འདུན་པ་དང་འབྲེལ་བ་ཡིན་ནི་རེད་མ་གཏོགས་དགེ་འདུན་མང་བྱོན་འཚོགས་པའི་ཟེར་ནི་མ་རེད། དེ་ལྟ་བུའི་ཚིག་མ་རེད། སངས་རྒྱས་བྱང་སེམས་རྣམས་༄ས་ཇི་ལྟར་བསྔོས་པ་བཞིན་དུ་བདག་ཅག་གིས་ཀྱང་བསྔོ་བ་དང་སྨོན་ལམ་རྣམས་འགྲུབ་པར་ཤོག་ཅིག་གསུངས་ནི་རེད། ཏདྱ་ཐ། པཉྩནྡྲི་ཡ་ཨ་ཝ་བོདྷ་ནི་ཡེ་སྭཱ་ཧཱ། ཞེས་པའི་སྔགས་འདི་བརྗོད་ན་སྨོན་ལམ་གང་བཏབ་ན་སྨོན་ལམ་ཐམས་ཅད་འགྲུབ་ནི་རེད། ད་བཟང་སྤྱོད་ཤེས་ཐ་ཨེ་རེད། ཚིག་རྗེས་དོན་དྲན་ཞིག་ཤེས་ན་ཧ་ཅང་ཡག་པོ་རེད། ཚིག་རྐྱང་པ་ཙམ་ཞིག་ཁ་གཡེང་མིག་གཡེང་གིས་བཏོན་ན་ཡང་ཕན་ཡོན་འབྱུང་རྒྱུ་རེད། དེ་བཞིན་གཤེགས་པའི་གསུང་བསླུ་བ་མེད་པ་རེད། ནམ་མཁའ་མེད་པར་གྱུར་ཀྱང་རིགས་སྔགས་ཀྱི་ནུས་པ་འགྱུར་མི་སྲིད་ཅེས་གསུངས་པ་བཞིན་བསླུ་བ་གཏན་ནས་ཡོད་ནི་མ་རེད། འོན་ཀྱང་ཚིག་རྗེས་དོན་དྲན་བྱས་ནས་སྨོན་ལམ་ཞིག་བཏབ་ན་བྱང་ཆུབ་སེམས་དཔའ་ཀུན་ཏུ་བཟང་པོ་དང་འཇམ་དཔལ་དབྱངས་ཀྱི་སྨོན་ལམ་ཇི་ལྟ་བ་བཞིན་དུ་འགྱུར་འགྲོ་ནི་རེད། ཐམས་ཅད་ཀྱིས་ཨེ་ཤེས་ལྟོས་དང་འདི་ལ་རྒྱ་ཆེན་པོ་ཞིག་བཤད་ན་སུས་ཀྱང་མི་ཤེས། ངས་ཀྱང་ག་ལ་ཤེས་ང་མིན་པ་ཞིག་གིས་ཀྱང་མི་ཤེས་མོད། ད་ཕྱོགས་ཙམ་ལ་མི་གོ་རྒྱུ་ཅི་ཡང་མེད་པས་གཟབ་གཟབ་བྱས་ནས་ཨེ་ཤེས་ལྟོས། སྐྱོར་སྦྱང་གྱིས་མ་ཤེས་ན་གཞན་ལ་དྲིས། སང་གནང་འདོན་དུས་བློ་ཡུལ་ལ་བླངས་ནས་བཟང་སྤྱོད་ཡོངས་སུ་རྫོགས་པ་ལ་མ་ནུས་ཀྱང་ཚར་གཅིག་ལ་ཚིག་རྗེས་དོན་དྲན་གྱི་སྒོ་ནས་འདོན་ཨེ་ཐུབ་ལྟོས། དེ་ནས་ངེད་ཅག་སྐྱེ་བ་ཚེ་རབས་ཐམས་ཅད་དུ་འབྲལ་བ་མེད་པར་ནམ་ཞིག་བྱང་ཆུབ་ཤིང་དབང་དྲུང་དུ་སུ་སྔོན་ལ་སངས་རྒྱས་མི་ཤེས་ཀྱང་སུ་སྔོན་ལ་སངས་རྒྱས་ན་དེའི་འཁོར་དུ་སྐྱེ་རྒྱུ་རེད། གལ་ཏེ་ང་ནམ་ཞིག་ན་སྔོན་ལ་སངས་རྒྱས་ནའང་འདྲ་རྗེས་སུ་སངས་རྒྱས་ནའང་འདྲ་ང་སངས་རྒྱས་པའི་གནས་སྐབས་ན་ཁྱེད་རྣམ་པ་ཚང་མ་ཡང་མོས་པ་མེད་ན་མ་གཏོགས་མོས་པར་གྱུར་པའི་གང་ཟག་ཚང་མ་ཡང་ངའི་འཁོར་གྱི་ཐོག་མ་ཉིད་དུ་སྐྱེ་རྒྱུ་རེད་མ་ཟད། སང་གནང་བཟང་སྤྱོད་དུང་སྒྲུབ་སྐབས་སུ། ཚོགས་པ་རྣམས་ངས་དང་པོ་ཆོས་ཀྱི་འཁོར་ལོ་བསྐོར་བའི་གནས་སྐབས་སུ་ཁྱེད་རྣམ་པ་འདུས་ནས་སྣོད་རྟེན་དེ་ལ་ཐེག་དམན་གྱི་བདེན་པ་མཐོང་རྒྱུ་མ་རེད། ཐེག་ཆེན་ས་དང་པོ་ཡན་ཆད་ཀྱི་ཆོས་ལ་ཆོས་ཀྱི་རྡུལ་དྲི་མ་མེད་པ་ཐོབ་རྒྱུ་རེད། དེ་ནས་བཟུང་སྟེ་ངེད་ཅག་རྣམས་ནམ་མཁའ་ཇི་སྲིད་དུ་དུ་འགྱུར། སེམས་ཅན་གྱི་དོན་བྱེད་པ་ལ་བསླུ་བ་མེད། ད་ཕྱིན་ཆད་སྡིག་པ་ཚབ་པོ་ཆེ་མ་བྱེད། ཐམས་ཅད་ཀྱི་དགེ་བ་གཟབ་གཟབ་བྱས་ནས་སྒྲུབས། སྔར་བྱས་ཀྱི་སྡིག་པ་ལ་ཁ་ཞེ་གཉིས་མེད་ཀྱིས་འགྱོད་པ་དང་ཕྱིན་ཆད་དམ་པོར་སྡོམ་སེམས་ཤིག་ཡོད་ན། ད་སྐབས་བཟང་སྤྱོད་དུང་སྒྲུབ་ཆེན་མོ་དང་གར་དབང་རིག་འཛིན་འབུམ་ཚོགས་ཆེན་མོ་སོགས་ཀྱི་སྐབས་སུ་དགེ་འདུན་པ་འདི་ལྟ་བུ་ཞིག་དང་ལྷན་ཅིག་ཏུ་འཚོགས། ད་ཕྱིན་ཆད་སྡིག་པ་ངན་པ་མ་བྱས་ན་ཕལ་ཆེར་སྔོན་ཆད་ཀྱི་རྣམ་སྨིན་མྱོང་ངེས་ཀྱི་སྒྲིབ་པ་ཐམས་ཅད་དག་འགྲོ་རྒྱུ་རེད་བསམ་ཁུ། དེ་སྙོམས་འཇོག་ཡིན་ཡང་མི་ཆོས་བླ་མའི་རྫུན་མིན་ཟེར་ན་ཆོག དེ་ཡིན་ན་དགའ་བ་དང་སྤྲོ་བའི་འོས་སུ་གྱུར་པ་ཞིག་རེད། ང་ལ་ཡང་སྔོན་ཆད་མ་ཎི་བླ་མ་པདྨ་སིདྡྷིས་ལན་གཉིས་ཀྱི་བར་དུ་ད་སྔོན་ཡན་ཆད་ཀྱི་སྡིག་ལྟུང་དག་པ་ཡིན་གསུངས་ནས་ལུང་བསྟན་པ་ཡིན། ལུང་བསྟན་གཅིག་ནི་དམ་ཅན་གྱི་ས་ཕྱོགས་སུ་གསེར་རྟ་བ་ལ་མ་ཎི་གསུངས་པའི་སྐབས་སུ་དེ་རིང་ཡན་ཆད་ཀྱི་སྡིག་ལྟུང་དག་པ་ཡིན་ད་ཕྱིན་ཆད་གཟབ་གཟབ་གྱིས་གསུངས་མྱོང་། གཅིག་དེ་ང་ལྕང་མ་རི་ཁྲོད་དུ་འགྲོ་བའི་གནས་སྐབས་ན་ངས་བསམ་བློ་ཞིག་བཏང་ནས་དེ་ཚུན་ཆད་ལ་ཡང་སྡིག་པ་མ་བྱས་མ་བྱས་ཟེར་ཡང་སྡིག་པ་མང་པོ་བྱས་ཚར་ཡོད་རྒྱུ་རེད་བསམས་ནས་སླར་ཡང་མ་ཎི་བླ་མའི་སྐུ་མདུན་ལ་སོང་ནས་ལུང་བསྟན་ཞུས་ཚེ། ཁོང་གིས་དེའི་དུས་སྐབས་ནའང་ད་སྔོན་ཡན་ཆད་ཀྱི་སྡིག་ལྟུང་ཐམས་ཅད་དག་པ་ཡིན། ཞེས་གསུངས་མྱོང་། དེས་ན་ཚེ་རབས་ཀྱི་སྡིག་ལྟུང་ཐམས་ཅད་དག་ན་ཚེ་འདི་ཙམ་ལ་སྐྱོན་རྒྱུ་མ་རེད། ཕྱིན་ཆད་ཀྱང་ང་ལྟ་བུ་ལ་དཔེ་མཚོན་ན་ད་སྐབས་བཟང་སྤྱོད་དུང་སྒྲུབ་ཆེན་མོ་དང་གར་དབང་རིག་འཛིན་འབུམ་ཚོགས་ཆེན་མོའི་སྐབས་སུ་དགེ་འདུན་པ་འདི་ལྟ་བུ་དང་ལྷན་གཅིག་ཏུ་འཚོགས་ནས་དགེ་རྩ་དེ་བསྔོ་ཐུབ་སོང་ན་ད་སྔོན་ཡན་ཆད་ཀྱི་སྡིག་ལྟུང་ཡང་དག་འགྲོ་རྒྱུ་རེད། ད་ལོ་ལྔ་དྲུག་ཞིག་གི་སྡིག་པ་ལ་གཟབ་གཟབ་བྱེད་རྒྱུ་ཨེ་མི་ལོན། དེའི་ཕྱིར་ན་སྡིག་ལྟུང་དག་རྒྱུ་རེད། དེས་ན་ཚང་མས་དགའ་བ་སྒོམས། སྤྲོ་བ་སྒོམས། ངས་བཤད་པ་དེ་ལ་ཅི་མི་ཟེར་མ་བསམ་ད་ངོ་མ་ངེད་ཅག་སྐལ་བ་བཟང་པོ་རེད་བསམ། འོན་ཀྱང་ད་དུང་བར་ཆད་དེ་གང་གིས་ལྡང་མི་ཤེས་བདུད་སྡིག་ཅན་གྱིས་ནམ་རྒྱུན་བར་ཆད་རྩོམ་བཞིན་པ་ཡིན་ནི་རེད། དེས་ན་བར་ཆད་མི་འབྱུང་བའི་ཕྱིར་དུ་བླ་མ་ཨོ་རྒྱན་ཆེན་པོ་ལ་གསོལ་བ་ཐོབ་སྤྲུལ་པའི་གུ་རུ་ཚར་འབུམ་ཐེར་རེ་འདོན་ཐུབ་པར་གྱིས། དེ་ལྟར་ཆོས་འཆད་ཉན་བྱས་པའི་དགེ་བའི་རྩ་བ་ལ་བརྟེན་ནས་སྤྱིར་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ་དང་དེ་འཛིན་གྱི་སྐྱེས་བུ་དམ་པ་རྣམས་སྐུ་ཚེ་བརྟན་མཛད་ཕྲིན་རྒྱས་ཡངས་པའི་རྒྱལ་ཁམས་ཀུན་ཏུ་མི་ནད་ཕྱུགས་ནད་ཐམས་ཅད་ཞི། བདེ་སྐྱིད་རྫོགས་ལྡན་དང་པོའི་དཔལ་ལ་ལོངས་སུ་སྤྱོད་ནས་མི་རིང་བར་དཔལ་ལྡན་བླ་མའི་ཞབས་དྲུང་དུ་སྐྱེས་ནས་རྫོགས་སྨིན་སྦྱངས་གསུམ་མཐར་ཕྱིན་པའི་སྨོན་འདུན་བཅས། བསོད་ནམས་འདི་ཡིས་ཐམས་ཅད་གཟིགས་པ་ཉིད། །ཐོབ་ནས་ཉེས་པའི་དགྲ་རྣམས་ཕམ་བྱེད་ཅིང་། །སྐྱེ་རྒ་ན་འཆིའི་རྦ་ཀློང་འཁྲིགས་པ་ཡིས། །སྲིད་པའི་མཚོ་ལས་འགྲོ་བ་སྒྲོལ་བར་ཤོག །སླར་སྨྲས་པ། ཀ་དག་ཀུན་བཟང་དགོངས་པའི་རྒྱལ་ས་ལ། །མིག་འཕྲུལ་བཞིན་དུ་བགྲོད་པར་བྱེད་པའི་ཐབས། །འཕགས་པ་བཟང་པོ་སྤྱོད་པའི་སྨོན་ལམ་སྐས། །ཐར་འདོད་སྐྱེ་འགྲོ་ཡོངས་ཀྱི་དཔལ་དུ་བཙུགས། །སྨོན་ལམ་ཀུན་གྱི་རྒྱལ་པོ་བཟང་པོ་སྤྱོད། །གསལ་ལ་མ་འདྲེས་སྙིང་པོའི་བཅུད་ཕྱུང་སྟེ། །ཡང་ཡང་བརྩེ་བས་གདམས་པའི་བཀའ་དྲིན་འདི། ནམ་ཡང་གཞལ་བར་དཀའ་འོ་ཡིད་བཞིན་ནོར། །ཕལ་པོ་ཆེ་དང་མྱང་འདས་ཆེན་མོ་སོགས། །སྨོན་ལམ་བགྲང་ལས་འདས་པའི་གཞུང་བཟང་རྣམས། །གནད་བརྒྱ་གཅིག་ཏུ་འདུས་པའི་ལམ་པོ་ཆེ། །ཉུང་ངུའི་རྡོ་རྗེའི་ཚིག་གིས་གསལ་བར་བྱས། །ཆོས་ཚུལ་ཉི་ཟླའི་དཀྱིལ་འཁོར་ལས་ཤར་བའི། །གདམས་པ་རིན་ཆེན་དབང་གི་རྒྱལ་པོ་འདི། །བརྒྱུད་གསུམ་དགོངས་པའི་སྙིང་བཅུད་དངོས་ཡིན་པས། །འདི་ཀོ་རྩིས་ཆུང་བྱེད་པར་ཅི་སྟེ་བཟོད། །དེ་ཕྱིར་དྲི་མེད་ལྷག་བསམ་མ་རྙིང་བ། །མཚུངས་མེད་དྲིན་ལྡན་བླ་མའི་ཞལ་གྱི་ལུང་། །ཚིག་སྒྲོས་ཙམ་ཡང་ནུབ་པར་ཕངས་པའི་བློས། །མི་བརྗེད་དྲན་པའི་ཟིན་ཐོ་འདི་ལྟར་བྱས། །བློ་ཆུང་བྱིས་པ་བདག་དང་བདག་འདྲ་ལ། །བློ་ཡི་སྒོ་མོ་ཅུང་ཙམ་ཕྱེ་བའི་ཆེད། །བློ་གྲོས་དམན་ཡང་བསམ་པའི་ཁ་བཏགས་འདིར། །བློ་གསར་ཆོས་མཐུན་མཆེད་རྣམས་དགྱེས་པར་མཛོད། །བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང། དེ་ལྟ་ན་ཡང་རྡོ་རྗེའི་ཚིག་གི་དོན། །ཟབ་ཅིང་བརླང་བ་ཚུར་མཐོང་རྟོག་གེའི་བློས། །རྣམ་པར་ཤེས་པའི་སྤྱོད་ཡུལ་ལ་ཁྲིད་ནས། །མ་རྟོགས་ལོག་པར་བཤད་རྣམས་སྙིང་ནས་བཤགས། དྲི་བཅས་སེམས་ཀྱི་འཁྲུལ་སྣང་རྣམ་རྟོག་གིས། །ཚེ་རབས་ཀུན་ཏུ་སྡིག་ལྟུང་ཅི་བགྱིས་རྣམས། །ཡེ་ཤེས་སྤྱན་ལྡན་རྣམས་ལ་མཐོལ་བཤགས་ན། །དག་ཅིང་སྐུ་གཉིས་ཐོབ་པའི་དངོས་གྲུབ་སྩོལ། །འདིར་འབད་རྣམ་དཀར་དགེ་ཚོགས་ཅི་མཆིས་པ། །མར་གྱུར་འགྲོ་བ་ཀུན་ལ་ཡོངས་སུ་བསྔོ། །རྒྱལ་བས་བསྔགས་པ་དམིགས་མེད་ཆོས་དབྱིངས་ངང་། །བསྔོ་བྱ་སྔོ་བྱེད་བསྔོ་ཡུལ་བྲལ་བས་ཀྱང༌། །རྒྱལ་བསྟན་ཉིན་བྱེད་སྣང་བ་ཆེས་གསལ་ཞིང་། །སྐྱེ་རྒུ་བདེ་སྐྱིད་རྫོགས་ལྡན་དཔལ་ལ་སྤྱོད། །ཀུན་ཀྱང་འཚེ་མེད་ཞི་བདེའི་ལམ་བཟང་ལ། གུ་ཡངས་བློ་བདེའི་ངང་ནས་འཇུག་པར་ཤོག །སྐྱེ་བ་མུ་ཏིག་དཀར་པོའི་ཕྲེང་བ་ལ། །ཡབ་རྗེ་བླ་མ་མཆོག་དང་མི་འབྲལ་ཞིང་། །སྣ་ཚོགས་སྤྲུལ་པའི་རོལ་གར་འབུམ་འགྱེད་དེ། །འགྲོ་ཁམས་རྒྱ་མཚོ་དོང་ནས་སྤྲུག་པར་ཤོག །ཅེས་པ་འདི་ནི་བཀའ་དྲིན་མཚུངས་ཟླ་དང་བྲལ་བ་མཚན་བརྗོད་པ་དཀའ་ཡང་དོན་གྱི་སླད་དུ་མཚན་ནས་སྨོས་ན་༧ ཆོས་རྗེ་དམ་པ་ཡིད་བཞིན་ནོར་བུ་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་གང་གི་ཞབས་རྡུལ་སྤྱི་བོར་ལེན་ཅིང་གདམས་ངག་བདུད་རྩིའི་ཟེགས་མ་ལ་ལོངས་སུ་སྤྱོད་པའི་སྐལ་བ་ཅན། ཉག་བསམ་གཏན་དགོན་གྱི་གྲལ་མཐར་འཁོད་པ་བཀྲ་ཤིས་རྒྱ་མཚོ་རུ་འབོད་པས། ལྷོ་ཕྱོགས་སངྒ་ལའི་གནས་བརྟན་སྡེ་བའི་ལུགས་ཀྱི་བདག་ཅག་གི་སྟོན་པ་ཤཱཀྱ་ཐུབ་པ་མྱ་ངན་ལས་འདས་ནས་བགྲང་བྱ་༢༥༥༣ལོན་པའི་དུས་ཏེ། ཕྱི་ལོ་༢༠༠༩ ལོའི་ཟླ་༧ ཚེས་༢ བོད་རབ་བྱུང་བཅུ་བདུན་པའི་འགལ་བ་ཞེས་པ་ས་མོ་གླང་གི་ལོའི་སྣྲོན་གྱི་ཟླ་བའི་ཚེས་༡༠ ཨོ་རྒྱན་སངས་རྒྱས་གཉིས་པ་དྷ་ན་ཀོ་ཤའི་རྒྱ་མཚོར་རང་བྱུང་པདྨའི་སྙིང་པོ་ལས་འཁྲུངས་ཏེ་མཚོ་གླིང་གི་མཁའ་འགྲོ་མ་རྣམས་ལ་ཆོས་འཁོར་བསྐོར་བའི་དུས་ཚེས་ཕུན་སུམ་ཚོགས་པའི་ཉིན། རྗེ་བཙུན་བླ་མའི་ཐུགས་དགོངས་ཡོངས་སུ་རྫོགས་པའི་ཆེད་དུ་གངས་ལྗོངས་མཁས་འདུས་གྲོང་ཁྱེར་གསེར་ཐང་བླ་རུང་ལྔ་རིག་ནང་བསྟན་སློབ་གླིང་དུ་རྫོགས་པར་སྦྱར་བ་འོ།། །། དགེ་ཞིང་བཀྲ་ཤིས་པར་གྱུར་ཅིག །སྨོན་ལམ་རྒྱ་མཚོའི་ཡང་སྙིང་ཀུན་བཟང་ཞིང་གི་ཉི་མ་བཞུགས། ཡན་ལག་དྲུག་ཅུ་ལྡན་པ་ཚངས་དབྱངས་གསུང་། །སྟོབས་བཅུའི་ཡོན་ཏན་ཀུན་ནས་རྫོགས་པའི་ཐུགས། །ཐུབ་དབང་ལྷ་ཡི་ལྷ་མཆོག་དགོངས་སུ་གསོལ། །སྡུག་བསྔལ་གསུམ་གྱིས་ཆེས་ཆེར་མནར་བའི་ཚོགས། །གང་གིས་བརྩེ་ཆེན་ཐུགས་རྗེས་ཉེ་བར་བཟུང་། །དོན་གཉིས་འདོད་པ་ཡིད་བཞིན་འཇོ་བའི་ཕྱིར། བླ་མེད་བྱང་ཆུབ་མཆོག་ཏུ་ཐུགས་བསྐྱེད་ལྟར། །བདག་ཀྱང་མཁའ་མཉམ་འགྲོ་ཀུན་མ་སྟོང་བར། །རང་དོན་ཞི་བདེའི་དཔལ་ལ་མི་ཆགས་པར། །བཟ་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། གཞན་ཕན་ལྷག་པའི་བསམ་སྤྱོད་རྒྱན་བཞིན་བསྟེན། །འཇུག་པར་བྱའོ་སྲིད་པའི་གྲོང་ཁྱེར་ལ། །སྐྱེ་བ་ཀུན་ཏུ་ཡབ་གཅིག་མཁྱེན་པའི་གཏེར། །འཇམ་དཔལ་དཔའ་བོས་དགྱེས་བཞིན་རྗེས་སུ་བཟུང༌། །ཀུན་ཏུ་བཟང་པོའི་སྨོན་ལམ་ལས་བསྟན་པའི། །བྱང་ཆུབ་སྤྱོད་པ་རྒྱ་མཚོ་མཐར་ཕྱིན་ཤོག །མ་འོངས་རྣམ་འདྲེན་དགུ་བརྒྱ་དགུ་བཅུ་དྲུག །ཞིང་འདིར་མངོན་འཚང་རྒྱ་བའི་ཚུལ་སྟོན་ཚེ། །རྟག་ཏུ་ཞབས་འབྲིང་ཉེར་གནས་མཆོག་ཏུ་གྱུར། །རླབས་ཆེན་ཕྲིན་ལས་སྤེལ་བའི་མཐུ་ཐོབ་ཤོག །བཟང་ངན་ལས་ཀྱིས་འབྲེལ་བའི་སེམས་ཅན་རྣམས། །ཚེ་འདི་འཕོས་ཚེ་བདེ་ཆེན་ཞིང་དུ་སྐྱེས། །འོད་མཚན་སྟོང་འབར་གསུང་གིས་ལུང་བསྟན་ཐོབ། །མཁྱེན་བརྩེ་ནུས་པའི་རྩལ་ཆེན་རྫོགས་པར་ཤོག །བཟང་སྤྱོད་ཀྱི་ཟིན་བྲིས་བཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། དྲི་མེད་རྒྱལ་བསྟན་དར་ཞིང་ཡུན་དུ་གནས། །རིས་མེད་འགྲོ་རྣམས་ཕན་བདེའི་དཔལ་གྱིས་འཚོ། དུས་ཀུན་ཡིད་ལ་སྨོན་པ་འདི་ཁོ་ན། །མཐུན་འགྱུར་གསུང་གིས་དབུགས་དབྱུང་དེང་འདིར་སྩོལ། །བཀྲ་ཤིས་གང་ཞིག་ཕུན་ཚོགས་སྡེ་བཞིའི་གཏེར། །མ་ལུས་སྐྱེ་རྒུའི་ཉེར་འཚོའི་གསོས་སུ་སྨིན། །མི་ཤིས་རྒུད་པ་བཙལ་ཀྱང་མི་རྙེད་པའི། །དགེ་ལེགས་སྣང་བས་ས་གསུམ་ཁྱབ་པར་ཤོག །ཅེས་ཡུལ་དབུས་རྡོ་རྗེ་གདན་བྱང་ཆུབ་ཀྱི་ཤིང་གིས་བརྒྱན་པ། དེ་བཞིན་གཤེགས་པའི་ཁྲི་དྲུང་དུ་ངག་དབང་བློ་གྲོས་མཚུངས་མེད་ཀྱིས་སྨྲས་པ་དེ་བཞིན་དུ་འགྲུབ་པར་རྒྱལ་བ་སྲས་བཅས་རྣམས་ཀྱིས་བྱིན་གྱིས་བརླབ་ཏུ་གསོལ། སྒྲ་ཕབ་འཁོར་ལོ་ལས་གུས་སློབ་བསོད་དར་རྒྱས་ནས་དེ་ལྟར་སྨོན་བཞིན་ཡི་གེར་བཀོད་པ་དགེའོ། །རབ་བྱུང་བཅུ་བདུན་པའི་ལྕགས་རྟ་ཟླ་༩ཚེས་༡༠ ཕྱི་ལོ་༡༩༩༠ཟླ་༡༡ པའི་ཚེས་༢༩ ལའོ།། །།<br /> <br /> ༄༅། །བོད་ཡུལ་བདེ་བའི་སྨོན་ལམ་ཞེས་བྱ་བ་བཞུགས།<br /> <br /> སྐྱབས་གནས་བསླུ་མེད་དཀོན་མཆོག་རྩ་བ་གསུམ། །ཁྱད་པར་གངས་ཅན་མགོན་པོ་སྤྱན་རས་གཟིགས། །རྗེ་བཙུན་སྒྲོལ་མ་གུ་རུ་པདྨ་འབྱུང༌། །གསོལ་བ་འདེབས་སོ་ཐུགས་དམ་ཞལ་བཞེས་དགོངས། །སྨོན་ལམ་ཡོངས་སུ་འགྲུབ་པར་བྱིན་གྱིས་རློབས། །སྙིགས་དུས་འགྲོ་རྣམས་བསམ་སྦྱོར་ལོག་པ་དང༌། །ཕྱི་ནང་འབྱུང་བ་འཁྲུགས་པའི་རྒྱུ་རྐྱེན་གྱིས། །སྔར་མ་གྲགས་པའི་མི་ཕྱུགས་དལ་ཡམས་ནད། །གཟའ་ཀླུ་རྒྱལ་གདོན་ནག་ཕྱོགས་འབྱུང་པོའི་ཟེར། །བཙའ་སད་སེར་གསུམ་ལོ་ཉེས་དམག་འཁྲུགས་རྩོད། །ཆར་ཆུ་མི་སྙོམས་གངས་ཅན་བྲ་བྱིའི་ཐན། །ས་གཡོ་མེ་དགྲ་འབྱུང་བཞིའི་འཇིག་པ་དང༌། །ཁྱད་པར་བསྟན་ལ་འཚེ་བའི་མཐའ་དམག་སོགས། །བཟ་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང། བཟང་སྤྱོད་གངས་ཅན་ལྗོངས་འདིར་གནོད་འཚེའི་རིགས་མཐའ་དག །མྱུར་དུ་ཞི་ཞིང་རྩད་ནས་འཇོམས་གྱུར་ཅིག །མི་དང་མི་མིན་འགྲོ་བ་མཐའ་དག་གི ། རྒྱུད་ལ་བྱང་ཆུབ་སེམས་མཆོག་རིན་པོ་ཆེ། །ངང་གིས་སྐྱེས་ནས་གནོད་འཚེའི་བསམ་སྦྱོར་བྲལ། ཕན་ཚུན་བྱམས་པའི་སེམས་དང་ལྡན་གྱུར་ནས། །བོད་ཡུལ་མཐའ་དབུས་བདེ་སྐྱིད་དཔལ་གྱིས་འབྱོར། །སངས་རྒྱས་བསྟན་པ་དར་རྒྱས་ཡུན་གནས་ཤོག །རྩ་གསུམ་རྒྱལ་བ་སྲས་བཅས་བདེན་པའི་སྟོབས། །འཁོར་འདས་དགེ་བའི་རྩ་བ་གང་མཆིས་དང་། །བདག་ཅག་ལྷག་བསམ་རྣམ་པར་དཀར་པའི་མཐུས། །གསོལ་བཏབ་སྨོན་པའི་འབྲས་བུ་འགྲུབ་གྱུར་ཅིག །ཅེས་པ་འདི་ནི་འཇམ་དབྱངས་མཁྱེན་བརྩེའི་དབང་པོའི་བཀའ་ནན་ལྟར་འཇམ་མགོན་བློ་གྲོས་མཐའ་ཡས་ཀྱིས་ཙྭ་འདྲ་རིན་ཆེན་ཁྲག་ཏུ་རྒྱལ་ཟླ་བའི་དཀར་ཕྱོགས་གྲུབ་པའི་སྦྱོར་བ་དང་ལྡན་པའི་སྔ་དྲོའི་ཆར་བྲིས་པ་ཨ་ཐཱ་སིདྡྷི་རསྟུ།<br /> }}</div> Khenpo Tamphel https://bodhicitta.tsadra.org/index.php?title=Texts/Bzang_spyod_smon_lam_gyi_zin_bris_mkhan_chen_%27jigs_med_phun_tshogs_kyi_zhal_lung/Full_text&diff=141859 Texts/Bzang spyod smon lam gyi zin bris mkhan chen 'jigs med phun tshogs kyi zhal lung/Full text 2026-09-12T03:40:02Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=Yes<br /> |FullTextTibetan=༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུ་མཁན་ཆེན་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་མཆོག་གི་ཞལ་ལུང་ཞེས་བྱ་བ་བཞུགས་སོ། །<br /> ༈ མགོ་བརྗོད། <br /> འཇིགས་མེད་མཚན་བཟང་འཆང་བའི་བླ་མ་ཡི། །<br /> མཛད་ཕྲིན་འོད་ཟེར་སྟོང་གིས་མཁའ་ལ་ཁྱབ། །<br /> འཕགས་བོད་མཁས་གྲུབ་བྱེ་བའི་གཙུག་རྒྱན་མཆོག །<br /> ཁྱེད་ལ་གུས་པས་འདུད་དོ་བརྩེ་བས་དགོངས། །<br /> སྔོན་བསྐལ་བ་གྲངས་མེད་མང་པོའི་གོང་རོལ་ནས་གདོད་མའི་དབྱིངས་སུ་མངོན་པར་སངས་རྒྱས་ཟིན་ཀྱང་གདུལ་བྱའི་སྣང་ངོར་ས་གསུམ་ན་འགྲན་ཟླ་དང་བྲལ་བ་མཚན་བརྗོད་པར་དཀའ་ཡང་དོན་གྱི་སླད་དུ་མཚན་ནས་སྨོས་ན་༧ཆོས་རྗེ་དམ་པ་ཡིད་བཞིན་ནོར་བུ་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་གང་གི་བཀའ་དྲིན་ནི་སྟོང་གསུམ་འཇིག་རྟེན་གྱི་ཁམས་ཐམས་ཅད་གསེར་སྲང་སྟོང་ཕྲག་དུ་མས་ལེགས་པར་བཀང་ཡང་བཀའ་དྲིན་གྱི་ཆ་ཤས་ཙམ་ཡང་གསོ་ག་ལ་ནུས། འོན་ཀྱང་མེ་ཏོག་ཆུང་ཡང་ལྷ་རྫས་གཙང་མ། ཨ་རུ་ཆུང་ཡང་སྨན་གྱི་བཅུད་ཕུལ་ཟེར་བའི་དཔེ་ལྟར། སྐབས་སུ་བབས་པ་རྣམ་བཞིའི་འཁོར་ཚོགས་རྒྱ་མཚོ་ལ་སྨོན་ལམ་ཐམས་ཅད་ཀྱི་རྒྱལ་པོ་འཕགས་པ་བཟང་པོ་སྤྱོད་པའི་སྨོན་ལམ་འདི་ཉིད་ལྗགས་ཁྲིད་མཛད་པ་ད་ལན་ཁོ་བོས་ཟིན་བྲིས་སུ་བཀོད་པ་ཡིན། དེ་ཡང་འཕགས་པ་བཟང་པོ་སྤྱོད་པའི་སྨོན་ལམ་འདི་ཉིད་ཁོང་དང་ཁོང་གི་སློབ་བརྒྱུད་དུ་གཏོགས་པ་སོགས་དགེ་འདུན་པ་སྤྱིས་གཙུགས་ཆེན་བྱས་ཏེ་ནམ་རྒྱུན་གསུངས་དང་གསུང་བཞིན་པ་ཡིན་པ་དང༌། ཁོང་ཉིད་ཀྱིས་གདམས་ངག་བདུད་རྩི་མངར་མོས་ཟུར་བརྒྱན་ཏེ་གསུངས་ཡོད་པ་སོགས་བརྗེད་དུ་ཕངས་ཤིང་། རང་ཅག་ཚང་མས་ནམ་རྒྱུན་ཚིག་རྗེས་དོན་དྲན་རེ་ཡོང་ན་སྙམ་པ་སོགས་ཐོག་མའི་ཀུན་སློང་ཡིན། བར་དུ་དཀའ་ཚེགས་གང་ལ་ཡང་མ་འཛེམས་པར་བྱ་བ་འདི་བསྒྲུབས་ཁུལ་བྱས་པ་ཡིན་ཡང་ཚུལ་བཞིན་མ་རྟོགས་པའི་ཉེས་ཆ་ཅི་མཆིས་ཚང་མ་རང་སྐྱོན་ཁོ་ན་ཡིན་པས་མཆེད་ལྕམ་ཡོངས་ལ་སོར་བཅུའི་འདབ་མ་སྙིང་ཁར་ཟུམ་ཏེ་མཐོལ་ཞིང་བཤགས་པ་ཡིན་ལ། ཐ་མ་གླེགས་བམ་གྱི་ངོ་བོར་ཇི་ལྟར་གྲུབ་ཚུལ་ནི། བསླབ་གསུམ་ནོར་བུའི་གཏེར་གྱིས་མངོན་པར་མཛེས་ཤིང་། གཞན་ཕན་བྱང་ཆུབ་སེམས་ཀྱིས་ཐུགས་རྒྱུད་ཕྱུག་པའི་མཁན་སྤྲུལ་རྣམ་པ་དང་། ཆོས་ཀྱི་མཆེད་པོ་རྣམས་ཀྱིས་དཀའ་ཚེགས་དང་འོ་བརྒྱལ་གང་ལ་ཡང་མ་འཛེམས་པར་རོགས་སྐྱོར་རྒྱ་ཆེན་བྱས་པའི་སྟོབས་ཀྱིས་ལེགས་འགྲུབ་བྱུང་བ་ཡིན་ནོ། །བོད་ས་གླང་ལོའི་ཟླ་བ་བདུན་པའི་དཀར་ཕྱོགས་དགའ་བ་གསུམ་པའི་དུས་བཟང་ཕུན་སུམ་ཚོགས་པའི་ཉིན་ལ་ཟིན་བྲིས་འགོད་པ་པོས་བགྱིས་པ་དགེ་གྱུར་ཅིག<br /> ༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་བཞུགས་སོ། །<br /> ༄༅། །རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷཱ་ན་རཱ་ཛ། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེངྒེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱི་འོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད༎མེ་ཏོག་དམ་པ་ཕྲེང་བ་དམ་པ་དང༌། །སིལ་སྙན་རྣམས་དང་བྱུག་པ་གདུགས་མཆོག་དང༌། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང་། །ཕྱེ་མ་ཕུར་མ་རི་རབ་མཉམ་པ་དང༌། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང༌། །འགྲོ་བ་ཀུན་གྱི་བསོད་ནམས་གང་ལ་ཡང་། །དེ་དག་ཀུན་གྱི་རྗེས་སུ་བདག་ཡི་རང་། །གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང་། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང༌། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། །༈ འདས་པའི་སངས་རྒྱས་རྣམས་དང་ཕྱོགས་བཅུ་ཡི། །འཇིག་རྟེན་དག་ན་གང་བཞུགས་མཆོད་པར་གྱུར། །གང་ཡང་མ་བྱོན་དེ་དག་རབ་མྱུར་བར། །བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན། །ཕྱོགས་བཅུ་ག་ལའི་ཞིང་རྣམས་ཇི་སྙེད་པ། །དེ་དག་རྒྱ་ཆེར་ཡོངས་སུ་དག་པར་གྱུར། །བྱང་ཆུབ་ཤིང་དབང་དྲུང་གཤེགས་རྒྱལ་བ་དང་། །སངས་རྒྱས་སྲས་ཀྱིས་རབ་ཏུ་གང་བར་ཤོག །ཕྱོགས་བཅུའི་སེམས་ཅན་གང་རྣམས་ཇི་སྙེད་པ། །དེ་དག་རྟག་ཏུ་ནད་མེད་བདེ་བར་གྱུར། །འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིང་རེ་བའང་འགྲུབ་པར་ཤོག །བྱང་ཆུབ་སྤྱོད་པ་དག་ནི་བདག་སྤྱོད་ཅིང་། །འགྲོ་བ་ཀུན་ཏུ་སྐྱེ་བ་དྲན་པར་གྱུར། །ཚེ་རབས་ཀུན་ཏུ་འཆི་འཕོ་སྐྱེ་བ་ན། །རྟག་ཏུ་བདག་ནི་རབ་ཏུ་འབྱུང་བར་ཤོག །རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་པོ་སྤྱོད་པ་ཡོངས་སུ་རྫོགས་བྱེད་ཅིང༌། །ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ལྷ་ཡི་སྐད་དང་ཀླུ་དང་གནོད་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྒྲ་རྣམས་ཇི་ཙམ་པར། །ཐམས་ཅད་སྐད་དུ་བདག་གིས་ཆོས་བསྟན་ཏོ། །དེས་ཤིང་ཕ་རོལ་ཕྱིན་ལ་རབ་བརྩོན་ཏེ། །བྱང་ཆུབ་སེམས་ནི་ནམ་ཡང་བརྗེད་མ་གྱུར། །སྡིག་པ་གང་རྣམས་སྒྲིབ་པར་གྱུར་པ་དག །དེ་དག་མ་ལུས་ཡོངས་སུ་བྱང་བར་ཤོག །ལས་དང་ཉོན་མོངས་བདུད་ཀྱི་ལས་རྣམས་ལས། །གྲོལ་ཞིང་འཇིག་རྟེན་འགྲོ་བ་རྣམས་སུ་ཡང༌། །ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོགས་པ་མེད་ལྟར་སྤྱད། །ཞིང་གི་ཁྱོན་དང་ཕྱོགས་རྣམས་ཅི་ཙམ་པར། །ངན་སོང་སྡུག་བསྔལ་རབ་ཏུ་ཞི་བར་བྱེད། །བདེ་བ་དག་ལ་འགྲོ་བ་ཀུན་འགོད་ཅིང་། །འགྲོ་བ་ཐམས་ཅད་ལ་ནི་ཕན་པར་སྤྱད། །བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང་། །སེམས་ཅན་དག་གི་སྤྱོད་དང་མཐུན་པར་འཇུག །བཟང་པོ་སྤྱོད་པ་དག་ནི་རབ་སྟོན་ཅིང་། །མ་འོངས་བསྐལ་པ་ཀུན་ཏུ་སྤྱོད་པར་གྱུར། །བདག་གི་སྤྱོད་དང་མཚུངས་པར་གང་སྤྱོད་པ། །དེ་དག་དང་ནི་རྟག་ཏུ་འགྲོགས་པར་ཤོག །ལུས་དང་ངག་རྣམས་དང་ནི་སེམས་ཀྱིས་ཀྱང༌། །སྤྱོད་པ་དག་དང་སྨོན་ལམ་གཅིག་ཏུ་སྤྱད།།བདག་ལ་ཕན་པར་འདོད་པའི་གྲོགས་པོ་དག །བཟང་པོ་སྤྱོད་པ་རབ་ཏུ་སྟོན་པ་རྣམས། །དེ་དག་དང་ཡང་རྟག་ཏུ་ཕྲད་པར་ཤོག །དེ་དག་བདག་གིས་ནམ་ཡང་ཡིད་མི་དབྱུང་། །སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །མངོན་སུམ་རྟག་ཏུ་བདག་གིས་རྒྱལ་བ་བལྟ། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་དག་ལ་ཡང་མཆོད་པ་རྒྱ་ཆེར་བགྱི། །རྒྱལ་བ་རྣམས་ཀྱི་དམ་པའི་ཆོས་འཛིན་ཅིང་། །བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྦྱོང་བ་ཡང་། །མ་འོངས་བསྐལ་པ་ཀུན་ཏུ་སྤྱད་པར་བགྱི། །སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང༌། །ཡོན་ཏན་ཀུན་གྱི་མི་ཟད་མཛོད་དུ་གྱུར། །རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞིང་དེར་བསམ་གྱིས་མི་ཁྱབ་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་ལ། །བྱང་ཆུབ་སྤྱད་པ་སྤྱོད་ཅིང་བལྟ་བར་བགྱི། །དེ་ལྟར་མ་ལུས་ཐམས་ཅད་ཕྱོགས་སུ་ཡང༌། །སྐྲ་ཙམ་ཁྱོན་ལ་དུས་གསུམ་ཚད་སྙེད་ཀྱི། །སངས་རྒྱས་རྒྱ་མཚོ་ཞིང་རྣམས་རྒྱ་མཚོ་དང༌། །བསྐལ་པ་རྒྱ་མཚོར་སྤྱོད་ཅིང་རབ་ཏུ་འཇུག །གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་དབྱངས་ཡན་ལག་རྣམ་དག་པ། །འགྲོ་བ་ཀུན་གྱི་བསམ་པ་ཇི་བཞིན་དབྱངས། སངས་རྒྱས་གསུང་ལ་རྟག་ཏུ་འཇུག་པར་བགྱི། །དུས་གསུམ་གཤེགས་པའི་རྒྱལ་བ་ཐམས་ཅད་དག །འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། །དེ་དག་གི་ཡང་གསུང་དབྱངས་མི་ཟད་ལ། །བློ་ཡི་སྟོབས་ཀྱིས་བདག་ཀྱང་རབ་ཏུ་འཇུག །མ་འོངས་བསྐལ་པ་ཐམས་ཅད་འཇུག་པར་ཡང་། །སྐད་ཅིག་གཅིག་གིས་བདག་ཀྱང་འཇུག་པར་བགྱི། །གང་ཡང་བསྐལ་པ་དུས་གསུམ་ཚད་དེ་དག །སྐད་ཅིག་ཆ་ཤས་ཀྱིས་ནི་ཞུགས་པར་སྤྱད། །དུས་གསུམ་གཤེགས་པ་མི་ཡི་སེངྒེ་གང༌། །དེ་དག་སྐད་ཅིག་གཅིག་ལ་བདག་གིས་བལྟ། །རྟག་ཏུ་དེ་དག་གི་ནི་སྤྱོད་ཡུལ་ལ། །སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག །གང་ཡང་དུས་གསུམ་དག་གི་ཞིང་བཀོད་པ། །དེ་དག་རྡུལ་གཅིག་སྟེང་དུ་མངོན་པར་བསྒྲུབ། །དེ་ལྟར་མ་ལུས་ཕྱོགས་རྣམས་ཐམས་ཅད་དུ། །རྒྱལ་བ་དག་གི་ཞིང་རྣམས་བཀོད་ལ་འཇུག །གང་ཡང་མ་བྱོན་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། །མགོན་པོ་ཀུན་གྱི་དྲུང་དུ་བདག་མཆི་འོ། །ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང༌། །ཀུན་ནས་སྒོ་ཡི་ཐེག་པའི་སྟོབས་དག་དང༌། །ཀུན་ཏུ་ཡོན་ཏན་སྤྱོད་པའི་སྟོབས་རྣམས་དང་། །ཀུན་ཏུ་ཁྱབ་པ་བྱམས་པ་དག་གི་སྟོབས། །ཀུན་ནས་དགེ་བའི་བསོད་ནམས་སྟོབས་དག་དང་། །ཆགས་པ་མེད་པར་གྱུར་པའི་ཡེ་ཤེས་སྟོབས། །ཤེས་རབ་ཐབས་དང་ཏིང་འཛིན་སྟོབས་དག་གིས། །བྱང་ཆུབ་སྟོབས་རྣམས་ཡང་དག་སྒྲུབ་པར་བྱེད། །ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང༌། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞིང་རྣམས་རྒྱ་མཚོ་རྣམ་པར་དག་བྱེད་ཅིང་། སེམས་ཅན་རྒྱ་མཚོ་དག་ནི་རྣམ་པར་སྒྲོལ། །ཆོས་རྣམས་རྒྱ་མཚོ་རབ་ཏུ་མཐོང་བྱེད་ཅིང་། །ཡེ་ཤེས་རྒྱ་མཚོ་རབ་ཏུ་རྟོགས་པར་བྱེད། །སྤྱོད་པ་རྒྱ་མཚོ་རྣམ་པར་དག་བྱེད་ཅིང་། །སྨོན་ལམ་རྒྱ་མཚོ་ཡོངས་སུ་རྫོགས་པར་བྱེད། །སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང་། །བསྐལ་པ་རྒྱ་མཚོར་མི་སྐྱོ་སྤྱད་པར་བགྱི། །གང་ཡང་དུས་གསུམ་གཤེགས་པའི་རྒྱལ་བ་ཡི། །བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པས་བྱང་ཆུབ་སངས་རྒྱས་ནས། །དེ་ཀུན་བདག་གིས་མ་ལུས་རྫོགས་པར་བགྱི། །རྒྱལ་བ་ཀུན་གྱི་སྲས་ཀྱི་ཐུ་བོ་པ། །གང་གི་མིང་ནི་ཀུན་ཏུ་བཟང་ཞེས་བྱ། །མཁས་པ་དེ་དང་མཚུངས་པར་སྤྱད་པའི་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ལུས་དང་ངག་དང་ཡིད་ཀྱང་རྣམ་དག་ཅིང་། །སྤྱོད་པ་རྣམ་དག་ཞིང་རྣམས་ཡོངས་དག་པ། །བསྔོ་བ་བཟང་པོ་མཁས་པ་ཅི་འདྲ་བ། །དེ་འདྲར་བདག་ཀྱང་དེ་དང་མཚུངས་པར་ཤོག །ཀུན་ནས་དགེ་བ་བཟང་པོ་སྤྱད་པའི་ཕྱིར། །འཇམ་དཔལ་གྱི་ནི་སྨོན་ལམ་སྤྱད་པར་བགྱི། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་ཡི་བྱ་བ་མ་ལུས་རྫོགས་པར་བགྱི། །སྤྱོད་པ་དག་ནི་ཚད་ཡོད་མ་གྱུར་ཅིག །ཡོན་ཏན་རྣམས་ཀྱང་ཚད་བཟུང་མེད་པར་ཤོག །སྤྱོད་པ་ཚད་མེད་པ་ལ་གནས་ནས་ཀྱང་། །དེ་དག་འཕྲུལ་པ་ཐམས་ཅད་འཚལ་བར་བགྱི། །ནམ་མཁའི་མཐར་ཐུག་གྱུར་པ་ཇི་ཙམ་པར། །སེམས་ཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །གང་ཡང་ཕྱོགས་བཅུའི་ཞིང་རྣམས་མཐའ་ཡས་པ། །རིན་ཆེན་བརྒྱན་ཏེ་རྒྱལ་བ་རྣམས་ལ་ཕུལ། །ལྷ་དང་མི་ཡི་བདེ་བའི་མཆོག་རྣམས་ཀྱང་། །ཞིང་གི་རྡུལ་སྙེད་བསྐལ་པར་ཕུལ་བ་བས། །གང་གིས་བསྔོ་བའི་རྒྱལ་པོ་འདི་ཐོས་ནས། །བྱང་ཆུབ་མཆོག་གི་རྗེས་སུ་རབ་མོས་ཤིང་། །ལན་ཅིག་ཙམ་ཡང་དད་པ་བསྐྱེད་པ་ན། །བསོད་ནམས་དམ་པའི་མཆོག་ཏུ་འདི་འགྱུར་རོ། །གང་གིས་བཟང་སྤྱོད་སྨོན་ལམ་འདི་བཏབ་པས། །དེས་ནི་ངན་སོང་ཐམས་ཅད་སྤོང་བར་འགྱུར། །དེས་ནི་གྲོགས་པོ་ངན་པ་སྤངས་པ་ཡིན། །སྣང་བ་མཐའ་ཡས་དེ་ཡང་དེས་མྱུར་མཐོང་། །དེ་དག་རྙེད་པ་རབ་རྙེད་བདེ་བར་འཚོ། །མི་ཚེ་འདིར་ཡང་དེ་དག་ལེགས་པར་འོང་། །ཀུན་ཏུ་བཟང་པོ་དེ་ཡང་ཅི་འདྲ་བར། །དེ་དག་རིང་པོར་མི་ཐོགས་དེ་བཞིན་འགྱུར། །མཚམས་མེད་ལྔ་པོ་དག་གི་སྡིག་པ་རྣམས། །གང་གིས་མི་ཤེས་དབང་གིས་བྱས་པ་དག །དེ་ཡིས་བཟང་པོ་སྤྱོད་པ་འདི་བརྗོད་ན། །མྱུར་དུ་མ་ལུས་ཡོངས་སུ་བྱང་བར་འགྱུར། །ཡེ་ཤེས་དང་ནི་གཟུགས་དང་མཚན་རྣམས་དང་། །རིགས་དང་ཁ་དོག་རྣམས་དང་ལྡན་པར་འགྱུར། །བདུད་དང་མུ་སྟེགས་མང་པོས་དེ་མི་ཐུབ། །འཇིག་རྟེན་གསུམ་པོ་ཀུན་ནའང་མཆོད་པར་འགྱུར། །བྱང་ཆུབ་ཤིང་དབང་དྲུང་དུ་དེ་མྱུར་འགྲོ ། སོང་ནས་སེམས་ཅན་ཕན་ཕྱིར་དེར་འདུག་སྟེ། །བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར། །བདུད་རྣམས་སྡེ་དང་བཅས་པ་ཐམས་ཅད་བཏུལ། །གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་ན་ཡང་། །དེ་ཡི་རྣམ་པར་སྨིན་པའང་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག །འཇམ་དཔལ་དཔའ་བོས་ཇི་ལྟར་མཁྱེན་པ་དང༌། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ།།དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང་། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་བ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ ། དེར་སོང་ནས་ནི་སྨོན་ལམ་འདི་དག་ཀྱང༌། །ཐམས་ཅད་མ་ལུས་མངོན་དུ་འགྱུར་བར་ཤོག །དེ་དག་མ་ལུས་བདག་གིས་ཡོངས་སུ་བཀང༌། །འཇིག་རྟེན་ཇི་སྲིད་སེམས་ཅན་ཕན་པར་བགྱི། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བའི་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །དེར་ནི་བདག་གིས་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་པོ་བགྱི། །བཟང་པོ་སྤྱོད་པའི་སྨོན་ལམ་བཏོན་པ་ཡི། །དགེ་བ་ཅུང་ཟད་བདག་གིས་ཅི་བསགས་པ། །དེས་ནི་འགྲོ་བའི་སྨོན་ལམ་དགེ་བ་རྣམས། །སྐད་ཅིག་གཅིག་གིས་ཐམས་ཅད་འབྱོར་བར་ཤོག །གང་ཡང་བཟང་པོ་སྤྱོད་པ་འདི་བསྔོས་པས། །བསོད་ནམས་མཐའ་ཡས་དམ་པ་གང་ཐོབ་དེས། །འགྲོ་བ་སྡུག་བསྔལ་ཆུ་བོར་བྱིང་བ་རྣམས། །འོད་དཔག་མེད་པའི་གནས་རབ་ཐོབ་པར་ཤོག །སྨོན་ལམ་རྒྱལ་པོ་འདི་དག་མཆོག་གི་གཙོ། །མཐའ་ཡས་འགྲོ་བ་ཀུན་ལ་ཕན་བྱེད་ཅིང་། །ཀུན་ཏུ་བཟང་པོས་བརྒྱན་པའི་གཞུང་གྲུབ་སྟེ། །ངན་སོང་གནས་རྣམས་མ་ལུས་སྟོང་བར་ཤོག །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་རྫོགས་སོ།། །། རྒྱ་གར་གྱི་མཁན་པོ་ཛི་ན་མུ་ཏྲ་དང༌། སུ་རེནྡྲ་བྷོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཞིང་ལོ་ཆེན་བཻ་རོ་ཙ་ནས་ཞུས་ཆེན་མཛད་པའོ།། །། སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང༌། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །ཏདྱ་ཐཱ། པཉྩནྡྲི་ཡ་ཨ་ཝ་བོ་དྷ་ནི་ཡེ་སྭཱ་ཧཱ། །<br /> <br /> ༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུ་མཁན་ཆེན་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་མཆོག་གི་ཞལ་ལུང་ཞེས་བྱ་བ་བཞུགས་སོ། །<br /> ན་མོ་གུ་རུ་ཨ་བྷྱ་ལཀྵ་ཀ་ར་ཡེ། ལྟ་བས་མི་ངོམས་མཐོང་གྲོལ་མཚན་དཔེའི་སྐུ། །ཡན་ལག་དྲུག་ཅུའི་ཚངས་དབྱངས་སྙན་པའི་གསུང་། །སྨྲ་བསམ་བརྗོད་བྲལ་མཉམ་པ་ཉིད་ཀྱི་ཐུགས། །བཅོམ་ལྡན་ལྷ་ཡི་ལྷ་ལ་གུས་ཕྱག་འཚལ། །དྭངས་བསིལ་ལྷོ་ནུབ་འོ་མའི་རྒྱ་མཚོར་འདབ་སྟོང་ཆུ་སྐྱེས་བཞད་པའི་རྩེར། །རང་བྱུང་རྡོ་རྗེའི་མཚན་དཔེའི་དཀྱིལ་འཁོར་མི་མཇེད་ཞིང་དུ་མངོན་པར་མཛེས། །སྐྱེ་འགྲོ་ཡོངས་ཀྱི་སྐྱབས་མགོན་གཅིག་པུ་གསང་ཆེན་བསྟན་པའི་ཤིང་རྟ་བ། །ཁམས་གསུམ་སྲིད་གསུམ་ཟིལ་གྱིས་གནོན་མཛད་པདྨ་ཀ་རར་སྙིང་ནས་གུས། །ཀ་དག་གཏིང་གསལ་གཞི་ཀློང་ཡངས་པ་རུ། །བརྩེ་ཆེན་ཐུགས་རྗེའི་གདངས་རྩལ་མ་འགག་པ། །རབ་འབྱམས་ཕྱོགས་དུས་རྒྱལ་བའི་སྲས་གཅིག་པུ། །ཀུན་མཁྱེན་ངག་གི་དབང་པོས་བདག་སྐྱོངས་ཤིག །རྒྱལ་ཀུན་ཕྲིན་ལས་གཅིག་ཏུ་བསྡུས་མཛད་ཟུར་ཕུད་ལྔ་པའི་རྣམ་རོལ་གར། །ཐེག་མཆོག་སེང་གེའི་སྒྲ་དབྱངས་སྒྲོག་མཁས་འགྲོ་བའི་སྣང་སེམས་དབང་མེད་འགུགས། །འགྲན་བྲལ་སྨྲ་བའི་དབང་ཕྱུག་ཆེན་མོ་ཐུབ་བསྟན་མཛེས་རྒྱན་ཉིན་མོར་བྱེད། །གསོལ་འདེབས་བུ་ལ་བརྩེ་བས་རྗེས་བཟུང་འཇམ་དཔལ་རྡོ་རྗེས་ཤིས་པར་སྩོལ། །མཐོང་བ་ཙམ་གྱིས་དད་པའི་སྤུ་ལོང་གཡོ། །ཐོས་པ་ཙམ་གྱིས་སྲིད་ཞིའི་དཔལ་ཡོན་འཕེལ། །ཕན་བདེའི་ལེགས་ཚོགས་ཆར་ལྟར་འབེབས་མཛད་པ། །དཔལ་ལྡན་བླ་མ་སྙིང་དབུས་པདྨོར་རོལ། །བསྐལ་མང་གོང་ནས་མངོན་བྱང་ཆུབ་ཀྱང་འགྲོ་རྣམས་ཐུགས་བརྩེས་མི་འདོར་ཕྱིར། །མཚན་དཔེའི་མེ་ཏོག་མཛེས་མདངས་བཀྲ་ཞིང་ཡན་ལག་དྲུག་ཅུའི་སྒྲ་དབྱངས་སྒྲོག །སྐྱབས་མེད་འགྲོ་བའི་མགོན་དུ་བྱོན་ནས་འབྲེལ་ཚད་བདེ་ལྡན་དག་ཞིང་དུ། །འདྲེན་པའི་དེད་དཔོན་ཡིད་བཞིན་ནོར་བུས་མི་འབྲལ་ཚེ་རབས་ཕྲེང་བར་སྐྱོངས། །སྐྱབས་རྗེ་གང་གི་ཐུགས་བརྩེས་རྗེས་བཟུང་ནས། །ལེགས་གསུངས་རྡོ་རྗེའི་ཚིག་གི་ཕྲེང་བ་རྣམས། །སྐལ་བཟང་འཁོར་ལ་དགའ་སྟོན་འགྱེད་པའི་ཚུལ། །མི་བརྗེད་དྲན་པའི་གཟུངས་སུ་བཏབ་པ་ཉིད། །རྫོགས་པའི་སངས་རྒྱས་མྱུར་དུ་འགྲུབ་བྱེད་སྨོན་ལམ་ཡོངས་ཀྱི་རྒྱལ་པོ་འདིར། །ཆོས་རྗེ་བླ་མའི་ཞལ་གསུངས་གསུང་སྒྲོས་ལྗགས་ཆབ་དྲོན་མོས་བྲན་པ་དག །མ་འོངས་ཐར་འདོད་སྐྱེ་འགྲོ་ཡོངས་ལ་ཕན་བདེའི་གྲུ་ཆར་སྟེར་ཕྱིར་དུ། །མ་འདྲེས་འཇའ་ཚོན་ཇི་ལྟ་བ་བཞིན་ཡི་གེའི་ལམ་ནས་འདིར་གསལ་བྱ། །དུས་གསུམ་སངས་རྒྱས་ཐམས་ཅད་ཀྱི་ངོ་བོ་རིགས་དང་དཀྱིལ་འཁོར་རྒྱ་མཚོའི་ཁྱབ་བདག་བཀའ་དྲིན་མཚུངས་པ་མེད་པ་རྗེ་བཙུན་དཔལ་མགོན་རྩ་བའི་བླ་མ་རིན་པོ་ཆེ་རྣམས་ཀྱི་ཞབས་ཀྱི་རྡུལ་དྲི་མ་མེད་པ་ལ་མགོ་བོས་རབ་ཏུ་བཏུད་དེ་གུས་པས་ཕྱག་འཚལ་ཞིང་སྐྱབས་སུ་མཆིའོ་བྱིན་གྱིས་བརླབ་པར་མཛད་དུ་གསོལ། གང་གི་ཞལ་བཟང་ལྟ་བས་མི་ངོམས་གེ་སར་འཛུམ་པའི་མདངས་བཀྲ་ཞིང༌། །མཚན་དཔེའི་གཟི་འོད་ཟེའུ་འབྲུ་གསལ་བས་འགྲོ་ཀུན་མིག་གི་བདུད་རྩིར་གྱུར། །ཐུགས་རྗེའི་འདབ་མ་ཀུན་ནས་དཀྱུས་རིང་འཇིག་རྟེན་གསུམ་གྱི་ཁོངས་ཁྱབ་པ། །ཐུབ་དབང་པདྨ་དཀར་པོའི་ཞབས་པད་དེ་རིང་བདག་བློའི་པད་མཚོར་སྐྱོངས། །རྒྱལ་ཀུན་མཁྱེན་བརྩེ་ནུས་པའི་ངོ་བོ་ཉིད། །བགྲང་ཡས་དཀྱིལ་འཁོར་འཁོར་ལོ་ལེགས་འཆང་ནས། །ཞིང་འདིར་སློབ་དཔོན་ཚུལ་བཟུང་ཐེག་མཆོག་གི ། སྟོན་པ་མཚུངས་མེད་པདྨ་ཀ་ར་རྒྱལ། །ཆོས་ཟད་ཀློང་དུ་ཆོས་སྐུའི་དགོངས་པ་བརྙེས།།འོད་གསལ་དབྱིངས་སུ་ལོངས་སྐུའི་ཞིང་སྣང་གཟིགས། །གདུལ་བྱའི་སྣང་ངོར་སྤྲུལ་སྐུའི་འགྲོ་དོན་མཛད། །ཀུན་མཁྱེན་ཆོས་ཀྱི་རྒྱལ་པོ་ལ་ཕྱག་འཚལ། །སྨྲ་བའི་སེང་གེའི་མཁྱེན་རབ་སྙིང་ལ་ཤར། །ཀུན་ཏུ་བཟང་པོའི་སྨོན་ལམ་རྣམ་པར་སྦྱངས། །སྲས་བཅས་རྒྱལ་བའི་ཕྲིན་ལས་འཛིན་མཛད་པ། །འཇམ་དབྱངས་བླ་མའི་ཞབས་ལ་གསོལ་བ་འདེབས། །དགོངས་བརྡ་སྙན་བརྒྱུད་རིག་འཛིན་བླ་མ་དང་། །ཞི་ཆགས་ཁྲོ་བོའི་ཚུལ་འཆང་ཡི་དམ་ལྷ། །གནས་གསུམ་མཁའ་འགྲོ་རྒྱུད་གསུམ་དྲེགས་ཚོགས་བཅས། །རབ་འབྱམས་རྩ་གསུམ་ལྷ་ལ་མགོས་ཕྱག་འཚལ། །སྲིད་གསུམ་སྡུག་བསྔལ་ཇི་འདྲ་ཁྱེད་ཀྱིས་མཁྱེན། །དམྱལ་སོགས་མེ་དཔུང་ཞི་བར་བགྱིད་ལ་སོགས། །སེམས་ཅན་དོན་ལ་མྱུར་དུ་བདག་བརྩོན་ན། །དམ་པ་རྣམས་ཀྱིས་ནུས་མཐུ་བསྩལ་ཏུ་གསོལ། །གང་ཚེ་བདག་གིས་གཞན་ཕན་སེམས་ཀྱིས་སུ། །སྙིང་དབུས་པདྨོར་གཞོན་ནུ་ཁྱེད་དྲན་ནས། །ལེགས་བཤད་བདུད་རྩིའི་སྒྲ་དབྱངས་སྒྲོག་བགྱིད་ན། །འཇམ་དཔལ་བདག་གི་ཡིད་ལ་དཔལ་སྩོལ་ཅིག །གང་དག་ཕྱོགས་བཅུ་སྟོང་གི་འཇིག་རྟེནན། །བདེ་གཤེགས་སློབ་མར་གྱུར་བ་གང་སུ་དག །དེང་འདིར་སྟོན་པའི་ཆོས་ཀྱི་ཆར་འབེབས་ཀྱིས། །གསན་པར་འདོད་པ་ཐམས་ཅད་འདིར་གཤེགས་ཤིག །ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་གཏན་བདེ་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ། དེའི་ཆེད་དུ་དམ་པའི་ཆོས་གང་ཞིག་གསན་ནས་དོན་ཉམས་སུ་བླང་བར་བགྱིའོ་སྙམ་པའི་བྱང་ཆུབ་མཆོག་ཏུ་ཐུགས་བསྐྱེད་པ་དང་ཆོས་ཉན་པའི་ཀུན་ཏུ་སྤྱོད་པ་རྣམས་ཀྱང་བླང་དོར་མ་འཆོལ་བར་བགྱིས་ཏེ་གསན་འཚལ། དེ་ལ་གང་གསན་པར་བྱ་བའི་ཆོས་ནི། འཕགས་པ་བཟང་པོ་སྤྱོད་པའི་སྨོན་ལམ་གྱི་འགྲེལ་ཆུང་འཕགས་མཆོག་རྣམས་ཀྱི་རྣམ་པར་ཐར་བ་མཐའ་དག་ལ་འཇུག་པའི་སྒོ་ཞེས་བྱ་བ། དེ་བཞིན་གཤེགས་པ་སྲས་དང་བཅས་པ་ཐམས་ཅད་དང་བྱང་ཆུབ་སེམས་དཔའ་ཀུན་ཏུ་བཟང་པོ་ལ་ཕྱག་འཚལ་ལོ། །ཚོགས་གཉིས་རྒྱ་མཚོ་ལས་འཁྲུངས་པའི། །རྫོགས་སངས་རྒྱས་ཀུན་ལ་བཏུད་དེ། །གང་གི་ཞིང་དང་རྣམ་ཐར་ལ། །འཇུག་པའི་སྒོ་བརྒྱ་དབྱེ་བར་བྱ། །དེ་ལ་འདིར་སངས་རྒྱས་ཀྱི་གསུང་ཕལ་མོ་ཆེའི་ནང་ན་སྡོང་པོ་བཀོད་པའི་མདོ་ཞེས་བྱ་བ་བྱང་ཆུབ་སེམས་དཔའི་སྤྱོད་པ་རབ་འབྱམས་སྟོན་པ་མཇུག་གི་ཆ་ལས་བཀོལ་བ་སྨོན་ལམ་གྱི་མདོ་འདི་ཉིད་སུ་ཞིག་གིས་བཏབ་ཅེ་ན། སྔོན་གཞོན་ནུ་ནོར་བཟང་གིས་འཕགས་པ་འཇམ་དཔལ་ནས་བྱམས་པའི་བར་གྱི་དགེ་བའི་བཤེས་གཉེན་མང་པོ་བསྟེན་པའི་མཐར། འཇམ་དཔལ་གྱི་བྱིན་རླབས་ཀྱི་མཐུས་ཡེ་ཤེས་ཀྱི་སྤྱོད་ཡུལ་ཡངས་པར་བརྙེས་ནས་ཀུན་ཏུ་བཟང་པོའི་སྤྱོད་པའི་དཀྱིལ་འཁོར་ལ་ཞུགས་ནུས་པར་གྱུར་ཏེ། བྱང་ཆུབ་སེམས་དཔའ་ཀུན་ཏུ་བཟང་པོ་ཉིད་དགེ་བའི་བཤེས་གཉེན་དུ་ཐོབ་པ་ན། དེའི་རྣམ་པར་ཐར་པ་བསམ་གྱིས་མི་ཁྱབ་པའི་ཡེ་ཤེས་ཀྱི་རྣམ་འཕྲུལ་མཐའ་ཡས་པ་བཀོད་པའི་སྤྲིན་ཆེན་པོ་གཞོན་ནུ་ནོར་བཟང་ལ་གསུངས་པ། ཇི་སྐད་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་བསྐལ་པ་ནས་བསྐལ་པ་འབྱམས་ཀླས་པ་འཇིག་རྟེན་ཁམས་གཅིག་ནས་གཅིག་ཏུ་བརྒྱུད་པ། སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཕྲ་མོ་ཇི་སྙེད་པ་དག་བསྣན་ཏེ་མངོན་པར་བརྗོད་པའི་ཕྱིར་ཚིགས་སུ་བཅད་པའི་དབྱངས་ཀྱིས་སྨོན་ལམ་བཏབ་པ། ཇི་སྙེད་སུ་དག་སོགས་འབྱུང་བ་ཡིན་ནོ། །འདི་ནི་མདོ་ཕལ་པོ་ཆེ་ཟེར་ནི། སྤྱིར་འབུམ་བཞི་ཟེར་རྒྱུ་ཡོད་ཨོས་དར། ཚིགས་སུ་བཅད་པ་འབུམ་རྒྱས་པ། འབུམ་ཏིང་འཛིན་རྒྱལ་པོ་ཏིང་ངེ་འཛིན་གྱི་འབུམ། སྤྱོད་ཡུལ་ཡོངས་སུ་རྫོགས་པའི་ཕལ་པོ་ཆེའི་མདོ་ནི་བྱང་ཆུབ་སེམས་དཔའི་སྤྱོད་པའི་འབུམ། དེ་ལྟ་བུའི་འབུམ་མདོ་ཁ་ཤས་ཡོད་ནི་རེད། བྱང་ཆུབ་སེམས་དཔའི་སྤྱོད་ཡུལ་རྣམ་པར་དག་པ་མི་འདྲ་བ་འབུམ་བསྟན་པ་ནི་ཕལ་པོ་ཆེ་རེད། ཕལ་པོ་ཆེའི་མཇུག་གི་ལེའུ་དེ་ནི་སྡོང་པོ་རྒྱན་པའི་མདོ་ཟེར་ནི་རེད། སྡོང་པོ་རྒྱན་པའི་མདོའི་མཇུག་ན། བྱང་ཆུབ་སེམས་དཔའ་ནོར་བཟང་གིས་ཐོག་མར་རྒྱ་ནག་རི་བོ་རྩེ་ལྔའི་ནོར་བཟང་ཕུག་པར་མགོན་པོ་འཇམ་པའི་དབྱངས་བཞུགས་སྐབས་སུ་དང་པོ་བྱང་ཆུབ་མཆོག་ཏུ་ཐུགས་བསྐྱེད། དེ་ནས་དགེ་བའི་བཤེས་གཉེན་བརྒྱ་རྩ་བརྒྱད་བསྟེན་ནས་མཐར་བྱམས་པ་བསྟེན། བྱམས་པས་ལུང་བསྟན་ནས་ཀུན་ཏུ་བཟང་པོའི་དཀྱིལ་འཁོར་ལ་འཇུག་པར་སྨོན་དེ། ནས་བཟུང་བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་བཏབ་པ་རེད། སྨོན་ལམ་འདི་དུས་གསུམ་གྱི་སངས་རྒྱས་ཐམས་ཅད་ཀྱིས་མཛད་པ་དང་། སྨོན་ལམ་ཐམས་ཅད་ཕྱོགས་གཅིག་ཏུ་བསྡུས་པ་དེ། སྨོན་ལམ་འདིའི་ནང་ལ་འདུས་ཡོད་ནི་རེད། འདིའི་ནང་དུ་མ་འདུས་པའི་སངས་རྒྱས་དང་བྱང་ཆུབ་སེམས་དཔའ་རྣམས་ལ་སྨོན་ལམ་གཞན་གང་ཡང་འདེབས་རྒྱུ་ཡོད་ནི་མ་རེད། དེའི་ཕྱིར་ན་དེ་ནི་ཇི་ལྟར་ཡིན་ཞེ་ན། <br /> འདི་འཆད་པ་ལ་གསུམ་སྟེ། ཀླད་དོན། གཞུང་དོན། མཇུག་གི་དོན་ནོ། །བསྟན་བཅོས་གང་ཡིན་ཡང་ཀླད་ཀྱི་དོན་གཞུང་དོན་མཇུག་གི་དོན་ཏེ་གསུམ་ཡོད་ནི་རེད། དང་པོ་ལ་མཚན་དོན་དང་འགྱུར་ཕྱག་གཉིས་ལས་མཚན་དོན་ནི། རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷཱ་ན་རཱ་ཛ། ཞེས་པ་དེ་རྒྱ་གར་སྐད་ཀྱི་དབང་དུ་བྱས་པ་རེད། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། ཞེས་གསུངས་ནི་རེད། བཟང་པོ་ཟེར་ན་ཀུན་ཏུ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཞེས་གསུངས་ནི་རེད། འདིར་ནི་སྨོན་ལམ་འདེབས་པ་པོའི་མིང་གིས་བཏགས་ནི་རེད། སྨོན་ལམ་ཐམས་ཅད་ཀྱི་རྒྱལ་པོ་མཆོག་ཏུ་གྱུར་པ་འདི་ཡིན་ཟེར་ནི་རེད། གཉིས་པ་ནི། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །གསུངས་པ་ནི་འགྱུར་ཕྱག་རེད། ལོ་ཙཱ་བ་ཡེ་ཤེས་སྡེ་སོགས་ཀྱིས་འདི་ཉིད་སྔ་འགྱུར་གྱི་དུས་སུ་བསྒྱུར་བའི་གནས་སྐབས་ན་རང་གི་ལྷག་པའི་ལྷ་ལ་ཕྱག་འཚལ་བ་ནི་འགྱུར་ལ་བར་ཆད་མི་འབྱུང་བའི་ཕྱིར་དུ་འཇོག་ནའང་ཆོག་གསུངས་ནི་རེད། འདིར་མངོན་པ་དང་མངོན་པའི་ཕྱོགས་སུ་གཏོགས་པའི་རྒྱུ་མཚན་གྱིས་འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཞེས་གསུངས་སོ། །གཉིས་པ་གཞུང་དོན་ལ་གསུམ་སྟེ། སྔོན་འགྲོ་ཡན་ལག་བདུན་པས་རྒྱུད་དག་པར་བྱ་བ། དངོས་གཞི་སྨོན་ལམ་གྱི་རབ་དབྱེ་རྒྱས་པར་བཤད་པ། རྗེས་ཕན་ཡོན་བསྟན་པས་མཇུག་བསྡུ་བའོ། །དང་པོ་ལའང་བདུན་གསུངས་ནི་རེད། དེ་ཡང་སྤྱིར་ཚོགས་བསགས་སྒྲིབ་པ་སྦྱངས་བ་དང་། དེའི་འཕྲོས་བསམ་པ་བྱང་ཆུབ་མཆོག་ཏུ་སེམས་བསྐྱེད་པ། དེའི་རྗེས་སུ་སྨོན་ལམ་བཏབ་ན་སྨོན་ལམ་ངེས་པར་དུ་འགྲུབ་ནི་རེད། རང་ཁར་བསམ་པ་བཟང་པོས་སྨོན་ལམ་བཏབ་ན་སྨོན་ལམ་མི་འགྲུབ་པ་མིན་ཡང་། སྨོན་ལམ་འགྲུབ་པའི་རྐྱེན་བཟང་པོ་ནི་ཚོགས་བསགས་སྒྲིབ་སྦྱངས་སྔོན་དུ་འགྲོ་དགོས་ནི་རེད། སྤྱིར་ན་ཚོགས་བསགས་སྒྲིབ་སྦྱངས་དགེ་བ་གོང་འཕེལ་དུ་སྤེལ་བར་བྱ་རྒྱུ་དེ་ལ་བསགས་སྦྱངས་སྤེལ་གསུམ་ཟེར་ནི་རེད། ཐམས་ཅད་པོ་སྤྱི་རིགས་ནས་ཕྱོགས་གཅིག་ཏུ་བསྡུས་ན་ཐེག་པ་ཆེན་པོའི་མདོ་སྡེ་ཐམས་ཅད་ཀྱི་ནང་ན་ཡན་ལག་བདུན་པའི་ནང་དུ་འདུས་ཡོད་པར་གསུངས་ཡོད་ནི་རེད། དེས་ན་ཡན་ལག་བདུན་པ་དེ་རིམ་བཞིན་བཤད་ནི་ཡིན། ཇི་སྐད་དུ། ཕྱག་མཆོད་བཤགས་དང་ཡི་རང་བ། །ཆོས་སྟོན་བསྐུལ་དང་བཞུགས་གསོལ་བསྔོ། །ཞེས་པ་ལྟར་ཕྱག་འཚལ་བ་དང་། མཆོད་པ་འབུལ་བ། སྡིག་པ་བཤགས་པ། དགེ་བ་ལ་རྗེས་སུ་ཡི་རང་བ། ཆོས་ཀྱི་འཁོར་ལོ་བསྐོར་བར་བསྐུལ་བ། མྱ་ངན་ལས་མི་འདའ་བར་གསོལ་བ་འདེབས་པ། དགེ་རྩ་བྱང་ཆུབ་ཏུ་བསྔོ་བ་དེ་རྣམས་ལ་ཡན་ལག་བདུན་པ་ཟེར་ནི་རེད། དེའི་ནང་གི་དང་པོ་ཕྱག་འཚལ་བའི་ཡན་ལག་ལ་ཡང༌། མདོར་བསྟན་པ་དང༌། རྒྱས་པར་བཤད་པ་གཉིས་ལས། དང་པོ་ནི། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེངྒེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱི་འོ། །ཞེས་གསུངས་ཏེ་ཕྱག་འཚལ་བའི་ཡན་ལག་མདོར་བསྟན་ནི་རེད། ཕྱག་གང་ལྟར་འཚལ་ན་ཇི་སྙེད་སུ་དག་ཕྱོགས་བཅུའི་འཇིག་རྟེན་ན་གསུངས་ནས། ཕྱོགས་བཅུའི་འཇིག་རྟེན་གྱི་ཁམས་ཕྱོགས་བཞི་ཤར་ལྷོ་ནུབ་བྱང་། མཚམས་བཞི་སྟེང་འོག་གཉིས་དང་བཅུ་རེད། ཕྱོགས་བཅུས་མ་བསྡུས་པའི་ས་ཞིག་མེད་ལ། དེའི་ཁྱོན་ན། དུས་གསུམ་གཤེགས་པ་མི་ཡི་སེངྒེ་ཀུན། །ཞེས་འདས་མ་འོངས་ད་ལྟ་དུས་གསུམ་ན་བཞུགས་པའི་མི་ཡི་སེངྒེ་ཟེར་ན་སངས་རྒྱས་རེད། བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །ཞེས་གསུངས་པའི་དོན་ནི། ཕྱོགས་བཅུའི་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། ཞིང་རབ་འབྱམས་ན་སྔོན་འདས་པའི་དུས་སུ་གཤེགས་ཟིན་པ་དང་། ད་ལྟར་བཞུགས་པ། མ་འོངས་པར་འབྱོན་པར་འགྱུར་བའི་རྒྱལ་བ་སྲས་དང་བཅས་པ་ཐམས་ཅད་ལ། ལུས་གུས་པས་ཕྱག་འཚལ་རྒྱུ་དེ་ནི་ལག་པས་ཐལ་མོ་སྦྱར། མགོ་བོས་བཏུད་དེ། གུས་པའི་རྣམ་འགྱུར་ཁྱད་པར་ཅན་ཞིག་ལ་ཟེར་ནི་རེད། ངག་གིས་ཕྱག་འཚལ་ཟེར་རྒྱུ་དེ་ནི། རྒྱལ་བ་སྲས་དང་བཅས་པའི་ཡོན་ཏན་བརྗོད། རྒྱལ་བ་སྲས་དང་བཅས་པ་ལ་གསོལ་བ་འདེབས་པ་དང༌། རྒྱལ་བ་སྲས་དང་བཅས་པ་ལ་དད་པའི་གདུང་ཤུགས་དྲག་པོས་འབོད་པ་ལ་ཟེར་ནི་རེད། ཡིད་ཀྱིས་ཕྱག་འཚལ་ཟེར་རྒྱུ་དེ་ནི། རྒྱལ་བ་སྲས་དང་བཅས་པའི་ཡོན་ཏན་རྗེས་སུ་དྲན་ནས་དུས་ཇི་སྲིད་བྱང་ཆུབ་སྙིང་པོ་མ་ཐོབ་ཀྱི་བར་དུ་ཡོངས་སུ་མི་གཏོང་བར་བྱ་སྙམ་པའི་དམ་བཅའ་དང་མི་འབྲལ་བ་དེ་རེད། དེའི་ཕྱིར་ན་རྒྱལ་བ་སྲས་བཅས་ཇི་སྙེད་ཅིག་ཡོད་པ་ཐམས་ཅད་ལ་རང་གིས་ལུས་ངག་ཡིད་གསུམ་གུས་པས་ཕྱག་འཚལ་ལོ། །གསུངས་ནས་མདོར་བསྟན་ནི་རེད།གཉིས་པ་རྒྱས་པར་བཤད་པ་ལ་གསུམ་སྟེ། བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །ཞེས་གསུངས་ཏེ། བྱང་ཆུབ་སེམས་དཔའ་ཀུན་ཏུ་བཟང་པོའི་བྱིན་རླབས་དང་ཐུགས་རྗེའི་སྟོབས་ལས་རྒྱལ་བ་ཐམས་ཅད་ཡིད་ཀྱིམངོན་སུམ་དུ་བསྒོམ་རྒྱུ་དེ་ཡང༌། སངས་རྒྱས་གཅིག་དང་གཉིས་ཙམ་མ་ཡིན་པར་ཕྱོགས་བཅུའི་ཞིང་རབ་འབྱམས་ན་རྡུལ་ཕྲན་བསམ་གྱིས་མི་ཁྱབ་པ་ཞིག་ཡོད། རང་ཅག་གིས་དཔེར་ན་ས་གཞི་རི་རབ་དང་བཅས་པ་ཡུངས་འབྲུ་ཙམ་རེ་བྱས་ཏེ་བརྩི་དགོས་ན་གྲངས་མེད་པ་ཞིག་ཡོད་ལ། དེ་འདྲ་བ་རྒྱལ་བ་ཐམས་ཅད་ཡིད་ཀྱིས་མངོན་སུམ་དུ་དམིགས་ཤིང་རང་གི་ལུས་དེ་ཡང་གཅིག་མ་ཡིན་པར་ལུས་ཀྱང་གྲངས་མེད་པ་དཔག་ཏུ་མེད་པ་མང་པོ་ཞིག་ཏུ་སྤྲུལ་ནས་རྒྱལ་བ་ཐམས་ཅད་ལ་ཕྱག་འཚལ་ལོ་གསུངས་ནི་རེད། ཡིད་ཀྱིས་ཕྱག་འཚལ་བ་ནི། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །ཞེས་གསུངས་པའི་དོན་ནི། ཡིད་ཀྱིས་རྡུལ་ཆ་མེད་གཅིག་གི་གོ་ས་ན་ཡང་ཕྱོགས་བཅུའི་ཞིང་རབ་འབྱམས་ཀྱི་རྡུལ་གྱི་གྲངས་དང་མཉམ་པའི་རྒྱལ་བ་སྲས་བཅས་ཡོད་པར་བསམ། སངས་རྒྱས་དེ་དག་ཀྱང་སྲས་བྱང་ཆུབ་སེམས་དཔའ་ཉན་ཐོས་རང་རྒྱལ་ཐམས་ཅད་ཀྱི་དབུས་ན་ལྷང་ངེ་ལྷམ་མེ་ལྷན་ནེ་བཞུགས་ཡོད་པར་དམིགས་ཡོད་ནི་རེད། དེ་བཞིན་དུ་ཕྱོགས་བཅུའི་ཞིང་གི་རྡུལ་ཇི་སྙེད་ཡོད་པ་རེ་རེའི་ཁྱོན་ན་ཡང་སངས་རྒྱས་བྱང་ཆུབ་སེམས་དཔའ་གྲངས་མེད་པ་ཞིག་བཞུགས་ཡོད་པར་དམིགས། དེ་དག་ཐམས་ཅད་ལ་གུས་པ་དང་དད་པ་བྱེད་པ་དེ་ནི་ཡིད་ཀྱིས་ཕྱག་འཚལ་ནི་རེད། མདོར་ན་གནམ་ས་བར་སྣང་གི་ཁྱོན་མ་ལུས་པ་ཐམས་ཅད་ཀུན་ཀྱང་རྒྱལ་བ་སྲས་བཅས་ཀྱིས་ཡོངས་སུ་གང་ཡོད་བསམས་ནས་ཕྱག་འཚལ་རྒྱུ་དེ་ཡིད་ཀྱིས་ཕྱག་འཚལ་བ་ཡིན། ངག་གི་ཕྱག་འཚལ་བ་ནི། དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །༢) རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད། །ངག་གི་ཕྱག་འཚལ་རྒྱུ་དེ་ནི་རྒྱལ་བ་སྲས་བཅས་དེ་དག་ལ་བསྟོད་བསྔགས་བྱེད་རྒྱུ་དེ་ཡིན། རང་གི་ལུས་དེ་ཡང་ལུས་དུ་མ། ལུས་རེ་རེ་ལ་ཡང་མགོ་དུ་མ་ཡོད་པར་བསམ། མགོ་རེ་རེས་ཀྱང་དབྱངས་ཀྱི་ཡན་ལག་དུ་མ་ལེན་ཅིང་། དེ་ཡང་འགྱུར་ཁུགས་དང་འདེགས་འཇོག་སོགས་དབྱངས་ཀྱི་ཡན་ལག་དྲུག་དང་ལྡན་པའི་དབྱངས་སྙན་མོ་སྣ་ཚོགས་པས་བདེ་བར་གཤེགས་པ་རྒྱལ་བ་སྲས་བཅས་ཀྱི་ཡོན་ཏན་རྗེས་སུ་བརྗོད་པ་ངག་གི་ཕྱག་འཚལ་བ་ཡིན་ནོ། །གཉིས་པ། མཆོད་པ་འབུལ་བའི་ཡན་ལག་ལ་གཉིས་ཏེ། བླ་ན་ཡོད་པ་དང་མེད་པའོ། །དང་པོ་ནི། མེ་ཏོག་དམ་པ་ཕྲེང་བ་དམ་པ་དང༌། །སིལ་སྙན་རྣམས་དང་བྱུག་པ་གདུཊ་མཆོག་དང༌། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ཞེས་གསུངས་ནས་རྒྱལ་བ་སྲས་བཅས་ལ་འབུལ་རྒྱུ་དེ་ནི་འཇིག་རྟེན་གྱི་ཁམས་ན་ཆུ་དང་རི་དང་ནགས་ཚལ་ལ་སོགས་པ་ཐམས་ཅད་ལས་སྐྱེས་པའི་མེ་ཏོག་རྣམ་པ་སྣ་ཚོགས་དཀར་སེར་དམར་ལྗང་ཨུཏྤལ་ཀུ་མུ་ད་ལ་སོགས་པའི་མེ་ཏོག་རྣམ་པ་སྣ་ཚོགས་དང་། དེ་བཞིན་དུ་མེ་ཏོག་གི་ཕྲེང་བ། རིན་པོ་ཆེའི་ཕྲེང་བའི་བྱེ་བྲག་རྣམ་པ་སྣ་ཚོགས་དང་། འབུད་དཀྲོལ་བརྡུང་བྱ་སོགས་སིལ་འཁྲོལ་སྙན་པའི་སྒྲ་རྣམས་དང་། རྒྱལ་བ་སྲས་བཅས་ཀྱི་སྐུ་ལ་སྐུ་ཕྱིས་བྱེད་པའི་དྲི་ཆབ། ཙནྡན་ག་བུར་ལ་སོགས་པའི་དྲི་བཟང་པོ་རྣམ་པ་སྣ་ཚོགས་ཀྱི་ཆུ་ཡིས་སྐུ་ལུས་ལ་བྱུག་བྱེད་ཀྱི་མཆོད་པ་སྣ་ཚོགས་འབུལ་རྒྱུ་དང་། ཚ་གདུང་སྐྱོབ་བྱེད་དུ་རིན་པོ་ཆེའི་གདུགས་དང་། མར་མེ་མཆོག་རང་བྱུང་གི་མར་མེ་ཉི་མ་དང་ཟླ་བ་སྐར་མ་ལ་སོགས་པ་དང་བཟོས་པ་ནི་འབྲི་མར་རྩི་མར། གཞན་ཡང་ཤིང་རས་འོད་ཀྱི་མདངས་འཇིག་རྟེན་གྱི་ཁམས་ན་འོད་ཇི་སྙེད་ཅིག་ཡོད་པ་ཐམས་ཅད་མར་མེ་དེ་དག་མར་མེ་དམ་པ་ཡིན་ནོ། །དེ་དག་ཀྱང་རྒྱལ་བ་སྲས་བཅས་ཐམས་ཅད་ལ་མཆོད་གསུངས་ནི་རེད། ན་བཟའ་དམ་པ་རྣམས་དང་དྲི་མཆོག་དང༌། །ཕྱེ་མ་ཕུར་མ་རི་རབ་མཉམ་པ་དང༌། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། ཞེས་ན་བཟའ་གོས་ཀྱི་རིགས་བྱེད་སྲབ་འཇམ་མཉེན་པའི་ན་བཟའ་རྣམ་པ་སྣ་ཚོགས་དང་། དྲི་ཞིམ་གྱི་ཆག་དར་དང་དྲི་བཟང་པོའི་ཕྱེ་མ་ཐུམ་པོར་བྱས་ནས་རི་རབ་དང་མཉམ་པ་མང་པོ་སྤུངས་པ་དང་། གཞན་ཡང་མཆོད་པའི་བྱེ་བྲག་ཀུན་ཀྱང་དཔེར་ན་ཡོན་ཆབ་ལྟ་བུ་གཅིག་ལ་མཚོན་ན་ཡོ་རེག་གི་སྐྱོན་སོགས་ཀྱིས་མ་གོས་པ་བཀོད་པ་ཁྱད་པར་འཕགས་པ་ཡིད་དུ་འོང་བ་གཙང་ལ་དགའ་ཞིང་སྤྲོ་བར་བྱེད་པ་དེ་ལྟ་བུའི་མཆོད་པ་ཀུན་གྱིས་རྒྱལ་བ་སྲས་བཅས་ཐམས་ཅད་ལ་མཆོད་གསུངས་ནི་རེད། གཉིས་པ་བླ་ན་མེད་པའི་མཆོད་པ་ནི། མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །བླ་ན་མེད་པའི་མཆོད་པ་དེ་བྱང་ཆུབ་སེམས་དཔའ་ཀུན་ཏུ་བཟང་པོ་དང༌། བྱང་ཆུབ་སེམས་དཔའ་འཇམ་པའི་དབྱངས་ལ་སོགས་པའི་རྒྱལ་བ་སྲས་བཅས་རྣམས་ཀྱི་མཆོད་རྒྱུ་དེ་བླ་ན་མེད་པའི་མཆོད་པ་ཡིན་གསུངས་ནི་རེད། དེའི་མཆོད་པའི་དངོས་པོ་རང་རང་གིས་དཔེར་ན། བྱང་ཆུབ་སེམས་དཔའ་ཀུན་ཏུ་བཟང་པོའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོ། འོད་ཟེར་རེ་རེའི་རྩེ་ལ་ཡང་ཀུན་ཏུ་བཟང་པོ་དཔག་ཏུ་མེད་པ་འཕྲོ། ཀུན་ཏུ་བཟང་པོ་རེ་རེའི་ཐུགས་ཀ་ནས་ཀྱང་འོད་ཟེར་དཔག་ཏུ་མེད་པ་འཕྲོ། དེ་རེ་རེའི་ཕྱག་ན་མཆོད་རྫས་བསམ་གྱིས་མི་ཁྱབ་པ་སྤྲུལ་ནས་ནམ་མཁའ་བར་སྣང་གི་ཁྱོན་མ་ལུས་པ་ཡོངས་སུ་གང་བར་གྱུར་པ་དེ་དག་ཀུན་ཀྱང་མཐོང་བ་དང་རེག་པ་ཡིད་ལ་དྲན་པ་ཙམ་གྱིས་ཀྱང་བྱང་ཆུབ་ཀྱི་ཡན་ལག་བདུན་དད་པ་སྙིང་རྗེ་ལ་སོགས་པ་རྒྱུད་ལ་སྐྱེ་བར་བྱེད་པ་དང༌། འབུལ་བ་པོའི་གང་ཟག་དེ་ཡང་ཆོས་ཐམས་ཅད་མཉམ་པ་ཉིད་ཀྱི་རང་བཞིན་ཅན་དུ་རྟོགས་ནས་འཁོར་གསུམ་དམིགས་མེད་ཀྱི་ལྟ་བས་ཡོངས་སུ་འབུལ་རྒྱུ་དེ་ནི་བླ་ན་མེད་པའི་མཆོད་པ་རེད། རང་གིས་ཀྱང་དེ་ལྟ་བུའི་འཁོར་གསུམ་དམིགས་མེད་ཀྱི་ལྟ་བས་ཟིན་པའི་མཆོད་པ་འབུལ་རྒྱུ་དེ་བླ་ན་མེད་པའི་མཆོད་པ་རེད། དེ་ལྟར་མ་ནུས་ཀྱང་བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པའི་རྒྱལ་བ་སྲས་བཅས་རྣམས་ཀྱིས་ཇི་ལྟར་མཆོད་པ་བཞིན་དུ་བདག་གིས་ཀྱང་དེ་ལྟར་དུ་མཆོད་པར་བགྱིའོ་སྙམ་དུ་མཆོད་རྒྱུ་དེ་ནི་བླ་ན་མེད་པའི་མཆོད་པ་ཡིན་གསུངས། གསུམ་པ་ཉེས་པ་བཤགས་པའི་ཡན་ལག་ནི། འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང༌། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཞེས་གསུངས་ཏེ། སྡིག་པ་ཞེས་པ་གང་ལ་ཟེར་ཞེ་ན། རྒྱུ་འདོད་ཆགས་དང་ཞེ་སྡང་དང་གཏི་མུག་གསུམ་གྱིས་ཀུན་ནས་བསླངས་པའི་བྱ་བ་བཟང་ངན་ལྟར་སྣང་ཇི་ལྟ་བུ་ཡིན་ཡང་མི་དགེ་བ་ཟེར་ནི་རེད། འདོད་ཆགས་མེད་པ་དང་། ཞེ་སྡང་མེད་པ་དང་། གཏི་མུག་མེད་པས་ཀུན་ནས་བསླངས་པའི་ལུས་ངག་གི་བྱ་བ་གང་དང་གང་ཡིན་ཡང་དགེ་བ་ཟེར་ནི་རེད། མགོན་པོ་ཀླུ་སྒྲུབ་ཀྱིས། འདོད་ཆགས་ཞེ་སྡང་གཏི་མུག་གསུམ། །དེས་བསྐྱེད་ལས་ནི་མི་དགེ་བ། །མ་ཆགས་མི་སྡང་གཏི་མུག་མེད། །དེས་བསྐྱེད་ལས་ནི་དགེ་བ་འོ། ཞེས་གསུངས་ནི་རེད། འདོད་ཆགས་ནི་སྲིད་པ་ལ་ཆགས་པ། དཔེར་ན། སྐྱེས་པ་དང་བུད་མེད་ནང་ཕན་ཚུན་གྱི་ལུས་ལ་ཆགས་རྒྱུ་དེ་ནི་སྲིད་པ་ལ་ཆགས་པ་རེད། སྲིད་པའི་ཡོ་བྱད་ལ་ཆགས་པ་ནི་རྒྱུ་ནོར་རྫ་ས། ཐོབ་མངའ་ཐང་མཚན་སྙན་གྲགས་ལ་སོགས་པ་ཐམས་ཅད་ལ་ཆགས་རྒྱུ་དེ་ནི་སྲིད་པའི་ཡོ་བྱད་ལ་ཆགས་པ་ཟེར་ནི་རེད། དེ་ལྟ་བུའི་འདོད་ཆགས་ཀྱིས་ཀུན་ནས་བསླངས་པའི་བྱ་བ་བཟང་ངན་ཇི་ལྟར་བྱས་ཀྱང་ལྟར་སྣང་ཇི་ལྟར་ཡིན་ཡང་དོན་གྱིས་མི་དགེ་བ་ཉིད་དུ་ལོག་འགྲོ་ནི་རེད། ཞེ་སྡང་ཟེར་རྒྱུ་དེ་ནི་རང་དང་རང་གི་ཉེ་འབྲེལ་ཐམས་ཅད་ལ་གནོད་པ་བྱེད་མཁན་ཐམས་ཅད་ལ་སེམས་མི་དགའ་ཞིང་འཚིག་པར་འགྱུར་ལ། རང་གི་དགྲ་བོ་ལ་ཕན་བཏགས་པ་དེ་ལ་སེམས་མི་དགའ་ཞིང་སྤྲོ་ཁོས་འགྲོ། སྤྲོ་ཁོས་འགྲོ་བའི་བྱ་བ་གང་བསྒྲུབས་ཀྱང་དེ་ཡང་མི་དགེ་བ་རེད། གཏི་མུག་ཟེར་རྒྱུ་དེ་ནི། བླང་དོར་གྱི་གནད་མི་ཤེས་པར་རྨོངས་ནས་བྱ་བ་གང་བསྒྲུབས་པར་བྱས་ཀྱང་ཚང་མ་མི་དགེ་བ་རེད། སྤྱིར་མི་དགེ་བ་ཡིན་ནས་བཟུང་རྩ་བ་དུག་གསུམ་པོས་ཀུན་ནས་བསླངས་པས་ཁྱབ་གསུངས་ནི་རེད། མི་དགེ་བའི་ངོ་བོ་དེ་བཅས་པ་དང་རང་བཞིན་གྱི་ཁ་ན་མ་ཐོ་བ་གཉིས་ཀྱི་ནང་ལ་འདུས་ནི་རེད། བཅས་པའི་ཁ་ན་མ་ཐོ་བ་གང་ཡིན་ཞེ་ན། རང་ཅག་གིས་སོ་སོར་ཐར་བ་དང་བྱང་ཆུབ་སེམས་དཔའི་ལམ་དང་སྔགས་ཀྱི་ལམ་ལ་ཞུགས་དུས་གཟོད་ཉེས་པ་དེ་འབྱུང་ལ། དེ་མིན་ན་མི་འབྱུང་བའི་ཉེས་པ། དཔེར་ན། ཁྲིམས་ལྡན་དགེ་སློང་ལ་ཕྱི་དྲོའི་ཁ་ཟས་བཟའ་རྒྱུ་དང་རྩྭ་སྔོན་གཅད་རྒྱུ་དེ་ལྟ་བུ་ནི་བཅས་པའི་ཁ་ན་མ་ཐོ་བའི་སྡིག་པ་ཟེར་ནི་རེད། རང་བཞིན་གྱི་སྡིག་པ་ནི་སོར་བྱང་སྔགས་གསུམ་གྱི་ལམ་ལ་མ་ཞུགས་ཀྱང་སྡིག་པ་འབྱུང་བ་སྲོག་གཅོད་པ་མ་བྱིན་པ་ལེན་པ་འདོད་པའི་ལོག་པར་གཡེམ་པ་རྫུན་ཕྲ་མ་ཚིག་རྩུབ་ངག་འཁྱལ་བརྣབ་སེམས་གནོད་སེམས་ལོག་ལྟ་ལ་སོགས་པ་དེ་དག་ཐམས་ཅད་ལ་རང་བཞིན་གྱི་སྡིག་པ་ཞེས་གསུངས་སོ། །སྡིག་པ་འབྱུང་བའི་སྒོ་གང་ནས་འབྱུང་ཞེ་ན། ལུས་ཀྱི་སྒོ་ནས་འབྱུང་བ་ནི་སྲོག་གཅོད་པ་ལྟ་བུ་དང་། ངག་གི་སྒོ་ནས་འབྱུང་བ་ནི་རྫུན་སྨྲ་བ་ལྟ་བུ་དང༌། ཡིད་ཀྱི་སྒོ་ནས་འབྱུང་བ་ནི། གནོད་སེམས་སྐྱེས་པ་ལྟ་བུ་རྣམས་ཏེ། ལུས་ངག་ཡིད་གསུམ་གྱི་སྒོ་ནས་ཡིན། དེ་མ་ཡིན་པའི་མི་དགེ་བ་ཞིག་མེད། མདོར་ན་མི་དགེ་བ་རང་གིས་བྱེད་པ་དང་། གཞན་ལ་བྱེད་དུ་བཅུག་ན་ཡང་འདྲ་བ་ཡིན། དེང་སང་གི་སྐྱེ་བོ་མང་ཆེ་བ་ཞིག་གིས་སྡིག་པ་དེ་ལ་སྡིག་གླ་སྦྱིན་ནས་རང་གིས་ལག་སྡིག་མ་བྱས་ན་སྡིག་པ་མིན་བསམ་ཡང་དེ་ཡང་འདྲ་འདྲ་ཡིན། ད་དུང་ཕལ་ཆེར་དེའི་སྡིག་པ་ཆེ། མི་དགེ་བཅུ་པོའི་ནང་ན་འདོད་པའི་ལོག་པར་གཡེམ་པ་གཞན་ལ་བཅུག་པ་དང་རང་གིས་སྤྱོད་པ་གཉིས་འདྲ་བ་མིན་པར་རང་གིས་སྤྱོད་པས་ཉེས་པ་ཆེ་གཞན་ལ་བཅོལ་བའི་སྡིག་པ་དེས་དངོས་གཞི་མི་འབྱུང༌། དེ་མ་གཏོགས་པའི་མི་དགེ་བ་ཚང་མ་འདྲ་འདྲ་ཡིན། དེས་ན་སྡིག་པ་དེ་བཤགས་དགོས་ནི་རེད། རྒྱལ་བ་སྲས་བཅས་རྣམས་ཀྱིས་མི་ཤེས་པ་དང་མི་མཁྱེན་པ་གཅིག་ཀྱང་ཡོད་ནི་མ་རེད། ཁྱེད་རྣམས་ཀྱིས་མཁྱེན་རྒྱུ་ཚང་མ་ཡང་ངས་བཤད། རང་གིས་ཚེ་རབས་ཐོག་མེད་ནས་བསགས་པའི་སྡིག་པ་གང་བྱས་ཐམས་ཅད་དངོས་སུ་བཤད་རྒྱུ་ཡོད་ན་དངོས་སུ་བཤད་དགོས་ནི་རེད། རྒྱལ་སྲས་ཆེན་པོ་ཞི་བ་ལྷས། སྡིག་པ་ཆུང་ངུ་ཙམ་ཞིག་ཀྱང་མ་བཤད་ན་མི་འདག་འགྱོད་པ་དང་ལྡན་པའི་སྒོ་ནས་སྐྱེ་བོ་མང་པོ་ལ་བཤད་ན་འདག་འགྲོ་གསུངས། གསང་བར་བྱས་ན་སྡིག་པ་རྩ་བ་ནས་འདག་རྒྱུ་མེད་གསུངས། དེ་འདྲ་བ་ལ་མཐོལ་ཟེར་ནི་རེད། སྡིག་པ་འདག་བྱེད་སྔར་བྱས་ཀྱི་སྡིག་པ་ལ་འགྱོད་པ་དང་ཕྱིན་ཆད་སྡོམ་སེམས་གཉིས་གཙོ་བོར་བྱས་ཏེ། ཁ་འདོན་དགེ་སྦྱོར་བྱས་ནས་བཤགས་དགོས་ནི་རེད། ད་ཕན་ཆོད་རང་ཅག་གིས་དངོས་སུ་བསམ་བཞིན་དུ་རང་གི་སྲོག་ལ་བབས་ཀྱང་སྲོག་ཆགས་གྲོག་མ་ཡན་ཆད་ཀྱི་སྲོག་མི་གཅད་རྒྱུ་དེ་ཁས་ལེན་རྒྱུའི་དམ་བཅའ་ཡིན་ཟེར་ནི་རེད། ཁ་ཞེ་གཉིས་མེད་ཀྱིས་བཤགས་པ་རེ་བྱས་ན་ཕལ་ཆེར་ཚེ་རབས་ཐོག་མེད་ནས་བསགས་པའི་སྲོག་བཅད་པའི་སྡིག་པ་འདག་རྒྱུ་རེད། དེས་ན་ཚང་མས་དེ་ལ་གཟབ་དགོས་ནི་རེད། བཞི་བ་བསོད་ནམས་ལ་ཡི་རང་བའི་ཡན་ལག་ནི། ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང༌། །འགྲོ་བ་ཀུན་གྱི་བསོད་ནམས་གང་ལ་ཡང༌། །དེ་དག་ཀུན་གྱི་རྗེས་སུ་བདག་ཡི་རང་། །ཞེས་གསུངས་པའི་དོན་ནི། གཞན་གྱི་དགེ་བ་ལ་རྗེས་སུ་ཡི་རང་བའམ་དུས་རྟག་ཏུ་དགའ་བ་བསྒོམས་ན་དེ་འདྲ་བའི་དགེ་བ་ཞིག་ཐོབ་ནི་རེད། དཔེར་ན། ངེད་ཅག་གིས་བཟང་སྤྱོད་དུང་སྒྲུབ་ཆེན་མོ་དང་། གར་དབང་རིག་འཛིན་འབུམ་ཚོགས་ཆེན་མོ་སོགས་ཚོགས་རྒྱུ་རེད། ངེད་ཅག་དངོས་སུ་བྱ་བ་དེ་ལ་འཇུག་རྒྱུ་རེད། གཞན་གང་ཡང་རུང་བ་ཞིག་གིས་ཕྲག་དོག་མེད་པར་ཁ་ཞེ་གཉིས་མེད་ཀྱིས་དགེ་བ་དེ་ལ་དགའ་བ་བསྒོམས་ན་དགེ་རྩ་འདྲ་འདྲ་འཐོབ་རྒྱུ་རེད། ད་དུང་དེ་ལས་ཀྱང་ལྷག་པ་ཞིག་ཨེ་འཐོབ་ཤེས་ནི་མ་རེད། ངེད་ཅག་གི་དགེ་བ་དེ་ལ་སོ་སོའི་སྐྱེ་བོ་རང་ཁ་བ་ང་དང་ང་འདྲ་བ་ཕལ་ཆེར་ལ་ངོམས་འདོད་ཀྱང་ཡོད། གྲགས་འདོད་ཀྱང་ཡོད། དགེ་བ་ལ་ཀློག་རྫུན་ཡང་བྱེད། རྗེས་སུ་ཡི་རང་གི་དགེ་བ་ལ་ངོམས་འདོད་གྲགས་འདོད་གང་ཡང་ཡོད་རྒྱུ་མ་རེད། སྔོན་རྒྱལ་པོ་གསལ་རྒྱལ་གྱིས་བཅོམ་ལྡན་འདས་འཁོར་དང་བཅས་པ་ལ་ཟླ་བ་མང་པོར་བསོད་སྙོམས་ཕུལ་དུས། དབུལ་མོ་གྲོང་ཉུག་མས་དེ་ལ་རྗེས་སུ་ཡི་རང་བྱས་ནས་རྒྱལ་པོ་གསལ་རྒྱལ་གྱིས་སྔོན་ཡང་ཚོགས་བསགས་སྒྲིབ་པ་སྦྱངས་པས་འདི་ལྟ་བུའི་ལུས་རྟེན་ཁྱད་པར་ཅན་ཐོབ་ནི་རེད། ཕྱི་མ་ཡང་འདི་ལྟ་བུའི་རྒྱལ་པོ་དེ་ཡང་ལོངས་སྤྱོད་ཆེ་ཞིང་མངའ་ཐང་ཆེ་བ་འདི་ལྟ་བུའི་སྐྱེ་བ་ལེན་རྒྱུ་རེད་བསམས་ནས་དགའ་བ་བསྒོམས་ནས་ཡོད་དུས་བཅོམ་ལྡན་འདས་ཀྱིས་གདུགས་ཚོད་ཡོན་བསྔོ་བྱ་བའི་གནས་སྐབས་སུ་དགེ་བ་འདི་རྒྱལ་པོ་ཁྱེད་ལ་བསྔོ་དང་ཁྱེད་ལས་ལྷག་པའི་དགེ་རྩ་ཅན་ཞིག་ཡོད་ན་དེ་ལ་བསྔོ་གསུངས་དུས་དགེ་རྩ་སུའི་ཆེ་ན་དེ་ལ་སྔོས་ཟེར་རོ། །དེ་དུས་བཅོམ་ལྡན་འདས་ཀྱིས་དབུལ་མོ་གྲོང་ཉུག་མའི་མིང་གི་བཟུང་ནས་དེ་ལ་བསྔོས་པ་རེད། རྒྱལ་པོ་ལས་ཀྱང་དབུལ་མོའི་དགེ་རྩ་ཆེ་བར་གསུངས། དེའི་ཕྱིར་ན་དགེ་བ་ལ་རྗེས་སུ་ཡི་རང་དགོས་ནི་རེད། དགེ་བ་ལ་རྗེས་སུ་ཡི་རང་བྱས་ན་ངེས་པར་དུ་རང་དང་འདྲ་བ་མན་ཆད་ཀྱི་དགེ་རྩ་ནི་འདྲ་འདྲ་ཐོབ་རྒྱུ་རེད། སངས་རྒྱས་ཤཱཀྱ་ཐུབ་པའི་དགེ་རྩ་ལ་རྗེས་སུ་ཡི་རང་བྱས་ན་ཆ་འདྲ་བ་ཞིག་ཐོབ་པ་ལས་ཡོངས་རྫོགས་ཐོབ་པ་མིན། བྱང་ཆུབ་སེམས་དཔའ་ས་ཐོབ་ཀྱི་དགེ་རྩ་ཡང་ཐོབ་དཀའ་མོ་ཡིན། སོ་སོའི་སྐྱེ་བོའི་དགེ་རྩ་ཚང་མ་འདྲ་མཉམ་ཞིག་རང་གི་རྒྱུད་ལ་འཐོབ་རྒྱུ་རེད། རྒྱལ་བ་སྲས་དང་བཅས་པ་རང་རྒྱལ་དང་སློབ་དང་མི་སློབ་པ་ཐམས་ཅད་ཀྱི་དགེ་རྩ་ལ་ཕྲག་དོག་མེད་པར་དགའ་བ་བསྒོམས་ན་ནི། མདོ་སྡུད་པ་ལས་ཀྱང་། སྟོང་གསུམ་རི་རབ་སྲང་ལ་གཞལ་བས་ཚད་བཟུང་རུང༌། །རྗེས་སུ་ཡི་རང་དགེ་བ་དེ་ནི་དེ་ལྟ་མིན། །ཞེས་གསུངས་ཏེ། སྟོང་གསུམ་རི་རབ་སྲང་ལ་གཞལ་དགོས་ན་སླ་མོ་རེད། རྗེས་སུ་ཡི་རང་གི་བསོད་ནམས་དེ་ནི་གཞལ་རྒྱུ་མེད་པ་ཡིན་པར་གསུངས་ནི་རེད། དེས་ན་དཀའ་ལས་མི་དགོས་པར་ཚོགས་གཉིས་རྒྱ་ཆེན་རྫོགས་པར་འདོད་ན་རྗེས་སུ་ཡི་རང་ལ་འབད་དགོས་པ་ཡིན། སོ་སོའི་སྐྱེ་བོ་ཕྲག་དོག་ཅན་རྣམས་ཀྱི་བློ་ཡུལ་ལ་དེ་ཤོང་བ་མིན་མ་གཏོགས། གཞན་གྱི་དགེ་བ་བསྒྲུབས་པ་རྣམས་ལ་དགའ་བ་བསྒོམས་ན་དགེ་བ་འདྲ་འདྲ་འཐོབ་ནི་རེད། དེའི་ཕྱིར་ན་ཐམས་ཅད་ཀུན་གྱིས་ཀྱང་དགེ་བ་ལ་རྗེས་སུ་ཡི་རང་བའི་དགའ་བ་སྒོམས། ཕྲག་དོག་མ་བྱེད་རོགས་གསུངས་ནི་རེད། ལྔ་བ་ཆོས་འཁོར་བསྐོར་བར་བསྐུལ་བའི་ལན་ལག་ནི། གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །ཞེས་གསུངས་པའི་དོན་ནི། ཕྱོགས་བཅུའི་ཞིང་རབ་འབྱམས་ན་བཞུགས་པའི་སངས་རྒྱས་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད་མངོན་པར་རྫོགས་པར་སངས་རྒྱས་ནས་ཆོས་འཁོར་མི་བསྐོར་བར་བཞུགས་ཡོད་པ་རྣམས་ལ། དཔེར་ན། སྔོན་བདག་ཅག་གི་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། སྟོན་པ་ཆོས་འཁོར་མི་བསྐོར་བར་བཞུགས་ཡོད་པའི་དུས་སུ་ཚངས་པ་དང་བརྒྱ་བྱིན་གཉིས་ཀྱིས་ཆོས་ཀྱི་འཁོར་ལོ་བསྐོར་བར་བསྐུལ་ནས་ཆོས་འཁོར་རིམ་པ་གསུམ་བསྐོར་མྱོང་བ་རེད། དེ་བཞིན་དུ་བདག་གིས་ལུས་གུས་པས་ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་ཁ་ཞེ་མེད་པར་སྙིང་ཁོང་རུས་པའི་གཏིང་ནས་རྒྱལ་བ་སྲས་བཅས་རྣམས་ཀྱིས་སེམས་ཅན་རྣམས་མ་རིག་པའི་དམིགས་ལོང་རྣམས་ཀྱི་ལང་ཏོག་དེ་ཕྱིས་ནས་ཆོས་ཀྱི་འཁོར་ལོ་བསྐོར་དུ་གསོལ་བསམས་ནས་གསོལ་བ་འདེབས་དགོས་ནི་རེད།གཞན་ཡང་བྱང་ཆུབ་སེམས་དཔའ་དང་བླ་མ་དགེ་བའི་བཤེས་གཉེན་ལ་སོགས་པས་བསྟན་པ་དང་སེམས་ཅན་གྱི་དོན་ལ་ཆོས་རྣམ་པར་དག་པ་ཞིག་གསུང་བར་མཛད་དུ་གསོལ་བསམས་ནས་ཆོས་འཁོར་བསྐོར་བར་བསྐུལ་ན་རང་ཉིད་སྐྱེ་བ་ཚེ་རབས་ཀྱི་བར་དུ་སངས་རྒྱས་ཀྱི་སྒྲ་མི་གྲག་པ། ཆོས་ཀྱི་སྒྲ་མི་གྲག་པ། དགེ་འདུན་གྱི་སྒྲ་མི་གྲག་པའི་མཐའ་འཁོབ་དང་ཆོས་མེད་པའི་ཡུལ་དུ་སྐྱེ་དགོས་ནི་མ་རེད། དེས་ན་ཆོས་ཀྱི་འཁོར་ལོ་བསྐོར་བར་བསྐུལ་ན་དེ་ནི་གལ་ཆེ་བ་ཞིག་རེད། དྲུག་པ་མྱ་ངན་ལས་མི་འདའ་བར་གསོལ་བའི་ཡན་ལག་ནི། མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང༌། །བདག་གིས་ཐལ་མོ་རབ་སྦྱར་གསོལ་བར་བགྱི། །ཞེས་གསུངས་ཏེ། སངས་རྒྱས་ཐམས་ཅད་ཀུན་གྱིས་ཀྱང་གདུལ་བྱ་རེ་ཞིག་རྫོགས་ནས་སྤྲུལ་སྐུ་ཐམས་ཅད་མྱ་ངན་ལས་འདའ་ཚུལ་སྟོན་བཞིན་ཡོད་པ་ཐམས་ཅད་དང་ནི། གཞན་ཡང་བྱང་ཆུབ་སེམས་དཔའ་བླ་མ་དགེ་བའི་བཤེས་གཉེན་ཐམས་ཅད་ཀུན་གྱིས་ཀྱང་རེ་ཞིག་སྐུ་དངོས་ཀྱི་གདུལ་བྱ་རྫོགས་ནས་ཞིང་ཁམས་གཞན་ལ་འབྱོན་གྲབས་བྱེད་བཞིན་ཡོད་པ་དེ་དག་ལ་རང་གིས་ལུས་ངག་ཡིད་གསུམ་གུས་པས་གསོལ་བ་འདེབས་ན། ཁྱེད་རྣམ་པས་སྐུ་མྱ་ངན་ལས་མི་འདའ་བར་བསྐལ་པ་ཞིང་གི་རྡུལ་སྙེད་ཀྱི་གྲངས་དང་མཉམ་པའི་བར་དུ་ཡང་བཞུགས་པར་མཛད་དུ་གསོལ་བསམས་ནས་གསོལ་བ་བཏབ་ན། རང་གི་མོས་གུས་རྣམ་པར་དག་པའི་སྟོབས་ཀྱིས་སྐྱེ་བ་ལ་རང་དབང་ཐོབ་པའི་སངས་རྒྱས་དང་བྱང་ཆུབ་སེམས་དཔའ་བླ་མ་དགེ་བའི་བཤེས་གཉེན་རྣམས་ངེས་པར་དེ་ལྟར་བཞུགས་པར་འགྱུར་ནི་རེད། སྔོན་བདག་ཅག་གི་སྟོན་པ་མྱ་ངན་ལས་འདའ་ཆས་བྱེད་སྐབས། དགེ་བསྙེན་ཙིརྫས་གསོལ་བ་བཏབ་པའི་ངོར་བདག་ཅག་གི་སྟོན་པ་ཡང་ཡུན་རིང་པོའི་བར་མྱ་ངན་ལས་མི་འདའ་བར་བཞུགས་ནི་རེད། དེ་བཞིན་དུ་བླ་མ་དགེ་བའི་བཤེས་གཉེན་ལ་སོགས་པ་མྱ་ངན་ལས་མི་འདའ་བར་གསོལ་བ་བཏབ་ན་རང་ཡང་ཚེ་རིང་བ་དང༌། སྐྱེ་བ་ཚེ་རབས་ཀུན་ཏུ་བླ་མ་དགེ་བའི་བཤེས་གཉེན་དང་འཕྲད་པར་འགྱུར་བ་དང་། སངས་རྒྱས་མཐོང་བ་དང་མི་འབྲལ་བ་ལ་སོགས་པའི་དགོས་པ་ཁྱད་པར་ཅན་ཡོད་པ་ཡིན་པས། དེའི་ཕྱིར་ན་མྱ་ངན་ལས་མི་འདའ་བར་གསོལ་བ་གདབ་དགོས་གསུངས་ནི་རེད། བདུན་པ་དགེ་རྩ་བྱང་ཆུབ་ཏུ་བསྔོ་བའི་ཡན་ལག་ནི། ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། ཞེས་དགེ་རྩ་གཞན་དོན་དུ་བསྔོ་དགོས་པའི་དོན་ཡིན། དེ་ཡང་དགེ་རྩ་གང་བསྔོ་ཞེ་ན། ཕྱག་འཚལ་བ་དང་། མཆོད་པ་འབུལ་བ། སྡིག་པ་བཤགས་པ་དང༌། དགེ་བ་ལ་རྗེས་སུ་ཡི་རང་བ། ཆོས་ཀྱི་འཁོར་ལོ་བསྐོར་བར་བསྐལ་བ། མྱ་ངན་ལས་མི་འདའ་བར་གསོལ་བ་འདེབས་པ་སོགས་ཡན་ལག་དྲུག་གི་བསོད་ནམས་ཀྱིས་མཚོན་དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་གཅིག་ཏུ་བསྡོམས་ཏེ། བདག་དང་མཐའ་ཡས་པའི་སེམས་ཅན་ཐམས་ཅད་བླ་ན་མེད་པ་སངས་རྒྱས་ཀྱི་གོ་འཕང་ཐོབ་པར་བྱ་བའི་ཕྱིར་དུ་ཡོངས་སུ་བསྔོ་བར་བགྱིའོ་གསུངས་ནི་རེད། ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། །ཐམས་ཅད་བླ་མེད་བྱང་ཆུབ་ཕྱིར་བསྔོ་འོ། །ཞེས་གསུངས་པ་འདི་གཉིས་འགྱུར་གྱི་ཁྱད་པར་འདྲ་མི་འདྲ་གཉིས་ཡིན། བདག་གིས་དང་། བླ་མེད་གཉིས་ཀ་གང་ཡིན་ཡང་དག་པ་ཡིན་མ་གཏོགས། དེང་སང་འགའ་རེས་བླ་མའི་བྱང་ཆུབ་ཕྱིར་བསྔོའོ། །ཟེར་ཡང་བླ་མའི་བྱང་ཆུབ་ཕྱིར་བསྔོ་ཞེས་པ་ནོར་བ་ཡིན། དེ་ཡན་ཆད་ཀྱིས་ཡན་ལག་བདུན་པ་བཤད་ཟིན་པ་ཡིན་ནོ། །ཕྱག་འཚལ་བ་དང༌། མཆོད་སྡིག་པ་བཤགས་ཚུལ་སོགས་མདོར་བསྡུས་ཙམ་གོ་ཡོད་རྒྱུ་རེད། ཁྱེད་རྣམ་པས་ཕྱིས་སུ་འདོན་དུས་ཚིག་རྗེས་དོན་དྲན་ཕྱོགས་ཙམ་ཞིག་ཤེས་པར་གྱིས། པ་འབུལ་རྒྱུ་དང་། གཉིས་པ་དངོས་གཞི་སྨོན་ལམ་གྱི་རབ་དབྱེ་རྒྱས་པར་བཤད་པ་ལ་གཉིས་ཏེ། དངོས་དང་སྨོན་ལམ་གྱི་མཐའ་བསྟན་པའོ། །སྨོན་ལམ་གྱི་མཐའ་སྨོན་ལམ་རྒྱ་ཆེ་ཆུང་ཅི་འདྲ་ཞིག་ཡིན་ཞེ་ན། དངོས་དང་མཐའ་བསྟན་པ་གཉིས་ཡོད། ནམ་མཁའི་མཐར་ཐུག་གྱུར་པ་ཅི་ཙམ་པར། །ཞེས་སོགས་ཀྱིས་སྨོན་ལམ་གྱི་མཐའ་བསྟན་པ་ཡིན། དེ་ཡན་ཆད་སྨོན་ལམ་དངོས་རེད། ད་ནི་སྨོན་ལམ་དངོས་བཤད་ནི་ཡིན། དང་པོ་ལ་སྤྱི་དོན་བཅུ་དྲུག་ཡོད། སྤྱིར་བྱང་ཆུབ་སེམས་དཔའི་སྨོན་ལམ་ཆེན་པོ་བཅུ་ཡོད་ཀྱང་ས་བཅད་འདིའི་ཁོངས་སུ་བསྡུས་ཏེ་བཤད་ཀྱང་ཆོག ས་བཅད་འཇོག་ཚུལ་ལ་མཁས་པ་སོ་སོས་རང་བློ་ལྟར་དུ་གཞལ་བ་མང་ཡང་། འདིར་སྨིན་གླིང་ལོ་ཆེན་གྱིས་གསུངས་པ་ལྟར་ས་བཅད་རྣམ་པ་བཅུ་དྲུག་གི་སྒོ་ནས་འཆད་&lt;&lt;གླ༥༡ རྒྱུ་ཡིན། ས་བཅད་རྣམ་པ་བཅུ་དྲུག་པོ་ཇི་ལྟར་གསུངས་ཞེ་ན། ཚིག་གིས་དངོས་བསྟན་གྱི་གོ་བ་དང་འབྲེལ་ནས་གསུངས་ཡོད། མདོ་སྡེ་གཞན་དང་བསྒྲགས་ཏེ་བཤད་མེད། ས་བཅད་བཅུ་དྲུག་པོ་གང་ཡིན་ཞེ་ན། བསྡོམས་ཚིག་ལས། བསམ་དག་བྱང་སེམས་མི་བརྗེད་དང༌། །མ་གོས་སྦྱོར་དང་ཕན་བདེ་དང་། །གོ་ཆ་དང་ནི་སྐལ་མཉམ་འགྲོགས། །བཤེས་བསྟེན་སངས་རྒྱས་མངོན་གྱུར་དང༌། །དམ་ཆོས་འཛིན་དང་མཛོད་རྙེད་དང་། །འཇུག་དང་སྟོབས་དང་སྒྲུབ་དང་ལས། །རྗེས་སློབ་ཀུན་གྱི་མཇུག་སྡུད་དོ། །ཞེས་གསུངས་པ་ལྟར།༼༡༽དང་པོ་བསམ་པ་དག་པས་སྨོན་ལམ་འདེབས་པ་དང་། ༼༢༽སྐྱེ་བ་ཚེ་རབས་ཀུན་ཏུ་བྱང་ཆུབ་ཀྱི་སེམས་མི་བརྗེད་པར་སྨོན་ལམ་འདེབས་པ་དང༌། ༼༣༽ འཁོར་བ་ན་འཁོར་བའི་ཚེ་སྐྱོན་གྱིས་མ་གོས་པར་སྨོན་ལམ་འདེབས་པ་དང་། ༼༤༽ སེམས་ཅན་ཕན་བདེ་ལ་འགོད་པའི་སྨོན་ལམ་འདེབས་པ་དང་། ༼༥༽སེམས་ཅན་གྱི་དོན་དུ་བརྩོན་པ་ལ་སྙིང་སྟོབས་རྣམ་པར་དག་པས་སྨོན་ལམ་འདེབས་པ་དང༌། ༼༦༽ སྐལ་མཉམ་གྱི་གྲོགས་བཟང་པོ་དང་སྐྱེ་བ་ནས་ཚེ་རབས་ཀུན་ཏུ་འགྲོགས་པའི་སྨོན་ལམ་འདེབས་པ་དང་། ༼༧༽ བླ་མ་དགེ་བའི་བཤེས་གཉེན་དང་འཕྲད་པར་སྨོན་ལམ་འདེབས་པ་དང་། དེ་མིན་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། ༼༨༽ སྐྱེ་བ་ཚེ་རབས་ཀུན་ཏུ་སངས་རྒྱས་མཐོང་བ་དང་མི་འབྲལ་བར་སྨོན་ལམ་འདེབས་པ་དང༌། ༼༩༽ དུས་གསུམ་སངས་རྒྱས་ཐམས་ཅད་ཀྱི་ཆོས་འཁོར་འཛིན་ནུས་པར་སྨོན་ལམ་འདེབས་པ་དང་། ༼༡་༽ མི་ཟད་པའི་མཛོད་རྙེད་པའི་སྨོན་ལམ་འདེབས་པ་དང་། ༼༡༡༽ བྱང་ཆུབ་སེམས་དཔའི་སྤྱོད་པ་རྒྱ་མཚོ་ལྟ་བུ་ལ་འཇུག་པར་སྨོན་ལམ་འདེབས་པ་དང་། ༼༡༢༽ལས་ཀྱི་སྟོབས་ཟད་པ་དང་། ཉོན་མོངས་པའི་སྟོབས་ཟད་པ་དང༌། བདུད་ཀྱི་སྟོབས་ཟད་པ་དང༌། བཟང་པོ་སྤྱོད་པའི་སྟོབས་ཡོངས་སུ་རྫོགས་པ་ལ་སོགས་སྟོབས་ཁྱད་པར་ཅན་ལ་སྨོན་ལམ་འདེབས་པ་དང་། ༼༡༣༽ སྒྲུབ་པའམ་གཉེན་པོའི་སྒོ་ནས་སྨོན་ལམ་འདེབས་པ་དང་། ༼༡༤༽ཕྲིན་ལས་ཀྱི་སྒོ་ནས་སྨོན་ལམ་འདེབས་པ་དང་། ༼༡༥༽ རྒྱལ་བ་ཀུན་གྱི་རྗེས་སུ་སློབ་པར་སྨོན་ལམ་འདེབས་པ་དང་། ༼༡༦༽ དུས་གསུམ་གྱི་སངས་རྒྱས་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད་མཛད་པ་སྨོན་ལམ་མཁྱེན་བརྩེ་ནུས་པ་ཐམས་ཅད་བདག་ལ་རྫོགས་པར་གྱུར་ཅིག་སྙམ་སྟེ་སྨོན་ལམ་འདེབས་རྒྱུ་དེ་མཇུག་སྡུད་རེད། སྨིན་གླིང་ལོ་ཆེན་གྱིས་མཁས་པའི་ཁྱད་ཆོས་བཞག་སྟེ་མ་གསུངས་པར། ཐད་ཀ་ཐད་ཀར་ཚིག་འགྲེལ་ལ་ཉེ་བར་མཁོ་བའི་ཕྱིར་དུ་ས་བཅད་བཞག་ནི་རེད། སྤྱི་དོན་དང་པོ་བསམ་པ་དག་པས་སྨོན་པ་ལ་དོན་བཞི་སྟེ། དང་པོ་སངས་རྒྱས་ལ་མཆོད་པའི་བསམ་པ་ནི། བསམ་པ་དག་རྒྱུ་དེ་ལ་རྣམ་པ་བཞི་ཡོད། དང་པོ་སངས་རྒྱས་མཆོད་པར་སྨོན་ལམ་བཏབ་ནི་རེད། དེ་ཅི་འདྲ་ཡིན་ཟེར་ན། འདས་པའི་སངས་རྒྱས་རྣམས་དང་ཕྱོགས་བཅུ་ཡི། འཇིག་རྟེན་དག་ན་གང་བཞུགས་མཆོད་པར་གྱུར། །ཞེས་གསུངས་ཏེ། འདས་པའི་སངས་རྒྱས་མར་མེ་མཛད་རྣམ་གཟིགས་གཙུག་ཏོར་ཅན་ཐམས་ཅད་སྐྱོབས་འཁོར་བ་འཇིག་གསེར་ཐུབ་འོད་སྲུང་ལ་སོགས་པའི་སངས་རྒྱས་མང་པོ་ཡོད་རྒྱུ་རེད། ད་ལྟའི་སངས་རྒྱས་བདག་ཅག་གི་སྟོན་པ་ལྟ་བུ་ནི་འདས་པའི་སངས་རྒྱས་ཀྱི་ཕྱོགས་གཏོགས་ཞེས་བཤད་ཀྱང་ཆོག ད་ལྟའི་སངས་རྒྱས་ཡིན་ཞེས་བཤད་ནའང་ཆོག དེ་བཞིན་དུ་ཤར་ཕྱོགས་ན་སངས་རྒྱས་མཚན་ལེགས་རིན་ཟླ་གསེར་བཟང་མྱ་ངན་མེད་སོགས་སྨན་བླ་མཆེད་བརྒྱད་དང་། དེ་བཞིན་དུ་ལྷོ་ཕྱོགས་ན་སངས་རྒྱས་རིན་ཆེན་འབྱུང་ལྡན། ནུབ་ཕྱོགས་ན་སངས་རྒྱས་འོད་དཔག་མེད། བྱང་ཕྱོགས་ན་སངས་རྒྱས་དོན་ཡོད་གྲུབ་པ། རྡོ་རྗེ་མི་བསྐྱོད་པ་ལ་སོགས་པ་ད་ལྟར་བཞུགས་པའི་སངས་རྒྱས་དེ་དག་ཐམས་ཅད་ལ་བདག་གིས་ལུས་ངག་ཡིད་གསུམ་དང་བའི་སྒོ་ནས་ལུས་ལོངས་སྤྱོད་དུས་གསུམ་གྱི་དགེ་བ་ཐམས་ཅད་ཀྱིས་དུས་རྟག་ཏུ་མཆོད་པ་བྱེད་ནུས་པར་གྱུར་ཅིག མདོར་ན་འདས་པའི་སངས་རྒྱས་དང་ད་ལྟར་གྱི་སངས་རྒྱས་ལ་མཆོད་པར་སྨོན་ལམ་བཏབ་པ་ཡིན། གཉིས་པ་དགོངས་པ་ཡོངས་སུ་བསྐང་པ་ནི། གང་ཡང་མ་བྱོན་དེ་དག་རབ་མྱུར་བར། །བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན། །ཞེས་གསུངས་ཏེ། མ་འོངས་པའི་སངས་རྒྱས་བྱམས་པ་ལ་སོགས་པ་གང་ཡང་མ་བྱོན་པའི་སངས་རྒྱས་དེ་དག་རབ་མྱུར་བའི་བསམ་པ་རྫོགས་ནས་བྱང་ཆུབ་སེམས་དཔའི་ས་བཅུ་ལམ་ལྔ་ལ་སོགས་པ་ཐམས་ཅད་མྱུར་དུ་མཁྱེན་བརྩེ་ནུས་གསུམ་རྩལ་རྫོགས་ནས་སེམས་ཅན་ཐམས་ཅད་ཀྱི་དོན་ལ་བརྩོན་ནུས་པར་གྱུར་ཅིག མ་བཟང་སྤྱོད་ཀྱི་ཟིན་བྲིས་བཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། འོངས་པའི་སངས་རྒྱས་ཐམས་ཅད་ད་ལྟ་བསམ་ན་སེམས་ཅན་རེད། མདོ་རང་གི་སྐབས་དོན་གྱི་དབང་དུ་བྱས་ན་ངེད་ཅག་གིས་ཉིན་དེར། བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཞེས་པའི་བདེ་གཤེགས་ནི་སྔར་གྱི་སངས་རྒྱས་རེད། དབང་ཕྱུག་ནི་བླ་མ་དགེ་བའི་བཤེས་གཉེན་ད་ལྟར་བཞུགས་པའི་སངས་རྒྱས་ཡིན། སེམས་ཅན་ནི་མ་འོངས་པའི་སངས་རྒྱས་ཡིན། དགོས་པ་གསུམ་ནི། འདས་པའི་སངས་རྒྱས་རྣམས་ཀྱི་ཐུགས་དགོངས་ཡོངས་སུ་རྫོགས་པའི་ཕྱིར་དང་། ད་ལྟ་བླ་མ་དགེ་བའི་བཤེས་གཉེན་ཐམས་ཅད་ཀྱི་ཐུགས་དགྱེས་པ་བསྐང་བར་བྱ་བའི་ཕྱིར་དང་། མ་འོངས་པའི་སངས་རྒྱས་ཐམས་ཅད་ཀྱི་ས་ལམ་ཡོངས་སུ་རྫོགས་པའི་ཆེད་དུ་ཟེར་ནས་ངེད་ཅག་གིས་དགོས་པ་གསུམ་དེ་ལྟར་བཤད་དར། འདས་པའི་སངས་རྒྱས་དང་། ད་ལྟར་གྱི་སངས་རྒྱས་ཐམས་ཅད་ལ་མཆོད་ནུས་པར་ཤོག་ཅིག མ་འོངས་པའི་སངས་རྒྱས་ཐམས་ཅད་མྱུར་དུ་སངས་རྒྱས་ནས་སེམས་ཅན་ཐམས་ཅད་ལ་ཆོས་ཀྱི་འཁོར་ལོ་བསྐོར་བར་གྱུར་ཅིག་གསུངས་ནི་རེད། གསུམ་པ་སངས་རྒྱས་ཀྱི་ཞིང་སྦྱང་བ་ནི། ཕྱོགས་བཅུ་ག་ལའི་ཞིང་རྣམས་ཇི་སྙེད་པ། །དེ་དག་རྒྱ་ཆེར་ཡོངས་སུ་དག་པར་གྱུར། །བྱང་ཆུབ་ཤིང་དབང་དྲུང་གཤེགས་རྒྱལ་བ་དང༌། །སངས་རྒྱས་སྲས་ཀྱིས་རབ་ཏུ་གང་བར་ཤོག །ཅེས་གསུངས་ཏེ། ཕྱོགས་བཅུ་ག་ལ་བའི་ཞིང་ཇི་སྙེད་ཡོད་པ་ཐམས་ཅད་ཡོངས་སུ་དག་པར་གྱུར་ཅིག ས་ཕྱོགས་ཐམས་ཅད་ཀྱང་བཻཌཱུརྱ་ལ་གསེར་གྱི་མིག་མང་རེས་སུ་བྲིས་པ་མནན་ན་ནེམ་པར་བཏེག་ན་འཕར་བ། དཔེར་ན། བདེ་བ་ཅན་གྱི་ཞིང་གི་ཡོན་ཏན་ཇི་ལྟ་བཞིན་དུ་ཐམས་ཅད་ཡོངས་སུ་རྫོགས་པར་གྱུར་ཅིག་ཅེས་ཞིང་ཁམས་དག་པར་སྨོན་ལམ་བཏབ་པ་རེད། ཞིང་ཁམས་དག་པ་དེའི་དབང་གིས་བྱང་ཆུབ་ཀྱི་ཤིང་གིས་བརྒྱན་པའི་དྲུང་དུ་དཔེར་ན། སངས་རྒྱས་འོད་དཔག་མེད་དང་། སངས་རྒྱས་ཤཱཀྱ་ཐུབ་པ་ལྟ་བུའི་སངས་རྒྱས་མང་པོ་བཞུགས། དེའི་འཁོར་དུ་བྱང་ཆུབ་སེམས་དཔའ་འཇམ་དཔལ་དབྱངས་དང་། སྤྱན་རས་གཟིགས་ལྟ་བུ་མང་པོས་བསྐོར་ནས་གང་བར་གྱུར་ཅིག་ཅེས་བཅུད་དག་པའི་སྨོན་ལམ་བཏབ་པ་ཡིན་གསུངས་ནི་རེད། ཕྱོགས་བཅུ་ག་ལས་ཞིང་རྣམས་ཐམས་ཅད་པོ་དེ་ནི་ཞིང་དག་པ་དང་། བཅུད་དག་པ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་གང་འགྲོ་བར་གྱུར་ཅིག་བསམས་ནས་སྨོན་ལམ་འདེབས་དགོས་ནི་རེད། བཞི་པ་སེམས་ཅན་ལ་ཕན་གདག་པའི་བསམ་པ་ནི། ཕྱོགས་བཅུའི་སེམས་ཅན་གང་རྣམས་ཇི་སྙེད་པ། དེ་དག་རྟག་ཏུ་ནད་མེད་བདེ་བར་གྱུར། འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིང་རེ་བའང་འགྲུབ་པར་ཤོག །སེམས་ཅན་ལ་ཕན་པའི་བསམ་པ་བཟང་པོས་ཕྱོགས་བཅུའི་སེམས་ཅན་གང་རྣམས་ཇི་སྙེད་ཡོད་པ་ཐམས་ཅད་དུས་རྟག་ཏུ་ལུས་ལ་སྡུག་བསྔལ་མེད་པ་དང་སེམས་ལ་སྡུག་བསྔལ་མེད་པར་གྱུར་ཅིག སེམས་ཀྱི་སྡུག་བསྔལ་ནི་ཡིད་མི་བདེ་བ་ལ་ཟེར། མདོར་ན་ངེད་ཅག་གིས་དང་པོ་ཁོ་ན་སེམས་ཅན་ཐམས་ཅད་ཀྱི་ལུས་ལ་ན་ཚ་དང༌། སེམས་ལ་སྡུག་བསྔལ་ཐམས་ཅད་བྲལ་བར་ཤོག་ཅིག་ཅེས་ཟེར་བ་ལྟར་ཡིན། མ་ཟད་སེམས་ཅན་རྣམས་ཀྱིས་ཆོས་བསྒྲུབ་པ་ལ་བློ་མཐུན་གྲོས་མཐུན་བྱས་ཏེ་ཐམས་ཅད་ཀུན་གྱིས་ཆོས་སྒྲུབ་པར་ཤོག་ཅིགསེམས་ཅན་ཐམས་ཅད་ཆོས་ལ་འཇུག་ནུས་པར་ཤོག་ཅིག སེམས་ཅན་ཐམས་ཅད་ཀྱིས་ཆོས་ཡང་དག་པ་ཞིག་སྒྲུབ་ནུས་པར་ཤོག་ཅིག ཆོས་སྒྲུབ་པའི་རེ་བ་གནས་སྐབས་མངོན་མཐོའི་བདེ་བ་དང་། མཐར་ཐུག་སངས་རྒྱས་ཀྱི་གོ་འཕང་འཐོབ་པ་དང་། གཞན་ཡང་ཆོས་དང་འགལ་བ་མ་ཡིན་པའི་ཚེ་རིང་བ་ནད་མེད་པ་ལོངས་སྤྱོད་ཆེ་བ། གཟི་བརྗིད་བཟང་བ་བསམ་པའི་དོན་ཐམས་ཅད་འགྲུབ་པ་ལ་སོགས་པ་འགྲོ་བ་ཐམས་ཅད་ཀྱི་རེ་བ་ཅི་ཡོད་པ་རྣམས་འགྲུབ་པར་གྱུར་ཅིག འདིའི་ཚིག་བཞི་བོའི་ནང་དུ་མ་འདུས་པའི་སྨོན་ལམ་ཞིག་མེད། སྨོན་ལམ་གཞན་ཞིག་གི་ནང་དུ་འདི་ལྟ་བུ་ཞིག་སྟོན་མི་ཐུབ། དཔེར་ན། སེམས་ཅན་ཐམས་ཅད་ཀྱི་ལུས་ལ་སྡུག་བསྔལ་མེད། སེམས་ཀྱི་སྡུག་བསྔལ་ཐམས་ཅད་བྲལ། གནས་སྐབས་དང་མཐར་ཐུག་གི་རེ་བ་ཡོངས་སུ་རྫོགས་དམ་པའི་ཆོས་ཐམས་ཅད་ཡོངས་སུ་སྤྱོད་པར་གྱུར་ན་དེའི་ནང་དུ་མ་འདུས་པ་ཞིག་ཅི་ཡང་མེད། དེའི་ཕྱིར་ན་བསམ་པ་དག་པས་སྨོན་ལམ་འདེབས་དགོས་ནི་རེད། སྤྱི་དོན་གཉིས་པ་བྱང་ཆུབ་ཀྱི་སེམས་མི་བརྗེད་པའི་སྒོ་ནས་སྨོན་པ་ལ་བདུན་ལས། དངོས་གཞི་ལ་བྱང་ཆུབ་ཀྱི་སེམས་མི་བརྗེད་པར་སྨོན་ལམ་འདེབས་དགོས་ནི་རེད། སྐྱེ་བ་ཚེ་རབས་ཀུན་ཏུ་བྱང་ཆུབ་ཀྱི་སེམས་བརྗེད་ཉན་ནི་མ་རེད་མ་གཏོགས་སེམས་ཅན་གྱི་དོན་འགྲུབ་ནི་མ་རེད། བྱང་ཆུབ་ཀྱི་སེམས་མི་བརྗེད་པར་བྱེད་པ་ལ་མཐུན་རྐྱེན་མང་པོ་སྒྲུབ་དགོས་པ་དང་། འགལ་རྐྱེན་མང་པོ་བསལ་དགོས་ནི་རེད། ངེད་ཅག་ཡིན་ནའང་ད་ལྟ་བྱང་ཆུབ་མཆོག་ཏུ་སེམས་བསྐྱེད་དགོས་ནི་རེད། དེའི་ཞར་མ་ཞོར་ལ་འགལ་རྐྱེན་བསལ་བའི་ཕྱིར་དུ་འཕགས་པ་སྤྱན་རས་གཟིགས་ལ་གསོལ་བ་བཏབ་ནས་དཔལ་ཕྲེང་སེང་གེའི་སྒྲའི་གཟུངས་བཏོན། དཔལ་རྟ་མགྲིན་ལ་གསོལ་བ་བཏབ་སྟེ་ཧྱ་གྲི་ཝའི་གཟུངས་བཏོན། ཨོ་རྒྱན་རིན་པོ་ཆེ་ལ་ཡང་གསོལ་བ་བཏབ་ནས་སྤྲུལ་པའི་གུ་རུ་མཚན་བརྒྱད་སོགས་དང་། ཨོ་རྒྱན་རིན་པོ་ཆེ་ལ་གསོལ་བ་འདེབས་ཞེས་པ་བཏོན་ཏེ་ཨོ་རྒྱན་རིན་པོ་ཆེ་ལ་ཡང་གསོལ་བ་འདེབས་བཞིན་ཡོད་ནི་རེད། དེ་བཞིན་དུ་མཐུན་རྐྱེན་ཡོངས་སུ་འགྲུབ་པར་བྱ་བའི་ཕྱིར་དུ་དབང་སྡུད་གསོལ་འདེབས། གར་དབང་ལྷ་དགུ་ལ་སོགས་པའི་ལྷ་ལ་གསོལ་བ་འདེབས་བཞིན་ཡོད་ནི་རེད། དེ་འདྲ་བྱས་ན་མཐུན་རྐྱེན་འགྲུབ་འགལ་རྐྱེན་སེལ་དངོས་གཞི་བྱང་ཆུབ་ཀྱི་སེམས་རྒྱུད་ལ་སྐྱེ་རྒྱུ་རེད། དེ་ལ་བྱང་ཆུབ་ཀྱི་སེམས་མི་བརྗེད་པ་སོགས་ལ་བདུན་ལས་དང་པོ་ནི། དང་པོ་ཚེ་རབས་དྲན་པ་ནི། བྱང་ཆུབ་སྤྱོད་པ་དག་ནི་བདག་སྤྱོད་ཅིང༌། །འགྲོ་བ་ཀུན་ཏུ་སྐྱེ་བ་དྲན་པར་གྱུར། །ཅེས་གསུངས་ནི་རེད། དོན་ནི་དང་པོ་སྐྱེ་བ་དྲན་དགོས་ནི་རེད། ས་དང་པོ་རབ་ཏུ་དགའ་བ་མ་ཐོབ་བར་དུ་གང་དུ་སྐྱེས་ཀྱང་སྐྱེ་བ་སྔ་མ་སྔ་མ་ཐམས་ཅད་དྲན་པར་གྱུར་ཅིག་ཟེར་ནས་སྨོན་ལམ་འདེབས་རྒྱུ་རེད། རྒྱལ་སྲས་ཆེན་པོ་ཞི་བ་ལྷས། ས་རབ་དགའ་བ་ཐོབ་བར་དུ། །རྟག་ཏུ་ཚེ་རབས་དྲན་པ་དང༌། །ཞེས་སོགས་གསུངས་ཡོད་ནི་རེད། དེས་ན་ཚེ་རབས་དྲན་དགོས་རྒྱུ་ཅི་ཡིན་ཟེར་ན། ཚེ་རབས་མ་དྲན་ན་བྱང་ཆུབ་ཀྱི་སེམས་བརྗེད་འགྲོ་རྒྱུ་རེད། ད་ལྟ་རང་ཅག་གིས་ཀྱང་བྱང་ཆུབ་ཀྱི་སེམས་རྒྱུད་ལ་བླངས་ཡོད་ནི་རེད། ཚེ་རབས་མ་དྲན་ནས་བཟུང་སྟེ་གཟོད་མངལ་སྒོ་འགྲིམས་ནས་ཕྱི་མར་འགྲོ་དུས་བྱང་ཆུབ་ཀྱི་སེམས་རྒྱུད་ལ་བླངས་ཡོད་པ་བརྗེད་འགྲོ་ནི་རེད། དེའི་ཕྱིར་ན་ཐོག་མར་སྐྱེ་བ་དྲན་རྒྱུ་དེ་གལ་ཆེ་བ་ཡིན། སྐྱེ་བ་སྔ་ཕྱི་དྲན་ན་སྔ་མ་སྡུག་བསྔལ་མྱོང་བ་དང༌། བར་དུ་དགེ་བ་བསྒྲུབས་ནི་ཚང་མ་དྲན་ནས་རྗེས་སུ་ཡི་རང་བ་བྱས་ཏེ་མུ་མཐུད་དེ་དགེ་བ་སྒྲུབ་ནི་རེད། དེའི་ཕྱིར་མདོར་ན་བདག་གང་ནས་གང་དུ་སྐྱེས་ཀྱང་སྐྱེ་བ་སྔ་མ་སྔ་མ་ཐམས་ཅད་དྲན་པར་གྱུར་ཅིག་ཅེས་གསུངས་ནི་རེད། གཉིས་པ་རབ་ཏུ་བྱུང་བར་སྨོན་ལམ་འདེབས་པ་ནི། ཚེ་རབས་ཀུན་ཏུ་འཆི་འཕོ་སྐྱེ་བ་ན། །རྟག་ཏུ་བདག་ནི་རབ་ཏུ་འབྱུང་བར་ཤོག །ཅེས་གསུངས་ཏེ། ལུས་རྟེན་དེ་ཡང་སྤྱིར་ན་གང་ལ་གང་འདུལ་གྱི་སྒོ་ནས་བྱ་ལ་བྱ་རུ་སྤྲུལ། རི་དྭགས་ལ་རི་དྭགས་སུ་སྤྲུལ། དེ་བཞིན་དུ་སྨད་འཚོང་མ་དང་། ཤན་པ་ལ་སོགས་པའི་གཟུགས་ཀྱིས་འགྲོ་དོན་མཛད་ཚུལ་ཡོད་ནི་རེད། ཇི་སྲིད་ས་དང་པོ་མ་ཐོབ་ཀྱི་བར་དུ་དེ་ལྟ་བུའི་འགྲོ་དོན་འགྲུབ་ནི་མ་རེད། དེ་ལྟ་བུའི་སྐྱེ་བ་དམན་པའི་ལུས་རྟེན་མང་པོ་ཞིག་ལེན་ཚེ་ལས་དང་ཉོན་མོངས་པའི་གཞན་དབང་དུ་གྱུར་ནས་བྱང་ཆུབ་སེམས་དཔའི་བསམ་པ་དང་སྤྱོད་པ་རྣམས་ཉམས་འགྲོ་ནི་རེད། དེའི་ཕྱིར་ན་ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ། དཔེར་ན། ཇོ་མོ་རྣམས་ལ་མཚོན་ན་ཁྱེད་རྣམ་པས་སྨོན་ལམ་འདེབས་རྒྱུ་དེ། ལས་དང་ཉོན་མོངས་པའི་གཞན་དབང་གིས་སྒོ་ནས་བུད་མེད་ཀྱི་ལུས་རྟེན་ད་ཕན་ཆད་སྐྱེ་བ་ལེན་པར་མ་གྱུར་ཅིག་ཅེས་ཁ་ཞེ་གཉིས་མེད་ཀྱིས་སྨོན་ལམ་འདེབས་རྒྱུ་དེ་ཧ་ཅང་གལ་ཆེ་བ་ཡིན་པ་ཤེས་དགོས། དེ་མ་ཡིན་པར་རྣམ་པ་ཀུན་ཏུ་བུད་མེད་ཀྱི་སྐྱེ་བ་མི་ལེན་པར་གྱུར་ཅིག་ཟེར་ནས་སྨོན་ལམ་མ་འདེབས་མ་གཏོགས་ནམ་ཞིག་གི་གནས་སྐབས་ན་བུད་མེད་ཀྱི་ལུས་རྟེན་གྱིས་འགྲོ་དོན་མང་པོ་མཛད་དུས་ཡོད་རྒྱུ་རེད། བུད་མེད་ཀྱི་ལུས་རྟེན་གྱིས་སྐྱེ་བ་ལ་དབང་ཐོབ་པའི་ཏིང་ངེ་འཛིན་གྱི་སྨོན་ལམ་རྣམས་ཀྱི་སྒོ་ནས་ཀྱང་འགྲོ་དོན་མཛད་སྐབས་ཡོད་ནི་རེད། དེའི་ཕྱིར་ན་གཙོ་བོ་ས་དང་པོ་ཡན་ཆད་ཀྱི་སྨོན་ལམ་རེད། སྐྱེ་བ་ཀུན་ཏུ་བདག་ཤི་ནས་འཇིག་རྟེན་གྱི་ཁམས་གཞན་དུ་འཕོ་ན་ལུས་རྟེན་བཟང་པོ་ལ་རབ་ཏུ་བྱུང་བ་ཚུལ་ཁྲིམས་རྣམ་པར་དག་པ་ཐོབ་པར་གྱུར་ཅིག་ཟེར་ནས་སྨོན་ལམ་བཏབ་ནི་རེད། ཚུལ་ཁྲིམས་རྣམ་པར་དག་པ་ཞིག་མེད་ན་མངོན་མཐོ་དང་ངེས་ལེགས་ཀྱི་ཡོན་ཏན་གང་ཡང་རྒྱུད་ལ་སྐྱེ་ཐབས་ཡོད་ནི་མ་རེད། བྱང་ཆུབ་ཀྱི་ལམ་གང་ཡང་རྒྱུད་ལ་འབྱུང་ཐབས་མེད། རྒྱས་པར་ཚུལ་ཁྲིམས་ལ་བསྔགས་པ་ལས་གསུངས་པ་ལྟར་རེད། དེའི་ཕྱིར་ན་ཚུལ་ཁྲིམས་དག་དགོས། ཚུལ་ཁྲིམས་རྒྱུད་ལ་མེད་པའི་གང་ཟག་ཅིག་གི་རྒྱུད་ལ་ཡོན་ཏན་སྣ་གཅིག་ཀྱང་སྐྱེ་ཐབས་མེད། མ་ཟད་འདིའི་སྐབས་ན་གཙོ་བོ་ཚུལ་ཁྲིམས་རྣམ་པར་དག་པ་ལ་གཞན་གནོད་གཞི་བཅས་སྤང་རྒྱུ་དེ་རེད། ས་དང་པོ་ཐོབ་པ་ཡན་ཆད་ཀྱིས་འདྲ་མི་འདྲའི་འགྲོ་དོན་མཛད་ཚུལ་ཡོད་ནི་རེད། རྒྱལ་སྲས་འཇམ་དཔལ་གཞོན་ནུར་གྱུར་པ་དང་འཕགས་པ་སྤྱན་རས་གཟིགས་ཀྱང་སྲོག་ཆགས་སྣ་ཚོགས་ཀྱིས་སྐྱེ་བ་བླངས་ནས་འགྲོ་དོན་མཛད་ཚུལ་ཡོད་ནི་རེད། དེས་ན་རབ་ཏུ་བྱུང་བ་ལ་སྨོན་ལམ་འདེབས་དགོས་ནི་རེད། ས་དང་པོ་མ་ཐོབ་བར་དུ་ངེས་པར་རབ་ཏུ་བྱུང་བའི་ལུས་རྟེན་ཞིག་ཐོབ་དགོས་ནི་རེད་མ་གཏོགས་རབ་ཏུ་བྱུང་བའི་ལུས་རྟེན་དེ་མ་ཐོབ་ན། རང་ཅག་བན་རྒན་ཞིག་གིས་སེར་གོས་ཤིག་གྱོན་ཁྱིམ་ཐབ་ཅན་ཞིག་གི་སྐྱེ་བ་བླངས་སོང་ན། བུ་དང་བུ་མོས་གཡས་སུ་བསྐོར་ཆུང་མས་མདུན་ནས་འཁྱུད་པའི་གནས་སྐབས་ན། མི་གསོ་ཁ་མེད་ཆུང་མའི་འབྲེལ་ཐག མི་སྐྱོང་ཁ་མེད་བུ་ཚའི་འབྲེལ་ཐག་ཡོད་སོང་དུས་ཚེ་འདིར་དཀོར་ནག་ཐལ་བ་འགམ་འགམ་བྱས་ཏེ་རང་གིས་དགེ་བ་རྒྱབ་ཏུ་བསྐྱུར་ནས་རང་དོན་ཙམ་ཡང་མི་འགྲུབ་ན་གཞན་དོན་དེ་བས་ཀྱང་འགྲུབ་ནི་མ་རེད། དེའི་ཕྱིར་ན་ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ་འཆི་འཕོ་སྐྱེ་བ་ཐམས་ཅད་དུ་ནི་རབ་ཏུ་བྱུང་བའི་ལུས་རྟེན་ཚུལ་ཁྲིམས་རྣམ་པར་དག་པ་དགེ་ཚུལ་སློང་གི་སྐྱེ་བ་ལེན་ནུས་པར་གྱུར་ཅིག་བསམས་ནས་སྨོན་ལམ་འདེབས་དགོས་ནི་རེད། གསུམ་པ་སྤྱོད་པ་སྤྱི་དང་ཚུལ་ཁྲིམས་དག་པ་ལ་བསླབ་པ་ནི། རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་པོ་སྤྱོད་པ་ཡོངས་སུ་རྫོགས་བྱེད་ཅིང༌། །ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ཅེས་གསུངས་ཏེ། རབ་ཏུ་བྱུང་བའི་ལུས་རྟེན་ཐོབ་པ་ཙམ་གྱིས་མི་ཆོག་པར་སྤྱིར་རྒྱལ་བ་སྲས་དང་བཅས་པའི་རྗེས་སུ་བསླབས་ནས་སེམས་ཅན་ཐམས་ཅད་ཀྱི་དོན་དུ་ཚུལ་ཁྲིམས་རྣམ་པར་དག་པའི་སྤྱོད་པ་དྲི་མ་མེད་པ་ཟེར་ན་འཁོར་གསུམ་རྣམ་པར་དག་པའི་བདེན་པར་འཛིན་པ་མེད་པ་ཞིག་ལ་ཟེར་ནི་རེད། ས་ཐོབ་ཡིན་ན་གཞན་ལ་གནོད་པ་བྱེད་ནི་མ་རེད། རྒྱལ་སྲས་བྱང་ཆུབ་སེམས་དཔའ་ཞིག་གིས་གཞན་ལ་གནོད་པ་མི་བྱེད་པར་མ་ཟད་གཞན་ལ་ཕན་པ་འབའ་ཞིག་བསྒྲུབ་ནི་རེད། རྒྱལ་སྲས་ཆེན་པོ་ཞི་བ་ལྷས། དངོས་སམ་ཡང་ན་བརྒྱུད་ཀྱང་རུང་། །སེམས་ཅན་དོན་ལས་གཞན་མི་བྱེད། །ཅེས་གསུངས་ནས་སེམས་ཅན་གྱི་དོན་དུ་འགྱུར་རྒྱུ་ཞིག་ཡིན་ན་སྨོས་མ་དགོས་པ་ཡིན། དངོས་སུ་སེམས་ཅན་གྱི་དོན་མ་ཡིན་ཡང་། བརྒྱུད་ནས་སེམས་ཅན་གྱི་དོན་དུ་འགྱུར་རྒྱུ་ཞིག་ཡིན་ན་དེ་ཡང་བསྒྲུབ་ནི་རེད། དེ་ལ་ཚུལ་ཁྲིམས་ཟེར་ནི་རེད། དེ་ནི་སེམས་ཅན་ལ་ཕན་པ་བསྒྲུབ་རྒྱུ་སེམས་ཅན་ལ་གནོད་པ་མི་བྱེད་རྒྱུ་དེ་ཡང་ཚུལ་ཁྲིམས་རྣམ་པར་དག་པ་ཟེར། བྱང་ཆུབ་སེམས་དཔའ་ལ་ཚུལ་ཁྲིམས་གསུམ་ཡོད། ཉེས་སྤྱོད་སྡོམ་པའི་ཚུལ་ཁྲིམས་ནི་གཞན་གནོད་གཞི་དང་བཅས་པ་སྤང་རྒྱུ་དེ་ཡིན། དགེ་བ་ཆོས་སྡུད་ཀྱི་ཚུལ་ཁྲིམས་ནི། ཏིང་ངེ་འཛིན་ལ་སོགས་པའི་ལམ་གྱི་རིམ་པ་ལ་སློབ་པར་བྱེད་པ་དེ་རེད། སེམས་ཅན་དོན་བྱེད་ཀྱི་ཚུལ་ཁྲིམས་ནི། དངོས་སུ་བསྡུ་དངོས་བཞི་ལ་སོགས་པའི་སྒོ་ནས་སེམས་ཅན་གྱི་དོན་མཛད་པ་དེ་རེད། མདོར་བསྡུས་ན་རྒྱལ་སྲས་བྱང་ཆུབ་སེམས་དཔའི་ཚུལ་ཁྲིམས་ཐམས་ཅད་ནི་གཞན་དོན་བསྒྲུབ་པའི་ནང་དུ་མ་འདུས་པ་ཞིག་མེད། དེའི་ཕྱིར་ན་རྒྱལ་བ་སྲས་དང་བཅས་པ་ཐམས་ཅད་ཀྱི་རྗེས་སུ་བསླབས་ནས་བདག་ཚུལ་ཁྲིམས་རྣམ་པར་དག་པའི་དགེ་ཚུལ་སློང་གཙང་མ་བྱང་ཆུབ་སེམས་དཔའི་སྡོམ་པ་དང་ལྡན་པ་སེམས་ཅན་ཐམས་ཅད་ལ་ཕན་པ་སྒྲུབ་པ་ཞིག་གི་སྐྱེ་བ་ལེན་ནུས་པར་ཤོག་ཅིག་ཅེས་སྨོན་ལམ་བཏབ་ན་དེ་ཡང་ས་དང་པོ་ཡན་ཆད་ཀྱི་སྨོན་ལམ་རེད། བཞི་པ་སྐད་སྣ་ཚོགས་ཀྱིས་ཆོས་སྟོན་པ་ནི། ལྷ་ཡི་སྐད་དང་ཀླུ་དང་གནོད་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང༌། །འགྲོ་བ་ཀུན་གྱི་སྒྲ་རྣམས་ཇི་ཙམ་པར། །ཐམས་ཅད་སྐད་དུ་བདག་གིས་ཆོས་བསྟན་ཏོ། །ཞེས་གསུངས་པའི་དོན་ནི། ས་དང་པོ་ཡན་ཆད་ཀྱི་ཡིན་པའི་ངེས་པ་མེད། ནམ་མཁའ་མ་སྟོང་གི་བར་དུ་འགྲོ་བ་བྱ་ལ་བྱ་ཡི་སྐད་དང་། རི་དྭགས་ལ་རི་དྭགས་ཀྱི་སྐད་དང་ལྷ་ལ་ལྷ་ཡི་སྐད་དང་། ཀླུ་ལ་ཀླུ་ཡི་སྐད་དང༌། མི་ལ་མི་ཡི་སྐད་དང༌། གནོད་སྦྱིན་ལ་གནོད་སྦྱིན་གྱི་སྐད་དང༌། རང་རང་སོ་སོའི་སྐད་ཀྱིས་རང་རང་སོ་སོའི་བློ་ཡི་རིམ་པ་དང་མཐུན་པའི་རང་རང་སོ་སོའི་མོས་པའི་ཆོས་སྟོན་ནུས་པའི་སྨོན་ལམ་བཏབ་ནི་རེད། སེམས་ཅན་ཐམས་ཅད་གང་ལ་གང་འདུལ་གྱིས་ཆོས་སྟོན་ཐུབ་དགོས་མ་གཏོགས་རང་ཅག་གི་སྐད་རྐྱང་པ་ཞིག་གིས་ཆོས་བཤད་དགོས་ན་མཐའ་ཡས་པའི་སེམས་ཅན་ཐམས་ཅད་ཀྱི་དོན་སྒྲུབ་ཐུབ་ནི་མ་རེད། དེའི་ཕྱིར་ན་ཁྭ་ཏ་ལ་ཁྭ་ཏའི་སྐད་ཀྱིས་ཆོས་བཤད་ནུས་པར་ཤོག་ཅིག་གསུངས་ནི་རེད། ངེད་ཅག་བླ་རུང་སྒར་ནའང་ཁྭ་ཏ་ངོ་མཚར་ཅན་མང་པོ་ཡོད། བྱང་ཆུབ་སེམས་དཔའི་སྤྲུལ་བ་རེ་ཡིན་ཤས་ཆེ། རྒྱུན་དུ་ཀུན་དགའ་ར་བའི་ཁ་སྐོར་ན་ཨོཾ་ཨཱཿཧཱུྃ། ཨོཾ་ཨཱཿཧཱུཾ། ༀ་ཨཱཿཧཱུཾ། ཞེས་ཟེར་ནས་རྒྱུན་དུ་གྲག་གིན་འདུག གྲུབ་ཆེན་རིན་པོ་ཆེས། ཨ་ཝ་ཀོ་ཝ་ལ་སོགས་ལེགས་སྦྱར་སྐད། །ཅེས་སོགས་ཁྭ་ཏའི་བསྟོད་པའི་ནང་དུ་གསུངས་ཡོད། ཨ་ཝ་དང་ཨ་ལི་ཀ་ལིའི་དབྱངས་སྙན་སྒྲོག་དུས་ངོ་མ་བྱང་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུ་། ཆུབ་སེམས་དཔའི་སྤྲུལ་པ་ཞིག་ཡིན་འདུག བྱ་རིགས་རྣམས་ལ་ཨ་ཝ་ཀོ་ཝའི་སྒྲ་གདངས་ཀྱིས་ཆོས་འཆད་བཞིན་ཡོད་ནའང་ཐང༌། སྐྱེ་བ་ཚེ་རབས་ཀྱི་བར་དུ་དེ་ལྟ་བུའི་རྣམ་པ་སྣ་ཚོགས་ཀྱིས་སེམས་ཅན་ཐམས་ཅད་ལ་ཆོས་སྟོན་ནུས་པར་ཤོག་ཅིག་བསམས་ནས་སྨོན་ལམ་གདབ་དགོས་ནི་རེད། ལྔ་པ་དགེ་བ་ལ་བརྩོན་པ་ནི། དེས་ཤིང་ཕ་རོལ་ཕྱིན་ལ་རབ་བརྩོན་ཏེ། །ཞེས་གསུངས་ཏེ། དེས་ཤིང་ནི་རང་རྒྱུད་ཞི་ཞིང་དུལ་བའི་བྱང་ཆུབ་སེམས་དཔའ་ཞིག་ལ་ཟེར་ནི་རེད། བྱང་ཆུབ་སེམས་དཔའི་སྤྱོད་ལམ་ནི། ཞི་ཞིང་དུལ་བ་གཞན་ལ་གནོད་པ་མེད་པའི་སྒོ་ནས་ཕ་རོལ་ཏུ་ཕྱིན་པ་དྲུག་ལ་སློབ་པར་བྱེད་དེ། སྦྱིན་པ་སྦྱིན། ཚུལ་ཁྲིམས་སྲུང་། བཟོད་པ་བསྒོམ། བརྩོན་འགྲུས་རྩོམ། བསམ་གཏན་གྱི་དོན་ལ་མཉམ་པར་བཞག ཐོས་བསམ་སྒོམ་པའི་ཤེས་རབ་ཀྱི་ལམ་ཡང་དག་པ་ཉམས་སུ་ལེན་རྒྱུ་དེ་རེད། དེ་ལྟ་བུའི་ཕ་རོལ་ཏུ་ཕྱིན་པ་ཐོབ་པར་གྱུར་ཅིག་གསུངས་ནི་རེད། དྲུག་པ་རྒྱུ་ལྔ་པོ་དེས་བྱང་ཆུབ་ཀྱི་སེམས་མི་བརྗེད་པ་ནི། བྱང་ཆུབ་སེམས་ནི་ནམ་ཡང་བརྗེད་མ་གྱུར། །ཅེས་གསུངས་ཏེ། རྒྱུ་ལྔ་པོ་དེ་ཡོད་ན་བྱང་ཆུབ་ཀྱི་སེམས་རྒྱུད་ལ་སྐྱེ་ནི་རེད། རྒྱུ་ལྔ་པོ་མེད་ན་བྱང་ཆུབ་ཀྱི་སེམས་རྒྱུད་ལ་སྐྱེ་ཡང་དཀའ། གལ་ཏེ་སྐྱེ་ཡང་ཉམས་པར་འགྱུར་ནི་རེད། དེས་ན་ད་ལྟ་ཚེ་རབས་མ་དྲན་ན་བྱང་ཆུབ་སེམས་ཉམས་པར་འགྱུར་བ་དང༌། རབ་ཏུ་མ་བྱུང་བ་དང་ཚུལ་ཁྲིམས་རྣམ་པར་མ་དག་ན་བྱང་ཆུབ་ཀྱི་སེམས་རྒྱུད་ལ་མི་སྐྱེ་བ་དང༌། འགྲོ་བ་སེམས་ཅན་ཐམས་ཅད་ལ་རང་རང་སོ་སོའི་སྐད་ཀྱིས་ཆོས་སྟོན་མ་ནུས་པ་དང་དགེ་བ་ལ་བརྩོན་མ་ནུས་ན་བྱང་ཆུབ་སེམས་དཔའི་ལམ་ལ་སློབ་པར་མི་ནུས། དེའི་ཕྱིར་ན་དེ་ལྔ་པོ་ཡོད་ན་བྱང་ཆུབ་ཀྱི་སེམས་རྒྱུད་ལ་སྐྱེ་ནི་རེད། བྱང་ཆུབ་ཀྱི་སེམས་རིན་པོ་ཆེ་འདི་ནི་ནམ་ཡང་བརྗེད་པར་མ་གྱུར་ཅིག་ཅེས་གསུངས་ནི་རེད། བྱང་ཆུབ་ཀྱི་སེམས་ཟེར་རྒྱུ་དེ་གང་འདྲ་ཞིག་ཡིན་སྙམ་ན། མཐའ་ཡས་པའི་སེམས་ཅན་ཐམས་ཅད་སངས་རྒྱས་ཀྱི་ས་ལ་ངས་འགོད་པར་བྱ། ངས་འགོད་ཐུབ་པ་ཞིག་བྱེད་བསམ་རྒྱུའི་དམ་བཅའ་བྱེད་རྒྱུ་དེ་སྨོན་པ་སེམས་བསྐྱེད་རེད། མཐའ་ཡས་པའི་སེམས་ཅན་ཐམས་ཅད་སངས་རྒྱས་ཀྱི་ས་ཐོབ་པའི་ཆེད་དུ་ངས་དགེ་བ་བསྒྲུབ་སྡིག་པ་སྤང་བསམས་ནས་རང་ནུས་གང་ལྕོགས་ཀྱིས་སྒྲུབ་པར་བྱེད་པ་ནི་འཇུག་པ་སེམས་བསྐྱེད་ཅེས་བྱ། བྱང་ཆུབ་ཀྱི་སེམས་མི་ཉམས་པར་བྱ་བའི་ཕྱིར་དུ་ཉིན་ལན་གསུམ། མཚན་ལན་གསུམ་རང་རྒྱུད་ལ་ངེས་པར་དུ་བྱང་ཆུབ་ཀྱི་སེམས་ལེན་དགོས་གསུངས་ཏེ། སྤྱོད་ཡུལ་ཡོངས་སུ་དག་པའི་མདོ་སྡེ་དང་། སྨིན་གླིང་ལོ་ཆེན་གྱི་སྡོམ་གསུམ་དཔག་བསམ་སྙེ་མ་སོགས་ཀྱི་སྐབས་ན་ཡང་གསུངས་ཡོད། བདུན་པ་འགལ་རྐྱེན་བྲལ་བར་སྨོན་པ་ནི། སྡིག་པ་གང་རྣམས་སྒྲིབ་པར་གྱུར་པ་དག །དེ་དག་མ་ལུས་ཡོངས་སུ་བྱང་བར་ཤོག །ཅེས་སྲོག་གཅོད་པ་ལ་སོགས་པའི་སྡིག་པ་དང་སྒྲིབ་པར་གྱུར་པ་དེ་དག་ཐམས་ཅད་ཡོངས་སུ་དག་ཅིང་བྱང་བར་གྱུར་ཅིག་ཅེས་སྨོན་ལམ་བཏབ་ནི་རེད། རང་གི་རྒྱུད་ལ་བྱང་ཆུབ་ཀྱི་སེམས་སྐྱེ་བར་ཤོག་ཅིག རང་གཞན་གྱི་རྒྱུད་ལ་བྱང་ཆུབ་ཀྱི་སེམས་སྐྱེ་བའི་གེགས་སུ་སྡིག་པ་དང་སྒྲིབ་པ་ཐམས་ཅད་ཡོངས་སུ་དག་པར་གྱུར་ཅིག་ཅེས་བསམ་པ་ཙམ་གྱིས་ཆོགསྤྱི་དོན་གསུམ་པ། མ་གོས་པའི་སྤྱོད་པའམ་མ་ཆགས་པའི་སྒོ་ནས་སྨོན་པ་ནི། ལས་དང་ཉོན་མོངས་བདུད་ཀྱི་ལས་རྣམས་ལས། །གྲོལ་ཞིང་འཇིག་རྟེན་འགྲོ་བ་རྣམས་སུ་ཡང༌། །ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོགས་པ་མེད་ལྟར་སྤྱད། ཅེས་གསུངས་ཏེ། མ་གོས་པའི་སྤྱོད་པ་ནི་སེམས་ཅན་གྱི་དོན་བསྒྲུབ་པའི་གནས་སྐབས་ན། སྐྱོན་གྱིས་མ་གོས་པ་ཞིག་དགོས་ནི་རེད། དེ་གང་ཡིན་ཞེ་ན། འོག་ཏུ། ལས་ཀྱི་སྟོབས་རྣམས་ཡོངས་སུ་དགབྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞེས་སོགས་ཀྱི་སྐབས་སུ་རྒྱས་པར་བཤད་པ་མ་གཏོགས་འདི་གཉིས་ནང་དོན་གཅིག་ཡིན་པས་དེ་ལྟར་ཤེས་དགོས། སྔོན་ཆད་ངེད་ཅག་གིས་རྒྱ་གར་རྡོ་རྗེ་གདན་གྱི་མཆོད་རྟེན་ལ་བསྐོར་བའི་གནས་སྐབས་ཉིན་ཁ་ཤས་ཀྱི་རིང་ལ། ཉིན་མཚན་བར་མེད་དུ་སྨོན་ལམ་གདབ་རྒྱུའི་གཙོ་བོ། ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞེས་སྨོན་ལམ་འདི་བཏབ་ནི་ཡིན། དེས་ན་ལས་དང་ཉོན་མོངས་པའི་སྐྱོན་གྱིས་གོས་ཉན་ནི་མ་རེད། ལས་ཀྱི་སྐྱོན་ནི། སྲོག་གཅོད་པ་དང༌། མ་བྱིན་ལེན་པ་དང༌། འདོད་པའི་ལོག་པར་གཡེམ་པ་སོགས་མདོར་ན་མི་དགེ་བ་བསག་རྒྱུ་དེ་ལས་ཡིན། དེ་ལྟ་བུའི་ལས་ཀྱིས་ཡོངས་སུ་མ་གོས་པར་གྱུར་ཅིག ཉོན་མོངས་པ་རང་གི་རྒྱུད་ལ་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་ལ་སོགས་པ་ཉོན་མོངས་དེ་དག་གིས་མ་གོས་པར་གྱུར་ཅིག་ཅེས་གསུངས། བདུད་རྒྱུད་ལ་ཞུགས་ན་སངས་རྒྱས་ལ་མི་དགའ། ཆོས་ལ་མི་དགའ། དགེ་འདུན་ལ་མི་དགའ། དཀོན་མཆོག་གསུམ་ལ་རྒྱབ་ཀྱིས་ཕྱོགས་ཤིང་། གྲོགས་ངན་པ་ལ་དགའ། བཟང་པོའི་སྤྱོད་པ་ལ་མི་སྤྲོ་བ་དེ་རྣམས་ནི་བདུད་ཀྱི་ལས་རེད། དེ་དག་ཐམས་ཅད་ཀྱིས་མི་གོས་པར་གྱུར་ཅིག་གསུངས་ནི་རེད། རང་དོན་གྱི་སྒོ་ནས་ཇི་ལྟར་པདྨོ་ཆུས་མི་ཆགས་པ་བཞིན་དང༌། གཞན་དོན་དུ་ཉི་ཟླ་ནམ་མཁར་ཐོགས་པ་མེད་ལྟར་སྤྱད་གསུངས་ནི་རེད། རང་དོན་དེ་ཇི་འདྲ་ཞིག་ཡིན་ཟེར་ན། རང་འཁོར་བ་ན་གནས་ནས་སེམས་ཅན་གྱི་དོན་མཛད་པའི་གནས་སྐབས་སུ་གང་ལ་གང་འདུལ་གྱིས་འགྲོ་དོན་མཛད་ནི་རེད། སྨད་འཚོང་མ་དང་། ཤན་པ་གདོལ་བ། གཡོག་པོ་སྡུག་སྤྱོད་ཅན་ཕལ་བས་འགྲོ་དོན་མཛད་པའི་གནས་སྐབས་ན། རང་གི་རྒྱུད་ལ་ལས་དང་ཉོན་མོངས་པ་དང་། བདུད་ཀྱིས་མ་གོས་པ། དཔེར་ན། པདྨོ་འདམ་ལས་སྐྱེས་ཀྱང་འདམ་གྱིས་མ་གོས་ཤིང་ཆུ་ལས་སྐྱེས་ཀྱང་ཆུ་ཡིས་མ་གོས་པ་ལྟ་བུ་རང་རྒྱུད་སྐྱོན་གྱིས་མ་གོས་པར་ཤོག་ཅིག དེ་ནི་བདག་དོན་དུ་སྨོན་པ་རེད། དེ་ནས་ཉི་ཟླ་གཉིས་ནམ་མཁའི་ཁམས་སུ་བསྐྱོད་པའི་གནས་སྐབས་ན་རླུང་དང་སྤྲིན་དང་གཞན་འབྱུང་བ་གང་གིས་ཀྱང་འགོག་མི་ནུས་པར་རང་ཤུགས་ཀྱིས་འགྲོ་བ་ལྟར། རང་གིས་གཞན་དོན་སྒྲུབ་པར་བྱེད་པ་ལ་གང་གིས་ཀྱང་གེགས་བྱེད་མི་ནུས་པ་དང༌། རང་གིས་གཞན་སེམས་ཅན་ཐམས་ཅད་ཀྱི་དོན་མཛད་པ་ལ་ཆགས་ཐོགས་མེད་པ་ཞིག་ཏུ་འགྱུར་བར་ཤོག་ཅིག་ཅེས་གསུངས་ནས་སྨོན་ལམ་བཏབ་ནི་རེད། མཁས་པ་སྔ་མའི་གསུངས་པ་དེ་ཚུལ་བཞིན་མི་དྲན་ཡང་ཕལ་ཆེར་ཚིག་དོན་འདི་ལྟར་ཡིན་སྙམ་མོ། །སྤྱིར་ན་བཟང་སྤྱོད་ཀྱི་འགྲེལ་བ་ཐམས་ཅད་ཀྱི་ནང་ན་བཟང་ཤོས་རྒྱས་ཤོས་ཤིག་ཇོ་ནང་ཀུན་མཁྱེན་ཏ་ར་ནཱ་ཐས་གསུངས་པ་དེ་རེད། སྔོན་ཆད་ང་ལྕང་མ་རི་ཁྲོད་དུ་མ་སོང་གོང་དུ་ལན་གཅིག་མཇལ་མྱོང་ཡང་ད་ལྟ་སྣང་ལ་མ་ངེས་པ་ཉིད་དུ་གྱུར་འདུག་པས་ཅི་ཡང་མི་དྲན། དེ་མ་གཏོགས་བཟང་སྤྱོད་ཀྱི་འགྲེལ་བ་རྒྱས་པ་ཞིག་མཇལ་མ་མྱོང་། དེས་ན་རང་བཟོ་བྱས་ཏེ་འགྲེལ་བ་མ་གཏོགས་སྨིན་གླིང་ལོ་ཆེན་སོགས་ཀྱིས་སྤྲོས་མེད་བྱས་ཏེ་འགྲེལ་ཡོད་པས་གང་ཡིན་གསལ་བོར་ཐག་མི་ཆོད་ཀྱང་ཧ་ལམ་འདི་ལྟར་འགྲེལ་ན་སྟོན་པ་བཅོམ་ལྡན་འདས་ཀྱི་གསུང་དང་མཐུན་པས་དེས་ཆོག་གམ་སྙམ། ངེད་ཅག་རྒྱ་ནག་རི་བོ་རྩེ་ལྔར་བོད་རིགས་ཁྲི་ཕྲག་གཅིག་དང་མཉམ་དུ་བཟང་སྤྱོད་སྨོན་ལམ་ཉིན་དང་པོ་འདོན་པའི་གནས་སྐབས་ན། ཆོས་རྒྱལ་མྱ་ངན་མེད་པས་སྔོན་སྨོན་ལམ་གྱི་སྟོབས་ཀྱིས་དེ་བཞིན་གཤེགས་པའི་དྲུང་དུ་ཕེབས་པ་རེད། མ་འོངས་པར་གནོད་སྦྱིན་རྣམས་འཁོར་སའི་གནས་ཤིག་ཏུ་མཆོད་རྟེན་བྱེ་བ་གཅིག་བཞེངས་ནི་རེད། དེའི་མཆོད་རྟེན་བྱེ་བ་གཅིག་གི་ནང་གི་གཅིག་འདི་རེད། དེའི་དྲུང་དུ་སྨོན་ལམ་འདེབས་དུས་དགེ་འདུན་པ་ཚང་མ་འཚོགས་ཡོད། དེའི་སྐབས་སུ་ང་རང་ཐོན་པ་དང་མཉམ་དུ་དགེ་འདུན་པ་ཚང་མ་གདན་ལས་བཞེངས་ཀྱང་། འདོན་པ་ཁ་ནས་མ་ཆད་པར་ངའི་རྐང་པ་ཁྲི་སྟེང་ལ་འཇོག་དུས་ཇི་ལྟར་པདྨོ་ཆུས་མི་ཆགས་པ་བཞིན་གསུངས། ང་རང་ཁྲི་སྟེང་དུ་འདུག་དུས་ཉི་ཟླ་ནམ་མཁར་ཐོགས་པ་མེད་ལྟར་སྤྱད་ཅེས་གསུངས་པ་དང་འཕྲད། ངས་ཀྱང་དེ་ལྟ་བུ་ཞིག་ཆེད་དུ་བསྒྲིགས་པ་མིན། དགེ་འདུན་པ་རྣམས་ཀྱིས་ཀྱང་ཆེད་དུ་བསྒྲིགས་པ་མིན་ཡང་རྟེན་འབྲེལ་ཧ་ཅང་ལེགས་པོ་ཞིག་འགྲིག་སོང་བས་དགའ་ཞིང་སྐྱིད་པའི་ངང་ནས་བྱང་ཆུབ་མཆོག་ཏུ་སེམས་བསྐྱེད་པའི་ཐོག་མའང་དེ་ཡིན། ང་རང་གི་ལུས་རྟེན་འདི་ལ་ཡང་བསྟན་པ་དང་སེམས་ཅན་གྱི་དོན་རྒྱ་ཆེན་པོ་ཞིག་འགྲུབ་རྒྱུ་རེད་བསམ། དེ་ལ་བར་ཆད་ཆེན་པོ་ཡོད་རྒྱུ་མ་རེད་བསམས་ནས་དགའ་སྤྲོ་ཆེན་པོ་ཞིག་སྐྱེས་བྱུང་། རྟེན་འབྲེལ་ཐོག་མ་ཡང་དེའི་སྐབས་སུ་འགྲིག དེ་ཚུན་ཆོད་བསྟན་པ་དག་སྒྲིག་བྱེད་པ་སོགས་ཀྱི་སྐབས་སུ་ཡང་འགལ་རྐྱེན་མང་པོ་ཞིག་ལྡང་ཡང་གང་གིས་ཀྱང་མ་གོས་པ་དེ་ཡང་དེའི་སྟོབས་ཀྱིས་ཡིན། སྤྲུལ་སྐུ་བསྟན་འཛིན་རྒྱ་མཚོས་རི་བོ་རྩེ་ལྔ་ལ་འགྲོ་བའི་རྟོགས་བརྗོད་ཀྱི་སྐབས་སུ་རྒྱས་པར་གསུངས་ཡོད་པ་ལྟར་རོ། །སྔར་ཡང་རྟེན་འབྲེལ་བཟང་པོ་འགྲིག་ནི་ཡིན། ད་ལྟའི་གནས་སྐབས་ན་ཡང་ཧ་ཅང་སྐལ་བ་བཟང་པོ་ཞིག་རེད། ངེད་ཅག་གིས་སྐྱེ་བ་ཚེ་རབས་ཀུན་ཏུ་ཇི་ལྟར་པདྨོ་ཆུས་མི་ཆགས་པ་བཞིན་ཉི་ཟླ་ནམ་མཁར་ཐོགས་པ་མེད་ལྟར་སྤྱད་ཅེས་པ་ལྟ་བུའི་འགྲོ་དོན་རྒྱ་ཆེན་པོ་འབྱུང་རྒྱུའི་རྟེན་འབྲེལ་སྔར་ཡང་འགྲིག་ནི་རེད། ད་ལྟ་ཡང་འགྲིག་པར་ཁྱེད་རྣམ་པས་ཀྱང་སྨོན་ལམ་ཡང་ཡང་ཐོབ། མཐུན་འགྱུར་ཡང་གནོངས། སྤྱི་དོན་བཞི་བ་ཕན་བདེ་ལ་འགོད་པར་སྨོན་པ་ནི། ཞིང་གི་ཁྱོན་དང་ཕྱོགས་རྣམས་ཅི་ཙམ་པར། །ངན་སོང་སྡུག་བསྔལ་རབ་ཏུ་ཞི་བར་བྱེད། །བདེ་བ་དག་ལ་འགྲོ་བ་ཀུན་འགོད་ཅིང༌། །འགྲོ་བ་ཐམས་ཅད་ལ་ནི་ཕན་པར་སྤྱད། །ཅེས་གསུངས་ཏེ། མི་མཇེད་འཇིག་རྟེན་གྱི་ཁམས་དང་མདོ་སྡེ་དྲན་པ་ཉེར་བཞག་ལ་སོགས་པས་རགས་བསྡུས་ཀྱི་སྒོ་ནས་གསུངས་པའི་ཚ་དམྱལ་བརྒྱད་གྲངས་དམྱལ་བརྒྱད་ཉི་ཚེ་ཉེ་འཁོར་ཏེ། དམྱལ་ཁམས་བཅོ་བརྒྱད་ཅེས་བཤད་ཀྱང༌། སྤྱིར་དམྱལ་བ་ཞེས་གྲངས་གཞལ་དུ་མེད་པ། དཔག་ཏུ་མེད་པ་ཞིག་རེད། སྔོན་ཆད་ཤུག་ཆུང་མཁའ་འགྲོ་མའི་གསུང་ལས། དམྱལ་བ་ཟེར་རྒྱུ་དེ་ནི། ཡང་སོས་ཐིག་ནག་ཟེར་རྒྱུ་ཅི་ཡང་མེད་པར་གྲངས་གཞལ་དུ་མེད་པ་ཞིག་རེད་ཅེས་གསུངས་པ་དེ་བདེན་པ་རེད། གོང་དུ་བཤད་པ་ནི་དམྱལ་བའི་སྡུག་བསྔལ་གྱི་རིགས་ཙམ་བསྡུས་ཏེ་བཅོམ་ལྡན་འདས་ཀྱིས་སྤྱི་ཁྱབ་ཀྱི་དབང་དུ་བྱས་ཏེ་གསུངས་པ་ཙམ་རེད་མ་གཏོགས་མཐའ་གཅིག་ཏུ་ངེས་པ་མེད། དེ་ལྟ་བུའི་དམྱལ་བ་འམ། ཡི་དྭགས་དང་། དུད་འགྲོ་ལ་སོགས་པ་གྲངས་མེད་པ་རེད། མདོར་ན་ཕྱོགས་བཅུའི་ཞིང་རབ་འབྱམས་ན་ཡོད་པའི་ངན་སོང་གི་སྡུག་བསྔལ་ཐམས་ཅད་རབ་ཏུ་ཞི་བར་ཤོག་ཅིག་ཅེས་གསུངས་ནི་རེད། བདེ་བ་ཐོབ་པར་བྱ་བའི་ཕྱིར་དུ་བདག་གིས་སེམས་ཅན་གྱི་དོན་ལ་བརྩོན་པར་ཤོག་ཅིག་ཕན་ཐོགས་པར་བྱ་བའི་ཕྱིར་དུ་བདག་གིས་ལམ་ལྷག་པའི་བསླབ་པ་གསུམ་གྱི་ལམ་ལ་སློབ་ནུས་པར་ཤོག་ཅིག་གསུངས་ཏེ། གནས་སྐབས་ཀྱི་བདེ་བ་དང་མཐར་ཐུག་སངས་རྒྱས་ཀྱི་ས་ལ་འགོད་པར་གྱུར་ཅིག དེར་དགོད་པར་བྱ་བའི་ཕྱིར་དུ་བདག་གིས་ཀྱང་དེ་ལྟ་བུའི་སྤྱོད་པ་ལ་སྤྱོད་ནུས་པར་ཤོག་ཅིགསྤྱི་དོན་ལྔ་བ་གོ་ཆ་བགོ་བའི་སྒོ་ནས་སྨོན་པ་ནི། བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང༌། །སེམས་ཅན་དག་གི་སྤྱོད་དང་མཐུན་པར་འཇུག །བཟང་པོ་སྤྱོད་པ་དག་ནི་རབ་སྟོན་ཅིང་། །མ་འོངས་བསྐལ་པ་ཀུན་ཏུ་སྤྱོད་པར་གྱུར། །ཅེས་གསུངས་ཏེ། གོ་ཆ་ཞེས་པ་ནི་སྙིང་སྟོབས་ཆེན་པོ་ལ་ཟེར་བ་ཡིན། རང་གི་བྱང་ཆུབ་སྤྱོད་པ་མ་ལུས་པ་རྫོགས། དེ་ནས་སེམས་ཅན་དག་གི་སྤྱོད་པ་དང་མཐུན་པར་འཇུག་སེམས་ཅན་དག་གི་སྤྱོད་པ་དང་མ་མཐུན་ན། ངེད་ཅག་གིས་མིའི་ལུས་རྟེན་གྱི་སྟེང་ནས་བྱ་ཞིག་ལ་ཆོས་བཤད་དགོས་ན་བྱ་ཐམས་ཅད་འུར་རྡོས་སྒྲོག་པ་བཞིན་དུ་བྲོས་འགྲོ་ངེས་ཅན་ཡིན། བྱ་ལ་བྱ་ཉིད་དུ་སྤྲུལ། རི་དྭགས་ལ་རི་དྭགས་ཉིད་དུ་སྤྲུལ་ནས་རང་གི་སྤྱོད་པ་རྫོགས། གཞན་གྱི་སྤྱོད་པ་དང་མཐུན་དགོས་ནི་རེད། སྤྱོད་པ་དང་མ་མཐུན་ན་དཔེར་ན། ཐེག་པ་ཆེན་པོའི་ཆོས་བཤད་དུས་ཐེག་དམན་གྱི་ལུང་དྲངས་མི་ཉན་མ་གཏོགས་གཉིས་ཀ་བྱང་ཆུབ་སེམས་དཔའི་རྩ་ལྟུང་ཡིན་ཚུལ་འདྲ་བ་རེད། མདོར་ན་སེམས་ཅན་ཐམས་ཅད་ཀྱི་བསམ་སྤྱོད་དང་མཐུན། སེམས་ཅན་ཐམས་ཅད་ལ་གང་ལ་གང་འདུལ་གྱིས་ཆོས་སྟོན། རང་གིས་བཟང་པོ་སྤྱོད་པ་འདི་ལ་སྤྱད། སེམས་ཅན་ཐམས་ཅད་བཟང་པོ་སྤྱོད་པ་ལ་སྤྱད་དུ་བཅུག་ནས། ཚུལ་ཁྲིམས་བསྲུང་། ཏིང་འཛིན་བསྒོམ། བདག་མེད་རྟོགས་པའི་ཤེས་རབ་རྣམས་ཀྱི་ནང་དུ་མ་འདུས་པ་མེད། དེ་ལ་འཇུག་ནུས་པར་ཤོག་ཅིག་གསུངས་ནི་རེད། སྤྱི་དོན་དྲུག་པ། སྐལ་མཉམ་གྱི་གྲོགས་དང་འགྲོག་པར་སྨོན་པ་ནི། བདག་གི་སྤྱོད་དང་མཚུངས་པར་གང་སྤྱོད་པ། །དེ་དག་དང་ནི་རྟག་ཏུ་འགྲོག་པར་ཤོག །ལུས་དང་ངག་རྣམས་དང་ནི་སེམས་ཀྱིས་ཀྱང་། །སྤྱོད་པ་དག་དང་སྨོན་ལམ་གཅིག་ཏུ་སྤྱད། །ཅེས་གསུངས་ནས་བདག་གི་བསམ་པ་བཟང་པོ་ནི་བྱང་ཆུབ་ཀྱི་སེམས་རེད། སྤྱོད་པ་བཟང་པོ་ནི་གཞན་ཕན་བྱེད་པ་རེད། དེ་ལྟ་བུའི་སྤྱོད་པ་དང་མཐུན་པའི་གང་ཟག་ཐམས་ཅད་ལ་བདག་དུས་རྟག་ཏུ་འབྲལ་བ་མེད་པར་འགྲོག་པར་ཤོག་ཅིག་ཅེས་སྐལ་མཉམ་གྱི་གྲོགས་དང་འགྲོག་པར་སྨོན་པའོ། །གྲོགས་ངན་རྣམས་ཀྱི་དབང་དུ་འགྲོ་ཉན་ནི་མ་རེད། ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ་གྲོགས་བཟང་པོ་དང་འགྲོགས་ན་བཟང་པོར་འགྱུར་རྒྱུ་རེད། གྲོགས་ངན་པ་དང་འགྲོགས་ན་ངན་པར་འགྱུར་རྒྱུ་རེད། དེས་ན་ས་དང་པོ་ཐོབ་པ་ནས་བཟུང་སྟེ། སྤྱོད་པ་འདི་འདྲའི་གནས་སྤྱད་ན། །སྐྱེ་བོ་ཡོངས་ཀྱི་ཁྲོད་གནས་སམ། །བུད་མེད་ཁྲོད་ན་གནས་ཀྱང་རུང་། །སྡོམ་བཙུན་དམ་པ་ཉམས་མི་འགྱུར། །ཞེས་གསུངས་ཏེ། གཞན་དབང་དུ་འགྱུར་རྒྱུ་མ་རེད། དེ་མིན་ན་གྲོགས་བཟང་པོ་ལ་སྨོན་ལམ་འདེབས་དགོས་ནི་རེད། དུས་རྒྱུན་དུ་གྲོགས་བཟང་པོ་བཙལ་དགོས་ནི་རེད། གྲོགས་བཟང་པོ་ནི་མཆེད་གྲོགས་བཟང་པོ་རེད། ལུས་ཀྱི་སྒོ་དང་ངག་གི་སྒོ་དང་ཡིད་ཀྱི་སྒོ་ནས་ཀྱང་སྤྱོད་པ་གྲོགས་བཟང་པོ་ཐམས་ཅད་དང་ལྷན་ཅིག་ཏུ་འགྲོག་པར་སེམས་ཀྱིས་ཀྱང་སྨོན། ངག་གིས་ཀྱང་དེ་ལྟ་བུའི་སྨོན་ཚིག་བརྗོད། ལུས་ཀྱིས་ཀྱང་དེ་ལྟ་བུ་སྨོན་པའི་སྤྱོད་པ་ལ་འཇུག་ནུས་པར་ཤོག་ཅིག དཔེར་ན། ད་ངེད་ཅག་གིས་བཟང་སྤྱོད་དུང་སྒྲུབ་ཆེན་མོ་དང་། གར་དབང་རིག་འཛིན་འབུམ་ཚོགས་ཆེན་མོ་སོགས་ཆོས་ཀྱི་མཛད་སྒོ་རྒྱ་ཆེན་པོ་དགེ་འདུན་པའི་སྡེ་གྲངས་མང་པོ་འདི་ལྟ་བུ་དང་དུས་རྒྱུན་དུ་འཕྲད་པར་ཤོག་ཅིག འཕྲད་པ་ཙམ་གྱིས་མི་ཆོག་པར་དེ་དག་ཐམས་ཅད་དང་ལྟ་སྤྱོད་མཐུན་པའི་སྤྱོད་པ་བཟང་པོ་ལ་འཇུག་པར་གྱུར་ཅིག འཇུག་པ་ཙམ་གྱིས་མི་ཆོག་པར་འཇུག་པའི་འབྲས་བུ་ཡང་མཐར་ཕྱིན་པར་ཤོག་ཅིག་གསུངས་ཏེ། དེ་ལྟ་བུའི་གྲོགས་བཟང་པོ་དང་འཕྲད་པར་སྨོན་ལམ་འདེབས་དགོས་ནི་རེད། སྔོན་ཆད་ང་རང་རྒྱ་གར་ལ་འགྲོ་དུས་གོང་ས་སྐྱབས་མགོན་ཆེན་པོ་ལ། ཁྱེད་དང་ང་གཉིས་ཚེ་རབས་ཕྲེང་བ་རུ། །སྨོན་ལམ་ལས་ཀྱིས་འབྲེལ་ལ་གློ་བ་དགའ། །ད་དུང་དུ་ཡང་བྱང་ཆུབ་སྙིང་པོའི་བར། །བཟང་པོ་སྤྱོད་ལ་མཉམ་དུ་འཇུག་པར་སྨོན། །ཟེར་རྒྱུའི་ནང་དོན་ལྟར་རེད། ངེད་ཅག་ཚང་མས་ཀྱང་བྱང་ཆུབ་སྙིང་པོའི་བར་དུ་བཟང་པོ་སྤྱོད་པ་ལ་སྤྱོད་ནས་གྲོགས་བཟང་པོ་དང་མཉམ་དུ་འགྲོག་པར་སྨོན་ལམ་འདེབས་ནི་རེད། སྤྱི་དོན་བདུན་པ་དགེ་བའི་བཤེས་གཉེན་བསྟེན་ཅིང་མཉེས་པར་བྱེད་པ་ནི། བདག་ལ་ཕན་པར་འདོད་པའི་གྲོགས་པོ་དག །བཟང་པོ་སྤྱོད་པ་རབ་ཏུ་སྟོན་པ་རྣམས། །དེ་དག་དང་ཡང་རྟག་ཏུ་འཕྲད་པར་ཤོག །དེ་དག་བདག་གིས་ནམ་ཡང་ཡིད་མི་དབྱུང་། །ཞེས་གསུངས་ཏེ། བདག་ལ་ཕན་པར་བྱེད་པ་ནི་འཁོར་བ་ངན་སོང་གནས་ནས་བསྒྲལ་ཏེ་རྣམ་གྲོལ་གཏན་གྱི་བདེ་བ་ལ་འགོད་པར་བྱེད་པའི་གྲོགས་པོ་དེ་བླ་མ་རེད། གྲོགས་པོ་བླ་མ་བཟང་པོ་དང་རྟག་ཏུ་མི་འབྲལ་བར་ཤོག་ཅིག སྐྱེ་བ་ཚེ་རབས་ཀྱི་བར་དུ་བླ་མ་དང་མི་འབྲལ་བར་ཤོག་ཅིག དེ་ལྟ་བུའི་བླ་མ་བཟང་པོ་བྱང་ཆུབ་ཀྱི་སེམས་ཀྱིས་ཐུགས་རྒྱུད་བརྟུལ་ཡོད་པ། མདོར་ན་སྐྱེ་བ་ཚེ་རབས་ཀུན་ཏུ་དེ་ལྟ་བུའི་བླ་མ་བཟང་པོ་དེ་དང་མི་འབྲལ་བར་ཤོག་ཅིགབླ་མ་དང་འཕྲད་པ་ཙམ་གྱིས་མི་ཆོག་པར་རབ་སྒྲུབ་པའི་མཆོད་པ། འབྲིང་ཞབས་ཏོག་གི་མཆོད་པ། ཐ་མ་ཟང་ཟིང་གི་མཆོད་པའི་སྒོ་ནས་བླ་མའི་ཐུགས་མཉེས་པ་ཞིག་བྱེད་ནུས་པར་ཤོག་ཅིག་གསུངས་ཏེ་སྔོན་ཆད་རྒྱ་སྐོང་གཞན་དགའི་ཞལ་ནས། དགེ་མིང་འོན་པོ་བསྟན་དགའ་ལ་ཞུ་མཆིད་ཀྱི་སྐབས་ན། མཐུ་ཆེ་ཡང་རུང་ལ་ཆུང་ཡང་རུང་། །ངའི་བླ་མ་ཨོ་རྒྱན་བསྟན་འཛིན་ཡིན། །ཐོབ་མངའ་ཐང་ཆེ་ཡང་ཆུང་ཡང་རུང་། །སྤྲང་བདག་ལ་སྐྱབས་མགོན་ཁྱེད་ལས་མེད། །རྗེ་བླ་མ་བཀའ་དྲིན་མཚུངས་མེད་དེས། །ཐུགས་དགྱེས་ནས་བུ་དང་འདྲ་འོ་གསུངས། །ཞེས་གསུངས་པ་ལྟར་བླ་མ་གཞན་པ་རྣམས་ཀྱིས་ཐུགས་དགྱེས་ནས་བུ་དང་འདྲའོ་གསུངས་ཞེས་པ་དེ་སྔ་འགྱུར་རིག་འཛིན་བརྒྱུད་པའི་རྣམ་ཐར་ཐམས་ཅད་ཀྱི་ཆེ་ཤོས་ཤིག་རེད། ངས་ཀྱང་ཁྱེད་རྣམ་པར་ཞུ་མྱོང་། ང་གནུབས་ཟུར་དགོན་གྱིས་བསུ་མ་འོང་བའི་སྐབས་སུ་ཐུབ་དགའ་ཡིད་བཞིན་ནོར་བུས་ད་ཁོང་གི་ལུས་ཤ་ཁྲག་ལས་ཆད་པའི་གཅེས་སྤྲས་ཡོད་རྒྱུ་མ་རེད་ན་གསུངས་ནས་འགག་མཛད་དར། ཁོང་གིས་རྒྱུན་དུ་ལྗགས་མནའ་གསོལ་རྒྱུ་མིན་ཡང་དེ་ཉིན་འགག་མཛད་པ་དེར་ཡོད་ཀུན་གྱིས་ཐོས་སོ། །དེ་ལྟ་བུའི་བླ་མ་མཉེས་པའི་སྨོན་ལམ་འདེབས་དགོས་ནི་རེད། འཇིགས་མེད་རྒྱལ་བའི་མྱུ་གུས་ཀྱང་རྣམ་ཐར་དང་ཡོན་ཏན་ཐམས་ཅད་ཀྱི་གཙོ་བོ་འདི་ཡིན་གསུངས་ཡོད། ཁོང་ལ་གཞན་ཡོན་ཏན་གང་ཡང་མེད་ཀྱང་རིག་འཛིན་འཇིགས་མེད་གླིང་པ་ལ་སྐུ་ཚེ་གང་བོར་ཞལ་ལོག་དང་ཐེ་ཚོམ་ཙམ་ཡང་མཛད་པའི་སྤྱོད་པ་སྒྲུབ་མ་མྱོང་གསུངས་ཨོས་ཡོད། དེ་ལྟ་བུའི་བླ་མ་བཟང་པོ་དང་འཕྲད་པར་ཤོག་ཅིག བླ་མ་བཟང་པོ་དང་འཕྲད་ནས་བླ་མའི་ཐུགས་མཉེས་པ་ཞིག་ང་རང་གིས་བསྒྲུབ་ནུས་པར་ཤོག་ཅིག་བསམ་དགོས་སོ། །ངེད་ཅག་གིས་ཀྱང་སྔོན་ཆད་བསྐལ་པ་སྟག་གི་ལོ་སྨོན་ལམ་འདེབས་པའི་གནས་སྐབས་ན། བདག་ནི་འདི་ནས་ཚེ་རབས་ཐམས་ཅད་དུ། །བླ་མ་ལྷག་པའི་ལྷ་ཡིས་རྗེས་སུ་བཟུང་། །བསླབ་གསུམ་ཡོན་ཏན་རྒྱ་མཚོའི་གཏེར་ལ་དབང་། །བསྟན་འགྲོའི་དོན་ཆེན་འབད་མེད་འགྲུབ་པར་ཤོག །ཅེས་པ་འདི་བཏོན་ནས་སྨོན་ལམ་བཏབ་ནི་རེད། སྨོན་ལམ་དེ་ཡང་བླ་མ་དང་ལྷག་པའི་ལྷ། ཁྱད་པར་དུ་ཡང་བླ་མ་དང་འཕྲད་བླ་མའི་ཐུགས་མཉེས་པར་ཤོག་ཅིག་ཅེས་ཟེར་ནས་སྨོན་ལམ་ཐོབ། འདིའི་ཚིག་དོན་ལ་མི་གོ་རྒྱུ་མེད། ངས་ཀྱང་སྨོན་ལམ་བཏབ་རབས་ཨ་བཤད་ཡང་བཤད་ཡིན་ཡང་། དཔེར་ན། བླ་མ་མི་ཕམ་ཚང་གིས་མི་ཡུལ་དུ་ལུས་རྟེན་བཟུང་ནས་འགྲོ་དོན་མཛད་ན་ཁོང་གི་སློབ་མའི་བཟང་ཤོས། ཉེ་གནས་ཀྱི་མཆོག་ཐུགས་ལ་ཧ་ཅང་འཕྲོད་པའི་གང་ཟག་ཉིད་དུ་སྐྱེ་བ་ལེན་པར་ཤོག་ཅིག ཁོང་རྡོ་རྗེ་འཛིན་པ་ལྟ་བུའི་སྐྱེ་བ་བཞེས་ན། རབ་ན་ཁོང་གི་སྲས། ཁྱད་པར་དུ་ཁོང་གི་ཐུགས་ལ་ཧ་ཅང་མཛའ་བའི་བདེ་སྟོང་གི་ཡེ་ཤེས་སྐྱེད་པར་བྱེད་པའི་གཟུངས་མ་ཉིད་དུ་འགྱུར་བར་ཤོག་ཅིག གཞན་ཡང་བླ་མ་རིན་པོ་ཆེས་བྱ་དང་རི་དྭགས་ལ་སོགས་པའི་སྐྱེ་བ་བཞེས་ནས་འགྲོ་དོན་མཛད་པའི་གནས་སྐབས་ན་བླ་མ་རིན་པོ་ཆེ་ལུས་རྟེན་དམན་པ་ཁྭ་ཏ་ལྟ་བུ་ཞིག་གི་སྐྱེ་བ་བཞེས་ན་ཡང་དེའི་ཡིད་ལ་ཧ་ཅང་འཐད་པའི་ཁྭ་མོ་ཉིད་དུ་འགྱུར་བར་ཤོག་ཅིག་ཟེར་ནས་སྨོན་ལམ་བཏབ་ནི་ཡིན། ཁྱེད་རྣམ་པས་ཀྱང་དུས་རྒྱུན་དུ་བླ་མ་དང་མི་འབྲལ་བའི་སྨོན་ལམ་འདེབས་དགོས། བླ་མའི་ཐུགས་གང་གིས་མཉེས་ན་དེའི་ནང་ལ་མ་འདུས་པ་ཅི་ཡང་མེད་པས། དེ་ལ་སྨོན་ལམ་གདབ་དགོས་ནི་རེད། སྤྱི་དོན་བརྒྱད་པ་སངས་རྒྱས་མངོན་གྱུར་ལ་མཆོད་པའི་སྒོ་ནས་སྨོན་པ་ནི། སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །མངོན་སུམ་རྟག་ཏུ་བདག་གིས་རྒྱལ་བ་བལྟ། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་དག་ལ་ཡང་མཆོད་པ་རྒྱ་ཆེར་བགྱི། །ཞེས་གསུངས་ཏེ། སངས་རྒྱས་བྱང་ཆུབ་སེམས་དཔའ་གྲངས་མེད་དུང་ཕྱིར་མང་པོས་བསྐོར་ཡོད། སངས་རྒྱས་ཐམས་ཅད་ཀྱི་ཞལ་དེ་བདག་གིས་མངོན་སུམ་དུ་མཇལ་བར་ཤོག་ཅིག་ཅེས་གསུངས་ནི་རེད། ད་ལྟ་རང་གི་ཡིད་ལ་སྨོན་པའི་ལྷག་པའི་ལྷ་མྱུར་བ་ཉིད་དུ་ཐོག་མར་ཞལ་མཇལ་བར་ཤོག་ཅིག་ཅེས་ཟེར་བ་དང་། དེ་བཞིན་དུ་སངས་རྒྱས་སྲས་ཀྱིས་བསྐོར་བའི་མགོན་པོ་རྣམས་མངོན་སུམ་རྟག་ཏུ་བདག་གིས་ཞལ་མཇལ་བར་ཤོག་ཅིག ད་ལྟའི་ལྷ་མཇལ་བ་ཙམ་ཞིག་གིས་མི་ཚད་པར་སྐད་ཅིག་ཙམ་ཡང་རྒྱལ་བ་སྲས་བཅས་ཀྱི་ཞལ་མཐོང་རྒྱུ་གསུང་ཐོས་རྒྱུ་དེ་དང་མི་འབྲལ་བར་མ་འོངས་བསྐལ་པ་ཀུན་ཏུ་འཕྲད་པར་ཤོག་ཅིག་གསུངས་ནི་རེད། མ་འོངས་བསྐལ་པ་ཀུན་ཏུ་ཡང་དེ་ལྟ་བུའི་སངས་རྒྱས་སྲས་དང་བཅས་པ་ཐམས་ཅད་ཀྱི་ཞལ་མཇལ་གསུང་ཐོས་སྐད་ཅིག་ཙམ་ཡང་མི་འབྲལ་བར་ཤོག་ཅིག་གསུངས་ནས་སྨོན་ལམ་བཏབ་ནི་རེད། སྤྱི་དོན་དགུ་པ་དམ་ཆོས་ཡོངས་སུ་འཛིན་པར་སྨོན་པ་ནི། ད་གྲོགས་བཟང་པོ་དང་ནི་འགྲོགས། བླ་མ་ནི་བརྟེན། སངས་རྒྱས་ནི་མཇལ། ད་སྤྱོད་པ་བཟང་པོ་རྣམ་པར་དག་པ་ཞིག་དགོས་ནི་རེད། དེ་ལ་སྨོན་པ་ནི། རྒྱལ་བ་རྣམས་ཀྱི་དམ་པའི་ཆོས་འཛིན་ཅིང༌། །བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྦྱོང་བ་ཡང༌། །མ་འོངས་བསྐལ་པ་ཀུན་ཏུ་སྤྱད་པར་བགྱི། །ཞེས་གསུངས་ཏེ་སངས་རྒྱས་ཐམས་ཅད་ཀྱིས་གསུངས་པའི་ཆོས་ལ་རང་ཉིད་འཇུག་པའི་སྤོབས་པ་དང་། མི་བརྗེད་པའི་གཟུངས་དང་། སངས་རྒྱས་ཐམས་ཅད་ཀྱི་གསུང་དེ་བློ་ཡུལ་ལ་ལོན་འགྲོ་རྒྱུ་དེ་ལ་སྤོབས་པ་ཟེར་ནི་རེད། སྤོབས་པས་ནི་སྔར་མེད་ཀྱི་ཡོན་ཏན་ཐམས་ཅད་རང་རྒྱུད་ལ་སྒྲུབ་པར་བྱེད་ནི་རེད། གཟུངས་ཀྱིས་ནི་སྔར་ཡོད་ཀྱི་ཡོན་ཏན་ཐམས་ཅད་མི་ཉམས་པར་བྱེད་ནི་རེད། དོན་གྱི་ཆོས་ཐམས་ཅད་རང་གིས་འཛིན་ནུས་པར་ཤོག་ཅིག དེ་ལྟ་བུའི་བྱང་ཆུབ་སེམས་དཔའི་སྤྱོད་པ་ལ་བསླབས། དེ་ཡང་ལུས་རྟེན་འདི་ཙམ་མ་ཡིན་པར་མ་འོངས་བསྐལ་པ་ཀུན་ཏུ་ནམ་མཁའ་འདི་མ་སྟོང་གི་བར་དུ་བྱང་ཆུབ་སེམས་དཔའི་བསམ་པ་ཕུན་སུམ་ཚོགས་པ་སྤྱོད་པ་ཕུན་སུམ་ཚོགས་པ་དེ་ལ་བདག་གིས་སློབ་ནུས་པར་ཤོག་ཅིག་ཟེར་ནས་སྨོན་ལམ་བཏབ་ནི་རེད། སྤྱི་དོན་བཅུ་པ་མི་ཟད་པའི་མཛོད་རྙེད་པའི་སྒོ་ནས་སྨོན་པ་ནི། སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང་། །ཡོན་ཏན་ཀུན་གྱི་མི་ཟད་མཛོད་དུ་གྱུར། །ཅེས་གསུངས་ཏེ། སྲིད་པར་འཁོར་བའི་གནས་སྐབས་ན་དམིགས་བཅས་བསོད་ནམས་ཀྱི་ཚོགས་དང་དམིགས་མེད་ཡེ་ཤེས་ཀྱི་ཚོགས་ཏེ་ཚོགས་གཉིས་ཟད་ཉན་ནི་མ་རེད། དེ་ཟད་སོང་ན་རང་དོན་འགྲུབ་ནི་མ་རེད་གཞན་དོན་ག་ལ་སྒྲུབ་ནུས། དེའི་ཕྱིར་ན་རང་ཉིད་མངོན་པར་སངས་རྒྱས་ཀྱང་གདུལ་བྱ་རྣམས་རྗེས་སུ་འཛིན་པར་བྱ་བའི་ཕྱིར་དུ་བསོད་ནམས་ཀྱི་ཚོགས་དེ་ཡང་རྒྱ་ཆེན་པོ་བསགས། དམིགས་མེད་ཡེ་ཤེས་ཀྱི་ཚོགས་དེ་ཡང་རྒྱ་ཆེན་པོ་བསགས། ཚོགས་གཉིས་བསགས་པ་རྒྱུན་མ་ཆད་པར་འབད་ནུས་པར་ཤོག་ཅིག རང་རྒྱུད་ཀྱི་བསོད་ནམས་དང་ཡེ་ཤེས་ཀྱི་ཚོགས་དེ་ཡང་ཟད་པ་མེད་པ་ཉིད་དུ་འགྱུར་བར་ཤོག་ཅིག ཐབས་ཟེར་རྒྱུ་དེ་གཞན་དོན་སྒྲུབ་པའི་ཐབས་ཆེན་པོ་ཞིག་ལ་ཟེར་ནི་རེད། ཐབས་མཁས་པ་དཔེར་ན། བསྡུ་དངོས་བཞི་ལ་སོགས་པ་རེད། ཤེས་རབ་ཟེར་རྒྱུ་དེ་ནི་གཞན་ཕན་སྒྲུབ་པར་བྱེད་པ་ལ་མ་རྨོངས་པ་དེ་ལ་ཟེར། ཏིང་འཛིན་ཟེར་རྒྱུ་དེ་ནི་སེམས་ཏིང་ངེ་འཛིན་བསྒོམ་པ་ལ་གནས་པ་ཅན་དེ་ལ་ཟེར་ནི་རེད། རྣམ་ཐར་ཟེར་རྒྱུ་དེ་ཏིང་ངེ་འཛིན་གྱི་སྟོབས་ཀྱིས་རྩལ་དང་མཐུན་པ་ཞིག་ལ་ཟེར་ནི་རེད། ཟད་པ་ཟིལ་གནོན་ཟེར་རྒྱུ་མང་པོ་ཞིག་ཡོད་ཀྱང་ཏིང་ངེ་འཛིན་དང་པོ་སྦྱོང་བ་བར་དུ་བརྟན་པ་མཐར་ཕྱིན་པ་ཞིག་ལ་ཟེར་ནི་རེད། ཏིང་ངེ་འཛིན་ལ་དབང་ཐོབ་ནས་རྫུ་འཕྲུལ་སྣ་ཚོགས་བསྒྱུར་བ་ཞིག་ལ་ཏིང་ངེ་འཛིན་ཟེར་ནི་རེད། དེ་ནས་ཐབས་དང་ལྡན། ཤེས་རབ་དང་ལྡན། ཏིང་ངེ་འཛིན་དང་ལྡན། ཏིང་ངེ་འཛིན་གྱི་རྗེས་ལ་རྣམ་པར་ཐར་བ་དང་ལྡན་པར་གྱུར་ཅིག་ཅེས་སྨོན་ལམ་བཏབ་ནི་རེད། སྤྱི་དོན་བཅུ་གཅིག་པ་འཇུག་པ་དུ་མའི་སྒོ་ནས་སྨོན་པར་འཇུག་པ་ལ་བརྒྱད་ལས། བསྟན་པ་དང་སེམས་ཅན་གྱི་དོན་ཡོངས་སུ་སྒྲུབ་པར་བྱེད་པ་ལ་ས་བཅད་ནང་གསེས་ཀྱིས་རྣམ་པ་བརྒྱད་ཡོད་ནི་རེད། དང་པོ་ཞིང་དང་བཅས་པའི་སངས་རྒྱས་བལྟ་བ་ལ་འཇུག་པ་ནི། རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞིང་དེར་བསམ་གྱིས་མི་ཁྱབ་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་ལ། །བྱང་ཆུབ་སྤྱད་པ་སྤྱོད་ཅིང་བལྟ་བར་བགྱི། །ཞེས་གོང་དུ་འདིའི་འོག་ན་ཞིང་སྦྱང་བ་ཡོད་ཅེས་བཤད་པ་དེ་འདི་རེད། རྡུལ་གཅིག་གི་ཁྱོན་ལ་རྡུལ་སྙེད་ཀྱི་སངས་རྒྱས་དང༌། སངས་རྒྱས་རེ་རེ་ལ་བྱང་ཆུབ་སེམས་དཔའ་དཔག་ཏུ་མེད་པས་བསྐོར། དེ་དག་ཐམས་ཅད་ཀྱི་ཞལ་མཇལ་གསུང་ཐོས། དེ་རྣམས་ལ་མཆོད་པ་འབུལ། དེ་དག་ཐམས་ཅད་བདག་གིས་ཡོངས་སུ་མཉེས་པར་ཤོག་ཅིག་གསུངས་ནས་སྨོན་ལམ་བཏབ་ནི་རེད། དེ་ལྟར་མ་ལུས་ཐམས་ཅད་ཕྱོགས་སུ་ཡང་། །སྐྲ་ཙམ་ཁྱོན་ལ་དུས་གསུམ་ཚད་སྙེད་ཀྱི། །སངས་རྒྱས་རྒྱ་མཚོ་ཞིང་རྣམས་རྒྱ་མཚོ་དང༌། །བསྐལ་པ་རྒྱ་མཚོར་སྤྱོད་ཅིང་རབ་ཏུ་འཇུག །ཅེས་གསུངས་ནས་རྡུལ་ཆ་མེད་གཅིག་གི་སྟེང་ན་ཕྱོགས་བཅུའི་ཞིང་རབ་འབྱམས་ཀྱི་རྒྱལ་བ་སྲས་བཅས་ཐམས་ཅད་ཀྱི་དྲུང་ན་ཆོས་ཉན། དེ་ཐམས་ཅད་ལ་མཆོད་པ་འབུལ། དེ་དག་ཐམས་ཅད་ཀྱི་སྤྱོད་པ་དང་མཐུན་པར་འཇུག རྡུལ་ཆ་མེད་རེ་རེའི་སྟེང་ལ་ཕྱོགས་བཅུའི་ཞིང་རབ་འབྱམས་ན་ཡོད་པའི་སངས་རྒྱས་དེ་འདྲ་བའི་ཞིང་ཁམས་གྲངས་མེད་པ་བསམ་གྱིས་མི་ཁྱབ་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་གིས་སྤྱོད་པ་དེ་སྤྱོད་ནུས་པར་ཤོག་ཅིག དེ་ཡང་ནི་བསྐལ་པ་གཅིག་དང་གཉིས་མ་ཡིན་པར་ནམ་མཁའ་མ་སྟོང་གི་བར་དུ་འཇུག་པར་ཤོག་ཅིག་གསུངས་ནི་རེད། བྱང་ཆུབ་སེམས་དཔའ་ས་ཆེན་པོ་ལ་གནས་པའི་བྱང་ཆུབ་སེམས་དཔའི་སྨོན་ལམ་རེད། འདིའི་འཇུག་པ་བསམ་གྱིས་མི་ཁྱབ་པར་སྨོན་རྒྱུ་དེ་གཙོ་བོ་དག་ས་ལ་གནས་པའི་བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་གྱི་ཕྱོགས་སུ་འགྲོ་བ་ཡིན། སོ་སོའི་སྐྱེ་བོའི་ས་ནས་བཟུང་སྟེ་སངས་རྒྱས་ཀྱི་སའི་བར་དུ་སྨོན་ལམ་ཆ་ཚང་བ་ཞིག་བཏབ་ནི་རེད། བྱང་ཆུབ་ཀྱི་སེམས་མི་བརྗེད་པར་སྨོན་པ། བླ་མ་དགེ་བའི་བཤེས་གཉེན་རྣམས་དང་འཕྲད་པར་སྨོན་པ། གྲོགས་བཟང་པོ་དང་མི་འབྲལ་བར་སྨོན་པ། སངས་རྒྱས་ལ་བལྟ་བར་བྱེད་པར་སྨོན་པ་ཐམས་ཅད་ཕལ་ཆེར་སོ་སོའི་སྐྱེ་བོའི་སྨོན་ལམ་རེད། དེ་ཡན་ཆད་ཀྱིས་སྨོན་ལམ་ས་དང་པོ་དང་མང་ཆེ་བ་ཞིག་ས་བརྒྱད་པ་ཡན་ཆད་ཀྱི་སྨོན་ལམ་རེད། བསམ་གྱིས་མི་ཁྱབ་པ་དེ་ལྟ་བུ་ནི་ངེད་ཅག་གིས་བློ་ཡུལ་དུ་ཆུད་པར་དཀའ་བ་རེད། སོ་སོའི་སྐྱེ་བོ་ཞིག་གིས་འདི་ལྟ་བུ་ཞིག་ཤེས་པ་མ་དགོས་བློ་ཡུལ་དུ་ཤར་ཡང་དཀའ་ནི་རེད། ད་དེ་ལྟ་བུའི་མཛད་པ་ལ་འཇམ་དཔལ་དབྱངས་དང་ཀུན་ཏུ་བཟང་པོ་ལ་སོགས་པས་ཀྱང་བསླབས་ནས་སོང་ནི་རེད། རང་གིས་ཀྱང་དེ་ལྟ་བུ་ལ་སློབ་ནུས་པར་ཤོག་ཅིག་ཅེས་ཟེར་ནས་ཕལ་ཆེར་དངོས་སུ་སྨོན་ལམ་འདེབས་ཐུབ་ནི་རེད། ད་ལྟ་སེམས་ཅན་གྱི་ལུས་ལ་ན་ཚ་མེད་པར་ཤོག་ཅིག སེམས་ལ་སྡུག་བསྔལ་མེད་པར་ཤོག་ཅིག ངན་སོང་གསུམ་གྱི་སེམས་ཅན་ཐམས་ཅད་རྒྱུན་ཆད་པར་ཤོག་ཅིག མཐོ་རིས་ལྷ་མིའི་བདེ་བ་ལ་གནས་སྐབས་སྤྱོད་ནས་མཐར་ཐུག་སངས་རྒྱས་ཀྱི་གོ་འཕང་ཐོབ་པར་ཤོག་ཅིགདེ་ཙམ་ཞིག་རང་ཅག་གིས་སྨོན་ལམ་འདེབས་མི་ཤེས་རྒྱུ་ཅི་ཡང་མེད། ད་འདི་མན་ཆད་ཀྱིས་སྨོན་ལམ་ཐམས་ཅད་གཞུང་གི་ཇི་མ་ཇི་བཞིན་དུ་བློ་ཡུལ་ལ་བཀོད་ཐུབ་ནི་མ་རེད། ད་བླ་མ་རིན་པོ་ཆེ་མི་ཕམ་ཚང་གི་ཁྲིད་ཡིག་སངས་རྒྱས་ལག་བཅང་མའི་སྐྱོང་ཐབས་གནད་ཀྱི་མན་ངག་ནང་ན་འདི་ལྟ་བུ་ལ་སྙིང་སྟོབས་སྤྱད་ནས་དེ་ལ་འདི་ལྟ་བུའི་སྤྱོད་པ་ལ་སློབ་ཐུབ། འདི་ལྟ་བུའི་སྨོན་ལམ་ཡང་འདེབས་ཐུབ། སྨོན་ལམ་འདེབས་ཐུབ་པར་མ་ཟད་འདི་ལྟ་བུའི་སྤྱོད་པ་ལའང་འཇུག་ཐུབ། བསམ་པས་རྒྱས་གདབ་ཐུབ་ན། དེ་ཕྱིར་མི་ལྡོག་པའི་བྱང་ཆུབ་སེམས་དཔའ་ཟེར་རྒྱུ་དེ་རེད། དེ་ལྟ་བུའི་སྙིང་སྟོབས་མེད་ན་ད་ནི་འདི་ལྟ་བུའི་སྙིང་སྟོབས་དེ་ལ་རིམ་གྱིས་རིམ་གྱིས་ཞུགས་ནས་སྐྱེ་བ་མཐའ་མའི་བར་དུ་ཡོངས་སུ་མི་གཏང་བསམ་རྒྱུའི་བསམ་པ་ཞིག་ཡོད་ན་མོས་པ་སྤྱོད་པའི་བྱང་ཆུབ་སེམས་དཔའ་ཟེར་ནི་རེད། རང་ཅག་མང་ཆེ་བ་མོས་པ་སྤྱོད་པའི་བྱང་ཆུབ་སེམས་དཔའ་ཡིན་རྒྱུ་རེད། རང་ཅག་གིས་ཀྱང་བཟང་པོ་སྤྱོད་པའི་སྨོན་ལམ་འདི་ལ་དངོས་སུ་འཇུག་མི་ནུས་པ་ཐམས་ཅད་ཀུན་གྱིས་ཀྱང་རིམ་གྱིས་རིམ་གྱིས་ནམ་མཁའ་མ་སྟོང་གི་བར་དུ་སློབ་དགོས་མོད། དེ་ཙམ་མ་ནུས་ཀྱང་འདི་དག་ཐམས་ཅད་ཡོངས་སུ་མི་གཏོང་བསམ་རྒྱུའི་དམ་བཅའ་ཁྱད་པར་ཅན་དགོས་ནི་རེད། གཉིས་པ་སངས་རྒྱས་ཀྱི་གསུང་ལ་འཇུག་པ་ནི། གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་དབྱངས་ཡན་ལག་རྣམ་དག་པ། །འགྲོ་བ་ཀུན་གྱི་བསམ་པ་ཇི་བཞིན་དབྱངས། །སངས་རྒྱས་གསུང་ལ་རྟག་ཏུ་འཇུག་པར་བགྱི། །ད་འདི་ཡང་ས་ལ་གནས་པའི་བྱང་ཆུབ་སེམས་དཔའི་སྤྲོད་པ་རེད། གསུང་གཅིག་ཡན་ལག་ཅེས་པ་ནི། དཔེར་ན། སངས་རྒྱས་ཤཱཀྱ་ཐུབ་པས་རྡོ་རྗེ་གདན་དུ། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་ཤིག་བདག་གིས་རྙེད། །གསུངས་ནས་ཚིག་གཅིག་གསུངས་ན་ཚིག་དེའི་སྟོབས་ཀྱིས་ཕྱོགས་བཅུའི་ཞིང་རབ་འབྱམས་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཇི་སྙེད་ཅིག་ཡོད་པ་ཐམས་ཅད་ཀྱི་གསུང་ཐམས་ཅད་དེའི་སྟོབས་ཀྱིས་ཡོངས་སུ་རྫོགས་པར་དུས་གཅིག་ལ་འདུས་པར་ཤོག་ཅིག་དེ་ཐམས་ཅད་ཀྱང་དུས་གཅིག་གི་སྟེང་དུ་ད་ལྟ་མ་ཟད་མ་འོངས་པའི་སངས་རྒྱས་ཐམས་ཅད་ཀྱི་གསུང་ཡོངས་ལ་ཉན་ནུས་པར་ཤོག་ཅིག་གསུངས་ནི་རེད། ངེད་ཅག་གིས་བལྟས་ན་མ་འོངས་པ་ན་སངས་རྒྱས་གནས་དགོས་ནི་མ་རེད། དེ་ལས་ཀྱང་མངོན་པ་བ་རྣམས་ཀྱིས་མ་འོངས་པ་དངོས་མེད་ཡིན་ན། དངོས་མེད་ཀྱིས་སངས་རྒྱས་ཀྱི་གསུང་ལ་ཅིའི་ཕྱིར་ཉན་བསམ་རྒྱུ་རེད་དེ། འོན་ཀྱང་བྱང་ཆུབ་སེམས་དཔའི་སྤྱོད་པ་རྣམས་ནི་བསམ་གྱིས་མི་ཁྱབ་པ་རེད། སངས་རྒྱས་ཀྱིས་གོང་གི་ཚིག་གཉིས་ཀྱི་དོན་ལ་ཕྱོགས་བཅུའི་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་གསུང་ཕྱོགས་ཀྱི་རྒྱ་མཚོ་ལྟ་བུ་དུས་གཅིག་ལ་ཉན་ནུས་པར་ཤོག་ཅིག་གསུངས་ནས་དེ་ཉན་པར་ཡང་ནུས་ནི་རེད། དེ་ནི་བྱང་ཆུབ་སེམས་དཔའ་ས་བརྒྱད་པ་ཡན་ཆད་ཡིན་རྒྱུ་རེད། ས་དང་པོ་ཐོབ་པ་ནས་བཟུང་སྟེ། ཀུན་ཏུ་བཟང་པོའི་སྨོན་པས་རབ་སྨོན་ཞིང༌། །གང་གི་སེམས་ནི་བཟང་སྤྱོད་ཀྱི་ཟིན་བྲིས་བཟོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། རབ་དགའ་ལ་གནས་པ། །དེ་ནི་རྒྱལ་བའི་སྲས་ཀྱི་དང་པོར་བརྗོད། །ཅེས་གསུངས་ཏེ། ཀུན་ཏུ་བཟང་པོའི་སྨོན་པ་ལ་འཇུག་ནུས་པར་གསུངས་ཡོད་ནི་རེད། གསུམ་པ་ཆོས་འཁོར་བསྐོར་བ་ལ་བཇུག་པ་ནི། དུས་གསུམ་གཤེགས་པའི་རྒྱལ་བ་ཐམས་ཅད་དག །འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། །དེ་དག་གི་ཡང་གསུང་དབྱངས་མི་ཟད་ལ། །བློ་ཡི་སྟོབས་ཀྱིས་བདག་ཀྱང་རབ་ཏུ་འཇུག །གསུངས་ནི་རེད། འདས་མ་འོངས་ད་ལྟ་དུས་གསུམ་དུ་ཆོས་ཀྱི་འཁོར་ལོ་བསྐོར་བར་བསྐུལ་དང་སྐུལ་བཞིན་པ་ཐམས་ཅད་ལ་རང་གི་བློའི་སྟོབས་ཀྱིས་ཚིག་གཅིག་ཀྱང་ཆད་ལྷག་མེད་པར་ཡོངས་སུ་ཉན། ཉན་པ་ཙམ་གྱིས་མི་ཚད་པར་སེམས་ལ་བཟུང༌། བཟུང་བ་ཙམ་གྱིས་མི་ཚད་པར་རྒྱུད་ལ་འཇུག་ནུས་པར་ཤོག་ཅིག་གསུངས་ནི་རེད།བཞི་པ་བསྐལ་པའི་སྒོ་ནས་འཇུག་པ་ནི། མ་འོངས་བསྐལ་པ་ཐམས་ཅད་འཇུག་པར་ཡང༌། །སྐད་ཅིག་གཅིག་གིས་བདག་ཀྱང་འཇུག་པར་བགྱི། །གང་ཡང་བསྐལ་པ་དུས་གསུམ་ཚད་དེ་དག །སྐད་ཅིག་ཆ་ཤས་ཀྱིས་ནི་ཞུགས་པར་སྤྱད། །ཅེས་གསུངས་ཏེ། དེ་ཡང་བྱང་ཆུབ་སེམས་དཔའ་ཆེན་པོ་ཞིག་གི་སྤྱོད་པ་རེད། ནམ་མཁའ་སྟོང་མ་སོང་བར་དུ་མ་འོངས་པར་བསྐལ་པ་དུ་མར་སངས་རྒྱས་དང་བྱང་ཆུབ་སེམས་དཔའི་མཛད་སྤྱོད་ཐམས་ཅད་ལ་བདག་ད་ལྟ་དུས་མཐའི་སྐད་ཅིག་མ་གཅིག་གི་ཡུན་ལ་དེ་ལྟ་བུའི་སྤྱོད་པ་ལ་འཇུག་པར་ཤོག་ཅིག་གསུངས་ནི་རེད། འདི་བྱང་ཆུབ་སེམས་དཔའི་ཚད་མེད་པའི་བློ་སྟོབས་ཆེན་པོའི་སྤྱོད་ཡུལ་རེད། དུས་མཐའི་སྐད་ཅིག་མ་ཟེར་ན་སེ་གོལ་གཅིག་གི་ཡུན་ལ་དུས་མཐའི་སྐད་གཅིག་མ་དྲུག་ཅུ་ཡོད་ནི་རེད། རེ་ལྔ་ཟེར་ནི་ཡང་ཡོད། ད་གང་ཡིན་ནའང་དེ་འདྲ་བ་ཞིག་གི་ཡུན་ལ་ཕྱོགས་བཅུའི་ཞིང་རབ་འབྱམས་ཀྱི་སངས་རྒྱས་ཐམས་ཅད་ཀྱི་འདས་པ་དང་གཟོད་མ་འོངས་པ་ཡན་ཆད་ནམ་མཁའ་སྟོང་མ་སོང་གི་བར་དུ་མཛད་པ་དང་སྤྱོད་པ་ཇི་སྙེད་ཡོད་པ་ཐམས་བཅད་བདག་གིས་སྤྱོད་ནུས་པར་ཤོག་ཅིག་གང་ཡང་བསྐལ་པ་འདས་མ་འོངས་ད་ལྟ་དུས་གསུམ་གྱི་བསྐལ་པ་ཇི་སྙེད་ཅིག་ཡོད་ཀྱང་། བསྐལ་བའི་ཆ་ཤས་དུས་མཐའི་སྐད་ཅིག་མ་གཅིག་གི་ཡུན་ལའང་བདག་གིས་འཇུག་ནུས་པར་ཤོག་ཅིག་གསུངས་ནི་རེད།ལྔ་པ་དེ་བཞིན་གཤེགས་པ་ལ་བལྟ་བས་འཇུག་པ་ནི། །དུས་གསུམ་གཤེགས་པ་མི་ཡི་སེངྒེ་གང༌། །དེ་དག་སྐད་ཅིག་གཅིག་ལ་བདག་གིས་བལྟ། །ཞེས་གསུངས་ཏེ། ནམ་མཁའི་མཐའ་སྟོང་མ་སོང་གི་བར་དུ་སྐད་ཅིག་གཅིག་གི་ཡུན་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཛད་པ་སྒྲུབ་ནུས་པར་ཤོག་ཅིག་ཅེས་འདི་ནི་ས་བརྒྱད་པ་ཡན་ཆད་ཀྱི་བྱང་ཆུབ་སེམས་དཔའི་སྨོན་ལམ་རེད། མདོར་ན་འདས་མ་འོངས་ད་ལྟ་དུས་གསུམ་གྱི་སངས་རྒྱས་ཐམས་ཅད་དུས་མཐའི་སྐད་ཅིག་མ་གཅིག་ལ་ཞལ་མཇལ་གསུང་ཐོས་ཐུགས་ཀྱི་བྱིན་རླབས་རྒྱུད་ལ་འཕོས། དེ་ནས་ཆོས་ཚུལ་རབ་འབྱམས་རྒྱ་མཚོ་ལྟ་བུ་མཐའ་དག་ཀྱང་བདག་གི་རྒྱུད་ལ་ཡོངས་སུ་འཕོ་ནུས་པར་ཤོག་ཅིག་ཟེར་ནས་སྨོན་ལམ་བཏབ་ནི་རེད། དྲུག་པ་དེའི་སྤྱོད་ཡུལ་ལ་འཇུག་པ་ནི། རྟག་ཏུ་དེ་དག་གི་ནི་སྤྱོད་ཡུལ་ལ། །སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག །ཅེས་གསུངས་ཏེ། སོ་སོའི་སྐྱེ་བོ་ཞིག་གིས་དེ་ལྟ་བུ་ཞིག་གཏན་ནས་མི་སྲིད་བསམ་རྒྱུ་རེད་དེ། སྐད་ཅིག་མ་གཅིག་གི་ཡུན་ལ་དུས་གསུམ་གྱི་སངས་རྒྱས་ཐམས་ཅད་ཀྱི་ཞལ་མཇལ་དུས་གསུམ་གྱི་སངས་རྒྱས་ཐམས་ཅད་ཀྱི་མདུན་དུ་ཆོས་ཉན། དུས་གསུམ་གྱི་སངས་རྒྱས་ཐམས་ཅད་ཀྱི་གདམས་པ་ཡོངས་སུ་རྫོགས་པ་རྒྱུད་ལ་འཛིན་རྒྱུ་དེ་ནི། སྒྱུ་མ་དང་རྨི་ལམ་ལྟ་བུ་ཡིན་པས་མི་སྲིད་པ་ཞིག་ཡིན་རྒྱུ་མ་རེད། ཆོས་ཐམས་ཅད་སྣང་ལ་རང་བཞིན་གྱིས་མ་གྲུབ་པ་ཅི་ཡང་མ་ཡིན་པ་ལས་ཅི་ཡང་འཆར་དུ་རུང་བ་ཞེས་པ་སྒྱུ་འཕྲུལ་དྲྭ་བ་ཆེན་པོའི་རྒྱུད་ལས་གསུངས་ཡོད་ནི་རེད། དེ་ལྟ་བུའི་གནད་ལ་ངེས་པ་སྐྱེ་ན་མི་སྲིད་པ་ཞིག་ཅི་ཡང་ཡོད་ནི་མ་རེད། གཟུགས་ལ་མཚོན་ན་མེ་ལོང་མཐེ་བོང་ལྟ་བུ་ཞིག་གི་ངོ་ལ་རི་གཟུགས་མང་པོ་ཡང་ཤར་ཆོག་པ་དང༌། དཔེར་ན་ཡུན་ཐུང་ངུ་ཙམ་ལ་ཡུན་རིང་པོ་ཤར་ཆོག་ནི་རེད། དཔེར་ན། ཁྱེད་རྣམ་པ་ལ་སྔན་ཆོད་ཀྱང་ཞུ་མྱོང་ངས་གསལ་མོ་ཞིག་ཞུ་མི་ཤེས་ཀྱང་ཕྱོགས་ཙམ་ཞིག་ཞུ། སྔོན་མཉམ་མེད་ཇོ་བོ་རྗེ་དཔལ་ལྡན་དཱི་པཾ་ཀ་ར་ལྷ་རི་ཡངས་པའི་མགུལ་ན་བཞུགས་པའི་དུས་སུ་ནག་ཚོ་ཚུལ་ཁྲིམས་རྒྱལ་གྱིས་ཇོ་བོ་རྗེ་ལ་ཁྱེད་ཀྱིས་ཆོས་ཐམས་ཅད་སྒྱུ་མ་དང་རྨི་ལམ་ལྟ་བུར་གསུངས་པས་ན། ཁྱེད་ཀྱིས་སྒྱུ་མའི་དཔེ་ཞིག་གསུང་བར་ཞུ་ཞེས་གསུངས་སྐབས། ཇོ་བོས་སྒྱུ་མ་ལྟ་བུའི་ཆོས་བཤད་གསུངས་ཏེ། སྔོན་གྱི་དུས་སུ་སྒྱུ་མ་མཁན་རབ་ཏུ་བཟང་པོ་ཟེར་བ་ཞིག་ཡོད། གྲོགས་ཟླ་བ་བཟང་པོ་ཟེར་བ་ཞིག་ཡོད། གྲོགས་ཟླ་བ་བཟང་པོ་ནི་རྟ་ལ་ཧ་ཅང་གཙོ་ཆེན་འཛིན་པ་ཞིག་ཡིན། སྒྱུ་མ་མཁན་རབ་ཏུ་བཟང་པོ་ནི་གྲོགས་པོ་དེའི་དྲུང་དུ་སོང་ནས་ཁྱེད་ཀྱིས་སྒྱུ་མ་ཞིག་བསླབས་ན་མི་དགའམ་ཞེས་བརྗོད། ཟླ་བཟང་གིས་སྒྱུ་མ་ཞིག་གིས་ཅི་བྱེད། ཟ་ནི་མི་ནུས་གྱོན་ནི་མི་ནུས་དེ་བས་རྟ་ཕོ་བཟང་པོ་ཞིག་གིས་དགའ་ཟེར། རབ་བཟང་གིས་ཨོ་ཡ་ཟེར་ནས་ཕྱིར་ལོག་སོང་། ཉིན་ཅིག་ཟླ་བཟང་གཟའ་མི་གཉིས་ཁྱིམ་ན་གནས། མོའི་སྐུད་པ་ཆ་ཤས་ཤིག་ལག་ན་བཟུང་སྐུད་པ་འཁལ་ཟིན་རྣམས་མགོ་ལ་བཞག་ནས་གཉིས་ཀས་ཇ་འཐུང་། ཟླ་བཟང་གིས་ཇ་འཐུང་ཕོ་ཡ་མཚན་ཅན་མཛེས་ཤིང་ཡིད་དུ་འོང་བ་ཞིག་ལ་ཞོན་ནས་དེ་ན་ཕེབས། ཟླ་བཟང་གིས་གྲོགས་པོ་ལ་རྟ་ཡག་པོ་ཞིག་ཡོད་ཁུ་ཟེར་ཚེ། རབ་བཟང་གིས་ཁྱེད་ལ་རྟ་ཡག་པོ་ཞིག་མ་གཏོགས་ཅི་ཡང་བསམ་རྒྱུ་མེད་པས་ན་ཁྱེད་ཀྱིས་ཨེ་ཉོ་བསམས་ནས་ཞོན་འོང་བ་ཡིན་ཞེས་བཤད་མ་ཐག ཟླ་བ་བཟང་པོས་རྟ་འདི་བདག་གིས་ཉོ་ན་ཆོག དང་པོ་རྟ་འདི་ལ་རྒྱུག་ཚད་ཅིག་ལྟ་དགོས་ཟེར་ནས་རྟ་ལ་ཞོན་ནས་རྒྱུག་དུས་རྟ་དེ་མགྱོགས་པ་དང་གོམ་ལག་བདེ་བདང་གོང་ཡང་སྐྱིད། བར་སྐབས་སུ་ཇེ་མགྱོགས་ཇེ་མགྱོགས་ལ་སོང་ནས་ནགས་ཚལ་སྟག་པོ་ཡོད་ས། མི་མེད་དབེན་པའི་ལུང་སྟོང༌། ཧ་ཅང་ས་ཐག་རིང་པོ་ཆ་མེད་རྒྱུས་མེད་ཀྱི་ཡུལ་ཕྱོགས་ཤིག་ལ་ཁུར་སོང་ངོ་། དེ་ན་མི་མེད་པར་མ་ཟད་རི་དྭགས་ཀྱང་མེད། རྒྱང་རིང་གི་ནགས་གསེབ་ཅིག་ན་དུ་བ་ཞིག་བཏང་བ་མཐོང་ནས་དེར་བལྟ་རུ་ཕྱིན། དེ་ན་རྒན་མོ་མ་བུ་གཉིས་ཡོད་ཁྱེད་གཉིས་ཅི་ཡིན་དྲིས་ཚེ། ཁོང་གཉིས་ཡུལ་ཁམས་གཞན་ལ་འཁྱམས་ནས་འདི་ན་ཕེབས། འདིར་ཐོན་ནས་ལོ་ཁ་ཤས་ཤིག་ཡིན། ས་ཕྱོགས་འདི་ན་ཤིང་ཏོག་ཅུང་ཟད་ཅིག་མ་གཏོགས་ཅི་ཡང་བཟའ་རྒྱུ་མེད་གོན་རྒྱུ་ཡང་མེད། ད་སྐབས་གྲོགས་སུ་ཡང་མེད་ཁྱེད་འཇིག་རྟེན་ཁམས་ནས་འདིརའོང་བ་དེ་དགའ་སྤྲོ་ཆེ། རང་ཅག་རྣམས་ལྷན་དུ་བསྡད་ན་ཨེ་ཆོག་ཟེར་དུས། ཁོང་རྣམས་སྐད་རིགས་ཀྱང་གཅིག་ཡིན་པས། ཧ་ཅང་དགའ་ནས་ང་རང་ནི་ཕྱོགས་གང་ནས་འོང་ཙམ་ཡང་མི་ཤེས། རྟ་རྒན་གཅིག་མ་གཏོགས་ཅི་ཡང་མེད། ད་ངེད་རྣམས་ལྷན་དུ་གནས་ཟེར་ནས་ཁོང་གསུམ་ལྷན་དུ་བསྡད་དེ་ལོ་མང་པོ་མང་པོ་ཞིག་སོང་། ནམ་ཞིག་ན་བུ་ཞིག་སྐྱེས། དེ་ནས་ལོ་མང་པོ་སོང་བ་ནའང་བུ་ཆུང་བ་ཞིག་སྐྱེས། དེའི་རྗེས་སུ་རྒན་མོའི་མ་རྒན་ནི་ཤི་ཁོང་ཡང་ལོ་ཆེན་པོར་གྱུར། ཉིན་ཅིག་ཆུ་ཁ་ན་སོང་དུས་བུ་ཆུང་བ་རྡོ་སྟེང་ནས་ཞུད་དེ་ཆུ་ནང་དུ་ལྷུང་། ཕ་བོ་ཟེར་ནས་བུ་ཆེ་བ་ཡང་ཆུ་ནང་དུ་མཆོང་། རྒན་མོས་བུ་གཉིས་ཆུས་ཁྱེར་ཐལ་ཟེར་ནས་སྐད་ངན་བསྒྲགས་ནས་ཆུ་ནང་དུ་མཆོང་། དེ་དུས་བསམ་བློ་ཞིག་བཏང་ཚེ། ཨཱ། གཅེས་པའི་བུ་ཕྲུག་གཉིས་རྒན་མོ་དང་བཅས་པ་ནི་ཆུས་ཁྱེར། ས་སྟོང་འདི་ནས་ལོ་མང་པོ་འདི་ལྟ་བུ་ཞིག་སོང་ཚར། གནའ་ལོ་ཉུང་གི་སྐབས་འདིར་ཕེབས་ནས་ད་ནི་མགོའི་སྐྲ་དཀར་ཁའི་སོ་ཆད་། ས་ཆ་ཐབས་སྡུག་ཅིག་ན་སྡུག་བསྔལ་ཆེན་པོ་འདི་ལྟ་བུ་ཞིག་ནི་འཇིག་རྟེན་ཁམས་ན་སུ་ལ་ཡོད་བསམས་ནས་གོམ་པ་ཞིག་སྤོ་དུས་འགྲོ་ཡང་མ་ནུས། དེ་མ་ཐག་གཉིད་སད་པ་ལྟ་བུའི་སྣང་བ་ཞིག་ཤར་ཚེ། གནའ་དང་པོའི་ཁྱིམ་གྱི་སྒོ་ཁ་ན་ཕེབས། ཁྱིམ་ན་སོང་དུས་གནའ་སྔན་ཆོད་ཀྱི་རྒན་མོས་སྣ་གླུ་ཞིག་བླངས་ནས་བསྡད་ཡོད། དེ་དུས་ང་ལ་འདི་འདྲའི་སྡུག་བསྔལ་ཆེན་པོ་ཞིག་ཡོད་དུས་ཁྱོད་ཀྱིས་ད་དུང་གླུ་ལེན་ཟེར་ནས་ཡི་ཆད་དང་སྡུག་མོ་བྱས་ཚེ། མོས་ཁྱེད་ཀྱིས་སྨྱོ་བཤད་མ་བྱེད་ཟེར། རྒན་པོ་ངུས་ནས་ཚེ་གཅིག་གི་སྡིགས་བསྔལ་རྣམས་གླེང༌། ཁྱེད་ཀྱིས་ཚེ་གཅིག་མ་ཟེར་ད་སྐབས་ངེད་གཉིས་ཀྱིས་ཇ་ཡང་འཐུང་མ་ཚར་བར་ངས་སྐད་པ་མགོ་ལ་བཞག་པ་དང༌། ཁྱེད་ཇ་འཐུང་མ་ཚར་གོང་སྒོ་ལ་སོང་བ་ཨེ་བདེན་མི་བདེན་ནི། ཁྱེད་ཀྱིས་ཇ་ཕོཪ་ནང་གི་ཇ་ཨེ་འཁྱག་ལྟོས་ཟེར་དུས། ཁོ་རང་གིས་ཀྱང་བསམ་བློ་ཞིག་བཏང་ནས་བལྟས་པ་ན་ད་གཟོད་ཡིད་ཆེས་པ་ཡིན། དེ་མ་ཐག་སྒྱུ་མ་མཁན་རབ་ཏུ་བཟང་པོ་ཧ་བགད་ཅིག་བྱས་ནས་གྲོགས་པོ་སྒྱུ་མ་ཞེས་པ་དེ་འདྲ་ཞིག་རེད། ད་སྒྱུ་མའི་དགའམ་རྟ་ཡི་དགའ་ཟེར་ནས་ཚར་སོང་། དེ་ནས་ཇོ་བོས་གྲོགས་ཟླ་བ་བཟང་པོ་ཞེས་པ་དེ་ད་ལྟ་ཚུལ་ཁྲིམས་རྒྱལ་ཁྱེད་ཡིན། སྒྱུ་མ་མཁན་རབ་ཏུ་བཟང་པོ་ནི་ཁོང་གི་སྐྱེ་བ་ཡིན་གསུངས། སྔོན་ཡང་ཁོང་གིས་སྒྲ་མ་ལྟ་བུས་ཆོས་བཤད་ནས་གྲོགས་པོ་འདི་ཐར་པའི་ལམ་ལ་བཀོད་པ་ཡིན། ད་ལྟ་ཡང་ནག་ཚོ་ཚུལ་ཁྲིམས་རྒྱལ་བ་ལ་སྒྱུ་མ་ལྟ་བུས་ཆོས་བཤད་ནི་ཡིན་གསུངས་ནི་རེད། དེ་ལྟ་བུའི་སྒོ་ནས་སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག་ཅེས་པ་དེ་ཧ་ལམ་དེ་འདྲ་ཞིག་རེད། བདུན་པ་ཞིང་བསྒྲུབ་པ་ལ་འཇུག་པ་ནི། གང་ཡང་དུས་གསུམ་དག་གི་ཞིང་བཀོད་པ། །དེ་དག་རྡུལ་གཅིག་སྟེང་དུ་མངོན་པར་བསྒྲུབ། །རྒྱལ་བ་དག་གི་ཞིང་རྣམས་བཀོད་ལ་འཇུག །ཅེས་གསུངས་ཏེ། དཔེར་ན། སངས་རྒྱས་འོད་དཔག་མེད་ཀྱིས་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང༌། སངས་རྒྱས་བྱེ་བ་ཕྲག་ཁྲིག་བརྒྱ་སྟོང་ཕྲག་གི་སངས་རྒྱས་ཐམས་ཅད་ཀྱི་ཞིང་གི་ཡོན་ཏན་བཀོད་པ་གཅིག་ཏུ་བསྡུས་ནས་ཞིང་ཁམས་འདི་འདྲ་བ་ཞིག་ལ་བདག་མངོན་པར་རྫོགས་པར་སངས་རྒྱས་པར་གྱུར་ཅིག་གསུངས་ཏེ་སངས་རྒྱས་རིན་ཆེན་སྙིང་པོའི་དྲུང་དུ་ཐུགས་བསྐྱེད་ཚུལ་དམ་ཆོས་པད་མ་དཀར་པོ་ལས་གསུངས་པ་ལྟར་ཡིན། དེ་བཞིན་དུ་ཕྱོགས་བཅུའི་ཞིང་རབ་འབྱམས་ཀྱི་རྒྱལ་བ་ཐམས་ཅད་ཀྱིས་ཞིང་དག་པ་ཇི་སྙེད་ཅིག་ཡོད་པའི་ཞིང་ཁམས་ཐམས་ཅད་ཀྱི་བཀོད་པ་དང་ཡོན་ཏན་རྣམས་གཅིག་ཏུ་བསྡུས་པ་འདྲ་བ་ཞིག་གི་ཡོན་ཏན་མངོན་དུ་གྱུར་པའི་ཞིང་ཁམས་དེ་ལ་བདག་མངོན་པར་རྫོགས་པར་སངས་རྒྱས་པར་གྱུར་ཅིག་གསུངས་ནས་གཙོ་བོ་ཞིང་སྦྱངས་པ་རེད། དེ་ཡང་ནི་ཞིང་ཁམས་ཕྱོགས་རེ་ཙམ་མ་ཡིན་པར་གྱི་ཁམས་རབ་འབྱམས་ཐམས་ཅད་ཀུན་ཀྱང་དེ་ལྟ་བུའི་ཞིང་དག་པ་འབའ་ཞིག་ཉིད་དུ་འགྱུར་བར་ཤོག་ཅིག་གསུངས་ནི་རེད། བརྒྱད་པ་དེ་བཞིན་གཤེགས་པའི་དྲུང་དུ་འགྲོ་བ་ལ་འཇུག་པ་ནི། གང་ཡང་མ་བྱོན་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། མགོན་པོ་ཀུན་གྱི་དྲུང་དུ་བདག་མཆི་འོ། །ཞེས་གསུངས་ཏེ་ངེད་ཅག་བསྐལ་པ་བཟང་པོ་འདི་ལ་མཚོན་ན་བྱམས་པ་སེང་གེ་ལ་སོགས་པའི་བསྐལ་བཟང་གི་སངས་རྒྱས་ད་དུང་ཞིང་འདིར་རྣམ་འདྲེན་དགུ་བརྒྱ་དགུ་བཅུ་གོ་དྲུག་འབྱོན་དགོས་ནི་རེད། དེ་དག་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད། བྱང་ཆུབ་སེམས་དཔའི་ལམ་ལ་བསླབ། མངོན་པར་རྫོགས་པར་སངས་རྒྱ་དགོས་ནི་རེད་དེ་བཞིན་དུ་ཕྱོགས་བཅུའི་ཞིང་རབ་འབྱམས་ན་ཡོད་པའི་སངས་རྒྱས་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད། ལམ་ལ་བསླབས་ནས་སངས་རྒྱས་པར་གྱུར་པ་དེ་དག་ཐམས་ཅད་ཀྱི་དྲུང་དུ་བདག་གནས་པར་ཤོག་ཅིག་གསུངས་པ་དང༌། མ་འོངས་པའི་སངས་རྒྱས་རྣམས་ཀྱིས་བྱང་ཆུབ་མཆོག་ཏུ་ཐུགས་བསྐྱེད་དེ་ནས་དགའ་ལྡན་གནས་ནས་འཕོ། ཡུམ་གྱི་ལྷུམས་སུ་ཞུགས། སྐུ་བལྟམས་པ། བཙུན་མོའི་འཁོར་གྱིས་རོལ། བཟོ་ཡི་གནས་ལ་མཁས། ཁྱིམ་ནས་མངོན་པར་བྱུང་། ངེས་འབྱུང་དཀའ་བ་སྤྱད། བྱང་ཆུབ་སྙིང་པོར་གཤེགས། བདུད་སྡེ་བཅོམ། མངོན་པར་བྱང་ཆུབ། ཆོས་ཀྱི་འཁོར་ལོ་བསྐོར། ཡོངས་སུ་མྱ་ངན་ལས་འདའ་བའི་བར་དུ་བདག་དེ་དག་ཐམས་ཅད་ཀྱི་དྲུང་ན་གནས། དེ་རྣམས་ཀྱི་ཕྲིན་ལས་ཀྱི་བྱེད་པོ་ཉིད་དུ་འགྱུར་བར་ཤོག་ཅིག་གསུངས་ནི་རེད། ངེད་ཅག་རྣམས་ཀྱིས་ཀྱང་། མ་འོངས་རྣམ་འདྲེན་དགུ་བརྒྱ་དགུ་བཅུ་དྲུག །ཞིང་འདིར་མངོན་འཚང་རྒྱ་བའི་ཚུལ་སྟོན་ཚེ། །རྟག་ཏུ་ཞབས་འབྲང་ཉེར་གནས་མཆོག་ཏུ་གྱུར། །རླབས་ཆེན་ཕྲིན་ལས་སྤེལ་བའི་མཐུ་ཐོབ་ཤོག །ཅེས་སྨོན་ལམ་བཏབ་པ་དང་གཅིག་རེད། མདོར་ན་མ་འོངས་པའི་སངས་རྒྱས་ཐམས་ཅད་ཀྱི་མཛད་པ་བྱེད་ནུས་པར་ཤོག་ཅིག་གསུངས་ནི་རེད། སྔོན་སྨིན་གླིང་ལོ་ཆེན་རྐྱེན་དབང་གིས་ཡོངས་སུ་མྱ་ངན་ལས་འདས་པའི་སྐབས་ན་ཇུན་ཧོར་དམག་གིས་ཁོང་བཟུང་ནས་འགྲོངས་ཆས་བྱེད་སྐབས་ཁོང་ཇོ་བོ་མཇལ་བ་རུ་ཨེ་མངག་གསུངས་དུས་མངག་ན་ཆོག་ཟེར། ཇོ་བོའི་སྐུ་མདུན་དུ་མགོན་པོ་ཀུན་གྱི་དྲུང་དུ་བདག་མཆིའོ་གསུངས་ནས་བཟང་ཡོད་ནི་ཟིན་བྲིས་བཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། ཡོངས་སུ་མྱ་ངན་ལས་འདས་སོང་ནི་རེད། ངེད་ཅག་སྨིན་གླིང་བ་ཕལ་ཆེ་བ་ཞིག་གིས་མགོན་པོ་ཀུན་གྱི་དྲུང་དུ་བདག་མཆིའོ་ཟེར་ནས་བཅད་དེ་ཚིག་མགོ་ཡང་ལེན་བྱེད་པའི་སྲོལ་ཡང་ཡོད་དར། སྔོན་ཆད་བྲག་རྫོང་མཁན་པོས་དེ་ལྟར་ཚིག་མགོ་ལེན་དར། ང་རང་གིས་བྲག་རྫོང་མཁན་པོ་ལ་ཨ་མཚར་དུ་འདི་རྟེན་འབྲེལ་ལེགས་པོ་ཞིག་མ་རེད་སྨིན་གླིང་ལོ་ཆེན་འདས་འགྲོ་ས་རེད་མ་བཅད་ན་དགའ་ཞེས་ཞུ་མྱོང་། རྒྱལ་བ་སྲས་བཅས་ཀྱི་དྲུང་དུ་བདག་གིས་བྱང་ཆུབ་སེམས་དཔའི་སྤྱོད་པ་ལ་སློབ་པར་གྱུར་ཅིག་གསུངས་ནི་རེད། སྤྱི་དོན་བཅུ་གཉིས་པ་སྟོབས་ཀྱི་སྒོ་ནས་སྨོན་པ་ནི། ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང༌། །ཀུན་ནས་སྒོ་ཡི་ཐེག་པའི་སྟོབས་དག་དང་། །ཀུན་ཏུ་ཡོན་ཏན་སྤྱོད་པའི་སྟོབས་རྣམས་དང་། །ཀུན་ཏུ་ཁྱབ་པ་བྱམས་པ་དག་གི་སྟོབས། །ཀུན་ནས་དགེ་བའི་བསོད་ནམས་སྟོབས་དག་དང་། ཆགས་པ་མེད་པར་གྱུར་པའི་ཡེ་ཤེས་སྟོབས། །ཤེས་རབ་ཐབས་དང་ཏིང་འཛིན་སྟོབས་དག་གིས། །བྱང་ཆུབ་སྟོབས་རྣམས་ཡང་དག་སྒྲུབ་པར་བྱེད། ཅེས་གསུངས་ཏེ། དཔེར་ན། ས་དང་པོའི་གནས་སྐབས་ན་སྐད་ཅིག་མ་གཅིག་གི་ཡུན་ལ་ཞིང་ཁམས་བརྒྱ་ལ་འཇུག་ནུས། སེམས་ཅན་བརྒྱ་སྨིན་ནུས། འཇིག་རྟེན་ཁམས་བརྒྱ་གཡོ་ནུས། སྤྲུལ་བ་བརྒྱ་འགྱེད་ནུས། ཆོས་ཀྱི་སྒོ་མོ་བརྒྱ་སྟོན་ནུས། ཏིང་འཛིན་བརྒྱ་ལ་འཇུག་ནུས་པ་ལ་སོགས་པ་དེ་ལྟ་བུའི་ཀུན་ཏུ་མྱུར་བའི་རྫུ་འཕྲུལ་གྱི་སྟོབས་དང་ནི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་སྤྱིར་ཡོན་ཏན་གྱི་རྣམ་གྲངས་བསམ་གྱིས་མི་ཁྱབ་པ་ཡོད་ཀྱང་རིགས་བསྡུ་ན། སྒྲིབ་གཉིས་བག་ཆགས་དང་བཅས་པ་སྤངས་པའི་ཡོན་ཏན་དང༌། ཇི་ལྟ་ཇི་སྙེད་མཁྱེན་པའི་ཡེ་ཤེས་ཐམས་ཅད་རང་རྒྱུད་ལ་ཡོངས་སུ་རྟོགས་པའི་སྨོན་ལམ་དང༌། གཞན་དོན་ལ་ཕྲིན་ལས་ཆགས་ཐོགས་མེད་པར་འཇུག་པ་དེ་ལྟ་བུའི་ཡོན་ཏན་ཚད་མེད་དང་ལྡན་པ་དང་། གནས་སྐབས་བདག་མེད་རྟོགས་པའི་ཡེ་ཤེས་མ་འབྲེལ་བའི་སེམས་ཅན་ཐམས་ཅད་བདེ་བ་དང་ལྡན་པར་འདོད་པ་ལ་ཚངས་པའི་བྱམས་པ་ཟེར་ནི་རེད། དེ་སྲིད་པ་ན་སྐྱེ་བར་བྱེད་པའི་རྒྱུ་ཞིག་རེད། སྲིད་པ་ལས་འདས་པའི་བྱམས་པ་ནི་བདག་མེད་རྟོགས་པའི་ཡེ་ཤེས་ཀྱི་སེམས། ཁྱད་པར་དུ་སངས་རྒྱས་ཀྱི་གོ་འཕང་ཐོབ་པར་བྱ་བའི་ཕྱིར་སེམས་ཅན་ཐམས་ཅད་ལ་ཉེ་རིང་ཆགས་སྡང་མེད་པར་ནམ་མཁས་གར་ཁྱབ་ཀྱི་སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བསམ་པ་བཟང་པོ་དེ་རང་གི་རྒྱུད་ལ་སྐྱེ་བར་བྱེད་པ་གཞན་གྱི་རྒྱུད་ལ་ཡང་སྐྱེ་བར་བྱེད་དགོས་བསམ་རྒྱུ་དེ་ནི་ཀུན་ཏུ་ཁྱབ་པའི་བྱམས་པ་དང་། དེས་མ་ཁྱབ་པ་མེད་པའི་སེམས་ཅན་ཐམས་ཅད་ལ་རང་གི་བུ་དང་བུ་མོ་ལྟར་སྙིང་རྗེ་དང་བྱམས་པ་སྐྱེས་ནི་རེད། དགྲ་ལ་ཡང་བྱམས་པ་སྐྱེས་ནི་རེད། ཀུན་ནས་དགེ་བའི་ཟེར་རྒྱུ་དེ་ནི། བྱང་ཆུབ་སེམས་དཔའི་དགེ་བ་ཆུང་ངུ་ཙམ་ཞིག་བྱེད་པ་དེས་བསོད་ནམས་རྒྱ་ཆེན་པོ་འགྲུབ་པར་བྱེད་ནི་རེད། ཡང་དཔེར་ན། བདག་ཅག་གི་སྟོན་པ་ཐུགས་རྗེ་ཅན་གྱིས་སྔོན་སློབ་པ་ལམ་གྱི་གནས་སྐབས་ན་དགེ་བ་ཆུང་ངུ་ཞིག་གིས་ཀྱང་སྐད་ཅིག་རེ་རེའི་ཡུན་ལ་བསྐལ་པ་མང་པོའི་ཚོགས་རྫོགས་འགྲོ་བ་དང་། ལྟར་སྣང་ལ་མི་དགེ་བ་ལྟར་དུ་སྣང་ཡང་སྔོན་དེད་དཔོན་སྙིང་རྗེ་ཅན་གྱིས་མི་ནག་མདུང་ཐུང་ཅན་བསད་པ་ལྟ་བུའི་དགེ་རྩ་གཅིག་གིས་ཀྱང་བསྐལ་པ་བརྒྱད་ཁྲིའི་ཚོགས་རྫོགས་འགྲོ་བ་ལྟ་བུ་དང་། ཁྱེའུ་སྐར་མ་ལ་དགའ་བ་རྒྱལ་བའི་སྲས་ཡིན་པའི་གནས་སྐབས་ན་བྲམ་ཟེ་བུ་མོ་འདོད་ཆགས་ཀྱིས་གདུང་བས་དེ་ལ་བྱང་སེམས་ཀྱི་སྒོ་ནས་ཆགས་པ་སྤྱོད་ཁྱིམ་ཐབ་བྱས་ནས་བསྐལ་པ་བཞི་ཁྲིའི་ཚོགས་རྫོགས་པར་བྱས་ནི་རེད། དེ་བཞིན་དུ་སྲིད་པའི་ཉེར་ལེན་གྱི་དགེ་བ་ཟེར་རྒྱུ་དེ་ནི་དེ་ལྟ་བུའི་སྐད་ཅིག་གི་དགེ་བ་ཁྱད་པར་ཅན་རང་གི་རྒྱུད་ལ་རྫོགས་པར་ཤོག་ཅིག་གསུངས་ནི་རེད། དགེ་བ་སྒྲུབ་ན་རང་ཁར་སོ་སོའི་སྐྱེ་བོ་ཞིག་གིས་དགེ་བ་སྒྲུབ་པ་དེ་དཔེར་ན། སྦྱིན་པ་སྦྱིན་ན་སྦྱིན་པ་པོ་རང་དང་སྦྱིན་པའི་ཡུལ་སྦྱིན་རྒྱུ་དངོས་པོ་གསུམ་ལ་བདག་ཏུ་འཛིན་པའང་ཡོད། དེ་ལ་ང་རྒྱལ་ཕྱོགས་འཛིན་ཁེངས་སེམས་དང་། སྦྱིན་པའི་སྐབས་ན་བརྙས་བཅོས་ལྟ་བུ་ཡང་ཡོད་ནི་རེད། བྱང་ཆུབ་སེམས་དཔའ་རྣམས་ཀྱིས་སྦྱིན་པ་དེ་ལ་སྦྱིན་པ་སྦྱིན་བྱ་ལེན་པོ་ཐམས་ཅད་ཀུན་ཀྱང་སྒྱུ་མ་དང་རྨི་ལམ་ལྟ་བུ་སྟོང་ཉིད་ཀྱི་ལྟ་བ་རྟོགས། ཀུན་རྫོབ་སྒྱུ་མ་ལྟ་བུ་ལ་བསླུ་བ་མེད་པའི་སྒོ་ནས་སེམས་ཅན་ཐམས་ཅད་ལ་སྦྱིན་པ་སྦྱིན་པ་དེ་རང་གི་ཤ་བཅད་ནས་སྦྱིན་དགོས་ནའང་དགའ་བ་ལས་མེད། དཔེར་ན། དབུ་མ་ལ་འཇུག་པ་ལས། ཇི་ལྟར་བྱིན་ཅིག་ཅེས་སྒྲ་ཐོས་སེམས་ལས། །རྒྱལ་སྲས་བདེ་འབྱུང་དེ་ལྟར་ཐུབ་རྣམས་ལ། །ཞི་བར་ཞུགས་པས་བདེ་བ་བྱེད་མིན་ན། །ཐམས་ཅད་བཏང་བས་ལྟ་ཞིག་སྨོས་ཅི་དགོས། །ཞེས་གསུངས་ཏེ། དཔེར་ན། རང་གི་ཤ་བཅད་ནས་དགོས་ཟེར་ན་བྱང་ཆུབ་སེམས་དཔའ་ལ་ཉན་ཐོས་དགྲ་བཅོམ་རྣམས་འགོག་པའི་བདེ་བ་ལ་ཞུགས་པའི་དགའ་བ་ལས་ཀྱང་དགའ་བ་ཁྱད་པར་ཅན་ཞིག་ཡོད་ནི་རེད། དེ་བཞིན་དུ་བྱང་ཆུབ་སེམས་དཔའི་སྦྱིན་པ་དེ་ཡང་རང་གི་ལག་གིས་སྦྱིན་པ་དང་ཉེ་བར་སྦྱིན་པ་དང་། རྣམ་འགྱུར་དགའ་བ་དང༌། སྤྲོ་བའི་སྒོ་ནས་སྦྱིན་པ་སྦྱིན་ནི་རེད། དེ་ལ་ཡང་ལན་དང་རྣམ་སྨིན་ལ་མི་རེ་བའི་སྒོ་ནས་སྦྱིན་པ་སྦྱིན་ནི་རེད། ངེད་ཅག་གིས་སྦྱིན་པ་ཞིག་སྦྱིན་ན་ཕར་གཅིག་སྦྱིན་ན་ཚུར་གཅིག་སྦྱིན་འོང་བསམ་པའི་ལན་དང་རྣམ་སྨིན་ལ་རེ་བ། གལ་ཏེ་ལན་ལ་རེ་བ་མེད་ནའང་རྣམ་སྨིན་ལ་རེ་བ་ཡོད། ངས་ཚོགས་བསགས་སྒྲིབ་སྦྱོང་བྱས་པས་ང་གནས་སྐབས་ལྷ་མིའི་བདེ་བ་དང་། མཐར་ཐུག་གི་བདེ་བ་རྒྱ་ཆེན་པོ་ཞིག་ཨེ་ཐོབ་བསམ་རྒྱུའི་རྣམ་སྨིན་ལ་རེ་བ་ཡོད་ནི་རེད། བྱང་ཆུབ་སེམས་དཔའ་ལ་དེ་ལྟ་བུ་ཡོད་ནི་མ་རེད། སེམས་ཅན་ཐམས་ཅད་གནས་སྐབས་དང་མཐར་ཐུག་བདེ་སོང་ན་ཅི་མ་རུང་། རང་ཅི་རེད་ན་ཅི་རེད་ཟེར་ནི་རེད། དཔེར་ན། ཕ་མ་སྙིང་བརྩེ་ལྡན་པས་བུ་ལ་ཟས་སྦྱིན་ན་དེས་ང་ལ་ལན་ཞིག་ཨེ་སྦྱིན་མི་བསམ་པར་ཁོང་གིས་བུ་འདི་ལ་ཟས་ཤིག་སྦྱིན་ན་ང་ལ་དགེ་བ་རྒྱ་ཆེན་པོ་ཨེ་ཡོད་མི་བསམ། བྱང་ཆུབ་སེམས་དཔའ་ཡིན་ན་ཧ་ལམ་དེ་དག་དང་ཆ་འདྲ་བ་རེད། ཤེས་རབ་དང་ཐབས་དང་ཏིང་ངེ་འཛིན་གྱིས་སངས་རྒྱས་ཀྱི་གོ་འཕང་སྒྲུབ་པར་བྱེད་པ་ལ་ཆོས་ཐམས་ཅད་བདག་མེད་རྟོགས་པའི་ཡེ་ཤེས་ཡོད་དགོས་ནི་རེད་མ་གཏོགས། བདག་མེད་མ་རྟོགས་པའི་དགེ་རྩ་ཙམ་ཞིག་གིས་སངས་རྒྱས་ཀྱི་གོ་འཕང་ཐོབ་ཐུབ་ནི་མ་རེད། བྱམས་སོགས་རྨོངས་དང་འགལ་མེད་ཕྱིར། །ཤིན་ཏུ་ཉེས་པ་ཚར་གཅོད་མིན། །ཞེས་གསུངས་སོ། །དེའི་ཕྱིར་ན་བདག་མེད་རྟོགས་པའི་ཤེས་རབ་རང་གི་རྒྱུད་ལ་རྫོགས་པར་གྱུར་ཅིག བདག་མེད་རྐྱང་བ་ཙམ་ཞིག་རྟོགས་ནའང་ཐབས་མཁས་ཁྱད་པར་ཅན་ཞིག་གི་གྲོགས་ཡོད་དགོས་ནི་རེད། ཐབས་མཁས་ཁྱད་པར་ཅན་ཟེར་རྒྱུ་དེ་བྱང་ཆུབ་སེམས་དཔའི་གནས་སྐབས་ན་གོང་དུ་བཤད་པ་ལྟར་དེད་དཔོན་སྙིང་རྗེ་ཅན་དང་། ཁྱེའུ་སྐར་མ་ལ་དགའ་བའི་རྣམ་ཐར་ལྟ་བུ་སྐད་ཅིག་གི་བྱ་བ་དེས་བསྐལ་མང་གི་ཚོགས་རྫོགས་འགྲོ་བ་དང་། གསང་སྔགས་རྡོ་རྗེ་ཐེག་པའི་གྲལ་ན་མིག་འཕྲུལ་ལྟ་བུའི་སྒོ་ནས་བསྐལ་ཆེན་གྲངས་མེད་གསུམ་དང་སུམ་ཅུ་སོ་གསུམ་གྱི་འབྲས་བུ་ཐོབ་རྒྱུ་དེ་མི་ལུས་གཅིག་གམ་རྫོགས་པ་ཆེན་པོའི་ལམ་ལྟ་བུའི་ཐབས་ཁྱད་པར་ཅན་ལ་བརྟེན་ན་ཟླ་བ་དྲུག་གིས་ཟུང་འཇུག་གི་སྐུ་འགྲུབ་པར་བྱེད་པ་ཡོད་ནི་རེད། དེ་འདྲའི་ཐབས་ཁྱད་པར་ཅན་ཟེར་རྒྱུ་དེ་གསང་སྔགས་རྡོ་རྗེ་ཐེག་པའི་ནང་ན་བཤད་ཡོད་ནི་རེད། མདོ་ཕར་ཕྱིན་ཐེག་པའི་སྐབས་ན་ཡང་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཕྱོགས་ཙམ་ཡང་མི་ཤེས་པ་ནི་ཐབས་ཀྱི་རྣམ་གྲངས་བསམ་གྱིས་མི་ཁྱབ་པ་ཡིན་པས་རེད། སྤྱིར་བྱང་ཆུབ་སེམས་དཔའི་འགྲོ་དོན་མཛད་པ་ལ་བྱ་བ་གང་བསྒྲུབ་དགོས་ན་བསམ་པ་སྔོན་དུ་འགྲོ་དགོས་ཏེ། ཆོས་རྣམས་སྔོན་དུ་ཡིད་འགྲོ་ཞིང༌། །ཡིད་འགྲོགས་ཡིད་འདི་གཙོ་བོ་ཡིན། །ཞེས་བསམ་པ་སྔོན་དུ་འགྲོ་དགོས་པར་གསུངས་ནི་རེད། དཔེར་ན་རྩམ་པ་ཞིག་ཟ་དགོས་ནའང་དང་པོ་ཟ་བསམ་རྒྱུའི་བསམ་པ་སྔོན་དུ་སོང་ནས་ཟ་དགོས་པ་དང་གོམ་པ་འདོར་དགོས་ན་འགྲོ་བསམ་པ་སྔོན་དུ་སོང་ནས་གོམ་པ་འདོར་དགོས་པ་དེ་བཞིན་དུ་བྱང་ཆུབ་སེམས་དཔའ་དང་སངས་རྒྱས་ཐམས་ཅད་ཀྱིས་རང་གཞན་གྱི་དོན་གང་དང་གང་ཞིག་བསྒྲུབ་ན་ཏིང་ངེ་འཛིན་གྱི་སྟོབས་ཀྱིས་སྒྲུབ་པར་བྱེད་ནི་རེད། ཏིང་ངེ་འཛིན་གྱི་སྒོ་དེ་ནི་བསམ་གྱིས་མི་ཁྱབ་པ་རེད། རྒྱས་པར་ད་ཞག་ཉེ་སྲས་བརྒྱད་ཀྱི་རྟོགས་བརྗོད་ཀྱི་སྐབས་ན་གསུངས་ཡོད་པ་དེ་ངས་ཕྱོགས་ཙམ་ཞིག་ཞུས་མྱོང་པ་ལྟར་རེད། དཔེར་ན། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པའི་དེ་བཞིན་གཤེགས་པ་ཤཱཀྱ་ཐུབ་པའི་དྲུང་དུ་འཁོར་བསྡུ་བའི་ཚེ་ན་ཏིང་ངེ་འཛིན་གཅིག་ལ་མཉམ་པར་བཞག་ནས་དེའི་སྟོབས་ཀྱིས་འཁོར་ཐམས་ཅད་བསྡུས། བདུད་ཐམས་ཅད་ཚར་གཅད་པའི་ཚེ་ན་ཡང་ཏིང་ངེ་འཛིན་གྱི་རྣམ་གྲངས་གཅིག་ལ་མཉམ་པར་བཞག་ནས་བདུད་ཐམས་ཅད་ཚར་གཅོད་པར་བྱེད། དེ་བཞིན་དུ་རང་གཞན་གྱི་དོན་གང་ཞིག་བསྒྲུབ་དགོས་ཀྱང་ཏིང་ངེ་འཛིན་ལ་དབང་འབྱོར་དགོས་ནི་རེད། ཏིང་ངེ་འཛིན་ཟེར་རྒྱུ་དེ་ནི་ངེད་ཅག་གིས་སྒོམ་ཞེས་རྩེ་གཅིག་ཏུ་མཉམ་པར་བཞག་པ་དེ་ཧ་ལམ་ཏིང་ངེ་འཛིན་གྱི་ཕྱོགས་གཏོགས་རེད། ད་དུང་ངེད་ཅག་ལས་དང་པོ་པ་རེད། ཏིང་ངེ་འཛིན་གྱི་སྒོ་ལ་གསར་དུ་འཇུག་ཅིང༌། ནམ་ཞིག་ཏིང་ངེ་འཛིན་ལ་དབང་འབྱོར་བར་བྱེད་ནི་རེད། ཏིང་ངེ་འཛིན་གྱི་རྣམ་པ་དེ་སྤྱིར་ན་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱིས་ཚད་མེད་པ་གཞལ་དུ་མེད་པ་ཞིག་ཡོད་པར་གསུངས་ནི་རེད། དེ་བཞིན་གཤེགས་པའི་མདོ་སྡེ་ཏིང་འཛིན་རྒྱལ་པོ་ཟེར་བ་ཞིག་ད་སྐབས་བོད་དུ་འགྱུར་ཡོད་ནི་རེད། དེའི་ནང་དུ་ཏིང་ངེ་འཛིན་གྱི་སྒོ་མི་འདྲ་བ་འབུམ་ཕྲག་གཅིག་བཤད་ཡོད་ནི་རེད། དཔེར་ན། མདོ་ཏིང་འཛིན་རྒྱལ་པོ་ལས་བཤད་པའི་སྒྱུ་མ་ལྟ་བུའི་ཏིང་ངེ་འཛིན་དང་དཔའ་བར་འགྲོ་བའི་ཏིང་ངེ་འཛིན། རྡོ་རྗེ་ལྟ་བུའི་ཏིང་ངེ་འཛིན་ལ་སོགས་པའི་ཏིང་ངེ་འཛིན་གྱི་རྣམ་གྲངས་འབུམ་ཕྲག་གཅིག་དངོས་བསྟན་རེད། སྒོ་འབུམ་ཕྲག་གཅིག་གི་མཐའ་ཆོད་ཟེར་ན་ག་ལ་ཆོད་དེ་ཆོད་ནི་མ་རེད། ངེད་ཅག་སོ་སོའི་སྐྱེ་བོ་ཞིག་གི་རྣམ་རྟོག་གིས་སངས་རྒྱས་དང་བྱང་ཆུབ་སེམས་དཔའི་ཏིང་ངེ་འཛིན་གྱི་མཐའ་ག་ལ་ཆོད། དེ་ལྟ་བུའི་ཏིང་ངེ་འཛིན་དེ་ནི་རང་དང་འབྲེལ་བ་ཐོགས་ཚད་ཀྱི་སེམས་ཅན་ཐམས་ཅད་ཀྱི་རྒྱུད་ལ་སྐྱེ་བར་ཤོག་ཅིག་གསུངས་ནི་རེད། དེ་འདྲའི་ཚིག་གཅིག་གིས་སྨོན་ལམ་བཏབ་ན་དེའི་ནང་དུ་མ་འདུས་པ་ཞིག་ཅི་ཡང་མེད། ས་ཐོབ་པའི་རྒྱུད་ན་འདི་ལྟ་བུའི་ཚིག་ཟབ་ལ་དོན་རྒྱ་ཆེ་བ་བྱིན་རླབས་ཀྱི་ནུས་པ་ལྷག་པར་ཆེ་བ་ཡོད་པས་དེ་རྒྱུད་ལ་སྐྱེ་བའི་ཐབས་སུ་དུས་རྒྱུན་དུ་སྨོན་ལམ་འདེབས་པ་དང་། རྒྱས་པར་ཏིང་འཛིན་རྒྱལ་པོའི་གཞུང་ལས་བཤད་པའི་དོན་ཐམས་ཅད་ཁོང་དུ་ཆུད་པ་བྱེད་དགོས་ནི་རེད། སྤྱི་དོན་བཅུ་གསུམ་པ་སྒྲུབ་པའམ་གཉེན་པོའི་སྒོ་ནས་སྨོན་པ་ནི། ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞེས་གསུངས་ཏེ། ལས་ཀྱི་སྟོབས་དེ་མེད་པར་གྱུར་ཅིག་ཞེས་མི་དགེ་བ་བཅུ་པོ་རང་རྒྱུད་ལ་མི་སྐྱེ་བར་གྱུར་ཅིག་ལས་དེ་ལའང་བསམ་པའི་ལས་དང་སེམས་པའི་ལས་ཞེས་མདོ་སྡེ་ཁ་ཅིག་ན་དེ་ལྟར་བཤད་ཡོད། སེམས་ལ་རྟག་ཏུ་མང་པོ་ཞིག་བསམ་འདུག་རྒྱུ་དེའི་མིང་ལ་སེམས་པ་ཡིད་ཀྱི་ལས་དང་དེས་བསྐྱེད་པའི་ལུས་དང་ངག་གི་ལས་དེ་ལའང་སེམས་པའི་ལས་ཟེར། ལུས་ངག་གི་སྟེང་དུ་ཐོན་པ་དངོས་སུ་ཁ་ནས་བརྗོད་པའི་ལས་དེ་ལ་བསམ་པའི་ལས་ཟེར་ནི་རེད། མདོར་ན་ལུས་ངག་ཡིད་གསུམ་གྱི་སྒོ་ནས་སྡུག་བསྔལ་ཡིད་དུ་མི་འོང་བ་སྨིན་པར་བྱེད་པའི་ལས་ངན་པ་ཐམས་ཅད་ཡོངས་སུ་ཟད་པར་གྱུར་ཅིག་གསུངས་ནི་རེད། འཁོར་བ་མཐའ་དག་ལ་སྐྱེ་བར་བྱེད་པའི་ལས་དཀར་ནག་དང་དཀར་ནག་ཕྱེད་མས་མངོན་མཐོ་ལྷ་མིའི་གནས་སུ་སྐྱེ་བར་བྱེད་པའི་ཟག་བཅས་དགེ་བའི་ལས་རེད། དེ་ཟད་དགོས་ནི་རེད་མ་གཏོགས་དེས་ཀྱང་འཁོར་བ་ལ་སྐྱེ་ནི་རེད། དོན་དང་པོ་མི་དགེ་བའི་ལས་མཐའ་དག་རྩ་བ་ནས་ཡོངས་སུ་སྤངས་ཏེ་ཕྱིན་ཆད་མི་དགེ་བ་ཕྲ་མོ་ཙམ་ལ་ཡང་མི་འཇུག་པར་ཤོག་ཅིག་གསུངས་ནི་རེད། ལས་དེ་ཀུན་ནས་སློང་བྱེད་ཉོན་མོངས་རེད། ཉོན་མོངས་པ་ཞེས་པ་དེ་མང་པོ་ཡོད་ཀྱང་སྲིད་པ་དང་སྲིད་པའི་ཡོ་བྱད་ལ་ཞེན་ཅིང་ཆགས་འདུག་རྒྱུའི་འདོད་ཆགས་ཞེས་པ་ནི་ཞེ་སྡང་འདྲ་བའི་ཧ་ཅང་བཟོད་བཀའ་བ་མིན་ཡང་དེ་རྒྱུད་ན་ཡོད་ནས་བཟུང་སྟེ་གཏན་ནས་བཟློག་པར་དཀའ་བ་ཞིག་ཡིན་ནི་རེད། དཔེར་ན་སྐྱེས་པ་ཞིག་བུད་མེད་ལ་ཆགས་པ་དང་། བུད་མེད་ཅིག་སྐྱེས་པ་ལ་ཆགས་པ་ལྟ་བུ་ནི། བཅོམ་ལྡན་འདས་ཀྱི་གསུང་དང་ཡང་འགལ་བ་དང་། བླ་མ་དགེ་བའི་བཤེས་གཉེན་གྱི་གསུང་དང་ཡང་འགལ། ཤེས་བཞིན་དུ་སེམས་འདི་གཏན་ནས་བཟློག་མི་ཐུབ་པ་འཇིག་རྟེན་པའི་ཁ་སྐད་ལའང༌། རྣག་སྐྲ་སྤངས་ལ་ཟུག་ན་འབའ་ཡོད། ཕོ་སྙིང་མོ་ལ་ཟུག་ན་འབའ་མེད་ཟེར་བ་ལྟར་བཟློག་རྒྱུ་གཏན་ནས་མེད་པ་ཞིག་ལ་ཟེར་བས་དེ་ལ་ངོ་སྤྲོད་ཅིག་མི་དགོས། རྒྱུ་རྫས་ལོངས་སྤྱོད་ལ་ཆགས་པ་དེའང་ཧ་གོ་བཞིན་པ་དེ་རེད། དཔེར་ན། ཕྲུག་ཚ་རུ་གཡུ་བྱུ་རུ་སྒོར་གསེར་དངུལ་སོགས་ལ་ཆགས་ཤིང་ཞེན་པ་དེ་ལ་འདོད་ཆགས་ཟེར་ནི་རེད། ཞེ་སྡང་ཞེས་པ་ནི། མི་ཞེ་སྡང་ཅན་རྣམས་ཀྱིས་རང་གི་ཤ་སོས་བཅད་ཀྱང་མི་གོ་བ་དང་། རང་གི་ལུས་ལས་ཆད་པའི་བུ་བསད་ན་མི་གོ་རྒྱུ་འདྲ་བ་དེ་ལྟ་བུའི་ཞེ་སྡང་དེ་ངོ་སྤྲོད་ཅིག་མི་དགོས་པར་ཚང་མས་ཤེས་ནི་རེད། འདོད་ཆགས་ཞེ་སྡང་གཉིས་ཀ་ལ་འཕྲད་འོང་དུས་བཟློག་མི་ཐུབ་པ་ལྟ་བུ་ཞིག་རེད། གཏི་མུག་ཅེས་པ་དེ་ཡང་དགེ་བ་སྒྲུབ་མི་ཤེས་སྡིག་པ་སྤང་མི་ཤེས་པ་དེ་ནི་གཏི་མུག་རེད། ཉེས་པ་མང་ཆེ་བའི་འབྱུང་གནས་དེ་གཏི་མུག་རེད། རང་ཅག་གིས་ད་ལྟ་གཞུང་ལུགས་རབ་འབྱམས་ལ་ཐོས་བསམ་སྒོམ་གསུམ་བྱེད་རྒྱུ་དེ་གཙོ་བོ་གཏི་མུག་སེལ་བའི་ཆེད་རེད། དཔེར་ན། དགེ་འདུན་པའི་དཀོར་ལ་ལོངས་སྤྱོད་རྒྱུ་དེ་ཕྲ་ཞིང་ཕྲ་བ་ནས་ལག་ལེན་དོགས་མཐའ་ལེགས་པོ་ཞིག་ཤེས་དགོས་ན་ད་ཞག་མཁན་སྤྲུལ་རྣམ་པ་ཐམས་ཅད་ལྷན་དུ་འཚོགས་ནས་གྲོས་བསྡུར་བྱེད་སྐབས། ངེད་ཅག་གིས་ཚུལ་བཞིན་བཤད་མི་ཤེས་དེ་ཡང་གཏི་མུག་གིས་རེད། སྤྱིར་ན་མི་དགེ་བ་ནི་མ་ཤེས་པའི་དབང་གིས་འབྱུང་ནི་རེད། མ་གུས་པ་དང་བག་མེད་པའི་དབང་གིས་ཉེས་པ་ཆེ་ཕྲ་ཐམས་ཅད་འབྱུང་བ་ཡིན། བག་མེད་ཞེས་པ་དེ་དྲན་ཤེས་མི་བརྟེན་པ་ལ་ཟེར། ཉོན་མོངས་པའི་དབང་གིས་འབྱུང་བའང་ཡོད་པས། དེའི་སྡུག་ཆེ་བ་ཞིག་ཅི་ཡང་མེད། ཉོན་མོངས་པ་ཐམས་ཅད་རིགས་བསྡུ་ན་འདོད་ཆགས་ཞེ་སྡང་གཏི་མུག་གསུམ་གྱི་ནང་དུ་ཕྱོགས་ཙམ་འདུ་རྒྱུ་རེད། ཕྲག་དོག་དེ་ཞེ་སྡང་གི་ཕྱོགས་གཏོགས་རེད། སེར་སྣ་ཟེར་བ་ནི་འདོད་ཆགས་དང་ཕྱོགས་འདྲ་བ་ཞིག་རེད། སྤྱིར་ན་མི་དགེ་བ་འདོད་ཆགས་ཞེ་སྡང་གཏི་མུག་གསུམ་གྱིས་ཀུན་ནས་བསླངས་པའི་ལུས་ངག་ཡིད་ཀྱི་སྤྱོད་པ་ཚང་མ་རྣམ་པ་ཀུན་ཏུ་མི་དགེ་བ་འབའ་ཞིག་རེད། དེས་ན་འདོད་ཆགས་ཞེ་སྡང་གཏི་མུག་གསུམ་པོ་དེ་མེད་པར་གྱུར་ཅིག་གསུངས་ནི་རེད། ༈ སེས་ཞེས་པ་དེ་འདོད་ཆགས་ཞེ་སྡང་གཏི་མུག་རྣམས་རང་རྒྱུད་ལ་སྐྱེ་བར་བྱེད་པ་དེ་རེད། སྣང་ཚུལ་གྱི་དབང་དུ་བྱས་ན་ཕྱི་རོལ་དུ་དགའ་རབ་དབང་ཕྱུག་འཁོར་དང་བཅས་པ་ནག་པོའི་རྩ་ལག་ཏུ་གྱུར་པ་ཐམས་ཅད་ཀྱིས་རབ་ཏུ་བྱུང་བ་ཐམས་ཅད་ལ་ཉིན་རེ་བཞིན་དུ་ཆགས་པར་བྱེད་པའི་མདའ། སེམས་རྨོངས་པར་བྱེད་པའི་མདའ་དང་། སེམས་ང་རྒྱལ་བར་བྱེད་པའི་མདའ་དང་། འཐབ་པར་བྱེད་པའི་མདའ་དང༌། འདུ་འཛི་དང་རྙེད་བཀུར་ལ་བརྟེན་ཏེ་སེམས་གཡེང་བར་བྱེད་པ་སོགས་མདའ་ལྔ་རེ་འཕེན་ནི་རེད། དེ་ནི་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་སེར་སྣ་སོགས་སྐྱེ་བྱེད་དེ་ལ་མདའ་ལྔ་ཟེར་ནི་རེད། དེ་འདྲའི་མདའ་འཇམ་པོ་འཇམ་པོ་ཞིག་གིས་བརྒྱབ་པ་ཡང་མི་གོ་བར་ཁྱབ་འགྲོ་བ་ཞིག་རེད། དེ་ལྟ་བུའི་ཉོན་མོངས་པ་རྒྱུད་ལ་སྐྱེ་བར་བྱེད་པ་ནི་བྱང་ཆུབ་གསུམ་ལ་བར་ཆད་བྱེད་པའི་བདུད་ཟེར་རྒྱུ་བོ་དེ་རེད། འདྲེ་བགེགས་ལ་སོགས་པ་གཙོ་བོ་རང་གི་སེམས་ཀྱི་ཆོ་འཕྲུལ་རེད་མ་གཏོགས་སེམས་ལས་གཞན་དུ་གྱུར་པའི་ཕྱི་རོལ་གྱི་ཁ་མིག་རྣ་བ་ཅན་གྱི་བདུད་ཅིག་མེད་ཀྱང་སེམས་རྣམ་པར་མ་དག་ན་བགེགས་ཡོད་དེ། རྗེ་བཙུན་མི་ལའི་རྣམ་མགུར་ལས། ཁྱེད་རང་སེམས་འདྲེ་རུ་བཟུང་གྱུར་ན། །འདྲེ་ང་བས་མི་ཚད་གཞན་པ་ཡོད། །ཅེས་གསུངས་ཏེ། ཕྱི་རོལ་ན་ཁ་ལག་རིང་པོ་ཁ་མིག་རྣ་བ་ཅན་ཞིག་ཡོད་རྒྱུའི་དབང་དུ་བྱེད་པ་དགའ་རབ་དབང་ཕྱུག་དང་བཙན་རྒྱལ་པོ་མ་མོ་ཐེའུ་རང་དམ་སྲི། ཁྱད་པར་དུ་སངས་རྒྱས་ཀྱི་བསྟན་པ་རིན་པོ་ཆེ་ལ་མི་དགའ་བའི་ནག་ཕྱོགས་བདུད་ཀྱི་སྟོབས་དེ་ཟད་པར་གྱུར་ཅིག་གསུངས་ནས་སྨོན་ལམ་བཏབ་ནི་རེད། བཟང་པོ་སྤྱོད་པའི་སྟོབས་ཞེས་པ་དེ་བསམ་པ་བཟང་པོ་བྱང་ཆུབ་ཀྱི་སེམས་དང་སྤྱོད་པ་རྣམ་པར་དག་པ་བསླབ་པ་ཚུལ་ཁྲིམས་ཏིང་འཛིན་ཤེས་རབ་གསུམ་པོ་དེའི་སྟོབས་ནི་ཡོངས་སུ་རྫོགས་ནས་སེམས་ཅན་ཐམས་ཅད་ཀྱི་རྒྱུད་ལ། དཔེར་ན། སོས་ཀའི་དུས་སུ་ཆེད་དུ་བརྩོན་པ་མ་བྱས་ཀྱང་ས་གཞི་ལ་རྩི་ཤིང་ནགས་ཚལ་ཐམས་ཅད་སྐྱེ་བ་དེ་བཞིན་དུ་སེམས་ཅན་ཐམས་ཅད་ཀྱི་རྒྱུད་ལ་ལམ་ལྷག་པའི་བསླབ་པ་གསུམ་དང་བྱང་ཆུབ་ཀྱི་སེམས་རིན་པོ་ཆེ་འབད་མེད་དུ་རྒྱུད་ལ་སྐྱེ་བར་གྱུར་ཅིག་བསམས་ནས་སྨོན་ལམ་འདེབས་དགོས་ནི་རེད། ངེད་ཅག་རྣམས་ཀྱིས་སྔོན་རྒྱ་གར་རྡོ་རྗེ་གདན་གྱི་མཆོད་རྟེན་ལ་སྐོར་བ་བྱེད་པའི་སྐབས་ན་འདིའི་ཚིགས་སུ་བཅད་པ་དེ་གྲངས་མང་པོ་བཏོན་ནས་བསྐོར་ནི་ཡིན། ངས་ཁྱེད་རྣམ་པ་ལ་སྔོན་ཆད་ཀྱང་ཞུ་མྱོང་། སྨོན་ལམ་འདེབས་པའི་སྐབས་སུ་གྱུར་རྣམས་ལ་འགྱུར་མ་ཟེར། གྱུར་ཟེར་བ་དེ་གྱུར་ཅིག་ཟེར་བ་དང་དོན་གཅིག་རེད། སྡེབ་སྦྱོར་གྱི་དབང་གིས་མ་ཤོང་ནི་རེད། ཁྱད་པར་དུ་སྐད་སྦུག་རྣམས་ཀྱི་ནང་དུ་གྱུར་རྣམས་ལ་འགྱུར་མ་ཟེར་མ་གཏོགས་མཁས་པ་ཞིག་གིས་ཉན་ན་ཨེ་བླ་རུང་སྒར་མཁས་ཟེར་ཡང་གྱུར་དང་འགྱུར་གཉིས་ཀྱི་ཁྱད་འབྱེད་མི་ནུས་འུ་ཟེར་འོང་ནི་རེད། ཐམས་ཅད་ཀྱིས་ཐུགས་ལ་འཛིན་པར་ཞུ། ད་ངོ་མ་བཤད་ན་བྱང་ཆུབ་སེམས་དཔའི་སྨོན་ལམ་རྒྱ་མཚོ་ལྟ་བུ་འདི་ཁོ་ནའི་ནང་དུ་འདུ་ནི་རེད། ལས་ཀྱི་སྟོབས་ཟད། ཉོན་མོངས་པའི་སྟོབས་འཇོམས། བདུད་ཀྱི་སྟོབས་མེད་པར་བྱེད། བཟང་པོ་སྤྱོད་པའི་སྟོབས་རྫོགས་སོང་ན་དེའི་ནང་དུ་མ་འདུས་པའི་སྨོན་ལམ་ཞིག་མེད། དེའི་ཕྱིར་ན་བཟང་པོ་སྤྱོད་པའི་སྨོན་ལམ་འདི་སྨོན་ལམ་གཞན་དང་མི་འདྲ་ཟེར་བའི་གནད་དོན་ཡང་དེ་འདི་ལྟ་བུ་རེད། སྤྱི་དོན་བཅུ་བཞི་པ་ཕྲིན་ལས་ཀྱི་སྒོ་ནས་སྨོན་པ་ནི། ཞིང་རྣམས་རྒྱ་མཚོ་རྣམ་པར་དག་བྱེད་ཅིང༌། །སེམས་ཅན་རྒྱ་མཚོ་དག་ནི་རྣམ་པར་སྒྲོལ། །ཆོས་རྣམས་རྒྱ་མཚོ་རབ་ཏུ་མཐོང་བྱེད་ཅིང༌། །ཡེ་ཤེས་རྒྱ་མཚོ་རབ་ཏུ་རྟོགས་པར་བྱེད། །སྤྱོད་པ་རྒྱ་མཚོ་རྣམ་པར་དག་བྱེད་ཅིང༌། །སྨོན་ལམ་རྒྱ་མཚོ་ཡོངས་སུ་རྫོགས་པར་བྱེད། །སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང་། །བསྐལ་པ་རྒྱ་མཚོར་མི་སྐྱོ་སྤྱད་པར་བགྱི། །༡༽ཞེས་གསུངས་ཏེ། མངོན་པར་རྫོགས་པར་སངས་རྒྱས་ནས་འཕྲིན་ལས་ཀྱིས་སེམས་ཅན་ཐམས་ཅད་ལ་གང་ལ་གང་འདུལ་གྱི་མཛད་པ་མཛད་དགོས་ནི་རེད། དེའི་ཕྱིར་ན་རང་གིས་ཕྱོགས་བཅུའི་ཞིང་རབ་འབྱམས་ན་གནས་པའི་ཞིང་ཁམས་ཐམས་ཅད་དག་པ་ཉིད་དུ་བསྒྱུར་ནུས་པར་ཤོག་ཅིགདཔེར་ན། མགོན་པོ་འོད་དཔག་མེད་ཀྱི་ཞིང་ཁམས་ཇི་ལྟ་བ་བཞིན་དུ་ཕྱོགས་བཅུའི་ཞིང་རབ་འབྱམས་ཀུན་ཀྱང་ཡོངས་སུ་དག་པ་ཉིད་དུ་འགྱུར་བར་ཤོག་ཅིག་ཟེར་ནས་སྨོན་ལམ་འདེབས། ནམ་ཞིག་ན་རང་གིས་དེ་ལྟ་བུ་དངོས་སུ་བསྒྱུར་ནུས་པར་ཤོག་ཅིག་བསམ།༢༽ ཕྱོགས་བཅུའི་ཞིང་རབ་འབྱམས་ན་བཞུགས་པའི་སེམས་ཅན་གཅིག་ཀྱང་མ་ལུས་པ་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་མ་བསྒྲལ་བ་རྣམས་བསྒྲལ་ཏེ་སངས་རྒྱས་ཀྱི་ས་ལ་ཡོངས་སུ་འགོད་ནུས་པར་ཤོག་ཅིག་བསམ། ༣༽ འདས་མ་འོངས་ད་ལྟ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་བླ་མ་དགེ་བའི་བཤེས་གཉེན་རྣམས་ཀྱི་གསུང་རྣམས་ཀྱི་ཚིག་ཟུར་ཙམ་ཡང་མ་ལྷག་པར་ཐམས་ཅད་རང་གི་ཡིད་ལ་འཛིན་ནུས་པར་གྱུར་ཅིག དོན་ཀུན་ཀྱང་རང་གི་ཡིད་ལ་འཆར་ནུས་པར་གྱུར་ཅིག ཚིག་དོན་ཐམས་ཅད་ཡ་མ་བྲལ་བར་རང་གིས་ཉམས་སུ་ལེན་ནུས་པར་གྱུར་ཅིག མ་ཟད་པར་རང་དང་འབྲེལ་བ་ཐོག་ཚད་དང་མཐའ་ཡས་པའི་སེམས་ཅན་ཐམས་ཅད་ལ་དེ་དེ་བཞིན་དུ་ཚིག་དོན་རྣམས་ཉམས་སུ་ལེན་པའི་ཡོན་ཏན་ཐམས་ཅད་ཡོངས་སུ་རྫོགས་པར་གྱུར་ཅིག༤༽ ད་དུང་སོ་སོའི་སྐྱེ་བོའི་གྲལ་ན་སངས་རྒྱས་དང་བྱང་ཆུབ་སེམས་དཔའ་ཡེ་ཤེས་དང་ཡོན་ཏན་བསམ་གྱིས་མི་ཁྱབ་པ་ཅན་ཡོད་ནི་རེད། དེ་ལྟ་བུའི་ཡེ་ཤེས་དེ་ཡང་སེམས་ཅན་ཐམས་ཅད་ཀྱི་རྒྱུད་ལ་ཡོངས་སུ་སྨིན་པར་ཤོག་ཅིག་གསུངས་ནི་རེད། ༥༽ སྤྱིར་བྱང་ཆུབ་སེམས་དཔའི་སྤྱོད་པ་རྒྱ་མཚོ་ལྟ་བུ་བསམ་གྱིས་མི་ཁྱབ་པ་རེད། སྤྱོད་པ་ཐམས་ཅད་ངོ་བོའི་སྒོ་ནས་བསྡུ་ན་དངོས་དང་བརྒྱུད་པའི་སེམས་ཅན་ཐམས་ཅད་ལ་ཕན་པར་བྱེད་པ་འབའ་ཞིག་གི་ནང་དུ་འདུ་ནི་རེད། དེ་ཡང་རང་གིས་སེམས་ཅན་ཐམས་ཅད་ལ་ཕན་པའི་སྤྱོད་པ་རྫོགས་པར་གྱུར་ཅིག་གསུངས་ནི་རེད། ཁྱད་པར་དུ་ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་ཀྱི་ཞལ་ནས། རྒྱལ་སྲས་རྣམས་ཀྱིས་ཀུན་ལ་བསླབ་བྱ་སྟེ། །གཙོ་བོ་ཕ་རོལ་ཕྱིན་པ་དྲུག་ལ་སློབ། །ཅེས་གསུངས་ཏེ་རྒྱལ་སྲས་རྣམས་ཀྱི་བསླབ་བྱ་དེ་ལ་ཚད་མེད་པ་གྲངས་མེད་པ་གཞལ་དུ་མེད་པ་ཞིག་ཡོད་ཀྱང་རྒྱལ་སྲས་བྱང་ཆུབ་སེམས་དཔའ་ཐམས་ཅད་ཀྱིས་དངོས་གནས་བཤད་ན་དེ་རིང་འདི་ན་འོང་ནས་ཚིག་རྩུབ་དང་། ངག་འཁྱལ་སོགས་འདྲ་མི་འདྲ་བཤད་ན་ཡང་དེ་ཐམས་ཅད་སེམས་ཅན་གྱི་དོན་དུ་འགྱུར་ནི་རེད། དེ་ཡང་སྔོན་བྱང་ཆུབ་སེམས་དཔའ་འཇམ་དཔལ་དབྱངས་ཀྱིས་གསལ་རྒྱལ་གྱི་བཙུན་མོ་རྣམས་ལ་སུན་འབྱིན་པ་ན་འོད་སྲུང་ཆེན་པོས་འཇམ་དཔལ་དབྱངས་གནས་དབྱུང་མཛད་དགོས་པར་གསུངས་ཀྱང་། ཕྱོགས་བཅུའི་ཞིང་རབ་འབྱམས་ཐམས་ཅད་དུ་འཇམ་དཔལ་དབྱངས་ཀྱིས་ཁྱབ་པ་ན་བཅོམ་ལྡན་འདས་ཀྱིས་ཁྱེད་ཀྱིས་འཇམ་དཔལ་གང་གནས་ནས་དབྱུང་རྒྱུ་ཡིན་ཞེས་གསུངས་དུས་འོད་སྲུང་ངོ་ཚ་ནས་ཅི་ཡང་ཟེར་མ་ཤེས་པར་གནས་ནས་དབྱུང་བར་མ་ནུས། སྔོན་སངས་རྒྱས་བཅོམ་ལྡན་འདས་ཀྱིས་འཇམ་དཔལ་དབྱངས་འཁོར་དུ་བཞེས་པའི་སྐབས་སུ་མཉན་ཡོད་ན་རྒྱལ་པོ་གསལ་རྒྱལ་གྱི་བཙུན་མོ་རྣམས་ཀྱིས་གཙོས་སེམས་ཅན་གྲངས་མེད་པའི་འགྲོ་དོན་མཛད་པར་གསུངས་སོ། །ཤཱ་རིའི་བུས་ཇི་ལྟར་ལགས་ཞུས་པས། སེམས་ཅན་ཆོས་ལ་དགའ་བ་རྣམས་ལ་ཆོས་ཀྱི་སྤྱོད་པ་དང་། ཆགས་པ་ཅན་རྣམས་ལ་ཆགས་པའི་ཚུལ་བསྟན་པ་དང༌། ཞེ་སྡང་ཅན་ཐམས་ཅད་ལ་ཞེ་སྡང་གི་ཚུལ་བསྟན་པ་དང༌། བག་མེད་པ་རྣམས་ལ་བག་མེད་པའི་ཚུལ་བསྟན་པ་དང་། རྩེད་མོ་ལ་དགའ་བ་རྣམས་ལ་རྩེད་མོའི་ཚུལ་བསྟན་པ་དང་དེ་ལྟ་བུའི་སྤྱོད་པ་རྣམ་པ་སྣ་ཚོགས་ཀྱིས་སེམས་ཅན་རྣམས་འདུལ་བར་མཛད་པར་གསུངས་སོ། །བྱང་ཆུབ་སེམས་དཔའི་སྤྱོད་པ་ཚད་མེད་པ་ཡོད་ཀྱང་སྤྱོད་པ་ལེགས་ཤོས་ཐམས་ཅད་བསྡུས་ན། སྦྱིན་པ་སྦྱིན་པ་དང༌། ཚུལ་ཁྲིམས་སྲུང་བ་དང༌། བཟོད་པ་སྒོམ་པ་དང༌། བརྩོན་འགྲུས་རྩོམ་པ་དང༌། བསམ་གཏན་སྒོམ་པ་དང༌། ཤེས་རབ་ཀྱི་དོན་རྟོགས་པར་བྱེད་པ་སྟེ། དེ་ལྟ་བུའི་སྤྱོད་པ་རྒྱ་མཚོ་ལྟ་བུ་རང་གི་རྒྱུད་ལ་ཡོངས་སུ་རྫོགས་པར་ཤོག་ཅིག་གསུངས་ནི་རེད། ༦༽སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྨོན་ལམ་བཟང་སྤྱོད་སྨོན་ལམ་གྱི་ནང་དུ་མ་འདུས་པའི་སྨོན་ལམ་གཅིག་ཀྱང་མེད། དེ་ཡང་སྨིན་གླིང་ལོ་ཆེན་གྱི་སྡོམ་ཚིག་རྣམ་པ་བཅུ་དྲུག་གི་ཁོངས་སུ་བསྡུས་ཡོད། མདོ་སྡེ་ཐམས་ཅད་ཀྱི་ནང་ན་ཡང་། ལུས་ཀུན་སྟོན་དང་ཞིང་ཀུན་འཇུག །ཕར་ཕྱིན་རྫོགས་དང་སེམས་ཅནསྨིན། །ཞིང་སྦྱོང་སྤྱོད་ཡུལ་མཐུན་པར་འཇུག །སྤྱོད་ཀུན་དོན་ཡོད་བྱང་ཆེན་ཐོབ། །བྱང་སེམས་སྨོན་ལམ་ཆེན་པོ་བཅུའོ། །ཞེས་གསུངས་ཏེ་སྨོན་ལམ་ཆེན་པོ་བཅུ་དང་སྨོན་ལམ་ཆེན་པོ་རེ་རེ་ལ་ཡང་འཁོར་སྨོན་ལམ་འབུམ་ཕྲག་འབུམ། མདོ་རྣམས་ནས་གསུངས་པ་ལྟར་སྨོན་ལམ་ཆེན་པོ་ཐམས་ཅད་ཡོངས་སུ་རྫོགས་པར་ཤོག་ཅིག་གསུངས་ནི་རེད། བྱང་ཆུབ་སེམས་དཔའ་རྣམས་ཀྱིས་དམིགས་བསལ་གྱི་སྨོན་ལམ་འདེབས་ཚུལ་ཡང་ཡོད། དཔེར་ན། བདེ་བར་གཤེགས་པ་མཆེད་བརྒྱད་ཀྱིས་སྨོན་ལམ་འདེབས་ཚུལ་ནི་མཚན་ལེགས་པར་ཡོངས་གྲགས་དཔལ་གྱི་རྒྱལ་པོས་ནི་སྔོན་དང་པོ་བྱང་ཆུབ་མཆོག་ཏུ་ཐུགས་བསྐྱེད་པ་ནས་བཟུང་མཐར་མངོན་པར་རྫོགས་པར་སངས་རྒྱས་མ་ཐོབ་ཀྱི་བར་དུ་དུས་དང་གནས་སྐབས་ཀུན་ཏུ་སྨོན་ལམ་ཆེན་པོ་བརྒྱད་བཏབ་ནི་རེད། སྨོན་ལམ་ཆེན་པོ་རྣམ་པ་བརྒྱད་པོ་མངོན་དུ་མ་གྱུར་བ་དེ་སྲིད་དུ་བདག་མངོན་པར་རྫོགས་པར་ཚངས་རྒྱ་བར་མ་གྱུར་ཅིག་གསུངས་ནི་རེད། སྨོན་ལམ་ད་ལྟ་མངོན་དུ་གྱུར་ནས་སངས་རྒྱས་འཚོ་ཞིང་གཞེས། ཆོས་ཀྱང་སྟོན་ཤར་ཕྱོགས་ན་བཞུགས་པ་དང༌། དེ་བཞིན་དུ་རིན་པོ་ཆེ་ཟླ་བ་དང་གསེར་བཟང་དྲི་མེད་ལ་སོགས་པས་སྨོན་ལམ་རྣམ་པ་བརྒྱད་རེ་དུས་རྒྱུན་དུ་བཏབ། མྱ་ངན་མེད་མཆོག་དང་ཆོས་གྲགས་མངོནམཁྱེན་ལ་སོགས་པས་སྨོན་ལམ་རྣམ་པ་བཞི་རེ་བཞི་རེ་དུས་རྒྱུན་དུ་བཏབ། དེ་བཞིན་གཤེགས་པ་སྨན་གྱི་བླ་མས་སྨོན་ལམ་རྣམ་པ་བཅུ་གཉིས་བཏབ། བདག་ཅག་གི་སྟོན་པ་ཐུགས་རྗེ་ཅན་གྱིས་སྙིང་རྗེ་པད་མ་དཀར་པོའི་མདོ་སྡེ་ལས་གསུངས་པ་བཞིན་བླ་མ་རིན་པོ་ཆེ་མི་ཕམ་ཚང་གི་ཞལ་སྔ་ནས་མཛད་པའི་ཐུབ་ཆོག་བྱིན་རླབས་གཏེར་མཛོད་ལས། སྙིང་རྗེ་ཆེན་པོས་རྩོད་ལྡན་སྙིགས་མའི་ཞིང༌། །བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ། །པད་དཀར་ལྟར་བསྔགས་མཚན་ཐོས་ཕྱིར་མི་ལྡོག །སྟོན་པ་ཐུགས་རྗེ་ཅན་ལ་ཕྱག་འཚལ་ལོ། །ཞེས་གསུངས་པ་ལྟར་སྔོན་བྲམ་ཟེ་རྒྱ་མཚོའི་རྡུལ་ཞེས་བྱ་བའི་སྐྱེ་བ་བཞེས་སྐབས་ན་བདག་ཅག་གི་སྟོན་པ་ཐུགས་རྗེ་ཅན་གྱིས་བཟང་སྤྱོད་ཀྱི་ཟིན་བྲིས་&quot;ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། མ་འོངས་པ་ན་ཞིང་མ་དག་པ་གདུལ་བར་དཀའ་བའི་སྐྱེ་བོ་མ་རུང་བ་ཐམས་ཅད་ལ་སྙིང་སྟོབས་ཆེན་པོའི་སྒོ་ནས་དེ་དག་ཐམས་ཅད་གདུལ་བར་བྱ་བའི་ཕྱིར་དུ་སྨོན་ལམ་ཆེན་པོ་ལྔ་བརྒྱ་བཏབ་ནི་རེད། དེ་ཐམས་ཅད་མདོ་སྡེ་པདྨ་དཀར་པོའི་ནང་ན་ཡང་གསུངས་ཡོད། སྨོན་ལམ་དེ་དག་ཐམས་ཅད་ཀྱི་ཚིག་དོན་གནད་བསྡུས་ནས་བླ་མ་རིན་པོ་ཆེ་མི་ཕམ་ཚང་གིས་ཐུབ་ཆོག་པདྨ་དཀར་པོ་ལས་གསལ་བར་གསུངས་ཡོད། དེ་ལྟ་བུའི་དམིགས་བསལ་གྱི་སྨོན་ལམ་འདེབས་ཚུལ་ཡོད། ངེད་ཅག་གིས་སྔོན་ཆད་བསྐལ་པ་སྟག་གི་ལོ་བྱང་ཆུབ་མཆོག་ཏུ་སེམས་བསྐྱེད་པའི་གནས་སྐབས་ན། བདག་ནི་འདི་ནས་ཚེ་རབས་ཐམས་ཅད་དུ། །བླ་མ་ལྷག་པའི་ལྷ་ཡིས་རྗེས་སུ་བཟུང༌། །བསླབ་གསུམ་ཡོན་ཏན་རྒྱ་མཚོའི་གཏེར་ལ་དབང་། །བསྟན་འགྲོའི་དོན་ཆེན་འབད་མེད་འགྲུབ་པར་ཤོག །ཅེས་སྨོན་ལམ་བཏབ་ནི་རེད། དེ་ཡང་དམིགས་བསལ་གྱི་སྨོན་ལམ་རེད། མདོར་ན་སྨོན་ལམ་མང་པོ་དང་ཉུང་ངུ་ཅི་འདྲ་ཞིག་བཏབ་པ་ཐམས་ཅད་ཀུན་ཀྱང་བདག་དང་བདག་ལ་འབྲེལ་བ་ཐོག་པའི་སེམས་ཅན་ཐམས་ཅད་ཀྱི་སྨོན་ལམ་འདི་ཡོངས་སུ་རྫོགས་ནུས་པར་ཤོག་ཅིག་གསུངས་ནི་རེད། ༧༽ འདས་མ་འོངས་ད་ལྟ་དུས་གསུམ་དུ་བཞུགས་པའི་སངས་རྒྱས་ཐམས་ཅད་ལ་རང་གིས་གདུགས་དང་མར་མེ་ལུས་ལོངས་སྤྱོད་དུས་གསུམ་གྱི་དགེ་བ་ལ་སོགས་པ་ཀུན་ཀྱང་དུས་རྟག་ཏུ་མཆོད་པར་ཤོག་ཅིག བྱང་ཆུབ་སེམས་དཔའ་ཀུན་ཏུ་བཟང་པོའི་མཆོད་པ་ལྟ་བུའི་མཆོད་པ་རྒྱ་ཆེན་པོ་རྒྱུན་རིང་བ་གྲངས་མེད་པ་མཆོད་པར་ཤོག་ཅིག་གསུངས་ནི་རེད། ༨༽ནམ་མཁའ་མ་སྟོང་གི་བར་དུ་འཇམ་དཔལ་དབྱངས་ལྟ་བུས་སེམས་ཅན་གྱི་དོན་ལ་བརྩོན་པ་སྐད་ཅིག་ཙམ་ཡང་གཡེང་བ་མེད་པར་ཏིང་ངེ་འཛིན་དང་གཟུངས་དང་རྣམ་ཐར་ལ་རང་དབང་ཐོབ་པ་ནས་བཟུང་སྟེ། དག་པའི་ཞིང་ཁམས་སོགས་ལ་ངེས་པར་དུ་སྨོན་ལམ་མི་འདེབས། གང་ལ་སྨོན་ལམ་འདེབས་ཞེ་ན། མ་དག་པའི་ཞིང་སྲིད་པའི་གྲོང་ཁྱེར་ལ་སྨོན་ལམ་འདེབས་དགོས་ནི་རེད། སྨོན་ལམ་འདེབས་པའི་དུས་དེ་ཡང་ཐབས་དང་ཤེས་རབ་ཏིང་ངེ་འཛིན་དང་རྣམ་ཐར་དང་ཡོན་ཏན་ཀུན་གྱི་མི་ཟད་པའི་མཛོད་དུ་མ་གྱུར་བར་དུ་འཁོར་བ་ལ་སྐྱེ་བར་སྨོན་ལམ་བཏབ་ན་བསམ་པ་བཟང་པོ་ཡིན་ཡང་ལོང་བས་ལོང་བ་ཁྲིད་འདྲ་ལོང་བ་འཐབ་མོར་ལྷུང་འདྲ་ཡིན་པས་གཞན་དོན་དུ་མི་འགྱུར། དེ་ལ་མཐུན་རྐྱེན་དེ་ཡང་། སྐྱེ་བ་ཀུན་ཏུ་ཡབ་གཅིག་མཁྱེན་པའི་གཏེར། །འཇམ་དཔལ་དཔའ་བོས་དགྱེས་བཞིན་རྗེས་སུ་བཟུང༌། །ཀུན་ཏུ་བཟང་པོའི་སྨོན་ལམ་ལས་བསྟན་པའི། །བྱང་ཆུབ་སྤྱོད་པ་རྒྱ་མཚོ་མཐར་ཕྱིན་ཤོག །ཅེས་སྐྱེ་བ་ཀུན་ཏུ་ཡབ་གཅིག་འཇམ་དཔལ་དཔའ་བོས་དགྱེས་བཞིན་དུ་རྗེས་སུ་བཟུང་ནས་བར་ཆད་བདུད་ཀྱིས་གླགས་བྱེད་ནུས་ནི་མ་རེད། ཀུན་ཏུ་བཟང་པོའི་སྤྱོད་པ་དེ་ལ་སྨོན་པར་གྱུར་ཅིག་གསུངས་ནི་རེད། སྤྱི་དོན་བཅོ་ལྔ་པ་རྗེས་སུ་སློབ་པའི་སྒོ་ནས་སྨོན་པ་ལ་གཉིས་ལས། དང་པོ་སངས་རྒྱས་ཀྱི་རྗེས་སུ་སློབ་པ་ནི། གང་ཡང་དུས་གསུམ་གཤེགས་པའི་རྒྱལ་བ་ཡི། །བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པས་བྱང་ཆུབ་སངས་རྒྱས་ནས། །དེ་ཀུན་བདག་གིས་མ་ལུས་རྫོགས་པར་བགྱི། །ཞེས་གསུངས་ཏེ། དུས་གསུམ་གྱི་སངས་རྒྱས་ཐམས་ཅད་ཀྱི་སྨོན་ལམ་རྣམས་རང་གིས་ཡོངས་སུ་རྫོགས་པར་ཤོག་ཅིག་གསུངས་ནི་རེད། བླ་མ་རིན་པོ་ཆེས། བདེ་གཤེགས་སྲས་བཅས་ཀུན་གྱི་ཐུགས་བསྐྱེད་དང༌། །མཛད་པ་སྨོན་ལམ་མཁྱེན་བརྩེ་ནུས་པའི་ཚུལ། །བླ་མེད་ཡེ་ཤེས་སྒྱུ་འཕྲུལ་ཅི་འདྲ་བ། །དེ་འདྲ་ཁོ་ནར་བདག་ཀྱང་འགྱུར་བར་ཤོག །ཅེས་རྒྱལ་བ་སྲས་དང་བཅས་པའི་མཛད་པ་དང་མཁྱེན་པ་དང་བརྩེ་བས་བྱང་ཆུབ་མཆོག་ཏུ་ཐུགས་བསྐྱེད་པ་དང་སྨོན་ལམ་འདེབས་པ་ཐམས་ཅད་བདག་གིས་རྫོགས་པར་ཤོག་ཅིག་གསུངས་ནས་སངས་རྒྱས་ཐམས་ཅད་ཀྱི་རྗེས་སུ་སློབ་པའི་སྨོན་ལམ་བཏབ་ནི་རེད། གཉིས་པ་སེམས་དཔའ་མཆོག་གཉིས་ཀྱི། སྤྱིར་ན་སེམས་དཔའ་མཆོག་གཉིས་བྱང་ཆུབ་སེམས་དཔའ་ཐམས་ཅད་ལས་ཀྱང་རྒྱལ་བ་ཀུན་གྱི་སྲས་ཀྱི་ཐུ་བོར་གྱུར་པ་སྙིང་སྟོབས་ཆེ་བ་འཇམ་དཔལ་གཞོན་ནུར་གྱུར་པ་དང་ཀུན་ཏུ་བཟང་པོ་གཉིས་ཀ་རེད། དེ་ལས་ཀྱང་གཞོན་ནུ་ནོར་བཟང་ལ་འབྲེལ་བ་ཆེ་བ་དགེ་བའི་བཤེས་གཉེན་ཡོངས་ཀྱི་ཐོག་མ་འཇམ་དཔལ་གཞོན་ནུར་གྱུར་པ་རེད། དེ་གཉིས་ཀྱིས་མཚོན་ནས་དགེ་བའི་བཤེས་གཉེན་བརྒྱ་དང་རྩ་བརྒྱད་ཀྱིས་མཛད་པ་དང་སྤྱོད་པ་ཐམས་ཅད་ལ་སྨོན་ལམ་འདི་བཏབ་ནི་རེད། དང་པོ་ཀུན་ཏུ་བཟང་པོའི་རྗེས་སུ་སློབ་པ་ནི། རྒྱལ་བ་ཀུན་གྱི་སྲས་ཀྱི་ཐུ་བོ་པ། །གང་གི་མིང་ནི་ཀུན་ཏུ་བཟང་ཞེས་བྱ། །མཁས་པ་དེ་དང་མཚུངས་པར་སྤྱད་པའི་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ལུས་དང་ངག་དང་ཡིད་ཀྱང་རྣམ་དག་ཅིང་། །སྤྱོད་པ་རྣམ་དག་ཞིང་རྣམས་ཡོངས་དག་པ། །བསྔོ་བ་བཟང་པོ་མཁས་པ་ཅི་འདྲ་བ། །དེ་འདྲར་བདག་ཀྱང་དེ་དང་མཚུངས་པར་ཤོག །ཅེས་གསུངས་ཏེ། རྒྱལ་བ་ཀུན་གྱི་སྲས་ཀྱི་ཐུ་བོ་དེ་ཀུན་ཏུ་བཟང་པོ་རེད། དེ་དང་མཚུངས་པར་སྤྱད་པའི་ཕྱིར་དུ་སྨོན་ལམ་དག་པ་ལྔ་བཏབ་ནི་རེད། ལྔ་པོ་གང་ཞེ་ན། ལུས་དང་ངག་དང་ཡིད་ཀྱང་རྣམ་པར་དག་ཅིང་གསུངས་ནས་ལུས་དག་པ་ནི། དཔེར་ན་མི་དགེ་བ་སྲོག་གཅོད་པ་ལ་སོགས་པ་སྤངས་པ་དང༌། ངག་དག་པ་ནི། རྫུན་ཕྲ་མ་ཚིག་རྩུབ་ལ་སོགས་པ་བྲལ་བ་དང་། ཡིད་དག་པ་ནི་བརྣབ་སེམས་གནོད་སེམས་ལ་སོགས་པ་མེད་པ་དེ་ཡིན། གནས་སྐབས་ཀུན་ཏུ་མི་དགེ་བ་བཅུ་ལྟ་བུ་ཞིག་ལ་མཚོན་ན་དེ་ལྟ་བུ་ཞིག་དག་དགོས་ནི་རེད། གཞན་ཡང་ལུས་མ་དག་པ་ངག་མ་དག་པ་ཡིད་མ་དག་པ་རྣམས་སངས་རྒྱས་ཀྱི་ས་མ་ཐོབ་བར་དུ་མ་དག་པ་མང་པོ་ཞིག་ཡོད་ནི་རེད། ཡིད་མ་དག་པ་ལ་དཔེར་མཚོན་ན་རྒྱལ་ལ་སོགས་ལ་ཆགས་པ་ཕྲ་གསུངས་ནས་མཐར་ཐུག་གི་གནས་སྐབས་ན་སངས་རྒྱས་ཐོབ་འདོད་ཀྱི་བསམ་པ་དེ་ཡང་ཆགས་པ་ཕྲ་མོ་ཡིད་ཀྱི་སྐྱོན་ཡིན་གསུངས་ནི་རེད། དེ་ལྟ་བུའི་སྐྱོན་གྱིས་མ་གོས་པའི་ལུས་ལ་སྐྱོན་མེད་པར་གྱུར་ཅིག ལུས་མཛེས་པ་དང་ནད་མེད་པ་དང་ཡིད་དུ་འོང་བར་གྱུར་ཅིག ངག་ལ་སྐྱོན་མེད་པར་གྱུར་ཅིག་ངག་སྙན་པར་གྱུར་ཅིག ཡིད་ཀུན་དང་མཐུན་པར་གྱུར་ཅིགཡིད་རང་དབང་ཐོབ་པ་དང་ཆོས་ལ་འཇུག་པར་གྱུར་ཅིག་གསུངས་ནི་རེད། བླ་མ་རིན་པོ་ཆེས་ཀྱང༌། ༈ བདག་ནི་སྐྱེ་བ་ཚེ་རབས་ཐམས་ཅད་དུ། །རྣམ་རྟོག་ངན་པའི་དབང་དུ་མི་འགྲོ་ཞིང་། །སེམས་ལ་དབང་ཐོབ་རྒྱལ་བའི་བྱིན་རླབས་ཞུགས། །འཇིགས་མེད་བདེ་ཆེན་རྡོ་རྗེ་ཐོབ་པར་ཤོག །༈ བདག་ནི་སྐྱེ་བ་ཚེ་རབས་ཐམས་ཅད་དུ། །མཚུངས་མེད་ལྟ་ན་སྡུག་པའི་ས་མཆོག་ནི། །ནད་མེད་སྟོབས་ལྡན་རྡོ་རྗེ་ལྟ་བུ་ཐོབ། །རྒྱལ་ཀུན་སྐུ་ཡི་བྱིན་རླབས་འཇུག་པར་ཤོག །༈ བདག་ནི་སྐྱེ་བ་ཚེ་རབས་ཐམས་ཅད་དུ། །དབྱངས་སྙན་སྙན་ངག་བརྗོད་པ་ཕུལ་བྱུང་ཞིང༌། །དབྱངས་ཅན་ངག་གི་རྒྱལ་མོ་མགྲིན་པར་ཞུགས། །དམ་ཆོས་རྒྱ་མཚོའི་སྒྲ་དབྱངས་སྒྲོག་པར་ཤོག །༈ བདག་ནི་སྐྱེ་བ་ཚེ་རབས་ཐམས་ཅད་དུ། །སྲིད་ཞིའི་ཡོན་ཏན་ཕུན་སུམ་ཚོགས་པ་ཐོབ། །སྐྱོན་མེད་སེམས་ཀྱི་གཞན་ཕན་དོན་གཉེར་ཞིང༌། །རྒྱལ་བའི་ཆོས་མཛོད་རྒྱ་མཚོ་འཛིན་པར་ཤོག །དེ་ལྟར་ལུས་ངག་ཡིད་གསུམ་དག་པའི་སྟེང་དུ་སྤྱོད་པ་རྣམ་པར་དག་པ་དང་ཞིང་རྣམས་ཡོངས་སུ་དག་པ་སྟེ་ཀུན་ཏུ་བཟང་པོའི་དག་པ་ལྔ་པོ་དེ་རེད། རང་གིས་སྤྱོད་པ་གང་བྱས་ཀྱང་གཞན་དོན་དུ་འགྱུར་བའི་སྤྱོད་པ་དེ་སྤྱོད་པ་རྣམ་པར་དག་པ་ཡིན། ཞིང་གང་དུ་སྐྱེས་ན་ཞིང་དག་པ་ཡིན། དེ་ལྟ་བུའི་ལུས་ངག་ཡིད་གསུམ་དག་པ་དང་སྤྱོད་པ་རྣམ་པར་དག་པ་དང་ཞིང་རྣམ་པར་དག་པའི་སྨོན་ལམ་རྣམས་བདག་གིས་མངོན་དུ་འགྱུར་བར་ཤོག་ཅིག་གསུངས་ནི་རེད། གཉིས་པ་འཇམ་དཔལ་གྱི་རྗེས་སུ་སློབ་པ་ནི། ཀུན་ནས་དགེ་བ་བཟང་པོ་སྤྱད་པའི་ཕྱིར། །འཇམ་དཔལ་གྱི་ནི་སྨོན་ལམ་སྤྱད་པར་བགྱི། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་ཡི་བྱ་བ་མ་ལུས་རྫོགས་པར་བགྱི། །ཞེས་གསུངས་ཏེ། དགེ་བ་བཟང་པོ་ཞིག་སྤྱད་པར་བྱ་བའི་ཕྱིར་དུ་འཇམ་དཔལ་གྱི་སྨོན་ལམ་དེ་ངས་འདེབས་པ་ཡིན་གསུངས་ནི་རེད། འཇམ་དཔལ་གྱི་སྨོན་ལམ་གང་ཡིན་ཞེ་ན། ནམ་མཁའ་ཇི་སྲིད་གནས་པ་དང༌། །འགྲོ་བ་ཇི་སྲིད་གནས་གྱུར་པ། །དེ་སྲིད་བདག་ནི་གནས་གྱུར་ནས། །འགྲོ་བའི་སྡུག་བསྔལ་སེལ་བར་ཤོག །ཅེས་གསུངས་ཏེ། དེ་ནི་འཇམ་དཔལ་དབྱངས་ཀྱི་སྨོན་ལམ་རེད་སྨོན་ལམ་ལ་མཐའ་ཡོད་ནི་མ་རེད། ནམ་མཁའ་མ་སྟོང་བར་དུ་སེམས་ཅན་གྱི་དོན་ལ་སྨོན་ལམ་བཏབ་ནི་རེད། སྤྱི་དོན་བཅུ་དྲུག་པ་ཀུན་གྱི་མཇུག་སྡུད་པའི་སྒོ་ནས་བསྔོ་བ་བསྟན་པ་ནི། སྤྱོད་པ་དག་ནི་ཚད་ཡོད་མ་གྱུར་ཅིག །ཡོན་ཏན་རྣམས་ཀྱང་ཚད་བཟུང་མེད་པར་ཤོག །སྤྱོད་པ་ཚད་མེད་པ་ལ་གནས་ནས་ཀྱང༌། །་དག་འཕྲུལ་པ་ཐམས་ཅད་འཚལ་བར་བགྱི། །ཞེས་བདག་གི་རྒྱུ་སྦྱིན་སོགས་སྤྱོད་པ་དག་གི་མཐའ་ནི་འདི་ཙམ་མོ་ཞེས་གཟུང་དུ་ཡོད་པར་མ་གྱུར་ཅིག རྒྱུ་དེ་ལས་བྱུང་བའི་འབྲས་བུ་གཟུངས་དང་སྤོབས་པ་སོགས་ཡོན་ཏན་རྣམས་ཀྱང་ཚད་འདི་ཙམ་ཞེས་གཟུང་དུ་མེད་པར་ཤོག་ཅིག དེ་ལྟར་སྤྱོད་པ་དང་ཡོན་ཏན་ཚད་མེད་པ་ལ་གནས་པར་བྱས་ནས་ཀྱང་སངས་རྒྱས་དང་བྱང་ཆུབ་སེམས་དཔའ་དེ་དག་གི་སྐུ་གསུང་ཐུགས་ཀྱི་རྣམ་པར་འཕྲུལ་བ་ཐམས་ཅད་འཚལ་བར་བགྱི་སྟེ་ཐོབ་པར་སྨོན་པའོ། །དེ་ལ་སྨིན་གླིང་ལོ་ཆེན་གྱིས་ས་བཅད་སྒྲིག་ལུགས་ཀྱི་དབང་དུ་བྱས་ན་ཀུན་ནས་དགེ་བ་སོགས་འཇམ་དཔལ་གྱི་སྨོན་ལམ་དུ་བཞག སྤྱོད་པ་ཚད་མེད་སོགས་སྨོན་ལམ་ཐམས་ཅད་ཀྱི་མཇུག་སྡུད་དུ་བཞག་ཡོད་ཀྱང་ཕལ་ཆེར་དེ་ཡང་འཇམ་དཔལ་གྱི་སྨོན་ལམ་རེད། ཁྱེད་རྣམ་པ་ལ་ཇོ་ནང་ཀུན་མཁྱེན་གྱི་འགྲེལ་བ་ཡོད་ན་གཟིགས་དང་ཇི་ལྟར་གསུངས་ཡོད་མ་མཐོང་ཡང་། ཆེན་པོ་ཞིག་ཁྱད་པར་ཡོད་རྒྱུ་མ་རེད། དེ་དག་གིས་སྨོན་ལམ་གྱི་རབ་དབྱེ་དངོས་བཤད་ཟིན་ནི་རེད། གཉིས་པ་སྨོན་ལམ་གྱི་མཐའ་བསྟན་པ་ནི། ནམ་མཁའི་མཐར་ཐུག་གྱུར་པ་ཇི་ཙམ་པར། །སེམས་ཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །ཞེས་གསུངས་ཏེ། ནམ་མཁའ་ལ་མཐའ་མེད་པ་བཞིན་དུ་སེམས་ཅན་ལ་མཐའ་མེད། སེམས་ཅན་ལ་མཐའ་མེད་པ་བཞིན་དུ་ལས་དང་ཉོན་མོངས་པ་ལ་མཐའ་མེད། ལས་དང་ཉོན་མོངས་པ་ལ་མཐའ་མེད་པ་བཞིན་དུ་སྡུག་བསྔལ་ལ་མཐའ་མེད། སྡུག་བསྔལ་དེ་དག་མ་ཟད་ཀྱི་བར་དེ་སྲིད་དུ་བདག་གི་སྨོན་ལམ་དེ་ཡང་ཟད་པར་མི་འགྱུར་བདག་གི་སྨོན་ལམ་མཐའ་མེད་པར་གསུངས་ནི་རེད། སྨོན་ལམ་གྱི་མཐའ་མེད་པ་མཐར་བསྟན་ནི་རེད། གསུམ་པ་རྗེས་ཀྱི་ཕན་ཡོན་བསྟན་པས་མཇུག་བསྡུ་བ་ལ་གཉིས་ཏེ། སྨོན་ལམ་གྱི་ཕན་ཡོན་བཤད་པ་དང་ཕན་ཡོན་གྱི་སྨོན་ལམ་ཉིད་བསྔོ་བའོ། །དང་པོ་ལའང་བསྟན་བཤད་བསྡུ་གསུམ་ལས། དང་པོ་མདོར་བསྟན་ནི། གང་ཡང་ཕྱོགས་བཅུའི་ཞིང་རྣམས་མཐའ་ཡས་པ། །རིན་ཆེན་བརྒྱན་ཏེ་རྒྱལ་བ་རྣམས་ལ་ཕུལ། །ལྷ་དང་མི་ཡི་བདེ་བའི་མཆོག་རྣམས་ཀྱང༌། ཞིང་གི་རྡུལ་སྙེད་བསྐལ་པར་ཕུལ་བ་བས། །གང་གིས་བསྔོ་བའི་རྒྱལ་པོ་འདི་ཐོས་ནས། །བྱང་ཆུབ་མཆོག་གི་རྗེས་སུ་རབ་མོས་ཤིང་། །ལན་ཅིག་ཙམ་ཡང་དད་པ་བསྐྱེད་པ་ན། །བསོད་ནམས་དམ་པའི་མཆོག་ཏུ་འདི་འགྱུར་རོ། །ཞེས་གསུངས་ཏེ། གང་ཡང་ཕྱོགས་བཅུའི་ཞིང་རབ་འབྱམས་ཞེས་པ་དེ་ཡུལ་གྱི་སྒོ་ནས་བསམ་ན་ཕྱོགས་བཅུ་ཡི་ནང་ན་མ་འདུས་པ་ཞིག་མེད། དུས་ཞེས་པ་ནི། དུས་གསུམ་གྱི་ནང་ལ་མ་འདུས་པ་མེད། ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་གང་ཡོད་པ་རྣམས། དཔེར་ན། འཇིག་རྟེན་པའི་ཁ་སྐད་ལ་གནམ་ས་གཉིས་ཀྱི་བར་ན་ཡོད་པའི་སངས་རྒྱས་དང་བྱང་ཆུབ་སེམས་དཔའ་གཅིག་ཀྱང་མ་ལྷག་པ་ཐམས་ཅད་ལ་ཉིན་གཅིག་ཙམ་མ་ཡིན་པར་བསྐལ་པ་གྲངས་མེད་དཔག་ཏུ་མེད་པ་ལོ་དུང་ཕྱུར་མང་པོའི་བར་དུ་མཆོད་པ་བྱེད། མཆོད་པ་དེ་ཡང་ཁྱད་པར་དུ་འཕགས་པ་གསེར་དངུལ། རིན་པོ་ཆེ། མུ་ཏིག་མུ་མེན་ལ་སོགས་པ། མི་ཡུལ་གྱི་རིན་པོ་ཆེ་དང༌། ནོར་བུ་ཀེ་ཀེ་ལ་དང༌། ནོར་བུ་དགོས་འདོད་དཔུང་འཇོམས་ལ་སོགས་པ་ལྷའི་ནོར་བུ་དང་། ཀླུ་ཡི་ནོར་བུ་ལ་སོགས་པ་དང་ལྷ་དང་མི་ཡུལ་གྱི་ཡོ་བྱད་ཟས་གོས་ནོར་དང་རྒྱན་ཆ་གཙུག་ལག་ཁང་མལ་སྟན་ལ་སོགས་པ་མདོར་ན་ལྷ་ཀླུ་གནོད་སྦྱིན་རྣམས་ཀྱི་ཡུལ་ན་ཡོད་པའི་ཡོ་བྱད་རང་གི་ལུས་དང་སེམས་ཀྱི་བདེ་བ་ཐམས་ཅད་དང་ལྷ་མིའི་བདེ་བ་མཆོག་ཏུ་གྱུར་པ་གྲངས་མེད་པ་ཞིང་གི་རྡུལ་ལྟར་གྲངས་མེད་པ་དེ་བསྐལ་པའི་བར་དུ་འབུལ་བ་ལས་ཀྱང་གང་ཟག་གང་གིས་བཟང་པོ་སྤྱོད་པའི་སྨོན་ལམ་འདི་ཐོས་ནས་དེ་ལ་དད་པ་སྐྱེས། སངས་རྒྱས་ཀྱི་རྗེས་སུ་སློབ་བསམ་བྱང་ཆུབ་སེམས་དཔའི་རྗེས་སུ་ངེས་པར་དུ་རང་གི་ནུས་ཚོད་ཀྱིས་འཇམ་དཔལ་དབྱངས་དང་ཀུན་ཏུ་བཟང་པོ་དང་བདག་ཅག་གི་སྟོན་པ་ཐུགས་རྗེ་ཅན་དང༌། སངས་རྒྱས་འོད་དཔག་མེད་ལ་སོགས་པའི་རྗེས་སུ་བསླབ་དགོས་བསམས་ནས་དམ་བཅའ་དང་དད་པ་རེ་སྐྱེས་ན་བསོད་ནམས་དེའི་ཆེ་བ་ཡིན་གསུངས་ནི་རེད། དེ་ཡི་ཕན་ཡོན་གཅིག་གི་ཚད་དེ་ཡང་བསམ་གྱིས་མི་ཁྱབ་པ་རེད། ཕྱོགས་བཅུའི་ཞིང་རབ་འབྱམས་ན་ཡོད་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བསྐལ་པ་དུང་ཕྱུར་མང་པོའི་བར་དུ་མཆོད་པའི་དངོས་པོ་ལྷ་ཀླུ་གནོད་སྦྱིན་དང་དྲི་ཟ་ཡི་དྭགས་ཐམས་ཅད་ལ་ཡོད་པའི་ཡོ་བྱད་ཡོད་པ་རྣམས་དང་ད་དུང་ལུས་དང་སེམས་ཀྱི་བདེ་བ་ཡོད་ཚད་པོ་འབུལ་བ་བས་ཀྱང་བཟང་སྤྱོད་སྨོན་ལམ་འདི་ལན་གཅིག་བཏབ་པ་དེ་ལ་དགའ་བ་སྐྱེས་ངས་ཀྱང་འདི་ལ་སློབ་དགོས་བསམ་རྒྱུའི་དད་པ་སྐྱེས་ན་དེའི་ཕན་ཡོན་གྱི་ཆེ་གསུངས་ནི་རེད། དེ་ལ་བསླུ་བ་མེད་ཁུ། བདེན་པ་ཉག་གཅིག་སྨྲ་བ་སངས་རྒྱས་བཅོམ་ལྡན་འདས་ཀྱི་བཀའ་རེད། དེ་ཁོ་ན་ཡིད་ལ་བཟུང་ནས་བཟང་སྤྱོད་ལན་གཅིག་བཏོན་པའི་ཕན་ཡོན་དེ་ཚིག་རྗེས་དོན་དྲན་བྱས་ནས་རྗེས་སུ་ཡི་རང་གིས་མོས་མཐུན་གྱི་བསམ་པ་རེ་སྐྱེས་ན་དེ་ལས་དགེ་བ་མི་དགོས་པ་ལྟ་བུ་རེད། བྱང་ཆུབ་སྤྱོད་པའི་རྗེས་སུ་ལན་གཅིག་ཙམ་དད་པ་སྐྱེས་ན་བསོད་ནམས་ཚད་མེད་པ་ཡོད་ན་དངོས་སུ་འཇུག་ན་སྨོས་མ་དགོས་པ་རེད། དངོས་སུ་སློབ་ཚུལ་དེ་ཡང་རྒྱལ་སྲས་ཆེན་པོ་ཞི་བ་ལྷས། རིམ་པ་བཞིན་དུ་བསླབ་པར་བགྱི་གསུངས་པ་ལྟར་ཡིན། ད་ལྟ་ནས་བདག་ཅག་གི་སྟོན་པ་དང་འཇམ་དཔལ་དབྱངས་ལྟ་བུས་དབུ་དང་ཡན་ལག་བཅད་ནས་སེམས་ཅན་ཐམས་ཅད་ལ་སྦྱིན་པ་བྱིན་མི་ནུས་ཏེ། སྙིང་རྗེའི་བསམ་པ་མ་དག་ན། །ལུས་ངག་གཏང་བར་མི་བྱའོ། །ཞེས་གསུངས་ཏེ། ཇི་སྲིད་ས་དང་པོ་མ་ཐོབ་བར་དུ་རང་གི་ལུས་གཞན་ལ་སྦྱིན་ཉན་ནི་མ་རེད། མི་ཉན་པའི་རྒྱུ་མཚན་རྗེས་སུ་ན་ཚ་གཟེར་ཟུག་ཆེ་དུས་འགྱོད་པ་སྐྱེ་འོང་ནི་རེད། དེའི་སྐབས་ན་དགེ་རྩ་འཇོམས་འགྲོ་ནི་རེད། དམིགས་བསལ་སྙིང་སྟོབས་ཤིན་ཏུ་ཆེ་བ་རྣམས་ཀྱིས་སྐུ་ལུས་བཏང་རབས་ཀྱི་ལོ་རྒྱུས་ནི། ཇོ་བོ་རྗེའི་བླ་མ་དྷརྨ་རཀྵི་ཏས་ཁྱི་ཞིག་ལ་རང་གི་ཕྱག་བཅད་ནས་སྦྱིན་པས། ན་ཚ་གཟེར་ཟུག་མི་བཟོད་པ་ཞིག་སྐྱེཡང་ཁོང་ལ་སྙིང་རྗེ་ཆེན་པོའི་སྒོ་ནས་འགྱོད་པ་གཏན་ནས་མ་སྐྱེས། སྡུག་བསྔལ་བཟོད་དུ་མེད་པ་མྱོང་ནས་མཚན་གང་བོ་ལ་གཉིད་མ་འོང་། ཐོ་རེངས་ཀྱི་སྐབས་ན་མགོན་པོ་སྤྱན་རས་གཟིགས་ཀྱི་ཞལ་མཇལ་ནས་རིགས་ཀྱི་བུ་བྱང་ཆུབ་སེམས་དཔའི་སྤྱོད་པ་ལ་སྤྱད་པའི་ཚེ་ན་འདི་འདྲའི་དཀའ་བ་སྤྱད་པ་ནི་ལེགས་སོ་ལེགས་སོ་གསུངས་ནས་སྤྱན་རས་གཟིགས་ཀྱིས་ལྗགས་ཆབ་བཏབ་པ་རྨིས། སད་མ་ཐག་ཏུ་ནད་མེད་པར་གྱུར། དེས་ན་སོ་སོའི་སྐྱོ་བོའི་གནས་སྐབས་ན་བསམ་པ་དག་པས་དེ་ལྟ་བུ་སྦྱིན་ནུས་པ་རེད། འོ་ན་ཡན་ལག་གི་སྦྱིན་པ་གཏོང་དགོས་ན་བྱང་ཆུབ་སེམས་དཔའི་སྤྱོད་པ་ལ་འཇུག་མི་ནུས་བསམ་ཡང་ཐོག་མ་ནས་དེ་ལྟ་བུ་དགོས་ནི་མ་རེད། ཚོད་མ་ལ་སོགས་སྦྱིན་པ་ལ། །འདྲེན་པའི་ཐོག་མ་སྦྱོར་བར་མཛད། དེ་ལ་གོམས་འདྲིས་བྱས་ནས་ནི། །རིམ་གྱིས་རང་གི་ཤ་ཡང་གཏོང་། །ཞེས་གསུངས་ནས་དང་པོ་ལོ་མ་ལོ་སྐྱུར་སྦྱིན་ཨེ་ཐུབ་བལྟ། དེ་ཡང་མ་ཐུབ་ན་སྔོན་གྱི་དགེ་བཤེས་རྣམས་ཀྱི་ཕྱག་བཞེས་ལ་གཏན་ནས་སྦྱིན་མི་ནུས་པའི་སེམས་ཅན་ཡིན་ན་དཔེར་ན་ཕྲེང་བ་ཞིག་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། གཡས་པས་གཡོན་པ་ཁྱེད་ལ་སྦྱིན་ཟེར་ནས་གཏོང་སེམས་སྐྱེ་རུ་འཇུག་པར་བརྩོན། གཡོན་པས་གཡས་པ་ལ་ཁྱེད་ལ་སྦྱིན་ཟེར་ནས་གཏོང་སེམས་སྐྱེ་རུ་འཇུག དེ་ལྟར་ཐོག་མར་ལག་པ་གཡས་གཡོན་གཉིས་ཀྱིས་སྦྱིན་པ་ལ་བརྩོན། དེ་ནས་རང་གི་ཤིན་ཏུ་གཅེས་པའི་བུ་དང་ཆུང་མ་སོགས་ལ་སྦྱིན་པར་བརྩོན། དེ་ནས་བར་མའི་སེམས་ཅན་ལ་སྦྱིན་པར་བརྩོན། དེ་ནས་དགྲ་ལ་སོགས་པ་ལ་སྦྱིན་པར་བརྩོན། སྦྱིན་རྒྱུའི་དངོས་པོ་དང་པོ་རྒྱུ་རྩ་ཆུང་བ་རང་གིས་མི་འདོད་པའི་དངོས་པོ་རྣམས་སྦྱིན། རིམ་གྱིས་དངོས་པོ་ཇེ་བཟང་རྣམས་སྦྱིན། ནམ་ཞིག་ས་དང་པོ་ཐོབ་པ་ན་རང་གི་ལུས་དེ་ཡང་ཚོད་མ་ལྟ་བུའི་འདུ་ཤེས་མ་གཏོགས་ལུས་ལ་བདག་འཛིན་ཡོད་ནི་མ་རེད། ལུས་ལ་ན་ཚ་སོགས་གང་ཡང་ཡོད་ནི་མ་རེད། གལ་ཏེ་མིག་དང་མགོ་ལ་སོགས་པ་སྦྱིན་ན་ཡང་ས་དང་པོ་ཐོབ་པ་ཡན་ཆད་ཀྱིས་བདེན་ཚིག་གྲུབ་པའི་སྨོན་ལམ་བཏབ་ན་ཐད་ཀར་སོས་འགྲོ་ནི་རེད། དེའི་སྐབས་སུ་བྱང་ཆུབ་སེམས་དཔའི་ལམ་དེར་སྐྲག་དགོས་ནི་མ་རེད། མ་སྤྱད་ན་ལུས་སྲོག་གཞན་ལ་གཏོང་དགོས་ཞེས་བརྗོད་ན་དཀའ་བར་སྣང་ཡང་། དེ་ལྟར་དགོས་ནི་མ་རེད། དེའི་ཕྱིར་ན་ད་ལྟ་ནས་རང་ནུས་ཅི་ཡོད་ཀྱིས་རིམ་པ་བཞིན་དུ་བསླབ་པར་བགྱི་གསུངས་ནི་རེད། གཉིས་པ་རྒྱས་པའི་ཕན་ཡོན་བཅུ་གསུམ་བཤད་པ་ནི། གང་གིས་བཟང་སྤྱོད་སྨོན་ལམ་འདི་བཏབ་པས། །དེས་ནི་ངན་སོང་ཐམས་ཅད་སྤོང་བར་འགྱུར། །དེས་ནི་གྲོགས་པོ་ངན་པ་སྤངས་པ་ཡིན། །སྣང་བ་མཐའ་ཡས་དེ་ཡང་དེས་མྱུར་མཐོང་། །དེ་དག་རྙེད་པ་རབ་རྙེད་བདེ་བར་འཚོ། །མི་ཚེ་འདིར་ཡང་དེ་དག་ལེགས་པར་འོང་། །ཀུན་ཏུ་བཟང་པོ་དེ་ཡང་ཅི་འདྲ་བར། །དེ་དག་རིང་པོར་མི་ཐོགས་དེ་བཞིན་འགྱུར། །མཚམས་མེད་ལྔ་པོ་དག་གི་སྡིག་པ་རྣམས། གང་གིས་མི་ཤེས་དབང་གིས་བྱས་པ་དག །དེ་ཡིས་བཟང་པོ་སྤྱོད་པ་འདི་བརྗོད་ན། །མྱུར་དུ་མ་ལུས་ཡོངས་སུ་བྱང་བར་འགྱུར། །ཡེ་ཤེས་དང་ནི་གཟུགས་དང་མཚན་རྣམས་དང་། །རིགས་དང་ཁ་དོག་རྣམས་དང་ལྡན་པར་འགྱུར། །བདུད་དང་མུ་སྟེགས་མང་པོས་དེ་མི་ཐུབ། །འཇིག་རྟེན་གསུམ་པོ་ཀུན་ནའང་མཆོད་པར་འགྱུར། །བྱང་ཆུབ་ཤིང་དབང་དྲུང་དུ་དེ་མྱུར་འགྲོ ། སོང་ནས་སེམས་ཅན་ཕན་ཕྱིར་དེར་འདུག་སྟེ། །བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར། །བདུད་རྣམས་སྡེ་དང་བཅས་པ་ཐམས་ཅད་བཏུལ། །ཞེས་གསུངས་ཏེ། ཕན་ཡོན་ལ་ནང་གསེས་ཀྱིས་རྒྱས་པར་བཤད་ན་བཅུ་གསུམ་ཡོད་གསུངས་ནི་རེད། ༡༽བཟང་སྤྱོད་སྨོན་ལམ་འདི་ཁ་ཏོན་བྱས་ན་སྐྱེ་བ་ཚེ་རབས་ཀྱི་བར་དུ་དམྱལ་བ་ཡི་དྭགས་དུད་འགྲོ་ངན་སོང་གསུམ་གྱི་གནས་གསུམ་དུ་གཏན་ནས་མི་སྐྱེ་གསུངས་ཡོད་ནི་རེད། དེ་བཅོམ་ལྡན་འདས་ཀྱི་གསུང་རེད། ༢༽བཟང་སྤྱོད་སྨོན་ལམ་འདི་ཁ་ཏོན་བྱས་ན་སངས་རྒྱས་ལ་མི་དད་པ་དང་ཆོས་ལ་མི་དད་པ་དང་དགེ་འདུན་ལ་མི་དད་པ་དང༌། རང་ལམ་ལོག་ལ་ཁྲིད་པའི་གྲོགས་ངན་པ་ཐམས་ཅད་སྐྱེ་བ་ཀུན་ཏུ་འགྲོག་མི་དགོས། སྐྱེ་བ་གང་དང་གང་དུ་སྐྱེས་ཀྱང་འཕགས་པའི་དགེ་འདུན་དང་བླ་མ་དགེ་བའི་བཤེས་གཉེན་དང་སངས་རྒྱས་བྱང་ཆུབ་སེམས་དཔའ་དང་གྲོགས་བཟང་པོ་ཐམས་ཅད་དང་འགྲོག་ཆོག་གསུངས་ནི་རེད། བཟང་སྤྱོད་སྨོན་ལམ་ཐོན་དང་ངེད་ཅག་ཚེ་འདིར་ཡང་འཕགས་ཚོགས་དགེ་འདུན་རྒྱ་མཚོ་དང་ལྷན་གཅིག་ཏུ་འཚོགས། ཚེ་འདི་འཕོས་མ་ཐག་ཏུ། ཡང་ན་མཁའ་སྤྱོད་མཁའ་འགྲོ་འདུས་པའི་ཚོགས་གྲལ་དུ་སོང་ནས་ཐབས་ཤེས་ཀྱི་ཉེ་རྒྱུ་ཟབ་མོ་ལ་སྤྱོད་ནས་ཚེ་ལུས་གཅིག་གི་ཟུང་འཇུག་གི་སྐུ་འགྲུབ་པར་འགྱུར། ཡང་ན་ནུབ་ཕྱོགས་བདེ་བ་ཅན་ལ་སོགས་པ་དག་པའི་ཞིང་ཁམས་སུ་སྐྱེས་ནས་བདེ་བ་མ་གཏོགས་པ་སྡུག་བསྔལ་གྱི་སྒྲ་ཙམ་ཡང་མེད་པའི་ཞིང་ཁམས་དེ་ལ་སྐྱེས་ནས་སངས་རྒྱས་ཀྱི་གོ་འཕང་ཐོབ་པར་འགྱུར་རོ། །བཟང་སྤྱོད་སྨོན་ལམ་འདི་ཁ་ཏོན་བྱས་ན་འོད་དཔག་མེད་ཀྱི་ཞལ་ཡང་མྱུར་དུ་མཇལ་འོང་གསུངས་ནི་རེད། དེ་ཡང་ཚེ་འདིའི་ཐོག་ཏུ་ཞལ་མཇལ་འོང་གསུངས་ནི་རེད། ཚེ་ཕྱི་མ་བདེ་བ་ཅན་ལ་སྐྱེ་དུས་འོད་དཔག་མེད་མི་མཇལ་བར་གང་དུ་འགྲོ་བཟང་སྤྱོད་དེ་གཟབ་གཟབ་བྱས་ནས་ཐོན་དང་འོད་དཔག་མེད་ཀྱི་ཞལ་མཇལ་འོང་གསུངས་ནི་རེད། ༤༽ རྙེད་པ་རབ་རྙེད་གསུངས་པ་དེ་དལ་འབྱོར་གྱི་མི་ལུས་རྙེད་པ་བདེ་བ་ཚོགས་གསུམ་མཐོ་རིས་ཀྱི་ཡོན་ཏན་བདུན་དང་ལྡན་པ། མཐོ་རིས་ཀྱི་ཡོན་ཏན་ཞེས་པ་དེ་གང་ཡིན་ཞེ་ན། ཚེ་རིང་བ་ནད་མེད་པ་གཟུགས་བཟང་བ་སྐལ་བ་བཟང་བ་དང་རིགས་མཐོ་བ་ནོར་མང་བ་ཤེས་རབ་ཆེ་བ་དེ་རྣམས་མཐོ་རིས་ཀྱི་ཡོན་ཏན་བདུན་པོ་ཡིན་ནི་རེད། གང་དང་གང་དུ་སྐྱེས་ཀྱང་རྙེད་པ་བཟང་པོ་ཅན་དུ་སྐྱེ་གསུངས་ནི་རེད། དེ་ནས་བཟུང་སྟེ་བུད་མེད་དང་སྐྱེ་བ་དམན་པའི་ལུས་སུ་མི་སྐྱེ་བར་རྒྱལ་རིགས་དང་རྗེ་རིགས་ལ་སོགས་པའི་སྐྱེ་བ་བཟང་པོ་རབ་ཏུ་བྱུང་བའི་ཚུལ་ཁྲིམས་རྣམ་པར་དག་པ་དེ་ལྟ་བུ་འབའ་ཞིག་གི་ལུས་རྟེན་ཉིད་དུ་སྐྱེ་འགྲོ་གསུངས་ནི་རེད། ༥༽ མི་ཚེ་འདིར་ཡང་དེ་དག་ལེགས་པར་འོང་གསུངས་རྒྱུ་དེ་སྨིན་གླིང་ལོ་ཆེན་གྱི་འགྲེལ་དུས་གོང་དུ་བཤད་པའི་ཕན་ཡོན་དེ་དག་ཚེ་འདིའི་སྟེང་དུ་འགྱུར་གསུངས་ཡོད་ཁུ། དེ་ཡིན་ན་ངན་སོང་གསུམ་དུ་མི་སྐྱེ་རྒྱུ་གྲོགས་བཟང་པོ་དང་འཕྲད་རྒྱུ་དང་སངས་རྒྱས་འོད་དཔག་མེད་ཀྱི་ཞལ་མཇལ་རྒྱུ་མཐོ་རིས་ཀྱི་ཡོན་ཏན་བདུན་ཐོབ་རྒྱུ་དེ་རྣམས་དཔེ་ཆ་བ་རྣམས་ལ་སྐྱེས་ནས་མྱོང་འགྱུར་དང་ལན་གྲངས་གཞན་ལ་མྱོང་བའི་མྱོང་འགྱུར་ཟེར་ནས་གཟོད་ཤི་རྗེས་དེའི་ཕྱི་མའི་ཕྱི་མ་མྱོང་བ་ཡིན་པ་ཚེ་འདིའི་སྟེང་དུ་སྨིན་གསུངས་ནི་རེད་ཅེས་དེ་ལྟར་འགྲེལ་ཡོད། ༦༽ཡང་མིན་ན་ཚེ་འདིར་ཡང་དེ་དག་ལེགས་པར་འོང་ཞེས་པ་ནི་ཚེ་རིང་ནད་མེད་གཟུགས་བཟང་བསམ་པའི་དོན་ཐམས་ཅད་འགྲུབ། མདོར་ན་ཚེ་འདིའི་རྒུད་པ་ཇི་སྙེད་མཆིས་པ་ཐམས་ཅད་བཟང་སྤྱོད་སྨོན་ལམ་བཏོན་ན་ནད་ཞི་བར་འདོད་ན་ནད་ཞི། གདོན་ཞི་བར་འདོད་ན་གདོན་ཞི། དུག་ཞི་བར་འདོད་ན་དུག་ཞི། ཚེ་རིང་བར་འདོད་ན་ཚེ་རིང་བར་འགྱུར། ནོར་རྒྱས་པར་འདོད་ན་ནོར་རྒྱས་པར་འགྱུར། བསོད་ནམས་ཆེ་བར་འདོད་ན་བསོད་ནམས་ཆེ་བར་འགྱུར། ལྷ་དབང་དུ་འདུ་བར་འདོད་ན་ལྷ་དབང་དུ་འདུ། ཀླུ་དབང་དུ་འདུ་བར་འདོད་ན་ཀླུ་དབང་དུ་འདུ། མི་དབང་དུ་འདུ་བར་འདོད་ན་མི་དབང་དུ་འདུ་བར་འགྱུར། དེ་བཞིན་དུ་དགྲ་བགེགས་གནོད་བྱེད་འབྱུང་པོ་ཐམས་ཅད་ཚར་གཅད་པར་འདོད་ན་དྲག་པོ་མངོན་སྤྱོད་ཀྱི་ལས་བསམ་ངན་སྦྱོར་རྩུབ་ལ་མ་ལྟོས་པར་ཐམས་ཅད་རང་བཞིན་གྱིས་ཞི་བར་འགྱུར་བ་ལ་སོགས་པའི་ཡོན་ཏན་ཐམས་ཅད་འབྱུང་བར་འགྱུར་གསུངས་ནི་རེད། དེའི་ཚིག་གི་ཤུགས་ལ་དེ་ལྟ་བུར་འགྲེལ་ཡང་རུང་ངམ་སྙམ། ༧༽བཟང་སྤྱོད་སྨོན་ལམ་འདི་ཁ་ཏོན་བྱས་ན་བྱང་ཆུབ་སེམས་དཔའ་ཀུན་ཏུ་བཟང་པོ་ཅི་འདྲ་བ་དེ་འདྲ་བ་མྱུར་བ་ཉིད་དུ་འགྱུར་འགྲོ་གསུངས་ནི་རེད། ཀུན་ཏུ་བཟང་པོའི་སྤྱོད་ཡུལ་བསམ་གྱིས་མི་ཁྱབ་པ་རེད། ཉིན་འགའ་ཞིག་གིས་ངེད་ཅག་གིས་ཀུན་ཏུ་བཟང་པོའི་རྟོགས་བརྗོད་འཆད་དུསཤེས་རྒྱུ་རེད། ༨༽བཟང་སྤྱོད་སྨོན་ལམ་ཁ་ཏོན་བྱས་ན་འཇིག་རྟེན་གྱི་ཁམས་འདི་ན་མདོ་ཕར་ཕྱིན་ཐེག་པའི་སྐབས་སུ་བཤད་པ་དེ་ལ་མཚམས་མེད་ལྔ་ཡི་སྡིག་པ་དེ་སྡིག་པ་ཐམས་ཅད་ཀྱི་ནང་ནས་ཆེ་ཤོས་ཤིག་རེད། དེ་ཡང་གང་ཞེ་ན་ད་ལྟའི་རྩ་བའི་ཕ་བསད་པ་དང་མ་བསད་པ་དང་དགྲ་བཅོམ་པ་བསད་པ་དང་དེ་བཞིན་གཤེགས་པ་ཤཱཀྱ་ཐུབ་པ་ལྟ་བུ་ཞིག་དགྲོང་བསམས་ནས་གྲི་སོགས་ཀྱིས་བསྣུན་ནས་ངན་སེམས་ཀྱིས་ཁྲག་ཕྱུང་བ་དང༌། དགེ་འདུན་གྱི་སྡེ་ཆེན་པོ་རྣམས་སོ་སོར་དབྱེ་བ་དགེ་འདུན་འཁོར་ལོའི་དབྱེན་ཞེས་པ་དེ་སངས་རྒྱས་བཞུགས་ཡོད་པའི་སྐབས་སུ་འབྱུང་རྒྱུ་རེད། དགེ་འདུན་དབྱེན་དང་ཆ་འདྲ་བ་ད་ལྟའི་སྐབས་སུ་དགོན་སྡེ་ཁག་རྣམས་སོ་སོར་དབྱེ་བར་བྱ་བ་དང་བླ་སེར་རྣམས་ལ་མཁའ་ཁ་དབྱེན་མཆིས་སོ་སོར་འབྲལ་བར་བྱེད་པ་དེ་འདི་དང་ཆ་འདྲ་བ་ཞིག་རེད། དེ་ནི་ཉེས་པ་ཆེན་པོ་རེད། འདིའི་ཉེས་པ་འདི་ལ་ཧ་ཅང་གཟབ་དགོས་ནི་རེད་དེ། དེང་སང་གི་གནས་སྐབས་སུ་དགེ་འདུན་གྱི་སྡེ་གང་དང་གང་ན་ཡོད་ཀྱང་དམ་སྲི་སྙིང་ལ་ཞུགས་པའི་སྐྱེ་བོ་ཁ་ཅིག་གིས་ངོ་མ་མཁའ་ཁ་དབྱེན་མཆི་ཁོ་ན་བྱེད་པ་ནི་བསམ་གྱིས་མི་ཁྱབ་པའི་མང་པོ་འདུགདེའི་ཕྱིར་ན་ཀུན་གྱིས་ཀྱང་འདི་ལ་ཐུགས་གཟབ་བྱེད་པ་གལ་ཆེའོ། །སྤྱིར་ན་དགེ་འདུན་གྱི་དབྱེན་བྱེད་པ་རྣམས་སྡུམ་རེ་ཨེ་ཐུབ་ཁུ། དབྱེན་སྡུམ་པ་ལས་ལྷག་པའི་བསོད་ནམས་ཤིག་མེད། ཚངས་པའི་གནས་པར་གྱུར་པའི་བསོད་ནམས་རེད། དགེ་འདུན་པ་མི་འཇིག་པའི་ཐབས་ལ་ཡང་བརྩོན་དགོས་ནི་རེད། ངེད་ཅག་གི་ཆོས་སྡེ་ཆེན་མོ་འདི་ལ་ཡང་དགེ་འདུན་པ་གྲངས་མང་པོ་རེད་མི་རིགས་མང་པོ་རེད། སྐད་རིགས་མང་པོ་རེད། བསམ་པ་ཐ་དད་པ་མང་པོ་རེད། སྤྱོད་པ་འདྲ་མི་འདྲ་མང་པོ་རེད། ཐམས་ཅད་ཀྱིས་དྲན་ཤེས་བག་ཡོད་ཀྱིས་རང་གི་བཤེས་གཉེན་རང་གིས་བྱས་ནས་གཟབ་གཟབ་གྱིས་མ་གཏོགས་ཕྱོགས་བཅུའི་དགེ་འདུན་པ་གཞན་རྣམས་མཁའ་ཁ་དབྱིན་མཆིས་དགེ་འདུན་པའི་སྡེ་ནང་འཁྲུག་བྱས་སོང་ན་འཇིག་རྟེན་གྱི་ཁམས་འདིའི་འབྲེལ་ཚད་ཀྱི་སེམས་ཅན་ཐམས་ཅད་དམྱལ་བར་སྐྱེ་འགྲོ་བས། དེ་ཡི་སྡུག་ཆེ་བ་ཞིག་འཇིག་རྟེན་གྱི་ཁམས་ན་མེད། དེ་ལ་ཧ་ཅང་གཟབ་དགོས་ནི་རེད། དེ་ལྟ་བུའི་དགེ་འདུན་འཁོར་ལོའི་དབྱེན་བྱེད་པ་ལ་སོགས་པའི་མཚམས་མེད་པ་ལྔའི་ལས་བྱེད་ནའང་བཟང་སྤྱོད་འདི་ཡིས་དག་འགྲོ་གསུངས་ནི་རེད། ༩༽བཟང་སྤྱོད་སྨོན་ལམ་འདི་བཏོན་ན་སངས་རྒྱས་ཀྱི་ཇི་ལྟ་བ་མཁྱེན་པའི་ཡེ་ཤེས་དང་ལྡན། མཚན་བཟང་པོ་སུམ་ཅུ་རྩ་གཉིས་དཔེ་བྱད་བཟང་པོ་བརྒྱད་ཅུ་ལ་སོགས་པའི་མཚན་དང་ལྡན་པ་དང་། ༡་༽ རིགས་བཟང་པོ་རྒྱལ་རིགས་རྗེ་རིགས་ལ་སོགས་པའི་རིགས་བཟང་པོ་དང་། ཁ་དོག་དཀར་དམར་གྱི་མདངས་དང་ལྡན་པ། དཔེར་ན། དུང་དཀར་གཡས་སུ་འཁྱིལ་བ་ལ་རྒྱ་ཇ་སྐྲག་མས་ཕྲ་ཚོམ་དཀྲིས་པ་དང་འདྲ་བའི་གཟུགས་ཕུན་སུམ་ཚོགས་པར་ཡང་སྐྱེ་བར་གསུངས་ནི་རེད། ༡༡༽ བཟང་སྤྱོད་སྨོན་ལམ་འདི་ཁ་ཏོན་བྱས་ན་བདུད་བགེགས་འབྱུང་པོ་དམ་སྲི་གཅིག་གིས་ཀྱང་མི་ཐུབ་གསུངས་ནི་རེད། ཐམས་ཅད་ཀྱིས་མོ་ངན་རྩིས་འཁྲུག་དང༌། ཚེ་གེགས་ཞི་བར་བྱེད་པ་ལ་སྤྱིར་གསང་སྔགས་ཀྱི་ཆོ་ག་དེ་བསམ་པ་དག་པ་སྦྱོར་བ་དག་པའི་སྒོ་ནས་བཏོན་ན་བསམ་གྱིས་མི་ཁྱབ་པ་ཞིག་ཡིན་ཡང་འདོན་པ་པོ་གང་ཟག་གི་བསམ་པ་ངན་པ་དང་སྦྱོར་བ་རྩུབ་མོའི་སྒོ་ནས་བཏོན་ན་འབྲས་བུ་ངན་པ་མ་གཏོགས་སྨིན་རྒྱུ་མེད། ཁྱེད་ཅག་གིས་བཀའ་བརྒྱད་ཁྲམ་ཤིང་ཟེར་བ་དང་ཕུར་བ་བཟློག་སྟོང་དང་གཤིན་རྗེའི་ཁྲམ་བཟློག་དེ་རྣམས་འདོན་པ་ལས་ཀྱང་བཟང་སྤྱོད་བཏོན་ན་བདུད་དང་མུ་སྟེགས་མང་པོས་གང་ཟག་དེ་མི་ཐུབ་གསུངས་སོ། །༡༢༽བཟང་སྤྲོད་འདི་བཏོན་ན་ས་འོག་ས་སྟེང་ས་བླར་སྤྱོད་པའི་འཇིག་རྟེན་གསུམ་པོ་ཀུན་ནའང་འགྲོ་བ་ཐམས་ཅད་ཀྱིས་སྨོན་ལམ་འདེབས་པ་པོ་དེ་ལ་མཆོད་ཅིང་གུས་པ་དང་ཕན་འདོགས་པར་བྱེད་པར་འགྱུར་——— རོ། ། ༡༣༽མདོར་བསྡུ་ན་བཟང་སྤྱོད་འདི་བཏོན་ན་བྱང་ཆུབ་སེམས་སངས་རྒྱས་ནས་ཆོས་ཀྱི་འཁོར་ལོ་བསྐོར། མཐའ་ཡས་པའི་སེམས་ཅན་ཐམས་ཅད་ཀྱི་དོན་མཛད་པ་སངས་རྒྱས་འོད་དཔག་མེད་པ་དང་ཤཱཀྱ་ཐུབ་པ་ལྟ་བུ་ཞིག་འདོད་ན་བཟང་སྤྱོད་སྨོན་ལམ་འདི་བཏོན་ན་འགྲུབ་ནི་རེད། གསུམ་པ་དོན་བསྡུ་བ་ནི། གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་ན་ཡང་། །དེ་ཡི་རྣམ་པར་སྨིན་པའང་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག །ཅེས་གསུངས་ཏེ། བཟང་སྤྱོད་སྨོན་ལམ་གྱི་ཕན་ཡོན་བསྡུས་ན། བཟང་སྤྱོད་ཁ་ཏོན་དུ་བྱེད་པ་དང་གླེགས་བམ་འཆང་བ་དང་ཡིད་ལ་བཟུང་བ་དང་དེའི་རྗེས་སུ་སློབ་པ་དང་དེ་ལ་མཆོད་པ་འབུལ་ན་དེའི་ཕན་ཡོན་དེ་སོ་སྐྱེས་ཤིག་གིས་བཤད་ག་ལ་ནུས། ས་ལ་གནས་པའི་བྱང་ཆུབ་སེམས་དཔའ་རྣམས་ཀྱིས་ཀྱང་འདིའི་ཡོན་ཏན་བཤད་དགོས་ན་བཤད་ཐུབ་ནི་མ་རེད། འདིའི་ཡོན་ཏན་སུས་མཁྱེན་ཟེར་ན་སངས་རྒྱས་ཁོ་ནས་མཁྱེན་ནི་རེད། དེའི་འབྲས་བུ་མཐར་ཐུག་བྱང་ཆུབ་ཀྱི་མཆོག་རྫོགས་པའི་སངས་རྒྱས་འཐོབ་པར་འགྱུར་བ་ལ་སོམ་ཉིའམ་ཐེ་ཚོམ་མ་བྱེད་དང་འཐོབ་ངེས་པའོ། །མདོར་ན་འདིའི་ཕན་ཡོན་ལ་ཟད་རྒྱུ་ཡོད་ནི་མ་རེད། གཉིས་པ་ཕན་ཡོན་ཅན་གྱི་སྨོན་ལམ་ཉིད་བསྔོ་བ་ལ་ལྔ་ལས། དང་པོ་སེམས་དཔའ་མཆོག་གིས་བསྔོས་པ་ལ་འཇུག་པ་ནི། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ཞེས་དུས་གསུམ་བསགས་ཡོད་ཀྱི་དགེ་རྩ་ཐམས་ཅད་འཇམ་དཔལ་དབྱངས་ཀྱིས་ཇི་ལྟར་བསྔོས་པ་དེ་བཞིན་དུ་བསྔོ་བ་དང་། ཀུན་ཏུ་བཟང་པོས་ཇི་ལྟར་བསྔོས་པ་དེ་བཞིན་དུ་བསྔོ་ནི་ཡིན་བསམ་པ་དེ་བསྔོ་བ་རྗེས་མཐུན་པ་ཡིན། འདི་མན་ཆད་བསྔོ་བ་རེད། སྤྱིར་བསྔོ་བ་དང་སྨོན་ལམ་གཉིས་ཀྱི་ཁྱད་པར་ནི། སྨོན་ལམ་ཞེས་པ་དེ་བསམ་པ་རྣམ་པར་དག་པས་སྨོན་ལམ་བཏབ་པ་ལ་སྨོན་ལམ་ཟེར་ནི་རེད། བསྔོ་བ་ནི། དགེ་བ་བློ་ཡུལ་དུ་བྱས་ནས་དགེ་བ་དེ་ཡི་སྟོབས་ཀྱིས་བསྔོས་པ་ནི་བསྔོ་བ་རེད། དེའི་ཕྱིར་ན་དགེ་བ་ཡོད་མེད་ཀྱི་ཁྱད་འཇོག་ནི་རེད། འདི་ཡན་ཆད་ཀྱིས་བཟང་སྤྱོད་ཀྱི་སྨོན་ལམ་བཏབ་པ་རྣམས་བསྔོ་ནི་རེད། ངེད་ཅག་གིས་སང་གནང་བཟང་སྤྱོད་སྨོན་ལམ་འདེབས་པ་དེ་བསྔོ་བ་ཡང་རེད་སྨོན་ལམ་ཡང་རེད། གཉིས་པ་རྒྱལ་བས་བསྔོས་པ་ལ་འཇུག་པ་ནི། དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང༌། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །ཞེས་གསུངས་ཏེ། འདས་མ་འོངས་ད་ལྟ་དུས་གསུམ་གྱི་སངས་རྒྱས་རྣམས་ཀྱིས་ཇི་ལྟར་བསྔོ་བ་བཞིན་དུ་བདག་གིས་ཀྱང་དགེ་བ་འདི་དག་ཐམས་ཅད་དེ་ལྟར་བསྔོ་རྒྱུ་ཡིན་བསམ། སངས་རྒྱས་ཐམས་ཅད་ཀྱིས་བསྟན་པ་དང་འགྲོ་བའི་དོན་དུ་ཇི་ལྟར་སྨོན་ལམ་བཏབ་པ་བཞིན་བདག་གིས་ཀྱང་དེ་ལྟར་འདེབས་པ་ཡིན་གསུངས་ནི་རེད། བཟང་སྤྱོད་སྨོན་ལམ་གྱི་དོན་ཡོངས་རྫོགས་བསྡུས་ན་ས་བཅད་རྣམ་པ་བཅུ་དྲུག་གི་ནང་དུ་བསྡུས་ཡོད། དེ་ཡང་བསྡུས་ན་བསྟན་པ་དང་འགྲོ་བའི་དོན་ལ་སྨོན་ལམ་བཏབ་པ་གཉིས་ཀྱི་ནང་དུ་འདུས་ནི་རེད། རང་ཅག་གིས་ཀྱང་དུས་རྒྱུན་དུ། དྲི་མེད་རྒྱལ་བསྟན་དར་ཞིང་ཡུན་དུ་གནས། །རིས་མེད་འགྲོ་རྣམས་ཕན་བདེའི་དཔལ་གྱིས་འཚོ། །དུས་ཀུན་ཡིད་ལ་སྨོན་པ་འདི་ཁོ་ན། །མཐུན་འགྱུར་གསུང་གིས་དབུགས་དབྱུང་དེང་འདིར་སྩོལ། །ཅེས་ངེད་ཅག་གི་ཡིད་ལ་སྨོན་རྒྱུ་དེ་ཡང་འདི་རེད། དེ་ཡང་བསྡུས་ན་བསྟན་པ་དར་བ་དང་སངས་རྒྱས་ཀྱི་ཆོས་རབ་ཏུ་འཛིན་པར་སྨོན་ལམ་བཏབ་ན་དེའི་ནང་ལ་འདུས་ནི་རེད། བསྟན་པ་དར་ན་སེམས་ཅན་ལ་ཕན་པ་ངང་གིས་འབྱུང་ནི་རེད། དཔེར་ན། ཉི་མ་ཤར་ན་འོད་ཟེར་འབྱུང་བ་བཞིན་སངས་རྒྱས་ཀྱི་བསྟན་པ་དར་ན་སེམས་ཅན་ལ་བདེ་སྐྱིད་མི་འབྱུང་བར་རང་དབང་ཡོད་ནི་མ་རེད། དེའི་ཕྱིར་ན་བསྟན་པ་དར་བར་གྱུར་ཅིག་སེམས་ཅན་རྣམས་བདེ་ཞིང་སྐྱིད་པ་གྱུར་ཅིག་བསམ་དགོས་ཏེ། ཀུན་མཁྱེན་ཆོས་ཀྱི་རྒྱལ་པོའི་ཞལ་ནས། སངས་རྒྱས་བསྟན་པ་དར་ཞིང་རྒྱས་པར་ཤོག །སེམས་ཅན་ཐམས་ཅད་བདེ་ཞིང་སྐྱིད་པར་ཤོག །ཉིན་དང་མཚན་མོར་ཆོས་ལ་སྤྱོད་པར་ཤོག །རང་གཞན་དོན་གཉིས་ལྷུན་གྱིས་འགྲུབ་པར་ཤོག །ཅེས་གསུངས་པ་ལྟར་ངེད་ཅག་གིས་རྒྱུན་དུ་འདོན་རྒྱུ་བྱས་ཡོད་ནི་རེད། གསུམ་པ་སྨོན་ལམ་གྱི་འབྲས་བུ་མངོན་གྱུར་དུ་བསྔོ་བ་ནི། བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་བ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ ། དེར་སོང་ནས་ནི་སྨོན་ལམ་འདི་དག་ཀྱང༌། །ཐམས་ཅད་མ་ལུས་མངོན་དུ་འགྱུར་བར་ཤོག །དེ་དག་མ་ལུས་བདག་གིས་ཡོངས་སུ་བཀང་། །འཇིག་རྟེན་ཇི་སྲིད་སེམས་ཅན་ཕན་པར་བགྱི། །ཞེས་གསུངས་ཏེ། བདེ་བ་ཅན་དུ་སྐྱེ་བའི་སྨོན་ལམ་བཏབ་ནི་རེད། གཟོད་འཆི་ཁ་ཐུམ་རིམ་རྫོགས་ཚེ་མི་ངོ་རང་ངོ་མི་ཤེས་པའི་སྐབས་ན་སངས་རྒྱས་འོད་དཔག་མེད་མངོན་སུམ་དུ་བྱོན་འོང་ནི་རེད། དེ་ནས་བྱང་ཆུབ་སེམས་དཔའ་ཉེ་བའི་སྲས་བརྒྱད་ཀྱིས་བསྐོར་ནས་བདེ་བ་ཅན་གྱི་ཞིང་ཁམས་སུ་ཁྲིད་འགྲོ་གསུངས་ནི་རེད། ངེད་ཅག་གིས་བཟང་སྤྱོད་སྨོན་ལམ་འདི་ལ་བརྩོན་པ་བརྒྱ་འགྱུར་བྱས་ནས་བཏོན་ན་འཆི་ཁ་ནད་གཅོད་ཀྱི་སྡུག་བསྔལ་ཡོད་ནི་མ་རེད། ཤི་རྒྱབ་བར་དོའི་སྡུག་བསྔལ་ཡོད་ནི་མ་རེད། གཤེན་རྗེ་ཆོས་ཀྱི་རྒྱལ་པོའི་མདུན་ན་ངས་དགེ་བ་བྱས་སྡིག་པ་མ་བྱས་ཟེར་ནས་དགེ་སྡིག་རྒྱ་མ་ལ་བཀྱག་དགོས་ནི་མ་རེད། བདག་དང་བདག་ལ་འབྲེལ་ཐོགས་ཀུན། །འདི་ནས་ཚེ་འཕོས་གྱུར་མ་ཐག །སྤྲུལ་པའི་སངས་རྒྱས་འོད་དཔག་མེད། །དགེ་སློང་དགེ་འདུན་འཁོར་གྱིས་བསྐོར། །མདུན་དུ་མངོན་སུམ་འབྱོན་པར་ཤོག །ཅེས་པ་དེ་བདེ་བ་ཅན་ན་བཞུགས་པའི་འོད་དཔག་མེད་མ་རེད། ད་དུང་ལུས་སེམས་གཉིས་ཀ་མ་འབྲལ་གོང་ན་སྤྲུལ་བའི་སངས་རྒྱས་འོད་དཔག་མེད་མངོན་སུམ་དུ་བྱོན་ནས་བསུ་མ་བྱེད་གསུངས་ནི་རེད། ལས་ངན་སྡིག་ཆེན་གྱི་གང་ཟག་རྣམས་དེའི་སྐབས་སུ་ལ་ལས་རི་དྭགས་མང་པོ་བསད་པས་རི་དྭགས་རྣམས་ཀྱིས་རྡུང་སྣང་ཤར། དེ་བཞིན་ལ་ལར་ལུག་ལ་སོགས་པས་རྡུང་བ་དང་ལ་ལར་མེ་འབར་བ་སོགས་སྣང་བའི་སྐབས་སུ་སངས་རྒྱས་འོད་དཔག་མེད་མངོན་སུམ་དུ་མཐོང་ནས་བདེ་བ་ཅན་དུ་སྐྱེ། སངས་རྒྱས་འོད་དཔག་མེད་དང་བྱང་ཆུབ་སེམས་དཔའ་ཉེ་བའི་སྲས་བརྒྱད་ཀྱིས་ད་ཁྱེད་བདེ་བ་ཅན་དུ་འགྲོ་བའི་དུས་ལ་བབས་པ་ཡིན་ཁྱེད་རང་བུ་དང་བུ་མོ་ལ་མ་ཆགས་བུ་དང་བུ་མོ་རྣམས་ཚེ་འདི་ལ་ལུས་དང་སེམས་ལ་སྡུག་བསྔལ་མེད་པ་ཞིག་དང་ཚེ་འདི་འཕོས་མ་ཐག་ཏུ་བདེ་བ་ཅན་དུ་ཁྲིད་པར་བྱེད་གསུངས་སོ། །དེའི་སྐབས་སུ་རང་གི་ཡང་དོན་ཆེན་འགྲུབ། ཕྱིས་སུ་འདུག་པ་རྣམས་ཀྱང་དོན་ཆེན་འགྲུབ་ནས་སྣང་བ་དགའ་ཡ་ལེ་སེམས་པ་སྤྲོ་སང་ངེ་བྱེད་ནས་སྤྲུལ་གཞིའི་འོད་དཔག་མེད་ཀྱི་མདུན་དུ་ཕེབས་འགྲོ་གསུངས་ནི་རེད། དེ་མཐོང་ཡིད་དགའ་སྣང་བ་སྐྱིད། །ཤི་བའི་སྡུག་བསྔལ་མེད་པར་ཤོག །བྱང་ཆུབ་སེམས་དཔའ་མཆེད་བརྒྱད་ནི། །རྫུ་འཕྲུལ་སྟོབས་ཀྱིས་ནམ་མཁར་བྱོན། །ཞེས་པ་ལྟར་དེ་ནས་བདེ་བ་ཅན་གྱི་ཞིང་ཁམས་ལ་ཕེབས་ནས་བཟང་སྤྱོད་སྨོན་ལམ་མཐའ་དག་མངོན་དུ་འགྱུར། ཞིང་དེ་ན་མ་གཏོགས་ཐམས་ཅད་མངོན་དུ་འགྱུར་ནུས་ནི་མ་རེད། དཔེར་ན། རྡུལ་གཅིག་གི་གོ་ས་ན་རྡུལ་སྙེད་ཀྱི་ཞིང་ཁམས་བཀོད། དེ་ལས་སངས་རྒྱས་རེ་རེའི་མདུན་དུ་མཛད་པ་མཛད། ནམ་མཁའི་མཐར་ཐུག་གི་སེམས་ཅན་གྱི་དོན་མཛད། བདེ་བ་ཅན་གྱི་ཞིང་ཁམས་སུ་སྐྱེས་ནས་བདག་གི་སྤྲོད་པ་རྒྱ་མཚོ་མཐར་ཕྱིན་པར་ཤོག་ཅིག་གསུངས་ནི་རེད། བདེ་བ་ཅན་གྱི་ཞིང་ཁམས་སུ་སོང་ནས་རང་གི་རྒྱུད་ཡོངས་སུ་སྨིན་པར་བྱེད། ཕར་ཕྱིན་རྫོགས། སེམས་ཅན་སྨིན་པར་བྱེད། ཞིང་སྦྱངས་རང་འབྲས་སྨིན་ནས་བཟུང་སྟེ་ནམ་མཁའ་ཇི་སྲིད་དུ་སྐྱེ་བ་དམན་པ་དུད་འགྲོ་ལྟར་རྒུད་པའི་དུས་ནའང་དེ་ལ་སྡུག་བསྔལ་དག་གིས་འཇིགས་པ་མེད། འཁོར་བར་པདྨའི་ཚལ་ན་རྩེད་མོ་བྱེད་དེ་འགྲོ་བ་ལྟ་བུ་ཡིན། མདོར་ན་ནམ་མཁའ་ཇི་སྲིད་བར་དུ་སེམས་ཅན་གྱི་དོན་བྱེད་པར་ཤོག་ཅིག་གསུངས་ནི་རེད། བཞི་པ་སངས་རྒྱས་ལས་དངོས་སུ་ལུང་བསྟན་ཐོབ་པར་བསྔོ་བ་ནི། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །ཅེས་གསུངས་ཏེ། རྒྱལ་བའི་དཀྱིལ་འཁོར་བཟང་པོ་བདེ་བ་ཅན་གྱི་ཞིང་ཁམས་རེད། མཛེས་ལས་སྐྱེས་ཞེས་པ་ནི། མཚན་བཟང་པོ་སུམ་ཅུ་རྩ་གཉིས་དཔེ་བྱེད་བཟང་པོ་བརྒྱད་ཅུ་ཡོངས་སུ་རྫོགས་པ་ལུས་དེ་ལ་ལྡན་པར་འགྱུར། འོད་དཔག་མེད་ཀྱིས་རིགས་ཀྱི་བུ་ཁྱེད་ཞིང་ཁམས་གཞན་ག་ལ་བ་ན་སངས་རྒྱས་པ་ཡིན་གསུངས་ནས་ལུང་བསྟན་པ་ཐོབ། ལུང་བསྟན་ཐོབ་པ་དེ་ཡང་དབང་པོ་རྣོན་པོ་ཡིན་ན་སྦྱོར་ལམ་དང་མཐོང་ལམ། དབང་པོ་རྟུལ་པོ་ཡིན་ན་ས་བརྒྱད་པ་མ་གཏོགས་ཐོབ་ནི་མ་རེད། དེའི་ལུང་བསྟན་དེ་ཡང་དེ་མ་ཐག་ཏུ་ཐོབ་པར་གྱུར་ཅིག་གསུངས་ནི་རེད། ལྔ་པ་ལུང་བསྟན་ཐོབ་ནས་སེམས་ཅན་ལ་ཕན་པ་བསྒྲུབ་པར་བསྔོ་བ་ནི། དེར་ནི་བདག་གིས་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བཟ་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང། བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་པོ་བགྱི། །ཞེས་གསུངས་ཏེ། ལུང་བསྟན་ཐོབ། ཡོན་ཏན་གྱི་ཞིང་སྦྱངས་ནམ་མཁའ་ཇི་སྲིད་དུ་སེམས་ཅན་རྣམས་ཀྱི་དོན་ཡོངས་སུ་འགྲུབ་ནུས་པར་ཤོག་ཅིག་གསུངས་ནི་རེད། ལོ་ཙཱ་བ་ཆེན་པོ་བཻ་རོ་ཙ་ནས་བསྒྱུར་བའི་སྨོན་ལམ་མཛད་པར་གྲགས་པ་དེ་དོན་ལ་གནས་སམ་སྙམ་མོ། །ཚིགས་བཅད་གསུམ་པོ་འདི་ཡང་ཅུང་ཟད་བཤད་ན་དོན་གསུམ་སྟེ་སྨོན་ལམ་བཏོན་པ་དང་། སྨོན་ལམ་བསྔོས་པ་དང་། སྨོན་ལམ་གྱི་དགེ་རྩ་ཕྱིར་བསྔོ་བ་གསུམ་ལས། དང་པོ། བཟང་པོ་སྤྱོད་པའི་སྨོན་ལམ་བཏོན་པ་ཡི། །དགེ་བ་ཅུང་ཟད་བདག་གིས་ཅི་བསགས་པ། །དེས་ནི་འགྲོ་བའི་སྨོན་ལམ་དགེ་བ་རྣམས། །སྐད་ཅིག་གཅིག་གིས་ཐམས་ཅད་འབྱོར་བར་ཤོག །ཅེས་བཟང་པོ་སྤྱོད་པའི་སྨོན་ལམ་གྱི་གླེགས་བམ་བཀླགས་སམ་ཁ་ཏོན་དུ་བཏོན་པའི་དགེ་བ་ཅུང་ཟད་བདག་གིས་ཅི་བསགས་པ་དེ་ཡིས་ནི་འགྲོ་བ་སེམས་ཅན་མ་ལུས་པའི་ཡིད་ལ་སྨོན་པའི་དོན་འགྲུབ་པར་ཤོག་ཅིག་ཅེས་བརྗོད་པ་སྨོན་ལམ་དུ་བྱས་པའི་དགེ་བ་རྣམས་ཇི་ལྟ་བ་བཞིན་དུ་ཡུན་རིང་པོར་མི་ཐོགས་པར་དུས་སྐད་ཅིག་གིས་འབད་རྩོལ་མི་དགོས་པར་ཐམས་ཅད་འབྱོར་ཞིང་འགྲུབ་པར་ཤོག་ཅིག་གསུངས་ནི་རེད། གཉིས་པ་ནི། གང་ཡང་བཟང་པོ་སྤྱོད་པ་འདི་བསྔོས་པས། །བསོད་ནམས་མཐའ་ཡས་དམ་པ་གང་ཐོབ་དེས། །འགྲོ་བ་སྡུག་བསྔལ་ཆུ་བོར་བྱིང་བ་རྣམས། །འོད་དཔག་མེད་པའི་གནས་རབ་ཐོབ་པར་ཤོག །ཅེས་བཟང་པོ་སྤྱོད་པའི་སྨོན་ལམ་ཡོངས་སུ་བསྔོས་པ་འདི་ཡིས་བསོད་ནམས་ངོ་བོ་བཟང་བས་དམ་པ་དང་རྒྱ་ཆེ་བས་མཐའ་ཡས་པར་གྱུར་པ་གང་ཞིག་ཐོབ་པ་དེས་འགྲོ་བ་སྡུག་བསྔལ་གྱི་ཆུ་བོར་བྱིང་ནས་ཉམ་ཐག་པ་རྣམས་དེ་བཞིན་གཤེགས་པ་འོད་དཔག་ཏུ་མེད་པའི་བཞུགས་གནས་བདེ་བ་ཅན་གྱི་ཞིང་ཁམས་རྟག་ཏུ་བདེ་ཞིང་སྐྱིད་པའི་གནས་དེ་རབ་ཏུ་ཐོབ་པར་ཤོག་ཅིག་གམ་དེར་སྐྱེ་བར་གྱུར་ཅིག་གསུངས་ནི་རེད། གསུམ་པ་ནི། སྨོན་ལམ་རྒྱལ་པོ་འདི་དག་མཆོག་གི་གཙོ། །མཐའ་ཡས་འགྲོ་བ་ཀུན་ལ་ཕན་བྱེད་ཅིང་། །ཀུན་ཏུ་བཟང་པོས་བརྒྱན་པའི་གཞུང་གྲུབ་སྟེ། །ངན་སོང་གནས་རྣམས་མ་ལུས་སྟོང་བར་ཤོག །ཅེས་སྨོན་ལམ་གྱི་རྒྱལ་པོ་འདི་དག་གིས་ནི་མཆོག་གི་གཙོ་བོ་བླ་ན་མེད་པའི་བྱང་ཆུབ་འགྲུབ་པ་དང༌། མཁའ་ལྟར་མཐའ་ཡས་པའི་འགྲོ་བ་སེམས་ཅན་ཀུན་ལ་གནས་སྐབས་དང་མཐར་ཐུག་གི་ཕན་བདེ་སྟེར་བར་བྱེད་ཅིང༌། ཐམས་ཅད་ཀུན་ཏུ་བཟང་པོའི་སྨོན་ལམ་གྱིས་བརྒྱན་པའི་ཞིང་ཁམས་ཁྱད་པར་ཅན་དུ་བསྒྲུབས་པས་གྲུབ་པའམ། ཡང་ན་དཔེ་ཕལ་ཆེ་བར་གཞུང་གྲུབ་སྟེ་ཞེས་པ་ལྟར་ན། འཕགས་པ་ཀུན་ཏུ་བཟང་པོའི་དེ་བཞིན་གཤེགས་པ་སྲས་དང་བཅས་པའི་སྤྱོད་པ་རབ་འབྱམས། མཛེས་བྱེད་ཟབ་ཅིང་རྒྱ་ཆེ་བའི་ཚིག་དང་དོན་གྱིས་རྣམ་པར་བརྒྱན་པའི་སྨོན་ལམ་གྱི་མདོ་ཆེན་པོ་གསུངས་པའི་གཞུང་འདི་ལས་ཇི་སྐད་འབྱུང་བ་དེ་ཁོ་ན་བཞིན་དུ་གྲུབ་པར་གྱུར་ཏེ། ཕྱོགས་བཅུའི་ཞིང་ཀུན་གྱི་ངན་སོང་གི་རྒྱུད་རྣམས་མ་ལུས་པ་སྟོང་བར་ཤོག་ཅིག་གསུངས་ནི་རེད། གསུམ་པ་མཇུག་གི་དོན་ནི། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མུ་ཏྲ་དང༌། སུ་རེནྡྲ་བྷོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ལོ་ཆེན་བཻ་རོ་ཙ་ནས་ཞུས་ཆེན་མཛད་པའོ། །།། འདི་སྔ་འགྱུར་གྱི་དུས་སུ་ཆོས་རྒྱལ་ཁྲི་སྲོང་ལྡེའུ་བཙན་གྱི་སྐུ་རིང་ལ་བཻ་རོ་ཙ་ནས་བསྒྱུར་ནི་རེད། བླ་སེར་ཇོ་མོ་དགེ་བསྙེན་ཁྱེད་རྣམས་ཀྱིས་ཚིག་འགྲེལ་ཞིག་སྐྱོར་སྦྱང་བྱ་རྒྱུ་ཨེ་ལག་ལྟོས། སང་གནང་འདོན་དུས་ཚིག་རྗེས་དོན་དྲན་ཡག་པོ་ཞིག་ཨེ་འོང་ལྟོས། རྒྱ་ཆེན་པོ་ཞིག་མ་ཤེས་ན་ཡང༌། སེམས་ཅན་ཐམས་ཅད་ཀྱི་ལུས་ལ་ན་ཚ་མེད་པར་གྱུར་ཅིག སེམས་ལ་སྡུག་བསྔལ་མེད་པར་གྱུར་ཅིག་དམ་པའི་ཆོས་སྒྲུབ་པ་ལ་བློ་མཐུན་གྲོས་མཐུན་ཉིད་དུ་གྱུར་ཅིག སེམས་ཅན་ཐམས་ཅད་ཀྱི་བསམ་པའི་རེ་བ་ཐམས་ཅད་འགྲུབ་པར་གྱུར་ཅིག སྐྱེ་བ་ཚེ་རབས་ཀུན་ཏུ་རབ་ཏུ་བྱུང་བའི་ལུས་རྟེན་ཐོབ་པར་གྱུར་ཅིག རྟེན་དེ་ལ་ཚུལ་ཁྲིམས་རྣམ་པར་དག་པར་གྱུར་ཅིག བླ་མ་དགེ་བའི་བཤེས་གཉེན་དང་འཕྲད་པར་གྱུར་ཅིག གྲོགས་བཟང་པོ་དང་མི་འབྲལ་བར་གྱུར་ཅིག བྱང་ཆུབ་ཀྱི་སེམས་རྒྱུད་ལ་སྐྱེ་བར་གྱུར་ཅིག མདོར་བསྡུས་པ་ཞིག་བཤད་ན་དེ་འདྲ་ཞིག་རེད། དེའི་ཕྱིར་ན་ཚིག་རྗེས་དོན་དྲན་ཞིག་ཤེས་ན་ཧ་ཅང་བཟང་པོ་རེད། སྨོན་ལམ་འགྲུབ་པའི་མཐུན་འགྱུར་མཛད་པ་ནི། སངས་རྒྱས་སྐུ་གསུམ་བརྙེས་པའི་བྱིན་རླབས་དང༌། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །ཏདྱ་ཐཱ། པཉྩནྡྲི་ཡ་ཨ་ཝ་བོ་དྷ་ནི་ཡེ་སྭཱ་ཧཱ། །ཞེས་གསུངས་ཏེ་སངས་རྒྱས་སྐུ་གསུམ་བརྙེས་པའི་བྱིན་རླབས་ཀྱི་སྟོབས་ཀྱིས་སྨོན་ལམ་འདི་འགྲུབ་པར་གྱུར་ཅིག་གསུངས་ནི་རེད། ཆོས་ཉིད་ཀྱི་དོན་ལ་འགྱུར་བ་ཡོད་ནི་མ་རེད། དེ་ཡང་ཅི་ཡང་མ་གྲུབ་པ་ལས་ཅི་ཡང་འཆར་དུ་རུང་བ་དེའི་སྟོབས་ཀྱིས་སྨོན་ལམ་འདི་འགྲུབ་པར་གྱུར་ཅིག་གསུངས་ནི་རེད། མང་ཆེ་བ་ཞིག་གིས་དགེ་འདུན་མང་བྱོན་འཚོགས་པའི་བྱིན་རླབས་ཀྱིས་ཟེར་ནས་ཞེ་ལ་བསམ་རྒྱུ་དེ་ཡང་དེ་ལྟར་བསམས་ནས་འདོན་མཁན་ཡོད་ཀྱང་དེ་ལྟར་མ་རེད། འདིའི་ཚིག་གི་ནང་ན་དགེ་འདུན་མི་ཕྱེད་འདུན་པའི་ཐུགས་རྒྱུད་ཀྱི་ཡོན་ཏན་དེ་གཞན་སུས་ཀྱང་སོ་སོར་ཕྱེ་ནུས་ནི་མ་རེད། དགེ་འདུན་གྱི་ཐུགས་རྒྱུད་ཀྱི་ཡོན་ཏན་འདུན་པ་དང་འབྲེལ་བ་ཡིན་ནི་རེད་མ་གཏོགས་དགེ་འདུན་མང་བྱོན་འཚོགས་པའི་ཟེར་ནི་མ་རེད། དེ་ལྟ་བུའི་ཚིག་མ་རེད། སངས་རྒྱས་བྱང་སེམས་རྣམས་༄ས་ཇི་ལྟར་བསྔོས་པ་བཞིན་དུ་བདག་ཅག་གིས་ཀྱང་བསྔོ་བ་དང་སྨོན་ལམ་རྣམས་འགྲུབ་པར་ཤོག་ཅིག་གསུངས་ནི་རེད། ཏདྱ་ཐ། པཉྩནྡྲི་ཡ་ཨ་ཝ་བོདྷ་ནི་ཡེ་སྭཱ་ཧཱ། ཞེས་པའི་སྔགས་འདི་བརྗོད་ན་སྨོན་ལམ་གང་བཏབ་ན་སྨོན་ལམ་ཐམས་ཅད་འགྲུབ་ནི་རེད། ད་བཟང་སྤྱོད་ཤེས་ཐ་ཨེ་རེད། ཚིག་རྗེས་དོན་དྲན་ཞིག་ཤེས་ན་ཧ་ཅང་ཡག་པོ་རེད། ཚིག་རྐྱང་པ་ཙམ་ཞིག་ཁ་གཡེང་མིག་གཡེང་གིས་བཏོན་ན་ཡང་ཕན་ཡོན་འབྱུང་རྒྱུ་རེད། དེ་བཞིན་གཤེགས་པའི་གསུང་བསླུ་བ་མེད་པ་རེད། ནམ་མཁའ་མེད་པར་གྱུར་ཀྱང་རིགས་སྔགས་ཀྱི་ནུས་པ་འགྱུར་མི་སྲིད་ཅེས་གསུངས་པ་བཞིན་བསླུ་བ་གཏན་ནས་ཡོད་ནི་མ་རེད། འོན་ཀྱང་ཚིག་རྗེས་དོན་དྲན་བྱས་ནས་སྨོན་ལམ་ཞིག་བཏབ་ན་བྱང་ཆུབ་སེམས་དཔའ་ཀུན་ཏུ་བཟང་པོ་དང་འཇམ་དཔལ་དབྱངས་ཀྱི་སྨོན་ལམ་ཇི་ལྟ་བ་བཞིན་དུ་འགྱུར་འགྲོ་ནི་རེད། ཐམས་ཅད་ཀྱིས་ཨེ་ཤེས་ལྟོས་དང་འདི་ལ་རྒྱ་ཆེན་པོ་ཞིག་བཤད་ན་སུས་ཀྱང་མི་ཤེས། ངས་ཀྱང་ག་ལ་ཤེས་ང་མིན་པ་ཞིག་གིས་ཀྱང་མི་ཤེས་མོད། ད་ཕྱོགས་ཙམ་ལ་མི་གོ་རྒྱུ་ཅི་ཡང་མེད་པས་གཟབ་གཟབ་བྱས་ནས་ཨེ་ཤེས་ལྟོས། སྐྱོར་སྦྱང་གྱིས་མ་ཤེས་ན་གཞན་ལ་དྲིས། སང་གནང་འདོན་དུས་བློ་ཡུལ་ལ་བླངས་ནས་བཟང་སྤྱོད་ཡོངས་སུ་རྫོགས་པ་ལ་མ་ནུས་ཀྱང་ཚར་གཅིག་ལ་ཚིག་རྗེས་དོན་དྲན་གྱི་སྒོ་ནས་འདོན་ཨེ་ཐུབ་ལྟོས། དེ་ནས་ངེད་ཅག་སྐྱེ་བ་ཚེ་རབས་ཐམས་ཅད་དུ་འབྲལ་བ་མེད་པར་ནམ་ཞིག་བྱང་ཆུབ་ཤིང་དབང་དྲུང་དུ་སུ་སྔོན་ལ་སངས་རྒྱས་མི་ཤེས་ཀྱང་སུ་སྔོན་ལ་སངས་རྒྱས་ན་དེའི་འཁོར་དུ་སྐྱེ་རྒྱུ་རེད། གལ་ཏེ་ང་ནམ་ཞིག་ན་སྔོན་ལ་སངས་རྒྱས་ནའང་འདྲ་རྗེས་སུ་སངས་རྒྱས་ནའང་འདྲ་ང་སངས་རྒྱས་པའི་གནས་སྐབས་ན་ཁྱེད་རྣམ་པ་ཚང་མ་ཡང་མོས་པ་མེད་ན་མ་གཏོགས་མོས་པར་གྱུར་པའི་གང་ཟག་ཚང་མ་ཡང་ངའི་འཁོར་གྱི་ཐོག་མ་ཉིད་དུ་སྐྱེ་རྒྱུ་རེད་མ་ཟད། སང་གནང་བཟང་སྤྱོད་དུང་སྒྲུབ་སྐབས་སུ། ཚོགས་པ་རྣམས་ངས་དང་པོ་ཆོས་ཀྱི་འཁོར་ལོ་བསྐོར་བའི་གནས་སྐབས་སུ་ཁྱེད་རྣམ་པ་འདུས་ནས་སྣོད་རྟེན་དེ་ལ་ཐེག་དམན་གྱི་བདེན་པ་མཐོང་རྒྱུ་མ་རེད། ཐེག་ཆེན་ས་དང་པོ་ཡན་ཆད་ཀྱི་ཆོས་ལ་ཆོས་ཀྱི་རྡུལ་དྲི་མ་མེད་པ་ཐོབ་རྒྱུ་རེད། དེ་ནས་བཟུང་སྟེ་ངེད་ཅག་རྣམས་ནམ་མཁའ་ཇི་སྲིད་དུ་དུ་འགྱུར། སེམས་ཅན་གྱི་དོན་བྱེད་པ་ལ་བསླུ་བ་མེད། ད་ཕྱིན་ཆད་སྡིག་པ་ཚབ་པོ་ཆེ་མ་བྱེད། ཐམས་ཅད་ཀྱི་དགེ་བ་གཟབ་གཟབ་བྱས་ནས་སྒྲུབས། སྔར་བྱས་ཀྱི་སྡིག་པ་ལ་ཁ་ཞེ་གཉིས་མེད་ཀྱིས་འགྱོད་པ་དང་ཕྱིན་ཆད་དམ་པོར་སྡོམ་སེམས་ཤིག་ཡོད་ན། ད་སྐབས་བཟང་སྤྱོད་དུང་སྒྲུབ་ཆེན་མོ་དང་གར་དབང་རིག་འཛིན་འབུམ་ཚོགས་ཆེན་མོ་སོགས་ཀྱི་སྐབས་སུ་དགེ་འདུན་པ་འདི་ལྟ་བུ་ཞིག་དང་ལྷན་ཅིག་ཏུ་འཚོགས། ད་ཕྱིན་ཆད་སྡིག་པ་ངན་པ་མ་བྱས་ན་ཕལ་ཆེར་སྔོན་ཆད་ཀྱི་རྣམ་སྨིན་མྱོང་ངེས་ཀྱི་སྒྲིབ་པ་ཐམས་ཅད་དག་འགྲོ་རྒྱུ་རེད་བསམ་ཁུ། དེ་སྙོམས་འཇོག་ཡིན་ཡང་མི་ཆོས་བླ་མའི་རྫུན་མིན་ཟེར་ན་ཆོག དེ་ཡིན་ན་དགའ་བ་དང་སྤྲོ་བའི་འོས་སུ་གྱུར་པ་ཞིག་རེད། ང་ལ་ཡང་སྔོན་ཆད་མ་ཎི་བླ་མ་པདྨ་སིདྡྷིས་ལན་གཉིས་ཀྱི་བར་དུ་ད་སྔོན་ཡན་ཆད་ཀྱི་སྡིག་ལྟུང་དག་པ་ཡིན་གསུངས་ནས་ལུང་བསྟན་པ་ཡིན། ལུང་བསྟན་གཅིག་ནི་དམ་ཅན་གྱི་ས་ཕྱོགས་སུ་གསེར་རྟ་བ་ལ་མ་ཎི་གསུངས་པའི་སྐབས་སུ་དེ་རིང་ཡན་ཆད་ཀྱི་སྡིག་ལྟུང་དག་པ་ཡིན་ད་ཕྱིན་ཆད་གཟབ་གཟབ་གྱིས་གསུངས་མྱོང་། གཅིག་དེ་ང་ལྕང་མ་རི་ཁྲོད་དུ་འགྲོ་བའི་གནས་སྐབས་ན་ངས་བསམ་བློ་ཞིག་བཏང་ནས་དེ་ཚུན་ཆད་ལ་ཡང་སྡིག་པ་མ་བྱས་མ་བྱས་ཟེར་ཡང་སྡིག་པ་མང་པོ་བྱས་ཚར་ཡོད་རྒྱུ་རེད་བསམས་ནས་སླར་ཡང་མ་ཎི་བླ་མའི་སྐུ་མདུན་ལ་སོང་ནས་ལུང་བསྟན་ཞུས་ཚེ། ཁོང་གིས་དེའི་དུས་སྐབས་ནའང་ད་སྔོན་ཡན་ཆད་ཀྱི་སྡིག་ལྟུང་ཐམས་ཅད་དག་པ་ཡིན། ཞེས་གསུངས་མྱོང་། དེས་ན་ཚེ་རབས་ཀྱི་སྡིག་ལྟུང་ཐམས་ཅད་དག་ན་ཚེ་འདི་ཙམ་ལ་སྐྱོན་རྒྱུ་མ་རེད། ཕྱིན་ཆད་ཀྱང་ང་ལྟ་བུ་ལ་དཔེ་མཚོན་ན་ད་སྐབས་བཟང་སྤྱོད་དུང་སྒྲུབ་ཆེན་མོ་དང་གར་དབང་རིག་འཛིན་འབུམ་ཚོགས་ཆེན་མོའི་སྐབས་སུ་དགེ་འདུན་པ་འདི་ལྟ་བུ་དང་ལྷན་གཅིག་ཏུ་འཚོགས་ནས་དགེ་རྩ་དེ་བསྔོ་ཐུབ་སོང་ན་ད་སྔོན་ཡན་ཆད་ཀྱི་སྡིག་ལྟུང་ཡང་དག་འགྲོ་རྒྱུ་རེད། ད་ལོ་ལྔ་དྲུག་ཞིག་གི་སྡིག་པ་ལ་གཟབ་གཟབ་བྱེད་རྒྱུ་ཨེ་མི་ལོན། དེའི་ཕྱིར་ན་སྡིག་ལྟུང་དག་རྒྱུ་རེད། དེས་ན་ཚང་མས་དགའ་བ་སྒོམས། སྤྲོ་བ་སྒོམས། ངས་བཤད་པ་དེ་ལ་ཅི་མི་ཟེར་མ་བསམ་ད་ངོ་མ་ངེད་ཅག་སྐལ་བ་བཟང་པོ་རེད་བསམ། འོན་ཀྱང་ད་དུང་བར་ཆད་དེ་གང་གིས་ལྡང་མི་ཤེས་བདུད་སྡིག་ཅན་གྱིས་ནམ་རྒྱུན་བར་ཆད་རྩོམ་བཞིན་པ་ཡིན་ནི་རེད། དེས་ན་བར་ཆད་མི་འབྱུང་བའི་ཕྱིར་དུ་བླ་མ་ཨོ་རྒྱན་ཆེན་པོ་ལ་གསོལ་བ་ཐོབ་སྤྲུལ་པའི་གུ་རུ་ཚར་འབུམ་ཐེར་རེ་འདོན་ཐུབ་པར་གྱིས། དེ་ལྟར་ཆོས་འཆད་ཉན་བྱས་པའི་དགེ་བའི་རྩ་བ་ལ་བརྟེན་ནས་སྤྱིར་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ་དང་དེ་འཛིན་གྱི་སྐྱེས་བུ་དམ་པ་རྣམས་སྐུ་ཚེ་བརྟན་མཛད་ཕྲིན་རྒྱས་ཡངས་པའི་རྒྱལ་ཁམས་ཀུན་ཏུ་མི་ནད་ཕྱུགས་ནད་ཐམས་ཅད་ཞི། བདེ་སྐྱིད་རྫོགས་ལྡན་དང་པོའི་དཔལ་ལ་ལོངས་སུ་སྤྱོད་ནས་མི་རིང་བར་དཔལ་ལྡན་བླ་མའི་ཞབས་དྲུང་དུ་སྐྱེས་ནས་རྫོགས་སྨིན་སྦྱངས་གསུམ་མཐར་ཕྱིན་པའི་སྨོན་འདུན་བཅས། བསོད་ནམས་འདི་ཡིས་ཐམས་ཅད་གཟིགས་པ་ཉིད། །ཐོབ་ནས་ཉེས་པའི་དགྲ་རྣམས་ཕམ་བྱེད་ཅིང་། །སྐྱེ་རྒ་ན་འཆིའི་རྦ་ཀློང་འཁྲིགས་པ་ཡིས། །སྲིད་པའི་མཚོ་ལས་འགྲོ་བ་སྒྲོལ་བར་ཤོག །སླར་སྨྲས་པ། ཀ་དག་ཀུན་བཟང་དགོངས་པའི་རྒྱལ་ས་ལ། །མིག་འཕྲུལ་བཞིན་དུ་བགྲོད་པར་བྱེད་པའི་ཐབས། །འཕགས་པ་བཟང་པོ་སྤྱོད་པའི་སྨོན་ལམ་སྐས། །ཐར་འདོད་སྐྱེ་འགྲོ་ཡོངས་ཀྱི་དཔལ་དུ་བཙུགས། །སྨོན་ལམ་ཀུན་གྱི་རྒྱལ་པོ་བཟང་པོ་སྤྱོད། །གསལ་ལ་མ་འདྲེས་སྙིང་པོའི་བཅུད་ཕྱུང་སྟེ། །ཡང་ཡང་བརྩེ་བས་གདམས་པའི་བཀའ་དྲིན་འདི། ནམ་ཡང་གཞལ་བར་དཀའ་འོ་ཡིད་བཞིན་ནོར། །ཕལ་པོ་ཆེ་དང་མྱང་འདས་ཆེན་མོ་སོགས། །སྨོན་ལམ་བགྲང་ལས་འདས་པའི་གཞུང་བཟང་རྣམས། །གནད་བརྒྱ་གཅིག་ཏུ་འདུས་པའི་ལམ་པོ་ཆེ། །ཉུང་ངུའི་རྡོ་རྗེའི་ཚིག་གིས་གསལ་བར་བྱས། །ཆོས་ཚུལ་ཉི་ཟླའི་དཀྱིལ་འཁོར་ལས་ཤར་བའི། །གདམས་པ་རིན་ཆེན་དབང་གི་རྒྱལ་པོ་འདི། །བརྒྱུད་གསུམ་དགོངས་པའི་སྙིང་བཅུད་དངོས་ཡིན་པས། །འདི་ཀོ་རྩིས་ཆུང་བྱེད་པར་ཅི་སྟེ་བཟོད། །དེ་ཕྱིར་དྲི་མེད་ལྷག་བསམ་མ་རྙིང་བ། །མཚུངས་མེད་དྲིན་ལྡན་བླ་མའི་ཞལ་གྱི་ལུང་། །ཚིག་སྒྲོས་ཙམ་ཡང་ནུབ་པར་ཕངས་པའི་བློས། །མི་བརྗེད་དྲན་པའི་ཟིན་ཐོ་འདི་ལྟར་བྱས། །བློ་ཆུང་བྱིས་པ་བདག་དང་བདག་འདྲ་ལ། །བློ་ཡི་སྒོ་མོ་ཅུང་ཙམ་ཕྱེ་བའི་ཆེད། །བློ་གྲོས་དམན་ཡང་བསམ་པའི་ཁ་བཏགས་འདིར། །བློ་གསར་ཆོས་མཐུན་མཆེད་རྣམས་དགྱེས་པར་མཛོད། །བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང། དེ་ལྟ་ན་ཡང་རྡོ་རྗེའི་ཚིག་གི་དོན། །ཟབ་ཅིང་བརླང་བ་ཚུར་མཐོང་རྟོག་གེའི་བློས། །རྣམ་པར་ཤེས་པའི་སྤྱོད་ཡུལ་ལ་ཁྲིད་ནས། །མ་རྟོགས་ལོག་པར་བཤད་རྣམས་སྙིང་ནས་བཤགས། དྲི་བཅས་སེམས་ཀྱི་འཁྲུལ་སྣང་རྣམ་རྟོག་གིས། །ཚེ་རབས་ཀུན་ཏུ་སྡིག་ལྟུང་ཅི་བགྱིས་རྣམས། །ཡེ་ཤེས་སྤྱན་ལྡན་རྣམས་ལ་མཐོལ་བཤགས་ན། །དག་ཅིང་སྐུ་གཉིས་ཐོབ་པའི་དངོས་གྲུབ་སྩོལ། །འདིར་འབད་རྣམ་དཀར་དགེ་ཚོགས་ཅི་མཆིས་པ། །མར་གྱུར་འགྲོ་བ་ཀུན་ལ་ཡོངས་སུ་བསྔོ། །རྒྱལ་བས་བསྔགས་པ་དམིགས་མེད་ཆོས་དབྱིངས་ངང་། །བསྔོ་བྱ་སྔོ་བྱེད་བསྔོ་ཡུལ་བྲལ་བས་ཀྱང༌། །རྒྱལ་བསྟན་ཉིན་བྱེད་སྣང་བ་ཆེས་གསལ་ཞིང་། །སྐྱེ་རྒུ་བདེ་སྐྱིད་རྫོགས་ལྡན་དཔལ་ལ་སྤྱོད། །ཀུན་ཀྱང་འཚེ་མེད་ཞི་བདེའི་ལམ་བཟང་ལ། གུ་ཡངས་བློ་བདེའི་ངང་ནས་འཇུག་པར་ཤོག །སྐྱེ་བ་མུ་ཏིག་དཀར་པོའི་ཕྲེང་བ་ལ། །ཡབ་རྗེ་བླ་མ་མཆོག་དང་མི་འབྲལ་ཞིང་། །སྣ་ཚོགས་སྤྲུལ་པའི་རོལ་གར་འབུམ་འགྱེད་དེ། །འགྲོ་ཁམས་རྒྱ་མཚོ་དོང་ནས་སྤྲུག་པར་ཤོག །ཅེས་པ་འདི་ནི་བཀའ་དྲིན་མཚུངས་ཟླ་དང་བྲལ་བ་མཚན་བརྗོད་པ་དཀའ་ཡང་དོན་གྱི་སླད་དུ་མཚན་ནས་སྨོས་ན་༧ ཆོས་རྗེ་དམ་པ་ཡིད་བཞིན་ནོར་བུ་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་གང་གི་ཞབས་རྡུལ་སྤྱི་བོར་ལེན་ཅིང་གདམས་ངག་བདུད་རྩིའི་ཟེགས་མ་ལ་ལོངས་སུ་སྤྱོད་པའི་སྐལ་བ་ཅན། ཉག་བསམ་གཏན་དགོན་གྱི་གྲལ་མཐར་འཁོད་པ་བཀྲ་ཤིས་རྒྱ་མཚོ་རུ་འབོད་པས། ལྷོ་ཕྱོགས་སངྒ་ལའི་གནས་བརྟན་སྡེ་བའི་ལུགས་ཀྱི་བདག་ཅག་གི་སྟོན་པ་ཤཱཀྱ་ཐུབ་པ་མྱ་ངན་ལས་འདས་ནས་བགྲང་བྱ་༢༥༥༣ལོན་པའི་དུས་ཏེ། ཕྱི་ལོ་༢༠༠༩ ལོའི་ཟླ་༧ ཚེས་༢ བོད་རབ་བྱུང་བཅུ་བདུན་པའི་འགལ་བ་ཞེས་པ་ས་མོ་གླང་གི་ལོའི་སྣྲོན་གྱི་ཟླ་བའི་ཚེས་༡༠ ཨོ་རྒྱན་སངས་རྒྱས་གཉིས་པ་དྷ་ན་ཀོ་ཤའི་རྒྱ་མཚོར་རང་བྱུང་པདྨའི་སྙིང་པོ་ལས་འཁྲུངས་ཏེ་མཚོ་གླིང་གི་མཁའ་འགྲོ་མ་རྣམས་ལ་ཆོས་འཁོར་བསྐོར་བའི་དུས་ཚེས་ཕུན་སུམ་ཚོགས་པའི་ཉིན། རྗེ་བཙུན་བླ་མའི་ཐུགས་དགོངས་ཡོངས་སུ་རྫོགས་པའི་ཆེད་དུ་གངས་ལྗོངས་མཁས་འདུས་གྲོང་ཁྱེར་གསེར་ཐང་བླ་རུང་ལྔ་རིག་ནང་བསྟན་སློབ་གླིང་དུ་རྫོགས་པར་སྦྱར་བ་འོ།། །། དགེ་ཞིང་བཀྲ་ཤིས་པར་གྱུར་ཅིག །སྨོན་ལམ་རྒྱ་མཚོའི་ཡང་སྙིང་ཀུན་བཟང་ཞིང་གི་ཉི་མ་བཞུགས། ཡན་ལག་དྲུག་ཅུ་ལྡན་པ་ཚངས་དབྱངས་གསུང་། །སྟོབས་བཅུའི་ཡོན་ཏན་ཀུན་ནས་རྫོགས་པའི་ཐུགས། །ཐུབ་དབང་ལྷ་ཡི་ལྷ་མཆོག་དགོངས་སུ་གསོལ། །སྡུག་བསྔལ་གསུམ་གྱིས་ཆེས་ཆེར་མནར་བའི་ཚོགས། །གང་གིས་བརྩེ་ཆེན་ཐུགས་རྗེས་ཉེ་བར་བཟུང་། །དོན་གཉིས་འདོད་པ་ཡིད་བཞིན་འཇོ་བའི་ཕྱིར། བླ་མེད་བྱང་ཆུབ་མཆོག་ཏུ་ཐུགས་བསྐྱེད་ལྟར། །བདག་ཀྱང་མཁའ་མཉམ་འགྲོ་ཀུན་མ་སྟོང་བར། །རང་དོན་ཞི་བདེའི་དཔལ་ལ་མི་ཆགས་པར། །བཟ་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། གཞན་ཕན་ལྷག་པའི་བསམ་སྤྱོད་རྒྱན་བཞིན་བསྟེན། །འཇུག་པར་བྱའོ་སྲིད་པའི་གྲོང་ཁྱེར་ལ། །སྐྱེ་བ་ཀུན་ཏུ་ཡབ་གཅིག་མཁྱེན་པའི་གཏེར། །འཇམ་དཔལ་དཔའ་བོས་དགྱེས་བཞིན་རྗེས་སུ་བཟུང༌། །ཀུན་ཏུ་བཟང་པོའི་སྨོན་ལམ་ལས་བསྟན་པའི། །བྱང་ཆུབ་སྤྱོད་པ་རྒྱ་མཚོ་མཐར་ཕྱིན་ཤོག །མ་འོངས་རྣམ་འདྲེན་དགུ་བརྒྱ་དགུ་བཅུ་དྲུག །ཞིང་འདིར་མངོན་འཚང་རྒྱ་བའི་ཚུལ་སྟོན་ཚེ། །རྟག་ཏུ་ཞབས་འབྲིང་ཉེར་གནས་མཆོག་ཏུ་གྱུར། །རླབས་ཆེན་ཕྲིན་ལས་སྤེལ་བའི་མཐུ་ཐོབ་ཤོག །བཟང་ངན་ལས་ཀྱིས་འབྲེལ་བའི་སེམས་ཅན་རྣམས། །ཚེ་འདི་འཕོས་ཚེ་བདེ་ཆེན་ཞིང་དུ་སྐྱེས། །འོད་མཚན་སྟོང་འབར་གསུང་གིས་ལུང་བསྟན་ཐོབ། །མཁྱེན་བརྩེ་ནུས་པའི་རྩལ་ཆེན་རྫོགས་པར་ཤོག །བཟང་སྤྱོད་ཀྱི་ཟིན་བྲིས་བཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། དྲི་མེད་རྒྱལ་བསྟན་དར་ཞིང་ཡུན་དུ་གནས། །རིས་མེད་འགྲོ་རྣམས་ཕན་བདེའི་དཔལ་གྱིས་འཚོ། དུས་ཀུན་ཡིད་ལ་སྨོན་པ་འདི་ཁོ་ན། །མཐུན་འགྱུར་གསུང་གིས་དབུགས་དབྱུང་དེང་འདིར་སྩོལ། །བཀྲ་ཤིས་གང་ཞིག་ཕུན་ཚོགས་སྡེ་བཞིའི་གཏེར། །མ་ལུས་སྐྱེ་རྒུའི་ཉེར་འཚོའི་གསོས་སུ་སྨིན། །མི་ཤིས་རྒུད་པ་བཙལ་ཀྱང་མི་རྙེད་པའི། །དགེ་ལེགས་སྣང་བས་ས་གསུམ་ཁྱབ་པར་ཤོག །ཅེས་ཡུལ་དབུས་རྡོ་རྗེ་གདན་བྱང་ཆུབ་ཀྱི་ཤིང་གིས་བརྒྱན་པ། དེ་བཞིན་གཤེགས་པའི་ཁྲི་དྲུང་དུ་ངག་དབང་བློ་གྲོས་མཚུངས་མེད་ཀྱིས་སྨྲས་པ་དེ་བཞིན་དུ་འགྲུབ་པར་རྒྱལ་བ་སྲས་བཅས་རྣམས་ཀྱིས་བྱིན་གྱིས་བརླབ་ཏུ་གསོལ། སྒྲ་ཕབ་འཁོར་ལོ་ལས་གུས་སློབ་བསོད་དར་རྒྱས་ནས་དེ་ལྟར་སྨོན་བཞིན་ཡི་གེར་བཀོད་པ་དགེའོ། །རབ་བྱུང་བཅུ་བདུན་པའི་ལྕགས་རྟ་ཟླ་༩ཚེས་༡༠ ཕྱི་ལོ་༡༩༩༠ཟླ་༡༡ པའི་ཚེས་༢༩ ལའོ། །༄༅། །བོད་ཡུལ་བདེ་བའི་སྨོན་ལམ་ཞེས་བྱ་བ་བཞུགས། སྐྱབས་གནས་བསླུ་མེད་དཀོན་མཆོག་རྩ་བ་གསུམ། །ཁྱད་པར་གངས་ཅན་མགོན་པོ་སྤྱན་རས་གཟིགས། །རྗེ་བཙུན་སྒྲོལ་མ་གུ་རུ་པདྨ་འབྱུང༌། །གསོལ་བ་འདེབས་སོ་ཐུགས་དམ་ཞལ་བཞེས་དགོངས། །སྨོན་ལམ་ཡོངས་སུ་འགྲུབ་པར་བྱིན་གྱིས་རློབས། །སྙིགས་དུས་འགྲོ་རྣམས་བསམ་སྦྱོར་ལོག་པ་དང༌། །ཕྱི་ནང་འབྱུང་བ་འཁྲུགས་པའི་རྒྱུ་རྐྱེན་གྱིས། །སྔར་མ་གྲགས་པའི་མི་ཕྱུགས་དལ་ཡམས་ནད། །གཟའ་ཀླུ་རྒྱལ་གདོན་ནག་ཕྱོགས་འབྱུང་པོའི་ཟེར། །བཙའ་སད་སེར་གསུམ་ལོ་ཉེས་དམག་འཁྲུགས་རྩོད། །ཆར་ཆུ་མི་སྙོམས་གངས་ཅན་བྲ་བྱིའི་ཐན། །ས་གཡོ་མེ་དགྲ་འབྱུང་བཞིའི་འཇིག་པ་དང༌། །ཁྱད་པར་བསྟན་ལ་འཚེ་བའི་མཐའ་དམག་སོགས། །བཟ་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང། བཟང་སྤྱོད་གངས་ཅན་ལྗོངས་འདིར་གནོད་འཚེའི་རིགས་མཐའ་དག །མྱུར་དུ་ཞི་ཞིང་རྩད་ནས་འཇོམས་གྱུར་ཅིག །མི་དང་མི་མིན་འགྲོ་བ་མཐའ་དག་གི ། རྒྱུད་ལ་བྱང་ཆུབ་སེམས་མཆོག་རིན་པོ་ཆེ། །ངང་གིས་སྐྱེས་ནས་གནོད་འཚེའི་བསམ་སྦྱོར་བྲལ། ཕན་ཚུན་བྱམས་པའི་སེམས་དང་ལྡན་གྱུར་ནས། །བོད་ཡུལ་མཐའ་དབུས་བདེ་སྐྱིད་དཔལ་གྱིས་འབྱོར། །སངས་རྒྱས་བསྟན་པ་དར་རྒྱས་ཡུན་གནས་ཤོག །རྩ་གསུམ་རྒྱལ་བ་སྲས་བཅས་བདེན་པའི་སྟོབས། །འཁོར་འདས་དགེ་བའི་རྩ་བ་གང་མཆིས་དང་། །བདག་ཅག་ལྷག་བསམ་རྣམ་པར་དཀར་པའི་མཐུས། །གསོལ་བཏབ་སྨོན་པའི་འབྲས་བུ་འགྲུབ་གྱུར་ཅིག །ཅེས་པ་འདི་ནི་འཇམ་དབྱངས་མཁྱེན་བརྩེའི་དབང་པོའི་བཀའ་ནན་ལྟར་འཇམ་མགོན་བློ་གྲོས་མཐའ་ཡས་ཀྱིས་ཙྭ་འདྲ་རིན་ཆེན་ཁྲག་ཏུ་རྒྱལ་ཟླ་བའི་དཀར་ཕྱོགས་གྲུབ་པའི་སྦྱོར་བ་དང་ལྡན་པའི་སྔ་དྲོའི་ཆར་བྲིས་པ་ཨ་ཐཱ་སིདྡྷི་རསྟུ།<br /> }}</div> Khenpo Tamphel https://bodhicitta.tsadra.org/index.php?title=Texts/Bzang_spyod_smon_lam_gyi_zin_bris_mkhan_chen_%27jigs_med_phun_tshogs_kyi_zhal_lung/Full_text&diff=141858 Texts/Bzang spyod smon lam gyi zin bris mkhan chen 'jigs med phun tshogs kyi zhal lung/Full text 2026-09-12T03:35:05Z <p>Khenpo Tamphel: Created page with &quot;{{FullTextSubpage |TsadraVersion=Yes |FullTextTibetan=༈ མགོ་བརྗོད། འཇིགས་མེད་མཚན་བཟང་འཆང་བའི་བླ་མ་ཡི། ། མཛད་ཕྲིན་འོད་ཟེར་སྟོང་གིས་མཁའ་ལ་ཁྱབ། ། འཕགས་བོད་མཁས་གྲུབ་བྱེ་བའི་གཙུག་རྒྱན་མཆོག ། ཁྱེད་ལ་གུས་པ...&quot;</p> <hr /> <div>{{FullTextSubpage<br /> |TsadraVersion=Yes<br /> |FullTextTibetan=༈ མགོ་བརྗོད། <br /> འཇིགས་མེད་མཚན་བཟང་འཆང་བའི་བླ་མ་ཡི། །<br /> མཛད་ཕྲིན་འོད་ཟེར་སྟོང་གིས་མཁའ་ལ་ཁྱབ། །<br /> འཕགས་བོད་མཁས་གྲུབ་བྱེ་བའི་གཙུག་རྒྱན་མཆོག །<br /> ཁྱེད་ལ་གུས་པས་འདུད་དོ་བརྩེ་བས་དགོངས། །<br /> སྔོན་བསྐལ་བ་གྲངས་མེད་མང་པོའི་གོང་རོལ་ནས་གདོད་མའི་དབྱིངས་སུ་མངོན་པར་སངས་རྒྱས་ཟིན་ཀྱང་གདུལ་བྱའི་སྣང་ངོར་ས་གསུམ་ན་འགྲན་ཟླ་དང་བྲལ་བ་མཚན་བརྗོད་པར་དཀའ་ཡང་དོན་གྱི་སླད་དུ་མཚན་ནས་སྨོས་ན་༧ཆོས་རྗེ་དམ་པ་ཡིད་བཞིན་ནོར་བུ་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་གང་གི་བཀའ་དྲིན་ནི་སྟོང་གསུམ་འཇིག་རྟེན་གྱི་ཁམས་ཐམས་ཅད་གསེར་སྲང་སྟོང་ཕྲག་དུ་མས་ལེགས་པར་བཀང་ཡང་བཀའ་དྲིན་གྱི་ཆ་ཤས་ཙམ་ཡང་གསོ་ག་ལ་ནུས། འོན་ཀྱང་མེ་ཏོག་ཆུང་ཡང་ལྷ་རྫས་གཙང་མ། ཨ་རུ་ཆུང་ཡང་སྨན་གྱི་བཅུད་ཕུལ་ཟེར་བའི་དཔེ་ལྟར། སྐབས་སུ་བབས་པ་རྣམ་བཞིའི་འཁོར་ཚོགས་རྒྱ་མཚོ་ལ་སྨོན་ལམ་ཐམས་ཅད་ཀྱི་རྒྱལ་པོ་འཕགས་པ་བཟང་པོ་སྤྱོད་པའི་སྨོན་ལམ་འདི་ཉིད་ལྗགས་ཁྲིད་མཛད་པ་ད་ལན་ཁོ་བོས་ཟིན་བྲིས་སུ་བཀོད་པ་ཡིན། དེ་ཡང་འཕགས་པ་བཟང་པོ་སྤྱོད་པའི་སྨོན་ལམ་འདི་ཉིད་ཁོང་དང་ཁོང་གི་སློབ་བརྒྱུད་དུ་གཏོགས་པ་སོགས་དགེ་འདུན་པ་སྤྱིས་གཙུགས་ཆེན་བྱས་ཏེ་ནམ་རྒྱུན་གསུངས་དང་གསུང་བཞིན་པ་ཡིན་པ་དང༌། ཁོང་ཉིད་ཀྱིས་གདམས་ངག་བདུད་རྩི་མངར་མོས་ཟུར་བརྒྱན་ཏེ་གསུངས་ཡོད་པ་སོགས་བརྗེད་དུ་ཕངས་ཤིང་། རང་ཅག་ཚང་མས་ནམ་རྒྱུན་ཚིག་རྗེས་དོན་དྲན་རེ་ཡོང་ན་སྙམ་པ་སོགས་ཐོག་མའི་ཀུན་སློང་ཡིན། བར་དུ་དཀའ་ཚེགས་གང་ལ་ཡང་མ་འཛེམས་པར་བྱ་བ་འདི་བསྒྲུབས་ཁུལ་བྱས་པ་ཡིན་ཡང་ཚུལ་བཞིན་མ་རྟོགས་པའི་ཉེས་ཆ་ཅི་མཆིས་ཚང་མ་རང་སྐྱོན་ཁོ་ན་ཡིན་པས་མཆེད་ལྕམ་ཡོངས་ལ་སོར་བཅུའི་འདབ་མ་སྙིང་ཁར་ཟུམ་ཏེ་མཐོལ་ཞིང་བཤགས་པ་ཡིན་ལ། ཐ་མ་གླེགས་བམ་གྱི་ངོ་བོར་ཇི་ལྟར་གྲུབ་ཚུལ་ནི། བསླབ་གསུམ་ནོར་བུའི་གཏེར་གྱིས་མངོན་པར་མཛེས་ཤིང་། གཞན་ཕན་བྱང་ཆུབ་སེམས་ཀྱིས་ཐུགས་རྒྱུད་ཕྱུག་པའི་མཁན་སྤྲུལ་རྣམ་པ་དང་། ཆོས་ཀྱི་མཆེད་པོ་རྣམས་ཀྱིས་དཀའ་ཚེགས་དང་འོ་བརྒྱལ་གང་ལ་ཡང་མ་འཛེམས་པར་རོགས་སྐྱོར་རྒྱ་ཆེན་བྱས་པའི་སྟོབས་ཀྱིས་ལེགས་འགྲུབ་བྱུང་བ་ཡིན་ནོ། །བོད་ས་གླང་ལོའི་ཟླ་བ་བདུན་པའི་དཀར་ཕྱོགས་དགའ་བ་གསུམ་པའི་དུས་བཟང་ཕུན་སུམ་ཚོགས་པའི་ཉིན་ལ་ཟིན་བྲིས་འགོད་པ་པོས་བགྱིས་པ་དགེ་གྱུར་ཅིག<br /> ༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་བཞུགས་སོ། །<br /> ༄༅། །རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷཱ་ན་རཱ་ཛ། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེངྒེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱི་འོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད༎མེ་ཏོག་དམ་པ་ཕྲེང་བ་དམ་པ་དང༌། །སིལ་སྙན་རྣམས་དང་བྱུག་པ་གདུགས་མཆོག་དང༌། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང་། །ཕྱེ་མ་ཕུར་མ་རི་རབ་མཉམ་པ་དང༌། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང༌། །འགྲོ་བ་ཀུན་གྱི་བསོད་ནམས་གང་ལ་ཡང་། །དེ་དག་ཀུན་གྱི་རྗེས་སུ་བདག་ཡི་རང་། །གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང་། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང༌། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། །༈ འདས་པའི་སངས་རྒྱས་རྣམས་དང་ཕྱོགས་བཅུ་ཡི། །འཇིག་རྟེན་དག་ན་གང་བཞུགས་མཆོད་པར་གྱུར། །གང་ཡང་མ་བྱོན་དེ་དག་རབ་མྱུར་བར། །བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན། །ཕྱོགས་བཅུ་ག་ལའི་ཞིང་རྣམས་ཇི་སྙེད་པ། །དེ་དག་རྒྱ་ཆེར་ཡོངས་སུ་དག་པར་གྱུར། །བྱང་ཆུབ་ཤིང་དབང་དྲུང་གཤེགས་རྒྱལ་བ་དང་། །སངས་རྒྱས་སྲས་ཀྱིས་རབ་ཏུ་གང་བར་ཤོག །ཕྱོགས་བཅུའི་སེམས་ཅན་གང་རྣམས་ཇི་སྙེད་པ། །དེ་དག་རྟག་ཏུ་ནད་མེད་བདེ་བར་གྱུར། །འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིང་རེ་བའང་འགྲུབ་པར་ཤོག །བྱང་ཆུབ་སྤྱོད་པ་དག་ནི་བདག་སྤྱོད་ཅིང་། །འགྲོ་བ་ཀུན་ཏུ་སྐྱེ་བ་དྲན་པར་གྱུར། །ཚེ་རབས་ཀུན་ཏུ་འཆི་འཕོ་སྐྱེ་བ་ན། །རྟག་ཏུ་བདག་ནི་རབ་ཏུ་འབྱུང་བར་ཤོག །རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་པོ་སྤྱོད་པ་ཡོངས་སུ་རྫོགས་བྱེད་ཅིང༌། །ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ལྷ་ཡི་སྐད་དང་ཀླུ་དང་གནོད་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྒྲ་རྣམས་ཇི་ཙམ་པར། །ཐམས་ཅད་སྐད་དུ་བདག་གིས་ཆོས་བསྟན་ཏོ། །དེས་ཤིང་ཕ་རོལ་ཕྱིན་ལ་རབ་བརྩོན་ཏེ། །བྱང་ཆུབ་སེམས་ནི་ནམ་ཡང་བརྗེད་མ་གྱུར། །སྡིག་པ་གང་རྣམས་སྒྲིབ་པར་གྱུར་པ་དག །དེ་དག་མ་ལུས་ཡོངས་སུ་བྱང་བར་ཤོག །ལས་དང་ཉོན་མོངས་བདུད་ཀྱི་ལས་རྣམས་ལས། །གྲོལ་ཞིང་འཇིག་རྟེན་འགྲོ་བ་རྣམས་སུ་ཡང༌། །ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོགས་པ་མེད་ལྟར་སྤྱད། །ཞིང་གི་ཁྱོན་དང་ཕྱོགས་རྣམས་ཅི་ཙམ་པར། །ངན་སོང་སྡུག་བསྔལ་རབ་ཏུ་ཞི་བར་བྱེད། །བདེ་བ་དག་ལ་འགྲོ་བ་ཀུན་འགོད་ཅིང་། །འགྲོ་བ་ཐམས་ཅད་ལ་ནི་ཕན་པར་སྤྱད། །བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང་། །སེམས་ཅན་དག་གི་སྤྱོད་དང་མཐུན་པར་འཇུག །བཟང་པོ་སྤྱོད་པ་དག་ནི་རབ་སྟོན་ཅིང་། །མ་འོངས་བསྐལ་པ་ཀུན་ཏུ་སྤྱོད་པར་གྱུར། །བདག་གི་སྤྱོད་དང་མཚུངས་པར་གང་སྤྱོད་པ། །དེ་དག་དང་ནི་རྟག་ཏུ་འགྲོགས་པར་ཤོག །ལུས་དང་ངག་རྣམས་དང་ནི་སེམས་ཀྱིས་ཀྱང༌། །སྤྱོད་པ་དག་དང་སྨོན་ལམ་གཅིག་ཏུ་སྤྱད།།བདག་ལ་ཕན་པར་འདོད་པའི་གྲོགས་པོ་དག །བཟང་པོ་སྤྱོད་པ་རབ་ཏུ་སྟོན་པ་རྣམས། །དེ་དག་དང་ཡང་རྟག་ཏུ་ཕྲད་པར་ཤོག །དེ་དག་བདག་གིས་ནམ་ཡང་ཡིད་མི་དབྱུང་། །སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །མངོན་སུམ་རྟག་ཏུ་བདག་གིས་རྒྱལ་བ་བལྟ། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་དག་ལ་ཡང་མཆོད་པ་རྒྱ་ཆེར་བགྱི། །རྒྱལ་བ་རྣམས་ཀྱི་དམ་པའི་ཆོས་འཛིན་ཅིང་། །བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྦྱོང་བ་ཡང་། །མ་འོངས་བསྐལ་པ་ཀུན་ཏུ་སྤྱད་པར་བགྱི། །སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང༌། །ཡོན་ཏན་ཀུན་གྱི་མི་ཟད་མཛོད་དུ་གྱུར། །རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞིང་དེར་བསམ་གྱིས་མི་ཁྱབ་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་ལ། །བྱང་ཆུབ་སྤྱད་པ་སྤྱོད་ཅིང་བལྟ་བར་བགྱི། །དེ་ལྟར་མ་ལུས་ཐམས་ཅད་ཕྱོགས་སུ་ཡང༌། །སྐྲ་ཙམ་ཁྱོན་ལ་དུས་གསུམ་ཚད་སྙེད་ཀྱི། །སངས་རྒྱས་རྒྱ་མཚོ་ཞིང་རྣམས་རྒྱ་མཚོ་དང༌། །བསྐལ་པ་རྒྱ་མཚོར་སྤྱོད་ཅིང་རབ་ཏུ་འཇུག །གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་དབྱངས་ཡན་ལག་རྣམ་དག་པ། །འགྲོ་བ་ཀུན་གྱི་བསམ་པ་ཇི་བཞིན་དབྱངས། སངས་རྒྱས་གསུང་ལ་རྟག་ཏུ་འཇུག་པར་བགྱི། །དུས་གསུམ་གཤེགས་པའི་རྒྱལ་བ་ཐམས་ཅད་དག །འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། །དེ་དག་གི་ཡང་གསུང་དབྱངས་མི་ཟད་ལ། །བློ་ཡི་སྟོབས་ཀྱིས་བདག་ཀྱང་རབ་ཏུ་འཇུག །མ་འོངས་བསྐལ་པ་ཐམས་ཅད་འཇུག་པར་ཡང་། །སྐད་ཅིག་གཅིག་གིས་བདག་ཀྱང་འཇུག་པར་བགྱི། །གང་ཡང་བསྐལ་པ་དུས་གསུམ་ཚད་དེ་དག །སྐད་ཅིག་ཆ་ཤས་ཀྱིས་ནི་ཞུགས་པར་སྤྱད། །དུས་གསུམ་གཤེགས་པ་མི་ཡི་སེངྒེ་གང༌། །དེ་དག་སྐད་ཅིག་གཅིག་ལ་བདག་གིས་བལྟ། །རྟག་ཏུ་དེ་དག་གི་ནི་སྤྱོད་ཡུལ་ལ། །སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག །གང་ཡང་དུས་གསུམ་དག་གི་ཞིང་བཀོད་པ། །དེ་དག་རྡུལ་གཅིག་སྟེང་དུ་མངོན་པར་བསྒྲུབ། །དེ་ལྟར་མ་ལུས་ཕྱོགས་རྣམས་ཐམས་ཅད་དུ། །རྒྱལ་བ་དག་གི་ཞིང་རྣམས་བཀོད་ལ་འཇུག །གང་ཡང་མ་བྱོན་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། །མགོན་པོ་ཀུན་གྱི་དྲུང་དུ་བདག་མཆི་འོ། །ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང༌། །ཀུན་ནས་སྒོ་ཡི་ཐེག་པའི་སྟོབས་དག་དང༌། །ཀུན་ཏུ་ཡོན་ཏན་སྤྱོད་པའི་སྟོབས་རྣམས་དང་། །ཀུན་ཏུ་ཁྱབ་པ་བྱམས་པ་དག་གི་སྟོབས། །ཀུན་ནས་དགེ་བའི་བསོད་ནམས་སྟོབས་དག་དང་། །ཆགས་པ་མེད་པར་གྱུར་པའི་ཡེ་ཤེས་སྟོབས། །ཤེས་རབ་ཐབས་དང་ཏིང་འཛིན་སྟོབས་དག་གིས། །བྱང་ཆུབ་སྟོབས་རྣམས་ཡང་དག་སྒྲུབ་པར་བྱེད། །ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང༌། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞིང་རྣམས་རྒྱ་མཚོ་རྣམ་པར་དག་བྱེད་ཅིང་། སེམས་ཅན་རྒྱ་མཚོ་དག་ནི་རྣམ་པར་སྒྲོལ། །ཆོས་རྣམས་རྒྱ་མཚོ་རབ་ཏུ་མཐོང་བྱེད་ཅིང་། །ཡེ་ཤེས་རྒྱ་མཚོ་རབ་ཏུ་རྟོགས་པར་བྱེད། །སྤྱོད་པ་རྒྱ་མཚོ་རྣམ་པར་དག་བྱེད་ཅིང་། །སྨོན་ལམ་རྒྱ་མཚོ་ཡོངས་སུ་རྫོགས་པར་བྱེད། །སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང་། །བསྐལ་པ་རྒྱ་མཚོར་མི་སྐྱོ་སྤྱད་པར་བགྱི། །གང་ཡང་དུས་གསུམ་གཤེགས་པའི་རྒྱལ་བ་ཡི། །བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པས་བྱང་ཆུབ་སངས་རྒྱས་ནས། །དེ་ཀུན་བདག་གིས་མ་ལུས་རྫོགས་པར་བགྱི། །རྒྱལ་བ་ཀུན་གྱི་སྲས་ཀྱི་ཐུ་བོ་པ། །གང་གི་མིང་ནི་ཀུན་ཏུ་བཟང་ཞེས་བྱ། །མཁས་པ་དེ་དང་མཚུངས་པར་སྤྱད་པའི་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ལུས་དང་ངག་དང་ཡིད་ཀྱང་རྣམ་དག་ཅིང་། །སྤྱོད་པ་རྣམ་དག་ཞིང་རྣམས་ཡོངས་དག་པ། །བསྔོ་བ་བཟང་པོ་མཁས་པ་ཅི་འདྲ་བ། །དེ་འདྲར་བདག་ཀྱང་དེ་དང་མཚུངས་པར་ཤོག །ཀུན་ནས་དགེ་བ་བཟང་པོ་སྤྱད་པའི་ཕྱིར། །འཇམ་དཔལ་གྱི་ནི་སྨོན་ལམ་སྤྱད་པར་བགྱི། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་ཡི་བྱ་བ་མ་ལུས་རྫོགས་པར་བགྱི། །སྤྱོད་པ་དག་ནི་ཚད་ཡོད་མ་གྱུར་ཅིག །ཡོན་ཏན་རྣམས་ཀྱང་ཚད་བཟུང་མེད་པར་ཤོག །སྤྱོད་པ་ཚད་མེད་པ་ལ་གནས་ནས་ཀྱང་། །དེ་དག་འཕྲུལ་པ་ཐམས་ཅད་འཚལ་བར་བགྱི། །ནམ་མཁའི་མཐར་ཐུག་གྱུར་པ་ཇི་ཙམ་པར། །སེམས་ཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །གང་ཡང་ཕྱོགས་བཅུའི་ཞིང་རྣམས་མཐའ་ཡས་པ། །རིན་ཆེན་བརྒྱན་ཏེ་རྒྱལ་བ་རྣམས་ལ་ཕུལ། །ལྷ་དང་མི་ཡི་བདེ་བའི་མཆོག་རྣམས་ཀྱང་། །ཞིང་གི་རྡུལ་སྙེད་བསྐལ་པར་ཕུལ་བ་བས། །གང་གིས་བསྔོ་བའི་རྒྱལ་པོ་འདི་ཐོས་ནས། །བྱང་ཆུབ་མཆོག་གི་རྗེས་སུ་རབ་མོས་ཤིང་། །ལན་ཅིག་ཙམ་ཡང་དད་པ་བསྐྱེད་པ་ན། །བསོད་ནམས་དམ་པའི་མཆོག་ཏུ་འདི་འགྱུར་རོ། །གང་གིས་བཟང་སྤྱོད་སྨོན་ལམ་འདི་བཏབ་པས། །དེས་ནི་ངན་སོང་ཐམས་ཅད་སྤོང་བར་འགྱུར། །དེས་ནི་གྲོགས་པོ་ངན་པ་སྤངས་པ་ཡིན། །སྣང་བ་མཐའ་ཡས་དེ་ཡང་དེས་མྱུར་མཐོང་། །དེ་དག་རྙེད་པ་རབ་རྙེད་བདེ་བར་འཚོ། །མི་ཚེ་འདིར་ཡང་དེ་དག་ལེགས་པར་འོང་། །ཀུན་ཏུ་བཟང་པོ་དེ་ཡང་ཅི་འདྲ་བར། །དེ་དག་རིང་པོར་མི་ཐོགས་དེ་བཞིན་འགྱུར། །མཚམས་མེད་ལྔ་པོ་དག་གི་སྡིག་པ་རྣམས། །གང་གིས་མི་ཤེས་དབང་གིས་བྱས་པ་དག །དེ་ཡིས་བཟང་པོ་སྤྱོད་པ་འདི་བརྗོད་ན། །མྱུར་དུ་མ་ལུས་ཡོངས་སུ་བྱང་བར་འགྱུར། །ཡེ་ཤེས་དང་ནི་གཟུགས་དང་མཚན་རྣམས་དང་། །རིགས་དང་ཁ་དོག་རྣམས་དང་ལྡན་པར་འགྱུར། །བདུད་དང་མུ་སྟེགས་མང་པོས་དེ་མི་ཐུབ། །འཇིག་རྟེན་གསུམ་པོ་ཀུན་ནའང་མཆོད་པར་འགྱུར། །བྱང་ཆུབ་ཤིང་དབང་དྲུང་དུ་དེ་མྱུར་འགྲོ ། སོང་ནས་སེམས་ཅན་ཕན་ཕྱིར་དེར་འདུག་སྟེ། །བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར། །བདུད་རྣམས་སྡེ་དང་བཅས་པ་ཐམས་ཅད་བཏུལ། །གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་ན་ཡང་། །དེ་ཡི་རྣམ་པར་སྨིན་པའང་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག །འཇམ་དཔལ་དཔའ་བོས་ཇི་ལྟར་མཁྱེན་པ་དང༌། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ།།དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང་། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་བ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ ། དེར་སོང་ནས་ནི་སྨོན་ལམ་འདི་དག་ཀྱང༌། །ཐམས་ཅད་མ་ལུས་མངོན་དུ་འགྱུར་བར་ཤོག །དེ་དག་མ་ལུས་བདག་གིས་ཡོངས་སུ་བཀང༌། །འཇིག་རྟེན་ཇི་སྲིད་སེམས་ཅན་ཕན་པར་བགྱི། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བའི་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །དེར་ནི་བདག་གིས་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་པོ་བགྱི། །བཟང་པོ་སྤྱོད་པའི་སྨོན་ལམ་བཏོན་པ་ཡི། །དགེ་བ་ཅུང་ཟད་བདག་གིས་ཅི་བསགས་པ། །དེས་ནི་འགྲོ་བའི་སྨོན་ལམ་དགེ་བ་རྣམས། །སྐད་ཅིག་གཅིག་གིས་ཐམས་ཅད་འབྱོར་བར་ཤོག །གང་ཡང་བཟང་པོ་སྤྱོད་པ་འདི་བསྔོས་པས། །བསོད་ནམས་མཐའ་ཡས་དམ་པ་གང་ཐོབ་དེས། །འགྲོ་བ་སྡུག་བསྔལ་ཆུ་བོར་བྱིང་བ་རྣམས། །འོད་དཔག་མེད་པའི་གནས་རབ་ཐོབ་པར་ཤོག །སྨོན་ལམ་རྒྱལ་པོ་འདི་དག་མཆོག་གི་གཙོ། །མཐའ་ཡས་འགྲོ་བ་ཀུན་ལ་ཕན་བྱེད་ཅིང་། །ཀུན་ཏུ་བཟང་པོས་བརྒྱན་པའི་གཞུང་གྲུབ་སྟེ། །ངན་སོང་གནས་རྣམས་མ་ལུས་སྟོང་བར་ཤོག །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་རྫོགས་སོ།། །། རྒྱ་གར་གྱི་མཁན་པོ་ཛི་ན་མུ་ཏྲ་དང༌། སུ་རེནྡྲ་བྷོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཞིང་ལོ་ཆེན་བཻ་རོ་ཙ་ནས་ཞུས་ཆེན་མཛད་པའོ།། །། སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང༌། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །ཏདྱ་ཐཱ། པཉྩནྡྲི་ཡ་ཨ་ཝ་བོ་དྷ་ནི་ཡེ་སྭཱ་ཧཱ། །<br /> ༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུ་མཁན་ཆེན་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་མཆོག་གི་ཞལ་ལུང་ཞེས་བྱ་བ་བཞུགས་སོ། །<br /> ཉག་བཀྲ་ཤིས་རྒྱ་མཚོས་བསྒྲིགས། ན་མོ་གུ་རུ་ཨ་བྷྱ་ལཀྵ་ཀ་ར་ཡེ། ལྟ་བས་མི་ངོམས་མཐོང་གྲོལ་མཚན་དཔེའི་སྐུ། །ཡན་ལག་དྲུག་ཅུའི་ཚངས་དབྱངས་སྙན་པའི་གསུང་། །སྨྲ་བསམ་བརྗོད་བྲལ་མཉམ་པ་ཉིད་ཀྱི་ཐུགས། །བཅོམ་ལྡན་ལྷ་ཡི་ལྷ་ལ་གུས་ཕྱག་འཚལ། །དྭངས་བསིལ་ལྷོ་ནུབ་འོ་མའི་རྒྱ་མཚོར་འདབ་སྟོང་ཆུ་སྐྱེས་བཞད་པའི་རྩེར། །རང་བྱུང་རྡོ་རྗེའི་མཚན་དཔེའི་དཀྱིལ་འཁོར་མི་མཇེད་ཞིང་དུ་མངོན་པར་མཛེས། །སྐྱེ་འགྲོ་ཡོངས་ཀྱི་སྐྱབས་མགོན་གཅིག་པུ་གསང་ཆེན་བསྟན་པའི་ཤིང་རྟ་བ། །ཁམས་གསུམ་སྲིད་གསུམ་ཟིལ་གྱིས་གནོན་མཛད་པདྨ་ཀ་རར་སྙིང་ནས་གུས། །ཀ་དག་གཏིང་གསལ་གཞི་ཀློང་ཡངས་པ་རུ། །བརྩེ་ཆེན་ཐུགས་རྗེའི་གདངས་རྩལ་མ་འགག་པ། །རབ་འབྱམས་ཕྱོགས་དུས་རྒྱལ་བའི་སྲས་གཅིག་པུ། །ཀུན་མཁྱེན་ངག་གི་དབང་པོས་བདག་སྐྱོངས་ཤིག །རྒྱལ་ཀུན་ཕྲིན་ལས་གཅིག་ཏུ་བསྡུས་མཛད་ཟུར་ཕུད་ལྔ་པའི་རྣམ་རོལ་གར། །ཐེག་མཆོག་སེང་གེའི་སྒྲ་དབྱངས་སྒྲོག་མཁས་འགྲོ་བའི་སྣང་སེམས་དབང་མེད་འགུགས། །འགྲན་བྲལ་སྨྲ་བའི་དབང་ཕྱུག་ཆེན་མོ་ཐུབ་བསྟན་མཛེས་རྒྱན་ཉིན་མོར་བྱེད། །གསོལ་འདེབས་བུ་ལ་བརྩེ་བས་རྗེས་བཟུང་འཇམ་དཔལ་རྡོ་རྗེས་ཤིས་པར་སྩོལ། །མཐོང་བ་ཙམ་གྱིས་དད་པའི་སྤུ་ལོང་གཡོ། །ཐོས་པ་ཙམ་གྱིས་སྲིད་ཞིའི་དཔལ་ཡོན་འཕེལ། །ཕན་བདེའི་ལེགས་ཚོགས་ཆར་ལྟར་འབེབས་མཛད་པ། །དཔལ་ལྡན་བླ་མ་སྙིང་དབུས་པདྨོར་རོལ། །བསྐལ་མང་གོང་ནས་མངོན་བྱང་ཆུབ་ཀྱང་འགྲོ་རྣམས་ཐུགས་བརྩེས་མི་འདོར་ཕྱིར། །མཚན་དཔེའི་མེ་ཏོག་མཛེས་མདངས་བཀྲ་ཞིང་ཡན་ལག་དྲུག་ཅུའི་སྒྲ་དབྱངས་སྒྲོག །སྐྱབས་མེད་འགྲོ་བའི་མགོན་དུ་བྱོན་ནས་འབྲེལ་ཚད་བདེ་ལྡན་དག་ཞིང་དུ། །འདྲེན་པའི་དེད་དཔོན་ཡིད་བཞིན་ནོར་བུས་མི་འབྲལ་ཚེ་རབས་ཕྲེང་བར་སྐྱོངས། །སྐྱབས་རྗེ་གང་གི་ཐུགས་བརྩེས་རྗེས་བཟུང་ནས། །ལེགས་གསུངས་རྡོ་རྗེའི་ཚིག་གི་ཕྲེང་བ་རྣམས། །སྐལ་བཟང་འཁོར་ལ་དགའ་སྟོན་འགྱེད་པའི་ཚུལ། །མི་བརྗེད་དྲན་པའི་གཟུངས་སུ་བཏབ་པ་ཉིད། །རྫོགས་པའི་སངས་རྒྱས་མྱུར་དུ་འགྲུབ་བྱེད་སྨོན་ལམ་ཡོངས་ཀྱི་རྒྱལ་པོ་འདིར། །ཆོས་རྗེ་བླ་མའི་ཞལ་གསུངས་གསུང་སྒྲོས་ལྗགས་ཆབ་དྲོན་མོས་བྲན་པ་དག །མ་འོངས་ཐར་འདོད་སྐྱེ་འགྲོ་ཡོངས་ལ་ཕན་བདེའི་གྲུ་ཆར་སྟེར་ཕྱིར་དུ། །མ་འདྲེས་འཇའ་ཚོན་ཇི་ལྟ་བ་བཞིན་ཡི་གེའི་ལམ་ནས་འདིར་གསལ་བྱ། །དུས་གསུམ་སངས་རྒྱས་ཐམས་ཅད་ཀྱི་ངོ་བོ་རིགས་དང་དཀྱིལ་འཁོར་རྒྱ་མཚོའི་ཁྱབ་བདག་བཀའ་དྲིན་མཚུངས་པ་མེད་པ་རྗེ་བཙུན་དཔལ་མགོན་རྩ་བའི་བླ་མ་རིན་པོ་ཆེ་རྣམས་ཀྱི་ཞབས་ཀྱི་རྡུལ་དྲི་མ་མེད་པ་ལ་མགོ་བོས་རབ་ཏུ་བཏུད་དེ་གུས་པས་ཕྱག་འཚལ་ཞིང་སྐྱབས་སུ་མཆིའོ་བྱིན་གྱིས་བརླབ་པར་མཛད་དུ་གསོལ། གང་གི་ཞལ་བཟང་ལྟ་བས་མི་ངོམས་གེ་སར་འཛུམ་པའི་མདངས་བཀྲ་ཞིང༌། །མཚན་དཔེའི་གཟི་འོད་ཟེའུ་འབྲུ་གསལ་བས་འགྲོ་ཀུན་མིག་གི་བདུད་རྩིར་གྱུར། །ཐུགས་རྗེའི་འདབ་མ་ཀུན་ནས་དཀྱུས་རིང་འཇིག་རྟེན་གསུམ་གྱི་ཁོངས་ཁྱབ་པ། །ཐུབ་དབང་པདྨ་དཀར་པོའི་ཞབས་པད་དེ་རིང་བདག་བློའི་པད་མཚོར་སྐྱོངས། །རྒྱལ་ཀུན་མཁྱེན་བརྩེ་ནུས་པའི་ངོ་བོ་ཉིད། །བགྲང་ཡས་དཀྱིལ་འཁོར་འཁོར་ལོ་ལེགས་འཆང་ནས། །ཞིང་འདིར་སློབ་དཔོན་ཚུལ་བཟུང་ཐེག་མཆོག་གི ། སྟོན་པ་མཚུངས་མེད་པདྨ་ཀ་ར་རྒྱལ། །ཆོས་ཟད་ཀློང་དུ་ཆོས་སྐུའི་དགོངས་པ་བརྙེས།།འོད་གསལ་དབྱིངས་སུ་ལོངས་སྐུའི་ཞིང་སྣང་གཟིགས། །གདུལ་བྱའི་སྣང་ངོར་སྤྲུལ་སྐུའི་འགྲོ་དོན་མཛད། །ཀུན་མཁྱེན་ཆོས་ཀྱི་རྒྱལ་པོ་ལ་ཕྱག་འཚལ། །སྨྲ་བའི་སེང་གེའི་མཁྱེན་རབ་སྙིང་ལ་ཤར། །ཀུན་ཏུ་བཟང་པོའི་སྨོན་ལམ་རྣམ་པར་སྦྱངས། །སྲས་བཅས་རྒྱལ་བའི་ཕྲིན་ལས་འཛིན་མཛད་པ། །འཇམ་དབྱངས་བླ་མའི་ཞབས་ལ་གསོལ་བ་འདེབས། །དགོངས་བརྡ་སྙན་བརྒྱུད་རིག་འཛིན་བླ་མ་དང་། །ཞི་ཆགས་ཁྲོ་བོའི་ཚུལ་འཆང་ཡི་དམ་ལྷ། །གནས་གསུམ་མཁའ་འགྲོ་རྒྱུད་གསུམ་དྲེགས་ཚོགས་བཅས། །རབ་འབྱམས་རྩ་གསུམ་ལྷ་ལ་མགོས་ཕྱག་འཚལ། །སྲིད་གསུམ་སྡུག་བསྔལ་ཇི་འདྲ་ཁྱེད་ཀྱིས་མཁྱེན། །དམྱལ་སོགས་མེ་དཔུང་ཞི་བར་བགྱིད་ལ་སོགས། །སེམས་ཅན་དོན་ལ་མྱུར་དུ་བདག་བརྩོན་ན། །དམ་པ་རྣམས་ཀྱིས་ནུས་མཐུ་བསྩལ་ཏུ་གསོལ། །གང་ཚེ་བདག་གིས་གཞན་ཕན་སེམས་ཀྱིས་སུ། །སྙིང་དབུས་པདྨོར་གཞོན་ནུ་ཁྱེད་དྲན་ནས། །ལེགས་བཤད་བདུད་རྩིའི་སྒྲ་དབྱངས་སྒྲོག་བགྱིད་ན། །འཇམ་དཔལ་བདག་གི་ཡིད་ལ་དཔལ་སྩོལ་ཅིག །གང་དག་ཕྱོགས་བཅུ་སྟོང་གི་འཇིག་རྟེནན། །བདེ་གཤེགས་སློབ་མར་གྱུར་བ་གང་སུ་དག །དེང་འདིར་སྟོན་པའི་ཆོས་ཀྱི་ཆར་འབེབས་ཀྱིས། །གསན་པར་འདོད་པ་ཐམས་ཅད་འདིར་གཤེགས་ཤིག །ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་གཏན་བདེ་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ། དེའི་ཆེད་དུ་དམ་པའི་ཆོས་གང་ཞིག་གསན་ནས་དོན་ཉམས་སུ་བླང་བར་བགྱིའོ་སྙམ་པའི་བྱང་ཆུབ་མཆོག་ཏུ་ཐུགས་བསྐྱེད་པ་དང་ཆོས་ཉན་པའི་ཀུན་ཏུ་སྤྱོད་པ་རྣམས་ཀྱང་བླང་དོར་མ་འཆོལ་བར་བགྱིས་ཏེ་གསན་འཚལ། དེ་ལ་གང་གསན་པར་བྱ་བའི་ཆོས་ནི། འཕགས་པ་བཟང་པོ་སྤྱོད་པའི་སྨོན་ལམ་གྱི་འགྲེལ་ཆུང་འཕགས་མཆོག་རྣམས་ཀྱི་རྣམ་པར་ཐར་བ་མཐའ་དག་ལ་འཇུག་པའི་སྒོ་ཞེས་བྱ་བ། དེ་བཞིན་གཤེགས་པ་སྲས་དང་བཅས་པ་ཐམས་ཅད་དང་བྱང་ཆུབ་སེམས་དཔའ་ཀུན་ཏུ་བཟང་པོ་ལ་ཕྱག་འཚལ་ལོ། །ཚོགས་གཉིས་རྒྱ་མཚོ་ལས་འཁྲུངས་པའི། །རྫོགས་སངས་རྒྱས་ཀུན་ལ་བཏུད་དེ། །གང་གི་ཞིང་དང་རྣམ་ཐར་ལ། །འཇུག་པའི་སྒོ་བརྒྱ་དབྱེ་བར་བྱ། །དེ་ལ་འདིར་སངས་རྒྱས་ཀྱི་གསུང་ཕལ་མོ་ཆེའི་ནང་ན་སྡོང་པོ་བཀོད་པའི་མདོ་ཞེས་བྱ་བ་བྱང་ཆུབ་སེམས་དཔའི་སྤྱོད་པ་རབ་འབྱམས་སྟོན་པ་མཇུག་གི་ཆ་ལས་བཀོལ་བ་སྨོན་ལམ་གྱི་མདོ་འདི་ཉིད་སུ་ཞིག་གིས་བཏབ་ཅེ་ན། སྔོན་གཞོན་ནུ་ནོར་བཟང་གིས་འཕགས་པ་འཇམ་དཔལ་ནས་བྱམས་པའི་བར་གྱི་དགེ་བའི་བཤེས་གཉེན་མང་པོ་བསྟེན་པའི་མཐར། འཇམ་དཔལ་གྱི་བྱིན་རླབས་ཀྱི་མཐུས་ཡེ་ཤེས་ཀྱི་སྤྱོད་ཡུལ་ཡངས་པར་བརྙེས་ནས་ཀུན་ཏུ་བཟང་པོའི་སྤྱོད་པའི་དཀྱིལ་འཁོར་ལ་ཞུགས་ནུས་པར་གྱུར་ཏེ། བྱང་ཆུབ་སེམས་དཔའ་ཀུན་ཏུ་བཟང་པོ་ཉིད་དགེ་བའི་བཤེས་གཉེན་དུ་ཐོབ་པ་ན། དེའི་རྣམ་པར་ཐར་པ་བསམ་གྱིས་མི་ཁྱབ་པའི་ཡེ་ཤེས་ཀྱི་རྣམ་འཕྲུལ་མཐའ་ཡས་པ་བཀོད་པའི་སྤྲིན་ཆེན་པོ་གཞོན་ནུ་ནོར་བཟང་ལ་གསུངས་པ། ཇི་སྐད་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་བསྐལ་པ་ནས་བསྐལ་པ་འབྱམས་ཀླས་པ་འཇིག་རྟེན་ཁམས་གཅིག་ནས་གཅིག་ཏུ་བརྒྱུད་པ། སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཕྲ་མོ་ཇི་སྙེད་པ་དག་བསྣན་ཏེ་མངོན་པར་བརྗོད་པའི་ཕྱིར་ཚིགས་སུ་བཅད་པའི་དབྱངས་ཀྱིས་སྨོན་ལམ་བཏབ་པ། ཇི་སྙེད་སུ་དག་སོགས་འབྱུང་བ་ཡིན་ནོ། །འདི་ནི་མདོ་ཕལ་པོ་ཆེ་ཟེར་ནི། སྤྱིར་འབུམ་བཞི་ཟེར་རྒྱུ་ཡོད་ཨོས་དར། ཚིགས་སུ་བཅད་པ་འབུམ་རྒྱས་པ། འབུམ་ཏིང་འཛིན་རྒྱལ་པོ་ཏིང་ངེ་འཛིན་གྱི་འབུམ། སྤྱོད་ཡུལ་ཡོངས་སུ་རྫོགས་པའི་ཕལ་པོ་ཆེའི་མདོ་ནི་བྱང་ཆུབ་སེམས་དཔའི་སྤྱོད་པའི་འབུམ། དེ་ལྟ་བུའི་འབུམ་མདོ་ཁ་ཤས་ཡོད་ནི་རེད། བྱང་ཆུབ་སེམས་དཔའི་སྤྱོད་ཡུལ་རྣམ་པར་དག་པ་མི་འདྲ་བ་འབུམ་བསྟན་པ་ནི་ཕལ་པོ་ཆེ་རེད། ཕལ་པོ་ཆེའི་མཇུག་གི་ལེའུ་དེ་ནི་སྡོང་པོ་རྒྱན་པའི་མདོ་ཟེར་ནི་རེད། སྡོང་པོ་རྒྱན་པའི་མདོའི་མཇུག་ན། བྱང་ཆུབ་སེམས་དཔའ་ནོར་བཟང་གིས་ཐོག་མར་རྒྱ་ནག་རི་བོ་རྩེ་ལྔའི་ནོར་བཟང་ཕུག་པར་མགོན་པོ་འཇམ་པའི་དབྱངས་བཞུགས་སྐབས་སུ་དང་པོ་བྱང་ཆུབ་མཆོག་ཏུ་ཐུགས་བསྐྱེད། དེ་ནས་དགེ་བའི་བཤེས་གཉེན་བརྒྱ་རྩ་བརྒྱད་བསྟེན་ནས་མཐར་བྱམས་པ་བསྟེན། བྱམས་པས་ལུང་བསྟན་ནས་ཀུན་ཏུ་བཟང་པོའི་དཀྱིལ་འཁོར་ལ་འཇུག་པར་སྨོན་དེ། ནས་བཟུང་བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་བཏབ་པ་རེད། སྨོན་ལམ་འདི་དུས་གསུམ་གྱི་སངས་རྒྱས་ཐམས་ཅད་ཀྱིས་མཛད་པ་དང་། སྨོན་ལམ་ཐམས་ཅད་ཕྱོགས་གཅིག་ཏུ་བསྡུས་པ་དེ། སྨོན་ལམ་འདིའི་ནང་ལ་འདུས་ཡོད་ནི་རེད། འདིའི་ནང་དུ་མ་འདུས་པའི་སངས་རྒྱས་དང་བྱང་ཆུབ་སེམས་དཔའ་རྣམས་ལ་སྨོན་ལམ་གཞན་གང་ཡང་འདེབས་རྒྱུ་ཡོད་ནི་མ་རེད། དེའི་ཕྱིར་ན་དེ་ནི་ཇི་ལྟར་ཡིན་ཞེ་ན། <br /> འདི་འཆད་པ་ལ་གསུམ་སྟེ། ཀླད་དོན། གཞུང་དོན། མཇུག་གི་དོན་ནོ། །བསྟན་བཅོས་གང་ཡིན་ཡང་ཀླད་ཀྱི་དོན་གཞུང་དོན་མཇུག་གི་དོན་ཏེ་གསུམ་ཡོད་ནི་རེད། དང་པོ་ལ་མཚན་དོན་དང་འགྱུར་ཕྱག་གཉིས་ལས་མཚན་དོན་ནི། རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷཱ་ན་རཱ་ཛ། ཞེས་པ་དེ་རྒྱ་གར་སྐད་ཀྱི་དབང་དུ་བྱས་པ་རེད། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། ཞེས་གསུངས་ནི་རེད། བཟང་པོ་ཟེར་ན་ཀུན་ཏུ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཞེས་གསུངས་ནི་རེད། འདིར་ནི་སྨོན་ལམ་འདེབས་པ་པོའི་མིང་གིས་བཏགས་ནི་རེད། སྨོན་ལམ་ཐམས་ཅད་ཀྱི་རྒྱལ་པོ་མཆོག་ཏུ་གྱུར་པ་འདི་ཡིན་ཟེར་ནི་རེད། གཉིས་པ་ནི། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །གསུངས་པ་ནི་འགྱུར་ཕྱག་རེད། ལོ་ཙཱ་བ་ཡེ་ཤེས་སྡེ་སོགས་ཀྱིས་འདི་ཉིད་སྔ་འགྱུར་གྱི་དུས་སུ་བསྒྱུར་བའི་གནས་སྐབས་ན་རང་གི་ལྷག་པའི་ལྷ་ལ་ཕྱག་འཚལ་བ་ནི་འགྱུར་ལ་བར་ཆད་མི་འབྱུང་བའི་ཕྱིར་དུ་འཇོག་ནའང་ཆོག་གསུངས་ནི་རེད། འདིར་མངོན་པ་དང་མངོན་པའི་ཕྱོགས་སུ་གཏོགས་པའི་རྒྱུ་མཚན་གྱིས་འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཞེས་གསུངས་སོ། །གཉིས་པ་གཞུང་དོན་ལ་གསུམ་སྟེ། སྔོན་འགྲོ་ཡན་ལག་བདུན་པས་རྒྱུད་དག་པར་བྱ་བ། དངོས་གཞི་སྨོན་ལམ་གྱི་རབ་དབྱེ་རྒྱས་པར་བཤད་པ། རྗེས་ཕན་ཡོན་བསྟན་པས་མཇུག་བསྡུ་བའོ། །དང་པོ་ལའང་བདུན་གསུངས་ནི་རེད། དེ་ཡང་སྤྱིར་ཚོགས་བསགས་སྒྲིབ་པ་སྦྱངས་བ་དང་། དེའི་འཕྲོས་བསམ་པ་བྱང་ཆུབ་མཆོག་ཏུ་སེམས་བསྐྱེད་པ། དེའི་རྗེས་སུ་སྨོན་ལམ་བཏབ་ན་སྨོན་ལམ་ངེས་པར་དུ་འགྲུབ་ནི་རེད། རང་ཁར་བསམ་པ་བཟང་པོས་སྨོན་ལམ་བཏབ་ན་སྨོན་ལམ་མི་འགྲུབ་པ་མིན་ཡང་། སྨོན་ལམ་འགྲུབ་པའི་རྐྱེན་བཟང་པོ་ནི་ཚོགས་བསགས་སྒྲིབ་སྦྱངས་སྔོན་དུ་འགྲོ་དགོས་ནི་རེད། སྤྱིར་ན་ཚོགས་བསགས་སྒྲིབ་སྦྱངས་དགེ་བ་གོང་འཕེལ་དུ་སྤེལ་བར་བྱ་རྒྱུ་དེ་ལ་བསགས་སྦྱངས་སྤེལ་གསུམ་ཟེར་ནི་རེད། ཐམས་ཅད་པོ་སྤྱི་རིགས་ནས་ཕྱོགས་གཅིག་ཏུ་བསྡུས་ན་ཐེག་པ་ཆེན་པོའི་མདོ་སྡེ་ཐམས་ཅད་ཀྱི་ནང་ན་ཡན་ལག་བདུན་པའི་ནང་དུ་འདུས་ཡོད་པར་གསུངས་ཡོད་ནི་རེད། དེས་ན་ཡན་ལག་བདུན་པ་དེ་རིམ་བཞིན་བཤད་ནི་ཡིན། ཇི་སྐད་དུ། ཕྱག་མཆོད་བཤགས་དང་ཡི་རང་བ། །ཆོས་སྟོན་བསྐུལ་དང་བཞུགས་གསོལ་བསྔོ། །ཞེས་པ་ལྟར་ཕྱག་འཚལ་བ་དང་། མཆོད་པ་འབུལ་བ། སྡིག་པ་བཤགས་པ། དགེ་བ་ལ་རྗེས་སུ་ཡི་རང་བ། ཆོས་ཀྱི་འཁོར་ལོ་བསྐོར་བར་བསྐུལ་བ། མྱ་ངན་ལས་མི་འདའ་བར་གསོལ་བ་འདེབས་པ། དགེ་རྩ་བྱང་ཆུབ་ཏུ་བསྔོ་བ་དེ་རྣམས་ལ་ཡན་ལག་བདུན་པ་ཟེར་ནི་རེད། དེའི་ནང་གི་དང་པོ་ཕྱག་འཚལ་བའི་ཡན་ལག་ལ་ཡང༌། མདོར་བསྟན་པ་དང༌། རྒྱས་པར་བཤད་པ་གཉིས་ལས། དང་པོ་ནི། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེངྒེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱི་འོ། །ཞེས་གསུངས་ཏེ་ཕྱག་འཚལ་བའི་ཡན་ལག་མདོར་བསྟན་ནི་རེད། ཕྱག་གང་ལྟར་འཚལ་ན་ཇི་སྙེད་སུ་དག་ཕྱོགས་བཅུའི་འཇིག་རྟེན་ན་གསུངས་ནས། ཕྱོགས་བཅུའི་འཇིག་རྟེན་གྱི་ཁམས་ཕྱོགས་བཞི་ཤར་ལྷོ་ནུབ་བྱང་། མཚམས་བཞི་སྟེང་འོག་གཉིས་དང་བཅུ་རེད། ཕྱོགས་བཅུས་མ་བསྡུས་པའི་ས་ཞིག་མེད་ལ། དེའི་ཁྱོན་ན། དུས་གསུམ་གཤེགས་པ་མི་ཡི་སེངྒེ་ཀུན། །ཞེས་འདས་མ་འོངས་ད་ལྟ་དུས་གསུམ་ན་བཞུགས་པའི་མི་ཡི་སེངྒེ་ཟེར་ན་སངས་རྒྱས་རེད། བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །ཞེས་གསུངས་པའི་དོན་ནི། ཕྱོགས་བཅུའི་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། ཞིང་རབ་འབྱམས་ན་སྔོན་འདས་པའི་དུས་སུ་གཤེགས་ཟིན་པ་དང་། ད་ལྟར་བཞུགས་པ། མ་འོངས་པར་འབྱོན་པར་འགྱུར་བའི་རྒྱལ་བ་སྲས་དང་བཅས་པ་ཐམས་ཅད་ལ། ལུས་གུས་པས་ཕྱག་འཚལ་རྒྱུ་དེ་ནི་ལག་པས་ཐལ་མོ་སྦྱར། མགོ་བོས་བཏུད་དེ། གུས་པའི་རྣམ་འགྱུར་ཁྱད་པར་ཅན་ཞིག་ལ་ཟེར་ནི་རེད། ངག་གིས་ཕྱག་འཚལ་ཟེར་རྒྱུ་དེ་ནི། རྒྱལ་བ་སྲས་དང་བཅས་པའི་ཡོན་ཏན་བརྗོད། རྒྱལ་བ་སྲས་དང་བཅས་པ་ལ་གསོལ་བ་འདེབས་པ་དང༌། རྒྱལ་བ་སྲས་དང་བཅས་པ་ལ་དད་པའི་གདུང་ཤུགས་དྲག་པོས་འབོད་པ་ལ་ཟེར་ནི་རེད། ཡིད་ཀྱིས་ཕྱག་འཚལ་ཟེར་རྒྱུ་དེ་ནི། རྒྱལ་བ་སྲས་དང་བཅས་པའི་ཡོན་ཏན་རྗེས་སུ་དྲན་ནས་དུས་ཇི་སྲིད་བྱང་ཆུབ་སྙིང་པོ་མ་ཐོབ་ཀྱི་བར་དུ་ཡོངས་སུ་མི་གཏོང་བར་བྱ་སྙམ་པའི་དམ་བཅའ་དང་མི་འབྲལ་བ་དེ་རེད། དེའི་ཕྱིར་ན་རྒྱལ་བ་སྲས་བཅས་ཇི་སྙེད་ཅིག་ཡོད་པ་ཐམས་ཅད་ལ་རང་གིས་ལུས་ངག་ཡིད་གསུམ་གུས་པས་ཕྱག་འཚལ་ལོ། །གསུངས་ནས་མདོར་བསྟན་ནི་རེད།གཉིས་པ་རྒྱས་པར་བཤད་པ་ལ་གསུམ་སྟེ། བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །ཞེས་གསུངས་ཏེ། བྱང་ཆུབ་སེམས་དཔའ་ཀུན་ཏུ་བཟང་པོའི་བྱིན་རླབས་དང་ཐུགས་རྗེའི་སྟོབས་ལས་རྒྱལ་བ་ཐམས་ཅད་ཡིད་ཀྱིམངོན་སུམ་དུ་བསྒོམ་རྒྱུ་དེ་ཡང༌། སངས་རྒྱས་གཅིག་དང་གཉིས་ཙམ་མ་ཡིན་པར་ཕྱོགས་བཅུའི་ཞིང་རབ་འབྱམས་ན་རྡུལ་ཕྲན་བསམ་གྱིས་མི་ཁྱབ་པ་ཞིག་ཡོད། རང་ཅག་གིས་དཔེར་ན་ས་གཞི་རི་རབ་དང་བཅས་པ་ཡུངས་འབྲུ་ཙམ་རེ་བྱས་ཏེ་བརྩི་དགོས་ན་གྲངས་མེད་པ་ཞིག་ཡོད་ལ། དེ་འདྲ་བ་རྒྱལ་བ་ཐམས་ཅད་ཡིད་ཀྱིས་མངོན་སུམ་དུ་དམིགས་ཤིང་རང་གི་ལུས་དེ་ཡང་གཅིག་མ་ཡིན་པར་ལུས་ཀྱང་གྲངས་མེད་པ་དཔག་ཏུ་མེད་པ་མང་པོ་ཞིག་ཏུ་སྤྲུལ་ནས་རྒྱལ་བ་ཐམས་ཅད་ལ་ཕྱག་འཚལ་ལོ་གསུངས་ནི་རེད། ཡིད་ཀྱིས་ཕྱག་འཚལ་བ་ནི། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །ཞེས་གསུངས་པའི་དོན་ནི། ཡིད་ཀྱིས་རྡུལ་ཆ་མེད་གཅིག་གི་གོ་ས་ན་ཡང་ཕྱོགས་བཅུའི་ཞིང་རབ་འབྱམས་ཀྱི་རྡུལ་གྱི་གྲངས་དང་མཉམ་པའི་རྒྱལ་བ་སྲས་བཅས་ཡོད་པར་བསམ། སངས་རྒྱས་དེ་དག་ཀྱང་སྲས་བྱང་ཆུབ་སེམས་དཔའ་ཉན་ཐོས་རང་རྒྱལ་ཐམས་ཅད་ཀྱི་དབུས་ན་ལྷང་ངེ་ལྷམ་མེ་ལྷན་ནེ་བཞུགས་ཡོད་པར་དམིགས་ཡོད་ནི་རེད། དེ་བཞིན་དུ་ཕྱོགས་བཅུའི་ཞིང་གི་རྡུལ་ཇི་སྙེད་ཡོད་པ་རེ་རེའི་ཁྱོན་ན་ཡང་སངས་རྒྱས་བྱང་ཆུབ་སེམས་དཔའ་གྲངས་མེད་པ་ཞིག་བཞུགས་ཡོད་པར་དམིགས། དེ་དག་ཐམས་ཅད་ལ་གུས་པ་དང་དད་པ་བྱེད་པ་དེ་ནི་ཡིད་ཀྱིས་ཕྱག་འཚལ་ནི་རེད། མདོར་ན་གནམ་ས་བར་སྣང་གི་ཁྱོན་མ་ལུས་པ་ཐམས་ཅད་ཀུན་ཀྱང་རྒྱལ་བ་སྲས་བཅས་ཀྱིས་ཡོངས་སུ་གང་ཡོད་བསམས་ནས་ཕྱག་འཚལ་རྒྱུ་དེ་ཡིད་ཀྱིས་ཕྱག་འཚལ་བ་ཡིན། ངག་གི་ཕྱག་འཚལ་བ་ནི། དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །༢) རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད། །ངག་གི་ཕྱག་འཚལ་རྒྱུ་དེ་ནི་རྒྱལ་བ་སྲས་བཅས་དེ་དག་ལ་བསྟོད་བསྔགས་བྱེད་རྒྱུ་དེ་ཡིན། རང་གི་ལུས་དེ་ཡང་ལུས་དུ་མ། ལུས་རེ་རེ་ལ་ཡང་མགོ་དུ་མ་ཡོད་པར་བསམ། མགོ་རེ་རེས་ཀྱང་དབྱངས་ཀྱི་ཡན་ལག་དུ་མ་ལེན་ཅིང་། དེ་ཡང་འགྱུར་ཁུགས་དང་འདེགས་འཇོག་སོགས་དབྱངས་ཀྱི་ཡན་ལག་དྲུག་དང་ལྡན་པའི་དབྱངས་སྙན་མོ་སྣ་ཚོགས་པས་བདེ་བར་གཤེགས་པ་རྒྱལ་བ་སྲས་བཅས་ཀྱི་ཡོན་ཏན་རྗེས་སུ་བརྗོད་པ་ངག་གི་ཕྱག་འཚལ་བ་ཡིན་ནོ། །གཉིས་པ། མཆོད་པ་འབུལ་བའི་ཡན་ལག་ལ་གཉིས་ཏེ། བླ་ན་ཡོད་པ་དང་མེད་པའོ། །དང་པོ་ནི། མེ་ཏོག་དམ་པ་ཕྲེང་བ་དམ་པ་དང༌། །སིལ་སྙན་རྣམས་དང་བྱུག་པ་གདུཊ་མཆོག་དང༌། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ཞེས་གསུངས་ནས་རྒྱལ་བ་སྲས་བཅས་ལ་འབུལ་རྒྱུ་དེ་ནི་འཇིག་རྟེན་གྱི་ཁམས་ན་ཆུ་དང་རི་དང་ནགས་ཚལ་ལ་སོགས་པ་ཐམས་ཅད་ལས་སྐྱེས་པའི་མེ་ཏོག་རྣམ་པ་སྣ་ཚོགས་དཀར་སེར་དམར་ལྗང་ཨུཏྤལ་ཀུ་མུ་ད་ལ་སོགས་པའི་མེ་ཏོག་རྣམ་པ་སྣ་ཚོགས་དང་། དེ་བཞིན་དུ་མེ་ཏོག་གི་ཕྲེང་བ། རིན་པོ་ཆེའི་ཕྲེང་བའི་བྱེ་བྲག་རྣམ་པ་སྣ་ཚོགས་དང་། འབུད་དཀྲོལ་བརྡུང་བྱ་སོགས་སིལ་འཁྲོལ་སྙན་པའི་སྒྲ་རྣམས་དང་། རྒྱལ་བ་སྲས་བཅས་ཀྱི་སྐུ་ལ་སྐུ་ཕྱིས་བྱེད་པའི་དྲི་ཆབ། ཙནྡན་ག་བུར་ལ་སོགས་པའི་དྲི་བཟང་པོ་རྣམ་པ་སྣ་ཚོགས་ཀྱི་ཆུ་ཡིས་སྐུ་ལུས་ལ་བྱུག་བྱེད་ཀྱི་མཆོད་པ་སྣ་ཚོགས་འབུལ་རྒྱུ་དང་། ཚ་གདུང་སྐྱོབ་བྱེད་དུ་རིན་པོ་ཆེའི་གདུགས་དང་། མར་མེ་མཆོག་རང་བྱུང་གི་མར་མེ་ཉི་མ་དང་ཟླ་བ་སྐར་མ་ལ་སོགས་པ་དང་བཟོས་པ་ནི་འབྲི་མར་རྩི་མར། གཞན་ཡང་ཤིང་རས་འོད་ཀྱི་མདངས་འཇིག་རྟེན་གྱི་ཁམས་ན་འོད་ཇི་སྙེད་ཅིག་ཡོད་པ་ཐམས་ཅད་མར་མེ་དེ་དག་མར་མེ་དམ་པ་ཡིན་ནོ། །དེ་དག་ཀྱང་རྒྱལ་བ་སྲས་བཅས་ཐམས་ཅད་ལ་མཆོད་གསུངས་ནི་རེད། ན་བཟའ་དམ་པ་རྣམས་དང་དྲི་མཆོག་དང༌། །ཕྱེ་མ་ཕུར་མ་རི་རབ་མཉམ་པ་དང༌། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། ཞེས་ན་བཟའ་གོས་ཀྱི་རིགས་བྱེད་སྲབ་འཇམ་མཉེན་པའི་ན་བཟའ་རྣམ་པ་སྣ་ཚོགས་དང་། དྲི་ཞིམ་གྱི་ཆག་དར་དང་དྲི་བཟང་པོའི་ཕྱེ་མ་ཐུམ་པོར་བྱས་ནས་རི་རབ་དང་མཉམ་པ་མང་པོ་སྤུངས་པ་དང་། གཞན་ཡང་མཆོད་པའི་བྱེ་བྲག་ཀུན་ཀྱང་དཔེར་ན་ཡོན་ཆབ་ལྟ་བུ་གཅིག་ལ་མཚོན་ན་ཡོ་རེག་གི་སྐྱོན་སོགས་ཀྱིས་མ་གོས་པ་བཀོད་པ་ཁྱད་པར་འཕགས་པ་ཡིད་དུ་འོང་བ་གཙང་ལ་དགའ་ཞིང་སྤྲོ་བར་བྱེད་པ་དེ་ལྟ་བུའི་མཆོད་པ་ཀུན་གྱིས་རྒྱལ་བ་སྲས་བཅས་ཐམས་ཅད་ལ་མཆོད་གསུངས་ནི་རེད། གཉིས་པ་བླ་ན་མེད་པའི་མཆོད་པ་ནི། མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །བླ་ན་མེད་པའི་མཆོད་པ་དེ་བྱང་ཆུབ་སེམས་དཔའ་ཀུན་ཏུ་བཟང་པོ་དང༌། བྱང་ཆུབ་སེམས་དཔའ་འཇམ་པའི་དབྱངས་ལ་སོགས་པའི་རྒྱལ་བ་སྲས་བཅས་རྣམས་ཀྱི་མཆོད་རྒྱུ་དེ་བླ་ན་མེད་པའི་མཆོད་པ་ཡིན་གསུངས་ནི་རེད། དེའི་མཆོད་པའི་དངོས་པོ་རང་རང་གིས་དཔེར་ན། བྱང་ཆུབ་སེམས་དཔའ་ཀུན་ཏུ་བཟང་པོའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོ། འོད་ཟེར་རེ་རེའི་རྩེ་ལ་ཡང་ཀུན་ཏུ་བཟང་པོ་དཔག་ཏུ་མེད་པ་འཕྲོ། ཀུན་ཏུ་བཟང་པོ་རེ་རེའི་ཐུགས་ཀ་ནས་ཀྱང་འོད་ཟེར་དཔག་ཏུ་མེད་པ་འཕྲོ། དེ་རེ་རེའི་ཕྱག་ན་མཆོད་རྫས་བསམ་གྱིས་མི་ཁྱབ་པ་སྤྲུལ་ནས་ནམ་མཁའ་བར་སྣང་གི་ཁྱོན་མ་ལུས་པ་ཡོངས་སུ་གང་བར་གྱུར་པ་དེ་དག་ཀུན་ཀྱང་མཐོང་བ་དང་རེག་པ་ཡིད་ལ་དྲན་པ་ཙམ་གྱིས་ཀྱང་བྱང་ཆུབ་ཀྱི་ཡན་ལག་བདུན་དད་པ་སྙིང་རྗེ་ལ་སོགས་པ་རྒྱུད་ལ་སྐྱེ་བར་བྱེད་པ་དང༌། འབུལ་བ་པོའི་གང་ཟག་དེ་ཡང་ཆོས་ཐམས་ཅད་མཉམ་པ་ཉིད་ཀྱི་རང་བཞིན་ཅན་དུ་རྟོགས་ནས་འཁོར་གསུམ་དམིགས་མེད་ཀྱི་ལྟ་བས་ཡོངས་སུ་འབུལ་རྒྱུ་དེ་ནི་བླ་ན་མེད་པའི་མཆོད་པ་རེད། རང་གིས་ཀྱང་དེ་ལྟ་བུའི་འཁོར་གསུམ་དམིགས་མེད་ཀྱི་ལྟ་བས་ཟིན་པའི་མཆོད་པ་འབུལ་རྒྱུ་དེ་བླ་ན་མེད་པའི་མཆོད་པ་རེད། དེ་ལྟར་མ་ནུས་ཀྱང་བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པའི་རྒྱལ་བ་སྲས་བཅས་རྣམས་ཀྱིས་ཇི་ལྟར་མཆོད་པ་བཞིན་དུ་བདག་གིས་ཀྱང་དེ་ལྟར་དུ་མཆོད་པར་བགྱིའོ་སྙམ་དུ་མཆོད་རྒྱུ་དེ་ནི་བླ་ན་མེད་པའི་མཆོད་པ་ཡིན་གསུངས། གསུམ་པ་ཉེས་པ་བཤགས་པའི་ཡན་ལག་ནི། འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང༌། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཞེས་གསུངས་ཏེ། སྡིག་པ་ཞེས་པ་གང་ལ་ཟེར་ཞེ་ན། རྒྱུ་འདོད་ཆགས་དང་ཞེ་སྡང་དང་གཏི་མུག་གསུམ་གྱིས་ཀུན་ནས་བསླངས་པའི་བྱ་བ་བཟང་ངན་ལྟར་སྣང་ཇི་ལྟ་བུ་ཡིན་ཡང་མི་དགེ་བ་ཟེར་ནི་རེད། འདོད་ཆགས་མེད་པ་དང་། ཞེ་སྡང་མེད་པ་དང་། གཏི་མུག་མེད་པས་ཀུན་ནས་བསླངས་པའི་ལུས་ངག་གི་བྱ་བ་གང་དང་གང་ཡིན་ཡང་དགེ་བ་ཟེར་ནི་རེད། མགོན་པོ་ཀླུ་སྒྲུབ་ཀྱིས། འདོད་ཆགས་ཞེ་སྡང་གཏི་མུག་གསུམ། །དེས་བསྐྱེད་ལས་ནི་མི་དགེ་བ། །མ་ཆགས་མི་སྡང་གཏི་མུག་མེད། །དེས་བསྐྱེད་ལས་ནི་དགེ་བ་འོ། ཞེས་གསུངས་ནི་རེད། འདོད་ཆགས་ནི་སྲིད་པ་ལ་ཆགས་པ། དཔེར་ན། སྐྱེས་པ་དང་བུད་མེད་ནང་ཕན་ཚུན་གྱི་ལུས་ལ་ཆགས་རྒྱུ་དེ་ནི་སྲིད་པ་ལ་ཆགས་པ་རེད། སྲིད་པའི་ཡོ་བྱད་ལ་ཆགས་པ་ནི་རྒྱུ་ནོར་རྫ་ས། ཐོབ་མངའ་ཐང་མཚན་སྙན་གྲགས་ལ་སོགས་པ་ཐམས་ཅད་ལ་ཆགས་རྒྱུ་དེ་ནི་སྲིད་པའི་ཡོ་བྱད་ལ་ཆགས་པ་ཟེར་ནི་རེད། དེ་ལྟ་བུའི་འདོད་ཆགས་ཀྱིས་ཀུན་ནས་བསླངས་པའི་བྱ་བ་བཟང་ངན་ཇི་ལྟར་བྱས་ཀྱང་ལྟར་སྣང་ཇི་ལྟར་ཡིན་ཡང་དོན་གྱིས་མི་དགེ་བ་ཉིད་དུ་ལོག་འགྲོ་ནི་རེད། ཞེ་སྡང་ཟེར་རྒྱུ་དེ་ནི་རང་དང་རང་གི་ཉེ་འབྲེལ་ཐམས་ཅད་ལ་གནོད་པ་བྱེད་མཁན་ཐམས་ཅད་ལ་སེམས་མི་དགའ་ཞིང་འཚིག་པར་འགྱུར་ལ། རང་གི་དགྲ་བོ་ལ་ཕན་བཏགས་པ་དེ་ལ་སེམས་མི་དགའ་ཞིང་སྤྲོ་ཁོས་འགྲོ། སྤྲོ་ཁོས་འགྲོ་བའི་བྱ་བ་གང་བསྒྲུབས་ཀྱང་དེ་ཡང་མི་དགེ་བ་རེད། གཏི་མུག་ཟེར་རྒྱུ་དེ་ནི། བླང་དོར་གྱི་གནད་མི་ཤེས་པར་རྨོངས་ནས་བྱ་བ་གང་བསྒྲུབས་པར་བྱས་ཀྱང་ཚང་མ་མི་དགེ་བ་རེད། སྤྱིར་མི་དགེ་བ་ཡིན་ནས་བཟུང་རྩ་བ་དུག་གསུམ་པོས་ཀུན་ནས་བསླངས་པས་ཁྱབ་གསུངས་ནི་རེད། མི་དགེ་བའི་ངོ་བོ་དེ་བཅས་པ་དང་རང་བཞིན་གྱི་ཁ་ན་མ་ཐོ་བ་གཉིས་ཀྱི་ནང་ལ་འདུས་ནི་རེད། བཅས་པའི་ཁ་ན་མ་ཐོ་བ་གང་ཡིན་ཞེ་ན། རང་ཅག་གིས་སོ་སོར་ཐར་བ་དང་བྱང་ཆུབ་སེམས་དཔའི་ལམ་དང་སྔགས་ཀྱི་ལམ་ལ་ཞུགས་དུས་གཟོད་ཉེས་པ་དེ་འབྱུང་ལ། དེ་མིན་ན་མི་འབྱུང་བའི་ཉེས་པ། དཔེར་ན། ཁྲིམས་ལྡན་དགེ་སློང་ལ་ཕྱི་དྲོའི་ཁ་ཟས་བཟའ་རྒྱུ་དང་རྩྭ་སྔོན་གཅད་རྒྱུ་དེ་ལྟ་བུ་ནི་བཅས་པའི་ཁ་ན་མ་ཐོ་བའི་སྡིག་པ་ཟེར་ནི་རེད། རང་བཞིན་གྱི་སྡིག་པ་ནི་སོར་བྱང་སྔགས་གསུམ་གྱི་ལམ་ལ་མ་ཞུགས་ཀྱང་སྡིག་པ་འབྱུང་བ་སྲོག་གཅོད་པ་མ་བྱིན་པ་ལེན་པ་འདོད་པའི་ལོག་པར་གཡེམ་པ་རྫུན་ཕྲ་མ་ཚིག་རྩུབ་ངག་འཁྱལ་བརྣབ་སེམས་གནོད་སེམས་ལོག་ལྟ་ལ་སོགས་པ་དེ་དག་ཐམས་ཅད་ལ་རང་བཞིན་གྱི་སྡིག་པ་ཞེས་གསུངས་སོ། །སྡིག་པ་འབྱུང་བའི་སྒོ་གང་ནས་འབྱུང་ཞེ་ན། ལུས་ཀྱི་སྒོ་ནས་འབྱུང་བ་ནི་སྲོག་གཅོད་པ་ལྟ་བུ་དང་། ངག་གི་སྒོ་ནས་འབྱུང་བ་ནི་རྫུན་སྨྲ་བ་ལྟ་བུ་དང༌། ཡིད་ཀྱི་སྒོ་ནས་འབྱུང་བ་ནི། གནོད་སེམས་སྐྱེས་པ་ལྟ་བུ་རྣམས་ཏེ། ལུས་ངག་ཡིད་གསུམ་གྱི་སྒོ་ནས་ཡིན། དེ་མ་ཡིན་པའི་མི་དགེ་བ་ཞིག་མེད། མདོར་ན་མི་དགེ་བ་རང་གིས་བྱེད་པ་དང་། གཞན་ལ་བྱེད་དུ་བཅུག་ན་ཡང་འདྲ་བ་ཡིན། དེང་སང་གི་སྐྱེ་བོ་མང་ཆེ་བ་ཞིག་གིས་སྡིག་པ་དེ་ལ་སྡིག་གླ་སྦྱིན་ནས་རང་གིས་ལག་སྡིག་མ་བྱས་ན་སྡིག་པ་མིན་བསམ་ཡང་དེ་ཡང་འདྲ་འདྲ་ཡིན། ད་དུང་ཕལ་ཆེར་དེའི་སྡིག་པ་ཆེ། མི་དགེ་བཅུ་པོའི་ནང་ན་འདོད་པའི་ལོག་པར་གཡེམ་པ་གཞན་ལ་བཅུག་པ་དང་རང་གིས་སྤྱོད་པ་གཉིས་འདྲ་བ་མིན་པར་རང་གིས་སྤྱོད་པས་ཉེས་པ་ཆེ་གཞན་ལ་བཅོལ་བའི་སྡིག་པ་དེས་དངོས་གཞི་མི་འབྱུང༌། དེ་མ་གཏོགས་པའི་མི་དགེ་བ་ཚང་མ་འདྲ་འདྲ་ཡིན། དེས་ན་སྡིག་པ་དེ་བཤགས་དགོས་ནི་རེད། རྒྱལ་བ་སྲས་བཅས་རྣམས་ཀྱིས་མི་ཤེས་པ་དང་མི་མཁྱེན་པ་གཅིག་ཀྱང་ཡོད་ནི་མ་རེད། ཁྱེད་རྣམས་ཀྱིས་མཁྱེན་རྒྱུ་ཚང་མ་ཡང་ངས་བཤད། རང་གིས་ཚེ་རབས་ཐོག་མེད་ནས་བསགས་པའི་སྡིག་པ་གང་བྱས་ཐམས་ཅད་དངོས་སུ་བཤད་རྒྱུ་ཡོད་ན་དངོས་སུ་བཤད་དགོས་ནི་རེད། རྒྱལ་སྲས་ཆེན་པོ་ཞི་བ་ལྷས། སྡིག་པ་ཆུང་ངུ་ཙམ་ཞིག་ཀྱང་མ་བཤད་ན་མི་འདག་འགྱོད་པ་དང་ལྡན་པའི་སྒོ་ནས་སྐྱེ་བོ་མང་པོ་ལ་བཤད་ན་འདག་འགྲོ་གསུངས། གསང་བར་བྱས་ན་སྡིག་པ་རྩ་བ་ནས་འདག་རྒྱུ་མེད་གསུངས། དེ་འདྲ་བ་ལ་མཐོལ་ཟེར་ནི་རེད། སྡིག་པ་འདག་བྱེད་སྔར་བྱས་ཀྱི་སྡིག་པ་ལ་འགྱོད་པ་དང་ཕྱིན་ཆད་སྡོམ་སེམས་གཉིས་གཙོ་བོར་བྱས་ཏེ། ཁ་འདོན་དགེ་སྦྱོར་བྱས་ནས་བཤགས་དགོས་ནི་རེད། ད་ཕན་ཆོད་རང་ཅག་གིས་དངོས་སུ་བསམ་བཞིན་དུ་རང་གི་སྲོག་ལ་བབས་ཀྱང་སྲོག་ཆགས་གྲོག་མ་ཡན་ཆད་ཀྱི་སྲོག་མི་གཅད་རྒྱུ་དེ་ཁས་ལེན་རྒྱུའི་དམ་བཅའ་ཡིན་ཟེར་ནི་རེད། ཁ་ཞེ་གཉིས་མེད་ཀྱིས་བཤགས་པ་རེ་བྱས་ན་ཕལ་ཆེར་ཚེ་རབས་ཐོག་མེད་ནས་བསགས་པའི་སྲོག་བཅད་པའི་སྡིག་པ་འདག་རྒྱུ་རེད། དེས་ན་ཚང་མས་དེ་ལ་གཟབ་དགོས་ནི་རེད། བཞི་བ་བསོད་ནམས་ལ་ཡི་རང་བའི་ཡན་ལག་ནི། ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང༌། །འགྲོ་བ་ཀུན་གྱི་བསོད་ནམས་གང་ལ་ཡང༌། །དེ་དག་ཀུན་གྱི་རྗེས་སུ་བདག་ཡི་རང་། །ཞེས་གསུངས་པའི་དོན་ནི། གཞན་གྱི་དགེ་བ་ལ་རྗེས་སུ་ཡི་རང་བའམ་དུས་རྟག་ཏུ་དགའ་བ་བསྒོམས་ན་དེ་འདྲ་བའི་དགེ་བ་ཞིག་ཐོབ་ནི་རེད། དཔེར་ན། ངེད་ཅག་གིས་བཟང་སྤྱོད་དུང་སྒྲུབ་ཆེན་མོ་དང་། གར་དབང་རིག་འཛིན་འབུམ་ཚོགས་ཆེན་མོ་སོགས་ཚོགས་རྒྱུ་རེད། ངེད་ཅག་དངོས་སུ་བྱ་བ་དེ་ལ་འཇུག་རྒྱུ་རེད། གཞན་གང་ཡང་རུང་བ་ཞིག་གིས་ཕྲག་དོག་མེད་པར་ཁ་ཞེ་གཉིས་མེད་ཀྱིས་དགེ་བ་དེ་ལ་དགའ་བ་བསྒོམས་ན་དགེ་རྩ་འདྲ་འདྲ་འཐོབ་རྒྱུ་རེད། ད་དུང་དེ་ལས་ཀྱང་ལྷག་པ་ཞིག་ཨེ་འཐོབ་ཤེས་ནི་མ་རེད། ངེད་ཅག་གི་དགེ་བ་དེ་ལ་སོ་སོའི་སྐྱེ་བོ་རང་ཁ་བ་ང་དང་ང་འདྲ་བ་ཕལ་ཆེར་ལ་ངོམས་འདོད་ཀྱང་ཡོད། གྲགས་འདོད་ཀྱང་ཡོད། དགེ་བ་ལ་ཀློག་རྫུན་ཡང་བྱེད། རྗེས་སུ་ཡི་རང་གི་དགེ་བ་ལ་ངོམས་འདོད་གྲགས་འདོད་གང་ཡང་ཡོད་རྒྱུ་མ་རེད། སྔོན་རྒྱལ་པོ་གསལ་རྒྱལ་གྱིས་བཅོམ་ལྡན་འདས་འཁོར་དང་བཅས་པ་ལ་ཟླ་བ་མང་པོར་བསོད་སྙོམས་ཕུལ་དུས། དབུལ་མོ་གྲོང་ཉུག་མས་དེ་ལ་རྗེས་སུ་ཡི་རང་བྱས་ནས་རྒྱལ་པོ་གསལ་རྒྱལ་གྱིས་སྔོན་ཡང་ཚོགས་བསགས་སྒྲིབ་པ་སྦྱངས་པས་འདི་ལྟ་བུའི་ལུས་རྟེན་ཁྱད་པར་ཅན་ཐོབ་ནི་རེད། ཕྱི་མ་ཡང་འདི་ལྟ་བུའི་རྒྱལ་པོ་དེ་ཡང་ལོངས་སྤྱོད་ཆེ་ཞིང་མངའ་ཐང་ཆེ་བ་འདི་ལྟ་བུའི་སྐྱེ་བ་ལེན་རྒྱུ་རེད་བསམས་ནས་དགའ་བ་བསྒོམས་ནས་ཡོད་དུས་བཅོམ་ལྡན་འདས་ཀྱིས་གདུགས་ཚོད་ཡོན་བསྔོ་བྱ་བའི་གནས་སྐབས་སུ་དགེ་བ་འདི་རྒྱལ་པོ་ཁྱེད་ལ་བསྔོ་དང་ཁྱེད་ལས་ལྷག་པའི་དགེ་རྩ་ཅན་ཞིག་ཡོད་ན་དེ་ལ་བསྔོ་གསུངས་དུས་དགེ་རྩ་སུའི་ཆེ་ན་དེ་ལ་སྔོས་ཟེར་རོ། །དེ་དུས་བཅོམ་ལྡན་འདས་ཀྱིས་དབུལ་མོ་གྲོང་ཉུག་མའི་མིང་གི་བཟུང་ནས་དེ་ལ་བསྔོས་པ་རེད། རྒྱལ་པོ་ལས་ཀྱང་དབུལ་མོའི་དགེ་རྩ་ཆེ་བར་གསུངས། དེའི་ཕྱིར་ན་དགེ་བ་ལ་རྗེས་སུ་ཡི་རང་དགོས་ནི་རེད། དགེ་བ་ལ་རྗེས་སུ་ཡི་རང་བྱས་ན་ངེས་པར་དུ་རང་དང་འདྲ་བ་མན་ཆད་ཀྱི་དགེ་རྩ་ནི་འདྲ་འདྲ་ཐོབ་རྒྱུ་རེད། སངས་རྒྱས་ཤཱཀྱ་ཐུབ་པའི་དགེ་རྩ་ལ་རྗེས་སུ་ཡི་རང་བྱས་ན་ཆ་འདྲ་བ་ཞིག་ཐོབ་པ་ལས་ཡོངས་རྫོགས་ཐོབ་པ་མིན། བྱང་ཆུབ་སེམས་དཔའ་ས་ཐོབ་ཀྱི་དགེ་རྩ་ཡང་ཐོབ་དཀའ་མོ་ཡིན། སོ་སོའི་སྐྱེ་བོའི་དགེ་རྩ་ཚང་མ་འདྲ་མཉམ་ཞིག་རང་གི་རྒྱུད་ལ་འཐོབ་རྒྱུ་རེད། རྒྱལ་བ་སྲས་དང་བཅས་པ་རང་རྒྱལ་དང་སློབ་དང་མི་སློབ་པ་ཐམས་ཅད་ཀྱི་དགེ་རྩ་ལ་ཕྲག་དོག་མེད་པར་དགའ་བ་བསྒོམས་ན་ནི། མདོ་སྡུད་པ་ལས་ཀྱང་། སྟོང་གསུམ་རི་རབ་སྲང་ལ་གཞལ་བས་ཚད་བཟུང་རུང༌། །རྗེས་སུ་ཡི་རང་དགེ་བ་དེ་ནི་དེ་ལྟ་མིན། །ཞེས་གསུངས་ཏེ། སྟོང་གསུམ་རི་རབ་སྲང་ལ་གཞལ་དགོས་ན་སླ་མོ་རེད། རྗེས་སུ་ཡི་རང་གི་བསོད་ནམས་དེ་ནི་གཞལ་རྒྱུ་མེད་པ་ཡིན་པར་གསུངས་ནི་རེད། དེས་ན་དཀའ་ལས་མི་དགོས་པར་ཚོགས་གཉིས་རྒྱ་ཆེན་རྫོགས་པར་འདོད་ན་རྗེས་སུ་ཡི་རང་ལ་འབད་དགོས་པ་ཡིན། སོ་སོའི་སྐྱེ་བོ་ཕྲག་དོག་ཅན་རྣམས་ཀྱི་བློ་ཡུལ་ལ་དེ་ཤོང་བ་མིན་མ་གཏོགས། གཞན་གྱི་དགེ་བ་བསྒྲུབས་པ་རྣམས་ལ་དགའ་བ་བསྒོམས་ན་དགེ་བ་འདྲ་འདྲ་འཐོབ་ནི་རེད། དེའི་ཕྱིར་ན་ཐམས་ཅད་ཀུན་གྱིས་ཀྱང་དགེ་བ་ལ་རྗེས་སུ་ཡི་རང་བའི་དགའ་བ་སྒོམས། ཕྲག་དོག་མ་བྱེད་རོགས་གསུངས་ནི་རེད། ལྔ་བ་ཆོས་འཁོར་བསྐོར་བར་བསྐུལ་བའི་ལན་ལག་ནི། གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །ཞེས་གསུངས་པའི་དོན་ནི། ཕྱོགས་བཅུའི་ཞིང་རབ་འབྱམས་ན་བཞུགས་པའི་སངས་རྒྱས་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད་མངོན་པར་རྫོགས་པར་སངས་རྒྱས་ནས་ཆོས་འཁོར་མི་བསྐོར་བར་བཞུགས་ཡོད་པ་རྣམས་ལ། དཔེར་ན། སྔོན་བདག་ཅག་གི་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། སྟོན་པ་ཆོས་འཁོར་མི་བསྐོར་བར་བཞུགས་ཡོད་པའི་དུས་སུ་ཚངས་པ་དང་བརྒྱ་བྱིན་གཉིས་ཀྱིས་ཆོས་ཀྱི་འཁོར་ལོ་བསྐོར་བར་བསྐུལ་ནས་ཆོས་འཁོར་རིམ་པ་གསུམ་བསྐོར་མྱོང་བ་རེད། དེ་བཞིན་དུ་བདག་གིས་ལུས་གུས་པས་ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་ཁ་ཞེ་མེད་པར་སྙིང་ཁོང་རུས་པའི་གཏིང་ནས་རྒྱལ་བ་སྲས་བཅས་རྣམས་ཀྱིས་སེམས་ཅན་རྣམས་མ་རིག་པའི་དམིགས་ལོང་རྣམས་ཀྱི་ལང་ཏོག་དེ་ཕྱིས་ནས་ཆོས་ཀྱི་འཁོར་ལོ་བསྐོར་དུ་གསོལ་བསམས་ནས་གསོལ་བ་འདེབས་དགོས་ནི་རེད།གཞན་ཡང་བྱང་ཆུབ་སེམས་དཔའ་དང་བླ་མ་དགེ་བའི་བཤེས་གཉེན་ལ་སོགས་པས་བསྟན་པ་དང་སེམས་ཅན་གྱི་དོན་ལ་ཆོས་རྣམ་པར་དག་པ་ཞིག་གསུང་བར་མཛད་དུ་གསོལ་བསམས་ནས་ཆོས་འཁོར་བསྐོར་བར་བསྐུལ་ན་རང་ཉིད་སྐྱེ་བ་ཚེ་རབས་ཀྱི་བར་དུ་སངས་རྒྱས་ཀྱི་སྒྲ་མི་གྲག་པ། ཆོས་ཀྱི་སྒྲ་མི་གྲག་པ། དགེ་འདུན་གྱི་སྒྲ་མི་གྲག་པའི་མཐའ་འཁོབ་དང་ཆོས་མེད་པའི་ཡུལ་དུ་སྐྱེ་དགོས་ནི་མ་རེད། དེས་ན་ཆོས་ཀྱི་འཁོར་ལོ་བསྐོར་བར་བསྐུལ་ན་དེ་ནི་གལ་ཆེ་བ་ཞིག་རེད། དྲུག་པ་མྱ་ངན་ལས་མི་འདའ་བར་གསོལ་བའི་ཡན་ལག་ནི། མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང༌། །བདག་གིས་ཐལ་མོ་རབ་སྦྱར་གསོལ་བར་བགྱི། །ཞེས་གསུངས་ཏེ། སངས་རྒྱས་ཐམས་ཅད་ཀུན་གྱིས་ཀྱང་གདུལ་བྱ་རེ་ཞིག་རྫོགས་ནས་སྤྲུལ་སྐུ་ཐམས་ཅད་མྱ་ངན་ལས་འདའ་ཚུལ་སྟོན་བཞིན་ཡོད་པ་ཐམས་ཅད་དང་ནི། གཞན་ཡང་བྱང་ཆུབ་སེམས་དཔའ་བླ་མ་དགེ་བའི་བཤེས་གཉེན་ཐམས་ཅད་ཀུན་གྱིས་ཀྱང་རེ་ཞིག་སྐུ་དངོས་ཀྱི་གདུལ་བྱ་རྫོགས་ནས་ཞིང་ཁམས་གཞན་ལ་འབྱོན་གྲབས་བྱེད་བཞིན་ཡོད་པ་དེ་དག་ལ་རང་གིས་ལུས་ངག་ཡིད་གསུམ་གུས་པས་གསོལ་བ་འདེབས་ན། ཁྱེད་རྣམ་པས་སྐུ་མྱ་ངན་ལས་མི་འདའ་བར་བསྐལ་པ་ཞིང་གི་རྡུལ་སྙེད་ཀྱི་གྲངས་དང་མཉམ་པའི་བར་དུ་ཡང་བཞུགས་པར་མཛད་དུ་གསོལ་བསམས་ནས་གསོལ་བ་བཏབ་ན། རང་གི་མོས་གུས་རྣམ་པར་དག་པའི་སྟོབས་ཀྱིས་སྐྱེ་བ་ལ་རང་དབང་ཐོབ་པའི་སངས་རྒྱས་དང་བྱང་ཆུབ་སེམས་དཔའ་བླ་མ་དགེ་བའི་བཤེས་གཉེན་རྣམས་ངེས་པར་དེ་ལྟར་བཞུགས་པར་འགྱུར་ནི་རེད། སྔོན་བདག་ཅག་གི་སྟོན་པ་མྱ་ངན་ལས་འདའ་ཆས་བྱེད་སྐབས། དགེ་བསྙེན་ཙིརྫས་གསོལ་བ་བཏབ་པའི་ངོར་བདག་ཅག་གི་སྟོན་པ་ཡང་ཡུན་རིང་པོའི་བར་མྱ་ངན་ལས་མི་འདའ་བར་བཞུགས་ནི་རེད། དེ་བཞིན་དུ་བླ་མ་དགེ་བའི་བཤེས་གཉེན་ལ་སོགས་པ་མྱ་ངན་ལས་མི་འདའ་བར་གསོལ་བ་བཏབ་ན་རང་ཡང་ཚེ་རིང་བ་དང༌། སྐྱེ་བ་ཚེ་རབས་ཀུན་ཏུ་བླ་མ་དགེ་བའི་བཤེས་གཉེན་དང་འཕྲད་པར་འགྱུར་བ་དང་། སངས་རྒྱས་མཐོང་བ་དང་མི་འབྲལ་བ་ལ་སོགས་པའི་དགོས་པ་ཁྱད་པར་ཅན་ཡོད་པ་ཡིན་པས། དེའི་ཕྱིར་ན་མྱ་ངན་ལས་མི་འདའ་བར་གསོལ་བ་གདབ་དགོས་གསུངས་ནི་རེད། བདུན་པ་དགེ་རྩ་བྱང་ཆུབ་ཏུ་བསྔོ་བའི་ཡན་ལག་ནི། ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། ཞེས་དགེ་རྩ་གཞན་དོན་དུ་བསྔོ་དགོས་པའི་དོན་ཡིན། དེ་ཡང་དགེ་རྩ་གང་བསྔོ་ཞེ་ན། ཕྱག་འཚལ་བ་དང་། མཆོད་པ་འབུལ་བ། སྡིག་པ་བཤགས་པ་དང༌། དགེ་བ་ལ་རྗེས་སུ་ཡི་རང་བ། ཆོས་ཀྱི་འཁོར་ལོ་བསྐོར་བར་བསྐལ་བ། མྱ་ངན་ལས་མི་འདའ་བར་གསོལ་བ་འདེབས་པ་སོགས་ཡན་ལག་དྲུག་གི་བསོད་ནམས་ཀྱིས་མཚོན་དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་གཅིག་ཏུ་བསྡོམས་ཏེ། བདག་དང་མཐའ་ཡས་པའི་སེམས་ཅན་ཐམས་ཅད་བླ་ན་མེད་པ་སངས་རྒྱས་ཀྱི་གོ་འཕང་ཐོབ་པར་བྱ་བའི་ཕྱིར་དུ་ཡོངས་སུ་བསྔོ་བར་བགྱིའོ་གསུངས་ནི་རེད། ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། །ཐམས་ཅད་བླ་མེད་བྱང་ཆུབ་ཕྱིར་བསྔོ་འོ། །ཞེས་གསུངས་པ་འདི་གཉིས་འགྱུར་གྱི་ཁྱད་པར་འདྲ་མི་འདྲ་གཉིས་ཡིན། བདག་གིས་དང་། བླ་མེད་གཉིས་ཀ་གང་ཡིན་ཡང་དག་པ་ཡིན་མ་གཏོགས། དེང་སང་འགའ་རེས་བླ་མའི་བྱང་ཆུབ་ཕྱིར་བསྔོའོ། །ཟེར་ཡང་བླ་མའི་བྱང་ཆུབ་ཕྱིར་བསྔོ་ཞེས་པ་ནོར་བ་ཡིན། དེ་ཡན་ཆད་ཀྱིས་ཡན་ལག་བདུན་པ་བཤད་ཟིན་པ་ཡིན་ནོ། །ཕྱག་འཚལ་བ་དང༌། མཆོད་སྡིག་པ་བཤགས་ཚུལ་སོགས་མདོར་བསྡུས་ཙམ་གོ་ཡོད་རྒྱུ་རེད། ཁྱེད་རྣམ་པས་ཕྱིས་སུ་འདོན་དུས་ཚིག་རྗེས་དོན་དྲན་ཕྱོགས་ཙམ་ཞིག་ཤེས་པར་གྱིས། པ་འབུལ་རྒྱུ་དང་། གཉིས་པ་དངོས་གཞི་སྨོན་ལམ་གྱི་རབ་དབྱེ་རྒྱས་པར་བཤད་པ་ལ་གཉིས་ཏེ། དངོས་དང་སྨོན་ལམ་གྱི་མཐའ་བསྟན་པའོ། །སྨོན་ལམ་གྱི་མཐའ་སྨོན་ལམ་རྒྱ་ཆེ་ཆུང་ཅི་འདྲ་ཞིག་ཡིན་ཞེ་ན། དངོས་དང་མཐའ་བསྟན་པ་གཉིས་ཡོད། ནམ་མཁའི་མཐར་ཐུག་གྱུར་པ་ཅི་ཙམ་པར། །ཞེས་སོགས་ཀྱིས་སྨོན་ལམ་གྱི་མཐའ་བསྟན་པ་ཡིན། དེ་ཡན་ཆད་སྨོན་ལམ་དངོས་རེད། ད་ནི་སྨོན་ལམ་དངོས་བཤད་ནི་ཡིན། དང་པོ་ལ་སྤྱི་དོན་བཅུ་དྲུག་ཡོད། སྤྱིར་བྱང་ཆུབ་སེམས་དཔའི་སྨོན་ལམ་ཆེན་པོ་བཅུ་ཡོད་ཀྱང་ས་བཅད་འདིའི་ཁོངས་སུ་བསྡུས་ཏེ་བཤད་ཀྱང་ཆོག ས་བཅད་འཇོག་ཚུལ་ལ་མཁས་པ་སོ་སོས་རང་བློ་ལྟར་དུ་གཞལ་བ་མང་ཡང་། འདིར་སྨིན་གླིང་ལོ་ཆེན་གྱིས་གསུངས་པ་ལྟར་ས་བཅད་རྣམ་པ་བཅུ་དྲུག་གི་སྒོ་ནས་འཆད་&lt;&lt;གླ༥༡ རྒྱུ་ཡིན། ས་བཅད་རྣམ་པ་བཅུ་དྲུག་པོ་ཇི་ལྟར་གསུངས་ཞེ་ན། ཚིག་གིས་དངོས་བསྟན་གྱི་གོ་བ་དང་འབྲེལ་ནས་གསུངས་ཡོད། མདོ་སྡེ་གཞན་དང་བསྒྲགས་ཏེ་བཤད་མེད། ས་བཅད་བཅུ་དྲུག་པོ་གང་ཡིན་ཞེ་ན། བསྡོམས་ཚིག་ལས། བསམ་དག་བྱང་སེམས་མི་བརྗེད་དང༌། །མ་གོས་སྦྱོར་དང་ཕན་བདེ་དང་། །གོ་ཆ་དང་ནི་སྐལ་མཉམ་འགྲོགས། །བཤེས་བསྟེན་སངས་རྒྱས་མངོན་གྱུར་དང༌། །དམ་ཆོས་འཛིན་དང་མཛོད་རྙེད་དང་། །འཇུག་དང་སྟོབས་དང་སྒྲུབ་དང་ལས། །རྗེས་སློབ་ཀུན་གྱི་མཇུག་སྡུད་དོ། །ཞེས་གསུངས་པ་ལྟར།༼༡༽དང་པོ་བསམ་པ་དག་པས་སྨོན་ལམ་འདེབས་པ་དང་། ༼༢༽སྐྱེ་བ་ཚེ་རབས་ཀུན་ཏུ་བྱང་ཆུབ་ཀྱི་སེམས་མི་བརྗེད་པར་སྨོན་ལམ་འདེབས་པ་དང༌། ༼༣༽ འཁོར་བ་ན་འཁོར་བའི་ཚེ་སྐྱོན་གྱིས་མ་གོས་པར་སྨོན་ལམ་འདེབས་པ་དང་། ༼༤༽ སེམས་ཅན་ཕན་བདེ་ལ་འགོད་པའི་སྨོན་ལམ་འདེབས་པ་དང་། ༼༥༽སེམས་ཅན་གྱི་དོན་དུ་བརྩོན་པ་ལ་སྙིང་སྟོབས་རྣམ་པར་དག་པས་སྨོན་ལམ་འདེབས་པ་དང༌། ༼༦༽ སྐལ་མཉམ་གྱི་གྲོགས་བཟང་པོ་དང་སྐྱེ་བ་ནས་ཚེ་རབས་ཀུན་ཏུ་འགྲོགས་པའི་སྨོན་ལམ་འདེབས་པ་དང་། ༼༧༽ བླ་མ་དགེ་བའི་བཤེས་གཉེན་དང་འཕྲད་པར་སྨོན་ལམ་འདེབས་པ་དང་། དེ་མིན་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། ༼༨༽ སྐྱེ་བ་ཚེ་རབས་ཀུན་ཏུ་སངས་རྒྱས་མཐོང་བ་དང་མི་འབྲལ་བར་སྨོན་ལམ་འདེབས་པ་དང༌། ༼༩༽ དུས་གསུམ་སངས་རྒྱས་ཐམས་ཅད་ཀྱི་ཆོས་འཁོར་འཛིན་ནུས་པར་སྨོན་ལམ་འདེབས་པ་དང་། ༼༡་༽ མི་ཟད་པའི་མཛོད་རྙེད་པའི་སྨོན་ལམ་འདེབས་པ་དང་། ༼༡༡༽ བྱང་ཆུབ་སེམས་དཔའི་སྤྱོད་པ་རྒྱ་མཚོ་ལྟ་བུ་ལ་འཇུག་པར་སྨོན་ལམ་འདེབས་པ་དང་། ༼༡༢༽ལས་ཀྱི་སྟོབས་ཟད་པ་དང་། ཉོན་མོངས་པའི་སྟོབས་ཟད་པ་དང༌། བདུད་ཀྱི་སྟོབས་ཟད་པ་དང༌། བཟང་པོ་སྤྱོད་པའི་སྟོབས་ཡོངས་སུ་རྫོགས་པ་ལ་སོགས་སྟོབས་ཁྱད་པར་ཅན་ལ་སྨོན་ལམ་འདེབས་པ་དང་། ༼༡༣༽ སྒྲུབ་པའམ་གཉེན་པོའི་སྒོ་ནས་སྨོན་ལམ་འདེབས་པ་དང་། ༼༡༤༽ཕྲིན་ལས་ཀྱི་སྒོ་ནས་སྨོན་ལམ་འདེབས་པ་དང་། ༼༡༥༽ རྒྱལ་བ་ཀུན་གྱི་རྗེས་སུ་སློབ་པར་སྨོན་ལམ་འདེབས་པ་དང་། ༼༡༦༽ དུས་གསུམ་གྱི་སངས་རྒྱས་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད་མཛད་པ་སྨོན་ལམ་མཁྱེན་བརྩེ་ནུས་པ་ཐམས་ཅད་བདག་ལ་རྫོགས་པར་གྱུར་ཅིག་སྙམ་སྟེ་སྨོན་ལམ་འདེབས་རྒྱུ་དེ་མཇུག་སྡུད་རེད། སྨིན་གླིང་ལོ་ཆེན་གྱིས་མཁས་པའི་ཁྱད་ཆོས་བཞག་སྟེ་མ་གསུངས་པར། ཐད་ཀ་ཐད་ཀར་ཚིག་འགྲེལ་ལ་ཉེ་བར་མཁོ་བའི་ཕྱིར་དུ་ས་བཅད་བཞག་ནི་རེད། སྤྱི་དོན་དང་པོ་བསམ་པ་དག་པས་སྨོན་པ་ལ་དོན་བཞི་སྟེ། དང་པོ་སངས་རྒྱས་ལ་མཆོད་པའི་བསམ་པ་ནི། བསམ་པ་དག་རྒྱུ་དེ་ལ་རྣམ་པ་བཞི་ཡོད། དང་པོ་སངས་རྒྱས་མཆོད་པར་སྨོན་ལམ་བཏབ་ནི་རེད། དེ་ཅི་འདྲ་ཡིན་ཟེར་ན། འདས་པའི་སངས་རྒྱས་རྣམས་དང་ཕྱོགས་བཅུ་ཡི། འཇིག་རྟེན་དག་ན་གང་བཞུགས་མཆོད་པར་གྱུར། །ཞེས་གསུངས་ཏེ། འདས་པའི་སངས་རྒྱས་མར་མེ་མཛད་རྣམ་གཟིགས་གཙུག་ཏོར་ཅན་ཐམས་ཅད་སྐྱོབས་འཁོར་བ་འཇིག་གསེར་ཐུབ་འོད་སྲུང་ལ་སོགས་པའི་སངས་རྒྱས་མང་པོ་ཡོད་རྒྱུ་རེད། ད་ལྟའི་སངས་རྒྱས་བདག་ཅག་གི་སྟོན་པ་ལྟ་བུ་ནི་འདས་པའི་སངས་རྒྱས་ཀྱི་ཕྱོགས་གཏོགས་ཞེས་བཤད་ཀྱང་ཆོག ད་ལྟའི་སངས་རྒྱས་ཡིན་ཞེས་བཤད་ནའང་ཆོག དེ་བཞིན་དུ་ཤར་ཕྱོགས་ན་སངས་རྒྱས་མཚན་ལེགས་རིན་ཟླ་གསེར་བཟང་མྱ་ངན་མེད་སོགས་སྨན་བླ་མཆེད་བརྒྱད་དང་། དེ་བཞིན་དུ་ལྷོ་ཕྱོགས་ན་སངས་རྒྱས་རིན་ཆེན་འབྱུང་ལྡན། ནུབ་ཕྱོགས་ན་སངས་རྒྱས་འོད་དཔག་མེད། བྱང་ཕྱོགས་ན་སངས་རྒྱས་དོན་ཡོད་གྲུབ་པ། རྡོ་རྗེ་མི་བསྐྱོད་པ་ལ་སོགས་པ་ད་ལྟར་བཞུགས་པའི་སངས་རྒྱས་དེ་དག་ཐམས་ཅད་ལ་བདག་གིས་ལུས་ངག་ཡིད་གསུམ་དང་བའི་སྒོ་ནས་ལུས་ལོངས་སྤྱོད་དུས་གསུམ་གྱི་དགེ་བ་ཐམས་ཅད་ཀྱིས་དུས་རྟག་ཏུ་མཆོད་པ་བྱེད་ནུས་པར་གྱུར་ཅིག མདོར་ན་འདས་པའི་སངས་རྒྱས་དང་ད་ལྟར་གྱི་སངས་རྒྱས་ལ་མཆོད་པར་སྨོན་ལམ་བཏབ་པ་ཡིན། གཉིས་པ་དགོངས་པ་ཡོངས་སུ་བསྐང་པ་ནི། གང་ཡང་མ་བྱོན་དེ་དག་རབ་མྱུར་བར། །བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན། །ཞེས་གསུངས་ཏེ། མ་འོངས་པའི་སངས་རྒྱས་བྱམས་པ་ལ་སོགས་པ་གང་ཡང་མ་བྱོན་པའི་སངས་རྒྱས་དེ་དག་རབ་མྱུར་བའི་བསམ་པ་རྫོགས་ནས་བྱང་ཆུབ་སེམས་དཔའི་ས་བཅུ་ལམ་ལྔ་ལ་སོགས་པ་ཐམས་ཅད་མྱུར་དུ་མཁྱེན་བརྩེ་ནུས་གསུམ་རྩལ་རྫོགས་ནས་སེམས་ཅན་ཐམས་ཅད་ཀྱི་དོན་ལ་བརྩོན་ནུས་པར་གྱུར་ཅིག མ་བཟང་སྤྱོད་ཀྱི་ཟིན་བྲིས་བཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། འོངས་པའི་སངས་རྒྱས་ཐམས་ཅད་ད་ལྟ་བསམ་ན་སེམས་ཅན་རེད། མདོ་རང་གི་སྐབས་དོན་གྱི་དབང་དུ་བྱས་ན་ངེད་ཅག་གིས་ཉིན་དེར། བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཞེས་པའི་བདེ་གཤེགས་ནི་སྔར་གྱི་སངས་རྒྱས་རེད། དབང་ཕྱུག་ནི་བླ་མ་དགེ་བའི་བཤེས་གཉེན་ད་ལྟར་བཞུགས་པའི་སངས་རྒྱས་ཡིན། སེམས་ཅན་ནི་མ་འོངས་པའི་སངས་རྒྱས་ཡིན། དགོས་པ་གསུམ་ནི། འདས་པའི་སངས་རྒྱས་རྣམས་ཀྱི་ཐུགས་དགོངས་ཡོངས་སུ་རྫོགས་པའི་ཕྱིར་དང་། ད་ལྟ་བླ་མ་དགེ་བའི་བཤེས་གཉེན་ཐམས་ཅད་ཀྱི་ཐུགས་དགྱེས་པ་བསྐང་བར་བྱ་བའི་ཕྱིར་དང་། མ་འོངས་པའི་སངས་རྒྱས་ཐམས་ཅད་ཀྱི་ས་ལམ་ཡོངས་སུ་རྫོགས་པའི་ཆེད་དུ་ཟེར་ནས་ངེད་ཅག་གིས་དགོས་པ་གསུམ་དེ་ལྟར་བཤད་དར། འདས་པའི་སངས་རྒྱས་དང་། ད་ལྟར་གྱི་སངས་རྒྱས་ཐམས་ཅད་ལ་མཆོད་ནུས་པར་ཤོག་ཅིག མ་འོངས་པའི་སངས་རྒྱས་ཐམས་ཅད་མྱུར་དུ་སངས་རྒྱས་ནས་སེམས་ཅན་ཐམས་ཅད་ལ་ཆོས་ཀྱི་འཁོར་ལོ་བསྐོར་བར་གྱུར་ཅིག་གསུངས་ནི་རེད། གསུམ་པ་སངས་རྒྱས་ཀྱི་ཞིང་སྦྱང་བ་ནི། ཕྱོགས་བཅུ་ག་ལའི་ཞིང་རྣམས་ཇི་སྙེད་པ། །དེ་དག་རྒྱ་ཆེར་ཡོངས་སུ་དག་པར་གྱུར། །བྱང་ཆུབ་ཤིང་དབང་དྲུང་གཤེགས་རྒྱལ་བ་དང༌། །སངས་རྒྱས་སྲས་ཀྱིས་རབ་ཏུ་གང་བར་ཤོག །ཅེས་གསུངས་ཏེ། ཕྱོགས་བཅུ་ག་ལ་བའི་ཞིང་ཇི་སྙེད་ཡོད་པ་ཐམས་ཅད་ཡོངས་སུ་དག་པར་གྱུར་ཅིག ས་ཕྱོགས་ཐམས་ཅད་ཀྱང་བཻཌཱུརྱ་ལ་གསེར་གྱི་མིག་མང་རེས་སུ་བྲིས་པ་མནན་ན་ནེམ་པར་བཏེག་ན་འཕར་བ། དཔེར་ན། བདེ་བ་ཅན་གྱི་ཞིང་གི་ཡོན་ཏན་ཇི་ལྟ་བཞིན་དུ་ཐམས་ཅད་ཡོངས་སུ་རྫོགས་པར་གྱུར་ཅིག་ཅེས་ཞིང་ཁམས་དག་པར་སྨོན་ལམ་བཏབ་པ་རེད། ཞིང་ཁམས་དག་པ་དེའི་དབང་གིས་བྱང་ཆུབ་ཀྱི་ཤིང་གིས་བརྒྱན་པའི་དྲུང་དུ་དཔེར་ན། སངས་རྒྱས་འོད་དཔག་མེད་དང་། སངས་རྒྱས་ཤཱཀྱ་ཐུབ་པ་ལྟ་བུའི་སངས་རྒྱས་མང་པོ་བཞུགས། དེའི་འཁོར་དུ་བྱང་ཆུབ་སེམས་དཔའ་འཇམ་དཔལ་དབྱངས་དང་། སྤྱན་རས་གཟིགས་ལྟ་བུ་མང་པོས་བསྐོར་ནས་གང་བར་གྱུར་ཅིག་ཅེས་བཅུད་དག་པའི་སྨོན་ལམ་བཏབ་པ་ཡིན་གསུངས་ནི་རེད། ཕྱོགས་བཅུ་ག་ལས་ཞིང་རྣམས་ཐམས་ཅད་པོ་དེ་ནི་ཞིང་དག་པ་དང་། བཅུད་དག་པ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་གང་འགྲོ་བར་གྱུར་ཅིག་བསམས་ནས་སྨོན་ལམ་འདེབས་དགོས་ནི་རེད། བཞི་པ་སེམས་ཅན་ལ་ཕན་གདག་པའི་བསམ་པ་ནི། ཕྱོགས་བཅུའི་སེམས་ཅན་གང་རྣམས་ཇི་སྙེད་པ། དེ་དག་རྟག་ཏུ་ནད་མེད་བདེ་བར་གྱུར། འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིང་རེ་བའང་འགྲུབ་པར་ཤོག །སེམས་ཅན་ལ་ཕན་པའི་བསམ་པ་བཟང་པོས་ཕྱོགས་བཅུའི་སེམས་ཅན་གང་རྣམས་ཇི་སྙེད་ཡོད་པ་ཐམས་ཅད་དུས་རྟག་ཏུ་ལུས་ལ་སྡུག་བསྔལ་མེད་པ་དང་སེམས་ལ་སྡུག་བསྔལ་མེད་པར་གྱུར་ཅིག སེམས་ཀྱི་སྡུག་བསྔལ་ནི་ཡིད་མི་བདེ་བ་ལ་ཟེར། མདོར་ན་ངེད་ཅག་གིས་དང་པོ་ཁོ་ན་སེམས་ཅན་ཐམས་ཅད་ཀྱི་ལུས་ལ་ན་ཚ་དང༌། སེམས་ལ་སྡུག་བསྔལ་ཐམས་ཅད་བྲལ་བར་ཤོག་ཅིག་ཅེས་ཟེར་བ་ལྟར་ཡིན། མ་ཟད་སེམས་ཅན་རྣམས་ཀྱིས་ཆོས་བསྒྲུབ་པ་ལ་བློ་མཐུན་གྲོས་མཐུན་བྱས་ཏེ་ཐམས་ཅད་ཀུན་གྱིས་ཆོས་སྒྲུབ་པར་ཤོག་ཅིགསེམས་ཅན་ཐམས་ཅད་ཆོས་ལ་འཇུག་ནུས་པར་ཤོག་ཅིག སེམས་ཅན་ཐམས་ཅད་ཀྱིས་ཆོས་ཡང་དག་པ་ཞིག་སྒྲུབ་ནུས་པར་ཤོག་ཅིག ཆོས་སྒྲུབ་པའི་རེ་བ་གནས་སྐབས་མངོན་མཐོའི་བདེ་བ་དང་། མཐར་ཐུག་སངས་རྒྱས་ཀྱི་གོ་འཕང་འཐོབ་པ་དང་། གཞན་ཡང་ཆོས་དང་འགལ་བ་མ་ཡིན་པའི་ཚེ་རིང་བ་ནད་མེད་པ་ལོངས་སྤྱོད་ཆེ་བ། གཟི་བརྗིད་བཟང་བ་བསམ་པའི་དོན་ཐམས་ཅད་འགྲུབ་པ་ལ་སོགས་པ་འགྲོ་བ་ཐམས་ཅད་ཀྱི་རེ་བ་ཅི་ཡོད་པ་རྣམས་འགྲུབ་པར་གྱུར་ཅིག འདིའི་ཚིག་བཞི་བོའི་ནང་དུ་མ་འདུས་པའི་སྨོན་ལམ་ཞིག་མེད། སྨོན་ལམ་གཞན་ཞིག་གི་ནང་དུ་འདི་ལྟ་བུ་ཞིག་སྟོན་མི་ཐུབ། དཔེར་ན། སེམས་ཅན་ཐམས་ཅད་ཀྱི་ལུས་ལ་སྡུག་བསྔལ་མེད། སེམས་ཀྱི་སྡུག་བསྔལ་ཐམས་ཅད་བྲལ། གནས་སྐབས་དང་མཐར་ཐུག་གི་རེ་བ་ཡོངས་སུ་རྫོགས་དམ་པའི་ཆོས་ཐམས་ཅད་ཡོངས་སུ་སྤྱོད་པར་གྱུར་ན་དེའི་ནང་དུ་མ་འདུས་པ་ཞིག་ཅི་ཡང་མེད། དེའི་ཕྱིར་ན་བསམ་པ་དག་པས་སྨོན་ལམ་འདེབས་དགོས་ནི་རེད། སྤྱི་དོན་གཉིས་པ་བྱང་ཆུབ་ཀྱི་སེམས་མི་བརྗེད་པའི་སྒོ་ནས་སྨོན་པ་ལ་བདུན་ལས། དངོས་གཞི་ལ་བྱང་ཆུབ་ཀྱི་སེམས་མི་བརྗེད་པར་སྨོན་ལམ་འདེབས་དགོས་ནི་རེད། སྐྱེ་བ་ཚེ་རབས་ཀུན་ཏུ་བྱང་ཆུབ་ཀྱི་སེམས་བརྗེད་ཉན་ནི་མ་རེད་མ་གཏོགས་སེམས་ཅན་གྱི་དོན་འགྲུབ་ནི་མ་རེད། བྱང་ཆུབ་ཀྱི་སེམས་མི་བརྗེད་པར་བྱེད་པ་ལ་མཐུན་རྐྱེན་མང་པོ་སྒྲུབ་དགོས་པ་དང་། འགལ་རྐྱེན་མང་པོ་བསལ་དགོས་ནི་རེད། ངེད་ཅག་ཡིན་ནའང་ད་ལྟ་བྱང་ཆུབ་མཆོག་ཏུ་སེམས་བསྐྱེད་དགོས་ནི་རེད། དེའི་ཞར་མ་ཞོར་ལ་འགལ་རྐྱེན་བསལ་བའི་ཕྱིར་དུ་འཕགས་པ་སྤྱན་རས་གཟིགས་ལ་གསོལ་བ་བཏབ་ནས་དཔལ་ཕྲེང་སེང་གེའི་སྒྲའི་གཟུངས་བཏོན། དཔལ་རྟ་མགྲིན་ལ་གསོལ་བ་བཏབ་སྟེ་ཧྱ་གྲི་ཝའི་གཟུངས་བཏོན། ཨོ་རྒྱན་རིན་པོ་ཆེ་ལ་ཡང་གསོལ་བ་བཏབ་ནས་སྤྲུལ་པའི་གུ་རུ་མཚན་བརྒྱད་སོགས་དང་། ཨོ་རྒྱན་རིན་པོ་ཆེ་ལ་གསོལ་བ་འདེབས་ཞེས་པ་བཏོན་ཏེ་ཨོ་རྒྱན་རིན་པོ་ཆེ་ལ་ཡང་གསོལ་བ་འདེབས་བཞིན་ཡོད་ནི་རེད། དེ་བཞིན་དུ་མཐུན་རྐྱེན་ཡོངས་སུ་འགྲུབ་པར་བྱ་བའི་ཕྱིར་དུ་དབང་སྡུད་གསོལ་འདེབས། གར་དབང་ལྷ་དགུ་ལ་སོགས་པའི་ལྷ་ལ་གསོལ་བ་འདེབས་བཞིན་ཡོད་ནི་རེད། དེ་འདྲ་བྱས་ན་མཐུན་རྐྱེན་འགྲུབ་འགལ་རྐྱེན་སེལ་དངོས་གཞི་བྱང་ཆུབ་ཀྱི་སེམས་རྒྱུད་ལ་སྐྱེ་རྒྱུ་རེད། དེ་ལ་བྱང་ཆུབ་ཀྱི་སེམས་མི་བརྗེད་པ་སོགས་ལ་བདུན་ལས་དང་པོ་ནི། དང་པོ་ཚེ་རབས་དྲན་པ་ནི། བྱང་ཆུབ་སྤྱོད་པ་དག་ནི་བདག་སྤྱོད་ཅིང༌། །འགྲོ་བ་ཀུན་ཏུ་སྐྱེ་བ་དྲན་པར་གྱུར། །ཅེས་གསུངས་ནི་རེད། དོན་ནི་དང་པོ་སྐྱེ་བ་དྲན་དགོས་ནི་རེད། ས་དང་པོ་རབ་ཏུ་དགའ་བ་མ་ཐོབ་བར་དུ་གང་དུ་སྐྱེས་ཀྱང་སྐྱེ་བ་སྔ་མ་སྔ་མ་ཐམས་ཅད་དྲན་པར་གྱུར་ཅིག་ཟེར་ནས་སྨོན་ལམ་འདེབས་རྒྱུ་རེད། རྒྱལ་སྲས་ཆེན་པོ་ཞི་བ་ལྷས། ས་རབ་དགའ་བ་ཐོབ་བར་དུ། །རྟག་ཏུ་ཚེ་རབས་དྲན་པ་དང༌། །ཞེས་སོགས་གསུངས་ཡོད་ནི་རེད། དེས་ན་ཚེ་རབས་དྲན་དགོས་རྒྱུ་ཅི་ཡིན་ཟེར་ན། ཚེ་རབས་མ་དྲན་ན་བྱང་ཆུབ་ཀྱི་སེམས་བརྗེད་འགྲོ་རྒྱུ་རེད། ད་ལྟ་རང་ཅག་གིས་ཀྱང་བྱང་ཆུབ་ཀྱི་སེམས་རྒྱུད་ལ་བླངས་ཡོད་ནི་རེད། ཚེ་རབས་མ་དྲན་ནས་བཟུང་སྟེ་གཟོད་མངལ་སྒོ་འགྲིམས་ནས་ཕྱི་མར་འགྲོ་དུས་བྱང་ཆུབ་ཀྱི་སེམས་རྒྱུད་ལ་བླངས་ཡོད་པ་བརྗེད་འགྲོ་ནི་རེད། དེའི་ཕྱིར་ན་ཐོག་མར་སྐྱེ་བ་དྲན་རྒྱུ་དེ་གལ་ཆེ་བ་ཡིན། སྐྱེ་བ་སྔ་ཕྱི་དྲན་ན་སྔ་མ་སྡུག་བསྔལ་མྱོང་བ་དང༌། བར་དུ་དགེ་བ་བསྒྲུབས་ནི་ཚང་མ་དྲན་ནས་རྗེས་སུ་ཡི་རང་བ་བྱས་ཏེ་མུ་མཐུད་དེ་དགེ་བ་སྒྲུབ་ནི་རེད། དེའི་ཕྱིར་མདོར་ན་བདག་གང་ནས་གང་དུ་སྐྱེས་ཀྱང་སྐྱེ་བ་སྔ་མ་སྔ་མ་ཐམས་ཅད་དྲན་པར་གྱུར་ཅིག་ཅེས་གསུངས་ནི་རེད། གཉིས་པ་རབ་ཏུ་བྱུང་བར་སྨོན་ལམ་འདེབས་པ་ནི། ཚེ་རབས་ཀུན་ཏུ་འཆི་འཕོ་སྐྱེ་བ་ན། །རྟག་ཏུ་བདག་ནི་རབ་ཏུ་འབྱུང་བར་ཤོག །ཅེས་གསུངས་ཏེ། ལུས་རྟེན་དེ་ཡང་སྤྱིར་ན་གང་ལ་གང་འདུལ་གྱི་སྒོ་ནས་བྱ་ལ་བྱ་རུ་སྤྲུལ། རི་དྭགས་ལ་རི་དྭགས་སུ་སྤྲུལ། དེ་བཞིན་དུ་སྨད་འཚོང་མ་དང་། ཤན་པ་ལ་སོགས་པའི་གཟུགས་ཀྱིས་འགྲོ་དོན་མཛད་ཚུལ་ཡོད་ནི་རེད། ཇི་སྲིད་ས་དང་པོ་མ་ཐོབ་ཀྱི་བར་དུ་དེ་ལྟ་བུའི་འགྲོ་དོན་འགྲུབ་ནི་མ་རེད། དེ་ལྟ་བུའི་སྐྱེ་བ་དམན་པའི་ལུས་རྟེན་མང་པོ་ཞིག་ལེན་ཚེ་ལས་དང་ཉོན་མོངས་པའི་གཞན་དབང་དུ་གྱུར་ནས་བྱང་ཆུབ་སེམས་དཔའི་བསམ་པ་དང་སྤྱོད་པ་རྣམས་ཉམས་འགྲོ་ནི་རེད། དེའི་ཕྱིར་ན་ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ། དཔེར་ན། ཇོ་མོ་རྣམས་ལ་མཚོན་ན་ཁྱེད་རྣམ་པས་སྨོན་ལམ་འདེབས་རྒྱུ་དེ། ལས་དང་ཉོན་མོངས་པའི་གཞན་དབང་གིས་སྒོ་ནས་བུད་མེད་ཀྱི་ལུས་རྟེན་ད་ཕན་ཆད་སྐྱེ་བ་ལེན་པར་མ་གྱུར་ཅིག་ཅེས་ཁ་ཞེ་གཉིས་མེད་ཀྱིས་སྨོན་ལམ་འདེབས་རྒྱུ་དེ་ཧ་ཅང་གལ་ཆེ་བ་ཡིན་པ་ཤེས་དགོས། དེ་མ་ཡིན་པར་རྣམ་པ་ཀུན་ཏུ་བུད་མེད་ཀྱི་སྐྱེ་བ་མི་ལེན་པར་གྱུར་ཅིག་ཟེར་ནས་སྨོན་ལམ་མ་འདེབས་མ་གཏོགས་ནམ་ཞིག་གི་གནས་སྐབས་ན་བུད་མེད་ཀྱི་ལུས་རྟེན་གྱིས་འགྲོ་དོན་མང་པོ་མཛད་དུས་ཡོད་རྒྱུ་རེད། བུད་མེད་ཀྱི་ལུས་རྟེན་གྱིས་སྐྱེ་བ་ལ་དབང་ཐོབ་པའི་ཏིང་ངེ་འཛིན་གྱི་སྨོན་ལམ་རྣམས་ཀྱི་སྒོ་ནས་ཀྱང་འགྲོ་དོན་མཛད་སྐབས་ཡོད་ནི་རེད། དེའི་ཕྱིར་ན་གཙོ་བོ་ས་དང་པོ་ཡན་ཆད་ཀྱི་སྨོན་ལམ་རེད། སྐྱེ་བ་ཀུན་ཏུ་བདག་ཤི་ནས་འཇིག་རྟེན་གྱི་ཁམས་གཞན་དུ་འཕོ་ན་ལུས་རྟེན་བཟང་པོ་ལ་རབ་ཏུ་བྱུང་བ་ཚུལ་ཁྲིམས་རྣམ་པར་དག་པ་ཐོབ་པར་གྱུར་ཅིག་ཟེར་ནས་སྨོན་ལམ་བཏབ་ནི་རེད། ཚུལ་ཁྲིམས་རྣམ་པར་དག་པ་ཞིག་མེད་ན་མངོན་མཐོ་དང་ངེས་ལེགས་ཀྱི་ཡོན་ཏན་གང་ཡང་རྒྱུད་ལ་སྐྱེ་ཐབས་ཡོད་ནི་མ་རེད། བྱང་ཆུབ་ཀྱི་ལམ་གང་ཡང་རྒྱུད་ལ་འབྱུང་ཐབས་མེད། རྒྱས་པར་ཚུལ་ཁྲིམས་ལ་བསྔགས་པ་ལས་གསུངས་པ་ལྟར་རེད། དེའི་ཕྱིར་ན་ཚུལ་ཁྲིམས་དག་དགོས། ཚུལ་ཁྲིམས་རྒྱུད་ལ་མེད་པའི་གང་ཟག་ཅིག་གི་རྒྱུད་ལ་ཡོན་ཏན་སྣ་གཅིག་ཀྱང་སྐྱེ་ཐབས་མེད། མ་ཟད་འདིའི་སྐབས་ན་གཙོ་བོ་ཚུལ་ཁྲིམས་རྣམ་པར་དག་པ་ལ་གཞན་གནོད་གཞི་བཅས་སྤང་རྒྱུ་དེ་རེད། ས་དང་པོ་ཐོབ་པ་ཡན་ཆད་ཀྱིས་འདྲ་མི་འདྲའི་འགྲོ་དོན་མཛད་ཚུལ་ཡོད་ནི་རེད། རྒྱལ་སྲས་འཇམ་དཔལ་གཞོན་ནུར་གྱུར་པ་དང་འཕགས་པ་སྤྱན་རས་གཟིགས་ཀྱང་སྲོག་ཆགས་སྣ་ཚོགས་ཀྱིས་སྐྱེ་བ་བླངས་ནས་འགྲོ་དོན་མཛད་ཚུལ་ཡོད་ནི་རེད། དེས་ན་རབ་ཏུ་བྱུང་བ་ལ་སྨོན་ལམ་འདེབས་དགོས་ནི་རེད། ས་དང་པོ་མ་ཐོབ་བར་དུ་ངེས་པར་རབ་ཏུ་བྱུང་བའི་ལུས་རྟེན་ཞིག་ཐོབ་དགོས་ནི་རེད་མ་གཏོགས་རབ་ཏུ་བྱུང་བའི་ལུས་རྟེན་དེ་མ་ཐོབ་ན། རང་ཅག་བན་རྒན་ཞིག་གིས་སེར་གོས་ཤིག་གྱོན་ཁྱིམ་ཐབ་ཅན་ཞིག་གི་སྐྱེ་བ་བླངས་སོང་ན། བུ་དང་བུ་མོས་གཡས་སུ་བསྐོར་ཆུང་མས་མདུན་ནས་འཁྱུད་པའི་གནས་སྐབས་ན། མི་གསོ་ཁ་མེད་ཆུང་མའི་འབྲེལ་ཐག མི་སྐྱོང་ཁ་མེད་བུ་ཚའི་འབྲེལ་ཐག་ཡོད་སོང་དུས་ཚེ་འདིར་དཀོར་ནག་ཐལ་བ་འགམ་འགམ་བྱས་ཏེ་རང་གིས་དགེ་བ་རྒྱབ་ཏུ་བསྐྱུར་ནས་རང་དོན་ཙམ་ཡང་མི་འགྲུབ་ན་གཞན་དོན་དེ་བས་ཀྱང་འགྲུབ་ནི་མ་རེད། དེའི་ཕྱིར་ན་ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ་འཆི་འཕོ་སྐྱེ་བ་ཐམས་ཅད་དུ་ནི་རབ་ཏུ་བྱུང་བའི་ལུས་རྟེན་ཚུལ་ཁྲིམས་རྣམ་པར་དག་པ་དགེ་ཚུལ་སློང་གི་སྐྱེ་བ་ལེན་ནུས་པར་གྱུར་ཅིག་བསམས་ནས་སྨོན་ལམ་འདེབས་དགོས་ནི་རེད། གསུམ་པ་སྤྱོད་པ་སྤྱི་དང་ཚུལ་ཁྲིམས་དག་པ་ལ་བསླབ་པ་ནི། རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་པོ་སྤྱོད་པ་ཡོངས་སུ་རྫོགས་བྱེད་ཅིང༌། །ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ཅེས་གསུངས་ཏེ། རབ་ཏུ་བྱུང་བའི་ལུས་རྟེན་ཐོབ་པ་ཙམ་གྱིས་མི་ཆོག་པར་སྤྱིར་རྒྱལ་བ་སྲས་དང་བཅས་པའི་རྗེས་སུ་བསླབས་ནས་སེམས་ཅན་ཐམས་ཅད་ཀྱི་དོན་དུ་ཚུལ་ཁྲིམས་རྣམ་པར་དག་པའི་སྤྱོད་པ་དྲི་མ་མེད་པ་ཟེར་ན་འཁོར་གསུམ་རྣམ་པར་དག་པའི་བདེན་པར་འཛིན་པ་མེད་པ་ཞིག་ལ་ཟེར་ནི་རེད། ས་ཐོབ་ཡིན་ན་གཞན་ལ་གནོད་པ་བྱེད་ནི་མ་རེད། རྒྱལ་སྲས་བྱང་ཆུབ་སེམས་དཔའ་ཞིག་གིས་གཞན་ལ་གནོད་པ་མི་བྱེད་པར་མ་ཟད་གཞན་ལ་ཕན་པ་འབའ་ཞིག་བསྒྲུབ་ནི་རེད། རྒྱལ་སྲས་ཆེན་པོ་ཞི་བ་ལྷས། དངོས་སམ་ཡང་ན་བརྒྱུད་ཀྱང་རུང་། །སེམས་ཅན་དོན་ལས་གཞན་མི་བྱེད། །ཅེས་གསུངས་ནས་སེམས་ཅན་གྱི་དོན་དུ་འགྱུར་རྒྱུ་ཞིག་ཡིན་ན་སྨོས་མ་དགོས་པ་ཡིན། དངོས་སུ་སེམས་ཅན་གྱི་དོན་མ་ཡིན་ཡང་། བརྒྱུད་ནས་སེམས་ཅན་གྱི་དོན་དུ་འགྱུར་རྒྱུ་ཞིག་ཡིན་ན་དེ་ཡང་བསྒྲུབ་ནི་རེད། དེ་ལ་ཚུལ་ཁྲིམས་ཟེར་ནི་རེད། དེ་ནི་སེམས་ཅན་ལ་ཕན་པ་བསྒྲུབ་རྒྱུ་སེམས་ཅན་ལ་གནོད་པ་མི་བྱེད་རྒྱུ་དེ་ཡང་ཚུལ་ཁྲིམས་རྣམ་པར་དག་པ་ཟེར། བྱང་ཆུབ་སེམས་དཔའ་ལ་ཚུལ་ཁྲིམས་གསུམ་ཡོད། ཉེས་སྤྱོད་སྡོམ་པའི་ཚུལ་ཁྲིམས་ནི་གཞན་གནོད་གཞི་དང་བཅས་པ་སྤང་རྒྱུ་དེ་ཡིན། དགེ་བ་ཆོས་སྡུད་ཀྱི་ཚུལ་ཁྲིམས་ནི། ཏིང་ངེ་འཛིན་ལ་སོགས་པའི་ལམ་གྱི་རིམ་པ་ལ་སློབ་པར་བྱེད་པ་དེ་རེད། སེམས་ཅན་དོན་བྱེད་ཀྱི་ཚུལ་ཁྲིམས་ནི། དངོས་སུ་བསྡུ་དངོས་བཞི་ལ་སོགས་པའི་སྒོ་ནས་སེམས་ཅན་གྱི་དོན་མཛད་པ་དེ་རེད། མདོར་བསྡུས་ན་རྒྱལ་སྲས་བྱང་ཆུབ་སེམས་དཔའི་ཚུལ་ཁྲིམས་ཐམས་ཅད་ནི་གཞན་དོན་བསྒྲུབ་པའི་ནང་དུ་མ་འདུས་པ་ཞིག་མེད། དེའི་ཕྱིར་ན་རྒྱལ་བ་སྲས་དང་བཅས་པ་ཐམས་ཅད་ཀྱི་རྗེས་སུ་བསླབས་ནས་བདག་ཚུལ་ཁྲིམས་རྣམ་པར་དག་པའི་དགེ་ཚུལ་སློང་གཙང་མ་བྱང་ཆུབ་སེམས་དཔའི་སྡོམ་པ་དང་ལྡན་པ་སེམས་ཅན་ཐམས་ཅད་ལ་ཕན་པ་སྒྲུབ་པ་ཞིག་གི་སྐྱེ་བ་ལེན་ནུས་པར་ཤོག་ཅིག་ཅེས་སྨོན་ལམ་བཏབ་ན་དེ་ཡང་ས་དང་པོ་ཡན་ཆད་ཀྱི་སྨོན་ལམ་རེད། བཞི་པ་སྐད་སྣ་ཚོགས་ཀྱིས་ཆོས་སྟོན་པ་ནི། ལྷ་ཡི་སྐད་དང་ཀླུ་དང་གནོད་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང༌། །འགྲོ་བ་ཀུན་གྱི་སྒྲ་རྣམས་ཇི་ཙམ་པར། །ཐམས་ཅད་སྐད་དུ་བདག་གིས་ཆོས་བསྟན་ཏོ། །ཞེས་གསུངས་པའི་དོན་ནི། ས་དང་པོ་ཡན་ཆད་ཀྱི་ཡིན་པའི་ངེས་པ་མེད། ནམ་མཁའ་མ་སྟོང་གི་བར་དུ་འགྲོ་བ་བྱ་ལ་བྱ་ཡི་སྐད་དང་། རི་དྭགས་ལ་རི་དྭགས་ཀྱི་སྐད་དང་ལྷ་ལ་ལྷ་ཡི་སྐད་དང་། ཀླུ་ལ་ཀླུ་ཡི་སྐད་དང༌། མི་ལ་མི་ཡི་སྐད་དང༌། གནོད་སྦྱིན་ལ་གནོད་སྦྱིན་གྱི་སྐད་དང༌། རང་རང་སོ་སོའི་སྐད་ཀྱིས་རང་རང་སོ་སོའི་བློ་ཡི་རིམ་པ་དང་མཐུན་པའི་རང་རང་སོ་སོའི་མོས་པའི་ཆོས་སྟོན་ནུས་པའི་སྨོན་ལམ་བཏབ་ནི་རེད། སེམས་ཅན་ཐམས་ཅད་གང་ལ་གང་འདུལ་གྱིས་ཆོས་སྟོན་ཐུབ་དགོས་མ་གཏོགས་རང་ཅག་གི་སྐད་རྐྱང་པ་ཞིག་གིས་ཆོས་བཤད་དགོས་ན་མཐའ་ཡས་པའི་སེམས་ཅན་ཐམས་ཅད་ཀྱི་དོན་སྒྲུབ་ཐུབ་ནི་མ་རེད། དེའི་ཕྱིར་ན་ཁྭ་ཏ་ལ་ཁྭ་ཏའི་སྐད་ཀྱིས་ཆོས་བཤད་ནུས་པར་ཤོག་ཅིག་གསུངས་ནི་རེད། ངེད་ཅག་བླ་རུང་སྒར་ནའང་ཁྭ་ཏ་ངོ་མཚར་ཅན་མང་པོ་ཡོད། བྱང་ཆུབ་སེམས་དཔའི་སྤྲུལ་བ་རེ་ཡིན་ཤས་ཆེ། རྒྱུན་དུ་ཀུན་དགའ་ར་བའི་ཁ་སྐོར་ན་ཨོཾ་ཨཱཿཧཱུྃ། ཨོཾ་ཨཱཿཧཱུཾ། ༀ་ཨཱཿཧཱུཾ། ཞེས་ཟེར་ནས་རྒྱུན་དུ་གྲག་གིན་འདུག གྲུབ་ཆེན་རིན་པོ་ཆེས། ཨ་ཝ་ཀོ་ཝ་ལ་སོགས་ལེགས་སྦྱར་སྐད། །ཅེས་སོགས་ཁྭ་ཏའི་བསྟོད་པའི་ནང་དུ་གསུངས་ཡོད། ཨ་ཝ་དང་ཨ་ལི་ཀ་ལིའི་དབྱངས་སྙན་སྒྲོག་དུས་ངོ་མ་བྱང་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུ་། ཆུབ་སེམས་དཔའི་སྤྲུལ་པ་ཞིག་ཡིན་འདུག བྱ་རིགས་རྣམས་ལ་ཨ་ཝ་ཀོ་ཝའི་སྒྲ་གདངས་ཀྱིས་ཆོས་འཆད་བཞིན་ཡོད་ནའང་ཐང༌། སྐྱེ་བ་ཚེ་རབས་ཀྱི་བར་དུ་དེ་ལྟ་བུའི་རྣམ་པ་སྣ་ཚོགས་ཀྱིས་སེམས་ཅན་ཐམས་ཅད་ལ་ཆོས་སྟོན་ནུས་པར་ཤོག་ཅིག་བསམས་ནས་སྨོན་ལམ་གདབ་དགོས་ནི་རེད། ལྔ་པ་དགེ་བ་ལ་བརྩོན་པ་ནི། དེས་ཤིང་ཕ་རོལ་ཕྱིན་ལ་རབ་བརྩོན་ཏེ། །ཞེས་གསུངས་ཏེ། དེས་ཤིང་ནི་རང་རྒྱུད་ཞི་ཞིང་དུལ་བའི་བྱང་ཆུབ་སེམས་དཔའ་ཞིག་ལ་ཟེར་ནི་རེད། བྱང་ཆུབ་སེམས་དཔའི་སྤྱོད་ལམ་ནི། ཞི་ཞིང་དུལ་བ་གཞན་ལ་གནོད་པ་མེད་པའི་སྒོ་ནས་ཕ་རོལ་ཏུ་ཕྱིན་པ་དྲུག་ལ་སློབ་པར་བྱེད་དེ། སྦྱིན་པ་སྦྱིན། ཚུལ་ཁྲིམས་སྲུང་། བཟོད་པ་བསྒོམ། བརྩོན་འགྲུས་རྩོམ། བསམ་གཏན་གྱི་དོན་ལ་མཉམ་པར་བཞག ཐོས་བསམ་སྒོམ་པའི་ཤེས་རབ་ཀྱི་ལམ་ཡང་དག་པ་ཉམས་སུ་ལེན་རྒྱུ་དེ་རེད། དེ་ལྟ་བུའི་ཕ་རོལ་ཏུ་ཕྱིན་པ་ཐོབ་པར་གྱུར་ཅིག་གསུངས་ནི་རེད། དྲུག་པ་རྒྱུ་ལྔ་པོ་དེས་བྱང་ཆུབ་ཀྱི་སེམས་མི་བརྗེད་པ་ནི། བྱང་ཆུབ་སེམས་ནི་ནམ་ཡང་བརྗེད་མ་གྱུར། །ཅེས་གསུངས་ཏེ། རྒྱུ་ལྔ་པོ་དེ་ཡོད་ན་བྱང་ཆུབ་ཀྱི་སེམས་རྒྱུད་ལ་སྐྱེ་ནི་རེད། རྒྱུ་ལྔ་པོ་མེད་ན་བྱང་ཆུབ་ཀྱི་སེམས་རྒྱུད་ལ་སྐྱེ་ཡང་དཀའ། གལ་ཏེ་སྐྱེ་ཡང་ཉམས་པར་འགྱུར་ནི་རེད། དེས་ན་ད་ལྟ་ཚེ་རབས་མ་དྲན་ན་བྱང་ཆུབ་སེམས་ཉམས་པར་འགྱུར་བ་དང༌། རབ་ཏུ་མ་བྱུང་བ་དང་ཚུལ་ཁྲིམས་རྣམ་པར་མ་དག་ན་བྱང་ཆུབ་ཀྱི་སེམས་རྒྱུད་ལ་མི་སྐྱེ་བ་དང༌། འགྲོ་བ་སེམས་ཅན་ཐམས་ཅད་ལ་རང་རང་སོ་སོའི་སྐད་ཀྱིས་ཆོས་སྟོན་མ་ནུས་པ་དང་དགེ་བ་ལ་བརྩོན་མ་ནུས་ན་བྱང་ཆུབ་སེམས་དཔའི་ལམ་ལ་སློབ་པར་མི་ནུས། དེའི་ཕྱིར་ན་དེ་ལྔ་པོ་ཡོད་ན་བྱང་ཆུབ་ཀྱི་སེམས་རྒྱུད་ལ་སྐྱེ་ནི་རེད། བྱང་ཆུབ་ཀྱི་སེམས་རིན་པོ་ཆེ་འདི་ནི་ནམ་ཡང་བརྗེད་པར་མ་གྱུར་ཅིག་ཅེས་གསུངས་ནི་རེད། བྱང་ཆུབ་ཀྱི་སེམས་ཟེར་རྒྱུ་དེ་གང་འདྲ་ཞིག་ཡིན་སྙམ་ན། མཐའ་ཡས་པའི་སེམས་ཅན་ཐམས་ཅད་སངས་རྒྱས་ཀྱི་ས་ལ་ངས་འགོད་པར་བྱ། ངས་འགོད་ཐུབ་པ་ཞིག་བྱེད་བསམ་རྒྱུའི་དམ་བཅའ་བྱེད་རྒྱུ་དེ་སྨོན་པ་སེམས་བསྐྱེད་རེད། མཐའ་ཡས་པའི་སེམས་ཅན་ཐམས་ཅད་སངས་རྒྱས་ཀྱི་ས་ཐོབ་པའི་ཆེད་དུ་ངས་དགེ་བ་བསྒྲུབ་སྡིག་པ་སྤང་བསམས་ནས་རང་ནུས་གང་ལྕོགས་ཀྱིས་སྒྲུབ་པར་བྱེད་པ་ནི་འཇུག་པ་སེམས་བསྐྱེད་ཅེས་བྱ། བྱང་ཆུབ་ཀྱི་སེམས་མི་ཉམས་པར་བྱ་བའི་ཕྱིར་དུ་ཉིན་ལན་གསུམ། མཚན་ལན་གསུམ་རང་རྒྱུད་ལ་ངེས་པར་དུ་བྱང་ཆུབ་ཀྱི་སེམས་ལེན་དགོས་གསུངས་ཏེ། སྤྱོད་ཡུལ་ཡོངས་སུ་དག་པའི་མདོ་སྡེ་དང་། སྨིན་གླིང་ལོ་ཆེན་གྱི་སྡོམ་གསུམ་དཔག་བསམ་སྙེ་མ་སོགས་ཀྱི་སྐབས་ན་ཡང་གསུངས་ཡོད། བདུན་པ་འགལ་རྐྱེན་བྲལ་བར་སྨོན་པ་ནི། སྡིག་པ་གང་རྣམས་སྒྲིབ་པར་གྱུར་པ་དག །དེ་དག་མ་ལུས་ཡོངས་སུ་བྱང་བར་ཤོག །ཅེས་སྲོག་གཅོད་པ་ལ་སོགས་པའི་སྡིག་པ་དང་སྒྲིབ་པར་གྱུར་པ་དེ་དག་ཐམས་ཅད་ཡོངས་སུ་དག་ཅིང་བྱང་བར་གྱུར་ཅིག་ཅེས་སྨོན་ལམ་བཏབ་ནི་རེད། རང་གི་རྒྱུད་ལ་བྱང་ཆུབ་ཀྱི་སེམས་སྐྱེ་བར་ཤོག་ཅིག རང་གཞན་གྱི་རྒྱུད་ལ་བྱང་ཆུབ་ཀྱི་སེམས་སྐྱེ་བའི་གེགས་སུ་སྡིག་པ་དང་སྒྲིབ་པ་ཐམས་ཅད་ཡོངས་སུ་དག་པར་གྱུར་ཅིག་ཅེས་བསམ་པ་ཙམ་གྱིས་ཆོགསྤྱི་དོན་གསུམ་པ། མ་གོས་པའི་སྤྱོད་པའམ་མ་ཆགས་པའི་སྒོ་ནས་སྨོན་པ་ནི། ལས་དང་ཉོན་མོངས་བདུད་ཀྱི་ལས་རྣམས་ལས། །གྲོལ་ཞིང་འཇིག་རྟེན་འགྲོ་བ་རྣམས་སུ་ཡང༌། །ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོགས་པ་མེད་ལྟར་སྤྱད། ཅེས་གསུངས་ཏེ། མ་གོས་པའི་སྤྱོད་པ་ནི་སེམས་ཅན་གྱི་དོན་བསྒྲུབ་པའི་གནས་སྐབས་ན། སྐྱོན་གྱིས་མ་གོས་པ་ཞིག་དགོས་ནི་རེད། དེ་གང་ཡིན་ཞེ་ན། འོག་ཏུ། ལས་ཀྱི་སྟོབས་རྣམས་ཡོངས་སུ་དགབྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞེས་སོགས་ཀྱི་སྐབས་སུ་རྒྱས་པར་བཤད་པ་མ་གཏོགས་འདི་གཉིས་ནང་དོན་གཅིག་ཡིན་པས་དེ་ལྟར་ཤེས་དགོས། སྔོན་ཆད་ངེད་ཅག་གིས་རྒྱ་གར་རྡོ་རྗེ་གདན་གྱི་མཆོད་རྟེན་ལ་བསྐོར་བའི་གནས་སྐབས་ཉིན་ཁ་ཤས་ཀྱི་རིང་ལ། ཉིན་མཚན་བར་མེད་དུ་སྨོན་ལམ་གདབ་རྒྱུའི་གཙོ་བོ། ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞེས་སྨོན་ལམ་འདི་བཏབ་ནི་ཡིན། དེས་ན་ལས་དང་ཉོན་མོངས་པའི་སྐྱོན་གྱིས་གོས་ཉན་ནི་མ་རེད། ལས་ཀྱི་སྐྱོན་ནི། སྲོག་གཅོད་པ་དང༌། མ་བྱིན་ལེན་པ་དང༌། འདོད་པའི་ལོག་པར་གཡེམ་པ་སོགས་མདོར་ན་མི་དགེ་བ་བསག་རྒྱུ་དེ་ལས་ཡིན། དེ་ལྟ་བུའི་ལས་ཀྱིས་ཡོངས་སུ་མ་གོས་པར་གྱུར་ཅིག ཉོན་མོངས་པ་རང་གི་རྒྱུད་ལ་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་ལ་སོགས་པ་ཉོན་མོངས་དེ་དག་གིས་མ་གོས་པར་གྱུར་ཅིག་ཅེས་གསུངས། བདུད་རྒྱུད་ལ་ཞུགས་ན་སངས་རྒྱས་ལ་མི་དགའ། ཆོས་ལ་མི་དགའ། དགེ་འདུན་ལ་མི་དགའ། དཀོན་མཆོག་གསུམ་ལ་རྒྱབ་ཀྱིས་ཕྱོགས་ཤིང་། གྲོགས་ངན་པ་ལ་དགའ། བཟང་པོའི་སྤྱོད་པ་ལ་མི་སྤྲོ་བ་དེ་རྣམས་ནི་བདུད་ཀྱི་ལས་རེད། དེ་དག་ཐམས་ཅད་ཀྱིས་མི་གོས་པར་གྱུར་ཅིག་གསུངས་ནི་རེད། རང་དོན་གྱི་སྒོ་ནས་ཇི་ལྟར་པདྨོ་ཆུས་མི་ཆགས་པ་བཞིན་དང༌། གཞན་དོན་དུ་ཉི་ཟླ་ནམ་མཁར་ཐོགས་པ་མེད་ལྟར་སྤྱད་གསུངས་ནི་རེད། རང་དོན་དེ་ཇི་འདྲ་ཞིག་ཡིན་ཟེར་ན། རང་འཁོར་བ་ན་གནས་ནས་སེམས་ཅན་གྱི་དོན་མཛད་པའི་གནས་སྐབས་སུ་གང་ལ་གང་འདུལ་གྱིས་འགྲོ་དོན་མཛད་ནི་རེད། སྨད་འཚོང་མ་དང་། ཤན་པ་གདོལ་བ། གཡོག་པོ་སྡུག་སྤྱོད་ཅན་ཕལ་བས་འགྲོ་དོན་མཛད་པའི་གནས་སྐབས་ན། རང་གི་རྒྱུད་ལ་ལས་དང་ཉོན་མོངས་པ་དང་། བདུད་ཀྱིས་མ་གོས་པ། དཔེར་ན། པདྨོ་འདམ་ལས་སྐྱེས་ཀྱང་འདམ་གྱིས་མ་གོས་ཤིང་ཆུ་ལས་སྐྱེས་ཀྱང་ཆུ་ཡིས་མ་གོས་པ་ལྟ་བུ་རང་རྒྱུད་སྐྱོན་གྱིས་མ་གོས་པར་ཤོག་ཅིག དེ་ནི་བདག་དོན་དུ་སྨོན་པ་རེད། དེ་ནས་ཉི་ཟླ་གཉིས་ནམ་མཁའི་ཁམས་སུ་བསྐྱོད་པའི་གནས་སྐབས་ན་རླུང་དང་སྤྲིན་དང་གཞན་འབྱུང་བ་གང་གིས་ཀྱང་འགོག་མི་ནུས་པར་རང་ཤུགས་ཀྱིས་འགྲོ་བ་ལྟར། རང་གིས་གཞན་དོན་སྒྲུབ་པར་བྱེད་པ་ལ་གང་གིས་ཀྱང་གེགས་བྱེད་མི་ནུས་པ་དང༌། རང་གིས་གཞན་སེམས་ཅན་ཐམས་ཅད་ཀྱི་དོན་མཛད་པ་ལ་ཆགས་ཐོགས་མེད་པ་ཞིག་ཏུ་འགྱུར་བར་ཤོག་ཅིག་ཅེས་གསུངས་ནས་སྨོན་ལམ་བཏབ་ནི་རེད། མཁས་པ་སྔ་མའི་གསུངས་པ་དེ་ཚུལ་བཞིན་མི་དྲན་ཡང་ཕལ་ཆེར་ཚིག་དོན་འདི་ལྟར་ཡིན་སྙམ་མོ། །སྤྱིར་ན་བཟང་སྤྱོད་ཀྱི་འགྲེལ་བ་ཐམས་ཅད་ཀྱི་ནང་ན་བཟང་ཤོས་རྒྱས་ཤོས་ཤིག་ཇོ་ནང་ཀུན་མཁྱེན་ཏ་ར་ནཱ་ཐས་གསུངས་པ་དེ་རེད། སྔོན་ཆད་ང་ལྕང་མ་རི་ཁྲོད་དུ་མ་སོང་གོང་དུ་ལན་གཅིག་མཇལ་མྱོང་ཡང་ད་ལྟ་སྣང་ལ་མ་ངེས་པ་ཉིད་དུ་གྱུར་འདུག་པས་ཅི་ཡང་མི་དྲན། དེ་མ་གཏོགས་བཟང་སྤྱོད་ཀྱི་འགྲེལ་བ་རྒྱས་པ་ཞིག་མཇལ་མ་མྱོང་། དེས་ན་རང་བཟོ་བྱས་ཏེ་འགྲེལ་བ་མ་གཏོགས་སྨིན་གླིང་ལོ་ཆེན་སོགས་ཀྱིས་སྤྲོས་མེད་བྱས་ཏེ་འགྲེལ་ཡོད་པས་གང་ཡིན་གསལ་བོར་ཐག་མི་ཆོད་ཀྱང་ཧ་ལམ་འདི་ལྟར་འགྲེལ་ན་སྟོན་པ་བཅོམ་ལྡན་འདས་ཀྱི་གསུང་དང་མཐུན་པས་དེས་ཆོག་གམ་སྙམ། ངེད་ཅག་རྒྱ་ནག་རི་བོ་རྩེ་ལྔར་བོད་རིགས་ཁྲི་ཕྲག་གཅིག་དང་མཉམ་དུ་བཟང་སྤྱོད་སྨོན་ལམ་ཉིན་དང་པོ་འདོན་པའི་གནས་སྐབས་ན། ཆོས་རྒྱལ་མྱ་ངན་མེད་པས་སྔོན་སྨོན་ལམ་གྱི་སྟོབས་ཀྱིས་དེ་བཞིན་གཤེགས་པའི་དྲུང་དུ་ཕེབས་པ་རེད། མ་འོངས་པར་གནོད་སྦྱིན་རྣམས་འཁོར་སའི་གནས་ཤིག་ཏུ་མཆོད་རྟེན་བྱེ་བ་གཅིག་བཞེངས་ནི་རེད། དེའི་མཆོད་རྟེན་བྱེ་བ་གཅིག་གི་ནང་གི་གཅིག་འདི་རེད། དེའི་དྲུང་དུ་སྨོན་ལམ་འདེབས་དུས་དགེ་འདུན་པ་ཚང་མ་འཚོགས་ཡོད། དེའི་སྐབས་སུ་ང་རང་ཐོན་པ་དང་མཉམ་དུ་དགེ་འདུན་པ་ཚང་མ་གདན་ལས་བཞེངས་ཀྱང་། འདོན་པ་ཁ་ནས་མ་ཆད་པར་ངའི་རྐང་པ་ཁྲི་སྟེང་ལ་འཇོག་དུས་ཇི་ལྟར་པདྨོ་ཆུས་མི་ཆགས་པ་བཞིན་གསུངས། ང་རང་ཁྲི་སྟེང་དུ་འདུག་དུས་ཉི་ཟླ་ནམ་མཁར་ཐོགས་པ་མེད་ལྟར་སྤྱད་ཅེས་གསུངས་པ་དང་འཕྲད། ངས་ཀྱང་དེ་ལྟ་བུ་ཞིག་ཆེད་དུ་བསྒྲིགས་པ་མིན། དགེ་འདུན་པ་རྣམས་ཀྱིས་ཀྱང་ཆེད་དུ་བསྒྲིགས་པ་མིན་ཡང་རྟེན་འབྲེལ་ཧ་ཅང་ལེགས་པོ་ཞིག་འགྲིག་སོང་བས་དགའ་ཞིང་སྐྱིད་པའི་ངང་ནས་བྱང་ཆུབ་མཆོག་ཏུ་སེམས་བསྐྱེད་པའི་ཐོག་མའང་དེ་ཡིན། ང་རང་གི་ལུས་རྟེན་འདི་ལ་ཡང་བསྟན་པ་དང་སེམས་ཅན་གྱི་དོན་རྒྱ་ཆེན་པོ་ཞིག་འགྲུབ་རྒྱུ་རེད་བསམ། དེ་ལ་བར་ཆད་ཆེན་པོ་ཡོད་རྒྱུ་མ་རེད་བསམས་ནས་དགའ་སྤྲོ་ཆེན་པོ་ཞིག་སྐྱེས་བྱུང་། རྟེན་འབྲེལ་ཐོག་མ་ཡང་དེའི་སྐབས་སུ་འགྲིག དེ་ཚུན་ཆོད་བསྟན་པ་དག་སྒྲིག་བྱེད་པ་སོགས་ཀྱི་སྐབས་སུ་ཡང་འགལ་རྐྱེན་མང་པོ་ཞིག་ལྡང་ཡང་གང་གིས་ཀྱང་མ་གོས་པ་དེ་ཡང་དེའི་སྟོབས་ཀྱིས་ཡིན། སྤྲུལ་སྐུ་བསྟན་འཛིན་རྒྱ་མཚོས་རི་བོ་རྩེ་ལྔ་ལ་འགྲོ་བའི་རྟོགས་བརྗོད་ཀྱི་སྐབས་སུ་རྒྱས་པར་གསུངས་ཡོད་པ་ལྟར་རོ། །སྔར་ཡང་རྟེན་འབྲེལ་བཟང་པོ་འགྲིག་ནི་ཡིན། ད་ལྟའི་གནས་སྐབས་ན་ཡང་ཧ་ཅང་སྐལ་བ་བཟང་པོ་ཞིག་རེད། ངེད་ཅག་གིས་སྐྱེ་བ་ཚེ་རབས་ཀུན་ཏུ་ཇི་ལྟར་པདྨོ་ཆུས་མི་ཆགས་པ་བཞིན་ཉི་ཟླ་ནམ་མཁར་ཐོགས་པ་མེད་ལྟར་སྤྱད་ཅེས་པ་ལྟ་བུའི་འགྲོ་དོན་རྒྱ་ཆེན་པོ་འབྱུང་རྒྱུའི་རྟེན་འབྲེལ་སྔར་ཡང་འགྲིག་ནི་རེད། ད་ལྟ་ཡང་འགྲིག་པར་ཁྱེད་རྣམ་པས་ཀྱང་སྨོན་ལམ་ཡང་ཡང་ཐོབ། མཐུན་འགྱུར་ཡང་གནོངས། སྤྱི་དོན་བཞི་བ་ཕན་བདེ་ལ་འགོད་པར་སྨོན་པ་ནི། ཞིང་གི་ཁྱོན་དང་ཕྱོགས་རྣམས་ཅི་ཙམ་པར། །ངན་སོང་སྡུག་བསྔལ་རབ་ཏུ་ཞི་བར་བྱེད། །བདེ་བ་དག་ལ་འགྲོ་བ་ཀུན་འགོད་ཅིང༌། །འགྲོ་བ་ཐམས་ཅད་ལ་ནི་ཕན་པར་སྤྱད། །ཅེས་གསུངས་ཏེ། མི་མཇེད་འཇིག་རྟེན་གྱི་ཁམས་དང་མདོ་སྡེ་དྲན་པ་ཉེར་བཞག་ལ་སོགས་པས་རགས་བསྡུས་ཀྱི་སྒོ་ནས་གསུངས་པའི་ཚ་དམྱལ་བརྒྱད་གྲངས་དམྱལ་བརྒྱད་ཉི་ཚེ་ཉེ་འཁོར་ཏེ། དམྱལ་ཁམས་བཅོ་བརྒྱད་ཅེས་བཤད་ཀྱང༌། སྤྱིར་དམྱལ་བ་ཞེས་གྲངས་གཞལ་དུ་མེད་པ། དཔག་ཏུ་མེད་པ་ཞིག་རེད། སྔོན་ཆད་ཤུག་ཆུང་མཁའ་འགྲོ་མའི་གསུང་ལས། དམྱལ་བ་ཟེར་རྒྱུ་དེ་ནི། ཡང་སོས་ཐིག་ནག་ཟེར་རྒྱུ་ཅི་ཡང་མེད་པར་གྲངས་གཞལ་དུ་མེད་པ་ཞིག་རེད་ཅེས་གསུངས་པ་དེ་བདེན་པ་རེད། གོང་དུ་བཤད་པ་ནི་དམྱལ་བའི་སྡུག་བསྔལ་གྱི་རིགས་ཙམ་བསྡུས་ཏེ་བཅོམ་ལྡན་འདས་ཀྱིས་སྤྱི་ཁྱབ་ཀྱི་དབང་དུ་བྱས་ཏེ་གསུངས་པ་ཙམ་རེད་མ་གཏོགས་མཐའ་གཅིག་ཏུ་ངེས་པ་མེད། དེ་ལྟ་བུའི་དམྱལ་བ་འམ། ཡི་དྭགས་དང་། དུད་འགྲོ་ལ་སོགས་པ་གྲངས་མེད་པ་རེད། མདོར་ན་ཕྱོགས་བཅུའི་ཞིང་རབ་འབྱམས་ན་ཡོད་པའི་ངན་སོང་གི་སྡུག་བསྔལ་ཐམས་ཅད་རབ་ཏུ་ཞི་བར་ཤོག་ཅིག་ཅེས་གསུངས་ནི་རེད། བདེ་བ་ཐོབ་པར་བྱ་བའི་ཕྱིར་དུ་བདག་གིས་སེམས་ཅན་གྱི་དོན་ལ་བརྩོན་པར་ཤོག་ཅིག་ཕན་ཐོགས་པར་བྱ་བའི་ཕྱིར་དུ་བདག་གིས་ལམ་ལྷག་པའི་བསླབ་པ་གསུམ་གྱི་ལམ་ལ་སློབ་ནུས་པར་ཤོག་ཅིག་གསུངས་ཏེ། གནས་སྐབས་ཀྱི་བདེ་བ་དང་མཐར་ཐུག་སངས་རྒྱས་ཀྱི་ས་ལ་འགོད་པར་གྱུར་ཅིག དེར་དགོད་པར་བྱ་བའི་ཕྱིར་དུ་བདག་གིས་ཀྱང་དེ་ལྟ་བུའི་སྤྱོད་པ་ལ་སྤྱོད་ནུས་པར་ཤོག་ཅིགསྤྱི་དོན་ལྔ་བ་གོ་ཆ་བགོ་བའི་སྒོ་ནས་སྨོན་པ་ནི། བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང༌། །སེམས་ཅན་དག་གི་སྤྱོད་དང་མཐུན་པར་འཇུག །བཟང་པོ་སྤྱོད་པ་དག་ནི་རབ་སྟོན་ཅིང་། །མ་འོངས་བསྐལ་པ་ཀུན་ཏུ་སྤྱོད་པར་གྱུར། །ཅེས་གསུངས་ཏེ། གོ་ཆ་ཞེས་པ་ནི་སྙིང་སྟོབས་ཆེན་པོ་ལ་ཟེར་བ་ཡིན། རང་གི་བྱང་ཆུབ་སྤྱོད་པ་མ་ལུས་པ་རྫོགས། དེ་ནས་སེམས་ཅན་དག་གི་སྤྱོད་པ་དང་མཐུན་པར་འཇུག་སེམས་ཅན་དག་གི་སྤྱོད་པ་དང་མ་མཐུན་ན། ངེད་ཅག་གིས་མིའི་ལུས་རྟེན་གྱི་སྟེང་ནས་བྱ་ཞིག་ལ་ཆོས་བཤད་དགོས་ན་བྱ་ཐམས་ཅད་འུར་རྡོས་སྒྲོག་པ་བཞིན་དུ་བྲོས་འགྲོ་ངེས་ཅན་ཡིན། བྱ་ལ་བྱ་ཉིད་དུ་སྤྲུལ། རི་དྭགས་ལ་རི་དྭགས་ཉིད་དུ་སྤྲུལ་ནས་རང་གི་སྤྱོད་པ་རྫོགས། གཞན་གྱི་སྤྱོད་པ་དང་མཐུན་དགོས་ནི་རེད། སྤྱོད་པ་དང་མ་མཐུན་ན་དཔེར་ན། ཐེག་པ་ཆེན་པོའི་ཆོས་བཤད་དུས་ཐེག་དམན་གྱི་ལུང་དྲངས་མི་ཉན་མ་གཏོགས་གཉིས་ཀ་བྱང་ཆུབ་སེམས་དཔའི་རྩ་ལྟུང་ཡིན་ཚུལ་འདྲ་བ་རེད། མདོར་ན་སེམས་ཅན་ཐམས་ཅད་ཀྱི་བསམ་སྤྱོད་དང་མཐུན། སེམས་ཅན་ཐམས་ཅད་ལ་གང་ལ་གང་འདུལ་གྱིས་ཆོས་སྟོན། རང་གིས་བཟང་པོ་སྤྱོད་པ་འདི་ལ་སྤྱད། སེམས་ཅན་ཐམས་ཅད་བཟང་པོ་སྤྱོད་པ་ལ་སྤྱད་དུ་བཅུག་ནས། ཚུལ་ཁྲིམས་བསྲུང་། ཏིང་འཛིན་བསྒོམ། བདག་མེད་རྟོགས་པའི་ཤེས་རབ་རྣམས་ཀྱི་ནང་དུ་མ་འདུས་པ་མེད། དེ་ལ་འཇུག་ནུས་པར་ཤོག་ཅིག་གསུངས་ནི་རེད། སྤྱི་དོན་དྲུག་པ། སྐལ་མཉམ་གྱི་གྲོགས་དང་འགྲོག་པར་སྨོན་པ་ནི། བདག་གི་སྤྱོད་དང་མཚུངས་པར་གང་སྤྱོད་པ། །དེ་དག་དང་ནི་རྟག་ཏུ་འགྲོག་པར་ཤོག །ལུས་དང་ངག་རྣམས་དང་ནི་སེམས་ཀྱིས་ཀྱང་། །སྤྱོད་པ་དག་དང་སྨོན་ལམ་གཅིག་ཏུ་སྤྱད། །ཅེས་གསུངས་ནས་བདག་གི་བསམ་པ་བཟང་པོ་ནི་བྱང་ཆུབ་ཀྱི་སེམས་རེད། སྤྱོད་པ་བཟང་པོ་ནི་གཞན་ཕན་བྱེད་པ་རེད། དེ་ལྟ་བུའི་སྤྱོད་པ་དང་མཐུན་པའི་གང་ཟག་ཐམས་ཅད་ལ་བདག་དུས་རྟག་ཏུ་འབྲལ་བ་མེད་པར་འགྲོག་པར་ཤོག་ཅིག་ཅེས་སྐལ་མཉམ་གྱི་གྲོགས་དང་འགྲོག་པར་སྨོན་པའོ། །གྲོགས་ངན་རྣམས་ཀྱི་དབང་དུ་འགྲོ་ཉན་ནི་མ་རེད། ས་དང་པོ་རབ་ཏུ་དགའ་བ་མ་ཐོབ་ཀྱི་བར་དུ་གྲོགས་བཟང་པོ་དང་འགྲོགས་ན་བཟང་པོར་འགྱུར་རྒྱུ་རེད། གྲོགས་ངན་པ་དང་འགྲོགས་ན་ངན་པར་འགྱུར་རྒྱུ་རེད། དེས་ན་ས་དང་པོ་ཐོབ་པ་ནས་བཟུང་སྟེ། སྤྱོད་པ་འདི་འདྲའི་གནས་སྤྱད་ན། །སྐྱེ་བོ་ཡོངས་ཀྱི་ཁྲོད་གནས་སམ། །བུད་མེད་ཁྲོད་ན་གནས་ཀྱང་རུང་། །སྡོམ་བཙུན་དམ་པ་ཉམས་མི་འགྱུར། །ཞེས་གསུངས་ཏེ། གཞན་དབང་དུ་འགྱུར་རྒྱུ་མ་རེད། དེ་མིན་ན་གྲོགས་བཟང་པོ་ལ་སྨོན་ལམ་འདེབས་དགོས་ནི་རེད། དུས་རྒྱུན་དུ་གྲོགས་བཟང་པོ་བཙལ་དགོས་ནི་རེད། གྲོགས་བཟང་པོ་ནི་མཆེད་གྲོགས་བཟང་པོ་རེད། ལུས་ཀྱི་སྒོ་དང་ངག་གི་སྒོ་དང་ཡིད་ཀྱི་སྒོ་ནས་ཀྱང་སྤྱོད་པ་གྲོགས་བཟང་པོ་ཐམས་ཅད་དང་ལྷན་ཅིག་ཏུ་འགྲོག་པར་སེམས་ཀྱིས་ཀྱང་སྨོན། ངག་གིས་ཀྱང་དེ་ལྟ་བུའི་སྨོན་ཚིག་བརྗོད། ལུས་ཀྱིས་ཀྱང་དེ་ལྟ་བུ་སྨོན་པའི་སྤྱོད་པ་ལ་འཇུག་ནུས་པར་ཤོག་ཅིག དཔེར་ན། ད་ངེད་ཅག་གིས་བཟང་སྤྱོད་དུང་སྒྲུབ་ཆེན་མོ་དང་། གར་དབང་རིག་འཛིན་འབུམ་ཚོགས་ཆེན་མོ་སོགས་ཆོས་ཀྱི་མཛད་སྒོ་རྒྱ་ཆེན་པོ་དགེ་འདུན་པའི་སྡེ་གྲངས་མང་པོ་འདི་ལྟ་བུ་དང་དུས་རྒྱུན་དུ་འཕྲད་པར་ཤོག་ཅིག འཕྲད་པ་ཙམ་གྱིས་མི་ཆོག་པར་དེ་དག་ཐམས་ཅད་དང་ལྟ་སྤྱོད་མཐུན་པའི་སྤྱོད་པ་བཟང་པོ་ལ་འཇུག་པར་གྱུར་ཅིག འཇུག་པ་ཙམ་གྱིས་མི་ཆོག་པར་འཇུག་པའི་འབྲས་བུ་ཡང་མཐར་ཕྱིན་པར་ཤོག་ཅིག་གསུངས་ཏེ། དེ་ལྟ་བུའི་གྲོགས་བཟང་པོ་དང་འཕྲད་པར་སྨོན་ལམ་འདེབས་དགོས་ནི་རེད། སྔོན་ཆད་ང་རང་རྒྱ་གར་ལ་འགྲོ་དུས་གོང་ས་སྐྱབས་མགོན་ཆེན་པོ་ལ། ཁྱེད་དང་ང་གཉིས་ཚེ་རབས་ཕྲེང་བ་རུ། །སྨོན་ལམ་ལས་ཀྱིས་འབྲེལ་ལ་གློ་བ་དགའ། །ད་དུང་དུ་ཡང་བྱང་ཆུབ་སྙིང་པོའི་བར། །བཟང་པོ་སྤྱོད་ལ་མཉམ་དུ་འཇུག་པར་སྨོན། །ཟེར་རྒྱུའི་ནང་དོན་ལྟར་རེད། ངེད་ཅག་ཚང་མས་ཀྱང་བྱང་ཆུབ་སྙིང་པོའི་བར་དུ་བཟང་པོ་སྤྱོད་པ་ལ་སྤྱོད་ནས་གྲོགས་བཟང་པོ་དང་མཉམ་དུ་འགྲོག་པར་སྨོན་ལམ་འདེབས་ནི་རེད། སྤྱི་དོན་བདུན་པ་དགེ་བའི་བཤེས་གཉེན་བསྟེན་ཅིང་མཉེས་པར་བྱེད་པ་ནི། བདག་ལ་ཕན་པར་འདོད་པའི་གྲོགས་པོ་དག །བཟང་པོ་སྤྱོད་པ་རབ་ཏུ་སྟོན་པ་རྣམས། །དེ་དག་དང་ཡང་རྟག་ཏུ་འཕྲད་པར་ཤོག །དེ་དག་བདག་གིས་ནམ་ཡང་ཡིད་མི་དབྱུང་། །ཞེས་གསུངས་ཏེ། བདག་ལ་ཕན་པར་བྱེད་པ་ནི་འཁོར་བ་ངན་སོང་གནས་ནས་བསྒྲལ་ཏེ་རྣམ་གྲོལ་གཏན་གྱི་བདེ་བ་ལ་འགོད་པར་བྱེད་པའི་གྲོགས་པོ་དེ་བླ་མ་རེད། གྲོགས་པོ་བླ་མ་བཟང་པོ་དང་རྟག་ཏུ་མི་འབྲལ་བར་ཤོག་ཅིག སྐྱེ་བ་ཚེ་རབས་ཀྱི་བར་དུ་བླ་མ་དང་མི་འབྲལ་བར་ཤོག་ཅིག དེ་ལྟ་བུའི་བླ་མ་བཟང་པོ་བྱང་ཆུབ་ཀྱི་སེམས་ཀྱིས་ཐུགས་རྒྱུད་བརྟུལ་ཡོད་པ། མདོར་ན་སྐྱེ་བ་ཚེ་རབས་ཀུན་ཏུ་དེ་ལྟ་བུའི་བླ་མ་བཟང་པོ་དེ་དང་མི་འབྲལ་བར་ཤོག་ཅིགབླ་མ་དང་འཕྲད་པ་ཙམ་གྱིས་མི་ཆོག་པར་རབ་སྒྲུབ་པའི་མཆོད་པ། འབྲིང་ཞབས་ཏོག་གི་མཆོད་པ། ཐ་མ་ཟང་ཟིང་གི་མཆོད་པའི་སྒོ་ནས་བླ་མའི་ཐུགས་མཉེས་པ་ཞིག་བྱེད་ནུས་པར་ཤོག་ཅིག་གསུངས་ཏེ་སྔོན་ཆད་རྒྱ་སྐོང་གཞན་དགའི་ཞལ་ནས། དགེ་མིང་འོན་པོ་བསྟན་དགའ་ལ་ཞུ་མཆིད་ཀྱི་སྐབས་ན། མཐུ་ཆེ་ཡང་རུང་ལ་ཆུང་ཡང་རུང་། །ངའི་བླ་མ་ཨོ་རྒྱན་བསྟན་འཛིན་ཡིན། །ཐོབ་མངའ་ཐང་ཆེ་ཡང་ཆུང་ཡང་རུང་། །སྤྲང་བདག་ལ་སྐྱབས་མགོན་ཁྱེད་ལས་མེད། །རྗེ་བླ་མ་བཀའ་དྲིན་མཚུངས་མེད་དེས། །ཐུགས་དགྱེས་ནས་བུ་དང་འདྲ་འོ་གསུངས། །ཞེས་གསུངས་པ་ལྟར་བླ་མ་གཞན་པ་རྣམས་ཀྱིས་ཐུགས་དགྱེས་ནས་བུ་དང་འདྲའོ་གསུངས་ཞེས་པ་དེ་སྔ་འགྱུར་རིག་འཛིན་བརྒྱུད་པའི་རྣམ་ཐར་ཐམས་ཅད་ཀྱི་ཆེ་ཤོས་ཤིག་རེད། ངས་ཀྱང་ཁྱེད་རྣམ་པར་ཞུ་མྱོང་། ང་གནུབས་ཟུར་དགོན་གྱིས་བསུ་མ་འོང་བའི་སྐབས་སུ་ཐུབ་དགའ་ཡིད་བཞིན་ནོར་བུས་ད་ཁོང་གི་ལུས་ཤ་ཁྲག་ལས་ཆད་པའི་གཅེས་སྤྲས་ཡོད་རྒྱུ་མ་རེད་ན་གསུངས་ནས་འགག་མཛད་དར། ཁོང་གིས་རྒྱུན་དུ་ལྗགས་མནའ་གསོལ་རྒྱུ་མིན་ཡང་དེ་ཉིན་འགག་མཛད་པ་དེར་ཡོད་ཀུན་གྱིས་ཐོས་སོ། །དེ་ལྟ་བུའི་བླ་མ་མཉེས་པའི་སྨོན་ལམ་འདེབས་དགོས་ནི་རེད། འཇིགས་མེད་རྒྱལ་བའི་མྱུ་གུས་ཀྱང་རྣམ་ཐར་དང་ཡོན་ཏན་ཐམས་ཅད་ཀྱི་གཙོ་བོ་འདི་ཡིན་གསུངས་ཡོད། ཁོང་ལ་གཞན་ཡོན་ཏན་གང་ཡང་མེད་ཀྱང་རིག་འཛིན་འཇིགས་མེད་གླིང་པ་ལ་སྐུ་ཚེ་གང་བོར་ཞལ་ལོག་དང་ཐེ་ཚོམ་ཙམ་ཡང་མཛད་པའི་སྤྱོད་པ་སྒྲུབ་མ་མྱོང་གསུངས་ཨོས་ཡོད། དེ་ལྟ་བུའི་བླ་མ་བཟང་པོ་དང་འཕྲད་པར་ཤོག་ཅིག བླ་མ་བཟང་པོ་དང་འཕྲད་ནས་བླ་མའི་ཐུགས་མཉེས་པ་ཞིག་ང་རང་གིས་བསྒྲུབ་ནུས་པར་ཤོག་ཅིག་བསམ་དགོས་སོ། །ངེད་ཅག་གིས་ཀྱང་སྔོན་ཆད་བསྐལ་པ་སྟག་གི་ལོ་སྨོན་ལམ་འདེབས་པའི་གནས་སྐབས་ན། བདག་ནི་འདི་ནས་ཚེ་རབས་ཐམས་ཅད་དུ། །བླ་མ་ལྷག་པའི་ལྷ་ཡིས་རྗེས་སུ་བཟུང་། །བསླབ་གསུམ་ཡོན་ཏན་རྒྱ་མཚོའི་གཏེར་ལ་དབང་། །བསྟན་འགྲོའི་དོན་ཆེན་འབད་མེད་འགྲུབ་པར་ཤོག །ཅེས་པ་འདི་བཏོན་ནས་སྨོན་ལམ་བཏབ་ནི་རེད། སྨོན་ལམ་དེ་ཡང་བླ་མ་དང་ལྷག་པའི་ལྷ། ཁྱད་པར་དུ་ཡང་བླ་མ་དང་འཕྲད་བླ་མའི་ཐུགས་མཉེས་པར་ཤོག་ཅིག་ཅེས་ཟེར་ནས་སྨོན་ལམ་ཐོབ། འདིའི་ཚིག་དོན་ལ་མི་གོ་རྒྱུ་མེད། ངས་ཀྱང་སྨོན་ལམ་བཏབ་རབས་ཨ་བཤད་ཡང་བཤད་ཡིན་ཡང་། དཔེར་ན། བླ་མ་མི་ཕམ་ཚང་གིས་མི་ཡུལ་དུ་ལུས་རྟེན་བཟུང་ནས་འགྲོ་དོན་མཛད་ན་ཁོང་གི་སློབ་མའི་བཟང་ཤོས། ཉེ་གནས་ཀྱི་མཆོག་ཐུགས་ལ་ཧ་ཅང་འཕྲོད་པའི་གང་ཟག་ཉིད་དུ་སྐྱེ་བ་ལེན་པར་ཤོག་ཅིག ཁོང་རྡོ་རྗེ་འཛིན་པ་ལྟ་བུའི་སྐྱེ་བ་བཞེས་ན། རབ་ན་ཁོང་གི་སྲས། ཁྱད་པར་དུ་ཁོང་གི་ཐུགས་ལ་ཧ་ཅང་མཛའ་བའི་བདེ་སྟོང་གི་ཡེ་ཤེས་སྐྱེད་པར་བྱེད་པའི་གཟུངས་མ་ཉིད་དུ་འགྱུར་བར་ཤོག་ཅིག གཞན་ཡང་བླ་མ་རིན་པོ་ཆེས་བྱ་དང་རི་དྭགས་ལ་སོགས་པའི་སྐྱེ་བ་བཞེས་ནས་འགྲོ་དོན་མཛད་པའི་གནས་སྐབས་ན་བླ་མ་རིན་པོ་ཆེ་ལུས་རྟེན་དམན་པ་ཁྭ་ཏ་ལྟ་བུ་ཞིག་གི་སྐྱེ་བ་བཞེས་ན་ཡང་དེའི་ཡིད་ལ་ཧ་ཅང་འཐད་པའི་ཁྭ་མོ་ཉིད་དུ་འགྱུར་བར་ཤོག་ཅིག་ཟེར་ནས་སྨོན་ལམ་བཏབ་ནི་ཡིན། ཁྱེད་རྣམ་པས་ཀྱང་དུས་རྒྱུན་དུ་བླ་མ་དང་མི་འབྲལ་བའི་སྨོན་ལམ་འདེབས་དགོས། བླ་མའི་ཐུགས་གང་གིས་མཉེས་ན་དེའི་ནང་ལ་མ་འདུས་པ་ཅི་ཡང་མེད་པས། དེ་ལ་སྨོན་ལམ་གདབ་དགོས་ནི་རེད། སྤྱི་དོན་བརྒྱད་པ་སངས་རྒྱས་མངོན་གྱུར་ལ་མཆོད་པའི་སྒོ་ནས་སྨོན་པ་ནི། སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །མངོན་སུམ་རྟག་ཏུ་བདག་གིས་རྒྱལ་བ་བལྟ། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་དག་ལ་ཡང་མཆོད་པ་རྒྱ་ཆེར་བགྱི། །ཞེས་གསུངས་ཏེ། སངས་རྒྱས་བྱང་ཆུབ་སེམས་དཔའ་གྲངས་མེད་དུང་ཕྱིར་མང་པོས་བསྐོར་ཡོད། སངས་རྒྱས་ཐམས་ཅད་ཀྱི་ཞལ་དེ་བདག་གིས་མངོན་སུམ་དུ་མཇལ་བར་ཤོག་ཅིག་ཅེས་གསུངས་ནི་རེད། ད་ལྟ་རང་གི་ཡིད་ལ་སྨོན་པའི་ལྷག་པའི་ལྷ་མྱུར་བ་ཉིད་དུ་ཐོག་མར་ཞལ་མཇལ་བར་ཤོག་ཅིག་ཅེས་ཟེར་བ་དང་། དེ་བཞིན་དུ་སངས་རྒྱས་སྲས་ཀྱིས་བསྐོར་བའི་མགོན་པོ་རྣམས་མངོན་སུམ་རྟག་ཏུ་བདག་གིས་ཞལ་མཇལ་བར་ཤོག་ཅིག ད་ལྟའི་ལྷ་མཇལ་བ་ཙམ་ཞིག་གིས་མི་ཚད་པར་སྐད་ཅིག་ཙམ་ཡང་རྒྱལ་བ་སྲས་བཅས་ཀྱི་ཞལ་མཐོང་རྒྱུ་གསུང་ཐོས་རྒྱུ་དེ་དང་མི་འབྲལ་བར་མ་འོངས་བསྐལ་པ་ཀུན་ཏུ་འཕྲད་པར་ཤོག་ཅིག་གསུངས་ནི་རེད། མ་འོངས་བསྐལ་པ་ཀུན་ཏུ་ཡང་དེ་ལྟ་བུའི་སངས་རྒྱས་སྲས་དང་བཅས་པ་ཐམས་ཅད་ཀྱི་ཞལ་མཇལ་གསུང་ཐོས་སྐད་ཅིག་ཙམ་ཡང་མི་འབྲལ་བར་ཤོག་ཅིག་གསུངས་ནས་སྨོན་ལམ་བཏབ་ནི་རེད། སྤྱི་དོན་དགུ་པ་དམ་ཆོས་ཡོངས་སུ་འཛིན་པར་སྨོན་པ་ནི། ད་གྲོགས་བཟང་པོ་དང་ནི་འགྲོགས། བླ་མ་ནི་བརྟེན། སངས་རྒྱས་ནི་མཇལ། ད་སྤྱོད་པ་བཟང་པོ་རྣམ་པར་དག་པ་ཞིག་དགོས་ནི་རེད། དེ་ལ་སྨོན་པ་ནི། རྒྱལ་བ་རྣམས་ཀྱི་དམ་པའི་ཆོས་འཛིན་ཅིང༌། །བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྦྱོང་བ་ཡང༌། །མ་འོངས་བསྐལ་པ་ཀུན་ཏུ་སྤྱད་པར་བགྱི། །ཞེས་གསུངས་ཏེ་སངས་རྒྱས་ཐམས་ཅད་ཀྱིས་གསུངས་པའི་ཆོས་ལ་རང་ཉིད་འཇུག་པའི་སྤོབས་པ་དང་། མི་བརྗེད་པའི་གཟུངས་དང་། སངས་རྒྱས་ཐམས་ཅད་ཀྱི་གསུང་དེ་བློ་ཡུལ་ལ་ལོན་འགྲོ་རྒྱུ་དེ་ལ་སྤོབས་པ་ཟེར་ནི་རེད། སྤོབས་པས་ནི་སྔར་མེད་ཀྱི་ཡོན་ཏན་ཐམས་ཅད་རང་རྒྱུད་ལ་སྒྲུབ་པར་བྱེད་ནི་རེད། གཟུངས་ཀྱིས་ནི་སྔར་ཡོད་ཀྱི་ཡོན་ཏན་ཐམས་ཅད་མི་ཉམས་པར་བྱེད་ནི་རེད། དོན་གྱི་ཆོས་ཐམས་ཅད་རང་གིས་འཛིན་ནུས་པར་ཤོག་ཅིག དེ་ལྟ་བུའི་བྱང་ཆུབ་སེམས་དཔའི་སྤྱོད་པ་ལ་བསླབས། དེ་ཡང་ལུས་རྟེན་འདི་ཙམ་མ་ཡིན་པར་མ་འོངས་བསྐལ་པ་ཀུན་ཏུ་ནམ་མཁའ་འདི་མ་སྟོང་གི་བར་དུ་བྱང་ཆུབ་སེམས་དཔའི་བསམ་པ་ཕུན་སུམ་ཚོགས་པ་སྤྱོད་པ་ཕུན་སུམ་ཚོགས་པ་དེ་ལ་བདག་གིས་སློབ་ནུས་པར་ཤོག་ཅིག་ཟེར་ནས་སྨོན་ལམ་བཏབ་ནི་རེད། སྤྱི་དོན་བཅུ་པ་མི་ཟད་པའི་མཛོད་རྙེད་པའི་སྒོ་ནས་སྨོན་པ་ནི། སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང་། །ཡོན་ཏན་ཀུན་གྱི་མི་ཟད་མཛོད་དུ་གྱུར། །ཅེས་གསུངས་ཏེ། སྲིད་པར་འཁོར་བའི་གནས་སྐབས་ན་དམིགས་བཅས་བསོད་ནམས་ཀྱི་ཚོགས་དང་དམིགས་མེད་ཡེ་ཤེས་ཀྱི་ཚོགས་ཏེ་ཚོགས་གཉིས་ཟད་ཉན་ནི་མ་རེད། དེ་ཟད་སོང་ན་རང་དོན་འགྲུབ་ནི་མ་རེད་གཞན་དོན་ག་ལ་སྒྲུབ་ནུས། དེའི་ཕྱིར་ན་རང་ཉིད་མངོན་པར་སངས་རྒྱས་ཀྱང་གདུལ་བྱ་རྣམས་རྗེས་སུ་འཛིན་པར་བྱ་བའི་ཕྱིར་དུ་བསོད་ནམས་ཀྱི་ཚོགས་དེ་ཡང་རྒྱ་ཆེན་པོ་བསགས། དམིགས་མེད་ཡེ་ཤེས་ཀྱི་ཚོགས་དེ་ཡང་རྒྱ་ཆེན་པོ་བསགས། ཚོགས་གཉིས་བསགས་པ་རྒྱུན་མ་ཆད་པར་འབད་ནུས་པར་ཤོག་ཅིག རང་རྒྱུད་ཀྱི་བསོད་ནམས་དང་ཡེ་ཤེས་ཀྱི་ཚོགས་དེ་ཡང་ཟད་པ་མེད་པ་ཉིད་དུ་འགྱུར་བར་ཤོག་ཅིག ཐབས་ཟེར་རྒྱུ་དེ་གཞན་དོན་སྒྲུབ་པའི་ཐབས་ཆེན་པོ་ཞིག་ལ་ཟེར་ནི་རེད། ཐབས་མཁས་པ་དཔེར་ན། བསྡུ་དངོས་བཞི་ལ་སོགས་པ་རེད། ཤེས་རབ་ཟེར་རྒྱུ་དེ་ནི་གཞན་ཕན་སྒྲུབ་པར་བྱེད་པ་ལ་མ་རྨོངས་པ་དེ་ལ་ཟེར། ཏིང་འཛིན་ཟེར་རྒྱུ་དེ་ནི་སེམས་ཏིང་ངེ་འཛིན་བསྒོམ་པ་ལ་གནས་པ་ཅན་དེ་ལ་ཟེར་ནི་རེད། རྣམ་ཐར་ཟེར་རྒྱུ་དེ་ཏིང་ངེ་འཛིན་གྱི་སྟོབས་ཀྱིས་རྩལ་དང་མཐུན་པ་ཞིག་ལ་ཟེར་ནི་རེད། ཟད་པ་ཟིལ་གནོན་ཟེར་རྒྱུ་མང་པོ་ཞིག་ཡོད་ཀྱང་ཏིང་ངེ་འཛིན་དང་པོ་སྦྱོང་བ་བར་དུ་བརྟན་པ་མཐར་ཕྱིན་པ་ཞིག་ལ་ཟེར་ནི་རེད། ཏིང་ངེ་འཛིན་ལ་དབང་ཐོབ་ནས་རྫུ་འཕྲུལ་སྣ་ཚོགས་བསྒྱུར་བ་ཞིག་ལ་ཏིང་ངེ་འཛིན་ཟེར་ནི་རེད། དེ་ནས་ཐབས་དང་ལྡན། ཤེས་རབ་དང་ལྡན། ཏིང་ངེ་འཛིན་དང་ལྡན། ཏིང་ངེ་འཛིན་གྱི་རྗེས་ལ་རྣམ་པར་ཐར་བ་དང་ལྡན་པར་གྱུར་ཅིག་ཅེས་སྨོན་ལམ་བཏབ་ནི་རེད། སྤྱི་དོན་བཅུ་གཅིག་པ་འཇུག་པ་དུ་མའི་སྒོ་ནས་སྨོན་པར་འཇུག་པ་ལ་བརྒྱད་ལས། བསྟན་པ་དང་སེམས་ཅན་གྱི་དོན་ཡོངས་སུ་སྒྲུབ་པར་བྱེད་པ་ལ་ས་བཅད་ནང་གསེས་ཀྱིས་རྣམ་པ་བརྒྱད་ཡོད་ནི་རེད། དང་པོ་ཞིང་དང་བཅས་པའི་སངས་རྒྱས་བལྟ་བ་ལ་འཇུག་པ་ནི། རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞིང་དེར་བསམ་གྱིས་མི་ཁྱབ་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་ལ། །བྱང་ཆུབ་སྤྱད་པ་སྤྱོད་ཅིང་བལྟ་བར་བགྱི། །ཞེས་གོང་དུ་འདིའི་འོག་ན་ཞིང་སྦྱང་བ་ཡོད་ཅེས་བཤད་པ་དེ་འདི་རེད། རྡུལ་གཅིག་གི་ཁྱོན་ལ་རྡུལ་སྙེད་ཀྱི་སངས་རྒྱས་དང༌། སངས་རྒྱས་རེ་རེ་ལ་བྱང་ཆུབ་སེམས་དཔའ་དཔག་ཏུ་མེད་པས་བསྐོར། དེ་དག་ཐམས་ཅད་ཀྱི་ཞལ་མཇལ་གསུང་ཐོས། དེ་རྣམས་ལ་མཆོད་པ་འབུལ། དེ་དག་ཐམས་ཅད་བདག་གིས་ཡོངས་སུ་མཉེས་པར་ཤོག་ཅིག་གསུངས་ནས་སྨོན་ལམ་བཏབ་ནི་རེད། དེ་ལྟར་མ་ལུས་ཐམས་ཅད་ཕྱོགས་སུ་ཡང་། །སྐྲ་ཙམ་ཁྱོན་ལ་དུས་གསུམ་ཚད་སྙེད་ཀྱི། །སངས་རྒྱས་རྒྱ་མཚོ་ཞིང་རྣམས་རྒྱ་མཚོ་དང༌། །བསྐལ་པ་རྒྱ་མཚོར་སྤྱོད་ཅིང་རབ་ཏུ་འཇུག །ཅེས་གསུངས་ནས་རྡུལ་ཆ་མེད་གཅིག་གི་སྟེང་ན་ཕྱོགས་བཅུའི་ཞིང་རབ་འབྱམས་ཀྱི་རྒྱལ་བ་སྲས་བཅས་ཐམས་ཅད་ཀྱི་དྲུང་ན་ཆོས་ཉན། དེ་ཐམས་ཅད་ལ་མཆོད་པ་འབུལ། དེ་དག་ཐམས་ཅད་ཀྱི་སྤྱོད་པ་དང་མཐུན་པར་འཇུག རྡུལ་ཆ་མེད་རེ་རེའི་སྟེང་ལ་ཕྱོགས་བཅུའི་ཞིང་རབ་འབྱམས་ན་ཡོད་པའི་སངས་རྒྱས་དེ་འདྲ་བའི་ཞིང་ཁམས་གྲངས་མེད་པ་བསམ་གྱིས་མི་ཁྱབ་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་གིས་སྤྱོད་པ་དེ་སྤྱོད་ནུས་པར་ཤོག་ཅིག དེ་ཡང་ནི་བསྐལ་པ་གཅིག་དང་གཉིས་མ་ཡིན་པར་ནམ་མཁའ་མ་སྟོང་གི་བར་དུ་འཇུག་པར་ཤོག་ཅིག་གསུངས་ནི་རེད། བྱང་ཆུབ་སེམས་དཔའ་ས་ཆེན་པོ་ལ་གནས་པའི་བྱང་ཆུབ་སེམས་དཔའི་སྨོན་ལམ་རེད། འདིའི་འཇུག་པ་བསམ་གྱིས་མི་ཁྱབ་པར་སྨོན་རྒྱུ་དེ་གཙོ་བོ་དག་ས་ལ་གནས་པའི་བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་གྱི་ཕྱོགས་སུ་འགྲོ་བ་ཡིན། སོ་སོའི་སྐྱེ་བོའི་ས་ནས་བཟུང་སྟེ་སངས་རྒྱས་ཀྱི་སའི་བར་དུ་སྨོན་ལམ་ཆ་ཚང་བ་ཞིག་བཏབ་ནི་རེད། བྱང་ཆུབ་ཀྱི་སེམས་མི་བརྗེད་པར་སྨོན་པ། བླ་མ་དགེ་བའི་བཤེས་གཉེན་རྣམས་དང་འཕྲད་པར་སྨོན་པ། གྲོགས་བཟང་པོ་དང་མི་འབྲལ་བར་སྨོན་པ། སངས་རྒྱས་ལ་བལྟ་བར་བྱེད་པར་སྨོན་པ་ཐམས་ཅད་ཕལ་ཆེར་སོ་སོའི་སྐྱེ་བོའི་སྨོན་ལམ་རེད། དེ་ཡན་ཆད་ཀྱིས་སྨོན་ལམ་ས་དང་པོ་དང་མང་ཆེ་བ་ཞིག་ས་བརྒྱད་པ་ཡན་ཆད་ཀྱི་སྨོན་ལམ་རེད། བསམ་གྱིས་མི་ཁྱབ་པ་དེ་ལྟ་བུ་ནི་ངེད་ཅག་གིས་བློ་ཡུལ་དུ་ཆུད་པར་དཀའ་བ་རེད། སོ་སོའི་སྐྱེ་བོ་ཞིག་གིས་འདི་ལྟ་བུ་ཞིག་ཤེས་པ་མ་དགོས་བློ་ཡུལ་དུ་ཤར་ཡང་དཀའ་ནི་རེད། ད་དེ་ལྟ་བུའི་མཛད་པ་ལ་འཇམ་དཔལ་དབྱངས་དང་ཀུན་ཏུ་བཟང་པོ་ལ་སོགས་པས་ཀྱང་བསླབས་ནས་སོང་ནི་རེད། རང་གིས་ཀྱང་དེ་ལྟ་བུ་ལ་སློབ་ནུས་པར་ཤོག་ཅིག་ཅེས་ཟེར་ནས་ཕལ་ཆེར་དངོས་སུ་སྨོན་ལམ་འདེབས་ཐུབ་ནི་རེད། ད་ལྟ་སེམས་ཅན་གྱི་ལུས་ལ་ན་ཚ་མེད་པར་ཤོག་ཅིག སེམས་ལ་སྡུག་བསྔལ་མེད་པར་ཤོག་ཅིག ངན་སོང་གསུམ་གྱི་སེམས་ཅན་ཐམས་ཅད་རྒྱུན་ཆད་པར་ཤོག་ཅིག མཐོ་རིས་ལྷ་མིའི་བདེ་བ་ལ་གནས་སྐབས་སྤྱོད་ནས་མཐར་ཐུག་སངས་རྒྱས་ཀྱི་གོ་འཕང་ཐོབ་པར་ཤོག་ཅིགདེ་ཙམ་ཞིག་རང་ཅག་གིས་སྨོན་ལམ་འདེབས་མི་ཤེས་རྒྱུ་ཅི་ཡང་མེད། ད་འདི་མན་ཆད་ཀྱིས་སྨོན་ལམ་ཐམས་ཅད་གཞུང་གི་ཇི་མ་ཇི་བཞིན་དུ་བློ་ཡུལ་ལ་བཀོད་ཐུབ་ནི་མ་རེད། ད་བླ་མ་རིན་པོ་ཆེ་མི་ཕམ་ཚང་གི་ཁྲིད་ཡིག་སངས་རྒྱས་ལག་བཅང་མའི་སྐྱོང་ཐབས་གནད་ཀྱི་མན་ངག་ནང་ན་འདི་ལྟ་བུ་ལ་སྙིང་སྟོབས་སྤྱད་ནས་དེ་ལ་འདི་ལྟ་བུའི་སྤྱོད་པ་ལ་སློབ་ཐུབ། འདི་ལྟ་བུའི་སྨོན་ལམ་ཡང་འདེབས་ཐུབ། སྨོན་ལམ་འདེབས་ཐུབ་པར་མ་ཟད་འདི་ལྟ་བུའི་སྤྱོད་པ་ལའང་འཇུག་ཐུབ། བསམ་པས་རྒྱས་གདབ་ཐུབ་ན། དེ་ཕྱིར་མི་ལྡོག་པའི་བྱང་ཆུབ་སེམས་དཔའ་ཟེར་རྒྱུ་དེ་རེད། དེ་ལྟ་བུའི་སྙིང་སྟོབས་མེད་ན་ད་ནི་འདི་ལྟ་བུའི་སྙིང་སྟོབས་དེ་ལ་རིམ་གྱིས་རིམ་གྱིས་ཞུགས་ནས་སྐྱེ་བ་མཐའ་མའི་བར་དུ་ཡོངས་སུ་མི་གཏང་བསམ་རྒྱུའི་བསམ་པ་ཞིག་ཡོད་ན་མོས་པ་སྤྱོད་པའི་བྱང་ཆུབ་སེམས་དཔའ་ཟེར་ནི་རེད། རང་ཅག་མང་ཆེ་བ་མོས་པ་སྤྱོད་པའི་བྱང་ཆུབ་སེམས་དཔའ་ཡིན་རྒྱུ་རེད། རང་ཅག་གིས་ཀྱང་བཟང་པོ་སྤྱོད་པའི་སྨོན་ལམ་འདི་ལ་དངོས་སུ་འཇུག་མི་ནུས་པ་ཐམས་ཅད་ཀུན་གྱིས་ཀྱང་རིམ་གྱིས་རིམ་གྱིས་ནམ་མཁའ་མ་སྟོང་གི་བར་དུ་སློབ་དགོས་མོད། དེ་ཙམ་མ་ནུས་ཀྱང་འདི་དག་ཐམས་ཅད་ཡོངས་སུ་མི་གཏོང་བསམ་རྒྱུའི་དམ་བཅའ་ཁྱད་པར་ཅན་དགོས་ནི་རེད། གཉིས་པ་སངས་རྒྱས་ཀྱི་གསུང་ལ་འཇུག་པ་ནི། གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་དབྱངས་ཡན་ལག་རྣམ་དག་པ། །འགྲོ་བ་ཀུན་གྱི་བསམ་པ་ཇི་བཞིན་དབྱངས། །སངས་རྒྱས་གསུང་ལ་རྟག་ཏུ་འཇུག་པར་བགྱི། །ད་འདི་ཡང་ས་ལ་གནས་པའི་བྱང་ཆུབ་སེམས་དཔའི་སྤྲོད་པ་རེད། གསུང་གཅིག་ཡན་ལག་ཅེས་པ་ནི། དཔེར་ན། སངས་རྒྱས་ཤཱཀྱ་ཐུབ་པས་རྡོ་རྗེ་གདན་དུ། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་ཤིག་བདག་གིས་རྙེད། །གསུངས་ནས་ཚིག་གཅིག་གསུངས་ན་ཚིག་དེའི་སྟོབས་ཀྱིས་ཕྱོགས་བཅུའི་ཞིང་རབ་འབྱམས་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཇི་སྙེད་ཅིག་ཡོད་པ་ཐམས་ཅད་ཀྱི་གསུང་ཐམས་ཅད་དེའི་སྟོབས་ཀྱིས་ཡོངས་སུ་རྫོགས་པར་དུས་གཅིག་ལ་འདུས་པར་ཤོག་ཅིག་དེ་ཐམས་ཅད་ཀྱང་དུས་གཅིག་གི་སྟེང་དུ་ད་ལྟ་མ་ཟད་མ་འོངས་པའི་སངས་རྒྱས་ཐམས་ཅད་ཀྱི་གསུང་ཡོངས་ལ་ཉན་ནུས་པར་ཤོག་ཅིག་གསུངས་ནི་རེད། ངེད་ཅག་གིས་བལྟས་ན་མ་འོངས་པ་ན་སངས་རྒྱས་གནས་དགོས་ནི་མ་རེད། དེ་ལས་ཀྱང་མངོན་པ་བ་རྣམས་ཀྱིས་མ་འོངས་པ་དངོས་མེད་ཡིན་ན། དངོས་མེད་ཀྱིས་སངས་རྒྱས་ཀྱི་གསུང་ལ་ཅིའི་ཕྱིར་ཉན་བསམ་རྒྱུ་རེད་དེ། འོན་ཀྱང་བྱང་ཆུབ་སེམས་དཔའི་སྤྱོད་པ་རྣམས་ནི་བསམ་གྱིས་མི་ཁྱབ་པ་རེད། སངས་རྒྱས་ཀྱིས་གོང་གི་ཚིག་གཉིས་ཀྱི་དོན་ལ་ཕྱོགས་བཅུའི་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་གསུང་ཕྱོགས་ཀྱི་རྒྱ་མཚོ་ལྟ་བུ་དུས་གཅིག་ལ་ཉན་ནུས་པར་ཤོག་ཅིག་གསུངས་ནས་དེ་ཉན་པར་ཡང་ནུས་ནི་རེད། དེ་ནི་བྱང་ཆུབ་སེམས་དཔའ་ས་བརྒྱད་པ་ཡན་ཆད་ཡིན་རྒྱུ་རེད། ས་དང་པོ་ཐོབ་པ་ནས་བཟུང་སྟེ། ཀུན་ཏུ་བཟང་པོའི་སྨོན་པས་རབ་སྨོན་ཞིང༌། །གང་གི་སེམས་ནི་བཟང་སྤྱོད་ཀྱི་ཟིན་བྲིས་བཟོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། རབ་དགའ་ལ་གནས་པ། །དེ་ནི་རྒྱལ་བའི་སྲས་ཀྱི་དང་པོར་བརྗོད། །ཅེས་གསུངས་ཏེ། ཀུན་ཏུ་བཟང་པོའི་སྨོན་པ་ལ་འཇུག་ནུས་པར་གསུངས་ཡོད་ནི་རེད། གསུམ་པ་ཆོས་འཁོར་བསྐོར་བ་ལ་བཇུག་པ་ནི། དུས་གསུམ་གཤེགས་པའི་རྒྱལ་བ་ཐམས་ཅད་དག །འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། །དེ་དག་གི་ཡང་གསུང་དབྱངས་མི་ཟད་ལ། །བློ་ཡི་སྟོབས་ཀྱིས་བདག་ཀྱང་རབ་ཏུ་འཇུག །གསུངས་ནི་རེད། འདས་མ་འོངས་ད་ལྟ་དུས་གསུམ་དུ་ཆོས་ཀྱི་འཁོར་ལོ་བསྐོར་བར་བསྐུལ་དང་སྐུལ་བཞིན་པ་ཐམས་ཅད་ལ་རང་གི་བློའི་སྟོབས་ཀྱིས་ཚིག་གཅིག་ཀྱང་ཆད་ལྷག་མེད་པར་ཡོངས་སུ་ཉན། ཉན་པ་ཙམ་གྱིས་མི་ཚད་པར་སེམས་ལ་བཟུང༌། བཟུང་བ་ཙམ་གྱིས་མི་ཚད་པར་རྒྱུད་ལ་འཇུག་ནུས་པར་ཤོག་ཅིག་གསུངས་ནི་རེད།བཞི་པ་བསྐལ་པའི་སྒོ་ནས་འཇུག་པ་ནི། མ་འོངས་བསྐལ་པ་ཐམས་ཅད་འཇུག་པར་ཡང༌། །སྐད་ཅིག་གཅིག་གིས་བདག་ཀྱང་འཇུག་པར་བགྱི། །གང་ཡང་བསྐལ་པ་དུས་གསུམ་ཚད་དེ་དག །སྐད་ཅིག་ཆ་ཤས་ཀྱིས་ནི་ཞུགས་པར་སྤྱད། །ཅེས་གསུངས་ཏེ། དེ་ཡང་བྱང་ཆུབ་སེམས་དཔའ་ཆེན་པོ་ཞིག་གི་སྤྱོད་པ་རེད། ནམ་མཁའ་སྟོང་མ་སོང་བར་དུ་མ་འོངས་པར་བསྐལ་པ་དུ་མར་སངས་རྒྱས་དང་བྱང་ཆུབ་སེམས་དཔའི་མཛད་སྤྱོད་ཐམས་ཅད་ལ་བདག་ད་ལྟ་དུས་མཐའི་སྐད་ཅིག་མ་གཅིག་གི་ཡུན་ལ་དེ་ལྟ་བུའི་སྤྱོད་པ་ལ་འཇུག་པར་ཤོག་ཅིག་གསུངས་ནི་རེད། འདི་བྱང་ཆུབ་སེམས་དཔའི་ཚད་མེད་པའི་བློ་སྟོབས་ཆེན་པོའི་སྤྱོད་ཡུལ་རེད། དུས་མཐའི་སྐད་ཅིག་མ་ཟེར་ན་སེ་གོལ་གཅིག་གི་ཡུན་ལ་དུས་མཐའི་སྐད་གཅིག་མ་དྲུག་ཅུ་ཡོད་ནི་རེད། རེ་ལྔ་ཟེར་ནི་ཡང་ཡོད། ད་གང་ཡིན་ནའང་དེ་འདྲ་བ་ཞིག་གི་ཡུན་ལ་ཕྱོགས་བཅུའི་ཞིང་རབ་འབྱམས་ཀྱི་སངས་རྒྱས་ཐམས་ཅད་ཀྱི་འདས་པ་དང་གཟོད་མ་འོངས་པ་ཡན་ཆད་ནམ་མཁའ་སྟོང་མ་སོང་གི་བར་དུ་མཛད་པ་དང་སྤྱོད་པ་ཇི་སྙེད་ཡོད་པ་ཐམས་བཅད་བདག་གིས་སྤྱོད་ནུས་པར་ཤོག་ཅིག་གང་ཡང་བསྐལ་པ་འདས་མ་འོངས་ད་ལྟ་དུས་གསུམ་གྱི་བསྐལ་པ་ཇི་སྙེད་ཅིག་ཡོད་ཀྱང་། བསྐལ་བའི་ཆ་ཤས་དུས་མཐའི་སྐད་ཅིག་མ་གཅིག་གི་ཡུན་ལའང་བདག་གིས་འཇུག་ནུས་པར་ཤོག་ཅིག་གསུངས་ནི་རེད།ལྔ་པ་དེ་བཞིན་གཤེགས་པ་ལ་བལྟ་བས་འཇུག་པ་ནི། །དུས་གསུམ་གཤེགས་པ་མི་ཡི་སེངྒེ་གང༌། །དེ་དག་སྐད་ཅིག་གཅིག་ལ་བདག་གིས་བལྟ། །ཞེས་གསུངས་ཏེ། ནམ་མཁའི་མཐའ་སྟོང་མ་སོང་གི་བར་དུ་སྐད་ཅིག་གཅིག་གི་ཡུན་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཛད་པ་སྒྲུབ་ནུས་པར་ཤོག་ཅིག་ཅེས་འདི་ནི་ས་བརྒྱད་པ་ཡན་ཆད་ཀྱི་བྱང་ཆུབ་སེམས་དཔའི་སྨོན་ལམ་རེད། མདོར་ན་འདས་མ་འོངས་ད་ལྟ་དུས་གསུམ་གྱི་སངས་རྒྱས་ཐམས་ཅད་དུས་མཐའི་སྐད་ཅིག་མ་གཅིག་ལ་ཞལ་མཇལ་གསུང་ཐོས་ཐུགས་ཀྱི་བྱིན་རླབས་རྒྱུད་ལ་འཕོས། དེ་ནས་ཆོས་ཚུལ་རབ་འབྱམས་རྒྱ་མཚོ་ལྟ་བུ་མཐའ་དག་ཀྱང་བདག་གི་རྒྱུད་ལ་ཡོངས་སུ་འཕོ་ནུས་པར་ཤོག་ཅིག་ཟེར་ནས་སྨོན་ལམ་བཏབ་ནི་རེད། དྲུག་པ་དེའི་སྤྱོད་ཡུལ་ལ་འཇུག་པ་ནི། རྟག་ཏུ་དེ་དག་གི་ནི་སྤྱོད་ཡུལ་ལ། །སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག །ཅེས་གསུངས་ཏེ། སོ་སོའི་སྐྱེ་བོ་ཞིག་གིས་དེ་ལྟ་བུ་ཞིག་གཏན་ནས་མི་སྲིད་བསམ་རྒྱུ་རེད་དེ། སྐད་ཅིག་མ་གཅིག་གི་ཡུན་ལ་དུས་གསུམ་གྱི་སངས་རྒྱས་ཐམས་ཅད་ཀྱི་ཞལ་མཇལ་དུས་གསུམ་གྱི་སངས་རྒྱས་ཐམས་ཅད་ཀྱི་མདུན་དུ་ཆོས་ཉན། དུས་གསུམ་གྱི་སངས་རྒྱས་ཐམས་ཅད་ཀྱི་གདམས་པ་ཡོངས་སུ་རྫོགས་པ་རྒྱུད་ལ་འཛིན་རྒྱུ་དེ་ནི། སྒྱུ་མ་དང་རྨི་ལམ་ལྟ་བུ་ཡིན་པས་མི་སྲིད་པ་ཞིག་ཡིན་རྒྱུ་མ་རེད། ཆོས་ཐམས་ཅད་སྣང་ལ་རང་བཞིན་གྱིས་མ་གྲུབ་པ་ཅི་ཡང་མ་ཡིན་པ་ལས་ཅི་ཡང་འཆར་དུ་རུང་བ་ཞེས་པ་སྒྱུ་འཕྲུལ་དྲྭ་བ་ཆེན་པོའི་རྒྱུད་ལས་གསུངས་ཡོད་ནི་རེད། དེ་ལྟ་བུའི་གནད་ལ་ངེས་པ་སྐྱེ་ན་མི་སྲིད་པ་ཞིག་ཅི་ཡང་ཡོད་ནི་མ་རེད། གཟུགས་ལ་མཚོན་ན་མེ་ལོང་མཐེ་བོང་ལྟ་བུ་ཞིག་གི་ངོ་ལ་རི་གཟུགས་མང་པོ་ཡང་ཤར་ཆོག་པ་དང༌། དཔེར་ན་ཡུན་ཐུང་ངུ་ཙམ་ལ་ཡུན་རིང་པོ་ཤར་ཆོག་ནི་རེད། དཔེར་ན། ཁྱེད་རྣམ་པ་ལ་སྔན་ཆོད་ཀྱང་ཞུ་མྱོང་ངས་གསལ་མོ་ཞིག་ཞུ་མི་ཤེས་ཀྱང་ཕྱོགས་ཙམ་ཞིག་ཞུ། སྔོན་མཉམ་མེད་ཇོ་བོ་རྗེ་དཔལ་ལྡན་དཱི་པཾ་ཀ་ར་ལྷ་རི་ཡངས་པའི་མགུལ་ན་བཞུགས་པའི་དུས་སུ་ནག་ཚོ་ཚུལ་ཁྲིམས་རྒྱལ་གྱིས་ཇོ་བོ་རྗེ་ལ་ཁྱེད་ཀྱིས་ཆོས་ཐམས་ཅད་སྒྱུ་མ་དང་རྨི་ལམ་ལྟ་བུར་གསུངས་པས་ན། ཁྱེད་ཀྱིས་སྒྱུ་མའི་དཔེ་ཞིག་གསུང་བར་ཞུ་ཞེས་གསུངས་སྐབས། ཇོ་བོས་སྒྱུ་མ་ལྟ་བུའི་ཆོས་བཤད་གསུངས་ཏེ། སྔོན་གྱི་དུས་སུ་སྒྱུ་མ་མཁན་རབ་ཏུ་བཟང་པོ་ཟེར་བ་ཞིག་ཡོད། གྲོགས་ཟླ་བ་བཟང་པོ་ཟེར་བ་ཞིག་ཡོད། གྲོགས་ཟླ་བ་བཟང་པོ་ནི་རྟ་ལ་ཧ་ཅང་གཙོ་ཆེན་འཛིན་པ་ཞིག་ཡིན། སྒྱུ་མ་མཁན་རབ་ཏུ་བཟང་པོ་ནི་གྲོགས་པོ་དེའི་དྲུང་དུ་སོང་ནས་ཁྱེད་ཀྱིས་སྒྱུ་མ་ཞིག་བསླབས་ན་མི་དགའམ་ཞེས་བརྗོད། ཟླ་བཟང་གིས་སྒྱུ་མ་ཞིག་གིས་ཅི་བྱེད། ཟ་ནི་མི་ནུས་གྱོན་ནི་མི་ནུས་དེ་བས་རྟ་ཕོ་བཟང་པོ་ཞིག་གིས་དགའ་ཟེར། རབ་བཟང་གིས་ཨོ་ཡ་ཟེར་ནས་ཕྱིར་ལོག་སོང་། ཉིན་ཅིག་ཟླ་བཟང་གཟའ་མི་གཉིས་ཁྱིམ་ན་གནས། མོའི་སྐུད་པ་ཆ་ཤས་ཤིག་ལག་ན་བཟུང་སྐུད་པ་འཁལ་ཟིན་རྣམས་མགོ་ལ་བཞག་ནས་གཉིས་ཀས་ཇ་འཐུང་། ཟླ་བཟང་གིས་ཇ་འཐུང་ཕོ་ཡ་མཚན་ཅན་མཛེས་ཤིང་ཡིད་དུ་འོང་བ་ཞིག་ལ་ཞོན་ནས་དེ་ན་ཕེབས། ཟླ་བཟང་གིས་གྲོགས་པོ་ལ་རྟ་ཡག་པོ་ཞིག་ཡོད་ཁུ་ཟེར་ཚེ། རབ་བཟང་གིས་ཁྱེད་ལ་རྟ་ཡག་པོ་ཞིག་མ་གཏོགས་ཅི་ཡང་བསམ་རྒྱུ་མེད་པས་ན་ཁྱེད་ཀྱིས་ཨེ་ཉོ་བསམས་ནས་ཞོན་འོང་བ་ཡིན་ཞེས་བཤད་མ་ཐག ཟླ་བ་བཟང་པོས་རྟ་འདི་བདག་གིས་ཉོ་ན་ཆོག དང་པོ་རྟ་འདི་ལ་རྒྱུག་ཚད་ཅིག་ལྟ་དགོས་ཟེར་ནས་རྟ་ལ་ཞོན་ནས་རྒྱུག་དུས་རྟ་དེ་མགྱོགས་པ་དང་གོམ་ལག་བདེ་བདང་གོང་ཡང་སྐྱིད། བར་སྐབས་སུ་ཇེ་མགྱོགས་ཇེ་མགྱོགས་ལ་སོང་ནས་ནགས་ཚལ་སྟག་པོ་ཡོད་ས། མི་མེད་དབེན་པའི་ལུང་སྟོང༌། ཧ་ཅང་ས་ཐག་རིང་པོ་ཆ་མེད་རྒྱུས་མེད་ཀྱི་ཡུལ་ཕྱོགས་ཤིག་ལ་ཁུར་སོང་ངོ་། དེ་ན་མི་མེད་པར་མ་ཟད་རི་དྭགས་ཀྱང་མེད། རྒྱང་རིང་གི་ནགས་གསེབ་ཅིག་ན་དུ་བ་ཞིག་བཏང་བ་མཐོང་ནས་དེར་བལྟ་རུ་ཕྱིན། དེ་ན་རྒན་མོ་མ་བུ་གཉིས་ཡོད་ཁྱེད་གཉིས་ཅི་ཡིན་དྲིས་ཚེ། ཁོང་གཉིས་ཡུལ་ཁམས་གཞན་ལ་འཁྱམས་ནས་འདི་ན་ཕེབས། འདིར་ཐོན་ནས་ལོ་ཁ་ཤས་ཤིག་ཡིན། ས་ཕྱོགས་འདི་ན་ཤིང་ཏོག་ཅུང་ཟད་ཅིག་མ་གཏོགས་ཅི་ཡང་བཟའ་རྒྱུ་མེད་གོན་རྒྱུ་ཡང་མེད། ད་སྐབས་གྲོགས་སུ་ཡང་མེད་ཁྱེད་འཇིག་རྟེན་ཁམས་ནས་འདིརའོང་བ་དེ་དགའ་སྤྲོ་ཆེ། རང་ཅག་རྣམས་ལྷན་དུ་བསྡད་ན་ཨེ་ཆོག་ཟེར་དུས། ཁོང་རྣམས་སྐད་རིགས་ཀྱང་གཅིག་ཡིན་པས། ཧ་ཅང་དགའ་ནས་ང་རང་ནི་ཕྱོགས་གང་ནས་འོང་ཙམ་ཡང་མི་ཤེས། རྟ་རྒན་གཅིག་མ་གཏོགས་ཅི་ཡང་མེད། ད་ངེད་རྣམས་ལྷན་དུ་གནས་ཟེར་ནས་ཁོང་གསུམ་ལྷན་དུ་བསྡད་དེ་ལོ་མང་པོ་མང་པོ་ཞིག་སོང་། ནམ་ཞིག་ན་བུ་ཞིག་སྐྱེས། དེ་ནས་ལོ་མང་པོ་སོང་བ་ནའང་བུ་ཆུང་བ་ཞིག་སྐྱེས། དེའི་རྗེས་སུ་རྒན་མོའི་མ་རྒན་ནི་ཤི་ཁོང་ཡང་ལོ་ཆེན་པོར་གྱུར། ཉིན་ཅིག་ཆུ་ཁ་ན་སོང་དུས་བུ་ཆུང་བ་རྡོ་སྟེང་ནས་ཞུད་དེ་ཆུ་ནང་དུ་ལྷུང་། ཕ་བོ་ཟེར་ནས་བུ་ཆེ་བ་ཡང་ཆུ་ནང་དུ་མཆོང་། རྒན་མོས་བུ་གཉིས་ཆུས་ཁྱེར་ཐལ་ཟེར་ནས་སྐད་ངན་བསྒྲགས་ནས་ཆུ་ནང་དུ་མཆོང་། དེ་དུས་བསམ་བློ་ཞིག་བཏང་ཚེ། ཨཱ། གཅེས་པའི་བུ་ཕྲུག་གཉིས་རྒན་མོ་དང་བཅས་པ་ནི་ཆུས་ཁྱེར། ས་སྟོང་འདི་ནས་ལོ་མང་པོ་འདི་ལྟ་བུ་ཞིག་སོང་ཚར། གནའ་ལོ་ཉུང་གི་སྐབས་འདིར་ཕེབས་ནས་ད་ནི་མགོའི་སྐྲ་དཀར་ཁའི་སོ་ཆད་། ས་ཆ་ཐབས་སྡུག་ཅིག་ན་སྡུག་བསྔལ་ཆེན་པོ་འདི་ལྟ་བུ་ཞིག་ནི་འཇིག་རྟེན་ཁམས་ན་སུ་ལ་ཡོད་བསམས་ནས་གོམ་པ་ཞིག་སྤོ་དུས་འགྲོ་ཡང་མ་ནུས། དེ་མ་ཐག་གཉིད་སད་པ་ལྟ་བུའི་སྣང་བ་ཞིག་ཤར་ཚེ། གནའ་དང་པོའི་ཁྱིམ་གྱི་སྒོ་ཁ་ན་ཕེབས། ཁྱིམ་ན་སོང་དུས་གནའ་སྔན་ཆོད་ཀྱི་རྒན་མོས་སྣ་གླུ་ཞིག་བླངས་ནས་བསྡད་ཡོད། དེ་དུས་ང་ལ་འདི་འདྲའི་སྡུག་བསྔལ་ཆེན་པོ་ཞིག་ཡོད་དུས་ཁྱོད་ཀྱིས་ད་དུང་གླུ་ལེན་ཟེར་ནས་ཡི་ཆད་དང་སྡུག་མོ་བྱས་ཚེ། མོས་ཁྱེད་ཀྱིས་སྨྱོ་བཤད་མ་བྱེད་ཟེར། རྒན་པོ་ངུས་ནས་ཚེ་གཅིག་གི་སྡིགས་བསྔལ་རྣམས་གླེང༌། ཁྱེད་ཀྱིས་ཚེ་གཅིག་མ་ཟེར་ད་སྐབས་ངེད་གཉིས་ཀྱིས་ཇ་ཡང་འཐུང་མ་ཚར་བར་ངས་སྐད་པ་མགོ་ལ་བཞག་པ་དང༌། ཁྱེད་ཇ་འཐུང་མ་ཚར་གོང་སྒོ་ལ་སོང་བ་ཨེ་བདེན་མི་བདེན་ནི། ཁྱེད་ཀྱིས་ཇ་ཕོཪ་ནང་གི་ཇ་ཨེ་འཁྱག་ལྟོས་ཟེར་དུས། ཁོ་རང་གིས་ཀྱང་བསམ་བློ་ཞིག་བཏང་ནས་བལྟས་པ་ན་ད་གཟོད་ཡིད་ཆེས་པ་ཡིན། དེ་མ་ཐག་སྒྱུ་མ་མཁན་རབ་ཏུ་བཟང་པོ་ཧ་བགད་ཅིག་བྱས་ནས་གྲོགས་པོ་སྒྱུ་མ་ཞེས་པ་དེ་འདྲ་ཞིག་རེད། ད་སྒྱུ་མའི་དགའམ་རྟ་ཡི་དགའ་ཟེར་ནས་ཚར་སོང་། དེ་ནས་ཇོ་བོས་གྲོགས་ཟླ་བ་བཟང་པོ་ཞེས་པ་དེ་ད་ལྟ་ཚུལ་ཁྲིམས་རྒྱལ་ཁྱེད་ཡིན། སྒྱུ་མ་མཁན་རབ་ཏུ་བཟང་པོ་ནི་ཁོང་གི་སྐྱེ་བ་ཡིན་གསུངས། སྔོན་ཡང་ཁོང་གིས་སྒྲ་མ་ལྟ་བུས་ཆོས་བཤད་ནས་གྲོགས་པོ་འདི་ཐར་པའི་ལམ་ལ་བཀོད་པ་ཡིན། ད་ལྟ་ཡང་ནག་ཚོ་ཚུལ་ཁྲིམས་རྒྱལ་བ་ལ་སྒྱུ་མ་ལྟ་བུས་ཆོས་བཤད་ནི་ཡིན་གསུངས་ནི་རེད། དེ་ལྟ་བུའི་སྒོ་ནས་སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག་ཅེས་པ་དེ་ཧ་ལམ་དེ་འདྲ་ཞིག་རེད། བདུན་པ་ཞིང་བསྒྲུབ་པ་ལ་འཇུག་པ་ནི། གང་ཡང་དུས་གསུམ་དག་གི་ཞིང་བཀོད་པ། །དེ་དག་རྡུལ་གཅིག་སྟེང་དུ་མངོན་པར་བསྒྲུབ། །རྒྱལ་བ་དག་གི་ཞིང་རྣམས་བཀོད་ལ་འཇུག །ཅེས་གསུངས་ཏེ། དཔེར་ན། སངས་རྒྱས་འོད་དཔག་མེད་ཀྱིས་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང༌། སངས་རྒྱས་བྱེ་བ་ཕྲག་ཁྲིག་བརྒྱ་སྟོང་ཕྲག་གི་སངས་རྒྱས་ཐམས་ཅད་ཀྱི་ཞིང་གི་ཡོན་ཏན་བཀོད་པ་གཅིག་ཏུ་བསྡུས་ནས་ཞིང་ཁམས་འདི་འདྲ་བ་ཞིག་ལ་བདག་མངོན་པར་རྫོགས་པར་སངས་རྒྱས་པར་གྱུར་ཅིག་གསུངས་ཏེ་སངས་རྒྱས་རིན་ཆེན་སྙིང་པོའི་དྲུང་དུ་ཐུགས་བསྐྱེད་ཚུལ་དམ་ཆོས་པད་མ་དཀར་པོ་ལས་གསུངས་པ་ལྟར་ཡིན། དེ་བཞིན་དུ་ཕྱོགས་བཅུའི་ཞིང་རབ་འབྱམས་ཀྱི་རྒྱལ་བ་ཐམས་ཅད་ཀྱིས་ཞིང་དག་པ་ཇི་སྙེད་ཅིག་ཡོད་པའི་ཞིང་ཁམས་ཐམས་ཅད་ཀྱི་བཀོད་པ་དང་ཡོན་ཏན་རྣམས་གཅིག་ཏུ་བསྡུས་པ་འདྲ་བ་ཞིག་གི་ཡོན་ཏན་མངོན་དུ་གྱུར་པའི་ཞིང་ཁམས་དེ་ལ་བདག་མངོན་པར་རྫོགས་པར་སངས་རྒྱས་པར་གྱུར་ཅིག་གསུངས་ནས་གཙོ་བོ་ཞིང་སྦྱངས་པ་རེད། དེ་ཡང་ནི་ཞིང་ཁམས་ཕྱོགས་རེ་ཙམ་མ་ཡིན་པར་གྱི་ཁམས་རབ་འབྱམས་ཐམས་ཅད་ཀུན་ཀྱང་དེ་ལྟ་བུའི་ཞིང་དག་པ་འབའ་ཞིག་ཉིད་དུ་འགྱུར་བར་ཤོག་ཅིག་གསུངས་ནི་རེད། བརྒྱད་པ་དེ་བཞིན་གཤེགས་པའི་དྲུང་དུ་འགྲོ་བ་ལ་འཇུག་པ་ནི། གང་ཡང་མ་བྱོན་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། མགོན་པོ་ཀུན་གྱི་དྲུང་དུ་བདག་མཆི་འོ། །ཞེས་གསུངས་ཏེ་ངེད་ཅག་བསྐལ་པ་བཟང་པོ་འདི་ལ་མཚོན་ན་བྱམས་པ་སེང་གེ་ལ་སོགས་པའི་བསྐལ་བཟང་གི་སངས་རྒྱས་ད་དུང་ཞིང་འདིར་རྣམ་འདྲེན་དགུ་བརྒྱ་དགུ་བཅུ་གོ་དྲུག་འབྱོན་དགོས་ནི་རེད། དེ་དག་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད། བྱང་ཆུབ་སེམས་དཔའི་ལམ་ལ་བསླབ། མངོན་པར་རྫོགས་པར་སངས་རྒྱ་དགོས་ནི་རེད་དེ་བཞིན་དུ་ཕྱོགས་བཅུའི་ཞིང་རབ་འབྱམས་ན་ཡོད་པའི་སངས་རྒྱས་ཐམས་ཅད་ཀྱིས་བྱང་ཆུབ་མཆོག་ཏུ་ཐུགས་བསྐྱེད། ལམ་ལ་བསླབས་ནས་སངས་རྒྱས་པར་གྱུར་པ་དེ་དག་ཐམས་ཅད་ཀྱི་དྲུང་དུ་བདག་གནས་པར་ཤོག་ཅིག་གསུངས་པ་དང༌། མ་འོངས་པའི་སངས་རྒྱས་རྣམས་ཀྱིས་བྱང་ཆུབ་མཆོག་ཏུ་ཐུགས་བསྐྱེད་དེ་ནས་དགའ་ལྡན་གནས་ནས་འཕོ། ཡུམ་གྱི་ལྷུམས་སུ་ཞུགས། སྐུ་བལྟམས་པ། བཙུན་མོའི་འཁོར་གྱིས་རོལ། བཟོ་ཡི་གནས་ལ་མཁས། ཁྱིམ་ནས་མངོན་པར་བྱུང་། ངེས་འབྱུང་དཀའ་བ་སྤྱད། བྱང་ཆུབ་སྙིང་པོར་གཤེགས། བདུད་སྡེ་བཅོམ། མངོན་པར་བྱང་ཆུབ། ཆོས་ཀྱི་འཁོར་ལོ་བསྐོར། ཡོངས་སུ་མྱ་ངན་ལས་འདའ་བའི་བར་དུ་བདག་དེ་དག་ཐམས་ཅད་ཀྱི་དྲུང་ན་གནས། དེ་རྣམས་ཀྱི་ཕྲིན་ལས་ཀྱི་བྱེད་པོ་ཉིད་དུ་འགྱུར་བར་ཤོག་ཅིག་གསུངས་ནི་རེད། ངེད་ཅག་རྣམས་ཀྱིས་ཀྱང་། མ་འོངས་རྣམ་འདྲེན་དགུ་བརྒྱ་དགུ་བཅུ་དྲུག །ཞིང་འདིར་མངོན་འཚང་རྒྱ་བའི་ཚུལ་སྟོན་ཚེ། །རྟག་ཏུ་ཞབས་འབྲང་ཉེར་གནས་མཆོག་ཏུ་གྱུར། །རླབས་ཆེན་ཕྲིན་ལས་སྤེལ་བའི་མཐུ་ཐོབ་ཤོག །ཅེས་སྨོན་ལམ་བཏབ་པ་དང་གཅིག་རེད། མདོར་ན་མ་འོངས་པའི་སངས་རྒྱས་ཐམས་ཅད་ཀྱི་མཛད་པ་བྱེད་ནུས་པར་ཤོག་ཅིག་གསུངས་ནི་རེད། སྔོན་སྨིན་གླིང་ལོ་ཆེན་རྐྱེན་དབང་གིས་ཡོངས་སུ་མྱ་ངན་ལས་འདས་པའི་སྐབས་ན་ཇུན་ཧོར་དམག་གིས་ཁོང་བཟུང་ནས་འགྲོངས་ཆས་བྱེད་སྐབས་ཁོང་ཇོ་བོ་མཇལ་བ་རུ་ཨེ་མངག་གསུངས་དུས་མངག་ན་ཆོག་ཟེར། ཇོ་བོའི་སྐུ་མདུན་དུ་མགོན་པོ་ཀུན་གྱི་དྲུང་དུ་བདག་མཆིའོ་གསུངས་ནས་བཟང་ཡོད་ནི་ཟིན་བྲིས་བཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། ཡོངས་སུ་མྱ་ངན་ལས་འདས་སོང་ནི་རེད། ངེད་ཅག་སྨིན་གླིང་བ་ཕལ་ཆེ་བ་ཞིག་གིས་མགོན་པོ་ཀུན་གྱི་དྲུང་དུ་བདག་མཆིའོ་ཟེར་ནས་བཅད་དེ་ཚིག་མགོ་ཡང་ལེན་བྱེད་པའི་སྲོལ་ཡང་ཡོད་དར། སྔོན་ཆད་བྲག་རྫོང་མཁན་པོས་དེ་ལྟར་ཚིག་མགོ་ལེན་དར། ང་རང་གིས་བྲག་རྫོང་མཁན་པོ་ལ་ཨ་མཚར་དུ་འདི་རྟེན་འབྲེལ་ལེགས་པོ་ཞིག་མ་རེད་སྨིན་གླིང་ལོ་ཆེན་འདས་འགྲོ་ས་རེད་མ་བཅད་ན་དགའ་ཞེས་ཞུ་མྱོང་། རྒྱལ་བ་སྲས་བཅས་ཀྱི་དྲུང་དུ་བདག་གིས་བྱང་ཆུབ་སེམས་དཔའི་སྤྱོད་པ་ལ་སློབ་པར་གྱུར་ཅིག་གསུངས་ནི་རེད། སྤྱི་དོན་བཅུ་གཉིས་པ་སྟོབས་ཀྱི་སྒོ་ནས་སྨོན་པ་ནི། ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང༌། །ཀུན་ནས་སྒོ་ཡི་ཐེག་པའི་སྟོབས་དག་དང་། །ཀུན་ཏུ་ཡོན་ཏན་སྤྱོད་པའི་སྟོབས་རྣམས་དང་། །ཀུན་ཏུ་ཁྱབ་པ་བྱམས་པ་དག་གི་སྟོབས། །ཀུན་ནས་དགེ་བའི་བསོད་ནམས་སྟོབས་དག་དང་། ཆགས་པ་མེད་པར་གྱུར་པའི་ཡེ་ཤེས་སྟོབས། །ཤེས་རབ་ཐབས་དང་ཏིང་འཛིན་སྟོབས་དག་གིས། །བྱང་ཆུབ་སྟོབས་རྣམས་ཡང་དག་སྒྲུབ་པར་བྱེད། ཅེས་གསུངས་ཏེ། དཔེར་ན། ས་དང་པོའི་གནས་སྐབས་ན་སྐད་ཅིག་མ་གཅིག་གི་ཡུན་ལ་ཞིང་ཁམས་བརྒྱ་ལ་འཇུག་ནུས། སེམས་ཅན་བརྒྱ་སྨིན་ནུས། འཇིག་རྟེན་ཁམས་བརྒྱ་གཡོ་ནུས། སྤྲུལ་བ་བརྒྱ་འགྱེད་ནུས། ཆོས་ཀྱི་སྒོ་མོ་བརྒྱ་སྟོན་ནུས། ཏིང་འཛིན་བརྒྱ་ལ་འཇུག་ནུས་པ་ལ་སོགས་པ་དེ་ལྟ་བུའི་ཀུན་ཏུ་མྱུར་བའི་རྫུ་འཕྲུལ་གྱི་སྟོབས་དང་ནི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་སྤྱིར་ཡོན་ཏན་གྱི་རྣམ་གྲངས་བསམ་གྱིས་མི་ཁྱབ་པ་ཡོད་ཀྱང་རིགས་བསྡུ་ན། སྒྲིབ་གཉིས་བག་ཆགས་དང་བཅས་པ་སྤངས་པའི་ཡོན་ཏན་དང༌། ཇི་ལྟ་ཇི་སྙེད་མཁྱེན་པའི་ཡེ་ཤེས་ཐམས་ཅད་རང་རྒྱུད་ལ་ཡོངས་སུ་རྟོགས་པའི་སྨོན་ལམ་དང༌། གཞན་དོན་ལ་ཕྲིན་ལས་ཆགས་ཐོགས་མེད་པར་འཇུག་པ་དེ་ལྟ་བུའི་ཡོན་ཏན་ཚད་མེད་དང་ལྡན་པ་དང་། གནས་སྐབས་བདག་མེད་རྟོགས་པའི་ཡེ་ཤེས་མ་འབྲེལ་བའི་སེམས་ཅན་ཐམས་ཅད་བདེ་བ་དང་ལྡན་པར་འདོད་པ་ལ་ཚངས་པའི་བྱམས་པ་ཟེར་ནི་རེད། དེ་སྲིད་པ་ན་སྐྱེ་བར་བྱེད་པའི་རྒྱུ་ཞིག་རེད། སྲིད་པ་ལས་འདས་པའི་བྱམས་པ་ནི་བདག་མེད་རྟོགས་པའི་ཡེ་ཤེས་ཀྱི་སེམས། ཁྱད་པར་དུ་སངས་རྒྱས་ཀྱི་གོ་འཕང་ཐོབ་པར་བྱ་བའི་ཕྱིར་སེམས་ཅན་ཐམས་ཅད་ལ་ཉེ་རིང་ཆགས་སྡང་མེད་པར་ནམ་མཁས་གར་ཁྱབ་ཀྱི་སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བསམ་པ་བཟང་པོ་དེ་རང་གི་རྒྱུད་ལ་སྐྱེ་བར་བྱེད་པ་གཞན་གྱི་རྒྱུད་ལ་ཡང་སྐྱེ་བར་བྱེད་དགོས་བསམ་རྒྱུ་དེ་ནི་ཀུན་ཏུ་ཁྱབ་པའི་བྱམས་པ་དང་། དེས་མ་ཁྱབ་པ་མེད་པའི་སེམས་ཅན་ཐམས་ཅད་ལ་རང་གི་བུ་དང་བུ་མོ་ལྟར་སྙིང་རྗེ་དང་བྱམས་པ་སྐྱེས་ནི་རེད། དགྲ་ལ་ཡང་བྱམས་པ་སྐྱེས་ནི་རེད། ཀུན་ནས་དགེ་བའི་ཟེར་རྒྱུ་དེ་ནི། བྱང་ཆུབ་སེམས་དཔའི་དགེ་བ་ཆུང་ངུ་ཙམ་ཞིག་བྱེད་པ་དེས་བསོད་ནམས་རྒྱ་ཆེན་པོ་འགྲུབ་པར་བྱེད་ནི་རེད། ཡང་དཔེར་ན། བདག་ཅག་གི་སྟོན་པ་ཐུགས་རྗེ་ཅན་གྱིས་སྔོན་སློབ་པ་ལམ་གྱི་གནས་སྐབས་ན་དགེ་བ་ཆུང་ངུ་ཞིག་གིས་ཀྱང་སྐད་ཅིག་རེ་རེའི་ཡུན་ལ་བསྐལ་པ་མང་པོའི་ཚོགས་རྫོགས་འགྲོ་བ་དང་། ལྟར་སྣང་ལ་མི་དགེ་བ་ལྟར་དུ་སྣང་ཡང་སྔོན་དེད་དཔོན་སྙིང་རྗེ་ཅན་གྱིས་མི་ནག་མདུང་ཐུང་ཅན་བསད་པ་ལྟ་བུའི་དགེ་རྩ་གཅིག་གིས་ཀྱང་བསྐལ་པ་བརྒྱད་ཁྲིའི་ཚོགས་རྫོགས་འགྲོ་བ་ལྟ་བུ་དང་། ཁྱེའུ་སྐར་མ་ལ་དགའ་བ་རྒྱལ་བའི་སྲས་ཡིན་པའི་གནས་སྐབས་ན་བྲམ་ཟེ་བུ་མོ་འདོད་ཆགས་ཀྱིས་གདུང་བས་དེ་ལ་བྱང་སེམས་ཀྱི་སྒོ་ནས་ཆགས་པ་སྤྱོད་ཁྱིམ་ཐབ་བྱས་ནས་བསྐལ་པ་བཞི་ཁྲིའི་ཚོགས་རྫོགས་པར་བྱས་ནི་རེད། དེ་བཞིན་དུ་སྲིད་པའི་ཉེར་ལེན་གྱི་དགེ་བ་ཟེར་རྒྱུ་དེ་ནི་དེ་ལྟ་བུའི་སྐད་ཅིག་གི་དགེ་བ་ཁྱད་པར་ཅན་རང་གི་རྒྱུད་ལ་རྫོགས་པར་ཤོག་ཅིག་གསུངས་ནི་རེད། དགེ་བ་སྒྲུབ་ན་རང་ཁར་སོ་སོའི་སྐྱེ་བོ་ཞིག་གིས་དགེ་བ་སྒྲུབ་པ་དེ་དཔེར་ན། སྦྱིན་པ་སྦྱིན་ན་སྦྱིན་པ་པོ་རང་དང་སྦྱིན་པའི་ཡུལ་སྦྱིན་རྒྱུ་དངོས་པོ་གསུམ་ལ་བདག་ཏུ་འཛིན་པའང་ཡོད། དེ་ལ་ང་རྒྱལ་ཕྱོགས་འཛིན་ཁེངས་སེམས་དང་། སྦྱིན་པའི་སྐབས་ན་བརྙས་བཅོས་ལྟ་བུ་ཡང་ཡོད་ནི་རེད། བྱང་ཆུབ་སེམས་དཔའ་རྣམས་ཀྱིས་སྦྱིན་པ་དེ་ལ་སྦྱིན་པ་སྦྱིན་བྱ་ལེན་པོ་ཐམས་ཅད་ཀུན་ཀྱང་སྒྱུ་མ་དང་རྨི་ལམ་ལྟ་བུ་སྟོང་ཉིད་ཀྱི་ལྟ་བ་རྟོགས། ཀུན་རྫོབ་སྒྱུ་མ་ལྟ་བུ་ལ་བསླུ་བ་མེད་པའི་སྒོ་ནས་སེམས་ཅན་ཐམས་ཅད་ལ་སྦྱིན་པ་སྦྱིན་པ་དེ་རང་གི་ཤ་བཅད་ནས་སྦྱིན་དགོས་ནའང་དགའ་བ་ལས་མེད། དཔེར་ན། དབུ་མ་ལ་འཇུག་པ་ལས། ཇི་ལྟར་བྱིན་ཅིག་ཅེས་སྒྲ་ཐོས་སེམས་ལས། །རྒྱལ་སྲས་བདེ་འབྱུང་དེ་ལྟར་ཐུབ་རྣམས་ལ། །ཞི་བར་ཞུགས་པས་བདེ་བ་བྱེད་མིན་ན། །ཐམས་ཅད་བཏང་བས་ལྟ་ཞིག་སྨོས་ཅི་དགོས། །ཞེས་གསུངས་ཏེ། དཔེར་ན། རང་གི་ཤ་བཅད་ནས་དགོས་ཟེར་ན་བྱང་ཆུབ་སེམས་དཔའ་ལ་ཉན་ཐོས་དགྲ་བཅོམ་རྣམས་འགོག་པའི་བདེ་བ་ལ་ཞུགས་པའི་དགའ་བ་ལས་ཀྱང་དགའ་བ་ཁྱད་པར་ཅན་ཞིག་ཡོད་ནི་རེད། དེ་བཞིན་དུ་བྱང་ཆུབ་སེམས་དཔའི་སྦྱིན་པ་དེ་ཡང་རང་གི་ལག་གིས་སྦྱིན་པ་དང་ཉེ་བར་སྦྱིན་པ་དང་། རྣམ་འགྱུར་དགའ་བ་དང༌། སྤྲོ་བའི་སྒོ་ནས་སྦྱིན་པ་སྦྱིན་ནི་རེད། དེ་ལ་ཡང་ལན་དང་རྣམ་སྨིན་ལ་མི་རེ་བའི་སྒོ་ནས་སྦྱིན་པ་སྦྱིན་ནི་རེད། ངེད་ཅག་གིས་སྦྱིན་པ་ཞིག་སྦྱིན་ན་ཕར་གཅིག་སྦྱིན་ན་ཚུར་གཅིག་སྦྱིན་འོང་བསམ་པའི་ལན་དང་རྣམ་སྨིན་ལ་རེ་བ། གལ་ཏེ་ལན་ལ་རེ་བ་མེད་ནའང་རྣམ་སྨིན་ལ་རེ་བ་ཡོད། ངས་ཚོགས་བསགས་སྒྲིབ་སྦྱོང་བྱས་པས་ང་གནས་སྐབས་ལྷ་མིའི་བདེ་བ་དང་། མཐར་ཐུག་གི་བདེ་བ་རྒྱ་ཆེན་པོ་ཞིག་ཨེ་ཐོབ་བསམ་རྒྱུའི་རྣམ་སྨིན་ལ་རེ་བ་ཡོད་ནི་རེད། བྱང་ཆུབ་སེམས་དཔའ་ལ་དེ་ལྟ་བུ་ཡོད་ནི་མ་རེད། སེམས་ཅན་ཐམས་ཅད་གནས་སྐབས་དང་མཐར་ཐུག་བདེ་སོང་ན་ཅི་མ་རུང་། རང་ཅི་རེད་ན་ཅི་རེད་ཟེར་ནི་རེད། དཔེར་ན། ཕ་མ་སྙིང་བརྩེ་ལྡན་པས་བུ་ལ་ཟས་སྦྱིན་ན་དེས་ང་ལ་ལན་ཞིག་ཨེ་སྦྱིན་མི་བསམ་པར་ཁོང་གིས་བུ་འདི་ལ་ཟས་ཤིག་སྦྱིན་ན་ང་ལ་དགེ་བ་རྒྱ་ཆེན་པོ་ཨེ་ཡོད་མི་བསམ། བྱང་ཆུབ་སེམས་དཔའ་ཡིན་ན་ཧ་ལམ་དེ་དག་དང་ཆ་འདྲ་བ་རེད། ཤེས་རབ་དང་ཐབས་དང་ཏིང་ངེ་འཛིན་གྱིས་སངས་རྒྱས་ཀྱི་གོ་འཕང་སྒྲུབ་པར་བྱེད་པ་ལ་ཆོས་ཐམས་ཅད་བདག་མེད་རྟོགས་པའི་ཡེ་ཤེས་ཡོད་དགོས་ནི་རེད་མ་གཏོགས། བདག་མེད་མ་རྟོགས་པའི་དགེ་རྩ་ཙམ་ཞིག་གིས་སངས་རྒྱས་ཀྱི་གོ་འཕང་ཐོབ་ཐུབ་ནི་མ་རེད། བྱམས་སོགས་རྨོངས་དང་འགལ་མེད་ཕྱིར། །ཤིན་ཏུ་ཉེས་པ་ཚར་གཅོད་མིན། །ཞེས་གསུངས་སོ། །དེའི་ཕྱིར་ན་བདག་མེད་རྟོགས་པའི་ཤེས་རབ་རང་གི་རྒྱུད་ལ་རྫོགས་པར་གྱུར་ཅིག བདག་མེད་རྐྱང་བ་ཙམ་ཞིག་རྟོགས་ནའང་ཐབས་མཁས་ཁྱད་པར་ཅན་ཞིག་གི་གྲོགས་ཡོད་དགོས་ནི་རེད། ཐབས་མཁས་ཁྱད་པར་ཅན་ཟེར་རྒྱུ་དེ་བྱང་ཆུབ་སེམས་དཔའི་གནས་སྐབས་ན་གོང་དུ་བཤད་པ་ལྟར་དེད་དཔོན་སྙིང་རྗེ་ཅན་དང་། ཁྱེའུ་སྐར་མ་ལ་དགའ་བའི་རྣམ་ཐར་ལྟ་བུ་སྐད་ཅིག་གི་བྱ་བ་དེས་བསྐལ་མང་གི་ཚོགས་རྫོགས་འགྲོ་བ་དང་། གསང་སྔགས་རྡོ་རྗེ་ཐེག་པའི་གྲལ་ན་མིག་འཕྲུལ་ལྟ་བུའི་སྒོ་ནས་བསྐལ་ཆེན་གྲངས་མེད་གསུམ་དང་སུམ་ཅུ་སོ་གསུམ་གྱི་འབྲས་བུ་ཐོབ་རྒྱུ་དེ་མི་ལུས་གཅིག་གམ་རྫོགས་པ་ཆེན་པོའི་ལམ་ལྟ་བུའི་ཐབས་ཁྱད་པར་ཅན་ལ་བརྟེན་ན་ཟླ་བ་དྲུག་གིས་ཟུང་འཇུག་གི་སྐུ་འགྲུབ་པར་བྱེད་པ་ཡོད་ནི་རེད། དེ་འདྲའི་ཐབས་ཁྱད་པར་ཅན་ཟེར་རྒྱུ་དེ་གསང་སྔགས་རྡོ་རྗེ་ཐེག་པའི་ནང་ན་བཤད་ཡོད་ནི་རེད། མདོ་ཕར་ཕྱིན་ཐེག་པའི་སྐབས་ན་ཡང་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཕྱོགས་ཙམ་ཡང་མི་ཤེས་པ་ནི་ཐབས་ཀྱི་རྣམ་གྲངས་བསམ་གྱིས་མི་ཁྱབ་པ་ཡིན་པས་རེད། སྤྱིར་བྱང་ཆུབ་སེམས་དཔའི་འགྲོ་དོན་མཛད་པ་ལ་བྱ་བ་གང་བསྒྲུབ་དགོས་ན་བསམ་པ་སྔོན་དུ་འགྲོ་དགོས་ཏེ། ཆོས་རྣམས་སྔོན་དུ་ཡིད་འགྲོ་ཞིང༌། །ཡིད་འགྲོགས་ཡིད་འདི་གཙོ་བོ་ཡིན། །ཞེས་བསམ་པ་སྔོན་དུ་འགྲོ་དགོས་པར་གསུངས་ནི་རེད། དཔེར་ན་རྩམ་པ་ཞིག་ཟ་དགོས་ནའང་དང་པོ་ཟ་བསམ་རྒྱུའི་བསམ་པ་སྔོན་དུ་སོང་ནས་ཟ་དགོས་པ་དང་གོམ་པ་འདོར་དགོས་ན་འགྲོ་བསམ་པ་སྔོན་དུ་སོང་ནས་གོམ་པ་འདོར་དགོས་པ་དེ་བཞིན་དུ་བྱང་ཆུབ་སེམས་དཔའ་དང་སངས་རྒྱས་ཐམས་ཅད་ཀྱིས་རང་གཞན་གྱི་དོན་གང་དང་གང་ཞིག་བསྒྲུབ་ན་ཏིང་ངེ་འཛིན་གྱི་སྟོབས་ཀྱིས་སྒྲུབ་པར་བྱེད་ནི་རེད། ཏིང་ངེ་འཛིན་གྱི་སྒོ་དེ་ནི་བསམ་གྱིས་མི་ཁྱབ་པ་རེད། རྒྱས་པར་ད་ཞག་ཉེ་སྲས་བརྒྱད་ཀྱི་རྟོགས་བརྗོད་ཀྱི་སྐབས་ན་གསུངས་ཡོད་པ་དེ་ངས་ཕྱོགས་ཙམ་ཞིག་ཞུས་མྱོང་པ་ལྟར་རེད། དཔེར་ན། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པའི་དེ་བཞིན་གཤེགས་པ་ཤཱཀྱ་ཐུབ་པའི་དྲུང་དུ་འཁོར་བསྡུ་བའི་ཚེ་ན་ཏིང་ངེ་འཛིན་གཅིག་ལ་མཉམ་པར་བཞག་ནས་དེའི་སྟོབས་ཀྱིས་འཁོར་ཐམས་ཅད་བསྡུས། བདུད་ཐམས་ཅད་ཚར་གཅད་པའི་ཚེ་ན་ཡང་ཏིང་ངེ་འཛིན་གྱི་རྣམ་གྲངས་གཅིག་ལ་མཉམ་པར་བཞག་ནས་བདུད་ཐམས་ཅད་ཚར་གཅོད་པར་བྱེད། དེ་བཞིན་དུ་རང་གཞན་གྱི་དོན་གང་ཞིག་བསྒྲུབ་དགོས་ཀྱང་ཏིང་ངེ་འཛིན་ལ་དབང་འབྱོར་དགོས་ནི་རེད། ཏིང་ངེ་འཛིན་ཟེར་རྒྱུ་དེ་ནི་ངེད་ཅག་གིས་སྒོམ་ཞེས་རྩེ་གཅིག་ཏུ་མཉམ་པར་བཞག་པ་དེ་ཧ་ལམ་ཏིང་ངེ་འཛིན་གྱི་ཕྱོགས་གཏོགས་རེད། ད་དུང་ངེད་ཅག་ལས་དང་པོ་པ་རེད། ཏིང་ངེ་འཛིན་གྱི་སྒོ་ལ་གསར་དུ་འཇུག་ཅིང༌། ནམ་ཞིག་ཏིང་ངེ་འཛིན་ལ་དབང་འབྱོར་བར་བྱེད་ནི་རེད། ཏིང་ངེ་འཛིན་གྱི་རྣམ་པ་དེ་སྤྱིར་ན་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱིས་ཚད་མེད་པ་གཞལ་དུ་མེད་པ་ཞིག་ཡོད་པར་གསུངས་ནི་རེད། དེ་བཞིན་གཤེགས་པའི་མདོ་སྡེ་ཏིང་འཛིན་རྒྱལ་པོ་ཟེར་བ་ཞིག་ད་སྐབས་བོད་དུ་འགྱུར་ཡོད་ནི་རེད། དེའི་ནང་དུ་ཏིང་ངེ་འཛིན་གྱི་སྒོ་མི་འདྲ་བ་འབུམ་ཕྲག་གཅིག་བཤད་ཡོད་ནི་རེད། དཔེར་ན། མདོ་ཏིང་འཛིན་རྒྱལ་པོ་ལས་བཤད་པའི་སྒྱུ་མ་ལྟ་བུའི་ཏིང་ངེ་འཛིན་དང་དཔའ་བར་འགྲོ་བའི་ཏིང་ངེ་འཛིན། རྡོ་རྗེ་ལྟ་བུའི་ཏིང་ངེ་འཛིན་ལ་སོགས་པའི་ཏིང་ངེ་འཛིན་གྱི་རྣམ་གྲངས་འབུམ་ཕྲག་གཅིག་དངོས་བསྟན་རེད། སྒོ་འབུམ་ཕྲག་གཅིག་གི་མཐའ་ཆོད་ཟེར་ན་ག་ལ་ཆོད་དེ་ཆོད་ནི་མ་རེད། ངེད་ཅག་སོ་སོའི་སྐྱེ་བོ་ཞིག་གི་རྣམ་རྟོག་གིས་སངས་རྒྱས་དང་བྱང་ཆུབ་སེམས་དཔའི་ཏིང་ངེ་འཛིན་གྱི་མཐའ་ག་ལ་ཆོད། དེ་ལྟ་བུའི་ཏིང་ངེ་འཛིན་དེ་ནི་རང་དང་འབྲེལ་བ་ཐོགས་ཚད་ཀྱི་སེམས་ཅན་ཐམས་ཅད་ཀྱི་རྒྱུད་ལ་སྐྱེ་བར་ཤོག་ཅིག་གསུངས་ནི་རེད། དེ་འདྲའི་ཚིག་གཅིག་གིས་སྨོན་ལམ་བཏབ་ན་དེའི་ནང་དུ་མ་འདུས་པ་ཞིག་ཅི་ཡང་མེད། ས་ཐོབ་པའི་རྒྱུད་ན་འདི་ལྟ་བུའི་ཚིག་ཟབ་ལ་དོན་རྒྱ་ཆེ་བ་བྱིན་རླབས་ཀྱི་ནུས་པ་ལྷག་པར་ཆེ་བ་ཡོད་པས་དེ་རྒྱུད་ལ་སྐྱེ་བའི་ཐབས་སུ་དུས་རྒྱུན་དུ་སྨོན་ལམ་འདེབས་པ་དང་། རྒྱས་པར་ཏིང་འཛིན་རྒྱལ་པོའི་གཞུང་ལས་བཤད་པའི་དོན་ཐམས་ཅད་ཁོང་དུ་ཆུད་པ་བྱེད་དགོས་ནི་རེད། སྤྱི་དོན་བཅུ་གསུམ་པ་སྒྲུབ་པའམ་གཉེན་པོའི་སྒོ་ནས་སྨོན་པ་ནི། ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞེས་གསུངས་ཏེ། ལས་ཀྱི་སྟོབས་དེ་མེད་པར་གྱུར་ཅིག་ཞེས་མི་དགེ་བ་བཅུ་པོ་རང་རྒྱུད་ལ་མི་སྐྱེ་བར་གྱུར་ཅིག་ལས་དེ་ལའང་བསམ་པའི་ལས་དང་སེམས་པའི་ལས་ཞེས་མདོ་སྡེ་ཁ་ཅིག་ན་དེ་ལྟར་བཤད་ཡོད། སེམས་ལ་རྟག་ཏུ་མང་པོ་ཞིག་བསམ་འདུག་རྒྱུ་དེའི་མིང་ལ་སེམས་པ་ཡིད་ཀྱི་ལས་དང་དེས་བསྐྱེད་པའི་ལུས་དང་ངག་གི་ལས་དེ་ལའང་སེམས་པའི་ལས་ཟེར། ལུས་ངག་གི་སྟེང་དུ་ཐོན་པ་དངོས་སུ་ཁ་ནས་བརྗོད་པའི་ལས་དེ་ལ་བསམ་པའི་ལས་ཟེར་ནི་རེད། མདོར་ན་ལུས་ངག་ཡིད་གསུམ་གྱི་སྒོ་ནས་སྡུག་བསྔལ་ཡིད་དུ་མི་འོང་བ་སྨིན་པར་བྱེད་པའི་ལས་ངན་པ་ཐམས་ཅད་ཡོངས་སུ་ཟད་པར་གྱུར་ཅིག་གསུངས་ནི་རེད། འཁོར་བ་མཐའ་དག་ལ་སྐྱེ་བར་བྱེད་པའི་ལས་དཀར་ནག་དང་དཀར་ནག་ཕྱེད་མས་མངོན་མཐོ་ལྷ་མིའི་གནས་སུ་སྐྱེ་བར་བྱེད་པའི་ཟག་བཅས་དགེ་བའི་ལས་རེད། དེ་ཟད་དགོས་ནི་རེད་མ་གཏོགས་དེས་ཀྱང་འཁོར་བ་ལ་སྐྱེ་ནི་རེད། དོན་དང་པོ་མི་དགེ་བའི་ལས་མཐའ་དག་རྩ་བ་ནས་ཡོངས་སུ་སྤངས་ཏེ་ཕྱིན་ཆད་མི་དགེ་བ་ཕྲ་མོ་ཙམ་ལ་ཡང་མི་འཇུག་པར་ཤོག་ཅིག་གསུངས་ནི་རེད། ལས་དེ་ཀུན་ནས་སློང་བྱེད་ཉོན་མོངས་རེད། ཉོན་མོངས་པ་ཞེས་པ་དེ་མང་པོ་ཡོད་ཀྱང་སྲིད་པ་དང་སྲིད་པའི་ཡོ་བྱད་ལ་ཞེན་ཅིང་ཆགས་འདུག་རྒྱུའི་འདོད་ཆགས་ཞེས་པ་ནི་ཞེ་སྡང་འདྲ་བའི་ཧ་ཅང་བཟོད་བཀའ་བ་མིན་ཡང་དེ་རྒྱུད་ན་ཡོད་ནས་བཟུང་སྟེ་གཏན་ནས་བཟློག་པར་དཀའ་བ་ཞིག་ཡིན་ནི་རེད། དཔེར་ན་སྐྱེས་པ་ཞིག་བུད་མེད་ལ་ཆགས་པ་དང་། བུད་མེད་ཅིག་སྐྱེས་པ་ལ་ཆགས་པ་ལྟ་བུ་ནི། བཅོམ་ལྡན་འདས་ཀྱི་གསུང་དང་ཡང་འགལ་བ་དང་། བླ་མ་དགེ་བའི་བཤེས་གཉེན་གྱི་གསུང་དང་ཡང་འགལ། ཤེས་བཞིན་དུ་སེམས་འདི་གཏན་ནས་བཟློག་མི་ཐུབ་པ་འཇིག་རྟེན་པའི་ཁ་སྐད་ལའང༌། རྣག་སྐྲ་སྤངས་ལ་ཟུག་ན་འབའ་ཡོད། ཕོ་སྙིང་མོ་ལ་ཟུག་ན་འབའ་མེད་ཟེར་བ་ལྟར་བཟློག་རྒྱུ་གཏན་ནས་མེད་པ་ཞིག་ལ་ཟེར་བས་དེ་ལ་ངོ་སྤྲོད་ཅིག་མི་དགོས། རྒྱུ་རྫས་ལོངས་སྤྱོད་ལ་ཆགས་པ་དེའང་ཧ་གོ་བཞིན་པ་དེ་རེད། དཔེར་ན། ཕྲུག་ཚ་རུ་གཡུ་བྱུ་རུ་སྒོར་གསེར་དངུལ་སོགས་ལ་ཆགས་ཤིང་ཞེན་པ་དེ་ལ་འདོད་ཆགས་ཟེར་ནི་རེད། ཞེ་སྡང་ཞེས་པ་ནི། མི་ཞེ་སྡང་ཅན་རྣམས་ཀྱིས་རང་གི་ཤ་སོས་བཅད་ཀྱང་མི་གོ་བ་དང་། རང་གི་ལུས་ལས་ཆད་པའི་བུ་བསད་ན་མི་གོ་རྒྱུ་འདྲ་བ་དེ་ལྟ་བུའི་ཞེ་སྡང་དེ་ངོ་སྤྲོད་ཅིག་མི་དགོས་པར་ཚང་མས་ཤེས་ནི་རེད། འདོད་ཆགས་ཞེ་སྡང་གཉིས་ཀ་ལ་འཕྲད་འོང་དུས་བཟློག་མི་ཐུབ་པ་ལྟ་བུ་ཞིག་རེད། གཏི་མུག་ཅེས་པ་དེ་ཡང་དགེ་བ་སྒྲུབ་མི་ཤེས་སྡིག་པ་སྤང་མི་ཤེས་པ་དེ་ནི་གཏི་མུག་རེད། ཉེས་པ་མང་ཆེ་བའི་འབྱུང་གནས་དེ་གཏི་མུག་རེད། རང་ཅག་གིས་ད་ལྟ་གཞུང་ལུགས་རབ་འབྱམས་ལ་ཐོས་བསམ་སྒོམ་གསུམ་བྱེད་རྒྱུ་དེ་གཙོ་བོ་གཏི་མུག་སེལ་བའི་ཆེད་རེད། དཔེར་ན། དགེ་འདུན་པའི་དཀོར་ལ་ལོངས་སྤྱོད་རྒྱུ་དེ་ཕྲ་ཞིང་ཕྲ་བ་ནས་ལག་ལེན་དོགས་མཐའ་ལེགས་པོ་ཞིག་ཤེས་དགོས་ན་ད་ཞག་མཁན་སྤྲུལ་རྣམ་པ་ཐམས་ཅད་ལྷན་དུ་འཚོགས་ནས་གྲོས་བསྡུར་བྱེད་སྐབས། ངེད་ཅག་གིས་ཚུལ་བཞིན་བཤད་མི་ཤེས་དེ་ཡང་གཏི་མུག་གིས་རེད། སྤྱིར་ན་མི་དགེ་བ་ནི་མ་ཤེས་པའི་དབང་གིས་འབྱུང་ནི་རེད། མ་གུས་པ་དང་བག་མེད་པའི་དབང་གིས་ཉེས་པ་ཆེ་ཕྲ་ཐམས་ཅད་འབྱུང་བ་ཡིན། བག་མེད་ཞེས་པ་དེ་དྲན་ཤེས་མི་བརྟེན་པ་ལ་ཟེར། ཉོན་མོངས་པའི་དབང་གིས་འབྱུང་བའང་ཡོད་པས། དེའི་སྡུག་ཆེ་བ་ཞིག་ཅི་ཡང་མེད། ཉོན་མོངས་པ་ཐམས་ཅད་རིགས་བསྡུ་ན་འདོད་ཆགས་ཞེ་སྡང་གཏི་མུག་གསུམ་གྱི་ནང་དུ་ཕྱོགས་ཙམ་འདུ་རྒྱུ་རེད། ཕྲག་དོག་དེ་ཞེ་སྡང་གི་ཕྱོགས་གཏོགས་རེད། སེར་སྣ་ཟེར་བ་ནི་འདོད་ཆགས་དང་ཕྱོགས་འདྲ་བ་ཞིག་རེད། སྤྱིར་ན་མི་དགེ་བ་འདོད་ཆགས་ཞེ་སྡང་གཏི་མུག་གསུམ་གྱིས་ཀུན་ནས་བསླངས་པའི་ལུས་ངག་ཡིད་ཀྱི་སྤྱོད་པ་ཚང་མ་རྣམ་པ་ཀུན་ཏུ་མི་དགེ་བ་འབའ་ཞིག་རེད། དེས་ན་འདོད་ཆགས་ཞེ་སྡང་གཏི་མུག་གསུམ་པོ་དེ་མེད་པར་གྱུར་ཅིག་གསུངས་ནི་རེད། ༈ སེས་ཞེས་པ་དེ་འདོད་ཆགས་ཞེ་སྡང་གཏི་མུག་རྣམས་རང་རྒྱུད་ལ་སྐྱེ་བར་བྱེད་པ་དེ་རེད། སྣང་ཚུལ་གྱི་དབང་དུ་བྱས་ན་ཕྱི་རོལ་དུ་དགའ་རབ་དབང་ཕྱུག་འཁོར་དང་བཅས་པ་ནག་པོའི་རྩ་ལག་ཏུ་གྱུར་པ་ཐམས་ཅད་ཀྱིས་རབ་ཏུ་བྱུང་བ་ཐམས་ཅད་ལ་ཉིན་རེ་བཞིན་དུ་ཆགས་པར་བྱེད་པའི་མདའ། སེམས་རྨོངས་པར་བྱེད་པའི་མདའ་དང་། སེམས་ང་རྒྱལ་བར་བྱེད་པའི་མདའ་དང་། འཐབ་པར་བྱེད་པའི་མདའ་དང༌། འདུ་འཛི་དང་རྙེད་བཀུར་ལ་བརྟེན་ཏེ་སེམས་གཡེང་བར་བྱེད་པ་སོགས་མདའ་ལྔ་རེ་འཕེན་ནི་རེད། དེ་ནི་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་སེར་སྣ་སོགས་སྐྱེ་བྱེད་དེ་ལ་མདའ་ལྔ་ཟེར་ནི་རེད། དེ་འདྲའི་མདའ་འཇམ་པོ་འཇམ་པོ་ཞིག་གིས་བརྒྱབ་པ་ཡང་མི་གོ་བར་ཁྱབ་འགྲོ་བ་ཞིག་རེད། དེ་ལྟ་བུའི་ཉོན་མོངས་པ་རྒྱུད་ལ་སྐྱེ་བར་བྱེད་པ་ནི་བྱང་ཆུབ་གསུམ་ལ་བར་ཆད་བྱེད་པའི་བདུད་ཟེར་རྒྱུ་བོ་དེ་རེད། འདྲེ་བགེགས་ལ་སོགས་པ་གཙོ་བོ་རང་གི་སེམས་ཀྱི་ཆོ་འཕྲུལ་རེད་མ་གཏོགས་སེམས་ལས་གཞན་དུ་གྱུར་པའི་ཕྱི་རོལ་གྱི་ཁ་མིག་རྣ་བ་ཅན་གྱི་བདུད་ཅིག་མེད་ཀྱང་སེམས་རྣམ་པར་མ་དག་ན་བགེགས་ཡོད་དེ། རྗེ་བཙུན་མི་ལའི་རྣམ་མགུར་ལས། ཁྱེད་རང་སེམས་འདྲེ་རུ་བཟུང་གྱུར་ན། །འདྲེ་ང་བས་མི་ཚད་གཞན་པ་ཡོད། །ཅེས་གསུངས་ཏེ། ཕྱི་རོལ་ན་ཁ་ལག་རིང་པོ་ཁ་མིག་རྣ་བ་ཅན་ཞིག་ཡོད་རྒྱུའི་དབང་དུ་བྱེད་པ་དགའ་རབ་དབང་ཕྱུག་དང་བཙན་རྒྱལ་པོ་མ་མོ་ཐེའུ་རང་དམ་སྲི། ཁྱད་པར་དུ་སངས་རྒྱས་ཀྱི་བསྟན་པ་རིན་པོ་ཆེ་ལ་མི་དགའ་བའི་ནག་ཕྱོགས་བདུད་ཀྱི་སྟོབས་དེ་ཟད་པར་གྱུར་ཅིག་གསུངས་ནས་སྨོན་ལམ་བཏབ་ནི་རེད། བཟང་པོ་སྤྱོད་པའི་སྟོབས་ཞེས་པ་དེ་བསམ་པ་བཟང་པོ་བྱང་ཆུབ་ཀྱི་སེམས་དང་སྤྱོད་པ་རྣམ་པར་དག་པ་བསླབ་པ་ཚུལ་ཁྲིམས་ཏིང་འཛིན་ཤེས་རབ་གསུམ་པོ་དེའི་སྟོབས་ནི་ཡོངས་སུ་རྫོགས་ནས་སེམས་ཅན་ཐམས་ཅད་ཀྱི་རྒྱུད་ལ། དཔེར་ན། སོས་ཀའི་དུས་སུ་ཆེད་དུ་བརྩོན་པ་མ་བྱས་ཀྱང་ས་གཞི་ལ་རྩི་ཤིང་ནགས་ཚལ་ཐམས་ཅད་སྐྱེ་བ་དེ་བཞིན་དུ་སེམས་ཅན་ཐམས་ཅད་ཀྱི་རྒྱུད་ལ་ལམ་ལྷག་པའི་བསླབ་པ་གསུམ་དང་བྱང་ཆུབ་ཀྱི་སེམས་རིན་པོ་ཆེ་འབད་མེད་དུ་རྒྱུད་ལ་སྐྱེ་བར་གྱུར་ཅིག་བསམས་ནས་སྨོན་ལམ་འདེབས་དགོས་ནི་རེད། ངེད་ཅག་རྣམས་ཀྱིས་སྔོན་རྒྱ་གར་རྡོ་རྗེ་གདན་གྱི་མཆོད་རྟེན་ལ་སྐོར་བ་བྱེད་པའི་སྐབས་ན་འདིའི་ཚིགས་སུ་བཅད་པ་དེ་གྲངས་མང་པོ་བཏོན་ནས་བསྐོར་ནི་ཡིན། ངས་ཁྱེད་རྣམ་པ་ལ་སྔོན་ཆད་ཀྱང་ཞུ་མྱོང་། སྨོན་ལམ་འདེབས་པའི་སྐབས་སུ་གྱུར་རྣམས་ལ་འགྱུར་མ་ཟེར། གྱུར་ཟེར་བ་དེ་གྱུར་ཅིག་ཟེར་བ་དང་དོན་གཅིག་རེད། སྡེབ་སྦྱོར་གྱི་དབང་གིས་མ་ཤོང་ནི་རེད། ཁྱད་པར་དུ་སྐད་སྦུག་རྣམས་ཀྱི་ནང་དུ་གྱུར་རྣམས་ལ་འགྱུར་མ་ཟེར་མ་གཏོགས་མཁས་པ་ཞིག་གིས་ཉན་ན་ཨེ་བླ་རུང་སྒར་མཁས་ཟེར་ཡང་གྱུར་དང་འགྱུར་གཉིས་ཀྱི་ཁྱད་འབྱེད་མི་ནུས་འུ་ཟེར་འོང་ནི་རེད། ཐམས་ཅད་ཀྱིས་ཐུགས་ལ་འཛིན་པར་ཞུ། ད་ངོ་མ་བཤད་ན་བྱང་ཆུབ་སེམས་དཔའི་སྨོན་ལམ་རྒྱ་མཚོ་ལྟ་བུ་འདི་ཁོ་ནའི་ནང་དུ་འདུ་ནི་རེད། ལས་ཀྱི་སྟོབས་ཟད། ཉོན་མོངས་པའི་སྟོབས་འཇོམས། བདུད་ཀྱི་སྟོབས་མེད་པར་བྱེད། བཟང་པོ་སྤྱོད་པའི་སྟོབས་རྫོགས་སོང་ན་དེའི་ནང་དུ་མ་འདུས་པའི་སྨོན་ལམ་ཞིག་མེད། དེའི་ཕྱིར་ན་བཟང་པོ་སྤྱོད་པའི་སྨོན་ལམ་འདི་སྨོན་ལམ་གཞན་དང་མི་འདྲ་ཟེར་བའི་གནད་དོན་ཡང་དེ་འདི་ལྟ་བུ་རེད། སྤྱི་དོན་བཅུ་བཞི་པ་ཕྲིན་ལས་ཀྱི་སྒོ་ནས་སྨོན་པ་ནི། ཞིང་རྣམས་རྒྱ་མཚོ་རྣམ་པར་དག་བྱེད་ཅིང༌། །སེམས་ཅན་རྒྱ་མཚོ་དག་ནི་རྣམ་པར་སྒྲོལ། །ཆོས་རྣམས་རྒྱ་མཚོ་རབ་ཏུ་མཐོང་བྱེད་ཅིང༌། །ཡེ་ཤེས་རྒྱ་མཚོ་རབ་ཏུ་རྟོགས་པར་བྱེད། །སྤྱོད་པ་རྒྱ་མཚོ་རྣམ་པར་དག་བྱེད་ཅིང༌། །སྨོན་ལམ་རྒྱ་མཚོ་ཡོངས་སུ་རྫོགས་པར་བྱེད། །སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང་། །བསྐལ་པ་རྒྱ་མཚོར་མི་སྐྱོ་སྤྱད་པར་བགྱི། །༡༽ཞེས་གསུངས་ཏེ། མངོན་པར་རྫོགས་པར་སངས་རྒྱས་ནས་འཕྲིན་ལས་ཀྱིས་སེམས་ཅན་ཐམས་ཅད་ལ་གང་ལ་གང་འདུལ་གྱི་མཛད་པ་མཛད་དགོས་ནི་རེད། དེའི་ཕྱིར་ན་རང་གིས་ཕྱོགས་བཅུའི་ཞིང་རབ་འབྱམས་ན་གནས་པའི་ཞིང་ཁམས་ཐམས་ཅད་དག་པ་ཉིད་དུ་བསྒྱུར་ནུས་པར་ཤོག་ཅིགདཔེར་ན། མགོན་པོ་འོད་དཔག་མེད་ཀྱི་ཞིང་ཁམས་ཇི་ལྟ་བ་བཞིན་དུ་ཕྱོགས་བཅུའི་ཞིང་རབ་འབྱམས་ཀུན་ཀྱང་ཡོངས་སུ་དག་པ་ཉིད་དུ་འགྱུར་བར་ཤོག་ཅིག་ཟེར་ནས་སྨོན་ལམ་འདེབས། ནམ་ཞིག་ན་རང་གིས་དེ་ལྟ་བུ་དངོས་སུ་བསྒྱུར་ནུས་པར་ཤོག་ཅིག་བསམ།༢༽ ཕྱོགས་བཅུའི་ཞིང་རབ་འབྱམས་ན་བཞུགས་པའི་སེམས་ཅན་གཅིག་ཀྱང་མ་ལུས་པ་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་མ་བསྒྲལ་བ་རྣམས་བསྒྲལ་ཏེ་སངས་རྒྱས་ཀྱི་ས་ལ་ཡོངས་སུ་འགོད་ནུས་པར་ཤོག་ཅིག་བསམ། ༣༽ འདས་མ་འོངས་ད་ལྟ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་བླ་མ་དགེ་བའི་བཤེས་གཉེན་རྣམས་ཀྱི་གསུང་རྣམས་ཀྱི་ཚིག་ཟུར་ཙམ་ཡང་མ་ལྷག་པར་ཐམས་ཅད་རང་གི་ཡིད་ལ་འཛིན་ནུས་པར་གྱུར་ཅིག དོན་ཀུན་ཀྱང་རང་གི་ཡིད་ལ་འཆར་ནུས་པར་གྱུར་ཅིག ཚིག་དོན་ཐམས་ཅད་ཡ་མ་བྲལ་བར་རང་གིས་ཉམས་སུ་ལེན་ནུས་པར་གྱུར་ཅིག མ་ཟད་པར་རང་དང་འབྲེལ་བ་ཐོག་ཚད་དང་མཐའ་ཡས་པའི་སེམས་ཅན་ཐམས་ཅད་ལ་དེ་དེ་བཞིན་དུ་ཚིག་དོན་རྣམས་ཉམས་སུ་ལེན་པའི་ཡོན་ཏན་ཐམས་ཅད་ཡོངས་སུ་རྫོགས་པར་གྱུར་ཅིག༤༽ ད་དུང་སོ་སོའི་སྐྱེ་བོའི་གྲལ་ན་སངས་རྒྱས་དང་བྱང་ཆུབ་སེམས་དཔའ་ཡེ་ཤེས་དང་ཡོན་ཏན་བསམ་གྱིས་མི་ཁྱབ་པ་ཅན་ཡོད་ནི་རེད། དེ་ལྟ་བུའི་ཡེ་ཤེས་དེ་ཡང་སེམས་ཅན་ཐམས་ཅད་ཀྱི་རྒྱུད་ལ་ཡོངས་སུ་སྨིན་པར་ཤོག་ཅིག་གསུངས་ནི་རེད། ༥༽ སྤྱིར་བྱང་ཆུབ་སེམས་དཔའི་སྤྱོད་པ་རྒྱ་མཚོ་ལྟ་བུ་བསམ་གྱིས་མི་ཁྱབ་པ་རེད། སྤྱོད་པ་ཐམས་ཅད་ངོ་བོའི་སྒོ་ནས་བསྡུ་ན་དངོས་དང་བརྒྱུད་པའི་སེམས་ཅན་ཐམས་ཅད་ལ་ཕན་པར་བྱེད་པ་འབའ་ཞིག་གི་ནང་དུ་འདུ་ནི་རེད། དེ་ཡང་རང་གིས་སེམས་ཅན་ཐམས་ཅད་ལ་ཕན་པའི་སྤྱོད་པ་རྫོགས་པར་གྱུར་ཅིག་གསུངས་ནི་རེད། ཁྱད་པར་དུ་ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་ཀྱི་ཞལ་ནས། རྒྱལ་སྲས་རྣམས་ཀྱིས་ཀུན་ལ་བསླབ་བྱ་སྟེ། །གཙོ་བོ་ཕ་རོལ་ཕྱིན་པ་དྲུག་ལ་སློབ། །ཅེས་གསུངས་ཏེ་རྒྱལ་སྲས་རྣམས་ཀྱི་བསླབ་བྱ་དེ་ལ་ཚད་མེད་པ་གྲངས་མེད་པ་གཞལ་དུ་མེད་པ་ཞིག་ཡོད་ཀྱང་རྒྱལ་སྲས་བྱང་ཆུབ་སེམས་དཔའ་ཐམས་ཅད་ཀྱིས་དངོས་གནས་བཤད་ན་དེ་རིང་འདི་ན་འོང་ནས་ཚིག་རྩུབ་དང་། ངག་འཁྱལ་སོགས་འདྲ་མི་འདྲ་བཤད་ན་ཡང་དེ་ཐམས་ཅད་སེམས་ཅན་གྱི་དོན་དུ་འགྱུར་ནི་རེད། དེ་ཡང་སྔོན་བྱང་ཆུབ་སེམས་དཔའ་འཇམ་དཔལ་དབྱངས་ཀྱིས་གསལ་རྒྱལ་གྱི་བཙུན་མོ་རྣམས་ལ་སུན་འབྱིན་པ་ན་འོད་སྲུང་ཆེན་པོས་འཇམ་དཔལ་དབྱངས་གནས་དབྱུང་མཛད་དགོས་པར་གསུངས་ཀྱང་། ཕྱོགས་བཅུའི་ཞིང་རབ་འབྱམས་ཐམས་ཅད་དུ་འཇམ་དཔལ་དབྱངས་ཀྱིས་ཁྱབ་པ་ན་བཅོམ་ལྡན་འདས་ཀྱིས་ཁྱེད་ཀྱིས་འཇམ་དཔལ་གང་གནས་ནས་དབྱུང་རྒྱུ་ཡིན་ཞེས་གསུངས་དུས་འོད་སྲུང་ངོ་ཚ་ནས་ཅི་ཡང་ཟེར་མ་ཤེས་པར་གནས་ནས་དབྱུང་བར་མ་ནུས། སྔོན་སངས་རྒྱས་བཅོམ་ལྡན་འདས་ཀྱིས་འཇམ་དཔལ་དབྱངས་འཁོར་དུ་བཞེས་པའི་སྐབས་སུ་མཉན་ཡོད་ན་རྒྱལ་པོ་གསལ་རྒྱལ་གྱི་བཙུན་མོ་རྣམས་ཀྱིས་གཙོས་སེམས་ཅན་གྲངས་མེད་པའི་འགྲོ་དོན་མཛད་པར་གསུངས་སོ། །ཤཱ་རིའི་བུས་ཇི་ལྟར་ལགས་ཞུས་པས། སེམས་ཅན་ཆོས་ལ་དགའ་བ་རྣམས་ལ་ཆོས་ཀྱི་སྤྱོད་པ་དང་། ཆགས་པ་ཅན་རྣམས་ལ་ཆགས་པའི་ཚུལ་བསྟན་པ་དང༌། ཞེ་སྡང་ཅན་ཐམས་ཅད་ལ་ཞེ་སྡང་གི་ཚུལ་བསྟན་པ་དང༌། བག་མེད་པ་རྣམས་ལ་བག་མེད་པའི་ཚུལ་བསྟན་པ་དང་། རྩེད་མོ་ལ་དགའ་བ་རྣམས་ལ་རྩེད་མོའི་ཚུལ་བསྟན་པ་དང་དེ་ལྟ་བུའི་སྤྱོད་པ་རྣམ་པ་སྣ་ཚོགས་ཀྱིས་སེམས་ཅན་རྣམས་འདུལ་བར་མཛད་པར་གསུངས་སོ། །བྱང་ཆུབ་སེམས་དཔའི་སྤྱོད་པ་ཚད་མེད་པ་ཡོད་ཀྱང་སྤྱོད་པ་ལེགས་ཤོས་ཐམས་ཅད་བསྡུས་ན། སྦྱིན་པ་སྦྱིན་པ་དང༌། ཚུལ་ཁྲིམས་སྲུང་བ་དང༌། བཟོད་པ་སྒོམ་པ་དང༌། བརྩོན་འགྲུས་རྩོམ་པ་དང༌། བསམ་གཏན་སྒོམ་པ་དང༌། ཤེས་རབ་ཀྱི་དོན་རྟོགས་པར་བྱེད་པ་སྟེ། དེ་ལྟ་བུའི་སྤྱོད་པ་རྒྱ་མཚོ་ལྟ་བུ་རང་གི་རྒྱུད་ལ་ཡོངས་སུ་རྫོགས་པར་ཤོག་ཅིག་གསུངས་ནི་རེད། ༦༽སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྨོན་ལམ་བཟང་སྤྱོད་སྨོན་ལམ་གྱི་ནང་དུ་མ་འདུས་པའི་སྨོན་ལམ་གཅིག་ཀྱང་མེད། དེ་ཡང་སྨིན་གླིང་ལོ་ཆེན་གྱི་སྡོམ་ཚིག་རྣམ་པ་བཅུ་དྲུག་གི་ཁོངས་སུ་བསྡུས་ཡོད། མདོ་སྡེ་ཐམས་ཅད་ཀྱི་ནང་ན་ཡང་། ལུས་ཀུན་སྟོན་དང་ཞིང་ཀུན་འཇུག །ཕར་ཕྱིན་རྫོགས་དང་སེམས་ཅནསྨིན། །ཞིང་སྦྱོང་སྤྱོད་ཡུལ་མཐུན་པར་འཇུག །སྤྱོད་ཀུན་དོན་ཡོད་བྱང་ཆེན་ཐོབ། །བྱང་སེམས་སྨོན་ལམ་ཆེན་པོ་བཅུའོ། །ཞེས་གསུངས་ཏེ་སྨོན་ལམ་ཆེན་པོ་བཅུ་དང་སྨོན་ལམ་ཆེན་པོ་རེ་རེ་ལ་ཡང་འཁོར་སྨོན་ལམ་འབུམ་ཕྲག་འབུམ། མདོ་རྣམས་ནས་གསུངས་པ་ལྟར་སྨོན་ལམ་ཆེན་པོ་ཐམས་ཅད་ཡོངས་སུ་རྫོགས་པར་ཤོག་ཅིག་གསུངས་ནི་རེད། བྱང་ཆུབ་སེམས་དཔའ་རྣམས་ཀྱིས་དམིགས་བསལ་གྱི་སྨོན་ལམ་འདེབས་ཚུལ་ཡང་ཡོད། དཔེར་ན། བདེ་བར་གཤེགས་པ་མཆེད་བརྒྱད་ཀྱིས་སྨོན་ལམ་འདེབས་ཚུལ་ནི་མཚན་ལེགས་པར་ཡོངས་གྲགས་དཔལ་གྱི་རྒྱལ་པོས་ནི་སྔོན་དང་པོ་བྱང་ཆུབ་མཆོག་ཏུ་ཐུགས་བསྐྱེད་པ་ནས་བཟུང་མཐར་མངོན་པར་རྫོགས་པར་སངས་རྒྱས་མ་ཐོབ་ཀྱི་བར་དུ་དུས་དང་གནས་སྐབས་ཀུན་ཏུ་སྨོན་ལམ་ཆེན་པོ་བརྒྱད་བཏབ་ནི་རེད། སྨོན་ལམ་ཆེན་པོ་རྣམ་པ་བརྒྱད་པོ་མངོན་དུ་མ་གྱུར་བ་དེ་སྲིད་དུ་བདག་མངོན་པར་རྫོགས་པར་ཚངས་རྒྱ་བར་མ་གྱུར་ཅིག་གསུངས་ནི་རེད། སྨོན་ལམ་ད་ལྟ་མངོན་དུ་གྱུར་ནས་སངས་རྒྱས་འཚོ་ཞིང་གཞེས། ཆོས་ཀྱང་སྟོན་ཤར་ཕྱོགས་ན་བཞུགས་པ་དང༌། དེ་བཞིན་དུ་རིན་པོ་ཆེ་ཟླ་བ་དང་གསེར་བཟང་དྲི་མེད་ལ་སོགས་པས་སྨོན་ལམ་རྣམ་པ་བརྒྱད་རེ་དུས་རྒྱུན་དུ་བཏབ། མྱ་ངན་མེད་མཆོག་དང་ཆོས་གྲགས་མངོནམཁྱེན་ལ་སོགས་པས་སྨོན་ལམ་རྣམ་པ་བཞི་རེ་བཞི་རེ་དུས་རྒྱུན་དུ་བཏབ། དེ་བཞིན་གཤེགས་པ་སྨན་གྱི་བླ་མས་སྨོན་ལམ་རྣམ་པ་བཅུ་གཉིས་བཏབ། བདག་ཅག་གི་སྟོན་པ་ཐུགས་རྗེ་ཅན་གྱིས་སྙིང་རྗེ་པད་མ་དཀར་པོའི་མདོ་སྡེ་ལས་གསུངས་པ་བཞིན་བླ་མ་རིན་པོ་ཆེ་མི་ཕམ་ཚང་གི་ཞལ་སྔ་ནས་མཛད་པའི་ཐུབ་ཆོག་བྱིན་རླབས་གཏེར་མཛོད་ལས། སྙིང་རྗེ་ཆེན་པོས་རྩོད་ལྡན་སྙིགས་མའི་ཞིང༌། །བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ། །པད་དཀར་ལྟར་བསྔགས་མཚན་ཐོས་ཕྱིར་མི་ལྡོག །སྟོན་པ་ཐུགས་རྗེ་ཅན་ལ་ཕྱག་འཚལ་ལོ། །ཞེས་གསུངས་པ་ལྟར་སྔོན་བྲམ་ཟེ་རྒྱ་མཚོའི་རྡུལ་ཞེས་བྱ་བའི་སྐྱེ་བ་བཞེས་སྐབས་ན་བདག་ཅག་གི་སྟོན་པ་ཐུགས་རྗེ་ཅན་གྱིས་བཟང་སྤྱོད་ཀྱི་ཟིན་བྲིས་&quot;ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། མ་འོངས་པ་ན་ཞིང་མ་དག་པ་གདུལ་བར་དཀའ་བའི་སྐྱེ་བོ་མ་རུང་བ་ཐམས་ཅད་ལ་སྙིང་སྟོབས་ཆེན་པོའི་སྒོ་ནས་དེ་དག་ཐམས་ཅད་གདུལ་བར་བྱ་བའི་ཕྱིར་དུ་སྨོན་ལམ་ཆེན་པོ་ལྔ་བརྒྱ་བཏབ་ནི་རེད། དེ་ཐམས་ཅད་མདོ་སྡེ་པདྨ་དཀར་པོའི་ནང་ན་ཡང་གསུངས་ཡོད། སྨོན་ལམ་དེ་དག་ཐམས་ཅད་ཀྱི་ཚིག་དོན་གནད་བསྡུས་ནས་བླ་མ་རིན་པོ་ཆེ་མི་ཕམ་ཚང་གིས་ཐུབ་ཆོག་པདྨ་དཀར་པོ་ལས་གསལ་བར་གསུངས་ཡོད། དེ་ལྟ་བུའི་དམིགས་བསལ་གྱི་སྨོན་ལམ་འདེབས་ཚུལ་ཡོད། ངེད་ཅག་གིས་སྔོན་ཆད་བསྐལ་པ་སྟག་གི་ལོ་བྱང་ཆུབ་མཆོག་ཏུ་སེམས་བསྐྱེད་པའི་གནས་སྐབས་ན། བདག་ནི་འདི་ནས་ཚེ་རབས་ཐམས་ཅད་དུ། །བླ་མ་ལྷག་པའི་ལྷ་ཡིས་རྗེས་སུ་བཟུང༌། །བསླབ་གསུམ་ཡོན་ཏན་རྒྱ་མཚོའི་གཏེར་ལ་དབང་། །བསྟན་འགྲོའི་དོན་ཆེན་འབད་མེད་འགྲུབ་པར་ཤོག །ཅེས་སྨོན་ལམ་བཏབ་ནི་རེད། དེ་ཡང་དམིགས་བསལ་གྱི་སྨོན་ལམ་རེད། མདོར་ན་སྨོན་ལམ་མང་པོ་དང་ཉུང་ངུ་ཅི་འདྲ་ཞིག་བཏབ་པ་ཐམས་ཅད་ཀུན་ཀྱང་བདག་དང་བདག་ལ་འབྲེལ་བ་ཐོག་པའི་སེམས་ཅན་ཐམས་ཅད་ཀྱི་སྨོན་ལམ་འདི་ཡོངས་སུ་རྫོགས་ནུས་པར་ཤོག་ཅིག་གསུངས་ནི་རེད། ༧༽ འདས་མ་འོངས་ད་ལྟ་དུས་གསུམ་དུ་བཞུགས་པའི་སངས་རྒྱས་ཐམས་ཅད་ལ་རང་གིས་གདུགས་དང་མར་མེ་ལུས་ལོངས་སྤྱོད་དུས་གསུམ་གྱི་དགེ་བ་ལ་སོགས་པ་ཀུན་ཀྱང་དུས་རྟག་ཏུ་མཆོད་པར་ཤོག་ཅིག བྱང་ཆུབ་སེམས་དཔའ་ཀུན་ཏུ་བཟང་པོའི་མཆོད་པ་ལྟ་བུའི་མཆོད་པ་རྒྱ་ཆེན་པོ་རྒྱུན་རིང་བ་གྲངས་མེད་པ་མཆོད་པར་ཤོག་ཅིག་གསུངས་ནི་རེད། ༨༽ནམ་མཁའ་མ་སྟོང་གི་བར་དུ་འཇམ་དཔལ་དབྱངས་ལྟ་བུས་སེམས་ཅན་གྱི་དོན་ལ་བརྩོན་པ་སྐད་ཅིག་ཙམ་ཡང་གཡེང་བ་མེད་པར་ཏིང་ངེ་འཛིན་དང་གཟུངས་དང་རྣམ་ཐར་ལ་རང་དབང་ཐོབ་པ་ནས་བཟུང་སྟེ། དག་པའི་ཞིང་ཁམས་སོགས་ལ་ངེས་པར་དུ་སྨོན་ལམ་མི་འདེབས། གང་ལ་སྨོན་ལམ་འདེབས་ཞེ་ན། མ་དག་པའི་ཞིང་སྲིད་པའི་གྲོང་ཁྱེར་ལ་སྨོན་ལམ་འདེབས་དགོས་ནི་རེད། སྨོན་ལམ་འདེབས་པའི་དུས་དེ་ཡང་ཐབས་དང་ཤེས་རབ་ཏིང་ངེ་འཛིན་དང་རྣམ་ཐར་དང་ཡོན་ཏན་ཀུན་གྱི་མི་ཟད་པའི་མཛོད་དུ་མ་གྱུར་བར་དུ་འཁོར་བ་ལ་སྐྱེ་བར་སྨོན་ལམ་བཏབ་ན་བསམ་པ་བཟང་པོ་ཡིན་ཡང་ལོང་བས་ལོང་བ་ཁྲིད་འདྲ་ལོང་བ་འཐབ་མོར་ལྷུང་འདྲ་ཡིན་པས་གཞན་དོན་དུ་མི་འགྱུར། དེ་ལ་མཐུན་རྐྱེན་དེ་ཡང་། སྐྱེ་བ་ཀུན་ཏུ་ཡབ་གཅིག་མཁྱེན་པའི་གཏེར། །འཇམ་དཔལ་དཔའ་བོས་དགྱེས་བཞིན་རྗེས་སུ་བཟུང༌། །ཀུན་ཏུ་བཟང་པོའི་སྨོན་ལམ་ལས་བསྟན་པའི། །བྱང་ཆུབ་སྤྱོད་པ་རྒྱ་མཚོ་མཐར་ཕྱིན་ཤོག །ཅེས་སྐྱེ་བ་ཀུན་ཏུ་ཡབ་གཅིག་འཇམ་དཔལ་དཔའ་བོས་དགྱེས་བཞིན་དུ་རྗེས་སུ་བཟུང་ནས་བར་ཆད་བདུད་ཀྱིས་གླགས་བྱེད་ནུས་ནི་མ་རེད། ཀུན་ཏུ་བཟང་པོའི་སྤྱོད་པ་དེ་ལ་སྨོན་པར་གྱུར་ཅིག་གསུངས་ནི་རེད། སྤྱི་དོན་བཅོ་ལྔ་པ་རྗེས་སུ་སློབ་པའི་སྒོ་ནས་སྨོན་པ་ལ་གཉིས་ལས། དང་པོ་སངས་རྒྱས་ཀྱི་རྗེས་སུ་སློབ་པ་ནི། གང་ཡང་དུས་གསུམ་གཤེགས་པའི་རྒྱལ་བ་ཡི། །བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པས་བྱང་ཆུབ་སངས་རྒྱས་ནས། །དེ་ཀུན་བདག་གིས་མ་ལུས་རྫོགས་པར་བགྱི། །ཞེས་གསུངས་ཏེ། དུས་གསུམ་གྱི་སངས་རྒྱས་ཐམས་ཅད་ཀྱི་སྨོན་ལམ་རྣམས་རང་གིས་ཡོངས་སུ་རྫོགས་པར་ཤོག་ཅིག་གསུངས་ནི་རེད། བླ་མ་རིན་པོ་ཆེས། བདེ་གཤེགས་སྲས་བཅས་ཀུན་གྱི་ཐུགས་བསྐྱེད་དང༌། །མཛད་པ་སྨོན་ལམ་མཁྱེན་བརྩེ་ནུས་པའི་ཚུལ། །བླ་མེད་ཡེ་ཤེས་སྒྱུ་འཕྲུལ་ཅི་འདྲ་བ། །དེ་འདྲ་ཁོ་ནར་བདག་ཀྱང་འགྱུར་བར་ཤོག །ཅེས་རྒྱལ་བ་སྲས་དང་བཅས་པའི་མཛད་པ་དང་མཁྱེན་པ་དང་བརྩེ་བས་བྱང་ཆུབ་མཆོག་ཏུ་ཐུགས་བསྐྱེད་པ་དང་སྨོན་ལམ་འདེབས་པ་ཐམས་ཅད་བདག་གིས་རྫོགས་པར་ཤོག་ཅིག་གསུངས་ནས་སངས་རྒྱས་ཐམས་ཅད་ཀྱི་རྗེས་སུ་སློབ་པའི་སྨོན་ལམ་བཏབ་ནི་རེད། གཉིས་པ་སེམས་དཔའ་མཆོག་གཉིས་ཀྱི། སྤྱིར་ན་སེམས་དཔའ་མཆོག་གཉིས་བྱང་ཆུབ་སེམས་དཔའ་ཐམས་ཅད་ལས་ཀྱང་རྒྱལ་བ་ཀུན་གྱི་སྲས་ཀྱི་ཐུ་བོར་གྱུར་པ་སྙིང་སྟོབས་ཆེ་བ་འཇམ་དཔལ་གཞོན་ནུར་གྱུར་པ་དང་ཀུན་ཏུ་བཟང་པོ་གཉིས་ཀ་རེད། དེ་ལས་ཀྱང་གཞོན་ནུ་ནོར་བཟང་ལ་འབྲེལ་བ་ཆེ་བ་དགེ་བའི་བཤེས་གཉེན་ཡོངས་ཀྱི་ཐོག་མ་འཇམ་དཔལ་གཞོན་ནུར་གྱུར་པ་རེད། དེ་གཉིས་ཀྱིས་མཚོན་ནས་དགེ་བའི་བཤེས་གཉེན་བརྒྱ་དང་རྩ་བརྒྱད་ཀྱིས་མཛད་པ་དང་སྤྱོད་པ་ཐམས་ཅད་ལ་སྨོན་ལམ་འདི་བཏབ་ནི་རེད། དང་པོ་ཀུན་ཏུ་བཟང་པོའི་རྗེས་སུ་སློབ་པ་ནི། རྒྱལ་བ་ཀུན་གྱི་སྲས་ཀྱི་ཐུ་བོ་པ། །གང་གི་མིང་ནི་ཀུན་ཏུ་བཟང་ཞེས་བྱ། །མཁས་པ་དེ་དང་མཚུངས་པར་སྤྱད་པའི་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ལུས་དང་ངག་དང་ཡིད་ཀྱང་རྣམ་དག་ཅིང་། །སྤྱོད་པ་རྣམ་དག་ཞིང་རྣམས་ཡོངས་དག་པ། །བསྔོ་བ་བཟང་པོ་མཁས་པ་ཅི་འདྲ་བ། །དེ་འདྲར་བདག་ཀྱང་དེ་དང་མཚུངས་པར་ཤོག །ཅེས་གསུངས་ཏེ། རྒྱལ་བ་ཀུན་གྱི་སྲས་ཀྱི་ཐུ་བོ་དེ་ཀུན་ཏུ་བཟང་པོ་རེད། དེ་དང་མཚུངས་པར་སྤྱད་པའི་ཕྱིར་དུ་སྨོན་ལམ་དག་པ་ལྔ་བཏབ་ནི་རེད། ལྔ་པོ་གང་ཞེ་ན། ལུས་དང་ངག་དང་ཡིད་ཀྱང་རྣམ་པར་དག་ཅིང་གསུངས་ནས་ལུས་དག་པ་ནི། དཔེར་ན་མི་དགེ་བ་སྲོག་གཅོད་པ་ལ་སོགས་པ་སྤངས་པ་དང༌། ངག་དག་པ་ནི། རྫུན་ཕྲ་མ་ཚིག་རྩུབ་ལ་སོགས་པ་བྲལ་བ་དང་། ཡིད་དག་པ་ནི་བརྣབ་སེམས་གནོད་སེམས་ལ་སོགས་པ་མེད་པ་དེ་ཡིན། གནས་སྐབས་ཀུན་ཏུ་མི་དགེ་བ་བཅུ་ལྟ་བུ་ཞིག་ལ་མཚོན་ན་དེ་ལྟ་བུ་ཞིག་དག་དགོས་ནི་རེད། གཞན་ཡང་ལུས་མ་དག་པ་ངག་མ་དག་པ་ཡིད་མ་དག་པ་རྣམས་སངས་རྒྱས་ཀྱི་ས་མ་ཐོབ་བར་དུ་མ་དག་པ་མང་པོ་ཞིག་ཡོད་ནི་རེད། ཡིད་མ་དག་པ་ལ་དཔེར་མཚོན་ན་རྒྱལ་ལ་སོགས་ལ་ཆགས་པ་ཕྲ་གསུངས་ནས་མཐར་ཐུག་གི་གནས་སྐབས་ན་སངས་རྒྱས་ཐོབ་འདོད་ཀྱི་བསམ་པ་དེ་ཡང་ཆགས་པ་ཕྲ་མོ་ཡིད་ཀྱི་སྐྱོན་ཡིན་གསུངས་ནི་རེད། དེ་ལྟ་བུའི་སྐྱོན་གྱིས་མ་གོས་པའི་ལུས་ལ་སྐྱོན་མེད་པར་གྱུར་ཅིག ལུས་མཛེས་པ་དང་ནད་མེད་པ་དང་ཡིད་དུ་འོང་བར་གྱུར་ཅིག ངག་ལ་སྐྱོན་མེད་པར་གྱུར་ཅིག་ངག་སྙན་པར་གྱུར་ཅིག ཡིད་ཀུན་དང་མཐུན་པར་གྱུར་ཅིགཡིད་རང་དབང་ཐོབ་པ་དང་ཆོས་ལ་འཇུག་པར་གྱུར་ཅིག་གསུངས་ནི་རེད། བླ་མ་རིན་པོ་ཆེས་ཀྱང༌། ༈ བདག་ནི་སྐྱེ་བ་ཚེ་རབས་ཐམས་ཅད་དུ། །རྣམ་རྟོག་ངན་པའི་དབང་དུ་མི་འགྲོ་ཞིང་། །སེམས་ལ་དབང་ཐོབ་རྒྱལ་བའི་བྱིན་རླབས་ཞུགས། །འཇིགས་མེད་བདེ་ཆེན་རྡོ་རྗེ་ཐོབ་པར་ཤོག །༈ བདག་ནི་སྐྱེ་བ་ཚེ་རབས་ཐམས་ཅད་དུ། །མཚུངས་མེད་ལྟ་ན་སྡུག་པའི་ས་མཆོག་ནི། །ནད་མེད་སྟོབས་ལྡན་རྡོ་རྗེ་ལྟ་བུ་ཐོབ། །རྒྱལ་ཀུན་སྐུ་ཡི་བྱིན་རླབས་འཇུག་པར་ཤོག །༈ བདག་ནི་སྐྱེ་བ་ཚེ་རབས་ཐམས་ཅད་དུ། །དབྱངས་སྙན་སྙན་ངག་བརྗོད་པ་ཕུལ་བྱུང་ཞིང༌། །དབྱངས་ཅན་ངག་གི་རྒྱལ་མོ་མགྲིན་པར་ཞུགས། །དམ་ཆོས་རྒྱ་མཚོའི་སྒྲ་དབྱངས་སྒྲོག་པར་ཤོག །༈ བདག་ནི་སྐྱེ་བ་ཚེ་རབས་ཐམས་ཅད་དུ། །སྲིད་ཞིའི་ཡོན་ཏན་ཕུན་སུམ་ཚོགས་པ་ཐོབ། །སྐྱོན་མེད་སེམས་ཀྱི་གཞན་ཕན་དོན་གཉེར་ཞིང༌། །རྒྱལ་བའི་ཆོས་མཛོད་རྒྱ་མཚོ་འཛིན་པར་ཤོག །དེ་ལྟར་ལུས་ངག་ཡིད་གསུམ་དག་པའི་སྟེང་དུ་སྤྱོད་པ་རྣམ་པར་དག་པ་དང་ཞིང་རྣམས་ཡོངས་སུ་དག་པ་སྟེ་ཀུན་ཏུ་བཟང་པོའི་དག་པ་ལྔ་པོ་དེ་རེད། རང་གིས་སྤྱོད་པ་གང་བྱས་ཀྱང་གཞན་དོན་དུ་འགྱུར་བའི་སྤྱོད་པ་དེ་སྤྱོད་པ་རྣམ་པར་དག་པ་ཡིན། ཞིང་གང་དུ་སྐྱེས་ན་ཞིང་དག་པ་ཡིན། དེ་ལྟ་བུའི་ལུས་ངག་ཡིད་གསུམ་དག་པ་དང་སྤྱོད་པ་རྣམ་པར་དག་པ་དང་ཞིང་རྣམ་པར་དག་པའི་སྨོན་ལམ་རྣམས་བདག་གིས་མངོན་དུ་འགྱུར་བར་ཤོག་ཅིག་གསུངས་ནི་རེད། གཉིས་པ་འཇམ་དཔལ་གྱི་རྗེས་སུ་སློབ་པ་ནི། ཀུན་ནས་དགེ་བ་བཟང་པོ་སྤྱད་པའི་ཕྱིར། །འཇམ་དཔལ་གྱི་ནི་སྨོན་ལམ་སྤྱད་པར་བགྱི། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་ཡི་བྱ་བ་མ་ལུས་རྫོགས་པར་བགྱི། །ཞེས་གསུངས་ཏེ། དགེ་བ་བཟང་པོ་ཞིག་སྤྱད་པར་བྱ་བའི་ཕྱིར་དུ་འཇམ་དཔལ་གྱི་སྨོན་ལམ་དེ་ངས་འདེབས་པ་ཡིན་གསུངས་ནི་རེད། འཇམ་དཔལ་གྱི་སྨོན་ལམ་གང་ཡིན་ཞེ་ན། ནམ་མཁའ་ཇི་སྲིད་གནས་པ་དང༌། །འགྲོ་བ་ཇི་སྲིད་གནས་གྱུར་པ། །དེ་སྲིད་བདག་ནི་གནས་གྱུར་ནས། །འགྲོ་བའི་སྡུག་བསྔལ་སེལ་བར་ཤོག །ཅེས་གསུངས་ཏེ། དེ་ནི་འཇམ་དཔལ་དབྱངས་ཀྱི་སྨོན་ལམ་རེད་སྨོན་ལམ་ལ་མཐའ་ཡོད་ནི་མ་རེད། ནམ་མཁའ་མ་སྟོང་བར་དུ་སེམས་ཅན་གྱི་དོན་ལ་སྨོན་ལམ་བཏབ་ནི་རེད། སྤྱི་དོན་བཅུ་དྲུག་པ་ཀུན་གྱི་མཇུག་སྡུད་པའི་སྒོ་ནས་བསྔོ་བ་བསྟན་པ་ནི། སྤྱོད་པ་དག་ནི་ཚད་ཡོད་མ་གྱུར་ཅིག །ཡོན་ཏན་རྣམས་ཀྱང་ཚད་བཟུང་མེད་པར་ཤོག །སྤྱོད་པ་ཚད་མེད་པ་ལ་གནས་ནས་ཀྱང༌། །་དག་འཕྲུལ་པ་ཐམས་ཅད་འཚལ་བར་བགྱི། །ཞེས་བདག་གི་རྒྱུ་སྦྱིན་སོགས་སྤྱོད་པ་དག་གི་མཐའ་ནི་འདི་ཙམ་མོ་ཞེས་གཟུང་དུ་ཡོད་པར་མ་གྱུར་ཅིག རྒྱུ་དེ་ལས་བྱུང་བའི་འབྲས་བུ་གཟུངས་དང་སྤོབས་པ་སོགས་ཡོན་ཏན་རྣམས་ཀྱང་ཚད་འདི་ཙམ་ཞེས་གཟུང་དུ་མེད་པར་ཤོག་ཅིག དེ་ལྟར་སྤྱོད་པ་དང་ཡོན་ཏན་ཚད་མེད་པ་ལ་གནས་པར་བྱས་ནས་ཀྱང་སངས་རྒྱས་དང་བྱང་ཆུབ་སེམས་དཔའ་དེ་དག་གི་སྐུ་གསུང་ཐུགས་ཀྱི་རྣམ་པར་འཕྲུལ་བ་ཐམས་ཅད་འཚལ་བར་བགྱི་སྟེ་ཐོབ་པར་སྨོན་པའོ། །དེ་ལ་སྨིན་གླིང་ལོ་ཆེན་གྱིས་ས་བཅད་སྒྲིག་ལུགས་ཀྱི་དབང་དུ་བྱས་ན་ཀུན་ནས་དགེ་བ་སོགས་འཇམ་དཔལ་གྱི་སྨོན་ལམ་དུ་བཞག སྤྱོད་པ་ཚད་མེད་སོགས་སྨོན་ལམ་ཐམས་ཅད་ཀྱི་མཇུག་སྡུད་དུ་བཞག་ཡོད་ཀྱང་ཕལ་ཆེར་དེ་ཡང་འཇམ་དཔལ་གྱི་སྨོན་ལམ་རེད། ཁྱེད་རྣམ་པ་ལ་ཇོ་ནང་ཀུན་མཁྱེན་གྱི་འགྲེལ་བ་ཡོད་ན་གཟིགས་དང་ཇི་ལྟར་གསུངས་ཡོད་མ་མཐོང་ཡང་། ཆེན་པོ་ཞིག་ཁྱད་པར་ཡོད་རྒྱུ་མ་རེད། དེ་དག་གིས་སྨོན་ལམ་གྱི་རབ་དབྱེ་དངོས་བཤད་ཟིན་ནི་རེད། གཉིས་པ་སྨོན་ལམ་གྱི་མཐའ་བསྟན་པ་ནི། ནམ་མཁའི་མཐར་ཐུག་གྱུར་པ་ཇི་ཙམ་པར། །སེམས་ཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །ཞེས་གསུངས་ཏེ། ནམ་མཁའ་ལ་མཐའ་མེད་པ་བཞིན་དུ་སེམས་ཅན་ལ་མཐའ་མེད། སེམས་ཅན་ལ་མཐའ་མེད་པ་བཞིན་དུ་ལས་དང་ཉོན་མོངས་པ་ལ་མཐའ་མེད། ལས་དང་ཉོན་མོངས་པ་ལ་མཐའ་མེད་པ་བཞིན་དུ་སྡུག་བསྔལ་ལ་མཐའ་མེད། སྡུག་བསྔལ་དེ་དག་མ་ཟད་ཀྱི་བར་དེ་སྲིད་དུ་བདག་གི་སྨོན་ལམ་དེ་ཡང་ཟད་པར་མི་འགྱུར་བདག་གི་སྨོན་ལམ་མཐའ་མེད་པར་གསུངས་ནི་རེད། སྨོན་ལམ་གྱི་མཐའ་མེད་པ་མཐར་བསྟན་ནི་རེད། གསུམ་པ་རྗེས་ཀྱི་ཕན་ཡོན་བསྟན་པས་མཇུག་བསྡུ་བ་ལ་གཉིས་ཏེ། སྨོན་ལམ་གྱི་ཕན་ཡོན་བཤད་པ་དང་ཕན་ཡོན་གྱི་སྨོན་ལམ་ཉིད་བསྔོ་བའོ། །དང་པོ་ལའང་བསྟན་བཤད་བསྡུ་གསུམ་ལས། དང་པོ་མདོར་བསྟན་ནི། གང་ཡང་ཕྱོགས་བཅུའི་ཞིང་རྣམས་མཐའ་ཡས་པ། །རིན་ཆེན་བརྒྱན་ཏེ་རྒྱལ་བ་རྣམས་ལ་ཕུལ། །ལྷ་དང་མི་ཡི་བདེ་བའི་མཆོག་རྣམས་ཀྱང༌། ཞིང་གི་རྡུལ་སྙེད་བསྐལ་པར་ཕུལ་བ་བས། །གང་གིས་བསྔོ་བའི་རྒྱལ་པོ་འདི་ཐོས་ནས། །བྱང་ཆུབ་མཆོག་གི་རྗེས་སུ་རབ་མོས་ཤིང་། །ལན་ཅིག་ཙམ་ཡང་དད་པ་བསྐྱེད་པ་ན། །བསོད་ནམས་དམ་པའི་མཆོག་ཏུ་འདི་འགྱུར་རོ། །ཞེས་གསུངས་ཏེ། གང་ཡང་ཕྱོགས་བཅུའི་ཞིང་རབ་འབྱམས་ཞེས་པ་དེ་ཡུལ་གྱི་སྒོ་ནས་བསམ་ན་ཕྱོགས་བཅུ་ཡི་ནང་ན་མ་འདུས་པ་ཞིག་མེད། དུས་ཞེས་པ་ནི། དུས་གསུམ་གྱི་ནང་ལ་མ་འདུས་པ་མེད། ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་གང་ཡོད་པ་རྣམས། དཔེར་ན། འཇིག་རྟེན་པའི་ཁ་སྐད་ལ་གནམ་ས་གཉིས་ཀྱི་བར་ན་ཡོད་པའི་སངས་རྒྱས་དང་བྱང་ཆུབ་སེམས་དཔའ་གཅིག་ཀྱང་མ་ལྷག་པ་ཐམས་ཅད་ལ་ཉིན་གཅིག་ཙམ་མ་ཡིན་པར་བསྐལ་པ་གྲངས་མེད་དཔག་ཏུ་མེད་པ་ལོ་དུང་ཕྱུར་མང་པོའི་བར་དུ་མཆོད་པ་བྱེད། མཆོད་པ་དེ་ཡང་ཁྱད་པར་དུ་འཕགས་པ་གསེར་དངུལ། རིན་པོ་ཆེ། མུ་ཏིག་མུ་མེན་ལ་སོགས་པ། མི་ཡུལ་གྱི་རིན་པོ་ཆེ་དང༌། ནོར་བུ་ཀེ་ཀེ་ལ་དང༌། ནོར་བུ་དགོས་འདོད་དཔུང་འཇོམས་ལ་སོགས་པ་ལྷའི་ནོར་བུ་དང་། ཀླུ་ཡི་ནོར་བུ་ལ་སོགས་པ་དང་ལྷ་དང་མི་ཡུལ་གྱི་ཡོ་བྱད་ཟས་གོས་ནོར་དང་རྒྱན་ཆ་གཙུག་ལག་ཁང་མལ་སྟན་ལ་སོགས་པ་མདོར་ན་ལྷ་ཀླུ་གནོད་སྦྱིན་རྣམས་ཀྱི་ཡུལ་ན་ཡོད་པའི་ཡོ་བྱད་རང་གི་ལུས་དང་སེམས་ཀྱི་བདེ་བ་ཐམས་ཅད་དང་ལྷ་མིའི་བདེ་བ་མཆོག་ཏུ་གྱུར་པ་གྲངས་མེད་པ་ཞིང་གི་རྡུལ་ལྟར་གྲངས་མེད་པ་དེ་བསྐལ་པའི་བར་དུ་འབུལ་བ་ལས་ཀྱང་གང་ཟག་གང་གིས་བཟང་པོ་སྤྱོད་པའི་སྨོན་ལམ་འདི་ཐོས་ནས་དེ་ལ་དད་པ་སྐྱེས། སངས་རྒྱས་ཀྱི་རྗེས་སུ་སློབ་བསམ་བྱང་ཆུབ་སེམས་དཔའི་རྗེས་སུ་ངེས་པར་དུ་རང་གི་ནུས་ཚོད་ཀྱིས་འཇམ་དཔལ་དབྱངས་དང་ཀུན་ཏུ་བཟང་པོ་དང་བདག་ཅག་གི་སྟོན་པ་ཐུགས་རྗེ་ཅན་དང༌། སངས་རྒྱས་འོད་དཔག་མེད་ལ་སོགས་པའི་རྗེས་སུ་བསླབ་དགོས་བསམས་ནས་དམ་བཅའ་དང་དད་པ་རེ་སྐྱེས་ན་བསོད་ནམས་དེའི་ཆེ་བ་ཡིན་གསུངས་ནི་རེད། དེ་ཡི་ཕན་ཡོན་གཅིག་གི་ཚད་དེ་ཡང་བསམ་གྱིས་མི་ཁྱབ་པ་རེད། ཕྱོགས་བཅུའི་ཞིང་རབ་འབྱམས་ན་ཡོད་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བསྐལ་པ་དུང་ཕྱུར་མང་པོའི་བར་དུ་མཆོད་པའི་དངོས་པོ་ལྷ་ཀླུ་གནོད་སྦྱིན་དང་དྲི་ཟ་ཡི་དྭགས་ཐམས་ཅད་ལ་ཡོད་པའི་ཡོ་བྱད་ཡོད་པ་རྣམས་དང་ད་དུང་ལུས་དང་སེམས་ཀྱི་བདེ་བ་ཡོད་ཚད་པོ་འབུལ་བ་བས་ཀྱང་བཟང་སྤྱོད་སྨོན་ལམ་འདི་ལན་གཅིག་བཏབ་པ་དེ་ལ་དགའ་བ་སྐྱེས་ངས་ཀྱང་འདི་ལ་སློབ་དགོས་བསམ་རྒྱུའི་དད་པ་སྐྱེས་ན་དེའི་ཕན་ཡོན་གྱི་ཆེ་གསུངས་ནི་རེད། དེ་ལ་བསླུ་བ་མེད་ཁུ། བདེན་པ་ཉག་གཅིག་སྨྲ་བ་སངས་རྒྱས་བཅོམ་ལྡན་འདས་ཀྱི་བཀའ་རེད། དེ་ཁོ་ན་ཡིད་ལ་བཟུང་ནས་བཟང་སྤྱོད་ལན་གཅིག་བཏོན་པའི་ཕན་ཡོན་དེ་ཚིག་རྗེས་དོན་དྲན་བྱས་ནས་རྗེས་སུ་ཡི་རང་གིས་མོས་མཐུན་གྱི་བསམ་པ་རེ་སྐྱེས་ན་དེ་ལས་དགེ་བ་མི་དགོས་པ་ལྟ་བུ་རེད། བྱང་ཆུབ་སྤྱོད་པའི་རྗེས་སུ་ལན་གཅིག་ཙམ་དད་པ་སྐྱེས་ན་བསོད་ནམས་ཚད་མེད་པ་ཡོད་ན་དངོས་སུ་འཇུག་ན་སྨོས་མ་དགོས་པ་རེད། དངོས་སུ་སློབ་ཚུལ་དེ་ཡང་རྒྱལ་སྲས་ཆེན་པོ་ཞི་བ་ལྷས། རིམ་པ་བཞིན་དུ་བསླབ་པར་བགྱི་གསུངས་པ་ལྟར་ཡིན། ད་ལྟ་ནས་བདག་ཅག་གི་སྟོན་པ་དང་འཇམ་དཔལ་དབྱངས་ལྟ་བུས་དབུ་དང་ཡན་ལག་བཅད་ནས་སེམས་ཅན་ཐམས་ཅད་ལ་སྦྱིན་པ་བྱིན་མི་ནུས་ཏེ། སྙིང་རྗེའི་བསམ་པ་མ་དག་ན། །ལུས་ངག་གཏང་བར་མི་བྱའོ། །ཞེས་གསུངས་ཏེ། ཇི་སྲིད་ས་དང་པོ་མ་ཐོབ་བར་དུ་རང་གི་ལུས་གཞན་ལ་སྦྱིན་ཉན་ནི་མ་རེད། མི་ཉན་པའི་རྒྱུ་མཚན་རྗེས་སུ་ན་ཚ་གཟེར་ཟུག་ཆེ་དུས་འགྱོད་པ་སྐྱེ་འོང་ནི་རེད། དེའི་སྐབས་ན་དགེ་རྩ་འཇོམས་འགྲོ་ནི་རེད། དམིགས་བསལ་སྙིང་སྟོབས་ཤིན་ཏུ་ཆེ་བ་རྣམས་ཀྱིས་སྐུ་ལུས་བཏང་རབས་ཀྱི་ལོ་རྒྱུས་ནི། ཇོ་བོ་རྗེའི་བླ་མ་དྷརྨ་རཀྵི་ཏས་ཁྱི་ཞིག་ལ་རང་གི་ཕྱག་བཅད་ནས་སྦྱིན་པས། ན་ཚ་གཟེར་ཟུག་མི་བཟོད་པ་ཞིག་སྐྱེཡང་ཁོང་ལ་སྙིང་རྗེ་ཆེན་པོའི་སྒོ་ནས་འགྱོད་པ་གཏན་ནས་མ་སྐྱེས། སྡུག་བསྔལ་བཟོད་དུ་མེད་པ་མྱོང་ནས་མཚན་གང་བོ་ལ་གཉིད་མ་འོང་། ཐོ་རེངས་ཀྱི་སྐབས་ན་མགོན་པོ་སྤྱན་རས་གཟིགས་ཀྱི་ཞལ་མཇལ་ནས་རིགས་ཀྱི་བུ་བྱང་ཆུབ་སེམས་དཔའི་སྤྱོད་པ་ལ་སྤྱད་པའི་ཚེ་ན་འདི་འདྲའི་དཀའ་བ་སྤྱད་པ་ནི་ལེགས་སོ་ལེགས་སོ་གསུངས་ནས་སྤྱན་རས་གཟིགས་ཀྱིས་ལྗགས་ཆབ་བཏབ་པ་རྨིས། སད་མ་ཐག་ཏུ་ནད་མེད་པར་གྱུར། དེས་ན་སོ་སོའི་སྐྱོ་བོའི་གནས་སྐབས་ན་བསམ་པ་དག་པས་དེ་ལྟ་བུ་སྦྱིན་ནུས་པ་རེད། འོ་ན་ཡན་ལག་གི་སྦྱིན་པ་གཏོང་དགོས་ན་བྱང་ཆུབ་སེམས་དཔའི་སྤྱོད་པ་ལ་འཇུག་མི་ནུས་བསམ་ཡང་ཐོག་མ་ནས་དེ་ལྟ་བུ་དགོས་ནི་མ་རེད། ཚོད་མ་ལ་སོགས་སྦྱིན་པ་ལ། །འདྲེན་པའི་ཐོག་མ་སྦྱོར་བར་མཛད། དེ་ལ་གོམས་འདྲིས་བྱས་ནས་ནི། །རིམ་གྱིས་རང་གི་ཤ་ཡང་གཏོང་། །ཞེས་གསུངས་ནས་དང་པོ་ལོ་མ་ལོ་སྐྱུར་སྦྱིན་ཨེ་ཐུབ་བལྟ། དེ་ཡང་མ་ཐུབ་ན་སྔོན་གྱི་དགེ་བཤེས་རྣམས་ཀྱི་ཕྱག་བཞེས་ལ་གཏན་ནས་སྦྱིན་མི་ནུས་པའི་སེམས་ཅན་ཡིན་ན་དཔེར་ན་ཕྲེང་བ་ཞིག་བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། གཡས་པས་གཡོན་པ་ཁྱེད་ལ་སྦྱིན་ཟེར་ནས་གཏོང་སེམས་སྐྱེ་རུ་འཇུག་པར་བརྩོན། གཡོན་པས་གཡས་པ་ལ་ཁྱེད་ལ་སྦྱིན་ཟེར་ནས་གཏོང་སེམས་སྐྱེ་རུ་འཇུག དེ་ལྟར་ཐོག་མར་ལག་པ་གཡས་གཡོན་གཉིས་ཀྱིས་སྦྱིན་པ་ལ་བརྩོན། དེ་ནས་རང་གི་ཤིན་ཏུ་གཅེས་པའི་བུ་དང་ཆུང་མ་སོགས་ལ་སྦྱིན་པར་བརྩོན། དེ་ནས་བར་མའི་སེམས་ཅན་ལ་སྦྱིན་པར་བརྩོན། དེ་ནས་དགྲ་ལ་སོགས་པ་ལ་སྦྱིན་པར་བརྩོན། སྦྱིན་རྒྱུའི་དངོས་པོ་དང་པོ་རྒྱུ་རྩ་ཆུང་བ་རང་གིས་མི་འདོད་པའི་དངོས་པོ་རྣམས་སྦྱིན། རིམ་གྱིས་དངོས་པོ་ཇེ་བཟང་རྣམས་སྦྱིན། ནམ་ཞིག་ས་དང་པོ་ཐོབ་པ་ན་རང་གི་ལུས་དེ་ཡང་ཚོད་མ་ལྟ་བུའི་འདུ་ཤེས་མ་གཏོགས་ལུས་ལ་བདག་འཛིན་ཡོད་ནི་མ་རེད། ལུས་ལ་ན་ཚ་སོགས་གང་ཡང་ཡོད་ནི་མ་རེད། གལ་ཏེ་མིག་དང་མགོ་ལ་སོགས་པ་སྦྱིན་ན་ཡང་ས་དང་པོ་ཐོབ་པ་ཡན་ཆད་ཀྱིས་བདེན་ཚིག་གྲུབ་པའི་སྨོན་ལམ་བཏབ་ན་ཐད་ཀར་སོས་འགྲོ་ནི་རེད། དེའི་སྐབས་སུ་བྱང་ཆུབ་སེམས་དཔའི་ལམ་དེར་སྐྲག་དགོས་ནི་མ་རེད། མ་སྤྱད་ན་ལུས་སྲོག་གཞན་ལ་གཏོང་དགོས་ཞེས་བརྗོད་ན་དཀའ་བར་སྣང་ཡང་། དེ་ལྟར་དགོས་ནི་མ་རེད། དེའི་ཕྱིར་ན་ད་ལྟ་ནས་རང་ནུས་ཅི་ཡོད་ཀྱིས་རིམ་པ་བཞིན་དུ་བསླབ་པར་བགྱི་གསུངས་ནི་རེད། གཉིས་པ་རྒྱས་པའི་ཕན་ཡོན་བཅུ་གསུམ་བཤད་པ་ནི། གང་གིས་བཟང་སྤྱོད་སྨོན་ལམ་འདི་བཏབ་པས། །དེས་ནི་ངན་སོང་ཐམས་ཅད་སྤོང་བར་འགྱུར། །དེས་ནི་གྲོགས་པོ་ངན་པ་སྤངས་པ་ཡིན། །སྣང་བ་མཐའ་ཡས་དེ་ཡང་དེས་མྱུར་མཐོང་། །དེ་དག་རྙེད་པ་རབ་རྙེད་བདེ་བར་འཚོ། །མི་ཚེ་འདིར་ཡང་དེ་དག་ལེགས་པར་འོང་། །ཀུན་ཏུ་བཟང་པོ་དེ་ཡང་ཅི་འདྲ་བར། །དེ་དག་རིང་པོར་མི་ཐོགས་དེ་བཞིན་འགྱུར། །མཚམས་མེད་ལྔ་པོ་དག་གི་སྡིག་པ་རྣམས། གང་གིས་མི་ཤེས་དབང་གིས་བྱས་པ་དག །དེ་ཡིས་བཟང་པོ་སྤྱོད་པ་འདི་བརྗོད་ན། །མྱུར་དུ་མ་ལུས་ཡོངས་སུ་བྱང་བར་འགྱུར། །ཡེ་ཤེས་དང་ནི་གཟུགས་དང་མཚན་རྣམས་དང་། །རིགས་དང་ཁ་དོག་རྣམས་དང་ལྡན་པར་འགྱུར། །བདུད་དང་མུ་སྟེགས་མང་པོས་དེ་མི་ཐུབ། །འཇིག་རྟེན་གསུམ་པོ་ཀུན་ནའང་མཆོད་པར་འགྱུར། །བྱང་ཆུབ་ཤིང་དབང་དྲུང་དུ་དེ་མྱུར་འགྲོ ། སོང་ནས་སེམས་ཅན་ཕན་ཕྱིར་དེར་འདུག་སྟེ། །བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར། །བདུད་རྣམས་སྡེ་དང་བཅས་པ་ཐམས་ཅད་བཏུལ། །ཞེས་གསུངས་ཏེ། ཕན་ཡོན་ལ་ནང་གསེས་ཀྱིས་རྒྱས་པར་བཤད་ན་བཅུ་གསུམ་ཡོད་གསུངས་ནི་རེད། ༡༽བཟང་སྤྱོད་སྨོན་ལམ་འདི་ཁ་ཏོན་བྱས་ན་སྐྱེ་བ་ཚེ་རབས་ཀྱི་བར་དུ་དམྱལ་བ་ཡི་དྭགས་དུད་འགྲོ་ངན་སོང་གསུམ་གྱི་གནས་གསུམ་དུ་གཏན་ནས་མི་སྐྱེ་གསུངས་ཡོད་ནི་རེད། དེ་བཅོམ་ལྡན་འདས་ཀྱི་གསུང་རེད། ༢༽བཟང་སྤྱོད་སྨོན་ལམ་འདི་ཁ་ཏོན་བྱས་ན་སངས་རྒྱས་ལ་མི་དད་པ་དང་ཆོས་ལ་མི་དད་པ་དང་དགེ་འདུན་ལ་མི་དད་པ་དང༌། རང་ལམ་ལོག་ལ་ཁྲིད་པའི་གྲོགས་ངན་པ་ཐམས་ཅད་སྐྱེ་བ་ཀུན་ཏུ་འགྲོག་མི་དགོས། སྐྱེ་བ་གང་དང་གང་དུ་སྐྱེས་ཀྱང་འཕགས་པའི་དགེ་འདུན་དང་བླ་མ་དགེ་བའི་བཤེས་གཉེན་དང་སངས་རྒྱས་བྱང་ཆུབ་སེམས་དཔའ་དང་གྲོགས་བཟང་པོ་ཐམས་ཅད་དང་འགྲོག་ཆོག་གསུངས་ནི་རེད། བཟང་སྤྱོད་སྨོན་ལམ་ཐོན་དང་ངེད་ཅག་ཚེ་འདིར་ཡང་འཕགས་ཚོགས་དགེ་འདུན་རྒྱ་མཚོ་དང་ལྷན་གཅིག་ཏུ་འཚོགས། ཚེ་འདི་འཕོས་མ་ཐག་ཏུ། ཡང་ན་མཁའ་སྤྱོད་མཁའ་འགྲོ་འདུས་པའི་ཚོགས་གྲལ་དུ་སོང་ནས་ཐབས་ཤེས་ཀྱི་ཉེ་རྒྱུ་ཟབ་མོ་ལ་སྤྱོད་ནས་ཚེ་ལུས་གཅིག་གི་ཟུང་འཇུག་གི་སྐུ་འགྲུབ་པར་འགྱུར། ཡང་ན་ནུབ་ཕྱོགས་བདེ་བ་ཅན་ལ་སོགས་པ་དག་པའི་ཞིང་ཁམས་སུ་སྐྱེས་ནས་བདེ་བ་མ་གཏོགས་པ་སྡུག་བསྔལ་གྱི་སྒྲ་ཙམ་ཡང་མེད་པའི་ཞིང་ཁམས་དེ་ལ་སྐྱེས་ནས་སངས་རྒྱས་ཀྱི་གོ་འཕང་ཐོབ་པར་འགྱུར་རོ། །བཟང་སྤྱོད་སྨོན་ལམ་འདི་ཁ་ཏོན་བྱས་ན་འོད་དཔག་མེད་ཀྱི་ཞལ་ཡང་མྱུར་དུ་མཇལ་འོང་གསུངས་ནི་རེད། དེ་ཡང་ཚེ་འདིའི་ཐོག་ཏུ་ཞལ་མཇལ་འོང་གསུངས་ནི་རེད། ཚེ་ཕྱི་མ་བདེ་བ་ཅན་ལ་སྐྱེ་དུས་འོད་དཔག་མེད་མི་མཇལ་བར་གང་དུ་འགྲོ་བཟང་སྤྱོད་དེ་གཟབ་གཟབ་བྱས་ནས་ཐོན་དང་འོད་དཔག་མེད་ཀྱི་ཞལ་མཇལ་འོང་གསུངས་ནི་རེད། ༤༽ རྙེད་པ་རབ་རྙེད་གསུངས་པ་དེ་དལ་འབྱོར་གྱི་མི་ལུས་རྙེད་པ་བདེ་བ་ཚོགས་གསུམ་མཐོ་རིས་ཀྱི་ཡོན་ཏན་བདུན་དང་ལྡན་པ། མཐོ་རིས་ཀྱི་ཡོན་ཏན་ཞེས་པ་དེ་གང་ཡིན་ཞེ་ན། ཚེ་རིང་བ་ནད་མེད་པ་གཟུགས་བཟང་བ་སྐལ་བ་བཟང་བ་དང་རིགས་མཐོ་བ་ནོར་མང་བ་ཤེས་རབ་ཆེ་བ་དེ་རྣམས་མཐོ་རིས་ཀྱི་ཡོན་ཏན་བདུན་པོ་ཡིན་ནི་རེད། གང་དང་གང་དུ་སྐྱེས་ཀྱང་རྙེད་པ་བཟང་པོ་ཅན་དུ་སྐྱེ་གསུངས་ནི་རེད། དེ་ནས་བཟུང་སྟེ་བུད་མེད་དང་སྐྱེ་བ་དམན་པའི་ལུས་སུ་མི་སྐྱེ་བར་རྒྱལ་རིགས་དང་རྗེ་རིགས་ལ་སོགས་པའི་སྐྱེ་བ་བཟང་པོ་རབ་ཏུ་བྱུང་བའི་ཚུལ་ཁྲིམས་རྣམ་པར་དག་པ་དེ་ལྟ་བུ་འབའ་ཞིག་གི་ལུས་རྟེན་ཉིད་དུ་སྐྱེ་འགྲོ་གསུངས་ནི་རེད། ༥༽ མི་ཚེ་འདིར་ཡང་དེ་དག་ལེགས་པར་འོང་གསུངས་རྒྱུ་དེ་སྨིན་གླིང་ལོ་ཆེན་གྱི་འགྲེལ་དུས་གོང་དུ་བཤད་པའི་ཕན་ཡོན་དེ་དག་ཚེ་འདིའི་སྟེང་དུ་འགྱུར་གསུངས་ཡོད་ཁུ། དེ་ཡིན་ན་ངན་སོང་གསུམ་དུ་མི་སྐྱེ་རྒྱུ་གྲོགས་བཟང་པོ་དང་འཕྲད་རྒྱུ་དང་སངས་རྒྱས་འོད་དཔག་མེད་ཀྱི་ཞལ་མཇལ་རྒྱུ་མཐོ་རིས་ཀྱི་ཡོན་ཏན་བདུན་ཐོབ་རྒྱུ་དེ་རྣམས་དཔེ་ཆ་བ་རྣམས་ལ་སྐྱེས་ནས་མྱོང་འགྱུར་དང་ལན་གྲངས་གཞན་ལ་མྱོང་བའི་མྱོང་འགྱུར་ཟེར་ནས་གཟོད་ཤི་རྗེས་དེའི་ཕྱི་མའི་ཕྱི་མ་མྱོང་བ་ཡིན་པ་ཚེ་འདིའི་སྟེང་དུ་སྨིན་གསུངས་ནི་རེད་ཅེས་དེ་ལྟར་འགྲེལ་ཡོད། ༦༽ཡང་མིན་ན་ཚེ་འདིར་ཡང་དེ་དག་ལེགས་པར་འོང་ཞེས་པ་ནི་ཚེ་རིང་ནད་མེད་གཟུགས་བཟང་བསམ་པའི་དོན་ཐམས་ཅད་འགྲུབ། མདོར་ན་ཚེ་འདིའི་རྒུད་པ་ཇི་སྙེད་མཆིས་པ་ཐམས་ཅད་བཟང་སྤྱོད་སྨོན་ལམ་བཏོན་ན་ནད་ཞི་བར་འདོད་ན་ནད་ཞི། གདོན་ཞི་བར་འདོད་ན་གདོན་ཞི། དུག་ཞི་བར་འདོད་ན་དུག་ཞི། ཚེ་རིང་བར་འདོད་ན་ཚེ་རིང་བར་འགྱུར། ནོར་རྒྱས་པར་འདོད་ན་ནོར་རྒྱས་པར་འགྱུར། བསོད་ནམས་ཆེ་བར་འདོད་ན་བསོད་ནམས་ཆེ་བར་འགྱུར། ལྷ་དབང་དུ་འདུ་བར་འདོད་ན་ལྷ་དབང་དུ་འདུ། ཀླུ་དབང་དུ་འདུ་བར་འདོད་ན་ཀླུ་དབང་དུ་འདུ། མི་དབང་དུ་འདུ་བར་འདོད་ན་མི་དབང་དུ་འདུ་བར་འགྱུར། དེ་བཞིན་དུ་དགྲ་བགེགས་གནོད་བྱེད་འབྱུང་པོ་ཐམས་ཅད་ཚར་གཅད་པར་འདོད་ན་དྲག་པོ་མངོན་སྤྱོད་ཀྱི་ལས་བསམ་ངན་སྦྱོར་རྩུབ་ལ་མ་ལྟོས་པར་ཐམས་ཅད་རང་བཞིན་གྱིས་ཞི་བར་འགྱུར་བ་ལ་སོགས་པའི་ཡོན་ཏན་ཐམས་ཅད་འབྱུང་བར་འགྱུར་གསུངས་ནི་རེད། དེའི་ཚིག་གི་ཤུགས་ལ་དེ་ལྟ་བུར་འགྲེལ་ཡང་རུང་ངམ་སྙམ། ༧༽བཟང་སྤྱོད་སྨོན་ལམ་འདི་ཁ་ཏོན་བྱས་ན་བྱང་ཆུབ་སེམས་དཔའ་ཀུན་ཏུ་བཟང་པོ་ཅི་འདྲ་བ་དེ་འདྲ་བ་མྱུར་བ་ཉིད་དུ་འགྱུར་འགྲོ་གསུངས་ནི་རེད། ཀུན་ཏུ་བཟང་པོའི་སྤྱོད་ཡུལ་བསམ་གྱིས་མི་ཁྱབ་པ་རེད། ཉིན་འགའ་ཞིག་གིས་ངེད་ཅག་གིས་ཀུན་ཏུ་བཟང་པོའི་རྟོགས་བརྗོད་འཆད་དུསཤེས་རྒྱུ་རེད། ༨༽བཟང་སྤྱོད་སྨོན་ལམ་ཁ་ཏོན་བྱས་ན་འཇིག་རྟེན་གྱི་ཁམས་འདི་ན་མདོ་ཕར་ཕྱིན་ཐེག་པའི་སྐབས་སུ་བཤད་པ་དེ་ལ་མཚམས་མེད་ལྔ་ཡི་སྡིག་པ་དེ་སྡིག་པ་ཐམས་ཅད་ཀྱི་ནང་ནས་ཆེ་ཤོས་ཤིག་རེད། དེ་ཡང་གང་ཞེ་ན་ད་ལྟའི་རྩ་བའི་ཕ་བསད་པ་དང་མ་བསད་པ་དང་དགྲ་བཅོམ་པ་བསད་པ་དང་དེ་བཞིན་གཤེགས་པ་ཤཱཀྱ་ཐུབ་པ་ལྟ་བུ་ཞིག་དགྲོང་བསམས་ནས་གྲི་སོགས་ཀྱིས་བསྣུན་ནས་ངན་སེམས་ཀྱིས་ཁྲག་ཕྱུང་བ་དང༌། དགེ་འདུན་གྱི་སྡེ་ཆེན་པོ་རྣམས་སོ་སོར་དབྱེ་བ་དགེ་འདུན་འཁོར་ལོའི་དབྱེན་ཞེས་པ་དེ་སངས་རྒྱས་བཞུགས་ཡོད་པའི་སྐབས་སུ་འབྱུང་རྒྱུ་རེད། དགེ་འདུན་དབྱེན་དང་ཆ་འདྲ་བ་ད་ལྟའི་སྐབས་སུ་དགོན་སྡེ་ཁག་རྣམས་སོ་སོར་དབྱེ་བར་བྱ་བ་དང་བླ་སེར་རྣམས་ལ་མཁའ་ཁ་དབྱེན་མཆིས་སོ་སོར་འབྲལ་བར་བྱེད་པ་དེ་འདི་དང་ཆ་འདྲ་བ་ཞིག་རེད། དེ་ནི་ཉེས་པ་ཆེན་པོ་རེད། འདིའི་ཉེས་པ་འདི་ལ་ཧ་ཅང་གཟབ་དགོས་ནི་རེད་དེ། དེང་སང་གི་གནས་སྐབས་སུ་དགེ་འདུན་གྱི་སྡེ་གང་དང་གང་ན་ཡོད་ཀྱང་དམ་སྲི་སྙིང་ལ་ཞུགས་པའི་སྐྱེ་བོ་ཁ་ཅིག་གིས་ངོ་མ་མཁའ་ཁ་དབྱེན་མཆི་ཁོ་ན་བྱེད་པ་ནི་བསམ་གྱིས་མི་ཁྱབ་པའི་མང་པོ་འདུགདེའི་ཕྱིར་ན་ཀུན་གྱིས་ཀྱང་འདི་ལ་ཐུགས་གཟབ་བྱེད་པ་གལ་ཆེའོ། །སྤྱིར་ན་དགེ་འདུན་གྱི་དབྱེན་བྱེད་པ་རྣམས་སྡུམ་རེ་ཨེ་ཐུབ་ཁུ། དབྱེན་སྡུམ་པ་ལས་ལྷག་པའི་བསོད་ནམས་ཤིག་མེད། ཚངས་པའི་གནས་པར་གྱུར་པའི་བསོད་ནམས་རེད། དགེ་འདུན་པ་མི་འཇིག་པའི་ཐབས་ལ་ཡང་བརྩོན་དགོས་ནི་རེད། ངེད་ཅག་གི་ཆོས་སྡེ་ཆེན་མོ་འདི་ལ་ཡང་དགེ་འདུན་པ་གྲངས་མང་པོ་རེད་མི་རིགས་མང་པོ་རེད། སྐད་རིགས་མང་པོ་རེད། བསམ་པ་ཐ་དད་པ་མང་པོ་རེད། སྤྱོད་པ་འདྲ་མི་འདྲ་མང་པོ་རེད། ཐམས་ཅད་ཀྱིས་དྲན་ཤེས་བག་ཡོད་ཀྱིས་རང་གི་བཤེས་གཉེན་རང་གིས་བྱས་ནས་གཟབ་གཟབ་གྱིས་མ་གཏོགས་ཕྱོགས་བཅུའི་དགེ་འདུན་པ་གཞན་རྣམས་མཁའ་ཁ་དབྱིན་མཆིས་དགེ་འདུན་པའི་སྡེ་ནང་འཁྲུག་བྱས་སོང་ན་འཇིག་རྟེན་གྱི་ཁམས་འདིའི་འབྲེལ་ཚད་ཀྱི་སེམས་ཅན་ཐམས་ཅད་དམྱལ་བར་སྐྱེ་འགྲོ་བས། དེ་ཡི་སྡུག་ཆེ་བ་ཞིག་འཇིག་རྟེན་གྱི་ཁམས་ན་མེད། དེ་ལ་ཧ་ཅང་གཟབ་དགོས་ནི་རེད། དེ་ལྟ་བུའི་དགེ་འདུན་འཁོར་ལོའི་དབྱེན་བྱེད་པ་ལ་སོགས་པའི་མཚམས་མེད་པ་ལྔའི་ལས་བྱེད་ནའང་བཟང་སྤྱོད་འདི་ཡིས་དག་འགྲོ་གསུངས་ནི་རེད། ༩༽བཟང་སྤྱོད་སྨོན་ལམ་འདི་བཏོན་ན་སངས་རྒྱས་ཀྱི་ཇི་ལྟ་བ་མཁྱེན་པའི་ཡེ་ཤེས་དང་ལྡན། མཚན་བཟང་པོ་སུམ་ཅུ་རྩ་གཉིས་དཔེ་བྱད་བཟང་པོ་བརྒྱད་ཅུ་ལ་སོགས་པའི་མཚན་དང་ལྡན་པ་དང་། ༡་༽ རིགས་བཟང་པོ་རྒྱལ་རིགས་རྗེ་རིགས་ལ་སོགས་པའི་རིགས་བཟང་པོ་དང་། ཁ་དོག་དཀར་དམར་གྱི་མདངས་དང་ལྡན་པ། དཔེར་ན། དུང་དཀར་གཡས་སུ་འཁྱིལ་བ་ལ་རྒྱ་ཇ་སྐྲག་མས་ཕྲ་ཚོམ་དཀྲིས་པ་དང་འདྲ་བའི་གཟུགས་ཕུན་སུམ་ཚོགས་པར་ཡང་སྐྱེ་བར་གསུངས་ནི་རེད། ༡༡༽ བཟང་སྤྱོད་སྨོན་ལམ་འདི་ཁ་ཏོན་བྱས་ན་བདུད་བགེགས་འབྱུང་པོ་དམ་སྲི་གཅིག་གིས་ཀྱང་མི་ཐུབ་གསུངས་ནི་རེད། ཐམས་ཅད་ཀྱིས་མོ་ངན་རྩིས་འཁྲུག་དང༌། ཚེ་གེགས་ཞི་བར་བྱེད་པ་ལ་སྤྱིར་གསང་སྔགས་ཀྱི་ཆོ་ག་དེ་བསམ་པ་དག་པ་སྦྱོར་བ་དག་པའི་སྒོ་ནས་བཏོན་ན་བསམ་གྱིས་མི་ཁྱབ་པ་ཞིག་ཡིན་ཡང་འདོན་པ་པོ་གང་ཟག་གི་བསམ་པ་ངན་པ་དང་སྦྱོར་བ་རྩུབ་མོའི་སྒོ་ནས་བཏོན་ན་འབྲས་བུ་ངན་པ་མ་གཏོགས་སྨིན་རྒྱུ་མེད། ཁྱེད་ཅག་གིས་བཀའ་བརྒྱད་ཁྲམ་ཤིང་ཟེར་བ་དང་ཕུར་བ་བཟློག་སྟོང་དང་གཤིན་རྗེའི་ཁྲམ་བཟློག་དེ་རྣམས་འདོན་པ་ལས་ཀྱང་བཟང་སྤྱོད་བཏོན་ན་བདུད་དང་མུ་སྟེགས་མང་པོས་གང་ཟག་དེ་མི་ཐུབ་གསུངས་སོ། །༡༢༽བཟང་སྤྲོད་འདི་བཏོན་ན་ས་འོག་ས་སྟེང་ས་བླར་སྤྱོད་པའི་འཇིག་རྟེན་གསུམ་པོ་ཀུན་ནའང་འགྲོ་བ་ཐམས་ཅད་ཀྱིས་སྨོན་ལམ་འདེབས་པ་པོ་དེ་ལ་མཆོད་ཅིང་གུས་པ་དང་ཕན་འདོགས་པར་བྱེད་པར་འགྱུར་——— རོ། ། ༡༣༽མདོར་བསྡུ་ན་བཟང་སྤྱོད་འདི་བཏོན་ན་བྱང་ཆུབ་སེམས་སངས་རྒྱས་ནས་ཆོས་ཀྱི་འཁོར་ལོ་བསྐོར། མཐའ་ཡས་པའི་སེམས་ཅན་ཐམས་ཅད་ཀྱི་དོན་མཛད་པ་སངས་རྒྱས་འོད་དཔག་མེད་པ་དང་ཤཱཀྱ་ཐུབ་པ་ལྟ་བུ་ཞིག་འདོད་ན་བཟང་སྤྱོད་སྨོན་ལམ་འདི་བཏོན་ན་འགྲུབ་ནི་རེད། གསུམ་པ་དོན་བསྡུ་བ་ནི། གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་ན་ཡང་། །དེ་ཡི་རྣམ་པར་སྨིན་པའང་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག །ཅེས་གསུངས་ཏེ། བཟང་སྤྱོད་སྨོན་ལམ་གྱི་ཕན་ཡོན་བསྡུས་ན། བཟང་སྤྱོད་ཁ་ཏོན་དུ་བྱེད་པ་དང་གླེགས་བམ་འཆང་བ་དང་ཡིད་ལ་བཟུང་བ་དང་དེའི་རྗེས་སུ་སློབ་པ་དང་དེ་ལ་མཆོད་པ་འབུལ་ན་དེའི་ཕན་ཡོན་དེ་སོ་སྐྱེས་ཤིག་གིས་བཤད་ག་ལ་ནུས། ས་ལ་གནས་པའི་བྱང་ཆུབ་སེམས་དཔའ་རྣམས་ཀྱིས་ཀྱང་འདིའི་ཡོན་ཏན་བཤད་དགོས་ན་བཤད་ཐུབ་ནི་མ་རེད། འདིའི་ཡོན་ཏན་སུས་མཁྱེན་ཟེར་ན་སངས་རྒྱས་ཁོ་ནས་མཁྱེན་ནི་རེད། དེའི་འབྲས་བུ་མཐར་ཐུག་བྱང་ཆུབ་ཀྱི་མཆོག་རྫོགས་པའི་སངས་རྒྱས་འཐོབ་པར་འགྱུར་བ་ལ་སོམ་ཉིའམ་ཐེ་ཚོམ་མ་བྱེད་དང་འཐོབ་ངེས་པའོ། །མདོར་ན་འདིའི་ཕན་ཡོན་ལ་ཟད་རྒྱུ་ཡོད་ནི་མ་རེད། གཉིས་པ་ཕན་ཡོན་ཅན་གྱི་སྨོན་ལམ་ཉིད་བསྔོ་བ་ལ་ལྔ་ལས། དང་པོ་སེམས་དཔའ་མཆོག་གིས་བསྔོས་པ་ལ་འཇུག་པ་ནི། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ཞེས་དུས་གསུམ་བསགས་ཡོད་ཀྱི་དགེ་རྩ་ཐམས་ཅད་འཇམ་དཔལ་དབྱངས་ཀྱིས་ཇི་ལྟར་བསྔོས་པ་དེ་བཞིན་དུ་བསྔོ་བ་དང་། ཀུན་ཏུ་བཟང་པོས་ཇི་ལྟར་བསྔོས་པ་དེ་བཞིན་དུ་བསྔོ་ནི་ཡིན་བསམ་པ་དེ་བསྔོ་བ་རྗེས་མཐུན་པ་ཡིན། འདི་མན་ཆད་བསྔོ་བ་རེད། སྤྱིར་བསྔོ་བ་དང་སྨོན་ལམ་གཉིས་ཀྱི་ཁྱད་པར་ནི། སྨོན་ལམ་ཞེས་པ་དེ་བསམ་པ་རྣམ་པར་དག་པས་སྨོན་ལམ་བཏབ་པ་ལ་སྨོན་ལམ་ཟེར་ནི་རེད། བསྔོ་བ་ནི། དགེ་བ་བློ་ཡུལ་དུ་བྱས་ནས་དགེ་བ་དེ་ཡི་སྟོབས་ཀྱིས་བསྔོས་པ་ནི་བསྔོ་བ་རེད། དེའི་ཕྱིར་ན་དགེ་བ་ཡོད་མེད་ཀྱི་ཁྱད་འཇོག་ནི་རེད། འདི་ཡན་ཆད་ཀྱིས་བཟང་སྤྱོད་ཀྱི་སྨོན་ལམ་བཏབ་པ་རྣམས་བསྔོ་ནི་རེད། ངེད་ཅག་གིས་སང་གནང་བཟང་སྤྱོད་སྨོན་ལམ་འདེབས་པ་དེ་བསྔོ་བ་ཡང་རེད་སྨོན་ལམ་ཡང་རེད། གཉིས་པ་རྒྱལ་བས་བསྔོས་པ་ལ་འཇུག་པ་ནི། དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང༌། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །ཞེས་གསུངས་ཏེ། འདས་མ་འོངས་ད་ལྟ་དུས་གསུམ་གྱི་སངས་རྒྱས་རྣམས་ཀྱིས་ཇི་ལྟར་བསྔོ་བ་བཞིན་དུ་བདག་གིས་ཀྱང་དགེ་བ་འདི་དག་ཐམས་ཅད་དེ་ལྟར་བསྔོ་རྒྱུ་ཡིན་བསམ། སངས་རྒྱས་ཐམས་ཅད་ཀྱིས་བསྟན་པ་དང་འགྲོ་བའི་དོན་དུ་ཇི་ལྟར་སྨོན་ལམ་བཏབ་པ་བཞིན་བདག་གིས་ཀྱང་དེ་ལྟར་འདེབས་པ་ཡིན་གསུངས་ནི་རེད། བཟང་སྤྱོད་སྨོན་ལམ་གྱི་དོན་ཡོངས་རྫོགས་བསྡུས་ན་ས་བཅད་རྣམ་པ་བཅུ་དྲུག་གི་ནང་དུ་བསྡུས་ཡོད། དེ་ཡང་བསྡུས་ན་བསྟན་པ་དང་འགྲོ་བའི་དོན་ལ་སྨོན་ལམ་བཏབ་པ་གཉིས་ཀྱི་ནང་དུ་འདུས་ནི་རེད། རང་ཅག་གིས་ཀྱང་དུས་རྒྱུན་དུ། དྲི་མེད་རྒྱལ་བསྟན་དར་ཞིང་ཡུན་དུ་གནས། །རིས་མེད་འགྲོ་རྣམས་ཕན་བདེའི་དཔལ་གྱིས་འཚོ། །དུས་ཀུན་ཡིད་ལ་སྨོན་པ་འདི་ཁོ་ན། །མཐུན་འགྱུར་གསུང་གིས་དབུགས་དབྱུང་དེང་འདིར་སྩོལ། །ཅེས་ངེད་ཅག་གི་ཡིད་ལ་སྨོན་རྒྱུ་དེ་ཡང་འདི་རེད། དེ་ཡང་བསྡུས་ན་བསྟན་པ་དར་བ་དང་སངས་རྒྱས་ཀྱི་ཆོས་རབ་ཏུ་འཛིན་པར་སྨོན་ལམ་བཏབ་ན་དེའི་ནང་ལ་འདུས་ནི་རེད། བསྟན་པ་དར་ན་སེམས་ཅན་ལ་ཕན་པ་ངང་གིས་འབྱུང་ནི་རེད། དཔེར་ན། ཉི་མ་ཤར་ན་འོད་ཟེར་འབྱུང་བ་བཞིན་སངས་རྒྱས་ཀྱི་བསྟན་པ་དར་ན་སེམས་ཅན་ལ་བདེ་སྐྱིད་མི་འབྱུང་བར་རང་དབང་ཡོད་ནི་མ་རེད། དེའི་ཕྱིར་ན་བསྟན་པ་དར་བར་གྱུར་ཅིག་སེམས་ཅན་རྣམས་བདེ་ཞིང་སྐྱིད་པ་གྱུར་ཅིག་བསམ་དགོས་ཏེ། ཀུན་མཁྱེན་ཆོས་ཀྱི་རྒྱལ་པོའི་ཞལ་ནས། སངས་རྒྱས་བསྟན་པ་དར་ཞིང་རྒྱས་པར་ཤོག །སེམས་ཅན་ཐམས་ཅད་བདེ་ཞིང་སྐྱིད་པར་ཤོག །ཉིན་དང་མཚན་མོར་ཆོས་ལ་སྤྱོད་པར་ཤོག །རང་གཞན་དོན་གཉིས་ལྷུན་གྱིས་འགྲུབ་པར་ཤོག །ཅེས་གསུངས་པ་ལྟར་ངེད་ཅག་གིས་རྒྱུན་དུ་འདོན་རྒྱུ་བྱས་ཡོད་ནི་རེད། གསུམ་པ་སྨོན་ལམ་གྱི་འབྲས་བུ་མངོན་གྱུར་དུ་བསྔོ་བ་ནི། བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་བ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ ། དེར་སོང་ནས་ནི་སྨོན་ལམ་འདི་དག་ཀྱང༌། །ཐམས་ཅད་མ་ལུས་མངོན་དུ་འགྱུར་བར་ཤོག །དེ་དག་མ་ལུས་བདག་གིས་ཡོངས་སུ་བཀང་། །འཇིག་རྟེན་ཇི་སྲིད་སེམས་ཅན་ཕན་པར་བགྱི། །ཞེས་གསུངས་ཏེ། བདེ་བ་ཅན་དུ་སྐྱེ་བའི་སྨོན་ལམ་བཏབ་ནི་རེད། གཟོད་འཆི་ཁ་ཐུམ་རིམ་རྫོགས་ཚེ་མི་ངོ་རང་ངོ་མི་ཤེས་པའི་སྐབས་ན་སངས་རྒྱས་འོད་དཔག་མེད་མངོན་སུམ་དུ་བྱོན་འོང་ནི་རེད། དེ་ནས་བྱང་ཆུབ་སེམས་དཔའ་ཉེ་བའི་སྲས་བརྒྱད་ཀྱིས་བསྐོར་ནས་བདེ་བ་ཅན་གྱི་ཞིང་ཁམས་སུ་ཁྲིད་འགྲོ་གསུངས་ནི་རེད། ངེད་ཅག་གིས་བཟང་སྤྱོད་སྨོན་ལམ་འདི་ལ་བརྩོན་པ་བརྒྱ་འགྱུར་བྱས་ནས་བཏོན་ན་འཆི་ཁ་ནད་གཅོད་ཀྱི་སྡུག་བསྔལ་ཡོད་ནི་མ་རེད། ཤི་རྒྱབ་བར་དོའི་སྡུག་བསྔལ་ཡོད་ནི་མ་རེད། གཤེན་རྗེ་ཆོས་ཀྱི་རྒྱལ་པོའི་མདུན་ན་ངས་དགེ་བ་བྱས་སྡིག་པ་མ་བྱས་ཟེར་ནས་དགེ་སྡིག་རྒྱ་མ་ལ་བཀྱག་དགོས་ནི་མ་རེད། བདག་དང་བདག་ལ་འབྲེལ་ཐོགས་ཀུན། །འདི་ནས་ཚེ་འཕོས་གྱུར་མ་ཐག །སྤྲུལ་པའི་སངས་རྒྱས་འོད་དཔག་མེད། །དགེ་སློང་དགེ་འདུན་འཁོར་གྱིས་བསྐོར། །མདུན་དུ་མངོན་སུམ་འབྱོན་པར་ཤོག །ཅེས་པ་དེ་བདེ་བ་ཅན་ན་བཞུགས་པའི་འོད་དཔག་མེད་མ་རེད། ད་དུང་ལུས་སེམས་གཉིས་ཀ་མ་འབྲལ་གོང་ན་སྤྲུལ་བའི་སངས་རྒྱས་འོད་དཔག་མེད་མངོན་སུམ་དུ་བྱོན་ནས་བསུ་མ་བྱེད་གསུངས་ནི་རེད། ལས་ངན་སྡིག་ཆེན་གྱི་གང་ཟག་རྣམས་དེའི་སྐབས་སུ་ལ་ལས་རི་དྭགས་མང་པོ་བསད་པས་རི་དྭགས་རྣམས་ཀྱིས་རྡུང་སྣང་ཤར། དེ་བཞིན་ལ་ལར་ལུག་ལ་སོགས་པས་རྡུང་བ་དང་ལ་ལར་མེ་འབར་བ་སོགས་སྣང་བའི་སྐབས་སུ་སངས་རྒྱས་འོད་དཔག་མེད་མངོན་སུམ་དུ་མཐོང་ནས་བདེ་བ་ཅན་དུ་སྐྱེ། སངས་རྒྱས་འོད་དཔག་མེད་དང་བྱང་ཆུབ་སེམས་དཔའ་ཉེ་བའི་སྲས་བརྒྱད་ཀྱིས་ད་ཁྱེད་བདེ་བ་ཅན་དུ་འགྲོ་བའི་དུས་ལ་བབས་པ་ཡིན་ཁྱེད་རང་བུ་དང་བུ་མོ་ལ་མ་ཆགས་བུ་དང་བུ་མོ་རྣམས་ཚེ་འདི་ལ་ལུས་དང་སེམས་ལ་སྡུག་བསྔལ་མེད་པ་ཞིག་དང་ཚེ་འདི་འཕོས་མ་ཐག་ཏུ་བདེ་བ་ཅན་དུ་ཁྲིད་པར་བྱེད་གསུངས་སོ། །དེའི་སྐབས་སུ་རང་གི་ཡང་དོན་ཆེན་འགྲུབ། ཕྱིས་སུ་འདུག་པ་རྣམས་ཀྱང་དོན་ཆེན་འགྲུབ་ནས་སྣང་བ་དགའ་ཡ་ལེ་སེམས་པ་སྤྲོ་སང་ངེ་བྱེད་ནས་སྤྲུལ་གཞིའི་འོད་དཔག་མེད་ཀྱི་མདུན་དུ་ཕེབས་འགྲོ་གསུངས་ནི་རེད། དེ་མཐོང་ཡིད་དགའ་སྣང་བ་སྐྱིད། །ཤི་བའི་སྡུག་བསྔལ་མེད་པར་ཤོག །བྱང་ཆུབ་སེམས་དཔའ་མཆེད་བརྒྱད་ནི། །རྫུ་འཕྲུལ་སྟོབས་ཀྱིས་ནམ་མཁར་བྱོན། །ཞེས་པ་ལྟར་དེ་ནས་བདེ་བ་ཅན་གྱི་ཞིང་ཁམས་ལ་ཕེབས་ནས་བཟང་སྤྱོད་སྨོན་ལམ་མཐའ་དག་མངོན་དུ་འགྱུར། ཞིང་དེ་ན་མ་གཏོགས་ཐམས་ཅད་མངོན་དུ་འགྱུར་ནུས་ནི་མ་རེད། དཔེར་ན། རྡུལ་གཅིག་གི་གོ་ས་ན་རྡུལ་སྙེད་ཀྱི་ཞིང་ཁམས་བཀོད། དེ་ལས་སངས་རྒྱས་རེ་རེའི་མདུན་དུ་མཛད་པ་མཛད། ནམ་མཁའི་མཐར་ཐུག་གི་སེམས་ཅན་གྱི་དོན་མཛད། བདེ་བ་ཅན་གྱི་ཞིང་ཁམས་སུ་སྐྱེས་ནས་བདག་གི་སྤྲོད་པ་རྒྱ་མཚོ་མཐར་ཕྱིན་པར་ཤོག་ཅིག་གསུངས་ནི་རེད། བདེ་བ་ཅན་གྱི་ཞིང་ཁམས་སུ་སོང་ནས་རང་གི་རྒྱུད་ཡོངས་སུ་སྨིན་པར་བྱེད། ཕར་ཕྱིན་རྫོགས། སེམས་ཅན་སྨིན་པར་བྱེད། ཞིང་སྦྱངས་རང་འབྲས་སྨིན་ནས་བཟུང་སྟེ་ནམ་མཁའ་ཇི་སྲིད་དུ་སྐྱེ་བ་དམན་པ་དུད་འགྲོ་ལྟར་རྒུད་པའི་དུས་ནའང་དེ་ལ་སྡུག་བསྔལ་དག་གིས་འཇིགས་པ་མེད། འཁོར་བར་པདྨའི་ཚལ་ན་རྩེད་མོ་བྱེད་དེ་འགྲོ་བ་ལྟ་བུ་ཡིན། མདོར་ན་ནམ་མཁའ་ཇི་སྲིད་བར་དུ་སེམས་ཅན་གྱི་དོན་བྱེད་པར་ཤོག་ཅིག་གསུངས་ནི་རེད། བཞི་པ་སངས་རྒྱས་ལས་དངོས་སུ་ལུང་བསྟན་ཐོབ་པར་བསྔོ་བ་ནི། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །ཅེས་གསུངས་ཏེ། རྒྱལ་བའི་དཀྱིལ་འཁོར་བཟང་པོ་བདེ་བ་ཅན་གྱི་ཞིང་ཁམས་རེད། མཛེས་ལས་སྐྱེས་ཞེས་པ་ནི། མཚན་བཟང་པོ་སུམ་ཅུ་རྩ་གཉིས་དཔེ་བྱེད་བཟང་པོ་བརྒྱད་ཅུ་ཡོངས་སུ་རྫོགས་པ་ལུས་དེ་ལ་ལྡན་པར་འགྱུར། འོད་དཔག་མེད་ཀྱིས་རིགས་ཀྱི་བུ་ཁྱེད་ཞིང་ཁམས་གཞན་ག་ལ་བ་ན་སངས་རྒྱས་པ་ཡིན་གསུངས་ནས་ལུང་བསྟན་པ་ཐོབ། ལུང་བསྟན་ཐོབ་པ་དེ་ཡང་དབང་པོ་རྣོན་པོ་ཡིན་ན་སྦྱོར་ལམ་དང་མཐོང་ལམ། དབང་པོ་རྟུལ་པོ་ཡིན་ན་ས་བརྒྱད་པ་མ་གཏོགས་ཐོབ་ནི་མ་རེད། དེའི་ལུང་བསྟན་དེ་ཡང་དེ་མ་ཐག་ཏུ་ཐོབ་པར་གྱུར་ཅིག་གསུངས་ནི་རེད། ལྔ་པ་ལུང་བསྟན་ཐོབ་ནས་སེམས་ཅན་ལ་ཕན་པ་བསྒྲུབ་པར་བསྔོ་བ་ནི། དེར་ནི་བདག་གིས་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བཟ་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང། བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་པོ་བགྱི། །ཞེས་གསུངས་ཏེ། ལུང་བསྟན་ཐོབ། ཡོན་ཏན་གྱི་ཞིང་སྦྱངས་ནམ་མཁའ་ཇི་སྲིད་དུ་སེམས་ཅན་རྣམས་ཀྱི་དོན་ཡོངས་སུ་འགྲུབ་ནུས་པར་ཤོག་ཅིག་གསུངས་ནི་རེད། ལོ་ཙཱ་བ་ཆེན་པོ་བཻ་རོ་ཙ་ནས་བསྒྱུར་བའི་སྨོན་ལམ་མཛད་པར་གྲགས་པ་དེ་དོན་ལ་གནས་སམ་སྙམ་མོ། །ཚིགས་བཅད་གསུམ་པོ་འདི་ཡང་ཅུང་ཟད་བཤད་ན་དོན་གསུམ་སྟེ་སྨོན་ལམ་བཏོན་པ་དང་། སྨོན་ལམ་བསྔོས་པ་དང་། སྨོན་ལམ་གྱི་དགེ་རྩ་ཕྱིར་བསྔོ་བ་གསུམ་ལས། དང་པོ། བཟང་པོ་སྤྱོད་པའི་སྨོན་ལམ་བཏོན་པ་ཡི། །དགེ་བ་ཅུང་ཟད་བདག་གིས་ཅི་བསགས་པ། །དེས་ནི་འགྲོ་བའི་སྨོན་ལམ་དགེ་བ་རྣམས། །སྐད་ཅིག་གཅིག་གིས་ཐམས་ཅད་འབྱོར་བར་ཤོག །ཅེས་བཟང་པོ་སྤྱོད་པའི་སྨོན་ལམ་གྱི་གླེགས་བམ་བཀླགས་སམ་ཁ་ཏོན་དུ་བཏོན་པའི་དགེ་བ་ཅུང་ཟད་བདག་གིས་ཅི་བསགས་པ་དེ་ཡིས་ནི་འགྲོ་བ་སེམས་ཅན་མ་ལུས་པའི་ཡིད་ལ་སྨོན་པའི་དོན་འགྲུབ་པར་ཤོག་ཅིག་ཅེས་བརྗོད་པ་སྨོན་ལམ་དུ་བྱས་པའི་དགེ་བ་རྣམས་ཇི་ལྟ་བ་བཞིན་དུ་ཡུན་རིང་པོར་མི་ཐོགས་པར་དུས་སྐད་ཅིག་གིས་འབད་རྩོལ་མི་དགོས་པར་ཐམས་ཅད་འབྱོར་ཞིང་འགྲུབ་པར་ཤོག་ཅིག་གསུངས་ནི་རེད། གཉིས་པ་ནི། གང་ཡང་བཟང་པོ་སྤྱོད་པ་འདི་བསྔོས་པས། །བསོད་ནམས་མཐའ་ཡས་དམ་པ་གང་ཐོབ་དེས། །འགྲོ་བ་སྡུག་བསྔལ་ཆུ་བོར་བྱིང་བ་རྣམས། །འོད་དཔག་མེད་པའི་གནས་རབ་ཐོབ་པར་ཤོག །ཅེས་བཟང་པོ་སྤྱོད་པའི་སྨོན་ལམ་ཡོངས་སུ་བསྔོས་པ་འདི་ཡིས་བསོད་ནམས་ངོ་བོ་བཟང་བས་དམ་པ་དང་རྒྱ་ཆེ་བས་མཐའ་ཡས་པར་གྱུར་པ་གང་ཞིག་ཐོབ་པ་དེས་འགྲོ་བ་སྡུག་བསྔལ་གྱི་ཆུ་བོར་བྱིང་ནས་ཉམ་ཐག་པ་རྣམས་དེ་བཞིན་གཤེགས་པ་འོད་དཔག་ཏུ་མེད་པའི་བཞུགས་གནས་བདེ་བ་ཅན་གྱི་ཞིང་ཁམས་རྟག་ཏུ་བདེ་ཞིང་སྐྱིད་པའི་གནས་དེ་རབ་ཏུ་ཐོབ་པར་ཤོག་ཅིག་གམ་དེར་སྐྱེ་བར་གྱུར་ཅིག་གསུངས་ནི་རེད། གསུམ་པ་ནི། སྨོན་ལམ་རྒྱལ་པོ་འདི་དག་མཆོག་གི་གཙོ། །མཐའ་ཡས་འགྲོ་བ་ཀུན་ལ་ཕན་བྱེད་ཅིང་། །ཀུན་ཏུ་བཟང་པོས་བརྒྱན་པའི་གཞུང་གྲུབ་སྟེ། །ངན་སོང་གནས་རྣམས་མ་ལུས་སྟོང་བར་ཤོག །ཅེས་སྨོན་ལམ་གྱི་རྒྱལ་པོ་འདི་དག་གིས་ནི་མཆོག་གི་གཙོ་བོ་བླ་ན་མེད་པའི་བྱང་ཆུབ་འགྲུབ་པ་དང༌། མཁའ་ལྟར་མཐའ་ཡས་པའི་འགྲོ་བ་སེམས་ཅན་ཀུན་ལ་གནས་སྐབས་དང་མཐར་ཐུག་གི་ཕན་བདེ་སྟེར་བར་བྱེད་ཅིང༌། ཐམས་ཅད་ཀུན་ཏུ་བཟང་པོའི་སྨོན་ལམ་གྱིས་བརྒྱན་པའི་ཞིང་ཁམས་ཁྱད་པར་ཅན་དུ་བསྒྲུབས་པས་གྲུབ་པའམ། ཡང་ན་དཔེ་ཕལ་ཆེ་བར་གཞུང་གྲུབ་སྟེ་ཞེས་པ་ལྟར་ན། འཕགས་པ་ཀུན་ཏུ་བཟང་པོའི་དེ་བཞིན་གཤེགས་པ་སྲས་དང་བཅས་པའི་སྤྱོད་པ་རབ་འབྱམས། མཛེས་བྱེད་ཟབ་ཅིང་རྒྱ་ཆེ་བའི་ཚིག་དང་དོན་གྱིས་རྣམ་པར་བརྒྱན་པའི་སྨོན་ལམ་གྱི་མདོ་ཆེན་པོ་གསུངས་པའི་གཞུང་འདི་ལས་ཇི་སྐད་འབྱུང་བ་དེ་ཁོ་ན་བཞིན་དུ་གྲུབ་པར་གྱུར་ཏེ། ཕྱོགས་བཅུའི་ཞིང་ཀུན་གྱི་ངན་སོང་གི་རྒྱུད་རྣམས་མ་ལུས་པ་སྟོང་བར་ཤོག་ཅིག་གསུངས་ནི་རེད། གསུམ་པ་མཇུག་གི་དོན་ནི། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མུ་ཏྲ་དང༌། སུ་རེནྡྲ་བྷོ་དྷི་དང༌། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ལོ་ཆེན་བཻ་རོ་ཙ་ནས་ཞུས་ཆེན་མཛད་པའོ། །།། འདི་སྔ་འགྱུར་གྱི་དུས་སུ་ཆོས་རྒྱལ་ཁྲི་སྲོང་ལྡེའུ་བཙན་གྱི་སྐུ་རིང་ལ་བཻ་རོ་ཙ་ནས་བསྒྱུར་ནི་རེད། བླ་སེར་ཇོ་མོ་དགེ་བསྙེན་ཁྱེད་རྣམས་ཀྱིས་ཚིག་འགྲེལ་ཞིག་སྐྱོར་སྦྱང་བྱ་རྒྱུ་ཨེ་ལག་ལྟོས། སང་གནང་འདོན་དུས་ཚིག་རྗེས་དོན་དྲན་ཡག་པོ་ཞིག་ཨེ་འོང་ལྟོས། རྒྱ་ཆེན་པོ་ཞིག་མ་ཤེས་ན་ཡང༌། སེམས་ཅན་ཐམས་ཅད་ཀྱི་ལུས་ལ་ན་ཚ་མེད་པར་གྱུར་ཅིག སེམས་ལ་སྡུག་བསྔལ་མེད་པར་གྱུར་ཅིག་དམ་པའི་ཆོས་སྒྲུབ་པ་ལ་བློ་མཐུན་གྲོས་མཐུན་ཉིད་དུ་གྱུར་ཅིག སེམས་ཅན་ཐམས་ཅད་ཀྱི་བསམ་པའི་རེ་བ་ཐམས་ཅད་འགྲུབ་པར་གྱུར་ཅིག སྐྱེ་བ་ཚེ་རབས་ཀུན་ཏུ་རབ་ཏུ་བྱུང་བའི་ལུས་རྟེན་ཐོབ་པར་གྱུར་ཅིག རྟེན་དེ་ལ་ཚུལ་ཁྲིམས་རྣམ་པར་དག་པར་གྱུར་ཅིག བླ་མ་དགེ་བའི་བཤེས་གཉེན་དང་འཕྲད་པར་གྱུར་ཅིག གྲོགས་བཟང་པོ་དང་མི་འབྲལ་བར་གྱུར་ཅིག བྱང་ཆུབ་ཀྱི་སེམས་རྒྱུད་ལ་སྐྱེ་བར་གྱུར་ཅིག མདོར་བསྡུས་པ་ཞིག་བཤད་ན་དེ་འདྲ་ཞིག་རེད། དེའི་ཕྱིར་ན་ཚིག་རྗེས་དོན་དྲན་ཞིག་ཤེས་ན་ཧ་ཅང་བཟང་པོ་རེད། སྨོན་ལམ་འགྲུབ་པའི་མཐུན་འགྱུར་མཛད་པ་ནི། སངས་རྒྱས་སྐུ་གསུམ་བརྙེས་པའི་བྱིན་རླབས་དང༌། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །ཏདྱ་ཐཱ། པཉྩནྡྲི་ཡ་ཨ་ཝ་བོ་དྷ་ནི་ཡེ་སྭཱ་ཧཱ། །ཞེས་གསུངས་ཏེ་སངས་རྒྱས་སྐུ་གསུམ་བརྙེས་པའི་བྱིན་རླབས་ཀྱི་སྟོབས་ཀྱིས་སྨོན་ལམ་འདི་འགྲུབ་པར་གྱུར་ཅིག་གསུངས་ནི་རེད། ཆོས་ཉིད་ཀྱི་དོན་ལ་འགྱུར་བ་ཡོད་ནི་མ་རེད། དེ་ཡང་ཅི་ཡང་མ་གྲུབ་པ་ལས་ཅི་ཡང་འཆར་དུ་རུང་བ་དེའི་སྟོབས་ཀྱིས་སྨོན་ལམ་འདི་འགྲུབ་པར་གྱུར་ཅིག་གསུངས་ནི་རེད། མང་ཆེ་བ་ཞིག་གིས་དགེ་འདུན་མང་བྱོན་འཚོགས་པའི་བྱིན་རླབས་ཀྱིས་ཟེར་ནས་ཞེ་ལ་བསམ་རྒྱུ་དེ་ཡང་དེ་ལྟར་བསམས་ནས་འདོན་མཁན་ཡོད་ཀྱང་དེ་ལྟར་མ་རེད། འདིའི་ཚིག་གི་ནང་ན་དགེ་འདུན་མི་ཕྱེད་འདུན་པའི་ཐུགས་རྒྱུད་ཀྱི་ཡོན་ཏན་དེ་གཞན་སུས་ཀྱང་སོ་སོར་ཕྱེ་ནུས་ནི་མ་རེད། དགེ་འདུན་གྱི་ཐུགས་རྒྱུད་ཀྱི་ཡོན་ཏན་འདུན་པ་དང་འབྲེལ་བ་ཡིན་ནི་རེད་མ་གཏོགས་དགེ་འདུན་མང་བྱོན་འཚོགས་པའི་ཟེར་ནི་མ་རེད། དེ་ལྟ་བུའི་ཚིག་མ་རེད། སངས་རྒྱས་བྱང་སེམས་རྣམས་༄ས་ཇི་ལྟར་བསྔོས་པ་བཞིན་དུ་བདག་ཅག་གིས་ཀྱང་བསྔོ་བ་དང་སྨོན་ལམ་རྣམས་འགྲུབ་པར་ཤོག་ཅིག་གསུངས་ནི་རེད། ཏདྱ་ཐ། པཉྩནྡྲི་ཡ་ཨ་ཝ་བོདྷ་ནི་ཡེ་སྭཱ་ཧཱ། ཞེས་པའི་སྔགས་འདི་བརྗོད་ན་སྨོན་ལམ་གང་བཏབ་ན་སྨོན་ལམ་ཐམས་ཅད་འགྲུབ་ནི་རེད། ད་བཟང་སྤྱོད་ཤེས་ཐ་ཨེ་རེད། ཚིག་རྗེས་དོན་དྲན་ཞིག་ཤེས་ན་ཧ་ཅང་ཡག་པོ་རེད། ཚིག་རྐྱང་པ་ཙམ་ཞིག་ཁ་གཡེང་མིག་གཡེང་གིས་བཏོན་ན་ཡང་ཕན་ཡོན་འབྱུང་རྒྱུ་རེད། དེ་བཞིན་གཤེགས་པའི་གསུང་བསླུ་བ་མེད་པ་རེད། ནམ་མཁའ་མེད་པར་གྱུར་ཀྱང་རིགས་སྔགས་ཀྱི་ནུས་པ་འགྱུར་མི་སྲིད་ཅེས་གསུངས་པ་བཞིན་བསླུ་བ་གཏན་ནས་ཡོད་ནི་མ་རེད། འོན་ཀྱང་ཚིག་རྗེས་དོན་དྲན་བྱས་ནས་སྨོན་ལམ་ཞིག་བཏབ་ན་བྱང་ཆུབ་སེམས་དཔའ་ཀུན་ཏུ་བཟང་པོ་དང་འཇམ་དཔལ་དབྱངས་ཀྱི་སྨོན་ལམ་ཇི་ལྟ་བ་བཞིན་དུ་འགྱུར་འགྲོ་ནི་རེད། ཐམས་ཅད་ཀྱིས་ཨེ་ཤེས་ལྟོས་དང་འདི་ལ་རྒྱ་ཆེན་པོ་ཞིག་བཤད་ན་སུས་ཀྱང་མི་ཤེས། ངས་ཀྱང་ག་ལ་ཤེས་ང་མིན་པ་ཞིག་གིས་ཀྱང་མི་ཤེས་མོད། ད་ཕྱོགས་ཙམ་ལ་མི་གོ་རྒྱུ་ཅི་ཡང་མེད་པས་གཟབ་གཟབ་བྱས་ནས་ཨེ་ཤེས་ལྟོས། སྐྱོར་སྦྱང་གྱིས་མ་ཤེས་ན་གཞན་ལ་དྲིས། སང་གནང་འདོན་དུས་བློ་ཡུལ་ལ་བླངས་ནས་བཟང་སྤྱོད་ཡོངས་སུ་རྫོགས་པ་ལ་མ་ནུས་ཀྱང་ཚར་གཅིག་ལ་ཚིག་རྗེས་དོན་དྲན་གྱི་སྒོ་ནས་འདོན་ཨེ་ཐུབ་ལྟོས། དེ་ནས་ངེད་ཅག་སྐྱེ་བ་ཚེ་རབས་ཐམས་ཅད་དུ་འབྲལ་བ་མེད་པར་ནམ་ཞིག་བྱང་ཆུབ་ཤིང་དབང་དྲུང་དུ་སུ་སྔོན་ལ་སངས་རྒྱས་མི་ཤེས་ཀྱང་སུ་སྔོན་ལ་སངས་རྒྱས་ན་དེའི་འཁོར་དུ་སྐྱེ་རྒྱུ་རེད། གལ་ཏེ་ང་ནམ་ཞིག་ན་སྔོན་ལ་སངས་རྒྱས་ནའང་འདྲ་རྗེས་སུ་སངས་རྒྱས་ནའང་འདྲ་ང་སངས་རྒྱས་པའི་གནས་སྐབས་ན་ཁྱེད་རྣམ་པ་ཚང་མ་ཡང་མོས་པ་མེད་ན་མ་གཏོགས་མོས་པར་གྱུར་པའི་གང་ཟག་ཚང་མ་ཡང་ངའི་འཁོར་གྱི་ཐོག་མ་ཉིད་དུ་སྐྱེ་རྒྱུ་རེད་མ་ཟད། སང་གནང་བཟང་སྤྱོད་དུང་སྒྲུབ་སྐབས་སུ། ཚོགས་པ་རྣམས་ངས་དང་པོ་ཆོས་ཀྱི་འཁོར་ལོ་བསྐོར་བའི་གནས་སྐབས་སུ་ཁྱེད་རྣམ་པ་འདུས་ནས་སྣོད་རྟེན་དེ་ལ་ཐེག་དམན་གྱི་བདེན་པ་མཐོང་རྒྱུ་མ་རེད། ཐེག་ཆེན་ས་དང་པོ་ཡན་ཆད་ཀྱི་ཆོས་ལ་ཆོས་ཀྱི་རྡུལ་དྲི་མ་མེད་པ་ཐོབ་རྒྱུ་རེད། དེ་ནས་བཟུང་སྟེ་ངེད་ཅག་རྣམས་ནམ་མཁའ་ཇི་སྲིད་དུ་དུ་འགྱུར། སེམས་ཅན་གྱི་དོན་བྱེད་པ་ལ་བསླུ་བ་མེད། ད་ཕྱིན་ཆད་སྡིག་པ་ཚབ་པོ་ཆེ་མ་བྱེད། ཐམས་ཅད་ཀྱི་དགེ་བ་གཟབ་གཟབ་བྱས་ནས་སྒྲུབས། སྔར་བྱས་ཀྱི་སྡིག་པ་ལ་ཁ་ཞེ་གཉིས་མེད་ཀྱིས་འགྱོད་པ་དང་ཕྱིན་ཆད་དམ་པོར་སྡོམ་སེམས་ཤིག་ཡོད་ན། ད་སྐབས་བཟང་སྤྱོད་དུང་སྒྲུབ་ཆེན་མོ་དང་གར་དབང་རིག་འཛིན་འབུམ་ཚོགས་ཆེན་མོ་སོགས་ཀྱི་སྐབས་སུ་དགེ་འདུན་པ་འདི་ལྟ་བུ་ཞིག་དང་ལྷན་ཅིག་ཏུ་འཚོགས། ད་ཕྱིན་ཆད་སྡིག་པ་ངན་པ་མ་བྱས་ན་ཕལ་ཆེར་སྔོན་ཆད་ཀྱི་རྣམ་སྨིན་མྱོང་ངེས་ཀྱི་སྒྲིབ་པ་ཐམས་ཅད་དག་འགྲོ་རྒྱུ་རེད་བསམ་ཁུ། དེ་སྙོམས་འཇོག་ཡིན་ཡང་མི་ཆོས་བླ་མའི་རྫུན་མིན་ཟེར་ན་ཆོག དེ་ཡིན་ན་དགའ་བ་དང་སྤྲོ་བའི་འོས་སུ་གྱུར་པ་ཞིག་རེད། ང་ལ་ཡང་སྔོན་ཆད་མ་ཎི་བླ་མ་པདྨ་སིདྡྷིས་ལན་གཉིས་ཀྱི་བར་དུ་ད་སྔོན་ཡན་ཆད་ཀྱི་སྡིག་ལྟུང་དག་པ་ཡིན་གསུངས་ནས་ལུང་བསྟན་པ་ཡིན། ལུང་བསྟན་གཅིག་ནི་དམ་ཅན་གྱི་ས་ཕྱོགས་སུ་གསེར་རྟ་བ་ལ་མ་ཎི་གསུངས་པའི་སྐབས་སུ་དེ་རིང་ཡན་ཆད་ཀྱི་སྡིག་ལྟུང་དག་པ་ཡིན་ད་ཕྱིན་ཆད་གཟབ་གཟབ་གྱིས་གསུངས་མྱོང་། གཅིག་དེ་ང་ལྕང་མ་རི་ཁྲོད་དུ་འགྲོ་བའི་གནས་སྐབས་ན་ངས་བསམ་བློ་ཞིག་བཏང་ནས་དེ་ཚུན་ཆད་ལ་ཡང་སྡིག་པ་མ་བྱས་མ་བྱས་ཟེར་ཡང་སྡིག་པ་མང་པོ་བྱས་ཚར་ཡོད་རྒྱུ་རེད་བསམས་ནས་སླར་ཡང་མ་ཎི་བླ་མའི་སྐུ་མདུན་ལ་སོང་ནས་ལུང་བསྟན་ཞུས་ཚེ། ཁོང་གིས་དེའི་དུས་སྐབས་ནའང་ད་སྔོན་ཡན་ཆད་ཀྱི་སྡིག་ལྟུང་ཐམས་ཅད་དག་པ་ཡིན། ཞེས་གསུངས་མྱོང་། དེས་ན་ཚེ་རབས་ཀྱི་སྡིག་ལྟུང་ཐམས་ཅད་དག་ན་ཚེ་འདི་ཙམ་ལ་སྐྱོན་རྒྱུ་མ་རེད། ཕྱིན་ཆད་ཀྱང་ང་ལྟ་བུ་ལ་དཔེ་མཚོན་ན་ད་སྐབས་བཟང་སྤྱོད་དུང་སྒྲུབ་ཆེན་མོ་དང་གར་དབང་རིག་འཛིན་འབུམ་ཚོགས་ཆེན་མོའི་སྐབས་སུ་དགེ་འདུན་པ་འདི་ལྟ་བུ་དང་ལྷན་གཅིག་ཏུ་འཚོགས་ནས་དགེ་རྩ་དེ་བསྔོ་ཐུབ་སོང་ན་ད་སྔོན་ཡན་ཆད་ཀྱི་སྡིག་ལྟུང་ཡང་དག་འགྲོ་རྒྱུ་རེད། ད་ལོ་ལྔ་དྲུག་ཞིག་གི་སྡིག་པ་ལ་གཟབ་གཟབ་བྱེད་རྒྱུ་ཨེ་མི་ལོན། དེའི་ཕྱིར་ན་སྡིག་ལྟུང་དག་རྒྱུ་རེད། དེས་ན་ཚང་མས་དགའ་བ་སྒོམས། སྤྲོ་བ་སྒོམས། ངས་བཤད་པ་དེ་ལ་ཅི་མི་ཟེར་མ་བསམ་ད་ངོ་མ་ངེད་ཅག་སྐལ་བ་བཟང་པོ་རེད་བསམ། འོན་ཀྱང་ད་དུང་བར་ཆད་དེ་གང་གིས་ལྡང་མི་ཤེས་བདུད་སྡིག་ཅན་གྱིས་ནམ་རྒྱུན་བར་ཆད་རྩོམ་བཞིན་པ་ཡིན་ནི་རེད། དེས་ན་བར་ཆད་མི་འབྱུང་བའི་ཕྱིར་དུ་བླ་མ་ཨོ་རྒྱན་ཆེན་པོ་ལ་གསོལ་བ་ཐོབ་སྤྲུལ་པའི་གུ་རུ་ཚར་འབུམ་ཐེར་རེ་འདོན་ཐུབ་པར་གྱིས། དེ་ལྟར་ཆོས་འཆད་ཉན་བྱས་པའི་དགེ་བའི་རྩ་བ་ལ་བརྟེན་ནས་སྤྱིར་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ་དང་དེ་འཛིན་གྱི་སྐྱེས་བུ་དམ་པ་རྣམས་སྐུ་ཚེ་བརྟན་མཛད་ཕྲིན་རྒྱས་ཡངས་པའི་རྒྱལ་ཁམས་ཀུན་ཏུ་མི་ནད་ཕྱུགས་ནད་ཐམས་ཅད་ཞི། བདེ་སྐྱིད་རྫོགས་ལྡན་དང་པོའི་དཔལ་ལ་ལོངས་སུ་སྤྱོད་ནས་མི་རིང་བར་དཔལ་ལྡན་བླ་མའི་ཞབས་དྲུང་དུ་སྐྱེས་ནས་རྫོགས་སྨིན་སྦྱངས་གསུམ་མཐར་ཕྱིན་པའི་སྨོན་འདུན་བཅས། བསོད་ནམས་འདི་ཡིས་ཐམས་ཅད་གཟིགས་པ་ཉིད། །ཐོབ་ནས་ཉེས་པའི་དགྲ་རྣམས་ཕམ་བྱེད་ཅིང་། །སྐྱེ་རྒ་ན་འཆིའི་རྦ་ཀློང་འཁྲིགས་པ་ཡིས། །སྲིད་པའི་མཚོ་ལས་འགྲོ་བ་སྒྲོལ་བར་ཤོག །སླར་སྨྲས་པ། ཀ་དག་ཀུན་བཟང་དགོངས་པའི་རྒྱལ་ས་ལ། །མིག་འཕྲུལ་བཞིན་དུ་བགྲོད་པར་བྱེད་པའི་ཐབས། །འཕགས་པ་བཟང་པོ་སྤྱོད་པའི་སྨོན་ལམ་སྐས། །ཐར་འདོད་སྐྱེ་འགྲོ་ཡོངས་ཀྱི་དཔལ་དུ་བཙུགས། །སྨོན་ལམ་ཀུན་གྱི་རྒྱལ་པོ་བཟང་པོ་སྤྱོད། །གསལ་ལ་མ་འདྲེས་སྙིང་པོའི་བཅུད་ཕྱུང་སྟེ། །ཡང་ཡང་བརྩེ་བས་གདམས་པའི་བཀའ་དྲིན་འདི། ནམ་ཡང་གཞལ་བར་དཀའ་འོ་ཡིད་བཞིན་ནོར། །ཕལ་པོ་ཆེ་དང་མྱང་འདས་ཆེན་མོ་སོགས། །སྨོན་ལམ་བགྲང་ལས་འདས་པའི་གཞུང་བཟང་རྣམས། །གནད་བརྒྱ་གཅིག་ཏུ་འདུས་པའི་ལམ་པོ་ཆེ། །ཉུང་ངུའི་རྡོ་རྗེའི་ཚིག་གིས་གསལ་བར་བྱས། །ཆོས་ཚུལ་ཉི་ཟླའི་དཀྱིལ་འཁོར་ལས་ཤར་བའི། །གདམས་པ་རིན་ཆེན་དབང་གི་རྒྱལ་པོ་འདི། །བརྒྱུད་གསུམ་དགོངས་པའི་སྙིང་བཅུད་དངོས་ཡིན་པས། །འདི་ཀོ་རྩིས་ཆུང་བྱེད་པར་ཅི་སྟེ་བཟོད། །དེ་ཕྱིར་དྲི་མེད་ལྷག་བསམ་མ་རྙིང་བ། །མཚུངས་མེད་དྲིན་ལྡན་བླ་མའི་ཞལ་གྱི་ལུང་། །ཚིག་སྒྲོས་ཙམ་ཡང་ནུབ་པར་ཕངས་པའི་བློས། །མི་བརྗེད་དྲན་པའི་ཟིན་ཐོ་འདི་ལྟར་བྱས། །བློ་ཆུང་བྱིས་པ་བདག་དང་བདག་འདྲ་ལ། །བློ་ཡི་སྒོ་མོ་ཅུང་ཙམ་ཕྱེ་བའི་ཆེད། །བློ་གྲོས་དམན་ཡང་བསམ་པའི་ཁ་བཏགས་འདིར། །བློ་གསར་ཆོས་མཐུན་མཆེད་རྣམས་དགྱེས་པར་མཛོད། །བཟང་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང། དེ་ལྟ་ན་ཡང་རྡོ་རྗེའི་ཚིག་གི་དོན། །ཟབ་ཅིང་བརླང་བ་ཚུར་མཐོང་རྟོག་གེའི་བློས། །རྣམ་པར་ཤེས་པའི་སྤྱོད་ཡུལ་ལ་ཁྲིད་ནས། །མ་རྟོགས་ལོག་པར་བཤད་རྣམས་སྙིང་ནས་བཤགས། དྲི་བཅས་སེམས་ཀྱི་འཁྲུལ་སྣང་རྣམ་རྟོག་གིས། །ཚེ་རབས་ཀུན་ཏུ་སྡིག་ལྟུང་ཅི་བགྱིས་རྣམས། །ཡེ་ཤེས་སྤྱན་ལྡན་རྣམས་ལ་མཐོལ་བཤགས་ན། །དག་ཅིང་སྐུ་གཉིས་ཐོབ་པའི་དངོས་གྲུབ་སྩོལ། །འདིར་འབད་རྣམ་དཀར་དགེ་ཚོགས་ཅི་མཆིས་པ། །མར་གྱུར་འགྲོ་བ་ཀུན་ལ་ཡོངས་སུ་བསྔོ། །རྒྱལ་བས་བསྔགས་པ་དམིགས་མེད་ཆོས་དབྱིངས་ངང་། །བསྔོ་བྱ་སྔོ་བྱེད་བསྔོ་ཡུལ་བྲལ་བས་ཀྱང༌། །རྒྱལ་བསྟན་ཉིན་བྱེད་སྣང་བ་ཆེས་གསལ་ཞིང་། །སྐྱེ་རྒུ་བདེ་སྐྱིད་རྫོགས་ལྡན་དཔལ་ལ་སྤྱོད། །ཀུན་ཀྱང་འཚེ་མེད་ཞི་བདེའི་ལམ་བཟང་ལ། གུ་ཡངས་བློ་བདེའི་ངང་ནས་འཇུག་པར་ཤོག །སྐྱེ་བ་མུ་ཏིག་དཀར་པོའི་ཕྲེང་བ་ལ། །ཡབ་རྗེ་བླ་མ་མཆོག་དང་མི་འབྲལ་ཞིང་། །སྣ་ཚོགས་སྤྲུལ་པའི་རོལ་གར་འབུམ་འགྱེད་དེ། །འགྲོ་ཁམས་རྒྱ་མཚོ་དོང་ནས་སྤྲུག་པར་ཤོག །ཅེས་པ་འདི་ནི་བཀའ་དྲིན་མཚུངས་ཟླ་དང་བྲལ་བ་མཚན་བརྗོད་པ་དཀའ་ཡང་དོན་གྱི་སླད་དུ་མཚན་ནས་སྨོས་ན་༧ ཆོས་རྗེ་དམ་པ་ཡིད་བཞིན་ནོར་བུ་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་གང་གི་ཞབས་རྡུལ་སྤྱི་བོར་ལེན་ཅིང་གདམས་ངག་བདུད་རྩིའི་ཟེགས་མ་ལ་ལོངས་སུ་སྤྱོད་པའི་སྐལ་བ་ཅན། ཉག་བསམ་གཏན་དགོན་གྱི་གྲལ་མཐར་འཁོད་པ་བཀྲ་ཤིས་རྒྱ་མཚོ་རུ་འབོད་པས། ལྷོ་ཕྱོགས་སངྒ་ལའི་གནས་བརྟན་སྡེ་བའི་ལུགས་ཀྱི་བདག་ཅག་གི་སྟོན་པ་ཤཱཀྱ་ཐུབ་པ་མྱ་ངན་ལས་འདས་ནས་བགྲང་བྱ་༢༥༥༣ལོན་པའི་དུས་ཏེ། ཕྱི་ལོ་༢༠༠༩ ལོའི་ཟླ་༧ ཚེས་༢ བོད་རབ་བྱུང་བཅུ་བདུན་པའི་འགལ་བ་ཞེས་པ་ས་མོ་གླང་གི་ལོའི་སྣྲོན་གྱི་ཟླ་བའི་ཚེས་༡༠ ཨོ་རྒྱན་སངས་རྒྱས་གཉིས་པ་དྷ་ན་ཀོ་ཤའི་རྒྱ་མཚོར་རང་བྱུང་པདྨའི་སྙིང་པོ་ལས་འཁྲུངས་ཏེ་མཚོ་གླིང་གི་མཁའ་འགྲོ་མ་རྣམས་ལ་ཆོས་འཁོར་བསྐོར་བའི་དུས་ཚེས་ཕུན་སུམ་ཚོགས་པའི་ཉིན། རྗེ་བཙུན་བླ་མའི་ཐུགས་དགོངས་ཡོངས་སུ་རྫོགས་པའི་ཆེད་དུ་གངས་ལྗོངས་མཁས་འདུས་གྲོང་ཁྱེར་གསེར་ཐང་བླ་རུང་ལྔ་རིག་ནང་བསྟན་སློབ་གླིང་དུ་རྫོགས་པར་སྦྱར་བ་འོ།། །། དགེ་ཞིང་བཀྲ་ཤིས་པར་གྱུར་ཅིག །སྨོན་ལམ་རྒྱ་མཚོའི་ཡང་སྙིང་ཀུན་བཟང་ཞིང་གི་ཉི་མ་བཞུགས། ཡན་ལག་དྲུག་ཅུ་ལྡན་པ་ཚངས་དབྱངས་གསུང་། །སྟོབས་བཅུའི་ཡོན་ཏན་ཀུན་ནས་རྫོགས་པའི་ཐུགས། །ཐུབ་དབང་ལྷ་ཡི་ལྷ་མཆོག་དགོངས་སུ་གསོལ། །སྡུག་བསྔལ་གསུམ་གྱིས་ཆེས་ཆེར་མནར་བའི་ཚོགས། །གང་གིས་བརྩེ་ཆེན་ཐུགས་རྗེས་ཉེ་བར་བཟུང་། །དོན་གཉིས་འདོད་པ་ཡིད་བཞིན་འཇོ་བའི་ཕྱིར། བླ་མེད་བྱང་ཆུབ་མཆོག་ཏུ་ཐུགས་བསྐྱེད་ལྟར། །བདག་ཀྱང་མཁའ་མཉམ་འགྲོ་ཀུན་མ་སྟོང་བར། །རང་དོན་ཞི་བདེའི་དཔལ་ལ་མི་ཆགས་པར། །བཟ་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། གཞན་ཕན་ལྷག་པའི་བསམ་སྤྱོད་རྒྱན་བཞིན་བསྟེན། །འཇུག་པར་བྱའོ་སྲིད་པའི་གྲོང་ཁྱེར་ལ། །སྐྱེ་བ་ཀུན་ཏུ་ཡབ་གཅིག་མཁྱེན་པའི་གཏེར། །འཇམ་དཔལ་དཔའ་བོས་དགྱེས་བཞིན་རྗེས་སུ་བཟུང༌། །ཀུན་ཏུ་བཟང་པོའི་སྨོན་ལམ་ལས་བསྟན་པའི། །བྱང་ཆུབ་སྤྱོད་པ་རྒྱ་མཚོ་མཐར་ཕྱིན་ཤོག །མ་འོངས་རྣམ་འདྲེན་དགུ་བརྒྱ་དགུ་བཅུ་དྲུག །ཞིང་འདིར་མངོན་འཚང་རྒྱ་བའི་ཚུལ་སྟོན་ཚེ། །རྟག་ཏུ་ཞབས་འབྲིང་ཉེར་གནས་མཆོག་ཏུ་གྱུར། །རླབས་ཆེན་ཕྲིན་ལས་སྤེལ་བའི་མཐུ་ཐོབ་ཤོག །བཟང་ངན་ལས་ཀྱིས་འབྲེལ་བའི་སེམས་ཅན་རྣམས། །ཚེ་འདི་འཕོས་ཚེ་བདེ་ཆེན་ཞིང་དུ་སྐྱེས། །འོད་མཚན་སྟོང་འབར་གསུང་གིས་ལུང་བསྟན་ཐོབ། །མཁྱེན་བརྩེ་ནུས་པའི་རྩལ་ཆེན་རྫོགས་པར་ཤོག །བཟང་སྤྱོད་ཀྱི་ཟིན་བྲིས་བཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང་། དྲི་མེད་རྒྱལ་བསྟན་དར་ཞིང་ཡུན་དུ་གནས། །རིས་མེད་འགྲོ་རྣམས་ཕན་བདེའི་དཔལ་གྱིས་འཚོ། དུས་ཀུན་ཡིད་ལ་སྨོན་པ་འདི་ཁོ་ན། །མཐུན་འགྱུར་གསུང་གིས་དབུགས་དབྱུང་དེང་འདིར་སྩོལ། །བཀྲ་ཤིས་གང་ཞིག་ཕུན་ཚོགས་སྡེ་བཞིའི་གཏེར། །མ་ལུས་སྐྱེ་རྒུའི་ཉེར་འཚོའི་གསོས་སུ་སྨིན། །མི་ཤིས་རྒུད་པ་བཙལ་ཀྱང་མི་རྙེད་པའི། །དགེ་ལེགས་སྣང་བས་ས་གསུམ་ཁྱབ་པར་ཤོག །ཅེས་ཡུལ་དབུས་རྡོ་རྗེ་གདན་བྱང་ཆུབ་ཀྱི་ཤིང་གིས་བརྒྱན་པ། དེ་བཞིན་གཤེགས་པའི་ཁྲི་དྲུང་དུ་ངག་དབང་བློ་གྲོས་མཚུངས་མེད་ཀྱིས་སྨྲས་པ་དེ་བཞིན་དུ་འགྲུབ་པར་རྒྱལ་བ་སྲས་བཅས་རྣམས་ཀྱིས་བྱིན་གྱིས་བརླབ་ཏུ་གསོལ། སྒྲ་ཕབ་འཁོར་ལོ་ལས་གུས་སློབ་བསོད་དར་རྒྱས་ནས་དེ་ལྟར་སྨོན་བཞིན་ཡི་གེར་བཀོད་པ་དགེའོ། །རབ་བྱུང་བཅུ་བདུན་པའི་ལྕགས་རྟ་ཟླ་༩ཚེས་༡༠ ཕྱི་ལོ་༡༩༩༠ཟླ་༡༡ པའི་ཚེས་༢༩ ལའོ། །༄༅། །བོད་ཡུལ་བདེ་བའི་སྨོན་ལམ་ཞེས་བྱ་བ་བཞུགས། སྐྱབས་གནས་བསླུ་མེད་དཀོན་མཆོག་རྩ་བ་གསུམ། །ཁྱད་པར་གངས་ཅན་མགོན་པོ་སྤྱན་རས་གཟིགས། །རྗེ་བཙུན་སྒྲོལ་མ་གུ་རུ་པདྨ་འབྱུང༌། །གསོལ་བ་འདེབས་སོ་ཐུགས་དམ་ཞལ་བཞེས་དགོངས། །སྨོན་ལམ་ཡོངས་སུ་འགྲུབ་པར་བྱིན་གྱིས་རློབས། །སྙིགས་དུས་འགྲོ་རྣམས་བསམ་སྦྱོར་ལོག་པ་དང༌། །ཕྱི་ནང་འབྱུང་བ་འཁྲུགས་པའི་རྒྱུ་རྐྱེན་གྱིས། །སྔར་མ་གྲགས་པའི་མི་ཕྱུགས་དལ་ཡམས་ནད། །གཟའ་ཀླུ་རྒྱལ་གདོན་ནག་ཕྱོགས་འབྱུང་པོའི་ཟེར། །བཙའ་སད་སེར་གསུམ་ལོ་ཉེས་དམག་འཁྲུགས་རྩོད། །ཆར་ཆུ་མི་སྙོམས་གངས་ཅན་བྲ་བྱིའི་ཐན། །ས་གཡོ་མེ་དགྲ་འབྱུང་བཞིའི་འཇིག་པ་དང༌། །ཁྱད་པར་བསྟན་ལ་འཚེ་བའི་མཐའ་དམག་སོགས། །བཟ་སྤྱོད་ཀྱི་ཟིན་བྲིས་༧ཆོས་རྗེ་དམ་པ་ཡིད་བཞིན་ནོར་བུའི་ཞལ་ལུང། བཟང་སྤྱོད་གངས་ཅན་ལྗོངས་འདིར་གནོད་འཚེའི་རིགས་མཐའ་དག །མྱུར་དུ་ཞི་ཞིང་རྩད་ནས་འཇོམས་གྱུར་ཅིག །མི་དང་མི་མིན་འགྲོ་བ་མཐའ་དག་གི ། རྒྱུད་ལ་བྱང་ཆུབ་སེམས་མཆོག་རིན་པོ་ཆེ། །ངང་གིས་སྐྱེས་ནས་གནོད་འཚེའི་བསམ་སྦྱོར་བྲལ། ཕན་ཚུན་བྱམས་པའི་སེམས་དང་ལྡན་གྱུར་ནས། །བོད་ཡུལ་མཐའ་དབུས་བདེ་སྐྱིད་དཔལ་གྱིས་འབྱོར། །སངས་རྒྱས་བསྟན་པ་དར་རྒྱས་ཡུན་གནས་ཤོག །རྩ་གསུམ་རྒྱལ་བ་སྲས་བཅས་བདེན་པའི་སྟོབས། །འཁོར་འདས་དགེ་བའི་རྩ་བ་གང་མཆིས་དང་། །བདག་ཅག་ལྷག་བསམ་རྣམ་པར་དཀར་པའི་མཐུས། །གསོལ་བཏབ་སྨོན་པའི་འབྲས་བུ་འགྲུབ་གྱུར་ཅིག །ཅེས་པ་འདི་ནི་འཇམ་དབྱངས་མཁྱེན་བརྩེའི་དབང་པོའི་བཀའ་ནན་ལྟར་འཇམ་མགོན་བློ་གྲོས་མཐའ་ཡས་ཀྱིས་ཙྭ་འདྲ་རིན་ཆེན་ཁྲག་ཏུ་རྒྱལ་ཟླ་བའི་དཀར་ཕྱོགས་གྲུབ་པའི་སྦྱོར་བ་དང་ལྡན་པའི་སྔ་དྲོའི་ཆར་བྲིས་པ་ཨ་ཐཱ་སིདྡྷི་རསྟུ།<br /> }}</div> Khenpo Tamphel https://bodhicitta.tsadra.org/index.php?title=Texts/Bslab_btus_kyi_sdom_tshig_rin_chen_sil_dag/Full_text&diff=141841 Texts/Bslab btus kyi sdom tshig rin chen sil dag/Full text 2026-09-11T11:11:04Z <p>Khenpo Tamphel: Created page with &quot;{{FullTextSubpage |TsadraVersion=Yes |FullTextTibetan=༄༅། །བསླབ་བཏུས་ཀྱི་སྡོམ་ཚིག་རིན་ཆེན་སིལ་དག་ཅེས་བྱ་བ་བཞུགས་སོ།། ན་མོ་གུ་རུ་ཤིཀྵཱ་ས་མུཙྪ་ཡཱ་ཏ་ར། །སྔོན་འགྲོ་དངོས་གཞི་དེ་ཡི་ཐབས་གསུམ་མམ། །སྒྲུབ་ར...&quot;</p> <hr /> <div>{{FullTextSubpage<br /> |TsadraVersion=Yes<br /> |FullTextTibetan=༄༅། །བསླབ་བཏུས་ཀྱི་སྡོམ་ཚིག་རིན་ཆེན་སིལ་དག་ཅེས་བྱ་བ་བཞུགས་སོ།།<br /> ན་མོ་གུ་རུ་ཤིཀྵཱ་ས་མུཙྪ་ཡཱ་ཏ་ར། །སྔོན་འགྲོ་དངོས་གཞི་དེ་ཡི་ཐབས་གསུམ་མམ། །སྒྲུབ་རྟེན་སྦྱོང་རྟེན་སྦྱོང་བ་འགྲུབ་ཐབས་བཞི། །གཉིས་དང་གཅིག་གཅིག་གིས་ནི་བསྡུས་པ་སྟེ། །ཁྱད་མེད་བསླབ་ལ་འཇུག་པའི་སྤྱི་སྡོམ་མོ། །དངོས་གཞི་ཕར་ཕྱིན་དྲུག་གི་སྤྱོད་པ་སྒྲུབ། །དེ་ཡིས་ངོ་བོ་གོང་དུ་སྤེལ་པ་སྟེ། །ཐབས་བཅས་བཏང་བསྲུང་དག་སྤེལ་བཅུ་གཉིས་ཀྱིས། །སྐབས་འདིར་གཏན་ལ་ཕབས་པ་གནད་འགག་ཡིན། །ལེའུ་བཅུ་གཉིས་ཕྱིན་དྲུག་ངོ་བོ་བསྒྲུབ། །ལྷག་མས་ཕྱིན་དྲུག་སྤེལ་དང་ཐབས་བཅས་བསྟན། །སྔོན་འགྲོ་ཐོག་མའི་སྔོན་འགྲོར་བསྡུས་བསྟན་ཕྱིར། །སྐབས་འདིར་སརྒྷ་ཟུར་དུ་མ་མཛད་དོ། །སྒྲུབ་རྟེན་དལ་འབྱོཪ་ཆོས་སྐོར་ནས་ཁྲིད་དེ། །བསམ་པ་རིམ་སྦྱངས་སྦྱོང་རྟེན་སེམས་བསྐྱེད་ལ། །གནས་ནས་རྒྱལ་པའི་སྲས་ཀྱི་སྤྱོད་པ་ཀུན། །ཉམས་སུ་ལེན་པ་སྤྱོད་པའི་ལམ་རིམ་སྟེ། །བཏང་བས་སྦྱིན་དང་བསྲུང་བ་གསུམ་ཆར་གྱིས། །ཚུལ་འཆལ་གསར་དུ་འཇུག་པའི་སྒོ་སྡོམ་ལ། །ལུས་ཀྱི་ཕྱོགས་གཅིག་སྡིག་པ་དག་པ་ཡིས། །སྔར་བསགས་སྦྱངས་ཕྱིར་ཚུལ་ཁྲིམས་ངོ་བོ་བསྒྲུབ། །ཉོན་མོངས་དག་པས་གཉེན་པོ་མཐུན་རྐྱེན་ཚང་། །འགལ་སྐྱེན་སྤོང་པས་བསམ་ཤེས་བཟོད་བརྩོན་འགྲུབ། །བཏང་གསུམ་བསྲུང་གསུམ་དག་པའི་ཡ་གཅིག་གིས། །ཕྱིན་དྲུག་ངོ་བོ་བསྒྲུབ་ཚུལ་མདོ་ཙམ་སྟེ། །འཛིན་གཏོང་སྐྱོན་ཡོན་ཤེས་པས་སྤྲོ་བསྲིངས་ཏེ། །ལུས་དང་ལོངས་སྤྱོད་དགེ་རྩ་ཆད་མེད་དུ། །དངོས་དང་འདུ་བྱེད་བསམ་པ་གཏོང་པ་ཡིས། །སྦྱིན་པའི་ཕར་ཕྱིན་ལེའུ་དང་པོས་བསྟན། །གསུམ་ཆར་བསྲུང་དགོས་རྟགས་དང་བསྲུང་བྱེད་ཐབས། །འཆལ་ཚུལ་གསར་པའི་སྒོ་འགེགས་སྔར་ཡོད་སྦྱངས། །རྒྱུ་མཚན་སྒོ་གཉིས་དམ་ཆོས་བཟུང་པས་བསྟན། །གསུམ་པར་ལུས་དང་ལོངས་སྤྱོད་དགེ་རྩ་བསྲུང་། །ལུས་ལ་ཕྱི་མར་གནོད་བསྲུང་འདི་རྐྱེན་བརྟེན། །དེ་ཡང་རང་གཞན་གནོད་བསྲུང་དང་པོ་ལ། །དགག་བྱ་འགོག་བྱེད་ཐབས་བརྟེན་ཐབས་དེ་ཡིས། །གནོད་འགྱུར་སྤོངས་པའི་ཚུལ་དང་བཅས་པ་གསུམ། །གནོད་འགྱུར་ཆོས་སྨྲ་བསྲུང་པའི་ལེའུ་བསྟན། །གནོད་འགྱུར་ཆེན་པོའང་ལེའུ་གཅིག་གིས་བསྟན། །གནོད་འགྱུར་འགོག་བྱེད་ཐབས་དེས་འགྲུབ་པའི་ཚུལ། །གཅིག་དང་གཞན་དོན་མི་འགྱུར་བྱེད་སྤངས་པ། །གཞན་གནོད་སྤངས་པ་འདི་རྐྱེན་ལུས་བསྲུང་བསྟན། །བསྲུང་བ་ཕྱི་མ་གཉིས་ཀ་གཅིག་གིས་སོ། །དག་གསུམ་དང་པོར་སྡིག་དང་ཉོན་མོངས་ཀྱི། །ལྡོག་ཆས་གཉིས་ཏེ་དང་བོ་རྟེན་བཞིས་བསྒྲུབ། །དེས་ན་ཚུལ་ཁྲིམས་ཕར་ཕྱིན་ལེའུ་བདུན། །ལྡོག་ཆ་གཉིས་པའི་སྒོ་ནས་ཉོན་མོངས་ཀྱི། །གཉེན་པོའི་གནས་ལ་གེགས་དང་རྗེས་མཐུན་དུ། །སྤོངས་དང་སྦྱོར་པ་བཟོད་བརྩོན་རེ་རེས་སོ། །དབེན་པའི་དབེན་པའི་ཡོན་ཏན་སྐྱོན་གྱི་ཚུལ། །དེ་ཡི་མཚན་ཉིད་དེར་གནས་ཀུན་སྤྱོད་སོགས། །ཉོན་མོངས་གཉེན་པོ་བསམ་གཏན་ཡན་ལག་ཏུ། །དགོན་པར་གནས་པ་བརྗོད་ལེའུས་བསྟན། །བྱིང་རྒོད་དགག་དང་དབང་པོའི་སྒོ་བསྡམ་ནས། །མི་སྡུག་བྱམས་དང་རྟེན་འབྲེལ་བསྒོམ་པ་སོགས། །སེམས་ཀྱི་གནས་པ་སེམས་ཡོངས་སྦྱོངས་པས་བསྟན། །ལུས་ཚོར་སེམས་ཆོས་དྲན་པ་ཉེར་བཞག་དང་། །ཁམས་དྲུག་གིས་སྒོས་བདག་མེད་རྣམ་པ་གཉིས། །བསྒོམ་པའི་ཚུལ་རྣམས་སྔ་ཕྱི་གཉིས་ཀྱི་སོ། །ལོངས་སྤྱོད་དགེ་རྩ་དག་པས་སྦྱིན་ལ་སོགས། །དྲུག་ལྡན་ངོ་བོར་སྤེལ་བ་གཅིག་གིས་སོ། །ལུས་དང་ལོངས་སྤྱོད་དགེ་བའི་རྩ་བ་གསུམ། །སྤེལ་དགོས་རྒྱུ་དང་དེ་ནས་དང་པོ་རུ ། །བྱ་བ་སྟོབས་གཉིས་སྤེལ་བས་ཕྱིན་དྲུག་སྟེན། །ལོངས་སྤྱོད་ཀྱིས་ནི་གཏོང་པ་ཁྱད་པར་དུ། །སྦྱོར་བ་གང་ལ་གནས་ནས་བསོད་ནམས་ཀྱི། །ངོ་བོ་གོང་དུ་སྤེལ་བས་ཕྱིན་དྲུག་གོ །བརྩོན་བཅས་བསམ་པ་བསྟན་པས་སྙིང་རྗེ་ལ། །གནས་ནས་ཀུན་བཟང་རྗེས་སློབ་བཅུ་དྲུག་བས། །རྒྱུ་དང་དད་སོགས་བྱམས་པ་རྗེས་དྲན་གྱིས། །ཕྱིན་དྲུག་སྤེལ་བ་ཡང་ནི་གོ་རིམ་བཞིན། །སེམས་ཅན་དོན་བྱེད་ཆོས་སྦྱིན་ཉོན་མོངས་མེད། །བྱང་ཆུབ་སེམས་མཆོག་བསྒོམ་པ་བསོད་ནམས་རྒྱུ། །འགྲུབ་བྱེད་བསྲུང་དང་དག་པ་སྤེལ་བ་གསུམ། །འགྲུབ་པའི་རྩ་བ་བག་ཡོད་དྲན་ཤེས་ཏེ། །དེ་དག་རྣམས་ནི་ལེའུ་བཅུ་དགུ་བས། །བསྟན་དེ་འདི་ནི་གནད་འགག་བསྡུས་པའོ། །འདིས་མཚོན་དགེ་བ་རབ་དཀར་པད་རྩ་ལྟར། །དཀར་བའི་མཐུ་ལས་རྒྱལ་སྲས་སྤྱོད་པ་ཀུན། །མྱུར་དུ་རྫོགས་ནས་རྒྱལ་བའི་གྲོང་ཁྱེར་དུ། །རང་ཉིད་འདུག་བཞིན་སྐྱེ་རྒུ་འདྲེན་པར་ཤོག །ཅེས་རྒྱལ་སྲས་ཆེན་པོ་ཞི་བ་ལྷས་མཛད་པའི་བསྟན་བཅོས་ཆེན་པོ་བསླབ་པ་ཀུན་ལས་བཏུས་པའི་སྡོམ་ཚིག་ཤིན་ཏུ་བསྡུས་པ་འདི་ནི། རིགས་པ་སྨྲ་པ་སྐལ་བཟང་དཀོན་མཆོག་རྒྱ་མཚོས་ལྕགས་ལུག་ལོ་གསར་གྱི་ཚེས་གཅིག་གི་ཉིན། དངུལ་རའི་དགོན་དགེ་ལྡན་དམ་ཆོས་ཀུན་རྒྱས་གླིང་དུ་བྲིས་པའི་ཡི་གེ་བ་ནི། དད་ལྡན་དགེ་སློང་ཚུལ་ཁྲིམས་རྒྱ་མཚོས་བགྱིས་པ་ཛ་ཡནྟུ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Bslab_btus_kyi_legs_%27grel/Full_text&diff=141840 Texts/Bslab btus kyi legs 'grel/Full text 2026-09-11T08:21:36Z <p>Khenpo Tamphel: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionContent=༈ བསླབ་བཏུས་ཀྱི་ལེ་འགྲེལ་བཞུགས་སོ།།<br /> <br /> སྲིད་དང་ཞི་བའི་དཔལ་གྱིས་གང་གི་ཐུགས། །རབ་མཛེས་འཇམ་དབྱངས་གཞོན་ནུའི་ཡེ་ཤེས་སྐུ། །མཐའ་ཡས་ཡོན་ཏན་ཚོགས་ལ་དབང་འབྱོར་བའི། །སྐྱེ་དགུའི་ཉེར་འཚོ་རྒྱལ་སྲས་མཆོག་ལ་འདུད། །འདིས་མཛད་པའི་བསླབ་པ་ཀུན་ལས་བཏུས་པ་ལ་གསུམ་སྟེ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །གཉིས་པ་ལ་གསུམ་སྟེ། བསླབ་པ་མདོར་བསྟན། བསླབ་པ་རྒྱས་པར་བཤད། བསླབ་པའི་དོན་བསྡུ་བའོ། །གཉིས་པ་ལ། ལེའུ་བཅུ་དྲུག་ཡོད་པའི་དོན་རྣམས་གཏང་། བསྲུང་། དག། སྤེལ་གྱི་ཆོས་བཞི་གསུམ་བཅུ་གཉིས་ཀྱིས་བསྡུས་ཤིང་ཕར་ཕྱིན་དྲུག་དང་སྦྱར་ནས་བསྟན་པ་ལ། ལེའུ་དང་པོ་སྦྱིན་པའི་ཕར་ཕྱིན་གྱིས་གཏོང་བ་གསུམ་{སྦྱིན་པ་}བསྟན། ལེའུ་གཉིས་པ་{འདི་མན་ཚུལ་ཁྲིམས་}ནས་དྲུག་པའི་བར་ལྔས་བསྲུང་བ་བསྟན། ལེའུ་བདུན་པས་ལོངས་སྤྱོད་དང་བསོད་ནམས་བསྲུང་བ་བསྟན། དག་པ་ལ་གསུམ་ལས། ལུས་དག་པ་ལ་གཉིས་ཏེ། སྡིག་པ་སྦྱོང་བ་དང་། ཉོན་མོངས་པ་སྦྱོང་བའོ། །དང་པོ་ནི། ལེའུ་བརྒྱད་པས་བསྟན། གཉིས་པ་ནི་ལེའུ་དགུ་པ་ནས་བཅུ་བཞི་པའི་བར་དྲུག་གིས་བསྟན། ལོངས་སྤྱོད་དང་བསོད་ནམས་དག་པ་ལེའུ་བཅོ་ལྔ་པས་བསྟན། བཞི་པ་སྤེལ་བ་ལ་གསུམ་ལས། ལུས་དང་ལོངས་སྤྱོད་སྤེལ་བ་ནི། ལེའུ་བཅུ་དྲུག་པའི་བམ་པོ་གཉིས་པོ་ཞེས་པས་བསྟན། དེ་མན་ནས་ལེའུ་བཅུ་དགུ་པའི་རྒྱ་ཆེར་ནི་སངས་རྒྱས་ཀྱི་ཡུལ་ཉིད་ཡིན་ནོ། །ཞེས་པའི་བར་གྱིས་བསོད་ནམས་སྤེལ་བར་བསྟན་ཏོ། །ལེའུ་དང་པོ་གོ་སླ་ལ། གཉིས་པ་ནས་དྲུག་པའི་བར་ལྔས་ལུས་བསྲུང་བ་ལ། དངོས་དང་། དེའི་ཐབས་གསུམ་བསྟན་པའོ། །དང་པོ་ལ་གཉིས་ཏེ། རབ་བྱུང་གི་བསླབ་བྱ། ཁྱིམ་པའི་བསླབ་བྱའོ། །དེའི་དང་པོ་ལ་ལྔ་སྟེ། ཆོས་འཛིན་པ། བདུད་ལས་སྤོང་བ། མི་དགེ་བའི་བཤེས་གཉེན་སྤོང་བ། བྱང་སེམས་འདོར་བ་སྤོང་བ། འཁྲུལ་པའི་ཉེས་པ་སྤོང་བའོ། །ཁྱིམ་པའི་བསླབ་བྱ་ལ་གཉིས་ཏེ། གནོད་པ་དངོས་དང་། དེ་སྤོང་ཐབས་སོ། །དང་པོ་ལ་གསུམ་སྟེ། མི་ཁོམ་པའི་གནོད་པ། མི་དགེ་བ་བཅུའི་གནོད་པ། བྱང་སེམས་ལ་ལོག་སྒྲུབ་དང་། ཆོས་སྤོང་གི་གནོད་པའོ། །ལེའུ་བཞི་པའོ། །གཉིས་པ་སྤོང་བའི་ཐབས་ནི་ལེའུ་ལྔ་པས་བསྟན། ལེའུ་དྲུག་པའི་ལུས་བསྲུང་བའི་ཐབས་ལ་གསུམ་སྟེ། དྲན་ཤེས་བཞིན་གྱིས་བསྲུང་བ། གཞན་མ་དད་པ་སྤང་བས་བསྲུང་བ། སྨན་སོགས་བསྟེན་པས་བསྲུང་བའོ། །དག་པ་གསུམ་གྱི་ལུས་དག་པའི་ཕྱོགས་སུ་སྡིག་པ་སྦྱོང་བ་ནི་ལེའུ་བརྒྱད་པས་བསྟན། {འདི་ཡན་ཚུལ་ཁྲིམས་ཡིན་} ཕྱོགས་གཉིས་པ་ཉོན་མོངས་པ་སྦྱོང་བ་ནི། ལེའུ་དགུ་པ་ནས་བཅུ་བཞི་པའི་བར་དྲུག་གིས། བཟོད་པ་ལ་ལེའུ་གཅིག། བརྩོན་འགྲུས་ལ་ལེའུ་གཅིག། བསམ་གཏན་ལ་ལེའུ་གཉིས། ཤེས་རབ་ལ་ལེའུ་གཉིས་ཏེ་དྲུག་གོ། བཟོད་བརྩོན་གཉིས་གོ་སླ་ལ། བསམ་གཏན་ལ་གཉིས་ཏེ། སྤྱིའི་རྣམ་གཡེང་སྤོང་བ། སྤངས་ནས་ཏིང་ངེ་འཛིན་བསྒོམ་པའོ། །དང་པོས་ནི་དགོན་པར་གནས་པའི་ལེའུ་བསྟན། གཉིས་པ་ལ་གཉིས་ཏེ། ཞི་གནས་བསྒོམ་པ་དང་། ལྷག་མཐོང་བསྒོམ་པའོ། །དང་པོ་ལའང་བཞི་སྟེ། རྣམ་གཡེང་གི་གཉེན་པོར་སྐྱེ་རྒ་ན་འཆི་བསྒོམ་པ། འདོད་ཆགས་ལ་མི་སྡུག་པ་བསྒོམ་པ། ཞེ་སྡང་ལ་བྱམས་པ་བསྒོམ་པ། གཏི་མུག་ལ་རྟེན་འབྲེལ་བསྒོམ་{ལེའུ་བཅུ་གཉིས་པས་བསྟན། འདི་ཡན་བསམ་གཏན་}པའོ། །གཉིས་པ་ལྷག་མཐོང་། ཤེས་རབ་ལ་གཉིས་ཏེ། གང་ཟག་གི་བདག་མེད་བསྒོམ་པ་དང་། ཆོས་ཀྱི་བདག་མེད་བསྒོམ་པའོ། །དང་པོ་ལེའུ་བཅུ་གསུམ་པས་བསྟན། གཉིས་པ་ནི་ལེའུ་བཅུ་བཞི་པས་བསྟན་པ་ཡིན་ནོ། །དེ་ལྟར་ན་ཕར་ཕྱིན་དྲུག་ལ་ཉམས་སུ་ལེན་པའི་རིམ་པ་ཆོས་བཅུ་གཉིས་ཀྱི་སྒོ་ནས་བསྟན་པ་ཡིན་པས་སྤྱོད་པ་ལ་འཇུག་དང་ཤིན་མཐུན་པ་ཡིན་པར་ཤེས་པར་བྱའོ། །བསླབ་པ་ཀུན་ལས་བཏུས་ཀྱི་ལུས་རགས་པར་ཕྱེ་བ་འདི་གོ་སླ་བར་བྱ་བའི་ཕྱིར་བྲིས་ཏེ། ལེ་འགྲེལ་ལོགས་སུ་ཤེས་པར་བྱའོ།། མངྒལཾ།། །།<br /> }}<br /> |TsadraVersion=No<br /> |FullTextDate=2024-07-02<br /> |PdfLink=File:Bslab btus kyi legs 'grel-W00KG01660-v3 img181-184.pdf<br /> |FullTextTibetan=༈ བསླབ་བཏུས་ཀྱི་ལེ་འགྲེལ་བཞུགས་སོ།།<br /> <br /> སྲིད་དང་ཞི་བའི་དཔལ་གྱིས་གང་གི་ཐུགས། །རབ་མཛེས་འཇམ་དབྱངས་གཞོན་ནུའི་ཡེ་ཤེས་སྐུ། །མཐའ་ཡས་ཡོན་ཏན་ཚོགས་ལ་དབང་འབྱོར་བའི། །སྐྱེ་དགུའི་ཉེར་འཚོ་རྒྱལ་སྲས་མཆོག་ལ་འདུད། །འདིས་མཛད་པའི་བསླབ་པ་ཀུན་ལས་བཏུས་པ་ལ་གསུམ་སྟེ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །གཉིས་པ་ལ་གསུམ་སྟེ། བསླབ་པ་མདོར་བསྟན། བསླབ་པ་རྒྱས་པར་བཤད། བསླབ་པའི་དོན་བསྡུ་བའོ། །གཉིས་པ་ལ། ལེའུ་བཅུ་དྲུག་ཡོད་པའི་དོན་རྣམས་གཏང་། བསྲུང་། དག། སྤེལ་གྱི་ཆོས་བཞི་གསུམ་བཅུ་གཉིས་ཀྱིས་བསྡུས་ཤིང་ཕར་ཕྱིན་དྲུག་དང་སྦྱར་ནས་བསྟན་པ་ལ། ལེའུ་དང་པོ་སྦྱིན་པའི་ཕར་ཕྱིན་གྱིས་གཏོང་བ་གསུམ་{སྦྱིན་པ་}བསྟན། ལེའུ་གཉིས་པ་{འདི་མན་ཚུལ་ཁྲིམས་}ནས་དྲུག་པའི་བར་ལྔས་བསྲུང་བ་བསྟན། ལེའུ་བདུན་པས་ལོངས་སྤྱོད་དང་བསོད་ནམས་བསྲུང་བ་བསྟན། དག་པ་ལ་གསུམ་ལས། ལུས་དག་པ་ལ་གཉིས་ཏེ། སྡིག་པ་སྦྱོང་བ་དང་། ཉོན་མོངས་པ་སྦྱོང་བའོ། །དང་པོ་ནི། ལེའུ་བརྒྱད་པས་བསྟན། གཉིས་པ་ནི་ལེའུ་དགུ་པ་ནས་བཅུ་བཞི་པའི་བར་དྲུག་གིས་བསྟན། ལོངས་སྤྱོད་དང་བསོད་ནམས་དག་པ་ལེའུ་བཅོ་ལྔ་པས་བསྟན། བཞི་པ་སྤེལ་བ་ལ་གསུམ་ལས། ལུས་དང་ལོངས་སྤྱོད་སྤེལ་བ་ནི། ལེའུ་བཅུ་དྲུག་པའི་བམ་པོ་གཉིས་པོ་ཞེས་པས་བསྟན། དེ་མན་ནས་ལེའུ་བཅུ་དགུ་པའི་རྒྱ་ཆེར་ནི་སངས་རྒྱས་ཀྱི་ཡུལ་ཉིད་ཡིན་ནོ། །ཞེས་པའི་བར་གྱིས་བསོད་ནམས་སྤེལ་བར་བསྟན་ཏོ། །ལེའུ་དང་པོ་གོ་སླ་ལ། གཉིས་པ་ནས་དྲུག་པའི་བར་ལྔས་ལུས་བསྲུང་བ་ལ། དངོས་དང་། དེའི་ཐབས་གསུམ་བསྟན་པའོ། །དང་པོ་ལ་གཉིས་ཏེ། རབ་བྱུང་གི་བསླབ་བྱ། ཁྱིམ་པའི་བསླབ་བྱའོ། །དེའི་དང་པོ་ལ་ལྔ་སྟེ། ཆོས་འཛིན་པ། བདུད་ལས་སྤོང་བ། མི་དགེ་བའི་བཤེས་གཉེན་སྤོང་བ། བྱང་སེམས་འདོར་བ་སྤོང་བ། འཁྲུལ་པའི་ཉེས་པ་སྤོང་བའོ། །ཁྱིམ་པའི་བསླབ་བྱ་ལ་གཉིས་ཏེ། གནོད་པ་དངོས་དང་། དེ་སྤོང་ཐབས་སོ། །དང་པོ་ལ་གསུམ་སྟེ། མི་ཁོམ་པའི་གནོད་པ། མི་དགེ་བ་བཅུའི་གནོད་པ། བྱང་སེམས་ལ་ལོག་སྒྲུབ་དང་། ཆོས་སྤོང་གི་གནོད་པའོ། །ལེའུ་བཞི་པའོ། །གཉིས་པ་སྤོང་བའི་ཐབས་ནི་ལེའུ་ལྔ་པས་བསྟན། ལེའུ་དྲུག་པའི་ལུས་བསྲུང་བའི་ཐབས་ལ་གསུམ་སྟེ། དྲན་ཤེས་བཞིན་གྱིས་བསྲུང་བ། གཞན་མ་དད་པ་སྤང་བས་བསྲུང་བ། སྨན་སོགས་བསྟེན་པས་བསྲུང་བའོ། །དག་པ་གསུམ་གྱི་ལུས་དག་པའི་ཕྱོགས་སུ་སྡིག་པ་སྦྱོང་བ་ནི་ལེའུ་བརྒྱད་པས་བསྟན། {འདི་ཡན་ཚུལ་ཁྲིམས་ཡིན་} ཕྱོགས་གཉིས་པ་ཉོན་མོངས་པ་སྦྱོང་བ་ནི། ལེའུ་དགུ་པ་ནས་བཅུ་བཞི་པའི་བར་དྲུག་གིས། བཟོད་པ་ལ་ལེའུ་གཅིག། བརྩོན་འགྲུས་ལ་ལེའུ་གཅིག། བསམ་གཏན་ལ་ལེའུ་གཉིས། ཤེས་རབ་ལ་ལེའུ་གཉིས་ཏེ་དྲུག་གོ། བཟོད་བརྩོན་གཉིས་གོ་སླ་ལ། བསམ་གཏན་ལ་གཉིས་ཏེ། སྤྱིའི་རྣམ་གཡེང་སྤོང་བ། སྤངས་ནས་ཏིང་ངེ་འཛིན་བསྒོམ་པའོ། །དང་པོས་ནི་དགོན་པར་གནས་པའི་ལེའུ་བསྟན། གཉིས་པ་ལ་གཉིས་ཏེ། ཞི་གནས་བསྒོམ་པ་དང་། ལྷག་མཐོང་བསྒོམ་པའོ། །དང་པོ་ལའང་བཞི་སྟེ། རྣམ་གཡེང་གི་གཉེན་པོར་སྐྱེ་རྒ་ན་འཆི་བསྒོམ་པ། འདོད་ཆགས་ལ་མི་སྡུག་པ་བསྒོམ་པ། ཞེ་སྡང་ལ་བྱམས་པ་བསྒོམ་པ། གཏི་མུག་ལ་རྟེན་འབྲེལ་བསྒོམ་{ལེའུ་བཅུ་གཉིས་པས་བསྟན། འདི་ཡན་བསམ་གཏན་}པའོ། །གཉིས་པ་ལྷག་མཐོང་། ཤེས་རབ་ལ་གཉིས་ཏེ། གང་ཟག་གི་བདག་མེད་བསྒོམ་པ་དང་། ཆོས་ཀྱི་བདག་མེད་བསྒོམ་པའོ། །དང་པོ་ལེའུ་བཅུ་གསུམ་པས་བསྟན། གཉིས་པ་ནི་ལེའུ་བཅུ་བཞི་པས་བསྟན་པ་ཡིན་ནོ། །དེ་ལྟར་ན་ཕར་ཕྱིན་དྲུག་ལ་ཉམས་སུ་ལེན་པའི་རིམ་པ་ཆོས་བཅུ་གཉིས་ཀྱི་སྒོ་ནས་བསྟན་པ་ཡིན་པས་སྤྱོད་པ་ལ་འཇུག་དང་ཤིན་མཐུན་པ་ཡིན་པར་ཤེས་པར་བྱའོ། །བསླབ་པ་ཀུན་ལས་བཏུས་ཀྱི་ལུས་རགས་པར་ཕྱེ་བ་འདི་གོ་སླ་བར་བྱ་བའི་ཕྱིར་བྲིས་ཏེ། ལེ་འགྲེལ་ལོགས་སུ་ཤེས་པར་བྱའོ།། མངྒལཾ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Bslab_btus_kyi_legs_%27grel/Full_text&diff=141839 Texts/Bslab btus kyi legs 'grel/Full text 2026-09-11T08:02:02Z <p>Khenpo Tamphel: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionContent=༈ བསླབ་བཏུས་ཀྱི་ལེ་འགྲེལ་བཞུགས་སོ། །<br /> སྲིད་དང་ཞི་བའི་དཔལ་གྱིས་གང་གི་ཐུགས། །རབ་མཛེས་འཇམ་དབྱངས་གཞོན་ནུའི་ཡེ་ཤེས་སྐུ། །མཐའ་ཡས་ཡོན་ཏན་ཚོགས་ལ་དབང་འབྱོར་བའི། །སྐྱེ་དགུའི་ཉེར་འཚོ་རྒྱལ་སྲས་མཆོག་ལ་འདུད། །འདིས་མཛད་པའི་བསླབ་པ་ཀུན་ལས་བཏུས་པ་ལ་གསུམ་སྟེ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །གཉིས་པ་ལ་གསུམ་སྟེ། བསླབ་པ་མདོར་བསྟན། བསླབ་པ་རྒྱས་པར་བཤད། བསླབ་པའི་དོན་བསྡུ་བའོ། །གཉིས་པ་ལ། ལེའུ་བཅུ་དྲུག་ཡོད་པའི་དོན་རྣམས་གཏང་། བསྲུང་། དག། སྤེལ་གྱི་ཆོས་བཞི་གསུམ་བཅུ་གཉིས་ཀྱིས་བསྡུས་ཤིང་ཕར་ཕྱིན་དྲུག་དང་སྦྱར་ནས་བསྟན་པ་ལ། ལེའུ་དང་པོ་སྦྱིན་པའི་ཕར་ཕྱིན་གྱིས་གཏོང་བ་གསུམ་{སྦྱིན་པ་}བསྟན། ལེའུ་གཉིས་པ་{འདི་མན་ཚུལ་ཁྲིམས་}ནས་དྲུག་པའི་བར་ལྔས་བསྲུང་བ་བསྟན། ལེའུ་བདུན་པས་ལོངས་སྤྱོད་དང་བསོད་ནམས་བསྲུང་བ་བསྟན། དག་པ་ལ་གསུམ་ལས། ལུས་དག་པ་ལ་གཉིས་ཏེ། སྡིག་པ་སྦྱོང་བ་དང་། ཉོན་མོངས་པ་སྦྱོང་བའོ། །དང་པོ་ནི། ལེའུ་བརྒྱད་པས་བསྟན། གཉིས་པ་ནི་ལེའུ་དགུ་པ་ནས་བཅུ་བཞི་པའི་བར་དྲུག་གིས་བསྟན། ལོངས་སྤྱོད་དང་བསོད་ནམས་དག་པ་ལེའུ་བཅོ་ལྔ་པས་བསྟན། བཞི་པ་སྤེལ་བ་ལ་གསུམ་ལས། ལུས་དང་ལོངས་སྤྱོད་སྤེལ་བ་ནི། ལེའུ་བཅུ་དྲུག་པའི་བམ་པོ་གཉིས་པོ་ཞེས་པས་བསྟན། དེ་མན་ནས་ལེའུ་བཅུ་དགུ་པའི་རྒྱ་ཆེར་ནི་སངས་རྒྱས་ཀྱི་ཡུལ་ཉིད་ཡིན་ནོ། །ཞེས་པའི་བར་གྱིས་བསོད་ནམས་སྤེལ་བར་བསྟན་ཏོ། །ལེའུ་དང་པོ་གོ་སླ་ལ། གཉིས་པ་ནས་དྲུག་པའི་བར་ལྔས་ལུས་བསྲུང་བ་ལ། དངོས་དང་། དེའི་ཐབས་གསུམ་བསྟན་པའོ། །དང་པོ་ལ་གཉིས་ཏེ། རབ་བྱུང་གི་བསླབ་བྱ། ཁྱིམ་པའི་བསླབ་བྱའོ། །དེའི་དང་པོ་ལ་ལྔ་སྟེ། ཆོས་འཛིན་པ། བདུད་ལས་སྤོང་བ། མི་དགེ་བའི་བཤེས་གཉེན་སྤོང་བ། བྱང་སེམས་འདོར་བ་སྤོང་བ། འཁྲུལ་པའི་ཉེས་པ་སྤོང་བའོ། །ཁྱིམ་པའི་བསླབ་བྱ་ལ་གཉིས་ཏེ། གནོད་པ་དངོས་དང་། དེ་སྤོང་ཐབས་སོ། །དང་པོ་ལ་གསུམ་སྟེ། མི་ཁོམ་པའི་གནོད་པ། མི་དགེ་བ་བཅུའི་གནོད་པ། བྱང་སེམས་ལ་ལོག་སྒྲུབ་དང་། ཆོས་སྤོང་གི་གནོད་པའོ། །ལེའུ་བཞི་པའོ། །གཉིས་པ་སྤོང་བའི་ཐབས་ནི་ལེའུ་ལྔ་པས་བསྟན། ལེའུ་དྲུག་པའི་ལུས་བསྲུང་བའི་ཐབས་ལ་གསུམ་སྟེ། དྲན་ཤེས་བཞིན་གྱིས་བསྲུང་བ། གཞན་མ་དད་པ་སྤང་བས་བསྲུང་བ། སྨན་སོགས་བསྟེན་པས་བསྲུང་བའོ། །དག་པ་གསུམ་གྱི་ལུས་དག་པའི་ཕྱོགས་སུ་སྡིག་པ་སྦྱོང་བ་ནི་ལེའུ་བརྒྱད་པས་བསྟན། {འདི་ཡན་ཚུལ་ཁྲིམས་ཡིན་} ཕྱོགས་གཉིས་པ་ཉོན་མོངས་པ་སྦྱོང་བ་ནི། ལེའུ་དགུ་པ་ནས་བཅུ་བཞི་པའི་བར་དྲུག་གིས། བཟོད་པ་ལ་ལེའུ་གཅིག། བརྩོན་འགྲུས་ལ་ལེའུ་གཅིག། བསམ་གཏན་ལ་ལེའུ་གཉིས། ཤེས་རབ་ལ་ལེའུ་གཉིས་ཏེ་དྲུག་གོ། བཟོད་བརྩོན་གཉིས་གོ་སླ་ལ། བསམ་གཏན་ལ་གཉིས་ཏེ། སྤྱིའི་རྣམ་གཡེང་སྤོང་བ། སྤངས་ནས་ཏིང་ངེ་འཛིན་བསྒོམ་པའོ། །དང་པོས་ནི་དགོན་པར་གནས་པའི་ལེའུ་བསྟན། གཉིས་པ་ལ་གཉིས་ཏེ། ཞི་གནས་བསྒོམ་པ་དང་། ལྷག་མཐོང་བསྒོམ་པའོ། །དང་པོ་ལའང་བཞི་སྟེ། རྣམ་གཡེང་གི་གཉེན་པོར་སྐྱེ་རྒ་ན་འཆི་བསྒོམ་པ། འདོད་ཆགས་ལ་མི་སྡུག་པ་བསྒོམ་པ། ཞེ་སྡང་ལ་བྱམས་པ་བསྒོམ་པ། གཏི་མུག་ལ་རྟེན་འབྲེལ་བསྒོམ་{ལེའུ་བཅུ་གཉིས་པས་བསྟན། འདི་ཡན་བསམ་གཏན་}པའོ། །གཉིས་པ་ལྷག་མཐོང་། ཤེས་རབ་ལ་གཉིས་ཏེ། གང་ཟག་གི་བདག་མེད་བསྒོམ་པ་དང་། ཆོས་ཀྱི་བདག་མེད་བསྒོམ་པའོ། །དང་པོ་ལེའུ་བཅུ་གསུམ་པས་བསྟན། གཉིས་པ་ནི་ལེའུ་བཅུ་བཞི་པས་བསྟན་པ་ཡིན་ནོ། །དེ་ལྟར་ན་ཕར་ཕྱིན་དྲུག་ལ་ཉམས་སུ་ལེན་པའི་རིམ་པ་ཆོས་བཅུ་གཉིས་ཀྱི་སྒོ་ནས་བསྟན་པ་ཡིན་པས་སྤྱོད་པ་ལ་འཇུག་དང་ཤིན་མཐུན་པ་ཡིན་པར་ཤེས་པར་བྱའོ། །བསླབ་པ་ཀུན་ལས་བཏུས་ཀྱི་ལུས་རགས་པར་ཕྱེ་བ་འདི་གོ་སླ་བར་བྱ་བའི་ཕྱིར་བྲིས་ཏེ། ལེ་འགྲེལ་ལོགས་སུ་ཤེས་པར་བྱའོ།། མངྒལཾ།། །།<br /> }}<br /> |TsadraVersion=No<br /> |FullTextDate=2024-07-02<br /> |PdfLink=File:Bslab btus kyi legs 'grel-W00KG01660-v3 img181-184.pdf<br /> |FullTextTibetan=༈ བསླབ་བཏུས་ཀྱི་ལེ་འགྲེལ་བཞུགས་སོ། །<br /> སྲིད་དང་ཞི་བའི་དཔལ་གྱིས་གང་གི་ཐུགས། །རབ་མཛེས་འཇམ་དབྱངས་གཞོན་ནུའི་ཡེ་ཤེས་སྐུ། །མཐའ་ཡས་ཡོན་ཏན་ཚོགས་ལ་དབང་འབྱོར་བའི། །སྐྱེ་དགུའི་ཉེར་འཚོ་རྒྱལ་སྲས་མཆོག་ལ་འདུད། །འདིས་མཛད་པའི་བསླབ་པ་ཀུན་ལས་བཏུས་པ་ལ་གསུམ་སྟེ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །གཉིས་པ་ལ་གསུམ་སྟེ། བསླབ་པ་མདོར་བསྟན། བསླབ་པ་རྒྱས་པར་བཤད། བསླབ་པའི་དོན་བསྡུ་བའོ། །གཉིས་པ་ལ། ལེའུ་བཅུ་དྲུག་ཡོད་པའི་དོན་རྣམས་གཏང་། བསྲུང་། དག། སྤེལ་གྱི་ཆོས་བཞི་གསུམ་བཅུ་གཉིས་ཀྱིས་བསྡུས་ཤིང་ཕར་ཕྱིན་དྲུག་དང་སྦྱར་ནས་བསྟན་པ་ལ། ལེའུ་དང་པོ་སྦྱིན་པའི་ཕར་ཕྱིན་གྱིས་གཏོང་བ་གསུམ་{སྦྱིན་པ་}བསྟན། ལེའུ་གཉིས་པ་{འདི་མན་ཚུལ་ཁྲིམས་}ནས་དྲུག་པའི་བར་ལྔས་བསྲུང་བ་བསྟན། ལེའུ་བདུན་པས་ལོངས་སྤྱོད་དང་བསོད་ནམས་བསྲུང་བ་བསྟན། དག་པ་ལ་གསུམ་ལས། ལུས་དག་པ་ལ་གཉིས་ཏེ། སྡིག་པ་སྦྱོང་བ་དང་། ཉོན་མོངས་པ་སྦྱོང་བའོ། །དང་པོ་ནི། ལེའུ་བརྒྱད་པས་བསྟན། གཉིས་པ་ནི་ལེའུ་དགུ་པ་ནས་བཅུ་བཞི་པའི་བར་དྲུག་གིས་བསྟན། ལོངས་སྤྱོད་དང་བསོད་ནམས་དག་པ་ལེའུ་བཅོ་ལྔ་པས་བསྟན། བཞི་པ་སྤེལ་བ་ལ་གསུམ་ལས། ལུས་དང་ལོངས་སྤྱོད་སྤེལ་བ་ནི། ལེའུ་བཅུ་དྲུག་པའི་བམ་པོ་གཉིས་པོ་ཞེས་པས་བསྟན། དེ་མན་ནས་ལེའུ་བཅུ་དགུ་པའི་རྒྱ་ཆེར་ནི་སངས་རྒྱས་ཀྱི་ཡུལ་ཉིད་ཡིན་ནོ། །ཞེས་པའི་བར་གྱིས་བསོད་ནམས་སྤེལ་བར་བསྟན་ཏོ། །ལེའུ་དང་པོ་གོ་སླ་ལ། གཉིས་པ་ནས་དྲུག་པའི་བར་ལྔས་ལུས་བསྲུང་བ་ལ། དངོས་དང་། དེའི་ཐབས་གསུམ་བསྟན་པའོ། །དང་པོ་ལ་གཉིས་ཏེ། རབ་བྱུང་གི་བསླབ་བྱ། ཁྱིམ་པའི་བསླབ་བྱའོ། །དེའི་དང་པོ་ལ་ལྔ་སྟེ། ཆོས་འཛིན་པ། བདུད་ལས་སྤོང་བ། མི་དགེ་བའི་བཤེས་གཉེན་སྤོང་བ། བྱང་སེམས་འདོར་བ་སྤོང་བ། འཁྲུལ་པའི་ཉེས་པ་སྤོང་བའོ། །ཁྱིམ་པའི་བསླབ་བྱ་ལ་གཉིས་ཏེ། གནོད་པ་དངོས་དང་། དེ་སྤོང་ཐབས་སོ། །དང་པོ་ལ་གསུམ་སྟེ། མི་ཁོམ་པའི་གནོད་པ། མི་དགེ་བ་བཅུའི་གནོད་པ། བྱང་སེམས་ལ་ལོག་སྒྲུབ་དང་། ཆོས་སྤོང་གི་གནོད་པའོ། །ལེའུ་བཞི་པའོ། །གཉིས་པ་སྤོང་བའི་ཐབས་ནི་ལེའུ་ལྔ་པས་བསྟན། ལེའུ་དྲུག་པའི་ལུས་བསྲུང་བའི་ཐབས་ལ་གསུམ་སྟེ། དྲན་ཤེས་བཞིན་གྱིས་བསྲུང་བ། གཞན་མ་དད་པ་སྤང་བས་བསྲུང་བ། སྨན་སོགས་བསྟེན་པས་བསྲུང་བའོ། །དག་པ་གསུམ་གྱི་ལུས་དག་པའི་ཕྱོགས་སུ་སྡིག་པ་སྦྱོང་བ་ནི་ལེའུ་བརྒྱད་པས་བསྟན། {འདི་ཡན་ཚུལ་ཁྲིམས་ཡིན་} ཕྱོགས་གཉིས་པ་ཉོན་མོངས་པ་སྦྱོང་བ་ནི། ལེའུ་དགུ་པ་ནས་བཅུ་བཞི་པའི་བར་དྲུག་གིས། བཟོད་པ་ལ་ལེའུ་གཅིག། བརྩོན་འགྲུས་ལ་ལེའུ་གཅིག། བསམ་གཏན་ལ་ལེའུ་གཉིས། ཤེས་རབ་ལ་ལེའུ་གཉིས་ཏེ་དྲུག་གོ། བཟོད་བརྩོན་གཉིས་གོ་སླ་ལ། བསམ་གཏན་ལ་གཉིས་ཏེ། སྤྱིའི་རྣམ་གཡེང་སྤོང་བ། སྤངས་ནས་ཏིང་ངེ་འཛིན་བསྒོམ་པའོ། །དང་པོས་ནི་དགོན་པར་གནས་པའི་ལེའུ་བསྟན། གཉིས་པ་ལ་གཉིས་ཏེ། ཞི་གནས་བསྒོམ་པ་དང་། ལྷག་མཐོང་བསྒོམ་པའོ། །དང་པོ་ལའང་བཞི་སྟེ། རྣམ་གཡེང་གི་གཉེན་པོར་སྐྱེ་རྒ་ན་འཆི་བསྒོམ་པ། འདོད་ཆགས་ལ་མི་སྡུག་པ་བསྒོམ་པ། ཞེ་སྡང་ལ་བྱམས་པ་བསྒོམ་པ། གཏི་མུག་ལ་རྟེན་འབྲེལ་བསྒོམ་{ལེའུ་བཅུ་གཉིས་པས་བསྟན། འདི་ཡན་བསམ་གཏན་}པའོ། །གཉིས་པ་ལྷག་མཐོང་། ཤེས་རབ་ལ་གཉིས་ཏེ། གང་ཟག་གི་བདག་མེད་བསྒོམ་པ་དང་། ཆོས་ཀྱི་བདག་མེད་བསྒོམ་པའོ། །དང་པོ་ལེའུ་བཅུ་གསུམ་པས་བསྟན། གཉིས་པ་ནི་ལེའུ་བཅུ་བཞི་པས་བསྟན་པ་ཡིན་ནོ། །དེ་ལྟར་ན་ཕར་ཕྱིན་དྲུག་ལ་ཉམས་སུ་ལེན་པའི་རིམ་པ་ཆོས་བཅུ་གཉིས་ཀྱི་སྒོ་ནས་བསྟན་པ་ཡིན་པས་སྤྱོད་པ་ལ་འཇུག་དང་ཤིན་མཐུན་པ་ཡིན་པར་ཤེས་པར་བྱའོ། །བསླབ་པ་ཀུན་ལས་བཏུས་ཀྱི་ལུས་རགས་པར་ཕྱེ་བ་འདི་གོ་སླ་བར་བྱ་བའི་ཕྱིར་བྲིས་ཏེ། ལེ་འགྲེལ་ལོགས་སུ་ཤེས་པར་བྱའོ།། མངྒལཾ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Bslab_btus_kyi_legs_%27grel/Full_text&diff=141838 Texts/Bslab btus kyi legs 'grel/Full text 2026-09-11T07:58:15Z <p>Khenpo Tamphel: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionContent=༈ བསླབ་བཏུས་ཀྱི་ལེ་འགྲེལ་བཞུགས་སོ།།<br /> སྲིད་དང་ཞི་བའི་དཔལ་གྱིས་གང་གི་ཐུགས།།རབ་མཛེས་འཇམ་དབྱངས་གཞོན་ནུའི་ཡེ་ཤེས་སྐུ།།མཐའ་ཡས་ཡོན་ཏན་ཚོགས་ལ་དབང་འབྱོར་བའི།།སྐྱེ་དགུའི་ཉེར་འཚོ་རྒྱལ་སྲས་མཆོག་ལ་འདུད།།འདིས་མཛད་པའི་བསླབ་པ་ཀུན་ལས་བཏུས་པ་ལ་གསུམ་སྟེ། ཀླད་ཀྱི་དོན། གཞུང་གི་དོན། མཇུག་གི་དོན་ནོ།། གཉིས་པ་ལ་གསུམ་སྟེ། བསླབ་པ་མདོར་བསྟན། བསླབ་པ་རྒྱས་པར་བཤད། བསླབ་པའི་དོན་བསྡུ་བའོ།། གཉིས་པ་ལ། ལེའུ་བཅུ་དྲུག་ཡོད་པའི་དོན་རྣམས་གཏང་། བསྲུང་། དག། སྤེལ་གྱི་ཆོས་བཞི་གསུམ་བཅུ་གཉིས་ཀྱིས་བསྡུས་ཤིང་ཕར་ཕྱིན་དྲུག་དང་སྦྱར་ནས་བསྟན་པ་ལ། ལེའུ་དང་པོ་སྦྱིན་པའི་ཕར་ཕྱིན་གྱིས་གཏོང་བ་གསུམ་{སྦྱིན་པ་}བསྟན། ལེའུ་གཉིས་པ་{འདི་མན་ཚུལ་ཁྲིམས་}ནས་དྲུག་པའི་བར་ལྔས་བསྲུང་བ་བསྟན། ལེའུ་བདུན་པས་ལོངས་སྤྱོད་དང་བསོད་ནམས་བསྲུང་བ་བསྟན། དག་པ་ལ་གསུམ་ལས། ལུས་དག་པ་ལ་གཉིས་ཏེ། སྡིག་པ་སྦྱོང་བ་དང་། ཉོན་མོངས་པ་སྦྱོང་བའོ།། དང་པོ་ནི། ལེའུ་བརྒྱད་པས་བསྟན། གཉིས་པ་ནི་ལེའུ་དགུ་པ་ནས་བཅུ་བཞི་པའི་བར་དྲུག་གིས་བསྟན། ལོངས་སྤྱོད་དང་བསོད་ནམས་དག་པ་ལེའུ་བཅོ་ལྔ་པས་བསྟན། བཞི་པ་སྤེལ་བ་ལ་གསུམ་ལས། ལུས་དང་ལོངས་སྤྱོད་སྤེལ་བ་ནི། ལེའུ་བཅུ་དྲུག་པའི་བམ་པོ་གཉིས་པོ་ཞེས་པས་བསྟན། དེ་མན་ནས་ལེའུ་བཅུ་དགུ་པའི་རྒྱ་ཆེར་ནི་སངས་རྒྱས་ཀྱི་ཡུལ་ཉིད་ཡིན་ནོ།། ཞེས་པའི་བར་གྱིས་བསོད་ནམས་སྤེལ་བར་བསྟན་ཏོ།། ལེའུ་དང་པོ་གོ་སླ་ལ། གཉིས་པ་ནས་དྲུག་པའི་བར་ལྔས་ལུས་བསྲུང་བ་ལ། དངོས་དང་། དེའི་ཐབས་གསུམ་བསྟན་པའོ།། དང་པོ་ལ་གཉིས་ཏེ། རབ་བྱུང་གི་བསླབ་བྱ། ཁྱིམ་པའི་བསླབ་བྱའོ།། དེའི་དང་པོ་ལ་ལྔ་སྟེ། ཆོས་འཛིན་པ། བདུད་ལས་སྤོང་བ། མི་དགེ་བའི་བཤེས་གཉེན་སྤོང་བ། བྱང་སེམས་འདོར་བ་སྤོང་བ། འཁྲུལ་པའི་ཉེས་པ་སྤོང་བའོ།། ཁྱིམ་པའི་བསླབ་བྱ་ལ་གཉིས་ཏེ། གནོད་པ་དངོས་དང་། དེ་སྤོང་ཐབས་སོ།། དང་པོ་ལ་གསུམ་སྟེ། མི་ཁོམ་པའི་གནོད་པ། མི་དགེ་བ་བཅུའི་གནོད་པ། བྱང་སེམས་ལ་ལོག་སྒྲུབ་དང་། ཆོས་སྤོང་གི་གནོད་པའོ།། ལེའུ་བཞི་པའོ།། གཉིས་པ་སྤོང་བའི་ཐབས་ནི་ལེའུ་ལྔ་པས་བསྟན། ལེའུ་དྲུག་པའི་ལུས་བསྲུང་བའི་ཐབས་ལ་གསུམ་སྟེ། དྲན་ཤེས་བཞིན་གྱིས་བསྲུང་བ། གཞན་མ་དད་པ་སྤང་བས་བསྲུང་བ། སྨན་སོགས་བསྟེན་པས་བསྲུང་བའོ།། དག་པ་གསུམ་གྱི་ལུས་དག་པའི་ཕྱོགས་སུ་སྡིག་པ་སྦྱོང་བ་ནི་ལེའུ་བརྒྱད་པས་བསྟན། {འདི་ཡན་ཚུལ་ཁྲིམས་ཡིན་} ཕྱོགས་གཉིས་པ་ཉོན་མོངས་པ་སྦྱོང་བ་ནི། ལེའུ་དགུ་པ་ནས་བཅུ་བཞི་པའི་བར་དྲུག་གིས། བཟོད་པ་ལ་ལེའུ་གཅིག། བརྩོན་འགྲུས་ལ་ལེའུ་གཅིག། བསམ་གཏན་ལ་ལེའུ་གཉིས། ཤེས་རབ་ལ་ལེའུ་གཉིས་ཏེ་དྲུག་གོ། བཟོད་བརྩོན་གཉིས་གོ་སླ་ལ། བསམ་གཏན་ལ་གཉིས་ཏེ། སྤྱིའི་རྣམ་གཡེང་སྤོང་བ། སྤངས་ནས་ཏིང་ངེ་འཛིན་བསྒོམ་པའོ།། དང་པོས་ནི་དགོན་པར་གནས་པའི་ལེའུ་བསྟན། གཉིས་པ་ལ་གཉིས་ཏེ། ཞི་གནས་བསྒོམ་པ་དང་། ལྷག་མཐོང་བསྒོམ་པའོ།། དང་པོ་ལའང་བཞི་སྟེ། རྣམ་གཡེང་གི་གཉེན་པོར་སྐྱེ་རྒ་ན་འཆི་བསྒོམ་པ། འདོད་ཆགས་ལ་མི་སྡུག་པ་བསྒོམ་པ། ཞེ་སྡང་ལ་བྱམས་པ་བསྒོམ་པ། གཏི་མུག་ལ་རྟེན་འབྲེལ་བསྒོམ་{ལེའུ་བཅུ་གཉིས་པས་བསྟན། འདི་ཡན་བསམ་གཏན་}པའོ།། གཉིས་པ་ལྷག་མཐོང་། ཤེས་རབ་ལ་གཉིས་ཏེ། གང་ཟག་གི་བདག་མེད་བསྒོམ་པ་དང་། ཆོས་ཀྱི་བདག་མེད་བསྒོམ་པའོ།། དང་པོ་ལེའུ་བཅུ་གསུམ་པས་བསྟན། གཉིས་པ་ནི་ལེའུ་བཅུ་བཞི་པས་བསྟན་པ་ཡིན་ནོ།། དེ་ལྟར་ན་ཕར་ཕྱིན་དྲུག་ལ་ཉམས་སུ་ལེན་པའི་རིམ་པ་ཆོས་བཅུ་གཉིས་ཀྱི་སྒོ་ནས་བསྟན་པ་ཡིན་པས་སྤྱོད་པ་ལ་འཇུག་དང་ཤིན་མཐུན་པ་ཡིན་པར་ཤེས་པར་བྱའོ།། བསླབ་པ་ཀུན་ལས་བཏུས་ཀྱི་ལུས་རགས་པར་ཕྱེ་བ་འདི་གོ་སླ་བར་བྱ་བའི་ཕྱིར་བྲིས་ཏེ། ལེ་འགྲེལ་ལོགས་སུ་ཤེས་པར་བྱའོ།། མངྒལཾ།། །།<br /> }}<br /> |TsadraVersion=No<br /> |FullTextDate=2024-07-02<br /> |PdfLink=File:Bslab btus kyi legs 'grel-W00KG01660-v3 img181-184.pdf<br /> }}</div> Khenpo Tamphel https://bodhicitta.tsadra.org/index.php?title=Texts/Bodhy%C4%81karapra%E1%B9%87idh%C4%81na/Full_text/Feedback_1&diff=141680 Texts/Bodhyākarapraṇidhāna/Full text/Feedback 1 2026-09-07T05:06:27Z <p>Khenpo Tamphel: Created page with &quot;{{Feedback |PageReviewed=Texts/Bodhyākarapraṇidhāna/Full text |DateReviewed=2026-09-7 |FeedbackUser=Khenpo Tamphel |FeedbackContent=Unable to edit this page; it is corrupt }}&quot;</p> <hr /> <div>{{Feedback<br /> |PageReviewed=Texts/Bodhyākarapraṇidhāna/Full text<br /> |DateReviewed=2026-09-7<br /> |FeedbackUser=Khenpo Tamphel<br /> |FeedbackContent=Unable to edit this page; it is corrupt<br /> }}</div> Khenpo Tamphel https://bodhicitta.tsadra.org/index.php?title=Texts/Bodhisattvasa%E1%B9%83varagraha%E1%B9%87avidhi/Full_text&diff=141307 Texts/Bodhisattvasaṃvaragrahaṇavidhi/Full text 2026-08-28T06:29:29Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[https://online.adarshah.org/download.html?sutra=D3970 Adarshah]<br /> |FullTextDate=2025-10-13<br /> |FullTextTibetan=112-248b<br /> <br /> ༄༅། །བྱང་ཆུབ་སེམས་དཔའི་སྡོམ་པ་གཟུང་བའི་ཆོ་ག<br /> ༄༅༅། །རྒྱ་གར་སྐད་དུ། བོ་དྷི་སཏྭ་སམྦ་ར་གྲྀཧྞ་བི་དྷི། བོད་སྐད་དུ། བྱང་ཆུབ་སེམས་དཔའི་སྡོམ་པ་གཟུང་བའི་ཆོ་ག །སངས་རྒྱས་ལ་ཕྱག་འཚལ་ལོ། །བླ་མེད་བསམ་གྱིས་མི་ཁྱབ་འབྲས་བུ་སྐྱེ་བ་ཡི། །རྫོགས་པའི་སངས་རྒྱས་དཔག་བསམ་ཤིང་ལྗོན་ས་བོན་ནི། །སྡོམ་པ་དམ་པ་བསྐྱེད་ཅིང་སྤེལ་བར་བྱེད་པ་སྟེ། །འབྲས་བུ་མཆོག་དེས་སེམས་ཅན་ཚོགས་རྣམས་ཚིམ་པར་བྱེད། །འདིར་ངེས་པར་སྡོམ་པ་གཟུང་བ་ནི་སྡོམ་པ་འབོགས་པའི་ཆོ་ག་ལ་མཁས་ཤིང་། ལེན་འདོད་ཀྱི་སྡོམ་པ་དང་ལྡན་པའི་བླ་མས་གསུངས་པའི་རྗེས་སུ་བརྗོད་པར་བྱ་སྟེ། དཀོན་མཆོག་གསུམ་དང་བླ་མའི་མཎྜལ་སྔོན་དུ་འགྲོ་བས་སམ་མཎྜལ་མེད་ཀྱང་རུང་སྟེ། སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ་ཇི་སྲིད་འཚོའི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་མཆིའོ། །ཇི་སྲིད་འཚོའི་བར་དུ་ཞི་བ་འདོད་ཆགས་དང་བྲལ་བ་རྣམས་ཀྱི་མཆོག་ཆོས་ལ་སྐྱབས་སུ་མཆིའོ། །ཇི་སྲིད་འཚོའི་བར་དུ་ཚོགས་རྣམས་ཀྱི་མཆོག་དགེ་འདུན་ལ་སྐྱབས་སུ་མཆིའོ། །དེ་ལྟར་གསུམ་མོ། །སྐྱབས་གསུམ་ཡོངས་སུ་འཛིན་པའི་དགེ་བསྙེན་དུ་བདག་གཟུང་དུ་གསོལ། དེའི་རྗེས་སུ་བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། ཇི་སྲིད་འཚོའི་བར་དུ་སྲོག་གཅོད་པ་སྤོང་ངོ་། །སྲོག་གཅོད་པ་ལས་རབ་ཏུ་ལྡོག་པར་བགྱིའོ། །དེ་བཞིན་དུ་མ་བྱིན་པར་ལེན་པ་དང་། འདོད་པ་ལས་ལོག་པར་གཡེམ་པ་དང་། བརྫུན་དུ་སྨྲ་བ་དང་། འབྲུའི་ཆང་དང་། བཅོས་པའི་ཆང་མྱོས་པར་གྱུར་<br /> <br /> 112-249a<br /> <br /> པ་བག་མེད་པའི་གནས་ལས་རབ་ཏུ་ལྡོག་པར་བགྱིའོ། །དེ་ལྟར་གསུམ་མོ། །དེང་ནས་བཟུང་ནས། བདག་མཆོག་གི་དགེ་བསྙེན་དུ་གཟུང་དུ་གསོལ་ཞེས་པའོ། །དེ་ལྟར་འདིས་ཡན་ལག་གསུམ་ཡོངས་སུ་རྫོགས་པ་དང་། ཡན་ལག་ལྔ་ཡོངས་སུ་རྫོགས་པའི་དགེ་བསྙེན་དུ་འགྱུར་རོ། །བསྙེན་གནས་ཀྱི་སྡོམ་པ་ཉིན་ཞག་གཅིག་པ་ནི་རྟག་ཏུ་མི་འདོགས་པའི་རྒྱན་བཞག་སྟེ། ཉི་མ་ཤར་བ་ནས་སྔར་བཞིན་དུ་བཟུང་སྟེ། སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་ནས་ཇི་སྲིད་སང་གི་ཉི་མ་མ་ཤར་གྱི་བར་དུ་སྲོག་གཅོད་པ་སྤོང་ངོ་། །སྲོག་གཅོད་པ་ལས་སླར་ལྡོག་པར་བགྱིའོ། །དེ་བཞིན་དུ་མ་བྱིན་པར་ལེན་པ་དང་། མི་ཚངས་པར་སྤྱོད་པ་དང་། བརྫུན་དུ་སྨྲ་བ་དང་། འབྲུའི་ཆང་དང་། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་དང་། ཁྲི་སྟན་མཐོན་པོ་དང་། མལ་སྟན་ཆེན་པོ་དང་། དྲི་དང་། ཕྲེང་བ་དང་། བྱུག་པ་དང་། ཁ་དོག་འཆང་བ་དང་། གར་དང་། གླུ་དང་། རོལ་མོའི་སྒྲ་དང་། ལྟད་མོ་བལྟ་བ་དང་། དུས་མ་ཡིན་པའི་ཁ་ཟས་ལས་རབ་ཏུ་ལྡོག་པར་བགྱིའོ། །དགྲ་བཅོམ་པ་ཡོན་ཏན་བརྒྱད་ཀྱིས་བརྒྱན་ནས་བཞུགས་པ་བཞིན་དུ་བགྱིའོ། །བདག་གིས་གསོ་སྦྱོང་གི་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་པ་འདི་ཡང་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། མ་ཐོབ་པའི་དོན་གྱི་མཆོག་སངས་རྒྱས་ཉིད་ཐོབ་པའི་རྒྱུར་གྱུར་ཅིག །དེ་ལྟར་གསུམ་མོ། །དེ་ལྟར་འདི་ནི་བསྙེན་གནས་ཡན་ལག་བརྒྱད་པའི་སྡོམ་པ་སྟེ་འཕགས་པ་རྣམས་དང་ཉེ་བར་གནས་པར་འགྱུར་རོ། །ཉིན་པར་ཙམ་ཡང་དག་པར་ལེན་པ་ལ་དུས་འདི་ནས་བཟུང་སྟེ་ཇི་སྲིད་ཉི་མ་ནུབ་ཀྱི་བར་དུ་ཞེས་བརྗོད་པར་བྱའོ། །མཚན་མོ་ཙམ་ལ་ནི་དུས་འདི་ནས་བཟུང་ནས་ཇི་སྲིད་སང་ཉི་མ་མ་ཤར་གྱི་བར་དུ་ཞེས་བརྗོད་པར་བྱའོ། །གསོ་སྦྱོང་གི་སྡོམ་པ་ཁོ་ན་ཇི་སྲིད་འཚོའི་བར་དུ་ལེན་པ་ནི་གོ་མིའི་སྡོམ་པ་སྟེ། དེ་བླང་བ་ནི་དུས་འདི་ནས་བཟུང་ནས་ཇི་སྲིད་འཚོའི་བར་དུ་ཞེས་བརྗོད་པར་བྱའོ། །བྱང་ཆུབ་སེམས་དཔའི་སྡོམ་པ་དོན་དུ་གཉེར་བས་དེ་བཞིན་གཤེགས་པའི་སྐུ་གཟུགས་མདུན་དུ་བྱས་ནས་མཆོད་པ་བྱས་ཏེ། <br /> <br /> 112-249b<br /> <br /> དེའི་མདུན་དུ་དཀོན་མཆོག་གསུམ་དང་བླ་མའི་མཎྜལ་བྱས་ནས་ཉེ་བར་སྤྱོད་པ་ལྔས་ཡང་དག་པར་མཆོད་དེ། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ལ་རབ་ཏུ་དང་བ་ཡང་དག་པར་བསྐྱེད་ནས་ཕྱག་བྱས་ཏེ། པུས་མོ་གཉིས་ས་ལ་བཙུགས་པའམ་ཙོག་ཙོག་པོར་ཡང་རུང་བས་ཐལ་མོ་སྦྱར་ཏེ་མདུན་དུ་འདུག་ནས་བླ་མ་ལ་གསོལ་བ་གདབ་པར་བྱ་སྟེ། རིགས་ཀྱི་བུ་བདག་ཁྱོད་ལས་བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་ཡང་དག་པར་ལེན་པ་དེ་ལ་སྤྲོ་ཡིས། བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་ཐུགས་བརྩེ་བའི་སླད་དུ་སྩལ་དུ་གསོལ་ཞེས་དེ་ལྟར་གསུམ་མོ། །བླ་མ་དེས་འདི་ལྟར་བརྗོད་དེ། ཁྱོད་ཀྱིས་བྱང་ཆུབ་ཏུ་སྨོན་ལམ་བཏབ་བམ། བདག་ལས་བྱང་ཆུབ་སེམས་དཔའི་ཚུལ་ཁྲིམས་ཀྱི་བསླབ་པ་འཛིན་པར་འདོད་དམ་ཞེས་པ་ཡང་གསུམ་མོ། །དེས་ཀྱང་འཛིན་པར་འཚལ་ལོ་ཞེས་དམ་བཅའ་བར་བྱའོ། །བླ་མ་ལས་འདི་སྐད་དུ་བརྗོད་པར་བྱ་སྟེ། ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་སངས་རྒྱས་བཅོམ་ལྡན་འདས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་ལུས་དང་ངག་དང་ཡིད་ཀྱིས་སངས་རྒྱས་དང་བྱང་ཆུབ་སེམས་དཔའ་རྣམས་དང་། མ་དང་ཕ་དང་སེམས་ཅན་གཞན་ལ་བརྟེན་ནས་སྐྱེ་བ་འདི་དང་གཞན་རྣམས་སུ་སྡིག་པའི་ལས་གང་ཅུང་ཞིག་བགྱིས་པར་གྱུར་པ་དང་བགྱིད་དུ་སྩལ་བ་དང་རྗེས་སུ་ཡི་རང་བ་དེ་དག་ཐམས་ཅད་བཤགས་པར་བགྱིའོ། །ཤེས་ཤིང་དྲན་པས་མི་འཆབ་བོ་ཞེས་ལན་གསུམ་མོ། །བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། སྙིང་པོ་བྱང་ཆུབ་ལ་མཆིས་ཀྱི་བར་དུ། རྐང་གཉིས་རྣམས་ཀྱི་མཆོག་སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་མཁྱེན་པ་ཐམས་ཅད་སྟོན་པ་འཇིགས་པ་ཐམས་ཅད་ལས་འདས་པ་སྐྱེས་བུ་ཆེན་པོ་མི་ཕྱེད་པའི་སྐུ་བླ་ན་མེད་པའི་སྐུ་ལ་སྐྱབས་སུ་མཆིའོ། །འདོད་ཆགས་དང་བྲལ་བ་རྣམས་ཀྱི་མཆོག་ཞི་བའི་ཆོས་ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག་ཕྱིར་མི་ལྡོག་པའི་བྱང་ཆུབ་སེམས་དཔའི་དགེ་འདུན་རྣམས་ལ་སྐྱབས་སུ་མཆིའོ་ཞེས་ལན་གསུམ་མོ། །བདག་མིང་འདི་ཞེས་བགྱི་བས་མཐའ་ཡས་པའི་སེམས་ཅན་གྱི་ཁམས་འཁོར་བའི་<br /> <br /> 112-250a<br /> <br /> སྡུག་བསྔལ་ལས་བསྒྲལ་བར་བྱ་བའི་ཕྱིར་དང་། གདོན་པར་བྱ་བའི་ཕྱིར་དང་། ཡོངས་སུ་བསྐྱབ་པར་བྱ་བའི་ཕྱིར་དང་། ཐམས་ཅད་མཁྱེན་པའི་ཡེ་ཤེས་བླ་ན་མེད་པ་ལ་རབ་ཏུ་དགོད་པར་བྱ་བའི་ཕྱིར། ཇི་ལྟར་འདས་པ་དང་ད་ལྟར་དང་མ་བྱོན་པའི་བྱང་ཆུབ་སེམས་དཔས་བྱང་ཆུབ་ཏུ་སེམས་བསྐྱེད་དེ་སངས་རྒྱས་པ་དང་འཚང་རྒྱ་བ་དང་འཚང་རྒྱ་བར་འགྱུར་བ་ཇི་ལྟ་བ་བཞིན་དུ་སངས་རྒྱས་ཐམས་ཅད་ཀྱི་སྒྲིབ་པ་མེད་པའི་སངས་རྒྱས་ཀྱི་ཡེ་ཤེས་དང་སངས་རྒྱས་ཀྱི་སྤྱན་གྱིས་མཁྱེན་ཅིང་གཟིགས་པ་དང་། ཇི་ལྟ་བ་བཞིན་དུ་ཆོས་རྣམས་ཀྱི་ཆོས་ཉིད་མཁྱེན་ཅིང་རྗེས་སུ་མཁྱེན་པའི་ཆོ་ག་དེས། བདག་མིང་འདི་ཞེས་བགྱི་བས་སློབ་དཔོན་མིང་འདི་ཞེས་བགྱི་བ་ལས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མདུན་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱིའོ་ཞེས་ལན་གསུམ་མོ། །བདག་གིས་སྡིག་པ་བཤགས་པ་དང་། གསུམ་ལ་སྐྱབས་སུ་འགྲོ་བ་དང་། བྱང་ཆུབ་ཏུ་སེམས་བསྐྱེད་པ་ལས་བྱུང་བའི་དགེ་བའི་རྩ་བ་འདི་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །འཇིག་རྟེན་ན་སྐྱོབ་པ་མེད་པ་དང་། སྐྱབས་མེད་པ་དང་། གནས་མེད་པ་དང་། དཔུང་གཉེན་མེད་པ་དང་། གླིང་མེད་པ་རྣམས་ཀྱི་སྐྱོབ་པ་དང་། སྐྱབས་དང་གནས་དང་། དཔུང་གཉེན་དང་། གླིང་དུ་འགྱུར་བར་བགྱི་ཞིང་། སེམས་ཅན་ཐམས་ཅད་སྲིད་པའི་རྒྱ་མཚོ་ལས་མ་བརྒལ་བ་རྣམས་བསྒྲལ་བ་དང་། ཡོངས་སུ་མི་ལྡོག་པའི་སྒྲིབ་པ་མེད་པའི་ཆོས་ཀྱི་དབྱིངས་སུ་ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་བར་བགྱི་བ་དང་། དབུགས་མ་ཕྱུང་བ་དབུགས་དབྱུང་བར་བགྱིའོ་ཞེས་ལན་གསུམ་མོ། །བདག་མིང་འདི་ཞེས་བགྱི་བས་དེ་ལྟར་བྱང་ཆུབ་ཏུ་སེམས་བསྐྱེད་ནས་མཐའ་ཡས་པའི་སེམས་ཅན་གྱི་ཁམས་ལ་ཇི་ལྟར་མ་དང་ཕ་དང་སྲིང་མོ་དང་སྤུན་ཟླ་དང་བུ་དང་བུ་མོ་དང་། གཞན་ཡང་ཉེ་དུ་དང་སྣག་གི་གཉེན་མཚམས་སུ་གནས་པ་དེ་ལྟར་རབ་ཏུ་གཟུང་ངོ་། །རབ་ཏུ་བཟུང་ནས་ཀྱང་ནུས་པ་ཇི་ལྟ་བ་དང་། སྟོབས་ཇི་ལྟ་བ་དང་། སྣོད་ཇི་ལྟ་བ་བཞིན་དུ་དགེ་བའི་རྩ་བ་ཡང་དག་པར་བསྐྱེད་པར་བགྱིའོ། །འདི་ནས་བཟུང་ནས་གང་ཅུང་ཞིག་སྦྱིན་པ་གཏོང་བར་འགྱུར་བ་དང་། ཚུལ་<br /> <br /> 112-250b<br /> <br /> ཁྲིམས་སྲུང་བར་འགྱུར་བ་དང་། བཟོད་པ་སྒོམ་པར་འགྱུར་བ་དང་། བརྩོན་འགྲུས་རྩོམ་པར་འགྱུར་བ་དང་། བསམ་གཏན་ལ་སེམས་མཉམ་པར་འཇོག་པར་འགྱུར་བ་དང་། ཤེས་རབ་རྣམ་པར་དཔྱོད་པར་འགྱུར་བ་དང་། ཐབས་མཁས་པ་ལ་སློབ་པར་འགྱུར་བ་དེ་དག་ཐམས་ཅད་ཀྱང་སེམས་ཅན་ཐམས་ཅད་ལ་ཕན་པ་དང་བདེ་བའི་དོན་དུའོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བརྩམས་ཏེ་ས་ཆེན་པོ་ལ་རབ་ཏུ་བཞུགས་པའི་ཐུགས་རྗེ་ཆེན་པོ་དང་ལྡན་པ་དེ་རྣམས་ཐེག་པ་ཆེན་པོ་ལ་ཡང་དག་པར་འཇུག་པར་བྱེད་པ་དེས་བྱང་ཆུབ་སེམས་དཔའ་བདག་སློབ་པས་འདི་ནས་བཟུང་ནས་བྱང་ཆུབ་སེམས་དཔར་སློབ་དཔོན་གྱིས་གཟུང་དུ་གསོལ་ཞེས་ལན་གསུམ་མོ། །འདི་དག་ཐམས་ཅད་བྱས་ནས་དེ་བཞིན་གཤེགས་པའི་སྐུ་གཟུགས་དེ་ཉིད་ཀྱི་མདུན་དུ་སངས་རྒྱས་དང་བྱང་ཆུབ་སེམས་དཔའ་རྣམས་ལ་ཕྱག་བྱས་ནས་བདག་མིང་འདི་ཞེས་བགྱི་བ་ལས་མིང་འདི་སྐད་ཅེས་བགྱི་བ་འདིས་བྱང་ཆུབ་སེམས་དཔའ་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་སོ་ཞེས་བྱའོ། །དེ་འདྲ་བའི་བླ་མ་ཡང་མེད་ན་རང་གིས་ཡང་དག་པར་བླང་བར་བྱ་སྟེ། སློབ་དཔོན་དགོངས་སུ་གསོལ་ཞེས་བྱ་བ་དང་། སློབ་དཔོན་མིང་འདི་ཞེས་བགྱི་བ་བཞག་ནས། འདི་ནས་བཟུང་ནས་བདག་བྱང་ཆུབ་སེམས་དཔར་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔས་གཟུང་དུ་གསོལ་ཞེས་བྱ་བའི་བར་དུ་བརྗོད་པར་བྱའོ། །དེ་ལྟར་མཁྱེན་པར་གསོལ་བའི་མཐར་སངས་རྒྱས་དང་བྱང་ཆུབ་སེམས་དཔས་བསྔགས་པ་དང་། རྟག་ཏུ་འདིའི་དགེ་བ་མངོན་པར་འཕེལ་བར་བྱ་བའི་ཕྱིར་དགོངས་པར་འགྱུར་རོ། །བྱང་ཆུབ་སེམས་དཔའི་སྡེ་སྣོད་ལས་གསུངས་པའི་ཆོ་ག་བསྡུས་པའོ། །གཞུང་འདིའི་བསོད་ནམས་བདུད་རྩི་ཡིས། །སེམས་ཅན་ཡོངས་སུ་ཚིམ་བྱས་ཏེ། །མཁས་པ་འཇིགས་པ་མེད་པ་ནི། །ཀུན་རིག་དཔག་བསམ་གོ་འཕང་ཤོག །སློབ་དཔོན་མཁས་པ་ཆེན་པོ་འཇིགས་མེད་འབྱུང་གནས་སྦས་པས་བསྡུས་པའི་སྡོམ་པ་བཟུང་བའི་ཆོ་ག་རྫོགས་སོ།། །།ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲ་དང་། ཆག་ལོ་ཙཱ་བ་དགེ་སློང་དགྲ་བཅོམ་གྱིས་བསྒྱུར་བའོ།། །།<br /> <br /> 112-251a<br /> }}</div> Khenpo Tamphel https://bodhicitta.tsadra.org/index.php?title=Texts/Anantamukhanirh%C4%81radh%C4%81ra%E1%B9%87%C4%AB%E1%B9%AD%C4%ABk%C4%81/Full_text&diff=140733 Texts/Anantamukhanirhāradhāraṇīṭīkā/Full text 2026-08-18T05:09:01Z <p>Khenpo Tamphel: </p> <hr /> <div>{{FullTextSubpage<br /> |FullTextVersions={{FullTextVersion<br /> |VersionLanguage=Tibetan<br /> |IsTsadraVersion=Yes<br /> |VersionContentSubpage=__NOTOC__<br /> }}<br /> |TsadraVersion=No<br /> |FullTextTibetan=༄༅། །རྒྱ་གར་སྐད་དུ། ཨཱརྱ་ཨ་ནནྟ་མུ་ཁ་ནིརྷ་ར་དྷཱ་ར་ཎི་ཊཱི་ཀཱ། བོད་སྐད་དུ། འཕགས་པ་སྒོ་མཐའ་ཡས་པ་སྒྲུབ་པའི་གཟུངས་ཀྱི་རྒྱ་ཆེར་འགྲེལ་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །རྫོགས་སངས་རྒྱས་དང་ཆོས་དང་ནི། །དགེ་འདུན་ལ་ཡང་ཕྱག་འཚལ་ནས། །མཐའ་ཡས་སྒོ་སྒྲུབ་གཟུངས་ཀྱི་དོན། །མདོར་བསྡུས་རྣམ་པར་དབྱེ་བར་བྱ། །རྫོགས་པའི་སངས་རྒྱས་སྲས་དང་བཅས་པ་ཤེས་བྱ་ཀུན་གྱི་ཡང་དག་ཐུགས་སུ་ཆུད་གྱུར་པའི། །སྤྱོད་ཡུལ་ཟབ་མོའི་གཟུངས་འདི་ཇི་ག་བདག་འདྲ་ཉོན་མོངས་བློ་ཞན་པ་ཡིས་ག་ལ་ལྕོགས། །དེ་ནི་གནས་མ་ཡིན་པར་ཤིན་ཏུ་མངོན་བཞིན་འོན་ཀྱང་གཟུངས་དོན་རྣམ་པར་དབྱེ་བར་བྱ། །བདག་ནི་དད་པས་གུས་པར་བསྐུལ་ལ་གཞན་དབང་བློ་ཅན་དག་གིས་མི་བྱ་ཅི་ཡང་མེད། །འཇིག་རྟེན་མ་ལུས་ཡང་དག་འདོད་པའི་དངོས་པོ་སྒྲུབ་པ་ཡི། །མཐུ་དང་ལྡན་པ་མ་ཡིན་དམན་ཞིང་དོན་ཀྱང་མ་བྱས་པས། །བདག་ནི་ཚེ་རབས་ཕྱི་མ་ལ་ཡང་སྐྱེ་བོ་འདི་འདྲ་བར། །འགྱུར་དུ་དོགས་ཕྱིར་འདི་ལུས་རབ་ཏུ་དབྱེ་བར་བྱ། །གླེང་བསླང་བ་དང་གླེང་གཞི་དང་། །འདུས་པ་དང་ནི་དགོས་པ་ལ། །ཡང་དག་བརྟགས་ནས་དོན་ཆེན་ཕྱིར། །ཞུ་བ་ལ་ནི་ནན་ཏན་བྱས། །དོན་ཕྱེ་བས་ན་ཐུབ་པ་ལ། །རྒྱ་ཆེར་མཁྱེན་པར་གསོལ་བ་དང་། །ཐུབ་ལ་གསོལ་བ་འདེབས་པ་དང་། །དམ་བཅའ་མངོན་དུ་ཕྱོགས་བྱ་དང་། །བསྲུང་དང་གཟུངས་ཀྱི་ངོ་བོ་དང་། །དེ་ལ་བསྟོད་དང་ཕན་ཡོན་དང་། །འཐོབ་པའི་ཐབས་དང་ཕན་ཡོན་དང་། །དེ་ཡི་སྔོན་བྱུང་བརྗོད་པ་དང་། །ཆོས་ཀྱི་རྣམ་གྲངས་ཆེ་ཉིད་དང་། །མིང་ཞུས་པ་དང་བྱ་བ་གཉིས། །ཡི་རངས་པར་ཡང་བསྟན་པ་སྟེ། །འདི་ལ་འདིར་ནི་མདོར་བསྡུས་པའོ། །མདོ་འདིར་དོན་རྣམ་པ་བཅུ་དགུས་བསྟན་ཏེ་དེ་ལ་ཡང་དག་པར་སྡུད་པར་བྱེད་པས་བདག་ཉིད་ཚད་མ་ཉིད་དུ་བརྗོད་པས་ཡང་དག་བསྡུ་བར་བྱ་བའི་དོན་ཕྱིན་ཅི་མ་ལོག་པར་བསྟན་པའི་ཕྱིར་ཐོག་མར་གླེང་བསླང་བ་བསྟན་ཏེ། ཕྱིན་ཅི་མ་ལོག་པར་བསྟན་པ་དེ་ཡང་གདུལ་བྱའི་སྐྱེ་བོ་ཐེ་ཚོམ་མེད་པར་འདི་ལ་གཟུད་པའི་ཕྱིར་རོ། །དེའི་འོག་ཏུ་གླེང་གཞི་ནི་བསྟན་པའི་གཞིར་གྱུར་པའི་ཕྱིར་དེ་བསྟན་ཏོ། །དེ་ནས་བསྟན་པའི་གནས་དེ་ཡིན་པའི་ཕྱིར་དང་། །དེའི་དགོས་པ་ཡིན་པའི་ཕྱིར་འཁོར་རྣམས་འདུས་པ་བསྟན་ཏོ། །དེ་ནས་འཁོར་འདུས་པ་མཐོང་ནས་དགོས་པ་ལ་བརྟགས་པའི་ཞུ་བ་བྱ་བ་བསྟན་ཏོ། །དེ་ནས་དེ་ལྟར་དགོས་པ་ལ་བརྟགས་ཏེ་གཞག་པའི་དོན་བཅོམ་ལྡན་འདས་ལ་མཁྱེན་པར་གསོལ་བ་བསྟན་ཏོ། །དེ་ནས་མཁྱེན་པར་གསོལ་བའི་དོན་ལ་དགོས་པ་ཡོད་པའི་ཕྱིར་དེས་ན་དེ་ཉིད་ཀྱི་ཕྱིར་བསྟན་པར་དམ་བཅའ་བ་བསྟན་ཏོ། །དེ་ནས་དྲིས་པ་དང་ལན་གདབ་པའི་ཆེ་བ་ཉིད་བརྗོད་པའི་ཕྱིར་འདྲི་བ་པོ་མངོན་དུ་ཕྱོགས་པར་བྱ་བ་བསྟན་ཏོ། །དེ་ནས་བདུད་ལ་སོགས་པས་གནོད་པ་བྱེད་པ་བསལ་བའི་ཕྱིར་ཀུན་ནས་བསྲུང་བ་བསྟན་ཏོ། །དེ་ནས་བསྲུང་བ་རྙེད་པ་ལ་སེམས་ཅན་རྣམས་འདི་ལ་གུས་པ་བསྐྱེད་པའི་ཕྱིར་དང་། ཡོན་ཏན་ཕུན་སུམ་ཚོགས་པ་ཐམས་ཅད་ཀྱི་རྟེན་ཡིན་པས་འདྲི་བ་པོའི་དོན་འདོད་པ་བསྒྲུབ་པའི་ཕྱིར་ཆེ་བ་ཉིད་བརྗོད་པའི་དོན་དུ་གཟུངས་ཀྱི་ངོ་བོ་བསྟན་ཏོ། །དེ་ནས་སེམས་ཅན་རྣམས་སྤྲོ་བ་བསྐྱེད་པ་དང་། ལྷག་པར་གུས་པ་བསྐྱེད་པའི་ཕྱིར་ཆེ་བ་ཉིད་བརྗོད་པའི་དོན་དུ་གཟུངས་ཀྱི་ངོ་བོ་ཉིད་དེ་ལ་བསྟོད་པ་བསྟན་ཏོ། །དེ་ནས་འབྲས་བུ་ཡང་དག་པར་བསྟན་པས་ཀྱང་སེམས་ཅན་རྣམས་དེ་ལ་གཟུད་པའི་ཕྱིར་གཟུངས་ཀྱི་ངོ་བོའི་ཕན་ཡོན་བརྗོད་དོ། །དེ་ནས་གཟུངས་ཀྱི་འབྲས་བུ་ཐོས་ནས་མཆོག་ཏུ་དགའ་བ་དགའ་སྟོན་ལྟ་བུ་སྐྱེས་པས་ཐོབ་པར་བྱ་བའི་ཐབས་ཚོལ་བས་དེའི་འོག་ཏུ་དེ་ཐོབ་པར་བྱ་བའི་ཐབས་བསྟན་ཏོ། །དེ་ནས་དེ་ལ་གུས་པར་འཇུག་པར་བྱ་བའི་ཕྱིར་དང་། གཟུངས་ཀྱི་ངོ་བོའི་ཆེ་བ་ཉིད་བརྗོད་པར་བྱ་བའི་ཕྱིར། དེ་ཐོབ་པར་བྱ་བའི་ཐབས་ལ་འཇུག་པའི་ཕན་ཡོན་བསྟན་ཏོ། །དེ་ནས་དེའི་འོག་ཏུ་གཟུངས་ལ་སོགས་པའི་འབྲས་བུ་དེ་ལ་ངེས་པ་ཤིན་ཏུ་བརྟན་པ་བསྐྱེད་པའི་ཕྱིར་སྔོན་བྱུང་བ་བསྟན་ཏོ། །དེས་འདོད་པའི་དོན་རབ་ཏུ་བསྒྲུབས་ནས་ཀྱང་བརྗོད་པར་བྱ་བ་དང་བརྗོད་པ་ལ་གུས་པ་བསྐྱེད་པའི་ཕྱིར། དེའི་འོག་ཏུ་ཆོས་ཀྱི་རྣམ་གྲངས་ཀྱི་ཆེ་བ་ཉིད་མཇུག་སྡུད་པར་བྱེད་དོ། །དེ་ནས་ཆོས་ཀྱི་རྣམ་གྲངས་ཀྱི་ཆེ་བ་ཉིད་ཐོབ་སྟེ་དགའ་བ་སྐྱེས་ནས་ཐ་སྙད་དུ་བྱ་བའི་ཕྱིར་མིང་ཞུའོ། །དེ་ནས་ཆོས་ཀྱི་རྣམ་གྲངས་ཀྱི་འབྲས་བུའི་བྱེ་བྲག་ཡང་དག་པར་བསྟན་པའི་ཕྱིར་མིང་འདོགས་སོ། །དེ་ནས་མདོ་ཡོངས་སུ་རྫོགས་པ་ན། བཅོམ་ལྡན་འདས་ཆོས་སྟོན་པ་དོན་མེད་པ་མ་ཡིན་པར་བསྟན་པའི་ཕྱིར། །ཐམས་ཅད་ཀྱང་སྐལ་བ་ཇི་ལྟ་བ་བཞིན་དུ་འབྲས་བུ་ཐོབ་པར་གྱུར་ཏོ་ཞེས་རབ་ཏུ་བསྟན་པའི་དོན་དུ་ཡི་རང་བ་བསྟན་ཏེ། དོན་དེ་དག་གི་སྦྱར་བ་ནི་དེ་ལྟ་བུ་ཡིན་ནོ། །དེ་ལ། བསྒྲུབ་བྱ་སྒྲུབ་པའི་བྱེ་བྲག་གིས། །གླེང་བསླང་རྣམ་པ་བརྒྱད་དུ་བསྟན། །མདོར་ན་འདི་ལ་བསྒྲུབ་བྱ་གསུམ། །སྒྲུབ་པ་རྣམ་པ་ལྔར་འདོད་དོ། །འདི་ལྟར་གླེང་བསླང་བ་ནི་བསྒྲུབ་པར་བྱ་བ་དང་སྒྲུབ་པའི་བྱེ་བྲག་གིས་རྣམ་པ་གཉིས་སུ་འགྱུར་ཏེ། བསྒྲུབ་པར་བྱ་བ་ནི་ཡང་དག་པར་སྡུད་པར་བྱེད་པས་བདག་ཉིད་ཚད་མ་ཉིད་དུ་བྱ་བ་ཡིན་ཏེ། དེའི་ཚིག་གིས་ཆོས་ཀྱི་རྣམ་གྲངས་འདི་ལ་གཞན་དག་གིས་ངེས་པ་བསྐྱེད་པའི་ཕྱིར་དང་། ངེས་པ་སྐྱེས་ནས་མི་རྣམས་ནན་ཏན་བྱེད་པ་ལ་གནས་པས་འདོད་པ་ཐོབ་པར་འགྱུར་གྱི། དེ་ལྟ་མ་ཡིན་ན་མི་འཐོབ་པར་བསྟན་པའི་ཕྱིར་རོ། །ཚད་མ་ཉིད་དུ་བྱ་བ་དེ་ཡང་ཡུལ་དང་། ལུས་དང་། རང་གི་ངོ་བོ་དང་རྣམ་པ་གསུམ་གྱིས་བསྟན་ཏེ། དེ་ལ་ཡུལ་ནི་མདོའི་དོན་འོག་ནས་འབྱུང་བ་རྣམས་སོ། །ལུས་ནི་བདག་ཉིད་དེ་ཡང་དག་པར་སྡུད་པར་བྱེད་པའོ། །རང་གི་ངོ་བོ་ནི་རྣ་བའི་རྣམ་པར་ཤེས་པས་ངེས་པར་འཛིན་པ་སྟེ། འདི་སྐད་ཅེས་བྱ་བ་ལ་སོགས་པའི་ཚིག་གསུམ་གྱིས་དེ་དག་གོ་རིམས་བཞིན་དུ་བསྟན་ཏོ། །སྒྲུབ་པ་ནི་རྣམ་པ་ལྔས་བསྟན་ཏེ། དུས་ཀྱི་བྱེ་བྲག་ནི་དུས་གཅིག་ན་ཞེས་བྱ་བ་སྟེ། དེ་ཡང་གང་གི་ཚེ་གོང་མ་དང་སྦྱར་ན་དེའི་ཚེ་འཁོར་རྣམས་ཀྱི་ངེས་པ་བསྐྱེད་པའི་ཕྱིར་བདག་ཉིད་མང་དུ་ཐོས་པར་བསྟན་ཏེ། འདི་ལྟར་བདག་གིས་དུས་གཅིག་ན་འདི་ཐོས་ཀྱི་དུས་གཞན་ན་ཡང་གཞན་དག་ཐོས་སོ། །དེ་བས་ན་བདག་ནི་མང་དུ་ཐོས་པ་ཡིན་ཏེ། དེའི་བདག་གི་ཚིག་ནི་ཡིད་ཆེས་པར་བྱ་བ་ཡིན་པར་བསྟན་པའི་ཕྱིར་རོ། །གང་གི་ཚེ་འོག་མ་དང་སྦྱར་ན་དེའི་ཚེ་དུས་གཅིག་ན་བཅོམ་ལྡན་འདས་གྲོང་ཁྱེར་ཡངས་པ་ཅན་ན་བཞུགས་ཀྱི་དུས་གཞན་གྱི་ཚེ་ནི་གུད་ན་ཡང་བཞུགས་ཏེ། དེ་བས་ན་ཡུལ་དེ་དག་ཀྱང་ལེགས་པ་འདོད་པ་རྣམས་ཀྱིས་བསྟེན་པར་བྱ་བ་ཡིན་པར་བསྟན་ཏོ། །བྱེད་པ་པོའི་བྱེ་བྲག་ནི་བཅོམ་ལྡན་འདས་ཞེས་པ་སྟེ། བདུད་བཞི་བཅོམ་པའམ། དབང་ཕྱུག་ལ་སོགས་པའི་ཡོན་ཏན་དང་ལྡན་པས་བྱེད་པ་པོ་ཁྱད་པར་དུ་འཕགས་ཏེ། འདི་ནི་འདི་ལྟ་བུ་ཞིག་གིས་བསྟན་པ་ལས་ནི་ཕྱིན་ཅི་མ་ལོག་པ་ཡིན་ནོ། །ས་གཞི་འདི་ནི་འདི་ལྟ་བུ་ཞིག་གནས་པ་ལས་ན་བསོད་ནམས་ཀྱི་ཁྱད་པར་དང་ལྡན་པ་ཡིན་གྱི་ཐེ་ཚོམ་མ་བྱེད་ཅིག་པར་བསྟན་པའི་ཕྱིར་རོ། །བྱ་བའི་(བྲེ་‚བྱེ་)བྲག་ནི་བཞུགས་ཏེ་ཞེས་བྱ་བ་སྟེ། ལྷ་དང་ཚངས་པ་དང་། སངས་རྒྱས་ལ་སོགས་པའི་གནས་པ་རྣམས་ཀྱིས་གནས་པའོ། །ཡང་ན་རྫུ་འཕྲུལ་ལ་སོགས་པ་རྣམ་པ་སྣ་ཚོགས་ཀྱིས་གདུལ་བྱ་རྣམས་ཀྱི་སེམས་འཕྲོག་པས་གནས་པ་སྟེ། །འདི་གཉིས་ཀྱིས་ནི་བཅོམ་ལྡན་འདས་ཚུལ་ཡོངས་སུ་དག་པ་དང་། གཞན་ལ་ཕན་འདོགས་པའི་བྱ་བ་ལ་མཁས་པར་ཡང་བསྟན་ཏོ། །ཡུལ་གྱི་བྱེ་བྲག་ནི་ཡུལ་ཡངས་པ་ཅན་ན་ཚལ་ཆེན་པོའི་ཁང་པ་བརྩེགས་པའི་ཁང་བཟངས་ན་ཞེས་བྱ་བ་སྟེ། དེ་ཡང་རྣམ་པ་གསུམ་སྟེ། ལོངས་སྤྱོད་པའི་ཕྱིར་ཉེ་བ་དང་རབ་ཏུ་ཉེ་བ་དང་ཤིན་ཏུ་ཉེ་བར་བསྟན་ཏོ། །ཉེ་བ་དང་རབ་ཏུ་ཉེ་བ་དང་། ཤིན་ཏུ་ཉེ་བ་དག་གིས་ནི་འཇིག་རྟེན་གྱི་གུས་པའི་ཁྱད་པར་ཆུང་ངུ་དང་། འབྲིང་དང་ཆེན་པོ་བསྐྱེད་པས་བསོད་ནམས་ཀྱི་ཕུང་པོའི་ཁྱད་པར་ཆུང་ངུ་དང་འབྲིང་དང་ཆེན་པོ་བསྐྱེད་པར་བྱ་བའི་ཕྱིར་རོ། །ཐ་གྲུ་ཆེ་བའི་ཕྱིར་ཡངས་པའོ། །ཡང་ན་བྲམ་ཟེ་དང་ཁྱིམ་བདག་རྣམས་འབྱོར་པ་རྒྱ་ཆེན་པོས་དེ་ན་གནས་པའི་ཕྱིར་ཡངས་པའོ། །ཞ་འབྲིང་བའི་བྱེ་བྲག་ནི་བསོད་ནམས་ཆེ་བར་བསྟན་པའི་ཕྱིར་རོ། །དེ་ཡང་རྣམ་པ་གཉིས་ཏེ། ཞ་འབྲིང་བ་ཉན་ཐོས་ཀྱི་བྱེ་བྲག་དང་། ཞ་འབྲིང་བ་བྱང་ཆུབ་སེམས་དཔའི་བྱེ་བྲག་གོ། །དེ་ལ་ཞ་འབྲིང་བ་ཉན་ཐོས་ཀྱི་བྱེ་བྲག་ནི་རྣམ་པ་ལྔས་བསྟན་ཏེ། ཡོན་ཏན་ནི་ཆེན་པོ་ཞེས་བྱ་བ་སྟེ། བྱམས་པ་ལ་སོགས་པའི་ཡོན་ཏན་གྱི་ཆེ་བ་ཉིད་དང་ལྡན་པའི་ཕྱིར་རོ། །ཉོན་མོངས་པ་སྤངས་པ་ནི་དགེ་སློང་ཞེས་བྱ་བ་སྟེ། ཉོན་མོངས་པ་བཅོམ་པས་ན་དགེ་སློང་ཡིན་པའི་ཕྱིར་རོ། །དེ་ཁོ་ན་ཤེས་པ་བསྐྱེད་པ་ནི་དགེ་འདུན་ཞེས་བྱ་བ་སྟེ། ཆོས་ཀྱི་དེ་ཁོ་ན་ཉིད་མངོན་སུམ་དུ་བྱེད་པས་བདུད་ལ་སོགས་པ་དག་གིས་ཕྱེད་པར་དཀའ་བས་དགེ་འདུན་ཡིན་པའི་ཕྱིར་རོ། །ཚུལ་ཁྲིམས་ནི་དགེ་སློང་ཞེས་བྱ་བ་སྟེ། སོ་སོར་ཐར་པའི་སྡོམ་པ་ཐོབ་པས་དགེ་སློང་ཡིན་པའི་ཕྱིར་ཏེ། དེའི་ཕྱིར་དོན་གྱི་བྱེ་བྲག་གིས་དགེ་སློང་ལན་གཉིས་སུ་སྨོས་སོ། །གྲངས་ནི་བརྒྱད་སྟོང་ཞེས་བྱ་བ་སྟེ། གྲངས་བརྒྱད་སྟོང་དུ་ངེས་པར་ཆད་པའོ། །ཞ་འབྲིང་བ་བྱང་ཆུབ་སེམས་དཔའི་བྱེ་བྲག་ནི་རྣམ་པ་གསུམ་དུ་བསྟན་ཏེ། གྲངས་ནི་རབ་ཏུ་མང་པོ་ཞེས་བྱ་བ་སྟེ། ཞ་འབྲིང་བ་ཉན་ཐོས་པས་ལྷག་པའི་ཕྱིར་རབ་ཏུ་མང་པོ་ཡིན་ནོ། །ཤེས་རབ་དང་ཐབས་དང་ལྡན་པ་ནི། བྱང་ཆུབ་སེམས་དཔའ་ཞེས་བྱ་བ་སྟེ།སྒྲ་འདི་གཉིས་ནི་ཤེས་རབ་དང་ཐབས་ལ་བྱ་བར་དོན་ཡོད་ཞགས་པའི་མདོ་ལས་འབྱུང་བའི་ཕྱིར་རོ། །སྟོང་པ་ཉིད་ལ་གནས་པ་དང་ལྡན་པ་ནི་སེམས་དཔའ་ཆེན་པོ་ཞེས་བྱ་བ་སྟེ། ཆོས་ཐམས་ཅད་ཀྱི་ངོ་བོ་ཉིད་མེད་པ་ཆེན་པོ་ལ་སེམས་དཔའི་ཕྱིར་རོ། །ཡང་ན་སེམས་ཅན་གྱི་ཁམས་མ་ལུས་པ་ཡོངས་སུ་བསྐྱབ་པའི་བསམ་པ་དང་ལྡན་པ་སྟེ། བསམ་པ་ཆེ་བའི་ཕྱིར་རོ། །ཡང་ན་སྨོན་ལམ་ཆེན་པོ་དང་ལྡན་པ་སྟེ། སྔོན་བྱང་ཆུབ་ཏུ་སྨོན་ལམ་བཏབ་པའི་ཕྱིར་ཏེ། དེ་བས་ན་དེ་དག་གི་བསམ་པ་ཆེ་བའི་ཕྱིར་སེམས་དཔའ་ཆེན་པོ་སྨོས་སོ། །དེ་ལྟར་ན་རྣམ་པ་ལྔས་བདག་ཉིད་ཚད་མ་ཉིད་དུ་བསྒྲུབས་ཏེ། འདི་ལྟར་འཇིག་རྟེན་ན་ཡང་ལོག་པར་ཞུགས་པ་ལ། དུས་དང་ཡུལ་དང་བྱ་བ་ལ་སོགས་པ་དྲན་པར་བྱེད་པས་བརྡ་སྤྲོད་པ་སྣང་བའི་ཕྱིར་རོ། །ཇི་སྐད་བསྟན་པའི་དགོས་པ་ཡང་ཞར་ལ་འགྲུབ་སྟེ། ཆུར་བ་ལ་སོགས་པའི་དོན་བྱེད་པ་ན་ཞོ་ལ་སོགས་པ་ཡང་འགྲུབ་པ་བཞིན་ནོ། །ད་ནི་གླེང་གཞི་བརྗོད་པར་བྱ་སྟེ། གླེང་གཞི་ཐུབ་པས་གསུངས་པ་འདི། །དེ་ཡིས་གདུལ་བའི་དབང་མཛད་ནས། །རྣམ་པ་ལྔ་དང་ལྡན་པ་སྟེ། །ཕོངས་པ་རྣམ་པ་གསུམ་དུ་འདོད། །གླེང་གཞི་དེས་གདུལ་བ་རྣམས་ལ་དགོངས་པར་མཛད་ནས། བཅོམ་ལྡན་འདས་ཀྱིས་གླེང་གཞི་རྣམ་པ་དང་ལྡན་པ་བཀའ་སྩལ་ཏོ། །གླེང་གཞི་དེ་ནི་གཟུངས་བསྟན་པའི་ཕྱིར་ཏེ། འདི་ལྟར་བཅོམ་ལྡན་འདས་སྐུ་རུས་པ་རྡོ་རྗེ་ལྟར་སྲ་བའི་སྐུ་མངའ་བ་ཡང་མི་རྟག་པར་ཡང་རྟོགས་ཏེ། ལྷག་པར་ཆེས་སྐྱོ་བ་སྐྱེས་ནས་གཟུངས་མཉན་པའི་སྣོད་དུ་འགྱུར་ཞིང་མྱུར་དུ་བསྒྲུབ་པར་ཡང་འགྱུར་བས་དེའི་ཕྱིར་བཅོམ་ལྡན་འདས་ཀྱིས་བསྟན་ཏོ། །འཇིག་རྟེན་ན་ཡང་འཆི་བའི་ཚེ་སྣོད་དུ་གྱུར་པ་དག་ཁོ་ན་ལ་ཞེས་པ་སྟོན་པར་བྱེད་པས་དེའི་ཕྱིར་དེ་དང་འདྲ་བར་ཆོས་ཀྱི་རྣམ་གྲངས་འདི་ཉིད་ཆོས་ཐམས་ཅད་ཀྱི་ནང་ན་གཅེས་པར་སྟོན་ཅིང་གཙོ་བོ་ཡིན་པར་ཡང་སྟོན་ཏོ། །རྣམ་པ་ལྔ་དང་ལྡན་པ་ནི་འདི་ལྟ་སྟེ། ཐུགས་རྗེ་ཆེན་པོ་དང་ལྡན་པ་ནི། དེ་ཡང་བཅོམ་ལྡན་འདས་ཀྱིས་ཞེས་བྱ་བས་བསྟན་ཏེ། འདི་ལྟར་དབང་ཕྱུག་ལ་སོགས་པའི་ཡོན་ཏན་དང་ལྡན་བཞིན་དུ། སྐུ་ཚེའི་འདུ་བྱེད་དག་འདོར་བར་མཛད་པ་ནི་ཐུགས་རྗེ་ཆེན་པོ་མེད་པར་མི་རུང་ངོ་། །སྨོན་ལམ་ཆེན་པོ་དང་ལྡན་པ་ནི། དེ་ཡང་དྲན་པ་དང་ལྡན་ཞིང་ཞེས་པས་བསྟན་ཏེ། སྔོན་བཅོམ་ལྡན་འདས་ཀྱིས་བདག་གི་སྲོག་ཡོངས་སུ་བཏང་བས་ཀྱང་སེམས་ཅན་གྱི་དོན་བྱའོ་ཞེས་སྨོན་ལམ་བཏབ་པོ། །དེའི་ཕྱིར་དྲན་པ་དང་ལྡན་བཞིན་དུ་སྐུ་ཚེའི་འདུ་བྱེད་དག་བོར་ཏེ། སྔོན་གྱི་སྨོན་ལམ་དྲན་པས་བོར་རོ་ཞེས་བྱ་བའི་ཐ་ཚིག་གོ། །ཤེས་རབ་དང་ལྡན་པ་ནི། དེ་ཡང་མཁྱེན་བཞིན་དུ་ཞེས་བྱ་བས་བསྟན་ཏེ། འདི་ལྟར་མཁྱེན་བཞིན་དུ་སྐུ་ཚེའི་འདུ་བྱེད་དག་བོར་རོ། །དེ་ནི་འདི་སྐད་དུ་ཅི་ནས་གཞན་གྱི་དོན་འགྲུབ་པར་འགྱུར་བ་དེ་ལྟར་བོར་རོ་ཞེས་བསྟན་པར་འགྱུར་རོ། །ཕོངས་པའི་དངོས་པོ་གཏོང་བ་དང་ལྡན་པ་ནི། ཚེའི་འདུ་བྱེད་དག་གཏང་བར་གྱུར་ཏོ་ཞེས་བྱ་བས་བསྟན་ཏེ། དེ་ཡང་བཅོམ་ལྡན་འདས་ཀྱིས་བདག་ཅག་གི་ཕྱིར་སྐུ་ཡོངས་སུ་བཏང་བ་ཡང་མཛད་དོ་སྙམ་དུ་འཛིན་པ་རྣམས་བཅོམ་ལྡན་འདས་ལ་གུས་པ་བསྐྱེད་པའི་ཕྱིར་རོ། །ཕོངས་པའི་དངོས་པོ་ཡང་རྣམ་པ་གསུམ་གྱིས་བསྟན་ཏེ། ནང་གི་ཁྱད་པར་དུ་འཕགས་པ་དང་། མང་བ་དང་། ཡོངས་སུ་གཏོང་བའི་ཡུལ་གྱིས་བསྟན་ཏོ། །ཚེ་རྣམས་བཏང་བར་གྱུར་ཏོ་ཞེས་བྱ་བས་ཀྱང་ཆོག་ན། འདུ་བྱེད་སྨོས་པ་ནི་ཚེའི་རྫས་གུད་ན་མེད་པར་བསྟན་པའི་ཕྱིར་རོ། །དགོས་པ་དང་ལྡན་པ་ནི། དེ་ཡང་འདི་དག་ཅེས་བྱ་བ་ལ་སོགས་པས་བསྟན་ཏེ། དེ་ཡང་བཅོམ་ལྡན་འདས་ནི་དགོས་པ་མངོན་དུ་གཏོང་བར་བསྟན་པ་ཡིན་ནོ། །དགོས་པ་དེ་ཡང་རྣམ་པ་ལྔས་བསྟན་ཏེ། ཉེ་བ་མངོན་སུམ་གྱི་དངོས་པོ་བསྟན་པ་དང་། གྲངས་བསྟན་པ་དང་། དུས་བསྟན་པ་འདི་གསུམ་ནི། སངས་རྒྱས་ཀྱིས་གདུལ་བའི་སེམས་ཅན་ཡོངས་སུ་སྨིན་པར་མཛད་པའི་དུས་འདིར་ཟད་དོ་ཞེས་བསྟན་པའི་ཕྱིར་རོ། །འདས་པ་བསྟན་པ་དང་། ཡོངས་སུ་མྱ་ངན་ལས་འདའ་བར་བསྟན་པ་འདི་ནི། སངས་རྒྱས་ཀྱིས་གདུལ་བའི་སེམས་ཅན་ཡོངས་སུ་སྨིན་པར་མཛད་པའི་དུས་མེད་པར་འགྱུར་བ་བསྟན་པའི་ཕྱིར་རོ། །གལ་ཏེ་ཚེའི་འདུ་བྱེད་རྣམས་བཏང་བར་གྱུར་ན། འདི་དག་ཅེས་བྱ་བ་ལ་སོགས་པའི་ཚིག་ཇི་ལྟ་བུ་ཞེ་ན། སྨྲས་པ། འདི་དག་ལ་སོགས་ཚིག་གིས་ནི། །དེ་དག་བྱིན་གྱིས་བརླབ་པར་བསྟན། །ཟླ་བ་གསུམ་པོ་འདི་དག་འདས་ནས་ཡོངས་སུ་མྱ་ངན་འདའོ་ཞེས་བྱ་བའི་ཚིག་འདིས་ཚེའི་འདུ་བྱེད་དེ་དག་བྱིན་གྱིས་བརླབ་པར་བཅོམ་ལྡན་འདས་ཀྱིས་བསྟན་ཏོ། །དེ་ནི་བདུད་གཉིས་བཅོམ་པ་ཡིས། །གདུལ་བ་ལ་ནི་ཐུགས་བརྩེ་ཕྱིར། །འཆི་བདག་དང་ཕུང་པོའི་མཚན་ཉིད་ཀྱི་བདུད་གཉིས་བཅོམ་པས་གདུལ་བ་གང་ཡིན་པ་དེ་ལ་ཐུགས་བརྩེ་བའི་ཕྱིར་བྱིན་གྱིས་བརླབ་པ་དེ་མཛད་དེ། འཆི་བ་ལ་དབང་བར་བསྟན་པའི་ཕྱིར་ནི་བཏང་ངོ་། །ཕུང་པོ་ལ་དབང་མངའ་བར་བསྟན་པའི་ཕྱིར་ནི་བྱིན་གྱིས་བརླབས་ཏེ་དེ་ལྟར་ངེས་པར་གཟུང་བར་བྱའོ། །ཡང་ན་འཆི་བདག་དང་ཕུང་པོ་གཉིས་ལས་བཟློག་སྟེ་ཤེས་པར་བྱའོ། །ཡང་ན་ལྷག་པ་རྣམས་ནི་བཏང་ལ། ཟླ་བ་གསུམ་གྱི་དུས་ཚུན་ཆད་ནི་གཞག་པར་ཁོང་དུ་ཆུད་པར་བྱའོ། །འདི་ལ་ཡང་བཅོམ་ལྡན་འདས་ལ་བདུད་གཉིས་བཅོམ་པ་མངའ་སྟེ་སྦྱར་བར་བྱའོ། །གདུལ་བའི་བསམ་པའི་བྱེ་བྲག་གིས་མྱ་ངན་ལས་འདའ་བར་འཇུག་པའི་ཕྱིར། སྤྲུལ་པའི་སྐུས་ནི་མྱ་ངན་ལས། །འདའ་བར་འདོད་ཀྱི་ཅིག་ཤོས་མིན། །ལོངས་སྤྱོད་རྫོགས་པའི་སྐུས་མྱ་ངན་ལས་འདའ་བར་ནི་མི་འདོད་དོ། །ཅིའི་ཕྱིར་ཞེ་ན། གཏན་དུ་གནས་པའི་རྒྱུ་ལྡན་པ། །སངས་རྒྱས་རྣམས་ནི། མྱ་ངན་འདའ་བར་ཡང་མི་རིགས། གཏན་དུ་གནས་པའི་རྒྱུ་ནི་བསོད་ནམས་དང་ཡེ་ཤེས་ཀྱི་ཚོགས་ཡིན་ལ། དེ་ཡང་གུས་པར་བསྐལ་པ་གྲངས་མེད་པ་དུ་མར་རྒྱུན་དུ་བསྒྲུབས་པའི་ཕྱིར་ཕུལ་དུ་བྱུང་བ་སྟེ། དེ་བས་ན་འབྲས་བུ་ནི་རྒྱུ་དང་འདྲ་བའི་ཕྱིར། དེའི་འབྲས་བུ་ཡང་ཕུལ་དུ་བྱུང་བ་ཡིན་པས་ལོངས་སྤྱོད་རྫོགས་པའི་སྐུས་མྱ་ངན་ལས་འདའ་བར་ག་ལ་འགྱུར། དེ་ལྟ་མ་ཡིན་དུ་ཟིན་ན་ཆེན་པོའི་འབྲས་བུ་ཆུང་ངུར་གྱུར་ལ། ཆུང་ངུའི་འབྲས་བུ་ཆེན་པོར་འགྱུར་བས་སྲོག་གཅོད་པ་སྤངས་པ་ལ་སོགས་པ་དང་། ཚེ་རིང་བར་འགྱུར་བ་ལ་སོགས་པ་དག་རྒྱུ་དང་འབྲས་བུའི་དངོས་པོ་ཉིད་དུ་མི་འགྱུར་བའི་རིགས་སོ། །གལ་ཏེ་ཚེ་དཔག་ཏུ་མེད་པ་ཞིག་ལས་བཅོམ་ལྡན་འདས་ཀྱིས་སྐུ་ཚེ་བཏང་བའི་ཕྱིར་མྱ་ངན་ལས་འདས་སོ་ཞེ་ན་མ་ཡིན་ཏེ། རྫུ་འཕྲུལ་གྱི་རྐང་པ་བཞི་པོ་འདི་དག་ཅེས་བྱ་བ་ལ་སོགས་པ་གསུངས་པའི་ཕྱིར་རོ། །ཡང་ཞེས་བྱ་བ་ནི་དམ་བཅས་པ་མ་རྫོགས་པ་རྣམས་མྱ་ངན་ལས་འདའ་བར་མི་རིགས་པ་ཁོ་ནར་ངེས་པར་གཟུང་བར་བྱ་སྟེ། དགེ་བ་གཞན་ཡང་དམ་བཅས་པ་ལས་འགལ་བར་མི་བྱེད་ན། དགེ་བ་མ་ལུས་པའི་བླ་མར་གྱུར་པ། སངས་རྒྱས་བཅོམ་ལྡན་འདས་རྣམས་ལྟ་མཛད་པར་ག་ལ་འགྱུར་བ་དེ་དག་གིས་ནི་བདག་ཅག་གིས་སེམས་ཅན་ཐམས་ཅད་བླ་ན་མེད་པའི་བྱང་ཆུབ་ཏུ་དགོད་པར་བྱའོ་ཞེས་བྱ་བ་ལ་སོགས་པར་ཐུགས་དམ་བཅས་ཏེ། དེ་བས་ན་ཇི་སྲིད་དུ་གཟུང་བར་བྱ་བའི་སེམས་ཅན་གཅིག་ཙམ་ཡོད་པ་དེ་སྲིད་དུ་དེ་དག་མྱ་ངན་ལས་འདའ་བ་ནི་མི་རིགས་པ་དང་། སངས་རྒྱས་ཀྱིས་གདུལ་བའི་སེམས་ཅན་མེད་དུ་ཟིན་ཀྱང་བརྒྱ་བྱིན་ལ་སོགས་པའི་གཟུགས་ཀྱིས་གདུལ་བ་ཡོད་པའི་ཕྱིར་རོ། །དེ་བས་ན་སྤྲུལ་པའི་སྐུ་ཁོ་ནས་མྱ་ངན་ལས་འདའ་བར་འདོད་དེ། དེ་ལྟར་ཡང་ངེས་པར་གཟུང་བར་བྱའོ། །སངས་རྒྱས་མྱ་ངན་ཡོང་མི་འདའ། །ཆོས་ཀྱང་ནུབ་པར་མི་འགྱུར་ཏེ། །སེམས་ཅན་ཡོངས་སུ་སྨིན་མཛད་ཕྱིར། །ཡོངས་སུ་མྱ་ངན་འདའ་བ་སྟོན། །ཞེས་བྱ་བ་ལ་སོགས་པ་གསུངས་པའི་ཕྱིར་རོ། །ད་ནི་འཁོར་རྣམས་བསྡུ་བ་བསྟན་ཏེ། །རྫོགས་སངས་རྒྱས་ཀྱི་མཐུས་བསྟངས་པས། །མ་བསྒྲིམས་བསྒྲིམས་དང་བསྒྲིམས་པ་ཡིས། །འཕྱས་སུ་འགྱུར་བ་བསལ་བའི་ཕྱིར། །བསྡུ་བ་རྣམ་པ་གསུམ་དུ་གཞག །བཅོམ་ལྡན་འདས་ཀྱིས་བསྡུ་བ་རྣམ་པ་གསུམ་བྱེད་དུ་བཅུག་པ་ལ། མ་བསྒྲིམས་པར་བསྡུས་པ་ནི་མཽད་གལ་གྱི་བུ་ཆེན་པོས་བྱས་པ་སྟེ། དེ་བས་ན་སྟོང་སྨོས་པ་ཡིན་ཏེ། འཇིག་རྟེན་གྱི་ཁམས་སྟོང་དུ་ནི་ཉན་ཐོས་ཀྱིས་ཀྱང་མངོན་པར་འདུ་བྱ་མི་དགོས་པར་བྱེད་ནུས་སོ། །བསྒྲིམས་ཏེ་བསྡུས་པ་ནི་ཤཱ་རིའི་བུས་བྱས་པ་སྟེ། དེ་བས་ན་དེར་རྫུ་འཕྲུལ་མངོན་པར་བྱ་བར་སྨོས་སོ། །བསྒྲིམས་ཏེ་བསྡུས་པ་ཅིག་ཤོས་ནི། བྱང་ཆུབ་སེམས་དཔའ་ཆེན་པོ་རྣམས་ཀྱིས་བྱས་པ་སྟེ། དེ་བས་ན་དེ་བལྟས་ཞེས་སྨོས་ཏེ། ཏིང་ངེ་འཛིན་གྱི་བྱེ་བྲག་གིས་བསྐྱེད་པའི་རྟགས་ཀྱིས་བྱེ་བྲག་འགའ་ལ་བལྟས་ཞེས་བྱའོ། །འདི་དག་ཐམས་ཅད་ཀྱང་བཅོམ་ལྡན་འདས་ཀྱིས་མཛད་པ་ཡིན་ཏེ། དང་པོ་དང་ཐ་མ་ནི་བཀས་མཛད་དོ། །བར་མ་ནི་མཐུས་མཛད་དེ། བཅོམ་ལྡན་འདས་ཀྱིས་གང་གིས་མ་མཛད་པའི་རྣམ་པ་དེ་མེད་པར་བསྟན་པའི་ཕྱིར་རོ། །བསྡུ་བ་གསུམ་པོ་འདི་ལྟ་བུ་བཅོམ་ལྡན་འདས་ཀྱིས་མཛད་པ་འདི་ཡང་། ལ་ལ་འདི་སྙམ་དུ་བཅོམ་ལྡན་འདས་ནི་གདུལ་བའི་ཕྲིན་ལས་ཡོངས་སུ་མ་རྫོགས་པར་མྱ་ངན་ལས་འདས་སོ་སྙམ་དུ་འཕྱ་བར་འགྱུར་བ་བསལ་བའི་ཕྱིར་རོ། །དེ་བས་ན་ཉན་ཐོས་ཆེན་པོ་ལ་སོགས་པ་སྨོས་སོ། །དེ་ལྟ་མ་ཡིན་དུ་ཟིན་ན་སུ་ཡང་རུང་བ་ལ་བཅོམ་ལྡན་འདས་ཀྱིས་བྱིན་གྱིས་བརླབས་ན་ཡང་ཐམས་ཅད་སྡུད་ནུས་པས་ཉན་ཐོས་ཆེན་པོ་ལ་སོགས་པ་སྨོས་ཅི་དགོས་ཏེ། སྨོས་པས་ན་གང་དུ་བཅོམ་ལྡན་འདས་ཀྱིས་འདི་ལྟ་བུ་དག་བྱིན་གྱིས་བརླབས་ཏེ། འཁོར་སྡུད་པ་དེར་སངས་རྒྱས་ཀྱིས་གདུལ་བའི་སེམས་ཅན་གང་འདུ་བར་མི་འགྱུར་བ་དང་། ཡོངས་སུ་སྨིན་པར་མི་འགྱུར་བ་སུ་ཡང་མེད་དོ་ཞེས་སྟོན་ཏོ། །དེ་བས་ན་གདུལ་བའི་དོན་ཡོངས་སུ་རྫོགས་ནས་གདོད་བཅོམ་ལྡན་འདས་ཡོངས་སུ་མྱ་ངན་ལས་འདས་སོ། །བཙུན་པར་མི་འགྱུར་བསལ་བའི་ཕྱིར། །ཐུབ་པས་མངོན་དུ་མ་མཛད་དེ། །གུས་པ་བསྐྱེད་པར་བྱ་བའི་ཕྱིར། །གཞན་དག་སྡུད་པར་བྱེད་དུ་བཅུག །བཅོམ་ལྡན་འདས་ཉིད་ཀྱི་མཛད་སྤྱོད་མོད་ཀྱི། མི་བཙུན་པར་འགྱུར་བ་བསལ་བའི་ཕྱིར་གདུལ་བ་ཐམས་ཅད་བདག་ཉིད་ཀྱིས་བསྡུ་བ་མ་མཛད་དོ། །དེ་བས་ན་གུས་པ་བསྐྱེད་པའི་ཕྱིར་བཅོམ་ལྡན་འདས་ཀྱིས་མཽད་གལ་གྱི་བུ་ཆེན་པོ་ལ་སོགས་པ་ལ་སྡུད་དུ་བཅུག་གོ། །དེས་འདུལ་དབང་མཛད་བཅོམ་ལྡན་གྱིས། །དེ་གཉིས་མྱ་ངན་འདས་པར་བསྟན། །འདིར་ནི་དེ་གཉིས་སྨོས་པའི་ཕྱིར། །ཡང་དག་མྱ་ངན་འདས་མ་ཡིན། །འཕགས་པ་ཤཱ་རིའི་བུ་དང་། མཽད་གལ་གྱི་བུ་གཉིས་དེའི་སྔ་རོལ་དུ་མྱ་ངན་ལས་འདས་པས་གདུལ་བའི་སེམས་ཅན་རྣམས་ཀྱི་དབང་དུ་མཛད་ནས་བཅོམ་ལྡན་འདས་ཀྱིས་དེ་གཉིས་མྱ་ངན་ལས་འདས་པར་བསྟན་པ་ཡིན་གྱི་དེ་གཉིས་ལ་འདིར་བསྐུལ་བ་མཛད་པས་ཡང་དག་པའི་དོན་དུ་དེ་གཉིས་མྱ་ངན་ལས་འདས་པ་ནི་མ་ཡིན་ནོ། །བསྡུ་བ་གསུམ་ལ་སྐོ་བ་དང་། །བསྐོ་བར་བྱ་བའི་བྱ་བ་དང་། །དེ་ཡི་འབྲས་བུ་གོ་རིམས་དག །བསྟན་པ་ཟད་པར་འདོད་པ་ཡིན། །བསྡུ་བ་རྣམ་པ་གསུམ་ལ་ཡང་མདོར་བསྡུ་བ་སྐོ་བ་པོའི་བྱ་བ་དང་། བསྐོ་བར་བྱ་བའི་བྱ་བ་དང་། དེའི་འབྲས་བུ་དང་། འབྲས་བུའི་གོ་རིམས་བསྟན་པར་ཁོང་དུ་ཆུད་པར་བྱའོ། །དེ་ལ་བསྡུ་བ་དང་པོ་ལ་སྐོ་བ་པོའི་བྱ་བ་ནི་མངོན་དུ་ཕྱོགས་པར་བྱ་བ་དང་། བྱ་བ་ལ་བསྐོ་བའོ། །བྱ་བ་ལ་བསྐོ་བ་དེ་ལ་ཡང་གཙོ་བོ་མ་ཡིན་པའི་བྱ་བ་དང་། གཙོ་བོའི་བྱ་བ་དང་རྣམ་པ་གཉིས་སོ། །དེ་ཡང་སོང་ལ་ཞེས་བྱ་བ་ལ་སོགས་པས་གོ་རིམས་བཞིན་བསྟན་ཏོ། །བསྐོ་བར་བྱ་བའི་བྱ་བ་ནི་བཀའ་མཉན་པ་དང་། དེ་བཞིན་དུ་སྒྲུབ་པ་སྟེ། དེ་བཞིན་དུ་བསྒྲུབ་པ་ནི། བཅོམ་ལྡན་འདས་ཀྱིས་བཀའ་སྩལ་མ་ཐག་ཏུ་རི་རབ་ཀྱི་རྩེ་མོ་ལ་འདུག་སྟེ། སྐད་ཅིག་གིས་གོ་བར་བྱས་པའོ། །སྐད་ཅིག་དེ་ཉིད་ལ་ཞེས་བྱ་བ་ནི་བཅོམ་ལྡན་འདས་ལ་གུས་པར་བྱེད་པ་བསྟན་པའི་ཕྱིར་དང་། གདུལ་བའི་དུས་ལས་ཡོལ་བ་བསལ་བའི་ཕྱིར་དང་། གདུལ་བའི་བྱ་བ་དག་ལ་གུས་པར་བྱེད་པ་བསྟན་པའི་ཕྱིར་རོ། །མངོན་པར་འདུ་བྱེད་པ་མེད་པའི་རྫུ་འཕྲུལ་དང་ལྡན་པར་བསྟན་པར་ཡང་མངོན་ནོ། །འདི་ནི་འདུག་པ་དང་གོ་བར་བྱེད་པ་གཉིས་ཀ་ལ་ཡང་སྦྱར་བར་བྱའོ། །རང་གི་རྫུ་འཕྲུལ་གྱི་སྟོབས་སྨོས་པ་ཡང་གཉིས་ཀ་དང་སྦྱར་བར་བྱའོ། །རི་རབ་ཀྱི་རྩེ་མོ་སྨོས་པ་དང་། སྟོང་གི་འཇིག་རྟེན་གྱི་ཁམས་སུ་གོ་བར་བྱེད་པ་འདི་གཉིས་ནི་ཆེ་བ་ཉིད་བསྟན་པའི་ཕྱིར་ཏེ། འདིས་ནི་གང་ན་འདི་ལྟ་བུའི་སྡུད་པ་པོ་ཡོད་པ་དེར་ནི་སངས་རྒྱས་ཀྱིས་གདུལ་བ་སུ་ཡང་མི་འདུལ་བ་མེད་པར་བསྟན་ཏོ། །གོ་བར་བྱེད་པ་ཡང་དོན་རྣམ་པ་བརྒྱད་དང་ལྡན་ཏེ་གུས་པར་ཉམས་སུ་ལེན་དུ་གཞུག་པའི་ཕྱིར་མངོན་དུ་ཕྱོགས་པར་བྱ་བའི་དོན་དང་། རྗེས་སུ་ཆགས་པ་ལ་སོགས་པ་མེད་པར་ཤེས་པར་བྱ་བའི་ཕྱིར་མཐའ་དག་གི་དོན་དང་། བཀའ་དང་མཐུན་པའི་དོན་བསྒྲུབ་པའི་ཕྱིར་གཞིའི་དོན་དང་། དེ་ཁོ་ན་རྟོགས་པ་དག་སློབ་མར་གྱུར་ཏེ། དེ་ལྟ་བུ་དག་ལ་ཡང་ཕན་འདོགས་པས་ཆོས་ཀྱི་རྣམ་གྲངས་ཀྱི་ཆེ་བ་ཉིད་བསྟན་པའི་ཕྱིར་ཆོས་ཀྱི་དེ་ཁོ་ན་རྟོགས་པའི་དོན་དང་། བསྐུལ་བ་ལ་སོགས་པའི་མ་ལོངས་པ་མེད་པ་བསྟན་པའི་ཕྱིར་འཇུག་པར་བྱ་བའི་དོན་དང་། དེ་དག་ཉིད་ལ་ཆོས་བསྟན་པས་ཕན་འདོགས་པའི་ཕྱིར་ཆོས་འདོད་པའི་དོན་དང་། རང་གི་དོན་རབ་ཏུ་བསྟན་པས་དེ་དག་གི་སྤྲོ་བ་བསྐྱེད་པའི་ཕྱིར་འབྲས་བུ་ཉེ་བར་བསྟན་པའི་དོན་དང་། བསྒྲིམས་པ་མེད་པར་འདུལ་བར་བསྟན་པའི་ཕྱིར་རང་དབང་ཡོད་པར་བསྟན་པའི་དོན་ཏོ། །དེ་གཉིས་ཀྱི་འབྲས་བུ་ཡང་རྣམ་པ་གསུམ་གྱིས་བསྟན་ཏེ། གྲངས་དང་། ཉོན་མོངས་པ་སྤངས་པ་དང་ལྡན་པ་དང་འདུས་པའོ། །དེའི་གོ་རིམས་ཀྱང་རྣམ་པ་བཞིས་བསྟན་ཏེ། མཐོང་བ་དང་ཕྱག་འཚལ་བ་དང་། བསྐོར་བ་བྱེད་པ་དང་། འཁོད་པའོ། །དེ་དག་ཀྱང་དངོས་པོས་གོ་རིམས་སུ་གྱུར་པར་རིག་པར་བྱ་སྟེ། ལྷགས་པའི་འོག་ཏུ་ཐོག་མ་ཁོ་ནར་མཐོང་ངོ་། །དེ་ནས་མཐོང་བས་ལུས་ཚིམ་པར་གྱུར་ནས་ཕྱག་འཚལ་ལོ། །དེ་ནས་དད་པའི་ཤུགས་མངོན་པར་འཕེལ་ནས་བསྐོར་བ་བྱེད་དོ། །དེ་ནས་གོ་རིམས་བཞིན་བྱས་ནས་གོང་གི་ཕྱིར་ལྷགས་པ་དེའི་ཕྱིར་འཁོད་དོ། །བསྡུ་བ་གཉིས་པ་ལ་སྐོ་བ་པོའི་བྱ་བ་ནི་སངས་རྒྱས་ཀྱི་མཐུ་སྟེ། མཐུ་ནི་དབང་ཡིན་ནོ། །བསྐོ་བར་བྱ་བའི་བྱ་བ་ནི་ཐབས་དཔྱོད་པ་དང་། དེའི་འབྲས་བུ་དཔྱོད་པ་དང་། ཐབས་སྒྲུབ་པ་དང་། དེའི་འབྲས་བུ་བསྒྲུབ་པ་སྟེ། རྟོག་པ་མངོན་དུ་གཏོང་བ་ནི་ཐབས་དང་དེའི་འབྲས་བུ་དཔྱད་ནས་དེ་བསྒྲུབས་པས་འབྲས་བུ་འགྲུབ་པར་བྱེད་དོ། །དེ་བས་ན་དེ་དག་གོ་རིམས་ནི་དེ་ལྟ་བུ་ཡིན་ནོ། །འབྲས་བུ་དཔྱོད་པ་ཡང་རྣམ་པ་ལྔ་སྟེ། མཐའ་དག་པ་དག་དང་གཞི་དང་། གདུལ་བ་དང་། དེའི་རབ་ཏུ་དབྱེ་བ་དང་། རང་གི་ངོ་བོ་སྟེ། ཉན་ཐོས་ཀྱི་ཐེག་པ་ཅན་ལ་སོགས་པ་སྨོས་པའི་ཕྱིར་རོ། །བྱང་ཆུབ་མཆོག་གི་རིགས་ཡིན་ལ། །བློ་ཞན་བཤེས་གཉེན་དམན་བསྟེན་པས། །གང་དག་དམན་པའི་ལམ་བསྟེན་པ། །དེ་དག་འདིར་བཀུག་ཤེས་པར་བྱ་སྟེ་དེ་ལྟ་མ་ཡིན་ན་ཆོས་བསྟན་པ་འདི་དག་ལ་ཕན་མེད་པས་དེ་དག་བཀུག་པས་ཅི་ཞིག་བྱ་སྟེ། མདོ་རྫོགས་ཀྱི་བར་དུ་ཡང་གཞན་ནས་ཇི་སྐད་འབྱུང་བ་བཞིན་དུ། ཉན་ཐོས་ཀྱི་ཐེག་པ་ཅན་རྣམས་ཀྱིས་འབྲས་བུ་ནི་ཅི་ཡང་མ་བསྟན་ལ། བཅོམ་ལྡན་འདས་ཀྱིས་ཆོས་བསྟན་པ་ནི་འབྲས་བུ་མེད་པ་མ་ཡིན་ནོ། །དེ་ལྟ་བས་ན་དེ་དག་ལ་ཡང་དེའི་ཚེ་ཕྱིར་མི་ལྡོག་པའི་ས་ལ་འགོད་པ་ལ་སོགས་པའི་འབྲས་བུ་ཡོད་པར་ངེས་པར་གཟུང་བར་བྱའོ། །དེ་བས་ན་དེ་དག་ནི་སངས་རྒྱས་ཀྱི་རིགས་ཅན་ཁོ་ན་ཡིན་པ་ལས། ཅི་ཞིག་ལྟར་གྱུར་ཏེ། ཐེག་པ་གཞན་ལ་ཞུགས་པར་ཤེས་པར་བྱའོ། །འབྲས་བུ་དེའི་གོ་རིམས་ཀྱང་རྣམ་པ་བཞི་སྟེ། སྔ་མ་བཞིན་དུ་ངེས་པར་གཟུང་ངོ་། །བསྡུ་བ་གསུམ་པ་ལ་སྐོ་བ་པོའི་བྱ་བ་ནི། མངོན་དུ་ཕྱོགས་པར་བྱ་བ་དང་། བྱ་བ་ལ་བསྐོ་བའོ། །དེ་དག་རྣམ་པ་བཞི་དག་གིས། །མངོན་དུ་ཕྱོགས་པར་མཛད་པ་ན། །བསྡུ་བའི་མཐའ་དག་ཉིད་དང་ནི། །ཆེན་པོ་ཉིད་ཀྱང་རྒྱལ་བས་བསྟན། །མངོན་དུ་ཕྱོགས་པར་བྱ་བ་ཡང་རྣམ་པ་བཞི་སྟེ། ཏིང་ངེ་འཛིན་ཐོབ་པ་ནི། མཐོང་བ་དོན་ཡོད་ཅེས་བྱ་བའི་ཏིང་ངེ་འཛིན་ཏེ། དེ་ཐོབ་པའི་ཕྱིར་བྱང་ཆུབ་སེམས་དཔའ་ཡང་མཐོང་བ་དོན་ཡོད་ཅེས་གསུངས་པ་དང་། ཏིང་ངེ་འཛིན་དེའི་འབྲས་བུ་ཐོབ་པ་ནི། ཏིང་ངེ་འཛིན་འགའ་ཞིག་འབྲས་བུ་མཐོང་བ་དོན་ཡོད་པ་ཉིད་དེ། དེ་ཐོབ་པའི་ཕྱིར་མཐོང་བ་དོན་ཡོད་ཅེས་གསུངས་པ་དང་། སྨོན་ལམ་གྱི་འབྲས་བུ་ཐོབ་པ་ནི། །སྔོན་གྱི་སྨོན་ལམ་གྱི་འབྲས་བུ་ཐོབ་པར་བྱ་བའི་ཕྱིར། མཐོང་བ་དོན་ཡོད་ཅེས་གསུངས་པ་དང་། ཡོན་ཏན་བསྒྲུབས་པའི་འབྲས་བུ་ཐོབ་པ་དེས་གང་གིས་མཐོང་བ་དོན་ཡོད་པར་གྱུར་པ་དེ་ལྟ་བུའི་ཡོན་ཏན་བསྒྲུབས་པས་ན་དེའི་ཕྱིར་མཐོང་བ་དོན་ཡོད་གསུངས་པའོ། །དེའི་མཐོང་བ་དོན་ཡོད་པ་ཉིད་ནི། དེ་མཐོང་བ་འབྲས་བུ་མེད་པར་མི་འགྱུར་བའི་ཕྱིར་རོ། །དེ་བཞིན་དུ་བྱང་ཆུབ་སེམས་དཔའ་ཐམས་ཅད་ལ་ཡང་སྦྱར་བར་བྱའོ། །རྣམ་པ་འདི་དག་གིས་བསྡུ་བའི་མཐའ་དག་ཉིད་དང་། ཆེན་པོ་ཉིད་བསྟན་ཏེ། སྡུད་པ་པོ་རྣམས་ཆེ་བའི་ཕྱིར་རོ། །བྱ་བ་ལ་བསྐོ་བ་ནི་རྣམ་པ་གཉིས་ཏེ། གཙོ་བོ་མ་ཡིན་པའི་བྱ་བ་དང་། གཙོ་བོའི་བྱ་བའོ། །གཙོ་བོ་མ་ཡིན་པའི་བྱ་བ་ཡང་རང་གི་ངོ་བོ་དང་། ཡུལ་གྱིས་རྣམ་པ་གཉིས་སུ་འགྱུར་ཏེ། ཡུལ་ནི་ཐམས་ཅད་ཀྱི་ཞེས་བྱ་བ་ལ་སོགས་པ་སྟེ། དེ་ཕན་ཆད་ནས་སངས་རྒྱས་ཀྱིས་གདུལ་བ་མེད་པའི་ཕྱིར་རོ། །གཙོ་བོའི་བྱ་བ་ནི་མཐའ་དག་དང་། གདུལ་བའི་རང་གི་ངོ་བོ་དང་། དེའི་དབྱེ་བ་དང་། གཞི་དང་། རང་གི་ངོ་བོས་བསྟན་ཏེ། དེའི་གདུལ་བའི་རང་གི་ངོ་བོ་བསྟན་པ་ནི། ཉན་ཐོས་ལ་སོགས་པ་གཞན་སངས་རྒྱས་ཀྱིས་གདུལ་བ་མེད་པའི་ཕྱིར་རོ། །དེའི་དབྱེ་བ་བསྟན་པ་ནི། དེ་སྙེད་ཅིག་གི་དབྱེ་བས་ཐ་དད་པའི་བྱང་ཆུབ་སེམས་དཔའ་རྣམས་བཀུག་པའོ། །ཉན་ཐོས་ལ་སོགས་པ་གང་ཡིན་པ་དེ་དག་དགུག་པ་ལ་ཤིན་ཏུ་དཀའ་བ་ཅི་ཞིག་ཡོད་ན་མ་བཀུག་པར་ཞེ་ན། དེའི་ཕྱིར་དེ་དག་ལ་དེས་གདུལ་བ་མེད་པར་བསྟན་པའི་ཕྱིར་རོ། །སྲིད་པ་ཐ་མ་པ་ནི་ཚེ་འདི་ཉིད་ལ་མངོན་པར་རྫོགས་པར་འཚང་རྒྱ་བའོ། །སྐྱེ་བ་གཅིག་གིས་ཐོགས་པ་ནི་ཚེ་ཕྱི་མ་ལ་མངོན་པར་རྫོགས་པར་འཚང་རྒྱ་བའོ། །ཕྱིར་མི་ལྡོག་པ་ནི་ས་བརྒྱད་པ་ཐོབ་པ་རྣམས་སོ། །མི་སྐྱེ་བའི་ཆོས་ལ་བཟོད་པ་ཐོབ་པ་ནི་རབ་ཏུ་དགའ་བ་ལ་སོགས་པའི་ས་ཐོབ་པ་རྣམས་སོ། །དད་པས་མོས་པ་ནི་མོས་པས་སྤྱོད་པའི་ས་ཐོབ་པ་རྣམས་སོ། །སྲིད་པ་ཐ་མ་པ་སྨོས་པ་ནི་ཆོས་ཀྱི་རྣམ་གྲངས་ཀྱི་ཆེ་བ་ཉིད་བསྟན་པའི་ཕྱིར་ཏེ། བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པ་རྣམས་ལ་ཡང་ཕན་འདོགས་པ་ཡིན་པའི་ཕྱིར་རོ། །བསྡུ་བ་ཞེས་བྱ་བ་འདི་ནི་གཞན་ཡིན་ལ། དེ་ཡང་བསྡུ་བར་བྱ་བའི་བྱ་བ་བརྗོད་པར་འདོད་ན་རུང་སྟེ། དེ་ལྟ་ན་བསྒྲིམས་ཏེ་བསྡུ་བ་འདི་ཇི་ལྟར་རུང་ཞེ་ན། ཉེས་པ་མེད་དེ་འདི་ལྟར་གང་ཞིག་བསྒྲིམས་ཏེ་བསྡུ་བ་དང་། གང་ཡང་བསྒྲིམས་ནི་མི་དགོས་པ། །བརྗོད་པར་འདོད་པ་འདི་ལ་འདི། །འཇིག་རྟེན་སྤྱོད་པའི་ཚུལ་གྱིས་འཇུག །བྱ་བ་མ་སྦྱར་དུ་ཟིན་ཀྱང་ནུས་པ་ལ་སོགས་པ་མཐོང་བའི་དབང་གིས་སྒྲ་འདི་འཇིག་རྟེན་ན་སྦྱོར་ཏེ། ཚོང་བའི་གྲོང་ནན་གྱིས་སྡུས་ཤིག་ཅེས་བྱ་བ་ལ་སོགས་པ་དང་འདྲ་བས་ན་ཉེས་པ་མེད་དོ། །བསྐོ་བར་བྱ་བའི་བྱ་བ་ནི། བཀའ་མཉན་པ་དང་། དེ་བཞིན་དུ་བསྒྲུབ་པའོ། །དེའི་འབྲས་བུ་དང་། དེའི་གོ་རིམས་ཀྱི་དོན་ནི་ཕལ་ཆེར་གོང་དུ་ཐལ་བས་རྣམ་པར་མི་ཕྱེའོ། །ལེགས་སོ་ཞེས་བྱ་བའི་སྒྲ་ནི་འདིར་དེ་ལྟར་འཚལ་ལོ་ཞེས་བྱ་བའོ། །བརྗོད་དུ་མེད་པ་ནི་གྲངས་ཀྱི་བྱེ་བྲག་ཡིན་ཏེ། དེས་ཀྱང་བརྗོད་དུ་མེད་པའོ། །ཡང་ན་བརྗོད་དུ་མེད་པའི་ཡང་། བརྗོད་དུ་མེད་པ་ཉིད་གྲངས་ཀྱི་བྱེ་བྲག་ཡིན་ཏེ། བརྒྱ་ཞེས་བྱ་བ་ལ་སོགས་པ་བཞིན་ནོ། །དེ་ཡང་བྱེ་བ་ཁྲག་ཁྲིག་ཕྲག་འབུམ་གྱི་བྱེ་བྲག་ཡིན་ནོ། །ད་ནི་དགོས་པ་བརྟགས་ནས་ཕན་པ་ཆེ་བ་དང་། གདུལ་བའི་བྱེ་བྲག་དང་། གུས་པའི་བྱེ་བྲག་དང་། སྟོན་པ་པོའི་བྱེ་བྲག་དང་། དགོས་པའི་བྱེ་བྲག་དང་། རྣམ་པ་ལྔས་ཞུ་བ་བསྟན་ཏོ། །སྟོན་པ་པོ་ནི་བྱེ་བྲག་རྣམ་པ་གསུམ་གྱིས་ཁྱད་པར་དུ་འཕགས་ཏེ། གང་ཕྱིར་དེ་བཞིན་གཤེགས་པ་ནི། །སྐྱོན་དང་ཉོན་མོངས་ཕུང་པོ་བསྩལ། །དོན་ཀུན་ཡང་དག་མཁྱེན་པ་སྟེ། །དེ་ཕྱིར་རྒྱལ་ལ་ཞུ་བར་འོས། །གང་གི་ཕྱིར་ཕྱིན་ཅི་མ་ལོག་པར་གསུངས་པས་ན་དེ་བཞིན་གཤེགས་པ་སྟེ། དེའི་ཕྱིར་ཞུ་བར་འོས་ཏེ། དེ་ཡང་ཉོན་མོངས་པ་དང་ཤེས་བྱའི་སྒྲིབ་པ་སྤངས་པའི་ཕྱིར་རོ། །དེའི་དེ་ཡང་དོན་ཐམས་ཅད་ཡང་དག་པར་མཁྱེན་པའི་ཕྱིར་རོ། །ཡང་ན་གང་གི་ཕྱིར་ཡང་དག་པར་རྫོགས་པའི་སངས་རྒྱས་ཡིན་པ་དེའི་ཕྱིར་ཞུ་བར་འོས་ཏེ། དེའི་དེ་ཡང་ཉོན་མོངས་པ་དང་ཤེས་བྱའི་སྒྲིབ་པ་སྤངས་པའི་ཕྱིར་རོ། །དེའི་དེ་ཡང་དེ་བཞིན་གཤེགས་པ་ཡིན་པའི་ཕྱིར་ཏེ། བདེ་བར་གཤེགས་པ་རྣམས་ཀྱིས་བགྲོད་པ་དང་། རྗེས་སུ་བགྲོད་པའི་ལམ་དུ་གཤེགས་པའི་ཕྱིར་རོ་ཞེས་བྱ་བའི་ཐ་ཚིག་གོ། །དད་པས་མོས་པ་ལ་སོགས་པས། །གོང་ནས་གོང་དུ་འཐོབ་པའི་ཕྱིར། །གདུལ་བྱའི་བསམ་པའི་བྱེ་བྲག་གིས། །དོན་ནི་རྣམ་ལྔར་བསྟན་པ་ཡིན། །དགོས་པའི་བྱེ་བྲག་ནི་རྣམ་པ་ལྔ་སྟེ། དད་པས་མོས་པ་རྣམས་ཀྱིས་མི་སྐྱེ་བའི་ཆོས་ལ་བཟོད་པ་འཐོབ་པ་དང་། མི་སྐྱེ་བའི་ཆོས་ལ་བཟོད་པ་ཐོབ་པ་རྣམས་ཀྱིས་ཕྱིར་མི་ལྡོག་པའི་ས་འཐོབ་པ་དང་། དེ་རྣམས་ཀྱིས་སྐྱེ་བ་གཅིག་གིས་ཐོགས་པ་ཉིད་འཐོབ་པ་དང་། དེ་རྣམས་ཀྱིས་ཀྱང་སྲིད་པ་ཐ་མ་པ་ཉིད་འཐོབ་པ་དང་། སྲིད་པ་ཐ་མ་བ་རྣམས་ཀྱིས་ཀྱང་གཟུངས་ཀྱི་སྒོར་འཇུག་པ་འཐོབ་པའོ། །སྡུག་བསྔལ་ལ་སོགས་ཡུལ་རྣམས་ལ། །ནེམ་ནུར་བྱེད་པ་སོམ་ཉིར་བསྟན། །དེ་སྤངས་ས་ཐོབ་འདི་ཡིན་པར། །འདིར་ནི་དོན་གྱིས་བསྟན་པ་ཡིན། །དོན་གྱིས་ན་སྡུག་བསྔལ་ལ་སོགས་པའི་བདེན་པ་ལ་དམིགས་པའི་ཐེ་ཚོམ་སྤངས་ན། དད་པས་མོས་པ་རྣམས་ཀྱིས་ས་ཐོབ་པར་བསྟན་ཏོ། །སོམ་ཉི་སྤངས་པས་སྡུག་བསྔལ་ལ་སོགས་པའི་བདེན་པ་མཐོང་བས་སྤང་བར་བྱ་བའི་ཉོན་མོངས་པའི་ཚོགས་ཀྱང་སྤངས་པར་ཁོང་དུ་ཆུད་པར་བྱ་སྟེ། དེ་དག་ནི་ཅིག་ཅར་སྤོང་བར་འགྱུར་བའི་ཕྱིར་རོ། །ཐམས་ཅད་ཅེས་སྨོས་པ་ནི་བདེན་པ་བཞི་ལ་དམིགས་པའི་སོམ་ཉི་བསྡུ་བའི་ཕྱིར་རམ། ཆུང་ངུ་ལ་སོགས་པའི་བྱེ་བྲག་གིས་ཐ་དད་པ་བསྡུ་བའི་ཕྱིར་རོ། །ཕྱིར་མི་ལྡོག་པའི་ས་ནི་འདིར། །རྣམ་པ་གཉིས་ཀྱིས་འཐོབ་པར་བསྟན། །ས་དང་པོ་ཐོབ་པས་མི་སྐྱེ་བའི་ཆོས་ལ་བཟོད་པ་ཐོབ་པ་རྣམས་ཀྱིས་ནི་རང་གི་སྟོབས་དང་གཞན་གྱི་སྟོབས་རྣམ་པ་གཉིས་ཀྱིས་ཕྱིར་མི་ལྡོག་པའི་ས་ཐོབ་པར་བསྟན་ཏོ། །སྒྲིབ་པ་མེད་པ་ནི་ཉོན་མོངས་པ་དང་ཤེས་བྱའི་སྒྲིབ་པ་སྤངས་པའི་ཕྱིར་ཏེ། ཡེ་ཤེས་དང་སྤོབས་པ་གང་ལ་ཡོད་པ་དེའི་ངོ་བོ་ནི་ཞེས་བྱ་བར་ཚིག་རྣམ་པར་སྦྱར་རོ། །ཡང་ན་སྒྲིབ་པ་མེད་པ་ནི་ཐམས་ཅད་མཁྱེན་པའི་ཡེ་ཤེས་ཏེ། འདིས་སྣང་བར་བྱེད་པས་དེའི་ངོ་བོ་ཉིད་དེ་ཡིན་པས་ཡང་ངེས་པར་གཟུང་བར་བྱའོ། །འདིས་མི་གཡོས་པའི་ས་བསྟན་ཏེ། དེ་ནི་རང་གི་སྟོབས་ཡིན་ནོ། །གཞན་གྱི་སྟོབས་ནི་རྣམ་པ་གསུམ་གྱིས་བསྟན་ཏེ། དགེ་བའི་བཤེས་གཉེན་དུ་མ་ལ་བརྟེན་པས། ཐོས་པ་ལས་བྱུང་བའི་ཤེས་པ་འཐོབ་པ་དང་། བསམས་པ་ལས་བྱུང་བའི་ཤེས་པ་འཐོབ་པ་དང་། བསྒོམས་པ་ལས་བྱུང་བའི་ཤེས་པ་འཐོབ་པ་སྟེ། དེས་དྲན་པ་བརྗེད་པར་མི་འགྱུར་རོ། །ཡང་ན་ཆོས་བསྟན་པ་ཉན་པ་དང་། དེའི་དོན་འཛིན་པ་དང་། དུས་གཞན་ན་མི་བརྗེད་པ་དང་། དེ་ལྟར་ན་དགེ་བའི་བཤེས་གཉེན་མཆོག་ལ་བརྟེན་ནས། བླ་ན་མེད་པའི་བྱང་ཆུབ་ཏུ་ངེས་པར་གྱུར་པས་ཕྱིར་མི་ལྡོག་པར་བསྟན་པའི་ཕྱིར། བར་དུ་ཞེས་པ་ལ་སོགས་པ་ཞུས་སོ། །སྐྱེ་བ་གཅིག་གིས་ཐོགས་རྣམས་ཀྱིས། །ས་ནི་རྟེན་བཞིས་ཐོབ་པར་འགྱུར། །ཕྱིར་མི་ལྡོག་པ་རྣམས་ཀྱིས་ནི་རྣམ་པ་བཞིས་སྐྱེ་བ་གཅིག་གིས་ཐོགས་པའི་ས་འཐོབ་པར་འགྱུར་ཏེ། སྤྱོད་པ་སྦྱིན་སོགས་ཕ་རོལ་ཕྱིན། །ཚོགས་ཀྱིས་རྣམ་པ་གཉིས་སུ་འགྱུར། །གསུམ་ནི་བསོད་ནམས་ཕ་རོལ་ཕྱིན། །ལྷག་མ་ཡེ་ཤེས་ཅིག་ཤོས་གཉིས། །སྦྱིན་པ་དང་། ཚུལ་ཁྲིམས་དང་། བཟོད་པའི་ཕ་རོལ་ཏུ་ཕྱིན་པ་གསུམ་ནི་བསོད་ནམས་ཀྱི་ཚོགས་སོ། །བསམ་གཏན་དང་། ཤེས་རབ་དང་། ཐབས་དང་། སྨོན་ལམ་དང་། སྟོབས་དང་། ཡེ་ཤེས་ཞེས་བྱ་བ་ནི་ཡེ་ཤེས་ཀྱི་ཚོགས་སོ། །བརྩོན་འགྲུས་ནི་གཉི་ག་སྟེ། གཉི་གར་བྱ་བ་བྱེད་པའི་ཕྱིར་རོ། །སྤྱོད་པ་དེས་ཐོབ་པར་བྱ་བ་ནི་ཡོངས་སུ་དག་པ་རྣམ་པ་བཞི་སྟེ། དེས་སྐྱེ་བ་གཅིག་གིས་ཐོགས་པར་འགྱུར་རོ། །དེས་གདུལ་ཕྱིར་ནི་གནས་པ་དང་། །བསྟན་པ་དོན་ཡོད་མཚུངས་པ་མེད། །སྨོན་ལམ་འབྲས་བུ་འགྲུབ་པ་དང་། །དགའ་མགུར་ཞིང་ནི་སྟོན་པར་བྱེད། །སྨོན་ལམ་གྱིས་བསྒྲུབས་པའི་བསོད་ནམས་དང་ཡེ་ཤེས་ཀྱི་ཚོགས་ཀྱི་སྟོབས་ཀྱིས་བྱང་ཆུབ་སེམས་དཔས་གདུལ་བ་ཉིད་དུ་སེམས་ཅན་རྣམས་གནས་པ་ནི་སེམས་ཅན་ཡོངས་སུ་དག་པའོ། །མདོ་སྡེ་ལ་སོགས་པ་ཆོས་བསྟན་པ་དོན་ཡོད་ཅིང་མཚུངས་པ་མེད་པའི་འབྲས་བུ་དང་ལྡན་པས་ན་ཆོས་ཡོངས་སུ་དག་པའོ། །སྨོན་ལམ་མ་ལུས་པར་འབྲས་བུར་འགྲུབ་པས་ན་སྨོན་ལམ་ཡོངས་སུ་དག་པའོ། །གདུལ་བའི་བསམ་པའི་བྱེ་བྲག་གིས་ཅི་འགའ་འགྱུར་ཞིང་ཀུན་དུ་སྟོན་པས་ན་ཞིང་ཡོངས་སུ་དག་པའོ། །ཡང་ན། སེམས་ཅན་ལ་སོགས་རྣམ་དག་ནི། །སེམས་ཅན་ཆོས་དོན་གཉེར་དང་ཞིང་། །རང་བཞིན་བདག་མེད་མཐོང་བ་ཡིན། །དེ་ནི་འདོད་པའི་དོན་གྲུབ་བྱེད། །འདིས་ཡོངས་སུ་དག་པར་འགྱུར་བས་ན་ཡོངས་སུ་དག་པ་སྟེ་ཡོངས་སུ་དག་པ་བཞི་ནི། སེམས་ཅན་ལ་སོགས་པ་བདག་མེད་པར་མཐོང་བ་ཉིད་དོ། །བདག་མེད་པར་མཐོང་བ་ལས་བྱང་ཆུབ་སེམས་དཔས་གདུལ་བ་ཉིད་དུ་སེམས་ཅན་རྣམས་གནས་པ་ཞེས་བྱ་བ་ལ་སོགས་པ་ལྔར་བསྟན་པའི་འདོད་པ་ཐམས་ཅད་འགྲུབ་པར་འགྱུར་རོ། །དོན་དུ་གཉེར་བ་ཞེས་བྱ་བ་ནི་སྨོན་ལམ་མོ། །ད་ནི་སྐྱེ་བ་གཅིག་གིས་ཐོགས་རྣམས་ཀྱིས། །སྲིད་པ་ཐ་མ་པའི་ས་ནི་རྟེན་བཞིས་འཐོབ་པར་འགྱུར་བར་བཤད་ཅེས་བྱ་བ་ཚིག་གི་ལྷག་མའོ། །གདུལ་བ་རྣམས་ཀྱི་བྱེ་བྲག་གིས། །ལུས་སོགས་ཡིད་དུ་འོང་བར་གནས། །ཐམས་ཅད་མཁྱེན་པའི་ཡོན་ཏན་གྱིས། །ཚོགས་ཀྱི་གཞི་ཡང་སྐྱེ་བ་ཡིན། །ལུས་དང་ངག་དང་ཡིད་དེ་དག་ནི་གདུལ་བའི་བསམ་པའི་བྱེ་བྲག་གིས་དུས་གཅིག་ཏུ་གནས་ན་ཡང་དེ་དག་ཡིད་དུ་འོང་སྟེ། དེ་དག་རྗེས་སུ་མཐུན་པའི་ཕྱིར་རོ། །ཐམས་ཅད་མཁྱེན་པའི་ཡོན་ཏན་རྣམས་ཀྱི་རྟེན་དུ་གྱུར་པའི་ཕྱིར་སྐྱེ་བ་ཡིད་འོང་ངོ་། །ཡང་གི་སྒྲ་ནི། བཀག་པའི་ལས་ལུས་ལ་སོགས་པས་མི་སྤྱོད་པའི་ཕྱིར་དང་། མ་བཀག་པ་ཀུན་དུ་སྤྱོད་པའི་ཕྱིར་དང་། སྐྱེ་བ་འཇིག་རྟེན་ཐམས་ཅད་ཀྱི་དོན་དུ་གཉེར་བར་བྱ་བ་ཡིན་པའི་ཕྱིར། ལུས་ལ་སོགས་པ་ཡིད་དུ་འོང་། །ཞེས་བྱ་བའོ་ཞེས་བསྡུ་བའི་དོན་ཏོ། །ད་ནི་སྲིད་པ་ཐ་མ་པ་རྣམས་ཀྱིས་གཟུངས་ཀྱི་སྒོར་འཇུག་པ་ཇི་ལྟར་འཐོབ་པར་འགྱུར་བ་བསྟན་ཏེ། གཟུངས་ནི་རྣམ་གསུམ་གང་གི་ཕྱིར། །ཚིག་དང་དོན་དང་གཉི་གའི་གཟུངས། །ལེགས་པ་ལས་ནི་ཉམས་པ་ན། །འཛིན་པར་བྱེད་པས་དེ་ཕྱིར་གཟུངས། །ལེགས་པ་ནི་བདག་དང་གཞན་གྱི་དོན་ཕུན་སུམ་ཚོགས་པའོ། །དེ་ཡང་ཕན་པ་དང་ཕན་པ་མ་ཡིན་པ་འཐོབ་པ་དང་། སྤང་བའི་མཚན་ཉིད་དེ། སྲོག་ཆགས་དེ་ལས་ཉམས་པ་ན་འཛིན་པར་བྱེད་པས་གཟུངས་སོ། །བདག་དང་གཞན་གྱི་དོན་འགྲུབ་ཕྱིར། །གཟུངས་ཉིད་སྒོ་མོ་སྒོ་ཡིན་ནོ། །དེ་ལ་འཇུག་པ་དེ་ཤེས་པ། །དེ་ཡང་རྣམ་བཞིར་བསྟན་པ་ཡིན། །འདི་ལྟར་གྲངས་མེད་པས་སམ། དུས་མཐའ་ཡས་པ་ནས་ཞུགས་པས་མཐུ་ཟད་མི་ཤེས་པ་མི་ཟད་པའི་སྒོ་ཐབས་རྣམས་ཀྱིས་སེམས་ཅན་ཡོངས་སུ་སྨིན་པར་བྱེད་པའམ། བདག་དང་གཞན་གྱི་དོན་ཕུན་སུམ་ཚོགས་པ་སྒྲུབ་པ་སྟེ། དེ་གཟུངས་ཀྱི་སྒོར་འཇུག་པ་གང་ལ་ཡོད་པ་ཞེས་ཚིག་རྣམ་པར་སྦྱར་ནས། གཟུངས་ཀྱི་སྒོར་འཇུག་པ་ཞེས་པའི་སྒྲས་ཁྱད་པར་དུ་ཚིག་བསྡུའོ། །དད་པ་ལ་སོགས་པའི་དབང་པོ་རྣམས་ལ་མཁས་པ་གཟུངས་ཀྱི་སྒོར་འཇུག་པ་གང་ལ་ཡོད་པ་ཞེས་ཚིག་རྣམ་པར་སྦྱར་ནས་སྔ་མ་བཞིན་དུ་ཁྱད་པར་དུ་ཚིག་བསྡུའོ། །དབང་པོ་ལ་མཁས་པ་ནི་ཆུང་ངུ་ལ་སོགས་པའི་བྱེ་བྲག་དང་། ཡོངས་སུ་སྨིན་པའི་དུས་ལ་སོགས་པའི་བྱེ་བྲག་ལ་སྤྱོད་པའོ། །འདི་ལ་འདུ་བྱེད་པ་མེད་པས་ན་ལས་དང་རྣམ་པར་སྨིན་པ་ལ་མཁས་པ་འདུས་མ་བྱས་པའོ། །འདུས་མ་བྱས་པ་ནི་མ་བསྒྲིམས་པར་འཇུག་པ་སྟེ། དེ་གཟུངས་ཀྱི་སྒོར་འཇུག་པ་གང་ལ་ཡོད་པ་ཞེས་ཚིག་རྣམ་པར་སྦྱར་ནས་སྔ་མ་བཞིན་དུ་ཁྱད་པར་དུ་བསྡུའོ། །ཡང་ན་ལས་དང་རྣམ་པར་སྨིན་པ་ལ་མཁས་པ་དང་། འདུས་མ་བྱས་གཉིས་ལ་གཟུངས་ཀྱི་སྒོར་འཇུག་པ་ཞེས་བྱ་བར་རིག་པར་བྱའོ། །དེ་ལ་འདུས་མ་བྱས་པ་ནི་སྟོང་པ་ཉིད་ཡིན་པར་གཟུང་བར་བྱའོ། །ལས་རྣམ་པར་སྨིན་པའི་རང་གི་ངོ་བོ་དང་། དུས་དང་གནས་སྐབས་དང་། ཡུལ་ལ་སོགས་པའི་བྱེ་བྲག་ལས་དཔྱོད་པ་ནི་ལས་དང་རྣམ་པར་སྨིན་པ་ལ་མཁས་པའོ། །ཆོས་ཟབ་མོ་ལ་བཟོད་པའི་གཟུངས་ཀྱི་སྒོར་འཇུག་པ་གང་ལ་ཡོད་པ་དེ་ཞེས་ཚིག་རྣམ་པར་སྦྱར་ནས། སྔ་མ་བཞིན་དུ་ཁྱད་པར་དུ་ཚིག་བསྡུའོ། །སེམས་ཅན་རྣམས་ཞེས་བྱ་བ་ནི་འོག་མ་གཉིས་དང་ཡང་འབྲེལ་པར་རིག་པར་བྱའོ། །ཡང་ན། ཞུ་བ་འདི་ནི་མདོར་བསྡུ་ན། །བྱང་ཆུབ་སེམས་དཔའ་ཀུན་ལ་ཡང་། །གང་ལ་ཇི་སྙེད་འོས་ཡིན་པ། །དེ་ལ་དེ་སྙེད་འགྱུར་བ་ཡིན། །འདི་ལྟར་དད་པས་མོས་པའི་དབང་དུ་བྱས་ན་ནི། འདི་དག་ཐམས་ཅད་ཡོད་པར་བལྟ་བར་བྱའོ། །མི་སྐྱེ་བའི་ཆོས་ལ་བཟོད་པ་ཐོབ་པའི་དབང་དུ་བྱས་ན་ནི་སོམ་ཉི་ཐམས་ཅད་སྤོང་བ་མ་གཏོགས་པར། ཞུ་བ་ལྷག་མ་རྣམས་ཡོད་པར་ངེས་པར་གཟུང་བར་བྱའོ། །དེ་བཞིན་དུ་བྱང་ཆུབ་སེམས་དཔའ་གཞན་དག་ལ་ཡང་ཅི་རིགས་པར་བྱའོ། །ད་ནི་བཅོམ་ལྡན་འདས་ལ་ཞུ་བ་མཁྱེན་པར་གསོལ་བ་སྟོན་ཏེ། ཞུ་བའི་འབྲས་བུ་བློ་ལྡན་གྱིས། །ཞུ་བ་ཉིད་དུ་རབ་ཏུ་གསུངས། །ཡང་ན་འབྲས་དང་ཐ་དད་པས། །སྒྲོ་བཏགས་ཞུ་བ་ཉིད་དུ་གསུངས། །ཞུ་བ་ཞེས་བྱ་བའི་སྒྲ་ནི་འཕགས་པ་ཤཱ་རིའི་བུས་ཞུ་བའི་དངོས་པོའི་འབྲས་བུ་གང་ཡིན་པ་སོམ་ཉི་ཐམས་ཅད་སྤོང་བ་ལ་སོགས་པ་དེ་ཡིན་པར་གསུངས་ཏེ། འབྲས་བུ་ལ་རྒྱུ་བཏགས་པ་སྟེ། མཇུག་གི་འབྲས་བུའི་ཚིག་མི་མངོན་པར་བྱས་པའི་ཕྱིར་རོ། །དེ་ལྟ་མ་ཡིན་དུ་ཟིན་ན་ཞུ་བའི་རང་གི་ངོ་བོ་ངེས་པར་མ་བྱས་པའི་ཕྱིར། དེ་དག་ཅེས་བྱ་བའི་སྒྲ་དང་སྦྱོར་བར་བྱེད་པ་མི་རིགས་ཏེ། དེ་ལྟར་ན་ཞུ་བ་དེ་དག་ལ་ཞུ་བའི་འབྲས་བུ་དེ་དག་ཅེས་བྱ་བར་ཁོང་དུ་ཆུད་པར་བྱའོ། །ཇི་སྐད་སྨོས་པ་ཞེས་བྱ་བ་ནི་རང་གི་ངོ་བོ་ཡིན་ནོ། །གཟུང་བ་ཞེས་བྱ་བ་ལ་སོགས་པའི་ཚིག་གསུམ་ནི། ཚིག་འབྲུ་དང་། དོན་དང་། གཉི་གའོ། །ཡང་ན་ཉན་ཐོས་དང་། རང་སངས་རྒྱས་དང་། ཐེག་པ་ཆེན་པོའི་ཐེག་པ་ཅན་རྣམས་ལ་ཕན་གདགས་པའི་ཕྱིར་རོ། །བདག་དང་གཞན་དང་གཉི་གའི་དོན་འགྲུབ་པའི་ཕྱིར་ཡང་བརྗོད་པར་ཤེས་པར་བྱའོ། །ཡང་ན་རང་གི་ངོ་བོ་དང་། རབ་ཏུ་དབྱེ་བ་གཉིས་ཀྱིས་ནི་གཟུང་ངོ་། །སོ་སོ་རང་གིས་རིག་པར་སྤྱད་པས་ནི་ཡིད་ལ་བྱས་སོ། །ཚད་མ་ཐམས་ཅད་ཀྱིས་རྣམ་པར་དག་པས་ནི་ཀུན་ཆུབ་པར་བྱས་སོ། །རྣམ་པ་གཞན་ཡང་ཇི་སྐད་སྨོས་པའི་འབྲས་བུའི་བྱེ་བྲག་གིས་ཞུ་བའི་རང་གི་ངོ་བོ་དམིགས་ཀྱིས་མ་ཕྱེ་བ་དམིགས་ཀྱིས་ཕྱེ་ནས། དེ་དག་ཅེས་བྱ་བ་ལ་སོགས་པ་བརྗོད་དེ། ཇི་སྐད་སྨོས་པའི་འབྲས་བུ་ཞེས་བྱ་བའི་ཐ་ཚིག་གོ། །གཟུང་བ་ལ་སོགས་པའི་ཚིག་གསུམ་གྱི་བཤད་པ་འདིར་ནི་བཤད་པ་བར་མ་གཉིས་ལ་ལྟོས་པར་ཤེས་པར་བྱའོ། །དེ་ལྟར་ཞུ་བ་མཁྱེན་པར་གསོལ་བ་བསྟན་ནས། ད་ནི་བཅོམ་ལྡན་འདས་ལ་གསོལ་བ་འདེབས་ཏེ། ཚིག་དང་དོན་དང་གཉི་ག་དང་། །ཐོས་སོགས་ཤེས་པའི་བྱེ་བྲག་དང་། །མངོན་སུམ་རྗེས་དཔག་རྣམ་གཉིས་ཀྱིས། །རྣམ་པར་དག་པ་རྣམ་གསུམ་མོ། །གཟུང་བ་དང་། ཡིད་ལ་བྱས་པ་དང་། ཀུན་ཆུབ་པར་བྱས་པ་རྣམས་ནི། ཚིག་དང་། དོན་དང་། གཉི་གའམ། ཐོས་པ་དང་། བསམས་པ་དང་། བསྒོམས་པའི་ཤེས་པས། ཡོངས་སུ་བཅད་པའམ། མངོན་སུམ་དང་། རྗེས་སུ་དཔག་པ་དང་། ཚད་མ་གཉི་གས་རྣམ་པར་དག་པ་ལས་རྣམ་པ་གསུམ་དུ་གོ་རིམས་བཞིན་དུ་ཤེས་པར་བྱའོ། །དེ་ལ་བཤད་པ་དང་པོ་ལ་ཞུ་བའི་འབྲས་བུ་ནི་ཞུ་བའི་སྒྲས་བརྗོད་དོ་ཞེས་བསྟན་ཏེ། དེ་ལྟར་ན་འདི་སྐད་དུ་གང་གིས་ཞུ་བའི་འབྲས་བུ་འདི་འགྲུབ་པར་འགྱུར་བ་དང་། དེ་ལས་ཐོས་པ་ལ་སོགས་པའི་ཤེས་པས་བསྡུས་པས་སྤྱོད་པ་ཡོངས་སུ་དག་པར་འགྱུར་བ་དེ་ལྟ་བུའི་ཞུ་བ་བཅོམ་ལྡན་འདས་ཀྱིས་བཤད་དུ་གསོལ་ཞེས་བྱ་བའི་ཐ་ཚིག་གོ། །བཤད་པ་གཉིས་པ་ལ་ཇི་སྐད་སྨོས་པ་ཞེས་བྱ་བ་ནི་ཇི་སྐད་སྨོས་པ་ཞེས་བྱ་བའི་འབྲས་བུ་ཁོང་དུ་ཆུད་པར་བྱ་སྟེ། དེ་ལྟར་ན་འདི་སྐད་དུ་ཞུ་བ་གང་ལས་འབྲས་བུ་འདི་འགྲུབ་པར་འགྱུར་བ་དང་། ཐོས་པ་ལ་སོགས་པའི་ཤེས་པས་བསྡུས་པས་སྤྱོད་པ་ཇི་ལྟར་ཡོངས་སུ་དག་པར་འགྱུར་བ་དེ་ལྟ་བུའི་ཞུ་བ་བཅོམ་ལྡན་འདས་ཀྱིས་བཤད་དུ་གསོལ་ཞེས་བྱ་བའི་ཐ་ཚིག་གོ། །དེ་ནས་སྤྱོད་པ་དེ་ནི་གང་ཡིན། དེའི་རྣམ་པར་དག་པ་ནི་ཇི་ལྟ་བུ། དེའི་འབྲས་བུ་ནི་ཅི་ཞིག་འཐོབ་པར་འགྱུར་ཞེ་ན། སྨྲས་པ། སྤྱོད་པ་ཕ་རོལ་ཕྱིན་པ་བཅུ། །ཡང་ན་སྟོང་ཉིད་དེ་ཡི་ནི། །རྣམ་དག་སྐྱོན་མེད་ས་ཐོབ་པས། །ཐམས་ཅད་མཁྱེན་པའི་གོ་འཕང་འཐོབ། །སྤྱོད་པ་ནི་སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་བཅུ་སྟེ། སྤྱད་པར་བྱ་བ་ཡིན་པའི་ཕྱིར་རོ། །ཡང་ན་སྟོང་པ་ཉིད་དེ། དེ་རྟོགས་ན་མི་དམིགས་པའི་ཚུལ་གྱིས་སྦྱིན་པ་ལ་སོགས་པ་ལ་སྤྱོད་པའི་ཕྱིར་རོ། །ཕ་རོལ་ཏུ་ཕྱིན་པ་རྣམས་ཀྱི་སྐྱོན་ནི་འཁོར་གསུམ་དམིགས་པ་དང་། སེར་སྣ་ལ་སོགས་པའི་དྲི་མའོ། །སྟོང་པ་ཉིད་ནི་དངོས་པོ་དང་། དངོས་པོ་མེད་པ་ལ་སོགས་པའི་ངོ་བོར་མངོན་པར་ཞེན་པའོ། །དེ་མེད་པས་སྐྱོན་མེད་པ་ཉིད་ཀྱིས་མཚན་ཉིད་ཀྱི་དྲི་མ་མེད་པ་ནི་དེ་དག་གི་རྣམ་པར་དག་པའོ། །དེས་རབ་ཏུ་དགའ་བ་ལ་སོགས་པའི་ས་ཐོབ་པས་རྣལ་འབྱོར་ཅན་གྱིས་ཐམས་ཅད་མཁྱེན་པའི་གོ་འཕང་འཐོབ་པར་འགྱུར་ཏེ། འདི་ལྟར་སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་རྣམས་ཕུལ་དུ་ཕྱིན་པར་རྣམ་པར་དག་པ་ལ་བསྟན་ནས། གོ་རིམས་བཞིན་དུ་ས་བཅུར་རྣམ་པར་གཞག་སྟེ། དེའི་འོག་ཏུ་ཐམས་ཅད་མཁྱེན་པའི་གོ་འཕང་འཐོབ་པར་འགྱུར་རོ། །སྟོང་པ་ཉིད་རྣམ་པར་དག་པ་ལས་ཀྱང་བསྟན་ཏེ། ཀུན་དུ་འགྲོ་དོན་ཞེས་བྱ་བ་ལ་སོགས་པ་ཇི་སྐད་བཤད་པ་ལྟ་བུའོ། །དེ་ལྟར་གསོལ་བ་བཏབ་ནས། ད་ནི་གུས་པ་བསྐྱེད་པར་བྱ་བའི་ཕྱིར་དང་། ཆེ་བ་ཉིད་བསྟན་པའི་ཕྱིར་གསོལ་བ་བཏབ་པའི་དོན་ལ་བཅོམ་ལྡན་འདས་ཀྱིས་མངོན་དུ་ཕྱོགས་པར་མཛད་ནས། ཞལ་གྱིས་བཞེས་སོ། །ཞལ་གྱིས་བཞེས་པ་དེ་ཡང་ཉན་པ་པོའི་བྱེ་བྲག་དང་། རང་གི་ངོ་བོ་རྣམ་པ་གཉིས་ཀྱི་ཕྱིར་རོ། །ཉན་པ་པོའི་བྱེ་བྲག་ནི་རྣམ་པ་བཞིར་གསུངས་ཏེ། ཉན་པ་དང་། ལེགས་པར་ཉན་པ་དང་། རབ་ཏུ་ཉན་པ་དང་། ཡང་དག་པར་ཡིད་ལ་བྱེད་པ་སྟེ། སྣོད་ནི་ཁས་ཕུབ་རྡོལ་བ་དང་། །མི་གཙང་བ་ཡི་གཉེན་པོའམ། །གཟུ་བོ་ལ་སོགས་ཡོན་ཏན་ལྡན། །ཁྱོད་ཀྱིས་ཉོན་ལ་གཞན་དུ་མིན། །གང་ཕྱིར་ཚད་མ་ལྡན་པས་ན། །ཐོག་མ་བར་དང་ཐ་མར་དགེ། །ཆུང་ངུ་འབྲིང་དང་ཆེན་པོ་ཡི། །ཉེས་པ་རྣམས་ནི་ཟད་བྱེད་དང་། །ཚིག་འབྲུ་དོན་དང་གཉི་ག་ཤེས། །མངོན་སུམ་ལ་སོགས་མི་འགལ་བ། །ཐོས་ལ་སོགས་ལས་བློ་བསྐྱེད་དང་། །བདག་སོགས་འབྱོར་པའི་རྒྱུ་ཡིན་ཕྱིར། །ཆར་པ་འབབ་ན་བུམ་པ་ཁས་ཕུབ་པའི་ནང་དུ་ཆུ་ཅུང་ཟད་ཀྱང་མི་འགྲོ་བ་དེ་བཞིན་དུ། ཁྱོད་སྣོད་ཁས་ཕུབ་པ་ལྟ་བུར་ཉན་པར་མ་བྱེད་ཅིག་བྱ་བའི་ཕྱིར། ལེགས་པར་ཞེས་གསུངས་སོ། །བུམ་པ་རྡོལ་བའི་ནང་དུ་ནི་ཆུ་སོང་དུ་ཟིན་ཀྱང་གནས་པར་མི་འགྱུར་བ་དེ་བཞིན་དུ་ཁྱོད་ཉན་པར་མ་བྱེད་པར། ཅི་ནས་ཐོས་པ་བརྟན་པར་འགྱུར་བ་དེ་ལྟ་བུར་ཉོན་ཅིག་ཅེས་བྱ་བའི་ཕྱིར་རབ་ཏུ་ཞེས་གསུངས་སོ། །བུམ་པ་མི་གཙང་བའི་ནང་དུ་ནི་ཆུ་ཅི་སོང་བ་དེ་དག་ཐམས་ཅད་མི་གཙང་བར་འགྱུར་ཏེ། སྤྱད་དུ་མི་རུང་བ་དེ་བཞིན་དུ། ཁྱོད་ཀྱིས་ཚུལ་བཞིན་མ་ཡིན་པ་ཡིད་ལ་བྱེད་པའི་མི་གཙང་བར་མ་བྱེད་ཅིག་ཅེས་བྱ་བའི་ཕྱིར། ཚུལ་བཞིན་ཡིད་ལ་ཟུང་ཤིག་ཅེས་གསུངས་སོ། །ཡང་ན་གཟུ་བོ་ལྟ་བུ་དང་། དོན་དུ་གཉེར་བ་དང་། རྟོག་པ་ཅན་དུ་གྱིས་ལ་ཉོན་ཅིག་ཅེས་གསུངས་ཏེ། ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམས་བཞིན་དུ་སྦྱར་རོ། །དེ་ལྟར་བྱས་ན་ཁྱོད་ཀྱིས་མཉན་པ་འབྲས་བུ་ཡོད་པར་འགྱུར་གྱི། དེ་ལྟ་མ་ཡིན་ན་མི་འགྱུར་བར་དགོངས་པའོ། །ཡང་ན་གང་གི་ཕྱིར་ཐོག་མ་ཉིད་དུ་ཚད་མ་དང་ལྡན་པས་དགེ་བ་དེའི་ཕྱིར་ལེགས་པར་ཉོན་ཞེས་གསུངས་སོ། །གང་གི་ཕྱིར་ཐ་མར་ཡང་དགེ་བ་དེའི་ཕྱིར་རབ་ཏུ་ཉོན་ཅིག་ཅེས་གསུངས་སོ། །གང་གི་ཕྱིར་ཐ་མར་ཡང་དགེ་བ་དེའི་ཕྱིར་ཚུལ་བཞིན་ཡིད་ལ་བྱོས་ཤིག་ཅེས་གསུངས་སོ། །ཡང་ན་ཉེས་པ་ཆུང་ངུ་དང་འབྲིང་པོ་དང་། ཆེན་པོ་རྣམས་ཀྱི་གཉེན་པོ་ཡིན་པའི་ཕྱིར་ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམས་བཞིན་དུ་སྦྱར་རོ། །ཡང་ན་ཚིག་འབྲུ་དང་། དོན་དང་། གཉི་ག་འཛིན་དུ་གཞུག་པའི་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམས་བཞིན་དུ་སྦྱར་རོ། །ཡང་ན་མངོན་སུམ་དང་། རྗེས་སུ་དཔག་པ་དང་། ཚད་མ་གཉི་ག་དང་མི་འགལ་བའི་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམས་བཞིན་དུ་སྦྱར་རོ། །ཡང་ན་ཐོས་པ་ལས་བྱུང་བ་ལ་སོགས་པའི་ཤེས་རབ་རྣམ་པ་གསུམ་གྱི་རྒྱུ་ཡིན་པའི་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམས་བཞིན་དུ་སྦྱར་རོ། །ཡང་ན་བདག་དང་། གཞན་གྱི་དོན་དང་། གཉི་གའི་དོན་གྱི་རྒྱུ་ཡིན་པའི་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམས་བཞིན་དུ་སྦྱར་རོ། །ཡང་ན་མཐོང་བ་ལ་སོགས་པའི་ལམ་གསུམ་གྱི་རྒྱུ་ཡིན་པའི་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམས་བཞིན་དུ་སྦྱར་རོ། །དོན་གསོལ་ཞལ་གྱིས་བཞེས་པས་ན། །དེ་ཡིས་བདག་ཉིད་གསོལ་བར་ཕྱོགས། །ཐུབ་པ་སེམས་ཅན་དོན་མཁྱེན་ཕྱིར། །འདིར་ནི་བསྲུང་བ་ལ་སོགས་གསུངས། །དེ་ལྟར་འཚལ་ཞེས་བྱ་བ་ལ་སོགས་པ་ནི། མངོན་དུ་ཕྱོགས་པར་མཛད་པ་བསྟན་ཏོ། །ད་ནི་བསྲུང་བ་བསྟན་ཏེ། དེ་ཡང་རྣམ་པ་གཉིས་ཏེ། བསམ་གཏན་གྱི་རྣལ་འབྱོར་དང་། གསང་སྔགས་ཀྱི་ཡི་གེའོ། །དེ་ལ་བསམ་གཏན་གྱི་རྣལ་འབྱོར་ནི། །ཡང་དག་ཏུ་ན་དེ་ཆོས་ཀུན། །དངོས་པོའི་ངོ་བོར་ཁས་མི་ལེན། །རྐྱེན་ལ་རག་ལས་འབྱུང་ཕྱིར་ཏེ། །སྒྱུ་མ་རྨི་ལམ་སྨིག་རྒྱུ་བཞིན། །དགག་པར་བྱ་བ་མེད་པས་ན། །ཡང་དག་ཏུ་ན་བདག་མེད་མངོན། །ཡང་དག་མཁྱེན་ཏེ་ཆོས་རྣམས་ཀུན། །ཐམས་ཅད་དངོས་པོར་འཛིན་མི་མཛད། །ཆོས་ཐམས་ཅད་ནི་རྐྱེན་ལ་རག་ལས་ཏེ་འབྱུང་བའི་ཕྱིར་དང་། སྒྱུ་མ་ལ་སོགས་པ་བཞིན་དུ། ཡང་དག་པར་ན་དངོས་པོའི་ངོ་བོ་ཉིད་མ་ཡིན་ནོ། །དེ་བཞིན་དུ་སྐྱེས་པ་ལ་སོགས་པའི་ངོ་བོ་ཉིད་ཀྱང་ཡང་དག་པར་མེད་དོ་ཞེས་བརྗོད་པར་བྱའོ། །དེ་ལྟར་གྱུར་ན་ཆོས་ཐམས་ཅད་ཡང་དག་པར་དངོས་པོ་ཡོད་པ་མ་ཡིན་པའི་ཕྱིར། ཡང་དག་པར་དགག་པ་དང་འབྲེལ་པ་མ་ཡིན་ཏེ། མོ་གཤམ་གྱི་བུའི་སྔོ་བསངས་ལ་སོགས་པ་བཞིན་ཏེ། དགག་པར་བྱ་བ་མེད་པས་དགག་པ་ཡང་མི་འཇུག་པའི་ཕྱིར་རོ། །མི་མཐུན་པ་རྟག་པ་ཡིན་ན་ནི། དགག་པ་ཡང་དེ་དང་འདྲ་བར་འགྱུར་ཏེ། དེ་ལྟར་ན་ཆོས་ཐམས་ཅད་དོན་དམ་པར་དངོས་པོ་མེད་པའི་ངོ་བོ་ཉིད་མ་ཡིན་ནོ། །དེ་བཞིན་དུ་མ་སྐྱེས་པ་ལ་སོགས་པའི་ངོ་བོ་ཉིད་ཀྱང་མ་ཡིན་ནོ་ཞེས་སྦྱར་རོ། །ཡང་ན། ཚད་མ་ལྡན་པ་མ་ཡིན་པས། །ཡོད་མེད་ལ་སོགས་མཚན་ཉིད་དུ། །དེ་ནི་ཆོས་ཀུན་ཁས་མི་ལེན། །དེ་ཕྱིར་མཁས་པ་འཛིན་མི་བྱེད། །མངོན་པར་ཞེན་པར་མི་བྱེད་ཅེས་བྱ་བའི་ཐ་ཚིག་གོ། །ཚད་མ་དང་མི་ལྡན་པའི་ངོ་བོ་ནི་བཤད་ཟིན་ཏོ། །དེ་ཕྱིར་དེ་ནི་སྟོང་པ་མིན། །མི་སྟོང་མ་ཡིན་ཡོད་མེད་མིན། །མི་སྐྱེ་མ་ཡིན་སྐྱེ་མིན་ཞེས། །བྱ་བ་ལ་སོགས་བཅོམ་ལྡན་གསུངས། །བསམ་གཏན་གྱི་ནི་ལམ་འདི་ཡིས། །གསང་སྔགས་ཚིག་རྣམས་བསམས་ན་ནི། །འབྲས་བུ་རྫོགས་པར་ཐོབ་འགྱུར་གྱི། །འདོད་པ་ཉི་ཚེས་དེ་ལྟ་མིན། །རྣལ་འབྱོར་ཅན་བསམ་གཏན་གྱི་རྣལ་འབྱོར་འདི་ལ་གནས་ཤིང་གསང་སྔགས་ཀྱི་ཡི་གེ་རྣམས་བརྗོད་ན། ཡིད་ལ་འདོད་པའི་འབྲས་བུ་རྫོགས་པར་འཐོབ་པར་འགྱུར་གྱི། སེམས་ཕྱི་རོལ་དུ་བལྟས་པས་བཏོན་ན་ནི་གསང་སྔགས་རྣམས་ངོ་བོ་ཉིད་ཤིན་ཏུ་བསམ་གྱིས་མི་ཁྱབ་པ་དང་ལྡན་པས་འབྲས་བུ་འཐོབ་པར་ལྟ་འགྱུར་མོད་ཀྱི་རྫོགས་པར་ནི་མ་ཡིན་ནོ། །ཚིག་རྣམས་རེ་རེའི་རྣལ་འབྱོར་ལ། །མངོན་དུ་ཕྱོགས་པར་བྱེད་བཞིན་དུ། །གསང་སྔགས་རན་པར་བརྗོད་བྱ་སྟེ། །དེ་ཕྱིར་འདིར་ནི་ཚིག་སྨོས་སོ། །མྱུར་ཆེས་པ་དང་། དལ་ཆེས་པ་དང་། མི་གསལ་བ་ལ་སོགས་པའི་ཉེས་པ་དང་བྲལ་བ་ནི་རན་པ་ཉིད་དེ་གསང་སྔགས་ཀྱི་ཡི་གེ་རྣམས་ལ་སེམས་གཏོད་པའོ། །ཚིག་རེ་རེའི་རྣལ་འབྱོར་ལ་མངོན་དུ་ཕྱོགས་པར་བྱེད་ཅིང་གསང་སྔགས་རན་པར་བརྗོད་པར་བྱ་སྟེ། དེ་བས་ན་ཚིག་སྨོས་སོ། །དེ་ལྟ་མ་ཡིན་ན། གཟུངས་ཀྱི་གསང་སྔགས་གཟུང་བར་བྱ། །ཞེས་དེ་སྐད་འབྱུང་བའི་རིགས་སོ། །ཡི་གེ་རེ་རེ་བསམ་པ་ཡི། །རྣལ་འབྱོར་སུས་ཀྱང་མི་ནུས་ཏེ། །ཚིག་རེ་ནས་ནི་ངེས་པར་ཡང་། །བརྗོད་པར་བྱ་བས་དེ་སྨོས་སོ། །དེ་སྨོས་ཞེས་བྱ་བ་ནི་ཚིག་སྨོས་པའོ། །གལ་ཏེ་ཡི་གེ་རེ་རེ་ལ་རྣལ་འབྱོར་དུ་བྱེད་ནུས་ན་ལྟ་རབ་ཏུ་ལེགས་པ་ཡིན་ནོ། །གལ་ཏེ་མི་ནུས་ན་ཚིག་རེ་རེ་ལ་ནི་བསྒྲིམས་ཏེ་ཡང་བྱ་དགོས་ཏེ། འདི་ལྟར། རྣལ་འབྱོར་མེད་པའི་གསང་སྔགས་འདི། །དེ་ལྟར་འབྲས་བུ་སྟོན་མི་འགྱུར། །གསང་སྔགས་ཚིག་ནི་གསང་སྔགས་ཏེ། །དེ་ཕྱིར་རྣལ་འབྱོར་མེད་མི་བྱ། །འདིའི་དོན་ནི་བརྡ་ཕྲད་པར་ཟད་དོ། །གཟུངས་ཀྱི་དོན་གྱི་གསང་སྔགས་ཀྱི་ཚིག་རྣམས་ཡིན་པས་གཟུངས་ཀྱི་གསང་སྔགས་ཀྱི་ཚིག་རྣམས་སོ། །ད་ནི་གཟུངས་ཀྱི་ངོ་བོ་བརྗོད་པར་བྱ་སྟེ། གསུངས་པའི་མིང་ནི་འདོགས་པ་དང་། །འཐོབ་པའི་ཐབས་ནི་བསྟན་པ་དང་། །དེས་ཤེས་བྱ་ལ་སོགས་ཚིག་གིས། །གཟུངས་ནི་འོག་ནས་འབྱུང་བ་ཉིད། །གང་གི་ཕྱིར་བཅོམ་ལྡན་འདས་དེས། །འདི་ནི་ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་མི་འཛིན་པ་ལ་འཇུག་པ་ཞེས་བྱ་བའི་སངས་རྒྱས་རྗེས་སུ་དྲན་པ་ཞེས་བྱའོ་ཞེས་བྱ་བ་ལ་སོགས་པས་སངས་རྒྱས་རྗེས་སུ་དྲན་པ་གསུངས་པའི་མིང་འདོགས་པར་མཛད་དོ། །གང་གི་ཕྱིར་དེ་ནས་བཅོམ་ལྡན་འདས་ཀྱིས་ཡང་ཞེས་བྱ་བ་ལ་སོགས་པས་ནི་འཐོབ་པའི་ཐབས་བསྟན་ཏོ། །གང་གི་ཕྱིར་དེས་སྒོ་མཐའ་ཡས་བསྒྲུབ་པའི་གཟུང་འདི་བསྒྲུབས་ཏེ་ཞེས་གསུངས་པ་དེའི་ཕྱིར། བདག་ནི་སངས་རྒྱས་རྗེས་སུ་དྲན་པ་འོག་ནས་འབྱུང་བ་ཉིད་གཟུངས་ཡིན་པར་འཛིན་ཏོ། །དེ་ལྟ་མ་ཡིན་གྱི་གསང་སྔགས་ཀྱི་ཡི་གེ་རྣམས་གཟུངས་ཉིད་ཡིན་ན་ནི། འདི་རིགས་པ་དང་ལྡན་པར་མི་འགྱུར་ཏེ། སྐབས་མ་ཡིན་པའི་ཕྱིར་ཏེ། སངས་རྒྱས་རྗེས་སུ་དྲན་པ་བསྟན་པའི་སྐབས་ཀྱིས་བར་དུ་ཆོད་པའི་ཕྱིར་དང་། གསང་སྔགས་ཀྱི་ཡི་གེ་རྣམས་ནི་ཡི་གེའི་འབྲུ་དང་། སྒྲའི་བདག་ཉིད་ཡིན་པས་མིག་དང་རྣ་བའི་རྣམ་པར་ཤེས་པས་ངེས་པར་གཟུང་བ་ཡིན་པའི་ཕྱིར་རོ། །དེ་བས་ན། འདི་ཞེས་གསུངས་པ་བརྗོད་བྱ་མིན། །འོག་ནས་འབྱུང་བའི་ཆིངས་ཐུགས་ལ་བཞག་ནས། འདི་ཞེས་བྱ་བ་གསུངས་སོ། །འཛིན་པ་འདིར་ནི་དོན་ལས་བཞེད། །རློམ་སེམས་མངོན་པར་ཞེན་པ་སྟེ། །མི་དམིགས་ཕྱིར་ན་དེ་མེད་དོ། །འཛིན་པ་ནི་འདིར་དོན་ལ་རྟོགས་པར་བཞེད་ཀྱི། ཡི་གེ་ལས་ནི་མ་ཡིན་ཏེ། ཡི་གེ་འཛིན་པས་ནི་ཕན་ཡོན་འདི་དག་འཐོབ་པར་མི་འགྱུར་རོ། །རློམ་སེམས་ནི་མངོན་པར་ཞེན་པ་ཡིན་པས་དེ་ལྟར་ན་འདི་ལྟར་འགྱུར་རོ། །འདུས་བྱས་དང་འདུས་མ་བྱས་ཀྱི་ཆོས་རྣམས་ལ་རློམ་སེམས་སུ་མི་བྱེད་ཅེས་བྱ་བ་ནི་མངོན་པར་ཞེན་པར་མི་བྱེད་ཅེས་བྱ་བའི་ཐ་ཚིག་གོ། །ཅིའི་ཕྱིར་མངོན་པར་ཞེན་པར་མི་བྱེད་ཅེ་ན། དེའི་ཕྱིར་དམིགས་པར་མི་བྱེད་ཅེས་གསུངས་སོ། །ཡང་ན་ངོ་བོ་ཉིད་མེད་པའི་ཕྱིར་འདུས་བྱས་དང་འདུས་མ་བྱས་ཀྱི་ཆོས་རྣམས་ལ་ངོ་བོ་ཉིད་དང་བཅས་པར་རློམ་སེམས་སུ་མི་བྱེད་པར་ངེས་པར་གཟུང་བར་བྱའོ། །མི་སྡུག་གཉི་ག་མ་ཡིན་སྡུག །སྡུག་པ་དེ་ཡང་རྣམ་གཉིས་འདོད། །ཆོས་རྣམས་ཐམས་ཅད་ཐུབ་པ་ཡིས། །རྣམ་པ་བཞིར་ནི་བསྡུ་བ་མཛད། །ཆོས་རྣམ་པ་བཞི་ནི་མི་སྡུག་པའི་ངོ་བོ་ཉིད་དང་། གཉི་ག་མ་ཡིན་པའི་ངོ་བོ་ཉིད་དང་། སྡུག་པའི་ངོ་བོ་ཉིད་དེ། དེ་དག་ཀྱང་ཟག་པ་དང་བཅས་པ་དང་། ཟག་པ་མེད་པའི་བྱེ་བྲག་གིས་རྣམ་པ་གཉིས་ཏེ། དེ་བས་ན་རྣམ་པ་བཞིར་འགྱུར་རོ། །ཇི་སྟེ་ཅིའི་ཕྱིར་ཆོས་རྣམས་རྣམ་པ་བཞིར་བསྟན་པར་མཛད་ཅེ་ན། སྨྲས་པ། གནོད་སེམས་གཏི་མུག་འདོད་ཆགས་རྣམས། །དེ་ཡི་སྒོ་ནས་འབྱུང་ཕྱིར་རོ། །སྤང་བའི་ཐབས་ནི་བསྒྲུབ་པའི་ཕྱིར། །དེ་དག་དངོས་པོ་མེད་པར་བསྟན། །ཞེ་སྡང་ནི་མི་སྡུག་པ་ལས་འབྱུང་། གཏི་མུག་ནི་དངོས་པོ་རྣམ་པ་གསུམ་ཆར་ལས་འབྱུང་། འཁོར་བའི་རྩ་བ་ནི་འདོད་ཆགས་ལ་སོགས་པ་ཡིན་ཏེ།དེ་བས་ན་དེ་དག་སྤང་བའི་ཐབས་བསྟན་པའི་ཕྱིར། དངོས་པོ་རྣམ་པ་གསུམ་པོ་དེ་དག་ངོ་བོ་ཉིད་མེད་པ་སྟོན་པར་མཛད་དེ། ཇི་སྐད་དུ། དེས་གང་ཆགས་པར་བྱེད་པའི་ཆོས་དེ་དག་ཡང་དག་པར་རྗེས་སུ་མི་མཐོང་ངོ་ཞེས་བྱ་བ་ལ་སོགས་པ་གསུངས་པ་ལྟ་བུའོ། །གང་གི་ཕྱིར་འདུས་བྱས་དང་འདུས་མ་བྱས་ཀྱི་ཆོས་རྣམས་ལ་རློམ་སེམས་སུ་མི་བྱེད་པ་དེའི་ཕྱིར། མི་སྡུག་པ་རྣམས་ལ་སྨོད་པ་མི་བྱེད་དེ། བཤུང་བར་མི་བྱེད་ཅེས་བྱ་བའི་ཐ་ཚིག་གོ། །བར་མ་རྣམས་ལ་བཏང་སྙོམས་སུ་མི་བྱེད་དེ། དེ་དག་གི་རྗེས་སུ་ཆགས་པ་དང་། ཁྲོ་བའི་ཡུལ་མ་ཡིན་པའི་ཕྱིར། བཏང་སྙོམས་སུ་གཞག་པར་བྱ་བ་རྣམས་སོ། །སྡུག་པ་རྣམས་ལེན་པར་མི་བྱེད་དེ། སྲིད་པས་བདག་གིར་བྱེད་པ་ནི་ལེན་པ་ཡིན་པའི་ཕྱིར་རོ། །སྡུག་པ་ཟག་པ་མེད་པ་ལ་བརྩོན་པར་མི་བྱེད་དེ། དེ་དག་ནི་རབ་ཏུ་མངོན་པར་འདུ་བྱེད་པ་ཆེན་པོས་བསྒྲུབ་པར་བྱ་བས་བརྩམ་པར་བྱ་བ་ཡིན་པའི་ཕྱིར་རོ། །འདི་ལ་ཐོབ་བྱ་རྣམ་འཐོབ་དང་། །དེ་དག་ཉིད་ནི་བསྒོམ་པ་དང་། །སྤང་བྱ་རྣམས་ནི་སྤང་བ་དང་། །འཕེལ་བ་ཐམས་ཅད་ཡིན་པར་བཞེད། །འཐོབ་པར་བྱ་བར་འོས་པ་གང་ཡིན་པ་དེ་དག་ནི་འཐོབ་པར་བྱ་བ་རྣམས་སོ། །དེ་དག་ཀྱང་ཟག་པ་མེད་པའི་ཆོས་རྣམས་དང་། ཟག་པ་དང་བཅས་པའི་ཆོས་རྣམས་ཏེ། བསམ་གཏན་དང་། གཟུགས་མེད་པ་དང་། མངོན་པར་ཤེས་པ་དང་། ནམ་མཁའ་མཛོད་ཀྱི་ཏིང་ངེ་འཛིན་ལ་སོགས་པའོ། །བསྒོམ་པར་བྱ་བ་ནི་དེ་དག་ཉིད་བརྟན་པར་བྱ་བའི་ཕྱིར་ཡང་དང་ཡང་དུ་གོམས་པར་བྱ་བའོ། །སྤང་བར་བྱ་བ་ནི་ཟག་པ་དང་བཅས་པ་རྣམས་ཏེ་དེ་དག་ནི་སྤང་བར་འོང་བའམ། སྤང་བར་འོས་པའི་ཕྱིར་རོ། །འཐོབ་པར་བྱ་བ་དང་། བསྒོམ་པར་བྱ་བའི་འཕེལ་བ་ནི་གོང་ནས་གོང་དུ་ཁྱད་པར་འཐོབ་པའོ། །སྤང་བའི་འཕེལ་བ་ནི་གོང་ནས་གོང་དུ་ཉོན་མོངས་པ་སྤངས་པ་ངེས་པར་འཐོབ་པར་འགྱུར་བའི་ཕྱིར་རོ། །གང་གི་ཕྱིར་འདུས་བྱས་དང་། འདུས་མ་བྱས་ཀྱི་ཆོས་རྣམས་ལ་རློམ་སེམས་མི་བྱེད་པ། དེའི་ཕྱིར་རྣལ་འབྱོར་ཅན་དེ་ནི། །ཐོས་དང་བསམ་ལ་སོགས་བྱུང་བའི། །ཤེས་པ་རྣམས་ཀྱིས་ནམ་དུ་ཡང་། །འདུས་བྱས་འདུས་མ་བྱས་ཀྱི་ཆོས། །དེ་དག་འཐོབ་སོགས་སྦྱོར་མི་བྱེད། །འཐོབ་པར་བྱ་བའི་ཕྱིར་ཐོས་པ་དང་། བསམ་པ་དང་། བསྒོམས་པ་ལས་བྱུང་བའི་ཤེས་པ་རྣམས་ཀྱིས་གོ་རིམས་བཞིན་དུ་སྦྱོར་བར་མི་བྱེད་པའི་ཕྱིར་མི་བྱེད། རྣམ་པར་མི་བྱེད། མངོན་པར་འདུ་མི་བྱེད་ཅེས་གསུངས་ཏེ། སྤང་བ་ལ་སོགས་པ་ལ་ཡང་དེ་བཞིན་དུ་བརྗོད་པར་བྱའོ། །ཡང་ན་ཆུང་འབྲིང་ཆེན་པོ་ཡི། །སྦྱོར་བ་རྣམས་ཀྱིས་སྦྱོར་མི་བྱེད། །འཐོབ་པར་བྱ་བའི་ཕྱིར་གོ་རིམས་བཞིན་དུ་མི་བྱེད་ཅེས་བྱ་བ་ལ་སོགས་པ་གསུངས་ཏེ། སྤང་བ་ལ་སོགས་པ་ལ་ཡང་དེ་བཞིན་དུ་བརྗོད་པར་བྱའོ། །དེ་བཞིན་ཟག་བཅས་སློབ་སོགས་ཀྱི། །ལམ་རྣམས་ཀྱིས་ཀྱང་སྦྱོར་མི་བྱེད། །རྣལ་འབྱོར་པ་དེ་འཐོབ་པ་ལ་སོགས་པ་ལ་ཞེས་བྱ་བར་སྙེགས་ཏེ། སོགས་པ་སྨོས་པས་ནི་མི་སློབ་པའི་ལམ་བསྡུའོ། །ཅིའི་ཕྱིར་འདུས་བྱས་དང་། འདུས་མ་བྱས་ཀྱི་ཆོས་རྣམས་མི་དམིགས་པས་དེའི་ཕྱིར་རློམ་སེམས་སུ་མི་བྱེད་ཅེ་ན། དེའི་ཕྱིར་མཚུངས་པར་ལྡན་པའི་ཆོས་རྣམས་ཞེས་བྱ་བ་ལ་སོགས་པ་གསུངས་ཏེ། རྒྱུ་དང་རྐྱེན་ནམ་ཆགས་སོགས་ཀྱི། །བག་ཉལ་རྣམས་དང་ལྡན་དེ་དག །འདིར་ནི་མཚུངས་ལྡན་ཤེས་བྱ་སྟེ། །བཟློག་པ་ལས་ནི་ལྡན་པ་མིན། །རྒྱུ་དང་རྐྱེན་རྣམས་དང་ལྡན་པས་ན་མཚུངས་པར་ལྡན་པ་དག་སྟེ། འདུས་བྱས་ཀྱི་ཆོས་མཐའ་དག་གོ། །དེ་ལས་བཟློག་པ་ནི་ལྡན་པ་ཡིན་པ་དག་སྟེ། འདུས་མ་བྱས་རྣམས་སོ། །ཡང་ན་འདོད་ཆགས་པ་ལ་སོགས་པ་ཉོན་མོངས་པ་ལྟ་བར་གྱུར་པ་དང་ལྡན་པ་གང་ཡིན་པ་དེ་དག་ནི་མཚུངས་པར་ལྡན་པ་དག་སྟེ། ཟག་པ་དང་བཅས་པའི་ཆོས་རྣམས་སོ། །དེ་ལས་བཟློག་པ་ནི་ལྡན་པ་མ་ཡིན་པ་དག་སྟེ། ཟག་པ་མེད་པ་རྣམས་སོ། །གང་གི་ཕྱིར་མཚུངས་པར་ལྡན་པ་སྡུག་པ་ལ་སོགས་པའི་བྱེ་བྲག་གིས་ཐ་དད་པའི་ཆོས་རྣམས་ཀྱང་མི་མཐོང་ལ། ལྡན་པ་མ་ཡིན་པ་རྣམས་ཀྱང་མི་མཐོང་བ་དེའི་ཕྱིར་མི་དམིགས་སོ། །གང་གི་ཕྱིར་མི་དམིགས་པ་དེའི་ཕྱིར་རློམ་སེམས་སུ་མི་བྱེད་དོ། །དེ་ཅིའི་ཕྱིར་མི་མཐོང་ཞེ་ན་སྨྲས་པ། རྣམ་པ་མེད་པའི་ཤེས་པ་ཡིས། །ཡུལ་ལ་འཛིན་པར་མི་རུང་ངོ་། །རྣམ་པ་ཚད་མ་མིན་ཕྱིར་དང་། །མི་རུང་ཕྱིར་ན་ཅིག་ཤོས་མིན། །རེ་ཞིག་དོན་བྱེ་བྲག་ཏུ་ཡོངས་སུ་གཅོད་པ་མི་རུང་བའི་ཕྱིར་རོ། །རྣམ་པ་མེད་པའི་ཤེས་པས་ནི་མི་མཐོང་སྟེ། འབྲེལ་བའི་རྒྱུ་མེད་པའི་ཕྱིར་རོ། །རྣམ་པ་ཚད་མ་མ་ཡིན་པའི་ཕྱིར། རྣམ་པ་དང་བཅས་ཀྱང་ཡུལ་འཛིན་པར་མི་རུང་སྟེ། གང་གི་ཕྱིར་མྱོང་བའི་ཚེ་དངོས་པོ་རིག་པར་འགྱུར་བས་དངོས་པོས་རྣམ་པ་ལ་མ་ཁྱབ་སྟེ། རྨི་ལམ་ལ་སོགས་པ་ན་དངོས་པོ་མེད་བཞིན་དུ་ཡང་དེ་ཡོད་པའི་ཕྱིར་རོ། །རྣམ་པ་ཡང་མི་རུང་སྟེ། གཞན་དུ་ན་ནི་དངོས་པོ་གཅིག །སྣ་ཚོགས་ཚུལ་དུ་སྣང་བ་དག །དེ་ཡི་གཅིག་པུ་ཉམས་འགྱུར་ཕྱིར། །རྣམ་པ་ཇི་ལྟར་བདེན་པར་འགྱུར། །ཞེས་བྱ་བ་ལ་སོགས་པ་འབྱུང་བའི་ཕྱིར་རོ། །རྣམ་པ་གཞན་ནི་ཡོད་པ་མ་ཡིན་ཏེ། དེ་ལྟ་བས་ན་མངོན་སུམ་གྱིས་མི་མཐོང་ངོ་། །དེ་ཉིད་ཀྱི་ཕྱིར་རྟགས་ལ་སོགས་པས་ཡོངས་སུ་མ་བཅད་པས་ན་རྗེས་སུ་དཔག་པས་ཀྱང་མི་མཐོང་ངོ་། །གང་གི་ཕྱིར་མཚུངས་པར་ལྡན་པའི་ཆོས་རྣམས་དང་། ལྡན་པ་མ་ཡིན་པ་རྣམས་དེ་ལྟར་མི་མཐོང་བ་དེའི་ཕྱིར། ཐོབ་པར་བྱ་བའི་ཆོས་རྣམས་ཀྱི་སྐྱེ་བ་ཡང་མི་མཐོང་ལ་སྤོང་བར་བྱ་བ་རྣམས་ཀྱི་འགོག་པ་ཡང་མི་མཐོང་ངོ་། །བསྒོམ་པར་བྱ་བའི་དབང་དུ་མཛད་དེ། འདས་པའི་ཆོས་རྣམས་ཀྱང་མི་མཐོང་། །ཞེས་བྱ་བ་ལ་སོགས་པ་གསུངས་སོ། །ལུས་དང་ལུས་མེད་འཕེལ་བ་དེ། །རྫས་དང་རྫས་མེད་རྣམ་པ་གཉིས། །ལྟོས་པར་གནས་པའི་ངོ་བོའི་ཕྱིར། །མི་མཐུན་པ་དང་ལྷན་ཅིག་བཤད། །ལུས་མེད་པའི་དངོས་པོ་འཕེལ་བ་དེའི་དབང་དུ་མཛད་ནས། ལུས་མེད་པའི་ཆོས་རྣམས་ཀྱི་འཕེལ་བ་མི་མཐོང་ཞེས་གསུངས་སོ། །ལུས་ཡོད་པའི་དངོས་པོའི་འཕེལ་བའི་དབང་དུ་མཛད་ནས། ལུས་ཡོད་པའི་ཆོས་གང་ཡང་སོགས་པར་མི་བྱེད་ཅེས་གསུངས་སོ། །འཕེལ་བ་དེ་རྣམ་པ་གཉིས་སུ་བཤད་པ་དེ་བཞིན་དུ། རྫས་སུ་ཡོད་པའི་འཕེལ་བ་དེའི་དབང་དུ་མཛད་པ་ནི་སྔ་མ་ཡིན་ལ། བཏགས་པར་ཡོད་པའི་འཕེལ་བ་དེའི་དབང་དུ་མཛད་པ་ནི་ཕྱི་མ་ཡིན་པས། འཕེལ་བ་འདི་ཡང་རྣམ་པ་གཉིས་སུ་བཤད་དེ། དེ་ཡང་མདོར་བསྡུ་ན་རྣམ་པ་བཞིར་བཤད་དོ། །འཕེལ་བ་དེ་ཡང་ཉུང་ངུ་ལས་ལྟོས་ནས། ཕ་རོལ་དང་ཚུ་རོལ་བཞིན་དུ་བཏགས་པའི་ཡོད་པ་ཡིན་ཏེ། དེ་བས་ན་མི་མཐུན་པའི་ཕྱོགས་འབྲི་བ་དང་འགྲིབ་པ་ལྷན་ཅིག་ཏུ་བཤད་དོ། །ཡང་དག་ཏུ་ན་སྐུ་གཉིས་ཀྱི། །རང་བཞིན་མ་མཐོང་གང་ཡིན་པ། །དེ་ཉིད་སངས་རྒྱས་རྗེས་དྲན་ཏེ། །རྟོག་པ་ཐམས་ཅད་སེལ་བ་ཡིན། །རྐྱེན་ལ་རག་ལས་འབྱུང་བའི་ཕྱིར། །སྒྱུ་མ་བཞིན་དུ་གང་མ་སྐྱེས། །བདེན་པར་བསམས་ན་གཟུགས་ལ་སོགས། །དེ་ནི་དེ་བཞིན་གཤེགས་མ་ཡིན། །དགག་པར་བྱ་བ་མེད་པས་ན། །ཡང་དག་ཏུ་ན་དགག་མེད་མངོན། །དེ་ཕྱིར་བརྟགས་ན་གཟུགས་མེད་སོགས། །དེ་ནི་དེ་བཞིན་གཤེགས་མ་ཡིན། །སྐུ་གཉིས་ནི་ལོངས་སྤྱོད་རྫོགས་པ་དང་སྤྲུལ་པའོ། །རྟོགས་པ་ཐམས་ཅད་སེལ་བ་ནི་རྟོག་པ་ཐམས་ཅད་ཀྱི་གཉེན་པོར་གྱུར་པའི་ཕྱིར་རོ། །གཟུགས་ལ་སོགས་པ་ནི་ཡང་དག་པར་ན་མ་སྐྱེས་པའི་ངོ་བོ་ཉིད་དེ། རྐྱེན་གྱི་དབང་གིས་འབྱུང་བའི་ཕྱིར། སྒྱུ་མ་ལ་སོགས་པ་བཞིན་ནོ། །སོགས་པ་སྨོས་པས་ནི་མཚན་ལ་སོགས་པ་བསྡུའོ། །ལོངས་སྤྱོད་རྫོགས་པ་དང་སྤྲུལ་པའི་སྐུའི་མཚན་ཉིད་མ་སྐྱེས་པ་གང་ཡིན་པ་དེ་ནི་བདེན་པར་ན་དེ་བཞིན་གཤེགས་པ་མ་ཡིན་ཏེ། སྒྱུ་མ་ལ་སོགས་པ་བཞིན་ནོ། །གཟུགས་མེད་པ་ལ་སོགས་པ་ཡང་དགག་པར་བྱ་བ་མེད་པའི་ཕྱིར་བདེན་པར་མེད་དེ། དགག་པར་བྱ་བ་མེད་ན་དགག་པ་ཡོད་པར་མི་རུང་སྟེ། མོ་གཤམ་གྱི་བུའི་སྔོ་བསངས་ལ་སོགས་པ་དགག་པ་བཞིན་ནོ། །དེ་བས་ན་གཟུགས་མེད་པ་ལ་སོགས་པའི་ངོ་བོ་ཉིད་ཀྱང་བདེན་པར་ན་ལོངས་སྤྱོད་རྫོགས་པ་དང་། སྤྲུལ་པའི་སྐུའི་མཚན་ཉིད་ཀྱི་དེ་བཞིན་གཤེགས་པ་མ་ཡིན་ནོ། །སོགས་པ་སྨོས་པ་ནི་མཚན་མ་མེད་པ་ལ་སོགས་པ་བསྡུའོ། །དེས་ན་གཉི་ག་མ་ཡིན་དང་། །ཅིག་ཤོས་དེ་དག་བཀག་ཤེས་བྱ། །དེ་ཡི་ཕྱིར་ན་དེ་གཉིས་ནི། །སོ་སོར་དགག་པ་མ་མཛད་དོ། །གལ་ཏེ་དེ་བཞིན་གཤེགས་པ་གཟུགས་ཡོད་པ་ཡང་མ་ཡིན། གཟུགས་མེད་པ་ལ་སོགས་པ་ཡང་མ་ཡིན་ན། འོ་ན་གཉི་གའི་ངོ་བོའམ། གཉི་གའི་ཡིན་པའི་ངོ་བོར་འགྱུར་རོ་ཞེ་ན། དེ་ནི་མེད་དེ། གཉི་གའི་ཕྱོགས་དགག་པས་ནི། གཉི་གའི་ངོ་བོ་དེ་བཞིན་གཤེགས་པ་ཡིན་པ་ཡང་བཀག་པ་ཁོ་ནར་འགྱུར་རོ། །གཉི་ག་མ་ཡིན་པའི་ངོ་བོ་ནི་མེད་པ་ཉིད་དེ། གཟུགས་དང་གཟུགས་མེད་པ་གཉིས་ནི་ཕན་ཚུན་རྣམ་པར་གཅོད་པར་གནས་པའི་ངོ་བོ་ཅན་ཡིན་པས་གཟུགས་དང་གཟུགས་མེད་པའི་ངོ་བོ་ཉིད་དུ་འགྱུར་བའི་ཕྱིར་རོ། །དེ་ལྟར་རྣམ་རྟོག་མེད་གྱུར་ན། །ཆོས་ཀྱི་སྐུ་ནི་མཐོང་བ་སྟེ། །སངས་རྒྱས་རྗེས་དྲན་ཀུན་མཁྱེན་གྱི། །ཡོན་ཏན་ཕུན་སུམ་ཚོགས་པའི་གཞི། །དེ་ལྟར་ཇི་སྐད་བསྟན་པའི་རྣམ་པས་རྣམ་པར་རྟོག་པ་མེད་པར་གྱུར་ན་ཆོས་ཀྱི་སྐུ་མཐོང་བ་ཡིན་ཏེ། དེ་ནི་རྟོག་པ་ཐམས་ཅད་དང་བྲལ་བའི་ངོ་བོ་ཉིད་ཡིན་པའི་ཕྱིར་རོ། །མཐོང་བ་དེ་ནི་སངས་རྒྱས་རྗེས་སུ་དྲན་པ་ཡིན་ཏེ། ཐམས་ཅད་མཁྱེན་པའི་སྟོབས་བཅུ་དང་། མི་འཇིགས་པ་ལ་སོགས་པ་ཡོན་ཏན་རྣམས་ཀྱི་གཞི་ཡིན་ན། གཞན་དག་གི་ལྟ་ཅི་སྨོས། ད་ནི་སངས་རྒྱས་རྗེས་སུ་དྲན་པའི་ལུས་རྣམ་པར་དབྱེ་བ་བརྗོད་པར་བྱ་སྟེ། ལོངས་སྤྱོད་རྫོགས་པར་མཛད་པའི་སྐུ། །རྣམ་པ་ཉི་ཤུས་བཤད་པ་ཡིན། །ཅིག་ཤོས་བཅོ་བརྒྱད་ཤེས་པར་བྱ། །འདིར་ནི་དེ་གཉིས་ཕྲིན་ལས་བཞི། །དེ་ཡི་མཛད་པའི་འབྲས་བུ་དྲུག །དེ་དངོས་རྣམ་གཉིས་རྒྱུ་རྣམ་བདུན། །མཉམ་པ་ཉིད་ལ་གནས་བཞིན་དུ། །དེ་དག་ལ་ནི་བསྒོམ་པར་བྱ། །ལོངས་སྤྱོད་རྫོགས་པའི་སྐུ་ནི་རྣམ་པ་ཉི་ཤུས་བཤད་དེ། གཟུགས་སུ་མ་ཡིན་ཞེས་བྱ་བ་ནས་བཟུང་སྟེ། རྣམ་པར་གྲོལ་བའི་ཡེ་ཤེས་མཐོང་བ་མེད་པ་མ་ཡིན་ཞེས་བྱ་བ་ཡན་ཆད་དོ། །གཟུགས་ནི་སྤྱི་ཡིན་ལ། མཚན་དང་དཔེ་བྱད་བཟང་པོ་གཉིས་ནི་བྱེ་བྲག་ཡིན་པའི་ཕྱིར་བྱེ་བྲག་ཏུ་ཕྱེ་སྟེ་བསྟན་ཏོ། །རྣམ་པར་ཤེས་པ་སྨོས་པས་ནི། ལྷན་ཅིག་སྤྱོད་པའི་ཚོར་བ་ལ་སོགས་པ་ཡང་བསྡུ་སྟེ། དེས་ནི་རྣམ་པར་སྨིན་པའི་ཕུང་པོ་ལྔ་པོ་འདི་བསྟན་ཏོ། །དེའི་རྒྱུ་ནི་ཉོན་མོངས་པའོ། །ཉོན་མོངས་པ་ཡང་དཀའ་བ་སྤྱོད་པ་དང་། སྦྱིན་པ་ལ་སོགས་པའི་མཚན་ཉིད་དོ། །ཟག་པ་མེད་པའི་ཕུང་པོ་ལྔའི་རྒྱུ་ཡང་དེ་ཉིད་དེ། དེས་ན་བར་དུ་བསྟན་ནོ། །ཚུལ་ཁྲིམས་ནི་རྣམ་པ་གསུམ་སྟེ། སྡོམ་པའི་ཚུལ་ཁྲིམས་དང་། སེམས་ཅན་གྱི་དོན་བྱེད་པའི་ཚུལ་ཁྲིམས་དང་། དགེ་བའི་ཆོས་སྡུད་པའི་ཚུལ་ཁྲིམས་སོ། །ཏིང་ངེ་འཛིན་ནི་ཟག་པ་དང་། ཟག་པ་མེད་པ་དང་། རོ་མྱང་བར་བྱེད་པ་དང་ལྡན་པའི་བྱེ་བྲག་གིས་རྣམ་པ་གསུམ་ཡོད་མོད་ཀྱི། འདིར་ནི་ཟག་པ་མེད་པ་གཟུང་ངོ་། །ཤེས་རབ་ནི་རབ་ཏུ་དགའ་བ་ལ་སོགས་པའི་སས་བསྡུས་པའོ། །རྣམ་པར་གྲོལ་བ་ནི་ཉོན་མོངས་པ་དང་། ཤེས་བྱའི་སྒྲིབ་པ་སྤངས་པའོ། །རྣམ་པར་གྲོལ་བའི་ཡེ་ཤེས་མཐོང་བ་ནི་སྒྲིབ་པ་གཉིས་ལས་ངེས་པར་གྲོལ་བའི་ཐམས་ཅད་མཁྱེན་པའི་ཡེ་ཤེས་གང་ཡིན་པའོ། །ཡང་ན་ཡེ་ཤེས་ནི་ཡེ་ཤེས་ཉིད་དོ། །མཐོང་བ་ནི་མངོན་པར་ཤེས་པ་རྣམས་སོ། །སྐྱེ་བར་མ་ཡིན་ཞེས་བྱ་བ་ནས་བཟུང་སྟེ། ཕུང་པོ་དང་ཁམས་དང་སྐྱེ་མཆེད་མེད་པར་མ་ཡིན་ཞེས་བྱ་བའི་བར་རྣམས་ནི། རྣམ་པ་བཅོ་བརྒྱད་ཀྱིས་སྤྲུལ་པའི་སྐུ་བསྟན་པར་ཤེས་པར་བྱ་སྟེ། སྐྱེ་བ་ནི་མངལ་ན་གནས་པ་བཟུང་ངོ་། །རིགས་ནི་ཤཱཀྱའི་རིགས་ལ་སོགས་པའོ། །རུས་ནི་གཽ་ཏ་མ་ལ་སོགས་པའོ། །འཁོར་ནི་ཉན་ཐོས་དང་བྱང་ཆུབ་སེམས་དཔའ་དང་། རྒྱལ་པོ་ལ་སོགས་པའོ། །གནས་པ་ནི་བྱམས་པ་ལ་སོགས་པ་དང་། སངས་རྒྱས་ཀྱི་གནས་པ་ལ་སོགས་པའོ། །ཐོབ་པ་ནི་ཐམས་ཅད་མཁྱེན་པའི་ཡེ་ཤེས་ཐོབ་པར་བྱ་བའི་ལམ་ཐོབ་པའོ། །མངོན་པར་རྟོགས་པ་ནི་ཐམས་ཅད་མཁྱེན་པའི་ཡེ་ཤེས་ཏེ། གང་གི་ཕྱིར་འདིར་གཙོ་བོར་ཀུན་ནས་ཁོང་དུ་ཆུད་པ་མངོན་པར་རྟོགས་པ་ཡིན་པའི་ཕྱིར་རོ། །ཉོན་མོངས་པ་ནི་འདོད་ཆགས་ལ་སོགས་པའོ། །ཕུང་པོ་ལ་སོགས་པ་ནི་ཟག་པ་དང་བཅས་པ་དང་། ཟག་པ་མེད་པ་རྣམ་པ་གཉིས་ཏེ། མཐུན་མཐུན་དུ་གཟུང་བར་བྱའོ། །དེ་དག་ཐམས་ཅད་ཀྱང་བཅོམ་ལྡན་འདས་ཀྱིས་གདུལ་བའི་བསམ་པའི་བྱེ་བྲག་གིས་བསྟན་ཏོ། །ལོངས་སྤྱོད་རྫོགས་པ་དང་། སྤྲུལ་པའི་སྐུ་དེ་གཉིས་ཀྱི་ཕྲིན་ལས་ནི་རྣམ་པ་བཞིར་གསུངས་པར་རིག་པར་བྱ་སྟེ། ཤེས་པར་མ་ཡིན་ཞེས་བྱ་བ་ནས་བཟུང་སྟེ། ཆོས་མི་སྟོན་པར་མ་ཡིན་ཞེས་བྱ་བ་ཡན་ཆད་དོ། །དེ་ལ་གདུལ་བ་རྣམས་ཀྱི་ཁམས་དང་། བསམ་པ་དང་། དབང་པོ་དང་། སྤྱོད་པ་ལ་སོགས་པ་ལ་ལྟ་བ་ནི་ཤེས་པའོ། །ཁམས་ལ་སོགས་པ་ལ་གཟིགས་ནས་ཉོན་མོངས་པ་སྤང་བའི་ཐབས་སྟོན་པ་ནི་ཆོས་སྟོན་པའོ། །ལོངས་སྤྱོད་རྫོགས་པ་དང་སྤྲུལ་པའི་སྐུ་དེ་གཉིས་ཀྱིས་མཛད་པའི་འབྲས་བུ་ནི་རྣམ་པ་དྲུག་ཏུ་གསུངས་པར་ཤེས་པར་བྱ་སྟེ། བདག་རྣམ་པར་དག་པར་མ་ཡིན་ཞེས་བྱ་བ་ནས་བཟུང་སྟེ། གཞན་གྱི་དོན་དུ་མ་ཡིན་ཞེས་བྱ་བ་ཡན་ཆད་དོ། །བདག་རྣམ་པར་དག་པར་བྱ་བ་ནི་ཉན་ཐོས་རྣམས་ཀྱིའོ། །གཞན་རྣམ་པར་དག་པར་བྱ་བ་ནི་བྱང་ཆུབ་སེམས་དཔའ་རྣམས་ཀྱིའོ། །སེམས་ཅན་རྣམ་པར་དག་པར་བྱ་བ་ནི་གང་ཟག་ལ་མངོན་པར་ཞེན་པ་རྣམས་ཀྱིའོ། །སེམས་ཅན་མེད་པ་རྣམ་པར་དག་པར་བྱ་བ་ནི་བདག་མེད་པ་མཐོང་བ་རྣམས་ཀྱིའོ། །བདག་གི་དོན་ནི་ཉན་ཐོས་ལ་སོགས་པ་རྣམས་ཀྱིའོ། །གཞན་གྱི་དོན་ནི་བྱང་ཆུབ་སེམས་དཔའ་རྣམས་ཀྱིའོ། །དེའི་དངོས་པོ་རྣམ་པ་གཉིས་ནི་ཕྲིན་ལས་ཐ་མའི་ངོ་བོ་རྣམ་པ་གཉིས་སུ་གསུངས་པར་ཤེས་པར་བྱ་སྟེ། ཆོས་སུ་མ་ཡིན། འདུལ་བ་མ་ཡིན་ཞེས་བྱ་བ་སྟེ། ཆོས་ནི་མདོ་སྡེ་ལ་སོགས་པའོ། །འདུལ་བ་ནི་བྱང་ཆུབ་སེམས་དཔའི་འདུལ་བའི་སྡེ་སྣོད་དང་། ཉན་ཐོས་ཀྱི་འདུལ་བའི་སྡེ་སྣོད་དོ། །མཛད་པའི་འབྲས་བུ་རྒྱུ་གང་གིས་འགྲུབ་པར་འགྱུར་བའི་རྒྱུ་དེ་ནི་རྣམ་པ་བདུན་དུ་གསུངས་ཏེ། ལུས་རྣམ་པར་དག་པར་མ་ཡིན་ཞེས་བྱ་བ་ནས་བཟུང་སྟེ། ད་ལྟར་བྱུང་བའི་སྤྱོད་པ་རྣམ་པར་དག་པར་མ་ཡིན་ཞེས་བྱ་བ་ཡན་ཆད་དོ། །ལུས་རྣམ་པར་དག་པ་ནི་ལུས་ཀྱི་ལས་རྣམ་པ་གསུམ་ཡོངས་སུ་དག་པའོ། །ངག་རྣམ་པར་དག་པ་ནི་ངག་གི་ལས་རྣམ་པ་བཞི་ཡོངས་སུ་དག་པའོ། །ཡིད་རྣམ་པར་དག་པ་ནི་ཡིད་ཀྱི་ལས་རྣམ་པ་གསུམ་ཡོངས་སུ་དག་པ་སྟེ། ཐབས་འདིས་ནི་ཉན་ཐོས་ལ་སོགས་པའི་བྱ་བའི་འབྲས་བུ་འགྲུབ་པོ། །བྱང་ཆུབ་སེམས་དཔའ་རྣམས་ཀྱི་འབྲས་བུ་ནི་སྤྱོད་པ་རྣམ་པར་དག་པས་འགྲུབ་སྟེ། སྤྱོད་པ་ནི་ཕ་རོལ་ཏུ་ཕྱིན་པ་བཅུའོ། །ཤིན་ཏུ་མྱུར་ན་བསྐལ་པ་གྲངས་མེད་པ་གསུམ་གྱིས་སངས་རྒྱས་སུ་འགྱུར་ཏེ། དེའི་ཕྱིར་སྤྱོད་པ་འདི་ནི་ཡུན་རིང་མོ་ཞིག་གིས་རྣམ་པར་དག་པར་འགྱུར་བས་སྔོན་གྱི་མཐའ་ལ་སོགས་པ་སྨོས་སོ། །བདག་གི་རྣམ་པར་མ་ཡིན། གཞན་གྱི་རྣམ་པར་མ་ཡིན་ཞེས་བྱ་བ་ནི་སངས་རྒྱས་རྗེས་སུ་དྲན་པ་དེ་རྣལ་འབྱོར་ཅན་གྱིས་མཉམ་པ་ཉིད་ལ་གནས་ནས་བསྒོམ་པར་བྱའི། དེ་མ་ཡིན་པར་མི་བྱ་བར་བསྟན་ཏོ། །བདག་ཅེས་སྨོས་པ་ནི་སྒོམ་པ་པོ་བསྟན་ཏོ། །གཞན་ཞེས་སྨོས་པ་ནི་བསྒོམ་པར་བྱ་བ་དང་། བསྒོམ་པའི་རྣམ་པ་བསྟན་ཏོ། །མཉམ་པ་ཉིད་ནི་བསྒོམ་པར་བྱ་བ་དེ་བཞིན་གཤེགས་པ་དང་། སྒོམ་པ་པོ་རྣལ་འབྱོར་ཅན་དང་། གཟུགས་ལ་སོགས་པ་རྣམ་པ་གང་གིས་བསྒོམ་པར་བྱ་བ་སྟེ། དེ་ཡང་དེ་བཞིན་ཉིད་དུ་རོ་གཅིག་པའི་ཕྱིར་ཏེ། དེ་ལྟར་ན་སངས་རྒྱས་རྗེས་སུ་དྲན་པ་འཁོར་གསུམ་ཡོངས་སུ་དག་པར་བསྒོམ་པ་ཡིན་ནོ། །དེ་ལྟར་མ་བྱས་ན་ནི་དམིགས་པ་ཁོ་ནར་ལྟུང་བར་འགྱུར་རོ། །རྣམ་པ་གཞན་ཡང་། ཡང་ན་ལོངས་སྤྱོད་རྫོགས་པའི་སྐུ། །རྒྱུ་དང་བཅས་དང་འབྲས་བུར་བཅས། །ཡང་དག་ཏུ་ན་གང་མ་མཐོང་། །དེ་ནི་སངས་རྒྱས་རྗེས་སུ་དྲན། །ལོངས་སྤྱོད་རྫོགས་པ་ཉི་ཤུ་སྟེ། །སྔ་མ་བཞིན་ནོ། །ཉོན་མོངས་ཞེས་པ་ནི། བཤད་པ་འདིའི་སྐབས་སུ་ཉོན་མོངས་པ་རྣམ་པ་གཉིས་ལ་བྱའོ། །འབྲས་བུ་ཉི་ཤུ་གཉིས་སུ་བཞེད། །སྐྱེ་བར་མ་ཡིན་ཞེས་བྱ་བ་ནས་བཟུང་སྟེ། ཆོས་མི་སྟོན་པར་མ་ཡིན་ཞེས་བྱ་བ་ཡན་ཆད་དོ། །སྤྲུལ་པའི་སྐུ་དེའི་འབྲས་བུ་ཡིན་ནོ། །དེའི་རྒྱུ་ནི་བཅོ་ལྔ་སྟེ། ལོངས་སྤྱོད་རྫོགས་པའི་སྐུ་དེའི་རྒྱུའི་གྲངས་ནི་བཅོ་ལྔའོ་ཞེས་བྱ་བའི་ཐ་ཚིག་གོ། །བདག་རྣམ་པར་དག་པར་བྱ་བར་མ་ཡིན་ཞེས་བྱ་བ་ནས་བཟུང་སྟེ། ད་ལྟར་བྱུང་བའི་སྤྱོད་པ་རྣམ་པར་དག་པར་མ་ཡིན་ཞེས་བྱ་བ་ཡན་ཆད་དོ། །ཅིའི་ཕྱིར་རྣམ་པ་བཅོ་ལྔ་ཞེ་ན། སྨྲས་པ། གང་གི་ཕྱིར་ནི་ནན་ཏན་བྱེད། །ཇི་ལྟར་གང་ལ་བྱེ་བྲག་གིས། །ཅིའི་ཕྱིར་ནན་ཏན་བྱེད་ཅེ་ན། བདག་རྣམ་པར་དག་པར་བྱ་བའི་ཕྱིར་དང་། གཞན་རྣམ་པར་དག་པར་བྱ་བའི་ཕྱིར་དང་། སེམས་ཅན་རྣམ་པར་དག་པར་བྱ་བའི་ཕྱིར་དང་། བདག་གི་དོན་དང་གཞན་གྱི་དོན་གྱི་ཕྱིར་རོ། །དེ་ལ་བདག་རྣམ་པར་དག་པར་བྱ་བ་ནི་གཞན་རྣམ་པར་དག་པར་བྱ་བའི་ཐབས་སུ་གྱུར་པ་ཡིན་པའི་ཕྱིར་སྔར་བཤད་དེ། བྱང་ཆུབ་སེམས་དཔའ་རྣམས་ཀྱི་ནི་གཞན་རྣམ་པར་དག་པ་གཙོ་བོ་ཡིན་པའི་ཕྱིར་རོ། །རྣམ་པར་དག་པ་འདི་གཉིས་ནི་ཉོན་མོངས་པ་དང་། ཤེས་བྱའི་སྒྲིབ་པ་སྤོང་བའི་མཚན་ཉིད་དེ། བདག་དང་གཞན་དང་མཐུན་མཐུན་དུ་སྦྱར་རོ། །རྣམ་པར་དག་པ་དེ་གཉིས་ཀ་ཡང་སེམས་ཡིན་པའི་ཕྱིར་དེའི་འོག་ཏུ་སེམས་ཅན་རྣམ་པར་དག་པར་བྱ་བ་བསྟན་ཏེ། སེམས་ཅན་ནི་སེམས་ཡིན་ནོ། །ཡང་ན་རྣམ་པར་དག་པ་འདི་གཉིས་ལ་བརྟེན་ནས། སེམས་རྣམ་པར་དག་པ་ཐོབ་པའི་ཕྱིར། སེམས་ཅན་རྣམ་པར་དག་པར་བྱ་བར་བསྟན་ཏོ། །བདག་ཉིད་སྟོབས་བཅུ་དང་མི་འཇིགས་པ་ལ་སོགས་པ་ཡོན་ཏན་རྣམས་ཀྱི་སྣོད་དུ་འགྱུར་བར་བྱ་བ་ནི་བདག་གི་དོན་ཏོ། །གཞན་དག་ཐེག་པ་གསུམ་ལ་གནས་པའི་ཡོན་ཏན་རྣམས་དང་། བདེ་འགྲོའི་སྣོད་དུ་འགྱུར་བར་བྱ་བ་ནི་གཞན་གྱི་དོན་ཏེ། དེ་གཉིས་ཀྱི་སྔོན་དུ་དག་པ་འགྲོ་བས་དེའི་ཕྱིར་ཕྱིས་བསྟན་ཏོ། །ཇི་ལྟར་ན་ནན་ཏན་བྱེད་ཅེ་ན། ཆོས་དང་འདུལ་བས་སོ། །གང་ལ་ནན་ཏན་བྱེད་ཅེ་ན། དེ་ནི། ཟག་བཅས་ཅིག་ཤོས་བྱེ་བྲག་གིས། །བྱ་བ་རྣམ་གཉིས་ཤེས་པར་བྱ། །ཅིག་ཤོས་ཞེས་བྱ་བ་ཟག་པ་མེད་པའོ། །ཟག་པ་དང་བཅས་པའི་ལུས་རྣམ་པར་དག་པ་ལ་སོགས་པ་བསྟན་ཏོ། །ཟག་པ་མེད་པ་ནི་སྤྱོད་པ་རྣམ་པར་དག་པའོ། །སྤྱོད་པ་རྣམ་པར་དག་པ་ནི་སྦྱིན་པ་ལ་སོགས་པའི་ཕ་རོལ་ཏུ་ཕྱིན་པ་རྣམས་ཏེ། །དེ་ཡང་འདིར་སས་བསྡུས་པ་གཟུང་བར་བྱའོ། །ལུས་རྣམ་པར་དག་པ་ལ་སོགས་པ་ནི་སྤྱོད་པ་རྣམ་པར་དག་པའི་སྔོན་དུ་འགྲོ་བའི་ཕྱིར་ཕྱིས་བསྟན་ཏོ། །ལྷག་མ་དག་ནི་སྔར་བཤད་བཞིན། །མ་ལུས་པར་བཟུང་ངོ་ཞེས་བྱ་བའི་ཚིག་གི་ལྷག་མའོ། །ད་ནི་སངས་རྒྱས་རྗེས་སུ་དྲན་པ་དེ་ཉིད་ཀྱི་རྣམ་གྲངས་བརྗོད་པས་བསྟོད་པར་མཛད་དེ། སར་པ་འཇུག་པའི་རྒྱུ་ཉིད་ཡིན། །གང་ཚེ་དེ་ལས་མ་འཐོབ་པ། །སངས་རྒྱས་ཉིད་དུ་གཅིག་ཏུ་ངོས། །སངས་རྒྱས་ཉིད་ཀྱི་ས་འཐོབ་ལ། །གནས་སྐབས་དག་ནི་ཐམས་ཅད་དུ། །བདུད་ཀྱི་ལས་ནི་རྣམ་སྤོང་ན། །གཟུངས་ཀྱིས་འཐོབ་པར་མི་འགྱུར་གང་། །ཐོབ་བྱ་གཞན་ནི་ཅི་ཞིག་ཡོད། །ཤེས་པ་གང་གིས་ཆོས་ཐམས་ཅད་ཀྱི་དངོས་པོ་ཡོད་པ་དང་། དངོས་པོ་མེད་པ་ལ་སོགས་པའི་ངོ་བོར་མི་འཛིན་པ་དེ་ནི། ཆོས་ཐམས་ཅད་མི་འཛིན་པར་མོས་པས་སྤྱོད་པའི་ས་ཆེན་པོའི་ཆེན་པོས་བསྡུས་པའི་ཤེས་པ་སྟེ། དེ་འདིས་འཇུག་པར་བྱེད་པས་ན། ཆོས་ཐམས་ཅད་མི་འཛིན་པ་ལ་འཇུག་པ་ཞེས་བྱ་བའི་སངས་རྒྱས་རྗེས་སུ་དྲན་པ་སྟེ། འདིས་ནི་གཟུངས་མོས་པས་སྤྱོད་པའི་ས་ཆེན་པོའི་ཆེན་པོ་ལ་འཇུག་པའི་རྒྱུ་ཉིད་དུ་བསྟན་ཏོ། །ཆོས་ཐམས་ཅད་ཡང་དག་པར་འདུ་བ་ནི་སྟོང་པ་ཉིད་དེ། དེར་ཆོས་ཐམས་ཅད་དེའི་བདག་ཉིད་དུ་འདུ་བའོ། །དེ་ལ་མི་འཇིགས་པ་ནི་མི་སྐྲག་པའོ། །མི་སྐྲག་པ་ནི་ས་དང་པོ་སྟེ། དེ་རྟོགས་པས་དེ་ལ་མི་འཇིགས་སོ། །དེ་གཟུངས་འདིས་འཐོབ་པར་འགྱུར་བས་ན། ཆོས་ཐམས་ཅད་ཡང་དག་པར་འདུ་བ་ལ་མི་འཇིགས་པ་འཐོབ་པ་ཞེས་བྱ་བའི་གཟུངས་སོ། །དེ་ཅིའི་ཕྱིར་ཞེ་ན། དེའི་ཕྱིར་དོན་དམ་པ་སྒྲུབ་པས་ཞེས་གསུངས་སོ། །དོན་དམ་པ་ནི་ཆོས་ཀྱི་སྐུ་སྟེ།དོན་དམ་པ་སྒྲུབ་པ་དེས་ནི་གཟུངས་འདི་ས་དང་པོ་ལ་སོགས་པའི་རྒྱུར་བསྟན་ཏོ། །གཟུངས་འདིས་གཅིག་ཏུ་ངེས་པར་སངས་རྒྱས་སུ་འགྱུར་ཏེ། འདི་ལྟར་གཅིག་ཏུ་ངེས་པ་ནི་སངས་རྒྱས་ཉིད་གདོན་མི་ཟ་བ་སྟེ། དེ་འཐོབ་པའོ། །དེ་བས་ན་གཅིག་ཏུ་ངེས་པ་འཐོབ་པའི་ཕྱིར་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་ཞེས་བྱ་བའི་ཏིང་ངེ་འཛིན་ཏོ། །འདིས་ནི་ས་བརྒྱད་པ་ལ་སོགས་པ་འཐོབ་པར་བསྟན་ཏེ། ས་བརྒྱད་པ་ལ་ནི་གཅིག་ཏུ་ངེས་པ་འཐོབ་པོ། །སངས་རྒྱས་ཀྱི་ས་ཡང་གཟུངས་འདི་ཉིད་ཀྱིས་འཐོབ་པར་འགྱུར་ཏེ། འདི་ལྟར་འཇིག་རྟེན་པ་དང་། འཇིག་རྟེན་ལས་འདས་པའི་དགེ་བ་ཐམས་ཅད་གང་གི་རྩ་བ་རྒྱུ་ཡིན་པ་དེ་ནི་དགེ་བ་ཐམས་ཅད་ཀྱི་རྩ་བ་ཅན་ནོ། །དེ་ནི་དགེ་བ་ཐམས་ཅད་ཀྱི་རྩ་བ་ཅན་ཡང་ཡིན་ལ། གཞན་ལ་རག་མ་ལས་པའི་ཡེ་ཤེས་ཀྱང་ཡིན་ཏེ། གཞན་ལ་རག་མ་ལས་པའི་ཡེ་ཤེས་ནི་རང་བྱུང་གི་ཡིན་ནོ། །ཡང་ན་དགེ་བའི་རྩ་བ་ཐམས་ཅད་ལ་གཞན་ལ་རག་མ་ལས་པའི་ཡེ་ཤེས་ཞེས་བྱ་བར་རྟོགས་པར་བྱའོ། །དེ་རྟོགས་པ་ནི་འདིས་རྟོགས་པར་བྱེད་པས་ན་གཟུངས་འདི་ཉིད་ཡིན་ནོ། །དེ་ལྟ་བས་ན་དགེ་བའི་རྩ་བ་ཐམས་ཅད་ལ་གཞན་ལ་རག་མ་ལས་པའི་ཡེ་ཤེས་རྟོགས་པའི་ཕྱིར། ཆོས་ཀྱི་གཏེར་གྱི་རིགས་ལས་བྱུང་བའི་མཚན་དང་། དཔེ་བྱད་བཟང་པོས་གནས་པ་ཟིལ་གྱིས་མི་ནོན་པ་ཞེས་བྱ་བའི་གཟུངས་ཏེ། འཇིག་རྟེན་པ་དང་། འཇིག་རྟེན་ལས་འདས་པའི་ཆོས་རྣམས་ཀྱི་གཏེར་ནི་སངས་རྒྱས་བཅོམ་ལྡན་འདས་སོ། །དེ་ཉིད་རིགས་ཡིན་ཏེ། མཚན་དང་། དཔེ་བྱད་བཟང་པོ་དེ་དག་གི་སྐྱེ་བའི་གནས་སོ། །ཆོས་ཀྱི་གཏེར་གྱི་རིགས་ལས་བྱུང་བའི་མཚན་དང་དཔེ་བྱད་བཟང་པོ་བྱེད་པར་གྱུར་པ་དེ་དག་གིས་ན། །གཞན་སུ་དག་གིས་ཀྱང་གཟུངས་འདིའི་གནས་པ་ཟིལ་གྱིས་མི་ནོན་ཞེས་ཚིག་རྣམ་པར་སྦྱར་རོ། །འདི་ལས་མོས་པས་སྤྱོད་པའི་ས་ལ་སོགས་པའི་གནས་སྐབས་ཐམས་ཅད་ལ་གནས་པའི་རྣལ་འབྱོར་ཅན་གྱིས་བདུད་ཀྱི་ལས་རྣམ་པར་སྤོང་བ་ཡང་འཐོབ་པར་འགྱུར་རོ། །ཅིའི་ཕྱིར་ཞེ་ན། །དེ་ཕྱིར་དམ་པ་ཞེས་གསུངས་ཏེ། སངས་རྒྱས་ཉིད་དོ། །འདིས་ཀུན་ནས་སྔོན་དུ་ཚོལ་བས་ན། དམ་པ་ཡོངས་སུ་ཚོལ་བ་ནི་སྟོང་པ་ཉིད་དེ། དེ་ལ་མཁས་པའོ། །དེ་ལྟ་བས་ན་དམ་པ་ཡོངས་སུ་ཚོལ་བ་ལ་མཁས་པའི་ཕྱིར། བདུད་ཀྱི་ལས་ཐམས་ཅད་ཡང་དག་པར་འདའ་བ་ཞེས་བྱ་བའི་གཟུངས་ཏེ། རྣམ་གྲངས་དེ་དག་གིས་གཟུངས་ནི་དོན་ཐམས་ཅད་འཐོབ་པའི་རྒྱུ་ཡིན་པའི་ཕྱིར་དོན་ཆེ་བ་ཉིད་དུ་བསྟན་པ་ཡིན་ནོ། །རྣམ་པ་གཞན་ཡང་། ཡང་ན་དད་པས་མོས་ལ་སོགས། །དབང་དུ་མཛད་དེ་གོ་རིམས་བཞིན། །མིང་རྣམ་ལྔ་པོ་འདི་དག་ནི། །དོན་དང་མཐུན་པར་གསུངས་པ་ཡིན། །འདི་ལྟར་དད་པས་མོས་པ་རྣམས་ཀྱི་དབང་དུ་མཛད་ནས་མིང་དང་པོ་གསུངས་ཏེ། དེ་དག་ཆོས་ཐམས་ཅད་མི་འཛིན་པ་ལ་འཇུག་པའི་ཕྱིར་རོ། །མི་སྐྱེ་བའི་ཆོས་ལ་བཟོད་པ་ཐོབ་པ་རྣམས་ཀྱི་དབང་དུ་མཛད་ནས་མིང་གཉིས་པ་གསུངས་ཏེ། དེ་དག་གིས་ཆོས་ཐམས་ཅད་ཡང་དག་པར་འདུ་བ་ལ་མི་འཇིགས་པ་འཐོབ་པའི་ཕྱིར་རོ། །ཕྱིར་མི་ལྡོག་པ་རྣམས་ཀྱི་དབང་དུ་མཛད་ནས་མིང་གསུམ་པ་གསུངས་ཏེ། དེ་དག་གིས་གཅིག་ཏུ་ངེས་པ་འཐོབ་པའི་ཕྱིར་རོ། །སྐྱེ་བ་གཅིག་གིས་ཐོགས་པའི་དབང་དུ་མཛད་ནས་མིང་བཞི་པ་གསུངས་ཏེ། དེ་དག་དགེ་བའི་རྩ་བ་ཐམས་ཅད་ལ་གཞན་ལ་རག་མ་ལུས་པའི་ཡེ་ཤེས་རྟོགས་པས། ཇི་སྐད་གསུངས་པ་ཐམས་ཅད་འགྲུབ་པོ། །ཡང་ན་དངོས་པོ་ཐམས་ཅད་རྟོགས་པ་ན་དགེ་བའི་རྩ་བ་བསོད་ནམས་དང་ཡེ་ཤེས་ཀྱི་ཚོགས་ཀྱི་མཚན་ཉིད་དེ་དག་ཐམས་ཅད་སྒྲུབ་པའི་ཕྱིར། གཞན་ལ་རག་ལས་པ་མེད་པའི་ཡེ་ཤེས་སྒྲུབ་པོ། །སྒྲུབ་པ་ཞེས་བྱ་བ་ནི་ནན་ཏན་བྱེད་པ་སྟེ། དེ་ལས་ཇི་སྐད་གསུངས་པ་ཐམས་ཅད་འགྲུབ་པར་འགྱུར་རོ། །སྲིད་པ་ཐ་མ་པ་རྣམས་ཀྱི་དབང་དུ་མཛད་ནས་མིང་ལྔ་པ་གསུངས་ཏེ། དེ་དག་བྱང་ཆུབ་ཀྱི་ཤིང་དྲུང་ཁོ་ནར་བྱང་ཆུབ་འཐོབ་པའི་ཚེ། སྟོང་པ་ཉིད་ལ་གོམས་པས་བདུད་ཀྱི་ལས་ཐམས་ཅད་ལས་ཡང་དག་པར་འདའ་བར་འགྱུར་རོ། །ད་ནི་ཤཱ་རིའི་བུ་བྱང་ཆུབ་སེམས་དཔའ་གང་དག་ཅེས་བྱ་བ་ལ་སོགས་པས་ཕན་ཡོན་བསྟན་ཏེ། འབྲས་བུ་ཡང་དག་བསྟན་པས་ཀྱང་། །གདུལ་བ་རྣམས་ནི་འཇུག་འགྱུར་ཏེ། །དེ་ཡི་ཕྱིར་ན་ཐུབ་པ་ཡིས། །ཐུགས་རྗེས་ཕན་ཡོན་ཡང་དག་གསུངས། །ཆོས་དང་དད་པས་རྗེས་འབྲང་བའི། །དབང་མཛད་འདི་ཡི་ཕན་ཡོན་གཉིས། །རྒྱལ་བས་གསུངས་ཏེ་སྔ་མ་སྔ། །ཕྱི་མ་པོ་ནི་ཕྱི་མ་ཡིན། །གདུལ་བའི་རྣམ་པ་གཉིས་ཡིན་ཏེ། །ཆོས་ཀྱི་རྗེས་སུ་འབྲང་བ་དང་། །དད་པས་རྗེས་སུ་འབྲང་བའོ། །དེ་ལ་སྔ་མ་ཆོས་ཀྱི་རྗེས་སུ་འབྲང་བའི་དབང་དུ་མཛད་ནས་ཕན་ཡོན་སྔ་མ་སྟེ། འཐད་པ་དང་བཅས་པ་བསྟན་པའོ། །ཕྱི་མ་དད་པས་རྗེས་སུ་འབྲང་བའི་དབང་དུ་མཛད་ནས་ཕན་ཡོན་ཕྱི་མ་སྟེ། ཚིགས་སུ་བཅད་པ་རྣམས་ཀྱིས་བསྟན་ཏོ། །ཡང་ན་ཕན་ཡོན་གཉིས་ཀ་ཡང་། །ཆོས་དང་དད་པས་རྗེས་འབྲང་བའི། །ཕྱི་མ་སྔ་མའི་བཏགས་པ་ཡིན། །ཕྱི་མ་ཡི་ནི་གཉི་ག་དངོས། །ཡང་ན་ཕན་ཡོན་སྔ་མ་ནི་འཐད་པ་དང་བཅས་པའི་ཕྱིར། སྔ་མ་ཆོས་ཀྱི་རྗེས་སུ་འབྲང་བའི་དངོས་ཡིན་ལ། ཕན་ཡོན་ཕྱི་མ་ནི་བཏགས་པ་ཡིན་ཏེ། དེ་དག་ཀྱང་དེ་ལ་ཤས་ཀྱིས་ཕན་འདོགས་པའི་ཕྱིར་རོ། །ཕྱི་མ་དད་པས་རྗེས་སུ་འབྲང་བ་ལ་ནི་ཕན་ཡོན་གཉི་གས་ལྷུར་ཕན་འདོགས་པའི་ཕྱིར་དངོས་ཡིན་ནོ། །སྟོབས་དང་ཕ་རོལ་ཕྱིན་ས་དང་། །མི་འཇིགས་ཡོན་ཏན་ལ་སོགས་པ། །རྣམ་ཐར་སྒོ་དང་མངོན་ཤེས་དང་། །ཏིང་འཛིན་གཟུངས་སྒོ་མཐའ་ཡས་པའམ། །དེ་དག་མཐའ་ཡས་ཐབས་རྣམས་ཀྱི། །སྒྲུབ་པར་བྱེད་པ་གང་ཡིན་པ། །དེ་ཕྱིར་མཐའ་ཡས་སྒོས་བསྒྲུབ་པའི། །གཟུངས་ཞེས་བྱ་བར་བསྒྲགས་པ་ཡིན། །སྟོབས་ནི་གནས་དང་གནས་མ་ཡིན་པ་མཁྱེན་པའི་སྟོབས་ལ་སོགས་པ་བཅུའོ། །ཕ་རོལ་ཏུ་ཕྱིན་པ་ནི་སྦྱིན་པ་ལ་སོགས་པ་བཅུའོ། །ས་ནི་མོས་པས་སྤྱོད་པའི་ས་ཡན་ཆད། སངས་རྒྱས་ཀྱི་ས་ཀུན་དུ་འོད་མན་ཆད་ས་བཅུ་གཉིས་སོ། །མི་འཇིགས་པ་ནི་ས་བཅུའོ། །སོགས་པའི་སྒྲས་ནི། དྲན་པ་ཉེ་བར་གཞག་པ་གསུམ་དང་། ཐུགས་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། བྱམས་པ་ལ་སོགས་པའི་ཡོན་ཏན་རྣམས་བསྡུའོ། །རྣམ་པར་ཐར་པའི་སྒོ་རྣམས་ནི་ཐུགས་རྗེ་ཆེན་པོ་དང་། བཤོལ་བ་མེད་པ་ལ་སོགས་པའོ། །མངོན་པར་ཤེས་པ་རྣམས་ནི་ལྷའི་མིག་ལ་སོགས་པ་ལྔའོ། །ཏིང་ངེ་འཛིན་རྣམས་ནི་ནམ་མཁའི་མཛོད་ལ་སོགས་པའོ། །གཟུངས་ཀྱི་སྒོ་ནི་ཆོས་ཟབ་མོ་ལ་བཟོད་པའི་གཟུངས་ཀྱི་སྒོ་ལ་སོགས་པ་སྟེ། གང་གི་ཕྱིར་མཐའ་ཡས་པ་འདི་དག་ཐམས་ཅད་སྒྲུབ་ཅིང་རྫོགས་པར་བྱེད་པ་དེའི་ཕྱིར། སྒོ་མཐའ་ཡས་པ་སྒྲུབ་པའི་གཟུངས་ཞེས་བསྒྲགས་སོ། །ཡང་ན་གང་གི་ཕྱིར་ཇི་སྐད་བསྟན་པ་འདི་དག་ཐམས་ཅད་མཐའ་ཡས་སྒྲུབ་པ་དེའི་ཕྱིར། སྒོ་མཐའ་ཡས་པས་སྒྲུབ་པ་ཞེས་བསྒྲགས་སོ། །འདིར་ནི་དོན་གྱི་གཟུངས་ཡིན་པའམ། །ཡང་ན་གཟུངས་དོན་སྟོན་པ་ཡི། །ཡི་གེའི་ཚོགས་ནི་འདི་ཉིད་ལ། །གཟུངས་ཞེས་བྱ་བར་དགོངས་པ་ཡིན། །ཐོས་སོགས་ལས་བྱུང་ཤེས་པ་རྣམས། །ཆུང་དང་འབྲིང་ལ་སོགས་ལྡན་པས། །གཟུངས་ཀྱི་དོན་ནི་ཐོབ་གྱུར་ནས། །བྱང་ཆུབ་སེམས་དཔར་འགྱུར་བ་གང་། །དེ་དག་ཕྱིར་མི་ལྡོག་ཉིད་དུ། །མཚུངས་ཏེ་དུས་ནི་ཐ་དད་དོ། །བྱང་ཆུབ་མྱུར་བ་ཉིད་གསུངས་གང་། །དེ་ནི་གཞན་ལ་ལྟོས་ཏེ་དགོངས། །གང་གི་ཚེ་སྒོ་མཐའ་ཡས་པས་བསྒྲུབ་པའི་གཟུངས་ཞེས་བྱ་བ། འདིར་གཟུངས་ཉིད་སངས་རྒྱས་རྗེས་སུ་དྲན་པའི་མཚན་ཉིད་དུ་བཟུང་བ་དེའི་ཚེ་ནི། དོན་ཐོབ་པ་ཞེས་བྱ་བ་འདི་ལ་དོན་གྱི་སྒྲ་ནི་ངོ་བོ་ཉིད་དུ་བསྟན་པ་ཡིན་ཏེ། ངོ་བོ་ཉིད་དེ་ཡང་འདིར་སངས་རྒྱས་རྗེས་སུ་དྲན་པ་ཉིད་ལ་བྱའོ། །གང་གི་ཚེ་གཟུངས་ཀྱི་དོན་སྟོན་པའི་ཡི་གེའི་ཚོགས་ལ་འདིར་གཟུངས་ཞེས་བྱ་བར་གཟུང་བ་དེའི་ཚེ་ནི། སྒོ་མཐའ་ཡས་པས་བསྒྲུབ་པའི་གཟུངས་འདིའི་དོན་གང་རྗོད་པར་བྱེད་པའི་ངོ་བོར་གནས་པ་ལ་བྱ་བ་སྟེ། དེ་ཡང་སངས་རྒྱས་རྗེས་སུ་དྲན་པ་ཉིད་དེ། དེ་ཐོབ་པ་ནི་ཐོས་པ་ལས་བྱུང་བའི་ཤེས་པའམ། བསམས་པ་ལས་བྱུང་བའམ། བསྒོམས་པ་ལས་བྱུང་བ་ཆུང་ངུའམ། འབྲིང་ངམ། ཆེན་པོའམ། གཅིག་པུ་འམ། གཉིས་སམ། མཐའ་དག་གིས་ཐོབ་པའི་བྱང་ཆུབ་སེམས་དཔར་གྱུར་པ་གང་དག་ཡིན་པའོ། །སེམས་ཅན་རྣམས་ལ་བྱང་ཆུབ་ཀྱི་རྣམ་པར་བསྒོམ་པས་ན། བྱང་ཆུབ་སེམས་དཔའ་རྣམས་ཏེ། དེ་དག་ནི་གཟུངས་ཐོབ་པས་སེམས་ཅན་ཐམས་ཅད་ལ་སྟོང་པ་ཉིད་ཀྱི་རྣམ་པར་སྒོམ་པར་བྱེད་དོ། །ཡང་ན་སེམས་དཔའི་སྒྲ་ནི་དངོས་པོར་བསྟན་པར་བལྟ་བར་བྱ་སྟེ། འདི་དག་ཐམས་ཅད་ནི་ཕྱིར་མི་ལྡོག་པར་མཚུངས་སོ། །ཕྱིར་ལྡོག་པ་ནི་ཕྱིར་ནུར་བ་སྟེ། འཁོར་བ་དང་། ཉན་ཐོས་ལ་སོགས་པའི་བྱང་ཆུབ་ཏུ་ལྟུང་བའོ། །དེ་ཡོད་པ་དག་ནི་ཕྱིར་ལྡོག་པའོ། །ཕྱིར་ལྡོག་པ་མ་ཡིན་པ་དག་ནི། ཕྱིར་མི་ལྡོག་པ་དག་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་པ་ཞེས་བྱ་བའི་ཐ་ཚིག་གོ། །དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པའི་དུས་ལ་ནི་བྱེ་བྲག་ཡོད་དེ། འདི་ལྟར་གང་དག་ཐོས་པ་ལས་བྱུང་བའི་ཤེས་པ་ཆེན་པོས་གཟུངས་ཀྱི་དོན་ཐོབ་པ་དེ་དག་གི་བྱང་ཆུབ་འཐོབ་པའི་དུས་ནི་རིང་བའོ། །འབྲིང་གིས་ཐོབ་པ་གང་ཡིན་པ་དེ་དག་ནི་ཤིན་ཏུ་རིང་བའོ། །ཆུང་ངུས་ཐོབ་པ་གང་ཡིན་པ་དེ་དག་ནི་ཆེས་ཤིན་ཏུ་རིང་བའོ། །དེ་བཞིན་དུ་བསམས་པ་ལས་བྱུང་བ་ལ་སོགས་པ་ལ་ཡང་མཐུན་མཐུན་དུ་སྦྱར་བར་བྱའོ། །མྱུར་བའི་ཚིག་གསུངས་པ་གང་ཡིན་པ་དེ་ནི། བྱང་ཆུབ་སེམས་དཔའ་གཟུངས་ཀྱི་དོན་ཐོབ་པ་དག་ལས་གཞན་པའི་བྱང་ཆུབ་སེམས་དཔའ་གང་ཡིན་པ་དེ་དག་གིས་བྱང་ཆུབ་འཐོབ་པའི་དུས་ལ་ལྟོས་པར་རིག་པར་བྱའོ། །དེ་ཅིའི་ཕྱིར་ཞེ་ན་ཞེས་བྱ་བ་དེས་ནི་གཏན་ཚིགས་དྲི་བ་བསྟན་ཏེ། གཏན་ཚིགས་ཤཱ་རིའི་བུ་འདིར་ཞེས་བཀའ་སྩལ་པ་ནི་དམིགས་པ་མེད་པའི་སྤྱོད་པ་དང་ལྡན་པའི་གཟུངས་ཞེས་བྱ་བ་དང་སྦྱར་བའོ། །དམིགས་པ་ཐམས་ཅད་ཡོད་མིན་པ། །འདིར་ནི་དམིགས་པ་མེད་པར་བསྒྲགས། །དམིགས་པ་ཡོད་པ་མ་ཡིན་ཕྱིར། །དམིགས་པ་མེད་པའང་རིགས་ལྡན་མིན། །དངོས་པོ་དམིགས་པ་མེད་པ་དག་ལ་དམིགས་པ་ནི་དམིགས་པ་ཐམས་ཅད་དེ། དེ་མེད་པ་གང་ཡིན་པ་དེ་ལ་ནི་འདིར་བཅོམ་ལྡན་འདས་ཀྱིས་དམིགས་པ་མེད་པ་ཞེས་བསྟན་ཏེ། དམིགས་པར་བྱ་བ་མེད་པའི་ཕྱིར། དམིགས་པ་མེད་པ་ཙམ་དུ་ཟད་པ་ནི་མ་ཡིན་གྱི། དམིགས་པ་མེད་པའི་ཕྱིར། དམིགས་པ་མེད་པ་ཡང་། ཡང་དག་པར་ན་མི་དམིགས་པ་ཁོ་ན་སྟེ། དགག་པར་བྱ་བ་མེད་པའི་ཕྱིར་རོ། །གང་ཚེ་འདི་ལ་དམིགས་མེད་པའི། །སྤྱོད་པ་ཆེན་པོ་ཡོད་གྱུར་ན། །དེ་ཉིད་ཡང་དག་ཤེས་དེའི་ཕྱིར། །དེ་ལ་མི་འགྲུབ་ཅི་ཞིག་ཡོད། །སྤྱོད་པ་ནི་སྔར་བསྟན་པའི་དམིགས་པ་མེད་པས་སོ། །ཆེན་པོ་ནི་ཡོན་ཏན་རྣམ་པ་སྣ་ཚོགས་མཐའ་ཡས་པ་སྡུད་པ་ཡིན་པའི་ཕྱིར་རོ། །དེ་ཉིད་མི་སླུ་བ་ཡིན་པའི་ཕྱིར་ཡང་དག་པའི་ཤེས་པ་ཡིན་ཏེ། གང་གི་ཚེ་འདི་ལ་ཡོད་པ་དེ་ནི་དམིགས་པ་མེད་པའི་སྤྱོད་པ་དང་ལྡན་པའོ། །དེ་ལྟ་བུའི་གཟུངས་དེ་ལས་ཅི་ཞིག་འགྲུབ་པར་མི་འགྱུར་ཏེ། ཐམས་ཅད་ཀྱང་འགྲུབ་པར་འགྱུར་རོ་ཞེས་བྱ་བའི་ཐ་ཚིག་གོ། །ཁྱོད་ཀྱིས་ཉེས་པ་མ་ལུས་པ། །སྤང་བ་སངས་རྒྱས་རྗེས་དྲན་ཉིད། །དེ་ཡི་གཉེན་པོ་ཡིན་པས་ན། །དེ་ཕྱིར་ཅི་བདེར་སྒོམས་པར་གྱིས། །དེ་ཕྱིར་འདིར་སངས་རྒྱས་ཀྱི་ཆོས་དང་ཡོན་ཏན་ཐམས་ཅད་ཀྱི་གཏེར་ངེས་པ་སྟེ། སངས་རྒྱས་ཀྱི་ཆོས་ནི་ཐུན་མོང་མ་ཡིན་པ་རྣམས་སོ། །སངས་རྒྱས་ཀྱི་ཡོན་ཏན་རྣམས་ནི་ཉན་ཐོས་ལ་སོགས་པ་དང་ཐུན་མོང་བ་འམ། སངས་རྒྱས་ཀྱི་ཆོས་རྣམས་ཁོ་ནའོ། །གནས་དང་གནས་མ་ཡིན་པ་མཁྱེན་པའི་སྟོབས་ལ་སོགས་པ་ནི་ཡོན་ཏན་རྣམས་ཏེ། གོམས་པར་བྱ་བ་ཡིན་པའི་ཕྱིར་རོ། །དེ་དག་གི་གཏེར་ནི་རྒྱུ་སྟེ་ངེས་པའོ། །ཡང་དེ་ན་སངས་རྒྱས་ཀྱི་ཆོས་དང་ཡོན་ཏན་ཐམས་ཅད་ཡོད་པས་ན་སངས་རྒྱས་ཀྱི་ཆོས་དང་ཡོན་ཏན་ཐམས་ཅད་ཀྱི་གཏེར་ཏེ། ཐམས་ཅད་མཁྱེན་པའི་ཡེ་ཤེས་སོ། །དེ་ངེས་པ་ནི་སངས་རྒྱས་ཀྱི་ཆོས་དང་ཡོན་ཏན་ཐམས་ཅད་ཀྱི་གཏེར་ངེས་པའོ། །གང་གི་ཕྱིར་ཆོས་ཀྱི་ཉེས་པ་མ་ལུས་པ་སྤོང་བ་ནི་དེའི་གཉེན་པོར་གྱུར་པའི་སངས་རྒྱས་རྗེས་སུ་དྲན་པ་ཁོ་ན་ཡིན་པ་དེའི་ཕྱིར། ཁྱོད་ཀྱིས་ཅི་བདེར་སྒོམས་ཤིག་ཅེས་བྱ་བར་བཅོམ་ལྡན་འདས་ཀྱིས་དགོངས་ཏེ། འདི་ལྟར་འདོད་ཆགས་ལ་སོགས་པ་ཉོན་མོངས་པའི་སྒྲིབ་པ་ནི་དངོས་པོ་ལ་མངོན་པར་ཞེན་པ་སྔོན་དུ་འགྲོ་བ་ཅན་ལ། དངོས་པོ་ལ་མངོན་པར་ཞེན་པ་ཡང་ཤེས་བྱའི་སྒྲིབ་པ་ཡིན་ཏེ། སངས་རྒྱས་རྗེས་སུ་དྲན་པ་ནི་ཆོས་ཐམས་ཅད་ཀྱི་ངོ་བོ་ཉིད་ཀྱི་སྒོ་ནས་དེ་སྤོང་བར་བྱེད་པ་ཡིན་ནོ། །དེའི་ཕྱིར་སངས་རྒྱས་རྗེས་སུ་དྲན་པ་ཡིད་ལ་གོམས་པའི་མི་ལ་ནི་ཉོན་མོངས་པ་དང་ཤེས་བྱའི་སྒྲིབ་པ་རྣམ་པ་གཉིས་ཀ་ཡང་མི་གནས་སོ། །འདི་ལྟར་གང་ལ་གང་གི་མི་མཐུན་པའི་ཕྱོགས་ཟིལ་གྱིས་གནོན་པའི་ཤས་ཆེ་བ་ཡོད་པ་དེ་ལ་དེ་མེད་དེ། ཇི་ལྟར་རྒྱ་མཚོ་ན་མེ་ལྕེའི་ཚོགས་མེད་པ་དེ་བཞིན་དུ། སངས་རྒྱས་རྗེས་སུ་དྲན་པ་ཡིད་ལ་གོམས་པའི་ཉོན་མོངས་པ་དང་། ཤེས་བྱའི་སྒྲིབ་པ་མི་མཐུན་པའི་ཕྱོགས་ཟིལ་གྱིས་གནོན་པའི་ཤས་ཆེ་བ་ཡོད་དོ། །རིགས་པར་རྗེས་སུ་སྒྲུབ་པས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་འབའ་ཞིག་ཏུ་ཡང་མ་ཟད་དེ། འདི་ནི་རྒྱུ་ཉེ་བར་གནས་པས་ཀྱང་ཁོང་དུ་ཆུད་པར་བྱ་བའི་ཕྱིར་འདི་ཉིད་ལས་བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱི་བྱེ་བྲག་མཆོག་འཐོབ་པའི་ཕྱིར་རོ་ཞེས་གསུངས་སོ། །བྱེ་བྲག་ཕུལ་དུ་ཕྱིན་པ་ནི་བྱེ་བྲག་མཆོག་སྟེ། འདི་ལྟར་འཁོར་གསུམ་རྣམ་པར་དག་པའི་ཕྱིར། །སྦྱིན་པ་ལ་སོགས་མཆོག་དང་ལྡན། །ཡང་དག་རྫོགས་པའི་བྱང་ཆུབ་རྒྱུའི། །ཁྱད་པར་འདི་ལས་འཐོབ་པར་འགྱུར། །སྦྱིན་པར་བྱ་བ་དང་། སྦྱིན་པ་པོ་དང་། ལེན་པ་པོ་ལ་སོགས་པ་མི་དམིགས་པས། སྦྱིན་པ་ལ་སོགས་པ་རྣམ་པར་དག་པ་ནི་དེ་ཡིན་ཏེ། དེའི་མི་མཐུན་པའི་ཕྱོགས་ཀྱི་དྲི་མ་མེད་པའི་ཕྱིར་རོ། །དེས་ཤིན་ཏུ་ཁྱད་པར་དུ་འཕགས་པའི་སྦྱིན་པ་ལ་སོགས་པ་སྤྱོད་པའི་མཚན་ཉིད་བླ་ན་མེད་པའི་བྱང་ཆུབ་ཀྱི་བྱེད་རྒྱུ་འདི་ཉིད་ལས་ཐོབ་པར་འགྱུར་རོ། །དེ་ལྟར་འཐད་པ་དང་བཅས་པའི་ཕན་ཡོན་བསྟན་ནས། ཕན་ཡོན་གཞན་ཡང་གསུངས་ཏེ། འདིར་ནི་ཐུབ་པའི་དབང་པོ་ཡིས། །ཡི་གེའི་དོན་དང་གཉི་ག་ཡི། །གཟུངས་ཀྱི་ཕན་ཡོན་བཀའ་སྩལ་ཏེ། །ཅི་རིགས་པར་ནི་སྦྱར་བར་ཟད། །ཡང་ན་ཕན་ཡོན་ཐམས་ཅད་ཀྱང་། །གཟུངས་རྣམས་ཀུན་ལ་བཤད་བྱ་སྟེ། །ཁ་ཅིག་དག་ནི་དུས་གཞན་ལས། །དགོངས་པ་ཙམ་དུ་ཟད་པ་ཡིན། །ཡི་གེའི་གཟུངས་ནི་གཟུངས་ཀྱི་དོན་སྟོན་པའི་ཡི་གེ་སྟེ། ཁར་བ་བསད་པ་ལ་སོགས་པ་བཞིན་ནོ། །དོན་གྱི་གཟུངས་ནི་སངས་རྒྱས་རྗེས་སུ་དྲན་པའོ། །གཉི་གའི་གཟུངས་ནི་གཉིས་པོ་དེ་ཉིད་དོ། །གཟུངས་རྣམ་པ་གསུམ་པོ་འདི་དག་གི་ཕན་ཡོན་ནི། འདིར་བཅོམ་ལྡན་འདས་ཀྱིས་སྤྱིར་བཀའ་སྩལ་ཏོ། །སྐྱེས་བུ་ཤེས་པ་དང་ལྡན་པས་ཅི་རིགས་པར་སྦྱར་བར་བྱ་བ་འབའ་ཞིག་ཏུ་ཟད་དོ། །ཡང་ན་ཕན་ཡོན་ཐམས་ཅད་ཀྱང་གཟུངས་ཐམས་ཅད་ཀྱི་ཡིན་པར་གསུངས་སོ། །བྱེ་བྲག་ནི་འདི་ཡོད་དེ། ཁ་ཅིག་ཏུ་ནི་དུས་གཞན་ལ་དགོངས་པར་བཤད་པར་བྱ་སྟེ། འདི་ལྟར། མཉམ་ཉིད་ཅེས་བྱ་དུས་དང་དོན། །གང་ཟག་གཞན་ཞེས་བྱ་བ་ཡི། །དགོངས་པ་རྣམས་ཀྱིས་ཐུབ་པའི་གསུང་། །ཅི་རིགས་པར་ནི་རྟོགས་པར་བྱ། །བཅོམ་ལྡན་འདས་ཀྱི་དགོངས་པ་ནི་རྣམ་པ་བཞིར་ཁོང་དུ་ཆུད་པར་བྱ་སྟེ། མཉམ་པ་ཉིད་ལ་དགོངས་པ་ཞེས་བྱ་བ་ནི། ཇི་སྐད་དུ་བཅོམ་ལྡན་འདས་ཀྱིས་ང་ཉིད་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ་ཞེས་གསུངས་པ་ལ་སོགས་པ་ལྟ་བུའོ། །དོན་གཞན་ལ་དགོངས་པ་ཞེས་བྱ་བ་ནི། ཇི་སྐད་དུ་བཅོམ་ལྡན་འདས་ཀྱིས་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་ལ་བསྙེན་བཀུར་བྱས་ནས་གདོད་ཐེག་པ་ཆེན་པོ་སྟོན་པའི་མཆོག་ཏུ་ཟབ་མོའི་དོན་རྟོགས་པར་འགྱུར་རོ་ཞེས་བྱ་བ་ལ་སོགས་པ་ལྟ་བུའོ། །གང་ཟག་གཞན་ལ་དགོངས་པ་ཞེས་བྱ་བ་ནི། ཇི་སྐད་དུ་བཅོམ་ལྡན་འདས་ཀྱིས། སྦྱིན་པ་ཡིས་ནི་དགའ་བར་འགྱུར། །ཞེས་བྱ་བ་ལ་སོགས་པ་གསུངས་པས། སྦྱིན་པ་ལ་སོགས་པའི་བསྔགས་པ་བརྗོད་པར་མཛད་ནས། ཡང་གང་ཟག་ཁ་ཅིག་ལ་བརྟེན་ཏེ། སྦྱིན་པ་སྦྱིན་པས་ཕན་ཚུན་དག་ཏུ་བརྟེན་དེ་དག །གཞན་དང་གཞན་ལ་གུས་པར་མི་འགྱུར་བས། །སངས་རྒྱས་མཁས་པ་བག་ཆགས་སྤངས་རྣམས་ནི། །དེ་འདྲར་བརྟེན་པ་དེ་དག་བསྔགས་མི་མཛད། །ཅེས་བྱ་བ་ལ་སོགས་པས་སྦྱིན་པ་ལ་སོགས་པ་དེ་དག་ཉིད་སྨོད་པར་མཛད་པ་ལྟ་བུའོ། །དགོངས་པ་བཞི་པོ་འདི་དག་གིས་ཐུབ་པའི་དབང་པོའི་གསུང་རབ་ཀྱི་མདུད་པའི་གནད་རྣམས་བཤད་པར་བྱའོ། །དགོངས་པ་བསྟན་པའི་དགོས་པ་ནི་ཡི་གེ་མངས་སུ་དོགས་པས་མ་བཤད་དོ། །སྐབས་འདིར་ཁ་ཅིག་ཏུ་ནི་དུས་གཞན་ལ་དགོངས་ཏེ་ཕན་ཡོན་བསྟན་ཏོ། །གང་ཟག་གཞན་ལ་དགོངས་པས་ཀྱང་བསྟན་ཏེ། དེ་ནི་གསལ་བའི་ཕྱིར་བདག་གིས་མ་སྦྱར་རོ། །གཟུངས་ཞེས་བྱ་འདིར་ཁ་ཅིག་ཏུ། །མགོན་པོ་ཐུགས་རྗེ་ཅན་གྱིས་ནི། །གཟུངས་ཞེས་པ་ནི་ཆེན་པོ་ཡི། །ཆེན་པོའང་ཡིན་པར་བཀའ་སྩལ་ཏོ། །གཟུངས་ལ་དམིགས་པ་ཤེས་རབ་ཀྱི་མཐའ་ལ་གནས་པ་ལ་གཟུངས་ཞེས་བྱ་བར། སེམས་ཅན་གྱི་དོན་ལ་མཁས་པ་བཅོམ་ལྡན་འདས་ཀྱིས་ཁ་ཅིག་ཏུ་གསུངས་ཏེ། མི་སྡུག་པ་བཞིན་ནོ། །དེ་ལྟར་དོན་བསྡུས་པ་བསྟན་ནས། ད་ནི་དེའི་ཕན་ཡོན་གྱི་ཚིགས་སུ་བཅད་པ་སོ་སོར་བརྟག་པར་བྱ་སྟེ། ཅི་འདི་དག་སྟོང་པ་ཡིན་ནམ་འོན་ཏེ་མ་ཡིན་སྙམ་དུ། ཆོས་རྣམས་སྟོང་པར་དོགས་མེད་ཅིང་། མདོ་སྡེ་འདི་ཐོས་ནས་སྟོང་པ་ཁོ་ནའོ་སྙམ་དུ་སེམས་ཏེ། འདི་ནི་ཐེ་ཚོམ་མེད་པའི་ཕན་ཡོན་བསྟན་ཏོ། །ཆོས་རྣམས་སྟོང་པ་ལ། །བྱང་ཆུབ་ཆེད་དུ་སྤྲོས་མི་བྱེད། །ཆོས་རྣམས་དང་བྱང་ཆུབ་ཀྱི་རང་བཞིན་མེད་པའི་ཕྱིར་རོ། །འདི་དག་ནི་བྱང་ཆུབ་འཐོབ་པོ་སྙམ་དུ་དམིགས་པ་ནི་སྤྲོས་པའོ། །འདིས་ནི་དམིགས་པ་མེད་པའི་ཕན་ཡོན་བསྟན་ཏོ། །ཆོས་དབྱིངས་འཁྲུག་པར་མི་བྱེད་ན། །ཆོས་ཀྱི་དབྱིངས་འཁྲུག་པ་ནི་ཕྱིན་ཅི་ལོག་ཏུ་མངོན་པར་ཞེན་པ་སྟེ། འདི་ལྟར་ཆོས་ཀྱི་དབྱིངས་ནི་ཡང་དག་པར་སྟོང་པའང་མ་ཡིན། མི་སྟོང་པའང་མ་ཡིན་ན། དེ་ལ་སྟོང་པ་ཉིད་ལ་སོགས་པའི་ངོ་བོ་ཉིད་དུ་འཛིན་པ་ནི་འཁྲུག་པའོ། །འདིས་ནི་ཆོས་ཀྱི་དབྱིངས་ཀྱི་ངོ་བོ་ཉིད་ཡང་དག་པར་ཁོང་དུ་ཆུད་པའི་ཕན་ཡོན་བསྟན་ཏོ། །དེ་ཕྱིར་གཟུངས་ནི་འཐོབ་པར་འགྱུར། །ཞེས་བྱ་བ་འདི་ནི་དོན་གྱི་གཟུངས་ཏེ། འདི་ནི་ཡི་གེའི་གཟུངས་ཀྱི་ཕན་ཡོན་དངོས་དང་བརྒྱད་པའི་བྱེ་བྲག་གིས་བསྟན་ཏོ། །ཡང་ན་ཕན་ཡོན་འདི་ནི་གཟུངས་རྣམ་པ་གསུམ་ཆར་ལ་ཡང་མཐུན་མཐུན་དུ་སྦྱར་བར་བྱ་སྟེ། གང་གི་ཚེ་དོན་གྱི་གཟུངས་ཀྱི་ཕན་ཡོན་དུ་བསྟན་པ་དེའི་ཚེ་ནི་གཟུངས་སྨོས་པས་རབ་ཀྱི་མཐའ་ལ་གནས་པའི་གཟུངས་ཀྱི་ཡེ་ཤེས་གཟུང་ངོ་། །མདོ་སྡེ་འདི་ནི་མཉན་པར་བྱ་བ་ཞེས་བྱ་བ་འདིས་ནི་ཡི་གེའི་གཟུངས་ཀྱི་ཕན་ཡོན་རྣམ་པ་གསུམ་དུས་གཞན་ལ་དགོངས་པའི་སྒོ་ནས་བསྟན་ཏོ། །གཟུངས་འཐོབ་པ་དང་། ཡེ་ཤེས་འབྱོར་པ་འཐོབ་པ་དང་བྱང་ཆུབ་འཐོབ་པའོ། །ཡང་ན་གང་གི་ཚེ། འདི་ལ་གཟུངས་ནི་ཟད་པ་མེད། །ཅེས་བརྗོད་པར་བྱ་ཞེས་བྱ་བ་ལྷག་མ་ཡིན་པ་དེའི་(ཆེ་‚ཚེ་)ན་གཟུངས་སྨོས་པ་མངོན་སུམ་གྱི་ཕན་ཡོན་ཡིན་ལ། གཞན་གཉིས་པོ་ནི་དུས་གཞན་དགོངས་པའོ། །ཡང་ན་གཟུངས་རྣམ་པ་གསུམ་ཆར་གྱི་ཕན་ཡོན་ཡིན་ཏེ། ཡི་གེའི་གཟུངས་ཀྱི་ཕན་ཡོན་ནི་རྣམ་པ་གསུམ་མོ། །དོན་གྱི་གཟུངས་ཀྱི་ནི་རྣམ་གཉིས་སོ། །ཡེ་ཤེས་ཀྱི་གཟུངས་ཀྱི་ནི་གཅིག་ཏུ་བསྟན་ཏོ། །ཡོན་ཏན་ཟད་པ་མེད་པའི་ཕྱིར་མི་ཟད་པའོ། །གཟུངས་ཞེས་བྱ་བ་ལ་སོགས་པས་ནི། ཡི་གེའི་གཟུངས་ཀྱི་ཕན་ཡོན་དུས་གཞན་ལ་དགོངས་པའི་སྒོ་ནས་རྣམ་པ་གཉིས་སུ་བསྟན་ཏེ། སྟོང་པ་ཉིད་དང་། འཚོ་བ་མེད་པ་དང་། ཚིགས་སུ་བཅད་པ་མེད་པ་ལ་སོགས་པའི་འཇིགས་པ་མ་ལུས་པ་དང་བྲལ་བའི་ཕྱིར་འཇིགས་པ་མེད་པ་དང་། ཕྱོགས་བཅུར་རྣམ་པར་བཞུགས་པའི་སངས་རྒྱས་རྣམས་ཀྱི་ཆོས་བསྟན་པ་ཐོས་པའོ། །གཟུང་བ་ནི་མ་བརྗེད་པའོ། །དོན་གྱི་གཟུངས་ཀྱི་ནི་ཕན་ཡོན་དེ་གཉི་ག་མངོན་སུམ་ཁོ་ནའི་ཡིན་ཏེ། གཟུང་བ་ནི་བསྒོམ་པའོ། །མཆོག་གི་ཆོས་ཞེས་བྱ་བ་འདིས་ནི་དུས་གཞན་ལ་དགོངས་པའི་སྒོ་ནས་ཡི་གེའི་གཟུངས་ཀྱི་ཕན་ཡོན་དུ་བསྟན་ཏོ། །ཅིག་ཤོས་ཀྱིས་ནི་མངོན་སུམ་གྱི་ཕན་ཡོན་དུ་བསྟན་ཏོ། །འདིས་ནི་སོ་སོ་ཡང་དག་པར་རིག་པ་རྣམ་པ་བཞི་ཐོབ་པར་བསྟན་ཏེ། དེ་ལ་མཆོག་གི་ཆོས་ཞེས་བྱ་བ་འདིས་ནི། ཆོས་སོ་སོ་ཡང་དག་པར་རིག་པ་བསྟན་ཏོ། །དོན་ཐམས་ཅད་ཅེས་སྨོས་པས་ནི་དོན་སོ་སོ་ཡང་དག་པར་རིག་པ་བསྟན་ཏོ། །ཚིག་འབྲུ་ཐམས་ཅད་ཅེས་སྨོས་པས་ནི་ངེས་པའི་ཚིག་སོ་སོ་ཡང་དག་པར་རིག་པ་བསྟན་ཏོ། །ཉི་མའི་འོད་ཟེར་ཇི་སྙེད་པ། །ཞེས་བྱ་བ་ལ་སོགས་པ་སྨོས་པས་ནི། སྤོབས་པ་སོ་སོ་ཡང་དག་པར་རིག་པ་བསྟན་ཏེ། མཆོག་སྨོས་པ་ནི་སངས་རྒྱས་ཀྱི་རིགས་ཅན་གྱི་སོ་སོ་ཡང་དག་པར་རིག་པ་ཡིན་པར་བསྟན་པའི་ཕྱིར་རོ། །དོན་དང་ཚིག་འབྲུས་བསྐྱོད་ཀུན་གྱི། །ཞེས་བྱ་བའི་ཚིག་ནི། དེ་དག་གིས་ཆོས་སོ་སོ་ཡང་དག་པར་རིག་པར་འཇུག་པའི་ཕྱིར་རོ། །ཉི་མའི་འོད་ཟེར་གྱི་དཔེ་ནི་མཐའ་ཡས་པ་ཉིད་དུ་བསྟན་པའི་ཕྱིར་རོ། །ཚིག་སྨོས་པ་ནི་ཚིག་དང་ཚིག་གི་དོན་གཟུང་བའི་ཕྱིར་རོ། །ཡང་ན་མཆོག་གི་ཆོས་སྟོང་པ་ཉིད་ཀྱི་ཆོས་རྣམ་པར་ཤེས་སོ། །དོན་ཐམས་ཅད་ནི་སྟོང་པ་ཉིད་དེ། དེ་ནི་དངོས་པོ་ཐམས་ཅད་ཀྱི་ངོ་བོ་ཉིད་ཡིན་པའི་ཕྱིར་རོ། །དེ་ཚིག་གང་དག་གིས་གསལ་བར་བྱེད་པ་དེ་དག་གིས་བསྐྱོད་དེ། འཇུག་པར་བྱེད་ཅེས་བྱ་བའི་ཐ་ཚིག་གོ། །ཚིག་འབྲུ་སྨོས་པས་ནི་ཚིག་རྣམས་བསྟན་ཏོ། །འདིའི་རྒྱུ་བསྟན་པ་ནི་ཇི་སྙེད་ཅེས་བྱ་བ་ལ་སོགས་པའོ། །ཡང་ན་མཆོག་གི་ཆོས་ནི་འཇིག་རྟེན་ལས་འདས་པའི་ཆོས་རྣམས་ཏེ། ཚིག་འབྲུ་གང་དག་ལ་མཆོག་གི་ཆོས་དང་དོན་ཐམས་ཅད་ཡོད་པ་དེ་དག་གིས་བསྐྱོད་དེ་འཇུག་པར་བྱེད་ཅེས་བྱ་བའི་ཐ་ཚིག་གོ། །ལྷག་མ་ནི་སྔ་མ་བཞིན་ཏེ། འདིས་ཀྱང་སོ་སོ་ཡང་དག་པར་རིག་པ་རྣམས་འཐོབ་པར་བསྟན་ཏོ། །གང་དག་ཆོས་ཀྱི་མཆོག་འགྱུར་བ། དེ་དག་གང་ཞེ་ན། བཀའ་སྩལ་པ། རླབས་ཆེན་གཟུངས་ཀྱི་སྒོ་རྣམས་ཏེ། །གང་ཞིག་མདོ་འདི་འཛིན་དེ་ལ། །ཐམས་ཅད་རྟག་ཏུ་མངོན་དུ་འགྱུར། །ཞེས་བྱ་བ་སྟེ། དུས་གཞན་ལ་དགོངས་པའི་སྒོ་ནས་དེ་སྐད་ཅེས་གསུངས་སོ། །གལ་ཏེ་སེམས་ཅན་ཐམས་ཅད་ཀྱིས། །ཞེས་བྱ་བ་ལ་སོགས་པས་ནི་ཕན་ཡོན་འདི་དངོས་དང་བརྒྱུད་པའི་སྒོ་ནས་གཟུངས་རྣམ་པ་གསུམ་ཆར་གྱི་ཡང་ཡིན་པར་གསུངས་སོ། །དེ་ཡི་ཡེ་ཤེས་མི་ཟད་དོ། །ཞེས་བྱ་བ་འདི་རྒྱུའི་ཚིག་གོ། །བསྐལ་པ་སྨོས་པ་ནི་ཉེ་བར་མཚོན་པའི་ཕྱིར་ཏེ། བསྐལ་པ་གྲངས་མེད་པ་དག་ཀྱང་གཟུང་བར་བྱའོ། །མདོ་སྡེ་འདི་ལ་སུ་དགའ་བ། །ཞེས་བྱ་བ་ནི། དེ་ལ་དད་པ་ལ་སོགས་པ་དང་ལྡན་པའི་ཕྱིར་རོ། །འདིས་ནི་ཡི་གེའི་གཟུངས་ཀྱི་ཕན་ཡོན་དུས་གཞན་ལ་དགོངས་པའི་སྒོ་ནས་བསྟན་ཏོ། །དོན་གྱི་གཟུངས་ཀྱི་ནི་མངོན་སུམ་དུ་བྱས་པས་མདོ་སྡེ་ལ་དགའ་བར་འགྱུར་བས་དེའི་ཕྱིར་དོན་གྱི་གཟུངས་ཀྱི་ཡང་འདིར་བསྟན་པར་རིག་པར་བྱའོ། །དེ་ནི་ཆོས་ཀྱི་རྒྱལ་པོའི་སྲས། །ཞེས་བྱ་བ་ནི་ས་དང་པོ་ཐོབ་པའི་ཕྱིར་ཏེ། དེའི་ཚེ་དེ་བཞིན་གཤེགས་པའི་རིགས་སུ་སྐྱེས་པ་ཡིན་ནོ། །བྱང་ཆུབ་མཆོག་ལ་ཉེ་བ་ཡིན། །ཞེས་བྱ་བ་ནི་ཕྱིར་མི་ལྡོག་པ་ལ་སོགས་པའི་ས་ཐོབ་པའི་ཕྱིར་རོ། །ཡིད་བརྟན་པ་ནི་དེ་ཁོ་ནའི་ཡེ་ཤེས་སྐྱེས་པས་མི་སླུ་བ་ཡིན་པའི་ཕྱིར་རོ། །ཆོས་ཀྱང་འཛིན་ཞེས་བྱ་བ་ནི་ལེགས་པའི་བློ་གྲོས་ལ་སོགས་པའི་ས་ཐོབ་པས་དེ་བཞིན་གཤེགས་པའི་ཆོས་མ་ལུས་པར་འཛིན་པའི་ཕྱིར་རོ། །དེ་ལ་སེམས་ཅན་ཐམས་ཅད་དགའ། །ཞེས་བྱ་བ་འདིས་ཀྱང་གཟུངས་རྣམ་པ་གསུམ་ཆར་གྱི་ཕན་ཡོན་བསྟན་པར་རིག་པར་བྱའོ། །སངས་རྒྱས་རྣམས་ཀྱང་དེ་ལ་དགྱེས། །ཞེས་བྱ་བ་ནི། དེ་ངེད་ཅག་གིས་གཅེས་པ་འཛིན་པར་འགྱུར་རོ་སྙམ་དུ་དགོངས་པའི་ཕྱིར་རོ། །ཅིའི་ཕྱིར། དེ་ནི་འཆི་བའི་དུས་བྱེད་ཚེ། །སངས་རྒྱས་བྱེ་བ་བརྒྱད་ཅུ་མཐོང་ཞེ་ན། གསང་སྔགས་ཀྱི་ཚིག་བརྒྱད་ཅུ་ཡོད་པའི་ཕྱིར་ཏེ། གསང་སྔགས་ཀྱི་ཚིག་རེ་རེ་ཞིང་ཡང་སངས་རྒྱས་བྱེ་བ་བྱེ་བས་བྱིན་གྱིས་བརླབས་པའི་ཕྱིར་རོ། །ཡང་ན་གཟུངས་ཀྱི་མཐུ་ཉིད་འདི་འདྲ་སྟེ། དེས་འཆི་བའི་དུས་ཀྱི་ཚེ་སངས་རྒྱས་བྱེ་བ་བརྒྱད་ཅུ་མཐོང་ངོ་། །ལག་པ་དེ་ལ་ཉེ་བར་འཇོག །ཅེས་བྱ་བ་ནི། རིགས་ཀྱི་བུ་མ་འཇིགས་ཤིག་ཅེས་བྱ་བའམ། ཡང་ན་ངེད་ཀྱི་ཐད་དུ་ཤོག་ཅེས་བྱ་བའི་ཕྱིར་རོ། །སུ་ཞིག་མདོ་སྡེ་འདི་འཛིན་པ། །ཞེས་བྱ་བ་འདིས་ནི་ཕན་ཡོན་འདི་ཡི་གེའི་གཟུངས་ཀྱི་ཡིན་ནོ་བསྟན་ཏེ། ཤུགས་ཀྱིས་ན་ཕན་ཡོན་འདི་དོན་གྱི་གཟུངས་ཀྱི་ཡང་ཡིན་པར་ངེས་པར་གཟུང་བར་བྱའོ། །བསྐལ་པ་བྱེ་བ་སྟོང་རྣམས་སུ། །ཞེས་བྱ་བ་འདིས་ནི་ཕན་ཡོན་འདི་གཟུངས་གསུམ་ཆར་གྱི་ཡང་ཡིན་པར་རིག་པར་བྱ་སྟེ། སྒྲོན་མས་སྐད་ཅིག་གཅིག་གིས་ཀྱང་དུས་རིང་པོ་ནས་བསགས་པའི་མུན་པ་སེལ་བར་མཐོང་བའི་ཕྱིར་བསྐལ་པ་བྱེ་བ་སྟོང་དུ་བསགས་པའི་སྡིག་པ་ཟླ་བ་གཅིག་གིས་ཇི་ལྟར་འབྱང་བར་འགྱུར་སྙམ་དུ་འཁྲུལ་པ་བསྐྱེད་པར་མི་བྱའོ། །བྱང་ཆུབ་སེམས་དཔས་བསོད་ནམས་གང་། །ཞེས་བྱ་བ་ལ་སོགས་པས་ནི་ཕན་ཡོན་འདི་དོན་གྱི་གཟུངས་ཀྱི་ཡིན་པར་བསྟན་ཏོ། །ཡི་གེའི་གཟུངས་ཀྱི་ནི་མ་ཡིན་ཏེ། འདི་ལྟར་ཟླ་བ་གཅིག་སྨོས་པས་ན་ཕན་ཡོན་འདི་དུས་གཞན་ལ་དགོངས་པའི་སྒོ་ནས་ཀྱང་དེ་ཡིན་པར་མི་སྲིད་དོ། །བསོད་ནམས་ནི་གཟུངས་འདིས་ཀུན་ནས་བསླང་བ་ལས་གཞན་པ་གཟུང་ངོ་། །འཛིན་པ་གཟུངས་མངོན་སུམ་དུ་བྱ་བའོ། །ཁམས་གསུམ་སེམས་ཅན་ཇི་སྙེད་པ། །ཞེས་བྱ་བ་ལ་སོགས་པས་ནི་ཕན་ཡོན་འདི་ཡི་གེའི་གཟུངས་ཀྱི་ཡིན་པར་དུས་གཞན་ལ་དགོངས་པར་བསྟན་ཏོ། །ཕན་ཡོན་འདི་དོན་གྱི་གཟུངས་ཀྱི་ཡིན་པར་ནི་དོན་གྱིས་བསྟན་ཏོ། །ཡི་གེའི་གཟུངས་ཀྱི་ཕན་ཡོན་འདི་ཡང་དོན་གྱི་གཟུངས་ཀྱི་སྒོ་ཁོ་ན་ལས་བྱུང་བའི་ཕྱིར་རོ། །བྱང་ཆུབ་ཏུ་འཚང་རྒྱ་བའི་བར་དུ་དེ་དྲན་པ་དང་ལྡན་པར་འགྱུར་ཞེས་བྱ་བར་སྦྱར་ཏེ། བློ་གྲོས་རྟོགས་ལྡན་འགྱུར་ཞེས་བྱ་བ་ལ་སོགས་པ་ཡང་དེ་བཞིན་སྦྱར་བར་བྱའོ། །གཟུངས་ཀྱི་དམ་པ་གང་ཡིན་པ་ནི་དམ་པའི་དོན་སྟོན་པའི་ཡི་གེའི་གཟུངས་ཡིན་ཏེ། དེ་ཡི་ལྕེ་ཡི་རྩེ་མོར་གནས། །ཞེས་བྱ་བ་ལ་སོགས་པར་སྦྱར་བར་བྱ་སྟེ། འདི་ཡང་ཡི་གེ་དང་དོན་གྱི་གཟུངས་གཉི་གའི་ཕན་ཡོན་དུ་ཤེས་པར་བྱའོ། །བློ་གྲོས་ནི་མཉམ་པར་བཞག་པ་མ་ཡིན་པའི་ཤེས་རབ་བོ། །རྟོགས་པ་ནི་མཉམ་པར་གཞག་པའི་ཤེས་རབ་བོ། །ཡང་ན་རྟོགས་པ་ནི་ཐམས་ཅད་དུ་ཐོགས་པ་མེད་པར་འཇུག་པ་ཉིད་དོ། །ཇི་ལྟར་མདོ་སྡེ་བསྟན་འདི་ལ། །གཟུངས་དོན་གྱི་གཟུངས་ཀྱི་ཕྱིར་སོ་སོར་ངེས་པ་བཞིན། ཡང་ན་གཟུངས་ནི་གཟུངས་ཞེས་པ་སྟེ། དེ་བཞིན་དུ་མདོ་སྡེ་བསྟན་པ་འདི་ལས་ཐམས་ཅད་མཁྱེན་པ་ཉིད་བསྟན་པ་ངེས་པར་འཐོབ་པར་འགྱུར་ཞེས་བྱ་བར་སྦྱར་རོ། །དེ་བཞིན་དུ་འདི་ལས་བྱང་ཆུབ་ངེས་པར་འཐོབ་པར་འགྱུར་ཞེས་བྱ་བར་ཡང་གཟུང་བར་བྱ་སྟེ། ཕན་ཡོན་འདི་ནི་མངོན་སུམ་དང་། དུས་གཞན་ལ་དགོངས་པའི་སྒོ་ནས་ཡི་གེའི་གཟུངས་ཀྱི་ཡིན་པར་རིག་པར་བྱའོ། །དོན་གྱི་གཟུངས་ཀྱི་ནི་སྔ་མ་བཞིན་དུ་ཤུགས་ཀྱིས་ཁོང་དུ་ཆུད་པར་བྱའོ། །ཐམས་ཅད་མཁྱེན་པ་ཉིད་ནི་ཤེས་བྱའི་སྒྲིབ་པ་སྤངས་པ་ལས་འགྱུར་རོ། །བྱང་ཆུབ་ནི་ཉོན་མོངས་པའི་སྒྲིབ་པ་སྤངས་པ་ལས་སོ། །ཡང་ན་ཐམས་ཅད་མཁྱེན་པ་ཉིད་ནི་ཐམས་ཅད་མཁྱེན་པའི་ཡེ་ཤེས་སོ། །བྱང་ཆུབ་ནི་ཉོན་མོངས་པ་དང་ཤེས་བྱའི་སྒྲིབ་པ་སྤངས་པའོ། །ཡང་ན་རྒྱུ་དང་རྒྱུ་ཅན་གྱི་ཚུལ་དུ་གཉི་ག་རྟོགས་པར་བྱའོ། །འདི་ལས་བྱང་ཆུབ་འཐོབ་པར་འགྱུར། །ཞེས་བྱ་བ་འདི་ནི། བདག་ཉིད་དཔེར་བསྟན་པས་བརྡའ་སྤྲད་པའི་ཕྱིར། (གཟུགས་‚གཟུངས་)འདི་ཐོས་མ་ཐག་ཏུ་ཡང་། །ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་མར་མེ་ཞེས་བྱ་བ་ནི་བཅོམ་ལྡན་འདས་མར་མེ་མཛད་ཡིན་ནོ། །བདག་ཅག་གིས་གཟུངས་ཐོས་ཀྱང་ལུང་ཡང་མ་བསྟན་ལ། སངས་རྒྱས་རྣམས་ཀྱང་མི་མཐོང་བ་མ་ཡིན་ནམ། ཅིའི་ཕྱིར་དེ་སྐད་གསུངས། ཐོས་མ་ཐག་ཏུ་ཞེས་གསུངས་པའི་ཕྱིར་དང་། སྐད་ཅིག་དེ་ལ་ཞེས་གསུངས་པའི་ཕྱིར། འདིར་དུས་གཞན་ལ་དགོངས་པ་ཡང་མ་ཡིན་ནོ། །ཞེ་ན་ཉེས་པ་མེད་དེ། འདི་ལྟར་འདིས་ནི་བཅོམ་ལྡན་འདས་ཀྱི་ཚེ་རབས་གཞན་དུ། བཅོམ་ལྡན་འདས་མ་འདི་ལ་གོམས་ན། ཇི་ལྟ་བ་བཞིན་དུ་ངེས་པ་ཁོ་ནར་ཚེ་འདི་ལ་ཁྱད་པར་འདི་སྒྲུབ་པར་བྱེད་དོ་ཞེས་བྱ་བ་སྟེ་སྟོན་པར་མཛད་པ་ཡིན་ཏེ། དེ་བས་ན་གལ་ཏེ་དེ་བཞིན་དུ། གཞན་ཚེ་རབས་གཞན་ན་གོམས་པ་གང་ཡིན་པ་དེ་ཡང་གཟུངས་ཐོས་མ་ཐག་ཏུ་ངེས་པར་ལུང་བསྟན་པར་འགྱུར་ཞིང་། །སྐད་ཅིག་དེ་ཉིད་ལ་སངས་རྒྱས་རྣམས་མཐོང་བར་འགྱུར་ཏེ། འདི་ལ་འཁྲུལ་པ་བསྐྱེད་པར་མི་བྱའོ། །འདིས་ནི་ཕན་ཡོན་འདི་ཡི་གེ་དང་དོན་གྱི་གཟུངས་ཀྱི་ཡིན་པར་བསྟན་ཏོ། །གཟུངས་འདིའི་ཕན་ཡོན་སངས་རྒྱས་ཐམས་ཅད་ཀྱི་ཆོས་ཀྱི་ཚུལ་འཛིན་པ་ཡིན་པར་བསྟན་པའི་ཕྱིར། གང་ཞིག་ཅེས་བྱ་བ་ལ་སོགས་པ་གསུངས་ཏེ། སྟོན་པའི་གསུང་རབ་ཡན་ལག་བཅུ་གཉིས་སོ། །སངས་རྒྱས་ཐམས་ཅད་ཀྱིས་བསྟན་པ་ཤེས་པར་བྱ་བའི་ཐབས་གཞན་ཡང་ཡོད་མོད་ཀྱི། འདི་མྱུར་བས་ན་མྱུར་བའི་ཚིག་གིས་སྟོན་པར་མཛད་དེ། ཕན་ཡོན་འདི་ནི་ཡི་གེའི་གཟུངས་ཀྱི་ཡིན་པར་དུས་གཞན་ལ་དགོངས་པའི་སྒོ་ནས་བསྟན་པའོ། །དོན་གྱི་གཟུངས་ཀྱི་ནི་དོན་གྱིས་བསྟན་པ་ཡིན་པར་རིག་པར་བྱའོ། །སངས་རྒྱས་ཞིང་ནི་རྣམ་དག་དང་། །ཞེས་བྱ་བ་ལ་སོགས་པས་ནི་ཕན་ཡོན་གཞན་སྟོན་ཏེ། འདི་ནི་ཡི་གེའི་གཟུངས་ཀྱི་ཕན་ཡོན་དུས་གཞན་ལ་དགོངས་པ་བསྟན་ཏེ། བྱེད་པར་འགྱུར་ཞེས་འབྱུང་བའི་ཕྱིར་རོ། །དོན་གྱི་གཟུངས་ཀྱི་ནི་དོན་གྱི་དངོས་དང་བརྒྱུད་པར་ཅི་རིགས་པར་རིག་པར་བྱ་སྟེ། འདིའི་ཕན་ཡོན་གསུམ་པོ་འདི་ལ་ཐེ་ཚོམ་མི་བྱ་བར་འདི་ན་དེ་ཁོ་ན་བཞིན་ནོ་སྙམ་དུ་གཟུང་བར་བྱའོ། །གལ་ཏེ་ཁྱོད་ལ་ཐེ་ཚོམ་ཡོད་ན། དེའི་ཚེ་ཞག་བདུན་ཙམ་གྱི་བར་དུ་འདི་སོམས་ཤིག་དང་། དེས་ན་ཁྱོད་བདག་ཉིད་ཀྱིས་ཚེ་འདི་ལ་ཡིད་ཆེས་པའི་རྟགས་མཐོང་བར་འགྱུར་རོ་བྱ་བའི་དོན་དུ། དེ་བས་བག་ནི་ཡོད་གྱུར་ལ། །ཞེས་བྱ་བ་ལ་སོགས་པ་གསུངས་ཏེ། གསང་སྔགས་ཚིག་ནི་སྔ་མ་ཡིས། །བསྲུང་བའི་ཆོ་ག་འདི་བྱས་ལ། །གཙང་མས་འདུ་དང་འབྲེལ་སྤང་ཞིང་། །ལུས་ཀྱི་འདུ་འཛི་སྤང་བྱ་སྟེ། །དེས་ནི་རྟོག་པའི་དྲ་བ་ཡི། །རྒྱུན་རྣམས་མ་ལུས་སྤངས་ན་ནི། བག་མེད་པའི་རྣམ་པ་གཉིས་ཏེ། །གཞན་ལས་བྱུང་བ་དང་། བདག་ལས་བྱུང་བའོ། །གཞན་ལས་བྱུང་བ་ཡང་རྣམ་པ་གཉིས་ཏེ། གནམ་བབས་པ་དང་། རྩལ་ལས་བྱུང་བའོ། །བདག་ལས་བྱུང་བ་ནི་རྣམ་པ་གསུམ་སྟེ། འདུ་བ་ལས་བྱུང་བ་དང་། ལུས་ཀྱི་འདུ་འཛི་ལས་བྱུང་བ་དང་། ལོག་པར་རྣམ་པར་བརྟགས་པ་ལས་བྱུང་བའོ། །དེ་དག་མེད་པས་བག་ཡོད་པར་གྱུར་ནས། ལས་ངན་པ་མ་ལུས་པར་ཡོངས་སུ་སྤངས་ཏེ། སངས་རྒྱས་རྗེས་སུ་དྲན་པ་ཙམ། །རབ་ཏུ་བསྒོམས་པ་གུས་བྱས་ལ། །སེམས་ནི་རྩེ་གཅིག་བྱས་ནས་སུ། །སངས་རྒྱས་རྗེས་སུ་དྲན་བྱེད་པ། །དེ་ནི་ཆོ་ག་བཞིན་དུ་བསྒོམ། །བསམ་གཏན་གྱི་ཚེར་མ་ནི་སྒྲ་ཡིན་པའི་ཕྱིར། སྒྲ་མེད་པའི་ས་ཕྱོགས་སུ་སྐྱིལ་མོ་ཀྲུང་བཅས་ནས། དབུགས་རྔུབ་པ་དང་། འབྱུང་བ་དག་བསྟུད་པར་མི་བྱ་བར། ལུས་དྲང་པོར་བསྲང་ལ། ཧ་ཅང་མ་རེངས་པར་བྱ་སྟེ། སེམས་ཀྱི་ཚོགས་ཕྱི་རོལ་དུ་འཕྲོ་བ་བཟློག་པའི་ཕྱིར། སེམས་སྣའི་རྩེ་མོ་ལ་གཏད་དེ་ཅི་ནུས་ཀྱིས་བསྒོམ་པར་བྱའོ། །དེ་ནས། སྐྱོ་བར་གྱུར་ན་བློ་ཅན་གྱིས། །དེར་གནས་སེམས་ཀྱིས་དུས་བསྟུད་དོ། །ཧ་ཅང་བསྒོམ་དྲགས་པས་རྣལ་འབྱོར་པ་སེམས་སྐྱོ་བར་གྱུར་ན། བསྒོམ་པ་དེ་ལས་ལངས་ལ་ཀློག་འདོན་བྱ་བའམ། འགྲེང་བའམ། འགྲོ་བའམ། ཟན་ཟ་བའམ། བྱ་བ་གཞན་ཅི་ཡང་རུང་བ་བྱེད་ཅིང་སྐྱོ་བ་མེད་པར་མ་གྱུར་གྱི་བར་དུ་སངས་རྒྱས་རྗེས་སུ་དྲན་པ་ལ་གནས་པའི་སེམས་ཀྱིས་དུས་བསྟུད་པར་བྱ་སྟེ། སྐྱོ་བ་མེད་པར་གྱུར་ནས་ཀྱང་བསྒོམ་པར་བྱའོ། །བློ་ལྡན་དེ་ལྟར་སྒོམ་བྱེད་པ། །དེ་ལྟར་ཞག་བདུན་ཐ་མར་ནི། །སངས་རྒྱས་བྱེ་བ་བརྒྱད་ཅུ་རྣམས། །དེ་ཡི་འོག་ཏུ་གཟུངས་སྦྱིན་མཛད། །ཅིའི་ཕྱིར་སངས་རྒྱས་བཅོམ་ལྡན་འདས་དེ་སྙེད་ཀྱིས་དེ་ལ་གཟུངས་སྦྱིན་པར་མཛད་ཅེ་ན། སྨྲས་པ། གསང་སྔགས་ཚིག་ནི་རེ་རེ་ཞིང་། །སངས་རྒྱས་བྱེ་བས་བྱིན་བརླབས་ལ། །དེས་ཀྱང་སྔར་ནི་དེ་དག་གིས། །བཟླས་བསྲུང་ལ་སོགས་ཕུན་ཚོགས་བྱས། །འདི་ལྟར་གསང་སྔགས་ཀྱི་ཚིག་བརྒྱད་ཅུ་པོ་རྣམས་སངས་རྒྱས་བྱེ་བ་ཕྲག་བརྒྱད་ཅུས་བྱིན་གྱིས་བརླབས་ལ། གསང་སྔགས་ཀྱི་ཚིག་དེ་དག་གིས་ཀྱང་རྣལ་འབྱོར་པ་དེས་བཟླས་བརྗོད་བྱེད་པར་གྱུར་པས། བསྲུང་བ་དང་། མདངས་དང་། སྟོབས་དང་། ནད་མེད་པ་ལ་སོགས་པ་ཕུན་སུམ་ཚོགས་པར་བྱས་པའི་ཕྱིར་ཏེ། བསྒོམ་པའི་སྔ་རོལ་དུ་བཟླས་བརྗོད་བྱ་བའི་སྒོ་ནས་ཅི་ནུས་སུ་གསང་སྔགས་ཀྱི་ཚིག་རྣམས་བརྗོད་ལ། དེའི་འོག་ཏུ་བསྒོམ་པར་བྱའོ། །གང་གི་ཕྱིར་དེ་ལྟ་ཡིན་པ། །དེའི་ཕྱིར་སངས་རྒྱས་བྱེ་བ་ནི། །བརྒྱད་ཅུས་དེ་ལ་གཟུངས་སྦྱིན་མཛད། །ཡང་ན་དགུ་བཅུ་ལས་ཐོས་ལྟར། །བསྒོམས་མཐུ་དེ་ནི་འདི་འདྲའོ། །ཡང་ན་སངས་རྒྱས་རྗེས་སུ་དྲན་པ་བསྒོམ་པའི་མཐུ་ཉིད་འདི་འདྲ་སྟེ། དེས་སངས་རྒྱས་བྱེ་བ་ཕྲག་བརྒྱད་ཅུས་དེ་ལ་གཟུངས་སྦྱིན་པར་མཛད་དོ། །དཔེར་ན་འདི་ཉིད་ལས་སངས་རྒྱས་བྱེ་བ་ཕྲག་དགུ་བཅུ་ལས་ཆོས་བསྟན་པ་ཐོས་སོ་ཞེས་ཡང་དང་ཡང་དུ་གསུངས་པ་ལྟ་བུའོ། །གཟུངས་དེ་རྣམ་པ་ཇི་ལྟ་བུར་བསམས་ན་ཐོབ་པར་འགྱུར་ཞེ་ན། སྨྲས་པ། གཟུགས་སོགས་བསམ་པ་བསམ་བྱ་ཡིན། །གཟུགས་མེད་སོགས་པ་བསམ་བྱ་མིན། །ཡང་ན་སྤྲུལ་པ་བསམ་བྱ་ཡིན། །ལོངས་སྤྱོད་རྫོགས་པ་བསམ་བྱ་མིན། །ཡང་ན་བསམ་བྱ་བསམ་བྱ་མིན། །བྱ་བསམ་བྱ་མིན་དངོས་བསམ་བྱ། །གཟོད་ནས་མ་སྐྱེས་པས་མེད་ཕྱིར། །བསམ་པ་དེ་དག་བསམ་མི་བྱ། །གཟུགས་ལ་སོགས་པ་ལ་བསམ་པ་ནི་བསམ་བྱ་མིན་པ་སྟེ། དེ་ནི་དངོས་པོ་མེད་པའི་ངོ་བོ་ཡིན་པས་དོན་གྱི་བྱ་བ་མི་བྱེད་པའི་ཕྱིར། བསམ་པར་བྱ་བའི་འོས་མ་ཡིན་པའི་ཕྱིར་རོ། །སོགས་པ་སྨོས་པས་ནི་མཚན་ལ་སོགས་པ་སྔར་བསྟན་པ་རྣམས་ཉིད་གཟུང་ངོ་། །ཡང་ན་སྤྲུལ་པའི་སྐུ་ལ་བསམ་པ་གང་ཡིན་པ་དེ་ནི་བསམ་པར་བྱ་བ་ཡིན་ཏེ། དེ་ནི་སྐྱེ་བ་ལ་སོགས་པའི་བྱེ་བྲག་གིས་བསམ་པར་བྱ་བར་ནུས་པའི་ཕྱིར་རོ། །ལོངས་སྤྱོད་རྫོགས་པའི་སྐུ་ལ་བསམ་པ་གང་ཡིན་པ་དེ་ནི་བསམ་པར་བྱ་བ་མ་ཡིན་པ་སྟེ། དེ་ནི་སྐྱེ་བ་ལ་སོགས་པའི་བྱེ་བྲག་གིས་བསམ་པར་མི་ནུས་པའི་ཕྱིར་རོ། །རྣམ་པ་གཞན་ཡང་བསམ་པར་བྱ་བ་བསམ་པར་ནུས་པའི་དངོས་པོ་ལ་བསམ་པ་གང་ཡིན་པ་དེ་ནི་བསམ་པར་བྱ་བ་ཡིན་ནོ། །བསམ་པར་བྱ་བ་མ་ཡིན་པ་སངས་རྒྱས་ཀྱི་ཆོས་ལ་སོགས་པ་དག་ལ་བསམ་པ་ཡིན་པ་དེ་ནི་བསམ་པར་བྱ་བ་མ་ཡིན་པའོ། །གཟོད་མ་ནས་མ་སྐྱེས་པས་གཟུགས་ལ་སོགས་པ་མེད་པའི་ཕྱིར། བསམ་པ་དེ་དག་ནི་བསམ་པར་མི་བྱའོ། །ཇི་ལྟར་ཆོས་ཐམས་ཅད་གཟོད་མ་ནས་མ་སྐྱེས་པ་དེ་ལྟ་ན་སྔར་བསྟན་ཟིན་ཏོ། །འོ་ན་ཅི་ཞིག་སོམས་ཤིག་ཅེ་ན། སྨྲས་པ་ཆོས་ཀྱི་དབྱིངས་སོམས་ཤིག །དེ་ལ་ཡང་ལོག་པར་བསམ་པར་མི་བྱའོ། །ཆོས་ཀྱི་དབྱིངས་ཇི་ལྟར་བསམ་ཞེ་ན། ཇི་ལྟར་ཡང་འགལ་བར་ཡང་མ་སེམས་ཤིག །ཅིའི་ཕྱིར་དེ་ལྟ་ཞེ་ན། འདི་ལྟར་རྣམ་པ་གང་དང་གང་གིས་ཆོས་ཀྱི་དབྱིངས་སེམས་པར་བྱེད་པ་རྣམས་དེ་དང་དེ་མེད་པའི་ཕྱིར་རོ། །སྟོང་པ་དང་། རང་བཞིན་གྱིས་སྐྱེ་བ་མེད་པ་ལ་སོགས་པ་ནི། དོན་དམ་པར་ན་དགག་པར་བྱ་བ་མེད་པ་ལ་དགག་པ་མི་འཇུག་པའི་ཕྱིར་མེད་པ་ཁོ་ན་སྟེ། དེ་ལྟ་བས་ན་ཆོས་ཀྱི་དབྱིངས་དེ་ལ་ཡང་བསམ་པར་མི་བྱ་སྟེ། ལོག་པར་བསམ་པར་མི་བྱའོ་ཞེས་བྱ་བའི་ཐ་ཚིག་གོ། །འགལ་བར་སེམས་པ་ནི་སྐྱེ་བ་མེད་པ་ལ་སོགས་པའི་རྣམ་པ་དང་། དངོས་པོ་ལ་སོགས་པའི་རྣམ་པ་དང་། དངོས་པོ་ཐ་དད་པ་ཉིད་དང་། གཅིག་པ་མ་ཡིན་པའི་མཚན་ཉིད་ལ་སོགས་པ་རྣམ་པར་སེམས་པ་སྟེ། གང་གི་དབང་དུ་མཛད་ནས། གང་སྟོང་པ་ཉིད་དུ་ལྟ་བ་ནི་ཞེས་བྱ་བ་ལ་སོགས་པ་གསུངས་པ་ལྟ་བུའོ། །རྣལ་འབྱོར་པས་ཇི་སྐད་བསྟན་པའི་རྣམ་པ་ཁོ་ནས། དེ་ལྟར་ཞག་བདུན་སེམས་ན་ནི། །དེ་ཡི་འོག་ཏུ་གཟུངས་ཐོབ་འགྱུར། །བཅོམ་ལྡན་འདས་ཀྱིས་ཡང་ཡང་དུ་བཤད་པས་ཅི་ཞིག་བྱ་སྙམ་དུ་དགོངས་ནས། དཔེར་ན་ཞེས་བྱ་བ་ལ་སོགས་པ་གསུངས་ཏེ། ཕན་ཡོན་འདི་ནི་གཟུངས་རྣམ་པ་གསུམ་ཆར་གྱི་ཡིན་ནོ། །བདེ་བ་ནི་ངེས་པར་ལེགས་པ་དང་མངོན་པར་མཐོ་བའི་བདེ་བའོ། །སོམ་ཉི་ནི་ཐེ་ཚོམ་ཟ་ཞེས་བྱ་བའི་ཐ་ཚིག་གོ། །དེ་ལྟར་ཕན་ཡོན་རྣམ་པ་དུ་མ་བསྟན་ནས། འབྲས་བུ་ཉེ་བ་གཙོ་བོ་བསྟན་པས་འདུལ་བའི་འཇིག་རྟེན་གཟུངས་འདི་ལ་འཇུག་ཅིང་མཇུག་སྡུད་པར་མཛད་དེ། འདི་ལས་རྫོགས་པའི་བྱང་ཆུབ་ཉེ། །དེ་བས་འདི་ལ་སྦྱོར་བར་གྱིས། །ཐོས་པ་ལ་སོགས་པའམ། ལུས་ལ་སོགས་པའམ། འོག་ནས་བཞི་ཚན་བསྟན་པ་རྣམས་ཀྱིས་སྦྱར་བར་བྱ་སྟེ། འདིས་ནི་རང་གི་དོན་ཕུན་སུམ་ཚོགས་པ་ཡེ་ཤེས་ཕུན་སུམ་ཚོགས་པ་དང་། སྤངས་པ་ཕུན་སུམ་ཚོགས་པ་རྣམ་པ་གཉིས་བསྟན་ཏེ། བྱང་ཆུབ་ནི་ཡེ་ཤེས་དང་སྤངས་པའི་མཚན་ཉིད་ཡིན་པའི་ཕྱིར་རོ། །ཡེ་ཤེས་ཕུན་སུམ་ཚོགས་པ་ནི་རྣམ་པ་བཞི་སྟེ། ཐམས་ཅད་མཁྱེན་པ་དང་། རྣམ་པ་ཐམས་ཅད་མཁྱེན་པ་ཉིད་དང་། མ་འབད་པར་མཁྱེན་པ་དང་། མ་བསྟན་པར་མཁྱེན་པའོ། །སྤངས་པ་ཡང་རྣམ་པ་བཞི་སྟེ། ཉོན་མོངས་པ་དང་། ཤེས་བྱའི་སྒྲིབ་པ་སྤངས་པ་དང་། གཏན་དུ་སྤངས་པ་དང་། བག་ཆགས་དང་བཅས་པར་སྤངས་པ་དང་། ཏིང་ངེ་འཛིན་དང་སྙོམས་པར་འཇུག་པའི་སྒྲིབ་པ་ཐམས་ཅད་སྤངས་པ་སྟེ། དེ་དག་ཀྱང་རྫོགས་པའི་བྱང་ཆུབ་སྨོས་པས་བསྟན་ཏོ། །ཁྱེད། ཞི་བའི་གནས་ནི་ཐོབ་གྱུར་ནས། །རྫོགས་པའི་བྱང་ཆུབ་ཐོབ་བྱེད་འགྱུར། །འཇིག་རྟེན་ནོ་སྙམ་དུ་དགོངས་པ་སྟེ། འདིས་ནི་གཞན་གྱི་དོན་ཕུན་སུམ་ཚོགས་པ་བསྟན་པར་རིག་པར་བྱའོ། །ཞི་བའི་གནས་ནི་ཉོན་མོངས་པ་དང་ཤེས་བྱའི་སྒྲིབ་པ་ཞི་བར་འགྱུར་བའི་ཕྱིར་རམ། མེ་གསུམ་ཞི་བར་འགྱུར་བའི་ཕྱིར། མི་གནས་པའི་མྱ་ངན་ལས་འདས་པའོ། །རྫོགས་པའི་བྱང་ཆུབ་ནི་རྣམ་པ་གསུམ་པོ་སྟེ། འདིས་ནི་བྱང་ཆུབ་གསུམ་ལ་འགོད་པའི་གཞན་གྱི་དོན་ཕུན་སུམ་ཚོགས་པ་བསྟན་ཏོ། །ངན་སོང་གསུམ་ལས་ངེས་པར་ཐར་པ་དང་། མཐོ་རིས་སུ་འགོད་པ་དང་། འཁོར་བའི་སྡུག་བསྔལ་ལས་གཏན་དུ་རྣམ་པར་ཐར་པ་ནི་ཤུགས་ཀྱིས་བསྟན་པར་ཤེས་པར་བྱའོ། །ཡང་ན་ཅིའི་ཕྱིར། འདི་ལས་རྫོགས་པའི་བྱང་ཆུབ་ཉེ་ཞེ་ན། འདི་ལྟར་ཁྱེད། ཞི་བའི་གནས་ནི་ཐོབ་གྱུར་ནས། །རྫོགས་པའི་བྱང་ཆུབ་ཐོབ་པར་འགྱུར། །ཞེས་བྱ་བ་འདིས་ཉེ་སྟེ། ཚིགས་སུ་བཅད་པ་རིལ་པོ་འདིས་ནི་རང་གི་དོན་ཕུན་སུམ་ཚོགས་པ་བསྟན་ཏོ། །ད་ནི་དེ་ནས་བཅོམ་ལྡན་འདས་ཀྱིས་ཞེས་བྱ་བ་ལ་སོགས་པ་གཟུངས་འདི་འཐོབ་པའི་ཐབས་བསྟན་ཏེ། བློ་ལྡན་ཅི་འདྲ་གང་དུ་དང་། །ཇི་ལྟར་གནས་དང་གང་བསྒོམས་དང་། །གང་བྱས་པས་ནི་འཐོབ་འགྱུར་བ། །དེ་ནི་བཞི་ཚན་རྣམས་ཀྱིས་བསྟན། །རྣལ་འབྱོར་པ་ཇི་ལྟ་བུས་གཟུངས་འདི་ཐོབ་པར་འགྱུར་བ་དེ་ནི་བཞི་ཚན་དང་པོས་བསྟན་ཏོ། །གང་དུ་གནས་པ་དང་། ཇི་ལྟར་གནས་པ་དེ་གཉིས་ནི་གཉིས་པས་བསྟན་ཏོ། །གང་སྒོམ་པ་དང་། གང་བྱ་བ་དེ་གཉིས་ནི་གསུམ་པས་བསྟན་ཏོ། །རྣལ་འབྱོར་པ་ཇི་ལྟ་བུས་གཟུངས་འདི་ཐོབ་པར་འགྱུར་ཞེ་ན། སྨྲས་པ། ཁྲིམས་ལྡན་དེ་ཡི་མི་མཐུན་ཕྱོགས། །གཉིས་གྲོལ་དེ་ཡི་འཕེལ་བྱེད་ལྡན། །ཉེས་པ་དང་ནི་ཕན་ཡོན་རྣམས། །བསྟན་པས་དེ་ལ་འཛུད་པར་བྱེད། །འདོད་པ་རྣམས་ལ་ལྷག་པར་ཆགས་པ་མེད་པ་ཞེས་བྱ་བས་ནི་ཚུལ་ཁྲིམས་དང་ལྡན་པར་བསྟན་ཏེ། ཚུལ་ཁྲིམས་ནི་ཡོན་ཏན་ཐམས་ཅད་ཀྱི་གཞི་ཡིན་ནོ། །འདོད་པ་ལྔའི་ཡོན་ཏན་རྣམས་ལྷག་པར་ཆགས་པ་མེད་ན། སྲོག་གཅོད་པ་ལ་སོགས་པ་མི་བྱེད་དོ། །དེ་ལྟ་བས་ན་དེ་སྤངས་པའི་མཚན་ཉིད་ཀྱི་ཚུལ་ཁྲིམས་ཀྱང་ཐོབ་པ་ཉིད་པས་ལོགས་ཤིག་ཏུ་མ་བསྟན་ཏོ། །ཚུལ་ཁྲིམས་ཀྱི་མི་མཐུན་པའི་ཕྱོགས་ཕྲག་དོག་དང་སེར་སྣ་ལས་གྲོལ་བ་ནི། སེམས་ཅན་ཐམས་ཅད་ལ་ཕྲག་དོག་མེད་པ་དང་། བདོག་པ་ཐམས་ཅད་ཡོངས་སུ་གཏོང་ཞིང་འགྱོད་པ་མེད་པ་ཡིན་ཞེས་བྱ་བ་འདིས་བསྟན་ཏོ། །ཕྲག་དོག་དང་སེར་སྣ་དག་ནི་ཚུལ་ཁྲིམས་ཀྱི་མི་མཐུན་པའི་ཕྱོགས་རྣམས་ཡིན་ཏེ། འདི་ལྟར་འདོད་པ་རྣམས་ལ་ལྷག་པར་ཆགས་ན་ཕྲག་དོག་བྱེད་པ་དང་། སེར་སྣ་བྱེད་པར་འགྱུར་རོ། །སེམས་ཅན་ཐམས་ཅད་ལ་ཞེས་སྨོས་པ་ནི། དགྲ་བོ་དང་མཛའ་བོ་དང་ཐ་མལ་པ་ཡོངས་སུ་གཟུང་བའི་ཕྱིར་རོ། །བདོག་པ་ཐམས་ཅད་ཅེས་སྨོས་པ་ནི་ཕྱི་རོལ་དང་ནང་གི་བསྡུ་བའི་ཕྱིར་རོ། །འགྱོད་པ་མེད་པ་ཞེས་སྨོས་པ་ནི་སེམས་ལ་འཛིན་པ་མེད་པ་ཉིད་དུ་བསྟན་པའི་ཕྱིར་ཏེ། ཚིག་འདི་གསུམ་གྱིས་ནི་ཚུལ་ཁྲིམས་ཤིན་ཏུ་རྣམ་པར་དག་པ་བསྟན་ཏོ། །འགྱོད་པ་མེད་པར་སྦྱིན་པའི་ཚུལ་ཅན་ནི་ཡིད་ལ་གཅགས་པ་མེད་པར་སྦྱིན་ཞེས་བྱ་བའི་ཐ་ཚིག་གོ། །ཉིན་མཚན་དུ་ཆོས་འདོད་ཅིང་ཆོས་ཀྱི་ཀུན་དགའ་ལ་དགའ་བ་ཡིན་ཏེ་ཞེས་བྱ་བ་འདིས་ནི་ཚུལ་ཁྲིམས་འཕེལ་བར་བྱེད་པ་གང་དག་དང་ལྡན་པ་ཉིད་བསྟན་ཏོ། །ཆོས་ལ་སྲེད་པའི་ཕྱིར་ཆོས་འདོད་པར་འགྱུར་རོ། །ནན་ཏན་བྱེད་པས་ནི་ཆོས་ལ་དགའོ། །ཡང་ན་ཆོས་རྣམས་ལ་འཇུག་ཕྱིར་ཆོས་འདོད་དོ། །གོམས་པའི་ཕྱིར་ཆོས་ལ་དགའོ། །ཡང་ན་ནམ་གྱི་ཆ་སྟོད་དང་ནམ་གྱི་ཆ་སྨད་ལ་སོགས་པར་བརྩོན་པའི་ཕྱིར་ཆོས་འདོད་པར་འགྱུར་རོ། །སྟོང་པ་ཉིད་ལ་སོགས་པའི་ཆོས་བསྒོམ་པའི་ཕྱིར་ཆོས་ལ་དགའོ། །ཡང་ན་གཉིས་སུ་ངེས་པར་གཟུང་བའི་ཕྱིར་གསུངས་ཏེ། འདིས་ནི་རྟོག་པ་ངན་པ་མེད་པའི་ཕྱིར་དོན་གྱིས་ན། འཁྲིག་པའི་སྦྱོར་བ་བདུན་དང་བྲལ་བའི་ཚུལ་ཁྲིམས་བསྟན་ཏོ། །ཉེས་པ་དང་ཕན་ཡོན་བསྟན་པའི་རྒྱུས་ཚུལ་ཁྲིམས་ལ་སོགས་པ་དེ་དག་ལ་འཛུད་དེ། གདུལ་བ་ཞེས་བྱ་བའི་ཚིག་ལྷག་མའོ། །དེ་ཡང་ཚིགས་སུ་བཅད་པ་རྣམས་ཀྱིས་བསྟན་ཏོ། །དེ་ལ་རྣམ་པ་ལྔས་ཚུལ་ཁྲིམས་ལ་འཛུད་དེ། འདོད་པ་རྣམས་ཀྱི་ཉེས་པ་བསྟན་པའི་ཕྱིར་གསུངས་པ་ལ། དྲི་ང་བ་ནི་འཆལ་བའི་ཚུལ་ཁྲིམས་ཀྱི་དྲི་དང་ལྡན་པའི་ཕྱིར་རོ། །ཡང་ན་འདོད་པའི་རྩ་བ་ལུས་ཀྱི་མི་གཙང་བའི་དྲི་དང་ལྡན་པའི་ཕྱིར་རོ། །ངན་པ་ནི་ཐམས་ཅད་ཀྱི་ཐ་ཆད་དུ་གྱུར་པའི་ཕྱིར་དང་། སེམས་ཅན་ངན་པས་བསྟེན་པའི་ཕྱིར་དང་། དམ་པ་རྣམས་ཀྱིས་སྨད་པའི་ཕྱིར་དང་། བུམ་པ་མི་གཙང་བ་ཅན་ལ་སོགས་པ་དང་འདྲ་བའི་ཕྱིར་དང་། འབྲས་བུ་ངན་པ་འགྲུབ་པའི་ཕྱིར་རོ། །བདུད་ཀྱི་སྤྱོད་ཡུལ་ནི་བདུད་ཀྱི་ཡུལ་ལས་མ་འདས་པའི་ཕྱིར་རོ། །བདུད་ནི་ལྷའི་བུའམ། འདོད་ཆགས་ལ་སོགས་པ་ཉོན་མོངས་པའམ། གཉིས་ཀའོ། །སེམས་ཅན་དམྱལ་བའི་རྐྱེན་ནི་དེ་འགྲུབ་པར་བྱེད་པ་དང་། དེ་འགྲུབ་པར་འགྱུར་བའི་ལས་ཀྱིས་སེམས་ཅན་དམྱལ་བར་འགྲོ་བར་འགྱུར་བའི་ཕྱིར་རོ། །སེམས་ཅན་དམྱལ་བ་སྨོས་པ་ནི་གཙོ་བོ་ཡིན་པའི་ཕྱིར་ཏེ། དུད་འགྲོ་དང་ཡི་དགས་གཉིས་ཀྱི་རྐྱེན་ཡང་འདོད་པ་རྣམས་ཡིན་པའི་ཕྱིར་རོ། །ངན་སོང་གི་རྒྱུ་ནི་མ་རུངས་པར་འགྱུར་བའི་རྒྱུ་ཡིན་པའི་ཕྱིར་ཏེ། འདོད་ཕྱིར་འཇིག་རྟེན་བཅིང་དང་བསད་པར་འགྱུར། །ཞེས་བྱ་བ་ལ་སོགས་པ་འབྱུང་བ་ལྟ་བུའོ། །ཡང་ན་ངན་སོང་གི་རྒྱུ་ནི་ངན་སོང་གསུམ་གྱི་རྒྱུ་ཡིན་པའི་ཕྱིར་རོ། །སེམས་ཅན་དམྱལ་བ་སྨོས་པ་ནི་གཙོ་བོར་བསྟན་པའི་ཕྱིར་རོ། །དེའི་མི་མཐུན་པའི་ཕྱོགས་ཕྲག་དོག་སྤོང་བ་ལ་འཛུད་པ་ནི། ཕན་ཡོན་བསྟན་པའི་ཕྱིར་རྣམ་པ་ལྔས་བསྟན་ཏེ། སྤང་བར་བྱ་བའི་རང་བཞིན་བསྟན་པ་དང་། སྤང་བར་བྱ་བའི་ཡུལ་བསྟན་པ་དང་། སྤང་བར་བྱ་བའི་རྒྱུ་བསྟན་པ་ལ། རྒྱུ་དེ་ཡང་ཤེས་ཀྱི་ཁེ་དང་རྙེད་པ་དང་གྲགས་པའི་བྱེ་བྲག་ལས་རྣམ་པ་གསུམ་དུ་བསྟན་ཏོ། །ཤེས་ཀྱི་ཁེ་ནི་ཀུན་དུ་བསྟན་པས་འདུ་བར་འགྱུར་རོ། །དེའི་རང་བཞིན་བསྟན་པ་ནི། དགའ་བའི་མིག་ནི་དགའ་བས་ལྟ་བ་སྟེ། ཁྲོ་བ་ལ་སོགས་པའི་ཉེས་པ་དང་བྲལ་བའི་ཕྱིར་རོ། །དེ་སྤང་བའི་ཕན་ཡོན་བསྟན་པ་དེ་ཡང་རྣམ་པ་གཉིས་ཏེ་མཐུ་ཆེ་བ་ཐོབ་པ། ནོར་དང་འཁོར་ལ་སོགས་འབྱོར་པ་འཐོབ་པའི་ཕྱིར་དང་། གཟུགས་མཛེས་པ་འཐོབ་པ་ཡན་ལག་དང་ཉིང་ལག་གི་གཟུགས་མཛེས་པ་འཐོབ་པའི་ཕྱིར་རོ། །དེའི་མི་མཐུན་པའི་ཕྱོགས་སེར་སྣ་སྤང་བ་ལ་འཇུག་པ་ནི། ཉེས་པ་དང་ཕན་ཡོན་བསྟན་ཕྱིར་རྣམ་པ་བཞིས་བསྟན་ཏེ། ཉེས་དམིགས་བསྟན་པ་ནི་རྩོད་པ་སྟེ་ལུས་ལ་སོགས་པའི་བྱ་བ་གནོད་པ་དང་ལྡན་པའོ། །དེའི་རྒྱུ་བསྟན་པ་ནི་ཡོངས་སུ་འཛིན་པ་སྟེ།བདག་དང་བདག་གིར་མངོན་པར་ཞེན་པས་དངོས་པོར་འཛིན་པའོ། །གཞི་རྩ་སྨོས་པས་ནི་དངོས་དང་བརྒྱུད་པའི་རྒྱུའི་རང་བཞིན་བསྟན་པའི་དོན་ཏེ། འདི་ཡང་ཡོངས་སུ་འཛིན་པ་འདི་ནི་རྣམ་པ་ཐམས་ཅད་དུ་གནོད་པའི་རྒྱུ་ཡིན་པར་བསྟན་པས་གདུལ་བ་རྣམས་དེ་ལས་འདུན་པ་བཟློག་པའི་ཕྱིར་རོ། །སྲེད་པའི་ཡུལ་ཡོངས་སུ་སྤང་བ་ནི་སྤང་བ་སྟེ། དེ་ལ་ལྷག་པར་ཆགས་པ་སྤང་བའི་ཕྱིར་རོ། །དེའི་ཕན་ཡོན་བསྟན་པ་ནི། གཟུངས་ཞེས་བྱ་བ་སྟེ། གཟུངས་འདི་ཉིད་ཡིན་ནོ། །དེ་ཡང་དུས་གཞན་ལ་དགོངས་ཏེ་གསུངས་སོ། །དེ་འཕེལ་བར་བྱེད་པ་ལ་འཇུག་པ་ནི། ཕན་ཡོན་བསྟན་པའི་ཕྱིར་རྣམ་པ་ལྔས་བསྟན་ཏེ། ཆོས་ཚོལ་བ་ནི་ཆོས་ནི་སྟོང་པ་ཉིད་དང་། དེ་སྟོན་པའི་ཡི་གེའོ། །དེ་འདྲི་བ་ནི་འདྲི་བ་ལ་སོགས་པའི་རིམ་པ་སྟེ། དེའི་ཕྱིར། ཡི་གེ་འདྲི་མཆོད་སྦྱིན་པ་དང་། །ཀློག་དང་ཉན་དང་འཛིན་པ་དང་། །སྟོན་དང་ཁ་ཏོན་བྱེད་པ་དང་། །སེམས་དང་བསྒོམ་པ་གང་ཡིན་པ། །ཞེས་བྱ་བ་ལ་སོགས་པ་གསུངས་སོ། །རྒྱུན་མི་ཆད་པར་ཚོལ་བ་ནི་ལས་ངན་པ་ཡོངས་སུ་སྤང་བའི་ཕྱིར་རོ། །གཞན་མི་སེམས་པར་ཚོལ་བ་ནི་ལོག་པར་རྣམ་པར་རྟོག་པ་ཡོངས་སུ་སྤང་བ་དང་། མཐོ་རིས་ལ་སོགས་པའི་འབྲས་བུ་འཐོབ་པ་རྣམ་པར་རྟོག་པ་ཡོངས་སུ་སྤོང་བའི་ཕྱིར་རོ། །བྱང་ཆུབ་འདོད་ཅིང་ཚོལ་བ་ནི་དེ་བྱང་ཆུབ་ཀྱི་རྒྱུ་ཡིན་པར་བསྟན་པའི་ཕྱིར་བྱང་ཆུབ་ཀྱི་རྒྱུ་གཟུངས་ཡིན་པའི་ཕྱིར་རོ། །ཆོས་ཚིག་ནི་སྟོང་པ་ཉིད་དང་། དེ་སྟོན་པའི་མདོ་སྡེ་ལ་སོགས་པའོ། །ཚིགས་སུ་བཅད་པ་དང་པོ་ལས་ནི་མི་མཐུན་པའི་ཕྱོགས་ཀྱི་ཉེས་པ་འབའ་ཞིག་བསྟན་ལ། གཉེན་པོའི་ཡོན་ཏན་ནི་མ་བསྟན། གཉིས་པ་དང་ཐ་མ་ལས་ནི་གཉེན་པོའི་ཡོན་ཏན་འབའ་ཞིག་བསྟན་ལ། མི་མཐུན་པའི་ཕྱོགས་ཀྱི་ཉེས་པ་མ་བསྟན། གསུམ་པ་ལས་ནི་མི་མཐུན་པའི་ཕྱོགས་དང་། གཉེན་པོ་གཉི་གའི་ཡོན་ཏན་དང་སྐྱོན་བསྟན་པ་མ་ཡིན་ནམ། ཅིའི་ཕྱིར་དེ་ལྟར་བསྟན་ཞེ་ན། དེ་ནི་གཉེན་པོ་དང་མི་མཐུན་པའི་ཕྱོགས་གཉིས་ཀྱི་ཡོན་ཏན་དང་ཉེས་པ་བསྟན་པ་གུད་དུ་གཅེས་པ་ཡོད་དོ། །དེའི་ཕྱིར་ཚིགས་སུ་བཅད་པ་དང་པོ་ལ་ནི། འདོད་པའི་གཉེན་པོའི་ཚུལ་ཁྲིམས་དྲི་ཞིམ་པོ་བསྟེན་པར་བྱའོ་ཞེས་བྱ་བ་ལ་སོགས་པས་ཡོན་ཏན་ཡང་བལྟ་བར་བྱའོ། །ཚིགས་སུ་བཅད་པ་གཉིས་པ་དང་། བཞི་པ་དག་ལ་ཡང་དེའི་མི་མཐུན་པའི་ཕྱོགས་ཀྱི་ཉེས་པ་ཡང་བལྟ་བར་བྱའོ། །སྔར་བསྟན་པ་ཡི་དོན་ཉིད་ནི། །ཆོས་ཀྱི་རྗེས་འབྲང་ཆེད་དུ་སྟེ། །རིགས་པ་ཕན་ཡོན་བྱེ་བྲག་གིས། །ཚིགས་བཅད་རྣམས་ཀྱིས་ཡང་བསྟན་ཏོ། །རྣམ་པ་གཞན་ཡང་སྔར་བསྟན་པའི་དོན་ཉིད་ཆོས་ཀྱི་རྗེས་སུ་འབྲང་བ་དང་། ཞར་ལ་དད་པས་རྗེས་སུ་འབྲང་བའི་དབང་དུ་ཡང་མཛད་དེ། རིགས་པ་དང་ཕན་ཡོན་གྱི་བྱེ་བྲག་གི་རྒྱུས། ཡང་ཚིགས་སུ་བཅད་པ་དག་གིས་བསྟན་ཏེ། འདི་ལྟར་འདོད་པ་རྣམས་སྤང་བའི་ཕྱིར་ནི་དྲི་ང་བ་ལ་སོགས་པའི་རིགས་པ་གསུངས་སོ། །ཕྲག་དོག་མི་བྱ་བའི་ཕྱིར་ནི་མཐུ་ཆེ་བ་ལ་སོགས་པ་ཐོབ་པའི་ཕན་ཡོན་གསུངས་ལ། དེ་མི་བྱ་བའི་ཕྱིར་འབྲས་བུ་ཁྱད་པར་ཅན་འཐོབ་པོ་ཞེས་རྒྱུ་ཡང་གསུངས་སོ། །སེར་སྣའི་རྒྱུ་སྲེད་པའི་ཡུལ་ཡོངས་སུ་སྤང་བའི་ཕྱིར་ནི་རྒྱུ་རྩོད་པ་གསུངས་སོ། །རྩ་བ་བཞི་པས་ནི་ཕན་ཡོན་བསྟན་ཏོ། །ཚུལ་ཁྲིམས་འཕེལ་བར་བྱེད་པའི་ཆོས་བསྟན་པའི་ཕྱིར་ནི་འབྲས་བུ་ཁྱད་པར་ཅན་འཐོབ་པོ་ཞེས་རྒྱུ་སྨོས་ལ། ཕན་ཡོན་ནི་དངོས་སུ་བསྟན་པ་ཉིད་དོ། །ད་ནི་གང་དུ་གནས་པ་དང་། ཇི་ལྟར་གནས་པ་དེ་བསྟན་པའི་ཕྱིར། གཞན་ཡང་ཞེས་བྱ་བ་ལ་སོགས་པ་གསུངས་ཏེ། དགོན་སོགས་གནས་ཤིང་ཟབ་མོ་ཡི། །ཆོས་རྣམས་ལ་ནི་ལེགས་པར་སྤྱོད། །རྙེད་དང་བཀུར་སྟི་ཚིགས་བཅད་ལ། །ལྷག་པར་ཆགས་མེད་བརྟུལ་ཞུགས་ཅན། །རྟག་ཏུ་སྡུག་པའི་དངོས་པོ་ཀུན། །འབྲས་བུ་ལ་ནི་མི་ལྟ་བའམ། །འཛིན་མེད་སེམས་ཀྱིས་གཏོང་བྱེད་པས། །གཟུངས་འདི་འཐོབ་པར་འགྱུར་བ་ཡིན། །གོང་དུ་གནས་པ་ཞེས་བྱ་བ་དེ། དགོན་པ་དང་། གཡེའི་ཚིག་གིས་བསྟན་ཏེ། ལུས་ཀྱི་འདུ་འཛི་ཡོངས་སུ་སྤངས་པས་འདུ་བའི་ཉེས་པ་ཡོངས་སུ་སྤང་བའི་ཕྱིར་རོ། །དགོན་པ་ནི་གྲོང་ནས་འདོམ་ལྔ་བརྒྱ་ཕན་ཆད་དོ། །གཡེ་ནི་དེ་བས་ཀྱང་རིང་བའོ། །སོགས་པ་སྨོས་པ་ནི་དབྱེ་བསྡུའོ། །ཇི་ལྟར་གནས་པ་དེ་ནི་ལོག་པར་རྣམ་པར་རྟོག་པའི་ཉེས་པ་དང་། འདུ་འཛི་ཡོངས་སུ་སྤང་བའི་ཕྱིར། རྣམ་པ་གསུམ་གྱིས་བསྟན་ཏེ། དེས་ནི་ལུས་དང་སེམས་ངག་གིས་བསྲིངས་ན་ཆོས་གང་བསྐྱེད་མི་ནུས་པ་དེ་འགའ་ཡང་མེད་དོ་སྙམ་དུ་དགོངས་པའོ། །ཆོས་ཟབ་མོ་ལ་སྤྱོད་པ་ནི་ཆོས་ཟབ་མོ་ལ་བཟོད་པའི་སྟོབས་བསྐྱེད་པ་ཉིད་ཅེས་གསུངས་པ་གང་ཡིན་པ་སྟེ། ཆོས་ཟབ་མོ་དག་ལ་བཟོད་པ་ནི་འདོད་པའོ། །དེའི་སྟོབས་བསྐྱེད་པ་ནི་ཆེན་པོ་ལ་སོགས་པའི་རིམ་པ་བསྐྱེད་པའོ། །དེའི་དངོས་པོ་ནི་ཆོས་ཟབ་མོ་ལ་བཟོད་པའི་སྟོབས་བསྐྱེད་པ་དེ་ཉིད་དོ། །ཡང་ན་ཆོས་ལ་བཟོད་པ་ཟབ་མོ་ཞེས་བྱ་བར་ཤེས་པར་བྱ་སྟེ། ཡུལ་ཟབ་པའི་ཕྱིར་དེ་ཡང་ཟབ་པའོ། །རྙེད་པ་དང་བཀུར་སྟི་དང་ཚིགས་སུ་བཅད་པ་དག་ལ་ལྷག་པར་ཆགས་པ་མེད་པ་ནི། རྙེད་པ་དང་བཀུར་སྟི་དང་ཚིགས་སུ་བཅད་པ་དག་ལ་ལྷག་པར་ཆགས་པ་མེད་ཅེས་གསུངས་པ་གང་ཡིན་པ་སྟེ། ཚིགས་སུ་བཅད་པ་ནི་གྲགས་པའོ། །ལྷག་པར་ཆགས་པ་མེད་པ་ནི་མངོན་པར་ཞེན་པ་མེད་པའོ། །རྟག་ཏུ་སྡུག་པའི་དངོས་པོ་ཐམས་ཅད་མི་ལྟ་བ་ཡོངས་སུ་གཏོང་བ་ནི་སྡུག་པའི་དངོས་པོ་ཐམས་ཅད་ལ་མི་ལྟ་བར་ཡོངས་སུ་གཏོང་ཞེས་གསུངས་པ་གང་ཡིན་པ་སྟེ། ཐམས་ཅད་སྨོས་པ་ནི་ཕྱི་ནང་གི་དངོས་པོ་ཡོངས་སུ་བསྡུ་བའི་ཕྱིར་རོ། །མི་ལྟ་བར་གཏོང་བ་ནི་མཐོ་རིས་དང་། ལན་དུ་ཕན་འདོགས་པ་ལ་སོགས་པའི་འབྲས་བུ་ལ་མི་ལྟ་བར་ཡོངས་སུ་གཏོང་བའི་ཕྱིར་རམ། འཛིན་པ་མེད་པའི་སེམས་ཀྱིས་ཡོངས་སུ་གཏོང་བས་ན་སྡུག་པའི་དངོས་པོ་ཐམས་ཅད་ལ་མི་ལྟ་བར་ཡོངས་སུ་གཏོང་བ་ཞེས་བྱ་སྟེ། བཏང་ངམ་མི་བཏང་སྙམ་པ་ལ་སོགས་པའི་ནེམ་ནུར་དང་། ལེ་ལོ་ལ་སོགས་པའི་འཛིན་པ་མེད་པའི་ཕྱིར་རོ། །ཆེར་ན་ལུས་དང་སྲོག་ཀྱང་ཞེས་བྱ་བ་ནི། བུ་ལ་སོགས་པ་འབའ་ཞིག་ཏུ་མ་ཟད་ཀྱི་སྙམ་དུ་དགོངས་པའོ། །ལུས་དང་སྲོག་གཏོང་བ་ནི་ནང་གི་ཡིན་པས་དཀའ་བའི་ཕྱིར་དེ་གཉིས་སྨོས་སོ། །བུ་ལ་སོགས་པ་གཏོང་བ་ནི་ཕྱི་རོལ་གྱི་ཡིན་པའི་ཕྱིར་སླའོ། །ལུས་གཏོང་བ་ནི་ལག་པ་དང་རྐང་པ་ལ་སོགས་པ་གཏོང་བའི་ཕྱིར་རོ། །ལུས་ཐམས་ཅད་གཏོང་ན་སྲོག་གཏོང་བ་ཡིན་ནོ། །དང་པོ་གནས་ཡིན་དེ་ནས་ལས། །དེ་ནས་རྙེད་སོགས་ཚོལ་བ་སྤོང་། །དེར་ཡང་མ་ཟད་ཐམས་ཅད་ལ། །མི་ལྟ་བ་ཡང་གཏོང་བར་བྱེད། །བཞི་ཚན་འདིའི་དོན་གོ་རིམས་བཞིན་དུ་བསྟན་པར་བྱ་སྟེ། གནས་མེད་པར་བསྒོམ་དུ་མི་རུང་བའི་ཕྱིར། རེ་ཞིག་ཐོག་མར་དགོན་པ་ལ་སོགས་པ་གནས་གསུངས་སོ། །དེར་གནས་ནས་ཀྱང་ཞིང་ལ་སོགས་པའི་ལས་ནི་མི་བྱའོ། །ལས་འདི་ལྟ་བུ་བྱའོ་ཞེས་བསྟན་པའི་ཕྱིར། གནས་ཀྱི་འོག་ཏུ་ཆོས་ཟབ་མོ་ལ་བཟོད་པའི་སྟོབས་བསྐྱེད་པ་གསུངས་སོ། །གནས་དང་ལས་དེ་དག་གིས་རྙེད་པ་ལ་སོགས་པ་བཙལ་བ་སྤང་བར་བྱའོ། །དེ་ལྟ་མ་ཡིན་ན་དགོན་པར་གནས་པ་དང་། ཆོས་ཟབ་མོ་ལ་བཟོད་པའི་སྟོབས་བསྐྱེད་པ་དོན་མེད་པར་འགྱུར་བ་བསྟན་པའི་ཕྱིར། ལས་ཀྱི་འོག་ཏུ་རྙེད་པ་དང་བཀུར་སྟི་དང་ཚིགས་སུ་བཅད་པ་དག་ལ་ལྷག་པར་ཆགས་པ་མེད་པ་གསུངས་སོ། །ཕྱི་རོལ་གྱི་ཡན་ལག་རྙེད་པ་ལ་སོགས་པ་དག་ལ་ལྷག་པར་ཆགས་པར་མི་བྱ་བར་ཡང་མ་ཟད་ཀྱི། སྡུག་པའི་དངོས་པོ་ཐམས་ཅད་ལ་ཡང་མི་ལྟ་བར་སྤང་ངོ་ཞེས་བསྟན་པའི་ཕྱིར། དེའི་འོག་ཏུ་སྡུག་པའི་དངོས་པོ་ཐམས་ཅད་ལ་མི་ལྟ་བར་ཡོངས་སུ་གཏོང་བ་ཞེས་གསུངས་སོ། །སྔར་བསྟན་པའི་དོན་ཉིད་ཆོས་ཀྱི་རྗེས་སུ་འབྲང་བའི་ཆེད་དུ་གཏན་ཚིགས་དང་ཕན་ཡོན་གྱི་བྱེ་བྲག་གིས། ཚིགས་སུ་བཅད་པ་རྣམས་ཀྱིས་ཡང་གསུངས་ཏེ། རྒྱལ་བས་བསྔགས་པའི་ཞེས་བྱ་བ་ནི་གཏན་ཚིགས་བསྟན་པའོ། །དགོན་པར་གནས་པར་གྱིས་ཞེས་བྱ་བ་ནི་དམ་བཅའ་བའོ། །བཅོམ་ལྡན་འདས་ནི་ཉེས་པ་དང་བདུད་ཀྱི་དགྲ་ཐམས་ཅད་ལས་རྒྱལ་བས་ན་རྒྱལ་བའོ། །དེས་བསྔགས་པ་ནི་འདུ་འཛི་ལ་སོགས་པའི་ཉེས་པ་ཡོངས་སུ་སྤོང་བའི་ཕྱིར་དང་། ཡོན་ཏན་སྐྱེ་བའི་རྒྱུའི་ཕྱིར་རོ། །བསྒྲུབ་པར་བྱ་བ་དང་། སྒྲུབ་པའི་དབང་གིས་དཔེ་བརྟག་པར་བྱའོ། །བདག་ནི་དགོན་པ་ན་གནས་པའོ་སྙམ་པ་ལ་སོགས་པས་མངོན་པའི་ང་རྒྱལ་བྱེད་པས། དེ་ན་གནས་པས་གཞན་ལ་བརྙས་མི་བྱ། དེ་ལྟ་ན་དགོན་པ་དེ་རྒྱལ་བས་བསྔགས་པ་ཡིན་གྱི། དེ་ལྟ་མ་ཡིན་ན་ནི་དེ་རྒྱལ་བས་སྨད་པ་ཁོ་ན་ཡིན་ནོ། །འདི་ལྟར། རྒྱལ་བས་བསྔགས་པའི་དགོན་པར་གནས་པར་གྱིས། །ཞེས་བྱ་བ་ནི་གཏན་ཚིགས་སོ། །དེ་ན་གནས་པས་གཞན་ལ་བརྙས་མི་བྱ་བ་ནི་དམ་བཅའ་བའོ། །ཟབ་མོའི་ཆོས་ཞེས་བྱ་བ་ནི་རྒྱལ་བས་བསྔགས་པ་ཞེས་བྱ་བར་སྦྱར་ཏེ། རྒྱལ་བས་བསྔགས་པ་ཉིད་ནི་ཇི་སྐད་དུ་བསྟན་པའི་ཆོས་ཟབ་མོ་ལ་བཟོད་པའི་ཕྱིར་རོ། །དེ་ལྟ་མ་ཡིན་ན་ནི་ལོག་པར་ལྟ་བ་ཁོ་ནར་འགྱུར་རོ། །དེ་ལྟར་ན་ཆོས་ཟབ་མོ་ལ་བཟོད་པ་ལ་འདུན་པ་བསྐྱེད་པ་ནི་དམ་བཅའ་བའོ། །བདེ་བར་གཤེགས་པས་བསྔགས་པ་ནི་གཏན་ཚིགས་སོ། །ཟབ་མོ་ལ་བཟོད་པ་དེ་ལ་འདུན་པ་བསྐྱེད་ནས་ཅི་ཞིག་བྱ་ཞེ་ན། བག་ཡོད་མགོ་ལ་འབར་བཞིན་གནས་པར་གྱིས། །ཞེས་གསུངས་པ་སྟེ། མགོ་ལ་འབར་བ་བཞིན་ཞེས་སྨོས་པ་ནི་འབད་པ་དང་ལྡན་པ་ཉེ་བར་མཚོན་པའི་ཕྱིར་ཏེ། དཔེར་ན་མགོ་ལ་མེ་འབར་ན་འབད་པ་ཆེན་པོས་མགོ་ལས་མེ་སེལ་བ་དེ་བཞིན་དུ་འབད་པ་དང་ལྡན་པར་བྱའོ་ཞེས་བྱ་བའི་ཐ་ཚིག་གོ། །བག་ཡོད་ཅེས་བྱ་བ་འདིས་ནི་འདི་སྟོན་པར་བྱེད་དོ། །ཆགས་པ་དང་། ཞེ་སྡང་དང་། གཏི་མུག་དང་། ལེ་ལོ་རྣམས་སྤངས་ཏེ། མ་ཆགས་པ་དང་། ཞེ་སྡང་མེད་པ་དང་། གཏི་མུག་མེད་པ་དང་། བརྩོན་འགྲུས་དང་ལྡན་པར་གནས་པར་གྱིས་ཤིག་ཅེས་བྱ་བའི་ཐ་ཚིག་སྟེ། ཆོས་བཞི་པོ་འདི་དག་ལ་བག་ཡོད་པ་ཞེས་མིང་དུ་འདོགས་པའི་ཕྱིར་རོ། །འདི་ལྟར་ཚུལ་འཆོས་བྱེད་ཀྱི་གཞི་ཡིན་པ། །ཞེས་བྱ་བ་ནི་གཏན་ཚིགས་སོ། །ཤེས་ཁེ་རྙེད་པ་རྣམས་ལ་གནས་མ་བྱེད། །ཅེས་བྱ་བ་ནི་དམ་བཅའ་བ་སྟེ། རྙེད་པ་སྨོས་པས་ནི་རྫས་དང་བཀུར་སྟི་དང་། ཚིགས་སུ་བཅད་པ་དང་། འཚོ་བ་ལོག་པ་ལ་སོགས་པའི་རྙེད་པ་བསྡུའོ། །ཚུལ་འཆོས་པ་སྨོས་པ་ནི་ཉེ་བར་མཚོན་པའི་དོན་ཏེ། ཁ་གསག་ལ་སོགས་པ་ཡང་བསྡུའོ། །གནས་པ་ནི་ལྷག་པར་ཆགས་པའོ། །འོ་ན་ཇི་ལྟར་འཚོ་བར་བྱ་ཞེ་ན། ངན་ངོན་དག་གིས་ཆོག་བྱ་སྟེ། །ཞེས་བྱ་བ་གསུངས་ཏེ། རྩྭ་དང་། ལོ་མ་དང་། ཆུ་ལ་སོགས་པ་ཅི་ཡང་རུང་ཅི་རྙེད་པས་ཆོག་པར་བྱའོ་ཞེས་བྱ་བའི་ཐ་ཚིག་གོ། །དེ་ལྟ་བུས་ཇི་ལྟར་འཚོ་བར་ནུས་ཤེ་ན། བྱ་དང་འདྲ་བར་ཞེས་གསུངས་སོ། །དེ་ལྟ་བུའི་བརྟུལ་ཞུགས་དྲག་པོས་ཡོན་ཏན་ཅི་ཞིག་འཐོབ་པར་འགྱུར་ཞེ་ན། མིར་གྱུར་པ་ཡི་འབྲས་བུ་ཡོད་པར་བྱོས། །ཞེས་གསུངས་པ་སྟེ། དེས་ནི་ཕན་ཡོན་བསྟན་ཏོ། །ཕན་པ་རྙེད་པ་དང་། གནོད་པ་སྤངས་པས་མིར་གྱུར་པའི་འབྲས་བུ་ཡོད་པར་བྱ་བའི་ཕྱིར། ཀྱེ་མ་སངས་རྒྱས་བསྟན་པ་ལེགས་པར་རྙེད། །ཅེས་གསུངས་ཏེ། དེས་ནི་ཕན་པ་རྙེད་པར་བསྟན་ཏོ། །སྡུག་བསྔལ་མང་པོའི་རྩ་བ་ཁྱིམ་ཡང་སྤོངས། །ཞེས་བྱ་བ་འདིས་ནི་གནོད་པ་སྤང་བར་བསྟན་ཏོ། །ཀྱེ་མ་ཞེས་བྱ་བ་འདི་ཡ་མཚན་ལ་བྱ་སྟེ། ལེགས་པར་རྙེད་ཅེས་བྱ་བ་དེ་དང་སྦྱར་བར་བྱ་སྟེ། འཁོར་བ་ན་འདྲིས་པ་མ་ཡིན་པའི་ཆོས་ཡིད་བཞིན་གྱི་ནོར་བུ་དང་འདྲ་བ་རྙེད་པ་ནི་ཤིན་ཏུ་རྙེད་པར་དཀའ་བའི་ཕྱིར། ཀྱེ་མ་ལེགས་པར་རྙེད་དོ་ཞེས་གསུངས་སོ། །ཐོག་མ་མེད་པའི་འཁོར་བ་ནས་བསྐྱེད་པའི་ཆགས་པ་སྤང་བར་དཀའ་བའི་ཕྱིར་ཡང་། ཀྱེ་མ་སྤངས་སོ་ཞེས་གསུངས་སོ། །སངས་རྒྱས་ཀྱི་བསྟན་པ་འདི་རབ་ཏུ་འབྱུང་བའོ། །ལེགས་པར་རྙེད་པ་ནི་མཛེས་པར་རྙེད་པ་སྟེ། ཡོན་ཏན་ཕུན་སུམ་ཚོགས་པ་ཐམས་ཅད་ཀྱི་རྒྱུ་ཡིན་པའི་ཕྱིར་དང་། མངོན་པར་མཐོ་བ་དང་། ངེས་པར་ལེགས་པར་འདྲེན་པའི་ཕྱིར་དང་། འཁོར་བ་ན་འདྲིས་པ་མ་ཡིན་པའི་ཕྱིར་རོ། །ཡང་ན་ཕྱིར་མི་ལྡོག་པ་རྙེད་པ་ནི་ལེགས་པར་རྙེད་པ་སྟེ། ཚེ་རབས་གཞན་དུ་ཡང་ཕྱིར་མི་བཟློག་པའི་ཕྱིར་ཏེ། མྱ་ངན་ལས་འདས་པ་ལ་གཞོལ་བའི་ཕྱིར་རོ། །ཡང་ན་ཤིན་ཏུ་ཡོངས་སུ་རྫོགས་པར་རྙེད་པས་ན་ལེགས་པར་རྙེད་པ་སྟེ། འདོད་པ་ལ་ཀུན་ཏུ་རྟོག་པ་ལ་སོགས་པས་ཉམས་པར་མ་བྱས་པའི་ཕྱིར་རོ། །སྡུག་བསྔལ་མང་པོའི་རྩ་བ་ནི། བསྒྲུབ་པ་དང་། བསྲུང་བ་དང་། སྡུག་པ་དང་བྲལ་བ་དང་། མི་སྡུག་པ་དང་ཕྲད་པ་ལ་སོགས་པའི་སྡུག་བསྔལ་གྱི་རྩ་བ་ཡིན་པའི་ཕྱིར་རོ། །སངས་རྒྱས་ཀྱི་བསྟན་པ་ལེགས་པར་རྙེད་པའི་རྒྱུ་ནི་ཁྱིམ་སྤངས་པའོ། །ཁྱིམ་པའི་ཚིག་ནི་དགོན་པ་ན་གནས་པ་ཉེ་བར་མཚོན་པའི་དོན་ཏེ། གཙུག་ལག་ཁང་ལ་སོགས་པ་ན་ཡང་ཁྱིམ་གྱི་ཉེས་པ་སྲིད་པའི་ཕྱིར་རོ། །ཁྱིམ་སྤང་བའི་རྒྱུ་ནི་སྡུག་བསྔལ་མང་པོའི་རྩ་བ་ཉིད་དོ། །གང་གི་ཕྱིར་སངས་རྒྱས་ཀྱི་བསྟན་པར་ལེགས་པར་རྙེད་པ་དང་། སྡུག་བསྔལ་མང་པོའི་རྩ་བ་ཁྱིམ་སྤངས་པ་དེའི་ཕྱིར། ལུས་དང་ངག་དང་ཡིད་ཀྱང་ཡོངས་དག་པས། །ཁྱེད་སངས་རྒྱས་དང་ནི་ཆོས་ལ་གུས་པར་གྱིས། །ངག་དག་པ་ནི་ངག་གི་ལས་དགེ་བ་རྣམ་པ་བཞིའོ། །ལུས་དག་པ་ནི་ལུས་ཀྱི་ལས་དག་པ་རྣམ་པ་གསུམ་མོ། །ཡིད་དག་པ་ནི་བརྣབ་སེམས་མེད་པ་ལ་སོགས་པ་ཡིད་ཀྱི་ལས་རྣམ་པ་གསུམ་པོ་ཉིད་དོ། །འདིས་ནི་དགེ་བ་བཅུའི་ལས་ཀྱི་ལམ་དག་ལ་གནས་པ་བསྟན་ཏོ། །སངས་རྒྱས་ལ་གུས་པར་བྱ་བ་ནི་ལམ་བཟང་པོ་སྟོན་པས་མཆོག་ཏུ་ཕན་འདོགས་པའི་ཕྱིར་རོ། །ཆོས་ལ་གུས་པར་བྱ་བ་ནི་མྱ་ངན་ལས་འདས་པ་ལ་སོགས་པའི་ཡོན་ཏན་ཕུན་སུམ་ཚོགས་པ་འཐོབ་པར་བྱེད་པའི་ཕྱིར་རོ། །ཡང་ན་སངས་རྒྱས་དང་ཆོས་ལ་གུས་པར་བྱ་བ་ནི། ནན་ཏན་གྱིས་བསྒྲུབ་པའི་ཕྱིར་ཏེ། སངས་རྒྱས་བླ་མར་གྱིས་ཤིག །ཆོས་བླ་མར་གྱིས་ཤིག་ཅེས་བྱ་བ་ལ་སོགས་པ་གསུངས་པ་ལྟ་བུའོ། །དེ་ལྟར་ཕན་པ་རྙེད་པ་ལ་སོགས་པས་མིར་གྱུར་པ་འབྲས་བུ་ཡོད་པར་བྱེད་པས། རྙེད་པའི་ཉེས་དམིགས་བསྟན་པས་རྫས་ལ་སོགས་པའི་རྙེད་པ་གཞན་སྤང་བར་བྱའོ་ཞེས་བརྗོད་པའི་ཕྱིར། རྙེད་འདོད་ཅེས་བྱ་བ་ལ་སོགས་པ་གསུངས་ཏེ། རྙེད་པ་འདོད་པ་ནི་དྲན་པ་ལ་སོགས་པ་མེད་པར་འགྱུར་བ་རེ་རེའི་རྒྱུ་ཡིན་པར་ཁོང་དུ་ཆུད་པར་བྱ་སྟེ། འདི་ལྟར་རྙེད་པ་འདོད་པས་སེམས་གཡེངས་ནས་ཕན་ཚུན་འགྲོ་བ་ལ་ནི་དྲན་པ་ལ་སོགས་པ་མེད་པར་འགྱུར་ཞིང་བྱང་ཆུབ་ཀྱང་རིང་བར་འགྱུར་རོ། །དྲན་པ་ལ་སོགས་པ་མེད་པ་ཡང་རེ་རེ་ནས་རྙེད་པ་ཡོངས་སུ་སྤང་བའི་རྒྱུ་ཡིན་ནོ། །ཡང་ན་རྙེད་པ་འདོད་པ་ནི་དྲན་པ་མེད་པ་ཁོ་ནའི་རྒྱུའོ། །དེ་ཡང་ཤེས་རབ་མེད་པའི་རྒྱུ་ཡིན་ཏེ། དེ་བཞིན་དུ་སྔ་མ་སྔ་མ་མེད་པ་ནི་ཕྱི་མ་ཕྱི་མ་མེད་པའི་རྒྱུ་ཡིན་པར་ཁོང་དུ་ཆུད་པར་བྱ་སྟེ། བྱང་ཆུབ་རིང་བར་འགྱུར་བ་རྙེད་པ་ཡོངས་སུ་སྤང་བའི་རྒྱུ་ཡིན་པའི་བར་དུའོ། །ཡང་ན་རྣམ་པ་གཞན་ཡང་རྙེད་པ་འདོད་པ་ནི་དྲན་པ་མེད་པའི་རྒྱུའོ། །དེ་གཉིས་ཀྱང་ཤེས་རབ་མེད་པའི་རྒྱུ་སྟེ། དེ་བཞིན་དུ་གོང་ནས་གོང་དུ་ལྔའི་བར་གྱིས་བསྐྱེད་པ་ནི་བྱང་ཆུབ་ལས་རིང་བའི་རྒྱུ་ཡིན་ནོ། །ཉེས་དམིགས་རབ་འབྱམས་འདི་ཐམས་ཅད་ཀྱི་རྩ་བ་ནི་རྙེད་པ་འདོད་པ་ཡིན་པས། དེ་ལྟས་རྙེད་པ་ཡོངས་སུ་སྤང་བར་བྱ། །ཞེས་གསུངས་སོ། །དེ་ནི་གང་བསྒོམ་པ་དང་། གང་བྱ་བ་ཞེས་བསྟན་པ་གང་ཡིན་པ་དེ་བཤད་པར་བྱ་སྟེ། དོན་གཅིག་རྟོགས་ནས་ཀུན་ཤེས་ན། །བརྒྱད་ཅེས་བྱ་བས་ཅི་ཞིག་བྱ། །ཡི་གེ་སོ་སོའི་དོན་ཤེས་ན། །འདི་ཡང་ཧ་ཅང་ཉུངས་པ་ཡིན། །རྣལ་འབྱོར་པས་ཞེས་བྱ་བའམ། གཞན་ཡང་རུང་སྟེ། ཡི་གེ་གཅིག་གི་དོན་ཁོང་དུ་ཆུད་པས་ཐམས་ཅད་རྟོགས་ན་ཅིའི་ཕྱིར་ཡི་གེ་འབྲུ་བརྒྱད་ཅེས་བསྟན། འོན་ཏེ་ཡི་གེ་སོ་སོའི་དོན་ཤེས་པར་བསྒྲུབ་པ་ཡིན་ན་ནི། དེ་ལྟར་ན་འཇིག་རྟེན་ན་ཨ་ཞེས་བྱ་བ་ལ་སོགས་པ་ཡི་གེ་ཆེས་མང་པོ་ཞིག་ཡོད་པས། ཡི་གེ་འབྲུ་བརྒྱད་ཅེས་བྱ་བ་འདི་ཡང་ཧ་ཅང་ཉུངས་སོ་ཞེ་ན། ཉེས་པ་མེད་པ་དེ་འདི་ལྟར། བསྟན་བྱ་སྟོན་པ་ཉེས་པ་ཡི། །ངོ་བོ་དེ་ཉིད་རྣམ་གསུམ་བསྟན། །བསྟན་པར་བྱ་བ་ནི་ཆོས་ཐམས་ཅད་དོ། །སྟོན་པ་པོ་ནི་ལོངས་སྤྱོད་རྫོགས་པ་དང་སྤྲུལ་པའི་སྐུའོ། །ཉན་པ་ནི་གདུལ་བྱའི་སྐྱེ་བོ་སྟེ། དེ་ཡང་བྱིས་པ་དང་། མཁས་པའི་བྱེ་བྲག་གིས་རྣམ་པ་གཉིས་སོ། །དེ་དག་གི་ངོ་བོའི་དེ་ཁོ་ན་ནི་ཕྱིན་ཅི་མ་ལོག་པའི་ངོ་བོ་ཉིད་དེ། དེ་ཡང་རྒྱུ་ལས་རྣམ་གསུམ་དུ་བསྟན་ཏེ། རྒྱུ་དེ་ཡང་གང་ཞེ་ན། རྣམ་པར་རྟོག་པ་རྣམ་པ་གསུམ་སྤོང་བ་སྟེ། རྣམ་པར་རྟོག་པ་རྣམ་པ་གསུམ་ནི་བསྟན་པར་བྱ་བ་དང་། སྟོན་པ་པོ་དང་། ཉན་པ་པོར་རྣམ་པར་རྟོག་པ་སྟེ། དེ་སྤངས་ན་སངས་རྒྱས་རྗེས་སུ་དྲན་པ་རྟོགས་པ་མེད་པའི་ཕྱིར་རོ། །བསྟན་བྱ་གང་ཡིན་དེ། རྣམ་གཉིས་འཇིག་རྟེན་འདི་ན་འདྲིས་པ་དང་། མ་འདྲིས་པ་ཐ་དད་པའི་ཕྱིར་རོ། །ཅིའི་ཕྱིར་བསྟན་པར་བྱ་བ་དེ་རྣམ་པ་གཉིས་སུ་མཛད་ཅེ་ན། རྒྱུ་ལས་མཛད་དེ། རྒྱུ་དེ་ཡང་གང་ཞེ་ན། མངོན་པར་འདུ་བྱ་བ་ཆེན་པོས་བསྒྲུབ་པའི་ཆོས་གཟུངས་ལ་སོགས་པ་རྣམས་ཀྱང་ངོ་བོ་ཉིད་མེད་པ་ཡིན་ན། སྐྱེ་བ་ལ་སོགས་པ་གཞན་ལྟ་ཅི་སྨོས་ཞེས་བསྟན་པའི་ཕྱིར། བསྟན་པར་བྱ་བ་ཉིད་དབྱེ་བར་མཛད་དེ་ཁྱབ་པའི་ཕྱིར་རོ། །འཇིག་རྟེན་ན་འདྲིས་པའི་བསྟན་པར་བྱ་བ་ཡང་། མཚན་ཉིད་དང་མཚན་གཞིའི་བྱེ་བྲག་གིས་རྣམ་པ་གཉིས་ཏེ་རྒྱུ་ལས་སོ། །རྒྱུ་དེ་ཡང་གང་ཞེ་ན། གང་ལ་མཚན་ཉིད་ཡོད་པ་དང་རྒྱུས་བསྐྱེད་པའི་ངོ་བོ་དེ་ཇི་ལྟར་མེད་སྙམ་དུ་རྟོག་པ་སྤང་བའི་ཕྱིར་རོ། །རྣམ་པར་སྨིན་པ་སྨོས་པས་ནི་བདག་པོའི་འབྲས་བུ་ཡང་མཚོན་ཏེ། དེ་ཡང་སྨིན་པའི་ངོ་བོ་ཡིན་པའི་ཕྱིར་རོ། །འཇིག་རྟེན་ན་མ་འདྲིས་པའི་བསྟན་པར་བྱ་བ་ཡང་། ལམ་དང་ལམ་མ་ཡིན་པའི་བྱེ་བྲག་གིས་རྣམ་པ་གཉིས་ཏེ། རྒྱུ་ལས་མཛད་དོ། །རྒྱུ་དེ་ཡང་གང་ཞེ་ན། ཆོས་དེ་གཉི་ག་ཡང་རྣམ་པར་རྟོག་པ་སྤང་བར་འགྱུར་ཏེ། དེ་དག་ཇི་ལྟར་མེད་སྙམ་དུ་རྣམ་པར་རྟོག་པ་དེ་སྤང་བའི་ཕྱིར་རོ། །ཡང་ཐམས་ཅད་རྣམ་པ་གཅིག་ཏུ་མཛད་དེ་རྒྱུ་ལས་སོ། །རྒྱུ་དེ་ཡང་གང་ཞེ་ན། བསྟན་པར་བྱ་བ་ལ་སོགས་པར་རྣམ་པར་རྟོག་པ་སྤོང་བ་སྟེ། དེ་ནི་མདོར་བསྡུས་པ་ལ་དགའ་བའི་སེམས་ཅན་ལ་ཕན་འདོགས་པའི་ཕྱིར་བསྟན་ཏོ། །ཡང་ན། ཡི་གེ་འབྲུ་བརྒྱད་འདི་དག་ནི། །བྱང་ཆུབ་སེམས་དཔའ་མཁས་ལྡན་པ། །བརྒྱད་པོ་དག་གི་ཏིང་འཛིན་རྣམས། །སྨོས་པ་ཡིན་པར་ཐུབ་པས་གསུངས། །དེ་ཡི་དོན་ནི་བསྒོམས་པ་ལ། །དེ་ཀུན་མངོན་དུ་ཕྱོགས་པར་གནས། །གཟུངས་ནི་ཐོབ་པར་བྱ་བའི་ཕྱིར། །ཀུན་དུ་བརྩོན་པར་རབ་ཏུ་བྱེད། །ཡི་གེ་འབྲུ་བརྒྱད་པོ་འདི་དག་ནི་རྣམ་པར་སྣང་བྱེད་ལ་སོགས་པ་འོག་ནས་འབྱུང་བ་བྱང་ཆུབ་སེམས་དཔའ་བརྒྱད་པོ་དག་གིས་ཏིང་ངེ་འཛིན་གང་དག་ཡིན་པའི་ཏིང་ངེ་འཛིན་དེ་དག་སྨོས་པར་བྱེད་པ་ཡིན་པར་གོ་རིམས་བཞིན་དུ་བཅོམ་ལྡན་འདས་ཀྱིས་གསུངས་ཏེ། ཡི་གེ་དེ་དག་ཏིང་ངེ་འཛིན་གྱི་དོན་བསྒོམས་པ་ལ། བྱང་ཆུབ་སེམས་དཔའ་དེ་དག་ཐམས་ཅད་མངོན་དུ་ཕྱོགས་པར་འགྱུར་རོ། །དེ་ནས་མངོན་དུ་ཕྱོགས་པར་གྱུར་ནས་སྒོམ་པ་དེ་གཟུངས་ཐོབ་པར་བྱ་བའི་ཕྱིར་བརྩོན་པར་བྱེད་དེ། འདི་ལྟར་འོག་ནས་བྱང་ཆུབ་སེམས་དཔའ་ཆེན་པོ་བརྒྱད་པོ་དེ་དག་དེས་གཟུངས་ཐོབ་པར་བྱ་བའི་ཕྱིར་མངོན་པར་བརྩོན་པར་འགྱུར་རོ་ཞེས་འབྱུང་སྟེ། དེ་ལྟ་བས་ན་ཡི་གེ་འབྲུ་བརྒྱད་པོ་འདི་དག་གསུངས་ཏེ། ཉུང་ངུ་ཡང་མ་གསུངས་ལ། དགོས་པ་མེད་པའི་ཕྱིར་ལྷག་པར་ཡང་མ་གསུངས་སོ། །བྱང་ཆུབ་སེམས་དཔའ་རྣམས་དང་ནི། །སངས་རྒྱས་རྣམས་དང་གནོད་སྦྱིན་རྣམས། །རིམ་བཞིན་དགོད་པའི་དཀྱིལ་འཁོར་འདི། །རྨི་ལམ་དུ་ནི་བསྟན་པ་ཡིན། །པདྨའི་རྒྱལ་པོ་དཀར་པོ་ཞིག །འདབ་མ་བརྒྱད་པ་ཡིད་དུ་འོང་། །དེ་དབུས་ཐུབ་པ་མཚུངས་མེད་པ། །བུམ་པ་དང་ནི་བཅས་པར་གཞག །འདབ་བརྒྱད་དག་ལ་ཐུབ་པའི་སྲས། །རྣམ་པར་སྣང་བྱེད་སོགས་བརྒྱད་ཀུན། །ཐུབ་པ་དང་ནི་རང་རང་གི། །ཡི་གེའི་ས་བོན་ལྡན་པར་དགོད། །འདབ་མ་རྣམས་ཀྱི་བར་དག་ཏུ། །གནོད་སྦྱིན་བརྒྱད་གཞག་ཆོ་ག་གཅིག །ཆོ་ག་གཞན་ཡང་དེ་བཞིན་དུ། །ཚོན་ཕྱེ་སྣ་ལྔས་གྲུ་བཞིར་བྲི། །མཁས་པས་དེའི་དབུས་ཐུབ་པ་ནི། །པདྨ་དཀར་པོ་འདབ་བརྒྱད་ལ། །བུམ་པ་ཆུས་བཀང་ལྡན་པར་གཞག །དེ་བཞིན་ཐུབ་སྲས་དེ་དག་ཀྱང་། །པདྨའི་གདན་བཅས་ཆུ་བུམ་བཅས། །ཕྱོགས་བཞི་དག་ཏུ་གཉིས་གཉིས་དགོད། །ཕྱོགས་ཀུན་བྱང་ཆུབ་སེམས་དཔའ་ཡི། །བར་དུ་གནོད་སྦྱིན་དེ་དག་དགོད། །སློབ་མ་གཙང་མ་ཡོན་ཏན་ཅན། །གཟུངས་བསྒོམ་རྣལ་འབྱོར་གྲུབ་འདོད་པ། །དཀར་པོའི་སྟན་ལ་འདུག་པ་ལ། །བུམ་པ་དེ་དག་གིས་དབང་བསྐུར། །དེ་ལྟར་རྨི་ལམ་བསྟན་པ་ཡི། །ཆོ་ག་བདག་གིས་གསལ་བརྗོད་པ། །བདག་ཉིད་ལེགས་དྲན་བྱ་ཕྱིར་གྱིས། །མངོན་པའི་ང་རྒྱལ་ཅུང་ཟད་མེད། །དེ་ལྟར་སྤྱིར་ཡི་གེ་འབྲུ་བརྒྱད་པོ་རྣམས་ཀྱི་རང་བཞིན་བསྡུ་བ་བྱས་ནས། ད་ནི་སོ་སོའི་དོན་དེ་ལ་འཇུག་པ་བཤད་པར་བྱ་སྟེ། དོན་དམ་པར་སྟོང་པ་དང་སྟོང་པ་མ་ཡིན་པའི་ཆོས་ཐམས་ཅད་ཇི་ལྟར་ངོ་བོ་ཉིད་མེད་པ་དེ་ལྟར་ནི་དང་པོས་བསྟན་ཏོ། །སོགས་པ་སྨོས་པས་ནི་སྐྱེ་བ་དང་སྐྱེ་བ་མེད་པ་ལ་སོགས་པ་བསྡུའོ། །དེ་རྣམ་པར་ཤེས་པ་ནི་གང་གིས་ཆོས་དེ་དག་བདག་མེད་པ་ལ་འཇུག་པར་འགྱུར་བའོ། །དེ་ཁོང་དུ་ཆུད་པ་ནི་མངོན་སུམ་དུ་བྱ་བའོ། །དེ་ལྟ་བས་ན། དམ་པའི་དོན་དུ་སྟོང་པ་དང་། །སྟོང་མིན་ལ་སོགས་ཆོས་རྣམས་ཀུན། །ངོ་བོ་ཉིད་མེད་རྣམ་ཤེས་པ། །ཁོང་དུ་ཆུད་ཕྱིར་དང་པོར་བཞེད། །པ་ཞེས་བྱ་བའི་དོན་ཁོང་དུ་ཆུད་པ་སྟེ། དེ་ནི་ཐོག་མར་གསུངས་པའི་ཕྱིར་དང་པོའོ། །དེ་བསྟན་པ་འདི་ལྟ་སྟེ་ཞེས་བྱ་བ་ལ་སོགས་པ་སྟེ། འདི་ལྟ་སྟེ་ཞེས་བྱ་བའི་སྒྲ་ནི་ངོ་བསྟན་པའི་དོན་ཏོ། །པ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་ནི་ཁོང་དུ་ཆུད་པས་ཞེས་བྱ་བར་རྣམ་པར་དབྱེ་བ་བསྒྱུར་བར་བྱ་སྟེ། གང་གིས་ཤེ་ན། བཀའ་སྩལ་པ། དོན་དམ་པར་སྟོང་པ་དང་སྟོང་པ་མ་ཡིན་པ་ལ་སོགས་པ་ཆོས་ཐམས་ཅད་ནི་བདག་མེད་པའོ། །དེ་ལ་འཇུག་པ་ནི་རྟོགས་པ་སྟེ། འདིས་འཇུག་པའི་ཕྱིར་རོ། །དེ་ཁོང་དུ་ཆུད་པ་ནི་ཆོས་ཐམས་ཅད་བདག་མེད་པ་ལ་འཇུག་པ་ཁོང་དུ་ཆུད་པ་དེས་སོ། །ལོངས་སྤྱོད་རྫོགས་པའི་སྐུ་དང་ནི། །སྤྲུལ་པའི་སྐུ་གཉིས་ལས་སྐུར་བསྟན། །དེ་གཉིས་འཇིག་རྟེན་དོན་འབྱོར་པ། །མ་ལུས་པར་ནི་མཛད་ཕྱིར་རོ། །ལོངས་སྤྱོད་རྫོགས་པ་དང་སྤྲུལ་པའི་སྐུ་དེ་གཉིས་འཇིག་རྟེན་གྱི་དོན་ཕུན་སུམ་ཚོགས་པ་མ་ལུས་པ་མཛད་པའི་ཕྱིར། བཅོམ་ལྡན་འདས་ཀྱིས་ལས་ཀྱི་སྐུར་གསུངས་ཏེ། ལས་ལ་དང་། ལས་ཀྱི་ཕྱིར་དང་། ལས་ཀྱི་སྐུ་ཡིན་པའི་ཕྱིར་རོ། །ཀུན་རྫོབ་ཏུ་དང་དོན་དམ་པར། །མཚན་དང་མཚན་མེད་སོགས་པའི་རྒྱུས། །སྐུ་གཉིས་རྣམ་པར་ཤེས་པ་ནི། །ཁོང་དུ་ཆུད་ཕྱིར་གཞན་དུ་བཞེད། །ལ་ཞེས་བྱ་བ་ནི་ཁོང་དུ་ཆུད་པ་ཞེས་བྱ་བའི་ཐ་ཚིག་གོ། །ཕྲིན་ལས་ཀྱི་སྐུ་ལོངས་སྤྱོད་རྫོགས་པ་དང་སྤྲུལ་པ་དང་གཉིས་ཀྱི་རང་བཞིན་དེ་ཡང་། ཀུན་རྫོབ་ཏུ་ནི་མཚན་དང་ལྡན་ནོ། །དོན་དམ་པར་ནི་མཚན་མེད་དོ། །སོགས་པ་སྨོས་པས་ནི། མདོ་ལས་དཔེ་བྱད་བཟང་པོ་དང་དཔེ་བྱད་བཟང་པོ་མེད་པར་ཞེས་སྨོས་པ་བསྡུ་སྟེ། དེ་ཡང་ཉེ་བར་མཚོན་པའི་དོན་ཡིན་པའི་ཕྱིར། སྟོང་པ་མ་ཡིན་པ་དང་། སྟོང་པ་ལ་སོགས་པ་ཡང་བསྡུའོ། །དེ་བསྟན་པ་ལ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་ཏེ། ཇི་ལྟར་དེ་བཞིན་གཤེགས་པའི་ལས་ཀྱི་སྐུ་ལ་འཇུག་པ་ཁོང་དུ་ཆུད་པ་ཞེས་བྱ་བ་གསུངས་པའོ། །རྣམ་པ་ཇི་ལྟ་བུར་ཁོང་དུ་ཆུད་ཅེ་ན། མཚན་དང་དཔེ་བྱད་བཟང་པོ་དང་། མཚན་དང་དཔེ་བྱད་བཟང་པོ་མེད་པར་ཞེས་གསུངས་པའོ། །ཁ་ཅིག་ལས་ནི་དེ་བཞིན་གཤེགས་པའི་ཆོས་ཀྱི་སྐུ་ལ་འཇུག་པ་ཁོང་དུ་ཆུད་པ་ཞེས་ཀྱང་འབྱུང་སྟེ། དེའི་ཚེ་ན་དོན་ཡིན་ཏེ། མཚན་དང་དཔེ་བྱད་བཟང་པོ་གང་ཡིན་པ་དེ་ཆོས་ཀྱི་སྐུ་འདི་ལ་མཚན་དང་དཔེ་བྱད་བཟང་པོ་མེད་དེ། དེས་ན་མཚན་དང་དཔེ་བྱད་བཟང་པོ་དང་། མཚན་དང་དཔེ་བྱད་བཟང་པོ་མེད་པར་ཞེས་བྱ་བ་ནི། ཆོས་ཀྱི་སྐུ་འདི་ལ་ཆོས་ཐམས་ཅད་ཅི་ཡང་མེད་པའི་དོན་ཏོ། །མཚན་ལ་སོགས་སྨོས་པ་ནི། མཚོན་པའི་ཕྱིར་རམ། ཆོས་ཀྱི་སྐུ་ལ་འཇུག་པ་ཁོང་དུ་ཆུད་པའི་སྒོ་བསྟན་པའི་ཕྱིར་ཏེ། དེ་བཞིན་གཤེགས་པ་སྨོས་པ་ཡང་དེ་དང་འདྲ་བར་བཤད་པར་བྱའོ། །ཆོས་ཀྱི་སྐུ་ལ་ནི་འདི་ནི་དེ་བཞིན་གཤེགས་པའི་ཆོས་ཀྱི་སྐུའོ། །འདི་ནི་དེ་བཞིན་གཤེགས་པའི་ཆོས་ཀྱི་སྐུ་མ་ཡིན་ནོ་ཞེས་དབྱེར་མེད་དེ། དབྱེར་ཡོད་དུ་ཟིན་ན་ཆོས་ཀྱི་སྐུ་ཉིད་ཉམས་པའི་ཕྱིར་རོ། །ཡང་ན་དོན་ཁོང་དུ་ཆུད་པ་ཞེས་བྱ་བ་འདི་སངས་རྒྱས་རྗེས་སུ་དྲན་པའི་ངོ་བོ་ཡིན་པའི་ཕྱིར་གཉིས་གསུངས་སོ། །བྱིས་པ་དང་ནི་མཁས་པའི་ཆོས། །དྲི་མ་ཅན་དང་དྲི་མ་མེད། །མི་སྟོང་མིན་སོགས་སྟོང་མིན་སོགས། །ཇི་བཞིན་གཉིས་ནི་བསྟན་པ་ཡིན། །གང་དག་ལ་དྲི་མ་ཅན་གྱི་རང་བཞིན་ཡོད་པ་དེ་དག་ནི་བྱིས་པའི་ཆོས་རྣམས་སོ། །གང་དག་ལ་དྲི་མ་མེད་པའི་རང་བཞིན་ཡོད་པ་དེ་དག་ནི་མཁས་པའི་ཆོས་རྣམས་ཏེ། ཟག་པ་དང་བཅས་པ་དང་། ཟག་པ་མེད་པ་ཞེས་བྱ་བའི་ཐ་ཚིག་གོ། །དེ་དག་ནི་སྟོང་པ་ཡིན་པ་ལ་སོགས་པ་དང་། སྟོང་པ་མ་ཡིན་པ་ལ་སོགས་པ་ཇི་ལྟ་བ་བཞིན་གཉིས་བསྟན་ཏེ། ཚད་མ་དང་ལྡན་པའི་ཕྱིར་ཕྱིན་ཅི་མ་ལོག་པ་གཉིས་ཞེས་བྱ་བའི་ཐ་ཚིག་གོ། །ཁ་ཅིག་ལས་ནི་གཉིས་སུ་མེད་པར་འབྱུང་སྟེ། དེའི་ཚེ་ན་ནི། མི་སྟོང་མིན་སོགས་སྟོང་མིན་སོགས། །གཉིས་མེད་ཇི་བཞིན་ཤེས་པར་བྱ། །ཞེས་བརྗོད་པར་བྱ་སྟེ། དེ་ལྟ་ན་ནི་བྱིས་པ་དང་། མཁས་པའི་ཆོས་གཉི་ག་ཡང་ངོ་བོ་ཉིད་གཅིག་ཏུ་བསྟན་པ་ཡིན་ནོ། །དེའི་འཇུག་པ་ནི་བྱིས་པ་དང་མཁས་པའི་ཆོས་གཉིས་སམ་གཉིས་སུ་མེད་པར་ཇི་ལྟ་བ་བཞིན་བགྱིའོ། །རྣམ་པར་ཤེས་པ་སྟེ་འདིས་འཇུག་པའི་ཕྱིར་རོ། །ཁོང་དུ་ཆུད་པ་མངོན་སུམ་བྱེད། །རྟོགས་ཞེས་བྱ་བའི་ཐ་ཚིག་གོ། །གསུམ་པ་འདི་ནི་མཁས་པ་ཡིས། །དེ་ལྟ་བུར་ནི་ཤེས་པར་བྱ། །བ་ཞེས་བྱ་བའི་དོན་ཁོང་དུ་ཆུད་ཅེས་བྱ་བའི་ཐ་ཚིག་སྟེ། དེ་བསྟན་པ། བ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་ཏེ། ཇི་ལྟར་ཞེ་ན་བྱིས་པའི་ཆོས་རྣམས་ཞེས་བྱ་བ་ལ་སོགས་པ་གསུངས་པའོ། །སྐྱེ་སོགས་སྐྱེ་བ་མེད་སོགས་ཀྱིས། །འཇུག་པ་སྐྱེ་བ་མེད་པ་དང་། འགག་མེད་ཤེས་པ་གང་ཡིན་དེ། །ཁོང་དུ་ཆུད་ཕྱིར་གཞན་དུ་བཞེད། །སོགས་པ་སྨོས་པས་ནི་རྒ་ཤི་མེད་པ་བསྡུའོ། །དེ་ལས་དོན་འདི་འབྱུང་སྟེ། སྐྱེ་བ་ལ་སོགས་པ་དང་། སྐྱེ་བ་མེད་པ་ལ་སོགས་པའི་འཇུག་པ་གང་ཡིན་པའི་འཇུག་པ་དེའི་སྐྱེ་བ་མེད་པ་དང་། འགག་པ་མེད་པ་གང་དག་ཡིན་པ་དེ་སྡེ་ཚན་དེ་གཉིས་ངོ་བོ་ཉིད་ཀྱིས་སྟོང་པས་ན། འཇུག་པ་ཡང་དེ་དང་འདྲ་བའི་ཕྱིར་རོ། །སྐྱེ་བ་མེད་པ་དང་འགག་པ་མེད་པ་དེ་གཉིས་ཤེས་པ་གང་ཡིན་པའི་ཤེས་པ་དེ་ཁོང་དུ་ཆུད་པའི་ཕྱིར་གཞན་དུ་བཞེད་དེ། བཞི་པ་ཛ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བའི་ཐ་ཚིག་གོ། །དེ་བསྟན་པ་ཛ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་ཏེ། ཇི་ལྟ་ཞེ་ན། སྐྱེ་བ་དང་། རྒ་བ་དང་། འཆི་བ་དང་། སྐྱེ་བ་དང་། རྒ་བ་དང་། འཆི་བ་མེད་པ་རྣམས་ཀྱི་འགྲོ་བ་དང་འཇུག་པ་གང་ཡིན་པ་དེའི། མི་སྐྱེ་མི་འགག་པ་གང་ཡིན་པ་དེ་དག་ལ་འཇུག་པ་དེ་ཁོང་དུ་ཆུད་པ་སྟེ། དེས་ཞེས་བྱ་བའི་ཐ་ཚིག་གོ། །སྔ་མ་ཇི་ལྟར་སྣང་བར་ཏེ། །ཕྱི་མ་དམ་པའི་དོན་དུ་ཡིན། །དེ་ལྟར་ཡང་དག་དོན་ཤེས་པ། །ཁོང་དུ་ཆུད་ཕྱིར་ལྔ་པར་བཞེད། །ལས་དང་རྣམ་པར་སྨིན་པ་དག་ནི་ཇི་ལྟར་སྣང་བ་བཞིན་ཡིན་པའི་ཕྱིར་རོ། །ལས་དང་རྣམ་པར་སྨིན་པ་མེད་པ་ནི་དོན་དམ་པ་སྟེ། དེ་ལྟར་ཀུན་རྫོབ་དང་དོན་དམ་པའི་བདེན་པ་གཉིས་ལ་བརྟེན་ནས་ལས་དང་རྣམ་པར་སྨིན་པ་དང་། ལས་དང་རྣམ་པར་སྨིན་པ་མེད་པ་དག་གི་དེ་ཁོ་ན་ཤེས་པ་དེ་ཁོང་དུ་ཆུད་པའི་ཕྱིར་ལྔ་པར་བཞེད་དེ། ཀ་ཞེས་བྱ་བའི་དོན་ཁོང་དུ་ཆུད་ཅེས་བྱ་བའི་ཐ་ཚིག་གོ། །ལས་དང་རྣམ་པར་སྨིན་པ་མེད་པ་སྨོས་པ་ཡང་འཇིག་རྟེན་ལས་འདས་པའི་ཀུན་རྫོབ་ཀྱི་བདེན་པ་ལ་བརྟེན་ནས་གསུངས་ཏེ། ཡང་དག་པར་ན་དགག་པར་བྱ་བ་མེད་པས། དགག་པ་མི་འཇུག་པའི་ཕྱིར་དེ་ནི་མེད་པ་ཁོ་ནའོ། །ཡང་ན་ཡང་དག་མི་སྣང་ཕྱིར། །དེ་གཉིས་ངོ་བོ་ཉིད་མེད་ཉིད། །དེ་ལྟར་ཡང་དག་དོན་ཤེས་པ། །ཁོང་དུ་ཆུད་ཕྱིར་ལྔ་པར་བཞེད། །ཡང་ན་གང་གི་ཕྱིར་ལས་དང་རྣམ་པར་སྨིན་པ་དང་ལས་དང་རྣམ་པར་སྨིན་པ་མེད་པ་གཉིས་ཡང་དག་པར་མི་སྣང་བས་ན། ངོ་བོ་ཉིད་མེད་པ་ཁོ་ན་ཡིན་པ་དེའི་ཕྱིར། ངོ་བོ་ཉིད་མེད་པའོ་ཞེས་དེ་ཁོ་ན་ཉིད་ཀྱི་དོན་ཤེས་པ་ཁོང་དུ་ཆུད་པའི་ཕྱིར་ལྔ་པར་བཞེད་དོ། །དེ་བསྟན་པ་ཀ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་ཏེ། ཇི་ལྟ་ཞེ་ན། ལས་དང་རྣམ་པར་སྨིན་པ་དང་། ལས་དང་རྣམ་པར་སྨིན་པ་མེད་པ་ལ་འཇུག་པ་ཁོང་དུ་ཆུད་པ་ཞེས་གསུངས་པའོ། །གཟུངས་ཀྱི་ཆོས་ཀྱི་རྣམ་གྲངས་ཀྱིས། །སྟོང་པ་ཉིད་ལ་སོགས་པ་ཡི། །ཆོས་ཀྱི་དབྱིངས་ནི་འདི་ཤེས་པ། །རྟོགས་ཕྱིར་དྲུག་པ་འདིར་བཞེད་དོ། །ཆོས་ཀྱི་དབྱིངས་འདི་ནི་གཟུངས་ཀྱི་ཆོས་ཀྱི་རྣམ་གྲངས་ཀྱི་སྟོང་པ་ཉིད་ལ་སོགས་པ་གང་དག་ཡིན་པ་དེ་དག་གི་ཡིན་ནོ་སྙམ་དུ་ཤེས་པ་གང་ཡིན་པ་དེ་ཁོང་དུ་ཆུད་པའི་ཕྱིར། དྲུག་པར་བཞེད་དེ། དྷ་ཞེས་བྱ་བའི་དོན་ཁོང་དུ་ཆུད་ཅེས་བྱ་བའི་ཐ་ཚིག་གོ། །སྟོང་པ་ཉིད་ལ་སོགས་པ་ཡང་། ཡང་དག་པར་དཔྱད་ན་དགག་པར་བྱ་བ་མེད་པའི་ཕྱིར་ངོ་བོ་ཉིད་སྟོང་པ་ཁོ་ནའོ། །ཡང་ན་གཟུངས་ཆོས་རྣམ་གྲངས་ཀྱིས། །སྟོང་པ་ཉིད་ལ་སོགས་པ་ཉིད། །ཆོས་དབྱིངས་ཡིན་པར་རྣམ་ཤེས་པ། །ཁོང་དུ་ཆུད་ཕྱིར་དྲུག་པར་བཞེད། །ཡང་ན་གཟུངས་ཀྱི་ཆོས་ཀྱི་རྣམ་གྲངས་ཀྱི་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་གང་ཡིན་པ་དེ་ཉིད་ཆོས་ཀྱི་དབྱིངས་ཡིན་པར་ཤེས་པ་གང་ཡིན་པ་དེ་ཁོང་དུ་ཆུད་པའི་ཕྱིར་དྲུག་པར་བཞེད་དོ། །སྟོང་པ་ཉིད་ལ་སོགས་པ་ཡང་ངོ་བོ་ཉིད་ཀྱིས་སྟོང་པ་ཁོ་ན་ཡིན་མོད་ཀྱི། འོན་ཀྱང་ངོ་བོ་ཉིད་ལ་སོགས་པ་ལ་རྣམ་པར་རྟོག་པ་སྤངས་པའི་ཐབས་བསྟན་པའི་ཕྱིར། ཡང་དག་པའི་ཀུན་རྫོབ་ལ་བརྟེན་ནས་ཆོས་ཀྱི་དབྱིངས་ཞེས་གསུངས་སོ། །ངོ་བོ་ཉིད་སོགས་རྣམ་རྟོག་པ། །སྤངས་པའི་ཐབས་ནི་གདུལ་རྣམས་ལ། །བསྟན་པར་བྱ་ཕྱིར་མགོན་རྣམས་ཀྱིས། །སྟོང་ཉིད་ལ་སོགས་བསྟན་པ་མཛད། །རྣམ་པར་རྟོག་པ་ནི་རྣམ་པ་གསུམ་སྟེ། ངོ་བོ་ཉིད་ལ་རྣམ་པར་རྟོག་པ་དང་། མཚན་མ་ལ་རྣམ་པར་རྟོག་པ་དང་། སྨོན་པ་ལ་རྣམ་པར་རྟོག་པའོ། །དེ་ལ་ངོ་བོ་ཉིད་ལ་རྣམ་པར་རྟོག་པ་ནི་གཞན་གཉིས་ཀྱི་སྔོན་དུ་འགྲོ་བའོ། །མཚན་མ་ལ་རྣམ་པར་རྟོག་པ་ནི་སྨོན་པ་ལ་རྣམ་པར་རྟོག་པའི་སྔོན་དུ་འགྲོ་བ་སྟེ། དེ་ལྟར་འདི་ནི་དེའི་གཉེན་པོ་དེ་དག་གི་གོ་རིམས་བསྟན་པ་ཡིན་ཏེ། དེ་བསྟན་པ། དྷ་ཞེས་བྱ་བའི་དོན་དུ་ཁོང་དུ་ཆུད་པ་ཞེས་པ་དང་སྦྱར་ཏེ། ཇི་ལྟ་ཞེ་ན། གཟུངས་ཀྱི་ཆོས་ཀྱི་རྣམ་གྲངས་ཀྱི། །ཞེས་བྱ་བ་ལ་སོགས་པ་གསུངས་པའོ། །ཞི་གནས་ལ་སོགས་ཉིད་ཡིན་ཞེས། །ཆོས་རྣམས་ཐམས་ཅད་མདོར་སྡུད་དེ། །དེ་དག་དེ་བཞིན་ཉིད་ཤེས་པ། །ཁོང་དུ་ཆུད་ཕྱིར་བདུན་པར་བཞེད། །ཞི་གནས་ནི་ཏིང་ངེ་འཛིན་ཏོ། །སོགས་པ་སྨོས་པས་ནི་ལྷག་མཐོང་ལ་སོགས་པ་བསྡུའོ། །ལྷག་མཐོང་ནི་ཤེས་རབ་སྟེ། ཆོས་ཐམས་ཅད་ནི་ཞི་གནས་དང་ལྷག་མཐོང་དང་། ཞི་གནས་དང་ལྷག་མཐོང་མ་ཡིན་པ་ཉིད་དམ་དེ་དང་ལྡན་པ་ཉིད་དོ། །དེ་དག་གི་དེ་བཞིན་ཉིད་ནི་རེ་ཞིག་ཞི་གནས་དང་ལྷག་མཐོང་དག་གི་དེ་བཞིན་ཉིད་ཡིན་ཏེ་གཟོད་མ་ནས་མ་སྐྱེས་པའི་ཕྱིར་རོ། །དགག་པར་བྱ་བ་མེད་ན་དགག་པ་མི་འཇུག་པའི་ཕྱིར། ཞི་གནས་དང་ལྷག་མཐོང་མ་ཡིན་པ་དག་ཀྱང་དེ་དང་འདྲའོ། །དེ་བཞིན་ཉིད་དེ་ཤེས་པ་གང་ཡིན་པ་ཁོང་དུ་ཆུད་པའི་ཕྱིར་བདུན་པར་བཞེད་དེ། ཤ་ཞེས་བྱ་བའི་དོན་ཁོང་དུ་ཆུད་ཅེས་བྱ་བའི་ཐ་ཚིག་གོ། །དེ་བསྟན་པ། ཤ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་རོ། །ཇི་ལྟ་བུའི་ཚུལ་དུ་ཞེ་ན། ཞི་གནས་ཞེས་བྱ་བ་ལ་སོགས་པ་གསུངས་པའོ། །ཀུན་རྫོབ་ཏུ་ནི་ཆོས་རྣམས་ཀུན། །སྐད་ཅིག་གང་ཡིན་དེ་དག་ནི། །གཟོད་ནས་ཞི་ཕྱིར་དོན་དམ་དུ། །ཟད་མེད་ལ་སོགས་བྱེ་བྲག་བསྟན། །ཇི་ལྟར་གྲགས་པའི་སྐད་ཅིག་པའི་ཆོས་གང་དག་ཡིན་པ་དེ་དག་རིམ་པས་དཔྱད་ན་སྐད་ཅིག་མའི་མི་རྟག་པའི་ཕྱིར་ཟད་པ་མེད་པའོ། །རྒྱུན་གྱི་མི་རྟག་པ་མེད་པའི་ཕྱིར་འཇིག་པ་མེད་པའོ། །རྒྱུད་ཀྱི་མི་རྟག་པ་མེད་པའི་ཕྱིར་རྒྱུ་བ་མེད་པ་སྟེ། གང་དག་ལ་འགྲོ་བ་མེད་པ་དེ་དག་ནི་རྒྱུ་བ་མེད་པའོ། །འདིར་རྒྱུན་ནི་ཚེ་གཅིག་གི་རྒྱུན་ནོ། །རྒྱུད་ནི་ཚེ་དུ་མའི་ཡིན་པར་བཞེད་དོ། །ཅིའི་ཕྱིར་དེ་དག་རིག་པས་དཔྱད་ན། ཟད་པ་མེད་པ་ལ་སོགས་པའི་ངོ་བོ་ཡིན་ཞེ་ན། གཟོད་མ་ནས་ཞི་བའི་ཕྱིར་ཞེས་གསུངས་ཏེ། ཆོས་ཐམས་ཅད་སྐྱེ་བ་མེད་པའི་ཕྱིར་ཞེས་བྱ་བའི་ཐ་ཚིག་གོ། །སྐྱེ་བ་ནི་འཇིག་པའི་ཐོག་མར་འབྱུང་བ་སྟེ། དེ་སྔོན་དུ་འགྲོ་བའི་ཕྱིར་རོ། །ཡང་ན་གཟོད་མ་ནས་ཞི་བའི་ཕྱིར་ཞེས་བྱ་བ་ནི་ངོ་བོ་ཉིད་ཀྱིས་ཞི་བའི་ཕྱིར་ཞེས་བྱ་བའི་ཐ་ཚིག་གོ། །གཟོད་མ་ནི་ངོ་བོ་ཉིད་ལ་བྱ་སྟེ། འཇིག་པའི་ཐོག་མར་དེ་འགྲོ་བའི་ཕྱིར་རོ། །ཅིའི་ཕྱིར་དེ་དག་ཟད་པ་མེད་པ་ལ་སོགས་པ་བྱེ་བྲག་གིས་བསྟན་ཞེ་ན། སྨྲས་པ། མངོན་ཞེན་རྣམ་གསུམ་སྤང་བའི་ཕྱིར། །ཟད་མེད་ལ་སོགས་བྱེ་བྲག་གམ། །ཡང་ན་ཁམས་ཀྱི་བྱེ་བྲག་གིས། །རྣམ་པ་གསུམ་དུ་གསུངས་པ་ཡིན། །མི་རྟག་པ་ལ་སོགས་པ་ལ་གདུལ་བའི་སྐྱེ་བོའི་མངོན་པར་ཞེན་པ་རྣམ་པ་གསུམ་ཡོད་དེ། སྐད་ཅིག་པའི་མི་རྟག་པ་ལ་མངོན་པར་ཞེན་པ་དང་། དུས་གཞན་གྱི་གནས་སྐབས་ཀྱི་མི་རྟག་པ་ལ་མངོན་པར་ཞེན་པ་དང་། འཁོར་བ་ཇི་སྲིད་དུ་གནས་པ་མྱ་ངན་ལས་འདས་པའི་གྲོང་དུ་འཇུག་པ་ལ་མངོན་པར་ཞེན་པའོ། །ཡང་ན་ཁམས་གསུམ་གྱི་བྱེ་བྲག་ལ་བརྟེན་ནས། ཟད་པ་མེད་པ་ལ་སོགས་པའི་བྱེ་བྲག་གོ་རིམས་བཞིན་བསྟན་ཏེ། ཁམས་གསུམ་པ་ལ་མ་གཏོགས་པ་འཁོར་བ་པའི་དངོས་པོ་གཞན་མེད་ལ། དེ་ཡང་ཚུལ་དེ་ལྟ་བུ་ཡིན་པས་དེའི་ཕྱིར་དེ་ལ་མངོན་པར་ཞེན་པ་སྤོང་བའི་ཕྱིར་ཞེས་བསྟན་པའི་ཕྱིར་རོ། །ཡང་ན་གང་གི་ཕྱིར་སྐད་ཅིག་པའི་ཆོས་ཐམས་ཅད་ལ་བརྟགས་ན། སྐད་ཅིག་པའི་མི་རྟག་པ་མེད་པའི་ཕྱིར་ཟད་པ་མེད་ལ། རྒྱུན་གྱི་མི་རྟག་པ་མེད་པའི་ཕྱིར་འཇིག་པ་དེའི་ཕྱིར་རྒྱུ་བ་མེད་དེ་ཉོན་མོངས་པ་མེད་ཅེས་བྱ་བའི་ཐ་ཚིག་གོ། །དེ་ལྟ་བུ་དག་ལ་ཉོན་མོངས་པ་རྣམས་ཀྱིས་གནས་མི་(ཐོང་‚ཐོབ་)པའི་ཕྱིར་རོ། །ཟད་པ་མེད་པ་ལ་སོགས་པ་དེ་དག་ཉིད་ཅིའི་ཕྱིར་ཞེ་ན། གཟོད་མ་ནས་ཞི་བའི་ཕྱིར་ཞེས་གསུངས་པའོ། །ཆོས་ཀུན་མྱ་ངན་འདས་པ་གང་། །དེ་འདིར་དེ་བཞིན་ཉིད་དུ་བསྟན། །འདིར་ཆོས་ཐམས་ཅད་མི་སྣང་བར་འགྱུར་བའི་ཚུལ་གྱིས་མྱ་ངན་ལས་འདས་པ་ན།ཆོས་ཐམས་ཅད་མྱ་ངན་ལས་འདས་པ་ནི། འདིར་དེ་བཞིན་ཉིད་ཡིན་པར་གསུངས་སོ། །དེ་ལ་འཇུག་པ་རྟོགས་པ་སྟེ། །དེ་རྟོགས་ཕྱིར་ན་བརྒྱད་པར་བཞེད། །ཆོས་ཐམས་ཅད་མྱ་ངན་ལས་འདས་པ་དེ་ལ་འཇུག་པ་ནི་རྟོགས་པའོ། །དེ་རྟོགས་པ་ཁོང་དུ་ཆུད་ཅིང་མངོན་སུམ་དུ་བྱ་བའི་ཕྱིར་བརྒྱད་པར་བཞེད་དེ། ཀྵ་ཞེས་བྱ་བའི་དོན་ཁོང་དུ་ཆུད་ཅེས་བྱ་བའི་ཐ་ཚིག་གོ། །དེ་བསྟན་པ། ཀྵ་ཞེས་བྱ་བའི་དོན་དུ་ཁོང་དུ་ཆུད་པ་ཞེས་བྱ་བ་དང་སྦྱར་ཏེ་ཇི་ལྟ་ཞེ་ན། སྐད་ཅིག་པ་ཞེས་བྱ་བ་ལ་སོགས་པ་གསུངས་པའོ། །འདིས་དོན་རྣམས་ཁོང་དུ་ཆུད་པར་བྱེད་པས་ན་དོན་ཁོང་དུ་ཆུད་པ་ནི་རྟོགས་པའོ། །དེ་རྟོགས་པར་བྱ་བ་ནི་མངོན་སུམ་དུ་ཞེས་བྱ་བའི་ཐ་ཚིག་གོ། །དེས་ནི་བསོད་ནམས་སྐྱེད་པ་ན། །གཟུངས་སམ་ཡང་ན་ཡི་གེ་ཡི། །དོན་ལ་གང་གིས་འཇུག་འགྱུར་བ། །དོན་རྟོགས་དེ་ནི་གསུམ་དུ་བསྟན། །རྣལ་འབྱོར་པ་དེ་བསོད་ནམས་སྐྱེད་པར་བྱེད་པ་ན། སྒོ་མཐའ་ཡས་པས་བསྒྲུབ་པའི་གཟུངས་སམ། ཡི་གེ་འབྲུ་བརྒྱད་པོ་འདི་དག་གི་དོན་ལ་གཟུངས་ལ་སོགས་པ་གང་གིས་རྟོགས་ཤིང་ཁོང་དུ་ཆུད་པར་འགྱུར་བ་གཟུངས་ལ་སོགས་པའི་དོན་ཁོང་དུ་ཆུད་པ་དེ་ནི་བཅོམ་ལྡན་འདས་ཀྱིས་ཚིག་གསུམ་དུ་བསྟན་ཏོ། །ལེགས་པར་བྲི་བ་ནི་རྣམ་པ་གསུམ་གྱིས་བསྟན་ཏེ། བསམ་པ་དང་། སྦྱོར་བ་དང་། སྒྲུབ་པས་སོ། །བསམ་པ་ཡང་བྱང་ཆུབ་ཏུ་ཡོངས་སུ་བསྔོ་བ་ལ་སོགས་པའི་བསམ་པའི་བྱེ་བྲག་གིས་རྣམ་པ་དུ་མ་ཡོད་དོ། །སྦྱོར་བ་ཡང་བཀུར་སྟི་དང་། ཁ་ཟས་དང་། ས་ཕྱོགས་གཙང་མ་དང་། ནན་ཏན་དུ་བྱ་བ་ལ་སོགས་པའི་སྦྱོར་བ་བྱེ་བྲག་གིས་རྣམ་པ་དུ་མ་ཡོད་དོ། །སྒྲུབ་པ་ཡང་ཡི་གེ་གསལ་བ་དང་། ཟུར་ཕྱིན་པ་ལ་སོགས་པར་སྒྲུབ་པའི་བྱེ་བྲག་གིས་རྣམ་པ་དུ་མ་ཡོད་དོ། །ཡང་ན་ལེགས་པར་བྲི་བ་ནི། མཛེས་པར་བྲིས་པ་སྟེ། བྱང་ཆུབ་ཡོངས་སུ་བསྔོ་བ་ལ་སོགས་པའི་བསམ་པས་འདྲི་བའི་ཕྱིར་རོ། །ཕྱིར་མི་ལྡོག་པའི་དགེ་བའི་ཆོས་འཕེལ་བར་བྱེད་པའི་སྦྱོར་བས་འདྲི་བའི་ཕྱིར་རོ། །ཡོངས་སུ་རྫོགས་པར་འདྲི་བ་སྟེ། ཡི་གེའི་ཡོན་ཏན་ཐམས་ཅད་དང་ལྡན་པར་འདྲི་བའི་ཕྱིར་རོ། །གཟུང་བ་ནི་རྣམ་པ་བཞི་སྟེ། གླེགས་བམ་དང་། ཚིག་དང་། དོན་དང་། དེ་གཉི་གའོ། །ཀློག་པ་ནི་བསམ་པ་དང་། བརྗོད་པའི་སྒོ་ནས་རྣམ་པ་གཉིས་སོ། །དེ་ལ་བསམ་པ་ནི་རྣམ་པ་གཉིས་ཏེ། བྱང་ཆུབ་ཏུ་ཡོངས་སུ་བསྔོ་བའི་བསམ་པ་དང་། ཡི་གེ་ལ་སོགས་པ་ལ་གཏད་པའི་བསམ་པའོ། །བརྗོད་པ་ནི་ཟུར་ཆག་པ་ལ་སོགས་པའི་ཉེས་པ་དང་བྲལ་བ་སྟེ། རྣམ་པ་དུ་མ་ཡོད་པར་རིག་པར་བྱའོ། །རྗེས་སུ་དྲན་པར་བྱ་བ་ནི་རྣམ་པ་གསུམ་སྟེ། བསམ་པས་དང་། ཡུལ་གྱིས་དང་། རང་གི་ངོ་བོས་སོ། །དེ་ལ་བསམ་པ་ནི་རྣམ་པ་གཉིས་ཏེ། བྱང་ཆུབ་ཏུ་ཡོངས་སུ་བསྔོ་བའི་བསམ་པ་དང་། ཡི་གེ་དང་། དོན་དང་། གཉི་ག་ལ་སེམས་པའི་བསམ་པས་སོ། །ཡུལ་ནི་རྣམ་པ་གསུམ་སྟེ། ཡི་གེ་རྗེས་སུ་དྲན་པ་དང་། དོན་རྗེས་སུ་དྲན་པ་དང་། གཉི་ག་རྗེས་སུ་དྲན་པའོ། །རང་གི་ངོ་བོ་ནི་རྣམ་པ་གཉིས་ཏེ། བསམ་པ་རྗེས་སུ་དྲན་པ་དང་། སྒོམ་པ་རྗེས་སུ་དྲན་པའོ། །ཐོབ་པར་འདོད་པས་ཉིན་རེ་ཞིང་། །ཀློག་དང་རྗེས་སུ་དྲན་པར་བྱ། །གཟུངས་འདི་ཞེས་བྱ་བའི་ཚིག་གི་ལྷག་མའོ། །དེ་ནི་དེ་ལྟ་ན་རིགས་ཀྱི། །གཟུངས་ནི་བསོད་ནམས་ཆུང་ངུ་ཡིས། །ཤིན་ཏུ་ཐོབ་པར་མི་འགྱུར་རོ། །དེ་ལྟ་བས་ན་རྟག་ཏུ་བཀུར་སྟིར་བྱས་ལ་ཡུན་རིང་པོར་རྒྱུན་དུ་གོམས་པར་བྱས་པའི་བསོད་ནམས་ཀྱི་ཚོགས་དང་ལྡན་པས་གཟུངས་ཐོབ་པར་འགྱུར་རོ། །ཟླ་བ་ཕྱེད་ཕྱེད་ཅིང་ཞེས་བྱ་བའི་ཚིག་གིས་ཡིན་པ་དེ་ནི་བཅོམ་ལྡན་འདས་ཀྱིས་བྱེ་བྲག་ཏུ་བྱ་བའི་ཕྱིར་གསུངས་ཏེ། འདི་ལྟར་ཟླ་བ་ཕྱེད་ཕྱེད་ཅིང་གུས་པར་བྱས་ལ་ཤིན་ཏུ་བསྒྲིམས་པ་དང་ལྡན་ཞིང་ཁྲུས་ལ་སོགས་པ་སྔར་བྱས་ལ། ལེགས་པར་ཀློག་པ་ལ་སོགས་པ་བྱའོ་ཞེས་གསུངས་པ་ཡིན་ཏེ། དེ་དེ་ལྟ་བུ་ཡིན་པར་ཤེས་པར་བྱ་བའི་ཕྱིར་སྨྲས་པ། བྱེ་བྲག་ལ་ནི་དགོངས་པའི་ཕྱིར། །བརྩོན་པ་ཡི་ནི་ཚིག་ཀྱང་གསུངས། །གང་གི་ཕྱིར་བརྩོན་པར་བྱ་ཞེས་གསུངས་པ་དེའི་ཕྱིར། བྱེ་བྲག་ལ་དགོངས་པར་མངོན་ནོ། །བརྩོན་པའི་སྒྲ་ནི་གུས་པ་ལ་སོགས་པའི་སྦྱོར་བ་ཉིད་དང་སྦྱར་བར་བྱའོ། །གང་གི་ཕྱིར་དེ་ལྟ་ཡིན་པ། །དེའི་ཕྱིར་ཁྲུས་སོགས་སྔར་བྱས་ལ། །བཀླག་པ་ལ་སོགས་དེ་དག་བྱ། ཁྲུས་བྱ་བ་དང་། སྨྱུང་བ་བྱ་བ་དང་། ངེས་པར་གནས་པ་དང་། དཀྱིལ་འཁོར་དང་། མེ་ཏོག་དང་། བདུག་པ་དང་། སྤོས་དང་། བཤོས་དང་། གཏོར་མ་དང་། མར་མེ་དབུལ་བ་དང་། བྱང་ཆུབ་ཏུ་སྨོན་ལམ་གདབ་པ་དང་། སྡིག་པ་བཤགས་པ་ལ་སོགས་པ་སྔར་བྱས་ནས། བཀླག་པ་ལ་སོགས་པ་བྱའོ། །བཀླགས་པས་སྐྱོ་བར་གྱུར་ན་རྗེས་སུ་དྲན་པར་བྱའོ། །དེས་སྐྱོ་བར་གྱུར་ན། ཡང་བཀླག་པར་བྱའོ། །དེ་ལྟ་བུས་ཉིན་མཚན་དེ་འདའ་བར་བྱའོ། །སྦྱིན་ལ་སོགས་ལ་ཞུས་ལ་སོགས། །ཡང་དག་དགའ་བྱ་ལ་སོགས་དེ། །རྟག་བྱ་དེ་གཟུངས་བདག་མེད་ལ། །སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་རྣམས་དང་། ཏིང་ངེ་འཛིན་དང་། རྣམ་པར་ཐར་པ་དང་། གཟུངས་ཀྱི་ཆོས་ཀྱི་རྣམ་གྲངས་ལ་སོགས་པའམ། དགེ་བའི་ཆོས་གཞན་དག་ལེགས་པར་ཞུགས་པ་ནི་ཡང་དག་པར་དགའ་བར་བྱའོ། །མ་ཞུགས་པ་ནི་ཡང་དག་པར་འཛིན་དུ་གཞུག་གོ། །ཞུགས་པ་བརྩོན་འགྲུས་ཆུང་བ་ཕྱིར་ལྡོག་པར་འདོད་པ་ནི། ཡང་དག་པར་གཟེངས་བསྟོད་པར་བྱའོ། །དེ་ལྟར་ཡང་དག་པར་དགའ་བ་ལ་སོགས་པ་མཐུན་མཐུན་དུ་བྱས་ནས་རིམ་གྱིས་ནོང་དུ་གྱུར་པ་དེ། བདག་མེད་པ་ལ་གཟུད་པའི་ཕྱིར་བརྩོན་པར་བྱའོ། །ཡང་ན་དེ་དག་ཉིད་ལའོ། །ཡང་ན་སྦྱིན་པ་ལ་སོགས་པ་དེ་དག་ལ་མ་ཞུགས་པ་གཟུད་པར་བྱའོ། །ཡང་ན་ཡང་དག་པར་དགའ་བ་ལ་སོགས་པ་དེ་དག་ལ་གཟུད་པ་ཞེས་བྱ་བར་སྦྱར་ཏེ། །དེ་ལྟར་ན་ཡང་དག་པར་དགའ་བར་བྱ་བ་ལ་སོགས་པ་ལ་གཟུད་པ་ཞེས་བྱ་བར་ཚིག་བསྡུའོ། །གལ་ཏེ་དེ་ལྟ་ན་སེམས་ཅན་ཀྱང་འདི་འཛིན་གཞུག་པར་བྱ་ཞེས་པ་ལ་སོགས་པ་ཡང་ཇི་ལྟར་དྲང་སྟེ། འདི་ལྟར་འདི་ཞེས་བྱ་བའི་སྒྲ་ནི། སེམས་པ་དང་། འདྲི་བ་དང་། གཟུང་བ་དང་། ཀློག་པའི་སྐབས་དང་སྦྱར་བ་ཡིན་ནོ། །མཚོན་པའི་དོན་ཡིན་པའི་ཕྱིར་ཉེས་པ་མེད་དེ། སྦྱིན་པ་ལ་སོགས་པ་གཞན་ཡང་བསྡུའོ། །དཔེར་ན་འདི་ཉིད་ལས་ཡང་དག་པར་འཛིན་དུ་གཞུག་པ་མཚོན་པའི་དོན་དུ་གསུངས་ཏེ། དེས་ན་ཡང་དག་པར་དགའ་བ་ལ་སོགས་པ་གཞན་ཡང་བསྡུ་བ་ལྟ་བུ་དང་། དཔེར་ན། བཀླག་པར་བྱ་བས་རྗེས་སུ་དྲན་པ་བསྡུ་བ་བཞིན་ནོ། །ཡང་ན། གཟུངས་ཀྱི་ཆོས་ཀྱི་རྣམ་གྲངས་ལ། །ཞུགས་པར་གྱུར་ལ་སོགས་པ་དག །ཡང་དག་དགའ་ལ་སོགས་དེ་བྱ། །འདིར་གཟུངས་ཀྱི་ཆོས་ཀྱི་རྣམ་གྲངས་སྨོས་པས་ནི་ཡི་གེ་དང་དོན་གཟུང་ངོ་། །བཤད་པ་སྔ་མ་ལ་ནི་བྱང་ཆུབ་སེམས་དཔའ་མངོན་པར་བརྩོན་པའི་བྱེ་བྲག་བསྟན་པའི་དོན་དུ་བཤད་པར་བྱའོ། །འདིར་ནི་ལན་གཉིས་སུ་འདུས་པ་ལ་སོགས་པའི་རིམ་པ་ལ་བརྟེན་ནས།ཡང་དག་པར་དགའ་བ་ལ་སོགས་པ་དེའི་ཡུལ་བསྟན་པའི་ཕྱིར་ཡང་ཡིན་པར་རིག་པར་བྱའོ། །དེ་ལ་གཟུངས་ཀྱི་ཆོས་ཀྱི་རྣམ་གྲངས་ལ་ལེགས་པར་ཞུགས་པ་ལ་སོགས་པ་ཡང་དག་པར་དགའ་བར་བྱ་བ་ལ་སོགས་པ་ནི་སྔ་མ་བཞིན་དུ་སྦྱར་བར་བྱའོ། །ཡང་ན་གཟུངས་ལ་གཟུད་པར་བྱ། །ཡང་ན་གཟུངས་སངས་རྒྱས་རྗེས་སུ་དྲན་པའི་མཚན་ཉིད་ལ་གཟུད་པར་ཤེས་པར་བྱའོ། །དོན་ནི་སྔར་ཡང་བཤད་མོད་ཀྱི། །ཆོས་ཀྱི་རྗེས་སུ་འབྲང་བའི་ཕྱིར། །རིགས་པ་ཕན་ཡོན་བྱེ་བྲག་གིས། །ཚིགས་སུ་བཅད་པ་གཉིས་ཀྱིས་བསྟན། །ཚིགས་སུ་བཅད་པ་དང་པོ་ནི་རིགས་པ་དང་ཕན་ཡོན་གྱི་ཡུལ་བསྟན་པའི་ཕྱིར་དོན་ཁོང་དུ་ཆུད་པ་སྔར་བསྟན་པ་རྣམས་ཡང་དག་པར་བཟླས་པ་གསུངས་སོ། །གཉིས་པས་ནི་ཁོང་དུ་ཆུད་པ་བཞི་པོ་རྣམས་ཀྱི་ཕན་ཡོན་བཞི་གོ་རིམས་བཞིན་དུ་བསྟན་ཏོ། །ཡང་ན་དོན་ཁོང་དུ་ཆུད་པ་རེ་རེ་ཕན་ཡོན་བཞི་དང་། རིགས་པ་བཞི་སྨོས་པ་ཡིན་ཏེ། བྱང་ཆུབ་དང་ཉེ་བ་ལ་བྱང་ཆུབ་ནི་བླ་ན་མེད་པའོ། །ཤེས་རབ་རྒྱ་ཆེ་བ་ལ་རྒྱ་ཆེ་བ་ནི་རྣམ་པ་གསུམ་གྱིས་བསྟན་ཏེ། ཡུལ་ལས་ནི་ཡུལ་མཐའ་དག་ལ་ཁྱབ་པའི་ཕྱིར་རོ། །འབྲས་བུ་ལས་ནི་བདག་དང་གཞན་གྱི་དོན་ཕུན་སུམ་ཚོགས་པ་རྒྱ་ཆེན་པོའི་འབྲས་བུ་དང་ལྡན་པའི་ཕྱིར་རོ། །ངོ་བོ་ཉིད་ལས་ནི་ཤེས་རབ་ཀྱི་ཡོན་ཏན་མ་ལུས་པ་དང་ལྡན་པའི་ཕྱིར་རོ། །སངས་རྒྱས་ཐམས་ཅད་མངོན་སུམ་དུ་མཐོང་བ་དང་། སངས་རྒྱས་ཐམས་ཅད་ཀྱི་རྗེས་སུ་སློབ་པར་འདོད་པས་སོ། །རིགས་པ་རྣམ་པ་བཞི་ཇི་ལྟར་སྨོས་ཤེ་ན། འདི་ལྟར་དོན་དེ་དག་ནི་བྱང་ཆུབ་དང་ཉེ་བའི་རྒྱུ་ཡིན་པ་དང་། ཤེས་རབ་རྒྱ་ཆེན་པོའི་རྒྱུ་ཡིན་པ་དང་། སངས་རྒྱས་ཐམས་ཅད་མངོན་སུམ་དུ་མཐོང་བའི་རྒྱུ་ཡིན་པ་དང་། སངས་རྒྱས་ཐམས་ཅད་ཀྱི་རྗེས་སུ་སློབ་པའི་རྒྱུ་ཡིན་ཏེ། འདི་ལྟ་བུ་གང་ཡིན་པ་དེ་དག་ནི། ངེས་པར་ནན་ཏན་དུ་བསྒྲུབ་པར་བྱ་བ་ཡིན་ཏེ། དཔེར་ན་སྦྱིན་པ་ལ་སོགས་པ་ལྟ་བུ་ཡིན་ལ། དེ་དང་འདྲ་བར་དོན་རྣམ་པ་བཞི་པོ་ཇི་སྐད་བསྟན་པ་འདི་དག་ཀྱང་དེ་ལྟ་བུ་ཡིན་ནོ། །ད་ནི་གཟུངས་ཀྱི་ངོ་བོ་འཐོབ་པར་བྱ་བའི་ཐབས་ལ་གནས་པའི་ཕན་ཡོན་བསྟན་ཏེ། བཞི་ཚན་གསུམ་གྱིས་གཟུངས་ལ་ནི། །མངོན་པར་བརྩོན་པའི་རྣལ་འབྱོར་པས། །ཐོབ་བྱ་མ་ཐོབ་པར་དུ་ཡང་། །ཕན་ཡོན་རྣམ་པ་བཞི་འཐོབ་འགྱུར། །བཞི་ཚན་གསུམ་གྱིས་བསྟན་པའི་ཐབས་གང་ཡིན་པ་དེ་ལ་ནི་བཞི་ཚན་གསུམ་ཞེས་བྱ་སྟེ། བཞི་ཚན་གསུམ་བསྟན་པའི་ཐབས་དེས་གཟུངས་ལ་མངོན་པར་བརྩོན་པའི་རྣལ་འབྱོར་པས། ཐོབ་པར་བྱ་བ་མ་ཐོབ་སྟེ། །གཟུངས་མ་ཐོབ་པའི་བར་སྐབས་སུ་ཕན་ཡོན་རྣམ་པ་བཞིར་འགྱུར་བ་ལ། ཕྱོགས་བཅུ་ན་བཞུགས་པའི་སངས་རྒྱས་ཐམས་ཅད་ཀྱིས་དགོངས་པར་འགྱུར་ཏེ། དགོངས་པ་ཡང་མཁྱེན་པ་ཙམ་དུ་ནི་མ་ཟད་དོ། །གལ་ཏེ་མཁྱེན་པ་ཙམ་དུ་ཟད་ན་ནི་ཕན་ཡོན་དུ་མ་ཡང་མི་རུང་སྟེ། མཚམས་མེད་པ་ལྔ་བྱེད་པ་ཡང་ཐམས་ཅད་མཁྱེན་པས་དགོངས་པའི་ཕྱིར་རོ། །དེ་བས་ན་དགོངས་པ་ནི་ཕན་གདགས་པར་བཞེད་པའི་ཕྱིར་གཟིགས་པ་ལ་བྱ་སྟེ། བདག་དང་གཞན་གྱི་དོན་བསྒྲུབ་ནུས་པར་ཉེ་བར་བསྒྲུབ་པའི་མཚན་ཉིད་དོ། །དེ་ཡང་ཕན་པ་འཐོབ་ནུས་པར་ཉེ་བར་བསྒྲུབ་པ་དང་། གནོད་པ་སྤོང་ནུས་པར་ཉེ་བར་བསྒྲུབ་པ་དང་། རྣམ་པ་གཉིས་སུ་ཤེས་པར་བྱའོ། །བདུད་ཀྱི་ལས་མེད་པར་འགྱུར་ཏེ། བདུད་ནི་ཉོན་མོངས་པའི་བདུད་དང་། ལྷའི་བུའི་བདུད་དང་། རྣམ་པ་གཉིས་སོ། །དེའི་ལས་ནི་ཕན་པ་དང་། གནོད་པ། འཐོབ་པར་བྱ་བ་དང་། སྤང་བར་བྱ་བ་ལ་བར་ཆད་བྱེད་པའོ། །དེ་ལ་སྔ་མ་མེད་པ་ནི་གཟུངས་འཐོབ་པར་བྱ་བའི་ཐབས་བསྒོམས་པས་ཉོན་མོངས་པའི་བདུད་རྣམ་པར་བསལ་བའི་ཕྱིར་ཏེ། དེ་ཉིད་ཀྱི་ཕྱིར་ཕྱི་མ་ཤོས་ཀྱང་མེད་པར་འགྱུར་རོ། །ལས་ཀྱི་སྒྲིབ་པ་མྱུར་དུ་འབྱང་བ་སྟེ། ལས་ཀྱི་སྒྲིབ་པ་ནི་མཚམས་མེད་པ་ལྔ་ལ་སོགས་པ་སྟེ། དེ་གཟུངས་ལ་སོགས་པ་སྐྱེ་བ་ལ་སྒྲིབ་པའི་ཕྱིར་ན་སྒྲིབ་པ་ཞེས་བྱའོ། །དེ་ཡང་རྣམ་པ་བཞིས་ཡོངས་སུ་ཟད་པར་འགྱུར་ཏེ། རྣམ་པར་སུན་འབྱིན་པ་ཀུན་སྤྱོད་པ་དང་། གཉེན་པོ་ཀུན་དུ་སྤྱོད་པ་དང་། སོར་ཆུད་པར་བྱེད་པའི་སྟོབས་དང་། རྟེན་གྱི་སྟོབས་ཏེ། དེ་སྐད་དུ་ཆོས་བཞི་པའི་མདོ་ལས་འབྱུང་བའི་ཕྱིར་རོ། །དེ་ལ་རྣམ་པར་སུན་འབྱིན་པ་ཀུན་དུ་སྤྱོད་པས་ནི་ལས་ཀྱི་སྒྲིབ་པ་དེ་མཇུག་འཇོམས་པར་བྱེད་དོ། །གཉེན་པོ་ཀུན་དུ་སྤྱོད་པས་ནི་དེ་རྣམ་པར་སྨིན་པར་བྱེད་པའི་མཐུ་ཉམས་སྨད་པར་བྱེད་དོ། །སོར་ཆུད་པར་བྱེད་པའི་སྟོབས་ཀྱིས་ནི་དེ་རྣམ་པར་སྨིན་པར་བྱེད་པའི་མཐུ་སེལ་བར་བྱེད་དོ། །རྟེན་གྱི་སྟོབས་ཀྱིས་ནི་སྔར་བྱུང་བ་ནི་རྒྱང་སྲིང་བར་བྱེད་ལ། སྔར་མ་བྱུང་བ་ནི་མི་སྐྱེ་བར་བྱེད་དོ། །འདི་ལྟར་རྟེན་གྱི་སྟོབས་ནི་དགེ་བའི་གཤེས་གཉེན་ལ་བརྟེན་པ་དང་། ཆོས་ཀྱི་དེ་ཁོ་ན་ལ་སྤྱོད་པ་སྟེ། དེ་ལྟ་བས་ན་རྣམ་པ་དེ་དག་གིས་ལས་ཀྱི་སྒྲིབ་པ་བྱས་ཤིང་བསགས་པ་ཡང་མ་ལུས་པར་འབྱང་བར་འགྱུར་ཞེས་བྱ་བ་ནི་རིགས་པ་ཡིན་ནོ། །གཟུངས་ཐོབ་པར་བྱ་བའི་ཐབས་བསྟན་པ་ནི་རྣམ་པར་སུན་འབྱིན་པ་ཀུན་དུ་སྤྱོད་པ་ལ་སོགས་པ་དེ་དག་ངེས་པར་བསྟན་ཏེ། འདི་ལྟ་བུས་ལས་ཀྱི་སྒྲིབ་པ་དེ་དག་མ་ལུས་པར་འབྱང་བར་འགྱུར་བའི་ཕྱིར་རོ། །འདི་ལྟར་འགྲིབ་པ་དང་འཕེལ་བ་ཅན་གང་ཡིན་པ་དེ་ནི། མི་མཐུན་པའི་ཕྱོགས་ཀྱིས་ཟིལ་གྱིས་མནན་པ་འཕེལ་ན། འགྲིབ་པར་འགྱུར་བའི་ཆོས་ཅན་ཡིན་ཏེ། དཔེར་ན་མེ་འབར་བ་ལ་སོགས་པ་བཞིན་ནོ། །དེ་བཞིན་དུ་ལས་ཀྱི་སྒྲིབ་པ་ཡང་འགྲིབ་པ་དང་འཕེལ་བ་ཅན་ཡིན་ནོ། །ཆུད་ཟ་བར་མི་འགྱུར་ཞེས་བྱ་བ་ལ་སོགས་པ་གསུངས་པ་གང་ཡིན་པ་དེ་ནི། གཉེན་པོ་བསྒོམ་པ་མེད་པ་ལ་བྱ་བར་ཤེས་པར་བྱའོ། །དེ་ལྟ་མ་ཡིན་ན་ནི་རིགས་པ་དང་འགལ་བ་དང་། མདོ་སྡེ་མང་པོ་དག་དང་འགལ་བར་འགྱུར་རོ། །ངེས་པ་ཞེས་བྱ་བའི་ཚིག་ཀྱང་དེ་ཉིད་ཀྱིས་བསྟན་ཏོ། །མ་ངེས་པ་ནི་གཉེན་པོ་བསྒོམ་པ་མེད་བཞིན་དུ་ཡང་ཇི་སྟེ་ན་འབྲས་བུར་མི་འགྱུར་བའི་ཕྱིར་རོ། །སྤོབས་པ་རྒྱུན་མི་འཆད་པ་ཡང་འཐོབ་པར་འགྱུར་ཏེ། སྤོབས་པ་རྒྱུན་མི་འཆད་པ་ནི་རྣམ་པ་གཉིས་ཏེ། མི་མཐུན་པའི་ཕྱོགས་ཀྱིས་ཟིལ་གྱིས་མི་ནོན་པ་དང་། གོང་ནས་གོང་དུ་སྤོབས་པའི་མཐུ་དང་ལྡན་པའོ། །གང་གི་ཕྱིར་སངས་རྒྱས་ཐམས་ཅད་ཀྱིས་དགོངས་པ་དེའི་ཕྱིར་བདུད་ཀྱི་ལས་མེད་དོ། །བདུད་ཀྱི་ལས་ལས་རིང་བར་གྱུར་ན་ལས་ཀྱི་སྒྲིབ་པ་བདེ་བླག་ཏུ་འབྱང་བར་འགྱུར་རོ། །ལས་ཀྱི་སྒྲིབ་པ་བྱང་ན་སྤོབས་པ་རྒྱུན་མི་འཆད་པ་ཐོབ་པར་འགྱུར་ཏེ། འདི་ནི་ཕན་ཡོན་གྱི་རིམ་པ་ཡིན་ནོ། །དོན་དེ་ཡང་ཚིགས་སུ་བཅད་པས་གསུངས་ཏེ། ཅིའི་ཕྱིར་བཟླས་ཏེ་གསུངས་ཤེ་ན། ངེས་པར་གཟུང་བའི་ཕྱིར་ཏེ། དེས་ནི་འདི་བསྟན་ཏེ། གཟུངས་ལ་མངོན་པར་བརྩོན་པ་ཐམས་ཅད་ཀྱི་ཕན་ཡོན་འདི་དག་ངེས་པ་ཁོ་ན་འཐོབ་པ་ལ་བྱའི། ཁ་ཅིག་ལ་སྲིད་པ་ཙམ་གྱི་ཕྱིར་ཕན་ཡོན་དུ་བསྟན་པ་ནི་མ་ཡིན་ནོ། །ཡང་ན་གང་དག་ཕན་ཡོན་སྟོན་པའི་ཚེ་ནི་མ་འདུས་ལ། ཕྱིས་ལྷགས་པ་དེ་དག་གི་ཆེད་དུ་ཕན་ཡོན་དེ་ཚིགས་སུ་བཅད་པས་བརྡ་སྤྲད་པར་མཛད་དེ། ཚིག་དང་ཡི་གེའི་འབྲུ་དེ་དག་ཉིད་ཀྱིས་བརྡ་སྤྲད་དུ་ཟིན་ན། གདུལ་བ་སྔ་མ་རྣམས་འཕྱ་བར་འགྱུར་བའི་ཕྱིར་རོ། །ཡང་ན་བདག་ཉིད་ཀྱིས་སོ་སོ་ཡང་དག་པར་རིག་པའི་ཆེ་བ་ཉིད་བསྟན་པའི་ཕྱིར་ཡང་ཚིགས་སུ་བཅད་དེ་ཕན་ཡོན་གསུངས་སོ། །ཡང་ན་འཐད་པ་བསྟན་པའི་ཕྱིར་ཏེ། འདི་ལྟར་སྤོབས་པ་མཐའ་ཡས་ཀྱང་ཐོབ་པར་འགྱུར་ཞེས་བྱ་བ་དེའི་འཐད་པ་ནི། དེའི་ལས་ཀྱི་སྒྲིབ་པ་མྱུར་དུ་འབྱང་ཞེས་བྱ་བ་ཡིན་ནོ། །དེའི་འཐད་པ་ནི། དེ་ལ་བདུད་ཀྱིས་གླགས་ནི་རྙེད་མི་འགྱུར། །ཞེས་བྱ་བ་ཡིན་ནོ། །དེའི་འཐད་པ་ནི། དེ་ནི་སངས་རྒྱས་ཀུན་གྱིས་ཡིད་ལ་མཛད། །ཅེས་བྱ་བ་ཡིན་ནོ། །དེའི་འཐད་པ་ནི། གཟུངས་འདི་ལ་མངོན་པར་བརྩོན་པ་ཞེས་བྱ་བ་ཡིན་ཏེ། དེའི་ཕྱིར་དེ་ལྟར་གཟུངས་ལ་མངོན་པར་བརྩོན་པ་དེའི་ཕན་ཡོན་ནི། འདི་ནི་སངས་རྒྱས་ཀུན་གྱིས་ཡིད་ལ་མཛད། །ཅེས་བྱ་བ་འདི་ཁོ་ན་ཡིན་ནོ། །གཞན་ནི་བརྒྱུད་པར་ཤེས་པར་བྱའོ། །མཐའ་ཡས་པ་ནི་ཟད་པ་མེད་པའམ། ཡོན་ཏན་མཐའ་ཡས་པ་དང་ལྡན་པའི་ཕྱིར་རོ། །ད་ནི་སྔོན་བྱུང་བ་བསྙད་པ་བརྗོད་པར་བྱ་སྟེ། སྔོན་བྱུང་བ་ནི་མདོར་བསྡུ་ན། །རྣམ་པ་དགུར་ནི་བསྟན་པར་མཛད། །དེ་ཡང་སོ་སོར་དབྱེ་བ་ནི། །རྣམ་པ་མང་པོའི་དབྱེ་བ་ཡོད། །བསྒྲུབ་པར་བྱ་བའི་དངོས་པོ་ལ་ངེས་པ་བསྐྱེད་པའི་ཕྱིར། བཅོམ་ལྡན་འདས་ཀྱིས་སྔོན་བྱུང་བ་བསྙད་པ་རྣམ་པ་དགུའི་རིམ་གྱིས་སྟོན་པར་མཛད་དེ། དགུ་གང་ཞེ་ན། འདི་ལྟ་སྟེ་སྟོན་པ་པོ་བསྟན་པ་ནི། སྟོན་པ་དེ་འདྲ་བ་ལས་ན། གདོན་མི་ཟ་བར་འབྲས་བུ་དེ་ལྟ་བུ་ཐོབ་པར་འགྱུར་རོ་ཞེས་ཐེ་ཚོམ་མི་བྱ་བར་བསྟན་པའི་ཕྱིར་རོ། །གཟུངས་ཐོབ་པ་པོའི་རིགས་བསྟན་པ་དང་། ཐོབ་པ་པོ་བསྟན་པ་དང་། ཐོས་ནས་ཐོབ་པར་བྱ་བའི་ཕྱིར་མངོན་པར་བརྩོན་པ་བསྟན་པ་དང་། ཐོབ་པ་བསྟན་པ་དང་། ཐོབ་པའི་འབྲས་བུ་བསྟན་པ་སྟེ། འདི་ལྟ་བུའི་རིགས་སུ་སྐྱེས་ལ། ན་ཚོད་འདི་ཙམ་གྱིས་བརྩོན་འགྲུས་འདི་ལྟ་བུ་བྱས་ཏེ་འབྲས་བུ་འདི་ལྟ་བུ་ཐོབ་ནས། གཞན་ལ་ཕན་པ་འདི་ལྟ་བུ་བྱེད་ན། བདག་ཅག་གིས་ཀྱང་འདི་ལྟ་བུ་ཅིའི་ཕྱིར་མི་བྱ་སྙམ་དུ་བརྩོན་འགྲུས་ཆུང་བ་རྣམས་སྤྲོ་བ་བསྐྱེད་པའི་ཕྱིར་རོ། །རྗེས་སུ་ཡི་རང་བྱེད་པ་བསྟན་པ་ནི་རྗེས་སུ་ཡི་རང་བ་ཙམ་གྱིས་ཀྱང་འབྲས་བུ་དེ་ལྟ་བུ་འཐོབ་ན། ཇི་སྐད་བསྟན་པའི་སྤྱོད་པ་ལ་ནན་ཏན་དུ་སྒྲུབ་པས་ལྟ་ཅིའི་ཕྱིར་ཐོབ་པར་མི་འགྱུར་སྙམ་དུ་ངེས་པ་བསྐྱེད་པའི་ཕྱིར་རོ། །དེ་ཇི་ལྟར་མངོན་སྙམ་པའི་ཐེ་ཚོམ་བསལ་བའི་ཕྱིར་རྗེས་སུ་ཡི་རང་བའི་འབྲས་བུ་བསྟན་པ་དང་། བདག་དང་གཞན་དག་ལས་དཔེ་བླངས་ནས། རྗེས་སུ་ཡི་རང་བའི་འབྲས་བུ་བརྡ་སྤྲད་པ་སྟེ། འདི་ནི་མདོར་བསྟན་པའོ། །འདི་ལྟར་སྔོན་བྱུང་བ་བསྙད་པ་དེ་སོ་སོར་དབྱེ་ན་ནི་རྣམ་པ་དུ་མར་དབྱེ་བ་ཡོད་དོ། །གང་གི་ཕྱིར་སྟོན་པ་པོ་ཡང་། དུས་དང་མཚན་དང་ཡོན་ཏན་དང་། ཡོངས་སུ་མྱ་ངན་ལས་འདས་པ་རྣམ་པ་བཞིར་བསྟན་པའི་ཕྱིར་རོ། །དེ་ལ་དུས་ནི་སྔོན་ཞེས་བྱ་བ་ལ་སོགས་པས་བསྟན་ཏེ། ཆགས་བྲལ་སློབ་དང་མི་སློབ་དང་། །བསེ་རུ་ལ་སོགས་རྒྱལ་བའི་སྲས། །དེ་དག་གིས་ཤེས་ལམ་ལས་འདས། །གྲངས་མེད་ལ་སོགས་བསྟན་པ་ཡིན། །གྲངས་མེད་པ་ནི་འཇིག་རྟེན་པའི་འདོད་ཆགས་དང་བྲལ་བ་རྣམས་ཀྱི་ཤེས་པའི་ལམ་ལས་འདས་པའོ། །ཆེས་གྲངས་མེད་པ་ནི་སློབ་པ་འདོད་ཆགས་དང་བྲལ་བ་རྣམས་ཀྱི་ཤེས་པའི་ལམ་ལས་འདས་པའོ། །ཡངས་པ་ནི་མི་སློབ་པ་རྣམས་ཀྱི་ཤེས་པའི་ལམ་ལས་འདས་པའོ། །རྒྱ་ཆེར་གྱུར་པ་ནི་བསེ་རུ་ལ་སོགས་པའི་ཤེས་པའི་ལམ་ལས་འདས་པ་སྟེ། སོགས་པ་སྨོས་པས་ནི། རང་སངས་རྒྱས་ཚོགས་དང་སྤྱོད་པ་རྣམས་བསྡུའོ། །ཚད་མེད་པ་ལས་ནི་བདེ་བར་གཤེགས་པའི་སྲས་རྣམས་ཀྱི་ཤེས་པའི་ལམ་ལས་འདས་པའོ། །ཡང་ན། གཞལ་བྱའི་དངོས་པོ་བྱེ་བྲག་དག །གོ་བྱེད་གྲངས་དང་བསྟོད་གཞལ་དང་། །ཀུན་ནས་གཞལ་དང་ཚད་ཅེས་བྱ། །དེ་དག་མེད་ཕྱིར་དེ་སྐད་བསྟན། །གྲངས་མེད་པ་ལ་སོགས་ཞེས་བྱ་བའི་ཐ་ཚིག་སྟེ། གྲངས་མེད་པ་ནི་ཡོངས་སུ་གཅོད་པར་བྱེད་པའི་གྲངས་མེད་པའི་ཕྱིར་རོ། །ཆེས་གྲངས་མེད་པ་ནི་གནས་དྲུག་ཅུ་པར་བབ་པའི་གྲངས་ལ་གྲངས་མེད་པ་ཞེས་བྱ་བ་ཡིན་པར་དོགས་པ་བསལ་བའི་ཕྱིར་གྲངས་མེད་པའི་བྱེ་བྲག་སྨོས་པར་མཛད་པའོ། །ཡངས་པ་སྨོས་པ་ནི་བསྟོད་དེ་གཞལ་བ་མེད་པའི་ཕྱིར་རོ། །ཀུན་ནས་གཞལ་བ་ནི་ཀུན་ཏུ་གཞལ་བ་ཡིན་པའི་ཕྱིར་ཡོངས་སུ་གཞལ་བ་སྟེ། དེ་མེད་པའི་རྒྱ་ཆེ་བར་གྱུར་པའོ། །ཚད་མེད་པ་ནི་ཚད་མེད་པའི་ཕྱིར་རོ། །དེ་ལྟར་ན་དེ་ལ་ཡོངས་སུ་གཅོད་པར་བྱེད་པ་ཐམས་ཅད་མེད་པར་བསྟན་པའི་ཕྱིར་རོ། །སྔ་མ་སྔ་མ་སྒྲུབ་པ་ཡི། །གཏན་ཚིགས་ཕྱི་མ་ཕྱི་མ་ཡིན། །ཡང་ན་གྲངས་མེད་པ་ལ་སོགས་པ་སྔ་མ་སྔ་མ་བསྒྲུབ་པའི་གཏན་ཚིགས་ནི། ཆེས་གྲངས་མེད་པ་ལ་སོགས་པ་ཕྱི་མ་ཕྱི་མ་ཡིན་པར་ཤེས་པར་བྱའོ། །ཡང་ན་ལ་ལ་སྔར་མ་ཐོས། །གང་ཡང་རུང་བས་དོན་དེ་སྟོན། །ཡང་གདུལ་བྱ་ཁ་ཅིག་སྔ་མ་བསྟན་པའི་ཚེ། དོན་དེ་མ་ཐོས་པ་ལ་ཕྱིས་ཆེས་གྲངས་མེད་པ་ལ་སོགས་པའི་ཚིག་གཞན་གྱིས་བརྡ་སྤྲོད་པར་མཛད་དོ། །མཚན་ནི་རིན་ཆེན་དཔལ་གྱི་གཟི་བརྗིད་རྒྱལ་པོ་ཞེས་བྱ་བའོ། །ཡོན་ཏན་ནི་དེ་བཞིན་གཤེགས་པ་ཞེས་བྱ་བ་ལ་སོགས་པས་བསྟན་ཏེ། གདུལ་བྱའི་དོན་ནི་རབ་བསྒྲུབ་ཕྱིར། །ཡེ་ཤེས་སྤངས་པའི་རང་བཞིན་ཉིད། །ཅི་འདྲ་དེ་ནི་རྒྱུ་དང་བཅས། །ཕུན་སུམ་ཚོགས་གཉིས་བསྟོད་པ་གསུངས། །གདུལ་བ་བཅོམ་ལྡན་འདས་ལ་མངོན་པར་མ་དད་པ་རྣམས་དད་པ་བསྐྱེད་པའི་ཕྱིར་དང་། མངོན་པར་དད་པ་རྣམས་དད་པ་འཕེལ་བར་བྱ་བའི་ཕྱིར། བདག་དང་གཞན་གྱི་དོན་ཕུན་སུམ་ཚོགས་པ་རྣམ་པ་གཉིས་ཀྱིས་བསྟོད་པ་གསུངས་སོ། །རང་གི་དོན་ཕུན་སུམ་ཚོགས་པ་སྔར་སྨོས་པ་ནི་དེ་ཞར་ལས་བྱུང་བ་ཡིན་ཡང་། དེ་ཅིག་ཤོས་ཀྱི་སྔོན་དུ་འགྲོ་བ་ཡིན་པའི་ཕྱིར་རོ། །དེ་ལ་ཡེ་ཤེས་དང་སྤངས་པ་ཕུན་སུམ་ཚོགས་པའི་རྒྱུ་མཚོན་པ་ནི། དེ་བཞིན་གཤེགས་པ་ཉིད་ཀྱིས་བསྟན་ཏེ། ཡང་དག་པར་རྫོགས་པའི་སངས་རྒྱས་སྔ་མ་རྣམས་ལམ་གང་ནས་གཤེགས་པ་ཉིད་ནས་གཤེགས་པས་ན་དེ་བཞིན་གཤེགས་པ་ཞེས་བྱ་བའི་ཕྱིར་རོ། །དགྲ་རྣམས་བཅོམ་པས་ན་དགྲ་བཅོམ་པ་སྟེ། འདིས་ནི་སྤངས་པ་ཕུན་སུམ་ཚོགས་པ་བསྟན་ཏོ། །དགྲ་དག་ནི་འདོད་ཆགས་ལ་སོགས་པ་ཉོན་མོངས་པ་རྣམས་ཏེ། དགེ་བའི་ཆོས་ཐམས་ཅད་ལ་གནོད་པ་བྱེད་པའི་ཕྱིར་རོ། །སྤངས་པ་ཕུན་སུམ་ཚོགས་པ་འདི་སྔར་སྨོས་པ་ནི། དེ་ལ་ཡེ་ཤེས་ཕུན་སུམ་ཚོགས་པའི་སྔོན་དུ་འགྲོ་བའི་ཕྱིར་རོ། །ཡང་དག་པ་ཕྱིན་ཅི་མ་ལོག་པར་ཀུན་ནས་སངས་རྒྱས་པས་ན་ཡང་དག་པར་རྫོགས་པའི་སངས་རྒྱས་ཞེས་བྱའོ། །འདིས་ནི་ཡེ་ཤེས་ཕུན་སུམ་ཚོགས་པ་བསྟན་ཏེ། ཐམས་ཅད་མཁྱེན་པའི་ཡེ་ཤེས་ཕྱིན་ཅི་མ་ལོག་པར་བསྟན་པའི་ཕྱིར་རོ། །གལ་ཏེ་ཐུབ་པ་སྔ་མ་རྣམས་ལམ་གང་ནས་གཤེགས་པའི་ལམ་དེ་ནས་འདི་ཡང་གཤེགས་པའི་ཕྱིར། དེ་བཞིན་གཤེགས་པ་ཞེས་བྱ་ན། ལམ་དེ་ཉིད་གང་ཡིན་ཞེ་ན། རིག་པ་དང་ཞབས་སུ་ལྡན་པ་སྟེ། འདིས་ནི་འཕགས་པའི་ལམ་ཡན་ལག་བརྒྱད་པ་བསྟན་ཏེ། རིག་པ་ནི་ཡང་དག་པའི་ལྟ་བའོ། །ཡང་དག་པའི་རྟོག་པ་ལ་སོགས་པ་ཡན་ལག་བདུན་ནི་ཞབས་ཏེ། ཡང་དག་པའི་ལྟ་བས་དེ་ཁོ་ན་གཟིགས་ནས། ཡང་དག་པའི་རྟོག་པ་ལ་སོགས་པ་ཞབས་སུ་གྱུར་པ་རྣམས་ཀྱིས་གཤེགས་པའི་ཕྱིར་རོ། །ཡང་ན་བསླབ་པ་གསུམ་ནི། རིག་པ་དང་ཞབས་ཏེ། ལྷག་པའི་ཤེས་རབ་ཀྱི་བསླབ་པ་ནི་རིག་པའོ། །ལྷག་པའི་སེམས་དང་། ལྷག་པའི་ཚུལ་ཁྲིམས་ཀྱི་བསླབ་པ་ནི་ཞབས་ཏེ། ཤེས་རབ་ཀྱི་སྔོན་དུ་ཡོངས་སུ་སྤྱོད་པར་གྱུར་པ་ནི་ཞབས་ཏེ་སྤྱོད་པ་ཡིན་པའི་ཕྱིར་རོ། །རིག་པ་སྔར་སྨོས་པ་ནི་དེ་ཡོངས་སུ་དག་པས་ཚུལ་ཁྲིམས་དང་ཏིང་ངེ་འཛིན་ཡོངས་སུ་དག་པར་འགྱུར་བའི་ཕྱིར་རོ། །ཡང་ན་སྔོན་གྱི་གནས་རྗེས་སུ་དྲན་པ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་དང་། འཆི་འཕོ་དང་། སྐྱེ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་དང་། ཟག་པ་ཟད་པ་མངོན་སུམ་དུ་བྱ་བའི་མངོན་པར་ཤེས་པ་དང་། འདི་གསུམ་ནི་རིག་པའོ། །ཞབས་ནི་ཚུལ་ཁྲིམས་ཕུན་སུམ་ཚོགས་པ་དང་། སྤྱོད་པ་ཕུན་སུམ་ཚོགས་པ་དང་། བཟློག་པ་ཕུན་སུམ་ཚོགས་པ་དང་། ལྷག་པའི་སེམས་ལས་བྱུང་བ་ཚེ་འདི་ལ་བདེ་བར་གནས་པ་བཞི་པོ་རྣམས་ཏེ། རིག་པ་རྣམས་ཀྱི་སྔོན་དུ་ཡོངས་སུ་སྤྱོད་པར་གྱུར་པའི་ཕྱིར་ཏེ། སྔར་སྤྱད་པ་ཡིན་པའི་ཕྱིར་རོ། །དེ་ལ་ཚུལ་ཁྲིམས་ཕུན་སུམ་ཚོགས་པ་ནི་རང་བཞིན་དང་བཅས་པའི་ཁ་ན་མ་ཐོ་བ་སྤངས་ཤིང་མ་ཉམས་པ་ལ་སོགས་པའི་ཡོན་ཏན་དང་ལྡན་པའོ། །སྤྱོད་པ་ཕུན་སུམ་ཚོགས་པ་ནི་སྤྱོད་ལམ་ཐམས་ཅད་ཤེས་བཞིན་དུ་གནས་པའོ། །བཟློག་པ་ཕུན་སུམ་ཚོགས་པ་ནི་མིག་ལ་སོགས་པའི་ཡུལ་རྣམས་ལ་མཚན་མར་མི་འཛིན་པས། དབང་པོ་བསྡམས་པའོ། །དེ་ལྟར་ཚུལ་ཁྲིམས་ཡོངས་སུ་དག་པ་དང་། ཤེས་བཞིན་དུ་གནས་པ་དང་། དབང་པོ་རྣམས་ཀྱི་སྒོ་བསྲུང་བ་ནི། ལྷག་པའི་སེམས་ལས་བྱུང་བ། ཚེ་འདི་ལ་བདེ་བར་གནས་པ་བཞི་སྒྲུབ་པར་བྱེད་དེ། དེ་དག་ནི་བསམ་གཏན་བཞི་པོ་རྣམས་སོ། །དེའི་ཕྱིར་འདི་ལྟར་བཅོམ་ལྡན་འདས་དེ་ནི་རིག་པ་རྣམས་དང་། ཞབས་འདི་རྣམས་དང་ལྡན་པས། རང་གི་དོན་ཕུན་སུམ་ཚོགས་པ་བརྙེས་པར་གྱུར་པའི་ཕྱིར། རིག་པ་དང་ཞབས་སུ་ལྡན་པ་ནི་རང་གི་དོན་ཕུན་སུམ་ཚོགས་པ་འཐོབ་པའི་རྒྱུར་བསྟན་པ་ཡིན་ནོ། །རང་གི་དོན་ཕུན་སུམ་ཚོགས་པ་དེ་ཇི་ལྟ་བུ་ཡིན་པ་དེ་ཡང་། བདེ་བར་གཤེགས་པ་ཞེས་བྱ་བས་བསྟན་ཏེ། འདི་ལྟར་འཇིག་རྟེན་ལས་འདས་པའི་ལམ་ནས་ཡེ་ཤེས་དང་སྤངས་པ་ཕུན་སུམ་ཚོགས་པར་ལེགས་པར་གཤེགས་པས་ན་བདེ་བར་གཤེགས་པ་སྟེ། གཟུགས་ལེགས་པ་བཞིན་ནོ། །ཡང་ན་ཕྱིར་མི་ལྡོག་པར་གཤེགས་པས་ན་བདེ་བར་གཤེགས་པ་སྟེ། རིམས་ནད་ལེགས་པར་སོས་པ་བཞིན་ནོ། །མ་ལུས་པར་གཤེགས་པའི་ཕྱིར་ཡང་བདེ་བར་གཤེགས་པ་སྟེ། བུམ་པ་ཤིན་ཏུ་གང་བ་བཞིན་ནོ། །དོན་འདི་གསུམ་ཡང་ཕྱི་རོལ་པའི་འདོད་ཆགས་དང་བྲལ་བ་དང་། སློབ་པ་དང་། མི་སློབ་པ་རྣམས་ལས་རང་གི་དོན་ཕུན་སུམ་ཚོགས་པ་བྱེ་བྲག་ཏུ་བྱ་བའི་ཕྱིར་རོ། །འཇིག་རྟེན་མཁྱེན་པ་ནི་སྐལ་བ་དང་ལྡན་པ་དང་། སྐལ་བ་དང་ལྡན་པ་མ་ཡིན་པ་མཁྱེན་པའི་ཕྱིར་རོ། །འདིས་ནི་གཞན་གྱི་དོན་ཕུན་སུམ་ཚོགས་པའི་རྒྱུ་བསྟན་ཏོ། །སྐལ་བ་དང་ལྡན་པ་དང་། སྐལ་བ་དང་ལྡན་པ་མ་ཡིན་པ་ཐུགས་སུ་ཆུད་ནས། སྐལ་བ་དང་ལྡན་པ་རྣམས་འདུལ་བར་མཛད་པས་ན། སྐྱེས་བུ་གདུལ་བའི་ཁ་ལོ་སྒྱུར་བ་བླ་ན་མེད་པ་ཞེས་གསུངས་ཏེ། འདིས་ནི་གཞན་གྱི་དོན་ཕུན་སུམ་ཚོགས་པ་བསྟན་ཏོ། །གདུལ་བར་འོས་པ་དང་། གདུལ་བར་ནུས་པ་ཡིན་པའི་ཕྱིར། གདུལ་བ་སྟེ་སྐྱེས་བུ་ཉིད་གདུལ་བ་ཡིན་པའི་ཕྱིར་རོ། །སྐྱེས་བུ་གདུལ་བའོ། །དེ་དག་གིས་ཁ་ལོ་སྒྱུར་བ་ནི་ལམ་ངན་པ་ནས་བཟློག་སྟེ་ལམ་བཟང་པོར་འཛུད་པའི་ཕྱིར་དང་། ཡོན་ཏན་གྱི་ཁྱད་པར་བསྐྱེད་པའི་ཕྱིར་ཏེ། རྟ་ལ་སོགས་པའི་ཁ་ལོ་སྒྱུར་བ་བཞིན་ནོ། །བླ་ན་མེད་པ་སྨོས་པ་ནི། གདུལ་དཀའ་བ། འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་ཤས་ཆེ་བ་འཕགས་པ་མཛེས་དགའ་དང་། སོར་ཕྲེང་དང་། ལྟེང་རྒྱས་འོད་སྲུངས་དང་། རྒྱལ་པོ་ཆེན་པོ་ཀ་པི་ན་ལ་སོགས་པ་གདུལ་བ་ཡང་ཡིན་ནོ་ཞེས་བསྟན་པའི་དོན་ཏོ། །ལྷ་དང་མི་རྣམས་ཀྱི་སྟོན་པ་ཞེས་བྱ་བ་འདིས་ནི་གཞན་གྱི་དོན་ཕུན་སུམ་ཚོགས་པ་ཇི་ལྟ་བུ་ཡིན་པ་བསྟན་ཏོ། །སྟོན་པའི་ཕྱིར་ནི་སྟོན་པ་སྟེ། བསྟན་པ་ན་འཕགས་པའི་བདེན་པ་བཞི་ཁོང་དུ་ཆུད་པའོ། །དེ་བས་ན་ལྷ་དང་མི་སྨོས་ཏེ། དེ་དག་ཁོ་ན་ཁོང་དུ་ཆུད་པའི་སྐལ་བ་དང་ལྡན་པའི་ཕྱིར་རོ། །ལམ་བཟང་པོ་སྟོན་པ་ལ་སོགས་པའི་རྒྱུ་ཉིད་ཀྱིས་ནི་ཐམས་ཅད་ཀྱི་ཡང་སྟོན་པ་ཡིན་ཏེ། དེའི་ཕྱིར་སེམས་ཅན་ཐམས་ཅད་ཀྱི་སྟོན་པ་ཞེས་གསུངས་སོ། །འཕགས་པའི་བདེན་པ་རྟོགས་པ་དེས་ཞུགས་ན། ཐེག་པ་ཇི་ལྟ་བ་བཞིན་དུ་ཡེ་ཤེས་དང་སྤངས་པ་ཕུན་སུམ་ཚོགས་པར་འགྱུར་བའི་ཕྱིར། ཡེ་ཤེས་དང་སྤངས་པ་ཕུན་སུམ་ཚོགས་པ་གཞན་གྱི་དོན་ཕུན་སུམ་ཚོགས་པ་ཞེས་བྱའོ། །དེ་ལྟར་ན་བདག་དང་གཞན་གྱི་དོན་ཕུན་སུམ་ཚོགས་པ་དང་ལྡན་པ་དེ་སུ་ཡིན་ཞེ་ན། སངས་རྒྱས་བཅོམ་ལྡན་འདས་རིན་ཆེན་དཔལ་གྱི་གཟི་བརྗིད་རྒྱལ་པོ་ལྟ་བུ་ཞེས་བྱ་བ་ཞེས་གསུངས་པ་དང་སྦྱར་ཏེ། བློ་ཁྱད་པར་དུ་འཕགས་པ་འདི་ལ་ཡོད་པས་ན་སངས་རྒྱས་ཞེས་བྱའོ། །བློ་ཁྱད་པར་དུ་འཕགས་པ་ཡང་རྣམ་པ་དགུ་སྟེ། ཐམས་ཅད་མཁྱེན་པ་དང་། རྣམ་པ་ཐམས་ཅད་མཁྱེན་པ་དང་། བསྒྲིམ་མི་དགོས་པར་མཁྱེན་པ་དང་། ལུང་ཕོག་པ་མེད་པར་མཁྱེན་པ་དང་། ཉོན་མོངས་པ་དང་ཤེས་བྱའི་སྒྲིབ་པ་བག་ཆགས་དང་བཅས་པ་སྤངས་པ་དང་། རྣམ་པ་ཐམས་ཅད་དུ་སེམས་ཅན་ཐམས་ཅད་ཀྱི་དོན་མཛད་པར་སྤྱོད་པ་དང་། ཐུགས་རྗེ་ཕུན་སུམ་ཚོགས་པ་དང་། ཟད་མི་ཤེས་པ་ཕུན་སུམ་ཚོགས་པ་དང་། མཚུངས་པ་མེད་པ་ཕུན་སུམ་ཚོགས་པས་སོ། །ཡང་ན་དངོས་པོ་ཐམས་ཅད་རྣམ་པ་ཐམས་ཅད་དུ་ཐུགས་སུ་ཆུད་པའི་ཕྱིར་སངས་རྒྱས་ཞེས་བྱ་སྟེ། ད་ལྟར་གྱི་དུས་ལ་བྱའོ། །མ་འོངས་པ་ཡང་དེ་དེའི་རང་བཞིན་ཡིན་པའི་ཕྱིར། སངས་རྒྱས་ཞེས་བྱ་སྟེ། འོ་མ་དང་བུད་ཤིང་བཞིན་ནོ། །གལ་ཏེ་དེ་ལྟར་ན་འདས་པ་ན་སངས་རྒྱས་མ་ཡིན་པར་འགྱུར་རོ་ཞེ་ན་མི་འགྱུར་ཏེ། སངས་རྒྱས་འདས་པ་ནི་མེད་པས་ཡོངས་སུ་མྱ་ངན་ལས་འདས་པ་ནི་མི་སྲིད་པར་བསྟན་ཟིན་ཏེ། འཁོར་བ་ཇི་སྲིད་ཡོད་ཀྱི་བར་དུ་སྐད་ཅིག་རེ་རེ་ལ་དངོས་པོའི་ཡུལ་མ་ལུས་པ་ལ་མཁྱེན་པ་འཇུག་པའི་ཕྱིར་རོ། །ཡང་ན་རྣམ་པ་ཐམས་ཅད་དུ་ལྷག་པ་མེད་པའི་ཡོན་ཏན་ཐམས་ཅད་དང་ལྡན་པ་དེ་ལ་ནི་སངས་རྒྱས་ཞེས་བྱ་སྟེ། དེའི་ཕྱིར་འདི་ལ་ཉེས་པ་མེད་དོ། །ཡང་ན་སྟོན་པ་པོ་བཅོམ་ལྡན་འདས་ལ་དད་པའི་ཁྱད་པར་བསྐྱེད་པའི་ཕྱིར་རོ། །སྟོང་པ་ཉིད་ཕུན་སུམ་ཚོགས་པ་ཡོན་ཏན་གྱི་ཆེ་བ་ཉིད་བསྟན་ཏེ། སྟོན་པ་རྣམ་གཉིས་གང་གིས་འཐོབ། །ཅི་འདྲ་དེ་ཡི་ལམ་རྣམ་གཉིས། །གང་དག་ལ་ནི་དེ་གནས་དང་། །དེ་དང་ལྡན་པའང་སྟོན་པར་བྱེད། །དེ་ལ་སྟོན་པ་ཉིད་ཕུན་སུམ་ཚོགས་པ་རྣམ་པ་གཉིས་ནི། གསུངས་པ་ཉིད་ཀྱི་མཚན་ཉིད་དང་། བསྒྲུབ་པ་ཉིད་ཀྱི་མཚན་ཉིད་དོ། །དེ་ལ་གསུངས་པ་ཉིད་ཀྱི་མཚན་ཉིད་ནི། དེ་བཞིན་གཤེགས་པ་ཞེས་གསུངས་པ་ཡིན་ཏེ་ཆོས་རྣམས་ཇི་ལྟར་གནས་པ་དེ་ཁོ་ན་བཞིན་དུ་གསུངས་པས་ན་དེ་བཞིན་གསུངས་པ་ཞེས་བྱ་བའི་ཕྱིར་རོ། །འདིས་ནི་ཕྱིན་ཅི་མ་ལོག་པར་ཆོས་སྟོན་པ་པོ་ཉིད་ཡིན་པར་བསྟན་ཏོ། །སྒྲུབ་པ་ཉིད་ཀྱི་མཚན་ཉིད་ནི། སྤངས་པ་དང་ཡེ་ཤེས་ཕུན་སུམ་ཚོགས་པའི་ངོ་བོ་ཉིད་རྣམ་པ་གཉིས་ཏེ་གོ་རིམས་བཞིན་དུ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་གསུངས་པ་ཡིན་ནོ། །དེའི་ཕྱིར་དེ་ལྟར་ཕྱིན་ཅི་མ་ལོག་པར་ཆོས་སྟོན་པ་པོ་ཉིད་དང་། ཉོན་མོངས་པ་ཐམས་ཅད་སྤངས་པ་དང་། རྣམ་པ་ཐམས་ཅད་དུ་ཆོས་ཐམས་ཅད་ཐུགས་སུ་ཆུད་པས་བཅོམ་ལྡན་འདས་ཀྱིས་སྟོན་པ་ཉིད་ཕུན་སུམ་ཚོགས་པ་ཐུན་མོང་མ་ཡིན་པ་དང་། ཡོངས་སུ་རྫོགས་པར་བསྟན་ཏེ། འདི་ལྟར་ཕྱི་རོལ་པ་རྣམས་ལ་ཕྱིན་ཅི་མ་ལོག་པར་ཆོས་སྟོན་པ་པོ་ཉིད་མེད་དེ། ཉོན་མོངས་པ་ཐམས་ཅད་མ་སྤངས་པའི་ཕྱིར་རོ། །དེ་ཉིད་ཀྱི་ཕྱིར་དེ་དག་ཡང་དག་པའི་སྟོན་པ་མ་ཡིན་ནོ། །ཉན་ཐོས་དང་རང་སངས་རྒྱས་རྣམས་ནི་ཉོན་མོངས་པ་ཐམས་ཅད་སྤངས་པ་ཡིན་པའི་ཕྱིར། ཡང་དག་པའི་སྟོན་པ་ཡིན་མོད་ཀྱི། རྣམ་པ་ཐམས་ཅད་དུ་ཆོས་ཐམས་ཅད་ཁོང་དུ་ཆུད་པ་མ་ཡིན་པས་ན། རྣམ་པ་ཐམས་ཅད་ཀྱི་སྟོན་པ་མ་ཡིན་ནོ། །བཅོམ་ལྡན་འདས་ནི་ཡང་དག་པའི་སྟོན་པ་དང་རྣམ་པ་ཐམས་ཅད་ཀྱི་སྟོན་པ་ཡིན་ནོ། །སྟོན་པ་ཉིད་ཕུན་སུམ་ཚོགས་པ་དེ་གང་གིས་འཐོབ་པ་དེ་ནི་རིག་པ་དང་ཞབས་སུ་ལྡན་པ་ཞེས་བྱ་བས་བསྟན་ཏོ། །སྟོན་པ་ཉིད་ཕུན་སུམ་ཚོགས་པ་རྣམ་པ་གཉིས་པ་དེ་ཅི་འདྲ་བ་དེ་ཡང་། བདེ་བར་གཤེགས་པ་ཞེས་བྱ་བས་བསྟན་ཏོ། །དེ་ཡང་ལེགས་པར་ཞེས་བྱ་བ་ལ་སོགས་པ་དོན་གསུམ་སྨོས་པས་ཅི་རིགས་པར་བཤད་པར་བྱའོ། །སྟོན་པ་ཉིད་ཕུན་སུམ་ཚོགས་པ་དེའི་ཕྲིན་ལས་རྣམ་པ་གཉིས་ལ་སེམས་ཅན་སྐལ་བ་དང་ལྡན་པ་དང་། སྐལ་བ་དང་ལྡན་པ་མ་ཡིན་པ་ལ་གཟིགས་པའི་ཕྲིན་ལས་གང་ཡིན་པ་དེ་ནི་འཇིག་རྟེན་མཁྱེན་པ་ཞེས་བྱ་བས་བསྟན་ཏོ། །སྐལ་བ་དང་ལྡན་པ་འདུལ་བ་གང་ཡིན་པ་དེ་ནི་སྐྱེས་བུ་གདུལ་བའི་ཁ་ལོ་སྒྱུར་བ་བླ་ན་མེད་པ་ཞེས་བྱ་བས་བསྟན་ཏོ། །སྐལ་བ་དང་ལྡན་པའི་གདུལ་བའི་ཕྲིན་ལས་གང་དག་ལ་གནས་པ་དེ་ནི། ལྷ་དང་མི་རྣམས་ཀྱི་སྟོན་པ་ཞེས་བྱ་བས་བསྟན་ཏོ། །སུ་སྟོན་པ་ཕུན་སུམ་ཚོགས་པ་དེ་དང་ལྡན་པ་དེ་ནི་སངས་རྒྱས་བཅོམ་ལྡན་འདས་ཞེས་བྱ་བས་བསྟན་ཏོ། །ཚིག་གི་དོན་ནི་སྔར་བཤད་ཟིན་པས་འདིར་ནི་སྦྱར་བ་ཙམ་དུ་ཟད་དོ། །ཡོངས་སུ་མྱ་ངན་ལས་འདའ་བའི་སྒོ་ནས་སྟོན་པ་པོ་བསྟན་པ་ནི། ཤཱ་རིའི་བུ་ཞེས་བྱ་བ་ལ་སོགས་པས་མཚན་དང་། ཡོན་ཏན་དང་། ཡོངས་སུ་མྱ་ངན་ལས་འདས་པའི་དུས་ངེས་པ་རྣམ་པ་གསུམ་དུ་ཕྱེ་སྟེ། ཀྱེ་མ་འདིར་སངས་རྒྱས་བཅོམ་ལྡན་འདས་ཡོན་ཏན་གྱི་གཞི་འདི་ལྟ་བུ་ཡང་། མི་རྟག་པ་ཉིད་ཀྱི་ལམ་ན་འདུག་ན། བདག་ཅག་ལྟ་སྨོས་ཀྱང་ཅི་དགོས་སྙམ་དུ་སེམས་ཏེ། སྲོག་ཆགས་རྣམས་ཀྱིས་སྐྱོ་བའི་བྱེ་བྲག་བསྐྱེད་པའི་ཕྱིར་རོ། །ཚེ་ཞེས་བྱ་བ་ནི་ངེས་པའམ། ཡང་ན་ཁོང་དུ་ཆུད་པ་ལ་བྱ་བར་ཤེས་པར་བྱའོ། །གལ་ཏེ་ཡོངས་སུ་མྱ་ངན་ལས་འདའ་བའི་དུས་ལ་བབ་པར་ངེས་ན། དེས་ལོ་བདུན་ཁྲིར་ཞེས་བྱ་བ་ལ་སོགས་པའི་ཚིག་ཇི་ལྟར་སྐྱོན་དུ་མི་འགྱུར་ཞེ་ན། སྨྲས་པ། འཇིག་རྟེན་ཚེ་ནི་དཔག་མེད་ཚེ། །ཐུབ་པ་ཆེན་པོ་སྐྱེས་པ་དེ། །ཡོངས་སུ་མྱ་ངན་འདའ་བ་ཡི། །དུས་བབ་པ་ནི་དེ་འདྲའོ། །འཇིག་རྟེན་གྱི་ཚེ་དཔག་ཏུ་མེད་པ་ན་བཅོམ་ལྡན་འདས་དེ་བཞིན་གཤེགས་པ་རིན་ཆེན་དཔལ་གྱི་གཟི་བརྗིད་རྒྱལ་པོ་ལྟ་བུ་བྱུང་སྟེ། དེའི་ཕྱིར་དུས་དེ་ལ་ལྟོས་ནས། དེའི་ཡོངས་སུ་མྱ་ངན་ལས་འདའ་བའི་དུས་ལ་བབ་པ་ཡང་ཡུན་རིང་བར་འགྱུར་ཏེ། དེ་ལྟ་བས་ན་དེ་ལོ་བདུན་ཁྲིར་ཞེས་བྱ་བ་ལ་སོགས་པའི་ཚིག་ལ་སྐྱོན་མེད་དོ། །གཟུངས་ཐོབ་པ་པོའི་རིགས་བསྟན་པ་ནི་རྣམ་པ་ལྔར་མཛད་དོ། །མིང་དང་། རྒྱལ་པོ་དང་། གླིང་བཞིའི་བདག་པོ་དང་། དབང་ཕྱུག་དང་། མིའི་བདག་པོའོ། །སྣང་བ་འཛིན་ཞེས་བྱ་བ་ནི་གཞན་ཡང་ཡོད་པའི་ཕྱིར་རྒྱལ་པོ་སྨོས་སོ། །རྒྱལ་པོ་ནི་རྒྱལ་ཕྲན་ལ་ཡང་བྱ་བའི་ཕྱིར། འཁོར་ལོས་སྒྱུར་བ་སྨོས་སོ། །འཁོར་ལོས་སྒྱུར་བ་ཞེས་བྱ་བ་ནི་དེ་བཞིན་གཤེགས་པ་ལ་ཡང་ཡོད་པའི་ཕྱིར་རྒྱལ་པོ་སྨོས་སོ། །འཁོར་ལོས་སྒྱུར་བ་སྨོས་པས་ཀྱང་རིན་པོ་ཆེ་སྣ་བདུན་དང་ལྡན་པར་མངོན་མོད་ཀྱི། རིན་པོ་ཆེ་སྣ་བདུན་དང་ལྡན་པ་སྨོས་པ་ནི་བྱེ་བྲག་ཏུ་དབྱེ་བའི་དོན་ཏེ། དེས་ནི་གླིང་བཞིའི་བདག་པོ་བསྡུའོ། །རིག་སྔགས་འཆང་གི་འཁོར་ལོས་སྒྱུར་བ་ཡང་ཡོད་པས་ན། མིའི་དབང་པོ་སྨོས་སོ། །ཐོབ་པ་པོ་བསྟན་པ་ནི་རྣམ་པ་ལྔས་མཛད་དེ་མིང་དང་འབྲེལ་པ་དང་། ན་ཚོད་དང་། ཆོས་ཀྱི་རྣམ་གྲངས་ཐོབ་པ་དང་། སྟོན་པ་པོ་དང་འབྲེལ་པའོ། །ཐོས་ནས་ཐོབ་པར་བྱ་བའི་ཕྱིར་མངོན་པར་བརྩོན་པ་བསྟན་པ་ནི་རྣམ་པ་གཉིས་ཏེ། སྤྱི་དང་བྱེ་བྲག་གོ། །བྱེ་བྲག་ཀྱང་རྣམ་པ་བརྒྱད་དེ། དུས་དང་རྨུགས་པ་དང་གཉིད་མེད་པ་དང་། དགའ་བ་མེད་པ་དང་། བརྩོན་འགྲུས་དང་། སེམས་རྩེ་གཅིག་པ་དང་། དེའི་འབྲས་བུ་དང་། དེ་ཉམས་སུ་ལེན་པ་དང་། རབ་ཏུ་འབྱུང་བའོ། །དེ་ལ་དུས་ནི་ལོ་བདུན་ཁྲི་སྟེ། འདི་ནི་རབ་ཏུ་མ་བྱུང་བའི་སྔ་རོལ་གྱི་ཡིན་པར་ཤེས་པར་བྱའོ། །དེ་ཕྱིན་ཆད་ལོ་དགུ་ཁྲི་ནི་གཟུངས་སྒྲུབ་པའི་དུས་ཡིན་ནོ། །དེའི་རྒྱུ་ནི་སྤངས་པའི་ཕྱིར། །དེས་ནི་རྨུགས་གཉིད་དེ་མ་བསྟེན། །རྨུགས་པ་ནི་ལུས་དང་སེམས་ལས་སུ་མི་རུང་བ་ཉིད་དོ། །གཉིད་ནི་སེམས་མངོན་པར་སྡུད་པའོ། །དེ་གཉིས་ཀྱི་རྒྱུ་ནི་ཧ་ཅང་མང་དུ་ཟ་བ་དང་། ཧ་ཅང་ཉུང་ངུ་ཟ་བ་སྟེ། དེ་སྤངས་པས་རྒྱལ་པོའི་བུ་དེས་རྨུགས་དང་གཉིད་མ་བསྟེན་ཏོ། །དེ་གཉིས་ནི་སེམས་རྩེ་གཅིག་ཏུ་བྱ་བ་ལ་བགེགས་བྱེད་པ་ཡིན་ཏེ། དེའི་ཕྱིར་འབྲས་བུ་ཐ་མི་དད་པས་མཚན་གཅིག་ཏུ་བསྡུའོ། །དངོས་པོའི་ངོ་བོ་ཉིད་ཤེས་པས། །དགའ་བ་རྣམ་གསུམ་སྤང་བར་བྱ། །འདུ་བྱེད་འདི་དག་མི་རྟག་པ་སྤོང་བར་རྟོགས་པས་དགའ་བ་རྣམ་པ་གསུམ་མི་བྱེད་དེ། འདི་ལྟར་ཕྱི་རོལ་དང་། ནང་གི་ཡུལ་གྱི་བྱེ་བྲག་གིས་དགའ་བ་རྣམ་པ་གཉིས་ཡོད་ལ། ཕྱི་རོལ་གྱི་ཡུལ་ཡང་གཙོ་བོ་དང་། དེའི་ཡན་ལག་དང་རྣམ་པ་གཉིས་ཡོད་དོ། །དེས་ན་རྣམ་པ་གསུམ་དུ་འགྱུར་ཏེ། གཙོ་བོ་ནི་རྒྱལ་སྲིད་དོ། །དེའི་ཡན་ལག་ནི་ནོར་ཡིན་ཏེ། དེ་ཡང་རིན་པོ་ཆེ་སྣ་བདུན་ལ་སོགས་པའོ། །བདག་གི་ལུས་དང་། དེའི་ཡན་ལག་ལ་སོགས་པ་ལ་དགའ་བ་ནི་བདག་ལ་དགའ་བའོ། །རྨུགས་པ་དང་གཉིད་ལ་སོགས་པ་དང་། དེ་གསུམ་ཡོངས་སུ་སྤངས་ནས་བརྩོན་འགྲུས་བརྩམས་པའི་ཕྱིར། དེ་ལོ་བདུན་ཁྲིར་ལན་འགའ་ཡང་ས་ལ་གློས་མ་ཕབ་སྟེ་ཞེས་གསུངས་སོ། །དེ་ནས་ཏིང་ངེ་འཛིན་བསྒོམ་པའི་ཕྱིར། གཅིག་ཏུ་ངེས་པར་ནང་དུ་ཡང་དག་འཇོག་ལ་གནས་སོ་ཞེས་གསུངས་ཏེ། གནས་སོ་ཞེས་བྱ་བའི་ཐ་ཚིག་གོ། །གཅིག་ཏུ་ངེས་པའི་སྐྱེ་བོ་མེད་པའི་ཕྱོགས་སམ། གཅིག་ཏུ་ངེས་པར་ནང་དུ་ཡང་དག་འཇོག་པས་རང་བཞིན་གྱིས་སེམས་རྩེ་གཅིག་ཏུ་བྱེད་པ་ལ་ནི། གཅིག་ཏུ་ངེས་པར་ནང་དུ་ཡང་དག་འཇོག་ལ་བྱའོ། །ཏིང་ངེ་འཛིན་དེའི་འོག་ཏུ་ཏིང་ངེ་འཛིན་གྱི་འབྲས་བུ་འཐོབ་པ་ཡིན་ཏེ། ལོ་དགུ་ཁྲི་ཞེས་གསུངས་སོ། །འཇིག་རྟེན་ཁམས་གཞན་སངས་རྒྱས་རྣམས། །བཞུགས་པ་བྱང་ཆུབ་སེམས་དཔའ་ཡོན་ཏན་རིན་པོ་ཆེ་བསམ་གྱིས་མི་ཁྱབ་པའི་དཔལ་སྣང་བ་ཐོབ་པ་དེས་མཐོང་སྟེ། འཇིག་རྟེན་གྱི་ཁམས་གཅིག་ཏུ་མ་ཡིན་ཏེ། དེ་བཞིན་གཤེགས་པ་གཉིས་ནི་འཇིག་རྟེན་གྱི་ཁམས་གཅིག་ཏུ་ཅིག་ཅར་འབྱུང་བ་འགལ་བའི་ཕྱིར་རོ། །དེ་ལྟ་བས་ན་སངས་རྒྱས་བྱེ་བ་ཕྲག་དགུ་བཅུ་ལས། ཆོས་བསྟན་པ་ནི་ཐོས་སོ་ཞེས། །བྱས་པའི་ཚིག་ལ་ཉེས་པ་མེད། །ཡང་ན་བློ་བཟང་འཇིག་རྟེན་ཁམས། །འདི་གཞན་སངས་རྒྱས་བཞུགས་པ་མཐོང་། །བསྟན་པ་འབྱུང་ལ་བརྟེན་ནས་ནི། །ཅིག་ཅར་སྐྱེ་བ་དགག་པ་ཡིན། །ཡང་ན་བྱང་ཆུབ་སེམས་དཔའ་བློ་བཟང་པོ་དེས་སངས་རྒྱས་འཇིག་རྟེན་གྱི་ཁམས་འདི་ན་བཞུགས་པ་རྣམས་དང་། འཇིག་རྟེན་གྱི་ཁམས་གཞན་ན་བཞུགས་པ་རྣམས་མཐོང་སྟེ། དེའི་ཕྱིར་སངས་རྒྱས་བྱེ་བ་ཕྲག་དགུ་བཅུ་ཞེས་བྱ་བ་ལ་སོགས་པ་འདི་སྤྱིར་གསུངས་སོ། །སྔ་ཕྱི་མེད་པར་དེ་བཞིན་གཤེགས་པ་གཉིས་འཇིག་རྟེན་དུ་མི་འབྱུང་ཞེས་བྱ་བ་འདི་ནི། དེའི་བསྟན་པ་འབྱུང་བ་ལ་དགོངས་ནས་ཅིག་ཅར་སྐྱེ་བ་དགག་པ་ཡིན་ནོ། །དེ་ཕྱིར་དེ་བཞིན་གཤེགས་པ་གཉིས་ཀྱི་བསྟན་པ་འཇིག་རྟེན་དུ་ཅིག་ཅར་མི་འབྱུང་སྟེ་དོན་དུ་དེ་ལ་བྱའོ། །དེ་གཉིས་ཀྱི་སྐྱེ་བ་དེ་ནི་འདི་ལྟར་བསྟན་པ་འབྱུང་བ་ལ་བྱ་སྟེ། སངས་རྒྱས་བཅོམ་ལྡན་འདས་རྣམས་ནི་གཞན་གྱི་དོན་དང་། གཞན་གྱི་དབང་གིས་སྐྱེ་བར་ཟད་པའི་ཕྱིར་རོ། །ཡང་ན་སྔ་ཕྱི་མེད་པར་མི་འབྱུང་ཞེས་སྨོས་པས་དེ་དག་རིམ་གྱིས་བྱུང་བ་ཁོ་ནར་བཀའ་སྩལ་པ་ཡིན་ནོ། །འབྱུང་བ་དེ་དག་ཀྱང་ཡོངས་སུ་མྱ་ངན་ལས་མི་འདའ་སྟེ། ལོངས་སྤྱོད་རྫོགས་པའི་སྐུའི་ཚུལ་གྱིས་བཞུགས་པ་དེས་ན། བསོད་ནམས་དང་ལྡན་པ་མ་ཡིན་པ་རྣམས་ཀྱིས་མི་མཐོང་ལ། བསོད་ནམས་ཅན་རྣམས་ཀྱིས་ནི་བསོད་ནམས་ཇི་ལྟ་བ་བཞིན་དུ་ཉུང་ངུའམ། མང་པོ་ཡང་དག་པར་དམིགས་པ་ཙམ་དུ་ཟད་པའི་ཕྱིར་ཉེས་པ་མེད་དོ། །ཐོས་པ་ནི་བསྟན་པ་ཐོས་པར་ཟད་ན། བསྟན་པ་ཞེས་སྨོས་ཅི་དགོས་ཞེས་དེ་སྐད་ཟེར་ན་ནི། དོན་འདི་ཡིན་ཏེ། རྫོགས་པའི་སངས་རྒྱས་ཐམས་ཅད་ཀྱིས། །བསྟན་ཏེ་དགུ་བཅུ་དག་ལས་ཐོས། །ཆོས་ཞེས་བྱ་བ་ལྷག་མའོ། །དེ་དེ་ལྟ་ན་དོན་ནི་འདི་ཡིན་ཏེ། སངས་རྒྱས་ཐམས་ཅད་ཀྱིས་ཆོས་བསྟན་པ་སངས་རྒྱས་བྱེ་བ་ཕྲག་དགུ་བཅུ་ལས་ཐོས་སོ་ཞེས་བྱ་བའི་ཐ་ཚིག་སྟེ། དེས་ན་ཆོས་ཀྱི་དེ་ཁོ་ན། །བསྟན་པ་ཐབས་དང་བཅས་པ་བརྗོད། །རྒྱུ་དེས་བརྗོད་པ་ཡིན་ཏེ། ཆོས་ཀྱི་དེ་ཁོ་ན་ནི་སྟོང་པ་ཉིད་དོ། །ཐབས་ནི་སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་ཞེས་བྱ་སྟེ། ཆོས་ཀྱི་དེ་ཁོ་ན་ཐབས་དང་བཅས་པ་འདི་ནི་སངས་རྒྱས་ཐམས་ཅད་ཀྱིས་བསྟན་པ་དང་། སྟོན་པ་དང་། སྟོན་པར་འགྱུར་རོ། །སྐྱེས་པའི་རབས་ལ་སོགས་པ་གང་ཡིན་པ་དེ་དག་ལ་ནི། སངས་རྒྱས་ཐམས་ཅད་ཀྱིས་བསྟན་པ་ཚངས་པར་ངེས་པ་མེད་དེ། འདི་ལས་ཆོས་ནི་ནན་ཏན་དུ། །ལེགས་བསྒྲུབ་ཉམས་སུ་ལེན་པར་བསྟན། གསུང་རབ་འདི་ལ་ལས་སུ་བྱས་པས་སྟོང་པ་ཉིད་ཀྱི་ཆོས་ཡང་དག་པར་སྒྲུབ་ཅིང་རྟོགས་པར་བྱ་བ་དང་། སྦྱིན་པ་ལ་སོགས་པ་བསྒྲུབ་པ་འདི་ནི་ཉམས་སུ་བླང་བའོ། །ཡང་ན་འཛིན་པ་ལ་སོགས་པ། །ཡོན་ཏན་སྐྱེད་པར་འགྱུར་བ་ཡིན། །ཉམས་སུ་བླང་བ་ཞེས་བྱ་བ་ལ་སྙེགས་ཏེ། ཡང་ན་འཛིན་པ་དང་། སེམས་པ་དང་། བསྒོམ་པ་དང་། གཞན་ལ་སྟོན་པ་ལ་སོགས་པ་ཡོན་ཏན་བསྐྱེད་པ་དེ་ཕྱིན་ཅི་མ་ལོག་པའི་ཕྱིར་ཉམས་སུ་བླང་བའོ། །ཡང་ན་རྗེས་སུ་ཡི་རང་བ་ཡང་ཉམས་སུ་བླང་བ་ཡིན་ནོ། །སངས་རྒྱས་གཞན་དག་མ་ཡིན་ཞེས། །དེ་ཡི་མཚན་ནི་སྨོས་པ་མཛད། །སངས་རྒྱས་བྱེ་བ་ཕྲག་དགུ་བཅུ་པོ་གང་ཡང་རུང་བ་ལས་རང་བྱུང་བར་འཛིན་པ་བསལ་བའི་ཕྱིར། རིན་ཆེན་དཔལ་གྱི་གཟི་བརྗིད་རྒྱལ་པོ་ལྟ་བུའི་མཚན་སྨོས་སོ། །མཚན་སྨོས་པ། དེས་ན་ཐུབ་པ་བཞུགས་པ་ནི། །འཇིག་རྟེན་ཕན་ཕྱིར་ཉིད་དུ་བསྟན། །འདི་ལྟར་ཡོངས་སུ་མྱ་ངན་ལས་འདའ་བའི་དུས་དཔགས་པ་ལས་ཀྱང་། བཅོམ་ལྡན་འདས་དེ་དེ་སྲིད་ཀྱི་བར་དུ་བཞུགས་པ་ནི་རྒྱལ་པོའི་བུ་དེ་དེས་གདུལ་བ་ཡིན་པའི་ཕྱིར་ཏེ། དེའི་ཕྱིར་འདི་དག་གིས་ནི་སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་ལ་ཕན་པ་ཁོ་ནའི་ཕྱིར་དུས་མཐའ་ཡས་པར་ཡང་བཞུགས་པར་མཛད་དོ་ཞེས་བསྟན་ཏོ། །སྡོམ་བརྩོན་ཚུལ་ཁྲིམས་ལྡན་པ་དང་། །བརྩོན་དང་གཞན་དོན་གཞོལ་བ་ཡིས། །གཟུངས་ནི་ཐོབ་པར་ཐུབ་པ་དེས། །རབ་བྱུང་ལ་སོགས་ཚིག་གིས་བསྟན། །ཡོན་ཏན་ཐམས་ཅད་ཀྱི་གཞི་ནི་ཚུལ་ཁྲིམས་ཡིན་པའི་ཕྱིར། ཚུལ་ཁྲིམས་དང་ལྡན་པས་གཟུངས་འདི་འཐོབ་པར་འགྱུར་གྱི་གཞན་གྱིས་མ་ཡིན་པར་བཅོམ་ལྡན་འདས་ཀྱིས་རབ་ཏུ་བྱུང་བའི་ཚིག་གིས་བསྟན་ཏེ། འདི་རྣམས་ཀྱིས་ནི། ཐོས་ནས་ཐོབ་པར་བྱ་བའི་ཕྱིར་མངོན་པར་བརྩོན་པར་བྱ་བ་བསྟན་པ་བསྙད་དོ། །བརྩོན་འགྲུས་བརྩམས་པས་གཟུངས་འདི་ཐོབ་པར་འགྱུར་གྱི། གཞན་གྱིས་མ་ཡིན་པར་ནི་ལོ་དགུ་ཁྲི་ཞེས་བྱ་བ་ལ་སོགས་པས་བསྟན་ཏེ། འདིས་ནི་འཐོབ་པ་བསྟན་པ་བསྙད་དོ། །གཞན་གྱི་དོན་སྒྲུབ་པའི་བསམ་པ་ཅན་གྱིས། གཟུངས་འདི་འཐོབ་པར་འགྱུར་གྱི། གཞན་གྱིས་མ་ཡིན་པར་ནི་བསྒྲུབས་ནས་ཀྱང་ཞེས་བྱ་བ་ལ་སོགས་པས་བསྟན་ཏེ། འདིས་ནི་ཐོབ་པའི་འབྲས་བུ་བསྟན་པ་བསྙད་དེ་དེ་ཁོ་ན་ཡིན་ནོ་ཞེས་གཟུང་བར་བྱའོ། །དེ་ལྟ་མ་ཡིན་ན་ནི་རབ་ཏུ་བྱུང་བ་ལ་སོགས་པ་བསྟན་པ་ཡང་དོན་མེད་པར་འགྱུར་རོ། །དེ་ལ་ཐོབ་པའི་འབྲས་བུ་བསྟན་པ་ནི་རྣམ་པ་གཉིས་ཀྱིས་བཤད་དེ། ཡང་དག་པར་རབ་ཏུ་བསྟན་པ་དང་། ཡང་དག་པར་རབ་ཏུ་བསྟན་པའི་འབྲས་བུའོ། །ཡང་དག་པར་རབ་ཏུ་བསྟན་པ་ཡང་། ཡང་དག་པར་སྦྱིན་པ་དང་། རྒྱས་པ་དང་། རང་གི་ངོ་བོ་དང་རྣམ་པ་གསུམ་སྟེ། ཡང་དག་པར་སྦྱིན་པ་ནི་སེམས་ཅན་ཐམས་ཅད་ལའོ། །དེ་དག་ཀྱང་གཟུངས་ཡང་དག་པར་རབ་ཏུ་བསྟན་པས་འདུལ་བ་ཁོ་ན་ཡིན་པར་གཟུང་བར་བྱ་སྟེ། ཐམས་ཅད་ཀྱི་སྒྲ་ནི་བརྗོད་པར་འདོད་པས་མ་ལུས་པ་ལ་བྱ་བའི་ཕྱིར་རོ། །སེམས་ཅན་ཐམས་ཅད་ཁོ་ན་ལ་བྱ་བ་མ་ཡིན་ཏེ། དེ་དག་ལ་ནི་ཐམས་ཅད་མཁྱེན་པ་མ་ཡིན་པས་ཡང་དག་པར་རབ་ཏུ་བསྟན་པར་བྱ་མི་ནུས་པའི་ཕྱིར་རོ། །ཐམས་ཅད་མཁྱེན་པས་དེ་བསྟན་དུ་ཡང་སེམས་ཅན་ཐམས་ཅད་ཡུལ་དུ་འགྱུར་མི་སྲིད་དེ། དགོས་པ་མེད་པའི་ཕྱིར་མི་རུང་ངོ་། །རྒྱས་པ་ཞེས་བྱ་བ་ནི་གཟུངས་ལ་སྦྱོར་བ་དང་། འཐོབ་པ་དང་། འབྲས་བུ་དང་། ཡོན་ཏན་ཆུང་ངུ་དང་། འབྲིང་དང་། ཆེན་པོའི་བྱེ་བྲག་ལ་སོགས་པའི་རང་གི་ངོ་བོ་ཚད་མ་དང་ལྡན་པའི་ཕྱིར། ཡང་དག་པར་ཕྱིན་ཅི་མ་ལོག་པ་དང་། ཕོ་བྲང་འཁོར་གྱི་སྐད་ལ་སོགས་པའི་ཡོན་ཏན་ཡན་ལག་བཅུ་དང་ལྡན་པའི་ཚིག་གིས་རབ་ཏུ་དང་། ཕ་རོལ་རྣམས་ཟིལ་གྱིས་མནན་ནས་བསྟན་པའོ། །ཡང་དག་པར་རབ་ཏུ་བསྟན་པའི་འབྲས་བུ་ནི། ཕྱིར་མི་ལྡོག་པའི་ས་ལ་འགོད་པ་སྟེ། འདི་ནི་ཤིན་ཏུ་ཁྱད་ཞུགས་པའི་འབྲས་བུར་བསྟན་ཏོ། །ལྷ་དང་། མིར་སྐྱེ་བ་དང་ས་འཐོབ་པ་ལ་སོགས་པའི་འབྲས་བུ་གཞན་ནི་མ་སྨོས་ཀྱང་འགྲུབ་པའི་ཕྱིར་མ་བསྟན་ཏོ། །ཉན་ཐོས་ལ་སོགས་པའི་བྱང་ཆུབ་ལས་ཕྱིར་མི་ལྡོག་པའི་ས་ཡང་ཡོད་པའི་ཕྱིར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྨོས་སོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་ཕྱིར་མི་ལྡོག་པའི་ས་ཡོད་པའི་ཕྱིར་ཕྱིར་མི་ལྡོག་པ་སྨོས་ཏེ། འདིས་ནི་གཟུངས་འཐོབ་པ་རྒྱུན་གྱིས་འབྲེལ་པའི་དོན་དུ་བསྟན་ཏོ། །དེའི་ཕྱིར་དེའི་འོག་ཏུ་ཤཱ་རིའི་བུ་འཁོར་དེ་ན་ཞེས་བྱ་བ་ལ་སོགས་པ་གསུངས་ཏེ། གཟུངས་ཐོབ་པ་རྒྱུན་གྱིས་འབྲེལ་པས་ནི་ཇི་ལྟ་བུར་བརྩོན་པར་བྱེད་ཀྱང་རུང་བ་གང་དང་གང་ཡིན་པ་དེ་དང་དེས་ནི། གཟུངས་འདི་ངེས་པ་ཁོ་ནས་འཐོབ་པར་འགྱུར་ཏེ། ལ་ལས་མ་ཐོབ་པ་གང་ཡིན་པ་དེ་ནི་བདག་ཉིད་ཀྱི་ཉེས་པ་ལ་སོགས་པ་ལས་གྱུར་པར་བསྟན་ཏོ། །རྗེས་སུ་ཡི་རང་བར་བྱེད་པ་བསྟན་པ་ནི། འཁོར་དང་། འབྲེལ་པ་དང་། རིགས་དང་། མིང་དང་། དགེ་བའི་བཤེས་གཉེན་དང་། འབྲེལ་པ་དང་། རྗེས་སུ་ཡི་རང་བའོ། །རྗེས་སུ་ཡི་རང་བའི་འབྲས་བུ་བསྟན་པ་དགུ་སྟེ། ཡང་དག་པའི་དགེ་བའི་བཤེས་གཉེན་རྙེད་པ་དང་། དེ་ལས་ཆོས་ཐོས་པ་དང་། དེ་ཉམས་སུ་བླངས་པ་དང་། གཟུངས་ཐོབ་པ་རྣམས་ཀྱི་མཆོག་དང་། གཟུང་བའི་ཚིག་དང་ལྡན་པ་རྣམས་ཀྱི་མཆོག་དང་། །སྤོབས་པ་རྒྱུན་མི་འཆད་པ་རྣམས་ཀྱི་མཆོག་དང་། དེ་དག་མཉེས་པར་བྱ་བའི་དུས་དང་། མཉེས་པར་བྱ་བ་དང་། བླ་ན་མེད་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །དེ་ལ། མོད་ལ་ཞེས་བྱ་དེ་མ་ཐག །ཡང་ན་ཅིག་ཅར་འབྱུང་བ་ཡིན། །རྗེས་སུ་ཡི་རང་བའི་མོད་ལ་ཞེས་བྱ་བ་ནི་འདི་ལ་མོད་ལ་ཞེས་བྱ་བའི་སྒྲ་སྨོས་པ་དེ་ནི་འདིར་དེ་མ་ཐག་ཏུ་བྱུང་བ་ལ་བྱ་སྟེ། དཔེར་ན་བྱམས་པའི་མོད་ལས་སྐྱེས་པ་དྲན་པ་ཡང་དག་བྱང་ཆུབ་ཀྱི་ཡན་ལག་སྒོམ་པར་བྱེད་དོ་ཞེས་བྱ་བ་དེ་བཞིན་དུ། འདིར་ཡང་རྗེས་སུ་ཡི་རང་མ་ཐག་པའོ། །སྐྱེས་པ་ནི་ཐོབ་ཅེས་བྱ་བའི་ཐ་ཚིག་གོ། །ཡང་ན་ཅིག་ཅར་འབྱུང་བ་ལ་བྱ་སྟེ། འཁོར་ལོ་དང་བཅས་པར་ཟུང་ཤིག་ཅེས་བྱ་བ་ལ་སོགས་པ་དེ་བཞིན་དུ། རྗེས་སུ་ཡི་རང་བའི་མོད་ལས་སྐྱེས་པ་ནི་ཐོབ་སྟེ། བྱུང་ཞེས་བྱ་བའི་ཐ་ཚིག་གོ། །དགུ་བཅུ་ཞེས་བྱ་ལ་སོགས་ཚིག །དེས་ནི་དུས་གཞན་དགོངས་པ་ཡིན། །དགུ་བཅུ་ཞེས་བྱ་བའི་ཚིག་གང་ཡིན་པ་དེས་ནི་དུས་གཞན་ལ་དགོངས་ཏེ་གསུངས་པ་ཡིན་ནོ། །རྗེས་སུ་ཡི་རང་བའི་མོད་ཁོ་ན་ལས་སྐྱེས་པའི་དགེ་བའི་རྩ་བ་ལས་དེ་མ་ཐག་ཏུ་དེ་ལྟ་བུའི་འབྲས་བུ་ཐོབ་པ་ནི་མ་ཡིན་ཏེ་ཐལ་ཆེས་པའི་ཕྱིར་རོ། །ཕུལ་ཕྱིན་ཡོན་ཏན་ལྡན་པ་ཡི། །ཕུལ་དུ་ཕྱིན་པ་ཆེན་པོའི་ཡང་ཆེན་པོའི་མཚན་ཉིད་ཀྱིས་དང་། གཟུངས་ཐོབ་པ་དང་འབྲེལ་པའི་ཡོན་ཏན་གྱིས་སོ། །ཡང་ན་ཕུལ་དུ་ཕྱིན་པ་མ་ལུས་པའི་མཚན་ཉིད་དང་ལྡན་པའི་སྒོ་མཐའ་ཡས་སྒྲུབ་པའི་གཟུངས་ནི་ཐོབ་པར་གྱུར་པའི་ཕྱིར། དེའི་རྒྱུས། བདེ་བར་གཤེགས་པའི་སྲས་པོ་དེ། །སངས་རྒྱས་བྱེ་བ་ཕྲག་དགུ་བཅུ་པོ་དེ་དག་གི་འཁོར་དུ་གང་དག་གཟུངས་ཐོབ་པར་གྱུར་པ། གཟུངས་ཐོབ་རྣམས་ཀྱི་མཆོག་ཡིན་ནོ། །བྱང་ཆུབ་སེམས་དཔའ་དེ་དག་གི་མཆོག་ཡིན་ནོ། །ཡེ་ཤེས་ཁྱད་འཕགས་འབྲེལ་བ་དང་། །ཡོན་ཏན་ཕུལ་ཕྱིན་ལྡན་པའི་ཕྱིར། །དེའི་རྒྱུས་དེ་དག་གི་འཁོར་དུ་བྱང་ཆུབ་སེམས་དཔའ། དེ་ནི་ཚིག་གཟུངས་ལྡན་རྣམས་ཀྱི། །བྱང་ཆུབ་སེམས་དཔའ་རྣམས་ཀྱི་ནང་ན། མཆོག་ཏུ་རྒྱལ་བ་རྣམས་ཀྱིས་བསྟན། །ཡེ་ཤེས་ཁྱད་པར་དུ་འཕགས་པ་ནི། ས་དང་། གཟུངས་དང་། ཡེ་ཤེས་ལ་སོགས་པ་ཕུལ་དུ་ཕྱིན་པ་དང་ལྡན་པའོ། །ཡོན་ཏན་ནི་མངོན་པར་ཤེས་པ་ལ་སོགས་པ་སྟེ། གང་གིས་སེམས་ཅན་རྣམས་ཀྱི་རང་བཞིན་དང་། བསམ་པ་དང་། བག་ལ་ཉལ་ལ་སོགས་པ་རྟོགས་ན། རྫུ་འཕྲུལ་ལ་སོགས་པས་འདུན་པར་བྱེད་པའོ། །སྤོབས་པ་རྒྱུན་མི་ཆད་པ་རྣམས། །གང་ལ་བྱ་ཞེ་ན། གང་དག་སོ་སོ་ཡང་དག་རིག་ཐོབ་རྣམས། །དེ་དག་ནི་བཞི་སྟེ། ཆོས་དང་། དོན་དང་། ངེས་པའི་ཚིག་དང་། སྤོབས་པ་སོ་སོ་ཡང་དག་པར་རིག་པའོ། །སོ་སོ་ཡང་དག་པར་རིག་པ། །དེ་དག་ཕུལ་ཕྱིན་ལྡན་པའི་ཕྱིར། །དེའི་རྒྱུས་སངས་རྒྱས་དེ་དག་གི་འཁོར་ན་བྱང་ཆུབ་སེམས་དཔའ་སྤོབས་པ་རྒྱུན་མི་ཆད་པ། དེ་ནང་རྒྱལ་སྲས་དེ་མཆོག་གོ། །བྱང་ཆུབ་སེམས་དཔའ་སྨོས་པ་ནི། །སངས་རྒྱས་བཅོམ་ལྡན་འདས་ལ་མི་བྱ་བར་དགར་བའི་ཕྱིར་རོ། །དེ་དག་གིས་གསུངས་ཚུལ་ཁྲིམས་ནི། །བསྒྲུབ་པ་མཉེས་བྱེད་ཡིན་པར་འདོད། །སངས་རྒྱས་དེ་དག་གིས་གསུངས་པའི་ཚུལ་ཁྲིམས། སྡོམ་པ་དང་། སེམས་ཅན་གྱི་དོན་བྱ་བ་དང་། དགེ་བའི་ཆོས་སྡུད་པའི་མཚན་ཉིད། །མ་ཞིག་མ་རལ་བ་ལ་སོགས་པའི་ཡོན་ཏན་དང་ལྡན་པ་སྒྲུབ་པ་གང་ཡིན་པ་དེ་ནི་མཉེས་པར་བྱེད་པ་ཡིན་པར་འདོད་དོ། །བསྐལ་པ་གསུམ་དུ་ཚོགས་རྣམས་ནི། །ཡོངས་སུ་རྫོགས་བྱས་བྱང་ཆུབ་ཐོབ། །ཚོགས་ཡོངས་སུ་རྫོགས་པ་ནི་མཉེས་པར་བྱས་ནས་ཞེས་བྱ་བ་འདིས་བསྟན་ཏེ། གལ་ཏེ་ཚོགས་རྣམས་ཡོངས་སུ་རྫོགས་པར་བྱེད་ན་དེ་ལྟར་དེ་དག་ཤིན་ཏུ་མཉེས་པར་བྱས་པ་ཡིན་ནོ། །ཇི་ལྟར་བསྐལ་པ་གསུམ་གྱིས་ཚོགས་ཡོངས་སུ་རྫོགས་ཤེ་ན། ཉེས་པ་མེད་དེ། གང་གི་ཕྱིར་དེས་སྔོན་བསྐལ་པ་གྲངས་མེད་དུ་མར་ཚོགས་བསྒྲུབས་ཏེ། སངས་རྒྱས་བྱེ་བ་ཕྲག་དགུ་བཅུ་པོ་རྣམས་ནི་བསྐལ་པ་གསུམ་དུ་མཉེས་པར་བྱས་པས་ཚོགས་ཡོངས་སུ་རྫོགས་ནས་བྱང་ཆུབ་ཐོབ་པར་གྱུར་པའི་ཕྱིར་རོ། །མངོན་པར་རྫོགས་པར་སངས་རྒྱས་པར་ཡང་མ་ཟད་ཀྱི། དེ་བཞིན་གཤེགས་པ་མར་མེ་མཛད་དུ་གྱུར་ཏོ་ཞེས་ངེས་པར་བྱ་བའི་ཕྱིར་ཡང་། ཚོང་དཔོན་གྱི་བུ་ཞེས་བྱ་བ་ལ་སོགས་པ་གསུངས་སོ། །རྒྱལ་པོའི་བུ་ཡོན་ཏན་རིན་པོ་ཆེ་བསམ་གྱིས་མི་ཁྱབ་པའི་དཔལ་ཡང་དེ་བཞིན་གཤེགས་པ་ཚེ་དཔག་མེད་དུ་གྱུར་ཏོ་ཞེས་ཞར་ལ་བསྟན་ཏེ། དེའི་ཕྱིར་དེ་ནི་ཕྱིས་གསུངས་སོ། །དངོས་པོ་སྟོང་པས་འདོད་མི་བྱ། །ཚད་མ་དང་ཡང་འགལ་བའི་ཕྱིར། །མི་མཐུན་བློ་ནི་མི་བསྐྱེད་ཅིང་། །ཅིས་ཀྱང་ཐེ་ཚོམ་མི་བྱའོ། །ཚོང་དཔོན་གྱི་བུ་ཟླ་བའི་ཏོག་ཅེས་བྱ་བ་ནི་མར་མེ་མཛད་ལས་ཐ་དད་དོ་སྙམ་དུ་སོམ་ཉི་འདོད་པའི་མཚན་ཉིད་ལྟ་བུ་ཡང་མི་བྱའོ། །དེ་ནི་དངོས་པོ་སྟོང་པའི་ཕྱིར་ཏེ། འདི་ལྟར་མར་མེ་མཛད་ཉིད་ཚོང་དཔོན་གྱི་བུ་ཟླ་བའི་ཏོག་ཡིན་པའི་ཕྱིར་རོ། །ཁྱོད་ཀྱིས་མི་འདོད་པའི་ཕྱིར། ཟླ་བའི་ཏོག་མར་མེ་མཛད་མ་ཡིན་པར་མི་འགྱུར་ཏེ་ཐལ་ཆེས་པའི་ཕྱིར་རོ། །ཟླ་བའི་ཏོག་ནི་དངོས་པོ་ཁོ་ནར་མར་མེ་མཛད་མ་ཡིན་ནོ་སྙམ་དུ་མི་མཐུན་པའི་བློ་ཡིད་གཉིས་དེ་ལྟ་བུ་ཡང་ཚད་མ་དང་འགལ་བའི་ཕྱིར་མི་བྱ་སྟེ། འདི་ལྟར་དེ་བཞིན་གཤེགས་པ་ཐམས་ཅད་ཀྱིས་ཀྱང་མར་མེ་མཛད་ཉིད་ཟླ་བའི་ཏོག་ཡིན་པར་མངོན་སུམ་དུ་གཟིགས་སོ། །ཅི་ཟླ་བའི་ཏོག་འདི་དེ་བཞིན་གཤེགས་པ་མར་མེ་མཛད་ཡིན་ནམ། འོན་ཏེ་མ་ཡིན་སྙམ་དུ་ཐེ་ཚོམ་དེ་ལྟ་བུ་ཡང་མི་བྱ་སྟེ། འདི་ལྟར་མར་མེ་མཛད་ཉིད་ཟླ་བའི་ཏོག་ཡིན་པར་སངས་རྒྱས་ཐམས་ཅད་དང་ངས་ཀྱང་མཁྱེན་ཏོ། །ཐོས་པ་ལ་སོགས་ཤེས་པའམ། །ཡང་ན་ཚད་མ་གསུམ་པོ་ཡིས། །ཡོངས་སུ་བཅད་པར་མི་རུང་ཕྱིར། །སོམ་ཉི་ལ་སོགས་ཚིག་གསུམ་སྨོས། །ཡང་ན་སོམ་ཉི་དང་ཐེ་ཚོམ་རྣམས་ནི་དོན་གཅིག་ཡིན་དུ་ཟིན་ཀྱང་ཐོས་པའི་ཤེས་པའི་ཡོངས་སུ་བཅད་དུ་མི་རུང་བའི་ཕྱིར་ནི་སོམ་ཉིའོ། །བསམ་པ་ཡི་ནི་ཡིད་གཉིས་སོ། །བསྒོམ་པ་ཡི་ནི་ཐེ་ཚོམ་སྟེ། དེའི་ཕྱིར་མིང་གསུམ་དུ་གསུངས་སོ། །ཡང་ན་མངོན་སུམ་གྱིས་ཡོངས་སུ་བཅད་དུ་མི་རུང་བ་ནི་སོམ་ཉིའོ། །རྗེས་སུ་དཔག་པ་ཡི་ནི་ཡིད་གཉིས་སོ། །ལུང་གི་ནི་ཐེ་ཚོམ་སྟེ། དེའི་ཕྱིར་ཚིག་གསུམ་སྨོས་སོ། །ཤཱ་རིའི་བུ་ཁྱོད་ཀྱིས་ཞེས་བྱ་བ་ལ་སོགས་པ་བཅོམ་ལྡན་འདས་ཀྱིས་གསུངས་པ་འདི་ནི་ངེད་ཀྱིས་ཀྱང་ཟླ་བའི་ཏོག་ནི་མར་མེ་མཛད་ཁོ་ན་ཡིན་པར་མངོན་སུམ་དུ་ཡིད་ཆེས་ཀྱིས། ཁྱོད་ཀྱང་ངེད་ཀྱི་ཚིག་གིས་ཡིད་ཆེས་པར་བྱོས་ལ་སོམ་ཉི་ལ་སོགས་པ་ལ་གནས་པར་མ་བྱེད་ཅིག་ཅེས་བྱ་བའི་ཐ་ཚིག་གོ། །ཤཱ་རིའི་བུ་ང་དང་བསྐལ་པ་བཟང་པོའི་ཞེས་བྱ་བ་ལ་སོགས་པ་འདི་ནི་སྤྱིར་གསུངས་པ་ཡིན་ཏེ། དེའི་ཕྱིར། སྤྱིར་བསྟན་པ་ནི་ཡིན་མོད་ཀྱི། །འོན་ཀྱང་བདག་གིས་འབྲས་བུ་བཤད། །བཅོམ་ལྡན་འདས་ཀྱིས་བསྐལ་པ་འབུམ་ཕྲག་བཞི་ཁྲིར་ཞེས་བྱ་བ་ལ་སོགས་པས། ཉིད་ཀྱི་དེ་རྗེས་སུ་ཡི་རང་བའི་མོད་ལས་སྐྱེས་པའི་དགེ་བའི་རྩ་བ་བཤད་ཀྱི། བསྐལ་པ་བཟང་པོ་པ་རྣམས་ཀྱི་མ་ཡིན་ཏེ། དེའི་ཕྱིར་འདི་ནི་མཚོན་པ་ཁོ་ན་སྟེ། དེ་དག་གི་རྗེས་སུ་ཡི་རང་བའི་མོད་ལས་སྐྱེས་པའི་དགེ་བའི་རྩ་བའི་འབྲས་བུ་ཡང་ཡོད་མོད་ཀྱི། མཚོན་པའི་ཕྱིར་བདག་ཉིད་ཀྱི་འབྲས་བུ་བསྟན་ཏོ། །ཅིའི་ཕྱིར་དེ་ལྟ་ཞེ་ན། དེ་ལྟ་བས་ན་ཞེས་བྱ་བ་ལ་སོགས་པའི་མདོའི་ཚིག་གིས་མངོན་པ་ཡིན་བསམ་པ་ལ་སོགས་པའི་སྟོབས་བསྐྱེད་པ་ལས། ཁ་ཅིག་ནི་བསྐལ་པ་མང་པོ་ཞིག་ཏུ་འཁོར་བ་ཕྱིར་བསྙིལ་བར་བྱེད་ལ། ཁ་ཅིག་ཏུ་ནི་ཉུང་ངུ་ཞིག་ཏུ་བྱེད་པར་འགྱུར་བ་ཙམ་དུ་ཟད་དོ། །སངས་རྒྱས་བྱེ་བ་ཕྲག་དགུ་བཅུ་ཞེས་བྱ་བ་ལ་སོགས་པའི་འབྲས་བུ་དེ་ནི་ཐམས་ཅད་ཀྱི་ཡིན་པར་འདྲ་སྟེ། དེ་ལྟར་ན་སྔ་མའི་སྐབས་སུ་ཟླ་བའི་ཏོག་གི་འབྲས་བུ་བསྟན་པ་ཡང་མཚོན་པའི་ཕྱིར་ཏེ། གཟུངས་བསྟན་པས་གདུལ་བ་ཐམས་ཅད་ཀྱི་འབྲས་བུ་ནི་དེ་ཡིན་པར་ཤེས་པར་བྱའོ། །ད་ནི་བཞེད་པའི་དོན་བསྒྲུབས་ནས། དེ་ལྟ་བས་ན་ཞེས་བྱ་བ་ལ་སོགས་པས་མཇུག་སྡུད་པར་མཛད་དེ། དེ་མན་ཆད་ནི་ཆོས་ཀྱི་རྣམ་གྲངས་ཀྱི་ཆེ་བ་ཉིད་བསྟན་ཏོ། །མཇུག་བསྡུས་པ་དེ་ཡང་རྣམ་པ་གཉིས་ཏེ། བརྗོད་ཟིན་པའི་དོན་བསྙད་པ་དང་། མ་བརྗོད་པའི་དོན་བསྙད་པའོ། །མ་བརྗོད་པའི་དོན་བསྙད་པ་ཡང་རྣམ་པ་གསུམ་སྟེ། གནོད་སྦྱིན་གྱི་ཕན་ཡོན་བསྙད་པ་དང་། བྱང་ཆུབ་སེམས་དཔའི་ཕན་ཡོན་བསྙད་པ་དང་། འཆད་པའི་ཚེའི་ཕན་ཡོན་བསྙད་པའོ། །བརྗོད་ཟིན་པ་བསྙད་པ་ཡང་རྣམ་པ་ལྔར་མཛད་དེ། ཆོས་ཀྱི་རྣམ་གྲངས་ལ་རྗེས་སུ་ཡི་རང་བ་ཙམ་གྱིས་གཟུང་བ་བསྙད་པ་དང་། དེའི་འབྲས་བུ་བསྙད་པ་དང་། སྦྱོར་བས་གཟུང་བ་བསྙད་པ་དང་། དེའི་འབྲས་བུ་བསྙད་པ་དང་། ཚིགས་སུ་བཅད་པ་དག་གིས་གསུངས་པའི་དོན་བསྙད་པའོ། །རྗེས་སུ་ཡི་རང་བ་ཙམ་གྱིས་བཅོམ་ལྡན་འདས་ཤཱཀྱ་ཐུབ་པས་བསྐལ་པ་བྱེ་བ་འབུམ་ཕྲག་བཞི་ཁྲིར་འཁོར་བ་ཕྱིར་བསྙིལ་ཏོ། །དེ་བཞིན་དུ་གཞན་ཡང་བསམ་པའི་སྟོབས་ཀྱིས་དེ་ལས་ལྷག་པར་ཡང་ཕྱིར་བསྙིལ་བར་བྱེད་དེ། དེ་ལྟ་བས་ན་མྱུར་དུ་ཞེས་བྱ་བ་གསུངས་སོ། །དེའི་གཏན་ཚིགས་བཀའ་སྩལ་པ། དེ་ནི་མི་ལྡོག་ས་ཡི་དང་། གང་གི་ཕྱིར་རྗེས་སུ་ཡི་རང་བ་ཙམ་དང་ལྡན་པ་དེ་རྒྱུར་འགྱུར་བ་དེ་ནི་དེས་ཚེ་གཅིག་པོ་དེ་ཉིད་ལ་ཞེས་བྱ་བ་ལ་སོགས་པ་གསུངས་པ་ཡིན་ནོ། །རྫོགས་པའི་སངས་རྒྱས་མཉེས་བྱ་བའི། །རྒྱུར་འགྱུར་བས་ན་རྒྱུ་གང་གིས་འགྱུར་བ་དེ་ནི་དེས་བསྐལ་པ་གསུམ་དུ་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེའི་ཕྱིར་རྒྱུ་གཉིས་ཀྱིས། དེ་ཡིས་བྱང་ཆུབ་མྱུར་དུ་འཐོབ། །དེ་ཐམས་ཅད་མྱུར་དུ་བྱང་ཆུབ་འཐོབ་པའི་རྒྱུ་ཁོ་ནར་གནས་པ་ཡིན་ནོ་ཞེས་བྱ་བའི་ཐ་ཚིག་གིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཆེད་དུ་ཞེས་བྱ་བ་འདི་ནི་རྒྱུའི་དོན་ཏོ། །ཆོས་སྨྲ་བ་རྣམས་ནི་སངས་རྒྱས་བཅོམ་ལྡན་འདས་རྣམས་སོ། །སྦྱོར་བས་གཟུད་པ་བསྙད་པ་ནི་ཡི་གེར་འདྲི་བ་ལ་སོགས་པ་རྣམ་པ་བདུན་གསུངས་པ་ཡིན་ནོ། །དོན་དང་ཡི་གེ་གཉི་ག་ལས། །འདིར་ནི་ཀུན་ཆུབ་བྱེད་པར་བསྟན། །དོན་དང་ཡི་གེ་གཉི་གའི་སྒོ་ནས་ཀུན་ཆུབ་པར་བྱེད་པ་ནི། ཀུན་ཆུབ་པར་བྱེད་པ་སྟེ། ཀུན་ནས་ཆུབ་པར་བྱེད་པའི་ཕྱིར་རོ། །ཡང་ན་བསམ་པ་ལ་སོགས་ཐམས་ཅད་དང་། འདིར་ཡང་ཀུན་ཆུབ་པར་བྱེད་པར་བསྟན་ཞེས་བྱ་བ་དང་སྦྱར་རོ། །སོགས་པ་སྨོས་པས་ནི་བསྒོམས་པ་ལས་བྱུང་བའི་ཤེས་པ་བསྡུའོ། །ཡང་ན་ཡི་གེར་འདྲི་སོགས་ཀུན། །འདིར་ཡང་ཀུན་ཆུབ་བྱེད་པར་བསྟན། །ཞེས་བྱ་བ་དང་སྦྱར་རོ། །སོགས་པ་སྨོས་པས་ནི། ལུང་ནོད་པ་དང་། འཛིན་པ་དང་། ཀློག་པ་དང་། ཚུལ་བཞིན་ཡིད་ལ་བྱེད་པ་ལ་སོགས་པ་བསྡུའོ། །རིགས་པས་འགལ་བ་མ་ཡིན་དང་། །ཡང་ན་ཇི་སྐད་ཐོས་པ་བཞིན། །ཡིད་ལ་བྱེད་པ་གང་ཡིན་པ། །དེ་ནི་ཚུལ་བཞིན་ཡིད་བྱེད་ཡིན། །མངོན་སུམ་ལ་སོགས་པའི་ཚད་མ་དང་མི་འགལ་བའི་དོན་ཡིད་ལ་བྱེད་པ་གང་ཡིན་པ་དེ་ནི་ཚུལ་བཞིན་ཡིད་ལ་བྱེད་པ་ཞེས་བྱའོ། །ཡང་ན་སློབ་དཔོན་གྱི་ཁ་ནས་ཇི་སྐད་ཐོས་པ་བཞིན་དུ་ཡིད་ལ་བྱེད་པ་གང་ཡིན་པ་དེ་ནི་ཚུལ་བཞིན་ཡིད་ལ་བྱེད་པ་སྟེ། སློབ་དཔོན་ནི་ཡང་དག་པ་ཉིད་ཀྱི་ལུང་འབོགས་པ་ལ་བྱའོ། །དོན་དང་ཡི་གེའི་སྒོ་ནས་ནི། ཆོས་ཀྱི་རྣམ་གྲངས་འདི་རྒྱ་ཆེར་ཡང་དག་པར་རབ་ཏུ་སྟོན་པ་གང་ཡིན་པ་དེ་རྒྱ་ཆེར་ཡང་དག་པར་སྟོན་པར་བྱེད། སྦྱོར་བ་དང་། འགྲུབ་པ་དང་། ཡོངས་སུ་རྫོགས་པ་ཆུང་ངུ་དང་། འབྲིང་དང་། ཆེན་པོ་ལ་སོགས་པའི་བྱེ་བྲག་གིས་སོ། །ཡང་ན་རྣམ་པ་ཐམས་ཅད་དུ། །གཟུངས་འདི་ཡང་དག་རབ་སྟོན་བྱེད། །དེ་ནི་རྒྱ་ཆེར་ཡང་དག་པར་རབ་ཏུ་སྟོན་པའོ། །དེ་ཡི་དེ་ནི་བདག་ཉིད་ཀྱིས། །ཚད་མས་ཤེས་པར་མི་ནུས་ལ། །བསོད་ནམས་ཀྱི་ཕུང་པོ་དེའི་ཚད་ནི། ཉན་པ་པོ་དེའི་བདག་ཉིད་དམ། སྟོན་པ་པོས་ཀྱང་མངོན་སུམ་ལ་སོགས་པའི་ཚད་མས་ཤེས་པར་མི་ནུས་ལ། སྟོན་པ་པོ་གཞན་དག་གིས་ནི་བསྟན་ན་ཡང་། ཉན་པ་པོས་ཚད་དེ་ནི་བསམ་པར་མི་ནུས་སོ། །དེ་ལྟར་ན་བསོད་ནམས་ཀྱི་ཕུང་པོ་དེའི་ཚད་ནི། ཤེས་པར་བྱར་མེད་པ་དང་། བསམ་གྱིས་མི་ཁྱབ་པ་ཁོ་ནར་དེ་གཉིས་ལས་མངོན་ནོ། །ཤེས་བྱ་མ་ལུས་མཁྱེན་པའི་ཕྱིར། །འདྲེན་པ་རྣམས་ཀྱིས་དེའི་ཚད་དེ། །མངོན་སུམ་ཡོངས་སུ་མཁྱེན་པ་དང་། །དགོངས་པར་ཡང་ནི་སྤྱོད་པ་ཡིན། །དེ་བས་ན་དེ་བཞིན་གཤེགས་པ་མ་གཏོགས་པར་ཞེས་གསུངས་པའི་ལྷག་མའོ། །བློ་རྨོངས་རྣམས་དང་མ་འདུས་དང་། །སྐྱེ་བོ་བློ་ནི་གཡེངས་རྣམས་ཕྱིར། །དོན་དེ་ཚིགས་སུ་བཅད་རྣམས་ཀྱིས། །ཐུབ་པ་ཡིས་ནི་བཟླས་ཏེ་གསུངས། །གང་དག་གིས་དོན་ཐོས་ཀྱང་བློ་རྨོངས་པའི་ཕྱིར་ལེགས་པར་ཁོང་དུ་མ་ཆུད་པ་རྣམས་དང་། གང་དག་དོན་དེ་བསྟན་པའི་དུས་ན་མ་འདུས་ཏེ་ཕྱིས་ལྷགས་པ་རྣམས་དང་། གང་དག་དེར་འདུས་ཀྱང་བློ་རྣམ་པར་གཡེངས་པའི་ཕྱིར་དོན་དེ་མ་ཐོས་པ་དག་ཡོད་དེ། དེ་དག་ཐམས་ཅད་ལ་ཕན་གདགས་པའི་ཕྱིར་དང་། བདག་ཉིད་ངེས་པའི་ཚིག་སོ་སོ་ཡང་དག་པར་རིག་པ་ཐོབ་པ་ཡིན་པར་བསྟན་པའི་ཕྱིར་ཡང་དོན་དེ་ཉིད་ཚིགས་སུ་བཅད་པ་དག་གིས་བཟླས་ཏེ་གསུངས་སོ། །དགོངས་པ་འདི་ནི་གཞན་དག་ཏུ་ཚིགས་སུ་བཅད་དེ་གསུངས་པ་ལ་ཡང་དེ་བཞིན་དུ་ཤེས་པར་བྱའོ། །ཚིགས་སུ་བཅད་པ་རྣམས་ནི་རྣམ་པ་དྲུག་གིས་བསྟན་ཏེ། བསོད་ནམས་ཀྱི་ཕུང་པོ་ཚད་མེད་པར་བསྙད་པ་དང་། དེའི་འབྲས་བུ་བསྙད་པ་དང་། སྔོན་བྱུང་བ་བསྙད་པ་དང་། ཚེགས་ཆུང་ངུས་འབྲས་བུ་འགྲུབ་པར་བསྙད་པ་དང་། དཔེ་བསྟན་པས་བསོད་ནམས་ཀྱི་ཕུང་པོ་དཔེ་མེད་པར་བསྙད་པ་དང་། སྨྲ་བར་འདོད་པའི་དོན་བསྒྲུབས་ནས་མཇུག་བསྡུ་བ་བསྙད་པའོ། །བསོད་ནམས་ཀྱི་ཕུང་པོ་ཚད་མེད་པར་བསྙད་པ་ནི་མདོ་སྡེ་ཐོབ་དང་ཞེས་བྱ་བ་ལ་སོགས་པ་རྣམ་པ་ལྔས་བསྟན་ཏོ། །དེ་དག་ཀྱང་མཚོན་པ་ཡིན་ཏེ། དེས་ན་ལུང་ནོད་པ་དང་ཀུན་ཆུབ་པར་བྱེད་པ་དང་ཚུལ་བཞིན་ཡིད་ལ་བྱེད་པ་དང་། གཞན་ལ་སྟོན་པ་ཡང་བསྡུའོ། །དེའི་འབྲས་བུ་བསྙད་པ་ནི་རྣམ་པ་བཅུ་སྟེ། ཚེ་རབས་ཐམས་ཅད་དུ་སངས་རྒྱས་མཐོང་བ་དང་། སངས་རྒྱས་དེ་དག་ལ་དད་པ་བསམ་གྱིས་མི་ཁྱབ་པ་རྙེད་པ་སྟེ། དད་པ་བསམ་གྱིས་མི་ཁྱབ་པ་ནི་འབྲས་བུ་བསམ་གྱིས་མི་ཁྱབ་པ་འཕེན་པའི་ཕྱིར་དང་ཆེན་པོའི་ཆེན་པོ་ཡིན་པའི་ཕྱིར་རོ། །མདོ་སྡེ་ཟབ་མོ་ཚུལ་ཤེས་པ་སྟེ། མདོ་སྡེ་ཟབ་མོ་གང་དུ་སྐྱེ་བ་མེད་པ་དང་། འགག་པ་མེད་པ་ལ་སོགས་པ་སྟོན་པ་དེ་དག་གི་ཚུལ་ནི་ཡང་དག་པའི་ཀུན་རྫོབ་ཉེ་བར་བཟུང་སྟེ་དེ་དག་བསྟན་པ་དང་། དོན་དམ་པར་དེ་དག་བསྟན་པ་ལ་སོགས་པའི་དགོངས་པའོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཆེས་མྱུར་དུ་རྟོགས་པར་འགྱུར་བ་དང་། ཏིང་ངེ་འཛིན་ལས་ཉམས་པར་མི་འགྱུར་ཏེ། ཏིང་ངེ་འཛིན་ནམ་མཁའི་མཛོད་ལ་སོགས་པའོ། །མངོན་པར་ཤེས་པ་ལས་ཉམས་པར་མི་འགྱུར་བ་སྟེ། མངོན་པར་ཤེས་པ་ནི་དྲུག་གོ། །དེ་ལ་ཟག་པ་ཟད་པའི་མངོན་པར་ཤེས་པ་མེད་པ་ཉིད་ཡིན་ན། དེ་ལས་ཉམས་པར་མི་འགྱུར་བར་ཇི་སྙེད་དུ་བརྗོད། དེ་ནི་བདེན་ཏེ། ཐོབ་པ་ཡོངས་སུ་ཉམས་པར་འགྱུར་བའི་ཉམས་པ་ནི་མེད་མོད་ཀྱི། མ་ཐོབ་པའི་ཡོངས་སུ་ཉམས་པར་འགྱུར་བ་ནི་ཡོད་པ་ཉིད་དེ། མི་ཉམས་པ་ཇི་ལྟ་བུ་ཞེ་ན། མ་ཐོབ་པ་དེ་བསྐྱེད་པར་འོས་པའི་བདག་ཉིད་དུ་གནས་པའོ། །གཟུངས་ཉམས་པར་མི་འགྱུར་བ་སྟེ། གཟུངས་ནི་སྒོ་མཐའ་ཡས་པས་བསྒྲུབ་པ་ལ་སོགས་པའོ། །གཟུངས་ཉམས་པར་མི་འགྱུར་བ་སྟེ་གཟུངས་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ལ་སོགས་པས་བརྒྱན་པའོ། །ལོངས་སྤྱོད་རྣམས་ཉམས་པར་མི་འགྱུར་བ་སྟེ། ལོངས་སྤྱོད་ནི་རྫས་ལ་སོགས་པ་འབྱོར་བའོ། །སངས་རྒྱས་མཐོང་བ་ལས་ཉམས་པར་མི་འགྱུར་བ་སྟེ། མཐོང་བ་སྨོས་པས་ནི་མཚོན་པའི་དོན་དེ་བསྙེན་བཀུར་བྱེད་པ་ལ་སོགས་པ་ཡང་བསྡུའོ། །བླ་ན་མེད་པའི་བྱང་ཆུབ་ལ་རེག་པར་མ་གྱུར་གྱི་བར་དུ་ཞེས་འབྱུང་ན། ཅི་བྱང་ཆུབ་ཐོབ་ཟིན་པ་ལ་དེ་དག་ཉམས་པར་འགྱུར་བ་ཡོད་དམ་ཞེ་ན། དེ་ནི་མེད་དོ། །བྱང་ཆུབ་ཐོབ་པའི་སྔ་རོལ་ན་ཡང་ཉམས་པར་འགྱུར་བ་མེད་ན། བྱང་ཆུབ་ཐོབ་ཟིན་པ་ལྟ་ལ་ཧ་ཅང་ཡང་ཆེས་མེད་སྙམ་དུ་དགོངས་ནས་གསུངས་པ་ཡིན་ནོ། །སྔོན་བྱུང་བ་བསྙད་པ་ནི་རྣམ་པ་གཉིས་ཏེ། རྗེས་སུ་དྲན་པ་བསྙད་པ་ནི། རྗེས་སུ་དྲན་པ་བསྙད་པ་དེ་ཡང་། མངོན་སུམ་མཚོན་པའི་དོན་ཏོ། །དྲན་པ་ནི་ཉམས་སུ་མྱོང་བ་སྔོན་དུ་འགྲོ་བའི་ཕྱིར་རོ། །འདིས་ནི་འདི་ནི་ངའི་མངོན་སུམ་དུ་གྱུར་པ་ཡིན་ཏེ། དེ་བས་ན་འདི་ལ་ཐེ་ཚོམ་མ་བྱེད་ཅིག་ཅེས་བྱ་བར་སྟོན་ཏོ། །རྗེས་སུ་དྲན་པའི་ཡུལ་བསྙད་པ་དེ་ཡང་། དུས་དང་རིགས་དང་། ཐོས་པ་དང་། གཟུངས་ཀྱི་ཁྱད་པར་གྱི་རྒྱུ་ལས་བྱུང་བ་ལ་སོགས་པའི་ཡུལ་གྱི་བྱེ་བྲག་བསྟན་པར་ཆེས་བརྟན་པོར་ངེས་པ་བསྐྱེད་པའི་ཕྱིར་རོ། །སངས་རྒྱས་བྱེ་བ་ཕྲག་དགུ་བཅུ་ཞེས་གསུངས་སམ། །གང་གཱའི་བྱེ་མ་སྙེད་ཅེས་ཇི་སྐད་དུ་བྱ་ཞེ་ན། ཉེས་པ་མེད་དེ། དེ་ནི་འབྲས་བུ་ཁྱད་པར་དུ་འཕགས་པ་ཐོབ་པར་བསྙད་པའི་ཕྱིར་དུས་གཞན་ལ་དགོངས་ནས་གསུངས་ཏེ། སྔོན་རོལ་དུ་དེས་སངས་རྒྱས་བཅོམ་ལྡན་འདས་གང་གཱའི་བྱེ་མ་སྙེད་མཐོང་བའི་ཕྱིར་རོ། །འདོད་བཞིན་ཞེས་གསུངས་པ་ནི། གཟུངས་ཐོབ་པའི་མཐུས་ཉོན་མོངས་པ་མེད་པར་བྱང་ཆུབ་ཐོབ་པར་བསྙད་པའི་ཕྱིར་རོ། །འོད་ཟེར་མཐའ་ཡས་པ་སྨོས་པ་ནི་ཟླ་བའི་ཏོག་མཚོན་པའི་ཕྱིར། ཡང་ན་ཤེས་པའི་བདག་ཉིད་དམ། ལུས་དང་འབྲེལ་པའི་འོད་ཟེར་མཐའ་ཡས་པ་གང་ལ་ཡོད་པ་ནི་འོད་ཟེར་མཐའ་ཡས་པ་སྟེ། དེ་ཡང་མར་མེ་མཛད་དང་། ཚོང་དཔོན་གྱི་བུ་ལ་སོགས་པ་ཐམས་ཅད་ཀྱི་ཁྱད་པར་ཡིན་ནོ། །ཚེགས་ཆུང་ངུས་འབྲས་བུ་འགྲུབ་པར་བསྙད་པ་ནི་རྣམ་པ་གསུམ་གྱིས་བསྟན་ཏེ། བྱང་ཆུབ་ཐོབ་པ་དང་། བདུད་བཅོམ་པ་སྟེ། བདུད་སྨོས་པས་ནི་ཉོན་མོངས་པ་དང་། ལྷའི་བུ་དང་། ཕུང་པོ་དང་། འཆི་བདག་གི་བདུད་རྣམས་བསྡུའོ། །བསོད་ནམས་བརྒྱས་མཚན་འགྲུབ་པ་སྟེ། སྐབས་འདིར་ཡང་མྱུར་དུ་ཞེས་བྱ་བ་དང་སྦྱར་རོ། །བསོད་ནམས་བརྒྱའི་ཚད་ནི། འཕགས་པ་དཀོན་མཆོག་སྤྲིན་ལ་སོགས་པའི་མདོ་ལས་ཤེས་པར་བྱའོ། །བྱང་ཆུབ་ལ་རེག་པ་ཞེས་བྱ་བ་ལ་སོགས་པ་རྣམས་ནི། གཅིག་བསྟན་པས་གཞན་གཉིས་ཀྱང་བསྟན་པ་ཁོ་ནར་འགྱུར་ཏེ། འཁྲུལ་པ་མེད་ན་ཅིའི་ཕྱིར་གསུམ་ཆར་གསུངས་ཤེ་ན། འབྲས་བུའི་རབ་ཏུ་དབྱེ་བ་བསྙད་པས། གཟུངས་ལ་བརྩོན་པ་ལ་གུས་པའི་ཁྱད་པར་བསྐྱེད་པའི་ཕྱིར་རོ། །དཔེ་བསྟན་པས་བསོད་ནམས་ཀྱི་ཕུང་པོ་དཔེ་མེད་པ་བསྙད་པ་ནི། གང་གཱའི་ཀླུང་གི་བྱེ་མ་སྙེད་ཅེས་བྱ་བ་ལ་སོགས་པས་བསྟན་ཏེ། གཞི་དང་མང་དང་རྫས་བཟང་དང་། །ཡོངས་སུ་བཀང་བའི་བྱེ་བྲག་གིས། །སྦྱིན་པར་བྱ་བའི་ཁྱད་ལས་འདིར། །སྦྱིན་པ་ཁྱད་པར་འཕགས་པར་བསྟན། །སྦྱིན་པའི་ཁྱད་པར་ནི་འདིར་སྦྱིན་པར་བྱ་བའི་ཁྱད་པར་རྣམ་པ་བཞི་ལས་བསྟན་ཏེ། དེ་ལ་གཞིའི་ཁྱད་པར་ནི། འཇིག་རྟེན་ཁམས་ཏེ། དེ་ཡང་སྟོང་གསུམ་གྱི་སྟོང་ཆེན་པོའོ། །མང་པོའི་ཁྱད་པར་ནི། གང་གཱའི་ཀླུང་གི་བྱེ་མ་སྙེད་དེ། དེས་ན་གཞི་ཚད་ཆེ་བ་དང་། གྲངས་མང་བར་དེ་ལྟར་བསྟན་ཏོ། །རྫས་བཟང་བའི་ཁྱད་པར་ནི། རིན་ཆེན་རྣམས་སོ། །ཡོངས་སུ་བཀང་བའི་ཁྱད་པར་ནི་བྱུར་བུར་བཀང་བ་སྟེ། དེས་ན་བཅུད་ཀྱི་རིགས་ཆེ་བ་དང་། གྲངས་མང་བར་དེ་ལྟར་བསྟན་ཏོ། །བསོད་ནམས་དེ་ལྟ་བུ་ཡང་ཡི་གེར་བྲིས་པ་ཙམ་མམ། ཡང་ན་བཟུང་བ་ཙམ་གྱིས་ཡིན་པར་ཤེས་པར་བྱའི། གཉི་གའི་ནི་མ་ཡིན་ནོ། །འདི་ཡང་མཚོན་པ་ཡིན་ཏེ། དེས་ན་ལུང་ནོད་པ་ལ་སོགས་པ་ཙམ་གྱིས་ཡང་དེ་བཞིན་དུ་ཁོང་དུ་ཆུད་པར་བྱའོ། །སྨྲ་བར་འདོད་པའི་དོན་བསྒྲུབས་ནས་མཇུག་བསྡུ་བ་བསྙད་པ་ནི་རྣམ་པ་གསུམ་སྟེ། རྒྱུ་དང་། སླ་བ་དང་འབྲས་བུའོ། །དེ་ལ་རྒྱུ་ཡང་རྣམ་པ་བརྒྱད་དེ། གཟུངས་ཉན་པ་དང་། སེམས་གཏོད་པ་དང་། དད་པ་དང་། གཟུངས་འཛིན་པ་སྟེ། དེ་ཡང་ཡི་གེ་དང་། དོན་གཉི་གའི་སྒོ་ནས་ཇི་ལྟ་བ་བཞིན་དུ་ཤེས་པ་དང་། ཚུལ་ཁྲིམས་དང་ལྡན་པ་སྟེ། ཚུལ་ཁྲིམས་དང་ལྡན་པ་ཉིད་མཁས་པ་ཡིན་པའི་ཕྱིར་རོ། །དེ་ཡང་དགེ་སློང་དག །ལྔ་པོ་འདི་དག་མཁས་པ་རྣམས་ཀྱི་མཁས་པའི་མཚན་ཉིད་དོ་ཞེས་གསུངས་པ་ལྟ་བུའོ། །བྱང་ཆུབ་ཏུ་སྨོན་ལམ་འདེབས་པ་དང་། གཟུངས་ཡི་གེར་འདྲི་བ་དང་། གླེགས་བམ་དུ་བྱས་ཏེ་འཆང་བའོ། །སེམས་པ་ནི་ཕྱིན་ཅི་མ་ལོག་པའི་ཚུལ་གྱིས་སོ། །འདིར་སེམས་གཏོད་པ་དང་། དད་པ་ནི་ཉན་པ་དང་འཛིན་པ་ཇི་ལྟ་བ་བཞིན་དུ་ཤེས་པ་དང་། བྱང་ཆུབ་ཏུ་སྨོན་ལམ་འདེབས་པ་དང་། ཡི་གེར་འདྲི་བ་འཆང་བ་འམ། སེམས་པའི་རྒྱུར་འགྱུར་བར་སྦྱར་རོ། །སླ་བ་ནི་རྙེད་པར་དཀའ་བ་མེད་ཅེས་བྱ་བ་འདིས་བསྟན་ཏོ། །འབྲས་བུ་ནི་བླ་ན་མེད་པའི་བྱང་ཆུབ་པོ། །ད་ནི་སྒོ་མཐའ་ཡས་པས་བསྒྲུབ་པའི་གཟུངས་འདི་ལ་ཞེས་བྱ་བ་ལ་སོགས་པས་གནོད་སྦྱིན་གྱི་ཕན་ཡོན་བསྟན་ཏེ། གཟུངས་ཀྱི་ཆོས་ཀྱི་རྣམ་གྲངས་ལ། །མངོན་པར་བརྩོན་པ་གང་ཡིན་པ། །དེ་ནི་གཟུངས་ལ་བརྩོན་ཞེས་བྱ། །དེ་ལྟར་སྐབས་ཀྱིས་མངོན་པ་ཡིན། །གཟུངས་ཀྱི་ཆོས་ཀྱི་རྣམ་གྲངས་ལ་མངོན་པར་བརྩོན་པ་གང་ཡིན་པ་དེ་ནི། གཟུངས་འདི་ལ་མངོན་པར་བརྩོན་པ་ཞེས་བྱ་བར་འདོད་དོ། །ཇི་ལྟ་ཞེ་ན། དེས་སྒོ་མཐའ་ཡས་པས་བསྒྲུབ་པའི་གཟུངས་ཀྱི་ཆོས་ཀྱི་རྣམ་གྲངས་འདི་དེ་བཞིན་གཤེགས་པ་དེ་ལས་ཐོས་ཏེ་ཞེས་བྱ་བ་ལ་སོགས་པས་གཟུངས་ཀྱི་ཆོས་ཀྱི་རྣམ་གྲངས་ཐོག་མ་ཁོ་ནར་དམིགས་ཀྱིས་གླེངས་པའི་ཕྱིར་རོ། །ཕན་ཡོན་བསྙད་པ་དེ་ཡང་རྣམ་པ་བདུན་གྱིས་བསྙད་དེ། དེ་ལ་རིགས་ནི་གྲངས་ན་གནས་པ་རྣམས་རིགས་ཆེ་བར་བསྙད་པའི་ཕྱིར་དང་། གྲངས་ནི་ཡི་གེ་འབྲུ་བརྒྱད་བསྒོམ་པའི་མཐུ་བསྟན་པའི་ཕྱིར་དང་། གཟི་བྱིན་འཇུག་པར་བྱེད་པ་དང་།ཉིན་མཚན་དུ་སྲུང་ཞིང་སྐྱོབ་ལ་སྦེད་པ་སྟེ། འདི་གཉིས་ནི་ཆོས་ཀྱི་རྣམ་གྲངས་ཀྱི་ཆེ་བ་ཉིད་ཤེས་པར་བྱ་བ་དང་། བདག་ཉིད་བསྟན་པ་ལ་ཕན་འདོགས་པ་པོར་ཤེས་པར་བྱ་བ་དང་། བཅོམ་ལྡན་འདས་ལ་བཀའ་དྲིན་དུ་གཟོ་བ་ཤེས་པར་བྱ་བའི་ཕྱིར་རོ། །ལུས་དང་ངག་དང་བློ་གྲོས་ལ། །སྟོབས་དང་གཟི་བརྗིད་རབ་རྣོ་བ། །རིམ་བཞིན་གཟི་བརྗིད་ཤེས་པར་བྱ། །ལུས་ཀྱི་སྒྲ་དེས་ལུས་གནས་བསྡུ། །ལུས་ཀྱི་སྟོབས་གང་ཡིན་པ་དང་། ཚིག་གི་གཟི་བརྗིད་གང་ཡིན་པ་དང་། བློའི་རྣོ་བ་གང་ཡིན་པ་དེ་གསུམ་ལ་གཟི་བྱིན་ཞེས་བྱའོ། །ལུས་ཞེས་བྱ་བའི་སྒྲ་གང་ཡིན་པ་དེ་ནི་གཙོ་བོ་ལུས་ཡིན་པའི་ཕྱིར་རོ། །ལུས་ལ་གནས་པའི་ཚིག་དང་བློ་གཉིས་ནི་ཡོན་ཏན་གྱི་བརྡར་རིག་པར་བྱའོ། །ལུས་ནི་རྣམ་གསུམ་བྱེ་བྲག་གིས། སྲུང་སྐྱོབ་སྦེད་གསུངས་ཡང་ན་ནི། །གང་ཕྱིར་གནམ་བསྐོས་ལ་སོགས་པའི། །བྱེ་བྲག་གིས་ནི་གནོད་པ་གསུམ། །ལས་མི་དགེ་བ་རྣམ་པ་གསུམ་ཡོད་དེ། ཚེ་འདི་ལ་མྱོང་བར་འགྱུར་བ་དང་། སྐྱེས་ནས་མྱོང་བར་འགྱུར་བ་དང་། ལན་གྲངས་གཞན་ལ་མྱོང་བར་འགྱུར་བ་སྟེ། དེ་དག་ལས་གྱུར་པའི་གནོད་པའི་གཉེན་པོར། སྲུང་བ་དང་། སྐྱོབ་པ་དང་སྦེད་པ་རྣམས་གོ་རིམས་བཞིན་དུ་བཅོམ་ལྡན་འདས་ཀྱིས་བཀའ་སྩལ་ཏོ། །ཡང་ན་གང་གི་ཕྱིར་གནམ་གྱིས་བསྐོས་པ་ལ་སོགས་པའི་བྱེ་བྲག་གིས་གནོད་པ་རྣམ་པ་གསུམ་དུ་འགྱུར་ཏེ། དེའི་ཕྱིར་སྲུང་བ་དང་། སྐྱོབ་པ་དང་། སྦེད་པ་གསུམ་གོ་རིམས་བཞིན་དུ་གསུངས་ཏེ། གནམ་གྱིས་བསྐོས་པའི་གནོད་པ་ནི་གོང་དུ་མི་དགེ་བ་ཁོ་ནས་བྱས་པར་མངོན་གྱི། སྲོག་ཆགས་གཞན་གྱིས་བྱས་པ་མ་ཡིན་པ་སྟེ། དཔེར་ན་མི་ངས་དང་། མུ་གེ་དང་། ཐོག་ལ་སོགས་པ་འབབ་པ་ལྟ་བུའོ། །མི་ལས་གྱུར་པའི་གནོད་པ་ནི། །གང་དུ་སྲོག་ཆགས་རྣམས་ཀྱིས་གནོད་པར་བྱས་པར་མངོན་ལ། གནམ་གྱིས་བསྐོས་པ་ཡོད་བཞིན་དུ་མི་མངོན་པ། གང་གི་ཕྱིར་ལས་མ་གཏོགས་པར་འབྲས་བུ་ཅི་ཡང་མེད་པའི་ཕྱིར་ཏེ། དཔེར་ན་ལོ་ཏོག་ལ་སོགས་པ་སྨིན་དུ་ཟིན་ཀྱང་། ཕ་རོལ་གྱི་དམག་ཚོགས་ཀྱིས་གནོད་པར་བྱས་ཏེ་མུ་གེར་གྱུར་པ་ལ་སོགས་པ་ལྟ་བུའོ། །གནམ་གྱིས་བསྐོས་པ་དང་མི་ལས་གནོད་པར་གྱུར་པ་ནི་གང་དུ་གཉི་གས་བྱས་པར་མངོན་པའོ། །ལས་ནི་གནམ་གྱིས་བསྐོས་པ་དང་། མི་ལས་གྱུར་པ་ཁོ་ནར་ཟད་དེ། གནམ་གྱིས་བསྐོས་པ་དང་། མིའི་ལས་ཀྱིས་འཇིག་རྟེན་འཚོ་བར་བྱེད་དོ་ཞེས་ཟེར་བ་ལྟ་བུའོ། །ཡང་ན་བདག་གཞན་རྐྱེན་གྱུར་ལས། །གནོད་པ་རྣམ་གསུམ་ཤེས་པར་བྱ། །སེམས་ཅན་སེམས་ཅན་མིན་བགྲང་བའི། །བྱེ་བྲག་གིས་ནི་གཞན་གཉིས་བསྟན། །ཡང་ན་གནོད་པ་རྣམ་པ་གསུམ་ཡོད་དེ། རང་གི་རྐྱེན་ལས་གྱུར་པ་དང་། གཞན་གྱི་རྐྱེན་ལས་གྱུར་པའོ། །གཞན་གྱི་རྐྱེན་ལས་གྱུར་པ་འང་རྣམ་པ་གཉིས་ཏེ། སེམས་ཅན་དུ་མི་བགྲང་བའི་རྐྱེན་ལས་གྱུར་པ་དང་། སེམས་ཅན་དུ་བགྲང་བའི་རྐྱེན་ལས་གྱུར་པའོ། །དེ་བསྡུས་ན་རྣམ་པ་གསུམ་དུ་འགྱུར་ཏེ། དེའི་གཉེན་པོར་སྲུང་བ་དང་། སྐྱོབ་པ་དང་། སྦེད་པ་གསུམ་པོ་གོ་རིམས་བཞིན་དུ་ཤེས་པར་བྱའོ། །མིང་གི་ཁྱད་པར་ནི་གདུལ་བ་རྣམས་མངོན་པར་ཡིད་ཆེས་པ་བསྐྱེད་པའི་ཕྱིར་རོ། །གནོད་སྦྱིན་རྣམས་འོང་བར་བྱ་བའི་ཆོ་ག་བསྟན་པ་ནི། རྣམ་པ་ལྔར་གསུངས་པ་སྟེ། ཇི་ལྟ་ཞེ་ན། མངོན་དུ་ཕྱོགས་པར་བྱ་བ་གཉིས། །འོང་བར་བྱ་བའི་ཕྱིར་གསུངས་ཏེ། །འོང་བར་བྱ་བའི་ཕྱིར་ཤིན་ཏུ་ཁྲུས་བྱ་བ་དང་། གོས་ཤིན་ཏུ་གཙང་མ་བགོ་བར་བྱས་ན། གནོད་སྦྱིན་དེ་དག་མངོན་དུ་ཕྱོགས་པར་བྱེད་དེ། འདི་ལྟར་ཤིན་ཏུ་ཁྲུས་བྱ་བ་ཡང་རྣམ་པ་གཉིས་ཏེ། ཕྱི་རོལ་གྱི་ཆོ་ག་དང་སྦྱར་ཏེ་ཆུས་བཀྲུ་བ་དང་། ནང་གི་ཚུལ་ཁྲིམས་ཡོངས་སུ་དག་པས་སོ། །གོས་ཤིན་ཏུ་གཙང་མ་བགོ་བ་ཡང་རྣམ་པ་གཉིས་ཏེ། ཕྱི་རོལ་གྱི་བགོ་བ་གཙང་མ་ལ་སོགས་པས་ལུས་གཡོགས་པ་དང་། ནང་གི་བྱམས་པ་ལ་སོགས་པས་སེམས་ཀྱིས་ལུས་དཀྲི་བ་སྟེ། ཕ་རོལ་དང་ནང་རྣམ་པར་དག་པས་མཛེས་པ་མཐོང་ན་གནོད་སྦྱིན་དེ་དག་འོང་བར་སྤྲོ་བར་འགྱུར་བའི་ཕྱིར་ཏེ། དེ་ལྟར་ན་འོང་བའི་ཕྱིར་སྤྲོ་བ་སྐྱེད་པར་འགྱུར་རོ། །གཅིག་གིས་སྤྲོ་བར་བྱ་བ་བསྟན། །འཆག་པར་འགྲོ་བ་ཞེས་བྱ་བའི་ཚིག་གིས་བསྟན་ཏེ། གནོད་སྦྱིན་རྣམས་ནི་འདོང་བྱའི་ཕྱིར། །འཆག་པ་བསུ་བའི་བསམ་པར་བསྟན། །དེ་ལྟ་མིན་དུ་ཟིན་ན་ནི། །དེ་ཡིས་ལྷག་པར་ཅི་ཞིག་བསྟན། །དེ་ལྟར་དོན་དུ་གཉེར་ཤེས་ནས། །འོང་བར་སྤྲོ་བའི་སེམས་ལྡན་རྣམས། །སྤྲོ་བའི་མཐུ་ལ་དམིགས་ནས་ནི། །དེ་དག་ངེས་པར་འོང་བར་འགྱུར། །དེ་དག་ནི་བརྡ་ཕྲད་པར་སླ་བས་མ་བཤད་དོ། །གཉིས་ཀྱིས་དེ་དག་གུས་པ་སྐྱེས། །ཞེ་འགྲས་པ་མེད་པའི་སེམས་དང་། ཆོས་ཀྱི་རྣམ་གྲངས་ཡིད་ལ་བྱེད་པ་གཉིས་ནི་གནོད་སྦྱིན་དེ་དག་གུས་པ་སྐྱེ་བར་འགྱུར་ཏེ། འདི་ལྟར་ཞེ་འགྲས་པ་མེད་པའི་སེམས་ཀྱིས་བསམ་པ་དགེ་བར་གྱུར་པའི་ཕྱིར། །ཡོན་ཏན་ལ་གུས་པ་སྐྱེ་བ་དང་། ཆོས་ཀྱི་རྣམ་གྲངས་ཡིད་ལ་བྱེད་པས་ཆོས་ལ་གུས་པ་སྐྱེ་བར་འགྱུར་རོ། །དེ་ལྟར་འོང་འདོད་པའི་སྤྲོ་བ་སྐྱེས་ནས་ཀྱང་། དེ་དག་གུས་པར་ངེས་པ་ཁོ་ན་བཞིན་སྟོན་པར་འགྱུར་བའི་ཕྱིར། དེ་ལ་ཞེས་བྱ་བ་ལ་སོགས་པ་གསུངས་སོ། །གནོད་སྦྱིན་དེ་དག་ལྷགས་ནས་ནི། །བརྟན་བཞིན་བརྟུལ་ཞུགས་སྤྱོད་དེ་ལ། མྱུར་དུ་གཟུངས་ཀྱི་སྒོ་རྣམས་ནི། །ཐེ་ཚོམ་མེད་པར་སྟོན་པར་བྱེད། །སྒོ་ཞེས་བྱ་བའི་སྒྲས་ནི་སྒོ་ཟད་མི་ཤེས་པའི་གཟུངས་ཀྱི་སྒོ་ལ་སོགས་པ་བསྡུའོ། །ཚིགས་སུ་བཅད་པའི་དོན་ལྷག་མ་ནི་མ་བཤད་དོ། །ཡང་ན། ཡན་ལག་ཀུན་གྱི་གཙོ་བོ་བཞིན། །བསྙད་པས་དེ་དག་བློ་དགའ་བས། །ལྷགས་པ་ཡིན་ཏེ་དེ་དག་ལས། །འབྲས་བུར་འགྱུར་བར་ཐེ་ཚོམ་མེད། །དགའ་བར་མ་གྱུར་ན་བཞིན་སྟོན་པར་མི་བྱེད་དོ་སྙམ་དུ་དགོངས་སོ། །བྱང་ཆུབ་སེམས་དཔའི་ཕན་ཡོན་བསྙད་པ་ནི་རྣམ་པ་དྲུག་སྟེ། གྲངས་དང་། རིམ་པ་དང་། སེམས་པ་དང་། མིང་དང་གཟུངས་ཐོབ་པར་བྱ་བའི་ཕྱིར་མངོན་པར་བརྩོན་པ་དང་། གཟུངས་ལ་བརྩོན་པ་ལ་གཟུངས་སྟོན་པའོ། །ཡི་གེ་བརྒྱད་པོ་དེ་དག་ནི། །བྱང་ཆུབ་སེམས་དཔའ་བརྒྱད་པོ་ཡིན། །དེའི་ཕྱིར་དོན་དེ་བསྒོམ་པ་ལ། །དེ་དག་ཐམས་ཅད་ཕན་འདོགས་སོ། །པ་ཞེས་བྱ་བ་ལ་སོགས་པའི་ཡི་གེ་བརྒྱད་པོ་དེ་དག་ནི། །རྣམ་པར་སྣང་བྱེད་ལ་སོགས་པའི་བྱང་ཆུབ་སེམས་དཔའ་བརྒྱད་པོ་དག་གི་ཡིན་ཏེ། དེ་དག་གི་ཏིང་ངེ་འཛིན་སྟོན་པས་ན། དེའི་ཕྱིར། ཡི་གེ་དེ་དག་ནི་དོན་བསྒོམ་པ་ན་དེ་དག་ཐམས་ཅད་ཕན་འདོགས་པར་བྱེད་པར་འོས་པ་སྟེ། དེའི་ཕྱིར་བརྒྱད་ཅེས་གསུངས་སོ། །གཞན་ལ་ཕན་འདོགས་ཞུགས་པའི་ཕྱིར། སྨོན་ལམ་སྟོབས་ཀྱིས་དེ་དག་རྣམས། །དེ་དང་དེར་ནི་སྐྱེད་བྱེད་པ། །གང་ཡིན་དེ་ལ་ཐེ་ཚོམ་མེད། །གང་གི་ཕྱིར་བྱང་ཆུབ་སེམས་དཔའ་འདི་དག་ནི་བློ་སྙིང་རྗེས་དབང་དུ་བྱས་ཤིང་ཕ་རོལ་ལ་ཕན་པར་བྱ་བ་ལ་གཞོལ་བས། འདོད་པ་ན་སྤྱོད་པའི་ལྷ་རྣམས་ཀྱི་ནང་དུ་དེ་དང་དེར་སྐྱེ་བར་བྱེད་དེ། དེའི་ཕྱིར་དེ་དག་ཀྱང་དེ་ལ་ཞེས་བྱ་བ་ལ་སོགས་པ་འདི་གསུངས་པ་གང་ཡིན་པ་དེ་ལ་ཐེ་ཚོམ་མི་བྱ་བར་ངེས་པ་ཁོ་ནར་གཟུང་བར་བྱ་སྟེ། འདི་ལ་འཁྲུལ་པ་བསྐྱེད་པར་མི་བྱའོ་ཞེས་བྱ་བའི་ཐ་ཚིག་གོ། །གནོད་སྦྱིན་གྱི་རིགས་བསྙད་པ་ན་ཡང་འདི་ཉིད་དགོངས་ཏེ། དེ་དག་བྱང་ཆུབ་སེམས་དཔའ་ཉིད་ཡིན་ལ། མངོན་པར་ཤེས་པ་ཆེན་པོ་གནོད་སྦྱིན་གྱིས་གདུལ་པ་རྣམས་ལ་ཕན་གདགས་པའི་ཕྱིར། འཕགས་པ་ལག་ན་རྡོ་རྗེ་བཞིན་དུ་སྐྱེས་པ་ཡིན་ཏེ། དེ་ལྟ་བུ་ཡིན་གྱི་བྱང་ཆུབ་སེམས་དཔའ་མིན་ན་དེ་ལྟ་མ་ཡིན་ན་ནི། གནོད་སྦྱིན་དེ་དག་མཐུ་མེད་པའི་ཕྱིར། གཟུངས་ལ་བརྩོན་པ་འཇིག་རྟེན་གྱི་ཁམས་གཞན་དག་ན་འཁོད་པ་རྣམས་ལ་ཕན་འདོགས་པར་མི་བྱེད་པས། གནོད་སྦྱིན་གྱི་ཕན་ཡོན་བསྙད་པ་ཁྱབ་པ་མ་ཡིན་པར་འགྱུར་རོ། །སེམས་དཔའ་ཞེས་ནི་གསུངས་པ་འདི། །སེམས་ནི་སྙིང་རྗེས་བརླན་རྣམས་ཀྱིས། །ཕན་པར་བྱ་བ་འདོད་པའི་བློས། །སྙིང་བརྩེ་ནས་ནི་བལྟས་པ་ཡིན། །ཚིགས་སུ་བཅད་པ་འདིའི་དོན་ནི་གསལ་བའི་ཕྱིར་མ་བཤད་དོ། །རྒྱལ་བའི་སྲས་པོ་དེ་དག་ནི། །ཕན་པ་ཉེ་བར་བསྒྲུབ་པ་དང་། །གནོད་པ་མེད་པར་སྤོངས་པ་ཡིས། །གཟུངས་ཐོབ་བྱ་ཕྱིར་མངོན་པར་བརྩོན། །ཕན་པ་ནི་དགེ་བའི་བཤེས་གཉེན་ལ་བརྟེན་པ་དང་། བསོད་ནམས་དང་ཡེ་ཤེས་ཀྱི་ཚོགས་བསྒྲུབ་པ་དང་། མཐུ་ཡོད་པར་བྱ་བ་ལ་སོགས་པའོ། །གནོད་པ་ནི་སྡིག་པའི་གྲོགས་པོ་དང་འདྲེ་བ་དག །རྒོད་པ་དང་འགྱོད་པ་ལ་སོགས་པའོ། །ཕན་པ་དང་གནོད་པ་དེ་གཉིས་གོ་རིམས་བཞིན་དུ་བྱ་བ་དང་། གསལ་བས་བྱང་ཆུབ་སེམས་དཔའ་དེས་གཟུངས་ཐོབ་པར་བྱ་བའི་ཕྱིར། བྱང་ཆུབ་སེམས་དཔའ་བརྒྱད་པོ་དེ་དག་བརྩོན་པར་འགྱུར་རོ། །གཟུངས་ལ་བརྩོན་པའི་བྱ་བ་བསྟན་པ་ཡང་རྣམ་པ་བདུན་དུ་གསུངས་ཏེ། དམ་བཅས་པ་ལ་བརྟན་པ་དང་། བྱས་པ་གཟོ་བ་དང་། བྱས་པ་ཚོར་བ་དང་། ཆོས་འདོད་པ་དང་། ཆོས་ལ་དགའ་བ་དང་། ཟབ་མོའི་ཆོས་ལ་བཟོད་པ་ལ་བརྩོན་པ་དང་། བགོ་བཤའ་བྱེད་པའི་ངང་ཚུལ་ཅན་དུ་བྱ་བའོ། །གཟུངས་ལ་བརྩོན་བྱེད་གང་ཞེ་ན། །གང་ཞིག་ཉན་སེམས་རྗེས་ཡི་རང་། །འདི་དང་ལུང་ནོད་འདོན་ལ་སོགས། །སྟོན་པའི་ཚུལ་གྱིས་བརྩོན་བྱེད་པའོ། །སོགས་པ་སྨོས་པས་ནི་འཛིན་པ་དང་། ཀུན་ཆུབ་པར་བྱེད་པ་དང་། ཚུལ་བཞིན་ཡིད་ལ་བྱེད་པ་ལ་སོགས་པ་བསྡུའོ། །ལྷག་མའི་དོན་ནི་གསལ་བས་མ་བཤད་དོ། །གཟུངས་བསྐྱེད་ཆོ་ག་རྒྱལ་བ་ཡིས། །བདག་གཞན་ལྟོས་ལ་བཟླས་ཏེ་གསུངས། །སྟོན་པ་ལ་སོགས་བྱེ་བྲག་གིས། །གཞན་ནི་རྣམ་པ་གསུམ་དུ་འགྱུར། །སྔར་ཡང་བཅོམ་ལྡན་འདས་ཀྱིས་གཟུངས་བསྐྱེད་པའི་ཆོ་ག་གསུངས་མོད་ཀྱི། (ད་‚དེ་)ཡང་བདག་དང་གཞན་ལ་ལྟོས་པའི་སྒོ་ནས་གསུངས་ཏེ། དེ་ལ་བདག་ལ་ལྟོས་པ་ནི། བདེན་པར་དམ་བཅའ་བར་བྱའོ་ཞེས་བྱ་བས་བསྟན་ཏོ། །བདེན་པར་དམ་བཅའ་བ་ནི་བརྟན་པོར་དམ་བཅའ་བའོ། །དེ་འདྲ་བ་དེ་ནི་གཟུངས་ངེས་པར་སྐྱེད་པར་བྱེད་དེ། འདི་ལྟར་དེས་གཟུངས་བདག་གིས་བསྐྱེད་པར་བྱའོ་ཞེས་དམ་བཅས་ན། དེ་ནི་དེ་མ་བསྐྱེད་ཀྱི་བར་དུ་བར་མ་དོར་ཕྱིར་མི་ལྡོག་གོ། །ལྷག་མ་རྣམས་ཀྱིས་ནི་གཞན་ལ་ལྟོས་པའི་སྒོ་ནས་གཟུངས་བསྐྱེད་པར་བྱ་བའི་ཆོ་ག་བསྟན་ཏེ། གཞན་པོ་དེ་ཡང་། སྟོན་པ་དང་། ཆོས་དང་། འདུ་བའི་བྱེ་བྲག་གིས་རྣམ་པ་གསུམ་དུ་འགྱུར་ཏེ། དེ་ལ་སྟོན་པའི་ལྟོས་པ་ནི། བྱས་པ་གཟོ་བ་དང་། བྱས་པ་ཚོར་བ་ཅན་ཞེས་བྱ་བ་འདི་གཉིས་ཀྱིས་གཟུངས་བསྐྱེད་པའི་ཆོ་ག་བསྟན་ཏེ། འདི་ལྟར་བཅོམ་ལྡན་འདས་དང་། འབྲེལ་པའི་སྐྱབས་གསུམ་ཐོབ་པ་ལ་སོགས་པ་བཀའ་དྲིན་དྲན་ནས། དེས་གསུངས་པ་བཞིན་དུ་ངེས་པ་ཁོ་ནར་སྒྲུབ་པར་བྱེད་དེ། དེས་གསུངས་པའི་གཟུངས་ནི་དོན་ཆེན་པོ་ཡིན་པས་ན་བསྐྱེད་དགོས་སོ་སྙམ་པའི་ཕྱིར་རོ། །སུས་བྱས་པ་ཚོར་བ་དེ་ཡང་ངེས་པ་ཁོ་ནར་གཟུངས་སྐྱེད་པར་བྱེད་དེ། འདི་ལྟར་གཟུངས་བསྒྲུབས་པས་བཅོམ་ལྡན་འདས་ཀྱི་བཀའ་དྲིན་ཚོར་བའི་ཕྱིར་རོ། །དེ་བྱས་པ་ཚོར་བར་བྱེད་པའི་ངང་ཚུལ་ཅན་ཡིན་པས་ན་བྱས་པ་ཚོར་བ་ཅན་ནོ། །ཆོས་ལ་ལྟོས་པ་ནི་ཆོས་འདོད་པ་ཞེས་བྱ་བ་ལ་སོགས་པས་གཟུངས་བསྐྱེད་པའི་ཆོ་ག་བསྟན་ཏེ། གང་གི་ཕྱིར་སུ་ཆོས་ལ་འདོད་ཅིང་སྲེད་པ་དེ་ནི་ངེས་པར་གཟུངས་བསྐྱེད་པར་འགྱུར་ཏེ། དེ་ནི་ཆོས་ཀྱི་མཆོག་ཡིན་པའི་ཕྱིར་རོ། །ཆོས་ལ་དགའ་བ་ནི། གང་ཆོས་ལ་ཤིན་ཏུ་ཞུགས་པ་སྟེ། དེ་ལྷུར་ལེན་པའི་ཕྱིར་རོ། །དེ་འདྲ་བ་དེ་ནི་གཟུངས་མ་བསྐྱེད་པར་མི་འདུག་གོ། །ཟབ་མོའི་ཆོས་ལ་བཟོད་པ་ལ་བརྩོན་པ་ནི་ག་ལ་ཞིག་གཟུངས་བསྐྱེད་པར་མི་བྱེད་དེ།དེ་ནི་མཆོག་ཏུ་ཟབ་པའི་ཕྱིར་རོ། །གཞན་གྱི་དོན་གྱི་ཕྱིར་ཡང་གཟུངས་འདི་བསྐྱེད་པར་བྱ་བའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་གཟུངས་ལ་བརྩོན་པས་ཞེས་བྱ་བ་ལ་སོགས་པ་གསུངས་ཏེ། ཆོས་དང་ཟང་ཟིང་བྱེ་བྲག་གིས། །བགོ་བཤའ་རྣམ་པ་གཉིས་སུ་བསྟན། །བགོ་བཤའ་ནི་རྣམ་པ་གཉིས་ཏེ། ཆོས་ཀྱི་བགོ་བཤའ་དང་། ཟང་ཟིང་གི་བགོ་བཤའོ། །ངང་ཚུལ་སྨོས་པས་ནི་བགོ་བཤའི་ངོ་བོ་ཉིད་བསྟན་ཏེ། དེས་ན་སེམས་ཀྱི་ཤིན་ཏུ་འཛིན་པ་མེད་པར་བསྟན་ཏོ། །ཆུང་དང་ཉུང་དང་མང་པོ་ནི། །རྫས་དང་གྲངས་དང་གཉི་གར་བསྟན། །ཆུང་ངུ་ནི་རྫས་ཆུང་བའི་ཕྱིར་རོ། །ཉུང་ངུ་ནི་གྲངས་ཉུང་བའི་ཕྱིར་རོ། །མང་པོ་ནི་རྫས་དང་གྲངས་མང་བའི་ཕྱིར་རོ། །གཟུངས་དོན་བསྟན་པ་ཡིན་མོད་ཀྱི། །འོན་ཀྱང་སྤྱིར་ཡང་བསྟན་པ་མཛད། །བྱས་གཟོ་ལ་སོགས་གཞན་དུ་ཡང་། །བྱ་བའི་ཕྱིར་ན་གསུངས་པ་ཡིན། །གཟུངས་ཀྱི་དོན་བསྟན་པའི་སྐབས་ཡིན་མོད་ཀྱི་སྤྱིར་བསྟན་ཏེ་གསུངས་པའི་བྱས་པ་གཟོ་བ་ལ་སོགས་པ་གང་ཡིན་པ་དེ་ནི་གཞན་དུ་ཡང་བྱ་དགོས་པའི་ཕྱིར་དོན་དེ་བསྟན་པའི་ཐ་ཚིག་གོ། །བཤད་པའི་ཚེ་ཕན་ཡོན་བསྙད་པ་ནི་རྣམ་པ་གཉིས་ཏེ། ཕྱིར་མི་ལྡོག་པའི་ས་འཐོབ་པ་དང་། བླ་ན་མེད་པའི་བྱང་ཆུབ་ཏུ་སེམས་བསྐྱེད་པའོ། །དེ་ཡང་། འདིར་ནི་གཙོ་བོར་ཐུབ་པ་ཡིས། །འབྲས་བུ་གཉིས་སུ་བསྟན་པ་ཡིན། །ཇི་ལྟ་ཞེ་ན། སྨྲས་པ། མཐོ་རིས་ལ་སོགས་འབྲས་བུ་ནི། །གཞན་བསྟན་པ་ལས་རྟོགས་པར་འགྱུར། །བཅོམ་ལྡན་འདས་ཀྱིས་བསྟན་པ་ནི་ཐམས་ཅད་ཀྱང་ལྷ་དང་མི་ལ་སོགས་པར་སྐྱེ་བ་དང་། རྒྱལ་སྲིད་ལ་སོགས་པ་དང་མི་འབྲལ་བར་འཕེན་པ་ཡིན་ནོ། །འབྲས་བུ་འདི་གཉིས་གཙོ་བོར་བསྟན་པ་ཡང་བྱང་ཆུབ་ཆེན་པོར་ངེས་པར་འགྱུར་བའི་རྒྱུ་ཡིན་པའི་ཕྱིར་དང་། གཞིར་གྱུར་པའི་ཕྱིར་རོ། །ཕྱིར་མི་ལྡོག་པའི་ས་ཐོབ་པ་ནི། བྱང་ཆུབ་སེམས་དཔའ་རྣམས་ཁོ་ན་ཡིན་པའི་ཕྱིར། སྔ་མའི་སྐབས་སུ་བྱང་ཆུབ་སེམས་དཔའ་སྨོས་སོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ནི་བྱང་ཆུབ་སེམས་དཔའ་མ་ཡིན་པ་ཁོ་ན་དག་བྱེད་པ་ཡིན་པས་ན། ཕྱི་མའི་སྐབས་སུ་ནི་བྱང་ཆུབ་སེམས་དཔའ་མ་སྨོས་སོ། །ད་ནི་མིང་ཞུས་པ་བརྗོད་པར་བྱ་སྟེ། བདག་དང་གཞན་དོན་རིམ་བཞིན་དུ། །ཞུས་པ་དང་ནི་དགོས་པ་བསྟན། །ཡང་ན་དོན་ནི་ཆེ་བའི་ཕྱིར། །ཚིག་གཉིས་ཀྱིས་ནི་བཟླས་ཏེ་ཞུས། །འདིའི་མིང་ཅི་ལགས་ཞེས་བྱ་བས་ནི་མིང་ཞུས་པ་བསྟན་ཏོ། །མིང་ཞུས་པ་དགོས་པ་མེད་དུ་དོགས་པ་ལ། འདི་ཇི་ལྟར་གཟུང་བར་བགྱི་ཞེས་བྱ་བས་དགོས་པ་བསྟན་ཏེ། ཐ་སྙད་གདགས་པའི་དུས་ན་འདི་ཇི་ལྟར་གཟུང་བར་བགྱི་ཞེས་བྱ་བའི་ཐ་ཚིག་གོ། །དེས་ན་ཕྱིས་ཐ་སྙད་གདགས་པའི་བྱ་བ་ཞུས་པའི་དགོས་པ་ཡིན་པར་བསྟན་པ་ཡིན་ནོ། །ཡང་ན་འདིའི་མིང་ཅི་ལགས་ཞེས་བྱ་བ་ནི་བདག་གི་དོན་དུ་ཞུ་བའོ། །འདི་ཇི་ལྟར་གཟུང་བར་བགྱི་ཞེས་བྱ་བ་ནི་གཞན་གྱི་དོན་དུ་ཞུ་བ་སྟེ། དེ་དག་ཀྱང་ཐ་སྙད་གདགས་པར་བྱ་བའི་ཕྱིར་ཆོས་ཀྱི་རྣམ་གྲངས་ཀྱི་མིང་ཐོས་པར་འདོད་ན། ཆོས་ཀྱི་རྣམ་གྲངས་འདི་གཞན་དག་འཛིན་ན་ཇི་ལྟར་འཛིན་དུ་གཞུག་པར་བགྱི་ཞེས་བྱ་བའི་ཐ་ཚིག་གོ། །ཡང་ན་ཆོས་ཀྱི་རྣམ་གྲངས་འདི་དོན་ཆེ་བའི་ཕྱིར། དད་པས་འདུན་པར་བྱས་པའི་སེམས་ཀྱིས་ཡང་དང་ཡང་དུ་མིང་ཞུ་བར་བྱེད་དོ། །ཡང་ཞེས་བྱ་བ་ནི་མ་སྨོས་པ་བསྡུ་བའི་དོན་ཏེ། དེ་བས་ན་ཚིག་གཉིས་ཀྱིས་བདག་ཉིད་ཀྱི་མིང་ཐོས་པར་འདོད་པ་བསྟན་ཏེ། འདི་ལྟར་སྤྱིར་ཞུས་མོད་ཀྱི། འོན་ཀྱང་བདག་ཉིད་ལ་བསྡུ་བའི་ཕྱིར། འདི་ཇི་ལྟར་གཟུང་བར་བགྱི་ཞེས་སྨྲས་སོ། །ད་ནི་མིང་འདོགས་པ་བསྟན་ཏེ། འདི་ནི་གོ་རིམས་ཁོ་ན་བཞིན། །རྒྱུ་དང་འབྲས་བུའི་དངོས་པོ་ཡིས། །མིང་ནི་རྣམ་པ་བཞིར་མཛད་དེ། །དེ་ཕྱིར་མི་ཉུང་ལྷག་པ་མེད། །མིང་རྣམ་པ་བཞི་པོ་འདི་ནི་ཆོས་ཀྱི་རྣམ་གྲངས་འདིའི་བརྒྱུད་པའི་འབྲས་བུར་འགྱུར་བ་གང་ཡིན་པ་དེའི་རྒྱུ་དང་འབྲས་བུའི་དངོས་པོར་འདུག་པའི་ཕྱིར་ཏེ། ས་དང་ཕ་རོལ་ཏུ་ཕྱིན་པ་དང་། ཏིང་ངེ་འཛིན་དང་། རྣམ་པར་ཐར་པ་དང་། མངོན་པར་ཤེས་པ་ལ་སོགས་པའི་ཡོན་ཏན་རྣམས་སྒོ་མཐའ་ཡས་པས་བསྒྲུབ་པའི་ཕྱིར་ན་ཆོས་ཀྱི་རྣམ་གྲངས་འདིའི་མིང་སྒོ་མཐའ་ཡས་པས་བསྒྲུབ་པ་ཞེས་བྱའོ། །གང་གི་ཕྱིར་འདིའི་མིང་སྒོ་མཐའ་ཡས་པས་བསྒྲུབ་པ་ཞེས་བྱ་བ་དེའི་ཕྱིར། འདིའི་མིང་བྱང་ཆུབ་སེམས་དཔའ་གཅིག་ཏུ་ངེས་པར་མངོན་པར་འཕགས་པར་བྱེད་པ་ཞེས་བྱ་བར་ཡང་ཟུང་ཤིག་ཅེས་གསུངས་ཏེ། གང་གི་ཕྱིར་རྒྱུ་དེ་ལྟ་བུ་ལས་འབྲས་བུ་དེ་ལྟ་བུ་ངེས་པར་འབྱུང་བའི་ཕྱིར་རོ། །གཅིག་ཏུ་ངེས་པར་ཞེས་བྱ་བ་ནི་ལྡན་པའི་དོན་ཏེ། འདི་ལས་བྱང་ཆུབ་སེམས་དཔའ་གཅིག་ཏུ་ངེས་པར་མངོན་པར་འཕགས་པར་འགྱུར་རོ་ཞེས་བསྡུ་བར་བྱའོ། །མངོན་དུ་ཕྱོགས་པས་གོང་ནས་གོང་དུ་ཁྱད་པར་འཐོབ་པའི་ཕྱིར་འཕགས་པ་ནི་མངོན་པར་བྱེད་པའོ། །གང་གི་ཕྱིར་འདིའི་མིང་བྱང་ཆུབ་སེམས་དཔའ་ཐམས་ཅད་གཅིག་ཏུ་ངེས་པར་མངོན་པར་འཕགས་པར་བྱེད་པ་ཞེས་བྱ་བ་དེའི་ཕྱིར། འདིའི་མིང་བདུད་ཐམས་ཅད་རྣམ་པར་འཇིག་པར་བྱེད་པ་ཞེས་བྱ་བར་ཡང་ཟུང་ཤིག་ཅེས་གསུངས་ཏེ། འབྲས་བུ་ནི་རྒྱུ་དང་འདྲ་བའི་ཕྱིར་རོ། །བདུད་སྨོས་པས་ནི་ཉོན་མོངས་དང་། ལྷའི་བུའི་བདུད་བསྡུས་ཏེ། འདིས་བདུད་ཐམས་ཅད་རྣམ་པར་འཇིག་པའི་ཕྱིར་ཞེས་ཚིག་སྦྱར་བར་བྱའོ། །གང་གི་ཕྱིར་འདིའི་མིང་བདུད་ཐམས་ཅད་རྣམ་པར་འཇིག་པ་ཞེས་བྱ་བའི་ཕྱིར། གཅིག་ཏུ་ངེས་པར་རྣམ་པ་ཐམས་ཅད་མཁྱེན་པ་ཉིད་ཐོབ་པར་བྱེད་པ་ཞེས་བྱ་བར་ཡང་ཟུང་ཤིག་ཅེས་གསུངས་ཏེ། དེ་གཅིག་ཏུ་ཡང་ངེས་པ་ཡིན་ལ། ཐམས་ཅད་མཁྱེན་པ་ཉིད་ཐོབ་པར་བྱེད་པ་ཡང་ཡིན་ནོ་ཞེས་ཚིག་སྦྱར་བར་བྱའོ། །ཡང་ན་འབྲུ་མང་པོ་མ་ཡིན་པར་སྦྱར་རོ། །གང་གི་ཕྱིར་དེ་ལྟ་ཡིན་པ་དེའི་ཕྱིར་འབྲས་བུ་གཞན་ཡོད་པས་ན་མི་ཉུང་བ་ཡང་མ་ཡིན་ལ། དེ་ཡན་ཆད་འབྲས་བུ་མེད་པའི་ཕྱིར་ལྷག་པ་མེད་དོ། །ལུགས་འབྱུང་ལུགས་འབྱུང་མ་ཡིན་ལས། །སྒྲུབ་དང་བསྒྲུབ་བྱའི་དངོས་པོ་ཡིས། །མིང་ནི་རྣམ་པ་བཞིར་མཛད་དེ། །དེ་ཕྱིར་མི་ཉུང་ལྷག་པ་མེད། །ཡང་ན་ལུགས་སུ་འབྱུང་བའི་ཚུལ་གྱིས་སྔ་མ་སྔ་མ་ནི་རྒྱུ་ཡིན་ལ། ཕྱི་མ་ཕྱི་མ་ནི་བསྒྲུབ་པར་བྱ་བ་ཡིན་པའི་ཕྱིར་མིང་རྣམ་པ་བཞིར་མཛད་དོ། །ལུགས་སུ་འབྱུང་བ་མ་ཡིན་པ་ནི་ཕྱི་མ་ཕྱི་མ་ནི་རྒྱུ་ཡིན་ལ། སྔ་མ་སྔ་མ་ནི་བསྒྲུབ་པར་བྱ་བ་ཡིན་པའི་ཕྱིར། མིང་རྣམ་པ་བཞིར་མཛད་དེ། ལྟོས་པ་དང་བཅས་པའི་ཕྱིར། ཉུང་བ་ཡང་མ་ཡིན་ལ། སྒྲུབ་པ་པོའི་ལྟོས་པ་མེད་པས། མིང་གཞན་བྱར་མེད་པའི་ཕྱིར། ལྷག་པར་ཡང་མ་མཛད་དོ། །བཤད་པ་འདིའི་སྐབས་སུ་བདུད་སྨོས་པས་ནི་བདུད་ཐམས་ཅད་བསྡུའོ། །ཡང་ན་ཡོན་ཏན་ཐམས་ཅད་དང་། །ཡེ་ཤེས་ཕུན་སུམ་སྤོང་ཕུན་སུམ། །ཁྱད་པར་འཕགས་པ་ཕུན་སུམ་གྱི། །རྟེན་ནི་དེ་ཉིད་ཡིན་ཕྱིར་རོ། །ཡང་ན་ཆོས་ཀྱི་རྣམ་གྲངས་འདི་ནི། ཕུན་སུམ་ཚོགས་པ་རྣམ་པ་བཞིའི་རྟེན་ཡིན་ཏེ། དེའི་ཕྱིར་མིང་རྣམ་པ་བཞིར་མཛད་དོ། །ཕུན་སུམ་ཚོགས་པ་རྣམ་པ་བཞི་ནི། ཡོན་ཏན་ཐམས་ཅད་ཕུན་སུམ་ཚོགས་པ་དང་། ཡེ་ཤེས་ཕུན་སུམ་ཚོགས་པ་དང་། སྤང་བ་ཕུན་སུམ་ཚོགས་པ་དང་། ཁྱད་པར་འཕགས་པ་ཕུན་སུམ་ཚོགས་པ་སྟེ། ཁྱད་པར་འཕགས་པ་ཕུན་སུམ་ཚོགས་པ་ཞེས་བྱ་བ་ནི་གོང་ནས་གོང་དུ་ཞེས་བྱ་བ་བར་གྱི་ཚིག་མི་མངོན་པར་བྱས་ནས་བསྟན་པ་ཡིན་ནོ། །ཡེ་ཤེས་ཕུན་སུམ་ཚོགས་པ་ལ་སོགས་པ་ནི་ཡོན་ཏན་ཐམས་ཅད་ཕུན་སུམ་ཚོགས་པའི་ཁོངས་སུ་ཡང་འདུས་མོད་ཀྱི་གཙོ་བོར་བསྟན་པའི་ཕྱིར་ལོགས་ཤིག་ཏུ་བསྟན་ཏོ། །ཕུན་སུམ་ཚོགས་པ་ནི་གུད་ན་ཅི་ཡང་མེད་པའི་ཕྱིར་མིང་རྣམ་པ་བཞིར་མཛད་དེ། ལྷག་པ་ཡང་མེད་ལ་ཉུང་བ་ཡང་མི་ཉུང་ངོ་། །སྤང་བ་ནི་བདུད་ཐམས་ཅད་འཇིག་པ་སྟེ། དེ་ཡང་ལྷའི་བུ་ལ་སོགས་པ་ནི་ཟིལ་གྱིས་གནོན་པའོ། །འདོད་ཆགས་ལ་སོགས་པ་ནི་བག་ཆགས་དང་བཅས་པ་རྩ་ནས་འདོན་པའོ། །སྔར་ནི་གཟུངས་ཀྱི་མིང་དུ་བསྟན་པར་མཛད་ལ། ད་ནི་ཆོས་ཀྱི་རྣམ་གྲངས་ཀྱི་མིང་དུ་བསྟན་པས་ན་ཟློས་བུར་འགྱུར་བར་དོགས་པར་མི་བྱའོ། །ད་ནི་ཡི་རངས་པ་བསྟན་ཏེ། ཐུབ་པའི་གསུང་ལས་འཇིག་རྟེན་གྱིས། །དོན་ཆེན་སྐྱེས་པ་མཐོང་གྱུར་ནས། །སེམས་ནི་རངས་པར་གྱུར་པའི་ཕྱིར། །མཁས་རྣམས་མངོན་པར་བསྟོད་པར་བྱེད། །ཐུབ་པའི་གསུང་ལས་རྐྱེན་རྐྱེན་དུ། །ཁྱད་པར་ཐོབ་པར་གྱུར་ནས་ནི། །ཡིད་ཀྱང་དགའ་བར་གྱུར་པའི་ཕྱིར། །མཁས་པས་ཁ་ཅིག་མངོན་པར་བསྟོད། །བཅོམ་ལྡན་འདས་ཀྱིས་འདི་བསྟན་པས་ལྷ་དང་མི་རྣམས་ཀྱིས་འཁོར་ལོས་སྒྱུར་བའི་རྒྱལ་སྲིད་ལ་སོགས་པ་དང་། བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་དང་། ཕྱིར་མི་ལྡོག་པའི་ས་དང་། ཕ་རོལ་ཏུ་ཕྱིན་པ་ཡོངས་སུ་རྫོགས་པ་དང་། ཏིང་ངེ་འཛིན་དང་། རྣམ་པར་ཐར་པ་དང་། མངོན་པར་ཤེས་པ་དང་། གཟུངས་དང་གཟུངས་ཀྱི་སྒོ་དང་། སོ་སོ་ཡང་དག་པར་རིག་པ་ཐོབ་པ་ལ་སོགས་པ་སྐལ་པ་ཇི་ལྟ་བ་བཞིན་དུ། དངོས་དང་། བརྒྱུད་པའི་སྒོ་ནས་འཇིག་རྟེན་གྱི་དོན་ཆེན་པོ་སྐྱེས་པ་མཐོང་ནས་ཐུབ་པའི་དབང་པོས་གསུངས་པ་ལ། ཤཱ་རིའི་བུ་ལ་སོགས་པ་མཁས་པ་རྣམས་ཡིད་ཡང་དག་པར་དགའ་བར་གྱུར་ནས་བསྟན་པ་དེ་ཉིད་ཀྱི་མོད་ལ་མངོན་པར་བསྟོད་དོ། །བཅོམ་ལྡན་འདས་ཀྱིས་བསྟན་པ་འདི་ལྟ་བུར་ཤིན་ཏུ་རྨད་དུ་བྱུང་བ་གང་གིས་ལྷག་པ་མེད་པའི་དོན་འདི་ལྟ་བུ་འཇིག་རྟེན་མ་ལུས་པའི་དོན་བྱེད་ལ། བསྟན་པ་དེས་ཀྱང་དེ་ཉིད་ཀྱི་མོད་ལ། མཁས་པ་ཁ་ཅིག་རྒྱུ་ཇི་ལྟ་བ་བཞིན་དུ་བྱང་ཆུབ་ཏུ་སེམས་བསྐྱེད་པ་དང་། རབ་ཏུ་དགའ་བ་ལ་སོགས་པའི་ས་ཐོབ་པའི་ཁྱད་པར་སོ་སོ་རང་གིས་རིག་པར་བྱེད་པ་ན་ཡིད་ཡང་དག་པར་དགའ་ནས་མངོན་པར་བསྟོད་དོ། །ཁ་ཅིག་ཅེས་སྨོས་པ་ནི། དོན་ཡོད་མཐོང་བ་ལ་སོགས་པ་བྱང་ཆུབ་སེམས་དཔའ་ཆེན་པོ་རྣམས་ལ་དེ་མེད་པའི་ཕྱིར་རོ། །གལ་ཏེ་བདག་གིས་ཀྱང་ལྷག་པ་འགའ་ཞིག་ཐོབ་པར་གྱུར་ན་ནི། ཕྱིར་མི་ལྡོག་པའི་ས་ཐོབ་པ་བཞིན་དུ། ཁྱད་པར་དུ་འཕགས་པའི་ཕྱིར། དེ་ཡང་བསྟན་པར་འགྱུར་བ་ཞིག་ན་མ་བསྟན་པས་དེའི་ཕྱིར་ཚོགས་ཡོངས་སུ་རྫོགས་པ་དེ་དག་གིས་ནི་ལྷག་པ་འགའ་ཡང་ཐོབ་པ་མེད་དེ། འོན་ཀྱང་དེ་དག་དེར་འདུས་པ་ཡང་དོན་མེད་པར་མི་འགྱུར་ལ། བཅོམ་ལྡན་འདས་ཀྱིས་ཆོས་བསྟན་པ་ཡང་དོན་མེད་པར་མི་འགྱུར་ཏེ། ས་ཡོངས་སུ་རྫོགས་པར་བྱ་བ་ལ་སོགས་པའི་ཡོན་ཏན་རྣམས་བརྒྱུད་པའི་ཚུལ་གྱིས་ཡོད་པའི་ཕྱིར་རོ། །འཕགས་པ་ཤཱ་རིའི་བུ་ལ་སོགས་པ་དག་གི་ནང་ནས་ནི་སྐལ་པ་ཇི་ལྟ་བ་བཞིན་དུ། ཁ་ཅིག་གིས་ནི་ཕྱིར་མི་ལྡོག་པའི་ས་ཐོབ་ལ། ཁ་ཅིག་གིས་ནི་བྱང་ཆུབ་ཏུ་སེམས་བསྐྱེད་དེ། དེ་དག་ནི་བྱང་ཆུབ་ཆེན་པོའི་རིགས་དང་ལྡན་པ་ཉིད་ཡིན་པ་ལས་ཇི་ཞིག་ལྟར་ཉན་ཐོས་ཀྱི་བྱང་ཆུབ་ལ་ཞུགས་ནས་ཉོན་མོངས་པ་སྤང་བར་བྱས་པར་ཟད་དོ། །བྱང་ཆུབ་ཆེན་པོའི་རིགས་དེ་ཉིད་ལ་བརྟེན་ནས། དེ་དག་ཐམས་ཅད་བཅོམ་ལྡན་འདས་ཀྱིས་འཕགས་པ་དམ་པའི་ཆོས་པདྨ་དཀར་པོའི་མདོ་ལས་ལུང་བསྟན་ཏེ། ཆོས་བཅུ་པའི་མདོ་ལས་ཀྱང་། དེ་བཞིན་དུ་དགོངས་པས་བཤད་པའི་ཕྱིར་རོ། །ཚོང་དཔོན་དང་། དེད་དཔོན་གྱི་དཔེ་ལ་སོགས་པ་རྣམས་ཀྱང་བྱང་ཆུབ་ཆེན་པོའི་རིགས་དང་ལྡན་པ་དེ་དག་ཉིད་ཀྱི་དབང་དུ་བྱས་པ་ཁོང་དུ་ཆུད་པར་བྱའོ། །ཉོན་མོངས་པའི་བུད་ཤིང་ཐམས་ཅད་མ་ལུས་པར་བསྲེགས་པའི་རྒྱུད་ཅན་ཉན་ཐོས་རྣམས། ཇི་ལྟར་བྱང་ཆུབ་ཆེན་པོའི་ཚོགས་ཡོངས་སུ་རྫོགས་པར་བྱེད་པར་འགྱུར་སྙམ་དུ་ཡང་ཡིད་ལ་མི་བྱ་སྟེ། དེའི་དོན་ནི་མདོ་གཞན་ལས་རྣམ་པར་ཕྱེ་བའི་ཕྱིར་རོ། །འདིར་ནི་གཏམ་དེ་ཤིན་ཏུ་རྒྱས་པ་དང་ལྡན་པ་ཡིན་པས། ཡི་གེ་མངས་སུ་དོགས་པའི་ཕྱིར་མ་བཤད་དོ། །ཚེ་དང་ལྡན་པ་ཤཱ་རིའི་བུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ་ཞེས་བྱ་བར་སྦྱར་ཏེ། ཉན་ཐོས་ཆེན་པོ་ལ་སོགས་པའི་ཚོགས་རྣམས་དང་། དེ་བཞིན་དུ་སོ་སོར་ཚིག་གི་དོན་བསྟན་པའི་ལུགས་དང་སྦྱར་བར་བྱའོ། །གསལ་ཞིང་དྲི་མེད་ཡོན་ཏན་ལྡན་པ་ཤིན་ཏུ་རབ་ཏུ་གཏིང་དཔག་དཀའ་བས་ཉམས་དགའ་གཟུངས་སྔགས་འདི། །བདག་འདྲ་ཉོན་མོངས་ཤིན་ཏུ་བློ་ཞན་བཞིན་དུ་བདག་གིས་ཆེ་ལོང་ཆེ་ལོང་རྣམ་པར་ཕྱེ་བ་ཡིས། །བསོད་ནམས་ཕུང་པོ་སྐྱེ་བོ་ཕལ་ཆེན་རྣམས་ལ་སྐྱེ་བའི་མཐུ་ཅན་གང་ཡིན་པ། །དེ་དག་ཐམས་ཅད་ཀྱིས་ནི་འགྲོ་བ་འདི་དག་ཀུན་གྱིས་ཡེ་ཤེས་སྙིང་པོ་རྟག་ཏུ་འཆང་བར་ཤོག །འཕགས་པ་སྒོ་མཐའ་ཡས་པས་བསྒྲུབ་པའི་གཟུངས་རྒྱ་ཆེར་འགྲེལ་པ་སློབ་དཔོན་ཡེ་ཤེས་སྙིང་པོས་མཛད་པ་རྫོགས་སོ།། །།རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།<br /> }}</div> Khenpo Tamphel https://bodhicitta.tsadra.org/index.php?title=File:%27phags_pa_sgo_mtha%27_yas_pa_bsgrub_pa%27i_gzungs_kyi_rgya_cher_%27grel_ba.pdf&diff=140732 File:'phags pa sgo mtha' yas pa bsgrub pa'i gzungs kyi rgya cher 'grel ba.pdf 2026-08-18T05:08:38Z <p>Khenpo Tamphel: </p> <hr /> <div></div> Khenpo Tamphel https://bodhicitta.tsadra.org/index.php?title=Texts/Blo_sbyong_yid_bzhin_gyi_nor_bu/Full_text&diff=140687 Texts/Blo sbyong yid bzhin gyi nor bu/Full text 2026-08-17T06:47:17Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=Yes<br /> |FullTextDate=2025-10-06<br /> |PdfLink=Blo sbyong yid bzhin gyi nor bu.pdf<br /> |FullTextTibetan=༄༅༅། །དང་པོ་བློ་སྦྱོང་ཡིད་བཞིན་གྱི་ནོར་བུ་ཞེས་བྱ་བ་བཞུགས་སོ། །<br /> ན་མཿཤྲཱི་གུ་ར་ཝེ་།༡བ)མཉྫུ་གྷོ་ཥཱ་ཡ། ཐེག་པ་ཆེན་པོའི་དང་པོའི་བློ་སྦྱོང་རྩ་བའི་ཚིག་ལེའུར་བྱས་པ། ཆོས་འཇིག་སེལ་བསྒྲུབ་ཉེར་ལྔ་ཡང་། །སྐྱེས་གསུམ་བླ་མེད་འདི་ཕྱི་གནས། །བཏང་བཙུན་ཡོད་མེད་གོང་རྡུལ་མགྲིན། །སྲོག་སྙིང་ཉིང་ཁུ་སྦྱོར་རྗེས་གསུམ། །སྣོད་སྨིན་གཞི་རྩ་གནས་དང་རྟེན། །མྱུར་ལམ་ཀུན་ལྷག་ཉེར་ལྔ་བསྒོམ། །ཨྠཱྀི་གསོལ་བས་ཉག་གཅིག་གསུངས། །ནང་འཇིགས་མི་དགོས་མཚུངས་སངས་རྒྱས། །ལྷུན་གྲུབ་ངོ་ཤེས་འདུ་ཟབ་དཔྱད། །གྲུབ་ཟིན་སྐྱེས་བུ་ཁུ་ཚུར་སྤྲོད། །དོན་མེད་ཉེས་ལྟུང་སྡུག་བསྔལ་དྲངས། །ཏིལ་ཙམ་ཅི་བྱ་གཟུ་ལུམས་ཆེ། །གསོན་པས་ཅི་བྱ་དེ་ཅི་བཟོད།ཁང་བུ་དགོས་ཀྱི་ལུས་དགོས་མེད། །གསུང་རབ་མ་སྦྱངས་ང་རྒྱལ་བསླུ། །མི་དཔྱོད་ལུས་སྐྱོང་ངན་འགྲོར་འགྲོ །ཕུགས་ནོར་བདུན་པོ་ཕུགས་སུ་བཅུག །ངེས་མེད་འདྲིས་མེད་ལུང་སྟོང་སྐྱེལ། །སྨོད་འཇིགས་ཆོས་བརྒྱད་འདོད་ཐོག་གསུངས། །བྱིའུ་དཀར་ཤོག་ལོ་ལྟུགས་རི་ཐོང་། །སྡང་འདྲ་མེད་བཏགས་འབྱམས་ཤོར་མིག །མི་བསྲུང་བསྲུང་མཆོག་གཞོན་ཚུལ་རྒོད། །མ་འབུངས་གཞན་ཕན་རང་ཅི་སྨོས། །ཕོངས་པ་མེད་ཕྱུག་ཡོད་དབུལ་ཡིན། །མུན་འཐིབས་སྣང་འདོར་ཏིལ་ལ་འབས། །སྐོམ་པས་ཆུ་འདོར་བྲག་སྐམ་རྐོད། །དཀོར་མཛོད་སྤངས་ནས་སྤྲང་ཁྱིམ་དགའ། །མེ་འདོད་ཆུར་འཇུག་བསིལ་འདོད་མེད། །བདུད་རྩི་དོར་ནས་བཙན་དུག་འཐུང་། །དེ་འདྲ་དེ་ལོག་རྩ་བ་བཟུང་། །བྱིའུ་གཉིས་སོགས་མང་ཀུན་གསལ་སྟོན། །བྱེ་སྐྱེད་བྱེ་བསྲུང་བྱེ་རླག་ཁྲུས། །བརྒྱ་བཅུ་ཁྲོལ་མ་སྡུག་ནད་ལངས། །ཏིལ་ལྷ་དལ་བྲེལ་ཆུ་སོག་ཚོལ། །གཤཾས་འཁོར་བྱུར་མཐའ་བུང་དོར་བསྟེན། །རྒྱུ་རྐྱེན་ལྟོས་མེད་རང་ཚང་འགྲིག །རྒྱུ་རྐྱེན་ཀུན་ལྟོས་དབུལ་ཕོངས་གནད། །དགོས་མེད་མེ་རིག་འདྲ་དོན་མེད། །ཆོས་བརྒྱད་མི་འདོད་གཅིག་ཉིད་འདོད། །ཝ་སྤྲེ་མངས་སྐྱོན་ཀུན་བཞིས་འགྲུབ། །ཚུལ་སྐྱེལ་ཀུན་ཚང་ཅིས་མི་སྐྱིད། །སྣ་འདྲེ་རྩ་གསུམ་འཕེལ་(ཉན)འགྲིབས་ཡལ། །རང་གཞན་དབང་ལྷུད་གཟིར་རྨོངས་འཁོར། །སྲིད་འཛིན་དབང་ལག་གཞན་ལུག་འདྲ། །སྲིད་གསུམ་མ་ཧཱ་ཀཱ་ལ་བཞིན། །ཐུན་མོང་མི་ཤེས་ངར་འཛིན་འཕུང་། །ཅི་མེད་མི་དགོས་དཀར་ཅི་ཞི། །དྲང་སྲོང་ཅི་ཡོད་གཤིས་ལ་གྲུབ། །ཐམས་ཅད་དེར་དྲིས་དེ་ཡིས་སེལ། །ཕྱི་ནང་གསུམ་འགྲོ་ཕར་ཚུར་གནོད། །ས་གཞི་ནམ་མཁའ་སྐར་མས་གང་། །ཐིག་ལེ་རི་མོ་བཀྲ་ཞིང་གསལ། །གནོད་སྦྱིན་ལྕེབས་འཚོངས་གཉིས་ཕུང་འཁྲིགས། ཁེངས་འཁྲིགས་ཟག་མེད་འཇིགས་ཚུབ་འོང་། །འོས་མེད་མཚར་མེད་སྟོན་ཅི་གསུངས། །བསྲུང་བཟློག་རིམ་གྲོ་ཁ་སྒོ་ལངས། །ངན་སྔགས་སྡུག་བདེ་མི་དགོས་སྐྱེས། །དགེ་གྲགས་བསོད་རྡོར་མཚོ་དཀར་འགྲོ། །རྟ་བྱས་དྲུག་གཉིས་སྐོར་དགུ་ལྷག །ཅུང་ཟད་རླུང་ལྡང་ཐོག་མེད་ཅི། །ཟངས་སྦབ་གན་དཀར་ལོང་མ་རྒྱུགས། །མེ་འོབས་རྟག་མཆོངས་བཟློག་མི་ཐུང་། །མཚན་སྐར་ཉིན་སྐར་ས་རྡུལ་སྟོབས། །གཞི་རྩ་རྒྱུ་མེད་འབྲས་བུ་ཅི། །མོ་གཤམ་བརྗོད་བྲལ་ཕྱིར་བརྗོད་བྲལ། །སྤྲོས་བྲལ་དཀར་སླ་མགོ་ཚིག་དཀའ། །བྲལ་ཞི་འདས་ཐོང་ཆོས་ཤེས་སྐྱེས། །ཇེ་མ་ཆུང་ཉུང་ཇེ་ཆུང་ངེས། །སྐྱེས་མ་ཐག་ཤི་དེས་འཁྱོལ་སོམས། །ལྷ་འདོད་རྒྱུ་ལོན་ཆོས་གོམས་ཁྱག །ཆོས་དོན་གཉིས་སྦྱར་མི་རྟག་དྲིས། །རང་གཞན་ཐང་ཕུགས་མི་རིག་རིག །ཟེར་ཡང་ལུང་རིགས་བཞིས་གུས་འདོགས། །ཇོ་བོ་སྤྲེའུ་ཉི་བྱང་སྣེའུ་བཅུ། །མེ་འབད་ལྷ་འདྲེ་རང་ཞི་ཐོབ། །རྩ་གཟེར་བརྒྱ་བརྒྱ་འཁར་བ་ལྷ། །ཆགས་སྒོམ་གཡུལ་ལྷོགས་ཀོར་རྩེ་གྲོལ། །ཞིམ་སྐྱིད་དཀའ་ཆུང་ཟག་བདེ་ལོག །སྤངས་བདེ་དགའ་ལྡན་སྐྱེས་སྙམ་བྱེད། །སྒྲུབ་སླ་སྐྱོན་མང་ཅི་བྱས་འཚེངས། །སྒྲུབ་དཀའ་ལེགས་འབད་ཅ་བྱས་ཕུང་། །བླུན་པོས་ཁྱད་འཕགས་མཁས་པས་མིན། །བཻཌཱུརྱས་མིན་སྦང་མས་ཁུགས། །བརྒྱ་ཕྲག་གིས་མིན་གཅིག་གིས་འགྲུབ། །ཤིག་སྐད་འབུམ་མྱོང་ལྷ་སྤྱང་(༢བ)གཅིག །སྐྱུག་ཁྲི་ཉིན་མཚན་སྐར་དབང་མེད། །མེ་སྒོག་ཐར་དཀའ་སུ་རེ་བཞིན། །ཐམས་ཅད་དེར་དྲིས་དེ་ཡིས་སེལ། །དལ་འབྱོར་རྒྱལ་བུ་ཤན་པ་ཕངས། །དབང་རྒྱལ་འོས་མེད་གཅིག་པུས་ཤེས། །དགེ་སྡིག་བདེ་སྡུག་གཤམ་ཐོགས་དྲིས། །མིག་རྣ་སྐམས་འདུ་བདུད་རྩི་འཐུངས། །རྟ་བྱས་དྲུག་གཉིས་སྐོར་དགུ་ལྷག །ཅུང་ཟད་གཤིས་འདྲ་ཐོག་མེད་འོས། །རང་བདེ་སྐྱབས་བསྒྲིལ་དགྲ་ཤི་ལྐུགས། །ཤིང་མེད་ནྱ་གྲོ་ཁྱད་མིན་གང་། །བསགས་དག་སྨོན་བྱིན་ཉམས་རྟོགས་གང་། །སྐྱེད་རྒོད་སྤྱང་གྲུང་ཆེ་ལྡན་མཁས། །རྩལ་འདོན་མི་འགྲུབ་ཅི་འདྲ་ཤེས། །གྲངས་མེད་གསུམ་གྱི་རྡུལ་འཁྲིགས་མཚར། །ཚིག་སྒྲིལ་རྟག་འཆར་ལྟང་ཅི་གསུངས། །མེད་ཀྱང་སྐྱུར་རྡོལ་ཨ་ལྐུགས་ཚར། །དམའ་ཆེན་སྣ་སྲབ་ཡ་མེད་ཅི། །ཅུང་ཟད་གཤིས་འདྲ་ཐོག་མེད་འོས། །ལུས་སེམས་རྣམ་འགྱུར་ཡོང་མ་ཐང་། །བས་དྲན་འབྲི་དང་གཡག་གིས་ལྡགས། །ཁ་བཤད་སྒྲིབ་བྲལ་ལག་ལེན་འཐིབས། །འོས་མེད་སྟོན་བརྒྱ་མཛོད་འབྲས་ཅི། །ལུང་རིགས་མྱོང་བས་རྣོ་མྱུར་དྲག །མཐར་ཐུག་སྒོ་མེད་མཁའ་ཁྱབ་ལམ། །ཡུལ་སྤོང་གནད་ཟབ་མཚུངས་བྲལ་རྟགས། །ཞལ་ཤེས་ཚིག་རྒྱུད་ཨྠཱྀི་གསེར། །ནད་གདོན་བྱུར་ཆེན་བསལ་དྲིན་བྲད། །གཡོ་མེད་ཐུགས་རྗེ་ལྷུན་གྱིས་གྲུབ། །ཆེས་འཇིག་རང་ཐུག་མ་འཁྲུལ་ཕྱིར། །བྱེ་སེམས་རྟོག་འདའ་མདོ་རིགས་ཐོབ། །བསམ་སྦྱར་ཁྱད་མེད་ཚིག་དོན་སྒྲོལ། །རྟོག་བདུན་སྟོབས་ཆེ་བརྒྱ་འགྱུར་འཇིགས། །མི་འདྲ་སྐད་ཅིག་སྡིགས་ཀེར་འོང་། །མ་རྩིས་ཉེར་ལྔ་རྩིས་ཅི་སྨོས། ཁྱིམ་བྱུང་རི་བསྒོམས་ཆེན་པོའང་དཀའ། །གར་སྲིད་སྐྱོན་ཡོན་རྒྱུ་མཚན་དེ། །བསམ་སྦྱོར་འགལ་འབྲས་གཅིག་འཇོམས་ཅི། །གཉན་རོ་རྗེ་ནི་ཁྲོ་ཙན་སྨད། །ཉིན་མཚན་མི་གསལ་ངན་འཁྲུལ་ནད། །སྦྱོར་གསུམ་རྒྱང་རྡོ་རྣམ་ཐར་འོས། །བསམ་སྦྱོར་འགལ་འབྲས་གཅིག་འཚེངས་ཅི། །བསྙེན་དཀའ་དུས་འདས་རྫོགས་སོ་བདེན། །སྤངས་ཐག་ཚིལ་འགྲོ་བྲེ་སྲང་གཞལ། །རྒྱུད་འདྲེས་ལམ་སོང་ནད་ཐག་ཐངས། །བྱ་ཐབས་མེད་སྙམ་མ་ཁྲེལ་ཚིམ། །ཇི་བཞིན་ཟ་ཉམ་སང་མཐོ་འབོལ། །རྟ་བྱས་དྲུག་གཉིས་སྐོར་དགུ་ལྷག །ཅུང་ཟད་གཤིས་འདྲ་ཐོགས་མེད་འཁྱུད། །ཀུན་ལན་ཀུན་དོར་ཀུན་འབྱུང་༣ན)སུ། སྡུག་འགྱོད་མི་སྡོམ་མི་སྒྲུབ་བླུན། །སྒྲུབ་སྦྱར་བསྔགས་རྒྱུན་དགོས་མིན་ནམ། །འདི་ཕྱི་སྐྱོན་ཡོན་སེམས་གོམས་སྒོམ། །གཡེང་འགགས་དབེན་ཐོབ་མཐར་ཐུག་དོན། །སྤངས་ཐོབ་ཆུང་ངུའང་ཇི་ལྟར་འོང་། །མིན་འཚར་ཡུར་གཅང་ཉེས་གསུང་ག །ཐུགས་ལྐུགས་མ་རྙེད་རྙེད་བསྣམས་དངོས། །མི་འོང་འོང་ཅི་བཙན་སྒྲིལ་སྟེངས། །འདི་ཕྱི་རྡོ་བཞིས་ཡར་མར་ཐལ། །ཐར་འདོད་ཉེར་ལྔ་རྩོལ་མེད་ཀྱང་། །བུད་མེད་འདྲར་ཤེས་ངན་སློབ་མྱུར། །འགྲོ་སྡོད་ཆགས་ཐོགས་ཡིད་བཞིན་རླུང་། །དགྲ་གཉེན་ཚོང་སོགས་ཐོས་སོགས་བསྣུན། །བརྒྱ་སྟོང་མི་རིག་ཆུང་རིག་འཛིན། །རྣ་དམ་སྐྱེས་འཚལ་ཚོར་རྗུད་བཏང་། །ཀུན་དགའ་ཆོག་མེད་འདོད་ཆེན་ཕུང་། །བསྟན་འཛིན་ཁེངས་འོང་ལོག་ཁེངས་སོམས། །ཀུན་རིག་ཀུན་དད་ཡིད་བྱེད་གཉིས། །ཆུ་མེ་ཉན་ཐོན་རྫབ་ནོར་འོང་། ཁ་འཕོངས་ཅི་རྫ་ལྷམ་ཁྱིམ་ཉེས། །བྱེ་ཕྲག་ཆུ་བུར་ཀུན་རེ་ཕྱུགས། །ཕྱུགས་རྨི་སངས་མ་སངས་ཀྱིས་ཤེས། ཁྱིམ་སྡེ་ཤེས་སྒོམ་འདི་བརྒྱ་འགྱུར། །གཟུ་ལོག་སྦྱིན་སྤངས་དྲིན་རབ་སྒོམ། །མི་རྙེད་དཀའ་ཚེགས་མི་མགུ་ལོག །བཤད་ཟིན་འཆད་འགྱུར་ལྷུན་གྲུབ་བསམ། །གཅིག་ནས་བུལ་མེད་ཅིག་ཅར་གྲུབ། །རྨི་ལམ་སྨྱོ་བས་ཕམ་ལྷག་སྤྱོད། །གསོད་བརྡུངས་གཉིད་དག་སྨྱོ་སེལ་ཟབ། །དེ་དོར་སྦྱིན་སོགས་མི་གཟུགས་ཙམ། །གཉིད་འབད་སྨྱོ་ཆུ་འཐུང་ཆེས་བླུན། །དཔེ་ལྔ་རྒྱུད་གཉེན་རེ་བརླག་ཙམ། །སྐར་ཉལ་ཆུ་བུར་གཤིས་བདེ་དྲོ། །ལན་ཚྭ་ཕྱག་རྒྱ་ག་བུར་ཤ །དཔེ་དྲུག་དངོས་སྟོབས་རང་ཡལ་བསྟེན། །པིང་ཀ་ཀུན་གནོན་ཞག་བརྒྱ་བརྩེགས། །དངོས་མིན་སྨོད་ལྷུང་བྱུར་དམྱལ་གཟིགས། །འདི་མེད་ཡོད་མེད་ཡོད་མེད་ཡོད། །ཐམས་ཅད་ཡོན་ཏན་ཏམས་ཅད་སྐྱོན། །སྤངས་བཏང་དབེན་གསུམ་ཡོད་མེད་ཐུག སྐྱེ་རྟོགས་སྨོན་གྲུབ་སང་མཐོ་གྲུབ། །ཆེ་ལྡན་ཆུང་མེད་ལྷན་སྐྱབས་བཟང་། །གྲངས་མེད་ལྷག་མེད་ཕུང་འདོད་ལྷག །གསར་རྙིང་མགོ་འཁོར་སེང་གེ་རྗེ། །བདེ་སྡུག་འདའ་བསགས་མ་བསགས་ཡིན། །དཔེ་དཀོན་མཉམ་ཅི་སུ་འདོར་འཆང་། །འབུམ་བསྒྲགས་རྡོ་འདྲ་རགས་རྟོགས་ཤེས། །རི་རྡུལ་འདི་བདུན་གནད་ཀྱིས་རྟོགས། །ཞུགས་ཚིགས་སོས་འདྲ་ཀུན་(༣བ)ལ་མཐོང་། བསག་སྦྱང་འདེབས་མཁས་དོན་དཔྱོད་བཏུན། །འཕྱུག་མེད་མི་བསླུ་ཚེ་གཅིག་དྲིལ། །སྔར་བཤད་བླུན་མིན་རྒྱལ་བ་ཅི། །ཕན་བདེ་བླུན་འདོད་རྒྱལ་བ་ཡོད། །མ་ནོར་ཆེས་ནར་སྒྱེའུ་ཤ། །རྡོལ་འགགས་སྨན་ཤོར་སྲིད་ཆོས་བརྒྱ། །ཚངས་ཆོས་དུང་ཆ་བུད་ཤིང་བསྐོར། །ཕྱུགས་སྨི་སངས་མ་སངས་ཀྱིས་ཤེས། །རྗེས་མེད་མི་ནུབ་བརྒྱ་གཅིག་རང་། །བཞི་ལྔ་དགག་དགོས་འདོད་ནའང་སྐྱེས། །དད་གཉེར་འདོད་སྦྱིན་མ་སྦྱིན་འགྲན། །འོས་མེད་མཚར་མེད་སྟོན་ཅི་གསུངས། །མི་ཤེས་ཕྱུགས་འདྲ་ཤེས་བཤད་རྟོགས། །གང་བྱུང་བསྣུན་ཤེས་དཔའ་བོར་འགྱུར། །མི་ཤེས་ཀུན་བྲལ་ཟུང་འཇུག་ཤེས། །ལྷ་ལྔ་དཔའ་བོ་གཉེན་བླ་ཚང་། །བདེ་སྡུག་ཞི་སྒྲུབ་མེད་འདོད་ཆུང་། །མ་གོམས་གོམས་ཕྱིར་དབེན་དམྱལ་མཐོང་། །དེ་མེད་གཞན་མེད་སྡུག་རུང་ཅི། །གཅོང་མེད་གཟུགས་ལྡན་དཔེ་མེད་མ། །མཛེས་མས་རྟག་བདེ་སུ་ལ་སྨོན། །ཀུན་དཀྱིལ་དོར་ནས་ཀུན་བརྡུངས་སུ། །རང་ཁྱི་ལྷ་སོགས་ཕྱུགས་སོགས་འདམ། །དཀའ་སླ་ནད་མེད་ལྷར་བཏགས་མཉམ། །དོན་མེད་བསྟོད་པ་བུ་རམ་ཉ། །དེ་མིན་དེ་དེ་དེ་འཆང་མཚུངས། །བྱས་མ་བྱས་ཕུང་ཡོད་མེད་ཕུང་། དྲུག་བདེ་མི་བྱེད་གསུམ་བྱེད་དམ། །བང་འགྲན་སུ་མགྱོགས་ཀུན་ཤོར་བླུན། །འཇིག་མེད་ནོར་བདུད་བླ་མེད་མཁས། །དུག་གཙང་ཡང་ལྕི་སྒོ་བྱེ་ཁེགས། །ཕྲད་ཤིང་དྲང་སྨོད་གཞན་ཅི་སྨོས། །འཕྲལ་དག་ཀུན་སོག་དགྲ་ཡང་སྦྱོངས། །འཕྲལ་སྐྱིད་ཕུགས་དགའ་དགྲ་ཡང་སྨོན། །ཁ་སྔགས་ཆང་གླུ་ཀུན་ཅི་ཅིག །སྦལ་དགེ་ཀུན་སྨོན་མ་སྐྱ་གཟུང་། །འདིས་ཀྱང་བསྟན་པ་དང་སེམས་ལ་ཕན་པ་རྒྱ་ཆེན་པོ་ཕྱོགས་དུས་ཀུན་ཏུ་བྱེད་ནུས་པར་གྱུར་ཅིག། །།<br /> }}</div> Khenpo Tamphel https://bodhicitta.tsadra.org/index.php?title=File:Blo_sbyong_yid_bzhin_gyi_nor_bu.pdf&diff=140686 File:Blo sbyong yid bzhin gyi nor bu.pdf 2026-08-17T06:47:04Z <p>Khenpo Tamphel: </p> <hr /> <div></div> Khenpo Tamphel https://bodhicitta.tsadra.org/index.php?title=Texts/Blo_sbyong_tshogs_bshad_ma/Full_text&diff=140650 Texts/Blo sbyong tshogs bshad ma/Full text 2026-08-14T05:45:31Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |PdfLink=Blo sbyong tshogs bshad ma.pdf<br /> |FullTextTibetan=༄༅། །བློ་སྦྱོང་ཚོགས་བཤད་མ་བཞུགས་སོ།།<br /> སངས་རྒྱས་བསྒོམ་པ་སེངྒེ་སྐྱབས། ༄༅། །ཀུན་མཁྱེན་ཐུགས་ནི་བརྩེ་བའི་དབང་གྱུར་ཅིང་། །གཞན་དོན་རོ་གཅིག་ཐུབ་དབང་སྲས་ཀྱི་གཙོ། །བྱམས་མགོན་ནས་བརྒྱུད་བརྒྱུད་པའི་བླ་མ་ལ། །རབ་དང་དགའ་བའི་ཡིད་ཀྱིས་ཕྱག་འཚལ་ཏེ། །ཐེག་ཆེན་ལམ་གྱི་རྩ་བ་བྱང་ཆུབ་སེམས། །བདག་གཞན་བརྗེ་བ་བླ་མ་རྣམས་ཀྱི་གསུང་། །བདེ་བའི་འབྱུང་གནས་དགེ་བའི་གཏེར་ཆེན་པོ། །ཁ་འབྱེད་གནད་ཀྱི་གདམས་པ་འདིར་བསྟན་བྱ།། ཡང་དག་པར་རྫོགས་པའི་སངས་རྒྱས་ཀྱིས་གསུངས་པའི་ཆོས་ཀྱི་འཁོར་ལོ་རིམ་པ་གསུམ། གསུང་རབ་ཡན་ལག་བཅུ་གཉིས། སྡེ་སྣོད་རིམ་པ་གསུམ། ཐེག་པ་ཆེ་ཆུང་། ཆེན་པོ་ལ་སྔགས་ཕ་རོལ་ཏུ་ཕྱིན་པ་རྣམས་ཀྱི་ཉིད་ཀྱིས་གཟིགས་པའི་ལམ་ཐུགས་རྗེས་གཞན་ལ་གསུངས་པས་ལེགས་པར་གསུངས་པའི་བཀའ་ཡིན་ལ། རྗེ་བཙུན་བྱམས་པ་ལ་སོགས་པས་དེའི་དགོངས་པ་བཀྲལ་བ་ནི་བསྟན་བཅོས་ཡིན་ནོ། །བཀའ་དང་བསྟན་བཅོས་ཐམས་ཅད་ཀྱི་བརྗོད་བྱ་མདོར་བསྡུས་པ་ནི། ང་ཟད་པར་བྱེད་པ་དང༌། གཞན་གཅེས་པར་འཛིན་པ་གཉིས་སུ་འདུས་སོ། །ཐེག་པའི་དབང་དུ་བྱས་ན། དང་པོ་ཉན་རང་གི་ཐེག་པས་བསྡུས་ལ། གཉིས་པས་ཐེག་ཆེན་བསྡུས་སོ།། དེ་ཉམས་སུ་ལེན་པ་ལ་སྔགས་ལ་བརྟེན་པ་དང་། ཕ་རོལ་ཏུ་ཕྱིན་པའི་ལུགས་གཉིས་ལས། ཕྱི་མ་ཉམས་སུ་ལེན་པ་ལ་ཇོ་བོ་ལ་ལུགས་གསུམ་མངའ་སྟེ། དང་པོ་དྷརྨ་རཀྵི་ཏ་ལ་ཞུས། འདི་རྟེན་དགེ་ཚུལ་དུ་བཞུགས། ཐུགས་རྗེ་ཆེ་བས་སྐུ་ཤ་བཅད་ནས་བཏང་། རིག་པའི་གདམས་ངག་སློབ་དཔོན་རྟ་དབྱངས་ཀྱིས་མཛད་པའི་མདོ་སྡེ་རྒྱན་གྱི་རྗེས་སུ་འབྲངས། ལུང་དབྱིག་པ་གསུམ་གྱི་ཕྲེང་བ་ལ་བརྟེན། དེ་གཉིས་ཀ་བོད་དུ་མ་འགྱུར་གསུང༌། འཇུག་ལུགས་བདེན་པ་བཞིའི་སྒོ་ནས་འཇུག ལྟ་བ་ཉན་ཐོས་བྱེ་བྲག་ཏུ་སྨྲ་བ་དང་མཐུན། སྒོམ་ལུགས་དང་པོ་ནས་བདག་གཞན་མཉམ་པ་ནས་བསྒོམ་གསུངས། འདི་ལ་དང་པོའི་བརྒྱུད་པ་མི་གསུང་། གཉིས་པ་འཇམ་དཔལ་ནས་བརྒྱུད། བླ་མ་བྱམས་པའི་རྣལ་འབྱོར་པ་ལ་ཞུས། བྱམས་པ་ཁོ་ན་བསྒོམ་པས་དེ་ལྟར་གྲགས། ཀུ་ས་ལི་ཆུང་བ་ཡིན། ཁྱི་ལ་དབྱུག་པ་རྒྱབ་པའི་རྗེས་བྱུང་བའི་གཏམ་རྒྱུད་ཅན་ཡིན། ལུང་ནམ་མཁའ་སྙིང་པོའི་མདོ་ལ་བརྟེན། རིག་པའི་མན་ངག་བསླབ་བཏུས་ཀྱི་རྗེས་སུ་འབྲངས། འཇུག་ལུགས་མདོ་སྡེ་གཞན་གྱི་སྒོར་འཇུག་པ། ལྟ་བ་ཉན་ཐོས་མདོ་སྡེ་པ་དང་མཐུན། སྒོམ་ལུགས་གོང་དང་འདྲ། གསུམ་པ་བྱམས་པ་ནས་བརྒྱུད། བླ་མ་གསེར་གླིང་པ་ལ་ཞུས། ལུང་དྲི་མ་མེད་པར་གྲགས་པའི་མདོ་ལ་བརྟེན། རིག་པའི་མན་ངག་བྱང་ཆུབ་སེམས་དཔའི་སའི་རྗེས་སུ་འབྲངས། ལྟ་བ་མུ་སྟེགས་པ་དང་ཡང་ཐུན་མོང་བ། འཇུག་ལུགས་ཕ་རོལ་ཏུ་ཕྱིན་པའི་སྒོར་འཇུག སྒོམ་ལུགས་དང་པོ་ནས་བརྗེ་བ་ནས་བསྒོམ། དེ་ལྟར་བརྒྱུད་པའི་ལུགས་གསུམ་ལས། འདི་བྱམས་པ་ནས་བརྒྱུད་པ་སྟེ། བྱམས་པ། ཐོགས་མེད། དབྱིག་གཉེན། བློ་གྲོས་བརྟན་པ་ནས་གསེར་གླིང་པའི་བར་དུ་བརྒྱུད་པའོ། །འདི་ལུང་དྲི་མ་མེད་པར་གྲགས་པའི་མདོ་ལས། འཇིག་ཚོགས་ལ་ལྟ་བ་དེ་བཞིན་གཤེགས་པའི་གདུང་ ཞེས་པ་དང༌། འཇིག་ཚོགས་ལ་ལྟ་བ་རི་རབ་དང་མཉམ་པ་བསྐྱེད་ཀྱང་། བྱང་ཆུབ་ཀྱི་སེམས་སྐྱེ་ཞིང་། དེ་ལས་སངས་རྒྱས་ཀྱི་ཆོས་རྣམས་ཀྱང་འབྱུང་ངོ་། །ཞེས་པ་ལ་སོགས་པ་དང༌། རིག་པ་བྱང་ཆུབ་སེམས་དཔའི་ས་ལས། བྱང་ཆུབ་སེམས་དཔའ་གནས་དབེན་པར་སོང་ནས། བསམ་པ་དག་ཅིང་སྙིང་ཐག་པ་ནས་དྭང་བས་ཀུན་ཏུ་རྟོག་པ་དག་གིས་སྦྱིན་པར་བྱ་བའི་ཆོས་རྣམ་པ་སྣ་ཚོགས་པ་རྒྱ་ཆེན་པོ་དཔག་ཏུ་མེད་པ་དག་ལ་མོས་ཤིང་སེམས་ཅན་ལ་སྦྱིན་པ་དག་སྟོབ་པར་བྱེད་ན། དེས་བྱང་ཆུབ་སེམས་དཔའ་ཚེགས་ཆུང་ངུས་ཚོགས་དཔག་ཏུ་མེད་པ་འཕེལ་བར་འགྱུར་རོ། །དེ་ནི་བྱང་ཆུབ་སེམས་དཔའ་ཤེས་རབ་ཆེན་པོ་དང་ལྡན་པའོ། །ཞེས་པ་ལ་སོགས་པ་གསུངས་སོ། །གྲུབ་མཐའ་ཕྱི་རོལ་པ་དང་མཐུན་པ་ནི། ཀུན་ཏུ་བཏགས་པའི་བདག་འདོད་པ་མ་ཡིན་ཡང་། ལྷན་ཅིག་སྐྱེས་པའི་བདག་ལ་བརྟེན་ནས་བདག་འཁོར་བར་སྡུག་གི་དོགས་པ་དང་། བདག་གི་མ་དྲིན་ཆེ་བ་ལ་སོགས་པ་ལ་བརྟེན་ནས་བྱམས་པ་ལ་སོགས་པ་སྐྱེ་བས་འཇིག་ཚོགས་ལ་ལྟ་བ་དེ་བཞིན་གཤེགས་པའི་གདུང་ཞེས་པའི་དོན་ཡིན་ནོ། །ཇོ་བོ་བླ་མ་དྲན་གསུངས་ནས་བཤུམས་པའི་རྒྱུ་མཚན་ཡང་། ཁོ་བོའི་སེམས་བཟང་པོ་དུམ་ཙམ་འདི་བླ་མ་དེའི་དྲིན་ཡིན་གསུངས་པ་ལྟར་རོ། །འཇུག་ལུགས་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོར་འཇུག་པ་ནི། དང་པོ་བདག་གཞན་བརྗེ་བ་ལ་བརྟེན་ནས་ཐབས་ཀྱི་ཆ་གོམས་པར་བྱས་ནས། དེ་བརྟན་པ་ན་ཤེས་རབ་བསྒོམ་པ་སྟེ། ཇོ་བོའི་ལམ་སྒྲོན་ལས། ཐབས་གོམས་དབང་གིས་བདག་ཉིད་ཀྱིས། །གང་གིས་ཤེས་རབ་རྣམ་བསྒོམ་པ། །དེས་ནི་བྱང་ཆུབ་མྱུར་དུ་ཐོབ། །བདག་མེད་གཅིག་པུ་བསྒོམས་པས་མིན། །ཞེས་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་སྟོབས་ཀྱིས་ཁྲིད་པར་བྱ་བ་ཡིན་གསུངས། འདི་ལ་ཕྱིར་མི་ལྡོག་པའི་རྟགས་སྦྱོར་ལམ་ནས་ཡོང་གསུངས། འདི་ཇོ་བོས་དགེ་བཤེས་སྟོན་པ་མིན་པ་ལ་མ་གནང་། སྟོན་པས་ཁུ་ལ་སོགས་པ་ལ་འདི་དང་འདི་གནང་ནས། ཁོ་བོ་ལ་འདི་གནང་བ་ཇི་ལྟར་ལགས་ཞུས་པས། ངས་ཁྱོད་མ་ཡིན་པ་ལ་བསྟན་ས་མ་རྙེད་པ་ཡིན་གསུངས་སྐད། དགེ་བཤེས་སྟོན་པས་ཀྱང་པོ་ཏོ་བ་མ་ཡིན་པ་ལ་མ་གནང་། པོ་ཏོ་བས་ཀྱང་། ཤ་ར་བ་དང་། གླང་རི་ཐང་པ་ལས་གཞན་ལ་གནང་བ་མེད། དགེ་བཤེས་ཆེན་པོ་འཆད་ཀ་བ་བྱིས་པ་ནས་ཆོས་ལ་མོས་པས་མི་སྐྱའི་དུས་ནས་ཆོས་མང་དུ་ཞུས། གཉལ་དུ་དགེ་བཤེས་ཆོས་འབར་གྱི་གྲྭ་སར་རབ་ཏུ་བྱུང་ནས་ཆོས་ཀྱང་མང་དུ་གསན། ཡར་ལུངས་སུ་སྙེགས་མཆེད་གཉིས་ལ་མངོན་པ་ཀུན་བཏུས་ཚར་བདུན་ཙམ་གསན། དགེ་བཤེས་སྙེགས་དང་འགྲོགས་ནས། ཡ་གད་པ་ལ་བེའུ་འབུམ་ཚར་གཅིག་ཕྱིས་གཅིག་གསན་ཏེ་འདི་རྩད་མ་གཅད། དེ་ནས་གླང་རི་ཐང་བའི་སློབ་མ་གཉལ་བ་ཡོན་ཏན་ཤེས་རབ་ལ། ཁྱེད་ཀྱི་དགེ་བཤེས་ལ་ཡོན་ཏན་ཇི་འདྲ་ཡོད་དྲིས་པས། བློ་སྦྱོང་ཡོད་པར་ཐོས། ཁོ་རང་སློབ་མ་ཡིན་ཡང་འདི་མི་བཞུ གས་པར་གདའ། དེར་ཉང་ལྕགས་ཤིང་བ་ལ་གླང་རི་ཐང་བའི་ལུགས་ཀྱི་ཚིག་བརྒྱད་པོ་དེ་གསན། བཀའ་གདམས་པ་ལ་དད་པའི་རྒྱུ་ཡང་དེས་བྱས་གསུངས། དེ་ནས་དོལ་པ་དང་ལུང་སྨད་པ་དང་མཇལ་ནས་དེར་ལོ་བཞི་བཞུགས། དགུང་ལོ་སུམ་ཅུ་བཞེས་ཀྱི་བར་ལ་བསྟེན། དེ་ནས་གྲའི་སོ་ཐང་པ་དེའི་ཞལ་ནས། ངའི་མཆོད་གནས་བྱ་གསུངས་པ་ལ་སྔར་གྱི་ཚིག་བརྒྱད་པོ་དེ་གསན་པས་བཀའ་གདམས་པ་ལ་མོས་པས་མཆི་བར་ཞུས། དེར་ཁོང་གིས་གཏོར་མ་གཅིག་མཛད་ནས། ད་ཁྱེད་མནར་མེད་ཀྱི་མེ་གསེབ་ཏུ་བསྲེག་ཀྱང་བར་ཆད་མེད་པར་བླ་མ་གཅིག་དང་མ་མཇལ་ན། ང་ལ་བྱིན་རླབས་མེད་པ་ཡིན་གྱི་གསུངས། དེ་ནས་སུམ་ཅུ་སོ་གཅིག་གི་ལོ་ལ་དབུ་རུར་བྱོན། གླང་ཐང་པ་ལ་དད་དེ་འདས། ཁོང་གི་ཤུལ་ན་རྒྱུད་སུ་མཐོ་བྲིས་པས། མཉན་མཐོ་ཟེར། དེར་གླང་ཐང་དུ་བཞུད་པར་བཞེད་ནས། གཡོག་པོ་གསུམ་སྔོན་ལ་དཔེ་ཆ་སྐྱེལ་དུ་བཏང་བས། གཉན་དང༌། བ་ཝ་འདུལ་བ་འཛིན་པ་དང་། མདོ་སྡེ་དང་གསུམ། གླང་ཐང་འཛིན་པ་ལ་མ་མཐུན་པར་འདུག་ཟེར་ནས་ལོག་ནས་བྱུང༌། འོ་ན་མི་འོང་བར་འདུག ཁྱེད་གསུམ་བཞོར་ཤ་ར་བ་ཅན་དུ་སོང་། ང་ཞང་བྲག་དམར་བ་ཅན་དུ་ལྟར་འགྲོ་གསུང་ནས་འབྲོམ་པ་ནས་གྱེས་ནས་སེར་བ་ཁར་བྱོན། སེར་ཐོག་པའི་གཉེར་བ་ལ་སྣམ་བུ་གཅིག་བཙོངས་ཏེ། དགུན་ཟླ་བ་གཉིས་དེར་བཞུགས། དཔྱིད་འཇོད་མོར་བྱོན། མཚར་སྣར་དགུང་ལོ་བཅུ་གཉིས་བསོད་སྙོམས་མཛད། དེ་ནས་འཇོད་མོ་ཀེ་རུར་འབྱོན་པར་བཞེད་ནས་བྱོན་ཙ་ན། ཤ་ར་བའི་གྲྭ་བ་ལྷོ་གཉལ་བ་ཟོང་ཚོང་བ་མང་པོ་བྱུང༌། ཕྱག་རྟེན་བྱས་ནས་འདི་ཙུག་མཛད་པས་ག་ན་མཆི། གཞོར་གཤེགས་ཟེར་ནས་དྲེའུ་རབ་དགོན་པར་ནས་ཁལ་གཅིག་ཕོག་ནས་དེར་བཞུགས་སུ་བཅུག ཁོང་རྣམས་ཟོང་སྐོར་ལ་སོང་། དེར་ལོག་ནས་གཞོར་བྱོན། དབྱར་དེ་ཉན་ཐོས་ཀྱི་ས་གསུང་ཞིང་འདུག གསན་པས་བྱིངས་ཉོག་གེ་བ་གཅིག་ལས་བློ་འཁུལ་བ་ཁོ་ན་མ་བྱུང་། འདི་ཀུན་གྱི་ཟུར་དང་ཡེ་མ་བྱུང་བས་མེད་སྙམ་ནས་རྒྱགས་སྐྱེལ་བ་གཅིག་ཡོད་པ་ལ་ང་གལ་ཏེ་དོན་གཉེར་དུ་འགྲོ་བས་མ་སྐྱེལ་ཅིག་བྱས། ཆོས་འདི་འདུག་ན་བསྡད། མི་འདུག་ན་འགྲོ་དགོས། ཁྱི་ལུག་བཞིན་ཕུང་པོ་གང་ཁྱེར་བསྡད་པས་མི་ཡོང་དགོངས། ཞུ་བའི་སྐབས་མ་བྱུང་། ཉིན་ཅིག་གྲྭ་བ་རྣམས་སྟོན་མོ་ལ་ཞུགས། དགེ་བཤེས་པ་ཁོ་རང་གིས་བཞེངས་པའི་འབུམ་པ་ལ་བསྐོར་བ་མཛད་ཅིང་བཞུགས་པའི་སར་འཇིགས་སེ་གཅིག་གིས་ཕྱིན་ནས་ཕྱག་བྱས་ཙམ། སེ་གཏིང་ནས་འདིར་བཞུགས་པར་ཞུ་དང༌། ཞུ་རྒྱུ་གཅིག་བདོག་ཞུས་པས། བོ་དྷི་རྩིའི་ཕྲེང་བ་གཅིག་བགྲང་གིན་སྟོན་པ་ལ་གྲོས་མ་ཆོད་པ་ཅི་དོག །དགེ་བཤེས་པོ་ཏོ་བ་ལ་ཐེག་པ་ཆེན་པོ་བློ་སྦྱོང་བྱ་བ་བདོག་སྐད་པ་ཞེས་གླེང་ནས། ཁོ་བོ་དེ་ལ་མོས། ཆོས་ལུགས་འདི་འདྲ་བ་ཡང་གདའ་ན། ཁང་པ་མ་རྙེད་པ་ལ་སོགས་པ་ལ་རེས་ཕན་པར་བྱུང་། རེས་བཏུབ་གྲགས་པ་ཡང་མ་བྱུང་། ལམ་དུ་འགྲོའམ་མི་འགྲོ་ལགས་ཞུས་པས། ཕྲེང་བ་རྡོག་ཅིང་སྟོན་པ་ལ་བཏུབ་མ་བཏུབ་ཀྱི་ལམ་ན་མེད། སངས་རྒྱས་མི་འདོད་ན་མི་འདོད་འདོད་ཕན་ཆད་ལམ་དེར་མ་ཞུགས་པར་འཚང་རྒྱ་མི་སྲིད་གསུངས། འདི་ཙམ་པས་ཆོག་གསུངས་ཚོད་ཀྱི་ནང་ན་ཉམས་མྱོང་ཁྱད་པར་ཅན་ཡོད་ངེས་སྙམ་པ་ཅིག་བྱུང་གསུངས། འོ་ན་ལུང་ཆོས་པ་ལ་ལུང་དགོས་ན་བདོག་གམ་ཞུས་པས། སྤྱོད་འཇུག་གི འགྲོ་བའི་སྡུག་བསྔལ་གང་ཅིའང་རུང་། །ཞེས་པ་དེ་ཡོང་ངམ་སྙམ་ཙ་ན། སློབ་དཔོན་ཀླུ་སྒྲུབ་ལ་ཚད་མར་མི་བྱེད་པ་སུ་བདོག དེའི་རིན་ཆེན་ཕྲེང་བ་ན་མར་ལ། བདག་ལ་དེ་དག་སྡིག་སྨིན་ཅིང་། །བདག་དགེ་མ་ལུས་དེར་སྨིན་ཤོག་།ཟེར་བ་གདའ་གསུངས། དེར་ཕྱག་གསུམ་འཚལ་ཡོང་། རིན་ཆེན་ཕྲེང་བ་ཡོད་དམ་དྲིས་པས་ཡོད་ཟེར། ཞལ་ཕྱེ་ལྟས་པས་འདུག་སྟེ། སྔར་ཨེན་རེས་ལྟས་པ་ལ་མ་ཟིན་པར་འདུག་གསུང་སྐད། དེར་དགའ་ནས་རྒྱགས་སྐྱོལ་ཅིག་བྱས་ནས་གཞོར་ལོ་གཉིས་ཙམ། དགེ་གོང་དུ་ལོ་དྲུག་ཙམ་ལོ་ངོ་དགུ་འདི་ཤ་སྟག་རྩད་གཅད། གཞན་རྣམས་སྨ་ར་སྐེ་ལ་ཟོངས་འདོགས་ ཟེར་བ་བཞིན་དུ་བྱས་གསུང་སྐད། ཤར་བར་འཕོས་ནས་སྒང་མ་སི་ཐོག་ཏུ་སོང་གསུངས། དེ་ཙམ་གཅིག་བཞུགས་ཀྱང་ལྐོག་ཏུ་རྩད་གཅོད་པ་ལས་ཚོགས་སུ་ས་བོན་གཅིག་ཡོད་པའི་སར་བཏུབ་ན་དེ་ཙུག་ཀྱང་མཛོད་ཨང་གསུང་བ་ཟུར་ས་གཅིག་ལས་མ་བྱུང་། དེ་ཡང་འཕྲིག་ཡོད་པས་གོ་རུང་། གཞན་གྱི་དེ་ཡང་མི་གོ་བ་གཅིག་ལས་མ་བྱུང་སྟེ། དེས་ཐུགས་ཆུང་ཡང་དཀྱེལ་ ཆེ་གྲགས། གྲྭ་བ་ཉིས་སྟོང་བརྒྱད་བརྒྱ་ཙམ་རེ་དུས་རེ་ལ་འཚོགས་པ་ལ། སློབ་དཔོན་གཅིག་པུ་ལས་གཞན་ལ་འཕྲིག་ཚད་མ་བྱུང༌། སྟབས་ཀ་བ་ཙམ་ལ་ཡང་སྤྱོད་ཡུལ་ཡོངས་སུ་དག་པའི་མདོ་ལ་བརྟེན་པ་གཅིག་ལས་མ་གནང་བར་འདུག་གསུངས། དེ་བས་མང་བ་གཅིག་ལ་གནང་ན་ཕན་ཆེ་བ་གཅིག་ཡོང་བར་འདུག་པ་ལ་གསུང་སྐད། དེ་ནས་འཆད་ཀ་བ་ཁོང་དག་ལ་ཡང་དང་པོ་སུས་ཀྱང་རྩད་མ་ཆོད། ཕྱིས་མཛེ་བོ་ཁ་ཡར་ལ་གནང་བ་ལ་དག་སྣང་ཆེ་ཆེ་ཁ་ཡར་གྱི་ཚོར་ནས་གཅིག་གིས་གཅིག་སྐྲུན་ཅིང་ཞུས་པས། མིང་མཛེ་ཆོས་སུ་གྲགས། བྱིན་གྱིས་སྐྱོར་ལུང་ན་བཞུགས་པའི་དུས་སུ་གཅུང་པོ་དང་། འབལ་པོ་ཆེས་ཞབས་ཏོག་བྱས་ནས་མཛེ་མོ་རྐང་ལག་ཆད་པ་གཅིག་ཁུར་ནས་བཟའ་བྱིན་ཆོས་གསུངས་པ་དང༌། ལྷ་སྡིངས་སུ་ཐོས་པ་དཀའ་དང༌། གཉིས་པོ་དེ་ལ་ཅམ་ཚེ་སྐོན། སྐུ་རྒྱབ་ཏུ་བཞག་ནས་མཛད་པ་དང་། ཡང་མཛེ་ཕོ་གསོས་ཕམ་ཕབས་དང་གདམས་ངག་གནང་བས་མཛེ་ཆོས་ཟེར། ཕྱིས་འདྲིས་སུ་བྱོན་ནས་འདི་ཚོགས་སུ་གསུངས་པའི་ཆོས་མིན། བཏུབ་པ་ཁ་ཡར་ལ་ལྐོག་ཏུ་ཁྲིད་པ་ཡིན་ཏེ། སུ་ལ་ཡོང་བ་དང་སུ་ལ་མི་ཡོང་ཡང་མི་ཤེས་པར་འདུག ལྐོག་ཏུ་ཁྲིད་པས་མི་ལང་བར་འདུག་པས། ད་ཐམས་ཅད་ལ་ཚོགས་སུ་བྱེད་པ་ཡིན་ནོ་གསུངས་ནས་ཚོགས་སུ་གསུངས་བ་ཡིན། དེས་ན་འདི་ཐམས་ཅད་ལ་མེད་པའི་ཐེག་པ་ཆེན་པོ་ཐུན་མོང་མ་ཡིན་པའི་ལམ་ཡིན། ཆོས་གཅིག་ལ་འདི་ལས་ཟབ་པ་དང་རྒྱ་ཆེ་བ་མེད། དགེ་བཤེས་ཆེན་པོ་འཆད་ཀ་བས་ཀྱང་ཤ་ར་བ་ལ་འདི་རྩད་མ་ཆོད་ཀྱི་རིང་ལ་བླ་མ་བརྒྱད་ཅུ ར་ཉེ་ཙམ་བསྟེན། ཇི་ཙམ་པའི་ཆོས་དང་གདམས་ངག་ཐོབ་ཀྱང་སངས་རྒྱས་སྒྲུབ་པ་ལ་ད་དུང་འདི་ཙུག་མིན་པ་ཅིག་ག་ཤེས་ན་ཡོད་དེ་ཡོད་དམ་སྙམ་པ་ལས། ཁོ་ཐག་ཆོད་པ་གཅིག་མ་བྱུང་བ་ལ། ཤ་ར་བ་ལ་འདི་རྩད་ཆོད་པ་དང་། ད་ཡོང་འདི་ལས་ལྷག་པ་གང་ན་ཡང་མེད་སྙམ་ནས་ཐག་ཆོད། འགྲམ་ཆུ་མི་ལྡང་། ཉན་སྙིང་མི་འདོད་པ། ལྷོད་པ་གཅིག་བྱུང་གསུངས་སྐད། འདི་བྱུང་ན་མིས་ལྟས་ན་ཐ་མལ་བ་འདྲ་བ་ལ། རང་ཅི་བྱེད་ཐམས་ཅད་མཁྱེན་པའི་རྒྱུ་འབའ་ཞིག་ཏུ་འགྲོ་བ་ཅིག་ཡོང་། དེ་ཡང་རླབས་ཅན་ཤ་སྟག་ཏུ་འགྲོ་བ་ཅིག་ཡོང་། འདི་ཤ་སྟག་ཏུ་ཐུགས་དམ་དུ་མཛད་པས་འདའ་དཀའ་ཙམ་ན་ཡང་འཇིག་རྟེན་ན་སྒྲ་གཅིག་ཐོས་པ་ལ་བློ་སྦྱོང་གི་སྒྲ་ལས་སྙན་པ་མེད་པས། ཁྱེད་ཀྱིས་ངའི་རྣ་བར་སྒྲོགས་ཞེས་པ་དང་། བྱིས་པ་བརྡའ་ཕྲད་ནས་གཞན་གྱི་སྡུག་བསྔལ་ལེན་པ་ལ་གད་ངམ་མེ། དགའ་ཡལ་ལེ་གཅིག་ཡིན་པ་ལ། ད་རེས་ནི་འདོད་པ་ཙུག་མ་བྱུང༌། བདེ་བ་ཅན་གྱི་སྣང་བ་ཅིག་ཁོ་ན་བྱུང་གསུངས་ནས་ཐམས་ཅད་ཀྱི་སྡུག་བསྔལ་ཁོང་ལ་སྤུངས་པར་བཞེད་པ་དང་། གཅུང་པོས་སྐུ་ཁམས་ཞན་པར་གདའ་བས་ཐུགས་དམ་མཛོད་ཅིག་ཅེས་ཞུས་པས། བློ་སྦྱོང་གི་ཚིག་ཁ་ཡར་གསུ ངས་ནས་སྐུ་ཁམས་ཞན་ཡང་དེ་ལྟ་བུ་མིན་པ་ཚམ་ཚོམ་གྱིས་ཆོད་པར་མ་མཐོང་གསུངས་སྐད། དེས་ན་འདི་ཐུགས་དམ་གྱི་མཐིལ་ཕྱུང་བའོ།། དགེ་བའི་བཤེས་གཉེན་སྤྱིལ་བུས་ཀྱང་དང་པོ་གྱེན་གྱི་ལྷ་སྡིངས་སུ་སླེབས། འདི་ཡང་དང་པོ་དེར་གསན་ནས་ལོ་ཉི་ཤུ་རྩ་བཞི་བསྟེན། དེའི་བར་ལ་འདི་ཤ་སྟག་དྲིས་པ་འདྲ་བ་ཅིག་བྱས། ཐུགས་དམ་ཡང་དང་པོ་འདི་ཤ་སྟག་མཛད་པས་ཡེངས་པ་ལ་སོགས་པ་ཅི་བྱུང་ཡང་གནོད་པ་མི་མངའ། སྤྱིལ་བུ་ཡང་མཆོད་ཁང་རང་ཡང་མེད་པར་འདི་ཤ་སྟག་སྦྱང་སྙམ་པ་ཡིན་པ་ལ་གསུངས། རྟོག་པ་ཡང་ཚིག་གི་བགྲང་པའི་ སྐབས་སུ་སྐྱེས་པ་ཡིན་གསུངས་སྐད། ཕྱིས་ཚོགས་བསྡུས་ནས་ཀྱང་འཆད་ཀ་དང་ལྷ་སྡིངས་པ་ལ་སོགས་པར་མང་དུ་གསུངས། ཕྱིས་གྱེན་ན་བཞུགས་པའི་དུས་ན་སྤྱིལ་དུ་འཕོ་དཀར་དགེ་སྦྱོང་སྐྱེའུ་ཆུང་ན་རེ། དགེ་བཤེས་ཆེན་པོའི་སློབ་མ་མང་པོ་ཅིག་བྱོན་པ་ལ་སྐུ་ཚེ་ཐུང་བར་བྱུང་། དེ་ཅིས་ངའི་བསམ་པ་ལ་སྔགས་ཕར་ཕྱིན་གཉིས་ལ་བློ་སྦྱོང་འདི་ལས་ཟབ་པ་མི་འདུག་པ་ལ། དེ་ལན་ན། ཚོགས་བཤད་བྱས་པས་ལན་སྙམ་པ་ཅིག་བྱུང་ཟེར་བས། དགེ་བའི་བཤེས་གཉེན་པའི་ཞལ་ནས། དེ་བདེན། འདི་ལས་ཟབ་པ་མེད་དེ། ཚོགས་སུ་བཤད་པའི་འོས་མིན་ཡང་སློབ་དཔོན་ཁོང་ཐག་རིང་དུ་གཤེགས་པ་དང་། ལྐོག་ཏུ་ཁྲིད་ཀྱི་མ་ལང་བས་ཚོགས་སུ་གསུངས་པས་དེའི་སྲོལ་དུ་སོང་བ་ཡིན་གསུངས། དེ་ནས་སྤྱིལ་གྱི་རིང་ལ་ཡང་སློབ་དཔོན་མཉེས་པ་གཅིག་དང༌། ལྷག་མ་ཞིབ་ཚེགས་བྲེག་གསུམ་པས་ཞུས་པ་གཅིག་དང༌། སྟོན་གྲྭ་བ་ཤུལ་མ་ལའང་དེ་ལས་མ་གནང་། དེ་རྣམས་ལ་ཡང་འདི་ཚོགས་ཀྱི་འོས་མ་ཡིན་ཏེ། ཁོང་མི་ཆེན་གྱི་ངོ་མ་ཕྱོགས་པ་ཡིན། ང་ཚོགས་སུ་འདི་ལས་བཤད་པ་མི་ཡོང་བས་ཁྱེད་རང་ཐམས་ཅད་ནན་ཆགས་གྱིས་ཤིག་གསུངས། དེས་ན་རང་ཅག་ཐམས་ཅད་ཀྱང་གོང་མ་དེ་རྣམས་ཀྱི་རྗེས་སུ་སློབ་ཅིང་། ཅི་བྱེད་ཐམས་ཅད་མཁྱེན་པའི་རྒྱུ་ལས་གཞན་དུ་མི་འགྲོ་བར་འདོད་པས་གདམས་ངག་ཐུན་མོང་མ་ཡིན་པ་འདི་ལ་ངེས་པར་ཐོབ་པར་བྱས་ལ་བློ་སྦྱོང་ངོ༌།། ༈ འོ་ན་འདི་སངས་རྒྱས་གང་གིས་སྦྱོངས་ལུགས་ཡིན། དུས་གང་དུ། ཇི་ལྟར་སྦྱང་སྙམ་ན། སྟོན་པ་ཤཱཀྱ་ཐུབ་པའི་སྦྱོང་ལུགས་ཡིན་ཏེ། སྙིང་རྗེ་པད་དཀར་ལས། སྔོན་བསྐལ་པ་གྲངས་མེད་པ་གངྒའི་བྱེ་མ་སྙེད་འདས་པ་ན་བསྐལ་བ་འཛིན་པ་ཆེན་པོ་ཞེས་བྱ་བ་ལས་འཁོར་ལོས་བསྒྱུར་བའི་རྒྱལ་པོ་རྩིབས་ཀྱི་མུ་འཁྱུད་ཞེས་བྱ་བའི། མདུན་ན་འདོན་བྲམ་ཟེ་རྒྱ་མཚོའི་རྡུལ་ཞེས་བྱ་བ་ལ་སྲས་མཚན་དང་ལྡན་པ་རྒྱ་མཚོའི་སྙིང་པོ་ཞེས་བྱ་བ་བྱུང་སྟེ། དེ་སངས་རྒྱས་པའི་མཚན་དེ་བཞིན་གཤེགས་པ་རིན་ཆེན་སྙིང་པོ་ཞེས་བྱ་བའི་དྲུང་དུ། བྲམ་ཟེ་རྒྱ་མཚོའི་རྡུལ་གྱིས་བསྐུལ་ནས་རྒྱལ་པོ་དང༌། རྒྱལ་པོའི་སྲས་སྟོང་དང་། རྒྱལ་པོ་བརྒྱད་ཁྲི་བཞི་སྟོང་དང༌། བྲམ་ཟེའི་བུ་བདེ་གཤེགས་རིན་ཆེན་སྙིང་པོའི་མཆེད་བརྒྱད་ཅུ་དང་། བྲམ་ཟེའི་སློབ་མ་བྱེ་བ་ཕྲག་གཉིས་ཀྱིས་སེམས་བསྐྱེད་པ་ལས་དེ་ཐམས་ཅད་ཀྱིས་ཞིང་དག་པར་སེམས་བསྐྱེད། བྲམ་ཟེ་གཞན་ཐམས་ཅད་ཀྱིས་སྤངས་པའི་སྙིགས་མའི་སེམས་ཅན་ཕ་ལ་ཕར་མི་འཛིན། མ་ལ་མར་མི་འཛིན། དགེ་སྦྱོང་དང་བྲམ་ཟེ་དང༌། རྒན་རབ་ལ་དེ་དག་ཏུ་མི་འཛིན་པའི་འདུལ་དཀའ་བའི་དུས་སུ་སངས་རྒྱས་ནས་འདུལ་བར་ཤོག་ གཅིག་པའི་སྨོན་ལམ་བཏབ། རམ་པོ་བའི་ཞལ་ནས། སངས་རྒྱས་བྱིན་པོ་སྔངས་པ་ལྟར་བྱས་ནས་བཤུམས་སོ་སྐད། དེས་ན་བཅོམ་ལྡན་འདས་བྲམ་ཟེ་རྒྱ་མཚོའི་རྡུལ་དུ་སྐྱེ་བ་ཞེས་པ་ནས་ཀྱི་སྦྱོང་ལུགས་ཡིན། དེ་ནས་མེའི་ཤིང་རྟ་འདྲེན་པ་དང༌། བྱམས་པའི་སྟོབས་ཀྱི་མཆོད་སྦྱིན་དང༌། སྟག་གི་སྐྱེས་རབས་ལ་སོགས་པ་གང་དུ་སྐྱེས་པ་ཐམས་ཅད་དུ་ཇི་ལྟར་སྦྱངས་པ་མདོ་ན་བཞུགས་པ་ཡིན། མགོན་པོ་བྱམས་པ། ཤཱ ཀྱ་ཐུབ་པ་བས་སེམས་བསྐྱེད་པ་བསྐལ་བ་བཞི་བཅུ་རྩ་གཉིས་པས་སྔ་བ་ལ། སྔོན་དུ་ཤཱ ཀྱ་ཐུབ་པ་སངས་རྒྱས་པ་ཡང་བརྩོན་འགྲུས་ཕུན་སུམ་ཚོགས་པས་འདི་ལ་བསླབ་པས་སོ།། དངོས་གཞི་ལུས་ལྟ་བུ། དེ་ལྟ་བུ་ཉམས་སུ་ལེན་པའི་ཚུལ་ནི། དངོས་གཞི་ལུས་ལྟ་བུ་དང༌། དེའི་ཡན་ལག་ལྟ་བུ་གཉིས་སོ། །དང་པོ་ལ་གསུམ་སྟེ། སྦྱོར་བ་དང༌། དངོས་གཞི་དང་། རྗེས་ལ་བློ་སྦྱོང་བའི་ཚུལ་ལོ།། སྔོན་འགྲོ་སྦྱོར་བ། དང་པོ་སྔོན་འགྲོ་དག་ལ་བསླབ། །ཅེས་པ་ནི། དལ་འབྱོར་རྙེད་དཀའ་བ་དང། འཆི་བ་མི་རྟག་པ་དང་། འཁོར་བའི་ཉེས་པ་བསམ་པའོ། །འདི་དག་དོང་འཁྲིད་པ་དེ་ནས་སེམས་པ་ལ་འཇུག་པ། དེ་ནས་སེམས་སྙིང་མི་འདོད་པ། དེ་ནས་ཡེངས་པ་ལ་སོགས་པ་ཐམས་ཅད་དུ་འདི་དག་གིས་ལྕག་གིས་བསྐུལ་ནས་སེམས་པའོ།། དང་པོ་དལ་འབྱོར་རྙེད་དཀའ་བསམ་པ། དལ་འབྱོར་རྙེད་དཀའི་བསམ་པ་ལ། དལ་བ་ལ་མི་ཁོམ་པའི་གནས་བརྒྱད་སྤངས་ནས་ཆོས་བྱར་ཁོམ་པ་ཡིན་ལ། དེ་ལ་མི་ཁོམ་པའི་གནས་བརྒྱད་ནི། ངན་སོང་གསུམ་དང་། ལྷ་ཚེ་རིང་པོ་སྟེ་མི་མ་ཡིན་པའི་འགྲོ་བ་བཞི་དང་། ཡུལ་མཐའ་འཁོབ་པ་དང་། དབང་པོ་མ་ཚང་བ་དང༌། ལོག་ལྟ་ཅན་དང༌། སངས་རྒྱས་མ་བྱོན་པའི་ཞིང་དུ་སྐྱེས་པ་སྟེ། མིའི་འགྲོ་བ་བཞི་སྟེ་བརྒྱད་དོ། །དེ་ལྟར་ཡང་། དམྱལ་བ་ཡི་དྭགས་དུད་འགྲོ་དང༌། །ཚེ་རིང་ལྷ་དང་ཀླ་ཀློ་དང་། །སངས་རྒྱས་འབྱུང་མིན་ལོག་ལྟ་དང༌། །ལྐུག་པ་འདི་དག་མི་ཁོམ་བརྒྱད།། །ཅེས་སོ། །འབྱོར་བ་ནི། ཆོས་ཀྱི་མཐུན་རྐྱེན་འབྱོར་བ་སྟེ། རང་འབྱོར་ལྔ་དང༌། གཞན་འབྱོར་ལྔ་ཚང་བའོ། །དེ་ལ་རང་འབྱོར་ལྔ་ནི། མིར་སྐྱེས་པ་དང་། ཡུལ་དབུས་སུ་སྐྱེས་པ་དང༌། དབང་པོ་ཚང་བ་དང་། གནས་ལ་དད་པ་དང༌། ལས་ཀྱི་མཐའ་མ་ལོག་པའོ། །གཞན་འབྱོར་ལྔ་ནི། སངས་རྒྱས་འཇིག་རྟེན་དུ་བྱོན་པ་དང་། དེས་ཆོས་གསུངས་པ་དང༌། བསྟན་པ་གནས་པ་དང༌། བསྟན་པའི་རྗེས་སུ་འཇུག་པ་གཞན་ཡོད་པ་དང༌། ཞུགས་པའི་ཕྱིར་སྙིང་བརྩེ་བའོ། །ཀླུ་སྒྲུབ་ཀྱི་འཁོར་ལོ་བཞིའམ། ཐོགས་མེད་ཀྱི་སྨིན་པ་བརྒྱད་དམ། དབྱིག་གཉེན་གྱི་ཡོན་ཏན་བདུན་ཡང་འབྱོར་བ་ཡིན་ན་ནོནོ དེ་རྙེད་པར་དཀའ་བ་སེམས་པ་ནི། ངོ་བོ་དང་། རྒྱུ་དང༌། དཔེའི་སྒོ་ནས་སེམས་པའོ། །དང་པོ་ནི། འཛམ་བུ་གླིང་གི་མི་བས་ཡོབ་ཕྱེ་རྫིང་གང་ངམ། མཚོ་མཐའ་གཅིག་གི་སྦྲང་མ་མང་བས་སོ། །གཉིས་པ་ནི། རྒྱུ་ཚུལ་ཁྲིམས་རྣམ་པར་དག་པ་ཡིན་ཏེ། དེ་བསྲུང་བ་ཤིན་ཏུ་ཉུང་བས་སོ། །གསུམ་པ་ནི། མེ་ཏོག་གི་ཚོགས་ལ་སོགས་པའི་མདོ་དང་། ཀླུ་སྒྲུབ་ལ་སོགས་པའི་བསྟན་བཅོས་ལས། ཤིང་བུ་ག་ཅིག་པར་རུས་སྦལ་གྱི་མགྲིན་པ་ཆུད་པ་ལ་སོགས་པ་དཔེ་མང་དུ་གསུངས་པ་ཡིན་ཏེ། བཤེས་སྤྲིངས་ལས། རྒྱ་མཚོ་ཆེར་གཡེངས་གཉའ་ཤིང་བུ་ག་དང༌། །རུས་སྦལ་ཕྲད་པ་བས་ཀྱང་དུད་འགྲོ་ལས། །མི་ཉིད་ཆེས་ཐོབ་དཀའ་བས་མི་དབང་གིས། །དམ་ཆོས་སྤྱོད་པས་དེ་འབྲས་མཆིས་པར་མཛོད། །ཅེས་དང་། སྤྱོད་འཇུག་ལས། དེ་ཉིད་ཕྱིར་ན་བཅོམ་ལྡན་གྱིས། །རྒྱ་མཚོ་ཆེར་གཡེངས་གཉའ་ཤིང་གི །བུ་གར་རུས་སྦལ་མགྲིན་ཆུད་ལྟར། །མི་ཉིད་ཤིན་ཏུ་ཐོབ་དཀར་གསུངས། །ཞེས་དང་། དེ་བཞིན་གཤེགས་པ་འབྱུང་བ་དང༌། །དད་དང་མི་ལུས་ཐོབ་པ་དང༌། །དགེ་གོམས་རུང་བ་འདི་ལྟ་བུ། །དཀོན་ན་ནམ་ཞིག་ཐོབ་པར་འགྱུར། །ཞེས་དང༌། སློབ་སྤྲིངས་ལས། བདེ་གཤེགས་ལམ་སྟོན་འགྲོ་བ་འདྲེན་པར་ཆས་གྱུར་ཅིང༌། །སེམས་ཀྱི་སྟོབས་ཆེན་མི་ཡིས་རྙེད་པ་གང་ཡིན་པའི། །ལམ་དེ་ལྷ་དང་ཀླུ་ཡིས་རྙེད་མིན་ལྷ་མིན་དང། །མཁའ་ལྡིང་དྲི་ཟ་མིའ མ་ཅི་དང་ལྟོ་འཕྱེས་མིན། །ཞེས་དང་། སྤྱོད་འཇུག་ལས། དལ་འབྱོར་འདི་ནི་རྙེད་པར་ཤིན་ཏུ་དཀའ། །སྐྱེས་བུའི་དོན་གྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱིས་འདི་ཡང་དག་འབྱོར་བར་ག་ལ་འགྱུར །ཞེས་དང་། སྡོང་པོ་བཀོད་པ་ལས། མི་ཁོམ་པ་བརྒྱད་ལས་ལོག་པའང་རྙེད་པར་དཀའ། མི་འགྱུར་བའང་རྙེད་པར་དཀའ། དལ་བ་ཕུན་སུམ་ཚོགས་པ་མ་ཚང་བ་མེད་པ་ཡང་རྙེད་པར་དཀའ། ཞེས་པ་ལ་སོགས་པ་མདོ་བསྟན་བཅོས་དུ་མ་ལས་གསུངས་པ་ལས་རྙེད་པར་དཀའ་བ་འདི་ཐོབ་པའི་དུས་སུ་ཆོས་མ་བྱས་ན་དལ་འབྱོར་ཆུད་གསན་པ་ཡིན་ཏེ། སྤྱོད་འཇུག་ལས། འདི་འདྲའི་དལ་བ་རྙེད་གྱུར་ནས། །བདག་གིས་དགེ་གོམས་མ་བྱས་ན། །འདི་ལས་བསླུས་པ་གཞན་མེད་ཅིང་། །འདི་ལ རྨོངས་པའང་གཞན་མེད་དོ། །ཅེས་དང་། གང་ཚེ་དགེ་སྤྱོད་སྐལ་ལྡན་ཡང་། །བདག་གིས་དགེ་བ་མ་སྤྱད་ན། །ངན་སོང་སྡུག་བསྔལ་ཀུན་རྨོངས་པ། །དེ་ཚེ་བདག་གིས་ཅི་བྱར་ཡོད། །ཅེས་པ་ལ་སོགས་པ་གསུངས་པས་ཆོས་ལ་འབད་དགོས་ཏེ། སློབ་སྤྲིངས་ལས། མི་ཡི་དངོས་པོ་ཤིན་ཏུ་རྙེད་དཀའ་རྙེད་གྱུར་ནས། །དོན་དུ་བརྣག་པ་གང་ཡིན་དེ་ནི་བསྟུན་ཏེ་བསྒྲུབས། །ཅེས་དང། གང་ཞིག་ཐོབ་ནས་སྐྱེ་བའི་རྒྱ་མཚོ་མཐར་འབྱིན་ཅིང་། །བྱང་ཆུབ་མཆོག་གི་ས་བོན་དགེ་བའང་འདེབས་གྱུར་པ། །ཡིད་བཞིན་ནོར་བུ་བས་ཀྱང་ཡོན་ཏན་ལྷག་པ་ཡི། །མི་ཉིད་དེ་ནི་འབྲས་བུ་མེད་པར་སུ་ཞིག་བྱེད། །ཅེས་གསུངས་ཤིང་། ཆོས་ལ་བྱང་ཆུབ་ཀྱི་སེམས་ལས་བཟང་བ་མེད་པས་འདི་བསྒོམ་པ་ལ་འབད་པར་བྱའོ།། གཉིས་པ་འཆི་བ་མི་རྟག་པ་བསམ་པ། གཉིས་པ་འཆི་བ་མི་རྟག་པ་བསམ་པ་ལ་གསུམ་སྟེ། ངེས་པར་འཆི་བ་དང་། ནམ་འཆི་ཆ་མེད་པ་དང་། འཆི་བ་ལ་ཅིས་ཀྱང་མི་ཕན་པའོ། །དང་པོ་ལ་གསུམ་སྟེ། སྔར་སྐྱེས་པ་ལ་མ་ཤི་བ་མེད་པ་དང་། ཚེ་འདུས་བྱས་ཡིན་པ་དང་། སྐད་ཅིག་མ་ཡིན་པས་ངེས་པར་འཆི་བའོ། །དང་པོ་ནི། འདི་ལྟར་སྐྱེ་བ་ཐམས་ཅད་ཀྱི། །མདུན་ན་གནས་པ་འཆི་བ་སྟེ། །ཞེས་དང་། མྱང་ངན་ལ་བསལ་བ་བ་ལས། སའམ་འོན་ཏེ་མཐོ་རིས་ན། །སྐྱེས་ནས་ལ་ལ་མི་འཆི་བ། །འགའ་ཞིག་ཁྱོད་ཀྱིས་མཐོང་ངམ་ཅི། །ཐོས་སམ་འོན་ཏེ་ཐེ་ཚོམ་ཟ། །ཞེས་དང་། ཅི་སྟེ་སངས་རྒྱས་རྣམས་ཀྱི་སྐུ། །མཚན་དང་དཔེ་བྱད་ཀྱིས་བརྒྱན་པ། །རྡོ་རྗེའི་སྐུ་ཡང་མི་རྟག་ན། །ཆུ་ཤིང་སྙིང་པོ་འདྲ་བ་ཡི། །ལུས་ཅན་རྣམས་ལ་སྨོས་ཅི་དགོས། །ཞེས་པ་ལྟར་རོ།། གཉིས་པ་ཚེ་འདུས་བྱས་ཡིན་པས་ངེས་པར་འཆི་བ་ནི། འདུས་བྱས་བསགས་པའང་སྐད་ཅིག་འཇིག་འགྱུར་ཏེ། །སྐྱེ་ལ་སོགས་པའི་སྡུག་བསྔལ་ཉོན་མོངས་ལྡན། །ཞེས་དང་། འདུལ་བ་ལུང་ལས། འདུས་བྱས་རྟག་པར་འགྱུར་བ་ཡི། །གནས་དེ་གང་ནའང་ཡོད་མ་ཡིན། །འདུས་བྱས་ཐམས་ཅད་མི་རྟག་གིས། །མྱ་ངན་མ་བྱེད་ཀུན་དགའ་བོ། །ཞེས་དང༌། ཀྱེ་མ་འདུས་བྱས་རྣམས་མི་རྟག །སྐྱེ་ཞིང་འཇིག་པའི་ཆོས་ཅན་ཡིན། །སྐྱེས་ནས་འཇིག་པར་འགྱུར་བ་སྟེ། །དེ་བས་ཉེ་བར་ཞི་བ་བདེ། །ཞེས་པ་ལྟར་རོ།། གསུམ་པ་ནི། ཚེ་སྐད་ཅིག་མ་ཡིན་པས་ངེས་པར་འཆི་སྟེ། སྤྱོད་འཇུག་ལས། ནད་མེད་ཉི་མ་འདི་ལྟ་བུ། །ཟས་བཅས་འཚེ་བ་མེད་ཀྱང་ནི། །ཚེ་ནི་སྐད་ཅིག་བསླུ་བ་མེད། །ལུས་ནི་ཐང་ཅིག་བརྙན་པོ་ཡིན། །ཞེས་དང་། སློབ་སྤྲིངས་ལས། མར་མེ་ཤུགས་དྲག་རླུང་གིས་བསྐྱོད་པ་ལྟ་བུ་ཡི། །ཚེ་ནི་སྐད་ཅིག་གནས་པའི་གདེངས་ཡང་ཡོད་མ་ཡིན། །ཞེས་པ་ལྟར་རོ། །ངེས་པར་འཆི་ཡང་ད་དུང་ལོང་ཡོད་སྙམ་ན། དེའི་གཉེན་པོར་ནམ་འཆི་ཆ་མེད་པ་བསྒོམ་པ་ལ་གསུམ་སྟེ། ལུས་ལ་སྙིང་པོ་མེད་པ་དང༌། ཚེ་ལ་དུས་བཏབ་མེད་པ་དང་། འཆི་བའི་རྐྱེན་མང་བའོ། །དང་པོ་ནི། རྟག་པ་དང་གཙང་བ་ལ་སོགས་པའི་སྙིང་པོ་མེད་པས་ནམ་འཆི་ཆ་མེད་དེ། བཤེས་སྤྲིངས་ལས། ལུས་མཐའ་ཐལ་བ་མཐར་སྐམ་མཐར་འགྲུལ་ཞིང་། །ཐ་མར་མི་གཙང་སྙིང་པོ་མ་མཆིས་པས། །རྣམ་པར་འཇིག་སྟེ་མྱགས་པར་འགྱུར་བ་སྟེ། །སོ་སོར་འགྱེས་ཆོས་ཅན་དུ་མཁྱེན་པར་མཛོད། །ཅེས་དང་། ས་དང་ལྷུན་པོ་རྒྱ་མཚོ་ཉི་མ་བདུན། །འབར་བས་བསྲེགས་པའི་ལུས་ཅན་འདི་དག་ཀྱང་། །ཐལ་བ་ཡང་ནི་ལུས་པར་མི་འགྱུར་ན། །ཤིན་ཏུ་ཉམས་ཆུང་མི་ལྟ་སྨོས་ཅི་འཚལ། །ཚེ་ནི་གནོད་མང་རླུང་གིས་བཏབ་པ་ཡི། །ཆུ་ཡི་ཆུ་བུར་བས་ཀྱང་མི་རྟག་ན། །དབུགས་རྔུབ་དབུགས་འབྱུང་གཉིད་ཀྱིས་ལོག་པ་ལས། སད་ཁོམ་གང་ལགས་དེ་ནི་ངོ་མཚར་ལགས། །ཞེས་དང་། གཞོན་ནུ་མ་བདུན་གྱི་རྟོགས་བརྗོད་ལས། འདོར་བར་འགྱུར་བའི་ལུས་སྲོག་ལ། །རྩྭ་དང་ཆུ་ཡི་ཟིལ་པ་ལྟར། །ཞེས་པ་ལ་སོགས་པ་གསུངས་པ་ལྟར་རོ།། གཉིས་པ་ཚེ་ལ་དུས་བཏབ་པ་མེད་པས་ནམ་འཆི་ཆ་མེད་པ་ཡིན་ཏེ། མཛོད་ལས། སྒྲ་མི་སྙན་ན་ཚེ་སྟོང་སྟེ། །གཉིས་ན་ཕྱེད་ཕྱེད་སྤངས་པའོ། །འདི་ན་མ་ངེས་ཐ་མར་ནི། །ལོ་བཅུ་དང་པོ་དཔག་ཏུ་མེད། །ཅེས་པ་ལྟར་རོ། །གསུམ་པ་འཆི་བའི་རྐྱེན་མང་བས་ནམ་འཆི་ཆ་མེད་དེ། །རིན་ཆེན་ཕྲེང་བ་ལས། འཆི་བའི་རྐྱེན་དུ་མ་གྱུར་པའི། །དངོས་དེ་གང་ཡང་ཡོད་མ་ཡིན། །ཞེས་དང་། འཆི་བའི་རྐྱེན་ནི་མང་བ་སྟེ། །གསོན་པའི་རྐྱེན་ནི་ཅུང་ཟད་གཅིག །དེ་དག་ཉིད་ཀྱང་འཆི་རྐྱེན་ཏེ། །དེ་ལྟ་བས་ན་ཆོས་མཛོད་ཅིག་ །ཅེས་པ་ལྟར་རོ། །དེས་ན་ནམ་འཆི་ཆ་མེད་པས་ཆོས་ལ་འབད་དགོས་ཏེ། མཚན་མོ་བཟང་མོའི་མདོ་ལས། སང་ཙམ་འཆི་བར་སུས་ཤེས་ཀྱིས། །དེ་རིང་ཉིད་ནས་བརྟུན་ཏེ་བྱ། །འཆི་བདག་སྡེ་ཆེན་དེ་དང་ནི། །བདག་ཏུ་བཤེས་པ་མ་ཡིན་ནོ། །ཞེས་དང༌། སྤྱོད་འཇུག་ལས། ཡིད་བརྟན་མི་རུང་འཆི་བདག་འདི། །བྱས་དང་མ་བྱས་མི་སྡོད་པས། །ན་དང་མི་ན་ཀུན་གྱིས་ཀྱང་། །བློ་བུར་ཚེ་ལ་ཡིད་མི་བརྟན། །ཞེས་སོ།། གསུམ་པ་འཆི་བ་ལ་ཅིས་ཀྱང་མི་ཕན་པ་ལ་གསུམ་སྟེ། གཉེན་བཤེས་ཀྱིས་མི་ཕན་པ་དང་། རྫས་དང་ཡོ་བྱད་ཀྱིས་མི་ཕན་པ་དང་། རང་གི་ལུས་ཀྱིས་མི་ཕན་པའོ། །དང་པོ་ནི། སྤྱོད་འཇུག་ལས། བདག་ནི་མལ་ན་འདུག་བཞིན་དུ། །གཉེན་བཤེས་མང་པོས་མཐའ་བསྐོར་ཀྱང་། །སྲོག་ཆད་པ་ཡི་ཚོར་བ་དག །བདག་ཉིད་གཅིག་པུས་མྱོང་བར་འགྱུར། །ཞེས་པ་ལྟ་བུའོ། །གཉིས་པ་རྙེད་པས་མི་ཕན་པ་ནི། སྤྱོད་འཇུག་ལས། རྙེད་པ་མང་པོ་ཐོབ་གྱུར་ཏེ། །ཡུན་རིང་དུས་སུ་བདེ་སྤྱད་ཀྱང་། །ཆོམ་པོས་ཕྲོགས་པ་ཇི་བཞིན་དུ། །སྒྲེན་མོ་ལག་པ་སྟོང་པར་འགྲོ་ །ཞེས་དང་། གཞོན་ནུ་མ་བདུན་གྱི་རྟོགས་བརྗོད་ལས། ས་ཡི་བདག་པོ་འབད་པ་སྟོང་དག་གིས། །ཁྱིམ་དུ་རྫས་རྣམས་བསགས་པར་བྱས་པ་དང་། །མི་ཡི་སྐད་ཅིག་གིས་ནི་འདོར་འགྱུར་ཏེ། །དགེ་ལེགས་གཅིག་པུ་འདི་ཉིད་ལམ་དུ་བསྟན།&quot; །ཞེས་པ་ལྟར་རོ། །གསུམ་པ་ལུས་ཀྱིས་མི་ཕན་ཏེ། སྤྱོད་འཇུག་ལས། ལྷན་ཅིག་སྐྱེས་པའི་ཤ་རུས་ཀྱང་། །ཞིག་སྟེ་སོ་སོར་འགྱེས་གྱུར་ན།། །ཞེས་པ་ལྟར་རོ། །དེ་ལྟར་མི་རྟག་པར་མ་ཤེས་ན། སྤྱོད་འཇུག་ལས། ཐམས་ཅད་བོར་ཏེ་ཆས་དགོས་པར། །བདག་གིས་དེ་ལྟར་མ་ཤེས་པས། །མཛའ་དང་མི་མཛའི་དོན་གྱི་ཕྱིར། །སྡིག་པ་རྣམ་པ་སྣ་ཚོགས་བྱས། །ཞེས་པ་ལྟར་འབྱུང་ངོ༌། །དེ་ལྟར་མི་རྟག་པར་ཤེས་ན་རྒྱལ་པོ་ལ་གདམས་པའི་མདོ་ལས་ གསུངས་པ་ལྟར་ཆོས་འབའ་ཞིག་མགོན་དང་སྐྱབས་དང་དཔུང་གཉེན་དུ་ཤེས་ནས་ཆོས་ལ་འབད་པ་གཅིག་བྱུང་ཞིང་། ཆོས་ལ་བྱང་ཆུབ་ཀྱི་སེམས་ལས་བཟང་བ་མེད་པས་དེ་བསྒོམ་པ་ལ་འབད་པ་གཅིག་འབྱུང་བ་ཡིན་ནོ།། གསུམ་པ་འཁོར་བའི་ཉེས་དམིགས་བསམ་པ། གསུམ་པ་འཁོར་བའི་ཉེས་དམིགས་བསམ་པ་ནི། འགྲོ་དྲུག་སོ་སོའི་ཉེས་པ་དང༌། སྤྱིའི་ཉེས་པའོ། །དང་པོ་ལ་དམྱལ་བར་སྐྱེས་ནས་དེའི་སྡུག་བསྔལ་སྤྱོད་པ་ནི། ལས་མི་དགེ་བ་སྤྱད་པའི་འབྲས་བུ་ཏེ། བཤེས་སྤྲིངས་ལས། སེམས་ཅན་ཉེས་པར་སྤྱད་པ་སྤྱོད་རྣམས་ལ། །ཡང་སོས་ཐིག་ནག་རབ་ཏུ་ཚ་བ་དང་། །བསྡུས་འཇོམས་ངུ་འབོད་མནར་མེད་ལ་སོགས་པའི། །དམྱལ་བ་རྣམས་སུ་རྟག་ཏུ་སྡུག་བསྔལ་འགྱུར། །ཞེས་གསུངས་པས། །དེའི་སྡུག་བསྔལ་ནི། འདི་ན་ཉིན་གཅིག་མདུང་ཐུང་སུམ་བརྒྱ་ཡིས། །རབ་ཏུ་དྲག་བཏབ་སྡུག་བསྔལ་གང་ལགས་པ། །དེས་ནི་དམྱལ་བའི་སྡུག་བསྔལ་ཆུང་ངུ་ལའང་། །འོལ་ཡང་མི་ཕོད་ཆར་ཡང་མི་ཕོད་དོ། །ཞེས་དང་། དམྱལ་བ་བྲིས་པ་མཐོང་དང་ཐོས་པ་དང་། །དྲན་དང་བཀླགས་དང་གཟུགས་སུ་བགྱིས་རྣམས་ཀྱང་། །འཇིགས་པ་བསྐྱེད་པར་འགྱུར་ན་མི་བཟད་པའི། །རྣམ་སྨིན་ཉམས་སུ་མྱོང་རྣམས་སྨོས་ཅི་འཚལ། །ཞེས་སྡུག་བསྔལ་དུ་མས་ཉམ་ཐག་ཅིང་། ཡི་དྭགས་སུ་སྐྱེས་ན། ཡི་དྭགས་ན་ཡང་འདོད་པས་ཕོངས་པ་ཡིན། །སྐྱེད་པའི་སྡུག་བསྔལ་རྒྱུན་ཆགས་མི་འཆོས་པ། །བཀྲེས་སྐོམ་གྲང་དྲོ་ངལ་དང་འཇིགས་པ་ཡིས། །བསྐྱེད་པ་ཤིན་ཏུ་མི་བཟད་བསྟེན་འཚལ་ལོ །ཞེས་སྡུག་བསྔལ་གྱི་བྱེ་བྲག་དུ་མ་གསུངས་ཤིང་། །དུད་འགྲོར་སྐྱེས་ན་དེའི་སྡུག་བསྔལ་ནི། དུད་འགྲོའི་སྐྱེས་གནས་ན་ཡང་གསོད་པ་དང༌། །བཅིངས་དང་བརྡེག་སོགས་སྡུག་བསྔལ་སྣ་ཚོགས་པ། །ཞི་འགྱུར་དགེ་བ་སྤངས་པ་རྣམས་ལ་ནི། །གཅིག་ལ་གཅིག་ཟ་ཤིན་ཏུ་མི་ཟད་པ། །ཞེས་གསུངས་པ་ལྟ་བུ་ཡིན་ལ། མིར་སྐྱེས་ཀྱང་སྡུག་བསྔལ་ལས་མ་འདས་པས། མི་ནི་ཡང་དག་ཉིད་དུ་མི་བདེ་ཞིང་། །མི་རྟག་བདག་མེད་མི་གཙང་རིག་པར་བགྱི།། །ཞེས་པ་ལ་སོགས་པ་གསུངས་ཤིང་། ལྷར་སྐྱེས་ན་ཡང་སྡུག་བསྔལ་ལས་མ་འདས་པས། མཐོ་རིས་ན་ཡང་བདེ་ཆེན་དེ་དག་གིས། །འཆི་འཕོའི་སྡུག་བསྔལ་ཉིད་ནི་དེ་བས་ཆེ། །དེ་ལྟར་བསམས་ནས་ཡ་རབས་རྣམས་ཀྱིས་ནི། །ཟད་འགྱུར་མཐོ་རིས་སླད་དུ་སྲེད་མི་བགྱི། ལུས་ཀྱི་ཁ་དོག་མི་སྡུག་འགྱུར་བ་དང་། །སྟན་ལ་མི་དགའ་མེ་ཏོག་ཕྲེང་རྙིང་དང་། །གོས་ལ་དྲི་མ་ཆགས་དང་ལུས་ལས་ནི། །སྔོན་ཆད་མེད་པའི་རྡུལ་འབྱུང་ཞེས་བགྱི་བ། །མཐོ་རིས་འཆི་ཕོ་སྒྲོན་བགྱིད་འཆི་ལྟས་ལྔ་། །ལྷ་ཡུལ་གནས་པའི་ལྷ་རྣམས་ལ་འབྱུང་སྟེ། །ས་སྟེང་མི་རྣམས་འཆི་བར་འགྱུར་བ་དག །སྒྲོན་པར་བྱེད་པའི་འཆི་ལྟས་དག་དང་འདྲ། །ཞེས་གསུངས་པ་ལྟ་བུའོ། །ལྷ་མ་ཡིན་དུ་སྐྱེས་ན་དེའི་སྡུག་བསྔལ་ནི། ལྷ་མིན་དག་ནའང་རང་བཞིན་གྱིས་ལྷ་ཡི། །དཔལ་ལ་སྡང་ཕྱིར་ཡིད་ཀྱི་སྡུག་བསྔལ་ཆེ། །དེ་དག་བློ་དང་ལྡན་ཡང་འགྲོ་བ་ཡི། །སྒྲིབ་པས་བདེན་པ་མཐོང་བ་མ་མཆིས་སོ།། ཞེས་པ་ལྟ་བུའོ། །དེས་ན་རིགས་དྲུག་གང་དུ་སྐྱེས་ཀྱང་སྡུག་བསྔལ་བ་ནི། འཁོར་བ་དེ་འདྲ་ལགས་པས་ལྷ་མི་དང༌། །དམྱལ་བ་དུད་འགྲོ་ཡི་དྭགས་རྣམས་སུ་ནི། །སྐྱེ་བ་བཟང་པོ་མ་ལགས་སྐྱེ་བ་ནི། །གནོད་པ་དུ་མའི་སྒོར་འགྱུར་མཁྱེན་པར་མཛོད། །ཅེས་གསུངས་པ་ཡིན་ནོ།། གཉིས་པ་འཁོར་བ་སྤྱིའི་ཉེས་པ་ནི། རྒྱས་པར་བྱས་ན་བརྗོད་ཀྱིས་མི་ལང་སྟེ། དེས་པ་འདོད་པས་ཕོངས་དང་འཆི་བ་དང་། །ན་རྒ་ལ་སོགས་སྡུག་བསྔལ་དུ་མ་ཡི། །འབྱུང་གནས་འཁོར་བ་ལ་ནི་སྐྱོ་མཛད་ཅིང་། །འདི་ཡི་ཉེས་པའི་ཤས་ཀྱང་གསན་པར་མཛོད། །ཅེས་གསུངས་པ་ལྟར། སྡུག་བསྔལ་ཐམས་ཅད་ཀྱི་འབྱུང་གནས་དེ་ལས་རགས་བསྡུས་པ་འགའ་ཙམ་བརྗོད་ན། འཁོར་བ་མཐོ་དམན་གྱི་ཉེས་པ་དང་། ངེས་པ་མེད་པའི་ཉེས་པ་དང་། ལུས་གྲངས་མེད་པ་བླངས་པའི་ཉེས་པ་དང་། འདོད་པ་ལ་ངོམས་པ་མེད་པའི་ཉེས་པ་དང་། གཅིག་པུ་གྲོགས་མེད་པའི་ཉེས་པ་ལ་སོགས་པ་རྣམས་ཡིན་ཏེ། དང་པོ་མཐོ་དམན་གྱི་ཉེས་པ་ནི། བརྒྱ་བྱིན་མཆོད་འོས་ཉིད་དུ་གྱུར་ནས་ནི། །ལས་ཀྱི་དབང་གིས་ཕྱིར་ཡང་ས་སྟེང་ལྟུང་། །འཁོར་ལོས་བསྒྱུར་བ་ཉིད་དུ་གྱུར་ནས་ཀྱང་། །འཁོར་བ་དག་ཏུ་ཡང་བྲན་ཉིད་དུ་འགྱུར། །ཞེས་པ་ལྟ་བུ་དང་། ངེས་པ་མེད་པའི་ཉེས་པ་ནི། ཕ་ནི་བུ་ཉིད་མ་ནི་ཆུང་མ་ཉིད། །སྐྱེ་བོ་དགྲར་གྱུར་པ་ནི་བཤེས་ཉིད་དང་། །བཟློག་པ་ཉིད་དུ་མཆིས་པས་དེའི་སླད་དུ། །འཁོར་བ་དག་ན་ངེས་པ་འགའ་མ་མཆིས། །ཞེས་པ་དང༌། ལུས་གྲངས་མེད་པ་བླངས་པའི་ཉེས་པ་ནི། རེ་རེའི་བདག་ཉིད་རུས་པའི་ཕུང་པོ་ནི། །ལྷུན་པོར་མཉམ་པ་སྙེད་ཅིག་འདས་གྱུར་ཏེ། །ཞེས་དང༌། མྱ་ངན་བསལ་བ་ལས། ཕན་ཚུན་དག་ཏུ་རྩོད་པའི་ཕྱིར། །མགོ་བོ་བཅད་པ་གང་ཡིན་པ། །སྤུངས་ན་དེ་ལྟར་མཐོ་བ་ནི། །ཚངས་པའི་འཇིག་རྟེན་ལས་ཐལ་འགྱུར།&quot; །ཞེས་པ་ལ་སོགས་པ་ལྟ་བུའོ། །འདོད་པ་ལ་ངོམས་པ་མེད་པའི་ཉེས་པ་ནི། རེ་རེས་རྒྱ་མཚོ་བཞི་བས་ལྷག་པ་ཡི། །འོ་མ་འཐུངས་ཏེ་ད་དུང་སོ་སོ་ཡི། །སྐྱེ་བོའི་རྗེས་སུ་འབྲངས་ནས་འཁོར་བ་བས། །དེ་བས་ཆེས་མང་ཉིད་དུ་བཏུང་འཚལ་ལོ་ །ཞེས་དང་། ཀར་ཤ་པ་ཎའི་ཆར་ཕབ་ཀྱང་། །འདོད་ལྡན་རྣམས་ལ་ངོམས་པ་མེད། །ཅེས་པ་ལ་སོགས་པ་གསུངས་པ་ལྟ་བུའོ། །གཅིག་པུ་གྲོགས་མེད་པའི་ཉེས་པ་ནི། །སྤྱོད་འཇུག་ལས། སྐྱེ་ནའང་གཅིག་པུ་སྐྱེ་འགྱུར་ཞིང་། །འཆི་ནའང་དེ་ཉིད་གཅིག་འཆི་སྟེ། །ཞེས་པ་ལྟ་བུའོ།། ཡང་ནས་ཡང་དུ་ཉིད་མཚམས་སྦྱར་བའི་ཉེས་པ་ཡང་ཡོད་དེ། མ་ཡི་ཐུག་མཐའ་རྒྱ་ཤུག་ཚིག་གུ་ཙམ། །རིལ་བུའི་གྲངས་ཀྱང་ས་ཡིས་ལང་མི་འགྱུར ། །ཞེས་གསུངས་པ་ལྟ་བུའོ། །དེས་ན་འཁོར་བ་འདིར་གང་དུ་སྐྱེས་ཀྱང་སྡུག་བསྔལ་འབའ་ཞིག་ལས་མེད་པས། དེ་ལྟར་འདི་ཀུན་མི་རྟག་བདག་མེད་དེ། །སྐྱབས་མེད་མགོན་མེད་གནས་མེད་དེ་སླད་དུ། །འཁོར་བ་ཆུ་ཤིང་སྙིང་པོ་མེད་པ་ལ། །མི་མཆོག་ཁྱོད་ཀྱི་ཐུགས་ནི་འབྱུང་པར་མཛོད། །ཅེས་པ་ལྟར་བསམ་ཞིང་གོ་ན། སྲིད་གསུམ་དག་ལ་རྨི་الدا ལམ་ན་ཡང་མི་འདོད་ཅིང་། །ཞེས་པའམ། ཕྲ་མེན་མའི་བུ་མ་ལ་ཞེན་པ་ལོག་པའམ། ཚལ་ཚིག་པའི་བྱའམ། སྲིན་མོའི་གླིང་གི་ཚོང་པ་ལྟ་བུའི་བློ་སྐྱེས་ན། དེ་ལས་ཐར་བར་བྱེད་པའི་ཆོས་བྱེད་གོས། ཆོས་མ་བྱས་པར་རང་ཐར་དུ་ཡང་མི་འགྲོ གཞན་གྱི་བྱས་པས་ཀྱང་མི་ཕན། དེས་ན་ཐར་པ་བདག་ལ་རག་ལས་འདི་ལ་ནི། །གཞན་གྱི་གྲོགས་བགྱིར་ཅི་ཡང་མ་མཆིས་པས། །ཐོས་དང་བསམ་དང་སྒོམ་དང་ལྡན་པ་ཡིན། །བདེན་པ་རྣམ་པ་བཞི་ལ་བག་ཡོད་མཛོད། །ཅེས་གསུངས་པ་ལྟར་རང་ཁོ་ནས་བྱ་དགོས། ཆོས་མང་པོ་གཅིག་ཡོད་ཀྱང་བྱང་ཆུབ་ཀྱི་སེམས་ལས་བཟང་བ་མེད་པས། སྤྱོད་འཇུག་ལས། བྱང་ཆུབ་སེམས་སྐྱེས་གྱུར་ན་སྐད་ཅིག་གིས། །འཁོར་བའི་བཙོན་རར་བསྡམས་པའི་ཉམ་ཐག་རྣམས། །བདེ་གཤེགས་རྣམས་ཀྱི་སྲས་ཞེས་བརྗོད་བྱ་ཞིང་། །འཇིག་རྟེན་ལྷ་མིར་བཅས་པའི་ཕྱག་བྱར་འགྱུར། །ཞེས་དང༌། སེམས་འགྲེལ་ལས། སྐྱེས་བུ་གང་ཞིག་སྐད་ཅིག་ཙམ། །བྱང་ཆུབ་སེམས་ནི་སྒོམ་བྱེད་པ། །དེ་ཡི་བསོད་ནམས་ཕུང་པོ་ནི། །རྒྱལ་བ་ཡིས་ཀྱང་བགྲང་མི་སྤྱོད། །ཅེས་གསུངས་ཤིང༌། ཁྱད་པར་དུ་སྤྱོད་འཇུག་ལས། གང་ཞིག་བདག་དང་གཞན་རྣམས་ནི། །མྱུར་དུ་སྐྱབས་པར་འདོད་པ་དེས། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ། །ཞེས་པ་ལྟར་བདག་གཞན་བརྗེ་བ་ལས་བཟང་བ་མེད། འོ་ན་དགྱེས་རྡོར་རམ། ཕྱག་རྒྱ་ཆེན་པོའམ། སྟོང་པ་ཉིད་བཟང་བ་མ་ཡིན་ནམ་སྙམ་ན། རྒྱ་གར་དུ་དགྱེས་རྡོར་བསྒོམ་པའི་རྣལ་འབྱོར་པ་ཅིག་རྒྱུན་དུ་ཞུགས་པ་ཐོབ་པ་ཅིག་བྱུང་བ་ལ། ཇོ་བོའི་ཞལ་ནས། དེ་སྟངས་བཟང་པ་ཡིན། མ་ལེགས་ན་འཆུགས་ཏེ་ཆ་བ་ཡིན་གསུངས་སྐད། པོ་ཏོ་བས་ཀྱང་དེ་སྐད་གསུངས་པ་ལ་གཞན་མ་རངས་ནས། སྤྱན་སྔ་བ་ལ་ཇོ་བོ་འདི་སྐད་གསུང་ཟེར་ཞུས་པས། དེ་ཨ་ཅང་། དེ་བས་བྱང་ཆུབ་ཀྱི་སེམས་མེད་ན། ཧེ་བཛྲ་བསྒོམ་པ་དམྱལ་བར་ཡང་འགྲོ །ཡི་དྭགས་སུ་ཡང་འགྲོ །དུད་འགྲོར་ཡང་འགྲོ་གསུངས་ཏེ། བྱང་ཆུབ་ཀྱི་སེམས་མེད་ན་དེ་དག་གི་རྒྱུར་ཡང་འགྱུར་ལ། བྱང་ཆུབ་ཀྱི་སེམས་ནི་གཞན་དུ་མི་འགྱུར་བས་སོ། །སྟོང་པ་ཉིད་ཀྱང་དམྱལ་བ་ནས་རང་སངས་རྒྱས་མན་ཆད་ཀྱི་རྒྱུ་རྐྱེན་ཡིན་ལ། བྱང་ཆུབ་ཀྱི་སེམས་ནི་ཕའི་ས་བོན་ལྟར་སངས་རྒྱས་ཀྱི་རྒྱུ་ཐུན་མོང་མ་ཡིན་པ་ཡིན་པས་གཞན་དུ་འགྱུར་མི་སྲིད་ལ། སངས་རྒྱས་ཀྱི་ཆོས་ཐམས་ཅད་སྐྱེ་བར་བྱེད་པས་ས་བོན་ལྟ་བུའོ། །ཞེས་པ་ལ་སོགས་པ་ཕན་ཡོན་མང་དུ་གསུངས་པས་འདི་ལས་བཟང་བའི་ཆོས་མེད། ཆོས་གཞན་བསམ་སྟེ་རྒྱུད་ལ་སྐྱེས་ན་གཉེན་པོར་འགྲོ། འདིའི་ཚིག་དྲན་པ་ཙམ་གྱིས་གཉེན་པོར་འགྲོ བདེ་ལྡན་གྱིས་འགྲོ ཉན་རང་དུ་ཡང་མི་གོལ། བྱང་ཆུབ་སེམས་དཔའི་སྤྱོད་པ་རླབས་ཅན་དུ་འགྲོ དེས་སྔོན་འགྲོའི་ཆོས་དག་མ་བསམ་པར་འདི་སེམས་སྙིང་འདོད་པ་དང་། བསྐུལ་བ་དང་། བླང་རྒྱུ་མི་ཡོང་བས། དང་པོར་དལ་འབྱོར་རྙེད་པར་དཀའ་བ་གོ་ཞིང་། འཇིག་པར་སླ་བས་མི་རྟག་པར་ཤེས་ལ། ཤི་ནས་མེད་པར་མི་འགྲོ་བར་སྐྱེ་དགོས་ལ། དེ་ཡང་ལས་ཀྱིས་སྐྱེ་ཞིང་ལས་ངན་པས་ངན་སོང་དུ་སྐྱེས་ནས་དེའི་སྡུག་བསྔལ་ཐམས་ཅད་འབྱུང་ཞིང་། ལས་བཟང་པོས་ལྷ་མི་ཐོབ་ཀྱང་སྡུག་བསྔལ་ལས་མ་འདས་ཤིང་། འཁོར་བའི་སེམས་ཅན་ཐམས་ཅད་ཐོག་མ་མེད་པ་ནས་ཀྱི་མ་རྒན་དྲིན་ཅན་ཡིན་པ་ལ་སྡུག་བསྔལ་གྱིས་ཉམ་ཐག་པ་མི་བཟོད་པས་ཀུན་ནས་བླངས་པའི་བྱང་ཆུབ་ཀྱི་སེམས་འབྱུང་བས་ལམ་རིམ་འོག་མ་ཐམས་ཅད་འདིའི་སྔོན་འགྲོ་ཡིན་ནོ།། དངོས་གཞི་བྱང་ཆུབ་སེམས་ལ་བློ་སྦྱོང་བ། དངོས་གཞི་གང་བསྒོམ་སྙམ་ན། དངོས་གཞི་གཏོང་ལེན་སྤེལ་མར་སྦྱང༌། །ཞེས་བྱ་བ་སྟེ། ལེན་པ་མེད་ན་བརྗེ་བར་མི་འགྲོ་ལ། གཏོང་བ་མེད་པར་ཚོགས་མི་རྫོགས་པས་གཏོང་ལེན་གཉིས་ཡིན་ནོ། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ། །ཅེས་གསུངས་པའི་དོན་ཡིན། དེ་ཡང་གོང་དུ་བསྟན་པ་ལྟར་སྔོན་དུ་བདག་མེད་གཉིས་བསྒོམ་ནས་འདི་སྒོམ་པའི་ལུགས་ཀྱང་ཡོད་པ་ལས་འདིར་བླ་མ་གསེར་གླིང་པའི་ལུ གས་ཀྱི་བདག་འཛིན་དང་བཅས་པའི་དུ ས་ནས་བསྒོམ་པའི་ལུགས་ཡིན། གཏོང་ལེན་གཉིས་ཀྱང་སྔོན་དུ་ལེན་པ་བསྒོམ། དེའི་དམིགས་པའི་ཡུལ་ཡང་ཁ་ཅིག་གྱད་སྟོབས་པོ་ཆེ་ཐུབ་ན་ཐམས་ཅད་ཐུབ་པའི་དཔེས་དགྲའམ་མི་སྡུག་པ་ལ་བསྒོམ་ཟེར་བ་ཡང་ཡོད། སློབ་དཔོན་ཀཱ་མ་ལ་ཤི་ལས་ཐ་མལ་བ་ནས་བསྒོམ་ཟེར་བ་ཡོད་ཀྱང་། ཇོ་བོས་སྐྱེ་སླ་བས་རྩ་བའི་མ་ནས་བསྒོམ་པར་བཞེད། ཀུན་སློང་གི་བསམ་པ་ཚད་མེད་པའི་བསམ་པ་ཡང་སློབ་དཔོན་ཀཱ་མ་ལ་ཤཱི་ལས་ཐང་མཉམ་པའི་ཆུ་དྲང་སླ་བ་ལྟར་བཏང་སྙོམས་ནས་སེམས་པ་ཡང་ཡོད། དཔལ་བསྐལ་བ་བཟང་པོའི་རྡོ་རྗེ་ལ་སོགས་པ་རྩ་བ་ཡིན་པས་སྙིང་རྗེ་ནས་བསྒོམ་པ་ཡང་ཡོད། ཇོ་བོས་བྱམས་པ་ནས་བསྒོམ་པར་བཞེད། དེ་ཡང་འདི་ལྟར་བསམ་པར་བྱ་སྟེ། ཐོག་མ་ཉིད་དུ་རང་གི་རྩ་བའི་མ་གང་ཡིན་པ་དེ། མ་ཤི་བར་ཡོད་ན་གང་ན་ཡོད་པའི་ས་དེར་གསལ་བར་ཡོང་བས་དེར་དམིགས། ཤི་ནས་མེད་ན་མདུན་དུ་དམིགས་ལམ་དེའི་སྐྱེ་བ་འདི་དང་གཞན་གྱི་དྲིན་དྲན་པ་སྔོན་དུ་འགྲོ་བས་སྙིང་དུ་སྡུག་ཅིང་ཡིད་དུ་འོང་བ་དང་གཅེས་པར་འཛིན་པའི་བསམ་པ་བསྐྱེད་ནས་མ་རྒན་འདི་བདེ་བ་དང་ལྡན་ན་ཅི་མ་རུ ང་། བདག་གིས་བདེ་བ་ལ་འགོད་པར་བྱ། ཕན་པ་དང་བདེ་བ་ཐམས་ཅད་བདག་གིས་བསྒྲུབ་པར་བྱའོ་སྙམ་དུ་བསམ་པ་ཐག་པ་ནས་བྱམས་པའི་སེམས་གསལ་སིང་བ་བསྒོམ་པར་བྱ། འདོད་པ་བདེ་བ་འདོད་ཀྱང་ངོ་བོ་སྡུག་བསྔལ་ལས་མ་འདས་པས་མ་རྒན་འདིའི་སྡུག་བསྔལ་རྒྱུ་དང་བཅས་པ་ཐམས་ཅད་དང་བྲལ་ན་ཅི་མ་རུང་། བདག་གིས་སྡུག་བསྔལ་ཐམས་ཅད་ལས་བྲལ་བར་བྱ་སྙམ་དུ་བསམ་པ་ཐག་པ་ནས་སྙིང་རྗེ་བསྒོམ་པར་བྱའོ། །དེ་ཡང་མ་མི་དྲན་ན་ཞང་པོ་ལ་སོགས་པ་གང་དྲིན་ཆེ་བ་ནས་བསྒོམ་ཞེས་རྣལ་འབྱོར་པ་ཆེན་པོ་གསུངས་སྐད། སྣེ་ཟུར་པས་དགེ་བཤེས་མངའ་རིས་པ་ཨ་ནེ་ལ་དམིགས་ནས་སེམས་སུ་བཅུག་པ་ལྟ་བུའོ།། བསམ་པ་དེས་ཀུན་ནས་བླངས་ནས་མའི་རྒྱུད་ལ་ཡོད་པའི་སྡུག་བསྔལ་དང་ཀུན་འབྱུང་ལེན་པ་སྟེ། འབྲས་བུ་སྡུག་བསྔལ་ཞེས་པ་སྐྱེ་རྒ་ན་འཆིའི་སྡུག་བསྔལ་ནས། གྲང་བ་དང་། བཙོ་བསྲེག་དང་། གླེན་ཞིང་གཏི་མུག་དང་། བཀྲེས་སྐོམ་ལ་སོགས་པའི་སྡུག་བསྔལ་བརྒྱད་དམ། གསུམ་གྱིས་བསྡུས་པ་སངས་རྒྱས་པའི་གེགས་སུ་གྱུ ར་པ་ཐམས་ཅད་མའི་རྒྱུ ད་ལ་སྐྱེ་གྲིས་བཞར་བ་བཞིན་སངས་ཀྱིས་བླངས་ནས་རང་གི་སྙིང་གི་དཀྱིལ་དུ་ལེན། བླངས་ནས་ཀྱང་རང་ལ་མི་འབྱུང་བར་བྱེད་པའི་དེ་བླངས་ནས་རྩར་འཇོག་པ་མ་ཡིན་ཏེ། སྙིང་གི་ནང་དུ་ལེན་པ་ཡིན་གྱི། ཡན་ལག་གཞན་ལ་འཇོག་པ་ཙམ་མ་ཡིན། དེ་བླངས་པས་རང་ལ་ཕན་དུ་རེ་བ་ལ་སོགས་པའི་ལྟོས་པ་གང་ཡང་མེད་པར་ལེན་པའོ། །དེའི་རྒྱུ་ཀུན་འབྱུང་ལས་དང་ཉོན་མོངས་པ་གཉིས་ལས། ལས་ཀྱི་ཀུན་འབྱུང་མི་དགེ་བ་བཅུ། མཚམས་མེད་པ་ལྔ། དེ་དང་ཉེ་བ་ལྔ། ཁས་བླངས་ཀྱི་སྡོམ་པ་གསུམ་འགལ་ན་དམྱལ་བར་མདའ་འཕངས་པ་བཞིན་འགྲོ་བའི་རྒྱུ་བཞི་ལ་སོགས་པ་དང༌། ཉོན་མོངས་པའི་ཀུན་འབྱུང་དུག་གསུམ་མམ་དྲུག་རྩ་བ། ཉེ་བའི་ཉི་ཤུ་ཉོན་མོངས་པའམ། ཉོན་མོངས་པ་བརྒྱད་ཁྲི་བཞི་སྟོང་ངམ། སྦུབས་བྱེ་བ་གསུངས་པའམ། མཐོང་སྤང་དང༌། སྒོམ་སྤང་སྟེ། རྡོ་རྗེ་ལྟ་བུའི་སྤང་བྱ་མན་ཆད་ལེན་པའོ། །དེ་ལྟར་སྡུག་བསྔལ་དང་ཀུན་འབྱུང་སྟེ་སྤང་བྱ་མ་ལུས་པ་སྒྲིབ་པ་གཉིས་བག་ཆགས་དང་བཅས་པ་བྲལ་ནས་སངས་རྒྱས་པར་སེམས་པའོ། །དེ་ནས་ཕ་དང་སྤུན་ཟླ་ལ་སོགས་པ་ནས། ཉེ་འབྲེལ། ཡུལ་མི་ཁྱིམ་ཚེས་ནས། སྟོང་གསུམ་གྱི་བར་དུ་སེམས་པའོ། །ས་མཚམས་ལྐོག་ཆོས་ནས་འབྱུང་བ་བཞིན་ནོ། །དེ་ནས་གོ་ཡུལ་ཡུངས་ཀར་དྲངས་པས་བསྐྱེད། །ཅེས་པ་ལྟར། སྟོང་གསུམ་ཡུངས་ཀར་གྱིས་བཀང་ནས་ཤར་ཕྱོགས་ཀྱི་སྟོང་གསུམ་རེ་རེ་ཡུངས་ཀར་རེ་བཞག་པས་ཡུངས་ཀར་ཟད་ཀྱང་ཤར་ཕྱོགས་ལ་འབྲི་བ་མེད་པ་ལྟར། ཕྱོགས་བཅུ་ཀུན་ལ་སྦྱར་ཏེ་ནམ་མཁའི་མཐའ་ཁྱབ་ཀྱི་སེམས་ཅན་ལ་བསྒོམ་པའོ། །དེ་ནས་ངན་སོང་གསུམ་གྱི་ཡང་དམྱལ་བའི་སྡུག་བསྔལ་མེ་ལས་གྱུར་པ་དང༌། མཚོན་ཆ་ལས་གྱུར་པ་དང་། ནད་ལས་གྱུར་པ་དང་། སེམས་ལས་གྱུར་པ་དང་། ཆུ་བུར་ཅན་ནས་པདྨ་ལྟར་ཆེར་གས་པའི་བར་དང་། རྒྱུ་ཀུན་འབྱུང་ཞེ་སྡང་ལ་སོགས་པའི་ཉོན་མོངས་པའི་བར་དང་། མི་དགེ་བ་ཆེར་སྤྱད་པ་ཐམས་ཅད་ལེན། ཡི་དྭགས་ཀྱི་ཡང་བཀྲེས་སྐོམ་ལ་སོགས་པའི་སྡུག་བསྔལ་དང་། འདོད་ཆགས་ལ་སོགས་པའི་ཉོན་མོངས་པ་དང་། མི་དགེ་བ་འབྲིང་དུ་སྤྱད་པ་ཐམས་ཅད་ལེན། དུད་འགྲོ་གཅིག་གིས་གཅིག་ཟ་བ་ལ་སོགས་པའི་སྡུག་བསྔལ་དང་། གཏི་མུག་ལ་སོགས་པའི་ཉོན་མོངས་པ་དང་། མི་དགེ་བ་ཆུང་ངུ་སྤྱད་པ་ཐམས་ཅད་ལེན། མཐོ་རིས་ཀྱི་ཡང་མིའི་སྐྱེ་རྒ་ན་འཆི་ལ་སོགས་པ། འདོད་ལྷའི་འཆི་ལྟས་ལ་སོགས་པ། ཁམས་གོང་མ་གཉིས་ཀྱི་འཆི་འཕོ་དང་ལྟུང་བ་ལ་སོགས་པ་ཐམས་ཅད་ལེན། རེས་སེམས་ཅན་གྱི་ཁམས་དང་། རེས་རེ་རེ་དང་དེའི་ཡང་སེམས་ཅན་རེ་རེ་ནས་སེམས། དེ་མེད་ན་ཁ་ལ་ཡཾ་ནས་དོན་ཐོག་ཏུ་མི་སྐྱོལ། རེས་ནམ་མཁའི་མཐས་ཁྱབ་ཀྱི་སེམས་ཅན་མ་ལུས་པ་ལ་དུས་གཅིག་ལ་སེམས། དེ་མེད་ན་བློའི་འབྲལ་མི་ཡོང་། རེས་དམྱལ་བ་ལྟ་བུ་སེམས་ཅན་རེ་རེའི་རྩར་རང་གི་ལུས་རེ་བསམས་ནས་ལེན། རེས་ལུས་འདི་གཅིག་པུ་ལ་ཐམས་ཅད་ཀྱིས་ལེན། རེས་རགས་རིམ་ནས་ལེན། རེས་གང་སྣང་བའི་ལེན། རེས་འདི་ཀུན་ལ་སྦྱང་མི་དགོས་སྙམ་པ་མི་གནང་བའི་ལེན། རེས་དམྱལ་བའི་བླངས། སངས་རྒྱས་པ་ནས་བྱང་ཆུབ་སེམས་དཔའི་བླངས། སངས་རྒྱས་པའི་བར་དུ་སེམས་རེས་དམྱལ་བའི་བླངས། ཡི་དྭགས་སུ་དྲངས། དེ་ནས་དྲངས། དུད་འགྲོ དེ་ནས་མི། དེ་ནས་འདོད་ལྷ་རིགས་དྲུག དེ་ནས་གཟུགས་ཁམས་གནས་རིས་བཅུ་བདུན། དེ་ནས་གཟུགས་མེད་མུ་བཞི། དེ་ནས་ཉན་རང་། བྱང་སེམས་ས་བཅུའི་བར་དུ་རིམ་པས་ལེན། རེས་ཉོན་མོངས་པ་རྣམས་ཕྱེ་ནས་ལེན། རེས་ལས། རེས་སྡུག་བསྔལ་རྣམས་ཕྱེ་ནས་ལེན། རེས་མི་རྟག་པ་ནས་དངོས་འཛིན་གྱི་བར་ལམ་གྱི་མི་མཐུན་ཕྱོགས་རྣམས་ལེན། རེས་སེར་སྣ་ལ་སོགས་པ་ཕ་རོལ་ཏུ་ཕྱིན་པ་དྲུག་གི་མི་མཐུན་པའི་ཕྱོགས་རྣམས་ལེན། རེས་གཙང་བར་འཛིན་པ་ལ་སོགས་པ་བྱང་ཆུབ་ཀྱི་ཕྱོགས་ཀྱི་མི་མཐུན་པའི་ཕྱོགས་ལེན། རེས་ས་བཅུའི་མི་མཐུན་པའི་ཕྱོགས་ལེན། རེས་ངན་རྟོག་སྣ་ཚོགས་ནས་མཐོང་སྤང་སྒོམ་སྤང་གི་བར་གྱི་ཉོན་སྒྲིབ་ཐམས་ཅད་ལེན། རེས་རྟོག་པ་དགུ་བཞི་སུམ་ཅུ་རྩ་དྲུག་ནས་རྟོག་པ་ཕྲ་མོའི་བར་ཤེས་བྱའི་སྒྲིབ་པ་ཐམས་ཅད་ལེན། དེ་ལྟར་སེམས་ཚུལ་སྣ་ཚོགས་ཀྱི་བསམ་པས་མི་སྐྱོ། ངེས་ཤིང་དོན་ཐོག་ཏུ་སྐྱོལ། བློ་འབྱོངས་རྐྱེན། ཤེས་བྱ་ལ་སྦྱངས་པ་ཆེ། ཞར་ལ་ཆོས་གཞན་གྱི་གྲངས་ཡན་ཆད་ཚང་། སྡིག་པ་མང་པོ་འདག ཚོགས་མང་པོ་བསོག་པའི་རྐྱེན་ལ་སོགས་པ་འབྱུང་བའོ། །དེ་ཡང་དགྲ་དང་ཐ་མལ་དུ་བྱས་པ་ལ་མི་སྐྱེ་བས་མ་དྲིན་ཅན་དུ་བྱས་ནས་སེམས་པའོ། །དེ་ཡང་མ་མ་ཡིན་པ་ལ་ཡིན་པར་སེམས་པ་མ་ཡིན་ཏེ། ཐོག་མ་མེད་པ་ནས་ཀྱི་མ་དྲིན་ཅན་ཡིན་པས་ཡིན་པ་ལ་ཡིན་པར་སེམས་པའོ། །དེ་རྣམས་ཀྱང་བྱམས་སྙིང་རྗེ་གསལ་སིང་བ་རེས་ཀུན་ནས་བླངས་ཤིང་ལེན་པའོ།། འཕགས་པ་ཉན་ཐོས་དང་རང་སངས་རྒྱས་དེ་གཉིས་ལ་བླངས་རྒྱུ་མེད་དམ་སྙམ་ན། ཡོད་དེ། ལྟོས་པ་དང་བཅས་པ་ཐམས་ཅད་སྡུག་བསྔལ་ཡིན་ལ། ཁོང་འཁོར་བ་ལ་འཇིགས་པ་དང་བཅས་པ་དང༌། ཕུང་པོའ ང་སྡུག་བསྔལ་ཡིན་པས་འབྲས་བུ་སྡུག་བསྔལ་དང་། དགྲ་བཅོམ་པའི་ཕུང་པོ་མ་གཏོགས་པ་སྡུག་བསྔལ་དང་ཀུན་འབྱུང་ཁྱབ་མཉམ་དུ་འདོད་པས་སོ། །ཡང་བྱང་ཆུབ་སེམས་དཔའི་ཉོན་མོངས་པ་ནི་རྣམ་པར་རྟོག་པའོ་ཞེས་པས། གོང་མས་རྟོག་པ་ཉོན་མོངས་པར་འདོད་པ་དང་། ཤེས་བྱའི་སྒྲིབ་པ་ཁ་མ་འཕྲི་བར་ཡོད་པ་དང༌། ཡང་སྤང་བྱའི་ལྷག་མ་ཚོགས་ལམ་ན་ཕལ་ཆེར་ཡོད་པ་ནས་བཟུང་སྟེ། ས་བཅུ་ལ་བཙོན་ལྕགས་སྒྲོག་ལས་གྲོལ་བའི་ལྕགས་འགྲོས་ལྟར་ཤེས་བྱའི་སྒྲིབ་པ་ཕྲ་མོ་ཡོད་པའི་བར་ལེན་པའོ། །དེ་དག་ཀྱང་ལམ་ལྔ། ས་བཅུ། འབྲས་བུ་བཞི་རིམ་པས་ལེན་པ་དང་། རེ་རེ་ནས་ལེན་པ་དང༌། དུས་གཅིག་ཏུ་ལེན་པ་སྔར་ལྟར་རོ།། འོ་ན་དེ་དག་གིས་བླངས་ན་སངས་རྒྱས་ཀྱི་ས་ལ་འཇོག་པ་སྐུ་གཉེར་ཆེས་པ་མ་ཡིན་ནམ། རང་འཆིང་བ་མཐའ་དག་དང་མ་བྲལ་བས་དེ་སྒྲུབ་པར་མི་ནུས་སོ་སྙམ་ན། རང་གིས་སེམས་བསྐྱེད་པའི་ཚེ་ཁས་བླངས་པས་མི་བྱ་བ་མེད། ཇི་ལྟར་ཁས་བླངས་ན་བདག་གིས་སེམས་ཅན་མ་བསྒྲལ་བ་བསྒྲལ། ཞེས་པས་སེམས་ཅན་ཐམས་ཅད་འཁོར་བའི་སྡུག་བསྔལ་ལས་བསྒྲལ་ནས་ས་དང་པོ་ལ་འགོད་པར་ཁས་བླངས་པ་ཡིན། མ་གྲོལ་བ་དགྲོལ་ཞེས་པས་མཚན་མའི་འཆིང་བ་ལས་དགྲོལ། ས་བདུན་པ་ལ་འགོད་པ་ཡིན། དབུགས་མ་ཕྱིན་པ་དབུགས་དབྱུང་ཞེས་པས་རྒྱ་མཚོ་ལ་གྲུ་བོ་ཆེ་བཏང་བ་ལྟར་ས་བརྒྱད་པ་ནས་རྩོལ་བ་དང་བྲལ་བ་འབྲས་བུ་གསུམ་ལ་འགོད་པ་ཡིན། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་ཞེས་པས་ས་བཅུ་རྒྱུན་གྱི་ཐ་མ་རྡོ་རྗེ་ལྟ་བུ་ལ་གནས་པ་རྣམས་ཀྱང་། མྱ་ངན་ཞེས་པ་དངོས་འཛིན་གྱི་བག་ཆགས་ཅུང་ཟད་ཀྱི་ཤེས་བྱའི་སྒྲིབ་པ་ཡོད་པས་དེ་ལས་འདས་པར་ཁས་བླངས་པ་ཡིན་པས། དེ་ལྟར་སྒྲུབ་དགོས་གསུངས། སྤྱིར་ལེན་ཚུལ་དེ་ལྟར་ཡིན་པ་ལ། བྱེ་བྲག་ད་ལྟ་མངོན་སུམ་དུ་མཐོང་བ་དང་ཐོས་པ་ལ་སོགས་པ་འཁྲུགས་པ་བྱས་ནས་མི་བཟད་ནོར་འཛད་ལ་སོགས་པ་དང༌། རིམས་ལ་སོགས་པའི་ནད་ཚབ་ཆེན་གྱིས་ན་བ་དང༌། མཛེ་བྱུང་བ་དང་། ཁེ་འདོད་པས་ཚོང་བྱས་ནས་མཛོ་ཡན་ཤི་ནས་གླང་ཤི་བྲག་ཟད་ལ་སོང་བ་དང་། རྒས་པས་སྦྱོར་མི་བཟོད་པར་སོང་བ་དང༌། རབ་བྱུང་གི་སྡོམ་པ་ཤོར་ནས་ཁྱི་རོ་རུལ་བ་ལྟར་སོང་བ་དང་། མ་འཛོམ་པ་དང་། མི་དང་མི་མ་ཡིན་པས་གནོད་པ་སྐྱེལ་བ་དང་། དད་པ་དང་ཤེས་རབ་མེད་པ་ལ་སོགས་པ་དང་། ཇི་ཙམ་ཉན་ཡང་ཆོས་མི་གོ་བ་དང༌། བསམ་དུ་མ་བཏུབ་པ་དང༌། ཆགས་སྡང་ལ་སོགས་པ་རྒྱས་པ་དང་། དབང་ཆུང་བས་ཕ་སྤུན་ལ་སོགས་པ་མཉམ་པོས་རྡོག་ཉེད་དང་བརྙས་བཅོས་ལ་སོགས་མི་འདོད་པའི་གནོད་པ་ཐམས་ཅད་རང་ལ་ལེན་པའོ། །རང་ལ་དེ་Y དག་བྱུང་བ་དང་བྱུང་གིས་དོགས་པ་དང་། གཞན་ཡང་ཆགས་ཆེ་བ་དང་། ཡུལ་ས་གཉན་པ་དང་། བག་དང་། མི་གཙང་བ་བྱུང་གིས་དོགས་པ་དང་། རྨི་ལམ་ངན་པ་དང་། རྟགས་དང་མཚན་མ་ངན་པ་དང་། གཞན་གྱི་གཏད་ཁྲམ་དང་རྦོད་གཏོང་དང་། འདྲེ་འགྲས་ལ་སོགས་པ་བྱུང་གིས་དོགས་པ་ཐམས་ཅད་ལ་སེམས་ཅན་གྱི་དེ་ཐམས་ཅད་རང་ལ་ལེན། བླངས་པས་ཀྱང་རང་ལ་ཕན་དུ་རེ་བའི་ལྟོས་པ་གང་ཡང་མི་བྱེད་པའོ།། དེ་ནས་ཕྱི་སྣོད་ཀྱི་ངམ་གྲོག་གམ། གཡང་སའམ་ཚེར་མ་དང་ཡུ ལ་ངན་པ་ལ་སོགས་པ་ཐམས་ཅད་བླངས་ཏེ་བློ་སྦྱོང་བས་སོ། །གཟུགས་མི་སྡུག་པ་དང་། སྒྲ་མི་སྙན་པ་དང༌། དྲི་མི་ཞིམ་པ་ལ་སོགས་པ་ཐམས་ཅད་བླངས་ནས་གཟུགས་སྡུག་པ་པ་ལ་ལ་སོགས་པར་སེམས་པའོ། །མདོར་ན་སངས་རྒྱས་དང་བླ་མ་མ་གཏོགས་པ་ཕྱི་ནང་སྣོད་བཅུད་ཀྱི་སྐྱོན་ཐམས་ཅད་ལེན་པའོ། །སངས་རྒྱས་སྐྱོན་ཐམས་ཅད་སྤངས་ཤིང་ཡོན་ཏན་ཐམས་ཅད་རྒྱས་པ་ཡིན། བླ་མ་ལ་བབས་ལ་བླང་རྒྱུ་མེད་ཀྱང་ཚུ་རོལ་མཐོང་བའི་བློ་ངོ་ན་བསྒྲེས་པ་དང་སྐུ་ཁམས་ཞན་པ་ལ་སོགས་པ་བླང་དུ་རུང་ངམ་ཞུས་པས། དེ་འདྲ་བསམ་དུ་མི་རུང་གསུངས། དེས་ན་ཆོས་གང་ནས་ཀྱང་སངས་རྒྱས་དང་ཁྱད་མེད་པར་བཤད་པས་བླང་དུ་མི་རུང་གསུང་སྐད། དེ་དག་ནི་ལེན་པའོ།། ད་གཏོང་བ་འདི་མེད་པར་ཚོགས་མི་རྫོགས། ལེན་པ་བས་ཀྱང་གལ་ཆེ་བ་ཡིན་པ་ལས་སྤྱིར་ནི། བདག་གི་ལུས་དང་ལོངས་སྤྱོད་དང༌། །དུས་གསུམ་དགེ་བ་སྐྱེས་པ་རྣམས། །སེམས་ཅན་ཀུན་གྱི་དོན་སྒྲུབ་ཕྱིར། །འཕངས་པ་མེད་པར་བཏང་བར་བྱ། །ཅེས་པས་འདི་གསུམ་བཏང་བ་དང་། བདག་གཞན་བརྗེ་བའི་བྱང་ཆུབ་ཀྱི་སེམས་དང༌། སེམས་ཅན་གྱི་དོན་དུ་དམྱལ་བར་འགྲོ་བ་ཆོས་ཕལ་དུ་བཤད་ཀྱང་འདི་ནི་ཇི་ལྟར་བསྒོམ་པ་དང༌། འདིའི་དུས་སུ་འདི་བསྒོམ་ལ་ལ་སོགས་སོགས་པ་པ་མཐམཐའ་རྒྱ་ཆོད་པ་གང་ཡང་མེད་པ་ཡིན། ད་གཏོང་བའི་དུས་སུ་ལུས་ལོངས་སྤྱོད་དགེ་རྩ་གསུམ་བཏང་བས། དེ་དག་གིས་སངས་རྒྱས་པའི་རྒྱུ་རྐྱེན་མ་ལུས་པར་བྱུང་ནས་སངས་རྒྱས་པར་སེམས་པའོ། །དེ་ལ་ལུས་གཏོང་བའི་ཚེ་འདས་པ་བཏང་རྒྱུ་མེད། ད་ལྟར་གྱི་ལུས་དང་མ་འོངས་པའི་ལུས་ལེན་ཚད་གཏོང་། དེ་ལ་དགོས་པ་གསུམ་སྟེ། ལྷ་བསྒོམ་ཞིང་གཏོང་བ་དང་། ཤ་ཁྲག་ཏུ་གཏོང་བ་དང༌། བཏང་བས་ཟད་པར་སེམས་པའོ། །དང་པོ་ལྷ་བསྒོམ་ཞིང་གཏོང་བ། །ལྷ་ལ་མ་གུས་པར་འགྲོ རྩ་བའི་ལྟུང་བ་ཡང་འབྱུང་། རབ་ཀྱིས་ཐམས་ཅད་ལྷར་ཤེས་པའི་ལྷ་ལ་ལྷ་ཐིམ་པ་ལ་ཉེས་པ་མེད། གཉིས་པ་ཁ་ཅིག་ཤ་འདོད་ཤ་ཁྱེར་ལ་སོགས་པ་བྱེད་པ་ཡང་མི་རུང་སྟེ། དེས་སྤྱིར་ཡང་མི་བཏུབ། ལ་ལ་དེ་ལ་མི་དགའ་བ་ཡང་ཡོད་པས་སོ། །དུག་དང་མཚོན་ལ་སོགས་པར་བྱས་ནས་ཀྱང་མི་རུང་སྟེ། སེམས་ཅན་ལ་གནོད་པས་སོ། །ཤ་ཁྲག་དང་མཚོན་དུག དེ་དག་ཉིད་ཀྱིས་ཕན་བདེའི་རྒྱུར་འགྲོ་བ་ནི་མ་གཏོགས་སོ།། འོ་ན་ཇི་ལྟར་བྱས་ནས་གཏོང་སྙམ་ན། སྡོང་པོ་བཀོད་པ་ལས། བདག་ཉིད་འགྲོ་བ་ཐམས་ཅད་ཀྱི་ཉེ་བར་འཚོ་བའི་ཡིད་བཞིན་གྱི་ལུས་སུ་བསྒྱུར། ཞེས་པའམ། རྡོ་རྗེ་རྒྱལ་མཚན་གྱི་བསྔོ་བ་ལས། འབྱུང་བ་ཆེན་པོ་བཞི་སྒོ་སྣ་ཚོགས་དང་། ཚུལ་སྣ་ཚོགས་དང༌། རྣམ་གྲངས་སྣ་ཚོགས་ནས་སེམས་ཅན་ཐམས་ཅད་ལ་ཉེ་བར་འཚོ་བ་དེ་བཞིན་དུ་བྱང་ཆུབ་སེམས་དཔའ་བདག་ཉིད་ཀྱི་ལུས་ཀྱང་སེམས་ཅན་གྱི་ཉེ་བར་འཚོ་བའི་གཞིར་བསྒྱུར།' ཞེས་པ་དང་། སྤྱོད་པ་ལ་འཇུག་པ་ལས། སེམས་ཅན་ཀུན་གྱི་དོན་བསྒྲུབ་ཕྱིར། །ཡིད་བཞིན་གྱི་ནི་ལུས་སུ་བསྒྱུར། །ཞེས་པ་ལྟར་ཡིད་བཞིན་གྱི་ལུས་སུ་བྱས་ནས་གཏོང་བའོ། །རང་གི་ལུས་ལོངས་སྤྱོད་དགེ་བ་རྣམས་ཡིད་བཞིན་ནོར་བུ་རིན་ཆེན་ལྟར་བསམས་ནས། དེ་ཡང་ཁ་དོག་དང་དབྱིབས་ལ་སོགས་པ་བསམ་མི་དགོས། ཅི་དགོས་དང་ཅི་འདོད་འབྱུང་བ་ལ་ཟེར། གཏོང་བའི་རིམ་པ་ཡང་དང་པོ་རྩ་བའི་མ་མདུན་དུ་དམིགས་ནས་དེ་ལ་བཏང་བས། མ་དེའི་འཚང་རྒྱ་བའི་ཉེར་ལེན་གྱི་རྒྱུ་དད་པ་དང་བརྩོན་འགྲུས་དང་ཤེས་རབ་དང་བྱང་ཆུ བ་ཀྱི་སེམས་ལ་སོགས་པ་དང༌། ལྷན་ཅིག་སྐྱེ་བར་བྱེད་པའི་རྐྱེན་དགེ་བའི་བཤེས་གཉེན་དང་། དཔེ་ཆ། ཕྱི་ནང་གི་མཐུན་རྐྱེན། ཟས་གོས་ལ་སོགས་པ་གང་དགོས་སྒྲུབ་པ་སྟེ་སངས་རྒྱས་པར་སེམས་པའོ། །དེ་བཞིན་དུ་ཕ་ལ་སོགས་པ་ནས་ནམ་མཁའི་མཐས་ཁྱབ་ཀྱི་སེམས་ཅན་མ་ལུས་པ་དང་། ངན་སོང་གསུམ་དང་། ཉན་རང་དང༌། ས་བཅུའི་བྱང་ཆུབ་སེམས་དཔའི་བར་ལ་བཏང་པས་སྔ་མ་ལྟ་བུར་གྱུར་ནས་སངས་རྒྱས་པར་སེམས་པའོ། །ཡང་ཡིད་བཞིན་གྱི་ནོར་བུ་ལས་ཟས་གོས་ལ་སོགས་པ་གང་འདོད་པ་འབྱུང་བ་ལྟར་རང་གི་ལུས་འདི་ལས་ཀྱང་ནམ་མཁའི་མཐས་ཁྱབ་ཀྱི་སེམས་ཅན་ཐམས་ཅད་ལ་ཟས་གོས་གནས་མལ། ཡུལ་ཞིང་། ཉེ་འབྲེལ་འཁོར་འབངས། ཞོན་པ་ལ་སོགས་པ་འཇིག་རྟེན་པའི་བདེ་བ་ཐམས་ཅད་དང༌། མཁན་སློབ་དང་། དཔེ་ཆ་ལ་སོགས་པ་ཐམས་ཅད་དང༌། དད་པ་དང་ཚུལ་ཁྲིམས་ལ་སོགས་པ་འཇིག་རྟེན་ལས་འདས་པའི་བདེ་བའི་རྒྱུ་འབྲས་ཐམས་ཅད་འབྱུང་བར་སེམས་པའོ། །ཡང་ཡིད་བཞིན་གྱི་ནོར་བུ་དབང་གི་རྒྱལ་པོ་ལ་སོགས་པས་སེམས་ཅན་མང་པོའི་དོན་བྱེད་པ་དེ་བཞིན་དུ་རང་གི་ལུས་འདི་ཡང་སེམས་ཅན་རེ་རེའི་མདུན་ན་ཡོད་པར་བསམ་ནས་སྔ་མ་ལྟར་གང་ལ་གང་དགོས་བྱུང་ནས་སངས་རྒྱས་རོ།། ཡང་རང་གི་ལུས་བེམ་པོའི་རྣམ་པ་དང༌། ཆུ་ལ་སོགས་པ་སེམས་ཅན་རེ་རེའི་མདུན་དུ་གནས་ནས་ཀྱང་སྔ་མ་ལྟར་རོ། །ཡང་རེས་རིལ་པོའི་རྣམ་པ་དང༌། རེས་མགོ་ལ་སོགས་པ་གསེད་ནས་གཏོང་བའོ། །ཡང་སྡུག་བསྔལ་གྱིས་ཉམས་ཐག་པ་དང་མཚན་མ་ངན་པ་ཐམས་ཅད་གོང་ལྟར་བླངས་ནས་ལུས་བཏང་བས་བདེ་བ་དང་མཚན་མ་བཟང་བ་ལ་སོགས་པར་སེམས་པའོ། །དེ་ཡང་བསམ་པ་དེ་ལྟར་བློ་སྦྱོང་བ་ལས་བདུད་གཅོད་པ་བཞིན་ཐོ་ཆོར་མ་སོང་བ་དང༌། ཐོག་ཏུ་ཟུར་ས་མེད་པ་བྱུང་བ་ཡང་ཉམ་ང་བ་དང་། འཇིགས་པ་དང༌། བག་ཚ་བ་མེད་པར་རང་གིས་རྒྱངས་ཀྱིས་སོང་བར་སྦྱོང་བའོ། །ཕྱི་སྣོད་ལ་བཏང་བས་ཀྱང་གསེར་གྱི་ས་གཞི་ལ་བེ་ཌཱུརྱས་མིག་དམངས་རིས་སུ་བྲིས་པ་ལ་སོགས་པ་དག་པའི་འཇིག་རྟེན་གྱི་ཁམས་བདེ་བ་ཅན་ནམ། པདྨོ་ཅན་ལ་སོགས་པ་ལྟར་གྱུར་པར་སེམས་པ་སྟེ། ཆོས་ནས་ཞིང་སྦྱང་བར་བཤད་པ་ཡང་དེ་ཉིད་ཡིན་གསུངས། གཏོང་བ་ནི་བླ་མ་དང་སངས་རྒྱས་ལ་ཡང་གཏོང་བ་སྟེ། ཕལ་པོ་ཆེའི་གླེང་གཞི་ནས་བྱུང་བ་ལྟར་མཆོད་པའི་སྤྲིན་རབ་འབྱམས་བསམ་གྱིས་མི་ཁྱབ་པར་བྱས་ནས་ཕུ ལ་བས་ཐུ གས་དགོངས་ཐམས་ཅད་རྫོགས་པ་དང༌། རྣམ་པར་ཐར་པ་ལ་སོགས་པ་ཐམས་ཅད་དར་བ་དང་རྒྱས་པ་དང༌། གཙང་བ་ལ་སོགས་པར་བྱེད་པའོ། །ཉན་ཐོས་དང་རང་སངས་རྒྱས་དང་། བྱང་ཆུབ་སེམས་དཔའ་ལ་བཏང་བས་སྤང་བྱའི་ལྷག་མ་སྤངས་ཏེ། ཚོགས་གཉིས་རྫོགས་ནས་སངས་རྒྱས་པ་དང་། མཆོད་པའི་སྤྲིན་རྣམས་གང་བཞེད་ཀྱིས་ཐུགས་དགོངས་རྫོགས་པར་བསམ་མོ། །ལོངས་སྤྱོད་བཏང་བ་ནི། རྟ་དང་གླང་པོ་དང༌། འབྲུ་དང་། རིན་པོ་ཆེ་དང་། ཟས་གོས་དང་། ཡུལ་དང་ཁང་ཁྱིམ་དང་། འཁོར་འབངས་ལ་སོགས་པ་རང་དབང་བ་ཐམས་ཅད་དོ། །མི་དབང་བ་ནི། ཕྱི་ནང་གི་དངོས་པོ་གང་ཡིན་ཡང་མ་བྱིན་པར་ལེན་པར་འགྲོ་བས་བཏང་དུ་མི་རུང་སྟེ། ཕྱི་སྣོད་ཀྱི་ནགས་ཚལ་དང་མེ་ཏོག་དང་རིན་པོ་ཆེ་ལ་སོགས་པ་གང་ཟག་སྒོ་རེས་བདག་ཏུ་མ་བཟུང་བ་སེམས་ཅན་སྤྱི་མཐུན་གྱི་བསོད་ནམས་ཀྱིས་གྲུབ་པ་ནི་རང་ཡང་དབང་བ་ཡིན་པས་བཏང་དུ་རུང་ལ། བཅུད་ཀྱི་སེམས་ཅན་ནི་རང་རང་གིས་བདག་ཏུ་བཟུང་བས་བཏང་དུ་མི་རུང་སྟེ། རོལ་མོ་ཡང་ངང་པའི་སྐད་དེ་འབུལ་བ་ཡིན། ལུས་དེ་ཁོས་བདག་ཏུ་བཟུང་བས་དབུལ་དུ་མི་རུང་གསུང་བ་ལྟར་རོ།། བློ་ཆུང་བ་ལ་དེ་ལྟར་ཡིན་ལ། བློ་རྒྱ་ཆེ་བ་རང་འདོད་ཀྱི་འཁྲིས་མེད་པ་ལ་ནི། གཞན་ཆེད་དུ་གཞན་བཏང་དུ་རུང་སྟེ། ལྷ་བླ་མས་མི་མ་ཡིན་པ་ཆེན་པོ་ཐུན་མོང་བ་ཀུན་ཡང་དཀོན་མཆོག་ལ་ཕུལ་ནས་ཁ་ཡིག་བཏབ་པ་དང་། བྲན་ཇོ་བོ་ལ་ཤ་ཚ་བས་དེ་ཉིད་ཀྱི་བྱ་བ་སྒྲུབ་པ་ལ་ནོར་རྫས་ལ་སོགས་པ་མ་དྲིས་པར་བཏང་ཡང་ཉེས་པ་མེད་པ་ལྟ་བུའོ། །ཡང་གྲུབ་མཐའ་ལ་བརྟེན་པ་ལྟར་ན། ཉན་ཐོས་པ་ལྟར་རང་གི་སྣང་བ་འདི་རང་གི་ཉོན་མོངས་པའི་དབང་གིས་འབྲས་བུར་གོ་ནའང་གཞན་གྱིས་ལ་བཏང་བ་མེད་པས་ཐམས་ཅད་བཏང་བས་ཆོག །སེམས་ཙམ་པ་ལྟར་ན་རང་གི་རྣམ་པར་ཤེས་པ་འདི་ཉིད་དོན་དུ་སྣང་བར་ཤེས་ནའང་གཞན་གྱི་བཏང་བ་མེད་པས་ཐམས་ཅད་བཏང་བས་ཆོག དབུ་མ་པས་སྒྱུ་མའི་སྤྲུལ་པ་ལྟར་ཤེས་ནས་བཏང་དུ་རུང་སྟེ། རང་གཞན་གཉིས་མེད་ལ་གཉིས་སུ་རྟོག་པ་ཕྱིན་ཅི་ལོག་ཡིན་པས་སོ། །དེ་ལྟར་ལོངས་སྤྱོད་བཏང་དུ་རུང་མི་རུང་དཔྱད་པ་ཐ་མལ་གྱི་བློ་དང་བསྟུན་པ་ཙམ་ཡིན་གྱི། ཆོས་ཀྱི་གོ་བ་ཅིག་བྱུང་ན་དབང་པོ་དྲུག་གི་གྱུར་པ་ཐམས་ཅད་རང་དབང་བས་གཏོང་བ་ཡིན་ལ། དེ་ཡང་གཟུགས་ལྟ་བུ་རེ་རེ་ལ་ཡང་སྡུག་མི་སྡུག་ཐ་མལ་པ་ལ་གསུམ་གསུམ་དུ་གནས་ཤིང་། དེ་རེ་རེ་ལ་ཡང་ལྔའམ་དྲུག་ཚང་བར་གནས་པས་སྡུག་པ་བཏང་བས་དགའ་བ་བསྐྱེད་པ་དང་། མི་སྡུག་པ་བཏང་བས་ཡིད་འབྱུང་བའི་ཡན་ལག་ཏུ་གཏོང་བའམ། དེ་ཡང་གཟུགས་ལྟ་བུ་རེ་རེ་ལ་ཡང་ལོངས་སྤྱོད་ལྔའམ་དྲུག་ཚང་བ་སྟེ། ཁ་དོག་དང་དབྱིབས་མིག་གི་ལོངས་སྤྱོད་ནས་ཡིད་ཀྱི་ཡུལ་དུ་ཆོས་སྤྱོད་པའི་བར་དུ་ཚང་བ་དང༌། དེ་རེ་རེ་ལ་ཡང་གཟུགས་ཀྱི་ལོངས་སྤྱོད་དཔག་ཏུ་མེད་པ་དང་། རྔ་དང་དུང་ལ་སོགས་པ་སྒྲའི་ལོངས་སྤྱོད་དཔག་ཏུ་མེད་པ་དང་། རྡོ་རྗེ་རྒྱལ་མཚན་གྱི་བསྔོ་བ་དྲུག་པ་ནས་བཤད་པ་ལྟར་བཏང་ངོ༌། །དེ་རེ་རེ་ལས་ཀྱང་འཇིག་རྟེན་དང་འཇིག་རྟེན་ལས་འདས་པའི་ཡོ་བྱད་དཔག་ཏུ་མེད་པ་བྱུང་ནས་སྔར་བཞིན་འཚང་རྒྱ་བའི་རྒྱུ་རྐྱེན་མ་ལུས་པ་བྱུང་ནས་སངས་རྒྱས་པར་སེམས་ཏེ། རེ་རེས་ཀྱང་གདུལ་བྱའི་ངོས་ནས་སྦྱར་ན། ནོར་འདོད་པ་ལ་ནོར་གྱི་སྣང་བ་འབྱུང་བ་ནས་ཟས་གོས། གནས་ཁང་དང་འབྲུ་དང༌། རྟ་གླང་ཡུལ་ཞིང་དང་། ཕ་མ་ཉེ་འབྲེལ་དང་འཁོར་འབངས་དང་། ནད་དང་གདོན་དང་བྲལ་བ་ལ་སོགས་པ་གང་འདོད་ཀྱི་སྣང་བ་འབྱུང་བ་དང༌། ལྷ་ཆོས་ཀྱི་གནས་དང་། དགོན་པ་དང་། གྲོགས་དང་དཔེ་ཆ་དང་། མཆོད་གནས་དང་། མཆོད་ཆ་ལ་སོགས་པ་གང་འདོད་ཀྱི་སྣང་བ་དང་། དམ་པའི་ཆོས་ཀྱི་དབང་དུ་བྱས་ན་རྟེན་དལ་འབྱོར་དང་། དད་པ་ལ་སོགས་པ་འཕགས་པའི་ནོར་བདུན་དང༌། བསླབ་གསུམ། མི་རྟག་པ་ལ་སོགས་པའི་ལམ་རིམ་དང་ཚད་མེད་བཞི། བྱང་སེམས་གཉིས། སྦྱོར་བ་ཕ་རོལ་ཏུ་ཕྱིན་པ་དྲུག བསྡུ་བའི་དངོས་པོ་ལ་སོགས་པ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན། སྡོམ་པའི་རིམ་པ། རྒྱུད་སྡེ་བཞི། འཕྲིན་ལས་དང་། སངས་རྒྱས་ཀྱི་ཆོས་དང༌། ཡོན་ཏན་ལ་སོགས་པ་གང་འདོད་པ་དང་། མོས་པ་དང་གང་གིས་འདུལ་བའི་སྣང་བ་འབྱུང་བ་དང་། དེ་ཐམས་ཅད་ཀྱིས་ཀྱང་འཚང་རྒྱ་བའི་རྒྱུ་རྐྱེན་དུ་སོང་ནས་སངས་རྒྱས་པར་སེམས་པའོ། །དེ་བཞིན་དུ་སྒྲ་ནས་ཆོས་ཀྱི་བར་དང་། བྱེ་བྲག་ཟན་ཆང་གཅིག་གཏོང་བ་ལ་དེ་བཞིན་དུ་སྦྱར་རོ།། བླ་མ་དཀོན་མཆོག་ལ་འབུལ་བ་ཡང་སྤྱིར། གཟུགས་ལ་རྣམ་གསུམ་ཤེས་བྱས་ནས། །ལྷ་རྣམས་ཀུན་ལ་དབུལ་བར་བགྱི། །ཞེས་པ་ལྟར་གསུམ་ཀ་ཡང་གོང་ལྟར་དབུལ་བ་དང་། བྱེ་བྲག་ཏུ་ནོར་རྫས་ཡུལ་ཁྱིམ་དང་ཟས་གོས་མལ་སྟན་རེ་རེ་ཡང་དཔག་ཏུ་མེད་པ་དང་། རེ་རེ་ཡང་ལྔ་ཀ་ཚང་བ་དང་། དེ་རེ་རེ་ལ་ཡང་དཔག་ཏུ་མེད་པ་སྟེ། མར་མེའི་སྣང་བ་ལས། སངས་རྒྱས་ཀྱི་ཞིང་ཁམས་ཐམས་ཅད་དུ་རིན་པོ་ཆེའི་སྒྲོན་མེའི་འོད་དང༌། ཚེག་ཚེམ་གྱི་སྒྲ་ལས་རོལ་མོ་དང༌། དྲི་ལས་སྤོས་ཀྱི་རྣམ་པ་དང་། རོ་ལས་ཞལ་ཟས་དང་། རེག་བྱ་ལས་གོས་ཏེ། ཐམས་ཅད་དཔག་ཏུ་མེད་པ་རྒྱུན་མི་འཆད་པ་འབྱུང་བར་བསམས་ཏེ། དངོས་པོ་དེ་ཉིད་དང་མཐུན་པར་བྱས་ནས་འབུལ་བའོ། །ཡང་ལུས་དང་ལོངས་སྤྱོད་རང་གང་ལ་ཆགས་མེད་ཅིག་དགེ་བ་ཡིན་པས་ཆགས་པའི་དངོས་པོ་དེ་དཀའ་ཞིང་གཏོང་ངོ་། །དངོས་སུ་ཆོས་གོས་གསུམ་མ་གཏོགས་པ་གཏོང་བའོ། །དགེ་བ་དུས་གསུམ་ཀའི་གཏོང་བ་སྟེ། ཞི་བ་ལྷས། དུས་གསུམ་དགེ་བ་སྐྱེས་པ་རྣམས། །ཞེས་དང༌། ཀླུས། བདག་གིས་བགྱིས་དང་མི་བགྱིས་པའི། །དགེ་བ་ ཞེས་དང༌། བརྒྱད་སྟོང་འགྲེལ་པ་ལས། བར་གསུམ་གྱི་དགེ་བ་རྣམས་བསྔོ་བར་གསུངས་པའོ།། དེ་ལ་ཟས་བྱིན་པའི་དགེ་བའི་རྩ་བས་སེམས་ཅན་ཟས་ལ་ཞེན་པ་མེད་པ་དང་། བདུད་རྩིའི་ཟས་ནས་རོ་མཆོག་གི་བདེ་བའི་ཡེ་ཤེས་ཀྱི་ཟས་དང་ལྡན་པར་གཏོང་ཞིང་། བཏུང་བ་བྱིན་པའི་དགེ་བས་སེམས་ཅན་ཐམས་ཅད་རོ་བྲོ་བ་ཐམས་ཅད་ལ་མི་ཆགས་པ་དང༌། མཚན་མར་མི་འཛིན་ཅིང་ཆོས་ཀྱི་ཤུགས་དང་དགའ་བ་བླ་ན་མེད་པས་ཚིམ་པར་གཏོང་བ་དང་། མལ་སྟན་བྱིན་པ་ལ་སོགས་པ་རྡོ་རྗེ་རྒྱལ་མཚན་གྱི་བསྔོ་བ་དྲུག་པ་ ལ་སོགས་པ་ནས་གསུངས་པ་ལྟར་གཏོང་བའོ། །ནམ་མཁའ་མཛོད་ཀྱི་མདོ་ལས། བདག་གི་དགེ་བའི་རྩ་བའམ་ཆོས་ལ་མཁས་པ་གང་ཡིན་པ་དེ་སེམས་ཅན་ཐམས་ཅད་ཀྱི་ཉེ་བར་འཚོ་བར་མི་འགྱུར་བར་མ་གྱུར་ཅིག །ཅེས་པའམ། རྡོ་རྗེ་རྒྱལ་མཚན་གྱི་བསྔོ་བ་དང་པོ་དང༌། བྱང་ས་དང༌། རྒྱན་དང་། རིན་ཕྲེང་དང༌། སྤྱོད་འཇུག་ལ་སོགས་པ་ལྟར་དད་པ་ལན་ཅིག་སྐྱེས་པ་ནས་བྱང་ཆུབ་ཀྱི་སེམས་རླབས་ཆེན་སྐྱེས་པའི་བར་བསམ་པས་བསྡུས་པའི་དགེ་བ་དང་། དུད་འགྲོ་ལ་ཟན་ཆང་བ་གཅིག་བྱིན་པ་ནས་བསྡུ་བ་བཞིས་བསྡུས་པའི་བར་སྦྱོར་བར་བསྡུས་པ་དང༌། བསོད་ནམས་གསུམ། ཟག་བཅས་ཟག་མེད་ཀྱིས་བསྡུས་པའི་དགེ་བ་སྣ་རེས་ཀྱང་སེམས་ཅན་ཐམས་ཅད་ལ་ཅི་འདོད་འབྱུང་ཞིང་སངས་རྒྱས་ཀྱི་རྒྱུ་རྐྱེན་ཐམས་ཅད་ཚང་ནས་སངས་རྒྱས་པར་སེམས་པའོ། །དེ་ཡང་སེམས་ཅན་རེ་རེ་ལ་ཡང་ལུས་ལོངས་སྤྱོད་དགེ་རྩ་རིལ་པོ་རེ་རེ་གཏོང་བའོ། །དེས་ཀྱང་གར་ཡང་མི་ཕྱིན་པས་དུ ས་གསུ མ་གྱི་སངས་རྒྱས་དང་བྱང་ཆུ བ་སེམས་དཔའ་བླ་མ་བརྒྱུ ད་པ་དང་བཅས་པ་དེ་གསུམ་གཏོང་བའོ།། དེ་བཏང་ན་རུང་ངམ་སྙམ་ན་རུང་སྟེ། ཁོང་བདག་འཛིན་སྤངས་ཤིང་དང་པོ་སེམས་བསྐྱེད་ཙ་ན་ཐམས་ཅད་སེམས་ཅན་ལ་བཏང་བ་ཡིན་པས་སོ། །དེ་ཙ་ན་ཡིད་བཞིན་དུ་བསྒྱུར་ཅིང༌། བཏང་རྒྱུ་ཡང་དཔག་ཏུ་མེད་དོ། །ས་དང་པོ་བའི་བྱང་ཆུབ་སེམས་དཔའ་ལ་ཡོན་ཏན་བརྒྱ་ཕྲག་བཅུ་གཉིས་ཡོད་པ་ནས་བཟུང་སྟེ། སངས་རྒྱས་ཀྱི་དུས་སྐད་ཅིག་མ་གཅིག་ལ་འཕྲིན་ལས་དཔག་ཏུ་མེད་པ་འབྱུང་བའི་བར་དང༌། བྱང་ཆུབ་སེམས་དཔའ་རིགས་ལྡན་དང་པོ་སེམས་བསྐྱེད་པ་ན་ཡང་ནམ་མཁའི་ཁམས་སུ་མི་ཤོང་བའི་བསོད་ནམས་དཔག་ཏུ་མེད་པའི་ཕྱིར་དང་། སངས་རྒྱས་ཀྱི་བ་སྤུའི་བུ་ག་ནས་བཟུང་ནས་མཚན་དང་དཔེ་བྱད་ལ་སོགས་པ་བསོད་ནམས་ཀྱི་རྒྱུར་དཔག་ཏུ་མེད་པ་གསུངས་པའི་ཕྱིར་རོ། །དེ་ལྟར་བཏང་རྒྱུ་དཔག་ཏུ་མེད་པས་སེམས་ཅན་གྱི་དོན་མ་ལུས་པར་འགྲུབ་པའི་རྒྱུ་རྐྱེན་ཚང་བས་ཚོགས་རྫོགས་པ་དང་། དོན་བྱེད་པ་ལ་ཚེགས་མེད་པ་དང༌། དེ་དག་གི་ཐུགས་དགོངས་རྫོགས་པར་བྱེད་པ་ཡང་དེ་ཡིན་གསུངས། དེ་ལྟར་གཏོང་བ་གསུམ་ཀ་ཡང་རྩ་བའི་མ་ནས་སེམས་ཅན་ཐམས་ཅད་དང་། མནར་མེད་པ་ནས་སངས་རྒྱས་ཀྱི་བར་རིམ་པར་གཏོང་བ་དང་འུབས་བསྡུས་ནས་དུས་གཅིག་ལ་གཏོང་བ་དང་། ལུས་ལོངས་སྤྱོད་ལ་སོགས་པ་སྣ་རེ་ལས་ཀྱང་ཐམས་ཅད་འབྱུང་བར་གཏོང་བ་དང་གསུམ་ཀ་རིལ་པོ་རེ་རེ་གཏང་བས་ཀྱང་དེ་ལྟར་གཏོང་བ་དང༌། ལུས་ལ་སོགས་པ་མང་པོ་བྱས་ནས་སེམས་ཅན་རེ་རེ་ལ་གཏོང་བ་དང༌། འདི་གཅིག་པུས་སེམས་ཅན་ཐམས་ཅད་ཚིམ་པ་ལ་སོགས་པ་ལེན་པའི་སྐབས་ལྟར་རོ།། དེ་ལྟར་བསམས་ཀྱང་གཞན་ལ་དེ་ལྟར་མི་འབྱུང་བས་དོན་མེད་དོ་སྙམ་ན། རྩིགས་སུ་མི་ཆེ་སྣ་ཚོགས་སྦྱོང༌། །རབ་བདུན་ལ་སོགས་དཔེ་བཟླས་ལའང་།&quot; །ཞེས་པའམ། ཇི་ལྟ་ཇི་ལྟར་མང་དུ་མིས་བརྟགས་ན། །དེ་ལ་གནས་པའི་རྣམ་པར་རྟོག་པ་དེས། །དེ་ལྟ་དེ་ལྟར་དེ་ལ་སེམས་གཞོལ་འགྱུར། །ཞེས་པ་དང༌། གཞན་ཕན་ལས་ལ་མཐུ་མེད་ཀྱང༌། །དེ་ཡི་བསམ་པ་རྟག་ཏུ་བྱ། །གང་ལ་བསམ་པ་དེ་ཡོད་པ། །དེ་ནི་དེ་ལ་དོན་གྱིས་ཞུགས། །ཞེས་པ་ལྟར་དེ་ལྟར་བློ་སྦྱོང་བ་ཡིན་ཏེ། མོས་པ་སྤྱོད་པའི་དུས་ཡིན་པས་ད་ལྟ་མོས་པས་སྦྱོང་ལ། དེ་ནས་དེ་ལ་བློ་གཞོལ་བ་དང་དོན་གྱིས་ཞུགས་པར་ཡང་འགྱུར་ཞིང་། ས་ཐོབ་ནས་ཡོན་ཏན་བརྒྱ་ཕྲག་བཅུ་གཉིས་དང་ལྡན་ཞིང་མགོ་དང་རྐང་ལག་གཏོང་བ་ལ་སོགས་པ་སྦྱོར་བས་དངོས་སུ་གཞན་དོན་བྱེད་ཅིང༌། སངས་རྒྱས་ནས་ཡོན་ཏན་བསམ་གྱིས་མི་ཁྱབ་པ་ཐོབ་ནས་འབད་རྩོལ་མི་མངའ་བར་གཞན་དོན་རྒྱུན་མི་ཆད་པ་ཡིན་ནོ། །དེས་ན་ཡོན་ཏན་དང་འཕྲིན་ལས་ཐམས་ཅད་རྒྱུ་འདི་བཞིན་སྦྱངས་པ་ལས་འབྱུང་སྟེ། རྣམ་འགྲེལ་ལས། རྒྱུ་ཚོགས་པ་ལས་འབྲས་སྐྱེ་བ། །ཞེས་དང་། འབྲས་བུ་རྒྱུ་ཡི་རྗེས་སུ་འཇུག ° །ཞེས་པ་ལྟར་རོ། །དེས་ན་རྒྱུ་དང་མཐུན་པའི་འབྲས་བུ་འབྱུང་བ་ཡིན་གྱི་རྒྱུ་མེད་ཀྱི་འབྲས་བུ་འབྱུང་བ་ནམ་མཁའི་པདྨོབཞིན་ནོ། །དེས་ན་འདི་ཡོད་ན་ལྟ་བ་སྤྱོད་པ་སྒོམ་པ་འབྲས་བུ་གསུམ་པོ་ཐམས་ཅད་འདིས་ཆོག སྨན་དཀར་པོ་ཆིག་ཐུབ་ལྟ་བུ་ཡིན། ས་ཐོབ་པའི་བྱང་ཆུབ་སེམས་དཔའི་མཛད་སྤྱོད་ནས་སངས་རྒྱས་ཀྱི་བར་གྱི་མཛད་པ་ཐམས་ཅད་ད་ལྟ་ནས་དངོས་སུ་ཉམས་སུ་བླངས་དུ་ཡོད་པ་ཡིན་པས་འདི་ལས་ལྷག་པའི་ཆོས་གང་ན་ཡང་མེད་གསུངས། དངོས་གཞི་དེ་རང་ཡིན། དེ་ཡང་རེ་རེ་ལ་སྦྱངས་ན་སྐྱོ་བར་འགྱུར་བས་སྤེལ་མར་སྦྱང་ཞེས་པའམ་སྤེལ་མར་བསླབ་ཅེས་པ་སྟེ། སེམས་ཅན་ཐམས་ཅད་ཀྱི་སྡུག་བསྔལ་དང་ཀུན་འབྱུང་རང་གི་སྙིང་གི་དཀྱིལ་དུ་ལེན་པ་དང༌། རང་གི་ལུས་ལོངས་སྤྱོད་དགེ་བའི་རྩ་བ་གསུམ་སེམས་ཅན་ལ་གཏོང་བ་ནི་ཐུན་རེ་ལ་སྤེལ་ནས་སྒོམ་པའོ། །དེ་ཡང་གོང་ལྟར་རེས་རྩ་བའི་མ་ནས་སེམས་ཤིང་སྤེལ་བ་རེས་རིམ་གྱིས་མཐར་ཆགས་སུ་དང་། རེས་ལས་ངན་ཅན་དང༌། རེས་ཉོན་མོངས་པ་ཅན་ཤ་སྟག་དང༌། རེས་སྐད་ཅིག་མ་སྔ་བ་ལ་ལེན། ཕྱི་མ་ལ་གཏོང་བའོ། །ལ་སོགས་པ་སྟེ། དེ་ལྟར་བྱས་ན་བློ་སྦྱོང་རྐྱེན་ཤེས་པ་དོན་ལ་འགྲོ། དོན་དང་རྡོ་རུས་ཐུག རྐྱེན་འདི་བྱུང་ན་ཚོགས་རྫོགས་པ་དང་སྒྲིབ་པ་སྦྱོང་བ་ལ་ཚེགས་མེད་དེ། སྡིག་པ་ཅི་ཙམ་ཡོད་ཀྱང་བསྐལ་པའི་མེས་བྱིའུ་ཤ་མེད་ལ་བྱ་བ་བཞིན་དུ་འགྲོ་གསུངས། དེ་ཡང་གང་ཟག་གི་ཁམས་དང་བསམ་པའི་བྱེ་བྲག་གི ས་ལ་ལ་འདི་ཐོས་པ་ཙམ་གྱིས་སངས་རྒྱས་སྒྲུབ་པ་ལ་རྒྱུ་འདི་འཐད་སྙམ་ནས་སྤྲོ་དགར་འཇུག་པ་ཡང་ཡོད། ཁ་ཅིག་འདི་འདྲ་དྲན་པ་ལྟས་ངན་ཡིན་སྙམ་ནས་མི་མོས་ཤིང་སྐྲག་པ་ཡང་ཡོང་བས་ཕྱོགས་གཅིག་ཏུ་ངེས་པ་མེད། དེ་ཡང་ཨ་རེ་འདོད་ཀྱི་མི་ཡོང་བས། བླ་མའི་གདམས་ངག་བསོད་ནམས་ཀྱི་ཕུལ། དད་པ་དང་། བརྩོན་འགྲུས་དང༌། ཤེས་རབ་ལ་སོགས་པའི་སྟོབས་དང༌། ཐ་ན་མི་རྩ་དྲག་པོ་ཚུན་ཆད་ར་མདའ་བཟློག་ནས་དོལ་ཆོད་དུ་སྦྱོང་བ་གཅིག་དགོས། ཁྲལ་མ་ཙམ་བྱས་པས་ཡོང་བའི་ལམ་ན་མི་བདོག འབད་རྩོལ་དྲག་པོ་དང་སྙིང་སྟོབས་ལ་བརྟེན་ནས་སྦྱོང་བ་གཅིག་དགོས་པ་ཡིན། དེ་ཡང་རེས་ས་བཅུའི་བྱང་ཆུབ་སེམས་དཔའི་སྤྱོད་པ་སྤྱད་དུ་བྱུང་བ་སྙམ་དུ་དགའ་བ་བསྒོམ། རེས་འདི་རྒྱུད་ལ་སྐྱེ་བར་གསོལ་བ་གདབ། སྒོམ་སྙིང་མི་འདོད་པ་དང་། རྒྱུད་ལ་མི་སྐྱེས་པའི་གེགས་སྒྲིབ་པ་སྦྱང་། སྐྱེ་བའི་མཐུན་རྐྱེན་ཚོགས་བསག ཆོས་སྐྱོང་ལ་འཕྲིན་ལས་ཞུ། སྨོན་ལམ་གདབ། ཆོས་འདི་ཤ་སྟག་སྟོན་པ་བལྟ། མཉན། གྲོགས་འདི་ཤ་སྟག་སྒོམ་པ་དང་འགྲོགས། འདི་སྒོམ་དུ་མི་རུང་ཟེར་བ་དང་། འོ་ན་ཏ་ཟེར་བ་དང་མི་འགྲོགས། དེས་ན་ཕྱོགས་ཐམས་ཅད་ནས་ཆོས་ཀྱི་ཁྲི་ལ་བླངས་ལ་བསྒོམ་པའོ།། འོ་ན་འདི་ལྟ་བུའི་ཆོས་གང་ནས་བཤད་སྙམ་ན། མདོ་རྒྱུད་བསྟན་བཅོས་ཐམས་ཅད་ནས་བཤད། ཇི་སྐད་དུ་ཕལ་པོ་ཆེའི་ནོར་བཟང་གི་རྣམ་པར་ཐར་པ་ལས། འགྲོ་བའི་སྡུག་བསྔལ་བདག་ཉིད་ལ་བསྒྱུར་བ་ནི་མོས། བདག་ཉིད་འགྲོ་བ་ཀུན་གྱི་ཉེ་བར་འཚོ་བའི་ལུས་སུ་བསྒྱུརོ། ཞེས་གཏོང་ལེན་གཉིས་གསུངས་པ་དང་། མཆོག་གི་སྤྱོད་པའི་སྨོན་ལམ་ལས་ཀྱང་། སེམས་དམྱལ་དུད་འགྲོ་གཤིན་རྗེའི་སྡུག་བསྔལ་དང་། །དུད་འགྲོའི་གནས་རྣམས་མི་ཡི་སྡུག་བསྔལ་དང་། །འགྲོ་བའི་སྡུག་བསྔལ་ཕུང་པོ་མཐའ་དག་རྣམས། །བདག་ལ་བབས་འགྱུར་འགྲོ་བ་བདེ་བར་ཤོག །ཅེས་དང་། བྱམས་པ་མཆོག་སྦྱིན་གྱི་སྨོན་ལམ་ལས་ཀྱང༌། སྲིད་རྩེ་མན་ཆད་མནར་མེད་ཡན་ཆད་དང༌། །འཇིག་རྟེན་བགྲང་དུ་མེད་པ་ཐམས་ཅད་ཀྱི། །ལྷ་དང་ལྷ་མིན་ལྟོ་འཕྱེ་ཆེན་པོའི་ཚོགས། །བདེ་བར་གྱུར་ཅིག་སྡུག་བསྔལ་བདག་གིས་བླངས། །ཞེས་དང་། སློབ་དཔོན་ཀླུ་སྒྲུབ་ཀྱིས་ཀྱང་། བདག་ལ་དེ་དག་སྡིག་སྨིན་ཅིང་། །བདག་དགེ་མ་ལུས་དེར་སྨིན་ཤོག །ཅེས་དང༌། སློབ་དཔོན་ཞི་བ་ལྷས་ཀྱང་། བདག་དང་གཞན་དུ་མཉམ་པ་དང་། །བདག་དང་གཞན་དུ་བརྗེ་བར་བགྱི། །ཞེས་དང་། བདག་ཉིད་སྐྱོན་བཅས་གཞན་ལ་ཡང་། །ཡོན་ཏན་རྒྱ་མཚོར་ཤེས་བྱས་ནས། །བདག་འཛིན་ཡོངས་སུ་དོར་བ་དང་། །གཞན་བླང་པ་ནི་བསྒོམ་པར་བྱ། །ཞེས་དང་། གང་ཞིག་བདག་དང་གཞན་རྣམས་ནི། །མྱུར་དུ་སྐྱབས་པར་འདོད་པ་དེས། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ། །ཞེས་དང༌། བདག་བདེ་གཞན་གྱི་སྡུག་བསྔལ་དག །ཡང་དག་བརྗེ་བར་མ་བྱས་ན། །སངས་རྒྱས་ཉིད་དུ་མི་འགྱུར་ཞིང་། །འཁོར་བ་ན་ཡང་བདེ་བ་མེད། །ཅེས་དང་། དེ་ལྟས་བདག་གནོད་ཞི་བ་དང་། གཞན་གྱི་སྡུག་བསྔལ་ཞི་བྱའི་ཕྱིར། །བདག་ཉིད་གཞན་ལ་བཏང་བ་དང་། །གཞན་རྣམས་བདག་བཞིན་བསྲུང་བར་བྱ། །ཞེས་དང་། འགྲོ་བའི་སྡུག་བསྔལ་གང་ཅིའ ང་རུང༌། །དེ་ཀུན་བདག་ལ་ལ་སྨིན་གྱུར་ཅིག །ཅེས་དང༌། རྗེ་བཙུན་བྱམས་པས་ཀྱང་། མདོ་སྡེ་རྒྱན་ལས། བདག་དང་གཞན་དུ་མཉམ་པའི་ལམ་ཉིད་དམ། །བདག་པས་གཞན་གཅེས་སྡུག་པ་རྙེད་ནས་ནི། །དེ་ལྟར་བདག་པས་གཞན་དོན་མཆོག་ཏུ་ཤེས། །རང་གི་དོན་གང་གཞན་གྱི་དོན་གང་ཡིན། །ཞེས་དང་། ཇི་ལྟར་སྙིང་རྗེའི་བདག་ཉིད་གཞན་གྱི་དོན་གྱི་ཕྱིར། །བདག་ལ་སྡུག་བསྔལ་མི་བཟད་གདུང་བར་རབ་བྱེད་པ། །དེ་ལྟར་འཇིག་རྟེན་གདུང་བའི་ལས་ཀྱིས་གཞན་དགྲ་ལའང་། །ཤིན་ཏུ་བརྩེ་བ་མེད་པར་འཇུག་པར་འགྱུར་མ་ཡིན། །ཞེས་དང༌། སློབ་དཔོན་རྟ་དབྱངས་ཀྱི་སྨོན་ལམ་བདུན་ཅུ་པ་ལས། སྐྱེ་བོ་ཉོན་མོངས་དུག་གིས་མགོ་རྨོངས་པ། །དེ་དག་རྣམས་ལ་མི་དགེ་གང་མཆིས་པ། །དེ་ནི་བདག་ཉིད་ཁོ་ན་དགའ་བཞིན་དུ། །ཅི་ནས་དམྱལ་བ་རྣམས་སུ་གཞོལ་པར་བགྱི། །འཇིག་རྟེན་རབ་ཞི་བདེ་བའི་བདུད་རྩི་ཡིས། །ཚིམ་ནས་ཡིད་ནི་དགའ་བར་བགྱིད་གྱུར་ཅིག །འགྲོ་བ་དག་གི་སྡུག་བསྔལ་ཅི་སྙེད་པ། །དེ་ནི་བདག་གིས་དང་དུ་ལེན་པར་ཤོག་ །ཅེས་དང་། སློབ་དཔོན་དབྱིག་གཉེན་གྱི་ཚོགས་ཀྱི་གཏམ་ལས། རང་གི་ལུས་དང་སྲོག་དང་ནི། །སེམས་ཅན་ཀུན་ལ་བཏང་བར་བྱ། །ལུས་ཅན་ཀུན་ལ་བྱམས་པ་དང་། །སྙིང་རྗེའི་སེམས་ཀྱིས་ཁྱབ་པར་བྱ། །སྡིག་པ་ཀུན་གྱི་རྣམ་སྨིན་ནི། །རང་གི་རྒྱུད་ལ་མངོན་འདོད་ཅིང་། །བསོད་ནམས་ཀུན་ལ་ཡི་རངས་དང་། །སངས་རྒྱས་བདག་ཉིད་ཆེ་ལ་བསམ། །ཞེས་དང༌། རང་གི་ལུས་དང་སྲོག་ཉིད་ནི། །ཡིད་ཀྱིས་རྗེས་བཞིན་བཏང་བར་བྱ། །ཞེས་དང༌། སྲོག་ཆགས་ཀུན་གྱི་སྡིག་པ་རྣམས། །ཐམས་ཅད་བདག་ལ་སྨིན་པར་ནི། །དེ་ལྟར་སྡིག་པ་ལེན་བྱེད་ཅིང་། །འགྲོ་བ་ཕོངས་པའི་སྡིག་པ་བླངས། །ཞེས་དང་། གཞན་ཀུན་བདག་གིར་བྱ་བ་དང་། །རང་གི་རྟེན་ལ་གཞན་དུ་བྱ། །ཞེས་དང༌། སློབ་དཔོན་ཐོགས་མེད་ཀྱིས་ཀྱང་། །བྱང་ཆུབ་སེམས་དཔའི་སར་ གསུངས་པ་ལྟར་རོ། །བདེ་མཆོག་གི་རྒྱུན་བཤགས་ནས་ཀྱང་། སེམས་ཅན་ཀུན་གྱི་སྡུག་བསྔལ་བདག་ལ་སྨིན། །བདག་གི་དགེ་བས་དེ་ཀུན་བདེ་བར་ཤོག །ཚེ་རབས་ཀུན་ཏུ་སྒོ་གསུམ་རིན་ཆེན་དང༌། །བུམ་བཟང་དཔག་བསམ་ཤིང་སོགས་ལྟ་བུར་ཤོག་ །ཅེས་པ་ལ་སོགས་པ་དུ་མ་གསུངས་པ་ཡིན་ནོ།། ཡང་རིགས་ཆད་དང་། ཉན་རང་གིས་སངས་རྒྱས་མི་ཐོབ་པར་གསུངས་པ་དེ་དག་སངས་རྒྱས་ལ་འགོད་མི་ནུས་སམ་སྙམ་ན། དེ་ནི་བློ་ཆུང་བ་ལ་དགོངས་པ་ཡིན་གྱི། རྣལ་མར་སངས་རྒྱས་ལ་འགོད་མི་ནུས་པ་མི་སྲིད་པས་བློ་འདི་ལྟ་བུ་སྦྱོང་བའི་དུས་སུ་དེ་ལྟར་ཐག་ཆོད་ངེས་པས་ཏེ། བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །སེམས་ནི་རྒྱ་ཆེན་མཆོག་ཏུ་རབ་བསྐྱེད་དེ། །འགྲོ་བ་འདི་དག་མ་ལུས་སངས་རྒྱས་རྒྱུ། །འདི་ན་སྣོད་མིན་སེམས་ཅན་གང་ཡང་མེད། །ཅེས་དང༌། ཆོས་ཀྱི་དབྱིངས་ལ་དབྱེར་མེད་ཕྱིར། །རིགས་ནི་ཐ་དད་རུང་མ་ཡིན། །ཞེས་དང༌། དེ་བཞིན་ཉིད་ནི་ཐམས་ཅད་ལའང་། ཁྱད་པར་མེད་ཀྱང་དག་གྱུར་པས། །དེ་བཞིན་གཤེགས་ཉིད་དེ་ཡི་ཕྱིར། །འགྲོ་ཀུན་དེ་ཡི་སྙིང་པོ་ཅན། །ཞེས་དང་། རྫོགས་སངས་སྐུ་ནི་འཕྲོ་ཕྱིར་དང་། དེ་བཞིན་ཉིད་དང་དབྱེར་མེད་ཕྱིར། །རིགས་ཡོད་ཕྱིར་ན་ལུས་ཅན་ཀུན། །རྟག་ཏུ་སངས་རྒྱས་སྙིང་པོ་ཅན། །ཞེས་གསུངས་པས་སེམས་ཅན་ཐམས་ཅད་ལ་སྒོམ་ཞིང་སེམས་ཅན་གང་ལ་བྱེད་པ་ན་མི་དགེ་བ་བཅུ་དང་མཚམས་མེད་པ་ལྔ་བྱེད་པ་དང་། བསྟན་པ་རྩ་བ་ནས་འཇིག་པའི་སྡེ་འཁྲུག་བྱེད་པ་རྣམས་ལ། ན་བའི་བུ་ལ་ཁྱད་པར་ཡང་། །མ་ནི་རིམ་གྲོ་བྱེད་པ་ལྟར། དེ་བཞིན་བྱང་ཆུབ་སེམས་དཔའ་ཡང་། །དམ་པ་མིན་ལ་ལྷག་པར་བརྩེ། །ཞེས་པའམ། སྐྱེས་བུ་ཆེན པོའི་སྒྲུབ་བྱ་ནི། །འཁོར་བ་ཡིན་པར་མ་ཤེས་ཤིང་། །རིགས་ཆད་གདུལ་བྱའི་གཙོ་བོ་རུ། །མ་ཤེས་ཀྱེ་མ་བདག་ཉིད་ལའང་། །ཞེས་པ་ལྟར་ཤེས་པར་བྱས་ལ། གཏོང་ལེན་གཉིས་ཀྱིས་སེམས་ཅན་ཐམས་ཅད་འཚང་རྒྱ་བའི་རྒྱུ་རྐྱེན་ཚང་ནས་སེམས་ཅན་ཐམས་ཅད་སངས་རྒྱས་པར་བསྒོམ་པ་ཡིན་གསུངས། དེ་ཡང་ལེན་པའི་གོ་རིམ་ནི། ལེན་པའི་གོ་རིམ་རང་ནས་རྩམ། །ཞེས་བྱ་བ་སྟེ། ཐོས་བསམ་གྱིས་བློ་མ་སྦྱོང་པ། རང་ལ་གཅེས་པར་འཛིན་པ་ཤས་ཆེའི་གང་ཟག་འགའ་ཞིག་གཞན་གྱི་སྡུག་བསྔལ་ལེན་པ་ལ་སྐྲག་པ་ལྟ་ན། དེས་དང་པོ་རང་ཉིད་ཀྱི་སྡུག་བསྔལ་ལེན་པ་ལ་སློབ་པ་སྟེ། རང་གི་ཐོག་མ་མེད་པ་ནས་བསགས་པའི་ལས་བྱེད་ངེས་དང་། རྣམ་སྨིན་མྱོང་ངེས་རྣམས་ཚེ་འདི་ལ་སྨིན་པར་གྱུར་ཅིག །ཅེས་པ་ནས། འདིར་ཡང་ཚེ་སྨད་ལ་སྨིན་རྒྱུ། ཚེ་སྟོད་ལ་ལེན་པ་ལ་སོགས་པའོ། །དེ་ནས་བརྩམས་ནས་རྩ་བའི་མ་ནས་སེམས་ཅན་ཐམས་ཅད་ཀྱི་བར་དང༌། མནར་མེད་པ་ནས་བཟུང་སྟེ། ཉན་རང་བྱང་ཆུབ་སེམས་དཔའི་བར་གྱི་ལེན་པ་སྟེ། མདོ་སྡེ་རྒྱན་ལས། རབ་བར་དགྲ་ཡི་དབང་དུ་སོང་། །སྡུག་བསྔལ་གྱིས་ནོན་མུན་པས་སྒྲིབ། །བགྲོད་དཀའི་ལམ་ལ་རབ་ཏུ་ཞུགས། །འཆིང་བ་ཆེ་དང་ཡང་དག་ལྡན། །ཟས་ཆེན་དུག་དང་འདྲེས་ལ་ཞེན། །ལམ་ནི་རབ་ཏུ་སྟོར་གྱུར་པ། །ལམ་གོལ་བ་ཞུགས་སྟོབས་ཆུང་བའི། །སེམས་ཅན་རྣམས་ལ་སྙིང་རྗེའོ། །ཞེས་གསུངས་པ་ལྟ་བུའོ།། ཡང་གང་ཟག་རྣམ་པར་རྟོག་པ་མང་བས་བསྐོལ་དུ་མི་རུང་བ་དག་དམིགས་པ་ལ་སེམས་གནས་པ་དང་། འབྱོངས་རྐྱེན་པར་བྱ་བའི་ཕྱིར། དེ་གཉིས་རླུང་ལ་སྐྱོན་པར་བྱ། །ཞེས་བྱ་བ་ནི། དང༌ པོའི་དུས་སུ་གཏོང་ལེན་ཡུན་རིང་པོར་སྤེལ་ནས་བསྒོམ། དེ་ནས་རེས་ཐུང་ལ་ཤིན་ཏུ་འབྱོངས་ནས་རླུང་ལ་སྐྱོན་པར་བྱའོ།། རླུང་ཕྱིར་རྒྱུ་ཙ་ན། རང་གི་ལུས་ལོངས་སྤྱོད་དགེ་བ་གསུམ་སེམས་ཅན་ལ་གཏོང༌། ནང་དུ་རྔུབ་པ་ན་སེམས་ཅན་གྱི་སྡིག་སྡུག་གཏམ་ངན་ལ་སོགས་པ་རང་ལ་ལེན་པའོ། །དེ ས་ནི་སེམས་ཟིན་པ་ཡང་ཡོ ང་གསུངས། དེ་བཞིན་དུ་བཟའ་བཏུང་མི་དང་གཏམ་བྱེད་པ་ལ་སོགས་པ་ཐམས་ཅད་རླུང་ལ་སྐྱོན་ཅིང་བྱེད་པའོ། །དེ་དག་ནི་མཉམ་བཞག་གོ། རྗེས་ལ་བློ་སྦྱོང་བ། རྗེས་ལ་ཉམས་སུ་བླང་ཚུལ་ནི། ཡུལ་གསུམ་དུག་གསུམ་དགེ་རྩ་གསུམ། །རྗེས་ཀྱི་མན་ངག་མདོར་བསྡུས་པའོ། །ཞེས་བྱ་བ་ནི། རྗེས་ཀྱི་སྤྱོད་ལམ་གྱི་དུས་སུ་སྦྱང་བའི་ཚུལ་ཏེ། དབང་པོ་དྲུག་གི་ཡུལ་ཡིད་དུ་འོང་བ་དང་། མི་འོང་བ་དང༌། བར་མ་གསུམ་ལ་བརྟེན་ནས་བདག་གི་རྒྱུད་ལ་ཉོན་མོངས་འདོད་ཆགས་དང༌། དུག་གསུམ་དགེ་རྩ་གསུམ་དུ་བསྒྱུར། ཞེ་སྡང་དང༌། གཏི་མུག་གསུམ་སྐྱེ་བ་ལྟར་ན། སེམས་ཅན་གྱི་དེ་གསུམ་བདག་ལ་སྨིན་པར་གྱུར་ཅིག །སེམས་ཅན་མ་ཆགས་པ་དང་། ཞེ་སྡང་མེད་པ་དང་། གཏི་མུག་མེད་པའི་དགེ་བ་དང་ལྡན་པར་གྱུར་ཅིག་སྙམ་དུ་སེམས་སྦྱོང་བ་རྗེས་ཀྱི་མན་ངག་གོ། མན་ངག་སྙིང་པོ་མདོར་བསྡུས་པ། །སྤྱོད་ལམ་ཀུན་ཏུ་ཚིག་གིས་སྦྱང་། །ཞེས་བྱ་བ་ནི་རྗེས་ཀྱི་སྤྱོད་ལམ་གྱི་དུས་ན་བློ་སྦྱོང་བའི་ཚུལ་ཚིག་གིས་སྦྱོང་བ་། །འགྲོ་འཆག་ཉལ་འདུག་ལ་སོགས་པའི་དུས་ཐམས་ཅད་དུ་སྙིང་པོ་བགྲང་བ་བཞིན་ཚིག་གིས་སྦྱོང་བ་སྟེ། ཇོ་བོའི་ཞལ་ནས། རྒྱ་གར་ཤར་ཕྱོགས་ཀུན་ན། སྡུག་བསྔལ་འཕགས་པའི་བདེན་པ། ཀུན་འབྱུང་འཕགས་པའི་བདེན་པ་སོགས་བཞི་ཚིག་གིས་བསྒོམ་པ་ཡོད་གསུངས། དགེ་བཤེས་སྟོན་པ་ཡང་འཇིག་རྟེན་ཆོས་བརྒྱད་མགོ་སྙོམས་ལ་རེས་རྩ་ན་རྙེད་དང་མ་རྙེད་གསུངས། རེས་སྟོད་སྨད་ཅེས་བགྱི་གསུངས། རེས་སྙམ་མི་སྙན། རེས་གྲགས་མ་གྲགས་ཞེས་གསུངས། འཇིག་རྟེན་མཁྱེན་པ་ལ་སོགས་པའི་ཚིགས་བཅད་མགོ་ཕྱུང་། མཇུག་ཕྱུང་མཛད། ཕུ་ཆུང་བ་ཡང་རྒྱལ་ལྷ་ཁང་གི་བཟའ་མི་ཤི་བ་གྲངས་ཡང་གོམ་པ་རེ་དོར་ཞིང་། ཡ་འཆི་བ་འཆི་བ་གསུངས་པ་དང༌། གླང་རི་ཐང་བ་ཡང་། ཁེ་དང་རྒྱལ་ཁ་ཐམས་ཅད་ཇོ་བོ་སེམས་ཅན་ལ་འབུལ། དེ་ཅི་སྟེ་ན། བདེ་བའམ་ཡོན་ཏན་ཐམས་ཅད་སེམས་ཅན་ལ་བརྟེན་ནས་འབྱུང་བ་ཡིན་པའི་ཕྱིར་རོ། །གྱོང་དང་ཕུང་ཁ་ཐམས་ཅད་རང་ལ་བླངས། དེ་ཅི་སྟེ་ན། སྐྱོན་ནམ་ཉེས་པ་ཐམས་ཅད་བདག་ཏུ་འཛིན་པ་ལ་བརྟེན་ནས་བྱུང་བའི་ཕྱིར་ཞེས་རྟག་ཏུ་གསུང་བ་ལྟར་སྤྱོད་ལམ་ཐམས་ཅད་དུ་སེམས་ཅན་གྱི་སྡིག་དང་སྡུག་བསྔལ་བདག་ལ་སྨིན་པར་གྱུར་ཅིག །བདག་གི་བདེ་བ་དང་ཡོན་ཏན་ཐམས་ཅད་སེམས་ཅན་ལ་སྨིན་པར་གྱུར་ཅིག་ཅེས་པའམ། བདག་ལ་དེ་དག་སྡིག་སྨིན་ཅིང་། །བདག་དགེ་མ་ལུས་དེར་སྨིན་ཤོག།ཅེས་པའམ། སེམས་ཅན་ཀུན་གྱི་སྡུག་བསྔལ་བདག་ལ་སྨིན། །བདག་གི་དགེ་བས་དེ་ཀུན་བདེ་ཐོབ་ཤོག? །ཅེས་སམ། མཐོང་ཞིང་ཐོས་སམ་རྗེས་སུ་དྲན་ཡང་རུང༌། །རེག་གམ་གཏམ་དུ་བརྗོད་པར་གྱུར་ཀྱང་རུང༌། །རྣམ་པ་ཀུན་ཏུ་འགྲོ་ལ་ཕན་པ་ནི། །བདེ་དང་ལྡན་པ་རྟག་ཏུ་བྱེད་གྱུར་ཅིག །ཅེས་པ་ལ་སོགས་པ་རྟག་ཏུ་སྙིང་པོ་བགྲང་བ་བཞིན་བྱེད་ཅིང་ཚིག་གི་སྒོ་ནས་སྦྱངས་ན་མཐར་དོན་ལ་འཇུག་པར་འགྱུར། མ་བཅོས་རྒྱུད་ལ་སྐྱེ་བར་འགྱུར། སྔགས་རྙིང་མ་བའི་གྱེར་སྒོམ་ཀུན་ཡང་འདི་དང་དོན་ཅིག དེ་ཡང་དང་པོ་ཙ་ན་ཁར་མི་ཐོན་པ་བྱུང་དོགས་ཡོད། གོམས་ཙ་ན་འཆད་ཀ་བ་སྣང་སྲིད་ཀྱི་སྒྲ་ལ་བློ་སྦྱོང་གི་སྒྲ་ལས་སྙན་པ་མེད་པས་ངའི་ཤེད་ཀྱིས་མ་ནུས། ཁྱེད་ཀྱིས་བརྗོད་དང་ གསུངས་པ་ལྟར་ཡོང་། དེ་ཚིག་གི་ཅང་ཡོད་དེ་སྙམ་ན། སྣེ་ཟུར་བས་ཅན་མཧཱ་རོ་ཥ་བགྲང་བས་ཇོ་བོར་ཝལ་གྱིས་ཡོང་། ཅིའི་ཕྱིར་གྱི་ལམ་ན་མེད་གསུངས། དེས་ན་འདི་གཉིད་སྨུག་གི་དབང་དུ་ཡང་མི་འགྲོ །ངེས་རྐྱེན་ལ་ལེགས་པ་ཡིན་གསུང་ངོ༌། །ཐབས་དང་ཤེས་རབ་གཉིས་ས་དང་པོ་གསུངས། དེ་རྣམས་ནི་བློ་སྦྱོང་གི་ལུས་སམ་དངོས་ལྟ་བུ་ཡིན་ནོ།། ཡན་ལག་གམ་རྒྱས་བཤད་ཙམ་བསྟན་པ། ད་ནི་དེའི་ཡན་ལག་གམ་རྒྱས་བཤད་ཙམ་སྟོན་པར་བྱེད་པ་ལ། ཚིགས་སུ་བཅད་པ་དང་། ཚིག་ལྷུག་པ་གཉིས་སོ། །དང་པོ་ཚིགས་སུ་བཅད་པའི་དོན་སྟོན། འདི་དག་ལ་གྲངས་དང་གོ་རིམས་ལ་སོགས་པའི་ངེས་པ་མེད། དོན་བློ་ལ་མ་སྐྱེས་བར་དུ་བསྒོམ་གསུངས་ནས་སྔ་ཕྱིའི་འབྲེལ་ལ་སོགས་པ་མེད་པར་གསུངས། ཡང་གསུང་གི་གདམས་པའི་གནད་ལས་ཀྱང༌། འགྲེལ་ཅུང་ཟད་མཛད་པ་ཡང་བཞུགས། བླ་མའི་གསུང་ལས་ཀྱང་འགྲེལ་ཅུང་ཟད་མཛད་པ་ཡང་བཞུགས་པས། འདིར་ཡང་བློ་ལ་རྡོག་བདེ་བའི་ཕྱིར་འགྲེལ་ཅུང་ཟད་བྱས་ན་དོན་གསུམ་དུ་གནས་ཏེ། ཇི་ལྟར་སྦྱང་བའི་ཚུལ་དང༌། འབྱོངས་པའི་ཚད་དང་། སྦྱངས་པའི་དགོས་པའོ།། ཇི་ལྟར་སྦྱང་བའི་ཚུལ། དང་པོ་ལ་གསུམ་སྟེ། སྐྱེ་བའི་རྒྱུ་དང༌། མི་ཉམས་པའི་ཐབས་དང་། འཕེལ་བའི་རྐྱེན་ནོ།། དང་པོ་ལ་གསུམ་སྟེ། སྔོན་འགྲོ་ཀུན་སློང་གི་ཁྱད་པར་དང༌། དངོས་གཞི་བྱ་བའི་ཁྱད་པར་དང༌། རྗེས་ལ་བདེ་བའི་ཁྱད་པར་རོ། །དང་པོ་ནི། ཐོག་མཐའ་གཉིས་ལ་བྱ་བ་གཉིས། །ཞེས་བྱ་བ་སྟེ། ཐོག་མར་མལ་ནས་ལྡང་བའི་དུས་སུ། བདག་གིས་དེ་རིང་བདག་འཛིན་ཐུལ་ཞིང་རང་གཅེས་འཛིན་གྱིས་མ་གོས་པར་བྱས། སེམས་ཅན་གཞན་གཅེས་འཛིན་མ་ཉམས་པར་བྱ་སྙམ་པའི་འཕེན་པ་བཏང་། དགོང་མོ་ཉལ་ཁར་སེང་གེ་རྣམ་པར་བརྩེ་བའི་ཏིང་ངེ་འཛིན་གྱིས་དེ་རིང་ཐོག་མར་དེ་བྱས་སོ། །དེ་ནས་དེ་བྱས་སོ། །ཞེས་བྱ་བའི་རྣམ་གྲངས་རྣམས་རིམ་པར་བརྟགས་ནས་སྤྱིར་ཆོས་ཁྱད་པར་དུ་བློ་སྦྱོང་དང་འགལ་བ་སྤྱད་ནས་འདུག་ན། དེ་ཚེ་བདག་ལ་རྔན་བགྲང་ཞིང་། །བླ་མའི་གདམས་ངག་དྲན་པར་བྱ། །ཅེས་བྱ་བ་ཡིན་པས་དལ་འབྱོར་ཆུད་གསོན་པ་རང་ལ་རང་གིས་གནོད་པ་སྐྱལ་བ་ཁྱོད་ལྟ་བུ་ཡོང་བ་སྙམ་དུ་བསམས་ལ་བཟོད་གསོལ་དང་བཤགས་སྡོམ་བྱས་ལ་སང་ནས་དེ་ལྟ་བུ་མི་བྱའོ་སྙམ་དུ་བསྒོམ་པ་དང་། ཆོས་དང་མཐུན་པར་བྱས་ནས་འདུག་ན་དགའ་བ་བསྒོམ་ཏེ་དལ་འབྱོར་དོན་ཡོད་པར་བྱས། དུས་དོན་ཡོད་དུ་འདས་སྙམ་དུ་བསམས་ནས། དགེ་བ་འདི་ཡིས་ཆོས་རྒྱུད་ལ་སྐྱེ་བ་དང་སྐྱེ་བ་ཐམས་ཅད་དུ་བྱང་ཆུབ་ཀྱི་སེམས་དང་མི་འབྲལ་བར་གྱུར་ཅིག་ཅེས་སྨོན་ལམ་བཏབ། ཡང་ནང་པར་ལངས་ཙ་ན། དེ་རིང་བདག་གིས་ཁ་སང་བས་ཁྱད་པར་དུ་འཕགས་པ་འདི་བཞིན་དུ་བྱ་སྙམ་དུ་བསམ་ཞིང༌། འཕེན་པ་གཏོང་པ་གལ་། །དེ་ལྟར་བྱེད་ཅེས་ཚིག་ཏུ་མ་བརྗོད། བསམ་པས་འདི་འབའ་ཞིག་སྦྱང་། དགྲ་བྱུང་བ་དང་ན་ཚ་དྲག་པོ་བྱུང་བ་ལ་སོགས་པའི་དུས་སུ་སྔར་བཞིན་དུ་བསམ། གཉེན་པོ་བླ་མ་དཀོན་མཆོག་གི་བྱིན་རླབས། ཆོས་སྐྱོང་གི་མཐུ་སྟོབས། རང་གི་དུས་གསུམ་གྱི་དགེ་བ། སེམས་ཅན་སྤྱི་མཐུན་གྱི་བསོད་ནམས་ཅི་འདུག་ལྟས་ལ་རྐྱེན་བཞིས་དུས་བཞི་པོ་དེར་བདག་འདི་བསྒོམ་པ་ལ་འགྲན་ཟླ་མེད་པ་མེ་འབར་བ་ལ་ཤིང་བསྣན་པ་ལྟར་འགྲོ་བར་བྱའོ།། ཤེས་པར་བྱ་བ། ཀུན་སྤྱོང་གི་གོ་ཆ་དེ་ལྟ་བུ་གྱོན་པས་དངོས་གཞིའི་ཁྱད་པར་ལ་གསུམ་སྟེ། ཤེས་པར་བྱ་བ་དང༌། སྤང་བར་བྱ་བ་དང༌། བླང་བར་བྱ་བའོ། །དང་པོ་ལ་གསུམ་སྟེ། དགྲ་ཟིན་ཤེས་པར་བྱ་བ་དང་། ནོར་མ་ནོར་ཤེས་པར་བྱ་བ་དང་། གཞུང་དོན་ཇི་ལྟར་ཤེས་པར་བྱ་བའོ།། དེ་ལ་དང་པོ་ཤེས་པར་བྱ་བ་ནི། ལེ་ལན་ཐམས་ཅད་གཅིག་ལ་གདའ། །ཀུན་ལ་བཀའ་དྲིན་ཆེ་བར་བསྒོམ། །ཞེས་བྱ་བ་སྟེ། ཐོག་མ་མེད་པ་ནས་དགྲ་ཟིན་ངོས་མ་ཟིན། སྤང་བླང་དམིགས་མ་ཕྱེད་པས་ཆོས་བྱས་ཚད་བདག་འཛིན་གྱི་ཆོས་སུ་སོང་བས་ནོར། ཐར་པ་དང་ཐམས་ཅད་མཁྱེན་པ་སྔར་འདྲིས་གང་ཡང་ཉེར་མ་སོང་བས། ད་རེས་དགྲ་ཟིན་ངོས་ཟིན་པར་བྱ། དེ་རང་གང་ཡིན་ན་རང་ལ་དགྲར་ལྟས་ལ་སྤང་། སེམས་ཅན་ལ་ཟིན་དུ་ལྟས་ལ་གཅེས་པར་བྱ་བ་གཉིས་ལས་མེད་པ་ཡིན། དེ་ལ་བདག་ཏུ་འཛིན་པ་ལ་དགྲར་བལྟས་པ་ནི། ལེ་ལན་ཐམས་ཅད་གཅིག་ལ་གདའ། །ཞེས་པས་བསྟན་ཏེ། མི་འདོད་པ་ཅི་བྱུང་ཡང་གྱོད་གཞན་ལ་མི་གདའ། སྒོམ་ཆེན་པའི་འཁོར་མེད་རང་གཅིག་པུས་མར་ཁུ་བཀོལ་བས་མར་ཁུ་ལུད་ནས་པོ་བས། ལེ་ལན་དྲི་བོ་སྤྲང་འགྱེད་ཁོ་ནས་ལན་ཟེར་བ་བཞིན་དུ་ད་ལྟ་རང་ཅག་མི་འདོད་པ་རེ་བྱུང་ཙ་ན། ས་ཡུལ་གཉན་པ་དང་། འདྲེས་རྩེར་བ་དང་། བླ་མས་ཐུགས་ལ་མ་བཏགས་པ་ལ་སོགས་པ་གཞན་ལ་ལེ་ལན་འདོད་དེ་ནོར་བ་ཡིན། ལེ་ལན་ཐམས་ཅད་རང་གི་ནང་དུ་བདག་ཏུ་འཛིན་པ་ལ་འདོད་པ་སྟེ། བདག་ཏུ་འཛིན་པ་ལ་བརྟེན་ནས། བདག་ཡོད་ན་ནི་གཞན་དུ་ཤེས། བདག་གཞན་ཆ་ལས་འཛིན་དང་སྡང་། །འདི་དག་དང་ནི་ཡོངས་འབྲེལ་ལས། །ཉེས་པ་ཐམས་ཅད་འབྱུང་བར་འགྱུར། །ཞེས་པ་ལྟར་སྐྱོན་དང་ཉེས་པ་ཐམས་ཅད་དེ་ལས་འབྱུང་བའི་ཕྱིར། དེས་ན་མི་འདོད་པ་ཕྱི་སྣོད་ལ་བརྟེན་ནས་བྱུང་ཡང་རུང༌། ནང་བཅུད་ལས་བྱུང་ཡང་རུང༌། མཐོ་ལ་བཟང་བ་སངས་རྒྱས་དང་ཆོས་སྐྱོང་གི་བཀའ་ཆད་བྱུང་ཡང་རུང་། དམའ་བ་མུལ་སྤྲང་ལ་སོགས་པས་བྱས་ཀྱང་རུང་། མང་བ་སེམས་ཅན་གྱིས་བྱས་ཀྱང་རུང༌། ངན་པ་ཤིག་གིས་བྱས་ཀྱང་རུང་། རླུང་མཁྲིས་བད་ཀན་ལ་སོགས་པ་འབྱུང་བའི་གནོད་པ་ཡིན་ཡང་རུང་། དེ་ཐམས་ཅད་ཀྱི་རྩ་བ་བདག་འཛིན་གྱིས་ལན་པར་ཤེས་པར་བྱ། ད་ལྟ་སྡེ་པ་ནང་། དགེ་བཤེས་ནང༌། ཕ་སྤུན་ནང་། དཔོན་གཡོག་ནང༌། དཔོན་སློབ་ནང་། བཀའ་གདམས་པ་ནང་། ཡོན་མཆོད་མི་མཐུན་པ་ལ་སོགས་པ་ཐམས་ཅད་ཀྱི་རྩ་བ་བདག་འཛིན་ཡིན་ཏེ། ཡོད་པར་འཛིན། ཡོད་རིགས་ང་འབའ་ཞིག་གཅེས་པར་བཟུང་ནས་གཞན་ཐམས་ཅད་ཐེད་ལ་གཏོང་བ་བྱིས་པ་སོ་སོ་སྐྱེ་བོ་ཐམས་ཅད་ཀྱི་ཆོས་ཉིད་ཡིན། དེ་ལ་བརྟེན་ནས་ཉོན་མོངས་དང་སྡུག་བསྔལ་ཐམས་ཅད་འབྱུང་བས། འཇིག་རྟེན་དག་ན་འཚེ་བ་གང་ཡོད་དང༌། །འཇིགས་དང་སྡུག་བསྔལ་ཇི་སྙེད་ཡོད་གྱུར་པ། །དེ་ཀུན་བདག་ཏུ་འཛིན་པ་ལས་གྱུར་ན། །འདྲེ་ཆེན་དེ་ཀོ་བདག་ལ་ཅི་ཞིག་བྱ། །ཅེས་གསུངས་པ་ཡིན། འཇིག་རྟེན་ན་མི་འདོད་པའི་དངོས་པོ་ཅི་ཡོད་པ་ཐམས་ཅད་བདག་འཛིན་ལས་བྱུང་བ་ཡིན་ཏེ། གང་དང་གང་དུ་སྐྱེས་པའི་ལུས་འདི་ལ་བདག་ཏུ་བཟུང་ཞིང་ང་མེད་པ་ལ་ངར་བཟུང་ནས་འདིའི་ཁ་འཛིན་འདོད་མི་འདོད་གཉིས་ཀྱི་དགག་སྒྲུབ་བྱེད་བྱེད་ནས་གཞན་ལ་གཡོ་སྒྱུ་ཁྲམ་གསུམ་བྱས་ནས་ཉོན་མོ ངས་པ་དང་ལས་ངན་ཐམས་ཅད་བསགས་ནས་ཐོག་མ་མེད་པའི་དུ ས་ནས་སྤྱི ར་འཁོ ར་བ་མཐའ་མེད། སྒོས་ ངན་སོང་གསུམ་གྱི་སྡུག་བསྔལ་ཐམས་ཅད་འདིས་ལན་དུ་བཅུག སྤྱོད་འདུག་ལས། ཡིད་ཁྱོད་རང་དོན་བྱེད་འདོད་པས། །བསྐལ་པ་གྲངས་མེད་འདས་གྱུར་ཀྱང་། །ངལ་བ་ཆེན་པོ་དེ་ལྟ་བུས། །ཁྱོད་ཀྱི་སྡུག་བསྔལ་འབའ་ཞིག་བསྒྲུབ། །ད་ལྟའི་སྡུག་བསྔལ་ཐམས་ཅད་ཀྱང་འདིས་བསྐྱེད། ད་དུང་ཀྱང་འདི་ལ་དགྲར་མ་ལྟས་ན་འདི་བདེ་བར་འདོད་པས་ལས་ངན་བསགས་ནས་འཁོར་བ་མཐའ་མེད་དུ་སྡུག་བསྔལ་ཡུན་རིང་དོས་ལ་དྲག་པས་ད་གདོད་ཀྱང་འཁྱམ་དུ་འཇུག་པས་རང་ལ་དགྲར་ཅིག་བཟུང་བར་བྱ། འདི་ཡིས་བརྒྱ་ཕྲག་ཐམས་ཅད་དུ། །འཁོར་བར་བདག་ལ་གནོད་པ་བྱས། །ད་ནི་འཁོན་རྣམས་དྲན་བྱས་ཏེ། ཁྱོད་ཀྱི་རང་དོན་སེམས་པ་གཞོམ། །ཞེས་པ་ལྟར་དགོས། བློ་བདེ་བར་སྡོད་པ་མི་རིགས། དེ་ལྟར་ཡུན་རིང་རྒྱུན་ཆགས་དགྲར་གྱུར་པ། །གནོད་པའི་ཚོགས་རབ་འཕེལ་བའི་རྒྱུ་གཅིག་པོ། །བདག་གི་སྙིང་ལ་ངེས་པར་གནས་འཆའ་ན། །འཁོར་བར་འཇིགས་མེད་དགའ་བར་ག་ལ་འགྱུར། །ཞེས་གསུངས་པ་ལྟར་ཡིན། ཉེས་དམིགས་ཅན་གྱི་དམིགས་པའམ། གནས་ནི་གང་དུ་སྐྱེས་པའི་ལུས་ཡིན་ཏེ། རྣག་ཁྲག་གི་ཐུམ་པོ། ཆུ་སེར་གྱི་རྐྱལ་པ། འདི་ལ་གཅེས་པར་བཟུང་ཞིང་བསྲུང་བ་ནི། གཅེར་བུ་ཚེར་མ་ཁུར་བ་དང་འདྲ། འཇིག་རྟེན་སྡུག་བསྔལ་ཇི་སྙེད་པ། །དེ་ཀུན་རང་བདེ་འདོད་ལས་འབྱུང་། །ཞེས་པ་ལྟར་ཡིན། སྡུག་ཏུ་འཇུག་མཁན་འདི་དམའ་འབེབས་དགོས། འདི་ལ་དགྲར་ཤེས་པ་གཅིག་བྱུང་ན་རང་ལ་རང་ངན་སྨྲས་བྱེད། ཁྱད་པར་ཁ་གཏོང་བ་ཐམས་ཅད་དགྲ་འདུལ་གྲོགས་བྱེད་པར། སྙིང་ཐག་པ་ནས་གོ་ན་སྐྱིད་མགོ་བཙུགས་པ་ཡིན། ཐེག་པ་ཆེན་པོའི་ཆོས་མཐའ་དག་ལ་བརྗོད་བྱ། བདག་ཕྱིར་བཏང་ནས་གཞན་རྩིར་གྱི་བཟུང་བ་སྟེ་གཉིས་པོ་དེ་ལས་མེད། གཞན་ཡང་བསྟན་པ་ཐམས་ཅད་ཉོན་མོངས་སྤོང་བའི་ཆེད་ཡིན་ཏེ། ཉོན་མོངས་པ་ཐམས་ཅད་ཀྱི་རྩ་བ་ང་དང་བདག་ཏུ་འཛིན་པ་ཡིན། དེ་ཆེར་ཐུལ་ན་བདེ་སྐྱིད་ཆེར་ཡོང་། འབྲིང་ལ་འབྲིང་། ཆུང་ངུ་ལ་ཆུང་ངུ་ཡོང་། ཡེ་མ་ཐུལ་བ་ལ་བདེ་སྐྱིད་ཡེ་མི་ཡོང་བ་ཡིན། དེས་ན་སྡུག་བསྔལ་དང་ཉེས་སྐྱོན་ཐམས་ཅད་ཀྱི་རྩ་བ་འདི་ལ་དགྲར་ཟུང་དགོས། སྔར་དེ་ལྟར་མ་ཤེས་པ་ཡིན། དེ་བླ་མའི་མན་ངག་ལ་བརྟེན་ནས་དགྲར་འཛིན་པ། ཁྱོད་ཀྱིས་ཁོ་བོ་གར་བརླག་པའི། །སྔོན་གྱི་དུས་དེ་གཞན་ཡིན་གྱི། །ཞེས་པ་ལྟར་ཡིན། དེ་ཙ་ན་རྐྱེན་ངན་གྱི་འཕྲང་ལས་སྒྲོལ། གཉེན་པོའི་ཐང་ལ་སླེབ་པའི་ཆོས་པ་གཤའ་མ་ཅིག་གདོད་ཡོང་བ་ཡིན་གསུངས་ཏེ། དེ་རྣམས་ནི་བདག་འཛིན་ལ་དགྲར་ཤེས་པར་བྱ་བ་ཡིན་ནོ།། གཞན་ལ་ཟིན་དུ་ཤེས་པར་བྱ་བ་ནི། ཀུན་ལ་བཀའ་དྲིན་ཆེ་བར་བསྒོམ། །ཞེས་བྱ་བ་སྟེ། སྤྱིར་ཡ་ཡང་སེམས་ཅན་ཐམས་ཅད་དྲིན་ཅན་ཡིན་ཏེ། སེམས་འགྲེལ་ལས། གང་དག་སྔོན་ཆད་ཕ་མ་དང༌། །གཉེན་བཤེས་གྱུར་ཅིང་ཡང་བཏགས་པའི། །སེམས་ཅན་དེ་དག་རྣམས་ལ་ནི། །བྱས་པ་བཟོ་བ་ཉིད་དུ་བྱ། །ཅེས་པ་ལྟར་ཡིན་ལ། ཁྱད་པར་དུ་བདག་ལ་གནོད་བྱེད་དྲིན་ཅན་དུ་བསྒོམ་པ་ནི། སྤྱོད་འཇུག་ལས། དེ་བས་ངལ་བས་མ་བསྒྲུབ་པའི། །ཁྱིམ་དུ་གཏེར་ནི་འབྱུང་བ་ལྟར། །བྱང་ཆུབ་སྤྱོད་པའི་གྲོགས་གྱུར་བའི། །དགྲ་ལ་བདག་གིས་དགའ་བར་བྱ། །ཅེས་པ་ལྟར་བསྒོམ་པ་སྟེ། སྤྱིར་ཕ་རོལ་ཏུ་ཕྱིན་པ་དྲུག་མ་རྫོགས་པར་སངས་རྒྱས་མི་ཐོབ་ལ། དེ་སྦྱིན་པ་དང་ཚུལ་ཁྲིམས་ལ་སོགས་པ་སློང་བ་དང༌། མཁན་སློབ་དང་། ལུང་འབོགས་མཁན་ལ་སོགས་པ་ལ་བརྟེན་ནས་རྫོགས་པ་ལྟར་བཟོད་པ་ཡང་གནོད་བྱེད་ལ་བརྟེན་ནས་རྫོགས་པས། གནོད་པ་བྱེད་པ་ཀུན་ལ་བཀའ་དྲིན་ཅན་དུ་བསྒོམ་པའོ།། དེ་ཡང་འདི་ལྟར་བསམ་ཏེ། ད་ལྟ་བདག་ལ་གནོད་པ་བྱེད་པའི་མིའ མ་མི་མ་ཡིན་པ་འདིས་ཐོག་མ་མེད་པ་ནས་མ་བྱས་པའི་གྲངས་སའི་ལྟོས་རྒྱ་ཤུག་གི་ཚིག་གུ་ཙམ་དུ་གྲངས་པ་བས་མང་བ་གཅིག་བྱས་ནས་བྱམས་པའི་མིག་གིས་ལྟ་ལྟ་བ། བརྩེ་བའི་སེམས་ཀྱིས་འཛིན་འཛིན་པ། གནོད་པ་དང་མི་ཕན་པ་ལས་སྐྱོབ་སྐྱོབ་པ། ཕན་པ་དང་བདེ་བ་ཐམས་ཅད་ཀྱིས་ཕན་འདོགས་པའི་དྲིན་ཅན་ཡིན་སྙམ་པ་ཡིད་དུ་འོང་ཞིང་བདེ་ན་དགའ་བའི་བྱམས་པ་བསམ། དེས་ན་ད་ལྟ་བདག་ལ་གནོད་པ་བྱེད་པ་འདི་འཁྲུལ་ནས་བྱེད་པ་ཡིན། འདིས་ཐོག་མ་མེད་པ་ནས་སྡིག་སྡུག་གཏམ་ངན་ཐམས་ཅད་ལ་མ་འཛེམས་པར་བདག་གི་དོན་བྱས་པས་ལས་ངན་བསགས་ནས་འཁོར་བ་མཐའ་མེད་དུ་འཁྱམས་ཤིང་སྡུག་བསྔལ་ཉམས་སུ་བླངས་པས་དེ་ཐམས་ཅད་ཀྱི་ལེ་ལན་བདག་ལ་ཐུག་ནས་འདུག ད་ལྟ་ཡང་བདག་གཞན་གྱི་དོན་དུ་བྱང་ཆུབ་སྒྲུབ་པ་ལ་བདག་གི་ལས་ངན་གྱིས་མ་རྒན་བསྐུ ལ་ནས་བར་ཆད་བྱས་པས་སེམས་ཅན་ཐམས་ཅད་ཀྱི་བདེ་བ་ལ་བར་ཆད་བྱེད་པས། སྐྱེ་བ་ཕྱི་མ་ལ་དམྱལ་བར་འགྲོ་བའི་ལེ་ལན་ཡང་བདག་ལ་ཐུག་པས་སྙིང་རེ་རྗེ་སྙམ་དུ་བསམ་ལ། སྤྱིར་ཐོག་མ་མེད་པ་ནས་ཀྱི་དྲིན་ཅན་གྱི་མ་ཡིན་པ་དང་། བྱེ་བྲག་ད་ལྟ་གནོད་པ་བྱེད་པ་ཡང་བདག་གི་བྱང་ཆུབ་བསྒྲུབ་པའི་གྲོགས་པོར་བྱ་བ་དང་། བདག་གིས་སེམས་བསྐྱེད་པའི་དུས་སུ་ལུས་ལོངས་སྤྱོད་དགེ་རྩ་ཐམས་ཅད་གཞན་ལ་བཏང་བར་ཤེས་པར་བྱས་ནས། བདག་གི་ལུས་ཅན་ཐམས་ཅད་ལ། །ལུས་འདི་ཅི་བདེར་བྱིན་ཟིན་གྱི། །རྟག་ཏུ་གསོད་དམ་སྨོད་པའམ། །བརྡེག་སོགས་ཅི་དགར་བྱེད་ལ་རེག །ཅེས་པ་ལྟར་བྱས་ནས་གནོད་བྱེད་ལ་མི་ཁྲོ་བར་དྲིན་ཅན་དུ་ཤེས་པར་བྱེད་པའོ།། དེ་ལྟར་དགྲ་ཟིན་གཉིས་སུ་ཁ་ཚོན་གཅོད་མ་ཤེས་ན་བླ་མའི་སྐྱོན་ཡིན། མཐའ་མ་ནུས་ན་སློབ་མའི་སྐྱོན་ཡིན་པས་དམིགས་ཕྱེད་པར་བྱས་ལ་བླང་དོར་བྱ། སློབ་དཔོན་ཞི་བ་ལྷས། བདག་ནི་སྐྱོན་བཅས་གཞན་ལ་ཡང་། །ཡོན་ཏན་རྒྱ་མཚོར་ཤེས་བྱས་ནས། །བདག་འཛིན་ཡོངས་སུ་དོར་བ་དང༌།། གཞན་བླང་བ་ནི་བསྒོམ་པར་བྱ། །ཞེས་དང་། འཇིག་རྟེན་སྡུག་བསྔལ་ཇི་སྙེད་པ། །དེ་ཀུན་རང་བདེ་འདོད་ལས་འབྱུང་། །འཇིག་རྟེན་བདེ་བ་ཇི་སྙེད་པ། །དེ་ཀུན་གཞན་བདེ་འདོད་ལས་བྱུང་། །མང་དུ་བཤད་ལྟ་ཅི་ཞིག་དགོས། །བྱིས་པ་རང་དོན་བྱེད་པ་དང༌། །ཐུབ་པ་གཞན་གྱི་དོན་མཛད་པ། །འདི་གཉིས་ཀྱི་ནི་ཁྱད་པར་ལྟོས། །ཞེས་པ་ལ་སོགས་པ་དུ་མ་གསུངས་པ་ཡང་དགྲ་ཟིན་ཤེས་པར་བྱས་པའི་དོན་དུ་གསུངས་པ་ཡིན། གླང་ཐང་པ་ཡང་ཇི་ཙམ་པའི་པོ་ཏི་ཟབ་མོ་ཅིག་ཞལ་ཕྱེ་བ་ལ་སྐྱོན་ཐམས་ཅད་རང་གི་ཡིན་པ་དང་། ཡོན་ཏན་ཐམས་ཅད་སེམས་ཅན་གྱི་ཡིན་པར་གསུངས། དེའི་གནད་ཀྱི་ཁེ་དང་རྒྱལ་ཁ་སེམས་ཅན་ལ་སྦྱིན་པ་དང་། གྱོང་དང་བུབ་ཁ་རང་གིས་བླངས་སེམས་པ་འདི་མིན་པ་གོ་རྒྱུ་གཞན་མ་རྙེད་ གསུངས་སྐད། གསུང་རྒྱུ་ཡང་རྒྱུན་དུ་ཁེ་དང་རྒྱལ་ཁ་སེམས་ཅན་ལ་འབུལ། དེ་ཅི་སྟེ་ན། ཡོན་ཏན་ཐམས་ཅད་སེམས་ཅན་ལ་བརྟེན་ནས་འབྱུང་བའི་ཕྱིར་རོ། །གྱོང་དང་བུབ་ཁ་ཐམས་ཅད་རང་ལ་བླངས། དེ་ཅི་སྟེ་ན། ཉེས་དམིགས་ཐམས་ཅད་བདག་ཏུ་འཛིན་པ་ལས་འབྱུང་བའི་ཕྱིར་རོ། །ཞེས་སྙིང་པོ་བགྲང་བ་བཞིན་གསུང་སྐད། པོ་ཏོ་བ་ཡང་། ལེགས་པ་བྱུང་ན་བཙུན་ཆུང་འདིའི་ཚོད་ལ་ཤེད། དེ་ཙམ་ཡོད་པ་ཅེས་དང་། ཉེས་པ་བྱུང་ན་ཁོ་བོ་དེའི་གསེབ་ན་ཞུགས་པ་ལགས་གསུངས་པ་ལྟར་རོ། །མདོར་ན་བདག་འཛིན་མ་ཟད་པར་འཁོར་བ་ལས་ཐར་མི་སྲིད་ཅིང་། གཞན་གཅེས་པར་མ་བཟུང་བར་སངས་རྒྱས་ཐོབ་མི་སྲིད་པ་ཡིན་པར་ཤེས་པར་བྱེད་པ་ནི་དགྲ་ཟིན་ཤེས་པར་བྱ་བ་ཡིན་ནོ།། ད་བློ་སྦྱོང་ནོར་མ་ནོར་ཤེས་པར་བྱ་བ་ནི། སྤྱི་དོན་གསུམ་ལ་རྟག་ཏུ་བསླབ། །འདུན་མ་བསྒྱུར་ལ་རང་སོར་བཞག །ཅེས་བྱ་བ་སྟེ། བློ་སྦྱོང་ཁས་བླངས་དང་མི་འགལ་བ་དང་། བློ་སྦྱོང་ཐོ་ཆོར་མ་སོང་བ་དང་། བློ་སྦྱོང་ཕྱོགས་རེར་མ་སོང་བ་དང་གསུམ་ནི་བློ་སྦྱོང་མ་ནོར་བ་ཡིན་ལ། སྤྱི་དོན་གསུམ་པོ་འདི་དང་འགལ་ན་ནོར་བ་ཡིན་ནོ། །དང་པོ་བདག་བློ་སྦྱོང་བ་ལགས་པས། འདི་ཀུན་གྱི་མི་གནོད་ཟེར་ནས་ཁས་བླངས་པའི་བསླབ་པ་ཕྲན་ཚེགས་ལ་སོགས་ཏེ་ལས་འབྲས་ཁྱད་དུ་གསོད་པ་དང༌། བློ་སྦྱོང་འདི་ཡོད་ན་གཞན་ཅི་ཡང་མི་དགོས་ཟེར་ནས་སྡེ་སྣོད་ཀྱི་ལག་ལེན་དང་འགལ་བ་དེ་ཐམས་ཅད་དོར་ལ། བསམ་པས་བློ་སྦྱོང་ཞིང༌། སྦྱོར་བས་ཀ་རི་ཀ་ནས་རྡོ་རྗེ་ཐེག་པའི་བར་གྱི་ཁས་བླངས་དང་དམ་བཅས་པ་དང་མི་འགལ་ཞིང་གཙང་མར་བསྲུང་བ་སྡེ་སྣོད་སྤྱི་དང་མི་འགལ་བའོ།། གཉིས་པ་ནི། གཉན་སར་ཉལ་བ་དང༌། ཤིང་གཉན་གཅོད་པ་དང་། འགོ་བའི་ནད་ཡོད་སར་འགྲོ་བ་དང་། དམ་ཉམས་དང་། མཛེ་ཕོ་ལ་སོགས་པ་དང༌། འདྲེ་དང་འགྲོགས་པ་ལ་སོགས་པ་ཐོ་ཆོ་ཐམས་ཅད་སྤངས་ལ། དགེ་བཤེས་སྟོན་པའི་རྣམ་ཐར་གཙང་མ་བསྟན་པའི་སྲོལ་ཆེན་པོ་རྭ་སྒྲེངས་དུ་བཙུགས་པ་བསྟན་པ་གྲུ་བཞིར་ཉམས་སུ་ལེན་པ་དང་མི་འགལ་བར་བྱེད་པ་སྟེ། གཞན་ཡང་ཡེ་ཤེས་རྒྱན་ལ་བྱ་བ་ལ་སོགས་པ་ལགས་ཞུས་ཙ་ན། ངའི་འདུན་མ་མིན། རྭ་སྒྲེང་བའི་ལུགས་ཡིན་གསུངས་པ་ལྟར་རོ།། གསུམ་པ་ནི། བདག་འཛིན་འདུལ་བ་དང་སེར་སྣ་སྤོང་བ་དང༌། བཟོད་པ་བསྒོམ་པ་ལ་སོགས་པ་གང་རུང་རེ་ལ་གཏུབ་པར་འདུག་ཀྱང་གཞན་ལ་མ་གཏུབ་པས་ཕྱོགས་རེར་སོང་བ་སྟེ་མི་ལ་བཟོད་ཀྱང་མི་མ་ཡིན་པ་ལ་མི་བཟོད་པ་འདྲེ་རྟོགས་ཆེ་བ་དང་། དེ་ལས་བཟློག་པ་དང་། མི་ཆེ་བ་ལ་གུས་ལ་ཆུང་བ་ལ་བརྙས་པ་དང་། དེ་ལས་བཟློག་པ་དང་། ནང་མི་ལ་བྱམས་ཕྱི་མི་ལ་སྡང་བ་དང་། དེ་ལས་བཟློག་པ་ལ་སོགས་པ་ཕྱོགས་རེ་བ་བརྗོད་ཀྱི་མི་ལང་བ་ཡོད་པས་དེ ར་མ་སོང་བར་ཕྱོགས་ཐམས་ཅད་ནས་འབྱོངས་པ་མ་ནོར་བ་ཡིན། གཞན་དུ་བུ་ལ་ཁྲ་དང་སྤྱང་ཁྱི་བྱམས་སུ་སོང་ན་བློ་མ་འབྱོངས་པ་ཡིན་ནོ། །ཆགས་མེད་མཉམ་པ་ཉིད་དུ་སྦྱོང་བའོ། །དེ་ཡང་སྦྱོར་བས་ལུས་ངག་ཏུ་དེ་ལྟར་བྱེད་ན་ཉམས་ལེན་ནོར་བ་ཡིན་པས་རང་དོན་བྱེད་པའི་བསམ་པ་དེ་གཞན་བདེ་འདོད་པར་བློ་སྦྱོང་བར་འདུན་པ་བསྒྱུར་ལ། ལུས་ངག་གི་སྤྱོད་པ་གཞན་གྱི་རྩར་ངག་ཏུ་མི་འདོན་ཏེ། ཤ་ཁྱེར་ཁྲག་ཁྱེར་རམ། ཆོས་གོས་སྟེར་བའམ། ཚོགས་སུ་མཛེ་པོ་ལ་སོགས་པ་ལ་སྙིང་རྗེ་ཡོད་པ་ལྟར་བྱེད་པ་དང་། ཤ་བའི་གྲངས་ལྟར་མདུང་ཁ་བྱེད་པ་དང་། བདག་འཛིན་ཐུལ་ནས་གཞན་མི་དགོས་ཟེར་བ་ཡོད་པ་ལ་དེ་འདུས་པ་དང་ཡང་འགལ། ཐོ་ཆོར་ཡང་ཆ་བས་བློ་སྦྱོང་ཐམས་ཅད་མངོན་ཚན་ཆུ ང་ལ་དོན་གྱི་ས་ཆོད་ཆེ་བ་གཅིག་བྱེད་དགོས་གསུངས་པས་གཞན་གྱིས་མ་ཚོར་བར་རྒྱུད་སྨིན་པ་གཅིག་བྱེད་ན་ཉམས་སུ་ལེན་ལུགས་མ་ནོར་བ་ཡིན། སེམས་ལ་བློ་མ་འབྱོངས་པར་ལུས་ངག་ཏུ་བློ་སྦྱོང་བའི་རྣམ་འགྱུར་སྟོན་པའམ། སེམས་ལ་བློ་ཅུང་ཟད་འབྱོངས་ཀྱང་སྡེ་སྣོད་དང་འགལ་བ་དང༌། སྐབས་སུ་མ་བབས་པ་དང་། དགོས་པ་མེད་པ་ཐམས་ཅད་ཐོ་ཆོར་འགྲོ་བས་སྦྱོང་ལུགས་ནོར་བ་ཡིན་ནོ།། གསུམ་པ་གཞུང་དོན་ཤེས་པར་བྱ་བ་ནི། རྡོ་རྗེ་ཉི་མ་ལྗོན་ཤིང་ལྟར། །གཞུང་དོན་ལ་སོགས་ཤེས་པར་བྱ། །ཅེས་བྱ་བ་སྟེ། དཔེར་ན་རྡོ་རྗེ་རིན་པོ་ཆེ་ཕ་ལམ་ཞེས་པ་དེ་གཟུགས་གྲུ་བཞི་ལ་སོགས་པ་ཇི་ལྟར་ཡོད་པ་དང་། ཡོན་ཏན་ཇི་ཙམ་ཡོད་པ་དེ་དུམ་བུ་བརྒྱ་སྟོང་ལ་སོགས་པར་བཅག་ཀྱང་གྲུ་བཞི་ལ་སོགས་པའི་དབྱིབས་དང་ཡོན་ཏན་མི་འདོར་བའི་དཔེ་དེ་བཞིན་དུ་བློ་སྦྱོང་འདི་ཡང་དབུ་ཞབས་སུ་དྲིལ་བས་ཀྱང་བློ་སྦྱོང་ཡིན་ལ། ཚིག་གི་ཡན་ལག་ཏུ་བཤད་པའི་ཚིག་རེ་རེ་ལ་ཡང་བློ་སྦྱོང་གྲ་མ་ཆགས། ཟུར་མ་ཉམས་པའི་དོན་གནས་པ་ཡིན་ནོ། །ཉི་མའི་འོད་ཟེར་གཅིག་ཤར་ན་འོད་ཟེར་ཐམས་ཅད་ཤར་ནས་འོང་བ་ཡིན། དེ་བཞིན་དུ་བློ་སྦྱོང་གི་ཚིག་གཅིག་གི་དོན་བློ་ལ་སྐྱེས་ན་ཚིག་དོན་ཐམས་ཅད་བློ་ལ་སྐྱེས་པ་ཡིན་པས་གྲངས་ངེས་དང་གོ་རིམ་ལ་སོགས་པ་མི་དགོས། བློ་ལ་གང་བདེ་བ་ནས་བསྒོམ་པས་ཆོག་པའོ། །ཡང་སྨན་གྱི་ལྗོན་ཤིང་གི་རྩ་བ་དང༌། སྡོང་པོ་དང༌། ཡལ་ག་དང༌། ལོ་མ་དང་། ཤུན་པ་དང༌། མེ་ཏོག་འབྲས་བུ་རེ་རེས་ཀྱང་ནད་བཞི་བརྒྱ་རྩ་བཞི་མ་ལུས་པར་སེལ་བ་ཡིན། ཐམས་ཅད་ལོག་པས་ཀྱང་དེ་ཉིད་ཡིན། དེ་བཞིན་དུ་བློ་སྦྱོང་འདིའི་ཚིག་ཡན་ལག་རེ་རེས་ཀྱང་ཉོན་མོངས་པ་དང་བདག་འཛིན་ཐུ ལ། ཐམས་ཅད་ལོག་པས་ཀྱང་དེ་བཞིན་ཡིན་པས་འབྲེལ་དང་གོ་རིམ་ལ་སོགས་པ་མེད་ཀྱང་ཆོག་པས་དོན་རྒྱུད་ལ་མ་སྐྱེས་ཀྱི་བར་དུ་བསྒོམ་པར་བྱའོ། །དེ་ལྟར་ན་དེ་དག་ཤེས་པར་བྱ་བ་གཙོ་ཆེ་བ་ཙམ་དུ་བྱས་པའི་མིང་ཙམ་ཡིན་ནོ།། གཉིས་པ་སྤང་བར་བྱ་བ། གཉིས་པ་སྤང་བར་བྱ་བ་ལ་བཞི་སྟེ། ཉོན་མོངས་སྤང་བ་དང༌། ཕྱོགས་མཐུན་སྤང་བ་དང་། རེ་བ་སྤང་བ་དང་། ལྟོས་པ་སྤང་བའོ།། དང་པོ་ནི། ཉོན་མོངས་གང་ཆེ་སྔོན་ལ་སྦྱངས། །ཞེས་པའམ། རགས་པ་གང་ཡིན་སྔོན་དུ་སྦྱངས། །ཞེས་བྱ་བ་སྟེ། ཆོས་བྱེད་དུ་མི་སྟེར་བ་ཐམས་ཅད་ཀྱི་རྩ་བ་ཉོན་མོངས་པ་ཡིན། དེའི་རྩ་བ་བདག་འཛིན་ཡིན། འཁོར་བ་ཐོག་མ་མེད་པ་ནས་སྡུག་ཏུ་བཅུག་པ་ཐམས་ཅད་འདི་ཡིན། ད་ལྟ་ཡང་བྱི་བ་ཙིག་ཅིག་ཟེར་ན་ཁོའི་རྣ་བ་གཅོད་དམ་སེམས། འབྲུག་ཅིག་བྱུང་ཡང་ཁོའི་མགོ་ལ་རྒྱབ་ཀྱིས་དོགས། རྒྱལ་ཁམས་ན་ནད་རིམས་ཡོད་ཟེར་ཡང་ཁོ་ལ་བྱུང་གིས་དོགས། ས་ཡུལ་གཉན་ཟེར་ན་ཁ་དྲག་ལ་ཁྱེད་ཀྱི་དོགས། དེ་བཞིན་དུ་ལ་ལ་གཏམ་ངན་གྱིས་དོགས་ནས་སྡུག་བསྔལ། ལ་ལ་དགྲ་མ་ཐུལ་གྱི་དོགས་ནས་སྡུག་བསྔལ། ལ་ལ་གཉེན་མ་འཁྱོངས་ཀྱི་དོགས་ནས་སྡུག་བསྔལ་བ་ལ་སོགས་པ་བརྗོད་ཀྱི་མི་ལང་བ་ཅིག་ཡོད་དེ། དེ་ཐམས་ཅད་ཀྱི་རྩ་བ་བདག་ཏུ་འཛིན་པ་ཡིན། སོ་སོའི་སྐྱེ་བོ་ཐམས་ཅད་འདིའི་རང་བཞིན་དུ་གྱུར་ནས་ཅི་བྱེད་བདག་ཏུ་འཛིན་པས་བྱེད་བཅུག་ཏེ་འདི་འདུལ་དགོས་པས་འདི་འདུལ་བ་ལ། དེ་ཡང་ཞར་ཞོར་གྱི་མི་ཐུལ་བས། ཐེལ་པོར་སྦྱང་དགོས་ཏེ། འདི་ཐུལ་ན་ཕོ་བ་དུག་ཐབས་ཀྱི་ན་བ་བཞིན་དུ་ འདུག་པ་དེ་ཞི་བ་བཞིན་དུ་བདེ་ལྷན་པ་གཅིག་གདོད་འོང༌། དེ་ཙུག་མ་བྱུང་རིང་ལ་ཤམ་ཐབས་མཛོ་ཁལ་གཅིག་ཟད། བུམ་པ་མགོ་ཐོག་ཏུ་བཞག་ མི་ཚེ་ཐོས་པ་བྱས་ཀྱང་ཐམས་ཅད་ལོག་ནས། ཡེང་ཡེང་བྱས་པ་གཅིག་ཡིན། བདེ་བ་སྐད་ཅིག་ཀྱང་མེད། བདག་འཛིན་འདི་ཅུང་མགོ་ནོན་ན་ཆོས་གཉེན་པོར་སོང་བ་ཡིན་པས་བདེ་ལྷན་ཡོང་། དེའི་སྟེང་དུ་སེམས་ཅན་བློ་ཕུགས་སུ་བཅུག་པ་གཅིག་བྱུང་ན་ཐེག་པ་ཆེན་པོ་ཤོང་བ་ཆེན་པོ་བྱ་བ་ཡང་དེ་ལ་ཟེར། དེ་ཡང་ལོང་ཡོད་སྙམ་པས་མི་ཡོང་བས་ད་ལྟ་རང་ནས་འབུང་དགོས། མི་འདོད་པ་རང་ལ་ལེན། འདོད་པ་གཞན་ལ་གཏོང་ན་བདག་འཛིན་ཐུལ་བ་ཡིན། དེས་གཞི་བྱས་ནས་འདོད་ཆགས་ཞེ་སྡང་ལ་སོགས་པ་གང་ཤས་ཆེ་རྟོགས་ནས་དེ་ཁོ་ན་ལ་གཙོ་བོར་སྦྱོང་བ་ཡིན། དེ་ཡང་ཁ་ཅིག་རྟོགས་ཏེ་རྟོགས་པ་ཙམ་གྱི་སྤོང་བ་ཡང་ཡོད། ཁ་ཅིག་རྟོགས་པ་ཙམ་གྱི་སྤོང་བའི་ངེས་པ་མེད། གཉེན་པོ་བསྒོམ་པའི་དོད་སྤོང་ནས་ཡོང་། ཁྱད་པར་དུ་བླ་མ་དང་གྲོགས་པོས་རྟོགས་ནས་འོང་བས་རྟོགས་དུ་བཅུག་པ་ཡང་བྱ་སྟེ། འཆད་ཀ་བས་ཤ་ར་བ་རྟོགས་དུ་བཅུག་པས་མཉེས་པའམ། ལུགས་སྨད་པ་སྣེ་ཟུར་ན་བཞུགས་ཙ་ན་གྲོགས་པོ་རྟོགས་དུ་བཅུག་པས་རྟོགས་པ་ལྟ་བུ་ཡིན། དེ་ལྟར་སྤྱོད་ལམ་རྣམ་བཞི་དུས་དང་གནས་སྐབས་ཐམས་ཅད་དུ་རང་གི་རྒྱུད་ལ་རང་གཞན་གྱིས་བརྟགས་ཏེ། རྟོགས་ནས་གཉེན་པོ་དེ་ཁོ་ན་རྟེན། གཞན་ཡོ་དེའི་བར་དུ་རེ་ཞིག་བཞག །དེ་ཐུལ་ནས་འདུག་སྙམ་ན་ཚུལ་བཞིན་མ་ཡིན་པ་ཡིད་ལ་བྱས་ལ། ཡང་སྐྱེ་མི་སྐྱེ་ཉམས་སད་སྐྱེ་བ་ལྟ་ན་དངོས་གཞི་མ་ཐོབ་པ་ཡིན་པས་གཉེན་པོ་བསྒོམ་འཇུག་ཡུལ་ལམ་རྐྱེན་ངན་དང་འཕྲད་ཀྱང་མི་སྐྱེ་ན་ཐུལ་བ་ཡིན། དེ་ཐུལ་བ་དང་སོ་ཆག་འོག་ནས་སེའུ་སྐྱེ་བ་སྙམ་བྱེད་ཀྱང་བདེ་བླག་ཏུ་ཐུལ་འོངས་སྟེ། གྱད་སྟོབས་པོ་ཆེ་ཐུབ་ན་གཞན་བདེ་བླག་ཏུ་ཐུབ་པ་དང་འདྲའོ།། དེ་ལྟར་རགས་པ་སྔོན་དུ་སྦྱང་བའི་ཚུལ་ཡང་ལས་དང་པོ་བས་རྐྱེན་ངན་གྱི་གནོད་རིང་ལ་ཡུལ་ལས་འབྱོལ་བ་དང་འཐབ་ནུས་ན་འཐབ་པ་ཡིན་ཏེ། མཁས་པས་ལེགས་པར་འབྲོས་པའམ། །མཁས་པས་ལེགས་པར་འཐབ་པར་བྱ། །ཅེས་སོ། །ཡང་། བརྟན་པ་མ་ཐོབ་བར་དུ་རྐྱེན་ངན་གནོད། །བརྟན་པ་ཐོབ་ནས་རྐྱེན་ངན་གྲོགས་སུ་འགྱུར། །ཞེས་པ་ལྟར་རོ། །རྐྱེན་ངན་གྲོགས་སུ་འགྱུར་བ་གཉལ་པ་ཇོ་སྲས་ཀུན། ནང་དུ་འཛུགས་རེས་ཡོད་ཙ་ན་འཕེལ་གསུང་བ་དང་། སྟོན་པ་སེང་གེ་རྒྱལ་མཚན། གླང་རི་ཐང་ན་ཡོད་ཙ་ན་སེ་བེ་རེ་ལ་སོགས་བློ་རྩ་ལེན་པས་འབྱོངས་སྟོབས་ཆེ་བ་བྱུང་བ་ལ་ད་ལྟ་དེ་ཙམ་གྱི་རྐྱེན་བློ་རྩ་ལེན་པ་མེད་པས་དེ་ཙམ་འབྱོངས་སྟོབས་མ་བྱུང་ཞེས་པ་ལྟ་བུ་ཡང་ཡོད། ཁ་ཅིག་རྐྱེན་བྱུང་ཉིད་ནས་ཉམས་ཟིན་པའི་རིགས་ཀྱང་ཡོང་བས་བྲོས་པས་མི་ཕན་པའམ། འཐབ་ནུས་པས་འཐབ་དགོས་ཏེ། ཅང་ཨ་བོ་ཁྲས་རྩེ་ཙ་ན་ཁྱོད་ད་གཏོང་ན་ང་འདི་གཏོང་ཟེར་བ་ལྟར་གང་ལ་གང་འོས་ཀྱི་གཉེན་པོ་བརྟེན་ནས། བདག་ནི་བསྲེགས་སྟེ་བསད་གྱུར་ཏམ། །མགོ་བོ་བཅད་པར་གྱུར་ཀྱང་སླའི། །རྣམ་པ་ཀུན་ཏུ་ཉོན་མོངས་པའི། །དགྲ་ལ་འདུད་པར་མི་བྱའོ། །ཞེས་པ་ལྟར། གཉེན་པོའི་སྲན་བཅུག་ནས་བྱེད་པའོ། །དགྲ་ཡིན་རྒྱུ་ཡང་། སྤྱོད་འཇུག་ལས། ཞེ་སྡང་སྲེད་སོགས་དགྲ་རྣམས་ནི། །རྐང་ལག་ལ་སོགས་ཡོད་མིན་ལ། །དཔའ་འཛངས་མིན་ཡང་ཇི་ཞིག་ལྟར། །འདི་དག་གིས་བདག་བྲན་བཞིན་བྱས། །ཞེས་པ་ལ་སོགས་པ་དང་། འདོད་ཆགས་ཞེ་སྡང་གཏི་མུག་གསུམ། །སྙིང་གི་ནང་དུ་བཀུག་བྱས་ནས། །ཇག་པ་རང་གི་སེམས་ལ་འགྱེད། །ཆོམ་པོ་འདི་ལས་ཆེ་བ་མེད། །ཅེས་པ་མང་དུ་བསམས་ནས་བྱེད་པའོ།། གཉིས་པ་ཕྱོགས་འཛིན་སྤང་བ་ནི། ཕྱོགས་སུ་འཛིན་པ་ཐམས་ཅད་སྤང༌། །ཞེས་པས་ཏེ། ཡུ ལ་དུ ས་རྣམས་པ་ངེས་པ་ཙམ་མ་ཡིན་ཏེ། ཕྱི་ནང་སྣོད་བཅུད་ཐམས་ཅད་དང་འཕགས་པ་དང་། སེམས་ཅན་ཡིད་དུ་འོང་བ་དང་མི་འོང་བ་ཐམས་ཅད་ལ་སྦྱོང་བའོ། །འབྱོངས་རྩ་ན། ཐམས་ཅད་ལ་མཉམ་སྐད་ཡོང་བ་ཆོས་ཉིད་ཡིན་ནོ།། གསུམ་པ་རེ་བ་སྤང་བ་ནི། འབྲས་བུ་རེ་བ་ཐམས་ཅད་སྤང་། །ཞེས་བྱ་བ་སྟེ། འདི་བྱས་པས་མི་མ་ཡིན་གྱི་གནོད་པ་མི་ཡོང་དུ་རེ་བ་དང་། གཏམ་སྙན་དུ་རེ་བ་དང་། མཁན་སློབ་ལ་སོགས་པས་རྩིར་རེ་བ་དང་། ཟས་གོས་ལ་སོགས་པ་འཛོམ་དུ་རེ་བ་དང་། གཞན་ལ་ཕན་བཏགས་དེའི་ལན་ལ་རེ་བ་དང་། ཆོས་པ་གཤའ་མ་ཡིན་ཟེར་དུ་རེ་བ་དང༌། ཐ་ན་སངས་རྒྱས་ཐོབ་ཏུ་རེ་བ་གཅིག་བྱུང་ཡང་། རྗེ་བཙུན་གྱིས། རྒྱལ་ལ་སོགས་ལ་ཆགས་པ་ཕྲ། །ཞེས་གསུངས་པས་འདི་ཕྱིས་བསྡུས་པའི་རེ་ལྟོས་གང་ཡང་མེད་པ་གཅིག་སྦྱོང་མ་ཤེས་ན། ཆོས་འདིའི་ཕྱོགས་གཅིག་ཞ་བ་ཡིན་པས་འབྲས་བུ་གང་ལ་ཡང་རེ་བ་མེད་པར་སྦྱོང་བ་གལ་ཆེ། ཚེ་འདིའི་རེ་ལྟོས་ཅན་གྱི་སྤྱིར་ཆོས་ཙམ་དུ་ཡང་མི་འགྲོ ཕྱི་མའི་རེ་ལྟོས་བྱེ་བྲག་ཏུ་བྱང་ཆུབ་སེམས་དཔའི་ཆོས་སུ་མི་འགྲོ་བས་སོ། །རང་དོན་དུ་སངས་རྒྱས་འདོད་ཀྱང་རང་སངས་རྒྱས་ཀྱི་རྒྱུ་ཡིན་པས་སོ།། བཞི་པ་ལྟོས་པ་སྤང་བ་ནི། རྐྱེན་གཞན་དག་ལ་ལྟོས་མི་བྱ། །ཅེས་བྱ་བ་སྟེ། སྤྱིར་ཐོས་བསམ་བསྒོམ་གསུམ་ཆོས་སྤྱོད་བཅུ་ཐམས་ཅད་རྐྱེན་གཞན་ལ་མི་ལྟོས་མི་སྲིད། ཐམས་ཅད་རྐྱེན་ལ་ལྟོས་དགོས་ཏེ། ཟས་གོས་གནས་ཁང་སྒྲུབ་ཟས་ན་སོ་ལ་སོགས་པའི་མཐུན་རྐྱེན་ཚང་བ་དང་། དགྲ་འདྲེ་ལ་སོགས་པ་མེད་པ་དགོས་ཏེ། བྱང་པ་ཤེས་རབ་འབར་ལ་པོ་ཏོ་བས་ཆོས་བསམ་དུ་བཏུབ་བམ་གསུངས་པས། ལྟོ་འགྲངས། ཁ་ངོམས། གྲོགས་པོས་བློ་རྩ་མ་བླངས་ཙ་ན་སྲག་སྲིག་གཏུབ་པར་སྣང་ཟེར་བ་དང༌། དགེས་དཀོར་སྤྱན་སྔ་བའི་གྲྭ་པར། མ་འཛོམས་ཡུལ་དུ་ཕྱིན་ལ་འཛོམས་པ་གཅིག་བྱ་སྙམ་ཙ་ན། ཡར་ལུངས་སུ་ཕྱིན་པས་འཛོམས་པ་ཅིག་མ་བྱུང་བས་རྨོངས་ནས་མ་གོ་བར་འདུག འཁོར་བ་བྱ་བ་མ་འཛོམས་པའི་མིང་དུ་འདུག་པ་ལ་ཟེར་བ་དང་། འཁུན་ཀ་མ་བའི་དེར་མ་འཛོམས། གཙང་དུ་བྱོན་ནས་མཐུན་རྐྱེན་འཛོམས་པས་དཀོན་མཆོག་གི་མཆོད་པ་དང༌། རང་གི་ཁམས་གསོ་བ་དང་བཟང་དུ་བྱས་སེམས་པ་ལ་སྐྱིད་ཆེན་པོ་བྱུང་ཟེར་བ་དང༌། ཁ་རག་པའི་སློབ་མ་ཁམས་ལོག་པ་ལ་འབྲི་མར་གྱི་མར་ཁུ་བཏང་བས་འབྲིའི་ནུ་མ་ལ་སྒོམ་ཡོད་པ་ད་ལྟ་ལས་ཆ་མེད་ཟེར་བ་དང་། ཇོ་བོ་ཡང་ ཁོ་རང་དག་གི་ཞབས་ཀྱི་གཉེར་མ་སྟོན་ཅིང་ངའི་འདི་ཙུ ག་སོང་བ་ལ་ད་གྲུ བ་ཐོབ་མི་འབྱུ ང་བ་ཡིན་གསུངས་པ་དང་། གཤེ་སྟོན་བྱང་འབར་ཡང་གཞོན་པ་མཁུར་བ་དམར་ཐོ་ལེ་བ་མཐོང་ཙ་ན། ངས་ཁྱོད་ལ་ཕན་ཐོགས་པ་ཅིག་འདུག་ཅེས་དང་། རྒས་ཁོག་པ་མཐོང་ཙ་ན། ཁྱོད་ཤེས་མ་ལོག་པར་སྦྱང་ཟིན་ནས་ད་ངའི་འདིར་བསྡད་ཀྱང་ཕན་པ་མི་ཡོང་ཟེར་བ་དང་། ཁ་ཅིག་དོ་ཅིག་གྲོགས་པོ་སེམས་པ་རིམས་པ་ཚེ་གཅིག་དང་འགྲོགས་པས་བསམ་དུ་བཏུབ་པ་བྱུང་ཟེར་བ་དང་། ཁ་ཅིག་གྲོགས་པོ་ཚོ་གཅིག་གི་རྩ་བླངས་ནས་མ་བྱུང་ཟེར་བ་ཡོད། ཁ་ཅིག་བྲེལ་བས་མ་བྱུང་དལ་ན་ཡོང་བར་སྣང་ཟེར་བ་དང༌། ཁ་ཅིག་ཡེངས་ནས་མ་བྱུང་དབེན་ན་ཡོང་ཟེར་བ་ཡོད། གཉགས་སེངྒེ་གྲགས་ཤིག བཀའ་གདམས་པ་ལས་ འབྲས་སྒོམ་ན་ངའི་ཆོས་མངོན་པའི་བསྟན་བཅོས་འདི་ཀུན་ཁོང་དུ་མ་ཆུད་པར་ཁོང་ཇི་ཙུག་སྒོམ་ནས་ལས་འབྲས་ལས་འབྲས་ཟེར་རམ་གསུངས་པ་ལ་འདི་ལྟ་བུའི་ཐོས་པ་ལ་སོགས་པའི་རྐྱེན་གང་ལ་ཡང་ལྟོས་མི་དགོས། འཛོམ་ན་དེ་ཉིད་རྒྱུ་མཚན་དུ་བྱས་ནས་མ་འཛོམ་ན་མི་སྡང་ན། བྱམས་ན། ལྟོགས་ན། འཁྱགས་ན། འབྱོར་ན། རྒུད་ན། ན་ན། མིན་ན། རྒན་ན། གཞོན་ན། ལྟོགས་ན། འགྲངས་ན། དགྲས་གཙེར་ན། སྦྲང་འགོང་གི་ཚ་རགས་རྒྱུགས་ན། བླ་མས་ཐུགས་ལ་བཏགས་ན། མ་བཏགས་ན། གྲོགས་པོས་བློ་རྩ་བླངས་ན། དེ་དག་རྒྱུ་མཚན་དུ་བྱས་ནས་བསྒོམ་པས་ཆོག གླང་ཐང་གི་གཉེན་སྟོན་ཤེད་ཚ། ནང་མ་མང་པོ་མེད་པ་ལ་དགེ་བཤེས་རིན་པོ་ཆེའི་ཆོས་མཐུན་རེ་ལ་དོད་བྱས་ནས་སྡད་ཟེར་བ་དང་། ཇོ་སྲས་དང་སེང་གེ་རྒྱལ་གྱི་གཏམ་སྔར་གླེང་བ་ལྟར་ཡིན། སྤྱོད་ལམ་འགྲོ་འཆག་ཉལ་འདུ ག་ཐམས་ཅད་དུ་སྦྱང་པས་ཆོག་ཁོམ་བྲེལ་ཐམས་ཅད་དུ་སྦྱང་པས་ཆོག འདི་ལ་མཐུན་རྐྱེན་སེམས་ཀྱི་སྙིང་སྟོབས་གཅིག་པུས་ཆོག སྐྱོན་དང་བཅས་པའི་སེམས་འདི་ལ། །ཡོན་ཏན་མང་པོ་གཅིག་མཆིས་ཏེ། །གང་ལྟར་གོམས་པ་དེ་ལྟར་འབྱུང་། །བྱ་བ་ཡིན་པས། གང་ཙུག་བྱ་བྱར་བཏུབ། འདི་ལ་ས་ཟན་ཀོ་མཐས་མེད། གང་ཙུག་བསླབ་བསླབ་ཡིན། དེ་ཡང་ཕྱིས་མི་ལ་འཆད་ཙ་ན་དེ་སྐད་ཟེར་བ་ཡིན་སྙམ་པ་དེས་མི་ཡོང་། ང་རང་ཉམས་སུ་བླང་སྒོམ་སྙམ་པ་བྱས་ན་ཆོས་ཀྱི་བྱིན་རླབས་གདོད་ཡོང་བ་ཡིན། འདི་ལ་ཡང་ན་ལྷ་གསོལ། ཡང་ན་གཞོབ་མཐོང་དུ་སྦྱོང་བ་ཅིག་དགོས་གསུངས། དེ་ལྟར་ན་བཞི་པོ་དེ་སྤང་བར་བྱ་བ་གཙོ་ཆེ་བ་ཡིན་ནོ།། གསུམ་པ་བླང་བར་བྱ་བ། གསུམ་པ་བླང་བར་བྱ་བ་ལ་གསུམ་སྟེ། གང་ཉམས་སུ་བླང་བའི་ཆོས་དང་། གང་གིས་ཉམས་སུ་ལེན་པའི་ཐབས་དང་། ཇི་ལྟར་བླང་བའི་ཚུལ་ལོ། །དང་པོ་ནི། ད་རེས་གཙོ་བོ་ཉམས་སུ་བླང།། དོན་ཆེན་གང་ཡིན་བླང་བར་བྱ། །ཅེས་བྱ་བ་སྟེ། ཐོག་མ་མེད་པ་ནས་ཕ་འཚེར་སྙིང་པ་ལྟ་བུ་ངན་སོང་གསུམ་དུ་འཁྱམས་པ་ཡིན། ད་རེས་བསོད་ནམས་འགའ་ཞིག་གིས་བསྐལ་པ་བྱེ་བ་བརྒྱ་སྟོང་དུ་ཡང་རྙེད་དཀའ་བའི་དལ་འབྱོར་གྱི་ལུས་ཐོབ་པའི་དུས་ད་རེས་ཚེ་འདིའི་དོན་བྱེད་པ་བས་ཕྱི་མ་ཕན་ཆད་ཀྱི་དོན་བྱེད་པ་གཙོ། ཆོས་ལ་ཡང་བཤད་སྒྲུབ་གཉིས་ལས་སྒྲུབ་པ་གཙོ། སྒྲུབ་པ་ཡང་ཕྱི་རོལ་གྱི་སྤྱོད་ཚུལ་ལས་སེམས་སྦྱོང་བ་གཙོ་བོ་ཡིན་ཏེ། བྱང་ཆུབ་སེམས་དཔའི་སྤྱོད་པ་དག །ཚད་མེད་པ་ནི་གསུངས་པ་ལས། །སེམས་སྦྱོང་བ་ཡི་སྤྱོད་པ་ནི། །ངེས་པར་དེ་སྲིད་སྤྱད་པར་བྱ།། །ཅེས་པ་ལྟར་རོ། །སེམས་སྦྱང་བ་རྣམས་ཀྱི་ནང་ན་ཡང་གཙོ་བོ་བྱང་ཆུབ་ཀྱི་སེམས་ཡིན་ཏེ། ཐེག་པ་འདི་ལ་བྱང་ཆུབ་ཀྱི། །སེམས་མཆོག་ཡིན་པར་བསྟན་པས་ན། །བྱང་ཆུབ་ཏུ་ནི་སེམས་བསྐྱེད་ནས། །འབད་པས་མཉམ་པར་བཞག་པར་བྱ། །ཅེས་པ་ལྟར་རོ། །བྱང་ཆུབ་ཀྱི་སེམས་ཀྱང་། བདག་གཞན་མཉམ་པ་བས་བརྗེ་བ་གཙོ་བོ་ཡིན་ཏེ། གང་ཞིག་བདག་དང་གཞན་རྣམས་ནི། །མྱུར་དུ་སྐྱབས་པར་འདོད་པ་དེས། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ། །ཅེས་པ་ལྟར་རོ། །དེ་ཡང་ལུས་ངག་ཏུ་བརྗེ་ལོ་བྱེད་པ་བས་ཀྱང་རང་གིས་ནང་དུ་སྦྱང་བ་གཙོ། དེ་ཡང་ལུང་རིགས་ཀྱི་སྐྱ་དབར་དུ་བཅུག་ནས་སྦྱོང་བ་བས་བླ་མའི་མན་ངག་ལ་བརྟེན་ནས་ཨུ་ཚུགས་སུ་སྦྱོང་བ་གཙོ། སྤྱོད་ལམ་ཡང་འགྲོ་འཆག་པས་མལ་དུ་སྦྱོང་བ་གཙོ་བས་དེ་ལྟར་བསླབ་པར་བྱའོ།། ཡང་ཐབས་བས་ལ་ལ་ཉེན་མ་འབྱུང་བར་བྱེད་པ། དོན་ཆེན་གང་ཡིན་བླང་བར་བྱ། །ཅེས་པ་ནི། རབ་ཏུ་བྱུང་བས་རྒྱལ་པོའ མ་ཁྱིམ་པའི་བྱ་བར་འགྲོ་བའི་དགེ་བ་རྗེས་ཅན་བྱེད་པ་སྟེ། གསེར་འབུམ་འདྲི་བ་དང་གཙུག་ལག་ཁང་བཞེངས་པ་ལ་སོགས་པ་མང་པོ་ཅིག་ཡོད་དེ། དེ་དག་བྱས་པ་ཙམ་གྱིས་བསླབ་པ་ཉམས་ནས་འགྲོ དེ་དག་དང་འགལ་བས་ཞེ་སྡང་ཤ་སྟག་བསོགས། དེའི་རྐྱེན་གྱིས་གཞན་ལ་གནོད་པ་མང་པོ་འབྱུང༌། རང་གིས་དབེན་པ་བསྟེན་པ་དང་ཆོས་ཉམས་སུ་ལེན་པ་ཉམས་ནས་འགྲོ གྲོགས་འཆལ་བ་དང༌། འདྲེས་ཁྱེར་རམ། དམ་ཉམས་ལ་སོགས་པ་གང་ན་མ་རུངས་པ་རྣམས་དང་འགྲོགས་དགོས། དེའི་གཞིས་སྡེ་རྩོད་ལ་སོགས་པ་ཐམས་ཅད་ཀྱང་འབྱུང་། རང་གཞན་གྱི་ལུས་སྲོག་གི་བར་ཆད་དུ་ཡང་འགྲོ་བའི་རྒྱུ་མང་བ་ཡོང་བས་དེ་ལྟ་བུ་ལ་སོགས་པའི་དགེ་བ་རྗེས་ཅན་གང་ཡང་མི་བྱ་གསུངས། འོ་ན་གང་བྱ་ན། རང་གི་ཁས་བླངས་པའི་བསླབ་པ་དག་པར་བསྲུངས། དེ་དོན་ཆེ་བ་ཡིན། སྡིག་སྦྱངས། ངག་བྱིན་གྱིས་བརླབས་པ་ཞུ། དགེ་བ་བྱང་ཆུབ་ཏུ་བསྔོ། བླ་མ་བརྒྱུད་པ་དང་བཅས་པ་ལ་གསོལ་བ་བཏབ། ལམ་རིམ་བསྒོམ། བླ་མ་དང་དམ་ཚིག་མ་ཉམས་པ་བྱ། བྱམས་སྙིང་རྗེ་བྱང་ཆུབ་ཀྱི་སེམས་བསྒོམ། སྟོང་པ་དང་སྙིང་རྗེ་ཟུང་འཇུག་དུ་བསྒོམ། ཡི་དམ་གྱི་སྙིང་པོ་བགྲང་། དེ་རྣམས་ཐམས་ཅད་སྒྲུབ་པའི་རྩ་བ་བླ་མ་རྟག་ཏུ་བསྒོམ། གྲོགས་བཟང་པོ་དང་འགྲོགས། ལྷ་མཆོད་པ་ལ་སོགས་པས་ཚོགས་བསགས། སྒྲིབ་པ་སྦྱང་། དེ་རྣམས་ལ་འབྱུང་གསུངས། དོན་དེ་རྣམས་རྒྱུད་ཚོད་མཐོ་དམན་མེད་པ་སྔགས་ཕ་རོལ་ཏུ་ཕྱིན་པ་གང་གི་སྒོར་ཞུགས་པ་ཡིན་ཡང་རུང་། སྒྲུབ་པར་མི་ནུས་པ་མེད་པས་དོན་ཆེ་བ་ཡིན། གཉིསས་པ་གང་གི་ཉམས་སུ་ལེན་པའི་ཐབས་ནི། དཀའ་བ་གསུམ་ལ་བསླབ་པར་བྱ། །དངོས་དང་ཡན་ལག་གཉིས་ཀར་སྦྱངས། །དྲག་འཆུན་སྤོང་ལེན་དྲག་ཏུ་བྱ། །ཅེས་བྱ་བ་སྟེ། དེ་ལ་དཀའ་བ་གསུམ་ནི། དང་པོ་དྲན་པ་དང་། བར་དུ་བཟློག་པ་དང་། ཐ་མ་རྒྱུན་བཅད་པར་དཀའ་བའོ། །དེ་ཡང་དང་པོ་ནི། གཞན་གྱི་བློ་རྩ་མ་བླངས། ལྟོ་འགྲངས། ཁ་ངོམས་པའི་དུས་སུ་བཏུབ། རབ་ཡོང་བ་བཞིན་བྱུང་ཡང་རྐྱེན་ངན་དང་འདོམ་ཐུག་བྱུང་ཙ་ན། གཉེན་པོ་དྲན་དཀའ་བ་ཡིན་གསུངས། གཉེན་པོ་དྲན་པར་གྱུར་ཀྱང་བར་དུ་བཟློག་པར་དཀའ་སྟེ། མིད་པ་ཆུ་ཧྲིལ་ཡོང་༌། དེ་ཙ་ན་འབུང་པ་ཅིག་དགོས་ཏེ་བཟློག་པར་དཀའ། ལན་ཅིག་བཟློག་ཀྱང་ཁོའི་རྣམ་འགྱུར་མཐོང་བའམ། དྲན་ཞིང་ཚིག་པ་དཀྲུག་དཀྲུག་ཡོང་བས་བཟློག་པ་དེ་ཡང་རྒྱུན་བཅད་པར་དཀའ་གསུངས། དེ་ལྟ་ཡིན་པ་ལ་གཉེན་པོ་སྐྱེ་ལ་རྐྱེན་ངན་བྱུང་ཙ་ན་གཉེན་པོ་དྲན་པ། འདི་ལ་བདག་གིས་ཞེན་བྱ་ཞིང་། །འཁོན་དུ་བཟུང་ལ་གཡུལ་སྤྲད་དེ། །ཞེས་པ་བཞིན་བར་དུ་བཟློག་པ་དང༌། ཐ་མར་རྒྱུན་གཅོད་པ་ལ་འབད་དགོས། དེ་ལྟར་འབྱུང་བར་ཡང་གསོལ་བ་གདབ། འདི་ལ་ཐེ་ཚོམ་ཟ་བ་ཅིག་བྱུང་ཡང་ནམ་ཞིག་སྐྱེ་བའི་རྒྱུར་འགྱུར། གྲོགས་པོ་མཐུན་པ་གླེངས་ལངས་པས་ངེས་པ་སྐྱེ་བ་གཅིག་བྱུང་ཡང་ནམ་ཞིག་སྐྱེ་བའི་རྒྱུར་འགྱུར། ད་ལོ་འགའ། ཟླ་བ་འགའ་པོ་འདི་ལ་འབད་ནུས་ན་དཀའ་བ་གསུམ་ལས་ཐར་བར་འགྱུར་བ་ཡིན། ཉིན་པར་འདི་དྲན་ན་ཉིན་པར་བྱང་ཆུ བ་སེམས་དཔར་ཞུགས། མཚན་མོ་དྲན་ན་མཚན་མོར་བྱང་ཆུ བ་སེམས་དཔར་བཞུགས་པས་དྲན་པར་བྱ་སྟེ། མི་མཐུན་པའི་ཕྱོགས་བཟློག་ལ་རྒྱུན་བཅད། ཤེས་རབ་ཆེ་ན་འདི་ལ་བློའི་འབྲལ་དང་། བརྩོན་འགྲུས་ཆེ་ན་འདི་ལ་སྤོ་བ་ཅི་འདུག་བལྟ། སྒོམ་བཟང་ན་འདིར་མུགས་ཀྱི་ཐེང་མ་ཐེང་བལྟའོ།། ཡང་དངོས་དང་ཡན་ལག་གཉིས་ཀ་སྦྱངས། །ཞེས་པ་འདི་དངོས་སུ་བྱེད་ན་བདག་མེད་མན་ཆད་འདིའི་ཡན་ལག་ཏུ་བྱེད་པ་དང༌། འདི་ལམ་གྱི་ཡན་ལག་ཏུ་བྱེད་ན་ཉོན་མོངས་པ་གང་བྱེད་ཀྱི་གཉེན་པོ་འདིས་བྱེད་པ་སྟེ། ཟས་གོས་ལ་སོགས་པ་མ་འཛོམ་པ་དང༌། ནད་དང་དགྲས་རྩེར་བ་དང་། ཉོན་མོངས་པ་དྲག་པོ་འབར་བ་ལ་སོགས་མ་བཏུབ་པ་བྱུང་ཚད་ལ་གཉེན་པོ་འདི་ལ་འབད་ནས། མི་བདེ་བ་གང་ཡང་མེད་པ་གཅིག་མ་བྱུང་ན། ཆོས་འདི་ཡེ་མ་བྱུང་བ་ཡིན་ནོ། །འདི་བྱུང་ན་ཅི་བྱུང་ཡང་མི་བདེ་བ་གང་ཡང་མེད་པ་གཅིག་ཡོང་། འདི་བྱང་སེམས་འབྱོངས་པ་ཁོ་ན་ལ་དགོས་བྱ་བ་མིན། ཉོན་མོངས་པ་དང་བདག་འཛིན་འདུལ་བ་ལ་སོགས་པ་ཉན་རང་དང་ཐུན་མོང་བ་གཅིག་ཀྱང་ཡོད། འདི་ཙམ་གྱིས་མི་ཡོང་རང་ལ་འཕྱར་ཀ་གཏོང་བ་ལ་སོགས་པ་ལ་བཀའ་དྲིན་ཆེ། དགེ་བཤེས་ཡིན་ཞེས་ངག་ཏུ་མི་བརྗོད། བསམ་པ་དེ་ལྟར་བསྒོམ་ཤིང་ཉོན་མོངས་པར་མ་ཤོར་བར་བྱེད་པའོ། །དེ་ཡང་ངོས་འཛིན་པར་བྱས་ནས་སྤོང་ལུགས་ནི། དྲག་འཆུན་སྤོང་ལེན་དྲག་ཏུ་བྱ། །ཅེས་དང༌། ཉོན་མོངས་ལ་བྱེད་པ་སྟེ། ཆོས་ཐམས་ཅད་ཉོན་མོངས་པའི་གཉེན་པོར་སོང་བ་ཅིག་དགོས། ད་ལྟ་ཐོས་པ་ལ་སོགས་པ་ང་ལས་མཁས་པ་མེད་ཅེས་པ་ལ་སོགས་པར་སོང་བས་ཉོན་མོངས་པ་ཉོན་མོངས་པའི་གྲོགས་སུ་སོང་བ་དེ་གདོན་ངོས་མ་ཟིན་སྣ་ལ་ཡུག་གམ་ཨ་ཁུ་བྱང་ཆུབ་འོད་ཀྱི་ཨ་ཕྱིས་མིག་ལ་ནུ་མ་སྣུན་པ་དང་འདྲ་བ་ཡིན། དེ་བདག་འཛིན་གྱི་གཞི་བྱས་པའི་ཉོན་མོངས་པ་འདུལ་བ་ལ་གཉེན་པོས་དྲག་འཆུན་ཆེར་བྱེད་པའོ།། གསུམ་པ་ཇི་ལྟར་ཉམས་སུ་བླངས་པའི་ཚུལ་ལ་བཞི་སྟེ། ཚེ་གཅིག་གི་བྱ་བ་དང༌། ཉིན་གཅིག་གི་ཀུན་སྤྱོད་དང་། ཐུག་ཕྲད་ལམ་ཁྱེར་དང༌། རྐྱེན་ངན་གྲོགས་བསྒྱུར་རོ། །དེ་ལ་ཚེ་གཅིག་གི་བྱ་བ་ནི། སྟོབས་ལྔ་དག་ལ་སྦྱང་བར་བྱ། །ཅེས་བྱ་བ་ནི། སྐྱེ་བ་ཚེ་གང་གི་བྱ་བ་འདིས་བྱེད་པ་སྟེ། འདི་ལ་ཡང་པང་སྐྱེ་བ་ཚེ་གང་དུ་བྱ་བ་དང་། ཁྱད་པར་དུ་འཆི་ཁའི་གདམས་ངག་ཏུ་བྱ་བའི་ཚུལ་གཉིས་ལས། ཚེ་གང་དུ་བྱ་བའི་སྟོབས་ལྔ་ནི། མན་ངག་སྙིང་པོ་མདོར་བསྡུས་པ། །ཞེས་པ་ནི། སྟོབས་ལྔ་དག་ལ་སྦྱང་བར་བྱ། །ཅེས་པའི་གོང་འདིར་བཅུག་ནས་འབྲེལ་བའང་ཡོད། འཕེན་པའི་སྟོབས་དང༌། དཀར་པོ་ས་བོན་གྱི་སྟོབས་དང༌། སུན་འབྱིན་པའི་སྟོབས་དང༌། གོམས་པའི་སྟོབས་དང༌། སྨོན་ལམ་གྱི་སྟོབས་སོ།། དེ་ལ་འཕེན་པའི་སྟོབས་ནི། ད་ནས་སངས་རྒྱས་ཀྱི་བར་དུ་བློ་སྦྱོང་དང་མི་འབྲལ་བར་བྱ་སྙམ་པ་དང་། ཚེ་ཐུང་འདི་དང༌། ལོ་འདི་དང་། ཟླ་བ་འདི་ལ་བློ་སྦྱོང་དང་མི་འབྲལ་བར་བྱ་སྙམ་པ་དང་། ཁྱད་པར་དུ་དེ་རིང་བདག་ལ་ཁ་ཟེར་བ་དང༌། ཁྱད་པར་ཁ་གཏོང་བ་ལ་སོགས་པ་གནོད་ཅིང་ཅི་བྱུང་ཡང་བདག་གིས་བདག་ཏུ་འཛིན་པ་རྣམས་ཐམས་ཅད་དུ་མ་ཤོར་བར་ཐུལ་བར་བྱ། ཐུལ་ནས་ཀྱང་ཕྱིས་མི་བཏང་བར་བྱ་སྙམ་དུ་འཕེན་པ་གཏོང་བ་སྟེ། དཔེར་ན་ནམ་མ་ལངས་པར་ཤིང་ཐུ་རུ་འགྲོ་སྙམ་ཙ་ན་གཉིད་སྔར་སད་ནས་ཡོང་བ་དང་འདྲ། དེ་བཞིན་དུ་འཕེན་པའི་སྟོབས་ཀྱིས་རྐྱེན་ངན་དང་ཕྲད་པ་དང་། གཉེན་པོ་དྲན་ནས་ཡོང་བ་ཡིན། དཀར་པོ་ས་བོན་གྱི་སྟོབས་ནི། ཐུན་མཚམས་སུ་ཡང་བློ་སྦྱོང་རྒྱུད་ལ་མ་སྐྱེས་པ་སྐྱེ་བ་དང་། སྐྱེས་པ་གོང་ནས་གོང་དུ་འཕེལ་བའི་ཆེད་དུ་ཚོགས་བསོག སྒྲིབ་པ་སྦྱོང་། བླ་མ་ལ་གསོལ་བ་གདབ། ཆོས་སྐྱོང་ལ་འཕྲིན་ལས་ཞུ། ཐོས་བསམ་སྒོམ་གསུམ་དང་ཆོས་སྤྱོད་ལ་འབད་ནས་བསོད་ནམས་བསགས་ནས་འདི་རྒྱུད་ལ་སྐྱེ་བའི་དགེ་བ་ལ་ཚུལ་སྣ་ཚོགས་ནས་འབད་པའོ།། སུན་འབྱིན་པའི་སྟོབས་ནི། བདག་ཏུ་འཛིན་པ་སུན་འདོན་པ་སྟེ། འཁོར་བ་ཐོག་མ་མེད་པ་ནས་སྤྱིར་འཁོར་བ་མཐའ་མེད། སྒོས་ངན་སོང་གསུམ་དུ་འཁྱམས་ཏེ། དེ་ཐམས་ཅད་བདག་གཅེས་འཛིན་རང་བདེ་འདོད་པ་འདིས་ལན་པ་ཡིན། ཚེ་འདི་ལ་ཡང་མི་འདོད་པ་ཇི་སྙེད་ཅིག་འབྱུང་བ་དང་། བཟའ་མི་རྣམས་འགྲོགས་མ་ཤེས་པ་དང་། ཁས་བླངས་གནས་སུ་མ་འཁྱོལ་བ་ཐམས་ཅད་འདིས་ལན། མི་རྟག་པ་ནས་གནས་ལུགས་ཀྱི་བར་རྒྱུད་ལ་སྐྱེར་མི་འདོད་པ་ཡང་འདིས་ལན། མཁས་པ། བཙུན་པ། བཟང་བ། ཐོས་པ་ཆེ་བ། སྒྲུབ་པ་རིམ་པ་ཐམས་ཅད་ཉོན་མོངས་པའི་གཉེན་པོར་མ་སོང་བར་གྲོགས་སུ་སོང་ནས་ང་ལས་མཁས་པ་མེད། ང་ལས་བཙུན་པ་མེད་ཅེས་པ་ཐམས་ཅད་བདག་འཛིན་མ་ཐུལ་བས་ལན་པ་ཡིན། མི་ཆོས། ལྷ་ཆོས། གར་སོང་། གང་མ་མཁོ་བ། སངས་རྒྱས་བསྒྲུབ་ཀྱང་ཉན་རང་རྒན་པོ་རེ་རེ་འགྲོ་བའི་བར་ཐམས་ཅད་བདག་ཏུ་འཛིན་པས་རང་རྒྱལ་བ་དང་གཞན་ཕམ་པར་འདོད་པས་ལན་པ་ཡིན་པས་འདི་སུན་འདོན། འཇིག་རྟེན་དག་ན་འཚེ་བ་གང་ཡོད་དང༌། །ཞེས་པའི་དོན་བསམ། བདག་ནི་བསྲེགས་ཏེ་བསད་གྱུར་ཏམ། །ཞེས་པ་ལྟར་གཉེན་པོ་བསྐྱེད་པར་བྱེད་པའོ།། གོམས་པའི་སྟོབས་ནི། བདག་གཞན་བརྗེ་བར་རྒྱུན་དུ་གོམས་པར་བྱེད་པ་སྟེ། འདི་ལ་མོས་པ་དང་། འདུན་པ་ཡུན་རིང་བ་དང༌། དར་དྲགས་པ་དང་། བར་མ་ཆད་པར་མ་བསྒོམས་ན་ཐོག་མ་མེད་པ་ནས་བདག་གཅེས་པར་འཛིན་པ་འདོར་མི་ནུས། གཞན་ལ་གཅེས་འཛིན་མི་འབྱུང་བས་རྒྱུན་དུ་གོམས་པར་བྱ། འདི་གོམས་ནས་རྒྱུད་ལ་སྐྱེས་ན་ཆོས་ཐམས་ཅད་བདེ་བར་འགྲོ་བའི་ཏིང་ངེ་འཛིན་ཅེས་པའམ། ལྷ་བདེ། ཀླུ་བདེ། ཀུན་བདེ། རབ་གང་བྱ་བ་ཡོང་བས། འཇིག་རྟེན་བདེ་བ་ཇི་སྙེད་པ། ། ཞེས་པའི་དོན་བསམ་ལ་རྒྱུན་དུ་གོམས་པར་བྱའོ།། སྨོན་ལམ་གྱི་སྟོབས་ནི། དགེ་བ་ཅི་བྱས་ཀྱི་རྗེས་དང༌། གཞན་ཡང་དུས་ཐམས་ཅད་དུ་བདག་འཛིན་ཐུལ་བ་དང་། ཐུལ་ནས་ཕྱིས་མི་ལྡང་བར་སྨོན་ལམ་འདེབས་པ་སྟེ། འགྲོ་བའི་སྡུག་བསྔལ་གང་ཅིའང་རུང་། །དེ་ཀུན་བདག་ལ་སྨིན་གྱུར་ཅིག ། ལ་སོགས་པ་ཐེག་པ་ཆེན་པོའི་མདོ་རྒྱུད་བསྟན་བཅོས་ན་བཞུགས་པ་རྣམས་སྨོན་ལམ་དུ་འདེབས་པ། དེ་ལྟར་སྟོབས་ལྔ་པོ་དེ་ལ་སྦྱངས་ན། ཚེ་གཅིག་གི་བྱ་བ་ཐམས་ཅད་འཆུན། བདག་གཞན་བརྗེ་བའི་བྱང་ཆུབ་ཀྱི་སེམས་སྐྱེས་ནས་འཕེལ། དེ་ལ་བརྟེན་ནས་ཡོན་ཏན་ཐམས་ཅད་འབྱུང་གསུངས། ཁྱད་པར་འཆི་ཀའི་གདམས་ངག་ཏུ་བྱེད་ན། ཐེག་ཆེན་འཕོ་བའི་གདམས་ངག་ནི། སྟོབས་ལྔ་ཉིད་ཡིན་སྤྱོད་ལམ་གཅེས། །ཞེས་འབྱུང་བས་དང་པོ་དཀར་པོ་ས་བོན་གྱི་སྟོབས་རང་གི་ཡོ་བྱད་གང་ཡོད་པ་བླ་མ་དཀོན་མཆོག་ལ་སྤོང་དག་བྱ། ཞེན་པ་སྐྱེ་བའི་མི་ལ་སྦྱིན་དུ་མི་རུང་། ཤུལ་དུ་ཡང་སྡིག་རྐྱེན་དུ་མ་འགྱུར་ཙམ་གྱི་ཤོམ་པར་བྱ། མཆོད་གནས་རྣམས་ལ་མཆོད་པ་བཟང་བར་དབུལ། དྲིན་ཅན་ལ་ནོར་གྱི་དོད་ པོར་སྦྱིན་དུ་མི་རུང་། དེ་ནས་ཚེ་འདིའི་དངོས་པོ་གང་ལ་མ་ཆགས་ཤིང་ཕྱི་མར་མི་འཇིགས་པའི་བློ་བསྐྱེད། དེ་ནས་སྨོན་ལམ་གྱི་སྟོབས་ནི། མཆོད་པ་བཤམས་ལ་བཤགས་སྡོམ་དང་བཟོད་གསོལ་བྱ། སྐྱབས་འགྲོ་ལ་སོགས་པའི་སྡོམ་ཁྲིམས་གསོ། དཀོན་མཆོག་ལ་མཆོད་པ་དང་། ཆོས་སྐྱོང་ལ་གཏོར་མ་ཕུལ་ལ། བྱང་ཆུབ་ཀྱི་སེམས་གཉིས་བར་དོ་དང་ཕྱི་མར་དྲན་པ། ཆོས་འདི་སྟོན་པའི་བླ་མ་དང་མཇལ་ཆོས་འདི་ཉམས་སུ་ལེན་པ་དང་བློ་སྦྱོང་པ་ལ་སོགས་པའི་གསོལ་བ་དང་སྨོན་ལམ་གདབ་གསུངས། དེ་ནས་སུན་འབྱིན་པའི་སྟོབས་ནི། ཐོག་མ་མེད་པ་ནས་ད་ལྟའི་བར་དུ་སྡུག་བསྔལ་དུ་བཅུག་པ་བདག་འཛིན་འདི་ཡིན། ད་དུང་ཡང་འདི་མ་ཟད་ཀྱི་བར་དུ་སྡུག་བསྔལ་འབའ་ཞིག་སྦྱོར་བས་འདི་བརླག་ཏུ་གཞུག བརླག་རྒྱུ་དེ་ཡང་ལུས་ལ་བདག་ཏུ་བཟུང་བས་ལན་འདུག་པས་བར་དོར་ལུས་ཡེ་མ་བླང་བར་ཡལ་དུ་གཞུག་སྙམ་པ་དང་། དེ་ལྟར་བདག་ཏུ་འཛིན་མཁན་གྱི་སེམས་ཅན་འདི་ཡང་ནམ་མཁའ་ལ་ཡལ་དུ་གཞུག་སྙམ་པས་བདག་འཛིན་སུན་འབྱིན་པའོ། །དེ་ནས་འཕེན་པའི་སྟོབས་ནི། བར་དོར་ཆོས་འདི་དྲན་པར་བྱའོ་སྙམ་དུ་ཡང་ནས་ཡང་དུ་འདུན་པ་བཏང་བར་བྱའོ། །དེ་ནས་གོམས་པའི་སྟོབས་ནི། སྔར་ནས་གོམས་པར་བྱས་པ་ཁྱད་པར་དུ་དྲན་པར་བྱས་ལ། སྤྱོད་ལམ་གྱི་སྟོབས་ཀྱི་འཕོ་བ་ཡིན་པས་ངོས་གཡས་པ་ཕབ། ལག་པ་གཡས་པ་འགྲམ་པ་ལ་བརྟེན་པའི་མཐེའུ་ཆུང་གིས་སྣ་བུག་གཡས་པ་བཀག་ལ། གཡོན་ནས་དབུགས་རྒྱུ་བར་བྱའོ། །དབུགས་ཕྱིར་འགྲོ་ནའང་འགྲོ་བ་ལ་བརྟེན་ནས་གཏོང་ལེན་གཉིས་སྦྱང༌། དེའི་མོད་ལ་དོན་དམ་བྱང་ཆུབ་ཀྱི་སེམས་འཆི་བ་མེད་པ་དྲན་པར་བྱ། དེའི་ངང་ལ་འཕོ་བར་བྱའོ།། གཉིས་པ་ཞག་གཅིག་གི་ཀུན་སྤྱོད་ནི། རྣལ་འབྱོར་ཐམས་ཅད་གཅིག་གིས་བྱ། །ཅེས་བྱ་བ་སྟེ། ཆོས་གཞན་ནས་ ཟས་ཀྱི་རྣལ་འབྱོར་སོགས་མང་དུ་བཤད་པ་ལ་འདིར་ཟས་གོས་སྤྱོད་ལམ་ལ་སོགས་པའི་རྣལ་འབྱོར་ཐམས་ཅད་འདི་གཅིག་པུས་བྱེད་པའོ། །དེ་ཇི་ལྟར་བྱེད་ཅེ་ན། ཟས་གོས་ལ་སོགས་པ་འཛོམས་ན་བདག་གིས་བདེ་བ་འདིས་སེམས་ཅན་བདེ་བ་དང་ལྡན་པར་གྱུར་ཅིག མ་འཛོམ་ན་སེམས་ཅན་རྣམས་ཀྱི་མ་འཛོམ་པའི་སྡུག་བསྔལ་ཐམས་ཅད་བདག་ལ་སྨིན་པར་གྱུར་ཅིག་སྙམ་དུ་སྒོམ་པ་ལ་སོགས་པ་སྟེ། སྤྱོད་ལམ་རྣམ་བཞིར་དབང་པོ་དྲུག་གི་སྤྱོད་ལམ་ཐམས་ཅད་གཏོང་ལེན་གཉིས་སུ་སྦྱོང་བ་སྤྱོད་ཡུལ་ཡོངས་སུ་དག་པའི་མདོའམ། དཀོན་མཆོག་སྤྲིན་གྱི་མདོའ མ། རྗེ་བཙུན་བྱམས་པས། རྒྱལ་སྲས་སྤྱོད་ཚེ་ཇི་ལྟ་ཇི་ལྟ་བུར། །དབང་པོའི་སྤྱོད་ཡུལ་སྣ་ཚོགས་འཇུག་གྱུར་པ། །དེ་ལྟ་དེ་ལྟས་རིགས་པས་མཐུན་ཚིག་གིས། །སེམས་ཅན་ཕན་ཕྱིར་དེ་མཐོང་འདུ་བྱེད་གཅེས། །ཞེས་པ་ལྟར་ཤེས་པར་བྱས་ནས་བྱང་ཆུབ་ཀྱི་སེམས་སྦྱོང་བའི་རྣལ་འབྱོར་གྱིས་བྱེད་པའོ།། ااد གསུམ་པ་ཐུག་ཕྲད་ལམ་ཁྱེར་ནི། འཕྲལ་ལ་གང་ཐུག་བསྒོམ་དུ་སྦྱར། །ཞེས་བྱ་བ་ནི། བློ་བུར་དུ་མི་དང་མི་མ་ཡིན་པ་དང་དུད་འགྲོ་དང་ཐུག་པ་བྱུང་བའམ། དབང་པོ་དྲུག་གི་སྤྱོད་ཡུལ་དུ་གྱུར་པ་གང་ལ་ཐུག་ཀྱང་འཕྲལ་འཕྲལ་དུ་སྦྱོང་བ་སྟེ། སྐྱིད་སྡུག་ལ་སོགས་པའི་དུས་ཐམས་ཅད་རང་ཡུལ་དང་མི་ཡུལ་ལ་སོགས་པའི་ཡུལ་ཐམས་ཅད། གནས་དགོན་གྲྭ་ས་ལ་སོགས་པའི་གནས་ཐམས་ཅད་དང༌། འགྲོ་འཆག་ལ་སོགས་པའི་སྤྱོད་ལམ་ཐམས་ཅད་མཐོང་ཐོས་ལ་སོགས་པའི་དབང་པོའི་ཡུལ་ཐམས་ཅད་ལའང་འདོད་མི་འདོད་གཉིས་ཡོ ད་པར་ཁ་ཚོན་བཅད་ནས་འདོད་པ་དེ། སེམས་ཅན་ཐམས་ཅད་གཏོང་མི་འདོད་པ་རང་ལ་ལེན་པར་སྦྱོང་བའོ། །དེ་ཡང་ལྟོ་འགྲངས་ཉི་མ་དྲོ་ན་དཔའ་སྤྱོད་ཀུན་ཀྱང་ཆེ་ཟེར་བ་ལྟར། མཐུན་རྐྱེན་འཛོམ་ན་བླ་མས་ཀྱང་ཨོ་ལོ་ཨོ་ཅོ་བྱས། གྲོགས་པོས་ཀྱང་བློ་རྩ་བླངས་ཙ་ན་བཏུབ་རབ་ཡོང་སྟེ། རྐྱེན་ངན་དང་འདོམ་ཐུག་བྱུང་བའམ། ལས་ངན་གྱི་འབྲས་བུ་ཚོན་པོ་ཆེ་སྨིན་ནས་སྡོམ་པ་ཤོར་སྟེ། གཞན་གྱིས་ཁྱི་རོ་བཞིན་ཙོག་པོར་ལྟ་བའམ། མཛེ་རྒོད་འབར་བ་བྱུང་ན་གཞན་གྱི་སྐྱུག་བྲོ་བར་ལྟ། མཐོང་ཙམ་རང་ན་སྣ་བཀག་ནས་འབྲོས་ཀྱིན་བྱུང་ནས་བུ་སྨད་དང་ཁང་ཁྱིམ་ལ་སོགས་པ་ཐམས་ཅད་གཞན་རྐྱེན་མ་འཛོམ་པ་དང༌། གཏམ་ངན་དང་བརྙས་པ་ལ་སོགས་པ བྱུང་ཡང་། འཇིག་རྟེན་གྱི་ཁམས་ན་འདི་ཁོ་ན་འདྲ་བ་དཔག་ཏུ་མེད་པ་ཅིག་ཡོད་པས་དེ་རྣམས་སྙིང་རེ་རྗེ་སྙམ་དུ་བསམས་དེ་ལྟར་བྱུང་བའི་དུས་ལ། དེ་དག་གི་མི་འདོད་པ་ཐམས་ཅད་བདག་ལ་སྨིན་ལ། སེམས་ཅན་གྱིས་འདི་འདྲ་བའི་སྡུག་བསྔལ་མྱོང་བར་མ་གྱུར་ཅིག་སྙམ་དུ་སེམས། རང་གི་ལུས་ལོངས་སྤྱོད་དང་དགེ་རྩ་ཐམས་ཅད་གཞན་ལ་བཏང་ནས་སེམས་ཅན་ཐམས་ཅད་བདེ་སྐྱིད་སྙན་གསུམ་དང་ལྡན་པར་བསམ། །རང་ལ་ཚེ་འདི་ལ་ཡང་ཇི་འདྲ་ཇི་འདྲ་ཡོང་གི་གདེང་ཐོབ་མེད་པས་ཡོང་མི་ཤེས་ཏེ། ལས་ཇི་འདྲ་བསགས་མི་ཤེས་པས་སྡུག་བསྔལ་རི་སྡིབ་པ་བཞིན་བྱུང་ཡང་ཇི་སྙམ་ཡང་མི་བྱེད་པར་སྡུག་ན་སྡུག་ཐེག་ཅིང་ཆོས་མ་འཆོར་བ། སྐྱིད་ན་སྐྱིད་ཐེག་ཅིང་ཆོས་མ་འཆོར་བ་གཅིག་དགོས། འདི་མེད་ན་དབྱར་ར་དགུན་རེའི་བྲང་ཟླ་རེ་རེ་གཉིས་གཉིས་པོ་ཡང་མཐུན་པ་མེད། དགེ་སློང་ཡིན་ན་ལག་བདེ་མི་རྙེད། དགེ་ཚུལ་ཡིན་ན་སློབ་དཔོན་མི་རྙེད། དེས་ཅི་ལན་ན་འདི་མེད་པས་ལན། རང་ཁོ་ན་མཐོ་དགའ་དང་བཟང་དགའ་རྒྱལ་རྒྱུ་བྱུང་ན་རེ་འདོད་པས་ལན་གསུངས། དེར་མ་སོང་བྲང་ཟླ་རྙེད་ཙམ་པའི་བཟོད་པ་རེ་སྐྱེད་དང༌། ཚེ་འདི་ལ་ཡང་འདོད་མཁན་མེད་པ་འདི་ལས་ཉེས་པ་ཆེ་བ་མི་གདའ་བ་གཟིགས་དང་། བདག་ཏུ་འཛིན་པ་འདི་ལ་ཀོ་ལོང་གཅིག་སེལ་མ་ནུས་ན་རྟ་སྒ་རྔས་སུ་བཅུག་ན་བདེ་མི་སྲིད་ཟེར་བ་ལྟར་གང་བྱས་ཀྱང་བདེ་བ་མེད། གང་ལྟར་བྱས་ཀྱང་མ་བཏུ བ་པ་འདི་མེད་པས་ལན། དེ་ལྟ་མ་བསྒོམས་ན་མ་འོངས་པ་ན་ཡང་མི་འོངས། འདི་ལ་མོས་པ་ཆེ་བ་དང་སྒོམ་བཟང་བ་དང༌། སྔགས་ཀྱི་ནུས་པ་ཐོན་པ་ལ་སོགས་མི་དགོས། ཀ་ཁ་ངོ་མི་ཤེས་པས་ཀྱང་བཏུབ། འདི་ཉིད་དྲན་པའི་དུས་ཉིད་ནས་བློ་ལྷོད་སོང་ངེ་བདེ་བ་རྒྱས་ནས་འོང་། །ཉོན་མོངས་པའི་གཉེན་པོར་འགྲོ་བས་ཆོས་ཐམས་ཅད་ལ་བདེ་བར་འགྲོ་བའི་ཏིང་ངེ་འཛིན་ཞེས་པའམ། དགྲ་འམ་འོན་ཏེ་མཛའ་ཡང་རུང་། །ཉོན་མོངས་སྐྱེ་བའི་ཡུལ་རྣམས་ནི། །དགེ་བཤེས་ཡིན་པར་སུས་མཐོང་བའི། །མི་དེ་གང་ན་གནས་ཀྱང་བདེ། །ཞེས་ཇོ་བོས་བདེ་བའི་གླུ་ལས་གསུངས་པའམ། གང་ན་གནས་ཀྱང་གཞལ་ཡས་ཁང་། །སུ་དང་འགྲོགས་ཀྱང་ཡི་དམ་ལྷ། །སེམས་ནི་ཡེ་ནས་ཆོས་ཀྱི་དབྱིངས། །བླ་མས་གསལ་བར་བྱེད་པ་ཙམ། །ཞེས་པ་དེ་ཡང་གདོད་ཅིག་ཡོང་། འདི་མེད་ན་རིག་པ་དང་ཡོན་ཏན་ཅི་བསླབ་ཀྱང་ཕུང་འདོན་དང་དུག་པོས་སུ་ཆ། དེ་ཡང་མིད་པ་ཆུ་ཧྲིལ་གྱི་བྱུང་བའི་དུས་དེ་ཉིད་དུ་དོལ་ཆོད་དུ་སྦྱང་དགོས། ཨེན་ཅིག་བཞག་པས་མི་ཡོང་། འདི་བྱུང་ན་མི་གཅིག་བུ་ལ་ཆོས་གཅིག་པུ། ཆོས་གཅིག་པོ་ལ་གོ་ཆོད་པོ་བྱ་བ་དེ་འབྱུང་བ་ཡིན། དེ་ཡང་དེ་ཚོད་དུ་ཁྲལ་མ་ཙམ་དུ་བྱས་པས་མི་ཡོང་། སྙིང་ལ་ཟུར་དོད་ཨ་མའི་བུ་རྒོད་དུ་སྐྱེས་ནས་ཁྱོད་ཤི་སྙམ་པས་ཉོན་མོངས་པ་ལ་འབུར་འཛིངས་བྱེད་པ་ཅིག་དགོས། སུ་དང་འགྲོགས་ཀྱང་ཕམ་ལེན། ཁ་གཞན་ལ་གཏོང་། འཇིག་རྟེན་གྱི་ཆོས་འདོད་ཤོས་གཞན་ལ་གཏོང་། མི་འདོད་ཤོས་རང་ལ་ལེན་ན་རིན་པོ་ཆེ་གསེར་གླིང་དུ་ཕྱིན་ཙ་ན། ཁྱི་ལ་རྡེག་པའི་རྡོ་མི་རྙེད་པ་བཞིན་དུ་འདོམ་ཐུག་གང་བྱུང་ཀྱང་སངས་རྒྱས་ཀྱི་རྒྱུར་ཆས་བས་འཕྲལ་ལ་གང་ཐུག་བསྒོམ་དུ་སོང་བ་ཡིན། འདི་མེད་ན་ཐོས་པ་ཆེ་བ་དང་སྒོམ་བཟང་བ་ལ་སོགས་པ་ཐམས་ཅད་ངའི་ཆོས་སུ་སོང་། ངའི་མཁར་བུ་བརྩིགས་ནས་ང་ལ་སྡང་ཞེས་པ་ལ་སོགས་པ་དང་། ང་ལས་མཁས་པ་མེད་པ་ལ་སོགས་པར་འགྲོ དེ་ཙ་ན་ལི་སྒོམ་གཞོན་ནུ་གྲགས་གསུང་པའི་ང་དང་ལ་གཉིས་ཀྱི་སྡུག་ཏུ་བཅུག་གསུང་བ་བཞིན་དུ་འགྲོ དེ་ཙ་ན་ཆོས་ཐམས་ཅད་འགྲན་ངོས་སུ་སོང་ནས་རང་ཁོ་ན་མཐོ་བརྩིག་འདོད་པས་ལམ་དུ་མི་འགྲོ་བའི་སྟེང་དུ་འདི་རང་ནས་སྡུག་ཐམས་ཅད་ལ་གཞུ་མཆོག་ཕབ་ནས་འཕམ་བླངས་ན་འདི་རང་ནས་ཇེ་བདེ་ཆ། དེ་ཡང་རིང་པོ་མི་ཐོག་དྲན་པའི་དུས་ཉིད་ནས་འོང་གསུངས། བཞི་པ་རྐྱེན་ངན་ལམ་དུ་བླངས་པ་ལ་གསུམ་སྟེ། སྡུག་བསྔལ་དང་། དུས་ངན་དང་། མ་འཛོམས་པ་ལམ་དུ་བླངས་པའོ། །དེ་ལ་སྡུག་བསྔལ་ལམ་དུ་བླངས་པ་ནི། གཉིས་པོ་ཚང་ནས་ཐམས་ཅད་བླང་། །ཞེས་བྱ་བ་སྟེ། སྡུག་བསྔལ་དང་ཀུན་འབྱུང་གཉིས་ཀྱིས་ཉམས་ཐག་ན། འདི་ལྟ་བུའི་སྐབས་སུ་ཆོས་གང་འོང་ཞེས་དང༌། འཁུན་ཅིང་ཡི་མུག་སྡོད་པ་མ་ཡིན་ཏེ། དེའི་སྟེང་དུ་སེམས་ཅན་གཞན་གྱི་ཡང་ལེན་པའོ། །དེ་ཡང་རང་གི་སྡུག་བསྔལ་ཡང་རྒས་པས་སྦྱོར་མི་བཟོད་པ་དང་། དགྲ་འདྲེའི་ནད་ཀྱིས་མནར་བ་དང་། ནོར་དང་ཉེ་དུའི་ཕུང་གྱོད་ལ་སོགས་པ་བརྗོད་ཀྱིས་མི་ལང་བ་ཞིག་ཡོད། ཞང་བཙུན་ཆུང་འཆིམས་པ་སྤུན་གཉིས་གཙང་དུ་སློབ་གཉེར་ལ་ཕྱིན་པས་གཉིས་ཀ་ལོག་པས་ཞག་གཅིག་ལས་བར་དུ་མ་ཞུགས་པར་ཤི་བ་དང་། སྤུན་ཟླ་གཅིག་ཡར་ལུངས་སུ་ལུས་པ་དེ་ལྟ་བུའི་སྡུག་བསྔལ་དང་། རང་རྒྱུད་ལ་ཞེ་སྡང་དྲག་པོ་སྐྱེས་པ་ལ་སོགས་པ་ཉོན་མོངས་པས་གཟིར་བའི་ཚེ་རང་གི་ཉམས་ལ་དཔག་ནས་སྦྱངས་ན་བློ་སྦྱོང་བློའི་གཏིང་དུ་ཕྱིན་པ་ཅིག་ཡོང༌། དེ་ལྟར་མ་སྦྱངས་ན་ཁ་བཤུས་པ་ཅིག་ལས་མི་འོང་གསུངས། དེ་ལྟ་བུ་དང་ལྡན་པའི་སེམས་ཅན་ལ་བྱམས་སྙིང་རྗེ་བསམ་ནས་བདག་ལ་དེ་དག་གི་སྡུག་བསྔལ་དང་ཀུན་འབྱུང་མ་ལུས་པར་ལེན་པའོ། །འདི་ལ་ཐོས་པ་ཆེ་བ་ལ་སོགས་པ་མི་དགོས། གང་དགོས་ན་སྙིང་སྟོབས་སྙིང་ལ་ཟུར་དོད་པོ་ཅིག་དགོས། ཕུན་སུམ་ཚོགས་པ་ཅིག་དགོས། དེ་ཡང་ད་ལྟ་རབ་ཏུ་བྱས་ན་བཏུབ་པ་ཡིན། རྒྱུག་ཐག་རིང་པོའི་ཕྱི་མ་ལྟ་བུས་མི་ཡོང་། དཀར་ན་ཞོ་དང་། དམར་ན་ཁྲག་བྱས། ཉོན་མོངས་དང་སྡུག་བསྔལ་ནམ་སྐྱེས་ཀྱི་དུས་སུ་ཉམས་ལེན་གྱིས་སླེབས་ནས་བདེ་མལ་གྱིས་འགྲོ་བ་ཅིག་བྱུང་ན་ཆོས་བྱུང་བ་ཡིན། མིང་འཕགས་པར་བཏགས། དགེ་སྦྱོར་སྡུད་པ་ཚར་རེ་མེད་པ་དེ་མུ་སྟེགས་པས་ཀྱང་ཐུ་བ་ཡིན། གཉིས་པ་དུས་ངན་ལམ་དུ་བླངས་པ་ནི། སྙིགས་མ་ལྔ་པོ་བདོ་བ་འདི། །བྱང་ཆུབ་ལམ་དུ་བསྒྱུར་བར་བྱ། །ཅེས་བྱ་བ་ནི། ད་ལྟ་ལྔ་བརྒྱ་ཐ་མའི་སེམས་ཅན། དུས། ཚེ། ཉོན་མོངས། ལྟ་བ་སྙིགས་མར་གྱུར་བའི་དུས་འདིར་བྱང་ཆུབ་སྒྲུབ་པ་ལ་སོགས་པའི་ཆོས་དཀའ་བའི་དུས་འདིར་མི་འདོད་པ་ཤ་སྟག་འབྱུང་བ་ལ་དེ་ཐམས་ཅད་བྱང་ཆུབ་ཀྱི་ལམ་དུ་བསྒྱུར་བའི་ཆོས་བློ་སྦྱོང་འདི་ཡིན་པས། གང་ན་མ་བཏུབ་པ་རྒྱུ་མཚན་དུ་བྱས་ནས་བྱང་ཆུབ་ཀྱི་ལམ་དུ་བསྒྱུར་བའོ། །དེ་ཡང་བདག་གཞན་བརྗེ་བའི་བྱང་ཆུབ་ཀྱི་སེམས་མ་སྐྱེས་པ་སྐྱེ་བ་དང༌། སྐྱེས་པ་གོང་ནས་གོང་དུ་འཕེལ་བར་བྱ་བའི་ཕྱིར་ཀུན་གྱིས་རང་བའི་རྒྱུ་དགུ་བསྟེན་ཞེས་པ་ལྟར། བླ་མ་ཆོས་འདི་ལྟ་བུ་སྟོན་པ་བསྟེན། གྲོགས་པོ་འདི་སྒོམ་པ་དང་འགྲོགས། ཆོས་འདི་སྟོན་པ་ཉན། དེའི་བགེགས་སྒྲིབ་པ་སྦྱངས། མཐུན་རྐྱེན་ཚོགས་བསགས། གསོལ་བ་གདབ། ཆོས་སྐྱོང་ལ་འཕྲིན་ལས་ཞུ། འདི་རྒྱུད་ལ་སྐྱེས་མ་སྐྱེས་ཀྱི་ཉེས་པ་བསམ། རྣམ་རྟོག་ངོ་ཤེས་པས་གནོད་པ་མེད་པ་རྐུན་མ་ངོ་ཤེས་པའི་ཉམས་ཟེར་བ་བཞིན་དུ་རང་ལ་ཉོན་མོངས་རམ་རམ་བྱུང་ཙ་ན། ཉོན་མོངས་པ་དང་དེའི་རྩ་བ་བདག་འཛིན་དེ་དགྲར་ངོ་ཤེས་ན། ཞི་བར་འགྱུར་རོ། །འདི་ལན་ཅིག་དྲན་པ་དང་། མོས་པ་ལན་ཅིག་བྱུང་བ་དང་། ལན་ཅིག་སྤྲོ་བ་སྐྱེད་པས་ཀྱང་གཉེན་པོར་འགྲོའོ། །བརྒྱར་འགྲོགས་ཀྱང་སྒོམ་རྒྱུ་འདི་ལས་ཡེ་མེད། སྙིང་ཕྱུང་ཡང་དམར་པོ་ལྡེར་ལྡེར་པོ་གཅིག་ལས་མེད་གསུངས། གསུམ་པ་མ་འཛོམ་པ་ལམ་དུ་བླངས་པ་ནི། རྒྱུ་ཡི་གཙོ་བོ་རྣམས་གསུམ་བླང་། །ཞེས་བྱ་བ་སྟེ། ཆོས་བྱེད་པ་ལ་རྒྱུའི་གཙོ་བོ་གསུམ་ཡོད་དེ། ཉེ་བར་ལེན་པའི་དབང་དུ་བྱས་ན། དད་པ་དང་བརྩོན་འགྲུས་ལ་སོགས་པ་ཕུན་སུམ་ཚོགས་པ་ཡོད་པས་མི་རྟག་པ་ནས་གནས་ལུགས་ཀྱི་བར་ཇི་ལྟར་བསམ་པ་བཞིན་དུ་སྐྱེ་བའི་བློ་བཀོལ་དུ་བཏུབ་པ་དང་། ལྷན་ཅིག་བྱེད་པའི་རྐྱེན་གྱི་དབང་དུ་བྱས་ན། ཡང་དག་པའི་དགེ་བའི་བཤེས་གཉེན་མཚན་ཉིད་དང་ལྡན་པ། སློབ་མའི་རྟོགས་པ་སྤེལ་བའི་གདམས་ངག་ལ་མ་ཚང་བ་མེད་པ། རྟོགས་པ་དང་ལྡན་པ། མི་བར་ཁྱིས་མ་ཆོད་པ་གཅིག་གི་ཐུགས་ལ་འཐིའདོགས་པ་དང༌། དེ་ནས་ཟས་གོས་ལ་སོགས་པའི་མཐུན་རྐྱེན་ལོག་འཚོས་མ་བསྒྲུབ་པ། སུ་ལ་ཡང་རག་མ་ལས་པར་འཛོམས་པ་གསུམ་ཚང་ན། སངས་རྒྱས་བསྒྲུབ་པ་ལ་ཚེགས་མེད་པ་ཇོ་བོ་དང༌། དགེ་བཤེས་སྟོན་པ་འཛོམས་པ་ལྟ་བུ་གཅིག་ཡོད་པ་ལ་ད་ལྟ་དེ་གསུམ་འཛོམས་པ་ཙམ་མེད་དེ། ལ་ལའི་གང་ཡང་མ་འཛོམས། ལུང་ལུང་གི་གང་ཡང་མ་འཛོམ། ཕལ་ཆེ་བའི་གསུམ་ཀ་མ་འཛོམས་པས། རང་ཉམས་ལ་དཔགས་ནས་བྱམས་བརྩེས་ཀུན་ནས་བླངས་ནས་སེམས་ཅན་གྱི་དེ་གསུམ་ཡང་རང་ལ་ལེན། ཡང་གཞན་རང་ལ་ཆོས་མཉན་པོར་འགྲོགས་ནས་མཉན་པ་ལ་མི་དགེ་བ་དང་། སྡོམ་ཁྲིམས་མཉམ་པོར་བླངས་ནས་མ་ཐུབ་པ་དང་། སྒོམ་ལུང་མཉམ་པོར་ནོས་པ་ལ་སྔར་སྒོམ་མ་མྱོང་། ད་ལྟ་བསྒོམས་མི་སྲིད། ཕྱིན་ཆད་བསྒོམ་པར་མི་འགྱུར་བ་འདི་ཙམ་པའི་ཐུ་བ་མེད་དེ། དེ་ཐམས་ཅད་ལེན་པའོ། །དེ་རྣམས་རྒྱུ་དེ་གསུམ་དང་ལྡན་ནས་སངས་རྒྱས་པར་སེམས་པའོ།། དེ་ལྟར་ཤེས་པར་བྱ་བ་ལ་སོགས་པ་གསུམ་གྱི་དངོས་གཞི་སོང་ནས། དེ་རྗེས་ནི། ཡིད་བདེ་འབའ་ཞིག་རྒྱུན་དུ་བསྟེན། །ཞེས་བྱ་བ་སྟེ། དེར་བློ་སྦྱོང་བའི་ཆོས་ཀྱི་རོ་མྱོང་བར་བྱས། རྐྱེན་ངན་ཅི་བྱུང་ཡང་བློ་སྦྱོང་སྒོམ་པས་ཆོག་སྙམ་ནས་བློ་མི་བདེ་བར་མེད་པར་བྱ་བའོ། །རྙེད་མི་རྙེད་ལ་སོགས་པ་དགྲ་བཅོམ་པ་ལ་ཡང་ཡོད། དགྲ་བཅོམ་པ་ལ་མཛེ་བྱུང་བ་དང་། ལྟོགས་ནས་ཤི་བ་དང་། གཏམ་ངན་གྱིས་ཕོག་པ་ལ་སོགས་པ་མང་པོ་བཤད་དེ། སེམས་ལ་མི་དགའ་བ་མེད། །སོ་སོ་སྐྱེ་བོ་ཡིད་མི་བདེ་བའི་རང་བཞིན་དུ་འདུག་པ་ཡིན། ད་ལྟ་ཡང་སོ་སྐྱེར་སོང་བས་འཁོར་དང་ཟང་ཟིང་འདོད་པ་དང་། བདག་འཛིན་ཡེ་མི་ཡོང་བྱ་བ་དཀའ། དགའ་མི་དགའ་མེད་པ་ཅིག་དགོས། ཇོ་བོའི་ཞལ་ནས། འདུ་ཏི་བབས་པ་འཚང་མི་ཆེ། ན་བ་འཚང་ཆེ་བ་གསུངས་པ་ལྟར་བློ་སྦྱོང་བ་ལ་མི་འདོད་པ་འབྱུང་བ་ཚང་མི་ཆེ། མི་དགའ་བ་བྱུང་བ་འཚང་ཆེ་བ་ཡིན། ཤ་པོ་པ་ཤེད་ངེད་ཀྱི་དགེ་བཤེས་ཐུགས་མ་བདེ་ཟེར་བ་འདི་ཙམ་སྐུར་བ་ཆེ་བ་མེད་གསུངས་པ་ལྟར་ཡིན། འཇིག་རྟེན་པའི་ཆོས་འདོད་མི་འདོད་བཞི་བཞིའི་མི་འདོད་པའི་ཆོས་བཞི་ལ་འདོད་ཐོག་ཏུ་བློ་སྦྱངས་ན་ཐམས་ཅད་འདོད་པའི་ཆོས་ཤ་སྟག་ཏུ་སོང་ནས། འཕྲང་དང་བགེགས་ཅི་བྱུང་ཡང་བློ་མི་བདེ་བར་མི་འགྱུར་ན་མཉམ་གཞག་ཏུ་གཏོང་ལེན་སྒོམ་པའི་རྟོགས་པ་རྗེས་ཀྱི་གཏན་ལ་ཕབ་པ་ཡིན། བྱང་ཆུབ་སེམས་ཀྱི་རྟ་ཞོན་པ། །བདེ་ནས་བདེ་བར་འགྲོ་བ་ལ། །ཞེས་པའི་དོན་ཡང་ཡིན། ལྷ་བཞིན་ཕུན་སུམ་ཚོགས་པས་ཀྱང་། །ཁེངས་པར་ཡང་ནི་མི་བགྱི་སྟེ། །ཡི་དྭགས་བཞིན་དུ་རྒུད་པས་ཀྱང་། །ཞུམ་པ་ཉིད་དུ་མི་བགྱི་འཚལ། །ཞེས་དང༌། བསྟོད་པས་མགུ་བར་མི་འགྱུར་ཞིང༌། །སྨད་པས་འཁྲུགས་པར་མི་འགྱུར་བ། །འདི་ནི་དམ་པའི་ཆོས་ཉིད་དོ། །ཅེས་གསུངས་པ་ལྟར་གོ་བགོས་སོ། །ཚུལ་ཁྲིམས་དང་བླ་མའི་དམ་ཚིག་ལ་གཞི་བྱས་ནས་འདི་སེམས་པ་སྐད་ཅིག་ཀྱང་ཡེངས་མེད་དུ་དགོས། དེ་འདྲ་བ་ཅིག་མ་བྱུང་ན་ཆོས་མེད་པ་དང་ཚུལ་ཆོས་མཁན་ཡིན་པས་ངས་ཆོས་མ་བྱུང༌། ཚུལ་ཆོས་ཡུན་རིང་དུ་བྱས་པ་བྱས་ལ། འོ་འདོད་བོད་ལོ། །མདོར་ན་མི་འདོད་པ་ཅི་བྱུང་ཡང་མི་དགའ་བ་མེད་པར་བློ་སྦྱོང་གི་གྲོགས་སུ་འགྲོ་བར་སློབ་ཅིང་། རྐྱེན་ངན་ཅི་བྱུང་ཡང་བདེ་བར་གནས་ནས་ཉམས་སུ་བླངས་པའི་རྗེས་མཉམ་བཞག་གིས་རོ་མྱོང་བར་བྱ་བ་ཡིན་ནོ།། གཉིས་པ་བློ་སྦྱོང་མི་ཉམས་པའི་ཐབས། བློ་སྦྱོང་མི་ཉམས་པའི་ཐབས་ལ་གསུམ་སྟེ། གཞན་ལ་བརྟེན་པ་དང་། རང་ལ་བརྟེན་པ་དང་། གཉིས་ཀ་ལ་བརྟེན་པའོ། །དང་པོ་ལ་གསུམ་སྟེ། ཡུལ་དང་། བསམ་པ་དང་། སྦྱོར་བ་ལ་བརྟེན་པའོ།། དང་པོ་ཡུལ་ལ་བརྟེན་པ་ནི། བཀོལ་བ་རྣམས་ལ་རྟག་ཏུ་སྦྱངས། །ཞེས་བྱ་བ་སྟེ། སྤྱིར་ཡོང་བ་སྙམ་བྱེད་ཀྱང་འདི་རྣམས་ལ་མ་བྱུང་ན་ཉམས་ནས་འགྲོ་བས་འདི་དག་ལ་རྟག་ཏུ་སྒོམ་པར་བྱ་བའི་བཀོལ་བ་ལྔ་ཡིན་ཏེ། དང་པོ་རང་ལ་དྲིན་ཆེ་བའི་མཁན་སློབ་དང་ཕ་མ་ལ་སོགས་པ་ལ་སྡིག་པ་བསགས་ན་ཚེ་འདིར་གྲགས་པ་ངན་པ་འབྱུང་། དེ་ཙམ་ན་བློ་སྦྱོང་བ་ལ་དགོས་པ་མེད་པར་འགྲོ་བས་དྲིན་ཅན་ལ་ཁྱད་པར་དུ་བསྒོམ། གཉིས་པ་གཅིག་ཏུ་འདུག་པའི་བྲང་གྲོགས་པོ་འདུ་ཚོགས་སྟབས་སུ་བྱེད་ཅིང་། བསྲེ་སླད་ཆེ་བའི་རིགས་རྣམས་ལ་ཚིག་མཐོ་དམན་ལ་སོགས་པ་འཆོར་བས་པ་རྟག་རྟག་ཏུ་བཀོལ་ལ་བསྒོམ། གསུམ་པ་རང་དང་འགྲན་དགོས་སུ་འདུག་པ་སྟེ། མི་ཆོས་ཀྱི་ཕ་སྤུན་ལ་སོགས་པ་དང་། ལྷ་ཆོས་ཀྱི་ཆོས་གྲོགས་ལ་སོགས་པ་རྣམས་ལ་རྟག་ཏུ་བཀོལ་ལ་བསྒོམ། དེ་མ་བྱུང་ན་ཆོས་ཅི་ཙམ་བས་ཀྱང་རྒྱ་མཚོར་མཆིལ་མ་སྐྱུར་བ་བཞིན་ཅང་མེད་དུ་འགྲོ གྲོགས་པོའི་མིང་བྱང་བྲིས་ནས་སྟན་ཐོག་ཏུ་རྩམས་པ་བྱུང་བ་དང་། གྲོགས་པོ་བབ་པ་ལ་ངན་པ་དེ་སྐྱ་ཞལ་སོང་ནས་སྙིང་ཚིམ་ཟེར་བ་ལྟ་བུ་ལ་བློ་སྦྱོང་གི་གནས་མེད། དགེ་སྦྱོང་སྤྱིའི་ཆོས་ཙམ་ཡང་མི་ཡོང་བས་བཀོལ་ཞིང་སྤྱོད་པ་གལ་ཆེ། བཞི་པ་ཚུར་ལ་གནག་པའི་རིགས་ཏེ། ཕར་ལ་གནོད་པ་ཅི་ཡང་མ་བྱས་ཀྱང་ཚུར་ལ་གནག་པའི་རིགས་སྐྱེ་བ་སྔ་མའི་ཤ་འཁོན་གྱི་བྱུང་བ་ཡོད་དེ། དེ་ལ་ཞེ་སྡང་གི་བློ་རྡོལ་ན་སྙིང་རྗེའི་ཐེག་པ་འཆད་ཟེར་བ་ལྟར་ཡོད་པས་བཀོལ་ལ་རྟག་ཏུ་བསྒོམ། ལྔ་པ་ཚུ ར་ལ་ཅི་ཡང་མ་བྱས་ཀྱང་ཕར་ལ་ཐམས་ཅད་ཀྱི་ཡིད་དུ་མི་ཡོང་བའི་རིགས་ཡོད་དེ། གཙང་དུ་བན་དེ་གཅིག་ལ་འདི་དང་པོ་ནས་སྙིང་དུ་མ་སྡུག་ཅེས་དང༌། སྐྱིད་སྨད་དུ་འདི་ལས་སྙིང་དུ་མ་སྡུག་མ་བྱུང་ཞེས་དེད་པ་ལྟ་བུ་ཡོང་བས་དེ་དག་གི་སྡིག་སྡུག་ཚུར་བླངས་ནས་རང་གི་དགེ་བ་དེ་དག་ལ་གཏོང་བའོ། །འདིས་གཙང་མར་གཏོང་བ་ཡང་དཀའ། དགེ་བཤེས་ཀུན་ཡང་རང་གིས་ཕན་ལ་གཞན་གྱིས་མི་ཕན་ན་དགའ་བ་དང༌། མི་སྐྱ་ཀུན་འདི་ཤི་ན་མཁར་སྤེ་ཡོང་བ་རེ་བ་ལས་མེད་པ་ལ། བན་དེ་ཀུན་ལ་འདི་ཤི་ན་ཡུལ་ཁམས་འདི་ཅོག་གེ་ཐོབ་སྙམ་པ་ཡོང་བ་ཡིན། འདི་དག་ལ་བཀོལ་ནས་མ་བསྒོམས་ན། རྩ་བ་ཆོད་པ་མི་ཚོར་བ། ཕུ་ཆུང་བའི་གསུང་ལྟར་རྟག་ཏུ་བསམ་པ་གལ་ཆེའོ།། གཉིས་པ་བསམ་པ་ལ་བརྟེན་པ་ནི། གཞན་ཕྱོགས་ཅི་ཡང་མི་བསམ་མོ། །ཞེས་བྱ་བ་སྟེ། སྤྱིར་སེམས་ཅན་ཐམས་ཅད། ཁྱད་པར་ཆོས་སྒོར་ཞུགས་པ། ཡང་སྒོས་ཀྱི་རང་གི་གྲོགས་རྣམས་ཀྱི་མི་ཆོས་ལྷ་ཆོས་གང་གི་ཡང་སྐྱོན་མི་བསམ། མི་བརྗོད། སྐྱོན་མཐོང་ཡང་རང་གི་སྐྱོན་དང་འཁྲུལ་བར་ཤེས་པར་བྱའོ། །གསུམ་པ་སྦྱོར་བ་ལ་བརྟེན་པ་ནི། ཡན་ལག་ཉམས་པ་བརྗོད་མི་བྱ། །ཅེས་བྱ་བ་སྟེ། འཇིག་རྟེན་གྱི་དབང་དུ་བྱས་ན་ཐེང་པོ། ཞར་བ་ལ་སོགས་པ་དང་། འདས་པའི་རྨོངས་པ། འཆལ་བ། དམ་ཉམས་ལ་སོགས་པ་བརྗོད་ན། བློ་སྦྱོང་ལ་སོགས་པ་ཡང་ཡོང་མི་སྲིད། འདི་ལ་མདུང་ཁ་བྱེད་ཟེར་བའམ། ཉེས་པ་གླེང་དྲན་བྱེད་པ་ཡང་ད་ཡེ་མི་ཡོང་བས་ཡོང་། གཉིས་པ་རང་ལ་བརྟེན་པ་ལ་གཉིས་ཏེ། བསམ་པ་ལ་བརྟེན་པ་དང༌། སྦྱོར་བ་ལ་བརྟེན་པའོ། །དང་པོ་ནི། རྒྱུ་མཚན་ཐམས་ཅད་གཞོམ་པར་བྱ། །ཅེས་པ་སྟེ། གང་ཟག་འདིས་ང་ལ་མི་རིགས་པ་འདི་ལྟར་བྱས་སྙམ་པ་ལ་སོགས་པའི་རྒྱུ་མཚན་བློ་སྦྱོང་ཉམས་པར་བྱེད་པས་མི་ལེགས་པའི་བསམ་པ་ཐམས་ཅད་སྤང་བར་བྱའོ།། གཉིས་པ་སྦྱོར་བ་ལ་བརྟེན་པ་ནི། གཉིས་པོ་གང་བྱུང་བཟོད་པར་བྱ། །ཅེས་བྱ་བ་སྟེ། ཕུན་སུམ་ཚོགས་པ་དང་རྒུད་པ་གང་བྱུང་ཡང་བཟོད་པ་མེད་ན་ཆོས་གཏོང་དོགས་ཡོད་པས་དེ་གཉིས་ཐེག་པ་གཅིག་དགོས། བློ་བུར་དུ་ཕུན་སུམ་ཚོགས་པ་བྱུང་ན་ད་ཡོང་ངས་ཅི་ཡང་གྲུབ། ངའི་གོང་ན་མི་མེད་སྙམ་ནས་གྱོན་ཆིངས་སྡུམས། གཙུག་ལག་ཁང་བཞེངས་པ་ལ་སོགས་པ་ཅི་ཡང་བྱེད་དུ་ཡོང་། རམ་པོའི་པདྨོ་སྣུན་པ་ཡོད་པས་ཅི་མ་དྲན་གསུངས། ཁ་ཅིག་འཁོར་དང་བསྙེན་བཀུར་བྱུང་བ་ན་དྲེགས་ནས་གཞན་ལ་བརྙས་པ་དང་དྲན་ཚད་བྱེད་པ་ཡོང་སྟེ། ཕུན་སུམ་ཚོགས་པ་མ་བཟོད་པ་ཡིན་པས་ཕུན་སུམ་ཚོགས་པས་དྲེགས་པ་དང་ཆགས་པར་མི་བྱ། ཆོས་བརྒྱད་ཀྱི་དབང་དུ་མ་ཤོར་བར་བྱས་ལ། ཆོས་ཀྱི་གྲོགས་སུ་དགྱེར། བསོད་ནམས་སྐྱེས་ཙ་ན་བཅུམ་པ་གལ་ཆེ་གསུངས། ཡང་རྒུད་ནས་དབུལ་པོར་གྱུར་ཏེ། འོག་ནས་ཆུ་མི་འབབ་པ་བྱུང་ན་ང་ལ་འདི་འདྲ་ཡང་བྱ་སྙམ་དུ་ཡི་མུག་པ་དང་སྲོ་ཤི་ནས་དགེ་སྦྱོར་མི་ནུས་པ་དང་། འདི་ཙུག་འདུག་པ་ལ་ཆོས་གང་ནས་འོང་ཟེར་ནས་ཕོངས་པར་གྱུར་ནས་སྡིག་པ་ངང་གི་འཕེལ་ཞེས་པ་ལྟར་ཆོས་འཆོར་དོགས་ཡོད་པས་དེ་མ་བཟོད་པ་ཡིན་པས་མཐོ་རིས་དང་། ངན་སོང་གི་མཐོ་དམན་དང་སྐྱིད་སྡུག་ལ་ལྟོས་ནས་མིའི་སྐྱིད་སྡུག་གི་བར་ན་ཁྱད་པོ་ཆེ་མི་འདུག ཕྱིར་ལ་གཡེང་བ་མེད་པས་དགེ་སྦྱོར་འཕེལ་སྙམ་དུ་བསམ་སྟེ། སྐྱིད་སྡུག་གཉིས་ཀ་བཟོད་པ་གླང་རི་ཐང་བ་ལྟ་བུ་གཅིག་དགོས། དེ་གཉིས་གང་བྱུང་ཡང་འདིའི་དུས་སུ་ཆོས་མི་བྱེད་ན་ནམ་བྱེད་སྙམ་དུ་བསམ་ནས་མེ་འབར་བ་ལ་ཤིང་བསྣན་པ་ལྟར་གྲོགས་སུ་འགྲོ་བ་གཅིག་དགོས། ལྷ་བཞིན་ཕུན་སུམ་ཚོགས་པས་ཀྱང༌། ཁེང་པ་ཉིད་དུ་མི་བགྱི་སྟེ། །ཡི་དྭགས་བཞིན་དུ་རྒུད་པས་ཀྱང་། །ཞུམ་པ་ཉིད་དུ་མི་བགྱི་འཚལ། །ཞེས་པ་ལྟར་ཡིན་ནོ།། གཉིས་ཀ་ལ་བརྟེན་པ་ནི། ཉམས་སུ་བླང་བ་སླ་བར་བསླབ། །ལོག་ནོན་ཐམས་ཅད་གཅིག་གིས་བྱ། །ཅེས་བྱ་བ་འདི་ལྟ་བུ་ཉམས་སུ་བླངས་པར་མི་ནུས་པར་འདུག་སྙམ་ན། འདོར་པར་འགྱུར་བས་དེའི་གཉེན་པོ་ལུས་ངག་གི་དཀའ་བ་སྣ་གཅིག་ཀྱང་མི་དགོས། སྦྱོར་བ་ཐམས་ཅད་བསམ་པས་སྦྱངས་པའི་ཆོག ནང་མ་གཅིག་གི་ལྟོ་ཡང་བཅས་མི་དགོས་པས་སླའོ། །ཆོས་གཞན་ལ་སྒྲུབ་པའི་གནས་གྲོགས་ལ་སོགས་པ་དུ་མ་དགོས། འདིར་དེ་ལྟ་བུ་ལ་སྐྱིད་སྡུག་ལ་སོགས་པ་གང་ལ་ཡང་མི་ལྟོས་པས་སོ། །འདི་སྦྱོང་མི་འདོད་པ་དང༌། སྐྱིད་སྡུག་རང་འཛོམ་མ་འཛོམས་ལ་སོགས་པའི་རྐྱེན་གང་བྱུང་བ་དེ་ཉིད་ཉམས་སུ་ལེན་པའི་མཐུན་རྐྱེན་བྱས་ནས་ཉམས་སུ་བླངས་པས་ཆོག་པས་ཉམས་སུ་བླངས་པ་ཤིན་ཏུ་སླའོ།། སྦྱངས་ཀྱང་མི་སྐྱེ་བ་དང་སྐྱེ་བ་མེད་པ་ལ་སོགས་པ་རྒྱུ་མཚན་གང་གིས་ལོག་ཀྱང་སྔ་མ་ལྟར་ལེན་པའོ།། གསུམ་བློ་སྦྱོང་འཕེལ་བའི་རྐྱེན། གསུམ་པ་འཕེལ་བའི་རྐྱེན་ལ་གསུམ་སྟེ། སྒོ་གསུམ་གྱི་བྱ་བ་དང༌། མི་ཉམས་པའི་སྤྱོད་པ་དང༌། ཕྱོགས་མེད་དུ་སྦྱར་བའོ།། དང་པོ་ནི། འབྲལ་མེད་གསུམ་དང་ལྡན་པར་བྱ། །ཅེས་བྱ་བ་ནི། ཁོ་བོ་ཐེག་པ་ཆེན་པོ་ཡིན་ཟེར་ནས་བྱ་རྒྱུ་ཅི་གཏོང་ལེན་བསྒོམ་ཏེ་ལོག་ནོན་བྱེད་པའོ། །ཡང་མེད་པ་མ་ཡིན་གྱི། ལུས་བསྐོར་བ་དང་ཕྱག་འཚལ་བ་དང་། བླ་མ་དང་དཀོན་མཆོག་གི་ཞབས་ཏོག་དང་མི་འབྲེལ་བ་དང༌། ངག་སྐྱབས་འགྲོ་དང་བཟླས་བརྗོད་མདོ་འདོན་པ་ལ་སོགས་པ་དང་མི་འབྲལ་བ་དང༌། ཡིད་ཀྱི་བློ་སྦྱོང་བསྒོམ་པ་དང་མི་འབྲལ་བའོ། །ཡིད་ཀྱི་འདི་བསྒོམ་ཞིང་བཟླས་པ་བྱེད་པ་ནི་གཉིད་དུ་མི་འགྲོ དེས་མཁར་བ་བྱས་ནས་ཆོས་བསམ་ཏུ་བཏུབ་པ་ཡིན་གསུངས། ཡང་ཉེས་ལྟུང་བཤགས་མི་དགོས། གཞན་གྱི་ཡང་ལེན་པ་ལ་དེ་འདོད་ཐོག་ཟེར་བ་མིན། གཞན་གྱི་ལེན་པ་ལ་ཡང་རང་གི་ཕྲ་མོ་ནས་ཡོལ་བ་ཅིག་དགོས། ཡིད་རྣམ་པར་རྟོག་པ་ངན་པ་གང་སྐྱེས་པ་འཕྲལ་ལ་འཛོམས་པའི་སྙིང་སྟོབས་དང་ལྡན་པ་གཅིག་དགོས། དཔེར་ན་མུ་སྟེགས་ཀྱི་མཐུ་བྱེད་པ་ལ་ཐ་ཐོར་སྲོག་ཆགས་གང་བྱུང་བ་གསོད་པ་དང་འདྲ། རྣམ་རྟོག་གང་སྐྱེས་སྐྱེས་ལ་བྱའོ། །དེ་ལྟར་སྒོ་གསུམ་དགེ་བ་ལ་འབད་པས་མེ་འབར་པ་ལ་ཤིང་བསྣན་པ་ལྟར་བློ་སྦྱོང་གོང་ནས་གོང་དུ་འཕེལ་བར་འགྱུར་རོ།། གཉིས་པ་མི་ཉམས་པའི་སྤྱོད་པ་ནི། ཉམས་པ་མེད་པ་རྣམས་གསུམ་བསྒོམ། །ཞེས་བྱ་བ་སྟེ། བླ་མ་ལ་གུས་སེམས་མ་ཉམས་པ་དང་། བློ་སྦྱོང་ལ་སྤྲོ་དགའ་མ་ཉམས་པ་དང༌། བསླབ་པ་ལ་བག་ཡོད་མ་ཉམས་པ་གསུམ་གྱི་བློ་སྦྱོང་གོང་ནས་གོང་དུ་འཕེལ་བར་རོ། །དེ་ལ་ཐེག་པ་ཆེན་པོའི་ཡོན་ཏན་ཐམས་ཅད་བླ་མར་དད་གུས་ལ་རག་ལུས་པས། བླ་མ་ལ་སངས་རྒྱས་དངོས་ཀྱི་འདུ་ཤེས་ཉེ་བར་བཞག་ལ། དུས་ཐམས་ཅད་དུ་གུས་པ་མ་ཉམས་པར་བྱའོ། །གུས་སེམས་ཉམས་ན་ལྟག་ཆུ་ཆད་པའི་རྫིང་བཞིན་དུ་འགྲོ ཡུར་བ་འདོམ་གང་གི་བྱེད་པ་ལྟར། བླ་མའི་མན་ངག་གཅིག་ལ་དད་གུས་ཉམས་ཀྱང་རང་གི་རྒྱུད་ལ་ཡེ་ཤེས་ཀྱི་ཆུ་མི་འབབ། དད་གུས་ཉམས་པས་དམ་ཚིག་ཉམས་བྱ་བ་ཁོ་ན་མིན་ཏེ། རང་རྒྱུད་ལ་ཡོན་ཏན་སྐྱེ་འཕྲོ་ཆད་པས་དམ་ཚིག་ཉམས་པ་དང་འདྲ། འདི་ལ་བཏུབ་ཚད་ཀྱིས་བགྱི་ཡིད་ཀྱིས་མི་ཡོང་། བརྩེ་ཆུང་ལས་སྙལ་ནས་བྱེད་པ་གཅིག་དགོས། བླ་མར་མ་ཟད་སུ་དང་འགྲོགས་ཀྱང་གུས་པ་མ་ཉམས་པ་གཅིག་དགོས་ཏེ། སུ་དང་འགྲོགས་ཀྱང་ངན་ཤོས་བྱ། །སྤྲང་པོའི་བུ་བཞིན་དམའ་ས་བཟུང་།༌། ཞེས་པ་ལྟར་བསྒོམ་པ་ཡིན་གསུངས། དེ་ཡང་དད་གུས་བྱ་སྙམ་པ་གཅིག་གིས་མི་ཡོང་། དད་གུས་བྱས་པ་དང༌། མ་བྱས་པ་ནི་ཕན་ཡོན་དང་ཉེས་པ་བསམས་ནས་གྲོགས་མཐོ་དམན་མེད་པ་ཀུན་ལ་གུས་པར་བྱ། སུ་དང་ཡང་འགྲོགས་མི་ཤེས་ལག་སྡེ་མི་རྙེད་པ་ཐམས་ཅད་གྲོགས་ལ་དད་གུས་མེད་པས་ལན་པ་ཡིན། ཐེག་ཆེན་གྱི་ཆོས་ཐམས་ཅད་གྲོགས་ལ་བརྟེན་ནས་ཉམས་པར་གསུངས་པ་ཡིན་པས་གུས་པ་གལ་ཆེའོ།། བློ་སྦྱོང་ལ་སྤྲོ་དགའ་མ་ཉམས་སྤྲོ་བ་ཉམས་ན་སྐྱེ་མི་སྲིད་པས་སྤྲོ་སེམས་མ་ཉམས་པ་ཅིག་དགོས། པ་ནི། ཐེག་པ་ཆེན་པོའི་ཡང་སྙིང་སངས་རྒྱས་ཀྱི་ས་བོན་དྲུང་པོ་ཡིན་སྙམ་པ་བྱས་ནས་ཆོས་གང་དང་ཡང་མི་སྙོམས་པར་ཉམས་སུ་སྤྲོ་དགའ་དང་བྱས་ནས། ལེན་པའོ། །དེ་ཡང་སྤྲོ་བར་བྱ་སྙམ་པ་ཐ་ན་ཁྱི་གཅིག་དང་འགྲོགས་ཀྱང་འདི་ལ་དད་གུས་བསྒོམས། མ་བསྒོམས་ན་ཆོས་ཡོང་མི་སྲིད། ཙམ་གྱིས་མི་ཡོང་། ཕན་ཡོན་དང་ཉེས་དམིགས་བསམས་ནས་འཇུག་པ་གཅིག་དགོས། ད་ལྟ་དང་པོ་མི་འཛིན། བཟུང་ཡང་བརྗེད་དུ་འཇུག མ་བརྗེད་ཀྱང་སེམས་སྙིང་མི་འདོད་པ་འདི་ལ་སྤྲོ་བ་མེད་པས་ལན་པ་ཡིན་པས། དུས་ཐམས་ཅད་དུ་སྤྲོ་བས་འཇུག་པ་ཅིག་དགོས་གསུངས། བསླབ་པ་ལ་བག་ཡོད་མ་ཉམས་པ་ནི། སྐྱབས་འགྲོ་ནས་བཟུང་སྟེ་བསྙེན་གནས། དགེ་ཚུལ། དགེ་སློང་། སྨོན་འཇུག་དབང་གི་བར་རང་གི་གང་དང་གང་ཁས་བླངས་པའི་སྡོམ་ཁྲིམས་ལ་སྐད་ཅིག་ཀྱང་གློད་པའི་སྐབས་མེད། ད་ལྟ་བསླབ་པ་གཤའ་མར་སོང་བ་ལ་ཆོས་བྱུགས་ཀྱང་མི་སྐྱེ་བ་འདུག་པ་འདི་བག་ཡོད་ཉམས་ནས་གཞི་རྩ་ཆད་པ་ཡིན་པས། ཆོས་གང་བྱས་ཀྱང་མི་ཡོང་། འདི་བཤའ་མ་མེད་པར་རྣལ་འབྱོར་པའི་རྩར་ཕྱིན། དེ་ནས་ཆང་གི་ཐེམ་བུ་སྐྱེ་རེ་བྱས་ནས་ཁྱིམ་པ་ཀུན་ངེད་ལ་བསྒོམ་ཆེན་བཟང་ཟང་།པོ་གཅིག་ཡོད་ཟེར་ནས་ལོག་ལྟ་ལ་བཀོད་དེ་དམྱལ་བར་སྐྱུར་བ་འདི་བག་ཡོད་དགོས། དེ་ལ་བརྟེན་འདྲིས་བྱེད་པའི་གྲོགས་པོ་ཁོ་ན་ཡང་གལ་ཆེ། དེ་ཙམ་གྱི་མི་གནོད་ཟེར་བ་དང་། སྨྲ་ཁམས་ཆེ་བ་དང་། འདི་གླེང་སྙིང་མི་འདོད་པ་དང་འགྲོགས་ན་མི་ཉམས་མི་སྲིད། གཙང་དུ་བཀའ་གདམས་པ་གཅིག་དང་མཚན་ཉིད་པ་གཅིག་འགྲོགས་ཕྱིན་པས། མཚན་ཉིད་པ་རྨེ་ཤོན་ རྩེ་བ་ལ་བཀའ་གདམས་པ་དེ་དང་པོ་མི་མགུ། ཕྱིས་ཁོ་རང་ཡང་ང་ཁ་ཅིག་དང་སྐོམ་ན་ཟེར་ནས་ཁོ་བས་ཐུ་བར་སོང་ལོ། །དེ་བཞིན་དུ་ཆ་གསུངས། གསུམ་པ་ཕྱོགས་མེད་ཀུན་ཁྱབ་ཏུ་སྦྱང་བ་ནི། ཡུལ་ལ་ཕྱོགས་མེད་དག་ཏུ་སྦྱང་། །ཁྱབ་དང་གཏིང་འབྱོངས་ཀུན་ལ་གཅེས། །ཞེས་བྱ་བ་སྟེ། ཕྱོགས་རེ་པས་མི་འབྱོངས་པས་ཕྱོགས་མེད་དུ་སྦྱངས་ན་འཕེལ་ཞིང་རྒྱས་པར་འགྱུར་བ་ཡིན། ང་འདྲེ་ལ་བཟོད་སྟོབས་ཆེ། ཁོ་མི་ལ་བཟོད་སྟོབས་ཆེ། ང་སྟོང་པ་ཤས་ཆེ། ཁོ་སྙིང་རྗེ་ཤས་ཆེ་ཟེར་བ་ཀུན་ཕྱོགས་རེ་བ་ཡིན། འཕགས་པའི་ཡོན་ཏན་ཕྱོགས་མེད་དང་། སོ་སོ་སྐྱེ་བོའི་ཡོན་ཏན་ཐམས་ཅད་ཕྱོགས་རེ་བར་སོང་བས་ཆོས་ཉིད་ཡིན་ཏེ། གང་ཟག་གི་བྱེ་བྲག་གིས་ཀྱང་ཁ་ཅིག་རྒུད་ཙ་ན་ཡོང་ལ། འབྱོར་ཙ་ན་ངའི་གོང་ན་མི་མེད། གོང་དཀར་གྱི་གོང་ན་ཁྱི་མེད་སྙམ་ནས་སྤ་བཀུག་བཀུག་ནས་ཤོར་བ་གཞན་དུ་ཆ་བ་ཡོང་བ་ཡིན། ཁ་ཅིག་འབྱོར་ཙ་ན་བཏུབ་པ་ལ། རྒུད་ཙ་ན་ཁྱེད་རང་ཉམས་ལ་མ་བབས་པ་ཡིན། ང་གནས་སྐབས་འདི་ཙུག་འདུག་པ་ལ་ཟེར་ནས་སྡུག་གི་མི་ཐེག་པ་ཡང་ཡོད། དེ་བཞིན་དུ་སྟོད་ཙ་ན་ཟེང་གིས་ཕུག་རོན་གྱི་སྣར་ཤིང་བུ་སུག་པ་བཞིན་འགྲོ་བ་དང་། སྨད་ར་བཏང་ཙ་ན་མི་བཟོད་པ་འདི་ལ་དུག་གཅིག་བཏང་རྒྱུ་ལ་སྙམ་པ་ཡོང་། ཡང་ཁ་ཅིག་ཟས་ལ་བཏུབ་ལ། གོས་ལ་ཞེན་པ་དང་། ཁ་ཅིག་ནང་གི་ཆགས་པ་ཆུང་ལ་ཕྱིའི་ཆེ་བ་དང་། ཁ་ཅིག་དེ་ལས་བཟློག་པ་དང་། ཁ་ཅིག་ཡོན་ཏན་ཙམ་མེད་པ་ལ་ཁེངས་ནས་ཕྱིན་པར་རྩི་བ་མཐོང་ནས་དེ་ལ་མི་བཟོད་པ་དང༌། ཁ་ཅིག་ཡུལ་དུ་ཆོས་འཆོར། ཁ་ཅིག་བྱེས་སུ་ཆོས་འཆོར་བ་ལ་སོགས་པ་དང་། ཡང་ཁ་ཅིག་སྡེ་པ། ཁ་ཅིག་གྲྭ་པ། ཁ་ཅིག་སེར་སྣ། ཁ་ཅིག་ཕྲག་དོག ཁ་ཅིག་ཞེ་སྡང་། ཁ་ཅིག་ནོར་ཕྱིར་འཆི་ནུས་པ་ལ་སོགས་པ་འདི་ལ་བསྐལ་བར་བཤད་ཀྱང་འཛད་པ་མེད་གསུངས། ད་ཆོས་ཉན་བཤད། ལྟ་སྒོམ་པ་ཐམས་ཅད་ཀྱིས་ཉོན་མོངས་པའི་གཉེན་པོར་འགྲོ་བ་ཅིག་དགོས། དེའི་རྩ་བ་བདག་འཛིན་ཡིན་པས་དེའི་གཉེན་པོ་ཕྱོགས་མེད་ནས་སྦྱོང་བ་ཅིག་དགོས་ལ། དེ་ཡང་སོ་སོར་རྟོགས་པའི་ཤེས་རབ་ཀྱི་མཐའ་ཆོད་པར་བྱའོ། །བླ་མའི་གདམས་ངག་ཡོད་ན་སེར་སྣ་ལ་སོགས་པ་གང་ཆེ་བ་ལ་ཐེལ་པོར་སྦྱོང་། ཅི་བྱས་བདག་འཛིན་གྱི་གཉེན་པོར་སོང་ན་མ་ནོར། བདག་འཛིན་ཐུལ་ན་ཁམས་གསུམ་སྲིད་པ་དགུ་ཐུལ་ལོ། །ཐུབ་པ་ཡིན་དང་ཤ་སང་གང་ལ་གཏད་ས་བདེ་རྩེ་གང་ལས་མེད་གསུངས། དེ་ཡང་ཟས་ལ་སོགས་པའི་རྣལ་འབྱོར་ཐམས་ཅད་ལ་འདིས་ཁྱབ་པ་དང༌། ཉ་མ་ལྷ་ཁང་དུ་ཕྱིན་པ་ལྟ་བུ་མ་ཡིན་གྱི་སྙིང་ཐག་པ་རུས་པའི་ཁོང་ནས་སྦྱོང་བ་གླང་ཐང་པ་དགེ་བར་དམྱལ་བར་བསྔོ་བའམ། འཆད་ཀ་པ་ཕ་རོལ་གྱི་སྡུག་བསྔལ་ལེན་པ་ལ་དགའ་ཡལ་ལེ་གསུངས་པ་ལྟར་སྦྱོང་བའོ། །ཆོས་ཉམས་སུ་ལེན་པ་བྱ་བ་སྒྲེང་སྐྱེད་བྱས་པ་དང་། ཚིག་དེ་ངོ་ཤེས་པས་མི་ཆོག དོན་ནང་དུ་ཉམས་སུ་ལེན་པ་ཅིག་དགོས་གསུང་། བློ་འབྱོངས་པའི་ཚད་ནི། གཉིས་པ་འབྱོངས་པའི་ཚད་ནི་གསུམ་སྟེ། ཚད་དངོས་དང༌། དེའི་རྟགས་དང༌། སྤང་པོའོ། །དང་པོ་ནི། བྱང་བའི་ཚད་ནི་ལོག་པ་ཡིན། །ཞེས་བྱ་བ་སྟེ། ལས་དང་པོ་མོས་པ་སྦྱོང་བའི་དུས་ཡིན་པས་མོས་པས་འབྱོངས་པའི་ཚད་ནི། ཕྱི་ནང་སྣོད་བཅུད་རང་བཞིན་གྱི་རྟེན་ཆགས་ཞེན་བཏང་ནས་ལོག་ཙ་ན་ཡིན་ཏེ། ཞེན་པའི་ཟུག་རྔུ་དམ་གྱུར་ན། །བཟང་ངོ་སྙམ་ཡང་ནོར་བར་བཞེད། །ཅེས་དང་། འཁོར་བར་ཆགས་པའི་ཡིད་དང་ལྡན་རྣམས་རྟག་ཏུ་འཁོར། །ཞེས་དང་། རྒྱལ་བ་རྣམས་ཀྱི་བྱང་ཆུབ་ཆགས་མེད་གྱུར་ལ་རེག་ །ཅེས་གསུངས་པས་གང་ལ་ཡང་མ་ཞེན་པར་སླབ་པ་གལ་ཆེ། སངས་རྒྱས་ཀྱི་ཆོས་གསུངས་པ་ཐམས་ཅད་ཀྱང་ཆགས་ཞེན་བཟློག་པའི་ཐབས་སུ་གསུངས་པ་ཡིན། ཇོ་བོའི་ལམ་རིམ་གསུངས་པ་ཐམས་ཅད་ཀྱང་ཞེན་པ་སྤོང་བའི་རིམ་པར་གསུངས་པ་ཡིན། འཆི་བ་བསམ་པས་ཚེ་འདི་ལ་ཞེན་པ་བཟློག་པ་ནས། བདག་མེད་གཉིས་བསྒོམ་པས་དངོས་པོ་དང་མཚན་མར་ཞེན་པ་བཟློག་པའི་བར་རོ། །དེ་བས་ཉན་རང་གི་ཐར་པ་ཙམ་སྒྲུབ་པ་ལ་ཡང་། ཐམས་ཅད་བཏང་བས་མྱ་ངན་འདས། །བདག་བློ་མྱ་ངན་འདས་པ་སྒྲུབ། །ཅེས་ཞེན་ཆགས་མེད་པ་གཅིག་དགོས་པར་གསུངས་པ་ཡིན། ཆགས་ཞེན་མཐའ་དག་སྤངས་པ་སངས་རྒྱས་ཉག་གཅིག་ཡིན། བསླབ་པ་གསུམ། ཚོགས་གཉིས། ཕ་རོལ་ཏུ་ཕྱིན་པ་དྲུག ལམ་ལྔ་ས་བཅུ་གསུངས་པ་ཐམས་ཅད་ཀྱང་ཞེན་པ་སྤོང་བའི་ཐབས་ཡིན། ཚེ་འདི་ལ་ཞེན་པའི་སྒོ་གཉིས་ཡོད་དེ། ལུས་དང་ལུས་ལས་གཞན་པའོ། །དང་པོ་ལུས་ལ་ཆགས་པ་ནི། །བདག་ལུས་གང་ལ་ཆགས་པ་ཡིས། །འཇིགས་གནས་ཆུང་ལ་འཇིགས་སྐྱེ་བ། ། ཞེས་པ་ལ་སོགས་པ་ཉེས་པ་མང་དུ་གསུངས་ལ། ལུས་ལས་གཞན་ལ་ཆགས་པ་ནི། རྫས་ཡོ་བྱད་དང་གཉེན་འབྲེལ་ལ་སོགས་པ་ལ་ཆགས་པ་སྟེ། ནོར་ལ་ཆགས་པས་གཡེངས་པར་གྱུར་རྣམས་ལ། །སྲིད་པའི་སྡུག་བསྔལ་ལས་གྲོལ་སྐབས་མེད་དོ། །ཅེས་པ་ལ་སོགས་པ་གསུངས་པའི་ཉེས་པ་དྲན་པར་བྱས་ལ་ཞེན་པ་བཟློག དེ་ནས་ཕྱི་མའི་ལུས་ལ་ཆགས་པ་ལ་ཡང་སྒོ་གཉིས་ཡོད་དེ། ལུས་བྱེ་བྲག་ཅན་ལ་སྲེད་པ་ཕྱི་མར་ལུས་བཟང་པོ་ཅིག་ཐོབ་པར་འདོད་པ་དང་། ཤི་ནས་ལུས་མེད་པར་ཤེས་ཙ་ན་གཡང་དུ་ལྷུང་བ་སྙམ་བྱེད་ན་ལུས་བྱེ་བྲག་མེད་པ་ལ་སྲེད་པ་འབྱུང་བའོ། །དེ་ཡང་དབུགས་འགྲོ་ཙ་ན་གང་དུ་སྐྱེ་བའི་ལུས་གཅིག་བྱུང་བ་སྙམ་བྱེད་པ་ལས་ཤེས་པ་འཕོ། ཉན་ཐོས་སྡེ་པ་ཁ་ཅིག་བར་དོ་མི་འདོད་པ་ཡང་ཡོད། བར་དོ་འདོད་པས་ཀྱང་དེར་ལས་བསོག་པར་མི་འདོད། དང་པོ་བར་དོའི་ལུས་བླངས་པ་དེ་ལས་གཞན་དུ་འགྱུར་བར་འདོད་ལ། ཐེག་ཆེན་བས་བར་དོར་ལས་བསོག་པར་འདོད། དེར་ཤུལ་ན་གནས་པའི་དགེ་སྡིག་གི་ལས་མོ་བྱེད་ཅིང་སྔར་མ་ཤི་ཙ་ན་སྣང་བ་ཝལ་ལེ་ཡོད་པར་འདོད། ཤུལ་ན་འདུག་པས་དུས་ཙ་ན་ཤི་སྙམ་པའི་འདུ་ཤེས་སྐྱེ། ཞག་བདུན་ཕྲག་བདུན་དུ་བར་དོ་ན་གནས། ཞག་བདུན་བདུན་ནས་ལུས་མི་འདྲ་བ་རེ་ལེན་པར་འདོད། མའི་མངལ་དུ་འཇུག་པའི་དུས་ན་ཡང་སྣང་བ་བཟང་པོ་ལ་ཁང་བཟང་། ངན་པ་ལ་འཇག་སྤྱིལ་དུ་འཇུག་པའི་སྣང་བ་འབྱུང། བར་དོའི་ལུས་ཀྱང་ཁོ་རང་ནང་དང་ལྷའི་མིག་དག་པ་གཉིས་ཀྱིས་མཐོང་། གཞན་གྱིས་མི་མཐོང་གསུངས། དབང་པོ་ལྔ་ཀ་ཚང་། རྩིག་པ་ལ་སོགས་པ་ལ་མི་ཐོགས། ཟས་སུ་དྲི་ཟ། མའི་མངལ་ལ་ཐོགས་ནས་དེའི་གཟུགས་དེ་ཉིད་ཀྱང་ཕོ་མོའི་གཟུགས་ཐ་དད་དུ་ཡོད་པས་མོ་ཡིན་ན་ཕ་ལ་ཆགས། མ་ལ་ཕྲག་དོགས་ཕོ་ཡིན་ན་དེ་ལས་བཟློག་པའོ། །ཞེས་པས་མཚམས་སྦྱར་ནས་ཕ་མའི་ས་བོན་གྱི་རྒྱས་གཏུམ་པ་བཞིན་སོང་ནས་དར་ཅིག་བརྒྱལ་ནས་འགྲོ དེ་ནས་མིང་གཟུགས་ཀྱི་མྱུ་གུ་འགྲུབ་བོ། །བར་དོ་མི་འདོད་པས་ཕྱི་མའི་ལུས་ལ་ཆགས་པས་མཚམས་སྦྱོར་བར་འདོད་པ་ཡིན། གཟུགས་མེད་དུ་སྐྱེ་ན་སྙིང་ཁར་རང་གི་སྙིང་གི་ཕྱོགས་གཅིག་ཏུ་མིང་གཞི་ལ་བདག་ཏུ་བཟུང་བས་མཚམས་སྦྱོར། སྔར་ནས་བར་དོའི་སེམས་ཅན་རྡོ་རྗེ་གདན་ལ་ཐོགས་པར་བཤད། འཁོར་བ་འགྲུབ་པ་ཐམས་ཅད་ཞེན་པས་བྱེད་པས་བར་དོར་ཡང་མ་ཞེན་པ་གལ་ཆེའོ། །དེ་ཡང་འཆི་ཁར་མ་ཞེན་པ་གཅིག་དགོས། དེ་ལ་ད་ལྟ་གང་ལ་ཡང་མ་ཞེན་པར་བློ་སྦྱོང་དགོས་གསུངས། དེ་ལྟར་མ་ཞེན་པར་བསླབ་པས་སྔགས་པ་ཀུན་ལ་བར་དོར་རིག་འཛིན་གྱི་གནས་སུ་ཕྱག་རྒྱ་ཆེན་པོའི་དངོས་གྲུབ་ཐོབ་ནས་ལུས་དེ་འགྲོ་བ་རིགས་དྲུག་གང་དུ་ཡང་མ་གཏོགས་པའི་འཇའ་ལྟ་བུ་གཅིག་ཏུ་ཁོ་རང་གི་སྣང་བ་ལ་འབྱུང་བར་འདོད་པའོ། །དེ་བས་ན་སེམས་ཅན་གྱི་ལུས་ཐམས་ཅད་ལས་དང་ཆགས་པའི་རྩ་བ་ལས་བྱང་ཆུབ་སེམས་དཔའ་ས་ཐོབ་པ་ཡན་ཆད་ཀྱི་སྐྱེ་བ་ཉོན་མོངས་པའི་དོད་སྙིང་རྗེས་བྱས། ལས་ཀྱི་དོད་སྨོན་ལམ་གྱིས་བྱས་ནས་སེམས་ཅན་གྱི་དོན་དུ་སྐྱེ་བ་ལེན་པའོ།། གཉིས་པ་འབྱོངས་པའི་རྟགས་ནི། འབྱོངས་རྟགས་ཆེན་པོ་ལྔ་ལྡན་ཡིན། །ཞེས་བྱ་བ་སྟེ། བློ་འདི་ལྟ་བུ་འབྱོངས་ཙ་ན། བྱང་ཆུབ་སེམས་དཔའ་ཆེན་པོ་དང་ཉེས་པ་ཕྲན་ཚེགས་ལ་འཛེམ་པས་འདུལ་བ་འཛིན་པ་ཆེན་པོ་དང་། གཞན་དང་འདོམ་ཐུག་བྱུང་བའི་ཚེ་བཟོད་པ་རེ་བཞིན་བརྟན་པས་དཀའ་ཐུབ་ཆེན་པོ་དང་། ལུས་ངག་གི་དགེ་སྦྱོར་ལ་བལྟས་ན་རྟག་ཏུ་དད་པ་དང་བརྩོན་འགྲུས་དང་ལྡན་པས་ས་དགེ་སྦྱོར་བ་ཆེན་པོ་དང༌། བཀའ་བསྟན་བཅོས་ཐམས་ཅད་ཀྱི་བརྗོད་པར་བྱ་བའི་དོན་གྱི་གཙོ་བོ་དང༌། རང་གི་སེམས་འབྱོངས་པས་རྣལ་འབྱོར་པ་ཆེན་པོ་གཅིག་ཡོད་པའོ། །དེ་ཡང་བསླ་བ་ལོགས་གཅིག་དགོས། ཁ་སང་དང་ན་ནིང་ཡང་དེ་ལས་མེད་ཀྱི་མི་ཡང་། སྔ་ཐུན་པས་ཕྱི་ཐུན། ཐུན་སྟོད་པས་ཐུན་སྨད་སྐྱེ་ལ་ཚོལ་དགོས། དེ་ཡང་ཐོས་པ་དང་དྲན་པས་ཀྱང་ཨེན་རེ་ཡོང་སྟེ། འབྲས་བུ་དེ་ཙམ་མི་འབྱུང་བས་འདི་ལ་དུས་ཅིག་ཏུ་ཆིག་དྲིལ་དུ་འབྱུང་བ་གཅིག་དགོས། དེ་ཡང་མ་འོངས་པ་ལ་རྟག་ཏུ་གོ་ཆ་བགོ་བྱ་བ་ཡིན་པས་སེམས་ཅན་གྱི་སྡིག་སྡུག་རང་ལ་ལེན་པ་དང་རང་གི་དགེ་བདེ་གཞན་ལ་གཏོང་བར་གོ་ཆ་གྱོན་པ་ཡིན་ཏེ། དེ་རང་བས་ཀྱང་མི་དང་མི་མ་ཡིན་པའི་གནོད་པ་ཅི་བྱུང་བ་ན་ཕྱིས་འདོམ་ཐུག་ལ་སོགས་ཅི་བྱུང་ཡང་བཟོད་པར་བྱ་སྙམ་པ་དང་། ཁས་བླངས་ཀྱི་སྡོམ་ཁྲིམས་དང་སྐད་ཅིག་དང་མ་བྲལ་བར་བྱ་སྙམ་པ་དང༌། ངན་སྨྲས། ཕྲག་དོག སྐུར་འདེབས་ལ་སོགས་པ་ཅི་བྱུང་ཡང་བཟོད་པར་བྱ་སྙམ་དུ་གོ་བགོས་ནས་ཕྱིས་འདོམ་ཐུག་ལ་སོགས་ཅི་བྱུང་ཡང་འཕྲད་ཐུབ་པ་གཅིག་ཡོང་བ་ཡིན། དེ་བས་ཀྱང་ཆོས་དང་འགལ་བའི་འཕྲད་བྱུང་ཚད་ལ་ཆོས་དང་མི་འགལ་བར་བྱ་སྙམ་དུ་གོ་ཆ་གྱོན་པའོ། །གང་ལ་གནོད་པ་བྱས་ཀྱང་བདེ་འབྲེལ་བ། །བདེ་བའི་འབྱུང་གནས་དེ་ལ་སྐྱབས་སུ་མཆི། །ཞེས་དང་། དགྲ་འམ་འོན་ཏེ་མཛའ་ཡང་རུང་། །ཉོན་མོངས་སྐྱེ་བའི་ཡུལ་རྣམས་ལ། །དགེ་བཤེས་ཡིན་པར་སུས་མཐོང་བ། །དེ་ནི་གང་ན་གནས་ཀྱང་བདེ། །ཞེས་དང་། ཁ་ཟེར་འཕྱར་ཀ་གཏོང་བ་དང༌། །སྨོད་ཅིང་ཕྲག་དོག་བྱེད་པ་རྣམས། །དཔའ་བོ་ཁྱོད་ཀྱི་ཟིལ་དུ་བརླག །ཅེས་པ་དང༌། ཕན་བཏགས་ལན་དུ་གནོད་བྱས་ཀྱང་། །ཡང་ལན་སྙིང་རྗེ་ཆེན་པོ་བསྒོམ། །འཛམ་བུ་གླིང་གི་སྐྱེས་མཆོག་ནི། །ཉེས་པའི་ལན་ཡང་ལགས་པའི་ལྗོན། །ཞེས་དང༌། གང་དག་བདག་ལ་ཁ་ཟེར་རམ།། གཞན་དག་གནོད་བ་བྱེད་པའམ། །དེ་བཞིན་འཕྱར་ཀ་གཏོང་བའང་རུང་། །ཐམས་ཅད་བྱང་ཆུབ་སྐལ་ལྡན་གྱུར། །ཞེས་པ་ལྟར་བློ་སྦྱོང་བའོ།། འདི་ཡོད་ན་གཞན་གང་མེད་ཀྱང་འཚང་རྒྱ། ཚེ་མཇུག་འདི་རང་ལ་རྒྱུད་ཁྱད་པར་ཅན་དུ་འགྲོ་བ་ཡིན་གསུངས། དོན་བྱུང་བ་མེད་ཀྱང་ཚིག་འདི་དྲན་པས་དེའི་མོད་ལ་ཞི་བར་འགྱུར་བ་ཡིན། མྱུར་དུ་མངོན་པར་རྫོགས་པར་སངས་རྒྱས་པར་འདོད་པས་བྱང་ཆུབ་ཀྱི་སེམས་རིན་པོ་ཆེ་ལ་བསླབ། ཅེས་པའི་གཏམ་རྒྱུད་གསུངས་པ་རྣམས་ཀྱང་ འདི་ལ་གསུང་བ་ཡིན་གསུངས། ཇི་ཙམ་པའི་སྐྱེ་ཤི་མཐའ་མི་མངོན་པ་གཅིག་བྱས་པ་ལ་འདི་ལྟ་བུའི་ཆོས་བསྒོམ། ཡེ་མྱོང་བ་ཡིན་སྙམ་དུ་བསམ། ཤར་བ་དང་འཛོམས་པ་དང་བླ་མའི་ཐུགས་ལ་འདོགས་ན་བྱ། མིའི་རྩིས་སུ་བྱེད་ན་བྱ། དེ་དག་མེད་ན་མི་བྱ་སྙམ་ན་ཆོས་བོར་ཟིན་པ་ཡིན་གསུངས། སྡིངས་པ་ཤེད་རྒོལ་བ་བྱུང་ཙ་ན་ཆོས་གཏོང་བ་ཆོས་བྱེད་པའི་དུས་ན་བྱིན་རླབས་མི་ཡོང་གསུངས། དེས་ན་ད་ནས་བཟུང་ནས་ཚེ་འདི་བར་དོ་ཕྱི་མ་སངས་མ་རྒྱས་ཀྱི་བར་དུ་ཆོས་འདི་དང་སྐད་ཅིག་ཀྱང་མ་བྲལ་བ། འདི་སྟོན་པའི་དགེ་བཤེས་དང་མཇལ་བའི་སྨོན་ལམ་གདབ་གསུངས། གསུམ་པ་རྒྱུད་ལ་སྐྱེ་བའི་དཔང་པོ་ནི། དཔང་པོ་གཉིས་ཀྱི་གཙོ་བོ་བཟུང་། །ཞེས་བྱ་བ་སྟེ། མི་རྣམས་ན་རེ། ཆོས་འབྱུང་ནས་འདུག བདག་འཛིན་ཐུལ་ནས་བལ་ཆུ་ནས་དྲངས་པ་བཞིན་དུ་འཇམ་ཉལ་གྱིས་སོང་ནས་འདུག་ཟེར་བ་དང་། དེ་སྐད་ཟེར་ཡང་རང་གི་ཤེས་པ་ལ་ངས་དེའི་དུས་སུ་སྒུས་སེ་བར་སོང་། དེའི་དུས་ན་ཡང་བདག་འཛིན་ཤོར་སྙམ་པ་དང་། དེ་ལས་བཟློག་ནས་རང་གི་ནང་དུ་དམྱལ་བར་སྤྱི་བོ་ཚུགས་སུ་སོང་ཡང་འགྱོད་པ་མེད་སྙམ་པ་རང་གི་གཙོ་བོ་ཡིན། རང་གི་དད་པ་དང་ཤེས་རབ་དང་བརྩོན་འགྲུས་ལ་སོགས་པ་ནུས་པ་ཡོད་ཚད་ཀྱིས་ཡེངས་པ་དང་། དབྱེ་བ་སྐད་ཅིག་ཀྱང་མེད་པར་རྒྱུན་མཐུད་ནས་སྙིང་ཁྲག་ཆུས་ཤལ་ནས་འབུངས་པས་ད་ནི་ད་ལྟ་རང་དུ་འཆི་ཡང་ང་ལ་སྐྱེས་གདོན་རྒྱུ་མེད་སེམས་པ་ཅིག་དགོས། དེ་ཙམ་ནས་སྒྲུབ་པའི་ཉམས་ལེན་ཚད་དུ་ལོངས་པ་ཡིན་པས། གཞན་གྱིས་བདག་གི་ལེགས་པ་སྣ་རེ་མཐོང་བ་དང་ཕན་པ་སྣ་རེ་མཐོང་བ་ལ་མགུ་བ་ཡོང་བ་ཡིན་པས་དེ་མི་གཙོ། དེ་བཞིན་དུ་བཤད་པ་དང་བཟླས་པ་བྱེད་པ་ཀུན་ཡང་གཞན་ལ་བགོ་བ་དང༌། གནོད་པ་སེལ་བ་གཙོ། རང་གི་མཁས་པ་དང་ནུས་པ་ཡོང་སྙམ་པ་མངོན་པའི་ང་རྒྱལ་ཡིན་སྲིད་པའོ། །དེ་ལ་སོགས་པ་ཟད་པ་མེད་པ་ཅིག་ཡོད་དེ། ཕྱིའི་གཙོ་བོར་ཡོང་བ་ཡང་རང་གི་ནང་གི་བྱེད་པས་བྱུང་བ་ཡིན། ཕྱིའི་སྤྱོད་ཚུལ་ལེགས་པའམ། ངག་ཏུ་སྨྲ་ལེགས་པས་ཀྱང་ཆོས་འབྱུང་བར་རྩི་བ་ཡོད་དེ། བདག་འཛིན་སྤོང་ལོ་བྱས་ནས་ཀ་ཆ་འདྲ་བ་ཕད་ཕོད་བྱས་ནས་གཏོང་བའམ། གཞན་གྱི་གྱོད་ལ་སོགས་པ་བྱུང་ཙ་ན་མང་མང་ལགས། ཁོ་བོས་ལན་ཟེར་ནས་ཁས་བླངས་པས་ཆོས་བྱུང་འདུག་ཟེར་ཡོད་སྲིད་དེ། དེ་དཔང་པོ་གཙོ་བོ་མ་ཡིན། རང་གི་སེམས་ལ་གཅིག་དགོས། ཆོས་སྤྱིའི་དབང་དུ་བྱས་ན། ཆོས་བྱུང་མ་བྱུང་ལུས་ངག་ཡིད་གསུམ་ལ་ལྟ་བ་ཡིན། འདིའང་ལུས་ངག་ཇི་ལྟར་འདུག་ནའང་འདུག སེམས་ཁོ་ན་ལ་ལྟ་བ་ཡིན། དེ་ལ་ཡང་བླ་མས་གདམས་ངག་མ་ལུས་པར་གནང་བ་དང་། རང་ལ་ཡང་སྙིང་སྟོབས་ཡོད་པས་སྒོམ་པ་ཅིག་དགོས། དེ་ཡང་མངོན་དུ་མ་གྱུར་བར་དུ་སྒོམ་པ་ཅིག་དགོས། དེ་ཡང་ལྷ་དང་བླ་མ་ལ་སྙིང་ནས་གསོལ་བ་གདབ། ཆོས་སྐྱོང་ལ་འཕྲིན་ལས་ཞུ་བ་ལ་སོགས་པ་ལ་འབད་ལ་འདི་ཆེད་ལྡན་དུ་སྐྱེ་བ ལ་འབད་པར་བྱའོ།། བློ་སྦྱང་བའི་དགོས་པ། གསུམ་པ་སྦྱང་བའི་དགོས་པ་ནི། ཆོས་ཀུན་དགོངས་པ་གཅིག་ཏུ་འདུ། །ཡོན་ཏན་གཞན་པས་ཁྱད་པར་འཕགས། །ཞེས་བྱ་བ་སྟེ། བཀའ་དང་བསྟན་བཅོས་ཐམས་ཅད་ཀྱི་དགོས་པ་ཐར་པ་ཐོབ་པ་ཡིན་ལ། དེ་ལ་བདག་འཛིན་ཐུལ་བ་ཅིག་དགོས། ཐོས་བསམ་སྒོམ་གསུམ་ཐམས་ཅད་ཀྱང་བདག་འཛིན་འདུལ་བའི་ཆེད་ཡིན་ལ། བདག་འཛིན་མ་སྤངས་པར་ཉན་རང་གི་ཐར་པ་ཡང་མི་ཡོང་ན་ཐམས་ཅད་མཁྱེན་པ་ལྟ་ཅི་སྨོས། དེ་ནས་མཁས་པར་བློ་སྦྱོང་། བཙུན་པར་ཁྲིམས་བསྲུང་བ་ལ་སོགས་པ་ཐམས་ཅད་ང་ལས་མཁས་པ་མེད་པ་ལ་སོགས་པ་ངའི་གྲོགས་སུ་སོང་ན་ནོར་ལ། བདག་འཛིན་གྱི་གཉེན་པོར་སོང་ན་བློ་སྦྱོང་བའི་དགོས་པ་གྲུབ་པ་ཡིན་ནོ། །འདི་ནི་མཐུན་རྐྱེན་གཞན་ལ་མི་ལྟོས་པས་ཡོན་ཏན་ཁྱད་པར་དུ་འཕགས་པ་ཡིན་ཏེ། ཆོས་གཞན་ལ་རྐྱེན་གཞན་ལ་ལྟོས་དགོས་པ་དང༌། ཁམས་བཟང་དགོས་པ་དང་། ན་སོ་གཞོན་དགོས་པ་དང་། དབེན་དགོས་པ་དང་། བླ་མའི་རྩར་བསྒོམ་དགོས་པ་དང༌། ན་ཚ་ལ་སོགས་མེད་པ་དགོས་པ་དང༌། ཤེས་པའི་བྱར་གཟུ གས་མེད་པ་དགོས་པ་ལ་སོགས་པ་དུ་མ་ཡོད་པ་ལ། འདི་ལ་གཉིས། ཐུན་མོང་གི་ཚུལ་ཁྲིམས་དང༌། ཐུན་མོང་མ་ཡིན་པ་ཐེག་པ་ཆེན་པོའི་དམ་ཚིག་གཉིས་མེད་ཁ་མེད་ཡིན། དེ་གཉིས་མེད་ན་རྩ་བ་མེད་པ་བྱ་བ་ཡིན་པས་ཡོང་མི་སྲིད། དེ་གཉིས་ཡོད་ན་རྐྱེན་གཞན་གང་ལ་ཡང་ལྟོས་མི་དགོས་པས་གཞན་ལས་ཁྱད་པར་འཕགས་པའི་ཡོན་ཏན་དང་ལྡན་པ་ཡིན་ནོ།། དེ་ལྟར་ན་ཡོན་ཏན་ཁྱད་དུ་འཕགས་པའི་རྒྱུ་མཚན་རྐྱེན་གཞན་ལ་མ་ལྟོས་པ་ལ་བྱེད་ན་རྐྱེན་ལ་མི་ལྟོས་པའི་རྒྱུ་མཚན་ཅི་སྙམ་ན། མི་མཐུན་སྒོམ་གྱི་གྲོགས་སུ་བསྒྱུར། །ཞེས་བྱ་བ་སྟེ། འདི་རྐྱེན་ངན་ལམ་དུ་བསྒྱུར་བའི་སྐབས་སུ་བྱས་ན་ཡང་བདེ། འདིར་ཡང་རྒྱུ་མཚན་དུ་སྦྱར་དུ་བཏུབ་པས་སྡུག་བསྔལ་ཉོན་མོངས་པ་དྲག་པོ་དང་མ་འཛོམས་པ་ལ་སོགས་པ་ཐམས་ཅད་འདིའི་ཆ་རྐྱེན་དུ་བྱེད་པ་སྟེ། ཚེ་འདི་ལ་བསྒོམ་གཞན་ཐམས་ཅད་བཞོག དེ་རིང་ནས་འདི་བསྒོམ། ང་ཡང་མོས་པ་བྱེད་པ་ཡིན་པས་ཁྱོད་ལ་ཡང་སྐྱེ་སྟེ་འོང་། འདི་མེད་ན་བསྒོམ་བཟང་ཟེར་བ་ཐམས་ཅད་འདོམ་ཐུག་བྱུང་ཙ་ན། གཉེན་པོར་མ་གོའམ། འདི་བཞིན་དུ་དངོས་འགལ་དུ་མ་སོང་བར་བརྒྱུད་འགལ་དུ་མ་སོང་བ་ཤེད་ཀྱི་ཉོན་མོངས་པ་ཆུང་དུ་མ་སོང་པར་ཁེངས་གྲགས་སམ་ང་རྒྱལ་ཆེར་སོང་ནས་ཡོང་བར་སྣང་། འདི་རྒྱུད་ལ་ལན་ཅིག་དྲན་པའམ་བསྒོམ་ཙ་ན། ཉོན་མོངས་རིམ་གྱིས་བྱུང་བ་དེ་འཇམ་ལྷན་གྱིས་འགྲོ་བར་སྣང་། དེས་ན་རང་རྒྱུད་ལ་མི་འདོད་པ་བྱུང་བ་དང་། བྱུང་གིས་དོགས་པ་ན་སེམས་ཅན་ཐམས་ཅད་ཀྱི་མི་འདོད་པ་བྱུང་བ་དང་བྱུང་གིས་དོགས་པ་ཐམས་ཅད་ལེན་པའོ། །འདི་གོ་ན་སྟོང་པ་ཉིད་ཀྱང་ངང་གིས་གོ་བར་འོང༌། འདི་མེད་ན་ལྟ་བ་མཐོ་བ་དང་བསྒོམ་བཟང་ཟེར་བ་ཐམས་ཅད་ཡུས་ཀྱིས་རྒྱལ་ནས་འོང༌། ཁྱད་པར་དུ་སྤྱིའི་ཁུར་འཁུར་བ་ལ་འདི་མེད་ཁ་མེད་ཡིན། འདི་མིན་ཨེན་ཙམ་གྱིས་དགེ་རྩ་དུང་ལ་རྡུལ་ཕྱིད་གསུངས། དེ་ལྟར་ན་གང་གིས་བསྒོམ་གྱི་གྲོགས་སུ་བསྒྱུར་ན། ཐམས་ཅད་ཐེག་ཆེན་ལམ་དུ་བསྒྱུར། །ཞེས་བྱ་བ་སྟེ། སྙིགས་མ་ལྔ་པོ་བདོ་བ། མི་དགེ་བ་མཐའ་དག་ཚང་བ། ཚེ་ལ་ཡང་ཆོས་ལ་སོགས་པ་གང་ཡང་བྱ་ལོང་མེད་པ། ལྟ་བ་ངན་པ་སྣ་ཚོགས་པས་གཟིངས་པའི་དུས་འདིར་གཏོང་ལེན་གཉིས་ལ་སྦྱངས་ཏེ། ཅི་བྱེད་ཐེག་ཆེན་གྱི་ལམ་དུ་བསྒྱུར་རོ། །དེ་དག་གིས་ཚིགས་སུ་བཅད་པའི་དོན་བསྟན་པ་ཡིན་ནོ།། ད་ནི་ཚིག་ལྷུག་པ་རང་གིས་སེམས་ལ་གྲོས་གདབ་པ་སྟོན་པ། ཡུས་མི་བསྒོམ། ཞེས་པ་ནི། ཕ་རོལ་ལ་བདག་གིས་དྲིན་ཡོད་པའི་རྒྱུ་མཚན་དང་། རང་མཁས་པ་དང་བཙུན་པ་དང་བསྒོམ་བཟང་བ་དང་། མི་ཆེ་བ་ལ་སོགས་པ་རྒྱུ་མཚན་གང་གིས་ཕྱོགས་ནས་ཀྱང་ཡུས་ཀྱི་རྔམ་པ་དང༌། རེ་ཆེ་བར་ཐེག་པ་ཆེན་པོ་བློ་སྦྱོང་བརྒྱ་རྩ། མི་བྱ། ཁྱད་པར་དུ་ཕུག་ན་སྒོམ་པར་གསོལ་བ་ཀུན་ཡང་ཡུས་ཆེ་བར་ཡོང་བས། འདི་མེད་པ་གཅིག་གལ་ཆེ། གཞན་དོན་བྱས་པས་ཡུས་ཆེ་ན་ཡང་། གཞན་གྱིས་མ་བཅོས། རང་གི་ཁས་བླངས་པ་ཡིན་པས་ཡུས་ཆེས་གང་ན་ཡང་མེད། རྒྱུ་སྦྱངས་ན། བ་དུ་བ་དང༌། སྐུ་བསྲུངས་འཆིར་མ་བཏུབ་ཅེས་ངུ་ཞིང་གྲོགས་པོ་ལ་ཡུས་གསོལ་བ་ལྟ་བུ་ཕ་མ་བླ་མ་ལ་སོགས་པ་སུ་ལ་ཡང་མི་བྱ། དེ་བསྒོམ་ན་ཅི་ནས་ཀྱང་ཤགས་ངན་ཡོད་པས། ཤགས་ངན་མ་རྒོད་ཅེས་བྱ་བ་ནི། མི་སྐྱ་ཐ་མལ་པ་ཡིན་ཀྱང་ཤགས་ངན་སྣ་ཚོགས་ཡོང་བ། དེ་ལ་མིས་ཀྱང་འཕྱ། རང་ཡང་མ་བཏུབ་ན་ཆོས་བྱེད་པའི་གང་ཟག་གིས་ཤགས་ངན་སྣ་ཚོགས་བྱེད་ན་ཆོས་པར་མ་བཏུབ། ཁྱད་པར་དུ་བློ་སྦྱོང་བའི་གང་ཟག་གིས་ཁྱེད་ཅེས་ཤགས་ངན་བྱེད་ན་ཆོས་པར་མི་བཏུབ། ཁྱད་པར་དུ་བློ་སྦྱོང་བའི་གང་ཟག་གིས་ཁྱེད་ཅེས་ཤགས་ངན་བྱེད་ན་གཏོང་ལེན་དང་འགལ་བས་མི་བྱ། རང་གིས་མ་ཉེས་པ་དང་གཞན་གྱིས་ཉེས་པ་ཤགས་ངན་གྱི་རྗེས་སུ་རང་གི་ཉོན་མོངས་འབྲང་ནས་གཞན་གྱི་འཚང་རུས་པའི་གཏིང་ནས་འབྲུ་བའི་བཟོང་བུ་མཆུ་རིངས་མི་བྱ། རང་ཅག་ཡུལ་ཡུལ་ལ་སོགས་པར་སྐྱེ་ཙ་སྐྱེ་རེང་རེང་ཤགས་ངན་མི་རྒོད་པ་གཅིག་གལ་ཆེ། དེ་ལྟར་མི་རྒོད་པ་ལ་འདི་དགོས་པས། ཀོ་ལོང་མ་སྡོམ། ཞེས་བྱ་བ་སྟེ། འདི་ཀུན་བཏགས་པ་ཡིན་པས་གྲོས་བྱར་བཏུབ། གཞན་ཤུགས་ཀྱིས་རང་དབང་མེད་པར་ཡང་ཡོང་བ་ཡིན། ལན་ཅིག་མ་བསྡམས་ན་ཇི་སྡོམ་དུ་ཆད། སྡོམ་ན་སྡོམ་སྙིང་རྗེ་འདོད་དུ་ཆ། ད་ལྟ་སྡེར་མེད་ན་ཟན་མི་ལེན། ཨེན་ཙམ་རེའི་ཉེས་ལེགས་ལ་བསྡམས་ནས་ཁོ་བོའི་ཇ་སུན་གྱི་དོད། དེ་རིང་གི་བཀའ་མཆིད་དེ་ལ་གྱི་ཟེར་བ་ལྟར་མི་བྱ། རང་ལ་གནོད་པ་དང་། སྔར་དམའ་ཕབ་པ་དང༌། ཚིག་ངན་བསྣུན་པ་ལ་སོགས་པ་ཅི་བྱས་ཀྱང་རང་ལ་གྱོད་གདའ། ཚིག་ངན་གྱི་ལན་ལ་སོགས་པ་མི་བྱ་ཞིང་། སེམས་ཀྱི་ཀོ་ལོང་མི་སྡམ། ད་ལྟ་ཆོས་གཉེན་པོར་མ་སོང་བས་བཟོད་སྟོབས་ཤའུ་ཁས་ཆུང་། ཀོ་ལོང་གཙང་བཙན་པས་ དམ་པར་འདུག་སྟེ། ཆོས་བྱས་པས་གོ་མི་ཆོད་པས་བདག་འཛིན་གྱི་གཉེན་པོར་འགྲོ་བར་བྱ། རྣལ་འབྱོར་པ་ཆེན་པོ་མཐོ་མཐོ་རླུང་། དམའ་དམའ་ཆུ་ལ་བསྐྱུར་གསུངས་པ་ལྟ་བུ་གཅིག་དགོས། འདི་མེད་ན་རྩ་བ་མེད་པས་བློ་སྦྱོང་ཡོང་མི་སྲིད། དུས་ཐམས་ཅད་དུ་སེམས་སྒོ་ནས་ཁྲིས་སེ་བརྩིག་དགོས། འདི་བྱུང་ན་ཆོས་ཀྱི་སྲོག་རྩ་ཡིན་པས་བློ་སྦྱོང་གཞན་རྣམས་རང་གི་ངང་གིས་ཡོང་། འདི་མེད་ན་ཤགས་ངན་རྒོད་པ་ཡང་སྲིད། སུ་དང་འགྲོགས་ཀྱང་མི་བདེ་བས་ཀོ་ལོང་སྡོམ་པས་ལེན་པས་ལེགས་ཉེས་ཅི་བྱུང་ཡང་རང་གི་ནང་དུ་མིད་ནས་སྡོད་པ་ཅིག་དགོས། དེ་ལྟ་མ་ཡིན་ན་ནག་པོའི་ཆོས་བཞི། སེམས་ཅན་བློས་སྤོང་། སྐྱབས་ཀྱི་དམ་ཚིག དགེ་སྦྱོང་དུ་བྱེད་པའི་ཆོས་བཞི་པོ་རྩ་བ་ནས་གཅོད། དཔོན་སློབ་དམ་ཚིག་ཉམས་སུ་འདིས་འཇུག བཟའ་མི་ནང་འདིས་མི་མཐུན་དུ་འཇུག བྲང་ཟླ་མི་རྙེད་དུ་འདིས་འཇུག་པས་འདི་དང་དུས་ཐམས་ཅད་དུ་འབྲེལ་བ་མེད་པ་གཅིག་དགོས་པས། ཇ་སུན་མཐོ་དམན་དང་འདུག་ས་ལེགས་ཉེས་ལ་ཀོ་ལོང་མི་སྡམ། ཡང་ཀོ་ལོང་ལ་སྡོམ་པ་རེ་ཡོད་པ་མིན། ར་སྒྲེང་བའི་རྣམ་པར་ཐར་པ་ལ་གནོད་པ་ཅིག་བྱུང་ན་ཀོ་ལོང་བསྡོམས། བསྡམ་ཡང་དགོས་གསུངས། དེའི་རྣམ་པར་ར་པ་ཁྱིམ་པ་དང་ཐུན་མོང་པས་སོ་ནམ་བཞི་ལ་སོགས་པ་མི་བྱེད་པ་དང༌། ཆང་སྲོག་ལ་བབས་ཀྱང་མི་འཐུང་བ་དང༌། ཆོས་སྤྱོད་བཅུ་ཀ་མི་སྤོང་བ་ལ་སོགས་པ་དུ་མ་ཡོད་པ་དེ་རྣམས་ལ་འགལ་ན་ཀོ་ལོང་སྡོམ་པ་ཅིག་དགོས། དེ་ལ་འདི་ཡང་དགོས་པས་འོར་ཆེན་མ་འདོད། ཅེས་བྱ་བ་ཏེ། རང་གི་གཞན་ལ་ཕན་པ་བྱས་པ་ལ་ལན་བྱེད་པ་བྱུང་ན་ཕྱ་བྱད་བཟང་། ཁྱོད་ལྟར་བྱེད་པ་མི་ཡོང་བར་གདའ་ཟེར། ལན་བྱེད་པ་མ་བྱུང་ན་ངས་དཀའ་སླ་སྐྱིད་སྡུག་དེ་ཙམ་བྱས་ཀྱང་འོར་ཆེན་ཙམ་ཡང་ཁ་ནས་མི་ཐོན་པ་འདུག མི་ལ་བྱས་མ་བྱས་མེད་ཟེར་བ་ལྟ་བུ་བསམ་དུ་མི་རུང་། དེ་ཡང་ངོ་མི་རྟག་པས་མི་ཡོང་བས་ཡུད་ཙམ་པ་མི་བྱ། ཅེས་བྱ་བ་སྟེ། རེས་ཅི་བྱེད། རེས་ཅི་བྱེད་ཀྱི་མི་ཡོང་། ཁ་ཅིག་བྱེད་བྱེད་འདྲ་བྱས་ནས། ཡང་སུན་སུན་ལྟར་འདོར་བ་དང་། མི་དང་འགྲོགས་པ་ན་ཡང་མཛའ་བ་དང་འཐབ་པ་ལ་ཚེགས་མེད་པ་མི་བྱ་ཏེ་གཞུ་བཟང་པོའི་རྒྱུད་ལྟར་དུ་སྐྱོ་བསུན་མེད་པར་ཐང་ངེ་སྒྲེང་ངེ་ཉམས་སུ་ལེན་པར་བྱེད་པའོ།། ཡང་དུས་ལ་བབ་ན་ངན་ལན་བྱེད་པ་མི་རུང་བས། འཕྲང་མ་སྒུག་ཅེས་བྱ་བ་སྟེ། སྟོན་པ་དར་ལ་འབར་ན་བས་རིམ་གྲོ་ལྷོ་བྲག་པ་ཡོའི་ཁྲལ་བསྡུས་ནས་བྱེད་པར་གླེང་བ་ན། དར་མ་རིན་ཆེན་ཤེད་ཞག་གཅིག་འདི་ངའི་ཁ་དོག་དུ་མི་འདུ་བ་གཅིག་བྱུང་བ་ཞེས་པ་ལྟ་བུ་དང་། འཕན་ཡུལ་བ་གཅིག་གི་གཉལ་དུ་གནས་ཅིག་ཏུ་སྤུར་ཕྱིན་པས་བཙུན་པ་ཅིག་གི་སྒོ་དབར་དུ་བརྩིར་ཕྱིས་འཕན་ཡུལ་དུ་མ་པར་ཡོད་ཙ་ན་བཙུན་པ་དེ་བྱུང་བས། མི་དེས་སྔར་སྒོ་དབར་བརྩིར་བ་ཞེ་ལ་བཞག་ནས། འོ་ཅག་ངོ་ཤེས་པ་ཡོད་བྱས་པས་བཙུན་པ་མེད་འོད་ཟེར་བས་གནས་འདིར་སྒོ་དབར་དུ་བརྩིར་བ་ངོ་ཤེས་བྱས་ནས་རྨ་ཕབ་པ་དེ་ལྟ་བུ་ལ་འཕྲང་སྒུག་ཟེར་བ་ཡིན། སེམས་བསྐྱེད་བྱས་པ་དང་། བློ་སྦྱོང་བསྒོམ་པས་འདི་བསམ་པའི་སྐབས་མེད། འདི་ཡོད་རིང་ལ་དེ་གཉིས་ཡོད་མི་སྲིད་པས་ཡང་རང་ལ་གཞན་གྱི་ངན་བྱས་པས་ང་ལན་མ་གྲུབ་པ་ཞེ་ལ་བཅངས་ནས་གྲུབ་ཙ་ན་བྱེད་པ་སྟེ། ཡང་རང་གི་ཉེས་པ་གཞན་ལ་བརྒལ་དུ་མི་རུང་བ་ནི། མཛོ་ཁལ་གླང་ལ་མ་བྱོ། ཞེས་བྱ་བ་སྟེ། མི་འདོད་པ་རང་ལ་འབྱུང་གིས་དོགས་ནས་གཞན་ལ་བྱོ་བྱོ་བྱེད་པ་དེས་བློ་སྦྱོང་ཡོང་མི་སྲིད། སོ་སོའི་སྐྱེ་བོ་ལས་མི་ཡོང་བྱ་བ་མིན་ཏེ། གཉེན་པོས་སུན་འབྱིན་པ་ཡིན་ཏེ། འཆད་ཀ་པ་མཚན་ཉིད་ཀྱི་གྲ་ས་ན་བཞུགས་པའི་ཚེ་གྲོགས་པོ་སྟོན་པ་ཟླ་གྲགས་བྱ་བས། གནས་པོའི་ཁང་པའི་སྟེང་དུ་མལ་བཅས་པས་སྐར་ཁུངས་ནས་རྡོ་ཤོར་བ། འོག་ན་དཀར་ཡོལ་གྱི་ཀོང་རྩེ་ཡོད་པའི་སྟེང་དུ་ལྷུང་ནས་རུམས་ཀྱིས་སོང་བ་གསང་། གཞན་ཞིག་ལ་བཙུགས་ནས་མ་ལེགས་པ་ཆེན་པོ་ལ་ཐུག་གསུངས། དེ་ན་སྣོད་བཅག་པ་དང་ཚིགས་བཅད་བྱས་པ་གཞན་ལ་མ་བསྒྱུར། ལས་ཀ་ལ་སོགས་པ་གཞན་ལ་མི་བྱའོ།། ཡང་འདོད་ཤོས་ཅི་ཐོབ་བྱེད་པའི་འགྱོགས་ཀྱི་རྩེ་ལ་མི་རྟགས་ཅེས་བྱ་བ་ནི། འདོད་པ་སྤྱི་སོ་ན་འདུག་པ་མ་རྩེ་རྟོགས་པ་འདི་ངན་པ་ཁོ་ན་ལ་ཡོང་བའི་ངེས་པ་མེད། བཟང་པོ་དྲན་ཤེས་ཆེ་རེ་བ་ཀུན་ལ་སླར་འབྱུང་ཉེ། འདི་དགེ་བཤེས་གྲོ་ལུང་པ་བསྒྲེས་པོ་བྱེད་ཙ་ན། གང་འདོད་པ་དང་ལེགས་པ་གཡོར་རྩང་དང་ཕན་ཡུལ་བ་ལ་བྱིན། གང་ན་མ་བཏུབ་པ་དེའི་ནང་ནས་ཀྱང་ཁོང་དག་གི་བྱས་པ་བཞིན་དུ་དགོས། དེ་ལྟ་རྒན་པས་དེ་ཙུག་བྱས་ཀྱང་གཞོན་པས་འབུག་ཏུ་ཡོང་། དེ་ཤོར་ཐབས་ནི་མེད་ཡང་། གཞུང་བཟང་པོ་ལ་མ་བརྟེན། ཞེས་བྱ་བ་ནི། རང་ལ་གནོད་པ་བྱས་པ་ལ་འདི་བཞིན་དུ་བྱས་ཞེས་འཁོན་དུ་བྱས་པ་དང་། གཞན་ལ་གྲོས་ལ་སོགས་པའི་ཕན་པ་བསྟེན་པ་ལ་ཉན་དུ་མ་འདོད་ན། ཕྱིས་ངས་དེ་ཙ་ན་བྱ་སྟེ་མ་བཏུབ་པ། ད་ནི་ཅི་དགའ་བ་གྱིས་ཞེས་ཡུན་དུ་འཆང་བ་མི་བྱ། ད་ལྟ་ཉོན་མོངས་པ་བྱུང་དུ་མ་ཚོར་བ་དེ་གཉེན་པོ་མ་བསྟེན་པས་ཡིན། གཉེན་པོ་བསྟེན་ན་ཆུའི་གཉེར་མ་ཙམ་ཡོད་པས་འབུར་འཇོམས་བྱེད་དགོས་གསུངས། ཡང་གནད་ལ་མི་དབབ། ཅེས་བྱ་བ་ནི། ཁྱོད་ཕ་ནས་ངན་བྱ་བ་ལ་སོགས་པ་དང་། རབ་ཏུ་བྱུང་བ་ཀུན་ལ་ཁྱོད་ཀྱི་མཁན་སློབ་ལ་སྡོམ་པ་མེད་ཅེས་དང་། ཁྱོད་རང་ལ་སྡོམ་པ་མེད་ཅེས་པའམ། གཞན་གྱི་མི་བསད་པ་གཞན་ལ་རྒྱུས་མེད་པ་ལ་ཁྲོམ་དུ་སྒྲོག་པ་ལྟ་བུ་ཏེ། འདི་དུག་མ་བླུད། མཚོན་མ་བཏབ་པ་ཡིན་ཡང་བློ་སྦྱོང་འདིའི་ངོས་ནས་འདི་ལས་སྡིག་ཆེ་བ་མེད། ཁོ་བསད་པ་བས་ཀྱང་ཐུ་བ་ཡིན། སྔོན་རྒྱ་སྟོན་བྱིས་པ་ཙ་ན་གཞན་གྱི་རྟ་དཀྲོགས་ནས་བྲག་ལ་འཕྱོངས་ནས་བསད་པས། ཕ་མས་བརྡུངས་པས་མའི་ང་རྡོང་ང་ལ་རྡོ་རྒྱབ། དེར་ཁྱིམ་དུ་མ་བཙུད་པ་ལ་ཁོས་ཁྱེད་རང་གི་ཡོན་བདག་རྡོ་རྗེ་དབང་ཕྱུག་གི་འབྲི་རྐུས་ནས་གསོད་པ་ཟེར་ཞིང་འོ་དོད་བོས་ནས་རྟ་སྐྱིན་དང་། འབྲི་སྐྱིན་དང་། བབ་པ་ལྟ་བུ་འདི་ལས་སྡིག་ཆེ་བ་མེད་གསུངས། ཡང་གོ་ལོག་མི་བྱ། ཅེས་བྱ་ནི་གོ་ལོག་དྲུག་སྟེ། འདུན་པ་དང་། རྗེས་སུ་ཡི་རང་བ་དང་། རོ་མྱང་བ་དང་། གཉེར་སེམས་དང་། སྙིང་རྗེ་དང་། བཟོད་པ་གོ་ལོག་གོ །དེ་ལ་འདུན་པ་གོ་ལོག་ནི། ཆོས་སྒོར་ཞུགས་ནས་ཆོས་ལ་འདུན་པ་མི་བྱེད་པར་འཇིག་རྟེན་པའི་ཆོས་ལ་འདུན་པའོ། །རྗེས་སུ་ཡི་རང་བ་གོ་ལོག་པ་ནི། ཆོས་བཤའ་མ་བྱེད་པ་ལ་རྗེས་སུ་ཡི་རང་བ་མི་བྱེད་པར་རང་གནག་པ་ལ་མ་ལེགས་པ་བྱུང་བ་ལ་ཡིད་རང་བསམ། སྡིག་བྱེད་པ་དེ་ཁོ་ལ་བབ། ཁོས་མ་ལན་བྱེད་དགོས་པར་ཡོད་ཟེར་བ་དང་། རྒྱ་བྱང་རྡོར་བབས་པ་ལ་གཡོར་དར་མ་ལེགས་ཤེད། ངན་པ་ཡང་དག་པ་སྙིང་ཚིམ། སྐྱ་ཞལ་གྱི་སོང་ངམ་ཟེར་བ་ལྟ་བུ་སྒོམ་དུ་མི་རུང༌། རོ་མྱོང་བ་གོ་ལོག་ནི། སྔར་བཤའ་མ་བྱུང་བའམ། རྟོགས་པ་ཁྱད་པར་ཅན་བྱུང་བའམ། བྱང་ཆུབ་སེམས་དཔའི་སྤྱོད་པ་དང་མཐུན་པའི་དགེ་བ་ལ་རོ་མི་མྱང་བར། སྔར་དགྲ་བརྟུལ་བ་དང་། འདོད་པ་སྤྱད་པ་ཡིད་ལ་དྲན་ཞིང་རོང་མྱང་བར་བྱེད། དེས་ཁམས་སོས་གཉིད་སངས་འགྲོ་ན་དམྱལ་བར་འགྲོ་བར་ཤེས་པར་བྱ། གཉེར་སེམས་གོ་ལོག་ནི། བྱང་ཆུབ་སེམས་དཔའི་གཉེར་སེམས་བྱ་བ། ནམ་མཁའི་མཐས་ཁྱབ་ཀྱི་སེམས་ཅན་ཐམས་ཅད་ཀྱིས་མ་མ་བྱས་པ་མེད། དེ་ཡང་དྲིན་ཅན་གྱི་མ་ཡིན་པ་དེ་རྣམས་དམྱལ་བར་སྡུག་བསྔལ་གྱིས་དོགས་དང༌། འཁོར་བར་གནས་པ་རྣམས་སྡུག་བསྔལ་ལས་གྲོལ་བ་དང་། བདེ་བའི་མཆོག་སངས་རྒྱས་ལ་འགོད་པ་ཡིན། རང་གི་ཁ་འོག་ཏུ་འདུ་བ་རྣམས་ཆོས་ལ་སྦྱོར་བའི་གཉེར་སེམས་མི་བྱེད་པར་ནོར་བསོག་པ་དང༌། གཉེན་སྐྱོང་བ་དང་། ཚེ་འདིའི་བྱ་བྱེད་ལ་སྦྱོར་བ་དང་སེམས་ཅན་ཐམས་ཅད་བདེ་བ་ལ་འགོད་པའི་སེམས་བསྐྱེད་པའི་གཉེར་སེམས་ཡིན་པ་ལ། སེམས་ཅན་བདེ་བ་ལ་ཕྲག་དོག་པ་དང༌། རང་དང་མཉམ་པོ་གོང་དུ་ཤོར་གྱིས་དོགས་པ་ལ་བློ་སྦྱོང་ཡོང་མི་སྲིད་གསུངས། སྙིང་རྗེ་གོ་ལོག་ནི། སྡུག་བསྔལ་དང་སྡུག་བསྔལ་གྱི་རྒྱུ་ལ་གནས་པ་ལ་སྙིང་རྗེ་མི་བསྒོམ་པར་ཆོས་བྱེད་པའི་དཀའ་སྤྱོད་ལ་སྙིང་རྗེ་བསྒོམ་པའོ། །བཟོད་པ་གོ་ལོག་ནི། ཆོས་ཀྱི་ཆེད་དུ་དཀའ་སྤྱོད་ཅུང་ཟད་ཀྱང་མི་ནུས་པར་འདོད་པའི་ཆེད་དུ་ཚོང་། སོ་ནམ་དང༌། དགྲ་འདུལ། གཉེན་སྐྱོང་གི་དཀའ་བ་དུ་མ་ནུས་པའོ།། ཡང་ལྷ་བདུད་དུ་མི་དབབ། ཅེས་བྱ་བ་ནི། འཇིག་རྟེན་པའི་ལྷ་མ་མགུ་ན་གནོད་པ་བྱེད་པ་དེ། ལྷ་བདུད་དུ་སོང་བ་ཡིན། དེ་བཞིན་དུ་བློ་སྦྱོང་གིས་ང་རྒྱལ་གཞན་ལ་བརྙས་པ་བྱེད་པ་སྟེ། ང་མིན་པས་བདེན་པས་གཞི་མི་ཤེས། བློ་སྦྱོང་མིན་པས་སངས་རྒྱས་མི་ཐོབ་ཅེས་པ་ལ་སོགས་པ་རྐུན་མ་ནགས་ལ་བཏང་ནས་རྗེས་བྲག་ལ་གཅོད་པ་ཡིན་པས་དེ་དག་སྤང་ལ། སྨན་ནད་ཐོག་ཏུ་བཏང་ཞིང་། ཞིང་བདག་འཛིན་ལ་རྨ་ཕེབས་པར་བྱས་ལ་འགྲོ་བ་ཀུན་ལས་བྲན་གྱི་ཐ་མ་བཞིན་ གནས་པར་བྱའོ།། དེ་ཡང་ནམ་དགོས་ཆ་མེད་པས། ཡོངས་སུ་ཐུབ་པར་བྱ། ཅེས་བྱ་བ་ནི། དཔེར་ན་རྟ་ལ་བྱང་ཆེ་བ་ཀུན་གྱི་མ་ཡེངས་ན། མི་བདེ་བའི་སར་ཡང་མི་སྐྱུར་ལ། ཡེངས་ན་ཐང་བདེ་བ་ལས་ཡང་བློ་བུར་དུ་རྟ་འགྲོགས་ན་རྡེབ་པ་ཡིན། དེ་བཞིན་དུ་གཉེན་པོ་བརྟན་ན་རྐྱེན་ངན་ཆེན་པོས་ཀྱང་བློ་སྦྱོང་མི་ཉམས་ཀྱང་གཉེན་པོ་བསྟེན་རྒྱུ་མེད་པའི་དུས་སུ་རྐྱེན་ཅུང་ཟད་ཀྱིས་ཆོས་འཆོར་བས་རྟག་ཏུ་མ་ཡེངས་པར་སྦྱོང་བ་གཅིག་དགོས་ཏེ། བདག་གིས་དེ་རིང་བདག་འཛིན་ཐུལ་པ་ལ་མ་ཡེངས་པར་དྲན་པར་བྱ། ཉོན་མོངས་པར་མ་ཤོར་བར་བྱ་སྙམ་དུ་འཕེན་པ་གཏོང༌། དེ་ནས་ལྷན་ཅིག་རྗེས་སུ་གཅོད་པས་ཉེས་པས་གོས་སམ་མ་གོས་སྙམ་དུ་རྟོགས་ཏེ། དུས་དེ་ལྟར་རྟོགས་ནས་མ་ཤོར་བར་བྱེད། རྟག་ཏུ་ཡེངས་པ་མེད་པ་གཅིག་ཐམས་ཅད་དུ་ཁྲིས་སེབ་བརྩིག་དགོས། འདི་དང་བྲལ་དགོས་ན་མི་ནག་པོ་ཕལ་བ་ལས་མི་ཡོང་། ཡེངས་མེད་དུ་སྒོམ་པའོ།། ཡང་རེས་འཇོག་མི་བྱ། ཅེས་བྱ་བ་ནི། རེས་བློ་སྦྱོང་སྒོམ་རེས་བློ་མ་ཁེལ་བར་གན་འདྲ་ཚོལ། མཚན་ཉིད་པ་ལ་ལ་དག་སྡེ་སྣོད་དུ་མ་ཤེས་ཀྱང་འཆི་བ་དྲན་ན་འདིས་གོ་མི་ཆོད་སྙམ་ནས་སྔགས་པ་ཆུང་མ་ཅན་རེའི་གམ་དུ་འགྲོ་བ་ཡང་ཡོད། དེ་བཞིན་དུ་ཁ་ཅིག་འདྲེས་གནོད་ཀྱི་དོགས་པས་དྲག་སྔགས་ཁོ་ན་ཟློག རེས་འགའ་གཏོང་ལེན་བསྒོམ། རེས་འགའ་ཚེ་འདིའི་ཆེ་ཐབས་སྒྲུབ། རེས་འགའ་ཕྱི་མའི་དོན་བྱེད་པ་དེ། ཞོན་པ་གཉིས་ལ་བཞོན་ན་བར་དུ་ལྷུང་། ཁ་ཅིག་ནི་སྒོམ་པས་སྙིང་པོ་བགྲང་མ་དགོས་ཟེར་བ་དང་། ལྟུང་བ་བཤགས་མི་དགོས། ལྟུང་བས་ལུས་ལ་གནོད་དམ་སེམས་ལ་གནོད་ཟེར་བ་དང༌། དཀོན་མཆོག་ལ་མཆོད་པ་བྱས་ནའམ། མིས་མཐོང་དུ་རེ་བའམ། མཐོང་ན་དགའ་བ་བྱུང་བས་ས་གཏོར་བ་ཡོད་དེ། དེ་ཐམས་ཅད་ནོར་ཟེར་བར་གདའ། དོན་འདིར་ཇི་ལྟར་བྱེད་ན། ལྟ་བའི་ཤན་སྤྱོད་པ་ལ་མ་ཕོག་པར་ལུས་ངག་གིས་སངས་རྒྱས་ཀྱི་བཀའ་ལས་ཇི་ལྟར་འབྱུང་བ། འདུལ་བ་ལས་ཇི་ལྟར་བཅས་པ། ཇོ་བོ། སྟོན་པ། པོ་ཏོ་བ་གསུམ་གྱི་གདམས་ངག་ལས་ཇི་ལྟར་འབྱུང་བ་རྣམས་གྲ་མ་ཆགས། ཟུར་མ་ཉམས་པར་སྒྲུབས་ལ་བསམ་པ་འདི་འབའ་ཞིག་སྦྱོང་བའོ། །ཡང་སྤྱོད་པའི་ཤན་ལྟ་བ་ལ་ཕོག་ནས་རྣམ་རྟོག་གི་མདུད་པས་བཅིངས་པ་ཡོད། ཡང་ཁ་ཅིག་སྔགས་ལ་བརྟེན་ནས་འདུལ་བ་ཕྱི། འདུལ་བ་ལ་བརྟེན་ནས་སྔགས་ཕྱི། ཆོས་ཐམས་ཅད་གྲུ་བཞིར་ཁྱེར་ཤེས་པ་ངའི་བླ་མ་རྒྱ་གར་ར་བ་བ་ལས་མ་བྱུང་བ་ཡིན་ཞེས་གསང་ཕུ་བ་གསུང་སྐད། འདི་ལ་གོ་བས་མཐའ་ཆོད་པ་དང་། བྱེད་ངོ་ཤེས་པ་ཅིག་མ་བྱུང་ན་ཁ་ཅིག་གི་ཇི་སྐད་བྱས་པས་ཇི་ཙུག་ཡིན་ནམ་སྙམ་པ་ཡོང་བས་དེ་ཙུག་མ་གོ་བར་སྒྲོ་འདོགས་རྦད་ཀྱི་ཆོད་པར་བྱས་ལ། ཉམས་སུ་ཟུང་འཇུག་ཏུ་བླང་བར་བྱའོ། །ཟས་གོས་ལ་སོགས་པའི་རྣལ་འབྱོར་ཐམས་ཅད་འདིས་བྱ། འཆི་བའི་ཚེ་ཡང་གཞན་གྱི་སྐྱེ་ཤིའི་སྡུག་བསྔལ་ཐམས་ཅད་ལ་སྨིན་པར་གྱུར་ཅིག་པར་བློ་སྦྱོང་། འཛོམ་མ་འཛོམ་ལ་སོགས་པའི་ཡིད་ལ་བྱེད་པ་ཐམས་ཅད་སྤངས་ལ། འདི་ཁོ་ན་ཉམས་སུ་བླང་ངོ༌།། ཡང་གཏོ་ལོག་མི་བྱ། ཅེས་པ་ནི། ནད་པ་ཀུན་ཤི་ཡིས་དོགས་ནས་གླུད་གཏོར། གཏོ་བྱེད་པ་དེ་མི་འཆིར་རེ་ནས་བྱེད་པ་ཡིན། དེ་བཞིན་དུ་ཆོས་སྤྱིའི་དབང་དུ་བྱས་ན། གཞན་གྱི་སྡུག་བསྔལ་བླངས་པས་རང་ལ་བདེ་བ་ཡོང་དུ་རེ་བ་དང་། རང་གི་བདེ་བ་སེམས་ཅན་ལ་བཏང་བས་ཆུང་དུ་བཏང་བས་མང་པོ་རེ་བ་སྟེ། དེ་ལྟར་ན་ཤ་པོ་བ་ནི་རང་ཆོས་པར་སྟོན་པས་ཆོས་བྱེད་པ་བཟང་པོ་ཀུན་ཇ་སུན་གྱི་སེན་བག་རེ་བཏང་ནས་ངེད་ཅག་གྲོགས་པོ་ཡིན་ཟེར་བ་དང་། གནས་གཞི་ཁ་དྲག་པོ་ལ་འཇུ་བ་དང༌། ལྐོག་ཏུ་ཡོན་བདག་རེ་ལ་བུན་སྐྱེད་འཚོལ་བ་དང༌། ཨ་ཏི་ཐུམ་ཐུམ་བག་རེ་བཟློ་བར་བཞི་པོ་དེའི་གསེབ་ནས་ཆོས་པའི་ཡང་རྩེ་རེ་བ་སྟེ། བ་སྟོར་རེ་དང་ཆུས་ཁྱེར་རོ་ལྟ་བུ་ལ་གཅིག་ཡོད་ཅེས་འདིར་སངས་རྒྱས་ཀྱི་མཚན་ཉིད་དང༌། དེ་ཇི་ཙམ་དུ་གལ་ཆེ་བ་དང༌། དེའི་རྒྱུའི་གཙོ་བོ་གང་ཡིན་པ་དཔྱད་ནས་གནད་ཀྱིས་ཕུལ་ཏེ་བསྒོམ་པ་ཅིག་དགོས། དེ་ལྟ་མ་ཡིན་ན་གནུབས་ད་ལང་སྐྲ་འཛོམ་པས་ངན་པ་ཡང་དག་པ་འདི་རིག་པའི་གནས་ཀྱི་འཚོལ་ལུགས་སམ། ངས་ཅང་མ་བྱས་པར་འདི་ཙམ་པ་བྱུང་བ་ཡིན་བྱས་པས་ཨང་འོ་ན་འོ་སྐོལ་དཔོན་གཡོག་རྒྱག་པ་ཅིག་པར་བྱུང་གསུངས་པ་ལྟར་ཐོས་བསམ་སྒོམ་གསུམ་བྱས་པ་དང༌། བུམ་ཆོག་དང་བླ་ཁེ་བྱས་པ་ཐམས་ཅད་རྒྱག་པོ་ཅིག་པར་སོང་ན་རླུང་གི་ཁྱེར་བ་ཡིན་པས་ཅི་བྱེད་ཚེ་འདི་དང་། རང་གི་བདག་འཛིན་ལ་མ་འཁྲིས་པ་ཅིག་བྱེད་པའོ།། དེ་ལ་འདི་དགོས་པས། གཉིས་པོ་སྲོག་དང་བསྡོ། ཞེས་པ་ནི། སྤྱིའི་དམ་ཚིག་དང་། སྒོས་འདིའི་དམ་ཚིག་གོ །དང་པོ་ནི། སྐྱབས་འགྲོ་ལ་སོགས་པ་ཁས་བླངས་པ་དང༌། བླ་མའི་དམ་ཚིག་རྣམས་དང་འགལ་བ་སྲོག་དང་བསྡོས་ནས་མ་བྱེད་པའོ། །གཉིས་པ་འབན་ཆོས་པ་བཞིན་དུ་ལྟུང་བ་གླེང་རེས་ཀྱི་མདུང་ཁ་བྱེད་པ་དང༌། ལུས་ངག་ཏུ་བདག་གཞན་བརྗེ་ལོ་བྱེད་པ་ནི། འདི་ནས་བཤད་པའི། ཡན་ལག་ཉམས་པ་བརྗོད་མི་བྱ། །ཅེས་པ་ལ་སོགས་པ་དང་། འདུན་པ་བསྒྱུར་ལ་རང་སོར་བཞག །ཅེས་པ་ལ་སོགས་པ་དང་། འགལ་བས་འདིའི་དམ་ཚིག་དང་འགལ་བ་སྟེ། ལྟུང་བ་གླེང་བ་ནི། སྐྱོན་ཁོ་ན་ལ་རྟོགས་པས་བློ་སྦྱོང་ཡོང་མི་སྲིད། ལུས་ངག་ཏུ་སྐྱབས་འགྲོ་ལ་སོགས་པ་ཁས་བླངས་པ་རྣམས་གྲ་མ་ཆག ཟུར་མ་ཉམས་པར་ཉམས་སུ་བླང་དགོས་པ་ཡིན་གསུངས། དེ་ལ་འདི་དགོས་པས། རྟོག་དཔྱོད་གཉིས་ཀྱིས་ཐར་བྱ། ཅེས་པ་ནི། རང་རྒྱུད་ལ་ཉོན་མོངས་པ་གང་ཆེ་བརྟགས་ནས་དེའི་གཉེན་པོ་སྒོས་སུ་ བསྟེན་ནས་སྤང་པ་དྲག་པོ་བྱ། ཡང་ཁོང་གི་ལན་ཟེར་བའི་འདས་པའི་ཉེས་པ་དང་། མ་འོངས་པ་ནི་འདི་འདྲ་བྱུང་ན་གཉེན་པོ་འདི་བཞིན་བསྟེན། སྙམ་དུ་གོ་ཆ་གྱོན་ཞིང་སྤྱོད་པ་སྟེ། འདས་པའི་དབང་དུ་བྱས་ནས་ན་ཚ་དང་དགྲ་འདྲེའི་གནོད་པ་དང་། བྲང་ཟླ་མ་རྙེད་པ་དང་། ཁ་གྲང་ཟེར་བ་དང་། རྐུན་མ་དང༌། བརྡུང་རྡེག་ལ་སོགས་པ་གནོད་པ་ཅི་བྱུང་བ་ཐམས་ཅད་ཚེ་ཐོགས་མ་མེད་པ་ནས་ཀྱི་བུ་ལོན་དང་ལན་ཆགས་དང་ཤ་འཁོན་ཅི་ཡོད་པ་ཐམས་ཅད་དེས་བྱང་བར་གྱུར་ཅིག་པར་བློ་སྦྱོང་། མ་འོངས་པ་ལ་དོ་ནུབ་སྲིད་དམ། ཐོ་རངས་ནས་བཟུང་ནས་ཁྱལ་ཁྱོད་དེར་གཏོང་ན། ང་འདིར་ཆ་ཟེར་བ་ལྟར་ང་ལ་སྐུར་བ་འདེབས་པ་དང་། རྐུན་མ་འཛུགས་པ་དང་། འདི་ནས་བཏོན་ནས་གཏོང་བ་དང་། ནད་དྲག་པོ་ལ་སོགས་པ་འདི་ལྟ་བུ་བྱུང་ན་བདག་གཞན་བརྗེ་བའི་བྱང་ཆུབ་ཀྱི་སེམས་འདི་བཞིན་དུ་བསྒོམ་སྙམ་དུ་གོ་ཆ་གྱོན་པ་སྟེ། པོ་ཏོ་བ་རང་ཅག་ལ་བཙོང་མོ་ཅིག་གི་བུ་ཆུང་སྐྱེལ་དུ་བྱུང་ནས་ཞེས་པ་ལ་སྤྱན་སྔ་པ་ནི་མི་དགའ་བར་འདུག་ཅེས་དང་། ཕུ་ཆུང་བ་ང་ནི་འཆི་བ་བས་གསོ་བར་འདུག་ཅེས་པ་ལྟར། འདས་མ་འོངས་གཉིས་ལ་སྦྱར་ནས་བསྒོམ་རྟོགས་དཔྱོད་གཉིས་ཀྱི་ཐར་གྱིས་བདག་འཛིན་གྱི་འཁྲིས་གནོན་པར་བྱའོ། །པའོ། །དེ་ཡང་དུས་གཅིག་ཏུ་ཡོང་བ་ཅིག་དགོས་པས། དོལ་ཆོད་དུ་སྦྱང་། ཞེས་བྱ་བ་ནི། གཏར་ཀའི་རྩ་རྦད་ཆོད་བྱེད་པ་དོལ་ཆོད་ཟེར་བ་ལྟར་ཉོན་མོངས་པ་སྐྱེ་མ་ཐག་ཏུ་ཚམ་ཚོམ་དང་། ནེམ་ནུར་མེད་པར་གཉེན་པོས་འབུར་འཇོམས་བྱེད་པའོ།། དེ་ལ་ཡང་རང་དོན་དང་མ་འདྲེས་པ་གཅིག་དགོས་པས། དུག་ཅན་གྱི་ཟས་སྤང་། ཞེས་བྱ་བ་ནི། ཟས་བཟང་པོས་ལུས་བརྟས་པར་བྱེད་ཀྱང་དུག་དང་འདྲེས་ན་འཆི་བ་ལྟར། བྱང་ཆུབ་ཀྱི་སེམས་ལས་སངས་རྒྱས་འབྱུང་ཡང་། དངོས་འཛིན་དང་འདྲེས་ན་འཁོར་བའི་སྡུག་བསྔལ་སྐྱེད་པས་དུག་ཅན་གྱི་ཟས་དང་འདྲའོ། །ཡང་ཕྱི་མ་ལྷ་མིའི་བདེ་བ་དང༌། ཉན་རང་གི་ཐར་པའི་བདེ་བ་ཐམས་ཅད་བློ་སྦྱོང་གི་དུག་ཡིན་པས་སྤང་བར་བྱའོ།། ཡང་བདེ་བ་འདོད་པས་གཞན་ལ་ངན་སེམས་བྱར་མི་རུང་བ་ཉིད། སྐྱིད་ཀྱི་ཡན་ལག་ཏུ་སྡུག་མ་འཚོལ། །ཞེས་བྱ་བ་ནི། དགྲ་ཤི་ན་རང་ལ་གནོད་པ་བྱེད་པ་མེད་པ་དང༌། ཉེ་འབྲེལ་ཤི་ན་དེའི་ནོར་བདག་ལ་ཡོང་དུ་རེ་བ་དང་། སྒོམ་ཆེན་གྲོགས་པོ་ཤི་ན་ཡུལ་དེར་རང་ལ་བསོད་ནམས་ཡོང་དུ་རེ་ཐམས་བ་ལ་སོགས་པ་དང༌། ཁྱིམ་པ་དང་ཐུན་མོང་མའི་སོ་ནམ་རྣམ་བཞི་ལས་སྐྱིད་པ་རེ་བ་དང་། དེ་ཐམ ཅད་སྐྱིད་པ་འདོད་པས་སྡུག་བསྔལ་འཚོལ་བ་ཡིན། གླང་རི་ཐང་བའི་བླ་སྨན་ཇོ་བཙུན་རིན་བྱང་དཔོན་གཡོག་ལ་ཡོན་བདག་ཀུན་གྱི་ཞོ་བསྐུལ་ནས་སྐྱིད་པ་ལ་སྡུག་བཙལ་ཏེ། དེ་བས་ཀྱང་འཛོམ་པ་གཅིག་པ་བཞེད་ནས་མཛོ་མོ་གཅིག་སྲོལ་བས་ཞོ་ལ་སོགས་པ་སྐྱེལ་པའི་འཕྲོ་ཆད། དབྱར་མཛོ་ཞིང་གསེབ་ཏུ་སོང་ཞིང་ཉེ་གནས་པ་སྦྱོང་ལོ། །དེ་ལྟ་བུ་ལ་སོགས་པ་སྐྱིད་ཀྱི་ཡན་ལག་ཏུ་སྡུག་བསྔལ་འཚོལ་བ་མང་པོ་ཡོད་པ་རྣམས་སྤང་ལ། སེམས་ཅན་ཐམས་ཅད་བདེ་ན་དགའ། །སྐྱིད་ན་དགའ་བ་ལ་བསམ་པ་བཟང་ཟེར་བ་ཡིན་པས་དེ་ལྟར་བྱ་གསུངས། དེ་རྣམས་ཀྱི་ཐབས་ཀུན་རྫོབ་བྱང་ཆུབ་ཀྱི་སེམས་བསྒོམ་པ་བསྟན་ནས། ད་ནི་ཤེས་རབ་ཀྱི་ཆ་དོན་དམ་བྱང་ཆུབ་ཀྱི་སེམས་བསྒོམ་པ་བསྡུས་ཏེ་བསྟན་པ་ནི། བརྟན་པ་ཐོབ་ནས་གསང་བ་བསྟན། །ཞེས་པ་ནི། དོན་དམ་པའི་བྱང་ཆུབ་ཀྱི་སེམས་ཉམས་སུ་བླང་བར་བསྟན་པ་འདི་ལ་སྦྱོར་བ་དང་། དངོས་གཞི་དང༌། རྗེས་གསུམ་དུ་གནས་པ་ལས། དང་པོ་ནི། དཀོན་མཆོག་གི་མཆོད་ཁང་དུ་ལྷ་དང་བླ་མ་ལ་མཆོད་པ་ཕུལ་ལ་གསོལ་བ་བཏབ་ལ། བསམ་གཏན་གྱི་ཁང་པར་སྟན་བདེ་བ་ལ་སྐྱིལ་ཀྲུང་གིས་འདུག་ཏེ། དབུགས་ཉི་ཤུ་རྩ་གཅིག་བགྲང་ངོ༌། །དེ་ནས་ལུས་ངག་ཡིད་གསུམ་བསམ་གཏན་གྱི་སྣོད་དུ་རུང་བར་བྱས་པའོ། །དེ་ནས་ཀུན་རྫོབ་བྱང་ཆུབ་ཀྱི་སེམས་སྔོན་དུ་བཏང་ལ། དངོས་གཞི་ནི། འདི་ཀུན་གཅིག་ཅར་འཇུག་པའི་ལུགས་ཡིན་པས། དངོས་གཞི་བདག་ཐམས་ཅད་ཀྱི་སྟོང་པར་གཅིག་ཅར་བསྒོམ་ཡང་སྦྱོར་བའི་དུས་སུ་སོ་སོར་རྟོགས་པའི་ཤེས་རབ་ཀྱི་རིམ་པར་རྩིས་ལ་གདབ་སྟེ། འདི་ནི་ཞི་གནས་ཀྱི་རླན་གྱིས་རྟོགས་པའི་མྱུ་གུ་སྐྱེ་བའི་དགོས་པ་ཡོད་གསུངས། དེ་ལ་ཐོག་མར་བཟུང་བ་རང་བཞིན་མེད་པར་བསྒོམ་པ་ནི། ཆོས་རྣམས་རྨི་ལམ་ལྟ་བུར་བསམ། །ཞེས་པས་བསྟན་ཏེ། འདི་ལྟར་སྣང་བ་རང་བཞིན་གྱི་ཕྱི་ནང་སྣོད་བཅུད་འདི་ཐམས་ཅད་རང་གི་སེམས་འཁྲུལ་བའི་སྣང་བ་ཙམ་ལས་མ་གཏོགས་པ་སེམས་ལས་ཐ་དད་པའི་དོན་རྡུལ་ཙམ་ཡང་ཡེ་ནས་གྲུབ་པ་མེད། རིག་པས་སྤྱད་ན་རིགས་དོན་བདེན་པ་མེད་པར་སེམས་པ་དང༌། དེ་ནས་འཛིན་པ་རང་བཞིན་མེད་པར་བསྒོམ་པ་ནི། མ་སྐྱེས་རིག་པའི་གཤིས་ལ་སྤྱད། །ཅེས་གསུངས་པས་སེམས་འདི་ཡང་འདས་པ་འགག མ་འོངས་པ་མ་སྐྱེས། ད་ལྟ་བ་ཡང་ཆ་གསུམ་དང་ལྡན་ཞིང་གནས་འདི་ན་གནས་བྱ་བ་དང་། ཁ་དོག་དང་དབྱིབས་དང་བོང་ཚོད་ལ་སོགས་པ་གཤིས་སྤྱིར་མ་གྲུབ་ཅིང་མ་སྐྱེས་པར་བསམ་པ་དང་། དེ་ནས་ཆོས་ཐམས་ཅད་རང་བཞིན་མེད་པར་བསྒོམ་པ་ནི། གཉེན་པོ་ཉིད་ཀྱང་རང་སར་གྲོལ། །ཞེས་པས་ཡུལ་སེམས་ཐམས་ཅད་སྟོང་པ་ཉིད་དུ་དཔྱད་པའི་གཉེན་པོ་བྱེད་པའི་སེམས་འདི་ཉིད་ཀྱང་མ་གྲུབ་པས་ཡུལ་སེམས་གཉིས་སུ་མ་འདུས་པའི་ཤེས་བྱ་མེད་ལ། དེ་གཉིས་རང་བཞིན་མེད་པར་དཔྱད་ཟིན་པའི་ཕྱིར་རོ། །དེ་ལྟར་སྤྱིར་ཡང་མ་གྲུབ་པ་ལ་ཅིར་ཡང་མི་འཛིན་པའི་ངང་ལ་གློད་ལ། རིག་པ་གསལ་ལ་མི་རྟོགས་པ་འདི་བྱིང་རྒོད་ཀྱི་དབང་དུ་མི་བཏང་བར་སོ་མར་བཞག་གོ་ཅེས་སྟོན་པས། ལམ་གྱི་ངོ་བོ་ཀུན་གཞི་ངང་ལ་བཞག །བདུན་པོ་སེམས་བྱུང་རྟོག་པ་ སྣ་ཚོགས་བདུན་པོ་སེམས་བྱུང་རྟོག་པ་ཡིན་པས་རྟོགས་པའི་ཤེས་པ་ཡུལ་ཅན་རང་དག་པར་མི་བཏང་བར་རྟོགས་པ་གང་སྐྱེས་ལ། རིག་པས་བལྟས་ལ་ཆོས་ཉིད་ཀྱི་ངང་དུ་གློད་ལ་ཡིན་པས་སྤང༌། །ཞེས་གསུངས་པ་ཡིན་ནོ། །ཕྱི་རྟོགས་པ་སྐྱེས་ཚད་ཀྱང་རིག་པས་རིག་པ་ལ་ལྟས་ལ་ཆོས་ཉིད་ཀྱི་ངང་དུ་གློད་ཅིང་གྲོལ་བར་ ཆོས་ཐམས་ཅད་ཀྱི་རྩ་བའི་གཞི་སྨྲ་བསམ་བརྗོད་དུ་མེད་ཅིང་སྤྲོས་པ་དང་བྲལ་བས་གཞི་མ་ཇི་ལྟར་གནས་པ་བཞིན་དུ་སྤངས། དེ་ལྟར་བཞག་ཅིང་ཉམས་སུ་བླང་པར་བྱའོ། །དེ་ཡང་ཐུན་ཆུང་ལ་གྲངས་མང་བ་སྟེ། ཐུན་ཞབས་བསྡུ་བ་དང་བཅས་ཤིང་བཟང་གྱེས་བྱེད་པ་ཆོག་ཡིན་ནོ། །ཞེས་པ་ལྟར་རོ།། རྗེས་ལ་བྱ་བ། ཐུན་མཚམས་སྒྱུ་མའི་སྐྱེས་བུར་བསམ། །ཞེས་གསུངས་པ་ཡིན་ནོ། །ཕུང་པོ་ལྔ་དབང་པོ་དྲུག་སྤྱོད་ལམ་རྣམ་བཞི་ཐམས་ཅད་རྟེན་འབྲེལ་ཚོགས་པའི་སྣང་བ་སྒྱུ་མ་ལྟ་བུར་ཤེས་པར་བྱས་ནས་བདེན་འཛིན་དང་ཆགས་སྡང་ལ་སོགས་པའི་རྗེས་སུ་མི་འབྲང་བར་མ་རྟོགས་པའི་འགྲོ་བ་ལ་སྙིང་རྗེ་སྐྱེ་ཞིང་མཉམ་བཞག་གི་ཉམས་མ་དོར་བས་ཟུང་འཇུག་ཆེན་པོའི་ངང་ལ་གནས་པར་བྱའོ། །དེ་ལྟར་བསྒྲུབ་པ་ཐམས་ཅད་ཀྱང་། །དངོས་འཛིན་ཞེན་པས་མ་སླད་པར། །མཁའ་བཞིན་ཡེ་སྟོང་ཆེན་པོར་དགྱེར། །འཆི་མེད་བདེ་ཆེན་ངང་དུ་འགྲོ །ཞེས་གསུངས་པ་ཡིན་ནོ།། དུས་གསུམ་རྒྱལ་བ་སྲས་བཅས་ཀུན་གྱི་ལམ། །ཐེག་ཆེན་སྡེ་སྣོད་མ་ལུས་ཀུན་གྱི་བཅུད། །བླ་མ་རྣམས་ཀྱི་ཐུགས་དམ་ཀུན་གྱི་གཙོ། །བློ་སྦྱོང་གདམས་པ་ཟབ་མོ་འདི་ཡིན་ནོ། །རྣམ་དབྱེ་མ་ལུས་གཅིག་ཏུ་བསྡུ་ཕྱིར་དང༌། །རྣམ་དབྱེའི་བྱེ་བྲག་ཁྱད་པར་རྟོགས་ཕྱིར་དང་། །རྣམ་གཉིས་ལ་བརྟེན་གོ་བ་སླ་ཕྱིར་དང༌། །རང་སེམས་དགའ་བ་བསྐྱེད་ཕྱིར་འདི་བྱས་སོ། །རིན་ཆེན་བླ་མས་བླ་མའི་གསུང་ལ་བརྟེན། །རང་གིས་བློས་ཀྱང་ཅུང་ཟད་དོན་ལ་སྦྱོང་། །འབྲེལ་དང་གོ་རིམ་གནད་ཀྱི་གདམས་པ་དང་།། བཅས་པའི་ཚུལ་གྱིས་བློ་སྦྱོང་འདི་བཤད་དོ། །དེ་ལྟར་གྱུར་ལ་འགལ་འཁྲུལ་ཅི་མཆིས་པ། །བླ་མ་བརྒྱུད་པར་བཅས་ལ་བཟོད་པར་གསོལ། །ལ་ལས་མཐོང་སྟེ་མ་དད་སྐྱེས་གྱུར་ན། །རྒྱུ་མཚན་བསྟན་ཕྱིར་དེ་ཡང་བཟོད་པར་གསོལ། །བདག་གིས་འདི་སྦྱར་དགེ་བའི་མེ་ཏོག་ལ། །འགྲོ་དྲུག་བུང་བའི་ཚོགས་ཀྱིས་ཉེར་བསྟན་ཏེ། །གཞན་དོན་རོ་གཅིག་སྦྲང་རྩི་ལེགས་སྤྱད་ནས། །ཆོས་འདི་ནམ་མཁའི་དོན་དུ་བྱེད་པར་ཤོག། འདི་སངས་རྒྱས་བསྒོམ་པའི་ཚོགས་བཤད་ཆེན་མོ་ཡིན་ཞིང༌། སེམས་དཔའ་ཆེན་པོས་མཛད་པའི་བློ་སྦྱོང་གི་ཁྲིད་ཡིག་གི་བཏུས་གཞི་ཡང་འདི་ཡིན་ནོ། །ལུང་མ་ཐོབ། ཛ་ག་ཏཾ། །<br /> }}</div> Khenpo Tamphel https://bodhicitta.tsadra.org/index.php?title=File:Blo_sbyong_tshogs_bshad_ma.pdf&diff=140649 File:Blo sbyong tshogs bshad ma.pdf 2026-08-14T05:45:13Z <p>Khenpo Tamphel: </p> <hr /> <div></div> Khenpo Tamphel https://bodhicitta.tsadra.org/index.php?title=Texts/Blo_sbyong_tshogs_bshad_ma/Full_text&diff=140648 Texts/Blo sbyong tshogs bshad ma/Full text 2026-08-14T05:40:18Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |FullTextTibetan=༄༅། །བློ་སྦྱོང་ཚོགས་བཤད་མ་བཞུགས་སོ།།<br /> སངས་རྒྱས་བསྒོམ་པ་སེངྒེ་སྐྱབས། ༄༅། །ཀུན་མཁྱེན་ཐུགས་ནི་བརྩེ་བའི་དབང་གྱུར་ཅིང་། །གཞན་དོན་རོ་གཅིག་ཐུབ་དབང་སྲས་ཀྱི་གཙོ། །བྱམས་མགོན་ནས་བརྒྱུད་བརྒྱུད་པའི་བླ་མ་ལ། །རབ་དང་དགའ་བའི་ཡིད་ཀྱིས་ཕྱག་འཚལ་ཏེ། །ཐེག་ཆེན་ལམ་གྱི་རྩ་བ་བྱང་ཆུབ་སེམས། །བདག་གཞན་བརྗེ་བ་བླ་མ་རྣམས་ཀྱི་གསུང་། །བདེ་བའི་འབྱུང་གནས་དགེ་བའི་གཏེར་ཆེན་པོ། །ཁ་འབྱེད་གནད་ཀྱི་གདམས་པ་འདིར་བསྟན་བྱ།། ཡང་དག་པར་རྫོགས་པའི་སངས་རྒྱས་ཀྱིས་གསུངས་པའི་ཆོས་ཀྱི་འཁོར་ལོ་རིམ་པ་གསུམ། གསུང་རབ་ཡན་ལག་བཅུ་གཉིས། སྡེ་སྣོད་རིམ་པ་གསུམ། ཐེག་པ་ཆེ་ཆུང་། ཆེན་པོ་ལ་སྔགས་ཕ་རོལ་ཏུ་ཕྱིན་པ་རྣམས་ཀྱི་ཉིད་ཀྱིས་གཟིགས་པའི་ལམ་ཐུགས་རྗེས་གཞན་ལ་གསུངས་པས་ལེགས་པར་གསུངས་པའི་བཀའ་ཡིན་ལ། རྗེ་བཙུན་བྱམས་པ་ལ་སོགས་པས་དེའི་དགོངས་པ་བཀྲལ་བ་ནི་བསྟན་བཅོས་ཡིན་ནོ། །བཀའ་དང་བསྟན་བཅོས་ཐམས་ཅད་ཀྱི་བརྗོད་བྱ་མདོར་བསྡུས་པ་ནི། ང་ཟད་པར་བྱེད་པ་དང༌། གཞན་གཅེས་པར་འཛིན་པ་གཉིས་སུ་འདུས་སོ། །ཐེག་པའི་དབང་དུ་བྱས་ན། དང་པོ་ཉན་རང་གི་ཐེག་པས་བསྡུས་ལ། གཉིས་པས་ཐེག་ཆེན་བསྡུས་སོ།། དེ་ཉམས་སུ་ལེན་པ་ལ་སྔགས་ལ་བརྟེན་པ་དང་། ཕ་རོལ་ཏུ་ཕྱིན་པའི་ལུགས་གཉིས་ལས། ཕྱི་མ་ཉམས་སུ་ལེན་པ་ལ་ཇོ་བོ་ལ་ལུགས་གསུམ་མངའ་སྟེ། དང་པོ་དྷརྨ་རཀྵི་ཏ་ལ་ཞུས། འདི་རྟེན་དགེ་ཚུལ་དུ་བཞུགས། ཐུགས་རྗེ་ཆེ་བས་སྐུ་ཤ་བཅད་ནས་བཏང་། རིག་པའི་གདམས་ངག་སློབ་དཔོན་རྟ་དབྱངས་ཀྱིས་མཛད་པའི་མདོ་སྡེ་རྒྱན་གྱི་རྗེས་སུ་འབྲངས། ལུང་དབྱིག་པ་གསུམ་གྱི་ཕྲེང་བ་ལ་བརྟེན། དེ་གཉིས་ཀ་བོད་དུ་མ་འགྱུར་གསུང༌། འཇུག་ལུགས་བདེན་པ་བཞིའི་སྒོ་ནས་འཇུག ལྟ་བ་ཉན་ཐོས་བྱེ་བྲག་ཏུ་སྨྲ་བ་དང་མཐུན། སྒོམ་ལུགས་དང་པོ་ནས་བདག་གཞན་མཉམ་པ་ནས་བསྒོམ་གསུངས། འདི་ལ་དང་པོའི་བརྒྱུད་པ་མི་གསུང་། གཉིས་པ་འཇམ་དཔལ་ནས་བརྒྱུད། བླ་མ་བྱམས་པའི་རྣལ་འབྱོར་པ་ལ་ཞུས། བྱམས་པ་ཁོ་ན་བསྒོམ་པས་དེ་ལྟར་གྲགས། ཀུ་ས་ལི་ཆུང་བ་ཡིན། ཁྱི་ལ་དབྱུག་པ་རྒྱབ་པའི་རྗེས་བྱུང་བའི་གཏམ་རྒྱུད་ཅན་ཡིན། ལུང་ནམ་མཁའ་སྙིང་པོའི་མདོ་ལ་བརྟེན། རིག་པའི་མན་ངག་བསླབ་བཏུས་ཀྱི་རྗེས་སུ་འབྲངས། འཇུག་ལུགས་མདོ་སྡེ་གཞན་གྱི་སྒོར་འཇུག་པ། ལྟ་བ་ཉན་ཐོས་མདོ་སྡེ་པ་དང་མཐུན། སྒོམ་ལུགས་གོང་དང་འདྲ། གསུམ་པ་བྱམས་པ་ནས་བརྒྱུད། བླ་མ་གསེར་གླིང་པ་ལ་ཞུས། ལུང་དྲི་མ་མེད་པར་གྲགས་པའི་མདོ་ལ་བརྟེན། རིག་པའི་མན་ངག་བྱང་ཆུབ་སེམས་དཔའི་སའི་རྗེས་སུ་འབྲངས། ལྟ་བ་མུ་སྟེགས་པ་དང་ཡང་ཐུན་མོང་བ། འཇུག་ལུགས་ཕ་རོལ་ཏུ་ཕྱིན་པའི་སྒོར་འཇུག སྒོམ་ལུགས་དང་པོ་ནས་བརྗེ་བ་ནས་བསྒོམ། དེ་ལྟར་བརྒྱུད་པའི་ལུགས་གསུམ་ལས། འདི་བྱམས་པ་ནས་བརྒྱུད་པ་སྟེ། བྱམས་པ། ཐོགས་མེད། དབྱིག་གཉེན། བློ་གྲོས་བརྟན་པ་ནས་གསེར་གླིང་པའི་བར་དུ་བརྒྱུད་པའོ། །འདི་ལུང་དྲི་མ་མེད་པར་གྲགས་པའི་མདོ་ལས། འཇིག་ཚོགས་ལ་ལྟ་བ་དེ་བཞིན་གཤེགས་པའི་གདུང་ ཞེས་པ་དང༌། འཇིག་ཚོགས་ལ་ལྟ་བ་རི་རབ་དང་མཉམ་པ་བསྐྱེད་ཀྱང་། བྱང་ཆུབ་ཀྱི་སེམས་སྐྱེ་ཞིང་། དེ་ལས་སངས་རྒྱས་ཀྱི་ཆོས་རྣམས་ཀྱང་འབྱུང་ངོ་། །ཞེས་པ་ལ་སོགས་པ་དང༌། རིག་པ་བྱང་ཆུབ་སེམས་དཔའི་ས་ལས། བྱང་ཆུབ་སེམས་དཔའ་གནས་དབེན་པར་སོང་ནས། བསམ་པ་དག་ཅིང་སྙིང་ཐག་པ་ནས་དྭང་བས་ཀུན་ཏུ་རྟོག་པ་དག་གིས་སྦྱིན་པར་བྱ་བའི་ཆོས་རྣམ་པ་སྣ་ཚོགས་པ་རྒྱ་ཆེན་པོ་དཔག་ཏུ་མེད་པ་དག་ལ་མོས་ཤིང་སེམས་ཅན་ལ་སྦྱིན་པ་དག་སྟོབ་པར་བྱེད་ན། དེས་བྱང་ཆུབ་སེམས་དཔའ་ཚེགས་ཆུང་ངུས་ཚོགས་དཔག་ཏུ་མེད་པ་འཕེལ་བར་འགྱུར་རོ། །དེ་ནི་བྱང་ཆུབ་སེམས་དཔའ་ཤེས་རབ་ཆེན་པོ་དང་ལྡན་པའོ། །ཞེས་པ་ལ་སོགས་པ་གསུངས་སོ། །གྲུབ་མཐའ་ཕྱི་རོལ་པ་དང་མཐུན་པ་ནི། ཀུན་ཏུ་བཏགས་པའི་བདག་འདོད་པ་མ་ཡིན་ཡང་། ལྷན་ཅིག་སྐྱེས་པའི་བདག་ལ་བརྟེན་ནས་བདག་འཁོར་བར་སྡུག་གི་དོགས་པ་དང་། བདག་གི་མ་དྲིན་ཆེ་བ་ལ་སོགས་པ་ལ་བརྟེན་ནས་བྱམས་པ་ལ་སོགས་པ་སྐྱེ་བས་འཇིག་ཚོགས་ལ་ལྟ་བ་དེ་བཞིན་གཤེགས་པའི་གདུང་ཞེས་པའི་དོན་ཡིན་ནོ། །ཇོ་བོ་བླ་མ་དྲན་གསུངས་ནས་བཤུམས་པའི་རྒྱུ་མཚན་ཡང་། ཁོ་བོའི་སེམས་བཟང་པོ་དུམ་ཙམ་འདི་བླ་མ་དེའི་དྲིན་ཡིན་གསུངས་པ་ལྟར་རོ། །འཇུག་ལུགས་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོར་འཇུག་པ་ནི། དང་པོ་བདག་གཞན་བརྗེ་བ་ལ་བརྟེན་ནས་ཐབས་ཀྱི་ཆ་གོམས་པར་བྱས་ནས། དེ་བརྟན་པ་ན་ཤེས་རབ་བསྒོམ་པ་སྟེ། ཇོ་བོའི་ལམ་སྒྲོན་ལས། ཐབས་གོམས་དབང་གིས་བདག་ཉིད་ཀྱིས། །གང་གིས་ཤེས་རབ་རྣམ་བསྒོམ་པ། །དེས་ནི་བྱང་ཆུབ་མྱུར་དུ་ཐོབ། །བདག་མེད་གཅིག་པུ་བསྒོམས་པས་མིན། །ཞེས་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་སྟོབས་ཀྱིས་ཁྲིད་པར་བྱ་བ་ཡིན་གསུངས། འདི་ལ་ཕྱིར་མི་ལྡོག་པའི་རྟགས་སྦྱོར་ལམ་ནས་ཡོང་གསུངས། འདི་ཇོ་བོས་དགེ་བཤེས་སྟོན་པ་མིན་པ་ལ་མ་གནང་། སྟོན་པས་ཁུ་ལ་སོགས་པ་ལ་འདི་དང་འདི་གནང་ནས། ཁོ་བོ་ལ་འདི་གནང་བ་ཇི་ལྟར་ལགས་ཞུས་པས། ངས་ཁྱོད་མ་ཡིན་པ་ལ་བསྟན་ས་མ་རྙེད་པ་ཡིན་གསུངས་སྐད། དགེ་བཤེས་སྟོན་པས་ཀྱང་པོ་ཏོ་བ་མ་ཡིན་པ་ལ་མ་གནང་། པོ་ཏོ་བས་ཀྱང་། ཤ་ར་བ་དང་། གླང་རི་ཐང་པ་ལས་གཞན་ལ་གནང་བ་མེད། དགེ་བཤེས་ཆེན་པོ་འཆད་ཀ་བ་བྱིས་པ་ནས་ཆོས་ལ་མོས་པས་མི་སྐྱའི་དུས་ནས་ཆོས་མང་དུ་ཞུས། གཉལ་དུ་དགེ་བཤེས་ཆོས་འབར་གྱི་གྲྭ་སར་རབ་ཏུ་བྱུང་ནས་ཆོས་ཀྱང་མང་དུ་གསན། ཡར་ལུངས་སུ་སྙེགས་མཆེད་གཉིས་ལ་མངོན་པ་ཀུན་བཏུས་ཚར་བདུན་ཙམ་གསན། དགེ་བཤེས་སྙེགས་དང་འགྲོགས་ནས། ཡ་གད་པ་ལ་བེའུ་འབུམ་ཚར་གཅིག་ཕྱིས་གཅིག་གསན་ཏེ་འདི་རྩད་མ་གཅད། དེ་ནས་གླང་རི་ཐང་བའི་སློབ་མ་གཉལ་བ་ཡོན་ཏན་ཤེས་རབ་ལ། ཁྱེད་ཀྱི་དགེ་བཤེས་ལ་ཡོན་ཏན་ཇི་འདྲ་ཡོད་དྲིས་པས། བློ་སྦྱོང་ཡོད་པར་ཐོས། ཁོ་རང་སློབ་མ་ཡིན་ཡང་འདི་མི་བཞུ གས་པར་གདའ། དེར་ཉང་ལྕགས་ཤིང་བ་ལ་གླང་རི་ཐང་བའི་ལུགས་ཀྱི་ཚིག་བརྒྱད་པོ་དེ་གསན། བཀའ་གདམས་པ་ལ་དད་པའི་རྒྱུ་ཡང་དེས་བྱས་གསུངས། དེ་ནས་དོལ་པ་དང་ལུང་སྨད་པ་དང་མཇལ་ནས་དེར་ལོ་བཞི་བཞུགས། དགུང་ལོ་སུམ་ཅུ་བཞེས་ཀྱི་བར་ལ་བསྟེན། དེ་ནས་གྲའི་སོ་ཐང་པ་དེའི་ཞལ་ནས། ངའི་མཆོད་གནས་བྱ་གསུངས་པ་ལ་སྔར་གྱི་ཚིག་བརྒྱད་པོ་དེ་གསན་པས་བཀའ་གདམས་པ་ལ་མོས་པས་མཆི་བར་ཞུས། དེར་ཁོང་གིས་གཏོར་མ་གཅིག་མཛད་ནས། ད་ཁྱེད་མནར་མེད་ཀྱི་མེ་གསེབ་ཏུ་བསྲེག་ཀྱང་བར་ཆད་མེད་པར་བླ་མ་གཅིག་དང་མ་མཇལ་ན། ང་ལ་བྱིན་རླབས་མེད་པ་ཡིན་གྱི་གསུངས། དེ་ནས་སུམ་ཅུ་སོ་གཅིག་གི་ལོ་ལ་དབུ་རུར་བྱོན། གླང་ཐང་པ་ལ་དད་དེ་འདས། ཁོང་གི་ཤུལ་ན་རྒྱུད་སུ་མཐོ་བྲིས་པས། མཉན་མཐོ་ཟེར། དེར་གླང་ཐང་དུ་བཞུད་པར་བཞེད་ནས། གཡོག་པོ་གསུམ་སྔོན་ལ་དཔེ་ཆ་སྐྱེལ་དུ་བཏང་བས། གཉན་དང༌། བ་ཝ་འདུལ་བ་འཛིན་པ་དང་། མདོ་སྡེ་དང་གསུམ། གླང་ཐང་འཛིན་པ་ལ་མ་མཐུན་པར་འདུག་ཟེར་ནས་ལོག་ནས་བྱུང༌། འོ་ན་མི་འོང་བར་འདུག ཁྱེད་གསུམ་བཞོར་ཤ་ར་བ་ཅན་དུ་སོང་། ང་ཞང་བྲག་དམར་བ་ཅན་དུ་ལྟར་འགྲོ་གསུང་ནས་འབྲོམ་པ་ནས་གྱེས་ནས་སེར་བ་ཁར་བྱོན། སེར་ཐོག་པའི་གཉེར་བ་ལ་སྣམ་བུ་གཅིག་བཙོངས་ཏེ། དགུན་ཟླ་བ་གཉིས་དེར་བཞུགས། དཔྱིད་འཇོད་མོར་བྱོན། མཚར་སྣར་དགུང་ལོ་བཅུ་གཉིས་བསོད་སྙོམས་མཛད། དེ་ནས་འཇོད་མོ་ཀེ་རུར་འབྱོན་པར་བཞེད་ནས་བྱོན་ཙ་ན། ཤ་ར་བའི་གྲྭ་བ་ལྷོ་གཉལ་བ་ཟོང་ཚོང་བ་མང་པོ་བྱུང༌། ཕྱག་རྟེན་བྱས་ནས་འདི་ཙུག་མཛད་པས་ག་ན་མཆི། གཞོར་གཤེགས་ཟེར་ནས་དྲེའུ་རབ་དགོན་པར་ནས་ཁལ་གཅིག་ཕོག་ནས་དེར་བཞུགས་སུ་བཅུག ཁོང་རྣམས་ཟོང་སྐོར་ལ་སོང་། དེར་ལོག་ནས་གཞོར་བྱོན། དབྱར་དེ་ཉན་ཐོས་ཀྱི་ས་གསུང་ཞིང་འདུག གསན་པས་བྱིངས་ཉོག་གེ་བ་གཅིག་ལས་བློ་འཁུལ་བ་ཁོ་ན་མ་བྱུང་། འདི་ཀུན་གྱི་ཟུར་དང་ཡེ་མ་བྱུང་བས་མེད་སྙམ་ནས་རྒྱགས་སྐྱེལ་བ་གཅིག་ཡོད་པ་ལ་ང་གལ་ཏེ་དོན་གཉེར་དུ་འགྲོ་བས་མ་སྐྱེལ་ཅིག་བྱས། ཆོས་འདི་འདུག་ན་བསྡད། མི་འདུག་ན་འགྲོ་དགོས། ཁྱི་ལུག་བཞིན་ཕུང་པོ་གང་ཁྱེར་བསྡད་པས་མི་ཡོང་དགོངས། ཞུ་བའི་སྐབས་མ་བྱུང་། ཉིན་ཅིག་གྲྭ་བ་རྣམས་སྟོན་མོ་ལ་ཞུགས། དགེ་བཤེས་པ་ཁོ་རང་གིས་བཞེངས་པའི་འབུམ་པ་ལ་བསྐོར་བ་མཛད་ཅིང་བཞུགས་པའི་སར་འཇིགས་སེ་གཅིག་གིས་ཕྱིན་ནས་ཕྱག་བྱས་ཙམ། སེ་གཏིང་ནས་འདིར་བཞུགས་པར་ཞུ་དང༌། ཞུ་རྒྱུ་གཅིག་བདོག་ཞུས་པས། བོ་དྷི་རྩིའི་ཕྲེང་བ་གཅིག་བགྲང་གིན་སྟོན་པ་ལ་གྲོས་མ་ཆོད་པ་ཅི་དོག །དགེ་བཤེས་པོ་ཏོ་བ་ལ་ཐེག་པ་ཆེན་པོ་བློ་སྦྱོང་བྱ་བ་བདོག་སྐད་པ་ཞེས་གླེང་ནས། ཁོ་བོ་དེ་ལ་མོས། ཆོས་ལུགས་འདི་འདྲ་བ་ཡང་གདའ་ན། ཁང་པ་མ་རྙེད་པ་ལ་སོགས་པ་ལ་རེས་ཕན་པར་བྱུང་། རེས་བཏུབ་གྲགས་པ་ཡང་མ་བྱུང་། ལམ་དུ་འགྲོའམ་མི་འགྲོ་ལགས་ཞུས་པས། ཕྲེང་བ་རྡོག་ཅིང་སྟོན་པ་ལ་བཏུབ་མ་བཏུབ་ཀྱི་ལམ་ན་མེད། སངས་རྒྱས་མི་འདོད་ན་མི་འདོད་འདོད་ཕན་ཆད་ལམ་དེར་མ་ཞུགས་པར་འཚང་རྒྱ་མི་སྲིད་གསུངས། འདི་ཙམ་པས་ཆོག་གསུངས་ཚོད་ཀྱི་ནང་ན་ཉམས་མྱོང་ཁྱད་པར་ཅན་ཡོད་ངེས་སྙམ་པ་ཅིག་བྱུང་གསུངས། འོ་ན་ལུང་ཆོས་པ་ལ་ལུང་དགོས་ན་བདོག་གམ་ཞུས་པས། སྤྱོད་འཇུག་གི འགྲོ་བའི་སྡུག་བསྔལ་གང་ཅིའང་རུང་། །ཞེས་པ་དེ་ཡོང་ངམ་སྙམ་ཙ་ན། སློབ་དཔོན་ཀླུ་སྒྲུབ་ལ་ཚད་མར་མི་བྱེད་པ་སུ་བདོག དེའི་རིན་ཆེན་ཕྲེང་བ་ན་མར་ལ། བདག་ལ་དེ་དག་སྡིག་སྨིན་ཅིང་། །བདག་དགེ་མ་ལུས་དེར་སྨིན་ཤོག་།ཟེར་བ་གདའ་གསུངས། དེར་ཕྱག་གསུམ་འཚལ་ཡོང་། རིན་ཆེན་ཕྲེང་བ་ཡོད་དམ་དྲིས་པས་ཡོད་ཟེར། ཞལ་ཕྱེ་ལྟས་པས་འདུག་སྟེ། སྔར་ཨེན་རེས་ལྟས་པ་ལ་མ་ཟིན་པར་འདུག་གསུང་སྐད། དེར་དགའ་ནས་རྒྱགས་སྐྱོལ་ཅིག་བྱས་ནས་གཞོར་ལོ་གཉིས་ཙམ། དགེ་གོང་དུ་ལོ་དྲུག་ཙམ་ལོ་ངོ་དགུ་འདི་ཤ་སྟག་རྩད་གཅད། གཞན་རྣམས་སྨ་ར་སྐེ་ལ་ཟོངས་འདོགས་ ཟེར་བ་བཞིན་དུ་བྱས་གསུང་སྐད། ཤར་བར་འཕོས་ནས་སྒང་མ་སི་ཐོག་ཏུ་སོང་གསུངས། དེ་ཙམ་གཅིག་བཞུགས་ཀྱང་ལྐོག་ཏུ་རྩད་གཅོད་པ་ལས་ཚོགས་སུ་ས་བོན་གཅིག་ཡོད་པའི་སར་བཏུབ་ན་དེ་ཙུག་ཀྱང་མཛོད་ཨང་གསུང་བ་ཟུར་ས་གཅིག་ལས་མ་བྱུང་། དེ་ཡང་འཕྲིག་ཡོད་པས་གོ་རུང་། གཞན་གྱི་དེ་ཡང་མི་གོ་བ་གཅིག་ལས་མ་བྱུང་སྟེ། དེས་ཐུགས་ཆུང་ཡང་དཀྱེལ་ ཆེ་གྲགས། གྲྭ་བ་ཉིས་སྟོང་བརྒྱད་བརྒྱ་ཙམ་རེ་དུས་རེ་ལ་འཚོགས་པ་ལ། སློབ་དཔོན་གཅིག་པུ་ལས་གཞན་ལ་འཕྲིག་ཚད་མ་བྱུང༌། སྟབས་ཀ་བ་ཙམ་ལ་ཡང་སྤྱོད་ཡུལ་ཡོངས་སུ་དག་པའི་མདོ་ལ་བརྟེན་པ་གཅིག་ལས་མ་གནང་བར་འདུག་གསུངས། དེ་བས་མང་བ་གཅིག་ལ་གནང་ན་ཕན་ཆེ་བ་གཅིག་ཡོང་བར་འདུག་པ་ལ་གསུང་སྐད། དེ་ནས་འཆད་ཀ་བ་ཁོང་དག་ལ་ཡང་དང་པོ་སུས་ཀྱང་རྩད་མ་ཆོད། ཕྱིས་མཛེ་བོ་ཁ་ཡར་ལ་གནང་བ་ལ་དག་སྣང་ཆེ་ཆེ་ཁ་ཡར་གྱི་ཚོར་ནས་གཅིག་གིས་གཅིག་སྐྲུན་ཅིང་ཞུས་པས། མིང་མཛེ་ཆོས་སུ་གྲགས། བྱིན་གྱིས་སྐྱོར་ལུང་ན་བཞུགས་པའི་དུས་སུ་གཅུང་པོ་དང་། འབལ་པོ་ཆེས་ཞབས་ཏོག་བྱས་ནས་མཛེ་མོ་རྐང་ལག་ཆད་པ་གཅིག་ཁུར་ནས་བཟའ་བྱིན་ཆོས་གསུངས་པ་དང༌། ལྷ་སྡིངས་སུ་ཐོས་པ་དཀའ་དང༌། གཉིས་པོ་དེ་ལ་ཅམ་ཚེ་སྐོན། སྐུ་རྒྱབ་ཏུ་བཞག་ནས་མཛད་པ་དང་། ཡང་མཛེ་ཕོ་གསོས་ཕམ་ཕབས་དང་གདམས་ངག་གནང་བས་མཛེ་ཆོས་ཟེར། ཕྱིས་འདྲིས་སུ་བྱོན་ནས་འདི་ཚོགས་སུ་གསུངས་པའི་ཆོས་མིན། བཏུབ་པ་ཁ་ཡར་ལ་ལྐོག་ཏུ་ཁྲིད་པ་ཡིན་ཏེ། སུ་ལ་ཡོང་བ་དང་སུ་ལ་མི་ཡོང་ཡང་མི་ཤེས་པར་འདུག ལྐོག་ཏུ་ཁྲིད་པས་མི་ལང་བར་འདུག་པས། ད་ཐམས་ཅད་ལ་ཚོགས་སུ་བྱེད་པ་ཡིན་ནོ་གསུངས་ནས་ཚོགས་སུ་གསུངས་བ་ཡིན། དེས་ན་འདི་ཐམས་ཅད་ལ་མེད་པའི་ཐེག་པ་ཆེན་པོ་ཐུན་མོང་མ་ཡིན་པའི་ལམ་ཡིན། ཆོས་གཅིག་ལ་འདི་ལས་ཟབ་པ་དང་རྒྱ་ཆེ་བ་མེད། དགེ་བཤེས་ཆེན་པོ་འཆད་ཀ་བས་ཀྱང་ཤ་ར་བ་ལ་འདི་རྩད་མ་ཆོད་ཀྱི་རིང་ལ་བླ་མ་བརྒྱད་ཅུ ར་ཉེ་ཙམ་བསྟེན། ཇི་ཙམ་པའི་ཆོས་དང་གདམས་ངག་ཐོབ་ཀྱང་སངས་རྒྱས་སྒྲུབ་པ་ལ་ད་དུང་འདི་ཙུག་མིན་པ་ཅིག་ག་ཤེས་ན་ཡོད་དེ་ཡོད་དམ་སྙམ་པ་ལས། ཁོ་ཐག་ཆོད་པ་གཅིག་མ་བྱུང་བ་ལ། ཤ་ར་བ་ལ་འདི་རྩད་ཆོད་པ་དང་། ད་ཡོང་འདི་ལས་ལྷག་པ་གང་ན་ཡང་མེད་སྙམ་ནས་ཐག་ཆོད། འགྲམ་ཆུ་མི་ལྡང་། ཉན་སྙིང་མི་འདོད་པ། ལྷོད་པ་གཅིག་བྱུང་གསུངས་སྐད། འདི་བྱུང་ན་མིས་ལྟས་ན་ཐ་མལ་བ་འདྲ་བ་ལ། རང་ཅི་བྱེད་ཐམས་ཅད་མཁྱེན་པའི་རྒྱུ་འབའ་ཞིག་ཏུ་འགྲོ་བ་ཅིག་ཡོང་། དེ་ཡང་རླབས་ཅན་ཤ་སྟག་ཏུ་འགྲོ་བ་ཅིག་ཡོང་། འདི་ཤ་སྟག་ཏུ་ཐུགས་དམ་དུ་མཛད་པས་འདའ་དཀའ་ཙམ་ན་ཡང་འཇིག་རྟེན་ན་སྒྲ་གཅིག་ཐོས་པ་ལ་བློ་སྦྱོང་གི་སྒྲ་ལས་སྙན་པ་མེད་པས། ཁྱེད་ཀྱིས་ངའི་རྣ་བར་སྒྲོགས་ཞེས་པ་དང་། བྱིས་པ་བརྡའ་ཕྲད་ནས་གཞན་གྱི་སྡུག་བསྔལ་ལེན་པ་ལ་གད་ངམ་མེ། དགའ་ཡལ་ལེ་གཅིག་ཡིན་པ་ལ། ད་རེས་ནི་འདོད་པ་ཙུག་མ་བྱུང༌། བདེ་བ་ཅན་གྱི་སྣང་བ་ཅིག་ཁོ་ན་བྱུང་གསུངས་ནས་ཐམས་ཅད་ཀྱི་སྡུག་བསྔལ་ཁོང་ལ་སྤུངས་པར་བཞེད་པ་དང་། གཅུང་པོས་སྐུ་ཁམས་ཞན་པར་གདའ་བས་ཐུགས་དམ་མཛོད་ཅིག་ཅེས་ཞུས་པས། བློ་སྦྱོང་གི་ཚིག་ཁ་ཡར་གསུ ངས་ནས་སྐུ་ཁམས་ཞན་ཡང་དེ་ལྟ་བུ་མིན་པ་ཚམ་ཚོམ་གྱིས་ཆོད་པར་མ་མཐོང་གསུངས་སྐད། དེས་ན་འདི་ཐུགས་དམ་གྱི་མཐིལ་ཕྱུང་བའོ།། དགེ་བའི་བཤེས་གཉེན་སྤྱིལ་བུས་ཀྱང་དང་པོ་གྱེན་གྱི་ལྷ་སྡིངས་སུ་སླེབས། འདི་ཡང་དང་པོ་དེར་གསན་ནས་ལོ་ཉི་ཤུ་རྩ་བཞི་བསྟེན། དེའི་བར་ལ་འདི་ཤ་སྟག་དྲིས་པ་འདྲ་བ་ཅིག་བྱས། ཐུགས་དམ་ཡང་དང་པོ་འདི་ཤ་སྟག་མཛད་པས་ཡེངས་པ་ལ་སོགས་པ་ཅི་བྱུང་ཡང་གནོད་པ་མི་མངའ། སྤྱིལ་བུ་ཡང་མཆོད་ཁང་རང་ཡང་མེད་པར་འདི་ཤ་སྟག་སྦྱང་སྙམ་པ་ཡིན་པ་ལ་གསུངས། རྟོག་པ་ཡང་ཚིག་གི་བགྲང་པའི་ སྐབས་སུ་སྐྱེས་པ་ཡིན་གསུངས་སྐད། ཕྱིས་ཚོགས་བསྡུས་ནས་ཀྱང་འཆད་ཀ་དང་ལྷ་སྡིངས་པ་ལ་སོགས་པར་མང་དུ་གསུངས། ཕྱིས་གྱེན་ན་བཞུགས་པའི་དུས་ན་སྤྱིལ་དུ་འཕོ་དཀར་དགེ་སྦྱོང་སྐྱེའུ་ཆུང་ན་རེ། དགེ་བཤེས་ཆེན་པོའི་སློབ་མ་མང་པོ་ཅིག་བྱོན་པ་ལ་སྐུ་ཚེ་ཐུང་བར་བྱུང་། དེ་ཅིས་ངའི་བསམ་པ་ལ་སྔགས་ཕར་ཕྱིན་གཉིས་ལ་བློ་སྦྱོང་འདི་ལས་ཟབ་པ་མི་འདུག་པ་ལ། དེ་ལན་ན། ཚོགས་བཤད་བྱས་པས་ལན་སྙམ་པ་ཅིག་བྱུང་ཟེར་བས། དགེ་བའི་བཤེས་གཉེན་པའི་ཞལ་ནས། དེ་བདེན། འདི་ལས་ཟབ་པ་མེད་དེ། ཚོགས་སུ་བཤད་པའི་འོས་མིན་ཡང་སློབ་དཔོན་ཁོང་ཐག་རིང་དུ་གཤེགས་པ་དང་། ལྐོག་ཏུ་ཁྲིད་ཀྱི་མ་ལང་བས་ཚོགས་སུ་གསུངས་པས་དེའི་སྲོལ་དུ་སོང་བ་ཡིན་གསུངས། དེ་ནས་སྤྱིལ་གྱི་རིང་ལ་ཡང་སློབ་དཔོན་མཉེས་པ་གཅིག་དང༌། ལྷག་མ་ཞིབ་ཚེགས་བྲེག་གསུམ་པས་ཞུས་པ་གཅིག་དང༌། སྟོན་གྲྭ་བ་ཤུལ་མ་ལའང་དེ་ལས་མ་གནང་། དེ་རྣམས་ལ་ཡང་འདི་ཚོགས་ཀྱི་འོས་མ་ཡིན་ཏེ། ཁོང་མི་ཆེན་གྱི་ངོ་མ་ཕྱོགས་པ་ཡིན། ང་ཚོགས་སུ་འདི་ལས་བཤད་པ་མི་ཡོང་བས་ཁྱེད་རང་ཐམས་ཅད་ནན་ཆགས་གྱིས་ཤིག་གསུངས། དེས་ན་རང་ཅག་ཐམས་ཅད་ཀྱང་གོང་མ་དེ་རྣམས་ཀྱི་རྗེས་སུ་སློབ་ཅིང་། ཅི་བྱེད་ཐམས་ཅད་མཁྱེན་པའི་རྒྱུ་ལས་གཞན་དུ་མི་འགྲོ་བར་འདོད་པས་གདམས་ངག་ཐུན་མོང་མ་ཡིན་པ་འདི་ལ་ངེས་པར་ཐོབ་པར་བྱས་ལ་བློ་སྦྱོང་ངོ༌།། ༈ འོ་ན་འདི་སངས་རྒྱས་གང་གིས་སྦྱོངས་ལུགས་ཡིན། དུས་གང་དུ། ཇི་ལྟར་སྦྱང་སྙམ་ན། སྟོན་པ་ཤཱཀྱ་ཐུབ་པའི་སྦྱོང་ལུགས་ཡིན་ཏེ། སྙིང་རྗེ་པད་དཀར་ལས། སྔོན་བསྐལ་པ་གྲངས་མེད་པ་གངྒའི་བྱེ་མ་སྙེད་འདས་པ་ན་བསྐལ་བ་འཛིན་པ་ཆེན་པོ་ཞེས་བྱ་བ་ལས་འཁོར་ལོས་བསྒྱུར་བའི་རྒྱལ་པོ་རྩིབས་ཀྱི་མུ་འཁྱུད་ཞེས་བྱ་བའི། མདུན་ན་འདོན་བྲམ་ཟེ་རྒྱ་མཚོའི་རྡུལ་ཞེས་བྱ་བ་ལ་སྲས་མཚན་དང་ལྡན་པ་རྒྱ་མཚོའི་སྙིང་པོ་ཞེས་བྱ་བ་བྱུང་སྟེ། དེ་སངས་རྒྱས་པའི་མཚན་དེ་བཞིན་གཤེགས་པ་རིན་ཆེན་སྙིང་པོ་ཞེས་བྱ་བའི་དྲུང་དུ། བྲམ་ཟེ་རྒྱ་མཚོའི་རྡུལ་གྱིས་བསྐུལ་ནས་རྒྱལ་པོ་དང༌། རྒྱལ་པོའི་སྲས་སྟོང་དང་། རྒྱལ་པོ་བརྒྱད་ཁྲི་བཞི་སྟོང་དང༌། བྲམ་ཟེའི་བུ་བདེ་གཤེགས་རིན་ཆེན་སྙིང་པོའི་མཆེད་བརྒྱད་ཅུ་དང་། བྲམ་ཟེའི་སློབ་མ་བྱེ་བ་ཕྲག་གཉིས་ཀྱིས་སེམས་བསྐྱེད་པ་ལས་དེ་ཐམས་ཅད་ཀྱིས་ཞིང་དག་པར་སེམས་བསྐྱེད། བྲམ་ཟེ་གཞན་ཐམས་ཅད་ཀྱིས་སྤངས་པའི་སྙིགས་མའི་སེམས་ཅན་ཕ་ལ་ཕར་མི་འཛིན། མ་ལ་མར་མི་འཛིན། དགེ་སྦྱོང་དང་བྲམ་ཟེ་དང༌། རྒན་རབ་ལ་དེ་དག་ཏུ་མི་འཛིན་པའི་འདུལ་དཀའ་བའི་དུས་སུ་སངས་རྒྱས་ནས་འདུལ་བར་ཤོག་ གཅིག་པའི་སྨོན་ལམ་བཏབ། རམ་པོ་བའི་ཞལ་ནས། སངས་རྒྱས་བྱིན་པོ་སྔངས་པ་ལྟར་བྱས་ནས་བཤུམས་སོ་སྐད། དེས་ན་བཅོམ་ལྡན་འདས་བྲམ་ཟེ་རྒྱ་མཚོའི་རྡུལ་དུ་སྐྱེ་བ་ཞེས་པ་ནས་ཀྱི་སྦྱོང་ལུགས་ཡིན། དེ་ནས་མེའི་ཤིང་རྟ་འདྲེན་པ་དང༌། བྱམས་པའི་སྟོབས་ཀྱི་མཆོད་སྦྱིན་དང༌། སྟག་གི་སྐྱེས་རབས་ལ་སོགས་པ་གང་དུ་སྐྱེས་པ་ཐམས་ཅད་དུ་ཇི་ལྟར་སྦྱངས་པ་མདོ་ན་བཞུགས་པ་ཡིན། མགོན་པོ་བྱམས་པ། ཤཱ ཀྱ་ཐུབ་པ་བས་སེམས་བསྐྱེད་པ་བསྐལ་བ་བཞི་བཅུ་རྩ་གཉིས་པས་སྔ་བ་ལ། སྔོན་དུ་ཤཱ ཀྱ་ཐུབ་པ་སངས་རྒྱས་པ་ཡང་བརྩོན་འགྲུས་ཕུན་སུམ་ཚོགས་པས་འདི་ལ་བསླབ་པས་སོ།། དངོས་གཞི་ལུས་ལྟ་བུ། དེ་ལྟ་བུ་ཉམས་སུ་ལེན་པའི་ཚུལ་ནི། དངོས་གཞི་ལུས་ལྟ་བུ་དང༌། དེའི་ཡན་ལག་ལྟ་བུ་གཉིས་སོ། །དང་པོ་ལ་གསུམ་སྟེ། སྦྱོར་བ་དང༌། དངོས་གཞི་དང་། རྗེས་ལ་བློ་སྦྱོང་བའི་ཚུལ་ལོ།། སྔོན་འགྲོ་སྦྱོར་བ། དང་པོ་སྔོན་འགྲོ་དག་ལ་བསླབ། །ཅེས་པ་ནི། དལ་འབྱོར་རྙེད་དཀའ་བ་དང། འཆི་བ་མི་རྟག་པ་དང་། འཁོར་བའི་ཉེས་པ་བསམ་པའོ། །འདི་དག་དོང་འཁྲིད་པ་དེ་ནས་སེམས་པ་ལ་འཇུག་པ། དེ་ནས་སེམས་སྙིང་མི་འདོད་པ། དེ་ནས་ཡེངས་པ་ལ་སོགས་པ་ཐམས་ཅད་དུ་འདི་དག་གིས་ལྕག་གིས་བསྐུལ་ནས་སེམས་པའོ།། དང་པོ་དལ་འབྱོར་རྙེད་དཀའ་བསམ་པ། དལ་འབྱོར་རྙེད་དཀའི་བསམ་པ་ལ། དལ་བ་ལ་མི་ཁོམ་པའི་གནས་བརྒྱད་སྤངས་ནས་ཆོས་བྱར་ཁོམ་པ་ཡིན་ལ། དེ་ལ་མི་ཁོམ་པའི་གནས་བརྒྱད་ནི། ངན་སོང་གསུམ་དང་། ལྷ་ཚེ་རིང་པོ་སྟེ་མི་མ་ཡིན་པའི་འགྲོ་བ་བཞི་དང་། ཡུལ་མཐའ་འཁོབ་པ་དང་། དབང་པོ་མ་ཚང་བ་དང༌། ལོག་ལྟ་ཅན་དང༌། སངས་རྒྱས་མ་བྱོན་པའི་ཞིང་དུ་སྐྱེས་པ་སྟེ། མིའི་འགྲོ་བ་བཞི་སྟེ་བརྒྱད་དོ། །དེ་ལྟར་ཡང་། དམྱལ་བ་ཡི་དྭགས་དུད་འགྲོ་དང༌། །ཚེ་རིང་ལྷ་དང་ཀླ་ཀློ་དང་། །སངས་རྒྱས་འབྱུང་མིན་ལོག་ལྟ་དང༌། །ལྐུག་པ་འདི་དག་མི་ཁོམ་བརྒྱད།། །ཅེས་སོ། །འབྱོར་བ་ནི། ཆོས་ཀྱི་མཐུན་རྐྱེན་འབྱོར་བ་སྟེ། རང་འབྱོར་ལྔ་དང༌། གཞན་འབྱོར་ལྔ་ཚང་བའོ། །དེ་ལ་རང་འབྱོར་ལྔ་ནི། མིར་སྐྱེས་པ་དང་། ཡུལ་དབུས་སུ་སྐྱེས་པ་དང༌། དབང་པོ་ཚང་བ་དང་། གནས་ལ་དད་པ་དང༌། ལས་ཀྱི་མཐའ་མ་ལོག་པའོ། །གཞན་འབྱོར་ལྔ་ནི། སངས་རྒྱས་འཇིག་རྟེན་དུ་བྱོན་པ་དང་། དེས་ཆོས་གསུངས་པ་དང༌། བསྟན་པ་གནས་པ་དང༌། བསྟན་པའི་རྗེས་སུ་འཇུག་པ་གཞན་ཡོད་པ་དང༌། ཞུགས་པའི་ཕྱིར་སྙིང་བརྩེ་བའོ། །ཀླུ་སྒྲུབ་ཀྱི་འཁོར་ལོ་བཞིའམ། ཐོགས་མེད་ཀྱི་སྨིན་པ་བརྒྱད་དམ། དབྱིག་གཉེན་གྱི་ཡོན་ཏན་བདུན་ཡང་འབྱོར་བ་ཡིན་ན་ནོནོ དེ་རྙེད་པར་དཀའ་བ་སེམས་པ་ནི། ངོ་བོ་དང་། རྒྱུ་དང༌། དཔེའི་སྒོ་ནས་སེམས་པའོ། །དང་པོ་ནི། འཛམ་བུ་གླིང་གི་མི་བས་ཡོབ་ཕྱེ་རྫིང་གང་ངམ། མཚོ་མཐའ་གཅིག་གི་སྦྲང་མ་མང་བས་སོ། །གཉིས་པ་ནི། རྒྱུ་ཚུལ་ཁྲིམས་རྣམ་པར་དག་པ་ཡིན་ཏེ། དེ་བསྲུང་བ་ཤིན་ཏུ་ཉུང་བས་སོ། །གསུམ་པ་ནི། མེ་ཏོག་གི་ཚོགས་ལ་སོགས་པའི་མདོ་དང་། ཀླུ་སྒྲུབ་ལ་སོགས་པའི་བསྟན་བཅོས་ལས། ཤིང་བུ་ག་ཅིག་པར་རུས་སྦལ་གྱི་མགྲིན་པ་ཆུད་པ་ལ་སོགས་པ་དཔེ་མང་དུ་གསུངས་པ་ཡིན་ཏེ། བཤེས་སྤྲིངས་ལས། རྒྱ་མཚོ་ཆེར་གཡེངས་གཉའ་ཤིང་བུ་ག་དང༌། །རུས་སྦལ་ཕྲད་པ་བས་ཀྱང་དུད་འགྲོ་ལས། །མི་ཉིད་ཆེས་ཐོབ་དཀའ་བས་མི་དབང་གིས། །དམ་ཆོས་སྤྱོད་པས་དེ་འབྲས་མཆིས་པར་མཛོད། །ཅེས་དང་། སྤྱོད་འཇུག་ལས། དེ་ཉིད་ཕྱིར་ན་བཅོམ་ལྡན་གྱིས། །རྒྱ་མཚོ་ཆེར་གཡེངས་གཉའ་ཤིང་གི །བུ་གར་རུས་སྦལ་མགྲིན་ཆུད་ལྟར། །མི་ཉིད་ཤིན་ཏུ་ཐོབ་དཀར་གསུངས། །ཞེས་དང་། དེ་བཞིན་གཤེགས་པ་འབྱུང་བ་དང༌། །དད་དང་མི་ལུས་ཐོབ་པ་དང༌། །དགེ་གོམས་རུང་བ་འདི་ལྟ་བུ། །དཀོན་ན་ནམ་ཞིག་ཐོབ་པར་འགྱུར། །ཞེས་དང༌། སློབ་སྤྲིངས་ལས། བདེ་གཤེགས་ལམ་སྟོན་འགྲོ་བ་འདྲེན་པར་ཆས་གྱུར་ཅིང༌། །སེམས་ཀྱི་སྟོབས་ཆེན་མི་ཡིས་རྙེད་པ་གང་ཡིན་པའི། །ལམ་དེ་ལྷ་དང་ཀླུ་ཡིས་རྙེད་མིན་ལྷ་མིན་དང། །མཁའ་ལྡིང་དྲི་ཟ་མིའ མ་ཅི་དང་ལྟོ་འཕྱེས་མིན། །ཞེས་དང་། སྤྱོད་འཇུག་ལས། དལ་འབྱོར་འདི་ནི་རྙེད་པར་ཤིན་ཏུ་དཀའ། །སྐྱེས་བུའི་དོན་གྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱིས་འདི་ཡང་དག་འབྱོར་བར་ག་ལ་འགྱུར །ཞེས་དང་། སྡོང་པོ་བཀོད་པ་ལས། མི་ཁོམ་པ་བརྒྱད་ལས་ལོག་པའང་རྙེད་པར་དཀའ། མི་འགྱུར་བའང་རྙེད་པར་དཀའ། དལ་བ་ཕུན་སུམ་ཚོགས་པ་མ་ཚང་བ་མེད་པ་ཡང་རྙེད་པར་དཀའ། ཞེས་པ་ལ་སོགས་པ་མདོ་བསྟན་བཅོས་དུ་མ་ལས་གསུངས་པ་ལས་རྙེད་པར་དཀའ་བ་འདི་ཐོབ་པའི་དུས་སུ་ཆོས་མ་བྱས་ན་དལ་འབྱོར་ཆུད་གསན་པ་ཡིན་ཏེ། སྤྱོད་འཇུག་ལས། འདི་འདྲའི་དལ་བ་རྙེད་གྱུར་ནས། །བདག་གིས་དགེ་གོམས་མ་བྱས་ན། །འདི་ལས་བསླུས་པ་གཞན་མེད་ཅིང་། །འདི་ལ རྨོངས་པའང་གཞན་མེད་དོ། །ཅེས་དང་། གང་ཚེ་དགེ་སྤྱོད་སྐལ་ལྡན་ཡང་། །བདག་གིས་དགེ་བ་མ་སྤྱད་ན། །ངན་སོང་སྡུག་བསྔལ་ཀུན་རྨོངས་པ། །དེ་ཚེ་བདག་གིས་ཅི་བྱར་ཡོད། །ཅེས་པ་ལ་སོགས་པ་གསུངས་པས་ཆོས་ལ་འབད་དགོས་ཏེ། སློབ་སྤྲིངས་ལས། མི་ཡི་དངོས་པོ་ཤིན་ཏུ་རྙེད་དཀའ་རྙེད་གྱུར་ནས། །དོན་དུ་བརྣག་པ་གང་ཡིན་དེ་ནི་བསྟུན་ཏེ་བསྒྲུབས། །ཅེས་དང། གང་ཞིག་ཐོབ་ནས་སྐྱེ་བའི་རྒྱ་མཚོ་མཐར་འབྱིན་ཅིང་། །བྱང་ཆུབ་མཆོག་གི་ས་བོན་དགེ་བའང་འདེབས་གྱུར་པ། །ཡིད་བཞིན་ནོར་བུ་བས་ཀྱང་ཡོན་ཏན་ལྷག་པ་ཡི། །མི་ཉིད་དེ་ནི་འབྲས་བུ་མེད་པར་སུ་ཞིག་བྱེད། །ཅེས་གསུངས་ཤིང་། ཆོས་ལ་བྱང་ཆུབ་ཀྱི་སེམས་ལས་བཟང་བ་མེད་པས་འདི་བསྒོམ་པ་ལ་འབད་པར་བྱའོ།། གཉིས་པ་འཆི་བ་མི་རྟག་པ་བསམ་པ། གཉིས་པ་འཆི་བ་མི་རྟག་པ་བསམ་པ་ལ་གསུམ་སྟེ། ངེས་པར་འཆི་བ་དང་། ནམ་འཆི་ཆ་མེད་པ་དང་། འཆི་བ་ལ་ཅིས་ཀྱང་མི་ཕན་པའོ། །དང་པོ་ལ་གསུམ་སྟེ། སྔར་སྐྱེས་པ་ལ་མ་ཤི་བ་མེད་པ་དང་། ཚེ་འདུས་བྱས་ཡིན་པ་དང་། སྐད་ཅིག་མ་ཡིན་པས་ངེས་པར་འཆི་བའོ། །དང་པོ་ནི། འདི་ལྟར་སྐྱེ་བ་ཐམས་ཅད་ཀྱི། །མདུན་ན་གནས་པ་འཆི་བ་སྟེ། །ཞེས་དང་། མྱང་ངན་ལ་བསལ་བ་བ་ལས། སའམ་འོན་ཏེ་མཐོ་རིས་ན། །སྐྱེས་ནས་ལ་ལ་མི་འཆི་བ། །འགའ་ཞིག་ཁྱོད་ཀྱིས་མཐོང་ངམ་ཅི། །ཐོས་སམ་འོན་ཏེ་ཐེ་ཚོམ་ཟ། །ཞེས་དང་། ཅི་སྟེ་སངས་རྒྱས་རྣམས་ཀྱི་སྐུ། །མཚན་དང་དཔེ་བྱད་ཀྱིས་བརྒྱན་པ། །རྡོ་རྗེའི་སྐུ་ཡང་མི་རྟག་ན། །ཆུ་ཤིང་སྙིང་པོ་འདྲ་བ་ཡི། །ལུས་ཅན་རྣམས་ལ་སྨོས་ཅི་དགོས། །ཞེས་པ་ལྟར་རོ།། གཉིས་པ་ཚེ་འདུས་བྱས་ཡིན་པས་ངེས་པར་འཆི་བ་ནི། འདུས་བྱས་བསགས་པའང་སྐད་ཅིག་འཇིག་འགྱུར་ཏེ། །སྐྱེ་ལ་སོགས་པའི་སྡུག་བསྔལ་ཉོན་མོངས་ལྡན། །ཞེས་དང་། འདུལ་བ་ལུང་ལས། འདུས་བྱས་རྟག་པར་འགྱུར་བ་ཡི། །གནས་དེ་གང་ནའང་ཡོད་མ་ཡིན། །འདུས་བྱས་ཐམས་ཅད་མི་རྟག་གིས། །མྱ་ངན་མ་བྱེད་ཀུན་དགའ་བོ། །ཞེས་དང༌། ཀྱེ་མ་འདུས་བྱས་རྣམས་མི་རྟག །སྐྱེ་ཞིང་འཇིག་པའི་ཆོས་ཅན་ཡིན། །སྐྱེས་ནས་འཇིག་པར་འགྱུར་བ་སྟེ། །དེ་བས་ཉེ་བར་ཞི་བ་བདེ། །ཞེས་པ་ལྟར་རོ།། གསུམ་པ་ནི། ཚེ་སྐད་ཅིག་མ་ཡིན་པས་ངེས་པར་འཆི་སྟེ། སྤྱོད་འཇུག་ལས། ནད་མེད་ཉི་མ་འདི་ལྟ་བུ། །ཟས་བཅས་འཚེ་བ་མེད་ཀྱང་ནི། །ཚེ་ནི་སྐད་ཅིག་བསླུ་བ་མེད། །ལུས་ནི་ཐང་ཅིག་བརྙན་པོ་ཡིན། །ཞེས་དང་། སློབ་སྤྲིངས་ལས། མར་མེ་ཤུགས་དྲག་རླུང་གིས་བསྐྱོད་པ་ལྟ་བུ་ཡི། །ཚེ་ནི་སྐད་ཅིག་གནས་པའི་གདེངས་ཡང་ཡོད་མ་ཡིན། །ཞེས་པ་ལྟར་རོ། །ངེས་པར་འཆི་ཡང་ད་དུང་ལོང་ཡོད་སྙམ་ན། དེའི་གཉེན་པོར་ནམ་འཆི་ཆ་མེད་པ་བསྒོམ་པ་ལ་གསུམ་སྟེ། ལུས་ལ་སྙིང་པོ་མེད་པ་དང༌། ཚེ་ལ་དུས་བཏབ་མེད་པ་དང་། འཆི་བའི་རྐྱེན་མང་བའོ། །དང་པོ་ནི། རྟག་པ་དང་གཙང་བ་ལ་སོགས་པའི་སྙིང་པོ་མེད་པས་ནམ་འཆི་ཆ་མེད་དེ། བཤེས་སྤྲིངས་ལས། ལུས་མཐའ་ཐལ་བ་མཐར་སྐམ་མཐར་འགྲུལ་ཞིང་། །ཐ་མར་མི་གཙང་སྙིང་པོ་མ་མཆིས་པས། །རྣམ་པར་འཇིག་སྟེ་མྱགས་པར་འགྱུར་བ་སྟེ། །སོ་སོར་འགྱེས་ཆོས་ཅན་དུ་མཁྱེན་པར་མཛོད། །ཅེས་དང་། ས་དང་ལྷུན་པོ་རྒྱ་མཚོ་ཉི་མ་བདུན། །འབར་བས་བསྲེགས་པའི་ལུས་ཅན་འདི་དག་ཀྱང་། །ཐལ་བ་ཡང་ནི་ལུས་པར་མི་འགྱུར་ན། །ཤིན་ཏུ་ཉམས་ཆུང་མི་ལྟ་སྨོས་ཅི་འཚལ། །ཚེ་ནི་གནོད་མང་རླུང་གིས་བཏབ་པ་ཡི། །ཆུ་ཡི་ཆུ་བུར་བས་ཀྱང་མི་རྟག་ན། །དབུགས་རྔུབ་དབུགས་འབྱུང་གཉིད་ཀྱིས་ལོག་པ་ལས། སད་ཁོམ་གང་ལགས་དེ་ནི་ངོ་མཚར་ལགས། །ཞེས་དང་། གཞོན་ནུ་མ་བདུན་གྱི་རྟོགས་བརྗོད་ལས། འདོར་བར་འགྱུར་བའི་ལུས་སྲོག་ལ། །རྩྭ་དང་ཆུ་ཡི་ཟིལ་པ་ལྟར། །ཞེས་པ་ལ་སོགས་པ་གསུངས་པ་ལྟར་རོ།། གཉིས་པ་ཚེ་ལ་དུས་བཏབ་པ་མེད་པས་ནམ་འཆི་ཆ་མེད་པ་ཡིན་ཏེ། མཛོད་ལས། སྒྲ་མི་སྙན་ན་ཚེ་སྟོང་སྟེ། །གཉིས་ན་ཕྱེད་ཕྱེད་སྤངས་པའོ། །འདི་ན་མ་ངེས་ཐ་མར་ནི། །ལོ་བཅུ་དང་པོ་དཔག་ཏུ་མེད། །ཅེས་པ་ལྟར་རོ། །གསུམ་པ་འཆི་བའི་རྐྱེན་མང་བས་ནམ་འཆི་ཆ་མེད་དེ། །རིན་ཆེན་ཕྲེང་བ་ལས། འཆི་བའི་རྐྱེན་དུ་མ་གྱུར་པའི། །དངོས་དེ་གང་ཡང་ཡོད་མ་ཡིན། །ཞེས་དང་། འཆི་བའི་རྐྱེན་ནི་མང་བ་སྟེ། །གསོན་པའི་རྐྱེན་ནི་ཅུང་ཟད་གཅིག །དེ་དག་ཉིད་ཀྱང་འཆི་རྐྱེན་ཏེ། །དེ་ལྟ་བས་ན་ཆོས་མཛོད་ཅིག་ །ཅེས་པ་ལྟར་རོ། །དེས་ན་ནམ་འཆི་ཆ་མེད་པས་ཆོས་ལ་འབད་དགོས་ཏེ། མཚན་མོ་བཟང་མོའི་མདོ་ལས། སང་ཙམ་འཆི་བར་སུས་ཤེས་ཀྱིས། །དེ་རིང་ཉིད་ནས་བརྟུན་ཏེ་བྱ། །འཆི་བདག་སྡེ་ཆེན་དེ་དང་ནི། །བདག་ཏུ་བཤེས་པ་མ་ཡིན་ནོ། །ཞེས་དང༌། སྤྱོད་འཇུག་ལས། ཡིད་བརྟན་མི་རུང་འཆི་བདག་འདི། །བྱས་དང་མ་བྱས་མི་སྡོད་པས། །ན་དང་མི་ན་ཀུན་གྱིས་ཀྱང་། །བློ་བུར་ཚེ་ལ་ཡིད་མི་བརྟན། །ཞེས་སོ།། གསུམ་པ་འཆི་བ་ལ་ཅིས་ཀྱང་མི་ཕན་པ་ལ་གསུམ་སྟེ། གཉེན་བཤེས་ཀྱིས་མི་ཕན་པ་དང་། རྫས་དང་ཡོ་བྱད་ཀྱིས་མི་ཕན་པ་དང་། རང་གི་ལུས་ཀྱིས་མི་ཕན་པའོ། །དང་པོ་ནི། སྤྱོད་འཇུག་ལས། བདག་ནི་མལ་ན་འདུག་བཞིན་དུ། །གཉེན་བཤེས་མང་པོས་མཐའ་བསྐོར་ཀྱང་། །སྲོག་ཆད་པ་ཡི་ཚོར་བ་དག །བདག་ཉིད་གཅིག་པུས་མྱོང་བར་འགྱུར། །ཞེས་པ་ལྟ་བུའོ། །གཉིས་པ་རྙེད་པས་མི་ཕན་པ་ནི། སྤྱོད་འཇུག་ལས། རྙེད་པ་མང་པོ་ཐོབ་གྱུར་ཏེ། །ཡུན་རིང་དུས་སུ་བདེ་སྤྱད་ཀྱང་། །ཆོམ་པོས་ཕྲོགས་པ་ཇི་བཞིན་དུ། །སྒྲེན་མོ་ལག་པ་སྟོང་པར་འགྲོ་ །ཞེས་དང་། གཞོན་ནུ་མ་བདུན་གྱི་རྟོགས་བརྗོད་ལས། ས་ཡི་བདག་པོ་འབད་པ་སྟོང་དག་གིས། །ཁྱིམ་དུ་རྫས་རྣམས་བསགས་པར་བྱས་པ་དང་། །མི་ཡི་སྐད་ཅིག་གིས་ནི་འདོར་འགྱུར་ཏེ། །དགེ་ལེགས་གཅིག་པུ་འདི་ཉིད་ལམ་དུ་བསྟན།&quot; །ཞེས་པ་ལྟར་རོ། །གསུམ་པ་ལུས་ཀྱིས་མི་ཕན་ཏེ། སྤྱོད་འཇུག་ལས། ལྷན་ཅིག་སྐྱེས་པའི་ཤ་རུས་ཀྱང་། །ཞིག་སྟེ་སོ་སོར་འགྱེས་གྱུར་ན།། །ཞེས་པ་ལྟར་རོ། །དེ་ལྟར་མི་རྟག་པར་མ་ཤེས་ན། སྤྱོད་འཇུག་ལས། ཐམས་ཅད་བོར་ཏེ་ཆས་དགོས་པར། །བདག་གིས་དེ་ལྟར་མ་ཤེས་པས། །མཛའ་དང་མི་མཛའི་དོན་གྱི་ཕྱིར། །སྡིག་པ་རྣམ་པ་སྣ་ཚོགས་བྱས། །ཞེས་པ་ལྟར་འབྱུང་ངོ༌། །དེ་ལྟར་མི་རྟག་པར་ཤེས་ན་རྒྱལ་པོ་ལ་གདམས་པའི་མདོ་ལས་ གསུངས་པ་ལྟར་ཆོས་འབའ་ཞིག་མགོན་དང་སྐྱབས་དང་དཔུང་གཉེན་དུ་ཤེས་ནས་ཆོས་ལ་འབད་པ་གཅིག་བྱུང་ཞིང་། ཆོས་ལ་བྱང་ཆུབ་ཀྱི་སེམས་ལས་བཟང་བ་མེད་པས་དེ་བསྒོམ་པ་ལ་འབད་པ་གཅིག་འབྱུང་བ་ཡིན་ནོ།། གསུམ་པ་འཁོར་བའི་ཉེས་དམིགས་བསམ་པ། གསུམ་པ་འཁོར་བའི་ཉེས་དམིགས་བསམ་པ་ནི། འགྲོ་དྲུག་སོ་སོའི་ཉེས་པ་དང༌། སྤྱིའི་ཉེས་པའོ། །དང་པོ་ལ་དམྱལ་བར་སྐྱེས་ནས་དེའི་སྡུག་བསྔལ་སྤྱོད་པ་ནི། ལས་མི་དགེ་བ་སྤྱད་པའི་འབྲས་བུ་ཏེ། བཤེས་སྤྲིངས་ལས། སེམས་ཅན་ཉེས་པར་སྤྱད་པ་སྤྱོད་རྣམས་ལ། །ཡང་སོས་ཐིག་ནག་རབ་ཏུ་ཚ་བ་དང་། །བསྡུས་འཇོམས་ངུ་འབོད་མནར་མེད་ལ་སོགས་པའི། །དམྱལ་བ་རྣམས་སུ་རྟག་ཏུ་སྡུག་བསྔལ་འགྱུར། །ཞེས་གསུངས་པས། །དེའི་སྡུག་བསྔལ་ནི། འདི་ན་ཉིན་གཅིག་མདུང་ཐུང་སུམ་བརྒྱ་ཡིས། །རབ་ཏུ་དྲག་བཏབ་སྡུག་བསྔལ་གང་ལགས་པ། །དེས་ནི་དམྱལ་བའི་སྡུག་བསྔལ་ཆུང་ངུ་ལའང་། །འོལ་ཡང་མི་ཕོད་ཆར་ཡང་མི་ཕོད་དོ། །ཞེས་དང་། དམྱལ་བ་བྲིས་པ་མཐོང་དང་ཐོས་པ་དང་། །དྲན་དང་བཀླགས་དང་གཟུགས་སུ་བགྱིས་རྣམས་ཀྱང་། །འཇིགས་པ་བསྐྱེད་པར་འགྱུར་ན་མི་བཟད་པའི། །རྣམ་སྨིན་ཉམས་སུ་མྱོང་རྣམས་སྨོས་ཅི་འཚལ། །ཞེས་སྡུག་བསྔལ་དུ་མས་ཉམ་ཐག་ཅིང་། ཡི་དྭགས་སུ་སྐྱེས་ན། ཡི་དྭགས་ན་ཡང་འདོད་པས་ཕོངས་པ་ཡིན། །སྐྱེད་པའི་སྡུག་བསྔལ་རྒྱུན་ཆགས་མི་འཆོས་པ། །བཀྲེས་སྐོམ་གྲང་དྲོ་ངལ་དང་འཇིགས་པ་ཡིས། །བསྐྱེད་པ་ཤིན་ཏུ་མི་བཟད་བསྟེན་འཚལ་ལོ །ཞེས་སྡུག་བསྔལ་གྱི་བྱེ་བྲག་དུ་མ་གསུངས་ཤིང་། །དུད་འགྲོར་སྐྱེས་ན་དེའི་སྡུག་བསྔལ་ནི། དུད་འགྲོའི་སྐྱེས་གནས་ན་ཡང་གསོད་པ་དང༌། །བཅིངས་དང་བརྡེག་སོགས་སྡུག་བསྔལ་སྣ་ཚོགས་པ། །ཞི་འགྱུར་དགེ་བ་སྤངས་པ་རྣམས་ལ་ནི། །གཅིག་ལ་གཅིག་ཟ་ཤིན་ཏུ་མི་ཟད་པ། །ཞེས་གསུངས་པ་ལྟ་བུ་ཡིན་ལ། མིར་སྐྱེས་ཀྱང་སྡུག་བསྔལ་ལས་མ་འདས་པས། མི་ནི་ཡང་དག་ཉིད་དུ་མི་བདེ་ཞིང་། །མི་རྟག་བདག་མེད་མི་གཙང་རིག་པར་བགྱི།། །ཞེས་པ་ལ་སོགས་པ་གསུངས་ཤིང་། ལྷར་སྐྱེས་ན་ཡང་སྡུག་བསྔལ་ལས་མ་འདས་པས། མཐོ་རིས་ན་ཡང་བདེ་ཆེན་དེ་དག་གིས། །འཆི་འཕོའི་སྡུག་བསྔལ་ཉིད་ནི་དེ་བས་ཆེ། །དེ་ལྟར་བསམས་ནས་ཡ་རབས་རྣམས་ཀྱིས་ནི། །ཟད་འགྱུར་མཐོ་རིས་སླད་དུ་སྲེད་མི་བགྱི། ལུས་ཀྱི་ཁ་དོག་མི་སྡུག་འགྱུར་བ་དང་། །སྟན་ལ་མི་དགའ་མེ་ཏོག་ཕྲེང་རྙིང་དང་། །གོས་ལ་དྲི་མ་ཆགས་དང་ལུས་ལས་ནི། །སྔོན་ཆད་མེད་པའི་རྡུལ་འབྱུང་ཞེས་བགྱི་བ། །མཐོ་རིས་འཆི་ཕོ་སྒྲོན་བགྱིད་འཆི་ལྟས་ལྔ་། །ལྷ་ཡུལ་གནས་པའི་ལྷ་རྣམས་ལ་འབྱུང་སྟེ། །ས་སྟེང་མི་རྣམས་འཆི་བར་འགྱུར་བ་དག །སྒྲོན་པར་བྱེད་པའི་འཆི་ལྟས་དག་དང་འདྲ། །ཞེས་གསུངས་པ་ལྟ་བུའོ། །ལྷ་མ་ཡིན་དུ་སྐྱེས་ན་དེའི་སྡུག་བསྔལ་ནི། ལྷ་མིན་དག་ནའང་རང་བཞིན་གྱིས་ལྷ་ཡི། །དཔལ་ལ་སྡང་ཕྱིར་ཡིད་ཀྱི་སྡུག་བསྔལ་ཆེ། །དེ་དག་བློ་དང་ལྡན་ཡང་འགྲོ་བ་ཡི། །སྒྲིབ་པས་བདེན་པ་མཐོང་བ་མ་མཆིས་སོ།། ཞེས་པ་ལྟ་བུའོ། །དེས་ན་རིགས་དྲུག་གང་དུ་སྐྱེས་ཀྱང་སྡུག་བསྔལ་བ་ནི། འཁོར་བ་དེ་འདྲ་ལགས་པས་ལྷ་མི་དང༌། །དམྱལ་བ་དུད་འགྲོ་ཡི་དྭགས་རྣམས་སུ་ནི། །སྐྱེ་བ་བཟང་པོ་མ་ལགས་སྐྱེ་བ་ནི། །གནོད་པ་དུ་མའི་སྒོར་འགྱུར་མཁྱེན་པར་མཛོད། །ཅེས་གསུངས་པ་ཡིན་ནོ།། གཉིས་པ་འཁོར་བ་སྤྱིའི་ཉེས་པ་ནི། རྒྱས་པར་བྱས་ན་བརྗོད་ཀྱིས་མི་ལང་སྟེ། དེས་པ་འདོད་པས་ཕོངས་དང་འཆི་བ་དང་། །ན་རྒ་ལ་སོགས་སྡུག་བསྔལ་དུ་མ་ཡི། །འབྱུང་གནས་འཁོར་བ་ལ་ནི་སྐྱོ་མཛད་ཅིང་། །འདི་ཡི་ཉེས་པའི་ཤས་ཀྱང་གསན་པར་མཛོད། །ཅེས་གསུངས་པ་ལྟར། སྡུག་བསྔལ་ཐམས་ཅད་ཀྱི་འབྱུང་གནས་དེ་ལས་རགས་བསྡུས་པ་འགའ་ཙམ་བརྗོད་ན། འཁོར་བ་མཐོ་དམན་གྱི་ཉེས་པ་དང་། ངེས་པ་མེད་པའི་ཉེས་པ་དང་། ལུས་གྲངས་མེད་པ་བླངས་པའི་ཉེས་པ་དང་། འདོད་པ་ལ་ངོམས་པ་མེད་པའི་ཉེས་པ་དང་། གཅིག་པུ་གྲོགས་མེད་པའི་ཉེས་པ་ལ་སོགས་པ་རྣམས་ཡིན་ཏེ། དང་པོ་མཐོ་དམན་གྱི་ཉེས་པ་ནི། བརྒྱ་བྱིན་མཆོད་འོས་ཉིད་དུ་གྱུར་ནས་ནི། །ལས་ཀྱི་དབང་གིས་ཕྱིར་ཡང་ས་སྟེང་ལྟུང་། །འཁོར་ལོས་བསྒྱུར་བ་ཉིད་དུ་གྱུར་ནས་ཀྱང་། །འཁོར་བ་དག་ཏུ་ཡང་བྲན་ཉིད་དུ་འགྱུར། །ཞེས་པ་ལྟ་བུ་དང་། ངེས་པ་མེད་པའི་ཉེས་པ་ནི། ཕ་ནི་བུ་ཉིད་མ་ནི་ཆུང་མ་ཉིད། །སྐྱེ་བོ་དགྲར་གྱུར་པ་ནི་བཤེས་ཉིད་དང་། །བཟློག་པ་ཉིད་དུ་མཆིས་པས་དེའི་སླད་དུ། །འཁོར་བ་དག་ན་ངེས་པ་འགའ་མ་མཆིས། །ཞེས་པ་དང༌། ལུས་གྲངས་མེད་པ་བླངས་པའི་ཉེས་པ་ནི། རེ་རེའི་བདག་ཉིད་རུས་པའི་ཕུང་པོ་ནི། །ལྷུན་པོར་མཉམ་པ་སྙེད་ཅིག་འདས་གྱུར་ཏེ། །ཞེས་དང༌། མྱ་ངན་བསལ་བ་ལས། ཕན་ཚུན་དག་ཏུ་རྩོད་པའི་ཕྱིར། །མགོ་བོ་བཅད་པ་གང་ཡིན་པ། །སྤུངས་ན་དེ་ལྟར་མཐོ་བ་ནི། །ཚངས་པའི་འཇིག་རྟེན་ལས་ཐལ་འགྱུར།&quot; །ཞེས་པ་ལ་སོགས་པ་ལྟ་བུའོ། །འདོད་པ་ལ་ངོམས་པ་མེད་པའི་ཉེས་པ་ནི། རེ་རེས་རྒྱ་མཚོ་བཞི་བས་ལྷག་པ་ཡི། །འོ་མ་འཐུངས་ཏེ་ད་དུང་སོ་སོ་ཡི། །སྐྱེ་བོའི་རྗེས་སུ་འབྲངས་ནས་འཁོར་བ་བས། །དེ་བས་ཆེས་མང་ཉིད་དུ་བཏུང་འཚལ་ལོ་ །ཞེས་དང་། ཀར་ཤ་པ་ཎའི་ཆར་ཕབ་ཀྱང་། །འདོད་ལྡན་རྣམས་ལ་ངོམས་པ་མེད། །ཅེས་པ་ལ་སོགས་པ་གསུངས་པ་ལྟ་བུའོ། །གཅིག་པུ་གྲོགས་མེད་པའི་ཉེས་པ་ནི། །སྤྱོད་འཇུག་ལས། སྐྱེ་ནའང་གཅིག་པུ་སྐྱེ་འགྱུར་ཞིང་། །འཆི་ནའང་དེ་ཉིད་གཅིག་འཆི་སྟེ། །ཞེས་པ་ལྟ་བུའོ།། ཡང་ནས་ཡང་དུ་ཉིད་མཚམས་སྦྱར་བའི་ཉེས་པ་ཡང་ཡོད་དེ། མ་ཡི་ཐུག་མཐའ་རྒྱ་ཤུག་ཚིག་གུ་ཙམ། །རིལ་བུའི་གྲངས་ཀྱང་ས་ཡིས་ལང་མི་འགྱུར ། །ཞེས་གསུངས་པ་ལྟ་བུའོ། །དེས་ན་འཁོར་བ་འདིར་གང་དུ་སྐྱེས་ཀྱང་སྡུག་བསྔལ་འབའ་ཞིག་ལས་མེད་པས། དེ་ལྟར་འདི་ཀུན་མི་རྟག་བདག་མེད་དེ། །སྐྱབས་མེད་མགོན་མེད་གནས་མེད་དེ་སླད་དུ། །འཁོར་བ་ཆུ་ཤིང་སྙིང་པོ་མེད་པ་ལ། །མི་མཆོག་ཁྱོད་ཀྱི་ཐུགས་ནི་འབྱུང་པར་མཛོད། །ཅེས་པ་ལྟར་བསམ་ཞིང་གོ་ན། སྲིད་གསུམ་དག་ལ་རྨི་الدا ལམ་ན་ཡང་མི་འདོད་ཅིང་། །ཞེས་པའམ། ཕྲ་མེན་མའི་བུ་མ་ལ་ཞེན་པ་ལོག་པའམ། ཚལ་ཚིག་པའི་བྱའམ། སྲིན་མོའི་གླིང་གི་ཚོང་པ་ལྟ་བུའི་བློ་སྐྱེས་ན། དེ་ལས་ཐར་བར་བྱེད་པའི་ཆོས་བྱེད་གོས། ཆོས་མ་བྱས་པར་རང་ཐར་དུ་ཡང་མི་འགྲོ གཞན་གྱི་བྱས་པས་ཀྱང་མི་ཕན། དེས་ན་ཐར་པ་བདག་ལ་རག་ལས་འདི་ལ་ནི། །གཞན་གྱི་གྲོགས་བགྱིར་ཅི་ཡང་མ་མཆིས་པས། །ཐོས་དང་བསམ་དང་སྒོམ་དང་ལྡན་པ་ཡིན། །བདེན་པ་རྣམ་པ་བཞི་ལ་བག་ཡོད་མཛོད། །ཅེས་གསུངས་པ་ལྟར་རང་ཁོ་ནས་བྱ་དགོས། ཆོས་མང་པོ་གཅིག་ཡོད་ཀྱང་བྱང་ཆུབ་ཀྱི་སེམས་ལས་བཟང་བ་མེད་པས། སྤྱོད་འཇུག་ལས། བྱང་ཆུབ་སེམས་སྐྱེས་གྱུར་ན་སྐད་ཅིག་གིས། །འཁོར་བའི་བཙོན་རར་བསྡམས་པའི་ཉམ་ཐག་རྣམས། །བདེ་གཤེགས་རྣམས་ཀྱི་སྲས་ཞེས་བརྗོད་བྱ་ཞིང་། །འཇིག་རྟེན་ལྷ་མིར་བཅས་པའི་ཕྱག་བྱར་འགྱུར། །ཞེས་དང༌། སེམས་འགྲེལ་ལས། སྐྱེས་བུ་གང་ཞིག་སྐད་ཅིག་ཙམ། །བྱང་ཆུབ་སེམས་ནི་སྒོམ་བྱེད་པ། །དེ་ཡི་བསོད་ནམས་ཕུང་པོ་ནི། །རྒྱལ་བ་ཡིས་ཀྱང་བགྲང་མི་སྤྱོད། །ཅེས་གསུངས་ཤིང༌། ཁྱད་པར་དུ་སྤྱོད་འཇུག་ལས། གང་ཞིག་བདག་དང་གཞན་རྣམས་ནི། །མྱུར་དུ་སྐྱབས་པར་འདོད་པ་དེས། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ། །ཞེས་པ་ལྟར་བདག་གཞན་བརྗེ་བ་ལས་བཟང་བ་མེད། འོ་ན་དགྱེས་རྡོར་རམ། ཕྱག་རྒྱ་ཆེན་པོའམ། སྟོང་པ་ཉིད་བཟང་བ་མ་ཡིན་ནམ་སྙམ་ན། རྒྱ་གར་དུ་དགྱེས་རྡོར་བསྒོམ་པའི་རྣལ་འབྱོར་པ་ཅིག་རྒྱུན་དུ་ཞུགས་པ་ཐོབ་པ་ཅིག་བྱུང་བ་ལ། ཇོ་བོའི་ཞལ་ནས། དེ་སྟངས་བཟང་པ་ཡིན། མ་ལེགས་ན་འཆུགས་ཏེ་ཆ་བ་ཡིན་གསུངས་སྐད། པོ་ཏོ་བས་ཀྱང་དེ་སྐད་གསུངས་པ་ལ་གཞན་མ་རངས་ནས། སྤྱན་སྔ་བ་ལ་ཇོ་བོ་འདི་སྐད་གསུང་ཟེར་ཞུས་པས། དེ་ཨ་ཅང་། དེ་བས་བྱང་ཆུབ་ཀྱི་སེམས་མེད་ན། ཧེ་བཛྲ་བསྒོམ་པ་དམྱལ་བར་ཡང་འགྲོ །ཡི་དྭགས་སུ་ཡང་འགྲོ །དུད་འགྲོར་ཡང་འགྲོ་གསུངས་ཏེ། བྱང་ཆུབ་ཀྱི་སེམས་མེད་ན་དེ་དག་གི་རྒྱུར་ཡང་འགྱུར་ལ། བྱང་ཆུབ་ཀྱི་སེམས་ནི་གཞན་དུ་མི་འགྱུར་བས་སོ། །སྟོང་པ་ཉིད་ཀྱང་དམྱལ་བ་ནས་རང་སངས་རྒྱས་མན་ཆད་ཀྱི་རྒྱུ་རྐྱེན་ཡིན་ལ། བྱང་ཆུབ་ཀྱི་སེམས་ནི་ཕའི་ས་བོན་ལྟར་སངས་རྒྱས་ཀྱི་རྒྱུ་ཐུན་མོང་མ་ཡིན་པ་ཡིན་པས་གཞན་དུ་འགྱུར་མི་སྲིད་ལ། སངས་རྒྱས་ཀྱི་ཆོས་ཐམས་ཅད་སྐྱེ་བར་བྱེད་པས་ས་བོན་ལྟ་བུའོ། །ཞེས་པ་ལ་སོགས་པ་ཕན་ཡོན་མང་དུ་གསུངས་པས་འདི་ལས་བཟང་བའི་ཆོས་མེད། ཆོས་གཞན་བསམ་སྟེ་རྒྱུད་ལ་སྐྱེས་ན་གཉེན་པོར་འགྲོ། འདིའི་ཚིག་དྲན་པ་ཙམ་གྱིས་གཉེན་པོར་འགྲོ བདེ་ལྡན་གྱིས་འགྲོ ཉན་རང་དུ་ཡང་མི་གོལ། བྱང་ཆུབ་སེམས་དཔའི་སྤྱོད་པ་རླབས་ཅན་དུ་འགྲོ དེས་སྔོན་འགྲོའི་ཆོས་དག་མ་བསམ་པར་འདི་སེམས་སྙིང་འདོད་པ་དང་། བསྐུལ་བ་དང་། བླང་རྒྱུ་མི་ཡོང་བས། དང་པོར་དལ་འབྱོར་རྙེད་པར་དཀའ་བ་གོ་ཞིང་། འཇིག་པར་སླ་བས་མི་རྟག་པར་ཤེས་ལ། ཤི་ནས་མེད་པར་མི་འགྲོ་བར་སྐྱེ་དགོས་ལ། དེ་ཡང་ལས་ཀྱིས་སྐྱེ་ཞིང་ལས་ངན་པས་ངན་སོང་དུ་སྐྱེས་ནས་དེའི་སྡུག་བསྔལ་ཐམས་ཅད་འབྱུང་ཞིང་། ལས་བཟང་པོས་ལྷ་མི་ཐོབ་ཀྱང་སྡུག་བསྔལ་ལས་མ་འདས་ཤིང་། འཁོར་བའི་སེམས་ཅན་ཐམས་ཅད་ཐོག་མ་མེད་པ་ནས་ཀྱི་མ་རྒན་དྲིན་ཅན་ཡིན་པ་ལ་སྡུག་བསྔལ་གྱིས་ཉམ་ཐག་པ་མི་བཟོད་པས་ཀུན་ནས་བླངས་པའི་བྱང་ཆུབ་ཀྱི་སེམས་འབྱུང་བས་ལམ་རིམ་འོག་མ་ཐམས་ཅད་འདིའི་སྔོན་འགྲོ་ཡིན་ནོ།། དངོས་གཞི་བྱང་ཆུབ་སེམས་ལ་བློ་སྦྱོང་བ། དངོས་གཞི་གང་བསྒོམ་སྙམ་ན། དངོས་གཞི་གཏོང་ལེན་སྤེལ་མར་སྦྱང༌། །ཞེས་བྱ་བ་སྟེ། ལེན་པ་མེད་ན་བརྗེ་བར་མི་འགྲོ་ལ། གཏོང་བ་མེད་པར་ཚོགས་མི་རྫོགས་པས་གཏོང་ལེན་གཉིས་ཡིན་ནོ། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ། །ཅེས་གསུངས་པའི་དོན་ཡིན། དེ་ཡང་གོང་དུ་བསྟན་པ་ལྟར་སྔོན་དུ་བདག་མེད་གཉིས་བསྒོམ་ནས་འདི་སྒོམ་པའི་ལུགས་ཀྱང་ཡོད་པ་ལས་འདིར་བླ་མ་གསེར་གླིང་པའི་ལུ གས་ཀྱི་བདག་འཛིན་དང་བཅས་པའི་དུ ས་ནས་བསྒོམ་པའི་ལུགས་ཡིན། གཏོང་ལེན་གཉིས་ཀྱང་སྔོན་དུ་ལེན་པ་བསྒོམ། དེའི་དམིགས་པའི་ཡུལ་ཡང་ཁ་ཅིག་གྱད་སྟོབས་པོ་ཆེ་ཐུབ་ན་ཐམས་ཅད་ཐུབ་པའི་དཔེས་དགྲའམ་མི་སྡུག་པ་ལ་བསྒོམ་ཟེར་བ་ཡང་ཡོད། སློབ་དཔོན་ཀཱ་མ་ལ་ཤི་ལས་ཐ་མལ་བ་ནས་བསྒོམ་ཟེར་བ་ཡོད་ཀྱང་། ཇོ་བོས་སྐྱེ་སླ་བས་རྩ་བའི་མ་ནས་བསྒོམ་པར་བཞེད། ཀུན་སློང་གི་བསམ་པ་ཚད་མེད་པའི་བསམ་པ་ཡང་སློབ་དཔོན་ཀཱ་མ་ལ་ཤཱི་ལས་ཐང་མཉམ་པའི་ཆུ་དྲང་སླ་བ་ལྟར་བཏང་སྙོམས་ནས་སེམས་པ་ཡང་ཡོད། དཔལ་བསྐལ་བ་བཟང་པོའི་རྡོ་རྗེ་ལ་སོགས་པ་རྩ་བ་ཡིན་པས་སྙིང་རྗེ་ནས་བསྒོམ་པ་ཡང་ཡོད། ཇོ་བོས་བྱམས་པ་ནས་བསྒོམ་པར་བཞེད། དེ་ཡང་འདི་ལྟར་བསམ་པར་བྱ་སྟེ། ཐོག་མ་ཉིད་དུ་རང་གི་རྩ་བའི་མ་གང་ཡིན་པ་དེ། མ་ཤི་བར་ཡོད་ན་གང་ན་ཡོད་པའི་ས་དེར་གསལ་བར་ཡོང་བས་དེར་དམིགས། ཤི་ནས་མེད་ན་མདུན་དུ་དམིགས་ལམ་དེའི་སྐྱེ་བ་འདི་དང་གཞན་གྱི་དྲིན་དྲན་པ་སྔོན་དུ་འགྲོ་བས་སྙིང་དུ་སྡུག་ཅིང་ཡིད་དུ་འོང་བ་དང་གཅེས་པར་འཛིན་པའི་བསམ་པ་བསྐྱེད་ནས་མ་རྒན་འདི་བདེ་བ་དང་ལྡན་ན་ཅི་མ་རུ ང་། བདག་གིས་བདེ་བ་ལ་འགོད་པར་བྱ། ཕན་པ་དང་བདེ་བ་ཐམས་ཅད་བདག་གིས་བསྒྲུབ་པར་བྱའོ་སྙམ་དུ་བསམ་པ་ཐག་པ་ནས་བྱམས་པའི་སེམས་གསལ་སིང་བ་བསྒོམ་པར་བྱ། འདོད་པ་བདེ་བ་འདོད་ཀྱང་ངོ་བོ་སྡུག་བསྔལ་ལས་མ་འདས་པས་མ་རྒན་འདིའི་སྡུག་བསྔལ་རྒྱུ་དང་བཅས་པ་ཐམས་ཅད་དང་བྲལ་ན་ཅི་མ་རུང་། བདག་གིས་སྡུག་བསྔལ་ཐམས་ཅད་ལས་བྲལ་བར་བྱ་སྙམ་དུ་བསམ་པ་ཐག་པ་ནས་སྙིང་རྗེ་བསྒོམ་པར་བྱའོ། །དེ་ཡང་མ་མི་དྲན་ན་ཞང་པོ་ལ་སོགས་པ་གང་དྲིན་ཆེ་བ་ནས་བསྒོམ་ཞེས་རྣལ་འབྱོར་པ་ཆེན་པོ་གསུངས་སྐད། སྣེ་ཟུར་པས་དགེ་བཤེས་མངའ་རིས་པ་ཨ་ནེ་ལ་དམིགས་ནས་སེམས་སུ་བཅུག་པ་ལྟ་བུའོ།། བསམ་པ་དེས་ཀུན་ནས་བླངས་ནས་མའི་རྒྱུད་ལ་ཡོད་པའི་སྡུག་བསྔལ་དང་ཀུན་འབྱུང་ལེན་པ་སྟེ། འབྲས་བུ་སྡུག་བསྔལ་ཞེས་པ་སྐྱེ་རྒ་ན་འཆིའི་སྡུག་བསྔལ་ནས། གྲང་བ་དང་། བཙོ་བསྲེག་དང་། གླེན་ཞིང་གཏི་མུག་དང་། བཀྲེས་སྐོམ་ལ་སོགས་པའི་སྡུག་བསྔལ་བརྒྱད་དམ། གསུམ་གྱིས་བསྡུས་པ་སངས་རྒྱས་པའི་གེགས་སུ་གྱུ ར་པ་ཐམས་ཅད་མའི་རྒྱུ ད་ལ་སྐྱེ་གྲིས་བཞར་བ་བཞིན་སངས་ཀྱིས་བླངས་ནས་རང་གི་སྙིང་གི་དཀྱིལ་དུ་ལེན། བླངས་ནས་ཀྱང་རང་ལ་མི་འབྱུང་བར་བྱེད་པའི་དེ་བླངས་ནས་རྩར་འཇོག་པ་མ་ཡིན་ཏེ། སྙིང་གི་ནང་དུ་ལེན་པ་ཡིན་གྱི། ཡན་ལག་གཞན་ལ་འཇོག་པ་ཙམ་མ་ཡིན། དེ་བླངས་པས་རང་ལ་ཕན་དུ་རེ་བ་ལ་སོགས་པའི་ལྟོས་པ་གང་ཡང་མེད་པར་ལེན་པའོ། །དེའི་རྒྱུ་ཀུན་འབྱུང་ལས་དང་ཉོན་མོངས་པ་གཉིས་ལས། ལས་ཀྱི་ཀུན་འབྱུང་མི་དགེ་བ་བཅུ། མཚམས་མེད་པ་ལྔ། དེ་དང་ཉེ་བ་ལྔ། ཁས་བླངས་ཀྱི་སྡོམ་པ་གསུམ་འགལ་ན་དམྱལ་བར་མདའ་འཕངས་པ་བཞིན་འགྲོ་བའི་རྒྱུ་བཞི་ལ་སོགས་པ་དང༌། ཉོན་མོངས་པའི་ཀུན་འབྱུང་དུག་གསུམ་མམ་དྲུག་རྩ་བ། ཉེ་བའི་ཉི་ཤུ་ཉོན་མོངས་པའམ། ཉོན་མོངས་པ་བརྒྱད་ཁྲི་བཞི་སྟོང་ངམ། སྦུབས་བྱེ་བ་གསུངས་པའམ། མཐོང་སྤང་དང༌། སྒོམ་སྤང་སྟེ། རྡོ་རྗེ་ལྟ་བུའི་སྤང་བྱ་མན་ཆད་ལེན་པའོ། །དེ་ལྟར་སྡུག་བསྔལ་དང་ཀུན་འབྱུང་སྟེ་སྤང་བྱ་མ་ལུས་པ་སྒྲིབ་པ་གཉིས་བག་ཆགས་དང་བཅས་པ་བྲལ་ནས་སངས་རྒྱས་པར་སེམས་པའོ། །དེ་ནས་ཕ་དང་སྤུན་ཟླ་ལ་སོགས་པ་ནས། ཉེ་འབྲེལ། ཡུལ་མི་ཁྱིམ་ཚེས་ནས། སྟོང་གསུམ་གྱི་བར་དུ་སེམས་པའོ། །ས་མཚམས་ལྐོག་ཆོས་ནས་འབྱུང་བ་བཞིན་ནོ། །དེ་ནས་གོ་ཡུལ་ཡུངས་ཀར་དྲངས་པས་བསྐྱེད། །ཅེས་པ་ལྟར། སྟོང་གསུམ་ཡུངས་ཀར་གྱིས་བཀང་ནས་ཤར་ཕྱོགས་ཀྱི་སྟོང་གསུམ་རེ་རེ་ཡུངས་ཀར་རེ་བཞག་པས་ཡུངས་ཀར་ཟད་ཀྱང་ཤར་ཕྱོགས་ལ་འབྲི་བ་མེད་པ་ལྟར། ཕྱོགས་བཅུ་ཀུན་ལ་སྦྱར་ཏེ་ནམ་མཁའི་མཐའ་ཁྱབ་ཀྱི་སེམས་ཅན་ལ་བསྒོམ་པའོ། །དེ་ནས་ངན་སོང་གསུམ་གྱི་ཡང་དམྱལ་བའི་སྡུག་བསྔལ་མེ་ལས་གྱུར་པ་དང༌། མཚོན་ཆ་ལས་གྱུར་པ་དང་། ནད་ལས་གྱུར་པ་དང་། སེམས་ལས་གྱུར་པ་དང་། ཆུ་བུར་ཅན་ནས་པདྨ་ལྟར་ཆེར་གས་པའི་བར་དང་། རྒྱུ་ཀུན་འབྱུང་ཞེ་སྡང་ལ་སོགས་པའི་ཉོན་མོངས་པའི་བར་དང་། མི་དགེ་བ་ཆེར་སྤྱད་པ་ཐམས་ཅད་ལེན། ཡི་དྭགས་ཀྱི་ཡང་བཀྲེས་སྐོམ་ལ་སོགས་པའི་སྡུག་བསྔལ་དང་། འདོད་ཆགས་ལ་སོགས་པའི་ཉོན་མོངས་པ་དང་། མི་དགེ་བ་འབྲིང་དུ་སྤྱད་པ་ཐམས་ཅད་ལེན། དུད་འགྲོ་གཅིག་གིས་གཅིག་ཟ་བ་ལ་སོགས་པའི་སྡུག་བསྔལ་དང་། གཏི་མུག་ལ་སོགས་པའི་ཉོན་མོངས་པ་དང་། མི་དགེ་བ་ཆུང་ངུ་སྤྱད་པ་ཐམས་ཅད་ལེན། མཐོ་རིས་ཀྱི་ཡང་མིའི་སྐྱེ་རྒ་ན་འཆི་ལ་སོགས་པ། འདོད་ལྷའི་འཆི་ལྟས་ལ་སོགས་པ། ཁམས་གོང་མ་གཉིས་ཀྱི་འཆི་འཕོ་དང་ལྟུང་བ་ལ་སོགས་པ་ཐམས་ཅད་ལེན། རེས་སེམས་ཅན་གྱི་ཁམས་དང་། རེས་རེ་རེ་དང་དེའི་ཡང་སེམས་ཅན་རེ་རེ་ནས་སེམས། དེ་མེད་ན་ཁ་ལ་ཡཾ་ནས་དོན་ཐོག་ཏུ་མི་སྐྱོལ། རེས་ནམ་མཁའི་མཐས་ཁྱབ་ཀྱི་སེམས་ཅན་མ་ལུས་པ་ལ་དུས་གཅིག་ལ་སེམས། དེ་མེད་ན་བློའི་འབྲལ་མི་ཡོང་། རེས་དམྱལ་བ་ལྟ་བུ་སེམས་ཅན་རེ་རེའི་རྩར་རང་གི་ལུས་རེ་བསམས་ནས་ལེན། རེས་ལུས་འདི་གཅིག་པུ་ལ་ཐམས་ཅད་ཀྱིས་ལེན། རེས་རགས་རིམ་ནས་ལེན། རེས་གང་སྣང་བའི་ལེན། རེས་འདི་ཀུན་ལ་སྦྱང་མི་དགོས་སྙམ་པ་མི་གནང་བའི་ལེན། རེས་དམྱལ་བའི་བླངས། སངས་རྒྱས་པ་ནས་བྱང་ཆུབ་སེམས་དཔའི་བླངས། སངས་རྒྱས་པའི་བར་དུ་སེམས་རེས་དམྱལ་བའི་བླངས། ཡི་དྭགས་སུ་དྲངས། དེ་ནས་དྲངས། དུད་འགྲོ དེ་ནས་མི། དེ་ནས་འདོད་ལྷ་རིགས་དྲུག དེ་ནས་གཟུགས་ཁམས་གནས་རིས་བཅུ་བདུན། དེ་ནས་གཟུགས་མེད་མུ་བཞི། དེ་ནས་ཉན་རང་། བྱང་སེམས་ས་བཅུའི་བར་དུ་རིམ་པས་ལེན། རེས་ཉོན་མོངས་པ་རྣམས་ཕྱེ་ནས་ལེན། རེས་ལས། རེས་སྡུག་བསྔལ་རྣམས་ཕྱེ་ནས་ལེན། རེས་མི་རྟག་པ་ནས་དངོས་འཛིན་གྱི་བར་ལམ་གྱི་མི་མཐུན་ཕྱོགས་རྣམས་ལེན། རེས་སེར་སྣ་ལ་སོགས་པ་ཕ་རོལ་ཏུ་ཕྱིན་པ་དྲུག་གི་མི་མཐུན་པའི་ཕྱོགས་རྣམས་ལེན། རེས་གཙང་བར་འཛིན་པ་ལ་སོགས་པ་བྱང་ཆུབ་ཀྱི་ཕྱོགས་ཀྱི་མི་མཐུན་པའི་ཕྱོགས་ལེན། རེས་ས་བཅུའི་མི་མཐུན་པའི་ཕྱོགས་ལེན། རེས་ངན་རྟོག་སྣ་ཚོགས་ནས་མཐོང་སྤང་སྒོམ་སྤང་གི་བར་གྱི་ཉོན་སྒྲིབ་ཐམས་ཅད་ལེན། རེས་རྟོག་པ་དགུ་བཞི་སུམ་ཅུ་རྩ་དྲུག་ནས་རྟོག་པ་ཕྲ་མོའི་བར་ཤེས་བྱའི་སྒྲིབ་པ་ཐམས་ཅད་ལེན། དེ་ལྟར་སེམས་ཚུལ་སྣ་ཚོགས་ཀྱི་བསམ་པས་མི་སྐྱོ། ངེས་ཤིང་དོན་ཐོག་ཏུ་སྐྱོལ། བློ་འབྱོངས་རྐྱེན། ཤེས་བྱ་ལ་སྦྱངས་པ་ཆེ། ཞར་ལ་ཆོས་གཞན་གྱི་གྲངས་ཡན་ཆད་ཚང་། སྡིག་པ་མང་པོ་འདག ཚོགས་མང་པོ་བསོག་པའི་རྐྱེན་ལ་སོགས་པ་འབྱུང་བའོ། །དེ་ཡང་དགྲ་དང་ཐ་མལ་དུ་བྱས་པ་ལ་མི་སྐྱེ་བས་མ་དྲིན་ཅན་དུ་བྱས་ནས་སེམས་པའོ། །དེ་ཡང་མ་མ་ཡིན་པ་ལ་ཡིན་པར་སེམས་པ་མ་ཡིན་ཏེ། ཐོག་མ་མེད་པ་ནས་ཀྱི་མ་དྲིན་ཅན་ཡིན་པས་ཡིན་པ་ལ་ཡིན་པར་སེམས་པའོ། །དེ་རྣམས་ཀྱང་བྱམས་སྙིང་རྗེ་གསལ་སིང་བ་རེས་ཀུན་ནས་བླངས་ཤིང་ལེན་པའོ།། འཕགས་པ་ཉན་ཐོས་དང་རང་སངས་རྒྱས་དེ་གཉིས་ལ་བླངས་རྒྱུ་མེད་དམ་སྙམ་ན། ཡོད་དེ། ལྟོས་པ་དང་བཅས་པ་ཐམས་ཅད་སྡུག་བསྔལ་ཡིན་ལ། ཁོང་འཁོར་བ་ལ་འཇིགས་པ་དང་བཅས་པ་དང༌། ཕུང་པོའ ང་སྡུག་བསྔལ་ཡིན་པས་འབྲས་བུ་སྡུག་བསྔལ་དང་། དགྲ་བཅོམ་པའི་ཕུང་པོ་མ་གཏོགས་པ་སྡུག་བསྔལ་དང་ཀུན་འབྱུང་ཁྱབ་མཉམ་དུ་འདོད་པས་སོ། །ཡང་བྱང་ཆུབ་སེམས་དཔའི་ཉོན་མོངས་པ་ནི་རྣམ་པར་རྟོག་པའོ་ཞེས་པས། གོང་མས་རྟོག་པ་ཉོན་མོངས་པར་འདོད་པ་དང་། ཤེས་བྱའི་སྒྲིབ་པ་ཁ་མ་འཕྲི་བར་ཡོད་པ་དང༌། ཡང་སྤང་བྱའི་ལྷག་མ་ཚོགས་ལམ་ན་ཕལ་ཆེར་ཡོད་པ་ནས་བཟུང་སྟེ། ས་བཅུ་ལ་བཙོན་ལྕགས་སྒྲོག་ལས་གྲོལ་བའི་ལྕགས་འགྲོས་ལྟར་ཤེས་བྱའི་སྒྲིབ་པ་ཕྲ་མོ་ཡོད་པའི་བར་ལེན་པའོ། །དེ་དག་ཀྱང་ལམ་ལྔ། ས་བཅུ། འབྲས་བུ་བཞི་རིམ་པས་ལེན་པ་དང་། རེ་རེ་ནས་ལེན་པ་དང༌། དུས་གཅིག་ཏུ་ལེན་པ་སྔར་ལྟར་རོ།། འོ་ན་དེ་དག་གིས་བླངས་ན་སངས་རྒྱས་ཀྱི་ས་ལ་འཇོག་པ་སྐུ་གཉེར་ཆེས་པ་མ་ཡིན་ནམ། རང་འཆིང་བ་མཐའ་དག་དང་མ་བྲལ་བས་དེ་སྒྲུབ་པར་མི་ནུས་སོ་སྙམ་ན། རང་གིས་སེམས་བསྐྱེད་པའི་ཚེ་ཁས་བླངས་པས་མི་བྱ་བ་མེད། ཇི་ལྟར་ཁས་བླངས་ན་བདག་གིས་སེམས་ཅན་མ་བསྒྲལ་བ་བསྒྲལ། ཞེས་པས་སེམས་ཅན་ཐམས་ཅད་འཁོར་བའི་སྡུག་བསྔལ་ལས་བསྒྲལ་ནས་ས་དང་པོ་ལ་འགོད་པར་ཁས་བླངས་པ་ཡིན། མ་གྲོལ་བ་དགྲོལ་ཞེས་པས་མཚན་མའི་འཆིང་བ་ལས་དགྲོལ། ས་བདུན་པ་ལ་འགོད་པ་ཡིན། དབུགས་མ་ཕྱིན་པ་དབུགས་དབྱུང་ཞེས་པས་རྒྱ་མཚོ་ལ་གྲུ་བོ་ཆེ་བཏང་བ་ལྟར་ས་བརྒྱད་པ་ནས་རྩོལ་བ་དང་བྲལ་བ་འབྲས་བུ་གསུམ་ལ་འགོད་པ་ཡིན། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་ཞེས་པས་ས་བཅུ་རྒྱུན་གྱི་ཐ་མ་རྡོ་རྗེ་ལྟ་བུ་ལ་གནས་པ་རྣམས་ཀྱང་། མྱ་ངན་ཞེས་པ་དངོས་འཛིན་གྱི་བག་ཆགས་ཅུང་ཟད་ཀྱི་ཤེས་བྱའི་སྒྲིབ་པ་ཡོད་པས་དེ་ལས་འདས་པར་ཁས་བླངས་པ་ཡིན་པས། དེ་ལྟར་སྒྲུབ་དགོས་གསུངས། སྤྱིར་ལེན་ཚུལ་དེ་ལྟར་ཡིན་པ་ལ། བྱེ་བྲག་ད་ལྟ་མངོན་སུམ་དུ་མཐོང་བ་དང་ཐོས་པ་ལ་སོགས་པ་འཁྲུགས་པ་བྱས་ནས་མི་བཟད་ནོར་འཛད་ལ་སོགས་པ་དང༌། རིམས་ལ་སོགས་པའི་ནད་ཚབ་ཆེན་གྱིས་ན་བ་དང༌། མཛེ་བྱུང་བ་དང་། ཁེ་འདོད་པས་ཚོང་བྱས་ནས་མཛོ་ཡན་ཤི་ནས་གླང་ཤི་བྲག་ཟད་ལ་སོང་བ་དང་། རྒས་པས་སྦྱོར་མི་བཟོད་པར་སོང་བ་དང༌། རབ་བྱུང་གི་སྡོམ་པ་ཤོར་ནས་ཁྱི་རོ་རུལ་བ་ལྟར་སོང་བ་དང་། མ་འཛོམ་པ་དང་། མི་དང་མི་མ་ཡིན་པས་གནོད་པ་སྐྱེལ་བ་དང་། དད་པ་དང་ཤེས་རབ་མེད་པ་ལ་སོགས་པ་དང་། ཇི་ཙམ་ཉན་ཡང་ཆོས་མི་གོ་བ་དང༌། བསམ་དུ་མ་བཏུབ་པ་དང༌། ཆགས་སྡང་ལ་སོགས་པ་རྒྱས་པ་དང་། དབང་ཆུང་བས་ཕ་སྤུན་ལ་སོགས་པ་མཉམ་པོས་རྡོག་ཉེད་དང་བརྙས་བཅོས་ལ་སོགས་མི་འདོད་པའི་གནོད་པ་ཐམས་ཅད་རང་ལ་ལེན་པའོ། །རང་ལ་དེ་Y དག་བྱུང་བ་དང་བྱུང་གིས་དོགས་པ་དང་། གཞན་ཡང་ཆགས་ཆེ་བ་དང་། ཡུལ་ས་གཉན་པ་དང་། བག་དང་། མི་གཙང་བ་བྱུང་གིས་དོགས་པ་དང་། རྨི་ལམ་ངན་པ་དང་། རྟགས་དང་མཚན་མ་ངན་པ་དང་། གཞན་གྱི་གཏད་ཁྲམ་དང་རྦོད་གཏོང་དང་། འདྲེ་འགྲས་ལ་སོགས་པ་བྱུང་གིས་དོགས་པ་ཐམས་ཅད་ལ་སེམས་ཅན་གྱི་དེ་ཐམས་ཅད་རང་ལ་ལེན། བླངས་པས་ཀྱང་རང་ལ་ཕན་དུ་རེ་བའི་ལྟོས་པ་གང་ཡང་མི་བྱེད་པའོ།། དེ་ནས་ཕྱི་སྣོད་ཀྱི་ངམ་གྲོག་གམ། གཡང་སའམ་ཚེར་མ་དང་ཡུ ལ་ངན་པ་ལ་སོགས་པ་ཐམས་ཅད་བླངས་ཏེ་བློ་སྦྱོང་བས་སོ། །གཟུགས་མི་སྡུག་པ་དང་། སྒྲ་མི་སྙན་པ་དང༌། དྲི་མི་ཞིམ་པ་ལ་སོགས་པ་ཐམས་ཅད་བླངས་ནས་གཟུགས་སྡུག་པ་པ་ལ་ལ་སོགས་པར་སེམས་པའོ། །མདོར་ན་སངས་རྒྱས་དང་བླ་མ་མ་གཏོགས་པ་ཕྱི་ནང་སྣོད་བཅུད་ཀྱི་སྐྱོན་ཐམས་ཅད་ལེན་པའོ། །སངས་རྒྱས་སྐྱོན་ཐམས་ཅད་སྤངས་ཤིང་ཡོན་ཏན་ཐམས་ཅད་རྒྱས་པ་ཡིན། བླ་མ་ལ་བབས་ལ་བླང་རྒྱུ་མེད་ཀྱང་ཚུ་རོལ་མཐོང་བའི་བློ་ངོ་ན་བསྒྲེས་པ་དང་སྐུ་ཁམས་ཞན་པ་ལ་སོགས་པ་བླང་དུ་རུང་ངམ་ཞུས་པས། དེ་འདྲ་བསམ་དུ་མི་རུང་གསུངས། དེས་ན་ཆོས་གང་ནས་ཀྱང་སངས་རྒྱས་དང་ཁྱད་མེད་པར་བཤད་པས་བླང་དུ་མི་རུང་གསུང་སྐད། དེ་དག་ནི་ལེན་པའོ།། ད་གཏོང་བ་འདི་མེད་པར་ཚོགས་མི་རྫོགས། ལེན་པ་བས་ཀྱང་གལ་ཆེ་བ་ཡིན་པ་ལས་སྤྱིར་ནི། བདག་གི་ལུས་དང་ལོངས་སྤྱོད་དང༌། །དུས་གསུམ་དགེ་བ་སྐྱེས་པ་རྣམས། །སེམས་ཅན་ཀུན་གྱི་དོན་སྒྲུབ་ཕྱིར། །འཕངས་པ་མེད་པར་བཏང་བར་བྱ། །ཅེས་པས་འདི་གསུམ་བཏང་བ་དང་། བདག་གཞན་བརྗེ་བའི་བྱང་ཆུབ་ཀྱི་སེམས་དང༌། སེམས་ཅན་གྱི་དོན་དུ་དམྱལ་བར་འགྲོ་བ་ཆོས་ཕལ་དུ་བཤད་ཀྱང་འདི་ནི་ཇི་ལྟར་བསྒོམ་པ་དང༌། འདིའི་དུས་སུ་འདི་བསྒོམ་ལ་ལ་སོགས་སོགས་པ་པ་མཐམཐའ་རྒྱ་ཆོད་པ་གང་ཡང་མེད་པ་ཡིན། ད་གཏོང་བའི་དུས་སུ་ལུས་ལོངས་སྤྱོད་དགེ་རྩ་གསུམ་བཏང་བས། དེ་དག་གིས་སངས་རྒྱས་པའི་རྒྱུ་རྐྱེན་མ་ལུས་པར་བྱུང་ནས་སངས་རྒྱས་པར་སེམས་པའོ། །དེ་ལ་ལུས་གཏོང་བའི་ཚེ་འདས་པ་བཏང་རྒྱུ་མེད། ད་ལྟར་གྱི་ལུས་དང་མ་འོངས་པའི་ལུས་ལེན་ཚད་གཏོང་། དེ་ལ་དགོས་པ་གསུམ་སྟེ། ལྷ་བསྒོམ་ཞིང་གཏོང་བ་དང་། ཤ་ཁྲག་ཏུ་གཏོང་བ་དང༌། བཏང་བས་ཟད་པར་སེམས་པའོ། །དང་པོ་ལྷ་བསྒོམ་ཞིང་གཏོང་བ། །ལྷ་ལ་མ་གུས་པར་འགྲོ རྩ་བའི་ལྟུང་བ་ཡང་འབྱུང་། རབ་ཀྱིས་ཐམས་ཅད་ལྷར་ཤེས་པའི་ལྷ་ལ་ལྷ་ཐིམ་པ་ལ་ཉེས་པ་མེད། གཉིས་པ་ཁ་ཅིག་ཤ་འདོད་ཤ་ཁྱེར་ལ་སོགས་པ་བྱེད་པ་ཡང་མི་རུང་སྟེ། དེས་སྤྱིར་ཡང་མི་བཏུབ། ལ་ལ་དེ་ལ་མི་དགའ་བ་ཡང་ཡོད་པས་སོ། །དུག་དང་མཚོན་ལ་སོགས་པར་བྱས་ནས་ཀྱང་མི་རུང་སྟེ། སེམས་ཅན་ལ་གནོད་པས་སོ། །ཤ་ཁྲག་དང་མཚོན་དུག དེ་དག་ཉིད་ཀྱིས་ཕན་བདེའི་རྒྱུར་འགྲོ་བ་ནི་མ་གཏོགས་སོ།། འོ་ན་ཇི་ལྟར་བྱས་ནས་གཏོང་སྙམ་ན། སྡོང་པོ་བཀོད་པ་ལས། བདག་ཉིད་འགྲོ་བ་ཐམས་ཅད་ཀྱི་ཉེ་བར་འཚོ་བའི་ཡིད་བཞིན་གྱི་ལུས་སུ་བསྒྱུར། ཞེས་པའམ། རྡོ་རྗེ་རྒྱལ་མཚན་གྱི་བསྔོ་བ་ལས། འབྱུང་བ་ཆེན་པོ་བཞི་སྒོ་སྣ་ཚོགས་དང་། ཚུལ་སྣ་ཚོགས་དང༌། རྣམ་གྲངས་སྣ་ཚོགས་ནས་སེམས་ཅན་ཐམས་ཅད་ལ་ཉེ་བར་འཚོ་བ་དེ་བཞིན་དུ་བྱང་ཆུབ་སེམས་དཔའ་བདག་ཉིད་ཀྱི་ལུས་ཀྱང་སེམས་ཅན་གྱི་ཉེ་བར་འཚོ་བའི་གཞིར་བསྒྱུར།' ཞེས་པ་དང་། སྤྱོད་པ་ལ་འཇུག་པ་ལས། སེམས་ཅན་ཀུན་གྱི་དོན་བསྒྲུབ་ཕྱིར། །ཡིད་བཞིན་གྱི་ནི་ལུས་སུ་བསྒྱུར། །ཞེས་པ་ལྟར་ཡིད་བཞིན་གྱི་ལུས་སུ་བྱས་ནས་གཏོང་བའོ། །རང་གི་ལུས་ལོངས་སྤྱོད་དགེ་བ་རྣམས་ཡིད་བཞིན་ནོར་བུ་རིན་ཆེན་ལྟར་བསམས་ནས། དེ་ཡང་ཁ་དོག་དང་དབྱིབས་ལ་སོགས་པ་བསམ་མི་དགོས། ཅི་དགོས་དང་ཅི་འདོད་འབྱུང་བ་ལ་ཟེར། གཏོང་བའི་རིམ་པ་ཡང་དང་པོ་རྩ་བའི་མ་མདུན་དུ་དམིགས་ནས་དེ་ལ་བཏང་བས། མ་དེའི་འཚང་རྒྱ་བའི་ཉེར་ལེན་གྱི་རྒྱུ་དད་པ་དང་བརྩོན་འགྲུས་དང་ཤེས་རབ་དང་བྱང་ཆུ བ་ཀྱི་སེམས་ལ་སོགས་པ་དང༌། ལྷན་ཅིག་སྐྱེ་བར་བྱེད་པའི་རྐྱེན་དགེ་བའི་བཤེས་གཉེན་དང་། དཔེ་ཆ། ཕྱི་ནང་གི་མཐུན་རྐྱེན། ཟས་གོས་ལ་སོགས་པ་གང་དགོས་སྒྲུབ་པ་སྟེ་སངས་རྒྱས་པར་སེམས་པའོ། །དེ་བཞིན་དུ་ཕ་ལ་སོགས་པ་ནས་ནམ་མཁའི་མཐས་ཁྱབ་ཀྱི་སེམས་ཅན་མ་ལུས་པ་དང་། ངན་སོང་གསུམ་དང་། ཉན་རང་དང༌། ས་བཅུའི་བྱང་ཆུབ་སེམས་དཔའི་བར་ལ་བཏང་པས་སྔ་མ་ལྟ་བུར་གྱུར་ནས་སངས་རྒྱས་པར་སེམས་པའོ། །ཡང་ཡིད་བཞིན་གྱི་ནོར་བུ་ལས་ཟས་གོས་ལ་སོགས་པ་གང་འདོད་པ་འབྱུང་བ་ལྟར་རང་གི་ལུས་འདི་ལས་ཀྱང་ནམ་མཁའི་མཐས་ཁྱབ་ཀྱི་སེམས་ཅན་ཐམས་ཅད་ལ་ཟས་གོས་གནས་མལ། ཡུལ་ཞིང་། ཉེ་འབྲེལ་འཁོར་འབངས། ཞོན་པ་ལ་སོགས་པ་འཇིག་རྟེན་པའི་བདེ་བ་ཐམས་ཅད་དང༌། མཁན་སློབ་དང་། དཔེ་ཆ་ལ་སོགས་པ་ཐམས་ཅད་དང༌། དད་པ་དང་ཚུལ་ཁྲིམས་ལ་སོགས་པ་འཇིག་རྟེན་ལས་འདས་པའི་བདེ་བའི་རྒྱུ་འབྲས་ཐམས་ཅད་འབྱུང་བར་སེམས་པའོ། །ཡང་ཡིད་བཞིན་གྱི་ནོར་བུ་དབང་གི་རྒྱལ་པོ་ལ་སོགས་པས་སེམས་ཅན་མང་པོའི་དོན་བྱེད་པ་དེ་བཞིན་དུ་རང་གི་ལུས་འདི་ཡང་སེམས་ཅན་རེ་རེའི་མདུན་ན་ཡོད་པར་བསམ་ནས་སྔ་མ་ལྟར་གང་ལ་གང་དགོས་བྱུང་ནས་སངས་རྒྱས་རོ།། ཡང་རང་གི་ལུས་བེམ་པོའི་རྣམ་པ་དང༌། ཆུ་ལ་སོགས་པ་སེམས་ཅན་རེ་རེའི་མདུན་དུ་གནས་ནས་ཀྱང་སྔ་མ་ལྟར་རོ། །ཡང་རེས་རིལ་པོའི་རྣམ་པ་དང༌། རེས་མགོ་ལ་སོགས་པ་གསེད་ནས་གཏོང་བའོ། །ཡང་སྡུག་བསྔལ་གྱིས་ཉམས་ཐག་པ་དང་མཚན་མ་ངན་པ་ཐམས་ཅད་གོང་ལྟར་བླངས་ནས་ལུས་བཏང་བས་བདེ་བ་དང་མཚན་མ་བཟང་བ་ལ་སོགས་པར་སེམས་པའོ། །དེ་ཡང་བསམ་པ་དེ་ལྟར་བློ་སྦྱོང་བ་ལས་བདུད་གཅོད་པ་བཞིན་ཐོ་ཆོར་མ་སོང་བ་དང༌། ཐོག་ཏུ་ཟུར་ས་མེད་པ་བྱུང་བ་ཡང་ཉམ་ང་བ་དང་། འཇིགས་པ་དང༌། བག་ཚ་བ་མེད་པར་རང་གིས་རྒྱངས་ཀྱིས་སོང་བར་སྦྱོང་བའོ། །ཕྱི་སྣོད་ལ་བཏང་བས་ཀྱང་གསེར་གྱི་ས་གཞི་ལ་བེ་ཌཱུརྱས་མིག་དམངས་རིས་སུ་བྲིས་པ་ལ་སོགས་པ་དག་པའི་འཇིག་རྟེན་གྱི་ཁམས་བདེ་བ་ཅན་ནམ། པདྨོ་ཅན་ལ་སོགས་པ་ལྟར་གྱུར་པར་སེམས་པ་སྟེ། ཆོས་ནས་ཞིང་སྦྱང་བར་བཤད་པ་ཡང་དེ་ཉིད་ཡིན་གསུངས། གཏོང་བ་ནི་བླ་མ་དང་སངས་རྒྱས་ལ་ཡང་གཏོང་བ་སྟེ། ཕལ་པོ་ཆེའི་གླེང་གཞི་ནས་བྱུང་བ་ལྟར་མཆོད་པའི་སྤྲིན་རབ་འབྱམས་བསམ་གྱིས་མི་ཁྱབ་པར་བྱས་ནས་ཕུ ལ་བས་ཐུ གས་དགོངས་ཐམས་ཅད་རྫོགས་པ་དང༌། རྣམ་པར་ཐར་པ་ལ་སོགས་པ་ཐམས་ཅད་དར་བ་དང་རྒྱས་པ་དང༌། གཙང་བ་ལ་སོགས་པར་བྱེད་པའོ། །ཉན་ཐོས་དང་རང་སངས་རྒྱས་དང་། བྱང་ཆུབ་སེམས་དཔའ་ལ་བཏང་བས་སྤང་བྱའི་ལྷག་མ་སྤངས་ཏེ། ཚོགས་གཉིས་རྫོགས་ནས་སངས་རྒྱས་པ་དང་། མཆོད་པའི་སྤྲིན་རྣམས་གང་བཞེད་ཀྱིས་ཐུགས་དགོངས་རྫོགས་པར་བསམ་མོ། །ལོངས་སྤྱོད་བཏང་བ་ནི། རྟ་དང་གླང་པོ་དང༌། འབྲུ་དང་། རིན་པོ་ཆེ་དང་། ཟས་གོས་དང་། ཡུལ་དང་ཁང་ཁྱིམ་དང་། འཁོར་འབངས་ལ་སོགས་པ་རང་དབང་བ་ཐམས་ཅད་དོ། །མི་དབང་བ་ནི། ཕྱི་ནང་གི་དངོས་པོ་གང་ཡིན་ཡང་མ་བྱིན་པར་ལེན་པར་འགྲོ་བས་བཏང་དུ་མི་རུང་སྟེ། ཕྱི་སྣོད་ཀྱི་ནགས་ཚལ་དང་མེ་ཏོག་དང་རིན་པོ་ཆེ་ལ་སོགས་པ་གང་ཟག་སྒོ་རེས་བདག་ཏུ་མ་བཟུང་བ་སེམས་ཅན་སྤྱི་མཐུན་གྱི་བསོད་ནམས་ཀྱིས་གྲུབ་པ་ནི་རང་ཡང་དབང་བ་ཡིན་པས་བཏང་དུ་རུང་ལ། བཅུད་ཀྱི་སེམས་ཅན་ནི་རང་རང་གིས་བདག་ཏུ་བཟུང་བས་བཏང་དུ་མི་རུང་སྟེ། རོལ་མོ་ཡང་ངང་པའི་སྐད་དེ་འབུལ་བ་ཡིན། ལུས་དེ་ཁོས་བདག་ཏུ་བཟུང་བས་དབུལ་དུ་མི་རུང་གསུང་བ་ལྟར་རོ།། བློ་ཆུང་བ་ལ་དེ་ལྟར་ཡིན་ལ། བློ་རྒྱ་ཆེ་བ་རང་འདོད་ཀྱི་འཁྲིས་མེད་པ་ལ་ནི། གཞན་ཆེད་དུ་གཞན་བཏང་དུ་རུང་སྟེ། ལྷ་བླ་མས་མི་མ་ཡིན་པ་ཆེན་པོ་ཐུན་མོང་བ་ཀུན་ཡང་དཀོན་མཆོག་ལ་ཕུལ་ནས་ཁ་ཡིག་བཏབ་པ་དང་། བྲན་ཇོ་བོ་ལ་ཤ་ཚ་བས་དེ་ཉིད་ཀྱི་བྱ་བ་སྒྲུབ་པ་ལ་ནོར་རྫས་ལ་སོགས་པ་མ་དྲིས་པར་བཏང་ཡང་ཉེས་པ་མེད་པ་ལྟ་བུའོ། །ཡང་གྲུབ་མཐའ་ལ་བརྟེན་པ་ལྟར་ན། ཉན་ཐོས་པ་ལྟར་རང་གི་སྣང་བ་འདི་རང་གི་ཉོན་མོངས་པའི་དབང་གིས་འབྲས་བུར་གོ་ནའང་གཞན་གྱིས་ལ་བཏང་བ་མེད་པས་ཐམས་ཅད་བཏང་བས་ཆོག །སེམས་ཙམ་པ་ལྟར་ན་རང་གི་རྣམ་པར་ཤེས་པ་འདི་ཉིད་དོན་དུ་སྣང་བར་ཤེས་ནའང་གཞན་གྱི་བཏང་བ་མེད་པས་ཐམས་ཅད་བཏང་བས་ཆོག དབུ་མ་པས་སྒྱུ་མའི་སྤྲུལ་པ་ལྟར་ཤེས་ནས་བཏང་དུ་རུང་སྟེ། རང་གཞན་གཉིས་མེད་ལ་གཉིས་སུ་རྟོག་པ་ཕྱིན་ཅི་ལོག་ཡིན་པས་སོ། །དེ་ལྟར་ལོངས་སྤྱོད་བཏང་དུ་རུང་མི་རུང་དཔྱད་པ་ཐ་མལ་གྱི་བློ་དང་བསྟུན་པ་ཙམ་ཡིན་གྱི། ཆོས་ཀྱི་གོ་བ་ཅིག་བྱུང་ན་དབང་པོ་དྲུག་གི་གྱུར་པ་ཐམས་ཅད་རང་དབང་བས་གཏོང་བ་ཡིན་ལ། དེ་ཡང་གཟུགས་ལྟ་བུ་རེ་རེ་ལ་ཡང་སྡུག་མི་སྡུག་ཐ་མལ་པ་ལ་གསུམ་གསུམ་དུ་གནས་ཤིང་། དེ་རེ་རེ་ལ་ཡང་ལྔའམ་དྲུག་ཚང་བར་གནས་པས་སྡུག་པ་བཏང་བས་དགའ་བ་བསྐྱེད་པ་དང་། མི་སྡུག་པ་བཏང་བས་ཡིད་འབྱུང་བའི་ཡན་ལག་ཏུ་གཏོང་བའམ། དེ་ཡང་གཟུགས་ལྟ་བུ་རེ་རེ་ལ་ཡང་ལོངས་སྤྱོད་ལྔའམ་དྲུག་ཚང་བ་སྟེ། ཁ་དོག་དང་དབྱིབས་མིག་གི་ལོངས་སྤྱོད་ནས་ཡིད་ཀྱི་ཡུལ་དུ་ཆོས་སྤྱོད་པའི་བར་དུ་ཚང་བ་དང༌། དེ་རེ་རེ་ལ་ཡང་གཟུགས་ཀྱི་ལོངས་སྤྱོད་དཔག་ཏུ་མེད་པ་དང་། རྔ་དང་དུང་ལ་སོགས་པ་སྒྲའི་ལོངས་སྤྱོད་དཔག་ཏུ་མེད་པ་དང་། རྡོ་རྗེ་རྒྱལ་མཚན་གྱི་བསྔོ་བ་དྲུག་པ་ནས་བཤད་པ་ལྟར་བཏང་ངོ༌། །དེ་རེ་རེ་ལས་ཀྱང་འཇིག་རྟེན་དང་འཇིག་རྟེན་ལས་འདས་པའི་ཡོ་བྱད་དཔག་ཏུ་མེད་པ་བྱུང་ནས་སྔར་བཞིན་འཚང་རྒྱ་བའི་རྒྱུ་རྐྱེན་མ་ལུས་པ་བྱུང་ནས་སངས་རྒྱས་པར་སེམས་ཏེ། རེ་རེས་ཀྱང་གདུལ་བྱའི་ངོས་ནས་སྦྱར་ན། ནོར་འདོད་པ་ལ་ནོར་གྱི་སྣང་བ་འབྱུང་བ་ནས་ཟས་གོས། གནས་ཁང་དང་འབྲུ་དང༌། རྟ་གླང་ཡུལ་ཞིང་དང་། ཕ་མ་ཉེ་འབྲེལ་དང་འཁོར་འབངས་དང་། ནད་དང་གདོན་དང་བྲལ་བ་ལ་སོགས་པ་གང་འདོད་ཀྱི་སྣང་བ་འབྱུང་བ་དང༌། ལྷ་ཆོས་ཀྱི་གནས་དང་། དགོན་པ་དང་། གྲོགས་དང་དཔེ་ཆ་དང་། མཆོད་གནས་དང་། མཆོད་ཆ་ལ་སོགས་པ་གང་འདོད་ཀྱི་སྣང་བ་དང་། དམ་པའི་ཆོས་ཀྱི་དབང་དུ་བྱས་ན་རྟེན་དལ་འབྱོར་དང་། དད་པ་ལ་སོགས་པ་འཕགས་པའི་ནོར་བདུན་དང༌། བསླབ་གསུམ། མི་རྟག་པ་ལ་སོགས་པའི་ལམ་རིམ་དང་ཚད་མེད་བཞི། བྱང་སེམས་གཉིས། སྦྱོར་བ་ཕ་རོལ་ཏུ་ཕྱིན་པ་དྲུག བསྡུ་བའི་དངོས་པོ་ལ་སོགས་པ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན། སྡོམ་པའི་རིམ་པ། རྒྱུད་སྡེ་བཞི། འཕྲིན་ལས་དང་། སངས་རྒྱས་ཀྱི་ཆོས་དང༌། ཡོན་ཏན་ལ་སོགས་པ་གང་འདོད་པ་དང་། མོས་པ་དང་གང་གིས་འདུལ་བའི་སྣང་བ་འབྱུང་བ་དང་། དེ་ཐམས་ཅད་ཀྱིས་ཀྱང་འཚང་རྒྱ་བའི་རྒྱུ་རྐྱེན་དུ་སོང་ནས་སངས་རྒྱས་པར་སེམས་པའོ། །དེ་བཞིན་དུ་སྒྲ་ནས་ཆོས་ཀྱི་བར་དང་། བྱེ་བྲག་ཟན་ཆང་གཅིག་གཏོང་བ་ལ་དེ་བཞིན་དུ་སྦྱར་རོ།། བླ་མ་དཀོན་མཆོག་ལ་འབུལ་བ་ཡང་སྤྱིར། གཟུགས་ལ་རྣམ་གསུམ་ཤེས་བྱས་ནས། །ལྷ་རྣམས་ཀུན་ལ་དབུལ་བར་བགྱི། །ཞེས་པ་ལྟར་གསུམ་ཀ་ཡང་གོང་ལྟར་དབུལ་བ་དང་། བྱེ་བྲག་ཏུ་ནོར་རྫས་ཡུལ་ཁྱིམ་དང་ཟས་གོས་མལ་སྟན་རེ་རེ་ཡང་དཔག་ཏུ་མེད་པ་དང་། རེ་རེ་ཡང་ལྔ་ཀ་ཚང་བ་དང་། དེ་རེ་རེ་ལ་ཡང་དཔག་ཏུ་མེད་པ་སྟེ། མར་མེའི་སྣང་བ་ལས། སངས་རྒྱས་ཀྱི་ཞིང་ཁམས་ཐམས་ཅད་དུ་རིན་པོ་ཆེའི་སྒྲོན་མེའི་འོད་དང༌། ཚེག་ཚེམ་གྱི་སྒྲ་ལས་རོལ་མོ་དང༌། དྲི་ལས་སྤོས་ཀྱི་རྣམ་པ་དང་། རོ་ལས་ཞལ་ཟས་དང་། རེག་བྱ་ལས་གོས་ཏེ། ཐམས་ཅད་དཔག་ཏུ་མེད་པ་རྒྱུན་མི་འཆད་པ་འབྱུང་བར་བསམས་ཏེ། དངོས་པོ་དེ་ཉིད་དང་མཐུན་པར་བྱས་ནས་འབུལ་བའོ། །ཡང་ལུས་དང་ལོངས་སྤྱོད་རང་གང་ལ་ཆགས་མེད་ཅིག་དགེ་བ་ཡིན་པས་ཆགས་པའི་དངོས་པོ་དེ་དཀའ་ཞིང་གཏོང་ངོ་། །དངོས་སུ་ཆོས་གོས་གསུམ་མ་གཏོགས་པ་གཏོང་བའོ། །དགེ་བ་དུས་གསུམ་ཀའི་གཏོང་བ་སྟེ། ཞི་བ་ལྷས། དུས་གསུམ་དགེ་བ་སྐྱེས་པ་རྣམས། །ཞེས་དང༌། ཀླུས། བདག་གིས་བགྱིས་དང་མི་བགྱིས་པའི། །དགེ་བ་ ཞེས་དང༌། བརྒྱད་སྟོང་འགྲེལ་པ་ལས། བར་གསུམ་གྱི་དགེ་བ་རྣམས་བསྔོ་བར་གསུངས་པའོ།། དེ་ལ་ཟས་བྱིན་པའི་དགེ་བའི་རྩ་བས་སེམས་ཅན་ཟས་ལ་ཞེན་པ་མེད་པ་དང་། བདུད་རྩིའི་ཟས་ནས་རོ་མཆོག་གི་བདེ་བའི་ཡེ་ཤེས་ཀྱི་ཟས་དང་ལྡན་པར་གཏོང་ཞིང་། བཏུང་བ་བྱིན་པའི་དགེ་བས་སེམས་ཅན་ཐམས་ཅད་རོ་བྲོ་བ་ཐམས་ཅད་ལ་མི་ཆགས་པ་དང༌། མཚན་མར་མི་འཛིན་ཅིང་ཆོས་ཀྱི་ཤུགས་དང་དགའ་བ་བླ་ན་མེད་པས་ཚིམ་པར་གཏོང་བ་དང་། མལ་སྟན་བྱིན་པ་ལ་སོགས་པ་རྡོ་རྗེ་རྒྱལ་མཚན་གྱི་བསྔོ་བ་དྲུག་པ་ ལ་སོགས་པ་ནས་གསུངས་པ་ལྟར་གཏོང་བའོ། །ནམ་མཁའ་མཛོད་ཀྱི་མདོ་ལས། བདག་གི་དགེ་བའི་རྩ་བའམ་ཆོས་ལ་མཁས་པ་གང་ཡིན་པ་དེ་སེམས་ཅན་ཐམས་ཅད་ཀྱི་ཉེ་བར་འཚོ་བར་མི་འགྱུར་བར་མ་གྱུར་ཅིག །ཅེས་པའམ། རྡོ་རྗེ་རྒྱལ་མཚན་གྱི་བསྔོ་བ་དང་པོ་དང༌། བྱང་ས་དང༌། རྒྱན་དང་། རིན་ཕྲེང་དང༌། སྤྱོད་འཇུག་ལ་སོགས་པ་ལྟར་དད་པ་ལན་ཅིག་སྐྱེས་པ་ནས་བྱང་ཆུབ་ཀྱི་སེམས་རླབས་ཆེན་སྐྱེས་པའི་བར་བསམ་པས་བསྡུས་པའི་དགེ་བ་དང་། དུད་འགྲོ་ལ་ཟན་ཆང་བ་གཅིག་བྱིན་པ་ནས་བསྡུ་བ་བཞིས་བསྡུས་པའི་བར་སྦྱོར་བར་བསྡུས་པ་དང༌། བསོད་ནམས་གསུམ། ཟག་བཅས་ཟག་མེད་ཀྱིས་བསྡུས་པའི་དགེ་བ་སྣ་རེས་ཀྱང་སེམས་ཅན་ཐམས་ཅད་ལ་ཅི་འདོད་འབྱུང་ཞིང་སངས་རྒྱས་ཀྱི་རྒྱུ་རྐྱེན་ཐམས་ཅད་ཚང་ནས་སངས་རྒྱས་པར་སེམས་པའོ། །དེ་ཡང་སེམས་ཅན་རེ་རེ་ལ་ཡང་ལུས་ལོངས་སྤྱོད་དགེ་རྩ་རིལ་པོ་རེ་རེ་གཏོང་བའོ། །དེས་ཀྱང་གར་ཡང་མི་ཕྱིན་པས་དུ ས་གསུ མ་གྱི་སངས་རྒྱས་དང་བྱང་ཆུ བ་སེམས་དཔའ་བླ་མ་བརྒྱུ ད་པ་དང་བཅས་པ་དེ་གསུམ་གཏོང་བའོ།། དེ་བཏང་ན་རུང་ངམ་སྙམ་ན་རུང་སྟེ། ཁོང་བདག་འཛིན་སྤངས་ཤིང་དང་པོ་སེམས་བསྐྱེད་ཙ་ན་ཐམས་ཅད་སེམས་ཅན་ལ་བཏང་བ་ཡིན་པས་སོ། །དེ་ཙ་ན་ཡིད་བཞིན་དུ་བསྒྱུར་ཅིང༌། བཏང་རྒྱུ་ཡང་དཔག་ཏུ་མེད་དོ། །ས་དང་པོ་བའི་བྱང་ཆུབ་སེམས་དཔའ་ལ་ཡོན་ཏན་བརྒྱ་ཕྲག་བཅུ་གཉིས་ཡོད་པ་ནས་བཟུང་སྟེ། སངས་རྒྱས་ཀྱི་དུས་སྐད་ཅིག་མ་གཅིག་ལ་འཕྲིན་ལས་དཔག་ཏུ་མེད་པ་འབྱུང་བའི་བར་དང༌། བྱང་ཆུབ་སེམས་དཔའ་རིགས་ལྡན་དང་པོ་སེམས་བསྐྱེད་པ་ན་ཡང་ནམ་མཁའི་ཁམས་སུ་མི་ཤོང་བའི་བསོད་ནམས་དཔག་ཏུ་མེད་པའི་ཕྱིར་དང་། སངས་རྒྱས་ཀྱི་བ་སྤུའི་བུ་ག་ནས་བཟུང་ནས་མཚན་དང་དཔེ་བྱད་ལ་སོགས་པ་བསོད་ནམས་ཀྱི་རྒྱུར་དཔག་ཏུ་མེད་པ་གསུངས་པའི་ཕྱིར་རོ། །དེ་ལྟར་བཏང་རྒྱུ་དཔག་ཏུ་མེད་པས་སེམས་ཅན་གྱི་དོན་མ་ལུས་པར་འགྲུབ་པའི་རྒྱུ་རྐྱེན་ཚང་བས་ཚོགས་རྫོགས་པ་དང་། དོན་བྱེད་པ་ལ་ཚེགས་མེད་པ་དང༌། དེ་དག་གི་ཐུགས་དགོངས་རྫོགས་པར་བྱེད་པ་ཡང་དེ་ཡིན་གསུངས། དེ་ལྟར་གཏོང་བ་གསུམ་ཀ་ཡང་རྩ་བའི་མ་ནས་སེམས་ཅན་ཐམས་ཅད་དང་། མནར་མེད་པ་ནས་སངས་རྒྱས་ཀྱི་བར་རིམ་པར་གཏོང་བ་དང་འུབས་བསྡུས་ནས་དུས་གཅིག་ལ་གཏོང་བ་དང་། ལུས་ལོངས་སྤྱོད་ལ་སོགས་པ་སྣ་རེ་ལས་ཀྱང་ཐམས་ཅད་འབྱུང་བར་གཏོང་བ་དང་གསུམ་ཀ་རིལ་པོ་རེ་རེ་གཏང་བས་ཀྱང་དེ་ལྟར་གཏོང་བ་དང༌། ལུས་ལ་སོགས་པ་མང་པོ་བྱས་ནས་སེམས་ཅན་རེ་རེ་ལ་གཏོང་བ་དང༌། འདི་གཅིག་པུས་སེམས་ཅན་ཐམས་ཅད་ཚིམ་པ་ལ་སོགས་པ་ལེན་པའི་སྐབས་ལྟར་རོ།། དེ་ལྟར་བསམས་ཀྱང་གཞན་ལ་དེ་ལྟར་མི་འབྱུང་བས་དོན་མེད་དོ་སྙམ་ན། རྩིགས་སུ་མི་ཆེ་སྣ་ཚོགས་སྦྱོང༌། །རབ་བདུན་ལ་སོགས་དཔེ་བཟླས་ལའང་།&quot; །ཞེས་པའམ། ཇི་ལྟ་ཇི་ལྟར་མང་དུ་མིས་བརྟགས་ན། །དེ་ལ་གནས་པའི་རྣམ་པར་རྟོག་པ་དེས། །དེ་ལྟ་དེ་ལྟར་དེ་ལ་སེམས་གཞོལ་འགྱུར། །ཞེས་པ་དང༌། གཞན་ཕན་ལས་ལ་མཐུ་མེད་ཀྱང༌། །དེ་ཡི་བསམ་པ་རྟག་ཏུ་བྱ། །གང་ལ་བསམ་པ་དེ་ཡོད་པ། །དེ་ནི་དེ་ལ་དོན་གྱིས་ཞུགས། །ཞེས་པ་ལྟར་དེ་ལྟར་བློ་སྦྱོང་བ་ཡིན་ཏེ། མོས་པ་སྤྱོད་པའི་དུས་ཡིན་པས་ད་ལྟ་མོས་པས་སྦྱོང་ལ། དེ་ནས་དེ་ལ་བློ་གཞོལ་བ་དང་དོན་གྱིས་ཞུགས་པར་ཡང་འགྱུར་ཞིང་། ས་ཐོབ་ནས་ཡོན་ཏན་བརྒྱ་ཕྲག་བཅུ་གཉིས་དང་ལྡན་ཞིང་མགོ་དང་རྐང་ལག་གཏོང་བ་ལ་སོགས་པ་སྦྱོར་བས་དངོས་སུ་གཞན་དོན་བྱེད་ཅིང༌། སངས་རྒྱས་ནས་ཡོན་ཏན་བསམ་གྱིས་མི་ཁྱབ་པ་ཐོབ་ནས་འབད་རྩོལ་མི་མངའ་བར་གཞན་དོན་རྒྱུན་མི་ཆད་པ་ཡིན་ནོ། །དེས་ན་ཡོན་ཏན་དང་འཕྲིན་ལས་ཐམས་ཅད་རྒྱུ་འདི་བཞིན་སྦྱངས་པ་ལས་འབྱུང་སྟེ། རྣམ་འགྲེལ་ལས། རྒྱུ་ཚོགས་པ་ལས་འབྲས་སྐྱེ་བ། །ཞེས་དང་། འབྲས་བུ་རྒྱུ་ཡི་རྗེས་སུ་འཇུག ° །ཞེས་པ་ལྟར་རོ། །དེས་ན་རྒྱུ་དང་མཐུན་པའི་འབྲས་བུ་འབྱུང་བ་ཡིན་གྱི་རྒྱུ་མེད་ཀྱི་འབྲས་བུ་འབྱུང་བ་ནམ་མཁའི་པདྨོབཞིན་ནོ། །དེས་ན་འདི་ཡོད་ན་ལྟ་བ་སྤྱོད་པ་སྒོམ་པ་འབྲས་བུ་གསུམ་པོ་ཐམས་ཅད་འདིས་ཆོག སྨན་དཀར་པོ་ཆིག་ཐུབ་ལྟ་བུ་ཡིན། ས་ཐོབ་པའི་བྱང་ཆུབ་སེམས་དཔའི་མཛད་སྤྱོད་ནས་སངས་རྒྱས་ཀྱི་བར་གྱི་མཛད་པ་ཐམས་ཅད་ད་ལྟ་ནས་དངོས་སུ་ཉམས་སུ་བླངས་དུ་ཡོད་པ་ཡིན་པས་འདི་ལས་ལྷག་པའི་ཆོས་གང་ན་ཡང་མེད་གསུངས། དངོས་གཞི་དེ་རང་ཡིན། དེ་ཡང་རེ་རེ་ལ་སྦྱངས་ན་སྐྱོ་བར་འགྱུར་བས་སྤེལ་མར་སྦྱང་ཞེས་པའམ་སྤེལ་མར་བསླབ་ཅེས་པ་སྟེ། སེམས་ཅན་ཐམས་ཅད་ཀྱི་སྡུག་བསྔལ་དང་ཀུན་འབྱུང་རང་གི་སྙིང་གི་དཀྱིལ་དུ་ལེན་པ་དང༌། རང་གི་ལུས་ལོངས་སྤྱོད་དགེ་བའི་རྩ་བ་གསུམ་སེམས་ཅན་ལ་གཏོང་བ་ནི་ཐུན་རེ་ལ་སྤེལ་ནས་སྒོམ་པའོ། །དེ་ཡང་གོང་ལྟར་རེས་རྩ་བའི་མ་ནས་སེམས་ཤིང་སྤེལ་བ་རེས་རིམ་གྱིས་མཐར་ཆགས་སུ་དང་། རེས་ལས་ངན་ཅན་དང༌། རེས་ཉོན་མོངས་པ་ཅན་ཤ་སྟག་དང༌། རེས་སྐད་ཅིག་མ་སྔ་བ་ལ་ལེན། ཕྱི་མ་ལ་གཏོང་བའོ། །ལ་སོགས་པ་སྟེ། དེ་ལྟར་བྱས་ན་བློ་སྦྱོང་རྐྱེན་ཤེས་པ་དོན་ལ་འགྲོ། དོན་དང་རྡོ་རུས་ཐུག རྐྱེན་འདི་བྱུང་ན་ཚོགས་རྫོགས་པ་དང་སྒྲིབ་པ་སྦྱོང་བ་ལ་ཚེགས་མེད་དེ། སྡིག་པ་ཅི་ཙམ་ཡོད་ཀྱང་བསྐལ་པའི་མེས་བྱིའུ་ཤ་མེད་ལ་བྱ་བ་བཞིན་དུ་འགྲོ་གསུངས། དེ་ཡང་གང་ཟག་གི་ཁམས་དང་བསམ་པའི་བྱེ་བྲག་གི ས་ལ་ལ་འདི་ཐོས་པ་ཙམ་གྱིས་སངས་རྒྱས་སྒྲུབ་པ་ལ་རྒྱུ་འདི་འཐད་སྙམ་ནས་སྤྲོ་དགར་འཇུག་པ་ཡང་ཡོད། ཁ་ཅིག་འདི་འདྲ་དྲན་པ་ལྟས་ངན་ཡིན་སྙམ་ནས་མི་མོས་ཤིང་སྐྲག་པ་ཡང་ཡོང་བས་ཕྱོགས་གཅིག་ཏུ་ངེས་པ་མེད། དེ་ཡང་ཨ་རེ་འདོད་ཀྱི་མི་ཡོང་བས། བླ་མའི་གདམས་ངག་བསོད་ནམས་ཀྱི་ཕུལ། དད་པ་དང་། བརྩོན་འགྲུས་དང༌། ཤེས་རབ་ལ་སོགས་པའི་སྟོབས་དང༌། ཐ་ན་མི་རྩ་དྲག་པོ་ཚུན་ཆད་ར་མདའ་བཟློག་ནས་དོལ་ཆོད་དུ་སྦྱོང་བ་གཅིག་དགོས། ཁྲལ་མ་ཙམ་བྱས་པས་ཡོང་བའི་ལམ་ན་མི་བདོག འབད་རྩོལ་དྲག་པོ་དང་སྙིང་སྟོབས་ལ་བརྟེན་ནས་སྦྱོང་བ་གཅིག་དགོས་པ་ཡིན། དེ་ཡང་རེས་ས་བཅུའི་བྱང་ཆུབ་སེམས་དཔའི་སྤྱོད་པ་སྤྱད་དུ་བྱུང་བ་སྙམ་དུ་དགའ་བ་བསྒོམ། རེས་འདི་རྒྱུད་ལ་སྐྱེ་བར་གསོལ་བ་གདབ། སྒོམ་སྙིང་མི་འདོད་པ་དང་། རྒྱུད་ལ་མི་སྐྱེས་པའི་གེགས་སྒྲིབ་པ་སྦྱང་། སྐྱེ་བའི་མཐུན་རྐྱེན་ཚོགས་བསག ཆོས་སྐྱོང་ལ་འཕྲིན་ལས་ཞུ། སྨོན་ལམ་གདབ། ཆོས་འདི་ཤ་སྟག་སྟོན་པ་བལྟ། མཉན། གྲོགས་འདི་ཤ་སྟག་སྒོམ་པ་དང་འགྲོགས། འདི་སྒོམ་དུ་མི་རུང་ཟེར་བ་དང་། འོ་ན་ཏ་ཟེར་བ་དང་མི་འགྲོགས། དེས་ན་ཕྱོགས་ཐམས་ཅད་ནས་ཆོས་ཀྱི་ཁྲི་ལ་བླངས་ལ་བསྒོམ་པའོ།། འོ་ན་འདི་ལྟ་བུའི་ཆོས་གང་ནས་བཤད་སྙམ་ན། མདོ་རྒྱུད་བསྟན་བཅོས་ཐམས་ཅད་ནས་བཤད། ཇི་སྐད་དུ་ཕལ་པོ་ཆེའི་ནོར་བཟང་གི་རྣམ་པར་ཐར་པ་ལས། འགྲོ་བའི་སྡུག་བསྔལ་བདག་ཉིད་ལ་བསྒྱུར་བ་ནི་མོས། བདག་ཉིད་འགྲོ་བ་ཀུན་གྱི་ཉེ་བར་འཚོ་བའི་ལུས་སུ་བསྒྱུརོ། ཞེས་གཏོང་ལེན་གཉིས་གསུངས་པ་དང་། མཆོག་གི་སྤྱོད་པའི་སྨོན་ལམ་ལས་ཀྱང་། སེམས་དམྱལ་དུད་འགྲོ་གཤིན་རྗེའི་སྡུག་བསྔལ་དང་། །དུད་འགྲོའི་གནས་རྣམས་མི་ཡི་སྡུག་བསྔལ་དང་། །འགྲོ་བའི་སྡུག་བསྔལ་ཕུང་པོ་མཐའ་དག་རྣམས། །བདག་ལ་བབས་འགྱུར་འགྲོ་བ་བདེ་བར་ཤོག །ཅེས་དང་། བྱམས་པ་མཆོག་སྦྱིན་གྱི་སྨོན་ལམ་ལས་ཀྱང༌། སྲིད་རྩེ་མན་ཆད་མནར་མེད་ཡན་ཆད་དང༌། །འཇིག་རྟེན་བགྲང་དུ་མེད་པ་ཐམས་ཅད་ཀྱི། །ལྷ་དང་ལྷ་མིན་ལྟོ་འཕྱེ་ཆེན་པོའི་ཚོགས། །བདེ་བར་གྱུར་ཅིག་སྡུག་བསྔལ་བདག་གིས་བླངས། །ཞེས་དང་། སློབ་དཔོན་ཀླུ་སྒྲུབ་ཀྱིས་ཀྱང་། བདག་ལ་དེ་དག་སྡིག་སྨིན་ཅིང་། །བདག་དགེ་མ་ལུས་དེར་སྨིན་ཤོག །ཅེས་དང༌། སློབ་དཔོན་ཞི་བ་ལྷས་ཀྱང་། བདག་དང་གཞན་དུ་མཉམ་པ་དང་། །བདག་དང་གཞན་དུ་བརྗེ་བར་བགྱི། །ཞེས་དང་། བདག་ཉིད་སྐྱོན་བཅས་གཞན་ལ་ཡང་། །ཡོན་ཏན་རྒྱ་མཚོར་ཤེས་བྱས་ནས། །བདག་འཛིན་ཡོངས་སུ་དོར་བ་དང་། །གཞན་བླང་པ་ནི་བསྒོམ་པར་བྱ། །ཞེས་དང་། གང་ཞིག་བདག་དང་གཞན་རྣམས་ནི། །མྱུར་དུ་སྐྱབས་པར་འདོད་པ་དེས། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ། །ཞེས་དང༌། བདག་བདེ་གཞན་གྱི་སྡུག་བསྔལ་དག །ཡང་དག་བརྗེ་བར་མ་བྱས་ན། །སངས་རྒྱས་ཉིད་དུ་མི་འགྱུར་ཞིང་། །འཁོར་བ་ན་ཡང་བདེ་བ་མེད། །ཅེས་དང་། དེ་ལྟས་བདག་གནོད་ཞི་བ་དང་། གཞན་གྱི་སྡུག་བསྔལ་ཞི་བྱའི་ཕྱིར། །བདག་ཉིད་གཞན་ལ་བཏང་བ་དང་། །གཞན་རྣམས་བདག་བཞིན་བསྲུང་བར་བྱ། །ཞེས་དང་། འགྲོ་བའི་སྡུག་བསྔལ་གང་ཅིའ ང་རུང༌། །དེ་ཀུན་བདག་ལ་ལ་སྨིན་གྱུར་ཅིག །ཅེས་དང༌། རྗེ་བཙུན་བྱམས་པས་ཀྱང་། མདོ་སྡེ་རྒྱན་ལས། བདག་དང་གཞན་དུ་མཉམ་པའི་ལམ་ཉིད་དམ། །བདག་པས་གཞན་གཅེས་སྡུག་པ་རྙེད་ནས་ནི། །དེ་ལྟར་བདག་པས་གཞན་དོན་མཆོག་ཏུ་ཤེས། །རང་གི་དོན་གང་གཞན་གྱི་དོན་གང་ཡིན། །ཞེས་དང་། ཇི་ལྟར་སྙིང་རྗེའི་བདག་ཉིད་གཞན་གྱི་དོན་གྱི་ཕྱིར། །བདག་ལ་སྡུག་བསྔལ་མི་བཟད་གདུང་བར་རབ་བྱེད་པ། །དེ་ལྟར་འཇིག་རྟེན་གདུང་བའི་ལས་ཀྱིས་གཞན་དགྲ་ལའང་། །ཤིན་ཏུ་བརྩེ་བ་མེད་པར་འཇུག་པར་འགྱུར་མ་ཡིན། །ཞེས་དང༌། སློབ་དཔོན་རྟ་དབྱངས་ཀྱི་སྨོན་ལམ་བདུན་ཅུ་པ་ལས། སྐྱེ་བོ་ཉོན་མོངས་དུག་གིས་མགོ་རྨོངས་པ། །དེ་དག་རྣམས་ལ་མི་དགེ་གང་མཆིས་པ། །དེ་ནི་བདག་ཉིད་ཁོ་ན་དགའ་བཞིན་དུ། །ཅི་ནས་དམྱལ་བ་རྣམས་སུ་གཞོལ་པར་བགྱི། །འཇིག་རྟེན་རབ་ཞི་བདེ་བའི་བདུད་རྩི་ཡིས། །ཚིམ་ནས་ཡིད་ནི་དགའ་བར་བགྱིད་གྱུར་ཅིག །འགྲོ་བ་དག་གི་སྡུག་བསྔལ་ཅི་སྙེད་པ། །དེ་ནི་བདག་གིས་དང་དུ་ལེན་པར་ཤོག་ །ཅེས་དང་། སློབ་དཔོན་དབྱིག་གཉེན་གྱི་ཚོགས་ཀྱི་གཏམ་ལས། རང་གི་ལུས་དང་སྲོག་དང་ནི། །སེམས་ཅན་ཀུན་ལ་བཏང་བར་བྱ། །ལུས་ཅན་ཀུན་ལ་བྱམས་པ་དང་། །སྙིང་རྗེའི་སེམས་ཀྱིས་ཁྱབ་པར་བྱ། །སྡིག་པ་ཀུན་གྱི་རྣམ་སྨིན་ནི། །རང་གི་རྒྱུད་ལ་མངོན་འདོད་ཅིང་། །བསོད་ནམས་ཀུན་ལ་ཡི་རངས་དང་། །སངས་རྒྱས་བདག་ཉིད་ཆེ་ལ་བསམ། །ཞེས་དང༌། རང་གི་ལུས་དང་སྲོག་ཉིད་ནི། །ཡིད་ཀྱིས་རྗེས་བཞིན་བཏང་བར་བྱ། །ཞེས་དང༌། སྲོག་ཆགས་ཀུན་གྱི་སྡིག་པ་རྣམས། །ཐམས་ཅད་བདག་ལ་སྨིན་པར་ནི། །དེ་ལྟར་སྡིག་པ་ལེན་བྱེད་ཅིང་། །འགྲོ་བ་ཕོངས་པའི་སྡིག་པ་བླངས། །ཞེས་དང་། གཞན་ཀུན་བདག་གིར་བྱ་བ་དང་། །རང་གི་རྟེན་ལ་གཞན་དུ་བྱ། །ཞེས་དང༌། སློབ་དཔོན་ཐོགས་མེད་ཀྱིས་ཀྱང་། །བྱང་ཆུབ་སེམས་དཔའི་སར་ གསུངས་པ་ལྟར་རོ། །བདེ་མཆོག་གི་རྒྱུན་བཤགས་ནས་ཀྱང་། སེམས་ཅན་ཀུན་གྱི་སྡུག་བསྔལ་བདག་ལ་སྨིན། །བདག་གི་དགེ་བས་དེ་ཀུན་བདེ་བར་ཤོག །ཚེ་རབས་ཀུན་ཏུ་སྒོ་གསུམ་རིན་ཆེན་དང༌། །བུམ་བཟང་དཔག་བསམ་ཤིང་སོགས་ལྟ་བུར་ཤོག་ །ཅེས་པ་ལ་སོགས་པ་དུ་མ་གསུངས་པ་ཡིན་ནོ།། ཡང་རིགས་ཆད་དང་། ཉན་རང་གིས་སངས་རྒྱས་མི་ཐོབ་པར་གསུངས་པ་དེ་དག་སངས་རྒྱས་ལ་འགོད་མི་ནུས་སམ་སྙམ་ན། དེ་ནི་བློ་ཆུང་བ་ལ་དགོངས་པ་ཡིན་གྱི། རྣལ་མར་སངས་རྒྱས་ལ་འགོད་མི་ནུས་པ་མི་སྲིད་པས་བློ་འདི་ལྟ་བུ་སྦྱོང་བའི་དུས་སུ་དེ་ལྟར་ཐག་ཆོད་ངེས་པས་ཏེ། བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །སེམས་ནི་རྒྱ་ཆེན་མཆོག་ཏུ་རབ་བསྐྱེད་དེ། །འགྲོ་བ་འདི་དག་མ་ལུས་སངས་རྒྱས་རྒྱུ། །འདི་ན་སྣོད་མིན་སེམས་ཅན་གང་ཡང་མེད། །ཅེས་དང༌། ཆོས་ཀྱི་དབྱིངས་ལ་དབྱེར་མེད་ཕྱིར། །རིགས་ནི་ཐ་དད་རུང་མ་ཡིན། །ཞེས་དང༌། དེ་བཞིན་ཉིད་ནི་ཐམས་ཅད་ལའང་། ཁྱད་པར་མེད་ཀྱང་དག་གྱུར་པས། །དེ་བཞིན་གཤེགས་ཉིད་དེ་ཡི་ཕྱིར། །འགྲོ་ཀུན་དེ་ཡི་སྙིང་པོ་ཅན། །ཞེས་དང་། རྫོགས་སངས་སྐུ་ནི་འཕྲོ་ཕྱིར་དང་། དེ་བཞིན་ཉིད་དང་དབྱེར་མེད་ཕྱིར། །རིགས་ཡོད་ཕྱིར་ན་ལུས་ཅན་ཀུན། །རྟག་ཏུ་སངས་རྒྱས་སྙིང་པོ་ཅན། །ཞེས་གསུངས་པས་སེམས་ཅན་ཐམས་ཅད་ལ་སྒོམ་ཞིང་སེམས་ཅན་གང་ལ་བྱེད་པ་ན་མི་དགེ་བ་བཅུ་དང་མཚམས་མེད་པ་ལྔ་བྱེད་པ་དང་། བསྟན་པ་རྩ་བ་ནས་འཇིག་པའི་སྡེ་འཁྲུག་བྱེད་པ་རྣམས་ལ། ན་བའི་བུ་ལ་ཁྱད་པར་ཡང་། །མ་ནི་རིམ་གྲོ་བྱེད་པ་ལྟར། དེ་བཞིན་བྱང་ཆུབ་སེམས་དཔའ་ཡང་། །དམ་པ་མིན་ལ་ལྷག་པར་བརྩེ། །ཞེས་པའམ། སྐྱེས་བུ་ཆེན པོའི་སྒྲུབ་བྱ་ནི། །འཁོར་བ་ཡིན་པར་མ་ཤེས་ཤིང་། །རིགས་ཆད་གདུལ་བྱའི་གཙོ་བོ་རུ། །མ་ཤེས་ཀྱེ་མ་བདག་ཉིད་ལའང་། །ཞེས་པ་ལྟར་ཤེས་པར་བྱས་ལ། གཏོང་ལེན་གཉིས་ཀྱིས་སེམས་ཅན་ཐམས་ཅད་འཚང་རྒྱ་བའི་རྒྱུ་རྐྱེན་ཚང་ནས་སེམས་ཅན་ཐམས་ཅད་སངས་རྒྱས་པར་བསྒོམ་པ་ཡིན་གསུངས། དེ་ཡང་ལེན་པའི་གོ་རིམ་ནི། ལེན་པའི་གོ་རིམ་རང་ནས་རྩམ། །ཞེས་བྱ་བ་སྟེ། ཐོས་བསམ་གྱིས་བློ་མ་སྦྱོང་པ། རང་ལ་གཅེས་པར་འཛིན་པ་ཤས་ཆེའི་གང་ཟག་འགའ་ཞིག་གཞན་གྱི་སྡུག་བསྔལ་ལེན་པ་ལ་སྐྲག་པ་ལྟ་ན། དེས་དང་པོ་རང་ཉིད་ཀྱི་སྡུག་བསྔལ་ལེན་པ་ལ་སློབ་པ་སྟེ། རང་གི་ཐོག་མ་མེད་པ་ནས་བསགས་པའི་ལས་བྱེད་ངེས་དང་། རྣམ་སྨིན་མྱོང་ངེས་རྣམས་ཚེ་འདི་ལ་སྨིན་པར་གྱུར་ཅིག །ཅེས་པ་ནས། འདིར་ཡང་ཚེ་སྨད་ལ་སྨིན་རྒྱུ། ཚེ་སྟོད་ལ་ལེན་པ་ལ་སོགས་པའོ། །དེ་ནས་བརྩམས་ནས་རྩ་བའི་མ་ནས་སེམས་ཅན་ཐམས་ཅད་ཀྱི་བར་དང༌། མནར་མེད་པ་ནས་བཟུང་སྟེ། ཉན་རང་བྱང་ཆུབ་སེམས་དཔའི་བར་གྱི་ལེན་པ་སྟེ། མདོ་སྡེ་རྒྱན་ལས། རབ་བར་དགྲ་ཡི་དབང་དུ་སོང་། །སྡུག་བསྔལ་གྱིས་ནོན་མུན་པས་སྒྲིབ། །བགྲོད་དཀའི་ལམ་ལ་རབ་ཏུ་ཞུགས། །འཆིང་བ་ཆེ་དང་ཡང་དག་ལྡན། །ཟས་ཆེན་དུག་དང་འདྲེས་ལ་ཞེན། །ལམ་ནི་རབ་ཏུ་སྟོར་གྱུར་པ། །ལམ་གོལ་བ་ཞུགས་སྟོབས་ཆུང་བའི། །སེམས་ཅན་རྣམས་ལ་སྙིང་རྗེའོ། །ཞེས་གསུངས་པ་ལྟ་བུའོ།། ཡང་གང་ཟག་རྣམ་པར་རྟོག་པ་མང་བས་བསྐོལ་དུ་མི་རུང་བ་དག་དམིགས་པ་ལ་སེམས་གནས་པ་དང་། འབྱོངས་རྐྱེན་པར་བྱ་བའི་ཕྱིར། དེ་གཉིས་རླུང་ལ་སྐྱོན་པར་བྱ། །ཞེས་བྱ་བ་ནི། དང༌ པོའི་དུས་སུ་གཏོང་ལེན་ཡུན་རིང་པོར་སྤེལ་ནས་བསྒོམ། དེ་ནས་རེས་ཐུང་ལ་ཤིན་ཏུ་འབྱོངས་ནས་རླུང་ལ་སྐྱོན་པར་བྱའོ།། རླུང་ཕྱིར་རྒྱུ་ཙ་ན། རང་གི་ལུས་ལོངས་སྤྱོད་དགེ་བ་གསུམ་སེམས་ཅན་ལ་གཏོང༌། ནང་དུ་རྔུབ་པ་ན་སེམས་ཅན་གྱི་སྡིག་སྡུག་གཏམ་ངན་ལ་སོགས་པ་རང་ལ་ལེན་པའོ། །དེ ས་ནི་སེམས་ཟིན་པ་ཡང་ཡོ ང་གསུངས། དེ་བཞིན་དུ་བཟའ་བཏུང་མི་དང་གཏམ་བྱེད་པ་ལ་སོགས་པ་ཐམས་ཅད་རླུང་ལ་སྐྱོན་ཅིང་བྱེད་པའོ། །དེ་དག་ནི་མཉམ་བཞག་གོ། རྗེས་ལ་བློ་སྦྱོང་བ། རྗེས་ལ་ཉམས་སུ་བླང་ཚུལ་ནི། ཡུལ་གསུམ་དུག་གསུམ་དགེ་རྩ་གསུམ། །རྗེས་ཀྱི་མན་ངག་མདོར་བསྡུས་པའོ། །ཞེས་བྱ་བ་ནི། རྗེས་ཀྱི་སྤྱོད་ལམ་གྱི་དུས་སུ་སྦྱང་བའི་ཚུལ་ཏེ། དབང་པོ་དྲུག་གི་ཡུལ་ཡིད་དུ་འོང་བ་དང་། མི་འོང་བ་དང༌། བར་མ་གསུམ་ལ་བརྟེན་ནས་བདག་གི་རྒྱུད་ལ་ཉོན་མོངས་འདོད་ཆགས་དང༌། དུག་གསུམ་དགེ་རྩ་གསུམ་དུ་བསྒྱུར། ཞེ་སྡང་དང༌། གཏི་མུག་གསུམ་སྐྱེ་བ་ལྟར་ན། སེམས་ཅན་གྱི་དེ་གསུམ་བདག་ལ་སྨིན་པར་གྱུར་ཅིག །སེམས་ཅན་མ་ཆགས་པ་དང་། ཞེ་སྡང་མེད་པ་དང་། གཏི་མུག་མེད་པའི་དགེ་བ་དང་ལྡན་པར་གྱུར་ཅིག་སྙམ་དུ་སེམས་སྦྱོང་བ་རྗེས་ཀྱི་མན་ངག་གོ། མན་ངག་སྙིང་པོ་མདོར་བསྡུས་པ། །སྤྱོད་ལམ་ཀུན་ཏུ་ཚིག་གིས་སྦྱང་། །ཞེས་བྱ་བ་ནི་རྗེས་ཀྱི་སྤྱོད་ལམ་གྱི་དུས་ན་བློ་སྦྱོང་བའི་ཚུལ་ཚིག་གིས་སྦྱོང་བ་། །འགྲོ་འཆག་ཉལ་འདུག་ལ་སོགས་པའི་དུས་ཐམས་ཅད་དུ་སྙིང་པོ་བགྲང་བ་བཞིན་ཚིག་གིས་སྦྱོང་བ་སྟེ། ཇོ་བོའི་ཞལ་ནས། རྒྱ་གར་ཤར་ཕྱོགས་ཀུན་ན། སྡུག་བསྔལ་འཕགས་པའི་བདེན་པ། ཀུན་འབྱུང་འཕགས་པའི་བདེན་པ་སོགས་བཞི་ཚིག་གིས་བསྒོམ་པ་ཡོད་གསུངས། དགེ་བཤེས་སྟོན་པ་ཡང་འཇིག་རྟེན་ཆོས་བརྒྱད་མགོ་སྙོམས་ལ་རེས་རྩ་ན་རྙེད་དང་མ་རྙེད་གསུངས། རེས་སྟོད་སྨད་ཅེས་བགྱི་གསུངས། རེས་སྙམ་མི་སྙན། རེས་གྲགས་མ་གྲགས་ཞེས་གསུངས། འཇིག་རྟེན་མཁྱེན་པ་ལ་སོགས་པའི་ཚིགས་བཅད་མགོ་ཕྱུང་། མཇུག་ཕྱུང་མཛད། ཕུ་ཆུང་བ་ཡང་རྒྱལ་ལྷ་ཁང་གི་བཟའ་མི་ཤི་བ་གྲངས་ཡང་གོམ་པ་རེ་དོར་ཞིང་། ཡ་འཆི་བ་འཆི་བ་གསུངས་པ་དང༌། གླང་རི་ཐང་བ་ཡང་། ཁེ་དང་རྒྱལ་ཁ་ཐམས་ཅད་ཇོ་བོ་སེམས་ཅན་ལ་འབུལ། དེ་ཅི་སྟེ་ན། བདེ་བའམ་ཡོན་ཏན་ཐམས་ཅད་སེམས་ཅན་ལ་བརྟེན་ནས་འབྱུང་བ་ཡིན་པའི་ཕྱིར་རོ། །གྱོང་དང་ཕུང་ཁ་ཐམས་ཅད་རང་ལ་བླངས། དེ་ཅི་སྟེ་ན། སྐྱོན་ནམ་ཉེས་པ་ཐམས་ཅད་བདག་ཏུ་འཛིན་པ་ལ་བརྟེན་ནས་བྱུང་བའི་ཕྱིར་ཞེས་རྟག་ཏུ་གསུང་བ་ལྟར་སྤྱོད་ལམ་ཐམས་ཅད་དུ་སེམས་ཅན་གྱི་སྡིག་དང་སྡུག་བསྔལ་བདག་ལ་སྨིན་པར་གྱུར་ཅིག །བདག་གི་བདེ་བ་དང་ཡོན་ཏན་ཐམས་ཅད་སེམས་ཅན་ལ་སྨིན་པར་གྱུར་ཅིག་ཅེས་པའམ། བདག་ལ་དེ་དག་སྡིག་སྨིན་ཅིང་། །བདག་དགེ་མ་ལུས་དེར་སྨིན་ཤོག།ཅེས་པའམ། སེམས་ཅན་ཀུན་གྱི་སྡུག་བསྔལ་བདག་ལ་སྨིན། །བདག་གི་དགེ་བས་དེ་ཀུན་བདེ་ཐོབ་ཤོག? །ཅེས་སམ། མཐོང་ཞིང་ཐོས་སམ་རྗེས་སུ་དྲན་ཡང་རུང༌། །རེག་གམ་གཏམ་དུ་བརྗོད་པར་གྱུར་ཀྱང་རུང༌། །རྣམ་པ་ཀུན་ཏུ་འགྲོ་ལ་ཕན་པ་ནི། །བདེ་དང་ལྡན་པ་རྟག་ཏུ་བྱེད་གྱུར་ཅིག །ཅེས་པ་ལ་སོགས་པ་རྟག་ཏུ་སྙིང་པོ་བགྲང་བ་བཞིན་བྱེད་ཅིང་ཚིག་གི་སྒོ་ནས་སྦྱངས་ན་མཐར་དོན་ལ་འཇུག་པར་འགྱུར། མ་བཅོས་རྒྱུད་ལ་སྐྱེ་བར་འགྱུར། སྔགས་རྙིང་མ་བའི་གྱེར་སྒོམ་ཀུན་ཡང་འདི་དང་དོན་ཅིག དེ་ཡང་དང་པོ་ཙ་ན་ཁར་མི་ཐོན་པ་བྱུང་དོགས་ཡོད། གོམས་ཙ་ན་འཆད་ཀ་བ་སྣང་སྲིད་ཀྱི་སྒྲ་ལ་བློ་སྦྱོང་གི་སྒྲ་ལས་སྙན་པ་མེད་པས་ངའི་ཤེད་ཀྱིས་མ་ནུས། ཁྱེད་ཀྱིས་བརྗོད་དང་ གསུངས་པ་ལྟར་ཡོང་། དེ་ཚིག་གི་ཅང་ཡོད་དེ་སྙམ་ན། སྣེ་ཟུར་བས་ཅན་མཧཱ་རོ་ཥ་བགྲང་བས་ཇོ་བོར་ཝལ་གྱིས་ཡོང་། ཅིའི་ཕྱིར་གྱི་ལམ་ན་མེད་གསུངས། དེས་ན་འདི་གཉིད་སྨུག་གི་དབང་དུ་ཡང་མི་འགྲོ །ངེས་རྐྱེན་ལ་ལེགས་པ་ཡིན་གསུང་ངོ༌། །ཐབས་དང་ཤེས་རབ་གཉིས་ས་དང་པོ་གསུངས། དེ་རྣམས་ནི་བློ་སྦྱོང་གི་ལུས་སམ་དངོས་ལྟ་བུ་ཡིན་ནོ།། ཡན་ལག་གམ་རྒྱས་བཤད་ཙམ་བསྟན་པ། ད་ནི་དེའི་ཡན་ལག་གམ་རྒྱས་བཤད་ཙམ་སྟོན་པར་བྱེད་པ་ལ། ཚིགས་སུ་བཅད་པ་དང་། ཚིག་ལྷུག་པ་གཉིས་སོ། །དང་པོ་ཚིགས་སུ་བཅད་པའི་དོན་སྟོན། འདི་དག་ལ་གྲངས་དང་གོ་རིམས་ལ་སོགས་པའི་ངེས་པ་མེད། དོན་བློ་ལ་མ་སྐྱེས་བར་དུ་བསྒོམ་གསུངས་ནས་སྔ་ཕྱིའི་འབྲེལ་ལ་སོགས་པ་མེད་པར་གསུངས། ཡང་གསུང་གི་གདམས་པའི་གནད་ལས་ཀྱང༌། འགྲེལ་ཅུང་ཟད་མཛད་པ་ཡང་བཞུགས། བླ་མའི་གསུང་ལས་ཀྱང་འགྲེལ་ཅུང་ཟད་མཛད་པ་ཡང་བཞུགས་པས། འདིར་ཡང་བློ་ལ་རྡོག་བདེ་བའི་ཕྱིར་འགྲེལ་ཅུང་ཟད་བྱས་ན་དོན་གསུམ་དུ་གནས་ཏེ། ཇི་ལྟར་སྦྱང་བའི་ཚུལ་དང༌། འབྱོངས་པའི་ཚད་དང་། སྦྱངས་པའི་དགོས་པའོ།། ཇི་ལྟར་སྦྱང་བའི་ཚུལ། དང་པོ་ལ་གསུམ་སྟེ། སྐྱེ་བའི་རྒྱུ་དང༌། མི་ཉམས་པའི་ཐབས་དང་། འཕེལ་བའི་རྐྱེན་ནོ།། དང་པོ་ལ་གསུམ་སྟེ། སྔོན་འགྲོ་ཀུན་སློང་གི་ཁྱད་པར་དང༌། དངོས་གཞི་བྱ་བའི་ཁྱད་པར་དང༌། རྗེས་ལ་བདེ་བའི་ཁྱད་པར་རོ། །དང་པོ་ནི། ཐོག་མཐའ་གཉིས་ལ་བྱ་བ་གཉིས། །ཞེས་བྱ་བ་སྟེ། ཐོག་མར་མལ་ནས་ལྡང་བའི་དུས་སུ། བདག་གིས་དེ་རིང་བདག་འཛིན་ཐུལ་ཞིང་རང་གཅེས་འཛིན་གྱིས་མ་གོས་པར་བྱས། སེམས་ཅན་གཞན་གཅེས་འཛིན་མ་ཉམས་པར་བྱ་སྙམ་པའི་འཕེན་པ་བཏང་། དགོང་མོ་ཉལ་ཁར་སེང་གེ་རྣམ་པར་བརྩེ་བའི་ཏིང་ངེ་འཛིན་གྱིས་དེ་རིང་ཐོག་མར་དེ་བྱས་སོ། །དེ་ནས་དེ་བྱས་སོ། །ཞེས་བྱ་བའི་རྣམ་གྲངས་རྣམས་རིམ་པར་བརྟགས་ནས་སྤྱིར་ཆོས་ཁྱད་པར་དུ་བློ་སྦྱོང་དང་འགལ་བ་སྤྱད་ནས་འདུག་ན། དེ་ཚེ་བདག་ལ་རྔན་བགྲང་ཞིང་། །བླ་མའི་གདམས་ངག་དྲན་པར་བྱ། །ཅེས་བྱ་བ་ཡིན་པས་དལ་འབྱོར་ཆུད་གསོན་པ་རང་ལ་རང་གིས་གནོད་པ་སྐྱལ་བ་ཁྱོད་ལྟ་བུ་ཡོང་བ་སྙམ་དུ་བསམས་ལ་བཟོད་གསོལ་དང་བཤགས་སྡོམ་བྱས་ལ་སང་ནས་དེ་ལྟ་བུ་མི་བྱའོ་སྙམ་དུ་བསྒོམ་པ་དང་། ཆོས་དང་མཐུན་པར་བྱས་ནས་འདུག་ན་དགའ་བ་བསྒོམ་ཏེ་དལ་འབྱོར་དོན་ཡོད་པར་བྱས། དུས་དོན་ཡོད་དུ་འདས་སྙམ་དུ་བསམས་ནས། དགེ་བ་འདི་ཡིས་ཆོས་རྒྱུད་ལ་སྐྱེ་བ་དང་སྐྱེ་བ་ཐམས་ཅད་དུ་བྱང་ཆུབ་ཀྱི་སེམས་དང་མི་འབྲལ་བར་གྱུར་ཅིག་ཅེས་སྨོན་ལམ་བཏབ། ཡང་ནང་པར་ལངས་ཙ་ན། དེ་རིང་བདག་གིས་ཁ་སང་བས་ཁྱད་པར་དུ་འཕགས་པ་འདི་བཞིན་དུ་བྱ་སྙམ་དུ་བསམ་ཞིང༌། འཕེན་པ་གཏོང་པ་གལ་། །དེ་ལྟར་བྱེད་ཅེས་ཚིག་ཏུ་མ་བརྗོད། བསམ་པས་འདི་འབའ་ཞིག་སྦྱང་། དགྲ་བྱུང་བ་དང་ན་ཚ་དྲག་པོ་བྱུང་བ་ལ་སོགས་པའི་དུས་སུ་སྔར་བཞིན་དུ་བསམ། གཉེན་པོ་བླ་མ་དཀོན་མཆོག་གི་བྱིན་རླབས། ཆོས་སྐྱོང་གི་མཐུ་སྟོབས། རང་གི་དུས་གསུམ་གྱི་དགེ་བ། སེམས་ཅན་སྤྱི་མཐུན་གྱི་བསོད་ནམས་ཅི་འདུག་ལྟས་ལ་རྐྱེན་བཞིས་དུས་བཞི་པོ་དེར་བདག་འདི་བསྒོམ་པ་ལ་འགྲན་ཟླ་མེད་པ་མེ་འབར་བ་ལ་ཤིང་བསྣན་པ་ལྟར་འགྲོ་བར་བྱའོ།། ཤེས་པར་བྱ་བ། ཀུན་སྤྱོང་གི་གོ་ཆ་དེ་ལྟ་བུ་གྱོན་པས་དངོས་གཞིའི་ཁྱད་པར་ལ་གསུམ་སྟེ། ཤེས་པར་བྱ་བ་དང༌། སྤང་བར་བྱ་བ་དང༌། བླང་བར་བྱ་བའོ། །དང་པོ་ལ་གསུམ་སྟེ། དགྲ་ཟིན་ཤེས་པར་བྱ་བ་དང་། ནོར་མ་ནོར་ཤེས་པར་བྱ་བ་དང་། གཞུང་དོན་ཇི་ལྟར་ཤེས་པར་བྱ་བའོ།། དེ་ལ་དང་པོ་ཤེས་པར་བྱ་བ་ནི། ལེ་ལན་ཐམས་ཅད་གཅིག་ལ་གདའ། །ཀུན་ལ་བཀའ་དྲིན་ཆེ་བར་བསྒོམ། །ཞེས་བྱ་བ་སྟེ། ཐོག་མ་མེད་པ་ནས་དགྲ་ཟིན་ངོས་མ་ཟིན། སྤང་བླང་དམིགས་མ་ཕྱེད་པས་ཆོས་བྱས་ཚད་བདག་འཛིན་གྱི་ཆོས་སུ་སོང་བས་ནོར། ཐར་པ་དང་ཐམས་ཅད་མཁྱེན་པ་སྔར་འདྲིས་གང་ཡང་ཉེར་མ་སོང་བས། ད་རེས་དགྲ་ཟིན་ངོས་ཟིན་པར་བྱ། དེ་རང་གང་ཡིན་ན་རང་ལ་དགྲར་ལྟས་ལ་སྤང་། སེམས་ཅན་ལ་ཟིན་དུ་ལྟས་ལ་གཅེས་པར་བྱ་བ་གཉིས་ལས་མེད་པ་ཡིན། དེ་ལ་བདག་ཏུ་འཛིན་པ་ལ་དགྲར་བལྟས་པ་ནི། ལེ་ལན་ཐམས་ཅད་གཅིག་ལ་གདའ། །ཞེས་པས་བསྟན་ཏེ། མི་འདོད་པ་ཅི་བྱུང་ཡང་གྱོད་གཞན་ལ་མི་གདའ། སྒོམ་ཆེན་པའི་འཁོར་མེད་རང་གཅིག་པུས་མར་ཁུ་བཀོལ་བས་མར་ཁུ་ལུད་ནས་པོ་བས། ལེ་ལན་དྲི་བོ་སྤྲང་འགྱེད་ཁོ་ནས་ལན་ཟེར་བ་བཞིན་དུ་ད་ལྟ་རང་ཅག་མི་འདོད་པ་རེ་བྱུང་ཙ་ན། ས་ཡུལ་གཉན་པ་དང་། འདྲེས་རྩེར་བ་དང་། བླ་མས་ཐུགས་ལ་མ་བཏགས་པ་ལ་སོགས་པ་གཞན་ལ་ལེ་ལན་འདོད་དེ་ནོར་བ་ཡིན། ལེ་ལན་ཐམས་ཅད་རང་གི་ནང་དུ་བདག་ཏུ་འཛིན་པ་ལ་འདོད་པ་སྟེ། བདག་ཏུ་འཛིན་པ་ལ་བརྟེན་ནས། བདག་ཡོད་ན་ནི་གཞན་དུ་ཤེས། བདག་གཞན་ཆ་ལས་འཛིན་དང་སྡང་། །འདི་དག་དང་ནི་ཡོངས་འབྲེལ་ལས། །ཉེས་པ་ཐམས་ཅད་འབྱུང་བར་འགྱུར། །ཞེས་པ་ལྟར་སྐྱོན་དང་ཉེས་པ་ཐམས་ཅད་དེ་ལས་འབྱུང་བའི་ཕྱིར། དེས་ན་མི་འདོད་པ་ཕྱི་སྣོད་ལ་བརྟེན་ནས་བྱུང་ཡང་རུང༌། ནང་བཅུད་ལས་བྱུང་ཡང་རུང༌། མཐོ་ལ་བཟང་བ་སངས་རྒྱས་དང་ཆོས་སྐྱོང་གི་བཀའ་ཆད་བྱུང་ཡང་རུང་། དམའ་བ་མུལ་སྤྲང་ལ་སོགས་པས་བྱས་ཀྱང་རུང་། མང་བ་སེམས་ཅན་གྱིས་བྱས་ཀྱང་རུང༌། ངན་པ་ཤིག་གིས་བྱས་ཀྱང་རུང་། རླུང་མཁྲིས་བད་ཀན་ལ་སོགས་པ་འབྱུང་བའི་གནོད་པ་ཡིན་ཡང་རུང་། དེ་ཐམས་ཅད་ཀྱི་རྩ་བ་བདག་འཛིན་གྱིས་ལན་པར་ཤེས་པར་བྱ། ད་ལྟ་སྡེ་པ་ནང་། དགེ་བཤེས་ནང༌། ཕ་སྤུན་ནང་། དཔོན་གཡོག་ནང༌། དཔོན་སློབ་ནང་། བཀའ་གདམས་པ་ནང་། ཡོན་མཆོད་མི་མཐུན་པ་ལ་སོགས་པ་ཐམས་ཅད་ཀྱི་རྩ་བ་བདག་འཛིན་ཡིན་ཏེ། ཡོད་པར་འཛིན། ཡོད་རིགས་ང་འབའ་ཞིག་གཅེས་པར་བཟུང་ནས་གཞན་ཐམས་ཅད་ཐེད་ལ་གཏོང་བ་བྱིས་པ་སོ་སོ་སྐྱེ་བོ་ཐམས་ཅད་ཀྱི་ཆོས་ཉིད་ཡིན། དེ་ལ་བརྟེན་ནས་ཉོན་མོངས་དང་སྡུག་བསྔལ་ཐམས་ཅད་འབྱུང་བས། འཇིག་རྟེན་དག་ན་འཚེ་བ་གང་ཡོད་དང༌། །འཇིགས་དང་སྡུག་བསྔལ་ཇི་སྙེད་ཡོད་གྱུར་པ། །དེ་ཀུན་བདག་ཏུ་འཛིན་པ་ལས་གྱུར་ན། །འདྲེ་ཆེན་དེ་ཀོ་བདག་ལ་ཅི་ཞིག་བྱ། །ཅེས་གསུངས་པ་ཡིན། འཇིག་རྟེན་ན་མི་འདོད་པའི་དངོས་པོ་ཅི་ཡོད་པ་ཐམས་ཅད་བདག་འཛིན་ལས་བྱུང་བ་ཡིན་ཏེ། གང་དང་གང་དུ་སྐྱེས་པའི་ལུས་འདི་ལ་བདག་ཏུ་བཟུང་ཞིང་ང་མེད་པ་ལ་ངར་བཟུང་ནས་འདིའི་ཁ་འཛིན་འདོད་མི་འདོད་གཉིས་ཀྱི་དགག་སྒྲུབ་བྱེད་བྱེད་ནས་གཞན་ལ་གཡོ་སྒྱུ་ཁྲམ་གསུམ་བྱས་ནས་ཉོན་མོ ངས་པ་དང་ལས་ངན་ཐམས་ཅད་བསགས་ནས་ཐོག་མ་མེད་པའི་དུ ས་ནས་སྤྱི ར་འཁོ ར་བ་མཐའ་མེད། སྒོས་ ངན་སོང་གསུམ་གྱི་སྡུག་བསྔལ་ཐམས་ཅད་འདིས་ལན་དུ་བཅུག སྤྱོད་འདུག་ལས། ཡིད་ཁྱོད་རང་དོན་བྱེད་འདོད་པས། །བསྐལ་པ་གྲངས་མེད་འདས་གྱུར་ཀྱང་། །ངལ་བ་ཆེན་པོ་དེ་ལྟ་བུས། །ཁྱོད་ཀྱི་སྡུག་བསྔལ་འབའ་ཞིག་བསྒྲུབ། །ད་ལྟའི་སྡུག་བསྔལ་ཐམས་ཅད་ཀྱང་འདིས་བསྐྱེད། ད་དུང་ཀྱང་འདི་ལ་དགྲར་མ་ལྟས་ན་འདི་བདེ་བར་འདོད་པས་ལས་ངན་བསགས་ནས་འཁོར་བ་མཐའ་མེད་དུ་སྡུག་བསྔལ་ཡུན་རིང་དོས་ལ་དྲག་པས་ད་གདོད་ཀྱང་འཁྱམ་དུ་འཇུག་པས་རང་ལ་དགྲར་ཅིག་བཟུང་བར་བྱ། འདི་ཡིས་བརྒྱ་ཕྲག་ཐམས་ཅད་དུ། །འཁོར་བར་བདག་ལ་གནོད་པ་བྱས། །ད་ནི་འཁོན་རྣམས་དྲན་བྱས་ཏེ། ཁྱོད་ཀྱི་རང་དོན་སེམས་པ་གཞོམ། །ཞེས་པ་ལྟར་དགོས། བློ་བདེ་བར་སྡོད་པ་མི་རིགས། དེ་ལྟར་ཡུན་རིང་རྒྱུན་ཆགས་དགྲར་གྱུར་པ། །གནོད་པའི་ཚོགས་རབ་འཕེལ་བའི་རྒྱུ་གཅིག་པོ། །བདག་གི་སྙིང་ལ་ངེས་པར་གནས་འཆའ་ན། །འཁོར་བར་འཇིགས་མེད་དགའ་བར་ག་ལ་འགྱུར། །ཞེས་གསུངས་པ་ལྟར་ཡིན། ཉེས་དམིགས་ཅན་གྱི་དམིགས་པའམ། གནས་ནི་གང་དུ་སྐྱེས་པའི་ལུས་ཡིན་ཏེ། རྣག་ཁྲག་གི་ཐུམ་པོ། ཆུ་སེར་གྱི་རྐྱལ་པ། འདི་ལ་གཅེས་པར་བཟུང་ཞིང་བསྲུང་བ་ནི། གཅེར་བུ་ཚེར་མ་ཁུར་བ་དང་འདྲ། འཇིག་རྟེན་སྡུག་བསྔལ་ཇི་སྙེད་པ། །དེ་ཀུན་རང་བདེ་འདོད་ལས་འབྱུང་། །ཞེས་པ་ལྟར་ཡིན། སྡུག་ཏུ་འཇུག་མཁན་འདི་དམའ་འབེབས་དགོས། འདི་ལ་དགྲར་ཤེས་པ་གཅིག་བྱུང་ན་རང་ལ་རང་ངན་སྨྲས་བྱེད། ཁྱད་པར་ཁ་གཏོང་བ་ཐམས་ཅད་དགྲ་འདུལ་གྲོགས་བྱེད་པར། སྙིང་ཐག་པ་ནས་གོ་ན་སྐྱིད་མགོ་བཙུགས་པ་ཡིན། ཐེག་པ་ཆེན་པོའི་ཆོས་མཐའ་དག་ལ་བརྗོད་བྱ། བདག་ཕྱིར་བཏང་ནས་གཞན་རྩིར་གྱི་བཟུང་བ་སྟེ་གཉིས་པོ་དེ་ལས་མེད། གཞན་ཡང་བསྟན་པ་ཐམས་ཅད་ཉོན་མོངས་སྤོང་བའི་ཆེད་ཡིན་ཏེ། ཉོན་མོངས་པ་ཐམས་ཅད་ཀྱི་རྩ་བ་ང་དང་བདག་ཏུ་འཛིན་པ་ཡིན། དེ་ཆེར་ཐུལ་ན་བདེ་སྐྱིད་ཆེར་ཡོང་། འབྲིང་ལ་འབྲིང་། ཆུང་ངུ་ལ་ཆུང་ངུ་ཡོང་། ཡེ་མ་ཐུལ་བ་ལ་བདེ་སྐྱིད་ཡེ་མི་ཡོང་བ་ཡིན། དེས་ན་སྡུག་བསྔལ་དང་ཉེས་སྐྱོན་ཐམས་ཅད་ཀྱི་རྩ་བ་འདི་ལ་དགྲར་ཟུང་དགོས། སྔར་དེ་ལྟར་མ་ཤེས་པ་ཡིན། དེ་བླ་མའི་མན་ངག་ལ་བརྟེན་ནས་དགྲར་འཛིན་པ། ཁྱོད་ཀྱིས་ཁོ་བོ་གར་བརླག་པའི། །སྔོན་གྱི་དུས་དེ་གཞན་ཡིན་གྱི། །ཞེས་པ་ལྟར་ཡིན། དེ་ཙ་ན་རྐྱེན་ངན་གྱི་འཕྲང་ལས་སྒྲོལ། གཉེན་པོའི་ཐང་ལ་སླེབ་པའི་ཆོས་པ་གཤའ་མ་ཅིག་གདོད་ཡོང་བ་ཡིན་གསུངས་ཏེ། དེ་རྣམས་ནི་བདག་འཛིན་ལ་དགྲར་ཤེས་པར་བྱ་བ་ཡིན་ནོ།། གཞན་ལ་ཟིན་དུ་ཤེས་པར་བྱ་བ་ནི། ཀུན་ལ་བཀའ་དྲིན་ཆེ་བར་བསྒོམ། །ཞེས་བྱ་བ་སྟེ། སྤྱིར་ཡ་ཡང་སེམས་ཅན་ཐམས་ཅད་དྲིན་ཅན་ཡིན་ཏེ། སེམས་འགྲེལ་ལས། གང་དག་སྔོན་ཆད་ཕ་མ་དང༌། །གཉེན་བཤེས་གྱུར་ཅིང་ཡང་བཏགས་པའི། །སེམས་ཅན་དེ་དག་རྣམས་ལ་ནི། །བྱས་པ་བཟོ་བ་ཉིད་དུ་བྱ། །ཅེས་པ་ལྟར་ཡིན་ལ། ཁྱད་པར་དུ་བདག་ལ་གནོད་བྱེད་དྲིན་ཅན་དུ་བསྒོམ་པ་ནི། སྤྱོད་འཇུག་ལས། དེ་བས་ངལ་བས་མ་བསྒྲུབ་པའི། །ཁྱིམ་དུ་གཏེར་ནི་འབྱུང་བ་ལྟར། །བྱང་ཆུབ་སྤྱོད་པའི་གྲོགས་གྱུར་བའི། །དགྲ་ལ་བདག་གིས་དགའ་བར་བྱ། །ཅེས་པ་ལྟར་བསྒོམ་པ་སྟེ། སྤྱིར་ཕ་རོལ་ཏུ་ཕྱིན་པ་དྲུག་མ་རྫོགས་པར་སངས་རྒྱས་མི་ཐོབ་ལ། དེ་སྦྱིན་པ་དང་ཚུལ་ཁྲིམས་ལ་སོགས་པ་སློང་བ་དང༌། མཁན་སློབ་དང་། ལུང་འབོགས་མཁན་ལ་སོགས་པ་ལ་བརྟེན་ནས་རྫོགས་པ་ལྟར་བཟོད་པ་ཡང་གནོད་བྱེད་ལ་བརྟེན་ནས་རྫོགས་པས། གནོད་པ་བྱེད་པ་ཀུན་ལ་བཀའ་དྲིན་ཅན་དུ་བསྒོམ་པའོ།། དེ་ཡང་འདི་ལྟར་བསམ་ཏེ། ད་ལྟ་བདག་ལ་གནོད་པ་བྱེད་པའི་མིའ མ་མི་མ་ཡིན་པ་འདིས་ཐོག་མ་མེད་པ་ནས་མ་བྱས་པའི་གྲངས་སའི་ལྟོས་རྒྱ་ཤུག་གི་ཚིག་གུ་ཙམ་དུ་གྲངས་པ་བས་མང་བ་གཅིག་བྱས་ནས་བྱམས་པའི་མིག་གིས་ལྟ་ལྟ་བ། བརྩེ་བའི་སེམས་ཀྱིས་འཛིན་འཛིན་པ། གནོད་པ་དང་མི་ཕན་པ་ལས་སྐྱོབ་སྐྱོབ་པ། ཕན་པ་དང་བདེ་བ་ཐམས་ཅད་ཀྱིས་ཕན་འདོགས་པའི་དྲིན་ཅན་ཡིན་སྙམ་པ་ཡིད་དུ་འོང་ཞིང་བདེ་ན་དགའ་བའི་བྱམས་པ་བསམ། དེས་ན་ད་ལྟ་བདག་ལ་གནོད་པ་བྱེད་པ་འདི་འཁྲུལ་ནས་བྱེད་པ་ཡིན། འདིས་ཐོག་མ་མེད་པ་ནས་སྡིག་སྡུག་གཏམ་ངན་ཐམས་ཅད་ལ་མ་འཛེམས་པར་བདག་གི་དོན་བྱས་པས་ལས་ངན་བསགས་ནས་འཁོར་བ་མཐའ་མེད་དུ་འཁྱམས་ཤིང་སྡུག་བསྔལ་ཉམས་སུ་བླངས་པས་དེ་ཐམས་ཅད་ཀྱི་ལེ་ལན་བདག་ལ་ཐུག་ནས་འདུག ད་ལྟ་ཡང་བདག་གཞན་གྱི་དོན་དུ་བྱང་ཆུབ་སྒྲུབ་པ་ལ་བདག་གི་ལས་ངན་གྱིས་མ་རྒན་བསྐུ ལ་ནས་བར་ཆད་བྱས་པས་སེམས་ཅན་ཐམས་ཅད་ཀྱི་བདེ་བ་ལ་བར་ཆད་བྱེད་པས། སྐྱེ་བ་ཕྱི་མ་ལ་དམྱལ་བར་འགྲོ་བའི་ལེ་ལན་ཡང་བདག་ལ་ཐུག་པས་སྙིང་རེ་རྗེ་སྙམ་དུ་བསམ་ལ། སྤྱིར་ཐོག་མ་མེད་པ་ནས་ཀྱི་དྲིན་ཅན་གྱི་མ་ཡིན་པ་དང་། བྱེ་བྲག་ད་ལྟ་གནོད་པ་བྱེད་པ་ཡང་བདག་གི་བྱང་ཆུབ་བསྒྲུབ་པའི་གྲོགས་པོར་བྱ་བ་དང་། བདག་གིས་སེམས་བསྐྱེད་པའི་དུས་སུ་ལུས་ལོངས་སྤྱོད་དགེ་རྩ་ཐམས་ཅད་གཞན་ལ་བཏང་བར་ཤེས་པར་བྱས་ནས། བདག་གི་ལུས་ཅན་ཐམས་ཅད་ལ། །ལུས་འདི་ཅི་བདེར་བྱིན་ཟིན་གྱི། །རྟག་ཏུ་གསོད་དམ་སྨོད་པའམ། །བརྡེག་སོགས་ཅི་དགར་བྱེད་ལ་རེག །ཅེས་པ་ལྟར་བྱས་ནས་གནོད་བྱེད་ལ་མི་ཁྲོ་བར་དྲིན་ཅན་དུ་ཤེས་པར་བྱེད་པའོ།། དེ་ལྟར་དགྲ་ཟིན་གཉིས་སུ་ཁ་ཚོན་གཅོད་མ་ཤེས་ན་བླ་མའི་སྐྱོན་ཡིན། མཐའ་མ་ནུས་ན་སློབ་མའི་སྐྱོན་ཡིན་པས་དམིགས་ཕྱེད་པར་བྱས་ལ་བླང་དོར་བྱ། སློབ་དཔོན་ཞི་བ་ལྷས། བདག་ནི་སྐྱོན་བཅས་གཞན་ལ་ཡང་། །ཡོན་ཏན་རྒྱ་མཚོར་ཤེས་བྱས་ནས། །བདག་འཛིན་ཡོངས་སུ་དོར་བ་དང༌།། གཞན་བླང་བ་ནི་བསྒོམ་པར་བྱ། །ཞེས་དང་། འཇིག་རྟེན་སྡུག་བསྔལ་ཇི་སྙེད་པ། །དེ་ཀུན་རང་བདེ་འདོད་ལས་འབྱུང་། །འཇིག་རྟེན་བདེ་བ་ཇི་སྙེད་པ། །དེ་ཀུན་གཞན་བདེ་འདོད་ལས་བྱུང་། །མང་དུ་བཤད་ལྟ་ཅི་ཞིག་དགོས། །བྱིས་པ་རང་དོན་བྱེད་པ་དང༌། །ཐུབ་པ་གཞན་གྱི་དོན་མཛད་པ། །འདི་གཉིས་ཀྱི་ནི་ཁྱད་པར་ལྟོས། །ཞེས་པ་ལ་སོགས་པ་དུ་མ་གསུངས་པ་ཡང་དགྲ་ཟིན་ཤེས་པར་བྱས་པའི་དོན་དུ་གསུངས་པ་ཡིན། གླང་ཐང་པ་ཡང་ཇི་ཙམ་པའི་པོ་ཏི་ཟབ་མོ་ཅིག་ཞལ་ཕྱེ་བ་ལ་སྐྱོན་ཐམས་ཅད་རང་གི་ཡིན་པ་དང་། ཡོན་ཏན་ཐམས་ཅད་སེམས་ཅན་གྱི་ཡིན་པར་གསུངས། དེའི་གནད་ཀྱི་ཁེ་དང་རྒྱལ་ཁ་སེམས་ཅན་ལ་སྦྱིན་པ་དང་། གྱོང་དང་བུབ་ཁ་རང་གིས་བླངས་སེམས་པ་འདི་མིན་པ་གོ་རྒྱུ་གཞན་མ་རྙེད་ གསུངས་སྐད། གསུང་རྒྱུ་ཡང་རྒྱུན་དུ་ཁེ་དང་རྒྱལ་ཁ་སེམས་ཅན་ལ་འབུལ། དེ་ཅི་སྟེ་ན། ཡོན་ཏན་ཐམས་ཅད་སེམས་ཅན་ལ་བརྟེན་ནས་འབྱུང་བའི་ཕྱིར་རོ། །གྱོང་དང་བུབ་ཁ་ཐམས་ཅད་རང་ལ་བླངས། དེ་ཅི་སྟེ་ན། ཉེས་དམིགས་ཐམས་ཅད་བདག་ཏུ་འཛིན་པ་ལས་འབྱུང་བའི་ཕྱིར་རོ། །ཞེས་སྙིང་པོ་བགྲང་བ་བཞིན་གསུང་སྐད། པོ་ཏོ་བ་ཡང་། ལེགས་པ་བྱུང་ན་བཙུན་ཆུང་འདིའི་ཚོད་ལ་ཤེད། དེ་ཙམ་ཡོད་པ་ཅེས་དང་། ཉེས་པ་བྱུང་ན་ཁོ་བོ་དེའི་གསེབ་ན་ཞུགས་པ་ལགས་གསུངས་པ་ལྟར་རོ། །མདོར་ན་བདག་འཛིན་མ་ཟད་པར་འཁོར་བ་ལས་ཐར་མི་སྲིད་ཅིང་། གཞན་གཅེས་པར་མ་བཟུང་བར་སངས་རྒྱས་ཐོབ་མི་སྲིད་པ་ཡིན་པར་ཤེས་པར་བྱེད་པ་ནི་དགྲ་ཟིན་ཤེས་པར་བྱ་བ་ཡིན་ནོ།། ད་བློ་སྦྱོང་ནོར་མ་ནོར་ཤེས་པར་བྱ་བ་ནི། སྤྱི་དོན་གསུམ་ལ་རྟག་ཏུ་བསླབ། །འདུན་མ་བསྒྱུར་ལ་རང་སོར་བཞག །ཅེས་བྱ་བ་སྟེ། བློ་སྦྱོང་ཁས་བླངས་དང་མི་འགལ་བ་དང་། བློ་སྦྱོང་ཐོ་ཆོར་མ་སོང་བ་དང་། བློ་སྦྱོང་ཕྱོགས་རེར་མ་སོང་བ་དང་གསུམ་ནི་བློ་སྦྱོང་མ་ནོར་བ་ཡིན་ལ། སྤྱི་དོན་གསུམ་པོ་འདི་དང་འགལ་ན་ནོར་བ་ཡིན་ནོ། །དང་པོ་བདག་བློ་སྦྱོང་བ་ལགས་པས། འདི་ཀུན་གྱི་མི་གནོད་ཟེར་ནས་ཁས་བླངས་པའི་བསླབ་པ་ཕྲན་ཚེགས་ལ་སོགས་ཏེ་ལས་འབྲས་ཁྱད་དུ་གསོད་པ་དང༌། བློ་སྦྱོང་འདི་ཡོད་ན་གཞན་ཅི་ཡང་མི་དགོས་ཟེར་ནས་སྡེ་སྣོད་ཀྱི་ལག་ལེན་དང་འགལ་བ་དེ་ཐམས་ཅད་དོར་ལ། བསམ་པས་བློ་སྦྱོང་ཞིང༌། སྦྱོར་བས་ཀ་རི་ཀ་ནས་རྡོ་རྗེ་ཐེག་པའི་བར་གྱི་ཁས་བླངས་དང་དམ་བཅས་པ་དང་མི་འགལ་ཞིང་གཙང་མར་བསྲུང་བ་སྡེ་སྣོད་སྤྱི་དང་མི་འགལ་བའོ།། གཉིས་པ་ནི། གཉན་སར་ཉལ་བ་དང༌། ཤིང་གཉན་གཅོད་པ་དང་། འགོ་བའི་ནད་ཡོད་སར་འགྲོ་བ་དང་། དམ་ཉམས་དང་། མཛེ་ཕོ་ལ་སོགས་པ་དང༌། འདྲེ་དང་འགྲོགས་པ་ལ་སོགས་པ་ཐོ་ཆོ་ཐམས་ཅད་སྤངས་ལ། དགེ་བཤེས་སྟོན་པའི་རྣམ་ཐར་གཙང་མ་བསྟན་པའི་སྲོལ་ཆེན་པོ་རྭ་སྒྲེངས་དུ་བཙུགས་པ་བསྟན་པ་གྲུ་བཞིར་ཉམས་སུ་ལེན་པ་དང་མི་འགལ་བར་བྱེད་པ་སྟེ། གཞན་ཡང་ཡེ་ཤེས་རྒྱན་ལ་བྱ་བ་ལ་སོགས་པ་ལགས་ཞུས་ཙ་ན། ངའི་འདུན་མ་མིན། རྭ་སྒྲེང་བའི་ལུགས་ཡིན་གསུངས་པ་ལྟར་རོ།། གསུམ་པ་ནི། བདག་འཛིན་འདུལ་བ་དང་སེར་སྣ་སྤོང་བ་དང༌། བཟོད་པ་བསྒོམ་པ་ལ་སོགས་པ་གང་རུང་རེ་ལ་གཏུབ་པར་འདུག་ཀྱང་གཞན་ལ་མ་གཏུབ་པས་ཕྱོགས་རེར་སོང་བ་སྟེ་མི་ལ་བཟོད་ཀྱང་མི་མ་ཡིན་པ་ལ་མི་བཟོད་པ་འདྲེ་རྟོགས་ཆེ་བ་དང་། དེ་ལས་བཟློག་པ་དང་། མི་ཆེ་བ་ལ་གུས་ལ་ཆུང་བ་ལ་བརྙས་པ་དང་། དེ་ལས་བཟློག་པ་དང་། ནང་མི་ལ་བྱམས་ཕྱི་མི་ལ་སྡང་བ་དང་། དེ་ལས་བཟློག་པ་ལ་སོགས་པ་ཕྱོགས་རེ་བ་བརྗོད་ཀྱི་མི་ལང་བ་ཡོད་པས་དེ ར་མ་སོང་བར་ཕྱོགས་ཐམས་ཅད་ནས་འབྱོངས་པ་མ་ནོར་བ་ཡིན། གཞན་དུ་བུ་ལ་ཁྲ་དང་སྤྱང་ཁྱི་བྱམས་སུ་སོང་ན་བློ་མ་འབྱོངས་པ་ཡིན་ནོ། །ཆགས་མེད་མཉམ་པ་ཉིད་དུ་སྦྱོང་བའོ། །དེ་ཡང་སྦྱོར་བས་ལུས་ངག་ཏུ་དེ་ལྟར་བྱེད་ན་ཉམས་ལེན་ནོར་བ་ཡིན་པས་རང་དོན་བྱེད་པའི་བསམ་པ་དེ་གཞན་བདེ་འདོད་པར་བློ་སྦྱོང་བར་འདུན་པ་བསྒྱུར་ལ། ལུས་ངག་གི་སྤྱོད་པ་གཞན་གྱི་རྩར་ངག་ཏུ་མི་འདོན་ཏེ། ཤ་ཁྱེར་ཁྲག་ཁྱེར་རམ། ཆོས་གོས་སྟེར་བའམ། ཚོགས་སུ་མཛེ་པོ་ལ་སོགས་པ་ལ་སྙིང་རྗེ་ཡོད་པ་ལྟར་བྱེད་པ་དང་། ཤ་བའི་གྲངས་ལྟར་མདུང་ཁ་བྱེད་པ་དང་། བདག་འཛིན་ཐུལ་ནས་གཞན་མི་དགོས་ཟེར་བ་ཡོད་པ་ལ་དེ་འདུས་པ་དང་ཡང་འགལ། ཐོ་ཆོར་ཡང་ཆ་བས་བློ་སྦྱོང་ཐམས་ཅད་མངོན་ཚན་ཆུ ང་ལ་དོན་གྱི་ས་ཆོད་ཆེ་བ་གཅིག་བྱེད་དགོས་གསུངས་པས་གཞན་གྱིས་མ་ཚོར་བར་རྒྱུད་སྨིན་པ་གཅིག་བྱེད་ན་ཉམས་སུ་ལེན་ལུགས་མ་ནོར་བ་ཡིན། སེམས་ལ་བློ་མ་འབྱོངས་པར་ལུས་ངག་ཏུ་བློ་སྦྱོང་བའི་རྣམ་འགྱུར་སྟོན་པའམ། སེམས་ལ་བློ་ཅུང་ཟད་འབྱོངས་ཀྱང་སྡེ་སྣོད་དང་འགལ་བ་དང༌། སྐབས་སུ་མ་བབས་པ་དང་། དགོས་པ་མེད་པ་ཐམས་ཅད་ཐོ་ཆོར་འགྲོ་བས་སྦྱོང་ལུགས་ནོར་བ་ཡིན་ནོ།། གསུམ་པ་གཞུང་དོན་ཤེས་པར་བྱ་བ་ནི། རྡོ་རྗེ་ཉི་མ་ལྗོན་ཤིང་ལྟར། །གཞུང་དོན་ལ་སོགས་ཤེས་པར་བྱ། །ཅེས་བྱ་བ་སྟེ། དཔེར་ན་རྡོ་རྗེ་རིན་པོ་ཆེ་ཕ་ལམ་ཞེས་པ་དེ་གཟུགས་གྲུ་བཞི་ལ་སོགས་པ་ཇི་ལྟར་ཡོད་པ་དང་། ཡོན་ཏན་ཇི་ཙམ་ཡོད་པ་དེ་དུམ་བུ་བརྒྱ་སྟོང་ལ་སོགས་པར་བཅག་ཀྱང་གྲུ་བཞི་ལ་སོགས་པའི་དབྱིབས་དང་ཡོན་ཏན་མི་འདོར་བའི་དཔེ་དེ་བཞིན་དུ་བློ་སྦྱོང་འདི་ཡང་དབུ་ཞབས་སུ་དྲིལ་བས་ཀྱང་བློ་སྦྱོང་ཡིན་ལ། ཚིག་གི་ཡན་ལག་ཏུ་བཤད་པའི་ཚིག་རེ་རེ་ལ་ཡང་བློ་སྦྱོང་གྲ་མ་ཆགས། ཟུར་མ་ཉམས་པའི་དོན་གནས་པ་ཡིན་ནོ། །ཉི་མའི་འོད་ཟེར་གཅིག་ཤར་ན་འོད་ཟེར་ཐམས་ཅད་ཤར་ནས་འོང་བ་ཡིན། དེ་བཞིན་དུ་བློ་སྦྱོང་གི་ཚིག་གཅིག་གི་དོན་བློ་ལ་སྐྱེས་ན་ཚིག་དོན་ཐམས་ཅད་བློ་ལ་སྐྱེས་པ་ཡིན་པས་གྲངས་ངེས་དང་གོ་རིམ་ལ་སོགས་པ་མི་དགོས། བློ་ལ་གང་བདེ་བ་ནས་བསྒོམ་པས་ཆོག་པའོ། །ཡང་སྨན་གྱི་ལྗོན་ཤིང་གི་རྩ་བ་དང༌། སྡོང་པོ་དང༌། ཡལ་ག་དང༌། ལོ་མ་དང་། ཤུན་པ་དང༌། མེ་ཏོག་འབྲས་བུ་རེ་རེས་ཀྱང་ནད་བཞི་བརྒྱ་རྩ་བཞི་མ་ལུས་པར་སེལ་བ་ཡིན། ཐམས་ཅད་ལོག་པས་ཀྱང་དེ་ཉིད་ཡིན། དེ་བཞིན་དུ་བློ་སྦྱོང་འདིའི་ཚིག་ཡན་ལག་རེ་རེས་ཀྱང་ཉོན་མོངས་པ་དང་བདག་འཛིན་ཐུ ལ། ཐམས་ཅད་ལོག་པས་ཀྱང་དེ་བཞིན་ཡིན་པས་འབྲེལ་དང་གོ་རིམ་ལ་སོགས་པ་མེད་ཀྱང་ཆོག་པས་དོན་རྒྱུད་ལ་མ་སྐྱེས་ཀྱི་བར་དུ་བསྒོམ་པར་བྱའོ། །དེ་ལྟར་ན་དེ་དག་ཤེས་པར་བྱ་བ་གཙོ་ཆེ་བ་ཙམ་དུ་བྱས་པའི་མིང་ཙམ་ཡིན་ནོ།། གཉིས་པ་སྤང་བར་བྱ་བ། གཉིས་པ་སྤང་བར་བྱ་བ་ལ་བཞི་སྟེ། ཉོན་མོངས་སྤང་བ་དང༌། ཕྱོགས་མཐུན་སྤང་བ་དང་། རེ་བ་སྤང་བ་དང་། ལྟོས་པ་སྤང་བའོ།། དང་པོ་ནི། ཉོན་མོངས་གང་ཆེ་སྔོན་ལ་སྦྱངས། །ཞེས་པའམ། རགས་པ་གང་ཡིན་སྔོན་དུ་སྦྱངས། །ཞེས་བྱ་བ་སྟེ། ཆོས་བྱེད་དུ་མི་སྟེར་བ་ཐམས་ཅད་ཀྱི་རྩ་བ་ཉོན་མོངས་པ་ཡིན། དེའི་རྩ་བ་བདག་འཛིན་ཡིན། འཁོར་བ་ཐོག་མ་མེད་པ་ནས་སྡུག་ཏུ་བཅུག་པ་ཐམས་ཅད་འདི་ཡིན། ད་ལྟ་ཡང་བྱི་བ་ཙིག་ཅིག་ཟེར་ན་ཁོའི་རྣ་བ་གཅོད་དམ་སེམས། འབྲུག་ཅིག་བྱུང་ཡང་ཁོའི་མགོ་ལ་རྒྱབ་ཀྱིས་དོགས། རྒྱལ་ཁམས་ན་ནད་རིམས་ཡོད་ཟེར་ཡང་ཁོ་ལ་བྱུང་གིས་དོགས། ས་ཡུལ་གཉན་ཟེར་ན་ཁ་དྲག་ལ་ཁྱེད་ཀྱི་དོགས། དེ་བཞིན་དུ་ལ་ལ་གཏམ་ངན་གྱིས་དོགས་ནས་སྡུག་བསྔལ། ལ་ལ་དགྲ་མ་ཐུལ་གྱི་དོགས་ནས་སྡུག་བསྔལ། ལ་ལ་གཉེན་མ་འཁྱོངས་ཀྱི་དོགས་ནས་སྡུག་བསྔལ་བ་ལ་སོགས་པ་བརྗོད་ཀྱི་མི་ལང་བ་ཅིག་ཡོད་དེ། དེ་ཐམས་ཅད་ཀྱི་རྩ་བ་བདག་ཏུ་འཛིན་པ་ཡིན། སོ་སོའི་སྐྱེ་བོ་ཐམས་ཅད་འདིའི་རང་བཞིན་དུ་གྱུར་ནས་ཅི་བྱེད་བདག་ཏུ་འཛིན་པས་བྱེད་བཅུག་ཏེ་འདི་འདུལ་དགོས་པས་འདི་འདུལ་བ་ལ། དེ་ཡང་ཞར་ཞོར་གྱི་མི་ཐུལ་བས། ཐེལ་པོར་སྦྱང་དགོས་ཏེ། འདི་ཐུལ་ན་ཕོ་བ་དུག་ཐབས་ཀྱི་ན་བ་བཞིན་དུ་ འདུག་པ་དེ་ཞི་བ་བཞིན་དུ་བདེ་ལྷན་པ་གཅིག་གདོད་འོང༌། དེ་ཙུག་མ་བྱུང་རིང་ལ་ཤམ་ཐབས་མཛོ་ཁལ་གཅིག་ཟད། བུམ་པ་མགོ་ཐོག་ཏུ་བཞག་ མི་ཚེ་ཐོས་པ་བྱས་ཀྱང་ཐམས་ཅད་ལོག་ནས། ཡེང་ཡེང་བྱས་པ་གཅིག་ཡིན། བདེ་བ་སྐད་ཅིག་ཀྱང་མེད། བདག་འཛིན་འདི་ཅུང་མགོ་ནོན་ན་ཆོས་གཉེན་པོར་སོང་བ་ཡིན་པས་བདེ་ལྷན་ཡོང་། དེའི་སྟེང་དུ་སེམས་ཅན་བློ་ཕུགས་སུ་བཅུག་པ་གཅིག་བྱུང་ན་ཐེག་པ་ཆེན་པོ་ཤོང་བ་ཆེན་པོ་བྱ་བ་ཡང་དེ་ལ་ཟེར། དེ་ཡང་ལོང་ཡོད་སྙམ་པས་མི་ཡོང་བས་ད་ལྟ་རང་ནས་འབུང་དགོས། མི་འདོད་པ་རང་ལ་ལེན། འདོད་པ་གཞན་ལ་གཏོང་ན་བདག་འཛིན་ཐུལ་བ་ཡིན། དེས་གཞི་བྱས་ནས་འདོད་ཆགས་ཞེ་སྡང་ལ་སོགས་པ་གང་ཤས་ཆེ་རྟོགས་ནས་དེ་ཁོ་ན་ལ་གཙོ་བོར་སྦྱོང་བ་ཡིན། དེ་ཡང་ཁ་ཅིག་རྟོགས་ཏེ་རྟོགས་པ་ཙམ་གྱི་སྤོང་བ་ཡང་ཡོད། ཁ་ཅིག་རྟོགས་པ་ཙམ་གྱི་སྤོང་བའི་ངེས་པ་མེད། གཉེན་པོ་བསྒོམ་པའི་དོད་སྤོང་ནས་ཡོང་། ཁྱད་པར་དུ་བླ་མ་དང་གྲོགས་པོས་རྟོགས་ནས་འོང་བས་རྟོགས་དུ་བཅུག་པ་ཡང་བྱ་སྟེ། འཆད་ཀ་བས་ཤ་ར་བ་རྟོགས་དུ་བཅུག་པས་མཉེས་པའམ། ལུགས་སྨད་པ་སྣེ་ཟུར་ན་བཞུགས་ཙ་ན་གྲོགས་པོ་རྟོགས་དུ་བཅུག་པས་རྟོགས་པ་ལྟ་བུ་ཡིན། དེ་ལྟར་སྤྱོད་ལམ་རྣམ་བཞི་དུས་དང་གནས་སྐབས་ཐམས་ཅད་དུ་རང་གི་རྒྱུད་ལ་རང་གཞན་གྱིས་བརྟགས་ཏེ། རྟོགས་ནས་གཉེན་པོ་དེ་ཁོ་ན་རྟེན། གཞན་ཡོ་དེའི་བར་དུ་རེ་ཞིག་བཞག །དེ་ཐུལ་ནས་འདུག་སྙམ་ན་ཚུལ་བཞིན་མ་ཡིན་པ་ཡིད་ལ་བྱས་ལ། ཡང་སྐྱེ་མི་སྐྱེ་ཉམས་སད་སྐྱེ་བ་ལྟ་ན་དངོས་གཞི་མ་ཐོབ་པ་ཡིན་པས་གཉེན་པོ་བསྒོམ་འཇུག་ཡུལ་ལམ་རྐྱེན་ངན་དང་འཕྲད་ཀྱང་མི་སྐྱེ་ན་ཐུལ་བ་ཡིན། དེ་ཐུལ་བ་དང་སོ་ཆག་འོག་ནས་སེའུ་སྐྱེ་བ་སྙམ་བྱེད་ཀྱང་བདེ་བླག་ཏུ་ཐུལ་འོངས་སྟེ། གྱད་སྟོབས་པོ་ཆེ་ཐུབ་ན་གཞན་བདེ་བླག་ཏུ་ཐུབ་པ་དང་འདྲའོ།། དེ་ལྟར་རགས་པ་སྔོན་དུ་སྦྱང་བའི་ཚུལ་ཡང་ལས་དང་པོ་བས་རྐྱེན་ངན་གྱི་གནོད་རིང་ལ་ཡུལ་ལས་འབྱོལ་བ་དང་འཐབ་ནུས་ན་འཐབ་པ་ཡིན་ཏེ། མཁས་པས་ལེགས་པར་འབྲོས་པའམ། །མཁས་པས་ལེགས་པར་འཐབ་པར་བྱ། །ཅེས་སོ། །ཡང་། བརྟན་པ་མ་ཐོབ་བར་དུ་རྐྱེན་ངན་གནོད། །བརྟན་པ་ཐོབ་ནས་རྐྱེན་ངན་གྲོགས་སུ་འགྱུར། །ཞེས་པ་ལྟར་རོ། །རྐྱེན་ངན་གྲོགས་སུ་འགྱུར་བ་གཉལ་པ་ཇོ་སྲས་ཀུན། ནང་དུ་འཛུགས་རེས་ཡོད་ཙ་ན་འཕེལ་གསུང་བ་དང་། སྟོན་པ་སེང་གེ་རྒྱལ་མཚན། གླང་རི་ཐང་ན་ཡོད་ཙ་ན་སེ་བེ་རེ་ལ་སོགས་བློ་རྩ་ལེན་པས་འབྱོངས་སྟོབས་ཆེ་བ་བྱུང་བ་ལ་ད་ལྟ་དེ་ཙམ་གྱི་རྐྱེན་བློ་རྩ་ལེན་པ་མེད་པས་དེ་ཙམ་འབྱོངས་སྟོབས་མ་བྱུང་ཞེས་པ་ལྟ་བུ་ཡང་ཡོད། ཁ་ཅིག་རྐྱེན་བྱུང་ཉིད་ནས་ཉམས་ཟིན་པའི་རིགས་ཀྱང་ཡོང་བས་བྲོས་པས་མི་ཕན་པའམ། འཐབ་ནུས་པས་འཐབ་དགོས་ཏེ། ཅང་ཨ་བོ་ཁྲས་རྩེ་ཙ་ན་ཁྱོད་ད་གཏོང་ན་ང་འདི་གཏོང་ཟེར་བ་ལྟར་གང་ལ་གང་འོས་ཀྱི་གཉེན་པོ་བརྟེན་ནས། བདག་ནི་བསྲེགས་སྟེ་བསད་གྱུར་ཏམ། །མགོ་བོ་བཅད་པར་གྱུར་ཀྱང་སླའི། །རྣམ་པ་ཀུན་ཏུ་ཉོན་མོངས་པའི། །དགྲ་ལ་འདུད་པར་མི་བྱའོ། །ཞེས་པ་ལྟར། གཉེན་པོའི་སྲན་བཅུག་ནས་བྱེད་པའོ། །དགྲ་ཡིན་རྒྱུ་ཡང་། སྤྱོད་འཇུག་ལས། ཞེ་སྡང་སྲེད་སོགས་དགྲ་རྣམས་ནི། །རྐང་ལག་ལ་སོགས་ཡོད་མིན་ལ། །དཔའ་འཛངས་མིན་ཡང་ཇི་ཞིག་ལྟར། །འདི་དག་གིས་བདག་བྲན་བཞིན་བྱས། །ཞེས་པ་ལ་སོགས་པ་དང་། འདོད་ཆགས་ཞེ་སྡང་གཏི་མུག་གསུམ། །སྙིང་གི་ནང་དུ་བཀུག་བྱས་ནས། །ཇག་པ་རང་གི་སེམས་ལ་འགྱེད། །ཆོམ་པོ་འདི་ལས་ཆེ་བ་མེད། །ཅེས་པ་མང་དུ་བསམས་ནས་བྱེད་པའོ།། གཉིས་པ་ཕྱོགས་འཛིན་སྤང་བ་ནི། ཕྱོགས་སུ་འཛིན་པ་ཐམས་ཅད་སྤང༌། །ཞེས་པས་ཏེ། ཡུ ལ་དུ ས་རྣམས་པ་ངེས་པ་ཙམ་མ་ཡིན་ཏེ། ཕྱི་ནང་སྣོད་བཅུད་ཐམས་ཅད་དང་འཕགས་པ་དང་། སེམས་ཅན་ཡིད་དུ་འོང་བ་དང་མི་འོང་བ་ཐམས་ཅད་ལ་སྦྱོང་བའོ། །འབྱོངས་རྩ་ན། ཐམས་ཅད་ལ་མཉམ་སྐད་ཡོང་བ་ཆོས་ཉིད་ཡིན་ནོ།། གསུམ་པ་རེ་བ་སྤང་བ་ནི། འབྲས་བུ་རེ་བ་ཐམས་ཅད་སྤང་། །ཞེས་བྱ་བ་སྟེ། འདི་བྱས་པས་མི་མ་ཡིན་གྱི་གནོད་པ་མི་ཡོང་དུ་རེ་བ་དང་། གཏམ་སྙན་དུ་རེ་བ་དང་། མཁན་སློབ་ལ་སོགས་པས་རྩིར་རེ་བ་དང་། ཟས་གོས་ལ་སོགས་པ་འཛོམ་དུ་རེ་བ་དང་། གཞན་ལ་ཕན་བཏགས་དེའི་ལན་ལ་རེ་བ་དང་། ཆོས་པ་གཤའ་མ་ཡིན་ཟེར་དུ་རེ་བ་དང༌། ཐ་ན་སངས་རྒྱས་ཐོབ་ཏུ་རེ་བ་གཅིག་བྱུང་ཡང་། རྗེ་བཙུན་གྱིས། རྒྱལ་ལ་སོགས་ལ་ཆགས་པ་ཕྲ། །ཞེས་གསུངས་པས་འདི་ཕྱིས་བསྡུས་པའི་རེ་ལྟོས་གང་ཡང་མེད་པ་གཅིག་སྦྱོང་མ་ཤེས་ན། ཆོས་འདིའི་ཕྱོགས་གཅིག་ཞ་བ་ཡིན་པས་འབྲས་བུ་གང་ལ་ཡང་རེ་བ་མེད་པར་སྦྱོང་བ་གལ་ཆེ། ཚེ་འདིའི་རེ་ལྟོས་ཅན་གྱི་སྤྱིར་ཆོས་ཙམ་དུ་ཡང་མི་འགྲོ ཕྱི་མའི་རེ་ལྟོས་བྱེ་བྲག་ཏུ་བྱང་ཆུབ་སེམས་དཔའི་ཆོས་སུ་མི་འགྲོ་བས་སོ། །རང་དོན་དུ་སངས་རྒྱས་འདོད་ཀྱང་རང་སངས་རྒྱས་ཀྱི་རྒྱུ་ཡིན་པས་སོ།། བཞི་པ་ལྟོས་པ་སྤང་བ་ནི། རྐྱེན་གཞན་དག་ལ་ལྟོས་མི་བྱ། །ཅེས་བྱ་བ་སྟེ། སྤྱིར་ཐོས་བསམ་བསྒོམ་གསུམ་ཆོས་སྤྱོད་བཅུ་ཐམས་ཅད་རྐྱེན་གཞན་ལ་མི་ལྟོས་མི་སྲིད། ཐམས་ཅད་རྐྱེན་ལ་ལྟོས་དགོས་ཏེ། ཟས་གོས་གནས་ཁང་སྒྲུབ་ཟས་ན་སོ་ལ་སོགས་པའི་མཐུན་རྐྱེན་ཚང་བ་དང་། དགྲ་འདྲེ་ལ་སོགས་པ་མེད་པ་དགོས་ཏེ། བྱང་པ་ཤེས་རབ་འབར་ལ་པོ་ཏོ་བས་ཆོས་བསམ་དུ་བཏུབ་བམ་གསུངས་པས། ལྟོ་འགྲངས། ཁ་ངོམས། གྲོགས་པོས་བློ་རྩ་མ་བླངས་ཙ་ན་སྲག་སྲིག་གཏུབ་པར་སྣང་ཟེར་བ་དང༌། དགེས་དཀོར་སྤྱན་སྔ་བའི་གྲྭ་པར། མ་འཛོམས་ཡུལ་དུ་ཕྱིན་ལ་འཛོམས་པ་གཅིག་བྱ་སྙམ་ཙ་ན། ཡར་ལུངས་སུ་ཕྱིན་པས་འཛོམས་པ་ཅིག་མ་བྱུང་བས་རྨོངས་ནས་མ་གོ་བར་འདུག འཁོར་བ་བྱ་བ་མ་འཛོམས་པའི་མིང་དུ་འདུག་པ་ལ་ཟེར་བ་དང་། འཁུན་ཀ་མ་བའི་དེར་མ་འཛོམས། གཙང་དུ་བྱོན་ནས་མཐུན་རྐྱེན་འཛོམས་པས་དཀོན་མཆོག་གི་མཆོད་པ་དང༌། རང་གི་ཁམས་གསོ་བ་དང་བཟང་དུ་བྱས་སེམས་པ་ལ་སྐྱིད་ཆེན་པོ་བྱུང་ཟེར་བ་དང༌། ཁ་རག་པའི་སློབ་མ་ཁམས་ལོག་པ་ལ་འབྲི་མར་གྱི་མར་ཁུ་བཏང་བས་འབྲིའི་ནུ་མ་ལ་སྒོམ་ཡོད་པ་ད་ལྟ་ལས་ཆ་མེད་ཟེར་བ་དང་། ཇོ་བོ་ཡང་ ཁོ་རང་དག་གི་ཞབས་ཀྱི་གཉེར་མ་སྟོན་ཅིང་ངའི་འདི་ཙུ ག་སོང་བ་ལ་ད་གྲུ བ་ཐོབ་མི་འབྱུ ང་བ་ཡིན་གསུངས་པ་དང་། གཤེ་སྟོན་བྱང་འབར་ཡང་གཞོན་པ་མཁུར་བ་དམར་ཐོ་ལེ་བ་མཐོང་ཙ་ན། ངས་ཁྱོད་ལ་ཕན་ཐོགས་པ་ཅིག་འདུག་ཅེས་དང་། རྒས་ཁོག་པ་མཐོང་ཙ་ན། ཁྱོད་ཤེས་མ་ལོག་པར་སྦྱང་ཟིན་ནས་ད་ངའི་འདིར་བསྡད་ཀྱང་ཕན་པ་མི་ཡོང་ཟེར་བ་དང་། ཁ་ཅིག་དོ་ཅིག་གྲོགས་པོ་སེམས་པ་རིམས་པ་ཚེ་གཅིག་དང་འགྲོགས་པས་བསམ་དུ་བཏུབ་པ་བྱུང་ཟེར་བ་དང་། ཁ་ཅིག་གྲོགས་པོ་ཚོ་གཅིག་གི་རྩ་བླངས་ནས་མ་བྱུང་ཟེར་བ་ཡོད། ཁ་ཅིག་བྲེལ་བས་མ་བྱུང་དལ་ན་ཡོང་བར་སྣང་ཟེར་བ་དང༌། ཁ་ཅིག་ཡེངས་ནས་མ་བྱུང་དབེན་ན་ཡོང་ཟེར་བ་ཡོད། གཉགས་སེངྒེ་གྲགས་ཤིག བཀའ་གདམས་པ་ལས་ འབྲས་སྒོམ་ན་ངའི་ཆོས་མངོན་པའི་བསྟན་བཅོས་འདི་ཀུན་ཁོང་དུ་མ་ཆུད་པར་ཁོང་ཇི་ཙུག་སྒོམ་ནས་ལས་འབྲས་ལས་འབྲས་ཟེར་རམ་གསུངས་པ་ལ་འདི་ལྟ་བུའི་ཐོས་པ་ལ་སོགས་པའི་རྐྱེན་གང་ལ་ཡང་ལྟོས་མི་དགོས། འཛོམ་ན་དེ་ཉིད་རྒྱུ་མཚན་དུ་བྱས་ནས་མ་འཛོམ་ན་མི་སྡང་ན། བྱམས་ན། ལྟོགས་ན། འཁྱགས་ན། འབྱོར་ན། རྒུད་ན། ན་ན། མིན་ན། རྒན་ན། གཞོན་ན། ལྟོགས་ན། འགྲངས་ན། དགྲས་གཙེར་ན། སྦྲང་འགོང་གི་ཚ་རགས་རྒྱུགས་ན། བླ་མས་ཐུགས་ལ་བཏགས་ན། མ་བཏགས་ན། གྲོགས་པོས་བློ་རྩ་བླངས་ན། དེ་དག་རྒྱུ་མཚན་དུ་བྱས་ནས་བསྒོམ་པས་ཆོག གླང་ཐང་གི་གཉེན་སྟོན་ཤེད་ཚ། ནང་མ་མང་པོ་མེད་པ་ལ་དགེ་བཤེས་རིན་པོ་ཆེའི་ཆོས་མཐུན་རེ་ལ་དོད་བྱས་ནས་སྡད་ཟེར་བ་དང་། ཇོ་སྲས་དང་སེང་གེ་རྒྱལ་གྱི་གཏམ་སྔར་གླེང་བ་ལྟར་ཡིན། སྤྱོད་ལམ་འགྲོ་འཆག་ཉལ་འདུ ག་ཐམས་ཅད་དུ་སྦྱང་པས་ཆོག་ཁོམ་བྲེལ་ཐམས་ཅད་དུ་སྦྱང་པས་ཆོག འདི་ལ་མཐུན་རྐྱེན་སེམས་ཀྱི་སྙིང་སྟོབས་གཅིག་པུས་ཆོག སྐྱོན་དང་བཅས་པའི་སེམས་འདི་ལ། །ཡོན་ཏན་མང་པོ་གཅིག་མཆིས་ཏེ། །གང་ལྟར་གོམས་པ་དེ་ལྟར་འབྱུང་། །བྱ་བ་ཡིན་པས། གང་ཙུག་བྱ་བྱར་བཏུབ། འདི་ལ་ས་ཟན་ཀོ་མཐས་མེད། གང་ཙུག་བསླབ་བསླབ་ཡིན། དེ་ཡང་ཕྱིས་མི་ལ་འཆད་ཙ་ན་དེ་སྐད་ཟེར་བ་ཡིན་སྙམ་པ་དེས་མི་ཡོང་། ང་རང་ཉམས་སུ་བླང་སྒོམ་སྙམ་པ་བྱས་ན་ཆོས་ཀྱི་བྱིན་རླབས་གདོད་ཡོང་བ་ཡིན། འདི་ལ་ཡང་ན་ལྷ་གསོལ། ཡང་ན་གཞོབ་མཐོང་དུ་སྦྱོང་བ་ཅིག་དགོས་གསུངས། དེ་ལྟར་ན་བཞི་པོ་དེ་སྤང་བར་བྱ་བ་གཙོ་ཆེ་བ་ཡིན་ནོ།། གསུམ་པ་བླང་བར་བྱ་བ། གསུམ་པ་བླང་བར་བྱ་བ་ལ་གསུམ་སྟེ། གང་ཉམས་སུ་བླང་བའི་ཆོས་དང་། གང་གིས་ཉམས་སུ་ལེན་པའི་ཐབས་དང་། ཇི་ལྟར་བླང་བའི་ཚུལ་ལོ། །དང་པོ་ནི། ད་རེས་གཙོ་བོ་ཉམས་སུ་བླང།། དོན་ཆེན་གང་ཡིན་བླང་བར་བྱ། །ཅེས་བྱ་བ་སྟེ། ཐོག་མ་མེད་པ་ནས་ཕ་འཚེར་སྙིང་པ་ལྟ་བུ་ངན་སོང་གསུམ་དུ་འཁྱམས་པ་ཡིན། ད་རེས་བསོད་ནམས་འགའ་ཞིག་གིས་བསྐལ་པ་བྱེ་བ་བརྒྱ་སྟོང་དུ་ཡང་རྙེད་དཀའ་བའི་དལ་འབྱོར་གྱི་ལུས་ཐོབ་པའི་དུས་ད་རེས་ཚེ་འདིའི་དོན་བྱེད་པ་བས་ཕྱི་མ་ཕན་ཆད་ཀྱི་དོན་བྱེད་པ་གཙོ། ཆོས་ལ་ཡང་བཤད་སྒྲུབ་གཉིས་ལས་སྒྲུབ་པ་གཙོ། སྒྲུབ་པ་ཡང་ཕྱི་རོལ་གྱི་སྤྱོད་ཚུལ་ལས་སེམས་སྦྱོང་བ་གཙོ་བོ་ཡིན་ཏེ། བྱང་ཆུབ་སེམས་དཔའི་སྤྱོད་པ་དག །ཚད་མེད་པ་ནི་གསུངས་པ་ལས། །སེམས་སྦྱོང་བ་ཡི་སྤྱོད་པ་ནི། །ངེས་པར་དེ་སྲིད་སྤྱད་པར་བྱ།། །ཅེས་པ་ལྟར་རོ། །སེམས་སྦྱང་བ་རྣམས་ཀྱི་ནང་ན་ཡང་གཙོ་བོ་བྱང་ཆུབ་ཀྱི་སེམས་ཡིན་ཏེ། ཐེག་པ་འདི་ལ་བྱང་ཆུབ་ཀྱི། །སེམས་མཆོག་ཡིན་པར་བསྟན་པས་ན། །བྱང་ཆུབ་ཏུ་ནི་སེམས་བསྐྱེད་ནས། །འབད་པས་མཉམ་པར་བཞག་པར་བྱ། །ཅེས་པ་ལྟར་རོ། །བྱང་ཆུབ་ཀྱི་སེམས་ཀྱང་། བདག་གཞན་མཉམ་པ་བས་བརྗེ་བ་གཙོ་བོ་ཡིན་ཏེ། གང་ཞིག་བདག་དང་གཞན་རྣམས་ནི། །མྱུར་དུ་སྐྱབས་པར་འདོད་པ་དེས། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ། །ཅེས་པ་ལྟར་རོ། །དེ་ཡང་ལུས་ངག་ཏུ་བརྗེ་ལོ་བྱེད་པ་བས་ཀྱང་རང་གིས་ནང་དུ་སྦྱང་བ་གཙོ། དེ་ཡང་ལུང་རིགས་ཀྱི་སྐྱ་དབར་དུ་བཅུག་ནས་སྦྱོང་བ་བས་བླ་མའི་མན་ངག་ལ་བརྟེན་ནས་ཨུ་ཚུགས་སུ་སྦྱོང་བ་གཙོ། སྤྱོད་ལམ་ཡང་འགྲོ་འཆག་པས་མལ་དུ་སྦྱོང་བ་གཙོ་བས་དེ་ལྟར་བསླབ་པར་བྱའོ།། ཡང་ཐབས་བས་ལ་ལ་ཉེན་མ་འབྱུང་བར་བྱེད་པ། དོན་ཆེན་གང་ཡིན་བླང་བར་བྱ། །ཅེས་པ་ནི། རབ་ཏུ་བྱུང་བས་རྒྱལ་པོའ མ་ཁྱིམ་པའི་བྱ་བར་འགྲོ་བའི་དགེ་བ་རྗེས་ཅན་བྱེད་པ་སྟེ། གསེར་འབུམ་འདྲི་བ་དང་གཙུག་ལག་ཁང་བཞེངས་པ་ལ་སོགས་པ་མང་པོ་ཅིག་ཡོད་དེ། དེ་དག་བྱས་པ་ཙམ་གྱིས་བསླབ་པ་ཉམས་ནས་འགྲོ དེ་དག་དང་འགལ་བས་ཞེ་སྡང་ཤ་སྟག་བསོགས། དེའི་རྐྱེན་གྱིས་གཞན་ལ་གནོད་པ་མང་པོ་འབྱུང༌། རང་གིས་དབེན་པ་བསྟེན་པ་དང་ཆོས་ཉམས་སུ་ལེན་པ་ཉམས་ནས་འགྲོ གྲོགས་འཆལ་བ་དང༌། འདྲེས་ཁྱེར་རམ། དམ་ཉམས་ལ་སོགས་པ་གང་ན་མ་རུངས་པ་རྣམས་དང་འགྲོགས་དགོས། དེའི་གཞིས་སྡེ་རྩོད་ལ་སོགས་པ་ཐམས་ཅད་ཀྱང་འབྱུང་། རང་གཞན་གྱི་ལུས་སྲོག་གི་བར་ཆད་དུ་ཡང་འགྲོ་བའི་རྒྱུ་མང་བ་ཡོང་བས་དེ་ལྟ་བུ་ལ་སོགས་པའི་དགེ་བ་རྗེས་ཅན་གང་ཡང་མི་བྱ་གསུངས། འོ་ན་གང་བྱ་ན། རང་གི་ཁས་བླངས་པའི་བསླབ་པ་དག་པར་བསྲུངས། དེ་དོན་ཆེ་བ་ཡིན། སྡིག་སྦྱངས། ངག་བྱིན་གྱིས་བརླབས་པ་ཞུ། དགེ་བ་བྱང་ཆུབ་ཏུ་བསྔོ། བླ་མ་བརྒྱུད་པ་དང་བཅས་པ་ལ་གསོལ་བ་བཏབ། ལམ་རིམ་བསྒོམ། བླ་མ་དང་དམ་ཚིག་མ་ཉམས་པ་བྱ། བྱམས་སྙིང་རྗེ་བྱང་ཆུབ་ཀྱི་སེམས་བསྒོམ། སྟོང་པ་དང་སྙིང་རྗེ་ཟུང་འཇུག་དུ་བསྒོམ། ཡི་དམ་གྱི་སྙིང་པོ་བགྲང་། དེ་རྣམས་ཐམས་ཅད་སྒྲུབ་པའི་རྩ་བ་བླ་མ་རྟག་ཏུ་བསྒོམ། གྲོགས་བཟང་པོ་དང་འགྲོགས། ལྷ་མཆོད་པ་ལ་སོགས་པས་ཚོགས་བསགས། སྒྲིབ་པ་སྦྱང་། དེ་རྣམས་ལ་འབྱུང་གསུངས། དོན་དེ་རྣམས་རྒྱུད་ཚོད་མཐོ་དམན་མེད་པ་སྔགས་ཕ་རོལ་ཏུ་ཕྱིན་པ་གང་གི་སྒོར་ཞུགས་པ་ཡིན་ཡང་རུང་། སྒྲུབ་པར་མི་ནུས་པ་མེད་པས་དོན་ཆེ་བ་ཡིན། གཉིསས་པ་གང་གི་ཉམས་སུ་ལེན་པའི་ཐབས་ནི། དཀའ་བ་གསུམ་ལ་བསླབ་པར་བྱ། །དངོས་དང་ཡན་ལག་གཉིས་ཀར་སྦྱངས། །དྲག་འཆུན་སྤོང་ལེན་དྲག་ཏུ་བྱ། །ཅེས་བྱ་བ་སྟེ། དེ་ལ་དཀའ་བ་གསུམ་ནི། དང་པོ་དྲན་པ་དང་། བར་དུ་བཟློག་པ་དང་། ཐ་མ་རྒྱུན་བཅད་པར་དཀའ་བའོ། །དེ་ཡང་དང་པོ་ནི། གཞན་གྱི་བློ་རྩ་མ་བླངས། ལྟོ་འགྲངས། ཁ་ངོམས་པའི་དུས་སུ་བཏུབ། རབ་ཡོང་བ་བཞིན་བྱུང་ཡང་རྐྱེན་ངན་དང་འདོམ་ཐུག་བྱུང་ཙ་ན། གཉེན་པོ་དྲན་དཀའ་བ་ཡིན་གསུངས། གཉེན་པོ་དྲན་པར་གྱུར་ཀྱང་བར་དུ་བཟློག་པར་དཀའ་སྟེ། མིད་པ་ཆུ་ཧྲིལ་ཡོང་༌། དེ་ཙ་ན་འབུང་པ་ཅིག་དགོས་ཏེ་བཟློག་པར་དཀའ། ལན་ཅིག་བཟློག་ཀྱང་ཁོའི་རྣམ་འགྱུར་མཐོང་བའམ། དྲན་ཞིང་ཚིག་པ་དཀྲུག་དཀྲུག་ཡོང་བས་བཟློག་པ་དེ་ཡང་རྒྱུན་བཅད་པར་དཀའ་གསུངས། དེ་ལྟ་ཡིན་པ་ལ་གཉེན་པོ་སྐྱེ་ལ་རྐྱེན་ངན་བྱུང་ཙ་ན་གཉེན་པོ་དྲན་པ། འདི་ལ་བདག་གིས་ཞེན་བྱ་ཞིང་། །འཁོན་དུ་བཟུང་ལ་གཡུལ་སྤྲད་དེ། །ཞེས་པ་བཞིན་བར་དུ་བཟློག་པ་དང༌། ཐ་མར་རྒྱུན་གཅོད་པ་ལ་འབད་དགོས། དེ་ལྟར་འབྱུང་བར་ཡང་གསོལ་བ་གདབ། འདི་ལ་ཐེ་ཚོམ་ཟ་བ་ཅིག་བྱུང་ཡང་ནམ་ཞིག་སྐྱེ་བའི་རྒྱུར་འགྱུར། གྲོགས་པོ་མཐུན་པ་གླེངས་ལངས་པས་ངེས་པ་སྐྱེ་བ་གཅིག་བྱུང་ཡང་ནམ་ཞིག་སྐྱེ་བའི་རྒྱུར་འགྱུར། ད་ལོ་འགའ། ཟླ་བ་འགའ་པོ་འདི་ལ་འབད་ནུས་ན་དཀའ་བ་གསུམ་ལས་ཐར་བར་འགྱུར་བ་ཡིན། ཉིན་པར་འདི་དྲན་ན་ཉིན་པར་བྱང་ཆུ བ་སེམས་དཔར་ཞུགས། མཚན་མོ་དྲན་ན་མཚན་མོར་བྱང་ཆུ བ་སེམས་དཔར་བཞུགས་པས་དྲན་པར་བྱ་སྟེ། མི་མཐུན་པའི་ཕྱོགས་བཟློག་ལ་རྒྱུན་བཅད། ཤེས་རབ་ཆེ་ན་འདི་ལ་བློའི་འབྲལ་དང་། བརྩོན་འགྲུས་ཆེ་ན་འདི་ལ་སྤོ་བ་ཅི་འདུག་བལྟ། སྒོམ་བཟང་ན་འདིར་མུགས་ཀྱི་ཐེང་མ་ཐེང་བལྟའོ།། ཡང་དངོས་དང་ཡན་ལག་གཉིས་ཀ་སྦྱངས། །ཞེས་པ་འདི་དངོས་སུ་བྱེད་ན་བདག་མེད་མན་ཆད་འདིའི་ཡན་ལག་ཏུ་བྱེད་པ་དང༌། འདི་ལམ་གྱི་ཡན་ལག་ཏུ་བྱེད་ན་ཉོན་མོངས་པ་གང་བྱེད་ཀྱི་གཉེན་པོ་འདིས་བྱེད་པ་སྟེ། ཟས་གོས་ལ་སོགས་པ་མ་འཛོམ་པ་དང༌། ནད་དང་དགྲས་རྩེར་བ་དང་། ཉོན་མོངས་པ་དྲག་པོ་འབར་བ་ལ་སོགས་མ་བཏུབ་པ་བྱུང་ཚད་ལ་གཉེན་པོ་འདི་ལ་འབད་ནས། མི་བདེ་བ་གང་ཡང་མེད་པ་གཅིག་མ་བྱུང་ན། ཆོས་འདི་ཡེ་མ་བྱུང་བ་ཡིན་ནོ། །འདི་བྱུང་ན་ཅི་བྱུང་ཡང་མི་བདེ་བ་གང་ཡང་མེད་པ་གཅིག་ཡོང་། འདི་བྱང་སེམས་འབྱོངས་པ་ཁོ་ན་ལ་དགོས་བྱ་བ་མིན། ཉོན་མོངས་པ་དང་བདག་འཛིན་འདུལ་བ་ལ་སོགས་པ་ཉན་རང་དང་ཐུན་མོང་བ་གཅིག་ཀྱང་ཡོད། འདི་ཙམ་གྱིས་མི་ཡོང་རང་ལ་འཕྱར་ཀ་གཏོང་བ་ལ་སོགས་པ་ལ་བཀའ་དྲིན་ཆེ། དགེ་བཤེས་ཡིན་ཞེས་ངག་ཏུ་མི་བརྗོད། བསམ་པ་དེ་ལྟར་བསྒོམ་ཤིང་ཉོན་མོངས་པར་མ་ཤོར་བར་བྱེད་པའོ། །དེ་ཡང་ངོས་འཛིན་པར་བྱས་ནས་སྤོང་ལུགས་ནི། དྲག་འཆུན་སྤོང་ལེན་དྲག་ཏུ་བྱ། །ཅེས་དང༌། ཉོན་མོངས་ལ་བྱེད་པ་སྟེ། ཆོས་ཐམས་ཅད་ཉོན་མོངས་པའི་གཉེན་པོར་སོང་བ་ཅིག་དགོས། ད་ལྟ་ཐོས་པ་ལ་སོགས་པ་ང་ལས་མཁས་པ་མེད་ཅེས་པ་ལ་སོགས་པར་སོང་བས་ཉོན་མོངས་པ་ཉོན་མོངས་པའི་གྲོགས་སུ་སོང་བ་དེ་གདོན་ངོས་མ་ཟིན་སྣ་ལ་ཡུག་གམ་ཨ་ཁུ་བྱང་ཆུབ་འོད་ཀྱི་ཨ་ཕྱིས་མིག་ལ་ནུ་མ་སྣུན་པ་དང་འདྲ་བ་ཡིན། དེ་བདག་འཛིན་གྱི་གཞི་བྱས་པའི་ཉོན་མོངས་པ་འདུལ་བ་ལ་གཉེན་པོས་དྲག་འཆུན་ཆེར་བྱེད་པའོ།། གསུམ་པ་ཇི་ལྟར་ཉམས་སུ་བླངས་པའི་ཚུལ་ལ་བཞི་སྟེ། ཚེ་གཅིག་གི་བྱ་བ་དང༌། ཉིན་གཅིག་གི་ཀུན་སྤྱོད་དང་། ཐུག་ཕྲད་ལམ་ཁྱེར་དང༌། རྐྱེན་ངན་གྲོགས་བསྒྱུར་རོ། །དེ་ལ་ཚེ་གཅིག་གི་བྱ་བ་ནི། སྟོབས་ལྔ་དག་ལ་སྦྱང་བར་བྱ། །ཅེས་བྱ་བ་ནི། སྐྱེ་བ་ཚེ་གང་གི་བྱ་བ་འདིས་བྱེད་པ་སྟེ། འདི་ལ་ཡང་པང་སྐྱེ་བ་ཚེ་གང་དུ་བྱ་བ་དང་། ཁྱད་པར་དུ་འཆི་ཁའི་གདམས་ངག་ཏུ་བྱ་བའི་ཚུལ་གཉིས་ལས། ཚེ་གང་དུ་བྱ་བའི་སྟོབས་ལྔ་ནི། མན་ངག་སྙིང་པོ་མདོར་བསྡུས་པ། །ཞེས་པ་ནི། སྟོབས་ལྔ་དག་ལ་སྦྱང་བར་བྱ། །ཅེས་པའི་གོང་འདིར་བཅུག་ནས་འབྲེལ་བའང་ཡོད། འཕེན་པའི་སྟོབས་དང༌། དཀར་པོ་ས་བོན་གྱི་སྟོབས་དང༌། སུན་འབྱིན་པའི་སྟོབས་དང༌། གོམས་པའི་སྟོབས་དང༌། སྨོན་ལམ་གྱི་སྟོབས་སོ།། དེ་ལ་འཕེན་པའི་སྟོབས་ནི། ད་ནས་སངས་རྒྱས་ཀྱི་བར་དུ་བློ་སྦྱོང་དང་མི་འབྲལ་བར་བྱ་སྙམ་པ་དང་། ཚེ་ཐུང་འདི་དང༌། ལོ་འདི་དང་། ཟླ་བ་འདི་ལ་བློ་སྦྱོང་དང་མི་འབྲལ་བར་བྱ་སྙམ་པ་དང་། ཁྱད་པར་དུ་དེ་རིང་བདག་ལ་ཁ་ཟེར་བ་དང༌། ཁྱད་པར་ཁ་གཏོང་བ་ལ་སོགས་པ་གནོད་ཅིང་ཅི་བྱུང་ཡང་བདག་གིས་བདག་ཏུ་འཛིན་པ་རྣམས་ཐམས་ཅད་དུ་མ་ཤོར་བར་ཐུལ་བར་བྱ། ཐུལ་ནས་ཀྱང་ཕྱིས་མི་བཏང་བར་བྱ་སྙམ་དུ་འཕེན་པ་གཏོང་བ་སྟེ། དཔེར་ན་ནམ་མ་ལངས་པར་ཤིང་ཐུ་རུ་འགྲོ་སྙམ་ཙ་ན་གཉིད་སྔར་སད་ནས་ཡོང་བ་དང་འདྲ། དེ་བཞིན་དུ་འཕེན་པའི་སྟོབས་ཀྱིས་རྐྱེན་ངན་དང་ཕྲད་པ་དང་། གཉེན་པོ་དྲན་ནས་ཡོང་བ་ཡིན། དཀར་པོ་ས་བོན་གྱི་སྟོབས་ནི། ཐུན་མཚམས་སུ་ཡང་བློ་སྦྱོང་རྒྱུད་ལ་མ་སྐྱེས་པ་སྐྱེ་བ་དང་། སྐྱེས་པ་གོང་ནས་གོང་དུ་འཕེལ་བའི་ཆེད་དུ་ཚོགས་བསོག སྒྲིབ་པ་སྦྱོང་། བླ་མ་ལ་གསོལ་བ་གདབ། ཆོས་སྐྱོང་ལ་འཕྲིན་ལས་ཞུ། ཐོས་བསམ་སྒོམ་གསུམ་དང་ཆོས་སྤྱོད་ལ་འབད་ནས་བསོད་ནམས་བསགས་ནས་འདི་རྒྱུད་ལ་སྐྱེ་བའི་དགེ་བ་ལ་ཚུལ་སྣ་ཚོགས་ནས་འབད་པའོ།། སུན་འབྱིན་པའི་སྟོབས་ནི། བདག་ཏུ་འཛིན་པ་སུན་འདོན་པ་སྟེ། འཁོར་བ་ཐོག་མ་མེད་པ་ནས་སྤྱིར་འཁོར་བ་མཐའ་མེད། སྒོས་ངན་སོང་གསུམ་དུ་འཁྱམས་ཏེ། དེ་ཐམས་ཅད་བདག་གཅེས་འཛིན་རང་བདེ་འདོད་པ་འདིས་ལན་པ་ཡིན། ཚེ་འདི་ལ་ཡང་མི་འདོད་པ་ཇི་སྙེད་ཅིག་འབྱུང་བ་དང་། བཟའ་མི་རྣམས་འགྲོགས་མ་ཤེས་པ་དང་། ཁས་བླངས་གནས་སུ་མ་འཁྱོལ་བ་ཐམས་ཅད་འདིས་ལན། མི་རྟག་པ་ནས་གནས་ལུགས་ཀྱི་བར་རྒྱུད་ལ་སྐྱེར་མི་འདོད་པ་ཡང་འདིས་ལན། མཁས་པ། བཙུན་པ། བཟང་བ། ཐོས་པ་ཆེ་བ། སྒྲུབ་པ་རིམ་པ་ཐམས་ཅད་ཉོན་མོངས་པའི་གཉེན་པོར་མ་སོང་བར་གྲོགས་སུ་སོང་ནས་ང་ལས་མཁས་པ་མེད། ང་ལས་བཙུན་པ་མེད་ཅེས་པ་ཐམས་ཅད་བདག་འཛིན་མ་ཐུལ་བས་ལན་པ་ཡིན། མི་ཆོས། ལྷ་ཆོས། གར་སོང་། གང་མ་མཁོ་བ། སངས་རྒྱས་བསྒྲུབ་ཀྱང་ཉན་རང་རྒན་པོ་རེ་རེ་འགྲོ་བའི་བར་ཐམས་ཅད་བདག་ཏུ་འཛིན་པས་རང་རྒྱལ་བ་དང་གཞན་ཕམ་པར་འདོད་པས་ལན་པ་ཡིན་པས་འདི་སུན་འདོན། འཇིག་རྟེན་དག་ན་འཚེ་བ་གང་ཡོད་དང༌། །ཞེས་པའི་དོན་བསམ། བདག་ནི་བསྲེགས་ཏེ་བསད་གྱུར་ཏམ། །ཞེས་པ་ལྟར་གཉེན་པོ་བསྐྱེད་པར་བྱེད་པའོ།། གོམས་པའི་སྟོབས་ནི། བདག་གཞན་བརྗེ་བར་རྒྱུན་དུ་གོམས་པར་བྱེད་པ་སྟེ། འདི་ལ་མོས་པ་དང་། འདུན་པ་ཡུན་རིང་བ་དང༌། དར་དྲགས་པ་དང་། བར་མ་ཆད་པར་མ་བསྒོམས་ན་ཐོག་མ་མེད་པ་ནས་བདག་གཅེས་པར་འཛིན་པ་འདོར་མི་ནུས། གཞན་ལ་གཅེས་འཛིན་མི་འབྱུང་བས་རྒྱུན་དུ་གོམས་པར་བྱ། འདི་གོམས་ནས་རྒྱུད་ལ་སྐྱེས་ན་ཆོས་ཐམས་ཅད་བདེ་བར་འགྲོ་བའི་ཏིང་ངེ་འཛིན་ཅེས་པའམ། ལྷ་བདེ། ཀླུ་བདེ། ཀུན་བདེ། རབ་གང་བྱ་བ་ཡོང་བས། འཇིག་རྟེན་བདེ་བ་ཇི་སྙེད་པ། ། ཞེས་པའི་དོན་བསམ་ལ་རྒྱུན་དུ་གོམས་པར་བྱའོ།། སྨོན་ལམ་གྱི་སྟོབས་ནི། དགེ་བ་ཅི་བྱས་ཀྱི་རྗེས་དང༌། གཞན་ཡང་དུས་ཐམས་ཅད་དུ་བདག་འཛིན་ཐུལ་བ་དང་། ཐུལ་ནས་ཕྱིས་མི་ལྡང་བར་སྨོན་ལམ་འདེབས་པ་སྟེ། འགྲོ་བའི་སྡུག་བསྔལ་གང་ཅིའང་རུང་། །དེ་ཀུན་བདག་ལ་སྨིན་གྱུར་ཅིག ། ལ་སོགས་པ་ཐེག་པ་ཆེན་པོའི་མདོ་རྒྱུད་བསྟན་བཅོས་ན་བཞུགས་པ་རྣམས་སྨོན་ལམ་དུ་འདེབས་པ། དེ་ལྟར་སྟོབས་ལྔ་པོ་དེ་ལ་སྦྱངས་ན། ཚེ་གཅིག་གི་བྱ་བ་ཐམས་ཅད་འཆུན། བདག་གཞན་བརྗེ་བའི་བྱང་ཆུབ་ཀྱི་སེམས་སྐྱེས་ནས་འཕེལ། དེ་ལ་བརྟེན་ནས་ཡོན་ཏན་ཐམས་ཅད་འབྱུང་གསུངས། ཁྱད་པར་འཆི་ཀའི་གདམས་ངག་ཏུ་བྱེད་ན། ཐེག་ཆེན་འཕོ་བའི་གདམས་ངག་ནི། སྟོབས་ལྔ་ཉིད་ཡིན་སྤྱོད་ལམ་གཅེས། །ཞེས་འབྱུང་བས་དང་པོ་དཀར་པོ་ས་བོན་གྱི་སྟོབས་རང་གི་ཡོ་བྱད་གང་ཡོད་པ་བླ་མ་དཀོན་མཆོག་ལ་སྤོང་དག་བྱ། ཞེན་པ་སྐྱེ་བའི་མི་ལ་སྦྱིན་དུ་མི་རུང་། ཤུལ་དུ་ཡང་སྡིག་རྐྱེན་དུ་མ་འགྱུར་ཙམ་གྱི་ཤོམ་པར་བྱ། མཆོད་གནས་རྣམས་ལ་མཆོད་པ་བཟང་བར་དབུལ། དྲིན་ཅན་ལ་ནོར་གྱི་དོད་ པོར་སྦྱིན་དུ་མི་རུང་། དེ་ནས་ཚེ་འདིའི་དངོས་པོ་གང་ལ་མ་ཆགས་ཤིང་ཕྱི་མར་མི་འཇིགས་པའི་བློ་བསྐྱེད། དེ་ནས་སྨོན་ལམ་གྱི་སྟོབས་ནི། མཆོད་པ་བཤམས་ལ་བཤགས་སྡོམ་དང་བཟོད་གསོལ་བྱ། སྐྱབས་འགྲོ་ལ་སོགས་པའི་སྡོམ་ཁྲིམས་གསོ། དཀོན་མཆོག་ལ་མཆོད་པ་དང་། ཆོས་སྐྱོང་ལ་གཏོར་མ་ཕུལ་ལ། བྱང་ཆུབ་ཀྱི་སེམས་གཉིས་བར་དོ་དང་ཕྱི་མར་དྲན་པ། ཆོས་འདི་སྟོན་པའི་བླ་མ་དང་མཇལ་ཆོས་འདི་ཉམས་སུ་ལེན་པ་དང་བློ་སྦྱོང་པ་ལ་སོགས་པའི་གསོལ་བ་དང་སྨོན་ལམ་གདབ་གསུངས། དེ་ནས་སུན་འབྱིན་པའི་སྟོབས་ནི། ཐོག་མ་མེད་པ་ནས་ད་ལྟའི་བར་དུ་སྡུག་བསྔལ་དུ་བཅུག་པ་བདག་འཛིན་འདི་ཡིན། ད་དུང་ཡང་འདི་མ་ཟད་ཀྱི་བར་དུ་སྡུག་བསྔལ་འབའ་ཞིག་སྦྱོར་བས་འདི་བརླག་ཏུ་གཞུག བརླག་རྒྱུ་དེ་ཡང་ལུས་ལ་བདག་ཏུ་བཟུང་བས་ལན་འདུག་པས་བར་དོར་ལུས་ཡེ་མ་བླང་བར་ཡལ་དུ་གཞུག་སྙམ་པ་དང་། དེ་ལྟར་བདག་ཏུ་འཛིན་མཁན་གྱི་སེམས་ཅན་འདི་ཡང་ནམ་མཁའ་ལ་ཡལ་དུ་གཞུག་སྙམ་པས་བདག་འཛིན་སུན་འབྱིན་པའོ། །དེ་ནས་འཕེན་པའི་སྟོབས་ནི། བར་དོར་ཆོས་འདི་དྲན་པར་བྱའོ་སྙམ་དུ་ཡང་ནས་ཡང་དུ་འདུན་པ་བཏང་བར་བྱའོ། །དེ་ནས་གོམས་པའི་སྟོབས་ནི། སྔར་ནས་གོམས་པར་བྱས་པ་ཁྱད་པར་དུ་དྲན་པར་བྱས་ལ། སྤྱོད་ལམ་གྱི་སྟོབས་ཀྱི་འཕོ་བ་ཡིན་པས་ངོས་གཡས་པ་ཕབ། ལག་པ་གཡས་པ་འགྲམ་པ་ལ་བརྟེན་པའི་མཐེའུ་ཆུང་གིས་སྣ་བུག་གཡས་པ་བཀག་ལ། གཡོན་ནས་དབུགས་རྒྱུ་བར་བྱའོ། །དབུགས་ཕྱིར་འགྲོ་ནའང་འགྲོ་བ་ལ་བརྟེན་ནས་གཏོང་ལེན་གཉིས་སྦྱང༌། དེའི་མོད་ལ་དོན་དམ་བྱང་ཆུབ་ཀྱི་སེམས་འཆི་བ་མེད་པ་དྲན་པར་བྱ། དེའི་ངང་ལ་འཕོ་བར་བྱའོ།། གཉིས་པ་ཞག་གཅིག་གི་ཀུན་སྤྱོད་ནི། རྣལ་འབྱོར་ཐམས་ཅད་གཅིག་གིས་བྱ། །ཅེས་བྱ་བ་སྟེ། ཆོས་གཞན་ནས་ ཟས་ཀྱི་རྣལ་འབྱོར་སོགས་མང་དུ་བཤད་པ་ལ་འདིར་ཟས་གོས་སྤྱོད་ལམ་ལ་སོགས་པའི་རྣལ་འབྱོར་ཐམས་ཅད་འདི་གཅིག་པུས་བྱེད་པའོ། །དེ་ཇི་ལྟར་བྱེད་ཅེ་ན། ཟས་གོས་ལ་སོགས་པ་འཛོམས་ན་བདག་གིས་བདེ་བ་འདིས་སེམས་ཅན་བདེ་བ་དང་ལྡན་པར་གྱུར་ཅིག མ་འཛོམ་ན་སེམས་ཅན་རྣམས་ཀྱི་མ་འཛོམ་པའི་སྡུག་བསྔལ་ཐམས་ཅད་བདག་ལ་སྨིན་པར་གྱུར་ཅིག་སྙམ་དུ་སྒོམ་པ་ལ་སོགས་པ་སྟེ། སྤྱོད་ལམ་རྣམ་བཞིར་དབང་པོ་དྲུག་གི་སྤྱོད་ལམ་ཐམས་ཅད་གཏོང་ལེན་གཉིས་སུ་སྦྱོང་བ་སྤྱོད་ཡུལ་ཡོངས་སུ་དག་པའི་མདོའམ། དཀོན་མཆོག་སྤྲིན་གྱི་མདོའ མ། རྗེ་བཙུན་བྱམས་པས། རྒྱལ་སྲས་སྤྱོད་ཚེ་ཇི་ལྟ་ཇི་ལྟ་བུར། །དབང་པོའི་སྤྱོད་ཡུལ་སྣ་ཚོགས་འཇུག་གྱུར་པ། །དེ་ལྟ་དེ་ལྟས་རིགས་པས་མཐུན་ཚིག་གིས། །སེམས་ཅན་ཕན་ཕྱིར་དེ་མཐོང་འདུ་བྱེད་གཅེས། །ཞེས་པ་ལྟར་ཤེས་པར་བྱས་ནས་བྱང་ཆུབ་ཀྱི་སེམས་སྦྱོང་བའི་རྣལ་འབྱོར་གྱིས་བྱེད་པའོ།། ااد གསུམ་པ་ཐུག་ཕྲད་ལམ་ཁྱེར་ནི། འཕྲལ་ལ་གང་ཐུག་བསྒོམ་དུ་སྦྱར། །ཞེས་བྱ་བ་ནི། བློ་བུར་དུ་མི་དང་མི་མ་ཡིན་པ་དང་དུད་འགྲོ་དང་ཐུག་པ་བྱུང་བའམ། དབང་པོ་དྲུག་གི་སྤྱོད་ཡུལ་དུ་གྱུར་པ་གང་ལ་ཐུག་ཀྱང་འཕྲལ་འཕྲལ་དུ་སྦྱོང་བ་སྟེ། སྐྱིད་སྡུག་ལ་སོགས་པའི་དུས་ཐམས་ཅད་རང་ཡུལ་དང་མི་ཡུལ་ལ་སོགས་པའི་ཡུལ་ཐམས་ཅད། གནས་དགོན་གྲྭ་ས་ལ་སོགས་པའི་གནས་ཐམས་ཅད་དང༌། འགྲོ་འཆག་ལ་སོགས་པའི་སྤྱོད་ལམ་ཐམས་ཅད་མཐོང་ཐོས་ལ་སོགས་པའི་དབང་པོའི་ཡུལ་ཐམས་ཅད་ལའང་འདོད་མི་འདོད་གཉིས་ཡོ ད་པར་ཁ་ཚོན་བཅད་ནས་འདོད་པ་དེ། སེམས་ཅན་ཐམས་ཅད་གཏོང་མི་འདོད་པ་རང་ལ་ལེན་པར་སྦྱོང་བའོ། །དེ་ཡང་ལྟོ་འགྲངས་ཉི་མ་དྲོ་ན་དཔའ་སྤྱོད་ཀུན་ཀྱང་ཆེ་ཟེར་བ་ལྟར། མཐུན་རྐྱེན་འཛོམ་ན་བླ་མས་ཀྱང་ཨོ་ལོ་ཨོ་ཅོ་བྱས། གྲོགས་པོས་ཀྱང་བློ་རྩ་བླངས་ཙ་ན་བཏུབ་རབ་ཡོང་སྟེ། རྐྱེན་ངན་དང་འདོམ་ཐུག་བྱུང་བའམ། ལས་ངན་གྱི་འབྲས་བུ་ཚོན་པོ་ཆེ་སྨིན་ནས་སྡོམ་པ་ཤོར་སྟེ། གཞན་གྱིས་ཁྱི་རོ་བཞིན་ཙོག་པོར་ལྟ་བའམ། མཛེ་རྒོད་འབར་བ་བྱུང་ན་གཞན་གྱི་སྐྱུག་བྲོ་བར་ལྟ། མཐོང་ཙམ་རང་ན་སྣ་བཀག་ནས་འབྲོས་ཀྱིན་བྱུང་ནས་བུ་སྨད་དང་ཁང་ཁྱིམ་ལ་སོགས་པ་ཐམས་ཅད་གཞན་རྐྱེན་མ་འཛོམ་པ་དང༌། གཏམ་ངན་དང་བརྙས་པ་ལ་སོགས་པ བྱུང་ཡང་། འཇིག་རྟེན་གྱི་ཁམས་ན་འདི་ཁོ་ན་འདྲ་བ་དཔག་ཏུ་མེད་པ་ཅིག་ཡོད་པས་དེ་རྣམས་སྙིང་རེ་རྗེ་སྙམ་དུ་བསམས་དེ་ལྟར་བྱུང་བའི་དུས་ལ། དེ་དག་གི་མི་འདོད་པ་ཐམས་ཅད་བདག་ལ་སྨིན་ལ། སེམས་ཅན་གྱིས་འདི་འདྲ་བའི་སྡུག་བསྔལ་མྱོང་བར་མ་གྱུར་ཅིག་སྙམ་དུ་སེམས། རང་གི་ལུས་ལོངས་སྤྱོད་དང་དགེ་རྩ་ཐམས་ཅད་གཞན་ལ་བཏང་ནས་སེམས་ཅན་ཐམས་ཅད་བདེ་སྐྱིད་སྙན་གསུམ་དང་ལྡན་པར་བསམ། །རང་ལ་ཚེ་འདི་ལ་ཡང་ཇི་འདྲ་ཇི་འདྲ་ཡོང་གི་གདེང་ཐོབ་མེད་པས་ཡོང་མི་ཤེས་ཏེ། ལས་ཇི་འདྲ་བསགས་མི་ཤེས་པས་སྡུག་བསྔལ་རི་སྡིབ་པ་བཞིན་བྱུང་ཡང་ཇི་སྙམ་ཡང་མི་བྱེད་པར་སྡུག་ན་སྡུག་ཐེག་ཅིང་ཆོས་མ་འཆོར་བ། སྐྱིད་ན་སྐྱིད་ཐེག་ཅིང་ཆོས་མ་འཆོར་བ་གཅིག་དགོས། འདི་མེད་ན་དབྱར་ར་དགུན་རེའི་བྲང་ཟླ་རེ་རེ་གཉིས་གཉིས་པོ་ཡང་མཐུན་པ་མེད། དགེ་སློང་ཡིན་ན་ལག་བདེ་མི་རྙེད། དགེ་ཚུལ་ཡིན་ན་སློབ་དཔོན་མི་རྙེད། དེས་ཅི་ལན་ན་འདི་མེད་པས་ལན། རང་ཁོ་ན་མཐོ་དགའ་དང་བཟང་དགའ་རྒྱལ་རྒྱུ་བྱུང་ན་རེ་འདོད་པས་ལན་གསུངས། དེར་མ་སོང་བྲང་ཟླ་རྙེད་ཙམ་པའི་བཟོད་པ་རེ་སྐྱེད་དང༌། ཚེ་འདི་ལ་ཡང་འདོད་མཁན་མེད་པ་འདི་ལས་ཉེས་པ་ཆེ་བ་མི་གདའ་བ་གཟིགས་དང་། བདག་ཏུ་འཛིན་པ་འདི་ལ་ཀོ་ལོང་གཅིག་སེལ་མ་ནུས་ན་རྟ་སྒ་རྔས་སུ་བཅུག་ན་བདེ་མི་སྲིད་ཟེར་བ་ལྟར་གང་བྱས་ཀྱང་བདེ་བ་མེད། གང་ལྟར་བྱས་ཀྱང་མ་བཏུ བ་པ་འདི་མེད་པས་ལན། དེ་ལྟ་མ་བསྒོམས་ན་མ་འོངས་པ་ན་ཡང་མི་འོངས། འདི་ལ་མོས་པ་ཆེ་བ་དང་སྒོམ་བཟང་བ་དང༌། སྔགས་ཀྱི་ནུས་པ་ཐོན་པ་ལ་སོགས་མི་དགོས། ཀ་ཁ་ངོ་མི་ཤེས་པས་ཀྱང་བཏུབ། འདི་ཉིད་དྲན་པའི་དུས་ཉིད་ནས་བློ་ལྷོད་སོང་ངེ་བདེ་བ་རྒྱས་ནས་འོང་། །ཉོན་མོངས་པའི་གཉེན་པོར་འགྲོ་བས་ཆོས་ཐམས་ཅད་ལ་བདེ་བར་འགྲོ་བའི་ཏིང་ངེ་འཛིན་ཞེས་པའམ། དགྲ་འམ་འོན་ཏེ་མཛའ་ཡང་རུང་། །ཉོན་མོངས་སྐྱེ་བའི་ཡུལ་རྣམས་ནི། །དགེ་བཤེས་ཡིན་པར་སུས་མཐོང་བའི། །མི་དེ་གང་ན་གནས་ཀྱང་བདེ། །ཞེས་ཇོ་བོས་བདེ་བའི་གླུ་ལས་གསུངས་པའམ། གང་ན་གནས་ཀྱང་གཞལ་ཡས་ཁང་། །སུ་དང་འགྲོགས་ཀྱང་ཡི་དམ་ལྷ། །སེམས་ནི་ཡེ་ནས་ཆོས་ཀྱི་དབྱིངས། །བླ་མས་གསལ་བར་བྱེད་པ་ཙམ། །ཞེས་པ་དེ་ཡང་གདོད་ཅིག་ཡོང་། འདི་མེད་ན་རིག་པ་དང་ཡོན་ཏན་ཅི་བསླབ་ཀྱང་ཕུང་འདོན་དང་དུག་པོས་སུ་ཆ། དེ་ཡང་མིད་པ་ཆུ་ཧྲིལ་གྱི་བྱུང་བའི་དུས་དེ་ཉིད་དུ་དོལ་ཆོད་དུ་སྦྱང་དགོས། ཨེན་ཅིག་བཞག་པས་མི་ཡོང་། འདི་བྱུང་ན་མི་གཅིག་བུ་ལ་ཆོས་གཅིག་པུ། ཆོས་གཅིག་པོ་ལ་གོ་ཆོད་པོ་བྱ་བ་དེ་འབྱུང་བ་ཡིན། དེ་ཡང་དེ་ཚོད་དུ་ཁྲལ་མ་ཙམ་དུ་བྱས་པས་མི་ཡོང་། སྙིང་ལ་ཟུར་དོད་ཨ་མའི་བུ་རྒོད་དུ་སྐྱེས་ནས་ཁྱོད་ཤི་སྙམ་པས་ཉོན་མོངས་པ་ལ་འབུར་འཛིངས་བྱེད་པ་ཅིག་དགོས། སུ་དང་འགྲོགས་ཀྱང་ཕམ་ལེན། ཁ་གཞན་ལ་གཏོང་། འཇིག་རྟེན་གྱི་ཆོས་འདོད་ཤོས་གཞན་ལ་གཏོང་། མི་འདོད་ཤོས་རང་ལ་ལེན་ན་རིན་པོ་ཆེ་གསེར་གླིང་དུ་ཕྱིན་ཙ་ན། ཁྱི་ལ་རྡེག་པའི་རྡོ་མི་རྙེད་པ་བཞིན་དུ་འདོམ་ཐུག་གང་བྱུང་ཀྱང་སངས་རྒྱས་ཀྱི་རྒྱུར་ཆས་བས་འཕྲལ་ལ་གང་ཐུག་བསྒོམ་དུ་སོང་བ་ཡིན། འདི་མེད་ན་ཐོས་པ་ཆེ་བ་དང་སྒོམ་བཟང་བ་ལ་སོགས་པ་ཐམས་ཅད་ངའི་ཆོས་སུ་སོང་། ངའི་མཁར་བུ་བརྩིགས་ནས་ང་ལ་སྡང་ཞེས་པ་ལ་སོགས་པ་དང་། ང་ལས་མཁས་པ་མེད་པ་ལ་སོགས་པར་འགྲོ དེ་ཙ་ན་ལི་སྒོམ་གཞོན་ནུ་གྲགས་གསུང་པའི་ང་དང་ལ་གཉིས་ཀྱི་སྡུག་ཏུ་བཅུག་གསུང་བ་བཞིན་དུ་འགྲོ དེ་ཙ་ན་ཆོས་ཐམས་ཅད་འགྲན་ངོས་སུ་སོང་ནས་རང་ཁོ་ན་མཐོ་བརྩིག་འདོད་པས་ལམ་དུ་མི་འགྲོ་བའི་སྟེང་དུ་འདི་རང་ནས་སྡུག་ཐམས་ཅད་ལ་གཞུ་མཆོག་ཕབ་ནས་འཕམ་བླངས་ན་འདི་རང་ནས་ཇེ་བདེ་ཆ། དེ་ཡང་རིང་པོ་མི་ཐོག་དྲན་པའི་དུས་ཉིད་ནས་འོང་གསུངས། བཞི་པ་རྐྱེན་ངན་ལམ་དུ་བླངས་པ་ལ་གསུམ་སྟེ། སྡུག་བསྔལ་དང་། དུས་ངན་དང་། མ་འཛོམས་པ་ལམ་དུ་བླངས་པའོ། །དེ་ལ་སྡུག་བསྔལ་ལམ་དུ་བླངས་པ་ནི། གཉིས་པོ་ཚང་ནས་ཐམས་ཅད་བླང་། །ཞེས་བྱ་བ་སྟེ། སྡུག་བསྔལ་དང་ཀུན་འབྱུང་གཉིས་ཀྱིས་ཉམས་ཐག་ན། འདི་ལྟ་བུའི་སྐབས་སུ་ཆོས་གང་འོང་ཞེས་དང༌། འཁུན་ཅིང་ཡི་མུག་སྡོད་པ་མ་ཡིན་ཏེ། དེའི་སྟེང་དུ་སེམས་ཅན་གཞན་གྱི་ཡང་ལེན་པའོ། །དེ་ཡང་རང་གི་སྡུག་བསྔལ་ཡང་རྒས་པས་སྦྱོར་མི་བཟོད་པ་དང་། དགྲ་འདྲེའི་ནད་ཀྱིས་མནར་བ་དང་། ནོར་དང་ཉེ་དུའི་ཕུང་གྱོད་ལ་སོགས་པ་བརྗོད་ཀྱིས་མི་ལང་བ་ཞིག་ཡོད། ཞང་བཙུན་ཆུང་འཆིམས་པ་སྤུན་གཉིས་གཙང་དུ་སློབ་གཉེར་ལ་ཕྱིན་པས་གཉིས་ཀ་ལོག་པས་ཞག་གཅིག་ལས་བར་དུ་མ་ཞུགས་པར་ཤི་བ་དང་། སྤུན་ཟླ་གཅིག་ཡར་ལུངས་སུ་ལུས་པ་དེ་ལྟ་བུའི་སྡུག་བསྔལ་དང་། རང་རྒྱུད་ལ་ཞེ་སྡང་དྲག་པོ་སྐྱེས་པ་ལ་སོགས་པ་ཉོན་མོངས་པས་གཟིར་བའི་ཚེ་རང་གི་ཉམས་ལ་དཔག་ནས་སྦྱངས་ན་བློ་སྦྱོང་བློའི་གཏིང་དུ་ཕྱིན་པ་ཅིག་ཡོང༌། དེ་ལྟར་མ་སྦྱངས་ན་ཁ་བཤུས་པ་ཅིག་ལས་མི་འོང་གསུངས། དེ་ལྟ་བུ་དང་ལྡན་པའི་སེམས་ཅན་ལ་བྱམས་སྙིང་རྗེ་བསམ་ནས་བདག་ལ་དེ་དག་གི་སྡུག་བསྔལ་དང་ཀུན་འབྱུང་མ་ལུས་པར་ལེན་པའོ། །འདི་ལ་ཐོས་པ་ཆེ་བ་ལ་སོགས་པ་མི་དགོས། གང་དགོས་ན་སྙིང་སྟོབས་སྙིང་ལ་ཟུར་དོད་པོ་ཅིག་དགོས། ཕུན་སུམ་ཚོགས་པ་ཅིག་དགོས། དེ་ཡང་ད་ལྟ་རབ་ཏུ་བྱས་ན་བཏུབ་པ་ཡིན། རྒྱུག་ཐག་རིང་པོའི་ཕྱི་མ་ལྟ་བུས་མི་ཡོང་། དཀར་ན་ཞོ་དང་། དམར་ན་ཁྲག་བྱས། ཉོན་མོངས་དང་སྡུག་བསྔལ་ནམ་སྐྱེས་ཀྱི་དུས་སུ་ཉམས་ལེན་གྱིས་སླེབས་ནས་བདེ་མལ་གྱིས་འགྲོ་བ་ཅིག་བྱུང་ན་ཆོས་བྱུང་བ་ཡིན། མིང་འཕགས་པར་བཏགས། དགེ་སྦྱོར་སྡུད་པ་ཚར་རེ་མེད་པ་དེ་མུ་སྟེགས་པས་ཀྱང་ཐུ་བ་ཡིན། གཉིས་པ་དུས་ངན་ལམ་དུ་བླངས་པ་ནི། སྙིགས་མ་ལྔ་པོ་བདོ་བ་འདི། །བྱང་ཆུབ་ལམ་དུ་བསྒྱུར་བར་བྱ། །ཅེས་བྱ་བ་ནི། ད་ལྟ་ལྔ་བརྒྱ་ཐ་མའི་སེམས་ཅན། དུས། ཚེ། ཉོན་མོངས། ལྟ་བ་སྙིགས་མར་གྱུར་བའི་དུས་འདིར་བྱང་ཆུབ་སྒྲུབ་པ་ལ་སོགས་པའི་ཆོས་དཀའ་བའི་དུས་འདིར་མི་འདོད་པ་ཤ་སྟག་འབྱུང་བ་ལ་དེ་ཐམས་ཅད་བྱང་ཆུབ་ཀྱི་ལམ་དུ་བསྒྱུར་བའི་ཆོས་བློ་སྦྱོང་འདི་ཡིན་པས། གང་ན་མ་བཏུབ་པ་རྒྱུ་མཚན་དུ་བྱས་ནས་བྱང་ཆུབ་ཀྱི་ལམ་དུ་བསྒྱུར་བའོ། །དེ་ཡང་བདག་གཞན་བརྗེ་བའི་བྱང་ཆུབ་ཀྱི་སེམས་མ་སྐྱེས་པ་སྐྱེ་བ་དང༌། སྐྱེས་པ་གོང་ནས་གོང་དུ་འཕེལ་བར་བྱ་བའི་ཕྱིར་ཀུན་གྱིས་རང་བའི་རྒྱུ་དགུ་བསྟེན་ཞེས་པ་ལྟར། བླ་མ་ཆོས་འདི་ལྟ་བུ་སྟོན་པ་བསྟེན། གྲོགས་པོ་འདི་སྒོམ་པ་དང་འགྲོགས། ཆོས་འདི་སྟོན་པ་ཉན། དེའི་བགེགས་སྒྲིབ་པ་སྦྱངས། མཐུན་རྐྱེན་ཚོགས་བསགས། གསོལ་བ་གདབ། ཆོས་སྐྱོང་ལ་འཕྲིན་ལས་ཞུ། འདི་རྒྱུད་ལ་སྐྱེས་མ་སྐྱེས་ཀྱི་ཉེས་པ་བསམ། རྣམ་རྟོག་ངོ་ཤེས་པས་གནོད་པ་མེད་པ་རྐུན་མ་ངོ་ཤེས་པའི་ཉམས་ཟེར་བ་བཞིན་དུ་རང་ལ་ཉོན་མོངས་རམ་རམ་བྱུང་ཙ་ན། ཉོན་མོངས་པ་དང་དེའི་རྩ་བ་བདག་འཛིན་དེ་དགྲར་ངོ་ཤེས་ན། ཞི་བར་འགྱུར་རོ། །འདི་ལན་ཅིག་དྲན་པ་དང་། མོས་པ་ལན་ཅིག་བྱུང་བ་དང་། ལན་ཅིག་སྤྲོ་བ་སྐྱེད་པས་ཀྱང་གཉེན་པོར་འགྲོའོ། །བརྒྱར་འགྲོགས་ཀྱང་སྒོམ་རྒྱུ་འདི་ལས་ཡེ་མེད། སྙིང་ཕྱུང་ཡང་དམར་པོ་ལྡེར་ལྡེར་པོ་གཅིག་ལས་མེད་གསུངས། གསུམ་པ་མ་འཛོམ་པ་ལམ་དུ་བླངས་པ་ནི། རྒྱུ་ཡི་གཙོ་བོ་རྣམས་གསུམ་བླང་། །ཞེས་བྱ་བ་སྟེ། ཆོས་བྱེད་པ་ལ་རྒྱུའི་གཙོ་བོ་གསུམ་ཡོད་དེ། ཉེ་བར་ལེན་པའི་དབང་དུ་བྱས་ན། དད་པ་དང་བརྩོན་འགྲུས་ལ་སོགས་པ་ཕུན་སུམ་ཚོགས་པ་ཡོད་པས་མི་རྟག་པ་ནས་གནས་ལུགས་ཀྱི་བར་ཇི་ལྟར་བསམ་པ་བཞིན་དུ་སྐྱེ་བའི་བློ་བཀོལ་དུ་བཏུབ་པ་དང་། ལྷན་ཅིག་བྱེད་པའི་རྐྱེན་གྱི་དབང་དུ་བྱས་ན། ཡང་དག་པའི་དགེ་བའི་བཤེས་གཉེན་མཚན་ཉིད་དང་ལྡན་པ། སློབ་མའི་རྟོགས་པ་སྤེལ་བའི་གདམས་ངག་ལ་མ་ཚང་བ་མེད་པ། རྟོགས་པ་དང་ལྡན་པ། མི་བར་ཁྱིས་མ་ཆོད་པ་གཅིག་གི་ཐུགས་ལ་འཐིའདོགས་པ་དང༌། དེ་ནས་ཟས་གོས་ལ་སོགས་པའི་མཐུན་རྐྱེན་ལོག་འཚོས་མ་བསྒྲུབ་པ། སུ་ལ་ཡང་རག་མ་ལས་པར་འཛོམས་པ་གསུམ་ཚང་ན། སངས་རྒྱས་བསྒྲུབ་པ་ལ་ཚེགས་མེད་པ་ཇོ་བོ་དང༌། དགེ་བཤེས་སྟོན་པ་འཛོམས་པ་ལྟ་བུ་གཅིག་ཡོད་པ་ལ་ད་ལྟ་དེ་གསུམ་འཛོམས་པ་ཙམ་མེད་དེ། ལ་ལའི་གང་ཡང་མ་འཛོམས། ལུང་ལུང་གི་གང་ཡང་མ་འཛོམ། ཕལ་ཆེ་བའི་གསུམ་ཀ་མ་འཛོམས་པས། རང་ཉམས་ལ་དཔགས་ནས་བྱམས་བརྩེས་ཀུན་ནས་བླངས་ནས་སེམས་ཅན་གྱི་དེ་གསུམ་ཡང་རང་ལ་ལེན། ཡང་གཞན་རང་ལ་ཆོས་མཉན་པོར་འགྲོགས་ནས་མཉན་པ་ལ་མི་དགེ་བ་དང་། སྡོམ་ཁྲིམས་མཉམ་པོར་བླངས་ནས་མ་ཐུབ་པ་དང་། སྒོམ་ལུང་མཉམ་པོར་ནོས་པ་ལ་སྔར་སྒོམ་མ་མྱོང་། ད་ལྟ་བསྒོམས་མི་སྲིད། ཕྱིན་ཆད་བསྒོམ་པར་མི་འགྱུར་བ་འདི་ཙམ་པའི་ཐུ་བ་མེད་དེ། དེ་ཐམས་ཅད་ལེན་པའོ། །དེ་རྣམས་རྒྱུ་དེ་གསུམ་དང་ལྡན་ནས་སངས་རྒྱས་པར་སེམས་པའོ།། དེ་ལྟར་ཤེས་པར་བྱ་བ་ལ་སོགས་པ་གསུམ་གྱི་དངོས་གཞི་སོང་ནས། དེ་རྗེས་ནི། ཡིད་བདེ་འབའ་ཞིག་རྒྱུན་དུ་བསྟེན། །ཞེས་བྱ་བ་སྟེ། དེར་བློ་སྦྱོང་བའི་ཆོས་ཀྱི་རོ་མྱོང་བར་བྱས། རྐྱེན་ངན་ཅི་བྱུང་ཡང་བློ་སྦྱོང་སྒོམ་པས་ཆོག་སྙམ་ནས་བློ་མི་བདེ་བར་མེད་པར་བྱ་བའོ། །རྙེད་མི་རྙེད་ལ་སོགས་པ་དགྲ་བཅོམ་པ་ལ་ཡང་ཡོད། དགྲ་བཅོམ་པ་ལ་མཛེ་བྱུང་བ་དང་། ལྟོགས་ནས་ཤི་བ་དང་། གཏམ་ངན་གྱིས་ཕོག་པ་ལ་སོགས་པ་མང་པོ་བཤད་དེ། སེམས་ལ་མི་དགའ་བ་མེད། །སོ་སོ་སྐྱེ་བོ་ཡིད་མི་བདེ་བའི་རང་བཞིན་དུ་འདུག་པ་ཡིན། ད་ལྟ་ཡང་སོ་སྐྱེར་སོང་བས་འཁོར་དང་ཟང་ཟིང་འདོད་པ་དང་། བདག་འཛིན་ཡེ་མི་ཡོང་བྱ་བ་དཀའ། དགའ་མི་དགའ་མེད་པ་ཅིག་དགོས། ཇོ་བོའི་ཞལ་ནས། འདུ་ཏི་བབས་པ་འཚང་མི་ཆེ། ན་བ་འཚང་ཆེ་བ་གསུངས་པ་ལྟར་བློ་སྦྱོང་བ་ལ་མི་འདོད་པ་འབྱུང་བ་ཚང་མི་ཆེ། མི་དགའ་བ་བྱུང་བ་འཚང་ཆེ་བ་ཡིན། ཤ་པོ་པ་ཤེད་ངེད་ཀྱི་དགེ་བཤེས་ཐུགས་མ་བདེ་ཟེར་བ་འདི་ཙམ་སྐུར་བ་ཆེ་བ་མེད་གསུངས་པ་ལྟར་ཡིན། འཇིག་རྟེན་པའི་ཆོས་འདོད་མི་འདོད་བཞི་བཞིའི་མི་འདོད་པའི་ཆོས་བཞི་ལ་འདོད་ཐོག་ཏུ་བློ་སྦྱངས་ན་ཐམས་ཅད་འདོད་པའི་ཆོས་ཤ་སྟག་ཏུ་སོང་ནས། འཕྲང་དང་བགེགས་ཅི་བྱུང་ཡང་བློ་མི་བདེ་བར་མི་འགྱུར་ན་མཉམ་གཞག་ཏུ་གཏོང་ལེན་སྒོམ་པའི་རྟོགས་པ་རྗེས་ཀྱི་གཏན་ལ་ཕབ་པ་ཡིན། བྱང་ཆུབ་སེམས་ཀྱི་རྟ་ཞོན་པ། །བདེ་ནས་བདེ་བར་འགྲོ་བ་ལ། །ཞེས་པའི་དོན་ཡང་ཡིན། ལྷ་བཞིན་ཕུན་སུམ་ཚོགས་པས་ཀྱང་། །ཁེངས་པར་ཡང་ནི་མི་བགྱི་སྟེ། །ཡི་དྭགས་བཞིན་དུ་རྒུད་པས་ཀྱང་། །ཞུམ་པ་ཉིད་དུ་མི་བགྱི་འཚལ། །ཞེས་དང༌། བསྟོད་པས་མགུ་བར་མི་འགྱུར་ཞིང༌། །སྨད་པས་འཁྲུགས་པར་མི་འགྱུར་བ། །འདི་ནི་དམ་པའི་ཆོས་ཉིད་དོ། །ཅེས་གསུངས་པ་ལྟར་གོ་བགོས་སོ། །ཚུལ་ཁྲིམས་དང་བླ་མའི་དམ་ཚིག་ལ་གཞི་བྱས་ནས་འདི་སེམས་པ་སྐད་ཅིག་ཀྱང་ཡེངས་མེད་དུ་དགོས། དེ་འདྲ་བ་ཅིག་མ་བྱུང་ན་ཆོས་མེད་པ་དང་ཚུལ་ཆོས་མཁན་ཡིན་པས་ངས་ཆོས་མ་བྱུང༌། ཚུལ་ཆོས་ཡུན་རིང་དུ་བྱས་པ་བྱས་ལ། འོ་འདོད་བོད་ལོ། །མདོར་ན་མི་འདོད་པ་ཅི་བྱུང་ཡང་མི་དགའ་བ་མེད་པར་བློ་སྦྱོང་གི་གྲོགས་སུ་འགྲོ་བར་སློབ་ཅིང་། རྐྱེན་ངན་ཅི་བྱུང་ཡང་བདེ་བར་གནས་ནས་ཉམས་སུ་བླངས་པའི་རྗེས་མཉམ་བཞག་གིས་རོ་མྱོང་བར་བྱ་བ་ཡིན་ནོ།། གཉིས་པ་བློ་སྦྱོང་མི་ཉམས་པའི་ཐབས། བློ་སྦྱོང་མི་ཉམས་པའི་ཐབས་ལ་གསུམ་སྟེ། གཞན་ལ་བརྟེན་པ་དང་། རང་ལ་བརྟེན་པ་དང་། གཉིས་ཀ་ལ་བརྟེན་པའོ། །དང་པོ་ལ་གསུམ་སྟེ། ཡུལ་དང་། བསམ་པ་དང་། སྦྱོར་བ་ལ་བརྟེན་པའོ།། དང་པོ་ཡུལ་ལ་བརྟེན་པ་ནི། བཀོལ་བ་རྣམས་ལ་རྟག་ཏུ་སྦྱངས། །ཞེས་བྱ་བ་སྟེ། སྤྱིར་ཡོང་བ་སྙམ་བྱེད་ཀྱང་འདི་རྣམས་ལ་མ་བྱུང་ན་ཉམས་ནས་འགྲོ་བས་འདི་དག་ལ་རྟག་ཏུ་སྒོམ་པར་བྱ་བའི་བཀོལ་བ་ལྔ་ཡིན་ཏེ། དང་པོ་རང་ལ་དྲིན་ཆེ་བའི་མཁན་སློབ་དང་ཕ་མ་ལ་སོགས་པ་ལ་སྡིག་པ་བསགས་ན་ཚེ་འདིར་གྲགས་པ་ངན་པ་འབྱུང་། དེ་ཙམ་ན་བློ་སྦྱོང་བ་ལ་དགོས་པ་མེད་པར་འགྲོ་བས་དྲིན་ཅན་ལ་ཁྱད་པར་དུ་བསྒོམ། གཉིས་པ་གཅིག་ཏུ་འདུག་པའི་བྲང་གྲོགས་པོ་འདུ་ཚོགས་སྟབས་སུ་བྱེད་ཅིང་། བསྲེ་སླད་ཆེ་བའི་རིགས་རྣམས་ལ་ཚིག་མཐོ་དམན་ལ་སོགས་པ་འཆོར་བས་པ་རྟག་རྟག་ཏུ་བཀོལ་ལ་བསྒོམ། གསུམ་པ་རང་དང་འགྲན་དགོས་སུ་འདུག་པ་སྟེ། མི་ཆོས་ཀྱི་ཕ་སྤུན་ལ་སོགས་པ་དང་། ལྷ་ཆོས་ཀྱི་ཆོས་གྲོགས་ལ་སོགས་པ་རྣམས་ལ་རྟག་ཏུ་བཀོལ་ལ་བསྒོམ། དེ་མ་བྱུང་ན་ཆོས་ཅི་ཙམ་བས་ཀྱང་རྒྱ་མཚོར་མཆིལ་མ་སྐྱུར་བ་བཞིན་ཅང་མེད་དུ་འགྲོ གྲོགས་པོའི་མིང་བྱང་བྲིས་ནས་སྟན་ཐོག་ཏུ་རྩམས་པ་བྱུང་བ་དང་། གྲོགས་པོ་བབ་པ་ལ་ངན་པ་དེ་སྐྱ་ཞལ་སོང་ནས་སྙིང་ཚིམ་ཟེར་བ་ལྟ་བུ་ལ་བློ་སྦྱོང་གི་གནས་མེད། དགེ་སྦྱོང་སྤྱིའི་ཆོས་ཙམ་ཡང་མི་ཡོང་བས་བཀོལ་ཞིང་སྤྱོད་པ་གལ་ཆེ། བཞི་པ་ཚུར་ལ་གནག་པའི་རིགས་ཏེ། ཕར་ལ་གནོད་པ་ཅི་ཡང་མ་བྱས་ཀྱང་ཚུར་ལ་གནག་པའི་རིགས་སྐྱེ་བ་སྔ་མའི་ཤ་འཁོན་གྱི་བྱུང་བ་ཡོད་དེ། དེ་ལ་ཞེ་སྡང་གི་བློ་རྡོལ་ན་སྙིང་རྗེའི་ཐེག་པ་འཆད་ཟེར་བ་ལྟར་ཡོད་པས་བཀོལ་ལ་རྟག་ཏུ་བསྒོམ། ལྔ་པ་ཚུ ར་ལ་ཅི་ཡང་མ་བྱས་ཀྱང་ཕར་ལ་ཐམས་ཅད་ཀྱི་ཡིད་དུ་མི་ཡོང་བའི་རིགས་ཡོད་དེ། གཙང་དུ་བན་དེ་གཅིག་ལ་འདི་དང་པོ་ནས་སྙིང་དུ་མ་སྡུག་ཅེས་དང༌། སྐྱིད་སྨད་དུ་འདི་ལས་སྙིང་དུ་མ་སྡུག་མ་བྱུང་ཞེས་དེད་པ་ལྟ་བུ་ཡོང་བས་དེ་དག་གི་སྡིག་སྡུག་ཚུར་བླངས་ནས་རང་གི་དགེ་བ་དེ་དག་ལ་གཏོང་བའོ། །འདིས་གཙང་མར་གཏོང་བ་ཡང་དཀའ། དགེ་བཤེས་ཀུན་ཡང་རང་གིས་ཕན་ལ་གཞན་གྱིས་མི་ཕན་ན་དགའ་བ་དང༌། མི་སྐྱ་ཀུན་འདི་ཤི་ན་མཁར་སྤེ་ཡོང་བ་རེ་བ་ལས་མེད་པ་ལ། བན་དེ་ཀུན་ལ་འདི་ཤི་ན་ཡུལ་ཁམས་འདི་ཅོག་གེ་ཐོབ་སྙམ་པ་ཡོང་བ་ཡིན། འདི་དག་ལ་བཀོལ་ནས་མ་བསྒོམས་ན། རྩ་བ་ཆོད་པ་མི་ཚོར་བ། ཕུ་ཆུང་བའི་གསུང་ལྟར་རྟག་ཏུ་བསམ་པ་གལ་ཆེའོ།། གཉིས་པ་བསམ་པ་ལ་བརྟེན་པ་ནི། གཞན་ཕྱོགས་ཅི་ཡང་མི་བསམ་མོ། །ཞེས་བྱ་བ་སྟེ། སྤྱིར་སེམས་ཅན་ཐམས་ཅད། ཁྱད་པར་ཆོས་སྒོར་ཞུགས་པ། ཡང་སྒོས་ཀྱི་རང་གི་གྲོགས་རྣམས་ཀྱི་མི་ཆོས་ལྷ་ཆོས་གང་གི་ཡང་སྐྱོན་མི་བསམ། མི་བརྗོད། སྐྱོན་མཐོང་ཡང་རང་གི་སྐྱོན་དང་འཁྲུལ་བར་ཤེས་པར་བྱའོ། །གསུམ་པ་སྦྱོར་བ་ལ་བརྟེན་པ་ནི། ཡན་ལག་ཉམས་པ་བརྗོད་མི་བྱ། །ཅེས་བྱ་བ་སྟེ། འཇིག་རྟེན་གྱི་དབང་དུ་བྱས་ན་ཐེང་པོ། ཞར་བ་ལ་སོགས་པ་དང་། འདས་པའི་རྨོངས་པ། འཆལ་བ། དམ་ཉམས་ལ་སོགས་པ་བརྗོད་ན། བློ་སྦྱོང་ལ་སོགས་པ་ཡང་ཡོང་མི་སྲིད། འདི་ལ་མདུང་ཁ་བྱེད་ཟེར་བའམ། ཉེས་པ་གླེང་དྲན་བྱེད་པ་ཡང་ད་ཡེ་མི་ཡོང་བས་ཡོང་། གཉིས་པ་རང་ལ་བརྟེན་པ་ལ་གཉིས་ཏེ། བསམ་པ་ལ་བརྟེན་པ་དང༌། སྦྱོར་བ་ལ་བརྟེན་པའོ། །དང་པོ་ནི། རྒྱུ་མཚན་ཐམས་ཅད་གཞོམ་པར་བྱ། །ཅེས་པ་སྟེ། གང་ཟག་འདིས་ང་ལ་མི་རིགས་པ་འདི་ལྟར་བྱས་སྙམ་པ་ལ་སོགས་པའི་རྒྱུ་མཚན་བློ་སྦྱོང་ཉམས་པར་བྱེད་པས་མི་ལེགས་པའི་བསམ་པ་ཐམས་ཅད་སྤང་བར་བྱའོ།། གཉིས་པ་སྦྱོར་བ་ལ་བརྟེན་པ་ནི། གཉིས་པོ་གང་བྱུང་བཟོད་པར་བྱ། །ཅེས་བྱ་བ་སྟེ། ཕུན་སུམ་ཚོགས་པ་དང་རྒུད་པ་གང་བྱུང་ཡང་བཟོད་པ་མེད་ན་ཆོས་གཏོང་དོགས་ཡོད་པས་དེ་གཉིས་ཐེག་པ་གཅིག་དགོས། བློ་བུར་དུ་ཕུན་སུམ་ཚོགས་པ་བྱུང་ན་ད་ཡོང་ངས་ཅི་ཡང་གྲུབ། ངའི་གོང་ན་མི་མེད་སྙམ་ནས་གྱོན་ཆིངས་སྡུམས། གཙུག་ལག་ཁང་བཞེངས་པ་ལ་སོགས་པ་ཅི་ཡང་བྱེད་དུ་ཡོང་། རམ་པོའི་པདྨོ་སྣུན་པ་ཡོད་པས་ཅི་མ་དྲན་གསུངས། ཁ་ཅིག་འཁོར་དང་བསྙེན་བཀུར་བྱུང་བ་ན་དྲེགས་ནས་གཞན་ལ་བརྙས་པ་དང་དྲན་ཚད་བྱེད་པ་ཡོང་སྟེ། ཕུན་སུམ་ཚོགས་པ་མ་བཟོད་པ་ཡིན་པས་ཕུན་སུམ་ཚོགས་པས་དྲེགས་པ་དང་ཆགས་པར་མི་བྱ། ཆོས་བརྒྱད་ཀྱི་དབང་དུ་མ་ཤོར་བར་བྱས་ལ། ཆོས་ཀྱི་གྲོགས་སུ་དགྱེར། བསོད་ནམས་སྐྱེས་ཙ་ན་བཅུམ་པ་གལ་ཆེ་གསུངས། ཡང་རྒུད་ནས་དབུལ་པོར་གྱུར་ཏེ། འོག་ནས་ཆུ་མི་འབབ་པ་བྱུང་ན་ང་ལ་འདི་འདྲ་ཡང་བྱ་སྙམ་དུ་ཡི་མུག་པ་དང་སྲོ་ཤི་ནས་དགེ་སྦྱོར་མི་ནུས་པ་དང་། འདི་ཙུག་འདུག་པ་ལ་ཆོས་གང་ནས་འོང་ཟེར་ནས་ཕོངས་པར་གྱུར་ནས་སྡིག་པ་ངང་གི་འཕེལ་ཞེས་པ་ལྟར་ཆོས་འཆོར་དོགས་ཡོད་པས་དེ་མ་བཟོད་པ་ཡིན་པས་མཐོ་རིས་དང་། ངན་སོང་གི་མཐོ་དམན་དང་སྐྱིད་སྡུག་ལ་ལྟོས་ནས་མིའི་སྐྱིད་སྡུག་གི་བར་ན་ཁྱད་པོ་ཆེ་མི་འདུག ཕྱིར་ལ་གཡེང་བ་མེད་པས་དགེ་སྦྱོར་འཕེལ་སྙམ་དུ་བསམ་སྟེ། སྐྱིད་སྡུག་གཉིས་ཀ་བཟོད་པ་གླང་རི་ཐང་བ་ལྟ་བུ་གཅིག་དགོས། དེ་གཉིས་གང་བྱུང་ཡང་འདིའི་དུས་སུ་ཆོས་མི་བྱེད་ན་ནམ་བྱེད་སྙམ་དུ་བསམ་ནས་མེ་འབར་བ་ལ་ཤིང་བསྣན་པ་ལྟར་གྲོགས་སུ་འགྲོ་བ་གཅིག་དགོས། ལྷ་བཞིན་ཕུན་སུམ་ཚོགས་པས་ཀྱང༌། ཁེང་པ་ཉིད་དུ་མི་བགྱི་སྟེ། །ཡི་དྭགས་བཞིན་དུ་རྒུད་པས་ཀྱང་། །ཞུམ་པ་ཉིད་དུ་མི་བགྱི་འཚལ། །ཞེས་པ་ལྟར་ཡིན་ནོ།། གཉིས་ཀ་ལ་བརྟེན་པ་ནི། ཉམས་སུ་བླང་བ་སླ་བར་བསླབ། །ལོག་ནོན་ཐམས་ཅད་གཅིག་གིས་བྱ། །ཅེས་བྱ་བ་འདི་ལྟ་བུ་ཉམས་སུ་བླངས་པར་མི་ནུས་པར་འདུག་སྙམ་ན། འདོར་པར་འགྱུར་བས་དེའི་གཉེན་པོ་ལུས་ངག་གི་དཀའ་བ་སྣ་གཅིག་ཀྱང་མི་དགོས། སྦྱོར་བ་ཐམས་ཅད་བསམ་པས་སྦྱངས་པའི་ཆོག ནང་མ་གཅིག་གི་ལྟོ་ཡང་བཅས་མི་དགོས་པས་སླའོ། །ཆོས་གཞན་ལ་སྒྲུབ་པའི་གནས་གྲོགས་ལ་སོགས་པ་དུ་མ་དགོས། འདིར་དེ་ལྟ་བུ་ལ་སྐྱིད་སྡུག་ལ་སོགས་པ་གང་ལ་ཡང་མི་ལྟོས་པས་སོ། །འདི་སྦྱོང་མི་འདོད་པ་དང༌། སྐྱིད་སྡུག་རང་འཛོམ་མ་འཛོམས་ལ་སོགས་པའི་རྐྱེན་གང་བྱུང་བ་དེ་ཉིད་ཉམས་སུ་ལེན་པའི་མཐུན་རྐྱེན་བྱས་ནས་ཉམས་སུ་བླངས་པས་ཆོག་པས་ཉམས་སུ་བླངས་པ་ཤིན་ཏུ་སླའོ།། སྦྱངས་ཀྱང་མི་སྐྱེ་བ་དང་སྐྱེ་བ་མེད་པ་ལ་སོགས་པ་རྒྱུ་མཚན་གང་གིས་ལོག་ཀྱང་སྔ་མ་ལྟར་ལེན་པའོ།། གསུམ་བློ་སྦྱོང་འཕེལ་བའི་རྐྱེན། གསུམ་པ་འཕེལ་བའི་རྐྱེན་ལ་གསུམ་སྟེ། སྒོ་གསུམ་གྱི་བྱ་བ་དང༌། མི་ཉམས་པའི་སྤྱོད་པ་དང༌། ཕྱོགས་མེད་དུ་སྦྱར་བའོ།། དང་པོ་ནི། འབྲལ་མེད་གསུམ་དང་ལྡན་པར་བྱ། །ཅེས་བྱ་བ་ནི། ཁོ་བོ་ཐེག་པ་ཆེན་པོ་ཡིན་ཟེར་ནས་བྱ་རྒྱུ་ཅི་གཏོང་ལེན་བསྒོམ་ཏེ་ལོག་ནོན་བྱེད་པའོ། །ཡང་མེད་པ་མ་ཡིན་གྱི། ལུས་བསྐོར་བ་དང་ཕྱག་འཚལ་བ་དང་། བླ་མ་དང་དཀོན་མཆོག་གི་ཞབས་ཏོག་དང་མི་འབྲེལ་བ་དང༌། ངག་སྐྱབས་འགྲོ་དང་བཟླས་བརྗོད་མདོ་འདོན་པ་ལ་སོགས་པ་དང་མི་འབྲལ་བ་དང༌། ཡིད་ཀྱི་བློ་སྦྱོང་བསྒོམ་པ་དང་མི་འབྲལ་བའོ། །ཡིད་ཀྱི་འདི་བསྒོམ་ཞིང་བཟླས་པ་བྱེད་པ་ནི་གཉིད་དུ་མི་འགྲོ དེས་མཁར་བ་བྱས་ནས་ཆོས་བསམ་ཏུ་བཏུབ་པ་ཡིན་གསུངས། ཡང་ཉེས་ལྟུང་བཤགས་མི་དགོས། གཞན་གྱི་ཡང་ལེན་པ་ལ་དེ་འདོད་ཐོག་ཟེར་བ་མིན། གཞན་གྱི་ལེན་པ་ལ་ཡང་རང་གི་ཕྲ་མོ་ནས་ཡོལ་བ་ཅིག་དགོས། ཡིད་རྣམ་པར་རྟོག་པ་ངན་པ་གང་སྐྱེས་པ་འཕྲལ་ལ་འཛོམས་པའི་སྙིང་སྟོབས་དང་ལྡན་པ་གཅིག་དགོས། དཔེར་ན་མུ་སྟེགས་ཀྱི་མཐུ་བྱེད་པ་ལ་ཐ་ཐོར་སྲོག་ཆགས་གང་བྱུང་བ་གསོད་པ་དང་འདྲ། རྣམ་རྟོག་གང་སྐྱེས་སྐྱེས་ལ་བྱའོ། །དེ་ལྟར་སྒོ་གསུམ་དགེ་བ་ལ་འབད་པས་མེ་འབར་པ་ལ་ཤིང་བསྣན་པ་ལྟར་བློ་སྦྱོང་གོང་ནས་གོང་དུ་འཕེལ་བར་འགྱུར་རོ།། གཉིས་པ་མི་ཉམས་པའི་སྤྱོད་པ་ནི། ཉམས་པ་མེད་པ་རྣམས་གསུམ་བསྒོམ། །ཞེས་བྱ་བ་སྟེ། བླ་མ་ལ་གུས་སེམས་མ་ཉམས་པ་དང་། བློ་སྦྱོང་ལ་སྤྲོ་དགའ་མ་ཉམས་པ་དང༌། བསླབ་པ་ལ་བག་ཡོད་མ་ཉམས་པ་གསུམ་གྱི་བློ་སྦྱོང་གོང་ནས་གོང་དུ་འཕེལ་བར་རོ། །དེ་ལ་ཐེག་པ་ཆེན་པོའི་ཡོན་ཏན་ཐམས་ཅད་བླ་མར་དད་གུས་ལ་རག་ལུས་པས། བླ་མ་ལ་སངས་རྒྱས་དངོས་ཀྱི་འདུ་ཤེས་ཉེ་བར་བཞག་ལ། དུས་ཐམས་ཅད་དུ་གུས་པ་མ་ཉམས་པར་བྱའོ། །གུས་སེམས་ཉམས་ན་ལྟག་ཆུ་ཆད་པའི་རྫིང་བཞིན་དུ་འགྲོ ཡུར་བ་འདོམ་གང་གི་བྱེད་པ་ལྟར། བླ་མའི་མན་ངག་གཅིག་ལ་དད་གུས་ཉམས་ཀྱང་རང་གི་རྒྱུད་ལ་ཡེ་ཤེས་ཀྱི་ཆུ་མི་འབབ། དད་གུས་ཉམས་པས་དམ་ཚིག་ཉམས་བྱ་བ་ཁོ་ན་མིན་ཏེ། རང་རྒྱུད་ལ་ཡོན་ཏན་སྐྱེ་འཕྲོ་ཆད་པས་དམ་ཚིག་ཉམས་པ་དང་འདྲ། འདི་ལ་བཏུབ་ཚད་ཀྱིས་བགྱི་ཡིད་ཀྱིས་མི་ཡོང་། བརྩེ་ཆུང་ལས་སྙལ་ནས་བྱེད་པ་གཅིག་དགོས། བླ་མར་མ་ཟད་སུ་དང་འགྲོགས་ཀྱང་གུས་པ་མ་ཉམས་པ་གཅིག་དགོས་ཏེ། སུ་དང་འགྲོགས་ཀྱང་ངན་ཤོས་བྱ། །སྤྲང་པོའི་བུ་བཞིན་དམའ་ས་བཟུང་།༌། ཞེས་པ་ལྟར་བསྒོམ་པ་ཡིན་གསུངས། དེ་ཡང་དད་གུས་བྱ་སྙམ་པ་གཅིག་གིས་མི་ཡོང་། དད་གུས་བྱས་པ་དང༌། མ་བྱས་པ་ནི་ཕན་ཡོན་དང་ཉེས་པ་བསམས་ནས་གྲོགས་མཐོ་དམན་མེད་པ་ཀུན་ལ་གུས་པར་བྱ། སུ་དང་ཡང་འགྲོགས་མི་ཤེས་ལག་སྡེ་མི་རྙེད་པ་ཐམས་ཅད་གྲོགས་ལ་དད་གུས་མེད་པས་ལན་པ་ཡིན། ཐེག་ཆེན་གྱི་ཆོས་ཐམས་ཅད་གྲོགས་ལ་བརྟེན་ནས་ཉམས་པར་གསུངས་པ་ཡིན་པས་གུས་པ་གལ་ཆེའོ།། བློ་སྦྱོང་ལ་སྤྲོ་དགའ་མ་ཉམས་སྤྲོ་བ་ཉམས་ན་སྐྱེ་མི་སྲིད་པས་སྤྲོ་སེམས་མ་ཉམས་པ་ཅིག་དགོས། པ་ནི། ཐེག་པ་ཆེན་པོའི་ཡང་སྙིང་སངས་རྒྱས་ཀྱི་ས་བོན་དྲུང་པོ་ཡིན་སྙམ་པ་བྱས་ནས་ཆོས་གང་དང་ཡང་མི་སྙོམས་པར་ཉམས་སུ་སྤྲོ་དགའ་དང་བྱས་ནས། ལེན་པའོ། །དེ་ཡང་སྤྲོ་བར་བྱ་སྙམ་པ་ཐ་ན་ཁྱི་གཅིག་དང་འགྲོགས་ཀྱང་འདི་ལ་དད་གུས་བསྒོམས། མ་བསྒོམས་ན་ཆོས་ཡོང་མི་སྲིད། ཙམ་གྱིས་མི་ཡོང་། ཕན་ཡོན་དང་ཉེས་དམིགས་བསམས་ནས་འཇུག་པ་གཅིག་དགོས། ད་ལྟ་དང་པོ་མི་འཛིན། བཟུང་ཡང་བརྗེད་དུ་འཇུག མ་བརྗེད་ཀྱང་སེམས་སྙིང་མི་འདོད་པ་འདི་ལ་སྤྲོ་བ་མེད་པས་ལན་པ་ཡིན་པས། དུས་ཐམས་ཅད་དུ་སྤྲོ་བས་འཇུག་པ་ཅིག་དགོས་གསུངས། བསླབ་པ་ལ་བག་ཡོད་མ་ཉམས་པ་ནི། སྐྱབས་འགྲོ་ནས་བཟུང་སྟེ་བསྙེན་གནས། དགེ་ཚུལ། དགེ་སློང་། སྨོན་འཇུག་དབང་གི་བར་རང་གི་གང་དང་གང་ཁས་བླངས་པའི་སྡོམ་ཁྲིམས་ལ་སྐད་ཅིག་ཀྱང་གློད་པའི་སྐབས་མེད། ད་ལྟ་བསླབ་པ་གཤའ་མར་སོང་བ་ལ་ཆོས་བྱུགས་ཀྱང་མི་སྐྱེ་བ་འདུག་པ་འདི་བག་ཡོད་ཉམས་ནས་གཞི་རྩ་ཆད་པ་ཡིན་པས། ཆོས་གང་བྱས་ཀྱང་མི་ཡོང་། འདི་བཤའ་མ་མེད་པར་རྣལ་འབྱོར་པའི་རྩར་ཕྱིན། དེ་ནས་ཆང་གི་ཐེམ་བུ་སྐྱེ་རེ་བྱས་ནས་ཁྱིམ་པ་ཀུན་ངེད་ལ་བསྒོམ་ཆེན་བཟང་ཟང་།པོ་གཅིག་ཡོད་ཟེར་ནས་ལོག་ལྟ་ལ་བཀོད་དེ་དམྱལ་བར་སྐྱུར་བ་འདི་བག་ཡོད་དགོས། དེ་ལ་བརྟེན་འདྲིས་བྱེད་པའི་གྲོགས་པོ་ཁོ་ན་ཡང་གལ་ཆེ། དེ་ཙམ་གྱི་མི་གནོད་ཟེར་བ་དང་། སྨྲ་ཁམས་ཆེ་བ་དང་། འདི་གླེང་སྙིང་མི་འདོད་པ་དང་འགྲོགས་ན་མི་ཉམས་མི་སྲིད། གཙང་དུ་བཀའ་གདམས་པ་གཅིག་དང་མཚན་ཉིད་པ་གཅིག་འགྲོགས་ཕྱིན་པས། མཚན་ཉིད་པ་རྨེ་ཤོན་ རྩེ་བ་ལ་བཀའ་གདམས་པ་དེ་དང་པོ་མི་མགུ། ཕྱིས་ཁོ་རང་ཡང་ང་ཁ་ཅིག་དང་སྐོམ་ན་ཟེར་ནས་ཁོ་བས་ཐུ་བར་སོང་ལོ། །དེ་བཞིན་དུ་ཆ་གསུངས། གསུམ་པ་ཕྱོགས་མེད་ཀུན་ཁྱབ་ཏུ་སྦྱང་བ་ནི། ཡུལ་ལ་ཕྱོགས་མེད་དག་ཏུ་སྦྱང་། །ཁྱབ་དང་གཏིང་འབྱོངས་ཀུན་ལ་གཅེས། །ཞེས་བྱ་བ་སྟེ། ཕྱོགས་རེ་པས་མི་འབྱོངས་པས་ཕྱོགས་མེད་དུ་སྦྱངས་ན་འཕེལ་ཞིང་རྒྱས་པར་འགྱུར་བ་ཡིན། ང་འདྲེ་ལ་བཟོད་སྟོབས་ཆེ། ཁོ་མི་ལ་བཟོད་སྟོབས་ཆེ། ང་སྟོང་པ་ཤས་ཆེ། ཁོ་སྙིང་རྗེ་ཤས་ཆེ་ཟེར་བ་ཀུན་ཕྱོགས་རེ་བ་ཡིན། འཕགས་པའི་ཡོན་ཏན་ཕྱོགས་མེད་དང་། སོ་སོ་སྐྱེ་བོའི་ཡོན་ཏན་ཐམས་ཅད་ཕྱོགས་རེ་བར་སོང་བས་ཆོས་ཉིད་ཡིན་ཏེ། གང་ཟག་གི་བྱེ་བྲག་གིས་ཀྱང་ཁ་ཅིག་རྒུད་ཙ་ན་ཡོང་ལ། འབྱོར་ཙ་ན་ངའི་གོང་ན་མི་མེད། གོང་དཀར་གྱི་གོང་ན་ཁྱི་མེད་སྙམ་ནས་སྤ་བཀུག་བཀུག་ནས་ཤོར་བ་གཞན་དུ་ཆ་བ་ཡོང་བ་ཡིན། ཁ་ཅིག་འབྱོར་ཙ་ན་བཏུབ་པ་ལ། རྒུད་ཙ་ན་ཁྱེད་རང་ཉམས་ལ་མ་བབས་པ་ཡིན། ང་གནས་སྐབས་འདི་ཙུག་འདུག་པ་ལ་ཟེར་ནས་སྡུག་གི་མི་ཐེག་པ་ཡང་ཡོད། དེ་བཞིན་དུ་སྟོད་ཙ་ན་ཟེང་གིས་ཕུག་རོན་གྱི་སྣར་ཤིང་བུ་སུག་པ་བཞིན་འགྲོ་བ་དང་། སྨད་ར་བཏང་ཙ་ན་མི་བཟོད་པ་འདི་ལ་དུག་གཅིག་བཏང་རྒྱུ་ལ་སྙམ་པ་ཡོང་། ཡང་ཁ་ཅིག་ཟས་ལ་བཏུབ་ལ། གོས་ལ་ཞེན་པ་དང་། ཁ་ཅིག་ནང་གི་ཆགས་པ་ཆུང་ལ་ཕྱིའི་ཆེ་བ་དང་། ཁ་ཅིག་དེ་ལས་བཟློག་པ་དང་། ཁ་ཅིག་ཡོན་ཏན་ཙམ་མེད་པ་ལ་ཁེངས་ནས་ཕྱིན་པར་རྩི་བ་མཐོང་ནས་དེ་ལ་མི་བཟོད་པ་དང༌། ཁ་ཅིག་ཡུལ་དུ་ཆོས་འཆོར། ཁ་ཅིག་བྱེས་སུ་ཆོས་འཆོར་བ་ལ་སོགས་པ་དང་། ཡང་ཁ་ཅིག་སྡེ་པ། ཁ་ཅིག་གྲྭ་པ། ཁ་ཅིག་སེར་སྣ། ཁ་ཅིག་ཕྲག་དོག ཁ་ཅིག་ཞེ་སྡང་། ཁ་ཅིག་ནོར་ཕྱིར་འཆི་ནུས་པ་ལ་སོགས་པ་འདི་ལ་བསྐལ་བར་བཤད་ཀྱང་འཛད་པ་མེད་གསུངས། ད་ཆོས་ཉན་བཤད། ལྟ་སྒོམ་པ་ཐམས་ཅད་ཀྱིས་ཉོན་མོངས་པའི་གཉེན་པོར་འགྲོ་བ་ཅིག་དགོས། དེའི་རྩ་བ་བདག་འཛིན་ཡིན་པས་དེའི་གཉེན་པོ་ཕྱོགས་མེད་ནས་སྦྱོང་བ་ཅིག་དགོས་ལ། དེ་ཡང་སོ་སོར་རྟོགས་པའི་ཤེས་རབ་ཀྱི་མཐའ་ཆོད་པར་བྱའོ། །བླ་མའི་གདམས་ངག་ཡོད་ན་སེར་སྣ་ལ་སོགས་པ་གང་ཆེ་བ་ལ་ཐེལ་པོར་སྦྱོང་། ཅི་བྱས་བདག་འཛིན་གྱི་གཉེན་པོར་སོང་ན་མ་ནོར། བདག་འཛིན་ཐུལ་ན་ཁམས་གསུམ་སྲིད་པ་དགུ་ཐུལ་ལོ། །ཐུབ་པ་ཡིན་དང་ཤ་སང་གང་ལ་གཏད་ས་བདེ་རྩེ་གང་ལས་མེད་གསུངས། དེ་ཡང་ཟས་ལ་སོགས་པའི་རྣལ་འབྱོར་ཐམས་ཅད་ལ་འདིས་ཁྱབ་པ་དང༌། ཉ་མ་ལྷ་ཁང་དུ་ཕྱིན་པ་ལྟ་བུ་མ་ཡིན་གྱི་སྙིང་ཐག་པ་རུས་པའི་ཁོང་ནས་སྦྱོང་བ་གླང་ཐང་པ་དགེ་བར་དམྱལ་བར་བསྔོ་བའམ། འཆད་ཀ་པ་ཕ་རོལ་གྱི་སྡུག་བསྔལ་ལེན་པ་ལ་དགའ་ཡལ་ལེ་གསུངས་པ་ལྟར་སྦྱོང་བའོ། །ཆོས་ཉམས་སུ་ལེན་པ་བྱ་བ་སྒྲེང་སྐྱེད་བྱས་པ་དང་། ཚིག་དེ་ངོ་ཤེས་པས་མི་ཆོག དོན་ནང་དུ་ཉམས་སུ་ལེན་པ་ཅིག་དགོས་གསུང་། བློ་འབྱོངས་པའི་ཚད་ནི། གཉིས་པ་འབྱོངས་པའི་ཚད་ནི་གསུམ་སྟེ། ཚད་དངོས་དང༌། དེའི་རྟགས་དང༌། སྤང་པོའོ། །དང་པོ་ནི། བྱང་བའི་ཚད་ནི་ལོག་པ་ཡིན། །ཞེས་བྱ་བ་སྟེ། ལས་དང་པོ་མོས་པ་སྦྱོང་བའི་དུས་ཡིན་པས་མོས་པས་འབྱོངས་པའི་ཚད་ནི། ཕྱི་ནང་སྣོད་བཅུད་རང་བཞིན་གྱི་རྟེན་ཆགས་ཞེན་བཏང་ནས་ལོག་ཙ་ན་ཡིན་ཏེ། ཞེན་པའི་ཟུག་རྔུ་དམ་གྱུར་ན། །བཟང་ངོ་སྙམ་ཡང་ནོར་བར་བཞེད། །ཅེས་དང་། འཁོར་བར་ཆགས་པའི་ཡིད་དང་ལྡན་རྣམས་རྟག་ཏུ་འཁོར། །ཞེས་དང་། རྒྱལ་བ་རྣམས་ཀྱི་བྱང་ཆུབ་ཆགས་མེད་གྱུར་ལ་རེག་ །ཅེས་གསུངས་པས་གང་ལ་ཡང་མ་ཞེན་པར་སླབ་པ་གལ་ཆེ། སངས་རྒྱས་ཀྱི་ཆོས་གསུངས་པ་ཐམས་ཅད་ཀྱང་ཆགས་ཞེན་བཟློག་པའི་ཐབས་སུ་གསུངས་པ་ཡིན། ཇོ་བོའི་ལམ་རིམ་གསུངས་པ་ཐམས་ཅད་ཀྱང་ཞེན་པ་སྤོང་བའི་རིམ་པར་གསུངས་པ་ཡིན། འཆི་བ་བསམ་པས་ཚེ་འདི་ལ་ཞེན་པ་བཟློག་པ་ནས། བདག་མེད་གཉིས་བསྒོམ་པས་དངོས་པོ་དང་མཚན་མར་ཞེན་པ་བཟློག་པའི་བར་རོ། །དེ་བས་ཉན་རང་གི་ཐར་པ་ཙམ་སྒྲུབ་པ་ལ་ཡང་། ཐམས་ཅད་བཏང་བས་མྱ་ངན་འདས། །བདག་བློ་མྱ་ངན་འདས་པ་སྒྲུབ། །ཅེས་ཞེན་ཆགས་མེད་པ་གཅིག་དགོས་པར་གསུངས་པ་ཡིན། ཆགས་ཞེན་མཐའ་དག་སྤངས་པ་སངས་རྒྱས་ཉག་གཅིག་ཡིན། བསླབ་པ་གསུམ། ཚོགས་གཉིས། ཕ་རོལ་ཏུ་ཕྱིན་པ་དྲུག ལམ་ལྔ་ས་བཅུ་གསུངས་པ་ཐམས་ཅད་ཀྱང་ཞེན་པ་སྤོང་བའི་ཐབས་ཡིན། ཚེ་འདི་ལ་ཞེན་པའི་སྒོ་གཉིས་ཡོད་དེ། ལུས་དང་ལུས་ལས་གཞན་པའོ། །དང་པོ་ལུས་ལ་ཆགས་པ་ནི། །བདག་ལུས་གང་ལ་ཆགས་པ་ཡིས། །འཇིགས་གནས་ཆུང་ལ་འཇིགས་སྐྱེ་བ། ། ཞེས་པ་ལ་སོགས་པ་ཉེས་པ་མང་དུ་གསུངས་ལ། ལུས་ལས་གཞན་ལ་ཆགས་པ་ནི། རྫས་ཡོ་བྱད་དང་གཉེན་འབྲེལ་ལ་སོགས་པ་ལ་ཆགས་པ་སྟེ། ནོར་ལ་ཆགས་པས་གཡེངས་པར་གྱུར་རྣམས་ལ། །སྲིད་པའི་སྡུག་བསྔལ་ལས་གྲོལ་སྐབས་མེད་དོ། །ཅེས་པ་ལ་སོགས་པ་གསུངས་པའི་ཉེས་པ་དྲན་པར་བྱས་ལ་ཞེན་པ་བཟློག དེ་ནས་ཕྱི་མའི་ལུས་ལ་ཆགས་པ་ལ་ཡང་སྒོ་གཉིས་ཡོད་དེ། ལུས་བྱེ་བྲག་ཅན་ལ་སྲེད་པ་ཕྱི་མར་ལུས་བཟང་པོ་ཅིག་ཐོབ་པར་འདོད་པ་དང་། ཤི་ནས་ལུས་མེད་པར་ཤེས་ཙ་ན་གཡང་དུ་ལྷུང་བ་སྙམ་བྱེད་ན་ལུས་བྱེ་བྲག་མེད་པ་ལ་སྲེད་པ་འབྱུང་བའོ། །དེ་ཡང་དབུགས་འགྲོ་ཙ་ན་གང་དུ་སྐྱེ་བའི་ལུས་གཅིག་བྱུང་བ་སྙམ་བྱེད་པ་ལས་ཤེས་པ་འཕོ། ཉན་ཐོས་སྡེ་པ་ཁ་ཅིག་བར་དོ་མི་འདོད་པ་ཡང་ཡོད། བར་དོ་འདོད་པས་ཀྱང་དེར་ལས་བསོག་པར་མི་འདོད། དང་པོ་བར་དོའི་ལུས་བླངས་པ་དེ་ལས་གཞན་དུ་འགྱུར་བར་འདོད་ལ། ཐེག་ཆེན་བས་བར་དོར་ལས་བསོག་པར་འདོད། དེར་ཤུལ་ན་གནས་པའི་དགེ་སྡིག་གི་ལས་མོ་བྱེད་ཅིང་སྔར་མ་ཤི་ཙ་ན་སྣང་བ་ཝལ་ལེ་ཡོད་པར་འདོད། ཤུལ་ན་འདུག་པས་དུས་ཙ་ན་ཤི་སྙམ་པའི་འདུ་ཤེས་སྐྱེ། ཞག་བདུན་ཕྲག་བདུན་དུ་བར་དོ་ན་གནས། ཞག་བདུན་བདུན་ནས་ལུས་མི་འདྲ་བ་རེ་ལེན་པར་འདོད། མའི་མངལ་དུ་འཇུག་པའི་དུས་ན་ཡང་སྣང་བ་བཟང་པོ་ལ་ཁང་བཟང་། ངན་པ་ལ་འཇག་སྤྱིལ་དུ་འཇུག་པའི་སྣང་བ་འབྱུང། བར་དོའི་ལུས་ཀྱང་ཁོ་རང་ནང་དང་ལྷའི་མིག་དག་པ་གཉིས་ཀྱིས་མཐོང་། གཞན་གྱིས་མི་མཐོང་གསུངས། དབང་པོ་ལྔ་ཀ་ཚང་། རྩིག་པ་ལ་སོགས་པ་ལ་མི་ཐོགས། ཟས་སུ་དྲི་ཟ། མའི་མངལ་ལ་ཐོགས་ནས་དེའི་གཟུགས་དེ་ཉིད་ཀྱང་ཕོ་མོའི་གཟུགས་ཐ་དད་དུ་ཡོད་པས་མོ་ཡིན་ན་ཕ་ལ་ཆགས། མ་ལ་ཕྲག་དོགས་ཕོ་ཡིན་ན་དེ་ལས་བཟློག་པའོ། །ཞེས་པས་མཚམས་སྦྱར་ནས་ཕ་མའི་ས་བོན་གྱི་རྒྱས་གཏུམ་པ་བཞིན་སོང་ནས་དར་ཅིག་བརྒྱལ་ནས་འགྲོ དེ་ནས་མིང་གཟུགས་ཀྱི་མྱུ་གུ་འགྲུབ་བོ། །བར་དོ་མི་འདོད་པས་ཕྱི་མའི་ལུས་ལ་ཆགས་པས་མཚམས་སྦྱོར་བར་འདོད་པ་ཡིན། གཟུགས་མེད་དུ་སྐྱེ་ན་སྙིང་ཁར་རང་གི་སྙིང་གི་ཕྱོགས་གཅིག་ཏུ་མིང་གཞི་ལ་བདག་ཏུ་བཟུང་བས་མཚམས་སྦྱོར། སྔར་ནས་བར་དོའི་སེམས་ཅན་རྡོ་རྗེ་གདན་ལ་ཐོགས་པར་བཤད། འཁོར་བ་འགྲུབ་པ་ཐམས་ཅད་ཞེན་པས་བྱེད་པས་བར་དོར་ཡང་མ་ཞེན་པ་གལ་ཆེའོ། །དེ་ཡང་འཆི་ཁར་མ་ཞེན་པ་གཅིག་དགོས། དེ་ལ་ད་ལྟ་གང་ལ་ཡང་མ་ཞེན་པར་བློ་སྦྱོང་དགོས་གསུངས། དེ་ལྟར་མ་ཞེན་པར་བསླབ་པས་སྔགས་པ་ཀུན་ལ་བར་དོར་རིག་འཛིན་གྱི་གནས་སུ་ཕྱག་རྒྱ་ཆེན་པོའི་དངོས་གྲུབ་ཐོབ་ནས་ལུས་དེ་འགྲོ་བ་རིགས་དྲུག་གང་དུ་ཡང་མ་གཏོགས་པའི་འཇའ་ལྟ་བུ་གཅིག་ཏུ་ཁོ་རང་གི་སྣང་བ་ལ་འབྱུང་བར་འདོད་པའོ། །དེ་བས་ན་སེམས་ཅན་གྱི་ལུས་ཐམས་ཅད་ལས་དང་ཆགས་པའི་རྩ་བ་ལས་བྱང་ཆུབ་སེམས་དཔའ་ས་ཐོབ་པ་ཡན་ཆད་ཀྱི་སྐྱེ་བ་ཉོན་མོངས་པའི་དོད་སྙིང་རྗེས་བྱས། ལས་ཀྱི་དོད་སྨོན་ལམ་གྱིས་བྱས་ནས་སེམས་ཅན་གྱི་དོན་དུ་སྐྱེ་བ་ལེན་པའོ།། གཉིས་པ་འབྱོངས་པའི་རྟགས་ནི། འབྱོངས་རྟགས་ཆེན་པོ་ལྔ་ལྡན་ཡིན། །ཞེས་བྱ་བ་སྟེ། བློ་འདི་ལྟ་བུ་འབྱོངས་ཙ་ན། བྱང་ཆུབ་སེམས་དཔའ་ཆེན་པོ་དང་ཉེས་པ་ཕྲན་ཚེགས་ལ་འཛེམ་པས་འདུལ་བ་འཛིན་པ་ཆེན་པོ་དང་། གཞན་དང་འདོམ་ཐུག་བྱུང་བའི་ཚེ་བཟོད་པ་རེ་བཞིན་བརྟན་པས་དཀའ་ཐུབ་ཆེན་པོ་དང་། ལུས་ངག་གི་དགེ་སྦྱོར་ལ་བལྟས་ན་རྟག་ཏུ་དད་པ་དང་བརྩོན་འགྲུས་དང་ལྡན་པས་ས་དགེ་སྦྱོར་བ་ཆེན་པོ་དང༌། བཀའ་བསྟན་བཅོས་ཐམས་ཅད་ཀྱི་བརྗོད་པར་བྱ་བའི་དོན་གྱི་གཙོ་བོ་དང༌། རང་གི་སེམས་འབྱོངས་པས་རྣལ་འབྱོར་པ་ཆེན་པོ་གཅིག་ཡོད་པའོ། །དེ་ཡང་བསླ་བ་ལོགས་གཅིག་དགོས། ཁ་སང་དང་ན་ནིང་ཡང་དེ་ལས་མེད་ཀྱི་མི་ཡང་། སྔ་ཐུན་པས་ཕྱི་ཐུན། ཐུན་སྟོད་པས་ཐུན་སྨད་སྐྱེ་ལ་ཚོལ་དགོས། དེ་ཡང་ཐོས་པ་དང་དྲན་པས་ཀྱང་ཨེན་རེ་ཡོང་སྟེ། འབྲས་བུ་དེ་ཙམ་མི་འབྱུང་བས་འདི་ལ་དུས་ཅིག་ཏུ་ཆིག་དྲིལ་དུ་འབྱུང་བ་གཅིག་དགོས། དེ་ཡང་མ་འོངས་པ་ལ་རྟག་ཏུ་གོ་ཆ་བགོ་བྱ་བ་ཡིན་པས་སེམས་ཅན་གྱི་སྡིག་སྡུག་རང་ལ་ལེན་པ་དང་རང་གི་དགེ་བདེ་གཞན་ལ་གཏོང་བར་གོ་ཆ་གྱོན་པ་ཡིན་ཏེ། དེ་རང་བས་ཀྱང་མི་དང་མི་མ་ཡིན་པའི་གནོད་པ་ཅི་བྱུང་བ་ན་ཕྱིས་འདོམ་ཐུག་ལ་སོགས་ཅི་བྱུང་ཡང་བཟོད་པར་བྱ་སྙམ་པ་དང་། ཁས་བླངས་ཀྱི་སྡོམ་ཁྲིམས་དང་སྐད་ཅིག་དང་མ་བྲལ་བར་བྱ་སྙམ་པ་དང༌། ངན་སྨྲས། ཕྲག་དོག སྐུར་འདེབས་ལ་སོགས་པ་ཅི་བྱུང་ཡང་བཟོད་པར་བྱ་སྙམ་དུ་གོ་བགོས་ནས་ཕྱིས་འདོམ་ཐུག་ལ་སོགས་ཅི་བྱུང་ཡང་འཕྲད་ཐུབ་པ་གཅིག་ཡོང་བ་ཡིན། དེ་བས་ཀྱང་ཆོས་དང་འགལ་བའི་འཕྲད་བྱུང་ཚད་ལ་ཆོས་དང་མི་འགལ་བར་བྱ་སྙམ་དུ་གོ་ཆ་གྱོན་པའོ། །གང་ལ་གནོད་པ་བྱས་ཀྱང་བདེ་འབྲེལ་བ། །བདེ་བའི་འབྱུང་གནས་དེ་ལ་སྐྱབས་སུ་མཆི། །ཞེས་དང་། དགྲ་འམ་འོན་ཏེ་མཛའ་ཡང་རུང་། །ཉོན་མོངས་སྐྱེ་བའི་ཡུལ་རྣམས་ལ། །དགེ་བཤེས་ཡིན་པར་སུས་མཐོང་བ། །དེ་ནི་གང་ན་གནས་ཀྱང་བདེ། །ཞེས་དང་། ཁ་ཟེར་འཕྱར་ཀ་གཏོང་བ་དང༌། །སྨོད་ཅིང་ཕྲག་དོག་བྱེད་པ་རྣམས། །དཔའ་བོ་ཁྱོད་ཀྱི་ཟིལ་དུ་བརླག །ཅེས་པ་དང༌། ཕན་བཏགས་ལན་དུ་གནོད་བྱས་ཀྱང་། །ཡང་ལན་སྙིང་རྗེ་ཆེན་པོ་བསྒོམ། །འཛམ་བུ་གླིང་གི་སྐྱེས་མཆོག་ནི། །ཉེས་པའི་ལན་ཡང་ལགས་པའི་ལྗོན། །ཞེས་དང༌། གང་དག་བདག་ལ་ཁ་ཟེར་རམ།། གཞན་དག་གནོད་བ་བྱེད་པའམ། །དེ་བཞིན་འཕྱར་ཀ་གཏོང་བའང་རུང་། །ཐམས་ཅད་བྱང་ཆུབ་སྐལ་ལྡན་གྱུར། །ཞེས་པ་ལྟར་བློ་སྦྱོང་བའོ།། འདི་ཡོད་ན་གཞན་གང་མེད་ཀྱང་འཚང་རྒྱ། ཚེ་མཇུག་འདི་རང་ལ་རྒྱུད་ཁྱད་པར་ཅན་དུ་འགྲོ་བ་ཡིན་གསུངས། དོན་བྱུང་བ་མེད་ཀྱང་ཚིག་འདི་དྲན་པས་དེའི་མོད་ལ་ཞི་བར་འགྱུར་བ་ཡིན། མྱུར་དུ་མངོན་པར་རྫོགས་པར་སངས་རྒྱས་པར་འདོད་པས་བྱང་ཆུབ་ཀྱི་སེམས་རིན་པོ་ཆེ་ལ་བསླབ། ཅེས་པའི་གཏམ་རྒྱུད་གསུངས་པ་རྣམས་ཀྱང་ འདི་ལ་གསུང་བ་ཡིན་གསུངས། ཇི་ཙམ་པའི་སྐྱེ་ཤི་མཐའ་མི་མངོན་པ་གཅིག་བྱས་པ་ལ་འདི་ལྟ་བུའི་ཆོས་བསྒོམ། ཡེ་མྱོང་བ་ཡིན་སྙམ་དུ་བསམ། ཤར་བ་དང་འཛོམས་པ་དང་བླ་མའི་ཐུགས་ལ་འདོགས་ན་བྱ། མིའི་རྩིས་སུ་བྱེད་ན་བྱ། དེ་དག་མེད་ན་མི་བྱ་སྙམ་ན་ཆོས་བོར་ཟིན་པ་ཡིན་གསུངས། སྡིངས་པ་ཤེད་རྒོལ་བ་བྱུང་ཙ་ན་ཆོས་གཏོང་བ་ཆོས་བྱེད་པའི་དུས་ན་བྱིན་རླབས་མི་ཡོང་གསུངས། དེས་ན་ད་ནས་བཟུང་ནས་ཚེ་འདི་བར་དོ་ཕྱི་མ་སངས་མ་རྒྱས་ཀྱི་བར་དུ་ཆོས་འདི་དང་སྐད་ཅིག་ཀྱང་མ་བྲལ་བ། འདི་སྟོན་པའི་དགེ་བཤེས་དང་མཇལ་བའི་སྨོན་ལམ་གདབ་གསུངས། གསུམ་པ་རྒྱུད་ལ་སྐྱེ་བའི་དཔང་པོ་ནི། དཔང་པོ་གཉིས་ཀྱི་གཙོ་བོ་བཟུང་། །ཞེས་བྱ་བ་སྟེ། མི་རྣམས་ན་རེ། ཆོས་འབྱུང་ནས་འདུག བདག་འཛིན་ཐུལ་ནས་བལ་ཆུ་ནས་དྲངས་པ་བཞིན་དུ་འཇམ་ཉལ་གྱིས་སོང་ནས་འདུག་ཟེར་བ་དང་། དེ་སྐད་ཟེར་ཡང་རང་གི་ཤེས་པ་ལ་ངས་དེའི་དུས་སུ་སྒུས་སེ་བར་སོང་། དེའི་དུས་ན་ཡང་བདག་འཛིན་ཤོར་སྙམ་པ་དང་། དེ་ལས་བཟློག་ནས་རང་གི་ནང་དུ་དམྱལ་བར་སྤྱི་བོ་ཚུགས་སུ་སོང་ཡང་འགྱོད་པ་མེད་སྙམ་པ་རང་གི་གཙོ་བོ་ཡིན། རང་གི་དད་པ་དང་ཤེས་རབ་དང་བརྩོན་འགྲུས་ལ་སོགས་པ་ནུས་པ་ཡོད་ཚད་ཀྱིས་ཡེངས་པ་དང་། དབྱེ་བ་སྐད་ཅིག་ཀྱང་མེད་པར་རྒྱུན་མཐུད་ནས་སྙིང་ཁྲག་ཆུས་ཤལ་ནས་འབུངས་པས་ད་ནི་ད་ལྟ་རང་དུ་འཆི་ཡང་ང་ལ་སྐྱེས་གདོན་རྒྱུ་མེད་སེམས་པ་ཅིག་དགོས། དེ་ཙམ་ནས་སྒྲུབ་པའི་ཉམས་ལེན་ཚད་དུ་ལོངས་པ་ཡིན་པས། གཞན་གྱིས་བདག་གི་ལེགས་པ་སྣ་རེ་མཐོང་བ་དང་ཕན་པ་སྣ་རེ་མཐོང་བ་ལ་མགུ་བ་ཡོང་བ་ཡིན་པས་དེ་མི་གཙོ། དེ་བཞིན་དུ་བཤད་པ་དང་བཟླས་པ་བྱེད་པ་ཀུན་ཡང་གཞན་ལ་བགོ་བ་དང༌། གནོད་པ་སེལ་བ་གཙོ། རང་གི་མཁས་པ་དང་ནུས་པ་ཡོང་སྙམ་པ་མངོན་པའི་ང་རྒྱལ་ཡིན་སྲིད་པའོ། །དེ་ལ་སོགས་པ་ཟད་པ་མེད་པ་ཅིག་ཡོད་དེ། ཕྱིའི་གཙོ་བོར་ཡོང་བ་ཡང་རང་གི་ནང་གི་བྱེད་པས་བྱུང་བ་ཡིན། ཕྱིའི་སྤྱོད་ཚུལ་ལེགས་པའམ། ངག་ཏུ་སྨྲ་ལེགས་པས་ཀྱང་ཆོས་འབྱུང་བར་རྩི་བ་ཡོད་དེ། བདག་འཛིན་སྤོང་ལོ་བྱས་ནས་ཀ་ཆ་འདྲ་བ་ཕད་ཕོད་བྱས་ནས་གཏོང་བའམ། གཞན་གྱི་གྱོད་ལ་སོགས་པ་བྱུང་ཙ་ན་མང་མང་ལགས། ཁོ་བོས་ལན་ཟེར་ནས་ཁས་བླངས་པས་ཆོས་བྱུང་འདུག་ཟེར་ཡོད་སྲིད་དེ། དེ་དཔང་པོ་གཙོ་བོ་མ་ཡིན། རང་གི་སེམས་ལ་གཅིག་དགོས། ཆོས་སྤྱིའི་དབང་དུ་བྱས་ན། ཆོས་བྱུང་མ་བྱུང་ལུས་ངག་ཡིད་གསུམ་ལ་ལྟ་བ་ཡིན། འདིའང་ལུས་ངག་ཇི་ལྟར་འདུག་ནའང་འདུག སེམས་ཁོ་ན་ལ་ལྟ་བ་ཡིན། དེ་ལ་ཡང་བླ་མས་གདམས་ངག་མ་ལུས་པར་གནང་བ་དང་། རང་ལ་ཡང་སྙིང་སྟོབས་ཡོད་པས་སྒོམ་པ་ཅིག་དགོས། དེ་ཡང་མངོན་དུ་མ་གྱུར་བར་དུ་སྒོམ་པ་ཅིག་དགོས། དེ་ཡང་ལྷ་དང་བླ་མ་ལ་སྙིང་ནས་གསོལ་བ་གདབ། ཆོས་སྐྱོང་ལ་འཕྲིན་ལས་ཞུ་བ་ལ་སོགས་པ་ལ་འབད་ལ་འདི་ཆེད་ལྡན་དུ་སྐྱེ་བ ལ་འབད་པར་བྱའོ།། བློ་སྦྱང་བའི་དགོས་པ། གསུམ་པ་སྦྱང་བའི་དགོས་པ་ནི། ཆོས་ཀུན་དགོངས་པ་གཅིག་ཏུ་འདུ། །ཡོན་ཏན་གཞན་པས་ཁྱད་པར་འཕགས། །ཞེས་བྱ་བ་སྟེ། བཀའ་དང་བསྟན་བཅོས་ཐམས་ཅད་ཀྱི་དགོས་པ་ཐར་པ་ཐོབ་པ་ཡིན་ལ། དེ་ལ་བདག་འཛིན་ཐུལ་བ་ཅིག་དགོས། ཐོས་བསམ་སྒོམ་གསུམ་ཐམས་ཅད་ཀྱང་བདག་འཛིན་འདུལ་བའི་ཆེད་ཡིན་ལ། བདག་འཛིན་མ་སྤངས་པར་ཉན་རང་གི་ཐར་པ་ཡང་མི་ཡོང་ན་ཐམས་ཅད་མཁྱེན་པ་ལྟ་ཅི་སྨོས། དེ་ནས་མཁས་པར་བློ་སྦྱོང་། བཙུན་པར་ཁྲིམས་བསྲུང་བ་ལ་སོགས་པ་ཐམས་ཅད་ང་ལས་མཁས་པ་མེད་པ་ལ་སོགས་པ་ངའི་གྲོགས་སུ་སོང་ན་ནོར་ལ། བདག་འཛིན་གྱི་གཉེན་པོར་སོང་ན་བློ་སྦྱོང་བའི་དགོས་པ་གྲུབ་པ་ཡིན་ནོ། །འདི་ནི་མཐུན་རྐྱེན་གཞན་ལ་མི་ལྟོས་པས་ཡོན་ཏན་ཁྱད་པར་དུ་འཕགས་པ་ཡིན་ཏེ། ཆོས་གཞན་ལ་རྐྱེན་གཞན་ལ་ལྟོས་དགོས་པ་དང༌། ཁམས་བཟང་དགོས་པ་དང་། ན་སོ་གཞོན་དགོས་པ་དང་། དབེན་དགོས་པ་དང་། བླ་མའི་རྩར་བསྒོམ་དགོས་པ་དང༌། ན་ཚ་ལ་སོགས་མེད་པ་དགོས་པ་དང༌། ཤེས་པའི་བྱར་གཟུ གས་མེད་པ་དགོས་པ་ལ་སོགས་པ་དུ་མ་ཡོད་པ་ལ། འདི་ལ་གཉིས། ཐུན་མོང་གི་ཚུལ་ཁྲིམས་དང༌། ཐུན་མོང་མ་ཡིན་པ་ཐེག་པ་ཆེན་པོའི་དམ་ཚིག་གཉིས་མེད་ཁ་མེད་ཡིན། དེ་གཉིས་མེད་ན་རྩ་བ་མེད་པ་བྱ་བ་ཡིན་པས་ཡོང་མི་སྲིད། དེ་གཉིས་ཡོད་ན་རྐྱེན་གཞན་གང་ལ་ཡང་ལྟོས་མི་དགོས་པས་གཞན་ལས་ཁྱད་པར་འཕགས་པའི་ཡོན་ཏན་དང་ལྡན་པ་ཡིན་ནོ།། དེ་ལྟར་ན་ཡོན་ཏན་ཁྱད་དུ་འཕགས་པའི་རྒྱུ་མཚན་རྐྱེན་གཞན་ལ་མ་ལྟོས་པ་ལ་བྱེད་ན་རྐྱེན་ལ་མི་ལྟོས་པའི་རྒྱུ་མཚན་ཅི་སྙམ་ན། མི་མཐུན་སྒོམ་གྱི་གྲོགས་སུ་བསྒྱུར། །ཞེས་བྱ་བ་སྟེ། འདི་རྐྱེན་ངན་ལམ་དུ་བསྒྱུར་བའི་སྐབས་སུ་བྱས་ན་ཡང་བདེ། འདིར་ཡང་རྒྱུ་མཚན་དུ་སྦྱར་དུ་བཏུབ་པས་སྡུག་བསྔལ་ཉོན་མོངས་པ་དྲག་པོ་དང་མ་འཛོམས་པ་ལ་སོགས་པ་ཐམས་ཅད་འདིའི་ཆ་རྐྱེན་དུ་བྱེད་པ་སྟེ། ཚེ་འདི་ལ་བསྒོམ་གཞན་ཐམས་ཅད་བཞོག དེ་རིང་ནས་འདི་བསྒོམ། ང་ཡང་མོས་པ་བྱེད་པ་ཡིན་པས་ཁྱོད་ལ་ཡང་སྐྱེ་སྟེ་འོང་། འདི་མེད་ན་བསྒོམ་བཟང་ཟེར་བ་ཐམས་ཅད་འདོམ་ཐུག་བྱུང་ཙ་ན། གཉེན་པོར་མ་གོའམ། འདི་བཞིན་དུ་དངོས་འགལ་དུ་མ་སོང་བར་བརྒྱུད་འགལ་དུ་མ་སོང་བ་ཤེད་ཀྱི་ཉོན་མོངས་པ་ཆུང་དུ་མ་སོང་པར་ཁེངས་གྲགས་སམ་ང་རྒྱལ་ཆེར་སོང་ནས་ཡོང་བར་སྣང་། འདི་རྒྱུད་ལ་ལན་ཅིག་དྲན་པའམ་བསྒོམ་ཙ་ན། ཉོན་མོངས་རིམ་གྱིས་བྱུང་བ་དེ་འཇམ་ལྷན་གྱིས་འགྲོ་བར་སྣང་། དེས་ན་རང་རྒྱུད་ལ་མི་འདོད་པ་བྱུང་བ་དང་། བྱུང་གིས་དོགས་པ་ན་སེམས་ཅན་ཐམས་ཅད་ཀྱི་མི་འདོད་པ་བྱུང་བ་དང་བྱུང་གིས་དོགས་པ་ཐམས་ཅད་ལེན་པའོ། །འདི་གོ་ན་སྟོང་པ་ཉིད་ཀྱང་ངང་གིས་གོ་བར་འོང༌། འདི་མེད་ན་ལྟ་བ་མཐོ་བ་དང་བསྒོམ་བཟང་ཟེར་བ་ཐམས་ཅད་ཡུས་ཀྱིས་རྒྱལ་ནས་འོང༌། ཁྱད་པར་དུ་སྤྱིའི་ཁུར་འཁུར་བ་ལ་འདི་མེད་ཁ་མེད་ཡིན། འདི་མིན་ཨེན་ཙམ་གྱིས་དགེ་རྩ་དུང་ལ་རྡུལ་ཕྱིད་གསུངས། དེ་ལྟར་ན་གང་གིས་བསྒོམ་གྱི་གྲོགས་སུ་བསྒྱུར་ན། ཐམས་ཅད་ཐེག་ཆེན་ལམ་དུ་བསྒྱུར། །ཞེས་བྱ་བ་སྟེ། སྙིགས་མ་ལྔ་པོ་བདོ་བ། མི་དགེ་བ་མཐའ་དག་ཚང་བ། ཚེ་ལ་ཡང་ཆོས་ལ་སོགས་པ་གང་ཡང་བྱ་ལོང་མེད་པ། ལྟ་བ་ངན་པ་སྣ་ཚོགས་པས་གཟིངས་པའི་དུས་འདིར་གཏོང་ལེན་གཉིས་ལ་སྦྱངས་ཏེ། ཅི་བྱེད་ཐེག་ཆེན་གྱི་ལམ་དུ་བསྒྱུར་རོ། །དེ་དག་གིས་ཚིགས་སུ་བཅད་པའི་དོན་བསྟན་པ་ཡིན་ནོ།། ད་ནི་ཚིག་ལྷུག་པ་རང་གིས་སེམས་ལ་གྲོས་གདབ་པ་སྟོན་པ། ཡུས་མི་བསྒོམ། ཞེས་པ་ནི། ཕ་རོལ་ལ་བདག་གིས་དྲིན་ཡོད་པའི་རྒྱུ་མཚན་དང་། རང་མཁས་པ་དང་བཙུན་པ་དང་བསྒོམ་བཟང་བ་དང་། མི་ཆེ་བ་ལ་སོགས་པ་རྒྱུ་མཚན་གང་གིས་ཕྱོགས་ནས་ཀྱང་ཡུས་ཀྱི་རྔམ་པ་དང༌། རེ་ཆེ་བར་ཐེག་པ་ཆེན་པོ་བློ་སྦྱོང་བརྒྱ་རྩ། མི་བྱ། ཁྱད་པར་དུ་ཕུག་ན་སྒོམ་པར་གསོལ་བ་ཀུན་ཡང་ཡུས་ཆེ་བར་ཡོང་བས། འདི་མེད་པ་གཅིག་གལ་ཆེ། གཞན་དོན་བྱས་པས་ཡུས་ཆེ་ན་ཡང་། གཞན་གྱིས་མ་བཅོས། རང་གི་ཁས་བླངས་པ་ཡིན་པས་ཡུས་ཆེས་གང་ན་ཡང་མེད། རྒྱུ་སྦྱངས་ན། བ་དུ་བ་དང༌། སྐུ་བསྲུངས་འཆིར་མ་བཏུབ་ཅེས་ངུ་ཞིང་གྲོགས་པོ་ལ་ཡུས་གསོལ་བ་ལྟ་བུ་ཕ་མ་བླ་མ་ལ་སོགས་པ་སུ་ལ་ཡང་མི་བྱ། དེ་བསྒོམ་ན་ཅི་ནས་ཀྱང་ཤགས་ངན་ཡོད་པས། ཤགས་ངན་མ་རྒོད་ཅེས་བྱ་བ་ནི། མི་སྐྱ་ཐ་མལ་པ་ཡིན་ཀྱང་ཤགས་ངན་སྣ་ཚོགས་ཡོང་བ། དེ་ལ་མིས་ཀྱང་འཕྱ། རང་ཡང་མ་བཏུབ་ན་ཆོས་བྱེད་པའི་གང་ཟག་གིས་ཤགས་ངན་སྣ་ཚོགས་བྱེད་ན་ཆོས་པར་མ་བཏུབ། ཁྱད་པར་དུ་བློ་སྦྱོང་བའི་གང་ཟག་གིས་ཁྱེད་ཅེས་ཤགས་ངན་བྱེད་ན་ཆོས་པར་མི་བཏུབ། ཁྱད་པར་དུ་བློ་སྦྱོང་བའི་གང་ཟག་གིས་ཁྱེད་ཅེས་ཤགས་ངན་བྱེད་ན་གཏོང་ལེན་དང་འགལ་བས་མི་བྱ། རང་གིས་མ་ཉེས་པ་དང་གཞན་གྱིས་ཉེས་པ་ཤགས་ངན་གྱི་རྗེས་སུ་རང་གི་ཉོན་མོངས་འབྲང་ནས་གཞན་གྱི་འཚང་རུས་པའི་གཏིང་ནས་འབྲུ་བའི་བཟོང་བུ་མཆུ་རིངས་མི་བྱ། རང་ཅག་ཡུལ་ཡུལ་ལ་སོགས་པར་སྐྱེ་ཙ་སྐྱེ་རེང་རེང་ཤགས་ངན་མི་རྒོད་པ་གཅིག་གལ་ཆེ། དེ་ལྟར་མི་རྒོད་པ་ལ་འདི་དགོས་པས། ཀོ་ལོང་མ་སྡོམ། ཞེས་བྱ་བ་སྟེ། འདི་ཀུན་བཏགས་པ་ཡིན་པས་གྲོས་བྱར་བཏུབ། གཞན་ཤུགས་ཀྱིས་རང་དབང་མེད་པར་ཡང་ཡོང་བ་ཡིན། ལན་ཅིག་མ་བསྡམས་ན་ཇི་སྡོམ་དུ་ཆད། སྡོམ་ན་སྡོམ་སྙིང་རྗེ་འདོད་དུ་ཆ། ད་ལྟ་སྡེར་མེད་ན་ཟན་མི་ལེན། ཨེན་ཙམ་རེའི་ཉེས་ལེགས་ལ་བསྡམས་ནས་ཁོ་བོའི་ཇ་སུན་གྱི་དོད། དེ་རིང་གི་བཀའ་མཆིད་དེ་ལ་གྱི་ཟེར་བ་ལྟར་མི་བྱ། རང་ལ་གནོད་པ་དང་། སྔར་དམའ་ཕབ་པ་དང༌། ཚིག་ངན་བསྣུན་པ་ལ་སོགས་པ་ཅི་བྱས་ཀྱང་རང་ལ་གྱོད་གདའ། ཚིག་ངན་གྱི་ལན་ལ་སོགས་པ་མི་བྱ་ཞིང་། སེམས་ཀྱི་ཀོ་ལོང་མི་སྡམ། ད་ལྟ་ཆོས་གཉེན་པོར་མ་སོང་བས་བཟོད་སྟོབས་ཤའུ་ཁས་ཆུང་། ཀོ་ལོང་གཙང་བཙན་པས་ དམ་པར་འདུག་སྟེ། ཆོས་བྱས་པས་གོ་མི་ཆོད་པས་བདག་འཛིན་གྱི་གཉེན་པོར་འགྲོ་བར་བྱ། རྣལ་འབྱོར་པ་ཆེན་པོ་མཐོ་མཐོ་རླུང་། དམའ་དམའ་ཆུ་ལ་བསྐྱུར་གསུངས་པ་ལྟ་བུ་གཅིག་དགོས། འདི་མེད་ན་རྩ་བ་མེད་པས་བློ་སྦྱོང་ཡོང་མི་སྲིད། དུས་ཐམས་ཅད་དུ་སེམས་སྒོ་ནས་ཁྲིས་སེ་བརྩིག་དགོས། འདི་བྱུང་ན་ཆོས་ཀྱི་སྲོག་རྩ་ཡིན་པས་བློ་སྦྱོང་གཞན་རྣམས་རང་གི་ངང་གིས་ཡོང་། འདི་མེད་ན་ཤགས་ངན་རྒོད་པ་ཡང་སྲིད། སུ་དང་འགྲོགས་ཀྱང་མི་བདེ་བས་ཀོ་ལོང་སྡོམ་པས་ལེན་པས་ལེགས་ཉེས་ཅི་བྱུང་ཡང་རང་གི་ནང་དུ་མིད་ནས་སྡོད་པ་ཅིག་དགོས། དེ་ལྟ་མ་ཡིན་ན་ནག་པོའི་ཆོས་བཞི། སེམས་ཅན་བློས་སྤོང་། སྐྱབས་ཀྱི་དམ་ཚིག དགེ་སྦྱོང་དུ་བྱེད་པའི་ཆོས་བཞི་པོ་རྩ་བ་ནས་གཅོད། དཔོན་སློབ་དམ་ཚིག་ཉམས་སུ་འདིས་འཇུག བཟའ་མི་ནང་འདིས་མི་མཐུན་དུ་འཇུག བྲང་ཟླ་མི་རྙེད་དུ་འདིས་འཇུག་པས་འདི་དང་དུས་ཐམས་ཅད་དུ་འབྲེལ་བ་མེད་པ་གཅིག་དགོས་པས། ཇ་སུན་མཐོ་དམན་དང་འདུག་ས་ལེགས་ཉེས་ལ་ཀོ་ལོང་མི་སྡམ། ཡང་ཀོ་ལོང་ལ་སྡོམ་པ་རེ་ཡོད་པ་མིན། ར་སྒྲེང་བའི་རྣམ་པར་ཐར་པ་ལ་གནོད་པ་ཅིག་བྱུང་ན་ཀོ་ལོང་བསྡོམས། བསྡམ་ཡང་དགོས་གསུངས། དེའི་རྣམ་པར་ར་པ་ཁྱིམ་པ་དང་ཐུན་མོང་པས་སོ་ནམ་བཞི་ལ་སོགས་པ་མི་བྱེད་པ་དང༌། ཆང་སྲོག་ལ་བབས་ཀྱང་མི་འཐུང་བ་དང༌། ཆོས་སྤྱོད་བཅུ་ཀ་མི་སྤོང་བ་ལ་སོགས་པ་དུ་མ་ཡོད་པ་དེ་རྣམས་ལ་འགལ་ན་ཀོ་ལོང་སྡོམ་པ་ཅིག་དགོས། དེ་ལ་འདི་ཡང་དགོས་པས་འོར་ཆེན་མ་འདོད། ཅེས་བྱ་བ་ཏེ། རང་གི་གཞན་ལ་ཕན་པ་བྱས་པ་ལ་ལན་བྱེད་པ་བྱུང་ན་ཕྱ་བྱད་བཟང་། ཁྱོད་ལྟར་བྱེད་པ་མི་ཡོང་བར་གདའ་ཟེར། ལན་བྱེད་པ་མ་བྱུང་ན་ངས་དཀའ་སླ་སྐྱིད་སྡུག་དེ་ཙམ་བྱས་ཀྱང་འོར་ཆེན་ཙམ་ཡང་ཁ་ནས་མི་ཐོན་པ་འདུག མི་ལ་བྱས་མ་བྱས་མེད་ཟེར་བ་ལྟ་བུ་བསམ་དུ་མི་རུང་། དེ་ཡང་ངོ་མི་རྟག་པས་མི་ཡོང་བས་ཡུད་ཙམ་པ་མི་བྱ། ཅེས་བྱ་བ་སྟེ། རེས་ཅི་བྱེད། རེས་ཅི་བྱེད་ཀྱི་མི་ཡོང་། ཁ་ཅིག་བྱེད་བྱེད་འདྲ་བྱས་ནས། ཡང་སུན་སུན་ལྟར་འདོར་བ་དང་། མི་དང་འགྲོགས་པ་ན་ཡང་མཛའ་བ་དང་འཐབ་པ་ལ་ཚེགས་མེད་པ་མི་བྱ་ཏེ་གཞུ་བཟང་པོའི་རྒྱུད་ལྟར་དུ་སྐྱོ་བསུན་མེད་པར་ཐང་ངེ་སྒྲེང་ངེ་ཉམས་སུ་ལེན་པར་བྱེད་པའོ།། ཡང་དུས་ལ་བབ་ན་ངན་ལན་བྱེད་པ་མི་རུང་བས། འཕྲང་མ་སྒུག་ཅེས་བྱ་བ་སྟེ། སྟོན་པ་དར་ལ་འབར་ན་བས་རིམ་གྲོ་ལྷོ་བྲག་པ་ཡོའི་ཁྲལ་བསྡུས་ནས་བྱེད་པར་གླེང་བ་ན། དར་མ་རིན་ཆེན་ཤེད་ཞག་གཅིག་འདི་ངའི་ཁ་དོག་དུ་མི་འདུ་བ་གཅིག་བྱུང་བ་ཞེས་པ་ལྟ་བུ་དང་། འཕན་ཡུལ་བ་གཅིག་གི་གཉལ་དུ་གནས་ཅིག་ཏུ་སྤུར་ཕྱིན་པས་བཙུན་པ་ཅིག་གི་སྒོ་དབར་དུ་བརྩིར་ཕྱིས་འཕན་ཡུལ་དུ་མ་པར་ཡོད་ཙ་ན་བཙུན་པ་དེ་བྱུང་བས། མི་དེས་སྔར་སྒོ་དབར་བརྩིར་བ་ཞེ་ལ་བཞག་ནས། འོ་ཅག་ངོ་ཤེས་པ་ཡོད་བྱས་པས་བཙུན་པ་མེད་འོད་ཟེར་བས་གནས་འདིར་སྒོ་དབར་དུ་བརྩིར་བ་ངོ་ཤེས་བྱས་ནས་རྨ་ཕབ་པ་དེ་ལྟ་བུ་ལ་འཕྲང་སྒུག་ཟེར་བ་ཡིན། སེམས་བསྐྱེད་བྱས་པ་དང་། བློ་སྦྱོང་བསྒོམ་པས་འདི་བསམ་པའི་སྐབས་མེད། འདི་ཡོད་རིང་ལ་དེ་གཉིས་ཡོད་མི་སྲིད་པས་ཡང་རང་ལ་གཞན་གྱི་ངན་བྱས་པས་ང་ལན་མ་གྲུབ་པ་ཞེ་ལ་བཅངས་ནས་གྲུབ་ཙ་ན་བྱེད་པ་སྟེ། ཡང་རང་གི་ཉེས་པ་གཞན་ལ་བརྒལ་དུ་མི་རུང་བ་ནི། མཛོ་ཁལ་གླང་ལ་མ་བྱོ། ཞེས་བྱ་བ་སྟེ། མི་འདོད་པ་རང་ལ་འབྱུང་གིས་དོགས་ནས་གཞན་ལ་བྱོ་བྱོ་བྱེད་པ་དེས་བློ་སྦྱོང་ཡོང་མི་སྲིད། སོ་སོའི་སྐྱེ་བོ་ལས་མི་ཡོང་བྱ་བ་མིན་ཏེ། གཉེན་པོས་སུན་འབྱིན་པ་ཡིན་ཏེ། འཆད་ཀ་པ་མཚན་ཉིད་ཀྱི་གྲ་ས་ན་བཞུགས་པའི་ཚེ་གྲོགས་པོ་སྟོན་པ་ཟླ་གྲགས་བྱ་བས། གནས་པོའི་ཁང་པའི་སྟེང་དུ་མལ་བཅས་པས་སྐར་ཁུངས་ནས་རྡོ་ཤོར་བ། འོག་ན་དཀར་ཡོལ་གྱི་ཀོང་རྩེ་ཡོད་པའི་སྟེང་དུ་ལྷུང་ནས་རུམས་ཀྱིས་སོང་བ་གསང་། གཞན་ཞིག་ལ་བཙུགས་ནས་མ་ལེགས་པ་ཆེན་པོ་ལ་ཐུག་གསུངས། དེ་ན་སྣོད་བཅག་པ་དང་ཚིགས་བཅད་བྱས་པ་གཞན་ལ་མ་བསྒྱུར། ལས་ཀ་ལ་སོགས་པ་གཞན་ལ་མི་བྱའོ།། ཡང་འདོད་ཤོས་ཅི་ཐོབ་བྱེད་པའི་འགྱོགས་ཀྱི་རྩེ་ལ་མི་རྟགས་ཅེས་བྱ་བ་ནི། འདོད་པ་སྤྱི་སོ་ན་འདུག་པ་མ་རྩེ་རྟོགས་པ་འདི་ངན་པ་ཁོ་ན་ལ་ཡོང་བའི་ངེས་པ་མེད། བཟང་པོ་དྲན་ཤེས་ཆེ་རེ་བ་ཀུན་ལ་སླར་འབྱུང་ཉེ། འདི་དགེ་བཤེས་གྲོ་ལུང་པ་བསྒྲེས་པོ་བྱེད་ཙ་ན། གང་འདོད་པ་དང་ལེགས་པ་གཡོར་རྩང་དང་ཕན་ཡུལ་བ་ལ་བྱིན། གང་ན་མ་བཏུབ་པ་དེའི་ནང་ནས་ཀྱང་ཁོང་དག་གི་བྱས་པ་བཞིན་དུ་དགོས། དེ་ལྟ་རྒན་པས་དེ་ཙུག་བྱས་ཀྱང་གཞོན་པས་འབུག་ཏུ་ཡོང་། དེ་ཤོར་ཐབས་ནི་མེད་ཡང་། གཞུང་བཟང་པོ་ལ་མ་བརྟེན། ཞེས་བྱ་བ་ནི། རང་ལ་གནོད་པ་བྱས་པ་ལ་འདི་བཞིན་དུ་བྱས་ཞེས་འཁོན་དུ་བྱས་པ་དང་། གཞན་ལ་གྲོས་ལ་སོགས་པའི་ཕན་པ་བསྟེན་པ་ལ་ཉན་དུ་མ་འདོད་ན། ཕྱིས་ངས་དེ་ཙ་ན་བྱ་སྟེ་མ་བཏུབ་པ། ད་ནི་ཅི་དགའ་བ་གྱིས་ཞེས་ཡུན་དུ་འཆང་བ་མི་བྱ། ད་ལྟ་ཉོན་མོངས་པ་བྱུང་དུ་མ་ཚོར་བ་དེ་གཉེན་པོ་མ་བསྟེན་པས་ཡིན། གཉེན་པོ་བསྟེན་ན་ཆུའི་གཉེར་མ་ཙམ་ཡོད་པས་འབུར་འཇོམས་བྱེད་དགོས་གསུངས། ཡང་གནད་ལ་མི་དབབ། ཅེས་བྱ་བ་ནི། ཁྱོད་ཕ་ནས་ངན་བྱ་བ་ལ་སོགས་པ་དང་། རབ་ཏུ་བྱུང་བ་ཀུན་ལ་ཁྱོད་ཀྱི་མཁན་སློབ་ལ་སྡོམ་པ་མེད་ཅེས་དང་། ཁྱོད་རང་ལ་སྡོམ་པ་མེད་ཅེས་པའམ། གཞན་གྱི་མི་བསད་པ་གཞན་ལ་རྒྱུས་མེད་པ་ལ་ཁྲོམ་དུ་སྒྲོག་པ་ལྟ་བུ་ཏེ། འདི་དུག་མ་བླུད། མཚོན་མ་བཏབ་པ་ཡིན་ཡང་བློ་སྦྱོང་འདིའི་ངོས་ནས་འདི་ལས་སྡིག་ཆེ་བ་མེད། ཁོ་བསད་པ་བས་ཀྱང་ཐུ་བ་ཡིན། སྔོན་རྒྱ་སྟོན་བྱིས་པ་ཙ་ན་གཞན་གྱི་རྟ་དཀྲོགས་ནས་བྲག་ལ་འཕྱོངས་ནས་བསད་པས། ཕ་མས་བརྡུངས་པས་མའི་ང་རྡོང་ང་ལ་རྡོ་རྒྱབ། དེར་ཁྱིམ་དུ་མ་བཙུད་པ་ལ་ཁོས་ཁྱེད་རང་གི་ཡོན་བདག་རྡོ་རྗེ་དབང་ཕྱུག་གི་འབྲི་རྐུས་ནས་གསོད་པ་ཟེར་ཞིང་འོ་དོད་བོས་ནས་རྟ་སྐྱིན་དང་། འབྲི་སྐྱིན་དང་། བབ་པ་ལྟ་བུ་འདི་ལས་སྡིག་ཆེ་བ་མེད་གསུངས། ཡང་གོ་ལོག་མི་བྱ། ཅེས་བྱ་ནི་གོ་ལོག་དྲུག་སྟེ། འདུན་པ་དང་། རྗེས་སུ་ཡི་རང་བ་དང་། རོ་མྱང་བ་དང་། གཉེར་སེམས་དང་། སྙིང་རྗེ་དང་། བཟོད་པ་གོ་ལོག་གོ །དེ་ལ་འདུན་པ་གོ་ལོག་ནི། ཆོས་སྒོར་ཞུགས་ནས་ཆོས་ལ་འདུན་པ་མི་བྱེད་པར་འཇིག་རྟེན་པའི་ཆོས་ལ་འདུན་པའོ། །རྗེས་སུ་ཡི་རང་བ་གོ་ལོག་པ་ནི། ཆོས་བཤའ་མ་བྱེད་པ་ལ་རྗེས་སུ་ཡི་རང་བ་མི་བྱེད་པར་རང་གནག་པ་ལ་མ་ལེགས་པ་བྱུང་བ་ལ་ཡིད་རང་བསམ། སྡིག་བྱེད་པ་དེ་ཁོ་ལ་བབ། ཁོས་མ་ལན་བྱེད་དགོས་པར་ཡོད་ཟེར་བ་དང་། རྒྱ་བྱང་རྡོར་བབས་པ་ལ་གཡོར་དར་མ་ལེགས་ཤེད། ངན་པ་ཡང་དག་པ་སྙིང་ཚིམ། སྐྱ་ཞལ་གྱི་སོང་ངམ་ཟེར་བ་ལྟ་བུ་སྒོམ་དུ་མི་རུང༌། རོ་མྱོང་བ་གོ་ལོག་ནི། སྔར་བཤའ་མ་བྱུང་བའམ། རྟོགས་པ་ཁྱད་པར་ཅན་བྱུང་བའམ། བྱང་ཆུབ་སེམས་དཔའི་སྤྱོད་པ་དང་མཐུན་པའི་དགེ་བ་ལ་རོ་མི་མྱང་བར། སྔར་དགྲ་བརྟུལ་བ་དང་། འདོད་པ་སྤྱད་པ་ཡིད་ལ་དྲན་ཞིང་རོང་མྱང་བར་བྱེད། དེས་ཁམས་སོས་གཉིད་སངས་འགྲོ་ན་དམྱལ་བར་འགྲོ་བར་ཤེས་པར་བྱ། གཉེར་སེམས་གོ་ལོག་ནི། བྱང་ཆུབ་སེམས་དཔའི་གཉེར་སེམས་བྱ་བ། ནམ་མཁའི་མཐས་ཁྱབ་ཀྱི་སེམས་ཅན་ཐམས་ཅད་ཀྱིས་མ་མ་བྱས་པ་མེད། དེ་ཡང་དྲིན་ཅན་གྱི་མ་ཡིན་པ་དེ་རྣམས་དམྱལ་བར་སྡུག་བསྔལ་གྱིས་དོགས་དང༌། འཁོར་བར་གནས་པ་རྣམས་སྡུག་བསྔལ་ལས་གྲོལ་བ་དང་། བདེ་བའི་མཆོག་སངས་རྒྱས་ལ་འགོད་པ་ཡིན། རང་གི་ཁ་འོག་ཏུ་འདུ་བ་རྣམས་ཆོས་ལ་སྦྱོར་བའི་གཉེར་སེམས་མི་བྱེད་པར་ནོར་བསོག་པ་དང༌། གཉེན་སྐྱོང་བ་དང་། ཚེ་འདིའི་བྱ་བྱེད་ལ་སྦྱོར་བ་དང་སེམས་ཅན་ཐམས་ཅད་བདེ་བ་ལ་འགོད་པའི་སེམས་བསྐྱེད་པའི་གཉེར་སེམས་ཡིན་པ་ལ། སེམས་ཅན་བདེ་བ་ལ་ཕྲག་དོག་པ་དང༌། རང་དང་མཉམ་པོ་གོང་དུ་ཤོར་གྱིས་དོགས་པ་ལ་བློ་སྦྱོང་ཡོང་མི་སྲིད་གསུངས། སྙིང་རྗེ་གོ་ལོག་ནི། སྡུག་བསྔལ་དང་སྡུག་བསྔལ་གྱི་རྒྱུ་ལ་གནས་པ་ལ་སྙིང་རྗེ་མི་བསྒོམ་པར་ཆོས་བྱེད་པའི་དཀའ་སྤྱོད་ལ་སྙིང་རྗེ་བསྒོམ་པའོ། །བཟོད་པ་གོ་ལོག་ནི། ཆོས་ཀྱི་ཆེད་དུ་དཀའ་སྤྱོད་ཅུང་ཟད་ཀྱང་མི་ནུས་པར་འདོད་པའི་ཆེད་དུ་ཚོང་། སོ་ནམ་དང༌། དགྲ་འདུལ། གཉེན་སྐྱོང་གི་དཀའ་བ་དུ་མ་ནུས་པའོ།། ཡང་ལྷ་བདུད་དུ་མི་དབབ། ཅེས་བྱ་བ་ནི། འཇིག་རྟེན་པའི་ལྷ་མ་མགུ་ན་གནོད་པ་བྱེད་པ་དེ། ལྷ་བདུད་དུ་སོང་བ་ཡིན། དེ་བཞིན་དུ་བློ་སྦྱོང་གིས་ང་རྒྱལ་གཞན་ལ་བརྙས་པ་བྱེད་པ་སྟེ། ང་མིན་པས་བདེན་པས་གཞི་མི་ཤེས། བློ་སྦྱོང་མིན་པས་སངས་རྒྱས་མི་ཐོབ་ཅེས་པ་ལ་སོགས་པ་རྐུན་མ་ནགས་ལ་བཏང་ནས་རྗེས་བྲག་ལ་གཅོད་པ་ཡིན་པས་དེ་དག་སྤང་ལ། སྨན་ནད་ཐོག་ཏུ་བཏང་ཞིང་། ཞིང་བདག་འཛིན་ལ་རྨ་ཕེབས་པར་བྱས་ལ་འགྲོ་བ་ཀུན་ལས་བྲན་གྱི་ཐ་མ་བཞིན་ གནས་པར་བྱའོ།། དེ་ཡང་ནམ་དགོས་ཆ་མེད་པས། ཡོངས་སུ་ཐུབ་པར་བྱ། ཅེས་བྱ་བ་ནི། དཔེར་ན་རྟ་ལ་བྱང་ཆེ་བ་ཀུན་གྱི་མ་ཡེངས་ན། མི་བདེ་བའི་སར་ཡང་མི་སྐྱུར་ལ། ཡེངས་ན་ཐང་བདེ་བ་ལས་ཡང་བློ་བུར་དུ་རྟ་འགྲོགས་ན་རྡེབ་པ་ཡིན། དེ་བཞིན་དུ་གཉེན་པོ་བརྟན་ན་རྐྱེན་ངན་ཆེན་པོས་ཀྱང་བློ་སྦྱོང་མི་ཉམས་ཀྱང་གཉེན་པོ་བསྟེན་རྒྱུ་མེད་པའི་དུས་སུ་རྐྱེན་ཅུང་ཟད་ཀྱིས་ཆོས་འཆོར་བས་རྟག་ཏུ་མ་ཡེངས་པར་སྦྱོང་བ་གཅིག་དགོས་ཏེ། བདག་གིས་དེ་རིང་བདག་འཛིན་ཐུལ་པ་ལ་མ་ཡེངས་པར་དྲན་པར་བྱ། ཉོན་མོངས་པར་མ་ཤོར་བར་བྱ་སྙམ་དུ་འཕེན་པ་གཏོང༌། དེ་ནས་ལྷན་ཅིག་རྗེས་སུ་གཅོད་པས་ཉེས་པས་གོས་སམ་མ་གོས་སྙམ་དུ་རྟོགས་ཏེ། དུས་དེ་ལྟར་རྟོགས་ནས་མ་ཤོར་བར་བྱེད། རྟག་ཏུ་ཡེངས་པ་མེད་པ་གཅིག་ཐམས་ཅད་དུ་ཁྲིས་སེབ་བརྩིག་དགོས། འདི་དང་བྲལ་དགོས་ན་མི་ནག་པོ་ཕལ་བ་ལས་མི་ཡོང་། ཡེངས་མེད་དུ་སྒོམ་པའོ།། ཡང་རེས་འཇོག་མི་བྱ། ཅེས་བྱ་བ་ནི། རེས་བློ་སྦྱོང་སྒོམ་རེས་བློ་མ་ཁེལ་བར་གན་འདྲ་ཚོལ། མཚན་ཉིད་པ་ལ་ལ་དག་སྡེ་སྣོད་དུ་མ་ཤེས་ཀྱང་འཆི་བ་དྲན་ན་འདིས་གོ་མི་ཆོད་སྙམ་ནས་སྔགས་པ་ཆུང་མ་ཅན་རེའི་གམ་དུ་འགྲོ་བ་ཡང་ཡོད། དེ་བཞིན་དུ་ཁ་ཅིག་འདྲེས་གནོད་ཀྱི་དོགས་པས་དྲག་སྔགས་ཁོ་ན་ཟློག རེས་འགའ་གཏོང་ལེན་བསྒོམ། རེས་འགའ་ཚེ་འདིའི་ཆེ་ཐབས་སྒྲུབ། རེས་འགའ་ཕྱི་མའི་དོན་བྱེད་པ་དེ། ཞོན་པ་གཉིས་ལ་བཞོན་ན་བར་དུ་ལྷུང་། ཁ་ཅིག་ནི་སྒོམ་པས་སྙིང་པོ་བགྲང་མ་དགོས་ཟེར་བ་དང་། ལྟུང་བ་བཤགས་མི་དགོས། ལྟུང་བས་ལུས་ལ་གནོད་དམ་སེམས་ལ་གནོད་ཟེར་བ་དང༌། དཀོན་མཆོག་ལ་མཆོད་པ་བྱས་ནའམ། མིས་མཐོང་དུ་རེ་བའམ། མཐོང་ན་དགའ་བ་བྱུང་བས་ས་གཏོར་བ་ཡོད་དེ། དེ་ཐམས་ཅད་ནོར་ཟེར་བར་གདའ། དོན་འདིར་ཇི་ལྟར་བྱེད་ན། ལྟ་བའི་ཤན་སྤྱོད་པ་ལ་མ་ཕོག་པར་ལུས་ངག་གིས་སངས་རྒྱས་ཀྱི་བཀའ་ལས་ཇི་ལྟར་འབྱུང་བ། འདུལ་བ་ལས་ཇི་ལྟར་བཅས་པ། ཇོ་བོ། སྟོན་པ། པོ་ཏོ་བ་གསུམ་གྱི་གདམས་ངག་ལས་ཇི་ལྟར་འབྱུང་བ་རྣམས་གྲ་མ་ཆགས། ཟུར་མ་ཉམས་པར་སྒྲུབས་ལ་བསམ་པ་འདི་འབའ་ཞིག་སྦྱོང་བའོ། །ཡང་སྤྱོད་པའི་ཤན་ལྟ་བ་ལ་ཕོག་ནས་རྣམ་རྟོག་གི་མདུད་པས་བཅིངས་པ་ཡོད། ཡང་ཁ་ཅིག་སྔགས་ལ་བརྟེན་ནས་འདུལ་བ་ཕྱི། འདུལ་བ་ལ་བརྟེན་ནས་སྔགས་ཕྱི། ཆོས་ཐམས་ཅད་གྲུ་བཞིར་ཁྱེར་ཤེས་པ་ངའི་བླ་མ་རྒྱ་གར་ར་བ་བ་ལས་མ་བྱུང་བ་ཡིན་ཞེས་གསང་ཕུ་བ་གསུང་སྐད། འདི་ལ་གོ་བས་མཐའ་ཆོད་པ་དང་། བྱེད་ངོ་ཤེས་པ་ཅིག་མ་བྱུང་ན་ཁ་ཅིག་གི་ཇི་སྐད་བྱས་པས་ཇི་ཙུག་ཡིན་ནམ་སྙམ་པ་ཡོང་བས་དེ་ཙུག་མ་གོ་བར་སྒྲོ་འདོགས་རྦད་ཀྱི་ཆོད་པར་བྱས་ལ། ཉམས་སུ་ཟུང་འཇུག་ཏུ་བླང་བར་བྱའོ། །ཟས་གོས་ལ་སོགས་པའི་རྣལ་འབྱོར་ཐམས་ཅད་འདིས་བྱ། འཆི་བའི་ཚེ་ཡང་གཞན་གྱི་སྐྱེ་ཤིའི་སྡུག་བསྔལ་ཐམས་ཅད་ལ་སྨིན་པར་གྱུར་ཅིག་པར་བློ་སྦྱོང་། འཛོམ་མ་འཛོམ་ལ་སོགས་པའི་ཡིད་ལ་བྱེད་པ་ཐམས་ཅད་སྤངས་ལ། འདི་ཁོ་ན་ཉམས་སུ་བླང་ངོ༌།། ཡང་གཏོ་ལོག་མི་བྱ། ཅེས་པ་ནི། ནད་པ་ཀུན་ཤི་ཡིས་དོགས་ནས་གླུད་གཏོར། གཏོ་བྱེད་པ་དེ་མི་འཆིར་རེ་ནས་བྱེད་པ་ཡིན། དེ་བཞིན་དུ་ཆོས་སྤྱིའི་དབང་དུ་བྱས་ན། གཞན་གྱི་སྡུག་བསྔལ་བླངས་པས་རང་ལ་བདེ་བ་ཡོང་དུ་རེ་བ་དང་། རང་གི་བདེ་བ་སེམས་ཅན་ལ་བཏང་བས་ཆུང་དུ་བཏང་བས་མང་པོ་རེ་བ་སྟེ། དེ་ལྟར་ན་ཤ་པོ་བ་ནི་རང་ཆོས་པར་སྟོན་པས་ཆོས་བྱེད་པ་བཟང་པོ་ཀུན་ཇ་སུན་གྱི་སེན་བག་རེ་བཏང་ནས་ངེད་ཅག་གྲོགས་པོ་ཡིན་ཟེར་བ་དང་། གནས་གཞི་ཁ་དྲག་པོ་ལ་འཇུ་བ་དང༌། ལྐོག་ཏུ་ཡོན་བདག་རེ་ལ་བུན་སྐྱེད་འཚོལ་བ་དང༌། ཨ་ཏི་ཐུམ་ཐུམ་བག་རེ་བཟློ་བར་བཞི་པོ་དེའི་གསེབ་ནས་ཆོས་པའི་ཡང་རྩེ་རེ་བ་སྟེ། བ་སྟོར་རེ་དང་ཆུས་ཁྱེར་རོ་ལྟ་བུ་ལ་གཅིག་ཡོད་ཅེས་འདིར་སངས་རྒྱས་ཀྱི་མཚན་ཉིད་དང༌། དེ་ཇི་ཙམ་དུ་གལ་ཆེ་བ་དང༌། དེའི་རྒྱུའི་གཙོ་བོ་གང་ཡིན་པ་དཔྱད་ནས་གནད་ཀྱིས་ཕུལ་ཏེ་བསྒོམ་པ་ཅིག་དགོས། དེ་ལྟ་མ་ཡིན་ན་གནུབས་ད་ལང་སྐྲ་འཛོམ་པས་ངན་པ་ཡང་དག་པ་འདི་རིག་པའི་གནས་ཀྱི་འཚོལ་ལུགས་སམ། ངས་ཅང་མ་བྱས་པར་འདི་ཙམ་པ་བྱུང་བ་ཡིན་བྱས་པས་ཨང་འོ་ན་འོ་སྐོལ་དཔོན་གཡོག་རྒྱག་པ་ཅིག་པར་བྱུང་གསུངས་པ་ལྟར་ཐོས་བསམ་སྒོམ་གསུམ་བྱས་པ་དང༌། བུམ་ཆོག་དང་བླ་ཁེ་བྱས་པ་ཐམས་ཅད་རྒྱག་པོ་ཅིག་པར་སོང་ན་རླུང་གི་ཁྱེར་བ་ཡིན་པས་ཅི་བྱེད་ཚེ་འདི་དང་། རང་གི་བདག་འཛིན་ལ་མ་འཁྲིས་པ་ཅིག་བྱེད་པའོ།། དེ་ལ་འདི་དགོས་པས། གཉིས་པོ་སྲོག་དང་བསྡོ། ཞེས་པ་ནི། སྤྱིའི་དམ་ཚིག་དང་། སྒོས་འདིའི་དམ་ཚིག་གོ །དང་པོ་ནི། སྐྱབས་འགྲོ་ལ་སོགས་པ་ཁས་བླངས་པ་དང༌། བླ་མའི་དམ་ཚིག་རྣམས་དང་འགལ་བ་སྲོག་དང་བསྡོས་ནས་མ་བྱེད་པའོ། །གཉིས་པ་འབན་ཆོས་པ་བཞིན་དུ་ལྟུང་བ་གླེང་རེས་ཀྱི་མདུང་ཁ་བྱེད་པ་དང༌། ལུས་ངག་ཏུ་བདག་གཞན་བརྗེ་ལོ་བྱེད་པ་ནི། འདི་ནས་བཤད་པའི། ཡན་ལག་ཉམས་པ་བརྗོད་མི་བྱ། །ཅེས་པ་ལ་སོགས་པ་དང་། འདུན་པ་བསྒྱུར་ལ་རང་སོར་བཞག །ཅེས་པ་ལ་སོགས་པ་དང་། འགལ་བས་འདིའི་དམ་ཚིག་དང་འགལ་བ་སྟེ། ལྟུང་བ་གླེང་བ་ནི། སྐྱོན་ཁོ་ན་ལ་རྟོགས་པས་བློ་སྦྱོང་ཡོང་མི་སྲིད། ལུས་ངག་ཏུ་སྐྱབས་འགྲོ་ལ་སོགས་པ་ཁས་བླངས་པ་རྣམས་གྲ་མ་ཆག ཟུར་མ་ཉམས་པར་ཉམས་སུ་བླང་དགོས་པ་ཡིན་གསུངས། དེ་ལ་འདི་དགོས་པས། རྟོག་དཔྱོད་གཉིས་ཀྱིས་ཐར་བྱ། ཅེས་པ་ནི། རང་རྒྱུད་ལ་ཉོན་མོངས་པ་གང་ཆེ་བརྟགས་ནས་དེའི་གཉེན་པོ་སྒོས་སུ་ བསྟེན་ནས་སྤང་པ་དྲག་པོ་བྱ། ཡང་ཁོང་གི་ལན་ཟེར་བའི་འདས་པའི་ཉེས་པ་དང་། མ་འོངས་པ་ནི་འདི་འདྲ་བྱུང་ན་གཉེན་པོ་འདི་བཞིན་བསྟེན། སྙམ་དུ་གོ་ཆ་གྱོན་ཞིང་སྤྱོད་པ་སྟེ། འདས་པའི་དབང་དུ་བྱས་ནས་ན་ཚ་དང་དགྲ་འདྲེའི་གནོད་པ་དང་། བྲང་ཟླ་མ་རྙེད་པ་དང་། ཁ་གྲང་ཟེར་བ་དང་། རྐུན་མ་དང༌། བརྡུང་རྡེག་ལ་སོགས་པ་གནོད་པ་ཅི་བྱུང་བ་ཐམས་ཅད་ཚེ་ཐོགས་མ་མེད་པ་ནས་ཀྱི་བུ་ལོན་དང་ལན་ཆགས་དང་ཤ་འཁོན་ཅི་ཡོད་པ་ཐམས་ཅད་དེས་བྱང་བར་གྱུར་ཅིག་པར་བློ་སྦྱོང་། མ་འོངས་པ་ལ་དོ་ནུབ་སྲིད་དམ། ཐོ་རངས་ནས་བཟུང་ནས་ཁྱལ་ཁྱོད་དེར་གཏོང་ན། ང་འདིར་ཆ་ཟེར་བ་ལྟར་ང་ལ་སྐུར་བ་འདེབས་པ་དང་། རྐུན་མ་འཛུགས་པ་དང་། འདི་ནས་བཏོན་ནས་གཏོང་བ་དང་། ནད་དྲག་པོ་ལ་སོགས་པ་འདི་ལྟ་བུ་བྱུང་ན་བདག་གཞན་བརྗེ་བའི་བྱང་ཆུབ་ཀྱི་སེམས་འདི་བཞིན་དུ་བསྒོམ་སྙམ་དུ་གོ་ཆ་གྱོན་པ་སྟེ། པོ་ཏོ་བ་རང་ཅག་ལ་བཙོང་མོ་ཅིག་གི་བུ་ཆུང་སྐྱེལ་དུ་བྱུང་ནས་ཞེས་པ་ལ་སྤྱན་སྔ་པ་ནི་མི་དགའ་བར་འདུག་ཅེས་དང་། ཕུ་ཆུང་བ་ང་ནི་འཆི་བ་བས་གསོ་བར་འདུག་ཅེས་པ་ལྟར། འདས་མ་འོངས་གཉིས་ལ་སྦྱར་ནས་བསྒོམ་རྟོགས་དཔྱོད་གཉིས་ཀྱི་ཐར་གྱིས་བདག་འཛིན་གྱི་འཁྲིས་གནོན་པར་བྱའོ། །པའོ། །དེ་ཡང་དུས་གཅིག་ཏུ་ཡོང་བ་ཅིག་དགོས་པས། དོལ་ཆོད་དུ་སྦྱང་། ཞེས་བྱ་བ་ནི། གཏར་ཀའི་རྩ་རྦད་ཆོད་བྱེད་པ་དོལ་ཆོད་ཟེར་བ་ལྟར་ཉོན་མོངས་པ་སྐྱེ་མ་ཐག་ཏུ་ཚམ་ཚོམ་དང་། ནེམ་ནུར་མེད་པར་གཉེན་པོས་འབུར་འཇོམས་བྱེད་པའོ།། དེ་ལ་ཡང་རང་དོན་དང་མ་འདྲེས་པ་གཅིག་དགོས་པས། དུག་ཅན་གྱི་ཟས་སྤང་། ཞེས་བྱ་བ་ནི། ཟས་བཟང་པོས་ལུས་བརྟས་པར་བྱེད་ཀྱང་དུག་དང་འདྲེས་ན་འཆི་བ་ལྟར། བྱང་ཆུབ་ཀྱི་སེམས་ལས་སངས་རྒྱས་འབྱུང་ཡང་། དངོས་འཛིན་དང་འདྲེས་ན་འཁོར་བའི་སྡུག་བསྔལ་སྐྱེད་པས་དུག་ཅན་གྱི་ཟས་དང་འདྲའོ། །ཡང་ཕྱི་མ་ལྷ་མིའི་བདེ་བ་དང༌། ཉན་རང་གི་ཐར་པའི་བདེ་བ་ཐམས་ཅད་བློ་སྦྱོང་གི་དུག་ཡིན་པས་སྤང་བར་བྱའོ།། ཡང་བདེ་བ་འདོད་པས་གཞན་ལ་ངན་སེམས་བྱར་མི་རུང་བ་ཉིད། སྐྱིད་ཀྱི་ཡན་ལག་ཏུ་སྡུག་མ་འཚོལ། །ཞེས་བྱ་བ་ནི། དགྲ་ཤི་ན་རང་ལ་གནོད་པ་བྱེད་པ་མེད་པ་དང༌། ཉེ་འབྲེལ་ཤི་ན་དེའི་ནོར་བདག་ལ་ཡོང་དུ་རེ་བ་དང་། སྒོམ་ཆེན་གྲོགས་པོ་ཤི་ན་ཡུལ་དེར་རང་ལ་བསོད་ནམས་ཡོང་དུ་རེ་ཐམས་བ་ལ་སོགས་པ་དང༌། ཁྱིམ་པ་དང་ཐུན་མོང་མའི་སོ་ནམ་རྣམ་བཞི་ལས་སྐྱིད་པ་རེ་བ་དང་། དེ་ཐམ ཅད་སྐྱིད་པ་འདོད་པས་སྡུག་བསྔལ་འཚོལ་བ་ཡིན། གླང་རི་ཐང་བའི་བླ་སྨན་ཇོ་བཙུན་རིན་བྱང་དཔོན་གཡོག་ལ་ཡོན་བདག་ཀུན་གྱི་ཞོ་བསྐུལ་ནས་སྐྱིད་པ་ལ་སྡུག་བཙལ་ཏེ། དེ་བས་ཀྱང་འཛོམ་པ་གཅིག་པ་བཞེད་ནས་མཛོ་མོ་གཅིག་སྲོལ་བས་ཞོ་ལ་སོགས་པ་སྐྱེལ་པའི་འཕྲོ་ཆད། དབྱར་མཛོ་ཞིང་གསེབ་ཏུ་སོང་ཞིང་ཉེ་གནས་པ་སྦྱོང་ལོ། །དེ་ལྟ་བུ་ལ་སོགས་པ་སྐྱིད་ཀྱི་ཡན་ལག་ཏུ་སྡུག་བསྔལ་འཚོལ་བ་མང་པོ་ཡོད་པ་རྣམས་སྤང་ལ། སེམས་ཅན་ཐམས་ཅད་བདེ་ན་དགའ། །སྐྱིད་ན་དགའ་བ་ལ་བསམ་པ་བཟང་ཟེར་བ་ཡིན་པས་དེ་ལྟར་བྱ་གསུངས། དེ་རྣམས་ཀྱི་ཐབས་ཀུན་རྫོབ་བྱང་ཆུབ་ཀྱི་སེམས་བསྒོམ་པ་བསྟན་ནས། ད་ནི་ཤེས་རབ་ཀྱི་ཆ་དོན་དམ་བྱང་ཆུབ་ཀྱི་སེམས་བསྒོམ་པ་བསྡུས་ཏེ་བསྟན་པ་ནི། བརྟན་པ་ཐོབ་ནས་གསང་བ་བསྟན། །ཞེས་པ་ནི། དོན་དམ་པའི་བྱང་ཆུབ་ཀྱི་སེམས་ཉམས་སུ་བླང་བར་བསྟན་པ་འདི་ལ་སྦྱོར་བ་དང་། དངོས་གཞི་དང༌། རྗེས་གསུམ་དུ་གནས་པ་ལས། དང་པོ་ནི། དཀོན་མཆོག་གི་མཆོད་ཁང་དུ་ལྷ་དང་བླ་མ་ལ་མཆོད་པ་ཕུལ་ལ་གསོལ་བ་བཏབ་ལ། བསམ་གཏན་གྱི་ཁང་པར་སྟན་བདེ་བ་ལ་སྐྱིལ་ཀྲུང་གིས་འདུག་ཏེ། དབུགས་ཉི་ཤུ་རྩ་གཅིག་བགྲང་ངོ༌། །དེ་ནས་ལུས་ངག་ཡིད་གསུམ་བསམ་གཏན་གྱི་སྣོད་དུ་རུང་བར་བྱས་པའོ། །དེ་ནས་ཀུན་རྫོབ་བྱང་ཆུབ་ཀྱི་སེམས་སྔོན་དུ་བཏང་ལ། དངོས་གཞི་ནི། འདི་ཀུན་གཅིག་ཅར་འཇུག་པའི་ལུགས་ཡིན་པས། དངོས་གཞི་བདག་ཐམས་ཅད་ཀྱི་སྟོང་པར་གཅིག་ཅར་བསྒོམ་ཡང་སྦྱོར་བའི་དུས་སུ་སོ་སོར་རྟོགས་པའི་ཤེས་རབ་ཀྱི་རིམ་པར་རྩིས་ལ་གདབ་སྟེ། འདི་ནི་ཞི་གནས་ཀྱི་རླན་གྱིས་རྟོགས་པའི་མྱུ་གུ་སྐྱེ་བའི་དགོས་པ་ཡོད་གསུངས། དེ་ལ་ཐོག་མར་བཟུང་བ་རང་བཞིན་མེད་པར་བསྒོམ་པ་ནི། ཆོས་རྣམས་རྨི་ལམ་ལྟ་བུར་བསམ། །ཞེས་པས་བསྟན་ཏེ། འདི་ལྟར་སྣང་བ་རང་བཞིན་གྱི་ཕྱི་ནང་སྣོད་བཅུད་འདི་ཐམས་ཅད་རང་གི་སེམས་འཁྲུལ་བའི་སྣང་བ་ཙམ་ལས་མ་གཏོགས་པ་སེམས་ལས་ཐ་དད་པའི་དོན་རྡུལ་ཙམ་ཡང་ཡེ་ནས་གྲུབ་པ་མེད། རིག་པས་སྤྱད་ན་རིགས་དོན་བདེན་པ་མེད་པར་སེམས་པ་དང༌། དེ་ནས་འཛིན་པ་རང་བཞིན་མེད་པར་བསྒོམ་པ་ནི། མ་སྐྱེས་རིག་པའི་གཤིས་ལ་སྤྱད། །ཅེས་གསུངས་པས་སེམས་འདི་ཡང་འདས་པ་འགག མ་འོངས་པ་མ་སྐྱེས། ད་ལྟ་བ་ཡང་ཆ་གསུམ་དང་ལྡན་ཞིང་གནས་འདི་ན་གནས་བྱ་བ་དང་། ཁ་དོག་དང་དབྱིབས་དང་བོང་ཚོད་ལ་སོགས་པ་གཤིས་སྤྱིར་མ་གྲུབ་ཅིང་མ་སྐྱེས་པར་བསམ་པ་དང་། དེ་ནས་ཆོས་ཐམས་ཅད་རང་བཞིན་མེད་པར་བསྒོམ་པ་ནི། གཉེན་པོ་ཉིད་ཀྱང་རང་སར་གྲོལ། །ཞེས་པས་ཡུལ་སེམས་ཐམས་ཅད་སྟོང་པ་ཉིད་དུ་དཔྱད་པའི་གཉེན་པོ་བྱེད་པའི་སེམས་འདི་ཉིད་ཀྱང་མ་གྲུབ་པས་ཡུལ་སེམས་གཉིས་སུ་མ་འདུས་པའི་ཤེས་བྱ་མེད་ལ། དེ་གཉིས་རང་བཞིན་མེད་པར་དཔྱད་ཟིན་པའི་ཕྱིར་རོ། །དེ་ལྟར་སྤྱིར་ཡང་མ་གྲུབ་པ་ལ་ཅིར་ཡང་མི་འཛིན་པའི་ངང་ལ་གློད་ལ། རིག་པ་གསལ་ལ་མི་རྟོགས་པ་འདི་བྱིང་རྒོད་ཀྱི་དབང་དུ་མི་བཏང་བར་སོ་མར་བཞག་གོ་ཅེས་སྟོན་པས། ལམ་གྱི་ངོ་བོ་ཀུན་གཞི་ངང་ལ་བཞག །བདུན་པོ་སེམས་བྱུང་རྟོག་པ་ སྣ་ཚོགས་བདུན་པོ་སེམས་བྱུང་རྟོག་པ་ཡིན་པས་རྟོགས་པའི་ཤེས་པ་ཡུལ་ཅན་རང་དག་པར་མི་བཏང་བར་རྟོགས་པ་གང་སྐྱེས་ལ། རིག་པས་བལྟས་ལ་ཆོས་ཉིད་ཀྱི་ངང་དུ་གློད་ལ་ཡིན་པས་སྤང༌། །ཞེས་གསུངས་པ་ཡིན་ནོ། །ཕྱི་རྟོགས་པ་སྐྱེས་ཚད་ཀྱང་རིག་པས་རིག་པ་ལ་ལྟས་ལ་ཆོས་ཉིད་ཀྱི་ངང་དུ་གློད་ཅིང་གྲོལ་བར་ ཆོས་ཐམས་ཅད་ཀྱི་རྩ་བའི་གཞི་སྨྲ་བསམ་བརྗོད་དུ་མེད་ཅིང་སྤྲོས་པ་དང་བྲལ་བས་གཞི་མ་ཇི་ལྟར་གནས་པ་བཞིན་དུ་སྤངས། དེ་ལྟར་བཞག་ཅིང་ཉམས་སུ་བླང་པར་བྱའོ། །དེ་ཡང་ཐུན་ཆུང་ལ་གྲངས་མང་བ་སྟེ། ཐུན་ཞབས་བསྡུ་བ་དང་བཅས་ཤིང་བཟང་གྱེས་བྱེད་པ་ཆོག་ཡིན་ནོ། །ཞེས་པ་ལྟར་རོ།། རྗེས་ལ་བྱ་བ། ཐུན་མཚམས་སྒྱུ་མའི་སྐྱེས་བུར་བསམ། །ཞེས་གསུངས་པ་ཡིན་ནོ། །ཕུང་པོ་ལྔ་དབང་པོ་དྲུག་སྤྱོད་ལམ་རྣམ་བཞི་ཐམས་ཅད་རྟེན་འབྲེལ་ཚོགས་པའི་སྣང་བ་སྒྱུ་མ་ལྟ་བུར་ཤེས་པར་བྱས་ནས་བདེན་འཛིན་དང་ཆགས་སྡང་ལ་སོགས་པའི་རྗེས་སུ་མི་འབྲང་བར་མ་རྟོགས་པའི་འགྲོ་བ་ལ་སྙིང་རྗེ་སྐྱེ་ཞིང་མཉམ་བཞག་གི་ཉམས་མ་དོར་བས་ཟུང་འཇུག་ཆེན་པོའི་ངང་ལ་གནས་པར་བྱའོ། །དེ་ལྟར་བསྒྲུབ་པ་ཐམས་ཅད་ཀྱང་། །དངོས་འཛིན་ཞེན་པས་མ་སླད་པར། །མཁའ་བཞིན་ཡེ་སྟོང་ཆེན་པོར་དགྱེར། །འཆི་མེད་བདེ་ཆེན་ངང་དུ་འགྲོ །ཞེས་གསུངས་པ་ཡིན་ནོ།། དུས་གསུམ་རྒྱལ་བ་སྲས་བཅས་ཀུན་གྱི་ལམ། །ཐེག་ཆེན་སྡེ་སྣོད་མ་ལུས་ཀུན་གྱི་བཅུད། །བླ་མ་རྣམས་ཀྱི་ཐུགས་དམ་ཀུན་གྱི་གཙོ། །བློ་སྦྱོང་གདམས་པ་ཟབ་མོ་འདི་ཡིན་ནོ། །རྣམ་དབྱེ་མ་ལུས་གཅིག་ཏུ་བསྡུ་ཕྱིར་དང༌། །རྣམ་དབྱེའི་བྱེ་བྲག་ཁྱད་པར་རྟོགས་ཕྱིར་དང་། །རྣམ་གཉིས་ལ་བརྟེན་གོ་བ་སླ་ཕྱིར་དང༌། །རང་སེམས་དགའ་བ་བསྐྱེད་ཕྱིར་འདི་བྱས་སོ། །རིན་ཆེན་བླ་མས་བླ་མའི་གསུང་ལ་བརྟེན། །རང་གིས་བློས་ཀྱང་ཅུང་ཟད་དོན་ལ་སྦྱོང་། །འབྲེལ་དང་གོ་རིམ་གནད་ཀྱི་གདམས་པ་དང་།། བཅས་པའི་ཚུལ་གྱིས་བློ་སྦྱོང་འདི་བཤད་དོ། །དེ་ལྟར་གྱུར་ལ་འགལ་འཁྲུལ་ཅི་མཆིས་པ། །བླ་མ་བརྒྱུད་པར་བཅས་ལ་བཟོད་པར་གསོལ། །ལ་ལས་མཐོང་སྟེ་མ་དད་སྐྱེས་གྱུར་ན། །རྒྱུ་མཚན་བསྟན་ཕྱིར་དེ་ཡང་བཟོད་པར་གསོལ། །བདག་གིས་འདི་སྦྱར་དགེ་བའི་མེ་ཏོག་ལ། །འགྲོ་དྲུག་བུང་བའི་ཚོགས་ཀྱིས་ཉེར་བསྟན་ཏེ། །གཞན་དོན་རོ་གཅིག་སྦྲང་རྩི་ལེགས་སྤྱད་ནས། །ཆོས་འདི་ནམ་མཁའི་དོན་དུ་བྱེད་པར་ཤོག། འདི་སངས་རྒྱས་བསྒོམ་པའི་ཚོགས་བཤད་ཆེན་མོ་ཡིན་ཞིང༌། སེམས་དཔའ་ཆེན་པོས་མཛད་པའི་བློ་སྦྱོང་གི་ཁྲིད་ཡིག་གི་བཏུས་གཞི་ཡང་འདི་ཡིན་ནོ། །ལུང་མ་ཐོབ། ཛ་ག་ཏཾ། །<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_tshogs_bshad_ma/Full_text&diff=140647 Texts/Blo sbyong tshogs bshad ma/Full text 2026-08-14T05:24:07Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |FullTextTibetan=༄༅། །བློ་སྦྱོང་ཚོགས་བཤད་མ་བཞུགས་སོ།།<br /> སངས་རྒྱས་བསྒོམ་པ་སེངྒེ་སྐྱབས། ༄༅། །ཀུན་མཁྱེན་ཐུགས་ནི་བརྩེ་བའི་དབང་གྱུར་ཅིང་། །གཞན་དོན་རོ་གཅིག་ཐུབ་དབང་སྲས་ཀྱི་གཙོ། །བྱམས་མགོན་ནས་བརྒྱུད་བརྒྱུད་པའི་བླ་མ་ལ། །རབ་དང་དགའ་བའི་ཡིད་ཀྱིས་ཕྱག་འཚལ་ཏེ༑ ༑ཐེག་ཆེན་ལམ་གྱི་རྩ་བ་བྱང་ཆུབ་སེམས། །བདག་གཞན་བརྗེ་བ་བླ་མ་རྣམས་ཀྱི་གསུང་། །བདེ་བའི་འབྱུང་གནས་དགེ་བའི་གཏེར་ཆེན་པོ། །ཁ་འབྱེད་གནད་ཀྱི་གདམས་པ་འདིར་བསྟན་བྱ།། ཡང་དག་པར་རྫོགས་པའི་སངས་རྒྱས་ཀྱིས་གསུངས་པའི་ཆོས་ཀྱི་འཁོར་ལོ་རིམ་པ་གསུམ། གསུང་རབ་ཡན་ལག་བཅུ་གཉིས། སྡེ་སྣོད་རིམ་པ་གསུམ། ཐེག་པ་ཆེ་ཆུང་། ཆེན་པོ་ལ་སྔགས་ཕ་རོལ་ཏུ་ཕྱིན་པ་རྣམས་ཀྱི་ཉིད་ཀྱིས་གཟིགས་པའི་ལམ་ཐུགས་རྗེས་གཞན་ལ་གསུ ངས་པས་ལེགས་པར་གསུངས་པའི་བཀའ་ཡིན་ལ། རྗེ་བཙུན་བྱམས་པ་ལ་སོགས་པས་དེའི་དགོངས་པ་བཀྲལ་བ་ནི་བསྟན་བཅོས་ཡིན་ནོ། །བཀའ་དང་བསྟན་བཅོས་ཐམས་ཅད་ཀྱི་བརྗོད་བྱ་མདོར་བསྡུས་པ་ནི། ང་ཟད་པར་བྱེད་པ་དང༌། གཞན་གཅེས་པར་འཛིན་པ་གཉིས་སུ་འདུས་སོ། །ཐེག་པའི་དབང་དུ་བྱས་ན། དང་པོ་ཉན་རང་གི་ཐེག་པས་བསྡུས་ལ། གཉིས་པས་ཐེག་ཆེན་བསྡུས་སོ།། དེ་ཉམས་སུ་ལེན་པ་ལ་སྔགས་ལ་བརྟེན་པ་དང་། ཕ་རོལ་ཏུ་ཕྱིན་པའི་ལུགས་གཉིས་ལས། ཕྱི་མ་ཉམས་སུ་ལེན་པ་ལ་ཇོ་བོ་ལ་ལུགས་གསུམ་མངའ་སྟེ། དང་པོ་དྷརྨ་རཀྵི་ཏ་ལ་ཞུས། འདི་རྟེན་དགེ་ཚུལ་དུ་བཞུགས། ཐུགས་རྗེ་ཆེ་བས་སྐུ་ཤ་བཅད་ནས་བཏང་། རིག་པའི་གདམས་ངག་སློབ་དཔོན་རྟ་དབྱངས་ཀྱིས་མཛད་པའི་མདོ་སྡེ་རྒྱན་གྱི་རྗེས་སུ་འབྲངས། ལུང་དབྱིག་པ་གསུམ་གྱི་ཕྲེང་བ་ལ་བརྟེན། དེ་གཉིས་ཀ་བོད་དུ་མ་འགྱུར་གསུང༌། འཇུག་ལུགས་བདེན་པ་བཞིའི་སྒོ་ནས་འཇུག ལྟ་བ་ཉན་ཐོས་བྱེ་བྲག་ཏུ་སྨྲ་བ་དང་མཐུན། སྒོམ་ལུགས་དང་པོ་ནས་བདག་གཞན་མཉམ་པ་ནས་བསྒོམ་གསུངས། འདི་ལ་དང་པོའི་བརྒྱུད་པ་མི་གསུང་། གཉིས་པ་འཇམ་དཔལ་ནས་བརྒྱུད། བླ་མ་བྱམས་པའི་རྣལ་འབྱོར་པ་ལ་ཞུས། བྱམས་པ་ཁོ་ན་བསྒོམ་པས་དེ་ལྟར་གྲགས། ཀུ་ས་ལི་ཆུང་བ་ཡིན། ཁྱི་ལ་དབྱུག་པ་རྒྱབ་པའི་རྗེས་བྱུང་བའི་གཏམ་རྒྱུད་ཅན་ཡིན། ལུང་ནམ་མཁའ་སྙིང་པོའི་མདོ་ལ་བརྟེན། རིག་པའི་མན་ངག་བསླབ་བཏུས་ཀྱི་རྗེས་སུ་འབྲངས། འཇུག་ལུགས་མདོ་སྡེ་གཞན་གྱི་སྒོར་འཇུག་པ། ལྟ་བ་ཉན་ཐོས་མདོ་སྡེ་པ་དང་མཐུན། སྒོམ་ལུགས་གོང་དང་འདྲ། གསུམ་པ་བྱམས་པ་ནས་བརྒྱུད། བླ་མ་གསེར་གླིང་པ་ལ་ཞུས། ལུང་དྲི་མ་མེད་པར་གྲགས་པའི་མདོ་ལ་བརྟེན། རིག་པའི་མན་ངག་བྱང་ཆུབ་སེམས་དཔའི་སའི་རྗེས་སུ་འབྲངས།རྀ ལྟ་བ་མུ་སྟེགས་པ་དང་ཡང་ཐུན་མོང་བ། འཇུག་ལུགས་ཕ་རོལ་ཏུ་ཕྱིན་པའི་སྒོར་འཇུག སྒོམ་ལུགས་དང་པོ་ནས་བརྗེ་བ་ནས་བསྒོམ། དེ་ལྟར་བརྒྱུ ད་པའི་ལུགས་གསུམ་ལས། འདི་བྱམས་པ་ནས་བརྒྱུད་པ་སྟེ། བྱམས་པ། ཐོགས་མེད། དབྱིག་གཉེན། བློ་གྲོས་བརྟན་པ་ནས་གསེར་གླིང་པའི་བར་དུ་བརྒྱུད་པའོ། །འདི་ལུང་དྲི་མ་མེད་པར་གྲགས་པའི་མདོ་ལས། འཇིག་ཚོགས་ལ་ལྟ་བ་དེ་བཞིན་གཤེགས་པའི་གདུང་༣ ཞེས་པ་དང༌། འཇིག་ཚོགས་ལ་ལྟ་བ་རི་རབ་དང་མཉམ་པ་བསྐྱེད་ཀྱང་། བྱང་ཆུབ་ཀྱི་སེམས་སྐྱེ་ཞིང་། དེ་ལས་སངས་རྒྱས་ཀྱི་ཆོས་རྣམས་ཀྱང་འབྱུང་ངོ་།&quot; །ཞེས་པ་ལ་སོགས་པ་དང༌། རིག་པ་བྱང་ཆུབ་སེམས་དཔའི་ས་ལས། བྱང་ཆུབ་སེམས་དཔའ་གནས་དབེན་པར་སོང་ནས། བསམ་པ་དག་ཅིང་སྙིང་ཐག་པ་ནས་དྭང་བས་ཀུན་ཏུ་རྟོག་པ་དག་གིས་སྦྱིན་པར་བྱ་བའི་ཆོས་རྣམ་པ་སྣ་ཚོགས་པ་རྒྱ་ཆེན་པོ་དཔག་ཏུ་མེད་པ་དག་ལ་མོས་ཤིང་སེམས་ཅན་ལ་སྦྱིན་པ་དག་སྟོབ་པར་བྱེད་ན། དེས་བྱང་ཆུབ་སེམས་དཔའ་ཚེགས་ཆུང་ངུས་ཚོགས་དཔག་ཏུ་མེད་པ་འཕེལ་བར་འགྱུར་རོ། །དེ་ནི་བྱང་ཆུབ་སེམས་དཔའ་ཤེས་རབ་ཆེན་པོ་དང་ལྡན་པའོ།” །ཞེས་པ་ལ་སོགས་པ་གསུངས་སོ།། གྲུབ་མཐའ་ཕྱི་རོལ་པ་དང་མཐུན་པ་ནི། ཀུན་ཏུ་བཏགས་པའི་བདག་འདོད་པ་མ་ཡིན་ཡང་། ལྷན་ཅིག་སྐྱེས་པའི་བདག་ལ་བརྟེན་ནས་བདག་འཁོར་བར་སྡུག་གི་དོགས་པ་དང་། བདག་གི་མ་དྲིན་ཆེ་བ་ལ་སོགས་པ་ལ་བརྟེན་ནས་བྱམས་པ་ལ་སོགས་པ་སྐྱེ་བས་འཇིག་ཚོགས་ལ་ལྟ་བ་དེ་བཞིན་གཤེགས་པའི་གདུང་ཞེས་པའི་དོན་ཡིན་ནོ། །ཇོ་བོ་བླ་མ་དྲན་གསུངས་ནས་བཤུམས་པའི་རྒྱུ་མཚན་ཡང་། ཁོ་བོའི་སེམས་བཟང་པོ་དུམ་ཙམ་འདི་བླ་མ་དེའི་དྲིན་ཡིན་གསུངས་པ་ལྟར་རོ། །འཇུག་ལུགས་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོར་འཇུག་པ་ནི། དང་པོ་བདག་གཞན་བརྗེ་བ་ལ་བརྟེན་ནས་ཐབས་ཀྱི་ཆ་གོམས་པར་བྱས་ནས། དེ་བརྟན་པ་ན་ཤེས་རབ་བསྒོམ་པ་སྟེ། ཇོ་བོའི་ལམ་སྒྲོན་ལས། ཐབས་གོམས་དབང་གིས་བདག་ཉིད་ཀྱིས། །གང་གིས་ཤེས་རབ་རྣམ་བསྒོམ་པ། །དེས་ནི་བྱང་ཆུབ་མྱུར་དུ་ཐོབ། །བདག་མེད་གཅིག་པུ་བསྒོམས་པས་མིན།” །ཞེས་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་སྟོབས་ཀྱིས་ཁྲིད་པར་བྱ་བ་ཡིན་གསུངས། འདི་ལ་ཕྱིར་མི་ལྡོག་པའི་རྟགས་སྦྱོར་ལམ་ནས་ཡོང་གསུངས། འདི་ཇོ་བོས་དགེ་བཤེས་སྟོན་པ་མིན་པ་ལ་མ་གནང་། སྟོན་པས་ཁུ་ལ་སོགས་པ་ལ་འདི་དང་འདི་གནང་ནས། ཁོ་བོ་ལ་འདི་གནང་བ་ཇི་ལྟར་ལགས་ཞུས་པས། ངས་ཁྱོད་མ་ཡིན་པ་ལ་བསྟན་ས་མ་རྙེད་པ་ཡིན་གསུངས་སྐད། དགེ་བཤེས་སྟོན་པས་ཀྱང་པོ་ཏོ་བ་མ་ཡིན་པ་ལ་མ་གནང་། པོ་ཏོ་བས་ཀྱང་། ཤ་ར་བ་དང་། གླང་རི་ཐང་པ་ལས་གཞན་ལ་གནང་བ་མེད། དགེ་བཤེས་ཆེན་པོ་འཆད་ཀ་བ་བྱིས་པ་ནས་ཆོས་ལ་མོས་པས་མི་སྐྱའི་དུས་ནས་ཆོས་མང་དུ་ཞུས། གཉལ་དུ་དགེ་བཤེས་ཆོས་འབར་གྱི་གྲྭ་སར་རབ་ཏུ་བྱུང་ནས་ཆོས་ཀྱང་མང་དུ་གསན། ཡར་ལུངས་སུ་སྙེགས་མཆེད་གཉིས་ལ་མངོན་པ་ཀུན་བཏུས་ཚར་བདུན་ཙམ་གསན། དགེ་བཤེས་སྙེགས་དང་འགྲོགས་ནས། ཡ་གད་པ་ལ་བེའུ་འབུམ་ཚར་གཅིག་ཕྱིས་གཅིག་གསན་ཏེ་འདི་རྩད་མ་གཅད། དེ་ནས་གླང་རི་ཐང་བའི་སློབ་མ་གཉལ་བ་ཡོན་ཏན་ཤེས་རབ་ལ། ཁྱེད་ཀྱི་དགེ་བཤེས་ལ་ཡོན་ཏན་ཇི་འདྲ་ཡོད་དྲིས་པས། བློ་སྦྱོང་ཡོད་པར་ཐོས། ཁོ་རང་སློབ་མ་ཡིན་ཡང་འདི་མི་བཞུ གས་པར་གདའ། དེར་ཉང་ལྕགས་ཤིང་བ་ལ་གླང་རི་ཐང་བའི་ལུགས་ཀྱི་ཚིག་བརྒྱད་པོ་དེ་གསན། བཀའ་གདམས་པ་ལ་དད་པའི་རྒྱུ་ཡང་དེས་བྱས་གསུངས། དེ་ནས་དོལ་པ་དང་ལུང་སྨད་པ་དང་མཇལ་ནས་དེར་ལོ་བཞི་བཞུགས། དགུང་ལོ་སུམ་ཅུ་བཞེས་ཀྱི་བར་ལ་བསྟེན། དེ་ནས་གྲའི་སོ་ཐང་པ་དེའི་ཞལ་ནས། ངའི་མཆོད་གནས་བྱ་གསུངས་པ་ལ་སྔར་གྱི་ཚིག་བརྒྱད་པོ་དེ་གསན་པས་བཀའ་གདམས་པ་ལ་མོས་པས་མཆི་བར་ཞུས། དེར་ཁོང་གིས་གཏོར་མ་གཅིག་མཛད་ནས། ད་ཁྱེད་མནར་མེད་ཀྱི་མེ་གསེབ་ཏུ་བསྲེག་ཀྱང་བར་ཆད་མེད་པར་བླ་མ་གཅིག་དང་མ་མཇལ་ན། ང་ལ་བྱིན་རླབས་མེད་པ་ཡིན་གྱི་གསུངས། དེ་ནས་སུམ་ཅུ་སོ་གཅིག་གི་ལོ་ལ་དབུ་རུར་བྱོན། གླང་ཐང་པ་ལ་དད་དེ་འདས། ཁོང་གི་ཤུལ་ན་རྒྱུད་སུ་མཐོ་བྲིས་པས། མཉན་མཐོ་ཟེར། དེར་གླང་ཐང་དུ་བཞུད་པར་བཞེད་ནས། གཡོག་པོ་གསུམ་སྔོན་ལ་དཔེ་ཆ་སྐྱེལ་དུ་བཏང་བས། གཉན་དང༌། བ་ཝ་འདུལ་བ་འཛིན་པ་དང་། མདོ་སྡེ་དང་གསུམ། གླང་ཐང་འཛིན་པ་ལ་མ་མཐུན་པར་འདུག་ཟེར་ནས་ལོག་ནས་བྱུང༌། འོ་ན་མི་འོང་བར་འདུག ཁྱེད་གསུམ་བཞོར་ཤ་ར་བ་ཅན་དུ་སོང་། ང་ཞང་བྲག་དམར་བ་ཅན་དུ་ལྟར་འགྲོ་གསུང་ནས་འབྲོམ་པ་ནས་གྱེས་ནས་སེར་བ་ཁར་བྱོན། སེར་ཐོག་པའི་གཉེར་བ་ལ་སྣམ་བུ་གཅིག་བཙོངས་ཏེ། དགུན་ཟླ་བ་གཉིས་དེར་བཞུགས། དཔྱིད་འཇོད་མོར་བྱོན། མཚར་སྣར་དགུང་ལོ་བཅུ་གཉིས་བསོད་སྙོམས་མཛད། དེ་ནས་འཇོད་མོ་ཀེ་རུར་འབྱོན་པར་བཞེད་ནས་བྱོན་ཙ་ན། ཤ་ར་བའི་གྲྭ་བ་ལྷོ་གཉལ་བ་ཟོང་ཚོང་བ་མང་པོ་བྱུང༌། ཕྱག་རྟེན་བྱས་ནས་འདི་ཙུག་མཛད་པས་ག་ན་མཆི། གཞོར་གཤེགས་ཟེར་ནས་དྲེའུ་རབ་དགོན་པར་ནས་ཁལ་གཅིག་ཕོག་ནས་དེར་བཞུགས་སུ་བཅུག ཁོང་རྣམས་ཟོང་སྐོར་ལ་སོང་། དེར་ལོག་ནས་གཞོར་བྱོན། དབྱར་དེ་ཉན་ཐོས་ཀྱི་ས་གསུང་ཞིང་འདུག གསན་པས་བྱིངས་ཉོག་གེ་བ་གཅིག་ལས་བློ་འཁུལ་བ་ཁོ་ན་མ་བྱུང་། འདི་ཀུན་གྱི་ཟུར་དང་ཡེ་མ་བྱུང་བས་མེད་སྙམ་ནས་རྒྱགས་སྐྱེལ་བ་གཅིག་ཡོད་པ་ལ་ང་གལ་ཏེ་དོན་གཉེར་དུ་འགྲོ་བས་མ་སྐྱེལ་ཅིག་བྱས། ཆོས་འདི་འདུག་ན་བསྡད། མི་འདུག་ན་འགྲོ་དགོས། ཁྱི་ལུག་བཞིན་ཕུང་པོ་གང་ཁྱེར་བསྡད་པས་མི་ཡོང་དགོངས། ཞུ་བའི་སྐབས་མ་བྱུང་། ཉིན་ཅིག་གྲྭ་བ་རྣམས་སྟོན་མོ་ལ་ཞུགས། དགེ་བཤེས་པ་ཁོ་རང་གིས་བཞེངས་པའི་འབུམ་པ་ལ་བསྐོར་བ་མཛད་ཅིང་བཞུགས་པའི་སར་འཇིགས་སེ་གཅིག་གིས་ཕྱིན་ནས་ཕྱག་བྱས་ཙམ། སེ་གཏིང་ནས་འདིར་བཞུགས་པར་ཞུ་དང༌། ཞུ་རྒྱུ་གཅིག་བདོག་ཞུས་པས། བོ་དྷི་རྩིའི་ཕྲེང་བ་གཅིག་བགྲང་གིན་སྟོན་པ་ལ་གྲོས་མ་ཆོད་པ་ཅི་དོག །དགེ་བཤེས་པོ་ཏོ་བ་ལ་ཐེག་པ་ཆེན་པོ་བློ་སྦྱོང་བྱ་བ་བདོག་སྐད་པ་ཞེས་གླེང་ནས། ཁོ་བོ་དེ་ལ་མོས། ཆོས་ལུགས་འདི་འདྲ་བ་ཡང་གདའ་ན། ཁང་པ་མ་རྙེད་པ་ལ་སོགས་པ་ལ་རེས་ཕན་པར་བྱུང་། རེས་བཏུབ་གྲགས་པ་ཡང་མ་བྱུང་། ལམ་དུ་འགྲོའམ་མི་འགྲོ་ལགས་ཞུས་པས། ཕྲེང་བ་རྡོག་ཅིང་སྟོན་པ་ལ་བཏུབ་མ་བཏུབ་ཀྱི་ལམ་ན་མེད། སངས་རྒྱས་མི་འདོད་ན་མི་འདོད་འདོད་ཕན་ཆད་ལམ་དེར་མ་ཞུགས་པར་འཚང་རྒྱ་མི་སྲིད་གསུངས། འདི་ཙམ་པས་ཆོག་གསུངས་ཚོད་ཀྱི་ནང་ན་ཉམས་མྱོང་ཁྱད་པར་ཅན་ཡོད་ངེས་སྙམ་པ་ཅིག་བྱུང་གསུངས། འོ་ན་ལུང་ཆོས་པ་ལ་ལུང་དགོས་ན་བདོག་གམ་ཞུས་པས། སྤྱོད་འཇུག་གི འགྲོ་བའི་སྡུག་བསྔལ་གང་ཅིའང་རུང་།” །ཞེས་པ་དེ་ཡོང་ངམ་སྙམ་ཙ་ན། སློབ་དཔོན་ཀླུ་སྒྲུབ་ལ་ཚད་མར་མི་བྱེད་པ་སུ་བདོག དེའི་རིན་ཆེན་ཕྲེང་བ་ན་མར་ལ། བདག་ལ་དེ་དག་སྡིག་སྨིན་ཅིང་། །བདག་དགེ་མ་ལུས་དེར་སྨིན་ཤོག་།ཟེར་བ་གདའ་གསུངས། དེར་ཕྱག་གསུམ་འཚལ་ཡོང་། རིན་ཆེན་ཕྲེང་བ་ཡོད་དམ་དྲིས་པས་ཡོད་ཟེར། ཞལ་ཕྱེ་ལྟས་པས་འདུག་སྟེ། སྔར་ཨེན་རེས་ལྟས་པ་ལ་མ་ཟིན་པར་འདུག་གསུང་སྐད། དེར་དགའ་ནས་རྒྱགས་སྐྱོལ་ཅིག་བྱས་ནས་གཞོར་ལོ་གཉིས་ཙམ། དགེ་གོང་དུ་ལོ་དྲུག་ཙམ་ལོ་ངོ་དགུ་འདི་ཤ་སྟག་རྩད་གཅད། གཞན་རྣམས་སྨ་ར་སྐེ་ལ་ཟོངས་འདོགས་” ཟེར་བ་བཞིན་དུ་བྱས་གསུང་སྐད། ཤར་བར་འཕོས་ནས་སྒང་མ་སི་ཐོག་ཏུ་སོང་གསུངས། དེ་ཙམ་གཅིག་བཞུགས་ཀྱང་ལྐོག་ཏུ་རྩད་གཅོད་པ་ལས་ཚོགས་སུ་ས་བོན་གཅིག་ཡོད་པའི་སར་བཏུབ་ན་དེ་ཙུག་ཀྱང་མཛོད་ཨང་གསུང་བ་ཟུར་ས་གཅིག་ལས་མ་བྱུང་། དེ་ཡང་འཕྲིག་ཡོད་པས་གོ་རུང་།༡༠ གཞན་གྱི་དེ་ཡང་མི་གོ་བ་གཅིག་ལས་མ་བྱུང་སྟེ། དེས་ཐུགས་ཆུང་ཡང་དཀྱེལ་༡༡ ཆེ་གྲགས། གྲྭ་བ་ཉིས་སྟོང་བརྒྱད་བརྒྱ་ཙམ་རེ་དུས་རེ་ལ་འཚོགས་པ་ལ། སློབ་དཔོན་གཅིག་པུ་ལས་གཞན་ལ་འཕྲིག་ཚད་མ་བྱུང༌། སྟབས་ཀ་བ་ཙམ་ལ་ཡང་སྤྱོད་ཡུལ་ཡོངས་སུ་དག་པའི་མདོ་ལ་བརྟེན་པ་གཅིག་ལས་མ་གནང་བར་འདུག་གསུངས། དེ་བས་མང་བ་གཅིག་ལ་གནང་ན་ཕན་ཆེ་བ་གཅིག་ཡོང་བར་འདུག་པ་ལ་གསུང་སྐད། དེ་ནས་འཆད་ཀ་བ་ཁོང་དག་ལ་ཡང་དང་པོ་སུས་ཀྱང་རྩད་མ་ཆོད། ཕྱིས་མཛེ་བོ་ཁ་ཡར་ལ་གནང་བ་ལ་དག་སྣང་ཆེ་ཆེ་ཁ་ཡར་གྱི་ཚོར་ནས་གཅིག་གིས་གཅིག་སྐྲུན་ཅིང་ཞུས་པས། མིང་མཛེ་ཆོས་སུ་གྲགས། བྱིན་གྱིས་སྐྱོར་ལུང་ན་བཞུགས་པའི་དུས་སུ་གཅུང་པོ་དང་། འབལ་པོ་ཆེས་ཞབས་ཏོག་བྱས་ནས་མཛེ་མོ་རྐང་ལག་ཆད་པ་གཅིག་ཁུར་ནས་བཟའ་བྱིན་ཆོས་གསུངས་པ་དང༌། ལྷ་སྡིངས་སུ་ཐོས་པ་དཀའ་དང༌། གཉིས་པོ་དེ་ལ་ཅམ་ཚེ་སྐོན། སྐུ་རྒྱབ་ཏུ་བཞག་ནས་མཛད་པ་དང་། ཡང་མཛེ་ཕོ་གསོས་ཕམ་ཕབས་དང་གདམས་ངག་གནང་བས་མཛེ་ཆོས་ཟེར། ཕྱིས་འདྲིས་སུ་བྱོན་ནས་འདི་ཚོགས་སུ་གསུངས་པའི་ཆོས་མིན། བཏུབ་པ་ཁ་ཡར་ལ་ལྐོག་ཏུ་ཁྲིད་པ་ཡིན་ཏེ། སུ་ལ་ཡོང་བ་དང་སུ་ལ་མི་ཡོང་ཡང་མི་ཤེས་པར་འདུག ལྐོག་ཏུ་ཁྲིད་པས་མི་ལང་བར་འདུག་པས། ད་ཐམས་ཅད་ལ་ཚོགས་སུ་བྱེད་པ་ཡིན་ནོ་གསུངས་ནས་ཚོགས་སུ་གསུངས་བ་ཡིན། དེས་ན་འདི་ཐམས་ཅད་ལ་མེད་པའི་ཐེག་པ་ཆེན་པོ་ཐུན་མོང་མ་ཡིན་པའི་ལམ་ཡིན། ཆོས་གཅིག་ལ་འདི་ལས་ཟབ་པ་དང་རྒྱ་ཆེ་བ་མེད། དགེ་བཤེས་ཆེན་པོ་འཆད་ཀ་བས་ཀྱང་ཤ་ར་བ་ལ་འདི་རྩད་མ་ཆོད་ཀྱི་རིང་ལ་བླ་མ་བརྒྱད་ཅུ ར་ཉེ་ཙམ་བསྟེན། ཇི་ཙམ་པའི་ཆོས་དང་གདམས་ངག་ཐོབ་ཀྱང་སངས་རྒྱས་སྒྲུབ་པ་ལ་ད་དུང་འདི་ཙུག་མིན་པ་ཅིག་ག་ཤེས་ན་ཡོད་དེ་ཡོད་དམ་སྙམ་པ་ལས། ཁོ་ཐག་ཆོད་པ་གཅིག་མ་བྱུང་བ་ལ། ཤ་ར་བ་ལ་འདི་རྩད་ཆོད་པ་དང་། ད་ཡོང་འདི་ལས་ལྷག་པ་གང་ན་ཡང་མེད་སྙམ་ནས་ཐག་ཆོད། འགྲམ་ཆུ་མི་ལྡང་། ཉན་སྙིང་མི་འདོད་པ། ལྷོད་པ་གཅིག་བྱུང་གསུངས་སྐད། འདི་བྱུང་ན་མིས་ལྟས་ན་ཐ་མལ་བ་འདྲ་བ་ལ། རང་ཅི་བྱེད་ཐམས་ཅད་མཁྱེན་པའི་རྒྱུ་འབའ་ཞིག་ཏུ་འགྲོ་བ་ཅིག་ཡོང་། དེ་ཡང་རླབས་ཅན་ཤ་སྟག་ཏུ་འགྲོ་བ་ཅིག་ཡོང་། འདི་ཤ་སྟག་ཏུ་ཐུགས་དམ་དུ་མཛད་པས་འདའ་དཀའ་ཙམ་ན་ཡང་འཇིག་རྟེན་ན་སྒྲ་གཅིག་ཐོས་པ་ལ་བློ་སྦྱོང་གི་སྒྲ་ལས་སྙན་པ་མེད་པས། ཁྱེད་ཀྱིས་ངའི་རྣ་བར་སྒྲོགས་ཞེས་པ་དང་། བྱིས་པ་བརྡའ་ཕྲད་ནས་གཞན་གྱི་སྡུག་བསྔལ་ལེན་པ་ལ་གད་ངམ་མེ། དགའ་ཡལ་ལེ་གཅིག་ཡིན་པ་ལ། ད་རེས་ནི་འདོད་པ་ཙུག་མ་བྱུང༌། བདེ་བ་ཅན་གྱི་སྣང་བ་ཅིག་ཁོ་ན་བྱུང་གསུངས་ནས་ཐམས་ཅད་ཀྱི་སྡུག་བསྔལ་ཁོང་ལ་སྤུངས་པར་བཞེད་པ་དང་། གཅུང་པོས་སྐུ་ཁམས་ཞན་པར་གདའ་བས་ཐུགས་དམ་མཛོད་ཅིག་ཅེས་ཞུས་པས། བློ་སྦྱོང་གི་ཚིག་ཁ་ཡར་གསུ ངས་ནས་སྐུ་ཁམས་ཞན་ཡང་དེ་ལྟ་བུ་མིན་པ་ཚམ་ཚོམ་གྱིས་ཆོད་པར་མ་མཐོང་གསུངས་སྐད། དེས་ན་འདི་ཐུགས་དམ་གྱི་མཐིལ་ཕྱུང་བའོ།། དགེ་བའི་བཤེས་གཉེན་སྤྱིལ་བུས་ཀྱང་དང་པོ་གྱེན་གྱི་ལྷ་སྡིངས་སུ་སླེབས། འདི་ཡང་དང་པོ་དེར་གསན་ནས་ལོ་ཉི་ཤུ་རྩ་བཞི་བསྟེན། དེའི་བར་ལ་འདི་ཤ་སྟག་དྲིས་པ་འདྲ་བ་ཅིག་བྱས། ཐུགས་དམ་ཡང་དང་པོ་འདི་ཤ་སྟག་མཛད་པས་ཡེངས་པ་ལ་སོགས་པ་ཅི་བྱུང་ཡང་གནོད་པ་མི་མངའ། སྤྱིལ་བུ་ཡང་མཆོད་ཁང་རང་ཡང་མེད་པར་འདི་ཤ་སྟག་སྦྱང་སྙམ་པ་ཡིན་པ་ལ་གསུངས། རྟོག་པ་ཡང་ཚིག་གི་བགྲང་པའི་༡༢ སྐབས་སུ་སྐྱེས་པ་ཡིན་གསུངས་སྐད། ཕྱིས་ཚོགས་བསྡུས་ནས་ཀྱང་འཆད་ཀ་དང་ལྷ་སྡིངས་པ་ལ་སོགས་པར་མང་དུ་གསུངས། ཕྱིས་གྱེན་ན་བཞུགས་པའི་དུས་ན་སྤྱིལ་དུ་འཕོ་དཀར་དགེ་སྦྱོང་སྐྱེའུ་ཆུང་ན་རེ། དགེ་བཤེས་ཆེན་པོའི་སློབ་མ་མང་པོ་ཅིག་བྱོན་པ་ལ་སྐུ་ཚེ་ཐུང་བར་བྱུང་། དེ་ཅིས་ངའི་བསམ་པ་ལ་སྔགས་ཕར་ཕྱིན་གཉིས་ལ་བློ་སྦྱོང་འདི་ལས་ཟབ་པ་མི་འདུག་པ་ལ། དེ་ལན་ན། ཚོགས་བཤད་བྱས་པས་ལན་སྙམ་པ་ཅིག་བྱུང་ཟེར་བས། དགེ་བའི་བཤེས་གཉེན་པའི་ཞལ་ནས། དེ་བདེན། འདི་ལས་ཟབ་པ་མེད་དེ། ཚོགས་སུ་བཤད་པའི་འོས་མིན་ཡང་སློབ་དཔོན་ཁོང་ཐག་རིང་དུ་གཤེགས་པ་དང་། ལྐོག་ཏུ་ཁྲིད་ཀྱི་མ་ལང་བས་ཚོགས་སུ་གསུངས་པས་དེའི་སྲོལ་དུ་སོང་བ་ཡིན་གསུངས། དེ་ནས་སྤྱིལ་གྱི་རིང་ལ་ཡང་སློབ་དཔོན་མཉེས་པ་གཅིག་དང༌། ལྷག་མ་ཞིབ་ཚེགས་བྲེག་གསུམ་པས་ཞུས་པ་གཅིག་དང༌། སྟོན་གྲྭ་བ་ཤུལ་མ་ལའང་དེ་ལས་མ་གནང་། དེ་རྣམས་ལ་ཡང་འདི་ཚོགས་ཀྱི་འོས་མ་ཡིན་ཏེ། ཁོང་མི་ཆེན་གྱི་ངོ་མ་ཕྱོགས་པ་ཡིན། ང་ཚོགས་སུ་འདི་ལས་བཤད་པ་མི་ཡོང་བས་ཁྱེད་རང་ཐམས་ཅད་ནན་ཆགས་གྱིས་ཤིག་གསུངས། དེས་ན་རང་ཅག་ཐམས་ཅད་ཀྱང་གོང་མ་དེ་རྣམས་ཀྱི་རྗེས་སུ་སློབ་ཅིང་། ཅི་བྱེད་ཐམས་ཅད་མཁྱེན་པའི་རྒྱུ་ལས་གཞན་དུ་མི་འགྲོ་བར་འདོད་པས་གདམས་ངག་ཐུན་མོང་མ་ཡིན་པ་འདི་ལ་ངེས་པར་ཐོབ་པར་བྱས་ལ་བློ་སྦྱོང་ངོ༌།། ༈ འོ་ན་འདི་སངས་རྒྱས་གང་གིས་སྦྱོངས་ལུགས་ཡིན། དུས་གང་དུ། ཇི་ལྟར་སྦྱང་སྙམ་ན། སྟོན་པ་ཤཱ ཀྱ་ཐུབ་པའི་སྦྱོང་ལུགས་ཡིན་ཏེ། སྙིང་རྗེ་པད་དཀར་ལས། སྔོན་བསྐལ་པ་གྲངས་མེད་པ་གངྒའི་བྱེ་མ་སྙེད་འདས་པ་ན་བསྐལ་བ་འཛིན་པ་ཆེན་པོ་ཞེས་བྱ་བ་ལས་འཁོར་ལོས་བསྒྱུར་བའི་རྒྱལ་པོ་རྩིབས་ཀྱི་མུ་འཁྱུད་ཞེས་བྱ་བའི། མདུན་ན་འདོན་བྲམ་ཟེ་རྒྱ་མཚོའི་རྡུལ་ཞེས་བྱ་བ་ལ་སྲས་མཚན་དང་ལྡན་པ་རྒྱ་མཚོའི་སྙིང་པོ་ཞེས་བྱ་བ་བྱུང་སྟེ། དེ་སངས་རྒྱས་པའི་མཚན་དེ་བཞིན་གཤེགས་པ་རིན་ཆེན་སྙིང་པོ་ཞེས་བྱ་བའི་དྲུང་དུ། བྲམ་ཟེ་རྒྱ་མཚོའི་རྡུལ་གྱིས་བསྐུལ་ནས་རྒྱལ་པོ་དང༌། རྒྱལ་པོའི་སྲས་སྟོང་དང་། རྒྱལ་པོ་བརྒྱད་ཁྲི་བཞི་སྟོང་དང༌། བྲམ་ཟེའི་བུ་བདེ་གཤེགས་རིན་ཆེན་སྙིང་པོའི་མཆེད་བརྒྱད་ཅུ་དང་། བྲམ་ཟེའི་སློབ་མ་བྱེ་བ་ཕྲག་གཉིས་ཀྱིས་སེམས་བསྐྱེད་པ་ལས་དེ་ཐམས་ཅད་ཀྱིས་ཞིང་དག་པར་སེམས་བསྐྱེད། བྲམ་ཟེ་གཞན་ཐམས་ཅད་ཀྱིས་སྤངས་པའི་སྙིགས་མའི་སེམས་ཅན་ཕ་ལ་ཕར་མི་འཛིན། མ་ལ་མར་མི་འཛིན། དགེ་སྦྱོང་དང་བྲམ་ཟེ་དང༌། རྒན་རབ་ལ་དེ་དག་ཏུ་མི་འཛིན་པའི་འདུལ་དཀའ་བའི་དུས་སུ་སངས་རྒྱས་ནས་འདུལ་བར་ཤོག་༡༣ གཅིག་པའི་སྨོན་ལམ་བཏབ། རམ་པོ་བའི་ཞལ་ནས། སངས་རྒྱས་བྱིན་པོ་སྔངས་པ་ལྟར་བྱས་ནས་བཤུམས་སོ་སྐད། དེས་ན་བཅོམ་ལྡན་འདས་བྲམ་ཟེ་རྒྱ་མཚོའི་རྡུལ་དུ་སྐྱེ་བ་ཞེས་པ་ནས་ཀྱི་སྦྱོང་ལུགས་ཡིན། དེ་ནས་མེའི་ཤིང་རྟ་འདྲེན་པ་དང༌། བྱམས་པའི་སྟོབས་ཀྱི་མཆོད་སྦྱིན་དང༌། སྟག་གི་སྐྱེས་རབས་ལ་སོགས་པ་གང་དུ་སྐྱེས་པ་ཐམས་ཅད་དུ་ཇི་ལྟར་སྦྱངས་པ་མདོ་ན་བཞུགས་པ་ཡིན།༡༤ མགོན་པོ་བྱམས་པ། ཤཱ ཀྱ་ཐུབ་པ་བས་སེམས་བསྐྱེད་པ་བསྐལ་བ་བཞི་བཅུ་རྩ་གཉིས་པས་སྔ་བ་ལ། སྔོན་དུ་ཤཱ ཀྱ་ཐུབ་པ་སངས་རྒྱས་པ་ཡང་བརྩོན་འགྲུས་ཕུན་སུམ་ཚོགས་པས་འདི་ལ་བསླབ་པས་སོ།། དངོས་གཞི་ལུས་ལྟ་བུ། དེ་ལྟ་བུ་ཉམས་སུ་ལེན་པའི་ཚུལ་ནི། དངོས་གཞི་ལུས་ལྟ་བུ་དང༌། དེའི་ཡན་ལག་ལྟ་བུ་གཉིས་སོ། །དང་པོ་ལ་གསུམ་སྟེ། སྦྱོར་བ་དང༌། དངོས་གཞི་དང་། རྗེས་ལ་བློ་སྦྱོང་བའི་ཚུལ་ལོ།། སྔོན་འགྲོ་སྦྱོར་བ། དང་པོ་སྔོན་འགྲོ་དག་ལ་བསླབ། །ཅེས་པ་ནི། དལ་འབྱོར་རྙེད་དཀའ་བ་དང། འཆི་བ་མི་རྟག་པ་དང་། འཁོར་བའི་ཉེས་པ་བསམ་པའོ། །འདི་དག་དོང་འཁྲིད་པ་དེ་ནས་སེམས་པ་ལ་འཇུག་པ། དེ་ནས་སེམས་སྙིང་མི་འདོད་པ། དེ་ནས་ཡེངས་པ་ལ་སོགས་པ་ཐམས་ཅད་དུ་འདི་དག་གིས་ལྕག་གིས་བསྐུལ་ནས་སེམས་པའོ།། དང་པོ་དལ་འབྱོར་རྙེད་དཀའ་བསམ་པ། དལ་འབྱོར་རྙེད་དཀའི་བསམ་པ་ལ། དལ་བ་ལ་མི་ཁོམ་པའི་གནས་བརྒྱད་སྤངས་ནས་ཆོས་བྱར་ཁོམ་པ་ཡིན་ལ། དེ་ལ་མི་ཁོམ་པའི་གནས་བརྒྱད་ནི། ངན་སོང་གསུམ་དང་། ལྷ་ཚེ་རིང་པོ་སྟེ་མི་མ་ཡིན་པའི་འགྲོ་བ་བཞི་དང་། ཡུལ་མཐའ་འཁོབ་པ་དང་། དབང་པོ་མ་ཚང་བ་དང༌། ལོག་ལྟ་ཅན་དང༌། སངས་རྒྱས་མ་བྱོན་པའི་ཞིང་དུ་སྐྱེས་པ་སྟེ། མིའི་འགྲོ་བ་བཞི་སྟེ་བརྒྱད་དོ། །དེ་ལྟར་ཡང་། དམྱལ་བ་ཡི་དྭགས་དུད་འགྲོ་དང༌། །ཚེ་རིང་ལྷ་དང་ཀླ་ཀློ་དང་། །སངས་རྒྱས་འབྱུང་མིན་ལོག་ལྟ་དང༌། །ལྐུག་པ་འདི་དག་མི་ཁོམ་བརྒྱད།༡། །ཅེས་སོ། །འབྱོར་བ་ནི། ཆོས་ཀྱི་མཐུན་རྐྱེན་འབྱོར་བ་སྟེ། རང་འབྱོར་ལྔ་དང༌། གཞན་འབྱོར་ལྔ་ཚང་བའོ། །དེ་ལ་རང་འབྱོར་ལྔ་ནི། མིར་སྐྱེས་པ་དང་། ཡུལ་དབུས་སུ་སྐྱེས་པ་དང༌། དབང་པོ་ཚང་བ་དང་། གནས་ལ་དད་པ་དང༌། ལས་ཀྱི་མཐའ་མ་ལོག་པའོ། །གཞན་འབྱོར་ལྔ་ནི། སངས་རྒྱས་འཇིག་རྟེན་དུ་བྱོན་པ་དང་། དེས་ཆོས་གསུངས་པ་དང༌། བསྟན་པ་གནས་པ་དང༌། བསྟན་པའི་རྗེས་སུ་འཇུག་པ་གཞན་ཡོད་པ་དང༌། ཞུགས་པའི་ཕྱིར་སྙིང་བརྩེ་བའོ། །ཀླུ་སྒྲུབ་ཀྱི་འཁོར་ལོ་བཞིའམ། ཐོགས་མེད་ཀྱི་སྨིན་པ་བརྒྱད་དམ། དབྱིག་གཉེན་གྱི་ཡོན་ཏན་བདུན་ཡང་འབྱོར་བ་ཡིན་ན་ནོནོ དེ་རྙེད་པར་དཀའ་བ་སེམས་པ་ནི། ངོ་བོ་དང་། རྒྱུ་དང༌། དཔེའི་སྒོ་ནས་སེམས་པའོ། །དང་པོ་ནི། འཛམ་བུ་གླིང་གི་མི་བས་ཡོབ་ཕྱེ་རྫིང་གང་ངམ། མཚོ་མཐའ་གཅིག་གི་སྦྲང་མ་མང་བས་སོ། །གཉིས་པ་ནི། རྒྱུ་ཚུལ་ཁྲིམས་རྣམ་པར་དག་པ་ཡིན་ཏེ། དེ་བསྲུང་བ་ཤིན་ཏུ་ཉུང་བས་སོ། །གསུམ་པ་ནི། མེ་ཏོག་གི་ཚོགས་ལ་སོགས་པའི་མདོ་དང་། ཀླུ་སྒྲུབ་ལ་སོགས་པའི་བསྟན་བཅོས་ལས། ཤིང་བུ་ག་ཅིག་པར་རུས་སྦལ་གྱི་མགྲིན་པ་ཆུད་པ་ལ་སོགས་པ་དཔེ་མང་དུ་གསུངས་པ་ཡིན་ཏེ། བཤེས་སྤྲིངས་ལས། རྒྱ་མཚོ་ཆེར་གཡེངས་གཉའ་ཤིང་བུ་ག་དང༌། །རུས་སྦལ་ཕྲད་པ་བས་ཀྱང་དུད་འགྲོ་ལས། །མི་ཉིད་ཆེས་ཐོབ་དཀའ་བས་མི་དབང་གིས། །དམ་ཆོས་སྤྱོད་པས་དེ་འབྲས་མཆིས་པར་མཛོད།༡༦ །ཅེས་དང་། སྤྱོད་འཇུག་ལས། དེ་ཉིད་ཕྱིར་ན་བཅོམ་ལྡན་གྱིས། །རྒྱ་མཚོ་ཆེར་གཡེངས་གཉའ་ཤིང་གི །བུ་གར་རུས་སྦལ་མགྲིན་ཆུད་ལྟར། །མི་ཉིད་ཤིན་ཏུ་ཐོབ་དཀར་གསུངས། །ཞེས་དང་། དེ་བཞིན་གཤེགས་པ་འབྱུང་བ་དང༌། །དད་དང་མི་ལུས་ཐོབ་པ་དང༌། །དགེ་གོམས་རུང་བ་འདི་ལྟ་བུ། །དཀོན་ན་ནམ་ཞིག་ཐོབ་པར་འགྱུར།༡༨ །ཞེས་དང༌། སློབ་སྤྲིངས་ལས། བདེ་གཤེགས་ལམ་སྟོན་འགྲོ་བ་འདྲེན་པར་ཆས་གྱུར་ཅིང༌། །སེམས་ཀྱི་སྟོབས་ཆེན་མི་ཡིས་རྙེད་པ་གང་ཡིན་པའི། །ལམ་དེ་ལྷ་དང་ཀླུ་ཡིས་རྙེད་མིན་ལྷ་མིན་དང། །མཁའ་ལྡིང་དྲི་ཟ་མིའ མ་ཅི་དང་ལྟོ་འཕྱེས་མིན།༡༩ །ཞེས་དང་། སྤྱོད་འཇུག་ལས། དལ་འབྱོར་འདི་ནི་རྙེད་པར་ཤིན་ཏུ་དཀའ། །སྐྱེས་བུའི་དོན་གྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱིས་འདི་ཡང་དག་འབྱོར་བར་ག་ལ་འགྱུར།༢༠ །ཞེས་དང་། སྡོང་པོ་བཀོད་པ་ལས། མི་ཁོམ་པ་བརྒྱད་ལས་ལོག་པའང་རྙེད་པར་དཀའ། མི་འགྱུར་བའང་རྙེད་པར་དཀའ། དལ་བ་ཕུན་སུམ་ཚོགས་པ་མ་ཚང་བ་མེད་པ་ཡང་རྙེད་པར་དཀའ།༢༡ ཞེས་པ་ལ་སོགས་པ་མདོ་བསྟན་བཅོས་དུ་མ་ལས་གསུངས་པ་ལས་རྙེད་པར་དཀའ་བ་འདི་ཐོབ་པའི་དུས་སུ་ཆོས་མ་བྱས་ན་དལ་འབྱོར་ཆུད་གསན་པ་ཡིན་ཏེ། སྤྱོད་འཇུག་ལས། འདི་འདྲའི་དལ་བ་རྙེད་གྱུར་ནས། །བདག་གིས་དགེ་གོམས་མ་བྱས་ན། །འདི་ལས་བསླུས་པ་གཞན་མེད་ཅིང་། །འདི་ལ རྨོངས་པའང་གཞན་མེད་དོ།༢༢ །ཅེས་དང་། གང་ཚེ་དགེ་སྤྱོད་སྐལ་ལྡན་ཡང་། །བདག་གིས་དགེ་བ་མ་སྤྱད་ན། །ངན་སོང་སྡུག་བསྔལ་ཀུན་རྨོངས་པ། །དེ་ཚེ་བདག་གིས་ཅི་བྱར་ཡོད།༢༣ །ཅེས་པ་ལ་སོགས་པ་གསུངས་པས་ཆོས་ལ་འབད་དགོས་ཏེ། སློབ་སྤྲིངས་ལས། མི་ཡི་དངོས་པོ་ཤིན་ཏུ་རྙེད་དཀའ་རྙེད་གྱུར་ནས། །དོན་དུ་བརྣག་པ་གང་ཡིན་དེ་ནི་བསྟུན་ཏེ་བསྒྲུབས།༢༤ །ཅེས་དང། གང་ཞིག་ཐོབ་ནས་སྐྱེ་བའི་རྒྱ་མཚོ་མཐར་འབྱིན་ཅིང་། །བྱང་ཆུབ་མཆོག་གི་ས་བོན་དགེ་བའང་འདེབས་གྱུར་པ། །ཡིད་བཞིན་ནོར་བུ་བས་ཀྱང་ཡོན་ཏན་ལྷག་པ་ཡི། །མི་ཉིད་དེ་ནི་འབྲས་བུ་མེད་པར་སུ་ཞིག་བྱེད། །ཅེས་གསུངས་ཤིང་། ཆོས་ལ་བྱང་ཆུབ་ཀྱི་སེམས་ལས་བཟང་བ་མེད་པས་འདི་བསྒོམ་པ་ལ་འབད་པར་བྱའོ།། གཉིས་པ་འཆི་བ་མི་རྟག་པ་བསམ་པ། གཉིས་པ་འཆི་བ་མི་རྟག་པ་བསམ་པ་ལ་གསུམ་སྟེ། ངེས་པར་འཆི་བ་དང་། ནམ་འཆི་ཆ་མེད་པ་དང་། འཆི་བ་ལ་ཅིས་ཀྱང་མི་ཕན་པའོ། །དང་པོ་ལ་གསུམ་སྟེ། སྔར་སྐྱེས་པ་ལ་མ་ཤི་བ་མེད་པ་དང་། ཚེ་འདུས་བྱས་ཡིན་པ་དང་། སྐད་ཅིག་མ་ཡིན་པས་ངེས་པར་འཆི་བའོ། །དང་པོ་ནི། འདི་ལྟར་སྐྱེ་བ་ཐམས་ཅད་ཀྱི། །མདུན་ན་གནས་པ་འཆི་བ་སྟེ།༢༦ །ཞེས་དང་། མྱང་ངན་ལ་བསལ་བ་བ་ལས། སའམ་འོན་ཏེ་མཐོ་རིས་ན། །སྐྱེས་ནས་ལ་ལ་མི་འཆི་བ། །འགའ་ཞིག་ཁྱོད་ཀྱིས་མཐོང་ངམ་ཅི། །ཐོས་སམ་འོན་ཏེ་ཐེ་ཚོམ་ཟ།༢༧ །ཞེས་དང་། ཅི་སྟེ་སངས་རྒྱས་རྣམས་ཀྱི་སྐུ། །མཚན་དང་དཔེ་བྱད་ཀྱིས་བརྒྱན་པ༑ ༑རྡོ་རྗེའི་སྐུ་ཡང་མི་རྟག་ན། །ཆུ་ཤིང་སྙིང་པོ་འདྲ་བ་ཡི། །ལུས་ཅན་རྣམས་ལ་སྨོས་ཅི་དགོས།༢༨ །ཞེས་པ་ལྟར་རོ།། གཉིས་པ་ཚེ་འདུས་བྱས་ཡིན་པས་ངེས་པར་འཆི་བ་ནི། འདུས་བྱས་བསགས་པའང་སྐད་ཅིག་འཇིག་འགྱུར་ཏེ། །སྐྱེ་ལ་སོགས་པའི་སྡུག་བསྔལ་ཉོན་མོངས་ལྡན།༦༩ །ཞེས་དང་། འདུལ་བ་ལུང་ལས། འདུས་བྱས་རྟག་པར་འགྱུར་བ་ཡི། །གནས་དེ་གང་ནའང་ཡོད་མ་ཡིན། །འདུས་བྱས་ཐམས་ཅད་མི་རྟག་གིས། །མྱ་ངན་མ་བྱེད་ཀུན་དགའ་བོ། ༢༠ །ཞེས་དང༌། ཀྱེ་མ་འདུས་བྱས་རྣམས་མི་རྟག །སྐྱེ་ཞིང་འཇིག་པའི་ཆོས་ཅན་ཡིན། །སྐྱེས་ནས་འཇིག་པར་འགྱུར་བ་སྟེ། །དེ་བས་ཉེ་བར་ཞི་བ་བདེ། ༣༡ །ཞེས་པ་ལྟར་རོ།། གསུམ་པ་ནི། ཚེ་སྐད་ཅིག་མ་ཡིན་པས་ངེས་པར་འཆི་སྟེ། སྤྱོད་འཇུག་ལས། ནད་མེད་ཉི་མ་འདི་ལྟ་བུ། །ཟས་བཅས་འཚེ་བ་མེད་ཀྱང་ནི། །ཚེ་ནི་སྐད་ཅིག་བསླུ་བ་མེད། །ལུས་ནི་ཐང་ཅིག་བརྙན་པོ་ཡིན།༣༢ །ཞེས་དང་། སློབ་སྤྲིངས་ལས། མར་མེ་ཤུགས་དྲག་རླུང་གིས་བསྐྱོད་པ་ལྟ་བུ་ཡི། །ཚེ་ནི་སྐད་ཅིག་གནས་པའི་གདེངས་ཡང་ཡོད་མ་ཡིན།༣༣ །ཞེས་པ་ལྟར་རོ། །ངེས་པར་འཆི་ཡང་ད་དུང་ལོང་ཡོད་སྙམ་ན། དེའི་གཉེན་པོར་ནམ་འཆི་ཆ་མེད་པ་བསྒོམ་པ་ལ་གསུམ་སྟེ། ལུས་ལ་སྙིང་པོ་མེད་པ་དང༌། ཚེ་ལ་དུས་བཏབ་མེད་པ་དང་། འཆི་བའི་རྐྱེན་མང་བའོ། །དང་པོ་ནི། རྟག་པ་དང་གཙང་བ་ལ་སོགས་པའི་སྙིང་པོ་མེད་པས་ནམ་འཆི་ཆ་མེད་དེ། བཤེས་སྤྲིངས་ལས། ལུས་མཐའ་ཐལ་བ་མཐར་སྐམ་མཐར་འགྲུལ་ཞིང་། །ཐ་མར་མི་གཙང་སྙིང་པོ་མ་མཆིས་པས། །རྣམ་པར་འཇིག་སྟེ་མྱགས་པར་འགྱུར་བ་སྟེ། །སོ་སོར་འགྱེས་ཆོས་ཅན་དུ་མཁྱེན་པར་མཛོད།༢༤ །ཅེས་དང་། ས་དང་ལྷུན་པོ་རྒྱ་མཚོ་ཉི་མ་བདུན། །འབར་བས་བསྲེགས་པའི་ལུས་ཅན་འདི་དག་ཀྱང་། །ཐལ་བ་ཡང་ནི་ལུས་པར་མི་འགྱུར་ན། །ཤིན་ཏུ་ཉམས་ཆུང་མི་ལྟ་སྨོས་ཅི་འཚལ། །ཚེ་ནི་གནོད་མང་རླུང་གིས་བཏབ་པ་ཡི། །ཆུ་ཡི་ཆུ་བུར་བས་ཀྱང་མི་རྟག་ན། །དབུགས་རྔུབ་དབུགས་འབྱུང་གཉིད་ཀྱིས་ལོག་པ་ལས། སད་ཁོམ་གང་ལགས་དེ་ནི་ངོ་མཚར་ལགས། ༣༥ །ཞེས་དང་། གཞོན་ནུ་མ་བདུན་གྱི་རྟོགས་བརྗོད་ལས། འདོར་བར་འགྱུར་བའི་ལུས་སྲོག་ལ། །རྩྭ་དང་ཆུ་ཡི་ཟིལ་པ་ལྟར། ༣༦ །ཞེས་པ་ལ་སོགས་པ་གསུངས་པ་ལྟར་རོ།། གཉིས་པ་ཚེ་ལ་དུས་བཏབ་པ་མེད་པས་ནམ་འཆི་ཆ་མེད་པ་ཡིན་ཏེ། མཛོད་ལས། སྒྲ་མི་སྙན་ན་ཚེ་སྟོང་སྟེ། །གཉིས་ན་ཕྱེད་ཕྱེད་སྤངས་པའོ། །འདི་ན་མ་ངེས་ཐ་མར་ནི། །ལོ་བཅུ་དང་པོ་དཔག་ཏུ་མེད།༣༧ །ཅེས་པ་ལྟར་རོ། །གསུམ་པ་འཆི་བའི་རྐྱེན་མང་བས་ནམ་འཆི་ཆ་མེད་དེ། །རིན་ཆེན་ཕྲེང་བ་ལས། འཆི་བའི་རྐྱེན་དུ་མ་གྱུར་པའི། །དངོས་དེ་གང་ཡང་ཡོད་མ་ཡིན། ༣༨ །ཞེས་དང་། འཆི་བའི་རྐྱེན་ནི་མང་བ་སྟེ། །གསོན་པའི་རྐྱེན་ནི་ཅུང་ཟད་གཅིག །དེ་དག་ཉིད་ཀྱང་འཆི་རྐྱེན་ཏེ། །དེ་ལྟ་བས་ན་ཆོས་མཛོད་ཅིག་༢༩ །ཅེས་པ་ལྟར་རོ། །དེས་ན་ནམ་འཆི་ཆ་མེད་པས་ཆོས་ལ་འབད་དགོས་ཏེ། མཚན་མོ་བཟང་མོའི་མདོ་ལས། སང་ཙམ་འཆི་བར་སུས་ཤེས་ཀྱིས། །དེ་རིང་ཉིད་ནས་བརྟུན་ཏེ་བྱ། །འཆི་བདག་སྡེ་ཆེན་དེ་དང་ནི། །བདག་ཏུ་བཤེས་པ་མ་ཡིན་ནོ།༦༠ །ཞེས་དང༌། སྤྱོད་འཇུག་ལས། ཡིད་བརྟན་མི་རུང་འཆི་བདག་འདི། །བྱས་དང་མ་བྱས་མི་སྡོད་པས། །ན་དང་མི་ན་ཀུན་གྱིས་ཀྱང་། །བློ་བུར་ཚེ་ལ་ཡིད་མི་བརྟན།༡ །ཞེས་སོ།། གསུམ་པ་འཆི་བ་ལ་ཅིས་ཀྱང་མི་ཕན་པ་ལ་གསུམ་སྟེ། གཉེན་བཤེས་ཀྱིས་མི་ཕན་པ་དང་། རྫས་དང་ཡོ་བྱད་ཀྱིས་མི་ཕན་པ་དང་། རང་གི་ལུས་ཀྱིས་མི་ཕན་པའོ། །དང་པོ་ནི། སྤྱོད་འཇུག་ལས། བདག་ནི་མལ་ན་འདུག་བཞིན་དུ། །གཉེན་བཤེས་མང་པོས་མཐའ་བསྐོར་ཀྱང་། །སྲོག་ཆད་པ་ཡི་ཚོར་བ་དག །བདག་ཉིད་གཅིག་པུས་མྱོང་བར་འགྱུར།༦༢ །ཞེས་པ་ལྟ་བུའོ། །གཉིས་པ་རྙེད་པས་མི་ཕན་པ་ནི། སྤྱོད་འཇུག་ལས། རྙེད་པ་མང་པོ་ཐོབ་གྱུར་ཏེ། །ཡུན་རིང་དུས་སུ་བདེ་སྤྱད་ཀྱང་། །ཆོམ་པོས་ཕྲོགས་པ་ཇི་བཞིན་དུ། །སྒྲེན་མོ་ལག་པ་སྟོང་པར་འགྲོ་༢ །ཞེས་དང་། གཞོན་ནུ་མ་བདུན་གྱི་རྟོགས་བརྗོད་ལས། ས་ཡི་བདག་པོ་འབད་པ་སྟོང་དག་གིས། །ཁྱིམ་དུ་རྫས་རྣམས་བསགས་པར་བྱས་པ་དང་། །མི་ཡི་སྐད་ཅིག་གིས་ནི་འདོར་འགྱུར་ཏེ། །དགེ་ལེགས་གཅིག་པུ་འདི་ཉིད་ལམ་དུ་བསྟན།&quot;༤ །ཞེས་པ་ལྟར་རོ། །གསུམ་པ་ལུས་ཀྱིས་མི་ཕན་ཏེ། སྤྱོད་འཇུག་ལས། ལྷན་ཅིག་སྐྱེས་པའི་ཤ་རུས་ཀྱང་། །ཞིག་སྟེ་སོ་སོར་འགྱེས་གྱུར་ན།། །ཞེས་པ་ལྟར་རོ། །དེ་ལྟར་མི་རྟག་པར་མ་ཤེས་ན། སྤྱོད་འཇུག་ལས། ཐམས་ཅད་བོར་ཏེ་ཆས་དགོས་པར། །བདག་གིས་དེ་ལྟར་མ་ཤེས་པས། །མཛའ་དང་མི་མཛའི་དོན་གྱི་ཕྱིར། །སྡིག་པ་རྣམ་པ་སྣ་ཚོགས་བྱས།༠༦ །ཞེས་པ་ལྟར་འབྱུང་ངོ༌། །དེ་ལྟར་མི་རྟག་པར་ཤེས་ན་རྒྱལ་པོ་ལ་གདམས་པའི་མདོ་ལས་༦༧ གསུངས་པ་ལྟར་ཆོས་འབའ་ཞིག་མགོན་དང་སྐྱབས་དང་དཔུང་གཉེན་དུ་ཤེས་ནས་ཆོས་ལ་འབད་པ་གཅིག་བྱུང་ཞིང་། ཆོས་ལ་བྱང་ཆུབ་ཀྱི་སེམས་ལས་བཟང་བ་མེད་པས་དེ་བསྒོམ་པ་ལ་འབད་པ་གཅིག་འབྱུང་བ་ཡིན་ནོ།། གསུམ་པ་འཁོར་བའི་ཉེས་དམིགས་བསམ་པ། གསུམ་པ་འཁོར་བའི་ཉེས་དམིགས་བསམ་པ་ནི། འགྲོ་དྲུག་སོ་སོའི་ཉེས་པ་དང༌། སྤྱིའི་ཉེས་པའོ། །དང་པོ་ལ་དམྱལ་བར་སྐྱེས་ནས་དེའི་སྡུག་བསྔལ་སྤྱོད་པ་ནི། ལས་མི་དགེ་བ་སྤྱད་པའི་འབྲས་བུ་ཏེ། བཤེས་སྤྲིངས་ལས། སེམས་ཅན་ཉེས་པར་སྤྱད་པ་སྤྱོད་རྣམས་ལ། །ཡང་སོས་ཐིག་ནག་རབ་ཏུ་ཚ་བ་དང་། །བསྡུས་འཇོམས་ངུ་འབོད་མནར་མེད་ལ་སོགས་པའི། །དམྱལ་བ་རྣམས་སུ་རྟག་ཏུ་སྡུག་བསྔལ་འགྱུར།༤༨ །ཞེས་གསུངས་པས། །དེའི་སྡུག་བསྔལ་ནི། འདི་ན་ཉིན་གཅིག་མདུང་ཐུང་སུམ་བརྒྱ་ཡིས། །རབ་ཏུ་དྲག་བཏབ་སྡུག་བསྔལ་གང་ལགས་པ། །དེས་ནི་དམྱལ་བའི་སྡུག་བསྔལ་ཆུང་ངུ་ལའང་། །འོལ་ཡང་མི་ཕོད་ཆར་ཡང་མི་ཕོད་དོ།༤༩ །ཞེས་དང་། དམྱལ་བ་བྲིས་པ་མཐོང་དང་ཐོས་པ་དང་། །དྲན་དང་བཀླགས་དང་གཟུགས་སུ་བགྱིས་རྣམས་ཀྱང་། །འཇིགས་པ་བསྐྱེད་པར་འགྱུར་ན་མི་བཟད་པའི། །རྣམ་སྨིན་ཉམས་སུ་མྱོང་རྣམས་སྨོས་ཅི་འཚལ། །ཞེས་སྡུག་བསྔལ་དུ་མས་ཉམ་ཐག་ཅིང་། ཡི་དྭགས་སུ་སྐྱེས་ན། ཡི་དྭགས་ན་ཡང་འདོད་པས་ཕོངས་པ་ཡིན། །སྐྱེད་པའི་སྡུག་བསྔལ་རྒྱུན་ཆགས་མི་འཆོས་པ། །བཀྲེས་སྐོམ་གྲང་དྲོ་ངལ་དང་འཇིགས་པ་ཡིས། །བསྐྱེད་པ་ཤིན་ཏུ་མི་བཟད་བསྟེན་འཚལ་ལོ ༥༧ །ཞེས་སྡུག་བསྔལ་གྱི་བྱེ་བྲག་དུ་མ་གསུངས་ཤིང་། །དུད་འགྲོར་སྐྱེས་ན་དེའི་སྡུག་བསྔལ་ནི། དུད་འགྲོའི་སྐྱེས་གནས་ན་ཡང་གསོད་པ་དང༌། །བཅིངས་དང་བརྡེག་སོགས་སྡུག་བསྔལ་སྣ་ཚོགས་པ། །ཞི་འགྱུར་དགེ་བ་སྤངས་པ་རྣམས་ལ་ནི། །གཅིག་ལ་གཅིག་ཟ་ཤིན་ཏུ་མི་ཟད་པ།༥༢ །ཞེས་གསུངས་པ་ལྟ་བུ་ཡིན་ལ། མིར་སྐྱེས་ཀྱང་སྡུག་བསྔལ་ལས་མ་འདས་པས། མི་ནི་ཡང་དག་ཉིད་དུ་མི་བདེ་ཞིང་། །མི་རྟག་བདག་མེད་མི་གཙང་རིག་པར་བགྱི།། ༣ །ཞེས་པ་ལ་སོགས་པ་གསུངས་ཤིང་། ལྷར་སྐྱེས་ན་ཡང་སྡུག་བསྔལ་ལས་མ་འདས་པས། མཐོ་རིས་ན་ཡང་བདེ་ཆེན་དེ་དག་གིས། །འཆི་འཕོའི་སྡུག་བསྔལ་ཉིད་ནི་དེ་བས་ཆེ། །དེ་ལྟར་བསམས་ནས་ཡ་རབས་རྣམས་ཀྱིས་ནི། །ཟད་འགྱུར་མཐོ་རིས་སླད་དུ་སྲེད་མི་བགྱི། ལུས་ཀྱི་ཁ་དོག་མི་སྡུག་འགྱུར་བ་དང་། །སྟན་ལ་མི་དགའ་མེ་ཏོག་ཕྲེང་རྙིང་དང་། །གོས་ལ་དྲི་མ་ཆགས་དང་ལུས་ལས་ནི། །སྔོན་ཆད་མེད་པའི་རྡུལ་འབྱུང་ཞེས་བགྱི་བ། །མཐོ་རིས་འཆི་ཕོ་སྒྲོན་བགྱིད་འཆི་ལྟས་ལྔ་། །ལྷ་ཡུལ་གནས་པའི་ལྷ་རྣམས་ལ་འབྱུང་སྟེ། །ས་སྟེང་མི་རྣམས་འཆི་བར་འགྱུར་བ་དག །སྒྲོན་པར་བྱེད་པའི་འཆི་ལྟས་དག་དང་འདྲ།(༤ །ཞེས་གསུངས་པ་ལྟ་བུའོ། །ལྷ་མ་ཡིན་དུ་སྐྱེས་ན་དེའི་སྡུག་བསྔལ་ནི། ལྷ་མིན་དག་ནའང་རང་བཞིན་གྱིས་ལྷ་ཡི། །དཔལ་ལ་སྡང་ཕྱིར་ཡིད་ཀྱི་སྡུག་བསྔལ་ཆེ། །དེ་དག་བློ་དང་ལྡན་ཡང་འགྲོ་བ་ཡི། །སྒྲིབ་པས་བདེན་པ་མཐོང་བ་མ་མཆིས་སོ།། །ཞེས་པ་ལྟ་བུའོ། །དེས་ན་རིགས་དྲུག་གང་དུ་སྐྱེས་ཀྱང་སྡུག་བསྔལ་བ་ནི། འཁོར་བ་དེ་འདྲ་ལགས་པས་ལྷ་མི་དང༌། །དམྱལ་བ་དུད་འགྲོ་ཡི་དྭགས་རྣམས་སུ་ནི། །སྐྱེ་བ་བཟང་པོ་མ་ལགས་སྐྱེ་བ་ནི། །གནོད་པ་དུ་མའི་སྒོར་འགྱུར་མཁྱེན་པར་མཛོད།༥༦ །ཅེས་གསུངས་པ་ཡིན་ནོ།། གཉིས་པ་འཁོར་བ་སྤྱིའི་ཉེས་པ་ནི། རྒྱས་པར་བྱས་ན་བརྗོད་ཀྱིས་མི་ལང་སྟེ། དེས་པ་འདོད་པས་ཕོངས་དང་འཆི་བ་དང་། །ན་རྒ་ལ་སོགས་སྡུག་བསྔལ་དུ་མ་ཡི། །འབྱུང་གནས་འཁོར་བ་ལ་ནི་སྐྱོ་མཛད་ཅིང་། །འདི་ཡི་ཉེས་པའི་ཤས་ཀྱང་གསན་པར་མཛོད།༥༧ །ཅེས་གསུངས་པ་ལྟར། སྡུག་བསྔལ་ཐམས་ཅད་ཀྱི་འབྱུང་གནས་དེ་ལས་རགས་བསྡུས་པ་འགའ་ཙམ་བརྗོད་ན། འཁོར་བ་མཐོ་དམན་གྱི་ཉེས་པ་དང་། ངེས་པ་མེད་པའི་ཉེས་པ་དང་། ལུས་གྲངས་མེད་པ་བླངས་པའི་ཉེས་པ་དང་། འདོད་པ་ལ་ངོམས་པ་མེད་པའི་ཉེས་པ་དང་། གཅིག་པུ་གྲོགས་མེད་པའི་ཉེས་པ་ལ་སོགས་པ་རྣམས་ཡིན་ཏེ། དང་པོ་མཐོ་དམན་གྱི་ཉེས་པ་ནི། བརྒྱ་བྱིན་མཆོད་འོས་ཉིད་དུ་གྱུར་ནས་ནི། །ལས་ཀྱི་དབང་གིས་ཕྱིར་ཡང་ས་སྟེང་ལྟུང་། །འཁོར་ལོས་བསྒྱུར་བ་ཉིད་དུ་གྱུར་ནས་ཀྱང་། །འཁོར་བ་དག་ཏུ་ཡང་བྲན་ཉིད་དུ་འགྱུར།༥༨ །ཞེས་པ་ལྟ་བུ་དང་། ངེས་པ་མེད་པའི་ཉེས་པ་ནི། ཕ་ནི་བུ་ཉིད་མ་ནི་ཆུང་མ་ཉིད། །སྐྱེ་བོ་དགྲར་གྱུར་པ་ནི་བཤེས་ཉིད་དང་། །བཟློག་པ་ཉིད་དུ་མཆིས་པས་དེའི་སླད་དུ། །འཁོར་བ་དག་ན་ངེས་པ་འགའ་མ་མཆིས།(༩ །ཞེས་པ་དང༌། ལུས་གྲངས་མེད་པ་བླངས་པའི་ཉེས་པ་ནི། རེ་རེའི་བདག་ཉིད་རུས་པའི་ཕུང་པོ་ནི། །ལྷུན་པོར་མཉམ་པ་སྙེད་ཅིག་འདས་གྱུར་ཏེ། །ཞེས་དང༌། མྱ་ངན་བསལ་བ་ལས། ཕན་ཚུན་དག་ཏུ་རྩོད་པའི་ཕྱིར། །མགོ་བོ་བཅད་པ་གང་ཡིན་པ། །སྤུངས་ན་དེ་ལྟར་མཐོ་བ་ནི། །ཚངས་པའི་འཇིག་རྟེན་ལས་ཐལ་འགྱུར།&quot;༡ །ཞེས་པ་ལ་སོགས་པ་ལྟ་བུའོ། །འདོད་པ་ལ་ངོམས་པ་མེད་པའི་ཉེས་པ་ནི། རེ་རེས་རྒྱ་མཚོ་བཞི་བས་ལྷག་པ་ཡི། །འོ་མ་འཐུངས་ཏེ་ད་དུང་སོ་སོ་ཡི། །སྐྱེ་བོའི་རྗེས་སུ་འབྲངས་ནས་འཁོར་བ་བས། །དེ་བས་ཆེས་མང་ཉིད་དུ་བཏུང་འཚལ་ལོ་༦༢ ༑ཞེས་དང་། ཀར་ཤ་པ་ཎའི་ཆར་ཕབ་ཀྱང་། །འདོད་ལྡན་རྣམས་ལ་ངོམས་པ་མེད།༦༣ །ཅེས་པ་ལ་སོགས་པ་གསུངས་པ་ལྟ་བུའོ། །གཅིག་པུ་གྲོགས་མེད་པའི་ཉེས་པ་ནི། །སྤྱོད་འཇུག་ལས། སྐྱེ་ནའང་གཅིག་པུ་སྐྱེ་འགྱུར་ཞིང་། །འཆི་ནའང་དེ་ཉིད་གཅིག་འཆི་སྟེ།༦༤ །ཞེས་པ་ལྟ་བུའོ།། ཡང་ནས་ཡང་དུ་ཉིད་མཚམས་སྦྱར་བའི་ཉེས་པ་ཡང་ཡོད་དེ། མ་ཡི་ཐུག་མཐའ་རྒྱ་ཤུག་ཚིག་གུ་ཙམ། །རིལ་བུའི་གྲངས་ཀྱང་ས་ཡིས་ལང་མི་འགྱུར ། །ཞེས་གསུངས་པ་ལྟ་བུའོ། །དེས་ན་འཁོར་བ་འདིར་གང་དུ་སྐྱེས་ཀྱང་སྡུག་བསྔལ་འབའ་ཞིག་ལས་མེད་པས། དེ་ལྟར་འདི་ཀུན་མི་རྟག་བདག་མེད་དེ། །སྐྱབས་མེད་མགོན་མེད་གནས་མེད་དེ་སླད་དུ། །འཁོར་བ་ཆུ་ཤིང་སྙིང་པོ་མེད་པ་ལ། །མི་མཆོག་ཁྱོད་ཀྱི་ཐུགས་ནི་འབྱུང་པར་མཛོད།༦༦ །ཅེས་པ་ལྟར་བསམ་ཞིང་གོ་ན། སྲིད་གསུམ་དག་ལ་རྨི་الدا ལམ་ན་ཡང་མི་འདོད་ཅིང་།༦༧ །ཞེས་པའམ། ཕྲ་མེན་མའི་བུ་མ་ལ་ཞེན་པ་ལོག་པའམ། ཚལ་ཚིག་པའི་བྱའམ། སྲིན་མོའི་གླིང་གི་ཚོང་པ་ལྟ་བུའི་བློ་སྐྱེས་ན། དེ་ལས་ཐར་བར་བྱེད་པའི་ཆོས་བྱེད་གོས། ཆོས་མ་བྱས་པར་རང་ཐར་དུ་ཡང་མི་འགྲོ གཞན་གྱི་བྱས་པས་ཀྱང་མི་ཕན། དེས་ན་ཐར་པ་བདག་ལ་རག་ལས་འདི་ལ་ནི། །གཞན་གྱི་གྲོགས་བགྱིར་ཅི་ཡང་མ་མཆིས་པས། །ཐོས་དང་བསམ་དང་སྒོམ་དང་ལྡན་པ་ཡིན། །བདེན་པ་རྣམ་པ་བཞི་ལ་བག་ཡོད་མཛོད།༦༨ །ཅེས་གསུངས་པ་ལྟར་རང་ཁོ་ནས་བྱ་དགོས། ཆོས་མང་པོ་གཅིག་ཡོད་ཀྱང་བྱང་ཆུབ་ཀྱི་སེམས་ལས་བཟང་བ་མེད་པས། སྤྱོད་འཇུག་ལས། བྱང་ཆུབ་སེམས་སྐྱེས་གྱུར་ན་སྐད་ཅིག་གིས། །འཁོར་བའི་བཙོན་རར་བསྡམས་པའི་ཉམ་ཐག་རྣམས། །བདེ་གཤེགས་རྣམས་ཀྱི་སྲས་ཞེས་བརྗོད་བྱ་ཞིང་། །འཇིག་རྟེན་ལྷ་མིར་བཅས་པའི་ཕྱག་བྱར་འགྱུར།༦༩ །ཞེས་དང༌། སེམས་འགྲེལ་ལས། སྐྱེས་བུ་གང་ཞིག་སྐད་ཅིག་ཙམ། །བྱང་ཆུབ་སེམས་ནི་སྒོམ་བྱེད་པ། །དེ་ཡི་བསོད་ནམས་ཕུང་པོ་ནི། །རྒྱལ་བ་ཡིས་ཀྱང་བགྲང་མི་སྤྱོད།༧༠ །ཅེས་གསུངས་ཤིང༌། ཁྱད་པར་དུ་སྤྱོད་འཇུག་ལས། གང་ཞིག་བདག་དང་གཞན་རྣམས་ནི། །མྱུར་དུ་སྐྱབས་པར་འདོད་པ་དེས། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ།༧༡ །ཞེས་པ་ལྟར་བདག་གཞན་བརྗེ་བ་ལས་བཟང་བ་མེད། འོ་ན་དགྱེས་རྡོར་རམ། ཕྱག་རྒྱ་ཆེན་པོའམ། སྟོང་པ་ཉིད་བཟང་བ་མ་ཡིན་ནམ་སྙམ་ན། རྒྱ་གར་དུ་དགྱེས་རྡོར་བསྒོམ་པའི་རྣལ་འབྱོར་པ་ཅིག་རྒྱུན་དུ་ཞུགས་པ་ཐོབ་པ་ཅིག་བྱུང་བ་ལ། ཇོ་བོའི་ཞལ་ནས། དེ་སྟངས་བཟང་པ་ཡིན། མ་ལེགས་ན་འཆུགས་ཏེ་ཆ་བ་ཡིན་གསུངས་སྐད། པོ་ཏོ་བས་ཀྱང་དེ་སྐད་གསུངས་པ་ལ་གཞན་མ་རངས་ནས། སྤྱན་སྔ་བ་ལ་ཇོ་བོ་འདི་སྐད་གསུང་ཟེར་ཞུས་པས། དེ་ཨ་ཅང་། དེ་བས་བྱང་ཆུབ་ཀྱི་སེམས་མེད་ན། ཧེ་བཛྲ་བསྒོམ་པ་དམྱལ་བར་ཡང་འགྲོ །ཡི་དྭགས་སུ་ཡང་འགྲོ །དུད་འགྲོར་ཡང་འགྲོ་གསུངས་ཏེ། བྱང་ཆུབ་ཀྱི་སེམས་མེད་ན་དེ་དག་གི་རྒྱུར་ཡང་འགྱུར་ལ། བྱང་ཆུབ་ཀྱི་སེམས་ནི་གཞན་དུ་མི་འགྱུར་བས་སོ། །སྟོང་པ་ཉིད་ཀྱང་དམྱལ་བ་ནས་རང་སངས་རྒྱས་མན་ཆད་ཀྱི་རྒྱུ་རྐྱེན་ཡིན་ལ། བྱང་ཆུབ་ཀྱི་སེམས་ནི་ཕའི་ས་བོན་ལྟར་སངས་རྒྱས་ཀྱི་རྒྱུ་ཐུན་མོང་མ་ཡིན་པ་ཡིན་པས་གཞན་དུ་འགྱུར་མི་སྲིད་ལ། སངས་རྒྱས་ཀྱི་ཆོས་ཐམས་ཅད་སྐྱེ་བར་བྱེད་པས་ས་བོན་ལྟ་བུའོ། །ཞེས་པ་ལ་སོགས་པ་ཕན་ཡོན་མང་དུ་གསུངས་པས་འདི་ལས་བཟང་བའི་ཆོས་མེད། ཆོས་གཞན་བསམ་སྟེ་རྒྱུད་ལ་སྐྱེས་ན་གཉེན་པོར་འགྲོ འདིའི་ཚིག་དྲན་པ་ཙམ་གྱིས་གཉེན་པོར་འགྲོ བདེ་ལྡན་གྱིས་འགྲོ ཉན་རང་དུ་ཡང་མི་གོལ། བྱང་ཆུབ་སེམས་དཔའི་སྤྱོད་པ་རླབས་ཅན་དུ་འགྲོ དེས་སྔོན་འགྲོའི་ཆོས་དག་མ་བསམ་པར་འདི་སེམས་སྙིང་འདོད་པ་དང་། བསྐུལ་བ་དང་། བླང་རྒྱུ་མི་ཡོང་བས། དང་པོར་དལ་འབྱོར་རྙེད་པར་དཀའ་བ་གོ་ཞིང་། འཇིག་པར་སླ་བས་མི་རྟག་པར་ཤེས་ལ། ཤི་ནས་མེད་པར་མི་འགྲོ་བར་སྐྱེ་དགོས་ལ། དེ་ཡང་ལས་ཀྱིས་སྐྱེ་ཞིང་ལས་ངན་པས་ངན་སོང་དུ་སྐྱེས་ནས་དེའི་སྡུག་བསྔལ་ཐམས་ཅད་འབྱུང་ཞིང་། ལས་བཟང་པོས་ལྷ་མི་ཐོབ་ཀྱང་སྡུག་བསྔལ་ལས་མ་འདས་ཤིང་། འཁོར་བའི་སེམས་ཅན་ཐམས་ཅད་ཐོག་མ་མེད་པ་ནས་ཀྱི་མ་རྒན་དྲིན་ཅན་ཡིན་པ་ལ་སྡུག་བསྔལ་གྱིས་ཉམ་ཐག་པ་མི་བཟོད་པས་ཀུན་ནས་བླངས་པའི་བྱང་ཆུབ་ཀྱི་སེམས་འབྱུང་བས་ལམ་རིམ་འོག་མ་ཐམས་ཅད་འདིའི་སྔོན་འགྲོ་ཡིན་ནོ།། དངོས་གཞི་བྱང་ཆུབ་སེམས་ལ་བློ་སྦྱོང་བ།༦ དངོས་གཞི་གང་བསྒོམ་སྙམ་ན། དངོས་གཞི་གཏོང་ལེན་སྤེལ་མར་སྦྱང༌། །ཞེས་བྱ་བ་སྟེ། ལེན་པ་མེད་ན་བརྗེ་བར་མི་འགྲོ་ལ། གཏོང་བ་མེད་པར་ཚོགས་མི་རྫོགས་པས་གཏོང་ལེན་གཉིས་ཡིན་ནོ། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ།༧༣ །ཅེས་གསུངས་པའི་དོན་ཡིན། དེ་ཡང་གོང་དུ་བསྟན་པ་ལྟར་སྔོན་དུ་བདག་མེད་གཉིས་བསྒོམ་ནས་འདི་སྒོམ་པའི་ལུགས་ཀྱང་ཡོད་པ་ལས་འདིར་བླ་མ་གསེར་གླིང་པའི་ལུ གས་ཀྱི་བདག་འཛིན་དང་བཅས་པའི་དུ ས་ནས་བསྒོམ་པའི་ལུགས་ཡིན། གཏོང་ལེན་གཉིས་ཀྱང་སྔོན་དུ་ལེན་པ་བསྒོམ། དེའི་དམིགས་པའི་ཡུལ་ཡང་ཁ་ཅིག་གྱད་སྟོབས་པོ་ཆེ་ཐུབ་ན་ཐམས་ཅད་ཐུབ་པའི་དཔེས་དགྲའམ་མི་སྡུག་པ་ལ་བསྒོམ་ཟེར་བ་ཡང་ཡོད། སློབ་དཔོན་ཀཱ་མ་ལ་ཤི་ལས་ཐ་མལ་བ་ནས་བསྒོམ་ཟེར་བ་ཡོད་ཀྱང་། ཇོ་བོས་སྐྱེ་སླ་བས་རྩ་བའི་མ་ནས་བསྒོམ་པར་བཞེད། ཀུན་སློང་གི་བསམ་པ་ཚད་མེད་པའི་བསམ་པ་ཡང་སློབ་དཔོན་ཀཱ་མ་ལ་ཤཱི་ལས་ཐང་མཉམ་པའི་ཆུ་དྲང་སླ་བ་ལྟར་བཏང་སྙོམས་ནས་སེམས་པ་ཡང་ཡོད། དཔལ་བསྐལ་བ་བཟང་པོའི་རྡོ་རྗེ་ལ་སོགས་པ་རྩ་བ་ཡིན་པས་སྙིང་རྗེ་ནས་བསྒོམ་པ་ཡང་ཡོད། ཇོ་བོས་བྱམས་པ་ནས་བསྒོམ་པར་བཞེད། དེ་ཡང་འདི་ལྟར་བསམ་པར་བྱ་སྟེ། ཐོག་མ་ཉིད་དུ་རང་གི་རྩ་བའི་མ་གང་ཡིན་པ་དེ། མ་ཤི་བར་ཡོད་ན་གང་ན་ཡོད་པའི་ས་དེར་གསལ་བར་ཡོང་བས་དེར་དམིགས། ཤི་ནས་མེད་ན་མདུན་དུ་དམིགས་ལམ་དེའི་སྐྱེ་བ་འདི་དང་གཞན་གྱི་དྲིན་དྲན་པ་སྔོན་དུ་འགྲོ་བས་སྙིང་དུ་སྡུག་ཅིང་ཡིད་དུ་འོང་བ་དང་གཅེས་པར་འཛིན་པའི་བསམ་པ་བསྐྱེད་ནས་མ་རྒན་འདི་བདེ་བ་དང་ལྡན་ན་ཅི་མ་རུ ང་། བདག་གིས་བདེ་བ་ལ་འགོད་པར་བྱ། ཕན་པ་དང་བདེ་བ་ཐམས་ཅད་བདག་གིས་བསྒྲུབ་པར་བྱའོ་སྙམ་དུ་བསམ་པ་ཐག་པ་ནས་བྱམས་པའི་སེམས་གསལ་སིང་བ་བསྒོམ་པར་བྱ། འདོད་པ་བདེ་བ་འདོད་ཀྱང་ངོ་བོ་སྡུག་བསྔལ་ལས་མ་འདས་པས་མ་རྒན་འདིའི་སྡུག་བསྔལ་རྒྱུ་དང་བཅས་པ་ཐམས་ཅད་དང་བྲལ་ན་ཅི་མ་རུང་། བདག་གིས་སྡུག་བསྔལ་ཐམས་ཅད་ལས་བྲལ་བར་བྱ་སྙམ་དུ་བསམ་པ་ཐག་པ་ནས་སྙིང་རྗེ་བསྒོམ་པར་བྱའོ། །དེ་ཡང་མ་མི་དྲན་ན་ཞང་པོ་ལ་སོགས་པ་གང་དྲིན་ཆེ་བ་ནས་བསྒོམ་ཞེས་རྣལ་འབྱོར་པ་ཆེན་པོ་གསུངས་སྐད། སྣེ་ཟུར་པས་དགེ་བཤེས་མངའ་རིས་པ་ཨ་ནེ་ལ་དམིགས་ནས་སེམས་སུ་བཅུག་པ་ལྟ་བུའོ།། བསམ་པ་དེས་ཀུན་ནས་བླངས་ནས་མའི་རྒྱུད་ལ་ཡོད་པའི་སྡུག་བསྔལ་དང་ཀུན་འབྱུང་ལེན་པ་སྟེ། འབྲས་བུ་སྡུག་བསྔལ་ཞེས་པ་སྐྱེ་རྒ་ན་འཆིའི་སྡུག་བསྔལ་ནས། གྲང་བ་དང་། བཙོ་བསྲེག་དང་། གླེན་ཞིང་གཏི་མུག་དང་། བཀྲེས་སྐོམ་ལ་སོགས་པའི་སྡུག་བསྔལ་བརྒྱད་དམ། གསུམ་གྱིས་བསྡུས་པ་སངས་རྒྱས་པའི་གེགས་སུ་གྱུ ར་པ་ཐམས་ཅད་མའི་རྒྱུ ད་ལ་སྐྱེ་གྲིས་བཞར་བ་བཞིན་སངས་ཀྱིས་བླངས་ནས་རང་གི་སྙིང་གི་དཀྱིལ་དུ་ལེན། བླངས་ནས་ཀྱང་རང་ལ་མི་འབྱུང་བར་བྱེད་པའི་དེ་བླངས་ནས་རྩར་འཇོག་པ་མ་ཡིན་ཏེ། སྙིང་གི་ནང་དུ་ལེན་པ་ཡིན་གྱི། ཡན་ལག་གཞན་ལ་འཇོག་པ་ཙམ་མ་ཡིན། དེ་བླངས་པས་རང་ལ་ཕན་དུ་རེ་བ་ལ་སོགས་པའི་ལྟོས་པ་གང་ཡང་མེད་པར་ལེན་པའོ། །དེའི་རྒྱུ་ཀུན་འབྱུང་ལས་དང་ཉོན་མོངས་པ་གཉིས་ལས། ལས་ཀྱི་ཀུན་འབྱུང་མི་དགེ་བ་བཅུ། མཚམས་མེད་པ་ལྔ། དེ་དང་ཉེ་བ་ལྔ། ཁས་བླངས་ཀྱི་སྡོམ་པ་གསུམ་འགལ་ན་དམྱལ་བར་མདའ་འཕངས་པ་བཞིན་འགྲོ་བའི་རྒྱུ་བཞི་ལ་སོགས་པ་དང༌། ཉོན་མོངས་པའི་ཀུན་འབྱུང་དུག་གསུམ་མམ་དྲུག་རྩ་བ། ཉེ་བའི་ཉི་ཤུ་ཉོན་མོངས་པའམ། ཉོན་མོངས་པ་བརྒྱད་ཁྲི་བཞི་སྟོང་ངམ། སྦུབས་བྱེ་བ་གསུངས་པའམ། མཐོང་སྤང་དང༌། སྒོམ་སྤང་སྟེ། རྡོ་རྗེ་ལྟ་བུའི་སྤང་བྱ་མན་ཆད་ལེན་པའོ། །དེ་ལྟར་སྡུག་བསྔལ་དང་ཀུན་འབྱུང་སྟེ་སྤང་བྱ་མ་ལུས་པ་སྒྲིབ་པ་གཉིས་བག་ཆགས་དང་བཅས་པ་བྲལ་ནས་སངས་རྒྱས་པར་སེམས་པའོ། །དེ་ནས་ཕ་དང་སྤུན་ཟླ་ལ་སོགས་པ་ནས། ཉེ་འབྲེལ། ཡུལ་མི་ཁྱིམ་ཚེས་ནས། སྟོང་གསུམ་གྱི་བར་དུ་སེམས་པའོ། །ས་མཚམས་ལྐོག་ཆོས་ནས་འབྱུང་བ་བཞིན་ནོ། །དེ་ནས་གོ་ཡུལ་ཡུངས་ཀར་དྲངས་པས་བསྐྱེད།༧༤ །ཅེས་པ་ལྟར། སྟོང་གསུམ་ཡུངས་ཀར་གྱིས་བཀང་ནས་ཤར་ཕྱོགས་ཀྱི་སྟོང་གསུམ་རེ་རེ་ཡུངས་ཀར་རེ་བཞག་པས་ཡུངས་ཀར་ཟད་ཀྱང་ཤར་ཕྱོགས་ལ་འབྲི་བ་མེད་པ་ལྟར། ཕྱོགས་བཅུ་ཀུན་ལ་སྦྱར་ཏེ་ནམ་མཁའི་མཐའ་ཁྱབ་ཀྱི་སེམས་ཅན་ལ་བསྒོམ་པའོ། །དེ་ནས་ངན་སོང་གསུམ་གྱི་ཡང་དམྱལ་བའི་སྡུག་བསྔལ་མེ་ལས་གྱུར་པ་དང༌། མཚོན་ཆ་ལས་གྱུར་པ་དང་། ནད་ལས་གྱུར་པ་དང་། སེམས་ལས་གྱུར་པ་དང་། ཆུ་བུར་ཅན་ནས་པདྨ་ལྟར་ཆེར་གས་པའི་བར་དང་། རྒྱུ་ཀུན་འབྱུང་ཞེ་སྡང་ལ་སོགས་པའི་ཉོན་མོངས་པའི་བར་དང་། མི་དགེ་བ་ཆེར་སྤྱད་པ་ཐམས་ཅད་ལེན། ཡི་དྭགས་ཀྱི་ཡང་བཀྲེས་སྐོམ་ལ་སོགས་པའི་སྡུག་བསྔལ་དང་། འདོད་ཆགས་ལ་སོགས་པའི་ཉོན་མོངས་པ་དང་། མི་དགེ་བ་འབྲིང་དུ་སྤྱད་པ་ཐམས་ཅད་ལེན། དུད་འགྲོ་གཅིག་གིས་གཅིག་ཟ་བ་ལ་སོགས་པའི་སྡུག་བསྔལ་དང་། གཏི་མུག་ལ་སོགས་པའི་ཉོན་མོངས་པ་དང་། མི་དགེ་བ་ཆུང་ངུ་སྤྱད་པ་ཐམས་ཅད་ལེན། མཐོ་རིས་ཀྱི་ཡང་མིའི་སྐྱེ་རྒ་ན་འཆི་ལ་སོགས་པ། འདོད་ལྷའི་འཆི་ལྟས་ལ་སོགས་པ། ཁམས་གོང་མ་གཉིས་ཀྱི་འཆི་འཕོ་དང་ལྟུང་བ་ལ་སོགས་པ་ཐམས་ཅད་ལེན། རེས་སེམས་ཅན་གྱི་ཁམས་དང་། རེས་རེ་རེ་དང་དེའི་ཡང་སེམས་ཅན་རེ་རེ་ནས་སེམས། དེ་མེད་ན་ཁ་ལ་ཡཾ་ནས་དོན་ཐོག་ཏུ་མི་སྐྱོལ། རེས་ནམ་མཁའི་མཐས་ཁྱབ་ཀྱི་སེམས་ཅན་མ་ལུས་པ་ལ་དུས་གཅིག་ལ་སེམས། དེ་མེད་ན་བློའི་འབྲལ་མི་ཡོང་། རེས་དམྱལ་བ་ལྟ་བུ་སེམས་ཅན་རེ་རེའི་རྩར་རང་གི་ལུས་རེ་བསམས་ནས་ལེན། རེས་ལུས་འདི་གཅིག་པུ་ལ་ཐམས་ཅད་ཀྱིས་ལེན། རེས་རགས་རིམ་ནས་ལེན། རེས་གང་སྣང་བའི་ལེན། རེས་འདི་ཀུན་ལ་སྦྱང་མི་དགོས་སྙམ་པ་མི་གནང་བའི་ལེན། རེས་དམྱལ་བའི་བླངས། སངས་རྒྱས་པ་ནས་བྱང་ཆུབ་སེམས་དཔའི་བླངས། སངས་རྒྱས་པའི་བར་དུ་སེམས་རེས་དམྱལ་བའི་བླངས། ཡི་དྭགས་སུ་དྲངས། དེ་ནས་དྲངས། དུད་འགྲོ དེ་ནས་མི། དེ་ནས་འདོད་ལྷ་རིགས་དྲུག དེ་ནས་གཟུགས་ཁམས་གནས་རིས་བཅུ་བདུན། དེ་ནས་གཟུགས་མེད་མུ་བཞི། དེ་ནས་ཉན་རང་། བྱང་སེམས་ས་བཅུའི་བར་དུ་རིམ་པས་ལེན། རེས་ཉོན་མོངས་པ་རྣམས་ཕྱེ་ནས་ལེན། རེས་ལས། རེས་སྡུག་བསྔལ་རྣམས་ཕྱེ་ནས་ལེན། རེས་མི་རྟག་པ་ནས་དངོས་འཛིན་གྱི་བར་ལམ་གྱི་མི་མཐུན་ཕྱོགས་རྣམས་ལེན། རེས་སེར་སྣ་ལ་སོགས་པ་ཕ་རོལ་ཏུ་ཕྱིན་པ་དྲུག་གི་མི་མཐུན་པའི་ཕྱོགས་རྣམས་ལེན། རེས་གཙང་བར་འཛིན་པ་ལ་སོགས་པ་བྱང་ཆུབ་ཀྱི་ཕྱོགས་ཀྱི་མི་མཐུན་པའི་ཕྱོགས་ལེན། རེས་ས་བཅུའི་མི་མཐུན་པའི་ཕྱོགས་ལེན། རེས་ངན་རྟོག་སྣ་ཚོགས་ནས་མཐོང་སྤང་སྒོམ་སྤང་གི་བར་གྱི་ཉོན་སྒྲིབ་ཐམས་ཅད་ལེན། རེས་རྟོག་པ་དགུ་བཞི་སུམ་ཅུ་རྩ་དྲུག་ནས་རྟོག་པ་ཕྲ་མོའི་བར་ཤེས་བྱའི་སྒྲིབ་པ་ཐམས་ཅད་ལེན། དེ་ལྟར་སེམས་ཚུལ་སྣ་ཚོགས་ཀྱི་བསམ་པས་མི་སྐྱོ། ངེས་ཤིང་དོན་ཐོག་ཏུ་སྐྱོལ། བློ་འབྱོངས་རྐྱེན། ཤེས་བྱ་ལ་སྦྱངས་པ་ཆེ༑ ཞར་ལ་ཆོས་གཞན་གྱི་གྲངས་ཡན་ཆད་ཚང་། སྡིག་པ་མང་པོ་འདག ཚོགས་མང་པོ་བསོག་པའི་རྐྱེན་ལ་སོགས་པ་འབྱུང་བའོ། །དེ་ཡང་དགྲ་དང་ཐ་མལ་དུ་བྱས་པ་ལ་མི་སྐྱེ་བས་མ་དྲིན་ཅན་དུ་བྱས་ནས་སེམས་པའོ། །དེ་ཡང་མ་མ་ཡིན་པ་ལ་ཡིན་པར་སེམས་པ་མ་ཡིན་ཏེ། ཐོག་མ་མེད་པ་ནས་ཀྱི་མ་དྲིན་ཅན་ཡིན་པས་ཡིན་པ་ལ་ཡིན་པར་སེམས་པའོ། །དེ་རྣམས་ཀྱང་བྱམས་སྙིང་རྗེ་གསལ་སིང་བ་རེས་ཀུན་ནས་བླངས་ཤིང་ལེན་པའོ།། འཕགས་པ་ཉན་ཐོས་དང་རང་སངས་རྒྱས་དེ་གཉིས་ལ་བླངས་རྒྱུ་མེད་དམ་སྙམ་ན། ཡོད་དེ། ལྟོས་པ་དང་བཅས་པ་ཐམས་ཅད་སྡུག་བསྔལ་ཡིན་ལ། ཁོང་འཁོར་བ་ལ་འཇིགས་པ་དང་བཅས་པ་དང༌། ཕུང་པོའ ང་སྡུག་བསྔལ་ཡིན་པས་འབྲས་བུ་སྡུག་བསྔལ་དང་། དགྲ་བཅོམ་པའི་ཕུང་པོ་མ་གཏོགས་པ་སྡུག་བསྔལ་དང་ཀུན་འབྱུང་ཁྱབ་མཉམ་དུ་འདོད་པས་སོ། །ཡང་བྱང་ཆུབ་སེམས་དཔའི་ཉོན་མོངས་པ་ནི་རྣམ་པར་རྟོག་པའོ་ཞེས་པས། གོང་མས་རྟོག་པ་ཉོན་མོངས་པར་འདོད་པ་དང་། ཤེས་བྱའི་སྒྲིབ་པ་ཁ་མ་འཕྲི་བར་ཡོད་པ་དང༌། ཡང་སྤང་བྱའི་ལྷག་མ་ཚོགས་ལམ་ན་ཕལ་ཆེར་ཡོད་པ་ནས་བཟུང་སྟེ། ས་བཅུ་ལ་བཙོན་ལྕགས་སྒྲོག་ལས་གྲོལ་བའི་ལྕགས་འགྲོས་ལྟར་ཤེས་བྱའི་སྒྲིབ་པ་ཕྲ་མོ་ཡོད་པའི་བར་ལེན་པའོ། །དེ་དག་ཀྱང་ལམ་ལྔ། ས་བཅུ། འབྲས་བུ་བཞི་རིམ་པས་ལེན་པ་དང་། རེ་རེ་ནས་ལེན་པ་དང༌། དུས་གཅིག་ཏུ་ལེན་པ་སྔར་ལྟར་རོ།། འོ་ན་དེ་དག་གིས་བླངས་ན་སངས་རྒྱས་ཀྱི་ས་ལ་འཇོག་པ་སྐུ་གཉེར་ཆེས་པ་མ་ཡིན་ནམ། རང་འཆིང་བ་མཐའ་དག་དང་མ་བྲལ་བས་དེ་སྒྲུབ་པར་མི་ནུས་སོ་སྙམ་ན། རང་གིས་སེམས་བསྐྱེད་པའི་ཚེ་ཁས་བླངས་པས་མི་བྱ་བ་མེད། ཇི་ལྟར་ཁས་བླངས་ན་བདག་གིས་སེམས་ཅན་མ་བསྒྲལ་བ་བསྒྲལ། ཞེས་པས་སེམས་ཅན་ཐམས་ཅད་འཁོར་བའི་སྡུག་བསྔལ་ལས་བསྒྲལ་ནས་ས་དང་པོ་ལ་འགོད་པར་ཁས་བླངས་པ་ཡིན། མ་གྲོལ་བ་དགྲོལ་ཞེས་པས་མཚན་མའི་འཆིང་བ་ལས་དགྲོལ། ས་བདུན་པ་ལ་འགོད་པ་ཡིན། དབུགས་མ་ཕྱིན་པ་དབུགས་དབྱུང་ཞེས་པས་རྒྱ་མཚོ་ལ་གྲུ་བོ་ཆེ་བཏང་བ་ལྟར་ས་བརྒྱད་པ་ནས་རྩོལ་བ་དང་བྲལ་བ་འབྲས་བུ་གསུམ་ལ་འགོད་པ་ཡིན། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་ཞེས་པས་ས་བཅུ་རྒྱུན་གྱི་ཐ་མ་རྡོ་རྗེ་ལྟ་བུ་ལ་གནས་པ་རྣམས་ཀྱང་། མྱ་ངན་ཞེས་པ་དངོས་འཛིན་གྱི་བག་ཆགས་ཅུང་ཟད་ཀྱི་ཤེས་བྱའི་སྒྲིབ་པ་ཡོད་པས་དེ་ལས་འདས་པར་ཁས་བླངས་པ་ཡིན་པས། དེ་ལྟར་སྒྲུབ་དགོས་གསུངས། སྤྱིར་ལེན་ཚུལ་དེ་ལྟར་ཡིན་པ་ལ། བྱེ་བྲག་ད་ལྟ་མངོན་སུམ་དུ་མཐོང་བ་དང་ཐོས་པ་ལ་སོགས་པ་འཁྲུགས་པ་བྱས་ནས་མི་བཟད་ནོར་འཛད་ལ་སོགས་པ་དང༌། རིམས་ལ་སོགས་པའི་ནད་ཚབ་ཆེན་གྱིས་ན་བ་དང༌། མཛེ་བྱུང་བ་དང་། ཁེ་འདོད་པས་ཚོང་བྱས་ནས་མཛོ་ཡན་ཤི་ནས་གླང་ཤི་བྲག་ཟད་ལ་སོང་བ་དང་། རྒས་པས་སྦྱོར་མི་བཟོད་པར་སོང་བ་དང༌། རབ་བྱུང་གི་སྡོམ་པ་ཤོར་ནས་ཁྱི་རོ་རུལ་བ་ལྟར་སོང་བ་དང་། མ་འཛོམ་པ་དང་། མི་དང་མི་མ་ཡིན་པས་གནོད་པ་སྐྱེལ་བ་དང་། དད་པ་དང་ཤེས་རབ་མེད་པ་ལ་སོགས་པ་དང་། ཇི་ཙམ་ཉན་ཡང་ཆོས་མི་གོ་བ་དང༌། བསམ་དུ་མ་བཏུབ་པ་དང༌། ཆགས་སྡང་ལ་སོགས་པ་རྒྱས་པ་དང་། དབང་ཆུང་བས་ཕ་སྤུན་ལ་སོགས་པ་མཉམ་པོས་རྡོག་ཉེད་དང་བརྙས་བཅོས་ལ་སོགས་མི་འདོད་པའི་གནོད་པ་ཐམས་ཅད་རང་ལ་ལེན་པའོ། །རང་ལ་དེ་Y དག་བྱུང་བ་དང་བྱུང་གིས་དོགས་པ་དང་། གཞན་ཡང་ཆགས་ཆེ་བ་དང་། ཡུལ་ས་གཉན་པ་དང་། བག་དང་། མི་གཙང་བ་བྱུང་གིས་དོགས་པ་དང་། རྨི་ལམ་ངན་པ་དང་། རྟགས་དང་མཚན་མ་ངན་པ་དང་། གཞན་གྱི་གཏད་ཁྲམ་དང་རྦོད་གཏོང་དང་། འདྲེ་འགྲས་ལ་སོགས་པ་བྱུང་གིས་དོགས་པ་ཐམས་ཅད་ལ་སེམས་ཅན་གྱི་དེ་ཐམས་ཅད་རང་ལ་ལེན། བླངས་པས་ཀྱང་རང་ལ་ཕན་དུ་རེ་བའི་ལྟོས་པ་གང་ཡང་མི་བྱེད་པའོ།། དེ་ནས་ཕྱི་སྣོད་ཀྱི་ངམ་གྲོག་གམ། གཡང་སའམ་ཚེར་མ་དང་ཡུ ལ་ངན་པ་ལ་སོགས་པ་ཐམས་ཅད་བླངས་ཏེ་བློ་སྦྱོང་བས་སོ། །གཟུགས་མི་སྡུག་པ་དང་། སྒྲ་མི་སྙན་པ་དང༌། དྲི་མི་ཞིམ་པ་ལ་སོགས་པ་ཐམས་ཅད་བླངས་ནས་གཟུགས་སྡུག་པ་པ་ལ་ལ་སོགས་པར་སེམས་པའོ། །མདོར་ན་སངས་རྒྱས་དང་བླ་མ་མ་གཏོགས་པ་ཕྱི་ནང་སྣོད་བཅུད་ཀྱི་སྐྱོན་ཐམས་ཅད་ལེན་པའོ། །སངས་རྒྱས་སྐྱོན་ཐམས་ཅད་སྤངས་ཤིང་ཡོན་ཏན་ཐམས་ཅད་རྒྱས་པ་ཡིན། བླ་མ་ལ་བབས་ལ་བླང་རྒྱུ་མེད་ཀྱང་ཚུ་རོལ་མཐོང་བའི་བློ་ངོ་ན་བསྒྲེས་པ་དང་སྐུ་ཁམས་ཞན་པ་ལ་སོགས་པ་བླང་དུ་རུང་ངམ་ཞུས་པས། དེ་འདྲ་བསམ་དུ་མི་རུང་གསུངས། དེས་ན་ཆོས་གང་ནས་ཀྱང་སངས་རྒྱས་དང་ཁྱད་མེད་པར་བཤད་པས་བླང་དུ་མི་རུང་གསུང་སྐད། དེ་དག་ནི་ལེན་པའོ།། ད་གཏོང་བ་འདི་མེད་པར་ཚོགས་མི་རྫོགས། ལེན་པ་བས་ཀྱང་གལ་ཆེ་བ་ཡིན་པ་ལས་སྤྱིར་ནི། བདག་གི་ལུས་དང་ལོངས་སྤྱོད་དང༌། །དུས་གསུམ་དགེ་བ་སྐྱེས་པ་རྣམས། །སེམས་ཅན་ཀུན་གྱི་དོན་སྒྲུབ་ཕྱིར། །འཕངས་པ་མེད་པར་བཏང་བར་བྱ།༧༥ །ཅེས་པས་འདི་གསུམ་བཏང་བ་དང་། བདག་གཞན་བརྗེ་བའི་བྱང་ཆུབ་ཀྱི་སེམས་དང༌། སེམས་ཅན་གྱི་དོན་དུ་དམྱལ་བར་འགྲོ་བ་ཆོས་ཕལ་དུ་བཤད་ཀྱང་འདི་ནི་ཇི་ལྟར་བསྒོམ་པ་དང༌། འདིའི་དུས་སུ་འདི་བསྒོམ་ལ་ལ་སོགས་སོགས་པ་པ་མཐམཐའ་རྒྱ་ཆོད་པ་གང་ཡང་མེད་པ་ཡིན། ད་གཏོང་བའི་དུས་སུ་ལུས་ལོངས་སྤྱོད་དགེ་རྩ་གསུམ་བཏང་བས། དེ་དག་གིས་སངས་རྒྱས་པའི་རྒྱུ་རྐྱེན་མ་ལུས་པར་བྱུང་ནས་སངས་རྒྱས་པར་སེམས་པའོ། །དེ་ལ་ལུས་གཏོང་བའི་ཚེ་འདས་པ་བཏང་རྒྱུ་མེད། ད་ལྟར་གྱི་ལུས་དང་མ་འོངས་པའི་ལུས་ལེན་ཚད་གཏོང་། དེ་ལ་དགོས་པ་གསུམ་སྟེ། ལྷ་བསྒོམ་ཞིང་གཏོང་བ་དང་། ཤ་ཁྲག་ཏུ་གཏོང་བ་དང༌། བཏང་བས་ཟད་པར་སེམས་པའོ། །དང་པོ་ལྷ་བསྒོམ་ཞིང་གཏོང་བ། །ལྷ་ལ་མ་གུས་པར་འགྲོ རྩ་བའི་ལྟུང་བ་ཡང་འབྱུང་། རབ་ཀྱིས་ཐམས་ཅད་ལྷར་ཤེས་པའི་ལྷ་ལ་ལྷ་ཐིམ་པ་ལ་ཉེས་པ་མེད། གཉིས་པ་ཁ་ཅིག་ཤ་འདོད་ཤ་ཁྱེར་ལ་སོགས་པ་བྱེད་པ་ཡང་མི་རུང་སྟེ། དེས་སྤྱིར་ཡང་མི་བཏུབ། ལ་ལ་དེ་ལ་མི་དགའ་བ་ཡང་ཡོད་པས་སོ། །དུག་དང་མཚོན་ལ་སོགས་པར་བྱས་ནས་ཀྱང་མི་རུང་སྟེ། སེམས་ཅན་ལ་གནོད་པས་སོ། །ཤ་ཁྲག་དང་མཚོན་དུག དེ་དག་ཉིད་ཀྱིས་ཕན་བདེའི་རྒྱུར་འགྲོ་བ་ནི་མ་གཏོགས་སོ།། འོ་ན་ཇི་ལྟར་བྱས་ནས་གཏོང་སྙམ་ན། སྡོང་པོ་བཀོད་པ་ལས། བདག་ཉིད་འགྲོ་བ་ཐམས་ཅད་ཀྱི་ཉེ་བར་འཚོ་བའི་ཡིད་བཞིན་གྱི་ལུས་སུ་བསྒྱུར།༧༦ ཞེས་པའམ། རྡོ་རྗེ་རྒྱལ་མཚན་གྱི་བསྔོ་བ་ལས། འབྱུང་བ་ཆེན་པོ་བཞི་སྒོ་སྣ་ཚོགས་དང་། ཚུལ་སྣ་ཚོགས་དང༌། རྣམ་གྲངས་སྣ་ཚོགས་ནས་སེམས་ཅན་ཐམས་ཅད་ལ་ཉེ་བར་འཚོ་བ་དེ་བཞིན་དུ་བྱང་ཆུབ་སེམས་དཔའ་བདག་ཉིད་ཀྱི་ལུས་ཀྱང་སེམས་ཅན་གྱི་ཉེ་བར་འཚོ་བའི་གཞིར་བསྒྱུར།'༧ ཞེས་པ་དང་། སྤྱོད་པ་ལ་འཇུག་པ་ལས། སེམས་ཅན་ཀུན་གྱི་དོན་བསྒྲུབ་ཕྱིར། །ཡིད་བཞིན་གྱི་ནི་ལུས་སུ་བསྒྱུར།༧༨ །ཞེས་པ་ལྟར་ཡིད་བཞིན་གྱི་ལུས་སུ་བྱས་ནས་གཏོང་བའོ། །རང་གི་ལུས་ལོངས་སྤྱོད་དགེ་བ་རྣམས་ཡིད་བཞིན་ནོར་བུ་རིན་ཆེན་ལྟར་བསམས་ནས། དེ་ཡང་ཁ་དོག་དང་དབྱིབས་ལ་སོགས་པ་བསམ་མི་དགོས། ཅི་དགོས་དང་ཅི་འདོད་འབྱུང་བ་ལ་ཟེར། གཏོང་བའི་རིམ་པ་ཡང་དང་པོ་རྩ་བའི་མ་མདུན་དུ་དམིགས་ནས་དེ་ལ་བཏང་བས། མ་དེའི་འཚང་རྒྱ་བའི་ཉེར་ལེན་གྱི་རྒྱུ་དད་པ་དང་བརྩོན་འགྲུས་དང་ཤེས་རབ་དང་བྱང་ཆུ བ་ཀྱི་སེམས་ལ་སོགས་པ་དང༌། ལྷན་ཅིག་སྐྱེ་བར་བྱེད་པའི་རྐྱེན་དགེ་བའི་བཤེས་གཉེན་དང་། དཔེ་ཆ། ཕྱི་ནང་གི་མཐུན་རྐྱེན། ཟས་གོས་ལ་སོགས་པ་གང་དགོས་སྒྲུབ་པ་སྟེ་སངས་རྒྱས་པར་སེམས་པའོ། །དེ་བཞིན་དུ་ཕ་ལ་སོགས་པ་ནས་ནམ་མཁའི་མཐས་ཁྱབ་ཀྱི་སེམས་ཅན་མ་ལུས་པ་དང་། ངན་སོང་གསུམ་དང་། ཉན་རང་དང༌། ས་བཅུའི་བྱང་ཆུབ་སེམས་དཔའི་བར་ལ་བཏང་པས་སྔ་མ་ལྟ་བུར་གྱུར་ནས་སངས་རྒྱས་པར་སེམས་པའོ། །ཡང་ཡིད་བཞིན་གྱི་ནོར་བུ་ལས་ཟས་གོས་ལ་སོགས་པ་གང་འདོད་པ་འབྱུང་བ་ལྟར་རང་གི་ལུས་འདི་ལས་ཀྱང་ནམ་མཁའི་མཐས་ཁྱབ་ཀྱི་སེམས་ཅན་ཐམས་ཅད་ལ་ཟས་གོས་གནས་མལ། ཡུལ་ཞིང་། ཉེ་འབྲེལ་འཁོར་འབངས། ཞོན་པ་ལ་སོགས་པ་འཇིག་རྟེན་པའི་བདེ་བ་ཐམས་ཅད་དང༌། མཁན་སློབ་དང་། དཔེ་ཆ་ལ་སོགས་པ་ཐམས་ཅད་དང༌། དད་པ་དང་ཚུལ་ཁྲིམས་ལ་སོགས་པ་འཇིག་རྟེན་ལས་འདས་པའི་བདེ་བའི་རྒྱུ་འབྲས་ཐམས་ཅད་འབྱུང་བར་སེམས་པའོ། །ཡང་ཡིད་བཞིན་གྱི་ནོར་བུ་དབང་གི་རྒྱལ་པོ་ལ་སོགས་པས་སེམས་ཅན་མང་པོའི་དོན་བྱེད་པ་དེ་བཞིན་དུ་རང་གི་ལུས་འདི་ཡང་སེམས་ཅན་རེ་རེའི་མདུན་ན་ཡོད་པར་བསམ་ནས་སྔ་མ་ལྟར་གང་ལ་གང་དགོས་བྱུང་ནས་སངས་རྒྱས་རོ།། ཡང་རང་གི་ལུས་བེམ་པོའི་རྣམ་པ་དང༌། ཆུ་ལ་སོགས་པ་སེམས་ཅན་རེ་རེའི་མདུན་དུ་གནས་ནས་ཀྱང་སྔ་མ་ལྟར་རོ། །ཡང་རེས་རིལ་པོའི་རྣམ་པ་དང༌། རེས་མགོ་ལ་སོགས་པ་གསེད་ནས་གཏོང་བའོ། །ཡང་སྡུག་བསྔལ་གྱིས་ཉམས་ཐག་པ་དང་མཚན་མ་ངན་པ་ཐམས་ཅད་གོང་ལྟར་བླངས་ནས་ལུས་བཏང་བས་བདེ་བ་དང་མཚན་མ་བཟང་བ་ལ་སོགས་པར་སེམས་པའོ། །དེ་ཡང་བསམ་པ་དེ་ལྟར་བློ་སྦྱོང་བ་ལས་བདུད་གཅོད་པ་བཞིན་ཐོ་ཆོར་མ་སོང་བ་དང༌། ཐོག་ཏུ་ཟུར་ས་མེད་པ་བྱུང་བ་ཡང་ཉམ་ང་བ་དང་། འཇིགས་པ་དང༌། བག་ཚ་བ་མེད་པར་རང་གིས་རྒྱངས་ཀྱིས་སོང་བར་སྦྱོང་བའོ། །ཕྱི་སྣོད་ལ་བཏང་བས་ཀྱང་གསེར་གྱི་ས་གཞི་ལ་བེ་ཌཱུརྱས་མིག་དམངས་རིས་སུ་བྲིས་པ་ལ་སོགས་པ་དག་པའི་འཇིག་རྟེན་གྱི་ཁམས་བདེ་བ་ཅན་ནམ། པདྨོ་ཅན་ལ་སོགས་པ་ལྟར་གྱུར་པར་སེམས་པ་སྟེ། ཆོས་ནས་ཞིང་སྦྱང་བར་བཤད་པ་ཡང་དེ་ཉིད་ཡིན་གསུངས། གཏོང་བ་ནི་བླ་མ་དང་སངས་རྒྱས་ལ་ཡང་གཏོང་བ་སྟེ། ཕལ་པོ་ཆེའི་གླེང་གཞི་ནས་བྱུང་བ་ལྟར་མཆོད་པའི་སྤྲིན་རབ་འབྱམས་བསམ་གྱིས་མི་ཁྱབ་པར་བྱས་ནས་ཕུ ལ་བས་ཐུ གས་དགོངས་ཐམས་ཅད་རྫོགས་པ་དང༌། རྣམ་པར་ཐར་པ་ལ་སོགས་པ་ཐམས་ཅད་དར་བ་དང་རྒྱས་པ་དང༌། གཙང་བ་ལ་སོགས་པར་བྱེད་པའོ། །ཉན་ཐོས་དང་རང་སངས་རྒྱས་དང་། བྱང་ཆུབ་སེམས་དཔའ་ལ་བཏང་བས་སྤང་བྱའི་ལྷག་མ་སྤངས་ཏེ། ཚོགས་གཉིས་རྫོགས་ནས་སངས་རྒྱས་པ་དང་། མཆོད་པའི་སྤྲིན་རྣམས་གང་བཞེད་ཀྱིས་ཐུགས་དགོངས་རྫོགས་པར་བསམ་མོ། །ལོངས་སྤྱོད་བཏང་བ་ནི། རྟ་དང་གླང་པོ་དང༌། འབྲུ་དང་། རིན་པོ་ཆེ་དང་། ཟས་གོས་དང་། ཡུལ་དང་ཁང་ཁྱིམ་དང་། འཁོར་འབངས་ལ་སོགས་པ་རང་དབང་བ་ཐམས་ཅད་དོ། །མི་དབང་བ་ནི། ཕྱི་ནང་གི་དངོས་པོ་གང་ཡིན་ཡང་མ་བྱིན་པར་ལེན་པར་འགྲོ་བས་བཏང་དུ་མི་རུང་སྟེ། ཕྱི་སྣོད་ཀྱི་ནགས་ཚལ་དང་མེ་ཏོག་དང་རིན་པོ་ཆེ་ལ་སོགས་པ་གང་ཟག་སྒོ་རེས་བདག་ཏུ་མ་བཟུང་བ་སེམས་ཅན་སྤྱི་མཐུན་གྱི་བསོད་ནམས་ཀྱིས་གྲུབ་པ་ནི་རང་ཡང་དབང་བ་ཡིན་པས་བཏང་དུ་རུང་ལ། བཅུད་ཀྱི་སེམས་ཅན་ནི་རང་རང་གིས་བདག་ཏུ་བཟུང་བས་བཏང་དུ་མི་རུང་སྟེ། རོལ་མོ་ཡང་ངང་པའི་སྐད་དེ་འབུལ་བ་ཡིན། ལུས་དེ་ཁོས་བདག་ཏུ་བཟུང་བས་དབུལ་དུ་མི་རུང་གསུང་བ་ལྟར་རོ།། བློ་ཆུང་བ་ལ་དེ་ལྟར་ཡིན་ལ། བློ་རྒྱ་ཆེ་བ་རང་འདོད་ཀྱི་འཁྲིས་མེད་པ་ལ་ནི། གཞན་ཆེད་དུ་གཞན་བཏང་དུ་རུང་སྟེ། ལྷ་བླ་མས་མི་མ་ཡིན་པ་ཆེན་པོ་ཐུན་མོང་བ་ཀུན་ཡང་དཀོན་མཆོག་ལ་ཕུལ་ནས་ཁ་ཡིག་བཏབ་པ་དང་། བྲན་ཇོ་བོ་ལ་ཤ་ཚ་བས་དེ་ཉིད་ཀྱི་བྱ་བ་སྒྲུབ་པ་ལ་ནོར་རྫས་ལ་སོགས་པ་མ་དྲིས་པར་བཏང་ཡང་ཉེས་པ་མེད་པ་ལྟ་བུའོ། །ཡང་གྲུབ་མཐའ་ལ་བརྟེན་པ་ལྟར་ན། ཉན་ཐོས་པ་ལྟར་རང་གི་སྣང་བ་འདི་རང་གི་ཉོན་མོངས་པའི་དབང་གིས་འབྲས་བུར་གོ་ནའང་གཞན་གྱིས་ལ་བཏང་བ་མེད་པས་ཐམས་ཅད་བཏང་བས་ཆོག །སེམས་ཙམ་པ་ལྟར་ན་རང་གི་རྣམ་པར་ཤེས་པ་འདི་ཉིད་དོན་དུ་སྣང་བར་ཤེས་ནའང་གཞན་གྱི་བཏང་བ་མེད་པས་ཐམས་ཅད་བཏང་བས་ཆོག དབུ་མ་པས་སྒྱུ་མའི་སྤྲུལ་པ་ལྟར་ཤེས་ནས་བཏང་དུ་རུང་སྟེ། རང་གཞན་གཉིས་མེད་ལ་གཉིས་སུ་རྟོག་པ་ཕྱིན་ཅི་ལོག་ཡིན་པས་སོ། །དེ་ལྟར་ལོངས་སྤྱོད་བཏང་དུ་རུང་མི་རུང་དཔྱད་པ་ཐ་མལ་གྱི་བློ་དང་བསྟུན་པ་ཙམ་ཡིན་གྱི། ཆོས་ཀྱི་གོ་བ་ཅིག་བྱུང་ན་དབང་པོ་དྲུག་གི་གྱུར་པ་ཐམས་ཅད་རང་དབང་བས་གཏོང་བ་ཡིན་ལ། དེ་ཡང་གཟུགས་ལྟ་བུ་རེ་རེ་ལ་ཡང་སྡུག་མི་སྡུག་ཐ་མལ་པ་ལ་གསུམ་གསུམ་དུ་གནས་ཤིང་། དེ་རེ་རེ་ལ་ཡང་ལྔའམ་དྲུག་ཚང་བར་གནས་པས་སྡུག་པ་བཏང་བས་དགའ་བ་བསྐྱེད་པ་དང་། མི་སྡུག་པ་བཏང་བས་ཡིད་འབྱུང་བའི་ཡན་ལག་ཏུ་གཏོང་བའམ། དེ་ཡང་གཟུགས་ལྟ་བུ་རེ་རེ་ལ་ཡང་ལོངས་སྤྱོད་ལྔའམ་དྲུག་ཚང་བ་སྟེ། ཁ་དོག་དང་དབྱིབས་མིག་གི་ལོངས་སྤྱོད་ནས་ཡིད་ཀྱི་ཡུལ་དུ་ཆོས་སྤྱོད་པའི་བར་དུ་ཚང་བ་དང༌། དེ་རེ་རེ་ལ་ཡང་གཟུགས་ཀྱི་ལོངས་སྤྱོད་དཔག་ཏུ་མེད་པ་དང་། རྔ་དང་དུང་ལ་སོགས་པ་སྒྲའི་ལོངས་སྤྱོད་དཔག་ཏུ་མེད་པ་དང་། རྡོ་རྗེ་རྒྱལ་མཚན་གྱི་བསྔོ་བ་དྲུག་པ་ནས་བཤད་པ་ལྟར་བཏང་ངོ༌།༧༩ །དེ་རེ་རེ་ལས་ཀྱང་འཇིག་རྟེན་དང་འཇིག་རྟེན་ལས་འདས་པའི་ཡོ་བྱད་དཔག་ཏུ་མེད་པ་བྱུང་ནས་སྔར་བཞིན་འཚང་རྒྱ་བའི་རྒྱུ་རྐྱེན་མ་ལུས་པ་བྱུང་ནས་སངས་རྒྱས་པར་སེམས་ཏེ། རེ་རེས་ཀྱང་གདུལ་བྱའི་ངོས་ནས་སྦྱར་ན། ནོར་འདོད་པ་ལ་ནོར་གྱི་སྣང་བ་འབྱུང་བ་ནས་ཟས་གོས། གནས་ཁང་དང་འབྲུ་དང༌། རྟ་གླང་ཡུལ་ཞིང་དང་། ཕ་མ་ཉེ་འབྲེལ་དང་འཁོར་འབངས་དང་། ནད་དང་གདོན་དང་བྲལ་བ་ལ་སོགས་པ་གང་འདོད་ཀྱི་སྣང་བ་འབྱུང་བ་དང༌། ལྷ་ཆོས་ཀྱི་གནས་དང་། དགོན་པ་དང་། གྲོགས་དང་དཔེ་ཆ་དང་། མཆོད་གནས་དང་། མཆོད་ཆ་ལ་སོགས་པ་གང་འདོད་ཀྱི་སྣང་བ་དང་། དམ་པའི་ཆོས་ཀྱི་དབང་དུ་བྱས་ན་རྟེན་དལ་འབྱོར་དང་། དད་པ་ལ་སོགས་པ་འཕགས་པའི་ནོར་བདུན་དང༌། བསླབ་གསུམ། མི་རྟག་པ་ལ་སོགས་པའི་ལམ་རིམ་དང་ཚད་མེད་བཞི། བྱང་སེམས་གཉིས། སྦྱོར་བ་ཕ་རོལ་ཏུ་ཕྱིན་པ་དྲུག བསྡུ་བའི་དངོས་པོ་ལ་སོགས་པ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན། སྡོམ་པའི་རིམ་པ། རྒྱུད་སྡེ་བཞི། འཕྲིན་ལས་དང་། སངས་རྒྱས་ཀྱི་ཆོས་དང༌། ཡོན་ཏན་ལ་སོགས་པ་གང་འདོད་པ་དང་། མོས་པ་དང་གང་གིས་འདུལ་བའི་སྣང་བ་འབྱུང་བ་དང་། དེ་ཐམས་ཅད་ཀྱིས་ཀྱང་འཚང་རྒྱ་བའི་རྒྱུ་རྐྱེན་དུ་སོང་ནས་སངས་རྒྱས་པར་སེམས་པའོ། །དེ་བཞིན་དུ་སྒྲ་ནས་ཆོས་ཀྱི་བར་དང་། བྱེ་བྲག་ཟན་ཆང་གཅིག་གཏོང་བ་ལ་དེ་བཞིན་དུ་སྦྱར་རོ།། བླ་མ་དཀོན་མཆོག་ལ་འབུལ་བ་ཡང་སྤྱིར། གཟུགས་ལ་རྣམ་གསུམ་ཤེས་བྱས་ནས། །ལྷ་རྣམས་ཀུན་ལ་དབུལ་བར་བགྱི།༨༠ །ཞེས་པ་ལྟར་གསུམ་ཀ་ཡང་གོང་ལྟར་དབུལ་བ་དང་། བྱེ་བྲག་ཏུ་ནོར་རྫས་ཡུལ་ཁྱིམ་དང་ཟས་གོས་མལ་སྟན་རེ་རེ་ཡང་དཔག་ཏུ་མེད་པ་དང་། རེ་རེ་ཡང་ལྔ་ཀ་ཚང་བ་དང་། དེ་རེ་རེ་ལ་ཡང་དཔག་ཏུ་མེད་པ་སྟེ། མར་མེའི་སྣང་བ་ལས། སངས་རྒྱས་ཀྱི་ཞིང་ཁམས་ཐམས་ཅད་དུ་རིན་པོ་ཆེའི་སྒྲོན་མེའི་འོད་དང༌། ཚེག་ཚེམ་གྱི་སྒྲ་ལས་རོལ་མོ་དང༌། དྲི་ལས་སྤོས་ཀྱི་རྣམ་པ་དང་། རོ་ལས་ཞལ་ཟས་དང་། རེག་བྱ་ལས་གོས་ཏེ། ཐམས་ཅད་དཔག་ཏུ་མེད་པ་རྒྱུན་མི་འཆད་པ་འབྱུང་བར་བསམས་ཏེ། དངོས་པོ་དེ་ཉིད་དང་མཐུན་པར་བྱས་ནས་འབུལ་བའོ། །ཡང་ལུས་དང་ལོངས་སྤྱོད་རང་གང་ལ་ཆགས་མེད་ཅིག་དགེ་བ་ཡིན་པས་ཆགས་པའི་དངོས་པོ་དེ་དཀའ་ཞིང་གཏོང་ངོ་། །དངོས་སུ་ཆོས་གོས་གསུམ་མ་གཏོགས་པ་གཏོང་བའོ། །དགེ་བ་དུས་གསུམ་ཀའི་གཏོང་བ་སྟེ། ཞི་བ་ལྷས། དུས་གསུམ་དགེ་བ་སྐྱེས་པ་རྣམས། །ཞེས་དང༌། ཀླུས། བདག་གིས་བགྱིས་དང་མི་བགྱིས་པའི། །དགེ་བ་༨༢ ཞེས་དང༌། བརྒྱད་སྟོང་འགྲེལ་པ་ལས། བར་གསུམ་གྱི་དགེ་བ་རྣམས་བསྔོ་བར་གསུངས་པའོ།། དེ་ལ་ཟས་བྱིན་པའི་དགེ་བའི་རྩ་བས་སེམས་ཅན་ཟས་ལ་ཞེན་པ་མེད་པ་དང་། བདུད་རྩིའི་ཟས་ནས་རོ་མཆོག་གི་བདེ་བའི་ཡེ་ཤེས་ཀྱི་ཟས་དང་ལྡན་པར་གཏོང་ཞིང་། བཏུང་བ་བྱིན་པའི་དགེ་བས་སེམས་ཅན་ཐམས་ཅད་རོ་བྲོ་བ་ཐམས་ཅད་ལ་མི་ཆགས་པ་དང༌། མཚན་མར་མི་འཛིན་ཅིང་ཆོས་ཀྱི་ཤུགས་དང་དགའ་བ་བླ་ན་མེད་པས་ཚིམ་པར་གཏོང་བ་དང་། མལ་སྟན་བྱིན་པ་ལ་སོགས་པ་རྡོ་རྗེ་རྒྱལ་མཚན་གྱི་བསྔོ་བ་དྲུག་པ་༨༣ ལ་སོགས་པ་ནས་གསུངས་པ་ལྟར་གཏོང་བའོ། །ནམ་མཁའ་མཛོད་ཀྱི་མདོ་ལས། བདག་གི་དགེ་བའི་རྩ་བའམ་ཆོས་ལ་མཁས་པ་གང་ཡིན་པ་དེ་སེམས་ཅན་ཐམས་ཅད་ཀྱི་ཉེ་བར་འཚོ་བར་མི་འགྱུར་བར་མ་གྱུར་ཅིག །ཅེས་པའམ། རྡོ་རྗེ་རྒྱལ་མཚན་གྱི་བསྔོ་བ་དང་པོ་དང༌། བྱང་ས་དང༌། རྒྱན་དང་། རིན་ཕྲེང་དང༌། སྤྱོད་འཇུག་ལ་སོགས་པ་ལྟར་དད་པ་ལན་ཅིག་སྐྱེས་པ་ནས་བྱང་ཆུབ་ཀྱི་སེམས་རླབས་ཆེན་སྐྱེས་པའི་བར་བསམ་པས་བསྡུས་པའི་དགེ་བ་དང་། དུད་འགྲོ་ལ་ཟན་ཆང་བ་གཅིག་བྱིན་པ་ནས་བསྡུ་བ་བཞིས་བསྡུས་པའི་བར་སྦྱོར་བར་བསྡུས་པ་དང༌། བསོད་ནམས་གསུམ། ཟག་བཅས་ཟག་མེད་ཀྱིས་བསྡུས་པའི་དགེ་བ་སྣ་རེས་ཀྱང་སེམས་ཅན་ཐམས་ཅད་ལ་ཅི་འདོད་འབྱུང་ཞིང་སངས་རྒྱས་ཀྱི་རྒྱུ་རྐྱེན་ཐམས་ཅད་ཚང་ནས་སངས་རྒྱས་པར་སེམས་པའོ། །དེ་ཡང་སེམས་ཅན་རེ་རེ་ལ་ཡང་ལུས་ལོངས་སྤྱོད་དགེ་རྩ་རིལ་པོ་རེ་རེ་གཏོང་བའོ། །དེས་ཀྱང་གར་ཡང་མི་ཕྱིན་པས་དུ ས་གསུ མ་གྱི་སངས་རྒྱས་དང་བྱང་ཆུ བ་སེམས་དཔའ་བླ་མ་བརྒྱུ ད་པ་དང་བཅས་པ་དེ་གསུམ་གཏོང་བའོ།། དེ་བཏང་ན་རུང་ངམ་སྙམ་ན་རུང་སྟེ། ཁོང་བདག་འཛིན་སྤངས་ཤིང་དང་པོ་སེམས་བསྐྱེད་ཙ་ན་ཐམས་ཅད་སེམས་ཅན་ལ་བཏང་བ་ཡིན་པས་སོ། །དེ་ཙ་ན་ཡིད་བཞིན་དུ་བསྒྱུར་ཅིང༌། བཏང་རྒྱུ་ཡང་དཔག་ཏུ་མེད་དོ། །ས་དང་པོ་བའི་བྱང་ཆུབ་སེམས་དཔའ་ལ་ཡོན་ཏན་བརྒྱ་ཕྲག་བཅུ་གཉིས་ཡོད་པ་ནས་བཟུང་སྟེ། སངས་རྒྱས་ཀྱི་དུས་སྐད་ཅིག་མ་གཅིག་ལ་འཕྲིན་ལས་དཔག་ཏུ་མེད་པ་འབྱུང་བའི་བར་དང༌། བྱང་ཆུབ་སེམས་དཔའ་རིགས་ལྡན་དང་པོ་སེམས་བསྐྱེད་པ་ན་ཡང་ནམ་མཁའི་ཁམས་སུ་མི་ཤོང་བའི་བསོད་ནམས་དཔག་ཏུ་མེད་པའི་ཕྱིར་དང་། སངས་རྒྱས་ཀྱི་བ་སྤུའི་བུ་ག་ནས་བཟུང་ནས་མཚན་དང་དཔེ་བྱད་ལ་སོགས་པ་བསོད་ནམས་ཀྱི་རྒྱུར་དཔག་ཏུ་མེད་པ་གསུངས་པའི་ཕྱིར་རོ། །དེ་ལྟར་བཏང་རྒྱུ་དཔག་ཏུ་མེད་པས་སེམས་ཅན་གྱི་དོན་མ་ལུས་པར་འགྲུབ་པའི་རྒྱུ་རྐྱེན་ཚང་བས་ཚོགས་རྫོགས་པ་དང་། དོན་བྱེད་པ་ལ་ཚེགས་མེད་པ་དང༌། དེ་དག་གི་ཐུགས་དགོངས་རྫོགས་པར་བྱེད་པ་ཡང་དེ་ཡིན་གསུངས། དེ་ལྟར་གཏོང་བ་གསུམ་ཀ་ཡང་རྩ་བའི་མ་ནས་སེམས་ཅན་ཐམས་ཅད་དང་། མནར་མེད་པ་ནས་སངས་རྒྱས་ཀྱི་བར་རིམ་པར་གཏོང་བ་དང་འུབས་བསྡུས་ནས་དུས་གཅིག་ལ་གཏོང་བ་དང་། ལུས་ལོངས་སྤྱོད་ལ་སོགས་པ་སྣ་རེ་ལས་ཀྱང་ཐམས་ཅད་འབྱུང་བར་གཏོང་བ་དང་གསུམ་ཀ་རིལ་པོ་རེ་རེ་གཏང་བས་ཀྱང་དེ་ལྟར་གཏོང་བ་དང༌། ལུས་ལ་སོགས་པ་མང་པོ་བྱས་ནས་སེམས་ཅན་རེ་རེ་ལ་གཏོང་བ་དང༌། འདི་གཅིག་པུས་སེམས་ཅན་ཐམས་ཅད་ཚིམ་པ་ལ་སོགས་པ་ལེན་པའི་སྐབས་ལྟར་རོ།། དེ་ལྟར་བསམས་ཀྱང་གཞན་ལ་དེ་ལྟར་མི་འབྱུང་བས་དོན་མེད་དོ་སྙམ་ན། རྩིགས་སུ་མི་ཆེ་སྣ་ཚོགས་སྦྱོང༌། །རབ་བདུན་ལ་སོགས་དཔེ་བཟླས་ལའང་།&quot; །ཞེས་པའམ། ཇི་ལྟ་ཇི་ལྟར་མང་དུ་མིས་བརྟགས་ན།༦ །དེ་ལ་གནས་པའི་རྣམ་པར་རྟོག་པ་དེས། །དེ་ལྟ་དེ་ལྟར་དེ་ལ་སེམས་གཞོལ་འགྱུར།༨༧ །ཞེས་པ་དང༌། གཞན་ཕན་ལས་ལ་མཐུ་མེད་ཀྱང༌། །དེ་ཡི་བསམ་པ་རྟག་ཏུ་བྱ། །གང་ལ་བསམ་པ་དེ་ཡོད་པ། །དེ་ནི་དེ་ལ་དོན་གྱིས་ཞུགས།༨༨ །ཞེས་པ་ལྟར་དེ་ལྟར་བློ་སྦྱོང་བ་ཡིན་ཏེ། མོས་པ་སྤྱོད་པའི་དུས་ཡིན་པས་ད་ལྟ་མོས་པས་སྦྱོང་ལ། དེ་ནས་དེ་ལ་བློ་གཞོལ་བ་དང་དོན་གྱིས་ཞུགས་པར་ཡང་འགྱུར་ཞིང་། ས་ཐོབ་ནས་ཡོན་ཏན་བརྒྱ་ཕྲག་བཅུ་གཉིས་དང་ལྡན་ཞིང་མགོ་དང་རྐང་ལག་གཏོང་བ་ལ་སོགས་པ་སྦྱོར་བས་དངོས་སུ་གཞན་དོན་བྱེད་ཅིང༌། སངས་རྒྱས་ནས་ཡོན་ཏན་བསམ་གྱིས་མི་ཁྱབ་པ་ཐོབ་ནས་འབད་རྩོལ་མི་མངའ་བར་གཞན་དོན་རྒྱུན་མི་ཆད་པ་ཡིན་ནོ། །དེས་ན་ཡོན་ཏན་དང་འཕྲིན་ལས་ཐམས་ཅད་རྒྱུ་འདི་བཞིན་སྦྱངས་པ་ལས་འབྱུང་སྟེ། རྣམ་འགྲེལ་ལས། རྒྱུ་ཚོགས་པ་ལས་འབྲས་སྐྱེ་བ།༩ །ཞེས་དང་། འབྲས་བུ་རྒྱུ་ཡི་རྗེས་སུ་འཇུག ° །ཞེས་པ་ལྟར་རོ། །དེས་ན་རྒྱུ་དང་མཐུན་པའི་འབྲས་བུ་འབྱུང་བ་ཡིན་གྱི་རྒྱུ་མེད་ཀྱི་འབྲས་བུ་འབྱུང་བ་ནམ་མཁའི་པདྨོབཞིན་ནོ། །དེས་ན་འདི་ཡོད་ན་ལྟ་བ་སྤྱོད་པ་སྒོམ་པ་འབྲས་བུ་གསུམ་པོ་ཐམས་ཅད་འདིས་ཆོག སྨན་དཀར་པོ་ཆིག་ཐུབ་ལྟ་བུ་ཡིན། ས་ཐོབ་པའི་བྱང་ཆུབ་སེམས་དཔའི་མཛད་སྤྱོད་ནས་སངས་རྒྱས་ཀྱི་བར་གྱི་མཛད་པ་ཐམས་ཅད་ད་ལྟ་ནས་དངོས་སུ་ཉམས་སུ་བླངས་དུ་ཡོད་པ་ཡིན་པས་འདི་ལས་ལྷག་པའི་ཆོས་གང་ན་ཡང་མེད་གསུངས། དངོས་གཞི་དེ་རང་ཡིན། དེ་ཡང་རེ་རེ་ལ་སྦྱངས་ན་སྐྱོ་བར་འགྱུར་བས་སྤེལ་མར་སྦྱང་ཞེས་པའམ་སྤེལ་མར་བསླབ་ཅེས་པ་སྟེ། སེམས་ཅན་ཐམས་ཅད་ཀྱི་སྡུག་བསྔལ་དང་ཀུན་འབྱུང་རང་གི་སྙིང་གི་དཀྱིལ་དུ་ལེན་པ་དང༌། རང་གི་ལུས་ལོངས་སྤྱོད་དགེ་བའི་རྩ་བ་གསུམ་སེམས་ཅན་ལ་གཏོང་བ་ནི་ཐུན་རེ་ལ་སྤེལ་ནས་སྒོམ་པའོ། །དེ་ཡང་གོང་ལྟར་རེས་རྩ་བའི་མ་ནས་སེམས་ཤིང་སྤེལ་བ་རེས་རིམ་གྱིས་མཐར་ཆགས་སུ་དང་། རེས་ལས་ངན་ཅན་དང༌། རེས་ཉོན་མོངས་པ་ཅན་ཤ་སྟག་དང༌། རེས་སྐད་ཅིག་མ་སྔ་བ་ལ་ལེན། ཕྱི་མ་ལ་གཏོང་བའོ། །ལ་སོགས་པ་སྟེ། དེ་ལྟར་བྱས་ན་བློ་སྦྱོང་རྐྱེན་ཤེས་པ་དོན་ལ་འགྲོ། དོན་དང་རྡོ་རུས་ཐུག རྐྱེན་འདི་བྱུང་ན་ཚོགས་རྫོགས་པ་དང་སྒྲིབ་པ་སྦྱོང་བ་ལ་ཚེགས་མེད་དེ། སྡིག་པ་ཅི་ཙམ་ཡོད་ཀྱང་བསྐལ་པའི་མེས་བྱིའུ་ཤ་མེད་ལ་བྱ་བ་བཞིན་དུ་འགྲོ་གསུངས། དེ་ཡང་གང་ཟག་གི་ཁམས་དང་བསམ་པའི་བྱེ་བྲག་གི ས་ལ་ལ་འདི་ཐོས་པ་ཙམ་གྱིས་སངས་རྒྱས་སྒྲུབ་པ་ལ་རྒྱུ་འདི་འཐད་སྙམ་ནས་སྤྲོ་དགར་འཇུག་པ་ཡང་ཡོད། ཁ་ཅིག་འདི་འདྲ་དྲན་པ་ལྟས་ངན་ཡིན་སྙམ་ནས་མི་མོས་ཤིང་སྐྲག་པ་ཡང་ཡོང་བས་ཕྱོགས་གཅིག་ཏུ་ངེས་པ་མེད། དེ་ཡང་ཨ་རེ་འདོད་ཀྱི་མི་ཡོང་བས། བླ་མའི་གདམས་ངག་བསོད་ནམས་ཀྱི་ཕུལ། དད་པ་དང་། བརྩོན་འགྲུས་དང༌། ཤེས་རབ་ལ་སོགས་པའི་སྟོབས་དང༌། ཐ་ན་མི་རྩ་དྲག་པོ་ཚུན་ཆད་ར་མདའ་བཟློག་ནས་དོལ་ཆོད་དུ་སྦྱོང་བ་གཅིག་དགོས། ཁྲལ་མ་ཙམ་བྱས་པས་ཡོང་བའི་ལམ་ན་མི་བདོག འབད་རྩོལ་དྲག་པོ་དང་སྙིང་སྟོབས་ལ་བརྟེན་ནས་སྦྱོང་བ་གཅིག་དགོས་པ་ཡིན། དེ་ཡང་རེས་ས་བཅུའི་བྱང་ཆུབ་སེམས་དཔའི་སྤྱོད་པ་སྤྱད་དུ་བྱུང་བ་སྙམ་དུ་དགའ་བ་བསྒོམ། རེས་འདི་རྒྱུད་ལ་སྐྱེ་བར་གསོལ་བ་གདབ། སྒོམ་སྙིང་མི་འདོད་པ་དང་། རྒྱུད་ལ་མི་སྐྱེས་པའི་གེགས་སྒྲིབ་པ་སྦྱང་། སྐྱེ་བའི་མཐུན་རྐྱེན་ཚོགས་བསག ཆོས་སྐྱོང་ལ་འཕྲིན་ལས་ཞུ། སྨོན་ལམ་གདབ། ཆོས་འདི་ཤ་སྟག་སྟོན་པ་བལྟ། མཉན། གྲོགས་འདི་ཤ་སྟག་སྒོམ་པ་དང་འགྲོགས། འདི་སྒོམ་དུ་མི་རུང་ཟེར་བ་དང་། འོ་ན་ཏ་ཟེར་བ་དང་མི་འགྲོགས། དེས་ན་ཕྱོགས་ཐམས་ཅད་ནས་ཆོས་ཀྱི་ཁྲི་ལ་བླངས་ལ་བསྒོམ་པའོ།། འོ་ན་འདི་ལྟ་བུའི་ཆོས་གང་ནས་བཤད་སྙམ་ན། མདོ་རྒྱུད་བསྟན་བཅོས་ཐམས་ཅད་ནས་བཤད། ཇི་སྐད་དུ་ཕལ་པོ་ཆེའི་ནོར་བཟང་གི་རྣམ་པར་ཐར་པ་ལས། འགྲོ་བའི་སྡུག་བསྔལ་བདག་ཉིད་ལ་བསྒྱུར་བ་ནི་མོས། བདག་ཉིད་འགྲོ་བ་ཀུན་གྱི་ཉེ་བར་འཚོ་བའི་ལུས་སུ་བསྒྱུརོ། ཞེས་གཏོང་ལེན་གཉིས་གསུངས་པ་དང་། མཆོག་གི་སྤྱོད་པའི་སྨོན་ལམ་ལས་ཀྱང་། སེམས་དམྱལ་དུད་འགྲོ་གཤིན་རྗེའི་སྡུག་བསྔལ་དང་། །དུད་འགྲོའི་གནས་རྣམས་མི་ཡི་སྡུག་བསྔལ་དང་། །འགྲོ་བའི་སྡུག་བསྔལ་ཕུང་པོ་མཐའ་དག་རྣམས། །བདག་ལ་བབས་འགྱུར་འགྲོ་བ་བདེ་བར་ཤོག༩༢ །ཅེས་དང་། བྱམས་པ་མཆོག་སྦྱིན་གྱི་སྨོན་ལམ་ལས་ཀྱང༌། སྲིད་རྩེ་མན་ཆད་མནར་མེད་ཡན་ཆད་དང༌། །འཇིག་རྟེན་བགྲང་དུ་མེད་པ་ཐམས་ཅད་ཀྱི། །ལྷ་དང་ལྷ་མིན་ལྟོ་འཕྱེ་ཆེན་པོའི་ཚོགས། །བདེ་བར་གྱུར་ཅིག་སྡུག་བསྔལ་བདག་གིས་བླངས།”༣ །ཞེས་དང་། སློབ་དཔོན་ཀླུ་སྒྲུབ་ཀྱིས་ཀྱང་། བདག་ལ་དེ་དག་སྡིག་སྨིན་ཅིང་། །བདག་དགེ་མ་ལུས་དེར་སྨིན་ཤོག”༤ །ཅེས་དང༌། སློབ་དཔོན་ཞི་བ་ལྷས་ཀྱང་། བདག་དང་གཞན་དུ་མཉམ་པ་དང་། །བདག་དང་གཞན་དུ་བརྗེ་བར་བགྱི། །ཞེས་དང་། བདག་ཉིད་སྐྱོན་བཅས་གཞན་ལ་ཡང་། །ཡོན་ཏན་རྒྱ་མཚོར་ཤེས་བྱས་ནས། །བདག་འཛིན་ཡོངས་སུ་དོར་བ་དང་། །གཞན་བླང་པ་ནི་བསྒོམ་པར་བྱ།༩༦ །ཞེས་དང་། གང་ཞིག་བདག་དང་གཞན་རྣམས་ནི། །མྱུར་དུ་སྐྱབས་པར་འདོད་པ་དེས། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ།༩༧ །ཞེས་དང༌། བདག་བདེ་གཞན་གྱི་སྡུག་བསྔལ་དག །ཡང་དག་བརྗེ་བར་མ་བྱས་ན། །སངས་རྒྱས་ཉིད་དུ་མི་འགྱུར་ཞིང་། །འཁོར་བ་ན་ཡང་བདེ་བ་མེད།༩༨ །ཅེས་དང་། དེ་ལྟས་བདག་གནོད་ཞི་བ་དང་། གཞན་གྱི་སྡུག་བསྔལ་ཞི་བྱའི་ཕྱིར། །བདག་ཉིད་གཞན་ལ་བཏང་བ་དང་། །གཞན་རྣམས་བདག་བཞིན་བསྲུང་བར་བྱ།༩༩ །ཞེས་དང་། འགྲོ་བའི་སྡུག་བསྔལ་གང་ཅིའ ང་རུང༌། །དེ་ཀུན་བདག་ལ་ལ་སྨིན་གྱུར་ཅིག༡༠༠ །ཅེས་དང༌། རྗེ་བཙུན་བྱམས་པས་ཀྱང་། མདོ་སྡེ་རྒྱན་ལས། བདག་དང་གཞན་དུ་མཉམ་པའི་ལམ་ཉིད་དམ། །བདག་པས་གཞན་གཅེས་སྡུག་པ་རྙེད་ནས་ནི། །དེ་ལྟར་བདག་པས་གཞན་དོན་མཆོག་ཏུ་ཤེས། །རང་གི་དོན་གང་གཞན་གྱི་དོན་གང་ཡིན།༡༠༡ །ཞེས་དང་། ཇི་ལྟར་སྙིང་རྗེའི་བདག་ཉིད་གཞན་གྱི་དོན་གྱི་ཕྱིར། །བདག་ལ་སྡུག་བསྔལ་མི་བཟད་གདུང་བར་རབ་བྱེད་པ། །དེ་ལྟར་འཇིག་རྟེན་གདུང་བའི་ལས་ཀྱིས་གཞན་དགྲ་ལའང་། །ཤིན་ཏུ་བརྩེ་བ་མེད་པར་འཇུག་པར་འགྱུར་མ་ཡིན།༡༠༢ །ཞེས་དང༌། སློབ་དཔོན་རྟ་དབྱངས་ཀྱི་སྨོན་ལམ་བདུན་ཅུ་པ་ལས། སྐྱེ་བོ་ཉོན་མོངས་དུག་གིས་མགོ་རྨོངས་པ། །དེ་དག་རྣམས་ལ་མི་དགེ་གང་མཆིས་པ། །དེ་ནི་བདག་ཉིད་ཁོ་ན་དགའ་བཞིན་དུ། །ཅི་ནས་དམྱལ་བ་རྣམས་སུ་གཞོལ་པར་བགྱི། །འཇིག་རྟེན་རབ་ཞི་བདེ་བའི་བདུད་རྩི་ཡིས། །ཚིམ་ནས་ཡིད་ནི་དགའ་བར་བགྱིད་གྱུར་ཅིག །འགྲོ་བ་དག་གི་སྡུག་བསྔལ་ཅི་སྙེད་པ། །དེ་ནི་བདག་གིས་དང་དུ་ལེན་པར་ཤོག་༡༠༣ །ཅེས་དང་། སློབ་དཔོན་དབྱིག་གཉེན་གྱི་ཚོགས་ཀྱི་གཏམ་ལས། རང་གི་ལུས་དང་སྲོག་དང་ནི། །སེམས་ཅན་ཀུན་ལ་བཏང་བར་བྱ། །ལུས་ཅན་ཀུན་ལ་བྱམས་པ་དང་། །སྙིང་རྗེའི་སེམས་ཀྱིས་ཁྱབ་པར་བྱ། །སྡིག་པ་ཀུན་གྱི་རྣམ་སྨིན་ནི། །རང་གི་རྒྱུད་ལ་མངོན་འདོད་ཅིང་། །བསོད་ནམས་ཀུན་ལ་ཡི་རངས་དང་། །སངས་རྒྱས་བདག་ཉིད་ཆེ་ལ་བསམ།༡༠༤ །ཞེས་དང༌། རང་གི་ལུས་དང་སྲོག་ཉིད་ནི། །ཡིད་ཀྱིས་རྗེས་བཞིན་བཏང་བར་བྱ།༡༠༥ །ཞེས་དང༌། སྲོག་ཆགས་ཀུན་གྱི་སྡིག་པ་རྣམས། །ཐམས་ཅད་བདག་ལ་སྨིན་པར་ནི། །དེ་ལྟར་སྡིག་པ་ལེན་བྱེད་ཅིང་། །འགྲོ་བ་ཕོངས་པའི་སྡིག་པ་བླངས།༡༠༦ །ཞེས་དང་། གཞན་ཀུན་བདག་གིར་བྱ་བ་དང་། །རང་གི་རྟེན་ལ་གཞན་དུ་བྱ།༡༠༧ །ཞེས་དང༌། སློབ་དཔོན་ཐོགས་མེད་ཀྱིས་ཀྱང་། །བྱང་ཆུབ་སེམས་དཔའི་སར་༡༠༨ གསུངས་པ་ལྟར་རོ། །བདེ་མཆོག་གི་རྒྱུན་བཤགས་ནས་ཀྱང་། སེམས་ཅན་ཀུན་གྱི་སྡུག་བསྔལ་བདག་ལ་སྨིན། །བདག་གི་དགེ་བས་དེ་ཀུན་བདེ་བར་ཤོག །ཚེ་རབས་ཀུན་ཏུ་སྒོ་གསུམ་རིན་ཆེན་དང༌། །བུམ་བཟང་དཔག་བསམ་ཤིང་སོགས་ལྟ་བུར་ཤོག་༡༠༩ །ཅེས་པ་ལ་སོགས་པ་དུ་མ་གསུངས་པ་ཡིན་ནོ།། ཡང་རིགས་ཆད་དང་། ཉན་རང་གིས་སངས་རྒྱས་མི་ཐོབ་པར་གསུངས་པ་དེ་དག་སངས་རྒྱས་ལ་འགོད་མི་ནུས་སམ་སྙམ་ན། དེ་ནི་བློ་ཆུང་བ་ལ་དགོངས་པ་ཡིན་གྱི། རྣལ་མར་སངས་རྒྱས་ལ་འགོད་མི་ནུས་པ་མི་སྲིད་པས་བློ་འདི་ལྟ་བུ་སྦྱོང་བའི་དུས་སུ་དེ་ལྟར་ཐག་ཆོད་ངེས་པས་ཏེ། བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །སེམས་ནི་རྒྱ་ཆེན་མཆོག་ཏུ་རབ་བསྐྱེད་དེ། །འགྲོ་བ་འདི་དག་མ་ལུས་སངས་རྒྱས་རྒྱུ། །འདི་ན་སྣོད་མིན་སེམས་ཅན་གང་ཡང་མེད།༡༡༠ །ཅེས་དང༌། ཆོས་ཀྱི་དབྱིངས་ལ་དབྱེར་མེད་ཕྱིར། །རིགས་ནི་ཐ་དད་རུང་མ་ཡིན།༡༡༡ །ཞེས་དང༌། དེ་བཞིན་ཉིད་ནི་ཐམས་ཅད་ལའང་། ཁྱད་པར་མེད་ཀྱང་དག་གྱུར་པས། །དེ་བཞིན་གཤེགས་ཉིད་དེ་ཡི་ཕྱིར། །འགྲོ་ཀུན་དེ་ཡི་སྙིང་པོ་ཅན།༡༡༢ །ཞེས་དང་། རྫོགས་སངས་སྐུ་ནི་འཕྲོ་ཕྱིར་དང་། དེ་བཞིན་ཉིད་དང་དབྱེར་མེད་ཕྱིར། །རིགས་ཡོད་ཕྱིར་ན་ལུས་ཅན་ཀུན། །རྟག་ཏུ་སངས་རྒྱས་སྙིང་པོ་ཅན།༡༡ ༣ །ཞེས་གསུངས་པས་སེམས་ཅན་ཐམས་ཅད་ལ་སྒོམ་ཞིང་སེམས་ཅན་གང་ལ་བྱེད་པ་ན་མི་དགེ་བ་བཅུ་དང་མཚམས་མེད་པ་ལྔ་བྱེད་པ་དང་། བསྟན་པ་རྩ་བ་ནས་འཇིག་པའི་སྡེ་འཁྲུག་བྱེད་པ་རྣམས་ལ། ན་བའི་བུ་ལ་ཁྱད་པར་ཡང་། །མ་ནི་རིམ་གྲོ་བྱེད་པ་ལྟར། དེ་བཞིན་བྱང་ཆུབ་སེམས་དཔའ་ཡང་། །དམ་པ་མིན་ལ་ལྷག་པར་བརྩེ།༡༡༤ །ཞེས་པའམ། སྐྱེས་བུ་ཆེན པོའི་སྒྲུབ་བྱ་ནི། །འཁོར་བ་ཡིན་པར་མ་ཤེས་ཤིང་། །རིགས་ཆད་གདུལ་བྱའི་གཙོ་བོ་རུ། །མ་ཤེས་ཀྱེ་མ་བདག་ཉིད་ལའང་།༡༡༥ །ཞེས་པ་ལྟར་ཤེས་པར་བྱས་ལ། གཏོང་ལེན་གཉིས་ཀྱིས་སེམས་ཅན་ཐམས་ཅད་འཚང་རྒྱ་བའི་རྒྱུ་རྐྱེན་ཚང་ནས་སེམས་ཅན་ཐམས་ཅད་སངས་རྒྱས་པར་བསྒོམ་པ་ཡིན་གསུངས། དེ་ཡང་ལེན་པའི་གོ་རིམ་ནི། ལེན་པའི་གོ་རིམ་རང་ནས་རྩམ། །ཞེས་བྱ་བ་སྟེ། ཐོས་བསམ་གྱིས་བློ་མ་སྦྱོང་པ། རང་ལ་གཅེས་པར་འཛིན་པ་ཤས་ཆེའི་གང་ཟག་འགའ་ཞིག་གཞན་གྱི་སྡུག་བསྔལ་ལེན་པ་ལ་སྐྲག་པ་ལྟ་ན། དེས་དང་པོ་རང་ཉིད་ཀྱི་སྡུག་བསྔལ་ལེན་པ་ལ་སློབ་པ་སྟེ། རང་གི་ཐོག་མ་མེད་པ་ནས་བསགས་པའི་ལས་བྱེད་ངེས་དང་། རྣམ་སྨིན་མྱོང་ངེས་རྣམས་ཚེ་འདི་ལ་སྨིན་པར་གྱུར་ཅིག །ཅེས་པ་ནས། འདིར་ཡང་ཚེ་སྨད་ལ་སྨིན་རྒྱུ། ཚེ་སྟོད་ལ་ལེན་པ་ལ་སོགས་པའོ། །དེ་ནས་བརྩམས་ནས་རྩ་བའི་མ་ནས་སེམས་ཅན་ཐམས་ཅད་ཀྱི་བར་དང༌། མནར་མེད་པ་ནས་བཟུང་སྟེ། ཉན་རང་བྱང་ཆུབ་སེམས་དཔའི་བར་གྱི་ལེན་པ་སྟེ། མདོ་སྡེ་རྒྱན་ལས། རབ་བར་དགྲ་ཡི་དབང་དུ་སོང་། །སྡུག་བསྔལ་གྱིས་ནོན་མུན་པས་སྒྲིབ། །བགྲོད་དཀའི་ལམ་ལ་རབ་ཏུ་ཞུགས། །འཆིང་བ་ཆེ་དང་ཡང་དག་ལྡན། །ཟས་ཆེན་དུག་དང་འདྲེས་ལ་ཞེན། །ལམ་ནི་རབ་ཏུ་སྟོར་གྱུར་པ། །ལམ་གོལ་བ་ཞུགས་སྟོབས་ཆུང་བའི། །སེམས་ཅན་རྣམས་ལ་སྙིང་རྗེའོ།༡༡༦ །ཞེས་གསུངས་པ་ལྟ་བུའོ།། ཡང་གང་ཟག་རྣམ་པར་རྟོག་པ་མང་བས་བསྐོལ་དུ་མི་རུང་བ་དག་དམིགས་པ་ལ་སེམས་གནས་པ་དང་། འབྱོངས་རྐྱེན་པར་བྱ་བའི་ཕྱིར། དེ་གཉིས་རླུང་ལ་སྐྱོན་པར་བྱ། །ཞེས་བྱ་བ་ནི། དང༌ པོའི་དུས་སུ་གཏོང་ལེན་ཡུན་རིང་པོར་སྤེལ་ནས་བསྒོམ། དེ་ནས་རེས་ཐུང་ལ་ཤིན་ཏུ་འབྱོངས་ནས་རླུང་ལ་སྐྱོན་པར་བྱའོ།། རླུང་ཕྱིར་རྒྱུ་ཙ་ན། རང་གི་ལུས་ལོངས་སྤྱོད་དགེ་བ་གསུམ་སེམས་ཅན་ལ་གཏོང༌། ནང་དུ་རྔུབ་པ་ན་སེམས་ཅན་གྱི་སྡིག་སྡུག་གཏམ་ངན་ལ་སོགས་པ་རང་ལ་ལེན་པའོ། །དེ ས་ནི་སེམས་ཟིན་པ་ཡང་ཡོ ང་གསུངས། དེ་བཞིན་དུ་བཟའ་བཏུང་མི་དང་གཏམ་བྱེད་པ་ལ་སོགས་པ་ཐམས་ཅད་རླུང་ལ་སྐྱོན་ཅིང་བྱེད་པའོ། །དེ་དག་ནི་མཉམ་བཞག་གོ། རྗེས་ལ་བློ་སྦྱོང་བ། རྗེས་ལ་ཉམས་སུ་བླང་ཚུལ་ནི། ཡུལ་གསུམ་དུག་གསུམ་དགེ་རྩ་གསུམ། །རྗེས་ཀྱི་མན་ངག་མདོར་བསྡུས་པའོ། །ཞེས་བྱ་བ་ནི། རྗེས་ཀྱི་སྤྱོད་ལམ་གྱི་དུས་སུ་སྦྱང་བའི་ཚུལ་ཏེ། དབང་པོ་དྲུག་གི་ཡུལ་ཡིད་དུ་འོང་བ་དང་། མི་འོང་བ་དང༌། བར་མ་གསུམ་ལ་བརྟེན་ནས་བདག་གི་རྒྱུད་ལ་ཉོན་མོངས་འདོད་ཆགས་དང༌། དུག་གསུམ་དགེ་རྩ་གསུམ་དུ་བསྒྱུར། ཞེ་སྡང་དང༌། གཏི་མུག་གསུམ་སྐྱེ་བ་ལྟར་ན། སེམས་ཅན་གྱི་དེ་གསུམ་བདག་ལ་སྨིན་པར་གྱུར་ཅིག །སེམས་ཅན་མ་ཆགས་པ་དང་། ཞེ་སྡང་མེད་པ་དང་། གཏི་མུག་མེད་པའི་དགེ་བ་དང་ལྡན་པར་གྱུར་ཅིག་སྙམ་དུ་སེམས་སྦྱོང་བ་རྗེས་ཀྱི་མན་ངག་གོ། མན་ངག་སྙིང་པོ་མདོར་བསྡུས་པ། །སྤྱོད་ལམ་ཀུན་ཏུ་ཚིག་གིས་སྦྱང་། །ཞེས་བྱ་བ་ནི་རྗེས་ཀྱི་སྤྱོད་ལམ་གྱི་དུས་ན་བློ་སྦྱོང་བའི་ཚུལ་ཚིག་གིས་སྦྱོང་བ་། །འགྲོ་འཆག་ཉལ་འདུག་ལ་སོགས་པའི་དུས་ཐམས་ཅད་དུ་སྙིང་པོ་བགྲང་བ་བཞིན་ཚིག་གིས་སྦྱོང་བ་སྟེ། ཇོ་བོའི་ཞལ་ནས། རྒྱ་གར་ཤར་ཕྱོགས་ཀུན་ན། སྡུག་བསྔལ་འཕགས་པའི་བདེན་པ། ཀུན་འབྱུང་འཕགས་པའི་བདེན་པ་སོགས་བཞི་ཚིག་གིས་བསྒོམ་པ་ཡོད་གསུངས། དགེ་བཤེས་སྟོན་པ་ཡང་འཇིག་རྟེན་ཆོས་བརྒྱད་མགོ་སྙོམས་ལ་རེས་རྩ་ན་རྙེད་དང་མ་རྙེད་གསུངས། རེས་སྟོད་སྨད་ཅེས་བགྱི་གསུངས། རེས་སྙམ་མི་སྙན། རེས་གྲགས་མ་གྲགས་ཞེས་གསུངས། འཇིག་རྟེན་མཁྱེན་པ་ལ་སོགས་པའི་ཚིགས་བཅད་མགོ་ཕྱུང་། མཇུག་ཕྱུང་མཛད། ཕུ་ཆུང་བ་ཡང་རྒྱལ་ལྷ་ཁང་གི་བཟའ་མི་ཤི་བ་གྲངས་ཡང་གོམ་པ་རེ་དོར་ཞིང་། ཡ་འཆི་བ་འཆི་བ་གསུངས་པ་དང༌། གླང་རི་ཐང་བ་ཡང་། ཁེ་དང་རྒྱལ་ཁ་ཐམས་ཅད་ཇོ་བོ་སེམས་ཅན་ལ་འབུལ། དེ་ཅི་སྟེ་ན། བདེ་བའམ་ཡོན་ཏན་ཐམས་ཅད་སེམས་ཅན་ལ་བརྟེན་ནས་འབྱུང་བ་ཡིན་པའི་ཕྱིར་རོ། །གྱོང་དང་ཕུང་ཁ་ཐམས་ཅད་རང་ལ་བླངས། དེ་ཅི་སྟེ་ན། སྐྱོན་ནམ་ཉེས་པ་ཐམས་ཅད་བདག་ཏུ་འཛིན་པ་ལ་བརྟེན་ནས་བྱུང་བའི་ཕྱིར་ཞེས་རྟག་ཏུ་གསུང་བ་ལྟར་སྤྱོད་ལམ་ཐམས་ཅད་དུ་སེམས་ཅན་གྱི་སྡིག་དང་སྡུག་བསྔལ་བདག་ལ་སྨིན་པར་གྱུར་ཅིག །བདག་གི་བདེ་བ་དང་ཡོན་ཏན་ཐམས་ཅད་སེམས་ཅན་ལ་སྨིན་པར་གྱུར་ཅིག་ཅེས་པའམ། བདག་ལ་དེ་དག་སྡིག་སྨིན་ཅིང་། །བདག་དགེ་མ་ལུས་དེར་སྨིན་ཤོག༡༡༧།ཅེས་པའམ། སེམས་ཅན་ཀུན་གྱི་སྡུག་བསྔལ་བདག་ལ་སྨིན། །བདག་གི་དགེ་བས་དེ་ཀུན་བདེ་ཐོབ་ཤོག?༡༨ །ཅེས་སམ། མཐོང་ཞིང་ཐོས་སམ་རྗེས་སུ་དྲན་ཡང་རུང༌། །རེག་གམ་གཏམ་དུ་བརྗོད་པར་གྱུར་ཀྱང་རུང༌། །རྣམ་པ་ཀུན་ཏུ་འགྲོ་ལ་ཕན་པ་ནི། །བདེ་དང་ལྡན་པ་རྟག་ཏུ་བྱེད་གྱུར་ཅིག༡༡༩ །ཅེས་པ་ལ་སོགས་པ་རྟག་ཏུ་སྙིང་པོ་བགྲང་བ་བཞིན་བྱེད་ཅིང་ཚིག་གི་སྒོ་ནས་སྦྱངས་ན་མཐར་དོན་ལ་འཇུག་པར་འགྱུར། མ་བཅོས་རྒྱུད་ལ་སྐྱེ་བར་འགྱུར། སྔགས་རྙིང་མ་བའི་གྱེར་སྒོམ་ཀུན་ཡང་འདི་དང་དོན་ཅིག དེ་ཡང་དང་པོ་ཙ་ན་ཁར་མི་ཐོན་པ་བྱུང་དོགས་ཡོད། གོམས་ཙ་ན་འཆད་ཀ་བ་སྣང་སྲིད་ཀྱི་སྒྲ་ལ་བློ་སྦྱོང་གི་སྒྲ་ལས་སྙན་པ་མེད་པས་ངའི་ཤེད་ཀྱིས་མ་ནུས། ཁྱེད་ཀྱིས་བརྗོད་དང་༡ ༢༩ གསུངས་པ་ལྟར་ཡོང་། དེ་ཚིག་གི་ཅང་ཡོད་དེ་སྙམ་ན། སྣེ་ཟུར་བས་ཅན་མཧཱ་རོ་ཥ་བགྲང་བས་ཇོ་བོར་ཝལ་གྱིས་ཡོང་། ཅིའི་ཕྱིར་གྱི་ལམ་ན་མེད་གསུངས།༡ ༢༡ དེས་ན་འདི་གཉིད་སྨུག་གི་དབང་དུ་ཡང་མི་འགྲོ །ངེས་རྐྱེན་ལ་ལེགས་པ་ཡིན་གསུང་ངོ༌། །ཐབས་དང་ཤེས་རབ་གཉིས་ས་དང་པོ་གསུངས། དེ་རྣམས་ནི་བློ་སྦྱོང་གི་ལུས་སམ་དངོས་ལྟ་བུ་ཡིན་ནོ།། ཡན་ལག་གམ་རྒྱས་བཤད་ཙམ་བསྟན་པ། ད་ནི་དེའི་ཡན་ལག་གམ་རྒྱས་བཤད་ཙམ་སྟོན་པར་བྱེད་པ་ལ། ཚིགས་སུ་བཅད་པ་དང་། ཚིག་ལྷུག་པ་གཉིས་སོ། །དང་པོ་ཚིགས་སུ་བཅད་པའི་དོན་སྟོན། འདི་དག་ལ་གྲངས་དང་གོ་རིམས་ལ་སོགས་པའི་ངེས་པ་མེད། དོན་བློ་ལ་མ་སྐྱེས་བར་དུ་བསྒོམ་གསུངས་ནས་སྔ་ཕྱིའི་འབྲེལ་ལ་སོགས་པ་མེད་པར་གསུངས། ཡང་གསུང་གི་གདམས་པའི་གནད་ལས་ཀྱང༌། འགྲེལ་ཅུང་ཟད་མཛད་པ་ཡང་བཞུགས།༡༢༢ བླ་མའི་གསུང་ལས་ཀྱང་འགྲེལ་ཅུང་ཟད་མཛད་པ་ཡང་བཞུགས་པས། འདིར་ཡང་བློ་ལ་རྡོག་བདེ་བའི་ཕྱིར་འགྲེལ་ཅུང་ཟད་བྱས་ན་དོན་གསུམ་དུ་གནས་ཏེ། ཇི་ལྟར་སྦྱང་བའི་ཚུལ་དང༌། འབྱོངས་པའི་ཚད་དང་། སྦྱངས་པའི་དགོས་པའོ།། ཇི་ལྟར་སྦྱང་བའི་ཚུལ། དང་པོ་ལ་གསུམ་སྟེ། སྐྱེ་བའི་རྒྱུ་དང༌། མི་ཉམས་པའི་ཐབས་དང་། འཕེལ་བའི་རྐྱེན་ནོ།། དང་པོ་ལ་གསུམ་སྟེ། སྔོན་འགྲོ་ཀུན་སློང་གི་ཁྱད་པར་དང༌། དངོས་གཞི་བྱ་བའི་ཁྱད་པར་དང༌། རྗེས་ལ་བདེ་བའི་ཁྱད་པར་རོ། །དང་པོ་ནི། ཐོག་མཐའ་གཉིས་ལ་བྱ་བ་གཉིས། །ཞེས་བྱ་བ་སྟེ། ཐོག་མར་མལ་ནས་ལྡང་བའི་དུས་སུ། བདག་གིས་དེ་རིང་བདག་འཛིན་ཐུལ་ཞིང་རང་གཅེས་འཛིན་གྱིས་མ་གོས་པར་བྱས། སེམས་ཅན་གཞན་གཅེས་འཛིན་མ་ཉམས་པར་བྱ་སྙམ་པའི་འཕེན་པ་བཏང་། དགོང་མོ་ཉལ་ཁར་སེང་གེ་རྣམ་པར་བརྩེ་བའི་ཏིང་ངེ་འཛིན་གྱིས་དེ་རིང་ཐོག་མར་དེ་བྱས་སོ། །དེ་ནས་དེ་བྱས་སོ། །ཞེས་བྱ་བའི་རྣམ་གྲངས་རྣམས་རིམ་པར་བརྟགས་ནས་སྤྱིར་ཆོས་ཁྱད་པར་དུ་བློ་སྦྱོང་དང་འགལ་བ་སྤྱད་ནས་འདུག་ན། དེ་ཚེ་བདག་ལ་རྔན་བགྲང་ཞིང་། །བླ་མའི་གདམས་ངག་དྲན་པར་བྱ།༡༢༣ །ཅེས་བྱ་བ་ཡིན་པས་དལ་འབྱོར་ཆུད་གསོན་པ་རང་ལ་རང་གིས་གནོད་པ་སྐྱལ་བ་ཁྱོད་ལྟ་བུ་ཡོང་བ་སྙམ་དུ་བསམས་ལ་བཟོད་གསོལ་དང་བཤགས་སྡོམ་བྱས་ལ་སང་ནས་དེ་ལྟ་བུ་མི་བྱའོ་སྙམ་དུ་བསྒོམ་པ་དང་། ཆོས་དང་མཐུན་པར་བྱས་ནས་འདུག་ན་དགའ་བ་བསྒོམ་ཏེ་དལ་འབྱོར་དོན་ཡོད་པར་བྱས། དུས་དོན་ཡོད་དུ་འདས་སྙམ་དུ་བསམས་ནས། དགེ་བ་འདི་ཡིས་ཆོས་རྒྱུད་ལ་སྐྱེ་བ་དང་སྐྱེ་བ་ཐམས་ཅད་དུ་བྱང་ཆུབ་ཀྱི་སེམས་དང་མི་འབྲལ་བར་གྱུར་ཅིག་ཅེས་སྨོན་ལམ་བཏབ། ཡང་ནང་པར་ལངས་ཙ་ན། དེ་རིང་བདག་གིས་ཁ་སང་བས་ཁྱད་པར་དུ་འཕགས་པ་འདི་བཞིན་དུ་བྱ་སྙམ་དུ་བསམ་ཞིང༌། འཕེན་པ་གཏོང་པ་གལ་། །དེ་ལྟར་བྱེད་ཅེས་ཚིག་ཏུ་མ་བརྗོད། བསམ་པས་འདི་འབའ་ཞིག་སྦྱང་། དགྲ་བྱུང་བ་དང་ན་ཚ་དྲག་པོ་བྱུང་བ་ལ་སོགས་པའི་དུས་སུ་སྔར་བཞིན་དུ་བསམ། གཉེན་པོ་བླ་མ་དཀོན་མཆོག་གི་བྱིན་རླབས། ཆོས་སྐྱོང་གི་མཐུ་སྟོབས། རང་གི་དུས་གསུམ་གྱི་དགེ་བ། སེམས་ཅན་སྤྱི་མཐུན་གྱི་བསོད་ནམས་ཅི་འདུག་ལྟས་ལ་རྐྱེན་བཞིས་དུས་བཞི་པོ་དེར་བདག་འདི་བསྒོམ་པ་ལ་འགྲན་ཟླ་མེད་པ་མེ་འབར་བ་ལ་ཤིང་བསྣན་པ་ལྟར་འགྲོ་བར་བྱའོ།། ཤེས་པར་བྱ་བ། ཀུན་སྤྱོང་གི་གོ་ཆ་དེ་ལྟ་བུ་གྱོན་པས་དངོས་གཞིའི་ཁྱད་པར་ལ་གསུམ་སྟེ། ཤེས་པར་བྱ་བ་དང༌། སྤང་བར་བྱ་བ་དང༌། བླང་བར་བྱ་བའོ། །དང་པོ་ལ་གསུམ་སྟེ། དགྲ་ཟིན་ཤེས་པར་བྱ་བ་དང་། ནོར་མ་ནོར་ཤེས་པར་བྱ་བ་དང་། གཞུང་དོན་ཇི་ལྟར་ཤེས་པར་བྱ་བའོ།། དེ་ལ་དང་པོ་ཤེས་པར་བྱ་བ་ནི། ལེ་ལན་ཐམས་ཅད་གཅིག་ལ་གདའ། །ཀུན་ལ་བཀའ་དྲིན་ཆེ་བར་བསྒོམ། །ཞེས་བྱ་བ་སྟེ། ཐོག་མ་མེད་པ་ནས་དགྲ་ཟིན་ངོས་མ་ཟིན། སྤང་བླང་དམིགས་མ་ཕྱེད་པས་ཆོས་བྱས་ཚད་བདག་འཛིན་གྱི་ཆོས་སུ་སོང་བས་ནོར། ཐར་པ་དང་ཐམས་ཅད་མཁྱེན་པ་སྔར་འདྲིས་གང་ཡང་ཉེར་མ་སོང་བས། ད་རེས་དགྲ་ཟིན་ངོས་ཟིན་པར་བྱ། དེ་རང་གང་ཡིན་ན་རང་ལ་དགྲར་ལྟས་ལ་སྤང་། སེམས་ཅན་ལ་ཟིན་དུ་ལྟས་ལ་གཅེས་པར་བྱ་བ་གཉིས་ལས་མེད་པ་ཡིན། དེ་ལ་བདག་ཏུ་འཛིན་པ་ལ་དགྲར་བལྟས་པ་ནི། ལེ་ལན་ཐམས་ཅད་གཅིག་ལ་གདའ། །ཞེས་པས་བསྟན་ཏེ༑ མི་འདོད་པ་ཅི་བྱུང་ཡང་གྱོད་གཞན་ལ་མི་གདའ། སྒོམ་ཆེན་པའི་འཁོར་མེད་རང་གཅིག་པུས་མར་ཁུ་བཀོལ་བས་མར་ཁུ་ལུད་ནས་པོ་བས། ལེ་ལན་དྲི་བོ་སྤྲང་འགྱེད་ཁོ་ནས་ལན་ཟེར་བ་བཞིན་དུ་ད་ལྟ་རང་ཅག་མི་འདོད་པ་རེ་བྱུང་ཙ་ན། ས་ཡུལ་གཉན་པ་དང་། འདྲེས་རྩེར་བ་དང་། བླ་མས་ཐུགས་ལ་མ་བཏགས་པ་ལ་སོགས་པ་གཞན་ལ་ལེ་ལན་འདོད་དེ་ནོར་བ་ཡིན། ལེ་ལན་ཐམས་ཅད་རང་གི་ནང་དུ་བདག་ཏུ་འཛིན་པ་ལ་འདོད་པ་སྟེ། བདག་ཏུ་འཛིན་པ་ལ་བརྟེན་ནས། བདག་ཡོད་ན་ནི་གཞན་དུ་ཤེས། བདག་གཞན་ཆ་ལས་འཛིན་དང་སྡང་། །འདི་དག་དང་ནི་ཡོངས་འབྲེལ་ལས། །ཉེས་པ་ཐམས་ཅད་འབྱུང་བར་འགྱུར།༡ ༢༤ །ཞེས་པ་ལྟར་སྐྱོན་དང་ཉེས་པ་ཐམས་ཅད་དེ་ལས་འབྱུང་བའི་ཕྱིར། དེས་ན་མི་འདོད་པ་ཕྱི་སྣོད་ལ་བརྟེན་ནས་བྱུང་ཡང་རུང༌། ནང་བཅུད་ལས་བྱུང་ཡང་རུང༌། མཐོ་ལ་བཟང་བ་སངས་རྒྱས་དང་ཆོས་སྐྱོང་གི་བཀའ་ཆད་བྱུང་ཡང་རུང་། དམའ་བ་མུལ་སྤྲང་ལ་སོགས་པས་བྱས་ཀྱང་རུང་། མང་བ་སེམས་ཅན་གྱིས་བྱས་ཀྱང་རུང༌། ངན་པ་ཤིག་གིས་བྱས་ཀྱང་རུང་། རླུང་མཁྲིས་བད་ཀན་ལ་སོགས་པ་འབྱུང་བའི་གནོད་པ་ཡིན་ཡང་རུང་། དེ་ཐམས་ཅད་ཀྱི་རྩ་བ་བདག་འཛིན་གྱིས་ལན་པར་ཤེས་པར་བྱ། ད་ལྟ་སྡེ་པ་ནང་། དགེ་བཤེས་ནང༌། ཕ་སྤུན་ནང་། དཔོན་གཡོག་ནང༌། དཔོན་སློབ་ནང་། བཀའ་གདམས་པ་ནང་། ཡོན་མཆོད་མི་མཐུན་པ་ལ་སོགས་པ་ཐམས་ཅད་ཀྱི་རྩ་བ་བདག་འཛིན་ཡིན་ཏེ། ཡོད་པར་འཛིན། ཡོད་རིགས་ང་འབའ་ཞིག་གཅེས་པར་བཟུང་ནས་གཞན་ཐམས་ཅད་ཐེད་ལ་གཏོང་བ་བྱིས་པ་སོ་སོ་སྐྱེ་བོ་ཐམས་ཅད་ཀྱི་ཆོས་ཉིད་ཡིན། དེ་ལ་བརྟེན་ནས་ཉོན་མོངས་དང་སྡུག་བསྔལ་ཐམས་ཅད་འབྱུང་བས། འཇིག་རྟེན་དག་ན་འཚེ་བ་གང་ཡོད་དང༌། །འཇིགས་དང་སྡུག་བསྔལ་ཇི་སྙེད་ཡོད་གྱུར་པ། །དེ་ཀུན་བདག་ཏུ་འཛིན་པ་ལས་གྱུར་ན། །འདྲེ་ཆེན་དེ་ཀོ་བདག་ལ་ཅི་ཞིག་བྱ།༡༢༥ །ཅེས་གསུངས་པ་ཡིན། འཇིག་རྟེན་ན་མི་འདོད་པའི་དངོས་པོ་ཅི་ཡོད་པ་ཐམས་ཅད་བདག་འཛིན་ལས་བྱུང་བ་ཡིན་ཏེ། གང་དང་གང་དུ་སྐྱེས་པའི་ལུས་འདི་ལ་བདག་ཏུ་བཟུང་ཞིང་ང་མེད་པ་ལ་ངར་བཟུང་ནས་འདིའི་ཁ་འཛིན་འདོད་མི་འདོད་གཉིས་ཀྱི་དགག་སྒྲུབ་བྱེད་བྱེད་ནས་གཞན་ལ་གཡོ་སྒྱུ་ཁྲམ་གསུམ་བྱས་ནས་ཉོན་མོ ངས་པ་དང་ལས་ངན་ཐམས་ཅད་བསགས་ནས་ཐོག་མ་མེད་པའི་དུ ས་ནས་སྤྱི ར་འཁོ ར་བ་མཐའ་མེད། སྒོས་༡ ༢༦ ངན་སོང་གསུམ་གྱི་སྡུག་བསྔལ་ཐམས་ཅད་འདིས་ལན་དུ་བཅུག སྤྱོད་འདུག་ལས། ཡིད་ཁྱོད་རང་དོན་བྱེད་འདོད་པས། །བསྐལ་པ་གྲངས་མེད་འདས་གྱུར་ཀྱང་། །ངལ་བ་ཆེན་པོ་དེ་ལྟ་བུས། །ཁྱོད་ཀྱི་སྡུག་བསྔལ་འབའ་ཞིག་བསྒྲུབ།༡༢༧ །ད་ལྟའི་སྡུག་བསྔལ་ཐམས་ཅད་ཀྱང་འདིས་བསྐྱེད། ད་དུང་ཀྱང་འདི་ལ་དགྲར་མ་ལྟས་ན་འདི་བདེ་བར་འདོད་པས་ལས་ངན་བསགས་ནས་འཁོར་བ་མཐའ་མེད་དུ་སྡུག་བསྔལ་ཡུན་རིང་དོས་ལ་དྲག་པས་ད་གདོད་ཀྱང་འཁྱམ་དུ་འཇུག་པས་རང་ལ་དགྲར་ཅིག་བཟུང་བར་བྱ། འདི་ཡིས་བརྒྱ་ཕྲག་ཐམས་ཅད་དུ། །འཁོར་བར་བདག་ལ་གནོད་པ་བྱས། །ད་ནི་འཁོན་རྣམས་དྲན་བྱས་ཏེ། ཁྱོད་ཀྱི་རང་དོན་སེམས་པ་གཞོམ།༡༢༨ །ཞེས་པ་ལྟར་དགོས། བློ་བདེ་བར་སྡོད་པ་མི་རིགས། དེ་ལྟར་ཡུན་རིང་རྒྱུན་ཆགས་དགྲར་གྱུར་པ། །གནོད་པའི་ཚོགས་རབ་འཕེལ་བའི་རྒྱུ་གཅིག་པོ། །བདག་གི་སྙིང་ལ་ངེས་པར་གནས་འཆའ་ན། །འཁོར་བར་འཇིགས་མེད་དགའ་བར་ག་ལ་འགྱུར།༡༢༩ །ཞེས་གསུངས་པ་ལྟར་ཡིན། ཉེས་དམིགས་ཅན་གྱི་དམིགས་པའམ། གནས་ནི་གང་དུ་སྐྱེས་པའི་ལུས་ཡིན་ཏེ། རྣག་ཁྲག་གི་ཐུམ་པོ། ཆུ་སེར་གྱི་རྐྱལ་པ། འདི་ལ་གཅེས་པར་བཟུང་ཞིང་བསྲུང་བ་ནི། གཅེར་བུ་ཚེར་མ་ཁུར་བ་དང་འདྲ། འཇིག་རྟེན་སྡུག་བསྔལ་ཇི་སྙེད་པ། །དེ་ཀུན་རང་བདེ་འདོད་ལས་འབྱུང་།༡ ༣༠ །ཞེས་པ་ལྟར་ཡིན། སྡུག་ཏུ་འཇུག་མཁན་འདི་དམའ་འབེབས་དགོས། འདི་ལ་དགྲར་ཤེས་པ་གཅིག་བྱུང་ན་རང་ལ་རང་ངན་སྨྲས་བྱེད། ཁྱད་པར་ཁ་གཏོང་བ་ཐམས་ཅད་དགྲ་འདུལ་གྲོགས་བྱེད་པར། སྙིང་ཐག་པ་ནས་གོ་ན་སྐྱིད་མགོ་བཙུགས་པ་ཡིན། ཐེག་པ་ཆེན་པོའི་ཆོས་མཐའ་དག་ལ་བརྗོད་བྱ། བདག་ཕྱིར་བཏང་ནས་གཞན་རྩིར་གྱི་བཟུང་བ་སྟེ་གཉིས་པོ་དེ་ལས་མེད། གཞན་ཡང་བསྟན་པ་ཐམས་ཅད་ཉོན་མོངས་སྤོང་བའི་ཆེད་ཡིན་ཏེ། ཉོན་མོངས་པ་ཐམས་ཅད་ཀྱི་རྩ་བ་ང་དང་བདག་ཏུ་འཛིན་པ་ཡིན། དེ་ཆེར་ཐུལ་ན་བདེ་སྐྱིད་ཆེར་ཡོང་། འབྲིང་ལ་འབྲིང་། ཆུང་ངུ་ལ་ཆུང་ངུ་ཡོང་། ཡེ་མ་ཐུལ་བ་ལ་བདེ་སྐྱིད་ཡེ་མི་ཡོང་བ་ཡིན། དེས་ན་སྡུག་བསྔལ་དང་ཉེས་སྐྱོན་ཐམས་ཅད་ཀྱི་རྩ་བ་འདི་ལ་དགྲར་ཟུང་དགོས། སྔར་དེ་ལྟར་མ་ཤེས་པ་ཡིན། དེ་བླ་མའི་མན་ངག་ལ་བརྟེན་ནས་དགྲར་འཛིན་པ། ཁྱོད་ཀྱིས་ཁོ་བོ་གར་བརླག་པའི། །སྔོན་གྱི་དུས་དེ་གཞན་ཡིན་གྱི།༡ ༣༡ །ཞེས་པ་ལྟར་ཡིན། དེ་ཙ་ན་རྐྱེན་ངན་གྱི་འཕྲང་ལས་སྒྲོལ། གཉེན་པོའི་ཐང་ལ་སླེབ་པའི་ཆོས་པ་གཤའ་མ་ཅིག་གདོད་ཡོང་བ་ཡིན་གསུངས་ཏེ། དེ་རྣམས་ནི་བདག་འཛིན་ལ་དགྲར་ཤེས་པར་བྱ་བ་ཡིན་ནོ།། གཞན་ལ་ཟིན་དུ་ཤེས་པར་བྱ་བ་ནི། ཀུན་ལ་བཀའ་དྲིན་ཆེ་བར་བསྒོམ། །ཞེས་བྱ་བ་སྟེ། སྤྱིར་ཡ་ཡང་སེམས་ཅན་ཐམས་ཅད་དྲིན་ཅན་ཡིན་ཏེ། སེམས་འགྲེལ་ལས། གང་དག་སྔོན་ཆད་ཕ་མ་དང༌། །གཉེན་བཤེས་གྱུར་ཅིང་ཡང་བཏགས་པའི། །སེམས་ཅན་དེ་དག་རྣམས་ལ་ནི། །བྱས་པ་བཟོ་བ་ཉིད་དུ་བྱ།༡༣༢ །ཅེས་པ་ལྟར་ཡིན་ལ། ཁྱད་པར་དུ་བདག་ལ་གནོད་བྱེད་དྲིན་ཅན་དུ་བསྒོམ་པ་ནི། སྤྱོད་འཇུག་ལས། དེ་བས་ངལ་བས་མ་བསྒྲུབ་པའི། །ཁྱིམ་དུ་གཏེར་ནི་འབྱུང་བ་ལྟར། །བྱང་ཆུབ་སྤྱོད་པའི་གྲོགས་གྱུར་བའི། །དགྲ་ལ་བདག་གིས་དགའ་བར་བྱ།༡ ༣༣ །ཅེས་པ་ལྟར་བསྒོམ་པ་སྟེ། སྤྱིར་ཕ་རོལ་ཏུ་ཕྱིན་པ་དྲུག་མ་རྫོགས་པར་སངས་རྒྱས་མི་ཐོབ་ལ། དེ་སྦྱིན་པ་དང་ཚུལ་ཁྲིམས་ལ་སོགས་པ་སློང་བ་དང༌། མཁན་སློབ་དང་། ལུང་འབོགས་མཁན་ལ་སོགས་པ་ལ་བརྟེན་ནས་རྫོགས་པ་ལྟར་བཟོད་པ་ཡང་གནོད་བྱེད་ལ་བརྟེན་ནས་རྫོགས་པས། གནོད་པ་བྱེད་པ་ཀུན་ལ་བཀའ་དྲིན་ཅན་དུ་བསྒོམ་པའོ།། དེ་ཡང་འདི་ལྟར་བསམ་ཏེ། ད་ལྟ་བདག་ལ་གནོད་པ་བྱེད་པའི་མིའ མ་མི་མ་ཡིན་པ་འདིས་ཐོག་མ་མེད་པ་ནས་མ་བྱས་པའི་གྲངས་སའི་ལྟོས་རྒྱ་ཤུག་གི་ཚིག་གུ་ཙམ་དུ་གྲངས་པ་བས་མང་བ་གཅིག་བྱས་ནས་བྱམས་པའི་མིག་གིས་ལྟ་ལྟ་བ། བརྩེ་བའི་སེམས་ཀྱིས་འཛིན་འཛིན་པ། གནོད་པ་དང་མི་ཕན་པ་ལས་སྐྱོབ་སྐྱོབ་པ། ཕན་པ་དང་བདེ་བ་ཐམས་ཅད་ཀྱིས་ཕན་འདོགས་པའི་དྲིན་ཅན་ཡིན་སྙམ་པ་ཡིད་དུ་འོང་ཞིང་བདེ་ན་དགའ་བའི་བྱམས་པ་བསམ། དེས་ན་ད་ལྟ་བདག་ལ་གནོད་པ་བྱེད་པ་འདི་འཁྲུལ་ནས་བྱེད་པ་ཡིན། འདིས་ཐོག་མ་མེད་པ་ནས་སྡིག་སྡུག་གཏམ་ངན་ཐམས་ཅད་ལ་མ་འཛེམས་པར་བདག་གི་དོན་བྱས་པས་ལས་ངན་བསགས་ནས་འཁོར་བ་མཐའ་མེད་དུ་འཁྱམས་ཤིང་སྡུག་བསྔལ་ཉམས་སུ་བླངས་པས་དེ་ཐམས་ཅད་ཀྱི་ལེ་ལན་བདག་ལ་ཐུག་ནས་འདུག ད་ལྟ་ཡང་བདག་གཞན་གྱི་དོན་དུ་བྱང་ཆུབ་སྒྲུབ་པ་ལ་བདག་གི་ལས་ངན་གྱིས་མ་རྒན་བསྐུ ལ་ནས་བར་ཆད་བྱས་པས་སེམས་ཅན་ཐམས་ཅད་ཀྱི་བདེ་བ་ལ་བར་ཆད་བྱེད་པས། སྐྱེ་བ་ཕྱི་མ་ལ་དམྱལ་བར་འགྲོ་བའི་ལེ་ལན་ཡང་བདག་ལ་ཐུག་པས་སྙིང་རེ་རྗེ་སྙམ་དུ་བསམ་ལ། སྤྱིར་ཐོག་མ་མེད་པ་ནས་ཀྱི་དྲིན་ཅན་གྱི་མ་ཡིན་པ་དང་། བྱེ་བྲག་ད་ལྟ་གནོད་པ་བྱེད་པ་ཡང་བདག་གི་བྱང་ཆུབ་བསྒྲུབ་པའི་གྲོགས་པོར་བྱ་བ་དང་། བདག་གིས་སེམས་བསྐྱེད་པའི་དུས་སུ་ལུས་ལོངས་སྤྱོད་དགེ་རྩ་ཐམས་ཅད་གཞན་ལ་བཏང་བར་ཤེས་པར་བྱས་ནས། བདག་གི་ལུས་ཅན་ཐམས་ཅད་ལ། །ལུས་འདི་ཅི་བདེར་བྱིན་ཟིན་གྱི། །རྟག་ཏུ་གསོད་དམ་སྨོད་པའམ། །བརྡེག་སོགས་ཅི་དགར་བྱེད་ལ་རེག༡༣༤ །ཅེས་པ་ལྟར་བྱས་ནས་གནོད་བྱེད་ལ་མི་ཁྲོ་བར་དྲིན་ཅན་དུ་ཤེས་པར་བྱེད་པའོ།། དེ་ལྟར་དགྲ་ཟིན་གཉིས་སུ་ཁ་ཚོན་གཅོད་མ་ཤེས་ན་བླ་མའི་སྐྱོན་ཡིན། མཐའ་མ་ནུས་ན་སློབ་མའི་སྐྱོན་ཡིན་པས་དམིགས་ཕྱེད་པར་བྱས་ལ་བླང་དོར་བྱ། སློབ་དཔོན་ཞི་བ་ལྷས། བདག་ནི་སྐྱོན་བཅས་གཞན་ལ་ཡང་། །ཡོན་ཏན་རྒྱ་མཚོར་ཤེས་བྱས་ནས། །བདག་འཛིན་ཡོངས་སུ་དོར་བ་དང༌།། གཞན་བླང་བ་ནི་བསྒོམ་པར་བྱ།༡ ༣༥ །ཞེས་དང་། འཇིག་རྟེན་སྡུག་བསྔལ་ཇི་སྙེད་པ། །དེ་ཀུན་རང་བདེ་འདོད་ལས་འབྱུང་། །འཇིག་རྟེན་བདེ་བ་ཇི་སྙེད་པ། །དེ་ཀུན་གཞན་བདེ་འདོད་ལས་བྱུང་། །མང་དུ་བཤད་ལྟ་ཅི་ཞིག་དགོས། །བྱིས་པ་རང་དོན་བྱེད་པ་དང༌། །ཐུབ་པ་གཞན་གྱི་དོན་མཛད་པ། །འདི་གཉིས་ཀྱི་ནི་ཁྱད་པར་ལྟོས།༡ ༣༦ །ཞེས་པ་ལ་སོགས་པ་དུ་མ་གསུངས་པ་ཡང་དགྲ་ཟིན་ཤེས་པར་བྱས་པའི་དོན་དུ་གསུངས་པ་ཡིན། གླང་ཐང་པ་ཡང་ཇི་ཙམ་པའི་པོ་ཏི་ཟབ་མོ་ཅིག་ཞལ་ཕྱེ་བ་ལ་སྐྱོན་ཐམས་ཅད་རང་གི་ཡིན་པ་དང་། ཡོན་ཏན་ཐམས་ཅད་སེམས་ཅན་གྱི་ཡིན་པར་གསུངས། དེའི་གནད་ཀྱི་ཁེ་དང་རྒྱལ་ཁ་སེམས་ཅན་ལ་སྦྱིན་པ་དང་། གྱོང་དང་བུབ་ཁ་རང་གིས་བླངས་སེམས་པ་འདི་མིན་པ་གོ་རྒྱུ་གཞན་མ་རྙེད་༡༣༧ གསུངས་སྐད། གསུང་རྒྱུ་ཡང་རྒྱུན་དུ་ཁེ་དང་རྒྱལ་ཁ་སེམས་ཅན་ལ་འབུལ། དེ་ཅི་སྟེ་ན། ཡོན་ཏན་ཐམས་ཅད་སེམས་ཅན་ལ་བརྟེན་ནས་འབྱུང་བའི་ཕྱིར་རོ། །གྱོང་དང་བུབ་ཁ་ཐམས་ཅད་རང་ལ་བླངས། དེ་ཅི་སྟེ་ན། ཉེས་དམིགས་ཐམས་ཅད་བདག་ཏུ་འཛིན་པ་ལས་འབྱུང་བའི་ཕྱིར་རོ།༡༣༨ །ཞེས་སྙིང་པོ་བགྲང་བ་བཞིན་གསུང་སྐད། པོ་ཏོ་བ་ཡང་། ལེགས་པ་བྱུང་ན་བཙུན་ཆུང་འདིའི་ཚོད་ལ་ཤེད། དེ་ཙམ་ཡོད་པ་ཅེས་དང་། ཉེས་པ་བྱུང་ན་ཁོ་བོ་དེའི་གསེབ་ན་ཞུགས་པ་ལགས་གསུངས་པ་ལྟར་རོ།༡༣༩ །མདོར་ན་བདག་འཛིན་མ་ཟད་པར་འཁོར་བ་ལས་ཐར་མི་སྲིད་ཅིང་། གཞན་གཅེས་པར་མ་བཟུང་བར་སངས་རྒྱས་ཐོབ་མི་སྲིད་པ་ཡིན་པར་ཤེས་པར་བྱེད་པ་ནི་དགྲ་ཟིན་ཤེས་པར་བྱ་བ་ཡིན་ནོ།། ད་བློ་སྦྱོང་ནོར་མ་ནོར་ཤེས་པར་བྱ་བ་ནི། སྤྱི་དོན་གསུམ་ལ་རྟག་ཏུ་བསླབ། །འདུན་མ་བསྒྱུར་ལ་རང་སོར་བཞག །ཅེས་བྱ་བ་སྟེ། བློ་སྦྱོང་ཁས་བླངས་དང་མི་འགལ་བ་དང་། བློ་སྦྱོང་ཐོ་ཆོར་མ་སོང་བ་དང་། བློ་སྦྱོང་ཕྱོགས་རེར་མ་སོང་བ་དང་གསུམ་ནི་བློ་སྦྱོང་མ་ནོར་བ་ཡིན་ལ། སྤྱི་དོན་གསུམ་པོ་འདི་དང་འགལ་ན་ནོར་བ་ཡིན་ནོ། །དང་པོ་བདག་བློ་སྦྱོང་བ་ལགས་པས། འདི་ཀུན་གྱི་མི་གནོད་ཟེར་ནས་ཁས་བླངས་པའི་བསླབ་པ་ཕྲན་ཚེགས་ལ་སོགས་ཏེ་ལས་འབྲས་ཁྱད་དུ་གསོད་པ་དང༌། བློ་སྦྱོང་འདི་ཡོད་ན་གཞན་ཅི་ཡང་མི་དགོས་ཟེར་ནས་སྡེ་སྣོད་ཀྱི་ལག་ལེན་དང་འགལ་བ་དེ་ཐམས་ཅད་དོར་ལ། བསམ་པས་བློ་སྦྱོང་ཞིང༌། སྦྱོར་བས་ཀ་རི་ཀ་ནས་རྡོ་རྗེ་ཐེག་པའི་བར་གྱི་ཁས་བླངས་དང་དམ་བཅས་པ་དང་མི་འགལ་ཞིང་གཙང་མར་བསྲུང་བ་སྡེ་སྣོད་སྤྱི་དང་མི་འགལ་བའོ།། གཉིས་པ་ནི། གཉན་སར་ཉལ་བ་དང༌། ཤིང་གཉན་གཅོད་པ་དང་། འགོ་བའི་ནད་ཡོད་སར་འགྲོ་བ་དང་། དམ་ཉམས་དང་། མཛེ་ཕོ་ལ་སོགས་པ་དང༌། འདྲེ་དང་འགྲོགས་པ་ལ་སོགས་པ་ཐོ་ཆོ་ཐམས་ཅད་སྤངས་ལ། དགེ་བཤེས་སྟོན་པའི་རྣམ་ཐར་གཙང་མ་བསྟན་པའི་སྲོལ་ཆེན་པོ་རྭ་སྒྲེངས་དུ་བཙུགས་པ་བསྟན་པ་གྲུ་བཞིར་ཉམས་སུ་ལེན་པ་དང་མི་འགལ་བར་བྱེད་པ་སྟེ། གཞན་ཡང་ཡེ་ཤེས་རྒྱན་ལ་བྱ་བ་ལ་སོགས་པ་ལགས་ཞུས་ཙ་ན། ངའི་འདུན་མ་མིན། རྭ་སྒྲེང་བའི་ལུགས་ཡིན་གསུངས་པ་ལྟར་རོ།། གསུམ་པ་ནི། བདག་འཛིན་འདུལ་བ་དང་སེར་སྣ་སྤོང་བ་དང༌། བཟོད་པ་བསྒོམ་པ་ལ་སོགས་པ་གང་རུང་རེ་ལ་གཏུབ་པར་འདུག་ཀྱང་གཞན་ལ་མ་གཏུབ་པས་ཕྱོགས་རེར་སོང་བ་སྟེ་མི་ལ་བཟོད་ཀྱང་མི་མ་ཡིན་པ་ལ་མི་བཟོད་པ་འདྲེ་རྟོགས་ཆེ་བ་དང་། དེ་ལས་བཟློག་པ་དང་། མི་ཆེ་བ་ལ་གུས་ལ་ཆུང་བ་ལ་བརྙས་པ་དང་། དེ་ལས་བཟློག་པ་དང་། ནང་མི་ལ་བྱམས་ཕྱི་མི་ལ་སྡང་བ་དང་། དེ་ལས་བཟློག་པ་ལ་སོགས་པ་ཕྱོགས་རེ་བ་བརྗོད་ཀྱི་མི་ལང་བ་ཡོད་པས་དེ ར་མ་སོང་བར་ཕྱོགས་ཐམས་ཅད་ནས་འབྱོངས་པ་མ་ནོར་བ་ཡིན། གཞན་དུ་བུ་ལ་ཁྲ་དང་སྤྱང་ཁྱི་བྱམས་སུ་སོང་ན་བློ་མ་འབྱོངས་པ་ཡིན་ནོ། །ཆགས་མེད་མཉམ་པ་ཉིད་དུ་སྦྱོང་བའོ། །དེ་ཡང་སྦྱོར་བས་ལུས་ངག་ཏུ་དེ་ལྟར་བྱེད་ན་ཉམས་ལེན་ནོར་བ་ཡིན་པས་རང་དོན་བྱེད་པའི་བསམ་པ་དེ་གཞན་བདེ་འདོད་པར་བློ་སྦྱོང་བར་འདུན་པ་བསྒྱུར་ལ། ལུས་ངག་གི་སྤྱོད་པ་གཞན་གྱི་རྩར་ངག་ཏུ་མི་འདོན་ཏེ། ཤ་ཁྱེར་ཁྲག་ཁྱེར་རམ། ཆོས་གོས་སྟེར་བའམ། ཚོགས་སུ་མཛེ་པོ་ལ་སོགས་པ་ལ་སྙིང་རྗེ་ཡོད་པ་ལྟར་བྱེད་པ་དང་། ཤ་བའི་གྲངས་ལྟར་མདུང་ཁ་བྱེད་པ་དང་། བདག་འཛིན་ཐུལ་ནས་གཞན་མི་དགོས་ཟེར་བ་ཡོད་པ་ལ་དེ་འདུས་པ་དང་ཡང་འགལ། ཐོ་ཆོར་ཡང་ཆ་བས་བློ་སྦྱོང་ཐམས་ཅད་མངོན་ཚན་ཆུ ང་ལ་དོན་གྱི་ས་ཆོད་ཆེ་བ་གཅིག་བྱེད་དགོས་གསུངས་པས་གཞན་གྱིས་མ་ཚོར་བར་རྒྱུད་སྨིན་པ་གཅིག་བྱེད་ན་ཉམས་སུ་ལེན་ལུགས་མ་ནོར་བ་ཡིན། སེམས་ལ་བློ་མ་འབྱོངས་པར་ལུས་ངག་ཏུ་བློ་སྦྱོང་བའི་རྣམ་འགྱུར་སྟོན་པའམ། སེམས་ལ་བློ་ཅུང་ཟད་འབྱོངས་ཀྱང་སྡེ་སྣོད་དང་འགལ་བ་དང༌། སྐབས་སུ་མ་བབས་པ་དང་། དགོས་པ་མེད་པ་ཐམས་ཅད་ཐོ་ཆོར་འགྲོ་བས་སྦྱོང་ལུགས་ནོར་བ་ཡིན་ནོ།། གསུམ་པ་གཞུང་དོན་ཤེས་པར་བྱ་བ་ནི། རྡོ་རྗེ་ཉི་མ་ལྗོན་ཤིང་ལྟར། །གཞུང་དོན་ལ་སོགས་ཤེས་པར་བྱ། །ཅེས་བྱ་བ་སྟེ། དཔེར་ན་རྡོ་རྗེ་རིན་པོ་ཆེ་ཕ་ལམ་ཞེས་པ་དེ་གཟུགས་གྲུ་བཞི་ལ་སོགས་པ་ཇི་ལྟར་ཡོད་པ་དང་། ཡོན་ཏན་ཇི་ཙམ་ཡོད་པ་དེ་དུམ་བུ་བརྒྱ་སྟོང་ལ་སོགས་པར་བཅག་ཀྱང་གྲུ་བཞི་ལ་སོགས་པའི་དབྱིབས་དང་ཡོན་ཏན་མི་འདོར་བའི་དཔེ་དེ་བཞིན་དུ་བློ་སྦྱོང་འདི་ཡང་དབུ་ཞབས་སུ་དྲིལ་བས་ཀྱང་བློ་སྦྱོང་ཡིན་ལ། ཚིག་གི་ཡན་ལག་ཏུ་བཤད་པའི་ཚིག་རེ་རེ་ལ་ཡང་བློ་སྦྱོང་གྲ་མ་ཆགས། ཟུར་མ་ཉམས་པའི་དོན་གནས་པ་ཡིན་ནོ། །ཉི་མའི་འོད་ཟེར་གཅིག་ཤར་ན་འོད་ཟེར་ཐམས་ཅད་ཤར་ནས་འོང་བ་ཡིན། དེ་བཞིན་དུ་བློ་སྦྱོང་གི་ཚིག་གཅིག་གི་དོན་བློ་ལ་སྐྱེས་ན་ཚིག་དོན་ཐམས་ཅད་བློ་ལ་སྐྱེས་པ་ཡིན་པས་གྲངས་ངེས་དང་གོ་རིམ་ལ་སོགས་པ་མི་དགོས། བློ་ལ་གང་བདེ་བ་ནས་བསྒོམ་པས་ཆོག་པའོ། །ཡང་སྨན་གྱི་ལྗོན་ཤིང་གི་རྩ་བ་དང༌། སྡོང་པོ་དང༌། ཡལ་ག་དང༌། ལོ་མ་དང་། ཤུན་པ་དང༌། མེ་ཏོག་འབྲས་བུ་རེ་རེས་ཀྱང་ནད་བཞི་བརྒྱ་རྩ་བཞི་མ་ལུས་པར་སེལ་བ་ཡིན། ཐམས་ཅད་ལོག་པས་ཀྱང་དེ་ཉིད་ཡིན། དེ་བཞིན་དུ་བློ་སྦྱོང་འདིའི་ཚིག་ཡན་ལག་རེ་རེས་ཀྱང་ཉོན་མོངས་པ་དང་བདག་འཛིན་ཐུ ལ། ཐམས་ཅད་ལོག་པས་ཀྱང་དེ་བཞིན་ཡིན་པས་འབྲེལ་དང་གོ་རིམ་ལ་སོགས་པ་མེད་ཀྱང་ཆོག་པས་དོན་རྒྱུད་ལ་མ་སྐྱེས་ཀྱི་བར་དུ་བསྒོམ་པར་བྱའོ། །དེ་ལྟར་ན་དེ་དག་ཤེས་པར་བྱ་བ་གཙོ་ཆེ་བ་ཙམ་དུ་བྱས་པའི་མིང་ཙམ་ཡིན་ནོ།། གཉིས་པ་སྤང་བར་བྱ་བ། གཉིས་པ་སྤང་བར་བྱ་བ་ལ་བཞི་སྟེ། ཉོན་མོངས་སྤང་བ་དང༌། ཕྱོགས་མཐུན་སྤང་བ་དང་། རེ་བ་སྤང་བ་དང་། ལྟོས་པ་སྤང་བའོ།། དང་པོ་ནི། ཉོན་མོངས་གང་ཆེ་སྔོན་ལ་སྦྱངས། །ཞེས་པའམ། རགས་པ་གང་ཡིན་སྔོན་དུ་སྦྱངས། །ཞེས་བྱ་བ་སྟེ། ཆོས་བྱེད་དུ་མི་སྟེར་བ་ཐམས་ཅད་ཀྱི་རྩ་བ་ཉོན་མོངས་པ་ཡིན། དེའི་རྩ་བ་བདག་འཛིན་ཡིན། འཁོར་བ་ཐོག་མ་མེད་པ་ནས་སྡུག་ཏུ་བཅུག་པ་ཐམས་ཅད་འདི་ཡིན། ད་ལྟ་ཡང་བྱི་བ་ཙིག་ཅིག་ཟེར་ན་ཁོའི་རྣ་བ་གཅོད་དམ་སེམས། འབྲུག་ཅིག་བྱུང་ཡང་ཁོའི་མགོ་ལ་རྒྱབ་ཀྱིས་དོགས། རྒྱལ་ཁམས་ན་ནད་རིམས་ཡོད་ཟེར་ཡང་ཁོ་ལ་བྱུང་གིས་དོགས། ས་ཡུལ་གཉན་ཟེར་ན་ཁ་དྲག་ལ་ཁྱེད་ཀྱི་དོགས།༡༤༠ དེ་བཞིན་དུ་ལ་ལ་གཏམ་ངན་གྱིས་དོགས་ནས་སྡུག་བསྔལ། ལ་ལ་དགྲ་མ་ཐུལ་གྱི་དོགས་ནས་སྡུག་བསྔལ། ལ་ལ་གཉེན་མ་འཁྱོངས་ཀྱི་དོགས་ནས་སྡུག་བསྔལ་བ་ལ་སོགས་པ་བརྗོད་ཀྱི་མི་ལང་བ་ཅིག་ཡོད་དེ། དེ་ཐམས་ཅད་ཀྱི་རྩ་བ་བདག་ཏུ་འཛིན་པ་ཡིན། སོ་སོའི་སྐྱེ་བོ་ཐམས་ཅད་འདིའི་རང་བཞིན་དུ་གྱུར་ནས་ཅི་བྱེད་བདག་ཏུ་འཛིན་པས་བྱེད་བཅུག་ཏེ་འདི་འདུལ་དགོས་པས་འདི་འདུལ་བ་ལ། དེ་ཡང་ཞར་ཞོར་གྱི་མི་ཐུལ་བས། ཐེལ་པོར་སྦྱང་དགོས་ཏེ། འདི་ཐུལ་ན་ཕོ་བ་དུག་ཐབས་ཀྱི་ན་བ་བཞིན་དུ་༡༤༡ འདུག་པ་དེ་ཞི་བ་བཞིན་དུ་བདེ་ལྷན་པ་གཅིག་གདོད་འོང༌། དེ་ཙུག་མ་བྱུང་རིང་ལ་ཤམ་ཐབས་མཛོ་ཁལ་གཅིག་ཟད། བུམ་པ་མགོ་ཐོག་ཏུ་བཞག་༡༤༢ མི་ཚེ་ཐོས་པ་བྱས་ཀྱང་ཐམས་ཅད་ལོག་ནས།༡༤ ༣ ཡེང་ཡེང་བྱས་པ་གཅིག་ཡིན། བདེ་བ་སྐད་ཅིག་ཀྱང་མེད། བདག་འཛིན་འདི་ཅུང་མགོ་ནོན་ན་ཆོས་གཉེན་པོར་སོང་བ་ཡིན་པས་བདེ་ལྷན་ཡོང་། དེའི་སྟེང་དུ་སེམས་ཅན་བློ་ཕུགས་སུ་བཅུག་པ་གཅིག་བྱུང་ན་ཐེག་པ་ཆེན་པོ་ཤོང་བ་ཆེན་པོ་བྱ་བ་ཡང་དེ་ལ་ཟེར། དེ་ཡང་ལོང་ཡོད་སྙམ་པས་མི་ཡོང་བས་ད་ལྟ་རང་ནས་འབུང་དགོས། མི་འདོད་པ་རང་ལ་ལེན། འདོད་པ་གཞན་ལ་གཏོང་ན་བདག་འཛིན་ཐུལ་བ་ཡིན། དེས་གཞི་བྱས་ནས་འདོད་ཆགས་ཞེ་སྡང་ལ་སོགས་པ་གང་ཤས་ཆེ་རྟོགས་ནས་དེ་ཁོ་ན་ལ་གཙོ་བོར་སྦྱོང་བ་ཡིན། དེ་ཡང་ཁ་ཅིག་རྟོགས་ཏེ་རྟོགས་པ་ཙམ་གྱི་སྤོང་བ་ཡང་ཡོད། ཁ་ཅིག་རྟོགས་པ་ཙམ་གྱི་སྤོང་བའི་ངེས་པ་མེད། གཉེན་པོ་བསྒོམ་པའི་དོད་སྤོང་ནས་ཡོང་། ཁྱད་པར་དུ་བླ་མ་དང་གྲོགས་པོས་རྟོགས་ནས་འོང་བས་རྟོགས་དུ་བཅུག་པ་ཡང་བྱ་སྟེ། འཆད་ཀ་བས་ཤ་ར་བ་རྟོགས་དུ་བཅུག་པས་མཉེས་པའམ། ལུགས་སྨད་པ་སྣེ་ཟུར་ན་བཞུགས་ཙ་ན་གྲོགས་པོ་རྟོགས་དུ་བཅུག་པས་རྟོགས་པ་ལྟ་བུ་ཡིན། དེ་ལྟར་སྤྱོད་ལམ་རྣམ་བཞི་དུས་དང་གནས་སྐབས་ཐམས་ཅད་དུ་རང་གི་རྒྱུད་ལ་རང་གཞན་གྱིས་བརྟགས་ཏེ། རྟོགས་ནས་གཉེན་པོ་དེ་ཁོ་ན་རྟེན། གཞན་ཡོ་དེའི་བར་དུ་རེ་ཞིག་བཞག །དེ་ཐུལ་ནས་འདུག་སྙམ་ན་ཚུལ་བཞིན་མ་ཡིན་པ་ཡིད་ལ་བྱས་ལ། ཡང་སྐྱེ་མི་སྐྱེ་ཉམས་སད་སྐྱེ་བ་ལྟ་ན་དངོས་གཞི་མ་ཐོབ་པ་ཡིན་པས་གཉེན་པོ་བསྒོམ་འཇུག་ཡུལ་ལམ་རྐྱེན་ངན་དང་འཕྲད་ཀྱང་མི་སྐྱེ་ན་ཐུལ་བ་ཡིན། དེ་ཐུལ་བ་དང་སོ་ཆག་འོག་ནས་སེའུ་སྐྱེ་བ་སྙམ་བྱེད་ཀྱང་བདེ་བླག་ཏུ་ཐུལ་འོངས་སྟེ། གྱད་སྟོབས་པོ་ཆེ་ཐུབ་ན་གཞན་བདེ་བླག་ཏུ་ཐུབ་པ་དང་འདྲའོ།། དེ་ལྟར་རགས་པ་སྔོན་དུ་སྦྱང་བའི་ཚུལ་ཡང་ལས་དང་པོ་བས་རྐྱེན་ངན་གྱི་གནོད་རིང་ལ་ཡུལ་ལས་འབྱོལ་བ་དང་འཐབ་ནུས་ན་འཐབ་པ་ཡིན་ཏེ། མཁས་པས་ལེགས་པར་འབྲོས་པའམ། །མཁས་པས་ལེགས་པར་འཐབ་པར་བྱ།༡༤༤ །ཅེས་སོ། །ཡང་། བརྟན་པ་མ་ཐོབ་བར་དུ་རྐྱེན་ངན་གནོད། །བརྟན་པ་ཐོབ་ནས་རྐྱེན་ངན་གྲོགས་སུ་འགྱུར།༡༤༥ །ཞེས་པ་ལྟར་རོ། །རྐྱེན་ངན་གྲོགས་སུ་འགྱུར་བ་གཉལ་པ་ཇོ་སྲས་ཀུན། ནང་དུ་འཛུགས་རེས་ཡོད་ཙ་ན་འཕེལ་གསུང་བ་དང་། སྟོན་པ་སེང་གེ་རྒྱལ་མཚན། གླང་རི་ཐང་ན་ཡོད་ཙ་ན་སེ་བེ་རེ་ལ་སོགས་བློ་རྩ་ལེན་པས་འབྱོངས་སྟོབས་ཆེ་བ་བྱུང་བ་ལ་ད་ལྟ་དེ་ཙམ་གྱི་རྐྱེན་བློ་རྩ་ལེན་པ་མེད་པས་དེ་ཙམ་འབྱོངས་སྟོབས་མ་བྱུང་ཞེས་པ་ལྟ་བུ་ཡང་ཡོད། ཁ་ཅིག་རྐྱེན་བྱུང་ཉིད་ནས་ཉམས་ཟིན་པའི་རིགས་ཀྱང་ཡོང་བས་བྲོས་པས་མི་ཕན་པའམ། འཐབ་ནུས་པས་འཐབ་དགོས་ཏེ། ཅང་ཨ་བོ་ཁྲས་རྩེ་ཙ་ན་ཁྱོད་ད་གཏོང་ན་ང་འདི་གཏོང་ཟེར་བ་ལྟར་གང་ལ་གང་འོས་ཀྱི་གཉེན་པོ་བརྟེན་ནས། བདག་ནི་བསྲེགས་སྟེ་བསད་གྱུར་ཏམ། །མགོ་བོ་བཅད་པར་གྱུར་ཀྱང་སླའི། །རྣམ་པ་ཀུན་ཏུ་ཉོན་མོངས་པའི། །དགྲ་ལ་འདུད་པར་མི་བྱའོ།༡༤༦ །ཞེས་པ་ལྟར། གཉེན་པོའི་སྲན་བཅུག་ནས་བྱེད་པའོ། །དགྲ་ཡིན་རྒྱུ་ཡང་། སྤྱོད་འཇུག་ལས། ཞེ་སྡང་སྲེད་སོགས་དགྲ་རྣམས་ནི། །རྐང་ལག་ལ་སོགས་ཡོད་མིན་ལ། །དཔའ་འཛངས་མིན་ཡང་ཇི་ཞིག་ལྟར། །འདི་དག་གིས་བདག་བྲན་བཞིན་བྱས།༡༤ ༧ །ཞེས་པ་ལ་སོགས་པ་དང་། འདོད་ཆགས་ཞེ་སྡང་གཏི་མུག་གསུམ། །སྙིང་གི་ནང་དུ་བཀུག་བྱས་ནས། །ཇག་པ་རང་གི་སེམས་ལ་འགྱེད། །ཆོམ་པོ་འདི་ལས་ཆེ་བ་མེད།༡༤༨ །ཅེས་པ་མང་དུ་བསམས་ནས་བྱེད་པའོ།། གཉིས་པ་ཕྱོགས་འཛིན་སྤང་བ་ནི། ཕྱོགས་སུ་འཛིན་པ་ཐམས་ཅད་སྤང༌། །ཞེས་པས་ཏེ། ཡུ ལ་དུ ས་རྣམས་པ་ངེས་པ་ཙམ་མ་ཡིན་ཏེ། ཕྱི་ནང་སྣོད་བཅུད་ཐམས་ཅད་དང་འཕགས་པ་དང་། སེམས་ཅན་ཡིད་དུ་འོང་བ་དང་མི་འོང་བ་ཐམས་ཅད་ལ་སྦྱོང་བའོ། །འབྱོངས་རྩ་ན། ཐམས་ཅད་ལ་མཉམ་སྐད་ཡོང་བ་ཆོས་ཉིད་ཡིན་ནོ།། གསུམ་པ་རེ་བ་སྤང་བ་ནི། འབྲས་བུ་རེ་བ་ཐམས་ཅད་སྤང་། །ཞེས་བྱ་བ་སྟེ། འདི་བྱས་པས་མི་མ་ཡིན་གྱི་གནོད་པ་མི་ཡོང་དུ་རེ་བ་དང་། གཏམ་སྙན་དུ་རེ་བ་དང་། མཁན་སློབ་ལ་སོགས་པས་རྩིར་རེ་བ་དང་། ཟས་གོས་ལ་སོགས་པ་འཛོམ་དུ་རེ་བ་དང་། གཞན་ལ་ཕན་བཏགས་དེའི་ལན་ལ་རེ་བ་དང་། ཆོས་པ་གཤའ་མ་ཡིན་ཟེར་དུ་རེ་བ་དང༌། ཐ་ན་སངས་རྒྱས་ཐོབ་ཏུ་རེ་བ་གཅིག་བྱུང་ཡང་། རྗེ་བཙུན་གྱིས། རྒྱལ་ལ་སོགས་ལ་ཆགས་པ་ཕྲ།༡༤༩ །ཞེས་གསུངས་པས་འདི་ཕྱིས་བསྡུས་པའི་རེ་ལྟོས་གང་ཡང་མེད་པ་གཅིག་སྦྱོང་མ་ཤེས་ན། ཆོས་འདིའི་ཕྱོགས་གཅིག་ཞ་བ་ཡིན་པས་འབྲས་བུ་གང་ལ་ཡང་རེ་བ་མེད་པར་སྦྱོང་བ་གལ་ཆེ། ཚེ་འདིའི་རེ་ལྟོས་ཅན་གྱི་སྤྱིར་ཆོས་ཙམ་དུ་ཡང་མི་འགྲོ ཕྱི་མའི་རེ་ལྟོས་བྱེ་བྲག་ཏུ་བྱང་ཆུབ་སེམས་དཔའི་ཆོས་སུ་མི་འགྲོ་བས་སོ། །རང་དོན་དུ་སངས་རྒྱས་འདོད་ཀྱང་རང་སངས་རྒྱས་ཀྱི་རྒྱུ་ཡིན་པས་སོ།། བཞི་པ་ལྟོས་པ་སྤང་བ་ནི། རྐྱེན་གཞན་དག་ལ་ལྟོས་མི་བྱ། །ཅེས་བྱ་བ་སྟེ། སྤྱིར་ཐོས་བསམ་བསྒོམ་གསུམ་ཆོས་སྤྱོད་བཅུ་ཐམས་ཅད་རྐྱེན་གཞན་ལ་མི་ལྟོས་མི་སྲིད། ཐམས་ཅད་རྐྱེན་ལ་ལྟོས་དགོས་ཏེ། ཟས་གོས་གནས་ཁང་སྒྲུབ་ཟས་ན་སོ་ལ་སོགས་པའི་མཐུན་རྐྱེན་ཚང་བ་དང་། དགྲ་འདྲེ་ལ་སོགས་པ་མེད་པ་དགོས་ཏེ། བྱང་པ་ཤེས་རབ་འབར་ལ་པོ་ཏོ་བས་ཆོས་བསམ་དུ་བཏུབ་བམ་གསུངས་པས། ལྟོ་འགྲངས། ཁ་ངོམས། གྲོགས་པོས་བློ་རྩ་མ་བླངས་ཙ་ན་སྲག་སྲིག་གཏུབ་པར་སྣང་ཟེར་བ་དང༌། དགེས་དཀོར་སྤྱན་སྔ་བའི་གྲྭ་པར། མ་འཛོམས་ཡུལ་དུ་ཕྱིན་ལ་འཛོམས་པ་གཅིག་བྱ་སྙམ་ཙ་ན། ཡར་ལུངས་སུ་ཕྱིན་པས་འཛོམས་པ་ཅིག་མ་བྱུང་བས་རྨོངས་ནས་མ་གོ་བར་འདུག འཁོར་བ་བྱ་བ་མ་འཛོམས་པའི་མིང་དུ་འདུག་པ་ལ་ཟེར་བ་དང་། འཁུན་ཀ་མ་བའི་དེར་མ་འཛོམས། གཙང་དུ་བྱོན་ནས་མཐུན་རྐྱེན་འཛོམས་པས་དཀོན་མཆོག་གི་མཆོད་པ་དང༌། རང་གི་ཁམས་གསོ་བ་དང་བཟང་དུ་བྱས་སེམས་པ་ལ་སྐྱིད་ཆེན་པོ་བྱུང་ཟེར་བ་དང༌། ཁ་རག་པའི་སློབ་མ་ཁམས་ལོག་པ་ལ་འབྲི་མར་གྱི་མར་ཁུ་བཏང་བས་འབྲིའི་ནུ་མ་ལ་སྒོམ་ཡོད་པ་ད་ལྟ་ལས་ཆ་མེད་ཟེར་བ་དང་། ཇོ་བོ་ཡང་༡༥༠ ཁོ་རང་དག་གི་ཞབས་ཀྱི་གཉེར་མ་སྟོན་ཅིང་ངའི་འདི་ཙུ ག་སོང་བ་ལ་ད་གྲུ བ་ཐོབ་མི་འབྱུ ང་བ་ཡིན་གསུངས་པ་དང་། གཤེ་སྟོན་བྱང་འབར་ཡང་གཞོན་པ་མཁུར་བ་དམར་ཐོ་ལེ་བ་མཐོང་ཙ་ན། ངས་ཁྱོད་ལ་ཕན་ཐོགས་པ་ཅིག་འདུག་ཅེས་དང་། རྒས་ཁོག་པ་མཐོང་ཙ་ན། ཁྱོད་ཤེས་མ་ལོག་པར་སྦྱང་ཟིན་ནས་ད་ངའི་འདིར་བསྡད་ཀྱང་ཕན་པ་མི་ཡོང་ཟེར་བ་དང་། ཁ་ཅིག་དོ་ཅིག་གྲོགས་པོ་སེམས་པ་རིམས་པ་ཚེ་གཅིག་དང་འགྲོགས་པས་བསམ་དུ་བཏུབ་པ་བྱུང་ཟེར་བ་དང་། ཁ་ཅིག་གྲོགས་པོ་ཚོ་གཅིག་གི་རྩ་བླངས་ནས་མ་བྱུང་ཟེར་བ་ཡོད། ཁ་ཅིག་བྲེལ་བས་མ་བྱུང་དལ་ན་ཡོང་བར་སྣང་ཟེར་བ་དང༌། ཁ་ཅིག་ཡེངས་ནས་མ་བྱུང་དབེན་ན་ཡོང་ཟེར་བ་ཡོད། གཉགས་སེངྒེ་གྲགས་ཤིག བཀའ་གདམས་པ་ལས་༡༥༡ འབྲས་སྒོམ་ན་ངའི་ཆོས་མངོན་པའི་བསྟན་བཅོས་འདི་ཀུན་ཁོང་དུ་མ་ཆུད་པར་ཁོང་ཇི་ཙུག་སྒོམ་ནས་ལས་འབྲས་ལས་འབྲས་ཟེར་རམ་གསུངས་པ་ལ་འདི་ལྟ་བུའི་ཐོས་པ་ལ་སོགས་པའི་རྐྱེན་གང་ལ་ཡང་ལྟོས་མི་དགོས། འཛོམ་ན་དེ་ཉིད་རྒྱུ་མཚན་དུ་བྱས་ནས་མ་འཛོམ་ན་མི་སྡང་ན། བྱམས་ན། ལྟོགས་ན། འཁྱགས་ན། འབྱོར་ན། རྒུད་ན། ན་ན། མིན་ན། རྒན་ན། གཞོན་ན། ལྟོགས་ན། འགྲངས་ན། དགྲས་གཙེར་ན། སྦྲང་འགོང་གི་ཚ་རགས་རྒྱུགས་ན། བླ་མས་ཐུགས་ལ་བཏགས་ན། མ་བཏགས་ན། གྲོགས་པོས་བློ་རྩ་བླངས་ན།༡༥༢ དེ་དག་རྒྱུ་མཚན་དུ་བྱས་ནས་བསྒོམ་པས་ཆོག གླང་ཐང་གི་གཉེན་སྟོན་ཤེད་ཚ། ནང་མ་མང་པོ་མེད་པ་ལ་དགེ་བཤེས་རིན་པོ་ཆེའི་ཆོས་མཐུན་རེ་ལ་དོད་བྱས་ནས་སྡད་ཟེར་བ་དང་། ཇོ་སྲས་དང་སེང་གེ་རྒྱལ་གྱི་གཏམ་སྔར་གླེང་བ་ལྟར་ཡིན། སྤྱོད་ལམ་འགྲོ་འཆག་ཉལ་འདུ ག་ཐམས་ཅད་དུ་སྦྱང་པས་ཆོག་ཁོམ་བྲེལ་ཐམས་ཅད་དུ་སྦྱང་པས་ཆོག འདི་ལ་མཐུན་རྐྱེན་སེམས་ཀྱི་སྙིང་སྟོབས་གཅིག་པུས་ཆོག སྐྱོན་དང་བཅས་པའི་སེམས་འདི་ལ། །ཡོན་ཏན་མང་པོ་གཅིག་མཆིས་ཏེ། །གང་ལྟར་གོམས་པ་དེ་ལྟར་འབྱུང་།༡༥ ༣ །བྱ་བ་ཡིན་པས། གང་ཙུག་བྱ་བྱར་བཏུབ། འདི་ལ་ས་ཟན་ཀོ་མཐས་མེད།༡༥༤ གང་ཙུག་བསླབ་བསླབ་ཡིན། དེ་ཡང་ཕྱིས་མི་ལ་འཆད་ཙ་ན་དེ་སྐད་ཟེར་བ་ཡིན་སྙམ་པ་དེས་མི་ཡོང་། ང་རང་ཉམས་སུ་བླང་སྒོམ་སྙམ་པ་བྱས་ན་ཆོས་ཀྱི་བྱིན་རླབས་གདོད་ཡོང་བ་ཡིན། འདི་ལ་ཡང་ན་ལྷ་གསོལ། ཡང་ན་གཞོབ་མཐོང་དུ་སྦྱོང་བ་ཅིག་དགོས་གསུངས། དེ་ལྟར་ན་བཞི་པོ་དེ་སྤང་བར་བྱ་བ་གཙོ་ཆེ་བ་ཡིན་ནོ།། གསུམ་པ་བླང་བར་བྱ་བ། གསུམ་པ་བླང་བར་བྱ་བ་ལ་གསུམ་སྟེ། གང་ཉམས་སུ་བླང་བའི་ཆོས་དང་། གང་གིས་ཉམས་སུ་ལེན་པའི་ཐབས་དང་། ཇི་ལྟར་བླང་བའི་ཚུལ་ལོ། །དང་པོ་ནི། ད་རེས་གཙོ་བོ་ཉམས་སུ་བླང།། དོན་ཆེན་གང་ཡིན་བླང་བར་བྱ། །ཅེས་བྱ་བ་སྟེ། ཐོག་མ་མེད་པ་ནས་ཕ་འཚེར་སྙིང་པ་ལྟ་བུ་ངན་སོང་གསུམ་དུ་འཁྱམས་པ་ཡིན། ད་རེས་བསོད་ནམས་འགའ་ཞིག་གིས་བསྐལ་པ་བྱེ་བ་བརྒྱ་སྟོང་དུ་ཡང་རྙེད་དཀའ་བའི་དལ་འབྱོར་གྱི་ལུས་ཐོབ་པའི་དུས་ད་རེས་ཚེ་འདིའི་དོན་བྱེད་པ་བས་ཕྱི་མ་ཕན་ཆད་ཀྱི་དོན་བྱེད་པ་གཙོ། ཆོས་ལ་ཡང་བཤད་སྒྲུབ་གཉིས་ལས་སྒྲུབ་པ་གཙོ། སྒྲུབ་པ་ཡང་ཕྱི་རོལ་གྱི་སྤྱོད་ཚུལ་ལས་སེམས་སྦྱོང་བ་གཙོ་བོ་ཡིན་ཏེ། བྱང་ཆུབ་སེམས་དཔའི་སྤྱོད་པ་དག །ཚད་མེད་པ་ནི་གསུངས་པ་ལས། །སེམས་སྦྱོང་བ་ཡི་སྤྱོད་པ་ནི། །ངེས་པར་དེ་སྲིད་སྤྱད་པར་བྱ།༡༥། །ཅེས་པ་ལྟར་རོ། །སེམས་སྦྱང་བ་རྣམས་ཀྱི་ནང་ན་ཡང་གཙོ་བོ་བྱང་ཆུབ་ཀྱི་སེམས་ཡིན་ཏེ། ཐེག་པ་འདི་ལ་བྱང་ཆུབ་ཀྱི། །སེམས་མཆོག་ཡིན་པར་བསྟན་པས་ན། །བྱང་ཆུབ་ཏུ་ནི་སེམས་བསྐྱེད་ནས། །འབད་པས་མཉམ་པར་བཞག་པར་བྱ།༡༥༦ །ཅེས་པ་ལྟར་རོ། །བྱང་ཆུབ་ཀྱི་སེམས་ཀྱང་། བདག་གཞན་མཉམ་པ་བས་བརྗེ་བ་གཙོ་བོ་ཡིན་ཏེ། གང་ཞིག་བདག་དང་གཞན་རྣམས་ནི། །མྱུར་དུ་སྐྱབས་པར་འདོད་པ་དེས། །བདག་དང་གཞན་དུ་བརྗེ་བྱ་བ། །གསང་བའི་དམ་པ་སྤྱད་པར་བྱ།༡༥༧ །ཅེས་པ་ལྟར་རོ། །དེ་ཡང་ལུས་ངག་ཏུ་བརྗེ་ལོ་བྱེད་པ་བས་ཀྱང་རང་གིས་ནང་དུ་སྦྱང་བ་གཙོ། དེ་ཡང་ལུང་རིགས་ཀྱི་སྐྱ་དབར་དུ་བཅུག་ནས་སྦྱོང་བ་བས་བླ་མའི་མན་ངག་ལ་བརྟེན་ནས་ཨུ་ཚུགས་སུ་སྦྱོང་བ་གཙོ། སྤྱོད་ལམ་ཡང་འགྲོ་འཆག་པས་མལ་དུ་སྦྱོང་བ་གཙོ་བས་དེ་ལྟར་བསླབ་པར་བྱའོ།། ཡང་ཐབས་བས་ལ་ལ་ཉེན་མ་འབྱུང་བར་བྱེད་པ། དོན་ཆེན་གང་ཡིན་བླང་བར་བྱ། །ཅེས་པ་ནི། རབ་ཏུ་བྱུང་བས་རྒྱལ་པོའ མ་ཁྱིམ་པའི་བྱ་བར་འགྲོ་བའི་དགེ་བ་རྗེས་ཅན་བྱེད་པ་སྟེ། གསེར་འབུམ་འདྲི་བ་དང་གཙུག་ལག་ཁང་བཞེངས་པ་ལ་སོགས་པ་མང་པོ་ཅིག་ཡོད་དེ། དེ་དག་བྱས་པ་ཙམ་གྱིས་བསླབ་པ་ཉམས་ནས་འགྲོ དེ་དག་དང་འགལ་བས་ཞེ་སྡང་ཤ་སྟག་བསོགས། དེའི་རྐྱེན་གྱིས་གཞན་ལ་གནོད་པ་མང་པོ་འབྱུང༌། རང་གིས་དབེན་པ་བསྟེན་པ་དང་ཆོས་ཉམས་སུ་ལེན་པ་ཉམས་ནས་འགྲོ གྲོགས་འཆལ་བ་དང༌། འདྲེས་ཁྱེར་རམ། དམ་ཉམས་ལ་སོགས་པ་གང་ན་མ་རུངས་པ་རྣམས་དང་འགྲོགས་དགོས། དེའི་གཞིས་སྡེ་རྩོད་ལ་སོགས་པ་ཐམས་ཅད་ཀྱང་འབྱུང་། རང་གཞན་གྱི་ལུས་སྲོག་གི་བར་ཆད་དུ་ཡང་འགྲོ་བའི་རྒྱུ་མང་བ་ཡོང་བས་དེ་ལྟ་བུ་ལ་སོགས་པའི་དགེ་བ་རྗེས་ཅན་གང་ཡང་མི་བྱ་གསུངས། འོ་ན་གང་བྱ་ན། རང་གི་ཁས་བླངས་པའི་བསླབ་པ་དག་པར་བསྲུངས། དེ་དོན་ཆེ་བ་ཡིན། སྡིག་སྦྱངས། ངག་བྱིན་གྱིས་བརླབས་པ་ཞུ། དགེ་བ་བྱང་ཆུབ་ཏུ་བསྔོ། བླ་མ་བརྒྱུད་པ་དང་བཅས་པ་ལ་གསོལ་བ་བཏབ། ལམ་རིམ་བསྒོམ། བླ་མ་དང་དམ་ཚིག་མ་ཉམས་པ་བྱ། བྱམས་སྙིང་རྗེ་བྱང་ཆུབ་ཀྱི་སེམས་བསྒོམ། སྟོང་པ་དང་སྙིང་རྗེ་ཟུང་འཇུག་དུ་བསྒོམ། ཡི་དམ་གྱི་སྙིང་པོ་བགྲང་། དེ་རྣམས་ཐམས་ཅད་སྒྲུབ་པའི་རྩ་བ་བླ་མ་རྟག་ཏུ་བསྒོམ། གྲོགས་བཟང་པོ་དང་འགྲོགས། ལྷ་མཆོད་པ་ལ་སོགས་པས་ཚོགས་བསགས། སྒྲིབ་པ་སྦྱང་། དེ་རྣམས་ལ་འབྱུང་གསུངས། དོན་དེ་རྣམས་རྒྱུད་ཚོད་མཐོ་དམན་མེད་པ་སྔགས་ཕ་རོལ་ཏུ་ཕྱིན་པ་གང་གི་སྒོར་ཞུགས་པ་ཡིན་ཡང་རུང་། སྒྲུབ་པར་མི་ནུས་པ་མེད་པས་དོན་ཆེ་བ་ཡིན། གཉིསས་པ་གང་གི་ཉམས་སུ་ལེན་པའི་ཐབས་ནི། དཀའ་བ་གསུམ་ལ་བསླབ་པར་བྱ། །དངོས་དང་ཡན་ལག་གཉིས་ཀར་སྦྱངས། །དྲག་འཆུན་སྤོང་ལེན་དྲག་ཏུ་བྱ། །ཅེས་བྱ་བ་སྟེ། དེ་ལ་དཀའ་བ་གསུམ་ནི། དང་པོ་དྲན་པ་དང་། བར་དུ་བཟློག་པ་དང་། ཐ་མ་རྒྱུན་བཅད་པར་དཀའ་བའོ། །དེ་ཡང་དང་པོ་ནི། གཞན་གྱི་བློ་རྩ་མ་བླངས། ལྟོ་འགྲངས། ཁ་ངོམས་པའི་དུས་སུ་བཏུབ། རབ་ཡོང་བ་བཞིན་བྱུང་ཡང་རྐྱེན་ངན་དང་འདོམ་ཐུག་བྱུང་ཙ་ན། གཉེན་པོ་དྲན་དཀའ་བ་ཡིན་གསུངས། གཉེན་པོ་དྲན་པར་གྱུར་ཀྱང་བར་དུ་བཟློག་པར་དཀའ་སྟེ། མིད་པ་ཆུ་ཧྲིལ་ཡོང་༌། དེ་ཙ་ན་འབུང་པ་ཅིག་དགོས་ཏེ་བཟློག་པར་དཀའ། ལན་ཅིག་བཟློག་ཀྱང་ཁོའི་རྣམ་འགྱུར་མཐོང་བའམ། དྲན་ཞིང་ཚིག་པ་དཀྲུག་དཀྲུག་ཡོང་བས་བཟློག་པ་དེ་ཡང་རྒྱུན་བཅད་པར་དཀའ་གསུངས། དེ་ལྟ་ཡིན་པ་ལ་གཉེན་པོ་སྐྱེ་ལ་རྐྱེན་ངན་བྱུང་ཙ་ན་གཉེན་པོ་དྲན་པ། འདི་ལ་བདག་གིས་ཞེན་བྱ་ཞིང་། །འཁོན་དུ་བཟུང་ལ་གཡུལ་སྤྲད་དེ།༡༥༨ །ཞེས་པ་བཞིན་བར་དུ་བཟློག་པ་དང༌། ཐ་མར་རྒྱུན་གཅོད་པ་ལ་འབད་དགོས། དེ་ལྟར་འབྱུང་བར་ཡང་གསོལ་བ་གདབ། འདི་ལ་ཐེ་ཚོམ་ཟ་བ་ཅིག་བྱུང་ཡང་ནམ་ཞིག་སྐྱེ་བའི་རྒྱུར་འགྱུར། གྲོགས་པོ་མཐུན་པ་གླེངས་ལངས་པས་ངེས་པ་སྐྱེ་བ་གཅིག་བྱུང་ཡང་ནམ་ཞིག་སྐྱེ་བའི་རྒྱུར་འགྱུར། ད་ལོ་འགའ། ཟླ་བ་འགའ་པོ་འདི་ལ་འབད་ནུས་ན་དཀའ་བ་གསུམ་ལས་ཐར་བར་འགྱུར་བ་ཡིན། ཉིན་པར་འདི་དྲན་ན་ཉིན་པར་བྱང་ཆུ བ་སེམས་དཔར་ཞུགས། མཚན་མོ་དྲན་ན་མཚན་མོར་བྱང་ཆུ བ་སེམས་དཔར་བཞུགས་པས་དྲན་པར་བྱ་སྟེ། མི་མཐུན་པའི་ཕྱོགས་བཟློག་ལ་རྒྱུན་བཅད། ཤེས་རབ་ཆེ་ན་འདི་ལ་བློའི་འབྲལ་དང་། བརྩོན་འགྲུས་ཆེ་ན་འདི་ལ་སྤོ་བ་ཅི་འདུག་བལྟ། སྒོམ་བཟང་ན་འདིར་མུགས་ཀྱི་ཐེང་མ་ཐེང་བལྟའོ།། ཡང་དངོས་དང་ཡན་ལག་གཉིས་ཀ་སྦྱངས། །ཞེས་པ་འདི་དངོས་སུ་བྱེད་ན་བདག་མེད་མན་ཆད་འདིའི་ཡན་ལག་ཏུ་བྱེད་པ་དང༌། འདི་ལམ་གྱི་ཡན་ལག་ཏུ་བྱེད་ན་ཉོན་མོངས་པ་གང་བྱེད་ཀྱི་གཉེན་པོ་འདིས་བྱེད་པ་སྟེ། ཟས་གོས་ལ་སོགས་པ་མ་འཛོམ་པ་དང༌། ནད་དང་དགྲས་རྩེར་བ་དང་། ཉོན་མོངས་པ་དྲག་པོ་འབར་བ་ལ་སོགས་མ་བཏུབ་པ་བྱུང་ཚད་ལ་གཉེན་པོ་འདི་ལ་འབད་ནས། མི་བདེ་བ་གང་ཡང་མེད་པ་གཅིག་མ་བྱུང་ན། ཆོས་འདི་ཡེ་མ་བྱུང་བ་ཡིན་ནོ། །འདི་བྱུང་ན་ཅི་བྱུང་ཡང་མི་བདེ་བ་གང་ཡང་མེད་པ་གཅིག་ཡོང་། འདི་བྱང་སེམས་འབྱོངས་པ་ཁོ་ན་ལ་དགོས་བྱ་བ་མིན། ཉོན་མོངས་པ་དང་བདག་འཛིན་འདུལ་བ་ལ་སོགས་པ་ཉན་རང་དང་ཐུན་མོང་བ་གཅིག་ཀྱང་ཡོད། འདི་ཙམ་གྱིས་མི་ཡོང་རང་ལ་འཕྱར་ཀ་གཏོང་བ་ལ་སོགས་པ་ལ་བཀའ་དྲིན་ཆེ། དགེ་བཤེས་ཡིན་ཞེས་ངག་ཏུ་མི་བརྗོད། བསམ་པ་དེ་ལྟར་བསྒོམ་ཤིང་ཉོན་མོངས་པར་མ་ཤོར་བར་བྱེད་པའོ། །དེ་ཡང་ངོས་འཛིན་པར་བྱས་ནས་སྤོང་ལུགས་ནི། དྲག་འཆུན་སྤོང་ལེན་དྲག་ཏུ་བྱ། །ཅེས་དང༌། ཉོན་མོངས་ལ་བྱེད་པ་སྟེ། ཆོས་ཐམས་ཅད་ཉོན་མོངས་པའི་གཉེན་པོར་སོང་བ་ཅིག་དགོས། ད་ལྟ་ཐོས་པ་ལ་སོགས་པ་ང་ལས་མཁས་པ་མེད་ཅེས་པ་ལ་སོགས་པར་སོང་བས་ཉོན་མོངས་པ་ཉོན་མོངས་པའི་གྲོགས་སུ་སོང་བ་དེ་གདོན་ངོས་མ་ཟིན་སྣ་ལ་ཡུག་གམ་ཨ་ཁུ་བྱང་ཆུབ་འོད་ཀྱི་ཨ་ཕྱིས་མིག་ལ་ནུ་མ་སྣུན་པ་དང་འདྲ་བ་ཡིན། དེ་བདག་འཛིན་གྱི་གཞི་བྱས་པའི་ཉོན་མོངས་པ་འདུལ་བ་ལ་གཉེན་པོས་དྲག་འཆུན་ཆེར་བྱེད་པའོ།། གསུམ་པ་ཇི་ལྟར་ཉམས་སུ་བླངས་པའི་ཚུལ་ལ་བཞི་སྟེ། ཚེ་གཅིག་གི་བྱ་བ་དང༌། ཉིན་གཅིག་གི་ཀུན་སྤྱོད་དང་། ཐུག་ཕྲད་ལམ་ཁྱེར་དང༌། རྐྱེན་ངན་གྲོགས་བསྒྱུར་རོ། །དེ་ལ་ཚེ་གཅིག་གི་བྱ་བ་ནི། སྟོབས་ལྔ་དག་ལ་སྦྱང་བར་བྱ། །ཅེས་བྱ་བ་ནི། སྐྱེ་བ་ཚེ་གང་གི་བྱ་བ་འདིས་བྱེད་པ་སྟེ། འདི་ལ་ཡང་པང་སྐྱེ་བ་ཚེ་གང་དུ་བྱ་བ་དང་། ཁྱད་པར་དུ་འཆི་ཁའི་གདམས་ངག་ཏུ་བྱ་བའི་ཚུལ་གཉིས་ལས། ཚེ་གང་དུ་བྱ་བའི་སྟོབས་ལྔ་ནི། མན་ངག་སྙིང་པོ་མདོར་བསྡུས་པ། །ཞེས་པ་ནི། སྟོབས་ལྔ་དག་ལ་སྦྱང་བར་བྱ། །ཅེས་པའི་གོང་འདིར་བཅུག་ནས་འབྲེལ་བའང་ཡོད། འཕེན་པའི་སྟོབས་དང༌། དཀར་པོ་ས་བོན་གྱི་སྟོབས་དང༌། སུན་འབྱིན་པའི་སྟོབས་དང༌། གོམས་པའི་སྟོབས་དང༌། སྨོན་ལམ་གྱི་སྟོབས་སོ།། དེ་ལ་འཕེན་པའི་སྟོབས་ནི། ད་ནས་སངས་རྒྱས་ཀྱི་བར་དུ་བློ་སྦྱོང་དང་མི་འབྲལ་བར་བྱ་སྙམ་པ་དང་། ཚེ་ཐུང་འདི་དང༌། ལོ་འདི་དང་། ཟླ་བ་འདི་ལ་བློ་སྦྱོང་དང་མི་འབྲལ་བར་བྱ་སྙམ་པ་དང་། ཁྱད་པར་དུ་དེ་རིང་བདག་ལ་ཁ་ཟེར་བ་དང༌། ཁྱད་པར་ཁ་གཏོང་བ་ལ་སོགས་པ་གནོད་ཅིང་ཅི་བྱུང་ཡང་བདག་གིས་བདག་ཏུ་འཛིན་པ་རྣམས་ཐམས་ཅད་དུ་མ་ཤོར་བར་ཐུལ་བར་བྱ། ཐུལ་ནས་ཀྱང་ཕྱིས་མི་བཏང་བར་བྱ་སྙམ་དུ་འཕེན་པ་གཏོང་བ་སྟེ། དཔེར་ན་ནམ་མ་ལངས་པར་ཤིང་ཐུ་རུ་འགྲོ་སྙམ་ཙ་ན་གཉིད་སྔར་སད་ནས་ཡོང་བ་དང་འདྲ། དེ་བཞིན་དུ་འཕེན་པའི་སྟོབས་ཀྱིས་རྐྱེན་ངན་དང་ཕྲད་པ་དང་། གཉེན་པོ་དྲན་ནས་ཡོང་བ་ཡིན། དཀར་པོ་ས་བོན་གྱི་སྟོབས་ནི། ཐུན་མཚམས་སུ་ཡང་བློ་སྦྱོང་རྒྱུད་ལ་མ་སྐྱེས་པ་སྐྱེ་བ་དང་། སྐྱེས་པ་གོང་ནས་གོང་དུ་འཕེལ་བའི་ཆེད་དུ་ཚོགས་བསོག སྒྲིབ་པ་སྦྱོང་། བླ་མ་ལ་གསོལ་བ་གདབ། ཆོས་སྐྱོང་ལ་འཕྲིན་ལས་ཞུ། ཐོས་བསམ་སྒོམ་གསུམ་དང་ཆོས་སྤྱོད་ལ་འབད་ནས་བསོད་ནམས་བསགས་ནས་འདི་རྒྱུད་ལ་སྐྱེ་བའི་དགེ་བ་ལ་ཚུལ་སྣ་ཚོགས་ནས་འབད་པའོ།། སུན་འབྱིན་པའི་སྟོབས་ནི། བདག་ཏུ་འཛིན་པ་སུན་འདོན་པ་སྟེ། འཁོར་བ་ཐོག་མ་མེད་པ་ནས་སྤྱིར་འཁོར་བ་མཐའ་མེད། སྒོས་ངན་སོང་གསུམ་དུ་འཁྱམས་ཏེ། དེ་ཐམས་ཅད་བདག་གཅེས་འཛིན་རང་བདེ་འདོད་པ་འདིས་ལན་པ་ཡིན། ཚེ་འདི་ལ་ཡང་མི་འདོད་པ་ཇི་སྙེད་ཅིག་འབྱུང་བ་དང་། བཟའ་མི་རྣམས་འགྲོགས་མ་ཤེས་པ་དང་། ཁས་བླངས་གནས་སུ་མ་འཁྱོལ་བ་ཐམས་ཅད་འདིས་ལན། མི་རྟག་པ་ནས་གནས་ལུགས་ཀྱི་བར་རྒྱུད་ལ་སྐྱེར་མི་འདོད་པ་ཡང་འདིས་ལན། མཁས་པ། བཙུན་པ། བཟང་བ། ཐོས་པ་ཆེ་བ། སྒྲུབ་པ་རིམ་པ་ཐམས་ཅད་ཉོན་མོངས་པའི་གཉེན་པོར་མ་སོང་བར་གྲོགས་སུ་སོང་ནས་ང་ལས་མཁས་པ་མེད། ང་ལས་བཙུན་པ་མེད་ཅེས་པ་ཐམས་ཅད་བདག་འཛིན་མ་ཐུལ་བས་ལན་པ་ཡིན། མི་ཆོས། ལྷ་ཆོས། གར་སོང་། གང་མ་མཁོ་བ། སངས་རྒྱས་བསྒྲུབ་ཀྱང་ཉན་རང་རྒན་པོ་རེ་རེ་འགྲོ་བའི་བར་ཐམས་ཅད་བདག་ཏུ་འཛིན་པས་རང་རྒྱལ་བ་དང་གཞན་ཕམ་པར་འདོད་པས་ལན་པ་ཡིན་པས་འདི་སུན་འདོན། འཇིག་རྟེན་དག་ན་འཚེ་བ་གང་ཡོད་དང༌།༡༩ །ཞེས་པའི་དོན་བསམ། བདག་ནི་བསྲེགས་ཏེ་བསད་གྱུར་ཏམ།༡༦༠ །ཞེས་པ་ལྟར་གཉེན་པོ་བསྐྱེད་པར་བྱེད་པའོ།། གོམས་པའི་སྟོབས་ནི། བདག་གཞན་བརྗེ་བར་རྒྱུན་དུ་གོམས་པར་བྱེད་པ་སྟེ། འདི་ལ་མོས་པ་དང་། འདུན་པ་ཡུན་རིང་བ་དང༌། དར་དྲགས་པ་དང་། བར་མ་ཆད་པར་མ་བསྒོམས་ན་ཐོག་མ་མེད་པ་ནས་བདག་གཅེས་པར་འཛིན་པ་འདོར་མི་ནུས། གཞན་ལ་གཅེས་འཛིན་མི་འབྱུང་བས་རྒྱུན་དུ་གོམས་པར་བྱ། འདི་གོམས་ནས་རྒྱུད་ལ་སྐྱེས་ན་ཆོས་ཐམས་ཅད་བདེ་བར་འགྲོ་བའི་ཏིང་ངེ་འཛིན་ཅེས་པའམ། ལྷ་བདེ། ཀླུ་བདེ། ཀུན་བདེ། རབ་གང་བྱ་བ་ཡོང་བས། འཇིག་རྟེན་བདེ་བ་ཇི་སྙེད་པ།༡༦༡ ། ཞེས་པའི་དོན་བསམ་ལ་རྒྱུན་དུ་གོམས་པར་བྱའོ།། སྨོན་ལམ་གྱི་སྟོབས་ནི། དགེ་བ་ཅི་བྱས་ཀྱི་རྗེས་དང༌། གཞན་ཡང་དུས་ཐམས་ཅད་དུ་བདག་འཛིན་ཐུལ་བ་དང་། ཐུལ་ནས་ཕྱིས་མི་ལྡང་བར་སྨོན་ལམ་འདེབས་པ་སྟེ། འགྲོ་བའི་སྡུག་བསྔལ་གང་ཅིའང་རུང་། །དེ་ཀུན་བདག་ལ་སྨིན་གྱུར་ཅིག༡༦༢ ། ལ་སོགས་པ་ཐེག་པ་ཆེན་པོའི་མདོ་རྒྱུད་བསྟན་བཅོས་ན་བཞུགས་པ་རྣམས་སྨོན་ལམ་དུ་འདེབས་པ། དེ་ལྟར་སྟོབས་ལྔ་པོ་དེ་ལ་སྦྱངས་ན། ཚེ་གཅིག་གི་བྱ་བ་ཐམས་ཅད་འཆུན། བདག་གཞན་བརྗེ་བའི་བྱང་ཆུབ་ཀྱི་སེམས་སྐྱེས་ནས་འཕེལ། དེ་ལ་བརྟེན་ནས་ཡོན་ཏན་ཐམས་ཅད་འབྱུང་གསུངས། ཁྱད་པར་འཆི་ཀའི་གདམས་ངག་ཏུ་བྱེད་ན། ཐེག་ཆེན་འཕོ་བའི་གདམས་ངག་ནི། སྟོབས་ལྔ་ཉིད་ཡིན་སྤྱོད་ལམ་གཅེས། །ཞེས་འབྱུང་བས་དང་པོ་དཀར་པོ་ས་བོན་གྱི་སྟོབས་རང་གི་ཡོ་བྱད་གང་ཡོད་པ་བླ་མ་དཀོན་མཆོག་ལ་སྤོང་དག་བྱ། ཞེན་པ་སྐྱེ་བའི་མི་ལ་སྦྱིན་དུ་མི་རུང་། ཤུལ་དུ་ཡང་སྡིག་རྐྱེན་དུ་མ་འགྱུར་ཙམ་གྱི་ཤོམ་པར་བྱ། མཆོད་གནས་རྣམས་ལ་མཆོད་པ་བཟང་བར་དབུལ། དྲིན་ཅན་ལ་ནོར་གྱི་དོད་༡༦༣ པོར་སྦྱིན་དུ་མི་རུང་། དེ་ནས་ཚེ་འདིའི་དངོས་པོ་གང་ལ་མ་ཆགས་ཤིང་ཕྱི་མར་མི་འཇིགས་པའི་བློ་བསྐྱེད། དེ་ནས་སྨོན་ལམ་གྱི་སྟོབས་ནི། མཆོད་པ་བཤམས་ལ་བཤགས་སྡོམ་དང་བཟོད་གསོལ་བྱ། སྐྱབས་འགྲོ་ལ་སོགས་པའི་སྡོམ་ཁྲིམས་གསོ། དཀོན་མཆོག་ལ་མཆོད་པ་དང་། ཆོས་སྐྱོང་ལ་གཏོར་མ་ཕུལ་ལ། བྱང་ཆུབ་ཀྱི་སེམས་གཉིས་བར་དོ་དང་ཕྱི་མར་དྲན་པ། ཆོས་འདི་སྟོན་པའི་བླ་མ་དང་མཇལ་ཆོས་འདི་ཉམས་སུ་ལེན་པ་དང་བློ་སྦྱོང་པ་ལ་སོགས་པའི་གསོལ་བ་དང་སྨོན་ལམ་གདབ་གསུངས། དེ་ནས་སུན་འབྱིན་པའི་སྟོབས་ནི། ཐོག་མ་མེད་པ་ནས་ད་ལྟའི་བར་དུ་སྡུག་བསྔལ་དུ་བཅུག་པ་བདག་འཛིན་འདི་ཡིན། ད་དུང་ཡང་འདི་མ་ཟད་ཀྱི་བར་དུ་སྡུག་བསྔལ་འབའ་ཞིག་སྦྱོར་བས་འདི་བརླག་ཏུ་གཞུག བརླག་རྒྱུ་དེ་ཡང་ལུས་ལ་བདག་ཏུ་བཟུང་བས་ལན་འདུག་པས་བར་དོར་ལུས་ཡེ་མ་བླང་བར་ཡལ་དུ་གཞུག་སྙམ་པ་དང་། དེ་ལྟར་བདག་ཏུ་འཛིན་མཁན་གྱི་སེམས་ཅན་འདི་ཡང་ནམ་མཁའ་ལ་ཡལ་དུ་གཞུག་སྙམ་པས་བདག་འཛིན་སུན་འབྱིན་པའོ། །དེ་ནས་འཕེན་པའི་སྟོབས་ནི། བར་དོར་ཆོས་འདི་དྲན་པར་བྱའོ་སྙམ་དུ་ཡང་ནས་ཡང་དུ་འདུན་པ་བཏང་བར་བྱའོ། །དེ་ནས་གོམས་པའི་སྟོབས་ནི། སྔར་ནས་གོམས་པར་བྱས་པ་ཁྱད་པར་དུ་དྲན་པར་བྱས་ལ། སྤྱོད་ལམ་གྱི་སྟོབས་ཀྱི་འཕོ་བ་ཡིན་པས་ངོས་གཡས་པ་ཕབ། ལག་པ་གཡས་པ་འགྲམ་པ་ལ་བརྟེན་པའི་མཐེའུ་ཆུང་གིས་སྣ་བུག་གཡས་པ་བཀག་ལ། གཡོན་ནས་དབུགས་རྒྱུ་བར་བྱའོ། །དབུགས་ཕྱིར་འགྲོ་ནའང་འགྲོ་བ་ལ་བརྟེན་ནས་གཏོང་ལེན་གཉིས་སྦྱང༌། དེའི་མོད་ལ་དོན་དམ་བྱང་ཆུབ་ཀྱི་སེམས་འཆི་བ་མེད་པ་དྲན་པར་བྱ། དེའི་ངང་ལ་འཕོ་བར་བྱའོ།། གཉིས་པ་ཞག་གཅིག་གི་ཀུན་སྤྱོད་ནི། རྣལ་འབྱོར་ཐམས་ཅད་གཅིག་གིས་བྱ། །ཅེས་བྱ་བ་སྟེ། ཆོས་གཞན་ནས་༡༦༤ ཟས་ཀྱི་རྣལ་འབྱོར་སོགས་མང་དུ་བཤད་པ་ལ་འདིར་ཟས་གོས་སྤྱོད་ལམ་ལ་སོགས་པའི་རྣལ་འབྱོར་ཐམས་ཅད་འདི་གཅིག་པུས་བྱེད་པའོ། །དེ་ཇི་ལྟར་བྱེད་ཅེ་ན། ཟས་གོས་ལ་སོགས་པ་འཛོམས་ན་བདག་གིས་བདེ་བ་འདིས་སེམས་ཅན་བདེ་བ་དང་ལྡན་པར་གྱུར་ཅིག མ་འཛོམ་ན་སེམས་ཅན་རྣམས་ཀྱི་མ་འཛོམ་པའི་སྡུག་བསྔལ་ཐམས་ཅད་བདག་ལ་སྨིན་པར་གྱུར་ཅིག་སྙམ་དུ་སྒོམ་པ་ལ་སོགས་པ་སྟེ། སྤྱོད་ལམ་རྣམ་བཞིར་དབང་པོ་དྲུག་གི་སྤྱོད་ལམ་ཐམས་ཅད་གཏོང་ལེན་གཉིས་སུ་སྦྱོང་བ་སྤྱོད་ཡུལ་ཡོངས་སུ་དག་པའི་མདོའམ། དཀོན་མཆོག་སྤྲིན་གྱི་མདོའ མ། རྗེ་བཙུན་བྱམས་པས། རྒྱལ་སྲས་སྤྱོད་ཚེ་ཇི་ལྟ་ཇི་ལྟ་བུར། །དབང་པོའི་སྤྱོད་ཡུལ་སྣ་ཚོགས་འཇུག་གྱུར་པ། །དེ་ལྟ་དེ་ལྟས་རིགས་པས་མཐུན་ཚིག་གིས། །སེམས་ཅན་ཕན་ཕྱིར་དེ་མཐོང་འདུ་བྱེད་གཅེས།༡༦༥ །ཞེས་པ་ལྟར་ཤེས་པར་བྱས་ནས་བྱང་ཆུབ་ཀྱི་སེམས་སྦྱོང་བའི་རྣལ་འབྱོར་གྱིས་བྱེད་པའོ།། ااد གསུམ་པ་ཐུག་ཕྲད་ལམ་ཁྱེར་ནི། འཕྲལ་ལ་གང་ཐུག་བསྒོམ་དུ་སྦྱར།༡༦ །ཞེས་བྱ་བ་ནི། བློ་བུར་དུ་མི་དང་མི་མ་ཡིན་པ་དང་དུད་འགྲོ་དང་ཐུག་པ་བྱུང་བའམ། དབང་པོ་དྲུག་གི་སྤྱོད་ཡུལ་དུ་གྱུར་པ་གང་ལ་ཐུག་ཀྱང་འཕྲལ་འཕྲལ་དུ་སྦྱོང་བ་སྟེ། སྐྱིད་སྡུག་ལ་སོགས་པའི་དུས་ཐམས་ཅད་རང་ཡུལ་དང་མི་ཡུལ་ལ་སོགས་པའི་ཡུལ་ཐམས་ཅད། གནས་དགོན་གྲྭ་ས་ལ་སོགས་པའི་གནས་ཐམས་ཅད་དང༌། འགྲོ་འཆག་ལ་སོགས་པའི་སྤྱོད་ལམ་ཐམས་ཅད་མཐོང་ཐོས་ལ་སོགས་པའི་དབང་པོའི་ཡུལ་ཐམས་ཅད་ལའང་འདོད་མི་འདོད་གཉིས་ཡོ ད་པར་ཁ་ཚོན་བཅད་ནས་འདོད་པ་དེ། སེམས་ཅན་ཐམས་ཅད་གཏོང་མི་འདོད་པ་རང་ལ་ལེན་པར་སྦྱོང་བའོ། །དེ་ཡང་ལྟོ་འགྲངས་ཉི་མ་དྲོ་ན་དཔའ་སྤྱོད་ཀུན་ཀྱང་ཆེ་ཟེར་བ་ལྟར། མཐུན་རྐྱེན་འཛོམ་ན་བླ་མས་ཀྱང་ཨོ་ལོ་ཨོ་ཅོ་བྱས། གྲོགས་པོས་ཀྱང་བློ་རྩ་བླངས་ཙ་ན་བཏུབ་རབ་ཡོང་སྟེ། རྐྱེན་ངན་དང་འདོམ་ཐུག་བྱུང་བའམ། ལས་ངན་གྱི་འབྲས་བུ་ཚོན་པོ་ཆེ་སྨིན་ནས་སྡོམ་པ་ཤོར་སྟེ། གཞན་གྱིས་ཁྱི་རོ་བཞིན་ཙོག་པོར་ལྟ་བའམ། མཛེ་རྒོད་འབར་བ་བྱུང་ན་གཞན་གྱི་སྐྱུག་བྲོ་བར་ལྟ། མཐོང་ཙམ་རང་ན་སྣ་བཀག་ནས་འབྲོས་ཀྱིན་བྱུང་ནས་བུ་སྨད་དང་ཁང་ཁྱིམ་ལ་སོགས་པ་ཐམས་ཅད་གཞན་རྐྱེན་མ་འཛོམ་པ་དང༌། གཏམ་ངན་དང་བརྙས་པ་ལ་སོགས་པ བྱུང་ཡང་། འཇིག་རྟེན་གྱི་ཁམས་ན་འདི་ཁོ་ན་འདྲ་བ་དཔག་ཏུ་མེད་པ་ཅིག་ཡོད་པས་དེ་རྣམས་སྙིང་རེ་རྗེ་སྙམ་དུ་བསམས་དེ་ལྟར་བྱུང་བའི་དུས་ལ། དེ་དག་གི་མི་འདོད་པ་ཐམས་ཅད་བདག་ལ་སྨིན་ལ། སེམས་ཅན་གྱིས་འདི་འདྲ་བའི་སྡུག་བསྔལ་མྱོང་བར་མ་གྱུར་ཅིག་སྙམ་དུ་སེམས། རང་གི་ལུས་ལོངས་སྤྱོད་དང་དགེ་རྩ་ཐམས་ཅད་གཞན་ལ་བཏང་ནས་སེམས་ཅན་ཐམས་ཅད་བདེ་སྐྱིད་སྙན་གསུམ་དང་ལྡན་པར་བསམ། །རང་ལ་ཚེ་འདི་ལ་ཡང་ཇི་འདྲ་ཇི་འདྲ་ཡོང་གི་གདེང་ཐོབ་མེད་པས་ཡོང་མི་ཤེས་ཏེ། ལས་ཇི་འདྲ་བསགས་མི་ཤེས་པས་སྡུག་བསྔལ་རི་སྡིབ་པ་བཞིན་བྱུང་ཡང་ཇི་སྙམ་ཡང་མི་བྱེད་པར་སྡུག་ན་སྡུག་ཐེག་ཅིང་ཆོས་མ་འཆོར་བ། སྐྱིད་ན་སྐྱིད་ཐེག་ཅིང་ཆོས་མ་འཆོར་བ་གཅིག་དགོས། འདི་མེད་ན་དབྱར་ར་དགུན་རེའི་བྲང་ཟླ་རེ་རེ་གཉིས་གཉིས་པོ་ཡང་མཐུན་པ་མེད། དགེ་སློང་ཡིན་ན་ལག་བདེ་མི་རྙེད། དགེ་ཚུལ་ཡིན་ན་སློབ་དཔོན་མི་རྙེད། དེས་ཅི་ལན་ན་འདི་མེད་པས་ལན། རང་ཁོ་ན་མཐོ་དགའ་དང་བཟང་དགའ་རྒྱལ་རྒྱུ་བྱུང་ན་རེ་འདོད་པས་ལན་གསུངས། དེར་མ་སོང་བྲང་ཟླ་རྙེད་ཙམ་པའི་བཟོད་པ་རེ་སྐྱེད་དང༌། ཚེ་འདི་ལ་ཡང་འདོད་མཁན་མེད་པ་འདི་ལས་ཉེས་པ་ཆེ་བ་མི་གདའ་བ་གཟིགས་དང་། བདག་ཏུ་འཛིན་པ་འདི་ལ་ཀོ་ལོང་གཅིག་སེལ་མ་ནུས་ན་རྟ་སྒ་རྔས་སུ་བཅུག་ན་བདེ་མི་སྲིད་ཟེར་བ་ལྟར་གང་བྱས་ཀྱང་བདེ་བ་མེད། གང་ལྟར་བྱས་ཀྱང་མ་བཏུ བ་པ་འདི་མེད་པས་ལན། དེ་ལྟ་མ་བསྒོམས་ན་མ་འོངས་པ་ན་ཡང་མི་འོངས། འདི་ལ་མོས་པ་ཆེ་བ་དང་སྒོམ་བཟང་བ་དང༌། སྔགས་ཀྱི་ནུས་པ་ཐོན་པ་ལ་སོགས་མི་དགོས། ཀ་ཁ་ངོ་མི་ཤེས་པས་ཀྱང་བཏུབ། འདི་ཉིད་དྲན་པའི་དུས་ཉིད་ནས་བློ་ལྷོད་སོང་ངེ་བདེ་བ་རྒྱས་ནས་འོང་། །ཉོན་མོངས་པའི་གཉེན་པོར་འགྲོ་བས་ཆོས་ཐམས་ཅད་ལ་བདེ་བར་འགྲོ་བའི་ཏིང་ངེ་འཛིན་ཞེས་པའམ། དགྲ་འམ་འོན་ཏེ་མཛའ་ཡང་རུང་། །ཉོན་མོངས་སྐྱེ་བའི་ཡུལ་རྣམས་ནི། །དགེ་བཤེས་ཡིན་པར་སུས་མཐོང་བའི། །མི་དེ་གང་ན་གནས་ཀྱང་བདེ།༡༦༧ །ཞེས་ཇོ་བོས་བདེ་བའི་གླུ་ལས་གསུངས་པའམ། གང་ན་གནས་ཀྱང་གཞལ་ཡས་ཁང་། །སུ་དང་འགྲོགས་ཀྱང་ཡི་དམ་ལྷ། །སེམས་ནི་ཡེ་ནས་ཆོས་ཀྱི་དབྱིངས། །བླ་མས་གསལ་བར་བྱེད་པ་ཙམ།༡༦༨ །ཞེས་པ་དེ་ཡང་གདོད་ཅིག་ཡོང་། འདི་མེད་ན་རིག་པ་དང་ཡོན་ཏན་ཅི་བསླབ་ཀྱང་ཕུང་འདོན་དང་དུག་པོས་སུ་ཆ། དེ་ཡང་མིད་པ་ཆུ་ཧྲིལ་གྱི་བྱུང་བའི་དུས་དེ་ཉིད་དུ་དོལ་ཆོད་དུ་སྦྱང་དགོས། ཨེན་ཅིག་བཞག་པས་མི་ཡོང་། འདི་བྱུང་ན་མི་གཅིག་བུ་ལ་ཆོས་གཅིག་པུ། ཆོས་གཅིག་པོ་ལ་གོ་ཆོད་པོ་བྱ་བ་དེ་འབྱུང་བ་ཡིན། དེ་ཡང་དེ་ཚོད་དུ་ཁྲལ་མ་ཙམ་དུ་བྱས་པས་མི་ཡོང་། སྙིང་ལ་ཟུར་དོད་ཨ་མའི་བུ་རྒོད་དུ་སྐྱེས་ནས་ཁྱོད་ཤི་སྙམ་པས་ཉོན་མོངས་པ་ལ་འབུར་འཛིངས་བྱེད་པ་ཅིག་དགོས། སུ་དང་འགྲོགས་ཀྱང་ཕམ་ལེན། ཁ་གཞན་ལ་གཏོང་། འཇིག་རྟེན་གྱི་ཆོས་འདོད་ཤོས་གཞན་ལ་གཏོང་། མི་འདོད་ཤོས་རང་ལ་ལེན་ན་རིན་པོ་ཆེ་གསེར་གླིང་དུ་ཕྱིན་ཙ་ན། ཁྱི་ལ་རྡེག་པའི་རྡོ་མི་རྙེད་པ་བཞིན་དུ་འདོམ་ཐུག་གང་བྱུང་ཀྱང་སངས་རྒྱས་ཀྱི་རྒྱུར་ཆས་བས་འཕྲལ་ལ་གང་ཐུག་བསྒོམ་དུ་སོང་བ་ཡིན། འདི་མེད་ན་ཐོས་པ་ཆེ་བ་དང་སྒོམ་བཟང་བ་ལ་སོགས་པ་ཐམས་ཅད་ངའི་ཆོས་སུ་སོང་། ངའི་མཁར་བུ་བརྩིགས་ནས་ང་ལ་སྡང་ཞེས་པ་ལ་སོགས་པ་དང་། ང་ལས་མཁས་པ་མེད་པ་ལ་སོགས་པར་འགྲོ དེ་ཙ་ན་ལི་སྒོམ་གཞོན་ནུ་གྲགས་གསུང་པའི་ང་དང་ལ་གཉིས་ཀྱི་སྡུག་ཏུ་བཅུག་གསུང་བ་བཞིན་དུ་འགྲོ དེ་ཙ་ན་ཆོས་ཐམས་ཅད་འགྲན་ངོས་སུ་སོང་ནས་རང་ཁོ་ན་མཐོ་བརྩིག་འདོད་པས་ལམ་དུ་མི་འགྲོ་བའི་སྟེང་དུ་འདི་རང་ནས་སྡུག་ཐམས་ཅད་ལ་གཞུ་མཆོག་ཕབ་ནས་འཕམ་བླངས་ན་འདི་རང་ནས་ཇེ་བདེ་ཆ། དེ་ཡང་རིང་པོ་མི་ཐོག་དྲན་པའི་དུས་ཉིད་ནས་འོང་གསུངས། བཞི་པ་རྐྱེན་ངན་ལམ་དུ་བླངས་པ་ལ་གསུམ་སྟེ། སྡུག་བསྔལ་དང་། དུས་ངན་དང་། མ་འཛོམས་པ་ལམ་དུ་བླངས་པའོ། །དེ་ལ་སྡུག་བསྔལ་ལམ་དུ་བླངས་པ་ནི། གཉིས་པོ་ཚང་ནས་ཐམས་ཅད་བླང་། །ཞེས་བྱ་བ་སྟེ། སྡུག་བསྔལ་དང་ཀུན་འབྱུང་གཉིས་ཀྱིས་ཉམས་ཐག་ན། འདི་ལྟ་བུའི་སྐབས་སུ་ཆོས་གང་འོང་ཞེས་དང༌། འཁུན་ཅིང་ཡི་མུག་སྡོད་པ་མ་ཡིན་ཏེ། དེའི་སྟེང་དུ་སེམས་ཅན་གཞན་གྱི་ཡང་ལེན་པའོ། །དེ་ཡང་རང་གི་སྡུག་བསྔལ་ཡང་རྒས་པས་སྦྱོར་མི་བཟོད་པ་དང་། དགྲ་འདྲེའི་ནད་ཀྱིས་མནར་བ་དང་། ནོར་དང་ཉེ་དུའི་ཕུང་གྱོད་ལ་སོགས་པ་བརྗོད་ཀྱིས་མི་ལང་བ་ཞིག་ཡོད། ཞང་བཙུན་ཆུང་འཆིམས་པ་སྤུན་གཉིས་གཙང་དུ་སློབ་གཉེར་ལ་ཕྱིན་པས་གཉིས་ཀ་ལོག་པས་ཞག་གཅིག་ལས་བར་དུ་མ་ཞུགས་པར་ཤི་བ་དང་། སྤུན་ཟླ་གཅིག་ཡར་ལུངས་སུ་ལུས་པ་དེ་ལྟ་བུའི་སྡུག་བསྔལ་དང་། རང་རྒྱུད་ལ་ཞེ་སྡང་དྲག་པོ་སྐྱེས་པ་ལ་སོགས་པ་ཉོན་མོངས་པས་གཟིར་བའི་ཚེ་རང་གི་ཉམས་ལ་དཔག་ནས་སྦྱངས་ན་བློ་སྦྱོང་བློའི་གཏིང་དུ་ཕྱིན་པ་ཅིག་ཡོང༌། དེ་ལྟར་མ་སྦྱངས་ན་ཁ་བཤུས་པ་ཅིག་ལས་མི་འོང་གསུངས། དེ་ལྟ་བུ་དང་ལྡན་པའི་སེམས་ཅན་ལ་བྱམས་སྙིང་རྗེ་བསམ་ནས་བདག་ལ་དེ་དག་གི་སྡུག་བསྔལ་དང་ཀུན་འབྱུང་མ་ལུས་པར་ལེན་པའོ། །འདི་ལ་ཐོས་པ་ཆེ་བ་ལ་སོགས་པ་མི་དགོས། གང་དགོས་ན་སྙིང་སྟོབས་སྙིང་ལ་ཟུར་དོད་པོ་ཅིག་དགོས། ཕུན་སུམ་ཚོགས་པ་ཅིག་དགོས། དེ་ཡང་ད་ལྟ་རབ་ཏུ་བྱས་ན་བཏུབ་པ་ཡིན། རྒྱུག་ཐག་རིང་པོའི་ཕྱི་མ་ལྟ་བུས་མི་ཡོང་། དཀར་ན་ཞོ་དང་། དམར་ན་ཁྲག་བྱས། ཉོན་མོངས་དང་སྡུག་བསྔལ་ནམ་སྐྱེས་ཀྱི་དུས་སུ་ཉམས་ལེན་གྱིས་སླེབས་ནས་བདེ་མལ་གྱིས་འགྲོ་བ་ཅིག་བྱུང་ན་ཆོས་བྱུང་བ་ཡིན། མིང་འཕགས་པར་བཏགས། དགེ་སྦྱོར་སྡུད་པ་ཚར་རེ་མེད་པ་དེ་མུ་སྟེགས་པས་ཀྱང་ཐུ་བ་ཡིན། གཉིས་པ་དུས་ངན་ལམ་དུ་བླངས་པ་ནི། སྙིགས་མ་ལྔ་པོ་བདོ་བ་འདི། །བྱང་ཆུབ་ལམ་དུ་བསྒྱུར་བར་བྱ།༡༦༩ །ཅེས་བྱ་བ་ནི། ད་ལྟ་ལྔ་བརྒྱ་ཐ་མའི་སེམས་ཅན། དུས། ཚེ། ཉོན་མོངས། ལྟ་བ་སྙིགས་མར་གྱུར་བའི་དུས་འདིར་བྱང་ཆུབ་སྒྲུབ་པ་ལ་སོགས་པའི་ཆོས་དཀའ་བའི་དུས་འདིར་མི་འདོད་པ་ཤ་སྟག་འབྱུང་བ་ལ་དེ་ཐམས་ཅད་བྱང་ཆུབ་ཀྱི་ལམ་དུ་བསྒྱུར་བའི་ཆོས་བློ་སྦྱོང་འདི་ཡིན་པས། གང་ན་མ་བཏུབ་པ་རྒྱུ་མཚན་དུ་བྱས་ནས་བྱང་ཆུབ་ཀྱི་ལམ་དུ་བསྒྱུར་བའོ། །དེ་ཡང་བདག་གཞན་བརྗེ་བའི་བྱང་ཆུབ་ཀྱི་སེམས་མ་སྐྱེས་པ་སྐྱེ་བ་དང༌། སྐྱེས་པ་གོང་ནས་གོང་དུ་འཕེལ་བར་བྱ་བའི་ཕྱིར་ཀུན་གྱིས་རང་བའི་རྒྱུ་དགུ་བསྟེན་ཞེས་པ་ལྟར། བླ་མ་ཆོས་འདི་ལྟ་བུ་སྟོན་པ་བསྟེན། གྲོགས་པོ་འདི་སྒོམ་པ་དང་འགྲོགས། ཆོས་འདི་སྟོན་པ་ཉན། དེའི་བགེགས་སྒྲིབ་པ་སྦྱངས། མཐུན་རྐྱེན་ཚོགས་བསགས། གསོལ་བ་གདབ། ཆོས་སྐྱོང་ལ་འཕྲིན་ལས་ཞུ། འདི་རྒྱུད་ལ་སྐྱེས་མ་སྐྱེས་ཀྱི་ཉེས་པ་བསམ། རྣམ་རྟོག་ངོ་ཤེས་པས་གནོད་པ་མེད་པ་རྐུན་མ་ངོ་ཤེས་པའི་ཉམས་ཟེར་བ་བཞིན་དུ་རང་ལ་ཉོན་མོངས་རམ་རམ་བྱུང་ཙ་ན། ཉོན་མོངས་པ་དང་དེའི་རྩ་བ་བདག་འཛིན་དེ་དགྲར་ངོ་ཤེས་ན། ཞི་བར་འགྱུར་རོ། །འདི་ལན་ཅིག་དྲན་པ་དང་། མོས་པ་ལན་ཅིག་བྱུང་བ་དང་། ལན་ཅིག་སྤྲོ་བ་སྐྱེད་པས་ཀྱང་གཉེན་པོར་འགྲོའོ། །བརྒྱར་འགྲོགས་ཀྱང་སྒོམ་རྒྱུ་འདི་ལས་ཡེ་མེད། སྙིང་ཕྱུང་ཡང་དམར་པོ་ལྡེར་ལྡེར་པོ་གཅིག་ལས་མེད་གསུངས། གསུམ་པ་མ་འཛོམ་པ་ལམ་དུ་བླངས་པ་ནི། རྒྱུ་ཡི་གཙོ་བོ་རྣམས་གསུམ་བླང་། །ཞེས་བྱ་བ་སྟེ༑ ཆོས་བྱེད་པ་ལ་རྒྱུའི་གཙོ་བོ་གསུམ་ཡོད་དེ། ཉེ་བར་ལེན་པའི་དབང་དུ་བྱས་ན། དད་པ་དང་བརྩོན་འགྲུས་ལ་སོགས་པ་ཕུན་སུམ་ཚོགས་པ་ཡོད་པས་མི་རྟག་པ་ནས་གནས་ལུགས་ཀྱི་བར་ཇི་ལྟར་བསམ་པ་བཞིན་དུ་སྐྱེ་བའི་བློ་བཀོལ་དུ་བཏུབ་པ་དང་། ལྷན་ཅིག་བྱེད་པའི་རྐྱེན་གྱི་དབང་དུ་བྱས་ན། ཡང་དག་པའི་དགེ་བའི་བཤེས་གཉེན་མཚན་ཉིད་དང་ལྡན་པ། སློབ་མའི་རྟོགས་པ་སྤེལ་བའི་གདམས་ངག་ལ་མ་ཚང་བ་མེད་པ། རྟོགས་པ་དང་ལྡན་པ། མི་བར་ཁྱིས་མ་ཆོད་པ་གཅིག་གི་ཐུགས་ལ་འཐིའདོགས་པ་དང༌། དེ་ནས་ཟས་གོས་ལ་སོགས་པའི་མཐུན་རྐྱེན་ལོག་འཚོས་མ་བསྒྲུབ་པ། སུ་ལ་ཡང་རག་མ་ལས་པར་འཛོམས་པ་གསུམ་ཚང་ན། སངས་རྒྱས་བསྒྲུབ་པ་ལ་ཚེགས་མེད་པ་ཇོ་བོ་དང༌། དགེ་བཤེས་སྟོན་པ་འཛོམས་པ་ལྟ་བུ་གཅིག་ཡོད་པ་ལ་ད་ལྟ་དེ་གསུམ་འཛོམས་པ་ཙམ་མེད་དེ། ལ་ལའི་གང་ཡང་མ་འཛོམས། ལུང་ལུང་གི་གང་ཡང་མ་འཛོམ། ཕལ་ཆེ་བའི་གསུམ་ཀ་མ་འཛོམས་པས། རང་ཉམས་ལ་དཔགས་ནས་བྱམས་བརྩེས་ཀུན་ནས་བླངས་ནས་སེམས་ཅན་གྱི་དེ་གསུམ་ཡང་རང་ལ་ལེན། ཡང་གཞན་རང་ལ་ཆོས་མཉན་པོར་འགྲོགས་ནས་མཉན་པ་ལ་མི་དགེ་བ་དང་། སྡོམ་ཁྲིམས་མཉམ་པོར་བླངས་ནས་མ་ཐུབ་པ་དང་། སྒོམ་ལུང་མཉམ་པོར་ནོས་པ་ལ་སྔར་སྒོམ་མ་མྱོང་། ད་ལྟ་བསྒོམས་མི་སྲིད། ཕྱིན་ཆད་བསྒོམ་པར་མི་འགྱུར་བ་འདི་ཙམ་པའི་ཐུ་བ་མེད་དེ། དེ་ཐམས་ཅད་ལེན་པའོ། །དེ་རྣམས་རྒྱུ་དེ་གསུམ་དང་ལྡན་ནས་སངས་རྒྱས་པར་སེམས་པའོ།། དེ་ལྟར་ཤེས་པར་བྱ་བ་ལ་སོགས་པ་གསུམ་གྱི་དངོས་གཞི་སོང་ནས། དེ་རྗེས་ནི། ཡིད་བདེ་འབའ་ཞིག་རྒྱུན་དུ་བསྟེན། །ཞེས་བྱ་བ་སྟེ། དེར་བློ་སྦྱོང་བའི་ཆོས་ཀྱི་རོ་མྱོང་བར་བྱས། རྐྱེན་ངན་ཅི་བྱུང་ཡང་བློ་སྦྱོང་སྒོམ་པས་ཆོག་སྙམ་ནས་བློ་མི་བདེ་བར་མེད་པར་བྱ་བའོ། །རྙེད་མི་རྙེད་ལ་སོགས་པ་དགྲ་བཅོམ་པ་ལ་ཡང་ཡོད། དགྲ་བཅོམ་པ་ལ་མཛེ་བྱུང་བ་དང་། ལྟོགས་ནས་ཤི་བ་དང་། གཏམ་ངན་གྱིས་ཕོག་པ་ལ་སོགས་པ་མང་པོ་བཤད་དེ། སེམས་ལ་མི་དགའ་བ་མེད། །སོ་སོ་སྐྱེ་བོ་ཡིད་མི་བདེ་བའི་རང་བཞིན་དུ་འདུག་པ་ཡིན། ད་ལྟ་ཡང་སོ་སྐྱེར་སོང་བས་འཁོར་དང་ཟང་ཟིང་འདོད་པ་དང་། བདག་འཛིན་ཡེ་མི་ཡོང་བྱ་བ་དཀའ། དགའ་མི་དགའ་མེད་པ་ཅིག་དགོས། ཇོ་བོའི་ཞལ་ནས། འདུ་ཏི་བབས་པ་འཚང་མི་ཆེ། ན་བ་འཚང་ཆེ་བ་གསུངས་པ་ལྟར་བློ་སྦྱོང་བ་ལ་མི་འདོད་པ་འབྱུང་བ་ཚང་མི་ཆེ༑ མི་དགའ་བ་བྱུང་བ་འཚང་ཆེ་བ་ཡིན། ཤ་པོ་པ་ཤེད་ངེད་ཀྱི་དགེ་བཤེས་ཐུགས་མ་བདེ་ཟེར་བ་འདི་ཙམ་སྐུར་བ་ཆེ་བ་མེད་གསུངས་པ་ལྟར་ཡིན། འཇིག་རྟེན་པའི་ཆོས་འདོད་མི་འདོད་བཞི་བཞིའི་མི་འདོད་པའི་ཆོས་བཞི་ལ་འདོད་ཐོག་ཏུ་བློ་སྦྱངས་ན་ཐམས་ཅད་འདོད་པའི་ཆོས་ཤ་སྟག་ཏུ་སོང་ནས། འཕྲང་དང་བགེགས་ཅི་བྱུང་ཡང་བློ་མི་བདེ་བར་མི་འགྱུར་ན་མཉམ་གཞག་ཏུ་གཏོང་ལེན་སྒོམ་པའི་རྟོགས་པ་རྗེས་ཀྱི་གཏན་ལ་ཕབ་པ་ཡིན། བྱང་ཆུབ་སེམས་ཀྱི་རྟ་ཞོན་པ། །བདེ་ནས་བདེ་བར་འགྲོ་བ་ལ། །ཞེས་པའི་དོན་ཡང་ཡིན། ལྷ་བཞིན་ཕུན་སུམ་ཚོགས་པས་ཀྱང་། །ཁེངས་པར་ཡང་ནི་མི་བགྱི་སྟེ། །ཡི་དྭགས་བཞིན་དུ་རྒུད་པས་ཀྱང་། །ཞུམ་པ་ཉིད་དུ་མི་བགྱི་འཚལ།༡ ༧༠ །ཞེས་དང༌། བསྟོད་པས་མགུ་བར་མི་འགྱུར་ཞིང༌། །སྨད་པས་འཁྲུགས་པར་མི་འགྱུར་བ། །འདི་ནི་དམ་པའི་ཆོས་ཉིད་དོ།༡༧༡ །ཅེས་གསུངས་པ་ལྟར་གོ་བགོས་སོ། །ཚུལ་ཁྲིམས་དང་བླ་མའི་དམ་ཚིག་ལ་གཞི་བྱས་ནས་འདི་སེམས་པ་སྐད་ཅིག་ཀྱང་ཡེངས་མེད་དུ་དགོས། དེ་འདྲ་བ་ཅིག་མ་བྱུང་ན་ཆོས་མེད་པ་དང་ཚུལ་ཆོས་མཁན་ཡིན་པས་ངས་ཆོས་མ་བྱུང༌། ཚུལ་ཆོས་ཡུན་རིང་དུ་བྱས་པ་བྱས་ལ། འོ་འདོད་བོད་ལོ། །མདོར་ན་མི་འདོད་པ་ཅི་བྱུང་ཡང་མི་དགའ་བ་མེད་པར་བློ་སྦྱོང་གི་གྲོགས་སུ་འགྲོ་བར་སློབ་ཅིང་། རྐྱེན་ངན་ཅི་བྱུང་ཡང་བདེ་བར་གནས་ནས་ཉམས་སུ་བླངས་པའི་རྗེས་མཉམ་བཞག་གིས་རོ་མྱོང་བར་བྱ་བ་ཡིན་ནོ།། གཉིས་པ་བློ་སྦྱོང་མི་ཉམས་པའི་ཐབས། བློ་སྦྱོང་མི་ཉམས་པའི་ཐབས་ལ་གསུམ་སྟེ། གཞན་ལ་བརྟེན་པ་དང་། རང་ལ་བརྟེན་པ་དང་། གཉིས་ཀ་ལ་བརྟེན་པའོ། །དང་པོ་ལ་གསུམ་སྟེ། ཡུལ་དང་། བསམ་པ་དང་། སྦྱོར་བ་ལ་བརྟེན་པའོ།། དང་པོ་ཡུལ་ལ་བརྟེན་པ་ནི། བཀོལ་བ་རྣམས་ལ་རྟག་ཏུ་སྦྱངས། །ཞེས་བྱ་བ་སྟེ། སྤྱིར་ཡོང་བ་སྙམ་བྱེད་ཀྱང་འདི་རྣམས་ལ་མ་བྱུང་ན་ཉམས་ནས་འགྲོ་བས་འདི་དག་ལ་རྟག་ཏུ་སྒོམ་པར་བྱ་བའི་བཀོལ་བ་ལྔ་ཡིན་ཏེ། དང་པོ་རང་ལ་དྲིན་ཆེ་བའི་མཁན་སློབ་དང་ཕ་མ་ལ་སོགས་པ་ལ་སྡིག་པ་བསགས་ན་ཚེ་འདིར་གྲགས་པ་ངན་པ་འབྱུང་། དེ་ཙམ་ན་བློ་སྦྱོང་བ་ལ་དགོས་པ་མེད་པར་འགྲོ་བས་དྲིན་ཅན་ལ་ཁྱད་པར་དུ་བསྒོམ། གཉིས་པ་གཅིག་ཏུ་འདུག་པའི་བྲང་གྲོགས་པོ་འདུ་ཚོགས་སྟབས་སུ་བྱེད་ཅིང་། བསྲེ་སླད་ཆེ་བའི་རིགས་རྣམས་ལ་ཚིག་མཐོ་དམན་ལ་སོགས་པ་འཆོར་བས་པ་རྟག་རྟག་ཏུ་བཀོལ་ལ་བསྒོམ། གསུམ་པ་རང་དང་འགྲན་དགོས་སུ་འདུག་པ་སྟེ། མི་ཆོས་ཀྱི་ཕ་སྤུན་ལ་སོགས་པ་དང་། ལྷ་ཆོས་ཀྱི་ཆོས་གྲོགས་ལ་སོགས་པ་རྣམས་ལ་རྟག་ཏུ་བཀོལ་ལ་བསྒོམ། དེ་མ་བྱུང་ན་ཆོས་ཅི་ཙམ་བས་ཀྱང་རྒྱ་མཚོར་མཆིལ་མ་སྐྱུར་བ་བཞིན་ཅང་མེད་དུ་འགྲོ གྲོགས་པོའི་མིང་བྱང་བྲིས་ནས་སྟན་ཐོག་ཏུ་རྩམས་པ་བྱུང་བ་དང་། གྲོགས་པོ་བབ་པ་ལ་ངན་པ་དེ་སྐྱ་ཞལ་སོང་ནས་སྙིང་ཚིམ་ཟེར་བ་ལྟ་བུ་ལ་བློ་སྦྱོང་གི་གནས་མེད། དགེ་སྦྱོང་སྤྱིའི་ཆོས་ཙམ་ཡང་མི་ཡོང་བས་བཀོལ་ཞིང་སྤྱོད་པ་གལ་ཆེ། བཞི་པ་ཚུར་ལ་གནག་པའི་རིགས་ཏེ། ཕར་ལ་གནོད་པ་ཅི་ཡང་མ་བྱས་ཀྱང་ཚུར་ལ་གནག་པའི་རིགས་སྐྱེ་བ་སྔ་མའི་ཤ་འཁོན་གྱི་བྱུང་བ་ཡོད་དེ། དེ་ལ་ཞེ་སྡང་གི་བློ་རྡོལ་ན་སྙིང་རྗེའི་ཐེག་པ་འཆད་ཟེར་བ་ལྟར་ཡོད་པས་བཀོལ་ལ་རྟག་ཏུ་བསྒོམ། ལྔ་པ་ཚུ ར་ལ་ཅི་ཡང་མ་བྱས་ཀྱང་ཕར་ལ་ཐམས་ཅད་ཀྱི་ཡིད་དུ་མི་ཡོང་བའི་རིགས་ཡོད་དེ། གཙང་དུ་བན་དེ་གཅིག་ལ་འདི་དང་པོ་ནས་སྙིང་དུ་མ་སྡུག་ཅེས་དང༌། སྐྱིད་སྨད་དུ་འདི་ལས་སྙིང་དུ་མ་སྡུག་མ་བྱུང་ཞེས་དེད་པ་ལྟ་བུ་ཡོང་བས་དེ་དག་གི་སྡིག་སྡུག་ཚུར་བླངས་ནས་རང་གི་དགེ་བ་དེ་དག་ལ་གཏོང་བའོ། །འདིས་གཙང་མར་གཏོང་བ་ཡང་དཀའ། དགེ་བཤེས་ཀུན་ཡང་རང་གིས་ཕན་ལ་གཞན་གྱིས་མི་ཕན་ན་དགའ་བ་དང༌། མི་སྐྱ་ཀུན་འདི་ཤི་ན་མཁར་སྤེ་ཡོང་བ་རེ་བ་ལས་མེད་པ་ལ། བན་དེ་ཀུན་ལ་འདི་ཤི་ན་ཡུལ་ཁམས་འདི་ཅོག་གེ་ཐོབ་སྙམ་པ་ཡོང་བ་ཡིན། འདི་དག་ལ་བཀོལ་ནས་མ་བསྒོམས་ན། རྩ་བ་ཆོད་པ་མི་ཚོར་བ། ཕུ་ཆུང་བའི་གསུང་ལྟར་རྟག་ཏུ་བསམ་པ་གལ་ཆེའོ།། གཉིས་པ་བསམ་པ་ལ་བརྟེན་པ་ནི། གཞན་ཕྱོགས་ཅི་ཡང་མི་བསམ་མོ། །ཞེས་བྱ་བ་སྟེ། སྤྱིར་སེམས་ཅན་ཐམས་ཅད། ཁྱད་པར་ཆོས་སྒོར་ཞུགས་པ། ཡང་སྒོས་ཀྱི་རང་གི་གྲོགས་རྣམས་ཀྱི་མི་ཆོས་ལྷ་ཆོས་གང་གི་ཡང་སྐྱོན་མི་བསམ། མི་བརྗོད། སྐྱོན་མཐོང་ཡང་རང་གི་སྐྱོན་དང་འཁྲུལ་བར་ཤེས་པར་བྱའོ། །གསུམ་པ་སྦྱོར་བ་ལ་བརྟེན་པ་ནི། ཡན་ལག་ཉམས་པ་བརྗོད་མི་བྱ། །ཅེས་བྱ་བ་སྟེ། འཇིག་རྟེན་གྱི་དབང་དུ་བྱས་ན་ཐེང་པོ། ཞར་བ་ལ་སོགས་པ་དང་། འདས་པའི་རྨོངས་པ། འཆལ་བ། དམ་ཉམས་ལ་སོགས་པ་བརྗོད་ན། བློ་སྦྱོང་ལ་སོགས་པ་ཡང་ཡོང་མི་སྲིད། འདི་ལ་མདུང་ཁ་བྱེད་ཟེར་བའམ། ཉེས་པ་གླེང་དྲན་བྱེད་པ་ཡང་ད་ཡེ་མི་ཡོང་བས་ཡོང་། གཉིས་པ་རང་ལ་བརྟེན་པ་ལ་གཉིས་ཏེ། བསམ་པ་ལ་བརྟེན་པ་དང༌། སྦྱོར་བ་ལ་བརྟེན་པའོ། །དང་པོ་ནི། རྒྱུ་མཚན་ཐམས་ཅད་གཞོམ་པར་བྱ། །ཅེས་པ་སྟེ། གང་ཟག་འདིས་ང་ལ་མི་རིགས་པ་འདི་ལྟར་བྱས་སྙམ་པ་ལ་སོགས་པའི་རྒྱུ་མཚན་བློ་སྦྱོང་ཉམས་པར་བྱེད་པས་མི་ལེགས་པའི་བསམ་པ་ཐམས་ཅད་སྤང་བར་བྱའོ།། གཉིས་པ་སྦྱོར་བ་ལ་བརྟེན་པ་ནི། གཉིས་པོ་གང་བྱུང་བཟོད་པར་བྱ། །ཅེས་བྱ་བ་སྟེ། ཕུན་སུམ་ཚོགས་པ་དང་རྒུད་པ་གང་བྱུང་ཡང་བཟོད་པ་མེད་ན་ཆོས་གཏོང་དོགས་ཡོད་པས་དེ་གཉིས་ཐེག་པ་གཅིག་དགོས། བློ་བུར་དུ་ཕུན་སུམ་ཚོགས་པ་བྱུང་ན་ད་ཡོང་ངས་ཅི་ཡང་གྲུབ། ངའི་གོང་ན་མི་མེད་སྙམ་ནས་གྱོན་ཆིངས་སྡུམས། གཙུག་ལག་ཁང་བཞེངས་པ་ལ་སོགས་པ་ཅི་ཡང་བྱེད་དུ་ཡོང་། རམ་པོའི་པདྨོ་སྣུན་པ་ཡོད་པས་ཅི་མ་དྲན་གསུངས། ཁ་ཅིག་འཁོར་དང་བསྙེན་བཀུར་བྱུང་བ་ན་དྲེགས་ནས་གཞན་ལ་བརྙས་པ་དང་དྲན་ཚད་བྱེད་པ་ཡོང་སྟེ། ཕུན་སུམ་ཚོགས་པ་མ་བཟོད་པ་ཡིན་པས་ཕུན་སུམ་ཚོགས་པས་དྲེགས་པ་དང་ཆགས་པར་མི་བྱ། ཆོས་བརྒྱད་ཀྱི་དབང་དུ་མ་ཤོར་བར་བྱས་ལ། ཆོས་ཀྱི་གྲོགས་སུ་དགྱེར། བསོད་ནམས་སྐྱེས་ཙ་ན་བཅུམ་པ་གལ་ཆེ་གསུངས། ཡང་རྒུད་ནས་དབུལ་པོར་གྱུར་ཏེ། འོག་ནས་ཆུ་མི་འབབ་པ་བྱུང་ན་ང་ལ་འདི་འདྲ་ཡང་བྱ་སྙམ་དུ་ཡི་མུག་པ་དང་སྲོ་ཤི་ནས་དགེ་སྦྱོར་མི་ནུས་པ་དང་། འདི་ཙུག་འདུག་པ་ལ་ཆོས་གང་ནས་འོང་ཟེར་ནས་ཕོངས་པར་གྱུར་ནས་སྡིག་པ་ངང་གི་འཕེལ་ཞེས་པ་ལྟར་ཆོས་འཆོར་དོགས་ཡོད་པས་དེ་མ་བཟོད་པ་ཡིན་པས་མཐོ་རིས་དང་། ངན་སོང་གི་མཐོ་དམན་དང་སྐྱིད་སྡུག་ལ་ལྟོས་ནས་མིའི་སྐྱིད་སྡུག་གི་བར་ན་ཁྱད་པོ་ཆེ་མི་འདུག ཕྱིར་ལ་གཡེང་བ་མེད་པས་དགེ་སྦྱོར་འཕེལ་སྙམ་དུ་བསམ་སྟེ། སྐྱིད་སྡུག་གཉིས་ཀ་བཟོད་པ་གླང་རི་ཐང་བ་ལྟ་བུ་གཅིག་དགོས། དེ་གཉིས་གང་བྱུང་ཡང་འདིའི་དུས་སུ་ཆོས་མི་བྱེད་ན་ནམ་བྱེད་སྙམ་དུ་བསམ་ནས་མེ་འབར་བ་ལ་ཤིང་བསྣན་པ་ལྟར་གྲོགས་སུ་འགྲོ་བ་གཅིག་དགོས། ལྷ་བཞིན་ཕུན་སུམ་ཚོགས་པས་ཀྱང༌། ཁེང་པ་ཉིད་དུ་མི་བགྱི་སྟེ། །ཡི་དྭགས་བཞིན་དུ་རྒུད་པས་ཀྱང་། །ཞུམ་པ་ཉིད་དུ་མི་བགྱི་འཚལ།༡༧༢ །ཞེས་པ་ལྟར་ཡིན་ནོ།། གཉིས་ཀ་ལ་བརྟེན་པ་ནི། ཉམས་སུ་བླང་བ་སླ་བར་བསླབ། །ལོག་ནོན་ཐམས་ཅད་གཅིག་གིས་བྱ། །ཅེས་བྱ་བ་འདི་ལྟ་བུ་ཉམས་སུ་བླངས་པར་མི་ནུས་པར་འདུག་སྙམ་ན། འདོར་པར་འགྱུར་བས་དེའི་གཉེན་པོ་ལུས་ངག་གི་དཀའ་བ་སྣ་གཅིག་ཀྱང་མི་དགོས། སྦྱོར་བ་ཐམས་ཅད་བསམ་པས་སྦྱངས་པའི་ཆོག ནང་མ་གཅིག་གི་ལྟོ་ཡང་བཅས་མི་དགོས་པས་སླའོ། །ཆོས་གཞན་ལ་སྒྲུབ་པའི་གནས་གྲོགས་ལ་སོགས་པ་དུ་མ་དགོས། འདིར་དེ་ལྟ་བུ་ལ་སྐྱིད་སྡུག་ལ་སོགས་པ་གང་ལ་ཡང་མི་ལྟོས་པས་སོ། །འདི་སྦྱོང་མི་འདོད་པ་དང༌། སྐྱིད་སྡུག་རང་འཛོམ་མ་འཛོམས་ལ་སོགས་པའི་རྐྱེན་གང་བྱུང་བ་དེ་ཉིད་ཉམས་སུ་ལེན་པའི་མཐུན་རྐྱེན་བྱས་ནས་ཉམས་སུ་བླངས་པས་ཆོག་པས་ཉམས་སུ་བླངས་པ་ཤིན་ཏུ་སླའོ།། སྦྱངས་ཀྱང་མི་སྐྱེ་བ་དང་སྐྱེ་བ་མེད་པ་ལ་སོགས་པ་རྒྱུ་མཚན་གང་གིས་ལོག་ཀྱང་སྔ་མ་ལྟར་ལེན་པའོ།། གསུམ་བློ་སྦྱོང་འཕེལ་བའི་རྐྱེན། གསུམ་པ་འཕེལ་བའི་རྐྱེན་ལ་གསུམ་སྟེ། སྒོ་གསུམ་གྱི་བྱ་བ་དང༌། མི་ཉམས་པའི་སྤྱོད་པ་དང༌། ཕྱོགས་མེད་དུ་སྦྱར་བའོ།། དང་པོ་ནི། འབྲལ་མེད་གསུམ་དང་ལྡན་པར་བྱ། །ཅེས་བྱ་བ་ནི། ཁོ་བོ་ཐེག་པ་ཆེན་པོ་ཡིན་ཟེར་ནས་བྱ་རྒྱུ་ཅི་གཏོང་ལེན་བསྒོམ་ཏེ་ལོག་ནོན་བྱེད་པའོ། །ཡང་མེད་པ་མ་ཡིན་གྱི། ལུས་བསྐོར་བ་དང་ཕྱག་འཚལ་བ་དང་། བླ་མ་དང་དཀོན་མཆོག་གི་ཞབས་ཏོག་དང་མི་འབྲེལ་བ་དང༌། ངག་སྐྱབས་འགྲོ་དང་བཟླས་བརྗོད་མདོ་འདོན་པ་ལ་སོགས་པ་དང་མི་འབྲལ་བ་དང༌། ཡིད་ཀྱི་བློ་སྦྱོང་བསྒོམ་པ་དང་མི་འབྲལ་བའོ། །ཡིད་ཀྱི་འདི་བསྒོམ་ཞིང་བཟླས་པ་བྱེད་པ་ནི་གཉིད་དུ་མི་འགྲོ དེས་མཁར་བ་བྱས་ནས་ཆོས་བསམ་ཏུ་བཏུབ་པ་ཡིན་གསུངས། ཡང་ཉེས་ལྟུང་བཤགས་མི་དགོས། གཞན་གྱི་ཡང་ལེན་པ་ལ་དེ་འདོད་ཐོག་ཟེར་བ་མིན། གཞན་གྱི་ལེན་པ་ལ་ཡང་རང་གི་ཕྲ་མོ་ནས་ཡོལ་བ་ཅིག་དགོས།༡༧༣ ཡིད་རྣམ་པར་རྟོག་པ་ངན་པ་གང་སྐྱེས་པ་འཕྲལ་ལ་འཛོམས་པའི་སྙིང་སྟོབས་དང་ལྡན་པ་གཅིག་དགོས། དཔེར་ན་མུ་སྟེགས་ཀྱི་མཐུ་བྱེད་པ་ལ་ཐ་ཐོར་སྲོག་ཆགས་གང་བྱུང་བ་གསོད་པ་དང་འདྲ། རྣམ་རྟོག་གང་སྐྱེས་སྐྱེས་ལ་བྱའོ། །དེ་ལྟར་སྒོ་གསུམ་དགེ་བ་ལ་འབད་པས་མེ་འབར་པ་ལ་ཤིང་བསྣན་པ་ལྟར་བློ་སྦྱོང་གོང་ནས་གོང་དུ་འཕེལ་བར་འགྱུར་རོ།། གཉིས་པ་མི་ཉམས་པའི་སྤྱོད་པ་ནི། ཉམས་པ་མེད་པ་རྣམས་གསུམ་བསྒོམ། །ཞེས་བྱ་བ་སྟེ། བླ་མ་ལ་གུས་སེམས་མ་ཉམས་པ་དང་། བློ་སྦྱོང་ལ་སྤྲོ་དགའ་མ་ཉམས་པ་དང༌། བསླབ་པ་ལ་བག་ཡོད་མ་ཉམས་པ་གསུམ་གྱི་བློ་སྦྱོང་གོང་ནས་གོང་དུ་འཕེལ་བར་རོ། །དེ་ལ་ཐེག་པ་ཆེན་པོའི་ཡོན་ཏན་ཐམས་ཅད་བླ་མར་དད་གུས་ལ་རག་ལུས་པས།༡༧༤ བླ་མ་ལ་སངས་རྒྱས་དངོས་ཀྱི་འདུ་ཤེས་ཉེ་བར་བཞག་ལ། དུས་ཐམས་ཅད་དུ་གུས་པ་མ་ཉམས་པར་བྱའོ། །གུས་སེམས་ཉམས་ན་ལྟག་ཆུ་ཆད་པའི་རྫིང་བཞིན་དུ་འགྲོ ཡུར་བ་འདོམ་གང་གི་བྱེད་པ་ལྟར། བླ་མའི་མན་ངག་གཅིག་ལ་དད་གུས་ཉམས་ཀྱང་རང་གི་རྒྱུད་ལ་ཡེ་ཤེས་ཀྱི་ཆུ་མི་འབབ། དད་གུས་ཉམས་པས་དམ་ཚིག་ཉམས་བྱ་བ་ཁོ་ན་མིན་ཏེ། རང་རྒྱུད་ལ་ཡོན་ཏན་སྐྱེ་འཕྲོ་ཆད་པས་དམ་ཚིག་ཉམས་པ་དང་འདྲ། འདི་ལ་བཏུབ་ཚད་ཀྱིས་བགྱི་ཡིད་ཀྱིས་མི་ཡོང་། བརྩེ་ཆུང་ལས་སྙལ་ནས་བྱེད་པ་གཅིག་དགོས། བླ་མར་མ་ཟད་སུ་དང་འགྲོགས་ཀྱང་གུས་པ་མ་ཉམས་པ་གཅིག་དགོས་ཏེ། སུ་དང་འགྲོགས་ཀྱང་ངན་ཤོས་བྱ། །སྤྲང་པོའི་བུ་བཞིན་དམའ་ས་བཟུང་།༡༧༌། ཞེས་པ་ལྟར་བསྒོམ་པ་ཡིན་གསུངས། དེ་ཡང་དད་གུས་བྱ་སྙམ་པ་གཅིག་གིས་མི་ཡོང་། དད་གུས་བྱས་པ་དང༌། མ་བྱས་པ་ནི་ཕན་ཡོན་དང་ཉེས་པ་བསམས་ནས་གྲོགས་མཐོ་དམན་མེད་པ་ཀུན་ལ་གུས་པར་བྱ། སུ་དང་ཡང་འགྲོགས་མི་ཤེས་ལག་སྡེ་མི་རྙེད་པ་ཐམས་ཅད་གྲོགས་ལ་དད་གུས་མེད་པས་ལན་པ་ཡིན། ཐེག་ཆེན་གྱི་ཆོས་ཐམས་ཅད་གྲོགས་ལ་བརྟེན་ནས་ཉམས་པར་གསུངས་པ་ཡིན་པས་གུས་པ་གལ་ཆེའོ།། བློ་སྦྱོང་ལ་སྤྲོ་དགའ་མ་ཉམས་སྤྲོ་བ་ཉམས་ན་སྐྱེ་མི་སྲིད་པས་སྤྲོ་སེམས་མ་ཉམས་པ་ཅིག་དགོས། པ་ནི། ཐེག་པ་ཆེན་པོའི་ཡང་སྙིང་སངས་རྒྱས་ཀྱི་ས་བོན་དྲུང་པོ་ཡིན་སྙམ་པ་བྱས་ནས་ཆོས་གང་དང་ཡང་མི་སྙོམས་པར་ཉམས་སུ་སྤྲོ་དགའ་དང་བྱས་ནས། ལེན་པའོ། །དེ་ཡང་སྤྲོ་བར་བྱ་སྙམ་པ་ཐ་ན་ཁྱི་གཅིག་དང་འགྲོགས་ཀྱང་འདི་ལ་དད་གུས་བསྒོམས། མ་བསྒོམས་ན་ཆོས་ཡོང་མི་སྲིད། ཙམ་གྱིས་མི་ཡོང་། ཕན་ཡོན་དང་ཉེས་དམིགས་བསམས་ནས་འཇུག་པ་གཅིག་དགོས། ད་ལྟ་དང་པོ་མི་འཛིན། བཟུང་ཡང་བརྗེད་དུ་འཇུག མ་བརྗེད་ཀྱང་སེམས་སྙིང་མི་འདོད་པ་འདི་ལ་སྤྲོ་བ་མེད་པས་ལན་པ་ཡིན་པས། དུས་ཐམས་ཅད་དུ་སྤྲོ་བས་འཇུག་པ་ཅིག་དགོས་གསུངས། བསླབ་པ་ལ་བག་ཡོད་མ་ཉམས་པ་ནི། སྐྱབས་འགྲོ་ནས་བཟུང་སྟེ་བསྙེན་གནས། དགེ་ཚུལ། དགེ་སློང་། སྨོན་འཇུག་དབང་གི་བར་རང་གི་གང་དང་གང་ཁས་བླངས་པའི་སྡོམ་ཁྲིམས་ལ་སྐད་ཅིག་ཀྱང་གློད་པའི་སྐབས་མེད། ད་ལྟ་བསླབ་པ་གཤའ་མར་སོང་བ་ལ་ཆོས་བྱུགས་ཀྱང་མི་སྐྱེ་བ་འདུག་པ་འདི་བག་ཡོད་ཉམས་ནས་གཞི་རྩ་ཆད་པ་ཡིན་པས། ཆོས་གང་བྱས་ཀྱང་མི་ཡོང་། འདི་བཤའ་མ་མེད་པར་རྣལ་འབྱོར་པའི་རྩར་ཕྱིན། དེ་ནས་ཆང་གི་ཐེམ་བུ་སྐྱེ་རེ་བྱས་ནས་ཁྱིམ་པ་ཀུན་ངེད་ལ་བསྒོམ་ཆེན་བཟང་ཟང་།པོ་གཅིག་ཡོད་ཟེར་ནས་ལོག་ལྟ་ལ་བཀོད་དེ་དམྱལ་བར་སྐྱུར་བ་འདི་བག་ཡོད་དགོས། དེ་ལ་བརྟེན་འདྲིས་བྱེད་པའི་གྲོགས་པོ་ཁོ་ན་ཡང་གལ་ཆེ། དེ་ཙམ་གྱི་མི་གནོད་ཟེར་བ་དང་། སྨྲ་ཁམས་ཆེ་བ་དང་། འདི་གླེང་སྙིང་མི་འདོད་པ་དང་འགྲོགས་ན་མི་ཉམས་མི་སྲིད། གཙང་དུ་བཀའ་གདམས་པ་གཅིག་དང་མཚན་ཉིད་པ་གཅིག་འགྲོགས་ཕྱིན་པས། མཚན་ཉིད་པ་རྨེ་ཤོན་༡༧༦ རྩེ་བ་ལ་བཀའ་གདམས་པ་དེ་དང་པོ་མི་མགུ། ཕྱིས་ཁོ་རང་ཡང་ང་ཁ་ཅིག་དང་སྐོམ་ན་ཟེར་ནས་ཁོ་བས་ཐུ་བར་སོང་ལོ། །དེ་བཞིན་དུ་ཆ་གསུངས། གསུམ་པ་ཕྱོགས་མེད་ཀུན་ཁྱབ་ཏུ་སྦྱང་བ་ནི། ཡུལ་ལ་ཕྱོགས་མེད་དག་ཏུ་སྦྱང་། །ཁྱབ་དང་གཏིང་འབྱོངས་ཀུན་ལ་གཅེས། །ཞེས་བྱ་བ་སྟེ། ཕྱོགས་རེ་པས་མི་འབྱོངས་པས་ཕྱོགས་མེད་དུ་སྦྱངས་ན་འཕེལ་ཞིང་རྒྱས་པར་འགྱུར་བ་ཡིན། ང་འདྲེ་ལ་བཟོད་སྟོབས་ཆེ། ཁོ་མི་ལ་བཟོད་སྟོབས་ཆེ། ང་སྟོང་པ་ཤས་ཆེ། ཁོ་སྙིང་རྗེ་ཤས་ཆེ་ཟེར་བ་ཀུན་ཕྱོགས་རེ་བ་ཡིན། འཕགས་པའི་ཡོན་ཏན་ཕྱོགས་མེད་དང་།༡༧༧ སོ་སོ་སྐྱེ་བོའི་ཡོན་ཏན་ཐམས་ཅད་ཕྱོགས་རེ་བར་སོང་བས་ཆོས་ཉིད་ཡིན་ཏེ། གང་ཟག་གི་བྱེ་བྲག་གིས་ཀྱང་ཁ་ཅིག་རྒུད་ཙ་ན་ཡོང་ལ། འབྱོར་ཙ་ན་ངའི་གོང་ན་མི་མེད། གོང་དཀར་གྱི་གོང་ན་ཁྱི་མེད་སྙམ་ནས་སྤ་བཀུག་བཀུག་ནས་ཤོར་བ་གཞན་དུ་ཆ་བ་ཡོང་བ་ཡིན། ཁ་ཅིག་འབྱོར་ཙ་ན་བཏུབ་པ་ལ། རྒུད་ཙ་ན་ཁྱེད་རང་ཉམས་ལ་མ་བབས་པ་ཡིན། ང་གནས་སྐབས་འདི་ཙུག་འདུག་པ་ལ་ཟེར་ནས་སྡུག་གི་མི་ཐེག་པ་ཡང་ཡོད། དེ་བཞིན་དུ་སྟོད་ཙ་ན་ཟེང་གིས་ཕུག་རོན་གྱི་སྣར་ཤིང་བུ་སུག་པ་བཞིན་འགྲོ་བ་དང་། སྨད་ར་བཏང་ཙ་ན་མི་བཟོད་པ་འདི་ལ་དུག་གཅིག་བཏང་རྒྱུ་ལ་སྙམ་པ་ཡོང་། ཡང་ཁ་ཅིག་ཟས་ལ་བཏུབ་ལ། གོས་ལ་ཞེན་པ་དང་། ཁ་ཅིག་ནང་གི་ཆགས་པ་ཆུང་ལ་ཕྱིའི་ཆེ་བ་དང་། ཁ་ཅིག་དེ་ལས་བཟློག་པ་དང་། ཁ་ཅིག་ཡོན་ཏན་ཙམ་མེད་པ་ལ་ཁེངས་ནས་ཕྱིན་པར་རྩི་བ་མཐོང་ནས་དེ་ལ་མི་བཟོད་པ་དང༌། ཁ་ཅིག་ཡུལ་དུ་ཆོས་འཆོར། ཁ་ཅིག་བྱེས་སུ་ཆོས་འཆོར་བ་ལ་སོགས་པ་དང་། ཡང་ཁ་ཅིག་སྡེ་པ། ཁ་ཅིག་གྲྭ་པ། ཁ་ཅིག་སེར་སྣ། ཁ་ཅིག་ཕྲག་དོག ཁ་ཅིག་ཞེ་སྡང་། ཁ་ཅིག་ནོར་ཕྱིར་འཆི་ནུས་པ་ལ་སོགས་པ་འདི་ལ་བསྐལ་བར་བཤད་ཀྱང་འཛད་པ་མེད་གསུངས། ད་ཆོས་ཉན་བཤད། ལྟ་སྒོམ་པ་ཐམས་ཅད་ཀྱིས་ཉོན་མོངས་པའི་གཉེན་པོར་འགྲོ་བ་ཅིག་དགོས། དེའི་རྩ་བ་བདག་འཛིན་ཡིན་པས་དེའི་གཉེན་པོ་ཕྱོགས་མེད་ནས་སྦྱོང་བ་ཅིག་དགོས་ལ། དེ་ཡང་སོ་སོར་རྟོགས་པའི་ཤེས་རབ་ཀྱི་མཐའ་ཆོད་པར་བྱའོ། །བླ་མའི་གདམས་ངག་ཡོད་ན་སེར་སྣ་ལ་སོགས་པ་གང་ཆེ་བ་ལ་ཐེལ་པོར་སྦྱོང་། ཅི་བྱས་བདག་འཛིན་གྱི་གཉེན་པོར་སོང་ན་མ་ནོར། བདག་འཛིན་ཐུལ་ན་ཁམས་གསུམ་སྲིད་པ་དགུ་ཐུལ་ལོ།༡༧༨ །ཐུབ་པ་ཡིན་དང་ཤ་སང་གང་ལ་གཏད་ས་བདེ་རྩེ་གང་ལས་མེད་གསུངས།༡༧༩ དེ་ཡང་ཟས་ལ་སོགས་པའི་རྣལ་འབྱོར་ཐམས་ཅད་ལ་འདིས་ཁྱབ་པ་དང༌། ཉ་མ་ལྷ་ཁང་དུ་ཕྱིན་པ་ལྟ་བུ་མ་ཡིན་གྱི་སྙིང་ཐག་པ་རུས་པའི་ཁོང་ནས་སྦྱོང་བ་གླང་ཐང་པ་དགེ་བར་དམྱལ་བར་བསྔོ་བའམ། འཆད་ཀ་པ་ཕ་རོལ་གྱི་སྡུག་བསྔལ་ལེན་པ་ལ་དགའ་ཡལ་ལེ་གསུངས་པ་ལྟར་སྦྱོང་བའོ། །ཆོས་ཉམས་སུ་ལེན་པ་བྱ་བ་སྒྲེང་སྐྱེད་བྱས་པ་དང་། ཚིག་དེ་ངོ་ཤེས་པས་མི་ཆོག དོན་ནང་དུ་ཉམས་སུ་ལེན་པ་ཅིག་དགོས་གསུང་། བློ་འབྱོངས་པའི་ཚད་ནི། གཉིས་པ་འབྱོངས་པའི་ཚད་ནི་གསུམ་སྟེ། ཚད་དངོས་དང༌། དེའི་རྟགས་དང༌། སྤང་པོའོ།༡༨༠ །དང་པོ་ནི། བྱང་བའི་ཚད་ནི་ལོག་པ་ཡིན། །ཞེས་བྱ་བ་སྟེ། ལས་དང་པོ་མོས་པ་སྦྱོང་བའི་དུས་ཡིན་པས་མོས་པས་འབྱོངས་པའི་ཚད་ནི། ཕྱི་ནང་སྣོད་བཅུད་རང་བཞིན་གྱི་རྟེན་ཆགས་ཞེན་བཏང་ནས་ལོག་ཙ་ན་ཡིན་ཏེ། ཞེན་པའི་ཟུག་རྔུ་དམ་གྱུར་ན། །བཟང་ངོ་སྙམ་ཡང་ནོར་བར་བཞེད།༡༨༡ །ཅེས་དང་། འཁོར་བར་ཆགས་པའི་ཡིད་དང་ལྡན་རྣམས་རྟག་ཏུ་འཁོར།༡༨༢ །ཞེས་དང་། རྒྱལ་བ་རྣམས་ཀྱི་བྱང་ཆུབ་ཆགས་མེད་གྱུར་ལ་རེག་༡༨༣ །ཅེས་གསུངས་པས་གང་ལ་ཡང་མ་ཞེན་པར་སླབ་པ་གལ་ཆེ། སངས་རྒྱས་ཀྱི་ཆོས་གསུངས་པ་ཐམས་ཅད་ཀྱང་ཆགས་ཞེན་བཟློག་པའི་ཐབས་སུ་གསུངས་པ་ཡིན། ཇོ་བོའི་ལམ་རིམ་གསུངས་པ་ཐམས་ཅད་ཀྱང་ཞེན་པ་སྤོང་བའི་རིམ་པར་གསུངས་པ་ཡིན། འཆི་བ་བསམ་པས་ཚེ་འདི་ལ་ཞེན་པ་བཟློག་པ་ནས། བདག་མེད་གཉིས་བསྒོམ་པས་དངོས་པོ་དང་མཚན་མར་ཞེན་པ་བཟློག་པའི་བར་རོ། །དེ་བས་ཉན་རང་གི་ཐར་པ་ཙམ་སྒྲུབ་པ་ལ་ཡང་། ཐམས་ཅད་བཏང་བས་མྱ་ངན་འདས། །བདག་བློ་མྱ་ངན་འདས་པ་སྒྲུབ།༡༨༤ །ཅེས་ཞེན་ཆགས་མེད་པ་གཅིག་དགོས་པར་གསུངས་པ་ཡིན། ཆགས་ཞེན་མཐའ་དག་སྤངས་པ་སངས་རྒྱས་ཉག་གཅིག་ཡིན། བསླབ་པ་གསུམ། ཚོགས་གཉིས། ཕ་རོལ་ཏུ་ཕྱིན་པ་དྲུག ལམ་ལྔ་ས་བཅུ་གསུངས་པ་ཐམས་ཅད་ཀྱང་ཞེན་པ་སྤོང་བའི་ཐབས་ཡིན། ཚེ་འདི་ལ་ཞེན་པའི་སྒོ་གཉིས་ཡོད་དེ། ལུས་དང་ལུས་ལས་གཞན་པའོ། །དང་པོ་ལུས་ལ་ཆགས་པ་ནི། །བདག་ལུས་གང་ལ་ཆགས་པ་ཡིས། །འཇིགས་གནས་ཆུང་ལ་འཇིགས་སྐྱེ་བ།༡༨༥ ། ཞེས་པ་ལ་སོགས་པ་ཉེས་པ་མང་དུ་གསུངས་ལ། ལུས་ལས་གཞན་ལ་ཆགས་པ་ནི། རྫས་ཡོ་བྱད་དང་གཉེན་འབྲེལ་ལ་སོགས་པ་ལ་ཆགས་པ་སྟེ། ནོར་ལ་ཆགས་པས་གཡེངས་པར་གྱུར་རྣམས་ལ། །སྲིད་པའི་སྡུག་བསྔལ་ལས་གྲོལ་སྐབས་མེད་དོ།༡༨༦ །ཅེས་པ་ལ་སོགས་པ་གསུངས་པའི་ཉེས་པ་དྲན་པར་བྱས་ལ་ཞེན་པ་བཟློག དེ་ནས་ཕྱི་མའི་ལུས་ལ་ཆགས་པ་ལ་ཡང་སྒོ་གཉིས་ཡོད་དེ། ལུས་བྱེ་བྲག་ཅན་ལ་སྲེད་པ་ཕྱི་མར་ལུས་བཟང་པོ་ཅིག་ཐོབ་པར་འདོད་པ་དང་། ཤི་ནས་ལུས་མེད་པར་ཤེས་ཙ་ན་གཡང་དུ་ལྷུང་བ་སྙམ་བྱེད་ན་ལུས་བྱེ་བྲག་མེད་པ་ལ་སྲེད་པ་འབྱུང་བའོ། །དེ་ཡང་དབུགས་འགྲོ་ཙ་ན་གང་དུ་སྐྱེ་བའི་ལུས་གཅིག་བྱུང་བ་སྙམ་བྱེད་པ་ལས་ཤེས་པ་འཕོ། ཉན་ཐོས་སྡེ་པ་ཁ་ཅིག་བར་དོ་མི་འདོད་པ་ཡང་ཡོད། བར་དོ་འདོད་པས་ཀྱང་དེར་ལས་བསོག་པར་མི་འདོད། དང་པོ་བར་དོའི་ལུས་བླངས་པ་དེ་ལས་གཞན་དུ་འགྱུར་བར་འདོད་ལ། ཐེག་ཆེན་བས་བར་དོར་ལས་བསོག་པར་འདོད། དེར་ཤུལ་ན་གནས་པའི་དགེ་སྡིག་གི་ལས་མོ་བྱེད་ཅིང་སྔར་མ་ཤི་ཙ་ན་སྣང་བ་ཝལ་ལེ་ཡོད་པར་འདོད། ཤུལ་ན་འདུག་པས་དུས་ཙ་ན་ཤི་སྙམ་པའི་འདུ་ཤེས་སྐྱེ། ཞག་བདུན་ཕྲག་བདུན་དུ་བར་དོ་ན་གནས། ཞག་བདུན་བདུན་ནས་ལུས་མི་འདྲ་བ་རེ་ལེན་པར་འདོད། མའི་མངལ་དུ་འཇུག་པའི་དུས་ན་ཡང་སྣང་བ་བཟང་པོ་ལ་ཁང་བཟང་། ངན་པ་ལ་འཇག་སྤྱིལ་དུ་འཇུག་པའི་སྣང་བ་འབྱུང། བར་དོའི་ལུས་ཀྱང་ཁོ་རང་ནང་དང་ལྷའི་མིག་དག་པ་གཉིས་ཀྱིས་མཐོང་། གཞན་གྱིས་མི་མཐོང་གསུངས། དབང་པོ་ལྔ་ཀ་ཚང་། རྩིག་པ་ལ་སོགས་པ་ལ་མི་ཐོགས། ཟས་སུ་དྲི་ཟ། མའི་མངལ་ལ་ཐོགས་ནས་དེའི་གཟུགས་དེ་ཉིད་ཀྱང་ཕོ་མོའི་གཟུགས་ཐ་དད་དུ་ཡོད་པས་མོ་ཡིན་ན་ཕ་ལ་ཆགས། མ་ལ་ཕྲག་དོགས་ཕོ་ཡིན་ན་དེ་ལས་བཟློག་པའོ། །ཞེས་པས་མཚམས་སྦྱར་ནས་ཕ་མའི་ས་བོན་གྱི་རྒྱས་གཏུམ་པ་བཞིན་སོང་ནས་དར་ཅིག་བརྒྱལ་ནས་འགྲོ དེ་ནས་མིང་གཟུགས་ཀྱི་མྱུ་གུ་འགྲུབ་བོ། །བར་དོ་མི་འདོད་པས་ཕྱི་མའི་ལུས་ལ་ཆགས་པས་མཚམས་སྦྱོར་བར་འདོད་པ་ཡིན། གཟུགས་མེད་དུ་སྐྱེ་ན་སྙིང་ཁར་རང་གི་སྙིང་གི་ཕྱོགས་གཅིག་ཏུ་མིང་གཞི་ལ་བདག་ཏུ་བཟུང་བས་མཚམས་སྦྱོར། སྔར་ནས་བར་དོའི་སེམས་ཅན་རྡོ་རྗེ་གདན་ལ་ཐོགས་པར་བཤད། འཁོར་བ་འགྲུབ་པ་ཐམས་ཅད་ཞེན་པས་བྱེད་པས་བར་དོར་ཡང་མ་ཞེན་པ་གལ་ཆེའོ། །དེ་ཡང་འཆི་ཁར་མ་ཞེན་པ་གཅིག་དགོས། དེ་ལ་ད་ལྟ་གང་ལ་ཡང་མ་ཞེན་པར་བློ་སྦྱོང་དགོས་གསུངས། དེ་ལྟར་མ་ཞེན་པར་བསླབ་པས་སྔགས་པ་ཀུན་ལ་བར་དོར་རིག་འཛིན་གྱི་གནས་སུ་ཕྱག་རྒྱ་ཆེན་པོའི་དངོས་གྲུབ་ཐོབ་ནས་ལུས་དེ་འགྲོ་བ་རིགས་དྲུག་གང་དུ་ཡང་མ་གཏོགས་པའི་འཇའ་ལྟ་བུ་གཅིག་ཏུ་ཁོ་རང་གི་སྣང་བ་ལ་འབྱུང་བར་འདོད་པའོ། །དེ་བས་ན་སེམས་ཅན་གྱི་ལུས་ཐམས་ཅད་ལས་དང་ཆགས་པའི་རྩ་བ་ལས་བྱང་ཆུབ་སེམས་དཔའ་ས་ཐོབ་པ་ཡན་ཆད་ཀྱི་སྐྱེ་བ་ཉོན་མོངས་པའི་དོད་སྙིང་རྗེས་བྱས། ལས་ཀྱི་དོད་སྨོན་ལམ་གྱིས་བྱས་ནས་སེམས་ཅན་གྱི་དོན་དུ་སྐྱེ་བ་ལེན་པའོ།། གཉིས་པ་འབྱོངས་པའི་རྟགས་ནི། འབྱོངས་རྟགས་ཆེན་པོ་ལྔ་ལྡན་ཡིན། །ཞེས་བྱ་བ་སྟེ། བློ་འདི་ལྟ་བུ་འབྱོངས་ཙ་ན། བྱང་ཆུབ་སེམས་དཔའ་ཆེན་པོ་དང་ཉེས་པ་ཕྲན་ཚེགས་ལ་འཛེམ་པས་འདུལ་བ་འཛིན་པ་ཆེན་པོ་དང་། གཞན་དང་འདོམ་ཐུག་བྱུང་བའི་ཚེ་བཟོད་པ་རེ་བཞིན་བརྟན་པས་དཀའ་ཐུབ་ཆེན་པོ་དང་། ལུས་ངག་གི་དགེ་སྦྱོར་ལ་བལྟས་ན་རྟག་ཏུ་དད་པ་དང་བརྩོན་འགྲུས་དང་ལྡན་པས་ས་དགེ་སྦྱོར་བ་ཆེན་པོ་དང༌། བཀའ་བསྟན་བཅོས་ཐམས་ཅད་ཀྱི་བརྗོད་པར་བྱ་བའི་དོན་གྱི་གཙོ་བོ་དང༌། རང་གི་སེམས་འབྱོངས་པས་རྣལ་འབྱོར་པ་ཆེན་པོ་གཅིག་ཡོད་པའོ། །དེ་ཡང་བསླ་བ་ལོགས་གཅིག་དགོས། ཁ་སང་དང་ན་ནིང་ཡང་དེ་ལས་མེད་ཀྱི་མི་ཡང་། སྔ་ཐུན་པས་ཕྱི་ཐུན། ཐུན་སྟོད་པས་ཐུན་སྨད་སྐྱེ་ལ་ཚོལ་དགོས། དེ་ཡང་ཐོས་པ་དང་དྲན་པས་ཀྱང་ཨེན་རེ་ཡོང་སྟེ། འབྲས་བུ་དེ་ཙམ་མི་འབྱུང་བས་འདི་ལ་དུས་ཅིག་ཏུ་ཆིག་དྲིལ་དུ་འབྱུང་བ་གཅིག་དགོས། དེ་ཡང་མ་འོངས་པ་ལ་རྟག་ཏུ་གོ་ཆ་བགོ་བྱ་བ་ཡིན་པས་སེམས་ཅན་གྱི་སྡིག་སྡུག་རང་ལ་ལེན་པ་དང་རང་གི་དགེ་བདེ་གཞན་ལ་གཏོང་བར་གོ་ཆ་གྱོན་པ་ཡིན་ཏེ། དེ་རང་བས་ཀྱང་མི་དང་མི་མ་ཡིན་པའི་གནོད་པ་ཅི་བྱུང་བ་ན་ཕྱིས་འདོམ་ཐུག་ལ་སོགས་ཅི་བྱུང་ཡང་བཟོད་པར་བྱ་སྙམ་པ་དང་། ཁས་བླངས་ཀྱི་སྡོམ་ཁྲིམས་དང་སྐད་ཅིག་དང་མ་བྲལ་བར་བྱ་སྙམ་པ་དང༌། ངན་སྨྲས། ཕྲག་དོག སྐུར་འདེབས་ལ་སོགས་པ་ཅི་བྱུང་ཡང་བཟོད་པར་བྱ་སྙམ་དུ་གོ་བགོས་ནས་ཕྱིས་འདོམ་ཐུག་ལ་སོགས་ཅི་བྱུང་ཡང་འཕྲད་ཐུབ་པ་གཅིག་ཡོང་བ་ཡིན། དེ་བས་ཀྱང་ཆོས་དང་འགལ་བའི་འཕྲད་བྱུང་ཚད་ལ་ཆོས་དང་མི་འགལ་བར་བྱ་སྙམ་དུ་གོ་ཆ་གྱོན་པའོ། །གང་ལ་གནོད་པ་བྱས་ཀྱང་བདེ་འབྲེལ་བ། །བདེ་བའི་འབྱུང་གནས་དེ་ལ་སྐྱབས་སུ་མཆི།༡༨༧ །ཞེས་དང་། དགྲ་འམ་འོན་ཏེ་མཛའ་ཡང་རུང་། །ཉོན་མོངས་སྐྱེ་བའི་ཡུལ་རྣམས་ལ། །དགེ་བཤེས་ཡིན་པར་སུས་མཐོང་བ། །དེ་ནི་གང་ན་གནས་ཀྱང་བདེ།༡༨༨ །ཞེས་དང་། ཁ་ཟེར་འཕྱར་ཀ་གཏོང་བ་དང༌། །སྨོད་ཅིང་ཕྲག་དོག་བྱེད་པ་རྣམས། །དཔའ་བོ་ཁྱོད་ཀྱི་ཟིལ་དུ་བརླག །ཅེས་པ་དང༌། ཕན་བཏགས་ལན་དུ་གནོད་བྱས་ཀྱང་། །ཡང་ལན་སྙིང་རྗེ་ཆེན་པོ་བསྒོམ། །འཛམ་བུ་གླིང་གི་སྐྱེས་མཆོག་ནི། །ཉེས་པའི་ལན་ཡང་ལགས་པའི་ལྗོན། །ཞེས་དང༌། གང་དག་བདག་ལ་ཁ་ཟེར་རམ།། གཞན་དག་གནོད་བ་བྱེད་པའམ། །དེ་བཞིན་འཕྱར་ཀ་གཏོང་བའང་རུང་། །ཐམས་ཅད་བྱང་ཆུབ་སྐལ་ལྡན་གྱུར།༡༨༩ །ཞེས་པ་ལྟར་བློ་སྦྱོང་བའོ།། འདི་ཡོད་ན་གཞན་གང་མེད་ཀྱང་འཚང་རྒྱ། ཚེ་མཇུག་འདི་རང་ལ་རྒྱུད་ཁྱད་པར་ཅན་དུ་འགྲོ་བ་ཡིན་གསུངས། དོན་བྱུང་བ་མེད་ཀྱང་ཚིག་འདི་དྲན་པས་དེའི་མོད་ལ་ཞི་བར་འགྱུར་བ་ཡིན། མྱུར་དུ་མངོན་པར་རྫོགས་པར་སངས་རྒྱས་པར་འདོད་པས་བྱང་ཆུབ་ཀྱི་སེམས་རིན་པོ་ཆེ་ལ་བསླབ། ཅེས་པའི་གཏམ་རྒྱུད་གསུངས་པ་རྣམས་ཀྱང་༡༩༠ འདི་ལ་གསུང་བ་ཡིན་གསུངས། ཇི་ཙམ་པའི་སྐྱེ་ཤི་མཐའ་མི་མངོན་པ་གཅིག་བྱས་པ་ལ་འདི་ལྟ་བུའི་ཆོས་བསྒོམ། ཡེ་མྱོང་བ་ཡིན་སྙམ་དུ་བསམ། ཤར་བ་དང་འཛོམས་པ་དང་བླ་མའི་ཐུགས་ལ་འདོགས་ན་བྱ། མིའི་རྩིས་སུ་བྱེད་ན་བྱ། དེ་དག་མེད་ན་མི་བྱ་སྙམ་ན་ཆོས་བོར་ཟིན་པ་ཡིན་གསུངས། སྡིངས་པ་ཤེད་རྒོལ་བ་བྱུང་ཙ་ན་ཆོས་གཏོང་བ་ཆོས་བྱེད་པའི་དུས་ན་བྱིན་རླབས་མི་ཡོང་གསུངས། དེས་ན་ད་ནས་བཟུང་ནས་ཚེ་འདི་བར་དོ་ཕྱི་མ་སངས་མ་རྒྱས་ཀྱི་བར་དུ་ཆོས་འདི་དང་སྐད་ཅིག་ཀྱང་མ་བྲལ་བ། འདི་སྟོན་པའི་དགེ་བཤེས་དང་མཇལ་བའི་སྨོན་ལམ་གདབ་གསུངས། གསུམ་པ་རྒྱུད་ལ་སྐྱེ་བའི་དཔང་པོ་ནི། དཔང་པོ་གཉིས་ཀྱི་གཙོ་བོ་བཟུང་། །ཞེས་བྱ་བ་སྟེ། མི་རྣམས་ན་རེ། ཆོས་འབྱུང་ནས་འདུག བདག་འཛིན་ཐུལ་ནས་བལ་ཆུ་ནས་དྲངས་པ་བཞིན་དུ་འཇམ་ཉལ་གྱིས་སོང་ནས་འདུག་ཟེར་བ་དང་། དེ་སྐད་ཟེར་ཡང་རང་གི་ཤེས་པ་ལ་ངས་དེའི་དུས་སུ་སྒུས་སེ་བར་སོང་། དེའི་དུས་ན་ཡང་བདག་འཛིན་ཤོར་སྙམ་པ་དང་། དེ་ལས་བཟློག་ནས་རང་གི་ནང་དུ་དམྱལ་བར་སྤྱི་བོ་ཚུགས་སུ་སོང་ཡང་འགྱོད་པ་མེད་སྙམ་པ་རང་གི་གཙོ་བོ་ཡིན། རང་གི་དད་པ་དང་ཤེས་རབ་དང་བརྩོན་འགྲུས་ལ་སོགས་པ་ནུས་པ་ཡོད་ཚད་ཀྱིས་ཡེངས་པ་དང་། དབྱེ་བ་སྐད་ཅིག་ཀྱང་མེད་པར་རྒྱུན་མཐུད་ནས་སྙིང་ཁྲག་ཆུས་ཤལ་ནས་འབུངས་པས་ད་ནི་ད་ལྟ་རང་དུ་འཆི་ཡང་ང་ལ་སྐྱེས་གདོན་རྒྱུ་མེད་སེམས་པ་ཅིག་དགོས། དེ་ཙམ་ནས་སྒྲུབ་པའི་ཉམས་ལེན་ཚད་དུ་ལོངས་པ་ཡིན་པས། གཞན་གྱིས་བདག་གི་ལེགས་པ་སྣ་རེ་མཐོང་བ་དང་ཕན་པ་སྣ་རེ་མཐོང་བ་ལ་མགུ་བ་ཡོང་བ་ཡིན་པས་དེ་མི་གཙོ། དེ་བཞིན་དུ་བཤད་པ་དང་བཟླས་པ་བྱེད་པ་ཀུན་ཡང་གཞན་ལ་བགོ་བ་དང༌། གནོད་པ་སེལ་བ་གཙོ། རང་གི་མཁས་པ་དང་ནུས་པ་ཡོང་སྙམ་པ་མངོན་པའི་ང་རྒྱལ་ཡིན་སྲིད་པའོ། །དེ་ལ་སོགས་པ་ཟད་པ་མེད་པ་ཅིག་ཡོད་དེ། ཕྱིའི་གཙོ་བོར་ཡོང་བ་ཡང་རང་གི་ནང་གི་བྱེད་པས་བྱུང་བ་ཡིན། ཕྱིའི་སྤྱོད་ཚུལ་ལེགས་པའམ། ངག་ཏུ་སྨྲ་ལེགས་པས་ཀྱང་ཆོས་འབྱུང་བར་རྩི་བ་ཡོད་དེ། བདག་འཛིན་སྤོང་ལོ་བྱས་ནས་ཀ་ཆ་འདྲ་བ་ཕད་ཕོད་བྱས་ནས་གཏོང་བའམ། གཞན་གྱི་གྱོད་ལ་སོགས་པ་བྱུང་ཙ་ན་མང་མང་ལགས། ཁོ་བོས་ལན་ཟེར་ནས་ཁས་བླངས་པས་ཆོས་བྱུང་འདུག་ཟེར་ཡོད་སྲིད་དེ། དེ་དཔང་པོ་གཙོ་བོ་མ་ཡིན། རང་གི་སེམས་ལ་གཅིག་དགོས། ཆོས་སྤྱིའི་དབང་དུ་བྱས་ན། ཆོས་བྱུང་མ་བྱུང་ལུས་ངག་ཡིད་གསུམ་ལ་ལྟ་བ་ཡིན། འདིའང་ལུས་ངག་ཇི་ལྟར་འདུག་ནའང་འདུག སེམས་ཁོ་ན་ལ་ལྟ་བ་ཡིན། དེ་ལ་ཡང་བླ་མས་གདམས་ངག་མ་ལུས་པར་གནང་བ་དང་། རང་ལ་ཡང་སྙིང་སྟོབས་ཡོད་པས་སྒོམ་པ་ཅིག་དགོས། དེ་ཡང་མངོན་དུ་མ་གྱུར་བར་དུ་སྒོམ་པ་ཅིག་དགོས། དེ་ཡང་ལྷ་དང་བླ་མ་ལ་སྙིང་ནས་གསོལ་བ་གདབ། ཆོས་སྐྱོང་ལ་འཕྲིན་ལས་ཞུ་བ་ལ་སོགས་པ་ལ་འབད་ལ་འདི་ཆེད་ལྡན་དུ་སྐྱེ་བ ལ་འབད་པར་བྱའོ།། བློ་སྦྱང་བའི་དགོས་པ། གསུམ་པ་སྦྱང་བའི་དགོས་པ་ནི། ཆོས་ཀུན་དགོངས་པ་གཅིག་ཏུ་འདུ། །ཡོན་ཏན་གཞན་པས་ཁྱད་པར་འཕགས། །ཞེས་བྱ་བ་སྟེ། བཀའ་དང་བསྟན་བཅོས་ཐམས་ཅད་ཀྱི་དགོས་པ་ཐར་པ་ཐོབ་པ་ཡིན་ལ། དེ་ལ་བདག་འཛིན་ཐུལ་བ་ཅིག་དགོས། ཐོས་བསམ་སྒོམ་གསུམ་ཐམས་ཅད་ཀྱང་བདག་འཛིན་འདུལ་བའི་ཆེད་ཡིན་ལ། བདག་འཛིན་མ་སྤངས་པར་ཉན་རང་གི་ཐར་པ་ཡང་མི་ཡོང་ན་ཐམས་ཅད་མཁྱེན་པ་ལྟ་ཅི་སྨོས། དེ་ནས་མཁས་པར་བློ་སྦྱོང་། བཙུན་པར་ཁྲིམས་བསྲུང་བ་ལ་སོགས་པ་ཐམས་ཅད་ང་ལས་མཁས་པ་མེད་པ་ལ་སོགས་པ་ངའི་གྲོགས་སུ་སོང་ན་ནོར་ལ། བདག་འཛིན་གྱི་གཉེན་པོར་སོང་ན་བློ་སྦྱོང་བའི་དགོས་པ་གྲུབ་པ་ཡིན་ནོ། །འདི་ནི་མཐུན་རྐྱེན་གཞན་ལ་མི་ལྟོས་པས་ཡོན་ཏན་ཁྱད་པར་དུ་འཕགས་པ་ཡིན་ཏེ། ཆོས་གཞན་ལ་རྐྱེན་གཞན་ལ་ལྟོས་དགོས་པ་དང༌། ཁམས་བཟང་དགོས་པ་དང་། ན་སོ་གཞོན་དགོས་པ་དང་། དབེན་དགོས་པ་དང་། བླ་མའི་རྩར་བསྒོམ་དགོས་པ་དང༌། ན་ཚ་ལ་སོགས་མེད་པ་དགོས་པ་དང༌། ཤེས་པའི་བྱར་གཟུ གས་མེད་པ་དགོས་པ་ལ་སོགས་པ་དུ་མ་ཡོད་པ་ལ། འདི་ལ་གཉིས། ཐུན་མོང་གི་ཚུལ་ཁྲིམས་དང༌། ཐུན་མོང་མ་ཡིན་པ་ཐེག་པ་ཆེན་པོའི་དམ་ཚིག་གཉིས་མེད་ཁ་མེད་ཡིན། དེ་གཉིས་མེད་ན་རྩ་བ་མེད་པ་བྱ་བ་ཡིན་པས་ཡོང་མི་སྲིད། དེ་གཉིས་ཡོད་ན་རྐྱེན་གཞན་གང་ལ་ཡང་ལྟོས་མི་དགོས་པས་གཞན་ལས་ཁྱད་པར་འཕགས་པའི་ཡོན་ཏན་དང་ལྡན་པ་ཡིན་ནོ།། དེ་ལྟར་ན་ཡོན་ཏན་ཁྱད་དུ་འཕགས་པའི་རྒྱུ་མཚན་རྐྱེན་གཞན་ལ་མ་ལྟོས་པ་ལ་བྱེད་ན་རྐྱེན་ལ་མི་ལྟོས་པའི་རྒྱུ་མཚན་ཅི་སྙམ་ན། མི་མཐུན་སྒོམ་གྱི་གྲོགས་སུ་བསྒྱུར། །ཞེས་བྱ་བ་སྟེ། འདི་རྐྱེན་ངན་ལམ་དུ་བསྒྱུར་བའི་སྐབས་སུ་བྱས་ན་ཡང་བདེ། འདིར་ཡང་རྒྱུ་མཚན་དུ་སྦྱར་དུ་བཏུབ་པས་སྡུག་བསྔལ་ཉོན་མོངས་པ་དྲག་པོ་དང་མ་འཛོམས་པ་ལ་སོགས་པ་ཐམས་ཅད་འདིའི་ཆ་རྐྱེན་དུ་བྱེད་པ་སྟེ། ཚེ་འདི་ལ་བསྒོམ་གཞན་ཐམས་ཅད་བཞོག དེ་རིང་ནས་འདི་བསྒོམ། ང་ཡང་མོས་པ་བྱེད་པ་ཡིན་པས་ཁྱོད་ལ་ཡང་སྐྱེ་སྟེ་འོང་། འདི་མེད་ན་བསྒོམ་བཟང་ཟེར་བ་ཐམས་ཅད་འདོམ་ཐུག་བྱུང་ཙ་ན། གཉེན་པོར་མ་གོའམ། འདི་བཞིན་དུ་དངོས་འགལ་དུ་མ་སོང་བར་བརྒྱུད་འགལ་དུ་མ་སོང་བ་ཤེད་ཀྱི་ཉོན་མོངས་པ་ཆུང་དུ་མ་སོང་པར་ཁེངས་གྲགས་སམ་ང་རྒྱལ་ཆེར་སོང་ནས་ཡོང་བར་སྣང་། འདི་རྒྱུད་ལ་ལན་ཅིག་དྲན་པའམ་བསྒོམ་ཙ་ན། ཉོན་མོངས་རིམ་གྱིས་བྱུང་བ་དེ་འཇམ་ལྷན་གྱིས་འགྲོ་བར་སྣང་། དེས་ན་རང་རྒྱུད་ལ་མི་འདོད་པ་བྱུང་བ་དང་། བྱུང་གིས་དོགས་པ་ན་སེམས་ཅན་ཐམས་ཅད་ཀྱི་མི་འདོད་པ་བྱུང་བ་དང་བྱུང་གིས་དོགས་པ་ཐམས་ཅད་ལེན་པའོ། །འདི་གོ་ན་སྟོང་པ་ཉིད་ཀྱང་ངང་གིས་གོ་བར་འོང༌། འདི་མེད་ན་ལྟ་བ་མཐོ་བ་དང་བསྒོམ་བཟང་ཟེར་བ་ཐམས་ཅད་ཡུས་ཀྱིས་རྒྱལ་ནས་འོང༌། ཁྱད་པར་དུ་སྤྱིའི་ཁུར་འཁུར་བ་ལ་འདི་མེད་ཁ་མེད་ཡིན། འདི་མིན་ཨེན་ཙམ་གྱིས་དགེ་རྩ་དུང་ལ་རྡུལ་ཕྱིད་གསུངས། དེ་ལྟར་ན་གང་གིས་བསྒོམ་གྱི་གྲོགས་སུ་བསྒྱུར་ན། ཐམས་ཅད་ཐེག་ཆེན་ལམ་དུ་བསྒྱུར། །ཞེས་བྱ་བ་སྟེ། སྙིགས་མ་ལྔ་པོ་བདོ་བ། མི་དགེ་བ་མཐའ་དག་ཚང་བ། ཚེ་ལ་ཡང་ཆོས་ལ་སོགས་པ་གང་ཡང་བྱ་ལོང་མེད་པ། ལྟ་བ་ངན་པ་སྣ་ཚོགས་པས་གཟིངས་པའི་དུས་འདིར་གཏོང་ལེན་གཉིས་ལ་སྦྱངས་ཏེ། ཅི་བྱེད་ཐེག་ཆེན་གྱི་ལམ་དུ་བསྒྱུར་རོ། །དེ་དག་གིས་ཚིགས་སུ་བཅད་པའི་དོན་བསྟན་པ་ཡིན་ནོ།། ད་ནི་ཚིག་ལྷུག་པ་རང་གིས་སེམས་ལ་གྲོས་གདབ་པ་སྟོན་པ། ཡུས་མི་བསྒོམ། ཞེས་པ་ནི། ཕ་རོལ་ལ་བདག་གིས་དྲིན་ཡོད་པའི་རྒྱུ་མཚན་དང་། རང་མཁས་པ་དང་བཙུན་པ་དང་བསྒོམ་བཟང་བ་དང་། མི་ཆེ་བ་ལ་སོགས་པ་རྒྱུ་མཚན་གང་གིས་ཕྱོགས་ནས་ཀྱང་ཡུས་ཀྱི་རྔམ་པ་དང༌། རེ་ཆེ་བར་ཐེག་པ་ཆེན་པོ་བློ་སྦྱོང་བརྒྱ་རྩ། མི་བྱ། ཁྱད་པར་དུ་ཕུག་ན་སྒོམ་པར་གསོལ་བ་ཀུན་ཡང་ཡུས་ཆེ་བར་ཡོང་བས། འདི་མེད་པ་གཅིག་གལ་ཆེ། གཞན་དོན་བྱས་པས་ཡུས་ཆེ་ན་ཡང་། གཞན་གྱིས་མ་བཅོས། རང་གི་ཁས་བླངས་པ་ཡིན་པས་ཡུས་ཆེས་གང་ན་ཡང་མེད། རྒྱུ་སྦྱངས་ན། བ་དུ་བ་དང༌། སྐུ་བསྲུངས་འཆིར་མ་བཏུབ་ཅེས་ངུ་ཞིང་གྲོགས་པོ་ལ་ཡུས་གསོལ་བ་ལྟ་བུ་ཕ་མ་བླ་མ་ལ་སོགས་པ་སུ་ལ་ཡང་མི་བྱ། དེ་བསྒོམ་ན་ཅི་ནས་ཀྱང་ཤགས་ངན་ཡོད་པས། ཤགས་ངན་མ་རྒོད་ཅེས་བྱ་བ་ནི། མི་སྐྱ་ཐ་མལ་པ་ཡིན་ཀྱང་ཤགས་ངན་སྣ་ཚོགས་ཡོང་བ། དེ་ལ་མིས་ཀྱང་འཕྱ། རང་ཡང་མ་བཏུབ་ན་ཆོས་བྱེད་པའི་གང་ཟག་གིས་ཤགས་ངན་སྣ་ཚོགས་བྱེད་ན་ཆོས་པར་མ་བཏུབ། ཁྱད་པར་དུ་བློ་སྦྱོང་བའི་གང་ཟག་གིས་ཁྱེད་ཅེས་ཤགས་ངན་བྱེད་ན་ཆོས་པར་མི་བཏུབ། ཁྱད་པར་དུ་བློ་སྦྱོང་བའི་གང་ཟག་གིས་ཁྱེད་ཅེས་ཤགས་ངན་བྱེད་ན་གཏོང་ལེན་དང་འགལ་བས་མི་བྱ། རང་གིས་མ་ཉེས་པ་དང་གཞན་གྱིས་ཉེས་པ་ཤགས་ངན་གྱི་རྗེས་སུ་རང་གི་ཉོན་མོངས་འབྲང་ནས་གཞན་གྱི་འཚང་རུས་པའི་གཏིང་ནས་འབྲུ་བའི་བཟོང་བུ་མཆུ་རིངས་མི་བྱ། རང་ཅག་ཡུལ་ཡུལ་ལ་སོགས་པར་སྐྱེ་ཙ་སྐྱེ་རེང་རེང་ཤགས་ངན་མི་རྒོད་པ་གཅིག་གལ་ཆེ། དེ་ལྟར་མི་རྒོད་པ་ལ་འདི་དགོས་པས། ཀོ་ལོང་མ་སྡོམ། ཞེས་བྱ་བ་སྟེ། འདི་ཀུན་བཏགས་པ་ཡིན་པས་གྲོས་བྱར་བཏུབ། གཞན་ཤུགས་ཀྱིས་རང་དབང་མེད་པར་ཡང་ཡོང་བ་ཡིན། ལན་ཅིག་མ་བསྡམས་ན་ཇི་སྡོམ་དུ་ཆད། སྡོམ་ན་སྡོམ་སྙིང་རྗེ་འདོད་དུ་ཆ། ད་ལྟ་སྡེར་མེད་ན་ཟན་མི་ལེན། ཨེན་ཙམ་རེའི་ཉེས་ལེགས་ལ་བསྡམས་ནས་ཁོ་བོའི་ཇ་སུན་གྱི་དོད། དེ་རིང་གི་བཀའ་མཆིད་དེ་ལ་གྱི་ཟེར་བ་ལྟར་མི་བྱ། རང་ལ་གནོད་པ་དང་།༡༩༡ སྔར་དམའ་ཕབ་པ་དང༌། ཚིག་ངན་བསྣུན་པ་ལ་སོགས་པ་ཅི་བྱས་ཀྱང་རང་ལ་གྱོད་གདའ། ཚིག་ངན་གྱི་ལན་ལ་སོགས་པ་མི་བྱ་ཞིང་། སེམས་ཀྱི་ཀོ་ལོང་མི་སྡམ། ད་ལྟ་ཆོས་གཉེན་པོར་མ་སོང་བས་བཟོད་སྟོབས་ཤའུ་ཁས་ཆུང་། ཀོ་ལོང་གཙང་བཙན་པས་༡༩༢ དམ་པར་འདུག་སྟེ། ཆོས་བྱས་པས་གོ་མི་ཆོད་པས་བདག་འཛིན་གྱི་གཉེན་པོར་འགྲོ་བར་བྱ། རྣལ་འབྱོར་པ་ཆེན་པོ་མཐོ་མཐོ་རླུང་། དམའ་དམའ་ཆུ་ལ་བསྐྱུར་གསུངས་པ་ལྟ་བུ་གཅིག་དགོས། འདི་མེད་ན་རྩ་བ་མེད་པས་བློ་སྦྱོང་ཡོང་མི་སྲིད། དུས་ཐམས་ཅད་དུ་སེམས་སྒོ་ནས་ཁྲིས་སེ་བརྩིག་དགོས། འདི་བྱུང་ན་ཆོས་ཀྱི་སྲོག་རྩ་ཡིན་པས་བློ་སྦྱོང་གཞན་རྣམས་རང་གི་ངང་གིས་ཡོང་། འདི་མེད་ན་ཤགས་ངན་རྒོད་པ་ཡང་སྲིད།༡༩༢ སུ་དང་འགྲོགས་ཀྱང་མི་བདེ་བས་ཀོ་ལོང་སྡོམ་པས་ལེན་པས་ལེགས་ཉེས་ཅི་བྱུང་ཡང་རང་གི་ནང་དུ་མིད་ནས་སྡོད་པ་ཅིག་དགོས། དེ་ལྟ་མ་ཡིན་ན་ནག་པོའི་ཆོས་བཞི། སེམས་ཅན་བློས་སྤོང་། སྐྱབས་ཀྱི་དམ་ཚིག དགེ་སྦྱོང་དུ་བྱེད་པའི་ཆོས་བཞི་པོ་རྩ་བ་ནས་གཅོད། དཔོན་སློབ་དམ་ཚིག་ཉམས་སུ་འདིས་འཇུག བཟའ་མི་ནང་འདིས་མི་མཐུན་དུ་འཇུག བྲང་ཟླ་མི་རྙེད་དུ་འདིས་འཇུག་པས་འདི་དང་དུས་ཐམས་ཅད་དུ་འབྲེལ་བ་མེད་པ་གཅིག་དགོས་པས། ཇ་སུན་མཐོ་དམན་དང་འདུག་ས་ལེགས་ཉེས་ལ་ཀོ་ལོང་མི་སྡམ། ཡང་ཀོ་ལོང་ལ་སྡོམ་པ་རེ་ཡོད་པ་མིན། ར་སྒྲེང་བའི་རྣམ་པར་ཐར་པ་ལ་གནོད་པ་ཅིག་བྱུང་ན་ཀོ་ལོང་བསྡོམས། བསྡམ་ཡང་དགོས་གསུངས། དེའི་རྣམ་པར་ར་པ་ཁྱིམ་པ་དང་ཐུན་མོང་པས་སོ་ནམ་བཞི་ལ་སོགས་པ་མི་བྱེད་པ་དང༌། ཆང་སྲོག་ལ་བབས་ཀྱང་མི་འཐུང་བ་དང༌། ཆོས་སྤྱོད་བཅུ་ཀ་མི་སྤོང་བ་ལ་སོགས་པ་དུ་མ་ཡོད་པ་དེ་རྣམས་ལ་འགལ་ན་ཀོ་ལོང་སྡོམ་པ་ཅིག་དགོས། དེ་ལ་འདི་ཡང་དགོས་པས་འོར་ཆེན་མ་འདོད། ཅེས་བྱ་བ་ཏེ། རང་གི་གཞན་ལ་ཕན་པ་བྱས་པ་ལ་ལན་བྱེད་པ་བྱུང་ན་ཕྱ་བྱད་བཟང་། ཁྱོད་ལྟར་བྱེད་པ་མི་ཡོང་བར་གདའ་ཟེར། ལན་བྱེད་པ་མ་བྱུང་ན་ངས་དཀའ་སླ་སྐྱིད་སྡུག་དེ་ཙམ་བྱས་ཀྱང་འོར་ཆེན་ཙམ་ཡང་ཁ་ནས་མི་ཐོན་པ་འདུག མི་ལ་བྱས་མ་བྱས་མེད་ཟེར་བ་ལྟ་བུ་བསམ་དུ་མི་རུང་། དེ་ཡང་ངོ་མི་རྟག་པས་མི་ཡོང་བས་ཡུད་ཙམ་པ་མི་བྱ། ཅེས་བྱ་བ་སྟེ། རེས་ཅི་བྱེད། རེས་ཅི་བྱེད་ཀྱི་མི་ཡོང་། ཁ་ཅིག་བྱེད་བྱེད་འདྲ་བྱས་ནས། ཡང་སུན་སུན་ལྟར་འདོར་བ་དང་། མི་དང་འགྲོགས་པ་ན་ཡང་མཛའ་བ་དང་འཐབ་པ་ལ་ཚེགས་མེད་པ་མི་བྱ་ཏེ་གཞུ་བཟང་པོའི་རྒྱུད་ལྟར་དུ་སྐྱོ་བསུན་མེད་པར་ཐང་ངེ་སྒྲེང་ངེ་ཉམས་སུ་ལེན་པར་བྱེད་པའོ།། ཡང་དུས་ལ་བབ་ན་ངན་ལན་བྱེད་པ་མི་རུང་བས། འཕྲང་མ་སྒུག་ཅེས་བྱ་བ་སྟེ། སྟོན་པ་དར་ལ་འབར་ན་བས་རིམ་གྲོ་ལྷོ་བྲག་པ་ཡོའི་ཁྲལ་བསྡུས་ནས་བྱེད་པར་གླེང་བ་ན། དར་མ་རིན་ཆེན་ཤེད་ཞག་གཅིག་འདི་ངའི་ཁ་དོག་དུ་མི་འདུ་བ་གཅིག་བྱུང་བ་ཞེས་པ་ལྟ་བུ་དང་། འཕན་ཡུལ་བ་གཅིག་གི་གཉལ་དུ་གནས་ཅིག་ཏུ་སྤུར་ཕྱིན་པས་བཙུན་པ་ཅིག་གི་སྒོ་དབར་དུ་བརྩིར་ཕྱིས་འཕན་ཡུལ་དུ་མ་པར་ཡོད་ཙ་ན་བཙུན་པ་དེ་བྱུང་བས། མི་དེས་སྔར་སྒོ་དབར་བརྩིར་བ་ཞེ་ལ་བཞག་ནས། འོ་ཅག་ངོ་ཤེས་པ་ཡོད་བྱས་པས་བཙུན་པ་མེད་འོད་ཟེར་བས་གནས་འདིར་སྒོ་དབར་དུ་བརྩིར་བ་ངོ་ཤེས་བྱས་ནས་རྨ་ཕབ་པ་དེ་ལྟ་བུ་ལ་འཕྲང་སྒུག་ཟེར་བ་ཡིན། སེམས་བསྐྱེད་བྱས་པ་དང་། བློ་སྦྱོང་བསྒོམ་པས་འདི་བསམ་པའི་སྐབས་མེད། འདི་ཡོད་རིང་ལ་དེ་གཉིས་ཡོད་མི་སྲིད་པས་ཡང་རང་ལ་གཞན་གྱི་ངན་བྱས་པས་ང་ལན་མ་གྲུབ་པ་ཞེ་ལ་བཅངས་ནས་གྲུབ་ཙ་ན་བྱེད་པ་སྟེ། ཡང་རང་གི་ཉེས་པ་གཞན་ལ་བརྒལ་དུ་མི་རུང་བ་ནི། མཛོ་ཁལ་གླང་ལ་མ་བྱོ། ཞེས་བྱ་བ་སྟེ༑ མི་འདོད་པ་རང་ལ་འབྱུང་གིས་དོགས་ནས་གཞན་ལ་བྱོ་བྱོ་བྱེད་པ་དེས་བློ་སྦྱོང་ཡོང་མི་སྲིད། སོ་སོའི་སྐྱེ་བོ་ལས་མི་ཡོང་བྱ་བ་མིན་ཏེ། གཉེན་པོས་སུན་འབྱིན་པ་ཡིན་ཏེ། འཆད་ཀ་པ་མཚན་ཉིད་ཀྱི་གྲ་ས་ན་བཞུགས་པའི་ཚེ་གྲོགས་པོ་སྟོན་པ་ཟླ་གྲགས་བྱ་བས། གནས་པོའི་ཁང་པའི་སྟེང་དུ་མལ་བཅས་པས་སྐར་ཁུངས་ནས་རྡོ་ཤོར་བ། འོག་ན་དཀར་ཡོལ་གྱི་ཀོང་རྩེ་ཡོད་པའི་སྟེང་དུ་ལྷུང་ནས་རུམས་ཀྱིས་སོང་བ་གསང་། གཞན་ཞིག་ལ་བཙུགས་ནས་མ་ལེགས་པ་ཆེན་པོ་ལ་ཐུག་གསུངས། དེ་ན་སྣོད་བཅག་པ་དང་ཚིགས་བཅད་བྱས་པ་གཞན་ལ་མ་བསྒྱུར། ལས་ཀ་ལ་སོགས་པ་གཞན་ལ་མི་བྱའོ།། ཡང་འདོད་ཤོས་ཅི་ཐོབ་བྱེད་པའི་འགྱོགས་ཀྱི་རྩེ་ལ་མི་རྟགས་ཅེས་བྱ་བ་ནི།༡༩༤ འདོད་པ་སྤྱི་སོ་ན་འདུག་པ་མ་རྩེ་རྟོགས་པ་འདི་ངན་པ་ཁོ་ན་ལ་ཡོང་བའི་ངེས་པ་མེད། བཟང་པོ་དྲན་ཤེས་ཆེ་རེ་བ་ཀུན་ལ་སླར་འབྱུང་ཉེ། འདི་དགེ་བཤེས་གྲོ་ལུང་པ་བསྒྲེས་པོ་བྱེད་ཙ་ན། གང་འདོད་པ་དང་ལེགས་པ་གཡོར་རྩང་དང་ཕན་ཡུལ་བ་ལ་བྱིན། གང་ན་མ་བཏུབ་པ་དེའི་ནང་ནས་ཀྱང་ཁོང་དག་གི་བྱས་པ་བཞིན་དུ་དགོས། དེ་ལྟ་རྒན་པས་དེ་ཙུག་བྱས་ཀྱང་གཞོན་པས་འབུག་ཏུ་ཡོང་། དེ་ཤོར་ཐབས་ནི་མེད་ཡང་། གཞུང་བཟང་པོ་ལ་མ་བརྟེན།༡༩༥ ཞེས་བྱ་བ་ནི། རང་ལ་གནོད་པ་བྱས་པ་ལ་འདི་བཞིན་དུ་བྱས་ཞེས་འཁོན་དུ་བྱས་པ་དང་། གཞན་ལ་གྲོས་ལ་སོགས་པའི་ཕན་པ་བསྟེན་པ་ལ་ཉན་དུ་མ་འདོད་ན། ཕྱིས་ངས་དེ་ཙ་ན་བྱ་སྟེ་མ་བཏུབ་པ། ད་ནི་ཅི་དགའ་བ་གྱིས་ཞེས་ཡུན་དུ་འཆང་བ་མི་བྱ། ད་ལྟ་ཉོན་མོངས་པ་བྱུང་དུ་མ་ཚོར་བ་དེ་གཉེན་པོ་མ་བསྟེན་པས་ཡིན། གཉེན་པོ་བསྟེན་ན་ཆུའི་གཉེར་མ་ཙམ་ཡོད་པས་འབུར་འཇོམས་བྱེད་དགོས་གསུངས། ཡང་གནད་ལ་མི་དབབ། ཅེས་བྱ་བ་ནི། ཁྱོད་ཕ་ནས་ངན་བྱ་བ་ལ་སོགས་པ་དང་། རབ་ཏུ་བྱུང་བ་ཀུན་ལ་ཁྱོད་ཀྱི་མཁན་སློབ་ལ་སྡོམ་པ་མེད་ཅེས་དང་། ཁྱོད་རང་ལ་སྡོམ་པ་མེད་ཅེས་པའམ། གཞན་གྱི་མི་བསད་པ་གཞན་ལ་རྒྱུས་མེད་པ་ལ་ཁྲོམ་དུ་སྒྲོག་པ་ལྟ་བུ་ཏེ། འདི་དུག་མ་བླུད། མཚོན་མ་བཏབ་པ་ཡིན་ཡང་བློ་སྦྱོང་འདིའི་ངོས་ནས་འདི་ལས་སྡིག་ཆེ་བ་མེད། ཁོ་བསད་པ་བས་ཀྱང་ཐུ་བ་ཡིན། སྔོན་རྒྱ་སྟོན་བྱིས་པ་ཙ་ན་གཞན་གྱི་རྟ་དཀྲོགས་ནས་བྲག་ལ་འཕྱོངས་ནས་བསད་པས། ཕ་མས་བརྡུངས་པས་མའི་ང་རྡོང་ང་ལ་རྡོ་རྒྱབ། དེར་ཁྱིམ་དུ་མ་བཙུད་པ་ལ་ཁོས་ཁྱེད་རང་གི་ཡོན་བདག་རྡོ་རྗེ་དབང་ཕྱུག་གི་འབྲི་རྐུས་ནས་གསོད་པ་ཟེར་ཞིང་འོ་དོད་བོས་ནས་རྟ་སྐྱིན་དང་། འབྲི་སྐྱིན་དང་། བབ་པ་ལྟ་བུ་འདི་ལས་སྡིག་ཆེ་བ་མེད་གསུངས། ཡང་གོ་ལོག་མི་བྱ། ཅེས་བྱ་ནི་གོ་ལོག་དྲུག་སྟེ། འདུན་པ་དང་། རྗེས་སུ་ཡི་རང་བ་དང་། རོ་མྱང་བ་དང་། གཉེར་སེམས་དང་། སྙིང་རྗེ་དང་། བཟོད་པ་གོ་ལོག་གོ །དེ་ལ་འདུན་པ་གོ་ལོག་ནི། ཆོས་སྒོར་ཞུགས་ནས་ཆོས་ལ་འདུན་པ་མི་བྱེད་པར་འཇིག་རྟེན་པའི་ཆོས་ལ་འདུན་པའོ། །རྗེས་སུ་ཡི་རང་བ་གོ་ལོག་པ་ནི། ཆོས་བཤའ་མ་བྱེད་པ་ལ་རྗེས་སུ་ཡི་རང་བ་མི་བྱེད་པར་རང་གནག་པ་ལ་མ་ལེགས་པ་བྱུང་བ་ལ་ཡིད་རང་བསམ། སྡིག་བྱེད་པ་དེ་ཁོ་ལ་བབ། ཁོས་མ་ལན་བྱེད་དགོས་པར་ཡོད་ཟེར་བ་དང་། རྒྱ་བྱང་རྡོར་བབས་པ་ལ་གཡོར་དར་མ་ལེགས་ཤེད། ངན་པ་ཡང་དག་པ་སྙིང་ཚིམ། སྐྱ་ཞལ་གྱི་སོང་ངམ་ཟེར་བ་ལྟ་བུ་སྒོམ་དུ་མི་རུང༌། རོ་མྱོང་བ་གོ་ལོག་ནི། སྔར་བཤའ་མ་བྱུང་བའམ། རྟོགས་པ་ཁྱད་པར་ཅན་བྱུང་བའམ། བྱང་ཆུབ་སེམས་དཔའི་སྤྱོད་པ་དང་མཐུན་པའི་དགེ་བ་ལ་རོ་མི་མྱང་བར། སྔར་དགྲ་བརྟུལ་བ་དང་། འདོད་པ་སྤྱད་པ་ཡིད་ལ་དྲན་ཞིང་རོང་མྱང་བར་བྱེད། དེས་ཁམས་སོས་གཉིད་སངས་འགྲོ་ན་དམྱལ་བར་འགྲོ་བར་ཤེས་པར་བྱ། གཉེར་སེམས་གོ་ལོག་ནི། བྱང་ཆུབ་སེམས་དཔའི་གཉེར་སེམས་བྱ་བ། ནམ་མཁའི་མཐས་ཁྱབ་ཀྱི་སེམས་ཅན་ཐམས་ཅད་ཀྱིས་མ་མ་བྱས་པ་མེད། དེ་ཡང་དྲིན་ཅན་གྱི་མ་ཡིན་པ་དེ་རྣམས་དམྱལ་བར་སྡུག་བསྔལ་གྱིས་དོགས་དང༌། འཁོར་བར་གནས་པ་རྣམས་སྡུག་བསྔལ་ལས་གྲོལ་བ་དང་། བདེ་བའི་མཆོག་སངས་རྒྱས་ལ་འགོད་པ་ཡིན། རང་གི་ཁ་འོག་ཏུ་འདུ་བ་རྣམས་ཆོས་ལ་སྦྱོར་བའི་གཉེར་སེམས་མི་བྱེད་པར་ནོར་བསོག་པ་དང༌། གཉེན་སྐྱོང་བ་དང་། ཚེ་འདིའི་བྱ་བྱེད་ལ་སྦྱོར་བ་དང་སེམས་ཅན་ཐམས་ཅད་བདེ་བ་ལ་འགོད་པའི་སེམས་བསྐྱེད་པའི་གཉེར་སེམས་ཡིན་པ་ལ། སེམས་ཅན་བདེ་བ་ལ་ཕྲག་དོག་པ་དང༌། རང་དང་མཉམ་པོ་གོང་དུ་ཤོར་གྱིས་དོགས་པ་ལ་བློ་སྦྱོང་ཡོང་མི་སྲིད་གསུངས། སྙིང་རྗེ་གོ་ལོག་ནི། སྡུག་བསྔལ་དང་སྡུག་བསྔལ་གྱི་རྒྱུ་ལ་གནས་པ་ལ་སྙིང་རྗེ་མི་བསྒོམ་པར་ཆོས་བྱེད་པའི་དཀའ་སྤྱོད་ལ་སྙིང་རྗེ་བསྒོམ་པའོ། །བཟོད་པ་གོ་ལོག་ནི། ཆོས་ཀྱི་ཆེད་དུ་དཀའ་སྤྱོད་ཅུང་ཟད་ཀྱང་མི་ནུས་པར་འདོད་པའི་ཆེད་དུ་ཚོང་། སོ་ནམ་དང༌། དགྲ་འདུལ། གཉེན་སྐྱོང་གི་དཀའ་བ་དུ་མ་ནུས་པའོ།། ཡང་ལྷ་བདུད་དུ་མི་དབབ། ཅེས་བྱ་བ་ནི། འཇིག་རྟེན་པའི་ལྷ་མ་མགུ་ན་གནོད་པ་བྱེད་པ་དེ༑ ལྷ་བདུད་དུ་སོང་བ་ཡིན། དེ་བཞིན་དུ་བློ་སྦྱོང་གིས་ང་རྒྱལ་གཞན་ལ་བརྙས་པ་བྱེད་པ་སྟེ། ང་མིན་པས་བདེན་པས་གཞི་མི་ཤེས། བློ་སྦྱོང་མིན་པས་སངས་རྒྱས་མི་ཐོབ་ཅེས་པ་ལ་སོགས་པ་རྐུན་མ་ནགས་ལ་བཏང་ནས་རྗེས་བྲག་ལ་གཅོད་པ་ཡིན་པས་དེ་དག་སྤང་ལ། སྨན་ནད་ཐོག་ཏུ་བཏང་ཞིང་། ཞིང་བདག་འཛིན་ལ་རྨ་ཕེབས་པར་བྱས་ལ་འགྲོ་བ་ཀུན་ལས་བྲན་གྱི་ཐ་མ་བཞིན་༡༩༦ གནས་པར་བྱའོ།། དེ་ཡང་ནམ་དགོས་ཆ་མེད་པས། ཡོངས་སུ་ཐུབ་པར་བྱ། ཅེས་བྱ་བ་ནི། དཔེར་ན་རྟ་ལ་བྱང་ཆེ་བ་ཀུན་གྱི་མ་ཡེངས་ན། མི་བདེ་བའི་སར་ཡང་མི་སྐྱུར་ལ། ཡེངས་ན་ཐང་བདེ་བ་ལས་ཡང་བློ་བུར་དུ་རྟ་འགྲོགས་ན་རྡེབ་པ་ཡིན། དེ་བཞིན་དུ་གཉེན་པོ་བརྟན་ན་རྐྱེན་ངན་ཆེན་པོས་ཀྱང་བློ་སྦྱོང་མི་ཉམས་ཀྱང་གཉེན་པོ་བསྟེན་རྒྱུ་མེད་པའི་དུས་སུ་རྐྱེན་ཅུང་ཟད་ཀྱིས་ཆོས་འཆོར་བས་རྟག་ཏུ་མ་ཡེངས་པར་སྦྱོང་བ་གཅིག་དགོས་ཏེ། བདག་གིས་དེ་རིང་བདག་འཛིན་ཐུལ་པ་ལ་མ་ཡེངས་པར་དྲན་པར་བྱ། ཉོན་མོངས་པར་མ་ཤོར་བར་བྱ་སྙམ་དུ་འཕེན་པ་གཏོང༌། དེ་ནས་ལྷན་ཅིག་རྗེས་སུ་གཅོད་པས་ཉེས་པས་གོས་སམ་མ་གོས་སྙམ་དུ་རྟོགས་ཏེ། དུས་དེ་ལྟར་རྟོགས་ནས་མ་ཤོར་བར་བྱེད། རྟག་ཏུ་ཡེངས་པ་མེད་པ་གཅིག་ཐམས་ཅད་དུ་ཁྲིས་སེབ་བརྩིག་དགོས། འདི་དང་བྲལ་དགོས་ན་མི་ནག་པོ་ཕལ་བ་ལས་མི་ཡོང་། ཡེངས་མེད་དུ་སྒོམ་པའོ།། ཡང་རེས་འཇོག་མི་བྱ། ཅེས་བྱ་བ་ནི། རེས་བློ་སྦྱོང་སྒོམ་རེས་བློ་མ་ཁེལ་བར་གན་འདྲ་ཚོལ། མཚན་ཉིད་པ་ལ་ལ་དག་སྡེ་སྣོད་དུ་མ་ཤེས་ཀྱང་འཆི་བ་དྲན་ན་འདིས་གོ་མི་ཆོད་སྙམ་ནས་སྔགས་པ་ཆུང་མ་ཅན་རེའི་གམ་དུ་འགྲོ་བ་ཡང་ཡོད། དེ་བཞིན་དུ་ཁ་ཅིག་འདྲེས་གནོད་ཀྱི་དོགས་པས་དྲག་སྔགས་ཁོ་ན་ཟློག རེས་འགའ་གཏོང་ལེན་བསྒོམ། རེས་འགའ་ཚེ་འདིའི་ཆེ་ཐབས་སྒྲུབ། རེས་འགའ་ཕྱི་མའི་དོན་བྱེད་པ་དེ། ཞོན་པ་གཉིས་ལ་བཞོན་ན་བར་དུ་ལྷུང་། ཁ་ཅིག་ནི་སྒོམ་པས་སྙིང་པོ་བགྲང་མ་དགོས་ཟེར་བ་དང་། ལྟུང་བ་བཤགས་མི་དགོས། ལྟུང་བས་ལུས་ལ་གནོད་དམ་སེམས་ལ་གནོད་ཟེར་བ་དང༌། དཀོན་མཆོག་ལ་མཆོད་པ་བྱས་ནའམ། མིས་མཐོང་དུ་རེ་བའམ། མཐོང་ན་དགའ་བ་བྱུང་བས་ས་གཏོར་བ་ཡོད་དེ། དེ་ཐམས་ཅད་ནོར་ཟེར་བར་གདའ། དོན་འདིར་ཇི་ལྟར་བྱེད་ན། ལྟ་བའི་ཤན་སྤྱོད་པ་ལ་མ་ཕོག་པར་ལུས་ངག་གིས་སངས་རྒྱས་ཀྱི་བཀའ་ལས་ཇི་ལྟར་འབྱུང་བ། འདུལ་བ་ལས་ཇི་ལྟར་བཅས་པ། ཇོ་བོ། སྟོན་པ། པོ་ཏོ་བ་གསུམ་གྱི་གདམས་ངག་ལས་ཇི་ལྟར་འབྱུང་བ་རྣམས་གྲ་མ་ཆགས། ཟུར་མ་ཉམས་པར་སྒྲུབས་ལ་བསམ་པ་འདི་འབའ་ཞིག་སྦྱོང་བའོ། །ཡང་སྤྱོད་པའི་ཤན་ལྟ་བ་ལ་ཕོག་ནས་རྣམ་རྟོག་གི་མདུད་པས་བཅིངས་པ་ཡོད། ཡང་ཁ་ཅིག་སྔགས་ལ་བརྟེན་ནས་འདུལ་བ་ཕྱི། འདུལ་བ་ལ་བརྟེན་ནས་སྔགས་ཕྱི། ཆོས་ཐམས་ཅད་གྲུ་བཞིར་ཁྱེར་ཤེས་པ་ངའི་བླ་མ་རྒྱ་གར་ར་བ་བ་ལས་མ་བྱུང་བ་ཡིན་ཞེས་གསང་ཕུ་བ་གསུང་སྐད། འདི་ལ་གོ་བས་མཐའ་ཆོད་པ་དང་། བྱེད་ངོ་ཤེས་པ་ཅིག་མ་བྱུང་ན་ཁ་ཅིག་གི་ཇི་སྐད་བྱས་པས་ཇི་ཙུག་ཡིན་ནམ་སྙམ་པ་ཡོང་བས་དེ་ཙུག་མ་གོ་བར་སྒྲོ་འདོགས་རྦད་ཀྱི་ཆོད་པར་བྱས་ལ། ཉམས་སུ་ཟུང་འཇུག་ཏུ་བླང་བར་བྱའོ། །ཟས་གོས་ལ་སོགས་པའི་རྣལ་འབྱོར་ཐམས་ཅད་འདིས་བྱ། འཆི་བའི་ཚེ་ཡང་གཞན་གྱི་སྐྱེ་ཤིའི་སྡུག་བསྔལ་ཐམས་ཅད་ལ་སྨིན་པར་གྱུར་ཅིག་པར་བློ་སྦྱོང་། འཛོམ་མ་འཛོམ་ལ་སོགས་པའི་ཡིད་ལ་བྱེད་པ་ཐམས་ཅད་སྤངས་ལ། འདི་ཁོ་ན་ཉམས་སུ་བླང་ངོ༌།། ཡང་གཏོ་ལོག་མི་བྱ། ཅེས་པ་ནི། ནད་པ་ཀུན་ཤི་ཡིས་དོགས་ནས་གླུད་གཏོར། གཏོ་བྱེད་པ་དེ་མི་འཆིར་རེ་ནས་བྱེད་པ་ཡིན། དེ་བཞིན་དུ་ཆོས་སྤྱིའི་དབང་དུ་བྱས་ན། གཞན་གྱི་སྡུག་བསྔལ་བླངས་པས་རང་ལ་བདེ་བ་ཡོང་དུ་རེ་བ་དང་། རང་གི་བདེ་བ་སེམས་ཅན་ལ་བཏང་བས་ཆུང་དུ་བཏང་བས་མང་པོ་རེ་བ་སྟེ། དེ་ལྟར་ན་ཤ་པོ་བ་ནི་རང་ཆོས་པར་སྟོན་པས་ཆོས་བྱེད་པ་བཟང་པོ་ཀུན་ཇ་སུན་གྱི་སེན་བག་རེ་བཏང་ནས་ངེད་ཅག་གྲོགས་པོ་ཡིན་ཟེར་བ་དང་། གནས་གཞི་ཁ་དྲག་པོ་ལ་འཇུ་བ་དང༌། ལྐོག་ཏུ་ཡོན་བདག་རེ་ལ་བུན་སྐྱེད་འཚོལ་བ་དང༌། ཨ་ཏི་ཐུམ་ཐུམ་བག་རེ་བཟློ་བར་བཞི་པོ་དེའི་གསེབ་ནས་ཆོས་པའི་ཡང་རྩེ་རེ་བ་སྟེ། བ་སྟོར་རེ་དང་ཆུས་ཁྱེར་རོ་ལྟ་བུ་ལ་གཅིག་ཡོད་ཅེས་འདིར་སངས་རྒྱས་ཀྱི་མཚན་ཉིད་དང༌། དེ་ཇི་ཙམ་དུ་གལ་ཆེ་བ་དང༌། དེའི་རྒྱུའི་གཙོ་བོ་གང་ཡིན་པ་དཔྱད་ནས་གནད་ཀྱིས་ཕུལ་ཏེ་བསྒོམ་པ་ཅིག་དགོས། དེ་ལྟ་མ་ཡིན་ན་གནུབས་ད་ལང་སྐྲ་འཛོམ་པས་ངན་པ་ཡང་དག་པ་འདི་རིག་པའི་གནས་ཀྱི་འཚོལ་ལུགས་སམ། ངས་ཅང་མ་བྱས་པར་འདི་ཙམ་པ་བྱུང་བ་ཡིན་བྱས་པས་ཨང་འོ་ན་འོ་སྐོལ་དཔོན་གཡོག་རྒྱག་པ་ཅིག་པར་བྱུང་གསུངས་པ་ལྟར་ཐོས་བསམ་སྒོམ་གསུམ་བྱས་པ་དང༌། བུམ་ཆོག་དང་བླ་ཁེ་བྱས་པ་ཐམས་ཅད་རྒྱག་པོ་ཅིག་པར་སོང་ན་རླུང་གི་ཁྱེར་བ་ཡིན་པས་ཅི་བྱེད་ཚེ་འདི་དང་། རང་གི་བདག་འཛིན་ལ་མ་འཁྲིས་པ་ཅིག་བྱེད་པའོ།། དེ་ལ་འདི་དགོས་པས། གཉིས་པོ་སྲོག་དང་བསྡོ། ཞེས་པ་ནི། སྤྱིའི་དམ་ཚིག་དང་། སྒོས་འདིའི་དམ་ཚིག་གོ །དང་པོ་ནི། སྐྱབས་འགྲོ་ལ་སོགས་པ་ཁས་བླངས་པ་དང༌། བླ་མའི་དམ་ཚིག་རྣམས་དང་འགལ་བ་སྲོག་དང་བསྡོས་ནས་མ་བྱེད་པའོ། །གཉིས་པ་འབན་ཆོས་པ་བཞིན་དུ་ལྟུང་བ་གླེང་རེས་ཀྱི་མདུང་ཁ་བྱེད་པ་དང༌། ལུས་ངག་ཏུ་བདག་གཞན་བརྗེ་ལོ་བྱེད་པ་ནི། འདི་ནས་བཤད་པའི། ཡན་ལག་ཉམས་པ་བརྗོད་མི་བྱ། །ཅེས་པ་ལ་སོགས་པ་དང་། འདུན་པ་བསྒྱུར་ལ་རང་སོར་བཞག །ཅེས་པ་ལ་སོགས་པ་དང་། འགལ་བས་འདིའི་དམ་ཚིག་དང་འགལ་བ་སྟེ། ལྟུང་བ་གླེང་བ་ནི། སྐྱོན་ཁོ་ན་ལ་རྟོགས་པས་བློ་སྦྱོང་ཡོང་མི་སྲིད། ལུས་ངག་ཏུ་སྐྱབས་འགྲོ་ལ་སོགས་པ་ཁས་བླངས་པ་རྣམས་གྲ་མ་ཆག ཟུར་མ་ཉམས་པར་ཉམས་སུ་བླང་དགོས་པ་ཡིན་གསུངས། དེ་ལ་འདི་དགོས་པས། རྟོག་དཔྱོད་གཉིས་ཀྱིས་ཐར་བྱ།༡༩༧ ཅེས་པ་ནི། རང་རྒྱུད་ལ་ཉོན་མོངས་པ་གང་ཆེ་བརྟགས་ནས་དེའི་གཉེན་པོ་སྒོས་སུ་༡༩༨ བསྟེན་ནས་སྤང་པ་དྲག་པོ་བྱ། ཡང་ཁོང་གི་ལན་ཟེར་བའི་འདས་པའི་ཉེས་པ་དང་། མ་འོངས་པ་ནི་འདི་འདྲ་བྱུང་ན་གཉེན་པོ་འདི་བཞིན་བསྟེན།༡༩༩ སྙམ་དུ་གོ་ཆ་གྱོན་ཞིང་སྤྱོད་པ་སྟེ། འདས་པའི་དབང་དུ་བྱས་ནས་ན་ཚ་དང་དགྲ་འདྲེའི་གནོད་པ་དང་། བྲང་ཟླ་མ་རྙེད་པ་དང་། ཁ་གྲང་ཟེར་བ་དང་། རྐུན་མ་དང༌། བརྡུང་རྡེག་ལ་སོགས་པ་གནོད་པ་ཅི་བྱུང་བ་ཐམས་ཅད་ཚེ་ཐོགས་མ་མེད་པ་ནས་ཀྱི་བུ་ལོན་དང་ལན་ཆགས་དང་ཤ་འཁོན་ཅི་ཡོད་པ་ཐམས་ཅད་དེས་བྱང་བར་གྱུར་ཅིག་པར་བློ་སྦྱོང་། མ་འོངས་པ་ལ་དོ་ནུབ་སྲིད་དམ། ཐོ་རངས་ནས་བཟུང་ནས་ཁྱལ་ཁྱོད་དེར་གཏོང་ན། ང་འདིར་ཆ་ཟེར་བ་ལྟར་ང་ལ་སྐུར་བ་འདེབས་པ་དང་། རྐུན་མ་འཛུགས་པ་དང་། འདི་ནས་བཏོན་ནས་གཏོང་བ་དང་། ནད་དྲག་པོ་ལ་སོགས་པ་འདི་ལྟ་བུ་བྱུང་ན་བདག་གཞན་བརྗེ་བའི་བྱང་ཆུབ་ཀྱི་སེམས་འདི་བཞིན་དུ་བསྒོམ་སྙམ་དུ་གོ་ཆ་གྱོན་པ་སྟེ། པོ་ཏོ་བ་རང་ཅག་ལ་བཙོང་མོ་ཅིག་གི་བུ་ཆུང་སྐྱེལ་དུ་བྱུང་ནས་ཞེས་པ་ལ་སྤྱན་སྔ་པ་ནི་མི་དགའ་བར་འདུག་ཅེས་དང་། ཕུ་ཆུང་བ་ང་ནི་འཆི་བ་བས་གསོ་བར་འདུག་ཅེས་པ་ལྟར། འདས་མ་འོངས་གཉིས་ལ་སྦྱར་ནས་བསྒོམ་རྟོགས་དཔྱོད་གཉིས་ཀྱི་ཐར་གྱིས་བདག་འཛིན་གྱི་འཁྲིས་གནོན་པར་བྱའོ། །པའོ། །དེ་ཡང་དུས་གཅིག་ཏུ་ཡོང་བ་ཅིག་དགོས་པས། དོལ་ཆོད་དུ་སྦྱང་། ཞེས་བྱ་བ་ནི། གཏར་ཀའི་རྩ་རྦད་ཆོད་བྱེད་པ་དོལ་ཆོད་ཟེར་བ་ལྟར་ཉོན་མོངས་པ་སྐྱེ་མ་ཐག་ཏུ་ཚམ་ཚོམ་དང་། ནེམ་ནུར་མེད་པར་གཉེན་པོས་འབུར་འཇོམས་བྱེད་པའོ།། དེ་ལ་ཡང་རང་དོན་དང་མ་འདྲེས་པ་གཅིག་དགོས་པས། དུག་ཅན་གྱི་ཟས་སྤང་། ཞེས་བྱ་བ་ནི། ཟས་བཟང་པོས་ལུས་བརྟས་པར་བྱེད་ཀྱང་དུག་དང་འདྲེས་ན་འཆི་བ་ལྟར། བྱང་ཆུབ་ཀྱི་སེམས་ལས་སངས་རྒྱས་འབྱུང་ཡང་། དངོས་འཛིན་དང་འདྲེས་ན་འཁོར་བའི་སྡུག་བསྔལ་སྐྱེད་པས་དུག་ཅན་གྱི་ཟས་དང་འདྲའོ། །ཡང་ཕྱི་མ་ལྷ་མིའི་བདེ་བ་དང༌། ཉན་རང་གི་ཐར་པའི་བདེ་བ་ཐམས་ཅད་བློ་སྦྱོང་གི་དུག་ཡིན་པས་སྤང་བར་བྱའོ།། ཡང་བདེ་བ་འདོད་པས་གཞན་ལ་ངན་སེམས་བྱར་མི་རུང་བ་ཉིད། སྐྱིད་ཀྱི་ཡན་ལག་ཏུ་སྡུག་མ་འཚོལ། །ཞེས་བྱ་བ་ནི། དགྲ་ཤི་ན་རང་ལ་གནོད་པ་བྱེད་པ་མེད་པ་དང༌། ཉེ་འབྲེལ་ཤི་ན་དེའི་ནོར་བདག་ལ་ཡོང་དུ་རེ་བ་དང་། སྒོམ་ཆེན་གྲོགས་པོ་ཤི་ན་ཡུལ་དེར་རང་ལ་བསོད་ནམས་ཡོང་དུ་རེ་ཐམས་བ་ལ་སོགས་པ་དང༌། ཁྱིམ་པ་དང་ཐུན་མོང་མའི་སོ་ནམ་རྣམ་བཞི་ལས་སྐྱིད་པ་རེ་བ་དང་། དེ་ཐམ ཅད་སྐྱིད་པ་འདོད་པས་སྡུག་བསྔལ་འཚོལ་བ་ཡིན། གླང་རི་ཐང་བའི་བླ་སྨན་ཇོ་བཙུན་རིན་བྱང་དཔོན་གཡོག་ལ་ཡོན་བདག་ཀུན་གྱི་ཞོ་བསྐུལ་ནས་སྐྱིད་པ་ལ་སྡུག་བཙལ་ཏེ། དེ་བས་ཀྱང་འཛོམ་པ་གཅིག་པ་བཞེད་ནས་མཛོ་མོ་གཅིག་སྲོལ་བས་ཞོ་ལ་སོགས་པ་སྐྱེལ་པའི་འཕྲོ་ཆད། དབྱར་མཛོ་ཞིང་གསེབ་ཏུ་སོང་ཞིང་ཉེ་གནས་པ་སྦྱོང་ལོ། །དེ་ལྟ་བུ་ལ་སོགས་པ་སྐྱིད་ཀྱི་ཡན་ལག་ཏུ་སྡུག་བསྔལ་འཚོལ་བ་མང་པོ་ཡོད་པ་རྣམས་སྤང་ལ། སེམས་ཅན་ཐམས་ཅད་བདེ་ན་དགའ། །སྐྱིད་ན་དགའ་བ་ལ་བསམ་པ་བཟང་ཟེར་བ་ཡིན་པས་དེ་ལྟར་བྱ་གསུངས། དེ་རྣམས་ཀྱི་ཐབས་ཀུན་རྫོབ་བྱང་ཆུབ་ཀྱི་སེམས་བསྒོམ་པ་བསྟན་ནས། ད་ནི་ཤེས་རབ་ཀྱི་ཆ་དོན་དམ་བྱང་ཆུབ་ཀྱི་སེམས་བསྒོམ་པ་བསྡུས་ཏེ་བསྟན་པ་ནི། བརྟན་པ་ཐོབ་ནས་གསང་བ་བསྟན། །ཞེས་པ་ནི། དོན་དམ་པའི་བྱང་ཆུབ་ཀྱི་སེམས་ཉམས་སུ་བླང་བར་བསྟན་པ་འདི་ལ་སྦྱོར་བ་དང་། དངོས་གཞི་དང༌། རྗེས་གསུམ་དུ་གནས་པ་ལས། དང་པོ་ནི། དཀོན་མཆོག་གི་མཆོད་ཁང་དུ་ལྷ་དང་བླ་མ་ལ་མཆོད་པ་ཕུལ་ལ་གསོལ་བ་བཏབ་ལ། བསམ་གཏན་གྱི་ཁང་པར་སྟན་བདེ་བ་ལ་སྐྱིལ་ཀྲུང་གིས་འདུག་ཏེ། དབུགས་ཉི་ཤུ་རྩ་གཅིག་བགྲང་ངོ༌། །དེ་ནས་ལུས་ངག་ཡིད་གསུམ་བསམ་གཏན་གྱི་སྣོད་དུ་རུང་བར་བྱས་པའོ། །དེ་ནས་ཀུན་རྫོབ་བྱང་ཆུབ་ཀྱི་སེམས་སྔོན་དུ་བཏང་ལ། དངོས་གཞི་ནི། འདི་ཀུན་གཅིག་ཅར་འཇུག་པའི་ལུགས་ཡིན་པས། དངོས་གཞི་བདག་ཐམས་ཅད་ཀྱི་སྟོང་པར་གཅིག་ཅར་བསྒོམ་ཡང་སྦྱོར་བའི་དུས་སུ་སོ་སོར་རྟོགས་པའི་ཤེས་རབ་ཀྱི་རིམ་པར་རྩིས་ལ་གདབ་སྟེ། འདི་ནི་ཞི་གནས་ཀྱི་རླན་གྱིས་རྟོགས་པའི་མྱུ་གུ་སྐྱེ་བའི་དགོས་པ་ཡོད་གསུངས། དེ་ལ་ཐོག་མར་བཟུང་བ་རང་བཞིན་མེད་པར་བསྒོམ་པ་ནི། ཆོས་རྣམས་རྨི་ལམ་ལྟ་བུར་བསམ། །ཞེས་པས་བསྟན་ཏེ། འདི་ལྟར་སྣང་བ་རང་བཞིན་གྱི་ཕྱི་ནང་སྣོད་བཅུད་འདི་ཐམས་ཅད་རང་གི་སེམས་འཁྲུལ་བའི་སྣང་བ་ཙམ་ལས་མ་གཏོགས་པ་སེམས་ལས་ཐ་དད་པའི་དོན་རྡུལ་ཙམ་ཡང་ཡེ་ནས་གྲུབ་པ་མེད། རིག་པས་སྤྱད་ན་རིགས་དོན་བདེན་པ་མེད་པར་སེམས་པ་དང༌། དེ་ནས་འཛིན་པ་རང་བཞིན་མེད་པར་བསྒོམ་པ་ནི། མ་སྐྱེས་རིག་པའི་གཤིས་ལ་སྤྱད། །ཅེས་གསུངས་པས་སེམས་འདི་ཡང་འདས་པ་འགག མ་འོངས་པ་མ་སྐྱེས། ད་ལྟ་བ་ཡང་ཆ་གསུམ་དང་ལྡན་ཞིང་གནས་འདི་ན་གནས་བྱ་བ་དང་། ཁ་དོག་དང་དབྱིབས་དང་བོང་ཚོད་ལ་སོགས་པ་གཤིས་སྤྱིར་མ་གྲུབ་ཅིང་མ་སྐྱེས་པར་བསམ་པ་དང་། དེ་ནས་ཆོས་ཐམས་ཅད་རང་བཞིན་མེད་པར་བསྒོམ་པ་ནི། གཉེན་པོ་ཉིད་ཀྱང་རང་སར་གྲོལ། །ཞེས་པས་ཡུལ་སེམས་ཐམས་ཅད་སྟོང་པ་ཉིད་དུ་དཔྱད་པའི་གཉེན་པོ་བྱེད་པའི་སེམས་འདི་ཉིད་ཀྱང་མ་གྲུབ་པས་ཡུལ་སེམས་གཉིས་སུ་མ་འདུས་པའི་ཤེས་བྱ་མེད་ལ། དེ་གཉིས་རང་བཞིན་མེད་པར་དཔྱད་ཟིན་པའི་ཕྱིར་རོ། །དེ་ལྟར་སྤྱིར་ཡང་མ་གྲུབ་པ་ལ་ཅིར་ཡང་མི་འཛིན་པའི་ངང་ལ་གློད་ལ། རིག་པ་གསལ་ལ་མི་རྟོགས་པ་འདི་བྱིང་རྒོད་ཀྱི་དབང་དུ་མི་བཏང་བར་སོ་མར་བཞག་གོ་ཅེས་སྟོན་པས། ལམ་གྱི་ངོ་བོ་ཀུན་གཞི་ངང་ལ་བཞག །བདུན་པོ་སེམས་བྱུང་རྟོག་པ་༢༠༠ སྣ་ཚོགས་བདུན་པོ་སེམས་བྱུང་རྟོག་པ་ཡིན་པས་རྟོགས་པའི་ཤེས་པ་ཡུལ་ཅན་རང་དག་པར་མི་བཏང་བར་རྟོགས་པ་གང་སྐྱེས་ལ། རིག་པས་བལྟས་ལ་ཆོས་ཉིད་ཀྱི་ངང་དུ་གློད་ལ་ཡིན་པས་སྤང༌། །ཞེས་གསུངས་པ་ཡིན་ནོ། །ཕྱི་རྟོགས་པ་སྐྱེས་ཚད་ཀྱང་རིག་པས་རིག་པ་ལ་ལྟས་ལ་ཆོས་ཉིད་ཀྱི་ངང་དུ་གློད་ཅིང་གྲོལ་བར་༢༠༡ ཆོས་ཐམས་ཅད་ཀྱི་རྩ་བའི་གཞི་སྨྲ་བསམ་བརྗོད་དུ་མེད་ཅིང་སྤྲོས་པ་དང་བྲལ་བས་གཞི་མ་ཇི་ལྟར་གནས་པ་བཞིན་དུ་སྤངས། དེ་ལྟར་བཞག་ཅིང་ཉམས་སུ་བླང་པར་བྱའོ། །དེ་ཡང་ཐུན་ཆུང་ལ་གྲངས་མང་བ་སྟེ། ཐུན་ཞབས་བསྡུ་བ་དང་བཅས་ཤིང་བཟང་གྱེས་བྱེད་པ་ཆོག་ཡིན་ནོ། །ཞེས་པ་ལྟར་རོ།། རྗེས་ལ་བྱ་བ། ཐུན་མཚམས་སྒྱུ་མའི་སྐྱེས་བུར་བསམ། །ཞེས་གསུངས་པ་ཡིན་ནོ། །ཕུང་པོ་ལྔ་དབང་པོ་དྲུག་སྤྱོད་ལམ་རྣམ་བཞི་ཐམས་ཅད་རྟེན་འབྲེལ་ཚོགས་པའི་སྣང་བ་སྒྱུ་མ་ལྟ་བུར་ཤེས་པར་བྱས་ནས་བདེན་འཛིན་དང་ཆགས་སྡང་ལ་སོགས་པའི་རྗེས་སུ་མི་འབྲང་བར་མ་རྟོགས་པའི་འགྲོ་བ་ལ་སྙིང་རྗེ་སྐྱེ་ཞིང་མཉམ་བཞག་གི་ཉམས་མ་དོར་བས་ཟུང་འཇུག་ཆེན་པོའི་ངང་ལ་གནས་པར་བྱའོ། །དེ་ལྟར་བསྒྲུབ་པ་ཐམས་ཅད་ཀྱང་། །དངོས་འཛིན་ཞེན་པས་མ་སླད་པར། །མཁའ་བཞིན་ཡེ་སྟོང་ཆེན་པོར་དགྱེར། །འཆི་མེད་བདེ་ཆེན་ངང་དུ་འགྲོ༢༠༢ །ཞེས་གསུངས་པ་ཡིན་ནོ།། དུས་གསུམ་རྒྱལ་བ་སྲས་བཅས་ཀུན་གྱི་ལམ། །ཐེག་ཆེན་སྡེ་སྣོད་མ་ལུས་ཀུན་གྱི་བཅུད། །བླ་མ་རྣམས་ཀྱི་ཐུགས་དམ་ཀུན་གྱི་གཙོ། །བློ་སྦྱོང་གདམས་པ་ཟབ་མོ་འདི་ཡིན་ནོ། །རྣམ་དབྱེ་མ་ལུས་གཅིག་ཏུ་བསྡུ་ཕྱིར་དང༌། །རྣམ་དབྱེའི་བྱེ་བྲག་ཁྱད་པར་རྟོགས་ཕྱིར་དང་། །རྣམ་གཉིས་ལ་བརྟེན་གོ་བ་སླ་ཕྱིར་དང༌། །རང་སེམས་དགའ་བ་བསྐྱེད་ཕྱིར་འདི་བྱས་སོ། །རིན་ཆེན་བླ་མས་བླ་མའི་གསུང་ལ་བརྟེན། །རང་གིས་བློས་ཀྱང་ཅུང་ཟད་དོན་ལ་སྦྱོང་། །འབྲེལ་དང་གོ་རིམ་གནད་ཀྱི་གདམས་པ་དང་།། བཅས་པའི་ཚུལ་གྱིས་བློ་སྦྱོང་འདི་བཤད་དོ། །དེ་ལྟར་གྱུར་ལ་འགལ་འཁྲུལ་ཅི་མཆིས་པ། །བླ་མ་བརྒྱུད་པར་བཅས་ལ་བཟོད་པར་གསོལ། །ལ་ལས་མཐོང་སྟེ་མ་དད་སྐྱེས་གྱུར་ན། །རྒྱུ་མཚན་བསྟན་ཕྱིར་དེ་ཡང་བཟོད་པར་གསོལ། །བདག་གིས་འདི་སྦྱར་དགེ་བའི་མེ་ཏོག་ལ། །འགྲོ་དྲུག་བུང་བའི་ཚོགས་ཀྱིས་ཉེར་བསྟན་ཏེ། །གཞན་དོན་རོ་གཅིག་སྦྲང་རྩི་ལེགས་སྤྱད་ནས། །ཆོས་འདི་ནམ་མཁའི་དོན་དུ་བྱེད་པར་ཤོག། འདི་སངས་རྒྱས་བསྒོམ་པའི་ཚོགས་བཤད་ཆེན་མོ་ཡིན་ཞིང༌། སེམས་དཔའ་ཆེན་པོས་མཛད་པའི་བློ་སྦྱོང་གི་ཁྲིད་ཡིག་གི་བཏུས་གཞི་ཡང་འདི་ཡིན་ནོ། །ལུང་མ་ཐོབ། ཛ་ག་ཏཾ། །<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_tshigs_rkang_brgyad_ma_lo_rgyus_dang_bcas_pa/Full_text/Feedback_1&diff=140646 Texts/Blo sbyong tshigs rkang brgyad ma lo rgyus dang bcas pa/Full text/Feedback 1 2026-08-14T05:18:28Z <p>Khenpo Tamphel: Created page with &quot;{{Feedback |PageReviewed=Texts/Blo sbyong tshigs rkang brgyad ma lo rgyus dang bcas pa/Full text |DateReviewed=2026-08-14 |FeedbackUser=Khenpo Tamphel |FeedbackContent=This text is repeated twice! }}&quot;</p> <hr /> <div>{{Feedback<br /> |PageReviewed=Texts/Blo sbyong tshigs rkang brgyad ma lo rgyus dang bcas pa/Full text<br /> |DateReviewed=2026-08-14<br /> |FeedbackUser=Khenpo Tamphel<br /> |FeedbackContent=This text is repeated twice!<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_tshig_brgyad_ma_lo_rgyus_dang_bcas_pa/Full_text&diff=140645 Texts/Blo sbyong tshig brgyad ma lo rgyus dang bcas pa/Full text 2026-08-14T05:17:08Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |PdfLink=༄༅། །བློ་སྦྱོང་ཚིགས་རྐང་བརྒྱད་མ་ལོ་རྒྱུས་དང་བཅས་པ་བཞུགས་སོ།།.pdf<br /> |FullTextTibetan=༄༅། ། བློ་སྦྱོང་ཚིགས་རྐང་བརྒྱད་མ་ལོ་རྒྱུས་དང་བཅས་པ་བཞུགས་སོ།།<br /> དགེ་བཤེས་གླང་རི་ཐང་པ་དང་དགེ་བཤེས་འཆད་ཀ་བ། ༄༅། །བླ་མ་དམ་པ་རྣམས་ལ་ཕྱག་འཚལ་ལོ། །དགེ་བཤེས་འཆད་ཀ་བའི་ཞལ་ནས། བདག་བཀའ་གདམས་པ་རྣམས་ལ་དད་པ་འདི་དང་པོ་སློབ་དཔོན་ལྕགས་ཞིང་བ་ལས་ཚིག་རྐང་བརྒྱད་པ་འདི་ཐོས་ནས། དེ་ནས་རླུང་ཤོད་དགེ་གོང་བར་དུ་འདིའི་བཙང་དར་བཅད་ནས་ཚིག་རྣམས་ལ་སྔོ་བགྲང་བག་རེ་བྱས་པ་ལས་རྒྱུད་ལ་སྐྱེས་ནི་མི་བདོག སྐྱེས་ན་འདི་མིན་གཅིག་འོང་བ་ལ་གསུངས། དང་པོ་ནི། འགྲོ་འོང་བྱེད་ཙ་ན་དགྲ་བྱུང་གིས་དོགས་པ་ལ་འདི་དྲན་པས་ཕན་པར་བྱུང་། བློ་རྒོད་དུ་ཐལ་བས་མི་ལ་གནས་ཁང་གཉའ་བ་ཤ་སྟགས་དགོས་པར་སོང་བས། དེ་ཙ་ན་གནས་གཤའ་མ་མ་རྙེད་པ་དང་། གཞན་གྱིས་བརྙས་པ་བྱེད་པ་བྱུང་བ་ལ་སོགས་པ་མ་བཏུབ་པ་ཐམས་ཅད་ལ་འདིས་ཕན་པར་བྱུང་གསུངས། དེ་ཉིད་གང་ཡིན་ཚིག་རྐང་བརྒྱད་པོ་འདི་དག་ཡིན། བདག་ནི་སེམས་ཅན་ཐམས་ཅད་ལ། །ཡིད་བཞིན་ནོར་བས་ལྷག་པ་ཡིན།། དོན་མཆོག་སྒྲུབ་པའི་བསམ་པ་ཡིས། །མཆོག་ཏུ་གཅེས་པ་འཛིན་པར་བསླབ།། དེ་ལ་སྤྱིར་སེམས་ཅན་ཐམས་ཅད་ལ་ཡིད་བཞིན་གྱི་ནོར་བུ་རིན་པོ་ཆེར་བསླབ་པ་ནི་སེམས་ཅན་དང༌། རིན་པོ་ཆེ་གཉིས་འདྲ་ཆོས་གཉིས་ཡོད། རིན་པོ་ཆེ་འདམ་གྱི་གསེབ་ཏུ་བཅུག་ན་ཁོ་རང་གི་འདམ་ཡང་འབྱིན་མི་ནུས་ལ། ཚེས་བཅོ་ལྔ་ལ་དྲི་བཟང་པོས་ཁྲུས་བྱས། རྒྱལ་མཚན་གྱི་རྩེ་མོ་ལ་བཏགས་ནས་མཆོད་པ་ཕུལ་ན་འཛམ་བུ་གླིང་པའི་དགོས་འདོད་ཐམས་ཅད་འབྱུང་བ་ལྟར། སེམས་ཅན་འཁོར་བ་ན་ཉེས་པ་སྣ་ཚོགས་དང་ལྡན་པ་ཡང་རང་གིས་རང་འཁོར་བ་ནས་འདོན་མི་ནུས་ཤིང༌། སྡུག་བསྔལ་དང་ཀུན་འབྱུང་སེལ་མི་ནུས་ཀྱང་། དེ་ལ་ཕན་བཏགས་ན་གནས་སྐབས་དང་མཐར་ཐུག་གི་དགེ་བ་ཐམས་ཅད་འབྱུང་སྟེ་གནས་སྐབས་ཀྱི་བདེ་བ་ཡང་སེམས་ཅན་མེད་ན་གང་ནས་ཚོལ་ཏེ་རང་འགགས་ལ་མཐར་ཐུག་གི་བདེ་བ་ཡང་སེམས་ཅན་ལ་བརྟེན་ནས་འབྱུང་སྟེ། དེ་ཉིད་སེམས་ཅན་ལ་བརྟེན་ནས་སངས་རྒྱས་ཀྱི་གོ་འཕང་བླ་ན་མེད་པ་ཐོབ་པར་འགྱུར་རོ། །ཅེས་སོ།། གཉིས་པ་ཁྱད་པར་དུ། གང་དུ་སུ་དང་འགྲོགས་པའི་ཚེ། །བདག་ཉིད་ཀུན་ལས་དམན་ལྟ་ཞིང༌།། གཞན་ལ་བསམ་པ་ཐག་པ་ཡི། །མཆོག་ཏུ་འཛིན་པ་གུས་པས་བསླབ།། ཅེས་པ་ལྟར་གནས་གང་དུ་བསྡོད་ཀྱང་རུང༌། གྲོགས་སུ་དང་འགྲོགས་ཀྱང་རུང༌། ཕྱོགས་ཐམས་ཅད་དུ་རང་ལ་དམན་པར་བལྟ་ལ་སྙིང་ཐག་པ་ནས་གཞན་ལ་གུས་པར་བྱ་བ་བསླབ་པ་ནི། གྲོགས་རང་ལས་མཐོ་བ་བླ་མ་དང༌། རང་དང་མཉམ་པ་ཚངས་པར་སྤྱོད་པ་དང༌། དམའ་བ་མོ ལ་སྤྲང་ལ་སོགས་པའོ། །ཕྱོགས་ཐམས་ཅད་ནི་རིགས་དང་བསམ་པའི་མཐུ་དང་སྐྱོན་གྱི་ངོས་ནས་རང་ལ་དམན་པར་བཏགས་ནས། བདག་རིགས་ལ་ང་རྒྱལ་བྱར་མི་རུང་། དེ་ཐམས་ཅད་རིགས་ངན་ཤན་པའི་རིགས་ཡིན་ལ། ལུས་ལ་ང་རྒྱལ་བྱེད། གསེར་མདོག་སྡུག་ཅིང་འགྲོ་བས་བལྟ་བའི་འོས་སུ་ཡང་མི་འདུག བསམ་པའི་མཐུ་ལས་རང་རེ་ཐམས་ཅད་མི་སྡུག་ཅིང་ཤེས་པ་ལ་ང་རྒྱལ་བྱེད་ན་རིགས་པའི་གནས་ལྔ་ལས་ཕྱོགས་གཅིག་ཀྱང་མི་ཤེས་ལ་བག་རེ་ཉན་པ་ཀུན་ལ་ཡང་ཚིག་དོན་ལྷག་ཆད་བྱུང་ཡང་ངོ་མ་ཤེས་པར་འདུག སྤྱོད་པའང་འཕྲལ་གྱི་བྱ་བ་ལ་བདག་དགེ་སྦྱོང་དུ་ཁས་འཆེ་ཡང་། བྱ་བ་ངན་པ་མ་བྱས་པ་ཙམ་ཡང་མི་འདུག་ལ་ད་ལྟ་ཡང་བསམ་པ་དུག་གསུམ་དུ་སྐྱེ་ཞིང་ལུས་ངག་གི་བྱ་བ་ཕལ་ཆེ་བ་མ་དག་པར་གྲུབ་པས་ཕྱི་མ་མྱ་ངན་ལས་མངོན་མཐོ་རང་ཡང་ཐོབ་པར་དཀའ་སྟེ། སྤྱོད་འཇུག་ལས། བདག་གི་སྤྱོད་པ་འདི་འདྲས་ནི། །མི་ཡི་ལུས་ཀྱང་ཐོབ་མི་འགྱུར། །མི་ལུས་ཐོབ་པར་མ་གྱུར་ན། སྡིག་པ་འབའ་ཞིག་དགེ་བ་མེད།ཏཾ །ཅེས་པ་རང་གི་སྐྱོན་མཐའ་དག་བསམ་ལ། བདག་གི་འོག་ནས་འགྲོ་བ་ཆུ་འདི་ལས་མེད་སྙམ་དུ་ང་རྒྱལ་བཅག་ལ་གཞན་ལ་གུས་པར་བྱ་བ་ལ་བསླབ་ཅེས་པ་ནི་གཞན་གྱི་ཡོན་ཏན་དངོས་སུ་མཐོང་བ་དང་རིགས་པ་དང་གཟུགས་དང་ལོངས་སྤྱོད་དང་ཆོས་ཀྱི་ཡོན་ཏན་ཕ་རོལ་ཏུ་ཕྱིན་པ་དྲུག་ལ་སོགས་པ་གང་མཐོང་བ་ལ་སྐྱོན་གྱི་རང་བཞིན་ལ་འདི་ལྟ་བུའི་ཡོན་ཏན་དང་ལྡན་པ་ངོ་མཚར་ཆེ་སྙམ་དུ་བསམ་མོ།། ཡང་ཡོན་ཏན་དངོས་སུ་མི་འདུག་པ་ལ། འདི་ཀུན་ལ་ནང་ན་ཡོན་ཏན་ཅི་ཡོད་མི་ཤེས་སྙམ་དུ་བསམ་ཏེ། ཨ་ཙ་ར་གཟུགས་ངན་གྱི་གཏམ་རྒྱུད་གསུངས་སོ།&quot; །སྙིང་ཐག་པ་རུས་པའི་གཏིང་ནས་ཞེས་པ་ནི་བསམ་པ་དེ་ཡང་ཁ་ཙམ། ཚིག་ཙམ་མ་ཡིན་པར་ཐམས་ཅད་ལ་གྱོང་ཁེངས་མེད་པར་གཉེན་ལྕག་གཏང་དགོས་བསམ་པ་དེ་ཡོད་ན་འཕགས་པ་སྤྱན་རས་གཟིགས་དབང་ཕྱུག་གིས་ཀྱང་རིགས་ཀྱི་བུ་ལེགས་སོ་ཞེས་གསུངས་པ་ཡིན་ནོ། །དེའི་འཐད་པ་ནི་རྒྱ་མཚོ་དེ་གཞོལ་བས་ཆུ་ཐམས་ཅད་དེར་འབབ་པ་བཞིན་ང་རྒྱལ་མེད་པའི་རྒྱུད་ལ་འཇིག་རྟེན་ལས་འདས་པའི་ཡོན་ཏན་སྐྱེ་བ་ཡིན་པས། སྡུད་པར། འགྲོ་བ་ཀུན་ལ་བྲན་གྱུར་བཞིན་དུ་གནས་པར་བྱ། །གསུངས་ཏེ། སྡེ་སྣོད་གསུམ་གྱི་དོན་ཡང་ང་རྒྱལ་དེ་བཅོག་པའི་ཐབས་ཡིན། ང་རྒྱལ་དེ་ཡོད་ན་ཚེ་འདིར་ཡང་སུ་དང་མི་མཐུན་པ་གཅིག་འོང་ལ་ཕྱི་མའི་ཉེས་པ་ཡང༌། རྨོངས་པ་གང་ཞིག་ང་རྒྱལ་དབང་གིས་ནི། །ངན་སོང་བ་དང་མི་ཁོམ་གནས་སུ་སྐྱེ། །དབུལ་དང་དམན་པའི་རིགས་སུ་སྐྱེ་བ་དང་། །དམུས་ལོང་མཐུ་ཆུང་མདོག་ངན་འཛིན་པར་བྱེད། །ཅེས། ཉོན་མོངས་པའི་བག་ཆགས་ཇེ་ཐུག་ལ་སོང་སྟེ། ཡུལ་དམན་པ་ཐམས་ཅད་ལ་ཉོན་མོངས་པ་དྲག་པོ་སྐྱེ་ལ། དེ་ལས་ལྕི་ཞིང་མཐར་ཐུག་གི་བྱང་ཆུབ་ཡང་མི་ཐོབ་སྟེ། བྱང་ཆུབ་སེམས་དཔའ་ང་རྒྱལ་ཅན། །བྱང་ཆུབ་ལ་ནི་དེ་ཉིད་རིང་།” །ཞེས་སོ། །དེས་ན་འཇིག་རྟེན་དང་འཇིག་རྟེན་ལས་འདས་པའི་སྨད་པ་དང་། རྒུད་པ་དང༌། སྡུག་བསྔལ་ཐམས་ཅད་བདག་བཟང་པོར་འཛིན་པ་ལས་བྱུང་ལ། འཇིག་རྟེན་དང་འཇིག་རྟེན་ལས་འདས་པའི་བདེ་བ་ཐམས་ཅད་སེམས་ཅན་ལས་བྱུང་བས། སེམས་ཅན་ཐམས་ཅད་ཡོན་ཏན་ཅན་དུ་བལྟས་ལ་ང་རྒྱལ་བཅག་པར་བྱའོ།། གསུམ་པ་ནི། དེ་ལྟར་བྱེད་དུ་ཉོན་མོངས་པས་མི་སྟེར་བས་དེ་ཡང་སྤང་བ་ནི། སྤྱོད་ལམ་ཀུན་ཏུ་རང་རྒྱུད་ལ། །བརྟག་ཅིང་ཉོན་མོངས་སྐྱེས་མ་ཐག། བདག་གཞན་མ་རུངས་བྱེད་པས་ན། །བཙན་ཐབས་གདོང་ནས་བཟློག་པར་བསླབ།། ཅེས་པ་སྤྱོད་ལམ་ཐམས་ཅད་དུ་རང་གི་རྒྱུད་ལ་བརྟགས་ལ་ཉོན་མོངས་པ་སྐྱེས་མ་ཐག་བཙན་ཐབས་སུ་བཟློག་པ་ལ་བསླབ་པ་ནི་སྤྱོད་ལམ་བཞི་པོ་གང་བྱེད་ཀྱང་རང་གི་རྒྱུད་ལ་འདོད་པའི་རྣམ་རྟོག་ལ་སོགས་སྐྱེ་མི་སྐྱེ་དྲན་ཤེས་བཞིན་གྱིས་བདག་ལ་སྐྱེས་མ་ཐག་སྤང་གི་ཨེན་གཅིག་ཡང་སྤང་སྙམ་ན་བལྟས་ནས་འགྲོ་བའི་འབུར་འཇོམས་བྱ་སྟེ་བཟའ་འཚོ་གཉིས་ལ་རྐུན་མ་བྱུང་བ་བཞིན་བྱས་ན་ཕྱིས་ལོང་ཅན་དུ་སོང་ན་ཡེ་མི་ཡོང་བ་ཡིན།༩ ཉོན་མོངས་པ་རྒྱུད་ལ་འཕེལ་ན་ཞེ་སྡང་ལ་སོགས་པ་ཐམས་ཅད་ཇེ་འཕེལ་དུ་འགྲོ་སྟེ། མདོ་ལས། དེ་བཞིན་གཉིད་ལ་དད་པ་དག །ཕྱིར་བཞིན་དེ་བཞིན་གཉིད་ཆོར་འགྱུར། །དེ་བཞིན་འདོད་ཆགས་ཆེ་བ་དང༌། །ཆང་ལ་སྲེད་པའང་དེ་བཞིན་འགྱུར།༡༠ །ཅེས་གསུངས། ཉོན་མོངས་པའི་བག་ཆགས་ཇེ་མཐུག་ལ་སོང་སྟེ། ཡུལ་དམན་པ་ཐམས་ཅད་ལ་ཉོན་མོངས་པ་དྲག་པོ་སྐྱེ་ལ་དེ་ལས་ལྕི་ཞིང་སྡུག་བསྔལ་ཆེན་པོ་ཉམས་སུ་མྱོང་དགོས། ཉོན་མོངས་པ་སྤོང་ན་བག་ཆགས་ཇེ་སྲབ་ལ་འགྲོ་སྟེ། སྔར་གྱི་བག་ཆགས་ཀྱང་ཞར་ལ་འགྲོ་ལ། ཡུལ་བཟང་པོ་ལ་བག་ཆགས་ཕྲ་མོ་ལས་མི་སྐྱེ། དེའི་ལས་འབྲས་ཕྲ་བས་མྱོང་བ་ངེས་པར་འགྲོ་བ་ཡིན་ལ། ཉོན་མོངས་པ་ལ་དགྲར་ལྟས་ལ་གཉེན་པོ་སྟོབས་བསྐྱེད། ཞི་བ་ལྷས། བདག་ནི་བསྲེགས་ཏེ་བསད་གྱུར་ཏམ། །དེ་བཞིན་མགོ་བོ་བཅད་ཀྱང་རུང་། །རྣམ་པ་ཀུན་ཏུ་ཉོན་མོངས་པའི། །དགྲ་ལ་འདུད་པར་མི་བྱའོ།༡༡ །ཞེས་གསུངས་པས། འཇིག་རྟེན་པའི་དགྲ་བོས་ལོ་ཀ་ལས་གནོད་པ་མི་བྱེད་ལ། ཉོན་མོངས་པས་ཚེ་རབས་ཐམས་ཅད་དུ་གནོད་པ་བྱེད་སྟེ། བདག་གི་ཉོན་མོངས་དགྲ་བོ་གང་། །དུས་རིང་ཐོག་མཐའ་མེད་པ་ལྟར། །དགྲ་གཞན་ཀུན་ཀྱང་དེ་ལྟ་བུར། །ཡུན་རིང་ཐུབ་པ་མ་ཡིན་ནོ།༡༢ །ཅེས་སོ། །ཡང་འཇིག་རྟེན་གྱི་དགྲ་ལ་ཕྱོགས་ཕུལ་ན་མི་གནོད་པར་ཕན་འདོགས་ལ། ཉོན་མོངས་པ་ལ་དེ་ལྟར་ཕུལ་ན་ཐུ་རུ་འགྲོ་སྟེ། མཐུན་པར་རིམ་གྲོས་བསྟེན་བྱས་ན། །ཐམས་ཅད་ཕན་དང་བདེ་བྱེད་དེ། །ཉོན་མོངས་དགྲ་ནི་བསྟེན་བྱས་ན། །ཕྱིར་ཞིང་སྡུག་བསྔལ་གནོད་པར་བྱེད།༡༣ །ཅེས་སོ། །ཡང་འཇིག་རྟེན་པའི་དགྲས་ལུ ས་སྲོག་ལོངས་སྤྱོད་ལ་གནོད་པ་ཙམ་ལས་མི་བྱེད་ལ་ཉོན་མོངས་པས་འཁོར་བར་སྡུག་བསྔལ་དཔག་ཏུ་མེད་པ་བསྐྱེད་པར་བྱེད། གལ་ཏེ་ལྷ་དང་ལྷ་མིན་རྣམས། །ཐམས་ཅད་བདག་ལ་དགྲར་ལངས་ཀྱང་། །དེ་དག་གིས་ཀྱང་མནར་མེད་པའི། །མེ་ནང་ཁྲིད་ཅིང་འཇུག་མི་ནུས། །ཉོན་མོངས་སྟོབས་ལྡན་དགྲ་འདིས་ནི། །གང་དང་ཕྲད་ན་རི་རབ་ཀྱང་། །ཐལ་བ་ཙམ་ཡང་མ་ལུས་པར། །དེ་བདག་སྐད་ཅིག་གཅིག་ལ་འདོར།༡༤ །ཞེས་སོ། །དེ་ལྟར་ཉོན་མོངས་པ་འདི་ལ་དགྲར་ལྟས་ལ་དོར། འཇིག་རྟེན་གྱི་དགྲ་ཡུལ་འཐོན་ཡང་ཕྱིས་གནོད་པ་བྱེད་དུ་འོང་སྟེ། ཉོན་མོངས་པ་འདི་སྤངས་ན་ཕྱིས་སྐྱེ་མི་ནུས་ལ། ས་བོན་ཚིག་པ་དང་འདྲ་བ་ཡིན་ནོ། །སྤང་ལུགས་སྤྱོད་པ་དང་། སྒོམ་པ་དང༌། ལྟ་བས་སྤངས་ཏེ། དེ་ཡང་ལས་དང་པོ་བ་གཉེན་པོ་སྟོབས་ཆུང་བས་ཉོན་མོངས་པ་སྐྱེ་ན་བཟློག་དཀའ་བས་སྤྱོད་ལམ་གྱིས་སྤང༌། སྒོམ་པ་ནི་ཉོན་མོངས་པ་རེ་ལ་གཉེན་པོ་རེ་གསུངས། སྐྱེས་བུ་གསུམ་གང་སྒོམ་པ་དེ། ཉོན་མོངས་པ་ཐམས་ཅད་ཀྱི་གཉེན་པོར་འགྲོ་བས་དེ་བསྒོམས་པས་ཆོག བློ་ཡར་ཚད་སོང་ན་ཉོན་མོངས་པ་ལ་ཡུལ་མེད་པས་དེ་ངོ་ཤེས་པས་ཆོག་གིས་སྤང་རྒྱུ་མེད་དེ། ཉོན་མོངས་ཉོན་མོངས་ཤེས་རབ་མིག་གིས་སྤང་།༡༥ །ཞེས་གསུངས་སོ།། བཞི་པ་ནི། ཤིན་ཏུ་རང་བཞིན་ངན་པ་དང༌། སྡིག་པ་དང་སྡུག་བསྔལ་དྲག་པོས་ནོན་པ་རྣམས་ལ་ཤིན་ཏུ་རྙེད་པ་དཀའ་ཞེས་གཅེས་པར་བསླབ་ཅེས་པ་ནི། རང་བཞིན་ངན་པའི་སེམས་ཅན་དང་། །སྡིག་སྡུག་དྲག་པོས་ནོན་པ་ལ།། རིན་ཆེན་གཏེར་དང་ཕྲད་པ་ལྟར། །རྙེད་པར་དཀའ་བས་གཅེས་འཛིན་བསླབ།། དེ་ལ་རང་བཞིན་ངན་པ་ནི། སྔོན་བསོད་ནམས་མ་བསགས་པས་ཉོན་མོངས་པ་རང་དབང་མེད་པར་སྐྱེས་པ་སྟེ་རྒྱལ་པོ་ཨ་སང་གྷ་ལྟ་བུའམ་ཡང་ན་འཕྲང་ཁའི་མི་གཅིག་ལ་ཤ་ཚོད་བྱིན་པས་ཁ་ཚིག་ནས་ཚོད་མ་སྣོད་དང་བཅས་བསྒྱུར་ནས། ད་ཁ་ཚིག་དང་ཡང་ཟེར་བ་ལྟ་བུ འི་མི་དང༌། སྡིག་པ་ནི་མཚམས་མེད་པ་ལྔ་དང་སྡོམ་པ་ཉམས་པ་དང་དཀོར་ཟས་ལ་སོགས་པའོ། །སྡུག་བསྔལ་དྲག་པོས་ནོན་པ་ནི། མཛེ་དང་ནད་དྲག་པོས་བཏབ་པ་ལ་སོགས་པའོ། །དེ་དག་ལ་མིག་སྔར་ཡང་ལྟར་མི་རུང་བས། ཡེ་ཡོང་དུ་མ་འཇུག་ཟེར་ནས་དགྲར་འཛིན་ཏེ་དེ་ལྟར་མིན་ཏེ་སྡུག་བསྔལ་ལ་གནས་པ་དེ་སྙིང་རེ་རྗེ་རྒྱལ་པོའི་གཤེད་མས་ཁྲིད་པའི་མི་དང་འདྲ་བའི་དེ་དག་ལ་ཚུལ་ཁྲིམས་འཆལ་པ་མཐོང་ན་ཡང་འདི་འགྲོ་བ་ཅིར་འགྱུར་ཞེས་མཆི་མ་རབ་ཏུ་དབྱུང་བར་བགྱིའོ། །ཞེས་པས་དེ་དག་ལ་དང་པོ་ཚིག་གི་གྲོས་བཏབ་པའོ། །དེས་ཀྱང་མ་ཉན་ན་ཟས་ནོར་གྱི་ཕན་བཏགས་ནས་བཟློག དེས་ཀྱང་མ་ཕན་ན་བསམ་པས་བཟུང་ནས་སྦྱོར་བ་བླ་གབ་ཀྱང་བསྲུངས་ཏེ་ཁོ་ལ་མི་ཕན་པར་བདག་ལ་གནོད་ཡིན་སྡུག་བསྔལ་དྲག་པོས་ནོན་པ་ཀུ ན་ལ་ཁ་ཅིག་སྣ་བཀབ་ནས་འགྲོ་སྟེ། དེ་ལྟར་བྱེད་ཀྱང་བདག་ལ་མི་འོང་བའི་གདེངས་ཡང་མེད་པས་སྦྱོར་བ་དེ་ལ་ཁ་ཟས་དང་སྨན་ལ་སོགས་པས་ཕན་བཏགས་བསམ་པས། འགྲོ་བའི་སྡུག་བསྔལ་གང་ཅིའང་རུང༌། །དེ་ཀུན་བདག་ལ་སྨིན་གྱུར་ཅིག༡༦ །ཅེས་བློ་སྦྱོང་། རྙེད་པར་དཀའ་ཞིང་གཅེས་པ་ལ་བསླབ་པ་ནི། དཔེར་ན་རིན་པོ་ཆེ་དང་འཕྲད་པར་དཀའ་བས་དེ་མི་འདོར་བར་ལེན་ཅིང་དེ་དག་ཀྱང་གཅེས་པར་བྱེད་པ་ལྟར་གང་ཟག་དེ་དག་རྙེད་པ་དཀའ་བ་ནི། དེ་དག་ལ་བརྟེན་ནས་སྙིང་རྗེ་སྐྱེ་ཞིང་། དེ་ལ་བརྟེན་ནས་བྱང་ཆུབ་ཀྱི་སེམས་སྐྱེ་བ་ཡིན་ཏེ༑ དེས་ན་རང་གིས་མ་འབད་པར་ཐེག་ཆེན་གྱི་ལམ་བསྐྱེད་པའི་དམིགས་ཡུལ་དེ་ལྟ་བུ་རྙེད་པར་དཀའ་བ་ཡིན་ཏེ། ཅིའི་ཕྱིར་ན་འཕགས་པ་དང་འཇིག་རྟེན་པའི་ཕུན་སུམ་ཚོགས་པ་ལ་སྙིང་རྗེ་མི་སྐྱེ་བས་བྱང་ཆུབ་ཀྱི་སེམས་འཕེལ་མི་ནུས་པའི་ཕྱིར་སངས་རྒྱ་མི་ནུས་པ་ཡིན་ནོ། །དེ་ཉིད། བྱང་ཆུབ་སེམས་ནི་མ་རྟོགས་པའི། །སངས་རྒྱས་རྣམས་ནི་ཐབས་མ་བཟུང་།༡༧ །ཞེས་གསུངས་པའི་ཕྱིར། ལྔ་པ་ནི། རང་ལ་བསྐུར་བ་ལ་སོགས་པའི་ཉེས་སྐྱོན་གང་བྱུང་ཡང་དག་ཚངས་མི་བྱ་བར་གྱོང་ཁ་རང་གིས་བླངས་པ་ལ་བསླབ་ཅེས་པ་ནི། བདག་ལ་གཞན་གྱི་ཕྲག་དོག་གི །གཤེ་བསྐུར་ལ་སོགས་མི་རིགས་པའི།། གྱོང་ཁ་རང་གིས་ལེན་པ་དང༌། །རྒྱལ་ཁ་གཞན་ལ་འབུལ་བར་བསླབ།། ཅེས་པ་སྟེ། རང་གི་ལན་ནམ་མ་ལན་ཡང་གཞན་གྱི་ཕྲག་དོག་ལ་སོགས་པས་བསྐུར་བ་དང་། མི་ཉན་པར་བརྗོད་པ་ཅི་བྱུང་ཡང་མི་བཟོད་པ་མི་བྱ་བར་རྒྱུད་འཇམ་མེ་བྱས་ལ་དག་ཚངས་ངས་མ་ལན་འདིས་ལན་ཞེས་ཡེ་མི་བྱ་བར་གྱོང་ཁ་རང་གིས་བླང་པ་ནི། གླང་རི་ཐང་བ་ལྟ་བུར་བྱའོ། །དེ་ཉིད་མ་ལེགས་པ་སུ་ལ་བྱུང་ཡང་དེའི་གྲོས་ཁོང་ན་ཁོ་བ་ཡང་མཆིས་གསུང་བར་གདའ། དེའི་རྒྱུ་མཚན་ནི་ད་ལྟ་སྦྱིན་པ་དང་། ཚུལ་ཁྲིམས་ལ་ཚུལ་སྣ་ཚོགས་ནས་འབད་པར་བྱེད་པ་ནི། སྡིག་པ་མང་པོ་དག་ཅིང་ཚོགས་རྫོགས་པར་བྱེད་པའི་ཕྱིར་བྱེད། དེ་བས་བསྐུར་བ་འདེབས་པ་དེ་བཀའ་དྲིན་དུ་ཤེས་ན་སྔ་མ་གཉིས་ཀྱི་དོད་མ་ཡིན་ཡང་དག་ཚངས་བྱེད་ན་རང་གི་སྡིག་པ་དག་དགོས་གསུངས། གྱོང་ཁ་རང་གི་བླང་བ་ནི་ལས་ཀྱི་སྟེང་དུ་མི་འབྱུང་བ་ཡིན་པས་སོ། །གླང་རི་ཐང་པའི་ཞལ་ནས་ཕན་ཡུལ་གྱི་དགེ་འདུན་ལ་མར་ཚོད་སུན་རེ་དྲངས་པ་བས་རང་ལ་ཉེས་མེད་ཀྱི་བསྐུ ར་བ་འདེབས་པ་ལ་བཀའ་དྲིན་ཆེ་བར་ཤེས་ན་སྡིག་པ་འདག་པ་དང་། ཚོགས་རྫོགས་པའི་རླབས་དེ་ཀ་ཆེ་བ་ཡིན་གསུང་ངོ༌། །དེ་ཉིད་སྤྱོད་འཇུག་ལས། དེ་བས་རབ་ཏུ་སྡང་སེམས་ལ། །བརྟེན་ནས་བཟོད་པ་སྐྱེ་བས་ན། །དེ་ཉིད་བཟོད་པའི་རྒྱུ་ཡིན་པས། །དམ་པའི་ཆོས་བཞིན་མཆོད་པར་འོས།༡༨ །གསུང་ལ། དེ་ཡི་འཐད་པ་ནི། ཚུལ་ཁྲིམས་པས་བཟོད་པ་བསོད་ནམས་ཆེ་སྟེ། ཞེ་སྡང་ལྟ་བུའི་སྡིག་པ་མེད། །བཟོད་པ་ལྟ་བུའི་དཀའ་ཐུབ་མེད།༧༩ །ཅེས་པ་ལ་སོགས་པ་གསུངས་པའི་ཕྱིར་རོ། །དེས་གནོད་པ་ལ་ཇི་མི་སྙམ་པའི་བཟོད་པའོ།། དྲུག་པ་སྡུག་བསྔལ་དང་ལེན་གྱི་བཟོད་པ་ནི་རང་གིས་སྔར་ཕན་བཏགས་པའམ། རེ་ཆེ་བའི་བསམ་པས་ཡུལ་དེར་མགོ་བསྐོར་དང་། བསྔོ་སྔོས་བྱས་ན་བཀའ་དྲིན་ཆེ་བའི་བསམ་པས་དགེ་བའི་བཤེས་གཉེན་བསྒོམ་ཅེས་པ་ནི། གང་ལ་བདག་གིས་ཕན་བཏགས་པའི། །རེ་བ་ཆེ་བ་གང་ཞིག་གིས།། ཤིན་ཏུ་མི་རིགས་གནོད་བྱས་ནའང་། །བཤེས་གཉེན་དམ་པར་བལྟ་བར་བསླབ།། ཅེས་པ་སྟེ། རེ་བ་ནི་སྟོན་པ་ན་རེ་ངས་ཁམས་སུ་སྟོན་པ་ཤེས་རབ་འབར་ཅན་ཕྱིན་ནས་ཁོང་གྲོགས་པོ་སྙིང་དང་འདྲ་བ་ཡིན་པས་ཁོང་རང་གིས་ང་ལ་མགྲོན་བཤའ་མ་བྱེད་སྙམ་ནས་ཕྱིན་པ་དང་། ཁོང་གིས་བསྔོ་སྔོས་བྱས་ནས་ཕུད་དེ། ཅི་ཡོད་འཕྲོག་ཏུ་བཅུག་ཁོ་རང་གིས་ཀྱང་ཁྲི་མུན་ནང་དུ་བཅུག དེར་སྔར་བྱམས་པ་དང་སྙིང་རྗེ་ལ་བློ་སྦྱོངས་མ་སྦྱོངས་དང་། སྡུག་བསྔལ་དེ་དག་བདག་སྨིན་ཅིང་། །བདག་བདེ་མ་ལུས་དེ་སྨིན་ཤོག ༢༠ །ལ་སོགས་རྫུན་དུ་སོང་མ་སོང་དེར་གསལ་བས་དེ་ལ་ཤག་མི་གདའ་རང་ལ་ལྡོག་ནས་རྩིས་ནའང་ལས་དང་མི་ལྡན་ན་སྟེང་དུ་མི་ཡོང་སྟེ། བདག་གིས་སྔོན་ཆད་སེམས་ཅན་ལ། །འདི་འདྲ་བ་ཡི་གནོད་པ་བྱས། །དེ་བས་སེམས་ཅན་འཚེ་བྱེད་པའི། །བདག་ལ་གནོད་པ་འདི་བྱུང་རིགས།༢༡ །ཞེས་རང་གིས་ལེན་པ་ཡིན་སྙམ་དུ་བསམ་ལ་རྒྱུད་འཇམ་པོ་བྱས་པས་རང་བདེ། ཡུས་མ་ཕོ་བས་གཞན་ཡང་བདེ་བ་ཡིན། རང་གི་ལས་ཡིན། སྡིག་པ་སྤངས་པའི་འཕགས་པ་རྣམས་ལ་སུས་གནོད་པ་མི་བྱེད་པར་འགྲུབ་པ་ཡིན་ནོ། །གཞན་བཟློག་ནས་ཀྱང་རང་གི་ལས་ངན་གྱི་ཁོ་ལ་གོས་ན་བདག་ལ་གནོད་པ་བྱས་པས་བདག་ལ་བརྟེན་ནས་འདི་ངན་སོང་དུ་འགྲོ་བ་ནི་བདག་གིས་ལན་པ་ཡིན་ཏེ༑ བདག་གི་ལས་ཀྱིས་བསྐུལ་བྱས་ནས། །བདག་ལ་གནོད་བྱེད་འདི་འབྱུང་སྟེ། །དེ་ཡི་སེམས་ཅན་དམྱལ་དོང་ན། །བདག་གིས་དེ་དག་མ་བརླག་གམ།༢༢ །གསུངས་པས། འདིའི་སྡུག་བསྔལ་སྐྱོབ་པར་རིགས་ཏེ། གང་དག་བདག་ལ་ཁ་ཟེར་རམ། །གཞན་དག་བདག་ལ་གནོད་བྱེད་པའི། །དེ་བཞིན་ཕྱར་ཁ་གཏོང་ཡང་རུང་། །ཐམས་ཅད་བྱང་ཆུབ་སྐལ་ལྡན་འགྱུར།༢༣ །ཅེས་པའམ། ཕན་བཏགས་ལན་དུ་གནོད་བྱེད་ནའང་། །ལན་ལ་སྙིང་རྗེ་ཆེན་པོ་བསྒོམ། །འཛམ་བུ་གླིང་གི་སྐྱེས་མཆོག་ནི། །ཉེས་པའི་ལན་ནི་ལེགས་པས་འདོན།༢༠ །ཅེས་སོ།། བཀའ་དྲིན་ཆེ་བའི་བསམ་པས་དགེ་བའི་བཤེས་གཉེན་དུ་བསྒོམ་པ་ནི་དགེ་བའི་བཤེས་གཉེན་བཀའ་དྲིན་ཆེ་བས་ན། བདག་ལ་ཁྲིམས་ཕོག སྒོམ་ལུགས་བྱིན།༢༥ ཐར་པའི་ལམ་བསྟན་པའི་བཀའ་དྲིན་ཆེ་བ་ནི། རང་གིས་མ་བསྒོམ། མ་བསྲུང་ན་ལམ་དུ་མི་འགྲོ་ལ་གང་ཟག་འདིས་བདག་ལ་བྱིན་ནས་བདག་གི་སྡིག་པ་འདག་ཅིང་ཚོགས་རྫོགས་པར་བྱས་ནས། ཕན་བཏགས་ནས། སྒོམ་གྱི་ལུང་འབོགས་མཁན་དང༌། ཁྱད་པར་མེད་པར་དགེ་བའི་བཤེས་གཉེན་དུ་ལྟ་བར་བྱ་སྟེ། དེ་ཉིད་ཀྱང་བདེ་བའི་གླུ་ལས། དགྲའམ་འོན་ཀྱང་མཛའ་ཡང་རུང་། །ཉོན་མོངས་སྐྱེ་བའི་ཡུལ་རྣམས་ལ། །དགེ་བཤེས་ཡིན་པར་སུ་མཐོང་བ། །དེ་དག་གང་ན་གནས་ཀྱང་བདེ།༢༦ །གསུངས་པ་དེ་ལྟ་བུའི་བསམ་པ་སྐྱེས་ན་འབྱོངས་པ་ཡིན་པས་གཞན་གང་ཡང་མེད་ཀྱང་ཆོག་གང་བྱས་བྱང་ཆུབ་ཀྱི་ལམ་གྱི་འགྲོ་སྟེ། དཔེར་ན་གསེར་གླིང་དུ་མི་གཙང་བ་མི་རྙེད་པ་བཞིན་དུའོ། །དཔེར་ན་ཆོས་བྱ་བ་རང་གི་བློ་འཆོས་ཀྱིས་ཕྱིའི་ཡུལ་འཆོས་པ་མ་ཡིན་པས་མི་དེ་ལ་ལྷ་འདྲེ་མི་དང་གསུམ་དགྲར་ལངས་ཀྱང༌། དེའི་རྒྱུད་མི་དགེ་བ་དང་སྡུག་བསྔལ་བར་མི་བཏུབ་པས་སུས་ཀྱང་མི་ཐུབ་པས་དཔའ་བོ་བྱ་བ་ཡིན་ནོ།། བདུན་པ་ནི། མདོར་ན་དངོས་སམ་བརྒྱུད་པས་བདེ་བ་ཕན་པར་འདུག་པ་ཐམས་ཅད་མ་རྒན་རྣམས་ལ་དབུལ་ཞིང་དེ་དག་གིས་གནོད་པ་དང་སྡུག་བསྔལ་ཐམས་ཅད་གུས་པས་རང་གི་སྙིང་ཁོངས་སུ་བླང་བ་བསླབ་ཅེས་པ་ནི། མདོར་ན་དངོས་སམ་བརྒྱུད་པ་ཡི། །ཕན་བདེ་མ་ལུས་ཀུན་ལ་དབུལ།། མ་ཡི་གནོད་དང་སྡུག་བསྔལ་ཀུན། །གུས་པས་རང་གི་ལེན་པར་བསླབ།། མདོར་བསྟན་ནི་སྔར་བསྟན་པ་ཐམས་ཅད་བསྡུའོ། །གུས་པས་ནི་མའི་དྲིན་བསམ་པའི་སྒོ་ནས་རང་གི་ཁོངས་སུ་བླང་བ་ནི་ཁ་ཙམ་མིན་པར་སྙིང་ཐག་པ་ནས་གཏོང་ལེན་བསྒོམ་སྟེ། དངོས་སུ་བདག་གི་བདེ་བ་ཟས་དང་སྨན་ལ་སོགས་པ་བཏང་སྟེ་སེམས་ཅན་གྱི་སྡུག་བསྔལ་ཀུན་འབྱུང་བླངས་ན། ཕྱི་མ་མངོན་མཐོ་དང་ངེས་ལེགས་ཐོབ་པའི་རྒྱུ་ཡིན། དངོས་སུ་བླང་དུ་མ་བཏུབ་པ་བརྒྱུད་ནས་ལེན་པ་ནི་བསམ་པས་གཏོང་ལེན་བསྒོམ་པ་དང༌། སྨོན་ལམ་གྱི་ཚེ་འདིའི་བདེ་བ་བསྔོ་བ་ནི། སྤྱོད་འཇུག་ལས། བདག་བདེ་གཞན་གྱི་སྡུག་བསྔལ་དག །ཡང་དག་བརྗེ་བ་མ་བྱས་ན། །སངས་རྒྱས་ཉིད་དུ་མི་འགྲུབ་ཅིང་། །འཁོར་བ་ན་ཡང་བདེ་བ་མེད།༢༧ །ཅེས་པས་སྙིང་ཐག་པ་ནས་བརྗོད་དོ།། བརྒྱད་པ་ནི། དེ་དག་ཐམས་ཅད་ལ་ཉེས་པ་འབྱུང་བ་སྲིད་པས་ཚེ་འདིའི་རྟོག་པ་དང་ཅུང་ཟད་ཀྱང་མ་འདྲེས་པར་བྱས་ཤིང་། ཆོས་ཐམས་ཅད་སྒྱུ་མ་ལྟར་ཤེས་པའི་བློས་དངོས་པོ་གང་ལ་ཡང་མ་ཆགས་པར་བསློབ་པ་ནི། དེ་དག་ཀུན་ཀྱང་ཆོས་བརྒྱད་ཀྱི། །རྟོག་པའི་དྲི་མས་མ་སྦགས་པར།། ཆོས་རྣམས་སྒྱུ་མར་ཤེས་པ་ཡི། །ཞེན་པའི་འཆིང་ལས་གྲོལ་བར་བསླབ།། ཅེས་པ་ཐབས་ཀྱི་གཉེན་པོ་ནི། བདག་བཟང་པོར་ཤེས་སུ་རེ་བ་ལ་སོགས་པ་ཚེ་འདིའི་རྟོག་པ་དང་འདྲེས་པ་ནི། ཆོས་བརྒྱད་དང་རང་དོན་དུ་སོང་ན་ཆོས་བདུད་དུ་ཤོར་བ་ཡིན་པས། དེ་སྒྱུ་མ་ལྟ་བུར་ཤེས་ནས་གདོད་སྤང་བས་ད་ལྟར་གྱི་སྣང་བ་ལ་བདེན་པ་མ་གྲུབ་སྟེ། འདི་ལྟར་སྟོང་པའི་ཆོས་རྣམས་ལ། །ཐོབ་པ་ཅི་ཡོད་ཤོར་ཅི་ཡོད། །གང་གིས་རིམ་གྲོ་བྱས་པའམ། །ཡོངས་སུ་བརྙེས་པའམ་ཅི་ཞིག་ཡོད། །བདེ་བའམ་སྡུག་བསྔལ་གང་ལས་ཡིན། །མི་དགར་ཅི་ཡོད་དགར་ཅི་ཡོད།༢༨ །ཅེས་དང་། ཐམས་ཅད་ནམ་མཁའ་འདྲ་བར་ནི། །བདག་འདྲས་ཡོངས་སུ་བཟུང་བར་བགྱི།༢༩ །ཞེས་སོ།། ཐམས་ཅད་ལ་གསོལ་བ་དང༌། སྨོན་ལམ་དུ་ཡང་འདེབས་པ་ནི། བླ་མ་དཀོན་མཆོག་ལ་མཎྜལ་ཕུལ་གསོལ་བ་གདབ་པ་ནི། བླ་མ་དུས་གསུམ་གྱི་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་བྱིན་རླབས་དང་ཐུགས་རྗེ་ཡོད་ནའམ། ཁྲོ་བོ་ཕ་བཅུ་མ་བཅུ་ཐམས་ཅད་ལ་མཐུ་སྟོབས་ཡོད་པ་དང༌། ཡེ་ཤེས་ཀྱི་མཁའ་འགྲོ་མ་མཐུའམ་ནུས་པ་ཡོད་ན་ཚིག་རྐང་བརྒྱད་པོ་འདིའི་དོན་བདག་ལ་སྐྱེ་བར་བྱིན་གྱིས་བརླབ་ཏུ་གསོལ། བདག་ལ་སེམས་ཅན་ཐམས་ཅད་ཀྱི་སྡུག་བསྔལ་དང་ཀུན་འབྱུང་ཐམས་ཅད་སྨིན་ཅིང་བདག་གིས་བྱང་ཆུ བ་ཀྱི་སེམས་ཀྱི་འབྲས་བུ ་དེ་དག་ཐམས་ཅད་སེམས་ཅན་ཐམས་ཅད་ལ་སྨིན་པར་བྱིན་གྱིས་བརླབ་ཏུ་གསོལ། ཞེས་བདེན་པ་བཞི་དང་སྦྱར་ཞིང་སྤྱོད་པའོ། །དེ་དག་ལ་སོགས་པ་དགེ་བ་ཅི་བྱས་ཀྱི་རྗེས་སུ་ཚིག་རྐང་བརྒྱད་མའི་སྨོན་ལམ་གདབ་བོ། །དེའི་སྨོན་ལམ་བཏབ་པས་བྱང་ཆུབ་ཀྱི་སེམས་ཀྱི་བག་ཆགས་འཇོག་གོ །དེ་ལྟ་བུའི་དགེ་བའི་རྩ་བས་ལོ་ཟླ་བ་ཐམས་ཅད་དུ་དུས་ཐམས་ཅད་དུ་འདའ་བར་བྱའོ། །ཕྱི་མའང་དེ་ལྟ་བུའི་དགེ་བའི་བཤེས་གཉེན་དང་མཇལ་བ་དང་། གྲོགས་ཡང་དེ་ལྟ་བུ་དང་མཇལ་བར་བྱའོ། །སྙམ་དུ་བསམས་ཤིང་སྨོན་ལམ་ཡང་ཡང་གདབ་པར་བྱའོ།། བྱང་སེམས་གླང་ཐང་པའི་ཚིག་རྐང་བརྒྱད་པའི་འགྲེལ་པ་ནི། འཆད་ཀ་བ་ཡེ་ཤེས་རྡོ་རྗེས་མཛད་པའི་རྩ་འགྲེལ་འདི་ནི་བློ་སྦྱོང་གིས་མན་ངག་ཟབ་པར་མཆིས་སོ། །འདི་ལ་འབད་ཚལ། རྒྱུད་ལ་སྐྱེ་བར་གྱུར་ཅིག། །།<br /> }}</div> Khenpo Tamphel https://bodhicitta.tsadra.org/index.php?title=File:%E0%BC%84%E0%BC%85%E0%BC%8D_%E0%BC%8D%E0%BD%96%E0%BE%B3%E0%BD%BC%E0%BC%8B%E0%BD%A6%E0%BE%A6%E0%BE%B1%E0%BD%BC%E0%BD%84%E0%BC%8B%E0%BD%9A%E0%BD%B2%E0%BD%82%E0%BD%A6%E0%BC%8B%E0%BD%A2%E0%BE%90%E0%BD%84%E0%BC%8B%E0%BD%96%E0%BD%A2%E0%BE%92%E0%BE%B1%E0%BD%91%E0%BC%8B%E0%BD%98%E0%BC%8B%E0%BD%A3%E0%BD%BC%E0%BC%8B%E0%BD%A2%E0%BE%92%E0%BE%B1%E0%BD%B4%E0%BD%A6%E0%BC%8B%E0%BD%91%E0%BD%84%E0%BC%8B%E0%BD%96%E0%BD%85%E0%BD%A6%E0%BC%8B%E0%BD%94%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D%E0%BC%8D.pdf&diff=140644 File:༄༅། །བློ་སྦྱོང་ཚིགས་རྐང་བརྒྱད་མ་ལོ་རྒྱུས་དང་བཅས་པ་བཞུགས་སོ།།.pdf 2026-08-14T05:16:58Z <p>Khenpo Tamphel: </p> <hr /> <div></div> Khenpo Tamphel https://bodhicitta.tsadra.org/index.php?title=File:%E0%BC%84%E0%BC%85%E0%BC%8D_%E0%BC%8D%E0%BD%96%E0%BE%B3%E0%BD%BC%E0%BC%8B%E0%BD%A6%E0%BE%A6%E0%BE%B1%E0%BD%BC%E0%BD%84%E0%BC%8B%E0%BD%9A%E0%BD%B2%E0%BD%82%E0%BC%8B%E0%BD%A2%E0%BE%90%E0%BD%84%E0%BC%8B%E0%BD%96%E0%BD%A2%E0%BE%92%E0%BE%B1%E0%BD%91%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%A0%E0%BD%82%E0%BE%B2%E0%BD%BA%E0%BD%A3%E0%BC%8B%E0%BD%96%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%82%E0%BD%A6%E0%BD%B4%E0%BD%98%E0%BC%8B%E0%BD%A2%E0%BD%96%E0%BC%8B%E0%BD%82%E0%BD%A6%E0%BD%A3%E0%BC%8B%E0%BD%9E%E0%BD%BA%E0%BD%A6%E0%BC%8B%E0%BD%96%E0%BE%B1%E0%BC%8B%E0%BD%96%E0%BC%8B%E0%BD%96%E0%BD%9E%E0%BD%B4%E0%BD%82%E0%BD%A6%E0%BC%8B%E0%BD%A6%E0%BD%BC%E0%BC%8D%E0%BC%8D.pdf&diff=140643 File:༄༅། །བློ་སྦྱོང་ཚིག་རྐང་བརྒྱད་མའི་འགྲེལ་བ་དོན་གསུམ་རབ་གསལ་ཞེས་བྱ་བ་བཞུགས་སོ།།.pdf 2026-08-14T05:05:28Z <p>Khenpo Tamphel: </p> <hr /> <div></div> Khenpo Tamphel https://bodhicitta.tsadra.org/index.php?title=Texts/Blo_sbyong_tshig_rkang_brgyad_pa%27i_rnam_bshad_don_gsum_rab_tu_gsal_ba/Full_text&diff=140642 Texts/Blo sbyong tshig rkang brgyad pa'i rnam bshad don gsum rab tu gsal ba/Full text 2026-08-14T05:01:56Z <p>Khenpo Tamphel: </p> <hr /> <div>{{FullTextSubpage<br /> |FullTextVersions={{FullTextVersion<br /> |IsTsadraVersion=Yes<br /> |VersionPdf=༄༅། །བློ་སྦྱོང་ཚིག་རྐང་བརྒྱད་མའི་འགྲེལ་བ་དོན་གསུམ་རབ་གསལ་ཞེས་བྱ་བ་བཞུགས་སོ།།.pdf<br /> }}<br /> |TsadraVersion=No<br /> |FullTextDate=2025-10-05<br /> |PdfLink=File:UTMW1KG8897 C050BD I1KG8965 bo,sa,zh (1).pdf<br /> |FullTextTibetan=༄༅། །བློ་སྦྱོང་ཚིག་རྐང་བརྒྱད་མའི་འགྲེལ་བ་དོན་གསུམ་རབ་གསལ་ཞེས་བྱ་བ་བཞུགས་སོ།།<br /> ༄༅། །སྭ་སྟི། གང་ཡོད་ན་ནི་རྫོགས་སངས་རྒྱས། །དེ་ཡི་སྲས་དང་རང་རྒྱལ་དང་། །ཉན་ཐོས་རྣམས་དང་གཞན་གྱི་དོན། །ཕུན་སུམ་ཚོགས་པ་དེ་འཁྲུངས་ཤིང་། །དེ་མེད་ན་ནི་དེ་དག་ཀུན། །འཇིག་རྟེན་ཁམས་སུ་མི་འབྱུང་བ། །དེ་ཕྱིར་བྱང་ཆུབ་སེམས་གང་ནི། །བསླབ་པར་བྱས་ལ་ཕྱག་བགྱིའོ། །དེ་ལྟར་མཆོད་པར་བརྗོད་འོག་ཏུ། །བདག་གཞན་བརྗེ་བའི་བྱང་སེམས་ཀྱི། །སྲོལ་གང་ཁ་བ་ཅན་ལྗོངས་སུ། །ཐོག་མར་ཕྱེ་ནས་འཛིན་མཛད་པ། །གླང་ཐང་པར་གྲགས་དེས་མཛད་པའི། །བསྟན་བཅོས་ཡིད་བཞིན་ནོར་འདྲ་ཡི། །དགོས་པའི་དོན་དང་བསྡུས་པའི་དོན། །ཚིག་དོན་རབ་དབྱེ་བརྩམ་པར་བྱ། །གང་འདིར་ཐེག་པ་ཆེན་པོའི་རིགས་ཀྱི་ནུས་པ་ཡོངས་སུ་བརྟས་པའི་སོ་སོ་སྐྱེ་བོ་དག་གིས། ཐོག་མར་བྱམས་པ་དང་། མཆོག་གི་སྙིང་རྗེ་སྔོན་དུ་འགྲོ་བ་ཅན་གྱི། སྨོན་པ་བྱང་ཆུབ་ཀྱི་མཆོག་ཏུ་སེམས་བསྐྱེད་པ་སྔོན་དུ་བཏང་ནས། དེའི་འོག་ཏུ་བྱང་ཆུབ་སེམས་དཔའི་སྡོམ་པ་ཡང་དག་པར་བླངས་ནས། དེ་ཉིད་ཀྱི་བསླབ་བྱའི་གཙོ་བོ་བདག་གཞན་བརྗེ་བའི་ཚུལ་ལ། བློ་སྦྱོང་བའི་རིམ་པ་དོན་རྒྱ་ཆེ་ཞིང་། ཚིག་ཉུང་བ་གསལ་བར་སྟོན་པའི་བསྟན་བཅོས་འདི་འཆད་པ་ལ་དོན་གསུམ་སྟེ། དགོས་པའི་དོན། བསྡུས་པའི་དོན། ཚིག་གི་དོན་ནོ། །དང་པོ་ནི། བྱང་སེམས་ཀྱི་སྡོམ་པ་རྣམས་ཀྱི་བསླབ་བྱའི་རྩ་བ། བདག་དང་གཞན་དུ་བརྗེ་ནུས་པའི་བསམ་པ་མངོན་དུ་བྱས་པ་དེའོ། །དེའི་ཤེས་བྱེད་ཀྱང་། བསམ་པ་འདི་སྔོན་དུ་མ་སོང་བར། སྤྱོད་པ་ཕ་རོལ་ཏུ་ཕྱིན་པ་དྲུག་ལ་ཇི་ཙམ་བསླབས་ཀྱང་། སྡོམ་པ་འདི་ལ་ལྟོས་པའི་བསླབ་བྱ་ཡོངས་སུ་མི་རྫོགས་པའི་ཕྱིར་དང་། བསམ་པ་འདི་ཡོངས་སུ་སྦྱངས་པ་ལ་ནི་འབད་རྩོལ་ལ་མི་ལྟོས་པར། ཕ་རོལ་ཏུ་ཕྱིན་པ་དྲུག་གི་སྤྱོད་པ་རླབས་པོ་ཆེ་ངང་གིས་འབྱུང་བའི་ཕྱིར་བསྟན་བཅོས་འདི་ལ་ཐོས་པ་དང་བསམ་པས་ཞུགས་པའི་ཚེ། དགོས་པ་དེ་བདེ་བླག་ཏུ་རྟོགས་པ་ནི། སྐབས་འདིའི་འབྲེལ་པ་ཡིན་ལ། དེ་ལྟར་འབྲེལ་བའི་ཤེས་བྱེད་ཀྱང་། གཞུང་ཉུང་ངུ་འདིས་བདག་དང་གཞན་དུ་བརྗེ་ནུས་པའི་ཐབས་མཁས་ཀྱི་རྩ་བ་བསྟན་པས་སོ། །རྩ་བ་དེ་ཡང་གང་ཞེ་ན། སེམས་ཅན་ཐམས་ཅད་ལ་ཕྱོགས་སུ་ལྷུང་བ་མེད་པར་མཆོག་ཏུ་གཅེས་པར་འཛིན་པ་དེའོ། །རྒྱུ་དེ་ལས་དེ་ལྟར་ནུས་པའི་ཤེས་བྱེད་ནི། བདག་ཉིད་ལ་མཆོག་ཏུ་གཅེས་པར་བཟུང་ན། བདག་གི་གནས་སུ་གཞན་འཇོག་པར་མི་ནུས་པའི་ཕྱིར་རོ། །གཉིས་པ་བསྡུས་པའི་དོན་ལ། ཚིགས་སུ་བཅད་པ་བརྒྱད་ལས། དང་པོ་བདུན་གྱིས་ནི། བདག་ལས་གཞན་མཆོག་ཡིན་པའི་ཤེས་བྱེད་ཀྱི་གཏན་ཚིགས་དང་། དཔེའི་སྒོ་ནས་དེ་ལྟར་ཤེས་དགོས་པ་ཉིད་དུ་བསྟན་ལ། ཚིགས་སུ་བཅད་པ་བརྒྱད་པས་ནི། ཤེས་བྱེད་ཀྱི་བློ་དེ་ལ་ཡང་མཚན་འཛིན་གྱི་རྟོག་པས་མ་གོས་པ་ཞིག་དགོས་པར་བསྟན་ནོ། །ཡང་ན་དང་པོ་བདུན་གྱིས་ནི་ཀུན་རྫོབ་བྱང་ཆུབ་སེམས་ཀྱི་བསླབ་བྱ་ལ་བློ་སྦྱོང་བ་དང༌། བརྒྱད་པས་ནི། དོན་དམ་བྱང་སེམས་ཀྱི་བསླབ་བྱ་ལ་བློ་སྦྱོང་བ་བསྟན་ནོ། །དང་པོ་ལ། ཤེས་བྱེད་དགོད་པ་དང་༑ དེ་ལྟར་ཤེས་ནས་བདག་གཞན་བརྗེ་བ་དངོས་སོ། །དང་པོ་ལ། སྒྲུབ་བྱེད་ཀྱི་གཏན་ཚིགས་དགོད་པ་དང༌། ཤེས་བྱེད་ཀྱི་དཔེ་བསམ་པའོ། །དང་པོ་ལ་། གཏན་ཚིགས་དངོས་དང་། རྟགས་དེ་མི་མཐུན་ཕྱོགས་ལས་ལྡོག་པའི་ཚུལ་ལོ། །དང་པོ་ནི། ཚིགས་སུ་བཅད་པ་དང་པོ་སྟེ། སངས་རྒྱས་བསྒྲུབ་པ་སེམས་ཅན་གཞན་ལ་རག་ལས་པའི་ཕྱིར་ན། གཞན་མཆོག་ཉིད་དུ་གྲུབ་པའོ། །གཉིས་པ་ལ༑ བདག་ཉིད་གཞན་ལས་དམན་པར་བལྟ་དགོས་པ་དང་། མཆོག་ཏུ་བལྟ་བ་ཇི་ལྟར་སྤོང་བའི་ཚུལ་ལོ། །དང་པོ་ནི། གང་དུ། ཞེས་སོགས་ཏེ། གཞན་ལ་མ་ལྟོས་པར་བདག་གཅིག་པུས་སངས་རྒྱས་སུ་མི་འགྲུབ་པའོ། །གཉིས་པ་ནི། གལ་ཏེ་སེམས་ཅན་གཞན་ཁ་ཅིག་ལས་རང་མཆོག་ཏུ་འཛིན་པའི་བློ་ནི་ཡུལ་གྱི་གནས་ཚུལ་ལ་ཞུགས་པའི་ཕྱིར། ཇི་ལྟར་སྤང་ཞེ་ན། ཚིགས་སུ་བཅད་པ་གསུམ་པས་ཏེ། སོ་སོར་རྟོག་པའི་ཤེས་རབ་ཀྱིས་རང་གཅེས་འཛིན་གྱི་རྟོག་པ་སྤོང་ནུས་པར་བསྟན་པའོ། །གཉིས་པ་ཤེས་བྱེད་ཀྱི་དཔེ་ནི། སེམས་ཅན་གཞན་རང་ལས་མཆོག་ཡིན་དུ་ཆུག་ཀྱང་། མཆོག་འཛིན་གྱི་རྟོག་པ་སྤོང་དགོས་སོ་ཞེ་ན།ཚིགས་སུ་བཅད་པ་བཞི་པས་སྟོན་ཏེ། དབུལ་པོ་རིན་པོ་ཆེའི་གཏེར་དང་ཕྲད་ན། འདོད་དགུ་འབྱུང་བའི་ཕྱིར་སྤོང་མི་རུང་བ་བཞིན་ནོ། །མདོར་ན་གཏན་ཚིགས་ཀྱིས་ནི་སེམས་ཅན་གཞན་མཆོག་ཡིན་པར་བསྒྲུབས་ལ༑ མཐུན་པའི་དཔེ་ལས་ནི། མཆོག་གང་ཡིན་པ་དེ་ལ་ནི་གཅེས་པར་འཛིན་དགོས་པ་ཉིད་དུ་བསྟན་ནོ། །གཉིས་པ་བརྗེ་བ་དངོས་ལ་གཉིས་ཏེ། རྗོད་བྱེད་ཚིག་གི་རྒྱལ་ཁེ་གཞན་ལ་སྟེར་དགོས་པར་བསྟན་པ་དང་༑ བརྗོད་བྱ་དོན་གྱི་རྒྱལ་ཁེ་གཞན་ལ་སྟེར་དགོས་པར་བསྟན་པའོ། །དང་པོ་ནི། ཚིགས་སུ་བཅད་པ་ལྔ་པས་ཏེ། འཇིག་རྟེན་ལུགས་ཀྱི་ངན་ཤགས་འགྱེད་པའི་དབང་དུ་བྱས་པའོ། །གཉིས་པ་ལ། ཕན་ལན་དུ་གནོད་པ་དགེ་བའི་བཤེས་གཉེན་དུ་བལྟ་དགོས་པ་དང་། དེ་ལྟར་བལྟས་ནས་གནོད་ལེན་དུ་ཕན་འདོགས་དགོས་པའོ། །དང་པོ་ནི། ཚིགས་སུ་བཅད་པ་དྲུག་པས་བསྟན་ལ། གཉིས་པ་ནི་བདུན་པས་འཆད་དོ༑ །གསུམ་པ་ཚིག་གི་དོན་ལ་གཉིས་ཏེ། སྨོན་པ་སེམས་བསྐྱེད་གཞུང་གཞན་ནས་ཁ་བསྐང་བ་དང་། འཇུག་པ་སེམས་བསྐྱེད་ལ་བློ་སྦྱོང་ཚུལ་གཞུང་འདི་ཉིད་ཀྱིས་བཤད་པའོ། །དང་པོ་ལ་གཉིས་ཏེ། སྨོན་པའི་རྒྱུ་ཚོལ་བ་དང་། རྒྱུ་བཙལ་ནས་སྨོན་པ་དངོས་སོ། །དང་པོ་ལ་གཉིས་ཏེ། ཉེ་བར་ལེན་པའི་རྒྱུ་རང་ཆས་སུ་ཡོད་པ་དང་། འབྲས་བུ་འབྱུང་བ་ལྷན་ཅིག་བྱེད་རྐྱེན་ལ་རག་ལས་པའོ། །དང་པོ་ནི། རང་བཞིན་དུ་གནས་པའི་རིགས་ཏེ། འདིས་མ་ཁྱབ་པའི་སེམས་ཅན་ནི་འགའ་ཡང་ཡོད་པ་མ་ཡིན་ནོ། །གཉིས་པ་ནི། རྒྱས་འགྱུར་གྱི་རིགས་ཞེས་བྱ་ལ། དེ་ལའང་ཐོག་མར་རྒྱུའི་ནུས་པ་སད་བྱེད་ཀྱི་རྐྱེན་དང་། སད་ནས་མི་ཉམས་པར་འཕེལ་བའི་རྐྱེན་ནོ། །དང་པོ་ནི། དཀོན་མཆོག་གསུམ་ལ་སྐྱབས་སུ་འགྲོ་བ་སྟེ། དེ་ལའང་། དེའི་ཡོན་ཏན་ཤེས་ནས་དང་། མི་ཤེས་བཞིན་དུའང་རུང་སྟེ། རང་བཞིན་དུ་གནས་པའི་རིགས་ཀྱི་ནུས་པ་སད་པར་བྱེད་དོ། །གཉིས་པ་ལ་གཉིས་ཏེ། རྐྱེན་གྱི་རྩ་བ་བྱམས་པ་དང་། རྐྱེན་གྱི་གཙོ་བོ་སྙིང་རྗེའོ། །དེ་ལྟར་སྐྱབས་འགྲོ་སོགས་གསུམ་པོ་འདི་ལ་རྒྱས་པའི་རིགས་ཞེས་བྱ་སྟེ།གསུམ་པོ་དེ་ལས་གཞན་དོན་དོན་གཉེར་གྱི་བློ་རང་གི་ངང་གིས་སྐྱེ་བའི་ཕྱིར། གཉིས་པ་རྒྱུ་རྙེད་ནས་འབྲས་བུ་སྨོན་པ་དངོས་ཇི་ལྟར་འབྱུང་བ་ནི། དེ་ལྟར་རྒྱུ་གསུམ་པོ་དེ་གང་ན་ཚོགས་པའི་གཞི་དེར། འབྲས་བུ་གཞན་དོན་དུ་རྫོགས་བྱང་གི་བློ་རང་གི་ངང་གིས་འབྱུང་དུ་རུང་སྟེ། དེ་ལྟར་འབྱུང་བའི་རྒྱུ་ཚོགས་གྲངས་ཚང་བའི་ཕྱིར། མདོར་ན། དགོས་པའི་གཙོ་བོ་སེམས་ཅན་ཐམས་ཅད་ཀྱི་དོན་དུ། ལས་སུ་བྱ་བ་རྫོགས་པའི་བྱང་ཆུབ་དོན་གཉེར་གྱི་བློ་མངོན་དུ་གྱུར་པ་དེ་ལ་ནི། སྨོན་པ་བྱང་ཆུབ་ཀྱི་སེམས་ཞེས་བྱ་ལ། དེའི་ཚེ་ན། སེམས་བསྐྱེད་དེ་ཉིད་ཀྱི་རྒྱུའི་གཙོ་བོ་ནི། གཞན་དོན་དོན་གཉེར་གྱི་བློ་ཡིན་ལ། འབྲས་བུའི་གཙོ་བོ་ནི་གཞན་གྱི་དོན་ཡིན་ནོ། །བྱམས་སོགས་གསུམ་པོ་ཡང་སེམས་ཅན་ཐམས་ཅད་ལ་དམིགས་པ་དགོས་ཀྱི། ་གཅིག་ཁོ་ན་ལ་ཕྱོགས་སུ་ལྷུང་ན་ཡང་། སྨོན་པའི་སེམས་ཀྱི་རྒྱུར་རུང་བ་མ་ཡིན་ཏེ། དེའི་འགལ་ཟླ་ཉིད་དུ་གྱུར་པའི་ཕྱིར་རོ། །དེ་ལྟར་བཤད་པ་དེ་ནི་ཇི་སྐད་དུ། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་གང་གསུངས་པ་དེ་ཡིན་ལ་དེ་ཙམ་ཁོ་ན་ལ་བརྟེན་ནས་ཕན་ཡོན་ཇི་ལྟར་འབྱུང་བ་ཡང་། ཇི་སྐད་དུ། དེ་ཡི་ཕན་ཡོན་དཔག་ཏུ་མེད་པ་རྣམས། །བྱམས་མགོན་བློ་དང་ལྡན་པས་ནོར་བཟང་བཤད། །ཅེས་གསུངས་པ་ལྟར་རོ། །ཤིང་རྟའི་སྲོལ་འདི་ལ་ནི། ཆོ་གས་བླངས་པའི་སྨོན་སེམས་ཡིན་ཀྱང་། བར་མ་ཙམ་ཡིན་གྱི་སྡོམ་པར་ཁས་མི་ལེན་ལ། ཤིང་རྟའི་སྲོལ་གཞན་ལས་ནི། བྱང་ཆུབ་སེམས་གཏོང་རྩ་བའི་ལྟུང་བར་བཤད་པས་ན། སྨོན་སེམས་ལ་ཡང་སྡོམ་པ་བཞེད་པར་མངོན་ནོ། །གཉིས་པ་ལ་གཉིས་ཏེ། སྡོམ་པ་ཇི་ལྟར་ལེན་པ་དང་། བསླབ་བྱ་ལ་བསམ་སྦྱོར་གྱིས་སློབ་པའི་ཚུལ་ལོ། །དང་པོ་ནི། རྟེན་གྱི་གང་ཟག་སྨོན་པའི་སེམས་བསྐྱེད་པ་དང་། བྱང་ཆུབ་སེམས་དཔའི་སྡེ་སྣོད་ཐོས་པ་དང་༑ སོ་ཐར་རིས་བདུན་གང་རུང་གི་སྡོམ་པ་དང་ལྡན་པ་ཞིག་གོ །ཆོ་ག་གང་གིས་ལེན་པ་ནི། ཚུལ་ཁྲིམས་ལེའུར་གསུངས་པའི་ཆོ་ག་དེ་ཉིད་ཀྱིས་ལེན་ལ། དེའི་གོ་དོན་ནི། ཇི་སྐད་དུ། བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །ཞེས་པ་ཉིད་ལན་གསུམ་བཟླས་ནས། གཟེངས་བསྟོད་པས་ཆོག་པའོ། །གཉིས་པ་ལ་གསུམ་སྟེ། ཉེས་སྤྱོད་སྡོམ་པའི་ཚུལ་ཁྲིམས་ལ་སློབ་པ་དང་། སེམས་ཅན་དོན་བྱེད་ལ་སློབ་པ་དང༌། དགེ་བ་ཆོས་བསྡུད་ལ་སློབ་པའོ། །དང་པོ་ལ་བཞི་སྟེ། བདག་གཅེས་འཛིན་གྱི་གནས་སུ་གཞན་བཞག་པས། ཞེ་སྡང་རང་འགགས་སུ་གཏོང་བ་དང་། གཞན་ལ་སྡང་བའི་གནས་སུ་རང་བཞག་པས་བདག་ལ་ཆགས་པ་རང་འགགས་སུ་གཏོང་བ་དང་། ཆགས་སྡང་མངོན་གྱུར་བ་སྐྱེས་ན། གདོང་བཟློག་བྱེད་པའི་ཚུལ་དང་། ཆགས་སྡང་གི་བཟློག་ཚུལ་ཐེག་དམན་ལ་གྲགས་པ་དེ་མི་འཐད་པར་བསྟན་པའོ། །དང་པོ་ནི། མཆོག་ཏུ་གཅེས་པར་འཛིན་བྱེད་ཤོག །ཅེས་པ་ནི་བཤད་པའི་གཞི་སྟེ། དོན་ཙམ་སྟོན་པའོ། །ལས་སུ་བྱ་བ་གང་ལ་ན། སེམས་ཅན་ཐམས་ཅད་ལའོ། །བྱེད་པ་པོ་གང་གིས་ན། བདག་གི་ནི་བསམ་པ་ཡིས་སོ། །དགོས་པ་ཅིའི་ཕྱིར་དུ་ན། ཡིད་བཞིན་ནོར་བུ་ལས་ལྷག་པའི་དོན་གྱི་མཆོག །སངས་རྒྱས་བསྒྲུབ་པའི་ཕྱིར་དུའོ། །ཚུལ་ཇི་ལྟར་དུ་ན། ཇི་སྐད་དུ། སངས་རྒྱས་རྣམས་དང་སེམས་ཅན་ལས། །སངས་རྒྱས་ཆོས་བསྒྲུབ་འདྲ་བ་ལ། །རྒྱལ་ལ་གུས་བྱེད་དེ་བཞིན་དུ། །སེམས་ཅན་ལ་མིན་ཅི་ཡི་ཕྱིར༈ །ཞེས་པའི་ཚུལ་གྱིས་སོ། །འདིས་ནི་ཞེ་སྡང་སྐྱེ་བའི་གོ་སྐབས་རང་ཤུགས་ལ་བཀག་པས་བཟོད་པ་འགྲུབ་བོ། །གཉིས་པ་ནི། གང་ཟག་གཞན་ལ་མཆོག་ཏུ་གཅེས་པར་འཛིན་བྱེད་ཤོག །ཅེས་པ་དང་པོ་དང་གཉིས་པའི་ཚིག་གོ །བྱེད་པ་པོ་གང་གིས་ན། བསམ་པ་ཐག་པ་ཡིས་ཏེ། རང་གི་རྒྱུད་ཚོད་ནི་མངོན་སུམ་དུ་ཤེས་ལ། གཞན་གྱི་རྒྱུད་ཚོད་དཔག་མི་ནུས་པའི་ཕྱིར། ཚུལ་ཇི་ལྟར་དུ་ན། གནས་དང་དུས་གང་དུ། མཉམ་པའམ་ལྷག་པར་གྱུར་སྲིད་པ་སུ་དང་འགྲོགས་པའི་ཚེ། བདག་ཉིད་ནི་ཀུན་ལས་དམན་པར་བལྟ་བའི་ཚུལ་གྱིས་སོ། །དགོས་པ་ནི། བདག་ཏུ་ང་རྒྱལ་བ་ཁེགས་པའི་ཕྱིར་ཡིན་པས། སྔ་མ་དང་མི་ཟློས་ལ། འདིས་ནི་ནང་སེམས་ཅན་དུ་ཆགས་པ་རང་ཤུགས་སུ་ཁེགས་པས་ཚུལ་ཁྲིམས་རྣམ་པར་དག་གོ །གསུམ་པ་ནི། གཞན་མཆོད་འོས་སུ་བསམས་པས་ཞེ་སྡང་དང་། རང་དམན་པར་བལྟས་པས་ཆགས་སྡང་མ་འོངས་པ་སྐྱེ་འགྱུར་རེ་ཞིག་ཁེགས་པར་སླ་བ་ཡིན་མོད། སྐྱེས་ཟིན་མངོན་གྱུར་བ་འཕྲོ་གཅོད་པའི་ཐབས་ཇི་ལྟ་བུ་ཡིན་ཞེ་ན། ཆགས་སྡང་ལྟ་བུའི་ཉོན་མོངས་པ་རྣམས་སྐྱེས་མ་ཐག་དེར། བཙན་ཐབས་སུ་གདོང་ནས་བཟློག་པར་ཤོག་ཅིག་སྟེ། བཟློག་པར་བྱའོ། །གཉེན་པོ་གང་གིས་ན། རང་རྒྱུད་ལ་སོ་སོར་རྟོག་ཅིང་། དེ་ལྟར་བརྟགས་པའི་ཤེས་རབ་ཀྱིས་སོ། །དུས་ནམ་གྱི་ཚེ་རྟོག་ན། དུས་རེས་འགའ་བས་ཆོག་པ་མ་ཡིན་གྱི། འགྲོ་འཆག་ཉལ་འདུག་གི་སྤྱོད་ལམ་ཀུན་ཏུའོ། །དགོས་པ་ནི། སྐྱེས་པ་དེའི་རྒྱུན་མ་བཟློག་པར་འཕྲོ་འཐུད་ན་ནི། བདག་དང་གཞན་མ་རུངས་པར་བྱེད་པས་སོ། །འདིས་ནི་སོ་སོར་རྟོག་པའི་ཤེས་རབ་ཀྱིས་གཏི་མུག་དྲུངས་འབྱིན་པའི་གཉེན་པོ་ངོས་བཟུང་བས་ན། ཤེས་རབ་ཀྱི་ཕར་ཕྱིན་ལ་བསླབ་པའི་ཚུལ་བཤད་དོ། །བཞི་པ་ནི། གལ་ཏེ་ཉོན་མོངས་པའི་སྤོང་ཚུལ། ཉན་ཐོས་དང་རང་སངས་རྒྱས་ཀྱི་ལྟར་དབེན་པའི་གནས་སུ་བདག་མེད་དང་། སྟོང་པ་ཉིད་བསྒོམ་པས་རྟོགས་པའི་ཤེས་རབ་མཆོག་ཏུ་འགྱུར་བ་ཡིན་གྱི། གོང་དུ་བཤད་མ་ཐག་པ་ལྟར། རང་བཞིན་ངན་པའི་སེམས་ཅན་ཚོགས་པའི་ནང་དུ་ནི་མ་ཡིན་ཏེ། དེའི་ཚེ་ཆགས་སྡང་ཤིན་ཏུ་སྐྱེ་སླ་བའི་ཕྱིར་སྙམ་ན། མ་ཡིན་ཏེ། དབེན་པ་བརྟེན་ཚུལ་དེ་འདྲ་དེ་ནི་སྐབས་འདིར་ཤིན་ཏུ་སྤང་བྱ་ཡིན་པའི་ཕྱིར། དེ་བས་ན་རང་བཞིན་ངན་པའི་སེམས་ཅན་རྣམས་དང་ལྷན་ཅིག་ཏུ་འགྲོགས་པ་ནི། མཆོག་ཏུ་གཅེས་པར་འཛིན་པར་ཤོག་ཅིག་སྟེ། འགྲོགས་པར་བྱའོ། །དེའི་ཤེས་བྱེད་ནི། དེ་འདྲ་དེ་ཡང་རིན་པོ་ཆེའི་གཏེར་དང་ཕྲད་པ་ལྟར་རྙེད་པ་དཀའ་བས་སོ། །དུས་ནམ་གྱི་ཚེ་འགྲོགས་པར་བྱ་ན། གཞན་དག་མཚམས་མེད་ལྟ་བུ་སྡིག་པ་དྲག་པོ་བྱེད་བཞིན་པ་དང་། དམྱལ་བ་ལྟ་བུའི་སྡུག་བསྔལ་དྲག་པོ་མྱོང་གྱུར་གྱིས་ནོན་བཞིན་པར་མཐོང་བ་དེའི་ཚེ་ན་འགྲོགས་དགོས་པ་ཡིན་ཏེ། དེ་འདྲ་དེ་བྱང་སེམས་རང་ཉིད་ཀྱི་ཕར་ཕྱིན་དང་པོ་གསུམ་གྱི་རྒྱུར་མེད་མི་རུང་ཡིན་པའི་ཕྱིར་དང་། གཞན་དེ་དག་བློས་མི་སྤོང་བར་ཡང་དག་པའི་ལམ་ལ་འཁྲིད་དགོས་པའི་ཕྱིར། འདིས་ནི། ཐེག་དམན་གྱི་དབེན་པ་ལས་བྱང་སེམས་ཀྱི་དབེན་པ་ཁྱད་པར་དུ་ངོས་བཟུང་བས་ན། བསམ་གཏན་གྱི་ཕར་ཕྱིན་ལ་སློབ་ཚུལ་བསྟན་ནོ། །མདོར་ན། ཚིགས་སུ་བཅད་པ་དང་པོ་གསུམ་གྱིས་ནི། ཉོན་མོངས་པ་སྐྱེ་འགྱུར་མགོ་གནོན་པ་དང་།སྐྱེས་ཟིན་གྱི་ས་བོན་དྲུངས་འབྱིན་པའི་གཉེན་པོ་བཤད་ནས། བཞི་པས་ནི་དེ་ལ་རྩོད་པ་སྤང་བའི་ཕྱིར་ན། ཉེས་སྤྱོད་སྡོམ་པའི་ཚུལ་ཁྲིམས་ཀྱི་འཆད་ཚུལ་ལ་སྦྱར་བ་འདི་ནི་ཤིན་ཏུ་འགྲིག་པ་ཡིན་ནོ། །གཉིས་པ་སེམས་ཅན་དོན་བྱེད་ལ་གཉིས་ཏེ། སྦྱོར་བའི་སྒོ་ནས་གཞན་གྱི་གནོད་ལེན་དུ་ཕན་བཏགས་པས་དོན་བྱེད་པ་དང་། བསམ་སྦྱོར་གཉིས་ཀའི་སྒོ་ནས་སེམས་ཅན་ཀུན་ལ་ཕན་བཏགས་ཏེ་དོན་བྱེད་པའོ། །དང་པོ་ལ་གཉིས་ཏེ། གནོད་བྱེད་ལ་རྒྱལ་ཁེ་སྦྱིན་པས་ཕན་བཏགས་པ་དང་། གནོད་བྱེད་དགེ་བའི་བཤེས་གཉེན་དུ་བཟུང་ནས་ཕན་འདོགས་པའོ། །དང་པོ་ནི། བདག་ལ་སྡང་བ་འགའ་ཞིག་ཀུན་སློང་ཕྲག་དོག་གིས། འབྲས་བུ་ངོར་གཤེ་བ་དང་། ལྐོག་ཏུ་སྐུར་པ་འདེབས་པ་སོགས་མི་རིགས་པ་བརྫུན་གྱི་ཚིག་སྨྲ་བར་བྱེད་ན། བརྫུན་དེས་བསྟན་པའི་བུབ་ཁ་གང་ཡིན་པ་དེ། རང་གིས་ལེན་པ་དང་། སྨྲ་བ་པོ་དེ་རང་གིས་ཐོབ་པར་འདོད་པའི་རྒྱལ་ཁེ་གང་ཡིན་པ་དེ་ནི། གཞན་དེ་ཉིད་ལ་སྟེར་བར་ཤོག་ཅིག་སྟེ་སྟེར་བར་བྱའོ། །འདོད་པའི་དོན་ཐོབ་པར་བྱ་བ་དེ་ཉིད་གཞན་དོན་གྱི་གཙོ་བོ་ཡིན་པའི་ཕྱིར། འདིས་ནི། ཟང་ཟིང་གི་དངོས་པོ་གཏོང་ལེན་གཞན་ཡང་མཚོན་པས། སྦྱིན་པ་རྣམ་པར་དག་གོ །གཉིས་པ་ནི། འགྲོ་བ་གཞན་གང་ལ་བདག་གིས་ཆོས་དང་ཟང་ཟིང་གི་ཕན་བཏགས་པས། ཕན་ལན་དུ་རེ་བ་ཆེ་བ་འགའ་ཞིག་གིས། ཤིན་ཏུ་མི་རིགས་པའི་གནོད་པ་བྱེད་ན། བྱེད་པ་པོ་དེ་ཉིད་ལ་དགེ་བའི་བཤེས་གཉེན་དུ་བལྟ་བར་བྱ་སྟེ། དེས་གང་བྱས་པའི་གནོད་པ་དེ་ཉིད་དང་དུ་བླངས་པས། འཁོར་བ་དང་ངན་སོང་དུ་མི་ལྟུང་བར་འཛིན་ནུས་པའི་ཕྱིར། དཔེར་ན། སྦྱིན་པར་འདོད་པས། སློང་མོ་བ་དགེ་བའི་བཤེས་གཉེན་དུ་འཛིན་དགོས་པ་བཞིན་ནོ། །གཞུང་འདིས་ཕན་ལན་དུ་གནོད་པ་བྱུང་བའི་ཚེ། འཁོར་བ་ལ་ཡིད་འབྱུང་དགོས་པར་སྟོན་པ་མ་ཡིན་ཏེ། ཇི་སྐད་དུ། འཇིག་རྟེན་ན་ནི་སློང་བ་མོད། །གནོད་པ་བྱེད་པ་དཀོན་པ་སྟེ། །ཞེས་པ་ལྟར། རྒྱལ་བའི་སྲས་པོ་ལ་ནི་གནོད་བྱེད་ཇི་ལྟར་མང་བ་དེ་ཉིད་དོན་དུ་གཉེར་བྱ་ཡིན་པའི་ཕྱིར། གཉིས་པ་ནི།གལ་ཏེ་གནོད་བྱེད་མ་ཡིན་པ་དག་ལ་ཕན་བཏགས་པ་ནི་བཟོད་པར་མི་འགྱུར་བའི་ཕྱིར། དོན་ཆེན་པོར་མི་འགྱུར་བ་ཡིན་ནོ་སྙམ་ན། མདོར་ན་སྦྱོར་བའི་སྒོ་ནས་དངོས་སུ་དང་། བསམ་པ་ཡིས་རྒྱུད་པའི་སྒོ་ནས་ཀྱང་རུང་སྟེ། མ་འོངས་པའི་ཕན་པ་དང་། ཚེ་འདིའི་བདེ་བ་མ་ལུས་པ་ནི། སེམས་ཅན་ཀུན་ལ་དམིགས་བསལ་མེད་པ་ཉིད་དུ་འབུལ་བར་བྱ་སྟེ། སེམས་ཅན་གྱི་ནང་ན་ཕ་མར་མ་གྱུར་པ་མེད་པས། སྦྱིན་པའི་ཡུལ་མཆོག་ཏུ་གྱུར་པའི་ཕྱིར་དང་། གནོད་བྱེད་དུ་ཡང་མ་གྱུར་པ་མེད་པས། བཟོད་པའི་ཡུལ་མཆོག་ཏུ་གྱུར་པའི་ཕྱིར་དང་། ཕན་བདེ་ཕར་ལ་ཕུལ་བ་དེ་བཞིན་དུ་མར་གྱུར་པ་དང་། དགྲར་གྱུར་པ་ཀུན་གྱི་ཡང་གནོད་པ་སྟེ༑ ཉོན་མོངས་པ་དང་སྡུག་བསྔལ་ཀུན། །བདག་ལ་ལེན་ནུས་པར་ཤོག་ཅིག །ཇི་ལྟར་དུ་ན། དངོས་སུ་ལེན་ནུས་ན་དང་། དེར་མ་ཟད་གསང་བ་སྟེ་ལྐོག་ཏུ་གྱུར་པས་ཀྱང་ངོ་། །ཡང་ན། ཚིགས་བཅད་སྔ་མ་གཉིས་ཀྱིས་བརྗེ་བའི་ཡུལ་གནོད་བྱེད་ལ་དམིགས་ཀྱིས་བཀར་བས། སྦྱོར་བ་ཉེར་བསྡོགས་ལྟ་བུ། རྐང་པ་གསུམ་པས་དམིགས་བསལ་མེད་པར་སེམས་ཅན་ཐམས་ཅད་བརྗེ་ཡུལ་དུ་བསྟན་པས་སེམས་ཅན་དོན་བྱེད་ཀྱི་དངོས་གཞི་བསྟན། ཞེས་ཀྱང་བཤད་པར་བྱ་སྟེ། ཐོག་མར་གནོད་བྱེད་ལ་བློ་མ་སྦྱངས་ན། དམིགས་བསལ་མེད་པ་ཉིད་དུ་བློ་མི་འབྱོངས་པའི་ཕྱིར་རོ། །གསུམ་པ་དགེ་བ་ཆོས་སྡུད་ཀྱི་ཚུལ་ཁྲིམས་འཆད་པ་ལ་གསུམ་སྟེ། དགོས་པའི་དོན། བསྡུས་པའི་དོན། ཚིག་གི་དོན་ནོ། །དང་པོ་ནི། ཚུལ་ཁྲིམས་སྔ་མ་གཉིས་ཀྱི་སྐབས་སུ། བྱེད་པ་པོ་བྱང་སེམས་རང་ཉིད་དང༌། བྱ་བའི་ཡུལ་སེམས་ཅན་དང་། ལས་སུ་བྱ་བ་ཚུལ་ཁྲིམས་གསུམ་ཀ་ལ་ཡང་། རྟོག་པས་མཚན་མར་འཛིན་པ་སྤང་བའི་ཕྱིར་དུ། ཚིག་རྐང་བརྒྱད་པ་འདི་གསུངས་པ་ཡིན་ཏེ། བྱ་བྱེད་ལས་གསུམ་མཚན་འཛིན་གྱི་རྟོག་པས་བཅིངས་ན། རྫོགས་པའི་སངས་རྒྱས་ཀྱི་རྒྱུར་མི་འགྱུར་བའི་ཕྱིར་ནའོ། །བསྡུས་པའི་དོན་ནི། རྐང་པ་འདི་དོན་དམ་སེམས་བསྐྱེད་ལ་སྦྱར་བར་མ་ཟད། དགེ་བ་ཆོས་བསྡུད་ལ་སྦྱར་ན་ཡང་འགྲིག་པ་ཡིན་ཏེ། སྟོང་པ་ཉིད་རྟོགས་པའི་ཤེས་རབ་བསྐྱེད་པ་ལ་ནི། སངས་རྒྱས་ཀྱི་གསུང་རབ་མང་པོ་ལ་ཐོས་བསམ་བསྒོམ་གསུམ་གྱི་དགེ་བ་དང་དུ་ལེན་དགོས་པའི་ཕྱིར་རོ། །གསུམ་པ་ཚིག་གི་དོན་ནི། སྦྱང་གཞི་བཤད་མ་ཐག་པའི་སྐབས་ཀྱི་བྱ་བྱེད་ལས་གསུམ་པོ་དེ་དག་ཀུན་ཀྱང་། སྦྱང་བྱའི་དྲི་མ་འཇིག་རྟེན་ཆོས་བརྒྱད་ཀྱི་རྟོག་པའི་དྲི་མས་མ་སྦགས་པར་སྦྱོང་བར་བྱེད་པ་པོ་ཆོས་ཐམས་ཅད་ཀུན་སྒྱུ་མ་ལྟ་བུར་ཤེས་པ་ཡི་ཐོས་བསམ་བསྒོམ་པའི་ཤེས་རབ་ཀྱིས། སྦྱངས་པའི་འབྲས་བུ་འཁོར་གསུམ་དུ་མཚན་མར་ཞེན་པའི་འཆིང་བ་ལས་གྲོལ་བའི་ཆོས་ཀྱི་སྐུ་མངོན་དུ་བྱེད་པར་ཤོག་ཅིག་ཅེས་པའོ། །དོན་འདི་ཉིད་ལ་རྒྱས་བཤད་ཀྱི་སྒོ་ནས་བློ་སྦྱོང་བ་ནི། ཇི་སྐད་དུ། ཆོས་རྣམས་རྨི་ལམ་ལྟ་བུར་བསམ། །ཞེས་པས་ནི་གཟུང་བའི་ཡུལ་སྣང་བཞིན་དུ་མི་དམིགས་པར་བསྟན། མ་སྐྱེས་རིག་པའི་གཤིས་ལ་དཔྱད། །ཅེས་པས་ནི། ཡུལ་ཅན་འཛིན་པ་པོར་སྣང་ཡང་དེ་མི་དམིགས་པ་ཉིད་དུ་རིགས་པས་དཔྱོད་དགོས་པར་བསྟན། གཉེན་པོ་ཉིད་ཀྱང་རང་སར་གྲོལ། །ཞེས་པས་ནི་གཟུང་འཛིན་མི་དམིགས་པ་ཉིད་དུ་གཏན་ལ་འབེབས་བྱེད་ཀྱི་ཤེས་རབ་དེ་ཉིད་ལ་ཡང་རིགས་པས་དཔྱད་མི་བཟོད་པས་ན་རང་སར་གྲོལ་བ་ཉིད་དུ་བསྟན་ནོ། །ངོ་བོ་ཀུན་གཞིའི་ངང་ལ་བཞག །ཅེས་པ་འདི་འཆད་པ་པོ་འགའ་ཞིག་གིས་གཞུང་མ་དག་པར་འཆད་ཀྱང་། ཆེས་ཤིན་ཏུ་ལེགས་པ་ཡིན་ཏེ། རྐང་པ་སྔ་མ་གསུམ་གྱིས་ཐོས་བསམ་དང་།འདིས་ནི་བསྒོམ་བྱུང་གིས་མཉམ་པར་འཇོག་ཚུལ་སྟོན་པས་སོ། །འདི་ཀུན་གཞིའི་རྣམ་ཤེས་ལ་འཆད་དགོས་པ་ནི་མ་ཡིན་ཏེ། ཇི་སྐད་དུ། ས་རྣམས་སྣ་ཚོགས་ཀུན་གཞི་སྟེ། །བདེ་གཤེགས་སྙིང་པོ་དགེ་བའང་དེ། །ཞེས་ས་བཅུ་སོ་སོའི་མཉམ་བཞག་ཡེ་ཤེས་དང་། ཁམས་བདེ་བར་གཤེགས་པའི་སྙིང་པོའི་ངོས་འཛིན་ཀུན་གཞིའི་ཡེ་ཤེས་ཉིད་ལ་བཤད་པའི་ཕྱིར་རོ། །ཀུན་གཞིའི་ཡེ་ཤེས་ཞེས་བྱ་བ་གཞུང་ལས་མ་བཤད་དོ་སྙམ་དུ་དོགས་པར་མི་བྱ་སྟེ། ཐོགས་མེད་ཞབས་ཀྱིས་ཀུན་གཞིའི་སྒྲུབ་བྱེད་དུ་དྲངས་པའི་མདོ་ལས། ཐོག་མ་མེད་པའི་དུས་ཀྱི་དབྱིངས། །ཆོས་རྣམས་ཀུན་གྱི་གནས་ཡིན་ཏེ། །ཞེས་བཤད་ལ། རྣམ་ཤེས་ནི་ཐོག་མ་མེད་པའི་དབྱིངས་སུ་མི་རུང་བའི་ཕྱིར་དང་། རྣམ་པར་ཤེས་པའི་ཚོགས་བརྒྱད་འཁོར་དང་བཅས་པ་ལ། དབྱིངས་དང་ཡེ་ཤེས་གཉིས་གཉིས་སུ་དབྱེ་དགོས་པ་ནི། རྒྱལ་བ་མ་ཕམ་པའི་ཞབས་ཀྱི་གཞུང་དགོངས་འགྲེལ་དང་བཅས་པའི་འཆད་ཚུལ་གྱི་རྩ་བ་ཉིད་དུ་གསལ་བར་བཞུགས་པའི་ཕྱིར་རོ། །འདིར་སྨྲས་པ། གངས་ཅན་ལྗོངས་སུ་བདག་དང་གཞན། །བརྗེ་བའི་བྱང་ཆུབ་སེམས་ལ་ནི། །བློ་སྦྱོང་ཞེས་གྲགས་བཤད་པའི་སྲོལ། །ཐོག་མར་བྱོན་པ་གཞུང་འདི་ཡིན། །གཞུང་འདིའི་དངོས་བསྟན་གོ་སླ་ཞིང་། །དེ་ཉིད་འཆད་པར་མི་དཀའ་ཡང་། །ཤིང་རྟའི་སྲོལ་ཆེན་ལས་བྱོན་པའི། །བསྡུས་དོན་ཚོམས་དང་འབྲེལ་བསྒྲིགས་དང་། །གོང་འོག་ཟློས་པ་མེད་ཉིད་དང་། །བསམ་པས་སྨོན་པའི་བསླབ་བྱ་དང་། །ཕ་རོལ་ཕྱིན་དྲུག་འཇུག་པ་ཡི། །བསླབ་བྱར་བཤད་སོགས་གཞུང་ཉུང་བ། །འགྲེལ་པས་རྒྱས་པར་འཆད་པའི་སྒོ། །ལ་ལས་འཆད་ནུས་མ་ཡིན་པ། །རྣམ་དཔྱོད་རྩལ་དང་གཞུང་མང་པོའི། །དགོངས་པ་ཉེ་བར་བླངས་ནས་སྦྱར། །ཐེག་པ་ཆེན་པོའི་བློ་སྦྱོང་། ཚིགས་བཅད་བརྒྱད་པའི་རྣམ་བཤད་དོན་གསུམ་རབ་ཏུ་གསལ་བ་ཞེས་བྱ་བ་འདི་ནི། སྔོན་ཉིད་ནས་དགེ་བའི་བཤེས་གཉེན་དུ་མས་བསྐུལ་བའི་ངོར་བགྱིས་ནས། དཔལ་ཤཱཀྱ་མཆོག་ལྡན་དྲི་མེད་ལེགས་པའི་བློས། གླང་རི་ཐང་གི་བཙུག་ལག་ཁང་ཆེན་པོ་ཉིད་དུ་སྦྱར་བའི་ཡི་གེ་པ་ནི། ཀོང་སྟོན་ཆོས་ཀྱི་རྒྱལ་མཚན་དཔལ་བཟང་པོའོ།། །།མངྒལཾ།། །།<br /> དཔལ་བརྩེགས་བོད་ཡིག་དཔེ་རྙིང་ཞིབ་འཇུག་ཁང་ནས་དཔེ་རྙིང་བྲིས་མ་ཞིག་ལས་བཤུས་ཤིང་། མེ་ཁྱི་དང་མེ་ཕག་ལོའི་རྫོང་སར་ཁམས་བྱེའི་སློབ་གླིང་གི་འཛིན་གྲྭ་ཁག་གི་མཁན་སློབ་རྣམས་ནས་དཔེ་སྡུར་བྱས་ཏེ་པར་གཞི་གསར་དུ་བསྒྲིགས་པའི་དགེ་བས་འགྲོ་བ་ཀུན་བླ་མེད་རྫོགས་བྱང་ཐོབ་པའི་རྒྱུར་གྱུར་ཅིག། །།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_tshig_rkang_brgyad_pa%27i_rnam_bshad_don_gsum_rab_tu_gsal_ba/Full_text&diff=140641 Texts/Blo sbyong tshig rkang brgyad pa'i rnam bshad don gsum rab tu gsal ba/Full text 2026-08-14T04:54:22Z <p>Khenpo Tamphel: </p> <hr /> <div>{{FullTextSubpage<br /> |FullTextVersions={{FullTextVersion<br /> |IsTsadraVersion=Yes<br /> |VersionPdf=༄༅། །བློ་སྦྱོང་ཚིག་རྐང་བརྒྱད་མའི་འགྲེལ་བ་དོན་གསུམ་རབ་གསལ་ཞེས་བྱ་བ་བཞུགས་སོ།།.pdf<br /> }}<br /> |TsadraVersion=No<br /> |FullTextDate=2025-10-05<br /> |PdfLink=File:UTMW1KG8897 C050BD I1KG8965 bo,sa,zh (1).pdf<br /> |FullTextTibetan=༄༅། །བློ་སྦྱོང་ཚིག་རྐང་བརྒྱད་མའི་འགྲེལ་བ་དོན་གསུམ་རབ་གསལ་ཞེས་བྱ་བ་བཞུགས་སོ།།<br /> ༄༅། །སྭ་སྟི། གང་ཡོད་ན་ནི་རྫོགས་སངས་རྒྱས། །དེ་ཡི་སྲས་དང་རང་རྒྱལ་དང་། །ཉན་ཐོས་རྣམས་དང་གཞན་གྱི་དོན། །ཕུན་སུམ་ཚོགས་པ་དེ་འཁྲུངས་ཤིང་། །དེ་མེད་ན་ནི་དེ་དག་ཀུན། །འཇིག་རྟེན་ཁམས་སུ་མི་འབྱུང་བ། །དེ་ཕྱིར་བྱང་ཆུབ་སེམས་གང་ནི། །བསླབ་པར་བྱས་ལ་ཕྱག་བགྱིའོ། །དེ་ལྟར་མཆོད་པར་བརྗོད་འོག་ཏུ། །བདག་གཞན་བརྗེ་བའི་བྱང་སེམས་ཀྱི། །སྲོལ་གང་ཁ་བ་ཅན་ལྗོངས་སུ། །ཐོག་མར་ཕྱེ་ནས་འཛིན་མཛད་པ། །གླང་ཐང་པར་གྲགས་དེས་མཛད་པའི། །བསྟན་བཅོས་ཡིད་བཞིན་ནོར་འདྲ་ཡི། །དགོས་པའི་དོན་དང་བསྡུས་པའི་དོན། །ཚིག་དོན་རབ་དབྱེ་བརྩམ་པར་བྱ། །གང་འདིར་ཐེག་པ་ཆེན་པོའི་རིགས་ཀྱི་ནུས་པ་ཡོངས་སུ་བརྟས་པའི་སོ་སོ་སྐྱེ་བོ་དག་གིས། ཐོག་མར་བྱམས་པ་དང་། མཆོག་གི་སྙིང་རྗེ་སྔོན་དུ་འགྲོ་བ་ཅན་གྱི། སྨོན་པ་བྱང་ཆུབ་ཀྱི་མཆོག་ཏུ་སེམས་བསྐྱེད་པ་སྔོན་དུ་བཏང་ནས། དེའི་འོག་ཏུ་བྱང་ཆུབ་སེམས་དཔའི་སྡོམ་པ་ཡང་དག་པར་བླངས་ནས། དེ་ཉིད་ཀྱི་བསླབ་བྱའི་གཙོ་བོ་བདག་གཞན་བརྗེ་བའི་ཚུལ་ལ། བློ་སྦྱོང་བའི་རིམ་པ་དོན་རྒྱ་ཆེ་ཞིང་། ཚིག་ཉུང་བ་གསལ་བར་སྟོན་པའི་བསྟན་བཅོས་འདི་འཆད་པ་ལ་དོན་གསུམ་སྟེ། དགོས་པའི་དོན། བསྡུས་པའི་དོན། ཚིག་གི་དོན་ནོ། །དང་པོ་ནི། བྱང་སེམས་ཀྱི་སྡོམ་པ་རྣམས་ཀྱི་བསླབ་བྱའི་རྩ་བ། བདག་དང་གཞན་དུ་བརྗེ་ནུས་པའི་བསམ་པ་མངོན་དུ་བྱས་པ་དེའོ། །དེའི་ཤེས་བྱེད་ཀྱང་། བསམ་པ་འདི་སྔོན་དུ་མ་སོང་བར། སྤྱོད་པ་ཕ་རོལ་ཏུ་ཕྱིན་པ་དྲུག་ལ་ཇི་ཙམ་བསླབས་ཀྱང་། སྡོམ་པ་འདི་ལ་ལྟོས་པའི་བསླབ་བྱ་ཡོངས་སུ་མི་རྫོགས་པའི་ཕྱིར་དང་། བསམ་པ་འདི་ཡོངས་སུ་སྦྱངས་པ་ལ་ནི་འབད་རྩོལ་ལ་མི་ལྟོས་པར། ཕ་རོལ་ཏུ་ཕྱིན་པ་དྲུག་གི་སྤྱོད་པ་རླབས་པོ་ཆེ་ངང་གིས་འབྱུང་བའི་ཕྱིར་བསྟན་བཅོས་འདི་ལ་ཐོས་པ་དང་བསམ་པས་ཞུགས་པའི་ཚེ། དགོས་པ་དེ་བདེ་བླག་ཏུ་རྟོགས་པ་ནི། སྐབས་འདིའི་འབྲེལ་པ་ཡིན་ལ། དེ་ལྟར་འབྲེལ་བའི་ཤེས་བྱེད་ཀྱང་། གཞུང་ཉུང་ངུ་འདིས་བདག་དང་གཞན་དུ་བརྗེ་ནུས་པའི་ཐབས་མཁས་ཀྱི་རྩ་བ་བསྟན་པས་སོ། །རྩ་བ་དེ་ཡང་གང་ཞེ་ན། སེམས་ཅན་ཐམས་ཅད་ལ་ཕྱོགས་སུ་ལྷུང་བ་མེད་པར་མཆོག་ཏུ་གཅེས་པར་འཛིན་པ་དེའོ། །རྒྱུ་དེ་ལས་དེ་ལྟར་ནུས་པའི་ཤེས་བྱེད་ནི། བདག་ཉིད་ལ་མཆོག་ཏུ་གཅེས་པར་བཟུང་ན། བདག་གི་གནས་སུ་གཞན་འཇོག་པར་མི་ནུས་པའི་ཕྱིར་རོ། །གཉིས་པ་བསྡུས་པའི་དོན་ལ། ཚིགས་སུ་བཅད་པ་བརྒྱད་ལས། དང་པོ་བདུན་གྱིས་ནི། བདག་ལས་གཞན་མཆོག་ཡིན་པའི་ཤེས་བྱེད་ཀྱི་གཏན་ཚིགས་དང་། དཔེའི་སྒོ་ནས་དེ་ལྟར་ཤེས་དགོས་པ་ཉིད་དུ་བསྟན་ལ། ཚིགས་སུ་བཅད་པ་བརྒྱད་པས་ནི། ཤེས་བྱེད་ཀྱི་བློ་དེ་ལ་ཡང་མཚན་འཛིན་གྱི་རྟོག་པས་མ་གོས་པ་ཞིག་དགོས་པར་བསྟན་ནོ། །ཡང་ན་དང་པོ་བདུན་གྱིས་ནི་ཀུན་རྫོབ་བྱང་ཆུབ་སེམས་ཀྱི་བསླབ་བྱ་ལ་བློ་སྦྱོང་བ་དང༌། བརྒྱད་པས་ནི། དོན་དམ་བྱང་སེམས་ཀྱི་བསླབ་བྱ་ལ་བློ་སྦྱོང་བ་བསྟན་ནོ། །དང་པོ་ལ། ཤེས་བྱེད་དགོད་པ་དང་༑ དེ་ལྟར་ཤེས་ནས་བདག་གཞན་བརྗེ་བ་དངོས་སོ། །དང་པོ་ལ། སྒྲུབ་བྱེད་ཀྱི་གཏན་ཚིགས་དགོད་པ་དང༌། ཤེས་བྱེད་ཀྱི་དཔེ་བསམ་པའོ། །དང་པོ་ལ་། གཏན་ཚིགས་དངོས་དང་། རྟགས་དེ་མི་མཐུན་ཕྱོགས་ལས་ལྡོག་པའི་ཚུལ་ལོ། །དང་པོ་ནི། ཚིགས་སུ་བཅད་པ་དང་པོ་སྟེ། སངས་རྒྱས་བསྒྲུབ་པ་སེམས་ཅན་གཞན་ལ་རག་ལས་པའི་ཕྱིར་ན། གཞན་མཆོག་ཉིད་དུ་གྲུབ་པའོ། །གཉིས་པ་ལ༑ བདག་ཉིད་གཞན་ལས་དམན་པར་བལྟ་དགོས་པ་དང་། མཆོག་ཏུ་བལྟ་བ་ཇི་ལྟར་སྤོང་བའི་ཚུལ་ལོ། །དང་པོ་ནི། གང་དུ། ཞེས་སོགས་ཏེ། གཞན་ལ་མ་ལྟོས་པར་བདག་གཅིག་པུས་སངས་རྒྱས་སུ་མི་འགྲུབ་པའོ། །གཉིས་པ་ནི། གལ་ཏེ་སེམས་ཅན་གཞན་ཁ་ཅིག་ལས་རང་མཆོག་ཏུ་འཛིན་པའི་བློ་ནི་ཡུལ་གྱི་གནས་ཚུལ་ལ་ཞུགས་པའི་ཕྱིར། ཇི་ལྟར་སྤང་ཞེ་ན། ཚིགས་སུ་བཅད་པ་གསུམ་པས་ཏེ། སོ་སོར་རྟོག་པའི་ཤེས་རབ་ཀྱིས་རང་གཅེས་འཛིན་གྱི་རྟོག་པ་སྤོང་ནུས་པར་བསྟན་པའོ། །གཉིས་པ་ཤེས་བྱེད་ཀྱི་དཔེ་ནི། སེམས་ཅན་གཞན་རང་ལས་མཆོག་ཡིན་དུ་ཆུག་ཀྱང་། མཆོག་འཛིན་གྱི་རྟོག་པ་སྤོང་དགོས་སོ་ཞེ་ན།ཚིགས་སུ་བཅད་པ་བཞི་པས་སྟོན་ཏེ། དབུལ་པོ་རིན་པོ་ཆེའི་གཏེར་དང་ཕྲད་ན། འདོད་དགུ་འབྱུང་བའི་ཕྱིར་སྤོང་མི་རུང་བ་བཞིན་ནོ། །མདོར་ན་གཏན་ཚིགས་ཀྱིས་ནི་སེམས་ཅན་གཞན་མཆོག་ཡིན་པར་བསྒྲུབས་ལ༑ མཐུན་པའི་དཔེ་ལས་ནི། མཆོག་གང་ཡིན་པ་དེ་ལ་ནི་གཅེས་པར་འཛིན་དགོས་པ་ཉིད་དུ་བསྟན་ནོ། །གཉིས་པ་བརྗེ་བ་དངོས་ལ་གཉིས་ཏེ། རྗོད་བྱེད་ཚིག་གི་རྒྱལ་ཁེ་གཞན་ལ་སྟེར་དགོས་པར་བསྟན་པ་དང་༑ བརྗོད་བྱ་དོན་གྱི་རྒྱལ་ཁེ་གཞན་ལ་སྟེར་དགོས་པར་བསྟན་པའོ། །དང་པོ་ནི། ཚིགས་སུ་བཅད་པ་ལྔ་པས་ཏེ། འཇིག་རྟེན་ལུགས་ཀྱི་ངན་ཤགས་འགྱེད་པའི་དབང་དུ་བྱས་པའོ། །གཉིས་པ་ལ། ཕན་ལན་དུ་གནོད་པ་དགེ་བའི་བཤེས་གཉེན་དུ་བལྟ་དགོས་པ་དང་། དེ་ལྟར་བལྟས་ནས་གནོད་ལེན་དུ་ཕན་འདོགས་དགོས་པའོ། །དང་པོ་ནི། ཚིགས་སུ་བཅད་པ་དྲུག་པས་བསྟན་ལ། གཉིས་པ་ནི་བདུན་པས་འཆད་དོ༑ །གསུམ་པ་ཚིག་གི་དོན་ལ་གཉིས་ཏེ། སྨོན་པ་སེམས་བསྐྱེད་གཞུང་གཞན་ནས་ཁ་བསྐང་བ་དང་། འཇུག་པ་སེམས་བསྐྱེད་ལ་བློ་སྦྱོང་ཚུལ་གཞུང་འདི་ཉིད་ཀྱིས་བཤད་པའོ། །དང་པོ་ལ་གཉིས་ཏེ། སྨོན་པའི་རྒྱུ་ཚོལ་བ་དང་། རྒྱུ་བཙལ་ནས་སྨོན་པ་དངོས་སོ། །དང་པོ་ལ་གཉིས་ཏེ། ཉེ་བར་ལེན་པའི་རྒྱུ་རང་ཆས་སུ་ཡོད་པ་དང་། འབྲས་བུ་འབྱུང་བ་ལྷན་ཅིག་བྱེད་རྐྱེན་ལ་རག་ལས་པའོ། །དང་པོ་ནི། རང་བཞིན་དུ་གནས་པའི་རིགས་ཏེ། འདིས་མ་ཁྱབ་པའི་སེམས་ཅན་ནི་འགའ་ཡང་ཡོད་པ་མ་ཡིན་ནོ། །གཉིས་པ་ནི། རྒྱས་འགྱུར་གྱི་རིགས་ཞེས་བྱ་ལ། དེ་ལའང་ཐོག་མར་རྒྱུའི་ནུས་པ་སད་བྱེད་ཀྱི་རྐྱེན་དང་། སད་ནས་མི་ཉམས་པར་འཕེལ་བའི་རྐྱེན་ནོ། །དང་པོ་ནི། དཀོན་མཆོག་གསུམ་ལ་སྐྱབས་སུ་འགྲོ་བ་སྟེ། དེ་ལའང་། དེའི་ཡོན་ཏན་ཤེས་ནས་དང་། མི་ཤེས་བཞིན་དུའང་རུང་སྟེ། རང་བཞིན་དུ་གནས་པའི་རིགས་ཀྱི་ནུས་པ་སད་པར་བྱེད་དོ། །གཉིས་པ་ལ་གཉིས་ཏེ། རྐྱེན་གྱི་རྩ་བ་བྱམས་པ་དང་། རྐྱེན་གྱི་གཙོ་བོ་སྙིང་རྗེའོ། །དེ་ལྟར་སྐྱབས་འགྲོ་སོགས་གསུམ་པོ་འདི་ལ་རྒྱས་པའི་རིགས་ཞེས་བྱ་སྟེ།གསུམ་པོ་དེ་ལས་གཞན་དོན་དོན་གཉེར་གྱི་བློ་རང་གི་ངང་གིས་སྐྱེ་བའི་ཕྱིར། གཉིས་པ་རྒྱུ་རྙེད་ནས་འབྲས་བུ་སྨོན་པ་དངོས་ཇི་ལྟར་འབྱུང་བ་ནི། དེ་ལྟར་རྒྱུ་གསུམ་པོ་དེ་གང་ན་ཚོགས་པའི་གཞི་དེར། འབྲས་བུ་གཞན་དོན་དུ་རྫོགས་བྱང་གི་བློ་རང་གི་ངང་གིས་འབྱུང་དུ་རུང་སྟེ། དེ་ལྟར་འབྱུང་བའི་རྒྱུ་ཚོགས་གྲངས་ཚང་བའི་ཕྱིར། མདོར་ན། དགོས་པའི་གཙོ་བོ་སེམས་ཅན་ཐམས་ཅད་ཀྱི་དོན་དུ། ལས་སུ་བྱ་བ་རྫོགས་པའི་བྱང་ཆུབ་དོན་གཉེར་གྱི་བློ་མངོན་དུ་གྱུར་པ་དེ་ལ་ནི། སྨོན་པ་བྱང་ཆུབ་ཀྱི་སེམས་ཞེས་བྱ་ལ། དེའི་ཚེ་ན། སེམས་བསྐྱེད་དེ་ཉིད་ཀྱི་རྒྱུའི་གཙོ་བོ་ནི། གཞན་དོན་དོན་གཉེར་གྱི་བློ་ཡིན་ལ། འབྲས་བུའི་གཙོ་བོ་ནི་གཞན་གྱི་དོན་ཡིན་ནོ། །བྱམས་སོགས་གསུམ་པོ་ཡང་སེམས་ཅན་ཐམས་ཅད་ལ་དམིགས་པ་དགོས་ཀྱི། ་གཅིག་ཁོ་ན་ལ་ཕྱོགས་སུ་ལྷུང་ན་ཡང་། སྨོན་པའི་སེམས་ཀྱི་རྒྱུར་རུང་བ་མ་ཡིན་ཏེ། དེའི་འགལ་ཟླ་ཉིད་དུ་གྱུར་པའི་ཕྱིར་རོ། །དེ་ལྟར་བཤད་པ་དེ་ནི་ཇི་སྐད་དུ། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་གང་གསུངས་པ་དེ་ཡིན་ལ་དེ་ཙམ་ཁོ་ན་ལ་བརྟེན་ནས་ཕན་ཡོན་ཇི་ལྟར་འབྱུང་བ་ཡང་། ཇི་སྐད་དུ། དེ་ཡི་ཕན་ཡོན་དཔག་ཏུ་མེད་པ་རྣམས། །བྱམས་མགོན་བློ་དང་ལྡན་པས་ནོར་བཟང་བཤད། །ཅེས་གསུངས་པ་ལྟར་རོ། །ཤིང་ལྟའི་སྲོལ་འདི་ལ་ནི། ཆོ་གས་བླངས་པའི་སྨོན་སེམས་ཡིན་ཀྱང་། བར་མ་ཙམ་ཡིན་གྱི་སྡོམ་པར་ཁས་མི་ལེན་ལ། ཤིང་རྟའི་སྲོལ་གཞན་ལས་ནི། བྱང་ཆུབ་སེམས་གཏོང་རྩ་བའི་ལྟུང་བར་བཤད་པས་ན། སྨོན་སེམས་ལ་ཡང་སྡོམ་པ་བཞེད་པར་མངོན་ནོ། །གཉིས་པ་ལ་གཉིས་ཏེ། སྡོམ་པ་ཇི་ལྟར་ལེན་པ་དང་། བསླབ་བྱ་ལ་བསམ་སྦྱོར་གྱིས་སློབ་པའི་ཚུལ་ལོ། །དང་པོ་ནི། རྟེན་གྱི་གང་ཟག་སྨོན་པའི་སེམས་བསྐྱེད་པ་དང་། བྱང་ཆུབ་སེམས་དཔའི་སྡེ་སྣོད་ཐོས་པ་དང་༑ སོ་ཐར་རིས་བདུན་གང་རུང་གི་སྡོམ་པ་དང་ལྡན་པ་ཞིག་གོ །ཆོ་ག་གང་གིས་ལེན་པ་ནི། ཚུལ་ཁྲིམས་ལེའུར་གསུངས་པའི་ཆོ་ག་དེ་ཉིད་ཀྱིས་ལེན་ལ། དེའི་གོ་དོན་ནི། ཇི་སྐད་དུ། བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །ཞེས་པ་ཉིད་ལན་གསུམ་བཟླས་ནས། གཟེངས་བསྟོད་པས་ཆོག་པའོ། །གཉིས་པ་ལ་གསུམ་སྟེ། ཉེས་སྤྱོད་སྡོམ་པའི་ཚུལ་ཁྲིམས་ལ་སློབ་པ་དང་། སེམས་ཅན་དོན་བྱེད་ལ་སློབ་པ་དང༌། དགེ་བ་ཆོས་བསྡུད་ལ་སློབ་པའོ། །དང་པོ་ལ་བཞི་སྟེ། བདག་གཅེས་འཛིན་གྱི་གནས་སུ་གཞན་བཞག་པས། ཞེ་སྡང་རང་འགགས་སུ་གཏོང་བ་དང་། གཞན་ལ་སྡང་བའི་གནས་སུ་རང་བཞག་པས་བདག་ལ་ཆགས་པ་རང་འགགས་སུ་གཏོང་བ་དང་། ཆགས་སྡང་མངོན་གྱུར་བ་སྐྱེས་ན། གདོང་བཟློག་བྱེད་པའི་ཚུལ་དང་། ཆགས་སྡང་གི་བཟློག་ཚུལ་ཐེག་དམན་ལ་གྲགས་པ་དེ་མི་འཐད་པར་བསྟན་པའོ། །དང་པོ་ནི། མཆོག་ཏུ་གཅེས་པར་འཛིན་བྱེད་ཤོག །ཅེས་པ་ནི་བཤད་པའི་གཞི་སྟེ། དོན་ཙམ་སྟོན་པའོ། །ལས་སུ་བྱ་བ་གང་ལ་ན། སེམས་ཅན་ཐམས་ཅད་ལའོ། །བྱེད་པ་པོ་གང་གིས་ན། བདག་གི་ནི་བསམ་པ་ཡིས་སོ། །དགོས་པ་ཅིའི་ཕྱིར་དུ་ན། ཡིད་བཞིན་ནོར་བུ་ལས་ལྷག་པའི་དོན་གྱི་མཆོག །སངས་རྒྱས་བསྒྲུབ་པའི་ཕྱིར་དུའོ། །ཚུལ་ཇི་ལྟར་དུ་ན། ཇི་སྐད་དུ། སངས་རྒྱས་རྣམས་དང་སེམས་ཅན་ལས། །སངས་རྒྱས་ཆོས་བསྒྲུབ་འདྲ་བ་ལ། །རྒྱལ་ལ་གུས་བྱེད་དེ་བཞིན་དུ། །སེམས་ཅན་ལ་མིན་ཅི་ཡི་ཕྱིར༈ །ཞེས་པའི་ཚུལ་གྱིས་སོ། །འདིས་ནི་ཞེ་སྡང་སྐྱེ་བའི་གོ་སྐབས་རང་ཤུགས་ལ་བཀག་པས་བཟོད་པ་འགྲུབ་བོ། །གཉིས་པ་ནི། གང་ཟག་གཞན་ལ་མཆོག་ཏུ་གཅེས་པར་འཛིན་བྱེད་ཤོག །ཅེས་པ་དང་པོ་དང་གཉིས་པའི་ཚིག་གོ །བྱེད་པ་པོ་གང་གིས་ན། བསམ་པ་ཐག་པ་ཡིས་ཏེ། རང་གི་རྒྱུད་ཚོད་ནི་མངོན་སུམ་དུ་ཤེས་ལ། གཞན་གྱི་རྒྱུད་ཚོད་དཔག་མི་ནུས་པའི་ཕྱིར། ཚུལ་ཇི་ལྟར་དུ་ན། གནས་དང་དུས་གང་དུ། མཉམ་པའམ་ལྷག་པར་གྱུར་སྲིད་པ་སུ་དང་འགྲོགས་པའི་ཚེ། བདག་ཉིད་ནི་ཀུན་ལས་དམན་པར་བལྟ་བའི་ཚུལ་གྱིས་སོ། །དགོས་པ་ནི། བདག་ཏུ་ང་རྒྱལ་བ་ཁེགས་པའི་ཕྱིར་ཡིན་པས། སྔ་མ་དང་མི་ཟློས་ལ། འདིས་ནི་ནང་སེམས་ཅན་དུ་ཆགས་པ་རང་ཤུགས་སུ་ཁེགས་པས་ཚུལ་ཁྲིམས་རྣམ་པར་དག་གོ །གསུམ་པ་ནི། གཞན་མཆོད་འོས་སུ་བསམས་པས་ཞེ་སྡང་དང་། རང་དམན་པར་བལྟས་པས་ཆགས་སྡང་མ་འོངས་པ་སྐྱེ་འགྱུར་རེ་ཞིག་ཁེགས་པར་སླ་བ་ཡིན་མོད། སྐྱེས་ཟིན་མངོན་གྱུར་བ་འཕྲོ་གཅོད་པའི་ཐབས་ཇི་ལྟ་བུ་ཡིན་ཞེ་ན། ཆགས་སྡང་ལྟ་བུའི་ཉོན་མོངས་པ་རྣམས་སྐྱེས་མ་ཐག་དེར། བཙན་ཐབས་སུ་གདོང་ནས་བཟློག་པར་ཤོག་ཅིག་སྟེ། བཟློག་པར་བྱའོ། །གཉེན་པོ་གང་གིས་ན། རང་རྒྱུད་ལ་སོ་སོར་རྟོག་ཅིང་། དེ་ལྟར་བརྟགས་པའི་ཤེས་རབ་ཀྱིས་སོ། །དུས་ནམ་གྱི་ཚེ་རྟོག་ན། དུས་རེས་འགའ་བས་ཆོག་པ་མ་ཡིན་གྱི། འགྲོ་འཆག་ཉལ་འདུག་གི་སྤྱོད་ལམ་ཀུན་ཏུའོ། །དགོས་པ་ནི། སྐྱེས་པ་དེའི་རྒྱུན་མ་བཟློག་པར་འཕྲོ་འཐུད་ན་ནི། བདག་དང་གཞན་མ་རུངས་པར་བྱེད་པས་སོ། །འདིས་ནི་སོ་སོར་རྟོག་པའི་ཤེས་རབ་ཀྱིས་གཏི་མུག་དྲུངས་འབྱིན་པའི་གཉེན་པོ་ངོས་བཟུང་བས་ན། ཤེས་རབ་ཀྱི་ཕར་ཕྱིན་ལ་བསླབ་པའི་ཚུལ་བཤད་དོ། །བཞི་པ་ནི། གལ་ཏེ་ཉོན་མོངས་པའི་སྤོང་ཚུལ། ཉན་ཐོས་དང་རང་སངས་རྒྱས་ཀྱི་ལྟར་དབེན་པའི་གནས་སུ་བདག་མེད་དང་། སྟོང་པ་ཉིད་བསྒོམ་པས་རྟོགས་པའི་ཤེས་རབ་མཆོག་ཏུ་འགྱུར་བ་ཡིན་གྱི། གོང་དུ་བཤད་མ་ཐག་པ་ལྟར། རང་བཞིན་ངན་པའི་སེམས་ཅན་ཚོགས་པའི་ནང་དུ་ནི་མ་ཡིན་ཏེ། དེའི་ཚེ་ཆགས་སྡང་ཤིན་ཏུ་སྐྱེ་སླ་བའི་ཕྱིར་སྙམ་ན། མ་ཡིན་ཏེ། དབེན་པ་བརྟེན་ཚུལ་དེ་འདྲ་དེ་ནི་སྐབས་འདིར་ཤིན་ཏུ་སྤང་བྱ་ཡིན་པའི་ཕྱིར། དེ་བས་ན་རང་བཞིན་ངན་པའི་སེམས་ཅན་རྣམས་དང་ལྷན་ཅིག་ཏུ་འགྲོགས་པ་ནི། མཆོག་ཏུ་གཅེས་པར་འཛིན་པར་ཤོག་ཅིག་སྟེ། འགྲོགས་པར་བྱའོ། །དེའི་ཤེས་བྱེད་ནི། དེ་འདྲ་དེ་ཡང་རིན་པོ་ཆེའི་གཏེར་དང་ཕྲད་པ་ལྟར་རྙེད་པ་དཀའ་བས་སོ། །དུས་ནམ་གྱི་ཚེ་འགྲོགས་པར་བྱ་ན། གཞན་དག་མཚམས་མེད་ལྟ་བུ་སྡིག་པ་དྲག་པོ་བྱེད་བཞིན་པ་དང་། དམྱལ་བ་ལྟ་བུའི་སྡུག་བསྔལ་དྲག་པོ་མྱོང་གྱུར་གྱིས་ནོན་བཞིན་པར་མཐོང་བ་དེའི་ཚེ་ན་འགྲོགས་དགོས་པ་ཡིན་ཏེ། དེ་འདྲ་དེ་བྱང་སེམས་རང་ཉིད་ཀྱི་ཕར་ཕྱིན་དང་པོ་གསུམ་གྱི་རྒྱུར་མེད་མི་རུང་ཡིན་པའི་ཕྱིར་དང་། གཞན་དེ་དག་བློས་མི་སྤོང་བར་ཡང་དག་པའི་ལམ་ལ་འཁྲིད་དགོས་པའི་ཕྱིར། འདིས་ནི། ཐེག་དམན་གྱི་དབེན་པ་ལས་བྱང་སེམས་ཀྱི་དབེན་པ་ཁྱད་པར་དུ་ངོས་བཟུང་བས་ན། བསམ་གཏན་གྱི་ཕར་ཕྱིན་ལ་སློབ་ཚུལ་བསྟན་ནོ། །མདོར་ན། ཚིགས་སུ་བཅད་པ་དང་པོ་གསུམ་གྱིས་ནི། ཉོན་མོངས་པ་སྐྱེ་འགྱུར་མགོ་གནོན་པ་དང་།སྐྱེས་ཟིན་གྱི་ས་བོན་དྲུངས་འབྱིན་པའི་གཉེན་པོ་བཤད་ནས། བཞི་པས་ནི་དེ་ལ་རྩོད་པ་སྤང་བའི་ཕྱིར་ན། ཉེས་སྤྱོད་སྡོམ་པའི་ཚུལ་ཁྲིམས་ཀྱི་འཆད་ཚུལ་ལ་སྦྱར་བ་འདི་ནི་ཤིན་ཏུ་འགྲིག་པ་ཡིན་ནོ། །གཉིས་པ་སེམས་ཅན་དོན་བྱེད་ལ་གཉིས་ཏེ། སྦྱོར་བའི་སྒོ་ནས་གཞན་གྱི་གནོད་ལེན་དུ་ཕན་བཏགས་པས་དོན་བྱེད་པ་དང་། བསམ་སྦྱོར་གཉིས་ཀའི་སྒོ་ནས་སེམས་ཅན་ཀུན་ལ་ཕན་བཏགས་ཏེ་དོན་བྱེད་པའོ། །དང་པོ་ལ་གཉིས་ཏེ། གནོད་བྱེད་ལ་རྒྱལ་ཁེ་སྦྱིན་པས་ཕན་བཏགས་པ་དང་། གནོད་བྱེད་དགེ་བའི་བཤེས་གཉེན་དུ་བཟུང་ནས་ཕན་འདོགས་པའོ། །དང་པོ་ནི། བདག་ལ་སྡང་བ་འགའ་ཞིག་ཀུན་སློང་ཕྲག་དོག་གིས། འབྲས་བུ་ངོར་གཤེ་བ་དང་། ལྐོག་ཏུ་སྐུར་པ་འདེབས་པ་སོགས་མི་རིགས་པ་བརྫུན་གྱི་ཚིག་སྨྲ་བར་བྱེད་ན། བརྫུན་དེས་བསྟན་པའི་བུབ་ཁ་གང་ཡིན་པ་དེ། རང་གིས་ལེན་པ་དང་། སྨྲ་བ་པོ་དེ་རང་གིས་ཐོབ་པར་འདོད་པའི་རྒྱལ་ཁེ་གང་ཡིན་པ་དེ་ནི། གཞན་དེ་ཉིད་ལ་སྟེར་བར་ཤོག་ཅིག་སྟེ་སྟེར་བར་བྱའོ། །འདོད་པའི་དོན་ཐོབ་པར་བྱ་བ་དེ་ཉིད་གཞན་དོན་གྱི་གཙོ་བོ་ཡིན་པའི་ཕྱིར། འདིས་ནི། ཟང་ཟིང་གི་དངོས་པོ་གཏོང་ལེན་གཞན་ཡང་མཚོན་པས། སྦྱིན་པ་རྣམ་པར་དག་གོ །གཉིས་པ་ནི། འགྲོ་བ་གཞན་གང་ལ་བདག་གིས་ཆོས་དང་ཟང་ཟིང་གི་ཕན་བཏགས་པས། ཕན་ལན་དུ་རེ་བ་ཆེ་བ་འགའ་ཞིག་གིས། ཤིན་ཏུ་མི་རིགས་པའི་གནོད་པ་བྱེད་ན། བྱེད་པ་པོ་དེ་ཉིད་ལ་དགེ་བའི་བཤེས་གཉེན་དུ་བལྟ་བར་བྱ་སྟེ། དེས་གང་བྱས་པའི་གནོད་པ་དེ་ཉིད་དང་དུ་བླངས་པས། འཁོར་བ་དང་ངན་སོང་དུ་མི་ལྟུང་བར་འཛིན་ནུས་པའི་ཕྱིར། དཔེར་ན། སྦྱིན་པར་འདོད་པས། སློང་མོ་བ་དགེ་བའི་བཤེས་གཉེན་དུ་འཛིན་དགོས་པ་བཞིན་ནོ། །གཞུང་འདིས་ཕན་ལན་དུ་གནོད་པ་བྱུང་བའི་ཚེ། འཁོར་བ་ལ་ཡིད་འབྱུང་དགོས་པར་སྟོན་པ་མ་ཡིན་ཏེ། ཇི་སྐད་དུ། འཇིག་རྟེན་ན་ནི་སློང་བ་མོད། །གནོད་པ་བྱེད་པ་དཀོན་པ་སྟེ། །ཞེས་པ་ལྟར། རྒྱལ་བའི་སྲས་པོ་ལ་ནི་གནོད་བྱེད་ཇི་ལྟར་མང་བ་དེ་ཉིད་དོན་དུ་གཉེར་བྱ་ཡིན་པའི་ཕྱིར། གཉིས་པ་ནི།གལ་ཏེ་གནོད་བྱེད་མ་ཡིན་པ་དག་ལ་ཕན་བཏགས་པ་ནི་བཟོད་པར་མི་འགྱུར་བའི་ཕྱིར། དོན་ཆེན་པོར་མི་འགྱུར་བ་ཡིན་ནོ་སྙམ་ན། མདོར་ན་སྦྱོར་བའི་སྒོ་ནས་དངོས་སུ་དང་། བསམ་པ་ཡིས་རྒྱུད་པའི་སྒོ་ནས་ཀྱང་རུང་སྟེ། མ་འོངས་པའི་ཕན་པ་དང་། ཚེ་འདིའི་བདེ་བ་མ་ལུས་པ་ནི། སེམས་ཅན་ཀུན་ལ་དམིགས་བསལ་མེད་པ་ཉིད་དུ་འབུལ་བར་བྱ་སྟེ། སེམས་ཅན་གྱི་ནང་ན་ཕ་མར་མ་གྱུར་པ་མེད་པས། སྦྱིན་པའི་ཡུལ་མཆོག་ཏུ་གྱུར་པའི་ཕྱིར་དང་། གནོད་བྱེད་དུ་ཡང་མ་གྱུར་པ་མེད་པས། བཟོད་པའི་ཡུལ་མཆོག་ཏུ་གྱུར་པའི་ཕྱིར་དང་། ཕན་བདེ་ཕར་ལ་ཕུལ་བ་དེ་བཞིན་དུ་མར་གྱུར་པ་དང་། དགྲར་གྱུར་པ་ཀུན་གྱི་ཡང་གནོད་པ་སྟེ༑ ཉོན་མོངས་པ་དང་སྡུག་བསྔལ་ཀུན། །བདག་ལ་ལེན་ནུས་པར་ཤོག་ཅིག །ཇི་ལྟར་དུ་ན། དངོས་སུ་ལེན་ནུས་ན་དང་། དེར་མ་ཟད་གསང་བ་སྟེ་ལྐོག་ཏུ་གྱུར་པས་ཀྱང་ངོ་། །ཡང་ན། ཚིགས་བཅད་སྔ་མ་གཉིས་ཀྱིས་བརྗེ་བའི་ཡུལ་གནོད་བྱེད་ལ་དམིགས་ཀྱིས་བཀར་བས། སྦྱོར་བ་ཉེར་བསྡོགས་ལྟ་བུ། རྐང་པ་གསུམ་པས་དམིགས་བསལ་མེད་པར་སེམས་ཅན་ཐམས་ཅད་བརྗེ་ཡུལ་དུ་བསྟན་པས་སེམས་ཅན་དོན་བྱེད་ཀྱི་དངོས་གཞི་བསྟན། ཞེས་ཀྱང་བཤད་པར་བྱ་སྟེ། ཐོག་མར་གནོད་བྱེད་ལ་བློ་མ་སྦྱངས་ན། དམིགས་བསལ་མེད་པ་ཉིད་དུ་བློ་མི་འབྱོངས་པའི་ཕྱིར་རོ། །གསུམ་པ་དགེ་བ་ཆོས་སྡུད་ཀྱི་ཚུལ་ཁྲིམས་འཆད་པ་ལ་གསུམ་སྟེ། དགོས་པའི་དོན། བསྡུས་པའི་དོན། ཚིག་གི་དོན་ནོ། །དང་པོ་ནི། ཚུལ་ཁྲིམས་སྔ་མ་གཉིས་ཀྱི་སྐབས་སུ། བྱེད་པ་པོ་བྱང་སེམས་རང་ཉིད་དང༌། བྱ་བའི་ཡུལ་སེམས་ཅན་དང་། ལས་སུ་བྱ་བ་ཚུལ་ཁྲིམས་གསུམ་ཀ་ལ་ཡང་། རྟོག་པས་མཚན་མར་འཛིན་པ་སྤང་བའི་ཕྱིར་དུ། ཚིག་རྐང་བརྒྱད་པ་འདི་གསུངས་པ་ཡིན་ཏེ། བྱ་བྱེད་ལས་གསུམ་མཚན་འཛིན་གྱི་རྟོག་པས་བཅིངས་ན། རྫོགས་པའི་སངས་རྒྱས་ཀྱི་རྒྱུར་མི་འགྱུར་བའི་ཕྱིར་ནའོ། །བསྡུས་པའི་དོན་ནི། རྐང་པ་འདི་དོན་དམ་སེམས་བསྐྱེད་ལ་སྦྱར་བར་མ་ཟད། དགེ་བ་ཆོས་བསྡུད་ལ་སྦྱར་ན་ཡང་འགྲིག་པ་ཡིན་ཏེ། སྟོང་པ་ཉིད་རྟོགས་པའི་ཤེས་རབ་བསྐྱེད་པ་ལ་ནི། སངས་རྒྱས་ཀྱི་གསུང་རབ་མང་པོ་ལ་ཐོས་བསམ་བསྒོམ་གསུམ་གྱི་དགེ་བ་དང་དུ་ལེན་དགོས་པའི་ཕྱིར་རོ། །གསུམ་པ་ཚིག་གི་དོན་ནི། སྦྱང་གཞི་བཤད་མ་ཐག་པའི་སྐབས་ཀྱི་བྱ་བྱེད་ལས་གསུམ་པོ་དེ་དག་ཀུན་ཀྱང་། སྦྱང་བྱའི་དྲི་མ་འཇིག་རྟེན་ཆོས་བརྒྱད་ཀྱི་རྟོག་པའི་དྲི་མས་མ་སྦགས་པར་སྦྱོང་བར་བྱེད་པ་པོ་ཆོས་ཐམས་ཅད་ཀུན་སྒྱུ་མ་ལྟ་བུར་ཤེས་པ་ཡི་ཐོས་བསམ་བསྒོམ་པའི་ཤེས་རབ་ཀྱིས། སྦྱངས་པའི་འབྲས་བུ་འཁོར་གསུམ་དུ་མཚན་མར་ཞེན་པའི་འཆིང་བ་ལས་གྲོལ་བའི་ཆོས་ཀྱི་སྐུ་མངོན་དུ་བྱེད་པར་ཤོག་ཅིག་ཅེས་པའོ། །དོན་འདི་ཉིད་ལ་རྒྱས་བཤད་ཀྱི་སྒོ་ནས་བློ་སྦྱོང་བ་ནི། ཇི་སྐད་དུ། ཆོས་རྣམས་རྨི་ལམ་ལྟ་བུར་བསམ། །ཞེས་པས་ནི་གཟུང་བའི་ཡུལ་སྣང་བཞིན་དུ་མི་དམིགས་པར་བསྟན། མ་སྐྱེས་རིག་པའི་གཤིས་ལ་དཔྱད། །ཅེས་པས་ནི། ཡུལ་ཅན་འཛིན་པ་པོར་སྣང་ཡང་དེ་མི་དམིགས་པ་ཉིད་དུ་རིགས་པས་དཔྱོད་དགོས་པར་བསྟན། གཉེན་པོ་ཉིད་ཀྱང་རང་སར་གྲོལ། །ཞེས་པས་ནི་གཟུང་འཛིན་མི་དམིགས་པ་ཉིད་དུ་གཏན་ལ་འབེབས་བྱེད་ཀྱི་ཤེས་རབ་དེ་ཉིད་ལ་ཡང་རིགས་པས་དཔྱད་མི་བཟོད་པས་ན་རང་སར་གྲོལ་བ་ཉིད་དུ་བསྟན་ནོ། །ངོ་བོ་ཀུན་གཞིའི་ངང་ལ་བཞག །ཅེས་པ་འདི་འཆད་པ་པོ་འགའ་ཞིག་གིས་གཞུང་མ་དག་པར་འཆད་ཀྱང་། ཆེས་ཤིན་ཏུ་ལེགས་པ་ཡིན་ཏེ། རྐང་པ་སྔ་མ་གསུམ་གྱིས་ཐོས་བསམ་དང་།འདིས་ནི་བསྒོམ་བྱུང་གིས་མཉམ་པར་འཇོག་ཚུལ་སྟོན་པས་སོ། །འདི་ཀུན་གཞིའི་རྣམ་ཤེས་ལ་འཆད་དགོས་པ་ནི་མ་ཡིན་ཏེ། ཇི་སྐད་དུ། ས་རྣམས་སྣ་ཚོགས་ཀུན་གཞི་སྟེ། །བདེ་གཤེགས་སྙིང་པོ་དགེ་བའང་དེ། །ཞེས་ས་བཅུ་སོ་སོའི་མཉམ་བཞག་ཡེ་ཤེས་དང་། ཁམས་བདེ་བར་གཤེགས་པའི་སྙིང་པོའི་ངོས་འཛིན་ཀུན་གཞིའི་ཡེ་ཤེས་ཉིད་ལ་བཤད་པའི་ཕྱིར་རོ། །ཀུན་གཞིའི་ཡེ་ཤེས་ཞེས་བྱ་བ་གཞུང་ལས་མ་བཤད་དོ་སྙམ་དུ་དོགས་པར་མི་བྱ་སྟེ། ཐོགས་མེད་ཞབས་ཀྱིས་ཀུན་གཞིའི་སྒྲུབ་བྱེད་དུ་དྲངས་པའི་མདོ་ལས། ཐོག་མ་མེད་པའི་དུས་ཀྱི་དབྱིངས། །ཆོས་རྣམས་ཀུན་གྱི་གནས་ཡིན་ཏེ། །ཞེས་བཤད་ལ། རྣམ་ཤེས་ནི་ཐོག་མ་མེད་པའི་དབྱིངས་སུ་མི་རུང་བའི་ཕྱིར་དང་། རྣམ་པར་ཤེས་པའི་ཚོགས་བརྒྱད་འཁོར་དང་བཅས་པ་ལ། དབྱིངས་དང་ཡེ་ཤེས་གཉིས་གཉིས་སུ་དབྱེ་དགོས་པ་ནི། རྒྱལ་བ་མ་ཕམ་པའི་ཞབས་ཀྱི་གཞུང་དགོངས་འགྲེལ་དང་བཅས་པའི་འཆད་ཚུལ་གྱི་རྩ་བ་ཉིད་དུ་གསལ་བར་བཞུགས་པའི་ཕྱིར་རོ། །འདིར་སྨྲས་པ། གངས་ཅན་ལྗོངས་སུ་བདག་དང་གཞན། །བརྗེ་བའི་བྱང་ཆུབ་སེམས་ལ་ནི། །བློ་སྦྱོང་ཞེས་གྲགས་བཤད་པའི་སྲོལ། །ཐོག་མར་བྱོན་པ་གཞུང་འདི་ཡིན། །གཞུང་འདིའི་དངོས་བསྟན་གོ་སླ་ཞིང་། །དེ་ཉིད་འཆད་པར་མི་དཀའ་ཡང་། །ཤིང་རྟའི་སྲོལ་ཆེན་ལས་བྱོན་པའི། །བསྡུས་དོན་ཚོམས་དང་འབྲེལ་བསྒྲིགས་དང་། །གོང་འོག་ཟློས་པ་མེད་ཉིད་དང་། །བསམ་པས་སྨོན་པའི་བསླབ་བྱ་དང་། །ཕ་རོལ་ཕྱིན་དྲུག་འཇུག་པ་ཡི། །བསླབ་བྱར་བཤད་སོགས་གཞུང་ཉུང་བ། །འགྲེལ་པས་རྒྱས་པར་འཆད་པའི་སྒོ། །ལ་ལས་འཆད་ནུས་མ་ཡིན་པ། །རྣམ་དཔྱོད་རྩལ་དང་གཞུང་མང་པོའི། །དགོངས་པ་ཉེ་བར་བླངས་ནས་སྦྱར། །ཐེག་པ་ཆེན་པོའི་བློ་སྦྱོང་། ཚིགས་བཅད་བརྒྱད་པའི་རྣམ་བཤད་དོན་གསུམ་རབ་ཏུ་གསལ་བ་ཞེས་བྱ་བ་འདི་ནི། སྔོན་ཉིད་ནས་དགེ་བའི་བཤེས་གཉེན་དུ་མས་བསྐུལ་བའི་ངོར་བགྱིས་ནས། དཔལ་ཤཱཀྱ་མཆོག་ལྡན་དྲི་མེད་ལེགས་པའི་བློས། གླང་རི་ཐང་གི་བཙུག་ལག་ཁང་ཆེན་པོ་ཉིད་དུ་སྦྱར་བའི་ཡི་གེ་པ་ནི། ཀོང་སྟོན་ཆོས་ཀྱི་རྒྱལ་མཚན་དཔལ་བཟང་པོའོ།། །།མངྒལཾ།། །།<br /> དཔལ་བརྩེགས་བོད་ཡིག་དཔེ་རྙིང་ཞིབ་འཇུག་ཁང་ནས་དཔེ་རྙིང་བྲིས་མ་ཞིག་ལས་བཤུས་ཤིང་། མེ་ཁྱི་དང་མེ་ཕག་ལོའི་རྫོང་སར་ཁམས་བྱེའི་སློབ་གླིང་གི་འཛིན་གྲྭ་ཁག་གི་མཁན་སློབ་རྣམས་ནས་དཔེ་སྡུར་བྱས་ཏེ་པར་གཞི་གསར་དུ་བསྒྲིགས་པའི་དགེ་བས་འགྲོ་བ་ཀུན་བླ་མེད་རྫོགས་བྱང་ཐོབ་པའི་རྒྱུར་གྱུར་ཅིག། །།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_tshig_rkang_brgyad_pa%27i_rnam_bshad_don_gsum_rab_tu_gsal_ba/Full_text&diff=140639 Texts/Blo sbyong tshig rkang brgyad pa'i rnam bshad don gsum rab tu gsal ba/Full text 2026-08-14T04:39:20Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextDate=2025-10-05<br /> |PdfLink=File:UTMW1KG8897 C050BD I1KG8965 bo,sa,zh (1).pdf<br /> |FullTextTibetan=༄༅། །བློ་སྦྱོང་ཚིག་རྐང་བརྒྱད་མའི་འགྲེལ་བ་དོན་གསུམ་རབ་གསལ་ཞེས་བྱ་བ་བཞུགས་སོ།།<br /> ༄༅། །སྭ་སྟི། གང་ཡོད་ན་ནི་རྫོགས་སངས་རྒྱས། །དེ་ཡི་སྲས་དང་རང་རྒྱལ་དང་། །ཉན་ཐོས་རྣམས་དང་གཞན་གྱི་དོན། །ཕུན་སུམ་ཚོགས་པ་དེ་འཁྲུངས་ཤིང་། །དེ་མེད་ན་ནི་དེ་དག་ཀུན། །འཇིག་རྟེན་ཁམས་སུ་མི་འབྱུང་བ། །དེ་ཕྱིར་བྱང་ཆུབ་སེམས་གང་ནི། །བསླབ་པར་བྱས་ལ་ཕྱག་བགྱིའོ། །དེ་ལྟར་མཆོད་པར་བརྗོད་འོག་ཏུ། །བདག་གཞན་བརྗེ་བའི་བྱང་སེམས་ཀྱི། །སྲོལ་གང་ཁ་བ་ཅན་ལྗོངས་སུ། །ཐོག་མར་ཕྱེ་ནས་འཛིན་མཛད་པ། །གླང་ཐང་པར་གྲགས་དེས་མཛད་པའི། །བསྟན་བཅོས་ཡིད་བཞིན་ནོར་འདྲ་ཡི། །དགོས་པའི་དོན་དང་བསྡུས་པའི་དོན། །ཚིག་དོན་རབ་དབྱེ་བརྩམ་པར་བྱ། །གང་འདིར་ཐེག་པ་ཆེན་པོའི་རིགས་ཀྱི་ནུས་པ་ཡོངས་སུ་བརྟས་པའི་སོ་སོ་སྐྱེ་བོ་དག་གིས། ཐོག་མར་བྱམས་པ་དང་། མཆོག་གི་སྙིང་རྗེ་སྔོན་དུ་འགྲོ་བ་ཅན་གྱི། སྨོན་པ་བྱང་ཆུབ་ཀྱི་མཆོག་ཏུ་སེམས་བསྐྱེད་པ་སྔོན་དུ་བཏང་ནས། དེའི་འོག་ཏུ་བྱང་ཆུབ་སེམས་དཔའི་སྡོམ་པ་ཡང་དག་པར་བླངས་ནས། དེ་ཉིད་ཀྱི་བསླབ་བྱའི་གཙོ་བོ་བདག་གཞན་བརྗེ་བའི་ཚུལ་ལ། བློ་སྦྱོང་བའི་རིམ་པ་དོན་རྒྱ་ཆེ་ཞིང་། ཚིག་ཉུང་བ་གསལ་བར་སྟོན་པའི་བསྟན་བཅོས་འདི་འཆད་པ་ལ་དོན་གསུམ་སྟེ། དགོས་པའི་དོན། བསྡུས་པའི་དོན། ཚིག་གི་དོན་ནོ། །དང་པོ་ནི། བྱང་སེམས་ཀྱི་སྡོམ་པ་རྣམས་ཀྱི་བསླབ་བྱའི་རྩ་བ། བདག་དང་གཞན་དུ་བརྗེ་ནུས་པའི་བསམ་པ་མངོན་དུ་བྱས་པ་དེའོ། །དེའི་ཤེས་བྱེད་ཀྱང་། བསམ་པ་འདི་སྔོན་དུ་མ་སོང་བར། སྤྱོད་པ་ཕ་རོལ་ཏུ་ཕྱིན་པ་དྲུག་ལ་ཇི་ཙམ་བསླབས་ཀྱང་། སྡོམ་པ་འདི་ལ་ལྟོས་པའི་བསླབ་བྱ་ཡོངས་སུ་མི་རྫོགས་པའི་ཕྱིར་དང་། བསམ་པ་འདི་ཡོངས་སུ་སྦྱངས་པ་ལ་ནི་འབད་རྩོལ་ལ་མི་ལྟོས་པར། ཕ་རོལ་ཏུ་ཕྱིན་པ་དྲུག་གི་སྤྱོད་པ་རླབས་པོ་ཆེ་ངང་གིས་འབྱུང་བའི་ཕྱིར་བསྟན་བཅོས་འདི་ལ་ཐོས་པ་དང་བསམ་པས་ཞུགས་པའི་ཚེ། དགོས་པ་དེ་བདེ་བླག་ཏུ་རྟོགས་པ་ནི། སྐབས་འདིའི་འབྲེལ་པ་ཡིན་ལ། དེ་ལྟར་འབྲེལ་བའི་ཤེས་བྱེད་ཀྱང་། གཞུང་ཉུང་ངུ་འདིས་བདག་དང་གཞན་དུ་བརྗེ་ནུས་པའི་ཐབས་མཁས་ཀྱི་རྩ་བ་བསྟན་པས་སོ། །རྩ་བ་དེ་ཡང་གང་ཞེ་ན། སེམས་ཅན་ཐམས་ཅད་ལ་ཕྱོགས་སུ་ལྷུང་བ་མེད་པར་མཆོག་ཏུ་གཅེས་པར་འཛིན་པ་དེའོ། །རྒྱུ་དེ་ལས་དེ་ལྟར་ནུས་པའི་ཤེས་བྱེད་ནི། བདག་ཉིད་ལ་མཆོག་ཏུ་གཅེས་པར་བཟུང་ན། བདག་གི་གནས་སུ་གཞན་འཇོག་པར་མི་ནུས་པའི་ཕྱིར་རོ། །གཉིས་པ་བསྡུས་པའི་དོན་ལ། ཚིགས་སུ་བཅད་པ་བརྒྱད་ལས། དང་པོ་བདུན་གྱིས་ནི། བདག་ལས་གཞན་མཆོག་ཡིན་པའི་ཤེས་བྱེད་ཀྱི་གཏན་ཚིགས་དང་། དཔེའི་སྒོ་ནས་དེ་ལྟར་ཤེས་དགོས་པ་ཉིད་དུ་བསྟན་ལ། ཚིགས་སུ་བཅད་པ་བརྒྱད་པས་ནི། ཤེས་བྱེད་ཀྱི་བློ་དེ་ལ་ཡང་མཚན་འཛིན་གྱི་རྟོག་པས་མ་གོས་པ་ཞིག་དགོས་པར་བསྟན་ནོ། །ཡང་ན་དང་པོ་བདུན་གྱིས་ནི་ཀུན་རྫོབ་བྱང་ཆུབ་སེམས་ཀྱི་བསླབ་བྱ་ལ་བློ་སྦྱོང་བ་དང༌། བརྒྱད་པས་ནི། དོན་དམ་བྱང་སེམས་ཀྱི་བསླབ་བྱ་ལ་བློ་སྦྱོང་བ་བསྟན་ནོ། །དང་པོ་ལ། ཤེས་བྱེད་དགོད་པ་དང་༑ དེ་ལྟར་ཤེས་ནས་བདག་གཞན་བརྗེ་བ་དངོས་སོ། །དང་པོ་ལ། སྒྲུབ་བྱེད་ཀྱི་གཏན་ཚིགས་དགོད་པ་དང༌། ཤེས་བྱེད་ཀྱི་དཔེ་བསམ་པའོ། །དང་པོ་ལ་། གཏན་ཚིགས་དངོས་དང་། རྟགས་དེ་མི་མཐུན་ཕྱོགས་ལས་ལྡོག་པའི་ཚུལ་ལོ། །དང་པོ་ནི། ཚིགས་སུ་བཅད་པ་དང་པོ་སྟེ། སངས་རྒྱས་བསྒྲུབ་པ་སེམས་ཅན་གཞན་ལ་རག་ལས་པའི་ཕྱིར་ན། གཞན་མཆོག་ཉིད་དུ་གྲུབ་པའོ། །གཉིས་པ་ལ༑ བདག་ཉིད་གཞན་ལས་དམན་པར་བལྟ་དགོས་པ་དང་། མཆོག་ཏུ་བལྟ་བ་ཇི་ལྟར་སྤོང་བའི་ཚུལ་ལོ། །དང་པོ་ནི། གང་དུ། ཞེས་སོགས་ཏེ། གཞན་ལ་མ་ལྟོས་པར་བདག་གཅིག་པུས་སངས་རྒྱས་སུ་མི་འགྲུབ་པའོ། །གཉིས་པ་ནི། གལ་ཏེ་སེམས་ཅན་གཞན་ཁ་ཅིག་ལས་རང་མཆོག་ཏུ་འཛིན་པའི་བློ་ནི་ཡུལ་གྱི་གནས་ཚུལ་ལ་ཞུགས་པའི་ཕྱིར། ཇི་ལྟར་སྤང་ཞེ་ན། ཚིགས་སུ་བཅད་པ་གསུམ་པས་ཏེ། སོ་སོར་རྟོག་པའི་ཤེས་རབ་ཀྱིས་རང་གཅེས་འཛིན་གྱི་རྟོག་པ་སྤོང་ནུས་པར་བསྟན་པའོ། །གཉིས་པ་ཤེས་བྱེད་ཀྱི་དཔེ་ནི། སེམས་ཅན་གཞན་རང་ལས་མཆོག་ཡིན་དུ་ཆུག་ཀྱང་། མཆོག་འཛིན་གྱི་རྟོག་པ་སྤོང་དགོས་སོ་ཞེ་ན།ཚིགས་སུ་བཅད་པ་བཞི་པས་སྟོན་ཏེ། དབུལ་པོ་རིན་པོ་ཆེའི་གཏེར་དང་ཕྲད་ན། འདོད་དགུ་འབྱུང་བའི་ཕྱིར་སྤོང་མི་རུང་བ་བཞིན་ནོ། །མདོར་ན་གཏན་ཚིགས་ཀྱིས་ནི་སེམས་ཅན་གཞན་མཆོག་ཡིན་པར་བསྒྲུབས་ལ༑ མཐུན་པའི་དཔེ་ལས་ནི། མཆོག་གང་ཡིན་པ་དེ་ལ་ནི་གཅེས་པར་འཛིན་དགོས་པ་ཉིད་དུ་བསྟན་ནོ། །གཉིས་པ་བརྗེ་བ་དངོས་ལ་གཉིས་ཏེ། རྗོད་བྱེད་ཚིག་གི་རྒྱལ་ཁེ་གཞན་ལ་སྟེར་དགོས་པར་བསྟན་པ་དང་༑ བརྗོད་བྱ་དོན་གྱི་རྒྱལ་ཁེ་གཞན་ལ་སྟེར་དགོས་པར་བསྟན་པའོ། །དང་པོ་ནི། ཚིགས་སུ་བཅད་པ་ལྔ་པས་ཏེ། འཇིག་རྟེན་ལུགས་ཀྱི་ངན་ཤགས་འགྱེད་པའི་དབང་དུ་བྱས་པའོ། །གཉིས་པ་ལ། ཕན་ལན་དུ་གནོད་པ་དགེ་བའི་བཤེས་གཉེན་དུ་བལྟ་དགོས་པ་དང་། དེ་ལྟར་བལྟས་ནས་གནོད་ལེན་དུ་ཕན་འདོགས་དགོས་པའོ། །དང་པོ་ནི། ཚིགས་སུ་བཅད་པ་དྲུག་པས་བསྟན་ལ། གཉིས་པ་ནི་བདུན་པས་འཆད་དོ༑ །གསུམ་པ་ཚིག་གི་དོན་ལ་གཉིས་ཏེ། སྨོན་པ་སེམས་བསྐྱེད་གཞུང་གཞན་ནས་ཁ་བསྐང་བ་དང་། འཇུག་པ་སེམས་བསྐྱེད་ལ་བློ་སྦྱོང་ཚུལ་གཞུང་འདི་ཉིད་ཀྱིས་བཤད་པའོ། །དང་པོ་ལ་གཉིས་ཏེ། སྨོན་པའི་རྒྱུ་ཚོལ་བ་དང་། རྒྱུ་བཙལ་ནས་སྨོན་པ་དངོས་སོ། །དང་པོ་ལ་གཉིས་ཏེ། ཉེ་བར་ལེན་པའི་རྒྱུ་རང་ཆས་སུ་ཡོད་པ་དང་། འབྲས་བུ་འབྱུང་བ་ལྷན་ཅིག་བྱེད་རྐྱེན་ལ་རག་ལས་པའོ། །དང་པོ་ནི། རང་བཞིན་དུ་གནས་པའི་རིགས་ཏེ། འདིས་མ་ཁྱབ་པའི་སེམས་ཅན་ནི་འགའ་ཡང་ཡོད་པ་མ་ཡིན་ནོ། །གཉིས་པ་ནི། རྒྱས་འགྱུར་གྱི་རིགས་ཞེས་བྱ་ལ། དེ་ལའང་ཐོག་མར་རྒྱུའི་ནུས་པ་སད་བྱེད་ཀྱི་རྐྱེན་དང་། སད་ནས་མི་ཉམས་པར་འཕེལ་བའི་རྐྱེན་ནོ། །དང་པོ་ནི། དཀོན་མཆོག་གསུམ་ལ་སྐྱབས་སུ་འགྲོ་བ་སྟེ། དེ་ལའང་། དེའི་ཡོན་ཏན་ཤེས་ནས་དང་། མི་ཤེས་བཞིན་དུའང་རུང་སྟེ། རང་བཞིན་དུ་གནས་པའི་རིགས་ཀྱི་ནུས་པ་སད་པར་བྱེད་དོ། །གཉིས་པ་ལ་གཉིས་ཏེ། རྐྱེན་གྱི་རྩ་བ་བྱམས་པ་དང་། རྐྱེན་གྱི་གཙོ་བོ་སྙིང་རྗེའོ། །དེ་ལྟར་སྐྱབས་འགྲོ་སོགས་གསུམ་པོ་འདི་ལ་རྒྱས་པའི་རིགས་ཞེས་བྱ་སྟེ།གསུམ་པོ་དེ་ལས་གཞན་དོན་དོན་གཉེར་གྱི་བློ་རང་གི་ངང་གིས་སྐྱེ་བའི་ཕྱིར། གཉིས་པ་རྒྱུ་རྙེད་ནས་འབྲས་བུ་སྨོན་པ་དངོས་ཇི་ལྟར་འབྱུང་བ་ནི། དེ་ལྟར་རྒྱུ་གསུམ་པོ་དེ་གང་ན་ཚོགས་པའི་གཞི་དེར། འབྲས་བུ་གཞན་དོན་དུ་རྫོགས་བྱང་གི་བློ་རང་གི་ངང་གིས་འབྱུང་དུ་རུང་སྟེ། དེ་ལྟར་འབྱུང་བའི་རྒྱུ་ཚོགས་གྲངས་ཚང་བའི་ཕྱིར། མདོར་ན། དགོས་པའི་གཙོ་བོ་སེམས་ཅན་ཐམས་ཅད་ཀྱི་དོན་དུ། ལས་སུ་བྱ་བ་རྫོགས་པའི་བྱང་ཆུབ་དོན་གཉེར་གྱི་བློ་མངོན་དུ་གྱུར་པ་དེ་ལ་ནི། སྨོན་པ་བྱང་ཆུབ་ཀྱི་སེམས་ཞེས་བྱ་ལ། དེའི་ཚེ་ན། སེམས་བསྐྱེད་དེ་ཉིད་ཀྱི་རྒྱུའི་གཙོ་བོ་ནི། གཞན་དོན་དོན་གཉེར་གྱི་བློ་ཡིན་ལ། འབྲས་བུའི་གཙོ་བོ་ནི་གཞན་གྱི་དོན་ཡིན་ནོ། །བྱམས་སོགས་གསུམ་པོ་ཡང་སེམས་ཅན་ཐམས་ཅད་ལ་དམིགས་པ་དགོས་ཀྱི། ་གཅིག་ཁོ་ན་ལ་ཕྱོགས་སུ་ལྷུང་ན་ཡང་། སྨོན་པའི་སེམས་ཀྱི་རྒྱུར་རུང་བ་མ་ཡིན་ཏེ། དེའི་འགལ་ཟླ་ཉིད་དུ་གྱུར་པའི་ཕྱིར་རོ། །དེ་ལྟར་བཤད་པ་དེ་ནི་ཇི་སྐད་དུ། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་གང་གསུངས་པ་དེ་ཡིན་ལ་དེ་ཙམ་ཁོ་ན་ལ་བརྟེན་ནས་ཕན་ཡོན་ཇི་ལྟར་འབྱུང་བ་ཡང་། ཇི་སྐད་དུ། དེ་ཡི་ཕན་ཡོན་དཔག་ཏུ་མེད་པ་རྣམས། །བྱམས་མགོན་བློ་དང་ལྡན་པས་ནོར་བཟང་བཤད། །ཅེས་གསུངས་པ་ལྟར་རོ། །ཤིང་ལྟའི་སྲོལ་འདི་ལ་ནི། ཆོ་གས་བླངས་པའི་སྨོན་སེམས་ཡིན་ཀྱང་། བར་མ་ཙམ་ཡིན་གྱི་སྡོམ་པར་ཁས་མི་ལེན་ལ། ཤིང་རྟའི་སྲོལ་གཞན་ལས་ནི། བྱང་ཆུབ་སེམས་གཏོང་རྩ་བའི་ལྟུང་བར་བཤད་པས་ན། སྨོན་སེམས་ལ་ཡང་སྡོམ་པ་བཞེད་པར་མངོན་ནོ། །གཉིས་པ་ལ་གཉིས་ཏེ། སྡོམ་པ་ཇི་ལྟར་ལེན་པ་དང་། བསླབ་བྱ་ལ་བསམ་སྦྱོར་གྱིས་སློབ་པའི་ཚུལ་ལོ། །དང་པོ་ནི། རྟེན་གྱི་གང་ཟག་སྨོན་པའི་སེམས་བསྐྱེད་པ་དང་། བྱང་ཆུབ་སེམས་དཔའི་སྡེ་སྣོད་ཐོས་པ་དང་༑ སོ་ཐར་རིས་བདུན་གང་རུང་གི་སྡོམ་པ་དང་ལྡན་པ་ཞིག་གོ །ཆོ་ག་གང་གིས་ལེན་པ་ནི། ཚུལ་ཁྲིམས་ལེའུར་གསུངས་པའི་ཆོ་ག་དེ་ཉིད་ཀྱིས་ལེན་ལ། དེའི་གོ་དོན་ནི། ཇི་སྐད་དུ། བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །ཞེས་པ་ཉིད་ལན་གསུམ་བཟླས་ནས། གཟེངས་བསྟོད་པས་ཆོག་པའོ། །གཉིས་པ་ལ་གསུམ་སྟེ། ཉེས་སྤྱོད་སྡོམ་པའི་ཚུལ་ཁྲིམས་ལ་སློབ་པ་དང་། སེམས་ཅན་དོན་བྱེད་ལ་སློབ་པ་དང༌། དགེ་བ་ཆོས་བསྡུད་ལ་སློབ་པའོ། །དང་པོ་ལ་བཞི་སྟེ། བདག་གཅེས་འཛིན་གྱི་གནས་སུ་གཞན་བཞག་པས། ཞེ་སྡང་རང་འགགས་སུ་གཏོང་བ་དང་། གཞན་ལ་སྡང་བའི་གནས་སུ་རང་བཞག་པས་བདག་ལ་ཆགས་པ་རང་འགགས་སུ་གཏོང་བ་དང་། ཆགས་སྡང་མངོན་གྱུར་བ་སྐྱེས་ན། གདོང་བཟློག་བྱེད་པའི་ཚུལ་དང་། ཆགས་སྡང་གི་བཟློག་ཚུལ་ཐེག་དམན་ལ་གྲགས་པ་དེ་མི་འཐད་པར་བསྟན་པའོ། །དང་པོ་ནི། མཆོག་ཏུ་གཅེས་པར་འཛིན་བྱེད་ཤོག །ཅེས་པ་ནི་བཤད་པའི་གཞི་སྟེ། དོན་ཙམ་སྟོན་པའོ། །ལས་སུ་བྱ་བ་གང་ལ་ན། སེམས་ཅན་ཐམས་ཅད་ལའོ། །བྱེད་པ་པོ་གང་གིས་ན། བདག་གི་ནི་བསམ་པ་ཡིས་སོ། །དགོས་པ་ཅིའི་ཕྱིར་དུ་ན། ཡིད་བཞིན་ནོར་བུ་ལས་ལྷག་པའི་དོན་གྱི་མཆོག །སངས་རྒྱས་བསྒྲུབ་པའི་ཕྱིར་དུའོ། །ཚུལ་ཇི་ལྟར་དུ་ན། ཇི་སྐད་དུ། སངས་རྒྱས་རྣམས་དང་སེམས་ཅན་ལས། །སངས་རྒྱས་ཆོས་བསྒྲུབ་འདྲ་བ་ལ། །རྒྱལ་ལ་གུས་བྱེད་དེ་བཞིན་དུ། །སེམས་ཅན་ལ་མིན་ཅི་ཡི་ཕྱིར༈ །ཞེས་པའི་ཚུལ་གྱིས་སོ། །འདིས་ནི་ཞེ་སྡང་སྐྱེ་བའི་གོ་སྐབས་རང་ཤུགས་ལ་བཀག་པས་བཟོད་པ་འགྲུབ་བོ། །གཉིས་པ་ནི། གང་ཟག་གཞན་ལ་མཆོག་ཏུ་གཅེས་པར་འཛིན་བྱེད་ཤོག །ཅེས་པ་དང་པོ་དང་གཉིས་པའི་ཚིག་གོ །བྱེད་པ་པོ་གང་གིས་ན། བསམ་པ་ཐག་པ་ཡིས་ཏེ། རང་གི་རྒྱུད་ཚོད་ནི་མངོན་སུམ་དུ་ཤེས་ལ། གཞན་གྱི་རྒྱུད་ཚོད་དཔག་མི་ནུས་པའི་ཕྱིར། ཚུལ་ཇི་ལྟར་དུ་ན། གནས་དང་དུས་གང་དུ། མཉམ་པའམ་ལྷག་པར་གྱུར་སྲིད་པ་སུ་དང་འགྲོགས་པའི་ཚེ། བདག་ཉིད་ནི་ཀུན་ལས་དམན་པར་བལྟ་བའི་ཚུལ་གྱིས་སོ། །དགོས་པ་ནི། བདག་ཏུ་ང་རྒྱལ་བ་ཁེགས་པའི་ཕྱིར་ཡིན་པས། སྔ་མ་དང་མི་ཟློས་ལ། འདིས་ནི་ནང་སེམས་ཅན་དུ་ཆགས་པ་རང་ཤུགས་སུ་ཁེགས་པས་ཚུལ་ཁྲིམས་རྣམ་པར་དག་གོ །གསུམ་པ་ནི། གཞན་མཆོད་འོས་སུ་བསམས་པས་ཞེ་སྡང་དང་། རང་དམན་པར་བལྟས་པས་ཆགས་སྡང་མ་འོངས་པ་སྐྱེ་འགྱུར་རེ་ཞིག་ཁེགས་པར་སླ་བ་ཡིན་མོད། སྐྱེས་ཟིན་མངོན་གྱུར་བ་འཕྲོ་གཅོད་པའི་ཐབས་ཇི་ལྟ་བུ་ཡིན་ཞེ་ན། ཆགས་སྡང་ལྟ་བུའི་ཉོན་མོངས་པ་རྣམས་སྐྱེས་མ་ཐག་དེར། བཙན་ཐབས་སུ་གདོང་ནས་བཟློག་པར་ཤོག་ཅིག་སྟེ། བཟློག་པར་བྱའོ། །གཉེན་པོ་གང་གིས་ན། རང་རྒྱུད་ལ་སོ་སོར་རྟོག་ཅིང་། དེ་ལྟར་བརྟགས་པའི་ཤེས་རབ་ཀྱིས་སོ། །དུས་ནམ་གྱི་ཚེ་རྟོག་ན། དུས་རེས་འགའ་བས་ཆོག་པ་མ་ཡིན་གྱི། འགྲོ་འཆག་ཉལ་འདུག་གི་སྤྱོད་ལམ་ཀུན་ཏུའོ། །དགོས་པ་ནི། སྐྱེས་པ་དེའི་རྒྱུན་མ་བཟློག་པར་འཕྲོ་འཐུད་ན་ནི། བདག་དང་གཞན་མ་རུངས་པར་བྱེད་པས་སོ། །འདིས་ནི་སོ་སོར་རྟོག་པའི་ཤེས་རབ་ཀྱིས་གཏི་མུག་དྲུངས་འབྱིན་པའི་གཉེན་པོ་ངོས་བཟུང་བས་ན། ཤེས་རབ་ཀྱི་ཕར་ཕྱིན་ལ་བསླབ་པའི་ཚུལ་བཤད་དོ། །བཞི་པ་ནི། གལ་ཏེ་ཉོན་མོངས་པའི་སྤོང་ཚུལ། ཉན་ཐོས་དང་རང་སངས་རྒྱས་ཀྱི་ལྟར་དབེན་པའི་གནས་སུ་བདག་མེད་དང་། སྟོང་པ་ཉིད་བསྒོམ་པས་རྟོགས་པའི་ཤེས་རབ་མཆོག་ཏུ་འགྱུར་བ་ཡིན་གྱི། གོང་དུ་བཤད་མ་ཐག་པ་ལྟར། རང་བཞིན་ངན་པའི་སེམས་ཅན་ཚོགས་པའི་ནང་དུ་ནི་མ་ཡིན་ཏེ། དེའི་ཚེ་ཆགས་སྡང་ཤིན་ཏུ་སྐྱེ་སླ་བའི་ཕྱིར་སྙམ་ན། མ་ཡིན་ཏེ། དབེན་པ་བརྟེན་ཚུལ་དེ་འདྲ་དེ་ནི་སྐབས་འདིར་ཤིན་ཏུ་སྤང་བྱ་ཡིན་པའི་ཕྱིར། དེ་བས་ན་རང་བཞིན་ངན་པའི་སེམས་ཅན་རྣམས་དང་ལྷན་ཅིག་ཏུ་འགྲོགས་པ་ནི། མཆོག་ཏུ་གཅེས་པར་འཛིན་པར་ཤོག་ཅིག་སྟེ། འགྲོགས་པར་བྱའོ། །དེའི་ཤེས་བྱེད་ནི། དེ་འདྲ་དེ་ཡང་རིན་པོ་ཆེའི་གཏེར་དང་ཕྲད་པ་ལྟར་རྙེད་པ་དཀའ་བས་སོ། །དུས་ནམ་གྱི་ཚེ་འགྲོགས་པར་བྱ་ན། གཞན་དག་མཚམས་མེད་ལྟ་བུ་སྡིག་པ་དྲག་པོ་བྱེད་བཞིན་པ་དང་། དམྱལ་བ་ལྟ་བུའི་སྡུག་བསྔལ་དྲག་པོ་མྱོང་གྱུར་གྱིས་ནོན་བཞིན་པར་མཐོང་བ་དེའི་ཚེ་ན་འགྲོགས་དགོས་པ་ཡིན་ཏེ། དེ་འདྲ་དེ་བྱང་སེམས་རང་ཉིད་ཀྱི་ཕར་ཕྱིན་དང་པོ་གསུམ་གྱི་རྒྱུར་མེད་མི་རུང་ཡིན་པའི་ཕྱིར་དང་། གཞན་དེ་དག་བློས་མི་སྤོང་བར་ཡང་དག་པའི་ལམ་ལ་འཁྲིད་དགོས་པའི་ཕྱིར། འདིས་ནི། ཐེག་དམན་གྱི་དབེན་པ་ལས་བྱང་སེམས་ཀྱི་དབེན་པ་ཁྱད་པར་དུ་ངོས་བཟུང་བས་ན། བསམ་གཏན་གྱི་ཕར་ཕྱིན་ལ་སློབ་ཚུལ་བསྟན་ནོ། །མདོར་ན། ཚིགས་སུ་བཅད་པ་དང་པོ་གསུམ་གྱིས་ནི། ཉོན་མོངས་པ་སྐྱེ་འགྱུར་མགོ་གནོན་པ་དང་།སྐྱེས་ཟིན་གྱི་ས་བོན་དྲུངས་འབྱིན་པའི་གཉེན་པོ་བཤད་ནས། བཞི་པས་ནི་དེ་ལ་རྩོད་པ་སྤང་བའི་ཕྱིར་ན། ཉེས་སྤྱོད་སྡོམ་པའི་ཚུལ་ཁྲིམས་ཀྱི་འཆད་ཚུལ་ལ་སྦྱར་བ་འདི་ནི་ཤིན་ཏུ་འགྲིག་པ་ཡིན་ནོ། །གཉིས་པ་སེམས་ཅན་དོན་བྱེད་ལ་གཉིས་ཏེ། སྦྱོར་བའི་སྒོ་ནས་གཞན་གྱི་གནོད་ལེན་དུ་ཕན་བཏགས་པས་དོན་བྱེད་པ་དང་། བསམ་སྦྱོར་གཉིས་ཀའི་སྒོ་ནས་སེམས་ཅན་ཀུན་ལ་ཕན་བཏགས་ཏེ་དོན་བྱེད་པའོ། །དང་པོ་ལ་གཉིས་ཏེ། གནོད་བྱེད་ལ་རྒྱལ་ཁེ་སྦྱིན་པས་ཕན་བཏགས་པ་དང་། གནོད་བྱེད་དགེ་བའི་བཤེས་གཉེན་དུ་བཟུང་ནས་ཕན་འདོགས་པའོ། །དང་པོ་ནི། བདག་ལ་སྡང་བ་འགའ་ཞིག་ཀུན་སློང་ཕྲག་དོག་གིས། འབྲས་བུ་ངོར་གཤེ་བ་དང་། ལྐོག་ཏུ་སྐུར་པ་འདེབས་པ་སོགས་མི་རིགས་པ་བརྫུན་གྱི་ཚིག་སྨྲ་བར་བྱེད་ན། བརྫུན་དེས་བསྟན་པའི་བུབ་ཁ་གང་ཡིན་པ་དེ། རང་གིས་ལེན་པ་དང་། སྨྲ་བ་པོ་དེ་རང་གིས་ཐོབ་པར་འདོད་པའི་རྒྱལ་ཁེ་གང་ཡིན་པ་དེ་ནི། གཞན་དེ་ཉིད་ལ་སྟེར་བར་ཤོག་ཅིག་སྟེ་སྟེར་བར་བྱའོ། །འདོད་པའི་དོན་ཐོབ་པར་བྱ་བ་དེ་ཉིད་གཞན་དོན་གྱི་གཙོ་བོ་ཡིན་པའི་ཕྱིར། འདིས་ནི། ཟང་ཟིང་གི་དངོས་པོ་གཏོང་ལེན་གཞན་ཡང་མཚོན་པས། སྦྱིན་པ་རྣམ་པར་དག་གོ །གཉིས་པ་ནི། འགྲོ་བ་གཞན་གང་ལ་བདག་གིས་ཆོས་དང་ཟང་ཟིང་གི་ཕན་བཏགས་པས། ཕན་ལན་དུ་རེ་བ་ཆེ་བ་འགའ་ཞིག་གིས། ཤིན་ཏུ་མི་རིགས་པའི་གནོད་པ་བྱེད་ན། བྱེད་པ་པོ་དེ་ཉིད་ལ་དགེ་བའི་བཤེས་གཉེན་དུ་བལྟ་བར་བྱ་སྟེ། དེས་གང་བྱས་པའི་གནོད་པ་དེ་ཉིད་དང་དུ་བླངས་པས། འཁོར་བ་དང་ངན་སོང་དུ་མི་ལྟུང་བར་འཛིན་ནུས་པའི་ཕྱིར། དཔེར་ན། སྦྱིན་པར་འདོད་པས། སློང་མོ་བ་དགེ་བའི་བཤེས་གཉེན་དུ་འཛིན་དགོས་པ་བཞིན་ནོ། །གཞུང་འདིས་ཕན་ལན་དུ་གནོད་པ་བྱུང་བའི་ཚེ། འཁོར་བ་ལ་ཡིད་འབྱུང་དགོས་པར་སྟོན་པ་མ་ཡིན་ཏེ། ཇི་སྐད་དུ། འཇིག་རྟེན་ན་ནི་སློང་བ་མོད། །གནོད་པ་བྱེད་པ་དཀོན་པ་སྟེ། །ཞེས་པ་ལྟར། རྒྱལ་བའི་སྲས་པོ་ལ་ནི་གནོད་བྱེད་ཇི་ལྟར་མང་བ་དེ་ཉིད་དོན་དུ་གཉེར་བྱ་ཡིན་པའི་ཕྱིར། གཉིས་པ་ནི།གལ་ཏེ་གནོད་བྱེད་མ་ཡིན་པ་དག་ལ་ཕན་བཏགས་པ་ནི་བཟོད་པར་མི་འགྱུར་བའི་ཕྱིར། དོན་ཆེན་པོར་མི་འགྱུར་བ་ཡིན་ནོ་སྙམ་ན། མདོར་ན་སྦྱོར་བའི་སྒོ་ནས་དངོས་སུ་དང་། བསམ་པ་ཡིས་རྒྱུད་པའི་སྒོ་ནས་ཀྱང་རུང་སྟེ། མ་འོངས་པའི་ཕན་པ་དང་། ཚེ་འདིའི་བདེ་བ་མ་ལུས་པ་ནི། སེམས་ཅན་ཀུན་ལ་དམིགས་བསལ་མེད་པ་ཉིད་དུ་འབུལ་བར་བྱ་སྟེ། སེམས་ཅན་གྱི་ནང་ན་ཕ་མར་མ་གྱུར་པ་མེད་པས། སྦྱིན་པའི་ཡུལ་མཆོག་ཏུ་གྱུར་པའི་ཕྱིར་དང་། གནོད་བྱེད་དུ་ཡང་མ་གྱུར་པ་མེད་པས། བཟོད་པའི་ཡུལ་མཆོག་ཏུ་གྱུར་པའི་ཕྱིར་དང་། ཕན་བདེ་ཕར་ལ་ཕུལ་བ་དེ་བཞིན་དུ་མར་གྱུར་པ་དང་། དགྲར་གྱུར་པ་ཀུན་གྱི་ཡང་གནོད་པ་སྟེ༑ ཉོན་མོངས་པ་དང་སྡུག་བསྔལ་ཀུན། །བདག་ལ་ལེན་ནུས་པར་ཤོག་ཅིག །ཇི་ལྟར་དུ་ན། དངོས་སུ་ལེན་ནུས་ན་དང་། དེར་མ་ཟད་གསང་བ་སྟེ་ལྐོག་ཏུ་གྱུར་པས་ཀྱང་ངོ་། །ཡང་ན། ཚིགས་བཅད་སྔ་མ་གཉིས་ཀྱིས་བརྗེ་བའི་ཡུལ་གནོད་བྱེད་ལ་དམིགས་ཀྱིས་བཀར་བས། སྦྱོར་བ་ཉེར་བསྡོགས་ལྟ་བུ། རྐང་པ་གསུམ་པས་དམིགས་བསལ་མེད་པར་སེམས་ཅན་ཐམས་ཅད་བརྗེ་ཡུལ་དུ་བསྟན་པས་སེམས་ཅན་དོན་བྱེད་ཀྱི་དངོས་གཞི་བསྟན། ཞེས་ཀྱང་བཤད་པར་བྱ་སྟེ། ཐོག་མར་གནོད་བྱེད་ལ་བློ་མ་སྦྱངས་ན། དམིགས་བསལ་མེད་པ་ཉིད་དུ་བློ་མི་འབྱོངས་པའི་ཕྱིར་རོ། །གསུམ་པ་དགེ་བ་ཆོས་སྡུད་ཀྱི་ཚུལ་ཁྲིམས་འཆད་པ་ལ་གསུམ་སྟེ། དགོས་པའི་དོན། བསྡུས་པའི་དོན། ཚིག་གི་དོན་ནོ། །དང་པོ་ནི། ཚུལ་ཁྲིམས་སྔ་མ་གཉིས་ཀྱི་སྐབས་སུ། བྱེད་པ་པོ་བྱང་སེམས་རང་ཉིད་དང༌། བྱ་བའི་ཡུལ་སེམས་ཅན་དང་། ལས་སུ་བྱ་བ་ཚུལ་ཁྲིམས་གསུམ་ཀ་ལ་ཡང་། རྟོག་པས་མཚན་མར་འཛིན་པ་སྤང་བའི་ཕྱིར་དུ། ཚིག་རྐང་བརྒྱད་པ་འདི་གསུངས་པ་ཡིན་ཏེ། བྱ་བྱེད་ལས་གསུམ་མཚན་འཛིན་གྱི་རྟོག་པས་བཅིངས་ན། རྫོགས་པའི་སངས་རྒྱས་ཀྱི་རྒྱུར་མི་འགྱུར་བའི་ཕྱིར་ནའོ། །བསྡུས་པའི་དོན་ནི། རྐང་པ་འདི་དོན་དམ་སེམས་བསྐྱེད་ལ་སྦྱར་བར་མ་ཟད། དགེ་བ་ཆོས་བསྡུད་ལ་སྦྱར་ན་ཡང་འགྲིག་པ་ཡིན་ཏེ། སྟོང་པ་ཉིད་རྟོགས་པའི་ཤེས་རབ་བསྐྱེད་པ་ལ་ནི། སངས་རྒྱས་ཀྱི་གསུང་རབ་མང་པོ་ལ་ཐོས་བསམ་བསྒོམ་གསུམ་གྱི་དགེ་བ་དང་དུ་ལེན་དགོས་པའི་ཕྱིར་རོ། །གསུམ་པ་ཚིག་གི་དོན་ནི། སྦྱང་གཞི་བཤད་མ་ཐག་པའི་སྐབས་ཀྱི་བྱ་བྱེད་ལས་གསུམ་པོ་དེ་དག་ཀུན་ཀྱང་། སྦྱང་བྱའི་དྲི་མ་འཇིག་རྟེན་ཆོས་བརྒྱད་ཀྱི་རྟོག་པའི་དྲི་མས་མ་སྦགས་པར་སྦྱོང་བར་བྱེད་པ་པོ་ཆོས་ཐམས་ཅད་ཀུན་སྒྱུ་མ་ལྟ་བུར་ཤེས་པ་ཡི་ཐོས་བསམ་བསྒོམ་པའི་ཤེས་རབ་ཀྱིས། སྦྱངས་པའི་འབྲས་བུ་འཁོར་གསུམ་དུ་མཚན་མར་ཞེན་པའི་འཆིང་བ་ལས་གྲོལ་བའི་ཆོས་ཀྱི་སྐུ་མངོན་དུ་བྱེད་པར་ཤོག་ཅིག་ཅེས་པའོ། །དོན་འདི་ཉིད་ལ་རྒྱས་བཤད་ཀྱི་སྒོ་ནས་བློ་སྦྱོང་བ་ནི། ཇི་སྐད་དུ། ཆོས་རྣམས་རྨི་ལམ་ལྟ་བུར་བསམ། །ཞེས་པས་ནི་གཟུང་བའི་ཡུལ་སྣང་བཞིན་དུ་མི་དམིགས་པར་བསྟན། མ་སྐྱེས་རིག་པའི་གཤིས་ལ་དཔྱད། །ཅེས་པས་ནི། ཡུལ་ཅན་འཛིན་པ་པོར་སྣང་ཡང་དེ་མི་དམིགས་པ་ཉིད་དུ་རིགས་པས་དཔྱོད་དགོས་པར་བསྟན། གཉེན་པོ་ཉིད་ཀྱང་རང་སར་གྲོལ། །ཞེས་པས་ནི་གཟུང་འཛིན་མི་དམིགས་པ་ཉིད་དུ་གཏན་ལ་འབེབས་བྱེད་ཀྱི་ཤེས་རབ་དེ་ཉིད་ལ་ཡང་རིགས་པས་དཔྱད་མི་བཟོད་པས་ན་རང་སར་གྲོལ་བ་ཉིད་དུ་བསྟན་ནོ། །ངོ་བོ་ཀུན་གཞིའི་ངང་ལ་བཞག །ཅེས་པ་འདི་འཆད་པ་པོ་འགའ་ཞིག་གིས་གཞུང་མ་དག་པར་འཆད་ཀྱང་། ཆེས་ཤིན་ཏུ་ལེགས་པ་ཡིན་ཏེ། རྐང་པ་སྔ་མ་གསུམ་གྱིས་ཐོས་བསམ་དང་།འདིས་ནི་བསྒོམ་བྱུང་གིས་མཉམ་པར་འཇོག་ཚུལ་སྟོན་པས་སོ། །འདི་ཀུན་གཞིའི་རྣམ་ཤེས་ལ་འཆད་དགོས་པ་ནི་མ་ཡིན་ཏེ། ཇི་སྐད་དུ། ས་རྣམས་སྣ་ཚོགས་ཀུན་གཞི་སྟེ། །བདེ་གཤེགས་སྙིང་པོ་དགེ་བའང་དེ། །ཞེས་ས་བཅུ་སོ་སོའི་མཉམ་བཞག་ཡེ་ཤེས་དང་། ཁམས་བདེ་བར་གཤེགས་པའི་སྙིང་པོའི་ངོས་འཛིན་ཀུན་གཞིའི་ཡེ་ཤེས་ཉིད་ལ་བཤད་པའི་ཕྱིར་རོ། །ཀུན་གཞིའི་ཡེ་ཤེས་ཞེས་བྱ་བ་གཞུང་ལས་མ་བཤད་དོ་སྙམ་དུ་དོགས་པར་མི་བྱ་སྟེ། ཐོགས་མེད་ཞབས་ཀྱིས་ཀུན་གཞིའི་སྒྲུབ་བྱེད་དུ་དྲངས་པའི་མདོ་ལས། ཐོག་མ་མེད་པའི་དུས་ཀྱི་དབྱིངས། །ཆོས་རྣམས་ཀུན་གྱི་གནས་ཡིན་ཏེ། །ཞེས་བཤད་ལ། རྣམ་ཤེས་ནི་ཐོག་མ་མེད་པའི་དབྱིངས་སུ་མི་རུང་བའི་ཕྱིར་དང་། རྣམ་པར་ཤེས་པའི་ཚོགས་བརྒྱད་འཁོར་དང་བཅས་པ་ལ། དབྱིངས་དང་ཡེ་ཤེས་གཉིས་གཉིས་སུ་དབྱེ་དགོས་པ་ནི། རྒྱལ་བ་མ་ཕམ་པའི་ཞབས་ཀྱི་གཞུང་དགོངས་འགྲེལ་དང་བཅས་པའི་འཆད་ཚུལ་གྱི་རྩ་བ་ཉིད་དུ་གསལ་བར་བཞུགས་པའི་ཕྱིར་རོ། །འདིར་སྨྲས་པ། གངས་ཅན་ལྗོངས་སུ་བདག་དང་གཞན། །བརྗེ་བའི་བྱང་ཆུབ་སེམས་ལ་ནི། །བློ་སྦྱོང་ཞེས་གྲགས་བཤད་པའི་སྲོལ། །ཐོག་མར་བྱོན་པ་གཞུང་འདི་ཡིན། །གཞུང་འདིའི་དངོས་བསྟན་གོ་སླ་ཞིང་། །དེ་ཉིད་འཆད་པར་མི་དཀའ་ཡང་། །ཤིང་རྟའི་སྲོལ་ཆེན་ལས་བྱོན་པའི། །བསྡུས་དོན་ཚོམས་དང་འབྲེལ་བསྒྲིགས་དང་། །གོང་འོག་ཟློས་པ་མེད་ཉིད་དང་། །བསམ་པས་སྨོན་པའི་བསླབ་བྱ་དང་། །ཕ་རོལ་ཕྱིན་དྲུག་འཇུག་པ་ཡི། །བསླབ་བྱར་བཤད་སོགས་གཞུང་ཉུང་བ། །འགྲེལ་པས་རྒྱས་པར་འཆད་པའི་སྒོ། །ལ་ལས་འཆད་ནུས་མ་ཡིན་པ། །རྣམ་དཔྱོད་རྩལ་དང་གཞུང་མང་པོའི། །དགོངས་པ་ཉེ་བར་བླངས་ནས་སྦྱར། །ཐེག་པ་ཆེན་པོའི་བློ་སྦྱོང་། ཚིགས་བཅད་བརྒྱད་པའི་རྣམ་བཤད་དོན་གསུམ་རབ་ཏུ་གསལ་བ་ཞེས་བྱ་བ་འདི་ནི། སྔོན་ཉིད་ནས་དགེ་བའི་བཤེས་གཉེན་དུ་མས་བསྐུལ་བའི་ངོར་བགྱིས་ནས། དཔལ་ཤཱཀྱ་མཆོག་ལྡན་དྲི་མེད་ལེགས་པའི་བློས། གླང་རི་ཐང་གི་བཙུག་ལག་ཁང་ཆེན་པོ་ཉིད་དུ་སྦྱར་བའི་ཡི་གེ་པ་ནི། ཀོང་སྟོན་ཆོས་ཀྱི་རྒྱལ་མཚན་དཔལ་བཟང་པོའོ།། །།མངྒལཾ།། །།<br /> དཔལ་བརྩེགས་བོད་ཡིག་དཔེ་རྙིང་ཞིབ་འཇུག་ཁང་ནས་དཔེ་རྙིང་བྲིས་མ་ཞིག་ལས་བཤུས་ཤིང་། མེ་ཁྱི་དང་མེ་ཕག་ལོའི་རྫོང་སར་ཁམས་བྱེའི་སློབ་གླིང་གི་འཛིན་གྲྭ་ཁག་གི་མཁན་སློབ་རྣམས་ནས་དཔེ་སྡུར་བྱས་ཏེ་པར་གཞི་གསར་དུ་བསྒྲིགས་པའི་དགེ་བས་འགྲོ་བ་ཀུན་བླ་མེད་རྫོགས་བྱང་ཐོབ་པའི་རྒྱུར་གྱུར་ཅིག། །།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_tshig_brgyad_ma_lo_rgyus_dang_bcas_pa/Full_text&diff=140638 Texts/Blo sbyong tshig brgyad ma lo rgyus dang bcas pa/Full text 2026-08-14T04:06:41Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |FullTextTibetan=༄༅། ། བློ་སྦྱོང་ཚིགས་རྐང་བརྒྱད་མ་ལོ་རྒྱུས་དང་བཅས་པ་བཞུགས་སོ།།<br /> དགེ་བཤེས་གླང་རི་ཐང་པ་དང་དགེ་བཤེས་འཆད་ཀ་བ། ༄༅། །བླ་མ་དམ་པ་རྣམས་ལ་ཕྱག་འཚལ་ལོ། །དགེ་བཤེས་འཆད་ཀ་བའི་ཞལ་ནས། བདག་བཀའ་གདམས་པ་རྣམས་ལ་དད་པ་འདི་དང་པོ་སློབ་དཔོན་ལྕགས་ཞིང་བ་ལས་ཚིག་རྐང་བརྒྱད་པ་འདི་ཐོས་ནས། དེ་ནས་རླུང་ཤོད་དགེ་གོང་བར་དུ་འདིའི་བཙང་དར་བཅད་ནས་ཚིག་རྣམས་ལ་སྔོ་བགྲང་བག་རེ་བྱས་པ་ལས་རྒྱུད་ལ་སྐྱེས་ནི་མི་བདོག སྐྱེས་ན་འདི་མིན་གཅིག་འོང་བ་ལ་གསུངས། དང་པོ་ནི། འགྲོ་འོང་བྱེད་ཙ་ན་དགྲ་བྱུང་གིས་དོགས་པ་ལ་འདི་དྲན་པས་ཕན་པར་བྱུང་། བློ་རྒོད་དུ་ཐལ་བས་མི་ལ་གནས་ཁང་གཉའ་བ་ཤ་སྟགས་དགོས་པར་སོང་བས། དེ་ཙ་ན་གནས་གཤའ་མ་མ་རྙེད་པ་དང་། གཞན་གྱིས་བརྙས་པ་བྱེད་པ་བྱུང་བ་ལ་སོགས་པ་མ་བཏུབ་པ་ཐམས་ཅད་ལ་འདིས་ཕན་པར་བྱུང་གསུངས། དེ་ཉིད་གང་ཡིན་ཚིག་རྐང་བརྒྱད་པོ་འདི་དག་ཡིན། བདག་ནི་སེམས་ཅན་ཐམས་ཅད་ལ། །ཡིད་བཞིན་ནོར་བས་ལྷག་པ་ཡིན།། དོན་མཆོག་སྒྲུབ་པའི་བསམ་པ་ཡིས། །མཆོག་ཏུ་གཅེས་པ་འཛིན་པར་བསླབ།། དེ་ལ་སྤྱིར་སེམས་ཅན་ཐམས་ཅད་ལ་ཡིད་བཞིན་གྱི་ནོར་བུ་རིན་པོ་ཆེར་བསླབ་པ་ནི་སེམས་ཅན་དང༌། རིན་པོ་ཆེ་གཉིས་འདྲ་ཆོས་གཉིས་ཡོད། རིན་པོ་ཆེ་འདམ་གྱི་གསེབ་ཏུ་བཅུག་ན་ཁོ་རང་གི་འདམ་ཡང་འབྱིན་མི་ནུས་ལ། ཚེས་བཅོ་ལྔ་ལ་དྲི་བཟང་པོས་ཁྲུས་བྱས། རྒྱལ་མཚན་གྱི་རྩེ་མོ་ལ་བཏགས་ནས་མཆོད་པ་ཕུལ་ན་འཛམ་བུ་གླིང་པའི་དགོས་འདོད་ཐམས་ཅད་འབྱུང་བ་ལྟར། སེམས་ཅན་འཁོར་བ་ན་ཉེས་པ་སྣ་ཚོགས་དང་ལྡན་པ་ཡང་རང་གིས་རང་འཁོར་བ་ནས་འདོན་མི་ནུས་ཤིང༌། སྡུག་བསྔལ་དང་ཀུན་འབྱུང་སེལ་མི་ནུས་ཀྱང་། དེ་ལ་ཕན་བཏགས་ན་གནས་སྐབས་དང་མཐར་ཐུག་གི་དགེ་བ་ཐམས་ཅད་འབྱུང་སྟེ་གནས་སྐབས་ཀྱི་བདེ་བ་ཡང་སེམས་ཅན་མེད་ན་གང་ནས་ཚོལ་ཏེ་རང་འགགས་ལ་མཐར་ཐུག་གི་བདེ་བ་ཡང་སེམས་ཅན་ལ་བརྟེན་ནས་འབྱུང་སྟེ། དེ་ཉིད་སེམས་ཅན་ལ་བརྟེན་ནས་སངས་རྒྱས་ཀྱི་གོ་འཕང་བླ་ན་མེད་པ་ཐོབ་པར་འགྱུར་རོ། །ཅེས་སོ།། གཉིས་པ་ཁྱད་པར་དུ། གང་དུ་སུ་དང་འགྲོགས་པའི་ཚེ། །བདག་ཉིད་ཀུན་ལས་དམན་ལྟ་ཞིང༌།། གཞན་ལ་བསམ་པ་ཐག་པ་ཡི། །མཆོག་ཏུ་འཛིན་པ་གུས་པས་བསླབ།། ཅེས་པ་ལྟར་གནས་གང་དུ་བསྡོད་ཀྱང་རུང༌། གྲོགས་སུ་དང་འགྲོགས་ཀྱང་རུང༌། ཕྱོགས་ཐམས་ཅད་དུ་རང་ལ་དམན་པར་བལྟ་ལ་སྙིང་ཐག་པ་ནས་གཞན་ལ་གུས་པར་བྱ་བ་བསླབ་པ་ནི། གྲོགས་རང་ལས་མཐོ་བ་བླ་མ་དང༌། རང་དང་མཉམ་པ་ཚངས་པར་སྤྱོད་པ་དང༌། དམའ་བ་མོ ལ་སྤྲང་ལ་སོགས་པའོ། །ཕྱོགས་ཐམས་ཅད་ནི་རིགས་དང་བསམ་པའི་མཐུ་དང་སྐྱོན་གྱི་ངོས་ནས་རང་ལ་དམན་པར་བཏགས་ནས། བདག་རིགས་ལ་ང་རྒྱལ་བྱར་མི་རུང་། དེ་ཐམས་ཅད་རིགས་ངན་ཤན་པའི་རིགས་ཡིན་ལ། ལུས་ལ་ང་རྒྱལ་བྱེད། གསེར་མདོག་སྡུག་ཅིང་འགྲོ་བས་བལྟ་བའི་འོས་སུ་ཡང་མི་འདུག བསམ་པའི་མཐུ་ལས་རང་རེ་ཐམས་ཅད་མི་སྡུག་ཅིང་ཤེས་པ་ལ་ང་རྒྱལ་བྱེད་ན་རིགས་པའི་གནས་ལྔ་ལས་ཕྱོགས་གཅིག་ཀྱང་མི་ཤེས་ལ་བག་རེ་ཉན་པ་ཀུན་ལ་ཡང་ཚིག་དོན་ལྷག་ཆད་བྱུང་ཡང་ངོ་མ་ཤེས་པར་འདུག སྤྱོད་པའང་འཕྲལ་གྱི་བྱ་བ་ལ་བདག་དགེ་སྦྱོང་དུ་ཁས་འཆེ་ཡང་། བྱ་བ་ངན་པ་མ་བྱས་པ་ཙམ་ཡང་མི་འདུག་ལ་ད་ལྟ་ཡང་བསམ་པ་དུག་གསུམ་དུ་སྐྱེ་ཞིང་ལུས་ངག་གི་བྱ་བ་ཕལ་ཆེ་བ་མ་དག་པར་གྲུབ་པས་ཕྱི་མ་མྱ་ངན་ལས་མངོན་མཐོ་རང་ཡང་ཐོབ་པར་དཀའ་སྟེ། སྤྱོད་འཇུག་ལས། བདག་གི་སྤྱོད་པ་འདི་འདྲས་ནི། །མི་ཡི་ལུས་ཀྱང་ཐོབ་མི་འགྱུར། །མི་ལུས་ཐོབ་པར་མ་གྱུར་ན། སྡིག་པ་འབའ་ཞིག་དགེ་བ་མེད།ཏཾ །ཅེས་པ་རང་གི་སྐྱོན་མཐའ་དག་བསམ་ལ། བདག་གི་འོག་ནས་འགྲོ་བ་ཆུ་འདི་ལས་མེད་སྙམ་དུ་ང་རྒྱལ་བཅག་ལ་གཞན་ལ་གུས་པར་བྱ་བ་ལ་བསླབ་ཅེས་པ་ནི་གཞན་གྱི་ཡོན་ཏན་དངོས་སུ་མཐོང་བ་དང་རིགས་པ་དང་གཟུགས་དང་ལོངས་སྤྱོད་དང་ཆོས་ཀྱི་ཡོན་ཏན་ཕ་རོལ་ཏུ་ཕྱིན་པ་དྲུག་ལ་སོགས་པ་གང་མཐོང་བ་ལ་སྐྱོན་གྱི་རང་བཞིན་ལ་འདི་ལྟ་བུའི་ཡོན་ཏན་དང་ལྡན་པ་ངོ་མཚར་ཆེ་སྙམ་དུ་བསམ་མོ།། ཡང་ཡོན་ཏན་དངོས་སུ་མི་འདུག་པ་ལ། འདི་ཀུན་ལ་ནང་ན་ཡོན་ཏན་ཅི་ཡོད་མི་ཤེས་སྙམ་དུ་བསམ་ཏེ། ཨ་ཙ་ར་གཟུགས་ངན་གྱི་གཏམ་རྒྱུད་གསུངས་སོ།&quot; །སྙིང་ཐག་པ་རུས་པའི་གཏིང་ནས་ཞེས་པ་ནི་བསམ་པ་དེ་ཡང་ཁ་ཙམ། ཚིག་ཙམ་མ་ཡིན་པར་ཐམས་ཅད་ལ་གྱོང་ཁེངས་མེད་པར་གཉེན་ལྕག་གཏང་དགོས་བསམ་པ་དེ་ཡོད་ན་འཕགས་པ་སྤྱན་རས་གཟིགས་དབང་ཕྱུག་གིས་ཀྱང་རིགས་ཀྱི་བུ་ལེགས་སོ་ཞེས་གསུངས་པ་ཡིན་ནོ། །དེའི་འཐད་པ་ནི་རྒྱ་མཚོ་དེ་གཞོལ་བས་ཆུ་ཐམས་ཅད་དེར་འབབ་པ་བཞིན་ང་རྒྱལ་མེད་པའི་རྒྱུད་ལ་འཇིག་རྟེན་ལས་འདས་པའི་ཡོན་ཏན་སྐྱེ་བ་ཡིན་པས། སྡུད་པར། འགྲོ་བ་ཀུན་ལ་བྲན་གྱུར་བཞིན་དུ་གནས་པར་བྱ། །གསུངས་ཏེ། སྡེ་སྣོད་གསུམ་གྱི་དོན་ཡང་ང་རྒྱལ་དེ་བཅོག་པའི་ཐབས་ཡིན། ང་རྒྱལ་དེ་ཡོད་ན་ཚེ་འདིར་ཡང་སུ་དང་མི་མཐུན་པ་གཅིག་འོང་ལ་ཕྱི་མའི་ཉེས་པ་ཡང༌། རྨོངས་པ་གང་ཞིག་ང་རྒྱལ་དབང་གིས་ནི། །ངན་སོང་བ་དང་མི་ཁོམ་གནས་སུ་སྐྱེ། །དབུལ་དང་དམན་པའི་རིགས་སུ་སྐྱེ་བ་དང་། །དམུས་ལོང་མཐུ་ཆུང་མདོག་ངན་འཛིན་པར་བྱེད། །ཅེས། ཉོན་མོངས་པའི་བག་ཆགས་ཇེ་ཐུག་ལ་སོང་སྟེ། ཡུལ་དམན་པ་ཐམས་ཅད་ལ་ཉོན་མོངས་པ་དྲག་པོ་སྐྱེ་ལ། དེ་ལས་ལྕི་ཞིང་མཐར་ཐུག་གི་བྱང་ཆུབ་ཡང་མི་ཐོབ་སྟེ། བྱང་ཆུབ་སེམས་དཔའ་ང་རྒྱལ་ཅན། །བྱང་ཆུབ་ལ་ནི་དེ་ཉིད་རིང་།” །ཞེས་སོ། །དེས་ན་འཇིག་རྟེན་དང་འཇིག་རྟེན་ལས་འདས་པའི་སྨད་པ་དང་། རྒུད་པ་དང༌། སྡུག་བསྔལ་ཐམས་ཅད་བདག་བཟང་པོར་འཛིན་པ་ལས་བྱུང་ལ། འཇིག་རྟེན་དང་འཇིག་རྟེན་ལས་འདས་པའི་བདེ་བ་ཐམས་ཅད་སེམས་ཅན་ལས་བྱུང་བས། སེམས་ཅན་ཐམས་ཅད་ཡོན་ཏན་ཅན་དུ་བལྟས་ལ་ང་རྒྱལ་བཅག་པར་བྱའོ།། གསུམ་པ་ནི། དེ་ལྟར་བྱེད་དུ་ཉོན་མོངས་པས་མི་སྟེར་བས་དེ་ཡང་སྤང་བ་ནི། སྤྱོད་ལམ་ཀུན་ཏུ་རང་རྒྱུད་ལ། །བརྟག་ཅིང་ཉོན་མོངས་སྐྱེས་མ་ཐག། བདག་གཞན་མ་རུངས་བྱེད་པས་ན། །བཙན་ཐབས་གདོང་ནས་བཟློག་པར་བསླབ།། ཅེས་པ་སྤྱོད་ལམ་ཐམས་ཅད་དུ་རང་གི་རྒྱུད་ལ་བརྟགས་ལ་ཉོན་མོངས་པ་སྐྱེས་མ་ཐག་བཙན་ཐབས་སུ་བཟློག་པ་ལ་བསླབ་པ་ནི་སྤྱོད་ལམ་བཞི་པོ་གང་བྱེད་ཀྱང་རང་གི་རྒྱུད་ལ་འདོད་པའི་རྣམ་རྟོག་ལ་སོགས་སྐྱེ་མི་སྐྱེ་དྲན་ཤེས་བཞིན་གྱིས་བདག་ལ་སྐྱེས་མ་ཐག་སྤང་གི་ཨེན་གཅིག་ཡང་སྤང་སྙམ་ན་བལྟས་ནས་འགྲོ་བའི་འབུར་འཇོམས་བྱ་སྟེ་བཟའ་འཚོ་གཉིས་ལ་རྐུན་མ་བྱུང་བ་བཞིན་བྱས་ན་ཕྱིས་ལོང་ཅན་དུ་སོང་ན་ཡེ་མི་ཡོང་བ་ཡིན།༩ ཉོན་མོངས་པ་རྒྱུད་ལ་འཕེལ་ན་ཞེ་སྡང་ལ་སོགས་པ་ཐམས་ཅད་ཇེ་འཕེལ་དུ་འགྲོ་སྟེ། མདོ་ལས། དེ་བཞིན་གཉིད་ལ་དད་པ་དག །ཕྱིར་བཞིན་དེ་བཞིན་གཉིད་ཆོར་འགྱུར། །དེ་བཞིན་འདོད་ཆགས་ཆེ་བ་དང༌། །ཆང་ལ་སྲེད་པའང་དེ་བཞིན་འགྱུར།༡༠ །ཅེས་གསུངས། ཉོན་མོངས་པའི་བག་ཆགས་ཇེ་མཐུག་ལ་སོང་སྟེ། ཡུལ་དམན་པ་ཐམས་ཅད་ལ་ཉོན་མོངས་པ་དྲག་པོ་སྐྱེ་ལ་དེ་ལས་ལྕི་ཞིང་སྡུག་བསྔལ་ཆེན་པོ་ཉམས་སུ་མྱོང་དགོས། ཉོན་མོངས་པ་སྤོང་ན་བག་ཆགས་ཇེ་སྲབ་ལ་འགྲོ་སྟེ། སྔར་གྱི་བག་ཆགས་ཀྱང་ཞར་ལ་འགྲོ་ལ། ཡུལ་བཟང་པོ་ལ་བག་ཆགས་ཕྲ་མོ་ལས་མི་སྐྱེ། དེའི་ལས་འབྲས་ཕྲ་བས་མྱོང་བ་ངེས་པར་འགྲོ་བ་ཡིན་ལ། ཉོན་མོངས་པ་ལ་དགྲར་ལྟས་ལ་གཉེན་པོ་སྟོབས་བསྐྱེད། ཞི་བ་ལྷས། བདག་ནི་བསྲེགས་ཏེ་བསད་གྱུར་ཏམ། །དེ་བཞིན་མགོ་བོ་བཅད་ཀྱང་རུང་། །རྣམ་པ་ཀུན་ཏུ་ཉོན་མོངས་པའི། །དགྲ་ལ་འདུད་པར་མི་བྱའོ།༡༡ །ཞེས་གསུངས་པས། འཇིག་རྟེན་པའི་དགྲ་བོས་ལོ་ཀ་ལས་གནོད་པ་མི་བྱེད་ལ། ཉོན་མོངས་པས་ཚེ་རབས་ཐམས་ཅད་དུ་གནོད་པ་བྱེད་སྟེ། བདག་གི་ཉོན་མོངས་དགྲ་བོ་གང་། །དུས་རིང་ཐོག་མཐའ་མེད་པ་ལྟར། །དགྲ་གཞན་ཀུན་ཀྱང་དེ་ལྟ་བུར། །ཡུན་རིང་ཐུབ་པ་མ་ཡིན་ནོ།༡༢ །ཅེས་སོ། །ཡང་འཇིག་རྟེན་གྱི་དགྲ་ལ་ཕྱོགས་ཕུལ་ན་མི་གནོད་པར་ཕན་འདོགས་ལ། ཉོན་མོངས་པ་ལ་དེ་ལྟར་ཕུལ་ན་ཐུ་རུ་འགྲོ་སྟེ། མཐུན་པར་རིམ་གྲོས་བསྟེན་བྱས་ན། །ཐམས་ཅད་ཕན་དང་བདེ་བྱེད་དེ། །ཉོན་མོངས་དགྲ་ནི་བསྟེན་བྱས་ན། །ཕྱིར་ཞིང་སྡུག་བསྔལ་གནོད་པར་བྱེད།༡༣ །ཅེས་སོ། །ཡང་འཇིག་རྟེན་པའི་དགྲས་ལུ ས་སྲོག་ལོངས་སྤྱོད་ལ་གནོད་པ་ཙམ་ལས་མི་བྱེད་ལ་ཉོན་མོངས་པས་འཁོར་བར་སྡུག་བསྔལ་དཔག་ཏུ་མེད་པ་བསྐྱེད་པར་བྱེད། གལ་ཏེ་ལྷ་དང་ལྷ་མིན་རྣམས། །ཐམས་ཅད་བདག་ལ་དགྲར་ལངས་ཀྱང་། །དེ་དག་གིས་ཀྱང་མནར་མེད་པའི། །མེ་ནང་ཁྲིད་ཅིང་འཇུག་མི་ནུས། །ཉོན་མོངས་སྟོབས་ལྡན་དགྲ་འདིས་ནི། །གང་དང་ཕྲད་ན་རི་རབ་ཀྱང་། །ཐལ་བ་ཙམ་ཡང་མ་ལུས་པར། །དེ་བདག་སྐད་ཅིག་གཅིག་ལ་འདོར།༡༤ །ཞེས་སོ། །དེ་ལྟར་ཉོན་མོངས་པ་འདི་ལ་དགྲར་ལྟས་ལ་དོར། འཇིག་རྟེན་གྱི་དགྲ་ཡུལ་འཐོན་ཡང་ཕྱིས་གནོད་པ་བྱེད་དུ་འོང་སྟེ། ཉོན་མོངས་པ་འདི་སྤངས་ན་ཕྱིས་སྐྱེ་མི་ནུས་ལ། ས་བོན་ཚིག་པ་དང་འདྲ་བ་ཡིན་ནོ། །སྤང་ལུགས་སྤྱོད་པ་དང་། སྒོམ་པ་དང༌། ལྟ་བས་སྤངས་ཏེ། དེ་ཡང་ལས་དང་པོ་བ་གཉེན་པོ་སྟོབས་ཆུང་བས་ཉོན་མོངས་པ་སྐྱེ་ན་བཟློག་དཀའ་བས་སྤྱོད་ལམ་གྱིས་སྤང༌། སྒོམ་པ་ནི་ཉོན་མོངས་པ་རེ་ལ་གཉེན་པོ་རེ་གསུངས། སྐྱེས་བུ་གསུམ་གང་སྒོམ་པ་དེ། ཉོན་མོངས་པ་ཐམས་ཅད་ཀྱི་གཉེན་པོར་འགྲོ་བས་དེ་བསྒོམས་པས་ཆོག བློ་ཡར་ཚད་སོང་ན་ཉོན་མོངས་པ་ལ་ཡུལ་མེད་པས་དེ་ངོ་ཤེས་པས་ཆོག་གིས་སྤང་རྒྱུ་མེད་དེ། ཉོན་མོངས་ཉོན་མོངས་ཤེས་རབ་མིག་གིས་སྤང་།༡༥ །ཞེས་གསུངས་སོ།། བཞི་པ་ནི། ཤིན་ཏུ་རང་བཞིན་ངན་པ་དང༌། སྡིག་པ་དང་སྡུག་བསྔལ་དྲག་པོས་ནོན་པ་རྣམས་ལ་ཤིན་ཏུ་རྙེད་པ་དཀའ་ཞེས་གཅེས་པར་བསླབ་ཅེས་པ་ནི། རང་བཞིན་ངན་པའི་སེམས་ཅན་དང་། །སྡིག་སྡུག་དྲག་པོས་ནོན་པ་ལ།། རིན་ཆེན་གཏེར་དང་ཕྲད་པ་ལྟར། །རྙེད་པར་དཀའ་བས་གཅེས་འཛིན་བསླབ།། དེ་ལ་རང་བཞིན་ངན་པ་ནི། སྔོན་བསོད་ནམས་མ་བསགས་པས་ཉོན་མོངས་པ་རང་དབང་མེད་པར་སྐྱེས་པ་སྟེ་རྒྱལ་པོ་ཨ་སང་གྷ་ལྟ་བུའམ་ཡང་ན་འཕྲང་ཁའི་མི་གཅིག་ལ་ཤ་ཚོད་བྱིན་པས་ཁ་ཚིག་ནས་ཚོད་མ་སྣོད་དང་བཅས་བསྒྱུར་ནས། ད་ཁ་ཚིག་དང་ཡང་ཟེར་བ་ལྟ་བུ འི་མི་དང༌། སྡིག་པ་ནི་མཚམས་མེད་པ་ལྔ་དང་སྡོམ་པ་ཉམས་པ་དང་དཀོར་ཟས་ལ་སོགས་པའོ། །སྡུག་བསྔལ་དྲག་པོས་ནོན་པ་ནི། མཛེ་དང་ནད་དྲག་པོས་བཏབ་པ་ལ་སོགས་པའོ། །དེ་དག་ལ་མིག་སྔར་ཡང་ལྟར་མི་རུང་བས། ཡེ་ཡོང་དུ་མ་འཇུག་ཟེར་ནས་དགྲར་འཛིན་ཏེ་དེ་ལྟར་མིན་ཏེ་སྡུག་བསྔལ་ལ་གནས་པ་དེ་སྙིང་རེ་རྗེ་རྒྱལ་པོའི་གཤེད་མས་ཁྲིད་པའི་མི་དང་འདྲ་བའི་དེ་དག་ལ་ཚུལ་ཁྲིམས་འཆལ་པ་མཐོང་ན་ཡང་འདི་འགྲོ་བ་ཅིར་འགྱུར་ཞེས་མཆི་མ་རབ་ཏུ་དབྱུང་བར་བགྱིའོ། །ཞེས་པས་དེ་དག་ལ་དང་པོ་ཚིག་གི་གྲོས་བཏབ་པའོ། །དེས་ཀྱང་མ་ཉན་ན་ཟས་ནོར་གྱི་ཕན་བཏགས་ནས་བཟློག དེས་ཀྱང་མ་ཕན་ན་བསམ་པས་བཟུང་ནས་སྦྱོར་བ་བླ་གབ་ཀྱང་བསྲུངས་ཏེ་ཁོ་ལ་མི་ཕན་པར་བདག་ལ་གནོད་ཡིན་སྡུག་བསྔལ་དྲག་པོས་ནོན་པ་ཀུ ན་ལ་ཁ་ཅིག་སྣ་བཀབ་ནས་འགྲོ་སྟེ། དེ་ལྟར་བྱེད་ཀྱང་བདག་ལ་མི་འོང་བའི་གདེངས་ཡང་མེད་པས་སྦྱོར་བ་དེ་ལ་ཁ་ཟས་དང་སྨན་ལ་སོགས་པས་ཕན་བཏགས་བསམ་པས། འགྲོ་བའི་སྡུག་བསྔལ་གང་ཅིའང་རུང༌། །དེ་ཀུན་བདག་ལ་སྨིན་གྱུར་ཅིག༡༦ །ཅེས་བློ་སྦྱོང་། རྙེད་པར་དཀའ་ཞིང་གཅེས་པ་ལ་བསླབ་པ་ནི། དཔེར་ན་རིན་པོ་ཆེ་དང་འཕྲད་པར་དཀའ་བས་དེ་མི་འདོར་བར་ལེན་ཅིང་དེ་དག་ཀྱང་གཅེས་པར་བྱེད་པ་ལྟར་གང་ཟག་དེ་དག་རྙེད་པ་དཀའ་བ་ནི། དེ་དག་ལ་བརྟེན་ནས་སྙིང་རྗེ་སྐྱེ་ཞིང་། དེ་ལ་བརྟེན་ནས་བྱང་ཆུབ་ཀྱི་སེམས་སྐྱེ་བ་ཡིན་ཏེ༑ དེས་ན་རང་གིས་མ་འབད་པར་ཐེག་ཆེན་གྱི་ལམ་བསྐྱེད་པའི་དམིགས་ཡུལ་དེ་ལྟ་བུ་རྙེད་པར་དཀའ་བ་ཡིན་ཏེ། ཅིའི་ཕྱིར་ན་འཕགས་པ་དང་འཇིག་རྟེན་པའི་ཕུན་སུམ་ཚོགས་པ་ལ་སྙིང་རྗེ་མི་སྐྱེ་བས་བྱང་ཆུབ་ཀྱི་སེམས་འཕེལ་མི་ནུས་པའི་ཕྱིར་སངས་རྒྱ་མི་ནུས་པ་ཡིན་ནོ། །དེ་ཉིད། བྱང་ཆུབ་སེམས་ནི་མ་རྟོགས་པའི། །སངས་རྒྱས་རྣམས་ནི་ཐབས་མ་བཟུང་།༡༧ །ཞེས་གསུངས་པའི་ཕྱིར། ལྔ་པ་ནི། རང་ལ་བསྐུར་བ་ལ་སོགས་པའི་ཉེས་སྐྱོན་གང་བྱུང་ཡང་དག་ཚངས་མི་བྱ་བར་གྱོང་ཁ་རང་གིས་བླངས་པ་ལ་བསླབ་ཅེས་པ་ནི། བདག་ལ་གཞན་གྱི་ཕྲག་དོག་གི །གཤེ་བསྐུར་ལ་སོགས་མི་རིགས་པའི།། གྱོང་ཁ་རང་གིས་ལེན་པ་དང༌། །རྒྱལ་ཁ་གཞན་ལ་འབུལ་བར་བསླབ།། ཅེས་པ་སྟེ། རང་གི་ལན་ནམ་མ་ལན་ཡང་གཞན་གྱི་ཕྲག་དོག་ལ་སོགས་པས་བསྐུར་བ་དང་། མི་ཉན་པར་བརྗོད་པ་ཅི་བྱུང་ཡང་མི་བཟོད་པ་མི་བྱ་བར་རྒྱུད་འཇམ་མེ་བྱས་ལ་དག་ཚངས་ངས་མ་ལན་འདིས་ལན་ཞེས་ཡེ་མི་བྱ་བར་གྱོང་ཁ་རང་གིས་བླང་པ་ནི། གླང་རི་ཐང་བ་ལྟ་བུར་བྱའོ། །དེ་ཉིད་མ་ལེགས་པ་སུ་ལ་བྱུང་ཡང་དེའི་གྲོས་ཁོང་ན་ཁོ་བ་ཡང་མཆིས་གསུང་བར་གདའ། དེའི་རྒྱུ་མཚན་ནི་ད་ལྟ་སྦྱིན་པ་དང་། ཚུལ་ཁྲིམས་ལ་ཚུལ་སྣ་ཚོགས་ནས་འབད་པར་བྱེད་པ་ནི། སྡིག་པ་མང་པོ་དག་ཅིང་ཚོགས་རྫོགས་པར་བྱེད་པའི་ཕྱིར་བྱེད། དེ་བས་བསྐུར་བ་འདེབས་པ་དེ་བཀའ་དྲིན་དུ་ཤེས་ན་སྔ་མ་གཉིས་ཀྱི་དོད་མ་ཡིན་ཡང་དག་ཚངས་བྱེད་ན་རང་གི་སྡིག་པ་དག་དགོས་གསུངས། གྱོང་ཁ་རང་གི་བླང་བ་ནི་ལས་ཀྱི་སྟེང་དུ་མི་འབྱུང་བ་ཡིན་པས་སོ། །གླང་རི་ཐང་པའི་ཞལ་ནས་ཕན་ཡུལ་གྱི་དགེ་འདུན་ལ་མར་ཚོད་སུན་རེ་དྲངས་པ་བས་རང་ལ་ཉེས་མེད་ཀྱི་བསྐུ ར་བ་འདེབས་པ་ལ་བཀའ་དྲིན་ཆེ་བར་ཤེས་ན་སྡིག་པ་འདག་པ་དང་། ཚོགས་རྫོགས་པའི་རླབས་དེ་ཀ་ཆེ་བ་ཡིན་གསུང་ངོ༌། །དེ་ཉིད་སྤྱོད་འཇུག་ལས། དེ་བས་རབ་ཏུ་སྡང་སེམས་ལ། །བརྟེན་ནས་བཟོད་པ་སྐྱེ་བས་ན། །དེ་ཉིད་བཟོད་པའི་རྒྱུ་ཡིན་པས། །དམ་པའི་ཆོས་བཞིན་མཆོད་པར་འོས།༡༨ །གསུང་ལ། དེ་ཡི་འཐད་པ་ནི། ཚུལ་ཁྲིམས་པས་བཟོད་པ་བསོད་ནམས་ཆེ་སྟེ། ཞེ་སྡང་ལྟ་བུའི་སྡིག་པ་མེད། །བཟོད་པ་ལྟ་བུའི་དཀའ་ཐུབ་མེད།༧༩ །ཅེས་པ་ལ་སོགས་པ་གསུངས་པའི་ཕྱིར་རོ། །དེས་གནོད་པ་ལ་ཇི་མི་སྙམ་པའི་བཟོད་པའོ།། དྲུག་པ་སྡུག་བསྔལ་དང་ལེན་གྱི་བཟོད་པ་ནི་རང་གིས་སྔར་ཕན་བཏགས་པའམ། རེ་ཆེ་བའི་བསམ་པས་ཡུལ་དེར་མགོ་བསྐོར་དང་། བསྔོ་སྔོས་བྱས་ན་བཀའ་དྲིན་ཆེ་བའི་བསམ་པས་དགེ་བའི་བཤེས་གཉེན་བསྒོམ་ཅེས་པ་ནི། གང་ལ་བདག་གིས་ཕན་བཏགས་པའི། །རེ་བ་ཆེ་བ་གང་ཞིག་གིས།། ཤིན་ཏུ་མི་རིགས་གནོད་བྱས་ནའང་། །བཤེས་གཉེན་དམ་པར་བལྟ་བར་བསླབ།། ཅེས་པ་སྟེ། རེ་བ་ནི་སྟོན་པ་ན་རེ་ངས་ཁམས་སུ་སྟོན་པ་ཤེས་རབ་འབར་ཅན་ཕྱིན་ནས་ཁོང་གྲོགས་པོ་སྙིང་དང་འདྲ་བ་ཡིན་པས་ཁོང་རང་གིས་ང་ལ་མགྲོན་བཤའ་མ་བྱེད་སྙམ་ནས་ཕྱིན་པ་དང་། ཁོང་གིས་བསྔོ་སྔོས་བྱས་ནས་ཕུད་དེ། ཅི་ཡོད་འཕྲོག་ཏུ་བཅུག་ཁོ་རང་གིས་ཀྱང་ཁྲི་མུན་ནང་དུ་བཅུག དེར་སྔར་བྱམས་པ་དང་སྙིང་རྗེ་ལ་བློ་སྦྱོངས་མ་སྦྱོངས་དང་། སྡུག་བསྔལ་དེ་དག་བདག་སྨིན་ཅིང་། །བདག་བདེ་མ་ལུས་དེ་སྨིན་ཤོག ༢༠ །ལ་སོགས་རྫུན་དུ་སོང་མ་སོང་དེར་གསལ་བས་དེ་ལ་ཤག་མི་གདའ་རང་ལ་ལྡོག་ནས་རྩིས་ནའང་ལས་དང་མི་ལྡན་ན་སྟེང་དུ་མི་ཡོང་སྟེ། བདག་གིས་སྔོན་ཆད་སེམས་ཅན་ལ། །འདི་འདྲ་བ་ཡི་གནོད་པ་བྱས། །དེ་བས་སེམས་ཅན་འཚེ་བྱེད་པའི། །བདག་ལ་གནོད་པ་འདི་བྱུང་རིགས།༢༡ །ཞེས་རང་གིས་ལེན་པ་ཡིན་སྙམ་དུ་བསམ་ལ་རྒྱུད་འཇམ་པོ་བྱས་པས་རང་བདེ། ཡུས་མ་ཕོ་བས་གཞན་ཡང་བདེ་བ་ཡིན། རང་གི་ལས་ཡིན། སྡིག་པ་སྤངས་པའི་འཕགས་པ་རྣམས་ལ་སུས་གནོད་པ་མི་བྱེད་པར་འགྲུབ་པ་ཡིན་ནོ། །གཞན་བཟློག་ནས་ཀྱང་རང་གི་ལས་ངན་གྱི་ཁོ་ལ་གོས་ན་བདག་ལ་གནོད་པ་བྱས་པས་བདག་ལ་བརྟེན་ནས་འདི་ངན་སོང་དུ་འགྲོ་བ་ནི་བདག་གིས་ལན་པ་ཡིན་ཏེ༑ བདག་གི་ལས་ཀྱིས་བསྐུལ་བྱས་ནས། །བདག་ལ་གནོད་བྱེད་འདི་འབྱུང་སྟེ། །དེ་ཡི་སེམས་ཅན་དམྱལ་དོང་ན། །བདག་གིས་དེ་དག་མ་བརླག་གམ།༢༢ །གསུངས་པས། འདིའི་སྡུག་བསྔལ་སྐྱོབ་པར་རིགས་ཏེ། གང་དག་བདག་ལ་ཁ་ཟེར་རམ། །གཞན་དག་བདག་ལ་གནོད་བྱེད་པའི། །དེ་བཞིན་ཕྱར་ཁ་གཏོང་ཡང་རུང་། །ཐམས་ཅད་བྱང་ཆུབ་སྐལ་ལྡན་འགྱུར།༢༣ །ཅེས་པའམ། ཕན་བཏགས་ལན་དུ་གནོད་བྱེད་ནའང་། །ལན་ལ་སྙིང་རྗེ་ཆེན་པོ་བསྒོམ། །འཛམ་བུ་གླིང་གི་སྐྱེས་མཆོག་ནི། །ཉེས་པའི་ལན་ནི་ལེགས་པས་འདོན།༢༠ །ཅེས་སོ།། བཀའ་དྲིན་ཆེ་བའི་བསམ་པས་དགེ་བའི་བཤེས་གཉེན་དུ་བསྒོམ་པ་ནི་དགེ་བའི་བཤེས་གཉེན་བཀའ་དྲིན་ཆེ་བས་ན། བདག་ལ་ཁྲིམས་ཕོག སྒོམ་ལུགས་བྱིན།༢༥ ཐར་པའི་ལམ་བསྟན་པའི་བཀའ་དྲིན་ཆེ་བ་ནི། རང་གིས་མ་བསྒོམ། མ་བསྲུང་ན་ལམ་དུ་མི་འགྲོ་ལ་གང་ཟག་འདིས་བདག་ལ་བྱིན་ནས་བདག་གི་སྡིག་པ་འདག་ཅིང་ཚོགས་རྫོགས་པར་བྱས་ནས། ཕན་བཏགས་ནས། སྒོམ་གྱི་ལུང་འབོགས་མཁན་དང༌། ཁྱད་པར་མེད་པར་དགེ་བའི་བཤེས་གཉེན་དུ་ལྟ་བར་བྱ་སྟེ། དེ་ཉིད་ཀྱང་བདེ་བའི་གླུ་ལས། དགྲའམ་འོན་ཀྱང་མཛའ་ཡང་རུང་། །ཉོན་མོངས་སྐྱེ་བའི་ཡུལ་རྣམས་ལ། །དགེ་བཤེས་ཡིན་པར་སུ་མཐོང་བ། །དེ་དག་གང་ན་གནས་ཀྱང་བདེ།༢༦ །གསུངས་པ་དེ་ལྟ་བུའི་བསམ་པ་སྐྱེས་ན་འབྱོངས་པ་ཡིན་པས་གཞན་གང་ཡང་མེད་ཀྱང་ཆོག་གང་བྱས་བྱང་ཆུབ་ཀྱི་ལམ་གྱི་འགྲོ་སྟེ། དཔེར་ན་གསེར་གླིང་དུ་མི་གཙང་བ་མི་རྙེད་པ་བཞིན་དུའོ། །དཔེར་ན་ཆོས་བྱ་བ་རང་གི་བློ་འཆོས་ཀྱིས་ཕྱིའི་ཡུལ་འཆོས་པ་མ་ཡིན་པས་མི་དེ་ལ་ལྷ་འདྲེ་མི་དང་གསུམ་དགྲར་ལངས་ཀྱང༌། དེའི་རྒྱུད་མི་དགེ་བ་དང་སྡུག་བསྔལ་བར་མི་བཏུབ་པས་སུས་ཀྱང་མི་ཐུབ་པས་དཔའ་བོ་བྱ་བ་ཡིན་ནོ།། བདུན་པ་ནི། མདོར་ན་དངོས་སམ་བརྒྱུད་པས་བདེ་བ་ཕན་པར་འདུག་པ་ཐམས་ཅད་མ་རྒན་རྣམས་ལ་དབུལ་ཞིང་དེ་དག་གིས་གནོད་པ་དང་སྡུག་བསྔལ་ཐམས་ཅད་གུས་པས་རང་གི་སྙིང་ཁོངས་སུ་བླང་བ་བསླབ་ཅེས་པ་ནི། མདོར་ན་དངོས་སམ་བརྒྱུད་པ་ཡི། །ཕན་བདེ་མ་ལུས་ཀུན་ལ་དབུལ།། མ་ཡི་གནོད་དང་སྡུག་བསྔལ་ཀུན། །གུས་པས་རང་གི་ལེན་པར་བསླབ།། མདོར་བསྟན་ནི་སྔར་བསྟན་པ་ཐམས་ཅད་བསྡུའོ། །གུས་པས་ནི་མའི་དྲིན་བསམ་པའི་སྒོ་ནས་རང་གི་ཁོངས་སུ་བླང་བ་ནི་ཁ་ཙམ་མིན་པར་སྙིང་ཐག་པ་ནས་གཏོང་ལེན་བསྒོམ་སྟེ། དངོས་སུ་བདག་གི་བདེ་བ་ཟས་དང་སྨན་ལ་སོགས་པ་བཏང་སྟེ་སེམས་ཅན་གྱི་སྡུག་བསྔལ་ཀུན་འབྱུང་བླངས་ན། ཕྱི་མ་མངོན་མཐོ་དང་ངེས་ལེགས་ཐོབ་པའི་རྒྱུ་ཡིན། དངོས་སུ་བླང་དུ་མ་བཏུབ་པ་བརྒྱུད་ནས་ལེན་པ་ནི་བསམ་པས་གཏོང་ལེན་བསྒོམ་པ་དང༌། སྨོན་ལམ་གྱི་ཚེ་འདིའི་བདེ་བ་བསྔོ་བ་ནི། སྤྱོད་འཇུག་ལས། བདག་བདེ་གཞན་གྱི་སྡུག་བསྔལ་དག །ཡང་དག་བརྗེ་བ་མ་བྱས་ན། །སངས་རྒྱས་ཉིད་དུ་མི་འགྲུབ་ཅིང་། །འཁོར་བ་ན་ཡང་བདེ་བ་མེད།༢༧ །ཅེས་པས་སྙིང་ཐག་པ་ནས་བརྗོད་དོ།། བརྒྱད་པ་ནི། དེ་དག་ཐམས་ཅད་ལ་ཉེས་པ་འབྱུང་བ་སྲིད་པས་ཚེ་འདིའི་རྟོག་པ་དང་ཅུང་ཟད་ཀྱང་མ་འདྲེས་པར་བྱས་ཤིང་། ཆོས་ཐམས་ཅད་སྒྱུ་མ་ལྟར་ཤེས་པའི་བློས་དངོས་པོ་གང་ལ་ཡང་མ་ཆགས་པར་བསློབ་པ་ནི། དེ་དག་ཀུན་ཀྱང་ཆོས་བརྒྱད་ཀྱི། །རྟོག་པའི་དྲི་མས་མ་སྦགས་པར།། ཆོས་རྣམས་སྒྱུ་མར་ཤེས་པ་ཡི། །ཞེན་པའི་འཆིང་ལས་གྲོལ་བར་བསླབ།། ཅེས་པ་ཐབས་ཀྱི་གཉེན་པོ་ནི། བདག་བཟང་པོར་ཤེས་སུ་རེ་བ་ལ་སོགས་པ་ཚེ་འདིའི་རྟོག་པ་དང་འདྲེས་པ་ནི། ཆོས་བརྒྱད་དང་རང་དོན་དུ་སོང་ན་ཆོས་བདུད་དུ་ཤོར་བ་ཡིན་པས། དེ་སྒྱུ་མ་ལྟ་བུར་ཤེས་ནས་གདོད་སྤང་བས་ད་ལྟར་གྱི་སྣང་བ་ལ་བདེན་པ་མ་གྲུབ་སྟེ། འདི་ལྟར་སྟོང་པའི་ཆོས་རྣམས་ལ། །ཐོབ་པ་ཅི་ཡོད་ཤོར་ཅི་ཡོད། །གང་གིས་རིམ་གྲོ་བྱས་པའམ། །ཡོངས་སུ་བརྙེས་པའམ་ཅི་ཞིག་ཡོད། །བདེ་བའམ་སྡུག་བསྔལ་གང་ལས་ཡིན། །མི་དགར་ཅི་ཡོད་དགར་ཅི་ཡོད།༢༨ །ཅེས་དང་། ཐམས་ཅད་ནམ་མཁའ་འདྲ་བར་ནི། །བདག་འདྲས་ཡོངས་སུ་བཟུང་བར་བགྱི།༢༩ །ཞེས་སོ།། ཐམས་ཅད་ལ་གསོལ་བ་དང༌། སྨོན་ལམ་དུ་ཡང་འདེབས་པ་ནི། བླ་མ་དཀོན་མཆོག་ལ་མཎྜལ་ཕུལ་གསོལ་བ་གདབ་པ་ནི། བླ་མ་དུས་གསུམ་གྱི་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་བྱིན་རླབས་དང་ཐུགས་རྗེ་ཡོད་ནའམ། ཁྲོ་བོ་ཕ་བཅུ་མ་བཅུ་ཐམས་ཅད་ལ་མཐུ་སྟོབས་ཡོད་པ་དང༌། ཡེ་ཤེས་ཀྱི་མཁའ་འགྲོ་མ་མཐུའམ་ནུས་པ་ཡོད་ན་ཚིག་རྐང་བརྒྱད་པོ་འདིའི་དོན་བདག་ལ་སྐྱེ་བར་བྱིན་གྱིས་བརླབ་ཏུ་གསོལ། བདག་ལ་སེམས་ཅན་ཐམས་ཅད་ཀྱི་སྡུག་བསྔལ་དང་ཀུན་འབྱུང་ཐམས་ཅད་སྨིན་ཅིང་བདག་གིས་བྱང་ཆུ བ་ཀྱི་སེམས་ཀྱི་འབྲས་བུ ་དེ་དག་ཐམས་ཅད་སེམས་ཅན་ཐམས་ཅད་ལ་སྨིན་པར་བྱིན་གྱིས་བརླབ་ཏུ་གསོལ། ཞེས་བདེན་པ་བཞི་དང་སྦྱར་ཞིང་སྤྱོད་པའོ། །དེ་དག་ལ་སོགས་པ་དགེ་བ་ཅི་བྱས་ཀྱི་རྗེས་སུ་ཚིག་རྐང་བརྒྱད་མའི་སྨོན་ལམ་གདབ་བོ། །དེའི་སྨོན་ལམ་བཏབ་པས་བྱང་ཆུབ་ཀྱི་སེམས་ཀྱི་བག་ཆགས་འཇོག་གོ །དེ་ལྟ་བུའི་དགེ་བའི་རྩ་བས་ལོ་ཟླ་བ་ཐམས་ཅད་དུ་དུས་ཐམས་ཅད་དུ་འདའ་བར་བྱའོ། །ཕྱི་མའང་དེ་ལྟ་བུའི་དགེ་བའི་བཤེས་གཉེན་དང་མཇལ་བ་དང་། གྲོགས་ཡང་དེ་ལྟ་བུ་དང་མཇལ་བར་བྱའོ། །སྙམ་དུ་བསམས་ཤིང་སྨོན་ལམ་ཡང་ཡང་གདབ་པར་བྱའོ།། བྱང་སེམས་གླང་ཐང་པའི་ཚིག་རྐང་བརྒྱད་པའི་འགྲེལ་པ་ནི། འཆད་ཀ་བ་ཡེ་ཤེས་རྡོ་རྗེས་མཛད་པའི་རྩ་འགྲེལ་འདི་ནི་བློ་སྦྱོང་གིས་མན་ངག་ཟབ་པར་མཆིས་སོ། །འདི་ལ་འབད་ཚལ། རྒྱུད་ལ་སྐྱེ་བར་གྱུར་ཅིག། །།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_thun_brgyad_ma%27i_zin_bris_nyung_gsal/Full_text&diff=140552 Texts/Blo sbyong thun brgyad ma'i zin bris nyung gsal/Full text 2026-08-13T13:34:26Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[https://khyentselineage.tsadra.org/index.php/JKW-KABUM-11-DA-001-006 Tsadra Khyentse Lineage]<br /> |FullTextDate=2025-05-23<br /> |FullTextTibetan=༄༅། །བློ་སྦྱོང་ཐུན་བརྒྱད་མའི་ཟིན་བྲིས་ཉུང་གསལ་བཞུགས་སོ། །ན་མོ་གུ་ར་བེ། འདི་ཐེག་པ་ཆེན་པོའི་བློ་སྦྱོང་གི་མན་ངག་ཐུན་བརྒྱད་མར་གྲགས་པའི་གདམས་པ་ཟབ་མོ་ལ། དང་པོ་ཟས་ལ་བརྟེན་པའི་བློ་སྦྱོང་ནི། སྦྱིན་བདག་གི་བསོད་ནམས་ཀྱི་ཚོགས་རྫོགས་པ་དང་། རང་ཉིད་ལ་ཟས་ཀྱི་བུ་ལོན་མི་འབྱུང་བ་དང་། ཐབས་དེ་ཙམ་ལ་བརྟེན་ནས་ཀྱང་རྫོགས་པའི་སངས་རྒྱས་ཀྱི་སར་བགྲོད་ནུས་པའི་ཕྱིར། སྤྱིར་ལུས་ཀྱི་སྲིན་བུ་གསོ་བ་ལ་སོགས་པའི་འདུ་ཤེས་དང་། ཁྱད་པར་བཟའ་བཏུང་ཁོང་དུ་མིད་པའི་ཚེ། སེམས་ཅན་ཐམས་ཅན་ཀྱི་རྒྱུ་དུས་ཀྱི་སྡིག་པ་དང་། འབྲས་དུས་ཀྱི་སྡུག་བསྔལ་ཐམས་ཅད་རང་སྟེང་དུ་ལེན་པ་དང་། དབུགས་སྤྲོ་བའི་ཚེ་བདེ་དགེ་ཕར་གཏོང་བའི་དམིགས་རྣམ་དང་སྒྲགས་ཏེ་རང་ཤུགས་ཀྱིས་འཆར་འཆར་དུ་བསླབ་པར་བྱའོ། །གཉིས་པ་དབུགས་ལ་བརྟེན་པའི་བློ་སྦྱོང་ནི། ཐོག་མར་རྩ་བའི་མ་ལྟ་བུ་ཡིད་ཡུལ་དུ་བྱས་ཏེ་སྣ་བུག་གཡས་པ་ནས་རླུང་སངས་ཀྱིས་བུས་པ་དང་མཉམ་དུ། རང་གི་བཏང་བྱའི་དགེ་བ་དང་དེའི་འབྲས་བུ་དང་བཅས་པ་འོད་དཀར་པོའི་རྣམ་པར་སོང་ནས་མའི་སྣ་བུག་གཡོན་པ་ནས་ཞུགས་པས་བདེ་བ་ཁྱད་པར་ཅན་དང་ལྡན་པར་བྱས་སོ་སྙམ་དུ་བསམ། ཚུར་རླུང་རྒྱུ་བ་དང་མཉམ་དུ་མ་དེའི་རྒྱུད་ཀྱི་སྡིག་སྒྲིབ་ཐམས་ཅད་དེའི་སྣ་བུག་གཡས་པ་ནས་རླུང་གིས་དྲངས་ཏེ་སྐྱི་གྲིས་སྐྲ་བཞར་བ་ལྟར་ནག་ཕུང་ངེ་བྱུང་ནས་རང་གི་སྣ་བུག་གཡོན་པ་ནས་ཞུགས། སྙིང་གི་ནང་དུ་དང་ང་སྙམ་པའི་གཅེས་འཛིན་གྱི་ཐོག་ཏུ་བབས་པས་ཐུལ་གྱིས་ཟད་པར་བསམ། དེ་འདྲའི་དམིགས་རྣམ་ཉེར་གཅིག་སོགས་གང་མོས་བྱས་ཏེ། དེ་ནས་ཕ་སོགས་སེམས་ཅན་ཐམས་ཅད་ལ་འོད་དཀར་པོ་བསམ་གྱིས་མི་ཁྱབ་པ་སྤྲོས་ཏེ། གཏོང་ལེན་གྱི་དམིགས་པ་དང་། རེས་འགའ་འགྲོ་བ་རིགས་དྲུག་རེ་རེ་ནས་སོ་སོའི་སྡུག་བསྔལ་ལེན་པ་དང་། དེ་དང་དེ་ལ་ཆེད་དུ་ཕན་པའི་བདེ་བ་གཏོང་བ་སོགས་བྱའོ། །གསུམ་པ་ལུས་གངྒཱའི་བྱེ་མ་སྙེད་དུ་སྤྲུལ་ནས་རིགས་དྲུག་གི་སྡུག་བསྔལ་དང་དུ་ལེན་པའི་བློ་སྦྱོང་ནི། རང་གི་ལུས་དཔག་ཏུ་མེད་པ་ནམ་མཁའི་མཐའ་དང་མཉམ་པ་སྤྲོས་ནས། སེམས་ཅན་རེ་རེ་ལ་ལུས་རེ་རེ་བཏང་བས་གང་ལ་གང་འདོད་ཀྱིས་ཚིམ་པར་བསམ་པ་དང་། ཡང་དམྱལ་བ་ནས་བཟུང་སྟེ་ཁམས་གོང་མའི་བར་དང་། དེ་ཙམ་དུ་མ་ཟད་ས་བཅུ་པ་ཚུན་ཆད་ཀྱི་ཡུལ་ལ་རེ་རེ་ཞིང་དམིགས་ནས་དེ་དང་དེའི་སྡིག་པ་དང་སྒྲིབ་པ་ཐམས་ཅད་ལེན་པ་དང་། རང་གི་བདེ་དགེ་ཁོང་རྣམས་ལ་ཕུལ་བའི་མོས་པ་བྱའོ། །བཞི་པ་ཤ་ཁྲག་ལ་བརྟེན་པའི་བློ་སྦྱོང་ནི། རང་དང་སེམས་ཅན་ཐམས་ཅད་ལ་འཚེ་ཞིང་། གྲོགས་ཆོས་མཛད་རྣམས་དང་། ཁྱད་པར་དཔལ་ལྡན་བླ་མ་དམ་པའི་སྐུ་ཚེ་མཛད་ཕྲིན་ལ་གནོད་པར་བྱེད་པའི་རིགས་མདུན་དུ་བཀུག་ནས། ཁྱེད་རྣམས་ཀྱིས་ཐོག་མ་མེད་པ་ནས་བདག་གི་མ་གྲངས་མེད་པ་བྱས། དེའི་དྲིན་ལེན་གཟོ་བའི་ཕྱིར། སྤྱིར་སེམས་ཅན་ཐམས་ཅད་དང་། སྒོས་ཆོས་མཛད་ཀྱི་སྐྱེས་བུ། ཡང་སྒོས་དཔལ་ལྡན་བླ་མ་དམ་པ་རྣམས་ཀྱི་སྐུའི་གླུད་ཀྱི་ཕྱིར་དུ་བདག་གི་ལུས་འདི་ཁྱེད་རྣམས་ལ་སྟེར་བ་ཡིན་པས། ཤ་ལ་དགའ་ན་ཤ་ཟོ། ཁྲག་ལ་དགའ་ན་ཁྲག་འཐུང་། རུས་པ་ལ་དགའ་ན་རུས་པ་མུར། པགས་པ་ལ་དགའ་ན་པགས་པ་ཁྱེར་ལ་བྱོན། རིངས་ན་རྗེན་པར་ཟོ། མི་རིངས་ན་ཚོས་ལ་ཟོ། ལུས་འདི་གང་འདོད་དུ་སྟེར་བས་ཟས་གོས་ཁང་བཟང་སོགས་ཅི་དང་ཅི་འདོད་པའི་རྫས་སུ་ཁྱེར་ཞིག །བདག་གི་ལུས་ལོངས་སྤྱོད་དགེ་རྩ་རྣམས་ལས་གང་ལ་གང་འདོད་ཁྱེར་ཞིག །ཇི་འདོད་བཞིན་དུ་སྤྱོད་ཅིག །སུ་འདོད་པ་ཁྱེར་ཤིག །ཇི་ལྟར་འདོད་བཞིན་དུ་སྤྱོད་ཅིག །ཅེས་རྩི་སྨན་གྱི་སྡོང་པོ་ཇི་ཙམ་བཅད་ཀྱང་བདག་གི་བྱ་བ་དང་རྣམ་རྟོག་མེད་པ་བཞིན་དུ་སེམས་ཅན་ཀུན་གྱི་ཉེ་བར་མཁོ་བའི་གསོས་ཆེན་པོར་བསམས་ལ་རེ་དོགས་མེད་པར་བྱས་ལ་བརྗོད་ཅིང་བཏང་བར་བྱའོ། །ལྔ་པ་གཏོར་མ་ལ་བརྟེན་པའི་བློ་སྦྱོང་ནི། ཕྱི་སྣོད་ཀྱི་འཇིག་རྟེན་རིན་པོ་ཆེའི་གཏོར་སྣོད་དུ་བསམ། དེའི་ནང་དུ་རང་གི་ལུས་དུམ་བུར་གཏུབ་པ། ཨོཾ་ཨཱཿཧཱུྃ་གིས་བདུད་རྩིར་བསྒྱུར། འཇིག་རྟེན་འདས་མ་འདས་ཀྱི་མགྲོན་ཐམས་ཅད་ལ་ནམ་མཁའ་མཛོད་ཀྱི་མཆོད་སྤྲིན་དུ་ཕུལ་བས་ཐུགས་མཉེས་ཤིང་ཚིམ། མཐར་འཁོར་གསུམ་མི་དམིགས་པ་ནམ་མཁའ་ལྟ་བུས་རྒྱས་བཏབ་ལ། དེ་ལས་ལངས་པ་ན་སྒྱུ་མ་ལྟ་བུར་བསྒོམ་པར་བྱའོ། །དྲུག་པ་འབྱུང་བ་ལ་བརྟེན་པའི་བློ་སྦྱོང་ནི། རང་གི་ལུས་ཀྱི་ཤ་དང་རུས་པ་སོགས་ནང་གི་སའི་ཁམས་ཐམས་ཅད་ཕྱི་རོལ་གྱི་འབྱུང་བ་སའི་ཁམས་ལ་ཐིམ། དེ་བཞིན་དུ་ཁྲག་དང་ཆུ་སེར་སོགས་ཕྱིའི་ཆུ། དྲོད་སོགས་ཕྱིའི་མེ་ཁམས་དང་། དབུགས་སོགས་རླུང་ཁམས་ལ་ཐིམ། རང་གི་ལུས་འབྱུང་བ་བཞིར་གྱུར་པས་སེམས་ཅན་ཐམས་ཅད་ཀྱི་ཉེར་འཚེའི་རྟེན་གཞི་བྱེད་པར་མོས། གཞན་ཡང་རེས་འགའ་ལུས་འདི་སེམས་ཅན་ཐམས་ཅད་ཀྱི་གྲངས་དང་མཉམ་པ་དང་། རེས་འགའ་ལུས་གཅིག་པུ་ལས་ཀྱང་གང་འདོད་ཀྱི་དངོས་པོ་བཏང་བ་དང་། རེས་འགའ་ཟས་གོས་གནས་མལ་གྲུ་གཟིང་སོགས་ཀྱི་དངོས་པོར་སྤྲུལ་ནས་གང་ལ་གང་འདོད་དུ་གཏོང་བས་མཚོན་ནས་དམིགས་པའི་འཕྲུལ་ཅིར་ཡང་རྩེ་བར་བྱའོ། །བདུན་པ་ཡིད་བཞིན་གྱི་ནོར་བུ་རིན་པོ་ཆེར་བསྒྱུར་བའི་བློ་སྦྱོང་ནི། རང་གི་ལུས་ཡིད་བཞིན་གྱི་ནོར་བུ་ལྟར་བསམས་ལ། དེ་ལས་ཕ་མ་སེམས་ཅན་ཀུན་ལ་གང་འདོད་པའི་དངོས་པོར་ཆར་བཞིན་དུ་འབབ་པ་དང་། དེ་ཡང་ལམ་ལ་མ་ཞུགས་པ་རྣམས་ལ་ལམ་ཞུགས་པ་དང་། ཞུགས་པ་རྣམས་ཡོན་ཏན་གྱི་ཁྱད་པར་གོང་ནས་གོང་དུ་འཕེལ་བའི་ཕྱིར་དུ། ཆོས་སྟོན་པའི་བླ་མ་དང་། དམ་པའི་ཆོས་ཀྱི་གླེགས་བམ་དང་། ཆོས་སྒྲུབ་པའི་གནས་དང་ཡོ་བྱད་ཕུན་སུམ་ཚོགས་པར་གྱུར་ནས་ངན་སོང་གསུམ་དང་། ཉན་རང་དང་། ས་བཅུའི་བྱང་ཆུབ་སེམས་དཔའི་བར་རྣམས་ལ། རང་རང་དང་འཚམས་པར་ཕན་བདེ་བླ་ན་མེད་པ་བསྒྲུབ་པར་བསམ་མོ། །འདི་ལ་ཡི་གེ་རྙིང་པ་རང་ལུས་ཡིད་བཞིན་གྱི་ནོར་བུ་བཻཌཱུཪྻ་ཟུར་བརྒྱད་པའི་རྣམ་པར་བསྒྱུར་ནས་དམིགས་རྣམ་སྔར་ལྟར་བྱ་བར་གསུངས་པས། ལས་དང་པོ་པས་དམིགས་པ་འཆར་བདེ་བའི་ཕྱིར་དེ་ལྟར་བྱས་ཀྱང་འགལ་བ་མེད་མོད། འོན་ཀྱང་དེའི་བྱེད་ལས་དང་ཆོས་མཐུན་པར་བསྒོམ་པས་དོན་འགྲུབ་པ་ཉིད་དོ། །བརྒྱད་པ་བློ་སྦྱོང་འཆི་ཁ་མའི་མན་ངག་ནི། ཆོས་འདི་བའི་ལུགས་ཀྱིས། ནམ་འཆི་བ་ལ་མངོན་དུ་ཕྱོགས་པའི་ཚེ་ན། ཡོ་བྱད་ཆེ་ཕྲ་ཐམས་ཅད་སྤོང་ཐག་ལ་གཏང་། ཡན་ལག་བདུན་པ་སོགས་གསོག་པའི་སྒོ་དུ་མ་དང་། ཁྱད་པར་དུ་ཕུང་པོ་མཆོད་པ་ཕུལ་ནས་ཞེན་པ་བཅད། འཆི་ཁ། བར་དོ། མངལ་གནས། སྐྱེ་སྲིད་དེ་བརྗེད་པའི་གནས་བཞི་དང་། མི་དང་། མི་མ་ཡིན་དང་། ནད་དང་། ཉོན་མོངས་པ་དྲག་པོ་སྟེ་འཆོར་བའི་གནས་བཞི་རྣམས་ལ་བློ་སྦྱོང་བརྗེད་པ་དང་། འཆོར་བ་མི་འགྱུར་བ་བྱིན་གྱིས་བརླབ་ཏུ་གསོལ། བློ་སྦྱོང་གི་རྟོག་པ་སྔར་མ་སྐྱེས་པ་གསར་དུ་སྐྱེ་བ་དང་། གནས་པ་གོང་ནས་གོང་དུ་འཕེལ་ཞིང་བྱིན་གྱིས་བརླབ་ཏུ་གསོལ། ཞེས་གསོལ་བ་འདེབས་ཤིང་། གཏོང་ལེན་གྱི་སྒོ་ནས་བྱམས་སྙིང་རྗེ་སྔོན་དུ་འགྲོ་བས་བྱང་ཆུབ་སེམས་གཉིས་མངོན་དུ་བྱང་བ་བཞིན་འཆི་བའི་དུས་བྱའོ། །དེ་ལྟ་བུའི་གདམས་པ་ཟབ་མོ་ཉམས་སུ་ལེན་པ་ལའང་། སྔོན་འགྲོ་སྦྱོར་བའི་ཆོས་དྲུག་དང་ཁྱད་པར་བླ་མའི་རྣལ་འབྱོར་བསྒོམས་ལ་གསོལ་བ་དྲག་ཏུ་བཏབ། དངོས་གཞི་སོ་སོའི་དམིགས་རྣམ་རྒྱུད་དང་འདྲིས་ངེས་སུ་ཉམས་སུ་བླངས། རྗེས་ཐུན་ལས་ལྡང་བའི་ཚེ་ནའང་དགེ་རྩ་བསྔོ་ཞིང་། ཐུན་མཚམས་ཐམས་ཅད་དུའང་དངོས་གཞིའི་ཉམས་ལེན་རྩི་དང་མ་བྲལ་བར་དྲན་ཤེས་བསྟེན་པའི་སྒོ་ནས་སྤྱོད་ལམ་དགེ་བའི་བྱ་བས་དུས་འདའ་བར་བྱེད་པ་དང་། ཅུང་ཟད་གོམས་ནས་སོ་སོའི་དུས་དང་། དུས་མིན་པའི་གནས་སྐབས་ཐམས་ཅད་དུ་ལམ་ཁྱེར་ལ་བསླབ་པས་བྱང་ཆུབ་སེམས་གཉིས་ལ་སྐྱེས་བུའི་རྩལ་ཅི་ཡོད་ཀྱིས་སྦྱོང་བ་ནི་དལ་འབྱོར་གྱིས་རྟེན་ལ་སྙིང་པོ་ལེན་པའི་ཐབས་རྨད་དུ་བྱུང་བའོ། །ཞེས་པའང་རྗེ་བླ་མ་མཁས་ཤིང་གྲུབ་པའི་དབང་ཕྱུག་དཀོན་མཆོག་བསྟན་པ་རབ་རྒྱས་དཔལ་བཟང་པོའི་ཞལ་སྔ་ནས་ཚུལ་འདིའི་བཀའ་དྲིན་ཐོབ་པ་མཁྱེན་བརྩེའི་དབང་པོས་ཟིན་བྲིས་སུ་བགྱིས་པ་དགེ་ལེགས་སུ་གྱུར་ཅིག ། ༈<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_sems_dpa%27i_rim_pa/Full_text&diff=140551 Texts/Blo sbyong sems dpa'i rim pa/Full text 2026-08-13T08:04:13Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-14<br /> |FullTextTibetan=༄༅། །བློ་སྦྱོང་སེམས་དཔའི་རིམ་པ་བཞུགས་སོ།།<br /> གཞི་ཉོན་མོངས་གཏན་ལ་དབབ་པའི་ཆོས། ༄༅། །བྱམས་པའི་རྣལ་འབྱོར་པ་ལ་ཕྱག་འཚལ་ལོ། །འཁོར་བའི་གནས་སུ་དཀའ་ཐུབ་བཟོད། །སྐྱེ་བོ་ཡོངས་དེ་རང་འདོད་འཇོམས། །མི་འདོད་འཇིགས་པས་མི་རྫི་བ། །དཔའ་བོ་རྣམས་ལ་གུས་བཏུད་ནས། །བདེ་གཤེགས་ལམ་སྲོལ་སྐྱོང་བའི་ཕྱིར། །རྒྱལ་པོ་སྙིང་སྟོབས་ཆེན་པོ་ལྟར། །གཞན་དོན་འབའ་ཞིག་རབ་བསམ་ནས། །བདག་གཞན་ངེས་པར་བརྗེ་བར་བྱ། །དེ་ལ་བདག་རྒྱུད་རེངས་པ་ངས། །བཅུད་ཀྱི་བདག་པོ་དཔའ་བོ་ལ། །བདེ་གཤེགས་གསུང་རབ་དཔང་བཞག་ནས། །ཡུས་པའི་ཚིག་གིས་གདམས་འདི་ཞུ། །ཨེ་མ་དཔའ་བོ་སྙིང་རྗེ་ཅན། །བདག་གིས་ཆགས་པའི་གནས་རྣམས་སྤངས། །འཇིགས་པའི་ལམ་ལ་དཀའ་བ་སྤྱད། །ཕྱོགས་ལས་རྒྱལ་ཏེ་དྲུང་འདིར་སླེབ། །ད་ནི་ནད་ཀྱིས་མནར་བ་ཡིས། །ལོག་སྒྲུབ་སྐྱེ་བོ་བཟོད་པའི་ཕྱིར། །མི་གཙང་འཁོར་བའི་འདམ་རྫབ་ཏུ། །མི་ཕོད་བརྫི་བའི་ཆོས་གཅིག་ཞུ། །རྡོ་རྗེ་སྙིང་པོས་ལན་གསུངས་པ། །དཀའ་བ་སྤྱད་ནས་འོངས་པ་ལ། །འཇིགས་དང་དུབ་པ་སྤངས་པའི་ཕྱིར། །བློ་སྦྱོང་སེམས་དཔའི་རིམ་པ་ཡོད། ཁ་ཕུབ་སྣོད་དེ་༣ ཐོས་པས་བཟློག །ཞབས་རྡོལ་སྣོད་དེ་བསམ་པས་གྲུབ། །སྦགས་པའི་སྣོད་དེ་བསྒོམས་པས་ཁྲུས། །སྣོད་ཀྱི་སྐྱོན་སྤངས་བཅུད་འདི་ལོངས། །ཀྭ་ཡེ་ཐོག་མ་མེད་དུས་ནས། །ད་དུང་བདག་རྒྱུད་མ་ཐུལ་བས། །གཤིས་ངན་བདུད་ཀྱི་ཁང་པ་ནས། །ཉོན་མོངས་ལས་ཀྱི་ཕོ་ཉ་འཁོལ། །ཁྱོད་ཀྱིས་ཕ་མ་མ་བསམས་པས། །སེམས་ཅན་ཐམས་ཅད་སྡུག་བསྔལ་ཀྱང་། །ད་དུང་བག་ཕེབས་བདེ་གྱུར་ཏེ། །གཉེན་པོའི་གོ་ཆ་མི་གོན་ཨ༑ ༑དེ་ནི་གྱོད་རྡལ་ཆེན་པོ་ཡིན། །ཕྱིན་ཆད་བཟློག་པའི་གོ་བ་ལོང༌། །བདག་རྒྱུད་འགོང་པོ་མ་འཐུལ་ན། །ཕ་མའི་སྲོག་ལ་བྲབ་པོ་ཨ། །རང་གི་བདེ་སྐྱིད་འཇོམས་ངེས་ཨ། །འཁོར་བའི་གཏིང་རྡོ་མཆིའོ་ཨ། །གཤིས་ངན་རང་མགོ་མ་འཆིངས་ན། །ཐམས་ཅད་དགྲ་བོར་ལངས་གྱུར་ཏེ། །དུག་མདའ་སྙིང་ལ་ཟུག་པའི་ཚེ། །ངེས་པར་ཕུང་བར་མཆིའོ་ཨ། །རང་འདོད་ཁྱི་རྐུན་མ་ཕྱུང་བར། །གཉེན་པོའི་གོ་ཆ་དམ་གྱུར་ཀྱང་། །ནང་དུ་ཕུང་ཁྲོལ་བྱུང་བའི་ཚེ། །སྨན་ཆང་དུག་ཏུ་མཆོར་རོ་ཨ། །དུག་ལྔའི་སྲོག་རྩ་མ་ཆོད་པར། །ལེ་ལོའི་བློ་རྒྱ་བསྐྱེད་གྱུར་ཀྱང་། །ཚེ་ཐུང་རླུང་གིས་ཁྱེར་བའི་ཚེ། །སྙིང་ནས་འགྱོད་པ་མཆིས་སོ་ཨ། །དེ་ནི་བསླབ་བྱ་ཆེན་པོ་ཡིན། །ཕྱིན་ཆད་སེམས་ལ་བརྟག་ཞིག་འཚལ། །རྣམ་རྟོག་བདུད་ཀྱི་རྒྱལ་པོ་ཡིན། །གཤིས་ངན་ལས་ཀྱི་གཤིན་རྗེ་ཡིན། །རང་འདོད་དུག་གི་སྡོང་པོ་ཡིན། །སྐྱོན་འདི་སེམས་༦ དང་ལེ་ལོ་ཅན། །ཚེ་འདིའི་ཆེ་ཐབས་བསླུ་བྲིད་ཡིན། །སྲུང་སྐྱོབ་མང་པོ་མགོ་སྐོར་ཡིན། །ལྷ་འདྲེ་མང་པོ་བརྫུན་བྲིད་ཡིན། །རྣམ་རྟོག་དགྲ་རུ་མ་ལངས་ཤིག །བྱས་པའི་ལས་ལ་ཟིན་པ་མེད། །སྐྱོང་བའི་འཁོར་ལ་ཁྲེལ་གཞུང་མེད། །བསགས་པའི་ནོར་ལ་སྙིང་པོ་མེད། །ཕུང་ཞིག་གཞལ་གྱིས་ཐབ་ཅིག་ཨ༑ ༑འཆི་བདག་རང་གི་སྙིང་ལ་གནས། །སྲོག་ནི་རང་གིས་གཅོད་པར་བྱེད། །དུག་ཆུ་རང་གིས་འཐུང་བར་བྱེད། །ངེས་པར་བདུད་འདི་སོམ་ཤིག་ཨ། །འདི་ནི་ཉམས་མྱོང་ཆེན་པོ་ཡིས། །བདག་གི་ཉེས་དམིགས་བཤད་པ་ཡིན། །གཏམ་འདི་འཇིགས་པར་རབ་བསམས་ནས། །ཕྱིན་ཆད་གོ་བར་འཚལ་ལོ་ཨ༑ ༑ངེས་པར་སྙིང་ལ་བསམ་པ་ཡི།༦ །བྱ་བྱེད་མང་པོ་སྲོག་ལ་གཟན། །གང་ལའང་ཕན་སེམས་མ་མཆིས་པས། །སྟོན་ཆེན་མང་པོ་མི་ཁ་སྤང་། །ཕོ་ཚུགས་གཉེན་པོ་མེད་པ་ཡིས། །གྲོགས་པོ་ངན་པ་ཆོས་ལ་གཟན། །འདོད་ཡོན་སྡུག་ཁ་མ་ཁེངས་པའི། །ཆོས་པའི་གཟུགས་བརྙན་རྒྱུ་ལ་གཟན། །བྱས་ཤེས་བཀའ་དྲིན་མི་བཟོ་བའི། །ཁྲེལ་མེད་དེ་ནི་ཡོངས་ལ་གཟན། །རང་དོན་ཡལ་བར་མ་དོར་བའི། །གཞན་དོན་ཚིག་གིས་བསླུའོ་ཨ། །བློ་སྦྱོང་སེམས་དཔའི་རིམ་པ་ལས་གཞི་ཉོན་མོངས་གཏན་ལ་དབབ་པའི་ཆོས་ཡོངས་སུ་རྫོགས་པའོ།། བློ་སྦྱོང་སེམས་དཔའི་རིམ་པ་ལས་ཟློག་ཕྱོགས་གཉེན་པོའི་ཆོས། ༄༅། །སྙིང་རྗེའི་གདུང་བ་སྨན་གཅིག་པུ། །བདག་ལྟ་འཐུལ་བའི་གཉེན་གཅིག་པོ། །ཆགས་སྡང་སྐྱོབ་པའི་ལྷ་གཅིག་པོ། །གཉེན་པོས་རྩ་བ་ཆོད་ལ་འདུད། །ཉོན་མོངས་རྣམ་རྟོག་སྐྱེས་པའི་ཚེ། །རྒྱ་ཁྲས་བྱིའུ་དེད་པ་ལྟར། །དམིགས་སུ་བསྐོར་ལ་བཀར་དེད་གྱིས། །ལག་ཏུ་ཟིན་དེ་བརླག་པར་གྱིས། །ངན་རྟོག་སྙིང་ལ་ཞེན་པའི་ཚེ། །དགྲ་རྐུན་ངོས་འཛིན་བྱེད་པ་ལྟར། །དབྱིབས་དང་སྤུ་རིས་ཕྱེ་མཛོད་ལ། །ཕྱིན་ཆད་རྟོག་པ་མེད་པར་གྱིས། །བཟང་རྟོག་དགྲ་རུ་ལངས་པའི་ཚེ། །གཤེད་མ་བུར་བརྫུས་ཟིན་པ་ལྟར། །ཟིན་མ་ཐག་ཏུ་མགོ་མནོན་ལ། །སྲོག་གཅོད་རྟོག་པ་མེད་པར་གྱིས། །སྐྱིད་འདོད་ལེ་ལོ་བྱུང་བའི་ཚེ། །སྟོན་གཡོག་གཉིད་ལོག་བླངས་པ་ལྟར། །བསྡད་པའི་སྐབས་མེད་དྲག་མཆུན་གྱིས། །རྣམ་གྲོལ་ལས་ལ་བཟླ་བར་བྱ།« །ཚེ་འདིའི་ཆེ་ཐབས་བསྒྲུབ་པའི་ཚེ། །སྲིན་པོ་མི་བཟའ་མཐོང་བ་ལྟར། །ལྡང་ཞིང་ལས་དེའི་འཕྲོ་བཞག་ལ། །མི་ཁོམ་ལས་ལས་རྒྱང་རིང་བྲོས། ། ཟླ་དང་གཡེང་བས་ཁྱེར་བའི་ཚེ། །གཡུལ་ངོར་མི་རོ་མཐོང་བ་ལྟར། །གྲོགས་དང་བཅས་ལ་རབ་སྡང་ཞིང་། །དབེན་པའི་ནགས་ཁྲོད་བསྟེན་པར་བྱ། །ཆགས་སྡང་བདུད་ཀྱིས་གཡེངས་པའི་ཚེ། ཁྱི་སྨྱོན་དུག་སྦྲུལ་མཐོང་བ་ལྟར། །འཁོར་བའི་བདེ་ལ་རྒྱབ་ཕྱོགས་ཀྱིས། །བཙན་ས་མྱང་འདས་དབྱིངས་སུ་བྲོས། །རྟག་འཛིན་བཙོན་རར་བསྡམས་པའི་ཚེ། །རྒྱལ་པོས་དོང་དུ་མནར་བ་ལྟར། །ནམ་འཆི་ཆ་མེད་རབ་བསམས་ལ༑ ༑ཡིད་འབྱུང་སྐྱོ་ཤས་དྲག་པོ་བསྟེན། །ཐོས་བསམ་ལོ་འདོད་ཤོར་བའི་ཚེ། །བཟློས་གར་མཁན་གྱིས་བཤད་པ་ལྟར། །ལག་ལེན་མེད་པར་རབ་བསམས་ནས། །རང་ལ་ཁྲེལ་བརྡས་ཆེན་པོ་བྱ། །ཉིན་མཚན་ཆོས་ལ་འབད་གྱུར་ཀྱང་། །ད་དུང་སྐྱ་དྲི་མ་ཡལ་ན། །བདུད་ཀྱིས་ཁྱེར་བར་རབ་བསམས་ལ༑ ༑བཟློག་སྟེ་གཉེན་པོ་བསྟེན་པར་བྱ། །བྱས་པ་ཆོས་ལ་བསམས་གྱུར་ཀྱང༌། །ཅི་བྱས་ལོག་པར་སོང་གྱུར་ན། །འགོང་པོས་ཁྱེར་བར་རབ་བསམས་ལ། །ངེས་པར་དཀོན་མཆོག་ར་མདར་སྤྲིན། །བླ་མའི་གྲྭ་སར་བསྡད་གྱུར་ཀྱང་། །མཁན་སློབ་གྲོགས་པོ་ལྟར་བཅོས་པའི། །ཆོས་ལ་ཆགས་སྡང་གོས་གྱུར་ན། །བདུད་ལས་བསམས་ལ་ནགས་ཁྲོད་བསྟེན། །རྩེ་གཅིག་སྒོམ་སྒྲུབ་བྱས་གྱུར་ཀྱང་། །ད་དུང་གྲོལ་བྱ་མ་རྙེད་ན། །ཐོས་པས་གོལ་ས་མ་རྙེད་སྐྱོན། །བསམས་ལ་མདོ་སྡེ་ཟབ་མོ་ལྟ། །བློ་སྦྱོང་སེམས་དཔའི་རིམ་པ་ལས་ཟློག་ཕྱོགས་གཉེན་པོའི་ཆོས་རྣམས་ཡོངས་སུ་རྫོགས་སོ།། བློ་སྦྱོང་སེམས་དཔའི་རིམ་པ་ལས་རང་རྒྱུད་ངན་པ་དམའ་དབབ་པའི་ཆོས། ༄༅། །རང་འདོད་འཁྲི་བ་མ་ཞུགས་པས། །ཐེག་དམན་ལྟ་བར་མི་ལྟུང་ཞིང༌། །སྲིད་པའི་བཙོན་རར་མ་བསྡམས་པའི། །གྲོལ་བ་དེ་ལ་ཕྱག་འཚལ་ལོ། །ངའོ་བྱ་བ་མགོ་བསྐོར་ཡིན། །དགོས་ཞེས་བྱ་བ་ངོ་དགའ་ཡིན། །གཞན་མ་ཞེས་པ་དགྲ་ཚིག་ཡིན། །མི་དགོས་ཅེས་པ་བར་ཆད་ཡིན། །བདག་གཞན་ཅེས་པ་འབྱེད་ཚིག་ཡིན། །ཆགས་སྡང་ཞེས་པ་འཁྲུག་པ་ཡིན། །འདི་འདྲའི་རྣམ་དབྱེ་སུ་བྱེད་པ། །དེ་ནི་ཟབ་མོའི་ཆོས་ལས་ཉམས། །མཁས་པས་དགྲ་བོ་འཇོམས་འདོད་ན། །དང་པོ་ང་བདག་ཁྱད་དུ་བསད། །གང་གིས་སྐུར་བ་བཏབ་གྱུར་ཀྱང་། །དེ་ལ་ངག་མཚང་རྣམས་མི་བྱེད། །གང་གིས་གནོད་པ་སྐྱལ་གྱུར་ཀྱང་། ཁ་འཛིན་ཤགས་འདེབས་ཡང་མི་བྱེད། །ལུས་སྲོག་ལོངས་སྤྱོད་བྲལ་གྱུར་ཀྱང༌། །རང་གི་བསགས་པས་ལན་ནོ་ཞེས། །ལྷག་པར་རང་ལ་སྙིང་ཚིམ་སྦྲེང་། །གང་གིས་འདྲེ་གདོན་རྦད་གྱུར་ཀྱང་། །དེ་ལ་ཁུ་འཁྲིགས་མི་བྱ་སྟེ། །གཞན་གྱི་བསམ་པ་ཚིམ་པར་བྱ། །མི་ཕོད་བསམ་པ་རྫི་བ་༑སྙིང་དང་འདྲ་བའི་འཁོར་ལ་སོགས། །ཤ་ལ་བརྩེ་བས་ཕྲོགས་གྱུར་ཀྱང་། །རང་ལ་འགལ་མེད་སྙིང་ཚིམ་བསྒྲེང༌། །ཡོན་བདག་དྲིན་ལན་ལོག་མཇལ་ཚེ། །སྐད་ཅིག་ཙམ་ཡང་མི་འཁྲུགས་པར། །བཟོད་བསྐུལ་བཀའ་དྲིན་དྲན་པར་བྱ། །ད་ནི་སྡིག་པ་སྤོང་བའི་ཐབས། །ཞེ་སྡང་མེད་པར་དབྱེ་བར་བཤད། །དེ་ལ་བཀའ་དྲིན་བྱམས་པ་བསྒོམ། །རང་ལ་སྙིང་ཚིམ་ཐོ་ལེས་བཏབ། །དེ་ལྟར་བཟོད་པ་མ་ཐོབ་བར། །གྲོགས་ནི་གཤིས་ངན་དག་དང་འགྲོགས། །དེ་ལ་དམིགས་རྐྱེན་རབ་བྱས་ནས། །འཁོར་བ་པ་ཡི་སྐྱོན་བསམ་ཞིང་། །སྙིང་རྗེ་ཆེན་པོ་ལྷག་པར་བསྒོམ། །གནས་མལ་ས་ཕུག་གད་སྐྱིབས་དང་། །ཁང་རུལ་ཐིགས་པ་འཛག་པ་དང་། །ལྷ་ཁང་ཕྱུགས་ལྷས་འབྲོག་སྟོང་དང་། །གཅོང་རོང་ཡིད་མི་དགའ་བར་བསྡད། །དེ་ཚེ་ཤེས་པ་མི་དགའ་ཤིང་། །ཀླུང་དུ་བསྡད་ན་རི་ལ་འགྲོ། །དེར་ནི་སྡོད་སྙིང་མི་འདོད་དེ། །གསོ་དང་སྐྱིབས་དང་ཟུར་ལ་སྙེགོ །ཡང་ཡང་སྡོད་ས་རབ་སྤྲོ་ཞིང་། །ཤེས་པ་མི་དགའ་སྐྱོ་བ་ན། །རང་ལ་ཤགས་འདེབས་འདི་ལྟར་བྱ། །ཁྱོད་ཀྱི་ཤེས་སྤྱོད་འདི་འདྲ་ན། །གནས་མལ་འདི་ཡང་ཡང་རབ་ཡིན། །བློ་སེམས་འདི་ཀུན་བདེ་མོ་ཡིན། །གཞན་དུ་ཁྱོད་ཀྱི་སྡུག་སྲན་འདིས། །དམྱལ་བར་མ་སྐྱེས་མཁར་རྗེ་ཆེ། །བཙོ་བསྲེགས་མ་མྱོང་མཁར་རྗེ་ཆེ། །ཡི་དྭགས་བཀྲེས་སྐོམ་གྲོང་ཁྱེར་དུ༑ ༑བསྐལ་བར་མ་སྐྱེས་མཁར་རྗེ་ཆེ། །མི་གཙང་སྲིན་པོའི་གྲོང་ཁྱེར་དུ། །འདམ་རྫབ་ཆེན་པོར་རབ་འཕྱོ་ཞིང་། །བསྐལ་བར་མ་སྐྱེས་མཁར་རྗེ་ཆེ། །གཞན་ཡང་འཇིགས་པ་རབ་བསམས་ཤིང༌། །བདག་ལ་ཁྲེལ་བརྡས་ཆོས་སོ་བྱ། །ལྟོ་ལ་གྱོང་སྐུར་དཀའ་ཐུབ་བྱ། །གོས་ལ་གྱོང་སྐུར་དམན་ཆ་བཟུང་། །བདེ་སྐྱིད་ཁྱད་བསད་གཉེན་པོ་བསྒོམ། །བྱ་བྱེད་ལིངས་བསྒྱུར་བྱར་མེད་བསྟེན། །ཅི་བྱེད་བྱང་ཆུབ་གྲོགས་སུ་བསྒྱུར། །བློ་སྦྱོང་སེམས་དཔའི་རིམ་པ་ལས་རང་རྒྱུད་ངན་པ་དམའ་དབབ་པའི་ཆོས་ཡོངས་སུ་རྫོགས་སོ།། །། བློ་སྦྱོང་སེམས་དཔའི་རིམ་པ་ལས་ཟག་བཅས་དགེ་བའི་སྟོབས་བསྐྱེད་པའི་ཆོས། ༄༅། །ལུས་དང་སྲོག་ལ་མི་ལྟ་ཞིང༌། །རྒྱལ་སྲིད་བྱ་དགའ་མི་བསྟེན་པར།༡༠ །དཀའ་སྤྱད་བཟོད་པ་བསྒོམས་པ་ཡི། །དཔའ་བོ་དེ་ལ་ཕྱག་འཚལ་ལོ། །གཏམ་འདི་ཉོན་དང་རྟག་འཛིན་ཅན། །ལས་འདི་སེམས་དང་ཁུར་བོ་ཅན། །སྐྱེ་བ་གཏན་གྱི་ས་བོན་དེ། །ཚེ་ཐུང་འདི་ལ་སྒྲུབ་དགོས་ན། །ལོང་ཡོད་བསྟེན་པའི་སྙིང་མེད་པོ། །གདོན་འདི་གང་གིས་སླད་པ་ཡིན། །སྔར་ཡང་སྐྱིད་འདོད་ཆེས་པས་ཕུང་། །དེ་ལྟར་ཡིན་མོད་ཟུར་འགོ་རགས།༡༡ །ད་དུང་གཤིས་ངན་མ་སྤངས་ན། །རྒྱུ་༡༢ འདིས་ཤིན་ཏུ་ཕུང་བ་ཡིན། །ད་དུང་གཞན་དོན་མ་བསམས་པར། །ང་དགོས་འབའ་ཞིག་བརྟེན་བྱས་ན། །རང་གཞན་ཐམས་ཅད་མགོ་བསྐོར་ནས། །མནར་མེད་གནས་སུ་ངེས་པར་འཇུག །ཚེ་འདིའི་ཁ་འཛིན་ཤགས་འདེབས་ཀྱིས། །འདྲེ་རྟོག་ཟུར་མགོ་སུ་བས་རགས། །ན་ཚ་སྡུག་བསྔལ་སུ་བས་མང༌། །གཟེར་ཟུག་སྡུག་བསྔལ་ནད་དུ་ཆེ། །ཚ་གྲང་སྡུག་བསྔལ་དམྱལ་བ་འདྲ། །དབུལ་ཕོངས་སྡུག་བསྔལ་སུ་པས་ཆེ༑ ༑བཀྲེས་སྐོམ་འཇིགས་སྐྲག་ཡི་དྭགས་འདྲ། །དུག་སྦྲུལ་ཁྱི་སྨྱོན་ཉིད་དང་མཚུངས། །ཡོད་ན་ཡོད་པས་སྐྱོང་ཕྱིར་སྡུག །མེད་ན་མེད་པས་འཚོལ་ཕྱིར་འཁྱམས། །གང་ལྟར་བྱས་ཀྱང་སྡུག་བསྔལ་གསོས། །ཅི་ལྟར་བྱས་ཀྱང་སྐབས་དོན་སྟོར། །རྩ་བ་བདག་འཛིན་ཆེས་པས་ལན། །སྡུག་སྲན་སྙིང་རུས་ཆུང་བས་ལན། །བྱམས་པའི་ཞིང་ས་རལ་བས་ལན། །སྙིང་རྗེའི་རྩ་བ་ཆད་པས་ལན། །སེམས་བསྐྱེད་དགེ་བ་སྟོར་བས་ལན། །མ་རབས་གྲོགས་ལ་བརྟེན་པས་ལན། །དེ་རྣམས་ཐམས་ཅད་འདས་པའི་ཆོས། །མདུན་མ་བརླག་ཟིན་ཡར་ལ་མཆོད། །ད་ནི་སུ་ལའང་རེ་མ་། ། །ཕྱི་ནང་གང་ལའང་དགོས་མ་འཆའ།༡༣ །དོན་མེད་རྟོག་པའི་སྔོན་མ་བསུ། །སྔར་བྱས་ངན་པའི་རྗེས་མ་བཅད། །བདག་འཛིན་བྱེད་རི་ཞེ་གནའ་སྐྱོལ། །ངན་ཤགས་བྱེད་རི་ཞེ་གནའ་སྐྱོལ། །མི་ལ་འཛུགས་རི་ཞེ་གནའ་སྐྱོལ། །འདོད་ཡོན་སེམས་རི་ཞེ་གནའ་སྐྱོལ། །ཇོ་བོ་སེམས་ཅན་མར་བསམས་ལ། །སྡུག་བསྔལ་༡༤ ཐམས་ཅད་རངགིས་ཁུར། །དུཁ་ཐམས་ཅད་རང་གིས་ལོང་། །ཁྲེལ་བརྡས་༡༥ ཆེན་པོ་རང་ལ་གྱིས། །སོམས་ཤིག་སོམས་ཤིག་འཇིགས་པ་སོམས། །ཟློག་ཅིག་སྔར་བྱས་ལས་ངན་བཟློག །དེ་ལྟར་ཉོན་མོངས་རབ་ཆོད་ལ། །ཕྱི་ནང་དུས་སྐབས་ཐམས་ཅད་དུ། །བདག་འདིའི་དུ༔ཁ་མ་བཟུང་ཞིག །ལས་ངན་བསོག་ན་ཁྲོམ་དུ་སྒྲོགས། །ངོ་ལྐོག་བྱས་ན་ཁ་དམན་ཕོག །ནང་དབྱེན་གྱིས་ལ་ནང་ཚང་བཤིག །སྤྱོད་ངན་དགུག་ལ་ཐོ་ལེས་ཐོབ། །བཙང་རྟོག་སྐྱེས་ཚེ་མཛེ་རོས་འདུལ། །དོན་རྟོག་སྐྱེས་ཚེ་གཉེན་དགུ་འགྲིམས། །སྐྱུག་བྲོ་སྐྱེས་ཚེ་སྣག་ཁྲག་འཇིབས། །ཁ་རྒྱང་མ་ཆེ་བདག་འཛིན་བསྒྱུར། །བྱིན་རླབས་མ་ཞུ་འདྲེ་ལ་བྱིན། །མཐུ་བོ་ཆེ་ལ་བློ་མ་གཏད། །མོ་བོན་དག་ལ་བློ་མི་དབབ། །དྲག་སྔགས་དག་ལ་སེམས་མི་གཏད། །རྫས་དང་ལིང་ཁ་རང་ལ་བྱ། །འདྲེ་གདོན་ནད་ཀྱིས་བཏབ་པ་ན། །རྡོ་རྗེ་འཛིན་པ་ལ་སོགས་པའི། ཁྲོ་བོ་ཐམས་ཅད་ཕྱིར་ལ་ཁྱེད། །མཧཱ་ཀཱ་ལ་ལ་སོགས་པའི། །གཏུམ་པོ་ཐམས་ཅད་ཕ་ཚང་ཁྱེད། །ང་ནི་དེ་རིང་ལན་ཆགས་འཇལ། །སྲུང་སྐྱོབ་ར་མདའ་སྒྲོན་རི་ཤི༡༦ །དེ་རིང་འཁོར་འདས་ཤན་ཤུན་འབྱེད། །འདུས་ཤིག་འདུས་ཤིག་ཤ་ཟ་དང་། །དབུགས་ལེན་ཐམས་ཅད་རྩ་འདིར་འདུས། །ཤ་བཤུའི་རོགས་ལ་སླེབ་པར་ཤོག །ཤ་བགོས་གྲོགས་ལ་སླེབ་པར་ཤོག །ཁྱེད་རྣམས་ང་ཡི་ཕ་མ་ཡིན། །བུ་ཡི་ཤ་ཁྲག་རོལ་དུ་གསོལ། །ཁྱེད་ནི་དྲིན་ཅན་ཕ་མ་ཡིན། །དེ་རིང་བཟང་ལན་ལེན་དུ་ཤོག །སྔོན་ཆད་ལུས་སེམས་གཅེས་པར་བཟུང༌། །རྒྱུ་དེས་ད་དུང་འཁོར་བར་འཁྱམས། །སྔོན་ཆད་བྱ་དགའ་རང་གིས་ཁྱེར། །རྒྱུ་དེས་ད་དུང་ན་ཚས་བཏབ། །སྔོན་ཆད་གནོད་པ་གཞན་ལ་སྐྱེལ། །རྒྱུ་དེས་ཁུར་པོ་རི་བས་ལྕི། །སྔོན་ཆད་བྱས་པས་འགྱོད་ལུགས་ལ། །ད་ནི་ཁུར་ཁྲིག་ཟ་རི་ཤི། །སྔོན་ནི་བདག་འཛིན་བསྲུང་སྲུང་ནས། ཁ་ཙམ་ཚིག་གིས་སྐྱབས་འགྲོ་དྲན། །ད་ནི་སྐྱབས་གསུམ་མཐུ་ཆེ་ཡང་། །ད་ནི་བདག་འདིའི་རྒྱབ་མི་བྱེད། །ཕུང་བྱེད་འདི་ཡི་གཏིང་མ་རྗེ། །གལ་ཏེ་ཐུགས་རྗེས་སྐྱབས་བྱེད་ན། །འཛིན་པ་ནང་དུ་བརླག་པར་གྱིས། །བཟུང་བ་ཕྱི་རུ་བརླག་པར་གྱིས། །ཆགས་སྡང་རང་སར་བརླག་པར་གྱིས། །ཕྱིས་ནི་སྡང་བ་མེད་པར་གྱིས། །ང་ནི་ལན་ཆགས་སྟོན་མོ་འགྱེད། །མགྲོན་རིས་སྲིད་རྩེ་མན་ཆད་ནས། །དམྱལ་ཁམས་བཅོ་བརྒྱད་ཡན་ཆད་ན༑ ༑ལུས་དང་ལོངས་སྤྱོད་བྱ་དགའ་དང༌། །དབུགས་དང་མདངས་དང་གཟི་བརྗིད་རྣམས། །གང་ལ་དགོས་པ་ཐམས་ཅད་འདུས། །བགེགས་རིགས་སྟོང་ཕྲག་བརྒྱད་ཅུ་ཤོག །ཐོག་མེད་དུས་ནས་གཅེས་བཟུང་བའི། །ཤ་ཁྲག་འདི་ལ་དགའ་བར་རོལ། །ལན་ཆགས་ཟོ་ལ་ཕྱིས་མ་རྙོག །མགྲོན་རིས་སྟོང་ཕྲག་བརྒྱད་ཅུ་ཤོག །བྱིས་པའི་གདོན་ཆེན་བཅོ་ལྔ་ཤོག །གནོད་སྦྱིན་ཤ་ཟ་འབྱུང་པོ་ཤོག །ཕོ་བདུད་བདུད་ཀྱི་ཕོ་ཉ་ཤོག །མོ་བདུད་ལས་ཀྱི་སྲིན་མོ་ཤོག །ཕོ་བདུད་རྒྱལ་འགོང་ས་བདག་ཤོག །ཐམས་ཅད་འདིར་ཤོག་ཤ་ཁྲག་རོལ། །སྤྱི་བོ་ཚངས་པའི་བུ་ག་ནས། །རྐང་མཐིལ་སོར་མོ་ཡན་ཆད་ལ། ཁོ་བོ་ཞེན་ཆགས་མི་བྱེད་ཀྱི། །ཐམས་ཅད་བག་ཕེབ་ཚིམ་པར་ཟོ། །ཤ་ཁྱེར་ཁྲག་འཐུང་རུས་པ་མུར། །མགོ་བོ་ཡན་ལག་དོན་སྙིང་ཁྱེར། །ལྷུ་ཚིགས་ནང་ཁྲོལ་ཆུ་སེར་ཁྱེར། །མདོར་ན་ཀླད་ལྤགས་༡༧ ལ་སོགས་པའི། །ལུས་འདི་ཕྱི་ནང་ཐམས་ཅད་ཀྱིས། །བཟར་ཉན་གཅད་ཉན་ཐམས་ཅད་ལ། ཁུ་མཁྲིགས་མ་བྱེད་ཚིམ་པར་རོལ། །ཞི་བར་གྱིས་ལ་བརླག་པར་གྱིས། །ཕུང་༡༨ བར་གྱིས་ལ་རྩ་བ་ཆོད། །ཆོམ་ཆོམ་མྱོག་མྱོག་བདག་ལ་ཡ། ། ཤ་ཁྲག་ཚལ་བ་བདག་ལ་ཡ།༡༩ ། རྦད་རྦད་ཐུམ་ཐུམ་བདག་ལ་ཡ། །ཧཱུྃ་ཛཕྱིས་འདི་མེད་པར་གྱིས། །འཁོར་བའི་འཁོར་ལོ་རྒྱུན་ཆོད་ཅིག །ལས་ངན་ཕུང་པོ་རབས་ཆོད་ཅིག །སྔོན་ཆད་ལུས་འདི་གཅེས་པར་བཟུང་། །ད་ནི་བདག་ཉིད་བརླག་པར་མཛོད། །མ་རུངས་བརླག་པའི་མཐུ་སྟོབས་ཅན། །ཤ་ཁྲག་རོལ་བའི་གདུག་པ་ཅན། །དབུགས་ལེན་གཤེད་པོ་ས་མ་ཡ། །ཁྱེད་ཀྱིས་བདག་འདི་ཆོམས་པར་གྱིས།༢༠ །དུས་གསུམ་སངས་རྒྱས་རྣམས་ལས་ལྷག །ཁྱོད་ཀྱིས་བདག་འདི་མ་ཆོམས་ན། ། རང་རང་ལས་ཀྱིས་བརླག་པར་འགྱུར། །ད་ནི་ཤེས་ནས་འཇིགས་པ་ཡིས། །ཚོགས་རྫོགས་འཆིང་བ་གྲོལ་བར འདོད། །དེ་ལས་གྲོལ་བར་མ་གྱུར་ན། །འདིར་ཚོགས་གཤེད་མ་ཐམས་ཅད་ཀྱིས། །རླུང་དང་མཁྲིས་དང་བད་ཀན་དང་། །འདུས་པ་ནད་ཀྱི་ཕུང་པོ་དང༌། །མི་བཟོད་སྡུག་བསྔལ་དྲག་པོ་མཐོང་། །སྣང་ཡུལ་སྲིད་པའི་འཁོར་འདས་ན། །མི་འདོད་ཇི་སྙེད་ཡོད་པ་རྣམས། །ཐམས་ཅད་བདག་གི་སྟེང་དུ་ཐོང་། །འགྲོ་ཀུན་ཉོན་མོངས་ལས་དང་ནི། །སྡུག་བསྔལ་སྲིད་པ་ཁེགས་བར་གྱིས། །ངེས་པར་སེམས་ཅན་ཐམས་ཅད་ཀྱི། །སྡུག་བསྔལ་རང་གི་སྙིང་ནང་དུ། །ད་ལྟ་ཉིད་དུ་སྨིན་པར་ཤོག །རྒྱུ་དེས་འགྲོ་བ་མ་ལུས་པ༑ ༑ལས་ངན་རྒྱུ་འབྲས་དྲུང་ཕྱུང་ནས། །སྤངས་རྟོགས་ཕུན་སུམ་ཚོགས་པར་ཤོག །བདག་ལ་ཡོད་པའི་དགེ་བ་རྣམས། །ཐམས་ཅད་འགྲོ་བ་ཡོངས་ལ་བསྔོ། །རྒྱུ་དེས་འགྲོ་བ་མ་ལུས་པ། །རྟོགས་པ་ཕུན་སུམ་ཚོགས་པར་ཤོག །དེ་ལྟར་འགྲོ་བ་ཐམས་ཅད་ཀྱིས། །སྤངས་རྟོགས་ཕུན་ཚོགས་ཐོབ་གྱུར་ཏེ། །བྱམས་དང་སྙིང་རྗེ་ཆེན་པོའི་དཔལ། །ཆོས་སྐུ་ཉག་གཅིག་ཐོབ་པ་ན། །དེ་ལས་བྱུང་བའི་ཚོགས་གཉིས་ཀྱིས། །བདག་ཉིད་འཁོར་བར་ག་ལ་ལུས། །གང་ཡང་བྱང་ཆུབ་མ་ཐོབ་བར། །མྱོང་གྱུར་ཉོན་མོངས་རྒྱུ་འབྲས་རྣམས། །ཚེ་འདིར་རྒྱུད་ལ་སྨིན་པར་ཤོག །ཚེ་འདིའི་ཉོན་མོངས་རྒྱུ་འབྲས་རྣམས། །ད་ལོ་ཉིད་ལ་སྨིན་པར་ཤོག །དེ་ཡང་ཟླ་བ་འདི་ལ་ཤོག །དེ་ཡང་དེ་རིང་ཉིད་ལ་ཤོག །དེ་ཡང་སྐད་ཅིག་འདི་ལ་ཤོག །དེ་རིང་གཟེར་ཐུང་ལ་སོགས་པའི། །ཟུག་ཟེར་དྲག་པོ་མྱོང་བའི་ཚེ། །ནད་འདི་འགྲོ་བ་ཡོངས་ཀྱི་ནད། །དགོས་ཁུར་ཉིད་དུ་༢༡ བླངས་པ་ཡིན། །ད་ནི་ཐོག་ཏུ་ཕེབས་པ་ཡིན། །གཏོང་ལེན་གནད་དུ་སོང་བ་ཡིན། །ཨ་ལ་ལ་ཧོ་ང་རེ་དགའ། །ངེས་པར་སེམས་ཅན་བདེ་སྟེ་མཆི། །སྡུག་བསྔལ་བདག་གིས་ལོན་པ་ཡིན། །ད་ནི་གོ་རེ་བཅད་དོ་ཞེས། །ན་ཚ་སྐྱེས་པ་ཙམ་གྱིས་ཀྱང་། །འོས་མེད་ན་ཚ་འདུས་པ་ཡིན། །ན་གོ་བདག་གི་ཆོད་པ་ཡིན། །ཚ་གོ་བདག་གི་ཆོད་པ་ཡིན། །བཀྲེས་སྐོམ་འཁྱགས་གོ་ཆོད་པ་ཡིན། །ལུས་ལ་ན་ཚ་སྐྱེས་གྱུར་ཀྱང་། །སེམས་ཀྱི་དགའ་བ་འཕེལ་བར་བྱ། །བློ་སྦྱོང་སེམས་དཔའི་རིམ་པ་ལས་ཟག་བཅས་དགེ་བའི་སྟོབས་བསྐྱེད་པའི་ཆོས་ཡོངས་སུ་རྫོགས་སོ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_rtog_pa_%27bur_%27joms_kyi_%27grel_pa/Full_text&diff=140525 Texts/Blo sbyong rtog pa 'bur 'joms kyi 'grel pa/Full text 2026-08-13T04:23:07Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |PdfLink=File:Atiśa Blo sbyong rtog pa 'bur 'joms kyi 'grel pa.pdf<br /> |FullTextTibetan=༄༅། །བློ་སྦྱོང་རྟོག་པ་འབུར་འཇོམས་ཀྱི་འགྲེལ་པ་བཞུགས་སོ།།<br /> ༄༅། །མགོན་པོ་གསེར་གླིང་པ་བླ་མ་རིན་པོ་ཆེ་ཡབ་སྲས་བརྒྱུད་པ་ལ་གུས་པ་ཆེན་པོས་ཕྱག་འཚལ་ཞིང་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། མཁྱེན་རབས་དང་ཐུགས་རྗེའི་མངའ་བདག་མགོན་པོ་གསེར་གླིང་པའི་ཞལ་སྔ་ནས། ཇོ་བོ་ལ་བུ་ཁྱོད་སྙིགས་མའི་དུས་གཞན་གྱི་དོན་བྱེད་པ་ལ། བཀའ་སྡེ་སྣོད། ལུང་རིགས་པ། བླ་མའི་མན་ངག་ཐམས་ཅད་ཧྲིལ་དེ་དྲིལ་ནས་སྟན་ཐོག་གཅིག་ཏུ་ཉམས་སུ་ལེན་ན། ནད་དང༌། གནོད་པ་དང་། གདོན་བགེགས་དང་། བདུད་དང་མུ་སྟེགས་སོགས་རྐྱེན་ངན་བར་ཆད་ཐམས་ཅད་ཀྱིས་མི་ཚུགས་པའི་ཆོས་འདི་རྣམས་དགོས་ཏེ། འདི་སྐད་དུ། རྟོག་པ་ཐམས་ཅད་འབུར་འཇོམས་ཏེ། །གཉེན་པོ་ཐམས་ཅད་བཅོམ་བརྡེགས་ཡིན། །འདུན་མ་ཐམས་ཅད་ཆིག་འདྲིལ་ཏེ།? །ལམ་རྣམས་ཐམས་ཅད་ཅིག་ཆོད་ཡིན། །གཉེན་པོ་རྣམ་བྱང་གི་ཆོས་བཞི་སྟེ། །མཐའ་ཁོབ་འདུལ་ན་དགོས་པ་ཡིན། །འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །ཅེས་པའི་དོན་ནི། རྣམ་པར་རྟོག་པ་གང་བྱུང་ས་ནས་འབུར་འཇོམས་སུ་བྱ་དགོས་ཏེ། ཁོ་གང་ན་སྣང་། དབང་པོ་གང་གི་ཡུལ་ན་སྣང་། དབྱིབས་དང་ཁ་དོག་ཇི་ལྟ་བུ་གཅིག་སྣང་བཙལ་ལོ། །འདི་དུག་སྦྲུལ་ལམ་ཁྱི་སྨྱོན་དང་འདྲ་སྟེ། ཉེར་མི་རུང་བྱུང་འཕྲོ་༤ རང་ལ་གཉེན་པོས་ལེ་ལོ་མ་ཤོར་བར་བཅོམ་སྟེ། མདོ་ལས། འདོད་པ་ཁྱོད་ཀྱི་རྩ་བ་ཤེས། །ཤིན་ཏུ་རྣམ་པར་རྟོག་ལས་བྱུང་། །ཞེས་དང༌། རྣམ་རྟོག་མ་རིག་ཆེན་པོ་སྟེ། །འཁོར་བའི་རྒྱ་མཚོར་སྒྱུར་བྱེད་དོ། །ཞེས་དང་། དབུ་མ་འཇུག་པ་ལས། སོ་སོའི་སྐྱེ་བོ་རྣམས་ནི་རྟོགས་པས་བཅིངས། །མི་རྟོག་རྣལ་འབྱོར་པ་ནི་གྲོལ་བར་འགྱུར། །རྟོག་རྣམས་ལོག་པར་གྱུར་པ་གང་ཡིན་པ། །རྣམ་པར་བཅད་པའི་འབྲས་བུར་མཁས་རྣམས་གསུངས། །ཞེས་བྱ་བ་ལ་སོགས་པ་ཐེག་པ་ཆེན་པོའི་བཀའ་བསྟན་བཅོས་ཐམས་ཅད་ནས་བྱང་ཆུབ་སྒྲུབ་པའི་གེགས་ཆེན་པོར་བཤད་པའི་ཕྱིར་རོ། །དེ་ན་ལེ་ལོ་མ་ཤོར་བ་གལ་ཆེའོ། །འདིར་བློ་མང་ན་མཐར་མི་ཕྱིན་པས་༨ ཆོས་ཟབ་མོ་ལའང་མ་འབྱམས་པར་འདུན་མ་༩ ཐམས་ཅད་རྟོག་པ་འཇོམས་པ་ལ་གཅིག་ཆོད་དུ་གྲིལ་དགོས་ཏེ། མདོ་ལས་ཀྱང་ཡིད་ལ་བྱེད་པ་ཐམས་ཅད་བདུ ད་ལས་སུ ་བཤད། དེས་ན་ཅི་སྲིད་རྣམ་པ་ཐམས་ཅད་མཁྱེན་པའི་སངས་རྒྱས་མ་ཐོབ་ཀྱི་བར་དུ་ཚོགས་སྦྱོར་༡༠ མཐོང་བསྒོམ་ལ་སོགས་པའི་ས་དང་ལམ་ཐམས་ཅད་རྟོག་པ་འབུར་ཏེ་བྱུང་རེས་ཀྱིས་གཉེན་པོས་འཇོམས་པ་ལ་འདུན་མ་འགྲིལ་བར་ཚིག་ཆོད་དུ་བྱའོ། །མདོར་ན་རྟོགས་པ་འབུར་ཏེ་བྱུང་རེས་ཀྱིས་གཉེན་པོས་ཀྱང་དེའི་རྩར་སླེབས་དགོས་ཏེ། གཉེན་པོས་རྣམ་རྟོག་འཇོམས་པ་ལ་འདུན་མ་ཐམས་ཅད་འགྲིལ་དགོས། ལམ་ཐམས་ཅད་ཀྱང་དེ་ཁོ་ནས་བཅད་དགོས་སོ། །དེའི་བླང་བྱ་གཉེན་པོ་རྣམ་བྱང་གི་ཆོས་བཞི་ཡིན་ནོ།།<br /> ཡང་འདི་སྐད་གསུངས་ཏེ། རྐྱེན་ངན་དགེ་བའི་བཤེས་གཉེན་ཏེ། །འདྲེ་གདོན་རྒྱལ་བའི་སྤྲུལ་བ་ཡིན། །ན་ཚ་སྡིག་སྒྲིབ་ཀྱི་ཕྱག་མ་སྟེ། །སྡུག་བསྔལ་ཆོས་ཉིད་ཀྱི་ཡོ་ལངས་ཡིན། །ཀུན་ནས་ཉོན་མོངས་ཀྱི་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན། །འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །ཞེས་པའི་དོན་ནི། དེས་ན་ན་ཚ་སྡུག་བསྔལ་ལ་སོགས་པ་མི་འདོད་པའི་འགལ་རྐྱེན་གང་བྱུང་ཡང་དེས་བསྐུལ་མ་བྱས་ལ་དེའི་སྟེང་དུ་སེམས་ཅན་ཐམས་ཅད་ཀྱི་ནད་དང་སྡུག་བསྔལ་ཡང་བློས་ལིངས་ཏེ་བླང་ལོངས་ངེས་སྙམ་དུ་དགའ་བའི་འདུ་ཤེས་བྱ། དེ་བཞིན་དུ་བདེ་སྐྱིད་ལ་སོགས་མཐུན་རྐྱེན་གང་འཛོམས་ཡང་སེམས་ཅན་ལ་བྱིན་པས་སེམས་ཅན་གྱི་ཚོགས་རྫོགས་པ་ལ་དགའ་བའི་བློ་སྦྱོང༌། དེ་བཞིན་དུ་གཟུགས་སྒྲ་དྲི་རོ་ལ་སོགས་པ་སྣང་བའི་རྐྱེན་གང་བྱུང་ཡང་བཙལ་བས་མི་རྙེད། མི་རྙེད་པའི་དོན་ལ་ཀློད་ལ་བཞགས་༡༡ པས་ཆོས་ཉིད་ལ་བསྐུལ་བའི་རྐྱེན་དགེ་བའི་བཤེས་གཉེན་ཡིན། བྱང་ཆུབ་སྒྲུབ་པའི་གྲོགས་ཡིན་པས་དགའ་བ་བསྒོམ་མོ།།<br /> རྒྱལ་འགོང་སྲེན་མ་ས་བདག་ལ་སོགས་པའི་གནོད་པ་བྱུང་ཙ་ན་དེས་བསྐུལ་མ་བྱས་ནས་སེམས་ཅན་ཐམས་ཅད་ལ་གནོད་པ་དང་སྡུག་བསྔལ་ཅི་ཡོད་པ་བློས་ལིངས་ཏེ་བླངས་ན་བླངས་ངེས་སྙམ་དུ་དགའ་བའི་འདུ་ཤེས་བྱ། གནོད་བྱེད་རྣམས་ལ་བྱམས་པ་དང་སྙིང་རྗེ་བྱང་ཆུབ་ཀྱི་སེམས་ཀྱིས་ལུས་ཀྱི་ཤ་ཁྲག་གང་འདོད་སྦྱིན་པས་བྱང་ཆུབ་ཀྱི་གྲོགས་སུ་འགྱུར་གྲོགས་བྱེད་པ་ཡིན་པས། གདོན་ཐམས་ཅད་སངས་རྒྱས་ཀྱི་སྤྲུལ་པ་ཡིན་པས་དེ་དག་ལ་དགའ་བ་དང་གུ ས་པ་བསམ་གྱིས་མི་ཁྱབ་པ་བསྒོམ་མོ། །ལྷག་པར་ན་ཚ་བྱུང་བའི་དུས་སུ་སེམས་ཅན་ཐམས་ཅད་ཀྱི་ན་ཚ་དང་སྡུག་བསྔལ་རང་གི་སྙིང་གི་དཀྱིལ་དུ་བླངས་ནས་སེམས་ཅན་ཐམས་ཅད་སྤངས་པ་ཕུན་སུམ་ཚོགས་པ་ཐོབ་པ་ཡིན་གོ་བཅད་སྙམ་དུ་དགའ་བ་བསྒོམ། ནད་མེད་པའི་དུས་སུ་དེས་བསྐུལ་ནས་རང་གི་བདེ་བ་རྒྱུ་དང་བཅས་པ་འགྲོ་བ་ལ་སྦྱིན་པས་སེམས་ཅན་ཐམས་ཅད་ཀྱིས་རྟོགས་པ་ཕུན་སུམ་ཚོགས་པ་ཐོབ་པ་ཡིན་གོ་བཅད་སྙམ་དུ་དགའ་བ་བསྒོམ་པས་སྡིག་སྒྲིབ་ཀྱི་ཕྱགས་མ་ཡིན་ཏེ། སྡིག་སྒྲིབ་ལ་སྐད་ཅིག་ཙམ་ཡང་བསྡད་པའི་བསྡད་གླགས་མེད་དོ། །སྡུག་བསྔལ་བརྒྱ་ཐམ་པ་བྱུ ང་ན་འཚོལ་ཐབས་བརྒྱ་ཐམ་པ་ཡོང་། དེ་ཡོད་མ་མྱོང་བས་མ་རྙེད་ཐབས་བརྒྱ་ཐམ་པ་ཡོད་པས། དེ་ལ་སྤངས་པ་བརྒྱ་ཐམ་པ། རྟོགས་པ་བརྒྱ་ཐམ་པ་ལམ་ཁྱེར་ཏེ་ཆོས་ཉིད་ཀྱི་ཡོ་ལངས་ཆེན་པོ་ཡིན་ཏེ། དེ་ལ་དགའ་བའི་འདུ་ཤེས་བསྒོམ་པར་བྱའོ། །དེ་རྣམས་ནི་སྤང་བྱ་ཀུན་ནས་ཉོན་མོངས་ཀྱི་ཆོས་བཞི་ཡིན་ནོ།།<br /> ཡང་འདི་སྐད་དུ། སྐྱིད་ཀྱི་ཁ་ནོན་ཆེན་པོ་སྟེ། །སྡུག་གི་མཇུག་འཐུད་ཆེན་པོ་ཡིན། །ལྟས་ངན་གཡང་དུ་འགུགས་པ་ཡིན། །མི་མཁོ་ཤོས་ལ་འདོད་ཐོག་ཡིན། །གཉེན་པོ་ལོག་ནོན་གྱི་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན། །འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །ལོངས་ཞེས་པའི་དོན་ནི། དེ་ནས་དགེ་སྦྱོར་གྱི་བགེགས་སུ་འགྲོ་བའི་བཟའ་བཏུང་། སྤྱོད་སྙན་གྲགས་ལ་སོགས་སྐྱིད་འདོད་ཀྱི་ཁ་ནོན་ལ་འདོད་པ་ཆུང་ལ་ཆོག་ཤེས་པའི་སྒོ་ནས་སྡུག་གི་མཇུག་འཐུད་དེ། རྐང་པ་ན་ན་བསྐོར་བ་བྱ། སྐེད་པ་ན་ན་ཕྱག་བྱ། འདོད་པ་ཆེ་ན་གཞན་ལ་སྦྱིན། གཡེང་བ་ལ་དགའ་ན་མཚམས་བཅད། ལོང་གཏམ་ལ་དགའ་ན་སྨྲ་བ་བཅད་དོ། །གཏམ་ངན་ནམ། བྱུར་ཤན་ནམ། བྱད་ཁའམ། ཕུར་ཁ་ལ་སོགས་མི་འདོད་པའི་ལྟས་ངན་ཆེན་པོ་བྱུང་ན་བདག་འཛིན་གྱི་འགོང་པོ་འདུལ་བའི་ཐབས་ཡིན་པས་བཀྲ་ཤིས་དང༌། གཡང་དུ་འགུགས་ཤིང་ད་དུང་ཐོངས་ཤིག་ཅེས་ཤེས་པའི་དཔའ་བསྐྱེད་ལ། དེ་འདྲའི་རིགས་མི་མཁོ་ཤོས་ཐམས་ཅད་བདག་ལ་བྱུང་བས་ད་འདི་ཐུལ་ན་ད་ཕྱིན་ཆད་འཁོར་བར་མི་སྐྱེ་སྙམ་དུ་དེ་ལ་འདོད་ཐོག་ཏུ་བྱས་ཏེ། བཟོད་པ་གསུམ་མཐུ་ཐོབ་པར་བྱའོ། །དེ་ནི་གཉེན་པོ་ཀུན་ཏུ་སྤྱོད་པའི་ལོག་ནོན་གྱི་ཆོས་བཞི་ཡིན་ནོ།།<br /> ཡང་འདི་སྐད་དུ། བདག་ནི་ལས་ངན་གྱི་རྩ་བ་སྟེ། །རྒྱངས་ཏེ་བསྒྱུར་བའི་ཆོས་གཅིག་ཡིན། །གཞན་ནི་བྱང་ཆུབ་ཀྱི་འབྱུང་ཁུངས་ཏེ། །བཅངས་ཀྱི་ལེན་པའི་ཆོས་གཅིག་ཡིན། །སྤྱང་གཉེན་མཇུག་སྡུད་ཀྱི་ཆོས་གཉིས་ཏེ། །མཐའ་འཁོབ་འདུལ་ན་དགོས་པ་ཡིན། །འཁོར་ངན་ལོག་<br /> སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །ཅེས་པའི་དོན་ནི། བདག་མི་འདོད་པ་ཐམས་ཅད་ཀྱི་འབྱུང་གནས་ལས་ངན་ཐམས་ཅད་ཀྱི་རྩ་བ་ཡིན་པས་འདི་ལ་གཅེས་སྤྲས་མ་བྱེད་པར་ལིངས་ཏེ་བསྒྱུར་ལ། དགྲ་དགའ་ན་དགྲས་ཁྱེར། འདྲེ་དགའ་ན་འདྲེས་ཁྱེར་མི་རིངས་ན་ཚོས་ལ་ཟོ། རིངས་ན་ཁུར་ལ་རྒྱུག ཅེས་རང་ལ་ཐེད་ལ་བཏང་ལ་སེམས་ཅན་ཐམས་ཅད་ཀྱི་དོན་བྱེད་པ་སྟེ་རང་དོན་ཡལ་བར་དོར་ནས་བརྩོན་པས་གཞན་དོན་ལྷུར་མཛད་པ་ནི། བླ་ན་མེད་པའི་བྱང་ཆུབ་ཀྱི་འབྱུང་ཁུངས་ཡིན་པས་སེམས་ཅན་བརྩེ་བས་སྐྱོངས་ལ། སྡུག་བསྔལ་རང་ལ་བླང་བ་ནི། སྤང་གཉེན་མཇུག་སྡུད་ཀྱི་ཆོས་རྣམ་གཉིས་ཡིན་ཏེ། སེམས་ཅན་ཆེན་པོ་རྣམས་ཀྱི་ལག་ལེན་ཁྱད་པར་ཅན་ཡིན་ནོ། །ཡང་འདི་སྐད་དུ། རྒྱངས་ཀྱིས་བསྒྱུར་ལ་ལྷོད་ཀྱིས་གློད། །ཤིགས་ཀྱིས་ཤིག་ལ་འབོལ་ལེ་བཞག །སྟོང་ཉིད་རྒྱས་འདེབས་བཞི་ཡིན་ཏེ། །མཐའ་འཁོབ་འདུལ་ན་དགོས་པ་ཡིན། །འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །དེ་ལྟར་ཉམས་སུ་བླངས་གྱུར་ན། །སྐྱེས་བུ་མི་འཆིང་གྲོལ་བར་འགྱུར། །ཅེས་པའི་དོན་ནི། གཟུང་འཛིན་གྱི་རྟོག་པ་ཐམས་ཅད་ཕར་རྒྱངས་ཏེ་བསྒྱུར་ལ། སྤྲོས་བྲལ་ཆོས་ཀྱི་དབྱིངས་སུ ་ཤེ ས་པ་གསལ་ལ་རྟོག་པ་མེད་པར་ལྷོད་དེ་གློད་ལ་གང་གི་ཀྱང་མ་བཅིངས་པར་བཞག་པར་བྱའོ། །དེ་ཡང་ཤེས་པ་སྔ་མའི་རྗེས་སུ་མི་འབྲངས། མ་འོངས་པའི་སྤུན་མི་བསུ། ད་ལྟ་བ་མ་བཅིངས་པར་ཤིག་དེ་ཤིག བཅས་བཅོས་དང་སྒྲོ་བསྐུར་མེད་པར་རང་སོར་<br /> འབོལ་ལེ་གློད་ལ་བཞག་གོ །དེ་ནི་སྟོང་ཉིད་ཀྱི་རྒྱས་འདེབས་བཞི་ཡིན་ནོ། །ཉམས་ལེན་དེ་ལྟར་བྱས་ན་ལས་ཀྱི་འཁོར་བར་མི་བཅིངས་གྲོལ་བར་ཐར་པ་ཐོབ་པར་འགྱུར་རོ། །ཉམས་ལེན་འདི་ལས་གཞན་པ་གཅིག་ཡིན་ན་དུས་སྙིགས་མའི་སེམས་ཅན་རྨུ་རྒོད་ཐུལ་བར་མི་འགྱུར་ལ་འདི་དང་ལྡན་ན་བར་ཆད་ཀྱིས་མི་ཚུགས་པས་འགྲོ་དོན་ངང་གིས་འགྲུབ་ཞེས་གསུང་ངོ༌། །མཉམ་མེད་གསེར་གླིང་པའི་གསུང་ཇི་ལྟ་བ་བཞིན་དུ་བཀོད་པའོ། །ཨ་མོ་གྷ་པ་ཤའི་རྒྱུད་ལས། ཤེས་རབ་ནི་བྱང་ཆུབ་ཏུ་བརྗོད་ལ་སེམས་དཔའ་ནི་ཐབས་ཏེ། དེ་གཉིས་དག་གིས་སེམས་ཅན་གྱི་དོན་ཉིད་འགྲུབ་པར་འགྱུར།༡༢ །ཅེས་པ་དང༌། གསང་འདུས་གྲོལ་བའི་ཐིག་ལེ་ལས། དེ་ནས་སྙིང་རྗེ་འབའ་ཞིག་གི །གཞིར་གྱུར་ཡོན་ཏན་ཐམས་ཅད་འབྱུང་།༡ ༣ །ཞེས་པ་དང༌། རྩ་བ་སྙིང་རྗེ་མེད་གྱུར་ན། །དཀའ་བ་བཟོད་པ་མི་ནུས་སོ།༡༤ །ཅེས་གསུངས་སོ། །འཕགས་པ་སྤྱན་རས་གཟིགས་ཀྱི་ཆོས་ཡང་དག་པར་སྡུད་པའི་མདོ་ལས་མྱུར་དུ་མངོན་པར་རྫོགས་པར་སངས་རྒྱ་བར་འདོད་པས་ཆོས་མང་པོ་ལ་བསླབ་པར་མི་བྱ། གཅིག་པུ་གང་ཞེ་ན། སྙིང་རྗེ་ཆེན་པོའོ། །གང་ལ་སྙིང་རྗེ་ཆེན་པོ་ཡོད་པ་དེ་ལས་སངས་རྒྱས་ཀྱི་ཆོས་ཐམས་ཅད་ལག་མཐིལ་དུ་མཆིས་པར་འགྱུར་རོ། །འབད་པ་མེད་པ་དང་རྩོལ་བ་མེད་པར་འགྲུབ་པར་འགྱུར་རོ། །མདོར་ན་སྙིང་རྗེ་ཆེན་པོ་ནི་ཆོས་ཐམས་ཅད་ཀྱི་རྩ་བའོ།༡༥ །ཞེས་གསུངས་སོ། །འགྲོ་མགོན་ཨ་ཏི་ཤ་ལ་བླ་མ་གསེར་གླིང་པ་ཆོས་ཀྱི་གྲགས་པས་མཐའ་འཁོབ་འདུལ་བའི་དོན་ལ་གདམས་པ་འདི་གསུངས་པར་གདའོ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_rtog_pa_%27bur_%27joms_kyi_%27grel_pa/Full_text&diff=140524 Texts/Blo sbyong rtog pa 'bur 'joms kyi 'grel pa/Full text 2026-08-13T04:15:56Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |PdfLink=File:Atiśa Blo sbyong rtog pa 'bur 'joms kyi 'grel pa.pdf<br /> |FullTextTibetan=༄༅། །བློ་སྦྱོང་རྟོག་པ་འབུར་འཇོམས་ཀྱི་འགྲེལ་པ་བཞུགས་སོ།།<br /> ༄༅། །མགོན་པོ་གསེར་གླིང་པ་བླ་མ་རིན་པོ་ཆེ་ཡབ་སྲས་བརྒྱུད་པ་ལ་གུས་པ་ཆེན་པོས་ཕྱག་འཚལ་ཞིང་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། མཁྱེན་རབས་དང་ཐུགས་རྗེའི་མངའ་བདག་མགོན་པོ་གསེར་གླིང་པའི་ཞལ་སྔ་ནས། ཇོ་བོ་ལ་བུ་ཁྱོད་སྙིགས་མའི་དུས་གཞན་གྱི་དོན་བྱེད་པ་ལ། བཀའ་སྡེ་སྣོད། ལུང་རིགས་པ། བླ་མའི་མན་ངག་ཐམས་ཅད་ཧྲིལ་དེ་དྲིལ་ནས་སྟན་ཐོག་གཅིག་ཏུ་ཉམས་སུ་ལེན་ན། ནད་དང༌། གནོད་པ་དང་། གདོན་བགེགས་དང་། བདུད་དང་མུ་སྟེགས་སོགས་རྐྱེན་ངན་བར་ཆད་ཐམས་ཅད་ཀྱིས་མི་ཚུགས་པའི་ཆོས་འདི་རྣམས་དགོས་ཏེ། འདི་སྐད་དུ། རྟོག་པ་ཐམས་ཅད་འབུར་འཇོམས་ཏེ། །གཉེན་པོ་ཐམས་ཅད་བཅོམ་བརྡེགས་ཡིན། །འདུན་མ་ཐམས་ཅད་ཆིག་འདྲིལ་ཏེ།? །ལམ་རྣམས་ཐམས་ཅད་ཅིག་ཆོད་ཡིན། །གཉེན་པོ་རྣམ་བྱང་གི་ཆོས་བཞི་སྟེ། །མཐའ་ཁོབ་འདུལ་ན་དགོས་པ་ཡིན། །འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །ཅེས་པའི་དོན་ནི། རྣམ་པར་རྟོག་པ་གང་བྱུང་ས་ནས་འབུར་འཇོམས་སུ་བྱ་དགོས་ཏེ། ཁོ་གང་ན་སྣང་། དབང་པོ་གང་གི་ཡུལ་ན་སྣང་། དབྱིབས་དང་ཁ་དོག་ཇི་ལྟ་བུ་གཅིག་སྣང་བཙལ་ལོ། །འདི་དུག་སྦྲུལ་ལམ་ཁྱི་སྨྱོན་དང་འདྲ་སྟེ། ཉེར་མི་རུང་བྱུང་འཕྲོ་༤ རང་ལ་གཉེན་པོས་ལེ་ལོ་མ་ཤོར་བར་བཅོམ་སྟེ། མདོ་ལས། འདོད་པ་ཁྱོད་ཀྱི་རྩ་བ་ཤེས། །ཤིན་ཏུ་རྣམ་པར་རྟོག་ལས་བྱུང་། །ཞེས་དང༌། རྣམ་རྟོག་མ་རིག་ཆེན་པོ་སྟེ། །འཁོར་བའི་རྒྱ་མཚོར་སྒྱུར་བྱེད་དོ། །ཞེས་དང་། དབུ་མ་འཇུག་པ་ལས། སོ་སོའི་སྐྱེ་བོ་རྣམས་ནི་རྟོགས་པས་བཅིངས། །མི་རྟོག་རྣལ་འབྱོར་པ་ནི་གྲོལ་བར་འགྱུར། །རྟོག་རྣམས་ལོག་པར་གྱུར་པ་གང་ཡིན་པ། །རྣམ་པར་བཅད་པའི་འབྲས་བུར་མཁས་རྣམས་གསུངས། །ཞེས་བྱ་བ་ལ་སོགས་པ་ཐེག་པ་ཆེན་པོའི་བཀའ་བསྟན་བཅོས་ཐམས་ཅད་ནས་བྱང་ཆུབ་སྒྲུབ་པའི་གེགས་ཆེན་པོར་བཤད་པའི་ཕྱིར་རོ། །དེ་ན་ལེ་ལོ་མ་ཤོར་བ་གལ་ཆེའོ། །འདིར་བློ་མང་ན་མཐར་མི་ཕྱིན་པས་༨ ཆོས་ཟབ་མོ་ལའང་མ་འབྱམས་པར་འདུན་མ་༩ ཐམས་ཅད་རྟོག་པ་འཇོམས་པ་ལ་གཅིག་ཆོད་དུ་གྲིལ་དགོས་ཏེ། མདོ་ལས་ཀྱང་ཡིད་ལ་བྱེད་པ་ཐམས་ཅད་བདུ ད་ལས་སུ ་བཤད། དེས་ན་ཅི་སྲིད་རྣམ་པ་ཐམས་ཅད་མཁྱེན་པའི་སངས་རྒྱས་མ་ཐོབ་ཀྱི་བར་དུ་ཚོགས་སྦྱོར་༡༠ མཐོང་བསྒོམ་ལ་སོགས་པའི་ས་དང་ལམ་ཐམས་ཅད་རྟོག་པ་འབུར་ཏེ་བྱུང་རེས་ཀྱིས་གཉེན་པོས་འཇོམས་པ་ལ་འདུན་མ་འགྲིལ་བར་ཚིག་ཆོད་དུ་བྱའོ། །མདོར་ན་རྟོགས་པ་འབུར་ཏེ་བྱུང་རེས་ཀྱིས་གཉེན་པོས་ཀྱང་དེའི་རྩར་སླེབས་དགོས་ཏེ། གཉེན་པོས་རྣམ་རྟོག་འཇོམས་པ་ལ་འདུན་མ་ཐམས་ཅད་འགྲིལ་དགོས། ལམ་ཐམས་ཅད་ཀྱང་དེ་ཁོ་ནས་བཅད་དགོས་སོ། །དེའི་བླང་བྱ་གཉེན་པོ་རྣམ་བྱང་གི་ཆོས་བཞི་ཡིན་ནོ།།<br /> ཡང་འདི་སྐད་གསུངས་ཏེ། རྐྱེན་ངན་དགེ་བའི་བཤེས་གཉེན་ཏེ། །འདྲེ་གདོན་རྒྱལ་བའི་སྤྲུལ་བ་ཡིན། །ན་ཚ་སྡིག་སྒྲིབ་ཀྱི་ཕྱག་མ་སྟེ། །སྡུག་བསྔལ་ཆོས་ཉིད་ཀྱི་ཡོ་ལངས་ཡིན། །ཀུན་ནས་ཉོན་མོངས་ཀྱི་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན། །འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །ཞེས་པའི་དོན་ནི། དེས་ན་ན་ཚ་སྡུག་བསྔལ་ལ་སོགས་པ་མི་འདོད་པའི་འགལ་རྐྱེན་གང་བྱུང་ཡང་དེས་བསྐུལ་མ་བྱས་ལ་དེའི་སྟེང་དུ་སེམས་ཅན་ཐམས་ཅད་ཀྱི་ནད་དང་སྡུག་བསྔལ་ཡང་བློས་ལིངས་ཏེ་བླང་ལོངས་ངེས་སྙམ་དུ་དགའ་བའི་འདུ་ཤེས་བྱ། དེ་བཞིན་དུ་བདེ་སྐྱིད་ལ་སོགས་མཐུན་རྐྱེན་གང་འཛོམས་ཡང་སེམས་ཅན་ལ་བྱིན་པས་སེམས་ཅན་གྱི་ཚོགས་རྫོགས་པ་ལ་དགའ་བའི་བློ་སྦྱོང༌། དེ་བཞིན་དུ་གཟུགས་སྒྲ་དྲི་རོ་ལ་སོགས་པ་སྣང་བའི་རྐྱེན་གང་བྱུང་ཡང་བཙལ་བས་མི་རྙེད། མི་རྙེད་པའི་དོན་ལ་ཀློད་ལ་བཞགས་༡༡ པས་ཆོས་ཉིད་ལ་བསྐུལ་བའི་རྐྱེན་དགེ་བའི་བཤེས་གཉེན་ཡིན། བྱང་ཆུབ་སྒྲུབ་པའི་གྲོགས་ཡིན་པས་དགའ་བ་བསྒོམ་མོ།།<br /> རྒྱལ་འགོང་སྲེན་མ་ས་བདག་ལ་སོགས་པའི་གནོད་པ་བྱུང་ཙ་ན་དེས་བསྐུལ་མ་བྱས་ནས་སེམས་ཅན་ཐམས་ཅད་ལ་གནོད་པ་དང་སྡུག་བསྔལ་ཅི་ཡོད་པ་བློས་ལིངས་ཏེ་བླངས་ན་བླངས་ངེས་སྙམ་དུ་དགའ་བའི་འདུ་ཤེས་བྱ། གནོད་བྱེད་རྣམས་ལ་བྱམས་པ་དང་སྙིང་རྗེ་བྱང་ཆུབ་ཀྱི་སེམས་ཀྱིས་ལུས་ཀྱི་ཤ་ཁྲག་གང་འདོད་སྦྱིན་པས་བྱང་ཆུབ་ཀྱི་གྲོགས་སུ་འགྱུར་གྲོགས་བྱེད་པ་ཡིན་པས། གདོན་ཐམས་ཅད་སངས་རྒྱས་ཀྱི་སྤྲུལ་པ་ཡིན་པས་དེ་དག་ལ་དགའ་བ་དང་གུ ས་པ་བསམ་གྱིས་མི་ཁྱབ་པ་བསྒོམ་མོ། །ལྷག་པར་ན་ཚ་བྱུང་བའི་དུས་སུ་སེམས་ཅན་ཐམས་ཅད་ཀྱི་ན་ཚ་དང་སྡུག་བསྔལ་རང་གི་སྙིང་གི་དཀྱིལ་དུ་བླངས་ནས་སེམས་ཅན་ཐམས་ཅད་སྤངས་པ་ཕུན་སུམ་ཚོགས་པ་ཐོབ་པ་ཡིན་གོ་བཅད་སྙམ་དུ་དགའ་བ་བསྒོམ། ནད་མེད་པའི་དུས་སུ་དེས་བསྐུལ་ནས་རང་གི་བདེ་བ་རྒྱུ་དང་བཅས་པ་འགྲོ་བ་ལ་སྦྱིན་པས་སེམས་ཅན་ཐམས་ཅད་ཀྱིས་རྟོགས་པ་ཕུན་སུམ་ཚོགས་པ་ཐོབ་པ་ཡིན་གོ་བཅད་སྙམ་དུ་དགའ་བ་བསྒོམ་པས་སྡིག་སྒྲིབ་ཀྱི་ཕྱགས་མ་ཡིན་ཏེ། སྡིག་སྒྲིབ་ལ་སྐད་ཅིག་ཙམ་ཡང་བསྡད་པའི་བསྡད་གླགས་མེད་དོ། །སྡུག་བསྔལ་བརྒྱ་ཐམ་པ་བྱུ ང་ན་འཚོལ་ཐབས་བརྒྱ་ཐམ་པ་ཡོང་། དེ་ཡོད་མ་མྱོང་བས་མ་རྙེད་ཐབས་བརྒྱ་ཐམ་པ་ཡོད་པས། དེ་ལ་སྤངས་པ་བརྒྱ་ཐམ་པ། རྟོགས་པ་བརྒྱ་ཐམ་པ་ལམ་ཁྱེར་ཏེ་ཆོས་ཉིད་ཀྱི་ཡོ་ལངས་ཆེན་པོ་ཡིན་ཏེ། དེ་ལ་དགའ་བའི་འདུ་ཤེས་བསྒོམ་པར་བྱའོ། །དེ་རྣམས་ནི་སྤང་བྱ་ཀུན་ནས་ཉོན་མོངས་ཀྱི་ཆོས་བཞི་ཡིན་ནོ།།<br /> ཡང་འདི་སྐད་དུ། སྐྱིད་ཀྱི་ཁ་ནོན་ཆེན་པོ་སྟེ། །སྡུག་གི་མཇུག་འཐུད་ཆེན་པོ་ཡིན། །ལྟས་ངན་གཡང་དུ་འགུགས་པ་ཡིན། །མི་མཁོ་ཤོས་ལ་འདོད་ཐོག་ཡིན། །གཉེན་པོ་ལོག་ནོན་གྱི་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན། །འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །ལོངས་ཞེས་པའི་དོན་ནི། དེ་ནས་དགེ་སྦྱོར་གྱི་བགེགས་སུ་འགྲོ་བའི་བཟའ་བཏུང་། སྤྱོད་སྙན་གྲགས་ལ་སོགས་སྐྱིད་འདོད་ཀྱི་ཁ་ནོན་ལ་འདོད་པ་ཆུང་ལ་ཆོག་ཤེས་པའི་སྒོ་ནས་སྡུག་གི་མཇུག་འཐུད་དེ། རྐང་པ་ན་ན་བསྐོར་བ་བྱ། སྐེད་པ་ན་ན་ཕྱག་བྱ། འདོད་པ་ཆེ་ན་གཞན་ལ་སྦྱིན། གཡེང་བ་ལ་དགའ་ན་མཚམས་བཅད། ལོང་གཏམ་ལ་དགའ་ན་སྨྲ་བ་བཅད་དོ། །གཏམ་ངན་ནམ། བྱུར་ཤན་ནམ། བྱད་ཁའམ། ཕུར་ཁ་ལ་སོགས་མི་འདོད་པའི་ལྟས་ངན་ཆེན་པོ་བྱུང་ན་བདག་འཛིན་གྱི་འགོང་པོ་འདུལ་བའི་ཐབས་ཡིན་པས་བཀྲ་ཤིས་དང༌། གཡང་དུ་འགུགས་ཤིང་ད་དུང་ཐོངས་ཤིག་ཅེས་ཤེས་པའི་དཔའ་བསྐྱེད་ལ། དེ་འདྲའི་རིགས་མི་མཁོ་ཤོས་ཐམས་ཅད་བདག་ལ་བྱུང་བས་ད་འདི་ཐུལ་ན་ད་ཕྱིན་ཆད་འཁོར་བར་མི་སྐྱེ་སྙམ་དུ་དེ་ལ་འདོད་ཐོག་ཏུ་བྱས་ཏེ། བཟོད་པ་གསུམ་མཐུ་ཐོབ་པར་བྱའོ། །དེ་ནི་གཉེན་པོ་ཀུན་ཏུ་སྤྱོད་པའི་ལོག་ནོན་གྱི་ཆོས་བཞི་ཡིན་ནོ།།<br /> ཡང་འདི་སྐད་དུ། བདག་ནི་ལས་ངན་གྱི་རྩ་བ་སྟེ། །རྒྱངས་ཏེ་བསྒྱུར་བའི་ཆོས་གཅིག་ཡིན། །གཞན་ནི་བྱང་ཆུབ་ཀྱི་འབྱུང་ཁུངས་ཏེ། །བཅངས་ཀྱི་ལེན་པའི་ཆོས་གཅིག་ཡིན། །སྤྱང་གཉེན་མཇུག་སྡུད་ཀྱི་ཆོས་གཉིས་ཏེ། །མཐའ་འཁོབ་འདུལ་ན་དགོས་པ་ཡིན། །འཁོར་ངན་ལོག་<br /> སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །ཅེས་པའི་དོན་ནི། བདག་མི་འདོད་པ་ཐམས་ཅད་ཀྱི་འབྱུང་གནས་ལས་ངན་ཐམས་ཅད་ཀྱི་རྩ་བ་ཡིན་པས་འདི་ལ་གཅེས་སྤྲས་མ་བྱེད་པར་ལིངས་ཏེ་བསྒྱུར་ལ། དགྲ་དགའ་ན་དགྲས་ཁྱེར། འདྲེ་དགའ་ན་འདྲེས་ཁྱེར་མི་རིངས་ན་ཚོས་ལ་ཟོ། རིངས་ན་ཁུར་ལ་རྒྱུག ཅེས་རང་ལ་ཐེད་ལ་བཏང་ལ་སེམས་ཅན་ཐམས་ཅད་ཀྱི་དོན་བྱེད་པ་སྟེ་རང་དོན་ཡལ་བར་དོར་ནས་བརྩོན་པས་གཞན་དོན་ལྷུར་མཛད་པ་ནི། བླ་ན་མེད་པའི་བྱང་ཆུབ་ཀྱི་འབྱུང་ཁུངས་ཡིན་པས་སེམས་ཅན་བརྩེ་བས་སྐྱོངས་ལ། སྡུག་བསྔལ་རང་ལ་བླང་བ་ནི། སྤང་གཉེན་མཇུག་སྡུད་ཀྱི་ཆོས་རྣམ་གཉིས་ཡིན་ཏེ། སེམས་ཅན་ཆེན་པོ་རྣམས་ཀྱི་ལག་ལེན་ཁྱད་པར་ཅན་ཡིན་ནོ། །ཡང་འདི་སྐད་དུ། རྒྱངས་ཀྱིས་བསྒྱུར་ལ་ལྷོད་ཀྱིས་གློད། །ཤིགས་ཀྱིས་ཤིག་ལ་འབོལ་ལེ་བཞག །སྟོང་ཉིད་རྒྱས་འདེབས་བཞི་ཡིན་ཏེ། །མཐའ་འཁོབ་འདུལ་ན་དགོས་པ་ཡིན། །འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །དེ་ལྟར་ཉམས་སུ་བླངས་གྱུར་ན། །སྐྱེས་བུ་མི་འཆིང་གྲོལ་བར་འགྱུར། །ཅེས་པའི་དོན་ནི། གཟུང་འཛིན་གྱི་རྟོག་པ་ཐམས་ཅད་ཕར་རྒྱངས་ཏེ་བསྒྱུར་ལ། སྤྲོས་བྲལ་ཆོས་ཀྱི་དབྱིངས་སུ ་ཤེ ས་པ་གསལ་ལ་རྟོག་པ་མེད་པར་ལྷོད་དེ་གློད་ལ་གང་གི་ཀྱང་མ་བཅིངས་པར་བཞག་པར་བྱའོ། །དེ་ཡང་ཤེས་པ་སྔ་མའི་རྗེས་སུ་མི་འབྲངས། མ་འོངས་པའི་སྤུན་མི་བསུ། ད་ལྟ་བ་མ་བཅིངས་པར་ཤིག་དེ་ཤིག བཅས་བཅོས་དང་སྒྲོ་བསྐུར་མེད་པར་རང་སོར་<br /> འབོལ་ལེ་གློད་ལ་བཞག་གོ །དེ་ནི་སྟོང་ཉིད་ཀྱི་རྒྱས་འདེབས་བཞི་ཡིན་ནོ། །ཉམས་ལེན་དེ་ལྟར་བྱས་ན་ལས་ཀྱི་འཁོར་བར་མི་བཅིངས་གྲོལ་བར་ཐར་པ་ཐོབ་པར་འགྱུར་རོ། །ཉམས་ལེན་འདི་ལས་གཞན་པ་གཅིག་ཡིན་ན་དུས་སྙིགས་མའི་སེམས་ཅན་རྨུ་རྒོད་ཐུལ་བར་མི་འགྱུར་ལ་འདི་དང་ལྡན་ན་བར་ཆད་ཀྱིས་མི་ཚུགས་པས་འགྲོ་དོན་ངང་གིས་འགྲུབ་ཞེས་གསུང་ངོ༌། །མཉམ་མེད་གསེར་གླིང་པའི་གསུང་ཇི་ལྟ་བ་བཞིན་དུ་བཀོད་པའོ། །ཨ་མོ་གྷ་པ་ཤའི་རྒྱུད་ལས། ཤེས་རབ་ནི་བྱང་ཆུབ་ཏུ་བརྗོད་ལ་སེམས་དཔའ་ནི་ཐབས་ཏེ། དེ་གཉིས་དག་གིས་སེམས་ཅན་གྱི་དོན་ཉིད་འགྲུབ་པར་འགྱུར།༡༢ །ཅེས་པ་དང༌། གསང་འདུས་གྲོལ་བའི་ཐིག་ལེ་ལས། དེ་ནས་སྙིང་རྗེ་འབའ་ཞིག་གི །གཞིར་གྱུར་ཡོན་ཏན་ཐམས་ཅད་འབྱུང་།༡ ༣ །ཞེས་པ་དང༌། རྩ་བ་སྙིང་རྗེ་མེད་གྱུར་ན། །དཀའ་བ་བཟོད་པ་མི་ནུས་སོ།༡༤ །ཅེས་གསུངས་སོ། །འཕགས་པ་སྤྱན་རས་གཟིགས་ཀྱི་ཆོས་ཡང་དག་པར་སྡུད་པའི་མདོ་ལས་མྱུར་དུ་མངོན་པར་རྫོགས་པར་སངས་རྒྱ་བར་འདོད་པས་ཆོས་མང་པོ་ལ་བསླབ་པར་མི་བྱ། གཅིག་པུ་གང་ཞེ་ན། སྙིང་རྗེ་ཆེན་པོའོ། །གང་ལ་སྙིང་རྗེ་ཆེན་པོ་ཡོད་པ་དེ་ལས་སངས་རྒྱས་ཀྱི་ཆོས་ཐམས་ཅད་ལག་མཐིལ་དུ་མཆིས་པར་འགྱུར་རོ། །<br /> འབད་པ་མེད་པ་དང་རྩོལ་བ་མེད་པར་འགྲུབ་པར་འགྱུར་རོ། །མདོར་ན་སྙིང་རྗེ་ཆེན་པོ་ནི་ཆོས་ཐམས་ཅད་ཀྱི་རྩ་བའོ།༡༥ །ཞེས་གསུངས་སོ། །འགྲོ་མགོན་ཨ་ཏི་ཤ་ལ་བླ་མ་གསེར་གླིང་པ་ཆོས་ཀྱི་གྲགས་པས་མཐའ་འཁོབ་འདུལ་བའི་དོན་ལ་གདམས་པ་འདི་གསུངས་པར་གདའོ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_rtog_pa_%27bur_%27joms/Full_text&diff=140450 Texts/Blo sbyong rtog pa 'bur 'joms/Full text 2026-08-12T11:32:03Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-14<br /> |FullTextTibetan=༄༅། །བློ་སྦྱོང་རྟོག་པ་འབུར་འཇོམས།<br /> ༄༅། །བླ་མ་གསེར་གླིང་པས་ཇོ་བོ་ལ་མཐའ་འཁོབ་འདུལ་བའི་ཆོས་སུ་གནང་བ། མགོན་པོ་བླ་མ་གསེར་གླིང་པའི་ཞལ་ནས། ཇོ་བོ་ལ་བུ་ཁྱོད་མཐའ་འཁོབ་འདུལ་བ་ལ་ཆོས་འདི་རྣམས་དགོས་གསུངས། རྟོག་པ་ཐམས་ཅད་འབུར་འཇོམས་ཏེ། །གཉེན་པོ་ཐམས་ཅད་བཅོམ་ཐེག་ཡིན། །འདུན་མ་ཐམས་ཅད་གཅིག་འགྲིལ་ཏེ། ༢ །ལམ་རྣམས་ཐམས་ཅད་གཅིག་ཆོས་ཡིན། ༈ །གཉེན་པོ་རྣམ་བྱང་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན། །འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །རྐྱེན་ངན་དགེ་བའི་བཤེས་གཉེན་ཏེ། །འདྲེ་གདོན་རྒྱལ་བའི་སྤྲུལ་པ་ཡིན། །ན་ཚ་སྡིག་སྒྲིབ་ཀྱི་ཕྱགས་མ་སྟེ། །སྡུག་བསྔལ་ཆོས་ཉིད་ཀྱི་ཡོ་ལངས་ཡིན། །ཀུན་ནས་ཉོན་མོངས་ཀྱི་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན། །སྐྱིད་ཀྱི་ཁ་ནོན་ཆེན་པོ་སྟེ། །སྡུག་གི་མཇུག་སྡུད་ཆེན་པོ་ཡིན། །ན་ན་ནད་གཡོག་ཆེན་པོ་ཡིན། །གཅིག་པུར་སྡོད་ན་སྐྱོ་གྲོགས་ཡིན། །གཉེན་པོ་ལོག་གནོན་གྱི་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན། །བདག་ནི་ལས་ངན་རྩ་བ་སྟེ། །རྒྱངས་ཀྱིས་བསྒྱུར་བའི་ཆོས་གཅིག་ཡིན། །གཞན་ནི་བྱང་ཆུབ་འབྱུང་ཁུངས་ཏེ།&quot;།བཅངས་ཏེ་ལེན་པའི་ཆོས་གཅིག་ཡིན། །སྤང་གཉེན་མཇུག་སྡུད་ཀྱི་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན། །ལོག་ཅེར་ལོག་ན་ཅིར་ཅེར་ལྟོས།&quot;།ཤིག་གི་ཤིག་ལ་འབོལ་ལེར་ཞོག”།དེས་ནི་མི་འཆིང་གྲོལ་བར་འགྱུར། །ཅེས་གསུངས་སོ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_rtog_pa_%27bur_%27joms/Full_text&diff=140449 Texts/Blo sbyong rtog pa 'bur 'joms/Full text 2026-08-12T11:29:05Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-14<br /> |FullTextTibetan=༄༅། །བློ་སྦྱོང་རྟོག་པ་འབུར་འཇོམས།<br /> ༄༅། །བླ་མ་གསེར་གླིང་པས་ཇོ་བོ་ལ་མཐའ་འཁོབ་འདུལ་བའི་ཆོས་སུ་གནང་བ། མགོན་<br /> པོ་བླ་མ་གསེར་གླིང་པའི་ཞལ་ནས། ཇོ་བོ་ལ་བུ་ཁྱོད་མཐའ་འཁོབ་འདུལ་བ་ལ་ཆོས་འདི་<br /> རྣམས་དགོས་གསུངས། རྟོག་པ་ཐམས་ཅད་འབུར་འཇོམས་ཏེ། །གཉེན་པོ་ཐམས་ཅད་བཅོམ་<br /> ཐེག་ཡིན།? །འདུ ན་མ་ཐམས་ཅད་གཅི ག་འགྲི ལ་ཏེ ། ༢ །ལམ་རྣམས་ཐམས་ཅད་གཅིག་<br /> ཆོས་ཡིན། ༈ །གཉེན་པོ་རྣམ་བྱང་ཆོས་བཞི་སྟེ། །མཐའ་འཁོབ་འདུ ལ་ན་དགོས་པ་ཡིན།།<br /> འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །རྐྱེན་ངན་དགེ་བའི་<br /> བཤེས་གཉེན་ཏེ། །འདྲེ་གདོན་རྒྱལ་བའི་སྤྲུལ་པ་ཡིན། །ན་ཚ་སྡིག་སྒྲིབ་ཀྱི་ཕྱགས་མ་སྟེ།།<br /> སྡུག་བསྔལ་ཆོས་ཉིད་ཀྱི་ཡོ་ལངས་ཡིན། །ཀུན་ནས་ཉོན་མོངས་ཀྱི་ཆོས་བཞི་སྟེ། །མཐའ་<br /> འཁོབ་འདུལ་ན་དགོས་པ་ཡིན། །སྐྱིད་ཀྱི་ཁ་ནོན་ཆེན་པོ་སྟེ། །སྡུག་གི་མཇུག་སྡུད་ཆེན་པོ་ཡིན།།<br /> ན་ན་ནད་གཡོག་ཆེན་པོ་ཡིན། །གཅིག་པུར་སྡོད་ན་སྐྱོ་གྲོགས་ཡིན། །གཉེན་པོ་ལོག་གནོན་<br /> གྱི་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན། །བདག་ནི་ལས་ངན་རྩ་བ་སྟེ།།<br /> རྒྱངས་ཀྱིས་བསྒྱུར་བའི་ཆོས་གཅིག་ཡིན། །གཞན་ནི་བྱང་ཆུབ་འབྱུང་ཁུངས་ཏེ།&quot;།བཅངས་ཏེ་<br /> ལེན་པའི་ཆོས་གཅིག་ཡིན། །སྤང་གཉེན་མཇུག་སྡུད་ཀྱི་ཆོས་བཞི་སྟེ། །མཐའ་འཁོབ་འདུལ་<br /> ན་དགོས་པ་ཡིན། །ལོག་ཅེར་ལོག་ན་ཅིར་ཅེར་ལྟོས།&quot;།ཤིག་གི་ཤིག་ལ་འབོལ་ལེར་ཞོག”།དེས་<br /> ནི་མི་འཆིང་གྲོལ་བར་འགྱུར། །ཅེས་གསུངས་སོ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Avalokite%C5%9Bvaravimok%E1%B9%A3a/Full_text/Feedback_1&diff=140448 Texts/Avalokiteśvaravimokṣa/Full text/Feedback 1 2026-08-12T04:40:41Z <p>Khenpo Tamphel: Created page with &quot;{{Feedback |PageReviewed=Texts/Avalokiteśvaravimokṣa/Full text |DateReviewed=2026-08-12 |FeedbackUser=Khenpo Tamphel |FeedbackContent=The Tibetan tile should be སྤྱན་རས་གཟིགས་དབང་ཕྱུག་གི་རྣམ་པར་ཐར་པ་ (not མམ་པར་ཐར་པར་) }}&quot;</p> <hr /> <div>{{Feedback<br /> |PageReviewed=Texts/Avalokiteśvaravimokṣa/Full text<br /> |DateReviewed=2026-08-12<br /> |FeedbackUser=Khenpo Tamphel<br /> |FeedbackContent=The Tibetan tile should be སྤྱན་རས་གཟིགས་དབང་ཕྱུག་གི་རྣམ་པར་ཐར་པ་ (not མམ་པར་ཐར་པར་)<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_gyer_sgom_rdo_rje%27i_glu_dbyangs/Full_text&diff=140211 Texts/Blo sbyong gyer sgom rdo rje'i glu dbyangs/Full text 2026-08-07T05:14:18Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Blo sbyong gyer sgom rdo rje'i glu dbyangs]]<br /> |SktPubDate=2025-10-14<br /> |FullTextTibetan=༄༅། །བློ་སྦྱོང་གྱེར་སྒོམ་རྡོ་རྗེའི་གླུ་དབྱངས་ཞེས་བྱ་བ་བཞུགས་སོ།།<br /> ཀུ་ས་ལི་དགེ་བ་ཅན། ༄༅། །ཀྭ་ཡེ་ཕ་མར་གྱུར་པའི་འགྲོ་བ་མ་ལུས་དྲང་བའི་ཕྱིར། །བདག་ལ་ཡོད་པའི་ཉོན་མོངས་དུག་ལྔ་གང་དག་གིས། །སེམས་ཅན་རྣམས་ཀྱི་དུག་ལྔ་མ་ལུས་དྲང་བར་བྱ། །འདོད་ཆགས་ལ་སོགས་མེད་པའི་དགེ་བ་གང་ཡོད་རྣམས། །འགྲོ་དྲུག་སེམས་ཅན་རྣམས་ལ་སྙོམས་པར་བྲིམས་པར་བྱ། །ན་ཚ་ལ་སོགས་འབྲས་བུར་གྱུར་པའི་སྡུག་བསྔལ་གྱིས། །དེ་དང་རིགས་མཐུན་སྡུག་བསྔལ་མ་ལུས་དྲང་བར་བྱ། །ན་ཚ་ལ་སོགས་མེད་པའི་ཕན་བདེ་གང་ཡིན་དེ། །འགྲོ་དྲུག་སེམས་ཅན་རྣམས་ལ་རྟག་ཏུ་བྲིམས་པར་བྱ། །དེ་ལྟར་བྱས་ན་རང་ཉིད་འཁོར་བའི་རྒྱ་མཚོ་འདིར། །སྐད་ཅིག་ཙམ་ཡང་འཁྱམས་པའི་གོ་སྐབས་ག་ལ་སྲིད། །འོན་ཀྱང་ཇི་སྲིད་བྱང་ཆུབ་མ་ཐོབ་བར། །མྱོང་གྱུར་ཉོན་མོངས་རྒྱུ་འབྲས་ཇི་སྙེད་པ། །ཐམས་ཅད་སྐྱེ་བ་འདི་ལ་ཡོངས་སུ་རྫོགས་པར་བྱ། །དེ་ཡང་ད་ལོའི་ཟླ་བ་འདི་ལ་དྲང་བར་བྱ། །དེ་ཡང་དེ་རིང་ད་ལྟ་ཉིད་དུ་རྫོགས་བྱས་ནས། །སྡུག་བསྔལ་བྲང་ཕྲེང་རབ་ཆད་（ཙམ་གཅིག་ཐབས་སུ་བསྟེན། །བློ་འདི་འབྱོངས་པར་གྱུར་ཅིག་བྱམས་པའི་རྣལ་འབྱོར་པ། །ཞེས་བྱམས་སྙིང་རྗེ་བྱང་ཆུབ་ཀྱི་སེམས་གྱེར་སྒོམ་རྡོ་རྗེའི་གླུ་བླང་བ་འདི་བྱམས་པའི་རྣལ་འབྱོར་པ་བདག་གིས་ཡུན་དུ་ཁ་བཏོན་བྱས་ནས། རེ་ཞིག་ཆུ་བོ་གང་གཱའི་འགྲམ་དུ་ཐུགས་རྗེ་ཆེན་པོ་དང་ལྡན་པའི་བཅོམ་ལྡན་འདས་བྱམས་པ་ལྷའི་རྒྱལ་པོའི་ཆ་ལུགས་སུ་བཞུགས་ནས་བྱམས་པའི་རྣལ་འབྱོར་པ་བྱོན་ནས་ནི འདི་སྐད་གསུངས་སོ།། ཐོས་པ་ཙམ་གྱིས་ངན་འགྲོའི་སྡུག་བསྔལ་སེལ་བའི་གླུ །བསམ་པ་ཙམ་གྱིས་འཁོར་བའི་ལྗོན་ཤིང་བཅད་པའི་གླུ །བསྒོམ་པ་ཙམ་གྱིས་བྱང་ཆུབ་མྱུར་དུ་འབྱིན་པའི་གླུ །བྱམས་པ་སྙིང་རྗེ་བྱང་ཆུབ་སེམས་ཀྱི་གླུ་འདི་མཚར། །ཉོན་མོངས་དུག་ལྔ་དགྲ་བཞིན་འཇོམས་པར་རིགས་ན་ཡང༌། ཁྱོད་ཀྱིས་འདི་ལྟར་ན་ནི་རྒྱུད་ལ་བསྟེན་པ་མཚར།༸།ན་ཚ་སྡུག་བསྔལ་ཀུན་ནས་བཟོད་པར་དཀའ་ན་ཡང་། །ཁྱོད་ཀྱིས་འདི་ལྟར་ན་ནི་ངོ་མཚར་རྨད་དུ་བྱུང་། །རང་དོན་&quot;ཡལ་བར་དོར་ནས་གཞན་དོན་ལྷུར་མཛད་དེ། །རང་དོན་མེད་པར་འཁོར་བར་འཁྱམས་པ་སུ་མི་དཀའ། །དེས་ན་རང་དོན་བསམ་པ་སྐད་ཅིག་མ་འཁྲིས་པར། །གཞན་གྱིས་མི་འདོད་བདག་གིས་ལེན་པ་དམ་པ་ཡིན། །ཐེག་པ་ཆེན་པོའི་གསུང་རབ་མཐའ་ཡས་ཡོད་མོད་ཀྱང་།༦ །འདི་རུ་མ་འདུས་རྡུལ་ཙམ་གང་ཡང་ཡོད་མ་ཡིན། །དེ་ཕྱིར་རྣལ་འབྱོར་ཁྱོད་ཀྱི་རྡོ་རྗེའི་གླུ་བླངས་འདི། །ཐོས་བསམ་བསྟན་ནམ་སྒོམ་པའམ་བཤད་ཀྱང་རུང་།༧ །འཇིག་རྟེན་ལྷ་དང་བཅས་པའི་སྐྱབས་གནས་དམ་པ་སྟེ། །ཕྱོགས་བཅུའི་རྒྱལ་བ་རྣམས་ཀྱི་ཐུགས་ཀྱི་ཉིང་ཁུ་དེ། ཁྱོད་ཀྱི་བློ་ལ་ཤར་བ་ངོ་མཚར་ཤིན་ཏུ་ཆེ། །ཤིན་ཏུ་དགྱེས་པ་༽ རྡོ་རྗེའི་གླུ་ཚིག་གི་ལན་དུ་གསུངས་པ་དང༌། བྱམས་པའི་རྣལ་འབྱོར་པ་ཤིན་ཏུ་ཉམས་དགའ་ཞིང་ཐེ་ཚོམ་གྱི་མདུད་པ་གྲོལ་ནས་དཔའ་བོ་ཆེན་པོ་རྡོ་རྗེའི་གཡུལ་དུ་ཞུགས་སོ། །ཀྱེ་ཧོ། ཡང་འདི་ལྟར་ཉིན་ལན་གསུམ་མཚན་ལན་གསུམ་དུས་དང་གནས་སྐབས་དྲན་པ་དང་། བརྗེད་པ་མ་མཆིས་པར་ཆོས་འདི་བློ་ལ་སྦྱངས་ཤིང་ཁམས་གསོ་༸ རྡོ་རྗེའི་གླུ་བླངས་པ་དང་། ལྷ་དང་ཀླུ་དང་གནོད་སྦྱིན་དང༌། དྲི་ཟ་དང༌། ལྷ་མ་ཡིན་དང༌། ནམ་མཁའ་ལྡིང་དང༌། མིའམ་ཅི་དང༌། ལྟོ་འཕྱེ་ཆེན་པོ་དང་། ཤ་ཟ་དང་སྲིན་པོ་ལ་སོགས་པ་མ་རང་གི་བུ་གཅིག་པུ་ལ་བྱམས་པ་བཞིན་གུས་པར་དབང་དུ་འདུས་པར་འགྱུར་རོ། །གཞན་ཡང་ཡུལ་གྱི་རྒྱལ་པོ་དང༌། བློན་པོ་དང༌། བཙུན་མོ་དང༌། བྲམ་ཟེ་དང༌། ཁྱིམ་བདག་དང༌། ཁྱེའུ་དང་། བུ་མོ་དང་། དམངས་རིགས་ལ་སོགས་པ་ཐམས་ཅད་དབང་དུ་འདུས་ཏེ། དགའ་བས་རྗེས་སུ་འབྲངས་ཤིང་མཐོང་བ་དང༌། ཐོས་པ་ཐམས་ཅད་ཀྱང་བྱམས་པའི་རང་བཞིན་དུ་གྱུར་ཏོ། །གཞན་ཡང་རྟ། གླང་པོ་ཆེ། མ་ཧེ། སྤྲེའུ། འདབ་ཆགས་ཆུ་རུ་སྐྱེས། རིའི་སེམས་ཅན་གཅན་གཟན་གྱི་ཚོགས། ཐ་ན་གྲོག་སྦུར་ཡན་ཆད་འགྲོ་བ་རིགས་དྲུག་རང་ལ་མི་འཇིགས་ཤིང་བག་ཕེབས་པ་ལྟར་རྣལ་འབྱོར་པའི་དྲུང་དུ་འཁོད་པར་གྱུར་ཏོ། །དེ་ལྟར་རྣལ་འབྱོར་པའི་ཐུགས་ཀྱི་དགོངས་པ་ལ་བདག་གིས་བྱམས་སྙིང་རྗེ་བྱང་ཆུབ་ཀྱི་སེམས་ཡིད་ལ་བྱས། ཚིག་ཁ་འདོན་དུ་བྱས། སྙན་པ་རྡོ་རྗེའི་གླུ་བླངས་པ་ལ་བརྟེན་ནས་ཐུགས་རྗེ་ཆེན་པོ་དང་ལྡན་པའི་བཅོམ་ལྡན་འདས་བྱམས་པས་ཞལ་མངོན་སུམ་དུ་བསྟན། དགྱེས་པའི་གསུང་བྱུང་ནས་ཐེ་ཚོམ་གྱི་དྲ་བ་ཐམས་ཅད་བཅད། དེ་ལ་བརྟེན་ནས་ཁོ་བོའི་བཟོད་པ་དང་བརྩོན་འགྲུས་ལ་སོགས་པ་ཟླ་བ་ཡར་ངོ་བཞིན་དུ་འཕེལ་བར་འགྱུར། དེའི་དབང་གིས་འདི་ལྟར་འགྲོ་བ་རིགས་མི་མཐུན་པ་ཐམས་ཅད་ཀྱང་མས་བུ་མཐོང་བ་བཞིན་དུ་བདག་ལ་ཀུན་དགའ་བར་གྱུར། དེ་དག་གི་བཟང་ལན་དུ་བཅོམ་ལྡན་འདས་བྱམས་པ་ལ་ཐེག་པ་ཆེན་པོའི་མཆོད་པ་ཕུལ་བར་དགོངས་ནས་རྡོ་རྗེའི་གླུ་བླངས་པ་ན། ཐོག་མེད་དུས་ནས་ཉེ་བར་འབྲེལ་བ་ཡི། །ཕ་མར་གྱུར་པའི་སེམས་ཅན་མ་ལུས་པ། །བྱང་ཆུབ་མཆོག་ལ་འགོད་པའི་ཡི་དམ་བསམ། །ཆོས་འདིས་བྱམས་པ་མགོན་ལ་མཆོད་པ་བགྱི། །དེ་ཚེ་རང་དོན་སྐད་ཅིག་མ་འཁྲིས་པར། །གཞན་དོན་འབའ་ཞིག་སྙིང་ལ་གོམས་པར་བྱ། །འདི་ནི་བྱང་ཆུབ་སྒྲུབ་པའི་གཙོ་བོ་ཡིན། །ཆོས་འདིས་བྱམས་པ་མགོན་ལ་མཆོད་པ་བགྱི། །བདེ་སྡུག་བཏང་སྙོམས་ཚོར་བ་ཅི་བྱུང་ཡང་། །བྱང་ཆུབ་སྒྲུབ་པའི་གྲོགས་སུ་དང་དུ་བླངས། །བསྐལ་པ་དུ་མར་བསོད་ནམས་ཅི་སོག་ཀྱང་།༡༠ །ཉན་ཐོས་སྡར་མའི་ཆོས་སུ་མ་ཤོར་བར། །ཆོས་འདིས་བྱམས་པ་མགོན་ལ་མཆོད་པ་བགྱི། །དེ་ཙམ་ཞིག་ཏུ་མི་འདོད་ཅི་བྱུང་ཡང་། །བཟོད་པའི་གོ་ཆ་ཅུང་ཟད་ཤོར་མ་གྱུར། །ལྷག་པར་དྲིན་གྱིས་བསྐྱངས་པའི་སྐྱེ་བོ་ཡིས། །ལོག་སྒྲུབ་བྱེད་ཀྱང་འཛུམ་པའི་བཞིན་གྱིས་སྐྱོང་། ། ཆོས་འདིས་བྱམས་པ་མགོན་ལ་མཆོད་པ་བགྱི། །སྡང་བའི་སྐྱེ་བོའི་ཕྱོགས་ནས་སྡིག་བསགས་ཀྱང་། །ངན་པའི་བསམ་པ་སྐད་ཅིག་ཤོར་མ་གྱུར། །སྣང་སྲིད་བདུད་དང་ལྷ་འདྲེ་དགྲར་ལངས་ཀྱང༌། །རང་འདོད་འཁྲི་བའི་བསྲུང་སྐྱོབ་བྱེད་མ་མྱོང༌། །ཆོས་འདིས་བྱམས་པ་མགོན་ལ་མཆོད་པ་བགྱི། །ངེས་པར་འཆི་བའི་ནད་ཀྱིས་བཏབ་གྱུར་ཀྱང་། །ཆོས་མིན་དག་ལ་ཡིད་བརྟན་བཅའ་མ་མྱོང་། །སེར་སྣ་གོམས་པའི་འབྱོར་བ་ཆུང་ན་ཡང་། །ལོག་པའི་ཆོས་ལ་རྟོག་ས་བྱེད་མ་མྱོང་།༡༡ །ཆོས་འདིས་བྱམས་པ་མགོན་ལ་མཆོད་པ་བགྱི། །ངན་པའི་གྲོགས་ཀྱིས་ཀུན་ནས་བསྐོར་ན་ཡང་། །གཉེན་པོའི་རང་ཚུགས་གང་ཡང་སྐྱེལ་མ་མྱོང་། །མདོར་ན་འགྲོའམ་འདུག་གམ་ཅི་བྱེད་ཀྱང་། །མ་བརྟགས་བྱ་བ་གང་ཡང་བྱེད་མ་མྱོང་། །ཆོས་འདིས་བྱམས་པ་མགོན་ལ་མཆོད་པ་བགྱི། །དེ་ལྟར་ཡིན་མོད་འོན་ཀྱང་ཆོས་རྣམས་ལ། །བདེན་པར་རྟོགས་པ་རྡུལ་ཙམ་ཡོད་མ་མྱོང༌། །འདི་ནི་བྱང་ཆུབ་སྒྲུབ་པའི་གཙོ་བོ་ཡིན། །ཆོས་འདིས་བྱམས་པ་མགོན་ལ་མཆོད་པ་བགྱི། །དེ་ལྟར་བསྒྲུབ་པའི་མཆོད་པ་དམ་པ་འདིས། །རྣལ་འབྱོར་བདག་གི་བསམ་པ་སྦྱང་བའི་ཕྱིར། །བྱམས་པའི་དཔུང་གིས་ཡོན་འདི་བཞེས་སུ་གསོལ། །བཞེས་ནས་བློ་འདི་འབྱོངས་བར་མཛད་དུ་གསོལ། །ཞེས་པའི་མཆོད་པ་དང་། བར་སྣང་ལ་མཆོད་པའི་ལྷ་མོ་ལྔ་དང༌། སྒྲ་དང་འོད་ལ་སོགས་པ་ཡིད་དུ་འོང་བའི་མཆོད་པ་གཞན་ཡང་དཔག་ཏུ་མེད་པའི་རྣམ་པར་གྱུར་ཏོ།། དེའི་ཚེ་ཐེག་པ་ཆེན་པོ་ལ་བློ་སྦྱོང་བའི་སྐྱེས་བུ་དམ་པ་རྣམས་ཆོས་འདི་ངོ་མཚར་བའི་གནས་སུ་རིག་ནས། འདིའི་ཕྱོགས་སུ་དཀའ་བ་སྤྱོད་པ་དང༌། ཞུ་ཞིང་ཉམས་སུ་ལེན་པ་ཡང་དུ་མ་བྱུང་མོད། དེའི་ནང་ནས་གནས་ཆེན་པོ་བརྒྱ་རྩ་བརྒྱད་ཀྱི་བདག་པོ། པཎྜི་ཏ་ལྔ་བཅུ་རྩ་གཉིས་ཀྱི་གཙུག་གི་ནོར་བུ། ཆོས་རྒྱལ་དྲུག་ཅུ་རྩ་གཉིས་ཀྱི་མངའ་གསོལ་བའི་དཔའ་བོ། འདུལ་བ་འཛིན་པ་བསམ་གྱིས་མི་ཁྱབ་པའི་མཁན་པོ། མདོ་སྡེ་འཛིན་པ་དཔག་ཏུ་མེད་པའི་བཤེས་གཉེན། མངོན་པ་འཛིན་པ་མཐའ་ཡས་པའི་སྐུར་གནས། རིག་པ་འཛིན་པ་རྒྱ་མཚོའི་བླ་མ། མདོར་ན་འགྲན་ཟླ་ཐམས་ཅད་དང་བྲལ་བའི་སྐྱེས་བུ་དམ་པ་འགྲོ་བའི་མགོན་པོ་ཨ་ཏི་ཤ་ལ་གནང་ནས་ཐུགས་རྗེ་ཆེན་པོ་དེས་ཐུགས་ཉམས་སུ་བཞེས་ཏེ། དེ་ཡང་རང་དོན་ཡལ་བར་དོར་ནས་གཞན་གྱི་དོན། །ལྷུར་མཛད་དེ་ནི་བདག་གི་བླ་མ་ལགས། །ཞེས་པ་ལ་སོགས་པ་དེ་ལྟར་ལགས་སོ། །སྐྱེས་བུ་དམ་པ་དེས་རྒྱ་བོད་ཀྱི་ས་ཆ་ལ་སྐྱེས་བུ་དམ་པ་དོན་དུ་གཉེར་བ་རྣམས་ལ་ལྐོག་ཁྲིད་དུ་གདམས་པའོ། །བརྒྱུད་པ་ནི་བྱམས་པ། བྱམས་པའི་རྣལ་འབྱོར་པ། དེས་ཇོ་བོ་རྗེ་ལའོ།།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_gyer_sgom_rdo_rje%27i_glu_dbyangs/Full_text&diff=140210 Texts/Blo sbyong gyer sgom rdo rje'i glu dbyangs/Full text 2026-08-07T05:11:00Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Blo sbyong gyer sgom rdo rje'i glu dbyangs]]<br /> |SktPubDate=2025-10-14<br /> |FullTextTibetan=༄༅། །བློ་སྦྱོང་གྱེར་སྒོམ་རྡོ་རྗེའི་གླུ་དབྱངས་ཞེས་བྱ་བ་བཞུགས་སོ།།<br /> ཀུ་ས་ལི་དགེ་བ་ཅན། ༄༅། །ཀྭ་ཡེ་ཕ་མར་གྱུར་པའི་འགྲོ་བ་མ་ལུས་དྲང་བའི་ཕྱིར། །བདག་ལ་ཡོད་པའི་ཉོན་མོངས་ དུག་ལྔ་གང་དག་གིས། །སེམས་ཅན་རྣམས་ཀྱི་དུག་ལྔ་མ་ལུས་དྲང་བར་བྱ། །འདོད་ཆགས་ལ་སོགས་ མེད་པའི་དགེ་བ་གང་ཡོད་རྣམས། །འགྲོ་དྲུག་སེམས་ཅན་རྣམས་ལ་སྙོམས་པར་བྲིམས་པར་བྱ། །ན་ ཚ་ལ་སོགས་འབྲས་བུར་གྱུར་པའི་སྡུག་བསྔལ་གྱིས། །དེ་དང་རིགས་མཐུན་སྡུག་བསྔལ་མ་ལུས་དྲང་ བར་བྱ། །ན་ཚ་ལ་སོགས་མེད་པའི་ཕན་བདེ་གང་ཡིན་དེ། །འགྲོ་དྲུག་སེམས་ཅན་རྣམས་ལ་རྟག་ཏུ་ བྲིམས་པར་བྱ། །དེ་ལྟར་བྱས་ན་རང་ཉིད་འཁོར་བའི་རྒྱ་མཚོ་འདིར། །སྐད་ཅིག་ཙམ་ཡང་འཁྱམས་ པའི་གོ་སྐབས་ག་ལ་སྲིད། །འོན་ཀྱང་ཇི་སྲིད་བྱང་ཆུབ་མ་ཐོབ་བར། །མྱོང་གྱུར་ཉོན་མོངས་རྒྱུ་ འབྲས་ཇི་སྙེད་པ། །ཐམས་ཅད་སྐྱེ་བ་འདི་ལ་ཡོངས་སུ་རྫོགས་པར་བྱ། །དེ་ཡང་ད་ལོའི་ཟླ་བ་འདི་ ལ་དྲང་བར་བྱ། །དེ་ཡང་དེ་རིང་ད་ལྟ་ཉིད་དུ་རྫོགས་བྱས་ནས། །སྡུག་བསྔལ་བྲང་ཕྲེང་རབ་ཆད་（ཙམ་ གཅིག་ཐབས་སུ་བསྟེན། །བློ་འདི་འབྱོངས་པར་གྱུར་ཅིག་བྱམས་པའི་རྣལ་འབྱོར་པ། །ཞེས་བྱམས་ སྙིང་རྗེ་བྱང་ཆུབ་ཀྱི་སེམས་གྱེར་སྒོམ་རྡོ་རྗེའི་གླུ་བླང་བ་འདི་བྱམས་པའི་རྣལ་འབྱོར་པ་བདག་གིས་ཡུན་ དུ་ཁ་བཏོན་བྱས་ནས། རེ་ཞིག་ཆུ་བོ་གང་གཱའི་འགྲམ་དུ་ཐུགས་རྗེ་ཆེན་པོ་དང་ལྡན་པའི་བཅོམ་ལྡན་ འདས་བྱམས་པ་ལྷའི་རྒྱལ་པོའི་ཆ་ལུགས་སུ་བཞུགས་ནས་བྱམས་པའི་རྣལ་འབྱོར་པ་བྱོན་ནས་ནི འདི་སྐད་གསུངས་སོ།། ཐོས་པ་ཙམ་གྱིས་ངན་འགྲོའི་སྡུག་བསྔལ་སེལ་བའི་གླུ །བསམ་པ་ཙམ་གྱིས་འཁོར་བའི་ ལྗོན་ཤིང་བཅད་པའི་གླུ །བསྒོམ་པ་ཙམ་གྱིས་བྱང་ཆུབ་མྱུར་དུ་འབྱིན་པའི་གླུ །བྱམས་པ་སྙིང་རྗེ་ བྱང་ཆུབ་སེམས་ཀྱི་གླུ་འདི་མཚར། །ཉོན་མོངས་དུག་ལྔ་དགྲ་བཞིན་འཇོམས་པར་རིགས་ན་ཡང༌། ཁྱོད་ཀྱིས་འདི་ལྟར་ན་ནི་རྒྱུད་ལ་བསྟེན་པ་མཚར།༸།ན་ཚ་སྡུག་བསྔལ་ཀུན་ནས་བཟོད་པར་དཀའ་ ན་ཡང་། །ཁྱོད་ཀྱིས་འདི་ལྟར་ན་ནི་ངོ་མཚར་རྨད་དུ་བྱུང་། །རང་དོན་&quot;ཡལ་བར་དོར་ནས་གཞན་ དོན་ལྷུར་མཛད་དེ། །རང་དོན་མེད་པར་འཁོར་བར་འཁྱམས་པ་སུ་མི་དཀའ། །དེས་ན་རང་དོན་ བསམ་པ་སྐད་ཅིག་མ་འཁྲིས་པར། །གཞན་གྱིས་མི་འདོད་བདག་གིས་ལེན་པ་དམ་པ་ཡིན། །ཐེག་ པ་ཆེན་པོའི་གསུང་རབ་མཐའ་ཡས་ཡོད་མོད་ཀྱང་།༦ །འདི་རུ་མ་འདུས་རྡུལ་ཙམ་གང་ཡང་ཡོད་ མ་ཡིན། །དེ་ཕྱིར་རྣལ་འབྱོར་ཁྱོད་ཀྱི་རྡོ་རྗེའི་གླུ་བླངས་འདི། །ཐོས་བསམ་བསྟན་ནམ་སྒོམ་པའམ་ བཤད་ཀྱང་རུང་།༧ །འཇིག་རྟེན་ལྷ་དང་བཅས་པའི་སྐྱབས་གནས་དམ་པ་སྟེ། །ཕྱོགས་བཅུའི་རྒྱལ་ བ་རྣམས་ཀྱི་ཐུགས་ཀྱི་ཉིང་ཁུ་དེ། ཁྱོད་ཀྱི་བློ་ལ་ཤར་བ་ངོ་མཚར་ཤིན་ཏུ་ཆེ། །ཤིན་ཏུ་དགྱེས་པ་༽ རྡོ་རྗེའི་གླུ་ཚིག་གི་ལན་དུ་གསུངས་པ་དང༌། བྱམས་པའི་རྣལ་འབྱོར་པ་ཤིན་ཏུ་ཉམས་དགའ་ཞིང་ཐེ་ ཚོམ་གྱི་མདུད་པ་གྲོལ་ནས་དཔའ་བོ་ཆེན་པོ་རྡོ་རྗེའི་གཡུལ་དུ་ཞུགས་སོ། །ཀྱེ་ཧོ། ཡང་འདི་ལྟར་ཉིན་ལན་གསུམ་མཚན་ལན་གསུམ་དུས་དང་གནས་སྐབས་དྲན་པ་དང་། བརྗེད་པ་མ་མཆིས་པར་ཆོས་འདི་བློ་ལ་སྦྱངས་ཤིང་ཁམས་གསོ་༸ རྡོ་རྗེའི་གླུ་བླངས་པ་དང་། ལྷ་དང་ ཀླུ་དང་གནོད་སྦྱིན་དང༌། དྲི་ཟ་དང༌། ལྷ་མ་ཡིན་དང༌། ནམ་མཁའ་ལྡིང་དང༌། མིའམ་ཅི་དང༌། ལྟོ་ འཕྱེ་ཆེན་པོ་དང་། ཤ་ཟ་དང་སྲིན་པོ་ལ་སོགས་པ་མ་རང་གི་བུ་གཅིག་པུ་ལ་བྱམས་པ་བཞིན་གུས་པར་ དབང་དུ་འདུས་པར་འགྱུར་རོ། །གཞན་ཡང་ཡུལ་གྱི་རྒྱལ་པོ་དང༌། བློན་པོ་དང༌། བཙུན་མོ་དང༌། བྲམ་ ཟེ་དང༌། ཁྱིམ་བདག་དང༌། ཁྱེའུ་དང་། བུ་མོ་དང་། དམངས་རིགས་ལ་སོགས་པ་ཐམས་ཅད་དབང་དུ་ འདུས་ཏེ། དགའ་བས་རྗེས་སུ་འབྲངས་ཤིང་མཐོང་བ་དང༌། ཐོས་པ་ཐམས་ཅད་ཀྱང་བྱམས་པའི་རང་ བཞིན་དུ་གྱུར་ཏོ། །གཞན་ཡང་རྟ། གླང་པོ་ཆེ། མ་ཧེ། སྤྲེའུ། འདབ་ཆགས་ཆུ་རུ་སྐྱེས། རིའི་སེམས་ ཅན་གཅན་གཟན་གྱི་ཚོགས། ཐ་ན་གྲོག་སྦུར་ཡན་ཆད་འགྲོ་བ་རིགས་དྲུག་རང་ལ་མི་འཇིགས་ཤིང་ བག་ཕེབས་པ་ལྟར་རྣལ་འབྱོར་པའི་དྲུང་དུ་འཁོད་པར་གྱུར་ཏོ། །དེ་ལྟར་རྣལ་འབྱོར་པའི་ཐུགས་ཀྱི་ དགོངས་པ་ལ་བདག་གིས་བྱམས་སྙིང་རྗེ་བྱང་ཆུབ་ཀྱི་སེམས་ཡིད་ལ་བྱས། ཚིག་ཁ་འདོན་དུ་བྱས། སྙན་པ་རྡོ་རྗེའི་གླུ་བླངས་པ་ལ་བརྟེན་ནས་ཐུགས་རྗེ་ཆེན་པོ་དང་ལྡན་པའི་བཅོམ་ལྡན་འདས་བྱམས་ པས་ཞལ་མངོན་སུམ་དུ་བསྟན། དགྱེས་པའི་གསུང་བྱུང་ནས་ཐེ་ཚོམ་གྱི་དྲ་བ་ཐམས་ཅད་བཅད། དེ་ ལ་བརྟེན་ནས་ཁོ་བོའི་བཟོད་པ་དང་བརྩོན་འགྲུས་ལ་སོགས་པ་ཟླ་བ་ཡར་ངོ་བཞིན་དུ་འཕེལ་བར་ འགྱུར། དེའི་དབང་གིས་འདི་ལྟར་འགྲོ་བ་རིགས་མི་མཐུན་པ་ཐམས་ཅད་ཀྱང་མས་བུ་མཐོང་བ་བཞིན་ དུ་བདག་ལ་ཀུན་དགའ་བར་གྱུར། དེ་དག་གི་བཟང་ལན་དུ་བཅོམ་ལྡན་འདས་བྱམས་པ་ལ་ཐེག་པ་ཆེན་པོའི་མཆོད་པ་ཕུལ་ བར་དགོངས་ནས་རྡོ་རྗེའི་གླུ་བླངས་པ་ན། ཐོག་མེད་དུས་ནས་ཉེ་བར་འབྲེལ་བ་ཡི། །ཕ་མར་གྱུར་པའི་ སེམས་ཅན་མ་ལུས་པ། །བྱང་ཆུབ་མཆོག་ལ་འགོད་པའི་ཡི་དམ་བསམ། །ཆོས་འདིས་བྱམས་པ་མགོན་ ལ་མཆོད་པ་བགྱི། །དེ་ཚེ་རང་དོན་སྐད་ཅིག་མ་འཁྲིས་པར། །གཞན་དོན་འབའ་ཞིག་སྙིང་ལ་གོམས་ པར་བྱ། །འདི་ནི་བྱང་ཆུབ་སྒྲུབ་པའི་གཙོ་བོ་ཡིན། །ཆོས་འདིས་བྱམས་པ་མགོན་ལ་མཆོད་པ་བགྱི། །བདེ་ སྡུག་བཏང་སྙོམས་ཚོར་བ་ཅི་བྱུང་ཡང་། །བྱང་ཆུབ་སྒྲུབ་པའི་གྲོགས་སུ་དང་དུ་བླངས། །བསྐལ་པ་དུ་ མར་བསོད་ནམས་ཅི་སོག་ཀྱང་།༡༠ །ཉན་ཐོས་སྡར་མའི་ཆོས་སུ་མ་ཤོར་བར། །ཆོས་འདིས་བྱམས་པ་ མགོན་ལ་མཆོད་པ་བགྱི། །དེ་ཙམ་ཞིག་ཏུ་མི་འདོད་ཅི་བྱུང་ཡང་། །བཟོད་པའི་གོ་ཆ་ཅུང་ཟད་ཤོར་ མ་གྱུར། །ལྷག་པར་དྲིན་གྱིས་བསྐྱངས་པའི་སྐྱེ་བོ་ཡིས། །ལོག་སྒྲུབ་བྱེད་ཀྱང་འཛུམ་པའི་བཞིན་ གྱིས་སྐྱོང་། ། ཆོས་འདིས་བྱམས་པ་མགོན་ལ་མཆོད་པ་བགྱི། །སྡང་བའི་སྐྱེ་བོའི་ཕྱོགས་ནས་སྡིག་ བསགས་ཀྱང་། །ངན་པའི་བསམ་པ་སྐད་ཅིག་ཤོར་མ་གྱུར། །སྣང་སྲིད་བདུད་དང་ལྷ་འདྲེ་དགྲར་ ལངས་ཀྱང༌། །རང་འདོད་འཁྲི་བའི་བསྲུང་སྐྱོབ་བྱེད་མ་མྱོང༌། །ཆོས་འདིས་བྱམས་པ་མགོན་ལ་ མཆོད་པ་བགྱི། །ངེས་པར་འཆི་བའི་ནད་ཀྱིས་བཏབ་གྱུར་ཀྱང་། །ཆོས་མིན་དག་ལ་ཡིད་བརྟན་བཅའ་མ་ མྱོང་། །སེར་སྣ་གོམས་པའི་འབྱོར་བ་ཆུང་ན་ཡང་། །ལོག་པའི་ཆོས་ལ་རྟོག་ས་བྱེད་མ་མྱོང་།༡༡ །ཆོས་འདིས་ བྱམས་པ་མགོན་ལ་མཆོད་པ་བགྱི། །ངན་པའི་གྲོགས་ཀྱིས་ཀུན་ནས་བསྐོར་ན་ཡང་། །གཉེན་པོའི་རང་ ཚུགས་གང་ཡང་སྐྱེལ་མ་མྱོང་། །མདོར་ན་འགྲོའམ་འདུག་གམ་ཅི་བྱེད་ཀྱང་། །མ་བརྟགས་བྱ་བ་གང་ ཡང་བྱེད་མ་མྱོང་། །ཆོས་འདིས་བྱམས་པ་མགོན་ལ་མཆོད་པ་བགྱི། །དེ་ལྟར་ཡིན་མོད་འོན་ཀྱང་ ཆོས་རྣམས་ལ། །བདེན་པར་རྟོགས་པ་རྡུལ་ཙམ་ཡོད་མ་མྱོང༌། །འདི་ནི་བྱང་ཆུབ་སྒྲུབ་པའི་གཙོ་ བོ་ཡིན། །ཆོས་འདིས་བྱམས་པ་མགོན་ལ་མཆོད་པ་བགྱི། །དེ་ལྟར་བསྒྲུབ་པའི་མཆོད་པ་དམ་པ་ འདིས། །རྣལ་འབྱོར་བདག་གི་བསམ་པ་སྦྱང་བའི་ཕྱིར། །བྱམས་པའི་དཔུང་གིས་ཡོན་འདི་བཞེས་ སུ་གསོལ། །བཞེས་ནས་བློ་འདི་འབྱོངས་བར་མཛད་དུ་གསོལ། །ཞེས་པའི་མཆོད་པ་དང་། བར་ སྣང་ལ་མཆོད་པའི་ལྷ་མོ་ལྔ་དང༌། སྒྲ་དང་འོད་ལ་སོགས་པ་ཡིད་དུ་འོང་བའི་མཆོད་པ་གཞན་ཡང་ དཔག་ཏུ་མེད་པའི་རྣམ་པར་གྱུར་ཏོ།། དེའི་ཚེ་ཐེག་པ་ཆེན་པོ་ལ་བློ་སྦྱོང་བའི་སྐྱེས་བུ་དམ་པ་རྣམས་ཆོས་འདི་ངོ་མཚར་བའི་གནས་ སུ་རིག་ནས། འདིའི་ཕྱོགས་སུ་དཀའ་བ་སྤྱོད་པ་དང༌། ཞུ་ཞིང་ཉམས་སུ་ལེན་པ་ཡང་དུ་མ་བྱུང་མོད། དེའི་ནང་ནས་གནས་ཆེན་པོ་བརྒྱ་རྩ་བརྒྱད་ཀྱི་བདག་པོ། པཎྜི་ཏ་ལྔ་བཅུ་རྩ་གཉིས་ཀྱི་གཙུག་གི་ནོར་བུ། ཆོས་རྒྱལ་དྲུག་ཅུ་རྩ་གཉིས་ཀྱི་མངའ་གསོལ་བའི་དཔའ་བོ། འདུལ་བ་འཛིན་པ་བསམ་གྱིས་མི་ཁྱབ་ པའི་མཁན་པོ། མདོ་སྡེ་འཛིན་པ་དཔག་ཏུ་མེད་པའི་བཤེས་གཉེན། མངོན་པ་འཛིན་པ་མཐའ་ཡས་ པའི་སྐུར་གནས། རིག་པ་འཛིན་པ་རྒྱ་མཚོའི་བླ་མ། མདོར་ན་འགྲན་ཟླ་ཐམས་ཅད་དང་བྲལ་བའི་ སྐྱེས་བུ་དམ་པ་འགྲོ་བའི་མགོན་པོ་ཨ་ཏི་ཤ་ལ་གནང་ནས་ཐུགས་རྗེ་ཆེན་པོ་དེས་ཐུགས་ཉམས་སུ་ བཞེས་ཏེ། དེ་ཡང་རང་དོན་ཡལ་བར་དོར་ནས་གཞན་གྱི་དོན། །ལྷུར་མཛད་དེ་ནི་བདག་གི་བླ་མ་ ལགས། །ཞེས་པ་ལ་སོགས་པ་དེ་ལྟར་ལགས་སོ། །སྐྱེས་བུ་དམ་པ་དེས་རྒྱ་བོད་ཀྱི་ས་ཆ་ལ་སྐྱེས་བུ་དམ་ པ་དོན་དུ་གཉེར་བ་རྣམས་ལ་ལྐོག་ཁྲིད་དུ་གདམས་པའོ། །བརྒྱུད་པ་ནི་བྱམས་པ། བྱམས་པའི་རྣལ་འབྱོར་པ། དེས་ཇོ་བོ་རྗེ་ལའོ།།་<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_gsung_bgros_ma%27i_kha_skong/Full_text&diff=140209 Texts/Blo sbyong gsung bgros ma'i kha skong/Full text 2026-08-07T05:03:49Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |FullTextTibetan=༄༅། །བློ་སྦྱོང་གསུང་བགྲོས་མའི་ཁ་སྐོང་བཞུགས་སོ།།<br /> མུས་ཆེན་དཀོན་མཆོག་རྒྱལ་མཚན། ༄༅། །དུས་གསུམ་རྒྱལ་བ་སྲས་དང་བཅས་རྣམས་ལ། །སྒོ་གསུམ་དང་བའི་སྒོ་ནས་ཕྱག་འཚལ་ལོ།། ཐེག་ཆེན་བློ་སྦྱོང་ལམ་གྱི་རྟེན་གྱི་ཆོས། །སྔོན་འགྲོའི་ཆོས་བཞི་ཅུང་ཟད་འདིར་བརྗོད་བྱ།། དང་པོ་དལ་འབྱོར་རྙེད་དཀའ་བར་བསམ་པ། འདིར་ཐེག་པ་ཆེན་པོ་བློ་སྦྱོང་གི་སྔོན་འགྲོའི་རྟེན་གྱི་ཆོས་བསྟན་པ་ལ་བཞི་ལས། དང་པོ་དལ་འབྱོར་རྙེད་དཀའ་བསམ་པ་ནི། འཁོར་བའི་རྒྱལ་མཚོ་ལས་བསྒྲལ་ཏེ་ཐམས་ཅད་མཁྱེན་པའི་གོ་འཕང་ཐོབ་པར་བྱེད་པ་ལ། རྒྱུ་ཐབས་ཤེས་ཟུང་དུ་འབྲེལ་བའི་ཆོས་རྣམ་པར་དག་པ་བྱེད་དགོས་པ་ལ། དེ་ལྟ་བུའི་ཆོས་བྱེད་པ་ལ། རྟེན་དལ་འབྱོར་མི་ལུས་རྣམ་པར་དག་པ་ཅིག་དགོས་ཏེ། སློབ་སྤྲིང་ལས། བདེར་གཤེགས་ལམ་རྟེན་འགྲོ་བ་འདྲེན་པར་ཆས་གྱུར་པ། །སེམས་ཀྱི་སྟོབས་ཆེན་མི་ཡི་རྙེད་པ་གང་ཡིན་པ། །ལམ་དེ་ལྷ་དང་ཀླུ་ཡིས་མི་རྙེད་ལྷ་མིན་དང་། །མཁའ་ལྡིང་རིགས་འཛིན་མིའ མ་ཅི་དང་ལྟོ་འཕྱེས་མིན། །ཞེས་གསུངས་པ་ལྟར། དེས་ན་ཆོས་སྒྲུབ་པའི་དལ་འབྱོར་གྱི་ལུས་འདི་ཤིན་ཏུ་རྙེད་པར་དཀའ་ལ། བདག་གིས་ད་རེས་དལ་འབྱོར་ཐོབ་པ་འདི། དོན་མེད་དུ་མི་འགྱུར་བར་ཆོས་རྣམ་པར་དག་པ་ཅིག་བྱེད་དགོས་སོ་སྙམ་དུ་བསྒོམ་མོ།། དལ་འབྱོར་རྙེད་པར་དཀའ་བ་ཅི་སྟེ་སྙམ་ན། འདི་ལ་བཞི་སྟེ། རྒྱུའི་སྒོ་ནས། ངོ་བོའི་སྒོ་ནས། གྲངས་ཀྱི་སྒོ་ནས། དཔེའི་སྒོ་ནས་རྙེད་པ་དཀའ་བ་དང་བཞིའོ། །དང་པོ་ནི་དམ་པའི་ཆོས་བསྒྲུབ་པའི་རྟེན་དལ་འབྱོར་གྱི་མི་ལུས་འདི་ཐོབ་པ་ལ། རྒྱུ་ཆོས་རྣམ་པར་དག་པ་ཅིག་བྱེད་དགོས་ཏེ། ཞི་བ་ལྷས། དགེ་བ་དག་ཀྱང་མ་བྱས་ཤིང་། །སྡིག་པ་དག་ཀྱང་ཉེར་བསགས་ན། །བསྐལ་པ་བྱེ་བ་བརྒྱར་ཡང་ནི། །བདེ་འགྲོའི་སྒྲ་ཡང་ཐོས་མི་འགྱུར།༑ །ཞེས་པས། དགེ་བ་མ་སྤྱད་ཅིང་སྡིག་པ་བསགས་ན། དལ་འབྱོར་ཐོབ་པ་ལྟ་ཅི་སྨོས། བདེ་འགྲོ་ཞེས་པའི་སྒྲ་ཙམ་ཡང་ཐོས་པར་དཀའ་བའི་ཕྱིར་རོ། །དེས་ན་སེམས་ཅན་གྱི་བྱེད་ཚུལ་ལ་བརྟགས་ནས། ཆོས་དང་ཆོས་མིན་ཕྱེད་པའི་བློས་དཔྱད་ན། ཆོས་རྣམ་པར་དག་པ་ཤིན་ཏུ་ཉུང་བས། འབྲས་བུ་དལ་འབྱོར་ཐོབ་པ་ཤིན་ཏུ་དཀའ་འོ།། གཉིས་པ་ངོ་བོའི་སྒོ་ནས་རྙེད་པར་དཀའ་བ་བསམ་པ་ནི། འོ་ན་དལ་འབྱོར་ཞེས་བྱ་བ་ཅི་ལྟ་བུ་ཞིག་ལ་ཟེར་ཞེ་ན། དལ་བ་བརྒྱད་འབྱོར་བ་བཅུ་སྟེ། ཆོས་བཅོ་བརྒྱད་ཚང་བའི་ལུས་གཅིག་ལ་ཟེར་བ་ཡིན་ནོ། །དེ་ལ་དལ་བ་བརྒྱད་ནི། མི་མ་ཡིན་པས་བསྡུས་པའི་མི་ཁོམ་པ་བཞི་དང་། མིའི་འགྲོ་བ་བས་བསྡུས་པའི་མི་ཁོམ་པ་བཞི་དང་། མི་ཁོམ་པ་བརྒྱད་སྤོང་བའོ། །མི་མ་ཡིན་པས་བསྡུས་པའི་མི་ཁོམ་པ་བཞི་ནི། ངན་སོང་གསུམ་དང་ལྷ་ཚེ་རིང་པོའོ། །ངན་སོང་གསུམ་ནི་ཕལ་ཆེར་ལ་ཆོས་ཀྱི་སྒྲ་ཡང་མི་གྲགས་ལ། ངན་སོང་གི་སྡུག་བསྔལ་ཤིན་ཏུ་དྲག་པོས་གཟིར་བས། སྡུག་བསྔལ་གྱི་ཁ་ཁྱེར་འབའ་ཞིག་ལ་སོང་ནས། ཆོས་སྒྲུབ་ཏུ་མི་ཁོམ་མོ། །ལྷ་ཚེ་རིང་པོ་ནི་མངོན་པའི་ང་རྒྱལ་ཤས་ཆེ་ཞིང་། འགལ་རྐྱེན་ལོག་ལྟ་སྐྱེ་བའི་གནས་ཡིན་པས། ཆོས་སྒྲུབ་ཏུ་མི་ཁོམ་མོ། །མིའི་འགྲོ་བ་བས་བསྡུས་པའི་མི་ཁོམ་པ་བཞི་ནི། མིར་སྐྱེས་ཀྱང་ཀླ་ཀློ་དང་། སངས་རྒྱས་མ་བྱོན་པའི་འཇིག་རྟེན་གྱི་ཁམས་སུ་སྐྱེས་པ་དང་། ལོག་ལྟ་སྐྱེས་པ་དང་། ལྐུག་པ་རྣམས་ནི་ཆོས་སྒྲུབ་ཏུ་མི་ཁོམ་མོ། །དེ་ལ་ཀླ་ཀློ་ནི། ཆོས་ཀྱི་སྒྲ་ཡང་མི་གྲགས་ལ། མ་བག་མར་ལེན་པ་ལ་སོགས་པ་ཆོས་དང་འགལ་བའི་ཐ་སྙད་ཕྱིན་ཅི་ལོག་པ་སྤྱོད་པའོ། །སངས་རྒྱས་མ་བྱོན་པའི་འཇིག་རྟེན་གྱི་ཁམས་སུ་སྒྲུབ་རྒྱུའི་སངས་རྒྱས་ཀྱི་གསུངས་པའི་ཆོས་མེད་པའོ། །ལོག་པར་ལྟ་བས་ནི། ཆོས་ཀྱི་རྩ་བ་གཅོད་པའོ། །ལྐུག་པ་ནི་དབང་པོ་ཉམས་སྟེ། དེ་ཡང་ཡིད་ཀྱི་དབང་པོ་ཉམས་པས་ཆོས་དང་ཆོས་མིན་པའི་རྣམ་དབྱེ་ལ་རྨོངས་པས་ཆོས་ཀྱི་ཐ་སྙད་ལས་འདས་པའོ། །དེ་ཉིད་ཀྱི་ཕྱིར་ན། མི་ཁོམ་པ་བརྒྱད་ལས་ཐར་པ་ནི་ཤིན་ཏུ་དཀའ་སྟེ། རིགས་དྲུག་གི་འགྲོ་བ་ཕལ་ཆེར་འདི་ཉིད་ཀྱི་ནང་དུ་འདྲ་བའི་ཕྱིར་རོ།། འབྱོར་བ་བཅུ་ནི། གཞན་འབྱོར་ལྔ། རང་འབྱོར་ལྔ་སྟེ་བཅུའོ། །དང་པོ་ནི། སངས་རྒྱས་འཇིག་རྟེན་དུ་བྱོན་པ་དེས་ཆོས་གསུངས་པ། བསྟན་པ་གནས་པ། བསྟན་པའི་རྗེས་སུ་གཞན་འཇུག་པ་ཡོད་པ། གཞན་གྱི་ཕྱིར་སྙིང་བརྩེ་བ་ཡོད་པའོ། །གཉིས་པ་ནི། རང་ཉིད་མིར་སྐྱེས་པ། ཡུལ་དབུས་སུ་སྐྱེས་པ། ལས་ཀྱི་མཐའ་མ་ལོག་པ། དབང་པོ་ཚང་བ། གནས་ལ་དད་པའོ། །དེ་ལ་སངས་རྒྱས་འཇིག་རྟེན་དུ་བྱོན་པ་དཀོན་ཏེ། སྤྱིར་སངས་རྒྱས་བྱོན་པའི་བསྐལ་བ་ལ་སྒྲོན་བསྐལ་དང༌། སངས་རྒྱས་མ་བྱོན་པའི་བསྐལ་པ་ལ་མུན་པའི་བསྐལ་པ་ཞེས་བྱ་ལ། དེང་སང་གི་བསྐལ་པ་འདི་ལ་སངས་རྒྱས་སྟོང་བྱོན་པས་སྒྲོན་མའི་བསྐལ་པ་བཟང་པོ་ཞེས་ཟེར་རོ། །དེའི་རྗེས་སུ་མུན་པའི་བསྐལ་པ་དྲུག་ཅུ། དེའི་རྗེས་སུ་ཡོན་ཏན་བཀོད་པ་ཞེས་བྱ་བའི་སྒྲོན་མེའི་བསྐལ་པ་གཅིག དེའི་རྗེས་སུ་མུན་པའི་བསྐལ་པ་ཁྲི། དེའི་རྗེས་སུ་བསྐལ་པ་སྙན་པ་ཆེན་པོ་ཞེས་བྱ་བ་སྒྲོན་བསྐལ་གཅིག དེའི་རྗེས་སུ་མུན་བསྐལ་སུམ་བརྒྱ། དེའི་རྗེས་སུ་དཔེ་སྐར་མ་ལྟ་བུ་ཞེས་བྱ་བའི་སྒྲོན་བསྐལ་གཅིག་འབྱུང་བར་གསུང་སྟེ། དེ་ལྟར་ན་སྒྲོན་བསྐལ་བཞིའི་རིང་ལ་མུན་བསྐལ་ཁྲི་སུམ་བརྒྱ་དྲུག་ཅུ་འབྱུང་བར་གསུངས་པ་དང་། སྒྲོན་བསྐལ་ཡང་། སྐྱེས་བུའི་ཚེ་ཡར་འཕེལ་བ་དང༌། མར་འགྲིབ་པ་གཉིས་ལས། ཡར་འཕེལ་བ་ལ་སངས་རྒྱས་མི་འབྱོན་པར་གསུངས་པའི་ཕྱིར་རོ།། དེ་ལྟར་ཡང་སོ་སོར་ཐར་པའི་མདོ་ལས། སངས་རྒྱས་འཇིག་རྟེན་བྱོན་པ་བརྒྱ་ལམ་དེ། །ཞེས་དང༌། རྣམ་སྣང་མངོན་བྱང་ལས། འཇིག་རྟེན་དུ་ནི་ཀུན་མཁྱེན་དག །ཨུ་དུམ་ཝ་རའི་མེ་ཏོག་བཞིན། །རྒྱ་ལམ་ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ་།༦ །ཞེས་གསུངས་སོ། །དེས་ཆོས་གསུངས་པ་ཡང་དཀོན་ཏེ། །སྟོན་པ་མངོན་པར་རྫོགས་པར་སངས་རྒྱས་ནས་ནི། ལན་མང་དུ་ཆོས་ཀྱི་འཁོར་ལོ་བསྐོར་བར་གསོལ་བ་གདབ་དགོས་པར་བཤད་པའི་ཕྱིར་རོ། །བསྟན་པ་གནས་པ་ཡང་དཀོན་ཏེ། །བསྐལ་པ་བཟང་པོ་འདི་ལ་ཡང་། བཅོམ་ལྡན་འདས་འཁོར་བ་འཇིག་གི་བསྟན་པ་རྫོགས་ནས། བཅོམ་ལྡན་འདས་གསེར་ཐུབ་ཀྱི་བསྟན་པ་འབྱུང་བའི་བར་ལ། ཡུན་ཤིན་ཏུ་རིང་བར་བསྟན་པ་གནས་པ་མེད་པ་དང༌། དེ་བཞིན་དུ་སངས་རྒྱས་དང་པོའི་བསྟན་པ་རྫོགས་ནས་ཕྱི་མའི་བསྟན་པ་མ་ཤར་བར་ལ། བསྟན་པ་མེད་པ་ཁོ་ན་ཡིན་པས། དུས་ཕལ་ཆེར་བསྟན་པ་མི་གནས་པ་ཉིད་ཀྱི་འདའ་བའི་ཕྱིར་རོ། །བསྟན་པའི་རྗེས་སུ་གཞན་འཇུག་པའང་དཀོན་ཏེ། སངས་རྒྱས་ཀྱི་བསྟན་པ་ལ་དད་ནས་བསྟན་པའི་སྒོར་ཞུགས་པར་བསྒོམ་པ་ཀུན་ཀྱང་། སངས་རྒྱས་ཀྱིས་གསུངས་པའི་སྡེ་སྣོད་གསུམ་རྒྱུད་སྡེ་བཞི་དང་། དེ་དག་གི་དགོངས་འགྲེལ། བསྟན་བཅོས་ཚད་མ་རྣམས་ཀྱི་མིང་ཙམ་ཡང་མ་ཐོས་པར་དེ་དག་གི་དགོངས་པ་དང་མི་མཐུན་པའི་བླུན་པོ་དག་གིས་སྦྱར་བའི་ཚིག་ལ་ཐོས་བསམ་སྒོམ་གསུམ་བྱེད་པ་མང་ཞིང་། བསྟན་པ་རྣལ་མ་ལ་ཐོས་བསམ་སྒོམ་གསུམ་བྱེད་པ་ཤིན་ཏུ་ཉུང་བར་སྣང་བའི་ཕྱིར་རོ། །གཞན་གྱི་ཕྱིར་སྙིང་བརྩེ་བ་ཡང་ཉུང་སྟེ། ཆོས་རྗེ་ས་སྐྱ་པཎྜི་ཏས། སྡོམ་བརྩོན་ཕལ་ཆེར་བཀུར་བ་ཉུང༌། །བཀུར་བ་དེ་དག་སྡོམ་བརྩོན་ཉུང་། །སྦྱིན་བདག་ཆོས་ལ་དད་པ་ཉུང་། །དད་པ་ཅན་གྱིས་མཆོད་བྱ་དམན། །མཆོད་པ་དེ་དག་ལོག་འཚོའི་རྒྱུ། །གལ་ཏེ་ལོག་འཚོ་མི་ཟ་བའི། །ཆོས་བྱེད་དེ་དག་དམན་དམན་འདྲ། །ཞེས་གསུངས་པ་ལས་མ་འདས་འདུག་པའི་ཕྱིར་རོ།། རང་ཉིད་མིར་སྐྱེས་པ་ཡང་ཤིན་ཏུ་དཀོན་ཏེ། མིར་སྐྱེས་པ་ལ་རྒྱུ་དགེ་བ་རྣམ་པར་དག་པ་གཅིག་བསྒྲུབ་དགོས་ཏེ། དགེ་བ་བསྒྲུབ་པ་ཉུང་བ་གོང་དུ་བཤད་ཟིན་པ་ལྟར་རོ། །ཡུལ་དབུས་སུ་སྐྱེ་བ་ཡང་ཤིན་ཏུ་དཀོན་ཏེ། འཕགས་པ་ཐོག་མེད་ཀྱིས། འཁོར་རྣམ་བཞི་བཞུགས་པ་ལ། ཡུལ་དབུས་སུ་&quot; གསུངས་པས། འཁོར་རྣམ་བཞི་མི་བཞུགས་པའི་ཡུལ་ནི་ནམ་མཁའི་ཁྱོན་ཙམ། འཁོར་རྣམ་བཞི་བཞུགས་པའི་ཡུལ་ནི་ཤིང་རྟའི་འཕང་ལོའི་ཁྱོན་ཙམ་དུ་སྣང་ངོ༌། །ལས་ཀྱི་མཐའ་མ་ལོག་པ་ནི། མཚམས་མེད་ཀྱི་ལས་མ་བྱས་པ་སྟེ། འདི་ཅུང་ཟད་བྱས་པ་ཉུང་ན་ཡང་། འདིས་ཀྱང་ཆོས་ཀྱི་གེགས་བྱེད་པ་ནི་སྣང་ངོ༌། །དབང་པོ་སྐྱོན་མེད་པ་ཚང་བ་ཡང་དཀོན་ནོ། །གནས་ལ་དད་པ་ཡང་དཀོན་ཏེ། སངས་རྒྱས་ཀྱི་གསུངས་པའི་བསླབ་པ་གསུམ་ལ་སོགས་པ་ལ་སྙིང་ནས་དད་པ་ཐོབ་པ་ནི་ཤིན་ཏུ་ཉུང་བར་སྣང་བའི་ཕྱིར་རོ།། དེ་ལ་དལ་འབྱོར་གྱི་ཆོས་བཅོ་བརྒྱད་པོ་རེ་རེ་ནས་ཀྱང་རྙེད་པ་ཤིན་ཏུ་དཀའ་བར་འདུག་ན། ཐམས་ཅད་ལུས་གཅིག་གི་སྟེང་དུ་ཚང་བ་ནི་ཤིན་ཏུ་དཀོན་པ་ལས་འོས་མི་འདུག་ཅིང་། ཆོས་བཅོ་བརྒྱད་པོ་གང་ཡང་རུང་བ་ཅིག་མ་ཚང་ནའང་། དལ་འབྱོར་གྱི་ལུས་སུ་མི་འགྲོ་སྟེ། དཔེར་ན་རྒྱ་གར་རྡོ་རྗེ་གདན་ན་ཡོད་པའི་མུ་སྟེགས་བྱེད། ལས་རྒྱུ་འབྲས་ཁས་ལེན་པ་འབའ་ཞིག་ལ། དལ་འབྱོར་གྱི་ཆོས་བཅུ་བདུན་ཚང་ཡང་། རང་འབྱོར་ལྔའི་གནས་ལ་དད་པ་མ་ཚང་བས་དལ་འབྱོར་གྱི་ལུས་ལས་འདས་པའོ། །དེ་ལྟར་ཡང་སྡོང་པོ་བཀོད་པའི་མདོ་ལས། མིར་འགྱུར་བ་ཡང་རྙེད་པར་དཀའ། །དལ་བ་ཕུན་སུམ་ཚོགས་པ་ཡང་རྙེད་པར་དཀའ། །ཞེས་དང་། ཞི་བ་ལྷས། དལ་འབྱོར་འདི་ནི་རྙེད་པ་ཤིན་ཏུ་དཀའ།་།ཞེས་གསུངས་སོ། །དེས་ན་རང་རེའི་ད་རེས་ཀྱི་ལུས་འདི་ལ་ནི། དལ་འབྱོར་གྱི་ཆོས་བཅོ་བརྒྱད་པོ་ཚང་དུ་རུང་ཙམ་དུ་འདུག་ན། དེ་ཆུད་མ་ཟོས་པར་བྱས་ལ། ཅི་ནས་ཀྱང་དམ་པའི་ཆོས་གཅིག་བྱ་དགོས་སྙམ་དུ་རྐང་གི་ཁོང་རུས་པའི་གཏིང་ནས་བསྒོམ་པའོ།། གསུམ་པ་གྲངས་ཀྱི་སྒོ་ནས་རྙེད་པར་དཀའ་བ་ནི། དལ་འབྱོར་ཐོབ་པ་དེ་ཙམ་དུ་མི་དཀའ་ཡི། མི་མང་པོ་འདུག་པ་སྙམ་ན། དེ་ནི་བློ་རྣལ་དུ་ཕབ་པའི་སྒོ་ནས་བརྟགས་དཔྱད་མ་བྱས་པས་ཡིན་ཏེ། སྤྱིར་སེམས་ཅན་གྱི་ཁམས་ལ་བརྟགས་ན། དལ་འབྱོར་གྱི་ལུས་ཐོབ་པ་ལྟ་སྨོས་ཀྱང་ཅི་དགོས། ལུས་ལོངས་ཙམ་ཡང་ཤིན་ཏུ་རྙེད་དཀའ་སྟེ། བྱང་ཆུབ་སེམས་དཔའི་སྡེ་སྣོད་ལས། ཐམས་ཅད་མཁྱེན་པའི་ཡེ་ཤེས་ཀྱི་གཟིགས། གཞན་གྱིས་མི་མཐོང་བའི་སེམས་ཅན་གྱི་གྲངས་འཇིག་རྟེན་གྱི་རྡུལ་ཕྲ་རབ་ལས་ཀྱང་མང་བ་ཡོད་པར་གསུངས་པ་དང་། བར་དོའི་སེམས་ཅན་གཅིག་པོའི་དབང་དུ་བྱས་ནའང་། ལུས་ལོངས་པའི་སེམས་ཅན་ལས་མ་ལོངས་བ་མང་པོ་ཡོད་པར་མངོན་ཏེ། སོས་ཀ་ལྟ་བུ་སེམས་ཅན་གཅིག་ཤི་བའི་རོ་ཞག་གསུམ་གྱི་བར་དུ་བཞག་ན། དེ་ཉིད་ལ་འབུ་བསམ་གྱིས་མི་ཁྱབ་པ་འབྱུང་ཞིང་། དེ་བཞིན་དུ་རོ་ཅི་སྙེད་ཅིག་ཡོད་ཀྱང་། དེ་སྙེད་ཀྱི་འབུ་དང་ལྡན་པ་མཐོང་ནས། འབུར་བའི་བར་དོ་ཡང་དེ་ཙམ་ན་འགྲོ་བ་གཞན་དུ་སྐྱེ་བའི་བར་དོ་ཡང་དེ་ཉིད་ལས་མ་འདས་སོ། །དེ་ལྟར་ན་བར་དོ་ཤིན་ཏུ་ཡུན་རིང་པོར་གནས་སོ། །ཞེས་པའང་དོན་ལ་གནས་པར་མངོན་ནོ། །ལུས་ཐོབ་པའི་སེམས་ཅན་ཡང་འགྲོ་བ་གཞན་ཀ་མང་གི། མིའི་ལུས་ཀ་ཉུང་སྟེ། འདུལ་བ་ལུང་ལས། མཐོ་རིས་ནས་ངན་སོང་དུ་འགྲོ་བ་ནི་ས་ཆེན་པོའི་རྡུལ་ཙམ། མཐོ་རིས་ནས་མཐོ་རིས་སུ་འགྲོ་བ་ནི་སེན་མོའི་སྟེང་གི་རྡུལ་ཙམ། ངན་སོང་ནས་མཐོ་རིས་སུ་འགྲོ་བ་ནི་སེན་མོའི་སྟེང་གི་རྡུལ་ཙམ། གཞན་དུད་འགྲོ་ནི་ཆང་ངར་མའི་སྦྲང་མ་ཙམ། ཡི་དྭགས་ནི་ཁ་བ་བུ་ཡུག་འཚུབས་པ་ཙམ། དམྱལ་བ་ནི་ས་ཆེན་པོའི་རྡུལ་ཙམ་ཡོད་པར་༡༠ གསུངས་སོ།། དེས་ན་འགྲོ་བ་གཞན་ལ་ལྟོས་ན་མི་ལུས་ཐོབ་པ་མེད་པའི་ཚོད་ཙམ་ཡིན་ལ། རང་གིས་མཐོང་བའི་ཁ་ཐོར་བའི་དུད་འགྲོ་ལ་བལྟས་ནས་ཀྱང་མི་ལུས་ཐོབ་མི་སྲིད་པའི་ཚོད་ཙམ་དུ་འདུག་སྟེ། ནམ་ཟླ་དབྱར་ཁ་ལྟ་བུའི་སྲོག་ཆགས་ཕྲ་མོའི་རིགས་ལ་ལྟས་ན། བློའི་ཡུལ་ལས་འདས་པ་ལྟ་བུར་སྣང་ཞིང་། སེམས་ཅན་གྱི་རིགས་རེ་རེའི་གྲངས་ལ་བསམ་གྱིས་མི་ཁྱབ་པ་མངོན་སུམ་དུ་མཐོང་བས་སོ།། མིའི་ནང་ནས་ཀྱང་། དལ་འབྱོར་གྱི་ལུས་རྙེད་པར་དཀོན་པ་ནི། ངོ་བོའི་སྒོ་ནས་རྙེད་པར་དཀའ་བའི་རྒྱུ་མཚན་ལ་བསམ་པས་ཤེས་སོ། །དེས་ན་སེམས་ཅན་གྱི་གྲངས་དེ་རྙེད་ཀྱི་ནང་ནས། དལ་འབྱོར་གྱི་ལུས་ཐོབ་པ་མི་སྲིད་པ་ཅིག་ཐོབ་པ་འདི་ཆུད་མ་ཟོས་པར་བྱས་ལ། ཆོས་རྣམ་དག་ཅིག་བྱ་དགོས་སྙམ་དུ་བསམ་མོ།། བཞི་པ་དཔེའི་སྒོ་ནས་རྙེད་པར་དཀའ་བ་ནི། ཞི་བ་ལྷས། དེ་ཉིད་ཕྱིར་ན་བཅོམ་ལྡན་གྱིས། །རྒྱ་མཚོར་ཆེར་གཡེང་གཉའ་ཤིང་གི །བུ་གར་རུས་སྦལ་མགྲིན་ཆུད་ལྟར། །མི་ཉིད་ཤིན་ཏུ་རྙེད་དཀར་གསུངས།༡༡ །ཞེས་བཤད་པས། དཔེར་ན་ཡོངས་སུ་བརྟགས་པ་ཉེ་བར་བཟུང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྒྱ་མཚོ་ཆེན་པོ་གཅིག་ཏུ་གྱུར་ཏེ། དེའི་ཁ་ན་གཉའ་ཤིང་བུ་ག་གཅིག་པ་གཅིག་ཡོད་ལ་རྒྱ་མཚོའི་ནང་ན་རུས་སྦལ་མིག་ཡ་ཞར་པ་གཅིག་ཡོད་ལ། དེ་ལོ་བརྒྱ་ན་རྒྱ་མཚོའི་སྟེང་དུ་མགོ་ཉུག་པ་ཙམ་རེ་བྱེད་པ་དེའི་མགྲིན་པ་གཉའ་ཤིང་གི་བུ་གར་ཆུད་པ་སླའམ་སྙམ་ན། ཤིན་ཏུ་ནས་ཀྱང་དཀའ་སྟེ། རྒྱ་མཚོ་ཆེན་པོ་ནི་ཁ་ཡངས་ཤིང་གཏིང་ཟབ་ལ། གཉའ་ཤིང་བུ་ག་གཅིག་ལས་མེད་ལ། རུས་སྦལ་ཡང་ལོ་བརྒྱ་ནས་ལན་རེ་ལས་རྒྱ་མཚོའི་སྟེང་དུ་མི་འབྱུང་ལ། གཉའ་ཤིང་ཡང་ས་གཅིག་ཏུ་མི་གནས་ཏེ། རླུང་གིས་བདས་པའི་ཕྱོགས་སུ་འགྲོ་བས། རུས་སྦལ་ཤར་ནས་བྱུང་ན་ནུབ་ཏུ་བདས་པ་སོགས་སྲིད་པ་དང་། དེ་གཉིས་འགྲིགས་པ་ཤིན་ཏུ་དཀའ་ན། དུས་ཅུང་ཟད་ཙམ་གྱིས་སྔ་ཕྱི་ཞུགས་པ་དང༌། ཕྱོགས་ཁྲུ་གང་ཙམ་འཛོལ་ནའང་མི་ཆུད་པས་ཤིན་ཏུ་དུས་དང་ཕྱོགས་འཛོལ་བ་ནི་ཤིན་ཏུ་སླའོ། །དཔེ་དེ་བཞིན་དུ་མི་ལུས་ཐོབ་པའི་རྟེན་འབྲེལ་ཅུང་ཟད་ཅིག་འཛོལ་ན། དལ་འབྱོར་གྱི་མི་ལུས་མི་ཐོབ་ལ། རྟེན་འབྲེལ་འཆུག་པ་ཤིན་ཏུ་སླ་སྟེ། རང་གི་རྒྱུད་ལ་འགྲོ་བ་གཞན་དུ་སྐྱེ་བའི་བག་ཆགས་ནི་རྒྱ་མཚོའི་ཆུ་བས་ཀྱང་མང་ལ། དལ་འབྱོར་གྱི་ལུས་ཐོབ་པའི་བག་ཆགས་ནི། གཉའ་ཤིང་གི་བུ་ག་ཙམ་དུ་ཟད་དོ། །བག་ཆགས་སད་བྱེད་ཀྱི་རྐྱེན་ཡང་། འགྲོ་བ་གཞན་དུ་སྐྱེ་བའི་རྐྱེན་མང་གི་མིར་སྐྱེ་བའི་བག་ཆགས་ཉུང་བས་སོ། །རྣམ་རྟོག་གི་འགྱུར་ལྡོག་ཅུང་ཟད་ཙམ་གྱིས་ཀྱང་མིར་སྐྱེ་བའི་བག་ཆགས་ལ་གེགས་བྱེད་པར་ནུས་པའོ། །དེ་བཞིན་དུ་དཔེ་གཞན་གྱི་སྒོ་ནས་ཀྱང་རྙེད་པར་དཀའ་བ་ངེས་པར་བྱས་ཏེ། དལ་འབྱོར་གྱི་ལུས་ལ་སྙིང་པོ་ལེན་འདོད་ཀྱི་བློ་བཅོས་མ་མ་ཡིན་པ་རྒྱུད་ལ་སྐྱེད་པར་བྱའོ།། དེ་ལྟར་རྒྱུ་མཚན་བཞིའི་སྒོ་ནས་བསམས་ནས་དལ་འབྱོར་གྱི་ལུས་འདི་ཤིན་ཏུ་རྙེད་པར་དཀའ་བ་འདུག་མོད། རྙེད་པ་ལ་ཕན་ཡོན་ཅི་ཡོད་སྙམ་ན། ཕན་ཡོན་ཤིན་ཏུ་ཆེ་སྟེ། དལ་འབྱོར་གྱི་ལུས་ལ་བརྟེན་ནས་འཁོར་བ་སྡུག་བསྔལ་གྱི་རྒྱ་མཚོ་ལས་སྒྲོལ་བར་ནུས་སོ། །མངོན་མཐོ་ལྷ་མིའི་ཕུན་སུམ་ཚོགས་པ་འདི་ལ་བརྟེན་ནས་བསྒྲུབ་ནུས། ངེས་པར་ལེགས་པ་ཉན་རང་གི་བྱང་ཆུབ་ཀྱང་བསྒྲུབ་ནུས། མཐར་ཐུག་རྫོགས་པའི་སངས་རྒྱས་ཀྱི་གོ་འཕང་ཀྱང་འདི་ལ་བརྟེན་ནས་བསྒྲུབ་ནུས་པས། དལ་འབྱོར་གྱི་ལུས་ལ་བརྟེན་ནས་གནས་སྐབས་དང་། མཐར་ཐུག་གི་བདེ་ལེགས་ཐམས་ཅད་བསྒྲུབ་པར་ནུས་པས་ཤིན་ཏུ་ཕན་ཡོན་ཆེ་སྟེ། ཞི་བ་ལྷས། མི་ཡི་གྲུ་ལ་བརྟེན་ནས་ནི། །སྡུག་བསྔལ་ཆུ་བོ་ཆེ་ལས་སྒྲོལ། །གྲུ་འདི་ཕྱི་ནས་རྙེད་དཀའ་བས། །རྨོངས་པ་དུས་སུ་གཉིད་མ་ལོག༡༢ །ཅེས་དང༌། སློབ་སྤྲིངས་ལས། གང་ཞིག་ཐོབ་ན་སྐྱེ་བའི་རྒྱ་མཚོ་མཐར་ཕྱིར་ཅིང་། །བྱང་ཆུབ་མཆོག་གི་དགེ་བའི་ས་བོན་འདེབས་བྱེད་ན། །ཡིད་བཞིན་ནོར་བུ་བས་ཀྱང་ཡོན་ཏན་ཆེས་ལྷག་པའི། །མི་ཉིད་དེ་ནི་སུ་ཞིག་འབྲས་བུ་མེད་པར་བྱེད།༡ ༣ །ཅེས་གསུངས་སོ།། གཞན་ལྷའི་ལུས་ལ་སོགས་པ་ནི། རྒྱུ་དགེ་བ་བསམ་གྱིས་མི་ཁྱབ་པའི་འབྲས་བུ་ཡིན་པས། ལུས་རང་གི་ངོ་བོ་ཁྱད་པར་དུ་འཕགས་པ་ཡིན་ཀྱང་། དེ་ལ་བརྟེན་ནས་དལ་འབྱོར་གྱི་ལུས་ཀྱི་ཕན་ཡོན་ཙམ་འབྱུང་བ་མེད་དོ། །དེས་ན་སེམས་ཅན་གྱི་ལུས་ལ་དལ་འབྱོར་གྱི་ལུས་འདི་ལས་ཕན་ཡོན་ཆེ་བ་མི་འདུག་པས། རྙེད་པར་དཀའ་ལ་ཕན་ཡོན་ཆེ་བའི་ལུས་འདི་སྐད་ཅིག་ཀྱང་ཆུད་མ་ཟོས་པ་བྱེད་དགོས་ཏེ། དལ་འབྱོར་གྱི་ལུས་འདི་ད་རེས་ཡོད་ན་ད་རེས་ཡོད། ད་རེས་མེད་ན་ད་རེས་མེད་དུ་འདུག་པས་ལུས་འདི་ལ་བརྟེན་ནས་གཏན་གྱི་མདུན་མའི་བར་ཅི་ཟིན་གཅིག་ལྟ་དགོས་སྙམ་དུ་བསམ་མོ། །དལ་འབྱོར་གྱི་ལུས་ལ་བརྟེན་ནས་ཚེ་འདིའི་མདུན་མ་བསྒྲུབ་པས་སྙིང་པོ་ལོངས་པར་མི་འགྱུར་བ་སོགས་གསུང་བགྲོས་མ་བཞིན་ནོ།༡༤ །དལ་འབྱོར་རྙེད་པར་དཀའ་བ་བསྟན་ཟིན་ཏོ།། གཉིས་པ་འཆི་བ་མི་རྟག་པ་བསམ་པ། གཉིས་པ་འཆི་བ་མི་རྟག་པ་བསམ་པ་ནི། དལ་འབྱོར་གྱི་ལུས་ལ་བརྟེན་ནས་ཆོས་རྣམ་དག་ཅིག་བྱེད་དགོས་པར་འདུག་མོད། སོས་དལ་དང་ལོང་ཡོད་ཀྱིས་བྱས་པས་ཆོག་གམ་སྙམ་ན། བརྩོན་འགྲུས་དང་བརྟུལ་ཞུགས་དྲག་པོས་ད་ལྟ་ཉིད་དུ་འབད་དགོས་ཏེ། མྱུར་དུ་འཆི་བས་སོ། །དེ་ལ་གསུམ། ངེས་པར་འཆི་བ་བསམ་པ། ནམ་འཆི་ངེས་པ་མེད་པ་བསམ་པ། འཆི་བ་ལ་ཆོས་མ་ཡིན་པ་གང་གིས་ཀྱང་མི་ཕན་པར་བསམ་མོ།། ངེས་པར་འཆི་བ་བསམ་པ། དང་པོ་ནི། རིན་པོ་ཆེ་བསོད་ནམས་གྲགས་པའི་ཞལ་ནས། ད་ལྟ་མི་ཀུན་གྲོས་བྱེད་ཙ་ན། འཆི་ན་མ་གཏོགས་མ་ཤི་ན་འདི་བྱེད་ཟེར་ཏེ། དེ་གྲོས་རྩ་བ་ནས་ནོར། འོང་ངེས་ཤེས་པའི་འཆི་བ་ཁོ། གྲོས་ཁོག་ཏུ་འཇུག་དགོས་༡༥ གསུངས། དེ་ལ་ཆོས་རྗེ་སེམས་དཔའ་ཆེན་པོའི་ཞལ་ནས། དེ་ཤིན་ཏུ་མད་འཆི་བ་ཁོ་འོང་ངེས་ཤེས་པ་ཡིན་༡༦ ཞེས་གསུངས་སོ། །དེ་ལ་འཆི་ན་མ་གཏོགས་འདི་བྱེད་ཅེས་འཆི་བ་གྲོས་ཁོག་ཏུ་བཅུག་པ་འདི་ཀ་ཡིན་མོད་སྙམ་ན། དེ་ལ་འཆི་བ་གྲོས་ཁོག་ཏུ་བཅུག་པ་བྱ་བ་ནི། འཆི་བ་ཁོ་འོང་ངེས་ཤེས་པར་འདུག་པས། ང་འཆི་བའི་གདེང་དང་ལྡན་པའི་འཆི་ལུགས་འདི་ལྟ་བུ་གཅིག་ཡོང་བ་བྱ་དགོས་སྙམ་པས་ད་ལྟ་ནས་འཆི་ལུགས་བཟང་པོ་ཅིག་གྲབས་སུ་འཇུག་པ་ལ་ཟེར་བ་ཡིན་ནོ།། སྤྱིར་འཆི་བ་མི་རྟག་པ་འདི་ལུང་རིགས་ཀྱིས་སྒྲུབ་མི་དགོས། མངོན་སུམ་དུ་མཐོང་ནའང་དེ་ལ་མི་འཇིགས་པ་འདི་རང་ཐོག་ཏུ་འབྱུང་བ་མ་བསྒོམས་པས་ལན་པ་ཡིན་པས་ད་འདི་ལྟ་བུ་སྒོམ་པར་བྱ་སྟེ། འཆི་བ་ཞེས་བྱ་བ་ཡིན། ད་ལྟ་སྣོད་བཅུད་ཀྱི་སྣང་བ་ཐམས་ཅད་བཀྲ་ལམ་མེ། ཉེ་འབྲེལ་མཛའ་བཤེས་སོགས་དང་ལྷན་ཅིག་ཏུ་ཀྲོང་ངེ་ཟས་གོས་ལ་སོགས་པ་ལ་གསོན་པོར་ལོངས་སྤྱོད་ཅིང་། ཚེ་འདིའི་གཏམ་སྣ་ཚོགས་ནི་ཚེ་འདིར་ཡུན་རིངས་བསྡོད་པའི་གྲབ་ཤོམ་བྱ་བ་སྣ་ཚོགས་བསམ་ཞིང་། མིག་ཡུལ་སྣ་ཚོགས་ལ་ཧྲིག་ཧྲིག་ལྟ་བའི་འཕྲོ་ལ་དེ་མ་ཐག་ཏུ་དེ་ཐམས་ཅད་ཤུལ་དུ་བཞག་ནས་རང་གཅིག་པུ་སྐད་ཅིག་ཙམ་ཡང་བསྡོད་པའི་དབང་མེད་པར་ཚེ་འདིའི་སྣང་བ་ནག་ཐིབས་ཀྱིས་ནུབ་སྟེ། བདག་གིས་ཀྱང་གཉེན་བཤེས་ལོངས་སྤྱོད་སོགས་རྣ་བས་ཀྱང་མི་ཐོས། དེ་རྣམས་ཀྱིས་ཀྱང་བདག་ཐོས་པ་ཙམ་དུ་མ་གྱུར་པའི་གཏན་གྱེས་ཆེན་པོ་ཅིག་བྱས་ཏེ། རྒྱུས་མེད་པའི་རྒྱལ་ཁམས་ཡ་ང་བར་རང་གཅིག་པུ་ག་ཤེད་དུ་འགྲོ་དགོས་པ་ཡིན་ནོ་སྙམ་དུ་བསྒོམ། དེ་ལྟ་བུ་ནི་འབྱུང་བར་ངེས་ཏེ། ཞི་བ་ལྷས། ཉོན་མོངས་རྒྱ་པས་ཤོར་ནས་ནི། །སྐྱེ་བའི་རྒྱར་ནི་ཚུད་གྱུར་ཅིག །འཆི་བདག་ཁར་ནི་སོན་གྱུར་པ། །ཅི་སྟེ་ད་དུང་མི་ཤེས་སམ།༡༧ །ཞེས་གསུངས་པས། རང་ཉིད་ལས་དང་ཉོན་མོངས་པའི་དབང་གིས་སྐྱེས་འདུག་པས་སོ། །སྐྱེས་ཕན་ཆད་འཆི་བ་ལས་མ་འདས་ཏེ། འདུས་པའི་ཐ་མ་བྲལ་བ་དང་། །བསགས་པའི་ཐ་མ་ཟད་པ་དང༌། །དར་བའི་ཐ་མ་རྒུད་པ་དང་། །སྐྱེས་པའི་ཐ་མ་འཆི་བར་༡༨ གསུངས་པ་དང་། མྱ་ངན་བསལ་པ་ལས། སའམ་འོན་ཏེ་མཐོ་རིས་ན། །སྐྱེས་ནས་ལ་ལ་མ་ཤི་བ། །འགའ་ཞིག་ཁྱོད་ཀྱིས་མཐོ་མཐོང་བའམ། །ཐོས་སམ་འོན་ཏེ་ཐེ་ཚོམ་ཟ།༡༩ །ཞེས་གསུངས་པས། སྟེང་མིའི་འཇིག་རྟེན་དང་། རིས་ལྷ་ཡི་འཇིག་རྟེན་ན། །སྐྱེས་ནས་ལ་ལ་མ་ཤི་བར། །དུས་གཏན་དུ་གནས་པ་འདི་ལྟ་བུ། །ཞེས། འགའ་ཞིག་མཐོང་ངམ། ག་ཤེད་ན་འདུག་གོ །ཞེས་ཡིད་ཆེས་པའི་གཏམ་ལས་ཐོས་སམ། འདི་ལྟ་བུ་མི་འཆི་བ་སྲིད་དམ། སྙམ་པའི་ཐེ་ཚོམ་ཡང་མེད་དོ། །འདི་ལྟ་བུ་མཐོང་རྒྱུ་དང་ཐོས་རྒྱུ་དང༌། ཐེ་ཚོམ་གྱི་གཞི་མེད་པའི་ཕྱིར་ཏེ། འདི་ལྟར་སྐྱེས་པ་ཐམས་ཅད་ཀྱི། །མདུན་ན་གནས་པ་འཆི་བ་ཡིན།༢༠ །ཅེས་དང༌། དང་པོ་མངལ་དུ་ཞུགས་པའི་ནུབ་མོ་ནས། །དེ་ནས་བཟུང་སྟེ་འཇིག་རྟེན་འདི་དག་ནི། །ལམ་དུ་ཞུགས་ནས་ལམ་གཞན་མ་གོལ་བར། །འཆི་བདག་དྲུང་དུ་དེ་ནི་ཉེ་བར་འགྲོ༢༡ །ཞེས་དང་། མའི་མངལ་དུ་ཞུགས་ཙམ་ནས་འཆི་བདག་གི་དྲུང་དུ་འགྲོ་བའི་ལམ་དུ་ཞུགས་ཏེ་ལམ་གཞན་དུ་གོམ་པ་གང་ཡང་མ་གོལ་བར་སྐད་ཅིག་ཀྱང་ངལ་བ་མེད་པར་ཤིན་ཏུ་མྱུར་བར་འགྲོ་བར་གསུངས་པའི་ཕྱིར་རོ། །གཞན་ཡང་ཕྱི་རོལ་གྱི་དགྲ་བོ་སྟོབས་ཀྱིས་བཟློག་པ་སྲིད་ཀྱང་། འཆི་བདག་གི་དགྲ་བོ་སྟོབས་ཀྱིས་བཟློག་པ་མི་སྲིད་དོ། །དཔེར་ན་རི་དྭགས་ཀྱི་རྒྱལ་པོ་སེང་གེ་དེས། གླང་པོ་ཆེ་ལྟ་བུའི་སྟོབས་ཀྱང་ཟིལ་གྱིས་ནོན། སྐད་ཀྱི་ང་རོ་བསྒྲགས་པ་ཙམ་གྱིས་རི་དྭགས་གཞན་རྣམས་ཀྱི་སེམས་སྐྲག་སྟེ། སྐད་ཙམ་ཡང་འབྱིན་མི་ནུས་པའི་སྟོབས་དང་ལྡན་ཡང་། འཆི་བདག་གི་བ་སྤུ་ཙམ་ཡང་བཟློག་མི་ནུས་པར་འཆི་བདག་བྱུང་བའི་ཚེ་རང་གི་སྟོབས་དང་། དྲེགས་པ་ཐམས་ཅད་ཉམས་ནས་འཆི་དགོས་ཏེ། སྐྱེས་རབས་ལས། སེང་གེ་རྣམས་ཀྱང་སེན་མོ་རྣོན་པོ་གླང་ཆེན་གྱིས། །གཟི་བརྗིད་ཟིལ་མནན་སྤྱི་བོར་སྡེར་མོས་དཔྲལ་ཞིང་གཅད། །ང་རོ་དྲག་པོ་བསྒྲགས་པས་གཞན་གྱིས་སེམས་སྐྲག་བྱེད། །གཤིན་རྗེ་འོངས་ནས་མཐུ་དང་དྲེགས་པ་བཅོམ་སྟེ་ཉལ།༢༢ །ཞེས་གསུངས་པས་སོ།། དེ་བཞིན་དུ་ཕྱི་རོལ་དགྲ་བོ། ནོར་གྱིས་བཟློག་པ་སྲིད་ཀྱང་། འཆི་བདག་ནི་ནོར་གྱི་བཟློག་པ་མི་སྲིད། གཞན་ལ་ནོར་གྱི་དངོས་གྲུབ་གཏེར་ནུས་པའི་རྣམ་ཐོས་ཀྱི་བུ་ཡང་ནོར་ཇི་སྙེད་ཡོད་ཀྱང་། རང་ཉིད་འཆི་བ་ལས་མ་འདས་སོ། །གཞན་ཡང་མི་དང་མི་མ་ཡིན་པས་བྱས་པའི་གདོན་འགའ་ཞིག་རིག་སྔགས་དང་སྨན་དང་རྫས་ཀྱིས་བཟློག་པ་སྲིད་ཀྱང་། འཆི་བདག་གི་གདོན་ནི་རིག་སྔགས་དང་སྨན་དང་རྫས་ཀྱིས་བཟློག་པར་མི་ནུས་སྟེ། སྐྱེས་རབས་ལས། ཆོས་འདོད་བརྒྱ་བྱིན་འོངས་པའི་གདོན་དག་དང༌། །རིག་སྔགས་གྲུབ་པ་རྣམས་ཀྱི་གདོན་དག་ཀྱང་། །བཀའ་ཐུབ་དགེ་ལེགས་རྣམས་ཀྱིས་བཟློག་པ་ནུས། །འཆི་བདག་དེ་ནི་བ་ཟློག་པར་ཡོང་མི་ནུས།༢༣ །ཞེས་གསུངས་སོ། །དེ་བཞིན་དུ། ཕྱི་རོལ་གྱི་དགྲ་འགའ་ཞིག་ཐབས་སྣ་ཚོགས་ཀྱི་བཟློག་པ་སྲིད་ཀྱང་། འཆི་བདག་ཐབས་གང་གིས་ཀྱང་བཟློག་པ་མི་སྲིད་དེ། དཔེར་ན་སྒྱུ་མ་མཁན་བཟང་པོས། བཅོམ་ལྡན་འདས་མ་གཏོགས་པའི་འགྲོ་བ་གཞན་ཕལ་པོ་ཆེ་སྒྱུ་མའི་གླུ་བྲིད་ཀྱིས་སླུ་བར་ནུས་ཀྱང་། འཆི་བདག་སླུ་བར་མི་ནུས་པ་བཞིན་ནོ། །དེ་སྐད་དུ་ཡང་། སྐྱེས་རབས་ལས། མང་པོ་འདུས་པའི་དབུས་སུ་བཟང་པོ་ནི། །སྐྱེ་བོ་རྣམས་ཀྱི་མིག་ཀྱང་བསླུ་བར་བྱེད། །གཤིན་རྗེ་འདི་ལ་མཚར་གྱིས་མཐུ་གཅིག་ཡོད། །དེ་དག་གིས་ཀྱང་མིག་བསླུ་ཡོང་མི་ནུས།༢༤ །ཞེས་གསུངས་སོ། །དེས་ན་འཆི་བདག་ལ་ནི་བཟློག་པའི་ཐབས་ཀྱང་མེད་དོ། །གཞན་ཡང་ཕྱི་རོལ་གྱི་དགྲ་ལ་བྲོས་པས་ཐར་བ་དང་། དེ་དག་མེད་པའི་སར་གནས་པའི་ཆོག་པ་སྲིད་ཀྱང་། འཆི་བདག་ལ་ནི་འགྱོགས་པས་བྲོས་ཀྱང་མི་ཐར། དེ་དག་མེད་པའི་སར་ཡང་སླེབ་པ་མེད་དེ། དྲང་སྲོང་ཆེན་པོ་ལྔ་མངོན་ཤེས། །མཁའ་ལ་རིང་དུ་འགྲོ་བ་ཡང་། །གང་དུ་སྤྱོད་ཡུལ་འཆི་མེད་པའི། །གནས་དེར་ཕྱིན་པར་ནུས་མ་ཡིན།༢༥ །ཞེས་དང་། གང་དུ་ཕྱིན་ཀྱང་འཆི་བས་མི་ཚུགས་པའི། །ས་ཕྱོགས་དེ་ནི་ཡོད་པ་མ་ཡིན་ཏེ། །བར་སྣང་ལ་མེད་རྒྱ་མཚོའི་གཏིང་ན་མེད། །རི་བོ་རྣམས་ཀྱི་ཕྲག་ན་ཡོད་མ་ཡིན།༢༦ །ཞེས་གསུངས་སོ། །དེས་ན་བདག་ལ་འཆི་བདག་གི་བདུད་ནི་ཡོད། ཁོ་བདག་གི་སྟེང་དུ་ནི་འོང་དེ་ལས་བཟློག་པའི་ཐབས་ནི་མེད། དེ་ལས་ཐར་བ་ནི་མི་སྲིད་པས། འཆི་བར་ངེས་པ་ལས་མེད་དོ། །ཁ་རག་སྒོམ་ཆུང་གིས། འཆི་བདག་བདུད་ཁོ་མི་སྡོད་ཚུར་ཚུར་འོང་། །དེ་ལ་བྲོས་པའི་ཐབས་ནི་ཅི་ཡང་མེད། །ད་ལྟ་གཉིད་དང་ལེ་ལོའི་དབང་སོང་ན། །ཅི་འདྲའི་དུས་གཅིག་བདག་ལ་ནམ་ཡོང་སོང་ཨང་།༢༧ །ཞེས་སོ། །སྐྱེ་བོ་ཐ་མལ་པ་རྣམས་ལ་འཆི་བ་འོང་ལྟ་ཅི་སྨོས། བྱང་ཆུབ་སེམས་དཔའ་དང་། ཉན་ཐོས་དང་རང་རང་སངས་རྒྱས་རྣམས་ཀྱང་སྐུ་ལུས་སྤོང་དགོས་ཏེ། ཇི་སྐད་དུ། ཅི་སྟེ་རྒྱལ་སྲས་རང་རྒྱལ་དང༌། །སངས་རྒྱས་རྣམས་ཀྱི་ཉན་ཐོས་ཀྱང༌། །སྐུ་ལུས་འདི་ནི་སྤོང་མཛད་ན། །སྐྱེ་བོ་ཐ་མལ་སྨོས་ཅི་དགོས།༢༨ །ཞེས་གསུངས་སོ། །སྐྱེ་བའི་ཕྱིར་ན་ངེས་པར་འཆི་དགོས་ཞེས་ཤེས་པར་བྱ་བའི་ཕྱིར། སྟོན་པ་བཅོམ་ལྡན་འདས་ཀྱིས་ཀྱང་འཁྲུངས་པའི་ཚུལ་བསྟན་པའི་རྗེས་སུ་མྱ་ངན་ལས་འདས་པའི་ཚུལ་བསྟན་པ་ཡིན་ཏེ། དེ་སྐད་དུ་ཡང་། མཚན་དང་དཔེ་བྱད་ཀྱིས་བརྒྱན་པའི། །རྡོ་རྗེའི་སྐུ་ཡང་མི་རྟག་ན། །ཆུ་ཤིང་སྙིང་པོ་ལྟ་བུ་ཡིས། །ལུས་ཅན་རྣམས་ལ་སྨོས་ཅི་དགོས།༢༩ །ཞེས་གསུངས་སོ། །དེས་ན་སྐྱེས་ཕན་ཆད་ངེས་པར་འཆི་དགོས་ཏེ། དཔེན་ན་རྫ་དང་འདྲ་སྟེ། རྫ་དེ་ཡང་བཟོས་ཕན་ཆད་འགའ་ཞིག་འདུལ་ལེགས་པ་དང༌། འཁོལ་ཐབས་ལེགས་པས་ཡུན་རིང་རབས་ཐུབ་ནས་འཆགས་ལ། འགའ་ཞིག་ཉེས་པ་དང་། འཁོལ་མ་བཟོས་པས་མྱུར་དུ་འཆག་ཅིང་། མཐར་ཐམས་ཅད་ཀྱང་འཆག་པ་བཞིན་ནོ།། གཞན་ཡང་དཔེའི་སྒོ་ནས་ཀྱང་མི་རྟག་པ་བསམ་པར་བྱ་སྟེ། དཔེར་ན་གསོད་པར་ངེས་པའི་བཙོན་ར་དང་འདྲ། ལྟག་ཆུ་སྒྱུར་བའི་རྫིང་དང་འདྲ། བཤས་རར་བཅུག་པའི་ལུག་དང་འདྲ། རི་གཟར་པོའི་ཁ་ནས་འབབ་པའི་ཆུ་དང་འདྲ། བྱི་བ་དཀར་ནག་གི་དཔེ་དང་འདྲའོ།། དང་པོ་ནི། དཔེར་ན་གསོད་པར་ངེས་པའི་བཙོན་པ་དེ་བཤན་པའི་ལག་ཏུ་བཅུག་ནས་གསོད་སར་འགྲོ་བའི་ཚེ། གོམ་པ་གང་ཕྱིན་པས་ཀྱང་། འཆི་བ་ལ་ཐག་ཇེ་ཉེ། དོ་ཕྱིན་པས་ཀྱང་འཆི་བ་ལ་ཐག་ཇེ་ཉེ། མཐར་གསོད་ས་དེར་སླེབ་པ་དང་། བཤན་པས་སྦྱར་ཏེ་གསོད་པ་བཞིན་དུ། རང་རེ་རྣམས་ཀྱང་ཉི་མ་གཅིག་སོང་འཆི་བ་ལ་ཐག་ཇེ་ཉེ། གཉིས་སོང་ཇེ་ཉེ། དེ་བཞིན་དུ་འཇིག་རྟེན་གྱི་བྱ་བ་ཡིན་ཡང་། གཅིག་སོང་ཇེ་ཉེ་གཉིས་སོང་ཇེ་ཉེ་སོང་ཨང་སྙམ་དུ་བསམ། ཆོས་ཀྱི་བྱ་བ་ཡིན་ནའང་། སྔགས་ལྟ་བུ་ལ། སྔགས་རྡོག་གཅིག་སོང་འཆི་བ་ལ་ཇེ་ཉེ། གཉིས་སོང་ཇེ་ཉེར་སོང་ཨང་སྙམ་དུ་བསམ་མོ། །དེ་སྐད་དུ་ཡང་། ཆེད་དུ་བརྗོད་པའི་ཚོམས་ལས། དཔེར་ན་གསོད་པར་ངེས་པ་ཞིག །གོམ་པ་གང་དང་གང་བགྲོད་པ། །འཆི་བདག་དྲུང་དུ་བསྙེན་པ་ལྟར། །མི་རྣམས་སྲོག་ཀྱང་དེ་བཞིན་ནོ།༣༠ །ཞེས་གསུངས་སོ།། གཉིས་པ་ནི། དཔེར་ན་རྫོང་ཆུས་གང་བ་དེ། དེར་འབབ་པའི་ཆུ་བཅད་ནས་འོག་ནས་བུ་ག་བཏོལ་ན་ཆུ་དེ་རྡེར་གྱིས་མྱུར་དུ་འཛག་པ་ལྟར། ཚེ་ལའང་ལྟག་ཆུ་ཆད་པ་ལྟར། སྣོན་པ་ནི་མེད། བུ་ག་དོད་པ་དང་འདྲ་བའི་ལོ་དང༌། ཟླ་བ་ཞག་དང་ཟ་མ་ལ་སོགས་པ་སྐད་ཅིག་ཀྱང་མི་དལ་བར་འབྲི་བ་ཡིན་པས། མྱུར་དུ་འཆི་བ་ལས་འོས་མེད་སྙམ་དུ་བསྒོམ། ཞི་བ་ལྷས། ཉིན་མཚན་བསྡོད་པ་ཡོང་མེད་པར། །ཚེ་འདི་རྟག་ཏུ་གོད་འགྱུར་ཏེ། །བསྣོན་པའང་གུད་ནས་འོང་མེད་ན། ། བདག་ལྟ་འཆི་བར་ཅིས་མི་འགྱུར།༣༡ །ཞེས་གསུངས་སོ།། གསུམ་པ་ནི། དཔེར་ན། འབྲོས་ས་མེད་པའི་དང་ར་འགའ་ཞིག་ཏུ་གསད་པར་བྱ་བའི་ལུག་རྣམས་བཅུག་ནས། བཤན་པས་རིམ་གྱིས་གསད་ནས་མཐར་གཅིག་ཀྱང་མི་ལུ ས་པ་ལྟར་རང་རེ་རྣམས་ཀྱང་སྐྱེ་བའི་བཤས་རར་ཆུག འཆི་བདག་གི་བཤན་པས་མཛའ་བཤེས་དང་ཉེ་དུ་སོགས་རིམ་གྱིས་གསོད་པར་མཐོང་ཞིང༌། དེ་རང་ཉིད་ལའང་འོང་བར་ཤེས་བཞིན་དུ། དེ་ལ་མི་འཇིགས་པར་བཟའ་བ་དང་། བཏུང་བ་དང་གཉིད་ལོག་པ་དྲན་པ་ནི་མ་ཧེ་འགའ་ཞིག་བཤན་པས་གསོད་པ་མཐོང་བཞིན་དུ། དེ་མ་ཐག་ཏུ་གསོད་པའི་མ་ཧེ་འགའ་ཞིག་གིས་དེ་ལ་མི་འཇིགས་པར་བཟའ་བཏུང་བྱེད་པ་ཤིན་ཏུ་བླུན་པ་ཡིན་ནོ། །དེ་སྐད་དུ་ཡང་ཞི་བ་ལྷས། རང་སྡེ་རིམ་གྱིས་གསོད་པ་ཡང་། །ཁྱོད་ཀྱིས་མཐོང་པར་མ་གྱུར་ཏམ། །འོན་ཀྱང་གཉིད་ལ་བརྟེན་པ་གང་། །གདོལ་པ་དང་ནི་མ་ཧེ་བཞིན། །ལམ་ནི་ཀུན་ནས་བཀག་ནས་སུ། །འཆི་བདག་གིས་ནི་ལྟ་བཞིན་དུ། །ཇི་ལྟར་ཁྱོད་ནི་ཟ་དགའ་ཞིང་། །འདི་ལྟར་གཉིད་ལོག་ཇི་ལྟར་དགའ།༣༢ །ཞེས་གསུངས་སོ།། བཞི་པ་ནི། དཔེར་ན་རི་གཟར་པོའི་ཁ་ནས་འབབ་པའི་ཆུ་དེ་སྔ་མ་རྣམས་ཕྱི་མས་མ་ཟིན་གྱིས་དོགས་ནས་རྒྱུག་པའི་ཚུལ་དུ་ཤིན་ཏུ་མྱུར་བར་འབབ་པ་ལྟར། ཚེ་ཡང་སྐད་ཅིག་སྔ་མ་རྣམས་ཕྱི་མས་ཟིན་པར་བྱ་བའི་ཕྱིར་མགྱོགས་པར་འགྲོ་བས་མྱུར་དུ་འཛད་དོ། །འོན་ཀྱང་མྱུར་བའི་དཔེ་ཙམ་དུ་ཟད་མོད་ཀྱི། སྐྱེས་བུའི་ཚེ་ཟད་པ་ནི་དེས་འགྲན་པར་མི་ནུས་ཏེ། དཔེར་ན་སྐྱེས་བུ་མདའ་ཤིན་ཏུ་སྐྱེན་པ་ཞིག་གིས། ཕྱོགས་བཞིར་གཅིག་ཆར་དུས་གཅིག་ལ་མདའ་འཕངས་ཏེ། སྐྱེས་བུ་ཡང་རྩལ་ཤིན་ཏུ་ཆེ་བ་གཅིག་གིས་མདའ་བཞི་ཀ་ས་ལ་མ་ལྟུང་བར་འདུས་ན་ཤིན་ཏུ་མགྱོགས་མོད་དེ་བས་ཀྱང་སྐྱེ་བོའི་ཚེ་ཟད་པ་མགྱོགས་སོ་ཞེས་གསུངས་སོ། །རྒྱ་ཆེར་རོལ་པ་ལས། སྲིད་གསུམ་མི་བརྟན་སྟོན་ཀའི་སྤྲིན་དང་འདྲ། །འགྲོ་བའི་སྐྱེ་འཆི་གར་ལ་ལྟ་དང་མཚུངས། །སྐྱེས་བུའི་ཚེ་འགྲོ་ནམ་མཁའི་གློག་འདྲ་སྟེ། །རི་གཟར་འབབ་ཆུ་བཞིན་དུ་མྱུར་མགྱོགས་འགྲོ།༣༣ །ཞེས་གསུངས་སོ།། ལྔ་པ་ནི། གད་གཡང་ཤིན་ཏུ་མཐོ་བ་ཡང་བའི་གད་ལོགས་ན་རྩྭ་ཕུང་གཅིག་ཡོད་ལ། མི་ཞིག་དེར་གཡང་ལ་ལྷུང་སྟེ། ལག་པས་རྩྭའི་ཕུང་པོ་དེ་ཟིན་ལ། རྩྭ་དེ་ལ་བྱི་བ་དཀར་ནག་གཉིས་ཀྱི་རེས་མོས་ཀྱིས་གཅོད་པ་ལ། མི་དེས་རྩྭ་མ་ཟད་གོང་དུ་རྩོལ་བ་བྱས་ན་གད་ཁ་དེར་ཐོན་སྲིད་ལ། རྩ་མ་ཟད་གོང་དུ་ལེ་ལོ་བྱས་ན་རྩ་ཟད་ནས་གཡང་ལ་ལྷུང་སྟེ། འཆི་བ་ལས་མ་འདས་པ་གཅིག་ཡོད་ན། དེ་ལ་ལེ་ལོ་དང༌། སོས་དལ་མི་ཁོམ་ཞིང་། དེ་བྱེད་མི་དྲན་པ་བཞིན་དུ། རང་རེ་རྣམས་ཀྱང་ངན་སོང་གི་གཡང་ལ་ལྷུང་ལ་ཁད། ཚེ་ལྷག་གཅིག་གི་རྩྭ་ཕུང་ཟད་ལ་ཁད་གནས་པ་ལ། ཚེ་ལྷག་ཅུང་ཟད་འདི་ནི་བྱི་བ་དཀར་ནག་དང་འདྲ་བའི་ཉིན་མཚན་གཉིས་ཀྱིས་སྐད་ཅིག་ཀྱང་སྡོད་ས་མེད་པར་གཅོད་པ་འདི་ལ། བརྩོན་འགྲུས་དང་འབད་པ་མ་སྟོན་ན། ཚེ་ལྷག་གི་རྩ་ཕུང་ཟད་ནས་ངན་སོང་གི་གཡང་དུ་ལྷུང་ན༑ གཏན་ཐར་ས་མེད་པ་ལྟ་བུ་འབྱུང་བས་འབད་པ་ཐོན་ཅིག དེ་སྐད་དུ་ཡང་། སློབ་སྤྲིངས་ལས། གལ་ཏེ་ཀླ་ཀློ་དམྱལ་བའི་བསྲུང་དང་སྤྱོད་མཚུངས་སམ། །དུད་འགྲོ་ཕན་ཚུན་ཟ་བར་བྱེད་པའི་ནང་དག་ཏུ། །སྐྱེ་བ་ཐོབ་པར་གྱུར་ན་གང་གི་ཕྱིར་ཡང་ནི། །གཡང་དུ་ལྷུང་བར་གྱུར་པའི་ངང་ཚུལ་དེ་ཉིད་སྟོན། ༣༤ །ཞེས་དང༌། ཞི་བ་ལྷས། ཉིན་མཚན་སྡོད་པ་ཡོད་མེད་པར། །ཚེ་འདིའི་རྟག་ཏུ་གོད་འགྱུར་ཏེ། ༢༥ །ཞེས་སོགས། ཡང་སྐབས་སུ་ཤེས་སྤྲིངས་ལས། ལུས་མཐའ་ཐལ་བ་མཐར་འགྲུལ་མཐར་སྐམ་ཞིང༌། །རྣམ་པར་འཇིག་ངེས་མྱགས་པར་གྱུར་པ་སྟེ། །སོ་སོར་འགྱེས་ཆོས་ཅན་དུ་ཤེས་པར་མཛོད། ༣༦ །ཞེས་གསུངས་པས། འདི་ལྟར་བསམ་སྟེ། ད་ལྟ་བདག་གིས་ལུས་འདི་གཅེས་པར་སྐྱོང་སྟེ། བདག་ཤི་ནས་ལུས་འདི་མེས་བསྲེགས་ཏེ། ཐལ་བར་གྱུར་པ་གཅིག་འོང་ངམ། ས་འོག་ཏུ་སྦས་ཏེ་རུལ་པ་ཅིག་ཡོང་ངམ། གྱང་ལོག་ལ་སྦས་ཏེ་སྐམ་པར་གྱུར་པ་ཅིག་ཡོང་ངམ། ཆུ་ལ་བསྐུར་ཏེ་ཉ་སྲམ་གྱི་ཟའམ། དུར་ཁྲོད་དུ་བོར་ཏེ་བྱ་དང་གཅན་གཟན་ལ་སོགས་པས་ཟོས་ནས་ལྷག་མ་ཙམ་ཡང་མ་ལུས་པར་འགྱུར་བའི་དུས་གཅིག་མྱུར་དུ་འོང་བ་ཡིན་ཨང་སྙམ་དུ་བསམ་མོ།། ཡང་སྐབས་སུ། རྒྱལ་པོ་ལ་གདམས་པའི་མདོ་ལས་༣༧ གསུངས་པ་བཞིན་དུ། རང་ཉེ་དུ་དང་མཛའ་བཤེས་སོགས་དང་ལྷན་ཅིག་ཏུ་འོང་བའི་གཏམ་སྣ་ཚོགས་བྱེད་པའི་ཚེ། ད་ལྟ་ཉེ་དུ་མཛའ་བཤེས་སོགས་དང་ལྷན་ཅིག་ཏུ་གནས་ཏེ། ནམ་ཞིག་གི་ཚེ་འདི་རྣམས་དང་གཏན་གྱེས་བྱེད་པའི་དུས་འོང་ཨང་སྙམ་དུ་བསམ་མོ། །དེ་བཞིན་དུ་ཟས་ཟ་བའི་ཚེ། ད་ལྟ་ང་ཟས་བཟང་པོ་ཟ་སྟེ། ནམ་ཞིག་ན་ཟས་བཟང་པོ་ཟ་མི་ཉན་པར་སྨན་ཁ་བ་རྩུབ་པ་ཟོས་ཀྱང་མི་ཕན་ལ་འཆི་བའི་དུས་གཅིག་འོང་ཨང་སྙམ་པ་དང༌། གོས་བཟང་པོ་གྱོན་པའི་ཚེ། ད་ལྟ་ང་གོས་བཟང་པོ་གྱོན་ཏེ། ནམ་ཞིག་ན་གོས་ངན་ཤོས་དྲི་མ་ཅན་གཅིག་གི་དྲིལ་ནས་བོར་བའི་དུས་འོང་ཨང་སྙམ་པ་དང༌། ཁྲི་སྟན་བཟང་པོ་ལ་འདུག་བའི་ཚེ། ད་ལྟ་བདག་སྟན་བཟང་པོ་འདི་ལྟ་བུ་ལ་འདུག་སྟེ། ནམ་ཞིག་ན་ཤིང་བཞིའི་ཁ་ལ་བཏེག་ནས་འགྲོ་བའི་དུས་གཅིག་འོང་ཨང་སྙམ་པ་དང༌། བཞོན་པ་བཟང་པོ་ཞོན་པའི་ཚེ། ད་ལྟ་བཞོན་པ་བཟང་པོ་འདི་ལྟ་བུ་ལ་ཞོན་ཏེ། ནམ་ཞིག་ན་རོ་ལས་བྱེད་པའི་སྐྱེ་བོ་ངན་པ་ཞིག་གི་ཁུར་འགྲོ་བའི་དུས་གཅིག་འོང་ཨང་སྙམ་པ་དང་། ཁྲུས་བྱེད་པའི་ཚེ། ད་ལྟ་ང་ཁྲུས་ལ་སོགས་པའི་གཙང་སྦྲ་འདི་ལྟ་བུ་བྱེད་དེ། ནམ་ཞིག་ན་རང་གི་མི་གཙང་བ་ལུས་ལ་གོས་པ་ཕྱོགས་མི་གཙང་བ་དུར་ཁྲོད་ལ་སོགས་པར་འདོར་བའི་དུས་གཅིག་འོང་ཨང་སྙམ་པར་བསམ་མོ། །དེ་ལྟར་སྒོ་སྣ་ཚོགས་ནས་ངེས་པར་འཆི་བ་འོང་བ་ལ་ངེས་ཤེས་མ་སྐྱེས་བར་དུ་བསྒོམ་མོ།། ནམ་འཆི་ལ་ངེས་པ་མེད་པར་བསམ་པ། དེ་ལྟར་འཆི་བ་འོང་ངེས་སུ་འདུག་མོད་རེ་ཞིག་མི་འོང་ངམ་སྙམ་ན། གཉིས་པ་ནམ་འཆི་ངེས་པ་མེད་པར་བསམ་པ་ལ་གསུམ་སྟེ། ཚེའི་ཚད་ལ་ངེས་པ་མེད་པ་དང༌། ཚེའི་བར་ཆད་བྱེད་པའི་འགལ་རྐྱེན་མང་ཞིང་། ཚེ་གནས་པའི་མཐུན་རྐྱེན་ཉུང་བ་དང་། ལུས་སྲོག་བྲལ་སླ་ཞིང་འཆི་བདག་ལ་བརྩེ་བ་མེད་པས་ནམ་འཆི་ངེས་མེད་བསམ་པའོ།། དང་པོ་ནི་འགའ་ཞིག་གི་བསམ་པ་ལ། ཚེ་སྟོད་ཚེ་འདིའི་འདུན་མ་བྱས་ནས། ཚེ་གཞུག་ལ་ཆོས་བྱའོ་སྙམ་པ་དང༌། ཡང་འགའ་ཞིག་ད་ལོ་ཆོས་རྒྱགས་ལ་སོགས་བསྒྲུབས་ནས། སང་ཕོད་ནས་ཆོས་བྱའོ་སྙམ་པ་ཡང་ཡོང་མོད། དེ་ནི་ཐོག་ཏུ་འབབ་པ་དཀའ་སྟེ། རང་གི་ལོ་ཕྱི་མ་དང་། ཚེ་ཕྱི་མ་གང་སྔ་མི་ཤེས་དེ་བཞིན་དུ་ཟླ་བ་ཕྱི་མ་དང་ཚེ་ཕྱི་མ། ཞག་ཕྱི་མ་དང་ཚེ་ཕྱི་མ་སྔོན་ལ་གང་འོང་མི་ཤེས་སོ། །དེའི་རྒྱུ་མཚན་ཡང༌། རང་གི་ཚེ་ལ་ངེས་པ་མེད་དེ། མཛོད་ལས། འདི་ན་མ་ངེས་ཐ་མར་ནི། །ལོ་བཅུ་དང་པོ་དཔག་ཏུ་མེད།༣༨ །ཞེས་གསུངས་སོ།། འདི་ལ་གཉིས། དུས་ཀྱི་སྒོ་ནས་དང་། གང་ཟག་གི་སྒོ་ནས་མ་ངེས་པའོ། །དང་པོ་ནི། བྱང་སྒྲ་མི་སྙན་པ་ནི། དུས་ནམ་ཡང་ཚེ་ལོ་སྟོང་ཕྲག་གཅིག་ཏུ་ངེས་ལ། འཛམ་བུ་གླིང་བའི་ཚེ་ལ་ངེས་པ་མེད་དེ། དང་པོ་ནི། ལོ་དཔག་ཏུ་མེད་པའང་ཐུབ། །ཐ་མའི་དུས་སུ་ལོ་བཅུ་ལ་ཡང་རིང་ཤོས་བྱེད་དགོས་པས་སོ། །གཉིས་པ་ནི། བྱང་སྒྲ་མི་སྙན་པའི་མི་ཚེ་ལོ་སྟོང་དུ་ངེས་པའོ། །དེ་བས་མང་བ་ཐུབ་པའང་མེད་ལ། དེ་མ་རྫོགས་པར་འཆི་བ་ཡང་མེད་པའོ། །འཛམ་བུ་གླིང་བའི་ཚེ་ལ་ངེས་པ་ཅི་ཡང་མེད་དེ། འགའ་ཞིག་མའི་མངལ་དུ་ཚེ་ཟད་ནས་འཆི་བའང་ཡོད་ལ། དེ་བཞིན་དུ་ཁ་ཅིག་སྐྱེས་ཙམ་ན། ཁ་ཅིག་འགོག་ཙམ་ན། ཁ་ཅིག་འགྲོ་ཙམ་ན། ལ་ལ་དར་ལ་བབ་ཙམ་ན། ལ་ལ་རྒས་ནས་འཆི་བ་ཡང་ཡོད་པས་སོ། །དེ་སྐད་དུ་ཡང་། མྱ་ངན་གསལ་བ་ལས། ཁ་ཅིག་མངལ་དུ་འཆི་བར་འགྱུར། །དེ་བཞིན་ཁ་ཅིག་སྐྱེ་ཙམ་ན། །དེ་བཞིན་ཁ་ཅིག་གོག་ཙམ་ན། །དེ་བཞིན་ཁ་ཅིག་ཡོངས་རྒྱུག་ན། །ལ་ལ་རྒན་དང་ལ་ལ་གཞོན། །ལ་ལ་དར་ལ་བབས་པའི་མི། །རིམ་གྱིས་རབ་ཏུ་འགྲོ་འགྱུར་ཏེ། །འབྲས་བུ་སྨིན་པ་ལྟུང་བ་བཞིན།༢༩ །ཅེས་སོ།། དེས་ན་རང་གི་ཚེ་ཚད་ད་ལོ་ཙམ་གྱི་རྫོགས་ནས། སང་གི་ཉི་མ་ལ་ཚེ་ཕྱི་མ་མི་འབྱུང་བའི་རྒྱུ་མཚན་ཡིད་གཏན་ཐུབ་པ་གང་ཡང་མེད་དེ། ཞི་བ་ལྷས། དེ་རིང་ཁོ་ན་མི་འཆི་ཞེས། །བདེ་བར་འདུག་པ་རིག་མ་ཡིན། །བདག་ནི་མེད་པར་འགྱུར་བའི་དུས། །དེ་ནི་གདོན་མི་ཟ་བར་འགྱུར།༦༠ །ཞེས་གསུངས་སོ། །དེ་ལྟ་ན་ཡང་རེ་ཞིག་གསོན་དུ་རེ་བའི་བློའི་གཏད་སོ་འགའ་ཞིག ། ན་ཚོད་གཞོན་པ་དང་། ད་ལྟ་ནད་མེད་པ་དང་། ཟས་གོས་ལ་སོགས་པའི་མཐུན་རྐྱེན་འཛོམས་པ་དང༌། དགྲ་འདྲེ་ལ་སོགས་པའི་འཚེ་བ་མེད་པས་ཡུན་རིང་དུ་མི་འཆིའམ་སྙམ་དུ་སེམས་མོད། དེ་རྣམས་གང་གིས་ཀྱང་བློ་གཏད་མི་ཐུབ་སྟེ། དེ་ཡང་གཞོན་པས་མི་ཐུབ་སྟེ། རྒད་པོ་རྒད་མོ་ལྡང་ཡང་མི་ནུས་པར་གཞན་ལ་བརྟེན་དགོས་པའི་སྔོན་དུ། གཞོན་པ་ཡང་རྩལ་དང་ལྡན་པ་མང་པོ་ཤི་བ་དང༌། རང་ལས་གཞོན་པ་ཤི་བ་མཐོང་ཐོས་སུ་གྲུབ་པ་དང་། ཚོམས་ལས། སྔ་དྲོ་སྐྱེ་བོ་མང་མཐོང་བ། །ཕྱི་དྲོ་ཁ་ཅིག་མཐོང་མི་འགྱུར། །ཕྱི་དྲོ་སྐྱེ་བོ་མང་མཐོང་བ། །སྔ་དྲོ་ཁ་ཅིག་མཐོང་མི་འགྱུར། །སྐྱེས་པ་བུད་མེད་མང་པོ་དང༌། །དར་ལ་བབས་པའང་འཆི་འགྱུར་ན། །དེ་ལ་མི་འདི་གཞོན་ཞེས་ཏེ། །གསོན་པའི་གདེང་དྲོད་ཅི་ཞིག་ཡོད།༠༡ །ཅེས་གསུངས་སོ།། ནད་མེད་པས་མི་ཐུབ་སྟེ། གདོན་གྱིས་ཟིན་པའི་ནད་པ་རང་གི་འགྲོ་འདུག་ཙམ་ཡང་མི་ནུས་པར། གཞན་གྱི་འདྲེ་ལྡོག་བྱེད་དགོས་པའི་སྔོན་ལ། ད་ལྟ་ནད་མེད་སྐྱེ་བོ་ལུས་སྟོབས་དང་ལྡན་པ་གློ་བུར་དུ་འཆི་བ་མཐོང་བས་སོ། །མཐུན་རྐྱེན་འཛོམས་པས་མི་ཐུབ་སྟེ། མཐུན་རྐྱེན་མེད་པའི་སྤྲང་པོ་ནང་ཟས་ནང་ཚོལ། ནུབ་ཟས་ནུབ་ཚོལ་བའི་སྔོན་དུ། ཕྱུག་པོ་ཟས་ནོར་གྱི་མཐའ་བསྐོར་བ་དག་འཆི་བ་དག་མཐོང་བས་སོ། །དགྲ་འཚེ་བ་མེད་པས་ཀྱང་མི་ཐུབ་སྟེ། མཐའ་ཐམས་ཅད་དགྲས་འཁོར་བའི་གོ་རར་ཆུད་པའི་སྐྱེས་བུའི་སྔོན་དུ་དགྲའི་མིང་ཙམ་ཡང་མེད་པའི་སྐྱེས་བུ་དུ་མ་ཞིག་འཆི་བ་མཐོང་བས་སོ། །གདོན་གྱི་འཚེ་བ་མེད་པས་ཀྱང་མི་ཐུབ་སྟེ། ཤེས་པ་གདོན་གྱི་སླད་ནས་སེམས་ལ་རང་དབང་མ་ཐོབ་བྱ་བྱེད་རང་ལ་གང་ངན་བྱེད་པའི་སྔོན་དུ་གདོན་གྱིས་འཚེ་བ་མེད་པའི་སྐྱེས་བུ་དུ་མ་འཆི་བ་མཐོང་བས་སོ། །དེ་ཐམས་ཅད་དང་བྲལ་བས་ཀྱང་མི་ཐུབ་སྟེ། ད་ལྟ་དེ་ཐམས་ཅད་དང་བྲལ་ཡང་གློ་བུར་གྱི་འཆི་རྐྱེན་འགའ་ཞིག་གིས་དེ་མ་ཐག་ཏུ་དུ་མ་ཞིག་འཆི་བ་མཐོང་བའི་ཕྱིར་དང་། ཁོང་རྣམས་ཀྱིས་གཞོན་པ་ལ་སོགས་པས་མི་འཆི་བའི་བློ་གཏད་མི་ཐུབ་ལ། རང་གི་བློ་གཏད་ཐུབ་པའི་རྒྱུ་མཚན་ཅི་ཡང་མེད་པའི་ཕྱིར་རོ། །དེ་སྐད་དུ་ཡང་། ཞི་བ་ལྷས། ནད་མེད་ཉི་མ་འདི་ལྟ་བུའི། །ཟས་བཅས་འཚེ་བ་མེད་གྱུར་ཀྱང་། །ཚེ་ནི་སྐད་ཅིག་བསླུ་བ་སྟེ། །ལུས་ནི་ཐང་གཅིག་བརྙན་པོ་བཞིན།༤༢ །ཞེས་གསུངས་སོ།། གཉིས་པ་འཆི་བའི་རྐྱེན་མང་ཞིང་གསོན་པའི་རྐྱེན་ཉུང་བའི་རྒྱུ་མཚན་གྱིས་ནམ་འཆི་ཆ་མེད་པ་ནི། ཚེ་ལྷག་ཅུང་ཟད་ཡོད་སྲིད་ཀྱང་། དེ་མ་རྫོགས་ཀྱི་བར་དུ་སྡོད་རྒྱུ་ཡོང་བའི་ངེས་པ་མེད་དེ། ཚེ་ལ་བར་དུ་གཅོད་བྱེད་ཀྱི་རྐྱེན་ཤིན་ཏུ་མང་བའི་ཕྱིར་རོ། །དཔེར་ན་རླུང་དམར་ཆེན་པོའི་ནང་ན་ཡོད་པའི་མར་མེ་དེ་རས་སྣུམ་ལ་སོགས་པ་མ་ཟད་ཀྱང༌། རླུང་གི་རྐྱེན་གྱིས་ཅུང་ཟད་ཙམ་ཡང་གནས་པའི་གོ་སྐབས་མེད་པ་བཞིན་ནོ། །དེ་སྐད་དུ་ཡང་རིན་ཆེན་ཕྲེང་བ་ལས། འཆི་བདག་རྐྱེན་གྱི་ཁར་གནས་པ༑ ༑རླུང་དམར་ནང་འདུག་མར་མེ་བཞིན།༠༣ །ཞེས་དང༌། སློབ་སྤྲིངས་ལས། མར་མེའི་མེ་ལྕེ་ཤུགས་དྲག་རླུང་གིས་བསྐྱོད་ལྟ་བུའི། །ཚེ་འདི་སྐད་ཅིག་གནས་པའི་གདེང་ཡང་ཡོད་མིན་ན།༠༤ །ཞེས་གསུངས་སོ།། འཆི་རྐྱེན་ཤིན་ཏུ་མང་སྟེ། ཕྱིའི་འབྱུང་བ་བཞིས་ཀྱང་འཆི་བའི་རྐྱེན་བྱེད་དེ། ནང་གི་འབྱུང་བ་བཞི་འཁྲུགས་པས་ནད་བསྐྱེད་འཆི་བའི་རྐྱེན་བྱེད། ནད་བཞི་བརྒྱ་རྩ་བཞིས་རྐྱེན་བྱེད། ལོག་འདྲེན་གྱི་བགེགས་སྟོང་ཕྲག་བརྒྱད་ཅུས་ཀྱང་རྐྱེན་བྱེད། དགྲ་གཉེན་ལ་སོགས་པ་མིས་རྐྱེན་བྱེད། དུད་འགྲོ་ལ་སོགས་པ་འགྲོ་བ་གཞན་གྱིས་ཀྱང་འཆི་བའི་རྐྱེན་བྱེད། འཚོ་བའི་རྐྱེན་དུ་འདོད་པ། ཁང་ཁྱིམ་དང་ཟས་གོས་ལ་སོགས་པས་འཆི་རྐྱེན་བྱེད། ཐ་ན་རང་ལ་རང་ལས་ཉེ་བ་མེད་དེ། རང་ཉིད་ཀྱང་འཆི་བའི་རྐྱེན་དུ་འགྱུར་བ་ཡོད་དོ། །དེ་རྣམས་ཀྱིས་ཀྱང་འཆི་རྐྱེན་བྱས་ནས་འཆི་བ་བསམ་གྱིས་མི་ཁྱབ་པ་མཐོང་ཞིང་ཐོས་ལ་ཁོང་རྣམས་ལ་དེ་རྣམས་ཀྱིས་འཆི་རྐྱེན་བྱེད་ལ། རང་ལ་མི་བྱེད་པའི་རྒྱུ་མཚན་རྣམ་དག་མེད་པའོ། །དེས་ན་འཇིག་རྟེན་གྱི་ཁམས་ཀྱི་ཕྱི་ནང་གི་དངོས་པོ་འཆི་བའི་རྐྱེན་མི་བྱེད་དོ། །ཞེས་ངོས་བཟུང་རྒྱུ་མི་འདུག་པས་སོ། །དེ་ལྟ་བུའི་འཆི་རྐྱེན་མེད་པའི་སར་འགྲོ་ས་ནི་མི་འདུག རྐྱེན་དེ་རྣམས་གང་ཡང་རུང་བ་རེས་ཀྱང་འཆི་བར་འདུག་ཅིང་། དེ་ལྟ་བུའི་འཆི་རྐྱེན་གཅིག་མི་འཕྲད་པའི་གདེངས་མི་འདུག་པས། དེ་རིང་འཆི་བའམ་སང་འཆི་ཆ་མི་འདུག་པས། ད་ལྟ་ཉིད་དུ་ཆོས་རྣམ་དག་ཅིག་བྱ་དགོས་སྙམ་དུ་བསྒོམ་མོ། །དེ་སྐད་དུ་ཡང༌། ཀླུ་སྒྲུབ་ཀྱིས། འཆི་བའི་རྐྱེན་ནི་ཤིན་ཏུ་མང་། །འཚོ་བའི་རྐྱེན་ནི་ཉུང་ཟད་གཅིག །དེ་དག་ཉིད་ཀྱང་འཆི་བའི་རྐྱེན། །དེ་བས་རྟག་ཏུ་ཆོས་མཛོད་ཅིག ། །ཅེས་གསུངས་སོ།། གསུམ་པ་ལུས་སྲོག་ཤིན་ཏུ་འབྲལ་སླ་སྟེ། ཆུའི་ཆུ་བུར་བས་ཀྱང་ཤེད་ཆུང་བས་སོ། ། ལུས་སྲོག་འབྲལ་སླ་བའི་ཚུལ་འདི་ལྟར་ན། གཉིད་ལོག་པ་ལས་སད་པ་དང༌། དབུག་འཕྱིར་འབྱུང་བ་ལ་ནང་དུ་རྔུབ་པ་ངོ་མཚར་བའི་གནས་ཡིན་ནོ། དེ་སྐད་དུ་ཡང་། ཀླུ་སྒྲུབ་ཀྱིས། །ཚེ་འདི་གནོད་མང་རླུང་གི་བཏབ་པ་ཡི། །ཆུ་ཡི་ཆུ་བུར་བས་ཀྱང་མི་རྟག་ན། །དབུགས་འབྱུང་དབུགས་རྔུབ་གཉིད་ཀྱི་ལོག་པ་ལས། །སད་ཁོམ་གང་ལགས་དེ་ནི་ངོ་མཚར་ཆེ།༤༦ །ཞེས་གསུངས་སོ། །འཆི་བདག་ལ་བརྩེ་བ་མེད་པས་ནམ་འཆི་ཆ་མེད་དོ། །འཆི་བདག་ལ་དེ་རིང་སྙིང་རྗེ་བས་བཞོག་ཅེས་པའམ། དེ་རིང་མི་ཁོམ་པས་ཞོག་ཟེར་བ་ལྟ་བུའི་ཚུལ་མ་ཡིན་པས། རྔོན་པས་རི་དྭགས་འདེད་པའི་ཚུལ་དུ་གོམ་པ་གང་གིས་ཀྱང་ཟིན་པ་སྔོན་དུ་ཅུང་ཟད་ཙམ་གྱིས་ཀྱང་གསོད་པ་སྔ་ན། སྙམ་དུ་སེམས་པ་ལས་མེད་པས། དེ་བཞིན་དུ་སོང་བ་མི་ཤེས་པར་ཚེ་འདིའི་བྱ་བྱེད་མང་པོ་ཅིག་གི་གོ་རིམས་བསྒྲིགས་པ་ནི། འཆི་བདག་གི་གཤིན་རྗེས་མ་རངས་པའི་ཚུལ་གྱིས་ཁྲེལ་བའི་གནས་སུ་གསུངས་ཏེ། སློབ་སྤྲིངས་ལས། འདི་ནི་སང་བྱ་འདི་ནི་ཐང་གཅིག་འོག་ཏུ་བྱ། །འདི་ནི་དེའུ་རེ་བྱ་ཞེས་སྐྱེ་བོ་སེམས་པ་ན། །གཤིན་རྗེ་བེ་ཅོན་ལག་ཐོགས་ཟུར་གྱིས་ལྟ་བ་ཡི། །མིག་རྩ་དམར་ཁྲོས་མ་རངས་གད་མོ་རེ་སྙམ་འདེབས།༦༧ །ཞེས་གསུངས་སོ། །དེས་ན་ད་ནི་དེ་རིང་འདི་བྱ་སང་འདི་བྱ་སྙམ་དུ་ཡིད་ལ་མི་བྱེད་པར། དེ་རིང་འཆི་ན་འདི་བཞིན་བྱ། སང་འཆི་ན་འདི་བཞིན་དུ་བྱེད་སྙམ་པའི་གདེངས་གཅིག་ད་ལྟ་ནས་གྲབས་སུ་ཆུད་པར་བྱའོ། །དེ་སྐད་དུ་ཡང་ཆོས་རྗེ་ཡང་དགོན་པས། བདུད་འཆི་བདག་གི་བྲེལ་ཁོམས་ཀྱི་དུས་མི་རྩི། །ཚེ་ངེས་མེད་ལ་འཆི་བའི་དུས་བཏབ་མེད། །དུས་དེ་རིང་འབྱུང་བཞི་དང་རྣམ་ཤེས་གྱེར་གྱུར་ན། །གདེང་བློ་བདེ་ཅིག་ཚགས་སུ་ཆུད་དམ་སེམས་ཅིག་ཨང་།༤༨ །ཞེས་གསུངས་སོ། །ཇོ་བོ་རྗེས། ཚེ་ནི་ཡུན་ཐུང་ཤེས་བྱའི་རྣམ་པ་མང་། །ཚེ་ཡི་ཚད་ཀྱང་ཅི་ཙམ་མི་ཤེས་ན། །ངང་པས་ཆུ་ལ་འོ་མ་ལེན་པར་ལྟར། །རང་གི་འདོད་པ་རང་ལ་བླང་བར་རིགས།༦༩ །ཞེས་གསུངས་སོ།། དེས་ན་བདག་གི་ཚེ་དེ་རིང་ཙམ་གྱིས་མ་རྫོགས་པའི་རྒྱུ་མཚན་ཅི་ཡང་མི་འདུག ཚེ་ཅུང་ཟད་མ་རྫོགས་སུ་ཟིན་ཡང་ཚེ་ལ་དུས་མ་ཡིན་པའི་འཆི་བ་འོང་བ་འདུག བར་ཆོད་བྱེད་པའི་རྐྱེན་དུ་མ་གྱུར་བ་ནི་རྙེད་པར་དཀའ་བ་འདུག རྐྱེན་དེ་རྣམས་བར་གཅོད་བྱེད་པ་ལ་ཡེངས་པ་ནི་མི་སྲིད་འདུག བར་དུ་གཅོད་རྒྱུའི་ལུས་སྲོག་ནི་འབྲལ་ཤིན་ཏུ་སླ་བར་འདུག་ཙ་ན། བདག་དེ་རིང་ཉི་མའི་ངོ་ལ་མི་འཆི་བའི་གདེང་མི་འདུག དེ་རིང་སང་ལ་ཤི་ན་ནི་སྔར་ཕན་ཆད་འཆི་བ་གྲོས་ཁོག་ཏུ་བཅུག་པའི་བྱ་བ་ནི་གང་ཡང་མ་གྲུབ། འཆི་རྩ་ན་བདག་ལ་ཅི་འདྲ་བ་གཅིག་འོང་བ་འདུག་གེ་ཨ་ཙ་མ། ད་ནི་བདག་ནི་ཚེ་འདི་ཇི་ལྟར་སོང་ནའང་སོང་། འཆི་བའི་དུས་སུ་ཕན་པའི་ཆོས་གཅིག་དེ་རིང་ནས་བྱ་སྙམ་དུ་བསམ་མོ།། འཆི་བ་ལ་ཆོས་མ་ཡིན་པ་གང་གིས་ཀྱང་མི་ཕན་པར་བསམ་པ། གསུམ་པ་འཆི་བ་ལ་ཆོས་མ་ཡིན་པ་གང་གིས་ཀྱང་མི་ཕན་པ་ནི། འཆི་བའི་དུས་ལ་བབས་པའི་ཚེ། ཚེ་འདིའི་ཕུན་སུམ་ཚོགས་པ་གང་གིས་ཀྱང་མི་ཕན་ཏེ། གཉེན་བཤེས་ལ་སོགས་པ་ཇི་སྙེད་ཡོད་ཀྱང༌། འཆི་བདག་ལ་འཐབ་པས་ཟློག་པའམ། ངོ་ཆེན་བྱས་པས་སྐད་ཅིག་ཀྱང་འགྲུབ་པ་མི་སྲིད་དེ། སྲོག་ལ་ཟུང་དུ་མི་འདོད། ཕ་རོལ་ཏུ་འགྲོ་བའི་ཚེ་གོམས་པ་གང་ཡང་མཉམ་དུ་འགྲོ་རྒྱུ་མེད་པས་སོ། །དེ་སྐད་དུ་ཡང་། སྤྱོད་འཇུག་ལས། གཤིན་རྗེའི་ཕོ་ཉས་ཟིན་པ་ལ། །གཉེན་གྱི་ཅི་ཕན་བཤེས་ཅི་ཕན།༥༠ །ཞེས་དང༌། བདག་ནི་མལ་ན་འདུག་བཞིན་དུ། །གཉེན་བཤེས་རྣམས་ཀྱི་མཐའ་བསྐོར་ཡང་། །སྲོག་ཆད་པ་ཡིས་ཚོར་བ་དག །བདག་ཉིད་གཅིག་པུས་མྱོང་བར་འགྱུར།«༡ །ཞེས་གསུངས་སོ། །དེ་བཞིན་དུ། ཟས་ནོར་ལོངས་སྤྱོད་ནི་ཅི་ཙམ་ཡོད་ཀྱང་མི་ཕན་ཏེ། འཆི་བདག་ལ་སྦྱིན་པས། ཅུང་ཟད་ཀྱང་བསླུ་རུ་མེད། ཚེ་ལ་སྐད་ཅིག་ཀྱང་འཐུད་དུ་མེད། ཕ་རོལ་དུ་ཅུང་ཟད་ཙམ་ཡང་ཁུར་དུ་མེད་པའོ། །དེ་བཞིན་དུ་ཁ་དྲག་པ་དང་དབང་ཆེ་བ་ལ་སོགས་འཇིག་རྟེན་ཆོས་བརྒྱད་ཀྱི་འདོད་ཕྱོགས་ཇི་སྙེད་ཡོད་ཀྱང་མི་ཕན་གྱི་ཁ་ལ་སླར་གནོད་དེ། སྤྱོད་འཇུག་ལས། བདག་ནི་རྙེད་མང་བཀུར་སྟིར་བཅས། །བདག་ལ་མང་པོ་དགའ་བོ་ཞེས། །དེ་འདྲའི་སྙེམས་པ་འཆང་ན་ནི། །ཤི་བའི་འོག་ཏུ་འཇིགས་པ་སྐྱེ། །དེ་བས་རྣམ་པར་རྨོངས་པའི་ཡིད། །གང་དང་གང་ལ་ཆགས་གྱུར་པ། །དེ་དང་དེ་སྟོང་སྟོང་འགྱུར་དུ། །སྡུག་བསྔལ་ཉིད་དུ་འགྱུར་ཞིང་ལྡང་།(༢ །ཞེས་དང་། རྒྱལ་པོ་ལ་གདམས་པའི་མདོ་ལས། །རྒྱལ་པོ་ཆེན་པོ་དེའི་ཚེ། དེའི་དུས་ན། ཆོས་མ་ཡིན་པ་མགོན་དང་སྐྱབས་གཞན་མེད་དེ།(༣ ཞེས་གསུངས་སོ།། དེ་འོ་ན་དེའི་ཚེ་གང་གིས་ཕན་ན་ཆོས་རྣམ་པར་དག་པ་བྱས་ན་ཕན་ཏེ། སྤྱོད་འཇུག་ལས། ཚེ་བསོད་ནམས་གཅིག་སྐྱབས་ན།(༤ །ཞེས་དང་། རྒྱལ་པོ་ལ་གདམས་པའི་མདོ་ལས། དེའི་ཚེ་དེའི་དུས་ན། ཆོས་ནི་སྐྱབས་དང་མགོན་དང༌། རྟེན་དང༌། གླིང་དང་། དཔུང་གཉེན་ཆེན་པོར་གྱུར་ཏེ།༥༥ ཞེས་གསུངས་སོ། །ཆོས་བྱས་ཀྱང་འཆིའོ་སྙམ་ན། འཆི་ལུགས་མི་གཅིག་པ་སོགས་ནི། གསུང་བགྲོས་མ་བཞིན་དུ་ཤེས་པར་བྱའོ། །དེས་ན་འཆི་བ་ནི་འོང་བར་འདུག ནམ་འོང་ནི་ཆ་མི་འདུག དེ་ལ་ཕན་པ་ནི་ཆོས་མ་ཡིན་པ་མི་འདུག་པས། འཆི་བ་ལ་མི་འཇིགས་པའི་གདེངས་དང་ལྡན་པ་བཞིན་དུ་འདུག་པ་ནི་ཤིན་ཏུ་མི་འཐད་དེ། སྤྱོད་འཇུག་ལས། བདག་ལ་མི་འཇིགས་སུ་ཡིས་བྱིན། །འདི་ལས་ཇི་ལྟར་ངེས་ཐར་བ། །གདོན་མི་ཟ་བར་མེད་གྱུར་ན། །ཇི་ལྟར་བདག་ཡིད་བདེ་བར་འདུག༦ །ཅེས་དང་། བཞི་བརྒྱ་པ་ལས། གང་ལ་འཇིག་རྟེན་གསུམ་མངའ་བདག །རང་ཉིད་འཆི་བདག་བྱེད་པོ་མེད། །ཡོངས་ཤེས་རྣལ་བཞིན་གཉིད་ལོག་ན། །དེ་ལས་མ་རུངས་གཞན་ཅི་ཡོད།(༧ །ཅེས་གསུངས་སོ། །དེས་ན་མི་སྙིང་ཅན་ཀུན་རང་ལ་ཕྱི་ཐག་བསྲིངས། །རང་མི་བསླུ་ན་ཞེ་ནས་ཀྱི་ལྷ་ཆོས་གཅིག་མཛོད་ཅེས་ཡང་དགོན་པས་གསུངས་སོ།༥༨ །དེ་བཞིན་དུ་ཚེ་འདི་བློས་བཏང་བའི་ཆོས་རེ་བྱེད་པ་གལ་ཆེའོ། །འཆི་བ་མི་རྟག་པ་བསྒོམ་པ་བསྟན་ཟིན་ཏོ།། དེ་ལྟར་འཆི་བའི་དུས་ལ་བབས་པའི་ཚེ། ཚེ་འདིའི་འབྱོར་བ་སོགས་གང་ཡང་རྗེས་སུ་མི་འབྲང་བ་འདུག་ན། རྗེས་སུ་འབྲང་བ་ནི་ཅི་ཡང་མེད་དམ་སྙམ་ན། རང་གི་བྱས་པའི་ལས་དགེ་སྡིག་ནི་ཤུལ་དུ་ཡང་མི་སྡད་གཞན་དུ་ཡང་མི་འགྲོ མེད་པར་ཡང་མི་འགྲོ ལུས་དང་གྲིབ་མ་བཞིན་དུ་རང་གི་རྗེས་སུ་འབྲང་ཏེ། རྒྱལ་པོ་ལ་གདམས་པའི་མདོ་ལས། དུས་ཀྱི་ཉེན་ཏེ་རྒྱལ་པོ་འགྲོ་གྱུར་ན། །ལོངས་སྤྱོད་མཛའ་དང་གཉེན་བཤེས་རྗེས་མི་འབྲངས། །སྐྱེས་བུ་དེ་ནི་གང་དང་གང་འགྲོ་ཡང་། །ལུས་དང་གྲིབ་མ་བཞིན་དུ་རྗེས་སུ་འབྲངས།(༩ །ཞེས་གསུངས་སོ།། གསུམ་པ་ལས་རྒྱུ་འབྲས་ལ་ཡིད་ཆེས་བསྒོམ་པ། གསུམ་པ་ལས་རྒྱུ་འབྲས་ལ་ཡིད་ཆེས་བསྒོམ་པ་ལ་བཞི་སྟེ། དགེ་བ་དང་མི་དགེ་བའི་ལས་ཀྱི་མཚན་ཉིད་བསམ་པ། དེའི་འབྲས་བུ་བསམ་པ། ལས་ཀྱི་རྣམ་གྲངས་རྣམ་པར་བཞག་པ། དོན་བསྡུས་ཏེ་བསྟན་པའོ།། དགེ་བ་དང་མི་དགེ་བའི་ལས་ཀྱི་མཚན་ཉིད་བསམ་པ། དང་པོ་ལ་གཉིས་ཏེ། མི་དགེ་བའི་ལས་དང་དགེ་བའི་ལས་སོ། །དང་པོ་ནི། །འཕགས་པ་ཀླུ་སྒྲུབ་ཀྱིས། འདོད་ཆགས་ཞེ་སྡང་གཏི་མུག་གསུམ། །དེ་བསྐྱེད་ལས་ནི་མི་དགེ་བ་༦༠ །ཞེས་གསུངས་སོ། །ཉོན་མོངས་པས་ཀུན་ནས་སླང་བའི་གཞི་བསམ་པ་སྦྱོར་བ་མཐར་ཐུག་ཚང་བའི་ལས་སོ། །མ་ཆགས་ཞེ་སྡང་གཏི་མུག་མེད། །དེ་བསྐྱེད་ལས་ནི་དགེ་བའོ།༦༡ །ཞེས་གསུངས་པས། མ་ཆགས་པ་ལ་སོགས་པས་ཀུན་ནས་སླང་བའི་གཞི་བསམ་པ་སྦྱོར་བ་མཐར་ཐུག་ཚང་བའི་ལས་སོ། །མི་དགེ་བ་ལ་དབྱེ་ན་བཅུ་སྟེ། །ལུས་ཀྱི་ལས་མི་དགེ་བ་གསུམ། ངག་གི་ལས་མི་དགེ་བ་བཞི། ཡིད་ཀྱི་ལས་མི་དགེ་བ་གསུམ་མོ། །དེ་རེ་རེ་ལའང་གཞི་བསམ་པ་སྦྱོར་བ་མཐར་ཐུག་བཞི་བཞི་ཚང་དགོས་སོ།། དེ་ལ་དང་པོ། སྲོག་གཅོད་པའི་གཞི་ནི། རང་ལས་གཞན་དུ་གྱུར་པའི་སེམས་ཅན་ནོ། །བསམ་པ་འདུ་ཤེས་དང་ཀུན་སློང་གཉིས་ལས། དང་པོ་ནི། བསད་པར་བྱ་བ་དེ་ལ་དེར་འདུ་ཤེས་པ་སྟེ། དེ་ལ་ཡང་བྱེ་བྲག་ཞུགས་པ་དང་མ་ཞུགས་པ་གཉིས་ལས། དང་པོ་ནི། བསད་པར་བྱ་བའི་སེམས་ཅན་གཅིག་ངེས་པར་བཟུང་ནས་དེར་འདུ་ཤེས་པའོ། །གཉིས་པ་ནི། ལུག་ཁྱུ་ལྟ་བུ་ལ་བསད་པར་འདུ་ཤེས་པས་ལྷས་སྦྱིན་གསད་བར་འདོད་ནས། མཆོད་སྦྱིན་ལ་དེར་འདུག་སྙམ་དུ་བསམས་ནས། མཆོད་སྦྱིན་གསོད་པས་ནི། སྲོག་གཅོད་པའི་མི་དགེ་བར་མི་འགྲོ་བའོ། །དེས་ན་བྱེ་བྲག་ཞུགས་པ་ནི། གང་གསད་པར་བྱ་བ་དེ་ཡིན་པ་ལ་ཡིན་པར་འདུ་ཤེས་པའོ། །བྱེ་བྲག་མ་ཞུགས་པ་ལ་ནི། ནོར་ནས་བསད་ཀྱང་སྲོག་གཅོད་པའི་ལས་སུ་འགྱུར་རོ། །ཉོན་མོངས་པ་གང་ཡང་རུང་བས་ཀུན་ནས་བླང་ནས། ཀུན་སློང་གསད་པར་འདོད་པའོ། །སྦྱོར་བ་མཚོན་བསྣུན་པའམ་དུག་དང་གཡང་ལ་བསྒྱུར་བ་ལ་སོགས་པ་རང་ངམ་གཞན་ལ་བསྐོས་པས་ཀྱང་ཆོག་གོ །མཐར་ཐུག་ནི་སྦྱོར་བ་དེ་ལ་བརྟེན་ནས་རང་མ་ཤི་བའི་སྔོན་རོལ་དུ་ཕ་རོལ་པོ་དེ་ཤི་བའོ། །དེ་ལ་འདོད་ཆགས་ཀྱི་སྲོག་གཅོད་པ་ནི། བསད་བྱ་དེའི་ཤ་ལ་སོགས་པ་ལ་ཆགས་ནས་བསོད་པའོ། ། ཞེ་སྡང་གི་ནི། ཕ་རོལ་པོ་ལ་སྙིང་ན་བའོ། །གཏི་མུག་ནི་སར་ཤིག་དྲ•༦༢<br /> དག་ཕ་མ་རྒས་པོ་ལ་རྒས་པའི་སྡུག་བསྔལ་བསྐྱབ་པར་འདོད་པའོ། །མཐར་ཞེ་སྡང་གིས་སོ།།<br /> གཉིས་པ། མ་བྱིན་པར་ལེན་པའི་གཞི་ནི། རང་ལས་རྫས་ཐ་དད་པའི་གང་ཟག་གིས་བདག་ཏུ་བཟུང་བའི་དངོས་པོ། བསམ་པ་ལ་འདུ་ཤེས་ནི། རྐུ་བར་བྱ་བའི་དངོས་པོ་དེ་ལ་དེར་འདུ་ཤེས་པའོ། །དེ་ལའང་བྱེ་བྲག་ཞུགས་པ་དང་མ་ཞུགས་པ་གཉིས་སོ། །ཉོན་མོངས་ནི་དུག་གསུམ་གང་རུང་གིས་ཀུན་ནས་སླངས་ནས་ཀུན་སློང་མ་བྱིན་པར་ལེན་པར་འདོད་པའོ། །སྦྱོར་བ་མཐུ་དང་སྟོབས་ཀྱི་སྒོ་ནས་འཕྲོག་པ་དང༌། འཇབ་བུས་དང་། གཅོལ་བ་གནོངས་པ་དང་བཤགས་པ་ལ་སོགས་པས་དེ་རང་ངམ་གཞན་ལ་བཅོལ་བས་ཀྱང་རུང་ངོ༌། །མཐར་ཐུག་ནི་གནས་ནས་སྤགས་པ་དང༌། ཐོབ་བློ་གཉིས་གང་རྗེས་ལ་བྱུང་བའོ། །དེ་ལ་འདོད་ཆགས་ཀྱིས་ཀུན་ནས་བླངས་པ་ནི། རྫས་དེ་ལ་ཆགས་པས་སོ། །ཞེ་སྡང་གིས་ནི། རྫས་ཀྱི་བདག་པོ་དེ་ལ་བསད་པར་བྱ་བའི་ཕྱིར་དུའོ། །གཏི་མུག་གིས་ནི། མ་བྱིན་པར་བླངས་པ་ལ་ཉེས་པ་མེད་སྙམ་དུ་ལེན་པའོ། །མཐར་ནི་འདོད་ཆགས་ཀྱིས་སོ།། གསུམ་པ། འདོད་པས་ལོག་པར་གཡེམ་པའི་གཞི་ནི། སྐྱེས་པ་གཞན་གྱིས་བདག་ཏུ་བཟུང་བ་དང་། ཕ་མ་དང་འབྲེལ་བའི་བདུན་རྒྱུད་རྣམས་དང་། སྨད་འཚོང་མ་རིན་བཅལ་ནས་ལོངས་མ་སྤྱད་པ་ལ་སོགས་པའོ། །གནས་མ་ཡིན་པ་ནི། དཀོན་མཆོག་རྟེན་དང་། ཕ་མ་ལ་སོགས་པ་གནས་པ་དང༌། གད་ཁ་དང༌། སྣང་བ་ཡོད་པ་ལ་སོགས་པའོ། དུས་མ་ཡིན་པ་ནི། སྦྲུམ་མ་དང༌། ཟླ་མཚན་འཛག་པ་ལ་སོགས་པ་དང་། མྱ་ངན་གྱི་གདུངས་པའོ། །ཡན་ལག་མ་ཡིན་པ་ནི། ཁ་དང་གཤང་ལམ་ལ་སོགས་པའོ། །བསམ་པ་དེར་འདུ་ཤེས་པའོ། །འདི་ལ་འགའ་ཞིག་བྱེ་བྲག་ཞུགས་པ་དང༌། མ་ཞུགས་པ་ཁྱད་མེད་གསུངས་མོད། འཕགས་པ་ཐོགས་མེད་ནི། བྱེ་བྲག་ཞུགས་མ་ཞུགས་གཉིས་ཡོད་པར་བཞེད།༦༣ ཅེས་གསུངས་སོ། །ཉོན་མོངས་པ་དུག་གསུམ་གང་རུང་གིས་ཀུན་ནས་བླངས་ནས། ཀུན་སློང་འདོད་པས་ལོག་གཡེམ་འདོད་པའོ། །སྦྱོར་བ་ཁྲི་ལས་ལྡང་བ་ལ་སོགས་པ་སྦྱོར་བ་བརྩོམ་པའོ། །མཐར་ཐུག་བདེ་བ་ཉམས་སུ་མྱོང་བའོ། །འདི་ལའང་འདོད་ཆགས་ཀྱི་ཀུན་ནས་བླངས་པ་ནས་འཛག་བདེ་ཉམས་སུ་མྱོང་བར་འདོད་པའོ། །ཞེ་སྡང་གིས་ནི་གཞན་གྱི་ཆུང་མ་ཆུད་གསན་པ་ལ་སོགས་པ་གཞན་ལ་གནོད་པར་སེམས་པའོ། །གཏི་མུག་གི་ནི་སར་ཤིག་པ་དག མ་བག་མར་བླངས་ཏེ། ལོག་པར་གཡེམ་པ་ལྟ་བུའོ། །མཐར་འདོད་ཆགས་ཀྱིས་རྫོགས་པར་བྱེད་དོ།། བཞི་པ། རྫུན་དུ་སྨྲ་བའི་གཞི་ནི། སྨྲ་ཤེས་ཤིང་དོན་གོ་བའོ། །བསམ་པ་ནི། སྨྲ་བར་བྱ་བའི་དོན་དེ་ལས་གཞན་དུ་འདུ་ཤེས་པའོ། །ཉོན་མོངས་པ་གང་རུང་གི་ཀུན་ནས་བླངས་ནས་ཀུན་སློང་འདུ་ཤེས། གཞན་དུ་བསྒྱུར་ནས་སྨྲ་བར་འདོད་པའོ། །སྦྱོར་བ་སྨྲ་བར་བརྩམས་པའོ། །མཐར་ཐུག་ཕ་རོལ་པོས་དོན་གོ་བའོ། །མཐར་ཐུག་གསུམ་པོ་གང་རུང་གིས་རྫོགས་པར་བྱེད་དོ།། ལྔ་པ། ཕྲ་མ་སྨྲ་བའི་ཡུལ་ནི། གང་ཟག་ཕ་རོལ་པོ་གཉིས་སོ། །བསམ་པ་ནི་དེར་འདུ་ཤེས་པའོ། །ཉོན་མོངས་པ་གང་རུང་གི་ཀུན་ནས་བླང་སྟེ་ཀུན་སློང་དེ་གཉིས་འབྱེད་པར་སྨྲ་བར་འདོད་པའོ། །སྦྱོར་བ་སྨྲ་བར་བརྩོམ་པའོ། །མཐར་ཐུག་འབྱེད་པའི་ཚིག་དེ་བདེན་ཡང་རུང་མི་བདེན་ཡང་རུང་ཕ་རོལ་པོས་དོན་གོ་བའོ། །མཐར་དུག་གསུམ་པོ་གང་རུང་གིས་རྫོགས་པར་བྱེད་དོ།། དྲུག་པ། ཚིག་རྩུབ་སྨྲ་བའི་ཡུལ་ནི། ཀུན་ནས་མནར་སེམས་པའི་ཡུལ་ལོ། །བསམ་པ་ལ་འདུ་ཤེས་ནི་དེར་འདུ་ཤེས་པའོ། །ཉོན་མོངས་པ་གང་རུང་གི་ཀུན་ནས་བླངས་ནས་ཀུན་སློང་ཕ་རོལ་པོའི་ཞི་ལ་ཕོག་པའི་ཚིག་སྨྲ་བར་འདོད་པའོ། །སྦྱོར་བ་སྨྲ་བར་བརྩམ་པའོ། །མཐར་ཐུག་ཕ་རོལ་པོས་དོན་གོ་བའོ། །མཐར་ཞེ་སྡང་གིས་རྫོགས་པར་བྱེད་དོ།། བདུན་པ། ངག་འཁྱལ་སྨྲ་བའི་གཞི་ནི། སེམས་ཅན་ཅི་རིགས་པའོ། །བསམ་པ་ནི་དེར་འདུ་ཤེས་ཉོན་མོངས་པ་གང་རུང་གི་ཀུན་ནས་བླངས་ཏེ་ཀུན་སློང་ངག་འཁྱལ་སྨྲ་བར་འདོད་པའོ། །མཐར་ཐུག་སྨྲས་ཟིན་པའོ། །མཐར་དུག་གསུམ་གང་རུང་གིས་རྫོགས་པར་བྱེད་པའོ།། བརྒྱད་པ། བརྣབ་སེམས་ཀྱི་ཡུལ་ནི་མ་བྱིན་ལེན་གྱི་གཞི་དང་འདྲའོ། །བསམ་པ་དེར་འདུ་ཤེས་པའོ། །ཉོན་མོངས་པ་གང་རུང་གི་ཀུན་ནས་བླངས་ཏེ། ཀུན་སློང་མི་རིགས་པར་བདག་གི་བྱ་བར་འདོད་པའོ། །མཐར་ཐུག་བདག་གི་བྱའོ་སྙམ་དུ་བློས་ཐག་ཆོད་པའོ། །མཐར་འདོད་ཆགས་ཀྱི་རྫོགས་པར་བྱེད་དོ།། དགུ་པ། གནོད་སེམས་ཀྱི་གཞི་ནི། ཀུན་ནས་མནར་སེམས་ཀྱི་གཞིའོ། །བསམ་པ་ནི། དེར་འདུ་ཤེས་པའོ། །ཉོན་མོངས་པ་གང་རུང་གི་ཀུན་ནས་བླངས་ཏེ་ཀུན་སློང་གནོད་པར་བྱར་འདོད་པའོ། །སྦྱོར་བ་གནོད་པར་བྱ་བ་སེམས་པའོ། །མཐར་ཐུག་གསོད་པའམ་ལོངས་སྤྱོད་ཕྲལ་ལ་གང་རུང་གི་གནོད་པ་འདི་ལྟ་བུ་གཅིག་བྱའོ་སྙམ་དུ་བློས་ཐག་གཅད་པའོ། །མཐར་ཞེ་སྡང་གིས་རྫོགས་པར་བྱེད་དོ།། བཅུ་པ། ལོག་པར་ལྟ་བའི་ཡུལ་ནི། ལས་རྒྱུ་འབྲས་ལ་སོགས་པའོ། །བསམ་པ་འདུ་ཤེས་ནི་དེར་འདུ་ཤེས་པའོ། །ཉོན་མོངས་པ་གང་རུང་གིས་ཀུན་ནས་བླངས་ཏེ། ཀུན་སློང་སྐུར་བ་བཏབ་པར་འདོད་པའོ། །སྦྱོར་བ་སྐུར་བ་འདེབས་པར་སེམས་པའོ། །མཐར་ཐུག་ལས་རྒྱུ་འབྲས་མེད་སྙམ་དུ་བློས་ཐག་བཅད་པའོ། །མཐར་གཏི་མུག་གིས་རྫོགས་པར་བྱེད་པའོ།། གཉིས་པ་དགེ་བ་ལ་དབྱེ་ན་བཅུ་སྟེ། སྲོག་གཅོད་པ་སྤང་བ་ལ་སོགས་པ་ལུས་ཀྱི་ལས་དགེ་བ་གསུམ། རྫུན་སྤོང་བ་ལ་སོགས་པ་ངག་གི་ལས་དགེ་བ་བཞི། བརྣབ་སེམས་སྤོང་བ་ལ་སོགས་པ་ཡིད་ཀྱི་ལས་དགེ་བ་གསུམ་སྟེ་དེ་ལྟར་ན་བཅུའོ། །དེ་དག་གི་ངོ་བོ་ནི་སྔར་གྱི་མི་དགེ་བ་བཅུ་པོ་ལས་ལོག་པ་ཡིན་མོད། དེ་དག་གཅིག་ལ་དཔེར་མཚོན་ན། སྲོག་གཅོད་པ་སྤོང་བའི་གཞི་ནི། སྲོག་གཅོད་པའི་གཞི་དང་འདྲའོ། །བསམ་པ་འདུ་ཤེས་ནི། དེར་འདུ་ཤེས་པའོ། མ་ཆགས་པ་དང༌། ཞེ་སྡང་མེད་པ་དང་། གཏི་མུག་མེད་པ་གང་རུང་གི་ཀུན་ནས་བླངས་ཏེ། ཀུན་སློང་སྲོག་གཅོད་པ་སྤོང་བར་འདོད་པའོ། །སྦྱོར་བ་མཚོན་བསྣུན་པ་ལ་སོགས་པ་ཕ་རོལ་འཆི་བའི་སྦྱོར་བ་སྤངས་ཏེ། མཐར་ཐུག་གཞི་དེ་གསོད་པ་སྤངས་པའོ། །དེས་གཞན་རྣམས་ལའང་ཤེས་པར་བྱའོ།། གཉིས་པ་ལས་དགེ་མི་དགེའི་འབྲས་བུ་བསམ་པ། གཉིས་པ་དེ་དག་གི་འབྲས་བུ་བསམ་པ་ནི། དེ་ལྟ་བུའི་མི་དགེ་བ་བཅུ་པོ་རེ་རེ་ལའང་། འབྲས་བུ་གསུམ་གསུམ་སྟེ། རྣམ་པར་སྨིན་པའི་འབྲས་བུ། རྒྱུ་མཐུན་གྱི་འབྲས་བུ། བདག་པོའི་འབྲས་བུའོ། །དེ་ལ་མི་དགེ་བ་བཅུའི་རྣམ་པར་སྨིན་པའི་འབྲས་བུ་ནི། དེ་ཆེན་པོར་སྤྱད་པས་སེམས་ཅན་དམྱལ་བ། འབྲིང་དུ་སྤྱད་པས་ཡི་དྭགས། ཆུང་ངུར་སྤྱད་པས་དུད་འགྲོར་སྐྱེ་བར་བྱེད་དོ། །མདོ་འགའ་ཞིག་ལས། འབྲིང་དུ་སྤྱད་པས་དུད་འགྲོ་དང་ཆུང་ངུར་སྤྱོད་པས་ཡི་དྭགས་སུ་སྐྱེ་བར་བཤད་པ་ཡོད་དོ། །སྔ་མ་དང་འགལ་བ་མ་ཡིན་ཏེ། འབྲིང་དུ་དཔྱད་པས་དུད་འགྲོ་སྡུག་བསྔལ་ཆེ་ཤོས་དང་། ཆུང་ངུར་དཔྱད་པས་ཡི་དྭགས་སྡུག་བསྔལ་ཆུང་ཤོས་སུ་སྐྱེ་བ་ལ་དགོངས་སོ། །ཞེས་གསུངས་སོ། །དེས་ན་འབྲིང་དུ་སྤྱད་པས་ཡི་དྭགས་དང་དུད་འགྲོ་སྡུག་བསྔལ་ཆེ་ཤོས་དང་། ཆུང་ངུ་སྤྱད་པས་དེ་གཉིས་སྡུག་བསྔལ་ཆུང་ཤོས་སུ་སྐྱེ་བ་དེ་ཡིན་ནོ། །དེ་ཉིད་ཀྱི་ན་མི་དགེ་བ་བཅུའི་རྣམ་སྨིན་གྱི་འབྲས་བུ་ནི་ངན་སོང་གསུམ་ལས་མཐོ་རིས་སུ་སྐྱེ་བ་མི་སྲིད་དོ།། སྲོག་གཅོད་པའི་རྒྱུ་མཐུན་གྱི་འབྲས་བུ་ལ་གཉིས་ཏེ། མྱོང་བ་རྒྱུ་མཐུན་དང༌། བྱེད་པ་རྒྱུ་མཐུན་གཉིས་སོ། །དང་པོ་ནི། རྣམ་སྨིན་གྱི་འབྲས་བུ་ངན་སོང་གི་སྡུག་བསྔལ་མྱོང་བའོ། །གཉིས་པ་ནི།༦༤ ངན་སོང་ལས་ཐར་ཏེ། མིར་སྐྱེས་ཀྱང་སྲོག་གཅོད་པ་ལ་དགའ་བའོ། །དེས་ན་དེང་སང་གི་མི་སྲོག་གཅོད་པ་ལ་དགའ་བ་འདི་རྣམས་ཀྱང་སྔོན་གྱི་བྱེད་པ་རྒྱུ་མཐུན་དུ་ཤེས་པར་བྱའོ། །དེ་བཞིན་དུ་མི་དགེ་བ་གཞན་རྣམས་ཀྱི་བྱེད་པ་རྒྱུ་མཐུན་ཡང་། མི་དགེ་བ་གང་ཡིན་པ་དེ་བྱེད་པ་ལ་དགའ་བའོ། །སྲོག་གཅོད་པའི་མྱོང་བ་རྒྱུ་མཐུན་གྱི་འབྲས་བུ་ནི། མིར་སྐྱེས་ཀྱང་ཚེ་ཐུང་བ་དང༌། ནད་མང་བ་ལ་སོགས་པའོ། །མ་བྱིན་པར་ལེན་པའི་མྱོང་བ་རྒྱུ་མཐུན་ནི་མིར་སྐྱེས་ཀྱང་ལོངས་སྤྱོད་ཕོངས་པ་དང་། ལོངས་སྤྱོད་ཡོད་ཀྱང་རང་དབང་སྤྱད་དུ་མེད་པར་གཞན་གྱིས་འཕྲོག་པ་ལྟ་བུའོ། །འདོད་ལོག་གི་མྱོང་བ་རྒྱུ་མཐུན་ནི། ཁྱིམ་པ་ཡིན་ན་ཆུང་མ་མི་བསྲུན་པ་དང་། གཞན་དང་ཐུན་མོང་དུ་གྱུར་པ་ལྟ་བུའོ། །རྫུན་གྱི་མྱོང་བ་རྒྱུ་མཐུན་ནི། མིར་གྱུར་ཀྱང་སྐུར་པ་ཡང་མང་བ་དང༌། གཞན་གྱི་བསླུ་བ་ལ་སོགས་པའོ། །ཕྲ་མའི་མྱོང་བ་རྒྱུ་མཐུན་ནི། མཛའ་བཤེས་ཉུང་བ་དང་། ཅུང་ཟད་ཡོད་ཀྱང་མྱུར་དུ་ཕྱེ་བ་ལ་སོགས་པའོ། །ཚིག་རྩུབ་ཀྱི་མྱོང་བ་རྒྱུ་མཐུན་ནི། གཞན་གྱིས་རང་ལ་གང་སྨྲས་པ་དེ་ཡང་རང་གི་ཡིད་དུ་མི་འོང་། རང་གིས་གཞན་ལ་སྨྲས་པའང་ཀུན་སློང་ངན་པ་མེད་ཀྱང་གཞན་གྱིས་སྙིང་ལ་ཕོག་པའི་ཚིག་ཏུ་འགྱུར་པའོ། །ངག་འཁྱལ་པའི་མྱོང་བ་རྒྱུ་མཐུན་ནི། རང་གིས་བདེན་པར་སྨྲས་ཀྱང་གཞན་གྱིས་བདེན་པར་མི་འཛིན་པས་ཚིག་མི་བཙན་པ་དང་ཚད་མར་མི་འཛིན་པའོ། །བརྣབ་སེམས་ཀྱི་མྱོང་བ་རྒྱུ་མཐུན་ནི། འདོད་པ་ཆེ་བ་དང་ཆོག་མི་ཤེས་པའོ། །གནོད་སེམས་ཀྱི་མྱོང་བ་རྒྱུ་མཐུན་ནི། ཞེ་སྡང་ཆེ་བའོ། །ལོག་ལྟས་མྱོང་བ་རྒྱུ་མཐུན་ནི། ཤེས་རབ་ཆུང་བ་དང༌། བྱ་བ་དང་བྱ་བ་མ་ཡིན་པའི་ཆ་ལ་རྨོངས་པའོ། །དེས་ན་དེང་སང་གི་མི་རྣམས་ལ་གོང་དུ་བཤད་པའི་ཉེས་པ་གང་དང་གང་འདུག་པ་རྣམས། དེ་དང་དེའི་ཉོན་མོངས་པའི་མྱོང་བ་རྒྱུ་མཐུན་གྱི་འབྲས་བུ་ཤེས་པར་བྱའོ།། བདག་པོའི་འབྲས་བུ་ནི་སྣོད་ཀྱི་འཇིག་རྟེན་ལས་འབྱུང་བས་སྲོག་གཅོད་པས་ས་ཕྱོགས་གཟི་གདངས་ཆུང་ཞིང་ཡིད་དུ་མི་འོང་བ་དང་། མ་བྱིན་པར་ལེན་པས་ལོ་ཐོག་ལ་སེར་བ་ལ་སོགས་པའི་བར་ཆད་མང་བ་དང་། འདོད་ལོག་གིས་ཕྱོགས་རྡུལ་གྱི་འཁྲིགས་པ་དང་། རྫུན་གྱི་ས་ཕྱོགས་འདམ་རྫ་བ་དང་དྲི་ང་བ་དང་། ཕྲ་མས་ས་ཕྱོགས་མཐོ་དམན་ཅན་དང༌། ཚིག་རྩུབ་ཀྱི་ཚ་སྒོ་ཅན་དང་ངག་འཁྱལ་གྱི་དུས་འགྱུར་ལྡོག་ཅན་བྱེད་པ་ལ་སོགས་པ་དང༌། བརྣབ་སེམས་ཀྱི་འབྲས་བུ་ཉུང་བ་དང་། གནོད་སེམས་ཀྱི་འབྲས་བུ་རོ་ཁ་བ་དང་། ལོག་ལྟས་འབྲས་བུ་མེད་པའི་ས་ཕྱོགས་སུ་སྐྱེ་བ་ཡིན་ནོ། །དེས་ན་ས་ཕྱོགས་དེ་ལྟ་བུ་གང་ན་འདུག་ཀྱང་མི་དགེ་བ་དང་དེའི་བདག་པོའི་འབྲས་བུར་ཤེས་པར་བྱའོ།། གསུམ་པ་ལས་ཀྱི་རྣམ་གྲངས་རྣམ་པར་བཞག་པ། གསུམ་པ་ལས་ཀྱི་རྣམ་གྲངས་རྣམ་པར་བཞག་པ་ལ་ལྔ་ལས། སེམས་པ་ལས་གྱུར་པ་ལྔའི་སྒོ་ནས་དང་། ལས་སྟོབས་ལྡན་མི་ལྡན་གྱི་སྒོ་ནས་དང༌། འཕེན་བྱེད་དང་རྫོགས་བྱེད་ཀྱི་སྒོ་ནས་དང་། དཀར་ལ་རྣམ་སྨིན་དཀར་བ་ལ་སོགས་པའི་སྒོ་ནས་དང༌། འབྲས་བུ་སྨིན་པའི་དུས་ཀྱིས་སྒོ་ནས་རྣམ་གྲངས་རྣམ་པར་བཞག་པའོ།། དང་པོ་ནི། དགེ་མི་དགེ་ལས་རྣམས་གསོག་ཚུལ་ཇི་ལྟར་སོག་སྙམ་ན། སེམས་པ་ལས་གྱུར་པ་ལྔའི་སྒོ་ནས་གསོག་པར་གསུངས་ཏེ། སྲོག་གཅོད་པ་ལྟ་བུ་ལ་མཚོན་ན། བསྒོ་བ་སེམས་པ་ལས་གྱུར་པ་ནི། གསོད་པ་པོ་དེ་སེམས་ཅན་གསོད་པ་ལ་གཏིང་ནས་མི་མོས་ཤིང་འཚེར་ཡང་། རྒྱལ་པོ་ལ་སོགས་པས་ཁ་དྲག་པོའི་སྒོ་དེས་དབང་མེད་དུ་གསོད་དགོས་པ་ལྟ་བུའོ། །གསོལ་བ་གདབ་པ་སེམས་པ་ལས་གྱུར་པ་ནི། རང་སྲོག་གཅོད་པ་མི་མོས་ཀྱང་། ཉེ་དུ་མཛའ་བཤེས་ལ་སོགས་པས་གསོལ་བ་བཏབ་སྟེ། དེའི་ངོ་མ་ཆོག་པར་གསད་པ་ལྟ་བུའོ། །མི་ཤེས་པ་སེམས་པ་ལས་གྱུར་པ་ནི། བྱིས་པ་ཆུང་ངུས་སྲོག་གཅོད་པའི་ཉེས་དམིགས་མ་ཤེས། ཉོན་མོངས་པ་དྲག་པོ་ཡང་མེད་ཀྱང་རྩེ་དགའ་ལ་སོགས་པའི་སྒོ་ནས་གྲོགས་སྦྱར་ལ་སོགས་དང་བྱིའུ་ལ་སོགས་པ་གསོད་པའོ། །རྩ་བ་ལ་མངོན་པར་ཞེན་པའི་སེམས་པ་ལས་གྱུར་པ་ནི། ཉོན་མོངས་པ་དྲག་པོས་ཀུན་ནས་བླངས་ཏེ། སྦྱོར་དངོས་རྗེས་གསུམ་ཚང་བའི་སྲོག་གཅོད་པ་ལྟ་བུའོ། །ཕྱིན་ཅི་ལོག་གི་སེམས་པ་ལས་གྱུར་པ་ནི། ཐར་པ་ཐོབ་པའི་ཕྱིར་དུ། ར་དང་མ་ཧེ་ལ་སོགས་པ་གསོད་པ་ལྟ་བུའོ། །དེ་བཞིན་དུ་མི་དགེ་བ་གཞན་རྣམས་ལའང་ཤེས་པར་བྱའོ།། དེ་ལའང་། སེམས་པ་ལས་གྱུར་པ་དང་པོ་གཉིས་ནི། བྱས་ལ་མ་བསགས་པའི་ལས་སུ་གསུངས་པས། འབྲས་བུ་མྱོང་བར་ངེས་པ་མ་ཡིན་ལ་ཕྱི་མ་གཉིས་ནི་བྱས་ལ་བསགས་པའི་ལས་ཡིན་པའི་འབྲས་བུ་མྱོང་ངེས་སུ་གསུངས་སོ། །གཞན་ཡང་རང་གི་མི་མཐུན་ཕྱོགས་ལ་མི་འདོད་པ་དྲག་པོ་བྱུང་བ་ལ་དགའ་བ་བསྒོམ་པ་དང་། དགྲ་ལ་གནོད་པ་འཁྱོལ་བ་ལ་རྗེས་སུ་ཡི་རང་བསྒོམ་པ་ནི། མ་བྱས་ལ་བསགས་པའི་ལས་ཞེས་བྱ་བ། ཉེས་པ་ཤིན་ཏུ་ཆེ་བར་གསུངས་ཤིང་། འདི་ནི་འབྱུང་ཉེ་ལ་ཉེས་པ་ཤིན་ཏུ་ཆེ་བས་ཕྱོགས་འདི་ལ་བག་ཡོད་པར་བྱོས་ཤིག དགེ་བ་ལ་ཡང་བྱས་ལ་མ་བསགས་པ་ནི། རྣམ་རྟོག་རྒྱ་ཡན་ལ་བཏང་བའི་བཟླས་བརྗོད་ལྟ་བུ་སྟེ། སྤྱོད་འཇུག་ལས། བཟླས་བརྗོད་དང་ནི་དཀའ་ཐུབ་ཀུན། །ཡུན་རིང་དུས་སུ་སྤྱད་བྱས་ཀྱང་། །སེམས་གཞན་གཡེངས་པས་བྱས་པ་ནི། །དེ་ཉིད་རིག་པས་དོན་མེད་གསུངས། །ཞེས་གསུངས་སོ། །བྱས་ལ་བསགས་པ་ནི། དད་པ་ལ་སོགས་པ་དྲག་པོས་ཀུན་ནས་བླངས་ཏེ་ཉོན་མོངས་པ་དང་ཚེ་འདིའི་རྣམ་རྟོག་༦༦ ལ་སོགས་པ་མ་འདྲེས་པར་མ་ཡེངས་པའི་སྒོ་ནས། བསམ་པ་ཐག་པའི་སྒོ་གསུམ་གྱི་དགེ་བ་གང་ཡང་རུང་བ་བསྒྲུབས་ཏེ། རྗེས་སུ་དགའ་བ་བསྒོམ་པའོ། །མ་བྱས་ལ་བསགས་པ་ནི། གཞན་གྱིས་བྱས་པའི་ལས་ལ་རྗེས་སུ་ཡི་རང་བའོ། །ཀྱེ་མི་དག་ཁ་ནང་དུ་ལོག་ལ་རང་གི་སྒོ་གསུམ་གྱི་བྱ་བ་ལ་སོགས་དང་། རང་གིས་བྱས་པའི་དགེ་བར་བསམ་པ་རྣམས་ནི། བྱས་ལ་མ་བསགས་པར་འགྲོ་བ་ཤས་ཆེ་བ་འདྲ་ཞིང་མི་དགེ་བ་ནི། ཞེ་སྡང་དྲག་པོས་ཀུན་ནས་བླངས་ནས། ཚིག་རྩུབ་པ་གཞན་གྱིས་རྒྱུད་ལ་ཕོག་ངེས་གཅིག་སྨྲ་སྟེ། ངའི་ཤུགས་ལེགས་པ་གཅིག་ཐེབས་སྙམ་དུ་བསམ་ན། དེའི་རྩ་བ་ལ་མངོན་པར་ཞེན་པའི་མི་དགེ་བ་ཞེས་པ་མི་དགེ་བ་ཆེན་པོ་སྟེ། རྣམ་སྨིན་དམྱལ་བར་འཕེན་ནུས་པ་ནི་དེ་ཙམ་གྱིས་རྫོགས་ལ། དེ་ལྟ་བུ་ཡང་ཉི་མ་རེ་རེ་ལ་ཡང་དུ་མ་ཞིག་འབྱུང་བར་སྣང་བས་བློ་ཞིབ་ལ་བླངས་ནས་བླང་དོར་ཚུལ་བཞིན་མ་བྱས་ན་ཅུང་ཟད་ཙམ་གྱིས་འགྱོད་པ་ཆེན་པོ་ལ་བཏུག་པར་འདུག་པས་དྲན་འཛིན་བྱེད་པ་གལ་ཆེ་སྟེ། དགེ་བཤེས་ཕུ་ཆུང་བའི་ཞལ་ནས་འོ་ཅག་གི་དགེ་བ་ནི། ཚིག་འབྲུ་ལ་བརྟེན་མི་དགེ་བ་ནི་དོན་ལྡན་དུ་འགྲོ་གསུངས།༦༧ དགེ་བའི་བཤེས་གཉེན་ཁམ་པ་ལུང་པའི་ཞལ་ནས། ད་རེས་དགེ་བ་དོན་མཐུན་གཅིག་མ་བྱས་ན། རིན་པོ་ཆེའི་གླིང་དུ་ཕྱིན་ནས་སྟོང་ལོག་བྱེད་དོ་གསུངས་༦༨ དགེ་བའི་བཤེས་གཉེན་ཀ་མ་པའི་ཞལ་ནས། རིན་ཆེན་གླིང་དུ་ཕྱིན་ནས་དུག་གི་སྡོང་པོ་ཁུར་ཡོང་ཉེན་ཡོད་དོ་གསུང་ངོ༌།།༦༩ གཉིས་པ་ལས་སྟོབས་དང་ལྡན་པ་དང་མི་ལྡན་པའི་སྒོ་ནས་རྣམ་གྲངས་རྣམ་པར་བཞག་པ་ནི༑ འདི་ལ་ལུགས་དུ་མ་འདུག་ནའང་། འཕགས་པ་ཀླུ་སྒྲུབ་ཀྱིས། རྟག་དང་མངོན་པར་ཞེན་དང་གཉེན་པོ་མེད། །ཡོན་ཏན་གཙོར་གྱུར་གཞི་ལས་བྱུང་བ་ཡི། །དགེ་དང་མི་དགེ་རྣམ་ལྔ་ཆེན་པོ་སྟེ། །དེ་བས་དགེ་བ་བསྒྲུབ་ལ་བརྩོན་པར་མཛོད།॰ །ཅེས་གསུངས་པ་ལྟར་བཤད་ན། དུས་ཀྱི་སྒོ་ནས་རྟག་ཏུ་བྱེད་པ་སྟོབས་ཆེ་སྟེ། དཔེར་ན་རྒྱལ་པོ་ལྟ་བུས་མི་དགེ་བ་ཉིན་རེ་ལ་སེམས་ཅན་འདི་ཙམ་གསོད་ཅེས་དམ་བཅས་ནས་གསོད་པ་ལྟ་བུ་སྟེ། སྤྱིར་སེམས་ཅན་གཅིག་བསད་པ་དང་། དམ་བཅས་ནས་གཅིག་པ་དེ་སྡིག་བསད་པ་གཉིས་སེམས་ཅན་གཅིག་བསད་པ་མཉམ་ཡང་། རྒྱུན་དུ་དམ་བཅས་ནས་བསད་པ་པ་སྟོབས་དང་ལྡན་པར་གྱུར་པ་ཡིན་ནོ། །དེ་བཞིན་དུ་དགེ་བ་ཡང་ཉི་མ་རེ་ལ་ཆོས་སྤྱོད་འདི་ཙམ་རེ་བྱེད་དམ་བཅས་ནས་བྱེད་པ་ལྟ་བུ་སྟེ། དེ་ལ་དམ་མ་བཅས་པར་ཉིན་ཅིག་ཆོས་སྤྱོད་དྲག་པོ་བྱས་པ་དང་དམ་བཅས་ནས་ཉིན་ཅིག་ཆོས་སྤྱོད་བྱས་པ་གཉིས་ཀུན་སློང་ལ་སོགས་པ་མཉམ་པའི་སྒོ་ནས། ཉིན་ཅིག་ཆོས་སྤྱོད་བྱས་པར་མཉམ་ཡང་། རྒྱུན་གྱི་ནང་དུ་རྟོགས་པའི་ཉིན་གཅིག་པ་དེ་དགེ་བ་སྟོབས་ལྡན་དུ་འགྱུར་བ་ཡིན་ནོ།། བསམ་པའི་སྒོ་ནས་མངོན་པར་ཞེན་པ་དྲག་པོས་ཀུན་ནས་སློང་ན་སྟོབས་ཆེ་སྟེ། མི་དགེ་བ་ལ་བརྩོན་ན་རྩ་བ་ལ་མངོན་པར་ཞེན་པའི་ལས་ལྟ་བུའོ། །དགེ་བ་ལ་ཡང་དད་པ་དྲག་པོ་དང་སྙིང་རྗེ་ལ་སོགས་པའི་བསམ་པ་དྲག་པོས་ཀུན་ནས་བླང་བའི་སྒོ་གསུམ་གྱི་དགེ་བ་རྣམས་སྟོབས་ལྡན་དུ་འགྱུར་རོ། །གཉེན་པའི་སྒོ་ནས་མི་དགེ་བ་བྱས་པ་ལ་འགྱོད་པ་མེད་པར་འདི་ལྟ་བུ་བྱས་ཞེས་དགའ་བ་བསྒོམ་པའི་མི་དགེ་བ་སྟོབས་ལྡན་དང་། དགེ་བ་ལ་ཡང་བྱས་པའི་རྗེས་སུ་ཡི་རང་བ་འདི་ལྟ་བུ་བྱས། ཞེས་དགའ་བ་བསྒོམ་པ་དགེ་བ་སྟོབས་ལྡན་དུ་འགྱུར་བ་ཡིན་ནོ། །དེ་ནས་མི་དགེ་བ་སྟོབས་ལྡན་ཀྱང་རྗེས་སུ་འགྱོད་པ་དྲག་པོ་སྐྱེས་ན་མི་དགེ་བ་སྟོབས་ཆུང་ངུར་འགྱུར་པས། མི་དགེ་བ་གང་བྱས་ཀྱང་རྗེས་སུ་འགྱོད་པ་སྐྱེས་ནས་བཤགས་པ་བྱེད་པ་གལ་ཆེའོ། །དེ་བཞིན་དུ་དགེ་བ་ལ་ཡང་ངོ༌། །དགེ་བ་སྟོབས་ལྡན་མ་ཡིན་ཡང་། རྗེས་སུ་དགའ་བ་སྒོམས་ན་སྟོབས་ལྡན་དུ་འགྱུར་བས་དགེ་བ་གང་བྱས་ཀྱི་འཇུག་ཏུ་རློམ་སེམས་མེད་པར་དགའ་བ་ཁྱད་པར་ཅན་སྒོམ་པར་བྱའོ།། ཞིང་གི་སྒོ་ནས་སྟོབས་ལྡན་ལ་གཉིས་ཏེ། དང་པོ་དཀོན་མཆོག་གསུམ་ལ་སྡིག་པ་དང་དགེ་བ་གང་བྱས་ཀྱང་སྟོབས་ལྡན་དུ་འགྲོ་སྟེ། དཔེར་ན་དེ་བཞིན་གཤེགས་པ་ལ་ངན་སེམས་ཀྱི་ཁྲག་ཕྱུང་ན་མཚམས་མེད་ཀྱི་ལས་དང་། དེ་བཞིན་གཤེགས་པའི་སྐུ་གཟུགས་དང༌། མཆོད་རྟེན་འཇིག་པ་ལ་དེ་དང་ཉེ་བའི་ལས་སུ་གསུངས་པ་དང༌། ཆོས་ལ་བརྟེན་པ་ཆོས་སྤོང་གི་ལས་བསགས་ན་གཉེན་པོ་མེད་པ་ལྟ་བུའི་སྡིག་པར་གསུངས་པ་དང་། དགེ་འདུན་གྱི་དབྱེན་བྱས་ན་མཚམས་མེད་དེ། དགེ་འདུན་གྱི་དཀོར་བརྐུས་ན་སྡིག་པ་ཤིན་ཏུ་ལྕི་བ་སྟེ། མདོར་ན་དཀོན་མཆོག་གསུམ་གྱི་ཕྱོགས་ལ་སྡིག་པ་ཅུང་ཟད་ཙམ་བསགས་ནའང་། སྡིག་པ་སྟོབས་ལྡན་དུ་འགྱུར་རོ། །དེ་བཞིན་དུ་དགེ་བ་ལ་ཡང་། སངས་རྒྱས་ལ་དམིགས་ཏེ། མེ་ཏོག་གཅིག་གཏོར་ན་ཡང་། དགེ་བ་སྟོབས་ལྡན་ནམ་བསོད་ནམས་དཔག་ཏུ་མེད་པར་གསུངས་པ་དང༌། དེ་བཞིན་དུ་དཀོན་མཆོག་གསུམ་གྱི་ཕྱོགས་ལ་དགེ་བ་ཅུང་ཟད་ཙམ་བསགས་ཀྱང་དགེ་བ་སྟོབས་ལྡན་དུ་གསུངས་པ་དང་། གཞན་ཡང་ངེས་པ་དང་མ་ངེས་པ་ལ་འཇུག་པ་ཕྱག་རྒྱའི་མདོ་ལས། མི་གཅིག་གི་འཛམ་བུའི་གླིང་གི་མི་ཐམས་ཅད་ཀྱི་མིག་ཕྱུང་ཞིང་ལོངས་སྤྱོད་ཐམས་ཅད་ཕྲོགས་པའི་སྡིག་པ་ལས་ཡུལ་བྱང་ཆུབ་སེམས་དཔའ་གཅིག་ལ་ཁྲོས་པའི་སེམས་ཀྱི་མ་རུངས་པ་འདིའི་བལྟའོ།༧༡ །ཞེས་རྒྱབ་ཀྱིས་ཕྱོགས་ན་སྔ་མ་ལས་ཆེས་སྡིག་པ་ཆེ་བར་གསུངས་ཤིང་། བྱང་ཆུབ་སེམས་དཔའ་ནི་གང་ན་ཡོད་མི་ཤེས་པས་ཕྱོགས་འདི་ལའང་དྲན་འཛིན་ཤིན་ཏུ་གལ་ཆེའོ། །དེ་བཞིན་དུ་སྔར་གྱི་མིག་བཏོན་པ་དེ་ཐམས་ཅད་ལ་མིག་བྱིན་ཞིང་ལོངས་སྤྱོད་ཕུལ་པ་ལ་བཀོད་པ་བས། ཡུལ་བྱང་ཆུབ་སེམས་དཔའ་གཅིག་ལ་དང་བའི་སེམས་ཀྱིས་མིག་གཅིག་ལྟས་ན་དེ་ཆེས་བསོད་ནམས་ཆེ་བར་༧༢ གསུངས་སོ། །ཕན་འདོགས་ཀྱི་ཞིང་ཕ་མ་ལ་ཡང་། ཚིག་ངན་ཅུང་ཟད་ཙམ་བཟློག་པ་ལ་སོགས་པ་སྡིག་པ་ཅུང་ཟད་ཙམ་ལ་ཡང་སྡིག་པ་སྟོབས་ལྡན་དུ་བཤད་ལ། དེ་བཞིན་དུ་བསྙེན་བཀུར་ལ་སོགས་པ་དགེ་བ་ཅུང་ཟད་ཙམ་ལའང་དགེ་བའི་སྟོབས་ལྡན་དུ་བཤད་དོ།། དེ་ལྟ་བུའི་མི་དགེ་བ་སྟོབས་ལྡན་འཇོག་པའི་སྒོ་རེ་རེས་ཀྱང་གོང་དུ་བཤད་པའི་མི་དགེ་བ་ཆེན་པོའི་རྣམ་སྨིན་གྱི་འབྲས་བུ་དམྱལ་བ་རུ་འཕེན་ནུས་ན་རང་རྒྱུད་ལ་ནི་སྟོབས་ལྡན་དུ་འཇོག་པའི་སྒོ་དུ་མ་དང་ལྡན་པ་འབྱུང་བར་སྣང་སྟེ། གཞན་གྱི་དགེ་འདུན་གྱི་སྡེ་ཆེན་པོ་ལ་ཀུན་ནས་མནར་ང་སེམས་དྲག་པོས་ཀུན་ནས་བླང་སྟེ། ཚིག་རྩུབ་དྲག་པོ་སྨྲ་ན། དེ་ལ་དགའ་བ་བསྒོམ་པ་ཡང་འབྱུང་བར་འདུག་པའི་ཕྱིར་རོ། །དེ་ལྟ་བུ་ནི་དམྱལ་བ་མྱོང་ངེས་ཀྱི་ལས་སུ་འདུག་པས། དེ་ལྟ་བུའི་ལས་བསགས་ནས་ཡིད་བདེ་མོར་འདུག་པ་ནི་ཤིན་ཏུ་མི་རིགས་ཏེ། ཞི་བ་ལྷས། དམྱལ་བ་ཡི་ནི་ལས་བྱས་ནས། ཇི་ལྟར་བདག་ཡིད་བདེ་མོར་འདུག༧༣ །ཅེས་གསུངས་སོ། །དེས་ན་མི་དགེ་བ་དམྱལ་བར་འཕེན་ངེས་ལ་སོགས་པ་ལ་ནི། རྒྱུ་མང་པོ་དང་། རྩོལ་བ་དྲག་པོ་དང་། ཡུན་རིང་པོ་ལ་ལྟོས་མི་དགོས་ཀྱི་གོང་དུ་བཤད་པའི་སྟོབས་ལྡན་དུ་འཇོག་པའི་སྒོ་གང་རུང་གཅིག་དང་ལྡན་ན། ཚིག་དེ་ཙམ་བརྗོད་པའམ། རྣམ་རྟོག་གི་འདུ་འཕྲོ་ཅུང་ཟད་ཙམ་གྱིས་ཀྱང་དམྱལ་བར་འཕེན་ནུས་པའོ། །དེ་ཉིད་ཀྱི་ཕྱིར་ན་ཚིག་ངན་དེ་ཙམ་གྱིས་ཀྱང་དམྱལ་བ་ལ་སོགས་པའི་ངན་སོང་གི་སྡུག་བསྔལ་སྣ་ཚོགས་བསྐྱེད་པར་མདོ་ལས་གསུངས་སོ།། དེ་རྣམས་ནི་ཁྱིམ་པ་དང་ཐུན་མོང་གི་དབང་དུ་བྱས་པའི་མི་དགེ་སྟོབས་ལྡན་དུ་འཇོག་ཚུལ་དུ་བཤད་པ་ཡིན་ལ། རབ་ཏུ་བྱུང་བ་ནི་རྟེན་གྱི་སྒོ་ནས་སྟོབས་དང་ལྡན་པས་མི་དགེ་བ་གང་བྱས་ཀྱང་སྟོབས་ལྡན་འབའ་ཞིག་ཏུ་འགྲོ་བར་སྣང་སྟེ། བྱམས་པ་སེང་གེ་སྒྲའི་མདོ་ལས། དམྱལ་བར་མདའ་འཕངས་པ་བཞིན་དུ་འགྲོ་བའི་ལས་བཞི་གསུངས་པ་ནི།༧༤ རབ་ཏུ་བྱུང་བ་བསླབ་པ་ཉམས་པས་དགེ་འདུན་གྱི་དད་རྫས་ལ་ལོངས་སྤྱོད་པ་དང་། བཅོམ་ལྡན་འདས་ཀྱི་ལྟུང་བ་འབྱུང་བའི་རྒྱུ་གསུངས་པ་ཤེས་བཞིན་དུ་ཁྱད་དུ་གསོད་པ་དང་། ལྟུང་བ་བྱུང་བ་དེ་འཕྲལ་དུ་བཤགས་པ་མི་བྱེད་པར་ལྟུང་བ་དང་ཞག་ཏུ་འགྲོགས་པ་དང་། གཞན་གྱི་ཕུན་སུམ་ཚོགས་པ་ལ་ཕྲག་དོག་པ་རྣམས་གསུངས་པ་ལ། ལྟུང་བ་སྤྱོད་པ་ལ་བག་ཚ་བ་ཙམ་དུ་ཡང་མི་བྱེད་ཅིང་། ལྟུང་བ་བྱུང་ན་བཤགས་པ་གཏན་མི་བྱེད་པ་ཡང་འདུག་པས། འགྲོ་ས་ངན་སོང་གསུམ་ལས་མེད་པ་ལྟ་བུ་སྣང་ངོ༌། །དེ་བཞིན་དུ་སྡོམ་པ་གསུམ་གྱི་བཅས་པ་ཕྲ་མོ་ལ་འགལ་བའི་རྣམ་སྨིན་སེམས་ན། གོང་གི་ཉེས་པ་ཆེན་པོ་རྣམས་ཀྱང་ཤིན་ཏུ་ཆ་ཕྲ་བར་སྣང་ཞིང་། དགེ་བའི་བཤེས་གཉེན་སྟོན་པ་རིན་པོ་ཆེས་དོན་ལ་དགོངས་ནས་ཆོས་ལ་བརྟེན་པའི་སྡིག་པ་ལ་ལྟོས་ནས་སྡིག་པ་གཞན་ཀུན་རྒྱུད་རྒྱུ་ཡིན་༥ ཞེས་གསུངས་སོ། །དེ་བཞིན་དུ་དགེ་བ་ལ། ཡང་མདོ་ལས། བྱང་ཆུབ་སེམས་དཔའ་ཁྱིམ་པ་ཅན་གྱི་སྟོང་གསུམ་གྱི་འཇིག་རྟེན་གྱི་ཁམས་འདི་ཀོང་བུ་ཆེན་པོ་གཅིག་ཏུ་བྱས་ལ། རྩི་མར་གྱི་བཀང་སྟེ་སྡོང་བུ་རི་རབ་ཙམ་གཙུགས་ནས་དེ་ལ་མེ་སྦར་ཏེ། སངས་རྒྱས་ཀྱི་མཆོད་རྟེན་གྱི་དྲུང་དུ་ཕུལ་བ་ལས། བྱང་ཆུབ་སེམས་དཔའ་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཅིག་གི་སྡོང་བུ་འབའ་ཞིག་སྣུམ་གྱིས་བརླན་པ་ཙམ་བྱས་ནས། དེ་ལ་མར་མེ་སྦར་ནས་སངས་རྒྱས་ཀྱི་མཆོད་རྟེན་བཞུགས་པའི་ཐེམ་པ་སྣང་བ་ཙམ་བྱས་ན། དེ་སྔ་མ་བས་བསོད་ནམས་ཆེས་ཆེ་བར་གསུངས་སོ།༧༦ །དེའི་རྒྱུ་མཚན་ནི་རྟེན་གྱི་སྒོ་ནས་ཡིན་ཏེ། ཡུལ་དང་བསམ་པ་དང་། དངོས་པོ་སྔ་མ་ལས་ཕུལ་དུ་བྱུང་བས་སོ། །དེས་ན་རབ་ཏུ་བྱུང་བའི་ཕྱོགས་ལ་ཁེ་ཉེན་ཤིན་ཏུ་ཆེ་བས་སོ། །དེ་ལྟར་ན་བླང་དོར་ཕྲ་ཞིང་ཕྲ་བ་ལའང་འབད་པ་ཆེན་པོས་ཕྱིན་ཅི་མ་ལོག་པ་བྱེད་པ་གལ་ཆེའོ།། གཞན་ཡང་། མང་པོ་འདུས་པའི་ལས་ཀྱང་སྟོབས་ལྡན་དུ་གསུངས་ཏེ། དཔེར་ན་མི་བརྒྱ་ཐམ་པས་འདུན་མ་ཕྱོགས་གཅིག་ཏུ་བྱས་ནས། ལུག་གཅིག་བསད་པ་ན། མི་རེ་ལ་ལུག་རེ་བསད་པའི་སྡིག་པ་འབྱུང་ཞིང་། གྲོགས་མེད་པའི་མི་གཅིག་གི་ལུག་གཅིག་བསད་པ་ནའང་། ལུག་གཅིག་བསད་པའི་སྡིག་པ་བྱུང་མོད། སྔར་གྱི་མི་རེ་ལ་ལུག་རེ་བསད་པའི་སྡིག་པ་དེ་སྟོབས་ལྡན་ཡིན་ལ། གྲོགས་མེད་ནི་དེ་ལ་ལྟོས་ན་སྟོབས་མེད་ཡིན་ནོ། །དེ་བཞིན་དུ། མི་བརྒྱ་ཐམ་པས་མཆོད་རྟེན་གཅིག་བཞེངས་པ་དང༌། མི་གཅིག་གི་མཆོད་རྟེན་གཅིག་བཞེངས་པ་གཉིས་མི་རེ་ལ་མཆོད་རྟེན་རེ་བཞེངས་པའི་བསོད་ནམས་འདྲ་ཡང་། སྔ་མ་སྟོབས་ཆེ་ལ་ཕྱི་མ་དེ་ལ་ལྟོས་ཏེ་སྟོབས་ཆུང་ངོ༌། །འདི་ལ་ཆོས་མངོན་པའི་སྡེ་སྣོད་ལ་མཁས་པ་ཁ་ཅིག དགེ་འདུན་གཅིག་གི་རང་གི་བྲང་ཁང་དུ་གྲོགས་མེད་པར་མདོ་ཚར་གཅིག་འདོན་པ་དང་། དགེ་འདུན་ཚོགས་པའི་ནང་དུ་ཐམས་ཅད་མདོ་འདོན་པ་དང་ཕྱོགས་གཅིག་ཏུ་མདོ་ཚར་གཅིག་འདོན་པ་ཕྱི་མ་སྟོབས་ལྡན་དུ་འགྱུར་བ་ཡིན་ནོ།༧༧ །ཞེས་ཀྱང་གསུང་ངོ༌། །དེ་ལྟ་བུའི་སྟོབས་ལྡན་དུ་འཇོག་པའི་རྒྱུ་གང་དང་ཡང་མི་ལྡན་པའི་དགེ་བ་དང་མི་དགེ་བའི་ལས་རྣམས་ནི་ཆུང་ངུ་དང་འབྲིང་དུ་རིག་པས་དཔྱད་ནས་ཤེས་པར་བྱའོ།། གསུམ་པ་འཕེན་རྫོགས་ཀྱི་སྒོ་ནས་ལས་ཀྱི་རྣམ་གྲངས་རྣམ་པར་བཤད་པ་ནི། གོང་དུ་བསྟན་པའི་དགེ་མི་དགེ་དེ་རྣམས་འཕེན་བྱེད་དང་རྫོགས་བྱེད་གཉིས་སུ་ཡང་འགྱུར་ཏེ། དེ་ལ་འཕེན་བྱེད་ཀྱི་ལས་ནི། རི་མོའི་སྐྱ་རིས་ལྟ་བུ་ཡིན་ལ། རྫོགས་བྱེད་ཀྱི་ལས་ནི་དེ་ལ་ཚོན་བཀྱེ་བ་ལྟ་བུ་ཡིན་ཞེས་གསུངས། དེ་ལ་འཕེན་བྱེད་མི་དགེ་བས་ནི་ངན་སོང་གསུམ་གྱི་ལུས་ཁོ་ན་འཕེན་པར་བྱེད་ཀྱི་མཐོ་རིས་ཀྱི་ལུས་འཕེན་པ་མི་སྲིད་དོ། །དེ་བཞིན་དུ་འཕེན་བྱེད་དགེ་བས་མཐོ་རིས་ཀྱི་ལུས་ཁོ་ན་འཕེན་པར་བྱེད་ཀྱི་ངན་སོང་གི་ལུས་འཕེན་པ་མི་སྲིད་དོ། །རྫོགས་བྱེད་མི་དགེ་བ་ནི། ངན་སོང་གི་རྟེན་ལ་རྫོགས་པ་ཡང་སྲིད་ལ། མཐོ་རིས་ཀྱི་རྟེན་ལ་རྫོགས་པའང་སྲིད་དོ། །དེ་བཞིན་དུ་རྫོགས་བྱེད་དགེ་བ་ཡང་མཐོ་རིས་ཀྱི་རྟེན་ལ་རྫོགས་པའང་སྲིད། ངན་སོང་གི་རྟེན་ལ་རྫོགས་པའང་སྲིད་དོ། །དེས་ན་མུ་བཞིར་འགྱུར་ཏེ། འཕེན་བྱེད་ཀྱང་མི་དགེ་བས་འཕངས་ལ། རྫོགས་བྱེད་ཀྱང་མི་དགེ་བས་རྫོགས་པ་ནི། དམྱལ་བའི་སྡུག་བསྔལ་ལྟ་བུ་སྟེ། འཕེན་བྱེད་མི་དགེ་བས་འཕངས་པས་དམྱལ་བའི་ལུས་གྲུབ་ལ། རྫོགས་བྱེད་མི་དགེ་བས་རྫོགས་པས་ཚ་གྲང་ལ་སོགས་པའི་སྡུག་བསྔལ་དཔག་ཏུ་མེད་པ་མྱོང་བའོ། །འཕེན་བྱེད་མི་དགེ་བས་འཕངས་ཀྱང་རྫོགས་བྱེད་དགེ་བས་རྫོགས་པ་ནི། དུད་འགྲོ་ཀླུ་ཕྱུག་པོ་ལ་སོགས་པ་ལོངས་སྤྱོད་ཆེན་པོ་འབྱུང་བ་དང་། ཡི་དྭགས་ཀྱི་རྒྱལ་པོ་གཤིན་རྗེ་ཆོས་རྒྱལ་ལ་ལྷའི་དབང་པོ་བརྒྱ་བྱིན་དང་མཉམ་པའི་ལོངས་སྤྱོད་ཡོད་པ་ལ་སོགས་པ་མདོར་ན་ངན་སོང་གི་རྟེན་ལ་བདེ་བའི་རྣམ་པ་གང་ཅི་ཡོད་པ་ཐམས་ཅད་རྫོགས་བྱེད་དགེ་བས་རྫོགས་པ་ཡིན་ནོ། །འཕན་བྱེད་ཀྱང་དགེ་བས་འཕངས་ལ་རྫོགས་བྱེད་ཀྱང་དགེ་བས་རྫོགས་པ་ནི། སྟོང་འཁོར་ལོས་བསྒྱུར་བའི་རྒྱལ་པོ་ལྟ་བུ་སྟེ། འཕེན་བྱེད་དགེ་བས་འཕངས་པས་མཐོ་རིས་ཀྱི་ལུས་ཐོབ་རྫོགས་བྱེད་དགེ་བས་རྫོགས་པས་ལོངས་སྤྱོད་མངའ་ཐང་བསམ་གྱིས་མི་ཁྱབ་པར་འབྱུང་བ་ཡིན་ནོ། །འཕེན་བྱེད་དགེ་བས་འཕངས་ཀྱང་རྫོགས་བྱེད་མི་དགེ་བས་རྫོགས་པ་ནི། འཕེན་བྱེད་དགེ་བས་འཕངས་པས་མི་ལུས་ཐོབ་ལ། རྫོགས་བྱེད་མི་དགེ་བས་རྫོགས་པས་ཚེ་ཐུང་བ་དང་། ནད་མང་བ་དང་། ལོངས་སྤྱོད་དབུལ་བ་ལ་སོགས་པ་མདོར་ན་མཐོ་རིས་ཀྱི་རྟེན་ལ་སྡུག་བསྔལ་གང་ཇི་སྙེད་ཅིག་ཡོ ད་པ་དེ་ཐམས་ཅད་རྫོ གས་བྱེད་མི་དགེ་བས་རྫོགས་པ་ཡིན་ནོ།། དེ་ལ་མི་དགེ་བའི་ལས་གཅིག་གི་ངན་སོང་གི་ལུས་དུ་མ་འཕེན་པ་ཡོད་དོ། །དེ་བཞིན་དུ་དགེ་བའི་ལས་གཅིག་གི་མཐོ་རིས་ཀྱི་ལུས་དུ་མ་འཕེན་པ་ཡང་ཡོད་དོ། །ལས་དུ་མས་ལུས་གཅིག་འཕེན་པའང་ཡོད་དོ། །དེས་ན་དེང་སང་གི་མི་འདི་ཙོའི་བསམ་པ་ལ། དམྱལ་བ་མྱོང་བའི་ལས་བསོག་པ་ལ་སྲོག་གཅོད་པ་ལ་སོགས་པའི་སྡིག་པ་ཡུན་རིང་པོ་བྱེད་དགོས་པ་དང༌། དམག་ལྟ་བུ་ལ་སོགས་པའི་གྲོགས་མང་པོ་སྦྲན་པའི་རྩོལ་བ་ཆེན་པོ་བྱས་ལ། སྡེ་བརླག་པ་ལ་སོགས་པའི་མི་དགེ་བ་ཆེན་པོ་དང་། སེམས་ཅན་མང་པོ་བསད་པ་ལ་སོགས་པ་དམྱལ་བར་འགྲོ་དགོས་ལ། དེ་ལ་ཡང་དམྱལ་བ་གང་ཡང་རུང་བ་གཅིག་ཏུ་སྐྱེ་དགོས་པར་བསམ་གྱིན་འདུག་མོད། དེ་ནི་ཆོས་རྒྱུས་ཆུང་བའི་རྟགས་ཡིན་མོད་དེ། དེ་རྣམས་ཀྱང་དམྱལ་བ་རུ་འཕེན་བྱེད་ཀྱི་ལས་ཤིན་ཏུ་ནས་ཀྱང་ཡིན་ཞིང་། གོང་དུ་བཤད་པའི་མི་དགེ་བའི་ལས་སྟོབས་ལྡན་རེ་རེས་ཀྱང་ངན་སོང་གི་ལུ ས་དུ ་མ་འཕེན་པ་ཡོད་པར་གསུངས་ལ། དེ་ལྟ་བུའི་ལུས་དུ་མ་འཕེན་བྱེད་ཀྱི་ལས་བསོག་པ་ལ་ནི་རྩོལ་བ་ལ་སོགས་པ་དེ་ལྟ་བུ་མི་དགོས་པའི་ཕྱིར་རོ། །དེས་ན་བཅོམ་ལྡན་འདས་ཀྱིས་མདོ་ལས། མི་དགེ་བ་རེ་རེས་དམྱལ་བ་བཅུ་དྲུག་ཏུ་སྐྱེ་དགོས་པར་གསུངས་སོ།༧༨།ལས་རེ་རེས་ཀྱང་ངན་སོང་གི་སྡུག་བསྔལ་མཐའ་པ་བསྐྱེད་པར་ཤེས་པར་བྱས་ལ་མི་དགེ་བ་སྤང་བ་ལ་འབད་པར་བྱའོ།། བཞི་པ་དཀར་ལ་རྣམ་པར་སྨིན་པ་དཀར་བའི་སྒོ་ནས་ལས་ཀྱི་རྣམ་གྲངས་རྣམ་པར་བཞག་པ་ནི་ལས་དེ་རྣམས་དཀར་ལ་རྣམ་པར་སྨིན་པ་དཀར་བའི་ལས། དཀར་ལ་རྣམ་པར་སྨིན་པ་གནག་པའི་ལས། གནག་ལ་རྣམ་པར་སྨིན་པ་གནག་པའི་ལས་གནག་ལ་རྣམ་པར་སྨིན་པ་དཀར་བའི་བཞི་ལས། དང་པོ་ནི། དད་པ་དྲག་པོས་ཀུན་ནས་བླངས་ཏེ། དཀོན་མཆོག་མཆོད་པ་ལ་སོགས་པ་ལྟ་བུའོ། །དེ་ལྟ་བུ་ནི་རྒྱུའི་ཀུན་སློང་དང་། དུས་ཀྱི་ཀུན་སློང་། ཀུན་སློང་གཉིས་ཀ་དཀར་བས་དཀར་ལ་རྣམ་པར་སྨིན་པ་དཀར་བའི་ལས་ཞེས་བྱའོ། །ཟས་ནོར་ལ་སོགས་པ་ལ་སྲེད་པས། དེ་ཐོབ་པར་བྱ་བའི་ཕྱིར་དུ་དེ་བཞིན་གཤེགས་པའི་སྐུ་གཟུགས་ལ་སོགས་པ་རི་མོར་འབྲི་བ་ནི། དུས་ཀྱི་ཀུན་སློང་དཀར་བ་ལྟར་སྣང་ཡང་། རྒྱུའི་ཀུན་སློང་གནག་པས་དཀར་ལ་རྣམ་པར་སྨིན་པ་གནག་པའི་ལས་ཞེས་བྱའོ། །བཟའ་བའི་ཕྱིར་དུ་སྲོག་གཅོད་པ་ལྟ་བུ་ནི། རྒྱུའི་ཀུན་སློང་དང་དུས་ཀྱི་གཉིས་ཀ་གནག་པས་གནག་ལ་རྣམ་པར་སྨིན་པ་གནག་པའི་ལས་ཞེས་བྱའོ། །བུ་ཚ་ཉེས་པ་ལས་བཟློག་པའི་ཕྱིར་དུ་ཕ་མས་བརྩེ་བའི་སེམས་ཀྱི་འཕྲལ་དུ་རྡེག་པ་དང༌། འཐབ་པ་ལ་སོགས་པ་ལྟ་བུ་ནི། དུས་ཀྱི་ཀུན་སློང་གནག་པ་ལྟར་སྣང་ཡང་རྒྱུའི་ཀུན་སློང་དཀར་བས་གནག་ལ་རྣམ་པར་སྨིན་པ་དཀར་བའི་ལས་ཞེས་བྱའོ།། དེས་ན་དགེ་མི་དགེར་འཇོག་པ་ནི་ལས་རང་གི་ངོ་བོ་མི་གཙོ་ཡི་ཀུན་སློང་གཙོ་ཆེ་སྟེ། དཔེར་ན་དེད་དཔོན་ཐབས་ལ་མཁས་པས་མི་ནག་མདུང་ཐུང་ཅན་བསད་པ་ལྟ་བུ་རང་གི་ངོ་བོ་སྲོག་གཅོད་པར་སྣང་ཡང་ཀུན་སློང་ཤིན་ཏུ་བཟང་བས་བསྐལ་བ་མང་པོའི་ཚོགས་འདུམས་པར་གསུངས་པ་དང༌། རྙེད་བཀུར་ཐོབ་པར་བྱ་བའི་ཕྱིར་དང་། གཞན་ཡིད་ཆེས་པར་བྱ་བའི་དོན་དུ་སྒོ་གསུམ་དགེ་བ་ལ་སྦྱོར་བ་མཚན་མའི་རྣམ་པར་གཡེང་བ་ཞེས་བྱ་བ་མི་དགེ་བར་གསུངས་པ་དང༌། དེའི་ཆེད་དུ་དབང་པོའི་སྒོ་སྡོམ་པ་ཚུལ་འཆོས་དང་ངག་འཇམ་པར་སྨྲ་བ་ཁ་བསག་དང་། དེ་ལྟ་བུ་ལ་བརྟེན་ནས་ཐོབ་པའི་རྙེད་བཀུར་རྣམས་ཀྱང་ལོག་འཚོར་གསུངས་པས་སོ། །དེས་ན་ཞི་བ་ལྷས། གང་ཚེ་འདི་ནི་ཅི་སྤྱོད་ཅེས། །དེ་ལྟར་ཡིད་ལ་སོ་སོར་བརྟག༧༩།ཅེས་པ་བཞིན་དུ། སྒོ་གསུམ་གྱི་ལས་ཅི་དང་ཅི་བྱེད་པའི་སྔོན་དུ་ཀུན་སློང་ལ་སོ་སོར་བརྟག་ནས་སྤང་བླངས་ཕྱིན་ཅི་མ་ལོག་པར་བྱའོ།། དེ་ལྟར་མ་བྱས་ན། ཆོས་བྱས་པར་རློམ་ཡང་ཆོས་སུ་འགྲོ་བའི་ངེས་པ་མི་སྣང་ཏེ། ཁ་རག་སྒོམ་ཆུང་གིས། འགྲན་སེམས་ཀྱི་སློབ་གཉེར་བྱས་པ་དང༌། ། ལོ་འདོད་ཀྱི་སྟོན་མོ་བྱས་པ་དང༌།། མཁས་འདོད་ཀྱི་ང་རྒྱལ་སྟོན་པ་གསུམ། །ཆོས་སུ་འགྲོའམ་སོམས་ཤིག་ཨང་།&quot; །ཞེས་གསུངས་སོ།། ལྔ་པ་འབྲས་བུ་མྱོང་བའི་དུས་ཀྱི་སྒོ་ནས་རྣམ་གྲངས་རྣམ་པར་བཞག་པ་ནི།༡ འོ་ན་དེ་དག་གི་འབྲས་བུ་དུས་ནམ་གྱི་ཚེ་མྱོང་སྙམ་ན། འདི་ལ་གསུམ་སྟེ། མཐོང་ཆོས་ལ་མྱོང་འགྱུར་དང་། ལན་གྲངས་གཞན་ལ་མྱོང་འགྱུར་དང༌། སྐྱེས་ནས་མྱོང་འགྱུར་དང་གསུམ། དང་པོ་ནི། མཛོད་ལས། ཞིང་དང་བསམ་པའི་ཁྱད་པར་གྱིས། །མཐོང་ཆོས་འབྲས་བུ་ཅན་གྱི་ལས།༨༢ །ཞེས་གསུངས་པ་ལས། ཡུལ་ཁྱད་པར་ཅན་དཀོན་མཆོག་གསུམ་ལྟ་བུ་ལ། བསམ་པ་ཁྱད་པར་ཅན་དད་པ་དྲག་པོ་ལ་སོགས་པས་དངོས་པོ་ཁྱད་པར་ཅན་མཆོད་རྫས། ཕུན་སུམ་ཚོགས་ཚོགས་པ་ལྟ་བུ་མཆོད་པ་རྒྱ་ཆེན་པོ་ལ་སོགས་པ་ཕུལ་ན་དེའི་འབྲས་བུ་ཚེ་འདིར་མྱོང་བར་འགྱུར་ལ། དེ་བཞིན་དུ་ཡུལ་ཁྱད་པར་ཅན་ལ་ཉོན་མོངས་པ་དྲག་པོས་ཀུན་ནས་བླངས་ཏེ། སྡིག་པ་ཆེན་པོ་བསགས་ན་དེའི་འབྲས་བུ་ཚེ་འདིར་མྱོང་བར་འགྱུར་རོ། །མདོར་ན་དགེ་སྡིག་གི་ལས་རྣམས་ཤིན་ཏུ་སྟོབས་དང་ལྡན་པ་འགའ་ཞིག་གིས་འབྲས་བུ་ཚེ་འདི་ཉིད་ལ་སྨིན་པར་འགྱུར་བ་ལ་ནི་མཐོང་ཆོས་མྱོང་འགྱུར་གྱི་ལས་ཞེས་བྱའོ། །གཉིས་པ་ནི། མཚམས་མེད་ཀྱི་ལས་བསགས་པ་ལྟ་བུ། ལས་བསགས་པའི་སྐྱེ་བ་ཕྱི་མ་དེ་ལ་ངེས་པར་སྨིན་པའི་ལས་དེ་ལ་སྐྱེས་ནས་མྱོང་འགྱུར་གྱི་ལས་ཞེས་བྱའོ། །སྐྱེ་བ་ཕྱི་མའི་ཡང་ཕྱི་མ་ཕན་ཆད་ལ་འབྲས་བུ་སྨིན་པར་འགྱུར་བའི་ལས་ལ་ནི། ལན་གྲངས་གཞན་ལ་མྱོང་འགྱུར་གྱི་ལས་ཞེས་བྱ་བའོ། །དེའི་དུས་ཀྱི་རིང་མཐའ་འདི་ཙམ་ཚུན་ལ་ངེས་པར་སྨིན་པར་འགྱུར་ཞེས་པའི་ཚད་ནི་བཟུང་བར་མི་ནུས་སྟེ། འདུལ་བ་ལུང་ལས། ལུས་ཅན་དག་གི་ལས་རྣམས་ནི། །བསྐལ་པ་བརྒྱར་ཡང་ཆུད་མི་ཟ། །ཚོགས་ཤིང་དུས་ལ་བབ་པ་ན། །འབྲས་བུ་ཉིད་དུ་སྨིན་པར་འགྱུར།༨༢ །ཞེས་བྱ་བ་ལ་སོགས་པ་གསུངས་སོ།། དེ་ནི་མི་རྣམས་རང་གི་སྐྱེ་བ་ཕྱི་མའི་གནས་མཐོ་དམན་གྱི་ཁྱད་པར་རང་གི་ཚེ་འདིའི་སྡིག་པ་ཆེ་ཆུང་གཉིས་ཀ་ལ་འཇོག་པར་སྣང་མོད། ཚེ་འདི་ཉིད་ཀྱི་སྡིག་པ་ཆེ་ཆུང་ཡང་སྐྱེ་བ་ཕྱི་མ་ཕན་ཆད་ཀྱི་གནས་མཐོ་དམན་གྱི་རྒྱུར་འགྱུར་བ་སྲིད་མོད། མཐའ་གཅིག་ཏུ་ངེས་པ་མེད་དེ། ཚེ་འདི་སྡིག་པ་ཤས་ཆུང་ཞིང་། དགེ་བ་རེ་དགའ་བྱས་པ་ཡིན་ཀྱང་སྐྱེ་བ་ཕྱི་མ་དེ་ལ་སྐྱེ་བ་ཐོག་མ་མེད་པ་ནས་བསགས་པའི་དམྱལ་བ་མྱོང་ངེས་ཀྱི་ལན་གྲངས་གཞན་ལ་མྱོང་འགྱུར་གྱི་ལས་ཀྱི་བག་ཆགས་དེ་སྐྱེ་བ་ཕྱི་མ་དེ་ལ་མྱོང་དགོས་པའི་ཕྱིར་རོ། །དེས་ན་ཚེ་འདིར་སྡིག་པ་ཚབས་ཆེན་པོ་བྱེད་པའི་མི་གཅིག་དང་དགེ་བ་རེ་འགའ་བྱེད་པའི་མི་གཉིས་ཐོག་མ་མེད་པ་ནས་ཀྱི་མི་དགེ་བའི་བག་ཆགས་སུ་མཐུག་མི་ཤེས་པས།༨༤ མི་དགེ་བ་ཚབས་ཆེན་པོ་བྱེད་པ་ལ་ཁྱད་བསོད་དང་རང་ལ་དེ་ལྟ་བུ་མེད་པའི་རློམ་པ་བྱས་ནས་བློ་བདེ་མོར་འདུག་པ་ཤིན་ཏུ་མི་འཐད་དེ། རང་གི་ཐོག་མ་མེད་པ་ནས་བསགས་པའི་དམྱལ་བ་མྱོང་ངེས་ཀྱིས་ལས་ཀྱི་བག་ཆགས་རང་རྒྱུད་ལ་ཅི་ཙམ་ཡོད་མི་ཤེས་ཤིང༌། ཚད་བཟུང་བར་མི་ནུས་ཏེ། འཁོར་བ་མཐའ་མེད་དུ་འཁྱམ་དགོས་པའི་ལས་ཀྱི་བག་ཆགས་རྒྱུ ད་ལ་མེད་པའི་ཡིད་བརྟན་ནམ་རྒྱུ་མཚན་གཏན་མི་འདུག་པའི་ཕྱིར་རོ།། ཚེ་འདིར་སྡིག་པ་ཆེར་མ་བྱས་པ་དང༌། དགེ་བ་ཅུང་ཟད་བྱས་པ་ཡིད་བརྟན་མི་ཐུབ་སྟེ། འཁོར་བ་མཐའ་མེད་དུ་འཁྱམ་དགོས་པའི་སེམས་ཅན་གཅིག་ནི་ཡོད་པར་གསུངས་ལ། དེས་ཀྱང་རང་གི་ཚེ་འདིའི་སྡིག་པ་སྤང་བ་དང་། དགེ་བ་སྒྲུབ་པ་འདི་ལས་ལྷག་པར་བྱས་ཏེ། རང་རེའི་དགེ་བ་སྒྲུབ་པ་དེ་ནི་མི་ལུས་ཐོབ་པའི་རྒྱུར་འགྱུར་བ་ཡང་དཀའ་ན། ཅིག་ཤོས་ཀྱི་ལྷའི་ལུས་ཀྱང་གྲངས་མེད་ཐོབ་པ་ཡོད་པའི་ཕྱིར་རོ། །དེས་ན་རང་བཟང་བཟང་པོ་སྟེ། མཐོ་མཐོ་པོར་རློམ་ཡང་སྤྱོད་འཇུག་ལས། །སྐད་ཅིག་གཅིག་བྱས་སྡིག་པས་ཀྱང་། །བསྐལ་པར་དམྱལ་བར་གནས་གྱུར་ན། །ཐོག་མེད་འཁོར་བར་བསགས་སྡིག་གིས། །བདེ་འགྲོ་མི་འགྲོ་སྨོས་ཅི་དགོས།« །ཞེས་གསུངས་པས། རང་གི་ཚེ་འཁོར་བ་ཐོག་མ་མེད་པ་ནས་ད་ལྟའི་བར་དུ་མི་དགེ་བ་གསོག་པ་ལ་ནི། ཉི་མ་གཅིག་ཀྱང་མ་དལ་བར་བསགས་པ་ལྟ་བུའི་ཚོད་དུ་འདུག་ཅིང་། དེ་ལྟ་བུ་དེ་ཡང་རང་གི་སྟེང་མ་ཡིན་པ་གཞན་དུ་འགྲོ་བ་ཅུང་ཟད་ཙམ་ཡང་མི་འདུག་པས། དེ་ལྟ་བུའི་བག་ཆགས་དེ་མ་སྦྱངས་པར་འགྲོ་བ་གོམ་པ་གང་ཡང་མི་འདུག་ལ་སྔར་བྱས་ལས་ལ་འགྱོད་པ་དྲག་པོ་བསྐྱེད་པ་དང་། བཤགས་པ་དང་ཕྱིན་ཆད་སྲོག་ལ་བབས་ཀྱང་མི་བྱེད་པའི་བཤགས་སྡོམ་རྣམ་པར་དག་པ་དགོས་པར་འདུག་གོ། འོ་ན་དགེ་མི་དགེ་གཉིས་ཀའི་བག་ཆགས་ཡོད་ན་སྔ་རོལ་ཏུ་གང་སྨིན་པར་འགྱུར་སྙམ་ན༑ འདི་ལ། གནས་བརྟན་བྱང་བཟང་གིས། ལས་ཀྱི་འབྲས་བུ་ལྕི་གང་དང༌། །ཉེ་བ་གང་དང་གོམ་པ་གང༌། །སྔར་བྱས་གང་ཡིན་དེ་ཀུན་ལས། །འབྲས་བུ་ཐོག་མར་སྨིན་པར་འགྱུར།༨༦ །ཞེས་དགེ་སྡིག་གཉིས་ལ་སྟོབས་ཆེ་ཆུང་ཡོད་ན་སྟོབས་ཆེ་བ་སྔོན་ལ་སྨིན་ལ་སྟོབས་མཉམ་ན་ཉེ་བ་འཆི་ཁར་གང་གསལ་བ་དེ་ཐོག་མར་སྨིན་ནོ། །བག་ཆགས་གསལ་མི་གསལ་ཡང་མཉམ་ན། སྔར་གང་བྱས་གང་ཡིན་དེ་ཀུན་ལས། །གོམ་ཤས་གང་ཆེ་བ་ཐོག་མར་སྨིན་ནོ། །གོམ་པ་ཡང་སྙམ་ན། ཐོག་མར་གང་བསགས་པ་སྨིན་ནོ། །ཡང་ན་ཆོས་མངོན་པ་ཀུན་ལས་བཏུས་ལས་ནི། ཡང་ན་ཞེས་གསུངས་པས།༧ གོང་གི་དེ་རྣམས་ངེས་པ་མེད་པར་རྣམ་གྲངས་པ་ལྟ་བུར་གསུངས་སོ། །གང་ལྟར་ཡང་རང་རྒྱུད་ལ་ནི་སྐྱེ་བ་འདི་ནས་ཕྱི་མར་མི་དགེ་བའི་འབྲས་བུ་སྨིན་པའི་རྒྱུ་མཚན་རྣམས་ཆེས་ཆེ་བར་འདུག་གོ། དེ་དག་གི་དོན་བསྡུས་ཏེ་བསྟན་པ། བཞི་པ་དེ་དག་གི་དོན་བསྡུས་ཏེ་བསྟན་པ་ནི། གོང་དུ་བསྟན་པའི་ལས་དང་འབྲས་བུའི་རྣམ་བཞག་དེ་རྣམས་ཀྱི་དོན་དྲིལ་ནས་བསྟན་ན། བཅོམ་ལྡན་འདས་ཀྱིས་མདོ་ལས། སྐྱེས་བུ་གང་ཟག་འདི་དག་ནི་ལས་ཀྱི་སྐྱེ་གནས་པ། ལས་ཀྱི་བགོ་སྐལ་ལ་སྤྱོད་པ། ལས་བདག་གིར་བྱའོ།༨༨ །ཞེས་གསུངས་སོ། །དེ་ལ་ལས་ཀྱི་སྐྱེ་གནས་པ་ནི། ཞེས་པ་ནི། སྣོད་བཅུད་བདེ་སྡུག་གི་སྣང་བ་སྣ་ཚོགས་པ་འདི་མུ་སྟེགས་པའི་འདོད་པ་ལྟར་བདག་ལས་འབྱུང་བ་མ་ཡིན། རང་ལས་རང་སྐྱེ་བ་ཡང་མ་ཡིན་གྱི་རྒྱུ་ཚང་ལ་མ་ནོར་བ་ལས་སྐྱེས་པ་ཡིན་ནོ། །ཞེས་བྱ་བ་ཡིན་ལ། བྱེ་བྲག་ཏུ་རང་གི་ལས་བདེ་སྡུག་གི་སྣང་བ་ཐམས་ཅད་ཀྱང་འདི་ལྟར་དུ་མྱོང་བའི་ལས་བསགས་པ་ལས་བྱུང་བ་ཡིན་ཏེ། ལས་བརྒྱ་པ་ལས། ལུས་ཅན་ཀུན་གྱི་བདེ་སྡུག་ནི། །ལས་རྣམས་ཡིན་པར་ཐུབ་པས་གསུངས། །ལས་རྣམས་ཀྱང་ནི་སྣ་ཚོགས་ལས། །དེ་ཡི་འགྲོ་འདི་སྣ་ཚོགས་བྱས། །ཞེས་གསུངས་སོ།། འཇིག་རྟེན་གྱི་བདེ་སྡུག་དེ་ཇི་སྙེད་པ་ལས་ལས་བྱུང་ན། དགེ་མི་དགེའི་ལས་རྣམས་གང་ཡང་རུང་བ་གཅིག་གི་བདེ་སྡུག་ཐམས་ཅད་བསྐྱེད་པ་ཡིན་ནམ། ལས་ཐམས་ཅད་ཀྱི་བདེ་སྡུག་ཐམས་ཅད་བསྐྱེད་པ་ཡིན་སྙམ་ན། དེ་ལྟ་བུ་ནི་མ་ཡིན་གྱི་ལས་ཀྱི་བགོ་སྐལ་ལ་སྤྱོད་པ་ཞེས་བྱ་བ། འབྲས་བུ་བདེ་བ་ཅི་ཡོད་པ་ཐམས་ཅད་རྒྱུ་དགེ་བ་ལས་བྱུང་བ་ཡིན་གྱི་མི་དགེ་བ་ལས་བྱུང་མི་སྲིད། སྡུག་བསྔལ་ཇི་སྙེད་ཡོད་པ་ཐམས་ཅད་རྒྱུ་མི་དགེ་བ་ལས་བྱུང་གིས་དགེ་བ་ལས་འབྱུང་བ་མི་སྲིད་དོ། །དེས་ན་རྒྱུ་དགེ་བས་ནི་བདེ་བ་བསྐྱེད་ཀྱི་སྡུག་བསྔལ་བསྐྱེད་པ་མི་སྲིད་དེ། རྒྱུ་མི་དགེ་བས་ནི་སྡུག་བསྔལ་བསྐྱེད་ཀྱི་བདེ་བ་བསྐྱེད་པ་མི་སྲིད་དོ། །དེས་ན་ལས་ཀྱི་བགོ་སྐལ་ལ་སྤྱོད་པ་ཞེས་བྱ་བ་དགེ་སྡིག་གི་རྒྱུ་འབྲས་སོ་སོར་ངེས་པ་ཁོ་ན་ཡིན་གྱི། ཕན་ཚུན་འཆོལ་བ་མི་སྲིད་དོ། །ཞེས་བྱ་བའི་དོན་ཡིན་གྱི། དེ་ལྟར་ན་ཚེ་འདིར་དགེ་བ་བྱེད་པ་ལ་སྡུག་བསྔལ་ཆེན་པོ་འབྱུང་བ་དང་། སྡིག་པ་ཆེན་པོ་བྱེད་པ་ལ་གཟུགས་བཟང་པོ་འབྱུང་བ་དང་། ལོངས་སྤྱོད་མོད་པོ་ལ་སོགས་པའི་དགེ་བ་ཇི་ལྟར་ཡིན་སྙམ་ན། དགེ་བ་བྱེད་པ་ན་ཚ་མང་བ་དང༌། ལོངས་སྤྱོད་ཆུང་བ་འབྱུང་བ་སྲིད་ཀྱང༌། དེ་དེ་ལྟར་དགེ་བ་རྣམ་པར་དག་པ་དེའི་འབྲས་བུ་སྡུག་བསྔལ་དེར་སྨིན་པ་མ་ཡིན་གྱིས་སྡུག་བསྔལ་མྱོང་བའི་ལས་མི་དགེ་བ་ཅིག་སྔོན་སྤྱད་པའི་འབྲས་བུ་ཡིན་ནོ། །ཁྱད་པར་དུ་དགེ་བ་རྣམ་པར་དག་པ་བྱང་ཆུབ་ཀྱི་སེམས་ལྟ་བུ་ཅིག་ཐུགས་རྒྱུད་ལ་འཁྲུངས་པ་ལ། ན་ཚ་ལྟ་བུའི་སྡུག་བསྔལ་འབྱུང་བ་སྟེ། སྔོན་དམྱལ་བ་ལ་སོགས་པ་ངན་སོང་གི་སྡུག་བསྔལ་མྱོང་བའི་ལས་བསགས་པ། དགེ་བ་དེའི་སྟོབས་ཀྱི་མིའི་སྡུག་བསྔལ་དེ་ཙམ་དུ་སྨིན་ནས་ངན་སོང་མྱོང་མི་དགོས་པར་གསུངས་ཏེ། རྡོ་རྗེ་གཅོད་པ་ལས། ཤེས་རབ་ཀྱི་ཕ་རོལ་ཏུ་ཕྱིན་པ་་ལ་ལ་སྤྱོད་པའི་གང་ཟག་མནར་བར་འགྱུར་རོ།༩༡ །ཞེས་པར། སྤྱོད་འཇུག་ལས། བསད་བྱའི་མི་ཞིག་ལག་བཅད་དེ། །གལ་ཏེ་ཐར་ན་ཅིས་མ་ལེགས། །མི་ཡི་སྡུག་བསྔལ་ཆུང་ངུ་ཡིས། །དམྱལ་བ་བྲལ་ན་ཅིས་མ་ལེགས།༩༢ །ཞེས་གསུངས་སོ། །ད་ལྟ་དགེ་བ་རྣམ་པར་དག་པའི་འབྲས་བུ་ནི། ཕྱིས་འབྱུང་བར་འགྱུར་རོ།། དེ་བཞིན་དུ་ད་ལྟ་སྡིག་པ་སྟོབས་ཅན་བྱེད་པ་ལ་བདེ་བ་འབྱུང་བ་ནི། སྡིག་པ་དེའི་འབྲས་བུ་བདེ་བ་དེར་སྨིན་པ་མ་ཡིན་གྱི་བདེ་བ་དེ་ལྟ་བུ་འབྱུང་བའི་རྒྱུ་དགེ་བ་ཅིག་སྔོན་ལ་བསགས་པའི་འབྲས་བུ་ཡིན་ནོ། །སྡིག་པ་སྟོབས་ཅན་བྱེད་པ་ཁ་ཅིག་ལ་བདེ་བ་ཆེན་པོ་འབྱུང་བ་ནི་སྔོན་ལྷ་མི་ལ་སོགས་པའི་གོ་འཕང་ཐོབ་པའི་བསོད་ནམས་རྒྱ་ཆེན་པོ་བསགས་པ་དེ་སྡིག་པ་སྟོབས་ཅན་དེའི་མཐུས་ཚེ་འདིའི་བདེ་བ་ཙམ་དུ་ཟད་ནས་ཕྱིན་ཆད་སྡུག་བསྔལ་ཁོ་ན་མྱོང་དགོས་པའི་རྟགས་སུ་ཡང་གསུངས་ཏེ། སྔོན་ཉི་འོག་གི་ཡུལ་དུ་སྡིག་པ་སྟོབས་ཆེན་བྱེད་པའི་གྲོང་ཁྱེར་གཅིག་ཏུ་མུ་གེ་ཆེན་པོ་འབྱུང་བ་ལ། དང་པོར་ཞག་བདུན་དུ་འབྲས་ཀྱི་ཆར་པ་བབས་པ། དེ་ནས་ཞག་བདུན་དུ་ནས་ཀྱི་ཆར་བབས་པ། དེ་ནས་ཞག་བདུན་དུ་རིན་པོ་ཆེའི་ཆར་བབས་ཏེ། སྔོན་བསོད་ནམས་ཆེན་པོ་བསགས་པ་དེ་ཙམ་དུ་ཟད་པར་བྱས་ཏེ། དེ་ནས་ཞག་བདུན་དུ་བྱེ་ཚན་གྱི་ཆར་བབས་ཏེ། གྲོང་ཁྱེར་བརླག་པར་བྱས་སོ།༩༣ །ཞེས་འབྱུང་ངོ༌། །དེས་ན་སྡིག་པ་ལས་བདེ་བ་འབྱུང་བ་མི་སྲིད་ཀྱི་སྡིག་པ་ཆེན་པོས་སྔོན་གྱི་དགེ་བ་ཡང་འཇོམས་པར་བྱེད་དེ། སྤྱོད་འཇུག་ལས། བསྐལ་པ་སྟོང་དུ་བསགས་པ་ཡིས། །སྦྱིན་དང་བདེ་གཤེགས་མཆོད་ལ་སོགས། །ལེགས་སྤྱད་གང་ཡིན་དེ་ཀུན་ཀྱང༌། །ཁོང་ཁྲོ་གཅིག་གིས་འཇོམས་པར་བྱེད།༩༤ །ཅེས་གསུངས་སོ། །དེས་ན་མི་དགེ་བ་དེའི་འབྲས་བུ་ཕྱིས་འབྱུང་། དེ་ལྟར་ན་ཡང་དགེ་བ་ལས་འབྲས་བུ་བདེ་བ་དང༌། སྡིག་པ་ལས་འབྲས་བུ་སྡུག་བསྔལ་འབྱུང་བ་ཡིན་ཡང་། དགེ་བ་ལས་འབྲས་བུ་སྡུག་བསྔལ་དང༌། སྡིག་པ་ལས་འབྲས་བུ་བདེ་བ་འབྱུང་བ་མི་སྲིད་པ་མ་ཡིན་ཏེ། དཔེར་ན་དགེ་བ་བྱེད་པའི་ཚེ་དཀའ་ཐུབ་དང་དཀའ་སྤྱད་ཀྱི་སྡུག་བསྔལ་མྱོང་བ་དང་། མི་དགེ་བ་མ་བྱིན་པར་བླངས་པ་ལ་བརྟེན་ནས་ལོངས་སྤྱོད་ཕུན་སུམ་ཚོགས་པ་འབྱུང་བ་དང་། སེམས་ཅན་གྱི་སྲོག་གཅོད་པ་ལ་བརྟེན་ནས་ཤ་ཚིལ་ལ་ལོངས་སྤྱོད་པའི་བདེ་བ་མྱོང་བ་མངོན་སུམ་དུ་མཐོང་བས་སོ་སྙམ་ན། དགེ་བ་བྱེད་པའི་དཀའ་ཐུབ་དང་དཀའ་སྤྱད་ཀྱི་སྡུག་བསྔལ་མྱོང་བ་ནི། དེ་མྱོང་བའི་སད་བྱེད་ཀྱི་རྐྱེན་དགེ་བ་དེས་བྱས་པ་ཙམ་ཡིན་ལ། དེ་མྱོང་བའི་རྒྱུ་ནི་མི་དགེ་བ་ཅིག་སྔོན་དུ་བྱས་པ་ཡིན་ནོ། །དཀའ་ཐུབ་དང་དཀའ་སྤྱད་ཀྱི་འབྲས་བུ་ཕྱིས་འབྱུང་བ་ཡིན་ནོ། །དེ་བཞིན་དུ་མ་བྱིན་པར་ལེན་པའི་ལོངས་སྤྱོད་ལ་སོགས་འབྱུང་བ་ཡང་སྔོན་སྦྱིན་པ་ལ་སོགས་པ་བཏང་བའི་རྒྱུ་ལོངས་སྤྱོད་འབྱུང་བ་དགེ་བ་ཅིག་ཡོད་པ་དེ། དེའི་སད་བྱེད་མ་བྱིན་པར་ལེན་པ་དེས་བྱས་པ་ཙམ་ཡིན་ཏེ། དཔེར་ན། བྱེ་བྲག་ནོར་མཉམ་པོ་ཐོབ་ཀྱང་སྔོན་གྱི་སྦྱིན་ཤུག་ཆེ་ཆུང་གི་དབང་གིས་འགའ་ཞིག་ནོར་འཕེལ་ཡོད་ལ། འགའ་ཞིག་གིས་ནོར་མྱུར་དུ་ཟད་འགྲོ་བ་བཞིན་ནོ། །དེས་ན་དགེ་སྡིག་ལ་འབྲས་བུ་འཆོལ་བ་འབྱུང་མི་སྲིད་དོ། །འོ་ན་གཞན་གྱིས་དགེ་བ་བྱས་པའི་འབྲས་བུ་གཞན་གྱིས་མྱོང་བ་དང་། གཞན་གྱིས་མི་དགེ་བ་བྱས་པའི་འབྲས་བུ་གང་ཟག་གཞན་ལ་སྨིན་པར་འགྱུར་རམ་སྙམ་ན། དེ་ནི་མ་ཡིན་ཏེ། ལས་བདག་གིས་བྱའོ། །ཞེས་གསུངས་པས། གང་ཟག་རང་ཉིད་ལ་བདེ་བ་ཆེ་ཆུང་ཅི་བྱུང་ཡང་། རང་ཉིད་ཀྱིས་དགེ་བ་བྱས་པའི་འབྲས་བུ་ཡིན་ནོ། །དེ་བཞིན་དུ་རང་ལ་སྡུག་བསྔལ་ཅི་བྱུང་ཡང་རང་ཉིད་ཀྱི་སྡིག་པ་བྱས་པའི་འབྲས་བུ་ཡིན་ནོ། །དེས་ན་དགེ་སྡིག་གི་འབྲས་བུ་བྱེད་པ་པོ་རང་ཉིད་ལ་སྨིན་པར་འགྱུར་གྱི་གཞན་ལ་མི་སྨིན་ནོ། །འོ་ན་ཕ་མའི་དོན་དུ་བུ་ཚས་དགེ་བ་བྱས་པ་ཕ་མ་ལ་མི་སྨིན་ནམ་སྙམ་ན། འདི་ལ་འགའ་ཞིག་གི་བསམ་པ་ལ་ཕ་མའི་དོན་དུ་དགེ་བ་བྱས་པའི་དགེ་བ་དེའི་འབྲས་བུའི་དགེ་བ་ཅི་ཡོད་པ་ཕ་མ་དེ་ལ་འབྱུང་གི། བྱེད་པ་པོ་རང་ཉིད་ལ་འབྱུང་རྒྱུ་མེད་སྙམ་པ་སྲིད་མོད། དེ་ནི་མ་ཡིན་ཏེ། ཕ་མའི་ཆེད་དུ་དགེ་བ་ཅི་ཙམ་བྱས་པ་དེ་ཙམ་གྱིས་རང་གི་རྒྱུད་ལ་ཚོགས་གཉིས་རྫོགས་པའི་ཆེད་བྱས་པ་དང་། ཕ་མའི་རྒྱུད་ལ་ཕན་པའི་ཆེད་དུ་བྱས་པ་གཉིས། ཕ་མའི་རྒྱུད་ལ་ཚོགས་རྫོགས་པའི་ཆེད་དུ་བྱས་པ་རང་གི་རང་རྒྱུད་ལ་བསོད་ནམས་སྟོབས་ཆེ་བ་ཅིག་འབྱུང་ཞིང་།༩༦ ཕ་མའི་ལ་ཡང་སྔོན་གྱི་དགེ་བའི་བག་ཆགས་སད་བྱེད་ཀྱི་རྐྱེན་ལ་སོགས་པ། དགེ་བའི་བདག་རྐྱེན་བྱས་རྒྱུད་པའི་སྒོ་ནས་ཕན་གྱི་ཞེས་གསུང་ངོ༌། །དེས་ན་རང་གི་ཚེ་འདིར་མི་དགེ་བ་གང་བྱས་པ་དེའི་འབྲས་བུ་རང་ལ་མི་སྨིན་པར་གཞན་ལ་སྦྱིན་པ་མི་སྲིད་དོ། །དེའི་ཕྱིར་རང་གི་བྱས་པའི་དགེ་མི་དགེའི་འབྲས་བུ་རང་ལ་འབྱུང་བས་༩༧ འཆི་བའི་དུས་ལ་བབས་པ་དེའི་ཚེ་འཇིག་རྟེན་འདི་གང་བའི་ནོར་ཡོད་ཀྱང་དེ་བས་དད་པ་དྲག་པོས་ཀུན་ནས་བླངས་ཏེ། དཀོན་མཆོག་གི་རྟེན་ལ་ཕྱག་གཅིག་འཚལ་བ་རང་ལ་ཕན་པ་དང་། འཇིག་རྟེན་གྱི་མི་ཐམས་ཅད་དགྲར་ལངས་པ་བས་ཉོན་མོངས་པས་ཀུན་ནས་བླངས་ཏེ། ཚིག་ངན་པ་གཅིག་སྨྲས་པ་དང་། རབ་བྱུང་ཡིན་ན་ཉེས་བྱས་ཕྲ་མོ་ཅིག་སྤྱད་པ་རང་ལ་དགྲར་ཆེ་བར་ཤེས་པར་བྱས་ནས་དགེ་བ་གང་བྱེད་ཐམས་ཅད་རང་ལ་ཕན་པའི་ཐབས་ཁོ་ནར་ཤེས་པ་དང་། སྡིག་པ་གང་བྱས་ཐམས་ཅད་རང་ལ་གནོད་པའི་ཐབས་ཁོ་ནར་ཤེས་པར་བྱས་ལ་ལས་ཕྲ་ཞིང་ཕྲ་བ་ནས་བླང་དོར་ཚུལ་བཞིན་དུ་བྱའོ། ། གལ་ཏེ་གཞན་གྱིས་མི་དགེ་བ་བྱས་པས་གཞན་ལ་གནོད་པ་ཡོད་དེ། བཤན་པ་སྲོག་གཅོད་པའི་མི་དགེ་བ་བྱས་པས། ལུག་ལྟ་བུའི་སྲོག་གཅོད་པའི་སྡུག་བསྔལ་འབྱུང་བ་དང་། གཞན་གྱིས་དགེ་བ་བྱས་པས་གཞན་ལ་བདེ་བ་འབྱུང་བ་ཡོད་དེ། ཡོན་བདག་གི་དགེ་འདུན་ལ་ཚོགས་གསོག་གི་དགེ་བ་བྱས་པ། དགེ་འདུན་གྱི་བསྙེན་བཀུར་ལ་ལོངས་སྤྱོད་པའི་བདེ་བ་མྱོང་བ་ཡོད་དོ་སྙམ་ན་དེ་ནི་མ་ཡིན་ཏེ། བཤན་པས་སྲོག་གཅོད་པའི་ལུག་གི་སྡུག་བསྔལ་དེ་བཤན་པས་སྲོག་གཅོད་བྱས་པའི་སྡིག་པ་དེའི་འབྲས་བུ་མ་ཡིན་ཏེ། དེ་ནི་ལུག་དེ་ཉིད་སྔོན་གྱི་མི་དགེ་བ་བྱས་པའི་འབྲས་བུ་ཡིན་ལ། བཤན་པའི་མི་དགེ་བ་དེའི་འབྲས་བུ་ནི་བཤན་པ་རང་ཉིད་ལ་ཕྱིས་འབྱུང་བར་འགྱུར་རོ། །དེ་བཞིན་དུ་དགེ་འདུན་གྱི་ཚོགས་གསོག་ལ་ལོངས་སྤྱོད་པའི་བདེ་བ་ཡང་། ཡོན་བདག་གི་ཚོགས་གསོག་དེའི་འབྲས་བུ་མ་ཡིན་གྱིས་དགེ་འདུན་རང་ཉིད་ཀྱིས་སྔོན་དགེ་བ་བྱས་པའི་འབྲས་བུ་ཡིན་ནོ། །མདོར་ན་ལས་བདག་གི་བྱའོ། །ཞེས་པའི་དོན་ནི། དགེ་སྡིག་གི་ལས་གང་བྱས་པའི་འབྲས་བུ་དེ་བྱེད་པ་པོ་རང་ཉིད་ལ་ངེས་པར་འབྱུང་ལ། གཞན་ལའང་བདག་རྐྱེན་བྱས་པའི་ཚུལ་གྱིས་ཕན་གནོད་དུ་འགྱུར་རོ། །ཞེས་པའི་དོན་ནོ།། དེས་ན་ད་ལྟ་རང་ལ་མི་འདོད་པ་གང་བྱུང་ཡང་གཞན་གྱིས་ལན་སྙམ་དུ་བསམ་ནས་གཞན་ལ་ལེ་ལན་འདེད་པར་བྱེད། རང་ལ་འདོད་པ་ཅི་བྱུང་ཡང་རང་གི་ཚེ་འདིའི་སྒོ་དྲག་ལ་རྟེན་ནས་འབྱུང་བར་འདོད་མོད། དེ་ལྟ་བུ་ནི་མ་ཡིན་ཏེ། རང་གི་སྔོན་གྱི་ལས་ཀྱི་འབྲས་བུ་ཡིན་པས་མི་འདོད་པ་ཅི་བྱུང་ཡང་གཞན་ལ་ལེ་ལན་འདེད་ས་མེད་ཅིང་ཚེ་འདིར་བྱས་པའི་ལས་ཀྱི་འབྲས་བུ་ནི་ཕྱིས་འབྱུང་བ་ཡིན་ནོ། །དེ་ཡང་ལས་འཕེལ་ཆེ་སྟེ། ཕྱིའི་རྒྱུ་འབྲས་ཀྱི་འཕེལ་ཆེ་ཤོས་ནི་ཤིང་ནྱ་གྲོ་ཏ་ཞེས་པས་ས་བོན་ཡུངས་འབྲུ་ཙམ་ལ་འབྲས་བུ་རྫོགས་པའི་ཚེ་འདབ་རེས་ཀྱང་དཔག་ཚད་ཀྱི་བར་ཁྱབ་པར་བྱེད་པའི་ཤིང་སྐྱེ་བ་ཡིན་ནོ།༩༨ །ཞེས་གསུངས། དེ་བས་ཀྱང་ནང་གི་རྒྱུ་འབྲས་འཕེལ་ཆེ་སྟེ། ལས་མི་དགེ་བ་ཕྲ་མོས་ཀྱང་འབྲས་བུ་སྡུག་བསྔལ་ཆེན་པོ་མྱོང་དགོས་པར་གསུངས་ཏེ། དགེ་སློང་མ་གཅིག་གིས་རང་གི་གྲོགས་མོ་ཚོ་ལ་ཁྱི་མོ་ཁྱོད་ཚོ་ཞེས་བརྗོད་པ་ལ་བརྟེན་ནས་སྐྱེ་བ་ལྔ་བརྒྱར་ཁྱི་མོར་སྐྱེས་པ་དང་། བྲན་མོ་རྒུར་ཆུང་ཞེས་པ་གཞན་གྱི་བྲན་བྱེད་དགོས་ཤིང་ཁ་ཞན་པ་གཅིག་གིས། ལུས་རྒུར་པོ་འབྱུང་བའི་རྒྱུ། སྔོན་རྒྱལ་པོ་གཅིག་གི་སྲས་མོར་སྐྱེས་པའི་ཚེ། རང་གི་བྲན་མོ་ཚོ་ལ་བྲན་མོ་ཚོ་ཞེས་ཁྱད་ཚིག་སྨྲས་པས་བྲན་མོ་ཁ་ཞན་པར་སྐྱེས་པ་དང་། རྒུར་མོར་འབྱུང་བའི་རྒྱུ་རྒྱལ་པོ་དེའི་མཆོད་གནས་རང་སངས་རྒྱས་མང་པོ་ཡོད་པ་གདུགས་ཚོད་ལ་སྤྱན་དྲངས་པའི་ཚེ་རང་སངས་རྒྱས་སྐུ་གཟུགས་རྒུར་པོ་གཅིག་ཡོད་པ་མ་ཚང་བ་དང༌། རྒྱལ་པོས་བུ་མོ་ལ་མཆོད་གནས་རྣམས་ཚང་ངམ་གསུངས་པ་དང༌། གཅིག་མ་ཚང་ཞུས་པས། སུ་མ་ཚང་གསུངས་པས། བུ་མོས་རང་སངས་རྒྱས་ཀྱི་སྐུ་གཟུགས་ཀྱི་ལད་མོ་བྱས་ནས་འདི་ལྟ་བུ་མ་ཚང་ཞུས་པས། རྒུར་མོར་སྐྱེས་གསུང་ངོ༌། །དེ་ལ་རང་སངས་རྒྱས་ལ་མ་རངས་པའམ། ཉོན་མོངས་པས་ཀུན་ནས་བླངས་པའི་ལས་མ་ཡིན་པ་འདུག་ནའང༌། སྐྱོན་གྱིས་ཕྱོགས་ནས་ལད་མོ་བྱས་པའི་རྣམ་སྨིན་ནོ།༩༩ །ཞེས་གསུངས་སོ།། ཇོ་བོའི་བླ་མ་ཨ་ཝ་དྷུ་ཏི་པ་ཆེན་པོ་དེ། རེས་ཆོས་ཞུས་ཀྱང་མི་གསུང་། རེས་མ་ཞུས་ཀྱང་གསུང་བ་གཅིག་ཡིན་པ་ལ། དུས་གཅིག་གི་ཚེ། དཔོན་སློབ་གཟམ་འཕྲང་དོག་མོ་གཅིག་ལ་འབྱོན་པའི་དཀྱིལ་དུ་ཕེབས་ཙམ་ན་བླ་མ་ཞལ་ཕྱིར་ལོག་མཛད་ནས་བུ་བདག་ཏུ་འཛིན་པ་མ་ཟད་ཀྱི་བར་ལ་ལས་འབྲས་ཕྲ་ཞིང་ཕྲ་བའང་འཛེམ་དགོས་གསུངས། གཟམ་འཕྲང་ཐོན་ནས། ཇོ་བོས་རྒྱུ་མཚན་ཞུས་པས་རྣལ་འབྱོར་པ་ཏིང་ངེ་འཛིན་འདི་ཙམ་ཡོད་པ་མི་དགེ་བ་ཕྲ་མོ་སྤྱད་པ་ལ་བརྟེན་ནས། ད་ལྟ་དམྱལ་བ་འདི་ལྟ་བུ་ན་སྐྱེས་ནས་སྡུག་བསྔལ་ཆེན་པོ་མྱོང་ཞེས་བྱ་བ་དང༌། པཎྜི་ཏ་རིག་པའི་གནས་འདི་ཙམ་ཤེས་པ་ལས་ཕྲ་བ་ཅུང་ཟད་ཙམ་ལ་བརྟེན་ནས་དམྱལ་བ་ལ་སོགས་པ་གནས་འདི་ལྟ་བུར་སྡུག་བསྔལ་འདི་ལྟ་བུ་མྱོང་ངོ༌། །ཞེས་རྒྱུ་མཚན་དང་བཅས་ནས་གསུངས་སོ།༡༠༠ །གཞན་ཡང་། བི་ཀྲ་མ་ལ་ཤི་ལའི་དགེ་འདུན་གྱི་གཏོར་ཁུང་དུ་ཡི་དྭགས་རྐང་པ་ཕྱིན་ཀ་ལོག་ཏུ་བྱས་པ་གཅིག་འདུག་པ་ལ། བཙུན་ཆུང་མང་པོས་རྡོ་རྒྱབ་པ་དང༌། ཡི་དྭགས་དེས་བཙུན་ཆུང་གཅིག་བཟུང་། དེར་མང་པོ་འདུས་ཏེ། འགའ་ཞིག་གི་ཁྲོ་བོའི་སྔགས་བཟླས་ཤིང་དྲག་འདུལ་བྱས་པས་ཁོ་ངོས་ཀྱི་རྒོལ་བ་དུ་མ་བྱུང་བས། དེའི་ཉེ་འཁོར་ན་རྣལ་འབྱོར་པ་གཅིག་ཡོད་པས་གསན་ནས། ངོ་མཚར་ཆེ་ཇི་ལྟ་བུ་གཅིག་ཡིན་ལྟ་རུ་འགྲོ་དགོངས་ནས་བྱོན་པ་དང༌། ཁོང་ལ་མི་རྒོལ་བར་བསྡད་འདུག་པས། ཁྱོད་གཞན་ལ་རྒོལ། ང་ལ་མི་རྒོལ་བ་ཅི་ཡིན་གསུངས་པ་དང་། གཞན་འདི་ཚོ་ང་ལ་མཐོ་འཚམས་པའི་ཕྱིར་འོངས་པ་ཡིན་པས་རྒོལ་བ་ཡིན། ཁྱེད་ངོ་མཚར་ནས་འོངས་པ་ཡིན་པས་ན་མི་རྒོལ་བ་ཡིན། འོ་ན་ཁྱོད་ཅི་འདྲ་བ་གཅིག་ཡིན་བྱས་པས་བཙུན་ཆུང་འདི་རྣམས་ཕར་ཐོང་ཞིག་ཟེར། དེ་རྣམས་བཏང་བས། ཁོ་ན་རེ། ང་བི་ཀྲ་མ་ལ་ཤཱི་ལའི་གནས་བརྟན་ཡིན་ཏེ། དགེ་འདུན་གྱི་རྫས་ཅུང་ཟད་ཙམ་མཐོ་སྤྱོད་དམའ་སྤྱོད་ང་དབང་ཆེ་སྙམ་ནས་དགེ་འདུན་ལ་མ་ཞུས་པར་དགེ་འདུན་རང་གི་ཆེད་དུ་སྤྱད་པས། ཡི་དྭགས་སུ་སྐྱེས་དགེ་འདུན་གྱི་གཙུག་ལག་ཁང་དུ་འཇུག་པའི་ཚེ་ཕྱི་ལྷམ་མ་ཕུད་པས་རྐང་པ་ཕྱིན་ཀ་ལོག་ཏུ་སོང་། དབང་ཆེ་ཅུང་ཟད་བྱས་པའི་ཡི་དྭགས་ཀྱི་ནང་ནས་དབང་ཆུང་ཤོས་གཅིག་ཏུ་སྐྱེས་ཏེ། གཏོར་ཁུང་འདིར་བསྡད་པ་ཡིན་ཟེར་ཏེ། འོ་ན་བཙུན་ཆུང་ཚོ་ཕར་ཐོང་ཟེར་བའི་རྒྱུ་མཚན་ཅི་ཡིན་བྱས་པས། དེ་ཚོ་ངའི་མཁན་བུ་ཡིན་པས་ངོ་ཚ་བ་ཡིན་ཟེར། དེ་ནས་དར་ཅིག་ཙམ་ཉལ་སོང་། དེ་ནས་ཀྱང་ལབ་པ་ལ། ད་ལན་ནས་འཇམ་ཉལ་སོང་བ་ཅི་ཡིན་བྱས་པས། ག་ཤེད་ཅིག་ཏུ་ཆོས་བྱེད་མི་གཅིག་ལ་བར་ཆད་གཏོང་དུ་ཕྱིན་ཟེར། ཁྱེད་མཁས་པ་ཡིན་པ་ལ་སྡིག་ལྕི་མོད་བྱས་པས། དེ་དག་ལགས་ཏེ། ང་ཡི་དྭགས་ཀྱི་སེམས་ལ་རང་དབང་མེད་པས་ཡིན་ཟེར་རོ།༡༠༡ །ཞེས་གསུངས་སོ།། ཡང་རྣལ་འབྱོར་པ་གཅིག་གཏོར་མ་གཏོང་གིན་ཡོད་པ་ལ་ཡི་དྭགས་མང་པོ་འདུ་ཡིན་ཡོད་པའི་དུས་གཅིག་གི་ཚེ། ཡི་དྭགས་གཤིན་རྗེའི་གཤེད་ཀྱི་གཟུགས་བྱས་པ་གཅིག་བྱུང་ནས་གཏོར་མ་མྱུར་དུ་བྱིན་ཟེར། ཁྱོད་ཅི་ཡིན་བྱས་པས་གཤིན་རྗེ་གཤེད་ཀྱི་རྣལ་འབྱོར་པ་ཡིན་ཟེར་དགེ་འདུན་གྱི་ཚིགས་མ་ཅུང་ཟད་གཅིག་དགེ་འདུན་ལ་མ་ཞུས་པར་དགེ་འདུན་རང་གི་ཆེད་དུ་སྤྱད་པས་ཡི་དྭགས་སུ་སྐྱེས་པ་ཡིན། གཤིན་རྗེ་གཤེད་ཀྱི་ལྷའི་དམིགས་པ་བརྟན་པས་གཟུགས་འདི་ལྟར་དུ་གྱུར་པ་ཡིན་ཟེར། ཁ་སང་ནས་གཟུགས་འདི་ལྟ་བུ་མི་སྟོན་པ་ཅི་ཡིན་བྱས་པས། ཁ་སང་ནས་ངོ་ཚ་ནས་སྟོན་མི་ནུས་པ་ཡིན། དེ་རིང་ལྟོགས་དྲག་ནས་འདི་ཀ་ལ་འོང་བ་ཡིན་ཟེར། དེ་ནས་འབྲས་ཆེན་ཚོས་ལ་མྱུར་དུ་གཏོར་མ་བྱིན་ཟེར། དེ་ལ་དགེ་བའི་བཤེས་གཉེན་ཤར་བའི་ཞལ་ནས། འབྲས་ལ་སོགས་པ་བཙོས་ནས་གཏོར་མ་གཏོང་དགོས་པར་གསལ། ཁོ་ལྟོག་དེ་བཞིན་དུ་སོང་བ་ལའང་འབྲས་བཙོས་ནས་གཏོར་མ་བྱིན་འདུག་པ་༡༠༢ གསུངས། དེས་ན་ཉེས་བྱས་ཕྲ་མོ་དེ་ལྟ་བུ་རེས་ཀྱང་ཡི་དྭགས་སུ་སྐྱེས་ནས་སྡུག་བསྔལ་དེ་ཙམ་སྐྱེད་ན་གཞན་མི་དགེ་བ་ཆེན་པོ་བྱས་ན། སྡུག་བསྔལ་ཆེན་པོ་བསྐྱེད་པ་ལྟ་ཅི་སྨོས་སྙམ་པས། མི་དགེ་བ་ཕྲ་ཞོར་ཕྲ་མོ་ལའང་འཛེམ་པ་གལ་ཆེའོ། །དེ་བཞིན་དུ་རྒྱུ་དགེ་བ་ཕྲ་མོ་སྤྱད་པས་འབྲས་བུ་བདེ་བ་ཆེན་པོ་ཡོང་བ་རྒྱལ་བུ་སྤྱི་བོ་སྐྱེས་ཀྱི་གཏམ་རྒྱུད་ལ་སོགས་པ་བཞིན་ནོ། །དེ་ལྟར་གོང་དུ་བཤད་པའི་ལས་རྒྱུ་འབྲས་ཀྱི་རྣམ་བཞག་འདི་རྣམས་ལ་བསམ་མནོ་ཞིབ་ཏུ་བཏང་སྟེ། ལས་རྒྱུ་འབྲས་ལ་ཡིད་ཆེས་བཅོས་མ་མ་ཡིན་པ་མ་སྐྱེས་པར་བསྒོམ་མོ། །དེ་ལྟར་སྒོམ་པ་གལ་ཆེ། སྤྱོད་འཇུག་ལས། དགེ་བའི་ཕྱོགས་རྣམས་ཐམས་ཅད་ཀྱི། །རྩ་བ་འདུན་པར་ཐུབ་པས་གསུངས། །དེའི་རྩ་བའང་རྟག་ཏུ་ནི། །རྣམ་སྨིན་འབྲས་བུ་བསྒོམ་པའོ།༡༠༣ །ཞེས་གསུངས་པའོ།། འོ་ན་ལས་རྒྱུ་འབྲས་ལ་ཡིད་ཆེས་པའི་ཚད་ཅི་ཙམ་ཞིག་ཡིན་སྙམ་ན། དབུ་མ་རིན་ཆེན་ཕྲེང་བ་ལས། འདུན་དང་ཞེ་སྡང་འཇིགས་པ་དང་། །རྨོངས་པས་གང་ཞིག་ཆོས་མི་འདའ། །འདི་ནི་དད་པ་ཅན་ཞེས་བྱ།༡༠༤ །ཞེས་གསུངས་པ་ལྟར། འདུན་པས་ཆོས་ལས་མི་འདའ་བ་དང༌། སྡང་བས་ཆོས་ལས་མི་འདའ་བ་དང༌། འཇིགས་པས་ཆོས་ལས་མི་འདའ་བ་དང༌། རྨོངས་པས་ཆོས་ལས་མི་འདའ་བ་དང༌། བཞི་པོ་དེ་ལ་འདུན་པས་ཆོས་ལས་མི་འདའ་བ་ནི། འགའ་ཞིག་གིས་རྒྱལ་སྲིད་ལ་སོགས་པའི་འབྱོར་པ་ཆེན་པོ་བྱིན་གྱིས་ལས་མི་དགེ་བའི་ཉེས་བྱས་ཕྲ་མོ་ཙམ་གཅིག་ཆོད་ཟེར་ནའང་སྤྱོད་མི་ནུས་པ་ཡིན་ཏེ། དགེ་བའི་བཤེས་གཉེན་པོ་ཏོ་བའི་ཞལ་ནས། ལས་རྒྱུ་འབྲས་ལ་ཡིད་ཆེས་ན་དེ་ལྟ་བུ་ཅིག་ཡོང་ཡང་ཡོང་སྟེ། ཉེས་བྱས་ཕྲ་མོ་སྤྱོད་པས་ཡི་དྭགས་སུ་སྐྱེ་བ་དང་། མི་དགེ་བ་ཕྲ་མོ་སྤྱད་པས་དམྱལ་བར་སྐྱེས་པར་གསུངས་པས། དམྱལ་བ་དང་ཡི་དྭགས་ཀྱི་སྡུག་བསྔལ་མིའི་གྲོ་སྐད་རེ་དགོས་པ་འབྱུང་ན་ཡང་། རྒྱལ་སྲིད་ལ་སོགས་པའི་འབྱོར་པ་ནི་ཅི་ཙམ་ཆེ་ཡང་དེའི་ལམ་ན་མེད་དོ།༡༠༥ །ཞེས་གསུངས་སོ། །དགེ་བའི་བཤེས་གཉེན་ཀ་མ་པའི་ཞལ་ནས། ད་ལྟ་མི་གཅིག་གི་ཁྱེད་རང་མེ་འདིའི་གསེབ་ཏུ་ལག་པ་ཆུག་ལ་གྲོ་སྐད་ཅིག་སྡོད། ངས་སྟོང་འཁོར་ལོས་སྒྱུར་བའི་རྒྱལ་པོ་ལ་བཀོད་ཟེར་ཡང་། མེ་གསེབ་ཏུ་ལག་པ་འཛུད་མཁན་མི་ཡོང་སྟེ། མེ་ཡིས་ལག་པ་བསྲེག་པ་ཡིད་ཆེས་པའི་གནད་ཀྱིས་ཡིན་ནོ། །ཚིག་མཐོ་དམན་ཅུང་ཟད་ཀྱི་ཆེད་དུ་ཆོས་གཏོང་བ་ནི། ལས་རྒྱུ་འབྲས་ལ་ཡིད་མ་ཆེས་པ་ཡིན་ནོ།༡༠༦ །ཞེས་གསུང་ངོ༌།། ཞེ་སྡང་གི་ཆོས་ལས་མི་འདའ་བ་ནི། གཞན་གྱིས་རང་གི་ལུས་དང་ལོངས་སྤྱོད་ལ་གནོད་པ་ཅི་ཙམ་ཞིག་བྱས་ཀྱང་། སྤྱོད་འཇུག་ལས། གལ་ཏེ་ལྷ་དང་ལྷ་མིན་རྣམས། །ཐམས་ཅད་བདག་ལ་དགྲར་ལངས་ཀྱང༌། །དེ་དག་གིས་ཀྱང་མནར་མེད་པའི། །མེ་ནང་ཁྲིད་ཅིང་འཇུག་མི་ནུས། །ཉོན་མོངས་སྟོབས་ཅན་དགྲ་འདིས་ནི། །གང་དང་ཕྲད་ན་རི་རབ་ཀྱང་། །ཐལ་བར་ཡང་ནི་བརླག་བྱེད་པ། །དེར་བདག་སྐད་ཅིག་གཅིག་ལ་འདོར།༡༠༧ །ཞེས་གསུངས་པ་ལྟར། ཞེ་སྡང་ལ་སོགས་པའི་ཉེས་དམིགས་ཤེས་པའི་སྒོ་ནས་གནོད་ལན་དུ་ཁྲོ་བ་ལ་སོགས་པ་ཉོན་མོངས་པ་སྐད་ཅིག་ཀྱང་རྒྱུད་ལ་སྐྱེར་མི་འཇུག་པའོ། །ལས་འབྲས་ལ་ཡིད་ཆེས་ནས་ཉོན་མོངས་པའི་ཉེས་དམིགས་ཤེས་ན་འདི་འོང་སྟེ་དཔེར་ན་ལྕགས་ཀྱི་ཁང་པ་མེ་རབ་ཏུ་འབར་བ་གཅིག་གི་སྒོ་ཕྱེ་ནས། འབྱེད་མཁན་དེ་དེ་མ་ཐག་ཏུ་སྒོ་དེ་ནས་མེ་སྦར་ཏེ་ཐལ་བ་ཙམ་ཡང་མ་ལུས་པར་བསྲེག་པར་བྱེད་པ་གཅིག་ཡོད་ན། དེ་ལ་འགའ་ཞིག་སྡིག་པ་དང་བྲིད་པ་ལ་སོགས་པའི་སྒོ་ནས་ཁང་པ་འདིའི་སྒོ་ཕྱེ་ཞིག་ཅེས་བརྗོད་ན་སུས་ཀྱང་འབྱེད་མཁན་མི་འོང་བ་བཞིན་ནོ། །དེས་ན་ཚིག་མཐོ་དམན་ཙམ་ལ་ཞེ་སྡང་དྲག་པོས་ཀུན་ནས་བླང་སྟེ། ལན་འཇལ་བ་ནི་ལས་འབྲས་ལ་ཡིད་མ་ཆེས་པ་དང་། ཉོན་མོངས་པའི་ཉེས་དམིགས་མི་ཤེས་པ་ཡིན་ནོ།། འཇིགས་པས་ཆོས་ལས་མི་འདའ་བ་ནི། སྡིག་པ་ཅུང་ཟད་ཙམ་དང་། རབ་ཏུ་བྱུང་བ་ཡིན་ན། ཉེས་བྱས་ཅུང་ཟད་ཆོད། གལ་ཏེ་མི་གཅོད་ན་ཉི་མ་རེ་རེ་བཞིན་ཤ་ཁམ་བུ་དུམ་བུར་བཅད་ནས་མཐར་གསོད་པར་བྱེད་དོ། །ཞེས་འཛམ་བུ་གླིང་པའི་མི་ཐམས་ཅད་འཁོར་ལོས་བསྒྱུར་བའི་རྒྱལ་པོ་སྟོབས་དང་ལྡན་པར་འགྱུར་ཏེ། དེ་སྐད་དུ་སྨྲ་ཡང་མི་སྤྱོད་པའོ། །ལས་འབྲས་ལ་ཡིད་ཆེས་ན་འདི་ཡང་ཡོང་བར་ངེས་ཏེ། གོང་གི་སྡུག་བསྔལ་དེ་རྣམས་ཇི་ལྟར་ཆེ་ཡང་མིའི་སྡུག་བསྔལ་ཡིན་ལ། མི་དགེ་བ་དང་ལྟུང་བ་སྤྱད་པའི་རྣམ་སྨིན་ངན་སོང་གི་སྡུག་བསྔལ་མྱོང་དགོས་པའོ། །དཔེར་ན་མི་འགའ་ཞིག་ཁུ་ཚུར་དང་དབྱུག་པ་ལ་སོགས་པ་འཕྱར་ཏེ། མི་གཅིག་ལ། ཁྱོད་རང་གི་སྙིང་གི་རྩེ་མོ་གཅིག་བྱིན་ཅིག གལ་ཏེ་མི་སྟེར་ན། འདི་རྣམས་བརྡེག་གོ་ཟེར་ཡང་། སྙིང་གི་རྩེ་མོ་སྟེར་མི་ནུས་པ་བཞིན་ནོ།། རྨོངས་པས་ཆོས་ལས་མི་འདའ་བ་ནི། མི་དགེ་བ་ཕྲ་རགས་ཐམས་ཅད་སྡུག་བསྔལ་གྱི་རྒྱུར་ངེས། སྡུག་བསྔལ་ཅི་ཡོད་མི་དགེ་བའི་འབྲས་བུ་ཡིན་པར་གཏིང་ནས་ངེས་ཏེ། ཆོས་ལས་མི་འདའ་བ་ཡིན་ནོ། །དཔེར་ན་མི་ཞིག་གི་ཡུལ་གཞན་ཞིག་ཏུ་འགྲོ་བའི་ལམ་ན། མེའི་དོང་ཆེན་པོ་རི་རབ་ཙམ་པ་གཅིག་འདུག་གོ །ཞེས་ཐོས་ནས། ལམ་དེ་རྒྱུས་ཡོད་པའི་མི་ལ་མེ་དོང་དེ་ས་ཕྱོགས་གང་ན་ཡོད། རྒྱ་ཁྱོན་ཅི་ཙམ་ཡོད། དེ་ལ་ཕྱོགས་གང་ནས་འགྲོ་དགོས་ཞེས་སོགས་ལེགས་པར་དྲིས་ཏེ་འགྲོ་བ་ལམ་དེའི་སྐྱོན་ཡོན་ལེགས་པར་ཤེས་པར་བྱས་ལ་མེ་དེ་དང་དེ་ལས་བཟུ ར་ཏེ་འགྲོ་བ་བཞིན་དུ། ལས་འབྲས་ལ་སེམས་པའི་མི་ཞིག་སྡུག་བསྔལ་མཐའ་དག་མི་དགེ་བ་ལས་བྱུང་ངོ༌། །ཞེས་ཐོས་པ་ན། ལས་འབྲས་ཀྱི་རྣམ་གཞག་ཕྱིན་ཅི་མ་ལོག་པར་ཤེས་པའི་མཁས་པ་ལ་མི་དགེ་བ་གང་ཞེས་བྱ། མི་དགེ་བ་ཅི་ལྟ་བུ་སྤྱད་པས་སྡུག་བསྔལ་ཅི་འདྲ་བྱུང༌། མི་དགེ་བ་དེ་སྤང་པའི་ཐབས་ཅི་ལྟ་བུ་ཡོད་ཅེས་སོགས་ཕྲ་ཞིང་ཕྲ་བ་ནས་དྲིས་ནས་ལས་འབྲས་ཀྱི་རྣམ་བཞག་ལེགས་པར་ཤེས་པར་བྱས་ཏེ། མི་དགེ་བ་ཕྲ་མོ་ཙམ་ཞིག་ཅི་ཡང་མི་སྐྱོན་ན། རབ་ཏུ་བྱུང་བའི་ཕྱི་དྲོའི་ཁ་ཟས་ཙམ་གྱི་ཅི་ཡང་མི་སྟོ་ཟེར་ཡང་། དེ་ལས་འདའ་བར་མི་ནུས་པ་བཞིན་ནོ།། ལས་འབྲས་ཀྱི་རྣམ་བཞག་ལེགས་པར་ཤེས་ཏེ། དེ་ལ་ངེས་ཤེས་གཏིང་ནས་སྐྱེས་ན་འདི་ཡོང་ཡང་ཡོང་དཔེར་ན་མི་ཞིག་ལ་གཅིག་གི་འཆི་ངེས་པའི་དུག་བྱིན་ཏེ། དེ་ཙམ་གྱིས་ཅི་ཡང་མི་སྐྱོན་གྱི་ཟོ་ཞིག་ཟེར་ཡང་ཟ་མི་ནུ ས་པ་ལྟར་ཁྱད་པར་དུ་བསླབ་པ་ཕྲ་མོ་ལ་ཅི་ནས་ཀྱང་འདའ་བར་མི་ནུ ས་ཏེ། དཔེར་ན་མི་གཅིག་རྐྱལ་པ་གཅིག་ལ་རྟེན་ནས་རྒྱ་མཚོའི་ཕ་རོལ་དུ་འགྲོ་བར་འདོད་པ་ལ་འགའ་ཞིག་གིས་རྐྱལ་པ་དེ་ནས་མཛུབ་མོ་ཤོང་ཙམ་གཅིག་བྱིན་པས་ཅི་ཡང་མི་སྐྱོན་ངེད་ལ་བྱིན་ཅིག་ཟེར་ཡང་སྟེར་མི་ནུས་ཏེ། དེ་ཙམ་ཅིག་བྱིན་ན་རྐྱལ་པའི་སྦུགས་ཐམས་ཅད་ཤོར་ནས་རྒྱ་མཚོའི་ཕ་རོལ་ཏུ་བགྲོད་པར་མི་ནུས་པ་བཞིན་དུ། བསླབ་པ་རིན་པོ་ཆེ་ནི། འཁོར་བའི་རྒྱ་མཚོའི་ཕ་རོལ་དུ་བགྲོད་པར་བྱེད་པའི་རྐྱལ་པ་ཡིན་པས་དེ་ལ་བུག་རལ་ཅུང་ཟད་བྱུང་ནའང་འཁོར་བའི་རྒྱ་མཚོ་ལས་བརྒལ་མི་ནུས་སོ་སྙམ་དུ་ཡིད་ཆེས་པའོ།། དེ་ལ་དགེ་བའི་བཤེས་གཉེན་འོད་འཇོ་བའི་ཞལ་ནས། ད་ལྟ་མི་རྣམས་ཆོས་མ་ཤེས་ནས་མི་སྡུག་བྱེད་མཁན་མ་བྱུང་ནས་བསྡུག་པ་ཡིན། བྱེད་མཁན་བྱུང་ན་མ་ཎི་གཅིག་པོ་བཟླས་ཀྱང་ཆོག་གསུངས་མོད། ཆོས་མ་ཤེས་ན་ཀ་སྡུག་ད་ལྟ་ནི་ཕལ་ཆེར་རྨོངས་པས་ཆོས་ལས་འདའ་བ་འབའ་ར་ཞིག་ཏུ་འདུག་པས། དེས་ན་ལས་འབྲས་སྟོན་པའི་གཞུང་ལུགས་རྒྱ་ཆེན་མ་ཤེས་ཀྱང་ཕུང་པོ་ལྔའི་རབ་བྱེད་ཙམ་རེ་ཤེས་པར་བྱས་ནས་ལས་འབྲས་ཀྱི་རྣམ་བཞག་མ་ལོག་པ་རེ་མི་ཤེས་ཀ་མེད་ཡིན་ནོ།༡༠༨ །ཞེས་གསུངས་སོ། །དེ་བཞིན་དུ་དགེ་བ་ལའང་གནས་སྐབས་མཐར་ཐུག་གི་དགེ་ལེགས་ཐམས་ཅད་འབྱུང་བར་ཡིད་ཆེས་ན། འབད་རྩོལ་གྱི་བསྒྲུབ་པ་གཅིག་འབྱུང་། དཔེར་ན་གྲོ་སྐད་ཅིག་གི་ཕ་རོལ་ན་སྟོན་མོ་བཟང་པོ་འདུག་གོ་ཞེས་ཐོས་ན། དེ་འཕྲང་དང་ཆུ་ལ་སོགས་པ་ཅི་ཡོད་ཀྱང་བརྒལ་ནས་འགྲོ་བ་བཞིན་དང༌། ཞིང་ས་འབྲས་བུ་སྟོན་ཐོག་འབྱུང་བའི་ཡོན་ཏན་མཐོང་ནས་སོ་ནམ་ལ་འབད་རྩོལ་བྱེད་པ་བཞིན་ནོ། །ལས་འབྲས་ལ་ཡིད་ཆེས་བསྒོམ་པ་བསྟན་ཟིན་ཏོ།། བཞི་པ་འཁོར་བའི་ཉེས་དམིགས་བསམ པ། དེ་ལྟར་ལས་མི་དགེ་བ་སྤྱད་ན་འཁོར་བ་དང་ངན་སོང་དུ་འཁྱམ་མོ་ཟེར་ན། འོ་ན་འཁོར་བ་ངན་སོང་དུ་ལྟུང་ན་ཉེས་པ་ཅི་ཡོད་སྙམ་ན། ཉེས་དམིགས་ཤིན་ཏུ་ཆེ་བས། བཞི་པ་འཁོར་བའི་ཉེས་དམིགས་བསམ་པ་ནི། དྲན་པ་ཉེར་བཞག་ལས། སེམས་ཅན་དམྱལ་བ་དམྱལ་མེས་ཉམས། །ཡི་དྭགས་བཀྲེས་ཤིང་སྐོམ་པས་ཉམས། །དུད་འགྲོ་གཅིག་ལ་གཅིག་ཟས་ཉམས། །མི་དག་འཚོ་བ་འཐུང་བས་ཉམས། །ལྷ་དག་བག་མེད་པ་ཡིས་ཉམས། །འཁོར་བ་ཁབ་ཀྱི་རྩེ་ཙམ་ཡང་། །བདེ་བ་ནམ་ཡང་ཡོད་མ་ཡིན།༡༠༩ །ཞེས་གསུངས་པས། འཁོར་བ་ན་བདེ་བའི་གནས་ཁབ་ཀྱི་རྩེ་ཙམ་ཡང་མེད་ཅིང་། དུས་སྐད་ཅིག་མ་གཅིག་ཀྱང་མེད་པས་སྡུག་བསྔལ་གྱི་རང་བཞིན་ལས་མ་འདས་སོ། །གལ་ཏེ་ངན་སོང་ལ་སྡུག་བསྔལ་ཡོད་ཀྱང་ལྷ་མི་ལ་བདེ་བ་ཡོད་དེ་སྙམ་ན། དེ་དག་ཀྱང་འགྱུར་བའི་སྡུག་བསྔལ་ལས་མ་འདས་པས། མཐར་སྡུག་བསྔལ་ཡིན་ཏེ། དཔེར་ན་བཀྲེས་པའི་ཚེ་ཟས་ཟོས་པས་བདེ་བ་ལྟར་སྣང་ཡང་ཡང་ཟས་ཧ་ཅང་ཟོས་དྲག་ན་འཆི་བའི་སྡུག་བསྔལ་ལ་གཏུགས་པ་ཡིན་ནོ། །དེས་ན་འཁོར་བ་ལས་བདེ་བ་ཚོལ་བ་ནི་མི་གཙང་བ་ལ་དྲི་ཞིམ་པ་ཚོལ་བ་དང་འདྲ་སྟེ། རྒྱུད་བླ་མ་ལས། མི་གཙང་བ་ལ་དྲི་ཞིམ་མེད་ལྟར་འགྲོ་ལྔ་དག་ན་བདེ་བ་མེད།༡༡༠ །ཅེས་སོ།། དེ་ལྟ་བུའི་སྡུག་བསྔལ་དེ་ཤིན་ཏུ་དཔའ་དྲག་སྟེ། རྗེ་དམ་པའི་ཞལ་ནས། འཁོར་བའི་སྡུག་བསྔལ་བསམ་ན་སྙིང་རླུང་ལྡང་། །འདི་ལ་གད་མོ་མི་བྲོ་དིང་རི་བ།༡༡༡ །ཞེས་དང་། དགེ་བའི་བཤེས་གཉེན་གླང་ཐང་པའི་ཞལ་ནས། མི་ཚོ་འོ་ཅག་གླང་རི་ཐང་པ་ངོ་ནག་པོ་ཟེར་གྱིན་གདའ་སྟེ། ཁམས་གསུ མ་འཁོར་བའི་སྡུག་བསྔལ་བསམས་ན་འོ་ཅག་གི་ངོ་གདོང་ལ་དཀར་པོ་འོང་བ་འདུ ག་གེ་གསུངས་སོ།༡༡༢ །འདི་ཤིན་ཏུ་མད་པར་འདུག་སྟེ། འཁོར་བའི་སྡུག་བསྔལ་ཁོ་རང་ལ་དབེན་བཅོས་མ་ཡིན་པའི་བློ་ཡིས་བརྟགས་ན་ངོ་གདོང་དཀར་པོ་འོང་བ་རང་མི་འདུག་སྟེ། དཔེར་ན་མི་གཅིག་དངོས་པོ་གཅེས་པ་ཞོ་གང་ཙམ་གཅིག་ཡོད་ན། དེ་གཏོར་བའི་སྡུག་བསྔལ་དེ་ནི་འཁོར་བའི་སྡུག་བསྔལ་ཆུང་ཤོས་ཡིན་ནའང་། དེ་ལའང་ངོ་གདོང་དཀར་པོ་མི་ཡོང་བ་འདུག་པས། དེ་ལྟ་བུའི་སྡུག་བསྔལ་འདི་ཡང་རྒྱུན་རིང་སྟེ། འཁོར་བ་ལ་ཐར་པའི་ཐབས་གཅིག་མ་བྱུང་ན། འཁོར་བ་མཐོ་དམན་གྱི་སྡུག་བསྔལ་ཇི་སྙེད་ཡོད་པ་རྣམས་སེམས་ཅན་རེ་རེ་ཡང་ལན་གྲངས་བརྒྱ་ཕྲག་མང་པོ་མྱོང་ཡང་སྡུག་བསྔལ་ལ་ཟད་པའི་དུས་མེད་དེ། ཐོག་མ་མེད་པ་ནས་ད་ལྟའི་བར་དུ་སྡུག་བསྔལ་ཇི་སྙེད་ཡོད་པ་དེ། འོ་སྐོལ་སེམས་ཅན་རེ་རེས་ཀྱང་ལན་གྲངས་བརྗོད་ཀྱི་མི་ལང་པ་ཅིག་མྱོང་སྟེ། ད་དུང་སྡུག་བསྔལ་ཟད་པ་ལྟ་ཅི་སྨོས་ཏེ་སྡུག་བསྔལ་གྱི་ཁ་ཕྲི་བ་ཅི་ཡང་མེད་པས་སོ། །དེ་སྐད་དུ་ཡང་བཤེས་སྤྲིངས་ལས། རེ་རེས་རྒྱ་མཚོ་བཞི་ལས་ལྷག་པ་ཡིས། །འོ་མ་འཐུངས་ཀྱང་ད་དུང་སོ་སོ་ཡིས། །སྐྱེ་བོའི་རྗེས་སུ་འབྲང་བའི་འཁོར་བ་ལས། །དེ་བས་ཆེས་མང་ཉིད་གཅིག་བཏུང་འཚལ་ལོ།༡༡༢ །ཞེས་གསུངས་སོ།། དེ་ལྟ་བུའི་འཁོར་བ་སྤྱི་དང་བྱེ་བྲག་གི་ཉེས་དམིགས་རྣམས་གསུང་བགྲོས་མ་ནས་འབྱུང་བ་ལེགས་པར་བསམ་སྟེ། འཁོར་བ་འདི་ལ་ཚལ་ཚིག་པའི་བྱའམ། མཚོ་འཁྱགས་པའི་བྱ་ལྟར་ཁོ་ཐག་རྦད་དེ་བཅད་ལ་འཁོར་བ་ལས་ཐར་བའི་ཐབས་ལ་འབད་འཚལ་ལོ། །འཁོར་བ་ལ་ཐར་པའི་ཐབས་ལ་འབད་པའི་དུས་ཀྱང་ད་ལན་ཁོ་ན་ཡིན་ཏེ། ད་རེས་ནི་དལ་འབྱོར་གྱི་ལུས་ཐོབ་ཏུ་མ་བཏུབ་པ་ལྟ་བུ་ཐོབ། ཐོབ་ལས་ཐོབ་པ་མི་འདྲ་སྟེ། ཁྱིམ་ནས་ཁྱིམ་མེད་པར་རབ་ཏུ་བྱུང༌། ཡང་དག་པའི་དགེ་བའི་བཤེས་གཉེན་དང་མཇལ། ཐེག་པ་ཆེན་པོ་ཟབ་པ་དང་རྒྱ་ཆེ་བའི་ཆོས་དང་མཇལ་ནས། འཛོམས་རྒྱུ་མང་པོ་གཅིག་འཛོམས་བྱུང་བས་སོ།། དེ་ལ་འབད་ལུགས་རང་ཇི་ལྟར་བྱེད་སྙམ་ན། འདི་ན་ཁ་ཅིག་གིས་ངེད་ཀྱི་བླ་མ་དགེ་བའི་བཤེས་གཉེན་འདི་མཁས་བཙུན་བཟང་གསུམ་འཛོམས་པ། ལྷ་ཆོས་དང་མི་ཆོས་གཉིས་ཀ་མཁྱེན་པ་དེའི་སྒོ་ནས་བུ་སློབ་དང་ཡོན་བདག་ལ་སོགས་པ་ཐམས་ཅད་ཀྱི་རེ་བ་ཚུལ་བཞིན་དུ་རྫོགས་པའི་བཟང་པོ་ཅིག་བཞུགས་སོ། །ཟེར་བ་ཡོད་ཀྱང་། དེ་ལ་དགེ་བའི་བཤེས་གཉེན་ཤ་པོ་སྒང་བའི་ཞལ་ནས། མི་གཅིག་གིས་གཉིས་མི་ཡོང་། ཁྱི་གཅིག་གི་ཝ་གཉིས་མི་ཟིན། ཝ་གཅིག་ལ་ཝ་ལྤགས་གཉིས་བཤུ་རྒྱུ་མི་ཡོང་། ལུག་གཅིག་བསད་པའི་ཤར་སྤུ་བྲང་ལག་པས་ཐེག་ཚད་གཅིག་དང་། རྒྱལ་པ་ཆུ་ཐུབ་པ་གཅིག་གཉིས་མི་ཡོང་། དེ་བཞིན་དུ་ཚེ་འདིའི་མི་ཆོས་ཀྱི་བྱ་བྱེད་ཀྱི་སྒྲིག་རིམས་མ་ཉམས་པ་གཅིག་དང༌། ཕྱི་མ་འཁོར་བ་ལས་ཐར་ནས་སངས་རྒྱས་ཀྱི་སར་བགྲོད་པའི་ཆོས་གཅིག་གཉིས་དུས་གཅིག་ལ་འགྲུབ་པ་མེད་པ་ཡིན་ཏེ། དཔེར་ན་ལྷོ་མོན་ཁར་འགྲོ་བ་དང་། བྱང་ཚྭ་ཁར་འགྲོ་བ་གཅིག་གཉིས། ལམ་གཅིག་ལ་འགྲོགས་འགྲོ་བ་མེད་དོ། །ལྷོ་མོན་ཁར་འགྲོ་ན་རྔ་མ་སོགས་མོན་ལ་མཁོ་བའི་རྫ་ས་བསྒྲུབ་སྟེ་ཁ་ལྷོ་ལ་བལྟས་ནས་འགྲོ་དགོས་པ་ཡིན། དེའི་ཚེ་ལྷོ་ལ་གོམ་པ་རེ་ཕྱིན་པས་ཀྱང་། བྱང་ཁ་ལ་གོམ་པ་རེས་རིང་དུ་འགྲོ་བ་ཡིན། བྱང་ཚྭ་ཁ་ལ་འགྲོ་བ་ན། རྩམ་པ་ལ་སོགས་པ་ཚྭ་ཁར་མཁོ་བའི་རྫ་ས་བསྒྲུབ་སྟེ། ཁ་བྱང་ལ་ལྟས་ནས་འགྲོ་དགོས་པ་ཡིན། དེའི་ཚེ་བྱང་ཚྭ་ཁ་ལ་གོམ་པ་རེ་ཕྱིན་པས་ལྷོ་མོན་ཁ་ལ་གོམ་པ་རེས་རིང་དུ་འགྲོ་བ་ཡིན། དཔེ་དེ་བཞིན་དུ་འཁོར་བ་ལས་ཐར་ནས་ཐམས་ཅད་མཁྱེན་པའི་གྲོང་དུ་འགྲོ་བ་གཅིག་དང་ཚེ་འདིའི་མདུན་མ་མ་ཉམས་པར་བྱེད་པ་གཅིག་གཉིས་སུ་འགྲོ་ས་གཅིག་ཏུ་བྱས་པ་མེད་པ་ཡིན་ཏེ། ཐར་པ་དང་ཐམས་ཅད་མཁྱེན་པའི་གྲོང་དུ་འགྲོ་བ་ལ་འཇིག་རྟེན་གྱི་ཆོས་བརྒྱད་སྤང་པ་ལ་སོགས་པ་བདག་འཛིན་ཐམས་ཅད་བློས་བཏང་། ལམ་བསླབ་པ་རིན་པོ་ཆེ་གསུམ་ལ་གཅེས་སྤྲས་བྱེད་པ་ལ་སོགས་པ་ཆོས་རྣམ་པར་དག་པ་གཅིག་བྱས་ནས་འགྲོ་དགོས་པ་ཡིན་ཏེ། དེའི་ཚེ་ས་ལམ་གྱི་ཡོན་ཏན་ཇེ་མཐོ་ཇེ་མཐོ་ལ་སོང་བས། འཇིག་རྟེན་གྱི་ཆོས་བརྒྱད་ལ་སོགས་པ་བདག་འཛིན་གྱི་མགོ་ཇེ་དམའ་ཇེ་དམན་ལ་འགྲོ་བ་ཡིན། ཚེ་འདིའི་མདུན་མ་མ་ཉམས་པ་བྱེད་ན། དུག་གསུམ་གྱི་ཀུན་ནས་བླངས་ཏེ། ཚེ་འདིའི་དགྲ་འདུལ་གཉེན་སྐྱོང་གི་གཞུང་བསྲངས་དགོས་པ་ཡིན་ཏེ། དེའི་ཚེ་བསླབ་པ་གསུམ་དང་ཆོས་རྣམ་པར་དག་པ་གཅིག་དེར་འོང་དོན་མེད་པ་ཡིན། དེས་ན་རང་རེ་རྣམས་ཀྱི་སྤྱོད་ཚུལ་མཛེས་མཛེས་ཇི་ལྟར་བྱས། སེམས་དུལ་དུལ་ཇི་ལྟར་བྱས། ངག་འཇམ་འཇམ་ཇི་ལྟར་སྨྲས་ཀྱང་། ཚེ་འདིའི་ལེགས་ཤོས་གཅིག་གི་རང་གི་སེམས་ཁྲིད་དུ་བཏུབ། ཚེ་འདིའི་མ་ལེགས་ཤོས་གཅིག་གི་རང་གི་སེམས་སྡིགས་སུ ་བཏུ བ་བའི་རིང་ལ་རང་གི་སེམས་ལ་ཆོས་ནས་གསུངས་པའི་ཡོན་ཏན་སྣ་གཅིག་ཀྱང་འབྱུང་མི་སྲིད་པ་ཡིན་ནོ། །དེས་ན་ད་རེས་ཀྱི་ཚེ་ཐུང་འདི་ལ་འཛོམས་རྒྱུ་མང་པོ་གཅིག་འཛོམས་པའི་དུས་འདིར་ཚེ་འདིའི་འདོད་པ་ལ་དངོས་གྲུབ་དུ་ལྟ་བའི་དུས་མ་ཡིན། འཇིག་རྟེན་ཆོས་བརྒྱད་ཀྱི་འཁོར་འདབ་སྐྱོང་བའི་དུས་མ་ཡིན། བདག་འཛིན་གྱི་མཁར་དཔེ་རྩིགས་པའི་དུས་མ་ཡིན། ཚེ་ཕྱི་མ་ཕན་ཆད་ཀྱི་ལམ་འཆི་ཆོས་བྱེད་པའི་དུས་ཡིན་པས། དེ་ལ་ཆེ་འདིའི་མདུན་མ་ཐམས་ཅད་ཐེད་ལ་བོར། བྱང་བུའི་རྣ་ཆ་འོལ་བ་ཁྲབ་བྱང་གི་དཀྱིལ་ནས་འདོན་པ་བཞིན་མི་ཟླ་ནས་བུ ད། ཉོན་མོངས་དང་བདག་འཛིན་ལ་དགྲ་ནག་པོ ར་ལྟས་ནས་ཆོས་གང་བྱེད་ཐམས་ཅད་ཉོན་མོངས་པ་དང་བདག་འཛིན་གྱི་གཉེན་པོར་འགྲོ་བ་བྱས་ནས་ཉོན་མོངས་པ་དང་བདག་འཛིན་ཅི་ཐུལ་བྱེད་པའི་དུས་ལ་བབས་པ་ཡིན་ནོ།༡༡༤ །ཞེས་གསུངས་པ་ལྟར་ཉམས་སུ་བླངས་ལ་འཁོར་བ་ཀུན་ནས་བླངས་པའི་མི་དགེ་བ་འབྲིང་ཀུན་སློང་དང་བཅས་པ་དང༌། ད་ལྟ་ཡང་ཐམས་ཅད་ཡོད་པར་བཤད་པ་དང་འབྲས་བུ་ཡིན་ཏེ། བཀྲེས་ཤིང་སྐོམ་པ་དང་། རྒྱུད་འཁྲུག་པ་དང་། གཞན་གྱི་འཚོགས་པ་ལ་སོགས་པ་དང་། དུད་འགྲོའི་རྒྱུ་ཀུན་འབྱུང་སྟེ། སྔར་གྱི་གཏི་མུག་གི་ཀུན་ནས་བླངས་པའི་མི་དགེ་བ་ཆུང་ངུ་ཀུན་སློང་དང་བཅས་པ་དང་། འདི་ལ་ཡང་ལས་དང་ཉོན་མོངས་པ་ཐམས་ཅད་ཡོད་པར་བཤད་པ་དང་། འབྲས་བུ་སྡུག་བསྔལ་ཡིན་ཏེ། གླེན་ཞིང་གཏི་མུག་པ་དང་གཅིག་ལ་གཅིག་ཟ་བ་ལས་ཐར་བར་བྱའོ། །ཞེས་འདི་བློ་ངོ་ལ་བྲིས་པས། ལུང་ལ་སོགས་པ་མ་དག་པ་ཡོད་པ་རྣམས་ཞུས་དག་བྱས་ནས། འདི་ཙམ་ཞིག་ལ་ས་བོན་དུ་མཛོད། མཐའ་ཆད་པར་བྱས་ནས་ཉམས་སུ་ལེན་པར་ཞུ། ཞེས་པ་བྱ་བྲལ་བས་དཀོན་མཆོག་རྒྱལ་མཚན་གྱིས་བྲིས་པ་ཡིན་ནོ།། དངོས་གཞི་བྱང་ཆུབ་སེམས་གཉིས་སྦྱང་བ། ༈ དངོས་གཞི་བྱང་ཆུབ་ཀྱི་སེམས་གཉིས་སྦྱང་བ་ལ། སྤྱིར་ཇོ་བོ་ཆེན་པོ་ལ་༡ ༡༥ བྱང་ཆུབ་ཀྱི་སེམས་སྦྱང་བའི་ལུགས་སམ་བཀའ་སྲོལ་མི་འདྲ་བ་གསུམ་ཡོད་དེ། སྙིང་རྗེའི་དབང་གི་རང་གི་སྐུ་ཤ་ལ་རང་གིས་བཅད་ནས་གཞན་ལ་སྟེར་ནུས་པའི་བླ་མ་དྷརྨ་རཀྵིཏ་ལས་བརྒྱུད་པ་དང༌། གཞན་གྱི་སྡུག་བསྔལ་དངོས་སུ་ལེན་པར་ནུས་པའི་བླ་མ་བྱམས་པའི་རྣལ་འབྱོར་པ་ལས་བརྒྱུད་པ་དང༌། བླ་མ་གསེར་གླིང་པ་ནས་བརྒྱུད་པའོ། །དང་པོ་གཉིས་ཀྱི་སྦྱང་ལུགས་ཐོག་མར་དོན་དམ་བྱང་ཆུབ་ཀྱི་སེམས་བསྒོམ། ཀུན་རྫོབ་བྱང་ཆུབ་ཀྱི་སེམས་ལ་བདག་གཞན་མཉམ་པ་བསྒོམས་ནས། དེ་ནས་བདག་གཞན་རྗེ་བ་བསྒོམ་པར་མཛད་དེ། འདི་ལས་དང་པོ་བ་ལ་སྐྱེ་དཀའ་གསུངས། བླ་མ་གསེར་གླིང་པའི་ལུགས་ཀྱི་དང་པོ་དོན་དམ་བྱང་ཆུབ་ཀྱི་སེམས་མི་བསྒོམ་པར་བདག་དུ་འཛིན་པ་སྤྲུམ་རིལ་ལེ་བ་འདི་ཀའི་སྟེང་ནས་ཀུན་རྫོབ་བྱང་ཆུབ་ཀྱི་སེམས་བསྒོམ་པ། དེ་ཡང་དང་པོ་རང་ནས་བདག་གཞན་བརྗེ་བ་ནས་བསྒོམ་སྟེ། འདི་ལས་དང་པོའི་རྒྱུད་ལ་སྐྱེ་སླ་ཞིང་། ཕན་ཡོན་ཆེ་བས་སྦྱང་ལུགས་གཞན་ལས་ཁྱད་པར་དུ་འཕགས་པ་ཡིན་ནོ། །གསུངས། དེ་ལ་འདིར་བླ་མ་གསེར་གླིང་པའི་ལུགས་ཀྱི་ཀུན་རྫོབ་བྱང་ཆུབ་ཀྱི་སེམས་བསྒོམ་པ་ལ། སྦྱོར་བ་བྱམས་སྙིང་རྗེ་བསྒོམ་པ། དངོས་གཞི་བདག་གཞན་བརྗེ་བའི་བྱང་ཆུབ་ཀྱི་སེམས་བསྒོམ་པ། རྗེས་དུག་གསུམ་དགེ་རྩར་བསྒྱུར་པ་དང་གསུམ་མོ། །དང་པོ་ནི། གསུང་བགྲོས་མ་ལ་སོགས་པ་ནས་འབྱུང་བ་བཞིན་བསྒོམ་མོ།། དངོས་གཞི་བདག་གཞན་བརྗེ་བའི་བྱང་ཆུབ་ཀྱི་སེམས་བསྒོམ་པ། གཉིས་པ་ནི། དང་པོ་རང་གི་རྩ་བའི་མ་དེ་མདུན་དུ་དམིགས་ཏེ། སྔར་གོང་དུ་བྱམས་སྙིང་རྗེའི་དམིགས་པ་མཐར་ཕྱིན་ཡང་འདིར་མའི་སྡུག་བསྔལ་ལེན་པ་ལ་སྤྲོ་བའི་ཕྱིར་དུ། སྙིང་རྗེ་གསལ་སིང་ངེ་བ་གཅིག་བསྒོམས་ལ། མ་དེའི་ལས་དང་ཉོན་མོངས་པ་དེ་མི་དགེ་བ་བཅུ་ལ་སོགས་པའི་སྡིག་པ་དང་། དུག་གསུམ་ལ་སོགས་པའི་ཉོན་མོངས་པ་ཐམས་ཅད་དང་། སྐྱེ་རྒ་ན་འཆི་ལ་སོགས་པའི་སྡུག་བསྔལ་དང༌། གང་མི་མཁོ་བ་ཐམས་ཅད། མདོར་ན་སངས་མི་རྒྱ་བའི་རྒྱུ་དང་། སངས་རྒྱ་བའི་གེགས་སུ་གྱུར་པ་ཐམས་ཅད་ཀྱི་གྲིས་བཞར་བ་བཞིན་དུ་སངས་ཀྱིས་བླངས་ནས། རང་གི་སྙིང་གི་དཀྱིལ་དུ་པུར་གྱིས་ལེན་པ་སྟེ། དེ་ལས་བླངས་ནས། རང་ལ་མི་འབྱུང་བར་བྱེད་པ་ལྟ་བུའམ། དེ་ལས་བླངས་ནས་རང་གི་རྩར་འཇོག་པ་ལྟ་བུ་མ་ཡིན་གྱི། དེ་བས་གཞན་ལས་བླངས་ནས་སྙིང་ལ་བྱུང་དོགས་པ་ཙམ་ཡང་སྤང་དགོས་པས། དང་པོ་རང་ནས་སྙིང་གི་དཀྱིལ་དུ་ལེན་པ་ཡིན། དེ་ལྟར་བླངས་པས་རང་ཕན་དུ་རེ་བའི་ལྟོས་པ་མེད་པར་ལེན་པ་ཡིན་གསུངས། དེ་བཞིན་དུ་ཕ་དང༌། སྤུན་ཟླ་དང༌། ཉེ་འབྲེལ་ལ་སོགས་པ་གྲོང་པ་དང་། ཡུལ་ཕྱོགས་དང༌། བོད་དང༌། འཛམ་བུའི་གླིང་པ་དང༌། གླིང་བཞི་གླིང་ཕྲན་བརྒྱད་དང་བཅས་པ་དང་། ངན་སོང་གསུམ་དང༌། འདོད་ཁམས་ཀྱི་ལྷ་དང༌། དེ་གཉིས་དང་བཅས་པའི་སྟོང་ཆུང་ངུ་དང༌། སྟོང་གཉིས་བར་མ་དང༌། སྟོང་གསུམ་གྱི་ཁམས་གོང་མ་གཉིས་དང་བཅས་པ་དང༌། སྟོང་གསུམ་ཡུངས་འབྲུ་ཡི་བཀང་ནས་ཤར་ཕྱོགས་ཀྱི་སྟོང་གསུམ་རེར་ཡུངས་འབྲུ་རེ་བཞག་པས་འདི་ཡུངས་འབྲུ་སྟེར་གྱི་ཟད་ཀྱང་ཤར་ཕྱོགས་ཀྱི་སྟོང་གསུམ་བྲི་བའམ། ཉེར་སོང་བ་མེད་ལ་གཅིག་མང་དུ་སོང་བ་ཡང་མེད་དེ། ནམ་མཁའ་ལ་མཐའ་མེད་པའོ། །དེ་ལྟར་ཕྱོགས་ཐམས་ཅད་དུ་གནས་དེས་གར་ཁྱབ་ཚད་དུ་སེམས་ཅན་གྱིས་ཁྱབ་པས་ན། ཕྱོགས་བཅུའི་ནམ་མཁའ་ཁྱབ་ཚད་ཀྱི་སེམས་ཅན་གྱི་དེ་ལྟར་བླང་བར་བྱའོ། །དེ་ལས་ངན་སོང་གསུམ་གྱི་དང་པོ་དམྱལ་བ་ལ་ཚ་བའི་དམྱལ་བ་བརྒྱད། གྲང་བའི་དམྱལ་བ་བརྒྱད། ཉི་ཚེ་ཉེ་འཁོར་གཉིས་བཅོ་བརྒྱད་པོ་ཐམས་ཅད་ཀྱི་རྒྱུ་ཀུན་འབྱུང་ཡིན་ཏེ། སྔ་མའི་དབང་དུ་བྱ་བ་ན། ཞེ་སྡང་གི་ཀུན་ནས་བླང་བའི་ལས་སམ། ཉོན་མོངས་པ་ཆེན་པོ་ནས་མི་དགེ་བ་ཆེན་པོ་སྤྱད་པ་དང༌། འདིའི་དབང་དུ་བྱས་ན། སྲོག་གཅོད་པའི་དངོས་གཞི་མེད་ལ། གཞན་མི་དགེ་བ་ཐམས་ཅད་ཡོད་པར་བཤད་པ་དང༌། འབྲས་བུ་སྡུག་བསྔལ་ཡིན་ཏེ། མེ་ལས་གྱུར་པ་དང༌། སེམས་ཅན་ལས། མཚོན་ཆ་ལས གྱུར་པ་དང་། ཆུ་བུར་རྡོལ་བ་དང་། པདྨ་ལྟར་གས་པ་ལ་སོགས་པའི་སྡུག་བསྔལ་ཐམས་ཅད་གོང་ལྟར་རང་གི་སྙིང་གི་དཀྱིལ་དུ་ལེན་ཏེ། བླངས་ནས་ཀྱང་རང་ལ་ཕན་དུ་རེ་བ་དང༌། སྡིག་པ་བྱང་བ་དང་། ཚོགས་རྫོགས་སུ་རེ་བ་མན་ཆད་ཀྱི་ལྟོས་པ་གང་ཡང་མེད་པར་སངས་རྒྱས་པར་སེམས་པའོ།༡༡༦ །དེ་བཞིན་དུ་ཡི་དྭགས་ཀྱི་རྒྱུ་ཀུན་འབྱུང་སྟེ། སྔར་གྱི་ཆགས་པས་ཀུན་ནས་བླང་བའི་མི་དགེ་བ་འབྲིང་ཀུན་སློང་དང་བཅས་པ་དང་། ད་ལྟ་ཡང་ཐམས་ཅད་ཡོད་པར་བཤད་པ་དང་། འབྲས་བུ་སྡུག་བསྔལ་ཡིན་ཏེ་བཀྲེས་ཤིང་སྐོམ་པ་ལ། རྒྱུད་འཁྲུག་པ་དང་། གཞན་གྱིས་འཚོགས་པ་ལ་སོགས་པ་དང་། དུད་འགྲོའི་རྒྱུ་ཀུན་འབྱུང་སྟེ། སྔར་གྱི་གཏི་མུག་གི་ཀུན་ནས་བླང་བའི་མི་དགེ་བ་ཆུང་ངུ་ཀུན་སློང་དང་བཅས་པ་དང་། འདི་ལ་ཡང་ལས་དང་། ཉོན་མོངས་པ་ཐམས་ཅད་ཡོད་པར་བཤད་པ་དང་། འབྲས་བུ་སྡུག་བསྔལ་ཡིན་ཏེ༑ གླེན་ཅིང་གཏི་མུག་པ་དང་གཅིག་ལ་གཅིག་ཟ་བ་གཞན་གྱི་བཤའ་སྲོལ་ལ་སོགས་པའོ།། མཐོ་རིས་ཀྱི་མི་ཡི་ཀུན་འབྱུང་སྔར་གྱི་ལྟ་བུ་དང་། སྡུག་བསྔལ་སྐྱེ་རྒ་ན་འཆི་དང་། འདོད་པ་བཙལ་ཏེ་མི་རྙེད་པ་དང་། མི་འདོད་པ་དང་ཕྲད་པ་དང༌། སྡུག་པའི་དངོས་པོ་དང་བྲལ་བ་དང༌། མདོར་ན་ཉེར་ལེན་གྱི་ཕུང་པོ་ལྔ་སྡུག་བསྔལ་ཡིན་པ་ལ་སོགས་པ་དང་། འདོད་པའི་ལྷ་ལ་བག་མེད་པ་དང༌། འཆི་ལྟས་དང་། ཉེ་བར་འཆི་ལྟས་དང་། གཞན་གྱི་དཔའ་བསྐོང་བ་ལ་སོགས་པ་དང་། ཁམས་གོང་མ་གཉིས་ཀྱི་འཆི་འཕོ་བ་དང་། ལྟུང་བ་དང༌། ཏིང་ངེ་འཛིན་གྱི་མྱོས་པ་ལ་སོགས་ས་པ་པ་ཐམས་ཅད་ལེན་ནོ། །རེས་དེ་ལྟར་སེམས་ཅན་ཐམས་ཅད་ཀྱི་ཁམས་དང་རེས་སོ་སོ་རེ་རེ་དང་དེ་ཡི་ཡང་སེམས་ཅན་རེ་རེ་ནས་ཐམས་ཅད་ལ་སྒོམ་སེམས་ལ་དེ་མེད་ན་ཁ་ནས་ཡམ་པ་ལས་དོན་ཐོག་ཏུ་སྐྱེལ་བ་མི་འོང་། རེས་ཐམས་ཅད་དུས་གཅིག་ཏུ་སེམས་ཏེ།༡༡༧ ནམ་མཁའི་ཁྱབ་ཚད་ཀྱི་སེམས་ཅན་ཉེ་རིང་མེད་བཟང་ངན་མེད་པ་ཐམས་ཅད་ཀྱི་རྒྱུ་ཀུན་འབྱུང་། འབྲས་བུ་སྡུག་བསྔལ་མ་ལུས་པ་རང་གི་སྙིང་གི་ནང་དུ་བླངས་ནས་སངས་རྒྱས་པར་སེམས་དེ་མེད་ན་བློའི་འགྲམ་མི་འོང་། རེས་དམྱལ་བ་ལྟ་བུ་རེ་རེའི་སར་རང་གི་ལུས་ཀྱང་རེ་རེ་བསམ་ལ་ལེན། རེས་ལུས་འདི་གཅིག་བུ་ལ་ཐམས་ཅད་ལེན། རེས་ཐོག་ནས་འབྱུང་བ་ལྟར་རགས་རིམས་ནས་ལེན། རེས་གང་ན་ཅི་སྣང་བ་རྣམས་ལེན། རེས་འདི་ཀུན་ལ་སྦྱོར་མི་དགོས་སྙམ་པའི་མི་སྣང་བ་རྣམས་ལེན། དེ་ལྟ་བུའི་སྒོ་ནས། རེས་འགའ་རིག་དྲུག་གི་སེམས་ཅན་རེ་རེའི་ཉོན་མོངས་པས་སོ་སོ་ཕྱེ་ནས་ལེན། རེས་སྡུག་བསྔལ་སོ་སོར་ཕྱེ་ནས་ལེན། རེས་སེམས་ཅན་རེ་རེའི་སྡུག་བསྔལ་དང་ཉོན་མོངས་པ་ཐམས་ཅད་དུས་གཅིག་ལ་ལེན། དེ་ལྟར་སྒོ་སྣ་ཚོགས་ནས་བསམ་པས་སྡུག་བསྔལ་དང་ཉོན་མོངས་པ་ལེན་པ་ལ་མི་སྐྱོ་བ་དང་། ངེས་ཤིང་ཐོག་ཏུ་སྐྱེལ་བ་དང་། བློ་སྦྱོང་སྐྱེན་པ་ལ་སོགས་པ་འབྱུང་ངོ༌། །དེ་རྣམས་ཀྱི་ལེན་ཙ་ན་ཡང་། དགྲ་དང་ཐ་མལ་དུ་བསམ་ན། ལེན་པ་དོན་ལྡན་གཅིག་མི་འོང་བས། ལེན་པའི་ཚེ་ཐམས་ཅད་རང་ལ་ཕན་འདོགས་ཕ་མ་དྲིན་ཅན་ཤ་སྟག་དུ་བསམས་ནས་བྱམས་སྙིང་རྗེ་གསལ་སིང་བ་རེས་ཀུན་ནས་བླང་ཞིང་ལེན་པ་ཡིན་ནོ། །དེ་ལྟར་དགྲ་ལ་གཏོང་ལེན་གཉིས་པོ་བསྒོམ་པའི་ལག་རྗེས་ཡོང་དགོས་ཏེ་གཞན་གཅེས་པར་འཛིན་པ་དང་། རང་གི་བདག་འཛིན་ལ་གནོད་པ་འཁྱོལ་དགོས་སོ།། གཏོང་བ་ནི། གཏོང་བར་བྱ་རྒྱུ་གང་གཏོང་ན། སྤྱོད་འཇུག་ལས། བདག་གི་ལུས་དང་ལོངས་སྤྱོད་དང་། །དུས་གསུམ་དགེ་བ་ཐམས་ཅད་ཀྱང༌། །སེམས་ཅན་ཀུན་གྱི་དོན་བསྒྲུབ་ཕྱིར། །ཕངས་པ་མེད་པར་བཏང་བར་བྱ།༡༡༨ །ཞེས་གསུངས་པ་ལྟར། རང་གི་ལུས་དང་ལོངས་སྤྱོད་དང༌། དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་གཏོང༌། ལུས་གཏོང་བ་ཡང་། མ་དག་པ་གསུམ་དང་བྲལ་བར་གཏོང་སྟེ། ཡི་དམ་གྱི་ལྷར་བསྒོམ་ནས་བཏང་བ་དང༌། ཐ་མལ་གྱི་ཤ་ཁྲག་ཙམ་དུ་བྱས་ནས་གཏོང་བ་དང་། བཏང་ནས་ཟད་པ་དང་བྲལ་བའོ། །དེ་བཞིན་དུ་ལོངས་སྤྱོད་ཡོད་ཀྱང་། ཐ་མལ་གྱི་ལོངས་སྤྱོད་གཞན་ལ་གནོད་པར་འགྱུར་བའི་དུག་དང་མཚོན་ཆ་ལ་སོགས་པ་དང་། བཏང་བས་ཟད་པ་དང་བྲལ་བར་བྱེད་དོ། །འོ་ན་ཇི་ལྟར་དུ་བྱས་ནས་བཏང་ན། སྡོང་པོ་བཀོད་པའི་དཀོད་པའི་མདོ་ལས། བདག་ཉིད་འགྲོ་བ་ཐམས་ཅད་ཀྱི་ཉེ་བར་འཚོ་བའི་ཡིད་བཞིན་གྱི་ལུས་སུ་ནི་གྱུར།༡༡༩ །ཞེས་དང༌། རྡོ་རྗེ་རྒྱལ་མཚན་གྱི་མདོ་ལས། འབྱུང་བ་ཆེན་པོ་བཞི་ནི་སྣ་ཚོགས་དང་། ཚུལ་སྣ་ཚོགས་དང་། རྣམ་གྲངས་སྣ་ཚོགས་ནས་སེམས་ཅན་ཐམས་ཅད་ཉེ་བར་འཚོ་བ་དེ་བཞིན་དུ། བྱང་ཆུབ་སེམས་དཔའ་བདག་ཉིད་ཀྱི་ལུས་ཀྱང་སེམས་ཅན་ཐམས་ཅད་ཀྱི་ཉེ་བར་འཚོ་བའི་གཞིར་གྱུར།༡༢༠ ཅེས་དང༌། སྤྱོད་འཇུག་ལས། ཡིད་བཞིན་གྱིས་ནི་ལུས་སུ་བསྒྱུར།༡༢༡ །ཞེས་སོ། །དེ་ལྟར་ན་ཡིད་བཞིན་དུ་བསྒྱུར་ནས་བཏང་ངོ༌། །དེ་རྣམས་ཀྱི་དོན་ཡང་ཡིད་བཞིན་གྱི་ནོར་བུ་རིན་པོ་ཆེའི་ཁ་དོག་དང་དབྱིབས་ལ་སོགས་པའི་རྣམ་པར་བྱས་ནས་བཏང་བ་ལ་མི་ཟེར་གྱིས། འགྲོ་བ་ཐམས་ཅད་ཀྱི་ཡིད་ལ་ཅི་འདོད་པ་དང༌། དགོས་འདོད་ཐམས་ཅད་ཟད་མི་ཤེས་པ་འབྱུང་བ་ལ་ཟེར་བས་དེ་ལྟར་བྱས་ནས་གཏོང་ངོ༌།། གཏོང་བའི་རིམ་པ་ཡང་། རྩ་བའི་མ་དེ་མདུན་དུ་དམིགས་ནས། དེ་ལ་བཏང་བས་མ་དེའི་སངས་རྒྱ་པའི་ཉེར་ལེན་གྱི་རྒྱུའི་དབང་དུ་བྱས་ནས། དད་པ་དང་། ཚུལ་ཁྲིམས་དང་། བརྩོན་འགྲུས་དང་། ཤེས་རབ་དང་། བྱང་ཆུབ་ཀྱི་སེམས་ལ་སོགས་པའི་དོན་ནང་གི་རྒྱུ་ཐམས་ཅད་འབྱུང་བར་བསམ། ལྷན་ཅིག་བྱེད་པའི་རྐྱེན་གྱི་དབང་དུ་བྱས་ནས། དགེ་བའི་བཤེས་གཉེན་དང༌། དཔེ་ཆ་དང༌། མཆོད་ཆ་དང༌། མཆོད་ཁང་དང་། ཁང་པ་དང་། གྲོགས་ཚངས་པ་མཚུངས་པར་སྤྱོད་པ་ལ་སོགས་པ་དང་། དོན་ནང་གི་ཆོས་ཀྱི་མཐུན་རྐྱེན་ཐམས་ཅད་འབྱུང་བར་བྱས་ནས་སེམས་བསྐྱེད་རྫོགས་ཏེ་སངས་རྒྱས་པར་སེམས་སོ། །དེ་བཞིན་དུ་ཕ་དང་ཉེ་འབྲེལ་ནམ་མཁའ་མཐས་ཁྱབ་ཚད་ཀྱི་སེམས་ཅན་ཐམས་ཅད་དང༌། ངན་སོང་གསུམ་ནས། ཉན་ཐོས་དང་། རང་སངས་རྒྱས་དང༌། ས་བཅུའི་བྱང་ཆུབ་སེམས་དཔའ་ཐམས་ཅད་ལ་བཏང་བས་ཀྱང་སྔ་མ་བཞིན་དུ། དེ་དག་ཀྱང་བྱང་ཆུབ་ཏུ་སེམས་བསྐྱེད། བསླབ་བྱ་ལ་བསླབ་ཚོགས་གཉིས་མཐར་ཕྱིན་ནས་སངས་རྒྱས་པར་སེམས་པའོ། །ཡང་ཡིད་བཞིན་གྱི་ནོར་བུ་གཅིག་ལས་སེམས་ཅན་ཐམས་ཅད་ཀྱི་ཟས་གོས་ལ་སོགས་པ་ཅི་འདོད་འབྱུང་བ་ལྟར། རང་གི་རྩ་བའི་ལུས་གཅིག་པུ་འདི་ཉིད་ནམ་མཁའི་མཐའ་ཁྱབ་ཚད་ཀྱི་སེམས་ཅན་ཐམས་ཅད་ཀྱི་ཟས་གོས་གནས་མལ་དང་། ཡུལ་ཞིང་དང་། ཉེ་འབྲེལ་དང་། འཁོར་འབངས་དང་། བཞོན་པ་ལ་སོགས་པའི་འཇིག་རྟེན་པའི་བདེ་བ་ཐམས་ཅད་དང༌། མཁན་སློབ་དང༌། དཔེ་ཆ་ལ་སོགས་པ་འཇིག་རྟེན་ལས་འདས་པའི་བདེ་བའི་རྒྱུ་འབྲས་ཐམས་ཅད་ཀྱང་བྱུང་བར་སེམས་པའོ། །ཡང་ཡིད་བཞིན་ནོར་བུ་རིན་པོ་ཆེ་དབང་གི་རྒྱལ་པོ་ལ་སོགས་པ་མང་པོས་སེམས་ཅན་གྱི་དོན་བྱེད་པ་བཞིན་དུ། རང་གི་ལུས་འདི་ཡང་སེམས་ཅན་རེ་རེའི་མདུན་དུ་ཡང་རེ་རེ་ཡོད་པར་བསམ་ནས་སྔ་མ་ལྟར་རོ། །ཡང་རང་གི་ལུས་འདི་བེམ་པོའི་རྣམ་པས་ས་དང་ཆུ་དང་མེ་ལ་སོགས་པའི་ཚུལ་གྱི་སེམས་ཅན་རེ་རེའི་མདུན་དུ་གནས་པས་དེ་དག་གི་མཁོ་བའི་ཡོ་བྱད་དུ་གྱུར་ཏེ་ལོངས་སྤྱོད་པར་སེམས་པའོ། །ཡང་རེས་རིལ་པོའི་རྣམ་པར་གཏོང་། རེས་མགོ་དང་རྐང་ལག་ལ་སོགས་པ་བཅད་དེ་བསད་པའི་ཚུལ་གྱིས་གཏོང་ངོ༌།། སྤྱིར་གཏོང་བ་ལ་དམིགས་བསལ་ཅེས་པ་ལྟར། ལ་ལ་ཤ་ཁྲག་ཉིད་ཀྱང་ཡིད་བཞིན་དུ་འོང་བ་ལ། ལ་ལ་འདོད་པའི་ཡོན་ཏན་དེར་འོང་སྟེ། སྔགས་ནང་པའི་འགྲུབ་ཁུང་དུ་ཡང་ལས་གན་རྐྱལ་དུ་འགྱེལ་ཏེ་དེ་ལ་བཅད་ཅིང་བཏང་ངོ༌། །དེའི་དང་པོ་ལུས་ཉིད་ཡིད་བཞིན་དུ་བསྒྱུར་བས། དེ་ནས་ཤ་ཁྲག་ཀྱང་གང་དུ་བྱས་ཀྱང་དེ་ཉིད་ཞེ་ཐག་ཏུ་འོང་སྟེ། སློབ་དཔོན་གྱི་ཞལ་ནས། ངས་ནི་རྒྱུན་དམ་ལ་སོགས་པའི་ཆུ་མིག་དང༌། མཚོ་རྫིང་དང་ནམ་ར་ལ་སོགས་པའི་ཐང་དང་ཐ་ན་འཆད་ཀའི་གྲོགས་ཕུག་ཡན་ཆད་དུ་མ་བསྒོམས་པ་མེད་༡ ༢༢ གསུངས། ཡང་རབ་གནས་དུས་སུ་རྟེན་ལ་འདྲེ་ཞུགས་པ་འབྱིན་པ་ལ་ཡང་། རང་གི་ལུས་ལ་རྟེན་གྱི་རྣམ་པ་དེ་འདྲ་བ་དུ་མ་བྱུང་བ་བསྒོམས་ནས། དེ་རྣམས་ཁྱེར་ལ་ཁྱོད་ཀྱི་མི་དགའ་བ་མ་བྱེད། རྟེན་འདི་ལ་རབ་གནས་བྱས་ནས་སྐྱབས་གནས་བྱེད་པ་ཡིན་ཅེས་དང་། དེ་བཞིན་དུ་ནད་པའི་རིམ་གྲོ་དང་གཏོར་མ་ལ་ཡང་། རང་གི་ལུས་འདི་གཏོར་མར་བཅུག་ནས་ཁོ་ལ་ཕྱོགས་ཐམས་ཅད་ནས་གནོད་པ་རྣམས་ངའི་བཟའ་དགའ་ན་འདི་ཁྱེར་ལ་གནོད་པ་མ་བྱེད། ང་བར་པ་གསེར་སྦྱིན་བྱས་ནས་བསྡུམས་བྱེད་པ་ཡིན་ནོ། །གྲལ་མགོ་ལ་འགྲོ་བའི་དུས་སུ་ཡང༌། དེར་ལུས་དུམ་བུ་དུམ་བུར་འཐོར་ཞིང་བཏང་ལ་དེ་ལྟར་བྱ། ས་གཉན་པོར་ཡང་རང་གི་ལུས་ལ་དེའི་བགེགས་གོང་མ་རྣམས་ལ་མཆོད་པའི་ཚོགས་དང་། དེའི་མི་དང་མི་མ་ཡིན་པ་རྣམས་ལ་གོང་ལྟར་བྱེད་པ་དང་། ཆགས་ཆེ་བ་དང་། རྨི་ལམ་དང༌། མཚན་མ་དང༌། ཕྱོགས་ངན་པ་དང༌། བཀྲ་མི་ཤིས་པའི་མཚན་མ་དེ་དག་ཐམས་ཅད་ལ་གོང་ལྟར་རང་ལ་བླངས་ལ། དེ་དག་ལ་བཏང་བས་དགེ་ལེགས་དང༌། ངོ་མཚར་བའི་ལྟས་དང༌། མཚན་མ་ལ་སོགས་པ་བཟང་པོ་དང་ལྡན་པར་བྱས་ཏེ། གཞན་གྱི་དྲོད་གཏོང་དང་གཏང་ཁྲམ་འདྲེ་འགྲས་དང༌། རོ་བག་དང༌། མི་གཙང་བ་ལ་སོགས་པ་བྱུང་གི་དོགས་པ་ཐམས་ཅད་ལ་ཡང་དེ་དག་རང་གི་སྙིང་ནང་དུ་བླངས། རང་གི་ལུས་ལ་སོགས་པ་བཏང་བས། དེ་དག་དགའ་ཞིང་ཚིམ་སྟེ་གདུག་པའི་སེམས་ལ་སོགས་པ་ཞི་ནས་རྒྱུ་རྐྱེན་ལ་སོགས་པ་ཚང་ནས་སངས་རྒྱས་པར་བསམ། གཙང་བ་དང་རིག་པ་ཙམ་གྱིས་བདེ་བ་དང་། ཉེས་སྤྱོད་ཐམས་ཅད་དག་པའི་ཡོན་ཏན་དང་ལྡན་པར་སེམས་པ་དང་། ད་ལྟ་མངོན་སུམ་དུ་མཐོང་བ་ལ་སོགས་པ་མི་ཟད་ནོར་ཟད་སོགས་པ་བྱུང་བ་དང་། མཛེ་བྱུང་བ་དང་། ནད་ཚབས་པོ་ཆེ་གཞན་གྱིས་ཐེབས་པ་དང་། རྒས་པ་ལ་སོགས་པའི་གོང་དུ་བཤད་པའི་སྡུག་བསྔལ་ཐམས་ཅད་དང་། ཆགས་པ་རྒྱས་པ་དང་། ཆོས་མི་གོ་བ་ལ་སོགས་པའི་རིགས་ཐམས་ཅད་ལ་བཏང་བས། དེ་དག་དང་བྲལ་ཞིང་དེ་ལས་བཟློག་པའི་ཡོན་ཏན་དང་ལྡན་ནས་སངས་རྒྱས་ཐོབ་པར་སེམས་པའོ། །དེས་མཚོན་ནས་རྣལ་འབྱོར་ཐམས་ཅད་གཅིག་གི་བྱ། །ཞེས་པ་ལྟར་ཐམས་ཅད་ལ་མཚོན་པར་བྱའོ། །འདི་གཅིག་བུ་ཡོད་ན་ཅི་ལ་ཡང་ཡ་མི་ང་བ་གཅིག་ཡོང་གསུང་། དེ་ལྟར་གཉན་ས་ལ་སོགས་པར་སྦྱང་བ་དེ་ལ་བསམ་པས་སྦྱང་ན། བདུད་ཀྱི་སྤྱོད་ཡུལ་བ་བཞིན་སྤྱོད་པ་ཐོ་ཅོའི་རྣམ་པར་མ་སོང་བ་དང་། ཡང་ཐོག་ཏུ་བཟུར་ཐབས་མེད་པ་བྱུང་ཡང་ཡ་ང་བ་དང༌། བག་ཚ་བ་དང་འཇིགས་པ་མེད་པར་གོང་ལྟར་རིང་རྒྱངས་ཀྱི་སོང་བར་བྱའོ།། དེ་བཞིན་དུ་ལོངས་སྤྱོད་ཀྱང་རང་ལ་གང་ཡོད་ཡིད་བཞིན་དུ་བསྒྱུར་ཏེ་བཏང་བས་དེ་རེ་རེ་ལས་ཀྱང་འཇིག་རྟེན་དང་འཇིག་རྟེན་ལས་འདས་པའི་ཡོ་བྱད་༡༢༣ དཔག་ཏུ་མེད་པ་བྱུང་ནས། ནོར་འདོད་པ་ལ་ནོར། ཟས་དང༌། འབྲས་བུ་དང་། རྟ་དང་གླང་པོ་ལ་སོགས་པ་གང་འདོད་པ་དང་། གཞན་ཡང་དམ་ཆོས་ཀྱི་དབང་དུ་བྱས་པའི་དད་པ་དང༌། ཚུལ་ཁྲིམས་དང་། ཤེས་རབ་ལ་སོགས་པ་སངས་རྒྱས་པའི་མཐུན་རྐྱེན་མ་ཚང་བ་མེད་པ་བྱུང་བར་བསམ་ཞིང་གཏང་ངོ༌། །གཞན་ཡང་ལུས་དང་ལོངས་སྤྱོད་ལ་སོགས་པ་ལ་ཆགས་ན་གང་ན་ཆགས་པ་དེ་དཀར་ཞིང་ཡིད་བཞིན་དུ་བསྒྱུར་ནས་སེམས་ཅན་ཐམས་ཅད་ལ་བཏང་ངོ༌། །དེ་རྣམས་ཀུན་ཏུ་བཟང་པོའི་མཆོད་སྤྲིན་ལྟ་བུ་བསམ་གྱིས་མི་ཁྱབ་པར་བསམ་ཏེ། བླ་མ་དང་སངས་རྒྱས་ལ་ཡང་འབུལ་གསུང་ངོ༌། །དགེ་བ་ནི་རང་གི་དུས་གསུམ་བསགས་པ་ཐམས་ཅད་གཏོང་སྟེ། དེ་ཡང་ཐ་ན་དུད་འགྲོ་ལྟ་བུ་ལ་ཟན་ཆང་གཅིག་སྦྱིན་པའི་དགེ་བའི་རྩ་བ་ནས། ཕ་རོལ་ཏུ་ཕྱིན་པ་དྲུག་དང་། བསྡུ་བའི་དངོས་པོ་བཞི་དང་། བསོད་ནམས་བྱ་བའི་དངོས་པོ་ལ་སོགས་པ། མདོར་ན་ཟག་བཅས་དང་ཟག་པ་མེད་པའི་བསྡུས་པའི་དགེ་བ་ཐམས་ཅད་བཏང་བས། སེམས་ཅན་ཐམས་ཅད་འདོད་པ་དང་། ཅི་དགོས་པ་དང་། གང་དང་གང་གི་དོན་དུ་གྱུར་པ་ཐམས་ཅད་བྱུང་སྟེ་སངས་རྒྱས་ཀྱི་རྒྱུ་རྐྱེན་ཐམས་ཅད་ཚང་ནས་སངས་རྒྱས་པར་སེམས་པའོ། །ཡང་གནས་སྐབས་སུ་ལུས་ལོངས་སྤྱོད་དུས་གསུམ་གྱི་དགེ་རྩ་ཐམས་ཅད་བསྡོམ་ཏེ། ནམ་མཁའི་མཐའ་ཁྱབ་ཀྱི་སེམས་ཅན་བཟང་ངན་ཕྲ་རགས་ཐམས་ཅད་ལ་བཏང་བས་གོང་ལྟར་དུ་སེམས་པའོ།། དོན་གྲིལ་ན། དེ་ལྟར་བཏང་བས་གསུམ་ཀ་ལ་ཡང་རྩ་བའི་མ་ནས་སེམས་ཅན་ཐམས་ཅད་དང་མནར་མེད་པ་ནས་སངས་རྒྱས་ཀྱི་བར་རིམ་པར་གཏོང་བ་དང༌། འབས་ཏེ་བསྡུས་ནས་དུས་གཅིག་ལ་གཏོང་བ་དང༌། ལུས་ལོངས་སྤྱོད་སྣ་རེ་ལ་ཡང་ཐམས་ཅད་འབྱུང་བར་བསམ་ཏེ་གཏོང་བ་དང༌། གསུམ་ཀ་རིལ་པོ་རེ་བཏང་བས་དེ་ལྟར་དང་། ལུས་ལ་སོགས་པ་མང་པོ་བྱས་ནས་སེམས་ཅན་རེ་རེ་ལ་གཏོང་བ་དང༌། འདི་གཅིག་པུ་ཐམས་ཅད་ལ་ཐེ་ཚོམ་མེད་པར་གཏོང་བ་ལ་སོགས་པ་ལེན་པའི་སྐབས་ལྟར་བསམ་པར་བྱའོ། །དེ་ལྟར་གཏོང་ལེན་བསྒོམ་པ་དེ་ཡང་སེམས་ཅན་ཐམས་ཅད་ཀྱི་སྡིག་པ་དང་། སྡུག་བསྔལ་ལ་སོགས་པ་མི་འདོད་པ་ཐམས་ཅད་རང་གི་སྙིང་གི་དཀྱིལ་དུ་ལེན་པ་རེ་དང་། རང་གི་ལུས་ལོངས་སྤྱོད་དུས་གསུམ་དགེ་བ་ཐམས་ཅད་སེམས་ཅན་ཐམས་ཅད་ལ་གཏོང་བ་རེ་སྤེལ་ནས་བསྒོམ་དེ་ཡང་གོང་ལྟར་རེས་རྩ་བའི་མ་ནས་བརྩམས་ཏེ། སེམས་ཅན་ཐམས་ཅད་ལ་མཐར་ཆགས་སུ་གཏོང་། རེས་ཐམས་ཅད་ལ་དུས་གཅིག་དང་། རེས་ལས་ངན་ཤ་སྟག་དང་། རེས་ཉོན་མོངས་པ་ཅན་ཤ་སྟག་དང་། དེ་ལ་སོགས་པ་དུ་མ་བཀོལ་ནས་བསྒོམ་སྟེ། དེ་ཡང་བསྒོམ་པའི་ཚེ་ཁའི་ཡམ་རྒྱུག་པ་ལྟ་བུ་མ་ཡིན་ཐུན་གྱི་ཁྲལ་འཇལ་ལྟ་བུ་མ་ཡིན་པར་རིག་པ་འཇུར་ལ་གཏད། སྙིང་ལ་ཟུར་ཐོན་པར་བྱས་ཏེ་བསྒོམ་པས་བློ་འབྱོང་སྐྱེན་པ་དང་། ཤེས་པ་དོན་ལ་འགྲོ་བ་དང་། དོན་དང་རྡོ་རུས་ཐུག་པ་འབྱུང་ཞེས་གསུངས་སོ། །གཞན་ལེན་པའི་གོ་རིམས་རང་ནས་བརྩམས་པ་ལ་སོགས་པ་གསུང་བགྲོས་མ་བཞིན་ནོ།། རྐྱེན་ངན་བྱང་ཆུབ་ཀྱི་སེམས་སུ་བསྒྱུར་བ། ཀུན་རྫོབ་བྱང་ཆུབ་ཀྱི་སེམས་ཀྱི་བསམ་པའི་སྒོ་ནས་རྐྱེན་ངན་བྱང་ཆུབ་ཀྱི་སེམས་སུ་བསྒྱུར་བ་ནི། ལེ་ལན་ཐམས་ཅད་གཅིག་ལ་གདའ། །ཞེས་པ་སྟེ་དེ་ལ་ད་ལྟ་རང་རེ་རྣམས་སྡུག་བསྔལ་དང་རྐྱེན་ངན་ཅི་བྱུང་བ་ཐམས་ཅད་ཀྱི་ལེ་ལན་གཞན་ལ་འདེད་ཅིང༌། རང་རེ་ལེ་ལན་མེད་པའི་སྐྱོན་མེད་གཅིག་ཏུ་འདོད་མོད། དེ་ནི་མ་ཡིན་ཏེ་སྡུག་བསྔལ་དང་རྐྱེན་ངན་ཅི་བྱུང་བ་ཐམས་ཅད་ཀྱི་ལེ་ལན་ནི། བདག་འཛིན་གཅིག་པུ་འདི་ཉིད་ལ་ཐུག་པ་ཡིན་ནོ། །དེའི་རྒྱུ་མཚན་ཡང་བདག་འཛིན་འདི་ཉིད་ཀྱི་ཐོག་མ་མེད་པ་ནས་བདག་མེད་པ་ལ་བདག་ཏུ་བཟུང་ནས་དེའི་གཅེས་སྤྲས་དང་ཁ་འཛིན་གྱིས་མཐོ་བ་ལ་ཕྲག་དོག དམའ་བ་ལ་བརྙས་བཅོས། མཉམ་པ་ལ་འགྲན་སེམས། དགྲ་འདུལ་གཉེན་སྐྱོང་ལ་སོགས་པའི་སྒོ་ནས། གཞན་ལ་གནོད་པ་ལ་སོགས་པའི་ལས་མི་དགེ་བ་སྣ་ཚོགས་བསགས་པ་ལ་བརྟེན་ནས་སྡུག་བསྔལ་དང༌། རྐྱེན་ངན་སྣ་ཚོགས་བྱུང་བ་ཡིན་ནོ། །དེ་སྐད་དུ་ཡང་། སྤྱོད་འཇུག་ལས། ཡིད་ཁྱོད་རང་འདོད་བྱེད་འདོད་ནས། །བསྐལ་པ་གྲངས་མེད་འདས་གྱུར་ཀྱང་། །ངལ་པ་ཆེན་པོ་དེ་ལྟ་བུས། །ཁྱོད་ཀྱི་སྡུག་བསྔལ་འབའ་ཞིག་བསྒྲུབ།༡ ༢༤ །ཅེས་གསུངས་སོ། །དེས་ན་རྐྱེན་ངན་པ་ལ་བརྟེན་ནས་སྡུག་བསྔལ་ལ་བཅུག་པ་ཐམས་ཅད་ཀྱང་། བདག་གཅེས་པར་འཛིན་པ་འདིས་ལན་ཏེ། རྒྱལ་ཁམས་ན་ནད་ཡམས་འདུག་ཟེར་ན་ཁོ་ལ་བྱུང་གི་དོགས་ནས་སྡུག་བསྔལ། ཕ་རོལ་གྱི་དགྲ་བོས་བཅོམ་གྱི་དོགས་ནས་སྡུག་བསྔལ། འདྲེ་གདོན་གྱིས་ཁྱེར་གྱིས་དོགས་ནས་སྡུག་བསྔལ་བ་ལ་སོགས་པ་མདོར་ན་བདག་མཐོ་བར་འདོད། བདག་ལེགས་པར་འདོད། བདག་སྐྱིད་པར་འདོད་པ་ལ་སོགས་པ་དང་མི་མཐུན་ནས་སྡུག་ཏུ་བཅུག་པ་ཡིན་པས་སོ། །དེས་ན་སྡུག་བསྔལ་དང་རྐྱེན་ངན་ཐམས་ཅད་དང་པོ་འབྱུང་བའི་རྒྱུ་ཡང་བདག་འཛིན་ལ་བརྟེན་ནས་བསགས། ཐ་མ་རྐྱེན་དུ་སྣང་བ་ཡང་བདག་འཛིན་ལ་བརྟེན་ནས་ཁོའི་འདོད་པ་དང་མ་མཐུན་ནས་འབྱུང་བ་རྐྱེན་ངན་ཅི་བྱུང་བ་ཐམས་ཅད་བདག་འཛིན་ལ་ཐུག་པ་ཡིན་ནོ།། ཀུན་ལ་བཀའ་དྲིན་ཆེ་བར་བསྒོམ། །ཞེས་པ་ནི། སེམས་ཅན་ཀུན་བཀའ་དྲིན་ཅན་འབའ་ཞིག་ཡིན་ཏེ། ཐོག་མ་མེད་པ་ནས་བདག་ལ་ཕན་འབའ་ཞིག་བཏགས་གནོད་པ་མཐའ་དག་ལས་སྐྱོབ་པའི་སྒོ་ནས་ཀྱང་དྲིན་ཚེ། སངས་རྒྱས་བསྒྲུབ་པར་འདོད་པ་ལ་སངས་རྒྱས་ཀྱི་རྒྱུའི་གཙོ་བོ་བྱང་ཆུབ་ཀྱི་སེམས་ཡིན་དེ་ཡང་སེམས་ཅན་ལ་བརྟེན་ནས་སྐྱེ་དགོས་པས་ན་དྲིན་ཆེ། ཁྱད་པར་དུ་རང་ལ་རྐྱེན་ངན་གཏོང་བའི་འདྲེ་གདོན་ལ་སོགས་པ་ནི། ལྷག་པར་དུ་ཡང་དྲིན་ཆེ་སྟེ། བདག་གི་རྐྱེན་ངན་མྱོང་བའི་ལས་བསགས་པ་དེའི་སད་བྱེད་བྱས་པས། ལས་ངན་འཛད་པའི་གྲོགས་བྱས་པའི་སྒོ་ནས་དྲིན་ཆེ། རྐྱེན་ངན་ལ་བརྟེན་ནས་བཟོད་པ་བསྒོམ་པའི་གྲོགས་བྱས་པའི་སྒོ་ནས་ཀྱང་དྲིན་ཆེ་བས་ཀྱང་སེམས་ཅན་ཐམས་ཅད་དྲིན་ཅན་འབའ་ཞིག་ཡིན་ནོ། །རྐྱེན་ངན་བྱང་ཆུབ་ལམ་དུ་བསྒྱུར་བའི་གནད་གཞན་རྣམས་ནི་གསུང་བགྲོས་མ་བཞིན་ནོ།། འཕྲལ་ལ་གང་ཐུག་སྒོམ་དུ་སྦྱར། །ཞེས་པ་ནི། སྐྱིད་སྡུག་འཛོམ་མ་འཛོམ་ལ་སོགས་པའི་དུས་ཐམས་ཅད་དང་། རང་ཡུལ་དང་མི་ཡུལ་ལ་སོགས་པའི་ཡུལ་ཐམས་ཅད་དང་། དགོན་པ་དང༌། གྲོང་ལ་སོགས་པའི་གནས་ཐམས་ཅད་དང་། འགྲོ་འཆག་དང་ཉལ་བ་ལ་སོགས་པའི་སྤྱོད་ལམ་ལམ་ཐམས་ཐམས་ཅད་དང་། མཐོང་བ་དང་ཐོས་པ་དང༌། དྲན་པ་དང༌། ཡིད་ལ་འགྲུས་པའི་དབང་པོ་དྲུག་གི་ཡུལ་དུ་གྱུར་པ་ཐམས་ཅད་ལ་སྦྱར་ཞིང་བསྒོམ་ཏེ། དེ་ཡང་དབང་པོ་དྲུག་གི་ཡུལ་དུ་གྱུར་པ་ལ་འདོད་མི་འདོད་གཉིས་གཉིས་ཡོད་ལ། དེ་གཉིས་པོ་ཁ་ཚོན་བཅད་ནས་འདོད་པ་དེ་སེམས་ཅན་ལ་གཏོང་མི་འདོད་པ་དེ་རང་ལ་ལེན་ནོ། །འགྲོ་འཆག་ལ་སོགས་པ་སྤྱོད་ལམ་གང་བྱེད་དུས་གང་དང་ཐུག་པའམ། གང་དང་ཕྲད་པ་དེ་གཉིས་ལ་བརྟེན་ནས་བསྒོམ་མོ་ཉལ་བའི་དུས་སུ་ཡང་གཉིད་ལོག་པའི་བར་ལ་སེམས་ཅན་གྱི་སྡུག་བསྔལ་དང་ཀུན་འབྱུང་ཐམས་ཅད་བླངས། ལུས་ལོངས་སྤྱོད་ཐམས་ཅད་གཏོང་ལ་སེམས་ཅན་རྣམས་སངས་རྒྱས་པར་བྱ་སྙམ་དུ་བསམ་ལ་གཉིད་ལོག་པས། གཉིད་ཐམས་ཅད་བདག་གཞན་བརྗེ་བའི་སེམས་སུ་འགྲོ་ལ། སྦྱང་ནས་རྨི་ལམ་དུ་འདི་འབྱོངས་པ་འོང་སྟེ། མདོ་ནས་བཤད་པ་ལྟར་འོང་གསུང་ངོ༌། །ཚེ་གཅིག་གི་ཉམས་ལེན་དྲིལ་ནས་བསྟན་པ་ནི། གསུང་བགྲོས་མ་བཞིན་ནོ།། བློ་འབྱོངས་པའི་ཚད། བློ་འབྱོངས་པའི་ཚད་ནི། ཆོས་རྣམས་དགོངས་པ་གཅིག་ཏུ་འདུ། །ཞེས་གསུངས་སོ། །ཐེག་པ་ཆེ་ཆུང་གི་ཆོས་ཐམས་ཅད་ཀྱི་དགོངས་པ་བདག་འཛིན་འདུལ་བ་རུ་འདུ་ཞིང་། ཁྱད་པར་དུ་བློ་སྦྱོང་གི་དམིགས་རྩེའི་གཏོད་ས་བདག་གཅེས་འཛིན་འདུལ་བ་དང་། གཞན་གཅེས་པར་འཛིན་པ་ཡིན་པས་སྤྱིར་དགེ་སྦྱོར་བྱས་པ་དང་། ཁྱད་པར་དུ་བློ་སྦྱོང་བསྒོམ་པ་བདག་འཛིན་གྱི་གཉེན་པོར་མ་སོང་ན། བློ་སྦྱོང་རྒྱུད་ལ་མ་སྐྱེས་པ་ཡིན་པས། བློ་སྦྱོང་རྒྱུད་ལ་སྐྱེས་མ་སྐྱེས་བདག་འཛིན་གྱི་གཉེན་པོར་སོང་མ་སོང་ལ་རག་ལས་པ་ཡིན་ནོ། །འདི་ཆོས་པ་སྲང་ལ་འཇལ་བའི་རྒྱ་མ་ཡིན་གསུང་ངོ༌། །དཔང་པོ་གཉིས་ཀྱི་གཙོ་བོར་བཟུང༌། །ཞེས་པ། གཞན་བདག་གི་ཇོ་བོ་དེ་ཀུན་རྒྱུད་ལ་ཆོས་སྐྱེས་འདུག ཆོས་པ་བཟང་པོ་བྱ་བ་དེ་ན་འདུག་ཟེར་ཡང་། དཔང་པོའི་གཙོ་བོ་མ་ཡིན་ཏེ། གཞན་གྱི་རང་གི་སྤྱོད་ཚུལ་ལེགས་པ་ཙམ་མམ། ཚིག་འཇམ་པ་ཙམ་མམ། ཁོ་རང་གིས་བསམ་པ་དང་མཐུན་པ་ཙམ་ལ་ཡང་ཆོས་པ་བཟང་པོར་རྩི་བ་ཡོད་པས་སོ། །དེས་ན་དཔང་པོ་གཉིས་ཀྱི་གཙོ་བོ་རང་གི་སེམས་ཀྱི་མ་ཁྲེལ་བ་ཅིག་དཔང་པོའི་གཙོ་བོ་ཡིན་ཏེ། གཞན་དག་དེའི་རྒྱུད་ལ་ཆོས་མ་བྱུང་བ་འདུག་ཟེར་བ་སོགས་བྱུང་ཡང་རང་གི་བློ་གཟུ་བོར་བཞག་པ་ལ། ད་དམྱལ་བར་སྤྱི་བཙུག་ཏུ་སོང་ཡང་འགྱོད་པ་མེད་སྙམ་པ་དེ་གཉིས་དཔང་པོ་གཙོ་བོ་ཡིན་ཏེ། ཡིད་བདེ་འབའ་ཞིག་རྒྱུན་དུ་བསྟེན། །ཅེས་པ། བློ་སྦྱོང་རྒྱུད་ལ་སྐྱེས་པས་ད་རྐྱེན་ངན་ཅི་ཡང་བློ་སྦྱོང་གི་ལམ་དུ་ཁྱེར་བས་ཆོག་སྙམ་དུ་ཡིད་བདེ་བ་ཡིན་ལ། ཡང་རྐྱེན་ངན་མ་བྱུང་བའི་ཚེ། རྐྱེན་ངན་བྱུང་ན་ལམ་དུ་ཁྱེར་སྙམ་པ་ཙམ་ཡིན་གྱི། རྐྱེན་ངན་དང་འདོམ་ཐུག་བྱུང་ཙ་ན། དེ་ལ་སྡུག་བསྔལ་དུ་མ་འཛིན་པར་ཡིད་བདེ་ལྷན་གྱིས་འགྲོ་བ་དམིགས་དགོས་སོ།། ཡེངས་ཀྱང་ཐུབ་ན་འབྱོངས་པ་ཡིན། །བྱ་བ་རྐྱེན་ངན་དང་ཕྲད་པའི་ཚེ་རྩོལ་བ་བསྐྱེད་ནས་བློ་སྦྱོང་བསྒོམ་པས་རྐྱེན་ངན་གྱི་དབང་དུ་མ་ཤོར་བ་ཙམ་ལ་མི་ཟེར་གྱིས། གློ་བུར་དུ་གང་ནས་བྱུང་ཆ་མེད་པར་འགལ་རྐྱེན་བྱུང་བའི་ཚེ། རྩོལ་བ་བསྐྱེད་མི་དགོས་པར་རང་ཤུགས་ཀྱི་དེའི་གཉེན་པོར་བློ་སྦྱོང་གཅེར་གྱི་སླེབ་པ་གཅིག་ལ་ཟེར་རོ། །ལེགས་པར་གོམས་ན་འདི་ཡོང་ཡང་ཡོང་སྟེ། ཐོག་མ་མེད་པ་ནས་བདག་གཅེས་འཛིན་དང་། ཉོན་མོངས་པ་གོམས་པའི་སྟོབས་ཀྱི་རྐྱེན་གློ་བུར་བ་ཅི་བྱུང་ཡང་ཞེ་སྡང་ལ་སོགས་པའི་ཉོན་མོངས་པ་རང་ཤུགས་ཀྱི་འབྱུང་བ་བཞིན་ནོ། །དེ་ལ་བློ་སྦྱོང་བའི་ཚད་ཟེར་ཡང་བློ་སྦྱོང་རྒྱུད་ལ་སྐྱེས་པའི་ཚད་ཡིན་གྱི། ད་སྦྱང་མི་དགོས་པར་འབྱོངས་པའི་ཚད་མ་ཡིན་ནོ།། བློ་སྦྱོང་གི་དམ་ཚིག་བློ་སྦྱོང་གི་དམ་ཚིག་ལ། སྤྱི་དོན་གསུམ་པོ་རྟག་ཏུ་བསླབ། །འདུན་པ་སྒྱུར་ལ་རང་སོར་བཞག །ཡན་ལག་ཉམས་པ་བརྗོད་མི་བྱ། །གཞན་ཕྱོགས་གང་ཡང་མི་བསམ་མོ། །ཞེས་པ་རྣམས་གསུང་བགྲོས་མ་བཞིན་ནོ། །ཉོན་མོངས་གང་ཆེ་སྔོན་ལ་སྦྱངས། །ཞེས་པའམ། རགས་པ་གང་ཆེ་སྔོན་ལ་སྦྱངས། །ཞེས་པའི་དོན་ནི། རང་གི་རྒྱུད་ལ་ཉོན་མོངས་པ་འདོད་ཆགས་དང་། ཞེས་སྡང་དང་། གཏི་མུག་དང་། ང་རྒྱལ་དང་། ཕྲག་དོག་ལ་སོགས་པ་ཤས་གང་ཆེ་བ་བརྟགས་ནས་འདུལ་བའམ། འཇོམས་པ་སྟེ། དེ་ཡང་དེ་ཐམས་ཅད་ཀྱི་རྩ་བའམ་གཞི་མ་ལྟ་བུ་བདག་ཏུ་འཛིན་པ་ཡིན་ལ། སྤྱིར་ཉོན་མོངས་པ་ཆེ་ཡང་ཁྱད་པར་སོ་སོའི་སྐྱེ་བོ་ཐམས་ཅད་འདི་ཡི་རང་བཞིན་དུ་གྱུར་ནས་ཅི་བྱེད་བདག་ཏུ་འཛིན་པས་བྱེད་དུ་མ་སྟེར། ཐོག་མ་མེད་པ་ནས་སྡུག་ཏུ་བཅུག་པ་ཡིན་པས། འདི་དང་པོ་རང་དུ་འདུལ་དགོས་ཏེ། བདག་ལ་འཇོམས་པའི་དགྲ་བོ་དེ། །སུ་ཞིག་གིས་ནི་འཕེལ་བར་བྱེད། །ཨེ་མ་མའོ་མི་བཟོད་དོ།༡༢༥ །ཅེས་དང་། བདག་ཡོད་ན་ནི་གཞན་དུ་ཤེས། །བདག་གཞན་ཆ་ལས་འཛིན་དང་སྡང་། །འདི་དག་དང་ནི་ཡོངས་འབྲེལ་ལས། །ཉེས་པ་ཐམས་ཅད་འབྱུང་བར་འགྱུར།༡༢༦ །ཞེས་དང་། དེ་ལྟར་ཡུན་རིང་རྒྱུན་ཆགས་དགྲར་གྱུར་པ། །གནོད་པའི་ཚོགས་རབ་འཕེལ་བའི་རྒྱུ་གཅིག་པོ། །བདག་གི་སྙིང་ལ་ངེས་པར་གནས་འཆའ་ན། །འཁོར་བར་འཇིགས་མེད་དགའ་བར་ག་ལ་འགྱུར།༡ ༢༧ །ཞེས་པ་ལྟར། འཁོར་བ་ཐོག་མ་མེད་པ་ནས་དགྲ་བྱས་སྡུག་ཏུ་བཅུག་པ་ཐམས་ཅད་འདིས་ལན་ཏེ་བྱི་བ་རྩིག་རྩིག་ཟེར་ཡང་ཁོའི་རྣ་བ་བཅད་ཀྱི་དོགས། འབྲུག་གཅིག་ཐུག་ཟེར་ན་ཡང་ཁོའི་མགོ་ལ་རྒྱབ་ཀྱི་དོགས། རྒྱལ་ཁམས་ན་ནད་ཡམས་འདུག་ཟེར་ན་ཡང་ཁོ་ལ་བྱུང་གི་དོགས། ཡུལ་གཉན་ཟེར་ན་དྲགས་ནས་ཁྱེར་གྱི་དོགས། དེ་བཞིན་དུ་ལ་ལ་གཏམ་ངན་གྱི་དོགས་ནས་སྡུག་བསྔལ་བདག་ཏུ་འཛིན་པའི་མགོ་ལ་ཛ་ཛ། ཞེས་པའམ། ཤ་བོ་སྒང་པ། ང་ལ་ནི་འཐེབ་གང་པོ་གནོན་པ་ལས་གཅེས་པའམ་མཁར་སྒོ་གཅིག་ཏུ་མདུང་མཐུང་ཅིག་མནན་ནས་བསྡོད་པ་ལས་མེད་ཅེས་པའམ།༡༢༨ གླང་ཐང་པས། ཁེ་དང་རྒྱལ་ཁ་གཞན་ལ་གཏོད། །གྱོང་དང་བུབ་ཁ་རང་གི་ལེན།༡ ༢༩ །ཅེས་པའམ། གཉན་མགོ་བོ་ཡབ་བདུད་རྒྱལ་པོས་ཁྱེར། ཅེས་པ་ལྟར་རམ། འདི་ལ་ཐེམ་པོར་སྦྱང་དགོས་པར་གདའ་གསུངས། དེ་ལྟར་སྦྱོང་ན་ཕོ་བ་དུག་ནད་ཀྱི་ཐེབས་པ་སོས་པ་བཞིན་དུ། ཁྲིམ་མེ་འདུག་པ་དེ་བདེ་ལྷན་པ་ཅིག་ཀྱང་བཟོད་ཡོང་གསུངས། དེ་ཙུག་མ་བྱུང་རིང་ལ་ཤམ་ཐབས་གཡག་ཁལ་གཅིག་ཟད། བུམ་པ་སྟོང་པ་མགོ་ཐོག་ཏུ་བཞག ཚི་ཧྲིལ་ཐོས་པ་བྱས་ཀྱང་། དེ་ཚོ་ཐམས་ཅད་ལོག་ནས་ཡེང་ཡེང་བྱས་པ་ཡིན་ནོ། །ཡང་ཁོ་ལ་བདེ་བ་སྐད་ཅིག་ཀྱང་མེད་པར་བྱས་ན། གྲེ་མོ་བུ་ནད་ལངས་པ་བཞིན་ཚུགས་ཐབས་མེད་པ་ལས་མི་འོང་བས། གང་གི་མཐེབ་གང་པོ་འདི་མ་ཤོར་བར་རྩེ་རེ་ནོན་པ་ཅིག་དགོས། དེ་ལྟར་འབུང་ནུས་ན་གདོད་ཐེག་པ་ཆེན་པོ་ཡངས་པ་ཆེན་པོ། ཤོངས་པ་ཆེན་པོ་བློ་གྲོས་ཆེན་པོ་བྱ་བ་དེ་ལ་ཟེར་བ་ཡིན། དེ་ཡང་། ཨེན་ཅིག་ལའང་ཡོང་སྙམ་པས་མི་ཡོང་བས། ད་ལྟ་རང་ནས་འབད་དགོས་པས། མི་འདོད་པ་ཐམས་ཅད་རང་ལ་ལེན། འདོད་པ་གསུམ་པོ་ཐམས་ཅད་སེམས་ཅན་ལ་བཏང་སྟེ། དེ་ཡང་། མཐོང་ཞིང་ཐོས་སམ་རྗེས་སུ་དྲན་ཀྱང་རུང་། །རེག་གམ་གཏམ་དུ་བརྗོད་པར་གྱུར་ཀྱང་རུང་། །རྣམ་པ་ཀུན་ཏུ་འགྲོ་ལ་ཕན་པ་ནི། །བདེ་དང་ལྡན་པས་རྟག་ཏུ་བྱེད་གྱུར་ཅིག༡༣༠ །ཅེས་པ་ལྟར་སྦྱོང་ངོ་།། དེ་ནས་དེ་ལ་གཞི་མ་བྱས་ནས། ཁ་ཅིག་ཆགས་པ། ཁ་ཅིག་ཞེ་སྡང་། ཁ་ཅིག་ཕྲག་དོག་ཤས་ཆེ་བའང་འོང་ལ་ཁྱད་པར་དུ་རང་གི་རྒྱུད་ལ་སྤྱིར་སྦྲང་མ་ཁྲུས་བྱེད་པ་ལྟར་ཉོན་མོངས་པ་རེས་གང་ཉུས་རེས་གང་ཉུག །ཐམས་ཅད་འོང་བར་འདུག་ཀྱང་བྱེ་བྲག་ཏུ་གང་ཆེ་བརྟགས་ནས། དེ་དང་པོར་འདུལ་དགོས་ལ། དེ་ཡང་ཤེས་རབ་ཆེ་ན་རང་གི་མྱུར་དུ་གང་ཆེ་ཚོར་ཡོང་སྟེ། ཚོར་བ་ཙམ་གྱི་སྤང་བླང་བྱེད་པའི་ངེས་པ་མེད་དེ། ཁ་ཅིག་ཚོར་མ་ཐག་ཏུ་སློང་བ་ཡང་ཡོད་ལ། ཁ་ཅིག་གཉེན་པོ་བསྒོམ་ནས་གདོད་སྤོང་བ་ཡང་ཡོད་དེ། དེ་ལས་གཞན་པ་ཕལ་ཆེར་ནི། བླ་མ་འམ། ཁྱད་པར་དུ་གྲོགས་པོ་ཁོ་ནས་རྟོགས་ཡོང་སྟེ། ལུང་སྨད་པ་སྣེ་ཟུར་ན་བཞུགས་ཙམ་ན། བྱིན་པོ་ཚད་མི་གདའ། ཐུགས་རྒྱལ་དེ་བག་ཆེས་གདའ་ཟེར། དེའི་ལུགས་མེད་སྙམ་བསམས་ནས་ང་རྒྱལ་གྱིས་གཞན་ལ་མི་འདུད་པ་ཡིན་པས། དེ་ཨེན་ཅིག་མང་བར་འདུག་སྙམ་པ་བྱུང་གསུངས། དེ་བས་གྲོགས་མཐུན་པ་ཕན་ཚུན་བྱ་ར་བྱེད་དུ་འཇུག་པ་ཡིན་གསུངས། དེ་ལྟར་གཞན་གྱིས་རང་རྒྱུད་ལ་སྤྱོད་ལམ་རྣམ་བཞིར་རྟགས་ལ། གང་རགས་པའམ། ཆེ་བ་དེའི་གཉེན་པོ་རྩལ་སྟོན་ནས་སྦྱོང་བའོ། གཞན་ཚོ་རེ་ཞིག་བཞག་ནས་དུས་ཐམས་ཅད་དུ་དེ་ལ་སྦྱོང་ཞིང་། ཐུལ་ལམ་མ་ཐུལ་སྙམ་ཙ་ན་ཡང་། ཚུལ་བཞིན་མ་ཡིན་པ་ཡིད་ལ་སྐྱེ་མི་སྐྱེ་ལྟ། སྐྱེ་ན་དངོས་གཞི། མ་སྐྱེས་པ་ལ་གཉེན་པོ་བསྒོམ། ཡང་དེ་ལྟར་བལྟས་ནས་འཇུག་ཡུལ་ལམ་རྐྱེན་ངན་གང་ཐུལ་འདུལ། དེར་ཐུལ་ཙ་ན་ཡང་སོ་ཆག་འོག་ནས་སེའུ་འདྲ་ཟེར་བ་ལྟར། གཞན་ཞིག་སྐྱེས་སྙམ་པ་འོང་སྟེ། གྱད་སྟོབས་ཆེན་པོ་ཐུལ་ན་གཞན་ཐམས་ཅད་བདེ་བླག་ཏུ་ཐུལ་བ་ཡིན་པས། དེ་ནས་ཚེགས་མེད་གསུངས། དེ་ཡང་ལས་དང་པོ་པས། མཁས་པས་ལེགས་པར་བྲོས་པའམ། །མཁས་པས་གཉེན་པོས་གཞོམ་པར་བྱ།༡ ༣༡ །ཅེས་པ་ལྟར། དང་པོ་རྐྱེན་ངན་པ་ལ་བརྟེན་ནས་ཉོན་མོངས་པ་སྐྱེ་བའི་ཡུལ་ལ་འབྱོལ་བ་མན་ངག ཡང་ན་གཉེན་པོས་འཐབ་ཚུགས་ན་མན་ངག་གོ། ཡང་བྲོས་པས་མི་ཕན་པ་བྱུང་ན། འདི་ལ་བདག་གི་དབྱེན་བྱ་ཞིང་། ཁོན་དུ་བཟུང་ནས་གཡུལ་སྤྲད་དེ།༡༣༢ །ཅེས་པ་ལྟར་འཐབ་པ་དང་། དེས་ཀྱང་མ་ཐུབ་ན་གཉེན་པོས་ས་བཏབ་རྡོ་བཏབ་བྱ། ཅང་ཨ་པོ་མིག་མང་རྩེ་བ་ལྟར། ཁྱེད་དེར་བརྡེག་ན་ང་འདིར་བརྡེག ཅེས་པ་བཞིན་དུ། གང་ལ་གང་འོས་ཀྱི་གཉེན་པོ་ཕག་སྣ་འབུ་རེ་ལ་སྟུན་ལོག་ཆ་རེ་གཏོང་བ་ལྟར་བྱ་སྟེ། བདག་ནི་བསྲེགས་ཏེ་བསད་གྱུར་ཏམ། །བདག་གི་མགོ་བོ་བཅད་ཀྱང་སླའི། །རྣམ་པ་ཀུན་ཏུ་ཉོན་མོངས་པའི། །དགྲ་ལ་འདུད་པར་མི་བྱའོ།༡༣༣ །ཞེས་དང་། ང་རྒྱལ་ཉོན་མོངས་བསྒོམ་པ་དང་། །ཞེ་སྡང་སྲེད་སོགས་དགྲ་རྣམས་ནི། །རྐང་ལག་ལ་སོགས་ཡོད་མིན་ལ། །དཔའ་འཛངས་མིན་ཡང་ཅི་ཞིག་ལྟར། །དེ་དག་གིས་བདག་བྲན་བཞིན་བྱས།༡ ༣༤ །ཞེས་དང་། འདོད་ཆགས་ཞེ་སྡང་གཏི་མུག་གསུམ། །སྙིང་གི་ནང་དུ་བཀུག་བྱས་ནས། །བྱག་པ་རང་གི་སེམས་ལ་འགྱེད། །ཆོམ་པོ་འདི་ལས་ཆེ་བ་མེད།༡ ༣༥ །ཅེས་པ་ལྟར། ཉེས་དམིགས་བསྒོམ་པ་དང་། ཤ་བོ་བ་ཚུལ་བཞིན་མ་ཡིན་པ་སྐྱེས་པའི་སྐེ་ལ་ཐག་པ་བཏགས་ནས་འགྱུད་པར་བསམ་པ་དང༌། འབན་རང་གི་ལག་པ་ནས་བཟུང་སྟེ། འདི་སྒོར་སོང་གསུང་བ་དང་། གླང་རི་ཐང་པ་འདི་ལས་ཅེས་པ་སོགས་པ་ལྟར།༡ ༣༦ གཉན་པོ་བསྟེན་པ་དང་། ཆོས་བཞིའི་ཁྲི་ལ་ལེན་པ་སོགས་ཕྱོགས་ཐམས་ཅད་ནས་བསྒོམ་པའོ།། དེ་ལྟར་ཡང་ཉོན་མོངས་པ་སྐྱེས་ནས་དར་ཅིག་ནས་བཟློག་སྙམ་ན་ཡང་། ཉོན་མོངས་དགྲ་དེས་བདག་འཇོམས་ཤིང༌། །སེམས་ཅན་འཇོམས་ཤིང་ཚུལ་ཁྲིམས་འཇོམས།༡ ༣༧ །ཞེས་པའམ། ངེད་ཁྱོ་ཁའི་ནང་འཐབ་འདི་དཀའ་བར་འདུག་ཁྱོད་སོང་། ཞེས་པ་ལྟར། ཉོན་མོངས་སྐྱེས་མ་ཐག་སྤང་བའོ། །རྐྱེན་ངན་ཡང་། བརྟན་པ་མ་ཐོབ་བར་དུ་རྐྱེན་ངན་གནོད། །བརྟན་པ་ཐོབ་ནས་རྐྱེན་ངན་གྲོགས་སུ་འཆར།༡ ༣༨ །ཅེས་པ་ལྟར། ཁ་ཅིག་ལ་རྐྱེན་ངན་བྱང་ཆུབ་ཀྱི་སེམས་ཕྱོགས་སུ་འགྲོ་བ་ཡང་ཡོད་དེ། གཉལ་བ་ཇོ་སྲས་ཀུན་ལ་ནང་ནས་ངོས་འཛུགས་པ་རེ་ཡོད་ན་ཤིན་ཏུ་དགེ་སྦྱོར་འཕེལ་གསུང་བ་དང༌། སྟོན་པ་སེང་གེ་རྒྱལ་མཚན་གླང་རི་ཐང་ན་ཡོད་ཙ་ན་སེ་བེ་རེ་ལ་སོགས་བློ་རྩ་ལེན་པ་ཡོད་པས་འབྱོངས་སྟོབས་ཆེ་བར་བྱུང་གསུངས། ད་ལྟ་དེ་ཙམ་གྱི་བློ་རྩ་ལེན་མཁན་མེད་པས་འབྱོངས་སྟོབས་ཙམ་མ་བྱུང༌། འོན་ཀྱང་ཨེན་རེ་ཙམ་ན་ང་རང་ཉལ་མིས་སྒོར་གཅར་བུར་བྱུང་ནས་ཨ་ཧ་བྱས་པས་བག་འབྱོངས་སྟོབས་ཆེ་བར་གསུངས་པ་ལྟར་འོང་། ཁ་ཅིག་ལ་རྐྱེན་ངན་བྱུང་བ་ཙམ་གྱིས་ཉམས་ཟིན་པའི་རིགས་ཀྱང་འོང་བས་བདུད་ཉ་བོ་ཧག་པོ་གཉིས་ཡོད་པས་སོ་བྱ་རོ་ཧི་པའི་ཁ་ནས་ཐར་ཀྱང་། སྟོང་ཧོང་དུ་རྩེའི་ཁ་ནས་མི་ཐར་ཟེར་བའི་དུས་འདིར་ཉོན་མོངས་ལ་སྲན་ཆེན་པོ་བཅུག་ནས་འཐབ་དགོས་གསུངས་སོ།། འབྲས་བུ་རེ་བ་ཐམས་ཅད་སྤངས། །ཞེས་པ་ནི། འདི་བྱས་པས་མི་མ་ཡིན་གྱིས་གནོད་པ་མི་འོང་དུ་རེ་བ་དང་། གཏམ་སྙན་དུ་རེ་བ་དང༌། མཁན་སློབ་ལ་སོགས་པས་རྩིར་རེ་བ་དང་། ཟས་གོས་ལ་སོགས་པ་འཛོམ་དུ་རེ་བ་དང༌། གཞན་ལ་ཕན་བཏགས་པས་དེའི་ལན་རེ་བ་དང༌། ཆོས་པ་བཤའ་མ་ཡིན་ཟེར་དུ་རེ་བའམ། ཐ་ན་སངས་རྒྱས་ཐོབ་ཏུ་རེ་བ་ཅིག་བྱུང་ཡང་རྗེ་བཙུན་གྱིས། རྒྱལ་ལ་སོགས་པ་ཆགས་པ་ཕྲ།༡ ༣༩ །ཞེས་གསུངས་པས། འདི་ཕྱིས་བསྡུས་པའི་རེ་ལྟོས་གང་ཡང་མེད་པ་གཅིག་སྦྱོང་མ་ཤེས་ན་ཆོས་འདིའི་ཕྱོགས་གཅིག་ཞ་བ་ཡིན་པས་འབྲས་བུ་གང་ལ་རེ་བ་མེད་པར་སྦྱོང་བ་གལ་ཆེ། ཚེ་འདིའི་རེ་ལྟོས་ཅན་གྱི་སྤྱིར་ཆོས་ཙམ་དུ་ཡང་མི་འགྲོ །ཕྱི་མའི་རེ་ལྟོས་བྱེ་བྲག་ཏུ་བྱང་ཆུབ་སེམས་དཔའི་ཆོས་སུ་མི་འགྲོ །རང་དོན་དུ་སངས་རྒྱས་འདོད་ཀྱང་རང་སངས་རྒྱས་ཀྱི་རྒྱུ་ཡིན་པས་སོ།། དུག་ཅན་གྱི་ཟས་སྤང༌། གཞུང་བཟང་པོ་མ་བསྟེན། ཤགས་ངན་མ་རྒོད། ཅེས་པ་རྣམས་གསུངས་བགྲོས་མ་བཞིན་ནོ། །འཕྲང་མ་བསྒུག ཅེས་པ་སྟོན་པ་དར་མ་འབར་ན་བས་རིམ་གྲོ་ལྷོ་བྲག་ཡོ་ཁྲལ་བསྡུས་ནས་བྱེད་པར་གླེང་པས་ན། དར་མ་རིན་ཆེན་ཤེད། ཞོག་ཅིག་འདི་ངའི་ཁ་འོག་ཏུ་མི་འདུ་བ་ཅིག་བྱུང༌། ཞེས་པ་ལྟ་བུ་དང་། འཕན་ཡུལ་བ་གཅིག་གིས་གཉལ་དུ། གནས་གཅིག་ཏུ་སྤུར་ཕྱིན་པས། བཙུན་པ་གཅིག་གི་སྒོ་བར་དུ་བཙིར། ཕྱིས་ཕན་ཡུལ་དུ་མི་མང་བར་ཡོད་ཙ་ན། བཙུན་པ་དེ་བྱུང་བས། མི་དེས་སྔར་སྒོ་བར་དུ་བཙིར་བ་ཞེ་ལ་བཞག་ནས། འོ་ཅག་ངོ་ཤེས་པར་ཡོང་བྱས་པས། བཙུན་པ་ན་རེ། མེད་དེ་ཟེར་འོང་བས། གནས་འདིར་སྒོ་བར་དུ་བཙིར་བས་ངོ་ཤེས་བྱས་ནས་དམའ་ཕབ་པ་དེ་ལྟ་བུ་ལ་འཕྲང་སྒུག་པ་བྱ་བ་ཡིན།༡༤༠ སེམས་བསྐྱེད་བྱས་པ་དང་། བློ་སྦྱོང་བསྒོམ་པས་འདི་བསམ་པའི་སྐབས་མེད། འདི་ཡོད་རིང་ལ་དེ་གཉིས་འོང་མི་སྲིད་པས་སྤང་། གནས་ལ་མི་དབབ། ཅེས་པ། ཁྱེད་ཕ་ནས་ངན་ཞེས་པ་ལ་སོགས་པ་དང་། རབ་ཏུ་བྱུང་བ་ཀུན་ལ་ཁྱོད་ཀྱི་མཁན་སློབ་ལ་སྡོམ་པ་མེད་ཅེས་དང༌། ཁྱོད་རང་ལ་སྡོམ་པ་མེད་ཅེས་སམ། གཞན་གྱི་མི་བསད་པ་གཞན་ལ་རྒྱུས་མེད་པ་ལ་ཁྲོམ་དུ་སྒྲོགས་པ་ལྟ་བུ་སྟེ། འདི་དུག་མ་བླུད། མཚོན་མ་བཏབ་པ་ཡིན་ཡང་། བློ་སྦྱོང་འདི་ཡི་ངོས་ནས་འདི་ལས་སྡིག་ཆེ་བ་མེད། ཁོ་བསད་པ་པས་ཀྱང་ཐུ་བ་ཡིན། སྔོན་རྒྱ་སྟོན་བྱིས་པ་ཙ་ན། གཞན་རྟ་བསྒྲོགས་ནས་བྲག་ལ་འཆོངས་ནས་བསད་པས། ཕ་མས་བརྡུངས་པས་མའི་ངར་གདོང་པ་ལ་རྡོ་རྒྱབ། དེར་ཁྱིམ་དུ་འོང་དུ་མ་བཅུག་པ་ལ། ཁོས་ཁྱེད་རང་གི་ཡོན་བདག་རྡོ་རྗེ་དབང་ཕྱུག་གི་འབྲི་རྐུས་ནས་བསད་པ་ཟེར་ནས་འོ་དོད་བོས་པས་རྟ་སྐྱིན་དང་། འབྲི་སྐྱིན་བབ་པ་ལྟ་བུ་འདི་ལས་སྡིག་ཆེ་བ་མེད་༡༤༡གསུངས། མཛོ་ཁལ་གླང་ལ་མི་བྱ། ལྟོ་ལོག་མི་བྱ། འགྱོགས་ཀྱི་རྩེ་མ་བཏོད། ལྷ་བདུད་དུ་མི་དབབ། སྐྱིད་ཀྱི་ཡན་ལག་ཏུ་སྡུག་མ་འཚོལ། ཞེས་པ་རྣམས་གསུང་བགྲོས་མ་བཞིན་ནོ།། བློ་སྦྱོང་གི་བསླབ་བྱ། བློ་སྦྱོང་གི་བསླབ་བྱ་ལ། རྣལ་འབྱོར་ཐམས་ཅད་གཅིག་གིས་བྱ། །ཞེས་པ་ཆོས་གཞན་ནས་ཟས་ཀྱི་རྣལ་འབྱོར་སོགས་མང་དུ་བཤད་པ་ལ་འདིར་ཟས་གོས་སྤྱོད་ལམ་ལ་སོགས་པའི་རྣལ་འབྱོར་ཐམས་ཅད་གཅིག་པུས་བྱེད་པའོ། དེ་ཇི་ལྟར་བྱེད་ན། ཟས་གོས་ལ་སོགས་པ་འཛོམས་ན། བདག་གི་བདེ་བ་འདི ས་སེམས་ཅན་ཐམས་ཅད་བདེ་བ་དང་ལྡན་པར་གྱུ ར་ཅིག མ་འཛོམས་ན་སེམས་ཅན་རྣམས་ཀྱི་མ་འཛོམས་པའི་སྡུག་བསྔལ་ཐམས་ཅད་བདག་ལ་སྨིན་པར་གྱུར་ཅིག་སྙམ་དུ་བསྒོམ་པ་ལ་སོགས་པ་སྟེ། སྤྱོད་ལམ་རྣམ་བཞི་དབང་པོ་དྲུག་གི་ཡུལ་ཐམས་ཅད་གཏོང་ལེན་གཉིས་སུ་སྦྱང་བ་སྤྱོད་ཡུལ་ཡོངས་སུ་དག་པའི་མདོའམ། རྗེ་བཙུན་བྱམས་པས། རྒྱལ་སྲས་སྤྱོད་པ་སྤྱོད་ཚེ་ཇི་ལྟ་བུར། །དབང་པོའི་སྤྱོད་ཡུལ་སྣ་ཚོགས་འཇུག་གྱུར་པ། །དེ་ལྟ་དེ་ལྟར་རིགས་པས་མཐུན་ཚིག་གིས། །སེམས་ཅན་ཕན་ཕྱིར་དེ་མངོན་དུ་བྱེད་དོ།༡༤ ༢ །ཅེས་པ་ལྟར་རྒྱས་པར་ཤེས་པར་བྱས་ནས། བྱང་ཆུབ་ཀྱི་སེམས་སྦྱང་བའི་རྣལ་འབྱོར་གྱི་བྱེད་པའོ།། ལོག་ནོན་ཐམས་ཅད་གཅིག་གི་བྱ། །ཅེས་པ་གསུང་བགྲོས་མ་བཞིན་ནོ། །ཐོག་་མཐ་མཐའ་གཉིས་ལ་བྱ་བ་གཉིས། །ཞེས་པ། ཐོག་མར་མལ་ནས་ལྡང་བའི་དུས་སུ། བདག་གི་དེ་རིང་བདག་འཛིན་ཐུལ་ཞིང་རང་གཅེས་འཛིན་གྱི་མ་གོས་པར་བྱ། སེམས་ཅན་གཅེས་འཛིན་མ་ཉམས་པར་བྱ་སྙམ་པའི་འཕེན་པ་གཏང་། དགོངས་མོ་ཉལ་ཁར་སེང་གེ་རྣམ་པར་བརྩེ་བའི་ཏིང་ངེ་འཛིན་གྱིས། རིང་ཐོག་མར་དེ་བྱའོ། །དེ་ནས་དེ་བྱས་སོ། །ཞེས་བྱ་བའི་རྣམ་གྲངས་རྣམས་རིམ་པར་བརྟགས་ནས། སྤྱིར་ཆོས་ཁྱད་པར་དུ་བློ་སྦྱོང་དང་འགལ་བ་བྱས་ནས་འདུག་ན། དེ་ཚེ་བདག་ལ་རྔན་བསྒྲང་ཞིང༌།། བླ་མའི་གདམས་ངག་དྲན་པར་བྱ།༡༤ ༣ །ཞེས་བྱ་བ་ཡིན་པས། དལ་འབྱོར་ཆུད་གསོན་པ་རང་ལ་རང་གིས་གནོད་པ་སྐྱེལ་བ། ཁྱོད་ལྟ་བུ་ཡོང་བ་སྙམ་དུ་བསམས་ལ། བཟོད་གསོལ་དང་བཤགས་བསྡོམས་བྱས་ལ་སང་ནས་དེ་ལྟ་བུ་མི་བྱའོ་སྙམ་དུ་བསྒོམ་པ་དང༌། ཆོས་དང་མཐུན་པར་བྱས་ནས་འདུག་ན་དགའ་བ་བསྒོམ་སྟེ། དལ་འབྱོར་དོན་ཡོད་པར་བྱས་དུས་དོན་ཡོད་དུ་འདས་སྙམ་དུ་བསམ་ནས། དགེ་བ་འདིས་ཆོས་རྒྱུད་ལ་སྐྱེ་བ་དང་། སྐྱེ་བ་ཐམས་ཅད་དུ་བྱང་ཆུབ་ཀྱི་སེམས་དང་མི་འབྲལ་བར་གྱུར་ཅིག །ཅེས་སྨོན་ལམ་གདབ། ཡང་ནང་པར་ལང་ཙ་ན། དེ་རིང་བདག་གི་ཁ་སང་གི་ཁྱད་པར་དུ་འཕགས་པ་འདི་བཞིན་དུ་བྱ་སྙམ་དུ་བསམ་ཞིང་འཕེན་པ་གཏོང་བ་གལ་ཆེའོ། །དེ་ལྟར་བྱེད་ཅེས་ཚིག་ཏུ་མི་བརྗོད། བསམ་པ་འདི་འབའ་ཞིག་སྦྱངས། དགྲ་བྱུང་བ་དང༌། ན་ཚ་དྲག་པོ་བྱུང་བ་ལ་སོགས་པའི་དུས་སུ་སྔར་བཞིན་དུ་བསམ། གཉེན་པོ་བླ་མ་དཀོན་མཆོག་གི་བྱིན་བརླབས། ཆོས་སྐྱོང་གི་མཐུ་སྟོབས། རང་གི་དུས་གསུམ་གྱི་དགེ་བ། སེམས་ཅན་སྤྱི་མཐུན་གྱི་བསོད་ནམས། ཅི་འདུག་ལྟས་ལ་རྐྱེན་བཞིས་དུས་བཞི་པོ་དེར། བདག་འདི་བསྒོམ་པ་ལ་འགྲན་ཟླ་མེད་པ་མེ་འབར་བ་ལ་ཤིང་བསྣན་པ་བཞིན་འགྲོ་བར་བྱའོ།། གཉིས་པོ་གང་བྱུང་བཟོད་པར་བྱ། །ཞེས་ཕུན་སུམ་ཚོགས་པ་དང་། རྒུད་པ་གང་བྱུང་ཡང་བཟོད་པ་མེད་ན། ཆོས་གཏོང་དོགས་ཡོད་པས་དེ་གཉིས་ཐེག་པ་གཅིག་དགོས། བློ་བུར་དུ་ཕུན་སུམ་ཚོགས་པ་བྱུང་ན། དེ་ཡང་ངས་ཅི་ཡང་འགྲུབ། ངའི་གོང་ན་མི་མེད་སྙམ་ནས་གོས་གྱོན། ཆིངས་སར་སྡུམས། གཙུག་ལག་ཁང་བཞེངས་པ་ལ་སོགས་པ་ཅི་ཡང་བྱེད་དུ་ཡང་རམ་པོའི་སང་པོ་བསྣུན་པ་ཡོད་པས་ཅི་མ་དྲན་གསུངས། ཁ་ཅིག་བསྙེན་བཀུར་བ་ན་དྲེགས་ནས། གཞན་ལ་བརྙས་པ་དང༌། དྲན་ཚད་བྱེད་པ་འོང་སྟེ། ཕུན་སུམ་ཚོགས་པ་མ་བཟོད་པ་ཡིན་པས། ཕུམ་སུམ་ཚོགས་པ་ལ་དྲེགས་པ་དང་ཆགས་པར་མི་བྱ། ཆོས་བརྒྱད་ཀྱི་དབང་དུ་མ་སོང་བར་བྱས་ལ་ཆོས་འདིའི་གྲོགས་སུ་ཁྱེར། བསོད་ནམས་སྐྱེས་ཙ་ན་བཀུམ་པ་གལ་ཆེ་གསུངས། ཡང་རྒུད་ནས་དབུལ་པོར་གྱུར་ཏེ། འོག་ནས་ཆུ་ལས་མི་འབབ་པ་བྱུང་ན་ཡང་ང་ལ་འདི་འདྲ་བ་འོང་བ་སྙམ་དུ་ཡི་མུག་པ་དང༌། སྲོ་ཤི་ནས་དགེ་སྦྱོར་མི་ནུས་པ་དང༌། འདི་ཙུག་པ་ལ་ཆོས་གང་ནས་འོང་ཟེར་ནས། ཕོངས་པར་གྱུར་ན་སྡིག་པ་ངང་གིས་འཕེལ་ཞེས་པ་ལྟར་ཆོས་འཆོར་དོགས་ཡོད་པས། དེ་མ་བཟོད་པ་ཡིན་པས་མཐོ་རིས་དང་ངན་སོང་གི་མཐོ་དམན་དང་སྐྱིད་སྡུག་ལ་ལྟོས་ནས། མིའི་སྐྱིད་སྡུག་གི་བར་ན་ཁྱད་པོ་ཆེ་མི་འདུག ཕྱིར་ལ་གཡེང་བ་མེད་པས་དགེ་སྦྱོར་འཕེལ་སྙམ་དུ་བསམ་སྟེ། སྐྱིད་སྡུག་གཉིས་ཀ་བཟོད་པ་གླང་རི་ཐང་པ་ལྟ་བུ་དགོས། དེ་གཉིས་གང་བྱུང་ཡང་འདིའི་དུས་སུ་ཆོས་མི་བྱེད་ན་ནམ་བྱེད་སྙམ་དུ་བསམས་ནས་མེ་འབར་བ་ལ་ཤིང་བསྣན་པ་ལྟར་གྲོགས་སུ་འགྲོ་བ་ཅིག་དགོས། ལྷ་བཞིན་ཕུན་སུམ་ཚོགས་པས་ཀྱང༌། །ཁེངས་པ་ཉིད་དུ་མི་བགྱི་ཞིང༌། །ཡི་དྭགས་བཞིན་དུ་རྒུད་པས་ཀྱང༌།། ཉམ་པ་ཉིད་དུ་མི་བགྱི་ཚལ།༡༤༤ །ཞེས་པ་ལྟར་ཡིན་ནོ།། གཉིས་པོ་སྲོག་དང་བསྡོས་ལ་བསྲུང་། །དཀའ་བ་གསུམ་ལ་བསླབ་པར་བྱ། །རྒྱུའི་གཙོ་བོ་རྣམ་གསུམ་བླང༌། །ཉམས་པ་མེད་པ་རྣམ་གསུམ་བསྒོམ། །ཞེས་པ་རྣམས་གསུང་བགྲོས་མ་བཞིན་ནོ། །འབྲལ་མེད་གསུམ་དང་ལྡན་པར་བྱ། །ཅེས་པ། ཁོ་བོ་ཐེག་པ་ཆེན་པོ་པ་ཡིན་ཟེར་ནས་བྱ་རྒྱུ་ཅི་ཡང་མེད་པ་མ་ཡིན་གྱི་ལུས་བསྐོར་བ་དང་། ཕྱག་འཚལ་བ་དང་། བླ་མ་དང་དཀོན་མཆོག་གི་ཞབས་ཏོག་དང་མི་འབྲལ་བ་དང༌། ངག་སྐྱབས་འགྲོ་དང༌། བཟླས་བརྗོད་དང་། མདོ་འདོན་པ་ལ་སོགས་པ་དང་མི་འབྲལ་བ་དང་། ཡིད་ཀྱི་བློ་སྦྱོང་བསྒོམ་པ་དང་མི་འབྲལ་བའོ། །ཡིད་ཀྱིས་འདི་བསྒོམ་ཞིང་བཟླས་པ་བྱེད་ན་གཉིད་དུ་མི་འགྲོ །དེས་མཁར་བ་བྱས་ནས་བསམ་དུ་བཏུབས་པ་ཡིན་གསུང་། ཡང་ཉེས་ལྟུང་བཤགས་མི་དགོས། གཞན་གྱིས་ཀྱང་དེ་ལེན་པ་ལ་དེ་འདོད་ཐོག་ཟེར་བ་ཡིན།༡༤༥ གཞན་གྱི་ལེན་པ་ལ་ཡང་རང་གི་ཕྲ་མོ་ནས་སྤང་བ་ཅིག་དགོས། ཡིད་ཀྱི་རྣམ་པར་རྟོག་པ་གང་སྐྱེས་པ་འཕྲལ་ལ་འཇོམས་པའི་སྙིང་སྟོབས་དང་ལྡན་པ་ཅིག་དགོས། དཔེར་ན་མུ་སྟེགས་ཀྱི་མཐུ་བྱེད་པ་ལ་ཐར་ཐོར་སྲོག་ཆགས་གང་བྱུང་བ་བསོད་པ་དང་འདྲ་བར་རྣམ་རྟོག་གང་སྐྱེས་སྐྱེས་ལ་བྱའོ། །དེ་ལྟར་སྒོ་གསུམ་དགེ་བ་ལ་འབད་པས་མེ་འབར་བ་ལ་བུད་ཤིང་བསྣན་པ་ལྟར་བློ་སྦྱོང་གོང་ནས་གོང་དུ་འཕེལ་བར་འགྱུར་རོ།། ཡུལ་ལ་ཕྱོགས་མེད་དག་ཏུ་སྦྱང་། །ཁྱབ་དང་གཏིང་འབྱོངས་ཀུན་ལ་གཅེས། །ཞེས་པ་ནི། ཕྱོགས་རེ་བས་མི་འབྱོངས་པས་ཕྱོགས་མེད་དུ་སྦྱངས་ན་འཕེལ་ཞིང་རྒྱས་པར་འགྱུར་བ་ཡིན། ང་འདྲེ་ལ་བཟོད་སྟོབས་ཆེ། ཁོ་མི་ལ་བཟོད་སྟོབས་ཆེ། ང་སྟོང་པ་ཤས་ཆེ། ཁོ་སྙིང་རྗེ་ཤས་ཆེ། ཟེར་བ་ཀུན་ཕྱོགས་རེ་བ་ཡིན། འཕགས་པའི་ཡོན་ཏན་མེད། སོ་སོ་སྐྱེ་བོའི་ཡོན་ཏན་ཐམས་ཅད་ཕྱོགས་རེ་བར་འོང་བ་ཆོས་ཉིད་ཡིན་ཏེ། གང་ཟག་གི་བྱེ་བྲག་གིས་ཀྱང་། ཁ་ཅིག་རྒུད་ཙ་ན་འོང་ལ། འབྱོར་ཙ་ན་ངའི་གོང་ན་མི་མེད་གོ་མཁར་གྱི་གོང་ན་ཁྱི་མེད་སྙམ་ནས་གཡག་བཀུག་ནས་ཤོར་བ་བཞིན་དུ་ཡ་ཆ་བ་ཡོང་བ་ཡིན། ཁ་ཅིག་འབྱོར་ཙ་ན་བཏུབ་པ་ལ་རྒུད་ཙ་ན་ཁྱོད་རང་ལ་མ་བབ་པ་ཡིན། ང་གནས་སྐབས་འདི་ཙུག་འདུག་པ་ལ་ཟེར་ནས་སྡུག་ཐེག་པ་ཡང་ཡོད། དེ་བཞིན་དུ་བསྟོད་ཙ་ན་ཟེངས་ཀྱི་ཕུག་རོན་གྱི་སྣར་ཤིང་བུ་བཙུགས་པ་བཞིན་འགྲོ་བ་དང་། སྨད་ར་བཏང་ཙ་ན་མི་བཟོད་པར་འདི་ལ་དུག་གཅིག་བཏང་རྒྱུ་ལ་སྙམ་པའམ། ཡང་ཁ་ཅིག་ཟས་ལ་བཏུབ་ལ་གོས་ལ་ཞེན་པ་དང་། ཁ་ཅིག་ནང་གི་ཆགས་པ་ཆུང་ལ་ཕྱི་ཆེ་བ་དང༌། ཁ་ཅིག་དེ་ལས་བཟློག་པ་དང་། ཁ་ཅིག་ཡོན་ཏན་ཙམ་མེད་པ་ལ་ཁེངས་ནས་ཕྱིན་པར་རྩིབས་མཐོང་ནས་དེ་ལ་མི་བཟོད་པ་དང༌། ཁ་ཅིག་ཡུལ་དུ་ཆོས་འཆོར། ཁ་ཅིག་བྱེས་སུ་ཆོས་འཆོར་བ་ལ་སོགས་པ་དང་། ཡང་ཁ་ཅིག་སྡེ་པ། ཁ་ཅིག་གྲྭ་པ། ཁ་ཅིག་སེར་སྣ། ཁ་ཅིག་ཕྲག་དོག ཁ་ཅིག་ཞེ་སྡང་། ཁ་ཅིག་ནོར་ཕྱིར་འཆི་ནུས་པ་ལ་སོགས་པ་འདི་ལ་བསྐལ་པ་བཤད་ཀྱང་འཛད་པ་མེད་གསུངས། དམ་ཆོས་ཉན་བཤད་ལྟ་བསྒོམ་ཐམས་ཅད་ཀྱིས་ཉོན་མོངས་པའི་གཉེན་པོར་འགྲོ་བ་ཅིག་དགོས། དེའི་རྩ་བ་བདག་འཛིན་ཡིན་པས་དེའི་གཉེན་པོར་ཕྱོགས་མེད་ནས་སྦྱོང་བ་ཅིག་དགོས་ལ། དེ་ལ་ཡང་སོ་སོར་རྟོགས་པའི་ཤེས་རབ་ཀྱིས་མཐའ་ཆོད་པར་བྱས། བླ་མའི་གདམས་ངག་ཡོད་ན་སེར་སྣ་ལ་སོགས་པ་གང་ཆེ་བ་དེ་ལ་ཐེལ་པོར་སྦྱང༌། ཅི་བྱས་བདག་འཛིན་གྱི་གཉེན་པོ་སོང་ན་མ་ནོར། བདག་འཛིན་ཐུལ་ན་ཁམས་གསུམ་སྲིད་པ་གསུམ་དགུ་ཐུལ་ལོ་ཐུབ་པ་ཡིན་དང་ཤ་སྲང་གང་ལ་མདེ་རྩེ་གང་ལས་མེད་གསུངས། དེ་ཡང་ཟས་ལ་སོགས་པའི་རྣལ་འབྱོར་ཐམས་ཅད་ལ་འདིས་ཁྱབ་པ་དང༌། ཉ་མ་ལྷ་ཁང་དུ་ཕྱིན་པ་ལྟ་བུ་མ་ཡིན་གྱི། སྙིང་ཐག་པ་རུས་པའི་ཁོང་ནས་བློ་སྦྱོང་བ་གླང་ཐང་པ་དགེ་བ་དམྱལ་བར་བསྔོ་བའམ། འཆད་དཀའ་བས་ཕ་རོལ་གྱི་སྡུག་བསྔལ་ལེན་པ་ལ་དགའ་ཡལ་ལེ་གསུངས་པ་ལྟར་སྦྱང་བའོ།༡༤༦ །ཆོས་ཉམས་སུ་ལེན་པ་བྱ་བ་བསྒྲེང་བསྐྱེད་བྱས་པ་དང་ཚིག་དེ་ངོ་ཤེས་པས་མི་ཆོག དོན་ནང་དུ་ཉམས་སུ་ལེན་པ་ཅིག་དགོས་གསུངས། བཀོལ་བ་རྣམས་ལ་རྟག་ཏུ་བསྒོམ། །ཞེས་པ། སྤྱིར་ཡོད་པ་སྙམ་བྱེད་ཀྱང་འདི་རྣམས་ལ་མ་བྱུང་ན་ཉམས་འགྲོ་བས་འདི་དག་ལ་རྟག་ཏུ་བསྒོམ་པར་བྱའི་བཀོལ་བ་ལྔ་ཡིན་ཏེ། དང་པོ་རང་ལ་དྲིན་ཆེ་བའི་མཁན་སློབ་དང་ཕ་མ་ལ་སོགས་པ་སྡིག་བསགས་ན་ཚེ་འདིར་གྲགས་པ་ངན་པ་འབྱུང༌། དེ་ཙ་ན་བློ་སྦྱངས་པ་ལ་དགོས་པ་མེད་པར་འགྲོ་བས་དྲིན་ཅན་ལ་ཁྱད་པར་དུ་བསྒོམ། གཉིས་པ་གཅིག་ཏུ་འདུ ག་པའི་གྲང་གྲོགས་པ་འདུ་འཚོག་སྟབས་སུ་བྱེད་ཅིང་བསྲེ་སླད་ཆེ་བའི་རིགས་རྣམས་ལ་མཐོ་དམན་ལ་སོགས་པ་འཆོར་བས་རྟག་ཏུ་བཀོལ་ལ་བསྒོམ། གསུམ་པ་རང་དང་འདྲེན་ངེས་སུ་འདུག་སྟེ། མི་ཆོས་ཀྱི་ཕ་ཡུལ་ལ་སོགས་པ་དང་། ལྷ་ཆོས་ཀྱི་མཆེད་གྲོགས་ལ་སོགས་པ་རྣམས་ལ་རྟག་ཏུ་བཀོལ་བ་བསྒོམ། དེ་མ་བྱུང་ན་ཆོས་ཇི་ཙམ་བྱས་ཀྱང་རྒྱ་མཚོར་ཆིལ་མ་བསྐྱུར་བ་བཞིན་ཅང་མེད་འགྲོ། གྲོགས་པོའི་མིང་བྱང་བྲིས་ནས་སྟན་འོག་དུ་སླེབ་པ་བྱུང་བ་དང༌། གྲོགས་པོ་བབས་པ་ལ་ངན་པ་དེ་སྐྱ་ཞལ་སོང་སྙིང་ཚིམ་ཟེར་བ་ལྟ་བུ་ལ་བློ་སྦྱོང་གི་གནས་མེད། བློ་སྦྱོང་སྤྱིའི་ཆོས་ཙམ་ཡང་མི་ཡོང་བས་༡༤ ༧ བཀོལ་ཞིང་སྦྱང་བ་གལ་ཆེ། བཞི་པ་ཚུར་ལ་གནག་པའི་རིགས་ཏེ། ཕར་ལ་གནོད་པ་ཅི་ཡང་མ་བྱས་ཀྱང་ཚུར་ལ་གནག་པའི་རིགས་སྐྱེ་བ་སྔ་མའི་ཤ་འཁོན་གྱིས་བྱུང་བ་ཡོད་དོ། །དེ་ལ་ཞེ་སྡང་གི་བློ་རྡོལ་ན་སྙིང་རྗེའི་ཐག་པ་ཆད་ཟེར་བ་ལྟར་འོང་བས་བཀོལ་ལ་རྟག་ཏུ་སྒོམ། ལྔ་པ་ཚུར་ལ་ཅི་ཡང་མ་བྱས་པར་ཕར་ལ་ཐམས་ཅད་ཀྱི་ཡིད་དུ་མི་འོང་བའི་རིགས་ཡོད་དེ། གཙང་དུ་བནྡེ་གཅིག་ལ་འདི་དང་པོ་ནས་སྙིང་དུ་མ་སྡུག་ཅེས་པ་དང་། སྐྱིད་སྨད་དུ་འདི་ལས་སྙིང་དུ་མ་སྡུག་པ་མ་བྱུང་ཞེས་དད་པ་དེ་ལྟ་བུ་ཡོད་པས་དེ་དག་གི་སྡིག་སྡུག་བླངས་ཏེ་རང་གི་བདེ་དགེ་དེ་དག་ལ་གཏོང་བའོ། །འདིས་གཙང་མར་གཏོང་བ་ཡང་དཀའ། དགེ་བཤེས་ཀུན་ཡང་། རང་གི་ཕན་ལ་གཞན་གྱིས་མི་ཕན་ན་དགའ་བ་དང་། མི་སྐྱ་ཀུན་འདི་ཤི་ན་མཁར་དཔེ་ཡོང་དུ་རེ་བ་ལས་མེད་པ་ལ། བནྡེ་ཀུན་ལ་འདི་ཤི་ན་ཡུལ་ཁམས་འདི་ཅིག་གེ་ཐོབ་སྙམ་པ་ཡོད་པ་ཡིན། འདི་དག་ལ་བཀོལ་ནས་མ་སྒོམ་ན་རྩ་བ་ཆད་པ་མ་ཚོར་བ་ཕུ་ཆུང་བའི་གསུང་ལྟར་རྟག་ཏུ་བསམ་པ་ལ་གལ་ཆེའོ།། རྐྱེན་གཞན་དག་ལ་ལྟོས་མི་བྱ།༡༤ ༨ །ཞེས་པ་ནི། སྤྱི་ཆོས་ཐོས་བསམ་སྒོམ་གསུམ་ཆོས་སྤྱོད་བཅུ་ཐམས་ཅད་རྐྱེན་གཞན་ལ་མི་ལྟོས་མི་སྲིད་ཐམས་ཅད་རྐྱེན་ལ་ལྟོས་དགོས་ཏེ། ཟས་གོས། གནས་ཁང་། སྒྲུབ་གཡོག་སྒྲུབ་རྫས། ན་སོ་ལ་སོགས་པའི་མཐུན་རྐྱེན་ཚང་བ་དང༌། དགྲ་འདྲེ་ལ་སོགས་པ་མེད་པ་དགོས་ཏེ། བྱང་པ་ཤེས་རབ་འབར་ལ་པོ་ཏོ་བས་ཆོས་བསམ་དུ་བཏུབ་བམ་གསུངས་པས། ལྟོ་འགྲངས། ཁ་ངོམས་གྲོགས་པོས་བློ་རྩ་མ་བློངས་ཙ་ན། སྲག་སྲིག་༡༤༩ བཏུབ་པར་སྣང་ཟེར་བ་དང་། དགེས་བཀོར་སྤྱན་སྔ་བའི་གྲྭ་པར་མ་འཛོམས།༡༥༠ ཡུལ་དུ་ཕྱིན་ལ། འཛོམས་ཅིག་བྱ་སྙམ་ཙ་ན་ཡར་ཀླུངས་སུ་ཕྱིན་པས་༡༥༡ འཛོམས་པ་ཅིག་བྱུང་བས་རྨོངས་ནས་མ་གོ་བར་འདུག འཁོར་བ་བྱ་བ་དེ་མ་འཛོམས་པའི་མིང་དུ་འདུག་པ་ལ་ཟེར་བ་དང་། མཁུན་ཀ་མའི་དེར་མ་འཛོམས། གཙང་དུ་བྱོན་ནས་མཐུན་རྐྱེན་འཛོམས་པ་དང་། དཀོན་མཆོག་གི་མཆོད་པ་དང་རང་གི་ཁམས་གསོ་བ་དང་བཟང་དུ་བྱས། སེམས་དཔའ་ལ་བསྐྱེད་ཆེན་པོ་བྱུང་ཟེར་བ་དང་། ཁ་རག་པའི་སློབ་མ་ཁམས་ལོག་པ་འབྲི་མར་གྱིས་མར་ཁུ་བཏང་བས། འབྲིའི་ནུ་མ་ལ་བསྒོམས་ཡོད་པས་ད་ལྟ་ལས་ཆ་མེད་ཟེར་བ་དང༌། ཁོ་བོ་ཡང་༡༥༢ ཁོང་དག་གི་ཞབས་ཀྱི་གཉེར་མ་སྟོན་ཅིང་ད་འདི་ཙུག་སོང་བ་ལ་ད་གྲུབ་ཐོབ་མི་འབྱུང་་བབ་ཡིན་གསུང་པ་དང༌། སེ་སྟོན་བྱང་འབར་ཡང་། གཞོན་པ་མཁུར་བ་དམར་ཐོལ་ལེ་བ་མཐོང་རྩ་ན་ངས་ཁྱོད་ལ་ཕན་ཐོགས་པ་འདུག ཅེས་དང་། རྒས་འཁོགས་པ་མཐོང་ཙ་ན་ཁྱོད་ཤོས་མོ་ལོག་པར་སྤྱད་ཟིན་ནས། ད་ངའི་འདིར་བསྡད་ཀྱང་ཕན་པ་མི་འོང་ཟེར་བ་དང༌། ཁ་ཅིག་དོ་ཅིག་གྲོགས་པོ་སེམས་པ་རེ མས་པ་ཚོ་གཅིག་དང་འགྲོགས་པས་བཏུབ་པར་བྱུང་ཟེར་བ་ཡོད། ཁ་ཅིག་བྲེལ་བས་མ་བྱུང་། དལ་ནས་འོང་བར་སྣང་ཟེར་བ་དང༌། ཁ་ཅིག་ཡེངས་ནས་མ་བྱུང་དབེན་ན་འོང་ཟེར་བ་ཡོད། གཉག་སེང་གེ་གྲགས་ཤེད་དཀའ་གདམས་པ་ལས་འབྲས་བསྒོམ་ཙ་ན། ངའི་ཆོས་མངོན་པའི་བསྟན་བཅོས། འདི་ཀུན་ཁོང་དུ་མ་ཆུད་པར་ཁོང་ཇི་ཙུག་བསྒོམ་ན། ལས་འབྲས་ལས་འབྲས་ཟེར་རམ་གསུངས་པ་ལ། འདི་དེ་ལྟ་བུའི་ཐོས་པ་ལ་སོགས་པའི་རྐྱེན་གང་ལའང་ལྟོས་མི་དགོས། འཛོམས་ན་དེ་ཉིད་ཀྱི་རྒྱུ་མཚན་དུ་བྱས་ནས། མ་འཛོམས་ན། མི་ལྡང་ན། བྱམས་ན། འཁྱགས་ན། འབྱོར་ན། རྒུད་ན། ན་ན། མི་ན་ན། རྒན་ན། གཞོན་ན༑ ལྟོགས་ན། འགྲངས་ན། དགྲས་བཙེར་ན། སྤྲང་འགོང་གི་ཚ་རག་རྒྱུགས་ན། བླ་མས་ཐུགས་ལ་བཏགས་ན། མ་བཏགས་ན། གྲོགས་པོས་བློ་རྩ་བློངས་ན་དེ་དག་རྒྱུ་མཚན་བྱས་ནས་བསྒོམས་པས་ཆོག གླང་ཐང་གི་གཉེན་སྟོན་ཤེས། ཚ་བ་ནང་མ་མང་པོ་མེད་པ་ལ། དགེ་བཤེས་རིན་པོ་ཆེའི་ཆོས་ཐུན་རེ་ལ་དོད་བྱས་ནས་སྡད་དོ་ཟེར་བ་དང༌། ཇོ་སྲས་སེང་གེ་རྒྱལ་མཚན་གྱི་གཏམ་སྔར་གླེངས་པ་ལྟར་ཡིན། སྤྱོད་ལམ་ཐམས་ཅད་དུ་སྦྱངས་པས་ཆོག ཁོམ་བྲེལ་ཐམས་ཅད་དུ་སྦྱངས་པས་ཆོག འདི་ལ་མཐུན་རྐྱེན་སེམས་ཀྱི་སྙིང་སྟོབས་ཅན་གཅིག་པུས་ཆོག སྐྱོན་དང་བཅས་པའི་སེམས་འདི་ལ། །ཡོན་ཏན་མང་པོ་གཅིག་མཆིས་ཏེ།༡༥ ༣།གང་ལྟར་གོམས་པ་དེ་ལྟར་འབྱུང་།༡༥༤། བྱ་བ་ཡིན་པས་གང་ཙུག་བྱ་བཏུབ། །འདི་ལ་ས་ཟིན་ཀོ་འཐས་མེད། གང་ཚུགས་བསླབ་བསླབ་ཡིན། དེ་ཡང་ཕྱིས་མི་ལ་འཆད་ཙ་ན་དེ་སྐད་ཅེས་ཟེར་བ་ཡིན་སྙམ་པ་དེས་མི་འོང༌། ང་རང་ཉམས་སུ་བླང་བསྒོམ་སྙམ་པ་བྱས་ན་ཆོས་ཀྱི་བྱིན་རླབས་གདོད་འོང་བ་ཡིན། འདི་ལ་ཡང་ན་ལྷ་གསོལ། ཡང་གཞོབ་ཐོང་དུ་སྦྱང་བ་ཅིག་དགོས་གསུངས། ད་རེས་གཙོ་བོ་ཉམས་སུ་བླང༌། །གོ་ལོག་མི་བྱ། ཞེས་པ་གསུང་བགྲོས་མ་བཞིན་ནོ། །རེས་འཇོག་མི་བྱ། ཞེས་པ་ནི། རེས་བློ་སྦྱོང་བསྒོམ། རེས་བློ་མ་ཁེལ་བར་གཞན་འདྲ་ཚོལ། མཚན་ཉིད་པ་ལ་ལ་དག་སྡེ་སྣོད་དུ་མ་ཤེས་ཀྱང་འཆི་བ་དྲན་ན་འདིས་གོ་མི་ཆོད་སྙམ་ནས་སྔགས་པ་ཆུང་མ་ཅན་རེའི་གན་དུ་འགྲོ་བ་ཡང་ཡོད། དེ་བཞིན་དུ་ཁ་ཅིག་འདྲེ་གདོན་གྱི་དོགས་པའི་སྔགས་ཁོ་ན་བཟློས། རེས་འགའ་གཏོང་ལེན་བསྒོམ། རེས་འགའ་ཕྱི་མའི་དོན་བྱེད་པ་དེ་གཞོན་པ་གཉིས་ལ་ཞོན་ན་བར་དུ་ལྟུང་། ཁ་ཅིག་འདི་བསྒོམ་པས་སྙིང་པོ་བགྲང་མི་དགོས་ཟེར་བ་དང་། ལྟུང་བ་བཤགས་མི་དགོས་ལྟུང་བས་ལུས་ལ་གནོད་དམ་སེམས་ལ་གནོད་ཟེར་བ་དང་། དཀོན་མཆོག་ལ་མཆོད་པ་བྱས་ནའང་མིས་མཐོང་དུ་རེ་བའམ། མཐོང་ན་དགའ་བ་འབྱུང་བས་ས་གཏོར་བ་ཡོད་དེ། དེ་ཐམས་ཅད་ནོར་ཟེར་བར་བརྡ། འོ་ན་འདིར་ཅི་ལྟར་བྱེད་ན་ལྟ་བའི་ཤན་སྤྱོད་པ་ལ་མ་ཕོག་པར་ལུས་ངག་གིས། སངས་རྒྱས་ཀྱི་བཀའ་ལས་ཇི་ལྟར་འབྱུང་བ་དང་། འདུལ་བ་ནས་ཇི་ལྟར་བཅས་པ། ཇོ་བོ། སྟོན་པ། པོ་ཏོ་བ་གསུམ་གྱི་གདམས་ངག་ལས་ཇི་ལྟར་འབྱུང་བ་རྣམས་གྲ་མ་ཆག་ཟུ ར་མ་ཉམས་པར་བསྒྲུབ་པ་ལ་བསམ་པ་འདི་འབའ་ཞིག་སྦྱོང་བའོ།། ཡང་སྤྱོད་པའི་ཤན་ལྟ་བ་ལ་ལོག་ནས། རྣམ་རྟོག་གི་མདུད་པས་བཅིངས་པ་ཡོང་ཡང་ཁ་ཅིག་སྔགས་ལ་བརྟེན་ནས་འདུལ་བའི་ཕྱི། འདུལ་བ་ལ་བརྟེན་ནས་སྔགས་ཕྱི། ཆོས་ཐམས་ཅད་གྲུ་བཞིར་ཁྱེར་ཤས་པ། ངའི་བླ་མ་རྒྱ་གར་བ་ལས་བྱུང་བ་ཡིན་ཞེས་གསང་ཕུ་བས་གསུང་སྐད།༡༥༥ འདི་ལ་གོ་བས་མཐའ་ཆོད་པ་དང༌། བྱེད་ངོ་མ་ཤེས་པ་མེད་པ་ཅིག་མ་བྱུང་ན་ཁ་ཅིག་གིས་ཇི་སྐད་བྱས། ཁ་ཅིག་གིས་ཇི་སྐད་བྱས་པས་ཅི་ཙུག་ཡིན་ནམ་སྙམ་པ་འོང་བས། དེ་ཙུག་མ་སོང་བར་སྒྲོ་འདོགས་བད་ཀྱིས་ཆོད་པར་བྱས་ལ། ཉམས་སུ་འཇུག་ཏུ་བླང་བར་བྱའོ། །ཟས་གོས་ལ་སོགས་པའི་རྣལ་འབྱོར་ཐམས་ཅད་འདིས་བྱ། འཆི་བའི་ཚེ་ཡང་གཞན་གྱི་སྐྱེ་འཆིའི་སྡུག་བསྔལ་ཐམས་ཅད་བདག་ལ་སྨིན་པར་གྱུར་ཅིག་པར་བློ་སྦྱོངས། འཛོམས་མ་འཛོམས་ལ་སོགས་པའི་ཡིད་ལ་བྱེད་པ་ཐམས་ཅད་སྤངས་ལ་འདི་ཁོ་ན་ཉམས་སུ་བླང་ངོ༌།། དོལ་ཆོད་དུ་སྦྱང༌། ཞེས་པ་གསུང་བགྲོས་མ་བཞིན་ནོ། །རྟོག་དཔྱོད་གཉིས་ཀྱིས་ཐར་བར་བྱ།༡༥༦ །ཞེས་པ་ནི། རང་གི་རྒྱུད་ལ་ཉོན་མོངས་པ་གང་ཆེ་བ་བཏགས་ནས་དེའི་གཉེན་པོ་དགོས་སུ་བརྟེན་ནས་སྤང་བ་ལ་འབད་པ་དྲག་ཏུ་བྱ། ཡང་ཁོང་གིས་ལན་ཟེར་བའི་འདས་པའི་ཉེས་པ་དང་། མ་འོངས་པ་ན་འདི་འདྲ་བྱུང་ན་གཉེན་པོ་འདི་བཞིན་བསྟེན་སྙམ་དུ་གོ་གྱོན་ཞིང་སྦྱོང་བ་སྟེ། འདས་པའི་དབང་དུ་བྱས་ནས། ན་ཚ་དང་། དགྲ་འདྲེའི་གནོད་པ་དང་། བྲང་ཟླ་མ་རྙེད་པ་དང་། ཁ་བྲང་ཟེར་བ་དང་། རྐུན་མ་དང་། རྡུང་བརྡེགས་ལ་སོགས་པ་ཅི་བྱུང་བ་ཐམས་ཅད་ལ་ཚེ་ཐོག་མ་མེད་པ་ནས་བུ་ལོན་དང་། ལན་ཆགས་དང༌། ཤ་ཁོན་ཅི་ཡོད་པ་ཐམས་ཅད་དེས་བྱང་བར་གྱུར་ཅིག་པར་བློ་སྦྱང༌། མ་འོངས་པའི་ལ། དོ་ནུབ་སྲོད་དམ་ཐོ་རེངས་ནས་བཟུང་ནས་ཀྱི་ལ། ཁྱོད་དེར་བཏང་ན་ང་འདིར་ཆ་ཟེར་བ་ལྟར། ང་ལ་སྐུར་བ་འདེབས་པ་དང༌། རྐུན་མ་འཛུགས་པ་དང་། འདི་ནས་བཏོན་ནས་སྟོང་པ་དང་། ནད་དྲག་པོ་ལ་སོགས་འདི་ལྟ་བུ་བྱུང་ན་བདག་གཞན་བརྗེ་པའི་བྱང་ཆུབ་སེམས་འདི་བཞིན་སྒོམ་སྙམ་དུ་གོ་གྱོན་པ་སྟེ། པོ་ཏོ་བ་རང་ཅག་ལ་གཙང་མ་གཅིག་གིས་བུ་ཆུང་སྐྱལ་དུ་བྱུང་ན། ཞེས་པ་ལ། སྤྱན་མངའ་བ་ང་ནི་མི་དགའ་བར་འདུག་ཅེས་དང་། ཕུ་ཆུང་པ་ང་ནི་འཆི་བས་གོ་བ་འདུག་ཅེས་པ་ལྟར་འདས་པ་མ་འོངས་གཉིས་ལ་སྦྱར་ནས་བསྒོམ་མོ།།༡༥༧ ཡུས་མ་སྒོམ། ཀོ་ལོང་མ་སྡོམ། ཡུད་ཙམ་པ་མི་བྱ། འོར་ཆེ་མ་འདོད། ཅེས་པ་གསུང་བགྲོས་མ་བཞིན་ནོ། །སྙིགས་མ་ལྔ་པོ་བདོ་བ་ཡིས། །བྱང་ཆུབ་ལམ་དུ་སྒྱུར་བར་བྱ། །ཞེས་བྱ་བ་ནི། ད་ལྟ་ལྔ་བརྒྱ་ཐམ་པའི་སེམས་ཅན། དུས། ཚེ། ཉོན་མོངས། ལྟ་བའི་སྙིགས་མར་གྱུར་པའི་དུས་འདིར། བྱང་ཆུབ་བསྒྲུབ་པ་ལ་སོགས་ཆོས་དཀའ་ཞིང་མི་འདོད་པ་ཤ་སྟག་བྱུང་བ་ལ། དེ་ཐམས་ཅད་བྱང་ཆུབ་ཀྱི་ལམ་དུ་སྒྱུར་བའི་ཆོས་བློ་སྦྱོང་འདི་ཡིན་པས། གང་ན་མ་བཏུབ་པ་རྒྱུ་མཚན་དུ་བྱས་ནས་བྱང་ཆུབ་ཀྱི་ལམ་དུ་བསྒྱུར་བའོ།། དེ་ཡང་བདག་གཞན་བརྗེ་བའི་བྱང་ཆུབ་ཀྱི་སེམས་མ་སྐྱེས་པ་སྐྱེས་པ་དང་། སྐྱེས་པ་གོང་ནས་གོང་དུ་འཕེལ་བར་བྱ་བའི་ཕྱིར། ཀུན་ནས་རངས་པའི་རྒྱུ་དགུ་བསྟེན།༡༥༨ །ཅེས་པ་ལྟར། བླ་མ་ཆོས་འདི་ལྟ་བུ་སྟོན་པ་བསྟེན། གྲོགས་འདི་བསྒོམ་པ་དང་འགྲོགས། ཆོས་འདི་སྟོན་པ་ཉན། དེའི་གེགས་དང་སྒྲིབ་པ་སྦྱངས། མཐུན་རྐྱེན་ཚོགས་བསགས། གསོལ་བ་གདབ། ཆོས་སྐྱོང་ལ་འཕྲིན་ལས་ཞུ། འདི་རྒྱུད་ལ་སྐྱེས་མ་སྐྱེས་ཀྱི་ངེས་པ་བསམ། རྣམ་རྟོག་ངོ་ཤེས་པས། གནོད་པ་མེད་པར་རྐུན་མ་ངོ་ཤེས་པའི་ཉམས་ཟེར་བ་བཞིན་དུ་རང་ལ་ཉོན་མོངས་པ་རམ་རམ་རམ་བྱུང་ཙ་ན། ཉོན་མོངས་པ་དང༌། དེའི་རྩ་བ་བདག་འཛིན་དེ་དགྲར་ངོ་ཤེས་ན་ཞི་བར་འགྱུར་རོ། །འདི་ལན་ཅིག་དྲན་པ་དང༌། མོས་པ་ལན་ཅིག་བྱུང་བ་དང་། ལན་ཅིག་སྤྲོ་བ་སྐྱེས་པས་ཀྱང་གཉེན་པོར་འགྲོ། ལོ་བརྒྱར་འགྲོགས་ཀྱང་སྒོམ་རྒྱུ་འདི་ལས་ཡེ་མེད། སྙིང་ཆུང་ཡང་དམར་དམར་ལྡེར་ལྡེར་པོ་གཅིག་ལས་མེད་གསུང་ངོ༌། །མན་ངག་བདུད་རྩིའི་སྙིང་པོ་འདི། །གསེར་གླིང་པ་ནས་བརྒྱུད་པ་ཡིན། ཞེས་སོགས་གསུང་བགྲོས་མ་བཞིན་ནོ། །ཐེག་པ་ཆེན་པོའི་བློ་སྦྱོང་གི་གསུང་བགྲོས་འདི་རྣམས། སངས་རྒྱས་བསྒོམ་པའི་ཚོགས་བཤད་མ་ལས་གསལ་བར་བྱུང་བ། བློ་སྦྱོང་གསུང་བགྲོས་མའི་ཁ་སྐོང་དུ། བྱ་བྲལ་བ་དཀོན་མཆོག་རྒྱལ་མཚན་གྱིས་ཡི་གེར་བཀོད་པའོ།། །།སརྦ་ཛ་ག་ཏཾ། ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པྲ་ཏིཥྛ། དྲི་ཌོ་མེབྷཝ། སུ་ཏོ་བྱོ་མེ་བྷ་ཝ། སུ་བོ་སྐྱོ་མེ་བྷ་ཝ། ཨ་ནུ་རཀྟ་མེ་བྷ་ཝ། སརྦ་སི་དྷི་མེ་པྲ་ཡཙྪ། སརྦ་ཀརྨ་སུ་ཙ་མེ། ཙི་ཏྟཾ་ཤྲཱི་ཡཾ་ཀུ་རུ་ཧཱུཾ། ཧ་ཧ་ཧ་ཧ་ཧོ། བྷ་ག་ཝཱན་སརྦ་ཏ་ཐཱ་ག་ཏ་བཛྲ་མཱ་མེ་མུ ཉྩ་བཛྲ་བྷ་ཝ་མཧཱ་ས་མ་ཡ་<br /> སཏྭ་ཨཱ། །སརྦ་མངྒལཾ།<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_gi_gdams_pa/Full_text/Feedback_1&diff=140208 Texts/Blo sbyong gi gdams pa/Full text/Feedback 1 2026-08-07T04:51:02Z <p>Khenpo Tamphel: Created page with &quot;{{Feedback |PageReviewed=Texts/Blo sbyong gi gdams pa/Full text |DateReviewed=2026-08-7 |FeedbackUser=Khenpo Tamphel |FeedbackContent=The OCR text is unedited and has many ghost letters and errors. It must be replaced with a properly edited version. }}&quot;</p> <hr /> <div>{{Feedback<br /> |PageReviewed=Texts/Blo sbyong gi gdams pa/Full text<br /> |DateReviewed=2026-08-7<br /> |FeedbackUser=Khenpo Tamphel<br /> |FeedbackContent=The OCR text is unedited and has many ghost letters and errors. It must be replaced with a properly edited version.<br /> }}</div> Khenpo Tamphel https://bodhicitta.tsadra.org/index.php?title=Texts/Blo_sbyong_don_bdun_ma%27i_gsol_%27debs_yid_kyi_bdud_rtsi/Full_text&diff=140100 Texts/Blo sbyong don bdun ma'i gsol 'debs yid kyi bdud rtsi/Full text 2026-08-06T10:30:05Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[https://khyentselineage.tsadra.org/index.php/JKW-KABUM-10-THA-008-002 Tsadra Khyentse Lineage]<br /> |FullTextDate=2025-05-23<br /> |FullTextTibetan=༄༅། །བློ་སྦྱོང་དོན་བདུན་མའི་གསོལ་འདེབས་ཡིད་ཀྱི་བདུད་རྩི་ཞེས་བྱ་བ་བཞུགས་སོ། །སྲིད་ཞིའི་ཡོན་ཏན་ཀུན་གྱི་འབྱུང་གནས། །ཐེག་མཆོག་དགེ་བའི་བཤེས་ལ་འདུད་དོ། །དད་པ་གསུམ་གྱིས་བློ་རྒྱུད་དག་པར། །རྗེ་བཙུན་བླ་མས་བྱིན་གྱིས་རློབས་ཤིག །དལ་འབྱོར་རྙེད་དཀའ་འཇིག་སླར་ཤེས་པས། །ལས་འབྲས་བླང་དོར་ཚུལ་བཞིན་བརྩོན་ཅིང་། །བཅོས་མིན་ངེས་འབྱུང་སྔོན་འགྲོ་འབྱོངས་པར། །རྗེ་བཙུན་བླ་མས་བྱིན་གྱིས་རློབས་ཤིག །གཟུང་འཛིན་བདེན་མེད་དབྱིངས་སུ་སྦྱངས་ཏེ། །བདག་གཞན་བདེ་སྡུག་གཏོང་ལེན་ཟབ་མོའི། །བྱང་ཆུབ་སེམས་གཉིས་རྟག་ཏུ་བསྒོམ་པར། །རྗེ་བཙུན་བླ་མས་བྱིན་གྱིས་རློབས་ཤིག །རྐྱེན་ངན་སྡུག་བསྔལ་ཇི་ལྟར་བྱུང་ཡང་། །བདག་འཛིན་འགོང་པོའི་འཁྲུལ་དུ་མཐོང་ནས། །བྱང་ཆུབ་སེམས་ཀྱིས་ལམ་དུ་ཁྱེར་བར། །རྗེ་བཙུན་བླ་མས་བྱིན་གྱིས་རློབས་ཤིག །བསམ་སྦྱོར་དག་པས་ཚོགས་བསགས་སྒྲིབ་སྦྱོང་། །སྨོན་ལམ་དང་བཅས་སྟོབས་ལྔ་ལྡན་པའི། །ཚེ་གཅིག་ཉམས་ལེན་སྙིང་པོར་དྲིལ་བར། །རྗེ་བཙུན་བླ་མས་བྱིན་གྱིས་རློབས་ཤིག །ཆོས་ཀུན་བདག་འཛིན་གཉེན་པོར་འཆར་ཞིང་། །རང་སེམས་དབང་ཐུབ་ཡིད་བདེའི་གདིང་གིས། །འགལ་རྐྱེན་ཐམས་ཅད་ལམ་དུ་ལོངས་པར། །རྗེ་བཙུན་བླ་མས་བྱིན་གྱིས་རློབས་ཤིག །ཁས་བླངས་དོན་ལྡན་ཚུལ་འཆོས་དང་བྲལ། །ཕྱོགས་རིས་མེད་པར་མངོན་ཚན་ཆུང་དུས། །བློ་སྦྱོང་དམ་ཚིག་སྲོག་བཞིན་སྲུང་བར། །རྗེ་བཙུན་བླ་མས་བྱིན་གྱིས་རློབས་ཤིག །མདོར་ན་བྱང་ཆུབ་སེམས་གཉིས་འཕེལ་བའི། །བསླབ་བྱ་ཐམས་ཅད་ཚུལ་བཞིན་སློབ་པས། །ཚེ་འདིར་ཐེག་མཆོག་བཟོད་པ་ཐོབ་པར། །རྗེ་བཙུན་བླ་མས་བྱིན་གྱིས་རློབས་ཤིག །མཉམ་མེད་ཇོ་བོ་ཡབ་སྲས་ཐུགས་བཅུད། །དོན་ཚན་བདུན་ལྡན་བློ་སྦྱོང་ཚུལ་ལ། །སྙིང་ནས་སྨོན་པའི་ལེགས་བྱས་འདིས་ཀྱང་། །འགྲོ་ཀུན་བྱང་ཆུབ་ཐོབ་པར་ཤོག་ཅིག །ཅེས་པའང་སྐྱིད་ཤོད་སྙེ་ཐང་གི་དཔལ་ལྡན་ཨ་ཏི་ཤའི་སྐུ་འདྲ་རིན་པོ་ཆེའི་དྲུང་དུ་རྩེ་གཅིག་གསོལ་བ་འདེབས་པ་པོ་ནི། རྒྱལ་ཁམས་ཉུལ་པའི་བྱ་བྲལ་བ་བཀའ་གདམས་རིན་པོ་ཆེའི་རིང་ལུགས་ལ་མཆོག་ཏུ་གུས་པ་འཇམ་དབྱངས་མཁྱེན་བརྩེའི་དབང་པོ་སྟེ། དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Bhagavadu%E1%B9%A3%E1%B9%87%C4%AB%E1%B9%A3amah%C4%81/Full_text&diff=139938 Texts/Bhagavaduṣṇīṣamahā/Full text 2026-07-30T05:08:54Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=Si tu chos kyi ʼbyung gnas, ed. &quot;Bcom ldan 'das kyi gtsug tor chen po de bzhin gshegs pa'i gsang ba sgrub pa'i don mngon par thob pa'i rgyu byang chub sems dpa' thams cad kyi spyod pa dpa' bar 'gro ba'i mdo le'u stong phrag bcu pa las le'u bcu pa.&quot; In bKa' 'gyur (sde dge), 64:528–76. [sDe dge]: [sDe dge par khang chen mo]. Accessed October 7, 2025. http://purl.bdrc.io/resource/MW4CZ5369_0236.<br /> |FullTextDate=2025-10-06<br /> |FullTextTibetan={D236}༄༅༅། །བོད་སྐད་དུ། བཅོམ་ལྡན་འདས་ཀྱི་གཙུག་ཏོར་ཆེན་པོ་དེ་བཞིན་གཤེགས་པའི་གསང་བ་སྒྲུབ་པའི་དོན་མངོན་པར་ཐོབ་<br /> <br /> img. 529 from Volume 64&lt;br&gt;<br /> པའི་རྒྱུ་བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་དཔའ་བར་འགྲོ་བའི་མདོ་ལེའུ་སྟོང་ཕྲག་བཅུ་པ་ལས་ལེའུ་བཅུ་པ། བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས་དེའི་ཚེ་དེ་བཞིན་གཤེགས་པའི་སྐུ་གསེར་བཙོ་མའི་རི་ལྟ་བུ་<br /> དམ་པའི་ཆོས་ཀྱི་གདན་སེང་གེའི་ཁྲི་ལས་སླར་ནུར་ནས་རིན་པོ་ཆེའི་སྐུ་རྟེན་དྲངས་ཏེ། དེ་ལ་སྐུ་བརྟེན་ནས་དགའ་བོ་ལ་སོགས་པའི་འཁོར་ཐམས་ཅད་ལ་བཀའ་སྩལ་པ། ཁྱེད་ལ་སོགས་པ་སློབ་པ་དང་། མི་སློབ་པ་དང་། རང་སངས་རྒྱས་རྣམས་ཀྱིས་བླ་ན་མེད་པ་བྱང་ཆུབ་ཆེན་<br /> པོའི་སེམས་བསྐྱེད་དེ་ཚོར་བ་དམ་པ་བླང་བར་བྱའོ། །ངས་ད་ཡང་དག་པར་སྒྲུབ་པའི་ཆོས་བཤད་ཟིན་ན་ཁྱེད་ཀྱིས་ད་དུང་དུ་ཁོང་དུ་མ་ཆུད་དོ། །ཞི་གནས་དང་ལྷག་མཐོང་རྣལ་འབྱོར་ན་ཕྲ་བའི་ཡང་ཕྲ་བའི་བདུད་ཀྱི་ལས་དང་། བདུད་ཀྱི་ཁམས་མངོན་སུམ་དུ་སྣང་སྟེ། ཁྱེད་ཀྱིས་དེ་<br /> རིག་པར་མ་ནུས་ན་སེམས་ཡང་དག་པར་སྦྱངས་པར་མི་གདགས་ཏེ། ལོག་པའི་ལྟ་བར་ལྟུང་བས་ཁྱེད་བར་བར་ནི་ཕུང་པོའི་བདུད་ཀྱིས་བར་བར་ནི་ལྷའི་བདུད། བར་བར་ནི་ཡི་དགས་དང་ལྷ་མ་ཡིན་གྱིས་བྱིན་གྱིས་བརླབས་ཏེ་སྐབས་རྙེད་དོ། །ནང་དུ་སེམས་ཀྱིས་མ་ཚོར་ནས་རྐུན་པོ་<br /> ལ་བུ་ཡིན་པར་བཟུང་སྟེ། ཡང་དེའི་ནང་ནས་ཆུང་ཤེས་ཙམ་གྱི་ཐོབ་པ་ལ་གྲུབ་སྟེ་ཆོག་གོ་སྙམ་དུ་སེམས་པ་ནི་བསམ་གཏན་བཞི་ལ་ཆགས་པ་དང་མཚུངས་སོ། །དེ་ནི་མཚམས་མེད་པའི་དགེ་སློང་སྟེ་འཕགས་པ་ཐོབ་བོ་སྙམ་དུ་བསམས་པས་བརྫུན་བྱས་པའོ། །ལྷ་ཚེ་ཟད་པའི་<br /> ཁར་ཡང་ལྟས་པ་མངོན་དུ་བྱུང་སྟེ། དགྲ་བཅོམ་པ་ལ་ཡང་ཕྱི་མའི་ལུས་ལེན་ཏོ་ཞེས་སྐུར་པ་བཏབ་ནས་མཚམས་མེད་པའི་དམྱལ་བར་ལྟུང་ངོ་། །ཁྱོད་ཉོན་ལ་ལེགས་པར་སོམས་ཏེ་ཡིད་ལ་གྱིས་ཤིག་དང་། ངས་ད་ཁྱོད་ཀྱི་ཕྱིར་ཞིབ་ཏུ་བྱེ་བྲག་དབྱེའོ། །དེ་སྐད་ཅེས་བཀའ་<br /> སྩལ་པ་དང་། དགའ་བོ་སྟན་ལས་ལངས་པ་དང་། འཁོར་གྱི་ནང་ནས་སློབ་པ་འཐུན་པ་དག་ཀྱང་རབ་ཏུ་དགའ་ནས་སྤྱི་བོས་བཏུད་དེ་ལུས་དང་སེམས་ཤིན་ཏུ་གུས་ཤིང་དང་བས་བཅོམ་ལྡན་འདས་ཀྱི་ཐུགས་རྗེས་དགོངས་པ་ལས་སླར་ཉན་ཏོ། །དེ་ནས་བཅོམ་ལྡན་འདས་ཀྱིས་<br /> <br /> img. 530 from Volume 64&lt;br&gt;<br /> དགའ་བོ་དང་། འཁོར་ཐམས་ཅད་ལ་བཀའ་སྩལ་པ་ཁྱེད་ལ་སོགས་པ་ཤེས་པར་གྱིས་ཤིག །ངོ་བོ་ཉིད་ཀྱི་ཚོར་བ་དམ་པ་གསལ་བ་དེ་བཞིན་ཉིད་ཀྱི་ཚོར་བ་རྒྱས་པ་ནི་ཕྱོགས་བཅུའི་སངས་རྒྱས་ཐམས་ཅད་དང་། རིགས་བཅུ་གཉིས་ལས་སྐྱེས་པའི་ཟག་པ་<br /> ཅན་གྱི་འཇིག་རྟེན་པར་ཡང་སོ་སོ་མ་ཡིན་ཞིང་ཐ་མི་དད་མོད་ཀྱི་ཡང་དག་པ་མ་ཡིན་པའི་འདུ་ཤེས་ཀྱི་དོན་ནོར་བའི་ཉེས་པ་ལས་ཐིབས་པོ་དང་སྲེད་པ་བྱུང་ཞིང་སྐྱེས་སོ། །དེ་ལྟར་སྐྱེས་ཤིང་བྱུང་ནས་དེའི་ཕྱིར་སྟོང་པ་རང་བཞིན་ཡོད་པར་འགྱུར་ཏེ་ཐམས་ཅད་དུ་འཁྲུལ་པ་ཡིན་ནོ། །<br /> འཁྲུལ་པ་ལས་རྫུས་པ་རྒྱུན་མི་འཆད་པའི་ཕྱིར་འཇིག་རྟེན་བྱུང་ངོ་། །དེ་ལྟ་བས་ན་ཕྱོགས་བཅུའི་རྡུལ་ཕྲ་མོའི་ཞིང་ཁམས་ཀྱང་མི་ཟག་པ་མེད་དོ། །དེ་ལྟ་བུ་ནི་འཁྲུལ་པའི་ཕོ་ཐེག་ཅན་ཡང་དག་པ་མ་ཡིན་པའི་འདུ་ཤེས་ཀྱི་གཞུང་འཛུགས་པར་ཤེས་པར་བྱོས་ཤིག །ནམ་མཁའ་<br /> སྟོང་པ་ནི་ནང་ནས་ཁྱེད་ཀྱི་སེམས་ལས་སྐྱེས་སོ། །དཔེར་ན་ནམ་མཁའ་ལས་སྤྲིན་གློ་བུར་དུ་བྱུང་ན་འཇིག་རྟེན་པ་ཐམས་ཅད་དེའི་ནང་ན་འདུག་པ་བཞིན་ཏེ། ཁྱེད་ལས་འགའ་ཞིག་གིས་ཡང་དག་པ་འདི་ལ་མ་ཕྱོགས་ན་ཕྱོགས་བཅུའི་སྟོང་པ་ཐམས་ཅད་ཀྱང་ཞི་ཞིང་བྱང་སྟེ། ནམ་མཁའི་<br /> ཁམས་ཀྱི་ཡུལ་ཐམས་ཅད་ཅིའི་ཕྱིར་གཡོ། རབ་ཏུ་གཡོ་བར་མི་འགྱུར། ཕྱོགས་བཅུའི་ཟག་པ་ཟད་པའི་བྱང་ཆུབ་སེམས་དཔའ་དང་། དགྲ་བཅོམ་པ་དག་ཁྱེད་བསམ་གཏན་དང་། ཏིང་ངེ་འཛིན་ལ་རྣལ་འབྱོར་སྤྱོད་དེ། སེམས་དང་ཞིང་ས་ལེ་བར་དེ་བཞིན་ཉིད་ལ་རྩེ་གཅིག་གི་ཏིང་<br /> ངེར་འགྱུར་ན་བདུད་ཀྱི་རྒྱལ་པོ་ཐམས་ཅད་དང་། ལྷ་དང་། མི་དང་། ལྷ་མ་ཡིན་དང་། སེམས་ཅན་མ་རབས་ལ་སོགས་པའི་ཁང་ཁྱིམ་ཀུན་ནི་རྙིལ། ས་ཆེན་པོ་ནི་རབ་ཏུ་གཡོ་བར་འགྱུར་རོ། །ཆུའི་ནང་ན་གནས་པ་དང་། སྐམ་ལ་གནས་པ་དང་། ནམ་མཁའ་ལ་འཕུར་བ་དེ་<br /> དག་ཁྱེད་ལ་སོགས་པས། ཅིའི་ཕྱིར་རྙིལ་ཞིང་གཡོ་བར་འགྱུར། ལྷ་མ་ཡིན་དང་། ཡི་དགས་དང་། ལྷའི་བདུད་དག་ཞེ་སྡང་ཆེ་བར་གཡོ་བ་ཡང་ཡོད་དེ། ཁྱེད་བསམ་གཏན་བསྒོམ་པའི་ཐད་དུ་འོངས་ནས་གནོད་པ་བྱས་སུ་ཟིན་ཀྱང་མཚན་མའི་དྲི་མ་ལ་གོམས་པའི་ནང་ནས་ཁྱེད་ཀྱིས་ཚོར་<br /> <br /> img. 531 from Volume 64&lt;br&gt;<br /> བའི་སྙིང་པོར་གཏུགས་ན། དེའི་ཕྱིར་འོད་པ་རླུང་གིས་ཕོག་པ་བཞིན། ཆུ་ལ་རལ་གྲི་བཏབ་པ་ལྟར། གཅིག་གིས་གཅིག་ལ་གནོད་པར་མི་འགྱུར། ཕས་ཀྱིས་རྒོལ་བའི་ཆབ་སྲོམ་སྲ་བ་ལ་ཁྱོད་ཀྱི་དྲོད་ཀྱིས་ཆུ་ཚན་ཁོལ་བས་ཁད་ཀྱིས་ཉེ་ཞིང་མྱུར་དུ་འཇུ་བའི་ཕྱིར་བདུད་ལ་སོགས་པས་<br /> བྱིན་གྱིས་བརླབས་ཀྱང་རང་ཉོན་མོངས་སུ་ཟད་དེ་དོན་མེད་དོ། །དེ་ལྟར་ན་འགྲོན་དང་མཚུངས་ཏེ་གྲུབ་པ་དང་། བཤིག་ཅིང་གྱེས་པར་ཡང་བྱེད་དེ། ཁྱེད་ཀྱི་སེམས་ཀྱི་ནང་ནས་ཕུང་པོ་ལྔའི་བདག་པོ་འཁྲུལ་ཏེ་འགྲོན་གྱིས་སྐབས་རྙེད་ན་དེ་ཉིད་དུ་ཚོར་བས་ཆུད་པར་བསམ་གཏན་དུ་<br /> བསྒོམས་ན་འཁྲུལ་པར་མི་འགྱུར་ཏེ། ཁྱེད་ལ་བདུད་ཀྱི་རྒོལ་བས་མི་ཐུབ་བོ། །ཕུང་པོ་བྱང་བའི་གསལ་བ་ལ་ཞུགས་ན་ཕྱིན་ཅི་ལོག་གི་ཚོགས་ཀུན་སོ་སོར་མེད་པར་འགྱུར་ཏེ་སྣང་བས་ནི་མུན་ནག་སེལ་ནུས་སོ། །ཉེ་བར་འོངས་ཀྱང་རང་དུལ་བར་འགྱུར་ན། བསམ་གཏན་པ་ལ་<br /> གནོད་པ་བྱེད་ལྟ་ག་ལ་ཞིག་སྤོབས། དེ་ལྟར་ཚོར་བས་ཆུད་པར་མ་བྱས་ན་ཕུང་པོས་སླུ་བ་ཡིན་ནོ། །དགའ་བོ་ཁྱོད་ནི་བདུད་ཀྱི་བུར་འགྱུར་ཏེ། བདུད་ཀྱི་མི་ལ་སྒྲུབ་པ་བྱེད་དོ། །མ་ཐད་ག་ལྟ་བུ་མཐུ་ཆུང་ཡང་སྔགས་ཀྱི་མཐུའི་ཕྱིར་ཁྱོད་ཀྱི་ཚུལ་ཁྲིམས་འཇིག་པར་ནུས་སོ། །ཁྲི་<br /> ཕྲག་བརྒྱད་ཀྱི་སྤྱད་པའི་ནང་ནས། ཚུལ་ཁྲིམས་གཅིག་བཤིག་ཀྱང་སེམས་ཡོངས་སུ་དག་པའི་ཕྱིར་ཁྱོད་མ་རྨོངས་མ་འཐོམས་ཏེ། དེ་ནི་བསོད་ནམས་ཡོད་པའི་ཕྱིར་ཁྱོད་ཀྱི་རིན་པོ་ཆེའི་ལུས་མ་འཁྱམས་སོ། །དཔེར་ན་བློན་པོ་ཆེན་པོའི་ཁང་ཁྱིམ་སྐད་ཅིག་སོ་སོར་བགོས་ཏེ་ཁྱེད་<br /> ལ་མེད་ན་སྐྱབས་བྱེད་མི་ནུས་པ་དང་འདྲའོ། །དགའ་བོ་ཤེས་པར་གྱིས་ཤིག །ཁྱེད་བྱང་ཆུབ་ཀྱི་སྙིང་པོར་རྣལ་འབྱོར་ན་དང་ཞིང་གསལ་བས་གཡོ་བ་དང་། མི་གཡོ་བ་ཐམས་ཅད་ཀྱིས་མི་སྐུལ་ཏེ། དྲང་བ་དང་བརྗོད་པར་རོ་གཅིག་པའི་དེ་ཁོ་ན་ཉིད་ལ་གནས་ན་མཚན་མ་ཐམས་<br /> ཅད་ཟད་དེ། སྒྲིབ་པ་མེད་ན་དེ་ནི་མཚན་མ་དང་བྲལ་བའོ། །ཏིང་ངེ་འཛིན་ལ་མཉམ་པར་བཞག་ན་སྐྱེས་བུ་མིག་དང་ལྡན་པ་མུན་ནག་གི་ནང་དུ་ཕྱིན་པ་དང་མཚུངས་ཏེ། རང་བཞིན་གསལ་ཞིང་དངས་མོད་ཀྱི། ད་དུང་སེམས་ཀྱི་འོད་མ་བྱུང་བས་དེ་ནི་གཟུགས་ཀྱི་ཕུང་པོས་བསྒྲིབས་པའོ། །<br /> <br /> img. 532 from Volume 64&lt;br&gt;<br /> མིག་དང་ལྡན་པས་ནི་ཕྱོགས་བཅུར་ས་ལེར་སྣང་སྟེ། ཅི་ཡང་ལུས་པ་མེད་དེ། དེའི་མིང་ནི་གཟུགས་ཀྱི་ཕུང་པོ་ཟད་དེ། མི་དེ་ནི་བསྐལ་པའི་སྙིགས་མ་ལས་འདས་སོ། །དོན་དེ་ལ་བརྟགས་ན་ཡང་དག་མ་ཡིན་པའི་འདུ་ཤེས་ཀྱི་རྩ་བ་བསྲབ་པའི་ཕྱིར་རོ། །དགའ་བོ་དེ་ལྟ་བུ་<br /> ལ་གནས་ཤིང་སྦྱངས་ན་གསལ་ཞིང་དངས་ཏེ། ཁམས་བཞི་མ་འཁྲུགས་པ་ལས་སེམས་སྐད་ཅིག་ཙམ་ཞིག་ལུས་ཐོགས་པ་མེད་པར་སྣང་སྟེ། དེའི་མིང་ནི་དང་ཞིང་གསལ་བ་མངོན་དུ་ལུང་པར་འབབ་པར་བསྒོམས་པ་ལས། ཡུད་ཙམ་ཞིག་བྱུང་བ་ཡིན་གྱི་འཕགས་པར་གྱུར་པ་ནི་<br /> མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་དགེ་བའི་མངོན་རྟགས་སུ་ནི་རུང་གི་དེ་ལ་འཕགས་པའོ་སྙམ་དུ་བསམས་ན་དེ་ལོག་པའི་ཁམས་སུ་ལྟུང་ངོ་། །དགའ་བོ་ཡང་སེམས་དེ་ཉིད་སྦྱངས་ཤིང་དང་སྟེ། ལུས་ཀྱི་ནང་དངས་ཤིང་གསལ་བ་ལས་ཡུད་ཙམ་ཞིག་མི་དེའི་<br /> ལུས་ཀྱི་ནང་ནས་སྲིན་གྲོལ་མ་གློ་བུར་དུ་བྱུང་ཡང་ལུས་ཀྱི་རང་བཞིན་ཇི་བཞིན་ཏེ། སྨས་ཤིང་ཉམས་པ་ཡང་མེད་པར་མཐོང་ངོ་། །དེའི་མིང་ནི་གཟུགས་ཀྱི་ཡན་ལག་དང་། གསལ་བའི་ལུང་པར་འབབ་པའི་བརྩོན་འགྲུས་ལས་གྱུར་པ་ཡིན་གྱི། འཕགས་པའི་འབྲས་བུར་གྱུར་པ་ནི་<br /> མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་དགེ་བའི་ལྟས་སུ་ནི་རུང་གི །དེ་ལ་འཕགས་པའོ་སྙམ་དུ་བསམས་ན་དེ་ལོག་པའི་ཁམས་སུ་ལྟུང་ངོ་། །དགའ་བོ་ཡང་སེམས་དེ་ཉིད་ཀྱིས་སྦྱངས་ཤིང་དང་ན་དེའི་ཚེ་སེམས་དང་། ཡིད་དང་། རྣམ་པར་ཤེས་པ་རྣམས་<br /> འགྲོན་དང་། སྦྱིན་བདག་ཇི་བཞིན་པ་ལ་མི་འགྱུར་བ་ལ་སྤྱོད་པས་འཛིན་པའི་ལུས་མ་གཏོགས་པར་གཞན་ཐམས་ཅད་གཅིག་ཏུ་བསྡུས་ཤིང་མཉམ་པར་གཞག་པ་ལས་སེམས་སྐད་ཅིག་ཙམ་ཞིག་ནམ་མཁའ་སྟོང་པ་ལས་ཅིག་ཅར་དུ་ཕྱོགས་བཅུ་ནས་ཆོས་ཟབ་མོའི་དོན་འཆང་བ་ལྟ་བུའི་སྒྲ་ཐོས་<br /> སོ། །དེའི་མིང་ནི་སེམས་དང་། ཡིད་དང་། རྣམ་པར་ཤེས་པ་ལྡང་དུབ་ལས་དགེ་བའི་རྒྱུ་གྲུབ་པ་ཡིན་ཏེ། དགེ་བའི་མཚན་མ་ནི་ཡིན་གྱི་འཕགས་པའི་འབྲས་བུ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་ན་ལམ་ལོག་པར་ལྟུང་ངོ་། །དགའ་བོ་ཡང་སེམས་དེ་གསལ་ཞིང་ས་ལེ་བའི་ནང་<br /> <br /> img. 533 from Volume 64&lt;br&gt;<br /> ནས་སེམས་སྐད་ཅིག་འོད་བྱུང་སྟེ། ཕྱོགས་བཅུ་ཁྱབ་པར་འཛམ་བུ་གསེར་གྱི་ཁ་དོག་ཏུ་གྱུར་ཏེ། རྣམ་པ་སྣ་ཚོགས་ཐམས་ཅད་ཀྱང་དེ་བཞིན་གཤེགས་པའི་སྐུར་གྱུར་ནས་རྣམ་པར་སྣང་མཛད་དེ་བཞིན་གཤེགས་པའི་ལྷའི་འོད་བརྩེགས་པའི་ཁང་པ་ན་བཞུགས་ཏེ། སངས་<br /> རྒྱས་བཅུའི་འཁོར་གྱིས་བསྐོར་ཅིང་ས་ཡ་ཕྲག་བརྒྱའི་ཞིང་དང་པད་མོར་བཅས་པ་ལྟ་བུར་བྱུང་བར་སྣང་སྟེ། དེའི་མིང་ནི་ཡིད་ཀྱི་རྣམ་པར་ཤེས་པས་ཆུད་ཅིང་འཇུག་པའི་ཆགས་པ་སྟེ། སེམས་སྦྱངས་པའི་འོད་ལས་འཇིག་རྟེན་ཐམས་ཅད་སྣང་བ་དེ་ཡང་ཐང་ཅིག་ཏུ་ཟད་དེ་དགེ་བའི་<br /> མཚན་མར་ནི་རུང་གི་འཕགས་པའི་འབྲས་བུ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་འཛིན་ན་ལམ་འོག་མའི་ཁམས་སུ་ལྟུང་ངོ་། །ཡང་སེམས་དེ་དང་ཞིང་གསལ་བར་སྦྱངས་པ་ལས་དཔྱོད་པ་རྒྱུན་མི་འཆད་པར་བརྙས་ཤིང་བཏུལ། འདུལ་བཅིལ་ཏེ་འཕར་ནས་དེའི་ཚེ་སེམས་<br /> སྐད་ཅིག་ཙམ་ཞིག་ཕྱོགས་བཅུའི་ནམ་མཁའ་ལས་རིན་པོ་ཆེ་སྣ་བདུན་གྱི་ཁ་དོག་ཏུ་གྱུར་ཏེ། བར་བར་ནི་ཁ་དོག་སྣ་བརྒྱད་པར་འགྱུར་རོ། །ཡང་ཁྱབ་པར་གང་བ་ནི་སྔོན་པོ་སེར་པོ་དམར་པོ་དཀར་པོ་དག་སོ་སོ་ནས་མ་འདྲེས་པ་ལྟ་བུར་སྣང་སྟེ་དེ་ནི་བརྙས་ཤིང་བཏུལ་བཅིལ་ཏེ་འཕར་<br /> བ་ལས་གྱུར་ཏེ། དེ་ཡང་ཐང་ཅིག་ཏུ་ཟད་པས་འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་དེ་དགེ་བའི་མཚན་མར་ནི་རུང་གི་དེ་ལ་འཕགས་པའོ་སྙམ་དུ་བཟུང་ན། ལམ་ལོག་པའི་ཁམས་སུ་ལྟུང་ངོ་། །ཡང་སེམས་དེ་ཡུན་རིང་དུ་སྦྱངས་ཏེ།<br /> མ་འཕྲོགས་ཤིང་དང་བ་ལས་སེམས་སྐད་ཅིག་ཙམ་ཞིག་མཚན་མོའི་མུན་གནག་ནང་ནས་རྫས་སྣ་ཚོགས་མཐོང་སྟེ། ཉིན་མོ་མཐོང་བ་དང་མཚུངས་སོ་འདི་ལྟར་མཐོང་བ་དེའི་མིང་ནི་སེམས་ཕྲ་བའི་ཡང་ཕྲ་བའི་དང་བ་ལས་གྱུར་པ་ཡིན་ཏེ། དགེ་བའི་མཚན་མ་ཡིན་གྱི་འཕགས་པར་གྱུར་པ་མ་<br /> ཡིན་ནོ། །དེ་ལ་འཕགས་པའོ་སྙམ་དུ་བསམས་ན་ལོག་པའི་ཁམས་སུ་ལྟུང་ངོ་། །ཡང་སེམས་དེ་ནམ་མཁར་རྒྱས་པར་བསྒོམས་པ་ལས་སེམས་སྐད་ཅིག་ཙམ་ཞིག་ཁམས་བཞི་ཡང་རྩྭ་ཤིང་དང་འདྲ་བར་མཐོང་སྟེ། མེས་བསྲེགས་མཚོན་ཆས་གཏུབས་ཀྱང་མི་ཚོར་རོ། །<br /> <br /> img. 534 from Volume 64&lt;br&gt;<br /> མེའི་འོད་ཀྱིས་མཆེད་ཀྱང་ཚིག་པར་མི་འགྱུར་ཞིང་། ཤ་བཅད་ན་ཡང་ཤིང་བཞོགས་པ་དང་མཚུངས་སོ། །དེའི་མིང་ནི་རྡུལ་ཕྲ་མོ་འདུས་པ་ཁམས་བཞིའི་ཕུང་པོ་མ་པ་ལས་དེ་ལྟར་གྱུར་ཏེ། དེ་ཡང་སྐད་ཅིག་གཅིག་ཏུ་ཟད་དེ། དགེ་བའི་མཚན་མར་ནི་རུང་གི་<br /> འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་འཛིན་ན་ནི་ལོག་པའི་ཁམས་སུ་ལྟུང་ངོ་། །ཡང་སེམས་དེ་ཡོངས་སུ་དག་པར་བསྒྲུབས་ཏེ། བརྩོན་འགྲུས་ཀྱི་སྤྱོད་ཡུལ་གྱི་མཐར་གནས་པ་ལས་སྐད་ཅིག་ཙམ་ཞིག་སེམས་ཀྱི་ཕྱོགས་བཅུའི་ས་ཆེན་པོ་དང་། རི་དང་།<br /> ཆུ་ཀླུང་མཐོང་སྟེ། དེ་ཉིད་སངས་རྒྱས་ཀྱི་ཞིང་དུ་གྱུར་ནས་རིན་པོ་ཆེ་སྣ་བདུན་དང་ལྡན་ཞིང་། སྣོད་གང་བས་ཁྱབ་ཅིང་གང་བ་དང་། གང་གཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པའི་སངས་རྒྱས་ཐམས་ཅད་ཁང་པ་བརྩེགས་པ་བརྒྱན་པ་ན་བཞུགས་ཏེ། ནམ་མཁའ་གང་བར་<br /> མཐོང་ངོ་། །ཡང་འོག་གི་ཕྱོགས་སུ་སེམས་ཅན་དམྱལ་བ་མཐོང་། སྟེང་གི་ཕྱོགས་སུ་ཡང་ལྷའི་གནས་གཞལ་མེད་ཁང་དག་བསྒྲིབས་པ་མེད་པ་ལྟ་བུར་མཐོང་སྟེ། དེའི་མིང་ནི་སྐྱོ་བ་དང་དགའ་བས་བྱིང་བའི་འདུ་ཤེས་ཟབ་ཏུ་ཞེན་པ་ཡུན་རིངས་པ་ལས་གྱུར་པ་ཡིན་གྱི་འཕགས་<br /> པར་གྱུར་པ་མ་ཡིན་ནོ། །དེ་ལ་འཕགས་པའོ་སྙམ་དུ་བསམས་ན་དགེ་བའི་མཚན་མ་ནི་ཡིན་གྱི། དེ་ལ་འཕགས་པའི་འབྲས་བུ་ཐོབ་བོ་སྙམ་དུ་འཛིན་ན་ནི་ལོག་པའི་ཁམས་སུ་ལྟུང་ངོ་། །ཡང་སེམས་དེ་དད་པ་ཡུན་རིང་དུ་སྦྱངས་པ་ལས་སེམས་སྐད་ཅིག་ཙམ་ཞིག་ནམ་གྱི་<br /> གུང་ལ་རྒྱང་རིང་པོ་ན་ཚོང་དུས་དང་། གྲོང་ཁྱེར་དང་། གཉེན་བཤེས་ཀྱང་མཐོང་ངོ་། །བར་བར་ནི་གཏམ་ཟེར་བའི་སྒྲ་ཡང་ཐོས་ཤིང་། བར་ཆད་ཀྱི་ཕྱི་རོལ་ན་འདུག་པ་ལྟ་བུ་ཡང་མཐོང་ན། དེའི་མིང་ནི་སེམས་མནན་ཅིང་བཅིལ་བ་ལས་གྱུར་པ་ཡིན་ཏེ། དགེ་བའི་ལྟས་ནི་<br /> ཡིན་གྱི། འཕགས་པར་གྱུར་པ་ནི་མ་ཡིན་ནོ། དེ་ལ་འཕགས་པའོ་སྙམ་དུ་བསམས་ན་ལོག་པའི་ཁམས་སུ་ལྟུང་ངོ་། །ཡང་སེམས་དེ་དང་བར་ཡུན་རིང་དུ་སྦྱངས་པ་ལས་རྐྱེན་མེད་པར་དགེ་བའི་བཤེས་གཉེན་དག་གི་ལུས་དང་ཆ་བྱད་བསྒྱུར་ཞིང་རྣམ་པ་སྣ་ཚོགས་ལྟ་བུར་མཐོང་སྟེ།<br /> <br /> img. 535 from Volume 64&lt;br&gt;<br /> དེའི་མིང་ནི་སླུ་བའི་སེམས་ཏེ་ལྷ་མ་ཡིན་ཁོང་དུ་ཞུགས་པའོ། །བར་བར་ནི་ལྷའི་བདུད་ཀྱིས་བསླུས་ཏེ། སེམས་ཀྱི་ཁོང་དུ་ཞུགས་ནས་ཐོགས་པ་མེད་པར་ཆོས་ཟབ་མོའི་དོན་འཆད་མཁས་ཏེ་དེ་ནི་འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་བདུད་<br /> ཀྱི་ལས་དེ་ཞི་ཞིང་མེད་པར་འགྱུར་རོ། །དེ་ལ་འཕགས་པའོ་སྙམ་དུ་བསམས་ན་ལོག་པའི་ཁམས་སུ་ལྟུང་ངོ་། །དགའ་བོ་དེ་རྣམས་བཅུ་ནི་ཏིང་ངེ་འཛིན་གྱི་སྔ་ལྟས་ཡིན་ཏེ། འདི་ཀུན་ནི་གཟུགས་ཀྱི་ཕུང་པོ་ཡིན་ནོ། །དེ་དག་ནི་བསྒོམ་པ་ནོར་བ་ལས་དེའི་ཕྱིར་འདི་འདྲ་བར་གྱུར་ཏེ།<br /> ཕོ་ཐེག་ཅན་གྱི་སྐྱེ་བོར་བསླད་པས་རང་གི་དྲོད་མ་ཟིན་ཏེ། རྒྱུ་རྐྱེན་དེ་ལྟ་བུ་དང་ཕྲད་ནས་འཁྲུལ་བར་རང་གིས་མ་ཤེས་ཏེ། བདག་འཕགས་པའོ་སྙམ་དུ་སེམས་པ་ནི་བརྫུན་ཆེན་པོར་འགྱུར་ཏེ། སེམས་ཅན་དམྱལ་བ་ཆེན་པོར་ལྟུང་བར་འགྱུར་རོ། །ཁྱེད་ལ་སོགས་པ་དེ་ལྟ་བུ་ལ་རྟེན་<br /> པར་གྱིས་ཤིག །དེ་བཞིན་གཤེགས་པ་འདས་པའི་ཕྱིན་མ་འོངས་པའི་དུས་ལྔ་བརྒྱའི་ཐ་མ་ལ། དོན་དེ་དག་ཤོད་ཅིག །སྟོན་ཅིག །ལྷའི་བུས་བདུད་ཀྱི་སྐབས་མ་རྙེད་པར་གཟུགས་སུ་བཟུང་སྟེ། ཆོངས་ལ་མན་ངག་བཞག་ཅིང་སྐྱབས་དང་བསྲུང་བ་བྱས་ན་བླ་ན་མེད་པའི་དོན་གྲུབ་<br /> བོ། །དགའ་བོ་རིགས་ཀྱི་བུ་དག་ཏིང་ངེ་འཛིན་དང་། ཞི་གནས་ལ་སྙོམས་པར་ཞུགས་ཏེ། གཟུགས་ཀྱི་ཕུང་པོ་ཟད་ན་སངས་རྒྱས་ཐམས་ཅད་ཀྱི་སེམས་མཐོང་སྟེ། དཔེར་ན་མེ་ལོང་དག་པའི་ནང་ན་གཟུགས་སྣང་བ་བཞིན་ཏེ། སྤྱད་དུ་ནུས་པར་ཐོབ་པའོ། །ལོག་པའི་སླད་<br /> མས་སེམས་ལ་ཕོག་ན་གཡོ་བར་མི་ནུས་ཏེ་ཡི་དགས་ཀྱིས་ནོན་པ་ལྟར་རྐང་ལག་དང་སྔ་མ་ཁོ་བཞིན་ཞིང་སངས་རྒྱས་མཐོང་བ་དང་ཐོས་པ་མ་འཁྲུལ་ཏོ། །དེའི་མིང་ནི་ཚོར་བའི་ཕུང་པོས་བསྒྲིབས་པའོ། །དེ་སྟེ་ནོན་པ་ལས་སངས་ནས་སེམས་ལུས་དང་བྲལ་ཏེ་སླར་འདོད་ལ་རྟོག་ན་འགྲོ་<br /> བ་དང་འདུག་པ་ལ་རང་དབང་དུ་གྱུར་ཏེ་སྒྲིབ་པ་མེད་དོ། །དེའི་མིང་ནི་ཚོར་བའི་ཕུང་པོ་ཟད་དེ། མི་དེ་ནི་ལྟ་བའི་སྙིགས་མ་ལས་འདས་སོ། །དོན་དེ་ལ་བརྟགས་ན་ཡང་དག་པ་མ་ཡིན་པའི་འདུ་ཤེས་ཀྱི་རྩ་བ་གསོག་གི་ཕྱིར་རོ། །དགའ་བོ་རིགས་ཀྱི་བུ་དག་དེ་དག་དེ་ལ་གནས་ཏེ།<br /> <br /> img. 536 from Volume 64&lt;br&gt;<br /> ནང་ཤིན་ཏུ་བསྒྲིབས་པ་ལས། སེམས་ལ་ནང་ནས་གསལ་བ་བྱུང་སྟེ། འོད་ཟེར་ཆེན་པོ་ཐོབ་ནས་སེམས་ཀྱི་སྐད་ཅིག་ཙམ་ཞིག་མི་ཟད་པའི་སྙིང་རྗེ་སྐྱེས་ནས་སྦྲང་བུ་ལྕགས་ཕྱེ་ལ་ཡང་བུ་གཅིག་པ་བཞིན་བྱམས་པར་ལྟ་ཞིང་། དེ་བཞིན་དུ་སྙིང་རྗེའི་སེམས་སྐྱེས་<br /> ནས་མི་ཚོར་བར་མཆི་མ་བྱུང་སྟེ། དེའི་མིང་ནི་ལྷག་པར་སྤྱོད་པ་གྲགས་པ་འདི་ལས་བྱུང་བ་ཡིན་ཏེ། དེ་ལ་ཚོར་བ་ནི་ཉེས་པ་མེད་དེ་འཕགས་པར་གྱུར་པ་ནི་མ་ཡིན་ནོ། །དེ་ལ་ཚོར་བས་ཆུད་ན་ནོར་བར་མི་འགྱུར་ཏེ། རིང་ཞིག་ནས་ཞི་ཞིང་འབྱུང་ངོ་། །དེ་ལ་འཕགས་པའོ་སྙམ་དུ་<br /> སེམས་ན་ནི་སྙིང་རྗེའི་བདུད་ཁོང་དུ་ཞུགས་ཏེ། མི་དག་མཐོང་ན་སྙིང་རྗེ་སྐྱེ་ཞིང་མཆི་མ་མི་འཆད་པར་འབྱུང་སྟེ། ཡང་དག་པའི་གྲལ་སྟོར་ནས་ལོག་པར་གོལ་བར་ལྟུང་ངོ་། །ཡང་དགའ་བོ་ཏིང་ངེ་འཛིན་དེའི་ནང་ནས་རིགས་ཀྱི་བུ་དག་གཟུགས་ཀྱི་ཕུང་པོ་ནི་ཞི་བར་མཐོང་། ཚོར་<br /> བའི་ཕུང་པོ་ནི་གསལ་ཞིང་བྱང་སྟེ། རྒྱལ་བའི་མཚན་མ་མངོན་སུམ་དུ་བྱུང་བ་ལས་དེ་སེམས་ཀྱི་སྐད་ཅིག་ཙམ་ཞིག་བསྐྱོད་དུ་མེད་པའི་སེམས་སྐྱེས་ཏེ། དཔའ་བརྟུན་ཅིང་མགྱོགས་པར་བརྟུན་ངས་པ་ནི་སངས་རྒྱས་ཐམས་ཅད་དང་མཉམ་པར་སེམས་ཏེ། ཡུད་ཙམ་ཞིག་བསྐལ་པ་གྲངས་<br /> མེད་པ་གསུམ་འདས་པར་ནུས་སོ་སྙམ་དུ་སེམས་སོ། །དེའི་མིང་ནི་ཡོན་ཏན་གྱིས་མྱུར་བའི་ལྷག་པར་ཐལ་ཆེས་པའི་ཁྱད་དུ་གསོད་པའོ། །དེ་ལ་ཚོར་ན་ནི་ཉེས་པ་མེད་དེ་འཕགས་པར་འགྱུར་བ་ཡང་མ་ཡིན་ནོ། །དེ་ལ་ཚོར་བས་ཆུད་ན་ནི་མི་འགྱུར་ཏེ་རིང་ཞིག་ནས་ཞི་ཞིང་འབྱུང་ངོ་། །<br /> དེ་ལ་འཕགས་པའོ་སྙམ་དུ་སེམས་ན་སྨྱོན་པའི་བདུད་ཁོང་དུ་ཞུགས་ཏེ། མི་དག་མཐོང་ན་ངོམས་ཤིང་ང་རྒྱལ་སྐྱེས་ནས་རློམ་སེམས་དཔེ་མེད་པ་ནི་སངས་རྒྱས་ནི་བླ་མར་མི་བྱེད་མི་ནི་འོག་མར་མི་རྩི་སྟེ། ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཏིང་ངེ་འཛིན་དེའི་ནང་<br /> ནས་རིགས་ཀྱི་བུ་དག་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་གསལ་ཞིང་བྱང་བ་ལས་ཡེ་ཤེས་ཀྱི་སྟོབས་ནི་ཞེན་ཅིང་ཕྲ་སྟེ། ཕྱིར་ལོག་ནས་ཅི་ཡང་མ་མཐོང་སྟེ། སྔོན་ལས་གསར་གྱི་དོན་ནི་མ་མཐོང་། ཕྱི་མ་སེམས་དེ་སྟོར་ནས། སེམས་ཀྱི་ནང་ནས་སེམས་ཀྱི་སྐད་ཅིག་<br /> <br /> img. 537 from Volume 64&lt;br&gt;<br /> ཙམ་ཞིག་ཤིན་ཏུ་བརྩོན་འགྲུས་ཀྱི་སྐོམ་པས་གདུངས་ཏེ། དུས་ཐམས་ཅད་དུ་མ་གྱེས་པར་སེམས་གཅིག་ཏུ་དྲན་ནས་སེམས་དེས་བརྩོན་འགྲུས་ཀྱི་མཚན་ཉིད་དུ་གྱུར་ཏོ་སྙམ་དུ་སེམས་ཏེ། དེའི་མིང་ནི་ཤེས་རབ་འཆལ་པར་བསྒོམ་པ་སྟེ། རང་འཁྱམས་པ་ཡིན་ནོ། །དེ་ལ་ཚོར་<br /> ན་ནི་ཉེས་པ་མེད་དེ་འཕགས་པར་འགྱུར་བ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་ན་དྲན་པའི་བདུད་ཁོང་དུ་ཞུགས་ཏེ་རྟག་ཏུ་སེམས་འཛིན་པར་གཅིག་ཏུ་དམིགས་ཏེ། ཡང་དག་པའི་གྲལ་སྟོར་ནས་ལོག་པའི་གོལ་བར་ལྟུང་ངོ་། །ཡང་དེ་རིགས་ཀྱི་བུ་དག་ཏིང་ངེ་<br /> འཛིན་གྱི་ནང་ནས་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་གསལ་ཞིང་བྱང་བ་ལས། ཤེས་རབ་ཀྱི་སྟོབས་ནི་ཏིང་ངེ་འཛིན་གྱིས་ནོན་ནས་རྟུལ་ཅིང་། རྣོ་བའི་སེམས་ནི་སྟོར་བས་རྒྱལ་བའི་རང་བཞིན་སེམས་ཀྱི་ནང་ནས་དྲན་པ་ལ་ནི་རང་གི་སེམས་ལ་ཐེ་ཚོམ་སྐྱེས་ནས་<br /> རང་རྣམ་པར་སྣང་མཛད་ཡིན་ནོ་སྙམ་དུ་སེམས་སོ། །ཆུང་ཟད་ཐོབ་པ་ལ་ཆོག་པ་སྙམ་དུ་འཛིན་པ་དེའི་མིང་ནི་རྟག་པར་ཆུད་པའི་སྒོམ་པ་ནི་སྟོར་ཅིང་ནུབ། ཤེས་ཤིང་མཐོང་བ་ནི་བྱིང་བའོ། །དེ་ལ་ཚོར་ན་ནི་ཉེས་པ་མེད་དེ། འཕགས་པར་འགྱུར་བ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་<br /> ན་ཞན་ཅིང་དམན་པའི་ཆོག་མི་ཤེས་པའི་བདུད་སེམས་ཀྱི་ཁོང་དུ་ཞུགས་ཏེ། མི་དག་མཐོང་ན་རང་གིས་བླ་ན་མེད་པའི་དོན་དམ་པ་འཐོབ་བོ་ཞེས་སྨྲས་ཏེ་ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་ཀྱི་བུ་དག་ཏིང་ངེ་འཛིན་དེའི་ནང་ནས་གཟུགས་ཀྱི་ཕུང་<br /> པོ་ནི་ཞི། ཚོར་བའི་ཕུང་པོ་ནི་གསལ་ཞིང་བྱང་བ་ལས་དོན་གསར་དུ་ནི་མ་ཐོབ། རྙིང་པའི་སེམས་ནི་སྟོར་ཏེ། གཉི་ག་མ་ཡིན་ནས་རང་ལ་དགའ་བའི་བག་ཚ་བའི་སེམས་སྐྱེས་ནས། སྐད་ཅིག་ཙམ་ཞིག་སེམས་ཀྱི་སྐྱེ་ཤི་ཐམས་ཅད་འཚེ་བའི་མྱ་ངན་གྲངས་མེད་པར་སྐྱེས་ཏེ།<br /> ལྕགས་ཀྱི་ཁྲི་ཚ་བའི་སྟེང་ན་འདུག་པ་དང་མཚུངས། དུག་འཐུངས་པ་དང་འདྲ་བར་ཚོར་བ་མི་འདོད་པར་སེམས་ཏེ། རྟག་པར་མི་གཞན་ལ་སྲོག་ཆོད་ལ་རྣམ་པར་གྲོལ་བ་བླང་བར་བྱོས་ཤིག་ཟེར་རོ། །དེའི་མིང་ནི་སྤྱོད་པའི་ཐབས་སྟོར་བ་སྟེ། དེ་ལ་ཚོར་ན་ནི་ཉེས་པ་མེད་དེ།<br /> <br /> img. 538 from Volume 64&lt;br&gt;<br /> འཕགས་པར་འགྱུར་བ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་ན་རིགས་གཅིག་པའི་མྱ་ངན་ཅན་གྱི་བདུད་སེམས་ཀྱི་ཁོང་དུ་ཞུགས་ཏེ། ལག་པ་ན་མཚོན་ཆ་ཐོགས་ནས་བདག་གི་ཤ་གཅོད་ཅིང་ཚེ་མེད་པར་བྱེད་པ་ལ་དགའོ། །བར་བར་ནི་རྟག་ཏུ་མྱ་ངན་<br /> སྐྱེས་ནས་འབྲོས་ཏེ། རི་དང་ལུང་དུ་འགྲོ་ཞིང་མི་དག་མཐོང་བར་མི་དགའ་སྟེ། ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་ཀྱི་བུ་དག་ཏིང་ངེ་འཛིན་དེའི་ནང་ནས་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་གསལ་ཞིང་བྱང་སྟེ། རྣམ་པར་དག་པའི་<br /> ནང་ནས་སེམས་ཀྱི་སྐད་ཅིག་ཙམ་ཞིག་བདག་གི་སེམས་དཔག་ཏུ་མེད་པར་དགའ་ཆེས་པ་བདག་ལ་རང་དབང་མེད་པར་སྐྱེས་སོ། །དེའི་མིང་ནི་ཤེས་རབ་འཆལ་པའི་རང་བཞིན་བདེ་བས་བཅིངས་པ་དེ་ལ་ཚོར་ན་ནི་ཉེས་མེད་དེ། འཕགས་པར་གྱུར་པ་ནི་མ་ཡིན་ནོ། །དེ་ལ་བདག་འཕགས་<br /> པའོ་སྙམ་དུ་སེམས་ན་རྟག་ཏུ་སྲེད་པར་དགའ་བའི་རིགས་གཅིག་པའི་བདུད་སེམས་ཀྱི་ཁོང་དུ་ཞུགས་ཏེ། མི་དག་མཐོང་ན་དགོད་ཅིང་། གྲོང་བར་ན་བདག་གླུ་ལེན་ཅིང་བྲོ་རྡུང་སྟེ། བདག་རང་གིས་བསྒྲིབས་པ་མེད་པའི་རྣམ་པར་གྲོལ་བ་ཐོབ་བོ་སྙམ་དུ་སེམས་ཤིང་། ཡང་<br /> དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་ཀྱི་བུ་དག་ཏིང་ངེ་འཛིན་གྱི་ནང་ན། གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་སྣང་ཞིང་གསལ་བ་ལས་བདག་ནི་ཆོག་གོ་སྙམ་དུ་སེམས་ནས་གཞི་མེད་པར་སེམས་ཀྱི་སྐད་ཅིག་ཙམ་ཞིག་ང་རྒྱལ་ཆེན་པོ་<br /> གཡོས་ཏེ། དེ་བཞིན་དུ་ང་དང་། ཆེར་སེམས་པའི་ང་རྒྱལ་དང་། ངའི་ང་རྒྱལ་དང་། ང་ཞེས་ཟེར་བའི་ང་རྒྱལ་དང་། ངའོ་ཞེས་ཟེར་བའི་ང་རྒྱལ་དང་། ཅུང་ཟད་ཅེས་ཟེར་བའི་ང་རྒྱལ་དང་། ལོག་པའི་ང་རྒྱལ་རྣམས་ཅིག་ཆར་དུ་སྐྱེས་ཏེ། སེམས་ཀྱི་ནང་ནས་བླ་མའི་<br /> ཕྱོགས་བཅུའི་དེ་བཞིན་གཤེགས་པ་དེ་དག་ལ་ཡང་ཚོང་དཔོག་ན། འོག་མ་སའི་ཉན་ཐོས་དང་། དེའི་རང་སངས་རྒྱས་ལྟ་ཅི་སྨོས། དེའི་མིང་ནི་བདག་ཉིད་རྒྱལ་བ་ཐོབ་སྟེ། འཆལ་པའི་ཤེས་རབ་ཀྱིས་རང་སྐྱབས་མེད་པའོ། །དེ་ལ་ཚོར་ན་ནི་ཉེས་མེད་དེ། འཕགས་པར་<br /> <br /> img. 539 from Volume 64&lt;br&gt;<br /> གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་ན་ང་རྒྱལ་ཆེན་པོའི་བདུད་སེམས་ཀྱི་ནང་དུ་ཞུགས་ཏེ། མཆོད་རྟེན་དང་། གཙུག་ལག་ཁང་ལ་ཕྱག་མི་འཚལ། དྷར་མ་དང་སྐུ་གཟུགས་དག་ལ་འདྲལ་བར་བྱེད། ཡོན་བདག་དག་ལ་འདི་སྐད་དུ་སྨྲས་ཏེ། ལ་ལ་<br /> ནི་གསེར་དང་། གར་བ་དང་ས་དང་ཤིང་དང་ཆུ་ཤུན་དང་ཤིང་ལོའོ། །ལ་ལ་ནི་རས་དང་མེ་ཏོག་གོ་ཞེས་ནས་རང་གུས་པར་མི་བྱེད་ཅིང་། ཤའི་ལུས་ནི་ཡང་དག་པར་རྟག་པ་ཡིན་ནོ་ཞེས་ཕྱིན་ཅི་ལོག་པར་ས་དང་། ཤིང་དག་ལ་ཡིད་རྟོན་པར་བྱེད་པ་ནི་ཡང་དག་པར་ན་ལོག་པ་ཡིན་ནོ་<br /> ཞེས་སྟོན་ཏེ། དད་ཅིང་ཡིད་ཆེས་བདག་ལ་ཤིག་ཅིང་གྲོལ་ཏེ་འོར་ལ། སའི་འོག་ཏུ་སྦོས་ཤིག་ཟེར་ཞིང་། སེམས་ཅན་དག་ལ་ཐེ་ཙོམ་དང་སྐུར་པས་མཚམས་མེད་པའི་སེམས་ཅན་དམྱལ་བར་ལྟུང་སྟེ། ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་<br /> ཀྱི་བུ་དག་ཏིང་ངེ་འཛིན་དེའི་ནང་ནས་གཟུགས་ཀྱི་ཕུང་པོ་ནི་ཞི་ཚོར་བའི་ཕུང་པོ་ནི་གསལ་ཞིང་བྱང་སྟེ། དང་ཞིང་གསལ་བའི་ནང་ནས་དོན་རྒྱས་ཤིང་དང་བ་འདིར་སྤྱོད་པ་རིག་པའི་རྗེས་སུ་གཞོལ་བ་ཆེན་པོ་འཐོབ་སྟེ། སེམས་ཀྱི་སྐད་ཅིག་ཙམ་ཞིག་དཔག་ཏུ་མེད་པར་ཡང་ཞི་<br /> ཞིང་བདེ་བའི་སེམས་སྐྱེས་ནས་རང་གིས་རང་དབང་ཆེན་པོ་ཐོབ་སྟེ། འཕགས་པའོ་སྙམ་དུ་སེམས་སོ། །དེའི་མིང་ནི་ཤེས་རབ་དང་ཞིང་ཡང་བའི་རྒྱུ་ཀུན་ཐོབ་པ་སྟེ། དེ་ལ་ཚོར་ན་ནི་ཉེས་པ་མེད་དེ། འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་<br /> ན་ཡང་ཞིང་དང་བསྲེད་པར་རིགས་གཅིག་པའི་བདུད་སེམས་ཀྱི་ཁོང་དུ་ཞུགས་ནས་བདག་གྲུབ་སྟེ་རྫོགས་སོ་སྙམ་ཞིང་ཡང་འབོགས་པ་ལ་མི་བརྩོན་ནོ། །མ་ཐོས་པའི་དགེ་སློང་དེ་སྐུར་པ་འདེབས། ཐེ་ཙོམ་དང་ལེ་ལོ་བྱེད་པ་ནི་ཕྱིས་མཚམས་མེད་པ་སེམས་ཅན་དམྱལ་<br /> བར་ལྟུང་སྟེ། ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་ཀྱི་བུ་དག་ཏིང་ངེ་འཛིན་གྱི་ནང་ནས་གཟུགས་ཀྱི་ཕུང་པོ་ནི་ཞི་ཞིང་གསལ་བའོ། །ཚོར་བའི་ཕུང་པོ་ནི་གསལ་ཞིང་བྱང་སྟེ། གསལ་བའི་ཚོར་བའི་ནང་ནས་སྟོང་པའི་རང་བཞིན་ཐོབ་སྟེ།<br /> <br /> img. 540 from Volume 64&lt;br&gt;<br /> དེའི་ནང་ནས་སེམས་སྐད་ཅིག་ཙམ་ཞིག་ཞི་བའི་འགོག་པ་ལ་ཞུགས་ནས་རྟེན་ཅིང་འབྲེལ་པར་འབྱུང་བ་མེད་དོ་ཞེས་ཕྱོགས་གཅིག་པའི་སྟོང་པ་ལ་ཞུགས་ཏེ། སྟོང་པ་ལ་མངོན་སུམ་དུ་སྣང་བའི་བར་དུ་སེམས་སྐྱེས་ནས་རྟག་ཏུ་འཆད་ཅིང་འགོག་པ་ཤེས་སོ་སྙམ་དུ་སེམས་<br /> ཏེ། དེ་ལ་ཚོར་ན་ནི་ཉེས་མེད་དེ། འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པར་གྱུར་པའོ་སྙམ་དུ་སེམས་ན་སྟོང་པའི་བདུད་སེམས་ཀྱི་ཁོང་དུ་ཞུགས་ཏེ་ཁྲིམས་བསྲུང་བ་ལ་སྐུར་པ་འདེབས་སོ། །དེའི་མིང་ནི་ཐེག་པ་ཆུང་ངུ་སྟེ། མི་དེས་རྟག་པར་ཡིད་ཆེས་<br /> པའི་ཡོན་བདག་ལ་འདི་སྐད་དུ་སྨྲས་ཏེ། བྱང་ཆུབ་སེམས་དཔའ་ལ་བསྲུང་བ་དང་ཞིག་པ་མེད་ཀྱིས་ཆང་འཐུང་ཤ་ཟོ། །གཡེམ་དར་རྒྱས་པར་ཤོད་ཅིག་ཅེས་སོ། །བདུད་ཀྱི་སྟོབས་ཀྱི་ཕྱིར་མི་དག་ཀྱང་སྡུད་དོ། །མི་དག་ཀྱང་ཐེ་ཙོམ་དང་སྐུར་པ་མི་འདེབས་ཏེ། སེམས་<br /> ལ་ཡི་དགས་རིང་དུ་ཞུགས་སོ། །བར་བར་ནིསྐྱག་་པ་ཟ་གཅིན་འཐུང་ཡང་ཤ་ཆང་དང་མཚུངས་སོ། །དེ་དག་ཐམས་ཅད་སྟོང་པར་རོ་གཅིག་ཅེས་ནས་སངས་རྒྱས་ཀྱི་ཚུལ་ཁྲིམས་དང་འདུལ་བ་བཤིག་གོ། །གཅིག་ཏུ་མ་ངེས་པའི་མི་དག་སྡིག་ནང་དུ་ཡང་བཙུད་དེ། དེ་ནི་<br /> ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །རིགས་ཀྱི་བུ་དག་ཏིང་ངེ་འཛིན་གྱི་ནང་ནས་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་གསལ་ཤིང་བྱང་བ་ལས་འདས་ཤིང་སྟོང་པར་སྣང་བའི་སེམས་འདུས་པའི་ནང་དུ་ཟབ་ཏུ་ཞེན་པས། ཡུད་ཙམ་ཞིག་དཔག་<br /> ཏུ་མེད་པའི་སྲིད་པའི་སེམས་སྐྱེས་ནས། སྲིད་པའི་མཐར་ཕྱིན་པས་སྨྱོས་སུ་ཆ་སྟེ། ཉིད་དུ་གཡེམ་པ་སྤྱོད་དོ། །དེའི་མིང་ནི་ཏིང་ངེ་འཛིན་གྱི་ལྟས་བདེ་བར་བགྲོད་པ་སེམས་ཀྱི་ནང་དུ་ཞེན་ཏེ། ཤེས་རབ་མེད་པས་རང་ལ་སྐྱབས་མེད་དེ། མི་དག་ཀྱང་གཡེམ་པ་སྤྱོད་དུ་བཙུད་<br /> དོ། །དེ་ལ་ཚོར་ན་ནི་ཉེས་མེད་དེ། འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པ་ཙམ་དུ་སེམས་ན་འདོད་ཆགས་ཀྱི་བདུད་སེམས་ཀྱི་ཁོང་དུ་ཞུགས་ཏེ། འདོད་ཆགས་ཀྱི་ཕྱོགས་ནི་བྱང་ཆུབ་ཀྱི་ལམ་ཡིན་པར་སྟོན་ཏེ། ཁྱིམ་བདག་དང་མཚུངས་པར་གཡེམ་<br /> <br /> img. 541 from Volume 64&lt;br&gt;<br /> པར་སྤྱོད་ཅིག །གཡེམ་པར་སྤྱོད་པ་དེ་ནི་ཆོས་ཀྱི་བུ་འཛིན་པ་ཡིན་ནོ་ཞེས་སྟོན་ཏོ། །ལྷ་མ་ཡིན་གྱི་སྟོབས་ཀྱིས་ཕྱི་མའི་དུས་ན་མ་རབས་གླེན་པའི་གྲངས་ནི་བརྒྱའམ། དེ་བཞིན་དུ་ཉིས་བརྒྱའམ། སུམ་བརྒྱའམ། བཞི་བརྒྱའམ། ལྔ་བརྒྱའམ། དྲུག་བརྒྱའམ།<br /> མང་པོ་སྟོང་ཁྲིའི་བར་དག་ལ་ཡང་སྟོན་ཏེ། དེ་ནས་ཡང་མི་དེ་ལ་བདུད་སྐྱོ་ཞིང་ཆོག་པའི་སེམས་སྐྱེས་ནས། ལུས་ལས་བྲལ་བ་དང་། གཟི་བརྗིད་མེད་པར་གྱུར་ནས་རྒྱལ་པོའི་གྱོད་ལ་ཐོགས་སོ། །སེམས་ཅན་དག་ཐེ་ཙོམ་བསྐུར་ཏེ། མཚམས་མེད་པའི་སེམས་ཅན་<br /> དམྱལ་བར་ལྟུང་བར་བྱེད་དོ། །དེ་རྣམ་པ་བཅུ་ནི་ཏིང་ངེ་འཛིན་གྱི་སྔ་ལྟས་ཡིན་ཏེ། འདི་ཀུན་ནི་ཚོར་བའི་ཕུང་པོ་ཡིན་ནོ། །དེ་དག་ནི་སྒོམ་པ་ནོར་བ་ལས་དེའི་ཕྱིར་འདི་འདྲ་བར་འགྱུར་ཏེ། ཕོ་ཐེག་ཅན་གྱི་སྐྱེ་བོ་རྣམས་ལ་བསླང་ནས། བདག་རང་གི་ཉམས་དྲོད་མ་ཟིན་ཏེ། རྒྱུ་<br /> རྐྱེན་དེ་ལྟ་བུ་དང་ཕྲད་ནས་འཁྲུལ་པ་རང་གིས་མ་ཤེས་ཏེ། བདག་ལ་འཕགས་པའོ་སྙམ་དུ་སེམས་པ་དེ་ནི་བརྫུན་ཆེན་པོར་འགྱུར་ཏེ། མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཁྱེད་ལ་སོགས་པ་དེ་བཞིན་གཤེགས་པའི་བཀའ་ལེ་ཏེ་ང་འདས་པའི་ཕྱིར་ན་<br /> སེམས་ཅན་ཐམས་ཅད་ལ་ཁྱད་པར་མན་ངག་གཞག་ཅིང་འདིའི་དོན་སྟོན་ཏོ། །ཚོར་བར་གྱིས་ཤིག །ལྷའི་བདུད་ཀྱིས་སྐབས་མི་རྙེད་པར་གཟུངས་སུ་བཟུང་སྟེ། གདམས་ཤིང་བསྲུངས་ན་བླ་ན་མེད་པའི་ལམ་འགྲུབ་བོ། །དགའ་བོ་རིགས་ཀྱི་བུ་དག་ཏིང་ངེ་འཛིན་<br /> བསྒོམས་པས་ཚོར་བའི་ཕུང་པོ་ཟད་ནས་ཟག་པ་མ་ཟད་མོད་ཀྱི། སེམས་ལུས་དང་བྲལ་མ་ཐག་ཏུ་བྱ་སྐོན་པ་ནས་ཕྱུང་བ་དང་མཚུངས་ཏེ། དེ་ལྟ་བུ་འབྱོར་གྲུབ་ན་མ་རབས་ཀྱི་ལུས་ལས་བླ་མའི་བྱང་ཆུབ་ཀྱི་འཕགས་པའི་གྲལ་དྲུག་ཅུའི་བར་དུ་ཡིད་ཀྱི་ལུས་ཐོབ་སྟེ།<br /> འགྲོ་བ་དང་འོང་བ་ལ་ཐོགས་པ་མེད་དོ། །དཔེར་ན་མི་ལ་ལ་ཞིག་གཉིད་ཀྱིས་ལོག་པ་ལས་མ་སད་པར་རྨི་ལ་གོ་རིམས་བཞིན་སྨྲ་མོད་ཀྱི། དེའི་དོན་རང་གིས་མི་ཤེས་ཀྱང་། སུ་དག་མ་ལོག་པའི་དེའི་ས་ནི་ཚིག་ཀུན་གོ་སྟེ། དེའི་མིང་ནི་འདུ་ཤེས་ཀྱི་ཕུང་པོས་བསྒྲིབས་<br /> <br /> img. 542 from Volume 64&lt;br&gt;<br /> པའོ། །གཡོ་བའི་མཚན་མ་དེ་ཟད་ན་སྤྲོས་པ་ཀུན་ཞི་ཞིང་བྱང་སྟེ་ཚོར་ཞིང་གསལ་བས་སེམས་ཀྱི་དྲི་མའི་གོས་པ་ཕྱིས་པ་དང་མཚུངས་སོ། །འཁོར་བ་གཅིག་པུའི་སྐྱེ་ཤིའི་མགོ་མཇུག་ཏུ་ཁྱབ་པར་བལྟས་ན། དེའི་མིང་ནི་འདུ་ཤེས་ཀྱི་ཕུང་པོ་ཟད་པས་དེ་ནི་<br /> ཉོན་མོངས་པའི་སྙིགས་མ་ལས་འདས་པའོ། །དེ་ནི་དོན་ལ་བརྟགས་པ་ཐོགས་པ་མེད་པར་ཞི་བའི་སྒྱུ་མའི་འདུ་ཤེས་ཀྱི་རྩ་བའི་ཕྱིར་རོ། །དགའ་བོ་རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལམ་ཐོགས་པར་བག་བྱེད་པས་ཏིང་ངེ་འཛིན་གསལ་བ་རྒྱས་<br /> པ་བྱུང་བ་ལས་སང་ངེ་བའི་ཏིང་ངེ་འཛིན་རྒྱས་པ་ལ་སེམས་སྲེད་ཅིང་། དགེ་བའི་བཟོ་ལ་སེམས་འདོད་ཅིང་ཚོལ་ལོ། །དེའི་ཚེ་ལྷའི་བདུད་ཀྱི་སྐབས་རྙེད་ནས་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ཏེ། བདུད་ཀྱིས་<br /> བསླུས་པ་ལ་བདག་གིས་བླ་ན་མེད་པའི་མྱ་ངན་ལས་འདས་པ་འཐོབ་བོ་སྙམ་དུ་སེམས་སོ། །རིགས་ཀྱི་བུ་ཤེས་ཀྱི་ཁེ་འདོད་པའི་གན་དུ་འོངས་ནས་གདིང་བ་བཏིང་སྟེ་ཆོས་འཆད་ཅིང་སེམས་ཀྱི་སྐད་ཅིག་ཙམ་བར་བར་ནི་དགེ་སློང་གི་ལུས་སུ་སྤྲུལ་ཏེ། མི་གཞན་གྱིས་མཐོང་<br /> བར་བྱེད་དོ། །བར་བར་ནི་བརྒྱ་བྱིན་དུ་སྤྲུལ་བར་བར་ནི་བུད་མེད་དུ་སྤྲུལ། བར་བར་ནི་དགེ་སློང་མར་སྤྲུལ། བར་བར་ནི་ཁང་པ་མུན་ནག་གི་ནང་དུ་ཉལ་ཏེ་ལུས་ལ་འོད་འགྱེད། བར་བར་ནི་བྱང་ཆུབ་སེམས་དཔའ་སྤྲུལ་ཏེ་གླེན་ཞིང་འཁྲུལ་པའི་མིས་མཐོང་ན་དེ་ཡིད་ཆེས་པར་<br /> བྱེད་དོ། །མི་དེས་ནི་སེམས་ཡལ་བར་བཏང་སྟེ། སངས་རྒྱས་ཀྱི་ཚུལ་ཁྲིམས་བཤིག་ནས་ལྐོག་ཏུ་གཡེམ་པ་བྱེད། ལྟས་ངན་གྱི་གཏམ་སྨྲས་པ་ཡང་དེ་བཞིན་དུ་ཁྱིམ་པའི་ནོར་ཕྱུགས་དག་ཀྱང་སོ་སོར་མེད་པར་འགྱུར་རོ། །བར་བར་ནི་སངས་རྒྱས་ཞིང་ཁམས་ཆེ་གེ་མོ་<br /> ཞིག་ཏུ་གཤེགས་སོ་ཞེས་ལུང་སྟོན། བར་བར་ནི་མེའི་བསྐལ་པ་འབྱུང་ངོ་ཞེས་འཆད། བར་བར་ནི་མཚོན་ཆའི་བསྐལ་པ་འབྱུང་ངོ་། །མི་དག་ལ་འཇིགས་སྐྲག་པར་བྱེད་དོ། །དེ་མི་སྲིད་པའི་ཡི་དགས་དེ་རྒས་པ་དང་བདུད་དུ་གྱུར་པའོ། །དེ་ནས་མི་དེ་ལས་སྐྱོ་བ་དང་།<br /> <br /> img. 543 from Volume 64&lt;br&gt;<br /> ཆོག་ཤེས་པའི་སེམས་སྐྱེས་ནས། ལུས་ལས་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །<br /> དགའ་བོ་རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས་ཏིང་ངེ་འཛིན་གསལ་བ་བྱུང་བ་ལས། ཏིང་ངེ་འཛིན་གྱི་ནང་ནས་འགྲུབ་པ་མེད་པར་སེམས་གཡེལ་བར་བཏང་སྟེ། འཕྱར་ཞིང་འཁྱམས་ནས། འདོད་ཆགས་<br /> སྐྱེས་ཏེ། དེའི་ཚེ་ལྷའི་བདུད་ཀྱིས་གླགས་རྙེད་ནས། ནམ་མཁའི་ལྷར་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ཏེ། བདུད་ཀྱིས་བསླུས་པ་ལ་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་<br /> ཏེ། རིགས་ཀྱི་བུ་དག་ཁྱབ་པར་འདོད་པའི་ཐད་དུ་འོང་ནས། གདིང་བ་བཏིང་སྟེ། ཆོས་བཤད་ནས་བདག་གི་ལུས་ཉིད་མ་གྱུར་ཀྱང་གཞན་ཆོས་ཉན་པས་རིན་པོ་ཆེའི་པད་མའི་སྟེང་དུ་འདུག་པར་མཐོང་ངོ་། །ཆོས་ཉན་པ་སོ་སོ་དག་གིས་ཀྱང་ལུས་ཐམས་ཅད་<br /> གསེར་གྱི་ཁ་དོག་ཏུ་གྱུར་པ་སྔོན་མ་མཐོང་བ་མཐོང་སྟེ། མི་དེ་དག་ནི་གླེན་ཞིང་འཁྲུལ་པའོ། །བར་བར་ནི་བྱང་ཆུབ་སེམས་དཔའི་གཟུགས་སུ་སྒྱུར་རོ། །གཡེམ་པའི་སེམས་བདེ་སྟེ། སངས་རྒྱས་ཀྱི་ཚུལ་ཁྲིམས་བཤིག །ལྐོག་ཏུ་གཡེམ་པའི་འདོད་ཆགས་<br /> སྤྱོད་ཅིང་། ངག་གིས་འདི་ལྟ་བུ་དག་སྨྲས་ཏེ། སངས་རྒྱས་ཐམས་ཅད་འཇིག་རྟེན་དུ་གཤེགས་སོ། །ཆེ་གེ་མོ་ཞིག་གི་གནས་ན་ཆེ་གེ་མོ་ཞིག་གི་མི་ཞིག་སངས་རྒྱས་ཡིན་ཏེ། སྐུ་སྤྲུལ་ནས་འདིར་གཤེགས་སོ། །ཆེ་གེ་མོའི་མི་དག་ནི་ཆེ་གེ་མོའི་བྱང་ཆུབ་<br /> སེམས་དཔའ་རྣམས་ཡིན་ཏེ་སྤྲུལ་ནས་འཇིག་རྟེན་དུ་གཤེགས་སོ་ཞེས་མ་འཕྲིགས་པར་ལོག་པར་སྟོན་པར་བྱེད་དོ། །མི་དག་གིས་མཐོང་བ་དང་གདུང་བ་སྐྱེས་སོ། །དེའི་ཕྱིར་ཡེ་ཤེས་ཀྱི་འབྲས་བུ་ནི་འགག་ཅིང་ནུབ་བོ། །དེའི་མིང་ནི་མིག་འཕྲུལ་བྱེད་པའི་ཡི་དགས་<br /> <br /> img. 544 from Volume 64&lt;br&gt;<br /> རྒས་ཏེ་བདུད་དུ་གྱུར་ནས་མི་དེ་ལ་གནོད་པ་བྱེད་དོ། །དེ་ནས་མི་དེ་ལ་སྐྱོ་བ་དང་ཆོག་པའི་སེམས་སྐྱེས་ནས། མི་དེའི་ལུས་དང་བྲལ་བ་དང་མཁན་པོ་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །<br /> འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་ཡང་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས་ཏིང་ངེ་འཛིན་གསལ་བ་རྒྱས་པར་འབྱུང་བ་ལས། སྲེད་པའི་སེམས་ཀྱི་རླབས་<br /> གཞོལ་བར་འཁྲུལ་པའི་འདུ་ཤེས་ཀྱིས་ཆགས་པས་འདོད་ཅིང་ཚོལ་བ་ལ་སྦྱོར་རོ། །དེའི་ཚེ་ལྷའི་བདུད་ཀྱིས་གླགས་རྙེད་ནས་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་དང་། ཆོས་འཆད་པ་དང་། མི་དེས་མ་ཚོར་ནས། བདུད་ཀྱིས་བསླུས་པ་ལ་བདག་<br /> གིས་བླ་ན་མེད་པ་ཡང་དག་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །རིགས་ཀྱི་བུ་དག་ཤེས་ཀྱི་ཁེ་འདོད་ཅིང་ཚོལ་བའི་གན་དུ་འོངས་ནས་གདིང་བ་བཏིང་སྟེ། ཆོས་བཤད་པ་དང་། རང་གི་ལུས་དང་ཆོས་ཉན་པའི་མི་དག་ཀྱང་ཕྱིའི་གཟུགས་མེད་པར་ཆོས་ཉན་པ་<br /> རྣམས་ཆོས་མ་ཐོས་པའི་སྔོན་ལོགས་སུ་རང་གིས་རིག་སྟེ། སེམས་ཞེས་བྱའོ། །ཡུད་ཙམ་ལ་སེམས་འགྱུར་ཏེ། བར་བར་ནི་ཚེ་སྔ་ཕྱི་དྲན་ནོ། །བར་བར་ནི་ཕྱི་རོལ་གྱི་སེམས་ལྟ་ཞེས། བར་བར་ནི་སེམས་ཅན་དམྱལ་བ་མཐོང་། བར་བར་ནི་མིའི་ཁམས་ཀྱི་ལེགས་ཉེས་<br /> ཤེས། བར་བར་ནི་ཚིགས་བཅད་སྨྲ། བར་བར་ནི་བདག་རང་ཁ་དོན་བྱེད་པ་དང་། སོ་སོ་ན་དགའ་ཆེས་ནས་ཡོད་མ་མྱོང་འཐོབ་བོ་ཞེས་ཟེར་རོ། །བར་བར་ནི་བྱང་ཆུབ་སེམས་དཔའི་གཟུགས་སུ་སྒྱུར་ཏེ། དེ་ནི་བླུན་ཞིང་འཁྲུལ་པས་ཆགས་ཤིང་སྲེད་པའི་སེམས་སྐྱེས་ནས་སངས་<br /> རྒྱས་ཀྱི་ཚུལ་ཁྲིམས་ནི་བཤིག །ལྐོག་ན་གཡེམ་པ་སྤྱོད། ཚིག་ཏུ་འདི་སྐད་སྨྲ་སྟེ། སངས་རྒྱས་ཆེན་པོའོ་སངས་རྒྱས་ཆུང་ངུའོ། །སངས་རྒྱས་སྔ་མའོ། །སངས་རྒྱས་ཕྱི་མའོ། །དེའི་ནང་ན་ཡང་ཡང་དག་པའི་སངས་རྒྱས་སྒྱུ་མའི་སངས་རྒྱས། སྐྱེས་པའི་སངས་རྒྱས།<br /> <br /> img. 545 from Volume 64&lt;br&gt;<br /> བུད་མེད་ཀྱི་སངས་རྒྱས་སོ། །བྱང་ཆུབ་སེམས་དཔའ་ལ་ཡང་དེ་བཞིན་ཏེ། །མི་དག་གིས་དེ་མཐོང་བ་དང་། སྔ་མའི་སེམས་ནི་གྱུར་ཅིང་འཕོས་ནས་ལོག་པར་ལྟ་བའི་ནང་དུ་ཞུགས་སོ། །དེའི་མིང་ནི་སེམས་སྒྱུར་ཤེས་པའི་ཡི་དགས་རྒས་པ་དང་། བདུད་དུ་<br /> གྱུར་ཏེ་མི་དེ་ལ་གནོད་པར་བྱེད་དེ། དེ་ནས་མི་དེ་ལ་སྐྱོ་ཞིང་ཆོག་པའི་སེམས་སྐྱེས་ནས་ལུས་ལས་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཞིང་བསླུས་པར་མི་ཤེས་ན།<br /> མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་ཡང་ཚོར་བའི་ཕུང་པོ་ནི་སྟོང་ཞིང་བབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས་ཏིང་ངེ་འཛིན་གསལ་བ་རྒྱས་པ་བྱུང་བ་ལས། སེམས་ཅན་གྱི་ཕྱི་མིའི་རྩི་བ་ལ་སྲེད་དེ། ཐོག་མ་དང་ཐ་མར་<br /> སེམས་དང་ཞིང་རྣོ་བའི་བྱེ་བྲག་འབྱེད་པ་ཚོར་བའི་འདོད་ཆགས་སྐྱེས་སོ། །དེའི་ཚེ་ལྷའི་བདུད་ཀྱིས་སྐབས་རྙེད་ན་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ཏེ། བདུད་ཀྱིས་བསླུས་པ་ལ་བདག་གིས་བླ་<br /> ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་ཏེ། རིགས་ཀྱི་བུ་བྱེ་བྲག་འབྱེད་པའི་ཚོལ་བའི་ཐད་དུ་འོངས་ཏེ། གདིང་བ་བཏིང་ནས་ཆོས་བཤད་པ་དང་། ལུས་གཟི་བརྗིད་ཅན་དུ་གྱུར་ཏེ། དད་ཅིང་འོངས་པ་དག་ནི་ཞི་ཞིང་དུལ་ནས། དེ་དག་འཁོར་བའི་རྣམས་<br /> ཆོས་ཐོས་མོད་ཀྱི་ཞི་ཞིང་དུལ་ལོ། །མི་དེ་དག་གིས་ཀྱང་སངས་རྒྱས་སོ་སྙམ་མམ། མྱ་ངན་ལས་འདས་པ་དང་། བྱང་ཆུབ་དང་། ཆོས་ཀྱི་འདི་ཡིན་ནོ་སྙམ་དུ་སེམས་སོ། །བདག་གི་ཤ་ལུས་ནི་ཕའི་ཕ། བུའི་བུ་གཅིག་ལ་གཅིག་སྐྱེས་པ་ནི་ཆོས་ཀྱི་ཕུང་པོའི་<br /> སྐུ་ཡིན་ཏེ། རྣམ་པར་མ་ཆད་པ་ནི་འདི་དག་ཀུན་བས་དེ་ཉིད་སངས་རྒྱས་ཀྱི་ཁམས་ཡིན་ནོ། །གུད་ནས་སངས་རྒྱས་ཀྱི་ཞིང་དང་གསེར་གྱི་ཁ་དོག་ལྟ་བུ་མེད་དོ་ཞེས་སྨྲས་པ་དང་། མི་དག་གིས་ཡིད་ཆེས་པར་བཟུང་ནས། སྔ་མའི་སེམས་ནི་སྟོར་ཅིང་བརྗེད་ནས་<br /> <br /> img. 546 from Volume 64&lt;br&gt;<br /> སྲོག་ལུས་དེ་བརྟེན་ཏེ་ཡོད་མ་མྱོང་བ་ཐོབ་བོ་ཞེས་སོ། །དེ་དག་ལ་སོགས་པ་ནི་བླུན་ཞིང་འཁྲུལ་པས། བར་བར་ནི་བྱང་ཆུབ་སྙམ་ནས་བདག་གི་སེམས་བརྗེད་དེ་སྟོར་ནས། སངས་རྒྱས་ཀྱི་ཚུལ་ཁྲིམས་ནི་བཤིག །ལྐོག་ན་གཡེམ་པ་སྤྱོད་དོ། །ངག་གིས་སྲེད་<br /> པ་སྨྲ་སྟེ། མིག་དང་རྣ་བ་དང་སྣ་དང་ལྕེ་ཀུན་སངས་རྒྱས་ཀྱི་ཞིང་ཡིན་ནོ། །ཕོ་མཚན་དང་མོ་མཚན་ནི་བྱང་ཆུབ་ཀྱི་ལམ་ཡིན་ཏེ། ཡང་དག་པའི་མྱ་ངན་ལས་འདས་པ་ནི་ལུས་ཀྱང་མི་ཤེས་སོ་ཞེས་སྨེ་བའི་ཚིག་སྨྲས་པ་དང་། དེ་ལ་ཡིད་ཆེས་པ་སྐྱེས་སོ། །དེའི་མིང་ནི་སྦྲུལ་<br /> དུག་ཅན་གྱི་ཡི་དགས་རྒས་ནས་བདུད་དུ་གྱུར་པའོ། །དེ་ནས་མི་དེ་ལ་སྐྱོ་བ་དང་། ཆོག་པའི་སེམས་སྐྱེས་ནས་མི་དེའི་ལུས་དང་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བར་མ་འཇུག་པར་སྔར་ཚོར་བར་གྱིས་ཤིག་དང་།<br /> འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་ཡང་ཚོར་བའི་ཕུང་པོ་ནི་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་ལས་ལྷུན་གྱིས་ལྟས་འབྱུང་བ་ཁྱབ་<br /> པར་སྤྱོད་ཞིང་། དང་བ་ནས་སེམས་སྲེད་ཅིང་གློ་བུར་གྱི་མངོན་རྟགས་ཚོར་བར་འདོད་དོ། །དེའི་ཚེ་ལྷའི་བདུད་ཀྱིས་སྐབས་རྙེད་ནས་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་ཀྱང་མདོ་སྡེ་དང་ཆོས་ཟབ་མོ་འཆད་པ་དང་། མི་དེས་མ་ཚོར་ནས། བདུད་ཀྱིས་བསླུས་<br /> པ་ལས་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་ཏེ། རིགས་ཀྱི་བུ་དག །གློ་བུར་གྱི་མངོན་རྟགས་ཚོལ་བའི་གན་དུ་འོངས་ནས་གདིང་བ་བཏིང་སྟེ། ཆོས་བཤད་པ་དང་། ཉན་པ་དག་ལ་སེམས་ཀྱི་སྐད་ཅིག་ཙམ་ཞིག་ལུས་བརྟན་ནས།<br /> ལོ་བརྒྱ་སྟོང་དུ་འགྲོགས་པ་དང་འདྲ་བར་ཆགས་ཏེ་འབྲལ་ཞིང་གཏོང་མི་ཕོད་དོ། །ལུས་ཀྱང་བྲན་གཡོག་དང་མཚུངས་པར་བྱེད་ཅིང་། འཚོ་བ་རྣམ་བཞིས་མཆོད་དེ། ངལ་ཞིང་སྐྱོ་བའི་སེམས་མི་སྐྱེའོ། །སོ་སོ་རང་རང་གི་སྔོན་གྱི་མཁན་པོ་དང་དགེ་བའི་བཤེས་གཉེན་ནོ་སྙམ་<br /> <br /> img. 547 from Volume 64&lt;br&gt;<br /> དུ་ཡང་སེམས་སོ། །ཡང་ཆོས་ལ་སྲེད་པའི་སེམས་ཀྱང་སྐྱེས་ཏེ། དེ་ལ་ཆགས་པའི་སྦྱིན་དང་བསེ་རྩི་འདྲ་སྟེ། ཡོད་མ་མྱོང་བ་ཐོབ་བོ་ཞེས་ནས་བླུན་ཞིང་འཁྲུལ་པའི་མི་དེ་དག་ནི་སེམས་དེ་ལ་རྟེན་ཅིང་བསྙེན་ནས་སངས་རྒྱས་ཀྱི་ཚུལ་ཁྲིམས་སྡོམ་པ་ཡང་བཤིག་སྟེ། ལྐོག་ན་<br /> གཡེམ་པ་སྤྱོད། ངག་གིས་འདི་སྐད་སྨྲས་ཏེ། བདག་ནི་ཚེ་སྔ་མ་ལས་ཆེ་གེ་མོ་ཞིག་ཏུ་སྐྱེས་སོ། །ཆེ་གེ་མོ་ཞིག་གི་སེམས་ཅན་བསྒྲལ་ཏོ། །དེའི་ཚེ་ན་བདག་གི་ཆུང་མ་ཆེན་ཆུང་དང་། ཕུ་ནུ་བོ་དག་ཁྱེད་དང་འགྲོགས་ཏེ་འདིར་འོངས་སོ། །ཆེ་གེ་མོ་ཞིག་གི་ཁམས་སུ་ཆེ་<br /> གེ་མོ་ཞིག་གི་སངས་རྒྱས་ལ་མཆོད་པ་བྱས་ཡང་འོད་ཆེན་གནས་ན་སངས་རྒྱས་བཞུགས་ཏེ། དེ་དེ་བཞིན་གཤེགས་པ་ཐམས་ཅད་གནས་པའི་ས་ཡིན་ནོ་ཞེས་སྨྲས་པ་དང་། མི་དག་གིས་མ་ཚོར་ནས་བསླུས་པ་ལ་ཡིད་ཆེས་ཏེ་སྔ་མའི་སེམས་སྟོར་ཏོ། །དེ་ནི་རིམས་ནད་<br /> ཀྱིས་ཡི་དགས་རྒས་པ་དང་བདུད་དུ་གྱུར་པ་སྟེ། མི་དེ་ལ་གནོད་པ་བྱེད་དོ། །དེ་ནས་མི་དེ་ལ་སྐྱོ་ཞིང་ཆོག་པའི་སེམས་སྐྱེས་ནས། མི་དེའི་ལུས་ལས་བྲལ་བ་དང་མཁན་པོ་དང་སློབ་མར་བཅས་ཏེ། རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་<br /> སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་<br /> ལས་སེམས་ཟབ་མོ་ལ་འཇུག་པར་སྲེད་དེ། ལྷག་པར་འགྲུས་ཤིང་ཕུང་པོ་ཞི་བ་ལ་སྲེད། དང་བ་ལ་གནོད་ཅིང་ཚོལ་བའི་སེམས་སྐྱེས་སོ། །དེའི་ཚེ་ལྷའི་བདུད་ཀྱིས་སྐབས་རྙེད་ནས་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་ཆོས་བཤད་པ་དང་། མི་དེས་<br /> མ་ཚོར་ཏེ། བདུད་ཀྱིས་བསླུས་པ་ལ་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །རིགས་ཀྱི་བུ་དག་དང་བ་འདོད་ཅིང་ཚོལ་བའི་གན་དུ་འོངས་ན་གདིང་བ་བཏིང་སྟེ། ཆོས་བཤད་པ་དང་། ཆོས་ཉན་པའི་མི་དག་ཀྱང་སོ་སོ་ནས་ཕྱིན་ཕྱིན་<br /> <br /> img. 548 from Volume 64&lt;br&gt;<br /> པར་བརྩོན་ཞིང་འགྲུས་སོ། །འཁོར་དེའི་ནང་ནས་མི་ཅིག་ལ་སྨྲས་པ། ཁྱོད་མ་ཤི་བར་བྱོལ་སོང་གི་ལུས་ཐོབ་བོ། །ཡང་མི་ཅིག་ལ་བསྒོ་བ། ཁྱོད་སོང་ལ་དེའི་མཇུག་མ་ལ་རྫིས་ཤིག་ཅེས་བྱས་པ་དང་། མི་དེ་ཡང་ལྡང་མི་ནུས་སོ། །དེའི་འཁོར་ཐམས་<br /> ཅད་ཀྱིས་གུས་པའི་སེམས་བསྐྱེད་ནས་རང་དུལ་ཞིང་ཞིའོ། །མི་དེ་དག་གི་སེམས་ལྟ་ཡང་ནུས་སོ། །སངས་རྒྱས་ཀྱི་ཚུལ་ཁྲིམས་བཤིག །དཀའ་ཐུབ་བསྐྱེད། དགེ་སློང་ལ་སྐུར་པ་འདེབས། དགེ་འདུན་ལ་ཁ་ཟེར། མི་དག་ལ་ཀླན་ཀ་ཚོལ། འཛེམ་པའི་བག་མེད།<br /> ལྟས་བཟང་ངན་དག་ངག་གིས་སྨྲས་ནས། ཆུང་ངུ་སྐྲ་ཉག་མ་ཙམ་ཡང་མི་ནོར་བར་དུས་བཞིན་དུ་འགྱུར་ཏེ། དེ་ནི་སྟོབས་པོ་ཆེའི་ཡི་དགས་རྒས་པ་དང་། བདུད་དུ་གྱུར་ཏེ་མི་དེ་ལ་གནོད་པར་བྱེད་དོ། །དེ་ནས་མི་དེ་ལ་སྐྱོ་ཞིང་ཆོག་པའི་སེམས་སྐྱེས་ནས། དེའི་ལུས་ལས་བྲལ་<br /> བ་དང་མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཡང་རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་<br /> ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་ལས། མ་མཐོང་བ་དང་མ་ཐོས་པ་ལ་སེམས་སྲེད་ཅིང་། དཀའ་ཐུབ་དང་། སྔ་ཕྱིའི་དྲན་པ་འདོད་ཅིང་ཚོལ་ལོ། །དེའི་ཚེ་ལྷའི་བདུད་ཀྱིས་སྐབས་རྙེད་ནས་ནམ་མཁའི་ལྷ་རྫུ་བས་མི་དེ་<br /> ལ་ཞུགས་ཏེ། ངག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ནས། བདུད་ཀྱིས་བསླུས་པ་ལས་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །རིགས་ཀྱི་བུ་དག་སྔ་ཕྱི་དྲན་པའི་འདོད་པའི་ཐད་དུ་འོངས་ནས་གདིང་བ་བཏིང་<br /> སྟེ་ཆོས་འཆད་དོ། །མི་དེས་སེམས་ཀྱི་སྐད་ཅིག་ཙམ་ཞིག་ཆོས་བཤད་པའི་གན་དུ་བར་བར་ནི་བདུད་བྱེད་དོ། །བྱོལ་སོང་དུ་སྤྲུལ་ཏེ་ནོར་བུ་རིན་པོ་ཆེ་དག་བླངས་ནས་ནོར་བུ་དག་སོས་འཛིན་ནོར་བུ་སྣ་ཚོགས་གཞན་ཡང་དེ་བཞིན་འཛིན། བར་བར་ནི་ལུས་བསྒྱུར་ཏེ། ནོར་བུ་སྣ་<br /> <br /> img. 549 from Volume 64&lt;br&gt;<br /> ཚོགས་གཞན་ཡང་མི་དག་ལ་སྦྱིན་པར་བྱེད་ཅིང་སླར་ཡང་ཁོང་དུ་ཞུགས་སོ། །བར་བར་ནི་མི་དག་སའི་འོག་ཏུ་ཁྲིད་དེ་ནོར་བུ་རིན་པོ་ཆེ་བསྟན་ནས་རིན་པོ་ཆེ་ཟླ་འོད་འབར་བ་སྣང་སྟེ། ཆོས་ཉན་པ་རྣམས་ཀྱང་ཡོད་མ་མྱོང་བ་ཐོབ་བོ་ཞེས་ཟེར་རོ། །སྨན་དང་རྩྭ་སྣ་ཚོགས་མང་དུ་<br /> ཟ་སྟེ། ཁ་ཟས་བཟང་པོ་ནི་མི་ཟའོ། །བར་བར་ནི་ནས་འབྲུམ་བུ་གཅིག་དང་། གསོ་མ་འབྲུམ་བུ་གཅིག་ཟོས་ཀྱང་བདུད་ཀྱི་སྟོབས་ཀྱི་ཕྱིར་ལུས་ཚོན་པོར་གྱུར་ཏོ། །དགེ་སློང་ལ་སྐུར་པ་འདེབས། དགེ་འདུན་ལ་ཁ་ངན་ཟེར་ཡང་གཞན་དག་གིས་དཔྱས་སུ་བྱ་བར་<br /> མི་དོགས་སོ། །ཡུལ་ཁམས་གཞན་གྱི་རིན་པོ་ཆེའི་འབྱུང་གནས་དང་། ཕྱོགས་བཅུའི་འཕགས་པ་རྣམས་ལུས་སྦས་པ་ཡང་སྟོན་ཅིང་སྨྲའོ། །བར་བར་ནི་འགྲོགས་པའི་མིས་ཀྱང་ངོ་མཚར་ཆེ་བའི་མི་དག་མཐོང་སྟེ། དེའི་མིང་ནི་རིའི་ཤིང་ཁྲོད་དང་ས་དང་<br /> ཡུལ་དང་མཁར་དང་། བཙོན་རའི་ཡི་དགས་རྣམས་རྒས་ཏེ་བདུད་དུ་གྱུར་པའོ། །བར་བར་ནི་གཡེམ་པ་སྤྱོད་ཅིང་སངས་རྒྱས་ཀྱི་ཚུལ་ཁྲིམས་དང་འདུལ་བ་བཤིག །མི་དག་ཀྱང་གཡེམ་པ་སྤྱོད་དུ་བཙུད་དོ། །བརྩོན་འགྲུས་བསྐྱེད་དེ་རྩྭ་དང་ཤིང་ཟ་ཞིང་གཅིག་<br /> ཏུ་མ་འཆད་པའི་ལས་དག་ཀྱང་བྱེད་དོ། །མི་དེ་ལ་གནོད་པར་བྱེད་དོ། །དེ་ནས་མི་དེ་ལ་སྐྱོ་བ་དང་། ཆོག་པའི་སེམས་སྐྱེས་ནས་ལུས་ལས་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་ཆད་པ་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་<br /> སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཡང་རིགས་ཀྱི་བུ་དག་ཚོར་བའི་ཕུང་པོ་ནི་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་<br /> ལས་རྫུ་འཕྲུལ་སྣ་ཚོགས་བྱེད་པ་ལ་ཡང་སེམས་སྲེད་དེ། ཡུན་རིང་དུ་སྦྱངས་ན་མཐུ་སྟོབས་འཐོབ་པར་འདོད་དོ། །དེའི་ཚེ་ལྷའི་བདུད་ཀྱིས་གླགས་རྙེད་དེ། ནམ་མཁའི་ལྷ་རྫུ་བས་མི་དེ་ལ་ཞུགས་ནས། ངག་གིས་མདོ་སྡེ་དང་། ཆོས་བཤད་པ་དང་། མི་དེས་<br /> <br /> img. 550 from Volume 64&lt;br&gt;<br /> མ་ཚོར་ཏེ། བདུད་ཀྱིས་བསླུས་པ་ལ་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །སྤྲུལ་འདོད་པའི་རིགས་ཀྱི་བུ་དག་གི་ཐད་དུ་འོངས་ནས་གདིང་བ་བཏིང་སྟེ། ཆོས་བཤད་ནས་མི་དག་གི་ལག་པས་མི་དེའི་འོད་འཛིན་དུ་<br /> བཅུག་སྟེ། འོད་དེས་ཆོས་ཉན་པ་སྡེ་བཞིའི་མགོའི་སྟེང་དུ་གཏོད་པ་དང་། ཆོས་ཉན་པ་དེ་དག་གི་མགོའི་སྟེང་དུ་འོད་ཁ་དོག་དུ་མར་འབར་ཡང་། ཚ་བའི་རང་བཞིན་ཡང་མེད། ཚིག་པ་ཡང་མེད་དོ། །བར་བར་ནི་ཆུའི་སྟེང་ན་ས་ལ་འགྲོ་བ་བཞིན་དུ་འགྲོའོ། །བར་བར་<br /> ནི་ནམ་མཁའ་ལ་མི་གཡོ་བར་འདུག་གོ། །བར་བར་ནི་རིལ་བའི་ནང་དང་རྐྱལ་པའི་ནང་དུ་ཡང་འདུག་གོ། །བར་བར་ནི་རྩིག་པ་ལ་ཡང་ཐོགས་པ་མེད་པར་འགྲོ་སྟེ། མཚོན་ཆ་དང་དམག་ལ་རང་དབང་ཐོབ་བོ། །བདག་ཉིད་སངས་རྒྱས་ཡིན་ནོ་ཞེས་སྨྲས་ཏེ། གོས་སྐྱ་བོ་ལུས་ལ་གྱོན་<br /> ནས། དགེ་སློང་དག་ཕྱག་འཚལ་དུ་འཇུག །བསམ་གཏན་དང་། ཚུལ་ཁྲིམས་ལ་ནི་སྐུར་པ་འདེབས། དགེ་འདུན་ལ་ནི་ཁ་ངན་ཟེར། མི་དག་ལ་ཀླན་ཀ་ཚོལ་ཡང་གཞན་གྱིས་དཔྱས་སུ་བྱ་བར་མི་དོགས་ཏེ། ཚིག་ཏུ་ནི་རྫུ་འཕྲུལ་གྱི་དབང་གི་གཏམ་དག་སྨྲའོ། །བར་<br /> བར་ནི་མི་དག་ལ་སངས་རྒྱས་ཀྱི་ཞིང་མཐོང་བར་སྟོན་ཏེ། དེ་ནི་ཡི་དགས་ཀྱིས་བྱིན་གྱིས་བརླབས་ཏེ་བདེ་བ་མ་ཡིན་ནོ། །གཡེམ་པ་སྤྱོད་པ་ལ་བསྟོད། ཁ་ན་མ་ཐོ་བའི་སྡིག་ཆེན་པོ་ཡང་མི་འཛེམ་སྟེ། མི་ཚངས་པར་སྤྱོད་པ་ལ་ཆོས་གཏམས་པ་ཡིན་ནོ་ཞེས་ཟེར་ཏེ། དེའི་<br /> མིང་ནི་ནམ་མཁའ་དང་སའི་ལྷ་མཐུ་བོ་ཆེ་དང་། རིའི་ལྷ་དང་། མཚོའི་ལྷ་དང་། རླུང་གི་ལྷ་དང་། ཆུ་ཀླུང་གི་ལྷ་དང་། ས་རྡོའི་ལྷ་དང་། རྩྭ་དང་རྩི་དང་། ཤིང་ཐམས་ཅད་ཀྱི་ལྷ་དང་། བསྐལ་པ་བརྩེགས་པའི་ལྷ་དང་། སེམས་སྒྱུར་བའི་ལྷ་དང་། སེམས་སྒྱུར་<br /> བའི་ཀླུ་འབྲུག་དང་། དྲང་སྲོང་ཚེ་རིངས་པོ་ཚེ་ཟད་ནས། ཡི་དགས་སུ་གྱུར་པ་དང་། དྲང་སྲོང་ཚེ་ཟད་པ་ལོ་གྲངས་ཀྱིས་འཆི་བ་ལ་ཐུག་པ་ལུས་མ་རྗེས་པ་དང་། གུད་ནས་ལྟས་ངན་གྱི་ཡི་དགས་རྣམས་དེའི་ཁོང་དུ་ཞུགས་ཏེ་རྒས་ཟིན་ནས་བདུད་དུ་གྱུར་ཏེ་མི་དེ་ལ་གནོད་<br /> <br /> img. 551 from Volume 64&lt;br&gt;<br /> པར་བྱེད་དོ། །དེ་ལས་སྐྱོ་བ་དང་། ཆོག་པའི་སེམས་སྐྱེས་ནས་ལུས་དང་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །དེ་བས་ན་ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་<br /> མེད་པའི་སེམས་ཅན་དམྱལ་བར་ལྟུང་ངོ་། །ཡང་རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་ལས་ལོག་པར་འཇུག་པ་ལ་སྲེད་ཅིང་ཚོལ་ཏེ། ཡུན་རིང་དུ་སྦྱོང་ཞིང་སྟོང་<br /> པ་ཟབ་མོའི་རང་བཞིན་ལ་འཇུག་སྟེ། དེ་ལ་འདོད་ཅིང་ཚོལ་ལོ། །དེའི་ཚེ་ལྷའི་བདུད་ཀྱིས་གླགས་རྙེད་དེ། ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ཚིག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ཏེ། བདུད་ཀྱིས་བསླུས་པ་ལ་བདག་གིས་མྱ་ངན་<br /> ལས་འདས་སོ་སྙམ་དུ་སེམས་སོ། །རིགས་ཀྱི་བུ་དག་འགོག་པ་སྲེད་པའི་ཐད་དུ་ཕྱིན་ནས་གདིང་བ་བཏིང་སྟེ། ཆོས་བཤད་ནས་འཁོར་མང་པོའི་ནང་དུ་བདག་གི་ལུས་སེམས་ཀྱི་སྐད་ཅིག་ཙམ་ཞིག་སྟོང་པར་གྱུར་ཏེ། འཁོར་གྱིས་མི་མཐོང་བར་བྱེད། ཡང་སྟོང་པའི་<br /> ནང་ནས་སེམས་ཀྱི་སྐད་ཅིག་ཙམ་གྱིས་བྱུང་སྟེ། འབྱུང་བ་དང་ནུབ་པར་བྱེད་པའི་དབང་ཐོབ་བོ། །བར་བར་ནི་ལུས་བཻ་དཱུརྱ་ལྟ་བུར་སྟོན། བར་བར་ནི་ལག་པ་ཐུར་དུ་དཔྱངས་ཏེ་ཙན་དན་གྱི་དྲི་འབྱིན། བར་བར་ནི་ཕྱི་ས་ཆེ་ཆུང་ཡང་ཁར་སྟུག་པོ་དང་འདྲའོ། །ཚུལ་<br /> ཁྲིམས་དང་འདུལ་བ་ལ་ཡང་སྐུར་པ་འདེབས་ཤིང་རབ་ཏུ་བྱུང་བ་ལ་བརྙས་ཤིང་ཚོད་འཛིན་ཏོ། །ཚིག་ཏུ་ནི་རྟག་པར་རྒྱུ་མེད་འབྲས་བུ་མེད་དོ། །ལན་ཅིག་ཤི་ནས་ཡུན་དུ་མེད་དེ། ཡང་སྲིད་ཕྱི་མ་དང་། འཕགས་པ་དང་། སེམས་ཅན་གྱི་ལུས་ཀྱང་མེད་དོ་ཞེས་<br /> སྨྲའོ། །སྟོང་ཞིང་དག་པ་མ་ཐོབ་མོད་ཀྱི་ལྐོག་ན་མི་ཚངས་པར་སྤྱོད་ཅིང་གཡེམ་པ་སྤྱོད་དོ། །ཡང་སྟོང་པའི་སེམས་ཐོབ་སྟེ། རྟེན་ཅིང་འབྲེལ་པར་འབྱུང་བ་མེད་དོ་ཞེས་སྨྲའོ། །དེའི་མིང་ནི་ཉི་ཟླ་སྒྲིབ་པར་བྱེད་པའི་ལྷ་མ་ཡིན་སྒྲ་གཅན་དང་། གསེར་དང་། ཤེལ་<br /> <br /> img. 552 from Volume 64&lt;br&gt;<br /> དང་བཀྲ་ཤིས་ཀྱི་རྩྭ་དང་། གྱི་ལིང་དང་། རུ་སྦལ་དང་གཞན་ལོ་སྟོང་ཁྲི་ལོན་པའི་ཚེ་རིང་པོ་ལྷ་མ་ཡིན་དུ་གྱུར་པ་དེ་ཡུལ་ཁམས་སུ་སྐྱེ་ཤིང་འབྱུང་བ་རྒས་པ་དང་བདུད་དུ་གྱུར་ནས་མི་དེ་ལ་གནོད་པར་བྱེད་དོ། །དེ་ནས་མི་དེ་ལས་སྐྱོ་ཞིང་ཆོག་པའི་སེམས་སྐྱེས་<br /> ནས། དེའི་ལུས་དང་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་<br /> ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་འབྱུང་བ་ལས་སེམས་ལ་ཚེ་རིང་པོར་སྲེད་པའི་སེམས་སྐྱེས་ཏེ། ཡུན་རིང་དུ་ཚེ་རིང་བ་ཚོལ་ཞིང་སྲེད་དེ། ཕུང་པོའི་ཡན་ལག་བོར་ནས་ཅིག་ཅར་ཚེ་ལ་རང་<br /> དབང་གིས། ལུས་ཐོབ་ཅིང་ཕྲ་བའི་གཟུགས་རྟག་པར་འགྱུར་དུ་རེའོ། །དེའི་ཚེ་ལྷའི་བདུད་ཀྱིས་གླགས་རྙེད་ན། ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ཚིག་གིས་མདོ་སྡེ་དང་། ཆོས་བཤད་པ་དང་། མི་དེས་བདུད་ཀྱིས་བསླུས་པར་མ་ཚོར་ནས་བདག་གིས་བླ་ན་<br /> མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །རིགས་ཀྱི་བུ་ཚེ་རིང་བར་འདོད་པའི་ཐད་དུ་ཕྱིན་ཏེ། གདིང་བ་བཏིང་ནས་ཆོས་འཆད་ཅིང་འདི་སྐད་དུ་སྨྲས་ཏེ། ཁམས་གཞན་དུ་ཡང་ཐོགས་པ་མེད་པར་འགྲོའོ། །བར་བར་ནི་དཔག་ཚད་ཁྲིའི་བར་དུ་ཕྱིན་<br /> ཏོ། །དབུགས་གང་ཙམ་གྱིས་སླར་འཁོར་ཏོ། །ཁམས་གཞན་ནས་ནོར་བླངས་ཏེ་ཁྱེར་ཞིང་འོང་ངོ་། །བར་བར་ནི་ཁྱིམ་གཅིག་ན་ལྷན་ཅིག་འདུག་པ་དག་ལ་ཡང་གོམ་པ་འགའ་ཙམ་ལ་ཡང་ཤར་ཕྱོགས་ཀྱི་རྩིག་དྲུང་ནས་ནུབ་ཕྱོགས་ཀྱི་རྩིག་པའི་བར་དུ་མགྱོགས་<br /> པར་སོང་ཡང་ལོ་དུ་མར་ཡང་མི་ཕྱིན་པར་བྱེད་དེ། དེའི་ཕྱིར་སེམས་ཅན་དག་ཡིད་ཆེས་པར་བྱེད་དེ། ཡིད་ཆེས་ནས་དེ་ཉིད་སངས་རྒྱས་ཡིན་ནོ་སྙམ་དུ་སེམས་སོ། །ཚིག་ཏུ་ནི་ཕྱོགས་བཅུའི་སེམས་ཅན་ཐམས་ཅད་ངའི་བུ་ཡིན། བདག་ལས་སངས་རྒྱས་ཐམས་ཅད་སྐྱེས།<br /> <br /> img. 553 from Volume 64&lt;br&gt;<br /> ངའི་འཇིག་རྟེན་དུ་བྱུང་། ང་ནི་ཡེ་ནས་སངས་རྒྱས་པ་ཡིན་ཏེ། འཇིག་རྟེན་དུ་འབྱུང་མོད་ཀྱི། འདུས་བྱས་ལས་སྐྱེས་པ་མ་ཡིན་ནོ་ཞེས་ཟེར་ཏེ། དེའི་མིང་ནི་འཇིག་རྟེན་གྱི་རང་དབང་ཅན་གྱི་ལྷའི་བདུད་ཡིན་ཏེ། རང་གི་གཉེན་བཤེས་ཀྱང་ལས་བྱེད་དུ་བཅུག་ནས། ཙ་<br /> མུན་ཆའི་ཡི་དགས་མོ་དང་། ཕྱོགས་བཞིའི་རྒྱལ་པོ་དང་། ཤ་ཟའི་བུ་དང་འདྲ་སྟེ། སུས་བྱང་ཆུབ་ཏུ་སེམས་བསྐྱེད་པ་དང་། ཏིང་ངེ་འཛིན་དང་བྲལ་བའི་མི་དག་གི་ཁུ་ཆུ་འཐུང་ངོ་། །བར་བར་ནི་སྟོན་པའི་མཁན་པོ་མེད་པ་རང་དགེ་བའི་སྤྱོད་པ་དག་གིས་མཐོང་བ་དང་།<br /> ང་ནི་རྡོ་རྗེ་འཆང་བ་ཡིན་ཏེ་ཁྱོད་ལ་ཚེ་རིང་བར་བྱའོ་ཞེས་སྨྲའོ། །ཆེད་འགའ་ནི་བུད་མེད་བཟང་མོར་སྤྲུལ་ཏེ། གཡེམ་པ་རྒྱས་པར་སྤྱད་ནས་ལོ་མང་པོ་མ་ལོན་པར་གླན་པ་དང་མཆིན་པ་སྐམས་སོ། །རང་གཅིག་པུ་ཡང་སྨྲ་བར་བྱེད་དོ། །མི་དག་དང་ཕྲད་དེ་གཏམ་བྱས་ནས་<br /> གླེན་པར་འགྱུར་བར་བྱེད། མིའི་སེམས་སྒྱུར་ཞིང་མི་དག་ལ་གནོད་པར་བྱེད་དོ། །དེ་དག་གིས་མ་ཚོར་ནས་རྒྱལ་པོའི་གྱོད་ལ་ཐོགས་སོ། །འཆི་བའི་ཚེ་དུས་ལ་མ་བབ་པར་སྐམས་ཏེ་འཆིའོ། །གློ་བུར་དུ་ཡང་འཆི་བར་འགྱུར་རོ། །ཁྱོད་འཁོར་བ་ལ་མ་འཇུག་པར་སྔར་<br /> ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །དགའ་བོ་བདུད་དེ་རྣམས་བཅུ་ནི་མ་འོངས་པའི་དུས་ཀྱི་ཚེ་ངའི་གསུང་རབ་ལས་རབ་ཏུ་འབྱུང་སྟེ། ཆོས་ཀྱི་ལམ་སྒྲིབ་པའི་མིའི་སེམས་ཀྱི་ནང་དུ་འཇུག་<br /> པར་བྱེད་དོ། །རེས་འགའ་ནི་རང་མངོན་པར་སྟོན་པར་མི་དག་ལ་འདི་སྐད་དུ་སྨྲའོ། །ཡང་དག་པར་ཁྱབ་པར་ཤེས་པར་ཚོར་རོ། །གཡེམ་པ་སྤྱོད་པ་ལ་སྟོད་ཅིང་སངས་རྒྱས་ཀྱི་ཚུལ་ཁྲིམས་འཇིག་སྟེ། སྔར་ནི་མཁན་པོས་བསླུས་ཕྱིས་ནི་སློབ་མས་བསླུས་ཏེ། གཡེམ་<br /> པ་སྤྱོད་ཅིག་པར་གཅིག་གིས་གཅིག་འདོགས་པར་བྱེད་དོ། །དེ་ལྟར་ལྷ་མ་ཡིན་ཡིད་སྒྱུར་ཞིང་སེམས་ཀྱི་ཁོང་དུ་འཇུག་སྟེ། ཉེ་ན་ཚེ་རབས་དགུ། རིང་ན་ཚེ་རབས་བརྒྱའི་བར་དུ་དགེ་བ་སྤྱོད་ཅིང་། བདུད་ཀྱི་གཉེན་བཤེས་སུ་འགྱུར་རོ། །དེ་ནས་ཚེ་བརྗེས་ནས་བདུད་<br /> <br /> img. 554 from Volume 64&lt;br&gt;<br /> ཀྱི་བྲན་དུ་འགྱུར་རོ། །དེ་ནས་ཀྱང་ཡང་དག་པར་ཁྱད་པར་ཤེས་པའི་གྲལ་སྟོར་ནས་མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཁྱོད་ཟག་པ་ཟད་པ་ཐོབ་ཀྱང་ཞི་བའི་འགོག་པའི་ནང་དུ་མི་འཇུག་པར་སྔོན་གྱི་སྨོན་ལམ་མ་བཏབ་པར་ཕྱི་མའི་དུས་ངན་པའི་ཕྱི་མའི་<br /> ཚེ་སྙིང་རྗེ་ཆེན་པོ་བསྐྱེད་དེ། ཡང་དག་པར་དད་པའི་སེམས་ཅན་རྣམས་གྲོལ་ཞིང་ཐར་བར་གྱིས་ཤིག །བདུད་ཀྱིས་མི་ཚུགས་པར་ཡང་དག་པར་ཤེས་ཤིང་ཐོབ་པར་གྱིས་ཤིག །ངས་ཁྱོད་སྐྱེ་ཤི་ལས་ཐར་ཅིང་གྲོལ་བར་བྱས་སོ། །ད་ཁྱེད་སངས་རྒྱས་ཀྱི་བཀའ་བཙུན་<br /> པར་བྱོས་ཤིག་དང་། དེ་ནི་སངས་རྒྱས་ལ་ལན་ལྡོན་པ་ཡིན་ནོ། །དགའ་བོ་དེ་རྣམ་པ་བཅུ་ནི་ཏིང་ངེ་འཛིན་གྱི་སྔ་ལྟས་ཡིན་ཏེ། འདི་ཀུན་ནི་འདུ་བྱེད་ཀྱི་ཕུང་པོ་ཡིན་ནོ། །དེ་དག་ནི་བསྒོམ་པ་ནོར་བ་ལས་དེའི་ཕྱིར་འདི་འདྲ་བར་གྱུར་ཏེ། ཕོ་ཐེག་ཅན་གྱི་སྐྱེ་བོ་རྣམས་བསླད་<br /> ནས་རང་གི་ཉམས་དྲོད་མ་ཟིན་ཏེ། རྒྱུ་རྐྱེན་དེ་ལྟ་བུ་དང་ཕྲད་ནས་འཁྲུལ་པར་རང་གིས་མ་ཤེས་ཏེ། བདག་འཕགས་པའོ་སྙམ་དུ་སེམས་པ་དེ་ནི་བརྫུན་ཆེན་པོར་འགྱུར་ཏེ། མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཁྱེད་ལ་སོགས་པས་ང་མྱ་ངན་ལས་འདས་པའི་<br /> ཕྱིན་དེ་བཞིན་གཤེགས་པའི་བཀའ་ཕྱི་མའི་དུས་ཀྱི་ཚེ། སེམས་ཅན་ནོ་ཅོག་ལ་ཁྱབ་པར་མན་ངག་གཞག་ཅིང་འདིའི་དོན་སྟོན་ཏོ། །ཚོར་བར་གྱིས་ཤིག །ལྷའི་བདུད་ཀྱིས་སྐབས་མི་རྙེད་པར་གཟུངས་སུ་ཟུང་ཤིག །གདམས་ཤིང་བསྲུང་ན་བླ་ན་མེད་པའི་ལམ་<br /> འགྲུབ་བོ།། །།བམ་པོ་གཉིས་པ་སྟེ་ཐ་མ། དགའ་བོ་རིགས་ཀྱི་བུ་ཏིང་ངེ་འཛིན་ལ་མཉམ་པར་གཞག་པས་འདུ་ཤེས་ཀྱི་ཕུང་པོ་ཟད་པའི་མི་དེ་ལ་ནི་རྨི་ལམ་གྱི་འདུ་ཤེས་རྟག་པར་སྙོམས་པར་འགོགས་ནས། སད་པ་དང་གཉིད་ལོག་པར་རྟག་ཏུ་གཅིག་སྟེ།<br /> ཚོར་བ་གསལ་བས་སྟོང་ཞིང་དང་ངོ་། །དཔེར་ན་ནམ་མཁའ་དང་བྲལ། སྤྲིན་སྟུག་པོ་ཆེན་པོ་དག་གིས་ཁེབས་པ་མེད་དེ། འཇིག་རྟེན་ཐམས་ཅད་དུ་བལྟས་ན། ས་ཆེན་པོ་དང་། ཆུ་ཆེན་པོ་དང་། མི་དག་ཀྱང་མེ་ལོང་གི་ནང་དུ་འདུས་པར་སྣང་བཞིན་དུ་གཟུགས་བརྙན་<br /> <br /> img. 555 from Volume 64&lt;br&gt;<br /> འབྱུང་བ་ནའང་གོས་པ་མེད། ནུབ་པ་ན་ཡང་གྱུར་པ་མེད་དོ། །སྟོང་པའི་ལེན་པར་སྣང་བ་ལ་བརྟགས་ན། སྔོན་གྱི་བག་ཆགས་ཏེ། སྐྱེ་ཤིའི་རྩ་བའི་ངོ་བོ་ཉིད་དུ་རིག་ནས་བཙལ་དུ་མི་རྙེད་དེ། དང་པོ་དེ་ཁོ་ན་དང་རོ་གཅིག་གོ། །ཕྱོགས་བཅུ་ཐམས་ཅད་རིགས་བཅུ་གཉིས་ལས་<br /> སྐྱེས་པའི་སྐྱེ་བོ་རྣམས་ཀྱིས་དོན་མ་རྟོགས་མོད་ཀྱི། ཡུན་རིང་དུ་བསྒོམས་ན་སོ་སོ་ན་དོན་ཁོང་དུ་ཆུད་པར་འགྱུར་ཏེ། དཔེར་ན་རྐྱང་དང་འདྲ་བར་ཁད་ཀྱིས་འདུལ་ལོ། །དེའི་མིང་ནི་འདུ་བྱེད་ཀྱི་ཕུང་པོས་བསྒྲིབས་པའོ། །དེ་ལྟར་དང་བ་ལས་རྙོགས་པ་དེ་བགས་ཀྱིས་<br /> དང་བཞིན་ངོ་བོ་ཉིད་ལ་ཞུགས་ཏེ། གཅིག་དང་ན་བག་ཆགས་མེད་དོ། །དཔེར་ན་ཆུ་རྙོག་པ་ཅན་ལས་དང་སྟེ་སངས་ན་དང་བ་ཞེས་བྱ་སྟེ། དེའི་མིང་ནི་འདུ་བྱེད་ཀྱི་ཕུང་པོ་ཟད་ནས་མི་དེས་ནི་སེམས་ཅན་གྱི་སྙིགས་མ་ལས་འདས་པའོ། །དོན་དེ་ལ་བརྟགས་ན་ཟབ་<br /> ཅིང་མི་མཐོང་བའི་ཕྱིར་རོ། །དགའ་བོ་ཤེས་པར་བྱོས་ཤིག །ཡང་དག་པ་ཉིད་ཆུད་ཅིང་མཐོང་སྟེ། ཏིང་ངེ་འཛིན་དུ་འཇུག་པའི་རིགས་ཀྱི་བུ་དག་ཡང་དག་པ་དམིགས་སུ་མེད་པ་དེ་ཉིད་ལ་བཞག་ན། རིགས་ཀྱི་བུ་ལྷའི་བདུད་ཀྱང་སེམས་ཐག་ཆོད་དོ། །སྦྱངས་<br /> ཤིང་དང་བ་ཐོབ་ནས་རང་གི་རིགས་ཀྱི་རྩ་བ་ཤེས་ཏེ། རིགས་དེའི་ནང་གི་ཟབ་ཅིང་དང་བ་དེ་བརྟགས་ན། ཉོན་མོངས་པའི་འཁྲུལ་པའི་གཞི་རྒྱུ་བ་རྒྱས་པ་ལས་རྟོགས་པ་སྐྱེས་ནས་མི་དེ་ནི་རྒྱུ་མེད་པ་གཉིས་ཀྱི་ནང་དུ་ལྟུང་ངོ་། །དེ་ལ་གཅིག་ནི་མི་དེས་རྩ་བའི་གཞིའི་རྒྱུ་<br /> མཐོང་སྟེ། དེ་ཅིའི་ཕྱིར་ཞེ་ན། སེམས་ཅན་གྱི་རྩ་བ་བཤིག་པ་ཐོབ་ན། མིག་གི་རྩ་བ་བརྒྱད་བརྒྱའི་བསོད་ནམས་ཐོབ་སྟེ། བསྐལ་པ་བརྒྱད་ཁྲི་ཚུན་ཆད་ཀྱི་སེམས་ཅན་ཅི་ཡོད་པ་ལས་འཁོར་ཏེ། འདིར་ཤི་ནས་ཕ་རོལ་དུ་སྐྱེས་ཏེ། འཁོར་བ་དེ་ཉིད་དུ་སེམས་<br /> ཅན་འཁོར་བས་མཐོང་ངོ་། །བསྐལ་པ་བརྒྱད་ཁྲི་ཚུན་ཆད་ཀྱི་མི་སྣང་སྟེ། བལྟར་མེད་པས་དེ་ལྟ་བུར་ཤེས་སོ་སྙམ་དུ་སེམས་ཏེ། འཇིག་རྟེན་འདི་ལ་སོགས་པ་ཕྱོགས་བཅུའི་སེམས་ཅན་བསྐལ་པ་བརྒྱད་ཁྲི་ནས་རྒྱུ་མེད་པར་རང་བཞིན་གྱིས་ཡོད་དོ་སྙམ་དུ་རྟོག་པའི་ཕྱིར།<br /> <br /> img. 556 from Volume 64&lt;br&gt;<br /> ཡང་དག་པ་དམ་པའི་གྲལ་སྟོར་ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །གཉིས་ནི་མི་དེས་ཕྱི་མའི་རྒྱུ་མེད་པ་ལ་བལྟས་ཏེ། དེ་ཅིའི་ཕྱིར་ཞེ་ན། མི་དེས་སྐྱེ་ཤིའི་རྩ་བ་མཐོང་སྟེ། མི་ནི་མིར་སྐྱེ་བར་ཤེས། བྱ་ནི་བྱར་སྐྱེ་བར་<br /> རིག །བྱ་རོག་ནི་ཡོངས་གནག །བཞད་ནི་ཡོངས་དཀར། ལྷ་དང་མི་ནི་ཡོངས་ཀྱིས་འགྲེང་། བྱོལ་སོང་ནི་ཡོངས་ཀྱིས་རྒུར་དཀར་པོ་ནི་བཀྲུས་ཏེ་གྱུར་པ་ཡིན། ནག་པོ་ནི་བཅོས་པ་ལས་གྱུར་པ་ཡིན་ཏེ། བསྐལ་པ་བརྒྱད་ཁྲིའི་བར་དུ་འགྱུར་བ་མེད་དོ། །ད་ལྟར་གྱི་<br /> དུས་འདི་མ་ཟད་ཀྱི་བར་དུ་དེ་བཞིན་ནོ། །ངས་ནི་ཡོད་ནས་བྱང་ཆུབ་མཐོང་སྟེ། དེ་ཅིའི་ཕྱིར་ཞེ་ན། བྱང་ཆུབ་འགྲུབ་པ་ཡོད་དོ། །ཤེས་པར་གྱིས་ཤིག །དེ་རིང་ཅི་ཡོད་པའི་ནོར་རྫས་ཡོད་ནས་རྒྱུ་མེད་པའོ་ཞེས་དེ་ལྟ་བུ་རྟོག་པའི་ཕྱིར། ཡང་དག་པ་ཁྱབ་པའི་ཤེས་པ་སྟོར་<br /> ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་རོ། །དེའི་མིང་ནི་རྒྱུ་མེད་པའི་མུ་སྟེགས་ཅན་དང་པོའོ། །ཡང་དགའ་བོ་རིགས་ཀྱི་བུ་དག་ཏིང་ངེ་འཛིན་ལས་མི་དམིགས་པའི་ཡང་དག་པ་ཉིད་ལ་མཉམ་པར་བཞག་ན། བདུད་རྣམས་སེམས་ཐག་ཆོད་དོ། །རང་གི་<br /> རྒྱུ་བའི་རྩ་བའི་ཤེས་ཏེ། ཟབ་མོ་དང་བདེ་བ་ལ་བརྟགས་ན་རྟག་པར་རྒྱས་པའི་ནང་ནས་སེམས་ཅན་ལ་ཚོད་འཛིན་ཏེ། མི་དེ་ནི་རྟག་པར་ཁྱབ་པར་ལྟ་བ་བཞིའི་ནང་དུ་ལྟུང་ངོ་། །དེ་ལ་དང་པོ་ནི་དེས་སེམས་དང་སེམས་ཀྱི་ཡུལ་གཉིས་ནང་ནས་རང་བཞིན་དུ་རྒྱུ་མེད་ཀྱང་སྤྱོད་པའི་ཚེ་<br /> ཤེས་པར་འགྱུར་རོ་ཞེ་ན། བསྐལ་པ་ཉི་ཁྲིའི་བར་དུ་ཕྱོགས་བཅུའི་སེམས་ཅན་ཇི་སྙེད་ཡོད་པའི་སྐྱེ་ཤིའི་འཁོར་བར་སྐྱེ་ཤི་ལ་འཁོར་ཏེ་གྱེས་ཤིང་སྟོར་མ་མྱོང་བས་དེ་ནི་རྟག་པ་སྙམ་དུ་སེམས་སོ། །དེ་ལ་གཉིས་པ་ནི་མི་དེས་ཁམས་བཞི་ལ་བལྟས་ནས་ཁམས་བཞི་རང་བཞིན་རྟག་<br /> པར་འདུག་སྟེ། སྤྱོད་ཅིང་སྦྱངས་པ་ལས་ཤེས་པར་འགྱུར་རོ། །བསྐལ་པ་བཞི་ཁྲིའི་བར་དུ་ཕྱོགས་བཅུའི་སེམས་ཅན་གྱི་སྐྱེ་ཤི་ཇི་སྙེད་པ་ཀུན་རྟག་སྟེ། གྱེས་ཤིང་སྟོར་མ་མྱོང་སྟེ། དེ་ནི་རྟག་པ་སྙམ་མོ། །དེ་ལ་གསུམ་དུ་ནི་མི་དེས་སྐྱེ་མཆེད་དྲུག་ཐམས་ཅད་ལ་བལྟས་ན། འཇུག་<br /> <br /> img. 557 from Volume 64&lt;br&gt;<br /> པའི་ཡིད་ཀྱི་རྣམ་པར་ཤེས་པའི་ནང་ན་ཐོག་མ་ནས་གནས་མེད་དེ་རང་བཞིན་རྟག་པའི་ཕྱིར་སྤྱད་ཅིང་སྦྱངས་ན་གདོད་ཤེས་སོ། །བསྐལ་པ་བརྒྱད་ཁྲིའི་བར་དུ་སེམས་ཅན་ཐམས་ཅད་འཁོར་ཏེ། དེ་ཡེ་ནས་རྟག་པ་ལ་གནས་པས་གྱེས་ཤིང་སྟོར་བ་མ་མྱོང་སྟེ། དེ་ལྟར་རྟག་གོ་སྙམ་<br /> མོ། །དེ་ལ་བཞིན་ནི་མི་དེས་འདུ་ཤེས་ཀྱི་རྩ་བ་ཟད་ནས་འཁོར་བའི་སྐྱེ་ཤི་མེད་དེ། སྐྱེ་བ་དང་འཆི་བའི་འཁོར་བའི་རྒྱུ་བ་འགོག་པ་དང་འདུ་ཤེས་སེམས་ནི་ཡོངས་ནས་ཟད་པས་དེ་ནི་ཡང་མོས་མེད་དོ། །དེའི་དོན་གྱིས་ནང་ན་རང་གི་སྐྱེ་ཤི་མེད་པར་གྲུབ་སྟེ། རྟག་གོ་སྙམ་<br /> དུ་རྟོག་པའི་ཕྱིར་ཡང་དག་པར་ཤེས་པའི་གྲལ་སྟོར་ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ལམ་ནི་འཁྲུལ་ཏོ། །དེའི་མིང་ནི་རྟག་པར་ཁྱབ་པའི་མུ་སྟེགས་ཅན་གཉིས་པའོ། །རིགས་ཀྱི་བུ་དག་ཡང་དག་པ་ཉིད་ལ་ཏིང་ངེ་འཛིན་ལ་རྩེ་གཅིག་ཏུ་བར་ཆད་མེད་ན།<br /> བདུད་ཀྱི་ཐབས་ཀྱིས་མི་སླུས་སོ། །རང་གི་རྩ་བའི་རྒྱུ་ཤེས་ཏེ། ཟབ་མོ་དང་བ་དེ་ལས་བསྟན་ནས་རྟག་པར་བདག་དང་གཞན་དུ་རྟོག་པ་སྐྱེས་ཏེ། དེ་ནི་ཕྱིན་ཅི་ལོག་བཞིའི་ནང་ན་ལངས་ནས། ཁ་ཅིག་ནི་མི་རྟག །ཁ་ཅིག་ནི་རྟག་པར་མཐོང་ངོ་། །དེ་ལ་གཅིག་ནི་མི་<br /> དེས་སེམས་ཅན་གྱི་མཐོང་བ་ལ་ཞིག་ཏུ་བལྟས་ན། ཕྱོགས་བཅུའི་ཁམས་སུ་ངས་རྟག་པར་ཁྱབ་སྟེ། ཡོད་ནས་མི་གཡོ་སྙམ་ནས་ང་ནི་ཕྱོགས་བཅུར་ཁྱབ་ཅིང་སྨད་ལ་མི་གཡོ། །སེམས་ཅན་ཐམས་ཅད་ངའི་ནང་ནས་རང་སྐྱེ། རང་འཆི་སྟེ། ངའི་རང་བཞིན་ནི་རྟག་<br /> པ་ཡིན་ནོ། །ངའི་ནང་ནས་སྐྱེ་ཞིང་འཆི་བ་དེ་ནི་མི་རྟག་པའི་རང་བཞིན་སྙམ་མོ། །དེ་ལ་གཉིས་པ་ནི་མི་དེ་སེམས་ཅན་ལ་མི་ལྟ་བར་ཕྱོགས་བཅུའི་ཁམས་ལ་ཁྱབ་པར་བལྟས་ན། གང་གཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་ནི་བསྐལ་པས་འཇིག་པའི་གནས་སུ་<br /> མཐོང་སྟེ། ད་ནི་ཡོང་ནས་མི་རྟག་པ་ཡིན་ནོ། །སྣ་ཚོགས་ཀྱི་རང་བཞིན་གྱི་གནས་སྐབས་མ་ཞིག་པ་དེ་ནི་ཡེ་ནས་རྟག་པ་སྙམ་མོ། །གསུམ་པ་ནི་མི་དེས་སེམས་ཅན་ལ་བལྟས་ན་ང་དང་ཞིང་ཕྲ་བ་ནི་རྡུལ་ཕྲ་མོ་དང་འདྲ་སྟེ། ཕྱོགས་བཅུའི་ཁམས་ནས་འཁོར་ཞིང་རང་<br /> <br /> img. 558 from Volume 64&lt;br&gt;<br /> བཞིན་ལ་འགྱུར་བ་མེད་དེ། ལུས་དེ་ཡང་སྐྱེ་ཡང་འཆི་སྟེ། མི་ཞིག་པས་ངའི་རང་བཞིན་རྟག་པ་ཡིན་ནོ། །སྐྱེ་ཤི་ཐམས་ཅད་ནི་ང་ལས་བྱུང་ཞིང་རྒྱུ་སྟེ། རང་བཞིན་རྟག་པ་སྙམ་མོ། །དེ་ལ་བཞིན་པ་ནི་འདུ་ཤེས་ཀྱི་ཕུང་པོ་ནི་ཟད་པར་ཤེས། འདུ་བྱེད་ཀྱི་ཕུང་པོ་ནི་<br /> རྒྱུ་བར་མཐོང་སྟེ། འདུ་བྱེད་ཀྱི་ཕུང་པོ་ནི་རྟག་པར་རྒྱུ་སྟེ། རྟག་པར་གནས་པའི་རང་བཞིན་ཡིན་ནོ། །གཟུགས་དང་ཚོར་བ་དང་། འདུ་ཤེས་ལ་སོགས་པ་ནི་བཀག་ཅིང་ཟད་དེ། དེ་ནི་མི་རྟག་པ་ཡིན་ནོ་སྙམ་དུ་རྟོག་སྟེ། རྣམ་པ་ཁ་ཅིག་ནི་མི་རྟག་པ་སྙམ་དུ་སེམས་པ་<br /> དེ་ནི་མུ་སྟེགས་ཅན་གྱི་ནང་དུ་ལྷུང་ནས་བྱང་ཆུབ་ཀྱི་ངོ་བོ་ཉིད་ནོར་ཏོ། །དེའི་མིང་ནི་རྟག་པར་ལྟ་བའི་མུ་སྟེགས་ཅན་གསུམ་པའོ། །ཡང་རིགས་ཀྱི་བུ་དག་ཏིང་ངེ་འཛིན་ལས་ཡང་དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་རྣམས་སེམས་ཐག་ཆད་དོ། །རང་གིས་སའི་ནང་<br /> ནས་རྟོག་ཅིང་དམིགས་པ་སྐྱེས་ནས་མི་དེ་མཐའ་བཞིར་ལྷུང་ངོ་། །དེ་ལས་དང་པོ་ནི་མི་དེས་སྐྱེ་བའི་རྩ་བ་ལ་སེམས་ཆགས་ནས། རྒྱུ་བའི་སྤྱོད་པ་མ་ཆད་དེ། འདས་པ་དང་མ་འོངས་པའི་ནི་མཐའ་ཡིན་ཏེ། རྒྱུན་མི་འཆད་པ་ནི་མཐའ་དང་བྲལ་བར་སེམས་སོ། །གཉིས་པ་ནི་མི་<br /> དེས་བསྐལ་པ་བརྒྱད་ཁྲིའི་བར་དུ་བརྟགས་ན་དེ་ཕན་ཆད་ནི་སེམས་ཅན་དག་གིས་མཐོང་བ་དང་། ཐོས་པ་དང་། ཤེས་པའི་གནས་མེད་དེ། དེ་ནི་མཐའ་དང་བྲལ་བ་ཡིན་ནོ། །སེམས་ཅན་ཡོད་པའི་གནས་ནི་མཐའ་ཡོད་པ་སྙམ་དུ་སེམས་སོ། །གསུམ་པ་ནི་མི་དེས་<br /> ང་ནི་ཁྱབ་པོ་བར་ཤེས་ཏེ། མཐའ་དེ་བྲལ་བའི་རང་བཞིན་ཐོས་ནས་སེམས་ཅན་ཐམས་ཅད་ནི་ངའི་ནང་ནས་སྣང་ངོ་། །སེམས་ཅན་དག་གི་ཤེས་པའི་རང་བཞིན་ནི་ངས་ཀྱང་མི་ཤེས་སོ་ཞེས་དེའི་ཕྱིར་མཐའ་དང་བྲལ་བའི་སེམས་མ་ཐོབ་ནས་མཐའ་ལ་གནས་པའི་སེམས་ཀྱང་ཡོད་<br /> པ་སྙམ་མོ། །བཞི་པ་ནི་འདུ་བྱེད་ཀྱི་སྟོང་པ་ཉིད་རྗེས་བཅད་ན་སེམས་ཅན་ཐམས་ཅད་ལུས་གཅིག་གི་ནང་ནས་ཕྱེད་ནི་སྐྱེ། ཕྱེད་ནི་འཆིའོ་སྙམ་སྟེ། འཇིག་རྟེན་གྱི་ནང་ན་ཕྱེད་ནི་མཐའ་ཡོད། ཕྱེད་ནི་མཐའ་དེ་དང་བྲལ་བར་རྟོག་པའི་ཕྱིར་མུ་སྟེགས་ཅན་མཐའ་ཡོད་པ་དང་།<br /> <br /> img. 559 from Volume 64&lt;br&gt;<br /> མཐའ་མེད་པར་ལྟ་བའི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏེ། དེའི་མིང་ནི་མཐའ་ཡོད་པར་ལྟ་བའི་མུ་སྟེགས་ཅན་བཞི་པའོ། །རིགས་ཀྱི་བུ་དག་ཡང་ཏིང་ངེ་འཛིན་ཡང་དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་རྣམས་སེམས་ཐག་ཆོད་དོ། །སྐྱེ་བའི་<br /> རིགས་ཀྱི་རྩ་བ་ཟད་དེ། ཟབ་མོ་དང་བདེ་བ་ལ་བརྟགས་ན་ཉོན་མོངས་པ་རྟག་པར་འཁྲུལ་པའི་གཞི་རྒྱུ་བ་མ་ཟད་པས་རྟོག་པ་སྐྱེས་ཏེ། མི་དེ་ནི་ཕྱིན་ཅི་ལོག་བཞི་པའི་མི་སྐྱེ་བའི་ཁྱབ་པར་འཁྲུལ་པའི་རྗེས་སུ་དཔོག་པའི་མི་བདེན་པའོ། །དེ་ལ་གཅིག་ནི་མི་དེས་སེམས་ལྡང་<br /> དུབ་ཀྱི་རྩ་བ་ལ་བརྟགས་ན། སེམས་ནི་རྒྱུན་དུ་རྒྱུ་བར་མཐོང་སྟེ། དེ་ནི་འགྱུར་བ་གཅིག་གིས་གཅིག་བསགས་པ་ནི་རྟག་པ་སྙམ་སྟེ། སེམས་ཡོད་པར་མཐོང་བ་ནི་སྐྱེས་པ་ཞེས་བྱ། མཐོང་བ་ཉིད་མི་མཐོང་བ་དེ་ནི་འགོག་པ་ཞེས་བྱའོ། །སེམས་གཅིག་གིས་བསགས་པ་རྒྱུ་དེའི་<br /> གནས་མི་མཐོང་བ་ནི་རང་བཞིན་མ་ཆད་པའི་གནས་ཏེ། དེ་ནི་འཕེལ་བའོ། །ཡང་དག་པ་ཐུབ་པ་ཉིད་ཀྱི་ཐུབ་པའི་ནང་ནས་འབྲེལ་བ་ནི་འགོག་པ་ཞེས་བྱའོ། །སོ་སོའི་སྐྱེ་བོ་ནི་ཡོད་པའོ། །སོ་སོར་འཆི་བ་དེ་ནི་མེད་པ་ཞེས་བྱ་སྟེ། སྤྱིའི་དོན་ལ་བལྟས་ན་སྤྱོད་པ་ཐ་དད་པར་<br /> མཐོང་ངོ་། །ཆོས་འདོད་པའི་མི་དག་འོངས་ཏེ་དོན་དྲིས་ན། ལན་དུ་དང་ནི་སྐྱེ་ཡང་སྐྱེ། འགག་ཀྱང་འགག །ཡོད་ཀྱང་ཡོད། མེད་ཀྱང་མེད་དོ། །འཕེལ་ཡང་འཕེལ་ལ། འབྲི་ཡང་འབྲིའོ་ཞེས་ཐམས་ཅད་དུ་ཡང་འཁྲུལ་པར་སྨྲ་སྟེ། མི་གཞན་གྱི་ཚིག་གི་དོན་སྟོར་<br /> བར་བྱེད་དོ། །གཉིས་པ་ནི་མི་དེས་ཡང་དག་པར་སེམས་ལ་བརྟགས་ན་བར་བར་ནི་མེད་པའི་གནས་མེད་པར་རིག་སྟེ། མི་དག་གིས་ཆོས་དྲིས་ན་ཅི་ཡང་མེད་དོ་ཞེས་ཚིག་གཅིག་པུས་ལན་ལྡོན་ཏེ། མེད་དོ་ཞེས་བྱ་བའི་ཚིག་ལ་མ་གཏོགས་པ་གཞན་མི་སྨྲའོ། །གསུམ་པ་ནི་མི་<br /> དེས་ཡང་དག་པར་སེམས་ལ་བརྟགས་ན། སེམས་དེ་སོ་སོར་ཡོད་པའི་གནས་ན་ཡོད་པར་རིག་སྟེ། ཆོས་འདྲི་བའི་མི་དག་ལ་ཡོད་དོ་ཞེས་ཚིག་གཅིག་པུས་ལན་ལྡོན་ཏེ། དེ་ལ་མ་གཏོགས་པའི་ཚིག་གཞན་མི་སྨྲའོ། །བཞི་པ་ནི་མི་དེས་ཡོད་པ་དང་མེད་པ་གཉི་གར་མཐོང་<br /> <br /> img. 560 from Volume 64&lt;br&gt;<br /> སྟེ། རྣམ་པ་གཉི་གར་མཐོང་བའི་ཕྱིར་རང་གི་སེམས་འཁྲུག་གོ། །ཆོས་འདྲི་བའི་མི་དག་ལ་ཡང་ཡོད་ཀྱང་ཡོད། མེད་ཀྱང་མེད་དོ་ཞེས་ལན་ལྡོན་ཏེ། ཡོད་པའི་ནང་ན་ཡང་མེད་པའོ། །མེད་པའི་ནང་ན་ཡང་ཡོད་པ་ཡིན་ནོ་ཞེས་ནས། དུས་ཐམས་ཅད་<br /> དུ་ཡང་གཞན་གྱི་སེམས་དཀྲུགས་ཏེ་དྲི་བའི་སྐབས་ཀྱང་མེད་ནས། ད་དུང་དེ་ལ་སྟོར་ཞིང་མེད་དོ་ཞེས་དཔྱོད་པའི་འཁྲུག་པའི་ཕྱིར་མུ་སྟེགས་ཅན་གྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ཕྱིན་ཅི་ལོག་བཞི་པའི་རང་བཞིན་མི་འཆི་བའི་ཁྱབ་པར་འཇུག་པའི་<br /> རྗེས་སུ་དཔོག་པའི་མི་བདེན་པའི་མུ་སྟེགས་ཅན་ལྔ་པའོ། །རིགས་ཀྱི་བུ་དག་ཡང་ཏིང་ངེ་འཛིན་ལས་ཡང་དག་པ་ཉིད་ལ་རྩེ་གཅིག་པའི་ཏིང་ངེ་འཛིན་ལ་བར་ཆད་མེད་ན་བདུད་རྣམས་སེམས་ཐག་ཆད་དོ། །ཟབ་མོ་དང་བདེ་བ་ལ་བརྟགས་ན། སྐྱེ་བ་རིགས་ཀྱི་རྩ་བ་ཟད་དེ། ཉོན་<br /> མོངས་པ་རྟག་པར་འཁྲུགས་པའི་གཞི་རྒྱུ་བ་མ་ཟད་པས་རྟོག་པ་སྐྱེས་སོ། །མི་དེ་ནི་ཤི་བའི་འོག་ཏུ་གསུམ་ཡོད་དོ་ཞེས་ཕྱིན་ཅི་ལོག་གི་སེམས་སྐྱེས་ཏེ། འཁྲུལ་ནས་གཟུགས་ནི་ང་ཡིན་ནོ་སྙམ་དུ་སེམས་སོ། །རེ་འགའ་ནི་ངས་ཐམས་ཅད་ཁྱབ་པར་མཐོང་སྟེ། ང་ནི་གཟུགས་<br /> ཡོད་དོ་ཞེས་སོ། །བར་འགའ་ནི་མངོན་སུམ་གྱི་རྐྱེན་རྣམས་ངའི་ཕྱི་བཞིན་འབྲང་ཞེས་སོ། །ཆེད་འགའ་ནི་གཟུགས་ནི་ང་དབང་ཞེས་ཟེར་རོ། །བར་བར་ནི་ངའི་འདུ་བྱེད་དང་འབྲེལ་ཏེ། ང་ནི་གཟུགས་ཀྱི་ནང་ན་འདུག་པར་རྟོག་ཅིང་། ཤི་བའི་འོག་ཏུ་ང་གཟུགས་ཡོད་དོ་ཞེས་<br /> སྨྲའོ། །དེ་བཞིན་དུ་འཁོར་བ་བཅུ་དྲུག་ལ་གཟུགས་ཡོད་པར་རྟོག་གོ། །དེའི་འོག་ཏུ་ཡང་ཉོན་མོངས་པ་ལ་རྟོག་སྟེ། ཡུན་རིང་པོའི་ཉོན་མོངས་པ་དང་། ཡུན་རིང་པོའི་རང་བཞིན་གཉིས་གཅིག་ལ་གཅིག་མ་ཆགས་སོ་ཞེས་སོ། །ཡང་ཤི་བའི་འོག་ཏུ་ཡོད་དོ་ཞེས་རྟོག་ཅིང་སྨྲ་<br /> སྟེ། མུ་སྟེགས་ཅན་གྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ཕུང་པོ་ལྔའི་ནང་ནས་ཤི་བའི་འོག་ཏུ་གཟུགས་ཡོད་དོ་ཞེས་ཕྱིན་ཅི་ལོག་ཏུ་གཞུང་འཛུགས་པའི་མུ་སྟེགས་ཅན་དྲུག་པའོ། །ཡང་རིགས་ཀྱི་བུ་དག་ཏིང་ངེ་འཛིན་པས་ཡང་དག་པ་ཉིད་ལ་རྩེ་<br /> <br /> img. 561 from Volume 64&lt;br&gt;<br /> གཅིག་ཏུ་བར་ཆད་མེད་ན་བདུད་ཀྱི་སེམས་ཐག་ཆད་དོ། །སྐྱེ་བའི་རིགས་ཀྱི་རྩ་བ་ཟད་དེ། ཟབ་མོ་དང་བདེ་བ་ལ་བརྟགས་ན་ཉོན་མོངས་པ་རྟག་པར་འཁྲུགས་པའི་གཞི་ལ་རྒྱུ་མ་ཟད་དེ། རྟོག་པ་སྐྱེས་ནས། མི་དེ་ནི་གཟུགས་དང་། ཚོར་བ་དང་། འདུ་ཤེས་སྔ་མ་སེལ་ཅིང་།<br /> འགོག་པ་ལས་རྟོག་པ་སྐྱེས་ཏེ། ཤི་བའི་འོག་ཏུ་འདུ་ཤེས་མེད་དོ་ཞེས་ཕྱིན་ཅི་ལོག་གི་སེམས་སྐྱེས་ནས་གཟུགས་ནི་མེད་པར་མཐོང་སྟེ། ཁ་དོག་ནི་རྒྱུ་མེད་པར་རྟོག་གོ། །བརྟགས་ན་འདུ་ཤེས་བཀག་སྟེ། སེམས་ཅན་སེམས་ཆགས་པ་མེད་ཅིང་ཚོར་བ་བཀག་པ་ཤེས་ན་ཕྱི་མའི་འབྲེལ་<br /> པ་མེད་དེ། ཕུང་པོའི་རང་བཞིན་ཞི་ཞིང་བྲལ་ལོ། །སྐྱེ་བ་ཡོད་དུ་ཟིན་ཀྱང་ཚོར་བའི་འདུ་ཤེས་མེད་དེ། རྩྭ་ཤིང་དང་འདྲའོ། །འདི་ལྟར་མངོན་སུམ་དུ་བར་བཅད་དེ་ཐོབ་པ་མེད་ན། ཤི་བའི་འོག་ཏུ་ལྟ་ག་ལ་འོང་ཞེས་བརྟགས་ན་དེ་ལྟ་བུའི་མིར་བས་ན་ཤི་བའི་འོག་ཏུ་གཟུགས་<br /> མེད་དེ། འདི་འདྲ་བའི་འཁོར་བའི་ཕྱིར་གཟུགས་མེད་པའི་བརྒྱད་ནི་ཡོད་སྙམ་མོ། །མྱ་ངན་ལས་འདས་པའི་རྒྱུ་དང་འབྲས་བུ་ཐམས་ཅད་ནི་སྟོང་པའོ་ཞེས་དེ་ལྟ་བུར་དམིགས་ན། མི་ཡོངས་ཀྱི་ནོར་ཟད་ཀྱི། ཡེ་ནས་ཆད་ཅིང་ཐོགས་པའོ་ཞེས་དེ་ལྟར་ཡང་རྟོག་པའི་ཕྱིར་ཤི་བའི་<br /> འོག་ཏུ་མེད་དོ་ཞེས་ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ལྔ་ཕུང་གི་ནང་ནས་ཤི་བའི་འོག་ཏུ་གཟུགས་མེད་དོ་ཞེས་ཕྱིན་ཅི་ལོག་ཏུ་གཞུང་འཛུགས་པའི་མུ་སྟེགས་ཅན་བདུན་པའོ། །ཡང་རིགས་ཀྱི་བུ་དག་ཏིང་ངེ་འཛིན་ལས་ཡང་<br /> དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་ཀྱི་སེམས་ཐག་ཆད་དོ། །སྐྱེ་བའི་རིགས་ཀྱི་རྩ་བ་ཟད་དོ། །ཟབ་མོ་དང་བདེ་བ་ལ་བརྟགས་ན་ཉོན་མོངས་པ་རྟག་པར་འཁྲུགས་པའི་གཞི་རྒྱུ་བ་མ་ཟད་པས་རྟོག་པ་སྐྱེས་ཏེ། འདུ་བྱེད་ཀྱི་ཕུང་པོའི་ནང་ནས་མི་དེས་ནི་ཚོར་བ་དང་།<br /> འདུ་ཤེས་ཀྱི་ཕུང་པོ་འགོག་སྟེ། ཡོད་པ་དང་མེད་པ་གཉིས་ཀའི་མཚན་ཉིད་གཅིག་གིས་གཅིག་བཤིག་སྟེ། ཤི་བའི་འོག་ཏུ་མེད་དོ་ཞེས་ཕྱིན་ཅི་ལོག་གི་སེམས་སྐྱེས་སོ། །ཡང་གཟུགས་དང་། ཚོར་བ་དང་། འདུ་ཤེས་ཀྱི་ནང་ནས་ཡོད་པ་དང་མེད་པར་མཐོང་སྟེ། འདུ་བྱེད་<br /> <br /> img. 562 from Volume 64&lt;br&gt;<br /> འགྱུར་བ་དང་། རྒྱུ་བ་མེད་པས་ན་མེད་པ་མ་ཡིན་པར་ཡང་རྟོག་སྟེ། དེ་བཞིན་དུ་འཁོར་བའི་ཕུང་པོ་ཁམས་ཀྱི་ནད་དང་བ་ལ་བརྟགས་ན། བརྒྱད་པོ་ཐམས་ཅད་ཀྱི་གཟུགས་མེད་དེ། འགོག་པའི་རྐྱེན་གཅིག་ཐོབ་པར་ཟད་དེ། ཤི་བའི་འོག་ཏུ་གཟུགས་ཡོད་པ་<br /> དང་མེད་པར་སྨྲའོ། །ཡང་འདུ་བྱེད་ཐམས་ཅད་ཀྱི་རང་བཞིན་ནི་ལྡང་དུབ་པའི་ཕྱིར་མངོན་པར་ཤེས་པར་སེམས་བསྐྱེད་དེ། རིག་པའི་ཡོད་པ་དང་མེད་པ་ཐམས་ཅད་ནི་ཡོད་པ་མ་ཡིན་པར་རྟོག་པའི་ཕྱིར་ཡང་དག་པ་དང་། ཡང་དག་པ་མ་ཡིན་པར་འཁྲུལ་ཅིང་ནོར་ཏེ་ཤི་བའི་<br /> འོག་ཏུ་ཀུན་མེད་དེ། ཕྱིས་མོས་པ་མེད་པར་འགྱུར་རོ་ཞེས་རྟོག་པའི་ཕྱིར་དེ་ནི་ལམ་དང་མི་འཐུན་པས་མུ་སྟེགས་ཅན་གྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ཕུང་པོ་ལྔའི་ནང་ནས་ཤི་བའི་འོག་ཏུ་ཕྱི་མའི་རབས་ཀུན་མེད་དོ་ཞེས་ཕྱིན་ཅི་ལོག་ཏུ་གཞུང་<br /> འཛུགས་པའི་མུ་སྟེགས་ཅན་བརྒྱད་པའོ། །ཡང་རིགས་ཀྱི་བུ་དག་ཏིང་ངེ་འཛིན་རྣམས་ཀྱི་ནང་ནས་དྲང་པོ་མི་གཡོ་བའི་ཏིང་ངེ་འཛིན་དུ་ཞུགས་ཏེ། བདུད་ཀྱིས་གླགས་མི་ཐོད་པ་ལས། སྐྱེ་བའི་ཕོ་མོ་ལ་བརྟགས་ན་ཐ་མ་སྐྱེ་བ་མེད་དོ་སྙམ་ནས་དེ་ལ་ནོར་བའི་ཕྱིར་མུ་<br /> སྟེགས་ཅན་ཆད་པར་ལྟ་བར་གྱུར་ཏོ། །ལུས་འགགས་པའི་འོག་ཏུ་འདོད་པ་ཡང་འགོག །སྡུག་བསྔལ་ཡང་འགོག །ཤིན་ཏུ་དགའ་བ་ཡང་འགོག །ཤིན་ཏུ་བཏང་སྙོམས་ཀྱང་འགོག །ཡན་མན་ཞིབ་ཏུ་བརྟགས་ན། ཤི་བའི་འོག་ཏུ་སྐྱེ་བ་ཡང་ཅང་མེད་དོ་ཞེས་<br /> སྨྲ་སྟེ། བྱང་ཆུབ་ཀྱི་སེམས་ནི་འཆོལ་ཏེ། ཤི་བའི་འོག་ཏུ་ཕུང་པོ་ལྔ་ཆད་པར་ཕྱིན་ཅི་ལོག་ཏུ་ལྟ་བའི་མུ་སྟེགས་ཅན་དགུ་པའོ། །ཡང་རིགས་ཀྱི་བུ་དག་ཏིང་ངེ་འཛིན་ལས་ཡང་དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་ཀྱིས་གླགས་མི་རྙེད་དེ། སྐྱེ་བའི་རིགས་ཀྱི་<br /> རྩ་བ་ཟད་དེ། ཟབ་མོ་དག་པ་དེ་ལ་བརྟགས་ན། ཉོན་མོངས་པ་རྟག་པར་འཁྲུགས་པའི་གཞི་ལས་རྒྱུ་བ་མ་ཟད་དེ། ཡང་ཕྱི་མ་ཡོད་པར་དམིགས་པའི་རྟོག་པ་སྐྱེས་ནས་མི་དེ་མྱ་ངན་ལས་འདས་པ་རྣམ་ལྔའི་ནང་དུ་ལྟུང་ངོ་། །ཆེད་འགའ་ནི་འདོད་པའི་ཁམས་ཀྱི་དང་པོ་འཁོར་བ་ལ་<br /> <br /> img. 563 from Volume 64&lt;br&gt;<br /> བརྟེན་ཏེ་བརྟགས་ནས་མཐོང་ཞིང་རྒྱས་པའི་སྐྱེ་བ་ལ་སྲེད་དོ། །རེས་འགའ་ནི་བསམ་གཏན་དང་པོའི་རང་བཞིན་ལ་ཉོན་མོངས་པ་དང་བྲལ་ལོ་སྙམ་མོ། །ཆེད་འགའ་ནི་བསམ་གཏན་གཉིས་པ་ལ་སྡུག་བསྔལ་མེད་དོ་སྙམ་མོ། །དེ་རེས་འགའ་ནི་བསམ་གཏན་དང་པོའི་རང་བཞིན་<br /> ལ་ཉོན་མོངས་པ་དང་བྲལ་ལོ་སྙམ་མོ། །ཆེད་འགའ་ནི་བསམ་གཏན་གཉིས་པ་ལ་སྡུག་བསྔལ་མེད་དོ་སྙམ་མོ། །རེས་འགའ་ནི་བསམ་གཏན་གསུམ་པ་ལ་རབ་ཏུ་དགའ་ཞིང་བདེའོ་སྙམ་མོ། །བར་བར་ནི་བསམ་གཏན་བཞི་པ་ལ་དགའ་བ་དང་བདེ་བ་གཉིས་ཀ་ལ་འགགས་<br /> ཏེ། འཁོར་བ་ལ་སྐྱེ་ཤི་རང་བཞིན་གྱིས་ལེན་པ་མེད་དོ་ཞེས་འཁྲུལ་ཏེ། ཟག་པ་ཅན་གྱི་གནས་རྣམས་ལ་བྱ་བ་མེད་དོ་སྙམ་དུ་སེམས་སོ། །གནས་དེ་ལྔའི་དགའ་ཞིང་བདེ་བ་ལ་རྒྱལ་བའི་རིགས་གཙང་མའོ་སྙམ་དུ་ཡང་སེམས་སོ། །དེ་བཞིན་དུ་འཁོར་བའི་སེམས་ལྔ་ལ་<br /> ཡུན་དུ་རྟག་པའོ་སྙམ་དུ་ཡང་རྟོག་པའི་ཕྱིར། གནས་དེ་ལྔ་ལ་མྱ་ངན་ལས་འདས་པའོ་སྙམ་དུ་སེམས་ཏེ། དེའི་ཕྱིར་མུ་སྟེགས་ཅན་གྱི་ནང་དུ་ལྷུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ཕུང་པོ་ལྔའི་ནང་ནས་གནས་ལྔ་ལ་མྱ་ངན་ལས་འདས་པར་ཕྱིན་ཅི་ལོག་ཏུ་<br /> མངོན་སུམ་དུ་གཞུང་འཛུགས་པའི་མུ་སྟེགས་ཅན་བཅུ་པའོ། །དགའ་བོ་ཏིང་ངེ་འཛིན་དེ་བཅུ་ནི་ལོག་པར་ཤེས་པ་སྟེ། འདི་ཀུན་ནི་འདུ་བྱེད་ཀྱི་ཕུང་པོ་ཡིན་ནོ། །དེ་དག་ནི་བསྒོམ་པ་ནོར་པ་ལས་དེའི་ཕྱིར་འདི་འདྲ་བར་གྱུར་ཏེ། ཕོ་ཐེག་ཅན་གྱི་སྐྱེ་བོ་རྣམས་བསླད་པས་རང་གི་ཉམས་<br /> དྲོད་མ་ཟིན་ཏེ། རྒྱུ་རྐྱེན་དེ་ལྟ་བུ་དང་ཕྲད་ནས་འཁྲུལ་པར་རང་གིས་མ་ཤེས་ཏེ། བདག་འཕགས་པ་ཐོབ་བོ་སྙམ་དུ་སེམས་པ་དེ་ནི་བརྫུན་ཆེན་པོར་འགྱུར་ཏེ། མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཁྱོད་ལ་སོགས་པས་དེ་བཞིན་གཤེགས་པའི་བཀའ་ཁྱེར་<br /> ལ། ང་འདས་པའི་ཕྱི་ན་ཕྱི་མའི་དུས་ཀྱི་ཚེ། སེམས་ཅན་ཐམས་ཅད་ལ་ཁྱབ་པར་མན་ངག་གཞག་ཅིང་འདིའི་དོན་སྟོན་ཏེ་ཚོར་བར་གྱིས་ཤིག །རང་ལས་ཟབ་མོའི་ཕུང་པོའི་བདུད་མ་ལངས་པར་གཟུངས་སུ་ཟུང་ལ་སྐྱབས་བགྱིས་ཏེ་སྲུངས་ལ་ལོག་པར་མཐོང་བ་ལ་སོལ་ཏེ།<br /> <br /> img. 564 from Volume 64&lt;br&gt;<br /> སྦྱོངས་ལ་བདག་གི་ལུས་དང་སེམས་ལ་སྟོན་ཏེ། དབེན་པའི་དོན་དབྱེ་ཞིང་ཤེས་པར་གྱིས་ལ། བླ་མའི་ལམ་ལས་ལོག་པའི་ལམ་དུ་མ་འགྲོ་ཤིག །ཅུང་ཟད་ཙམ་གྱི་ཐོབ་པ་ལ་གྲུབ་ཅིང་ཆོག་གོ་སྙམ་པའི་སེམས་མ་སྐྱེད་ཅིག །ཚོར་བའི་རྒྱལ་པོ་ཆེན་པོ་དང་<br /> ཡང་དག་པ་ཐོང་ཤིག །དགའ་བོ་རིགས་ཀྱི་བུ་དག་ཏིང་ངེ་འཛིན་ལ་མཉམ་པར་གཞག་པ་ལས་འདུ་བྱེད་ཀྱི་ཕུང་པོ་ཟད་ན། འཇིག་རྟེན་པ་ཐམས་ཅད་རང་བཞིན་ཟབ་མོ་དང་བ་ལས་འཁྲུགས་ཤིང་གཡོ་དཔྱོད་པ་དང་ཕྲ་བ་བརྟན་པ་འབྲེལ་པ། གང་ཟག་གི་རྩ་བ་ཡུད་ཙམ་<br /> ལས་འབྱོར་ཅིང་འབྲེལ་པ་ལ་བསླངས་ཏེ། འཁྲུལ་པ་ཟབ་མོའི་རྩ་བ་མངོན་རྟགས་ཆད་ན་མྱ་ངན་ལས་འདས་པའི་གནས་རྨད་པ་ཆེན་པོ་ཚོར་རོ་སྙམ་དུ་སེམས་སོ། །དཔེར་ན་བྱ་གག་དུས་ལ་བབ་ན་ཤར་ཕྱོགས་སུ་བརྟགས་ནས་སྐྱ་རེངས་ཤར་བར་རིག་སྟེ་སྐད་འབྱིན་ཏོ། །སྐྱེ་མཆེད་<br /> དྲུག་སྟོང་ཞིང་དང་བ་ལས་ཟབ་ཅིང་ལུད་པ་མེད་པའི་ནང་ནས་དང་བ་གསལ་བའི་ཕྱིར་འཇུག་པའི་འདུག་པའི་གནས་མེད་འཇུག་པ་མེད་དོ། །ཕྱོགས་བཅུའི་རིགས་བཅུ་གཉིས་ཀྱང་ཟབ་མོ་ལས་ཐར་ཏེ། ཚེ་ལེན་པའི་དབང་མེད་དོ་ཞེས་དེ་ལ་བརྟགས་པ་ལས་འཛིན་པའི་གཞི་<br /> རིགས་ཐམས་ཅད་ཕྱོགས་བཅུའི་ཁམས་སུ་འབྱོར་པ་ཐོབ་ཟིན་ཏེ། དང་བའི་གཟུགས་མ་ནུབ་པས་ཟབ་མོའི་ལྡང་བ་འབྱུང་ངོ་། །དེའི་མིང་ནི་རྣམ་པར་ཤེས་པའི་ཕུང་པོས་བསྒྲིབས་པའོ། །འབྱོར་པ་ཐོབ་པའི་ནང་ནས་སྐྱེ་མཆེད་དྲུག་གི་ཚོགས་བསྡུས་ཏེ། སྦྱོར་ཞིང་ཕྱེ་<br /> བ་དེ་སྦྱངས་ཏེ་གྲུབ་ནས་བྱང་བ་དེ། སྐྱེ་མཆེད་དྲུག་ཀྱང་འཁྲུལ་ཞིང་བསྣོར་དུ་རུང་སྟེ། ཡོངས་སུ་དག་པས་ཕྱོགས་བཅུའི་འཇིག་རྟེན་གྱི་ལུས་དང་སེམས་སུ་གཏོགས་པའི་རྣམས་ཀྱང་བཻ་དཱུརྱའི་ཕྱི་ནང་ཐལ་བ་བཞིན་སྣང་སྟེ། དེའི་མིང་ནི་རྣམ་པར་ཤེས་པའི་ཕུང་པོ་ཟད་དེ།<br /> མི་དེ་ནི་ཚེ་སྙིགས་མ་ལས་འདས་པའོ། །དོན་དེ་ལ་བརྟགས་ན། གཟུགས་ཀྱི་ཡང་དག་པ་ཡིན་པའི་གཞི་སྒྱུ་མའི་ཕྱིན་ཅི་ལོག་གི་འདུ་ཤེས་ཀྱི་རྩ་བའི་ཕྱིར་རོ། །དགའ་བོ་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་<br /> <br /> img. 565 from Volume 64&lt;br&gt;<br /> ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། བདག་གི་ལུས་ཀྱི་རྩ་བ་སྦྱོར་ཞིང་ཕྱེ་ནས་ཕྱོགས་བཅུའི་རིགས་ཐམས་ཅད་འཁྲུལ་པར་ཚོར་ཞིང་ཤེས་ནས་འཁྲུལ་པར་འཕར་ཏེ་རྒྱས་པའི་བཞིན་འཇུག་ནུས་སོ། །དེ་ལ་སྒྱུ་མའི་གནས་ཀྱི་ཡང་དག་པའི་རྒྱུ་ནི་རྟག་པ་ཡིན་<br /> ནོ་ཞེས་གཞུང་བཙུགས་ནས་རྒྱལ་ཞིང་གྲོལ་ལོ་སྙམ་དུ་སེམས་སོ། །མི་དེ་ནི་རྒྱུའི་གནས་ཀྱི་རྒྱུ་འཛིན་པའི་ས་ཕྱི་ཀ་ལའི་མུ་སྟེགས་ཀྱི་ནང་དུ་ལྟུང་སྟེ། ཡང་དག་པར་མུན་གནག་གི་སྐྱབས་ཀྱིས་གནས་གྲུབ་པའི་སྟེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་མཐོང་<br /> བ་ནི་སྟོར་ཅིང་ནུབ་བོ། །དེའི་མིང་ནི་སེམས་ཐོབ་པར་གཞུང་འཛུགས་པའི་སྐྱབས་སུ་འགྲོ་བ་ལ་འབྲས་བུ་གྲུབ་པ་དང་པོ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ལས་ལོག་ནས་མུ་སྟེགས་ཀྱི་ས་བོན་ལས་དེའི་རིགས་སུ་སྐྱེའོ། །དགའ་བོ་<br /> རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བའི་ནང་ནས་དང་བ་དམ་པ་མ་རྒྱས་པས་བདག་གི་ངོ་བོ་ཉིད་མཐོང་བ་ནི་སྐྱབས་སུ་བཟུང་ནས་ནམ་མཁའི་ཁམས་ཐམས་ཅད་ན་རིགས་བཅུ་གཉིས་ཀྱི་སྐྱེ་བོ་རྣམས་ངའི་ལུས་ཀྱི་<br /> ནང་ནས་འབབ་ཅིང་འབྱུང་སྟེ། དེ་ལྟ་བུར་རྒྱལ་རིགས་གྲོལ་ལོ་སྙམ་པའི་སེམས་སྐྱེས་སོ། །མི་དེ་ནི་མི་ནུས་པ་ལ་ནུས་པར་འཛིན་པའི་ཕྱིར་དབང་ཕྱུག་གི་ནང་དུ་ལྟུང་སྟེ། མཐའ་མེད་དོ་ཞེས་སྨྲ་བའི་ལུས་འབྱུང་བའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་<br /> མཐོང་བ་ནི་སྟོར་ཅིང་ནུབ་པོ་དེའི་མིང་ནི་གཞུང་འཛུགས་པའི་ནུས་པའི་འབྲས་བུ་གྲུབ་པ་གཉིས་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ལས་ལོག་ནས་ངས་ཁྱབ་པར་རྒྱས་པའི་ང་རྒྱལ་ཆེན་པོའི་ལྷའི་ས་བོན་ལས་དེའི་རིགས་སུ་སྐྱེའོ། །<br /> ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། བདག་གི་ངོ་བོ་ཉིད་མཐོང་བ་ནི་སྐྱབས་སུ་གཟུང་ནས་ཐེ་ཙོམ་སྐྱེས་ནས་བདག་གི་ལུས་དང་སེམས་ལས་ཕྱོགས་<br /> <br /> img. 566 from Volume 64&lt;br&gt;<br /> བཅུའི་ནམ་མཁའ་བབ་ཅིང་བྱུང་སྟེ་སྐྱེས་སོ། །ཐམས་ཅད་ཀྱང་བབ་པའི་རྒྱུན་ལས་བྱུང་སྟེ། ལུས་ནི་ཡང་དག་པར་རྟག་པ་ཡིན་པས་སྐྱེ་བ་དང་འགག་པ་མེད་དོ་སྙམ་པའི་སེམས་ཀྱང་སྐྱེས་སོ། །སྐྱེ་བ་དང་འགག་པ་ནི་རྟག་པར་ཡང་རྟག་སྟེ། མི་སྐྱེ་བ་འཁྲུལ་<br /> ཅིང་སྐྱེ་བ་འཁྲུལ་ནས་བྱིང་བ་ལ་དེ་དེ་བར་གནས་ཏེ། རྒྱལ་ཞིང་གྲོལ་ལོ་སྙམ་པའི་རྟོག་པ་སྐྱེས་སོ། །མི་དེ་ནི་རྟག་པ་དང་མི་རྟག་པའི་གཞུང་འཛིན་པའི་ནང་དུ་ལྟུང་སྟེ། རང་དབང་གི་ལྷའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་རྟོགས་པ་ནི་སྟོར་ཅིང་<br /> ནུབ་བོ། །དེའི་མིང་རྒྱུའི་གནས་ལ་སེམས་ཀྱི་གཞུང་འཛུགས་པ་གསུམ་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ལས་ལོག་ནས་ལོག་པར་རྒྱས་པའི་ས་བོན་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་<br /> ཅད་སྟོང་པའི་མཐར་ཕྱིན་པར་འགོག་པས། སྐྱེ་བའི་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པར་ཤེས་པའི་ནང་ནས་ཤེས་པ་ཁྱབ་པར་རྒྱས་པའི་ཕྱིར་ཤེས་པའི་རྒྱུའི་གཞུང་འཛུགས་ཏེ། ཕྱོགས་བཅུའི་རྩྭ་ཤིང་ཐམས་ཅད་ནི་སེམས་ཅན་ཡིན་ནོ་སྙམ་སྟེ།<br /> རྒྱས་པར་ན་མི་དང་མི་འདྲ་བ་མེད་དོ། །རྩྭ་ཤིང་ནི་མིར་འགྱུར། མི་དེ་དག་ཤི་ན་ཡང་ཕྱོགས་བཅུའི་རྩྭ་ཤིང་དུ་འགྱུར་ཏེ། དེ་ནི་ཡང་དག་པའི་ཁྱབ་པ་ཡིན་ནོ་སྙམ་པའི་སེམས་སྐྱེས་སོ། །མི་དེ་ནི་ཤེས་པ་དང་མི་ཤེས་པའི་མཐར་འཛིན་པ། པ་ཏ་ས་འདིའི་ནང་དུ་ལྟུང་སྟེ། ཚོར་<br /> བ་ཐམས་ཅད་འདིའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར་ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་མིང་ནི་ཁྱབ་པར་ཤེས་པར་རྟོག་པའི་སེམས་བརྫུན་ཞིང་སྟོང་པའི་འབྲས་བུ་གྲུབ་པའི་བཞི་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་རིང་དུ་བསྲིངས་ཏེ་མྱ་ངན་ལས་<br /> འདས་པའི་མཁར་ལས་ལོག་ནས་ལོག་པར་ཤེས་པའི་ས་བོན་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། དེ་དང་ཞིང་གསལ་<br /> <br /> img. 567 from Volume 64&lt;br&gt;<br /> བའི་ནང་ནས་རྩ་བ་འཁྲུལ་པའི་ཕྱི་བཞིན་འབྲངས་ནས་རྫུ་འཕྲུལ་རྒྱས་པའི་འོད་སྣང་བ་ཚོལ་བ་ལ་ཞུགས་ཏེ། དགའ་བའི་ཆུ་ནི་གཙང་ཞིང་དང་། སྲིད་པའི་རླུང་ནི་ཁྱབ་པར་ལངས་པས་ལྟ་བའི་དྲི་མ་གྲུབ་སྟེ། སོ་སོར་དོན་བསྒྲུབས་པའི་དྲི་མའི་ཚོགས་དེས་ནི་ངོ་བོ་ཉིད་ཀྱི་གཞིའི་<br /> རྒྱུ་ཡིན་ནོ་སྙམ་དུ་སེམས་ཏེ། རྟག་པར་ཤེས་སོ་ཞེས་སྨྲ་བའི་གཞུང་འཛུགས་པའི་མི་དེ་ནི་སྐྱེ་བ་དང་མི་སྐྱེ་བར་འཛིན་པའི་འོད་སྲུང་དང་། བྲམ་ཟེ་དཀའ་ཐུབ་ཀྱི་ནང་དུ་ལྷུང་སྟེ། མེ་དང་ཆུ་ལྷ་རྗེད་དེ་སྐྱེ་ཤི་ལས་ཐར་བར་ཚོལ་བའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་<br /> ནོར་མཐོང་ཞིང་ཤེས་པ་ནི་སྟོར་ཅིང་ནུབ་བོ། །དེའི་མིང་ནི་བརྗེད་པར་སྣང་བར་ཚོལ་བ་ལ་ཞུགས་ཏེ། དགའ་བའི་ཆུ་ནི་གཙང་ཞིང་དང་། སྲེད་པའི་རླུང་ནི་ཁྱབ་པར་ལངས་པས་ལྟ་བའི་དྲི་མ་གྲུབ་སྟེ། སོ་སོར་དོན་བསྒྲུབས་པ་དྲི་མའི་ཚོགས་དེས་ནི་ངོ་བོ་ཉིད་གཞིའི་རྒྱུ་ཡིན་<br /> ནོ་སྙམ་དུ་སེམས་ཏེ། རྟག་པར་ཤེས་སོ་ཞེས་སྨྲ་བའི་གཞུང་འཛུགས་པའི་མི་དེ་ནི་སྐྱེ་བ་དང་མི་སྐྱེ་བར་འཛིན་པའི་འོད་སྲུང་དང་། བྲམ་ཟེ་དཀའ་ཐུབ་ཀྱི་ནང་དུ་ལྷུང་སྟེ། མེ་དང་ཆུ་ལྷ་རྗེད་དེ་སྐྱེ་ཤི་ལས་ཐར་བར་ཚོལ་བའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར་མཐོང་<br /> ཞིང་ཤེས་པ་ནི་སྟོར་ཅིང་ནུབ་བོ། །དེའི་མིང་ནི་རྗེད་པ་རྟོགས་པའི་སེམས་འཁྲུགས་པའི་ཡང་དག་པ་མ་ཡིན་པར་གཞུང་། འཛུགས་པའི་རྒྱུ་ཚོལ་བའི་འཁྲུལ་པར་གྱུར་པའི་འབྲས་བུ་གྲུབ་པ་ལྔ་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་<br /> པའི་མཁར་ལས་ལོག་ནས་ཕྱིན་ཅི་ལོག་གི་ས་བོན་ལས་དེའི་རིགས་ཀྱི་ནང་དུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་ནི་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས་དེ་རྒྱས་ཤིང་བསལ་བའི་ནང་<br /> ནས་བརྫུས་པའི་ཆོས་ནི་སྟོང་པ་སྟེ། མ་ཡིན་པར་འགོག་ཡོད་ནས་འགོག་པའི་སྐྱབས་ཡིན་ཏེ། སྐྱེ་བ་ལས་རྒྱས་ཞིང་གྲོལ་ལོ་སྙམ་དུ་རྟོག་སྟེ། མིང་ནི་གཟུགས་མེད་པའི་སྟོང་པའི་སྐྱབས་དང་སྐྱབས་མ་ཡིན་པའི་འཛིན་པའི་ལྷའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་<br /> <br /> img. 568 from Volume 64&lt;br&gt;<br /> ནི་ནོར་ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་མིང་ནི་སྟོང་པ་རྒྱས་པའི་སེམས་མེད་པ། སྟོང་པར་འགོག་པའི་འབྲས་བུ་གྲུབ་པ་དྲུག་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ལས་ལོག་ནས་ཆད་པར་འགོག་པའི་<br /> ས་བོན་ལས་དེའི་རིགས་ཀྱི་ནང་དུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། རྟག་པའི་ནང་དུ་བདག་གི་ལུས་རྟག་པར་གནས་ཏེ། དང་བ་གསལ་<br /> བ་དང་འཐུན་ཞིང་རིང་དུ་མི་གཡོ་བས་རྒྱལ་ཞིང་གྲོལ་ལོ་སྙམ་པ་སྐྱེས་སོ། །མི་དེ་ནི་འདོད་ཆགས་མ་ཡིན་པར་འདོད་ཆགས་པར་འཛིན་པས་ནང་དུ་ལྷུང་སྟེ། ཚེ་རིང་པོ་ཚོལ་བའི་ཨི་སི་པ་རའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་མཐོང་བ་ནི་སྟོར་ཅིང་<br /> ནུབ་བོ། །དེའི་མིང་ནི་ཚེའི་གཞི་ལ་ཆགས་པར་འཛིན་ཅིང་གཞུང་འཛུགས་པ་སྲན་ཐུབ་པའི་རྒྱུ་སྒྱུ་སྡུད་པ། ཡུན་རིང་པོར་དཀའ་ཐུབ་ཀྱི་འབྲས་བུ་གྲུབ་པ་བདུན་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་རིང་དུ་སོང་སྟེ་མྱ་ངན་ལས་འདས་པའི་མཁར་ལས་ལོག་ནས་སྒྱུ་མར་<br /> འགྱངས་པའི་ས་བོན་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བར་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། བརྟགས་ན་ཚེ་དང་དབང་དུ་འགྱུར་བར་གྱུར་ནས་དྲི་མའི་<br /> སྡུག་བསྔལ་ཞི་ཞིང་ཟད་ཀྱིས་དོགས་ཏེ་སྔར་བཞག་ནས་རིན་པོ་ཆེ་སྣ་བདུན་གྱི་པད་མའི་གཞལ་མེད་ཁང་རྒྱས་པར་སྤྲུལ་ཏེ། ནོར་བུ་རིན་པོ་ཆེ་སྣ་བདུན་དག་མང་པོར་སྤྲུལ་ནས་སེམས་རང་ཉམ་དུ་བཏང་སྟེ། རྒྱལ་ཞིང་གྲོལ་ལོ་སྙམ་པ་སྐྱེས་སོ། །དེ་ནི་ཡང་དག་པ་དང་ཡང་དག་པ་<br /> མ་ཡིན་པར་འཛིན་པའི་ནང་དུ་ལྷུང་སྟེ། ཙྪ་སྟི་ཀ་ལའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་མིང་ནི་ལོག་སྲེད་ཀྱི་རྒྱུ་བསྐྱེད་ཅིང་དྲི་མ་རྒྱས་པར་གཞུང་འཛུགས་པའི་འབྲས་བུ་གྲུབ་པ་བརྒྱད་པ་སྟེ། ཁྱབ་ཅིང་<br /> <br /> img. 569 from Volume 64&lt;br&gt;<br /> རྒྱས་པ་ལས་ཕྱི་ཕྱིར་ཞིང་བསྲིངས་ཏེ། མྱ་ངན་ལས་འདས་པའི་མཁར་ལས་ལོག་ནས་ལྷའི་བདུད་ཀྱི་ས་བོན་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བདམ་པ་<br /> མ་རྒྱས་པས། ཚེ་སྣང་བའི་ནང་ནས་དང་བའི་དྲི་མ་ཡང་དག་པ་དང་ཡང་དག་པ་མ་ཡིན་པར་བྱེ་བྲག་འབྱེད། རྒྱུ་དང་འབྲས་བུའི་རེ་བ་བསྒྲུབས་པས་མངོན་རྟགས་ཚོལ་ཏེ། ཡོངས་སུ་དག་པའི་ལམ་ལས་ལོག་ནས། དེའི་ཕྱིར་སྡུག་བསྔལ་ནི་ཤེས། ཀུན་འབྱུང་བ་ནི་སྤངས། འགོག་<br /> པ་ནི་མངོན་དུ་བྱས། ལམ་ནི་བསྒོམས་ཏེ། འགོག་པ་ལ་གནས་པས་ཡང་གོང་དུ་མི་འཕར་ཏེ། རྒྱལ་ཞིང་གྲོལ་ལོ་སྙམ་པ་སྐྱེས་སོ། །དེ་ནི་ངེས་པའི་ཉན་ཐོས་ཀྱི་ནང་དུ་ལྷུང་སྟེ། ཐོས་པ་ཉུང་བས་ང་རྒྱལ་སྐྱེས་པའི་དགེ་སློང་གི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་<br /> ནོར། ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་མིང་ནི་དང་བ་རྒྱས་པའི་སེམས་ཀྱིས་མངོན་རྟགས་ཚོལ་ཏེ། ཞི་བ་འདུས་པའི་འབྲས་བུ་དགུ་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ནས་ལོག་ནས་སྟོང་པས་བཅིངས་པའི་<br /> རྒྱུ་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོགས་པའི་ནང་ནས་དང་བ་དམ་པ་མ་རྒྱས་པས། རྒྱས་པ་ཡོངས་སུ་དག་པའི་ཚོར་བ་གསལ་བ་ཟབ་མོ་དམ་པར་སྦྱངས་ནས་མྱ་ངན་<br /> ལས་འདས་སོ་བར་སེམས་ཤིང་། གོང་དུ་མི་འཕར་ཏེ་རྒྱལ་ཞིང་གྲོལ་ལོ་སྙམ་པ་སྐྱེས་སོ། །མི་དེ་ནི་རིགས་ངེས་པའི་རང་སངས་རྒྱས་སུ་ལྟུང་སྟེ། སེམས་མི་ལྡོག་པའི་སངས་རྒྱས་སུ་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་<br /> མིང་ནི་རྒྱས་པ་ཚོར་བ་ཏིང་ངེར་གསལ་བའི་མི་གཡོ་བའི་འབྲས་བུ་གྲུབ་པ་བཅུ་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་རིང་ནས་མྱ་ངན་ལས་འདས་པའི་མཁར་ལས་ལོག་ནས་སྐྱབས་མི་བྱེད་པའི་རྒྱས་པར་གསལ་བའི་ས་བོན་ལས་དེའི་རིགས་སུ་སྐྱེའོ། །དགའ་བོ་ཏིང་<br /> <br /> img. 570 from Volume 64&lt;br&gt;<br /> ངེ་འཛིན་རྣམ་པ་བཅུ་ནི་བར་མ་དོར་སྨྱོ་བ་ལ་རྟེན་པའི་རྒྱུར་འགྱུར་ཏེ། བར་བར་ནི་མ་གྲུབ་པ་ལ་ཆོག་ཅིང་ཆུད་དོ་སྙམ་པའི་སེམས་སྐྱེས་སོ། །འདི་ཀུན་ནི་རྣམ་པར་ཤེས་པའི་ཕུང་པོ་ཡིན་ཏེ། བསྒོམ་པ་ནོར་བ་ལས་ས་འདིར་སྐྱེས་སོ། །ཕོ་ཐེག་ཅན་གྱི་སྐྱེ་བོ་རྣམས་<br /> བསླད་པས་རང་གི་ཉམས་དྲོད་མ་ཟིན་ཏེ། རྒྱུ་རྐྱེན་དེ་ལྟ་བུ་དང་ཕྲད་ནས་རང་རང་གི་སྔོན་གྱི་སེམས་འཁྲུལ་བའི་བག་ཆགས་ལ་སྲེད་དེ། བདག་གི་ཡུན་རིང་པོའི་གནས་ཀྱིས་འདི་ཡིན་ནོ་སྙམ་དུ་སེམས་ཤིང་བླ་ན་མེད་པའི་བྱང་ཆུབ་ཀྱི་བཅིང་བ་རྫོགས་ས་ཞེས་སྨྲས་ཏེ། དེ་ནི་བརྫུན་ཆེན་པོར་<br /> འགྱུར་རོ། །ལོག་པར་ལྟ་བའི་བདུད་དང་། མུ་སྟེགས་ཀྱི་ལས་ཟད་ནས་མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཉན་ཐོས་དང་རང་སངས་རྒྱས་སུ་ཡང་འཕེལ་ཞིང་འབོགས་པར་ཡང་མི་འགྲུབ་བོ། །ཁྱེད་སེམས་གཅིག་ཏུ་གྱིས་ལ་དེ་བཞིན་གཤེགས་པའི་ལམ་<br /> སྒྲུབས་ཤིག །ཆོས་ཀྱི་སྒོ་འདི་ཁྱེར་ལ་ང་མྱ་ངན་ལས་འདས་པའི་ཕྱི་ན་མ་འོངས་པའི་དུས་ཀྱི་ཚེ་གཅིག་ནས་གཅིག་ཏུ་སྤེལ་ཏེ། འདིའི་དོན་སེམས་ཅན་ཐམས་ཅད་ཀྱིས་མངོན་པར་ཤེས་ཤིང་རིག་པ་བགྱིས་ཏེ། ལྟ་བའི་བདུད་ལ་རང་བྱིང་བར་མ་བྱེད་ཅིག །སྙིང་རྗེས་སྲུངས་ཤིག །སྐྱབས་<br /> གྱིས་ཏེ་ལོག་པའི་རྐྱེན་སོལ་ལ་ཞི་བར་གྱིས་ཤིག །བགེགས་ཀྱི་ལམ་དང་། ལོག་འདྲེན་གྱི་ལམ་དུ་མ་ནོར་བར་ལུས་དང་སེམས་སངས་རྒྱས་ཀྱིས་མཁྱེན་པ་དང་། གཟིགས་པའི་ལམ་གྱི་ནང་དུ་ཞུགས་ཏེ། ཐོག་མ་དང་ཐ་མའི་བར་དུ་གྲུབ་པར་བྱོས་ཤིག །སྔ་མ་འདས་པའི་དུས་ཀྱི་<br /> བསྐལ་པ་གང་གཱའི་ཀླུང་བྱེ་མ་སྙེད་ཀྱི་དེ་བཞིན་གཤེགས་པ་རྡུལ་ཕྲ་མོ་སྙེད་ཀྱང་ཆོས་ཀྱི་སྒོ་འདི་བཞིན་དུ་མཛད་དེ། ཐེག་པ་འདིས་སེམས་གྲོལ་ནས་བླ་ན་མེད་པའི་ལམ་བསྒྲུབས་སོ། །རྣམ་པར་ཤེས་པའི་ཕུང་པོ་ཟད་ན་ཁྱེད་ཀྱིས་མངོན་སུམ་དུ་དབང་པོ་ཐམས་ཅད་འཁྲུལ་པར་<br /> སྤྱད་པའི་ནང་ནས། བྱང་ཆུབ་སེམས་དཔའི་ཤེས་རབ་རྡོ་རྗེ་སྒོམ་པོའི་གསལ་བ་རྒྱས་ཤིང་དང་བའི་སེམས་ཀྱི་ནང་དུ་དཀྲིས་ཏེ་འཇུག་ནུས་ན་གཙང་དང་བའི་བཻ་དཱུརྱའི་ནང་ན་རིན་པོ་ཆེའི་ཟླ་བ་དང་འདྲའོ། །དེ་བཞིན་དུ་གོང་དུ་འཕར་ན་ཡིད་ཆེས་པ་བཅུ་དང་། གནས་པ་བཅུ་དང་། སྤྱོད་པ་<br /> <br /> img. 571 from Volume 64&lt;br&gt;<br /> བཅུ་དང་། བསྔོ་བ་བཅུ་དང་། སེམས་བསྐྱེད་པ་སྤྱོད་པ་བཅུ་དང་། བྱང་ཆུབ་སེམས་དཔའི་རྡོ་རྗེའི་ས་བཅུ་སྤྱོད་པ་དང་། མཉམ་པར་ཚོར་བ་རྒྱས་པར་སྣང་བ་དེ་བཞིན་གཤེགས་པའི་ཕྲ་བའི་ཡང་ཕྲ་བ་ལ་སོགས་པས་བརྒྱན་པའི་རྒྱ་མཚོར་འཇུག་གོ། །གང་ཞིང་རྒྱས་པའི་བྱང་<br /> ཆུབ་ཐོབ་པ་མེད་པ་ལ་བརྟེན་ཏེ། དེས་ནི་སྔ་མ་འདས་པའི་སངས་རྒྱས་བཅོམ་ལྡན་འདས་ཀྱི་ཞི་གནས་དང་ལྷག་མཐོང་གསལ་བར་རྣལ་འབྱོར་པས་ཕྲ་བའི་ཡང་ཕྲ་བའི་བདུད་ཀྱི་སྤྱོད་ཡུལ་མངོན་སུམ་དུ་སྣང་སྟེ། ཁྱེད་ཀྱི་སེམས་ཀྱིས་ཤེས་པར་བྱས་ནས་དྲི་མ་བཀྲུས་ཤིང་བསལ་བས་<br /> ལྟ་བ་ལོག་པའི་ནང་དུ་མི་ལྟུང་སྟེ། ཕུང་པོའི་བདུད་ནི་ཞི་ཞིང་བྱང་། ལྷའི་བདུད་ནི་བཅོམ་ཞིང་བཏུལ་ཏེ། ལྷ་མ་ཡིན་དང་མཐུ་བོ་ཆེ་རྣམས་ཀྱི་སེམས་སྟོར་བར་བྱེད་ཐི་བའི་བང་ལང་རྣམས་ནི་སྐྱེ་ཞིང་འབྱུང་བར་མི་ནུས་སོ། །བྱང་ཆུབ་ཀྱི་བར་དུ་ཕོངས་ཤིང་འབྲལ་བ་ཡང་མེད། ཞན་ཅིང་<br /> ཉམ་ཆུང་བ་ལས་འཕྲོགས་ཤིང་སྐྱེད་ཡོད་པར་འགྱུར་རོ། །མྱ་ངན་ལས་འདས་པ་ལ་སེམས་མི་འཁྲུལ་ཅིང་མྱོས་པར་མི་འགྱུར་རོ། །མ་འོངས་པའི་དུས་ཀྱི་སེམས་ཅན་དག་རྨོངས་ཤིང་གླེན་པ་བསམ་གཏན་མི་ཤེས། ཆོས་འཆད་མི་ཤེས་པར་ཏིང་ངེ་འཛིན་གྱི་རྣལ་འབྱོར་ལ་སྲེད་<br /> པ་ནི་ཁྱེད་ལོག་པ་དང་འཐུན་གྱིས་དོགས་སོ། །སེམས་གཅིག་ཏུ་ངའི་གཙུག་ཏོར་གྱི་གཟུངས་བསྟན་པ་འདི་གཟུངས་སུ་ཟུང་ཤིག །ད་སྟེ་ཁ་ཏོན་དུ་མ་ནུས་ན་སྒོམ་པའི་ཁང་བུ་ལ་བྲི་བའམ། ཡང་ན་ལུས་ལ་བཏགས་ནས་ཕས་ཀྱི་རྒོལ་བའི་བདུད་ཐམས་ཅད་ཀྱིས་མི་ཚུགས་སོ། །<br /> ཕྱོགས་བཅུའི་དེ་བཞིན་གཤེགས་པའི་མཐའ་ཡུན་དུ་བསྒྲུབ་པའི་ཕྱི་མའི་ཆག་ཚད་འབེབས་པ་ཡིན་གྱིས། བྱེད་ཀྱིས་གུས་པར་གྱིས་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགའ་བོ་ལངས་ཏེ་སྤྱི་བོས་ཕྱག་འཚལ་ནས་དྲན་ཞིང་མི་བརྗེད་པར་གཟུངས་སུ་འཛིན་ཏོ། །<br /> འཁོར་མང་པོ་འདུས་པས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་བཀའ་སྩལ་པ་བཞིན། ཕུང་པོ་ལྔའི་གཟུགས་ཀྱི་ནང་ནས་ཡང་དག་པ་ལགས་པའི་འདུ་ཤེས་རྣམ་པ་ལྔའི་རྩ་བ་ཕྲ་བའི་ཡང་ཕྲ་བའི་དོན་ཏེ། དེ་བཞིན་གཤེགས་པས་བདག་ཅག་ལ་སོགས་<br /> <br /> img. 572 from Volume 64&lt;br&gt;<br /> པ་ལ་རྟག་ཏུ། བཀའ་སྩལ་ཅིང་བཤད་དམ་གསུངས་ན་ཡང་། ཕུང་པོ་ལྔ་ཅིག་ཅར་འདག་ཅིང་འབྱང་ངམ། རིམ་གྱིས་ཟད་དེ་ལྔའི་མཚམས་ནི་གང་ལགས། དེ་བཞིན་གཤེགས་པའི་ཐུགས་རྗེ་ཆེན་པོས་དགོངས་ཏེ། མ་འོངས་པའི་དུས་ཀྱི་སེམས་<br /> ཅན་ཐམས་ཅད་ཀྱི་སྣང་ཞིང་གསལ་བའི་སེམས་ཀྱི་མིག་ཏུ་འགྱུར་བས་འཁོར་མང་པོ་འདི་ཉིད་ལ་བཤད་དུ་གསོལ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ངོ་བོ་ཉིད་ཀྱི་ཚོར་བ་དམ་པ་གསལ་བ་རྒྱས་པ་ནི་དག་སྟེ། སྐྱེ་ཤི་ལ་མི་གནས་ན། དྲི་མའི་བསྒོས་པ་ནས་ནམ་<br /> མཁའི་ཁམས་ཐམས་ཅད་ཀྱི་བར་དུ་ཡང་དག་པའི་མ་ཡིན་པའི་བར་དུ་འདུ་ཤེས་ཀྱི་རྒྱུ་བའི་ཕྱིར་སྐྱེ་བ་གཡོས་ཏེ། དེའི་དེ་བཞིན་ངོ་བོ་ཉིད་ཀྱི་ཚོར་བ་དམ་པ་གསལ་བ་རྒྱས་པ་ལས་ཡང་དག་པ་མ་ཡིན་པའི་འཇིག་རྟེན་གྱི་སྣོད་ཀུན་སྐྱེས་སོ། །དཔེར་ན་ཡེང་ཞིང་འཁྲུལ་ཏེ། མགོ་མེད་པ་རྨིས་<br /> ནས་གྲིབ་མ་ལ་མགོ་བོ་སྙམ་དུ་སེམས་སོ། །ཡང་དག་པ་མ་ཡིན་པའི་རྩ་བ་དེ་ནི་རྒྱུ་མེད་དེ། ཡང་དག་པ་མ་ཡིན་པའི་འདུ་ཤེས་ཀྱི་ནང་ནས་རྟེན་ཅིང་འབྲེལ་པར་འབྱུང་བའི་མཚན་ཉིད་བཙུགས་ཏེ། དེ་ནས་འཁྲུལ་པ་ཡོད་ནས་ཡོད་ཅེས་ཟེར་རོ། །ནམ་མཁའི་རང་བཞིན་ནི་སྒྱུ་མ་ལས་སྐྱེས་<br /> པ་ཡིན་ཏེ། རྟེན་ཅིང་འབྲེལ་པ་དང་། ཡོད་ནས་ཡོད་པ་ཀུན་ནི་སེམས་ཅན་གྱིས་ཡང་དག་པ་མ་ཡིན་པའི་སེམས་ཀྱིས་བརྟགས་པ་ལགས་སོ། །དགའ་བོ་ཡང་དག་པ་མ་ཡིན་པ་མི་གཡོ་བའི་ཚེ་ཡང་དག་པ་མ་ཡིན་པའི་རྟེན་ཅིང་འབྲེལ་པ་བཤད་དོ། །ཡང་དག་པ་མ་ཡིན་པའི་རྩ་བ་ཡོད་<br /> ནས་མེད་པས་ཡང་དག་པ་མ་ཡིན་པའི་རྟེན་ཅིང་འབྲེལ་པར་འབྱུང་བ་ཡོད་ནས་མེད་པ་ཡིན་ཏེ། མི་ཤེས་པས་རྟག་ཏུ་ཟད་ཀྱི་ཡེ་ནས་ཡོད་པ་ལྟ་ཅི་སྨོས། དེའི་ཕྱིར་དེ་བཞིན་གཤེགས་པས་ཁྱེད་ཀྱི་ཕྱིར་སྒྲོན་མར་བསྟན་ཏོ། །ཕུང་པོ་ལྔའི་རྩ་བའི་རྒྱུ་ནི་ཡང་དག་པ་མ་ཡིན་པའི་འདུ་ཤེས་<br /> ཡིན་པ་མཚུངས་སོ། །ཁྱེད་ཀྱི་ལུས་ནི་སྔོན་གྱི་ཕྱི་མའི་འདུ་ཤེས་རྒྱུ་ལས་སྐྱེས་སོ། །ཁྱོད་ཀྱི་སེམས་ཀྱི་འདུ་ཤེས་ནི་འཕོ་བར་མི་འགྱུར་ཏེ། འདུ་ཤེས་ཀྱི་ནང་ནས་ཚེ་མང་བ་ཆགས་པའོ། །ངས་སྔར་སྨྲས་པ། སྐྱུར་རྩི་ལས་སེམས་ཀྱིས་ཟ་བསམས་ན། ཁར་འགྲམ་དུ་ཆུ་འབྱུང་ངོ་། །<br /> <br /> img. 573 from Volume 64&lt;br&gt;<br /> བྲག་མཐོན་པོའི་རྩེར་འདུག་པར་བསམས་ན་རྐང་མཐིལ་འདར་ཡང་། སྐྱུར་རྩི་ཁར་མ་འཕོས། བྲག་ཀྱང་ཡོད་པ་མ་ཡིན་ནོ། །ཁྱོད་ཀྱི་ལུས་ནི་ཡང་དག་པ་མ་ཡིན་པའི་སྒྱུ་མ་ལས་མི་འབྲལ་བའོ། །ཁྱོད་ཀྱི་ཁའི་ནང་ན་བྲོ་བ་མེད་ན་ཅིའི་ཕྱིར་སྐྱུར་བའི་འགྲམ་ཆུ་འབྱུང་། དེའི་ཕྱིར་<br /> ཤེས་པར་གྱིས་ཤིག །ཁྱོད་ཀྱིས་གཟུགས་ཀྱི་ལུས་མངོན་དུ་སྲ་ཞིང་མཁྲང་བ་དེའི་མིང་ནི་ཡང་དག་པ་མ་ཡིན་པའི་འདུ་ཤེས་དང་པོ་ད་ལྟར་བཤད་པ། བྲག་མཐོན་པོ་ལ་བསམས་པ་འདུ་ཤེས་ཀྱི་སེམས་ལུས་ཡང་དག་པར་འདའ་བར་འགྱུར་རོ། །འོན་ཀྱང་ལེན་པའི་སྐྱེ་བའི་རྒྱུའི་ཕྱིར་<br /> གཟུགས་ཀྱི་ལས་ནི་གཡོ་ནུས་ཏེ། །ཁྱོད་ད་མངོན་སུམ་དུ་འཕན་པ་དང་། འདོད་པས་གཟིར་ཏོ། །དེའི་མིང་དུ་གསོག་ཏུ་སྣང་བའི་ཡང་དག་པ་མ་ཡིན་པའི་འདུ་ཤེས་གཉིས་པའོ། །མཚན་མ་གཡོས་པའི་ཕྱིར་གཟུགས་ཀྱི་ལུས་ནི་ལས་བྱེད་དུ་བཅུག་སྟེ། ལུས་ནི་མཚན་<br /> མ་མ་ཡིན་ནོ། །ཁྱོད་ཀྱི་ལུས་ཅིའི་རྒྱུས་ན་མཚན་མའི་ལས་བྱེད་ཅིང་སྣ་ཚོགས་ཀྱི་གཟུགས་ལེན་ཅེ་ན། སེམས་གཡོ་ན་ལུས་ལེན་ཏེ། མཚན་མ་དང་མཉམ་པར་འཇུག་གོ། །སད་ན་འདུ་ཤེས་ཀྱི་སེམས་གཡོས་ལོག་ན་རྨི་ལམ་དུ་འགྱུར་ཏེ། ཁྱོད་ཀྱི་འདུ་ཤེས་ཀྱི་མཚན་མས་ཡང་<br /> དག་པ་མ་ཡིན་པའི་སེམས་གཡོ་བར་ནུས་ཏེ། བྲལ་ཅིང་རྒྱུ་བར་མི་ཚོར་རོ། །དེའི་མིང་ཡང་དག་པ་མ་ཡིན་པའི་འདུ་ཤེས་གསུམ་པའོ། །མི་མངོན་པར་སྐད་ཅིག་པར་རྫུས་ནས་མེད་པར་འཕོ་ཞིང་འགྱུར་ཏེ། སེན་མོ་རིང་པོ་དང་། སྐྲ་སྐྱེ་བ་དང་། དབུགས་རྒྱུ་བ་དང་། གདོང་གི་<br /> གཉེར་མ་ནང་རུབ་ཏུ་རྒྱུ་བ་མི་འཆད་ཀྱང་ཁྱོད་ཀྱིས་མི་ཚོར་རོ། །དགའ་བོ་འདི་འོན་ཏེ་དེ་ལྟར་མ་ཡིན་དུ་ཟིན་ན་ཁྱོད་ཀྱིས་ལུས་ཅིའི་ཕྱིར་འགྱུར་བར་སྣང་། ཡང་དག་པ་མ་ཡིན་པ་འདྲ། ཁྱོད་ཀྱིས་ཅིའི་ཕྱིར་ཡང་དག་པར་མི་ཚོར། །ཁྱོད་ཀྱི་འདུ་བྱེད་ཐམས་ཅད་ནི་ཡུད་ཙམ་གྱི་<br /> བར་དུ་ཡང་མི་སྡོད་དོ། །དེའི་མིང་ནི་ཟབ་ཅིང་མི་མངོན་པ་ཡིན་པའི་འདུ་ཤེས་བཞི་པའོ། །ཡང་ཁྱོད་དང་ཞིང་གསལ་བ་ཏིང་ངེར་མི་གཡོ་བར་གནས་པ་དེའི་མིང་རྟག་པ་ཡིན་ན་ནི་ལུས་ལས་མཐོང་བ་དང་། ཐོས་པ་དང་། ཚོར་བ་དང་། ཤེས་པར་འགྱུར་བ་མི་རིགས། དེ་སྟེ་<br /> <br /> img. 574 from Volume 64&lt;br&gt;<br /> དབེན་པར་གདའ་ཡང་དག་ན་ནི། མི་བདེན་པའི་བག་ཆགས་མེད་པར་རིགས་སོ། །ཅིའི་རྒྱུས་ཁྱེད་ཅག་སྔོན་གྱི་དུས་ན་ངོ་མཚར་དག་ཅི་མཐོང་བ་ལོ་གྲངས་ཡུན་རིང་བའི་ཕྱིར་དྲན་པ་ཀུན་མེད་དེ་བརྗེད་ནས་ཅང་མི་དྲན་པ་ལས། ཕྱིས་ནི་སྔ་མ་མཐོང་བ་དང་གློ་བུར་དུ་<br /> དྲན་ཏེ་དེ་བཞིན་ཡོད་དེ་མ་སྟོར་ཏོ། །དེ་ནི་དང་བ་མངོན་དུ་ཏིང་ངེར་མི་གཡོ་བའི་ནང་ནས་ཡུད་ཙམ་གྱིས་བསྐོས་པའི་གྲངས་ནི་རེ་རེ་ལྟ་ཞིག་ཡོད། དགའ་བོ་ཤེས་པར་གྱིས་ཤིག །འདི་ཏིང་ངེར་མི་གཡོ་བ་ནི་ཆུ་བཟང་པོ་འབབ་པ་དང་མི་མཚུངས་སོ། །བལྟས་ན་ཏིང་ངེར་མི་<br /> གཡོ་བ་འདྲ་ཡང་མྱུར་བར་རྒྱུ་བར་མི་མཐོང་སྟེ། མི་རྒྱུ་བ་མ་ཡིན་ནོ། །དེ་སྟེ་འདུ་ཤེས་ཀྱི་གཞི་མངོན་བག་ཆགས་ཀྱི་མཚན་མ་གང་ཞིག་གིས་ལེན། ཁྱེད་ཀྱི་སྐྱེ་མཆེད་ནི་འཁྲུལ་པ་ལ་སྤྱོད་དེ། སྦྱོར་བ་དང་ཕྱེ་བ་འདི་ཡང་དག་པ་མ་ཡིན་པའི་འདུ་ཤེས་མ་ཡིན་པས་འགོག་པ་<br /> ཐོབ་པའི་དུས་མེད་དོ། །དེ་བས་ན་ཁྱེད་མཐོང་བ་དང་། ཐོས་པ་དང་ཚོར་བ་དང་ཤེས་པ་མངོན་སུམ་དུ་འདུག་པའི་ནང་ནས་མི་མངོན་མི་མཐོང་གཡོ་བ་ན་གོམས་པའི་བག་ཆགས་སོ། །དེའི་མིང་ནི་བག་ཆགས་ཀྱི་གཞི་ཕྱིན་ཅི་ལོག་དང་བའི་ཕྲ་བའི་ཡང་ཕྲ་བ། ཡང་དག་པ་<br /> མ་ཡིན་པའི་འདུ་ཤེས་ཀྱི་ཕྱིན་ཅི་ལོག་ལྔ་པའོ། །དགའ་བོ་ཕུང་པོ་ལྔ་པོ་འདི་ནི་ཡང་དག་པ་མ་ཡིན་པ་ལྔ་ལས་གྲུབ་པ་སྟེ། ཁྱོད་ད་ཤེས་པར་འདོད་ན་རྒྱུ་བའི་མཚམས་ནི་ཡང་བ་དང་ཟབ་པ་དང་སྟོང་པ་དང་གཟུགས་ཀྱི་མཐའ་ཡིན་ནོ། །རེག་པ་དང་བྲལ་བ་ནི་ཚོར་བའི་མཐའ་ཡིན་ནོ། །<br /> དྲན་པ་དང་བརྗེད་པ་ནི་འདུ་ཤེས་ཀྱི་མཐའ་ཡིན་ནོ། །སྐྱེ་བ་དང་འགོག་པ་ནི་འདུ་བྱེད་ཀྱི་མཐའ་ཡིན་ནོ། །སང་ངེ་སང་ངེར་འཇུག་པར་སྦྱོར་བ་ནི་རྣམ་པར་ཤེས་པའི་མཐའ་ཡིན་ནོ། །ཕུང་པོ་དེ་ལྔའི་ཚད་མེད་པ་སྐྱེ་སྐྱེ་བར། སྐྱེ་སྐྱེ་བའི་རྒྱུའི་ཕྱིར་རྣམ་པར་ཤེས་པ་ཡོད་དོ། །གཟུགས་<br /> ཀྱི་ཕྱིར་འགོག་པའོ། །དོན་རིག་ན་ཅིག་ཅར་སེལ་ཏེ་བག་ཆགས་ནི་ཅིག་ཅར་མི་འདག་སྟེ། རིམ་གྱིས་ཟད་དོ་ངས་ཁྱོད་ལ་ལག་ཕྱིས་མདུད་པར་བསྟན་ན། མ་རིག་ན་ཅིའི་ཕྱིར་ང་ལ་སླར་འདྲི། ཁྱེད་ནི་མ་རིག་པའི་སེམས་ཀྱི་རྩ་བའི་གཞི་དེ་ལས་བྲལ་ཏེ་ཐར་བར་འགྱུར་རོ། །<br /> <br /> img. 575 from Volume 64&lt;br&gt;<br /> ཁྱོད་ཆོས་ཀྱི་སྒོ་འདི་ཁྱེར་ཏེ་མ་འོངས་པའི་དུས་ཐ་མ་ལ་སྤྱོད་པའི་མི་དག་ལ་ཡང་དག་པ་མ་ཡིན་པར་ཤེས་པར་སྟོན་ཅིང་། སྐྱེ་ཤི་ལ་ཟབ་ཏུ་སྐྱེ་ཞིང་ཁམས་གསུམ་ལ་མ་མོས་པས་མྱ་ངན་ལས་འདས་པ་ཡོད་པར་ཤེས་པར་གྱིས་ཤིག །དགའ་བོ་མི་ལ་ལ་ཞིག་གིས་ཕྱོགས་བཅུའི་ནམ་མཁའི་<br /> ཁམས་ཁྱབ་པར་རིན་པོ་ཆེ་སྣ་བདུན་གྱིས་བཀང་སྟེ། རྡུལ་ཕྲ་མོ་སྙེད་ཀྱི་སངས་རྒྱས་ཐམས་ཅད་ལ་བླ་མར་བྱས་ཏེ། མཆོད་ཅིང་བསྙེན་བཀུར་བྱས་ནས་སེམས་དོན་མེད་པར་འདས་པར་མ་བྱས་ན་ཡིད་ལ་ཇི་སྙམ། མི་དེས་འདི་ལྟར་སངས་རྒྱས་ལ་ཕུལ་བའི་རྒྱུ་རྐྱེན་གྱིས་བསོད་ནམས་<br /> ཐོབ་པ་མང་བ་ཡིན་ནམ། དགའ་བོས་གསོལ་པ། ནམ་མཁའ་མི་བས་པས་རིན་པོ་ཆེའི་མཐའ་ཡང་མ་མཆིས་སོ། །འདས་པའི་དུས་ན་མི་ཞིག་གིས་པ་ན་བདུན་གྱི་ཕྱིར་ལུས་བཏང་སྟེ། བཅོམ་ལྡན་འདས་ལ་ཡོན་ཕུལ་བས། འཁོར་ལོས་སྒྱུར་བའི་རྒྱལ་པོར་སྐྱེས་ན་ཡང་<br /> མངོན་སུམ་དུ་ནམ་མཁའི་ཁམས་ཀྱི་མཐར་སངས་རྒྱས་ཀྱི་ཞིང་བཀང་ཞིང་ཁྱབ་པར་རིན་པོ་ཆེ་སོ་སོར་ཕུལ་བ་ནི་བསྐལ་པ་བས་ཀྱི་བར་དུ་ཡང་བསམ་པས་ཚད་གཟུང་མི་ནུས་ན། དེའི་བསོད་ནམས་ཀྱི་མཐའ་མཆིས་པ་ལྟ་ཅི་སྨོས། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ།<br /> དགའ་བོ་དེ་བཞིན་གཤེགས་པ་སངས་རྒྱས་ཐམས་ཅད་ནི་བརྫུན་མི་གསུང་སྟེ། མི་ལ་ལ་ཞིག་གིས་ལུས་ཀྱི་ཕས་ཕམ་པ་བཞི་དང་། ཕས་ཕམ་པ་བཅུ་ལྡན་པར་བྱས་ནས། དབུགས་གང་ཙམ་ལ་ཁམས་འདི་དང་། ཁམས་གཞན་གྱི་མཚམས་མེད་པའི་སེམས་ཅན་དམྱལ་<br /> བ་དང་། ཕྱོགས་བཅུ་མ་ལུས་པ་ན་མཚམས་མེད་པའི་སེམས་ཅན་དམྱལ་བར་མ་ཕྱིན་པ་མེད་དོ། །སེ་གོལ་ཐབས་ཅིག་གཏོགས་པའི་སྲིད་གཅིག་ཆོས་ཀྱི་སྒོ་འདི་ཁྱེར་ཏེ། ཕྱི་མའི་བསྐལ་པ་ཐ་མའི་ཚེ་མ་ལོབས་པ་ལ་འབྱུང་ཞིང་བསྟན་ན་མི་དེའི་ཁ་ན་མ་ཐོ་བའི་སྡིག་སེམས་ཀྱི་སྐད་<br /> ཅིག་ཙམ་གྱི་བར་དུ་ཚངས་ཤིང་འབྱང་སྟེ། སེམས་ཅན་དམྱལ་བའི་སྡུག་བསྔལ་གྱི་རྒྱུ་ལས་ཐར་ནས་བདེ་བའི་ཞིང་དུ་སྐྱེ་བར་འགྱུར་ཏེ། བསོད་ནམས་ཐོབ་པ་ནི་སྔ་མའི་སྦྱིན་པའི་བསོད་ནམས་ཀྱི་བརྒྱའི་ཆ་དང་། སྟོང་གི་ཆ་དང་། འབུམ་ཕྲག་ཁྲིའི་ཆ་དང་། དེ་བཞིན་དུ་རྩིས་<br /> <br /> img. 576 from Volume 64&lt;br&gt;<br /> དང་། གྲངས་དང་དཔེའི་བར་དུ་བསྐྲུན་དུ་མེད་དོ། །དགའ་བོ་སེམས་ཅན་ལ་ལ་ཞིག་གིས་མདོ་སྡེ་འདི་ཁ་ཏོན་དུ་འདོན་ཅིང་སྔགས་འདི་གཟུངས་སུ་བཟུང་ན། བསྐལ་པ་མི་ཟད་པའི་བར་དུ་ཡང་ངས་བཤད་པར་མི་ནུས་སོ། །ཁྱེད་རྣམས་ངས་བཤད་པའི་གཞུང་<br /> བཞིན་དུ་སྤྱོད་ན། བྱང་ཆུབ་གྲུབ་ཀྱི་བར་དུ་བདུད་ཀྱི་ལམ་ལས་ཐར་རོ། །དེ་སྐད་ཅེས་བཀའ་སྩལ་པ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་དགེ་བསྙེན་མ་དང་། འཇིག་རྟེན་གྱི་ལྷ་ཐམས་ཅད་དང་། ལྷ་མ་ཡིན་དང་། འཇིག་རྟེན་གྱི་ཁམས་གཞན་ནས་འདུས་<br /> པའི་བྱང་ཆུབ་སེམས་དཔའ་དང་། ཐེག་པ་གསུམ་གྱིས་འཕགས་པ་དང་། དྲང་སྲོང་གི་བུ་གཙང་མ་དང་། ཐོག་མ་སེམས་བསྐྱེད་པའི་མཐུ་བོ་ཆེ་དང་། ཡི་དགས་རྣམས་ཤིན་ཏུ་དགའ་ཞིང་མགུ་ནས་ཕྱག་འཚལ་ཏེ་སོ་སོར་དོང་ངོ་། །འཕགས་པ་དེ་བཞིན་གཤེགས་པའི་གཙུག་<br /> ཏོར་ཆེན་པོའི་ལེའུ་སྟོང་ཕྲག་བཅུ་པ་ལས་དེ་བཞིན་གཤེགས་པའི་གསང་བ་བྱང་ཆུབ་སེམས་དཔའ་ཐམས་ཅད་ཀྱིས་བསྒྲུབས་པ་དོན་མངོན་པར་འཐོབ་པར་སྤྱད་པའི་རྒྱུ་ལེའུ་བཅུ་པ་རྫོགས་སྷོ།།<br /> }}</div> Khenpo Tamphel https://bodhicitta.tsadra.org/index.php?title=Texts/Bhagavadu%E1%B9%A3%E1%B9%87%C4%AB%E1%B9%A3amah%C4%81/Full_text&diff=139937 Texts/Bhagavaduṣṇīṣamahā/Full text 2026-07-30T05:07:50Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=Si tu chos kyi ʼbyung gnas, ed. &quot;Bcom ldan 'das kyi gtsug tor chen po de bzhin gshegs pa'i gsang ba sgrub pa'i don mngon par thob pa'i rgyu byang chub sems dpa' thams cad kyi spyod pa dpa' bar 'gro ba'i mdo le'u stong phrag bcu pa las le'u bcu pa.&quot; In bKa' 'gyur (sde dge), 64:528–76. [sDe dge]: [sDe dge par khang chen mo]. Accessed October 7, 2025. http://purl.bdrc.io/resource/MW4CZ5369_0236.<br /> |FullTextDate=2025-10-06<br /> |FullTextTibetan=img. 528 from Volume 64&lt;br&gt;<br /> བྱ་སྟེ། ཤར་ཕྱོགས་སུ་ཁྲུ་གསུམ་ཙམ་དུ་ཀླུའི་རྒྱལ་པོ་མགོ་གསུམ་པ་ཀླུའི་གཡོག་འཁོར་སྣ་ཚོགས་དང་བཅས་པ་བའི་ལྕི་བས་བྲི་བར་བྱའོ། །ལྷོ་ཕྱོགས་སུ་ཁྲུ་ལྔ་ཙམ་དུ་ཀླུའི་རྒྱལ་པོ་མགོ་ལྔ་པ་ཀླུའི་གཡོག་འཁོར་སྣ་ཚོགས་དང་བཅས་པ་བྲི་བར་བྱའོ། །ནུབ་ཕྱོགས་<br /> སུ་ཁྲུ་བདུན་ཙམ་དུ་ཀླུའི་རྒྱལ་པོ་མགོ་བདུན་པ་ཀླུའི་གཡོག་འཁོར་སྣ་ཚོགས་དང་བཅས་པ་བྲི་བར་བྱའོ། །བྱང་ཕྱོགས་སུ་ཁྲུ་དགུ་ཙམ་དུ་ཀླུའི་རྒྱལ་པོ་མགོ་དགུ་པ་ཀླུའི་གཡོག་འཁོར་སྣ་ཚོགས་དང་བཅས་པ་བྲི་བར་བྱའོ། །ཆོས་སྨྲ་བས་རང་གི་ལུས་བསྲུངས་ལ་བྱམས་པ་ལ་གནས་ཏེ་<br /> སེམས་ཅན་ཐམས་ཅད་ལ་སྙིང་རྗེའི་སེམས་ཉེ་བར་གཞག་ནས་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་གསོལ་བ་བཏབ་ལ་ཀླུ་རྣམས་དང་དགེ་བའི་རྩ་བ་བགོ་བར་བྱ་སྟེ། འདི་ནི་ཆོ་གའོ། །གང་ཞིག་ཆར་མི་འབབ་པའི་ཚེ། སྤྲིན་ཆེན་པོའི་རླུང་གི་དཀྱིལ་འཁོར་གྱི་ལེའུ་འདི་<br /> ཀློག་ན། ཉིན་ཞག་གཅིག་གམ། གཉིས་ནས་ཉིན་ཞག་བདུན་ཚུན་ཆད་གདོན་མི་ཟ་བར་ཆར་འབབ་པར་འགྱུར་རོ། །རྒྱ་མཚོ་ནི་དུས་ལས་ཡོལ་ཀྱང་སྲིད་ཀྱི། ཐུབ་པ་ཆེན་པོའི་གསུང་རབ་ཆར་གྱི་ཆོ་ག་འདི་ནི་གཞན་དུ་མི་འགྱུར་རོ། །དེ་ལྟ་མོད་ཀྱི་ཚུལ་ཁྲིམས་དང་ཡོན་ཏན་ལ་<br /> གནས་ཏེ། འཆལ་པའི་ཚུལ་ཁྲིམས་དང་། ཤ་དང་ཉ་ལ་སོགས་པ་ཡོངས་སུ་སྤང་བར་བྱའོ། །འོ་ཐུག་དང་ཞོ་དང་འོ་མ་དང་། འབྲས་ཆན་བུ་རམ་ཅན་ལ་སོགས་པ་དང་། མངར་གསུམ་ཟ་ཞིང་བཀླག་པར་བྱའོ། །དེ་ལྟར་ན་འགྲུབ་པར་འགྱུར་ཏེ་ཐུབ་པའི་རྒྱལ་པོས་གསུངས་<br /> པ་བཞིན་དུ་ཐེ་ཚོམ་མེད་པར་བྱའོ། །འཕགས་པ་སྤྲིན་ཆེན་པོ་ཐེག་པ་ཆེན་པོའི་མདོ་ལས་ཆར་དབབ་པ་རླུང་གི་དཀྱིལ་འཁོར་གྱི་ལེའུ་ཞེས་བྱ་བ་དྲུག་ཅུ་རྩ་བཞི་པ་ཆོ་ག་དང་བཅས་པ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེན་དྲ་བོ་དྷི་དང་། ཞུ་ཆེན་གྱི་ལོ་ཙཱ་བ་<br /> བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། {D236}༄༅༅། །བོད་སྐད་དུ། བཅོམ་ལྡན་འདས་ཀྱི་གཙུག་ཏོར་ཆེན་པོ་དེ་བཞིན་གཤེགས་པའི་གསང་བ་སྒྲུབ་པའི་དོན་མངོན་པར་ཐོབ་<br /> <br /> img. 529 from Volume 64&lt;br&gt;<br /> པའི་རྒྱུ་བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་དཔའ་བར་འགྲོ་བའི་མདོ་ལེའུ་སྟོང་ཕྲག་བཅུ་པ་ལས་ལེའུ་བཅུ་པ། བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས་དེའི་ཚེ་དེ་བཞིན་གཤེགས་པའི་སྐུ་གསེར་བཙོ་མའི་རི་ལྟ་བུ་<br /> དམ་པའི་ཆོས་ཀྱི་གདན་སེང་གེའི་ཁྲི་ལས་སླར་ནུར་ནས་རིན་པོ་ཆེའི་སྐུ་རྟེན་དྲངས་ཏེ། དེ་ལ་སྐུ་བརྟེན་ནས་དགའ་བོ་ལ་སོགས་པའི་འཁོར་ཐམས་ཅད་ལ་བཀའ་སྩལ་པ། ཁྱེད་ལ་སོགས་པ་སློབ་པ་དང་། མི་སློབ་པ་དང་། རང་སངས་རྒྱས་རྣམས་ཀྱིས་བླ་ན་མེད་པ་བྱང་ཆུབ་ཆེན་<br /> པོའི་སེམས་བསྐྱེད་དེ་ཚོར་བ་དམ་པ་བླང་བར་བྱའོ། །ངས་ད་ཡང་དག་པར་སྒྲུབ་པའི་ཆོས་བཤད་ཟིན་ན་ཁྱེད་ཀྱིས་ད་དུང་དུ་ཁོང་དུ་མ་ཆུད་དོ། །ཞི་གནས་དང་ལྷག་མཐོང་རྣལ་འབྱོར་ན་ཕྲ་བའི་ཡང་ཕྲ་བའི་བདུད་ཀྱི་ལས་དང་། བདུད་ཀྱི་ཁམས་མངོན་སུམ་དུ་སྣང་སྟེ། ཁྱེད་ཀྱིས་དེ་<br /> རིག་པར་མ་ནུས་ན་སེམས་ཡང་དག་པར་སྦྱངས་པར་མི་གདགས་ཏེ། ལོག་པའི་ལྟ་བར་ལྟུང་བས་ཁྱེད་བར་བར་ནི་ཕུང་པོའི་བདུད་ཀྱིས་བར་བར་ནི་ལྷའི་བདུད། བར་བར་ནི་ཡི་དགས་དང་ལྷ་མ་ཡིན་གྱིས་བྱིན་གྱིས་བརླབས་ཏེ་སྐབས་རྙེད་དོ། །ནང་དུ་སེམས་ཀྱིས་མ་ཚོར་ནས་རྐུན་པོ་<br /> ལ་བུ་ཡིན་པར་བཟུང་སྟེ། ཡང་དེའི་ནང་ནས་ཆུང་ཤེས་ཙམ་གྱི་ཐོབ་པ་ལ་གྲུབ་སྟེ་ཆོག་གོ་སྙམ་དུ་སེམས་པ་ནི་བསམ་གཏན་བཞི་ལ་ཆགས་པ་དང་མཚུངས་སོ། །དེ་ནི་མཚམས་མེད་པའི་དགེ་སློང་སྟེ་འཕགས་པ་ཐོབ་བོ་སྙམ་དུ་བསམས་པས་བརྫུན་བྱས་པའོ། །ལྷ་ཚེ་ཟད་པའི་<br /> ཁར་ཡང་ལྟས་པ་མངོན་དུ་བྱུང་སྟེ། དགྲ་བཅོམ་པ་ལ་ཡང་ཕྱི་མའི་ལུས་ལེན་ཏོ་ཞེས་སྐུར་པ་བཏབ་ནས་མཚམས་མེད་པའི་དམྱལ་བར་ལྟུང་ངོ་། །ཁྱོད་ཉོན་ལ་ལེགས་པར་སོམས་ཏེ་ཡིད་ལ་གྱིས་ཤིག་དང་། ངས་ད་ཁྱོད་ཀྱི་ཕྱིར་ཞིབ་ཏུ་བྱེ་བྲག་དབྱེའོ། །དེ་སྐད་ཅེས་བཀའ་<br /> སྩལ་པ་དང་། དགའ་བོ་སྟན་ལས་ལངས་པ་དང་། འཁོར་གྱི་ནང་ནས་སློབ་པ་འཐུན་པ་དག་ཀྱང་རབ་ཏུ་དགའ་ནས་སྤྱི་བོས་བཏུད་དེ་ལུས་དང་སེམས་ཤིན་ཏུ་གུས་ཤིང་དང་བས་བཅོམ་ལྡན་འདས་ཀྱི་ཐུགས་རྗེས་དགོངས་པ་ལས་སླར་ཉན་ཏོ། །དེ་ནས་བཅོམ་ལྡན་འདས་ཀྱིས་<br /> <br /> img. 530 from Volume 64&lt;br&gt;<br /> དགའ་བོ་དང་། འཁོར་ཐམས་ཅད་ལ་བཀའ་སྩལ་པ་ཁྱེད་ལ་སོགས་པ་ཤེས་པར་གྱིས་ཤིག །ངོ་བོ་ཉིད་ཀྱི་ཚོར་བ་དམ་པ་གསལ་བ་དེ་བཞིན་ཉིད་ཀྱི་ཚོར་བ་རྒྱས་པ་ནི་ཕྱོགས་བཅུའི་སངས་རྒྱས་ཐམས་ཅད་དང་། རིགས་བཅུ་གཉིས་ལས་སྐྱེས་པའི་ཟག་པ་<br /> ཅན་གྱི་འཇིག་རྟེན་པར་ཡང་སོ་སོ་མ་ཡིན་ཞིང་ཐ་མི་དད་མོད་ཀྱི་ཡང་དག་པ་མ་ཡིན་པའི་འདུ་ཤེས་ཀྱི་དོན་ནོར་བའི་ཉེས་པ་ལས་ཐིབས་པོ་དང་སྲེད་པ་བྱུང་ཞིང་སྐྱེས་སོ། །དེ་ལྟར་སྐྱེས་ཤིང་བྱུང་ནས་དེའི་ཕྱིར་སྟོང་པ་རང་བཞིན་ཡོད་པར་འགྱུར་ཏེ་ཐམས་ཅད་དུ་འཁྲུལ་པ་ཡིན་ནོ། །<br /> འཁྲུལ་པ་ལས་རྫུས་པ་རྒྱུན་མི་འཆད་པའི་ཕྱིར་འཇིག་རྟེན་བྱུང་ངོ་། །དེ་ལྟ་བས་ན་ཕྱོགས་བཅུའི་རྡུལ་ཕྲ་མོའི་ཞིང་ཁམས་ཀྱང་མི་ཟག་པ་མེད་དོ། །དེ་ལྟ་བུ་ནི་འཁྲུལ་པའི་ཕོ་ཐེག་ཅན་ཡང་དག་པ་མ་ཡིན་པའི་འདུ་ཤེས་ཀྱི་གཞུང་འཛུགས་པར་ཤེས་པར་བྱོས་ཤིག །ནམ་མཁའ་<br /> སྟོང་པ་ནི་ནང་ནས་ཁྱེད་ཀྱི་སེམས་ལས་སྐྱེས་སོ། །དཔེར་ན་ནམ་མཁའ་ལས་སྤྲིན་གློ་བུར་དུ་བྱུང་ན་འཇིག་རྟེན་པ་ཐམས་ཅད་དེའི་ནང་ན་འདུག་པ་བཞིན་ཏེ། ཁྱེད་ལས་འགའ་ཞིག་གིས་ཡང་དག་པ་འདི་ལ་མ་ཕྱོགས་ན་ཕྱོགས་བཅུའི་སྟོང་པ་ཐམས་ཅད་ཀྱང་ཞི་ཞིང་བྱང་སྟེ། ནམ་མཁའི་<br /> ཁམས་ཀྱི་ཡུལ་ཐམས་ཅད་ཅིའི་ཕྱིར་གཡོ། རབ་ཏུ་གཡོ་བར་མི་འགྱུར། ཕྱོགས་བཅུའི་ཟག་པ་ཟད་པའི་བྱང་ཆུབ་སེམས་དཔའ་དང་། དགྲ་བཅོམ་པ་དག་ཁྱེད་བསམ་གཏན་དང་། ཏིང་ངེ་འཛིན་ལ་རྣལ་འབྱོར་སྤྱོད་དེ། སེམས་དང་ཞིང་ས་ལེ་བར་དེ་བཞིན་ཉིད་ལ་རྩེ་གཅིག་གི་ཏིང་<br /> ངེར་འགྱུར་ན་བདུད་ཀྱི་རྒྱལ་པོ་ཐམས་ཅད་དང་། ལྷ་དང་། མི་དང་། ལྷ་མ་ཡིན་དང་། སེམས་ཅན་མ་རབས་ལ་སོགས་པའི་ཁང་ཁྱིམ་ཀུན་ནི་རྙིལ། ས་ཆེན་པོ་ནི་རབ་ཏུ་གཡོ་བར་འགྱུར་རོ། །ཆུའི་ནང་ན་གནས་པ་དང་། སྐམ་ལ་གནས་པ་དང་། ནམ་མཁའ་ལ་འཕུར་བ་དེ་<br /> དག་ཁྱེད་ལ་སོགས་པས། ཅིའི་ཕྱིར་རྙིལ་ཞིང་གཡོ་བར་འགྱུར། ལྷ་མ་ཡིན་དང་། ཡི་དགས་དང་། ལྷའི་བདུད་དག་ཞེ་སྡང་ཆེ་བར་གཡོ་བ་ཡང་ཡོད་དེ། ཁྱེད་བསམ་གཏན་བསྒོམ་པའི་ཐད་དུ་འོངས་ནས་གནོད་པ་བྱས་སུ་ཟིན་ཀྱང་མཚན་མའི་དྲི་མ་ལ་གོམས་པའི་ནང་ནས་ཁྱེད་ཀྱིས་ཚོར་<br /> <br /> img. 531 from Volume 64&lt;br&gt;<br /> བའི་སྙིང་པོར་གཏུགས་ན། དེའི་ཕྱིར་འོད་པ་རླུང་གིས་ཕོག་པ་བཞིན། ཆུ་ལ་རལ་གྲི་བཏབ་པ་ལྟར། གཅིག་གིས་གཅིག་ལ་གནོད་པར་མི་འགྱུར། ཕས་ཀྱིས་རྒོལ་བའི་ཆབ་སྲོམ་སྲ་བ་ལ་ཁྱོད་ཀྱི་དྲོད་ཀྱིས་ཆུ་ཚན་ཁོལ་བས་ཁད་ཀྱིས་ཉེ་ཞིང་མྱུར་དུ་འཇུ་བའི་ཕྱིར་བདུད་ལ་སོགས་པས་<br /> བྱིན་གྱིས་བརླབས་ཀྱང་རང་ཉོན་མོངས་སུ་ཟད་དེ་དོན་མེད་དོ། །དེ་ལྟར་ན་འགྲོན་དང་མཚུངས་ཏེ་གྲུབ་པ་དང་། བཤིག་ཅིང་གྱེས་པར་ཡང་བྱེད་དེ། ཁྱེད་ཀྱི་སེམས་ཀྱི་ནང་ནས་ཕུང་པོ་ལྔའི་བདག་པོ་འཁྲུལ་ཏེ་འགྲོན་གྱིས་སྐབས་རྙེད་ན་དེ་ཉིད་དུ་ཚོར་བས་ཆུད་པར་བསམ་གཏན་དུ་<br /> བསྒོམས་ན་འཁྲུལ་པར་མི་འགྱུར་ཏེ། ཁྱེད་ལ་བདུད་ཀྱི་རྒོལ་བས་མི་ཐུབ་བོ། །ཕུང་པོ་བྱང་བའི་གསལ་བ་ལ་ཞུགས་ན་ཕྱིན་ཅི་ལོག་གི་ཚོགས་ཀུན་སོ་སོར་མེད་པར་འགྱུར་ཏེ་སྣང་བས་ནི་མུན་ནག་སེལ་ནུས་སོ། །ཉེ་བར་འོངས་ཀྱང་རང་དུལ་བར་འགྱུར་ན། བསམ་གཏན་པ་ལ་<br /> གནོད་པ་བྱེད་ལྟ་ག་ལ་ཞིག་སྤོབས། དེ་ལྟར་ཚོར་བས་ཆུད་པར་མ་བྱས་ན་ཕུང་པོས་སླུ་བ་ཡིན་ནོ། །དགའ་བོ་ཁྱོད་ནི་བདུད་ཀྱི་བུར་འགྱུར་ཏེ། བདུད་ཀྱི་མི་ལ་སྒྲུབ་པ་བྱེད་དོ། །མ་ཐད་ག་ལྟ་བུ་མཐུ་ཆུང་ཡང་སྔགས་ཀྱི་མཐུའི་ཕྱིར་ཁྱོད་ཀྱི་ཚུལ་ཁྲིམས་འཇིག་པར་ནུས་སོ། །ཁྲི་<br /> ཕྲག་བརྒྱད་ཀྱི་སྤྱད་པའི་ནང་ནས། ཚུལ་ཁྲིམས་གཅིག་བཤིག་ཀྱང་སེམས་ཡོངས་སུ་དག་པའི་ཕྱིར་ཁྱོད་མ་རྨོངས་མ་འཐོམས་ཏེ། དེ་ནི་བསོད་ནམས་ཡོད་པའི་ཕྱིར་ཁྱོད་ཀྱི་རིན་པོ་ཆེའི་ལུས་མ་འཁྱམས་སོ། །དཔེར་ན་བློན་པོ་ཆེན་པོའི་ཁང་ཁྱིམ་སྐད་ཅིག་སོ་སོར་བགོས་ཏེ་ཁྱེད་<br /> ལ་མེད་ན་སྐྱབས་བྱེད་མི་ནུས་པ་དང་འདྲའོ། །དགའ་བོ་ཤེས་པར་གྱིས་ཤིག །ཁྱེད་བྱང་ཆུབ་ཀྱི་སྙིང་པོར་རྣལ་འབྱོར་ན་དང་ཞིང་གསལ་བས་གཡོ་བ་དང་། མི་གཡོ་བ་ཐམས་ཅད་ཀྱིས་མི་སྐུལ་ཏེ། དྲང་བ་དང་བརྗོད་པར་རོ་གཅིག་པའི་དེ་ཁོ་ན་ཉིད་ལ་གནས་ན་མཚན་མ་ཐམས་<br /> ཅད་ཟད་དེ། སྒྲིབ་པ་མེད་ན་དེ་ནི་མཚན་མ་དང་བྲལ་བའོ། །ཏིང་ངེ་འཛིན་ལ་མཉམ་པར་བཞག་ན་སྐྱེས་བུ་མིག་དང་ལྡན་པ་མུན་ནག་གི་ནང་དུ་ཕྱིན་པ་དང་མཚུངས་ཏེ། རང་བཞིན་གསལ་ཞིང་དངས་མོད་ཀྱི། ད་དུང་སེམས་ཀྱི་འོད་མ་བྱུང་བས་དེ་ནི་གཟུགས་ཀྱི་ཕུང་པོས་བསྒྲིབས་པའོ། །<br /> <br /> img. 532 from Volume 64&lt;br&gt;<br /> མིག་དང་ལྡན་པས་ནི་ཕྱོགས་བཅུར་ས་ལེར་སྣང་སྟེ། ཅི་ཡང་ལུས་པ་མེད་དེ། དེའི་མིང་ནི་གཟུགས་ཀྱི་ཕུང་པོ་ཟད་དེ། མི་དེ་ནི་བསྐལ་པའི་སྙིགས་མ་ལས་འདས་སོ། །དོན་དེ་ལ་བརྟགས་ན་ཡང་དག་མ་ཡིན་པའི་འདུ་ཤེས་ཀྱི་རྩ་བ་བསྲབ་པའི་ཕྱིར་རོ། །དགའ་བོ་དེ་ལྟ་བུ་<br /> ལ་གནས་ཤིང་སྦྱངས་ན་གསལ་ཞིང་དངས་ཏེ། ཁམས་བཞི་མ་འཁྲུགས་པ་ལས་སེམས་སྐད་ཅིག་ཙམ་ཞིག་ལུས་ཐོགས་པ་མེད་པར་སྣང་སྟེ། དེའི་མིང་ནི་དང་ཞིང་གསལ་བ་མངོན་དུ་ལུང་པར་འབབ་པར་བསྒོམས་པ་ལས། ཡུད་ཙམ་ཞིག་བྱུང་བ་ཡིན་གྱི་འཕགས་པར་གྱུར་པ་ནི་<br /> མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་དགེ་བའི་མངོན་རྟགས་སུ་ནི་རུང་གི་དེ་ལ་འཕགས་པའོ་སྙམ་དུ་བསམས་ན་དེ་ལོག་པའི་ཁམས་སུ་ལྟུང་ངོ་། །དགའ་བོ་ཡང་སེམས་དེ་ཉིད་སྦྱངས་ཤིང་དང་སྟེ། ལུས་ཀྱི་ནང་དངས་ཤིང་གསལ་བ་ལས་ཡུད་ཙམ་ཞིག་མི་དེའི་<br /> ལུས་ཀྱི་ནང་ནས་སྲིན་གྲོལ་མ་གློ་བུར་དུ་བྱུང་ཡང་ལུས་ཀྱི་རང་བཞིན་ཇི་བཞིན་ཏེ། སྨས་ཤིང་ཉམས་པ་ཡང་མེད་པར་མཐོང་ངོ་། །དེའི་མིང་ནི་གཟུགས་ཀྱི་ཡན་ལག་དང་། གསལ་བའི་ལུང་པར་འབབ་པའི་བརྩོན་འགྲུས་ལས་གྱུར་པ་ཡིན་གྱི། འཕགས་པའི་འབྲས་བུར་གྱུར་པ་ནི་<br /> མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་དགེ་བའི་ལྟས་སུ་ནི་རུང་གི །དེ་ལ་འཕགས་པའོ་སྙམ་དུ་བསམས་ན་དེ་ལོག་པའི་ཁམས་སུ་ལྟུང་ངོ་། །དགའ་བོ་ཡང་སེམས་དེ་ཉིད་ཀྱིས་སྦྱངས་ཤིང་དང་ན་དེའི་ཚེ་སེམས་དང་། ཡིད་དང་། རྣམ་པར་ཤེས་པ་རྣམས་<br /> འགྲོན་དང་། སྦྱིན་བདག་ཇི་བཞིན་པ་ལ་མི་འགྱུར་བ་ལ་སྤྱོད་པས་འཛིན་པའི་ལུས་མ་གཏོགས་པར་གཞན་ཐམས་ཅད་གཅིག་ཏུ་བསྡུས་ཤིང་མཉམ་པར་གཞག་པ་ལས་སེམས་སྐད་ཅིག་ཙམ་ཞིག་ནམ་མཁའ་སྟོང་པ་ལས་ཅིག་ཅར་དུ་ཕྱོགས་བཅུ་ནས་ཆོས་ཟབ་མོའི་དོན་འཆང་བ་ལྟ་བུའི་སྒྲ་ཐོས་<br /> སོ། །དེའི་མིང་ནི་སེམས་དང་། ཡིད་དང་། རྣམ་པར་ཤེས་པ་ལྡང་དུབ་ལས་དགེ་བའི་རྒྱུ་གྲུབ་པ་ཡིན་ཏེ། དགེ་བའི་མཚན་མ་ནི་ཡིན་གྱི་འཕགས་པའི་འབྲས་བུ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་ན་ལམ་ལོག་པར་ལྟུང་ངོ་། །དགའ་བོ་ཡང་སེམས་དེ་གསལ་ཞིང་ས་ལེ་བའི་ནང་<br /> <br /> img. 533 from Volume 64&lt;br&gt;<br /> ནས་སེམས་སྐད་ཅིག་འོད་བྱུང་སྟེ། ཕྱོགས་བཅུ་ཁྱབ་པར་འཛམ་བུ་གསེར་གྱི་ཁ་དོག་ཏུ་གྱུར་ཏེ། རྣམ་པ་སྣ་ཚོགས་ཐམས་ཅད་ཀྱང་དེ་བཞིན་གཤེགས་པའི་སྐུར་གྱུར་ནས་རྣམ་པར་སྣང་མཛད་དེ་བཞིན་གཤེགས་པའི་ལྷའི་འོད་བརྩེགས་པའི་ཁང་པ་ན་བཞུགས་ཏེ། སངས་<br /> རྒྱས་བཅུའི་འཁོར་གྱིས་བསྐོར་ཅིང་ས་ཡ་ཕྲག་བརྒྱའི་ཞིང་དང་པད་མོར་བཅས་པ་ལྟ་བུར་བྱུང་བར་སྣང་སྟེ། དེའི་མིང་ནི་ཡིད་ཀྱི་རྣམ་པར་ཤེས་པས་ཆུད་ཅིང་འཇུག་པའི་ཆགས་པ་སྟེ། སེམས་སྦྱངས་པའི་འོད་ལས་འཇིག་རྟེན་ཐམས་ཅད་སྣང་བ་དེ་ཡང་ཐང་ཅིག་ཏུ་ཟད་དེ་དགེ་བའི་<br /> མཚན་མར་ནི་རུང་གི་འཕགས་པའི་འབྲས་བུ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་འཛིན་ན་ལམ་འོག་མའི་ཁམས་སུ་ལྟུང་ངོ་། །ཡང་སེམས་དེ་དང་ཞིང་གསལ་བར་སྦྱངས་པ་ལས་དཔྱོད་པ་རྒྱུན་མི་འཆད་པར་བརྙས་ཤིང་བཏུལ། འདུལ་བཅིལ་ཏེ་འཕར་ནས་དེའི་ཚེ་སེམས་<br /> སྐད་ཅིག་ཙམ་ཞིག་ཕྱོགས་བཅུའི་ནམ་མཁའ་ལས་རིན་པོ་ཆེ་སྣ་བདུན་གྱི་ཁ་དོག་ཏུ་གྱུར་ཏེ། བར་བར་ནི་ཁ་དོག་སྣ་བརྒྱད་པར་འགྱུར་རོ། །ཡང་ཁྱབ་པར་གང་བ་ནི་སྔོན་པོ་སེར་པོ་དམར་པོ་དཀར་པོ་དག་སོ་སོ་ནས་མ་འདྲེས་པ་ལྟ་བུར་སྣང་སྟེ་དེ་ནི་བརྙས་ཤིང་བཏུལ་བཅིལ་ཏེ་འཕར་<br /> བ་ལས་གྱུར་ཏེ། དེ་ཡང་ཐང་ཅིག་ཏུ་ཟད་པས་འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་དེ་དགེ་བའི་མཚན་མར་ནི་རུང་གི་དེ་ལ་འཕགས་པའོ་སྙམ་དུ་བཟུང་ན། ལམ་ལོག་པའི་ཁམས་སུ་ལྟུང་ངོ་། །ཡང་སེམས་དེ་ཡུན་རིང་དུ་སྦྱངས་ཏེ།<br /> མ་འཕྲོགས་ཤིང་དང་བ་ལས་སེམས་སྐད་ཅིག་ཙམ་ཞིག་མཚན་མོའི་མུན་གནག་ནང་ནས་རྫས་སྣ་ཚོགས་མཐོང་སྟེ། ཉིན་མོ་མཐོང་བ་དང་མཚུངས་སོ་འདི་ལྟར་མཐོང་བ་དེའི་མིང་ནི་སེམས་ཕྲ་བའི་ཡང་ཕྲ་བའི་དང་བ་ལས་གྱུར་པ་ཡིན་ཏེ། དགེ་བའི་མཚན་མ་ཡིན་གྱི་འཕགས་པར་གྱུར་པ་མ་<br /> ཡིན་ནོ། །དེ་ལ་འཕགས་པའོ་སྙམ་དུ་བསམས་ན་ལོག་པའི་ཁམས་སུ་ལྟུང་ངོ་། །ཡང་སེམས་དེ་ནམ་མཁར་རྒྱས་པར་བསྒོམས་པ་ལས་སེམས་སྐད་ཅིག་ཙམ་ཞིག་ཁམས་བཞི་ཡང་རྩྭ་ཤིང་དང་འདྲ་བར་མཐོང་སྟེ། མེས་བསྲེགས་མཚོན་ཆས་གཏུབས་ཀྱང་མི་ཚོར་རོ། །<br /> <br /> img. 534 from Volume 64&lt;br&gt;<br /> མེའི་འོད་ཀྱིས་མཆེད་ཀྱང་ཚིག་པར་མི་འགྱུར་ཞིང་། ཤ་བཅད་ན་ཡང་ཤིང་བཞོགས་པ་དང་མཚུངས་སོ། །དེའི་མིང་ནི་རྡུལ་ཕྲ་མོ་འདུས་པ་ཁམས་བཞིའི་ཕུང་པོ་མ་པ་ལས་དེ་ལྟར་གྱུར་ཏེ། དེ་ཡང་སྐད་ཅིག་གཅིག་ཏུ་ཟད་དེ། དགེ་བའི་མཚན་མར་ནི་རུང་གི་<br /> འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་འཛིན་ན་ནི་ལོག་པའི་ཁམས་སུ་ལྟུང་ངོ་། །ཡང་སེམས་དེ་ཡོངས་སུ་དག་པར་བསྒྲུབས་ཏེ། བརྩོན་འགྲུས་ཀྱི་སྤྱོད་ཡུལ་གྱི་མཐར་གནས་པ་ལས་སྐད་ཅིག་ཙམ་ཞིག་སེམས་ཀྱི་ཕྱོགས་བཅུའི་ས་ཆེན་པོ་དང་། རི་དང་།<br /> ཆུ་ཀླུང་མཐོང་སྟེ། དེ་ཉིད་སངས་རྒྱས་ཀྱི་ཞིང་དུ་གྱུར་ནས་རིན་པོ་ཆེ་སྣ་བདུན་དང་ལྡན་ཞིང་། སྣོད་གང་བས་ཁྱབ་ཅིང་གང་བ་དང་། གང་གཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པའི་སངས་རྒྱས་ཐམས་ཅད་ཁང་པ་བརྩེགས་པ་བརྒྱན་པ་ན་བཞུགས་ཏེ། ནམ་མཁའ་གང་བར་<br /> མཐོང་ངོ་། །ཡང་འོག་གི་ཕྱོགས་སུ་སེམས་ཅན་དམྱལ་བ་མཐོང་། སྟེང་གི་ཕྱོགས་སུ་ཡང་ལྷའི་གནས་གཞལ་མེད་ཁང་དག་བསྒྲིབས་པ་མེད་པ་ལྟ་བུར་མཐོང་སྟེ། དེའི་མིང་ནི་སྐྱོ་བ་དང་དགའ་བས་བྱིང་བའི་འདུ་ཤེས་ཟབ་ཏུ་ཞེན་པ་ཡུན་རིངས་པ་ལས་གྱུར་པ་ཡིན་གྱི་འཕགས་<br /> པར་གྱུར་པ་མ་ཡིན་ནོ། །དེ་ལ་འཕགས་པའོ་སྙམ་དུ་བསམས་ན་དགེ་བའི་མཚན་མ་ནི་ཡིན་གྱི། དེ་ལ་འཕགས་པའི་འབྲས་བུ་ཐོབ་བོ་སྙམ་དུ་འཛིན་ན་ནི་ལོག་པའི་ཁམས་སུ་ལྟུང་ངོ་། །ཡང་སེམས་དེ་དད་པ་ཡུན་རིང་དུ་སྦྱངས་པ་ལས་སེམས་སྐད་ཅིག་ཙམ་ཞིག་ནམ་གྱི་<br /> གུང་ལ་རྒྱང་རིང་པོ་ན་ཚོང་དུས་དང་། གྲོང་ཁྱེར་དང་། གཉེན་བཤེས་ཀྱང་མཐོང་ངོ་། །བར་བར་ནི་གཏམ་ཟེར་བའི་སྒྲ་ཡང་ཐོས་ཤིང་། བར་ཆད་ཀྱི་ཕྱི་རོལ་ན་འདུག་པ་ལྟ་བུ་ཡང་མཐོང་ན། དེའི་མིང་ནི་སེམས་མནན་ཅིང་བཅིལ་བ་ལས་གྱུར་པ་ཡིན་ཏེ། དགེ་བའི་ལྟས་ནི་<br /> ཡིན་གྱི། འཕགས་པར་གྱུར་པ་ནི་མ་ཡིན་ནོ། དེ་ལ་འཕགས་པའོ་སྙམ་དུ་བསམས་ན་ལོག་པའི་ཁམས་སུ་ལྟུང་ངོ་། །ཡང་སེམས་དེ་དང་བར་ཡུན་རིང་དུ་སྦྱངས་པ་ལས་རྐྱེན་མེད་པར་དགེ་བའི་བཤེས་གཉེན་དག་གི་ལུས་དང་ཆ་བྱད་བསྒྱུར་ཞིང་རྣམ་པ་སྣ་ཚོགས་ལྟ་བུར་མཐོང་སྟེ།<br /> <br /> img. 535 from Volume 64&lt;br&gt;<br /> དེའི་མིང་ནི་སླུ་བའི་སེམས་ཏེ་ལྷ་མ་ཡིན་ཁོང་དུ་ཞུགས་པའོ། །བར་བར་ནི་ལྷའི་བདུད་ཀྱིས་བསླུས་ཏེ། སེམས་ཀྱི་ཁོང་དུ་ཞུགས་ནས་ཐོགས་པ་མེད་པར་ཆོས་ཟབ་མོའི་དོན་འཆད་མཁས་ཏེ་དེ་ནི་འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་བདུད་<br /> ཀྱི་ལས་དེ་ཞི་ཞིང་མེད་པར་འགྱུར་རོ། །དེ་ལ་འཕགས་པའོ་སྙམ་དུ་བསམས་ན་ལོག་པའི་ཁམས་སུ་ལྟུང་ངོ་། །དགའ་བོ་དེ་རྣམས་བཅུ་ནི་ཏིང་ངེ་འཛིན་གྱི་སྔ་ལྟས་ཡིན་ཏེ། འདི་ཀུན་ནི་གཟུགས་ཀྱི་ཕུང་པོ་ཡིན་ནོ། །དེ་དག་ནི་བསྒོམ་པ་ནོར་བ་ལས་དེའི་ཕྱིར་འདི་འདྲ་བར་གྱུར་ཏེ།<br /> ཕོ་ཐེག་ཅན་གྱི་སྐྱེ་བོར་བསླད་པས་རང་གི་དྲོད་མ་ཟིན་ཏེ། རྒྱུ་རྐྱེན་དེ་ལྟ་བུ་དང་ཕྲད་ནས་འཁྲུལ་བར་རང་གིས་མ་ཤེས་ཏེ། བདག་འཕགས་པའོ་སྙམ་དུ་སེམས་པ་ནི་བརྫུན་ཆེན་པོར་འགྱུར་ཏེ། སེམས་ཅན་དམྱལ་བ་ཆེན་པོར་ལྟུང་བར་འགྱུར་རོ། །ཁྱེད་ལ་སོགས་པ་དེ་ལྟ་བུ་ལ་རྟེན་<br /> པར་གྱིས་ཤིག །དེ་བཞིན་གཤེགས་པ་འདས་པའི་ཕྱིན་མ་འོངས་པའི་དུས་ལྔ་བརྒྱའི་ཐ་མ་ལ། དོན་དེ་དག་ཤོད་ཅིག །སྟོན་ཅིག །ལྷའི་བུས་བདུད་ཀྱི་སྐབས་མ་རྙེད་པར་གཟུགས་སུ་བཟུང་སྟེ། ཆོངས་ལ་མན་ངག་བཞག་ཅིང་སྐྱབས་དང་བསྲུང་བ་བྱས་ན་བླ་ན་མེད་པའི་དོན་གྲུབ་<br /> བོ། །དགའ་བོ་རིགས་ཀྱི་བུ་དག་ཏིང་ངེ་འཛིན་དང་། ཞི་གནས་ལ་སྙོམས་པར་ཞུགས་ཏེ། གཟུགས་ཀྱི་ཕུང་པོ་ཟད་ན་སངས་རྒྱས་ཐམས་ཅད་ཀྱི་སེམས་མཐོང་སྟེ། དཔེར་ན་མེ་ལོང་དག་པའི་ནང་ན་གཟུགས་སྣང་བ་བཞིན་ཏེ། སྤྱད་དུ་ནུས་པར་ཐོབ་པའོ། །ལོག་པའི་སླད་<br /> མས་སེམས་ལ་ཕོག་ན་གཡོ་བར་མི་ནུས་ཏེ་ཡི་དགས་ཀྱིས་ནོན་པ་ལྟར་རྐང་ལག་དང་སྔ་མ་ཁོ་བཞིན་ཞིང་སངས་རྒྱས་མཐོང་བ་དང་ཐོས་པ་མ་འཁྲུལ་ཏོ། །དེའི་མིང་ནི་ཚོར་བའི་ཕུང་པོས་བསྒྲིབས་པའོ། །དེ་སྟེ་ནོན་པ་ལས་སངས་ནས་སེམས་ལུས་དང་བྲལ་ཏེ་སླར་འདོད་ལ་རྟོག་ན་འགྲོ་<br /> བ་དང་འདུག་པ་ལ་རང་དབང་དུ་གྱུར་ཏེ་སྒྲིབ་པ་མེད་དོ། །དེའི་མིང་ནི་ཚོར་བའི་ཕུང་པོ་ཟད་དེ། མི་དེ་ནི་ལྟ་བའི་སྙིགས་མ་ལས་འདས་སོ། །དོན་དེ་ལ་བརྟགས་ན་ཡང་དག་པ་མ་ཡིན་པའི་འདུ་ཤེས་ཀྱི་རྩ་བ་གསོག་གི་ཕྱིར་རོ། །དགའ་བོ་རིགས་ཀྱི་བུ་དག་དེ་དག་དེ་ལ་གནས་ཏེ།<br /> <br /> img. 536 from Volume 64&lt;br&gt;<br /> ནང་ཤིན་ཏུ་བསྒྲིབས་པ་ལས། སེམས་ལ་ནང་ནས་གསལ་བ་བྱུང་སྟེ། འོད་ཟེར་ཆེན་པོ་ཐོབ་ནས་སེམས་ཀྱི་སྐད་ཅིག་ཙམ་ཞིག་མི་ཟད་པའི་སྙིང་རྗེ་སྐྱེས་ནས་སྦྲང་བུ་ལྕགས་ཕྱེ་ལ་ཡང་བུ་གཅིག་པ་བཞིན་བྱམས་པར་ལྟ་ཞིང་། དེ་བཞིན་དུ་སྙིང་རྗེའི་སེམས་སྐྱེས་<br /> ནས་མི་ཚོར་བར་མཆི་མ་བྱུང་སྟེ། དེའི་མིང་ནི་ལྷག་པར་སྤྱོད་པ་གྲགས་པ་འདི་ལས་བྱུང་བ་ཡིན་ཏེ། དེ་ལ་ཚོར་བ་ནི་ཉེས་པ་མེད་དེ་འཕགས་པར་གྱུར་པ་ནི་མ་ཡིན་ནོ། །དེ་ལ་ཚོར་བས་ཆུད་ན་ནོར་བར་མི་འགྱུར་ཏེ། རིང་ཞིག་ནས་ཞི་ཞིང་འབྱུང་ངོ་། །དེ་ལ་འཕགས་པའོ་སྙམ་དུ་<br /> སེམས་ན་ནི་སྙིང་རྗེའི་བདུད་ཁོང་དུ་ཞུགས་ཏེ། མི་དག་མཐོང་ན་སྙིང་རྗེ་སྐྱེ་ཞིང་མཆི་མ་མི་འཆད་པར་འབྱུང་སྟེ། ཡང་དག་པའི་གྲལ་སྟོར་ནས་ལོག་པར་གོལ་བར་ལྟུང་ངོ་། །ཡང་དགའ་བོ་ཏིང་ངེ་འཛིན་དེའི་ནང་ནས་རིགས་ཀྱི་བུ་དག་གཟུགས་ཀྱི་ཕུང་པོ་ནི་ཞི་བར་མཐོང་། ཚོར་<br /> བའི་ཕུང་པོ་ནི་གསལ་ཞིང་བྱང་སྟེ། རྒྱལ་བའི་མཚན་མ་མངོན་སུམ་དུ་བྱུང་བ་ལས་དེ་སེམས་ཀྱི་སྐད་ཅིག་ཙམ་ཞིག་བསྐྱོད་དུ་མེད་པའི་སེམས་སྐྱེས་ཏེ། དཔའ་བརྟུན་ཅིང་མགྱོགས་པར་བརྟུན་ངས་པ་ནི་སངས་རྒྱས་ཐམས་ཅད་དང་མཉམ་པར་སེམས་ཏེ། ཡུད་ཙམ་ཞིག་བསྐལ་པ་གྲངས་<br /> མེད་པ་གསུམ་འདས་པར་ནུས་སོ་སྙམ་དུ་སེམས་སོ། །དེའི་མིང་ནི་ཡོན་ཏན་གྱིས་མྱུར་བའི་ལྷག་པར་ཐལ་ཆེས་པའི་ཁྱད་དུ་གསོད་པའོ། །དེ་ལ་ཚོར་ན་ནི་ཉེས་པ་མེད་དེ་འཕགས་པར་འགྱུར་བ་ཡང་མ་ཡིན་ནོ། །དེ་ལ་ཚོར་བས་ཆུད་ན་ནི་མི་འགྱུར་ཏེ་རིང་ཞིག་ནས་ཞི་ཞིང་འབྱུང་ངོ་། །<br /> དེ་ལ་འཕགས་པའོ་སྙམ་དུ་སེམས་ན་སྨྱོན་པའི་བདུད་ཁོང་དུ་ཞུགས་ཏེ། མི་དག་མཐོང་ན་ངོམས་ཤིང་ང་རྒྱལ་སྐྱེས་ནས་རློམ་སེམས་དཔེ་མེད་པ་ནི་སངས་རྒྱས་ནི་བླ་མར་མི་བྱེད་མི་ནི་འོག་མར་མི་རྩི་སྟེ། ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཏིང་ངེ་འཛིན་དེའི་ནང་<br /> ནས་རིགས་ཀྱི་བུ་དག་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་གསལ་ཞིང་བྱང་བ་ལས་ཡེ་ཤེས་ཀྱི་སྟོབས་ནི་ཞེན་ཅིང་ཕྲ་སྟེ། ཕྱིར་ལོག་ནས་ཅི་ཡང་མ་མཐོང་སྟེ། སྔོན་ལས་གསར་གྱི་དོན་ནི་མ་མཐོང་། ཕྱི་མ་སེམས་དེ་སྟོར་ནས། སེམས་ཀྱི་ནང་ནས་སེམས་ཀྱི་སྐད་ཅིག་<br /> <br /> img. 537 from Volume 64&lt;br&gt;<br /> ཙམ་ཞིག་ཤིན་ཏུ་བརྩོན་འགྲུས་ཀྱི་སྐོམ་པས་གདུངས་ཏེ། དུས་ཐམས་ཅད་དུ་མ་གྱེས་པར་སེམས་གཅིག་ཏུ་དྲན་ནས་སེམས་དེས་བརྩོན་འགྲུས་ཀྱི་མཚན་ཉིད་དུ་གྱུར་ཏོ་སྙམ་དུ་སེམས་ཏེ། དེའི་མིང་ནི་ཤེས་རབ་འཆལ་པར་བསྒོམ་པ་སྟེ། རང་འཁྱམས་པ་ཡིན་ནོ། །དེ་ལ་ཚོར་<br /> ན་ནི་ཉེས་པ་མེད་དེ་འཕགས་པར་འགྱུར་བ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་ན་དྲན་པའི་བདུད་ཁོང་དུ་ཞུགས་ཏེ་རྟག་ཏུ་སེམས་འཛིན་པར་གཅིག་ཏུ་དམིགས་ཏེ། ཡང་དག་པའི་གྲལ་སྟོར་ནས་ལོག་པའི་གོལ་བར་ལྟུང་ངོ་། །ཡང་དེ་རིགས་ཀྱི་བུ་དག་ཏིང་ངེ་<br /> འཛིན་གྱི་ནང་ནས་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་གསལ་ཞིང་བྱང་བ་ལས། ཤེས་རབ་ཀྱི་སྟོབས་ནི་ཏིང་ངེ་འཛིན་གྱིས་ནོན་ནས་རྟུལ་ཅིང་། རྣོ་བའི་སེམས་ནི་སྟོར་བས་རྒྱལ་བའི་རང་བཞིན་སེམས་ཀྱི་ནང་ནས་དྲན་པ་ལ་ནི་རང་གི་སེམས་ལ་ཐེ་ཚོམ་སྐྱེས་ནས་<br /> རང་རྣམ་པར་སྣང་མཛད་ཡིན་ནོ་སྙམ་དུ་སེམས་སོ། །ཆུང་ཟད་ཐོབ་པ་ལ་ཆོག་པ་སྙམ་དུ་འཛིན་པ་དེའི་མིང་ནི་རྟག་པར་ཆུད་པའི་སྒོམ་པ་ནི་སྟོར་ཅིང་ནུབ། ཤེས་ཤིང་མཐོང་བ་ནི་བྱིང་བའོ། །དེ་ལ་ཚོར་ན་ནི་ཉེས་པ་མེད་དེ། འཕགས་པར་འགྱུར་བ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་<br /> ན་ཞན་ཅིང་དམན་པའི་ཆོག་མི་ཤེས་པའི་བདུད་སེམས་ཀྱི་ཁོང་དུ་ཞུགས་ཏེ། མི་དག་མཐོང་ན་རང་གིས་བླ་ན་མེད་པའི་དོན་དམ་པ་འཐོབ་བོ་ཞེས་སྨྲས་ཏེ་ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་ཀྱི་བུ་དག་ཏིང་ངེ་འཛིན་དེའི་ནང་ནས་གཟུགས་ཀྱི་ཕུང་<br /> པོ་ནི་ཞི། ཚོར་བའི་ཕུང་པོ་ནི་གསལ་ཞིང་བྱང་བ་ལས་དོན་གསར་དུ་ནི་མ་ཐོབ། རྙིང་པའི་སེམས་ནི་སྟོར་ཏེ། གཉི་ག་མ་ཡིན་ནས་རང་ལ་དགའ་བའི་བག་ཚ་བའི་སེམས་སྐྱེས་ནས། སྐད་ཅིག་ཙམ་ཞིག་སེམས་ཀྱི་སྐྱེ་ཤི་ཐམས་ཅད་འཚེ་བའི་མྱ་ངན་གྲངས་མེད་པར་སྐྱེས་ཏེ།<br /> ལྕགས་ཀྱི་ཁྲི་ཚ་བའི་སྟེང་ན་འདུག་པ་དང་མཚུངས། དུག་འཐུངས་པ་དང་འདྲ་བར་ཚོར་བ་མི་འདོད་པར་སེམས་ཏེ། རྟག་པར་མི་གཞན་ལ་སྲོག་ཆོད་ལ་རྣམ་པར་གྲོལ་བ་བླང་བར་བྱོས་ཤིག་ཟེར་རོ། །དེའི་མིང་ནི་སྤྱོད་པའི་ཐབས་སྟོར་བ་སྟེ། དེ་ལ་ཚོར་ན་ནི་ཉེས་པ་མེད་དེ།<br /> <br /> img. 538 from Volume 64&lt;br&gt;<br /> འཕགས་པར་འགྱུར་བ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་ན་རིགས་གཅིག་པའི་མྱ་ངན་ཅན་གྱི་བདུད་སེམས་ཀྱི་ཁོང་དུ་ཞུགས་ཏེ། ལག་པ་ན་མཚོན་ཆ་ཐོགས་ནས་བདག་གི་ཤ་གཅོད་ཅིང་ཚེ་མེད་པར་བྱེད་པ་ལ་དགའོ། །བར་བར་ནི་རྟག་ཏུ་མྱ་ངན་<br /> སྐྱེས་ནས་འབྲོས་ཏེ། རི་དང་ལུང་དུ་འགྲོ་ཞིང་མི་དག་མཐོང་བར་མི་དགའ་སྟེ། ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་ཀྱི་བུ་དག་ཏིང་ངེ་འཛིན་དེའི་ནང་ནས་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་གསལ་ཞིང་བྱང་སྟེ། རྣམ་པར་དག་པའི་<br /> ནང་ནས་སེམས་ཀྱི་སྐད་ཅིག་ཙམ་ཞིག་བདག་གི་སེམས་དཔག་ཏུ་མེད་པར་དགའ་ཆེས་པ་བདག་ལ་རང་དབང་མེད་པར་སྐྱེས་སོ། །དེའི་མིང་ནི་ཤེས་རབ་འཆལ་པའི་རང་བཞིན་བདེ་བས་བཅིངས་པ་དེ་ལ་ཚོར་ན་ནི་ཉེས་མེད་དེ། འཕགས་པར་གྱུར་པ་ནི་མ་ཡིན་ནོ། །དེ་ལ་བདག་འཕགས་<br /> པའོ་སྙམ་དུ་སེམས་ན་རྟག་ཏུ་སྲེད་པར་དགའ་བའི་རིགས་གཅིག་པའི་བདུད་སེམས་ཀྱི་ཁོང་དུ་ཞུགས་ཏེ། མི་དག་མཐོང་ན་དགོད་ཅིང་། གྲོང་བར་ན་བདག་གླུ་ལེན་ཅིང་བྲོ་རྡུང་སྟེ། བདག་རང་གིས་བསྒྲིབས་པ་མེད་པའི་རྣམ་པར་གྲོལ་བ་ཐོབ་བོ་སྙམ་དུ་སེམས་ཤིང་། ཡང་<br /> དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་ཀྱི་བུ་དག་ཏིང་ངེ་འཛིན་གྱི་ནང་ན། གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་སྣང་ཞིང་གསལ་བ་ལས་བདག་ནི་ཆོག་གོ་སྙམ་དུ་སེམས་ནས་གཞི་མེད་པར་སེམས་ཀྱི་སྐད་ཅིག་ཙམ་ཞིག་ང་རྒྱལ་ཆེན་པོ་<br /> གཡོས་ཏེ། དེ་བཞིན་དུ་ང་དང་། ཆེར་སེམས་པའི་ང་རྒྱལ་དང་། ངའི་ང་རྒྱལ་དང་། ང་ཞེས་ཟེར་བའི་ང་རྒྱལ་དང་། ངའོ་ཞེས་ཟེར་བའི་ང་རྒྱལ་དང་། ཅུང་ཟད་ཅེས་ཟེར་བའི་ང་རྒྱལ་དང་། ལོག་པའི་ང་རྒྱལ་རྣམས་ཅིག་ཆར་དུ་སྐྱེས་ཏེ། སེམས་ཀྱི་ནང་ནས་བླ་མའི་<br /> ཕྱོགས་བཅུའི་དེ་བཞིན་གཤེགས་པ་དེ་དག་ལ་ཡང་ཚོང་དཔོག་ན། འོག་མ་སའི་ཉན་ཐོས་དང་། དེའི་རང་སངས་རྒྱས་ལྟ་ཅི་སྨོས། དེའི་མིང་ནི་བདག་ཉིད་རྒྱལ་བ་ཐོབ་སྟེ། འཆལ་པའི་ཤེས་རབ་ཀྱིས་རང་སྐྱབས་མེད་པའོ། །དེ་ལ་ཚོར་ན་ནི་ཉེས་མེད་དེ། འཕགས་པར་<br /> <br /> img. 539 from Volume 64&lt;br&gt;<br /> གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་ན་ང་རྒྱལ་ཆེན་པོའི་བདུད་སེམས་ཀྱི་ནང་དུ་ཞུགས་ཏེ། མཆོད་རྟེན་དང་། གཙུག་ལག་ཁང་ལ་ཕྱག་མི་འཚལ། དྷར་མ་དང་སྐུ་གཟུགས་དག་ལ་འདྲལ་བར་བྱེད། ཡོན་བདག་དག་ལ་འདི་སྐད་དུ་སྨྲས་ཏེ། ལ་ལ་<br /> ནི་གསེར་དང་། གར་བ་དང་ས་དང་ཤིང་དང་ཆུ་ཤུན་དང་ཤིང་ལོའོ། །ལ་ལ་ནི་རས་དང་མེ་ཏོག་གོ་ཞེས་ནས་རང་གུས་པར་མི་བྱེད་ཅིང་། ཤའི་ལུས་ནི་ཡང་དག་པར་རྟག་པ་ཡིན་ནོ་ཞེས་ཕྱིན་ཅི་ལོག་པར་ས་དང་། ཤིང་དག་ལ་ཡིད་རྟོན་པར་བྱེད་པ་ནི་ཡང་དག་པར་ན་ལོག་པ་ཡིན་ནོ་<br /> ཞེས་སྟོན་ཏེ། དད་ཅིང་ཡིད་ཆེས་བདག་ལ་ཤིག་ཅིང་གྲོལ་ཏེ་འོར་ལ། སའི་འོག་ཏུ་སྦོས་ཤིག་ཟེར་ཞིང་། སེམས་ཅན་དག་ལ་ཐེ་ཙོམ་དང་སྐུར་པས་མཚམས་མེད་པའི་སེམས་ཅན་དམྱལ་བར་ལྟུང་སྟེ། ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་<br /> ཀྱི་བུ་དག་ཏིང་ངེ་འཛིན་དེའི་ནང་ནས་གཟུགས་ཀྱི་ཕུང་པོ་ནི་ཞི་ཚོར་བའི་ཕུང་པོ་ནི་གསལ་ཞིང་བྱང་སྟེ། དང་ཞིང་གསལ་བའི་ནང་ནས་དོན་རྒྱས་ཤིང་དང་བ་འདིར་སྤྱོད་པ་རིག་པའི་རྗེས་སུ་གཞོལ་བ་ཆེན་པོ་འཐོབ་སྟེ། སེམས་ཀྱི་སྐད་ཅིག་ཙམ་ཞིག་དཔག་ཏུ་མེད་པར་ཡང་ཞི་<br /> ཞིང་བདེ་བའི་སེམས་སྐྱེས་ནས་རང་གིས་རང་དབང་ཆེན་པོ་ཐོབ་སྟེ། འཕགས་པའོ་སྙམ་དུ་སེམས་སོ། །དེའི་མིང་ནི་ཤེས་རབ་དང་ཞིང་ཡང་བའི་རྒྱུ་ཀུན་ཐོབ་པ་སྟེ། དེ་ལ་ཚོར་ན་ནི་ཉེས་པ་མེད་དེ། འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་<br /> ན་ཡང་ཞིང་དང་བསྲེད་པར་རིགས་གཅིག་པའི་བདུད་སེམས་ཀྱི་ཁོང་དུ་ཞུགས་ནས་བདག་གྲུབ་སྟེ་རྫོགས་སོ་སྙམ་ཞིང་ཡང་འབོགས་པ་ལ་མི་བརྩོན་ནོ། །མ་ཐོས་པའི་དགེ་སློང་དེ་སྐུར་པ་འདེབས། ཐེ་ཙོམ་དང་ལེ་ལོ་བྱེད་པ་ནི་ཕྱིས་མཚམས་མེད་པ་སེམས་ཅན་དམྱལ་<br /> བར་ལྟུང་སྟེ། ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །ཡང་རིགས་ཀྱི་བུ་དག་ཏིང་ངེ་འཛིན་གྱི་ནང་ནས་གཟུགས་ཀྱི་ཕུང་པོ་ནི་ཞི་ཞིང་གསལ་བའོ། །ཚོར་བའི་ཕུང་པོ་ནི་གསལ་ཞིང་བྱང་སྟེ། གསལ་བའི་ཚོར་བའི་ནང་ནས་སྟོང་པའི་རང་བཞིན་ཐོབ་སྟེ།<br /> <br /> img. 540 from Volume 64&lt;br&gt;<br /> དེའི་ནང་ནས་སེམས་སྐད་ཅིག་ཙམ་ཞིག་ཞི་བའི་འགོག་པ་ལ་ཞུགས་ནས་རྟེན་ཅིང་འབྲེལ་པར་འབྱུང་བ་མེད་དོ་ཞེས་ཕྱོགས་གཅིག་པའི་སྟོང་པ་ལ་ཞུགས་ཏེ། སྟོང་པ་ལ་མངོན་སུམ་དུ་སྣང་བའི་བར་དུ་སེམས་སྐྱེས་ནས་རྟག་ཏུ་འཆད་ཅིང་འགོག་པ་ཤེས་སོ་སྙམ་དུ་སེམས་<br /> ཏེ། དེ་ལ་ཚོར་ན་ནི་ཉེས་མེད་དེ། འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པར་གྱུར་པའོ་སྙམ་དུ་སེམས་ན་སྟོང་པའི་བདུད་སེམས་ཀྱི་ཁོང་དུ་ཞུགས་ཏེ་ཁྲིམས་བསྲུང་བ་ལ་སྐུར་པ་འདེབས་སོ། །དེའི་མིང་ནི་ཐེག་པ་ཆུང་ངུ་སྟེ། མི་དེས་རྟག་པར་ཡིད་ཆེས་<br /> པའི་ཡོན་བདག་ལ་འདི་སྐད་དུ་སྨྲས་ཏེ། བྱང་ཆུབ་སེམས་དཔའ་ལ་བསྲུང་བ་དང་ཞིག་པ་མེད་ཀྱིས་ཆང་འཐུང་ཤ་ཟོ། །གཡེམ་དར་རྒྱས་པར་ཤོད་ཅིག་ཅེས་སོ། །བདུད་ཀྱི་སྟོབས་ཀྱི་ཕྱིར་མི་དག་ཀྱང་སྡུད་དོ། །མི་དག་ཀྱང་ཐེ་ཙོམ་དང་སྐུར་པ་མི་འདེབས་ཏེ། སེམས་<br /> ལ་ཡི་དགས་རིང་དུ་ཞུགས་སོ། །བར་བར་ནིསྐྱག་་པ་ཟ་གཅིན་འཐུང་ཡང་ཤ་ཆང་དང་མཚུངས་སོ། །དེ་དག་ཐམས་ཅད་སྟོང་པར་རོ་གཅིག་ཅེས་ནས་སངས་རྒྱས་ཀྱི་ཚུལ་ཁྲིམས་དང་འདུལ་བ་བཤིག་གོ། །གཅིག་ཏུ་མ་ངེས་པའི་མི་དག་སྡིག་ནང་དུ་ཡང་བཙུད་དེ། དེ་ནི་<br /> ཡང་དག་པའི་གྲལ་སྟོར་ནས་གོལ་བའི་ལོག་པར་ལྟུང་ངོ་། །རིགས་ཀྱི་བུ་དག་ཏིང་ངེ་འཛིན་གྱི་ནང་ནས་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་གསལ་ཤིང་བྱང་བ་ལས་འདས་ཤིང་སྟོང་པར་སྣང་བའི་སེམས་འདུས་པའི་ནང་དུ་ཟབ་ཏུ་ཞེན་པས། ཡུད་ཙམ་ཞིག་དཔག་<br /> ཏུ་མེད་པའི་སྲིད་པའི་སེམས་སྐྱེས་ནས། སྲིད་པའི་མཐར་ཕྱིན་པས་སྨྱོས་སུ་ཆ་སྟེ། ཉིད་དུ་གཡེམ་པ་སྤྱོད་དོ། །དེའི་མིང་ནི་ཏིང་ངེ་འཛིན་གྱི་ལྟས་བདེ་བར་བགྲོད་པ་སེམས་ཀྱི་ནང་དུ་ཞེན་ཏེ། ཤེས་རབ་མེད་པས་རང་ལ་སྐྱབས་མེད་དེ། མི་དག་ཀྱང་གཡེམ་པ་སྤྱོད་དུ་བཙུད་<br /> དོ། །དེ་ལ་ཚོར་ན་ནི་ཉེས་མེད་དེ། འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པ་ཙམ་དུ་སེམས་ན་འདོད་ཆགས་ཀྱི་བདུད་སེམས་ཀྱི་ཁོང་དུ་ཞུགས་ཏེ། འདོད་ཆགས་ཀྱི་ཕྱོགས་ནི་བྱང་ཆུབ་ཀྱི་ལམ་ཡིན་པར་སྟོན་ཏེ། ཁྱིམ་བདག་དང་མཚུངས་པར་གཡེམ་<br /> <br /> img. 541 from Volume 64&lt;br&gt;<br /> པར་སྤྱོད་ཅིག །གཡེམ་པར་སྤྱོད་པ་དེ་ནི་ཆོས་ཀྱི་བུ་འཛིན་པ་ཡིན་ནོ་ཞེས་སྟོན་ཏོ། །ལྷ་མ་ཡིན་གྱི་སྟོབས་ཀྱིས་ཕྱི་མའི་དུས་ན་མ་རབས་གླེན་པའི་གྲངས་ནི་བརྒྱའམ། དེ་བཞིན་དུ་ཉིས་བརྒྱའམ། སུམ་བརྒྱའམ། བཞི་བརྒྱའམ། ལྔ་བརྒྱའམ། དྲུག་བརྒྱའམ།<br /> མང་པོ་སྟོང་ཁྲིའི་བར་དག་ལ་ཡང་སྟོན་ཏེ། དེ་ནས་ཡང་མི་དེ་ལ་བདུད་སྐྱོ་ཞིང་ཆོག་པའི་སེམས་སྐྱེས་ནས། ལུས་ལས་བྲལ་བ་དང་། གཟི་བརྗིད་མེད་པར་གྱུར་ནས་རྒྱལ་པོའི་གྱོད་ལ་ཐོགས་སོ། །སེམས་ཅན་དག་ཐེ་ཙོམ་བསྐུར་ཏེ། མཚམས་མེད་པའི་སེམས་ཅན་<br /> དམྱལ་བར་ལྟུང་བར་བྱེད་དོ། །དེ་རྣམ་པ་བཅུ་ནི་ཏིང་ངེ་འཛིན་གྱི་སྔ་ལྟས་ཡིན་ཏེ། འདི་ཀུན་ནི་ཚོར་བའི་ཕུང་པོ་ཡིན་ནོ། །དེ་དག་ནི་སྒོམ་པ་ནོར་བ་ལས་དེའི་ཕྱིར་འདི་འདྲ་བར་འགྱུར་ཏེ། ཕོ་ཐེག་ཅན་གྱི་སྐྱེ་བོ་རྣམས་ལ་བསླང་ནས། བདག་རང་གི་ཉམས་དྲོད་མ་ཟིན་ཏེ། རྒྱུ་<br /> རྐྱེན་དེ་ལྟ་བུ་དང་ཕྲད་ནས་འཁྲུལ་པ་རང་གིས་མ་ཤེས་ཏེ། བདག་ལ་འཕགས་པའོ་སྙམ་དུ་སེམས་པ་དེ་ནི་བརྫུན་ཆེན་པོར་འགྱུར་ཏེ། མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཁྱེད་ལ་སོགས་པ་དེ་བཞིན་གཤེགས་པའི་བཀའ་ལེ་ཏེ་ང་འདས་པའི་ཕྱིར་ན་<br /> སེམས་ཅན་ཐམས་ཅད་ལ་ཁྱད་པར་མན་ངག་གཞག་ཅིང་འདིའི་དོན་སྟོན་ཏོ། །ཚོར་བར་གྱིས་ཤིག །ལྷའི་བདུད་ཀྱིས་སྐབས་མི་རྙེད་པར་གཟུངས་སུ་བཟུང་སྟེ། གདམས་ཤིང་བསྲུངས་ན་བླ་ན་མེད་པའི་ལམ་འགྲུབ་བོ། །དགའ་བོ་རིགས་ཀྱི་བུ་དག་ཏིང་ངེ་འཛིན་<br /> བསྒོམས་པས་ཚོར་བའི་ཕུང་པོ་ཟད་ནས་ཟག་པ་མ་ཟད་མོད་ཀྱི། སེམས་ལུས་དང་བྲལ་མ་ཐག་ཏུ་བྱ་སྐོན་པ་ནས་ཕྱུང་བ་དང་མཚུངས་ཏེ། དེ་ལྟ་བུ་འབྱོར་གྲུབ་ན་མ་རབས་ཀྱི་ལུས་ལས་བླ་མའི་བྱང་ཆུབ་ཀྱི་འཕགས་པའི་གྲལ་དྲུག་ཅུའི་བར་དུ་ཡིད་ཀྱི་ལུས་ཐོབ་སྟེ།<br /> འགྲོ་བ་དང་འོང་བ་ལ་ཐོགས་པ་མེད་དོ། །དཔེར་ན་མི་ལ་ལ་ཞིག་གཉིད་ཀྱིས་ལོག་པ་ལས་མ་སད་པར་རྨི་ལ་གོ་རིམས་བཞིན་སྨྲ་མོད་ཀྱི། དེའི་དོན་རང་གིས་མི་ཤེས་ཀྱང་། སུ་དག་མ་ལོག་པའི་དེའི་ས་ནི་ཚིག་ཀུན་གོ་སྟེ། དེའི་མིང་ནི་འདུ་ཤེས་ཀྱི་ཕུང་པོས་བསྒྲིབས་<br /> <br /> img. 542 from Volume 64&lt;br&gt;<br /> པའོ། །གཡོ་བའི་མཚན་མ་དེ་ཟད་ན་སྤྲོས་པ་ཀུན་ཞི་ཞིང་བྱང་སྟེ་ཚོར་ཞིང་གསལ་བས་སེམས་ཀྱི་དྲི་མའི་གོས་པ་ཕྱིས་པ་དང་མཚུངས་སོ། །འཁོར་བ་གཅིག་པུའི་སྐྱེ་ཤིའི་མགོ་མཇུག་ཏུ་ཁྱབ་པར་བལྟས་ན། དེའི་མིང་ནི་འདུ་ཤེས་ཀྱི་ཕུང་པོ་ཟད་པས་དེ་ནི་<br /> ཉོན་མོངས་པའི་སྙིགས་མ་ལས་འདས་པའོ། །དེ་ནི་དོན་ལ་བརྟགས་པ་ཐོགས་པ་མེད་པར་ཞི་བའི་སྒྱུ་མའི་འདུ་ཤེས་ཀྱི་རྩ་བའི་ཕྱིར་རོ། །དགའ་བོ་རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལམ་ཐོགས་པར་བག་བྱེད་པས་ཏིང་ངེ་འཛིན་གསལ་བ་རྒྱས་<br /> པ་བྱུང་བ་ལས་སང་ངེ་བའི་ཏིང་ངེ་འཛིན་རྒྱས་པ་ལ་སེམས་སྲེད་ཅིང་། དགེ་བའི་བཟོ་ལ་སེམས་འདོད་ཅིང་ཚོལ་ལོ། །དེའི་ཚེ་ལྷའི་བདུད་ཀྱི་སྐབས་རྙེད་ནས་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ཏེ། བདུད་ཀྱིས་<br /> བསླུས་པ་ལ་བདག་གིས་བླ་ན་མེད་པའི་མྱ་ངན་ལས་འདས་པ་འཐོབ་བོ་སྙམ་དུ་སེམས་སོ། །རིགས་ཀྱི་བུ་ཤེས་ཀྱི་ཁེ་འདོད་པའི་གན་དུ་འོངས་ནས་གདིང་བ་བཏིང་སྟེ་ཆོས་འཆད་ཅིང་སེམས་ཀྱི་སྐད་ཅིག་ཙམ་བར་བར་ནི་དགེ་སློང་གི་ལུས་སུ་སྤྲུལ་ཏེ། མི་གཞན་གྱིས་མཐོང་<br /> བར་བྱེད་དོ། །བར་བར་ནི་བརྒྱ་བྱིན་དུ་སྤྲུལ་བར་བར་ནི་བུད་མེད་དུ་སྤྲུལ། བར་བར་ནི་དགེ་སློང་མར་སྤྲུལ། བར་བར་ནི་ཁང་པ་མུན་ནག་གི་ནང་དུ་ཉལ་ཏེ་ལུས་ལ་འོད་འགྱེད། བར་བར་ནི་བྱང་ཆུབ་སེམས་དཔའ་སྤྲུལ་ཏེ་གླེན་ཞིང་འཁྲུལ་པའི་མིས་མཐོང་ན་དེ་ཡིད་ཆེས་པར་<br /> བྱེད་དོ། །མི་དེས་ནི་སེམས་ཡལ་བར་བཏང་སྟེ། སངས་རྒྱས་ཀྱི་ཚུལ་ཁྲིམས་བཤིག་ནས་ལྐོག་ཏུ་གཡེམ་པ་བྱེད། ལྟས་ངན་གྱི་གཏམ་སྨྲས་པ་ཡང་དེ་བཞིན་དུ་ཁྱིམ་པའི་ནོར་ཕྱུགས་དག་ཀྱང་སོ་སོར་མེད་པར་འགྱུར་རོ། །བར་བར་ནི་སངས་རྒྱས་ཞིང་ཁམས་ཆེ་གེ་མོ་<br /> ཞིག་ཏུ་གཤེགས་སོ་ཞེས་ལུང་སྟོན། བར་བར་ནི་མེའི་བསྐལ་པ་འབྱུང་ངོ་ཞེས་འཆད། བར་བར་ནི་མཚོན་ཆའི་བསྐལ་པ་འབྱུང་ངོ་། །མི་དག་ལ་འཇིགས་སྐྲག་པར་བྱེད་དོ། །དེ་མི་སྲིད་པའི་ཡི་དགས་དེ་རྒས་པ་དང་བདུད་དུ་གྱུར་པའོ། །དེ་ནས་མི་དེ་ལས་སྐྱོ་བ་དང་།<br /> <br /> img. 543 from Volume 64&lt;br&gt;<br /> ཆོག་ཤེས་པའི་སེམས་སྐྱེས་ནས། ལུས་ལས་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །<br /> དགའ་བོ་རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས་ཏིང་ངེ་འཛིན་གསལ་བ་བྱུང་བ་ལས། ཏིང་ངེ་འཛིན་གྱི་ནང་ནས་འགྲུབ་པ་མེད་པར་སེམས་གཡེལ་བར་བཏང་སྟེ། འཕྱར་ཞིང་འཁྱམས་ནས། འདོད་ཆགས་<br /> སྐྱེས་ཏེ། དེའི་ཚེ་ལྷའི་བདུད་ཀྱིས་གླགས་རྙེད་ནས། ནམ་མཁའི་ལྷར་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ཏེ། བདུད་ཀྱིས་བསླུས་པ་ལ་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་<br /> ཏེ། རིགས་ཀྱི་བུ་དག་ཁྱབ་པར་འདོད་པའི་ཐད་དུ་འོང་ནས། གདིང་བ་བཏིང་སྟེ། ཆོས་བཤད་ནས་བདག་གི་ལུས་ཉིད་མ་གྱུར་ཀྱང་གཞན་ཆོས་ཉན་པས་རིན་པོ་ཆེའི་པད་མའི་སྟེང་དུ་འདུག་པར་མཐོང་ངོ་། །ཆོས་ཉན་པ་སོ་སོ་དག་གིས་ཀྱང་ལུས་ཐམས་ཅད་<br /> གསེར་གྱི་ཁ་དོག་ཏུ་གྱུར་པ་སྔོན་མ་མཐོང་བ་མཐོང་སྟེ། མི་དེ་དག་ནི་གླེན་ཞིང་འཁྲུལ་པའོ། །བར་བར་ནི་བྱང་ཆུབ་སེམས་དཔའི་གཟུགས་སུ་སྒྱུར་རོ། །གཡེམ་པའི་སེམས་བདེ་སྟེ། སངས་རྒྱས་ཀྱི་ཚུལ་ཁྲིམས་བཤིག །ལྐོག་ཏུ་གཡེམ་པའི་འདོད་ཆགས་<br /> སྤྱོད་ཅིང་། ངག་གིས་འདི་ལྟ་བུ་དག་སྨྲས་ཏེ། སངས་རྒྱས་ཐམས་ཅད་འཇིག་རྟེན་དུ་གཤེགས་སོ། །ཆེ་གེ་མོ་ཞིག་གི་གནས་ན་ཆེ་གེ་མོ་ཞིག་གི་མི་ཞིག་སངས་རྒྱས་ཡིན་ཏེ། སྐུ་སྤྲུལ་ནས་འདིར་གཤེགས་སོ། །ཆེ་གེ་མོའི་མི་དག་ནི་ཆེ་གེ་མོའི་བྱང་ཆུབ་<br /> སེམས་དཔའ་རྣམས་ཡིན་ཏེ་སྤྲུལ་ནས་འཇིག་རྟེན་དུ་གཤེགས་སོ་ཞེས་མ་འཕྲིགས་པར་ལོག་པར་སྟོན་པར་བྱེད་དོ། །མི་དག་གིས་མཐོང་བ་དང་གདུང་བ་སྐྱེས་སོ། །དེའི་ཕྱིར་ཡེ་ཤེས་ཀྱི་འབྲས་བུ་ནི་འགག་ཅིང་ནུབ་བོ། །དེའི་མིང་ནི་མིག་འཕྲུལ་བྱེད་པའི་ཡི་དགས་<br /> <br /> img. 544 from Volume 64&lt;br&gt;<br /> རྒས་ཏེ་བདུད་དུ་གྱུར་ནས་མི་དེ་ལ་གནོད་པ་བྱེད་དོ། །དེ་ནས་མི་དེ་ལ་སྐྱོ་བ་དང་ཆོག་པའི་སེམས་སྐྱེས་ནས། མི་དེའི་ལུས་དང་བྲལ་བ་དང་མཁན་པོ་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །<br /> འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་ཡང་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས་ཏིང་ངེ་འཛིན་གསལ་བ་རྒྱས་པར་འབྱུང་བ་ལས། སྲེད་པའི་སེམས་ཀྱི་རླབས་<br /> གཞོལ་བར་འཁྲུལ་པའི་འདུ་ཤེས་ཀྱིས་ཆགས་པས་འདོད་ཅིང་ཚོལ་བ་ལ་སྦྱོར་རོ། །དེའི་ཚེ་ལྷའི་བདུད་ཀྱིས་གླགས་རྙེད་ནས་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་དང་། ཆོས་འཆད་པ་དང་། མི་དེས་མ་ཚོར་ནས། བདུད་ཀྱིས་བསླུས་པ་ལ་བདག་<br /> གིས་བླ་ན་མེད་པ་ཡང་དག་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །རིགས་ཀྱི་བུ་དག་ཤེས་ཀྱི་ཁེ་འདོད་ཅིང་ཚོལ་བའི་གན་དུ་འོངས་ནས་གདིང་བ་བཏིང་སྟེ། ཆོས་བཤད་པ་དང་། རང་གི་ལུས་དང་ཆོས་ཉན་པའི་མི་དག་ཀྱང་ཕྱིའི་གཟུགས་མེད་པར་ཆོས་ཉན་པ་<br /> རྣམས་ཆོས་མ་ཐོས་པའི་སྔོན་ལོགས་སུ་རང་གིས་རིག་སྟེ། སེམས་ཞེས་བྱའོ། །ཡུད་ཙམ་ལ་སེམས་འགྱུར་ཏེ། བར་བར་ནི་ཚེ་སྔ་ཕྱི་དྲན་ནོ། །བར་བར་ནི་ཕྱི་རོལ་གྱི་སེམས་ལྟ་ཞེས། བར་བར་ནི་སེམས་ཅན་དམྱལ་བ་མཐོང་། བར་བར་ནི་མིའི་ཁམས་ཀྱི་ལེགས་ཉེས་<br /> ཤེས། བར་བར་ནི་ཚིགས་བཅད་སྨྲ། བར་བར་ནི་བདག་རང་ཁ་དོན་བྱེད་པ་དང་། སོ་སོ་ན་དགའ་ཆེས་ནས་ཡོད་མ་མྱོང་འཐོབ་བོ་ཞེས་ཟེར་རོ། །བར་བར་ནི་བྱང་ཆུབ་སེམས་དཔའི་གཟུགས་སུ་སྒྱུར་ཏེ། དེ་ནི་བླུན་ཞིང་འཁྲུལ་པས་ཆགས་ཤིང་སྲེད་པའི་སེམས་སྐྱེས་ནས་སངས་<br /> རྒྱས་ཀྱི་ཚུལ་ཁྲིམས་ནི་བཤིག །ལྐོག་ན་གཡེམ་པ་སྤྱོད། ཚིག་ཏུ་འདི་སྐད་སྨྲ་སྟེ། སངས་རྒྱས་ཆེན་པོའོ་སངས་རྒྱས་ཆུང་ངུའོ། །སངས་རྒྱས་སྔ་མའོ། །སངས་རྒྱས་ཕྱི་མའོ། །དེའི་ནང་ན་ཡང་ཡང་དག་པའི་སངས་རྒྱས་སྒྱུ་མའི་སངས་རྒྱས། སྐྱེས་པའི་སངས་རྒྱས།<br /> <br /> img. 545 from Volume 64&lt;br&gt;<br /> བུད་མེད་ཀྱི་སངས་རྒྱས་སོ། །བྱང་ཆུབ་སེམས་དཔའ་ལ་ཡང་དེ་བཞིན་ཏེ། །མི་དག་གིས་དེ་མཐོང་བ་དང་། སྔ་མའི་སེམས་ནི་གྱུར་ཅིང་འཕོས་ནས་ལོག་པར་ལྟ་བའི་ནང་དུ་ཞུགས་སོ། །དེའི་མིང་ནི་སེམས་སྒྱུར་ཤེས་པའི་ཡི་དགས་རྒས་པ་དང་། བདུད་དུ་<br /> གྱུར་ཏེ་མི་དེ་ལ་གནོད་པར་བྱེད་དེ། དེ་ནས་མི་དེ་ལ་སྐྱོ་ཞིང་ཆོག་པའི་སེམས་སྐྱེས་ནས་ལུས་ལས་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཞིང་བསླུས་པར་མི་ཤེས་ན།<br /> མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་ཡང་ཚོར་བའི་ཕུང་པོ་ནི་སྟོང་ཞིང་བབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས་ཏིང་ངེ་འཛིན་གསལ་བ་རྒྱས་པ་བྱུང་བ་ལས། སེམས་ཅན་གྱི་ཕྱི་མིའི་རྩི་བ་ལ་སྲེད་དེ། ཐོག་མ་དང་ཐ་མར་<br /> སེམས་དང་ཞིང་རྣོ་བའི་བྱེ་བྲག་འབྱེད་པ་ཚོར་བའི་འདོད་ཆགས་སྐྱེས་སོ། །དེའི་ཚེ་ལྷའི་བདུད་ཀྱིས་སྐབས་རྙེད་ན་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ཏེ། བདུད་ཀྱིས་བསླུས་པ་ལ་བདག་གིས་བླ་<br /> ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་ཏེ། རིགས་ཀྱི་བུ་བྱེ་བྲག་འབྱེད་པའི་ཚོལ་བའི་ཐད་དུ་འོངས་ཏེ། གདིང་བ་བཏིང་ནས་ཆོས་བཤད་པ་དང་། ལུས་གཟི་བརྗིད་ཅན་དུ་གྱུར་ཏེ། དད་ཅིང་འོངས་པ་དག་ནི་ཞི་ཞིང་དུལ་ནས། དེ་དག་འཁོར་བའི་རྣམས་<br /> ཆོས་ཐོས་མོད་ཀྱི་ཞི་ཞིང་དུལ་ལོ། །མི་དེ་དག་གིས་ཀྱང་སངས་རྒྱས་སོ་སྙམ་མམ། མྱ་ངན་ལས་འདས་པ་དང་། བྱང་ཆུབ་དང་། ཆོས་ཀྱི་འདི་ཡིན་ནོ་སྙམ་དུ་སེམས་སོ། །བདག་གི་ཤ་ལུས་ནི་ཕའི་ཕ། བུའི་བུ་གཅིག་ལ་གཅིག་སྐྱེས་པ་ནི་ཆོས་ཀྱི་ཕུང་པོའི་<br /> སྐུ་ཡིན་ཏེ། རྣམ་པར་མ་ཆད་པ་ནི་འདི་དག་ཀུན་བས་དེ་ཉིད་སངས་རྒྱས་ཀྱི་ཁམས་ཡིན་ནོ། །གུད་ནས་སངས་རྒྱས་ཀྱི་ཞིང་དང་གསེར་གྱི་ཁ་དོག་ལྟ་བུ་མེད་དོ་ཞེས་སྨྲས་པ་དང་། མི་དག་གིས་ཡིད་ཆེས་པར་བཟུང་ནས། སྔ་མའི་སེམས་ནི་སྟོར་ཅིང་བརྗེད་ནས་<br /> <br /> img. 546 from Volume 64&lt;br&gt;<br /> སྲོག་ལུས་དེ་བརྟེན་ཏེ་ཡོད་མ་མྱོང་བ་ཐོབ་བོ་ཞེས་སོ། །དེ་དག་ལ་སོགས་པ་ནི་བླུན་ཞིང་འཁྲུལ་པས། བར་བར་ནི་བྱང་ཆུབ་སྙམ་ནས་བདག་གི་སེམས་བརྗེད་དེ་སྟོར་ནས། སངས་རྒྱས་ཀྱི་ཚུལ་ཁྲིམས་ནི་བཤིག །ལྐོག་ན་གཡེམ་པ་སྤྱོད་དོ། །ངག་གིས་སྲེད་<br /> པ་སྨྲ་སྟེ། མིག་དང་རྣ་བ་དང་སྣ་དང་ལྕེ་ཀུན་སངས་རྒྱས་ཀྱི་ཞིང་ཡིན་ནོ། །ཕོ་མཚན་དང་མོ་མཚན་ནི་བྱང་ཆུབ་ཀྱི་ལམ་ཡིན་ཏེ། ཡང་དག་པའི་མྱ་ངན་ལས་འདས་པ་ནི་ལུས་ཀྱང་མི་ཤེས་སོ་ཞེས་སྨེ་བའི་ཚིག་སྨྲས་པ་དང་། དེ་ལ་ཡིད་ཆེས་པ་སྐྱེས་སོ། །དེའི་མིང་ནི་སྦྲུལ་<br /> དུག་ཅན་གྱི་ཡི་དགས་རྒས་ནས་བདུད་དུ་གྱུར་པའོ། །དེ་ནས་མི་དེ་ལ་སྐྱོ་བ་དང་། ཆོག་པའི་སེམས་སྐྱེས་ནས་མི་དེའི་ལུས་དང་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བར་མ་འཇུག་པར་སྔར་ཚོར་བར་གྱིས་ཤིག་དང་།<br /> འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་ཡང་ཚོར་བའི་ཕུང་པོ་ནི་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་ལས་ལྷུན་གྱིས་ལྟས་འབྱུང་བ་ཁྱབ་<br /> པར་སྤྱོད་ཞིང་། དང་བ་ནས་སེམས་སྲེད་ཅིང་གློ་བུར་གྱི་མངོན་རྟགས་ཚོར་བར་འདོད་དོ། །དེའི་ཚེ་ལྷའི་བདུད་ཀྱིས་སྐབས་རྙེད་ནས་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་ཀྱང་མདོ་སྡེ་དང་ཆོས་ཟབ་མོ་འཆད་པ་དང་། མི་དེས་མ་ཚོར་ནས། བདུད་ཀྱིས་བསླུས་<br /> པ་ལས་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་ཏེ། རིགས་ཀྱི་བུ་དག །གློ་བུར་གྱི་མངོན་རྟགས་ཚོལ་བའི་གན་དུ་འོངས་ནས་གདིང་བ་བཏིང་སྟེ། ཆོས་བཤད་པ་དང་། ཉན་པ་དག་ལ་སེམས་ཀྱི་སྐད་ཅིག་ཙམ་ཞིག་ལུས་བརྟན་ནས།<br /> ལོ་བརྒྱ་སྟོང་དུ་འགྲོགས་པ་དང་འདྲ་བར་ཆགས་ཏེ་འབྲལ་ཞིང་གཏོང་མི་ཕོད་དོ། །ལུས་ཀྱང་བྲན་གཡོག་དང་མཚུངས་པར་བྱེད་ཅིང་། འཚོ་བ་རྣམ་བཞིས་མཆོད་དེ། ངལ་ཞིང་སྐྱོ་བའི་སེམས་མི་སྐྱེའོ། །སོ་སོ་རང་རང་གི་སྔོན་གྱི་མཁན་པོ་དང་དགེ་བའི་བཤེས་གཉེན་ནོ་སྙམ་<br /> <br /> img. 547 from Volume 64&lt;br&gt;<br /> དུ་ཡང་སེམས་སོ། །ཡང་ཆོས་ལ་སྲེད་པའི་སེམས་ཀྱང་སྐྱེས་ཏེ། དེ་ལ་ཆགས་པའི་སྦྱིན་དང་བསེ་རྩི་འདྲ་སྟེ། ཡོད་མ་མྱོང་བ་ཐོབ་བོ་ཞེས་ནས་བླུན་ཞིང་འཁྲུལ་པའི་མི་དེ་དག་ནི་སེམས་དེ་ལ་རྟེན་ཅིང་བསྙེན་ནས་སངས་རྒྱས་ཀྱི་ཚུལ་ཁྲིམས་སྡོམ་པ་ཡང་བཤིག་སྟེ། ལྐོག་ན་<br /> གཡེམ་པ་སྤྱོད། ངག་གིས་འདི་སྐད་སྨྲས་ཏེ། བདག་ནི་ཚེ་སྔ་མ་ལས་ཆེ་གེ་མོ་ཞིག་ཏུ་སྐྱེས་སོ། །ཆེ་གེ་མོ་ཞིག་གི་སེམས་ཅན་བསྒྲལ་ཏོ། །དེའི་ཚེ་ན་བདག་གི་ཆུང་མ་ཆེན་ཆུང་དང་། ཕུ་ནུ་བོ་དག་ཁྱེད་དང་འགྲོགས་ཏེ་འདིར་འོངས་སོ། །ཆེ་གེ་མོ་ཞིག་གི་ཁམས་སུ་ཆེ་<br /> གེ་མོ་ཞིག་གི་སངས་རྒྱས་ལ་མཆོད་པ་བྱས་ཡང་འོད་ཆེན་གནས་ན་སངས་རྒྱས་བཞུགས་ཏེ། དེ་དེ་བཞིན་གཤེགས་པ་ཐམས་ཅད་གནས་པའི་ས་ཡིན་ནོ་ཞེས་སྨྲས་པ་དང་། མི་དག་གིས་མ་ཚོར་ནས་བསླུས་པ་ལ་ཡིད་ཆེས་ཏེ་སྔ་མའི་སེམས་སྟོར་ཏོ། །དེ་ནི་རིམས་ནད་<br /> ཀྱིས་ཡི་དགས་རྒས་པ་དང་བདུད་དུ་གྱུར་པ་སྟེ། མི་དེ་ལ་གནོད་པ་བྱེད་དོ། །དེ་ནས་མི་དེ་ལ་སྐྱོ་ཞིང་ཆོག་པའི་སེམས་སྐྱེས་ནས། མི་དེའི་ལུས་ལས་བྲལ་བ་དང་མཁན་པོ་དང་སློབ་མར་བཅས་ཏེ། རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་<br /> སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་<br /> ལས་སེམས་ཟབ་མོ་ལ་འཇུག་པར་སྲེད་དེ། ལྷག་པར་འགྲུས་ཤིང་ཕུང་པོ་ཞི་བ་ལ་སྲེད། དང་བ་ལ་གནོད་ཅིང་ཚོལ་བའི་སེམས་སྐྱེས་སོ། །དེའི་ཚེ་ལྷའི་བདུད་ཀྱིས་སྐབས་རྙེད་ནས་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་མདོ་སྡེ་ཆོས་བཤད་པ་དང་། མི་དེས་<br /> མ་ཚོར་ཏེ། བདུད་ཀྱིས་བསླུས་པ་ལ་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །རིགས་ཀྱི་བུ་དག་དང་བ་འདོད་ཅིང་ཚོལ་བའི་གན་དུ་འོངས་ན་གདིང་བ་བཏིང་སྟེ། ཆོས་བཤད་པ་དང་། ཆོས་ཉན་པའི་མི་དག་ཀྱང་སོ་སོ་ནས་ཕྱིན་ཕྱིན་<br /> <br /> img. 548 from Volume 64&lt;br&gt;<br /> པར་བརྩོན་ཞིང་འགྲུས་སོ། །འཁོར་དེའི་ནང་ནས་མི་ཅིག་ལ་སྨྲས་པ། ཁྱོད་མ་ཤི་བར་བྱོལ་སོང་གི་ལུས་ཐོབ་བོ། །ཡང་མི་ཅིག་ལ་བསྒོ་བ། ཁྱོད་སོང་ལ་དེའི་མཇུག་མ་ལ་རྫིས་ཤིག་ཅེས་བྱས་པ་དང་། མི་དེ་ཡང་ལྡང་མི་ནུས་སོ། །དེའི་འཁོར་ཐམས་<br /> ཅད་ཀྱིས་གུས་པའི་སེམས་བསྐྱེད་ནས་རང་དུལ་ཞིང་ཞིའོ། །མི་དེ་དག་གི་སེམས་ལྟ་ཡང་ནུས་སོ། །སངས་རྒྱས་ཀྱི་ཚུལ་ཁྲིམས་བཤིག །དཀའ་ཐུབ་བསྐྱེད། དགེ་སློང་ལ་སྐུར་པ་འདེབས། དགེ་འདུན་ལ་ཁ་ཟེར། མི་དག་ལ་ཀླན་ཀ་ཚོལ། འཛེམ་པའི་བག་མེད།<br /> ལྟས་བཟང་ངན་དག་ངག་གིས་སྨྲས་ནས། ཆུང་ངུ་སྐྲ་ཉག་མ་ཙམ་ཡང་མི་ནོར་བར་དུས་བཞིན་དུ་འགྱུར་ཏེ། དེ་ནི་སྟོབས་པོ་ཆེའི་ཡི་དགས་རྒས་པ་དང་། བདུད་དུ་གྱུར་ཏེ་མི་དེ་ལ་གནོད་པར་བྱེད་དོ། །དེ་ནས་མི་དེ་ལ་སྐྱོ་ཞིང་ཆོག་པའི་སེམས་སྐྱེས་ནས། དེའི་ལུས་ལས་བྲལ་<br /> བ་དང་མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཡང་རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་<br /> ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་ལས། མ་མཐོང་བ་དང་མ་ཐོས་པ་ལ་སེམས་སྲེད་ཅིང་། དཀའ་ཐུབ་དང་། སྔ་ཕྱིའི་དྲན་པ་འདོད་ཅིང་ཚོལ་ལོ། །དེའི་ཚེ་ལྷའི་བདུད་ཀྱིས་སྐབས་རྙེད་ནས་ནམ་མཁའི་ལྷ་རྫུ་བས་མི་དེ་<br /> ལ་ཞུགས་ཏེ། ངག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ནས། བདུད་ཀྱིས་བསླུས་པ་ལས་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །རིགས་ཀྱི་བུ་དག་སྔ་ཕྱི་དྲན་པའི་འདོད་པའི་ཐད་དུ་འོངས་ནས་གདིང་བ་བཏིང་<br /> སྟེ་ཆོས་འཆད་དོ། །མི་དེས་སེམས་ཀྱི་སྐད་ཅིག་ཙམ་ཞིག་ཆོས་བཤད་པའི་གན་དུ་བར་བར་ནི་བདུད་བྱེད་དོ། །བྱོལ་སོང་དུ་སྤྲུལ་ཏེ་ནོར་བུ་རིན་པོ་ཆེ་དག་བླངས་ནས་ནོར་བུ་དག་སོས་འཛིན་ནོར་བུ་སྣ་ཚོགས་གཞན་ཡང་དེ་བཞིན་འཛིན། བར་བར་ནི་ལུས་བསྒྱུར་ཏེ། ནོར་བུ་སྣ་<br /> <br /> img. 549 from Volume 64&lt;br&gt;<br /> ཚོགས་གཞན་ཡང་མི་དག་ལ་སྦྱིན་པར་བྱེད་ཅིང་སླར་ཡང་ཁོང་དུ་ཞུགས་སོ། །བར་བར་ནི་མི་དག་སའི་འོག་ཏུ་ཁྲིད་དེ་ནོར་བུ་རིན་པོ་ཆེ་བསྟན་ནས་རིན་པོ་ཆེ་ཟླ་འོད་འབར་བ་སྣང་སྟེ། ཆོས་ཉན་པ་རྣམས་ཀྱང་ཡོད་མ་མྱོང་བ་ཐོབ་བོ་ཞེས་ཟེར་རོ། །སྨན་དང་རྩྭ་སྣ་ཚོགས་མང་དུ་<br /> ཟ་སྟེ། ཁ་ཟས་བཟང་པོ་ནི་མི་ཟའོ། །བར་བར་ནི་ནས་འབྲུམ་བུ་གཅིག་དང་། གསོ་མ་འབྲུམ་བུ་གཅིག་ཟོས་ཀྱང་བདུད་ཀྱི་སྟོབས་ཀྱི་ཕྱིར་ལུས་ཚོན་པོར་གྱུར་ཏོ། །དགེ་སློང་ལ་སྐུར་པ་འདེབས། དགེ་འདུན་ལ་ཁ་ངན་ཟེར་ཡང་གཞན་དག་གིས་དཔྱས་སུ་བྱ་བར་<br /> མི་དོགས་སོ། །ཡུལ་ཁམས་གཞན་གྱི་རིན་པོ་ཆེའི་འབྱུང་གནས་དང་། ཕྱོགས་བཅུའི་འཕགས་པ་རྣམས་ལུས་སྦས་པ་ཡང་སྟོན་ཅིང་སྨྲའོ། །བར་བར་ནི་འགྲོགས་པའི་མིས་ཀྱང་ངོ་མཚར་ཆེ་བའི་མི་དག་མཐོང་སྟེ། དེའི་མིང་ནི་རིའི་ཤིང་ཁྲོད་དང་ས་དང་<br /> ཡུལ་དང་མཁར་དང་། བཙོན་རའི་ཡི་དགས་རྣམས་རྒས་ཏེ་བདུད་དུ་གྱུར་པའོ། །བར་བར་ནི་གཡེམ་པ་སྤྱོད་ཅིང་སངས་རྒྱས་ཀྱི་ཚུལ་ཁྲིམས་དང་འདུལ་བ་བཤིག །མི་དག་ཀྱང་གཡེམ་པ་སྤྱོད་དུ་བཙུད་དོ། །བརྩོན་འགྲུས་བསྐྱེད་དེ་རྩྭ་དང་ཤིང་ཟ་ཞིང་གཅིག་<br /> ཏུ་མ་འཆད་པའི་ལས་དག་ཀྱང་བྱེད་དོ། །མི་དེ་ལ་གནོད་པར་བྱེད་དོ། །དེ་ནས་མི་དེ་ལ་སྐྱོ་བ་དང་། ཆོག་པའི་སེམས་སྐྱེས་ནས་ལུས་ལས་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་ཆད་པ་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་<br /> སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཡང་རིགས་ཀྱི་བུ་དག་ཚོར་བའི་ཕུང་པོ་ནི་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་<br /> ལས་རྫུ་འཕྲུལ་སྣ་ཚོགས་བྱེད་པ་ལ་ཡང་སེམས་སྲེད་དེ། ཡུན་རིང་དུ་སྦྱངས་ན་མཐུ་སྟོབས་འཐོབ་པར་འདོད་དོ། །དེའི་ཚེ་ལྷའི་བདུད་ཀྱིས་གླགས་རྙེད་དེ། ནམ་མཁའི་ལྷ་རྫུ་བས་མི་དེ་ལ་ཞུགས་ནས། ངག་གིས་མདོ་སྡེ་དང་། ཆོས་བཤད་པ་དང་། མི་དེས་<br /> <br /> img. 550 from Volume 64&lt;br&gt;<br /> མ་ཚོར་ཏེ། བདུད་ཀྱིས་བསླུས་པ་ལ་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །སྤྲུལ་འདོད་པའི་རིགས་ཀྱི་བུ་དག་གི་ཐད་དུ་འོངས་ནས་གདིང་བ་བཏིང་སྟེ། ཆོས་བཤད་ནས་མི་དག་གི་ལག་པས་མི་དེའི་འོད་འཛིན་དུ་<br /> བཅུག་སྟེ། འོད་དེས་ཆོས་ཉན་པ་སྡེ་བཞིའི་མགོའི་སྟེང་དུ་གཏོད་པ་དང་། ཆོས་ཉན་པ་དེ་དག་གི་མགོའི་སྟེང་དུ་འོད་ཁ་དོག་དུ་མར་འབར་ཡང་། ཚ་བའི་རང་བཞིན་ཡང་མེད། ཚིག་པ་ཡང་མེད་དོ། །བར་བར་ནི་ཆུའི་སྟེང་ན་ས་ལ་འགྲོ་བ་བཞིན་དུ་འགྲོའོ། །བར་བར་<br /> ནི་ནམ་མཁའ་ལ་མི་གཡོ་བར་འདུག་གོ། །བར་བར་ནི་རིལ་བའི་ནང་དང་རྐྱལ་པའི་ནང་དུ་ཡང་འདུག་གོ། །བར་བར་ནི་རྩིག་པ་ལ་ཡང་ཐོགས་པ་མེད་པར་འགྲོ་སྟེ། མཚོན་ཆ་དང་དམག་ལ་རང་དབང་ཐོབ་བོ། །བདག་ཉིད་སངས་རྒྱས་ཡིན་ནོ་ཞེས་སྨྲས་ཏེ། གོས་སྐྱ་བོ་ལུས་ལ་གྱོན་<br /> ནས། དགེ་སློང་དག་ཕྱག་འཚལ་དུ་འཇུག །བསམ་གཏན་དང་། ཚུལ་ཁྲིམས་ལ་ནི་སྐུར་པ་འདེབས། དགེ་འདུན་ལ་ནི་ཁ་ངན་ཟེར། མི་དག་ལ་ཀླན་ཀ་ཚོལ་ཡང་གཞན་གྱིས་དཔྱས་སུ་བྱ་བར་མི་དོགས་ཏེ། ཚིག་ཏུ་ནི་རྫུ་འཕྲུལ་གྱི་དབང་གི་གཏམ་དག་སྨྲའོ། །བར་<br /> བར་ནི་མི་དག་ལ་སངས་རྒྱས་ཀྱི་ཞིང་མཐོང་བར་སྟོན་ཏེ། དེ་ནི་ཡི་དགས་ཀྱིས་བྱིན་གྱིས་བརླབས་ཏེ་བདེ་བ་མ་ཡིན་ནོ། །གཡེམ་པ་སྤྱོད་པ་ལ་བསྟོད། ཁ་ན་མ་ཐོ་བའི་སྡིག་ཆེན་པོ་ཡང་མི་འཛེམ་སྟེ། མི་ཚངས་པར་སྤྱོད་པ་ལ་ཆོས་གཏམས་པ་ཡིན་ནོ་ཞེས་ཟེར་ཏེ། དེའི་<br /> མིང་ནི་ནམ་མཁའ་དང་སའི་ལྷ་མཐུ་བོ་ཆེ་དང་། རིའི་ལྷ་དང་། མཚོའི་ལྷ་དང་། རླུང་གི་ལྷ་དང་། ཆུ་ཀླུང་གི་ལྷ་དང་། ས་རྡོའི་ལྷ་དང་། རྩྭ་དང་རྩི་དང་། ཤིང་ཐམས་ཅད་ཀྱི་ལྷ་དང་། བསྐལ་པ་བརྩེགས་པའི་ལྷ་དང་། སེམས་སྒྱུར་བའི་ལྷ་དང་། སེམས་སྒྱུར་<br /> བའི་ཀླུ་འབྲུག་དང་། དྲང་སྲོང་ཚེ་རིངས་པོ་ཚེ་ཟད་ནས། ཡི་དགས་སུ་གྱུར་པ་དང་། དྲང་སྲོང་ཚེ་ཟད་པ་ལོ་གྲངས་ཀྱིས་འཆི་བ་ལ་ཐུག་པ་ལུས་མ་རྗེས་པ་དང་། གུད་ནས་ལྟས་ངན་གྱི་ཡི་དགས་རྣམས་དེའི་ཁོང་དུ་ཞུགས་ཏེ་རྒས་ཟིན་ནས་བདུད་དུ་གྱུར་ཏེ་མི་དེ་ལ་གནོད་<br /> <br /> img. 551 from Volume 64&lt;br&gt;<br /> པར་བྱེད་དོ། །དེ་ལས་སྐྱོ་བ་དང་། ཆོག་པའི་སེམས་སྐྱེས་ནས་ལུས་དང་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །དེ་བས་ན་ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་<br /> མེད་པའི་སེམས་ཅན་དམྱལ་བར་ལྟུང་ངོ་། །ཡང་རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་ལས་ལོག་པར་འཇུག་པ་ལ་སྲེད་ཅིང་ཚོལ་ཏེ། ཡུན་རིང་དུ་སྦྱོང་ཞིང་སྟོང་<br /> པ་ཟབ་མོའི་རང་བཞིན་ལ་འཇུག་སྟེ། དེ་ལ་འདོད་ཅིང་ཚོལ་ལོ། །དེའི་ཚེ་ལྷའི་བདུད་ཀྱིས་གླགས་རྙེད་དེ། ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ཚིག་གིས་མདོ་སྡེ་དང་། ཆོས་བཤད་པ་དང་། མི་དེས་མ་ཚོར་ཏེ། བདུད་ཀྱིས་བསླུས་པ་ལ་བདག་གིས་མྱ་ངན་<br /> ལས་འདས་སོ་སྙམ་དུ་སེམས་སོ། །རིགས་ཀྱི་བུ་དག་འགོག་པ་སྲེད་པའི་ཐད་དུ་ཕྱིན་ནས་གདིང་བ་བཏིང་སྟེ། ཆོས་བཤད་ནས་འཁོར་མང་པོའི་ནང་དུ་བདག་གི་ལུས་སེམས་ཀྱི་སྐད་ཅིག་ཙམ་ཞིག་སྟོང་པར་གྱུར་ཏེ། འཁོར་གྱིས་མི་མཐོང་བར་བྱེད། ཡང་སྟོང་པའི་<br /> ནང་ནས་སེམས་ཀྱི་སྐད་ཅིག་ཙམ་གྱིས་བྱུང་སྟེ། འབྱུང་བ་དང་ནུབ་པར་བྱེད་པའི་དབང་ཐོབ་བོ། །བར་བར་ནི་ལུས་བཻ་དཱུརྱ་ལྟ་བུར་སྟོན། བར་བར་ནི་ལག་པ་ཐུར་དུ་དཔྱངས་ཏེ་ཙན་དན་གྱི་དྲི་འབྱིན། བར་བར་ནི་ཕྱི་ས་ཆེ་ཆུང་ཡང་ཁར་སྟུག་པོ་དང་འདྲའོ། །ཚུལ་<br /> ཁྲིམས་དང་འདུལ་བ་ལ་ཡང་སྐུར་པ་འདེབས་ཤིང་རབ་ཏུ་བྱུང་བ་ལ་བརྙས་ཤིང་ཚོད་འཛིན་ཏོ། །ཚིག་ཏུ་ནི་རྟག་པར་རྒྱུ་མེད་འབྲས་བུ་མེད་དོ། །ལན་ཅིག་ཤི་ནས་ཡུན་དུ་མེད་དེ། ཡང་སྲིད་ཕྱི་མ་དང་། འཕགས་པ་དང་། སེམས་ཅན་གྱི་ལུས་ཀྱང་མེད་དོ་ཞེས་<br /> སྨྲའོ། །སྟོང་ཞིང་དག་པ་མ་ཐོབ་མོད་ཀྱི་ལྐོག་ན་མི་ཚངས་པར་སྤྱོད་ཅིང་གཡེམ་པ་སྤྱོད་དོ། །ཡང་སྟོང་པའི་སེམས་ཐོབ་སྟེ། རྟེན་ཅིང་འབྲེལ་པར་འབྱུང་བ་མེད་དོ་ཞེས་སྨྲའོ། །དེའི་མིང་ནི་ཉི་ཟླ་སྒྲིབ་པར་བྱེད་པའི་ལྷ་མ་ཡིན་སྒྲ་གཅན་དང་། གསེར་དང་། ཤེལ་<br /> <br /> img. 552 from Volume 64&lt;br&gt;<br /> དང་བཀྲ་ཤིས་ཀྱི་རྩྭ་དང་། གྱི་ལིང་དང་། རུ་སྦལ་དང་གཞན་ལོ་སྟོང་ཁྲི་ལོན་པའི་ཚེ་རིང་པོ་ལྷ་མ་ཡིན་དུ་གྱུར་པ་དེ་ཡུལ་ཁམས་སུ་སྐྱེ་ཤིང་འབྱུང་བ་རྒས་པ་དང་བདུད་དུ་གྱུར་ནས་མི་དེ་ལ་གནོད་པར་བྱེད་དོ། །དེ་ནས་མི་དེ་ལས་སྐྱོ་ཞིང་ཆོག་པའི་སེམས་སྐྱེས་<br /> ནས། དེའི་ལུས་དང་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་<br /> ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་འབྱུང་བ་ལས་སེམས་ལ་ཚེ་རིང་པོར་སྲེད་པའི་སེམས་སྐྱེས་ཏེ། ཡུན་རིང་དུ་ཚེ་རིང་བ་ཚོལ་ཞིང་སྲེད་དེ། ཕུང་པོའི་ཡན་ལག་བོར་ནས་ཅིག་ཅར་ཚེ་ལ་རང་<br /> དབང་གིས། ལུས་ཐོབ་ཅིང་ཕྲ་བའི་གཟུགས་རྟག་པར་འགྱུར་དུ་རེའོ། །དེའི་ཚེ་ལྷའི་བདུད་ཀྱིས་གླགས་རྙེད་ན། ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ཚིག་གིས་མདོ་སྡེ་དང་། ཆོས་བཤད་པ་དང་། མི་དེས་བདུད་ཀྱིས་བསླུས་པར་མ་ཚོར་ནས་བདག་གིས་བླ་ན་<br /> མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །རིགས་ཀྱི་བུ་ཚེ་རིང་བར་འདོད་པའི་ཐད་དུ་ཕྱིན་ཏེ། གདིང་བ་བཏིང་ནས་ཆོས་འཆད་ཅིང་འདི་སྐད་དུ་སྨྲས་ཏེ། ཁམས་གཞན་དུ་ཡང་ཐོགས་པ་མེད་པར་འགྲོའོ། །བར་བར་ནི་དཔག་ཚད་ཁྲིའི་བར་དུ་ཕྱིན་<br /> ཏོ། །དབུགས་གང་ཙམ་གྱིས་སླར་འཁོར་ཏོ། །ཁམས་གཞན་ནས་ནོར་བླངས་ཏེ་ཁྱེར་ཞིང་འོང་ངོ་། །བར་བར་ནི་ཁྱིམ་གཅིག་ན་ལྷན་ཅིག་འདུག་པ་དག་ལ་ཡང་གོམ་པ་འགའ་ཙམ་ལ་ཡང་ཤར་ཕྱོགས་ཀྱི་རྩིག་དྲུང་ནས་ནུབ་ཕྱོགས་ཀྱི་རྩིག་པའི་བར་དུ་མགྱོགས་<br /> པར་སོང་ཡང་ལོ་དུ་མར་ཡང་མི་ཕྱིན་པར་བྱེད་དེ། དེའི་ཕྱིར་སེམས་ཅན་དག་ཡིད་ཆེས་པར་བྱེད་དེ། ཡིད་ཆེས་ནས་དེ་ཉིད་སངས་རྒྱས་ཡིན་ནོ་སྙམ་དུ་སེམས་སོ། །ཚིག་ཏུ་ནི་ཕྱོགས་བཅུའི་སེམས་ཅན་ཐམས་ཅད་ངའི་བུ་ཡིན། བདག་ལས་སངས་རྒྱས་ཐམས་ཅད་སྐྱེས།<br /> <br /> img. 553 from Volume 64&lt;br&gt;<br /> ངའི་འཇིག་རྟེན་དུ་བྱུང་། ང་ནི་ཡེ་ནས་སངས་རྒྱས་པ་ཡིན་ཏེ། འཇིག་རྟེན་དུ་འབྱུང་མོད་ཀྱི། འདུས་བྱས་ལས་སྐྱེས་པ་མ་ཡིན་ནོ་ཞེས་ཟེར་ཏེ། དེའི་མིང་ནི་འཇིག་རྟེན་གྱི་རང་དབང་ཅན་གྱི་ལྷའི་བདུད་ཡིན་ཏེ། རང་གི་གཉེན་བཤེས་ཀྱང་ལས་བྱེད་དུ་བཅུག་ནས། ཙ་<br /> མུན་ཆའི་ཡི་དགས་མོ་དང་། ཕྱོགས་བཞིའི་རྒྱལ་པོ་དང་། ཤ་ཟའི་བུ་དང་འདྲ་སྟེ། སུས་བྱང་ཆུབ་ཏུ་སེམས་བསྐྱེད་པ་དང་། ཏིང་ངེ་འཛིན་དང་བྲལ་བའི་མི་དག་གི་ཁུ་ཆུ་འཐུང་ངོ་། །བར་བར་ནི་སྟོན་པའི་མཁན་པོ་མེད་པ་རང་དགེ་བའི་སྤྱོད་པ་དག་གིས་མཐོང་བ་དང་།<br /> ང་ནི་རྡོ་རྗེ་འཆང་བ་ཡིན་ཏེ་ཁྱོད་ལ་ཚེ་རིང་བར་བྱའོ་ཞེས་སྨྲའོ། །ཆེད་འགའ་ནི་བུད་མེད་བཟང་མོར་སྤྲུལ་ཏེ། གཡེམ་པ་རྒྱས་པར་སྤྱད་ནས་ལོ་མང་པོ་མ་ལོན་པར་གླན་པ་དང་མཆིན་པ་སྐམས་སོ། །རང་གཅིག་པུ་ཡང་སྨྲ་བར་བྱེད་དོ། །མི་དག་དང་ཕྲད་དེ་གཏམ་བྱས་ནས་<br /> གླེན་པར་འགྱུར་བར་བྱེད། མིའི་སེམས་སྒྱུར་ཞིང་མི་དག་ལ་གནོད་པར་བྱེད་དོ། །དེ་དག་གིས་མ་ཚོར་ནས་རྒྱལ་པོའི་གྱོད་ལ་ཐོགས་སོ། །འཆི་བའི་ཚེ་དུས་ལ་མ་བབ་པར་སྐམས་ཏེ་འཆིའོ། །གློ་བུར་དུ་ཡང་འཆི་བར་འགྱུར་རོ། །ཁྱོད་འཁོར་བ་ལ་མ་འཇུག་པར་སྔར་<br /> ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །དགའ་བོ་བདུད་དེ་རྣམས་བཅུ་ནི་མ་འོངས་པའི་དུས་ཀྱི་ཚེ་ངའི་གསུང་རབ་ལས་རབ་ཏུ་འབྱུང་སྟེ། ཆོས་ཀྱི་ལམ་སྒྲིབ་པའི་མིའི་སེམས་ཀྱི་ནང་དུ་འཇུག་<br /> པར་བྱེད་དོ། །རེས་འགའ་ནི་རང་མངོན་པར་སྟོན་པར་མི་དག་ལ་འདི་སྐད་དུ་སྨྲའོ། །ཡང་དག་པར་ཁྱབ་པར་ཤེས་པར་ཚོར་རོ། །གཡེམ་པ་སྤྱོད་པ་ལ་སྟོད་ཅིང་སངས་རྒྱས་ཀྱི་ཚུལ་ཁྲིམས་འཇིག་སྟེ། སྔར་ནི་མཁན་པོས་བསླུས་ཕྱིས་ནི་སློབ་མས་བསླུས་ཏེ། གཡེམ་<br /> པ་སྤྱོད་ཅིག་པར་གཅིག་གིས་གཅིག་འདོགས་པར་བྱེད་དོ། །དེ་ལྟར་ལྷ་མ་ཡིན་ཡིད་སྒྱུར་ཞིང་སེམས་ཀྱི་ཁོང་དུ་འཇུག་སྟེ། ཉེ་ན་ཚེ་རབས་དགུ། རིང་ན་ཚེ་རབས་བརྒྱའི་བར་དུ་དགེ་བ་སྤྱོད་ཅིང་། བདུད་ཀྱི་གཉེན་བཤེས་སུ་འགྱུར་རོ། །དེ་ནས་ཚེ་བརྗེས་ནས་བདུད་<br /> <br /> img. 554 from Volume 64&lt;br&gt;<br /> ཀྱི་བྲན་དུ་འགྱུར་རོ། །དེ་ནས་ཀྱང་ཡང་དག་པར་ཁྱད་པར་ཤེས་པའི་གྲལ་སྟོར་ནས་མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཁྱོད་ཟག་པ་ཟད་པ་ཐོབ་ཀྱང་ཞི་བའི་འགོག་པའི་ནང་དུ་མི་འཇུག་པར་སྔོན་གྱི་སྨོན་ལམ་མ་བཏབ་པར་ཕྱི་མའི་དུས་ངན་པའི་ཕྱི་མའི་<br /> ཚེ་སྙིང་རྗེ་ཆེན་པོ་བསྐྱེད་དེ། ཡང་དག་པར་དད་པའི་སེམས་ཅན་རྣམས་གྲོལ་ཞིང་ཐར་བར་གྱིས་ཤིག །བདུད་ཀྱིས་མི་ཚུགས་པར་ཡང་དག་པར་ཤེས་ཤིང་ཐོབ་པར་གྱིས་ཤིག །ངས་ཁྱོད་སྐྱེ་ཤི་ལས་ཐར་ཅིང་གྲོལ་བར་བྱས་སོ། །ད་ཁྱེད་སངས་རྒྱས་ཀྱི་བཀའ་བཙུན་<br /> པར་བྱོས་ཤིག་དང་། དེ་ནི་སངས་རྒྱས་ལ་ལན་ལྡོན་པ་ཡིན་ནོ། །དགའ་བོ་དེ་རྣམ་པ་བཅུ་ནི་ཏིང་ངེ་འཛིན་གྱི་སྔ་ལྟས་ཡིན་ཏེ། འདི་ཀུན་ནི་འདུ་བྱེད་ཀྱི་ཕུང་པོ་ཡིན་ནོ། །དེ་དག་ནི་བསྒོམ་པ་ནོར་བ་ལས་དེའི་ཕྱིར་འདི་འདྲ་བར་གྱུར་ཏེ། ཕོ་ཐེག་ཅན་གྱི་སྐྱེ་བོ་རྣམས་བསླད་<br /> ནས་རང་གི་ཉམས་དྲོད་མ་ཟིན་ཏེ། རྒྱུ་རྐྱེན་དེ་ལྟ་བུ་དང་ཕྲད་ནས་འཁྲུལ་པར་རང་གིས་མ་ཤེས་ཏེ། བདག་འཕགས་པའོ་སྙམ་དུ་སེམས་པ་དེ་ནི་བརྫུན་ཆེན་པོར་འགྱུར་ཏེ། མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཁྱེད་ལ་སོགས་པས་ང་མྱ་ངན་ལས་འདས་པའི་<br /> ཕྱིན་དེ་བཞིན་གཤེགས་པའི་བཀའ་ཕྱི་མའི་དུས་ཀྱི་ཚེ། སེམས་ཅན་ནོ་ཅོག་ལ་ཁྱབ་པར་མན་ངག་གཞག་ཅིང་འདིའི་དོན་སྟོན་ཏོ། །ཚོར་བར་གྱིས་ཤིག །ལྷའི་བདུད་ཀྱིས་སྐབས་མི་རྙེད་པར་གཟུངས་སུ་ཟུང་ཤིག །གདམས་ཤིང་བསྲུང་ན་བླ་ན་མེད་པའི་ལམ་<br /> འགྲུབ་བོ།། །།བམ་པོ་གཉིས་པ་སྟེ་ཐ་མ། དགའ་བོ་རིགས་ཀྱི་བུ་ཏིང་ངེ་འཛིན་ལ་མཉམ་པར་གཞག་པས་འདུ་ཤེས་ཀྱི་ཕུང་པོ་ཟད་པའི་མི་དེ་ལ་ནི་རྨི་ལམ་གྱི་འདུ་ཤེས་རྟག་པར་སྙོམས་པར་འགོགས་ནས། སད་པ་དང་གཉིད་ལོག་པར་རྟག་ཏུ་གཅིག་སྟེ།<br /> ཚོར་བ་གསལ་བས་སྟོང་ཞིང་དང་ངོ་། །དཔེར་ན་ནམ་མཁའ་དང་བྲལ། སྤྲིན་སྟུག་པོ་ཆེན་པོ་དག་གིས་ཁེབས་པ་མེད་དེ། འཇིག་རྟེན་ཐམས་ཅད་དུ་བལྟས་ན། ས་ཆེན་པོ་དང་། ཆུ་ཆེན་པོ་དང་། མི་དག་ཀྱང་མེ་ལོང་གི་ནང་དུ་འདུས་པར་སྣང་བཞིན་དུ་གཟུགས་བརྙན་<br /> <br /> img. 555 from Volume 64&lt;br&gt;<br /> འབྱུང་བ་ནའང་གོས་པ་མེད། ནུབ་པ་ན་ཡང་གྱུར་པ་མེད་དོ། །སྟོང་པའི་ལེན་པར་སྣང་བ་ལ་བརྟགས་ན། སྔོན་གྱི་བག་ཆགས་ཏེ། སྐྱེ་ཤིའི་རྩ་བའི་ངོ་བོ་ཉིད་དུ་རིག་ནས་བཙལ་དུ་མི་རྙེད་དེ། དང་པོ་དེ་ཁོ་ན་དང་རོ་གཅིག་གོ། །ཕྱོགས་བཅུ་ཐམས་ཅད་རིགས་བཅུ་གཉིས་ལས་<br /> སྐྱེས་པའི་སྐྱེ་བོ་རྣམས་ཀྱིས་དོན་མ་རྟོགས་མོད་ཀྱི། ཡུན་རིང་དུ་བསྒོམས་ན་སོ་སོ་ན་དོན་ཁོང་དུ་ཆུད་པར་འགྱུར་ཏེ། དཔེར་ན་རྐྱང་དང་འདྲ་བར་ཁད་ཀྱིས་འདུལ་ལོ། །དེའི་མིང་ནི་འདུ་བྱེད་ཀྱི་ཕུང་པོས་བསྒྲིབས་པའོ། །དེ་ལྟར་དང་བ་ལས་རྙོགས་པ་དེ་བགས་ཀྱིས་<br /> དང་བཞིན་ངོ་བོ་ཉིད་ལ་ཞུགས་ཏེ། གཅིག་དང་ན་བག་ཆགས་མེད་དོ། །དཔེར་ན་ཆུ་རྙོག་པ་ཅན་ལས་དང་སྟེ་སངས་ན་དང་བ་ཞེས་བྱ་སྟེ། དེའི་མིང་ནི་འདུ་བྱེད་ཀྱི་ཕུང་པོ་ཟད་ནས་མི་དེས་ནི་སེམས་ཅན་གྱི་སྙིགས་མ་ལས་འདས་པའོ། །དོན་དེ་ལ་བརྟགས་ན་ཟབ་<br /> ཅིང་མི་མཐོང་བའི་ཕྱིར་རོ། །དགའ་བོ་ཤེས་པར་བྱོས་ཤིག །ཡང་དག་པ་ཉིད་ཆུད་ཅིང་མཐོང་སྟེ། ཏིང་ངེ་འཛིན་དུ་འཇུག་པའི་རིགས་ཀྱི་བུ་དག་ཡང་དག་པ་དམིགས་སུ་མེད་པ་དེ་ཉིད་ལ་བཞག་ན། རིགས་ཀྱི་བུ་ལྷའི་བདུད་ཀྱང་སེམས་ཐག་ཆོད་དོ། །སྦྱངས་<br /> ཤིང་དང་བ་ཐོབ་ནས་རང་གི་རིགས་ཀྱི་རྩ་བ་ཤེས་ཏེ། རིགས་དེའི་ནང་གི་ཟབ་ཅིང་དང་བ་དེ་བརྟགས་ན། ཉོན་མོངས་པའི་འཁྲུལ་པའི་གཞི་རྒྱུ་བ་རྒྱས་པ་ལས་རྟོགས་པ་སྐྱེས་ནས་མི་དེ་ནི་རྒྱུ་མེད་པ་གཉིས་ཀྱི་ནང་དུ་ལྟུང་ངོ་། །དེ་ལ་གཅིག་ནི་མི་དེས་རྩ་བའི་གཞིའི་རྒྱུ་<br /> མཐོང་སྟེ། དེ་ཅིའི་ཕྱིར་ཞེ་ན། སེམས་ཅན་གྱི་རྩ་བ་བཤིག་པ་ཐོབ་ན། མིག་གི་རྩ་བ་བརྒྱད་བརྒྱའི་བསོད་ནམས་ཐོབ་སྟེ། བསྐལ་པ་བརྒྱད་ཁྲི་ཚུན་ཆད་ཀྱི་སེམས་ཅན་ཅི་ཡོད་པ་ལས་འཁོར་ཏེ། འདིར་ཤི་ནས་ཕ་རོལ་དུ་སྐྱེས་ཏེ། འཁོར་བ་དེ་ཉིད་དུ་སེམས་<br /> ཅན་འཁོར་བས་མཐོང་ངོ་། །བསྐལ་པ་བརྒྱད་ཁྲི་ཚུན་ཆད་ཀྱི་མི་སྣང་སྟེ། བལྟར་མེད་པས་དེ་ལྟ་བུར་ཤེས་སོ་སྙམ་དུ་སེམས་ཏེ། འཇིག་རྟེན་འདི་ལ་སོགས་པ་ཕྱོགས་བཅུའི་སེམས་ཅན་བསྐལ་པ་བརྒྱད་ཁྲི་ནས་རྒྱུ་མེད་པར་རང་བཞིན་གྱིས་ཡོད་དོ་སྙམ་དུ་རྟོག་པའི་ཕྱིར།<br /> <br /> img. 556 from Volume 64&lt;br&gt;<br /> ཡང་དག་པ་དམ་པའི་གྲལ་སྟོར་ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །གཉིས་ནི་མི་དེས་ཕྱི་མའི་རྒྱུ་མེད་པ་ལ་བལྟས་ཏེ། དེ་ཅིའི་ཕྱིར་ཞེ་ན། མི་དེས་སྐྱེ་ཤིའི་རྩ་བ་མཐོང་སྟེ། མི་ནི་མིར་སྐྱེ་བར་ཤེས། བྱ་ནི་བྱར་སྐྱེ་བར་<br /> རིག །བྱ་རོག་ནི་ཡོངས་གནག །བཞད་ནི་ཡོངས་དཀར། ལྷ་དང་མི་ནི་ཡོངས་ཀྱིས་འགྲེང་། བྱོལ་སོང་ནི་ཡོངས་ཀྱིས་རྒུར་དཀར་པོ་ནི་བཀྲུས་ཏེ་གྱུར་པ་ཡིན། ནག་པོ་ནི་བཅོས་པ་ལས་གྱུར་པ་ཡིན་ཏེ། བསྐལ་པ་བརྒྱད་ཁྲིའི་བར་དུ་འགྱུར་བ་མེད་དོ། །ད་ལྟར་གྱི་<br /> དུས་འདི་མ་ཟད་ཀྱི་བར་དུ་དེ་བཞིན་ནོ། །ངས་ནི་ཡོད་ནས་བྱང་ཆུབ་མཐོང་སྟེ། དེ་ཅིའི་ཕྱིར་ཞེ་ན། བྱང་ཆུབ་འགྲུབ་པ་ཡོད་དོ། །ཤེས་པར་གྱིས་ཤིག །དེ་རིང་ཅི་ཡོད་པའི་ནོར་རྫས་ཡོད་ནས་རྒྱུ་མེད་པའོ་ཞེས་དེ་ལྟ་བུ་རྟོག་པའི་ཕྱིར། ཡང་དག་པ་ཁྱབ་པའི་ཤེས་པ་སྟོར་<br /> ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་རོ། །དེའི་མིང་ནི་རྒྱུ་མེད་པའི་མུ་སྟེགས་ཅན་དང་པོའོ། །ཡང་དགའ་བོ་རིགས་ཀྱི་བུ་དག་ཏིང་ངེ་འཛིན་ལས་མི་དམིགས་པའི་ཡང་དག་པ་ཉིད་ལ་མཉམ་པར་བཞག་ན། བདུད་རྣམས་སེམས་ཐག་ཆོད་དོ། །རང་གི་<br /> རྒྱུ་བའི་རྩ་བའི་ཤེས་ཏེ། ཟབ་མོ་དང་བདེ་བ་ལ་བརྟགས་ན་རྟག་པར་རྒྱས་པའི་ནང་ནས་སེམས་ཅན་ལ་ཚོད་འཛིན་ཏེ། མི་དེ་ནི་རྟག་པར་ཁྱབ་པར་ལྟ་བ་བཞིའི་ནང་དུ་ལྟུང་ངོ་། །དེ་ལ་དང་པོ་ནི་དེས་སེམས་དང་སེམས་ཀྱི་ཡུལ་གཉིས་ནང་ནས་རང་བཞིན་དུ་རྒྱུ་མེད་ཀྱང་སྤྱོད་པའི་ཚེ་<br /> ཤེས་པར་འགྱུར་རོ་ཞེ་ན། བསྐལ་པ་ཉི་ཁྲིའི་བར་དུ་ཕྱོགས་བཅུའི་སེམས་ཅན་ཇི་སྙེད་ཡོད་པའི་སྐྱེ་ཤིའི་འཁོར་བར་སྐྱེ་ཤི་ལ་འཁོར་ཏེ་གྱེས་ཤིང་སྟོར་མ་མྱོང་བས་དེ་ནི་རྟག་པ་སྙམ་དུ་སེམས་སོ། །དེ་ལ་གཉིས་པ་ནི་མི་དེས་ཁམས་བཞི་ལ་བལྟས་ནས་ཁམས་བཞི་རང་བཞིན་རྟག་<br /> པར་འདུག་སྟེ། སྤྱོད་ཅིང་སྦྱངས་པ་ལས་ཤེས་པར་འགྱུར་རོ། །བསྐལ་པ་བཞི་ཁྲིའི་བར་དུ་ཕྱོགས་བཅུའི་སེམས་ཅན་གྱི་སྐྱེ་ཤི་ཇི་སྙེད་པ་ཀུན་རྟག་སྟེ། གྱེས་ཤིང་སྟོར་མ་མྱོང་སྟེ། དེ་ནི་རྟག་པ་སྙམ་མོ། །དེ་ལ་གསུམ་དུ་ནི་མི་དེས་སྐྱེ་མཆེད་དྲུག་ཐམས་ཅད་ལ་བལྟས་ན། འཇུག་<br /> <br /> img. 557 from Volume 64&lt;br&gt;<br /> པའི་ཡིད་ཀྱི་རྣམ་པར་ཤེས་པའི་ནང་ན་ཐོག་མ་ནས་གནས་མེད་དེ་རང་བཞིན་རྟག་པའི་ཕྱིར་སྤྱད་ཅིང་སྦྱངས་ན་གདོད་ཤེས་སོ། །བསྐལ་པ་བརྒྱད་ཁྲིའི་བར་དུ་སེམས་ཅན་ཐམས་ཅད་འཁོར་ཏེ། དེ་ཡེ་ནས་རྟག་པ་ལ་གནས་པས་གྱེས་ཤིང་སྟོར་བ་མ་མྱོང་སྟེ། དེ་ལྟར་རྟག་གོ་སྙམ་<br /> མོ། །དེ་ལ་བཞིན་ནི་མི་དེས་འདུ་ཤེས་ཀྱི་རྩ་བ་ཟད་ནས་འཁོར་བའི་སྐྱེ་ཤི་མེད་དེ། སྐྱེ་བ་དང་འཆི་བའི་འཁོར་བའི་རྒྱུ་བ་འགོག་པ་དང་འདུ་ཤེས་སེམས་ནི་ཡོངས་ནས་ཟད་པས་དེ་ནི་ཡང་མོས་མེད་དོ། །དེའི་དོན་གྱིས་ནང་ན་རང་གི་སྐྱེ་ཤི་མེད་པར་གྲུབ་སྟེ། རྟག་གོ་སྙམ་<br /> དུ་རྟོག་པའི་ཕྱིར་ཡང་དག་པར་ཤེས་པའི་གྲལ་སྟོར་ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ལམ་ནི་འཁྲུལ་ཏོ། །དེའི་མིང་ནི་རྟག་པར་ཁྱབ་པའི་མུ་སྟེགས་ཅན་གཉིས་པའོ། །རིགས་ཀྱི་བུ་དག་ཡང་དག་པ་ཉིད་ལ་ཏིང་ངེ་འཛིན་ལ་རྩེ་གཅིག་ཏུ་བར་ཆད་མེད་ན།<br /> བདུད་ཀྱི་ཐབས་ཀྱིས་མི་སླུས་སོ། །རང་གི་རྩ་བའི་རྒྱུ་ཤེས་ཏེ། ཟབ་མོ་དང་བ་དེ་ལས་བསྟན་ནས་རྟག་པར་བདག་དང་གཞན་དུ་རྟོག་པ་སྐྱེས་ཏེ། དེ་ནི་ཕྱིན་ཅི་ལོག་བཞིའི་ནང་ན་ལངས་ནས། ཁ་ཅིག་ནི་མི་རྟག །ཁ་ཅིག་ནི་རྟག་པར་མཐོང་ངོ་། །དེ་ལ་གཅིག་ནི་མི་<br /> དེས་སེམས་ཅན་གྱི་མཐོང་བ་ལ་ཞིག་ཏུ་བལྟས་ན། ཕྱོགས་བཅུའི་ཁམས་སུ་ངས་རྟག་པར་ཁྱབ་སྟེ། ཡོད་ནས་མི་གཡོ་སྙམ་ནས་ང་ནི་ཕྱོགས་བཅུར་ཁྱབ་ཅིང་སྨད་ལ་མི་གཡོ། །སེམས་ཅན་ཐམས་ཅད་ངའི་ནང་ནས་རང་སྐྱེ། རང་འཆི་སྟེ། ངའི་རང་བཞིན་ནི་རྟག་<br /> པ་ཡིན་ནོ། །ངའི་ནང་ནས་སྐྱེ་ཞིང་འཆི་བ་དེ་ནི་མི་རྟག་པའི་རང་བཞིན་སྙམ་མོ། །དེ་ལ་གཉིས་པ་ནི་མི་དེ་སེམས་ཅན་ལ་མི་ལྟ་བར་ཕྱོགས་བཅུའི་ཁམས་ལ་ཁྱབ་པར་བལྟས་ན། གང་གཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་ནི་བསྐལ་པས་འཇིག་པའི་གནས་སུ་<br /> མཐོང་སྟེ། ད་ནི་ཡོང་ནས་མི་རྟག་པ་ཡིན་ནོ། །སྣ་ཚོགས་ཀྱི་རང་བཞིན་གྱི་གནས་སྐབས་མ་ཞིག་པ་དེ་ནི་ཡེ་ནས་རྟག་པ་སྙམ་མོ། །གསུམ་པ་ནི་མི་དེས་སེམས་ཅན་ལ་བལྟས་ན་ང་དང་ཞིང་ཕྲ་བ་ནི་རྡུལ་ཕྲ་མོ་དང་འདྲ་སྟེ། ཕྱོགས་བཅུའི་ཁམས་ནས་འཁོར་ཞིང་རང་<br /> <br /> img. 558 from Volume 64&lt;br&gt;<br /> བཞིན་ལ་འགྱུར་བ་མེད་དེ། ལུས་དེ་ཡང་སྐྱེ་ཡང་འཆི་སྟེ། མི་ཞིག་པས་ངའི་རང་བཞིན་རྟག་པ་ཡིན་ནོ། །སྐྱེ་ཤི་ཐམས་ཅད་ནི་ང་ལས་བྱུང་ཞིང་རྒྱུ་སྟེ། རང་བཞིན་རྟག་པ་སྙམ་མོ། །དེ་ལ་བཞིན་པ་ནི་འདུ་ཤེས་ཀྱི་ཕུང་པོ་ནི་ཟད་པར་ཤེས། འདུ་བྱེད་ཀྱི་ཕུང་པོ་ནི་<br /> རྒྱུ་བར་མཐོང་སྟེ། འདུ་བྱེད་ཀྱི་ཕུང་པོ་ནི་རྟག་པར་རྒྱུ་སྟེ། རྟག་པར་གནས་པའི་རང་བཞིན་ཡིན་ནོ། །གཟུགས་དང་ཚོར་བ་དང་། འདུ་ཤེས་ལ་སོགས་པ་ནི་བཀག་ཅིང་ཟད་དེ། དེ་ནི་མི་རྟག་པ་ཡིན་ནོ་སྙམ་དུ་རྟོག་སྟེ། རྣམ་པ་ཁ་ཅིག་ནི་མི་རྟག་པ་སྙམ་དུ་སེམས་པ་<br /> དེ་ནི་མུ་སྟེགས་ཅན་གྱི་ནང་དུ་ལྷུང་ནས་བྱང་ཆུབ་ཀྱི་ངོ་བོ་ཉིད་ནོར་ཏོ། །དེའི་མིང་ནི་རྟག་པར་ལྟ་བའི་མུ་སྟེགས་ཅན་གསུམ་པའོ། །ཡང་རིགས་ཀྱི་བུ་དག་ཏིང་ངེ་འཛིན་ལས་ཡང་དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་རྣམས་སེམས་ཐག་ཆད་དོ། །རང་གིས་སའི་ནང་<br /> ནས་རྟོག་ཅིང་དམིགས་པ་སྐྱེས་ནས་མི་དེ་མཐའ་བཞིར་ལྷུང་ངོ་། །དེ་ལས་དང་པོ་ནི་མི་དེས་སྐྱེ་བའི་རྩ་བ་ལ་སེམས་ཆགས་ནས། རྒྱུ་བའི་སྤྱོད་པ་མ་ཆད་དེ། འདས་པ་དང་མ་འོངས་པའི་ནི་མཐའ་ཡིན་ཏེ། རྒྱུན་མི་འཆད་པ་ནི་མཐའ་དང་བྲལ་བར་སེམས་སོ། །གཉིས་པ་ནི་མི་<br /> དེས་བསྐལ་པ་བརྒྱད་ཁྲིའི་བར་དུ་བརྟགས་ན་དེ་ཕན་ཆད་ནི་སེམས་ཅན་དག་གིས་མཐོང་བ་དང་། ཐོས་པ་དང་། ཤེས་པའི་གནས་མེད་དེ། དེ་ནི་མཐའ་དང་བྲལ་བ་ཡིན་ནོ། །སེམས་ཅན་ཡོད་པའི་གནས་ནི་མཐའ་ཡོད་པ་སྙམ་དུ་སེམས་སོ། །གསུམ་པ་ནི་མི་དེས་<br /> ང་ནི་ཁྱབ་པོ་བར་ཤེས་ཏེ། མཐའ་དེ་བྲལ་བའི་རང་བཞིན་ཐོས་ནས་སེམས་ཅན་ཐམས་ཅད་ནི་ངའི་ནང་ནས་སྣང་ངོ་། །སེམས་ཅན་དག་གི་ཤེས་པའི་རང་བཞིན་ནི་ངས་ཀྱང་མི་ཤེས་སོ་ཞེས་དེའི་ཕྱིར་མཐའ་དང་བྲལ་བའི་སེམས་མ་ཐོབ་ནས་མཐའ་ལ་གནས་པའི་སེམས་ཀྱང་ཡོད་<br /> པ་སྙམ་མོ། །བཞི་པ་ནི་འདུ་བྱེད་ཀྱི་སྟོང་པ་ཉིད་རྗེས་བཅད་ན་སེམས་ཅན་ཐམས་ཅད་ལུས་གཅིག་གི་ནང་ནས་ཕྱེད་ནི་སྐྱེ། ཕྱེད་ནི་འཆིའོ་སྙམ་སྟེ། འཇིག་རྟེན་གྱི་ནང་ན་ཕྱེད་ནི་མཐའ་ཡོད། ཕྱེད་ནི་མཐའ་དེ་དང་བྲལ་བར་རྟོག་པའི་ཕྱིར་མུ་སྟེགས་ཅན་མཐའ་ཡོད་པ་དང་།<br /> <br /> img. 559 from Volume 64&lt;br&gt;<br /> མཐའ་མེད་པར་ལྟ་བའི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏེ། དེའི་མིང་ནི་མཐའ་ཡོད་པར་ལྟ་བའི་མུ་སྟེགས་ཅན་བཞི་པའོ། །རིགས་ཀྱི་བུ་དག་ཡང་ཏིང་ངེ་འཛིན་ཡང་དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་རྣམས་སེམས་ཐག་ཆོད་དོ། །སྐྱེ་བའི་<br /> རིགས་ཀྱི་རྩ་བ་ཟད་དེ། ཟབ་མོ་དང་བདེ་བ་ལ་བརྟགས་ན་ཉོན་མོངས་པ་རྟག་པར་འཁྲུལ་པའི་གཞི་རྒྱུ་བ་མ་ཟད་པས་རྟོག་པ་སྐྱེས་ཏེ། མི་དེ་ནི་ཕྱིན་ཅི་ལོག་བཞི་པའི་མི་སྐྱེ་བའི་ཁྱབ་པར་འཁྲུལ་པའི་རྗེས་སུ་དཔོག་པའི་མི་བདེན་པའོ། །དེ་ལ་གཅིག་ནི་མི་དེས་སེམས་ལྡང་<br /> དུབ་ཀྱི་རྩ་བ་ལ་བརྟགས་ན། སེམས་ནི་རྒྱུན་དུ་རྒྱུ་བར་མཐོང་སྟེ། དེ་ནི་འགྱུར་བ་གཅིག་གིས་གཅིག་བསགས་པ་ནི་རྟག་པ་སྙམ་སྟེ། སེམས་ཡོད་པར་མཐོང་བ་ནི་སྐྱེས་པ་ཞེས་བྱ། མཐོང་བ་ཉིད་མི་མཐོང་བ་དེ་ནི་འགོག་པ་ཞེས་བྱའོ། །སེམས་གཅིག་གིས་བསགས་པ་རྒྱུ་དེའི་<br /> གནས་མི་མཐོང་བ་ནི་རང་བཞིན་མ་ཆད་པའི་གནས་ཏེ། དེ་ནི་འཕེལ་བའོ། །ཡང་དག་པ་ཐུབ་པ་ཉིད་ཀྱི་ཐུབ་པའི་ནང་ནས་འབྲེལ་བ་ནི་འགོག་པ་ཞེས་བྱའོ། །སོ་སོའི་སྐྱེ་བོ་ནི་ཡོད་པའོ། །སོ་སོར་འཆི་བ་དེ་ནི་མེད་པ་ཞེས་བྱ་སྟེ། སྤྱིའི་དོན་ལ་བལྟས་ན་སྤྱོད་པ་ཐ་དད་པར་<br /> མཐོང་ངོ་། །ཆོས་འདོད་པའི་མི་དག་འོངས་ཏེ་དོན་དྲིས་ན། ལན་དུ་དང་ནི་སྐྱེ་ཡང་སྐྱེ། འགག་ཀྱང་འགག །ཡོད་ཀྱང་ཡོད། མེད་ཀྱང་མེད་དོ། །འཕེལ་ཡང་འཕེལ་ལ། འབྲི་ཡང་འབྲིའོ་ཞེས་ཐམས་ཅད་དུ་ཡང་འཁྲུལ་པར་སྨྲ་སྟེ། མི་གཞན་གྱི་ཚིག་གི་དོན་སྟོར་<br /> བར་བྱེད་དོ། །གཉིས་པ་ནི་མི་དེས་ཡང་དག་པར་སེམས་ལ་བརྟགས་ན་བར་བར་ནི་མེད་པའི་གནས་མེད་པར་རིག་སྟེ། མི་དག་གིས་ཆོས་དྲིས་ན་ཅི་ཡང་མེད་དོ་ཞེས་ཚིག་གཅིག་པུས་ལན་ལྡོན་ཏེ། མེད་དོ་ཞེས་བྱ་བའི་ཚིག་ལ་མ་གཏོགས་པ་གཞན་མི་སྨྲའོ། །གསུམ་པ་ནི་མི་<br /> དེས་ཡང་དག་པར་སེམས་ལ་བརྟགས་ན། སེམས་དེ་སོ་སོར་ཡོད་པའི་གནས་ན་ཡོད་པར་རིག་སྟེ། ཆོས་འདྲི་བའི་མི་དག་ལ་ཡོད་དོ་ཞེས་ཚིག་གཅིག་པུས་ལན་ལྡོན་ཏེ། དེ་ལ་མ་གཏོགས་པའི་ཚིག་གཞན་མི་སྨྲའོ། །བཞི་པ་ནི་མི་དེས་ཡོད་པ་དང་མེད་པ་གཉི་གར་མཐོང་<br /> <br /> img. 560 from Volume 64&lt;br&gt;<br /> སྟེ། རྣམ་པ་གཉི་གར་མཐོང་བའི་ཕྱིར་རང་གི་སེམས་འཁྲུག་གོ། །ཆོས་འདྲི་བའི་མི་དག་ལ་ཡང་ཡོད་ཀྱང་ཡོད། མེད་ཀྱང་མེད་དོ་ཞེས་ལན་ལྡོན་ཏེ། ཡོད་པའི་ནང་ན་ཡང་མེད་པའོ། །མེད་པའི་ནང་ན་ཡང་ཡོད་པ་ཡིན་ནོ་ཞེས་ནས། དུས་ཐམས་ཅད་<br /> དུ་ཡང་གཞན་གྱི་སེམས་དཀྲུགས་ཏེ་དྲི་བའི་སྐབས་ཀྱང་མེད་ནས། ད་དུང་དེ་ལ་སྟོར་ཞིང་མེད་དོ་ཞེས་དཔྱོད་པའི་འཁྲུག་པའི་ཕྱིར་མུ་སྟེགས་ཅན་གྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ཕྱིན་ཅི་ལོག་བཞི་པའི་རང་བཞིན་མི་འཆི་བའི་ཁྱབ་པར་འཇུག་པའི་<br /> རྗེས་སུ་དཔོག་པའི་མི་བདེན་པའི་མུ་སྟེགས་ཅན་ལྔ་པའོ། །རིགས་ཀྱི་བུ་དག་ཡང་ཏིང་ངེ་འཛིན་ལས་ཡང་དག་པ་ཉིད་ལ་རྩེ་གཅིག་པའི་ཏིང་ངེ་འཛིན་ལ་བར་ཆད་མེད་ན་བདུད་རྣམས་སེམས་ཐག་ཆད་དོ། །ཟབ་མོ་དང་བདེ་བ་ལ་བརྟགས་ན། སྐྱེ་བ་རིགས་ཀྱི་རྩ་བ་ཟད་དེ། ཉོན་<br /> མོངས་པ་རྟག་པར་འཁྲུགས་པའི་གཞི་རྒྱུ་བ་མ་ཟད་པས་རྟོག་པ་སྐྱེས་སོ། །མི་དེ་ནི་ཤི་བའི་འོག་ཏུ་གསུམ་ཡོད་དོ་ཞེས་ཕྱིན་ཅི་ལོག་གི་སེམས་སྐྱེས་ཏེ། འཁྲུལ་ནས་གཟུགས་ནི་ང་ཡིན་ནོ་སྙམ་དུ་སེམས་སོ། །རེ་འགའ་ནི་ངས་ཐམས་ཅད་ཁྱབ་པར་མཐོང་སྟེ། ང་ནི་གཟུགས་<br /> ཡོད་དོ་ཞེས་སོ། །བར་འགའ་ནི་མངོན་སུམ་གྱི་རྐྱེན་རྣམས་ངའི་ཕྱི་བཞིན་འབྲང་ཞེས་སོ། །ཆེད་འགའ་ནི་གཟུགས་ནི་ང་དབང་ཞེས་ཟེར་རོ། །བར་བར་ནི་ངའི་འདུ་བྱེད་དང་འབྲེལ་ཏེ། ང་ནི་གཟུགས་ཀྱི་ནང་ན་འདུག་པར་རྟོག་ཅིང་། ཤི་བའི་འོག་ཏུ་ང་གཟུགས་ཡོད་དོ་ཞེས་<br /> སྨྲའོ། །དེ་བཞིན་དུ་འཁོར་བ་བཅུ་དྲུག་ལ་གཟུགས་ཡོད་པར་རྟོག་གོ། །དེའི་འོག་ཏུ་ཡང་ཉོན་མོངས་པ་ལ་རྟོག་སྟེ། ཡུན་རིང་པོའི་ཉོན་མོངས་པ་དང་། ཡུན་རིང་པོའི་རང་བཞིན་གཉིས་གཅིག་ལ་གཅིག་མ་ཆགས་སོ་ཞེས་སོ། །ཡང་ཤི་བའི་འོག་ཏུ་ཡོད་དོ་ཞེས་རྟོག་ཅིང་སྨྲ་<br /> སྟེ། མུ་སྟེགས་ཅན་གྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ཕུང་པོ་ལྔའི་ནང་ནས་ཤི་བའི་འོག་ཏུ་གཟུགས་ཡོད་དོ་ཞེས་ཕྱིན་ཅི་ལོག་ཏུ་གཞུང་འཛུགས་པའི་མུ་སྟེགས་ཅན་དྲུག་པའོ། །ཡང་རིགས་ཀྱི་བུ་དག་ཏིང་ངེ་འཛིན་པས་ཡང་དག་པ་ཉིད་ལ་རྩེ་<br /> <br /> img. 561 from Volume 64&lt;br&gt;<br /> གཅིག་ཏུ་བར་ཆད་མེད་ན་བདུད་ཀྱི་སེམས་ཐག་ཆད་དོ། །སྐྱེ་བའི་རིགས་ཀྱི་རྩ་བ་ཟད་དེ། ཟབ་མོ་དང་བདེ་བ་ལ་བརྟགས་ན་ཉོན་མོངས་པ་རྟག་པར་འཁྲུགས་པའི་གཞི་ལ་རྒྱུ་མ་ཟད་དེ། རྟོག་པ་སྐྱེས་ནས། མི་དེ་ནི་གཟུགས་དང་། ཚོར་བ་དང་། འདུ་ཤེས་སྔ་མ་སེལ་ཅིང་།<br /> འགོག་པ་ལས་རྟོག་པ་སྐྱེས་ཏེ། ཤི་བའི་འོག་ཏུ་འདུ་ཤེས་མེད་དོ་ཞེས་ཕྱིན་ཅི་ལོག་གི་སེམས་སྐྱེས་ནས་གཟུགས་ནི་མེད་པར་མཐོང་སྟེ། ཁ་དོག་ནི་རྒྱུ་མེད་པར་རྟོག་གོ། །བརྟགས་ན་འདུ་ཤེས་བཀག་སྟེ། སེམས་ཅན་སེམས་ཆགས་པ་མེད་ཅིང་ཚོར་བ་བཀག་པ་ཤེས་ན་ཕྱི་མའི་འབྲེལ་<br /> པ་མེད་དེ། ཕུང་པོའི་རང་བཞིན་ཞི་ཞིང་བྲལ་ལོ། །སྐྱེ་བ་ཡོད་དུ་ཟིན་ཀྱང་ཚོར་བའི་འདུ་ཤེས་མེད་དེ། རྩྭ་ཤིང་དང་འདྲའོ། །འདི་ལྟར་མངོན་སུམ་དུ་བར་བཅད་དེ་ཐོབ་པ་མེད་ན། ཤི་བའི་འོག་ཏུ་ལྟ་ག་ལ་འོང་ཞེས་བརྟགས་ན་དེ་ལྟ་བུའི་མིར་བས་ན་ཤི་བའི་འོག་ཏུ་གཟུགས་<br /> མེད་དེ། འདི་འདྲ་བའི་འཁོར་བའི་ཕྱིར་གཟུགས་མེད་པའི་བརྒྱད་ནི་ཡོད་སྙམ་མོ། །མྱ་ངན་ལས་འདས་པའི་རྒྱུ་དང་འབྲས་བུ་ཐམས་ཅད་ནི་སྟོང་པའོ་ཞེས་དེ་ལྟ་བུར་དམིགས་ན། མི་ཡོངས་ཀྱི་ནོར་ཟད་ཀྱི། ཡེ་ནས་ཆད་ཅིང་ཐོགས་པའོ་ཞེས་དེ་ལྟར་ཡང་རྟོག་པའི་ཕྱིར་ཤི་བའི་<br /> འོག་ཏུ་མེད་དོ་ཞེས་ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ལྔ་ཕུང་གི་ནང་ནས་ཤི་བའི་འོག་ཏུ་གཟུགས་མེད་དོ་ཞེས་ཕྱིན་ཅི་ལོག་ཏུ་གཞུང་འཛུགས་པའི་མུ་སྟེགས་ཅན་བདུན་པའོ། །ཡང་རིགས་ཀྱི་བུ་དག་ཏིང་ངེ་འཛིན་ལས་ཡང་<br /> དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་ཀྱི་སེམས་ཐག་ཆད་དོ། །སྐྱེ་བའི་རིགས་ཀྱི་རྩ་བ་ཟད་དོ། །ཟབ་མོ་དང་བདེ་བ་ལ་བརྟགས་ན་ཉོན་མོངས་པ་རྟག་པར་འཁྲུགས་པའི་གཞི་རྒྱུ་བ་མ་ཟད་པས་རྟོག་པ་སྐྱེས་ཏེ། འདུ་བྱེད་ཀྱི་ཕུང་པོའི་ནང་ནས་མི་དེས་ནི་ཚོར་བ་དང་།<br /> འདུ་ཤེས་ཀྱི་ཕུང་པོ་འགོག་སྟེ། ཡོད་པ་དང་མེད་པ་གཉིས་ཀའི་མཚན་ཉིད་གཅིག་གིས་གཅིག་བཤིག་སྟེ། ཤི་བའི་འོག་ཏུ་མེད་དོ་ཞེས་ཕྱིན་ཅི་ལོག་གི་སེམས་སྐྱེས་སོ། །ཡང་གཟུགས་དང་། ཚོར་བ་དང་། འདུ་ཤེས་ཀྱི་ནང་ནས་ཡོད་པ་དང་མེད་པར་མཐོང་སྟེ། འདུ་བྱེད་<br /> <br /> img. 562 from Volume 64&lt;br&gt;<br /> འགྱུར་བ་དང་། རྒྱུ་བ་མེད་པས་ན་མེད་པ་མ་ཡིན་པར་ཡང་རྟོག་སྟེ། དེ་བཞིན་དུ་འཁོར་བའི་ཕུང་པོ་ཁམས་ཀྱི་ནད་དང་བ་ལ་བརྟགས་ན། བརྒྱད་པོ་ཐམས་ཅད་ཀྱི་གཟུགས་མེད་དེ། འགོག་པའི་རྐྱེན་གཅིག་ཐོབ་པར་ཟད་དེ། ཤི་བའི་འོག་ཏུ་གཟུགས་ཡོད་པ་<br /> དང་མེད་པར་སྨྲའོ། །ཡང་འདུ་བྱེད་ཐམས་ཅད་ཀྱི་རང་བཞིན་ནི་ལྡང་དུབ་པའི་ཕྱིར་མངོན་པར་ཤེས་པར་སེམས་བསྐྱེད་དེ། རིག་པའི་ཡོད་པ་དང་མེད་པ་ཐམས་ཅད་ནི་ཡོད་པ་མ་ཡིན་པར་རྟོག་པའི་ཕྱིར་ཡང་དག་པ་དང་། ཡང་དག་པ་མ་ཡིན་པར་འཁྲུལ་ཅིང་ནོར་ཏེ་ཤི་བའི་<br /> འོག་ཏུ་ཀུན་མེད་དེ། ཕྱིས་མོས་པ་མེད་པར་འགྱུར་རོ་ཞེས་རྟོག་པའི་ཕྱིར་དེ་ནི་ལམ་དང་མི་འཐུན་པས་མུ་སྟེགས་ཅན་གྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ཕུང་པོ་ལྔའི་ནང་ནས་ཤི་བའི་འོག་ཏུ་ཕྱི་མའི་རབས་ཀུན་མེད་དོ་ཞེས་ཕྱིན་ཅི་ལོག་ཏུ་གཞུང་<br /> འཛུགས་པའི་མུ་སྟེགས་ཅན་བརྒྱད་པའོ། །ཡང་རིགས་ཀྱི་བུ་དག་ཏིང་ངེ་འཛིན་རྣམས་ཀྱི་ནང་ནས་དྲང་པོ་མི་གཡོ་བའི་ཏིང་ངེ་འཛིན་དུ་ཞུགས་ཏེ། བདུད་ཀྱིས་གླགས་མི་ཐོད་པ་ལས། སྐྱེ་བའི་ཕོ་མོ་ལ་བརྟགས་ན་ཐ་མ་སྐྱེ་བ་མེད་དོ་སྙམ་ནས་དེ་ལ་ནོར་བའི་ཕྱིར་མུ་<br /> སྟེགས་ཅན་ཆད་པར་ལྟ་བར་གྱུར་ཏོ། །ལུས་འགགས་པའི་འོག་ཏུ་འདོད་པ་ཡང་འགོག །སྡུག་བསྔལ་ཡང་འགོག །ཤིན་ཏུ་དགའ་བ་ཡང་འགོག །ཤིན་ཏུ་བཏང་སྙོམས་ཀྱང་འགོག །ཡན་མན་ཞིབ་ཏུ་བརྟགས་ན། ཤི་བའི་འོག་ཏུ་སྐྱེ་བ་ཡང་ཅང་མེད་དོ་ཞེས་<br /> སྨྲ་སྟེ། བྱང་ཆུབ་ཀྱི་སེམས་ནི་འཆོལ་ཏེ། ཤི་བའི་འོག་ཏུ་ཕུང་པོ་ལྔ་ཆད་པར་ཕྱིན་ཅི་ལོག་ཏུ་ལྟ་བའི་མུ་སྟེགས་ཅན་དགུ་པའོ། །ཡང་རིགས་ཀྱི་བུ་དག་ཏིང་ངེ་འཛིན་ལས་ཡང་དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་ཀྱིས་གླགས་མི་རྙེད་དེ། སྐྱེ་བའི་རིགས་ཀྱི་<br /> རྩ་བ་ཟད་དེ། ཟབ་མོ་དག་པ་དེ་ལ་བརྟགས་ན། ཉོན་མོངས་པ་རྟག་པར་འཁྲུགས་པའི་གཞི་ལས་རྒྱུ་བ་མ་ཟད་དེ། ཡང་ཕྱི་མ་ཡོད་པར་དམིགས་པའི་རྟོག་པ་སྐྱེས་ནས་མི་དེ་མྱ་ངན་ལས་འདས་པ་རྣམ་ལྔའི་ནང་དུ་ལྟུང་ངོ་། །ཆེད་འགའ་ནི་འདོད་པའི་ཁམས་ཀྱི་དང་པོ་འཁོར་བ་ལ་<br /> <br /> img. 563 from Volume 64&lt;br&gt;<br /> བརྟེན་ཏེ་བརྟགས་ནས་མཐོང་ཞིང་རྒྱས་པའི་སྐྱེ་བ་ལ་སྲེད་དོ། །རེས་འགའ་ནི་བསམ་གཏན་དང་པོའི་རང་བཞིན་ལ་ཉོན་མོངས་པ་དང་བྲལ་ལོ་སྙམ་མོ། །ཆེད་འགའ་ནི་བསམ་གཏན་གཉིས་པ་ལ་སྡུག་བསྔལ་མེད་དོ་སྙམ་མོ། །དེ་རེས་འགའ་ནི་བསམ་གཏན་དང་པོའི་རང་བཞིན་<br /> ལ་ཉོན་མོངས་པ་དང་བྲལ་ལོ་སྙམ་མོ། །ཆེད་འགའ་ནི་བསམ་གཏན་གཉིས་པ་ལ་སྡུག་བསྔལ་མེད་དོ་སྙམ་མོ། །རེས་འགའ་ནི་བསམ་གཏན་གསུམ་པ་ལ་རབ་ཏུ་དགའ་ཞིང་བདེའོ་སྙམ་མོ། །བར་བར་ནི་བསམ་གཏན་བཞི་པ་ལ་དགའ་བ་དང་བདེ་བ་གཉིས་ཀ་ལ་འགགས་<br /> ཏེ། འཁོར་བ་ལ་སྐྱེ་ཤི་རང་བཞིན་གྱིས་ལེན་པ་མེད་དོ་ཞེས་འཁྲུལ་ཏེ། ཟག་པ་ཅན་གྱི་གནས་རྣམས་ལ་བྱ་བ་མེད་དོ་སྙམ་དུ་སེམས་སོ། །གནས་དེ་ལྔའི་དགའ་ཞིང་བདེ་བ་ལ་རྒྱལ་བའི་རིགས་གཙང་མའོ་སྙམ་དུ་ཡང་སེམས་སོ། །དེ་བཞིན་དུ་འཁོར་བའི་སེམས་ལྔ་ལ་<br /> ཡུན་དུ་རྟག་པའོ་སྙམ་དུ་ཡང་རྟོག་པའི་ཕྱིར། གནས་དེ་ལྔ་ལ་མྱ་ངན་ལས་འདས་པའོ་སྙམ་དུ་སེམས་ཏེ། དེའི་ཕྱིར་མུ་སྟེགས་ཅན་གྱི་ནང་དུ་ལྷུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ། །དེའི་མིང་ནི་ཕུང་པོ་ལྔའི་ནང་ནས་གནས་ལྔ་ལ་མྱ་ངན་ལས་འདས་པར་ཕྱིན་ཅི་ལོག་ཏུ་<br /> མངོན་སུམ་དུ་གཞུང་འཛུགས་པའི་མུ་སྟེགས་ཅན་བཅུ་པའོ། །དགའ་བོ་ཏིང་ངེ་འཛིན་དེ་བཅུ་ནི་ལོག་པར་ཤེས་པ་སྟེ། འདི་ཀུན་ནི་འདུ་བྱེད་ཀྱི་ཕུང་པོ་ཡིན་ནོ། །དེ་དག་ནི་བསྒོམ་པ་ནོར་པ་ལས་དེའི་ཕྱིར་འདི་འདྲ་བར་གྱུར་ཏེ། ཕོ་ཐེག་ཅན་གྱི་སྐྱེ་བོ་རྣམས་བསླད་པས་རང་གི་ཉམས་<br /> དྲོད་མ་ཟིན་ཏེ། རྒྱུ་རྐྱེན་དེ་ལྟ་བུ་དང་ཕྲད་ནས་འཁྲུལ་པར་རང་གིས་མ་ཤེས་ཏེ། བདག་འཕགས་པ་ཐོབ་བོ་སྙམ་དུ་སེམས་པ་དེ་ནི་བརྫུན་ཆེན་པོར་འགྱུར་ཏེ། མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཁྱོད་ལ་སོགས་པས་དེ་བཞིན་གཤེགས་པའི་བཀའ་ཁྱེར་<br /> ལ། ང་འདས་པའི་ཕྱི་ན་ཕྱི་མའི་དུས་ཀྱི་ཚེ། སེམས་ཅན་ཐམས་ཅད་ལ་ཁྱབ་པར་མན་ངག་གཞག་ཅིང་འདིའི་དོན་སྟོན་ཏེ་ཚོར་བར་གྱིས་ཤིག །རང་ལས་ཟབ་མོའི་ཕུང་པོའི་བདུད་མ་ལངས་པར་གཟུངས་སུ་ཟུང་ལ་སྐྱབས་བགྱིས་ཏེ་སྲུངས་ལ་ལོག་པར་མཐོང་བ་ལ་སོལ་ཏེ།<br /> <br /> img. 564 from Volume 64&lt;br&gt;<br /> སྦྱོངས་ལ་བདག་གི་ལུས་དང་སེམས་ལ་སྟོན་ཏེ། དབེན་པའི་དོན་དབྱེ་ཞིང་ཤེས་པར་གྱིས་ལ། བླ་མའི་ལམ་ལས་ལོག་པའི་ལམ་དུ་མ་འགྲོ་ཤིག །ཅུང་ཟད་ཙམ་གྱི་ཐོབ་པ་ལ་གྲུབ་ཅིང་ཆོག་གོ་སྙམ་པའི་སེམས་མ་སྐྱེད་ཅིག །ཚོར་བའི་རྒྱལ་པོ་ཆེན་པོ་དང་<br /> ཡང་དག་པ་ཐོང་ཤིག །དགའ་བོ་རིགས་ཀྱི་བུ་དག་ཏིང་ངེ་འཛིན་ལ་མཉམ་པར་གཞག་པ་ལས་འདུ་བྱེད་ཀྱི་ཕུང་པོ་ཟད་ན། འཇིག་རྟེན་པ་ཐམས་ཅད་རང་བཞིན་ཟབ་མོ་དང་བ་ལས་འཁྲུགས་ཤིང་གཡོ་དཔྱོད་པ་དང་ཕྲ་བ་བརྟན་པ་འབྲེལ་པ། གང་ཟག་གི་རྩ་བ་ཡུད་ཙམ་<br /> ལས་འབྱོར་ཅིང་འབྲེལ་པ་ལ་བསླངས་ཏེ། འཁྲུལ་པ་ཟབ་མོའི་རྩ་བ་མངོན་རྟགས་ཆད་ན་མྱ་ངན་ལས་འདས་པའི་གནས་རྨད་པ་ཆེན་པོ་ཚོར་རོ་སྙམ་དུ་སེམས་སོ། །དཔེར་ན་བྱ་གག་དུས་ལ་བབ་ན་ཤར་ཕྱོགས་སུ་བརྟགས་ནས་སྐྱ་རེངས་ཤར་བར་རིག་སྟེ་སྐད་འབྱིན་ཏོ། །སྐྱེ་མཆེད་<br /> དྲུག་སྟོང་ཞིང་དང་བ་ལས་ཟབ་ཅིང་ལུད་པ་མེད་པའི་ནང་ནས་དང་བ་གསལ་བའི་ཕྱིར་འཇུག་པའི་འདུག་པའི་གནས་མེད་འཇུག་པ་མེད་དོ། །ཕྱོགས་བཅུའི་རིགས་བཅུ་གཉིས་ཀྱང་ཟབ་མོ་ལས་ཐར་ཏེ། ཚེ་ལེན་པའི་དབང་མེད་དོ་ཞེས་དེ་ལ་བརྟགས་པ་ལས་འཛིན་པའི་གཞི་<br /> རིགས་ཐམས་ཅད་ཕྱོགས་བཅུའི་ཁམས་སུ་འབྱོར་པ་ཐོབ་ཟིན་ཏེ། དང་བའི་གཟུགས་མ་ནུབ་པས་ཟབ་མོའི་ལྡང་བ་འབྱུང་ངོ་། །དེའི་མིང་ནི་རྣམ་པར་ཤེས་པའི་ཕུང་པོས་བསྒྲིབས་པའོ། །འབྱོར་པ་ཐོབ་པའི་ནང་ནས་སྐྱེ་མཆེད་དྲུག་གི་ཚོགས་བསྡུས་ཏེ། སྦྱོར་ཞིང་ཕྱེ་<br /> བ་དེ་སྦྱངས་ཏེ་གྲུབ་ནས་བྱང་བ་དེ། སྐྱེ་མཆེད་དྲུག་ཀྱང་འཁྲུལ་ཞིང་བསྣོར་དུ་རུང་སྟེ། ཡོངས་སུ་དག་པས་ཕྱོགས་བཅུའི་འཇིག་རྟེན་གྱི་ལུས་དང་སེམས་སུ་གཏོགས་པའི་རྣམས་ཀྱང་བཻ་དཱུརྱའི་ཕྱི་ནང་ཐལ་བ་བཞིན་སྣང་སྟེ། དེའི་མིང་ནི་རྣམ་པར་ཤེས་པའི་ཕུང་པོ་ཟད་དེ།<br /> མི་དེ་ནི་ཚེ་སྙིགས་མ་ལས་འདས་པའོ། །དོན་དེ་ལ་བརྟགས་ན། གཟུགས་ཀྱི་ཡང་དག་པ་ཡིན་པའི་གཞི་སྒྱུ་མའི་ཕྱིན་ཅི་ལོག་གི་འདུ་ཤེས་ཀྱི་རྩ་བའི་ཕྱིར་རོ། །དགའ་བོ་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་<br /> <br /> img. 565 from Volume 64&lt;br&gt;<br /> ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། བདག་གི་ལུས་ཀྱི་རྩ་བ་སྦྱོར་ཞིང་ཕྱེ་ནས་ཕྱོགས་བཅུའི་རིགས་ཐམས་ཅད་འཁྲུལ་པར་ཚོར་ཞིང་ཤེས་ནས་འཁྲུལ་པར་འཕར་ཏེ་རྒྱས་པའི་བཞིན་འཇུག་ནུས་སོ། །དེ་ལ་སྒྱུ་མའི་གནས་ཀྱི་ཡང་དག་པའི་རྒྱུ་ནི་རྟག་པ་ཡིན་<br /> ནོ་ཞེས་གཞུང་བཙུགས་ནས་རྒྱལ་ཞིང་གྲོལ་ལོ་སྙམ་དུ་སེམས་སོ། །མི་དེ་ནི་རྒྱུའི་གནས་ཀྱི་རྒྱུ་འཛིན་པའི་ས་ཕྱི་ཀ་ལའི་མུ་སྟེགས་ཀྱི་ནང་དུ་ལྟུང་སྟེ། ཡང་དག་པར་མུན་གནག་གི་སྐྱབས་ཀྱིས་གནས་གྲུབ་པའི་སྟེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་མཐོང་<br /> བ་ནི་སྟོར་ཅིང་ནུབ་བོ། །དེའི་མིང་ནི་སེམས་ཐོབ་པར་གཞུང་འཛུགས་པའི་སྐྱབས་སུ་འགྲོ་བ་ལ་འབྲས་བུ་གྲུབ་པ་དང་པོ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ལས་ལོག་ནས་མུ་སྟེགས་ཀྱི་ས་བོན་ལས་དེའི་རིགས་སུ་སྐྱེའོ། །དགའ་བོ་<br /> རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བའི་ནང་ནས་དང་བ་དམ་པ་མ་རྒྱས་པས་བདག་གི་ངོ་བོ་ཉིད་མཐོང་བ་ནི་སྐྱབས་སུ་བཟུང་ནས་ནམ་མཁའི་ཁམས་ཐམས་ཅད་ན་རིགས་བཅུ་གཉིས་ཀྱི་སྐྱེ་བོ་རྣམས་ངའི་ལུས་ཀྱི་<br /> ནང་ནས་འབབ་ཅིང་འབྱུང་སྟེ། དེ་ལྟ་བུར་རྒྱལ་རིགས་གྲོལ་ལོ་སྙམ་པའི་སེམས་སྐྱེས་སོ། །མི་དེ་ནི་མི་ནུས་པ་ལ་ནུས་པར་འཛིན་པའི་ཕྱིར་དབང་ཕྱུག་གི་ནང་དུ་ལྟུང་སྟེ། མཐའ་མེད་དོ་ཞེས་སྨྲ་བའི་ལུས་འབྱུང་བའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་<br /> མཐོང་བ་ནི་སྟོར་ཅིང་ནུབ་པོ་དེའི་མིང་ནི་གཞུང་འཛུགས་པའི་ནུས་པའི་འབྲས་བུ་གྲུབ་པ་གཉིས་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ལས་ལོག་ནས་ངས་ཁྱབ་པར་རྒྱས་པའི་ང་རྒྱལ་ཆེན་པོའི་ལྷའི་ས་བོན་ལས་དེའི་རིགས་སུ་སྐྱེའོ། །<br /> ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། བདག་གི་ངོ་བོ་ཉིད་མཐོང་བ་ནི་སྐྱབས་སུ་གཟུང་ནས་ཐེ་ཙོམ་སྐྱེས་ནས་བདག་གི་ལུས་དང་སེམས་ལས་ཕྱོགས་<br /> <br /> img. 566 from Volume 64&lt;br&gt;<br /> བཅུའི་ནམ་མཁའ་བབ་ཅིང་བྱུང་སྟེ་སྐྱེས་སོ། །ཐམས་ཅད་ཀྱང་བབ་པའི་རྒྱུན་ལས་བྱུང་སྟེ། ལུས་ནི་ཡང་དག་པར་རྟག་པ་ཡིན་པས་སྐྱེ་བ་དང་འགག་པ་མེད་དོ་སྙམ་པའི་སེམས་ཀྱང་སྐྱེས་སོ། །སྐྱེ་བ་དང་འགག་པ་ནི་རྟག་པར་ཡང་རྟག་སྟེ། མི་སྐྱེ་བ་འཁྲུལ་<br /> ཅིང་སྐྱེ་བ་འཁྲུལ་ནས་བྱིང་བ་ལ་དེ་དེ་བར་གནས་ཏེ། རྒྱལ་ཞིང་གྲོལ་ལོ་སྙམ་པའི་རྟོག་པ་སྐྱེས་སོ། །མི་དེ་ནི་རྟག་པ་དང་མི་རྟག་པའི་གཞུང་འཛིན་པའི་ནང་དུ་ལྟུང་སྟེ། རང་དབང་གི་ལྷའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་རྟོགས་པ་ནི་སྟོར་ཅིང་<br /> ནུབ་བོ། །དེའི་མིང་རྒྱུའི་གནས་ལ་སེམས་ཀྱི་གཞུང་འཛུགས་པ་གསུམ་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ལས་ལོག་ནས་ལོག་པར་རྒྱས་པའི་ས་བོན་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་<br /> ཅད་སྟོང་པའི་མཐར་ཕྱིན་པར་འགོག་པས། སྐྱེ་བའི་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པར་ཤེས་པའི་ནང་ནས་ཤེས་པ་ཁྱབ་པར་རྒྱས་པའི་ཕྱིར་ཤེས་པའི་རྒྱུའི་གཞུང་འཛུགས་ཏེ། ཕྱོགས་བཅུའི་རྩྭ་ཤིང་ཐམས་ཅད་ནི་སེམས་ཅན་ཡིན་ནོ་སྙམ་སྟེ།<br /> རྒྱས་པར་ན་མི་དང་མི་འདྲ་བ་མེད་དོ། །རྩྭ་ཤིང་ནི་མིར་འགྱུར། མི་དེ་དག་ཤི་ན་ཡང་ཕྱོགས་བཅུའི་རྩྭ་ཤིང་དུ་འགྱུར་ཏེ། དེ་ནི་ཡང་དག་པའི་ཁྱབ་པ་ཡིན་ནོ་སྙམ་པའི་སེམས་སྐྱེས་སོ། །མི་དེ་ནི་ཤེས་པ་དང་མི་ཤེས་པའི་མཐར་འཛིན་པ། པ་ཏ་ས་འདིའི་ནང་དུ་ལྟུང་སྟེ། ཚོར་<br /> བ་ཐམས་ཅད་འདིའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར་ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་མིང་ནི་ཁྱབ་པར་ཤེས་པར་རྟོག་པའི་སེམས་བརྫུན་ཞིང་སྟོང་པའི་འབྲས་བུ་གྲུབ་པའི་བཞི་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་རིང་དུ་བསྲིངས་ཏེ་མྱ་ངན་ལས་<br /> འདས་པའི་མཁར་ལས་ལོག་ནས་ལོག་པར་ཤེས་པའི་ས་བོན་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། དེ་དང་ཞིང་གསལ་<br /> <br /> img. 567 from Volume 64&lt;br&gt;<br /> བའི་ནང་ནས་རྩ་བ་འཁྲུལ་པའི་ཕྱི་བཞིན་འབྲངས་ནས་རྫུ་འཕྲུལ་རྒྱས་པའི་འོད་སྣང་བ་ཚོལ་བ་ལ་ཞུགས་ཏེ། དགའ་བའི་ཆུ་ནི་གཙང་ཞིང་དང་། སྲིད་པའི་རླུང་ནི་ཁྱབ་པར་ལངས་པས་ལྟ་བའི་དྲི་མ་གྲུབ་སྟེ། སོ་སོར་དོན་བསྒྲུབས་པའི་དྲི་མའི་ཚོགས་དེས་ནི་ངོ་བོ་ཉིད་ཀྱི་གཞིའི་<br /> རྒྱུ་ཡིན་ནོ་སྙམ་དུ་སེམས་ཏེ། རྟག་པར་ཤེས་སོ་ཞེས་སྨྲ་བའི་གཞུང་འཛུགས་པའི་མི་དེ་ནི་སྐྱེ་བ་དང་མི་སྐྱེ་བར་འཛིན་པའི་འོད་སྲུང་དང་། བྲམ་ཟེ་དཀའ་ཐུབ་ཀྱི་ནང་དུ་ལྷུང་སྟེ། མེ་དང་ཆུ་ལྷ་རྗེད་དེ་སྐྱེ་ཤི་ལས་ཐར་བར་ཚོལ་བའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་<br /> ནོར་མཐོང་ཞིང་ཤེས་པ་ནི་སྟོར་ཅིང་ནུབ་བོ། །དེའི་མིང་ནི་བརྗེད་པར་སྣང་བར་ཚོལ་བ་ལ་ཞུགས་ཏེ། དགའ་བའི་ཆུ་ནི་གཙང་ཞིང་དང་། སྲེད་པའི་རླུང་ནི་ཁྱབ་པར་ལངས་པས་ལྟ་བའི་དྲི་མ་གྲུབ་སྟེ། སོ་སོར་དོན་བསྒྲུབས་པ་དྲི་མའི་ཚོགས་དེས་ནི་ངོ་བོ་ཉིད་གཞིའི་རྒྱུ་ཡིན་<br /> ནོ་སྙམ་དུ་སེམས་ཏེ། རྟག་པར་ཤེས་སོ་ཞེས་སྨྲ་བའི་གཞུང་འཛུགས་པའི་མི་དེ་ནི་སྐྱེ་བ་དང་མི་སྐྱེ་བར་འཛིན་པའི་འོད་སྲུང་དང་། བྲམ་ཟེ་དཀའ་ཐུབ་ཀྱི་ནང་དུ་ལྷུང་སྟེ། མེ་དང་ཆུ་ལྷ་རྗེད་དེ་སྐྱེ་ཤི་ལས་ཐར་བར་ཚོལ་བའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར་མཐོང་<br /> ཞིང་ཤེས་པ་ནི་སྟོར་ཅིང་ནུབ་བོ། །དེའི་མིང་ནི་རྗེད་པ་རྟོགས་པའི་སེམས་འཁྲུགས་པའི་ཡང་དག་པ་མ་ཡིན་པར་གཞུང་། འཛུགས་པའི་རྒྱུ་ཚོལ་བའི་འཁྲུལ་པར་གྱུར་པའི་འབྲས་བུ་གྲུབ་པ་ལྔ་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་<br /> པའི་མཁར་ལས་ལོག་ནས་ཕྱིན་ཅི་ལོག་གི་ས་བོན་ལས་དེའི་རིགས་ཀྱི་ནང་དུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་ནི་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས་དེ་རྒྱས་ཤིང་བསལ་བའི་ནང་<br /> ནས་བརྫུས་པའི་ཆོས་ནི་སྟོང་པ་སྟེ། མ་ཡིན་པར་འགོག་ཡོད་ནས་འགོག་པའི་སྐྱབས་ཡིན་ཏེ། སྐྱེ་བ་ལས་རྒྱས་ཞིང་གྲོལ་ལོ་སྙམ་དུ་རྟོག་སྟེ། མིང་ནི་གཟུགས་མེད་པའི་སྟོང་པའི་སྐྱབས་དང་སྐྱབས་མ་ཡིན་པའི་འཛིན་པའི་ལྷའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་<br /> <br /> img. 568 from Volume 64&lt;br&gt;<br /> ནི་ནོར་ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་མིང་ནི་སྟོང་པ་རྒྱས་པའི་སེམས་མེད་པ། སྟོང་པར་འགོག་པའི་འབྲས་བུ་གྲུབ་པ་དྲུག་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ལས་ལོག་ནས་ཆད་པར་འགོག་པའི་<br /> ས་བོན་ལས་དེའི་རིགས་ཀྱི་ནང་དུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། རྟག་པའི་ནང་དུ་བདག་གི་ལུས་རྟག་པར་གནས་ཏེ། དང་བ་གསལ་<br /> བ་དང་འཐུན་ཞིང་རིང་དུ་མི་གཡོ་བས་རྒྱལ་ཞིང་གྲོལ་ལོ་སྙམ་པ་སྐྱེས་སོ། །མི་དེ་ནི་འདོད་ཆགས་མ་ཡིན་པར་འདོད་ཆགས་པར་འཛིན་པས་ནང་དུ་ལྷུང་སྟེ། ཚེ་རིང་པོ་ཚོལ་བའི་ཨི་སི་པ་རའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་མཐོང་བ་ནི་སྟོར་ཅིང་<br /> ནུབ་བོ། །དེའི་མིང་ནི་ཚེའི་གཞི་ལ་ཆགས་པར་འཛིན་ཅིང་གཞུང་འཛུགས་པ་སྲན་ཐུབ་པའི་རྒྱུ་སྒྱུ་སྡུད་པ། ཡུན་རིང་པོར་དཀའ་ཐུབ་ཀྱི་འབྲས་བུ་གྲུབ་པ་བདུན་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་རིང་དུ་སོང་སྟེ་མྱ་ངན་ལས་འདས་པའི་མཁར་ལས་ལོག་ནས་སྒྱུ་མར་<br /> འགྱངས་པའི་ས་བོན་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བར་འགོག་པ་ལས་ཞི་བར་འགོག་པའི་ནང་ནས་དང་བ་དམ་པ་མ་རྒྱས་པས། བརྟགས་ན་ཚེ་དང་དབང་དུ་འགྱུར་བར་གྱུར་ནས་དྲི་མའི་<br /> སྡུག་བསྔལ་ཞི་ཞིང་ཟད་ཀྱིས་དོགས་ཏེ་སྔར་བཞག་ནས་རིན་པོ་ཆེ་སྣ་བདུན་གྱི་པད་མའི་གཞལ་མེད་ཁང་རྒྱས་པར་སྤྲུལ་ཏེ། ནོར་བུ་རིན་པོ་ཆེ་སྣ་བདུན་དག་མང་པོར་སྤྲུལ་ནས་སེམས་རང་ཉམ་དུ་བཏང་སྟེ། རྒྱལ་ཞིང་གྲོལ་ལོ་སྙམ་པ་སྐྱེས་སོ། །དེ་ནི་ཡང་དག་པ་དང་ཡང་དག་པ་<br /> མ་ཡིན་པར་འཛིན་པའི་ནང་དུ་ལྷུང་སྟེ། ཙྪ་སྟི་ཀ་ལའི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་མིང་ནི་ལོག་སྲེད་ཀྱི་རྒྱུ་བསྐྱེད་ཅིང་དྲི་མ་རྒྱས་པར་གཞུང་འཛུགས་པའི་འབྲས་བུ་གྲུབ་པ་བརྒྱད་པ་སྟེ། ཁྱབ་ཅིང་<br /> <br /> img. 569 from Volume 64&lt;br&gt;<br /> རྒྱས་པ་ལས་ཕྱི་ཕྱིར་ཞིང་བསྲིངས་ཏེ། མྱ་ངན་ལས་འདས་པའི་མཁར་ལས་ལོག་ནས་ལྷའི་བདུད་ཀྱི་ས་བོན་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོག་པའི་ནང་ནས་དང་བདམ་པ་<br /> མ་རྒྱས་པས། ཚེ་སྣང་བའི་ནང་ནས་དང་བའི་དྲི་མ་ཡང་དག་པ་དང་ཡང་དག་པ་མ་ཡིན་པར་བྱེ་བྲག་འབྱེད། རྒྱུ་དང་འབྲས་བུའི་རེ་བ་བསྒྲུབས་པས་མངོན་རྟགས་ཚོལ་ཏེ། ཡོངས་སུ་དག་པའི་ལམ་ལས་ལོག་ནས། དེའི་ཕྱིར་སྡུག་བསྔལ་ནི་ཤེས། ཀུན་འབྱུང་བ་ནི་སྤངས། འགོག་<br /> པ་ནི་མངོན་དུ་བྱས། ལམ་ནི་བསྒོམས་ཏེ། འགོག་པ་ལ་གནས་པས་ཡང་གོང་དུ་མི་འཕར་ཏེ། རྒྱལ་ཞིང་གྲོལ་ལོ་སྙམ་པ་སྐྱེས་སོ། །དེ་ནི་ངེས་པའི་ཉན་ཐོས་ཀྱི་ནང་དུ་ལྷུང་སྟེ། ཐོས་པ་ཉུང་བས་ང་རྒྱལ་སྐྱེས་པའི་དགེ་སློང་གི་སྡེར་འགྱུར་རོ། །སངས་རྒྱས་ཀྱི་བྱང་ཆུབ་ནི་<br /> ནོར། ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་མིང་ནི་དང་བ་རྒྱས་པའི་སེམས་ཀྱིས་མངོན་རྟགས་ཚོལ་ཏེ། ཞི་བ་འདུས་པའི་འབྲས་བུ་དགུ་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་བསྲིངས་ཏེ་མྱ་ངན་ལས་འདས་པའི་མཁར་ནས་ལོག་ནས་སྟོང་པས་བཅིངས་པའི་<br /> རྒྱུ་ལས་དེའི་རིགས་སུ་སྐྱེའོ། །ཡང་རིགས་ཀྱི་བུ་དག་འདུ་བྱེད་ཐམས་ཅད་སྟོང་པའི་མཐར་ཕྱིན་པར་འགོག་པས། སྐྱེ་བ་འགོག་པ་ལས་ཞི་བར་འགོགས་པའི་ནང་ནས་དང་བ་དམ་པ་མ་རྒྱས་པས། རྒྱས་པ་ཡོངས་སུ་དག་པའི་ཚོར་བ་གསལ་བ་ཟབ་མོ་དམ་པར་སྦྱངས་ནས་མྱ་ངན་<br /> ལས་འདས་སོ་བར་སེམས་ཤིང་། གོང་དུ་མི་འཕར་ཏེ་རྒྱལ་ཞིང་གྲོལ་ལོ་སྙམ་པ་སྐྱེས་སོ། །མི་དེ་ནི་རིགས་ངེས་པའི་རང་སངས་རྒྱས་སུ་ལྟུང་སྟེ། སེམས་མི་ལྡོག་པའི་སངས་རྒྱས་སུ་འགྱུར་རོ། །སངས་རྒྱས་ཀྱི་བྱང་ཆུབ་ནི་ནོར། ཤེས་ཤིང་མཐོང་བ་ནི་སྟོར་ཅིང་ནུབ་བོ། །དེའི་<br /> མིང་ནི་རྒྱས་པ་ཚོར་བ་ཏིང་ངེར་གསལ་བའི་མི་གཡོ་བའི་འབྲས་བུ་གྲུབ་པ་བཅུ་པ་སྟེ། ཁྱབ་ཅིང་རྒྱས་པ་ལས་ཕྱི་ཕྱིར་ཞིང་རིང་ནས་མྱ་ངན་ལས་འདས་པའི་མཁར་ལས་ལོག་ནས་སྐྱབས་མི་བྱེད་པའི་རྒྱས་པར་གསལ་བའི་ས་བོན་ལས་དེའི་རིགས་སུ་སྐྱེའོ། །དགའ་བོ་ཏིང་<br /> <br /> img. 570 from Volume 64&lt;br&gt;<br /> ངེ་འཛིན་རྣམ་པ་བཅུ་ནི་བར་མ་དོར་སྨྱོ་བ་ལ་རྟེན་པའི་རྒྱུར་འགྱུར་ཏེ། བར་བར་ནི་མ་གྲུབ་པ་ལ་ཆོག་ཅིང་ཆུད་དོ་སྙམ་པའི་སེམས་སྐྱེས་སོ། །འདི་ཀུན་ནི་རྣམ་པར་ཤེས་པའི་ཕུང་པོ་ཡིན་ཏེ། བསྒོམ་པ་ནོར་བ་ལས་ས་འདིར་སྐྱེས་སོ། །ཕོ་ཐེག་ཅན་གྱི་སྐྱེ་བོ་རྣམས་<br /> བསླད་པས་རང་གི་ཉམས་དྲོད་མ་ཟིན་ཏེ། རྒྱུ་རྐྱེན་དེ་ལྟ་བུ་དང་ཕྲད་ནས་རང་རང་གི་སྔོན་གྱི་སེམས་འཁྲུལ་བའི་བག་ཆགས་ལ་སྲེད་དེ། བདག་གི་ཡུན་རིང་པོའི་གནས་ཀྱིས་འདི་ཡིན་ནོ་སྙམ་དུ་སེམས་ཤིང་བླ་ན་མེད་པའི་བྱང་ཆུབ་ཀྱི་བཅིང་བ་རྫོགས་ས་ཞེས་སྨྲས་ཏེ། དེ་ནི་བརྫུན་ཆེན་པོར་<br /> འགྱུར་རོ། །ལོག་པར་ལྟ་བའི་བདུད་དང་། མུ་སྟེགས་ཀྱི་ལས་ཟད་ནས་མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཉན་ཐོས་དང་རང་སངས་རྒྱས་སུ་ཡང་འཕེལ་ཞིང་འབོགས་པར་ཡང་མི་འགྲུབ་བོ། །ཁྱེད་སེམས་གཅིག་ཏུ་གྱིས་ལ་དེ་བཞིན་གཤེགས་པའི་ལམ་<br /> སྒྲུབས་ཤིག །ཆོས་ཀྱི་སྒོ་འདི་ཁྱེར་ལ་ང་མྱ་ངན་ལས་འདས་པའི་ཕྱི་ན་མ་འོངས་པའི་དུས་ཀྱི་ཚེ་གཅིག་ནས་གཅིག་ཏུ་སྤེལ་ཏེ། འདིའི་དོན་སེམས་ཅན་ཐམས་ཅད་ཀྱིས་མངོན་པར་ཤེས་ཤིང་རིག་པ་བགྱིས་ཏེ། ལྟ་བའི་བདུད་ལ་རང་བྱིང་བར་མ་བྱེད་ཅིག །སྙིང་རྗེས་སྲུངས་ཤིག །སྐྱབས་<br /> གྱིས་ཏེ་ལོག་པའི་རྐྱེན་སོལ་ལ་ཞི་བར་གྱིས་ཤིག །བགེགས་ཀྱི་ལམ་དང་། ལོག་འདྲེན་གྱི་ལམ་དུ་མ་ནོར་བར་ལུས་དང་སེམས་སངས་རྒྱས་ཀྱིས་མཁྱེན་པ་དང་། གཟིགས་པའི་ལམ་གྱི་ནང་དུ་ཞུགས་ཏེ། ཐོག་མ་དང་ཐ་མའི་བར་དུ་གྲུབ་པར་བྱོས་ཤིག །སྔ་མ་འདས་པའི་དུས་ཀྱི་<br /> བསྐལ་པ་གང་གཱའི་ཀླུང་བྱེ་མ་སྙེད་ཀྱི་དེ་བཞིན་གཤེགས་པ་རྡུལ་ཕྲ་མོ་སྙེད་ཀྱང་ཆོས་ཀྱི་སྒོ་འདི་བཞིན་དུ་མཛད་དེ། ཐེག་པ་འདིས་སེམས་གྲོལ་ནས་བླ་ན་མེད་པའི་ལམ་བསྒྲུབས་སོ། །རྣམ་པར་ཤེས་པའི་ཕུང་པོ་ཟད་ན་ཁྱེད་ཀྱིས་མངོན་སུམ་དུ་དབང་པོ་ཐམས་ཅད་འཁྲུལ་པར་<br /> སྤྱད་པའི་ནང་ནས། བྱང་ཆུབ་སེམས་དཔའི་ཤེས་རབ་རྡོ་རྗེ་སྒོམ་པོའི་གསལ་བ་རྒྱས་ཤིང་དང་བའི་སེམས་ཀྱི་ནང་དུ་དཀྲིས་ཏེ་འཇུག་ནུས་ན་གཙང་དང་བའི་བཻ་དཱུརྱའི་ནང་ན་རིན་པོ་ཆེའི་ཟླ་བ་དང་འདྲའོ། །དེ་བཞིན་དུ་གོང་དུ་འཕར་ན་ཡིད་ཆེས་པ་བཅུ་དང་། གནས་པ་བཅུ་དང་། སྤྱོད་པ་<br /> <br /> img. 571 from Volume 64&lt;br&gt;<br /> བཅུ་དང་། བསྔོ་བ་བཅུ་དང་། སེམས་བསྐྱེད་པ་སྤྱོད་པ་བཅུ་དང་། བྱང་ཆུབ་སེམས་དཔའི་རྡོ་རྗེའི་ས་བཅུ་སྤྱོད་པ་དང་། མཉམ་པར་ཚོར་བ་རྒྱས་པར་སྣང་བ་དེ་བཞིན་གཤེགས་པའི་ཕྲ་བའི་ཡང་ཕྲ་བ་ལ་སོགས་པས་བརྒྱན་པའི་རྒྱ་མཚོར་འཇུག་གོ། །གང་ཞིང་རྒྱས་པའི་བྱང་<br /> ཆུབ་ཐོབ་པ་མེད་པ་ལ་བརྟེན་ཏེ། དེས་ནི་སྔ་མ་འདས་པའི་སངས་རྒྱས་བཅོམ་ལྡན་འདས་ཀྱི་ཞི་གནས་དང་ལྷག་མཐོང་གསལ་བར་རྣལ་འབྱོར་པས་ཕྲ་བའི་ཡང་ཕྲ་བའི་བདུད་ཀྱི་སྤྱོད་ཡུལ་མངོན་སུམ་དུ་སྣང་སྟེ། ཁྱེད་ཀྱི་སེམས་ཀྱིས་ཤེས་པར་བྱས་ནས་དྲི་མ་བཀྲུས་ཤིང་བསལ་བས་<br /> ལྟ་བ་ལོག་པའི་ནང་དུ་མི་ལྟུང་སྟེ། ཕུང་པོའི་བདུད་ནི་ཞི་ཞིང་བྱང་། ལྷའི་བདུད་ནི་བཅོམ་ཞིང་བཏུལ་ཏེ། ལྷ་མ་ཡིན་དང་མཐུ་བོ་ཆེ་རྣམས་ཀྱི་སེམས་སྟོར་བར་བྱེད་ཐི་བའི་བང་ལང་རྣམས་ནི་སྐྱེ་ཞིང་འབྱུང་བར་མི་ནུས་སོ། །བྱང་ཆུབ་ཀྱི་བར་དུ་ཕོངས་ཤིང་འབྲལ་བ་ཡང་མེད། ཞན་ཅིང་<br /> ཉམ་ཆུང་བ་ལས་འཕྲོགས་ཤིང་སྐྱེད་ཡོད་པར་འགྱུར་རོ། །མྱ་ངན་ལས་འདས་པ་ལ་སེམས་མི་འཁྲུལ་ཅིང་མྱོས་པར་མི་འགྱུར་རོ། །མ་འོངས་པའི་དུས་ཀྱི་སེམས་ཅན་དག་རྨོངས་ཤིང་གླེན་པ་བསམ་གཏན་མི་ཤེས། ཆོས་འཆད་མི་ཤེས་པར་ཏིང་ངེ་འཛིན་གྱི་རྣལ་འབྱོར་ལ་སྲེད་<br /> པ་ནི་ཁྱེད་ལོག་པ་དང་འཐུན་གྱིས་དོགས་སོ། །སེམས་གཅིག་ཏུ་ངའི་གཙུག་ཏོར་གྱི་གཟུངས་བསྟན་པ་འདི་གཟུངས་སུ་ཟུང་ཤིག །ད་སྟེ་ཁ་ཏོན་དུ་མ་ནུས་ན་སྒོམ་པའི་ཁང་བུ་ལ་བྲི་བའམ། ཡང་ན་ལུས་ལ་བཏགས་ནས་ཕས་ཀྱི་རྒོལ་བའི་བདུད་ཐམས་ཅད་ཀྱིས་མི་ཚུགས་སོ། །<br /> ཕྱོགས་བཅུའི་དེ་བཞིན་གཤེགས་པའི་མཐའ་ཡུན་དུ་བསྒྲུབ་པའི་ཕྱི་མའི་ཆག་ཚད་འབེབས་པ་ཡིན་གྱིས། བྱེད་ཀྱིས་གུས་པར་གྱིས་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགའ་བོ་ལངས་ཏེ་སྤྱི་བོས་ཕྱག་འཚལ་ནས་དྲན་ཞིང་མི་བརྗེད་པར་གཟུངས་སུ་འཛིན་ཏོ། །<br /> འཁོར་མང་པོ་འདུས་པས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་བཀའ་སྩལ་པ་བཞིན། ཕུང་པོ་ལྔའི་གཟུགས་ཀྱི་ནང་ནས་ཡང་དག་པ་ལགས་པའི་འདུ་ཤེས་རྣམ་པ་ལྔའི་རྩ་བ་ཕྲ་བའི་ཡང་ཕྲ་བའི་དོན་ཏེ། དེ་བཞིན་གཤེགས་པས་བདག་ཅག་ལ་སོགས་<br /> <br /> img. 572 from Volume 64&lt;br&gt;<br /> པ་ལ་རྟག་ཏུ། བཀའ་སྩལ་ཅིང་བཤད་དམ་གསུངས་ན་ཡང་། ཕུང་པོ་ལྔ་ཅིག་ཅར་འདག་ཅིང་འབྱང་ངམ། རིམ་གྱིས་ཟད་དེ་ལྔའི་མཚམས་ནི་གང་ལགས། དེ་བཞིན་གཤེགས་པའི་ཐུགས་རྗེ་ཆེན་པོས་དགོངས་ཏེ། མ་འོངས་པའི་དུས་ཀྱི་སེམས་<br /> ཅན་ཐམས་ཅད་ཀྱི་སྣང་ཞིང་གསལ་བའི་སེམས་ཀྱི་མིག་ཏུ་འགྱུར་བས་འཁོར་མང་པོ་འདི་ཉིད་ལ་བཤད་དུ་གསོལ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ངོ་བོ་ཉིད་ཀྱི་ཚོར་བ་དམ་པ་གསལ་བ་རྒྱས་པ་ནི་དག་སྟེ། སྐྱེ་ཤི་ལ་མི་གནས་ན། དྲི་མའི་བསྒོས་པ་ནས་ནམ་<br /> མཁའི་ཁམས་ཐམས་ཅད་ཀྱི་བར་དུ་ཡང་དག་པའི་མ་ཡིན་པའི་བར་དུ་འདུ་ཤེས་ཀྱི་རྒྱུ་བའི་ཕྱིར་སྐྱེ་བ་གཡོས་ཏེ། དེའི་དེ་བཞིན་ངོ་བོ་ཉིད་ཀྱི་ཚོར་བ་དམ་པ་གསལ་བ་རྒྱས་པ་ལས་ཡང་དག་པ་མ་ཡིན་པའི་འཇིག་རྟེན་གྱི་སྣོད་ཀུན་སྐྱེས་སོ། །དཔེར་ན་ཡེང་ཞིང་འཁྲུལ་ཏེ། མགོ་མེད་པ་རྨིས་<br /> ནས་གྲིབ་མ་ལ་མགོ་བོ་སྙམ་དུ་སེམས་སོ། །ཡང་དག་པ་མ་ཡིན་པའི་རྩ་བ་དེ་ནི་རྒྱུ་མེད་དེ། ཡང་དག་པ་མ་ཡིན་པའི་འདུ་ཤེས་ཀྱི་ནང་ནས་རྟེན་ཅིང་འབྲེལ་པར་འབྱུང་བའི་མཚན་ཉིད་བཙུགས་ཏེ། དེ་ནས་འཁྲུལ་པ་ཡོད་ནས་ཡོད་ཅེས་ཟེར་རོ། །ནམ་མཁའི་རང་བཞིན་ནི་སྒྱུ་མ་ལས་སྐྱེས་<br /> པ་ཡིན་ཏེ། རྟེན་ཅིང་འབྲེལ་པ་དང་། ཡོད་ནས་ཡོད་པ་ཀུན་ནི་སེམས་ཅན་གྱིས་ཡང་དག་པ་མ་ཡིན་པའི་སེམས་ཀྱིས་བརྟགས་པ་ལགས་སོ། །དགའ་བོ་ཡང་དག་པ་མ་ཡིན་པ་མི་གཡོ་བའི་ཚེ་ཡང་དག་པ་མ་ཡིན་པའི་རྟེན་ཅིང་འབྲེལ་པ་བཤད་དོ། །ཡང་དག་པ་མ་ཡིན་པའི་རྩ་བ་ཡོད་<br /> ནས་མེད་པས་ཡང་དག་པ་མ་ཡིན་པའི་རྟེན་ཅིང་འབྲེལ་པར་འབྱུང་བ་ཡོད་ནས་མེད་པ་ཡིན་ཏེ། མི་ཤེས་པས་རྟག་ཏུ་ཟད་ཀྱི་ཡེ་ནས་ཡོད་པ་ལྟ་ཅི་སྨོས། དེའི་ཕྱིར་དེ་བཞིན་གཤེགས་པས་ཁྱེད་ཀྱི་ཕྱིར་སྒྲོན་མར་བསྟན་ཏོ། །ཕུང་པོ་ལྔའི་རྩ་བའི་རྒྱུ་ནི་ཡང་དག་པ་མ་ཡིན་པའི་འདུ་ཤེས་<br /> ཡིན་པ་མཚུངས་སོ། །ཁྱེད་ཀྱི་ལུས་ནི་སྔོན་གྱི་ཕྱི་མའི་འདུ་ཤེས་རྒྱུ་ལས་སྐྱེས་སོ། །ཁྱོད་ཀྱི་སེམས་ཀྱི་འདུ་ཤེས་ནི་འཕོ་བར་མི་འགྱུར་ཏེ། འདུ་ཤེས་ཀྱི་ནང་ནས་ཚེ་མང་བ་ཆགས་པའོ། །ངས་སྔར་སྨྲས་པ། སྐྱུར་རྩི་ལས་སེམས་ཀྱིས་ཟ་བསམས་ན། ཁར་འགྲམ་དུ་ཆུ་འབྱུང་ངོ་། །<br /> <br /> img. 573 from Volume 64&lt;br&gt;<br /> བྲག་མཐོན་པོའི་རྩེར་འདུག་པར་བསམས་ན་རྐང་མཐིལ་འདར་ཡང་། སྐྱུར་རྩི་ཁར་མ་འཕོས། བྲག་ཀྱང་ཡོད་པ་མ་ཡིན་ནོ། །ཁྱོད་ཀྱི་ལུས་ནི་ཡང་དག་པ་མ་ཡིན་པའི་སྒྱུ་མ་ལས་མི་འབྲལ་བའོ། །ཁྱོད་ཀྱི་ཁའི་ནང་ན་བྲོ་བ་མེད་ན་ཅིའི་ཕྱིར་སྐྱུར་བའི་འགྲམ་ཆུ་འབྱུང་། དེའི་ཕྱིར་<br /> ཤེས་པར་གྱིས་ཤིག །ཁྱོད་ཀྱིས་གཟུགས་ཀྱི་ལུས་མངོན་དུ་སྲ་ཞིང་མཁྲང་བ་དེའི་མིང་ནི་ཡང་དག་པ་མ་ཡིན་པའི་འདུ་ཤེས་དང་པོ་ད་ལྟར་བཤད་པ། བྲག་མཐོན་པོ་ལ་བསམས་པ་འདུ་ཤེས་ཀྱི་སེམས་ལུས་ཡང་དག་པར་འདའ་བར་འགྱུར་རོ། །འོན་ཀྱང་ལེན་པའི་སྐྱེ་བའི་རྒྱུའི་ཕྱིར་<br /> གཟུགས་ཀྱི་ལས་ནི་གཡོ་ནུས་ཏེ། །ཁྱོད་ད་མངོན་སུམ་དུ་འཕན་པ་དང་། འདོད་པས་གཟིར་ཏོ། །དེའི་མིང་དུ་གསོག་ཏུ་སྣང་བའི་ཡང་དག་པ་མ་ཡིན་པའི་འདུ་ཤེས་གཉིས་པའོ། །མཚན་མ་གཡོས་པའི་ཕྱིར་གཟུགས་ཀྱི་ལུས་ནི་ལས་བྱེད་དུ་བཅུག་སྟེ། ལུས་ནི་མཚན་<br /> མ་མ་ཡིན་ནོ། །ཁྱོད་ཀྱི་ལུས་ཅིའི་རྒྱུས་ན་མཚན་མའི་ལས་བྱེད་ཅིང་སྣ་ཚོགས་ཀྱི་གཟུགས་ལེན་ཅེ་ན། སེམས་གཡོ་ན་ལུས་ལེན་ཏེ། མཚན་མ་དང་མཉམ་པར་འཇུག་གོ། །སད་ན་འདུ་ཤེས་ཀྱི་སེམས་གཡོས་ལོག་ན་རྨི་ལམ་དུ་འགྱུར་ཏེ། ཁྱོད་ཀྱི་འདུ་ཤེས་ཀྱི་མཚན་མས་ཡང་<br /> དག་པ་མ་ཡིན་པའི་སེམས་གཡོ་བར་ནུས་ཏེ། བྲལ་ཅིང་རྒྱུ་བར་མི་ཚོར་རོ། །དེའི་མིང་ཡང་དག་པ་མ་ཡིན་པའི་འདུ་ཤེས་གསུམ་པའོ། །མི་མངོན་པར་སྐད་ཅིག་པར་རྫུས་ནས་མེད་པར་འཕོ་ཞིང་འགྱུར་ཏེ། སེན་མོ་རིང་པོ་དང་། སྐྲ་སྐྱེ་བ་དང་། དབུགས་རྒྱུ་བ་དང་། གདོང་གི་<br /> གཉེར་མ་ནང་རུབ་ཏུ་རྒྱུ་བ་མི་འཆད་ཀྱང་ཁྱོད་ཀྱིས་མི་ཚོར་རོ། །དགའ་བོ་འདི་འོན་ཏེ་དེ་ལྟར་མ་ཡིན་དུ་ཟིན་ན་ཁྱོད་ཀྱིས་ལུས་ཅིའི་ཕྱིར་འགྱུར་བར་སྣང་། ཡང་དག་པ་མ་ཡིན་པ་འདྲ། ཁྱོད་ཀྱིས་ཅིའི་ཕྱིར་ཡང་དག་པར་མི་ཚོར། །ཁྱོད་ཀྱི་འདུ་བྱེད་ཐམས་ཅད་ནི་ཡུད་ཙམ་གྱི་<br /> བར་དུ་ཡང་མི་སྡོད་དོ། །དེའི་མིང་ནི་ཟབ་ཅིང་མི་མངོན་པ་ཡིན་པའི་འདུ་ཤེས་བཞི་པའོ། །ཡང་ཁྱོད་དང་ཞིང་གསལ་བ་ཏིང་ངེར་མི་གཡོ་བར་གནས་པ་དེའི་མིང་རྟག་པ་ཡིན་ན་ནི་ལུས་ལས་མཐོང་བ་དང་། ཐོས་པ་དང་། ཚོར་བ་དང་། ཤེས་པར་འགྱུར་བ་མི་རིགས། དེ་སྟེ་<br /> <br /> img. 574 from Volume 64&lt;br&gt;<br /> དབེན་པར་གདའ་ཡང་དག་ན་ནི། མི་བདེན་པའི་བག་ཆགས་མེད་པར་རིགས་སོ། །ཅིའི་རྒྱུས་ཁྱེད་ཅག་སྔོན་གྱི་དུས་ན་ངོ་མཚར་དག་ཅི་མཐོང་བ་ལོ་གྲངས་ཡུན་རིང་བའི་ཕྱིར་དྲན་པ་ཀུན་མེད་དེ་བརྗེད་ནས་ཅང་མི་དྲན་པ་ལས། ཕྱིས་ནི་སྔ་མ་མཐོང་བ་དང་གློ་བུར་དུ་<br /> དྲན་ཏེ་དེ་བཞིན་ཡོད་དེ་མ་སྟོར་ཏོ། །དེ་ནི་དང་བ་མངོན་དུ་ཏིང་ངེར་མི་གཡོ་བའི་ནང་ནས་ཡུད་ཙམ་གྱིས་བསྐོས་པའི་གྲངས་ནི་རེ་རེ་ལྟ་ཞིག་ཡོད། དགའ་བོ་ཤེས་པར་གྱིས་ཤིག །འདི་ཏིང་ངེར་མི་གཡོ་བ་ནི་ཆུ་བཟང་པོ་འབབ་པ་དང་མི་མཚུངས་སོ། །བལྟས་ན་ཏིང་ངེར་མི་<br /> གཡོ་བ་འདྲ་ཡང་མྱུར་བར་རྒྱུ་བར་མི་མཐོང་སྟེ། མི་རྒྱུ་བ་མ་ཡིན་ནོ། །དེ་སྟེ་འདུ་ཤེས་ཀྱི་གཞི་མངོན་བག་ཆགས་ཀྱི་མཚན་མ་གང་ཞིག་གིས་ལེན། ཁྱེད་ཀྱི་སྐྱེ་མཆེད་ནི་འཁྲུལ་པ་ལ་སྤྱོད་དེ། སྦྱོར་བ་དང་ཕྱེ་བ་འདི་ཡང་དག་པ་མ་ཡིན་པའི་འདུ་ཤེས་མ་ཡིན་པས་འགོག་པ་<br /> ཐོབ་པའི་དུས་མེད་དོ། །དེ་བས་ན་ཁྱེད་མཐོང་བ་དང་། ཐོས་པ་དང་ཚོར་བ་དང་ཤེས་པ་མངོན་སུམ་དུ་འདུག་པའི་ནང་ནས་མི་མངོན་མི་མཐོང་གཡོ་བ་ན་གོམས་པའི་བག་ཆགས་སོ། །དེའི་མིང་ནི་བག་ཆགས་ཀྱི་གཞི་ཕྱིན་ཅི་ལོག་དང་བའི་ཕྲ་བའི་ཡང་ཕྲ་བ། ཡང་དག་པ་<br /> མ་ཡིན་པའི་འདུ་ཤེས་ཀྱི་ཕྱིན་ཅི་ལོག་ལྔ་པའོ། །དགའ་བོ་ཕུང་པོ་ལྔ་པོ་འདི་ནི་ཡང་དག་པ་མ་ཡིན་པ་ལྔ་ལས་གྲུབ་པ་སྟེ། ཁྱོད་ད་ཤེས་པར་འདོད་ན་རྒྱུ་བའི་མཚམས་ནི་ཡང་བ་དང་ཟབ་པ་དང་སྟོང་པ་དང་གཟུགས་ཀྱི་མཐའ་ཡིན་ནོ། །རེག་པ་དང་བྲལ་བ་ནི་ཚོར་བའི་མཐའ་ཡིན་ནོ། །<br /> དྲན་པ་དང་བརྗེད་པ་ནི་འདུ་ཤེས་ཀྱི་མཐའ་ཡིན་ནོ། །སྐྱེ་བ་དང་འགོག་པ་ནི་འདུ་བྱེད་ཀྱི་མཐའ་ཡིན་ནོ། །སང་ངེ་སང་ངེར་འཇུག་པར་སྦྱོར་བ་ནི་རྣམ་པར་ཤེས་པའི་མཐའ་ཡིན་ནོ། །ཕུང་པོ་དེ་ལྔའི་ཚད་མེད་པ་སྐྱེ་སྐྱེ་བར། སྐྱེ་སྐྱེ་བའི་རྒྱུའི་ཕྱིར་རྣམ་པར་ཤེས་པ་ཡོད་དོ། །གཟུགས་<br /> ཀྱི་ཕྱིར་འགོག་པའོ། །དོན་རིག་ན་ཅིག་ཅར་སེལ་ཏེ་བག་ཆགས་ནི་ཅིག་ཅར་མི་འདག་སྟེ། རིམ་གྱིས་ཟད་དོ་ངས་ཁྱོད་ལ་ལག་ཕྱིས་མདུད་པར་བསྟན་ན། མ་རིག་ན་ཅིའི་ཕྱིར་ང་ལ་སླར་འདྲི། ཁྱེད་ནི་མ་རིག་པའི་སེམས་ཀྱི་རྩ་བའི་གཞི་དེ་ལས་བྲལ་ཏེ་ཐར་བར་འགྱུར་རོ། །<br /> <br /> img. 575 from Volume 64&lt;br&gt;<br /> ཁྱོད་ཆོས་ཀྱི་སྒོ་འདི་ཁྱེར་ཏེ་མ་འོངས་པའི་དུས་ཐ་མ་ལ་སྤྱོད་པའི་མི་དག་ལ་ཡང་དག་པ་མ་ཡིན་པར་ཤེས་པར་སྟོན་ཅིང་། སྐྱེ་ཤི་ལ་ཟབ་ཏུ་སྐྱེ་ཞིང་ཁམས་གསུམ་ལ་མ་མོས་པས་མྱ་ངན་ལས་འདས་པ་ཡོད་པར་ཤེས་པར་གྱིས་ཤིག །དགའ་བོ་མི་ལ་ལ་ཞིག་གིས་ཕྱོགས་བཅུའི་ནམ་མཁའི་<br /> ཁམས་ཁྱབ་པར་རིན་པོ་ཆེ་སྣ་བདུན་གྱིས་བཀང་སྟེ། རྡུལ་ཕྲ་མོ་སྙེད་ཀྱི་སངས་རྒྱས་ཐམས་ཅད་ལ་བླ་མར་བྱས་ཏེ། མཆོད་ཅིང་བསྙེན་བཀུར་བྱས་ནས་སེམས་དོན་མེད་པར་འདས་པར་མ་བྱས་ན་ཡིད་ལ་ཇི་སྙམ། མི་དེས་འདི་ལྟར་སངས་རྒྱས་ལ་ཕུལ་བའི་རྒྱུ་རྐྱེན་གྱིས་བསོད་ནམས་<br /> ཐོབ་པ་མང་བ་ཡིན་ནམ། དགའ་བོས་གསོལ་པ། ནམ་མཁའ་མི་བས་པས་རིན་པོ་ཆེའི་མཐའ་ཡང་མ་མཆིས་སོ། །འདས་པའི་དུས་ན་མི་ཞིག་གིས་པ་ན་བདུན་གྱི་ཕྱིར་ལུས་བཏང་སྟེ། བཅོམ་ལྡན་འདས་ལ་ཡོན་ཕུལ་བས། འཁོར་ལོས་སྒྱུར་བའི་རྒྱལ་པོར་སྐྱེས་ན་ཡང་<br /> མངོན་སུམ་དུ་ནམ་མཁའི་ཁམས་ཀྱི་མཐར་སངས་རྒྱས་ཀྱི་ཞིང་བཀང་ཞིང་ཁྱབ་པར་རིན་པོ་ཆེ་སོ་སོར་ཕུལ་བ་ནི་བསྐལ་པ་བས་ཀྱི་བར་དུ་ཡང་བསམ་པས་ཚད་གཟུང་མི་ནུས་ན། དེའི་བསོད་ནམས་ཀྱི་མཐའ་མཆིས་པ་ལྟ་ཅི་སྨོས། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ།<br /> དགའ་བོ་དེ་བཞིན་གཤེགས་པ་སངས་རྒྱས་ཐམས་ཅད་ནི་བརྫུན་མི་གསུང་སྟེ། མི་ལ་ལ་ཞིག་གིས་ལུས་ཀྱི་ཕས་ཕམ་པ་བཞི་དང་། ཕས་ཕམ་པ་བཅུ་ལྡན་པར་བྱས་ནས། དབུགས་གང་ཙམ་ལ་ཁམས་འདི་དང་། ཁམས་གཞན་གྱི་མཚམས་མེད་པའི་སེམས་ཅན་དམྱལ་<br /> བ་དང་། ཕྱོགས་བཅུ་མ་ལུས་པ་ན་མཚམས་མེད་པའི་སེམས་ཅན་དམྱལ་བར་མ་ཕྱིན་པ་མེད་དོ། །སེ་གོལ་ཐབས་ཅིག་གཏོགས་པའི་སྲིད་གཅིག་ཆོས་ཀྱི་སྒོ་འདི་ཁྱེར་ཏེ། ཕྱི་མའི་བསྐལ་པ་ཐ་མའི་ཚེ་མ་ལོབས་པ་ལ་འབྱུང་ཞིང་བསྟན་ན་མི་དེའི་ཁ་ན་མ་ཐོ་བའི་སྡིག་སེམས་ཀྱི་སྐད་<br /> ཅིག་ཙམ་གྱི་བར་དུ་ཚངས་ཤིང་འབྱང་སྟེ། སེམས་ཅན་དམྱལ་བའི་སྡུག་བསྔལ་གྱི་རྒྱུ་ལས་ཐར་ནས་བདེ་བའི་ཞིང་དུ་སྐྱེ་བར་འགྱུར་ཏེ། བསོད་ནམས་ཐོབ་པ་ནི་སྔ་མའི་སྦྱིན་པའི་བསོད་ནམས་ཀྱི་བརྒྱའི་ཆ་དང་། སྟོང་གི་ཆ་དང་། འབུམ་ཕྲག་ཁྲིའི་ཆ་དང་། དེ་བཞིན་དུ་རྩིས་<br /> <br /> img. 576 from Volume 64&lt;br&gt;<br /> དང་། གྲངས་དང་དཔེའི་བར་དུ་བསྐྲུན་དུ་མེད་དོ། །དགའ་བོ་སེམས་ཅན་ལ་ལ་ཞིག་གིས་མདོ་སྡེ་འདི་ཁ་ཏོན་དུ་འདོན་ཅིང་སྔགས་འདི་གཟུངས་སུ་བཟུང་ན། བསྐལ་པ་མི་ཟད་པའི་བར་དུ་ཡང་ངས་བཤད་པར་མི་ནུས་སོ། །ཁྱེད་རྣམས་ངས་བཤད་པའི་གཞུང་<br /> བཞིན་དུ་སྤྱོད་ན། བྱང་ཆུབ་གྲུབ་ཀྱི་བར་དུ་བདུད་ཀྱི་ལམ་ལས་ཐར་རོ། །དེ་སྐད་ཅེས་བཀའ་སྩལ་པ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་དགེ་བསྙེན་མ་དང་། འཇིག་རྟེན་གྱི་ལྷ་ཐམས་ཅད་དང་། ལྷ་མ་ཡིན་དང་། འཇིག་རྟེན་གྱི་ཁམས་གཞན་ནས་འདུས་<br /> པའི་བྱང་ཆུབ་སེམས་དཔའ་དང་། ཐེག་པ་གསུམ་གྱིས་འཕགས་པ་དང་། དྲང་སྲོང་གི་བུ་གཙང་མ་དང་། ཐོག་མ་སེམས་བསྐྱེད་པའི་མཐུ་བོ་ཆེ་དང་། ཡི་དགས་རྣམས་ཤིན་ཏུ་དགའ་ཞིང་མགུ་ནས་ཕྱག་འཚལ་ཏེ་སོ་སོར་དོང་ངོ་། །འཕགས་པ་དེ་བཞིན་གཤེགས་པའི་གཙུག་<br /> ཏོར་ཆེན་པོའི་ལེའུ་སྟོང་ཕྲག་བཅུ་པ་ལས་དེ་བཞིན་གཤེགས་པའི་གསང་བ་བྱང་ཆུབ་སེམས་དཔའ་ཐམས་ཅད་ཀྱིས་བསྒྲུབས་པ་དོན་མངོན་པར་འཐོབ་པར་སྤྱད་པའི་རྒྱུ་ལེའུ་བཅུ་པ་རྫོགས་སྷོ།། {D237}༄༅༅། །གཙུག་ཏོར་ཆེན་པོ་བམ་པོ་དགུ་པ་ལས་བདུད་ཀྱི་ལེའུ་ཉི་ཚེ་ཕྱུང་བ།<br /> བཅོམ་ལྡན་འདས་ཀྱིས་བཀའ་སྩལ་པ། མཐའ་ཡས་ཁྱོད་ཀྱིས་འདི་ལྟར་ཤེས་པར་གྱིས་ཤིག །བྱང་ཆུབ་ཀྱི་དཀྱིལ་འཁོར་ལ་གནས་པ་ནི་འདུ་ཤེས་ཐམས་ཅད་འབྱང་བར་འགྱུར་རོ། །དེ་ཉིད་འདུ་ཤེས་སྤངས་པ་ཡིན་ནོ། །དེས་ན་སྙིང་པོ་ཐམས་ཅད་སྣང་བར་འགྱུར་ཏེ། གཡོ་<br /> བ་རྣམ་པར་དག་པས་གཞན་དུ་ཐ་མི་དད། དྲན་པ་བརྗོད་པས་ཡང་དག་པ་དང་གཅིག་གོ། །དེ་ཁོ་ན་ལ་གནས་ཏེ་ཏིང་ངེ་འཛིན་དུ་ཞུགས་ན། དཔེར་ན་མིག་སྣང་བའི་མི་མུན་པ་ཆེན་པོའི་ནང་ན་འདུག་པ་དང་མཚུངས་ཏེ། བྱང་བ་ཉིད་ཤིན་ཏུ་གཙང་མོད་ཀྱི། སེམས་ལ་འོད་མ་བྱུང་བས་<br /> དེ་ནི་གཟུགས་ཀྱི་ཕུང་པོའི་ཁང་ཁྱིམ་ཡིན་ནོ། །མིག་དག་གསལ་བས་ཕྱོགས་བཅུ་ཐོགས་པ་མེད་པར་མཐོང་སྟེ། མུན་པ་དང་མི་སྣང་བ་མེད་ན། དེ་ནི་གཟུགས་ཀྱི་ཕུང་པོ་ཟད་པས་བསྐལ་པའི་རྙོག་པ་ལས་རྒལ་ཏོ། །དེའི་དོན་བརྟགས་ན་མི་བདེན་པའི་སེམས་དམ་དུ་འཛིན་པ་ལས་<br /> }}</div> Khenpo Tamphel https://bodhicitta.tsadra.org/index.php?title=Texts/Bhadracaryapra%E1%B9%87idh%C4%81namah%C4%81r%C4%81janibandhana/Full_text&diff=139039 Texts/Bhadracaryapraṇidhānamahārājanibandhana/Full text 2026-07-17T07:09:50Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[https://online.adarshah.org/index.html?kdb=degetengyur&amp;sutra=D4011 Adarsha]<br /> |FullTextDate=2025-05-27<br /> |FullTextTibetan=117-163b<br /> <br /> Ārya-bhadracaryāpraṇidhānamahārāja-nibandhana<br /> <br /> ༄། །བསྡུས་པའི་དོན།<br /> ༄༅༅། །རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷ་ན་མ་ཧཱ་རཱ་ཛ་ནི་བནྡྷ་ན། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཆེན་པོའི་བཤད་སྦྱར། ཀུན་དུ་བཟང་པོ་ལ་ཕྱག་འཚལ་ལོ། །བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཆེན་པོ་ལ་དོན་མདོར་བསྡུ་ན་བཅུ་སྟེ། འདི་ལྟ་སྟེ། དེ་བཞིན་གཤེགས་པ་རྣམས་ལ་ཕྱག་འཚལ་བ་དང་། དེ་ལ་མཆོད་པ་དང་། སྡིག་པ་བཤགས་པ་དང་། བསོད་ནམས་ལ་རྗེས་སུ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། དེ་བཞིན་གཤེགས་པ་རྣམས་བཞུགས་པར་གསོལ་བ་དང་། དགེ་བའི་རྩ་བ་ཡོངས་སུ་བསྔོ་བ་དང་། དེའི་རབ་ཏུ་དབྱེ་བ་དང་། དེའི་མཐར་ཐུག་པ་དང་། དེའི་ཕན་ཡོན་ནོ། །<br /> <br /> ༄། །རྒྱས་པར་བཤད་པ།<br /> <br /> ༈ དོན་དང་པོ། དེ་བཞིན་གཤེགས་པ་རྣམས་ལ་ཕྱག་འཚལ་བ།<br /> ༆ དེ་ལ་ཕྱོགས་བཅུ་ཀུན་གྱི་ཞིང་ལ་སོགས་པ་ན་བཞུགས་པའི་སངས་རྒྱས་བཅོམ་ལྡན་འདས་རྣམས་ལ་སྤྱིར་ལུས་དང་ངག་དང་ཡིད་རྣམ་པར་མ་ཕྱེ་བར་ཕྱག་འཚལ་བའི་དབང་དུ་མཛད་ནས་གསུངས་པ་ནི་ཇི་སྙེད་སུ་དག་ཅེས་བྱ་བ་ལ་སོགས་པའོ། །ཇི་སྙེད་ཅེས་བྱ་<br /> <br /> 117-164a<br /> <br /> བ་ནི་ཇི་སྲིད་པ་སྟེ་ཚད་ཇི་ཙམ་ཡིན་པའོ། །དེའི་ཕྱིར་ཚད་ཡོངས་སུ་བཅད་པར་འགྱུར་རོ། །དེས་ན་སྤྱིའི་སྒྲས་སངས་རྒྱས་བཅོམ་ལྡན་འདས་རྣམས་གཞལ་དུ་མེད་པ་ཉིད་དུ་སྟོན་པས་གསུངས་པ་ནི་སུ་དག་ཅེས་བྱ་སྟེ། གྲངས་དང་མིང་གི་སྒོ་ནས་ཚད་ལས་འདས་པ་ཞེས་བྱ་བའི་དོན་ཏོ། །ཕྱོགས་བཅུའི་འཇིག་རྟེན་ན་ཞེས་བྱ་བ་ནི་ཕྱོགས་བཅུ་པོ་རྣམས་ཀྱི་འགྲོ་བ་ནའོ། །དུས་གསུམ་ཀུན་གཤེགས་མི་ཡི་སེང་གེ་རྣམས། །ཞེས་བྱ་བ་ནི་དུས་གསུམ་པོར་གྱུར་པ་མཐའ་དག་སྟེ། དུས་གསུམ་ན་བཞུགས་པ་རྣམས་ཞེས་བྱ་བའི་དོན་ཏོ། །མིའི་སེང་གེ་ཞེས་བྱ་བ་ནི་ཐམས་ཅད་ལ་འཇིགས་པ་དང་བྲལ་ཞིང་གང་ལས་ཀྱང་དོགས་པ་མེད་པ་ནི་སེང་གེ་ཞེས་བྱའོ། །སངས་རྒྱས་བཅོམ་ལྡན་འདས་རྣམས་ཀྱང་ལྷ་དང་བཅས་པའི་འཇིག་རྟེན་ན་དེ་དང་འདྲ་བ་ཡིན་ཏེ། དེས་ན་སེང་གེ་དང་འདྲ་བས་སེང་གེའོ། །མི་རྣམས་སུ་སྐྱེ་བ་ཀུན་དུ་བསྟན་པའི་ཕྱིར་དེ་དག་ནི་མི་ཡང་ཡིན་པས་ན་སངས་རྒྱས་བཅོམ་ལྡན་འདས་རྣམས་ནི་མིའི་སེང་གེ་ཡིན་ནོ། །དེ་དག་ཐམས་ཅད་ལ་བདག་གིས་ཕྱག་བགྱིས་ཏེ་རབ་ཏུ་འདུད་དོ། །བརྗོད་པར་འདོད་པའི་དབང་གིས་ཕྱོགས་གཅིག་བརྗོད་པས་ཐམས་ཅད་ཀྱི་སྒྲ་མཐོང་བ་དེས་ན་ལྷག་མ་མ་ལུས་པ་ཡོངས་ཡོངས་སུ་གཟུང་བའི་དོན་དུ་མ་ལུས་ཞེས་གསུངས་སོ། །ལུས་དང་ངག་དང་ཡིད་རབ་ཏུ་དང་བ་ནི་མཆོག་ཏུ་དང་བར་གྱུར་པ་སྟེ། སེམས་རབ་ཏུ་དང་བས་ཀུན་ནས་བསླང་བའི་ཕྱིར་ལུས་དང་ངག་ཀྱང་རབ་ཏུ་དང་བ་ཡིན་ནོ། །ད་ནི་ལུས་ལ་སོགས་པ་སོ་སོ་རྣམ་པར་ཕྱེ་བས་ཕྱག་འཚལ་བ་གསུངས་ཏེ། དེ་ལ་རེ་ཞིག་ལུས་ཀྱིས་ཕྱག་འཚལ་བ་ནི། ཞིང་གི་རྡུལ་སྙེད་ལུས་རབ་བཏུད་པ་ཡིས། །ཞེས་བྱ་བ་ལ་སོགས་པ་ཡིན་ཏེ། སངས་རྒྱས་ཀྱི་ཞིང་གང་གི་རྡུལ་དང་མཉམ་པའི་ལུས་རབ་ཏུ་བཏུད་པས་སོ། །སྙེད་ཀྱི་སྒྲས་ནི་འདིར་དཔེ་དང་མཐུན་པའི་རྣམ་གྲངས་ཡིན་ཏེ་ཁྱད་པར་མེད་པའི་ཕྱིར་རོ། །ཕྱོགས་བཅུ་དུས་གསུམ་དུ་སོན་པའི་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་དང་མཉམ་པའི་ཞིང་དེའི་གྲངས་ཀྱི་ལུས་རབ་ཏུ་བཏུད་པས། རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །ཞེས་བྱ་བ་ནི་ཉོན་མོངས་པའི་དགྲ་ལས་རྒྱལ་བའི་ཕྱིར་དང་བདུད་ལས་རྒྱལ་བའི་ཕྱིར་ན་སངས་རྒྱས་བཅོམ་ལྡན་འདས་རྣམས་<br /> <br /> 117-164b<br /> <br /> ལ་རྒྱལ་བ་ཞེས་བརྗོད་དེ། ཇི་སྐད་དུ་བཅོམ་ལྡན་འདས་ཀྱིས། སྡིག་པའི་ཆོས་ལས་ང་རྒྱལ་ཏེ། །དེས་ན་ཉེར་འགྲོ་ང་རྒྱལ་བ། །ཞེས་བྱ་བ་ལ་སོགས་པ་གསུངས་པ་བཞིན་ནོ། །དུས་གསུམ་དུ་གཤེགས་པའི་རྒྱལ་བ་དེ་དག་ཐམས་ཅད་ལ་རབ་ཏུ་ཕྱག་འཚལ་ལོ། །བཅོམ་ལྡན་འདས་གཅིག་ལ་སེམས་ཕྱོགས་པར་གྱུར་པའི་ཕྱིར་ན་གཞན་ལ་ཡིད་ཀྱིས་སྟོང་པའི་ལུས་ཞིང་གི་རྡུལ་དང་མཉམ་པ་ཁོ་ནས་རབ་ཏུ་ཕྱག་འཚལ་ལམ་ཅི་ཞེ་ན་མ་ཡིན་ནོ་ཞེས་བརྗོད་པ་ནི། རྒྱལ་བ་ཀུན་ལ་མངོན་ཕྱོགས་ཡིད་ཀྱིས་སུ། །ཞེས་བྱ་བ་སྟེ། དེ་བཞིན་གཤེགས་པ་རྣམས་རེ་རེ་ལ་མངོན་དུ་ཕྱོགས་པའི་སེམས་ཀྱིས་ཞེས་བྱ་བའི་དོན་ཏོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །ཞེས་བྱ་བ་ལ། བཟང་པོ་ནི་དགེ་བའོ། །དེ་ནི་བཟང་པོ་ཡང་ཡིན་པས་ན་བཟང་པོ་སྤྱོད་པ་སྟེ། བྱང་ཆུབ་སེམས་དཔའི་ཞེས་བྱ་བའི་དོན་ཏོ། །དེའི་དོན་དུ་སྨོན་པ་ནི་སྨོན་ལམ་སྟེ་དོན་དུ་གཉེར་བའོ། །དེའི་སྟོབས་ནི་ཉོན་མོངས་པ་ལ་སོགས་པ་རྣམས་ཀྱིས་ཟིལ་གྱིས་མི་ནོན་པ་དང་མི་མཐུན་པའི་ཕྱོགས་ལས་ངེས་པར་རྒྱལ་བ་ཡིན་ཏེ། དེ་ནས་དེའི་སྟོབས་ཀྱིས་ཏེ། རྣམ་པ་གཞན་དུ་ནི་འདི་ལྟ་བུའི་ཚུལ་གྱི་བྱ་བ་མི་སྲིད་པའི་ཕྱིར་རོ། །དེ་བཞིན་དུ་ཡིད་ཀྱིས་ཕྱག་འཚལ་བ་ནི། རྡུལ་གཅིག་སྟེང་ན་ཞེས་བྱ་བ་ལ་སོགས་པའོ། །རྡུལ་གཅིག་སྟེང་ན་ཞེས་བྱ་བ་ནི་རྡུལ་གཅིག་གི་ཐོག་ནའོ། །སངས་རྒྱས་སྲས་ཀྱི་དབུས་ན་བཞུགས་པ་ཞེས་བྱ་བ་ནི་བྱང་ཆུབ་སེམས་དཔའ་ཚོགས་དཔག་ཏུ་མེད་པའི་དབུས་ན་སོ་སོར་བཞུགས་པའོ། །སངས་རྒྱས་རྡུལ་སྙེད་རྣམས་ཞེས་བྱ་བ་ནི་འདིར་ཡང་ཁྱད་པར་མེད་པའི་ཕྱིར་ན་ཕྱོགས་བཅུ་དུས་གསུམ་དུ་རྗེས་སུ་སོན་པའི་སངས་རྒྱས་ཀྱི་ཞིང་གི་རྡུལ་དང་མཉམ་པའི་བདེ་བར་གཤེགས་པ་རྣམས་མོས་ཞེས་འཆད་པར་འགྱུར་བ་དང་འབྲེལ་ལོ། །ཇི་ལྟར་རྡུལ་གཅིག་གི་སྟེང་ན་དེ་ལྟར་ཏེ་ཚུལ་འདི་ཉིད་ཀྱིས་མ་ལུས་པར་མཐའ་དག་པར་རོ། །ཆོས་ཀྱི་དབྱིངས་ཞེས་བྱ་བ་ལ། ཆོས་ཐམས་ཅད་ཀྱི་རང་བཞིན་ནི་ཆོས་ཉིད་དོ། །དེ་ཉིད་ནི་དབྱིངས་ཞེས་བྱ་བའོ། །རྣམ་པ་དེ་ལྟ་བུའི་ཆོས་ཀྱི་དབྱིངས་ནམ་མཁའི་ཁམས་ཀྱི་མཐས་གཏུགས་པ་སྟེ། རྡུལ་གཅིག་གི་སྟེང་ན་གནས་པའི་བྱང་<br /> <br /> 117-165a<br /> <br /> ཆུབ་སེམས་དཔའི་ཚོགས་དཔག་ཏུ་མེད་པས་སོ་སོར་བསྐོར་བའི་བཅོམ་ལྡན་འདས་རྣམས་ཀྱིས་གང་ཞིང་བར་ཆད་མེད་པར་ཁྱད་པར་ཡིད་ཀྱིས་མོས་པའོ། །ལུས་དང་ངག་གི་ལས་དག་ནི་ཡིད་ཀྱིས་ཀུན་ནས་བསླང་བའི་ཕྱིར་ན་ཡིད་ཀྱི་ལམ་རབ་ཏུ་བསྟན་ཏོ། །ད་ནི། དེ་དག་བསྔགས་པ་རྒྱ་མཚོ་མི་ཟད་རྣམས། །ཞེས་བྱ་བ་ལ་སོགས་པས་དག་གིས་ཕྱག་འཚལ་ལོ། །དེ་དག་ཅེས་བྱ་བ་ལ། དེ་ལྟར་ལྷག་པར་མོས་པར་བྱས་པ་དེ་དག་ལ་སྟེ། གང་དག་ལ་བསྔགས་པ་རྒྱ་མཚོ་སྟེ། ཡོན་ཏན་རྒྱ་མཚོ་ཡོད་པ་དང་ཉམས་པ་དང་མཐའ་གཏུགས་པ་མེད་པའི་ཕྱིར་ཟད་པ་མེད་པས་མི་ཟད་པ་ཡོད་པ་དེ་དག་ནི་བསྔགས་པ་རྒྱ་མཚོ་མི་ཟད་པ་རྣམས་སོ། །འདིར་བསྔགས་པའི་སྒྲ་ནི་ཡོན་ཏན་གྱི་རྣམ་གྲངས་ཡིན་ལ། རྒྱ་མཚོའི་སྒྲ་ནི་དོན་མང་པོ་བརྗོད་པ་ཡིན་པར་རྟོགས་པར་བྱ་སྟེ། བསྔགས་པ་རྒྱ་མཚོ་མི་ཟད་པ་མངའ་བ་དེ་དག་ལའོ། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །ཞེས་བྱ་བ་ལ། འདིར་ཡང་ཡན་ལག་གི་སྒྲ་ནི་ཡོན་ཏན་གྱི་རྣམ་གྲངས་ཡིན་ནོ། །ཇི་ལྟར་ཡིན་ཞེ་ན། འདི་ལྟར་ཉན་ཐོས་ཀྱི་ཐེག་པ་ལ་ཡན་ལག་ལྔ་དང་ལྡན་པར་བརྗོད་པ་དང་། ཐེག་པ་ཆེན་པོར་ཡང་ཡན་ལག་དྲུག་ཅུ་དང་ལྡན་པ་དང་། ཡན་ལག་སྟོང་ཕྲག་བཅུ་དང་ལྡན་པ་དང་། ཡན་ལག་དཔག་ཏུ་མེད་པ་དང་ལྡན་པར་བརྗོད་པ་དེར་ཡང་ཡོན་ཏན་ལྔ་དང་ལྡན་པ་ཞེས་བྱ་བ་ལ་སོགས་པར་རྟོགས་པར་བྱ་བ་ཡིན་པའི་ཕྱིར་དབྱངས་ཀྱི་ཡོན་ཏན་དང་ལྡན་པའི་སྒྲས་ཏེ་དོན་གྱི་ཚུལ་གང་ཡིན་པ་རྒྱ་མཚོ་དཔག་ཏུ་མེད་པ་དེ་དག་ཀུན་གྱིས་སོ། །རྒྱལ་བ་ཀུན་གྱི་ཞེས་བྱ་བ་ལ་སོགས་པ་ལ། རྒྱལ་བ་རྣམས་ཀྱི་ཡོན་ཏན་ཏེ་བྱང་ཆུབ་ཀྱི་སེམས་བསྐྱེད་པ་ནས་ཉེ་བར་བཟུང་ནས་ལུས་དང་ངག་དང་ཡིད་ཀྱི་རང་བཞིན་གཞལ་དུ་མེད་ཅིང་ཐུན་མོང་མ་ཡིན་པ་གང་དག་ཡིན་པ་དེ་དག་རབ་ཏུ་བརྗོད་ཅིང་སྟེ་མངོན་པར་སྨྲ་བར་བྱེད། རབ་ཏུ་སྒྲོགས་པར་བྱེད་ཅིང་ངོ་། །བདེ་བར་གཤེགས་པ་སོ་སོ་ནས་མདུན་ན་བཞུགས་པ་ལྟ་བུར་གྱུར་པ་དེ་དག་ཐམས་ཅད་བདག་གིས་བསྟོད་པར་བགྱིའོ། །ཡང་ན་བསྔགས་པ་རྒྱ་མཚོ་མི་ཟད་ཅེས་བྱ་བ་ནི་གཞི་མཐུན་པ་ཉིད་ཀྱི་སྒོ་ནས་ཡོན་ཏན་ཞེས་བྱ་བ་འདི་ཉིད་ཀྱི་ཁྱད་པར་ཡིན་ཏེ། བདེ་བར་གཤེགས་པ་རྣམས་ཀྱི་ཡོན་ཏན་བསྔགས་པ་རྒྱ་མཚོ་མི་ཟད་པ་རབ་བརྗོད་<br /> <br /> 117-165b<br /> <br /> ཅིང་ཞེས་བྱ་བའི་དོན་ཏོ། །<br /> <br /> ༈ དོན་གཉིས་པ། དེ་བཞིན་གཤེགས་པ་རྣམས་ལ་མཆོད་པ་འབུལ་བ།<br /> ༆ ད་ནི་སངས་རྒྱས་བཅོམ་ལྡན་འདས་དེ་དག་ཉིད་ལ་བླ་ན་ཡོད་པ་དང་བླ་ན་མེད་པའི་མཆོད་པ་རྣམ་པ་གཉིས་གསུངས་ཏེ། མེ་ཏོག་དམ་པ་ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་ཀྱིས་ནི་བླ་ན་ཡོད་པ་ཡིན་ཏེ། མེ་ཏོག་ལ་སོགས་པ་རྣམས་ཀྱི་ནང་ན་དམ་པ་གང་དག་ཡིན་པའི་མེ་ཏོག་དམ་པ་དེ་དག་དང་། ཕྲེང་བ་དམ་པ་དང་། སིལ་སྙན་དམ་པ་དང་། གུར་གུམ་དང་། ཙན་དན་ལ་སོགས་པའི་བྱུག་པ་དམ་པ་དང་། གདུགས་དམ་པ་མཆོག་དང་། མར་མེ་མཆོག་དང་། བདུག་པ་དམ་པ་དང་། ན་བཟའ་དམ་པ་དང་། དྲི་དམ་པ་དང་། དྲི་སྣ་ཚོགས་སྦྱར་ཅིང་ལེགས་པར་བསྒྲུབས་པའི་ཕྱེ་མའི་ཕུར་མ་སྟེ་ཙན་དན་དང་གུར་གུམ་དང་ག་པུར་དང་ཨ་ག་རུ་ལ་སོགས་པ་སྣ་ཚོགས་ཀྱི་རང་བཞིན་རི་རབ་དང་མཉམ་པ་དང་། བཀོད་པ་ཁྱད་པར་འཕགས་པ་མཆོག་ཀུན་གྱིས། །ཞེས་བྱ་བ་བཀོད་པ་དམ་པ་དང་། འདིར་བཀོད་པའི་སྒྲ་ནི་ཚོགས་པའི་རྣམ་གྲངས་ཡིན་ཏེ། ལྷ་དང་མི་རྣམས་ཀྱི་ལྷ་རྫས་རྣམ་པ་ཐམས་ཅད་ཀྱི་མཆོག་དང་ལྡན་པ་རྣམས་ཀྱིས་རྒྱལ་བ་ཐམས་ཅད་ལ་མཆོད་པར་བགྱིའོ། །མཆོད་པ་གང་རྣམས་བླ་མེད་རྒྱ་ཆེ་བ། །ཞེས་བྱ་བ་ལ་སོགས་པས་ནི་བླ་ན་མེད་པ་ཡང་གསུངས་སོ། །བྱང་ཆུབ་སེམས་དཔའི་ཏིང་ངེ་འཛིན་གྱི་མཐུས་བསྐྱེད་པའི་མཆོད་པ་གང་རྣམས་བླ་ན་མེད་ཅིང་སངས་རྒྱས་ཀྱི་ཞིང་ཐམས་ཅད་དུ་སྤྲོས་པས་ཆོས་ཀྱི་དབྱིངས་ཀྱི་མཐར་ཐུག་པའི་རྒྱ་ཆེ་བ་དེ་དག་རྒྱལ་བ་ཐམས་ཅད་ལ་བདག་ལྷག་པར་མོས་སོ། །བཟང་པོ་སྤྱོད་ལ་དད་པའི་སྟོབས་དག་གིས། །ཞེས་བྱ་བ་ལ་བཟང་པོ་སྤྱོད་པ་ལ་ལྷག་པར་མོས་ཤིང་མངོན་པར་ཡིད་ཆེས་པ་དང་། མངོན་པར་ངེས་པ་དེའི་སྟོབས་ཀྱིས་ཏེ། དེ་ལ་མིང་དུ་མ་དག་ལས་བཟང་པོ་སྤྱོད་པ་ན་དེ་ལྟར་རྣམ་པ་སྣ་ཚོགས་པའི་མཆོད་པ་བྱང་ཆུབ་སེམས་དཔའི་བྱམས་པ་ལྟར་མོས་པ་ཡིན་ནོ། །ད་ནི་ཇི་སྐད་བརྗོད་པའི་ཕྱག་འཚལ་བ་དང་། མཆོད་པ་ཉེ་བར་བསྡུས་པར་གསུངས་པ་ནི། རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །ཞེས་བྱ་བ་སྟེ། རྒྱལ་བ་ཐམས་ཅད་ལ་ཕྱག་འཚལ་ཞིང་མཆོད་པར་བགྱི་བའོ། །<br /> <br /> ༈ དོན་གསུམ་པ། སྡིག་པ་བཤགས་པ།<br /> ༆ ཀུན་ནས་སློང་བ་དང་། གནས་དང་། ངོ་བོ་ཉིད་རྣམ་པ་གསུམ་གྱི་སྒོ་ནས་སྡིག་པ་བཤགས་པ་གསུངས་<br /> <br /> 117-166a<br /> <br /> པ་ནི། འདོད་ཆགས་ཞེ་སྡང་ཞེས་བྱ་བ་ལ་སོགས་པའོ། །དེ་ལ་སྡིག་པ་ཀུན་ནས་སློང་བའི་རྒྱུ་གང་ཞིག་ཡིན་ཞེ་ན། འདོད་ཆགས་ཞེ་སྡང་གཏི་མུག་ནི་ཀུན་ནས་སློང་བའི་རྒྱུ་ཡིན་ནོ། །གནས་གང་ཡིན་ཞེ་ན། གནས་ནི་ལུས་དང་ངག་དང་ཡིད་ཡིན་ནོ། །ངོ་བོ་ཉིད་ནི། སྡིག་པ་བདག་གིས་བགྱིས་པ་ཅི་མཆིས་པ། །ཞེས་བྱ་བ་སྟེ། སྐྱེ་བ་འདིའམ་སྐྱེ་བ་ཕྱི་མ་དག་ཏུ་བདག་ཉིད་ཀྱིས་བྱས་པ་དང་བྱེད་དུ་བཅུག་པ་དང་བྱེད་པ་ལ་རྗེས་སུ་ཡི་རང་བའོ། །དེ་ཐམས་ཅད་ནི་དེ་དག་ཐམས་ཅད་རྒྱལ་བ་སྲས་དང་བཅས་པ་རྣམས་ཀྱི་སྤྱན་སྔར་མངོན་སུམ་དུ་འདུག་པ་ལྟ་བུས་སྐད་ཅིག་ཙམ་ལའང་འགྱོད་བཞིན་པས་སོ་སོར་བཤགས་པར་བྱ་ཞིང་བསལ་བར་བགྱིའོ། །<br /> <br /> ༈ དོན་བཞི་པ། བསོད་ནམས་ལ་རྗེས་སུ་ཡི་རང་བ།<br /> ༆ ད་ནི་ཕྱོགས་བཅུའི་འགྲོ་བ་ཀུན་དང་ཞེས་བྱ་བ་ལ་སོགས་པས་བསོད་ནམས་ལ་རྗེས་སུ་ཡི་རང་བ་གསུངས་སོ། །ཕྱོགས་བཅུའི་འགྲོ་བའི་བསོད་ནམས་སྦྱིན་པ་དང་། ཚུལ་ཁྲིམས་དང་། བསྒོམ་པ་ལས་བྱུང་བ་དུས་གསུམ་པ་གང་ཡིན་པ་དང་། གང་ཡང་སློབ་པའི་གང་ཟག་བདུན་པོ་རྣམས་དང་། གང་ཡང་མི་སློབ་པའི་དགྲ་བཅོམ་པ་རྣམས་དང་། རང་རྒྱལ་བ་རྣམ་པ་གཉིས་པོ་བསེ་རུ་ལྟ་བུ་དང་། ཚོགས་ན་སྤྱོད་པ་རྣམས་ཀྱི་བསོད་ནམས་དུས་གསུམ་ལ་འཇིག་རྟེན་ལས་འདས་པ་གང་ཡིན་པ་དང་། གང་ཡང་སེམས་དང་པོ་བསྐྱེད་པ་ནས་ཉེ་བར་བཟུང་བའི་བྱང་ཆུབ་སེམས་དཔའ་ཐམས་ཅད་དང་། སངས་རྒྱས་བཅོམ་ལྡན་འདས་དུས་གསུམ་དུ་གཤེགས་པ་རྣམས་ཀྱི་བརྡ་ལས་བྱུང་བའི་བྱང་ཆུབ་ཀྱི་སེམས་བསྐྱེད་པ་ནས་ཉེ་བར་བཟུང་སྟེ། ཕ་རོལ་ཏུ་ཕྱིན་པ་དང་ས་ལ་སོགས་པ་ལས་ངེས་པར་སྐྱེས་པ་རེ་རེ་ཞིང་དུས་གསུམ་དུ་གྱུར་པ་འཇིག་རྟེན་པ་དང་། འཇིག་རྟེན་ལས་འདས་པའི་བསོད་ནམས་ཀྱི་ཚོགས་གཞལ་དུ་མེད་ཅིང་བསམ་གྱིས་མི་ཁྱབ་པ་སངས་རྒྱས་ཀྱི་ཡེ་ཤེས་ཀྱི་སྤྱོད་ཡུལ་དུ་གྱུར་པ་གང་ཡིན་པ་དེ་དག་ཐམས་ཅད་ལ་བདག་རྗེས་སུ་ཡི་རང་བར་བགྱིད་དོ། །འགྲོ་བའི་སྒྲ་མ་ལུས་པ་རྗོད་པར་བྱེད་པ་ཉིད་ཀྱིས་སློབ་པ་དང་མི་སློབ་པ་ལ་སོགས་པའི་བསོད་ནམས་འདུས་པར་གྲུབ་བཞིན་དུ་སོ་སོར་ཉེ་བར་བླངས་པ་ལ་དོན་ཅི་ཞིག་ཡོད་ཅེ་ན་དེ་ནི་མ་ཡིན་ཏེ། འགྲོ་བས་ན་འགྲོ་བ་སྟེ་སྲིད་པ་དང་བཅས་པ་ཞེས་བྱ་བའི་དོན་ནམ། འཁོར་བར་འགྲོ་བ་ཞེས་བྱ་བའི་དོན་ནོ། །དེ་ལ་ཁ་ཅིག་ལ་ནི་ཤིན་ཏུ་འགྲོ་བ་<br /> <br /> 117-166b<br /> <br /> མེད་པའི་ཕྱིར་དང་། ཁ་ཅིག་ནི་མི་འགྲོ་བ་ཉིད་ཀྱིས་འགྲོ་བའི་སྒྲར་བརྗོད་པར་བྱ་བ་མ་ཡིན་ཏེ། དེས་ན་ཐ་དད་པར་བསྟན་པ་ཡིན་ནོ། །<br /> <br /> ༈ དོན་ལྔ་པ། ཆོས་ཀྱི་འཁོར་ལོ་བསྐོར་བར་བསྐུལ་བ།<br /> ༆ ད་ནི་ཆོས་ཀྱི་འཁོར་ལོ་བསྐོར་བར་བསྐུལ་བ་ནི། ཕྱོགས་བཅུའི་འཇིག་རྟེན་ཞེས་བྱ་བ་ལ་སོགས་པ་གསུངས་སོ། །ཕྱོགས་བཅུའི་འཇིག་རྟེན་རྣམས་ན་འགྲོ་བའི་སྒྲོན་མ་སྟེ། འཇིག་རྟེན་གྱི་ཕྱི་དང་ནང་གི་མུན་པའི་ཚོགས་རྣམས་སེལ་བར་བྱེད་པའི་བདག་ཉིད་ཡིན་པའི་ཕྱིར་ན་སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་གྱི་སྒྲོན་མ་ཡིན་ནོ། །བྱང་ཆུབ་རིམ་པར་སངས་རྒྱས་ཞེས་བྱ་བ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པའོ། །མ་ཆགས་བརྙེས་ཞེས་བྱ་བ་ནི་མ་ཆགས་པ་ཉིད་ཐོབ་པ་སྟེ། མངོན་པར་བྱང་ཆུབ་པའི་ཆོས་ཀྱི་ཚུལ་ལས་དོན་མ་ལུས་པའི་རང་བཞིན་ཡོངས་སུ་ཤེས་པའི་ཕྱིར་ན་ཆགས་པ་ཐམས་ཅད་ལས་ཡང་དག་པར་འདས་པའོ། །ཆོས་ཟབ་མོ་རྟོགས་པའི་དོན་དུ་མི་གཉེར་ཞིང་མངོན་པར་མི་བརྩོན་པ་གཞན་དག་གིས་རྟོགས་པར་དཀའ་བ་དེས་ན་གང་དག་ཆོས་བསྟན་པ་ལ་སྤྲོས་པ་མེད་པར་འཇིག་རྟེན་གྱི་ཁམས་སྣ་ཚོགས་པ་རྣམས་ན་བྱང་ཆུབ་ཀྱི་ཤིང་མཆོག་གི་དྲུང་དུ་གཤེགས་ནས་བཞུགས་པ་གང་ཡིན་པའི་འཇིག་རྟེན་གྱི་མགོན་པོ་དེ་དག་ཐམས་ཅད་ལ་བདག་གིས་འགྲོ་བའི་མི་ཤེས་པའི་མུན་པ་བསལ་བའི་ཕྱིར་དང་། བླ་ན་མེད་པའི་ཡེ་ཤེས་ཀྱི་སྣང་བ་བྱ་བའི་ཕྱིར་ན་བླ་ན་མེད་པའི་ཆོས་ཀྱི་འཁོར་ལོ་བསྐོར་བའི་དོན་དུ་སའི་སྟེང་དུ་པུས་མོ་བཙུགས་ཤིང་ཐལ་མོ་སྦྱར་བ་བྱས་ནས་སོ་སོའི་མདུན་དུ་གནས་པ་ལྟ་བུས་བསྐུལ་བར་བགྱིད་དོ་ཞེས་བྱ་བ་ནི་ཆོས་ཀྱི་འཁོར་ལོ་བསྐོར་བའི་དོན་དུ་བསྐུལ་བའོ། །<br /> <br /> ༈ དོན་དྲུག་པ། དེ་བཞིན་གཤེགས་པ་རྣམས་བཞུགས་པར་གསོལ་བ།<br /> ༆ ད་ནི། མྱ་ངན་འདས་སྟོན་གང་བཞེད་དེ་དག་ལ། །ཞེས་བྱ་བ་ལ་སོགས་པས་གསོལ་བ་འདེབས་སོ། །གང་ཞེས་བྱ་བ་ནི་ཁྱད་པར་མེད་པ་ཡིན་ཡང་སྐབས་ཡིན་པའི་ཕྱིར་ཕྱོགས་བཅུའི་འཇིག་རྟེན་སྒྲོན་མ་ཞེས་བྱ་བ་དང་མངོན་པར་འབྲེལ་ཏོ། །ཕྱོགས་བཅུའི་སངས་རྒྱས་བཅོམ་ལྡན་འདས་གང་དག་མྱ་ངན་འདས་སྟོན་ཏེ། མྱ་ངན་འདས་པ་སྟོན་པར་བཞེད་པ་དེ་དག་ཐམས་ཅད་ལ་བདག་གིས་ཐལ་མོ་རབ་ཏུ་སྦྱར་ནས་ཡུན་རིང་དུ་བཞུགས་པའི་དོན་དུ་གསོལ་བར་བགྱི་སྟེ་ཞུ་བ་འབུལ་ལོ། །དུས་ཇི་སྲིད་དུ་ཞེ་ན། བསྐལ་པ་ཞིང་གི་རྡུལ་སྙེད་དེ་དུས་གསུམ་དུ་རྟོགས་པའི་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་དང་མཉམ་<br /> <br /> 117-167a<br /> <br /> པའི་བསྐལ་པར་བཞུགས་པར་རོ། །ཅིའི་དོན་དུ་ཞེ་ན། མགོན་མེད་པར་གྱུར་པའི་འགྲོ་བ་ཀུན་ལ་ཕན་ཞིང་བདེ་བའི་ཕྱིར་རོ། །དེ་ལ་ཕན་པ་ནི་གཏན་དུ་བའི་གྲུབ་པ་དང་བདེ་བ་སྟེ་མྱ་ངན་ལས་འདས་པའི་ལམ་ཐོབ་པའོ། །བདེ་བ་ནི་ལྷ་གྲངས་ཀྱི་ཉེ་བར་སྤྱོད་པ་ཐོབ་པའོ། །<br /> <br /> ༈ དོན་བདུན་པ། དགེ་བའི་རྩ་བ་ཡོངས་སུ་བསྔོ་བ།<br /> ༆ ད་ནི་ཇི་སྐད་བརྗོད་པའི་ཕྱག་འཚལ་བ་ལ་སོགས་པས་བསྐྱེད་པའི་བསོད་ནམས་ཀྱི་ཕུང་པོ་གཞལ་དུ་མེད་པར་ཡོངས་སུ་སྔོ་བར་བྱེད་པ་ནི། ཕྱག་འཚལ་བ་དང་མཆོད་ཅིང་བཤགས་པ་དང་ཞེས་བྱ་བ་ལ་སོགས་པས་སོ། །ཕྱག་འཚལ་བ་དང་། མཆོད་པ་དང་། སྡིག་པ་བཤགས་པ་དང་། བསོད་ནམས་ལ་རྗེས་སུ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། དེ་བཞིན་གཤེགས་པ་ལ་གསོལ་བ་བཏབ་པའི་དགེ་བ་ཅུང་ཟད་བདག་གིས་ཅི་བསགས་པ་སྟེ་ཉེ་བར་བསྒྲུབས་པ་དེ་དག་ཐམས་ཅད་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཕྱིར་བསྔོ་བར་བགྱིའོ། །<br /> <br /> ༈ དོན་བརྒྱད་པ། དེའི་རབ་ཏུ་དབྱེ་བ།<br /> <br /> ༈ རྣམ་པ་དང་པོ། བསམ་པ་བསྟན་པ།<br /> ༆ ད་ནི་བརྒྱད་པ་དེའི་རབ་ཏུ་དབྱེ་བ་སྟེ། ཀུན་དུ་བཟང་པོའི་སྨོན་ལམ་དེའི་ཡན་ལག་སོ་སོའི་རབ་ཏུ་དབྱེ་བ་ནི་དེའི་རབ་ཏུ་དབྱེ་བ་ཡིན་ནོ། །དེ་ཡང་རྣམ་པ་བཅུ་དྲུག་སྟེ། འདི་ལྟ་སྟེ་བསམ་པའི་སྒོ་ནས་དང་། བྱང་ཆུབ་ཀྱི་སེམས་མི་བརྗེད་པའི་སྒོ་ནས་དང་། མ་གོས་པའི་སྦྱོར་བའི་སྒོ་ནས་དང་། སེམས་ཅན་ལ་ཕན་པའི་སྒོ་ནས་དང་། གོ་ཆའི་སྒོ་ནས་དང་། སྐལ་བ་མཉམ་པའི་བྱང་ཆུབ་སེམས་དཔའ་དང་ཕྲད་པའི་སྒོ་ནས་དང་། དགེ་བའི་བཤེས་གཉེན་མཉེས་པར་བྱེད་པའི་སྒོ་ནས་དང་། དེ་བཞིན་གཤེགས་པ་མངོན་དུ་གྱུར་པའི་སྒོ་ནས་དང་། དམ་པའི་ཆོས་ཡོངས་སུ་འཛིན་པའི་སྒོ་ནས་དང་། མི་ཟད་པའི་མཛོད་ཐོབ་པའི་སྒོ་ནས་དང་། འཇུག་པའི་སྒོ་ནས་དང་། སྟོབས་ཀྱི་སྒོ་ནས་དང་། སྒྲུབ་པའི་སྒོ་ནས་དང་། ལས་ཀྱི་སྒོ་ནས་དང་། རྗེས་སུ་སློབ་པ་ཡོངས་སུ་ཕྱེ་བའི་སྒོ་ནས་དང་། བསྡུ་བའི་སྒོ་ནས་སོ། །དེ་ལ་བསམ་པའི་སྒོ་ནས་ནི་རྣམ་པ་དང་པོའོ། །དེ་ཡང་རྣམ་པ་གསུམ་སྟེ། དེ་བཞིན་གཤེགས་པ་ལ་མཆོད་པ་དང་དགོངས་པ་ཡོངས་སུ་རྫོགས་པའི་བསམ་པ་ནི། འདས་པའི་སངས་རྒྱས་རྣམས་དང་ཞེས་བྱ་བ་ལ་སོགས་པའོ། །མྱ་ངན་ལས་འདས་པ་བསྟན་ཟིན་པའི་སངས་རྒྱས་བཅོམ་ལྡན་འདས་རྣམས་ལ་བླ་ན་མེད་པའི་མཆོད་པས་མཆོད་པར་གྱུར་ཅིང་ཕྱོགས་བཅུའི་འཇིག་རྟེན་ཏེ། འཇིག་རྟེན་གྱི་ཁམས་<br /> <br /> 117-167b<br /> <br /> དུ་མ་རྣམས་ན་འགྲོ་བ་མཐའ་དག་ལ་ཕན་པ་དང་བདེ་བ་སྒྲུབ་པ་ལྷུར་མཛད་པ་དང་། དེ་ལྟར་བཞུགས་ཤིང་འཚོ་བ་གང་ཡིན་པ་དེ་དག་རྣམས་ཀྱང་དེ་བཞིན་དུ་མཆོད་པར་གྱུར་ཅིག་པའོ། །གང་ཡང་མ་བྱོན་པ་འབྱུང་བར་འགྱུར་བ་དེ་དག་ཀྱང་རབ་མྱུར་བར་ཏེ་དཀའ་བ་མེད་པ་ཁོ་ནར་བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན་ཅིག་པའོ། །ཕྱེད་སྔ་མས་ནི་དེ་བཞིན་གཤེགས་པ་ལ་མཆོད་པའི་བསམ་པ་དང་། ཕྱེད་ཕྱི་མས་ནི་དགོངས་པ་ཡོངས་སུ་རྫོགས་པའི་བསམ་པ་བསྟན་ཏོ། །སངས་རྒྱས་ཀྱི་ཞིང་ཡོངས་སུ་སྦྱོང་བའི་བསམ་པ་ནི། ཕྱོགས་བཅུའི་ཞིང་རྣམས་གང་དག་ཇི་སྙེད་པ། །ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །ཕྱོགས་བཅུ་རྣམས་ན་སངས་རྒྱས་ཀྱི་ཞིང་རྣམས་གང་དག་ཅེས་བྱ་བ་གང་དག་ཡོད་པ་ཇི་སྙེད་ཅེས་བྱ་བ་ནི་སྲིད་པ་དེ་དག་ཐམས་ཅད་བདེ་བ་ཅན་བཞིན་དུ་རྒྱ་ཆེར་ཡོངས་སུ་དག་པར་གྱུར་ཏེ། དཔག་ཏུ་མེད་པའི་འཇིག་རྟེན་གྱི་ཁམས་ཀྱི་གནས་རྣམས་སོ་སོར་ཐ་གྲུ་ཆེ་བར་གྱུར་ཅིང་། བྱང་ཆུབ་ཤིང་དབང་དྲུང་གཤེགས་རྒྱལ་བ་སྟེ། བཅོམ་ལྡན་འདས་རྣམས་དང་བྱང་ཆུབ་སེམས་དཔའ་རྣམས་ཀྱིས་རབ་ཏུ་གང་བར་ཏེ་ཀུན་ནས་བར་མཚམས་མེད་པར་ཁྱབ་པར་ཤོག་ཅེས་བྱ་བའོ། །སེམས་ཅན་ཐམས་ཅད་བདེ་བའི་ལྷག་པའི་བསམ་པ་ནི་ཕྱོགས་བཅུའི་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཕྱོགས་བཅུ་རྣམས་ན་སྐྱེ་གནས་བཞིས་བསྡུས་པ་འགྲོ་བ་དྲུག་གི་སེམས་ཅན་གང་རྣམས་ཇི་སྙེད་ཡོད་པ་དེ་དག་རྟག་ཏུ་སྟེ། གཏན་དུ་ལུས་དང་སེམས་ཀྱི་ནད་དང་བྲལ་བར་གྱུར་ཅིག །ཉམས་པ་མེད་པ་མཆོག་ཏུ་གྱུར་པའི་བདེ་བས་བདེ་བར་གྱུར་ཅིག །དེ་དག་གི་ཆོས་དང་ལྡན་པའི་དོན་དེ་མཐུན་པ་སྟེ་རྗེས་སུ་མཐུན་པར་གྲུབ་པར་ཤོག་ལ། འགྲོ་བ་ཀུན་གྱིས་ཆོས་དང་ལྡན་པའི་རེ་བ་ཡང་རྟག་ཏུ་འགྲུབ་པར་ཤོག་སྟེ། ཡོངས་སུ་རྫོགས་པར་གྱུར་ཅིག་པའོ། །<br /> <br /> ༈ རྣམ་པ་གཉིས་པ། བྱང་ཆུབ་ཀྱི་སེམས་མི་བརྗེད་པ་བསྟན་པ།<br /> ༆ ད་ནི་མི་མཐུན་པའི་ཕྱོགས་སྤང་བ་ཉེ་བར་སྟོན་པའི་སྒོ་ནས་ཚིགས་སུ་བཅད་པ་བཞིས་རྣམ་པ་གཉིས་པ་བྱང་ཆུབ་ཀྱི་སེམས་མི་བརྗེད་པ་ནི། བྱང་ཆུབ་སྤྱོད་པ་དག་ནི་བདག་སྤྱོད་ཚེ། །ཞེས་བྱ་བ་ནས་བརྩམས་ནས། དེ་དག་མ་ལུས་ཡོངས་སུ་བྱང་བར་ཤོག །ཅེས་བྱ་བའི་བར་གྱིས་གང་གསུངས་པ་ཡིན་ནོ། །བྱང་ཆུབ་ཅེས་བྱ་བ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྟེ། དེའི་དོན་དུ་སྤྱོད་<br /> <br /> 117-168a<br /> <br /> པ་ནི་བྱང་ཆུབ་སྤྱོད་པའོ། །དེ་ལ་བདག་སྤྱོད་པའི་ཚེ་འགྲོ་བ་ཀུན་དུ་སྐྱེ་བ་དྲན་པར་གྱུར་ཅིག །དེ་བཞིན་དུ་ཚེ་རབས་ཀུན་དུ་འཆི་འཕོ་བ་དང་སྐྱེ་བ་ནས་བདག་ནི་རབ་ཏུ་འབྱུང་བར་ཤོག །ཅེས་བྱ་བ་འཆི་འཕོ་བ་དང་སྐྱེ་བ་དག་གིས་ནི་དོན་གྱིས་ན་བར་གྱི་གནས་སྐབས་བརྗོད་པ་ཉིད་དུ་བལྟ་བར་བྱ་སྟེ། འདི་ནི་བྱང་ཆུབ་ཀྱི་སེམས་མི་ཉམས་པའི་རྒྱུ་དང་པོ་ཡིན་ནོ། །དེ་བཞིན་དུ་རྒྱལ་བ་ཀུན་གྱི་རྗེས་སུ་སློབ་བྱེད་ཅིང་། །ཞེས་བྱ་བ་ལ་སོགས་པ་ལ། དུས་གསུམ་དུ་གཤེགས་པའི་རྒྱལ་བ་མ་ལུས་པ་རྣམས་ཀྱི་བསླབ་པ་ལ་རྗེས་སུ་སློབ་པར་བྱེད་ཅིང་། བཟང་པོ་སྤྱོད་པ་ཞེས་པ་ལ། བཟང་པོ་སྤྱོད་པ་ཡོངས་སུ་རྫོགས་བྱེད་ཅིང་། །ཞེས་བྱ་བ་ཡང་དག་པར་སྒྲུབ་པར་བྱེད་པ་ན་ཅི་ཞིག་གི་བདག་གིས་བྱ་ཞེ་ན། ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ཅེས་བྱ་བ་སྟེ། དཔེར་ན་ཡིད་བཞིན་གྱི་ནོར་བུ་རིན་པོ་ཆེ་ནི་གློ་བུར་གྱི་དྲི་མ་དང་མི་ལྡན་པ་ཉིད་ཀྱིས་དྲི་མ་མེད་པ་དང་། ལུས་ཀྱི་ཉེས་པ་དང་བྲལ་བའི་ཕྱིར་རང་བཞིན་གྱིས་ཡོངས་སུ་དག་པ་ཡིན་ནོ། །དེ་ཉིད་ཀྱི་ཕྱིར་མ་ཉམས་པ་དང་སྐྱོན་མེད་པ་ཡིན་ཏེ། འདོད་པ་ཐམས་ཅད་སྐོང་བར་བྱེད་པ་དང་། ཡོངས་སུ་གདུང་བ་ཐམས་ཅད་སེལ་བར་བྱེད་པ་ཡིན་ཞིང་ནད་ཐམས་ཅད་དང་བྲལ་བར་བྱེད་པ་དང་། དུས་མ་ཡིན་པར་འཆི་བ་རབ་ཏུ་ཞི་བར་བྱེད་པ་དང་། གཞན་གྱི་དོན་བསྒྲུབ་པ་ལ་འཇུག་པ་འབའ་ཞིག་ཡིན་ཏེ། དེ་བཞིན་དུ་བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱང་རིན་པོ་ཆེ་དང་འདྲ་བས་རིན་པོ་ཆེ་ཡིན་ཏེ། གློ་བུར་གྱི་ལས་དང་ཉོན་མོངས་པའི་དྲི་མ་དང་། མ་འདྲེས་པའི་ཕྱིར་དྲི་མ་མེད་པ་དང་། ཉན་ཐོས་དང་རང་སངས་རྒྱས་ཀྱི་ཐེག་པའི་སེམས་བསྐྱེད་པའི་ལུས་ཀྱི་སྐྱོན་དང་བྲལ་བའི་ཕྱིར་དང་། མེད་ན་མི་འབྱུང་བ་ཉིད་ཀྱིས་རྣམ་པ་ཐམས་ཅད་མཁྱེན་པ་ཉིད་དུ་སེམས་བསྐྱེད་པ་རིན་པོ་ཆེའི་རང་བཞིན་ཡིན་པའི་ཕྱིར། ཀུན་ནས་ཡོངས་སུ་དག་པ་དང་། བྱང་ཆུབ་སེམས་དཔའི་བསླབ་པ་ཐམས་ཅད་ལ་གུས་པར་བྱེད་པ་ཉིད་ཀྱིས་ལྟུང་བ་ཀུན་དུ་མི་སྤྱོད་པའི་ཕྱིར་ན་བསླབ་པ་མ་ཉམས་པས་མ་ཉམས་པ་དང་། འདས་པའི་ཡུལ་ཉམས་སུ་མྱོང་བ་ལ་ལྟོས་ནས་སྲེད་པ་སྐྱེ་ཞིང་མ་འོངས་པའི་སྐྱེ་བ་ལ་ཡང་འདིར་བདག་ཉིད་དུ་<br /> <br /> 117-168b<br /> <br /> མངོན་པར་དགའ་བ་དང་། ད་ལྟར་བྱུང་བ་ལ་ལྷག་པར་ཞེན་པའི་སྲེད་པ་སྟེ་དུས་གསུམ་པའི་སྲེད་པས་སྟོན་པར་བྱེད་པ་འདི་དག་གིས་ཅུང་ཞིག་ཀྱང་སྐྱོ་བ་མེད་པའི་ཕྱིར་སྐྱོན་མེད་པ་ཡིན་ཞིང་ས་བཞིན་དུ་སངས་རྒྱས་དང་བྱང་ཆུབ་སེམས་དཔའི་ཡོན་ཏན་ཐམས་ཅད་ཀྱི་རྟེན་དུ་གྱུར་པའི་ཕྱིར་དང་། འགྲོ་བའི་འདོད་པ་ཐམས་ཅད་ཡོངས་སུ་སྐོང་བའི་ཕྱིར་ཡོངས་སུ་གདུང་བ་ཐམས་ཅད་སེལ་ཞིང་ནད་ཐམས་ཅད་སེལ་བ་དང་། ལྷ་དང་མི་རྣམས་སུ་དཔག་ཏུ་མེད་པའི་ཚེ་བསྒྲུབ་པ་དང་། གཞན་གྱི་དོན་བསྒྲུབ་པ་ལ་འཇུག་པ་ལ་འཇུག་པ་འབའ་ཞིག་ཏུ་གྱུར་པ་ཡིན་ནོ། །ངེས་པའི་ཚིག་གིས་ལུས་དང་སེམས་ཀྱི་གདུང་བ་ཐམས་ཅད་སེལ་བར་བྱེད་པའི་ཕྱིར་ན་བསིལ་བར་གྱུར་པ་ཉིད་ཀྱིས་ན་ཚུལ་ཁྲིམས་སོ། །ཚུལ་ཁྲིམས་སྤྱོད་པ་ཞེས་བྱ་བ་ནི་ཚུལ་ཁྲིམས་ཉིད་སྤྱོད་པ་ཡིན་པས་ཚུལ་ཁྲིམས་སྤྱོད་པ་སྟེ་སྤྱད་པས་ན་སྤྱོད་པའོ། །རྣམ་པ་དེ་ལྟ་བུའི་ཚུལ་ཁྲིམས་སྤྱོད་པ་དྲི་མེད་པ་ཡོངས་སུ་དག་པ་མ་ཉམས་པ་སྐྱོན་མེད་པ་ལ་བྱང་ཆུབ་ཀྱི་བར་དུ་རྟག་ཏུ་སྤྱོད་པར་ཤོག་ཅིག་ཅེས་བྱ་བ་སྟེ། འདི་ནི་བྱང་ཆུབ་ཀྱི་སེམས་མི་བརྗེད་པའི་རྒྱུ་གཉིས་པ་ཡིན་ནོ། །ལྷ་ཡི་སྐད་དང་ཞེས་བྱ་བ་ལ་སོགས་པ་ནི་ལྷ་རྣམས་ལ་ལྷའི་སྐད་ཀྱིས་སོ། །ཀླུ་དང་གནོད་སྦྱིན་དང་གྲུལ་བུམ་དང་མི་རྣམས་ལ་ནི་དེའི་སྐད་དེ་སྒྲ་རྣམས་ཀྱིས་སོ། །མདོར་ན། འགྲོ་བ་ཀུན་གྱི་སྒྲ་རྣམས་ཇི་ཙམ་པ། །དེ་དང་དེ་དག་གིས་དེ་དག་ལ་དེ་ལྟར་སོ་སོར་བྱང་ཆུབ་ཀྱི་བར་དུ་དམ་པའི་ཆོས་བསྟན་ཏོ་ཞེས་བྱ་བ་འདི་ནི་བྱང་ཆུབ་ཀྱི་སེམས་མི་བརྗེད་པའི་རྒྱུ་གསུམ་པ་ཡིན་ནོ། །དེས་ཤིང་ཞེས་བྱ་བ་ལ་སོགས་པ་ལ་ངེས་པ་ནི་རྒྱུད་འཇོམ་པའོ། །ཕ་རོལ་ཏུ་ཕྱིན་པ་ནི་སྦྱིན་པ་ལ་སོགས་པ་བཅུའོ། །དེ་དག་ལ་བརྩོན་པ་ནི་བདག་ཉིད་ཐམས་ཅད་ཀྱིས་རྣམ་པ་ཐམས་ཅད་དུ་གྲིམས་ཤིང་ཡིད་མི་སྐྱོ་བའོ། །ནམས་ཀྱང་ཞེས་བྱ་བ་ནི་བྱང་ཆུབ་ཀྱི་སེམས་བྱང་ཆུབ་ཀྱི་སྙིང་པོའི་བར་དུ་ནམ་ཡང་བརྗེད་པར་མ་གྱུར་ཅིག་པ་སྟེ། འདི་ནི་རྒྱུ་བཞི་པའོ། །ཚིགས་སུ་བཅད་པ་ཕྱེད་དང་བཞི་པོ་འདི་དག་གིས་ནི་བྱང་ཆུབ་ཀྱི་སེམས་ཀྱི་མི་མཐུན་པའི་ཕྱོགས་སུ་གྱུར་པའི་སྒྲིབ་པ་གང་ཡིན་པ་དེ་དག་གི་གཉེན་པོ་བསྟན་པར་མཛད་པ་ཡིན་ནོ། །ད་ནི་ཚིགས་སུ་བཅད་པ་ཕྱེད་ཀྱིས་མི་མཐུན་པའི་ཕྱོགས་སྤང་བ་བསྟན་པ་ནི། སྡིག་པ་གང་རྣམས་<br /> <br /> 117-169a<br /> <br /> སྒྲིབ་པར་གྱུར་པ་དག །ཅེས་བྱ་བ་ལ་སོགས་པ་གང་གསུངས་པ་ཡིན་ནོ། །སྡིག་པ་གང་རྣམས་བྱང་ཆུབ་སེམས་ལ་བར་དུ་གཅོད་པར་བྱེད་པའི་སྒྲིབ་པར་གྱུར་པ་དེ་དག་ཐམས་ཅད་དུ་ཐམས་ཅད་མ་ལུས་པར་ཡོངས་སུ་བྱང་བར་སྟེ་སྤང་བར་ཤོག་ཅིག་ཅེས་པའོ། །<br /> <br /> ༈ རྣམ་པ་གསུམ་པ། མ་གོས་པའི་སྦྱོར་བ་བསྟན་པ།<br /> ༆ དེ་ནི་རྣམ་པ་གསུམ་མ་གོས་པའི་སྦྱོར་བ་རྒྱུ་རྣམ་པ་གསུམ་པོ་གང་ལས་གང་དུ་ཇི་ལྟར་ཞེས་བྱ་བས་གསུངས་པ་ནི། ལས་དང་ཉོན་མོངས་ཞེས་བྱ་བ་ལ་སོགས་པའོ། །རྣམས་ལས་ཞེས་བྱ་བ་ནི་ལས་དང་ཉོན་མོངས་པ་དང་བདུད་ཀྱི་ལས་རྣམས་ལས་ཏེ། ལས་འདི་ཡང་ཁྱད་པར་མེད་པའི་ཕྱིར་ན་དགེ་བ་དང་མི་དགེ་བ་དང་མི་གཡོ་བ་རྣམ་པ་གསུམ་གང་ཡང་གཟུང་ངོ་། །དེ་ལ་མི་དགེ་བའི་ལས་དང་ཉོན་མོངས་པ་བདུད་ཀྱི་ལས་རྣམས་ལས་གྲོལ་བ་ནི་དེ་དག་གིས་མ་གོས་པར་འཇིག་རྟེན་གྱི་འགྲོ་བ་ལ་སོགས་པ་རྣམས་སུ་རྟག་ཏུ་སྤྱད་དོ། །ཅི་དང་འདྲ་བར་ཞེ་ན། ཇི་ལྟར་པདྨ་ཆུས་མི་ཆགས་པ་བཞིན། །ཞེས་བྱ་བ་སྟེ། དཔེར་ན་པདྨ་ཆུར་སྐྱེས་པ་ཆུས་མི་གོས་པ་དེ་བཞིན་དུ་བདག་ལས་དང་ཉོན་མོངས་པ་དང་བདུད་ཀྱི་ལས་ལ་སོགས་པ་འཇིག་རྟེན་གྱི་ཆོས་རྣམས་ཀྱིས་མ་གོས་པར་རོ། །དེ་བཞིན་དུ་དགེ་བ་དང་མི་གཡོ་བའི་ལས་རྣམས་སུ་ཆགས་པ་མེད་པ་སྟེ། རྣམ་པར་སྨིན་པའི་འབྲས་བུ་ལ་མི་ལྟོས་པར་དེ་བཞིན་འགྲོ་བ་མཐའ་དག་ལ་ཕན་པ་དང་བསྒྲུབ་པའི་དོན་ཉིད་འབའ་ཞིག་ཏུ་སྤྱད་པར་བྱ་སྟེ་བྱང་ཆུབ་སེམས་དཔའི་སྤྱོད་པ་ལ་ཞེས་ཁོང་ནས་དབྱུང་ངོ་། །ཅི་འདྲ་བར་ཞེ་ན། ཉི་ཟླ་ནམ་མཁར་ཐོགས་པ་མེད་ལྟར་ཞེས་བྱ་བ་སྟེ། དཔེར་ན་ཉི་མ་དང་ཟླ་བ་དག་འཇིག་རྟེན་ན་ཡིད་བཞིན་གྱི་ནོར་བུ་ལྟར་གཞན་གྱི་དོན་བྱེད་པ་ལ་རོ་གཅིག་ཏུ་འཇུག་པའི་ཕྱིར་རང་གི་དོན་ལ་ཆགས་པ་ཕྲ་མོ་ཡང་མེད་པར་ཉིན་དང་མཚན་མོ་ནམ་མཁའ་ལ་རྒྱུ་བ་དེ་བཞིན་དུ་སྤྱད་པའོ། །དེ་ལ་བདུད་ཅེས་བྱ་བ་ནི་དགེ་བའི་བར་ཆད་བྱེད་ཅིང་བྱང་ཆུབ་ཀྱི་གེགས་སུ་གྱུར་པ་ལམ་དམ་པ་ལས་ལྡོག་པར་བྱེད་པ་ཡིན་ནོ། །དམ་པའི་ངེས་ཚིག་ནི་ཆོས་ནི་དམ་པ་ཡིན་ལ་ཆོས་ཀྱི་འཚོ་བ་འགོག་པར་བྱེད་པའི་ཕྱིར་གསོད་པར་བྱེད་པས་ན་བདུད་ཅེས་བརྗོད་དོ། །དེའི་ལས་ནི་རྒྱུས་ཕན་པའི་དངོས་པོ་ལས་ཕྱིར་ཕྱོགས་པའོ། །<br /> <br /> ༈ རྣམ་པ་བཞི་པ། སེམས་ཅན་ལ་ཕན་པ་བསྟན་པ།<br /> ༆ རྣམ་པ་བཞི་པ་འདི་དང་ཕ་རོལ་ཏུ་སེམས་བསྐྱེད་མ་<br /> <br /> 117-169b<br /> <br /> ལུས་པ་ལ་ཕན་འདོགས་པ་ནི་ཞིང་གི་ཁྱོན་དང་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །འགྲོ་བའི་ངན་སོང་གི་སྡུག་བསྔལ་ངན་སོང་གསུམ་གྱིས་དབྱེ་བ་ཅན་ཐམས་ཅད་རབ་ཏུ་ཞི་བྱེད་ཅིང་ངོ་། །ཅིའི་ཕྱིར་ངན་སོང་གི་སྡུག་བསྔལ་ཁོ་ན་ཞི་བར་བྱེད་པར་གསུངས་ཤེ་ན། དེ་དག་ནི་ཤིན་ཏུ་གདུང་བར་བྱེད་པ་ཡིན་པའི་ཕྱིར་གཙོར་ཉེ་བར་བླངས་པ་ཡིན་ཏེ། འཁོར་བའི་སྡུག་བསྔལ་ཐམས་ཅད་ཉིད་ཞི་བར་བྱེད་པ་ཞེས་བྱ་བར་རིག་པར་བྱའོ། །ཕུལ་དུ་བྱུང་བའི་བདེ་བ་དག་ལ་འགྲོ་བ་ཀུན་འགོད་པ་ནའོ། །ཅི་ཞིག་བྱེད་ཅེ་ན། འགྲོ་བ་ཐམས་ཅད་ལ་ནི་ཕན་ཕྱིར་སྤྱད་དེ། ཡིད་སྐྱོ་བ་མེད་པར་སྦྱོར་བ་གཞན་མེད་པར་བླ་ན་མེད་པའི་ཡེ་ཤེས་ཐོབ་པར་བྱེད་པའི་དོན་དུ་ཞེས་བྱ་བའི་དོན་ཏོ། །སྤྱད་པ་ནི་འབད་པར་བྱ་བའོ། །དུས་ཇི་སྲིད་དུ་ཞེ་ན། ཞིང་གི་ཁྱོན་དང་ཕྱོགས་རྣམས་ཇི་ཙམ་པར། །ཞེས་བྱ་བ་སྟེ། ཇི་ཙམ་པར་ཞེས་པ་ནི་ཇི་སྲིད་དུའོ། །ཞིང་གི་ཁྱོན་ཞེས་བྱ་བ་ནི་སངས་རྒྱས་ཀྱི་ཞིང་ཇི་སྲིད་པའི་ཁྱོན་རབ་ཏུ་རྒྱུགས་དང་རྒྱན་ཏེ་སྐབས་བརྒྱུད་ལས་འབྱུང་བའོ། །ཕྱོགས་རྣམས་ཞེས་བྱ་བ་ནི་ཕྱོགས་བཅུ་པ་རྣམས་སུ་སྟེ་དེ་སྲིད་དུ་སྤྱད་ཅེས་འབྲེལ་ཏོ། །<br /> <br /> ༈ རྣམ་པ་ལྔ་པ་ནི་གོ་ཆའོ། །<br /> ༆ དེ་ཡང་རྣམ་པ་གསུམ་སྟེ། སངས་རྒྱས་ཀྱི་ཆོས་ཡོངས་སུ་རྫོགས་པར་བྱེད་པ་དང་། སེམས་ཅན་གྱི་སྤྱོད་པ་དང་མཐུན་པར་འདུག་པ་དང་། དམ་པའི་ཆོས་རབ་ཏུ་སྦྱིན་པའི་སྒོ་ནས་ཏེ། བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང་། །ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང་། །ཞེས་བྱ་བ་ལ། བྱང་ཆུབ་ཀྱི་དོན་དུ་སྤྱོད་པ་ནི་བྱང་ཆུབ་སྤྱོད་པ་སྟེ། དེ་ཡོངས་སུ་རྫོགས་པར་བྱེད་པ་ནི་སངས་རྒྱས་ཀྱི་ཆོས་རྣམས་སྒྲུབ་པར་བྱེད་ཅིང་ཞེས་བྱ་བའི་དོན་ཏོ། །སྐྱེ་བ་དང་སྐྱེ་བར་སེམས་ཅན་རྣམས་ཀྱི་སེམས་ཀྱི་སྤྱོད་པ་རྣམས་ཤེས་པར་བྱས་ནས། རང་བཞིན་གྱིས་རྒྱུ་མེད་ཅིང་འགྲོགས་ན་བདེ་བས་དེ་དག་དང་མི་མཐུན་པ་མེད་པར་རྗེས་སུ་མཐུན་པར་འཇུག་པའོ། །བཟང་པོ་སྤྱོད་པ་དག་ནི་རབ་སྟོན་ཅིང་། །ཞེས་བྱ་བ་ལ་འདིར་བཟང་པོ་སྤྱོད་པ་ནི་ཆོས་སྟོན་པའི་རང་བཞིན་ཡིན་པར་བཟུང་སྟེ། རབ་ཏུ་སྟོན་པར་བརྗོད་པར་འདོད་པའི་ངག་ལས་བཟང་པོ་སྤྱོད་པར་<br /> <br /> 117-170a<br /> <br /> བཏགས་པའི་ཕྱིར་ན། དེ་འགྲོ་བ་ལ་རབ་ཏུ་སྟོན་པ་དང་བརྗོད་པ་དང་གསོལ་བར་བྱེད་ཅིང་། མ་འོངས་པ་བསྐལ་པ་ཕྱི་མའི་མཐར་ཐུག་པ་ཀུན་དུ་ཡིད་ཡོངས་སུ་མི་སྐྱོ་བར་སྤྱོད་པར་གྱུར་ཞེས་བྱ་བ་དང་། །<br /> <br /> ༈ རྣམ་པ་དྲུག་པ། སྐལ་བ་མཉམ་པའི་བྱང་ཆུབ་སེམས་དཔའ་དང་ཕྲད་པ་བསྟན་པ།<br /> ༆ རྣམ་པ་དྲུག་པ་ལུས་དང་ངག་དང་ཡིད་ཀྱི་སྤྱོད་པ་དང་སྨོན་ལམ་གྱིས་སྐལ་བ་མཉམ་པའི་བྱང་ཆུབ་སེམས་དཔའ་དང་འགྲོགས་པ་ནི། བདག་གི་སྤྱོད་དང་མཚུངས་པར་ལྡན་པ་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །བདག་གི་སྤྱོད་དང་སྟེ་སྤྱོད་པའི་སྒོ་ནས་མཚུངས་པར་གང་སྤྱོད་པ་སྟེ། མཉམ་པར་སྤྱོད་པའི་བྱང་ཆུབ་སེམས་དཔའ་དེ་དག་དང་ནི་རྟག་ཏུ་འགྲོགས་པར་ཤོག་སྟེ། ཇི་སྲིད་བྱང་ཆུབ་ཀྱི་བར་དུ་ལྷན་ཅིག་གནས་པར་གྱུར་ཅིག་པའོ། །ལུས་དང་ངག་རྣམས་དང་ནི་ཡིད་ཀྱིས་ཀྱང་། །དེ་དག་ཉིད་དང་ལྷན་ཅིག་ཏུ་བྱང་ཆུབ་སེམས་དཔའི་སྤྱོད་པ་གཅིག་པ་སྨོན་ལམ་གཅིག་ཏུ་སྤྱད་དེ་ཀུན་ནས་ཉོན་མོངས་པ་ཅན་མ་ཡིན་པར་གནས་པར་བྱའོ། །<br /> <br /> ༈ རྣམ་པ་བདུན་པ། དགེ་བའི་བཤེས་གཉེན་མཉེས་པར་བྱེད་པ་བསྟན་པ།<br /> ༆ རྣམ་པ་བདུན་པ་ཕན་པའི་བསམ་པས་ཉེ་བར་བསྟན་པ་སྒྲུབ་པ་དག་གིས་དགེ་བའི་བཤེས་གཉེན་མཉེས་པར་བྱེད་པའི་སྒོ་ནས་ནི། བདག་ལ་ཕན་པར་འདོད་པའི་གྲོགས་པོ་གང་། །ཞེས་བྱ་བ་ལ་སོགས་པ་རྣམས་ཀྱིས་གང་གསུངས་པ་ཡིན་ནོ། །གྲོགས་པོ་གང་དག་ཕན་པར་འདོད་ཅིང་བཟང་པོ་སྤྱོད་པ་རབ་ཏུ་སྟོན་པར་བྱེད། འཆད་པར་བྱེད་ལ་ཆོས་སྨྲ་བར་བྱེད་པ་དེ་དག་དང་ཡང་བདག་ལྷན་ཅིག་རྟག་ཏུ་ཕྲད་པར་ཏེ་ཉེ་བར་གནས་པར་ཤོག་ཅིག་པའོ། །དེ་དག་ཀྱང་བདག་གིས་རྣམས་ཀྱང་སྟེ་འགའི་ཚེ་ཡང་ཡིད་མི་འབྱུང་སྟེ་ཅུང་ཟད་ཙམ་སུན་པར་ཡང་མི་བྱའི། ཇི་སྲིད་བྱང་ཆུབ་ཀྱི་བར་དུ་གཏན་དུ་རྗེས་སུ་མཐུན་པར་འཇུག་པར་བྱའོ། །<br /> <br /> ༈ རྣམ་པ་བརྒྱད་པ། དེ་བཞིན་གཤེགས་པ་མངོན་དུ་གྱུར་པ་བསྟན་པ།<br /> ༆ རྣམ་པ་བརྒྱད་པ་དུས་རིང་པར་མཆོད་པའི་བྱ་བས་མི་སྐྱོ་བར་དེ་བཞིན་གཤེགས་པར་མངོན་དུ་གྱུར་པ་ནི། སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །ཞེས་བྱ་བ་ལ་སོགས་པའོ། །ཕྱོགས་བཅུ་པོ་རྣམས་ཐམས་ཅད་དུ་རྒྱལ་བ་སངས་རྒྱས་བཅོམ་ལྡན་འདས་མགོན་པོ་ཞེས་བྱ་བ་འགྲོ་བའི་གཉེན་གཅིག་ཏུ་གྱུར་པ་བྱང་ཆུབ་སེམས་དཔའི་ཚོགས་ཀྱིས་ཀུན་ནས་བསྐོར་བ་རྣམས་རྟག་ཏུ་ཐོགས་པ་མེད་པའི་མིག་གིས་མངོན་སུམ་དུ་ཞེས་བྱ་བ་མངོན་དུ་<br /> <br /> 117-170b<br /> <br /> ཕྱོགས་ཤིང་མངོན་དུ་གྱུར་པར་བལྟ་བར་བགྱི་ཞིང་། དེ་དག་ལ་ཡང་སོ་སོར་སྐད་ཅིག་རེ་རེ་ལ་རྣམ་པ་ཐམས་ཅད་ཀྱི་མཆོག་དང་ལྡན་པའི་མཆོད་པ་ནམ་མཁའི་ལྟར་ཡངས་པ་རྒྱ་ཆེན་པོར་གྱུར་པ་ཆོས་ཀྱིས་དབྱིངས་ཁྱབ་པ་དག་བགྱིའོ། །དུས་ཇི་སྲིད་དུ་ཞེ་ན། མ་འོངས་བསྐལ་པ་ཀུན་དུ་མི་སྐྱོ་བར། །ཞེས་བྱ་བ་སྟེ། ཕྱི་མའི་མཐའི་མུར་ཐུག་པ་མ་འོངས་པའི་བསྐལ་པ་ཐམས་ཅད་དུ་སྐྱོ་བ་མེད་པའི་ཡིད་དང་ལྡན་པས་བགྱི་བའོ། །<br /> <br /> ༈ རྣམ་པ་དགུ་པ། དམ་པའི་ཆོས་ཡོངས་སུ་འཛིན་པ་བསྟན་པ།<br /> ༆ རྣམ་པ་དགུ་པ་འཛིན་པ་དང་སྟོན་པར་བྱེད་པའི་བྱ་བ་དག་གིས་དམ་པའི་ཆོས་ཡོངས་སུ་འཛིན་པའི་རྒྱལ་བ་རྣམས་ཀྱི་དམ་ཆོས་འཛིན་པ་དང་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །དུས་གསུམ་གྱི་རྒྱལ་བ་ཐམས་ཅད་ཀྱིས་བསྟན་པའི་ཆོས་གསུང་རབ་ཡན་ལག་བཅུ་གཉིས་པོ་གང་ཡིན་པ་དེ་དག་གཟུངས་ཀྱི་སྟོབས་ཀྱིས་འཛིན་པར་བྱེད་པ་ཡང་དག་པར་འཛིན་པར་བྱེད་པ་དང་། ཆོས་སྟོན་པའི་རང་བཞིན་གྱིས་བྱང་ཆུབ་སྤྱོད་པ་འགྲོ་བ་ལ་ཀུན་དུ་སྣང་བར་བྱེད་ཅེས་བྱ་བ་ཡང་དག་པར་འཆད་པར་བྱེད་ཅིང་ངོ་། །འདིར་ཡང་བྱང་ཆུབ་སྤྱོད་པ་ཞེས་བྱ་བ་ནི་དེ་སྟོན་པར་བྱེད་པའི་ཚིག་ལ་བརྗོད་པ་ཡིན་ནོ། །བཟང་པོ་སྤྱོད་པ་རྣམ་པར་སྦྱོང་བ་ནི། །ཞེས་བྱ་བ་ལ། བཟང་པོ་སྤྱོད་པ་ནི་བྱང་ཆུབ་སེམས་དཔའི་སྤྱོད་པ་ཡིན་ཏེ། དེ་རྣམ་པར་སྦྱོང་བ་ནི་དྲི་མ་མེད་པར་བྱེད་པ་ཡིན་པས། མ་འོངས་བསྐལ་པ་ཀུན་དུ་སྟེ་དུས་རིང་པོར་བྱེད་པས་མ་ལུས་རྣམས་སུ་སྤྱད་པར་བགྱི་ཞེས་བྱ་བ་ནི་འབད་པར་བགྱི་བའོ། །<br /> <br /> ༈ རྣམ་པ་བཅུ་པ། མི་ཟད་པའི་མཛོད་ཐོབ་པ་བསྟན་པ།<br /> ༆ རྣམ་པ་བཅུ་པ་བསོད་ནམས་དང་ཡེ་ཤེས་ལ་སོགས་པ་རྙེད་པས་ན་མི་ཟད་པའི་མཛོད་ཐོབ་པ་ནི། སྲིད་པ་ཐམས་ཅད་དུ་ཡང་འཁོར་བ་ན། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། འདོད་པ་ལ་སོགས་པའི་སྲིད་པ་ཐམས་ཅད་དུ་ཡང་སེམས་ཅན་གྱི་དོན་གྱི་དབང་གིས་འཁོར་བ་སྟེ་སྐྱེ་བ་ན་བསོད་ནམས་དང་ཡེ་ཤེས་དག་ནི་མི་ཟད་རྙེད་དེ་ཟད་མི་ཤེས་པ་དང་ལྡན་པར་གྱུར་ཅིག །དེ་བཞིན་དུ་ཐབས་དང་། ཤེས་རབ་དང་། ནམ་མཁའ་མཛོད་དང་། དྲི་མ་མེད་པའི་ཕྱག་རྒྱ་ལ་སོགས་པའི་ཏིང་ངེ་འཛིན་རྣམས་དང་། དེ་བཞིན་དུ་བྱང་ཆུབ་སེམས་དཔའི་རྣམ་པར་ཐར་པའི་སྙིང་རྗེ་ཆེན་པོ་དང་། དྲི་མ་མེད་པ་དང་། སྒྱུ་མའི་རྣམ་པ་ལ་སོགས་པ་རྣམས་ནས་བྱང་ཆུབ་སེམས་དཔའི་ཡོན་ཏན་ཐུན་མོང་<br /> <br /> 117-171a<br /> <br /> དང་ཐུན་མོང་མ་ཡིན་པ་རྣམས་ཀྱི་མི་ཟད་མཛོད་དེ། འགྲོ་བ་ཐམས་ཅད་ལ་ཕན་པ་དང་། བདེ་བ་བསྐྱེད་པའི་དོན་དུ་ཡོན་ཏན་ཟད་མི་ཤེས་པའི་གཞིར་གྱུར་ཅིག་ཅེས་བྱ་བའོ། །<br /> <br /> ༈ རྣམ་པ་བཅུ་གཅིག་པ། འཇུག་པ་བསྟན་པ།<br /> ༆ རྣམ་པ་བཅུ་གཅིག་པ་ནི་འཇུག་པའོ། །དེ་ཡང་རྣམ་པ་བརྒྱད་དེ། འདི་ལྟ་སྟེ། སངས་རྒྱས་ཀྱི་ཞིང་བལྟ་བ་ལ་འཇུག་པ་རྣམ་པ་གཉིས་དང་། སངས་རྒྱས་ཀྱི་གསུང་ལ་འཇུག་པ་དང་། དེ་བཞིན་གཤེགས་པའི་ཆོས་ཀྱི་འཁོར་ལོ་བསྐོར་བ་ལ་འཇུག་པ་དང་། བསྐལ་པའི་འཇུག་པ་ལ་འཇུག་པ་དང་། དེ་བཞིན་གཤེགས་པ་ལ་བལྟ་བ་དང་། དེའི་སྤྱོད་ཡུལ་ལ་འཇུག་པ་དང་། སངས་རྒྱས་ཀྱི་ཞིང་མངོན་པར་བསྒྲུབ་པ་ལ་འཇུག་པ་དང་། དེ་བཞིན་གཤེགས་པའི་ཐད་དུ་འགྲོ་བ་ལ་འཇུག་པ་ནི་བརྒྱད་པའོ། །དེ་ལ་སངས་རྒྱས་ཀྱི་ཞིང་བལྟ་བ་ལ་འཇུག་པ་རྣམ་པ་གཉིས་ནི། རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་ཀྱིས་གང་གསུངས་པ་ཡིན་ཏེ། རྡུལ་གཅིག་ཉིད་ཀྱི་སྟེང་ན་ཕྱོགས་བཅུ་དུས་གསུམ་དུ་སོན་པའི་སངས་རྒྱས་ཀྱི་ཞིང་གི་རྡུལ་དང་མཉམ་པའི་སངས་རྒྱས་ཀྱི་ཞིང་དེ་རྣམས་དང་། ཞིང་དེར་ཞེས་བྱ་བ་ཞིང་དང་ཞིང་རྣམས་སུ་བསམ་གྱིས་མི་ཁྱབ་ཅེས་བྱ་བ་བསམ་དུ་མེད་ཅིང་བསམ་པ་ལས་འདས་པའོ། །སངས་རྒྱས་བཅོམ་ལྡན་འདས་རྣམས་སངས་རྒྱས་སྲས་ཀྱི་ཞེས་བྱ་བ་ནི་བྱང་ཆུབ་སེམས་དཔའ་རྣམས་ཀྱི་དབུས་ན་བཞུགས་པ་ཞེས་བྱ་བ་བཞུགས་པར་གྱུར་པ་རྣམས་ལ་བལྟ་བར་བགྱི་ཞེས་འབྲེལ་ཏེ་བྱང་ཆུབ་སྤྱད་པ་སྤྱོད་ཅིང་ཞེས་བྱ་བ་ནི་བྱང་ཆུབ་ཀྱི་སྤྱོད་པ་སྒྲུབ་པར་བྱེད་ཅིང་ངོ་། །བལྟ་བར་བགྱིའོ་ཞེས་བྱ་བ་ནི་འཇུག་པར་བགྱིའོ། །གལ་ཏེ་དེ་ལྟ་ཡིན་ན་མི་སྲིད་པ་དོན་དུ་གཉེར་བ་ཉིད་ཀྱིས་བྱང་ཆུབ་སེམས་དཔའ་རྣམས་འབྲས་བུ་མེད་པའི་སྨོན་ལམ་ཉིད་འདེབས་པར་བྱེད་པར་མི་འགྱུར་རམ། འདི་ལྟར་རེ་ཞིག་སངས་རྒྱས་ཀྱི་ཞིང་གཅིག་ཉིད་རྣམ་པར་དབྱེ་བ་སོ་སོ་དང་བཅས་པ་མ་ལུས་པར་རྡུལ་གཅིག་གི་སྟེང་ན་མཐོང་བ་མི་སྲིད་པ་ཡིན་ན། དེ་ཇི་ལྟར་བགྲང་ལས་འདས་པའི་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་འཁོར་གྱི་དབུས་ན་བཞུགས་པ་རྣམས་ཀྱིས་གང་བའི་སངས་རྒྱས་ཀྱི་ཞིང་དུས་གསུམ་དུ་སོན་པའི་སངས་རྒྱས་ཀྱི་ཞིང་གི་རྡུལ་དང་མཉམ་པ་སོ་སོར་རྣམ་པར་ཕྱེ་བ་<br /> <br /> 117-171b<br /> <br /> རྣམས་རྡུལ་གཅིག་གི་སྟེང་དུ་མཐོང་བར་གྱུར་ཅིག་ཅེས་སྨོན་ལམ་ཇི་ལྟར་འདེབས་པར་བྱེད་ཅེ་ན། དེ་ནི་མ་ཡིན་ཏེ། གང་གི་ཕྱིར་ཇི་ལྟར་བསམ་གྱིས་མི་ཁྱབ་པའི་ལས་ཀྱིས་སྤྲུལ་པའི་འཇིག་རྟེན་གྱི་ཁམས་སྣ་ཚོགས་པ་རྣམས་སྟེང་དང་འོག་དང་ཐད་ཀར་ཡུལ་ཐ་དད་པ་ཡིན་པ་དེ་བཞིན་དུ་བསམ་གྱིས་མི་ཁྱབ་པའི་ཡེ་ཤེས་ཀྱི་སྤྲུལ་པ་རྣམས་རྡུལ་གཅིག་གི་ཡང་སྟེང་དུ་དེ་ལྟར་ཅི་སྟེ་མི་སྲིད། བསམ་གྱིས་མི་ཁྱབ་པ་ཉིད་ཀྱང་། །གང་ཚེ་ས་ནི་མཁས་རྣམས་ལ། །མཚར་མིན་ཅུང་ཟད་ཡོད་མིན་པ། །དེ་ཚེ་དབང་པོ་རྣམས་ཀྱིས་ནི། །རྟོག་པ་ཉིད་ལ་མཚར་ཅི་ཡོད། །འཇིག་རྟེན་མགོན་པོ་སྐྱོབ་པ་ཡིས། །བསམ་གཏན་ལས་ཚུལ་ཀླུ་རྣམས་དང་། །སངས་རྒྱས་བདག་ཉིད་ཆེ་རྣམས་ཀྱི། །བསམ་མི་ཁྱབ་པ་བཞིར་གསུངས་སོ། །ཞེས་བརྗོད་པ་འཛིན་ནོ། །དེ་ལྟར་ན་མི་སྲིད་པའི་དོན་མ་ཡིན་ཡང་བློ་རྣམ་པར་འགྱུར་བ་མེད་པ་རྣམས་ཀྱིས་སངས་རྒྱས་ཀྱི་གསུང་འདི་ཐམས་ཅད་ལ་དེ་ཁོ་ན་ལྟར་ཡིན་ནོ་སྙམ་དུ་མངོན་པར་དད་པར་བྱའོ། །འདི་ལ་ཤིན་ཏུ་གསལ་བར་རབ་ཏུ་བསྒྲགས་པ་ཡིན་ཏེ། སངས་རྒྱས་ཀྱི་གསུང་ལྐོག་གྱུར་ལ། །གང་ཞིག་ཐེ་ཚོམ་སྐྱེད་བྱེད་དེས། །འདི་ཉིད་དུ་ནི་སྟོང་ཉིད་ལ། །ཡང་དག་པར་ནི་ཡིད་ཆེས་བྱའོ། །ཞེས་བྱ་བའོ། །འཇིག་རྟེན་ན་ཡང་རེ་ཞིག་ཆུ་དངས་པས་ཁེངས་པའི་སྣོད་ཤིན་ཏུ་ཆུང་ངུའི་ནང་དུ་གཟའ་དང་སྐར་མ་དང་རྒྱུ་སྐར་ལ་སོགས་པས་བརྒྱན་པར་བྱས་པའི་ནམ་མཁའ་ཐམས་ཅད་མཐོང་བ་ཁོ་ནའོ། །དེ་ཉིད་ཀྱི་ཕྱིར་བཅོམ་ལྡན་འདས་ཀྱིས། ཆོས་རྣམས་གཟུགས་བརྙན་དང་མཚུངས་ཏེ། །རབ་རིབ་རྨི་ལམ་མཚན་ཉིད་ཅན། །སྒྱུ་མ་སྨིག་རྒྱུ་དང་འདྲ་ཞིང་། །དྲི་ཟའི་གྲོང་ཁྱེར་ལྟ་བུ་ཡིན། །ཞེས་གསུངས་སོ། །འདིར་ཡང་། གང་ཡང་དུས་གསུམ་དག་གི་ཞིང་བཀོད་པ། །ཞེས་བྱ་བའི་ཚིགས་སུ་བཅད་པ་འདིར་ཕྱིར་གསལ་བར་བྱའོ། །དེ་ལྟར་མ་ལུས་ཕྱོགས་རྣམས་ཐམས་ཅད་དུ། །ཞེས་བྱ་བ་ལ་སོགས་པ་ནི་རྡུལ་གཅིག་གི་སྟེང་དུ་ཇི་ལྟར་དེ་ལྟར་རོ། །མ་ལུས་ཕྱོགས་རྣམས་ཐམས་ཅད་དུ་ནི་ཕྱོགས་མ་ཚང་བ་མེད་པ་རྣམས་སུའོ། །སྐྲ་ཙམ་ཁྱོན་ལ་ཞེས་བྱ་བ་ལ་སྐྲའི་ཁྱོན་ནི་སྐྲའི་སྟེང་ངོ་། །འདི་སྐད་དུ་སྐྲ་ཉག་མ་ཙམ་གྱི་གོ་སྐབས་སུ་<br /> <br /> 117-172a<br /> <br /> དུས་གསུམ་གྱི་ཚད་དང་མཉམ་པ་དུས་གསུམ་དུ་གཏོགས་པའི་སངས་རྒྱས་རྒྱ་མཚོ་རྣམས་དང་། དེའི་ཞིང་རྒྱ་མཚོ་རྣམས་སུ་སྤྱོད་ཅིང་ཞེས་བྱ་བ་སྤྱོད་པ་ལ་འཇུག་བཞིན་པས། བསྐལ་པ་རྒྱ་མཚོར་རབ་ཏུ་འཇུག་སྟེ་འཇུག་པར་བྱའོ་ཞེས་བརྗོད་པ་ཡིན་ནོ། །སངས་རྒྱས་ཀྱི་གསུང་ལ་འཇུག་པ་ནི། གསུང་གཅིག་ཡན་ལག་རྒྱ་མཚོའི་སྐད་རྣམས་ཀྱིས། །ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །ཆོས་སྟོན་པར་མཛད་པའི་དེ་བཞིན་གཤེགས་པ་གཅིག་གི་གསུང་དབྱངས་རྒྱ་མཚོ་སྒྲ་སྐད་རྣམས་ཏེ། བགྲང་བ་ལས་འདས་པའི་ཉན་པ་པོ་སྐྱེ་བོའི་མོས་པའི་དབྱེ་བ་ཉིད་ལས་གཅིག་པ་ཁོ་ནར་ཚིག་དང་ཡི་གེ་གཞན་དང་གཞན་རྣམས་སུ་ཐ་དད་པ་ཉིད་ཀྱིས་གཞན་དང་གཞན་དུ་གྱུར་པ་རྣམས་ཉན་པའི་སྒོ་ནས་དེ་ཁོ་ན་བཞིན་དུ་ཆོས་སྟོན་པར་མཛད་པ་ཕྱོགས་བཅུ་དུས་གསུམ་དུ་བཞུགས་པ་རྒྱལ་བ་ཀུན་གྱི་དབྱངས་ཀྱི་ཡན་ལག་རྣམ་པར་དག་པ་གང་ཡིན་པས་ཆོས་ཉན་པར་བྱེད་པའི་འགྲོ་བ་དཔག་ཏུ་མེད་པ་ཀུན་གྱི་བསམ་པ་ཇི་ལྟ་བ་བཞིན་དུ་གྱུར་པའི་དབྱངས་སངས་རྒྱས་ཀྱི་གསུང་དེ་ལྟ་བུར་གྱུར་པ་ཡིན་པ་སྟེ། དེ་ལྟར་ཐོས་པའི་རྣ་བས་འཇུག་པར་བགྱི་སྟེ། དེ་བཞིན་གཤེགས་པ་གཅིག་གི་གསུང་གི་ཡན་ལག་རྒྱ་མཚོའི་སྒྲ་སྐད་དེ་ཉིད་ལ་འཇུག་པར་བགྱིའོ། །དེ་སྐད་དུ་ཡང་མོས་པ་སྣ་ཚོགས་ཅན་གྱི་ནི། །འཁོར་མང་རྣམས་ནི་གནས་པ་ལ། །གསུང་གཅིག་བཀའ་ནི་སྩལ་པ་ན། །གསུང་རྣམས་དུ་མར་གོ་འགྱུར་ཞིང་། །ང་ཡི་ཆེད་དུ་ཡིན་ནོ་ཞེས། །སྐྱེ་བོ་ཀུན་གྱིས་རྟོགས་འགྱུར་གང་། །འདི་ལས་ཆེས་རྨད་ཅི་ཡོད་དེ། །འདི་ལས་ཆེས་མཚར་ཅི་ཞིག་ཡོད། །ཅེས་གསུངས་པ་དང་། དེ་བཞིན་དུ་འཕགས་པ་སྡོང་པོ་བཀོད་པའི་མདོའི་འཕགས་པ་བྱམས་པའི་རྣམ་པར་ཐར་པ་ལས་ཀྱང་། འདི་ནི་གང་དག་ཐེག་མཆོག་ལ་གནས་རྨོངས་མེད་དང་། །བསྐལ་པ་བྱེ་བ་ཁྲག་ཁྲིག་མང་པོ་རྣམས་སུ་ཡང་། །ངོམས་མེད་སེམས་ཀྱིས་ཕྱོགས་བཅུའི་བདེ་གཤེགས་རྣམས་ཀྱི་ནི། །ཆོས་སྤྲིན་མཐུན་པར་བྱེད་པ་རྣམས་ཀྱི་གནས་ཡིན་ནོ། །ཞེས་གསུངས་པ་ཡིན་ཏེ། ཚིགས་སུ་བཅད་པ་སྔ་མ་གཉིས་ཀྱིས་ནི་འཆད་པ་པོའི་ཆེ་བ་དང་། ཚིགས་སུ་བཅད་པ་ཕྱི་མས་ནི་ཉན་པ་པོའི་སྐྱེ་བོའི་ཆེ་བའི་<br /> <br /> 117-172b<br /> <br /> བདག་ཉིད་ཡིན་ནོ། །གང་དག་གཅིག་གསུང་ཡན་ལག་རྒྱ་མཚོའི་སྒྲ་སྐད་ལ། །རྒྱལ་བ་ཀུན་དབྱངས་ཡན་ལག་རྣམ་དག་པ། །ཞེས་བདུན་པའི་གཅིག་ཚིག་གི་མཐའ་ཅན་དུ་འདོད་པ་སྟེ་དེ་དག་གིས་ནི་སྟེའི་སྒྲ་ཚིག་གི་ཁ་སྐོང་བ་ཡིན་པར་བལྟ་བར་བྱའོ། །ཆོས་ཀྱི་འཁོར་ལོ་བསྐོར་བ་ལ་འཇུག་པ་ནི། དུས་གསུམ་གཤེགས་པ་རྒྱལ་བ་འཁོར་ལོ་ཡི། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། དེ་དག་རྣམས་ཐམས་ཅད་ཀྱི་དོན་ཞེས་བྱ་བ་ནི་དུས་གསུམ་གཤེགས་པ་རྒྱལ་བ་རྣམས་ཀྱིའོ། །ཅི་འདྲ་བ་རྣམས་ཀྱི་ཞེ་ན། འཁོར་ལོའི་ཚུལ་རྣམས་རབ་ཏུ་སྐོར་མཛད་རྣམས་ཀྱི་གསུང་དབྱངས་མི་ཟད་པ་གང་ཡིན་པ་ཟད་པ་ལས་འདས་པ་དེ་རྣམས་ལ་བློའི་སྟོབས་ཀྱིས་ཞེས་བྱ་བ་ཤེས་པའི་བདག་ཉིད་ཆེ་བས་ཅིག་ཅར་དུ་འཇུག་པར་བགྱི་ཞིང་ཞུགས་པར་བགྱིའོ། །ཐབས་གང་དང་གིས་ཆོས་བསྟན་པ་གང་དང་གང་ཡིན་པས་དུས་གང་དང་གང་གི་ཚེ། ཡུལ་གང་དང་གང་དུ་མོས་པ་སྣ་ཚོགས་ཅན་གྱི་སེམས་ཅན་རྣམས་གདུལ་བྱར་གྱུར་པ་དེ་ནི་འདིར་ཚུལ་ཡིན་པར་བལྟའོ། །དབྱངས་ཀྱི་སྒྲ་ནི་འདིར་ཡང་ཚིག་གིས་ཁ་སྐོང་བའི་དོན་དུའོ། །བསྐལ་པའི་འཇུག་པ་ལ་འཇུག་པ་ནི། མ་འོངས་བསྐལ་པ་ཀུན་གྱི་བསྐལ་འཇུག་ལ། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཕྱོགས་བཅུར་གཏོགས་པའི་མ་འོངས་པའི་བསྐལ་པ་ཀུན་གྱི་བསྐལ་འཇུག་ལ་ཞེས་བྱ་བ་བསྐལ་པ་བརྒྱུད་པར་འབྱུང་བ་རྣམས་ལ་མདོར་བསྡུས་ཏེ་བདག་གིས་འཇུག་པར་བགྱིའོ། །གང་ཡང་བསྐལ་པ་དུས་གསུམ་ཚད་དེ་དག །ཅེས་བྱ་བ་ནི་དུས་གསུམ་གྱི་གྲངས་སྙེད་པ་སྟེ། དེ་དག་ཐམས་ཅད་ཤེས་པའི་སྐད་ཅིག་གི་ཆ་ཤས་ཞེས་བྱ་བ་སྐད་ཅིག་མ་གཅིག་གི་ཕྱོགས་གཅིག་ཏུ་ཞུགས་པར་སྤྱད་པ་བྱེད་དེ་ཞུགས་ཞེས་བྱའོ། །དེ་བཞིན་གཤེགས་པ་བལྟ་བ་དང་དེའི་སྤྱོད་ཡུལ་ལ་འཇུག་པ་ནི། དུས་གསུམ་གཤེགས་པ་མི་ཡི་སེང་གེ་གང་། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཕྱོགས་བཅུ་པོ་རྣམས་ཀྱི་དུས་གསུམ་དུ་གཤེགས་པའི་མིའི་སེང་གེ་སངས་རྒྱས་བཅོམ་ལྡན་འདས་གང་ཡིན་པ་དེ་དག་ཤེས་པའི་སྐད་ཅིག་གཅིག་གིས་བདག་གིས་བལྟ་ཞིང་། དེ་དག་གི་ནི་སྤྱོད་ཡུལ་ཏེ་ཡུལ་ལ་ཡང་འཇུག་པའོ། །སྒྱུ་མར་གྱུར་པའི་<br /> <br /> 117-173a<br /> <br /> རྣམ་ཐར་སྟོབས་ཀྱིས་ཞེས་བྱ་བ་ནི་བྱང་ཆུབ་སེམས་དཔའི་རྣམ་པར་ཐར་པ་སྒྱུ་མར་གྱུར་པ་ཞེས་བྱ་བ་ཤེས་པའི་རང་བཞིན་ཡིན་ལ་དེའི་སྟོབས་ཀྱིས་རྟག་ཏུ་འཇུག་པའོ། །སངས་རྒྱས་ཀྱི་ཞིང་མངོན་པར་བསྒྲུབ་པ་ལ་འཇུག་པ་ནི། གང་ཡང་དུས་གསུམ་དག་གི་ཞིང་བཀོད་པ། །ཞེས་བྱ་བ་ལ་སོགས་པས་གང་གསུངས་པ་ཡིན་ཏེ། གང་ཡང་དུས་གསུམ་དག་གི་ཞིང་བཀོད་པ་རྒྱ་མཚོ་དེ་དག་རྡུལ་གཅིག་གི་སྟེང་ན་རྫུ་འཕྲུལ་གྱི་སྟོབས་ཀྱིས་མངོན་པར་བསྒྲུབ་པར་བྱ་ཞིང་། དེ་ལྟར་མ་ལུས་ཕྱོགས་རྣམས་ཐམས་ཅད་དུ། །ཞེས་བྱ་བ་དེ་ནི་དེ་ལྟར་དེ་ཕྱོགས་མ་ལུས་པ་ཐམས་ཅད་དུ་ཞིང་གི་བཀོད་པ་རྣམས་རྡུལ་གཅིག་གི་སྟེང་དུ་དེ་ཁོ་ན་བཞིན་མངོན་པར་བསྒྲུབ་པར་བགྱི་སྟེ་ཤེས་པའི་སྐད་ཅིག་གིས་འཇུག་པར་བྱའོ། །གལ་ཏེ་རེ་ཞིག་ད་ལྟར་བ་ཉིད་ཀྱི་སངས་རྒྱས་ཀྱི་ཞིང་གི་རང་བཞིན་དང་། ཚད་དང་། མདོག་དང་། དབྱིབས་ཀྱི་དབྱེ་བས་ཐ་དད་པ་རྣམས་རྡུལ་གཅིག་གི་སྟེང་ན་གནས་པ་ལ་མ་ཡིན་ན། དུས་གསུམ་གྱི་སངས་རྒྱས་ཀྱི་ཞིང་མ་ལུས་པ་ཕྱོགས་བཅུ་ན་ཡོད་པ་རྣམས་དེ་ཁོ་ན་བཞིན་དུ་རང་བཞིན་ལ་སོགས་པའི་དབྱེ་བས་ཐ་དད་པ་རྣམས་རྡུལ་གཅིག་གི་སྟེང་དུ་བར་མ་ཆོད་ཅིང་མ་འདྲེས་པར་གནས་པ་ཇི་ལྟར་འགྱུར་ཏེ། དེས་ནི་འདི་ཇི་ལྟར་ཡིད་ཆེས་པར་བྱ་ཞེ་ན། འདིར་བརྗོད་པ། གང་གི་ཕྱིར་ཡོངས་སུ་མ་ཆུབ་བཅིང་ངོ་བོ་ཉིད་མེད་པ་སྒྱུ་མ་ལྟ་བུ། མ་སྐྱེས་པ། མ་འགགས་པ། སྐྲ་ཤད་ལྟ་བུ་གདོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པ། མོས་པ་ཇི་ལྟ་བ་བཞིན་རྟོག་པ་ཙམ་གྱིས་རབ་ཏུ་ཕྱེ་བ་རྣམ་པ་སྣ་ཚོགས་པ་དུ་མའི་རང་བཞིན་གྱི་ཆོས་ཐམས་ཅད་ནི་ལེགས་པར་བསྒོམས་ཤིང་རྣམ་པ་སྣ་ཚོགས་པར་གྱུར་པའི་ཏིང་ངེ་འཛིན་དང་། རྣམ་པར་ཐར་པའི་ཁྱད་པར་རྣམས་ཀྱིས་བསམ་གྱིས་མི་ཁྱབ་པར་ཉེ་བར་དགོད་པར་ཉམས་སུ་མྱོང་བར་འགྱུར་བ་ན་ལེགས་པར་སྒོམ་པར་བྱེད་པའོ། །གནས་འདིར་གསལ་བར་འཇོག་པར་བྱེད་པ་ཡིན་ཏེ། འཇིག་རྟེན་ན་ཡང་འཚེ་བ་མང་བ་ཡིད་ཆེས་པ་ཅུང་ཟད་ཙམ་གྱིས་ནུས་པ་བསྐྱེད་པའི་མིག་འཕྲུལ་མཁན་བློ་གྲོས་མཆོག་ཏུ་ཡ་མཚན་པར་བྱེད་པའི་སྒྱུ་མ་སྒྲུབ་པར་བྱེད་པ་རྣམས་མཐོང་བ་ཁོ་ན་ཡིན་པ་དེའི་ཕྱིར། ཇི་སྐད་བརྗོད་པ་འདི་ཐམས་ཅད་ཡིད་ཆེས་པར་བྱ་བ་ཡིན་གྱི། འདི་ལ་ཐེ་ཚོམ་ཅུང་<br /> <br /> 117-173b<br /> <br /> ཟད་ཀྱང་མི་བྱའོ། །དེ་བཞིན་གཤེགས་པ་རྣམས་ཀྱི་དྲུང་དུ་འགྲོ་བ་ལ་འཇུག་པ་ནི། གང་ཡང་མ་བྱོན་འཇིག་རྟེན་སྒྲོན་མ་རྣམས། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་ཡང་མ་བྱོན་པའི་དུས་ཕྱི་མའི་མཐའི་མུར་ཐུག་པར་གྱུར་པའི་སངས་རྒྱས་བཅོམ་ལྡན་འདས་འཇིག་རྟེན་གྱི་སྒྲོན་མ་ཕྱོགས་བཅུའི་འཇིག་རྟེན་གྱི་ཁམས་ཀྱི་མཐའ་གཏུགས་པ་གཞན་དང་གཞན་ན་བཞུགས་པ་བགྲང་བ་ལས་འདས་པ་སངས་རྒྱས་ཀྱི་ཡེ་ཤེས་ཀྱི་སྤྱོད་ཡུལ་དུ་གྱུར་པ་རྣམས་སྐད་ཅིག་སོ་སོར་དུས་མཚུངས་པ་ཁོ་ནར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དང་། དེ་བཞིན་དུ་གཞན་དག་དུས་མཚུངས་པ་ཁོ་ནར་ཆོས་ཀྱི་འཁོར་ལོ་བསྐོར་བ་དང་། དེ་བཞིན་དུ་གཞན་དག་མྱ་ངན་འདས་པ་སྟོན་པར་འགྱུར་བ་དེ་དག་གི་དྲུང་དུ་སྟེ། དེས་ན། དེ་དག་རྣམ་པར་འཚང་རྒྱ་འཁོར་ལོ་བསྐོར། །ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་དག་ཅེས་བྱ་བ་ནི་དེ་དག་གིས་ཏེ། མངོན་པར་རྫོགས་པར་འཚང་རྒྱ་བ་དང་། དེ་བཞིན་དུ་ཆོས་ཀྱི་འཁོར་ལོ་བསྐོར་བ་དང་། མྱ་ངན་ལས་འདས་པ་སྟོན་པ་དང་། དེ་བཞིན་དུ་འཇིག་རྟེན་གྱི་མགོན་པོ་གཅིག་པུ་པ་དེ་དག་ཀུན་གྱི་ཞབས་དྲུང་དུ། ཡིད་མགྱོགས་ཀྱི་རྫུ་འཕྲུལ་གྱི་སྟོབས་ཀྱིས་ཅིག་ཅར་ལུས་ཀྱི་སྤྲིན་མ་འོངས་ཕྱོགས་བཅུ་ཁྱབ་པར་བྱས་ནས། ནམ་མཁའ་ཁྱབ་པའི་མཆོད་པའི་སྤྲིན་མཆོག་ཏུ་ཁྱད་པར་དུ་འཕགས་པ་བགྲང་བ་ལས་འདས་པ་རྣམས་ཀྱིས་རེ་རེ་ལ་མཆོད་པ་དང་། བསྟོད་པ་འབུལ་བ་དང་། ལན་བརྒྱ་དང་། ལན་སྟོང་དུ་བསྐོར་བ་བྱེད་ཅིང་འཁོར་བ་ཇི་སྲིད་ཀྱི་བར་དུ་བདག་འཆིའོ་ཞེས་བྱ་བ་དུས་མཚུངས་པར་འགྲོ་བའོ། །རྣམ་པར་འཚང་རྒྱ་ཞེས་བྱ་བ་ནི་མངོན་པར་འཚང་རྒྱ་བའོ། །མྱ་ངན་འདས་པ་སྟོན་ཅེས་བྱ་བ་འདི་ལ་རབ་ཏུ་ཞི་མཐའ་ཞེས་བྱ་བས་བཤད་པ་ནི་ཚིག་ཁ་བསྐང་བའི་དོན་དུ་ཡིན་པར་རྟོགས་སོ། །གཙོ་བོ་ཡིན་པའི་ཕྱིར་དེ་སྐད་གསུངས་པར་ཟད་ཀྱི། འོན་ཀྱང་ཆུ་ཟླ་སྣང་བ་ལྟར་དགའ་ལྡན་གྱི་གཞལ་ཡས་ཁང་ན་བཞུགས་པ་དང་། འཆི་འཕོ་བ་སྟོན་པ་དང་། ལྷུམས་ན་ཞུགས་པ་དང་། བལྟམས་པ་དང་། ལྷའི་གམ་དུ་གཤེགས་པ་དང་། བཟོ་དང་སྒྱུ་རྩལ་སྟོན་པ་དང་། <br /> <br /> 117-174a<br /> <br /> ཁབ་ནས་འབྱུང་བ་དང་། རབ་ཏུ་འབྱུང་བ་དང་། དཀའ་བ་སྤྱོད་པ་དང་། བྱང་ཆུབ་ཀྱི་སྙིང་པོར་གཤེགས་པ་དང་། བྱང་ཆུབ་ཀྱི་ཤིང་གི་རྒྱལ་པོའི་དྲུང་དུ་སེང་གེའི་གདན་ལ་བཞུགས་ནས་བདུད་བཏུལ་བའི་དུས་རྣམས་སུ་ཡང་དེ་དག་གི་ཞབས་དྲུང་དུ་དེ་ཁོ་ན་ལྟར་དུས་གཅིག་པར་ཉིད་མཆི་བའོ། །དེ་སྐད་དུ་ཡང་། གང་ཕྱིར་སེམས་ཅན་གཞལ་མེད་རྣམས། །སོ་སོར་འཇིག་རྟེན་ཁམས་རྣམས་སུ། །སྐད་ཅིག་སྐད་ཅིག་འཚང་རྒྱ་དེས། །ཞུམ་པ་དང་དུ་བླང་མི་བྱ། །ཞེས་གསུངས་སོ། །<br /> <br /> ༈ རྣམ་པ་བཅུ་གཉིས་པ། སྟོབས་བསྟན་པ།<br /> ༆ རྣམ་པ་བཅུ་གཉིས་པ་ནི་སྟོབས་སོ། །དེ་ཡང་རྣམ་པ་བཅུ་སྟེ། ཀུན་དུ་མྱུར་བའི་རྫུ་འཕྲུལ་སྟོབས་རྣམས་དང་། །ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །གྲུབ་པས་ན་རྫུ་འཕྲུལ་ཏེ་ཡང་དག་པར་གྲུབ་ཅིང་འདོད་པ་ཇི་ལྟ་བ་བཞིན་རྫོགས་པར་བྱེད་པའི་ཆོ་འཕྲུལ་ཞེས་བྱ་བའི་དོན་ཏོ། །རྫུ་འཕྲུལ་ཆོ་འཕྲུལ་ཡིན་ནོ་ཞེས་ཇི་ལྟར་རྟོགས་ཤེ་ན། སེམས་ཅན་སོ་སོ་བ་རྣམས་ཀྱི་ཡིད་འཕྲོག་ཅིང་མགུ་བར་བྱེད་པས་ན་ཆོ་འཕྲུལ་ཡིན་ནོ། །དེའི་སྟོབས་ནི་དོན་ཡོད་པ་ཉིད་དོ། །ཀུན་དུ་མྱུར་བའི་ཞེས་བྱ་བ་ནི་ཇི་ལྟར་བྱང་ཆུབ་སེམས་དཔའ་གཞན་གྱིས་མི་འགྲོ་བས་ཀུན་དུ་རྒྱུ་བའི་རྫུ་འཕྲུལ་གྱིས་ཅིག་ཅར་ཕྱོགས་བཅུར་འགྲོ་བ་དེ་བཞིན་དུའོ། །ཐོག་པའི་སྟོབས་ཀྱིས་ཞེས་བྱ་བ་ནི་ཐེག་པ་ཆེན་པོའི་སྟོབས་ཀྱིས་ཏེ་འདིས་འགྲོ་བར་བྱེད་པས་ན་ཐེག་པའོ། །ཐེག་པ་ཡང་ཡིན་ལ་ཆེན་པོ་ཡང་ཡིན་པས་ཐེག་པ་ཆེན་པོ་ཡིན་པའམ། ཡང་ན་སངས་རྒྱས་དང་བྱང་ཆུབ་སེམས་དཔའ་ཆེན་པོ་རྣམས་ཀྱི་ཐེག་པ་ཡིན་པས་ཐེག་པ་ཆེན་པོའོ། །དེའི་རང་བཞིན་ཅི་ཡིན་ཞེ་ན། སངས་རྒྱས་ཀྱི་བྱང་ཆུབ་ཐོབ་པར་བྱེད་པའི་ལམ་ཡིན་ཏེ། ཐེག་པ་ཆེན་པོ་ནི་བསོད་ནམས་དང་ཡེ་ཤེས་ཞེས་བྱ་བ་ཉིད་ཡིན་ནོ། །ཡང་ན་ཕ་རོལ་ཏུ་ཕྱིན་པས་དང་བཅས་པ་ཐེག་པ་ཆེན་པོ་ཡིན་ནོ། །དེའི་སྟོབས་ནི་ཐོགས་པ་མེད་པ་ཉིད་དང་། མི་མཐུན་པའི་ཕྱོགས་ཀྱིས་མི་རྫི་བ་ཞེས་བྱ་བའི་དོན་ཏོ། །ཀུན་ནས་སྒོའི་ཞེས་བྱ་བ་ནི་ཐམས་ཅད་ནས་འཇུག་པའི་སྒོའོ། །ཇི་ལྟར་ཞེ་ན། གང་བྱང་ཆུབ་ཀྱི་སེམས་མི་སྐྱེ་བ་དང་། གང་ལ་སེམས་ཅན་ཐམས་ཅད་ལ་ཕན་པ་དང་བདེ་བར་བསྔགས་པར་མ་གྱུར་པའི་གནས་སྐབས་དང་། དམིགས་པ་དེ་ནི་གང་ཡང་ཡོད་པ་མ་ཡིན་ཏེ། འདི་<br /> <br /> 117-174b<br /> <br /> ཐམས་ཅད་སྤྱོད་ཡུལ་ཡོངས་སུ་དག་པའི་མདོར་བལྟ་བར་བྱའོ། །སྤྱོད་པའི་སྟོབས་རྣམས་དང་ཞེས་བྱ་བ་ནི་ཁྱད་པར་མེད་པའི་ཕྱིར་སྤྱོད་པ་གཉིས་ཀའི་སྟོབས་ཀྱིས་ཏེ། བྱང་ཆུབ་སེམས་དཔའི་སྤྱོད་པའི་སྟོབས་དང་། བཟང་པོ་སྤྱོད་པའི་སྟོབས་ཀྱིས་སོ། །ཀུན་དུ་ཡོན་ཏན་ཞེས་བྱ་བ་ནི་ཐོག་མ་དང་། བར་དང་། ཐ་མར་དགེ་བས་སོ། །བྱམས་པའི་སྟོབས་ཞེས་བྱ་བ་ནི་སེམས་ཅན་གྱི་ཁམས་ཐམས་ཅད་ལ་བདེ་བའི་བསམ་པས་ཁྱབ་པར་བྱས་པའོ། །ཀུན་དུ་ཁྱབ་པ་ཞེས་བྱ་བ་ནི་ཕྱོགས་བཅུར་ཁྱབ་པས་སོ། །བསོད་ནམས་སྟོབས་ཞེས་བྱ་བ་ནི་དག་པར་བྱེད་ཅིང་གཙང་བར་བྱས་པས་བསོད་ནམས་ཡིན་པའམ། ཡང་ནས་ཡང་ལེགས་པར་འགྱུར་བས་ན་བསོད་ནམས་ཏེ། དེའི་སྟོབས་ནི་བྱང་ཆུབ་ཏུ་སེམས་བསྐྱེད་པ་ཉིད་ཀྱིས་འགྱུར་རོ། །ཇི་སྐད་དུ། བྱང་ཆུབ་སེམས་ཀྱི་བསོད་ནམས་གང་། །གལ་ཏེ་དེ་ལ་གཟུགས་མཆིས་ན། །ནམ་མཁའི་ཁམས་ནི་ཀུན་གང་ནས། །དེ་བས་ཀྱང་ནི་ལྷག་པར་འགྱུར། །ཞེས་གསུངས་སོ། །དེ་བཞིན་དུ་ཐེག་པ་ཆེན་པོ་དང་ལྡན་པའི་ཆོས་ཟབ་ཅིང་རྒྱ་ཆེ་བ་ལ་འཛིན་པ་དང་། ཀློག་པ་དང་། སྟོན་པ་དང་། མོས་པ་དང་། ཚིགས་སུ་བཅད་པ་གཉིས་ཀྱི་གཟུངས་དང་། ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་པས་ཀྱང་འགྱུར་ཏེ། བསོད་ནམས་ཀྱི་སྟོབས་དེས་ངེས་སོ། །ཀུན་དུ་དགེ་བ་ཞེས་བྱ་བ་ནི་སེམས་ཅན་ཐམས་ཅད་ལ་ཕན་པ་དང་བདེ་བར་བྱ་བའི་བསམ་པས་བསྒྲུབས་པའི་ཕྱིར་རོ། །ཡེ་ཤེས་སྟོབས་ཞེས་བྱ་བ་ནི་ཤེས་བྱ་ཐམས་ཅད་རིག་པའི་ཤེས་པ་ཡིན་པའི་ཕྱིར་རོ། །ཆགས་པ་མེད་པར་གྱུར་པ་ཞེས་བྱ་བ་ནི་དུས་གསུམ་པོ་རྣམས་ལ་ཆགས་པ་མེད་པའི་ཕྱིར་རོ། །ཤེས་རབ་སྟོབས་ཞེས་བྱ་བ་ནི་དོན་གྱི་དེ་ཁོ་ན་རྟོགས་པས་སོ། །ཐབས་ཀྱི་སྟོབས་ནི་ཉེར་བར་འགྲོ་བས་ན་ཐབས་ཏེ། དེའི་སྟོབས་ནི་དོན་ཡོད་པ་ཉིད་དོ། །ཏིང་འཛིན་སྟོབས་ཞེས་བྱ་བ་ནི་ཡང་དག་པར་འཛིན་པས་ཏིང་ངེ་འཛིན་ཏེ་བསམ་གཏན་ནོ། །དེའི་སྟོབས་ནི་འགྲོ་བ་མཐའ་དག་གི་དོན་བྱ་བའི་ཆེད་དུ་མངོན་པར་ཤེས་པ་ལ་སོགས་པའི་ཡོན་ཏན་མངོན་པར་སྒྲུབ་པ་ལ་ཐོགས་པ་མེད་པ་ཉིད་དོ། །ཏིང་ངེ་འཛིན་གྱི་སྟོབས་དེས་སོ། །བྱང་ཆུབ་སྟོབས་རྣམས་ཞེས་བྱ་བ་ལ། བྱང་ཆུབ་ནི་བླ་ན་མེད་པ་ཡང་དག་པར་རྫོགས་<br /> <br /> 117-175a<br /> <br /> པའི་བྱང་ཆུབ་ཀྱི་སྟོབས་གང་ཡིན་པ་དེ་མཐུའོ། །ཡང་དག་སྒྲུབ་པར་བྱེད་པའོ། །<br /> <br /> ༈ རྣམ་པ་བཅུ་གསུམ་པ། གཉེན་པོ་བསྟན་པ།<br /> ༆ རྣམ་པ་བཅུ་གསུམ་པ་ནི་གཉེན་པོའོ། །དེ་ལ་མི་མཐུན་པའི་ཕྱོགས་ལས་དང་ཉོན་མོངས་པ་དང་བདུད་ཀྱི་སྟོབས་འཇོམས་པ་ལས་རྣམ་པ་གསུམ་པ་ནི། ལས་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །ཞེས་བྱ་བ་ལོགས་པ་གང་གསུངས་པ་ཡིན་ཏེ། ཁྱད་པར་མེད་པའི་ཕྱིར་ན་དགེ་བ་དང་མི་དགེ་བ་དང་མི་གཡོ་བའི་དབྱེ་བ་ལས་ཏེ་རྣམ་པ་གསུམ་མོ། །དེ་ལ་རེ་ཞིག་ངེས་པར་མྱོང་བར་འགྱུར་བའི་མི་དགེ་བའི་སྟོབས་ནི་ངན་སོང་གསུམ་བསྐྱེད་པར་ནུས་པ་སྟེ། ཡོངས་སུ་དག་པར་བྱེད། སེལ་བར་བྱེད། རྣམ་པར་སུན་འབྱིན་པ་ལ་སོགས་པའི་སྟོབས་ཀྱིས་སྦྱོར་བར་བྱེད་པ་སྟེ། སྡིག་པ་ཤིན་ཏུ་མི་ཟད་བྱས་པ་དག །བདག་ལ་རྣམ་པར་སྨོད་པས་སྲབ་པར་བྱེད། །རབ་ཏུ་བཤགས་དང་སྡོམ་པར་བྱེད་པས་ནི། །དེ་དག་རྩ་ནས་འབྱིན་པར་ངས་བཤད་དོ། །ཞེས་ཇི་སྐད་གསུངས་པ་བཞིན་ནོ། །གཉེན་པོའི་སྟོབས་ཀྱིས་ཀྱང་རྣམ་པར་དག་པར་བྱེད་དེ། དཔེར་ན་མཛའ་བོའི་བུ་མོས་མ་ལ་གནོད་པ་བྱས་པས་ཀུན་ནས་བསླང་བའི་མི་དགེ་བའི་ལས་ཀྱིས། ཞིང་གི་ཁྱད་པར་ལས་མཐོང་བའི་ཆོས་ཉིད་ལ་རྣམ་པར་སྨིན་པའི་འབྲས་བུ་སྟེར་བར་ཞུགས་ཏེ་འབྲས་བུ་ཅུང་ཟད་བྱས་ཀྱང་ལྷག་པའི་བསམ་པའི་ཁྱད་པར་སྐྱེས་པ་སེམས་ཅན་གྱི་དོན་དུ་སྨོན་པ་བྱང་ཆུབ་ཀྱི་སེམས་བསྐྱེད་པ་ཁོ་ནས་དེ་མ་ལུས་པར་དྲུངས་ཕྱུང་ཞིང་བཅོམ་པ་བཞིན་ནོ། །སེམས་ཅན་གྱི་དོན་དུ་སྨོན་པ་བྱང་ཆུབ་ཏུ་སེམས་བསྐྱེད་པ་ཅི་འདྲ་བ་ཞིག་ཡིན་ཞེ་ན། སྨྲས་པ། འགྲོ་བ་ཐམས་ཅད་ན་སེམས་ཅན་གང་སུ་དག་བདག་དང་འདྲ་བར་མ་ལ་གནོད་པ་བྱེད་པར་འགྱུར་བ་དེ་དག་ཐམས་ཅད་ཀྱི་དོན་དུ་སྤྱི་བོར་འཁོར་ལོས་དྲལ་བའི་སྡུག་བསྔལ་གྱི་ཕུང་པོ་ཆེན་པོ་མཐའ་ཡས་པ་སྡུག་པ་དག་ཁོ་ནས་འཁོར་བ་ཇི་སྲིད་དུ་རྒྱུན་མ་ཆད་པར་མྱོང་བར་འགྱུར་ཏེ། འདིར་ནམ་ཡང་སེམས་ཅན་གཅིག་ཀྱང་འོང་བར་མ་གྱུར་ཅིག་ཅེས་བྱ་བ་ཡིན་ནོ། །རྟེན་གྱི་སྟོབས་ཀྱིས་ཀྱང་དཔེར་ན་ཕག་མོའི་རྟོགས་པ་བརྗོད་པ་ལས། ལྷའི་བུ་ཚེ་ཟད་པ་འགའ་ཞིག་གྲོང་གི་ཕག་མོའི་མངལ་དུ་སྐྱེ་བར་བྱེད་པ་ངེས་པར་མྱོང་བར་འགྱུར་བའི་ལས་འབྲས་བུ་བསྐྱེད་པ་ལ་མངོན་སུམ་དུ་<br /> <br /> 117-175b<br /> <br /> ཕྱོགས་པར་གྱུར་ལ། དེ་ཡང་གསུམ་ལ་སྐྱབས་སུ་སོང་བ་ཙམ་གྱིས་ཐམས་ཅད་གཏན་དུ་དྲུངས་ཕྱུང་ནས་སུམ་ཅུ་རྩ་གསུམ་པའི་ལྷ་རྣམས་ནས་ཤི་འཕོས་ནས་དགའ་ལྡན་གྱི་ལྷ་རྣམས་ཀྱི་ནང་དུ་སྐྱེས་པ་བཞིན་ནོ། །ཆོས་ཐམས་ཅད་བདག་མེད་པར་རྟོགས་པ་ལས་ཀྱང་གཏན་རྩ་བ་ནས་ཕྱུང་བར་འགྱུར་ཏེ། ཇི་སྐད་དུ་ལས་ཀྱི་སྒྲིབ་པ་རྣམ་པར་སྦྱོང་བའི་མདོ་ལས། དཔེར་ན་དགེ་སློང་གཞན་ཞིག་གིས་མི་ཚངས་པར་སྤྱོད་པ་དང་། མ་གསོད་པའི་ཕས་ཕམ་པ་གཉིས་བྱས་ཏེ་ཕྱི་ནས་དེ་སྐྱོ་བ་སྐྱེས་ཤིང་སྙིང་ལ་གདུང་བ་སྐྱེས་པར་གྱུར་ཏེ། སྨྱོན་པ་བཞིན་དུ་གཙུག་ལག་ཁང་ནས་གཙུག་ལག་ཁང་དང་། གྲོང་ནས་གྲོང་དང་། སྲང་ནས་སྲང་དུ་རྒྱུ་ཞིང་སྐྱེ་བོ་ཐམས་ཅད་ཀྱི་མདུན་དུ་བདག་བཅོམ་མོ། །བདག་བཅོམ་མོ་ཞེས་ཡང་དག་པར་སྒྲོགས་ཏེ། ཡང་ནས་ཡང་ཀྱི་ཧུད་ཀྱི་ཧུད་ཅེས་ཟེར་ཞིང་སྡིག་པ་བཤགས་པའི་སྟོབས་ཀྱིས་འདོར་བར་བྱེད་པ་ནས་ལས་དེ་བསྲབས་པའི་བར་དུ་བྱས་པར་གྱུར་ཏོ། །དེ་དེ་ལྟར་སེམས་ཤིན་ཏུ་གདུངས་པར་གྱུར་པ་ན་མངོན་པར་ཤེས་པ་ཐོབ་པའི་བྱང་ཆུབ་སེམས་དཔའ་གཞན་ཞིག་གང་གིས་ཆོས་ཟབ་མོ་དེ་ལྟ་དེ་ལྟ་བུ་བསྟན་པས་ཆོས་ཐམས་ཅད་བདག་མེད་པ་ཉིད་དུ་རྟོགས་ནས་ཐམས་ཅད་ནས་ཐམས་ཅད་རྣམ་པ་ཐམས་ཅད་ནས་སྡིག་པ་དེ་ཐམས་ཅད་དྲུངས་ཕྱུང་ནས་མི་སྐྱེ་བའི་ཆོས་ལ་བཟོད་པ་ཐོབ་པར་གསུངས་པ་བཞིན་ནོ། །ཟབ་མོའི་ཆོས་ལ་ལྷག་པར་མོས་པ་འདི་ནི་ལྟུང་བ་དང་འགྱོད་པ་ཐམས་ཅད་སེལ་བ་དང་། ལས་ཀྱི་སྒྲིབ་པ་ཐམས་ཅད་རྣམ་པར་སྦྱོང་བར་བྱེད་པ་ཡིན་ནོ་ཞེས་དེ་ལྟར་དད་པར་བྱ་སྟེ། ཇི་སྐད་དུ། འཕགས་པ་དེ་བཞིན་གཤེགས་པའི་མཛོད་ཀྱི་མདོ་ལས། འོད་སྲུངས་གང་ཞིག་ཕ་ཡང་ཡིན་ལ་རང་སངས་རྒྱས་ཀྱང་ཡིན་པ་དེ་སྲོག་དང་བྲལ་བར་བྱེད་ལ་འདི་ནི་སྲོག་གཅོད་པ་རྣམས་ཀྱི་ནང་ནས་ལྕི་བ་ཡིན་ནོ། །འདི་ལྟ་སྟེ། དཀོན་མཆོག་གསུམ་གྱི་དཀོར་འཕྲོག་པ་འདི་ནི་མ་བྱིན་པར་ལེན་པ་རྣམས་ཀྱི་ནང་ནས་ལྕི་བ་ཡིན་ནོ། །འདི་ལྟ་སྟེ། མ་ཡང་ཡིན་ལ་དགྲ་བཅོམ་མ་ཡང་ཡིན་པ་དེ་ལ་ལོག་པར་བསྒྲུབ་པ་འདི་ནི་འདོད་པས་ལོག་པར་སྤྱོད་པ་རྣམས་ཀྱི་ནང་ནས་ལྕི་བ་ཡིན་ནོ། །འདི་ལྟ་སྟེ། དེ་བཞིན་གཤེགས་པ་ལ་སྐུར་པ་འདེབས་པ་འདི་ནི་བརྫུན་དུ་སྨྲ་བ་རྣམས་ཀྱི་ནང་ནས་ལྕི་བའོ། །འདི་ལྟ་སྟེ། དགེ་འདུན་གྱི་དབྱེན་བྱེད་པ་འདི་ནི་ཕྲ་མ་རྣམས་ཀྱི་ནང་ནས་ལྕི་བ་ཡིན་<br /> <br /> 117-176a<br /> <br /> ནོ། །འདི་ལྟ་སྟེ། འཕགས་པ་རྣམས་ལ་གཤེ་བ་འདི་ནི་ཚིག་རྩུབ་མོ་རྣམས་ཀྱི་ནང་ནས་ལྕི་བ་ཡིན་ནོ། །འདི་ལྟ་སྟེ། ཆོས་འདོད་པ་རྣམ་པར་གཡེང་བ་འདི་ནི་ངག་འཁྱལ་པ་རྣམས་ཀྱི་ནང་ནས་ལྕི་བའོ། །འདི་ལྟ་སྟེ། ཡང་དག་པར་སོང་བ་རྣམས་དང་། ཡང་དག་པར་ཞུགས་པ་རྣམས་ཀྱི་རྙེད་པ་འཕྲོག་པར་སེམས་པ་འདི་ནི་བརྣབ་སེམས་ཀྱི་ནང་ནས་ལྕི་བའོ། །འདི་ལྟ་སྟེ། མཚམས་མེད་པ་ཉེ་བར་རྩོམ་པ་འདི་ནི་གནོད་སེམས་ཀྱི་ནང་ནས་ལྕི་བའོ། །འདི་ལྟ་སྟེ། ལྟ་བ་ཤིན་ཏུ་ཐིབས་པོར་གྱུར་པ་འདི་ནི་ལོག་པར་ལྟ་བ་རྣམས་ཀྱི་ནང་ནས་ལྕི་བ་ཡིན་ཏེ། མི་དགེ་བའི་ལས་ཀྱི་ལམ་བཅུ་པོ་འདི་དག་ཐམས་ཅད་ནི་ཁ་ན་མ་ཐོ་བ་ཆེན་པོ་ཡིན་ནོ། །འོད་སྲུངས་གལ་ཏེ་སེམས་ཅན་གཅིག་འགའ་ལ་ལ་ཞིག་མི་དགེ་བ་བཅུའི་ལས་ཀྱི་ལམ་གྱི་ལས་ཁ་ན་མ་ཐོ་བ་ཆེན་པོ་འདི་དག་དང་ལྡན་པར་གྱུར་ལ། དེ་ཡང་དེ་བཞིན་གཤེགས་པའི་ཆོས་བསྟན་པ་རྒྱུ་རྐྱེན་དུ་ལྡན་པ་ལ་འཇུག་སྟེ། འདི་ལ་གང་ཞིག་བྱེད་པའམ། གང་གིས་མྱོང་བར་བྱེད་པ་བདག་གམ། སེམས་ཅན་ནམ། སྲོག་གམ། གང་ཟག་ནི་འགའ་ཡང་མེད་དོ་སྙམ་ཞིང་དེ་ལྟར་ཆོས་ཐམས་ཅད་བཅོས་བུ་ཉིད་དང་། མངོན་པར་འདུས་མ་བྱས་པ་ཉིད་དང་། ཀུན་ནས་ཉོན་མོངས་པ་མེད་པ་ཉིད་དང་། སྒྱུ་མའི་ཆོས་ཉིད་དང་། རང་བཞིན་གྱིས་འོད་གསལ་བ་ཉིད་ལ་འཇུག་ཅིང་། ཆོས་ཐམས་ཅད་གདོད་མ་ནས་རྣམ་པར་དག་པ་ཉིད་ལ་མངོན་པར་དད་པར་བྱེད། ལྷག་པར་མོས་པར་བྱེད་ན་སེམས་ཅན་དེ་ངན་སོང་དུ་འགྲོ་བར་ང་མི་སྨྲའོ། །དེ་ཅིའི་ཕྱིར་ཞེ་ན། ཉོན་མོངས་པ་རྣམས་ལ་ནི་ཚོགས་སུ་གྱུར་པ་ཡོད་པ་མ་ཡིན་ཏེ། ཉོན་མོངས་པ་ཐམས་ཅད་ཀྱི་སྐྱེ་བ་དང་འཇིག་པས་ཉམས་པར་གྱུར་པ། རྒྱུ་དང་རྐྱེན་ཚོགས་པ་ལས་སྐྱེ་ཞིང་སྐྱེས་མ་ཐག་ཏུ་ཡང་འགག་པར་འགྱུར་བ་སྟེ། སྐྱེ་བའི་འཇིག་པ་གང་ཡིན་པ་དེ་ནི་ཉོན་མོངས་པ་ཐམས་ཅད་ཀྱི་ཡང་འཇིག་པ་ཡིན་ནོ་ཞེས་དེ་ལྟར་མོས་པ་གང་ཡིན་པ་དེ་ལ་ནི་ལྟུང་བ་མེད་ཅིང་ལྟུང་བའི་གནས་ཡོད་པ་མ་ཡིན་ནོ། །སྒྲིབ་པ་མེད་པ་ལ་ལྟུང་བ་གནས་པར་འགྱུར་བ་གང་ཡིན་པ་དེ་ནི་གནས་མ་ཡིན་ཞིང་གོ་སྐབས་མེད་དོ་ཞེས་གསུངས་པ་ཡིན་ནོ། །དེ་བཞིན་དུ་བྱང་ཆུབ་ཀྱི་སེམས་བསྐྱེད་པ་མངོན་དུ་བྱས་པ་ཉིད་ལས་ཀྱང་ལྟུང་བས་ཀུན་ནས་བསླང་བའི་མི་<br /> <br /> 117-176b<br /> <br /> དགེ་བ་འདི་ཤིན་ཏུ་གསལ་བར་འགྱུར་བ་ཡིན་ཏེ། ཇི་སྐད་དུ་འཕགས་པ་ཉེ་བ་འཁོར་གྱིས་ཞུས་པའི་མདོ་ལས། གལ་ཏེ་བྱང་ཆུབ་སེམས་དཔའ་སྔ་དྲོའི་དུས་ན་ལྟུང་བ་དང་བཅས་པ་ཉི་མ་ཕྱེད་ན་བྱང་ཆུབ་ཀྱི་སེམས་མངོན་དུ་བྱེད་ན་བྱང་ཆུབ་སེམས་དཔའ་དེའི་ཚུལ་ཁྲིམས་ཀྱི་ཕུང་པོ་ནི་མཐའ་མེད་པ་ཉིད་དུ་རིག་པར་བྱའོ། །དེ་བཞིན་དུ་ཉི་མ་ཕྱེད་ན་ལྟུང་བ་དང་བཅས་པ་ཕྱི་དྲོའི་དུས་ན་བྱང་ཆུབ་ཀྱི་སེམས་མངོན་དུ་བྱེད་ན་བྱང་ཆུབ་སེམས་དཔའ་དེའི་ཚུལ་ཁྲིམས་ཀྱི་ཕུང་པོ་མཐའ་མེད་པ་ཉིད་དུ་རིག་པར་བྱའོ་ཞེས་གསུངས་པ་བཞིན་ནོ། །དེ་སྐད་དུ་འཕགས་པ་སྡོང་པོ་བཀོད་པའི་མདོ་ལས་ཀྱང་། རིགས་ཀྱི་བུ་བྱང་ཆུབ་ཀྱི་སེམས་ནི་ཉེས་པར་བྱས་པ་ཐམས་ཅད་ངེས་པར་སྲེག་པ་ཉིད་ཀྱིས་བསྐལ་པ་སྲེག་པའི་མེ་ལྟ་བུའོ་ཞེས་བྱ་བ་ལ་སོགས་པ་གསུངས་པའོ། །སུམ་བརྒྱ་པ་ལས་ཀྱང་། རབ་འབྱོར་རིགས་ཀྱི་བུའམ། རིགས་ཀྱི་བུ་མོ་གང་དག་འདི་ལྟ་བུའི་རང་བཞིན་གྱི་མདོ་སྡེ་འདི་དག་འཛིན་པར་འགྱུར་བ་དང་། འཆང་བར་འགྱུར་བ་དང་། ཀློག་པར་འགྱུར་བ་དང་། ཀུན་ཆུབ་པར་བྱེད་པར་འགྱུར་བ་དེ་དག་ནི་གདུང་བར་འགྱུར། ཤིན་ཏུ་གདུང་བར་འགྱུར་ཏེ། དེ་ཅིའི་ཕྱིར་ཞེ་ན། སེམས་ཅན་དེ་དག་ནི་ཚེ་རབས་སྔ་མའི་མི་དགེ་བའི་ལས་ངན་སོང་འགྲུབ་པ་དང་རྗེས་སུ་མཐུན་པ་བྱས་པ་གང་ཡིན་པ་དེ་དག་མཐོང་བའི་ཆོས་ཉིད་ལ་ཡོངས་སུ་ལོངས་སྤྱོད་པས་ན་སྔོན་གྱི་མི་དགེ་བའི་ལས་དེ་དག་ཟད་པར་འགྱུར་བའི་ཕྱིར་རོ་ཞེས་གསུངས་ཏེ། དེ་ལྟ་བུ་ལ་སོགས་པའི་ཚུལ་གྱིས་ངེས་པར་མྱོང་བར་འགྱུར་བའི་སྡིག་པའི་ལས་ཤིན་ཏུ་ཡོངས་སུ་དག་པར་བྱས་པར་འགྱུར་རོ་ཞེས་བསྟན་པ་ཡིན་ནོ། །ཁ་ཅིག་འདི་སྐད་ཅེས་སྡིག་པའི་ལས་ཆུང་ངུ་དང་འབྲིང་དག་ནི་སྡིག་པ་བཤགས་པ་ལ་སོགས་པའི་སྟོབས་ཀྱིས་ཤིན་ཏུ་བསལ་བར་འགྱུར་མོད། མཚམས་མེད་པ་ལ་སོགས་པ་ལས་ལྕི་བ་རྣམས་ནི་ཐམས་ཅད་རྩ་བ་ནས་བྱང་བར་ཇི་ལྟར་འགྱུར་ཞེས་ཟེར་བ་གང་ཡིན་པ་དེ་དག་ལ་བརྗོད་པ། བསམ་པ་ཆུང་ངུ་དང་འབྲིང་དང་ཆེན་པོའི་དབྱེ་བ་ལས་རྒྱལ་པོ་མ་སྐྱེས་དགྲ་ལ་སོགས་པ་མཚམས་མེད་པ་བྱེད་པ་གང་ཡིན་པ་རྣམས་ཀྱིས་མནར་མེད་པར་བསྐལ་པའམ། བསྐལ་བ་དང་ཉེ་བའམ། བསྐལ་པ་ཕྱེད་དུ་གནས་པར་བྱ་དགོས་པ་ཤིན་ཏུ་འགྱོད་པའི་སེམས་གདུང་བར་འགྱུར་བ་དེ་དག་གི་ལས་རྣམས་<br /> <br /> 117-177a<br /> <br /> ཡང་དག་པར་བཤགས་པ་ལ་སོགས་པའི་སྟོབས་ཀྱིས་བསྲབས་པར་གྱུར་པ་ཡིན་ཏེ། འདི་ལྟ་སྟེ། དེ་ལ་ལས་དེ་འབྲས་བུ་ཕོ་ལོང་ལྟུང་བའི་དུས་ཙམ་ཞིག་ཡང་དག་པར་མྱོང་བར་གྱུར་ཏོ་ཞེས་གསུངས་པ་ཡིན་ནོ། །དེས་ན་དེ་ཙམ་གྱིས་ལས་དེ་ཤིན་ཏུ་རྩ་བ་ནས་བྱུང་བར་དོན་ལ་མ་སོང་ངམ་ཅི། གཤོལ་གཅིག་གིས་མ་རྨོས་པ་ཉིད་དུ་འགྱུར་བ་ནི་མ་ཡིན་ནོ། །གལ་ཏེ་སྦྲང་བུའི་རྐང་པ་ཙམ་གྱི་ཁྱད་པར་ཅན་ཡང་མི་འགྱུར་བར་ངེས་པའི་ལས་ཀྱི་ཚོགས་ཡོངས་སུ་ཟད་པར་ཇི་ལྟར་འགྱུར་ཞེ་ན། དེ་ཡང་གལ་ཏེ་གཉེན་པོའི་སེམས་པ་འཇུག་པ་འབད་ན་ཟད་པར་འགྱུར་བ་ཁོ་ནའོ། །འོ་ན་བསྐལ་པ་བྱེ་བ་བརྒྱར་ཡང་ནི། །ལས་རྣམས་ཆུད་མི་ཟ་བ་དེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུ་འབྱིན། །ཅེས་བྱ་བ་ལ་སོགས་པ་གསུངས་པ་གང་ཡིན་པ་དེ་ཇི་ལྟར་དྲང་ཞེ་ན། ལས་གང་དག་རྣམ་པར་སུན་འབྱིན་པ་ཀུན་དུ་སྤྱོད་པ་ལ་སོགས་པའི་སྟོབས་ཀྱིས་མ་སྤངས་ཤིང་མ་བསྲབས་པ་དེ་དག་ལ་དེ་སྐད་བསྟན་པར་བྱའོ། །དེ་སྐད་དུ་ཡང་། མི་མཁས་སྡིག་པ་ཅུང་ཟད་བྱས་ཀྱང་འོག་འགྲོ་ཞིང་། །མཁས་པས་ཆེན་པོ་བྱས་ཀྱང་དོན་མེད་རབ་སྤོང་སྟེ། །ལྕགས་ནི་ཆུང་ཡང་ཆུ་སྟེངས་བཞག་ན་ནུབ་འགྱུར་བ། །དེ་ཉིད་ཆེ་ཡང་སྣོད་དུ་བྱས་ན་ལྡིང་བ་བཞིན། །ཞེས་གསུངས་སོ། །མྱོང་བར་མ་ངེས་པའི་སྡིག་པའི་ལས་དུས་གསུམ་པ་བགྲང་བ་ལས་འདས་པ་གང་ཡིན་པ་དེ་ཡང་ཡོངས་སུ་དག་པར་བྱེད་པ་ནི་ངན་སོང་དུ་སྐྱེས་པའི་སེམས་ཅན་རྣམས་ལ་ཕན་པ་དང་བདེ་བ་ཉེ་བར་བསྒྲུབ་པའི་ཕྱིར་ལས་ལ་དབང་བ་ཉིད་ཀྱིས་ཕྱོགས་བཅུ་རྣམས་སུ་ཅིག་ཅར་ཁོ་ནར་འཁོར་བ་ཇི་སྲིད་ཀྱི་བར་དུ་རྒྱུན་མི་འཆད་པར་དེ་དང་སྐལ་བ་མཉམ་པའི་སྐྱེ་བ་དང་། མདོག་དང་། དབྱིབས་དང་། ཚད་ཀྱི་དབྱེ་བ་ཐ་དད་པའི་རྣམ་པར་སྨིན་པ་སྐྱེས་པས་ངེས་པར་བྱེད་པ་དང་། དགེ་བའི་ལས་ཀྱི་སྟོབས་སྲིད་པའི་འབྲས་བུ་བསྐྱེད་པར་ནུས་པ་དེ་ཡང་ཡོངས་སུ་དག་པར་བྱེད་དོ། །ཇི་ལྟར་ཞེ་ན། རྣམ་པར་སྨིན་པའི་འབྲས་བུ་སྤངས་ནས་བྱང་ཆུབ་ཉིད་དུ་སྨོན་ལམ་གྱིས་ཡོངས་སུ་སྔོ་བར་བྱེད་པས་ངེས་པར་བྱེད་པ་དང་། གཟུགས་དང་གཟུགས་མེད་པ་ན་སྤྱོད་པ་མི་གཡོ་བའི་ལས་བསམ་གཏན་དང་། གཟུགས་མེད་པས་ཀུན་ནས་<br /> <br /> 117-177b<br /> <br /> བསླང་བ་དེའི་ལས་ཀྱང་དེ་ཉིད་ཡིན་ཏེ། དེ་ཡང་བསལ་ནས་ལས་ལ་དབང་བ་ཉིད་ཇི་ལྟར་འདོད་པ་བཞིན་སེམས་ཅན་གྱི་དོན་དུ་ངེས་པར་བརྩོན་པར་བྱེད་པ་སྟེ། འདིར་སྦྱོར་བར་བྱེད་པ་ནི་འདི་ཡིན་ནོ། །ཉོན་མོངས་སྟོབས་རྣམས་ཀུན་དུ་འཇོམས་པར་བྱེད། །ཞེས་བྱ་བ་ལ། ལུས་དང་སེམས་ཀྱི་རྒྱུན་ཉོན་མོངས་པར་བྱེད་པས་ཉོན་མོངས་པ་ནི་འདོད་ཆགས་ལ་སོགས་པའོ། །དེ་དག་གི་སྟོབས་ནི་གང་གི་དབང་གིས་འགྲོ་བ་མཐའ་དག་བགྲོད་པར་བྱ་བ་དང་། བགྲོད་པར་མི་བྱ་བ་དང་། ཕན་པ་དང་མི་ཕན་པ་དང་། ལྕི་བ་དང་ཡང་བ་ལ་སོགས་པ་ཐམས་ཅད་མི་ཤེས་པར་འགྱུར་བ་ཤས་ཆེར་འཇུག་པ་ཉིད་དོ། །དེ་འཇོམས་པར་བྱེད་པ་ནི་མི་སྡུག་པ་ལ་སོགས་པ་བསྒོམ་པ་དང་། འཇིག་རྟེན་པའི་ལམ་གྱིས་ཟིལ་གྱིས་གནོན་པར་བྱེད་པ་སྟེ། མདོར་ན་ཉོན་མོངས་པ་ལ་དབང་བས་དེ་དག་ཉིད་བྱང་ཆུབ་ཀྱི་ཡན་ལག་ཏུ་སྒོམ་པར་བྱེད་པའོ། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །ཞེས་བྱ་བ་ལ། བདུད་ཅེས་བྱ་བ་ནི་ལྷའི་བུ་ལ་སོགས་པ་སྟེ། དེ་རྣམས་ཀྱི་སྟོབས་ནི་བྱང་ཆུབ་སེམས་དཔའི་སྤྱོད་པ་ལ་སོགས་པ་ལ་བར་ཆད་བྱེད་པར་ནུས་པ་དེ་སྟོབས་མེད་པར་རབ་ཏུ་བྱེད་པ་ནི་མངོན་པར་ཤེས་པའི་སྟོབས་ཀྱིས་གཟི་བརྗིད་མེད་ཅིང་མཐུ་མེད་པར་བྱེད་ཅེས་བྱ་བར་སྒྲུབ་ཅིང་ངོ་། །བཟང་པོ་སྤྱོད་པའི་སྟོབས་ཀུན་རྫོགས་པར་བགྱི། །ཞེས་བྱ་བ་ལ། བཟང་པོ་སྤྱོད་པའི་སྟོབས་ནི་མི་མཐུན་པའི་ཕྱོགས་ཀྱིས་ཟིལ་གྱིས་མི་ནོན་པས་ལྷུན་གྱིས་གྲུབ་པར་འཇུག་པ་ཉིད་དོ། །ཀུན་ཞེས་བྱ་བ་ནི་དེ་མ་ལུས་པའོ། །རྫོགས་པར་བགྱི་ཞེས་བྱ་བ་ནི་སྔར་བརྗོད་པ་རྫུ་འཕྲུལ་གྱི་སྟོབས་ལ་སོགས་པ་རྣམ་པ་བཅུ་དང་། བཤད་མ་ཐག་པའི་གཉེན་པོ་རྣམ་པ་གསུམ་པོ་འདིས་རྫོགས་པར་བགྱི་བའོ། །<br /> <br /> ༈ རྣམ་པ་བཅུ་བཞི་པ། ལས་བསྟན་པ།<br /> ༆ ད་ནི་རྣམ་པ་བཅུ་བཞི་པ་བྱང་ཆུབ་སེམས་དཔའ་རྣམས་ཀྱི་ལས་གང་ཡིན་པ་དེ་སྟོན་ནོ། །ལས་དེ་ཡང་སངས་རྒྱས་ཀྱི་ཞིང་ཡོངས་སུ་སྦྱོང་བ་ལ་སོགས་པ་རྣམ་པ་བརྒྱད་ཚིགས་སུ་བཅད་པ་གཉིས་ཀྱིས་གསུངས་པ་ནི། ཞིང་རྣམས་རྒྱ་མཚོ་ཞེས་བྱ་བ་ལ་སོགས་པ་གང་ཡིན་པ་སྟེ། བདེ་བ་ཅན་དང་པདྨ་ཅན་ལ་སོགས་པ་ལྟ་བུ་སངས་རྒྱས་ཀྱི་ཞིང་རྒྱ་མཚོ་སྐད་ཅིག་རེ་རེ་ལ་རྣམ་པར་དག་པར་བྱེད་པ་དང་། དེ་བཞིན་དུ་འཁོར་བའི་<br /> <br /> 117-178a<br /> <br /> བཙོན་རར་ཉོན་མོངས་པའི་ལྕགས་སྒྲོག་གི་འཆིང་བས་ཉེ་བར་བཅིངས་པའོ། །སེམས་ཅན་རྒྱ་མཚོ་སྙེད་ལ་རྫུ་འཕྲུལ་དང་། ཀུན་བརྗོད་པའི་ཆོ་འཕྲུལ་གཉིས་ཀྱིས་མགུ་བར་བྱས་ནས་རྗེས་སུ་བསྟན་པའི་ཆོ་འཕྲུལ་གྱིས་རྣམ་པར་གྲོལ་བར་བྱེད་པ་དང་། ཆོས་རྣམས་རྒྱ་མཚོ་ཞེས་བྱ་བ་ནི་བསྟན་པའི་ཆོས་རྒྱ་མཚོ་དང་། རྟོགས་པའི་ཆོས་རྒྱ་མཚོ་རྣམས་ཤེས་རབ་ཀྱི་མིག་གིས་སྐད་ཅིག་སོ་སོ་ལ་མཐོང་བར་བྱེད། ལྟ་བར་བྱེད་པ་དང་། ཤེས་བྱ་མཐའ་ཡས་པ་ཉིད་ཀྱིས་ཡེ་ཤེས་མཐའ་ཡས་པ་ཡིན་པ་དེ་བས་ན། ཡེ་ཤེས་རྒྱ་མཚོ་ཞེས་གསུངས་པའི་ཡེ་ཤེས་རྒྱ་མཚོ་དེ་དག་སྐད་ཅིག་སོ་སོ་ལ་འཇུག་ཅིང་རྟོགས་པར་བྱེད་པ་དེ་མངོན་དུ་མཐོང་བ་ཞེས་བྱ་བའི་དོན་དང་། སྤྱོད་པ་རྒྱ་མཚོ་ཞེས་བྱ་བ་ལ་སོགས་པ་ནི་བྱང་ཆུབ་ཀྱི་སྤྱོད་པ་རྒྱ་མཚོ་དང་། བཟང་པོ་སྤྱོད་པའི་སྤྱོད་པ་གཉིས་ཀ་གཟུང་བར་རིགས་ཏེ། ཁྱད་པར་མེད་པའི་ཕྱིར་རོ། །དེ་ལ་བྱང་ཆུབ་ཀྱི་སྤྱོད་པ་ནི་སངས་རྒྱས་ཀྱི་ཆོས་སྒྲུབ་པར་བྱེད་པ་ཡེ་ཤེས་ཀྱི་ཚོགས་སོ། །བཟང་པོ་སྤྱོད་པ་ཡང་འགྲོ་བ་མཐའ་དག་ལ་ཕན་པ་དང་བདེ་བ་བསྐྱེད་པ་དང་རྗེས་སུ་མཐུན་པ་བསོད་ནམས་ཀྱི་ཚོགས་སོ། །གཞན་ཡང་བཟང་པོ་སྤྱོད་པ་ཡང་བྱང་ཆུབ་ཀྱི་སྤྱོད་པ་ཁོ་ན་སྟེ། གཉིས་ཀ་ཡང་སངས་རྒྱས་ཐོབ་པར་བྱེད་པ་ཡིན་པའི་ཕྱིར་རོ། །འོན་ཀྱང་དངོས་དང་བརྒྱུད་པའི་ཞེས་བྱ་བའི་ཁྱད་པར་དེ་ཙམ་དུ་ཟད་དེ། སྤྱོད་པ་རྒྱ་མཚོ་དེ་དག་མངོན་པར་ཤེས་པའི་སྟོབས་ཀྱིས་སྐད་ཅིག་རེ་རེ་ལ་ཡང་རྣམ་པར་སྦྱོང་ཞིང་དྲི་མ་མེད་པར་བྱེད་པ་དང་། སྐད་ཅིག་རེ་རེ་ལ་སྨོན་ལམ་རྒྱ་མཚོ་ཚུལ་ཁྲིམས་དང་ཏིང་ངེ་འཛིན་གྱི་སྟོབས་ཀྱིས་རབ་ཏུ་རྫོགས་པར་བྱེད་པ་དང་། སྐད་ཅིག་རེ་རེ་ལ་ཕྱོགས་བཅུའི་སངས་རྒྱས་རྒྱ་མཚོ་ནམ་མཁར་ཁྱབ་པའི་མཆོད་པ་རྣམས་ཀྱིས་རབ་ཏུ་མཆོད་པར་བྱེད་ཅིང་། བསྐལ་པ་རྒྱ་མཚོར་མི་སྐྱོ་བར་སྤྱད་པར་བགྱི་སྟེ་མི་སྐྱོ་བའི་སེམས་ཀྱིས་མཆོད་པར་བགྱིའོ། །<br /> <br /> ༈ རྣམ་པ་བཅོ་ལྔ་པ། རྗེས་སུ་སློབ་པ་ཡོངས་སུ་ཕྱེ་བ་བསྟན་པ།<br /> ༆ རྣམ་པ་བཅོ་ལྔ་པ་ནི་སངས་རྒྱས་དང་བྱང་ཆུབ་སེམས་དཔའི་རྗེས་སུ་སློབ་པའི་ཡོངས་སུ་བསྔོ་བའོ། །དེ་ཡང་རྣམ་པ་གཉིས་ལས། དེ་ལ་དེ་བཞིན་གཤེགས་པའི་རྗེས་སུ་བསླབ་པའི་ཡོངས་སུ་བསྔོ་བ་ནི། གང་ཡང་དུས་གསུམ་གཤེགས་པ་རྒྱལ་བ་ཡི། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་ཡང་དུས་གསུམ་<br /> <br /> 117-178b<br /> <br /> གཤེགས་པ་རྒྱལ་བ་རྣམས་ཀྱི་བྱང་ཆུབ་སེམས་དཔའི་སྤྱོད་པའི་སྨོན་ལམ་གྱི་བྱེ་བྲག་གི་དེ་ཀུན་མ་ལུས་པར་བདག་གིས་རྫོགས་པར་བྱས་ཤིང་ཡང་དག་པར་བསམས་ནས། བཟང་པོ་སྤྱོད་པ་ཞེས་བྱ་བ། བཟང་པོའི་སྤྱོད་པས་བྱང་ཆུབ་འཚང་རྒྱ་བགྱི། །ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་པར་བྱ་བའོ། །ལུས་དང་ངག་དང་ཡིད་ཀྱི་སྤྱོད་པ་དང་ཞིང་དང་སྨོན་ལམ་རྣམ་པར་དག་པ་རྣམས་ཀྱིས་འཕགས་པ་ཀུན་དུ་བཟང་པོ་ལ་སོགས་པ་བྱང་ཆུབ་སེམས་དཔའི་རྗེས་སུ་བསླབ་པར་ཡོངས་སུ་བསྔོ་བ་ནི། རྒྱལ་བ་ཀུན་གྱི་སྲས་ཀྱི་ཐུ་བོ་པ། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། བྱང་ཆུབ་སེམས་དཔའ་རྣམས་ཀྱི་ཀུན་དུ་བཟང་པོའི་སྤྱོད་པ་གང་ཡིན་པ་དང་། དེ་བཞིན་དུ་བྱང་ཆུབ་སེམས་དཔའི་རྣམ་པར་ཐར་པ་གང་ཇི་སྙེད་པ་དང་། བྱང་ཆུབ་སེམས་དཔའི་ཏིང་ངེ་འཛིན་ཇི་སྙེད་པ་དང་། མདོར་བསྡུས་ན་དེ་ལྟ་བུ་ལ་སོགས་པ་བྱང་ཆུབ་སེམས་དཔའི་ཡོན་ཏན་ཇི་སྙེད་པ་དེ་སྙེད་པ་ཐམས་ཅད་ཀྱི་ཕ་རོལ་ཏུ་ཕྱིན་པ་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཀུན་དུ་བཟང་པོ་ནི་སྲས་ཀྱི་ཐུ་བོ་པ་ཡིན་ནོ། །ཐུ་བོ་ཞེས་བྱ་བ་ལ་སོགས་པ་ལ། རྒྱལ་བ་ཐམས་ཅད་ཀྱི་སྲས་ཀྱི་ཐུ་བོར་གྱུར་པ་བྱང་ཆུབ་སེམས་དཔའ་ཆེན་པོ་འཕགས་པ་ཀུན་དུ་བཟང་པོ་ཞེས་བྱ་བའི་མིང་གང་ལ་ཡོད་པའི་མཁས་པ་དེ་དང་ཞེས་བྱ་བ་ལ་མཁས་པ་དེ་ཉིད་དང་མཚུངས་པར་སྤྱོད་པའི་ཕྱིར་ཞེས་བྱ་བ་ནི་བསྐལ་པ་འདིའི་བར་དུ་སྤྱད་པའི་ཕྱིར་ན་ཇི་སྐད་བསྟན་པའི་དགེ་བ་འདི་དག་ཐམས་ཅད་སྐད་ཅིག་རེ་རེ་ལ་ཡོངས་སུ་བསྔོ་ཞེས་པའོ། །ལུས་དང་ངག་དང་ཡིད་ཀྱང་ཞེས་བྱ་བ་ལ་སོགས་པ་ནི། ལུས་དང་ངག་དང་ཡིད་རྣམ་པར་དག་པ་དང་ཞིང་རྣམ་པར་དག་པའོ། །མཁས་པ་བཟང་པོའི་ཞེས་བྱ་བ་ནི་མཁས་པ་འཕགས་པ་ཀུན་དུ་བཟང་པོའོ། །བསྔོ་བ་ཞེས་བྱ་བ་ནི་ཡོངས་སུ་བསྔོ་བར་བྱེད་པའོ། །ཅི་འདྲ་བ་ཞེས་བྱ་བ་ནི་ཇི་ལྟ་བར་རོ། །དེ་འདྲར་ཞེས་བྱ་བ་ནི་དེ་འདྲ་བ་ཁོ་ནར་བདག་ཀྱང་དེ་དང་ཞེས་བྱ་བ་ནི་འཕགས་པ་ཀུན་དུ་བཟང་པོ་དང་མཉམ་པར་ཤོག་ཅིག་པའོ་ཞེས་བྱ་བ་ནི་བཟང་པོ་སྤྱོད་པའི་དོན་དུའོ། །ཀུན་ནས་དགེ་བ་བཟང་པོ་ཞེས་བྱ་བ་ནི་ཐོག་མ་དང་བར་དང་ཐ་མར་དགེ་ཞིང་ཤིས་ལ་ལེགས་པའོ། །འཇམ་དཔལ་གྱི་ནི་སྨོན་ལམ་ཞེས་བྱ་བ་ནི་<br /> <br /> 117-179a<br /> <br /> འཕགས་པ་འཇམ་དཔལ་གྱི་སྨོན་ལམ་ལ་སྤྱད་པར་བགྱི་བའོ། །དེའི་སྨོན་ལམ་གང་ཡིན་ཞེ་ན། ཇི་སྐད་དུ་འཕགས་པ་འཇམ་དཔལ་རྒྱལ་པོ་ནམ་མཁར་གྱུར་པས། འཁོར་བ་ཐ་མ་མེད་པ་ཡི། །སྔོན་གྱི་ཐ་མ་ཇི་སྲིད་པ། །དེ་སྲིད་སེམས་ཅན་ཕན་དོན་དུ། །སྤྱོད་པ་དཔག་ཡས་སྤྱད་པར་བགྱི། །ཞེས་བྱ་བ་ལ་སོགས་པ་རྒྱ་ཆེར་གསུངས་པ་བཞིན་ནོ། །མ་འོངས་བསྐལ་པ་ཀུན་དུ་མི་སྐྱོ་བར། །ཞེས་བྱ་བ་ནི་མ་འོངས་པའི་བསྐལ་པ་མ་ལུས་པ་ཐམས་ཅད་དུ་ཡིད་མི་སྐྱོ་ཞིང་བསམ་པ་གཞན་མེད་པར་སངས་རྒྱས་དང་བྱང་ཆུབ་སེམས་དཔའི་བྱ་བ་སྟེ། ལས་དེ་དག་མ་ལུས་པར་རྫོགས་པར་བགྱིའོ། །<br /> <br /> ༈ རྣམ་པ་བཅུ་དྲུག་པ། བསྡུ་བ་བསྟན་པ།<br /> ༆ རྣམ་པ་བཅུ་དྲུག་པ་སྦྱོར་བ་དང་། ཡོན་ཏན་ཚད་མེད་པ་དང་། སྤྱོད་པ་ལ་གནས་པ་རྣམས་ཀྱིས་གསུངས་པ་ནི། སྤྱོད་པ་དག་ནི་ཚད་ཡོད་མ་གྱུར་ཅིག །ཅེས་བྱ་བ་ལ་སོགས་པ་གང་གསུངས་པ་ཡིན་ཏེ། བདག་གི་སྤྱོད་པ་རྣམས་ཚད་མེད་པར་གྱུར་ཅིག །ཡོན་ཏན་རྣམས་ཀྱང་ཚད་མེད་པར་གྱུར་ཅིག །སྤྱོད་པ་ཚད་མེད་པ་དང་། ཡོན་ཏན་ཚད་མེད་པ་རྣམས་ལ་གནས་ནས་ཀྱང་སངས་རྒྱས་དང་བྱང་ཆུབ་སེམས་དཔའ་དེ་དག་གི་རྣམ་པར་འཕྲུལ་པ་རྨད་དུ་བྱུང་བའི་རྫུ་འཕྲུལ་ལ་སོགས་པ་ཐམས་ཅད་ཀྱི་ཚེ་འཚལ་བར་བགྱི་བའོ། །དེ་རྣམས་ནི་བརྒྱད་པ་དེའི་རབ་ཏུ་དབྱེ་བ་རྣམ་པ་བཅུ་དྲུག་ཡིན་ནོ། །<br /> <br /> ༈ དོན་དགུ་པ། དེའི་མཐར་ཐུག་པ།<br /> ༆ ད་ནི་དོན་དགུ་པ་དེའི་མཐར་ཐུག་པ་ཇི་སྲིད་དུ་གྱུར་པ་དང་། སེམས་ཅན་གྱི་ཁམས་ཐམས་ཅད་ཀྱི་མཐའ་ཇི་སྲིད་པ་དང་། འགྲོ་བ་ལས་ཀྱི་མཐའ་ཇི་སྲིད་པ་དང་། ཉོན་མོངས་པའི་མཐའ་ཇི་སྲིད་པ་དེ་སྲིད་པར་གྱུར་པ་དང་། བདག་གི་ཀུན་དུ་བཟང་པོའི་སྤྱོད་པའི་སྨོན་ལམ་གྱི་མཐའ་འདི་ཡང་དེ་སྲིད་དུ་གྱུར་ཅིག་པ་སྟེ། ནམ་མཁའ་ལ་སོགས་པ་མཐར་ཐུག་ཅིང་ཡོངས་སུ་རྫོགས་པ་མེད་པ་དེ་བཞིན་དུ་བདག་གི་སྨོན་ལམ་མཐར་ཐུག་ཅིང་ཡོངས་སུ་རྫོགས་པ་མེད་པར་གྱུར་ཅིག་པའོ། །<br /> <br /> ༈ དོན་བཅུ་པ། དེའི་ཕན་ཡོན།<br /> <br /> ༈ མཐོང་བའི་ཆོས་དང་ལྡན་པ་བསྟན་པ།<br /> ༆ དོན་བཅུ་པ་ནི་སྨོན་ལམ་གྱི་ཕན་ཡོན་ཡིན་ནོ། །དེ་ཡང་རྣམ་པ་གཉིས་ཏེ། མཐོང་བའི་ཆོས་དང་ལྡན་པ་དང་། ཕ་རོལ་དང་ལྡན་པའོ། །དེ་ལ་མཐོང་བའི་ཆོས་དང་ལྡན་པ་ནི་རྣམ་པ་བཞི་སྟེ། འདི་ལྟ་སྟེ་ཁྱད་པར་ཅན་གྱི་བསོད་ནམས་ཡོངས་སུ་འཛིན་པ་དང་། དེ་བཞིན་གཤེགས་པ་མཐོང་བ་དང་། བྱང་ཆུབ་སེམས་དཔའ་དང་སྐལ་བ་མཉམ་པ་ཉིད་ཐོབ་པ་དང་། ལས་ཀྱི་<br /> <br /> 117-179b<br /> <br /> སྒྲིབ་པ་ཡོངས་སུ་ཟད་པའོ། །དེ་ལ་ཞིང་ཁྱད་པར་དུ་འཕགས་པ་དང་ཡོངས་སུ་འཛིན་པར་བྱེད་པའི་དངོས་པོ་རབ་ཏུ་མང་ཞིང་རྒྱ་ཆེ་བ་རྣམ་པ་སྣ་ཚོགས་པ་ཕུལ་བའི་བསོད་ནམས་ཀྱི་དཔེས་བྱང་ཆུབ་དོན་དུ་གཉེར་བར་གྱུར་པ་སྨོན་ལམ་ལ་མོས་པས་བསོད་ནམས་ཁྱད་པར་དུ་འཕགས་པ་མཆོག་ཡོངས་སུ་འཛིན་པ་ནི། གང་ཡང་ཕྱོགས་བཅུའི་ཞིང་རྣམས་ཞེས་བྱ་བ་ལ་སོགས་པ་སྟེ། རིགས་ཀྱི་བུའམ་རིགས་ཀྱི་བུ་མོ་གཅིག་པོ་གང་ཞིག་གིས། ཕྱོགས་བཅུའི་སངས་རྒྱས་ཀྱི་ཞིང་མཐའ་ཡས་མུ་མེད་པ་རྣམས། གོས་དང་བླ་རེ་དང་། གདུགས་དང་། རྒྱལ་མཚན་དང་། བ་དན་དང་། རྣམ་པ་སྣ་ཚོགས་པ་དང་། སིལ་སྙན་དང་། རིན་པོ་ཆེ་དང་། དྲིལ་བུ་དང་། ཕྲེང་བ་དང་། མེ་ཏོག་དང་། བདུག་པ་དང་། མར་མེའི་ཕྲེང་བ་ལ་སོགས་པ་ལྷ་དང་མིའི་ལས་འདས་པ་རྣམས་ཀྱིས་བརྒྱན་པ་དང་། ལྷ་དང་མིའི་བཟའ་བ་དང་བཅའ་བ་ལ་སོགས་པ་རོ་ལྔ་བརྒྱ་དང་ལྡན་པ་མཆོག་ཏུ་བདེ་བ་སྐྱེད་པར་བྱེད་པ་རྣམས་སངས་རྒྱས་ཀྱི་ཞིང་གི་རྡུལ་དང་མཉམ་པའི་བསྐལ་པར་སངས་རྒྱས་བཅོམ་ལྡན་འདས་རྣམས་ལ་སྦྱིན་པ་ཕུལ་བ་དང་། གཞན་གང་ཟག་གང་གིས་བསྔོ་བའི་རྒྱལ་པོ་འདི་ཐོས་ནས་མོས་ཤིང་སྟེ། འདི་ཁོ་ན་ལྟར་ཡིན་ནོ་ཞེས་ལན་ཅིག་ཙམ་ཡང་ཞེས་བྱ་བ་དུས་གཅིག་གི་ཚེ་དད་པ་བསྐྱེད་པའོ། །དེ་སུ་ཡིན་ཞེ་ན། བྱང་ཆུབ་མཆོག་ནི་རབ་ཏུ་དོན་གཉེར་བ་སྟེ། ཐེག་པ་ཆེན་པོ་པའོ། །དེས་ནི་སྦྱིན་པ་ལས་བྱུང་བའི་བསོད་ནམས་དམ་པ་མཆོག་ཏུ་གྱུར་པ་འདི་ཐོབ་པར་འགྱུར་རོ། །གང་དག་གི་ལྟར་ན་དོན་གྱིས་ན་སྐྱེས་བུ་དེའི་ཞེས་བྱ་བ་ཡིན་ཏེ། དེའི་བསོད་ནམས་འདི་ནི་དག་པ་མཆོག་ཏུ་འགྱུར་བ་ཞེས་བྱ་བ་ཡིན་ནོ། །ལོག་པར་ལྟུང་བ་དང་གྲོགས་པོ་ངན་པ་སྤངས་པས་དེ་བཞིན་གཤེགས་པ་མཐོང་བ་ནི། གང་ཞིག་གི་བཟང་པོ་སྤྱོད་པའི་སྨོན་ལམ་འདི་བཏབ་པས་ཞེས་བྱ་བ་ལ་སོགས་པའོ། །དེས་ནི་ངན་སོང་གསུམ་པོ་ཐམས་ཅད་སྤང་བར་འགྱུར་ཞིང་། དེས་ནི་ཉན་ཐོས་ལ་སོགས་པ་གྲོགས་པོ་ངན་པ་མི་དགེ་བའི་བཤེས་གཉེན་རྣམས་སྤང་པར་འགྱུར་རོ། །འཆི་བའི་དུས་ན་བཅོམ་ལྡན་འདས་དེ་བཞིན་གཤེགས་པ་སྣང་བ་མཐའ་ཡས་དེ་ཡང་མྱུར་དུ་མཐོང་བར་འགྱུར་རོ། །སུས་མཐོང་ཞེ་ན། བཟང་པོ་སྤྱོད་པ་འདིའི་<br /> <br /> 117-180a<br /> <br /> དོན་དང་གཞུང་གི་སྒོ་ནས་སུའི་སྙིང་དུ་ཆུད་པ་དེས་སོ། །རྙེད་པ་དང་འཚོ་བ་དང་སྐྱེ་བ་རབ་ཏུ་བསྔགས་པ་ཐོབ་པའི་ཕྱིར་བྱང་ཆུབ་སེམས་དཔའ་དང་སྐལ་བ་མཉམ་པ་ཉིད་ཐོབ་པ་ནི་དེ་དག་རྙེད་ཅེས་བྱ་བ་ལ་སོགས་པ་གང་གསུངས་པ་ཡིན་ཏེ། དེ་དག་གིས་ནི་སྨོན་ལམ་རིན་པོ་ཆེ་བླ་ན་མེད་པ་རབ་ཏུ་རྙེད་པ་ཡིན་ནོ། །སྨོན་ལམ་རིན་པོ་ཆེ་བླ་ན་མེད་པ་འདི་རྙེད་པའི་ཕྱིར་ན་དེ་དག་ནི་བདེ་བར་འཚོ་བ་ཡིན་ནོ། །དེ་ཉིད་ཀྱི་ཕྱིར་མཆོག་ཏུ་གྱུར་པ་ཐོབ་པར་བྱ་བའི་དངོས་པོ་སྐྱེ་བས་ཐོབ་པའི་ཕྱིར་མི་ཚེ་འདིར་ཡང་ལེགས་པར་ཏེ་དགེ་བར་འོངས་པ་ཡིན་ལ། འཕགས་པ་ཀུན་དུ་བཟང་པོ་འདི་ཅི་འདྲ་བར་དེ་དག་ཀྱང་རིང་པོར་མི་ཐོགས་པར་དེ་བཞིན་དུ་འགྱུར་རོ། །བཞི་པ་ལས་ཀྱི་སྒྲིབ་པ་ཟད་པའི་ཕན་ཡོན་ནི། མཚམས་མེད་ལྔ་པོ་དག་གི་སྡིག་པ་རྣམས། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། མ་གསོད་པ་ལ་སོགས་པ་མཚམས་མེད་པ་ལྔའི་སྡིག་པ་རྣམས་གང་གིས་མི་ཤེས་པའི་དབང་གིས་བྱས་པ་དག་སྟེ། མི་ཤེས་པའི་རྩ་བ་ཅན་ཡིན་པའི་ཕྱིར་འདོད་ཆགས་ལ་སོགས་པ་གང་ཡང་རུང་བ་དག་ནི་མི་ཤེས་པའི་དབང་གིས་བྱས་པ་ཞེས་བརྗོད་དོ། །ཇི་སྐད་དུ་བརྗོད་པ་ངེས་པར་འཛིན་པའི་ཕྱིར་རབ་ཏུ་དངས་པའི་ཆུས་བརླན་ཞིང་ལེགས་པར་གྱུར་པའི་ཡིད་དང་ལྡན་པ་དེ་ཡིས་བཟང་སྤྱོད་སྨོན་ལམ་འདི་བརྗོད་ན་སྟེ། ལྷག་པར་མོས་པས་བརྗོད་པ་དང་། འཛིན་པ་དང་འགྲོ་བ་མཐའ་དག་ལ་ཉིན་མཚན་དུ་སྟོན་པར་བྱེད་ན་མཚམས་མེད་པ་དག་མྱུར་དུ་མ་ལུས་པར་ཡོངས་སུ་བྱང་བར་འགྱུར་ཏེ་དྲུངས་ཕྱུང་ཞིང་ཟད་པར་འགྱུར་རོ། །<br /> <br /> ༈ ཕ་རོལ་དང་ལྡན་པ་བསྟན་པ།<br /> ༆ ཕ་རོལ་དང་ལྡན་པ་ཡང་རྣམ་པ་གཉིས་ཏེ། རྒྱུས་བསྡུས་པ་དང་། འབྲས་བུས་བསྡུས་པའོ། །དེ་ལ་རྒྱུས་བསྡུས་པ་ནི་གཟུགས་དང་། མཚན་དང་། དཔེ་བྱད་དང་། རིགས་དང་། རུས་དང་། གནོད་པ་མེད་པ་དང་། མཆོད་པར་བྱ་བ་ཉིད་ཀྱི་མཚན་ཉིད་དེ། ཡེ་ཤེས་དང་ནི་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཡེ་ཤེས་ཞེས་བྱ་བ་ནི་སྤྱོད་པ་ཐམས་ཅད་ཡང་དག་པར་འགྲུབ་པའོ། །གཟུགས་ཞེས་བྱ་བ་ནི་ཡིད་འཕྲོག་པའི་གཟུགས་སོ། །མཚན་ཞེས་བྱ་བ་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཏེ། དབུ་གཙུག་ཏོར་དང་ལྡན་པ་ལ་སོགས་པ་དང་མཚན་གྱི་འཁོར་དུ་<br /> <br /> 117-180b<br /> <br /> གཏོགས་པའི་ཕྱིར་དཔེ་བྱད་དེ་རྣམས་དང་ཡང་ལྡན་པ་ཉིད་དུ་ངེས་པར་བྱའོ། །རིགས་ཞེས་བྱ་བ་ནི་བྲམ་ཟེ་དང་རྒྱལ་རིགས་གང་ཡང་རུང་བའི་རིགས་སོ། །རུས་ཞེས་བྱ་བ་ནི་ཐམས་ཅད་ལས་ཁྱད་པར་དུ་འཕགས་པ་མངོན་པར་ཤེས་པར་གྱུར་པ་སྟེ། དེ་དག་དང་ལྡན་པར་འགྱུར་ཞེས་བྱ་བ་ལ། ལྡན་པ་ནི་རྟག་ཏུ་ཡང་དག་པར་ལྡན་ཞིང་འབྲེལ་བའོ། །འགྱུར་བ་ནི་གྲུབ་པའོ། །བདུད་དང་མུ་སྟེགས་ཚོགས་ཀྱིས་དེ་མི་ཐུབ། །ཅེས་བྱ་བ་ནི་གང་ཞིག་ཀུན་དུ་བཟང་པོའི་སྤྱོད་པའི་སྨོན་ལམ་འདི་འཛིན་པ་དང་སྟོན་པར་བྱེད་པ་དེ་ནི་བདུད་དང་མུ་སྟེགས་པའི་ཚོགས་རྣམས་ཀྱིས་མི་ཐུབ་ཅིང་ཟིལ་གྱིས་མི་ནོན་པ་དང་། འཇིག་རྟེན་གསུམ་པོ་ཐམས་ཅད་དུ་མཆོད་པར་འགྱུར་རོ། །འབྲས་བུས་བསྡུས་པ་ནི། བྱང་ཆུབ་ཀྱི་སྙིང་པོར་འགྲོ་བ་དང་། སེང་གེའི་ཁྲི་ལ་བཞུགས་པར་སྟོན་པ་དང་། བདུད་འདུལ་བ་དང་། མངོན་པར་བྱང་ཆུབ་པ་དང་། ཆོས་ཀྱི་འཁོར་ལོ་བསྐོར་བ་ལ་སོགས་པའི་མཚན་ཉིད་དེ། བྱང་ཆུབ་ཤིང་དབང་དྲུང་དུ་དེ་མྱུར་འགྲོ། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་ལ་བཟང་པོ་སྤྱོད་པ་བླ་ན་མེད་པའི་རིན་པོ་ཆེ་འདི་ཡོད་ཅིང་བསོད་ནམས་དང་ཡེ་ཤེས་ཀྱི་ཚོགས་བསགས་པ་དེ་ནི་བྱང་ཆུབ་ཤིང་གི་དབང་པོའི་དྲུང་དུ་མྱུར་དུ་འགྲོ་ལ། བྱང་ཆུབ་ཀྱི་ཤིང་གི་དྲུང་དུ་སོང་ནས་ཀྱང་། སེམས་ཅན་ཐམས་ཅད་ལ་ཕན་པ་བསྒྲུབ་པའི་དོན་དུ་སེང་གེའི་ཁྲི་ལ་སྐྱིལ་མོ་ཀྲུང་བཅས་ནས་འདུག་སྟེ། འདུག་ནས་ཀྱང་བདུད་ཀྱི་སྡེ་ཕམ་པར་བྱས་ནས་དེའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས་བླ་ན་མེད་པའི་ཆོས་ཀྱི་འཁོར་ལོ་བསྐོར་བར་བྱེད་ཅིང་མདོར་བསྡུས་ཏེ་སྟོན་པར་བྱེད་ཅེས་པའི་དོན་ཏོ། །<br /> <br /> ༈ ཕན་ཡོན་གྱི་ཁྱད་པར་སྤྱིར་མདོར་བསྡུས་ཏེ་བསྟན་པ།<br /> ༆ གཞན་ཡང་འཇིག་རྟེན་པ་དང་འཇིག་རྟེན་ལས་འདས་པའི་ཕུན་སུམ་ཚོགས་པ་མ་ལུས་པ་ཐོབ་པའི་ཕན་ཡོན་ནི། གང་ཡང་བཟང་པོ་སྤྱོད་པའི་སྨོན་ལམ་འདི། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་ལ་ལ་ཞིག་བཟང་པོ་སྤྱོད་པའི་སྨོན་ལམ་འདི་འཆང་ཞིང་སྟོན་པ་དང་། ཀློག་པར་བྱེད་པ་དེའི་རྣམ་པར་སྨིན་པ་གང་ཡིན་པ་ནི་འཇིག་རྟེན་འདིར་སངས་རྒྱས་ཏེ། རྗེ་བཙུན་བཅོམ་ལྡན་འདས་ཉིད་ཀྱིས་མཁྱེན་པར་འགྱུར་གྱི། གཞན་ཉན་ཐོས་དང་རང་སངས་རྒྱས་རྣམས་ཀྱི་ནི་མ་ཡིན་ནོ། །སྨོན་ལམ་རིན་པོ་ཆེ་འདིའི་རྣམ་<br /> <br /> 117-181a<br /> <br /> པར་སྨིན་པ་ཅི་འདྲ་བ་ཞིག་ཡིན་པར་མཁྱེན་ཞེ་ན། གསུངས་པ་ནི། བྱང་ཆུབ་མཆོག་ལ་ཞེས་བྱ་བ་ནི་འབྲས་བུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་པོ། །འཇིག་རྟེན་པའི་ཕུན་སུམ་ཚོགས་པ་འདི་མེད་ན་མི་འབྱུང་བའི་ཕྱིར་ན། འཇིག་རྟེན་པའི་ཕུན་སུམ་ཚོགས་པ་མ་ལུས་པ་ཐོབ་པའི་ཕན་ཡོན་ཡང་དོན་གྱིས་བརྗོད་པ་ཉིད་དུ་བལྟ་བར་བྱའོ། །དེའི་ཕྱིར་སྨོན་ལམ་འདི་ལ་སོམ་ཉི་མ་བྱེད་ཅིག་སྟེ། ཐེ་ཚོམ་མ་སྐྱེད་ཅིག་པའོ། །<br /> <br /> ༈ འདོན་པར་བྱེད་པའི་ཡོངས་སུ་བསྔོ་བ་བསྟན་པ།<br /> ༆ ད་ནི་བར་གྱི་ཡོངས་སུ་བསྔོ་བ་གསུངས་པ་ནི། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཞེས་བྱ་བ་ལ་སོགས་པ་སྟེ། ཇི་ལྟར་འཕགས་པ་འཇམ་དཔལ་དང་། འདི་ལྟར་བྱང་ཆུབ་སེམས་དཔའ་ཀུན་དུ་བཟང་པོས་མཁྱེན་པ་བཞིན་དུ། དེ་དག་གི་ནི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ཞེས་བྱ་བ་འདི་ནི་བྱང་ཆུབ་སེམས་དཔའི་ཡོངས་སུ་བསྔོ་བའོ། །ད་ནི་གཉིས་པ་དེ་བཞིན་གཤེགས་པའི་ཡོངས་སུ་བསྔོ་བ་གསུངས་པ་ནི། དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །ཞེས་བྱ་བ་ལ་སོགས་པ་སྟེ། དུས་གསུམ་གཤེགས་པ་རྒྱལ་བ་ཐམས་ཅད་ཀྱིས། བསྔོ་བ་གང་ལ་མཆོག་ཏུ་བླ་ན་མེད་པར་བསྔགས་ཤིང་ཕན་ཡོན་ཡོན་ཏན་བརྗོད་པའི་ཡོངས་སུ་བསྔོ་བ་དེས་བདག་གིས་དགེ་བའི་རྩ་བའི་ཚོགས་རྒྱ་མཚོ་དང་ལྡན་པ་འདི་དག་ཀུན་ཀྱང་། བཟང་པོ་སྤྱོད་ཕྱིར་མཆོག་ཏུ་བསྔོ་བར་བགྱི། །ཞེས་བྱ་བའོ། །ད་ནི་ཚིགས་སུ་བཅད་པ་ཕྱེད་ཀྱིས་སྒྲིབ་པ་དང་བྲལ་བ་ཉིད་དང་། ཕྱེད་ཕྱི་མས་ཕ་རོལ་ཏུ་ཕྱིན་པ་དང་རྗེས་སུ་མཐུན་པའི་བདག་གི་དངོས་པོ་ཡོངས་སུ་འཛིན་པ་གསུངས་པ་ནི། བདག་ནི་འཆི་བའི་དུས་བྱེད་གྱུར་པ་ན། །ཞེས་བྱ་བ་ལ་སོགས་པ་ནི་འཆི་བའི་དུས་བྱེད་གྱུར་པ་ན་ཚེ་འདིར་བར་ཆད་བྱེད་པའི་དུས་སུ་སྟེ། འཆི་བའི་ཚེ་སྒྲིབ་པ་གང་དག་ཅུང་ཟད་ཡོད་པ་དེ་དག་བཟང་པོ་སྤྱོད་པས་བཟློག་ནས། མངོན་སུམ་དུ་བཅོམ་ལྡན་འདས་སྣང་བ་མཐའ་ཡས་དེ་མཐོང་ནས་བདེ་བ་ཅན་གྱི་སངས་རྒྱས་ཀྱི་ཞིང་དེར་རབ་ཏུ་འགྲོ་བའོ། །དེར་སོང་ནས་ནི་ཞེས་བྱ་བ་ལ་སོགས་པ་ལ། བདེ་བ་ཅན་གྱི་སངས་རྒྱས་ཀྱི་ཞིང་དེར་སོང་ནས་ཀྱང་ཇི་སྐད་བསྟན་པའི་སྨོན་ལམ་འདི་དག་ཐམས་ཅད་ཀྱང་མ་ལུས་པར་བདག་གིས་མངོན་སུམ་དུ་གྱུར་པར་ཤོག་<br /> <br /> 117-181b<br /> <br /> ཅིག །དེ་དག་ཀྱང་བདག་གིས་མ་ལུས་པར་ཡོངས་སུ་རྫོགས་པར་བྱས་ཏེ་བསྐངས་ནས་སེམས་ཅན་ཐམས་ཅད་ལ་ཕན་པར་བགྱིའོ། །དུས་ཇི་སྲིད་དུ་ཞེ་ན། འཇིག་རྟེན་ཇི་སྲིད་ཅེས་བྱ་བས་ཏེ། འགྲོ་བ་ཇི་སྲིད་པར་ཞེས་བྱ་བའི་དོན་ཏོ། །ལུང་བསྟན་པ་ཐོབ་པ་དང་། སེམས་ཅན་གྱི་དོན་གྲུབ་པ་ནི་ལྷག་མས་སོ། །ཇི་ལྟར་ཞེ་ན། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །ཞེས་བྱ་བ་ལ་སོགས་པ་སྟེ། རྒྱལ་བའི་དཀྱིལ་འཁོར་ཞེས་བྱ་བ་ནི་དེ་བཞིན་གཤེགས་པ་འཁོར་གྱི་དཀྱིལ་འཁོར་དུའོ། །བཟང་ཞིང་ཞེས་བྱ་བ་ནི་དགའ་བར་བྱ་བའོ། །དེ་ནི་དེ་ལྟ་བུ་དེར་རོ། །པདྨ་དམ་པ་ནི། པདྨ་མཆོག་སྟེ་རིན་པོ་ཆེ་སྣ་ཚོགས་ཀྱི་རང་བཞིན་ཅན་ནོ། །བསྟན་པ་མཛེས་པ་ནི་འོད་དང་ལྡན་པ་སྟེ་འོད་ཟེར་གྱི་དྲ་བ་འཕྲོ་བའོ། །སྐྱེས་ཞེས་བྱ་བ་ནི་བྱུང་བར་གྱུར་པའོ། །བཅོམ་ལྡན་འདས་སྣང་བ་མཐའ་ཡས་དེའི་མངོན་སུམ་དུ་འདིས་ལུང་སྟོན་པར་བྱེད་པས་ན་ལུང་བསྟན་པ་སྟེ་དུས་འདི་ཙམ་ན་འཇིག་རྟེན་གྱི་ཁམས་ཆེ་གེ་མོ་ཞེས་བྱ་བ་ཞིག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆེ་གེ་མོ་ཞེས་བྱ་བ་ཞིག་ཏུ་འགྱུར་རོ་ཞེས་བྱ་བ་རྣམ་པ་དེ་ལྟ་བུའི་ལུང་བསྟན་པ་དེར་རྒྱལ་བ་དེའི་ཐད་ནས་ཐོབ་པར་ཤོག་ཅིག་པའོ། །དེ་ལས་ཞེས་བྱ་བ་ནི་བཅོམ་ལྡན་འདས་འོད་དཔག་མེད་དེ་ལས་ལུང་བསྟན་པ་ཐོབ་སྟེ། དེ་ནས་སྤྲུལ་པ་བྱེ་བ་ཕྲག་བརྒྱ་ཡིས་ཏེ། སྤྲུལ་པའི་སྤྲིན་རྣམས་ཀྱིས་ཕྱོགས་བཅུ་པོ་རྣམས་སུ་ཁྱབ་པར་བྱས་ནས་ཆགས་པ་མེད་ཅིང་ཐོགས་པ་མེད་པའི་ཡེ་ཤེས་ཀྱི་ཆེ་བའི་བདག་ཉིད་ཀྱི་བློའི་སྟོབས་ཀྱིས་ཕྱོགས་བཅུའི་འགྲོ་བ་ཐམས་ཅད་དུ་སེམས་ཅན་རྣམས་ལ་ཕན་པ་མང་པོ་བགྲང་བ་ལས་འདས་པ་རྣམས་འགྲོ་བ་ཇི་སྲིད་ཀྱི་བར་དུ་སྐད་ཅིག་རེ་རེ་ལ་བགྱི་ཞིང་ཉེ་བར་བསྒྲུབ་པར་བགྱིའོ་ཞེས་བྱ་བའི་དོན་ཏོ། །སྨོན་ལམ་རྒྱལ་པོ་འདི་ལ་བཤད་སྦྱར་བྱས་པ་ལས། །བསོད་ནམས་དྲི་མེད་དགེ་བ་ཐོབ་པ་གང་ཡིན་དེས། །རྒྱུ་མཐུན་པ་ནི་བཏང་ཞིང་ཡོངས་སུ་བསྔོས་པ་ཡིན། །འགྲོ་དོན་བསྒྲུབ་ཕྱིར་འདི་ནི་ཡང་ཡང་བྱེད་པར་ཤོག །འཕགས་པ་ཀུན་དུ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་བཤད་སྦྱར། སློབ་དཔོན་ཀླུ་སྒྲུབ་ཀྱི་ཞལ་སྔ་ནས་མཛད་པ་རྫོགས་སོ།། །།ཁ་ཆེའི་མཁན་པོ་ཐིག་ལེ་བུམ་པ་དང་། སྒྲ་སྒྱུར་<br /> <br /> 117-182a<br /> <br /> གྱི་ལོ་ཙཱ་བ་ཆེན་པོ་ཤཱཀྱའི་དགེ་སློང་བློ་ལྡན་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Bhadracaryapra%E1%B9%87idh%C4%81namah%C4%81r%C4%81janibandhana/Full_text&diff=139038 Texts/Bhadracaryapraṇidhānamahārājanibandhana/Full text 2026-07-17T07:09:12Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[https://online.adarshah.org/index.html?kdb=degetengyur&amp;sutra=D4011 Adarsha]<br /> |FullTextDate=2025-05-27<br /> |FullTextTibetan=117-163b<br /> <br /> Ārya-bhadracaryāpraṇidhānamahārāja-nibandhana<br /> <br /> ༄། །བསྡུས་པའི་དོན།<br /> ༄༅༅། །རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷ་ན་མ་ཧཱ་རཱ་ཛ་ནི་བནྡྷ་ན། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཆེན་པོའི་བཤད་སྦྱར། ཀུན་དུ་བཟང་པོ་ལ་ཕྱག་འཚལ་ལོ། །བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཆེན་པོ་ལ་དོན་མདོར་བསྡུ་ན་བཅུ་སྟེ། འདི་ལྟ་སྟེ། དེ་བཞིན་གཤེགས་པ་རྣམས་ལ་ཕྱག་འཚལ་བ་དང་། དེ་ལ་མཆོད་པ་དང་། སྡིག་པ་བཤགས་པ་དང་། བསོད་ནམས་ལ་རྗེས་སུ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། དེ་བཞིན་གཤེགས་པ་རྣམས་བཞུགས་པར་གསོལ་བ་དང་། དགེ་བའི་རྩ་བ་ཡོངས་སུ་བསྔོ་བ་དང་། དེའི་རབ་ཏུ་དབྱེ་བ་དང་། དེའི་མཐར་ཐུག་པ་དང་། དེའི་ཕན་ཡོན་ནོ། །<br /> <br /> ༄། །རྒྱས་པར་བཤད་པ།<br /> <br /> ༈ དོན་དང་པོ། དེ་བཞིན་གཤེགས་པ་རྣམས་ལ་ཕྱག་འཚལ་བ།<br /> ༆ དེ་ལ་ཕྱོགས་བཅུ་ཀུན་གྱི་ཞིང་ལ་སོགས་པ་ན་བཞུགས་པའི་སངས་རྒྱས་བཅོམ་ལྡན་འདས་རྣམས་ལ་སྤྱིར་ལུས་དང་ངག་དང་ཡིད་རྣམ་པར་མ་ཕྱེ་བར་ཕྱག་འཚལ་བའི་དབང་དུ་མཛད་ནས་གསུངས་པ་ནི་ཇི་སྙེད་སུ་དག་ཅེས་བྱ་བ་ལ་སོགས་པའོ། །ཇི་སྙེད་ཅེས་བྱ་<br /> <br /> 117-164a<br /> <br /> བ་ནི་ཇི་སྲིད་པ་སྟེ་ཚད་ཇི་ཙམ་ཡིན་པའོ། །དེའི་ཕྱིར་ཚད་ཡོངས་སུ་བཅད་པར་འགྱུར་རོ། །དེས་ན་སྤྱིའི་སྒྲས་སངས་རྒྱས་བཅོམ་ལྡན་འདས་རྣམས་གཞལ་དུ་མེད་པ་ཉིད་དུ་སྟོན་པས་གསུངས་པ་ནི་སུ་དག་ཅེས་བྱ་སྟེ། གྲངས་དང་མིང་གི་སྒོ་ནས་ཚད་ལས་འདས་པ་ཞེས་བྱ་བའི་དོན་ཏོ། །ཕྱོགས་བཅུའི་འཇིག་རྟེན་ན་ཞེས་བྱ་བ་ནི་ཕྱོགས་བཅུ་པོ་རྣམས་ཀྱི་འགྲོ་བ་ནའོ། །དུས་གསུམ་ཀུན་གཤེགས་མི་ཡི་སེང་གེ་རྣམས། །ཞེས་བྱ་བ་ནི་དུས་གསུམ་པོར་གྱུར་པ་མཐའ་དག་སྟེ། དུས་གསུམ་ན་བཞུགས་པ་རྣམས་ཞེས་བྱ་བའི་དོན་ཏོ། །མིའི་སེང་གེ་ཞེས་བྱ་བ་ནི་ཐམས་ཅད་ལ་འཇིགས་པ་དང་བྲལ་ཞིང་གང་ལས་ཀྱང་དོགས་པ་མེད་པ་ནི་སེང་གེ་ཞེས་བྱའོ། །སངས་རྒྱས་བཅོམ་ལྡན་འདས་རྣམས་ཀྱང་ལྷ་དང་བཅས་པའི་འཇིག་རྟེན་ན་དེ་དང་འདྲ་བ་ཡིན་ཏེ། དེས་ན་སེང་གེ་དང་འདྲ་བས་སེང་གེའོ། །མི་རྣམས་སུ་སྐྱེ་བ་ཀུན་དུ་བསྟན་པའི་ཕྱིར་དེ་དག་ནི་མི་ཡང་ཡིན་པས་ན་སངས་རྒྱས་བཅོམ་ལྡན་འདས་རྣམས་ནི་མིའི་སེང་གེ་ཡིན་ནོ། །དེ་དག་ཐམས་ཅད་ལ་བདག་གིས་ཕྱག་བགྱིས་ཏེ་རབ་ཏུ་འདུད་དོ། །བརྗོད་པར་འདོད་པའི་དབང་གིས་ཕྱོགས་གཅིག་བརྗོད་པས་ཐམས་ཅད་ཀྱི་སྒྲ་མཐོང་བ་དེས་ན་ལྷག་མ་མ་ལུས་པ་ཡོངས་ཡོངས་སུ་གཟུང་བའི་དོན་དུ་མ་ལུས་ཞེས་གསུངས་སོ། །ལུས་དང་ངག་དང་ཡིད་རབ་ཏུ་དང་བ་ནི་མཆོག་ཏུ་དང་བར་གྱུར་པ་སྟེ། སེམས་རབ་ཏུ་དང་བས་ཀུན་ནས་བསླང་བའི་ཕྱིར་ལུས་དང་ངག་ཀྱང་རབ་ཏུ་དང་བ་ཡིན་ནོ། །ད་ནི་ལུས་ལ་སོགས་པ་སོ་སོ་རྣམ་པར་ཕྱེ་བས་ཕྱག་འཚལ་བ་གསུངས་ཏེ། དེ་ལ་རེ་ཞིག་ལུས་ཀྱིས་ཕྱག་འཚལ་བ་ནི། ཞིང་གི་རྡུལ་སྙེད་ལུས་རབ་བཏུད་པ་ཡིས། །ཞེས་བྱ་བ་ལ་སོགས་པ་ཡིན་ཏེ། སངས་རྒྱས་ཀྱི་ཞིང་གང་གི་རྡུལ་དང་མཉམ་པའི་ལུས་རབ་ཏུ་བཏུད་པས་སོ། །སྙེད་ཀྱི་སྒྲས་ནི་འདིར་དཔེ་དང་མཐུན་པའི་རྣམ་གྲངས་ཡིན་ཏེ་ཁྱད་པར་མེད་པའི་ཕྱིར་རོ། །ཕྱོགས་བཅུ་དུས་གསུམ་དུ་སོན་པའི་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་དང་མཉམ་པའི་ཞིང་དེའི་གྲངས་ཀྱི་ལུས་རབ་ཏུ་བཏུད་པས། རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །ཞེས་བྱ་བ་ནི་ཉོན་མོངས་པའི་དགྲ་ལས་རྒྱལ་བའི་ཕྱིར་དང་བདུད་ལས་རྒྱལ་བའི་ཕྱིར་ན་སངས་རྒྱས་བཅོམ་ལྡན་འདས་རྣམས་<br /> <br /> 117-164b<br /> <br /> ལ་རྒྱལ་བ་ཞེས་བརྗོད་དེ། ཇི་སྐད་དུ་བཅོམ་ལྡན་འདས་ཀྱིས། སྡིག་པའི་ཆོས་ལས་ང་རྒྱལ་ཏེ། །དེས་ན་ཉེར་འགྲོ་ང་རྒྱལ་བ། །ཞེས་བྱ་བ་ལ་སོགས་པ་གསུངས་པ་བཞིན་ནོ། །དུས་གསུམ་དུ་གཤེགས་པའི་རྒྱལ་བ་དེ་དག་ཐམས་ཅད་ལ་རབ་ཏུ་ཕྱག་འཚལ་ལོ། །བཅོམ་ལྡན་འདས་གཅིག་ལ་སེམས་ཕྱོགས་པར་གྱུར་པའི་ཕྱིར་ན་གཞན་ལ་ཡིད་ཀྱིས་སྟོང་པའི་ལུས་ཞིང་གི་རྡུལ་དང་མཉམ་པ་ཁོ་ནས་རབ་ཏུ་ཕྱག་འཚལ་ལམ་ཅི་ཞེ་ན་མ་ཡིན་ནོ་ཞེས་བརྗོད་པ་ནི། རྒྱལ་བ་ཀུན་ལ་མངོན་ཕྱོགས་ཡིད་ཀྱིས་སུ། །ཞེས་བྱ་བ་སྟེ། དེ་བཞིན་གཤེགས་པ་རྣམས་རེ་རེ་ལ་མངོན་དུ་ཕྱོགས་པའི་སེམས་ཀྱིས་ཞེས་བྱ་བའི་དོན་ཏོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །ཞེས་བྱ་བ་ལ། བཟང་པོ་ནི་དགེ་བའོ། །དེ་ནི་བཟང་པོ་ཡང་ཡིན་པས་ན་བཟང་པོ་སྤྱོད་པ་སྟེ། བྱང་ཆུབ་སེམས་དཔའི་ཞེས་བྱ་བའི་དོན་ཏོ། །དེའི་དོན་དུ་སྨོན་པ་ནི་སྨོན་ལམ་སྟེ་དོན་དུ་གཉེར་བའོ། །དེའི་སྟོབས་ནི་ཉོན་མོངས་པ་ལ་སོགས་པ་རྣམས་ཀྱིས་ཟིལ་གྱིས་མི་ནོན་པ་དང་མི་མཐུན་པའི་ཕྱོགས་ལས་ངེས་པར་རྒྱལ་བ་ཡིན་ཏེ། དེ་ནས་དེའི་སྟོབས་ཀྱིས་ཏེ། རྣམ་པ་གཞན་དུ་ནི་འདི་ལྟ་བུའི་ཚུལ་གྱི་བྱ་བ་མི་སྲིད་པའི་ཕྱིར་རོ། །དེ་བཞིན་དུ་ཡིད་ཀྱིས་ཕྱག་འཚལ་བ་ནི། རྡུལ་གཅིག་སྟེང་ན་ཞེས་བྱ་བ་ལ་སོགས་པའོ། །རྡུལ་གཅིག་སྟེང་ན་ཞེས་བྱ་བ་ནི་རྡུལ་གཅིག་གི་ཐོག་ནའོ། །སངས་རྒྱས་སྲས་ཀྱི་དབུས་ན་བཞུགས་པ་ཞེས་བྱ་བ་ནི་བྱང་ཆུབ་སེམས་དཔའ་ཚོགས་དཔག་ཏུ་མེད་པའི་དབུས་ན་སོ་སོར་བཞུགས་པའོ། །སངས་རྒྱས་རྡུལ་སྙེད་རྣམས་ཞེས་བྱ་བ་ནི་འདིར་ཡང་ཁྱད་པར་མེད་པའི་ཕྱིར་ན་ཕྱོགས་བཅུ་དུས་གསུམ་དུ་རྗེས་སུ་སོན་པའི་སངས་རྒྱས་ཀྱི་ཞིང་གི་རྡུལ་དང་མཉམ་པའི་བདེ་བར་གཤེགས་པ་རྣམས་མོས་ཞེས་འཆད་པར་འགྱུར་བ་དང་འབྲེལ་ལོ། །ཇི་ལྟར་རྡུལ་གཅིག་གི་སྟེང་ན་དེ་ལྟར་ཏེ་ཚུལ་འདི་ཉིད་ཀྱིས་མ་ལུས་པར་མཐའ་དག་པར་རོ། །ཆོས་ཀྱི་དབྱིངས་ཞེས་བྱ་བ་ལ། ཆོས་ཐམས་ཅད་ཀྱི་རང་བཞིན་ནི་ཆོས་ཉིད་དོ། །དེ་ཉིད་ནི་དབྱིངས་ཞེས་བྱ་བའོ། །རྣམ་པ་དེ་ལྟ་བུའི་ཆོས་ཀྱི་དབྱིངས་ནམ་མཁའི་ཁམས་ཀྱི་མཐས་གཏུགས་པ་སྟེ། རྡུལ་གཅིག་གི་སྟེང་ན་གནས་པའི་བྱང་<br /> <br /> 117-165a<br /> <br /> ཆུབ་སེམས་དཔའི་ཚོགས་དཔག་ཏུ་མེད་པས་སོ་སོར་བསྐོར་བའི་བཅོམ་ལྡན་འདས་རྣམས་ཀྱིས་གང་ཞིང་བར་ཆད་མེད་པར་ཁྱད་པར་ཡིད་ཀྱིས་མོས་པའོ། །ལུས་དང་ངག་གི་ལས་དག་ནི་ཡིད་ཀྱིས་ཀུན་ནས་བསླང་བའི་ཕྱིར་ན་ཡིད་ཀྱི་ལམ་རབ་ཏུ་བསྟན་ཏོ། །ད་ནི། དེ་དག་བསྔགས་པ་རྒྱ་མཚོ་མི་ཟད་རྣམས། །ཞེས་བྱ་བ་ལ་སོགས་པས་དག་གིས་ཕྱག་འཚལ་ལོ། །དེ་དག་ཅེས་བྱ་བ་ལ། དེ་ལྟར་ལྷག་པར་མོས་པར་བྱས་པ་དེ་དག་ལ་སྟེ། གང་དག་ལ་བསྔགས་པ་རྒྱ་མཚོ་སྟེ། ཡོན་ཏན་རྒྱ་མཚོ་ཡོད་པ་དང་ཉམས་པ་དང་མཐའ་གཏུགས་པ་མེད་པའི་ཕྱིར་ཟད་པ་མེད་པས་མི་ཟད་པ་ཡོད་པ་དེ་དག་ནི་བསྔགས་པ་རྒྱ་མཚོ་མི་ཟད་པ་རྣམས་སོ། །འདིར་བསྔགས་པའི་སྒྲ་ནི་ཡོན་ཏན་གྱི་རྣམ་གྲངས་ཡིན་ལ། རྒྱ་མཚོའི་སྒྲ་ནི་དོན་མང་པོ་བརྗོད་པ་ཡིན་པར་རྟོགས་པར་བྱ་སྟེ། བསྔགས་པ་རྒྱ་མཚོ་མི་ཟད་པ་མངའ་བ་དེ་དག་ལའོ། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །ཞེས་བྱ་བ་ལ། འདིར་ཡང་ཡན་ལག་གི་སྒྲ་ནི་ཡོན་ཏན་གྱི་རྣམ་གྲངས་ཡིན་ནོ། །ཇི་ལྟར་ཡིན་ཞེ་ན། འདི་ལྟར་ཉན་ཐོས་ཀྱི་ཐེག་པ་ལ་ཡན་ལག་ལྔ་དང་ལྡན་པར་བརྗོད་པ་དང་། ཐེག་པ་ཆེན་པོར་ཡང་ཡན་ལག་དྲུག་ཅུ་དང་ལྡན་པ་དང་། ཡན་ལག་སྟོང་ཕྲག་བཅུ་དང་ལྡན་པ་དང་། ཡན་ལག་དཔག་ཏུ་མེད་པ་དང་ལྡན་པར་བརྗོད་པ་དེར་ཡང་ཡོན་ཏན་ལྔ་དང་ལྡན་པ་ཞེས་བྱ་བ་ལ་སོགས་པར་རྟོགས་པར་བྱ་བ་ཡིན་པའི་ཕྱིར་དབྱངས་ཀྱི་ཡོན་ཏན་དང་ལྡན་པའི་སྒྲས་ཏེ་དོན་གྱི་ཚུལ་གང་ཡིན་པ་རྒྱ་མཚོ་དཔག་ཏུ་མེད་པ་དེ་དག་ཀུན་གྱིས་སོ། །རྒྱལ་བ་ཀུན་གྱི་ཞེས་བྱ་བ་ལ་སོགས་པ་ལ། རྒྱལ་བ་རྣམས་ཀྱི་ཡོན་ཏན་ཏེ་བྱང་ཆུབ་ཀྱི་སེམས་བསྐྱེད་པ་ནས་ཉེ་བར་བཟུང་ནས་ལུས་དང་ངག་དང་ཡིད་ཀྱི་རང་བཞིན་གཞལ་དུ་མེད་ཅིང་ཐུན་མོང་མ་ཡིན་པ་གང་དག་ཡིན་པ་དེ་དག་རབ་ཏུ་བརྗོད་ཅིང་སྟེ་མངོན་པར་སྨྲ་བར་བྱེད། རབ་ཏུ་སྒྲོགས་པར་བྱེད་ཅིང་ངོ་། །བདེ་བར་གཤེགས་པ་སོ་སོ་ནས་མདུན་ན་བཞུགས་པ་ལྟ་བུར་གྱུར་པ་དེ་དག་ཐམས་ཅད་བདག་གིས་བསྟོད་པར་བགྱིའོ། །ཡང་ན་བསྔགས་པ་རྒྱ་མཚོ་མི་ཟད་ཅེས་བྱ་བ་ནི་གཞི་མཐུན་པ་ཉིད་ཀྱི་སྒོ་ནས་ཡོན་ཏན་ཞེས་བྱ་བ་འདི་ཉིད་ཀྱི་ཁྱད་པར་ཡིན་ཏེ། བདེ་བར་གཤེགས་པ་རྣམས་ཀྱི་ཡོན་ཏན་བསྔགས་པ་རྒྱ་མཚོ་མི་ཟད་པ་རབ་བརྗོད་<br /> <br /> 117-165b<br /> <br /> ཅིང་ཞེས་བྱ་བའི་དོན་ཏོ། །<br /> <br /> ༈ དོན་གཉིས་པ། དེ་བཞིན་གཤེགས་པ་རྣམས་ལ་མཆོད་པ་འབུལ་བ།<br /> ༆ ད་ནི་སངས་རྒྱས་བཅོམ་ལྡན་འདས་དེ་དག་ཉིད་ལ་བླ་ན་ཡོད་པ་དང་བླ་ན་མེད་པའི་མཆོད་པ་རྣམ་པ་གཉིས་གསུངས་ཏེ། མེ་ཏོག་དམ་པ་ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་ཀྱིས་ནི་བླ་ན་ཡོད་པ་ཡིན་ཏེ། མེ་ཏོག་ལ་སོགས་པ་རྣམས་ཀྱི་ནང་ན་དམ་པ་གང་དག་ཡིན་པའི་མེ་ཏོག་དམ་པ་དེ་དག་དང་། ཕྲེང་བ་དམ་པ་དང་། སིལ་སྙན་དམ་པ་དང་། གུར་གུམ་དང་། ཙན་དན་ལ་སོགས་པའི་བྱུག་པ་དམ་པ་དང་། གདུགས་དམ་པ་མཆོག་དང་། མར་མེ་མཆོག་དང་། བདུག་པ་དམ་པ་དང་། ན་བཟའ་དམ་པ་དང་། དྲི་དམ་པ་དང་། དྲི་སྣ་ཚོགས་སྦྱར་ཅིང་ལེགས་པར་བསྒྲུབས་པའི་ཕྱེ་མའི་ཕུར་མ་སྟེ་ཙན་དན་དང་གུར་གུམ་དང་ག་པུར་དང་ཨ་ག་རུ་ལ་སོགས་པ་སྣ་ཚོགས་ཀྱི་རང་བཞིན་རི་རབ་དང་མཉམ་པ་དང་། བཀོད་པ་ཁྱད་པར་འཕགས་པ་མཆོག་ཀུན་གྱིས། །ཞེས་བྱ་བ་བཀོད་པ་དམ་པ་དང་། འདིར་བཀོད་པའི་སྒྲ་ནི་ཚོགས་པའི་རྣམ་གྲངས་ཡིན་ཏེ། ལྷ་དང་མི་རྣམས་ཀྱི་ལྷ་རྫས་རྣམ་པ་ཐམས་ཅད་ཀྱི་མཆོག་དང་ལྡན་པ་རྣམས་ཀྱིས་རྒྱལ་བ་ཐམས་ཅད་ལ་མཆོད་པར་བགྱིའོ། །མཆོད་པ་གང་རྣམས་བླ་མེད་རྒྱ་ཆེ་བ། །ཞེས་བྱ་བ་ལ་སོགས་པས་ནི་བླ་ན་མེད་པ་ཡང་གསུངས་སོ། །བྱང་ཆུབ་སེམས་དཔའི་ཏིང་ངེ་འཛིན་གྱི་མཐུས་བསྐྱེད་པའི་མཆོད་པ་གང་རྣམས་བླ་ན་མེད་ཅིང་སངས་རྒྱས་ཀྱི་ཞིང་ཐམས་ཅད་དུ་སྤྲོས་པས་ཆོས་ཀྱི་དབྱིངས་ཀྱི་མཐར་ཐུག་པའི་རྒྱ་ཆེ་བ་དེ་དག་རྒྱལ་བ་ཐམས་ཅད་ལ་བདག་ལྷག་པར་མོས་སོ། །བཟང་པོ་སྤྱོད་ལ་དད་པའི་སྟོབས་དག་གིས། །ཞེས་བྱ་བ་ལ་བཟང་པོ་སྤྱོད་པ་ལ་ལྷག་པར་མོས་ཤིང་མངོན་པར་ཡིད་ཆེས་པ་དང་། མངོན་པར་ངེས་པ་དེའི་སྟོབས་ཀྱིས་ཏེ། དེ་ལ་མིང་དུ་མ་དག་ལས་བཟང་པོ་སྤྱོད་པ་ན་དེ་ལྟར་རྣམ་པ་སྣ་ཚོགས་པའི་མཆོད་པ་བྱང་ཆུབ་སེམས་དཔའི་བྱམས་པ་ལྟར་མོས་པ་ཡིན་ནོ། །ད་ནི་ཇི་སྐད་བརྗོད་པའི་ཕྱག་འཚལ་བ་དང་། མཆོད་པ་ཉེ་བར་བསྡུས་པར་གསུངས་པ་ནི། རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །ཞེས་བྱ་བ་སྟེ། རྒྱལ་བ་ཐམས་ཅད་ལ་ཕྱག་འཚལ་ཞིང་མཆོད་པར་བགྱི་བའོ། །<br /> <br /> ༈ དོན་གསུམ་པ། སྡིག་པ་བཤགས་པ།<br /> ༆ ཀུན་ནས་སློང་བ་དང་། གནས་དང་། ངོ་བོ་ཉིད་རྣམ་པ་གསུམ་གྱི་སྒོ་ནས་སྡིག་པ་བཤགས་པ་གསུངས་<br /> <br /> 117-166a<br /> <br /> པ་ནི། འདོད་ཆགས་ཞེ་སྡང་ཞེས་བྱ་བ་ལ་སོགས་པའོ། །དེ་ལ་སྡིག་པ་ཀུན་ནས་སློང་བའི་རྒྱུ་གང་ཞིག་ཡིན་ཞེ་ན། འདོད་ཆགས་ཞེ་སྡང་གཏི་མུག་ནི་ཀུན་ནས་སློང་བའི་རྒྱུ་ཡིན་ནོ། །གནས་གང་ཡིན་ཞེ་ན། གནས་ནི་ལུས་དང་ངག་དང་ཡིད་ཡིན་ནོ། །ངོ་བོ་ཉིད་ནི། སྡིག་པ་བདག་གིས་བགྱིས་པ་ཅི་མཆིས་པ། །ཞེས་བྱ་བ་སྟེ། སྐྱེ་བ་འདིའམ་སྐྱེ་བ་ཕྱི་མ་དག་ཏུ་བདག་ཉིད་ཀྱིས་བྱས་པ་དང་བྱེད་དུ་བཅུག་པ་དང་བྱེད་པ་ལ་རྗེས་སུ་ཡི་རང་བའོ། །དེ་ཐམས་ཅད་ནི་དེ་དག་ཐམས་ཅད་རྒྱལ་བ་སྲས་དང་བཅས་པ་རྣམས་ཀྱི་སྤྱན་སྔར་མངོན་སུམ་དུ་འདུག་པ་ལྟ་བུས་སྐད་ཅིག་ཙམ་ལའང་འགྱོད་བཞིན་པས་སོ་སོར་བཤགས་པར་བྱ་ཞིང་བསལ་བར་བགྱིའོ། །<br /> <br /> ༈ དོན་བཞི་པ། བསོད་ནམས་ལ་རྗེས་སུ་ཡི་རང་བ།<br /> ༆ ད་ནི་ཕྱོགས་བཅུའི་འགྲོ་བ་ཀུན་དང་ཞེས་བྱ་བ་ལ་སོགས་པས་བསོད་ནམས་ལ་རྗེས་སུ་ཡི་རང་བ་གསུངས་སོ། །ཕྱོགས་བཅུའི་འགྲོ་བའི་བསོད་ནམས་སྦྱིན་པ་དང་། ཚུལ་ཁྲིམས་དང་། བསྒོམ་པ་ལས་བྱུང་བ་དུས་གསུམ་པ་གང་ཡིན་པ་དང་། གང་ཡང་སློབ་པའི་གང་ཟག་བདུན་པོ་རྣམས་དང་། གང་ཡང་མི་སློབ་པའི་དགྲ་བཅོམ་པ་རྣམས་དང་། རང་རྒྱལ་བ་རྣམ་པ་གཉིས་པོ་བསེ་རུ་ལྟ་བུ་དང་། ཚོགས་ན་སྤྱོད་པ་རྣམས་ཀྱི་བསོད་ནམས་དུས་གསུམ་ལ་འཇིག་རྟེན་ལས་འདས་པ་གང་ཡིན་པ་དང་། གང་ཡང་སེམས་དང་པོ་བསྐྱེད་པ་ནས་ཉེ་བར་བཟུང་བའི་བྱང་ཆུབ་སེམས་དཔའ་ཐམས་ཅད་དང་། སངས་རྒྱས་བཅོམ་ལྡན་འདས་དུས་གསུམ་དུ་གཤེགས་པ་རྣམས་ཀྱི་བརྡ་ལས་བྱུང་བའི་བྱང་ཆུབ་ཀྱི་སེམས་བསྐྱེད་པ་ནས་ཉེ་བར་བཟུང་སྟེ། ཕ་རོལ་ཏུ་ཕྱིན་པ་དང་ས་ལ་སོགས་པ་ལས་ངེས་པར་སྐྱེས་པ་རེ་རེ་ཞིང་དུས་གསུམ་དུ་གྱུར་པ་འཇིག་རྟེན་པ་དང་། འཇིག་རྟེན་ལས་འདས་པའི་བསོད་ནམས་ཀྱི་ཚོགས་གཞལ་དུ་མེད་ཅིང་བསམ་གྱིས་མི་ཁྱབ་པ་སངས་རྒྱས་ཀྱི་ཡེ་ཤེས་ཀྱི་སྤྱོད་ཡུལ་དུ་གྱུར་པ་གང་ཡིན་པ་དེ་དག་ཐམས་ཅད་ལ་བདག་རྗེས་སུ་ཡི་རང་བར་བགྱིད་དོ། །འགྲོ་བའི་སྒྲ་མ་ལུས་པ་རྗོད་པར་བྱེད་པ་ཉིད་ཀྱིས་སློབ་པ་དང་མི་སློབ་པ་ལ་སོགས་པའི་བསོད་ནམས་འདུས་པར་གྲུབ་བཞིན་དུ་སོ་སོར་ཉེ་བར་བླངས་པ་ལ་དོན་ཅི་ཞིག་ཡོད་ཅེ་ན་དེ་ནི་མ་ཡིན་ཏེ། འགྲོ་བས་ན་འགྲོ་བ་སྟེ་སྲིད་པ་དང་བཅས་པ་ཞེས་བྱ་བའི་དོན་ནམ། འཁོར་བར་འགྲོ་བ་ཞེས་བྱ་བའི་དོན་ནོ། །དེ་ལ་ཁ་ཅིག་ལ་ནི་ཤིན་ཏུ་འགྲོ་བ་<br /> <br /> 117-166b<br /> <br /> མེད་པའི་ཕྱིར་དང་། ཁ་ཅིག་ནི་མི་འགྲོ་བ་ཉིད་ཀྱིས་འགྲོ་བའི་སྒྲར་བརྗོད་པར་བྱ་བ་མ་ཡིན་ཏེ། དེས་ན་ཐ་དད་པར་བསྟན་པ་ཡིན་ནོ། །<br /> <br /> ༈ དོན་ལྔ་པ། ཆོས་ཀྱི་འཁོར་ལོ་བསྐོར་བར་བསྐུལ་བ།<br /> ༆ ད་ནི་ཆོས་ཀྱི་འཁོར་ལོ་བསྐོར་བར་བསྐུལ་བ་ནི། ཕྱོགས་བཅུའི་འཇིག་རྟེན་ཞེས་བྱ་བ་ལ་སོགས་པ་གསུངས་སོ། །ཕྱོགས་བཅུའི་འཇིག་རྟེན་རྣམས་ན་འགྲོ་བའི་སྒྲོན་མ་སྟེ། འཇིག་རྟེན་གྱི་ཕྱི་དང་ནང་གི་མུན་པའི་ཚོགས་རྣམས་སེལ་བར་བྱེད་པའི་བདག་ཉིད་ཡིན་པའི་ཕྱིར་ན་སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་གྱི་སྒྲོན་མ་ཡིན་ནོ། །བྱང་ཆུབ་རིམ་པར་སངས་རྒྱས་ཞེས་བྱ་བ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པའོ། །མ་ཆགས་བརྙེས་ཞེས་བྱ་བ་ནི་མ་ཆགས་པ་ཉིད་ཐོབ་པ་སྟེ། མངོན་པར་བྱང་ཆུབ་པའི་ཆོས་ཀྱི་ཚུལ་ལས་དོན་མ་ལུས་པའི་རང་བཞིན་ཡོངས་སུ་ཤེས་པའི་ཕྱིར་ན་ཆགས་པ་ཐམས་ཅད་ལས་ཡང་དག་པར་འདས་པའོ། །ཆོས་ཟབ་མོ་རྟོགས་པའི་དོན་དུ་མི་གཉེར་ཞིང་མངོན་པར་མི་བརྩོན་པ་གཞན་དག་གིས་རྟོགས་པར་དཀའ་བ་དེས་ན་གང་དག་ཆོས་བསྟན་པ་ལ་སྤྲོས་པ་མེད་པར་འཇིག་རྟེན་གྱི་ཁམས་སྣ་ཚོགས་པ་རྣམས་ན་བྱང་ཆུབ་ཀྱི་ཤིང་མཆོག་གི་དྲུང་དུ་གཤེགས་ནས་བཞུགས་པ་གང་ཡིན་པའི་འཇིག་རྟེན་གྱི་མགོན་པོ་དེ་དག་ཐམས་ཅད་ལ་བདག་གིས་འགྲོ་བའི་མི་ཤེས་པའི་མུན་པ་བསལ་བའི་ཕྱིར་དང་། བླ་ན་མེད་པའི་ཡེ་ཤེས་ཀྱི་སྣང་བ་བྱ་བའི་ཕྱིར་ན་བླ་ན་མེད་པའི་ཆོས་ཀྱི་འཁོར་ལོ་བསྐོར་བའི་དོན་དུ་སའི་སྟེང་དུ་པུས་མོ་བཙུགས་ཤིང་ཐལ་མོ་སྦྱར་བ་བྱས་ནས་སོ་སོའི་མདུན་དུ་གནས་པ་ལྟ་བུས་བསྐུལ་བར་བགྱིད་དོ་ཞེས་བྱ་བ་ནི་ཆོས་ཀྱི་འཁོར་ལོ་བསྐོར་བའི་དོན་དུ་བསྐུལ་བའོ། །<br /> <br /> ༈ དོན་དྲུག་པ། དེ་བཞིན་གཤེགས་པ་རྣམས་བཞུགས་པར་གསོལ་བ།<br /> ༆ ད་ནི། མྱ་ངན་འདས་སྟོན་གང་བཞེད་དེ་དག་ལ། །ཞེས་བྱ་བ་ལ་སོགས་པས་གསོལ་བ་འདེབས་སོ། །གང་ཞེས་བྱ་བ་ནི་ཁྱད་པར་མེད་པ་ཡིན་ཡང་སྐབས་ཡིན་པའི་ཕྱིར་ཕྱོགས་བཅུའི་འཇིག་རྟེན་སྒྲོན་མ་ཞེས་བྱ་བ་དང་མངོན་པར་འབྲེལ་ཏོ། །ཕྱོགས་བཅུའི་སངས་རྒྱས་བཅོམ་ལྡན་འདས་གང་དག་མྱ་ངན་འདས་སྟོན་ཏེ། མྱ་ངན་འདས་པ་སྟོན་པར་བཞེད་པ་དེ་དག་ཐམས་ཅད་ལ་བདག་གིས་ཐལ་མོ་རབ་ཏུ་སྦྱར་ནས་ཡུན་རིང་དུ་བཞུགས་པའི་དོན་དུ་གསོལ་བར་བགྱི་སྟེ་ཞུ་བ་འབུལ་ལོ། །དུས་ཇི་སྲིད་དུ་ཞེ་ན། བསྐལ་པ་ཞིང་གི་རྡུལ་སྙེད་དེ་དུས་གསུམ་དུ་རྟོགས་པའི་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་དང་མཉམ་<br /> <br /> 117-167a<br /> <br /> པའི་བསྐལ་པར་བཞུགས་པར་རོ། །ཅིའི་དོན་དུ་ཞེ་ན། མགོན་མེད་པར་གྱུར་པའི་འགྲོ་བ་ཀུན་ལ་ཕན་ཞིང་བདེ་བའི་ཕྱིར་རོ། །དེ་ལ་ཕན་པ་ནི་གཏན་དུ་བའི་གྲུབ་པ་དང་བདེ་བ་སྟེ་མྱ་ངན་ལས་འདས་པའི་ལམ་ཐོབ་པའོ། །བདེ་བ་ནི་ལྷ་གྲངས་ཀྱི་ཉེ་བར་སྤྱོད་པ་ཐོབ་པའོ། །<br /> <br /> ༈ དོན་བདུན་པ། དགེ་བའི་རྩ་བ་ཡོངས་སུ་བསྔོ་བ།<br /> ༆ ད་ནི་ཇི་སྐད་བརྗོད་པའི་ཕྱག་འཚལ་བ་ལ་སོགས་པས་བསྐྱེད་པའི་བསོད་ནམས་ཀྱི་ཕུང་པོ་གཞལ་དུ་མེད་པར་ཡོངས་སུ་སྔོ་བར་བྱེད་པ་ནི། ཕྱག་འཚལ་བ་དང་མཆོད་ཅིང་བཤགས་པ་དང་ཞེས་བྱ་བ་ལ་སོགས་པས་སོ། །ཕྱག་འཚལ་བ་དང་། མཆོད་པ་དང་། སྡིག་པ་བཤགས་པ་དང་། བསོད་ནམས་ལ་རྗེས་སུ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། དེ་བཞིན་གཤེགས་པ་ལ་གསོལ་བ་བཏབ་པའི་དགེ་བ་ཅུང་ཟད་བདག་གིས་ཅི་བསགས་པ་སྟེ་ཉེ་བར་བསྒྲུབས་པ་དེ་དག་ཐམས་ཅད་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཕྱིར་བསྔོ་བར་བགྱིའོ། །<br /> <br /> ༈ དོན་བརྒྱད་པ། དེའི་རབ་ཏུ་དབྱེ་བ།<br /> <br /> ༈ རྣམ་པ་དང་པོ། བསམ་པ་བསྟན་པ།<br /> ༆ ད་ནི་བརྒྱད་པ་དེའི་རབ་ཏུ་དབྱེ་བ་སྟེ། ཀུན་དུ་བཟང་པོའི་སྨོན་ལམ་དེའི་ཡན་ལག་སོ་སོའི་རབ་ཏུ་དབྱེ་བ་ནི་དེའི་རབ་ཏུ་དབྱེ་བ་ཡིན་ནོ། །དེ་ཡང་རྣམ་པ་བཅུ་དྲུག་སྟེ། འདི་ལྟ་སྟེ་བསམ་པའི་སྒོ་ནས་དང་། བྱང་ཆུབ་ཀྱི་སེམས་མི་བརྗེད་པའི་སྒོ་ནས་དང་། མ་གོས་པའི་སྦྱོར་བའི་སྒོ་ནས་དང་། སེམས་ཅན་ལ་ཕན་པའི་སྒོ་ནས་དང་། གོ་ཆའི་སྒོ་ནས་དང་། སྐལ་བ་མཉམ་པའི་བྱང་ཆུབ་སེམས་དཔའ་དང་ཕྲད་པའི་སྒོ་ནས་དང་། དགེ་བའི་བཤེས་གཉེན་མཉེས་པར་བྱེད་པའི་སྒོ་ནས་དང་། དེ་བཞིན་གཤེགས་པ་མངོན་དུ་གྱུར་པའི་སྒོ་ནས་དང་། དམ་པའི་ཆོས་ཡོངས་སུ་འཛིན་པའི་སྒོ་ནས་དང་། མི་ཟད་པའི་མཛོད་ཐོབ་པའི་སྒོ་ནས་དང་། འཇུག་པའི་སྒོ་ནས་དང་། སྟོབས་ཀྱི་སྒོ་ནས་དང་། སྒྲུབ་པའི་སྒོ་ནས་དང་། ལས་ཀྱི་སྒོ་ནས་དང་། རྗེས་སུ་སློབ་པ་ཡོངས་སུ་ཕྱེ་བའི་སྒོ་ནས་དང་། བསྡུ་བའི་སྒོ་ནས་སོ། །དེ་ལ་བསམ་པའི་སྒོ་ནས་ནི་རྣམ་པ་དང་པོའོ། །དེ་ཡང་རྣམ་པ་གསུམ་སྟེ། དེ་བཞིན་གཤེགས་པ་ལ་མཆོད་པ་དང་དགོངས་པ་ཡོངས་སུ་རྫོགས་པའི་བསམ་པ་ནི། འདས་པའི་སངས་རྒྱས་རྣམས་དང་ཞེས་བྱ་བ་ལ་སོགས་པའོ། །མྱ་ངན་ལས་འདས་པ་བསྟན་ཟིན་པའི་སངས་རྒྱས་བཅོམ་ལྡན་འདས་རྣམས་ལ་བླ་ན་མེད་པའི་མཆོད་པས་མཆོད་པར་གྱུར་ཅིང་ཕྱོགས་བཅུའི་འཇིག་རྟེན་ཏེ། འཇིག་རྟེན་གྱི་ཁམས་<br /> <br /> 117-167b<br /> <br /> དུ་མ་རྣམས་ན་འགྲོ་བ་མཐའ་དག་ལ་ཕན་པ་དང་བདེ་བ་སྒྲུབ་པ་ལྷུར་མཛད་པ་དང་། དེ་ལྟར་བཞུགས་ཤིང་འཚོ་བ་གང་ཡིན་པ་དེ་དག་རྣམས་ཀྱང་དེ་བཞིན་དུ་མཆོད་པར་གྱུར་ཅིག་པའོ། །གང་ཡང་མ་བྱོན་པ་འབྱུང་བར་འགྱུར་བ་དེ་དག་ཀྱང་རབ་མྱུར་བར་ཏེ་དཀའ་བ་མེད་པ་ཁོ་ནར་བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན་ཅིག་པའོ། །ཕྱེད་སྔ་མས་ནི་དེ་བཞིན་གཤེགས་པ་ལ་མཆོད་པའི་བསམ་པ་དང་། ཕྱེད་ཕྱི་མས་ནི་དགོངས་པ་ཡོངས་སུ་རྫོགས་པའི་བསམ་པ་བསྟན་ཏོ། །སངས་རྒྱས་ཀྱི་ཞིང་ཡོངས་སུ་སྦྱོང་བའི་བསམ་པ་ནི། ཕྱོགས་བཅུའི་ཞིང་རྣམས་གང་དག་ཇི་སྙེད་པ། །ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །ཕྱོགས་བཅུ་རྣམས་ན་སངས་རྒྱས་ཀྱི་ཞིང་རྣམས་གང་དག་ཅེས་བྱ་བ་གང་དག་ཡོད་པ་ཇི་སྙེད་ཅེས་བྱ་བ་ནི་སྲིད་པ་དེ་དག་ཐམས་ཅད་བདེ་བ་ཅན་བཞིན་དུ་རྒྱ་ཆེར་ཡོངས་སུ་དག་པར་གྱུར་ཏེ། དཔག་ཏུ་མེད་པའི་འཇིག་རྟེན་གྱི་ཁམས་ཀྱི་གནས་རྣམས་སོ་སོར་ཐ་གྲུ་ཆེ་བར་གྱུར་ཅིང་། བྱང་ཆུབ་ཤིང་དབང་དྲུང་གཤེགས་རྒྱལ་བ་སྟེ། བཅོམ་ལྡན་འདས་རྣམས་དང་བྱང་ཆུབ་སེམས་དཔའ་རྣམས་ཀྱིས་རབ་ཏུ་གང་བར་ཏེ་ཀུན་ནས་བར་མཚམས་མེད་པར་ཁྱབ་པར་ཤོག་ཅེས་བྱ་བའོ། །སེམས་ཅན་ཐམས་ཅད་བདེ་བའི་ལྷག་པའི་བསམ་པ་ནི་ཕྱོགས་བཅུའི་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཕྱོགས་བཅུ་རྣམས་ན་སྐྱེ་གནས་བཞིས་བསྡུས་པ་འགྲོ་བ་དྲུག་གི་སེམས་ཅན་གང་རྣམས་ཇི་སྙེད་ཡོད་པ་དེ་དག་རྟག་ཏུ་སྟེ། གཏན་དུ་ལུས་དང་སེམས་ཀྱི་ནད་དང་བྲལ་བར་གྱུར་ཅིག །ཉམས་པ་མེད་པ་མཆོག་ཏུ་གྱུར་པའི་བདེ་བས་བདེ་བར་གྱུར་ཅིག །དེ་དག་གི་ཆོས་དང་ལྡན་པའི་དོན་དེ་མཐུན་པ་སྟེ་རྗེས་སུ་མཐུན་པར་གྲུབ་པར་ཤོག་ལ། འགྲོ་བ་ཀུན་གྱིས་ཆོས་དང་ལྡན་པའི་རེ་བ་ཡང་རྟག་ཏུ་འགྲུབ་པར་ཤོག་སྟེ། ཡོངས་སུ་རྫོགས་པར་གྱུར་ཅིག་པའོ། །<br /> <br /> ༈ རྣམ་པ་གཉིས་པ། བྱང་ཆུབ་ཀྱི་སེམས་མི་བརྗེད་པ་བསྟན་པ།<br /> ༆ ད་ནི་མི་མཐུན་པའི་ཕྱོགས་སྤང་བ་ཉེ་བར་སྟོན་པའི་སྒོ་ནས་ཚིགས་སུ་བཅད་པ་བཞིས་རྣམ་པ་གཉིས་པ་བྱང་ཆུབ་ཀྱི་སེམས་མི་བརྗེད་པ་ནི། བྱང་ཆུབ་སྤྱོད་པ་དག་ནི་བདག་སྤྱོད་ཚེ། །ཞེས་བྱ་བ་ནས་བརྩམས་ནས། དེ་དག་མ་ལུས་ཡོངས་སུ་བྱང་བར་ཤོག །ཅེས་བྱ་བའི་བར་གྱིས་གང་གསུངས་པ་ཡིན་ནོ། །བྱང་ཆུབ་ཅེས་བྱ་བ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྟེ། དེའི་དོན་དུ་སྤྱོད་<br /> <br /> 117-168a<br /> <br /> པ་ནི་བྱང་ཆུབ་སྤྱོད་པའོ། །དེ་ལ་བདག་སྤྱོད་པའི་ཚེ་འགྲོ་བ་ཀུན་དུ་སྐྱེ་བ་དྲན་པར་གྱུར་ཅིག །དེ་བཞིན་དུ་ཚེ་རབས་ཀུན་དུ་འཆི་འཕོ་བ་དང་སྐྱེ་བ་ནས་བདག་ནི་རབ་ཏུ་འབྱུང་བར་ཤོག །ཅེས་བྱ་བ་འཆི་འཕོ་བ་དང་སྐྱེ་བ་དག་གིས་ནི་དོན་གྱིས་ན་བར་གྱི་གནས་སྐབས་བརྗོད་པ་ཉིད་དུ་བལྟ་བར་བྱ་སྟེ། འདི་ནི་བྱང་ཆུབ་ཀྱི་སེམས་མི་ཉམས་པའི་རྒྱུ་དང་པོ་ཡིན་ནོ། །དེ་བཞིན་དུ་རྒྱལ་བ་ཀུན་གྱི་རྗེས་སུ་སློབ་བྱེད་ཅིང་། །ཞེས་བྱ་བ་ལ་སོགས་པ་ལ། དུས་གསུམ་དུ་གཤེགས་པའི་རྒྱལ་བ་མ་ལུས་པ་རྣམས་ཀྱི་བསླབ་པ་ལ་རྗེས་སུ་སློབ་པར་བྱེད་ཅིང་། བཟང་པོ་སྤྱོད་པ་ཞེས་པ་ལ། བཟང་པོ་སྤྱོད་པ་ཡོངས་སུ་རྫོགས་བྱེད་ཅིང་། །ཞེས་བྱ་བ་ཡང་དག་པར་སྒྲུབ་པར་བྱེད་པ་ན་ཅི་ཞིག་གི་བདག་གིས་བྱ་ཞེ་ན། ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ཅེས་བྱ་བ་སྟེ། དཔེར་ན་ཡིད་བཞིན་གྱི་ནོར་བུ་རིན་པོ་ཆེ་ནི་གློ་བུར་གྱི་དྲི་མ་དང་མི་ལྡན་པ་ཉིད་ཀྱིས་དྲི་མ་མེད་པ་དང་། ལུས་ཀྱི་ཉེས་པ་དང་བྲལ་བའི་ཕྱིར་རང་བཞིན་གྱིས་ཡོངས་སུ་དག་པ་ཡིན་ནོ། །དེ་ཉིད་ཀྱི་ཕྱིར་མ་ཉམས་པ་དང་སྐྱོན་མེད་པ་ཡིན་ཏེ། འདོད་པ་ཐམས་ཅད་སྐོང་བར་བྱེད་པ་དང་། ཡོངས་སུ་གདུང་བ་ཐམས་ཅད་སེལ་བར་བྱེད་པ་ཡིན་ཞིང་ནད་ཐམས་ཅད་དང་བྲལ་བར་བྱེད་པ་དང་། དུས་མ་ཡིན་པར་འཆི་བ་རབ་ཏུ་ཞི་བར་བྱེད་པ་དང་། གཞན་གྱི་དོན་བསྒྲུབ་པ་ལ་འཇུག་པ་འབའ་ཞིག་ཡིན་ཏེ། དེ་བཞིན་དུ་བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱང་རིན་པོ་ཆེ་དང་འདྲ་བས་རིན་པོ་ཆེ་ཡིན་ཏེ། གློ་བུར་གྱི་ལས་དང་ཉོན་མོངས་པའི་དྲི་མ་དང་། མ་འདྲེས་པའི་ཕྱིར་དྲི་མ་མེད་པ་དང་། ཉན་ཐོས་དང་རང་སངས་རྒྱས་ཀྱི་ཐེག་པའི་སེམས་བསྐྱེད་པའི་ལུས་ཀྱི་སྐྱོན་དང་བྲལ་བའི་ཕྱིར་དང་། མེད་ན་མི་འབྱུང་བ་ཉིད་ཀྱིས་རྣམ་པ་ཐམས་ཅད་མཁྱེན་པ་ཉིད་དུ་སེམས་བསྐྱེད་པ་རིན་པོ་ཆེའི་རང་བཞིན་ཡིན་པའི་ཕྱིར། ཀུན་ནས་ཡོངས་སུ་དག་པ་དང་། བྱང་ཆུབ་སེམས་དཔའི་བསླབ་པ་ཐམས་ཅད་ལ་གུས་པར་བྱེད་པ་ཉིད་ཀྱིས་ལྟུང་བ་ཀུན་དུ་མི་སྤྱོད་པའི་ཕྱིར་ན་བསླབ་པ་མ་ཉམས་པས་མ་ཉམས་པ་དང་། འདས་པའི་ཡུལ་ཉམས་སུ་མྱོང་བ་ལ་ལྟོས་ནས་སྲེད་པ་སྐྱེ་ཞིང་མ་འོངས་པའི་སྐྱེ་བ་ལ་ཡང་འདིར་བདག་ཉིད་དུ་<br /> <br /> 117-168b<br /> <br /> མངོན་པར་དགའ་བ་དང་། ད་ལྟར་བྱུང་བ་ལ་ལྷག་པར་ཞེན་པའི་སྲེད་པ་སྟེ་དུས་གསུམ་པའི་སྲེད་པས་སྟོན་པར་བྱེད་པ་འདི་དག་གིས་ཅུང་ཞིག་ཀྱང་སྐྱོ་བ་མེད་པའི་ཕྱིར་སྐྱོན་མེད་པ་ཡིན་ཞིང་ས་བཞིན་དུ་སངས་རྒྱས་དང་བྱང་ཆུབ་སེམས་དཔའི་ཡོན་ཏན་ཐམས་ཅད་ཀྱི་རྟེན་དུ་གྱུར་པའི་ཕྱིར་དང་། འགྲོ་བའི་འདོད་པ་ཐམས་ཅད་ཡོངས་སུ་སྐོང་བའི་ཕྱིར་ཡོངས་སུ་གདུང་བ་ཐམས་ཅད་སེལ་ཞིང་ནད་ཐམས་ཅད་སེལ་བ་དང་། ལྷ་དང་མི་རྣམས་སུ་དཔག་ཏུ་མེད་པའི་ཚེ་བསྒྲུབ་པ་དང་། གཞན་གྱི་དོན་བསྒྲུབ་པ་ལ་འཇུག་པ་ལ་འཇུག་པ་འབའ་ཞིག་ཏུ་གྱུར་པ་ཡིན་ནོ། །ངེས་པའི་ཚིག་གིས་ལུས་དང་སེམས་ཀྱི་གདུང་བ་ཐམས་ཅད་སེལ་བར་བྱེད་པའི་ཕྱིར་ན་བསིལ་བར་གྱུར་པ་ཉིད་ཀྱིས་ན་ཚུལ་ཁྲིམས་སོ། །ཚུལ་ཁྲིམས་སྤྱོད་པ་ཞེས་བྱ་བ་ནི་ཚུལ་ཁྲིམས་ཉིད་སྤྱོད་པ་ཡིན་པས་ཚུལ་ཁྲིམས་སྤྱོད་པ་སྟེ་སྤྱད་པས་ན་སྤྱོད་པའོ། །རྣམ་པ་དེ་ལྟ་བུའི་ཚུལ་ཁྲིམས་སྤྱོད་པ་དྲི་མེད་པ་ཡོངས་སུ་དག་པ་མ་ཉམས་པ་སྐྱོན་མེད་པ་ལ་བྱང་ཆུབ་ཀྱི་བར་དུ་རྟག་ཏུ་སྤྱོད་པར་ཤོག་ཅིག་ཅེས་བྱ་བ་སྟེ། འདི་ནི་བྱང་ཆུབ་ཀྱི་སེམས་མི་བརྗེད་པའི་རྒྱུ་གཉིས་པ་ཡིན་ནོ། །ལྷ་ཡི་སྐད་དང་ཞེས་བྱ་བ་ལ་སོགས་པ་ནི་ལྷ་རྣམས་ལ་ལྷའི་སྐད་ཀྱིས་སོ། །ཀླུ་དང་གནོད་སྦྱིན་དང་གྲུལ་བུམ་དང་མི་རྣམས་ལ་ནི་དེའི་སྐད་དེ་སྒྲ་རྣམས་ཀྱིས་སོ། །མདོར་ན། འགྲོ་བ་ཀུན་གྱི་སྒྲ་རྣམས་ཇི་ཙམ་པ། །དེ་དང་དེ་དག་གིས་དེ་དག་ལ་དེ་ལྟར་སོ་སོར་བྱང་ཆུབ་ཀྱི་བར་དུ་དམ་པའི་ཆོས་བསྟན་ཏོ་ཞེས་བྱ་བ་འདི་ནི་བྱང་ཆུབ་ཀྱི་སེམས་མི་བརྗེད་པའི་རྒྱུ་གསུམ་པ་ཡིན་ནོ། །དེས་ཤིང་ཞེས་བྱ་བ་ལ་སོགས་པ་ལ་ངེས་པ་ནི་རྒྱུད་འཇོམ་པའོ། །ཕ་རོལ་ཏུ་ཕྱིན་པ་ནི་སྦྱིན་པ་ལ་སོགས་པ་བཅུའོ། །དེ་དག་ལ་བརྩོན་པ་ནི་བདག་ཉིད་ཐམས་ཅད་ཀྱིས་རྣམ་པ་ཐམས་ཅད་དུ་གྲིམས་ཤིང་ཡིད་མི་སྐྱོ་བའོ། །ནམས་ཀྱང་ཞེས་བྱ་བ་ནི་བྱང་ཆུབ་ཀྱི་སེམས་བྱང་ཆུབ་ཀྱི་སྙིང་པོའི་བར་དུ་ནམ་ཡང་བརྗེད་པར་མ་གྱུར་ཅིག་པ་སྟེ། འདི་ནི་རྒྱུ་བཞི་པའོ། །ཚིགས་སུ་བཅད་པ་ཕྱེད་དང་བཞི་པོ་འདི་དག་གིས་ནི་བྱང་ཆུབ་ཀྱི་སེམས་ཀྱི་མི་མཐུན་པའི་ཕྱོགས་སུ་གྱུར་པའི་སྒྲིབ་པ་གང་ཡིན་པ་དེ་དག་གི་གཉེན་པོ་བསྟན་པར་མཛད་པ་ཡིན་ནོ། །ད་ནི་ཚིགས་སུ་བཅད་པ་ཕྱེད་ཀྱིས་མི་མཐུན་པའི་ཕྱོགས་སྤང་བ་བསྟན་པ་ནི། སྡིག་པ་གང་རྣམས་<br /> <br /> 117-169a<br /> <br /> སྒྲིབ་པར་གྱུར་པ་དག །ཅེས་བྱ་བ་ལ་སོགས་པ་གང་གསུངས་པ་ཡིན་ནོ། །སྡིག་པ་གང་རྣམས་བྱང་ཆུབ་སེམས་ལ་བར་དུ་གཅོད་པར་བྱེད་པའི་སྒྲིབ་པར་གྱུར་པ་དེ་དག་ཐམས་ཅད་དུ་ཐམས་ཅད་མ་ལུས་པར་ཡོངས་སུ་བྱང་བར་སྟེ་སྤང་བར་ཤོག་ཅིག་ཅེས་པའོ། །<br /> <br /> ༈ རྣམ་པ་གསུམ་པ། མ་གོས་པའི་སྦྱོར་བ་བསྟན་པ།<br /> ༆ དེ་ནི་རྣམ་པ་གསུམ་མ་གོས་པའི་སྦྱོར་བ་རྒྱུ་རྣམ་པ་གསུམ་པོ་གང་ལས་གང་དུ་ཇི་ལྟར་ཞེས་བྱ་བས་གསུངས་པ་ནི། ལས་དང་ཉོན་མོངས་ཞེས་བྱ་བ་ལ་སོགས་པའོ། །རྣམས་ལས་ཞེས་བྱ་བ་ནི་ལས་དང་ཉོན་མོངས་པ་དང་བདུད་ཀྱི་ལས་རྣམས་ལས་ཏེ། ལས་འདི་ཡང་ཁྱད་པར་མེད་པའི་ཕྱིར་ན་དགེ་བ་དང་མི་དགེ་བ་དང་མི་གཡོ་བ་རྣམ་པ་གསུམ་གང་ཡང་གཟུང་ངོ་། །དེ་ལ་མི་དགེ་བའི་ལས་དང་ཉོན་མོངས་པ་བདུད་ཀྱི་ལས་རྣམས་ལས་གྲོལ་བ་ནི་དེ་དག་གིས་མ་གོས་པར་འཇིག་རྟེན་གྱི་འགྲོ་བ་ལ་སོགས་པ་རྣམས་སུ་རྟག་ཏུ་སྤྱད་དོ། །ཅི་དང་འདྲ་བར་ཞེ་ན། ཇི་ལྟར་པདྨ་ཆུས་མི་ཆགས་པ་བཞིན། །ཞེས་བྱ་བ་སྟེ། དཔེར་ན་པདྨ་ཆུར་སྐྱེས་པ་ཆུས་མི་གོས་པ་དེ་བཞིན་དུ་བདག་ལས་དང་ཉོན་མོངས་པ་དང་བདུད་ཀྱི་ལས་ལ་སོགས་པ་འཇིག་རྟེན་གྱི་ཆོས་རྣམས་ཀྱིས་མ་གོས་པར་རོ། །དེ་བཞིན་དུ་དགེ་བ་དང་མི་གཡོ་བའི་ལས་རྣམས་སུ་ཆགས་པ་མེད་པ་སྟེ། རྣམ་པར་སྨིན་པའི་འབྲས་བུ་ལ་མི་ལྟོས་པར་དེ་བཞིན་འགྲོ་བ་མཐའ་དག་ལ་ཕན་པ་དང་བསྒྲུབ་པའི་དོན་ཉིད་འབའ་ཞིག་ཏུ་སྤྱད་པར་བྱ་སྟེ་བྱང་ཆུབ་སེམས་དཔའི་སྤྱོད་པ་ལ་ཞེས་ཁོང་ནས་དབྱུང་ངོ་། །ཅི་འདྲ་བར་ཞེ་ན། ཉི་ཟླ་ནམ་མཁར་ཐོགས་པ་མེད་ལྟར་ཞེས་བྱ་བ་སྟེ། དཔེར་ན་ཉི་མ་དང་ཟླ་བ་དག་འཇིག་རྟེན་ན་ཡིད་བཞིན་གྱི་ནོར་བུ་ལྟར་གཞན་གྱི་དོན་བྱེད་པ་ལ་རོ་གཅིག་ཏུ་འཇུག་པའི་ཕྱིར་རང་གི་དོན་ལ་ཆགས་པ་ཕྲ་མོ་ཡང་མེད་པར་ཉིན་དང་མཚན་མོ་ནམ་མཁའ་ལ་རྒྱུ་བ་དེ་བཞིན་དུ་སྤྱད་པའོ། །དེ་ལ་བདུད་ཅེས་བྱ་བ་ནི་དགེ་བའི་བར་ཆད་བྱེད་ཅིང་བྱང་ཆུབ་ཀྱི་གེགས་སུ་གྱུར་པ་ལམ་དམ་པ་ལས་ལྡོག་པར་བྱེད་པ་ཡིན་ནོ། །དམ་པའི་ངེས་ཚིག་ནི་ཆོས་ནི་དམ་པ་ཡིན་ལ་ཆོས་ཀྱི་འཚོ་བ་འགོག་པར་བྱེད་པའི་ཕྱིར་གསོད་པར་བྱེད་པས་ན་བདུད་ཅེས་བརྗོད་དོ། །དེའི་ལས་ནི་རྒྱུས་ཕན་པའི་དངོས་པོ་ལས་ཕྱིར་ཕྱོགས་པའོ། །<br /> <br /> ༈ རྣམ་པ་བཞི་པ། སེམས་ཅན་ལ་ཕན་པ་བསྟན་པ།<br /> ༆ རྣམ་པ་བཞི་པ་འདི་དང་ཕ་རོལ་ཏུ་སེམས་བསྐྱེད་མ་<br /> <br /> 117-169b<br /> <br /> ལུས་པ་ལ་ཕན་འདོགས་པ་ནི་ཞིང་གི་ཁྱོན་དང་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །འགྲོ་བའི་ངན་སོང་གི་སྡུག་བསྔལ་ངན་སོང་གསུམ་གྱིས་དབྱེ་བ་ཅན་ཐམས་ཅད་རབ་ཏུ་ཞི་བྱེད་ཅིང་ངོ་། །ཅིའི་ཕྱིར་ངན་སོང་གི་སྡུག་བསྔལ་ཁོ་ན་ཞི་བར་བྱེད་པར་གསུངས་ཤེ་ན། དེ་དག་ནི་ཤིན་ཏུ་གདུང་བར་བྱེད་པ་ཡིན་པའི་ཕྱིར་གཙོར་ཉེ་བར་བླངས་པ་ཡིན་ཏེ། འཁོར་བའི་སྡུག་བསྔལ་ཐམས་ཅད་ཉིད་ཞི་བར་བྱེད་པ་ཞེས་བྱ་བར་རིག་པར་བྱའོ། །ཕུལ་དུ་བྱུང་བའི་བདེ་བ་དག་ལ་འགྲོ་བ་ཀུན་འགོད་པ་ནའོ། །ཅི་ཞིག་བྱེད་ཅེ་ན། འགྲོ་བ་ཐམས་ཅད་ལ་ནི་ཕན་ཕྱིར་སྤྱད་དེ། ཡིད་སྐྱོ་བ་མེད་པར་སྦྱོར་བ་གཞན་མེད་པར་བླ་ན་མེད་པའི་ཡེ་ཤེས་ཐོབ་པར་བྱེད་པའི་དོན་དུ་ཞེས་བྱ་བའི་དོན་ཏོ། །སྤྱད་པ་ནི་འབད་པར་བྱ་བའོ། །དུས་ཇི་སྲིད་དུ་ཞེ་ན། ཞིང་གི་ཁྱོན་དང་ཕྱོགས་རྣམས་ཇི་ཙམ་པར། །ཞེས་བྱ་བ་སྟེ། ཇི་ཙམ་པར་ཞེས་པ་ནི་ཇི་སྲིད་དུའོ། །ཞིང་གི་ཁྱོན་ཞེས་བྱ་བ་ནི་སངས་རྒྱས་ཀྱི་ཞིང་ཇི་སྲིད་པའི་ཁྱོན་རབ་ཏུ་རྒྱུགས་དང་རྒྱན་ཏེ་སྐབས་བརྒྱུད་ལས་འབྱུང་བའོ། །ཕྱོགས་རྣམས་ཞེས་བྱ་བ་ནི་ཕྱོགས་བཅུ་པ་རྣམས་སུ་སྟེ་དེ་སྲིད་དུ་སྤྱད་ཅེས་འབྲེལ་ཏོ། །<br /> ༈ རྣམ་པ་ལྔ་པ་ནི་གོ་ཆའོ། །<br /> ༆ དེ་ཡང་རྣམ་པ་གསུམ་སྟེ། སངས་རྒྱས་ཀྱི་ཆོས་ཡོངས་སུ་རྫོགས་པར་བྱེད་པ་དང་། སེམས་ཅན་གྱི་སྤྱོད་པ་དང་མཐུན་པར་འདུག་པ་དང་། དམ་པའི་ཆོས་རབ་ཏུ་སྦྱིན་པའི་སྒོ་ནས་ཏེ། བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང་། །ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང་། །ཞེས་བྱ་བ་ལ། བྱང་ཆུབ་ཀྱི་དོན་དུ་སྤྱོད་པ་ནི་བྱང་ཆུབ་སྤྱོད་པ་སྟེ། དེ་ཡོངས་སུ་རྫོགས་པར་བྱེད་པ་ནི་སངས་རྒྱས་ཀྱི་ཆོས་རྣམས་སྒྲུབ་པར་བྱེད་ཅིང་ཞེས་བྱ་བའི་དོན་ཏོ། །སྐྱེ་བ་དང་སྐྱེ་བར་སེམས་ཅན་རྣམས་ཀྱི་སེམས་ཀྱི་སྤྱོད་པ་རྣམས་ཤེས་པར་བྱས་ནས། རང་བཞིན་གྱིས་རྒྱུ་མེད་ཅིང་འགྲོགས་ན་བདེ་བས་དེ་དག་དང་མི་མཐུན་པ་མེད་པར་རྗེས་སུ་མཐུན་པར་འཇུག་པའོ། །བཟང་པོ་སྤྱོད་པ་དག་ནི་རབ་སྟོན་ཅིང་། །ཞེས་བྱ་བ་ལ་འདིར་བཟང་པོ་སྤྱོད་པ་ནི་ཆོས་སྟོན་པའི་རང་བཞིན་ཡིན་པར་བཟུང་སྟེ། རབ་ཏུ་སྟོན་པར་བརྗོད་པར་འདོད་པའི་ངག་ལས་བཟང་པོ་སྤྱོད་པར་<br /> <br /> 117-170a<br /> <br /> བཏགས་པའི་ཕྱིར་ན། དེ་འགྲོ་བ་ལ་རབ་ཏུ་སྟོན་པ་དང་བརྗོད་པ་དང་གསོལ་བར་བྱེད་ཅིང་། མ་འོངས་པ་བསྐལ་པ་ཕྱི་མའི་མཐར་ཐུག་པ་ཀུན་དུ་ཡིད་ཡོངས་སུ་མི་སྐྱོ་བར་སྤྱོད་པར་གྱུར་ཞེས་བྱ་བ་དང་། །<br /> <br /> ༈ རྣམ་པ་དྲུག་པ། སྐལ་བ་མཉམ་པའི་བྱང་ཆུབ་སེམས་དཔའ་དང་ཕྲད་པ་བསྟན་པ།<br /> ༆ རྣམ་པ་དྲུག་པ་ལུས་དང་ངག་དང་ཡིད་ཀྱི་སྤྱོད་པ་དང་སྨོན་ལམ་གྱིས་སྐལ་བ་མཉམ་པའི་བྱང་ཆུབ་སེམས་དཔའ་དང་འགྲོགས་པ་ནི། བདག་གི་སྤྱོད་དང་མཚུངས་པར་ལྡན་པ་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །བདག་གི་སྤྱོད་དང་སྟེ་སྤྱོད་པའི་སྒོ་ནས་མཚུངས་པར་གང་སྤྱོད་པ་སྟེ། མཉམ་པར་སྤྱོད་པའི་བྱང་ཆུབ་སེམས་དཔའ་དེ་དག་དང་ནི་རྟག་ཏུ་འགྲོགས་པར་ཤོག་སྟེ། ཇི་སྲིད་བྱང་ཆུབ་ཀྱི་བར་དུ་ལྷན་ཅིག་གནས་པར་གྱུར་ཅིག་པའོ། །ལུས་དང་ངག་རྣམས་དང་ནི་ཡིད་ཀྱིས་ཀྱང་། །དེ་དག་ཉིད་དང་ལྷན་ཅིག་ཏུ་བྱང་ཆུབ་སེམས་དཔའི་སྤྱོད་པ་གཅིག་པ་སྨོན་ལམ་གཅིག་ཏུ་སྤྱད་དེ་ཀུན་ནས་ཉོན་མོངས་པ་ཅན་མ་ཡིན་པར་གནས་པར་བྱའོ། །<br /> <br /> ༈ རྣམ་པ་བདུན་པ། དགེ་བའི་བཤེས་གཉེན་མཉེས་པར་བྱེད་པ་བསྟན་པ།<br /> ༆ རྣམ་པ་བདུན་པ་ཕན་པའི་བསམ་པས་ཉེ་བར་བསྟན་པ་སྒྲུབ་པ་དག་གིས་དགེ་བའི་བཤེས་གཉེན་མཉེས་པར་བྱེད་པའི་སྒོ་ནས་ནི། བདག་ལ་ཕན་པར་འདོད་པའི་གྲོགས་པོ་གང་། །ཞེས་བྱ་བ་ལ་སོགས་པ་རྣམས་ཀྱིས་གང་གསུངས་པ་ཡིན་ནོ། །གྲོགས་པོ་གང་དག་ཕན་པར་འདོད་ཅིང་བཟང་པོ་སྤྱོད་པ་རབ་ཏུ་སྟོན་པར་བྱེད། འཆད་པར་བྱེད་ལ་ཆོས་སྨྲ་བར་བྱེད་པ་དེ་དག་དང་ཡང་བདག་ལྷན་ཅིག་རྟག་ཏུ་ཕྲད་པར་ཏེ་ཉེ་བར་གནས་པར་ཤོག་ཅིག་པའོ། །དེ་དག་ཀྱང་བདག་གིས་རྣམས་ཀྱང་སྟེ་འགའི་ཚེ་ཡང་ཡིད་མི་འབྱུང་སྟེ་ཅུང་ཟད་ཙམ་སུན་པར་ཡང་མི་བྱའི། ཇི་སྲིད་བྱང་ཆུབ་ཀྱི་བར་དུ་གཏན་དུ་རྗེས་སུ་མཐུན་པར་འཇུག་པར་བྱའོ། །<br /> <br /> ༈ རྣམ་པ་བརྒྱད་པ། དེ་བཞིན་གཤེགས་པ་མངོན་དུ་གྱུར་པ་བསྟན་པ།<br /> ༆ རྣམ་པ་བརྒྱད་པ་དུས་རིང་པར་མཆོད་པའི་བྱ་བས་མི་སྐྱོ་བར་དེ་བཞིན་གཤེགས་པར་མངོན་དུ་གྱུར་པ་ནི། སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །ཞེས་བྱ་བ་ལ་སོགས་པའོ། །ཕྱོགས་བཅུ་པོ་རྣམས་ཐམས་ཅད་དུ་རྒྱལ་བ་སངས་རྒྱས་བཅོམ་ལྡན་འདས་མགོན་པོ་ཞེས་བྱ་བ་འགྲོ་བའི་གཉེན་གཅིག་ཏུ་གྱུར་པ་བྱང་ཆུབ་སེམས་དཔའི་ཚོགས་ཀྱིས་ཀུན་ནས་བསྐོར་བ་རྣམས་རྟག་ཏུ་ཐོགས་པ་མེད་པའི་མིག་གིས་མངོན་སུམ་དུ་ཞེས་བྱ་བ་མངོན་དུ་<br /> <br /> 117-170b<br /> <br /> ཕྱོགས་ཤིང་མངོན་དུ་གྱུར་པར་བལྟ་བར་བགྱི་ཞིང་། དེ་དག་ལ་ཡང་སོ་སོར་སྐད་ཅིག་རེ་རེ་ལ་རྣམ་པ་ཐམས་ཅད་ཀྱི་མཆོག་དང་ལྡན་པའི་མཆོད་པ་ནམ་མཁའི་ལྟར་ཡངས་པ་རྒྱ་ཆེན་པོར་གྱུར་པ་ཆོས་ཀྱིས་དབྱིངས་ཁྱབ་པ་དག་བགྱིའོ། །དུས་ཇི་སྲིད་དུ་ཞེ་ན། མ་འོངས་བསྐལ་པ་ཀུན་དུ་མི་སྐྱོ་བར། །ཞེས་བྱ་བ་སྟེ། ཕྱི་མའི་མཐའི་མུར་ཐུག་པ་མ་འོངས་པའི་བསྐལ་པ་ཐམས་ཅད་དུ་སྐྱོ་བ་མེད་པའི་ཡིད་དང་ལྡན་པས་བགྱི་བའོ། །<br /> <br /> ༈ རྣམ་པ་དགུ་པ། དམ་པའི་ཆོས་ཡོངས་སུ་འཛིན་པ་བསྟན་པ།<br /> ༆ རྣམ་པ་དགུ་པ་འཛིན་པ་དང་སྟོན་པར་བྱེད་པའི་བྱ་བ་དག་གིས་དམ་པའི་ཆོས་ཡོངས་སུ་འཛིན་པའི་རྒྱལ་བ་རྣམས་ཀྱི་དམ་ཆོས་འཛིན་པ་དང་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །དུས་གསུམ་གྱི་རྒྱལ་བ་ཐམས་ཅད་ཀྱིས་བསྟན་པའི་ཆོས་གསུང་རབ་ཡན་ལག་བཅུ་གཉིས་པོ་གང་ཡིན་པ་དེ་དག་གཟུངས་ཀྱི་སྟོབས་ཀྱིས་འཛིན་པར་བྱེད་པ་ཡང་དག་པར་འཛིན་པར་བྱེད་པ་དང་། ཆོས་སྟོན་པའི་རང་བཞིན་གྱིས་བྱང་ཆུབ་སྤྱོད་པ་འགྲོ་བ་ལ་ཀུན་དུ་སྣང་བར་བྱེད་ཅེས་བྱ་བ་ཡང་དག་པར་འཆད་པར་བྱེད་ཅིང་ངོ་། །འདིར་ཡང་བྱང་ཆུབ་སྤྱོད་པ་ཞེས་བྱ་བ་ནི་དེ་སྟོན་པར་བྱེད་པའི་ཚིག་ལ་བརྗོད་པ་ཡིན་ནོ། །བཟང་པོ་སྤྱོད་པ་རྣམ་པར་སྦྱོང་བ་ནི། །ཞེས་བྱ་བ་ལ། བཟང་པོ་སྤྱོད་པ་ནི་བྱང་ཆུབ་སེམས་དཔའི་སྤྱོད་པ་ཡིན་ཏེ། དེ་རྣམ་པར་སྦྱོང་བ་ནི་དྲི་མ་མེད་པར་བྱེད་པ་ཡིན་པས། མ་འོངས་བསྐལ་པ་ཀུན་དུ་སྟེ་དུས་རིང་པོར་བྱེད་པས་མ་ལུས་རྣམས་སུ་སྤྱད་པར་བགྱི་ཞེས་བྱ་བ་ནི་འབད་པར་བགྱི་བའོ། །<br /> <br /> ༈ རྣམ་པ་བཅུ་པ། མི་ཟད་པའི་མཛོད་ཐོབ་པ་བསྟན་པ།<br /> ༆ རྣམ་པ་བཅུ་པ་བསོད་ནམས་དང་ཡེ་ཤེས་ལ་སོགས་པ་རྙེད་པས་ན་མི་ཟད་པའི་མཛོད་ཐོབ་པ་ནི། སྲིད་པ་ཐམས་ཅད་དུ་ཡང་འཁོར་བ་ན། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། འདོད་པ་ལ་སོགས་པའི་སྲིད་པ་ཐམས་ཅད་དུ་ཡང་སེམས་ཅན་གྱི་དོན་གྱི་དབང་གིས་འཁོར་བ་སྟེ་སྐྱེ་བ་ན་བསོད་ནམས་དང་ཡེ་ཤེས་དག་ནི་མི་ཟད་རྙེད་དེ་ཟད་མི་ཤེས་པ་དང་ལྡན་པར་གྱུར་ཅིག །དེ་བཞིན་དུ་ཐབས་དང་། ཤེས་རབ་དང་། ནམ་མཁའ་མཛོད་དང་། དྲི་མ་མེད་པའི་ཕྱག་རྒྱ་ལ་སོགས་པའི་ཏིང་ངེ་འཛིན་རྣམས་དང་། དེ་བཞིན་དུ་བྱང་ཆུབ་སེམས་དཔའི་རྣམ་པར་ཐར་པའི་སྙིང་རྗེ་ཆེན་པོ་དང་། དྲི་མ་མེད་པ་དང་། སྒྱུ་མའི་རྣམ་པ་ལ་སོགས་པ་རྣམས་ནས་བྱང་ཆུབ་སེམས་དཔའི་ཡོན་ཏན་ཐུན་མོང་<br /> <br /> 117-171a<br /> <br /> དང་ཐུན་མོང་མ་ཡིན་པ་རྣམས་ཀྱི་མི་ཟད་མཛོད་དེ། འགྲོ་བ་ཐམས་ཅད་ལ་ཕན་པ་དང་། བདེ་བ་བསྐྱེད་པའི་དོན་དུ་ཡོན་ཏན་ཟད་མི་ཤེས་པའི་གཞིར་གྱུར་ཅིག་ཅེས་བྱ་བའོ། །<br /> <br /> ༈ རྣམ་པ་བཅུ་གཅིག་པ། འཇུག་པ་བསྟན་པ།<br /> ༆ རྣམ་པ་བཅུ་གཅིག་པ་ནི་འཇུག་པའོ། །དེ་ཡང་རྣམ་པ་བརྒྱད་དེ། འདི་ལྟ་སྟེ། སངས་རྒྱས་ཀྱི་ཞིང་བལྟ་བ་ལ་འཇུག་པ་རྣམ་པ་གཉིས་དང་། སངས་རྒྱས་ཀྱི་གསུང་ལ་འཇུག་པ་དང་། དེ་བཞིན་གཤེགས་པའི་ཆོས་ཀྱི་འཁོར་ལོ་བསྐོར་བ་ལ་འཇུག་པ་དང་། བསྐལ་པའི་འཇུག་པ་ལ་འཇུག་པ་དང་། དེ་བཞིན་གཤེགས་པ་ལ་བལྟ་བ་དང་། དེའི་སྤྱོད་ཡུལ་ལ་འཇུག་པ་དང་། སངས་རྒྱས་ཀྱི་ཞིང་མངོན་པར་བསྒྲུབ་པ་ལ་འཇུག་པ་དང་། དེ་བཞིན་གཤེགས་པའི་ཐད་དུ་འགྲོ་བ་ལ་འཇུག་པ་ནི་བརྒྱད་པའོ། །དེ་ལ་སངས་རྒྱས་ཀྱི་ཞིང་བལྟ་བ་ལ་འཇུག་པ་རྣམ་པ་གཉིས་ནི། རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་ཀྱིས་གང་གསུངས་པ་ཡིན་ཏེ། རྡུལ་གཅིག་ཉིད་ཀྱི་སྟེང་ན་ཕྱོགས་བཅུ་དུས་གསུམ་དུ་སོན་པའི་སངས་རྒྱས་ཀྱི་ཞིང་གི་རྡུལ་དང་མཉམ་པའི་སངས་རྒྱས་ཀྱི་ཞིང་དེ་རྣམས་དང་། ཞིང་དེར་ཞེས་བྱ་བ་ཞིང་དང་ཞིང་རྣམས་སུ་བསམ་གྱིས་མི་ཁྱབ་ཅེས་བྱ་བ་བསམ་དུ་མེད་ཅིང་བསམ་པ་ལས་འདས་པའོ། །སངས་རྒྱས་བཅོམ་ལྡན་འདས་རྣམས་སངས་རྒྱས་སྲས་ཀྱི་ཞེས་བྱ་བ་ནི་བྱང་ཆུབ་སེམས་དཔའ་རྣམས་ཀྱི་དབུས་ན་བཞུགས་པ་ཞེས་བྱ་བ་བཞུགས་པར་གྱུར་པ་རྣམས་ལ་བལྟ་བར་བགྱི་ཞེས་འབྲེལ་ཏེ་བྱང་ཆུབ་སྤྱད་པ་སྤྱོད་ཅིང་ཞེས་བྱ་བ་ནི་བྱང་ཆུབ་ཀྱི་སྤྱོད་པ་སྒྲུབ་པར་བྱེད་ཅིང་ངོ་། །བལྟ་བར་བགྱིའོ་ཞེས་བྱ་བ་ནི་འཇུག་པར་བགྱིའོ། །གལ་ཏེ་དེ་ལྟ་ཡིན་ན་མི་སྲིད་པ་དོན་དུ་གཉེར་བ་ཉིད་ཀྱིས་བྱང་ཆུབ་སེམས་དཔའ་རྣམས་འབྲས་བུ་མེད་པའི་སྨོན་ལམ་ཉིད་འདེབས་པར་བྱེད་པར་མི་འགྱུར་རམ། འདི་ལྟར་རེ་ཞིག་སངས་རྒྱས་ཀྱི་ཞིང་གཅིག་ཉིད་རྣམ་པར་དབྱེ་བ་སོ་སོ་དང་བཅས་པ་མ་ལུས་པར་རྡུལ་གཅིག་གི་སྟེང་ན་མཐོང་བ་མི་སྲིད་པ་ཡིན་ན། དེ་ཇི་ལྟར་བགྲང་ལས་འདས་པའི་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་འཁོར་གྱི་དབུས་ན་བཞུགས་པ་རྣམས་ཀྱིས་གང་བའི་སངས་རྒྱས་ཀྱི་ཞིང་དུས་གསུམ་དུ་སོན་པའི་སངས་རྒྱས་ཀྱི་ཞིང་གི་རྡུལ་དང་མཉམ་པ་སོ་སོར་རྣམ་པར་ཕྱེ་བ་<br /> <br /> 117-171b<br /> <br /> རྣམས་རྡུལ་གཅིག་གི་སྟེང་དུ་མཐོང་བར་གྱུར་ཅིག་ཅེས་སྨོན་ལམ་ཇི་ལྟར་འདེབས་པར་བྱེད་ཅེ་ན། དེ་ནི་མ་ཡིན་ཏེ། གང་གི་ཕྱིར་ཇི་ལྟར་བསམ་གྱིས་མི་ཁྱབ་པའི་ལས་ཀྱིས་སྤྲུལ་པའི་འཇིག་རྟེན་གྱི་ཁམས་སྣ་ཚོགས་པ་རྣམས་སྟེང་དང་འོག་དང་ཐད་ཀར་ཡུལ་ཐ་དད་པ་ཡིན་པ་དེ་བཞིན་དུ་བསམ་གྱིས་མི་ཁྱབ་པའི་ཡེ་ཤེས་ཀྱི་སྤྲུལ་པ་རྣམས་རྡུལ་གཅིག་གི་ཡང་སྟེང་དུ་དེ་ལྟར་ཅི་སྟེ་མི་སྲིད། བསམ་གྱིས་མི་ཁྱབ་པ་ཉིད་ཀྱང་། །གང་ཚེ་ས་ནི་མཁས་རྣམས་ལ། །མཚར་མིན་ཅུང་ཟད་ཡོད་མིན་པ། །དེ་ཚེ་དབང་པོ་རྣམས་ཀྱིས་ནི། །རྟོག་པ་ཉིད་ལ་མཚར་ཅི་ཡོད། །འཇིག་རྟེན་མགོན་པོ་སྐྱོབ་པ་ཡིས། །བསམ་གཏན་ལས་ཚུལ་ཀླུ་རྣམས་དང་། །སངས་རྒྱས་བདག་ཉིད་ཆེ་རྣམས་ཀྱི། །བསམ་མི་ཁྱབ་པ་བཞིར་གསུངས་སོ། །ཞེས་བརྗོད་པ་འཛིན་ནོ། །དེ་ལྟར་ན་མི་སྲིད་པའི་དོན་མ་ཡིན་ཡང་བློ་རྣམ་པར་འགྱུར་བ་མེད་པ་རྣམས་ཀྱིས་སངས་རྒྱས་ཀྱི་གསུང་འདི་ཐམས་ཅད་ལ་དེ་ཁོ་ན་ལྟར་ཡིན་ནོ་སྙམ་དུ་མངོན་པར་དད་པར་བྱའོ། །འདི་ལ་ཤིན་ཏུ་གསལ་བར་རབ་ཏུ་བསྒྲགས་པ་ཡིན་ཏེ། སངས་རྒྱས་ཀྱི་གསུང་ལྐོག་གྱུར་ལ། །གང་ཞིག་ཐེ་ཚོམ་སྐྱེད་བྱེད་དེས། །འདི་ཉིད་དུ་ནི་སྟོང་ཉིད་ལ། །ཡང་དག་པར་ནི་ཡིད་ཆེས་བྱའོ། །ཞེས་བྱ་བའོ། །འཇིག་རྟེན་ན་ཡང་རེ་ཞིག་ཆུ་དངས་པས་ཁེངས་པའི་སྣོད་ཤིན་ཏུ་ཆུང་ངུའི་ནང་དུ་གཟའ་དང་སྐར་མ་དང་རྒྱུ་སྐར་ལ་སོགས་པས་བརྒྱན་པར་བྱས་པའི་ནམ་མཁའ་ཐམས་ཅད་མཐོང་བ་ཁོ་ནའོ། །དེ་ཉིད་ཀྱི་ཕྱིར་བཅོམ་ལྡན་འདས་ཀྱིས། ཆོས་རྣམས་གཟུགས་བརྙན་དང་མཚུངས་ཏེ། །རབ་རིབ་རྨི་ལམ་མཚན་ཉིད་ཅན། །སྒྱུ་མ་སྨིག་རྒྱུ་དང་འདྲ་ཞིང་། །དྲི་ཟའི་གྲོང་ཁྱེར་ལྟ་བུ་ཡིན། །ཞེས་གསུངས་སོ། །འདིར་ཡང་། གང་ཡང་དུས་གསུམ་དག་གི་ཞིང་བཀོད་པ། །ཞེས་བྱ་བའི་ཚིགས་སུ་བཅད་པ་འདིར་ཕྱིར་གསལ་བར་བྱའོ། །དེ་ལྟར་མ་ལུས་ཕྱོགས་རྣམས་ཐམས་ཅད་དུ། །ཞེས་བྱ་བ་ལ་སོགས་པ་ནི་རྡུལ་གཅིག་གི་སྟེང་དུ་ཇི་ལྟར་དེ་ལྟར་རོ། །མ་ལུས་ཕྱོགས་རྣམས་ཐམས་ཅད་དུ་ནི་ཕྱོགས་མ་ཚང་བ་མེད་པ་རྣམས་སུའོ། །སྐྲ་ཙམ་ཁྱོན་ལ་ཞེས་བྱ་བ་ལ་སྐྲའི་ཁྱོན་ནི་སྐྲའི་སྟེང་ངོ་། །འདི་སྐད་དུ་སྐྲ་ཉག་མ་ཙམ་གྱི་གོ་སྐབས་སུ་<br /> <br /> 117-172a<br /> <br /> དུས་གསུམ་གྱི་ཚད་དང་མཉམ་པ་དུས་གསུམ་དུ་གཏོགས་པའི་སངས་རྒྱས་རྒྱ་མཚོ་རྣམས་དང་། དེའི་ཞིང་རྒྱ་མཚོ་རྣམས་སུ་སྤྱོད་ཅིང་ཞེས་བྱ་བ་སྤྱོད་པ་ལ་འཇུག་བཞིན་པས། བསྐལ་པ་རྒྱ་མཚོར་རབ་ཏུ་འཇུག་སྟེ་འཇུག་པར་བྱའོ་ཞེས་བརྗོད་པ་ཡིན་ནོ། །སངས་རྒྱས་ཀྱི་གསུང་ལ་འཇུག་པ་ནི། གསུང་གཅིག་ཡན་ལག་རྒྱ་མཚོའི་སྐད་རྣམས་ཀྱིས། །ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །ཆོས་སྟོན་པར་མཛད་པའི་དེ་བཞིན་གཤེགས་པ་གཅིག་གི་གསུང་དབྱངས་རྒྱ་མཚོ་སྒྲ་སྐད་རྣམས་ཏེ། བགྲང་བ་ལས་འདས་པའི་ཉན་པ་པོ་སྐྱེ་བོའི་མོས་པའི་དབྱེ་བ་ཉིད་ལས་གཅིག་པ་ཁོ་ནར་ཚིག་དང་ཡི་གེ་གཞན་དང་གཞན་རྣམས་སུ་ཐ་དད་པ་ཉིད་ཀྱིས་གཞན་དང་གཞན་དུ་གྱུར་པ་རྣམས་ཉན་པའི་སྒོ་ནས་དེ་ཁོ་ན་བཞིན་དུ་ཆོས་སྟོན་པར་མཛད་པ་ཕྱོགས་བཅུ་དུས་གསུམ་དུ་བཞུགས་པ་རྒྱལ་བ་ཀུན་གྱི་དབྱངས་ཀྱི་ཡན་ལག་རྣམ་པར་དག་པ་གང་ཡིན་པས་ཆོས་ཉན་པར་བྱེད་པའི་འགྲོ་བ་དཔག་ཏུ་མེད་པ་ཀུན་གྱི་བསམ་པ་ཇི་ལྟ་བ་བཞིན་དུ་གྱུར་པའི་དབྱངས་སངས་རྒྱས་ཀྱི་གསུང་དེ་ལྟ་བུར་གྱུར་པ་ཡིན་པ་སྟེ། དེ་ལྟར་ཐོས་པའི་རྣ་བས་འཇུག་པར་བགྱི་སྟེ། དེ་བཞིན་གཤེགས་པ་གཅིག་གི་གསུང་གི་ཡན་ལག་རྒྱ་མཚོའི་སྒྲ་སྐད་དེ་ཉིད་ལ་འཇུག་པར་བགྱིའོ། །དེ་སྐད་དུ་ཡང་མོས་པ་སྣ་ཚོགས་ཅན་གྱི་ནི། །འཁོར་མང་རྣམས་ནི་གནས་པ་ལ། །གསུང་གཅིག་བཀའ་ནི་སྩལ་པ་ན། །གསུང་རྣམས་དུ་མར་གོ་འགྱུར་ཞིང་། །ང་ཡི་ཆེད་དུ་ཡིན་ནོ་ཞེས། །སྐྱེ་བོ་ཀུན་གྱིས་རྟོགས་འགྱུར་གང་། །འདི་ལས་ཆེས་རྨད་ཅི་ཡོད་དེ། །འདི་ལས་ཆེས་མཚར་ཅི་ཞིག་ཡོད། །ཅེས་གསུངས་པ་དང་། དེ་བཞིན་དུ་འཕགས་པ་སྡོང་པོ་བཀོད་པའི་མདོའི་འཕགས་པ་བྱམས་པའི་རྣམ་པར་ཐར་པ་ལས་ཀྱང་། འདི་ནི་གང་དག་ཐེག་མཆོག་ལ་གནས་རྨོངས་མེད་དང་། །བསྐལ་པ་བྱེ་བ་ཁྲག་ཁྲིག་མང་པོ་རྣམས་སུ་ཡང་། །ངོམས་མེད་སེམས་ཀྱིས་ཕྱོགས་བཅུའི་བདེ་གཤེགས་རྣམས་ཀྱི་ནི། །ཆོས་སྤྲིན་མཐུན་པར་བྱེད་པ་རྣམས་ཀྱི་གནས་ཡིན་ནོ། །ཞེས་གསུངས་པ་ཡིན་ཏེ། ཚིགས་སུ་བཅད་པ་སྔ་མ་གཉིས་ཀྱིས་ནི་འཆད་པ་པོའི་ཆེ་བ་དང་། ཚིགས་སུ་བཅད་པ་ཕྱི་མས་ནི་ཉན་པ་པོའི་སྐྱེ་བོའི་ཆེ་བའི་<br /> <br /> 117-172b<br /> <br /> བདག་ཉིད་ཡིན་ནོ། །གང་དག་གཅིག་གསུང་ཡན་ལག་རྒྱ་མཚོའི་སྒྲ་སྐད་ལ། །རྒྱལ་བ་ཀུན་དབྱངས་ཡན་ལག་རྣམ་དག་པ། །ཞེས་བདུན་པའི་གཅིག་ཚིག་གི་མཐའ་ཅན་དུ་འདོད་པ་སྟེ་དེ་དག་གིས་ནི་སྟེའི་སྒྲ་ཚིག་གི་ཁ་སྐོང་བ་ཡིན་པར་བལྟ་བར་བྱའོ། །ཆོས་ཀྱི་འཁོར་ལོ་བསྐོར་བ་ལ་འཇུག་པ་ནི། དུས་གསུམ་གཤེགས་པ་རྒྱལ་བ་འཁོར་ལོ་ཡི། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། དེ་དག་རྣམས་ཐམས་ཅད་ཀྱི་དོན་ཞེས་བྱ་བ་ནི་དུས་གསུམ་གཤེགས་པ་རྒྱལ་བ་རྣམས་ཀྱིའོ། །ཅི་འདྲ་བ་རྣམས་ཀྱི་ཞེ་ན། འཁོར་ལོའི་ཚུལ་རྣམས་རབ་ཏུ་སྐོར་མཛད་རྣམས་ཀྱི་གསུང་དབྱངས་མི་ཟད་པ་གང་ཡིན་པ་ཟད་པ་ལས་འདས་པ་དེ་རྣམས་ལ་བློའི་སྟོབས་ཀྱིས་ཞེས་བྱ་བ་ཤེས་པའི་བདག་ཉིད་ཆེ་བས་ཅིག་ཅར་དུ་འཇུག་པར་བགྱི་ཞིང་ཞུགས་པར་བགྱིའོ། །ཐབས་གང་དང་གིས་ཆོས་བསྟན་པ་གང་དང་གང་ཡིན་པས་དུས་གང་དང་གང་གི་ཚེ། ཡུལ་གང་དང་གང་དུ་མོས་པ་སྣ་ཚོགས་ཅན་གྱི་སེམས་ཅན་རྣམས་གདུལ་བྱར་གྱུར་པ་དེ་ནི་འདིར་ཚུལ་ཡིན་པར་བལྟའོ། །དབྱངས་ཀྱི་སྒྲ་ནི་འདིར་ཡང་ཚིག་གིས་ཁ་སྐོང་བའི་དོན་དུའོ། །བསྐལ་པའི་འཇུག་པ་ལ་འཇུག་པ་ནི། མ་འོངས་བསྐལ་པ་ཀུན་གྱི་བསྐལ་འཇུག་ལ། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཕྱོགས་བཅུར་གཏོགས་པའི་མ་འོངས་པའི་བསྐལ་པ་ཀུན་གྱི་བསྐལ་འཇུག་ལ་ཞེས་བྱ་བ་བསྐལ་པ་བརྒྱུད་པར་འབྱུང་བ་རྣམས་ལ་མདོར་བསྡུས་ཏེ་བདག་གིས་འཇུག་པར་བགྱིའོ། །གང་ཡང་བསྐལ་པ་དུས་གསུམ་ཚད་དེ་དག །ཅེས་བྱ་བ་ནི་དུས་གསུམ་གྱི་གྲངས་སྙེད་པ་སྟེ། དེ་དག་ཐམས་ཅད་ཤེས་པའི་སྐད་ཅིག་གི་ཆ་ཤས་ཞེས་བྱ་བ་སྐད་ཅིག་མ་གཅིག་གི་ཕྱོགས་གཅིག་ཏུ་ཞུགས་པར་སྤྱད་པ་བྱེད་དེ་ཞུགས་ཞེས་བྱའོ། །དེ་བཞིན་གཤེགས་པ་བལྟ་བ་དང་དེའི་སྤྱོད་ཡུལ་ལ་འཇུག་པ་ནི། དུས་གསུམ་གཤེགས་པ་མི་ཡི་སེང་གེ་གང་། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཕྱོགས་བཅུ་པོ་རྣམས་ཀྱི་དུས་གསུམ་དུ་གཤེགས་པའི་མིའི་སེང་གེ་སངས་རྒྱས་བཅོམ་ལྡན་འདས་གང་ཡིན་པ་དེ་དག་ཤེས་པའི་སྐད་ཅིག་གཅིག་གིས་བདག་གིས་བལྟ་ཞིང་། དེ་དག་གི་ནི་སྤྱོད་ཡུལ་ཏེ་ཡུལ་ལ་ཡང་འཇུག་པའོ། །སྒྱུ་མར་གྱུར་པའི་<br /> <br /> 117-173a<br /> <br /> རྣམ་ཐར་སྟོབས་ཀྱིས་ཞེས་བྱ་བ་ནི་བྱང་ཆུབ་སེམས་དཔའི་རྣམ་པར་ཐར་པ་སྒྱུ་མར་གྱུར་པ་ཞེས་བྱ་བ་ཤེས་པའི་རང་བཞིན་ཡིན་ལ་དེའི་སྟོབས་ཀྱིས་རྟག་ཏུ་འཇུག་པའོ། །སངས་རྒྱས་ཀྱི་ཞིང་མངོན་པར་བསྒྲུབ་པ་ལ་འཇུག་པ་ནི། གང་ཡང་དུས་གསུམ་དག་གི་ཞིང་བཀོད་པ། །ཞེས་བྱ་བ་ལ་སོགས་པས་གང་གསུངས་པ་ཡིན་ཏེ། གང་ཡང་དུས་གསུམ་དག་གི་ཞིང་བཀོད་པ་རྒྱ་མཚོ་དེ་དག་རྡུལ་གཅིག་གི་སྟེང་ན་རྫུ་འཕྲུལ་གྱི་སྟོབས་ཀྱིས་མངོན་པར་བསྒྲུབ་པར་བྱ་ཞིང་། དེ་ལྟར་མ་ལུས་ཕྱོགས་རྣམས་ཐམས་ཅད་དུ། །ཞེས་བྱ་བ་དེ་ནི་དེ་ལྟར་དེ་ཕྱོགས་མ་ལུས་པ་ཐམས་ཅད་དུ་ཞིང་གི་བཀོད་པ་རྣམས་རྡུལ་གཅིག་གི་སྟེང་དུ་དེ་ཁོ་ན་བཞིན་མངོན་པར་བསྒྲུབ་པར་བགྱི་སྟེ་ཤེས་པའི་སྐད་ཅིག་གིས་འཇུག་པར་བྱའོ། །གལ་ཏེ་རེ་ཞིག་ད་ལྟར་བ་ཉིད་ཀྱི་སངས་རྒྱས་ཀྱི་ཞིང་གི་རང་བཞིན་དང་། ཚད་དང་། མདོག་དང་། དབྱིབས་ཀྱི་དབྱེ་བས་ཐ་དད་པ་རྣམས་རྡུལ་གཅིག་གི་སྟེང་ན་གནས་པ་ལ་མ་ཡིན་ན། དུས་གསུམ་གྱི་སངས་རྒྱས་ཀྱི་ཞིང་མ་ལུས་པ་ཕྱོགས་བཅུ་ན་ཡོད་པ་རྣམས་དེ་ཁོ་ན་བཞིན་དུ་རང་བཞིན་ལ་སོགས་པའི་དབྱེ་བས་ཐ་དད་པ་རྣམས་རྡུལ་གཅིག་གི་སྟེང་དུ་བར་མ་ཆོད་ཅིང་མ་འདྲེས་པར་གནས་པ་ཇི་ལྟར་འགྱུར་ཏེ། དེས་ནི་འདི་ཇི་ལྟར་ཡིད་ཆེས་པར་བྱ་ཞེ་ན། འདིར་བརྗོད་པ། གང་གི་ཕྱིར་ཡོངས་སུ་མ་ཆུབ་བཅིང་ངོ་བོ་ཉིད་མེད་པ་སྒྱུ་མ་ལྟ་བུ། མ་སྐྱེས་པ། མ་འགགས་པ། སྐྲ་ཤད་ལྟ་བུ་གདོད་མ་ནས་ཞི་བ། རང་བཞིན་གྱིས་ཡོངས་སུ་མྱ་ངན་ལས་འདས་པ། མོས་པ་ཇི་ལྟ་བ་བཞིན་རྟོག་པ་ཙམ་གྱིས་རབ་ཏུ་ཕྱེ་བ་རྣམ་པ་སྣ་ཚོགས་པ་དུ་མའི་རང་བཞིན་གྱི་ཆོས་ཐམས་ཅད་ནི་ལེགས་པར་བསྒོམས་ཤིང་རྣམ་པ་སྣ་ཚོགས་པར་གྱུར་པའི་ཏིང་ངེ་འཛིན་དང་། རྣམ་པར་ཐར་པའི་ཁྱད་པར་རྣམས་ཀྱིས་བསམ་གྱིས་མི་ཁྱབ་པར་ཉེ་བར་དགོད་པར་ཉམས་སུ་མྱོང་བར་འགྱུར་བ་ན་ལེགས་པར་སྒོམ་པར་བྱེད་པའོ། །གནས་འདིར་གསལ་བར་འཇོག་པར་བྱེད་པ་ཡིན་ཏེ། འཇིག་རྟེན་ན་ཡང་འཚེ་བ་མང་བ་ཡིད་ཆེས་པ་ཅུང་ཟད་ཙམ་གྱིས་ནུས་པ་བསྐྱེད་པའི་མིག་འཕྲུལ་མཁན་བློ་གྲོས་མཆོག་ཏུ་ཡ་མཚན་པར་བྱེད་པའི་སྒྱུ་མ་སྒྲུབ་པར་བྱེད་པ་རྣམས་མཐོང་བ་ཁོ་ན་ཡིན་པ་དེའི་ཕྱིར། ཇི་སྐད་བརྗོད་པ་འདི་ཐམས་ཅད་ཡིད་ཆེས་པར་བྱ་བ་ཡིན་གྱི། འདི་ལ་ཐེ་ཚོམ་ཅུང་<br /> <br /> 117-173b<br /> <br /> ཟད་ཀྱང་མི་བྱའོ། །དེ་བཞིན་གཤེགས་པ་རྣམས་ཀྱི་དྲུང་དུ་འགྲོ་བ་ལ་འཇུག་པ་ནི། གང་ཡང་མ་བྱོན་འཇིག་རྟེན་སྒྲོན་མ་རྣམས། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་ཡང་མ་བྱོན་པའི་དུས་ཕྱི་མའི་མཐའི་མུར་ཐུག་པར་གྱུར་པའི་སངས་རྒྱས་བཅོམ་ལྡན་འདས་འཇིག་རྟེན་གྱི་སྒྲོན་མ་ཕྱོགས་བཅུའི་འཇིག་རྟེན་གྱི་ཁམས་ཀྱི་མཐའ་གཏུགས་པ་གཞན་དང་གཞན་ན་བཞུགས་པ་བགྲང་བ་ལས་འདས་པ་སངས་རྒྱས་ཀྱི་ཡེ་ཤེས་ཀྱི་སྤྱོད་ཡུལ་དུ་གྱུར་པ་རྣམས་སྐད་ཅིག་སོ་སོར་དུས་མཚུངས་པ་ཁོ་ནར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དང་། དེ་བཞིན་དུ་གཞན་དག་དུས་མཚུངས་པ་ཁོ་ནར་ཆོས་ཀྱི་འཁོར་ལོ་བསྐོར་བ་དང་། དེ་བཞིན་དུ་གཞན་དག་མྱ་ངན་འདས་པ་སྟོན་པར་འགྱུར་བ་དེ་དག་གི་དྲུང་དུ་སྟེ། དེས་ན། དེ་དག་རྣམ་པར་འཚང་རྒྱ་འཁོར་ལོ་བསྐོར། །ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་དག་ཅེས་བྱ་བ་ནི་དེ་དག་གིས་ཏེ། མངོན་པར་རྫོགས་པར་འཚང་རྒྱ་བ་དང་། དེ་བཞིན་དུ་ཆོས་ཀྱི་འཁོར་ལོ་བསྐོར་བ་དང་། མྱ་ངན་ལས་འདས་པ་སྟོན་པ་དང་། དེ་བཞིན་དུ་འཇིག་རྟེན་གྱི་མགོན་པོ་གཅིག་པུ་པ་དེ་དག་ཀུན་གྱི་ཞབས་དྲུང་དུ། ཡིད་མགྱོགས་ཀྱི་རྫུ་འཕྲུལ་གྱི་སྟོབས་ཀྱིས་ཅིག་ཅར་ལུས་ཀྱི་སྤྲིན་མ་འོངས་ཕྱོགས་བཅུ་ཁྱབ་པར་བྱས་ནས། ནམ་མཁའ་ཁྱབ་པའི་མཆོད་པའི་སྤྲིན་མཆོག་ཏུ་ཁྱད་པར་དུ་འཕགས་པ་བགྲང་བ་ལས་འདས་པ་རྣམས་ཀྱིས་རེ་རེ་ལ་མཆོད་པ་དང་། བསྟོད་པ་འབུལ་བ་དང་། ལན་བརྒྱ་དང་། ལན་སྟོང་དུ་བསྐོར་བ་བྱེད་ཅིང་འཁོར་བ་ཇི་སྲིད་ཀྱི་བར་དུ་བདག་འཆིའོ་ཞེས་བྱ་བ་དུས་མཚུངས་པར་འགྲོ་བའོ། །རྣམ་པར་འཚང་རྒྱ་ཞེས་བྱ་བ་ནི་མངོན་པར་འཚང་རྒྱ་བའོ། །མྱ་ངན་འདས་པ་སྟོན་ཅེས་བྱ་བ་འདི་ལ་རབ་ཏུ་ཞི་མཐའ་ཞེས་བྱ་བས་བཤད་པ་ནི་ཚིག་ཁ་བསྐང་བའི་དོན་དུ་ཡིན་པར་རྟོགས་སོ། །གཙོ་བོ་ཡིན་པའི་ཕྱིར་དེ་སྐད་གསུངས་པར་ཟད་ཀྱི། འོན་ཀྱང་ཆུ་ཟླ་སྣང་བ་ལྟར་དགའ་ལྡན་གྱི་གཞལ་ཡས་ཁང་ན་བཞུགས་པ་དང་། འཆི་འཕོ་བ་སྟོན་པ་དང་། ལྷུམས་ན་ཞུགས་པ་དང་། བལྟམས་པ་དང་། ལྷའི་གམ་དུ་གཤེགས་པ་དང་། བཟོ་དང་སྒྱུ་རྩལ་སྟོན་པ་དང་། <br /> <br /> 117-174a<br /> <br /> ཁབ་ནས་འབྱུང་བ་དང་། རབ་ཏུ་འབྱུང་བ་དང་། དཀའ་བ་སྤྱོད་པ་དང་། བྱང་ཆུབ་ཀྱི་སྙིང་པོར་གཤེགས་པ་དང་། བྱང་ཆུབ་ཀྱི་ཤིང་གི་རྒྱལ་པོའི་དྲུང་དུ་སེང་གེའི་གདན་ལ་བཞུགས་ནས་བདུད་བཏུལ་བའི་དུས་རྣམས་སུ་ཡང་དེ་དག་གི་ཞབས་དྲུང་དུ་དེ་ཁོ་ན་ལྟར་དུས་གཅིག་པར་ཉིད་མཆི་བའོ། །དེ་སྐད་དུ་ཡང་། གང་ཕྱིར་སེམས་ཅན་གཞལ་མེད་རྣམས། །སོ་སོར་འཇིག་རྟེན་ཁམས་རྣམས་སུ། །སྐད་ཅིག་སྐད་ཅིག་འཚང་རྒྱ་དེས། །ཞུམ་པ་དང་དུ་བླང་མི་བྱ། །ཞེས་གསུངས་སོ། །<br /> <br /> ༈ རྣམ་པ་བཅུ་གཉིས་པ། སྟོབས་བསྟན་པ།<br /> ༆ རྣམ་པ་བཅུ་གཉིས་པ་ནི་སྟོབས་སོ། །དེ་ཡང་རྣམ་པ་བཅུ་སྟེ། ཀུན་དུ་མྱུར་བའི་རྫུ་འཕྲུལ་སྟོབས་རྣམས་དང་། །ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །གྲུབ་པས་ན་རྫུ་འཕྲུལ་ཏེ་ཡང་དག་པར་གྲུབ་ཅིང་འདོད་པ་ཇི་ལྟ་བ་བཞིན་རྫོགས་པར་བྱེད་པའི་ཆོ་འཕྲུལ་ཞེས་བྱ་བའི་དོན་ཏོ། །རྫུ་འཕྲུལ་ཆོ་འཕྲུལ་ཡིན་ནོ་ཞེས་ཇི་ལྟར་རྟོགས་ཤེ་ན། སེམས་ཅན་སོ་སོ་བ་རྣམས་ཀྱི་ཡིད་འཕྲོག་ཅིང་མགུ་བར་བྱེད་པས་ན་ཆོ་འཕྲུལ་ཡིན་ནོ། །དེའི་སྟོབས་ནི་དོན་ཡོད་པ་ཉིད་དོ། །ཀུན་དུ་མྱུར་བའི་ཞེས་བྱ་བ་ནི་ཇི་ལྟར་བྱང་ཆུབ་སེམས་དཔའ་གཞན་གྱིས་མི་འགྲོ་བས་ཀུན་དུ་རྒྱུ་བའི་རྫུ་འཕྲུལ་གྱིས་ཅིག་ཅར་ཕྱོགས་བཅུར་འགྲོ་བ་དེ་བཞིན་དུའོ། །ཐོག་པའི་སྟོབས་ཀྱིས་ཞེས་བྱ་བ་ནི་ཐེག་པ་ཆེན་པོའི་སྟོབས་ཀྱིས་ཏེ་འདིས་འགྲོ་བར་བྱེད་པས་ན་ཐེག་པའོ། །ཐེག་པ་ཡང་ཡིན་ལ་ཆེན་པོ་ཡང་ཡིན་པས་ཐེག་པ་ཆེན་པོ་ཡིན་པའམ། ཡང་ན་སངས་རྒྱས་དང་བྱང་ཆུབ་སེམས་དཔའ་ཆེན་པོ་རྣམས་ཀྱི་ཐེག་པ་ཡིན་པས་ཐེག་པ་ཆེན་པོའོ། །དེའི་རང་བཞིན་ཅི་ཡིན་ཞེ་ན། སངས་རྒྱས་ཀྱི་བྱང་ཆུབ་ཐོབ་པར་བྱེད་པའི་ལམ་ཡིན་ཏེ། ཐེག་པ་ཆེན་པོ་ནི་བསོད་ནམས་དང་ཡེ་ཤེས་ཞེས་བྱ་བ་ཉིད་ཡིན་ནོ། །ཡང་ན་ཕ་རོལ་ཏུ་ཕྱིན་པས་དང་བཅས་པ་ཐེག་པ་ཆེན་པོ་ཡིན་ནོ། །དེའི་སྟོབས་ནི་ཐོགས་པ་མེད་པ་ཉིད་དང་། མི་མཐུན་པའི་ཕྱོགས་ཀྱིས་མི་རྫི་བ་ཞེས་བྱ་བའི་དོན་ཏོ། །ཀུན་ནས་སྒོའི་ཞེས་བྱ་བ་ནི་ཐམས་ཅད་ནས་འཇུག་པའི་སྒོའོ། །ཇི་ལྟར་ཞེ་ན། གང་བྱང་ཆུབ་ཀྱི་སེམས་མི་སྐྱེ་བ་དང་། གང་ལ་སེམས་ཅན་ཐམས་ཅད་ལ་ཕན་པ་དང་བདེ་བར་བསྔགས་པར་མ་གྱུར་པའི་གནས་སྐབས་དང་། དམིགས་པ་དེ་ནི་གང་ཡང་ཡོད་པ་མ་ཡིན་ཏེ། འདི་<br /> <br /> 117-174b<br /> <br /> ཐམས་ཅད་སྤྱོད་ཡུལ་ཡོངས་སུ་དག་པའི་མདོར་བལྟ་བར་བྱའོ། །སྤྱོད་པའི་སྟོབས་རྣམས་དང་ཞེས་བྱ་བ་ནི་ཁྱད་པར་མེད་པའི་ཕྱིར་སྤྱོད་པ་གཉིས་ཀའི་སྟོབས་ཀྱིས་ཏེ། བྱང་ཆུབ་སེམས་དཔའི་སྤྱོད་པའི་སྟོབས་དང་། བཟང་པོ་སྤྱོད་པའི་སྟོབས་ཀྱིས་སོ། །ཀུན་དུ་ཡོན་ཏན་ཞེས་བྱ་བ་ནི་ཐོག་མ་དང་། བར་དང་། ཐ་མར་དགེ་བས་སོ། །བྱམས་པའི་སྟོབས་ཞེས་བྱ་བ་ནི་སེམས་ཅན་གྱི་ཁམས་ཐམས་ཅད་ལ་བདེ་བའི་བསམ་པས་ཁྱབ་པར་བྱས་པའོ། །ཀུན་དུ་ཁྱབ་པ་ཞེས་བྱ་བ་ནི་ཕྱོགས་བཅུར་ཁྱབ་པས་སོ། །བསོད་ནམས་སྟོབས་ཞེས་བྱ་བ་ནི་དག་པར་བྱེད་ཅིང་གཙང་བར་བྱས་པས་བསོད་ནམས་ཡིན་པའམ། ཡང་ནས་ཡང་ལེགས་པར་འགྱུར་བས་ན་བསོད་ནམས་ཏེ། དེའི་སྟོབས་ནི་བྱང་ཆུབ་ཏུ་སེམས་བསྐྱེད་པ་ཉིད་ཀྱིས་འགྱུར་རོ། །ཇི་སྐད་དུ། བྱང་ཆུབ་སེམས་ཀྱི་བསོད་ནམས་གང་། །གལ་ཏེ་དེ་ལ་གཟུགས་མཆིས་ན། །ནམ་མཁའི་ཁམས་ནི་ཀུན་གང་ནས། །དེ་བས་ཀྱང་ནི་ལྷག་པར་འགྱུར། །ཞེས་གསུངས་སོ། །དེ་བཞིན་དུ་ཐེག་པ་ཆེན་པོ་དང་ལྡན་པའི་ཆོས་ཟབ་ཅིང་རྒྱ་ཆེ་བ་ལ་འཛིན་པ་དང་། ཀློག་པ་དང་། སྟོན་པ་དང་། མོས་པ་དང་། ཚིགས་སུ་བཅད་པ་གཉིས་ཀྱི་གཟུངས་དང་། ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་པས་ཀྱང་འགྱུར་ཏེ། བསོད་ནམས་ཀྱི་སྟོབས་དེས་ངེས་སོ། །ཀུན་དུ་དགེ་བ་ཞེས་བྱ་བ་ནི་སེམས་ཅན་ཐམས་ཅད་ལ་ཕན་པ་དང་བདེ་བར་བྱ་བའི་བསམ་པས་བསྒྲུབས་པའི་ཕྱིར་རོ། །ཡེ་ཤེས་སྟོབས་ཞེས་བྱ་བ་ནི་ཤེས་བྱ་ཐམས་ཅད་རིག་པའི་ཤེས་པ་ཡིན་པའི་ཕྱིར་རོ། །ཆགས་པ་མེད་པར་གྱུར་པ་ཞེས་བྱ་བ་ནི་དུས་གསུམ་པོ་རྣམས་ལ་ཆགས་པ་མེད་པའི་ཕྱིར་རོ། །ཤེས་རབ་སྟོབས་ཞེས་བྱ་བ་ནི་དོན་གྱི་དེ་ཁོ་ན་རྟོགས་པས་སོ། །ཐབས་ཀྱི་སྟོབས་ནི་ཉེར་བར་འགྲོ་བས་ན་ཐབས་ཏེ། དེའི་སྟོབས་ནི་དོན་ཡོད་པ་ཉིད་དོ། །ཏིང་འཛིན་སྟོབས་ཞེས་བྱ་བ་ནི་ཡང་དག་པར་འཛིན་པས་ཏིང་ངེ་འཛིན་ཏེ་བསམ་གཏན་ནོ། །དེའི་སྟོབས་ནི་འགྲོ་བ་མཐའ་དག་གི་དོན་བྱ་བའི་ཆེད་དུ་མངོན་པར་ཤེས་པ་ལ་སོགས་པའི་ཡོན་ཏན་མངོན་པར་སྒྲུབ་པ་ལ་ཐོགས་པ་མེད་པ་ཉིད་དོ། །ཏིང་ངེ་འཛིན་གྱི་སྟོབས་དེས་སོ། །བྱང་ཆུབ་སྟོབས་རྣམས་ཞེས་བྱ་བ་ལ། བྱང་ཆུབ་ནི་བླ་ན་མེད་པ་ཡང་དག་པར་རྫོགས་<br /> <br /> 117-175a<br /> <br /> པའི་བྱང་ཆུབ་ཀྱི་སྟོབས་གང་ཡིན་པ་དེ་མཐུའོ། །ཡང་དག་སྒྲུབ་པར་བྱེད་པའོ། །<br /> <br /> ༈ རྣམ་པ་བཅུ་གསུམ་པ། གཉེན་པོ་བསྟན་པ།<br /> ༆ རྣམ་པ་བཅུ་གསུམ་པ་ནི་གཉེན་པོའོ། །དེ་ལ་མི་མཐུན་པའི་ཕྱོགས་ལས་དང་ཉོན་མོངས་པ་དང་བདུད་ཀྱི་སྟོབས་འཇོམས་པ་ལས་རྣམ་པ་གསུམ་པ་ནི། ལས་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །ཞེས་བྱ་བ་ལོགས་པ་གང་གསུངས་པ་ཡིན་ཏེ། ཁྱད་པར་མེད་པའི་ཕྱིར་ན་དགེ་བ་དང་མི་དགེ་བ་དང་མི་གཡོ་བའི་དབྱེ་བ་ལས་ཏེ་རྣམ་པ་གསུམ་མོ། །དེ་ལ་རེ་ཞིག་ངེས་པར་མྱོང་བར་འགྱུར་བའི་མི་དགེ་བའི་སྟོབས་ནི་ངན་སོང་གསུམ་བསྐྱེད་པར་ནུས་པ་སྟེ། ཡོངས་སུ་དག་པར་བྱེད། སེལ་བར་བྱེད། རྣམ་པར་སུན་འབྱིན་པ་ལ་སོགས་པའི་སྟོབས་ཀྱིས་སྦྱོར་བར་བྱེད་པ་སྟེ། སྡིག་པ་ཤིན་ཏུ་མི་ཟད་བྱས་པ་དག །བདག་ལ་རྣམ་པར་སྨོད་པས་སྲབ་པར་བྱེད། །རབ་ཏུ་བཤགས་དང་སྡོམ་པར་བྱེད་པས་ནི། །དེ་དག་རྩ་ནས་འབྱིན་པར་ངས་བཤད་དོ། །ཞེས་ཇི་སྐད་གསུངས་པ་བཞིན་ནོ། །གཉེན་པོའི་སྟོབས་ཀྱིས་ཀྱང་རྣམ་པར་དག་པར་བྱེད་དེ། དཔེར་ན་མཛའ་བོའི་བུ་མོས་མ་ལ་གནོད་པ་བྱས་པས་ཀུན་ནས་བསླང་བའི་མི་དགེ་བའི་ལས་ཀྱིས། ཞིང་གི་ཁྱད་པར་ལས་མཐོང་བའི་ཆོས་ཉིད་ལ་རྣམ་པར་སྨིན་པའི་འབྲས་བུ་སྟེར་བར་ཞུགས་ཏེ་འབྲས་བུ་ཅུང་ཟད་བྱས་ཀྱང་ལྷག་པའི་བསམ་པའི་ཁྱད་པར་སྐྱེས་པ་སེམས་ཅན་གྱི་དོན་དུ་སྨོན་པ་བྱང་ཆུབ་ཀྱི་སེམས་བསྐྱེད་པ་ཁོ་ནས་དེ་མ་ལུས་པར་དྲུངས་ཕྱུང་ཞིང་བཅོམ་པ་བཞིན་ནོ། །སེམས་ཅན་གྱི་དོན་དུ་སྨོན་པ་བྱང་ཆུབ་ཏུ་སེམས་བསྐྱེད་པ་ཅི་འདྲ་བ་ཞིག་ཡིན་ཞེ་ན། སྨྲས་པ། འགྲོ་བ་ཐམས་ཅད་ན་སེམས་ཅན་གང་སུ་དག་བདག་དང་འདྲ་བར་མ་ལ་གནོད་པ་བྱེད་པར་འགྱུར་བ་དེ་དག་ཐམས་ཅད་ཀྱི་དོན་དུ་སྤྱི་བོར་འཁོར་ལོས་དྲལ་བའི་སྡུག་བསྔལ་གྱི་ཕུང་པོ་ཆེན་པོ་མཐའ་ཡས་པ་སྡུག་པ་དག་ཁོ་ནས་འཁོར་བ་ཇི་སྲིད་དུ་རྒྱུན་མ་ཆད་པར་མྱོང་བར་འགྱུར་ཏེ། འདིར་ནམ་ཡང་སེམས་ཅན་གཅིག་ཀྱང་འོང་བར་མ་གྱུར་ཅིག་ཅེས་བྱ་བ་ཡིན་ནོ། །རྟེན་གྱི་སྟོབས་ཀྱིས་ཀྱང་དཔེར་ན་ཕག་མོའི་རྟོགས་པ་བརྗོད་པ་ལས། ལྷའི་བུ་ཚེ་ཟད་པ་འགའ་ཞིག་གྲོང་གི་ཕག་མོའི་མངལ་དུ་སྐྱེ་བར་བྱེད་པ་ངེས་པར་མྱོང་བར་འགྱུར་བའི་ལས་འབྲས་བུ་བསྐྱེད་པ་ལ་མངོན་སུམ་དུ་<br /> <br /> 117-175b<br /> <br /> ཕྱོགས་པར་གྱུར་ལ། དེ་ཡང་གསུམ་ལ་སྐྱབས་སུ་སོང་བ་ཙམ་གྱིས་ཐམས་ཅད་གཏན་དུ་དྲུངས་ཕྱུང་ནས་སུམ་ཅུ་རྩ་གསུམ་པའི་ལྷ་རྣམས་ནས་ཤི་འཕོས་ནས་དགའ་ལྡན་གྱི་ལྷ་རྣམས་ཀྱི་ནང་དུ་སྐྱེས་པ་བཞིན་ནོ། །ཆོས་ཐམས་ཅད་བདག་མེད་པར་རྟོགས་པ་ལས་ཀྱང་གཏན་རྩ་བ་ནས་ཕྱུང་བར་འགྱུར་ཏེ། ཇི་སྐད་དུ་ལས་ཀྱི་སྒྲིབ་པ་རྣམ་པར་སྦྱོང་བའི་མདོ་ལས། དཔེར་ན་དགེ་སློང་གཞན་ཞིག་གིས་མི་ཚངས་པར་སྤྱོད་པ་དང་། མ་གསོད་པའི་ཕས་ཕམ་པ་གཉིས་བྱས་ཏེ་ཕྱི་ནས་དེ་སྐྱོ་བ་སྐྱེས་ཤིང་སྙིང་ལ་གདུང་བ་སྐྱེས་པར་གྱུར་ཏེ། སྨྱོན་པ་བཞིན་དུ་གཙུག་ལག་ཁང་ནས་གཙུག་ལག་ཁང་དང་། གྲོང་ནས་གྲོང་དང་། སྲང་ནས་སྲང་དུ་རྒྱུ་ཞིང་སྐྱེ་བོ་ཐམས་ཅད་ཀྱི་མདུན་དུ་བདག་བཅོམ་མོ། །བདག་བཅོམ་མོ་ཞེས་ཡང་དག་པར་སྒྲོགས་ཏེ། ཡང་ནས་ཡང་ཀྱི་ཧུད་ཀྱི་ཧུད་ཅེས་ཟེར་ཞིང་སྡིག་པ་བཤགས་པའི་སྟོབས་ཀྱིས་འདོར་བར་བྱེད་པ་ནས་ལས་དེ་བསྲབས་པའི་བར་དུ་བྱས་པར་གྱུར་ཏོ། །དེ་དེ་ལྟར་སེམས་ཤིན་ཏུ་གདུངས་པར་གྱུར་པ་ན་མངོན་པར་ཤེས་པ་ཐོབ་པའི་བྱང་ཆུབ་སེམས་དཔའ་གཞན་ཞིག་གང་གིས་ཆོས་ཟབ་མོ་དེ་ལྟ་དེ་ལྟ་བུ་བསྟན་པས་ཆོས་ཐམས་ཅད་བདག་མེད་པ་ཉིད་དུ་རྟོགས་ནས་ཐམས་ཅད་ནས་ཐམས་ཅད་རྣམ་པ་ཐམས་ཅད་ནས་སྡིག་པ་དེ་ཐམས་ཅད་དྲུངས་ཕྱུང་ནས་མི་སྐྱེ་བའི་ཆོས་ལ་བཟོད་པ་ཐོབ་པར་གསུངས་པ་བཞིན་ནོ། །ཟབ་མོའི་ཆོས་ལ་ལྷག་པར་མོས་པ་འདི་ནི་ལྟུང་བ་དང་འགྱོད་པ་ཐམས་ཅད་སེལ་བ་དང་། ལས་ཀྱི་སྒྲིབ་པ་ཐམས་ཅད་རྣམ་པར་སྦྱོང་བར་བྱེད་པ་ཡིན་ནོ་ཞེས་དེ་ལྟར་དད་པར་བྱ་སྟེ། ཇི་སྐད་དུ། འཕགས་པ་དེ་བཞིན་གཤེགས་པའི་མཛོད་ཀྱི་མདོ་ལས། འོད་སྲུངས་གང་ཞིག་ཕ་ཡང་ཡིན་ལ་རང་སངས་རྒྱས་ཀྱང་ཡིན་པ་དེ་སྲོག་དང་བྲལ་བར་བྱེད་ལ་འདི་ནི་སྲོག་གཅོད་པ་རྣམས་ཀྱི་ནང་ནས་ལྕི་བ་ཡིན་ནོ། །འདི་ལྟ་སྟེ། དཀོན་མཆོག་གསུམ་གྱི་དཀོར་འཕྲོག་པ་འདི་ནི་མ་བྱིན་པར་ལེན་པ་རྣམས་ཀྱི་ནང་ནས་ལྕི་བ་ཡིན་ནོ། །འདི་ལྟ་སྟེ། མ་ཡང་ཡིན་ལ་དགྲ་བཅོམ་མ་ཡང་ཡིན་པ་དེ་ལ་ལོག་པར་བསྒྲུབ་པ་འདི་ནི་འདོད་པས་ལོག་པར་སྤྱོད་པ་རྣམས་ཀྱི་ནང་ནས་ལྕི་བ་ཡིན་ནོ། །འདི་ལྟ་སྟེ། དེ་བཞིན་གཤེགས་པ་ལ་སྐུར་པ་འདེབས་པ་འདི་ནི་བརྫུན་དུ་སྨྲ་བ་རྣམས་ཀྱི་ནང་ནས་ལྕི་བའོ། །འདི་ལྟ་སྟེ། དགེ་འདུན་གྱི་དབྱེན་བྱེད་པ་འདི་ནི་ཕྲ་མ་རྣམས་ཀྱི་ནང་ནས་ལྕི་བ་ཡིན་<br /> <br /> 117-176a<br /> <br /> ནོ། །འདི་ལྟ་སྟེ། འཕགས་པ་རྣམས་ལ་གཤེ་བ་འདི་ནི་ཚིག་རྩུབ་མོ་རྣམས་ཀྱི་ནང་ནས་ལྕི་བ་ཡིན་ནོ། །འདི་ལྟ་སྟེ། ཆོས་འདོད་པ་རྣམ་པར་གཡེང་བ་འདི་ནི་ངག་འཁྱལ་པ་རྣམས་ཀྱི་ནང་ནས་ལྕི་བའོ། །འདི་ལྟ་སྟེ། ཡང་དག་པར་སོང་བ་རྣམས་དང་། ཡང་དག་པར་ཞུགས་པ་རྣམས་ཀྱི་རྙེད་པ་འཕྲོག་པར་སེམས་པ་འདི་ནི་བརྣབ་སེམས་ཀྱི་ནང་ནས་ལྕི་བའོ། །འདི་ལྟ་སྟེ། མཚམས་མེད་པ་ཉེ་བར་རྩོམ་པ་འདི་ནི་གནོད་སེམས་ཀྱི་ནང་ནས་ལྕི་བའོ། །འདི་ལྟ་སྟེ། ལྟ་བ་ཤིན་ཏུ་ཐིབས་པོར་གྱུར་པ་འདི་ནི་ལོག་པར་ལྟ་བ་རྣམས་ཀྱི་ནང་ནས་ལྕི་བ་ཡིན་ཏེ། མི་དགེ་བའི་ལས་ཀྱི་ལམ་བཅུ་པོ་འདི་དག་ཐམས་ཅད་ནི་ཁ་ན་མ་ཐོ་བ་ཆེན་པོ་ཡིན་ནོ། །འོད་སྲུངས་གལ་ཏེ་སེམས་ཅན་གཅིག་འགའ་ལ་ལ་ཞིག་མི་དགེ་བ་བཅུའི་ལས་ཀྱི་ལམ་གྱི་ལས་ཁ་ན་མ་ཐོ་བ་ཆེན་པོ་འདི་དག་དང་ལྡན་པར་གྱུར་ལ། དེ་ཡང་དེ་བཞིན་གཤེགས་པའི་ཆོས་བསྟན་པ་རྒྱུ་རྐྱེན་དུ་ལྡན་པ་ལ་འཇུག་སྟེ། འདི་ལ་གང་ཞིག་བྱེད་པའམ། གང་གིས་མྱོང་བར་བྱེད་པ་བདག་གམ། སེམས་ཅན་ནམ། སྲོག་གམ། གང་ཟག་ནི་འགའ་ཡང་མེད་དོ་སྙམ་ཞིང་དེ་ལྟར་ཆོས་ཐམས་ཅད་བཅོས་བུ་ཉིད་དང་། མངོན་པར་འདུས་མ་བྱས་པ་ཉིད་དང་། ཀུན་ནས་ཉོན་མོངས་པ་མེད་པ་ཉིད་དང་། སྒྱུ་མའི་ཆོས་ཉིད་དང་། རང་བཞིན་གྱིས་འོད་གསལ་བ་ཉིད་ལ་འཇུག་ཅིང་། ཆོས་ཐམས་ཅད་གདོད་མ་ནས་རྣམ་པར་དག་པ་ཉིད་ལ་མངོན་པར་དད་པར་བྱེད། ལྷག་པར་མོས་པར་བྱེད་ན་སེམས་ཅན་དེ་ངན་སོང་དུ་འགྲོ་བར་ང་མི་སྨྲའོ། །དེ་ཅིའི་ཕྱིར་ཞེ་ན། ཉོན་མོངས་པ་རྣམས་ལ་ནི་ཚོགས་སུ་གྱུར་པ་ཡོད་པ་མ་ཡིན་ཏེ། ཉོན་མོངས་པ་ཐམས་ཅད་ཀྱི་སྐྱེ་བ་དང་འཇིག་པས་ཉམས་པར་གྱུར་པ། རྒྱུ་དང་རྐྱེན་ཚོགས་པ་ལས་སྐྱེ་ཞིང་སྐྱེས་མ་ཐག་ཏུ་ཡང་འགག་པར་འགྱུར་བ་སྟེ། སྐྱེ་བའི་འཇིག་པ་གང་ཡིན་པ་དེ་ནི་ཉོན་མོངས་པ་ཐམས་ཅད་ཀྱི་ཡང་འཇིག་པ་ཡིན་ནོ་ཞེས་དེ་ལྟར་མོས་པ་གང་ཡིན་པ་དེ་ལ་ནི་ལྟུང་བ་མེད་ཅིང་ལྟུང་བའི་གནས་ཡོད་པ་མ་ཡིན་ནོ། །སྒྲིབ་པ་མེད་པ་ལ་ལྟུང་བ་གནས་པར་འགྱུར་བ་གང་ཡིན་པ་དེ་ནི་གནས་མ་ཡིན་ཞིང་གོ་སྐབས་མེད་དོ་ཞེས་གསུངས་པ་ཡིན་ནོ། །དེ་བཞིན་དུ་བྱང་ཆུབ་ཀྱི་སེམས་བསྐྱེད་པ་མངོན་དུ་བྱས་པ་ཉིད་ལས་ཀྱང་ལྟུང་བས་ཀུན་ནས་བསླང་བའི་མི་<br /> <br /> 117-176b<br /> <br /> དགེ་བ་འདི་ཤིན་ཏུ་གསལ་བར་འགྱུར་བ་ཡིན་ཏེ། ཇི་སྐད་དུ་འཕགས་པ་ཉེ་བ་འཁོར་གྱིས་ཞུས་པའི་མདོ་ལས། གལ་ཏེ་བྱང་ཆུབ་སེམས་དཔའ་སྔ་དྲོའི་དུས་ན་ལྟུང་བ་དང་བཅས་པ་ཉི་མ་ཕྱེད་ན་བྱང་ཆུབ་ཀྱི་སེམས་མངོན་དུ་བྱེད་ན་བྱང་ཆུབ་སེམས་དཔའ་དེའི་ཚུལ་ཁྲིམས་ཀྱི་ཕུང་པོ་ནི་མཐའ་མེད་པ་ཉིད་དུ་རིག་པར་བྱའོ། །དེ་བཞིན་དུ་ཉི་མ་ཕྱེད་ན་ལྟུང་བ་དང་བཅས་པ་ཕྱི་དྲོའི་དུས་ན་བྱང་ཆུབ་ཀྱི་སེམས་མངོན་དུ་བྱེད་ན་བྱང་ཆུབ་སེམས་དཔའ་དེའི་ཚུལ་ཁྲིམས་ཀྱི་ཕུང་པོ་མཐའ་མེད་པ་ཉིད་དུ་རིག་པར་བྱའོ་ཞེས་གསུངས་པ་བཞིན་ནོ། །དེ་སྐད་དུ་འཕགས་པ་སྡོང་པོ་བཀོད་པའི་མདོ་ལས་ཀྱང་། རིགས་ཀྱི་བུ་བྱང་ཆུབ་ཀྱི་སེམས་ནི་ཉེས་པར་བྱས་པ་ཐམས་ཅད་ངེས་པར་སྲེག་པ་ཉིད་ཀྱིས་བསྐལ་པ་སྲེག་པའི་མེ་ལྟ་བུའོ་ཞེས་བྱ་བ་ལ་སོགས་པ་གསུངས་པའོ། །སུམ་བརྒྱ་པ་ལས་ཀྱང་། རབ་འབྱོར་རིགས་ཀྱི་བུའམ། རིགས་ཀྱི་བུ་མོ་གང་དག་འདི་ལྟ་བུའི་རང་བཞིན་གྱི་མདོ་སྡེ་འདི་དག་འཛིན་པར་འགྱུར་བ་དང་། འཆང་བར་འགྱུར་བ་དང་། ཀློག་པར་འགྱུར་བ་དང་། ཀུན་ཆུབ་པར་བྱེད་པར་འགྱུར་བ་དེ་དག་ནི་གདུང་བར་འགྱུར། ཤིན་ཏུ་གདུང་བར་འགྱུར་ཏེ། དེ་ཅིའི་ཕྱིར་ཞེ་ན། སེམས་ཅན་དེ་དག་ནི་ཚེ་རབས་སྔ་མའི་མི་དགེ་བའི་ལས་ངན་སོང་འགྲུབ་པ་དང་རྗེས་སུ་མཐུན་པ་བྱས་པ་གང་ཡིན་པ་དེ་དག་མཐོང་བའི་ཆོས་ཉིད་ལ་ཡོངས་སུ་ལོངས་སྤྱོད་པས་ན་སྔོན་གྱི་མི་དགེ་བའི་ལས་དེ་དག་ཟད་པར་འགྱུར་བའི་ཕྱིར་རོ་ཞེས་གསུངས་ཏེ། དེ་ལྟ་བུ་ལ་སོགས་པའི་ཚུལ་གྱིས་ངེས་པར་མྱོང་བར་འགྱུར་བའི་སྡིག་པའི་ལས་ཤིན་ཏུ་ཡོངས་སུ་དག་པར་བྱས་པར་འགྱུར་རོ་ཞེས་བསྟན་པ་ཡིན་ནོ། །ཁ་ཅིག་འདི་སྐད་ཅེས་སྡིག་པའི་ལས་ཆུང་ངུ་དང་འབྲིང་དག་ནི་སྡིག་པ་བཤགས་པ་ལ་སོགས་པའི་སྟོབས་ཀྱིས་ཤིན་ཏུ་བསལ་བར་འགྱུར་མོད། མཚམས་མེད་པ་ལ་སོགས་པ་ལས་ལྕི་བ་རྣམས་ནི་ཐམས་ཅད་རྩ་བ་ནས་བྱང་བར་ཇི་ལྟར་འགྱུར་ཞེས་ཟེར་བ་གང་ཡིན་པ་དེ་དག་ལ་བརྗོད་པ། བསམ་པ་ཆུང་ངུ་དང་འབྲིང་དང་ཆེན་པོའི་དབྱེ་བ་ལས་རྒྱལ་པོ་མ་སྐྱེས་དགྲ་ལ་སོགས་པ་མཚམས་མེད་པ་བྱེད་པ་གང་ཡིན་པ་རྣམས་ཀྱིས་མནར་མེད་པར་བསྐལ་པའམ། བསྐལ་བ་དང་ཉེ་བའམ། བསྐལ་པ་ཕྱེད་དུ་གནས་པར་བྱ་དགོས་པ་ཤིན་ཏུ་འགྱོད་པའི་སེམས་གདུང་བར་འགྱུར་བ་དེ་དག་གི་ལས་རྣམས་<br /> <br /> 117-177a<br /> <br /> ཡང་དག་པར་བཤགས་པ་ལ་སོགས་པའི་སྟོབས་ཀྱིས་བསྲབས་པར་གྱུར་པ་ཡིན་ཏེ། འདི་ལྟ་སྟེ། དེ་ལ་ལས་དེ་འབྲས་བུ་ཕོ་ལོང་ལྟུང་བའི་དུས་ཙམ་ཞིག་ཡང་དག་པར་མྱོང་བར་གྱུར་ཏོ་ཞེས་གསུངས་པ་ཡིན་ནོ། །དེས་ན་དེ་ཙམ་གྱིས་ལས་དེ་ཤིན་ཏུ་རྩ་བ་ནས་བྱུང་བར་དོན་ལ་མ་སོང་ངམ་ཅི། གཤོལ་གཅིག་གིས་མ་རྨོས་པ་ཉིད་དུ་འགྱུར་བ་ནི་མ་ཡིན་ནོ། །གལ་ཏེ་སྦྲང་བུའི་རྐང་པ་ཙམ་གྱི་ཁྱད་པར་ཅན་ཡང་མི་འགྱུར་བར་ངེས་པའི་ལས་ཀྱི་ཚོགས་ཡོངས་སུ་ཟད་པར་ཇི་ལྟར་འགྱུར་ཞེ་ན། དེ་ཡང་གལ་ཏེ་གཉེན་པོའི་སེམས་པ་འཇུག་པ་འབད་ན་ཟད་པར་འགྱུར་བ་ཁོ་ནའོ། །འོ་ན་བསྐལ་པ་བྱེ་བ་བརྒྱར་ཡང་ནི། །ལས་རྣམས་ཆུད་མི་ཟ་བ་དེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུ་འབྱིན། །ཅེས་བྱ་བ་ལ་སོགས་པ་གསུངས་པ་གང་ཡིན་པ་དེ་ཇི་ལྟར་དྲང་ཞེ་ན། ལས་གང་དག་རྣམ་པར་སུན་འབྱིན་པ་ཀུན་དུ་སྤྱོད་པ་ལ་སོགས་པའི་སྟོབས་ཀྱིས་མ་སྤངས་ཤིང་མ་བསྲབས་པ་དེ་དག་ལ་དེ་སྐད་བསྟན་པར་བྱའོ། །དེ་སྐད་དུ་ཡང་། མི་མཁས་སྡིག་པ་ཅུང་ཟད་བྱས་ཀྱང་འོག་འགྲོ་ཞིང་། །མཁས་པས་ཆེན་པོ་བྱས་ཀྱང་དོན་མེད་རབ་སྤོང་སྟེ། །ལྕགས་ནི་ཆུང་ཡང་ཆུ་སྟེངས་བཞག་ན་ནུབ་འགྱུར་བ། །དེ་ཉིད་ཆེ་ཡང་སྣོད་དུ་བྱས་ན་ལྡིང་བ་བཞིན། །ཞེས་གསུངས་སོ། །མྱོང་བར་མ་ངེས་པའི་སྡིག་པའི་ལས་དུས་གསུམ་པ་བགྲང་བ་ལས་འདས་པ་གང་ཡིན་པ་དེ་ཡང་ཡོངས་སུ་དག་པར་བྱེད་པ་ནི་ངན་སོང་དུ་སྐྱེས་པའི་སེམས་ཅན་རྣམས་ལ་ཕན་པ་དང་བདེ་བ་ཉེ་བར་བསྒྲུབ་པའི་ཕྱིར་ལས་ལ་དབང་བ་ཉིད་ཀྱིས་ཕྱོགས་བཅུ་རྣམས་སུ་ཅིག་ཅར་ཁོ་ནར་འཁོར་བ་ཇི་སྲིད་ཀྱི་བར་དུ་རྒྱུན་མི་འཆད་པར་དེ་དང་སྐལ་བ་མཉམ་པའི་སྐྱེ་བ་དང་། མདོག་དང་། དབྱིབས་དང་། ཚད་ཀྱི་དབྱེ་བ་ཐ་དད་པའི་རྣམ་པར་སྨིན་པ་སྐྱེས་པས་ངེས་པར་བྱེད་པ་དང་། དགེ་བའི་ལས་ཀྱི་སྟོབས་སྲིད་པའི་འབྲས་བུ་བསྐྱེད་པར་ནུས་པ་དེ་ཡང་ཡོངས་སུ་དག་པར་བྱེད་དོ། །ཇི་ལྟར་ཞེ་ན། རྣམ་པར་སྨིན་པའི་འབྲས་བུ་སྤངས་ནས་བྱང་ཆུབ་ཉིད་དུ་སྨོན་ལམ་གྱིས་ཡོངས་སུ་སྔོ་བར་བྱེད་པས་ངེས་པར་བྱེད་པ་དང་། གཟུགས་དང་གཟུགས་མེད་པ་ན་སྤྱོད་པ་མི་གཡོ་བའི་ལས་བསམ་གཏན་དང་། གཟུགས་མེད་པས་ཀུན་ནས་<br /> <br /> 117-177b<br /> <br /> བསླང་བ་དེའི་ལས་ཀྱང་དེ་ཉིད་ཡིན་ཏེ། དེ་ཡང་བསལ་ནས་ལས་ལ་དབང་བ་ཉིད་ཇི་ལྟར་འདོད་པ་བཞིན་སེམས་ཅན་གྱི་དོན་དུ་ངེས་པར་བརྩོན་པར་བྱེད་པ་སྟེ། འདིར་སྦྱོར་བར་བྱེད་པ་ནི་འདི་ཡིན་ནོ། །ཉོན་མོངས་སྟོབས་རྣམས་ཀུན་དུ་འཇོམས་པར་བྱེད། །ཞེས་བྱ་བ་ལ། ལུས་དང་སེམས་ཀྱི་རྒྱུན་ཉོན་མོངས་པར་བྱེད་པས་ཉོན་མོངས་པ་ནི་འདོད་ཆགས་ལ་སོགས་པའོ། །དེ་དག་གི་སྟོབས་ནི་གང་གི་དབང་གིས་འགྲོ་བ་མཐའ་དག་བགྲོད་པར་བྱ་བ་དང་། བགྲོད་པར་མི་བྱ་བ་དང་། ཕན་པ་དང་མི་ཕན་པ་དང་། ལྕི་བ་དང་ཡང་བ་ལ་སོགས་པ་ཐམས་ཅད་མི་ཤེས་པར་འགྱུར་བ་ཤས་ཆེར་འཇུག་པ་ཉིད་དོ། །དེ་འཇོམས་པར་བྱེད་པ་ནི་མི་སྡུག་པ་ལ་སོགས་པ་བསྒོམ་པ་དང་། འཇིག་རྟེན་པའི་ལམ་གྱིས་ཟིལ་གྱིས་གནོན་པར་བྱེད་པ་སྟེ། མདོར་ན་ཉོན་མོངས་པ་ལ་དབང་བས་དེ་དག་ཉིད་བྱང་ཆུབ་ཀྱི་ཡན་ལག་ཏུ་སྒོམ་པར་བྱེད་པའོ། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །ཞེས་བྱ་བ་ལ། བདུད་ཅེས་བྱ་བ་ནི་ལྷའི་བུ་ལ་སོགས་པ་སྟེ། དེ་རྣམས་ཀྱི་སྟོབས་ནི་བྱང་ཆུབ་སེམས་དཔའི་སྤྱོད་པ་ལ་སོགས་པ་ལ་བར་ཆད་བྱེད་པར་ནུས་པ་དེ་སྟོབས་མེད་པར་རབ་ཏུ་བྱེད་པ་ནི་མངོན་པར་ཤེས་པའི་སྟོབས་ཀྱིས་གཟི་བརྗིད་མེད་ཅིང་མཐུ་མེད་པར་བྱེད་ཅེས་བྱ་བར་སྒྲུབ་ཅིང་ངོ་། །བཟང་པོ་སྤྱོད་པའི་སྟོབས་ཀུན་རྫོགས་པར་བགྱི། །ཞེས་བྱ་བ་ལ། བཟང་པོ་སྤྱོད་པའི་སྟོབས་ནི་མི་མཐུན་པའི་ཕྱོགས་ཀྱིས་ཟིལ་གྱིས་མི་ནོན་པས་ལྷུན་གྱིས་གྲུབ་པར་འཇུག་པ་ཉིད་དོ། །ཀུན་ཞེས་བྱ་བ་ནི་དེ་མ་ལུས་པའོ། །རྫོགས་པར་བགྱི་ཞེས་བྱ་བ་ནི་སྔར་བརྗོད་པ་རྫུ་འཕྲུལ་གྱི་སྟོབས་ལ་སོགས་པ་རྣམ་པ་བཅུ་དང་། བཤད་མ་ཐག་པའི་གཉེན་པོ་རྣམ་པ་གསུམ་པོ་འདིས་རྫོགས་པར་བགྱི་བའོ། །<br /> <br /> ༈ རྣམ་པ་བཅུ་བཞི་པ། ལས་བསྟན་པ།<br /> ༆ ད་ནི་རྣམ་པ་བཅུ་བཞི་པ་བྱང་ཆུབ་སེམས་དཔའ་རྣམས་ཀྱི་ལས་གང་ཡིན་པ་དེ་སྟོན་ནོ། །ལས་དེ་ཡང་སངས་རྒྱས་ཀྱི་ཞིང་ཡོངས་སུ་སྦྱོང་བ་ལ་སོགས་པ་རྣམ་པ་བརྒྱད་ཚིགས་སུ་བཅད་པ་གཉིས་ཀྱིས་གསུངས་པ་ནི། ཞིང་རྣམས་རྒྱ་མཚོ་ཞེས་བྱ་བ་ལ་སོགས་པ་གང་ཡིན་པ་སྟེ། བདེ་བ་ཅན་དང་པདྨ་ཅན་ལ་སོགས་པ་ལྟ་བུ་སངས་རྒྱས་ཀྱི་ཞིང་རྒྱ་མཚོ་སྐད་ཅིག་རེ་རེ་ལ་རྣམ་པར་དག་པར་བྱེད་པ་དང་། དེ་བཞིན་དུ་འཁོར་བའི་<br /> <br /> 117-178a<br /> <br /> བཙོན་རར་ཉོན་མོངས་པའི་ལྕགས་སྒྲོག་གི་འཆིང་བས་ཉེ་བར་བཅིངས་པའོ། །སེམས་ཅན་རྒྱ་མཚོ་སྙེད་ལ་རྫུ་འཕྲུལ་དང་། ཀུན་བརྗོད་པའི་ཆོ་འཕྲུལ་གཉིས་ཀྱིས་མགུ་བར་བྱས་ནས་རྗེས་སུ་བསྟན་པའི་ཆོ་འཕྲུལ་གྱིས་རྣམ་པར་གྲོལ་བར་བྱེད་པ་དང་། ཆོས་རྣམས་རྒྱ་མཚོ་ཞེས་བྱ་བ་ནི་བསྟན་པའི་ཆོས་རྒྱ་མཚོ་དང་། རྟོགས་པའི་ཆོས་རྒྱ་མཚོ་རྣམས་ཤེས་རབ་ཀྱི་མིག་གིས་སྐད་ཅིག་སོ་སོ་ལ་མཐོང་བར་བྱེད། ལྟ་བར་བྱེད་པ་དང་། ཤེས་བྱ་མཐའ་ཡས་པ་ཉིད་ཀྱིས་ཡེ་ཤེས་མཐའ་ཡས་པ་ཡིན་པ་དེ་བས་ན། ཡེ་ཤེས་རྒྱ་མཚོ་ཞེས་གསུངས་པའི་ཡེ་ཤེས་རྒྱ་མཚོ་དེ་དག་སྐད་ཅིག་སོ་སོ་ལ་འཇུག་ཅིང་རྟོགས་པར་བྱེད་པ་དེ་མངོན་དུ་མཐོང་བ་ཞེས་བྱ་བའི་དོན་དང་། སྤྱོད་པ་རྒྱ་མཚོ་ཞེས་བྱ་བ་ལ་སོགས་པ་ནི་བྱང་ཆུབ་ཀྱི་སྤྱོད་པ་རྒྱ་མཚོ་དང་། བཟང་པོ་སྤྱོད་པའི་སྤྱོད་པ་གཉིས་ཀ་གཟུང་བར་རིགས་ཏེ། ཁྱད་པར་མེད་པའི་ཕྱིར་རོ། །དེ་ལ་བྱང་ཆུབ་ཀྱི་སྤྱོད་པ་ནི་སངས་རྒྱས་ཀྱི་ཆོས་སྒྲུབ་པར་བྱེད་པ་ཡེ་ཤེས་ཀྱི་ཚོགས་སོ། །བཟང་པོ་སྤྱོད་པ་ཡང་འགྲོ་བ་མཐའ་དག་ལ་ཕན་པ་དང་བདེ་བ་བསྐྱེད་པ་དང་རྗེས་སུ་མཐུན་པ་བསོད་ནམས་ཀྱི་ཚོགས་སོ། །གཞན་ཡང་བཟང་པོ་སྤྱོད་པ་ཡང་བྱང་ཆུབ་ཀྱི་སྤྱོད་པ་ཁོ་ན་སྟེ། གཉིས་ཀ་ཡང་སངས་རྒྱས་ཐོབ་པར་བྱེད་པ་ཡིན་པའི་ཕྱིར་རོ། །འོན་ཀྱང་དངོས་དང་བརྒྱུད་པའི་ཞེས་བྱ་བའི་ཁྱད་པར་དེ་ཙམ་དུ་ཟད་དེ། སྤྱོད་པ་རྒྱ་མཚོ་དེ་དག་མངོན་པར་ཤེས་པའི་སྟོབས་ཀྱིས་སྐད་ཅིག་རེ་རེ་ལ་ཡང་རྣམ་པར་སྦྱོང་ཞིང་དྲི་མ་མེད་པར་བྱེད་པ་དང་། སྐད་ཅིག་རེ་རེ་ལ་སྨོན་ལམ་རྒྱ་མཚོ་ཚུལ་ཁྲིམས་དང་ཏིང་ངེ་འཛིན་གྱི་སྟོབས་ཀྱིས་རབ་ཏུ་རྫོགས་པར་བྱེད་པ་དང་། སྐད་ཅིག་རེ་རེ་ལ་ཕྱོགས་བཅུའི་སངས་རྒྱས་རྒྱ་མཚོ་ནམ་མཁར་ཁྱབ་པའི་མཆོད་པ་རྣམས་ཀྱིས་རབ་ཏུ་མཆོད་པར་བྱེད་ཅིང་། བསྐལ་པ་རྒྱ་མཚོར་མི་སྐྱོ་བར་སྤྱད་པར་བགྱི་སྟེ་མི་སྐྱོ་བའི་སེམས་ཀྱིས་མཆོད་པར་བགྱིའོ། །<br /> <br /> ༈ རྣམ་པ་བཅོ་ལྔ་པ། རྗེས་སུ་སློབ་པ་ཡོངས་སུ་ཕྱེ་བ་བསྟན་པ།<br /> ༆ རྣམ་པ་བཅོ་ལྔ་པ་ནི་སངས་རྒྱས་དང་བྱང་ཆུབ་སེམས་དཔའི་རྗེས་སུ་སློབ་པའི་ཡོངས་སུ་བསྔོ་བའོ། །དེ་ཡང་རྣམ་པ་གཉིས་ལས། དེ་ལ་དེ་བཞིན་གཤེགས་པའི་རྗེས་སུ་བསླབ་པའི་ཡོངས་སུ་བསྔོ་བ་ནི། གང་ཡང་དུས་གསུམ་གཤེགས་པ་རྒྱལ་བ་ཡི། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་ཡང་དུས་གསུམ་<br /> <br /> 117-178b<br /> <br /> གཤེགས་པ་རྒྱལ་བ་རྣམས་ཀྱི་བྱང་ཆུབ་སེམས་དཔའི་སྤྱོད་པའི་སྨོན་ལམ་གྱི་བྱེ་བྲག་གི་དེ་ཀུན་མ་ལུས་པར་བདག་གིས་རྫོགས་པར་བྱས་ཤིང་ཡང་དག་པར་བསམས་ནས། བཟང་པོ་སྤྱོད་པ་ཞེས་བྱ་བ། བཟང་པོའི་སྤྱོད་པས་བྱང་ཆུབ་འཚང་རྒྱ་བགྱི། །ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་པར་བྱ་བའོ། །ལུས་དང་ངག་དང་ཡིད་ཀྱི་སྤྱོད་པ་དང་ཞིང་དང་སྨོན་ལམ་རྣམ་པར་དག་པ་རྣམས་ཀྱིས་འཕགས་པ་ཀུན་དུ་བཟང་པོ་ལ་སོགས་པ་བྱང་ཆུབ་སེམས་དཔའི་རྗེས་སུ་བསླབ་པར་ཡོངས་སུ་བསྔོ་བ་ནི། རྒྱལ་བ་ཀུན་གྱི་སྲས་ཀྱི་ཐུ་བོ་པ། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། བྱང་ཆུབ་སེམས་དཔའ་རྣམས་ཀྱི་ཀུན་དུ་བཟང་པོའི་སྤྱོད་པ་གང་ཡིན་པ་དང་། དེ་བཞིན་དུ་བྱང་ཆུབ་སེམས་དཔའི་རྣམ་པར་ཐར་པ་གང་ཇི་སྙེད་པ་དང་། བྱང་ཆུབ་སེམས་དཔའི་ཏིང་ངེ་འཛིན་ཇི་སྙེད་པ་དང་། མདོར་བསྡུས་ན་དེ་ལྟ་བུ་ལ་སོགས་པ་བྱང་ཆུབ་སེམས་དཔའི་ཡོན་ཏན་ཇི་སྙེད་པ་དེ་སྙེད་པ་ཐམས་ཅད་ཀྱི་ཕ་རོལ་ཏུ་ཕྱིན་པ་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཀུན་དུ་བཟང་པོ་ནི་སྲས་ཀྱི་ཐུ་བོ་པ་ཡིན་ནོ། །ཐུ་བོ་ཞེས་བྱ་བ་ལ་སོགས་པ་ལ། རྒྱལ་བ་ཐམས་ཅད་ཀྱི་སྲས་ཀྱི་ཐུ་བོར་གྱུར་པ་བྱང་ཆུབ་སེམས་དཔའ་ཆེན་པོ་འཕགས་པ་ཀུན་དུ་བཟང་པོ་ཞེས་བྱ་བའི་མིང་གང་ལ་ཡོད་པའི་མཁས་པ་དེ་དང་ཞེས་བྱ་བ་ལ་མཁས་པ་དེ་ཉིད་དང་མཚུངས་པར་སྤྱོད་པའི་ཕྱིར་ཞེས་བྱ་བ་ནི་བསྐལ་པ་འདིའི་བར་དུ་སྤྱད་པའི་ཕྱིར་ན་ཇི་སྐད་བསྟན་པའི་དགེ་བ་འདི་དག་ཐམས་ཅད་སྐད་ཅིག་རེ་རེ་ལ་ཡོངས་སུ་བསྔོ་ཞེས་པའོ། །ལུས་དང་ངག་དང་ཡིད་ཀྱང་ཞེས་བྱ་བ་ལ་སོགས་པ་ནི། ལུས་དང་ངག་དང་ཡིད་རྣམ་པར་དག་པ་དང་ཞིང་རྣམ་པར་དག་པའོ། །མཁས་པ་བཟང་པོའི་ཞེས་བྱ་བ་ནི་མཁས་པ་འཕགས་པ་ཀུན་དུ་བཟང་པོའོ། །བསྔོ་བ་ཞེས་བྱ་བ་ནི་ཡོངས་སུ་བསྔོ་བར་བྱེད་པའོ། །ཅི་འདྲ་བ་ཞེས་བྱ་བ་ནི་ཇི་ལྟ་བར་རོ། །དེ་འདྲར་ཞེས་བྱ་བ་ནི་དེ་འདྲ་བ་ཁོ་ནར་བདག་ཀྱང་དེ་དང་ཞེས་བྱ་བ་ནི་འཕགས་པ་ཀུན་དུ་བཟང་པོ་དང་མཉམ་པར་ཤོག་ཅིག་པའོ་ཞེས་བྱ་བ་ནི་བཟང་པོ་སྤྱོད་པའི་དོན་དུའོ། །ཀུན་ནས་དགེ་བ་བཟང་པོ་ཞེས་བྱ་བ་ནི་ཐོག་མ་དང་བར་དང་ཐ་མར་དགེ་ཞིང་ཤིས་ལ་ལེགས་པའོ། །འཇམ་དཔལ་གྱི་ནི་སྨོན་ལམ་ཞེས་བྱ་བ་ནི་<br /> <br /> 117-179a<br /> <br /> འཕགས་པ་འཇམ་དཔལ་གྱི་སྨོན་ལམ་ལ་སྤྱད་པར་བགྱི་བའོ། །དེའི་སྨོན་ལམ་གང་ཡིན་ཞེ་ན། ཇི་སྐད་དུ་འཕགས་པ་འཇམ་དཔལ་རྒྱལ་པོ་ནམ་མཁར་གྱུར་པས། འཁོར་བ་ཐ་མ་མེད་པ་ཡི། །སྔོན་གྱི་ཐ་མ་ཇི་སྲིད་པ། །དེ་སྲིད་སེམས་ཅན་ཕན་དོན་དུ། །སྤྱོད་པ་དཔག་ཡས་སྤྱད་པར་བགྱི། །ཞེས་བྱ་བ་ལ་སོགས་པ་རྒྱ་ཆེར་གསུངས་པ་བཞིན་ནོ། །མ་འོངས་བསྐལ་པ་ཀུན་དུ་མི་སྐྱོ་བར། །ཞེས་བྱ་བ་ནི་མ་འོངས་པའི་བསྐལ་པ་མ་ལུས་པ་ཐམས་ཅད་དུ་ཡིད་མི་སྐྱོ་ཞིང་བསམ་པ་གཞན་མེད་པར་སངས་རྒྱས་དང་བྱང་ཆུབ་སེམས་དཔའི་བྱ་བ་སྟེ། ལས་དེ་དག་མ་ལུས་པར་རྫོགས་པར་བགྱིའོ། །<br /> <br /> ༈ རྣམ་པ་བཅུ་དྲུག་པ། བསྡུ་བ་བསྟན་པ།<br /> ༆ རྣམ་པ་བཅུ་དྲུག་པ་སྦྱོར་བ་དང་། ཡོན་ཏན་ཚད་མེད་པ་དང་། སྤྱོད་པ་ལ་གནས་པ་རྣམས་ཀྱིས་གསུངས་པ་ནི། སྤྱོད་པ་དག་ནི་ཚད་ཡོད་མ་གྱུར་ཅིག །ཅེས་བྱ་བ་ལ་སོགས་པ་གང་གསུངས་པ་ཡིན་ཏེ། བདག་གི་སྤྱོད་པ་རྣམས་ཚད་མེད་པར་གྱུར་ཅིག །ཡོན་ཏན་རྣམས་ཀྱང་ཚད་མེད་པར་གྱུར་ཅིག །སྤྱོད་པ་ཚད་མེད་པ་དང་། ཡོན་ཏན་ཚད་མེད་པ་རྣམས་ལ་གནས་ནས་ཀྱང་སངས་རྒྱས་དང་བྱང་ཆུབ་སེམས་དཔའ་དེ་དག་གི་རྣམ་པར་འཕྲུལ་པ་རྨད་དུ་བྱུང་བའི་རྫུ་འཕྲུལ་ལ་སོགས་པ་ཐམས་ཅད་ཀྱི་ཚེ་འཚལ་བར་བགྱི་བའོ། །དེ་རྣམས་ནི་བརྒྱད་པ་དེའི་རབ་ཏུ་དབྱེ་བ་རྣམ་པ་བཅུ་དྲུག་ཡིན་ནོ། །<br /> <br /> ༈ དོན་དགུ་པ། དེའི་མཐར་ཐུག་པ།<br /> ༆ ད་ནི་དོན་དགུ་པ་དེའི་མཐར་ཐུག་པ་ཇི་སྲིད་དུ་གྱུར་པ་དང་། སེམས་ཅན་གྱི་ཁམས་ཐམས་ཅད་ཀྱི་མཐའ་ཇི་སྲིད་པ་དང་། འགྲོ་བ་ལས་ཀྱི་མཐའ་ཇི་སྲིད་པ་དང་། ཉོན་མོངས་པའི་མཐའ་ཇི་སྲིད་པ་དེ་སྲིད་པར་གྱུར་པ་དང་། བདག་གི་ཀུན་དུ་བཟང་པོའི་སྤྱོད་པའི་སྨོན་ལམ་གྱི་མཐའ་འདི་ཡང་དེ་སྲིད་དུ་གྱུར་ཅིག་པ་སྟེ། ནམ་མཁའ་ལ་སོགས་པ་མཐར་ཐུག་ཅིང་ཡོངས་སུ་རྫོགས་པ་མེད་པ་དེ་བཞིན་དུ་བདག་གི་སྨོན་ལམ་མཐར་ཐུག་ཅིང་ཡོངས་སུ་རྫོགས་པ་མེད་པར་གྱུར་ཅིག་པའོ། །<br /> <br /> ༈ དོན་བཅུ་པ། དེའི་ཕན་ཡོན།<br /> <br /> ༈ མཐོང་བའི་ཆོས་དང་ལྡན་པ་བསྟན་པ།<br /> ༆ དོན་བཅུ་པ་ནི་སྨོན་ལམ་གྱི་ཕན་ཡོན་ཡིན་ནོ། །དེ་ཡང་རྣམ་པ་གཉིས་ཏེ། མཐོང་བའི་ཆོས་དང་ལྡན་པ་དང་། ཕ་རོལ་དང་ལྡན་པའོ། །དེ་ལ་མཐོང་བའི་ཆོས་དང་ལྡན་པ་ནི་རྣམ་པ་བཞི་སྟེ། འདི་ལྟ་སྟེ་ཁྱད་པར་ཅན་གྱི་བསོད་ནམས་ཡོངས་སུ་འཛིན་པ་དང་། དེ་བཞིན་གཤེགས་པ་མཐོང་བ་དང་། བྱང་ཆུབ་སེམས་དཔའ་དང་སྐལ་བ་མཉམ་པ་ཉིད་ཐོབ་པ་དང་། ལས་ཀྱི་<br /> <br /> 117-179b<br /> <br /> སྒྲིབ་པ་ཡོངས་སུ་ཟད་པའོ། །དེ་ལ་ཞིང་ཁྱད་པར་དུ་འཕགས་པ་དང་ཡོངས་སུ་འཛིན་པར་བྱེད་པའི་དངོས་པོ་རབ་ཏུ་མང་ཞིང་རྒྱ་ཆེ་བ་རྣམ་པ་སྣ་ཚོགས་པ་ཕུལ་བའི་བསོད་ནམས་ཀྱི་དཔེས་བྱང་ཆུབ་དོན་དུ་གཉེར་བར་གྱུར་པ་སྨོན་ལམ་ལ་མོས་པས་བསོད་ནམས་ཁྱད་པར་དུ་འཕགས་པ་མཆོག་ཡོངས་སུ་འཛིན་པ་ནི། གང་ཡང་ཕྱོགས་བཅུའི་ཞིང་རྣམས་ཞེས་བྱ་བ་ལ་སོགས་པ་སྟེ། རིགས་ཀྱི་བུའམ་རིགས་ཀྱི་བུ་མོ་གཅིག་པོ་གང་ཞིག་གིས། ཕྱོགས་བཅུའི་སངས་རྒྱས་ཀྱི་ཞིང་མཐའ་ཡས་མུ་མེད་པ་རྣམས། གོས་དང་བླ་རེ་དང་། གདུགས་དང་། རྒྱལ་མཚན་དང་། བ་དན་དང་། རྣམ་པ་སྣ་ཚོགས་པ་དང་། སིལ་སྙན་དང་། རིན་པོ་ཆེ་དང་། དྲིལ་བུ་དང་། ཕྲེང་བ་དང་། མེ་ཏོག་དང་། བདུག་པ་དང་། མར་མེའི་ཕྲེང་བ་ལ་སོགས་པ་ལྷ་དང་མིའི་ལས་འདས་པ་རྣམས་ཀྱིས་བརྒྱན་པ་དང་། ལྷ་དང་མིའི་བཟའ་བ་དང་བཅའ་བ་ལ་སོགས་པ་རོ་ལྔ་བརྒྱ་དང་ལྡན་པ་མཆོག་ཏུ་བདེ་བ་སྐྱེད་པར་བྱེད་པ་རྣམས་སངས་རྒྱས་ཀྱི་ཞིང་གི་རྡུལ་དང་མཉམ་པའི་བསྐལ་པར་སངས་རྒྱས་བཅོམ་ལྡན་འདས་རྣམས་ལ་སྦྱིན་པ་ཕུལ་བ་དང་། གཞན་གང་ཟག་གང་གིས་བསྔོ་བའི་རྒྱལ་པོ་འདི་ཐོས་ནས་མོས་ཤིང་སྟེ། འདི་ཁོ་ན་ལྟར་ཡིན་ནོ་ཞེས་ལན་ཅིག་ཙམ་ཡང་ཞེས་བྱ་བ་དུས་གཅིག་གི་ཚེ་དད་པ་བསྐྱེད་པའོ། །དེ་སུ་ཡིན་ཞེ་ན། བྱང་ཆུབ་མཆོག་ནི་རབ་ཏུ་དོན་གཉེར་བ་སྟེ། ཐེག་པ་ཆེན་པོ་པའོ། །དེས་ནི་སྦྱིན་པ་ལས་བྱུང་བའི་བསོད་ནམས་དམ་པ་མཆོག་ཏུ་གྱུར་པ་འདི་ཐོབ་པར་འགྱུར་རོ། །གང་དག་གི་ལྟར་ན་དོན་གྱིས་ན་སྐྱེས་བུ་དེའི་ཞེས་བྱ་བ་ཡིན་ཏེ། དེའི་བསོད་ནམས་འདི་ནི་དག་པ་མཆོག་ཏུ་འགྱུར་བ་ཞེས་བྱ་བ་ཡིན་ནོ། །ལོག་པར་ལྟུང་བ་དང་གྲོགས་པོ་ངན་པ་སྤངས་པས་དེ་བཞིན་གཤེགས་པ་མཐོང་བ་ནི། གང་ཞིག་གི་བཟང་པོ་སྤྱོད་པའི་སྨོན་ལམ་འདི་བཏབ་པས་ཞེས་བྱ་བ་ལ་སོགས་པའོ། །དེས་ནི་ངན་སོང་གསུམ་པོ་ཐམས་ཅད་སྤང་བར་འགྱུར་ཞིང་། དེས་ནི་ཉན་ཐོས་ལ་སོགས་པ་གྲོགས་པོ་ངན་པ་མི་དགེ་བའི་བཤེས་གཉེན་རྣམས་སྤང་པར་འགྱུར་རོ། །འཆི་བའི་དུས་ན་བཅོམ་ལྡན་འདས་དེ་བཞིན་གཤེགས་པ་སྣང་བ་མཐའ་ཡས་དེ་ཡང་མྱུར་དུ་མཐོང་བར་འགྱུར་རོ། །སུས་མཐོང་ཞེ་ན། བཟང་པོ་སྤྱོད་པ་འདིའི་<br /> <br /> 117-180a<br /> <br /> དོན་དང་གཞུང་གི་སྒོ་ནས་སུའི་སྙིང་དུ་ཆུད་པ་དེས་སོ། །རྙེད་པ་དང་འཚོ་བ་དང་སྐྱེ་བ་རབ་ཏུ་བསྔགས་པ་ཐོབ་པའི་ཕྱིར་བྱང་ཆུབ་སེམས་དཔའ་དང་སྐལ་བ་མཉམ་པ་ཉིད་ཐོབ་པ་ནི་དེ་དག་རྙེད་ཅེས་བྱ་བ་ལ་སོགས་པ་གང་གསུངས་པ་ཡིན་ཏེ། དེ་དག་གིས་ནི་སྨོན་ལམ་རིན་པོ་ཆེ་བླ་ན་མེད་པ་རབ་ཏུ་རྙེད་པ་ཡིན་ནོ། །སྨོན་ལམ་རིན་པོ་ཆེ་བླ་ན་མེད་པ་འདི་རྙེད་པའི་ཕྱིར་ན་དེ་དག་ནི་བདེ་བར་འཚོ་བ་ཡིན་ནོ། །དེ་ཉིད་ཀྱི་ཕྱིར་མཆོག་ཏུ་གྱུར་པ་ཐོབ་པར་བྱ་བའི་དངོས་པོ་སྐྱེ་བས་ཐོབ་པའི་ཕྱིར་མི་ཚེ་འདིར་ཡང་ལེགས་པར་ཏེ་དགེ་བར་འོངས་པ་ཡིན་ལ། འཕགས་པ་ཀུན་དུ་བཟང་པོ་འདི་ཅི་འདྲ་བར་དེ་དག་ཀྱང་རིང་པོར་མི་ཐོགས་པར་དེ་བཞིན་དུ་འགྱུར་རོ། །བཞི་པ་ལས་ཀྱི་སྒྲིབ་པ་ཟད་པའི་ཕན་ཡོན་ནི། མཚམས་མེད་ལྔ་པོ་དག་གི་སྡིག་པ་རྣམས། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། མ་གསོད་པ་ལ་སོགས་པ་མཚམས་མེད་པ་ལྔའི་སྡིག་པ་རྣམས་གང་གིས་མི་ཤེས་པའི་དབང་གིས་བྱས་པ་དག་སྟེ། མི་ཤེས་པའི་རྩ་བ་ཅན་ཡིན་པའི་ཕྱིར་འདོད་ཆགས་ལ་སོགས་པ་གང་ཡང་རུང་བ་དག་ནི་མི་ཤེས་པའི་དབང་གིས་བྱས་པ་ཞེས་བརྗོད་དོ། །ཇི་སྐད་དུ་བརྗོད་པ་ངེས་པར་འཛིན་པའི་ཕྱིར་རབ་ཏུ་དངས་པའི་ཆུས་བརླན་ཞིང་ལེགས་པར་གྱུར་པའི་ཡིད་དང་ལྡན་པ་དེ་ཡིས་བཟང་སྤྱོད་སྨོན་ལམ་འདི་བརྗོད་ན་སྟེ། ལྷག་པར་མོས་པས་བརྗོད་པ་དང་། འཛིན་པ་དང་འགྲོ་བ་མཐའ་དག་ལ་ཉིན་མཚན་དུ་སྟོན་པར་བྱེད་ན་མཚམས་མེད་པ་དག་མྱུར་དུ་མ་ལུས་པར་ཡོངས་སུ་བྱང་བར་འགྱུར་ཏེ་དྲུངས་ཕྱུང་ཞིང་ཟད་པར་འགྱུར་རོ། །<br /> <br /> ༈ ཕ་རོལ་དང་ལྡན་པ་བསྟན་པ།<br /> ༆ ཕ་རོལ་དང་ལྡན་པ་ཡང་རྣམ་པ་གཉིས་ཏེ། རྒྱུས་བསྡུས་པ་དང་། འབྲས་བུས་བསྡུས་པའོ། །དེ་ལ་རྒྱུས་བསྡུས་པ་ནི་གཟུགས་དང་། མཚན་དང་། དཔེ་བྱད་དང་། རིགས་དང་། རུས་དང་། གནོད་པ་མེད་པ་དང་། མཆོད་པར་བྱ་བ་ཉིད་ཀྱི་མཚན་ཉིད་དེ། ཡེ་ཤེས་དང་ནི་ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། ཡེ་ཤེས་ཞེས་བྱ་བ་ནི་སྤྱོད་པ་ཐམས་ཅད་ཡང་དག་པར་འགྲུབ་པའོ། །གཟུགས་ཞེས་བྱ་བ་ནི་ཡིད་འཕྲོག་པའི་གཟུགས་སོ། །མཚན་ཞེས་བྱ་བ་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཏེ། དབུ་གཙུག་ཏོར་དང་ལྡན་པ་ལ་སོགས་པ་དང་མཚན་གྱི་འཁོར་དུ་<br /> <br /> 117-180b<br /> <br /> གཏོགས་པའི་ཕྱིར་དཔེ་བྱད་དེ་རྣམས་དང་ཡང་ལྡན་པ་ཉིད་དུ་ངེས་པར་བྱའོ། །རིགས་ཞེས་བྱ་བ་ནི་བྲམ་ཟེ་དང་རྒྱལ་རིགས་གང་ཡང་རུང་བའི་རིགས་སོ། །རུས་ཞེས་བྱ་བ་ནི་ཐམས་ཅད་ལས་ཁྱད་པར་དུ་འཕགས་པ་མངོན་པར་ཤེས་པར་གྱུར་པ་སྟེ། དེ་དག་དང་ལྡན་པར་འགྱུར་ཞེས་བྱ་བ་ལ། ལྡན་པ་ནི་རྟག་ཏུ་ཡང་དག་པར་ལྡན་ཞིང་འབྲེལ་བའོ། །འགྱུར་བ་ནི་གྲུབ་པའོ། །བདུད་དང་མུ་སྟེགས་ཚོགས་ཀྱིས་དེ་མི་ཐུབ། །ཅེས་བྱ་བ་ནི་གང་ཞིག་ཀུན་དུ་བཟང་པོའི་སྤྱོད་པའི་སྨོན་ལམ་འདི་འཛིན་པ་དང་སྟོན་པར་བྱེད་པ་དེ་ནི་བདུད་དང་མུ་སྟེགས་པའི་ཚོགས་རྣམས་ཀྱིས་མི་ཐུབ་ཅིང་ཟིལ་གྱིས་མི་ནོན་པ་དང་། འཇིག་རྟེན་གསུམ་པོ་ཐམས་ཅད་དུ་མཆོད་པར་འགྱུར་རོ། །འབྲས་བུས་བསྡུས་པ་ནི། བྱང་ཆུབ་ཀྱི་སྙིང་པོར་འགྲོ་བ་དང་། སེང་གེའི་ཁྲི་ལ་བཞུགས་པར་སྟོན་པ་དང་། བདུད་འདུལ་བ་དང་། མངོན་པར་བྱང་ཆུབ་པ་དང་། ཆོས་ཀྱི་འཁོར་ལོ་བསྐོར་བ་ལ་སོགས་པའི་མཚན་ཉིད་དེ། བྱང་ཆུབ་ཤིང་དབང་དྲུང་དུ་དེ་མྱུར་འགྲོ། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་ལ་བཟང་པོ་སྤྱོད་པ་བླ་ན་མེད་པའི་རིན་པོ་ཆེ་འདི་ཡོད་ཅིང་བསོད་ནམས་དང་ཡེ་ཤེས་ཀྱི་ཚོགས་བསགས་པ་དེ་ནི་བྱང་ཆུབ་ཤིང་གི་དབང་པོའི་དྲུང་དུ་མྱུར་དུ་འགྲོ་ལ། བྱང་ཆུབ་ཀྱི་ཤིང་གི་དྲུང་དུ་སོང་ནས་ཀྱང་། སེམས་ཅན་ཐམས་ཅད་ལ་ཕན་པ་བསྒྲུབ་པའི་དོན་དུ་སེང་གེའི་ཁྲི་ལ་སྐྱིལ་མོ་ཀྲུང་བཅས་ནས་འདུག་སྟེ། འདུག་ནས་ཀྱང་བདུད་ཀྱི་སྡེ་ཕམ་པར་བྱས་ནས་དེའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས་བླ་ན་མེད་པའི་ཆོས་ཀྱི་འཁོར་ལོ་བསྐོར་བར་བྱེད་ཅིང་མདོར་བསྡུས་ཏེ་སྟོན་པར་བྱེད་ཅེས་པའི་དོན་ཏོ། །<br /> <br /> ༈ ཕན་ཡོན་གྱི་ཁྱད་པར་སྤྱིར་མདོར་བསྡུས་ཏེ་བསྟན་པ།<br /> ༆ གཞན་ཡང་འཇིག་རྟེན་པ་དང་འཇིག་རྟེན་ལས་འདས་པའི་ཕུན་སུམ་ཚོགས་པ་མ་ལུས་པ་ཐོབ་པའི་ཕན་ཡོན་ནི། གང་ཡང་བཟང་པོ་སྤྱོད་པའི་སྨོན་ལམ་འདི། །ཞེས་བྱ་བ་ལ་སོགས་པ་གང་གསུངས་པ་ཡིན་ཏེ། གང་ལ་ལ་ཞིག་བཟང་པོ་སྤྱོད་པའི་སྨོན་ལམ་འདི་འཆང་ཞིང་སྟོན་པ་དང་། ཀློག་པར་བྱེད་པ་དེའི་རྣམ་པར་སྨིན་པ་གང་ཡིན་པ་ནི་འཇིག་རྟེན་འདིར་སངས་རྒྱས་ཏེ། རྗེ་བཙུན་བཅོམ་ལྡན་འདས་ཉིད་ཀྱིས་མཁྱེན་པར་འགྱུར་གྱི། གཞན་ཉན་ཐོས་དང་རང་སངས་རྒྱས་རྣམས་ཀྱི་ནི་མ་ཡིན་ནོ། །སྨོན་ལམ་རིན་པོ་ཆེ་འདིའི་རྣམ་<br /> <br /> 117-181a<br /> <br /> པར་སྨིན་པ་ཅི་འདྲ་བ་ཞིག་ཡིན་པར་མཁྱེན་ཞེ་ན། གསུངས་པ་ནི། བྱང་ཆུབ་མཆོག་ལ་ཞེས་བྱ་བ་ནི་འབྲས་བུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་པོ། །འཇིག་རྟེན་པའི་ཕུན་སུམ་ཚོགས་པ་འདི་མེད་ན་མི་འབྱུང་བའི་ཕྱིར་ན། འཇིག་རྟེན་པའི་ཕུན་སུམ་ཚོགས་པ་མ་ལུས་པ་ཐོབ་པའི་ཕན་ཡོན་ཡང་དོན་གྱིས་བརྗོད་པ་ཉིད་དུ་བལྟ་བར་བྱའོ། །དེའི་ཕྱིར་སྨོན་ལམ་འདི་ལ་སོམ་ཉི་མ་བྱེད་ཅིག་སྟེ། ཐེ་ཚོམ་མ་སྐྱེད་ཅིག་པའོ། །<br /> <br /> ༈ འདོན་པར་བྱེད་པའི་ཡོངས་སུ་བསྔོ་བ་བསྟན་པ།<br /> ༆ ད་ནི་བར་གྱི་ཡོངས་སུ་བསྔོ་བ་གསུངས་པ་ནི། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཞེས་བྱ་བ་ལ་སོགས་པ་སྟེ། ཇི་ལྟར་འཕགས་པ་འཇམ་དཔལ་དང་། འདི་ལྟར་བྱང་ཆུབ་སེམས་དཔའ་ཀུན་དུ་བཟང་པོས་མཁྱེན་པ་བཞིན་དུ། དེ་དག་གི་ནི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ཞེས་བྱ་བ་འདི་ནི་བྱང་ཆུབ་སེམས་དཔའི་ཡོངས་སུ་བསྔོ་བའོ། །ད་ནི་གཉིས་པ་དེ་བཞིན་གཤེགས་པའི་ཡོངས་སུ་བསྔོ་བ་གསུངས་པ་ནི། དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །ཞེས་བྱ་བ་ལ་སོགས་པ་སྟེ། དུས་གསུམ་གཤེགས་པ་རྒྱལ་བ་ཐམས་ཅད་ཀྱིས། བསྔོ་བ་གང་ལ་མཆོག་ཏུ་བླ་ན་མེད་པར་བསྔགས་ཤིང་ཕན་ཡོན་ཡོན་ཏན་བརྗོད་པའི་ཡོངས་སུ་བསྔོ་བ་དེས་བདག་གིས་དགེ་བའི་རྩ་བའི་ཚོགས་རྒྱ་མཚོ་དང་ལྡན་པ་འདི་དག་ཀུན་ཀྱང་། བཟང་པོ་སྤྱོད་ཕྱིར་མཆོག་ཏུ་བསྔོ་བར་བགྱི། །ཞེས་བྱ་བའོ། །ད་ནི་ཚིགས་སུ་བཅད་པ་ཕྱེད་ཀྱིས་སྒྲིབ་པ་དང་བྲལ་བ་ཉིད་དང་། ཕྱེད་ཕྱི་མས་ཕ་རོལ་ཏུ་ཕྱིན་པ་དང་རྗེས་སུ་མཐུན་པའི་བདག་གི་དངོས་པོ་ཡོངས་སུ་འཛིན་པ་གསུངས་པ་ནི། བདག་ནི་འཆི་བའི་དུས་བྱེད་གྱུར་པ་ན། །ཞེས་བྱ་བ་ལ་སོགས་པ་ནི་འཆི་བའི་དུས་བྱེད་གྱུར་པ་ན་ཚེ་འདིར་བར་ཆད་བྱེད་པའི་དུས་སུ་སྟེ། འཆི་བའི་ཚེ་སྒྲིབ་པ་གང་དག་ཅུང་ཟད་ཡོད་པ་དེ་དག་བཟང་པོ་སྤྱོད་པས་བཟློག་ནས། མངོན་སུམ་དུ་བཅོམ་ལྡན་འདས་སྣང་བ་མཐའ་ཡས་དེ་མཐོང་ནས་བདེ་བ་ཅན་གྱི་སངས་རྒྱས་ཀྱི་ཞིང་དེར་རབ་ཏུ་འགྲོ་བའོ། །དེར་སོང་ནས་ནི་ཞེས་བྱ་བ་ལ་སོགས་པ་ལ། བདེ་བ་ཅན་གྱི་སངས་རྒྱས་ཀྱི་ཞིང་དེར་སོང་ནས་ཀྱང་ཇི་སྐད་བསྟན་པའི་སྨོན་ལམ་འདི་དག་ཐམས་ཅད་ཀྱང་མ་ལུས་པར་བདག་གིས་མངོན་སུམ་དུ་གྱུར་པར་ཤོག་<br /> <br /> 117-181b<br /> <br /> ཅིག །དེ་དག་ཀྱང་བདག་གིས་མ་ལུས་པར་ཡོངས་སུ་རྫོགས་པར་བྱས་ཏེ་བསྐངས་ནས་སེམས་ཅན་ཐམས་ཅད་ལ་ཕན་པར་བགྱིའོ། །དུས་ཇི་སྲིད་དུ་ཞེ་ན། འཇིག་རྟེན་ཇི་སྲིད་ཅེས་བྱ་བས་ཏེ། འགྲོ་བ་ཇི་སྲིད་པར་ཞེས་བྱ་བའི་དོན་ཏོ། །ལུང་བསྟན་པ་ཐོབ་པ་དང་། སེམས་ཅན་གྱི་དོན་གྲུབ་པ་ནི་ལྷག་མས་སོ། །ཇི་ལྟར་ཞེ་ན། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །ཞེས་བྱ་བ་ལ་སོགས་པ་སྟེ། རྒྱལ་བའི་དཀྱིལ་འཁོར་ཞེས་བྱ་བ་ནི་དེ་བཞིན་གཤེགས་པ་འཁོར་གྱི་དཀྱིལ་འཁོར་དུའོ། །བཟང་ཞིང་ཞེས་བྱ་བ་ནི་དགའ་བར་བྱ་བའོ། །དེ་ནི་དེ་ལྟ་བུ་དེར་རོ། །པདྨ་དམ་པ་ནི། པདྨ་མཆོག་སྟེ་རིན་པོ་ཆེ་སྣ་ཚོགས་ཀྱི་རང་བཞིན་ཅན་ནོ། །བསྟན་པ་མཛེས་པ་ནི་འོད་དང་ལྡན་པ་སྟེ་འོད་ཟེར་གྱི་དྲ་བ་འཕྲོ་བའོ། །སྐྱེས་ཞེས་བྱ་བ་ནི་བྱུང་བར་གྱུར་པའོ། །བཅོམ་ལྡན་འདས་སྣང་བ་མཐའ་ཡས་དེའི་མངོན་སུམ་དུ་འདིས་ལུང་སྟོན་པར་བྱེད་པས་ན་ལུང་བསྟན་པ་སྟེ་དུས་འདི་ཙམ་ན་འཇིག་རྟེན་གྱི་ཁམས་ཆེ་གེ་མོ་ཞེས་བྱ་བ་ཞིག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆེ་གེ་མོ་ཞེས་བྱ་བ་ཞིག་ཏུ་འགྱུར་རོ་ཞེས་བྱ་བ་རྣམ་པ་དེ་ལྟ་བུའི་ལུང་བསྟན་པ་དེར་རྒྱལ་བ་དེའི་ཐད་ནས་ཐོབ་པར་ཤོག་ཅིག་པའོ། །དེ་ལས་ཞེས་བྱ་བ་ནི་བཅོམ་ལྡན་འདས་འོད་དཔག་མེད་དེ་ལས་ལུང་བསྟན་པ་ཐོབ་སྟེ། དེ་ནས་སྤྲུལ་པ་བྱེ་བ་ཕྲག་བརྒྱ་ཡིས་ཏེ། སྤྲུལ་པའི་སྤྲིན་རྣམས་ཀྱིས་ཕྱོགས་བཅུ་པོ་རྣམས་སུ་ཁྱབ་པར་བྱས་ནས་ཆགས་པ་མེད་ཅིང་ཐོགས་པ་མེད་པའི་ཡེ་ཤེས་ཀྱི་ཆེ་བའི་བདག་ཉིད་ཀྱི་བློའི་སྟོབས་ཀྱིས་ཕྱོགས་བཅུའི་འགྲོ་བ་ཐམས་ཅད་དུ་སེམས་ཅན་རྣམས་ལ་ཕན་པ་མང་པོ་བགྲང་བ་ལས་འདས་པ་རྣམས་འགྲོ་བ་ཇི་སྲིད་ཀྱི་བར་དུ་སྐད་ཅིག་རེ་རེ་ལ་བགྱི་ཞིང་ཉེ་བར་བསྒྲུབ་པར་བགྱིའོ་ཞེས་བྱ་བའི་དོན་ཏོ། །སྨོན་ལམ་རྒྱལ་པོ་འདི་ལ་བཤད་སྦྱར་བྱས་པ་ལས། །བསོད་ནམས་དྲི་མེད་དགེ་བ་ཐོབ་པ་གང་ཡིན་དེས། །རྒྱུ་མཐུན་པ་ནི་བཏང་ཞིང་ཡོངས་སུ་བསྔོས་པ་ཡིན། །འགྲོ་དོན་བསྒྲུབ་ཕྱིར་འདི་ནི་ཡང་ཡང་བྱེད་པར་ཤོག །འཕགས་པ་ཀུན་དུ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་བཤད་སྦྱར། སློབ་དཔོན་ཀླུ་སྒྲུབ་ཀྱི་ཞལ་སྔ་ནས་མཛད་པ་རྫོགས་སོ།། །།ཁ་ཆེའི་མཁན་པོ་ཐིག་ལེ་བུམ་པ་དང་། སྒྲ་སྒྱུར་<br /> <br /> 117-182a<br /> <br /> གྱི་ལོ་ཙཱ་བ་ཆེན་པོ་ཤཱཀྱའི་དགེ་སློང་བློ་ལྡན་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/%27phags_pa_shes_rab_kyi_pha_rol_tu_phyin_pa%27i_man_ngag/Full_text&diff=138981 Texts/'phags pa shes rab kyi pha rol tu phyin pa'i man ngag/Full text 2026-07-04T12:03:29Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[https://dnz-new.tsadra.org/index.php/DNZ-14-PHA-003-001 Tsadra DNZ]<br /> |FullTextDate=2025-10-13<br /> |FullTextTibetan=༅། །པྲ ཛྙཱ པ ར མི ཏ སྱ ག མྦྷཱི རཱ མ ར ཙྪེ ད དེ ཤཱ ནཱཾ གྲ ནྠ བི ཧ ར ཏི སྨ། །<br /> ༄༅། །ཤེས་རབ་ཀྱི་ཕ་རོལ་ཏུ་ཕྱིན་པའི་ཟབ་དོན་བདུད་ཀྱི་གཅོད་ཡུལ་གྱི་གཞུང་བཞུགས་སོ། །<br /> <br /> ༄༅། །རྒྱ་གར་སྐད་དུ། ཨཱརྱ་པྲཛྙ་པ་ར་མི་ཏ་ཨུ་པ་དེ་ཤ་ནཱ་མ། བོད་སྐད་དུ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་ཅེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ༈ །རྟོགས་པའི་ཉི་ཟླས་མ་རིག་ལོག་རྟོག་བཅོམ། །ཐུགས་རྗེའི་རླན་གྱིས་འགྲོ་བ་སྨིན་མཛད་པའི། །དོན་གཉིས་མཐར་ཕྱིན་སྨྲ་བའི་སེང་གེ་ལ། །ལུས་དང་ངག་ཡིད་དང་ཞིང་མོས་པས་འདུད། ༈ །བརྗོད་བྱའི་སྙིང་པོ་རྩ་བ་དང་བྲལ་བ། །གཉིས་མེད་ཤེས་རབ་ཕ་རོལ་ཕྱིན་པའི་དོན། །རྟག་ཆད་ལ་སོགས་དམིགས་པའི་མཐའ་གྲོལ་བ། །ཅི་ནུས་པར་ནི་འགྲོ་ལ་ཕན་ཕྱིར་བཤད། ༈ །བཅའ་གཞི་གསུམ་གྱིས་བཀའ་ཡི་ཐོག་ཏུ་བཞག ༈ །བཅོས་བསླད་མེད་པར་རིག་པ་ངོས་བཟུང་ངོ༌། །འཁོར་འདས་གཉིས་ཀྱི་རྩ་བར་གྱུར་པའི་སེམས། །དེ་ལ་རྒྱུ་རྐྱེན་གང་ཡང་མ་གྲུབ་བོ། །སྐྱེ་མེད་གཅིག་ཆོད་རང་བཞིན་སྟོང་པ་ཉིད། ༈ །དེ་ལྟར་རྟོགས་ན་སྡོང་པོ་རྩད་བཅད་བཞིན། །རྟོག་པའི་ཡལ་ག་ནམ་ཡང་སྐྱེ་མི་འགྱུར། ༈ །དངོས་དང་དངོས་མེད་བློ་ལ་སྣང་བ་ཡི། །རྒྱ་ཆེན་མཆོད་པས་བླ་མ་དཀོན་མཆོག་མཆོད། །ཕྱག་དང་མཆོད་པ་ཕུལ་ནས་ནི། ༈ །གུས་པས་སྐྱབས་འགྲོ་སེམས་བསྐྱེད་བླང༌། །བླངས་པའི་བསླབ་བྱ་མིག་བཞིན་བསྲུང༌། །བྱང་ཆུབ་སེམས་དཔའི་བསླབ་བྱ་ནི། །སྲོག་གི་ཕྱིར་ཡང་སྤང་མི་བྱ། །བསླབ་བྱ་བསྲུང་ལ་བརྩོན་པར་བྱ། ༈ །སྲོག་གཅོད་ལ་སོགས་མི་དགེ་བཅུ། །བདག་སྤང་གཞན་ཡང་དེ་ལ་བསྐུལ། ༈ །སྲོག་གཅོད་སྤང་བ་དེ་དག་གི །མཐུན་འགྱུར་ལེགས་པར་བརྗོད་པར་བྱ། ༈ །མི་དགེ་བཅུ་པོ་སྤངས་ཙམ་གྱིས། །ལམ་མཆོག་རྙེད་པར་མི་འགྱུར་ཏེ། ༈ །ཕ་རོལ་ཕྱིན་པ་དྲུག་ལ་ནི། །བདག་སྤྱོད་གཞན་ཡང་དེ་ལ་བསྐུལ། ༈ །ཕ་རོལ་ཕྱིན་པ་དྲུག་པོ་ཡི། །མཐུན་འགྱུར་ལེགས་པར་བརྗོད་པར་བྱ། ༈ །ཕ་རོལ་ཕྱིན་དྲུག་ལ་སོགས་པ། །དགེ་བའི་ལས་ལ་སྤྱད་གྱུར་པའི། །རློམས་སེམས་སྐྱེས་པ་དེ་ལས་ལྡོག ༈ །གཉིས་མེད་ཕ་རོལ་ཕྱིན་པའི་དོན། །དགེ་སྡིག་བླང་དོར་རེ་དོགས་ཀྱི། །མཐའ་དང་བྲལ་བར་མ་རྟོགས་ན། །འདུས་བྱས་དགེ་བ་བྱས་གྱུར་ཀྱང༌། །ཚེ་འདི་ཉིད་ལ་གྲོལ་མི་འགྱུར། ༈ །དེས་ན་འདུས་བྱས་འདུས་མ་བྱས། །དཀར་དང་གནག་པའི་ཆོས་རྣམས་ཀུན། །རྡུལ་ཙམ་དམིགས་པར་མི་འགྱུར་རོ། ༈ །འོན་ཀྱང་ཐབས་ལ་མ་བརྟེན་པའི། །ཤེས་རབ་མངོན་དུ་མི་འགྱུར་རོ། །སོ་ནམ་སྔོན་དུ་མ་སོང་བའི། །ལོ་ཐོག་མི་འབྱུང་བ་དང་མཚུངས། ༈ །ཤེས་རབ་ཕ་རོལ་ཕྱིན་པ་ཡི། །དོན་ལ་ངེས་པར་མ་སྤྱད་ན། །སྦྱིན་དང་ཚུལ་ཁྲིམས་བཟོད་པ་དང༌། །བརྩོན་འགྲུས་བསམ་གཏན་སྤྱད་གྱུར་ཀྱང༌། །ལོང་བས་སྣ་དབྱུག་སྟོར་བ་ཡིས། །ལམ་རྒྱུས་རྙེད་པར་ག་ལ་འགྱུར། ༈ །འདི་དཀྱུས་སུ་མེད། མཆན།&gt;རབ་ཕ་རོལ་ཕྱིན་པའི་དོན། ༈ །གཞན་ནས་མི་ཚོལ་རང་ལ་ཡོད། །དངོས་དང་མཚན་མར་མ་གྲུབ་པའི། །རང་བཞིན་འོད་གསལ་ཆེན་པོའི་དོན། ༈ །ཡིད་ལ་བྱེད་པ་ཀུན་དང་བྲལ། །དྲན་རྟོག་རང་བཞིན་གྱིས་སངས་པའི། །སངས་རྒྱས་རྗེས་སུ་དྲན་པ་བསྒོམ། ༈ །ཕྱི་ནང་ལྷ་འདྲེ་འཁོར་དང་འདས། །སྣང་དང་སྟོང་པ་ལ་སོགས་པ། །གཉིས་སྣང་བྲལ་བ་སངས་རྒྱས་ཀྱི། །དགོངས་པ་མ་ནོར་མ་བཅོས་པ། །དཔེར་ན་ནམ་མཁའི་དབྱིངས་དང་མཚུངས། ༈ །ཐབས་ཀྱི་མཆོག་ཏུ་གྱུར་པ་ནི། །དབྱིངས་དང་རིག་པ་བསྲེ་བར་བྱ། ༈ །དབྱིངས་རིག་འདྲེས་པའི་དུས་དག་ཏུ། །དངོས་དང་མཚན་མ་དགག་སྒྲུབ་དང༌། །དམིགས་པར་འཛིན་པ་རང་སངས་ཏེ། །གཟུང་དང་འཛིན་པ་གཉིས་བྲལ་བའི། །ཆོས་ཉིད་དོན་ལ་གནས་པའོ། ༈ །དེ་ལྟར་ལུས་སེམས་མ་བཅོས་པ། །ནམ་མཁའ་སྟོང་པས་གར་ཁྱབ་པ། །རིག་པ་སྟོང་པས་ཁྱབ་པར་ནི། །རྒྱ་བསྐྱེད་ཁྱབ་བདལ་ཆེན་པོར་བཞག ༈ །དེ་ཚེ་རིག་པ་གཞི་རྩ་བྲལ། །བྲལ་བར་ཉམས་སུ་མྱང་བ་ནི། །དབང་པོ་ལྔ་དང་ཕྱི་རོལ་ཡུལ། །རིག་པ་གང་དུའང་མི་གནས་སོ། ༈ །གཡའ་ཁང་དུར་ཁྲོད་གཉན་ས་དང༌། །གྲོང་དང་གྲོང་ཁྱེར་ཆེན་པོ་དང༌། །ཕུག་པ་དབེན་ཕུག་གནས་དག་ཏུ། །གཉིས་སུ་མེད་པར་བསྒོམ་པར་བྱ། ༈ །བླ་མས་བསྟན་པའི་སྐྱེ་མེད་དོན། ༈ །སྤྱོད་ལམ་རྣམ་བཞིར་ཉམས་སུ་བླང༌། ༈ །དེ་ལྟར་ཉམས་སུ་ལེན་པ་ལ། །ཕ་རོལ་ཕྱིན་པའི་བྱིན་རླབས་དང༌། །ཆོས་རྣམས་སྟོང་པར་རྟོགས་པ་དེས། །བར་ཆད་འབྱུང་བར་མི་འགྱུར་ཏེ། །སྟོང་པ་ཉིད་ལ་སྟོང་ཉིད་ཀྱིས། །གླགས་རྙེད་པ་ལྟ་ག་ལ་སྲིད། ༈ །ཆོས་ཉིད་སྟོང་པའི་དོན་རྟོགས་ན། །རྟགས་སམ་མཚན་མ་ཕྱི་རོལ་ཏུ། །སྒོ་ལྔའི་ཡུལ་དུ་གཟུགས་དང་སྒྲ། །དྲི་རོ་རེག་བྱ་མ་ལུས་པ། །སྟོང་པ་ཉིད་དུ་རབ་གསལ་ཏེ། །ནང་དུ་ཉོན་མོངས་རགས་པ་དང༌། །གཟུང་འཛིན་ཕྲ་མོ་སྐྱེས་གྱུར་ཀྱང༌། །གཉིས་མེད་རང་གྲོལ་རྩིས་ལས་འདས། ༈ །དེ་ལྟར་རྟོགས་ན་ཆོས་ཉིད་ལ། །གནས་ཤར་གྲོལ་བར་གྱུར་པ་སྟེ། །གསེར་གླིང་དག་ཏུ་ཕྱིན་དང་མཚུངས། ༈ །སྐྱེས་བུའི་སྲོག་རྩ་བཅད་གྱུར་ན། །མིག་ལ་སོགས་པ་དབང་པོ་ཡི། །ཆོད་དུ་སྒོ་ནི་དགག་མི་དགོས། །དེ་བཞིན་སེམས་ཉིད་རྩད་བཅད་ན། །ཆོས་རྣམས་སྟོང་པར་རྟོགས་པར་འགྱུར། ༈ །སེམས་ཉིད་རྩ་བ་གཅོད་པ་དང༌། །ཉོན་མོངས་དུག་ལྔ་གཅོད་པ་དང༌། །ལྟ་མཐའ་སྒོམ་པའི་འདུ་བྱེད་དང༌། །སྤྱོད་པ་ཉམས་ང་རེ་དོགས་དང༌། །སྙེམས་བྱེད་ཐམས་ཅད་གཅོད་པའི་ཕྱིར། །ངེས་པའི་ཚིག་ཏུ་གཅོད་ཅེས་བྱ། ༈ །མངོན་ཞེན་ཆགས་སྡང་ཐོགས་པའི་བདུད། །དེ་ལ་ཅི་ལྟར་བཅད་ཅེ་ན། ༈ །ཉམས་ཅན་རབ་འབྲིང་ཐ་མ་ཡིས། ༈ །དྲན་མེད་ངང་དུ་བཞག་པ་དང༌། ༈ །དེ་ལ་གཏད་དེ་སྒོམ་པ་དང༌། ༈ །བརྟག་ཅིང་དཔྱད་ལ་གཏན་ལ་དབབ། ༈ །དཔེར་ན་ནགས་ཚལ་འཐུག་པོ་དང༌། །སྟོབས་དང་ལྡན་པའི་སྐྱེས་བུ་དང༌། །སྟ་གྲི་རྣོན་པོ་ཇི་བཞིན་ནོ། ༈ །ལྷ་འདྲེའི་ཆོ་འཕྲུལ་སྙེམས་བྱེད་ཅིང༌། །ཐོགས་མེད་བདུད་ཅེས་བྱ་བ་ནི། ༈ །གཉན་ཐོག་གཉན་དབབ་ཤ་ཐོག་ཏུ། ༈ །མེ་བཙའ་ཨ་ན་ཚུགས་སུ་བཞག ༈ །དཀོན་མཆོག་གསུམ་ལ་སྐྱབས་སུ་འགྲོ། ༈ །སྐར་ཆེན་ཐིབས་འོག་དག་ཏུ་གཞུག ༈ །ལྷ་འདྲེ་གཉིས་ལ་ཉེ་རིང་སྤང༌། ༈ །གཉན་ཆེན་མཐའ་ལ་གཏད་པར་བྱ། ༈ །གཅོད་ནི་ཆོད་ཚད་ཉམས་དང་བྲལ། ༈ །ཚར་ཚད་ཆོ་འཕྲུལ་རང་ཞི་བ། ༈ །ལྡོག་ཚད་སྐྲག་ཅིང་སྔངས་ནས་འབྲོས། ༈ །མི་ལྡོག་སྒོ་གཏན་ལྟ་བུ་ནི། །སྐྲག་ཅིང་སྔངས་ཀྱང་མི་འབྲོས་སོ། ༈ །ལོག་ནོན་གཟེར་བུ་ལྟ་བུ་ནི། །བདུད་དེ་དེ་ལ་ནན་ཏན་བྱ། །དེ་ནི་མན་ངག་དམ་པའོ། ༈ །གཉིས་མེད་ཕ་རོལ་ཕྱིན་བསྒོམ་པ། །འཇིག་རྟེན་ལྷ་འདྲེས་མ་བཟོད་ནས། །ཆོ་འཕྲུལ་རྣམ་པ་སྣ་ཚོགས་པ། །མངོན་སུམ་གཟི་བྱིན་རྨི་ལམ་སོགས། ༈ །དེ་དག་ཀུན་ལ་ཉམས་རབ་ཀྱིས། །གཉིས་སུ་མེད་པའི་དོན་ལ་བཞག ༈ །འབྲིང་གིས་དེ་ལ་གཏད་དེ་སྒོམ། ༈ །ཐ་མས་ཕུང་པོ་གཟན་དུ་བསྐྱུར། ༈ །དེ་རྗེས་རིག་པ་བློ་རྟེན་དང༌། །བྲལ་བའི་ཉམས་ནི་སྐྱེ་བར་འགྱུར། ༈ །གཉན་སར་ཕྱིན་ནས་ལྷ་འདྲེ་ཡི། །གཟི་བྱིན་བྱུང་ན་བེམ་རིག་ཕྲལ། ༈ །ལུས་འདི་བེམ་པོ་རྡོ་བ་འདྲ། །དེ་ལ་གནོད་པར་མི་འགྱུར་རོ། ༈ །སེམས་ནི་དངོས་མེད་ནམ་མཁའ་འདྲ། །དེ་ནི་སུས་གནོད་སུ་ལ་གནོད། །དེ་ལྟར་བསམ་སྟེ་ཆོས་ཉིད་ལ། །ཉམ་ང་བག་ཚ་མེད་པར་བཞག །ལྷ་འདྲེས་རང་ལུས་བེམ་པོ་འདི། །ཁྱེར་ནས་སོང་བ་སྙམ་བྱེད་ཀྱང༌། །སྔར་གྱི་ས་ལས་མི་འགུལ་བས། །གང་ལའང་ཉམ་ང་མི་བྱའོ། ༈ །རྣམ་པར་རྟོག་པ་གང་སྐྱེས་བདུད། །དེ་ནི་རང་གི་སེམས་ལས་བྱུང༌། །སེམས་ལ་བྱུང་ས་གནས་ས་དང༌། །འགྲོ་ས་གྲུབ་པ་རྡུལ་ཙམ་མེད། །གྲོལ་ནས་སངས་རྒྱས་འབྱུང་མི་འགྱུར། །འཁྲུལ་ནས་འཁོར་བར་འཁྱམས་མི་སྲིད། ༈ །དགེ་སྡིག་ལས་ཀུན་རྣམ་པར་དག །ཡེ་དག་ཡེ་གྲོལ་ཡེ་སངས་རྒྱས། ༈ །སྡིག་ལ་མི་འཛེམ་གོལ་ས་ཡིན། ༈ །གྲུབ་པའི་མཐའ་ཞེན་སྒྲིབ་པ་ཡིན། ༈ །གཉིས་མེད་རང་གྲོལ་གནས་ལུགས་ཡིན། ༈ །ཆོས་ཉིད་ངང་ལས་སྐྱབས་འགྲོ་དང༌། ༈ །སེམས་བསྐྱེད་གསོལ་བ་གདབ་པར་བྱ། ༈ །རང་ལ་བར་ཆད་བྱུང་བ་ན། །གཉན་སར་ཕྱིན་ལ་གཉིས་མེད་བསྒོམ། ༈ །སེམས་ཅན་གཞན་ལ་ཕན་འདོགས་ན། །སྙིང་རྗེ་སྔོན་དུ་འགྲོ་བ་ཡིས། །བདག་དང་ནད་པ་གདོན་དང་ནད། །ཐམས་ཅད་སྟོང་པར་ཤེས་བྱས་ལ། །ཕྱག་ཆགས་བྱ་ཞིང་སྟོང་ཉིད་བསྒོམ། །མགོ་བོ་གཏད་ལ་ཉལ་བར་བྱ། ༈ །དེས་ཀྱང་ཞི་བར་མ་གྱུར་ན། །གཉན་སར་སྐྱབས་འགྲོ་སེམས་བསྐྱེད་བྱ། །ལན་གསུམ་འགོང་ལ་མཐའ་བྲལ་བསྒོམ། །མནྜལ་བཅས་ལ་ཤིང་བུ་དང༌། །རྡེལ་བུས་བྱིན་རླབས་བྱས་ལ་བསྐུར། ༈ །སྟེང་གི་ལྷ་རྣམས་དམ་ལ་ཐོགས། །འོག་གི་ཀླུ་རྣམས་ཟིལ་གྱིས་གནོན། །ཀླུ་ལ་གང་བཅོལ་ལས་ཀུན་འགྲུབ། །ལྷ་རྣམས་རང་ས་ནས་གྲོགས་བྱེད། །ཀླུ་རྣམས་མ་ལུས་བྲན་དུ་ཁོལ། །བླ་མ་ཡི་དམ་མཁའ་འགྲོ་དང༌། །ཆོས་སྐྱོང་རྣམས་ཀྱིས་བུ་ལྟར་འཚོ། ༈ །ཐོགས་བཅས་བདུད་ལ་ཆོད་པས་ནི། །སྣང་བ་དགྲར་ནི་ལང་མི་འགྱུར། །ཐོགས་མེད་བདུད་ལས་ཆོད་པས་ནི། །གནོད་སྦྱིན་ཕོ་མོ་དམ་ལ་ཐོགས། ༈ །དེ་ལ་སོགས་པའི་ཡན་ལག་ནི། །དཔག་ཏུ་མེད་པ་འབྱུང་བར་གསུངས། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་གཞུང་ཚིགས་བཅད་ཆེན་མོ་ཞེས་བྱ་བ་བྲམ་ཟེ་ཨཱརྱ་དེ་བས་མཛད་པ་རྫོགས་སོ། །རྒྱ་གར་གྱི་པནྜི་ཏ་དམ་པ་རིན་པོ་ཆེས་སྒྲ་རང་འགྱུར་དུ་བསྒྱུར་བ་ལས། ཞྭ་མ་ལོ་ཙཱ་བས་དིང་རི་མཁན་པའི་ཁྲོད་དུ་ཞུས་ཏེ་གཏན་ལ་ཕབ་པའོ།། །།<br /> }}</div> Khenpo Tamphel https://bodhicitta.tsadra.org/index.php?title=Texts/%27phags_pa_shes_rab_kyi_pha_rol_tu_phyin_pa%27i_man_ngag/Full_text&diff=138980 Texts/'phags pa shes rab kyi pha rol tu phyin pa'i man ngag/Full text 2026-07-04T11:45:08Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[https://dnz-new.tsadra.org/index.php/DNZ-14-PHA-003-001 Tsadra DNZ]<br /> |FullTextDate=2025-10-13<br /> |FullTextTibetan=༅། །པྲ ཛྙཱ པ ར མི ཏ སྱ ག མྦྷཱི རཱ མ ར ཙྪེ ད དེ ཤཱ ནཱཾ གྲ ནྠ བི ཧ ར ཏི སྨ། །<br /> ༄༅། །ཤེས་རབ་ཀྱི་ཕ་རོལ་ཏུ་ཕྱིན་པའི་ཟབ་དོན་བདུད་ཀྱི་གཅོད་ཡུལ་གྱི་གཞུང་བཞུགས་སོ། །<br /> <br /> ༄༅། །རྒྱ་གར་སྐད་དུ། ཨཱརྱ་པྲཛྙ་པ་ར་མི་ཏ་ཨུ་པ་དེ་ཤ་ནཱ་མ། བོད་སྐད་དུ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་ཅེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ༈ །རྟོགས་པའི་ཉི་ཟླས་མ་རིག་ལོག་རྟོག་བཅོམ། །ཐུགས་རྗེའི་རླན་གྱིས་འགྲོ་བ་སྨིན་མཛད་པའི། །དོན་གཉིས་མཐར་ཕྱིན་སྨྲ་བའི་སེང་གེ་ལ། །ལུས་དང་ངག་ཡིད་དང་ཞིང་མོས་པས་འདུད། ༈ །བརྗོད་བྱའི་སྙིང་པོ་རྩ་བ་དང་བྲལ་བ། །གཉིས་མེད་ཤེས་རབ་ཕ་རོལ་ཕྱིན་པའི་དོན། །རྟག་ཆད་ལ་སོགས་དམིགས་པའི་མཐའ་གྲོལ་བ། །ཅི་ནུས་པར་ནི་འགྲོ་ལ་ཕན་ཕྱིར་བཤད། ༈ །བཅའ་གཞི་གསུམ་གྱིས་བཀའ་ཡི་ཐོག་ཏུ་བཞག ༈ །བཅོས་བསླད་མེད་པར་རིག་པ་ངོས་བཟུང་ངོ༌། །འཁོར་འདས་གཉིས་ཀྱི་རྩ་བར་གྱུར་པའི་སེམས། །དེ་ལ་རྒྱུ་རྐྱེན་གང་ཡང་མ་གྲུབ་བོ། །སྐྱེ་མེད་གཅིག་ཆོད་རང་བཞིན་སྟོང་པ་ཉིད། ༈ །དེ་ལྟར་རྟོགས་ན་སྡོང་པོ་རྩད་བཅད་བཞིན། །རྟོག་པའི་ཡལ་ག་ནམ་ཡང་སྐྱེ་མི་འགྱུར། ༈ །དངོས་དང་དངོས་མེད་བློ་ལ་སྣང་བ་ཡི། །རྒྱ་ཆེན་མཆོད་པས་བླ་མ་དཀོན་མཆོག་མཆོད། །ཕྱག་དང་མཆོད་པ་ཕུལ་ནས་ནི། ༈ །གུས་པས་སྐྱབས་འགྲོ་སེམས་བསྐྱེད་བླང༌། །བླངས་པའི་བསླབ་བྱ་མིག་བཞིན་བསྲུང༌། །བྱང་ཆུབ་སེམས་དཔའི་བསླབ་བྱ་ནི། །སྲོག་གི་ཕྱིར་ཡང་སྤང་མི་བྱ། །བསླབ་བྱ་བསྲུང་ལ་བརྩོན་པར་བྱ། ༈ །སྲོག་གཅོད་ལ་སོགས་མི་དགེ་བཅུ། །བདག་སྤང་གཞན་ཡང་དེ་ལ་བསྐུལ། ༈ །སྲོག་གཅོད་སྤང་བ་དེ་དག་གི །མཐུན་འགྱུར་ལེགས་པར་བརྗོད་པར་བྱ། ༈ །མི་དགེ་བཅུ་པོ་སྤངས་ཙམ་གྱིས། །ལམ་མཆོག་རྙེད་པར་མི་འགྱུར་ཏེ། ༈ །ཕ་རོལ་ཕྱིན་པ་དྲུག་ལ་ནི། །བདག་སྤྱོད་གཞན་ཡང་དེ་ལ་བསྐུལ། ༈ །ཕ་རོལ་ཕྱིན་པ་དྲུག་པོ་ཡི། །མཐུན་འགྱུར་ལེགས་པར་བརྗོད་པར་བྱ། ༈ །ཕ་རོལ་ཕྱིན་དྲུག་ལ་སོགས་པ། །དགེ་བའི་ལས་ལ་སྤྱད་གྱུར་པའི། །རློམས་སེམས་སྐྱེས་པ་དེ་ལས་ལྡོག ༈ །གཉིས་མེད་ཕ་རོལ་ཕྱིན་པའི་དོན། །དགེ་སྡིག་བླང་དོར་རེ་དོགས་ཀྱི། །མཐའ་དང་བྲལ་བར་མ་རྟོགས་ན། །འདུས་བྱས་དགེ་བ་བྱས་གྱུར་ཀྱང༌། །ཚེ་འདི་ཉིད་ལ་གྲོལ་མི་འགྱུར། ༈ །དེས་ན་འདུས་བྱས་འདུས་མ་བྱས། །དཀར་དང་གནག་པའི་ཆོས་རྣམས་ཀུན། །རྡུལ་ཙམ་དམིགས་པར་མི་འགྱུར་རོ། ༈ །འོན་ཀྱང་ཐབས་ལ་མ་བརྟེན་པའི། །ཤེས་རབ་མངོན་དུ་མི་འགྱུར་རོ། །སོ་ནམ་སྔོན་དུ་མ་སོང་བའི། །ལོ་ཐོག་མི་འབྱུང་བ་དང་མཚུངས། ༈ །ཤེས་རབ་ཕ་རོལ་ཕྱིན་པ་ཡི། །དོན་ལ་ངེས་པར་མ་སྤྱད་ན། །སྦྱིན་དང་ཚུལ་ཁྲིམས་བཟོད་པ་དང༌། །བརྩོན་འགྲུས་བསམ་གཏན་སྤྱད་གྱུར་ཀྱང༌། །ལོང་བས་སྣ་དབྱུག་སྟོར་བ་ཡིས། །ལམ་རྒྱུས་རྙེད་པར་ག་ལ་འགྱུར། ༈ །འདི་དཀྱུས་སུ་མེད། མཆན།&gt;རབ་ཕ་རོལ་ཕྱིན་པའི་དོན། ༈ །གཞན་ནས་མི་ཚོལ་རང་ལ་ཡོད། །དངོས་དང་མཚན་མར་མ་གྲུབ་པའི། །རང་བཞིན་འོད་གསལ་ཆེན་པོའི་དོན། ༈ །ཡིད་ལ་བྱེད་པ་ཀུན་དང་བྲལ། །དྲན་རྟོག་རང་བཞིན་གྱིས་སངས་པའི། །སངས་རྒྱས་རྗེས་སུ་དྲན་པ་བསྒོམ། ༈ །ཕྱི་ནང་ལྷ་འདྲེ་འཁོར་དང་འདས། །སྣང་དང་སྟོང་པ་ལ་སོགས་པ། །གཉིས་སྣང་བྲལ་བ་སངས་རྒྱས་ཀྱི། །དགོངས་པ་མ་ནོར་མ་བཅོས་པ། །དཔེར་ན་ནམ་མཁའི་དབྱིངས་དང་མཚུངས། ༈ །ཐབས་ཀྱི་མཆོག་ཏུ་གྱུར་པ་ནི། །དབྱིངས་དང་རིག་པ་བསྲེ་བར་བྱ། ༈ །དབྱིངས་རིག་འདྲེས་པའི་དུས་དག་ཏུ། །དངོས་དང་མཚན་མ་དགག་སྒྲུབ་དང༌། །དམིགས་པར་འཛིན་པ་རང་སངས་ཏེ། །གཟུང་དང་འཛིན་པ་གཉིས་བྲལ་བའི། །ཆོས་ཉིད་དོན་ལ་གནས་པའོ། ༈ །དེ་ལྟར་ལུས་སེམས་མ་བཅོས་པ། །ནམ་མཁའ་སྟོང་པས་གར་ཁྱབ་པ། །རིག་པ་སྟོང་པས་ཁྱབ་པར་ནི། །རྒྱ་བསྐྱེད་ཁྱབ་བདལ་ཆེན་པོར་བཞག ༈ །དེ་ཚེ་རིག་པ་གཞི་རྩ་བྲལ། །བྲལ་བར་ཉམས་སུ་མྱང་བ་ནི། །དབང་པོ་ལྔ་དང་ཕྱི་རོལ་ཡུལ། །རིག་པ་གང་དུའང་མི་གནས་སོ། ༈ །གཡའ་ཁང་དུར་ཁྲོད་གཉན་ས་དང༌། །གྲོང་དང་གྲོང་ཁྱེར་ཆེན་པོ་དང༌། །ཕུག་པ་དབེན་ཕུག་གནས་དག་ཏུ། །གཉིས་སུ་མེད་པར་བསྒོམ་པར་བྱ། ༈ །བླ་མས་བསྟན་པའི་སྐྱེ་མེད་དོན། ༈ །སྤྱོད་ལམ་རྣམ་བཞིར་ཉམས་སུ་བླང༌། ༈ །དེ་ལྟར་ཉམས་སུ་ལེན་པ་ལ། །ཕ་རོལ་ཕྱིན་པའི་བྱིན་རླབས་དང༌། །ཆོས་རྣམས་སྟོང་པར་རྟོགས་པ་དེས། །བར་ཆད་འབྱུང་བར་མི་འགྱུར་ཏེ། །སྟོང་པ་ཉིད་ལ་སྟོང་ཉིད་ཀྱིས། །གླགས་རྙེད་པ་ལྟ་ག་ལ་སྲིད། ༈ །ཆོས་ཉིད་སྟོང་པའི་དོན་རྟོགས་ན། །རྟགས་སམ་མཚན་མ་ཕྱི་རོལ་ཏུ། །སྒོ་ལྔའི་ཡུལ་དུ་གཟུགས་དང་སྒྲ། །དྲི་རོ་རེག་བྱ་མ་ལུས་པ། །སྟོང་པ་ཉིད་དུ་རབ་གསལ་ཏེ། །ནང་དུ་ཉོན་མོངས་རགས་པ་དང༌། །གཟུང་འཛིན་ཕྲ་མོ་སྐྱེས་གྱུར་ཀྱང༌། །གཉིས་མེད་རང་གྲོལ་རྩིས་ལས་འདས། ༈ །དེ་ལྟར་རྟོགས་ན་ཆོས་ཉིད་ལ། །གནས་ཤར་གྲོལ་བར་གྱུར་པ་སྟེ། །གསེར་གླིང་དག་ཏུ་ཕྱིན་དང་མཚུངས། ༈ །སྐྱེས་བུའི་སྲོག་རྩ་བཅད་གྱུར་ན། །མིག་ལ་སོགས་པ་དབང་པོ་ཡི། །ཆོད་དུ་སྒོ་ནི་དགག་མི་དགོས། །དེ་བཞིན་སེམས་ཉིད་རྩད་བཅད་ན། །ཆོས་རྣམས་སྟོང་པར་རྟོགས་པར་འགྱུར། ༈ །སེམས་ཉིད་རྩ་བ་གཅོད་པ་དང༌། །ཉོན་མོངས་དུག་ལྔ་གཅོད་པ་དང༌། །ལྟ་མཐའ་སྒོམ་པའི་འདུ་བྱེད་དང༌། །སྤྱོད་པ་ཉམས་ང་རེ་དོགས་དང༌། །སྙེམས་བྱེད་ཐམས་ཅད་གཅོད་པའི་ཕྱིར། །ངེས་པའི་ཚིག་ཏུ་གཅོད་ཅེས་བྱ། ༈ །མངོན་ཞེན་ཆགས་སྡང་ཐོགས་པའི་བདུད། །དེ་ལ་ཅི་ལྟར་བཅད་ཅེ་ན། ༈ །ཉམས་ཅན་རབ་འབྲིང་ཐ་མ་ཡིས། ༈ །དྲན་མེད་ངང་དུ་བཞག་པ་དང༌། ༈ །དེ་ལ་གཏད་དེ་སྒོམ་པ་དང༌། ༈ །བརྟག་ཅིང་དཔྱད་ལ་གཏན་ལ་དབབ། ༈ །དཔེར་ན་ནགས་ཚལ་འཐུག་པོ་དང༌། །སྟོབས་དང་ལྡན་པའི་སྐྱེས་བུ་དང༌། །སྟ་གྲི་རྣོན་པོ་ཇི་བཞིན་ནོ། ༈ །ལྷ་འདྲེའི་ཆོ་འཕྲུལ་སྙེམས་བྱེད་ཅིང༌། །ཐོགས་མེད་བདུད་ཅེས་བྱ་བ་ནི། ༈ །གཉན་ཐོག་གཉན་དབབ་ཤ་ཐོག་ཏུ། ༈ །མེ་བཙའ་ཨ་ན་ཚུགས་སུ་བཞག ༈ །དཀོན་མཆོག་གསུམ་ལ་སྐྱབས་སུ་འགྲོ། ༈ །སྐར་ཆེན་ཐིབས་འོག་དག་ཏུ་གཞུག ༈ །ལྷ་འདྲེ་གཉིས་ལ་ཉེ་རིང་སྤང༌། ༈ །གཉན་ཆེན་མཐའ་ལ་གཏད་པར་བྱ། ༈ །གཅོད་ནི་ཆོད་ཚད་ཉམས་དང་བྲལ། ༈ །ཚར་ཚད་ཆོ་འཕྲུལ་རང་ཞི་བ། ༈ །ལྡོག་ཚད་སྐྲག་ཅིང་སྔངས་ནས་འབྲོས། ༈ །མི་ལྡོག་སྒོ་གཏན་ལྟ་བུ་ནི། །སྐྲག་ཅིང་སྔངས་ཀྱང་མི་འབྲོས་སོ། ༈ །ལོག་ནོན་གཟེར་བུ་ལྟ་བུ་ནི། །བདུད་དེ་དེ་ལ་ནན་ཏན་བྱ། །དེ་ནི་མན་ངག་དམ་པའོ། ༈ །གཉིས་མེད་ཕ་རོལ་ཕྱིན་བསྒོམ་པ། །འཇིག་རྟེན་ལྷ་འདྲེས་མ་བཟོད་ནས། །ཆོ་འཕྲུལ་རྣམ་པ་སྣ་ཚོགས་པ། །མངོན་སུམ་གཟི་བྱིན་རྨི་ལམ་སོགས། ༈ །དེ་དག་ཀུན་ལ་ཉམས་རབ་ཀྱིས། །གཉིས་སུ་མེད་པའི་དོན་ལ་བཞག ༈ །འབྲིང་གིས་དེ་ལ་གཏད་དེ་སྒོམ། ༈ །ཐ་མས་ཕུང་པོ་གཟན་དུ་བསྐྱུར། ༈ །དེ་རྗེས་རིག་པ་བློ་རྟེན་དང༌། །བྲལ་བའི་ཉམས་ནི་སྐྱེ་བར་འགྱུར། ༈ །གཉན་སར་ཕྱིན་ནས་ལྷ་འདྲེ་ཡི། །གཟི་བྱིན་བྱུང་ན་བེམ་རིག་ཕྲལ། ༈ །ལུས་འདི་བེམ་པོ་རྡོ་བ་འདྲ། །དེ་ལ་གནོད་པར་མི་འགྱུར་རོ། ༈ །སེམས་ནི་དངོས་མེད་ནམ་མཁའ་འདྲ། །དེ་ནི་སུས་གནོད་སུ་ལ་གནོད། །དེ་ལྟར་བསམ་སྟེ་ཆོས་ཉིད་ལ། །ཉམ་ང་བག་ཚ་མེད་པར་བཞག །ལྷ་འདྲེས་རང་ལུས་བེམ་པོ་འདི། །ཁྱེར་ནས་སོང་བ་སྙམ་བྱེད་ཀྱང༌། །སྔར་གྱི་ས་ལས་མི་འགུལ་བས། །གང་ལའང་ཉམ་ང་མི་བྱའོ། ༈ །རྣམ་པར་རྟོག་པ་གང་སྐྱེས་བདུད། །དེ་ནི་རང་གི་སེམས་ལས་བྱུང༌། །སེམས་ལ་བྱུང་ས་གནས་ས་དང༌། །འགྲོ་ས་གྲུབ་པ་རྡུལ་ཙམ་མེད། །གྲོལ་ནས་སངས་རྒྱས་འབྱུང་མི་འགྱུར། །འཁྲུལ་ནས་འཁོར་བར་འཁྱམས་མི་སྲིད། ༈ །དགེ་སྡིག་ལས་ཀུན་རྣམ་པར་དག །ཡེ་དག་ཡེ་གྲོལ་ཡེ་སངས་རྒྱས། ༈ །སྡིག་ལ་མི་འཛེམ་གོལ་ས་ཡིན། ༈ །གྲུབ་པའི་མཐའ་ཞེན་སྒྲིབ་པ་ཡིན། ༈ །གཉིས་མེད་རང་གྲོལ་གནས་ལུགས་ཡིན། ༈ །ཆོས་ཉིད་ངང་ལས་སྐྱབས་འགྲོ་དང༌། ༈ །སེམས་བསྐྱེད་གསོལ་བ་གདབ་པར་བྱ། ༈ །རང་ལ་བར་ཆད་བྱུང་བ་ན། །གཉན་སར་ཕྱིན་ལ་གཉིས་མེད་བསྒོམ། ༈ །སེམས་ཅན་གཞན་ལ་ཕན་འདོགས་ན། །སྙིང་རྗེ་སྔོན་དུ་འགྲོ་བ་ཡིས། །བདག་དང་ནད་པ་གདོན་དང་ནད། །ཐམས་ཅད་སྟོང་པར་ཤེས་བྱས་ལ། །ཕྱག་ཆགས་བྱ་ཞིང་སྟོང་ཉིད་བསྒོམ། །མགོ་བོ་གཏད་ལ་ཉལ་བར་བྱ། ༈ །དེས་ཀྱང་ཞི་བར་མ་གྱུར་ན། །གཉན་སར་སྐྱབས་འགྲོ་སེམས་བསྐྱེད་བྱ། །ལན་གསུམ་འགོང་ལ་མཐའ་བྲལ་བསྒོམ། །མནྜལ་བཅས་ལ་ཤིང་བུ་དང༌། །རྡེལ་བུས་བྱིན་རླབས་བྱས་ལ་བསྐུར། ༈ །སྟེང་གི་ལྷ་རྣམས་དམ་ལ་ཐོགས། །འོག་གི་ཀླུ་རྣམས་ཟིལ་གྱིས་གནོན། །ཀླུ་ལ་གང་བཅོལ་ལས་ཀུན་འགྲུབ། །ལྷ་རྣམས་རང་ས་ནས་གྲོགས་བྱེད། །ཀླུ་རྣམས་མ་ལུས་བྲན་དུ་ཁོལ། །བླ་མ་ཡི་དམ་མཁའ་འགྲོ་དང༌། །ཆོས་སྐྱོང་རྣམས་ཀྱིས་བུ་ལྟར་འཚོ། ༈ །ཐོགས་བཅས་བདུད་ལ་ཆོད་པས་ནི། །སྣང་བ་དགྲར་ནི་ལང་མི་འགྱུར། །ཐོགས་མེད་བདུད་ལས་ཆོད་པས་ནི། །གནོད་སྦྱིན་ཕོ་མོ་དམ་ལ་ཐོགས། ༈ །དེ་ལ་སོགས་པའི་ཡན་ལག་ནི། །དཔག་ཏུ་མེད་པ་འབྱུང་བར་གསུངས། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་གཞུང་ཚིགས་བཅད་ཆེན་མོ་ཞེས་བྱ་བ་བྲམ་ཟེ་ཨཱརྱ་དེ་བས་མཛད་པ་རྫོགས་སོ། །རྒྱ་གར་གྱི་པནྜི་ཏ་དམ་པ་རིན་པོ་ཆེས་སྒྲ་རང་འགྱུར་དུ་བསྒྱུར་བ་ལས། ཞྭ་མ་ལོ་ཙཱ་བས་དིང་རི་མཁན་པའི་ཁྲོད་དུ་ཞུས་ཏེ་གཏན་ལ་ཕབ་པའོ།<br /> }}</div> Khenpo Tamphel https://bodhicitta.tsadra.org/index.php?title=Texts/%27phags_pa_shes_rab_kyi_pha_rol_tu_phyin_pa%27i_man_ngag/Full_text&diff=138979 Texts/'phags pa shes rab kyi pha rol tu phyin pa'i man ngag/Full text 2026-07-04T11:43:06Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[https://dnz-new.tsadra.org/index.php/DNZ-14-PHA-003-001 Tsadra DNZ]<br /> |FullTextDate=2025-10-13<br /> |FullTextTibetan=༅། །པྲ ཛྙཱ པ ར མི ཏ སྱ ག མྦྷཱི རཱ མ ར ཙྪེ ད དེ ཤཱ ནཱཾ གྲ ནྠ བི ཧ ར ཏི སྨ། །<br /> ༄༅། །ཤེས་རབ་ཀྱི་ཕ་རོལ་ཏུ་ཕྱིན་པའི་ཟབ་དོན་བདུད་ཀྱི་གཅོད་ཡུལ་གྱི་གཞུང་བཞུགས་སོ། །<br /> <br /> ༄༅། །རྒྱ་གར་སྐད་དུ། ཨཱརྱ་པྲཛྙ་པ་ར་མི་ཏ་ཨུ་པ་དེ་ཤ་ནཱ་མ། བོད་སྐད་དུ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་ཅེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ༈ །རྟོགས་པའི་ཉི་ཟླས་མ་རིག་ལོག་རྟོག་བཅོམ། །ཐུགས་རྗེའི་རླན་གྱིས་འགྲོ་བ་སྨིན་མཛད་པའི། །དོན་གཉིས་མཐར་ཕྱིན་སྨྲ་བའི་སེང་གེ་ལ། །ལུས་དང་ངག་ཡིད་དང་ཞིང་མོས་པས་འདུད། ༈ །བརྗོད་བྱའི་སྙིང་པོ་རྩ་བ་དང་བྲལ་བ། །གཉིས་མེད་ཤེས་རབ་ཕ་རོལ་ཕྱིན་པའི་དོན། །རྟག་ཆད་ལ་སོགས་དམིགས་པའི་མཐའ་གྲོལ་བ། །ཅི་ནུས་པར་ནི་འགྲོ་ལ་ཕན་ཕྱིར་བཤད། ༈ །བཅའ་གཞི་གསུམ་གྱིས་བཀའ་ཡི་ཐོག་ཏུ་བཞག ༈ །བཅོས་བསླད་མེད་པར་རིག་པ་ངོས་བཟུང་ངོ༌། །འཁོར་འདས་གཉིས་ཀྱི་རྩ་བར་གྱུར་པའི་སེམས། །དེ་ལ་རྒྱུ་རྐྱེན་གང་ཡང་མ་གྲུབ་བོ། །སྐྱེ་མེད་གཅིག་ཆོད་རང་བཞིན་སྟོང་པ་ཉིད། ༈ །དེ་ལྟར་རྟོགས་ན་སྡོང་པོ་རྩད་བཅད་བཞིན། །རྟོག་པའི་ཡལ་ག་ནམ་ཡང་སྐྱེ་མི་འགྱུར། ༈ །དངོས་དང་དངོས་མེད་བློ་ལ་སྣང་བ་ཡི། །རྒྱ་ཆེན་མཆོད་པས་བླ་མ་དཀོན་མཆོག་མཆོད། །ཕྱག་དང་མཆོད་པ་ཕུལ་ནས་ནི། ༈ །གུས་པས་སྐྱབས་འགྲོ་སེམས་བསྐྱེད་བླང༌། །བླངས་པའི་བསླབ་བྱ་མིག་བཞིན་བསྲུང༌། །བྱང་ཆུབ་སེམས་དཔའི་བསླབ་བྱ་ནི། །སྲོག་གི་ཕྱིར་ཡང་སྤང་མི་བྱ། །བསླབ་བྱ་བསྲུང་ལ་བརྩོན་པར་བྱ། ༈ །སྲོག་གཅོད་ལ་སོགས་མི་དགེ་བཅུ། །བདག་སྤང་གཞན་ཡང་དེ་ལ་བསྐུལ། ༈ །སྲོག་གཅོད་སྤང་བ་དེ་དག་གི །མཐུན་འགྱུར་ལེགས་པར་བརྗོད་པར་བྱ། ༈ །མི་དགེ་བཅུ་པོ་སྤངས་ཙམ་གྱིས། །ལམ་མཆོག་རྙེད་པར་མི་འགྱུར་ཏེ། ༈ །ཕ་རོལ་ཕྱིན་པ་དྲུག་ལ་ནི། །བདག་སྤྱོད་གཞན་ཡང་དེ་ལ་བསྐུལ། ༈ །ཕ་རོལ་ཕྱིན་པ་དྲུག་པོ་ཡི། །མཐུན་འགྱུར་ལེགས་པར་བརྗོད་པར་བྱ། ༈ །ཕ་རོལ་ཕྱིན་དྲུག་ལ་སོགས་པ། །དགེ་བའི་ལས་ལ་སྤྱད་གྱུར་པའི། །རློམས་སེམས་སྐྱེས་པ་དེ་ལས་ལྡོག ༈ །གཉིས་མེད་ཕ་རོལ་ཕྱིན་པའི་དོན། །དགེ་སྡིག་བླང་དོར་རེ་དོགས་ཀྱི། །མཐའ་དང་བྲལ་བར་མ་རྟོགས་ན། །འདུས་བྱས་དགེ་བ་བྱས་གྱུར་ཀྱང༌། །ཚེ་འདི་ཉིད་ལ་གྲོལ་མི་འགྱུར། ༈ །དེས་ན་འདུས་བྱས་འདུས་མ་བྱས། །དཀར་དང་གནག་པའི་ཆོས་རྣམས་ཀུན། །རྡུལ་ཙམ་དམིགས་པར་མི་འགྱུར་རོ། ༈ །འོན་ཀྱང་ཐབས་ལ་མ་བརྟེན་པའི། །ཤེས་རབ་མངོན་དུ་མི་འགྱུར་རོ། །སོ་ནམ་སྔོན་དུ་མ་སོང་བའི། །ལོ་ཐོག་མི་འབྱུང་བ་དང་མཚུངས། ༈ །ཤེས་རབ་ཕ་རོལ་ཕྱིན་པ་ཡི། །དོན་ལ་ངེས་པར་མ་སྤྱད་ན། །སྦྱིན་དང་ཚུལ་ཁྲིམས་བཟོད་པ་དང༌། །བརྩོན་འགྲུས་བསམ་གཏན་སྤྱད་གྱུར་ཀྱང༌། །ལོང་བས་སྣ་དབྱུག་སྟོར་བ་ཡིས། །ལམ་རྒྱུས་རྙེད་པར་ག་ལ་འགྱུར། ༈ །འདི་དཀྱུས་སུ་མེད། མཆན། རབ་ཕ་རོལ་ཕྱིན་པའི་དོན། ༈ །གཞན་ནས་མི་ཚོལ་རང་ལ་ཡོད། །དངོས་དང་མཚན་མར་མ་གྲུབ་པའི། །རང་བཞིན་འོད་གསལ་ཆེན་པོའི་དོན། ༈ །ཡིད་ལ་བྱེད་པ་ཀུན་དང་བྲལ། །དྲན་རྟོག་རང་བཞིན་གྱིས་སངས་པའི། །སངས་རྒྱས་རྗེས་སུ་དྲན་པ་བསྒོམ། ༈ །ཕྱི་ནང་ལྷ་འདྲེ་འཁོར་དང་འདས། །སྣང་དང་སྟོང་པ་ལ་སོགས་པ། །གཉིས་སྣང་བྲལ་བ་སངས་རྒྱས་ཀྱི། །དགོངས་པ་མ་ནོར་མ་བཅོས་པ། །དཔེར་ན་ནམ་མཁའི་དབྱིངས་དང་མཚུངས། ༈ །ཐབས་ཀྱི་མཆོག་ཏུ་གྱུར་པ་ནི། །དབྱིངས་དང་རིག་པ་བསྲེ་བར་བྱ། ༈ །དབྱིངས་རིག་འདྲེས་པའི་དུས་དག་ཏུ། །དངོས་དང་མཚན་མ་དགག་སྒྲུབ་དང༌། །དམིགས་པར་འཛིན་པ་རང་སངས་ཏེ། །གཟུང་དང་འཛིན་པ་གཉིས་བྲལ་བའི། །ཆོས་ཉིད་དོན་ལ་གནས་པའོ། ༈ །དེ་ལྟར་ལུས་སེམས་མ་བཅོས་པ། །ནམ་མཁའ་སྟོང་པས་གར་ཁྱབ་པ། །རིག་པ་སྟོང་པས་ཁྱབ་པར་ནི། །རྒྱ་བསྐྱེད་ཁྱབ་བདལ་ཆེན་པོར་བཞག ༈ །དེ་ཚེ་རིག་པ་གཞི་རྩ་བྲལ། །བྲལ་བར་ཉམས་སུ་མྱང་བ་ནི། །དབང་པོ་ལྔ་དང་ཕྱི་རོལ་ཡུལ། །རིག་པ་གང་དུའང་མི་གནས་སོ། ༈ །གཡའ་ཁང་དུར་ཁྲོད་གཉན་ས་དང༌། །གྲོང་དང་གྲོང་ཁྱེར་ཆེན་པོ་དང༌། །ཕུག་པ་དབེན་ཕུག་གནས་དག་ཏུ། །གཉིས་སུ་མེད་པར་བསྒོམ་པར་བྱ། ༈ །བླ་མས་བསྟན་པའི་སྐྱེ་མེད་དོན། ༈ །སྤྱོད་ལམ་རྣམ་བཞིར་ཉམས་སུ་བླང༌། ༈ །དེ་ལྟར་ཉམས་སུ་ལེན་པ་ལ། །ཕ་རོལ་ཕྱིན་པའི་བྱིན་རླབས་དང༌། །ཆོས་རྣམས་སྟོང་པར་རྟོགས་པ་དེས། །བར་ཆད་འབྱུང་བར་མི་འགྱུར་ཏེ། །སྟོང་པ་ཉིད་ལ་སྟོང་ཉིད་ཀྱིས། །གླགས་རྙེད་པ་ལྟ་ག་ལ་སྲིད། ༈ །ཆོས་ཉིད་སྟོང་པའི་དོན་རྟོགས་ན། །རྟགས་སམ་མཚན་མ་ཕྱི་རོལ་ཏུ། །སྒོ་ལྔའི་ཡུལ་དུ་གཟུགས་དང་སྒྲ། །དྲི་རོ་རེག་བྱ་མ་ལུས་པ། །སྟོང་པ་ཉིད་དུ་རབ་གསལ་ཏེ། །ནང་དུ་ཉོན་མོངས་རགས་པ་དང༌། །གཟུང་འཛིན་ཕྲ་མོ་སྐྱེས་གྱུར་ཀྱང༌། །གཉིས་མེད་རང་གྲོལ་རྩིས་ལས་འདས། ༈ །དེ་ལྟར་རྟོགས་ན་ཆོས་ཉིད་ལ། །གནས་ཤར་གྲོལ་བར་གྱུར་པ་སྟེ། །གསེར་གླིང་དག་ཏུ་ཕྱིན་དང་མཚུངས། ༈ །སྐྱེས་བུའི་སྲོག་རྩ་བཅད་གྱུར་ན། །མིག་ལ་སོགས་པ་དབང་པོ་ཡི། །ཆོད་དུ་སྒོ་ནི་དགག་མི་དགོས། །དེ་བཞིན་སེམས་ཉིད་རྩད་བཅད་ན། །ཆོས་རྣམས་སྟོང་པར་རྟོགས་པར་འགྱུར། ༈ །སེམས་ཉིད་རྩ་བ་གཅོད་པ་དང༌། །ཉོན་མོངས་དུག་ལྔ་གཅོད་པ་དང༌། །ལྟ་མཐའ་སྒོམ་པའི་འདུ་བྱེད་དང༌། །སྤྱོད་པ་ཉམས་ང་རེ་དོགས་དང༌། །སྙེམས་བྱེད་ཐམས་ཅད་གཅོད་པའི་ཕྱིར། །ངེས་པའི་ཚིག་ཏུ་གཅོད་ཅེས་བྱ། ༈ །མངོན་ཞེན་ཆགས་སྡང་ཐོགས་པའི་བདུད། །དེ་ལ་ཅི་ལྟར་བཅད་ཅེ་ན། ༈ །ཉམས་ཅན་རབ་འབྲིང་ཐ་མ་ཡིས། ༈ །དྲན་མེད་ངང་དུ་བཞག་པ་དང༌། ༈ །དེ་ལ་གཏད་དེ་སྒོམ་པ་དང༌། ༈ །བརྟག་ཅིང་དཔྱད་ལ་གཏན་ལ་དབབ། ༈ །དཔེར་ན་ནགས་ཚལ་འཐུག་པོ་དང༌། །སྟོབས་དང་ལྡན་པའི་སྐྱེས་བུ་དང༌། །སྟ་གྲི་རྣོན་པོ་ཇི་བཞིན་ནོ། ༈ །ལྷ་འདྲེའི་ཆོ་འཕྲུལ་སྙེམས་བྱེད་ཅིང༌། །ཐོགས་མེད་བདུད་ཅེས་བྱ་བ་ནི། ༈ །གཉན་ཐོག་གཉན་དབབ་ཤ་ཐོག་ཏུ། ༈ །མེ་བཙའ་ཨ་ན་ཚུགས་སུ་བཞག ༈ །དཀོན་མཆོག་གསུམ་ལ་སྐྱབས་སུ་འགྲོ། ༈ །སྐར་ཆེན་ཐིབས་འོག་དག་ཏུ་གཞུག ༈ །ལྷ་འདྲེ་གཉིས་ལ་ཉེ་རིང་སྤང༌། ༈ །གཉན་ཆེན་མཐའ་ལ་གཏད་པར་བྱ། ༈ །གཅོད་ནི་ཆོད་ཚད་ཉམས་དང་བྲལ། ༈ །ཚར་ཚད་ཆོ་འཕྲུལ་རང་ཞི་བ། ༈ །ལྡོག་ཚད་སྐྲག་ཅིང་སྔངས་ནས་འབྲོས། ༈ །མི་ལྡོག་སྒོ་གཏན་ལྟ་བུ་ནི། །སྐྲག་ཅིང་སྔངས་ཀྱང་མི་འབྲོས་སོ། ༈ །ལོག་ནོན་གཟེར་བུ་ལྟ་བུ་ནི། །བདུད་དེ་དེ་ལ་ནན་ཏན་བྱ། །དེ་ནི་མན་ངག་དམ་པའོ། ༈ །གཉིས་མེད་ཕ་རོལ་ཕྱིན་བསྒོམ་པ། །འཇིག་རྟེན་ལྷ་འདྲེས་མ་བཟོད་ནས། །ཆོ་འཕྲུལ་རྣམ་པ་སྣ་ཚོགས་པ། །མངོན་སུམ་གཟི་བྱིན་རྨི་ལམ་སོགས། ༈ །དེ་དག་ཀུན་ལ་ཉམས་རབ་ཀྱིས། །གཉིས་སུ་མེད་པའི་དོན་ལ་བཞག ༈ །འབྲིང་གིས་དེ་ལ་གཏད་དེ་སྒོམ། ༈ །ཐ་མས་ཕུང་པོ་གཟན་དུ་བསྐྱུར། ༈ །དེ་རྗེས་རིག་པ་བློ་རྟེན་དང༌། །བྲལ་བའི་ཉམས་ནི་སྐྱེ་བར་འགྱུར། ༈ །གཉན་སར་ཕྱིན་ནས་ལྷ་འདྲེ་ཡི། །གཟི་བྱིན་བྱུང་ན་བེམ་རིག་ཕྲལ། ༈ །ལུས་འདི་བེམ་པོ་རྡོ་བ་འདྲ། །དེ་ལ་གནོད་པར་མི་འགྱུར་རོ། ༈ །སེམས་ནི་དངོས་མེད་ནམ་མཁའ་འདྲ། །དེ་ནི་སུས་གནོད་སུ་ལ་གནོད། །དེ་ལྟར་བསམ་སྟེ་ཆོས་ཉིད་ལ། །ཉམ་ང་བག་ཚ་མེད་པར་བཞག །ལྷ་འདྲེས་རང་ལུས་བེམ་པོ་འདི། །ཁྱེར་ནས་སོང་བ་སྙམ་བྱེད་ཀྱང༌། །སྔར་གྱི་ས་ལས་མི་འགུལ་བས། །གང་ལའང་ཉམ་ང་མི་བྱའོ། ༈ །རྣམ་པར་རྟོག་པ་གང་སྐྱེས་བདུད། །དེ་ནི་རང་གི་སེམས་ལས་བྱུང༌། །སེམས་ལ་བྱུང་ས་གནས་ས་དང༌། །འགྲོ་ས་གྲུབ་པ་རྡུལ་ཙམ་མེད། །གྲོལ་ནས་སངས་རྒྱས་འབྱུང་མི་འགྱུར། །འཁྲུལ་ནས་འཁོར་བར་འཁྱམས་མི་སྲིད། ༈ །དགེ་སྡིག་ལས་ཀུན་རྣམ་པར་དག །ཡེ་དག་ཡེ་གྲོལ་ཡེ་སངས་རྒྱས། ༈ །སྡིག་ལ་མི་འཛེམ་གོལ་ས་ཡིན། ༈ །གྲུབ་པའི་མཐའ་ཞེན་སྒྲིབ་པ་ཡིན། ༈ །གཉིས་མེད་རང་གྲོལ་གནས་ལུགས་ཡིན། ༈ །ཆོས་ཉིད་ངང་ལས་སྐྱབས་འགྲོ་དང༌། ༈ །སེམས་བསྐྱེད་གསོལ་བ་གདབ་པར་བྱ། ༈ །རང་ལ་བར་ཆད་བྱུང་བ་ན། །གཉན་སར་ཕྱིན་ལ་གཉིས་མེད་བསྒོམ། ༈ །སེམས་ཅན་གཞན་ལ་ཕན་འདོགས་ན། །སྙིང་རྗེ་སྔོན་དུ་འགྲོ་བ་ཡིས། །བདག་དང་ནད་པ་གདོན་དང་ནད། །ཐམས་ཅད་སྟོང་པར་ཤེས་བྱས་ལ། །ཕྱག་ཆགས་བྱ་ཞིང་སྟོང་ཉིད་བསྒོམ། །མགོ་བོ་གཏད་ལ་ཉལ་བར་བྱ། ༈ །དེས་ཀྱང་ཞི་བར་མ་གྱུར་ན། །གཉན་སར་སྐྱབས་འགྲོ་སེམས་བསྐྱེད་བྱ། །ལན་གསུམ་འགོང་ལ་མཐའ་བྲལ་བསྒོམ། །མནྜལ་བཅས་ལ་ཤིང་བུ་དང༌། །རྡེལ་བུས་བྱིན་རླབས་བྱས་ལ་བསྐུར། ༈ །སྟེང་གི་ལྷ་རྣམས་དམ་ལ་ཐོགས། །འོག་གི་ཀླུ་རྣམས་ཟིལ་གྱིས་གནོན། །ཀླུ་ལ་གང་བཅོལ་ལས་ཀུན་འགྲུབ། །ལྷ་རྣམས་རང་ས་ནས་གྲོགས་བྱེད། །ཀླུ་རྣམས་མ་ལུས་བྲན་དུ་ཁོལ། །བླ་མ་ཡི་དམ་མཁའ་འགྲོ་དང༌། །ཆོས་སྐྱོང་རྣམས་ཀྱིས་བུ་ལྟར་འཚོ། ༈ །ཐོགས་བཅས་བདུད་ལ་ཆོད་པས་ནི། །སྣང་བ་དགྲར་ནི་ལང་མི་འགྱུར། །ཐོགས་མེད་བདུད་ལས་ཆོད་པས་ནི། །གནོད་སྦྱིན་ཕོ་མོ་དམ་ལ་ཐོགས། ༈ །དེ་ལ་སོགས་པའི་ཡན་ལག་ནི། །དཔག་ཏུ་མེད་པ་འབྱུང་བར་གསུངས། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་གཞུང་ཚིགས་བཅད་ཆེན་མོ་ཞེས་བྱ་བ་བྲམ་ཟེ་ཨཱརྱ་དེ་བས་མཛད་པ་རྫོགས་སོ། །རྒྱ་གར་གྱི་པནྜི་ཏ་དམ་པ་རིན་པོ་ཆེས་སྒྲ་རང་འགྱུར་དུ་བསྒྱུར་བ་ལས། ཞྭ་མ་ལོ་ཙཱ་བས་དིང་རི་མཁན་པའི་ཁྲོད་དུ་ཞུས་ཏེ་གཏན་ལ་ཕབ་པའོ།<br /> }}</div> Khenpo Tamphel https://bodhicitta.tsadra.org/index.php?title=Texts/A_tsAr%2Bya_gzugs_ngan_gyi_gtam_rgyud/Full_text&diff=138966 Texts/A tsAr+ya gzugs ngan gyi gtam rgyud/Full text 2026-07-02T10:17:09Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |FullTextTibetan=༄༅། །ཨཙརྱ་གཟུགས་ངན་གྱི་གཏམ་བརྒྱུད་བཞུགས་སོ།།<br /> ༄༅། །ཨཙརྱ་གཟུགས་ངན་གྱི་གཏམ་བརྒྱུད་ནི། རྒྱ་གར་དུ་སྤྲང་པོའི་གསེབ་ན་སྒོ་རྒྱབ་ཏུ་སྡོད་པའི་ཨཙརྨ་གཅིག་འདུག་པ་ལ། ཁྲུས་མའི་ཐོར་མ་སོང་བའི་སོ་སོར་ཟེར་བ་གཅིག་གདའོ། །དེའི་དུས་སུ་མུ་སྟེགས་ཀྱི་རྩོད་པ་བྱུང་བས་གཞན་གྱི་མ་བཟློག་དེར་ཁྲུས་མ་འབོད་པ་ན་རེ་སྒོ་རྒྱབ་ཀྱི་ཨཙརྱ་མ་གི་ལ་ཁྲུས་མའི་ཐོར་མ་སོང་ཙ་ན་སོ་སོར་ཟེར་བ་གཅིག་འདུག་སྟེ་བྱས་པས་དེ་བོས་པས་རྩོད་པ་བཟློག་སྟེ། ནང་ན་ཡོན་ཏན་སུ་ལ་ཡོད་མི་ཤེས་གསུངས་སོ།།<br /> བཟའ་མི་གཉིས་ལ་རྐུན་མ་བྱུང་བ་མ་ཚོར་བས། ང་ཚོར་སྐས་ལ་མི་ཡོང་སྙམ་ནས་བཏང་བས་ཕྱིས་ནུབ་ནས་དེ་བས་ཀྱང་ཐུ་རུ་སོང་བ་ལྟར་རོ། །རྒྱལ་པོ་ཨ་སང་གྷ་བྱ་བའི་ཨཙརྱ་གཤིས་ངན་གཅིག་ཇོ་བོ་དྲུང་དུ་རྒྱུན་དུ་བསྟེན་པས། འདི་འདྲ་མི་བསྟེན་པར་ཞུ་ཞུས་པས། འདི་ལ་བརྟེན་ནས་བཟོད་པའི་ཡོན་ཏན་རྫོགས་པ་ཡིན་གསུངས་སོ།།<br /> གླང་ཐང་པ་ལ་ཕམ་པ་དང་པོའི་སྒྲོས་གཅིག་བྱུང༌། དེ་མི་བདེན་ན་ཡང་ར་སྒྲེང་དུ་ཇ་དང་འབུལ་བ་ལ་སོགས་པའི་རྒྱལ་ཡུས་མཛད་ནས་ཐུགས་དམ་ལ་བཞུགས་སོ། །ཚིག་རྐང་བརྒྱད་མའི་ཟུར་འདེབས་ཡིན། འཛེད་ཆེན་པས། <br /> སྐྱབས་གནས་ཡུལ་ལ་གུས་པ་ལམ་གྱི་བརྟེན།།<br /> ཁས་བླངས་ཚུལ་ཁྲིམས་དག་པ་ལམ་གྱི་གཞི།།<br /> ཚེ་འདིར་ལོངས་མེད་བསམ་པ་ལམ་གྱི་ཕུལ།།<br /> མ་ཚོར་འཕམ་ཁ་ལེན་པ་དགེ་སྦྱོང་ཚུལ།། ཅེས་སོ།།<br /> དབུ་མ་རྟོག་གེ་འབར་བ་ལས།<br /> རྒྱལ་སྲས་ཁྱིམ་པ་འདོད་སྤྱོད་ཀྱང༌།།<br /> རབ་ཏུ་བྱུང་བས་ཕྱག་བྱའོ།། ཅེས་གསུངས་སོ།།<br /> མདོ་སྡེ་སྙན་གྱི་རྒྱན་ལས།<br /> མ་འོངས་ཐ་མའི་དུས་ཀྱི་ཚེ།།<br /> ང་ཉིད་ཡི་གེའི་གཟུགས་སུ་འབྱུང་།།<br /> ཞེས་སོ།།<br /> ནགས་ཁྲོད་གཅིག་ཏུ་རི་དྭགས་དང་གཅན་གཟན་ཉེ་བར་གནས་ན་རི་དྭགས་ཀྱི་སྲོག་གཅོད་པ་བཞིན་དུ་དགེ་སློང་དང་བུད་མེད་ཉེ་བར་གནས་ན་ཐར་པའི་སྲོག་རྩ་གཅོད་པ་ངེས་སོ། །ཇོ་བོའི་ཞལ་ནས་ཟླ་བ་ཕྱེད་ཀྱི་བདེན་པ་མཐོང་བའི་དགེ་སློང་གཅིག་གིས་ཚུལ་ཁྲིམས་འཆལ་བ་དང་འགྲོགས་ན་སྐྱེ་བ་དེ་ལ་བདེན་པ་མི་མཐོང་ངོ་གསུངས་སོ། །དེས་ན་སྡོམ་ཉམས་དང་བུད་མེད་ལ་རྒྱང་རིང་དུ་བྱའོ། །འགྲོ་བའི་དོན་རྒྱ་ཆེན་པོ་མྱུར་དུ་འབྱུང་བར་ཤོག ཐེག་ཆེན་གྱི་ཆོས་ཟབ་མོ་འདི་ལ་བརྟེན་ནས་ལྷག་པའི་བསམ་པ་རྣམ་པར་དག་པ་བདག་གཞན་བརྗེ་བའི་བྱང་ཆུབ་ཀྱི་སེམས་བཅོས་མ་མ་ཡིན་པ་རྒྱུད་ལ་སྐྱེ་བར་གྱུར་ཅིག།། །།<br /> }}</div> Khenpo Tamphel https://bodhicitta.tsadra.org/index.php?title=Texts/A_tsAr%2Bya_gzugs_ngan_gyi_gtam_rgyud/Full_text&diff=138965 Texts/A tsAr+ya gzugs ngan gyi gtam rgyud/Full text 2026-07-02T10:15:25Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[[Theg pa chen po blo sbyong brgya rtsa (Tibetan Classics)]]<br /> |FullTextDate=2025-10-15<br /> |FullTextTibetan=༄༅། །ཨཙརྱ་གཟུགས་ངན་གྱི་གཏམ་བརྒྱུད་བཞུགས་སོ།།<br /> ༄༅། །ཨཙརྱ་གཟུགས་ངན་གྱི་གཏམ་བརྒྱུད་ནི། རྒྱ་གར་དུ་སྤྲང་པོའི་གསེབ་ན་སྒོ་རྒྱབ་ཏུ་སྡོད་པའི་ཨཙརྨ་གཅིག་འདུག་པ་ལ། ཁྲུས་མའི་ཐོར་མ་སོང་བའི་སོ་སོར་ཟེར་བ་གཅིག་གདའོ། །དེའི་དུས་སུ་མུ་སྟེགས་ཀྱི་རྩོད་པ་བྱུང་བས་གཞན་གྱི་མ་བཟློག་དེར་ཁྲུས་མ་འབོད་པ་ན་རེ་སྒོ་རྒྱབ་ཀྱི་ཨཙརྱ་མ་གི་ལ་ཁྲུས་མའི་ཐོར་མ་སོང་ཙ་ན་སོ་སོར་ཟེར་བ་གཅིག་འདུག་སྟེ་བྱས་པས་དེ་བོས་པས་རྩོད་པ་བཟློག་སྟེ། ནང་ན་ཡོན་ཏན་སུ་ལ་ཡོད་མི་ཤེས་གསུངས་སོ།།<br /> བཟའ་མི་གཉིས་ལ་རྐུན་མ་བྱུང་བ་མ་ཚོར་བས། ང་ཚོར་སྐས་ལ་མི་ཡོང་སྙམ་ནས་བཏང་བས་ཕྱིས་ནུབ་ནས་དེ་བས་ཀྱང་ཐུ་རུ་སོང་བ་ལྟར་རོ། །རྒྱལ་པོ་ཨ་སང་གྷ་བྱ་བའི་ཨཙརྱ་གཤིས་ངན་གཅིག་ཇོ་བོ་དྲུང་དུ་རྒྱུན་དུ་བསྟེན་པས། འདི་འདྲ་མི་བསྟེན་པར་ཞུ་ཞུས་པས། འདི་ལ་བརྟེན་ནས་བཟོད་པའི་ཡོན་ཏན་རྫོགས་པ་ཡིན་གསུངས་སོ།།<br /> གླང་ཐང་པ་ལ་ཕམ་པ་དང་པོའི་སྒྲོས་གཅིག་བྱུང༌། དེ་མི་བདེན་ན་ཡང་ར་སྒྲེང་དུ་ཇ་དང་འབུལ་བ་ལ་སོགས་པའི་རྒྱལ་ཡུས་མཛད་ནས་ཐུགས་དམ་ལ་བཞུགས་སོ། །ཚིག་རྐང་བརྒྱད་མའི་ཟུར་འདེབས་ཡིན། འཛེད་ཆེན་པས། <br /> སྐྱབས་གནས་ཡུལ་ལ་གུས་པ་ལམ་གྱི་བརྟེན།།<br /> ཁས་བླངས་ཚུལ་ཁྲིམས་དག་པ་ལམ་གྱི་གཞི། །<br /> ཚེ་འདིར་ལོངས་མེད་བསམ་པ་ལམ་གྱི་ཕུལ།།<br /> མ་ཚོར་འཕམ་ཁ་ལེན་པ་དགེ་སྦྱོང་ཚུལ།། ཅེས་སོ།།<br /> དབུ་མ་རྟོག་གེ་འབར་བ་ལས།<br /> རྒྱལ་སྲས་ཁྱིམ་པ་འདོད་སྤྱོད་ཀྱང༌།།<br /> རབ་ཏུ་བྱུང་བས་ཕྱག་བྱའོ།། ཅེས་གསུངས་སོ།།<br /> མདོ་སྡེ་སྙན་གྱི་རྒྱན་ལས།<br /> མ་འོངས་ཐ་མའི་དུས་ཀྱི་ཚེ།།<br /> ང་ཉིད་ཡི་གེའི་གཟུགས་སུ་འབྱུང་།།<br /> ཞེས་སོ།།<br /> ནགས་ཁྲོད་གཅིག་ཏུ་རི་དྭགས་དང་གཅན་གཟན་ཉེ་བར་གནས་ན་རི་དྭགས་ཀྱི་སྲོག་གཅོད་པ་བཞིན་དུ་དགེ་སློང་དང་བུད་མེད་ཉེ་བར་གནས་ན་ཐར་པའི་སྲོག་རྩ་གཅོད་པ་ངེས་སོ། །ཇོ་བོའི་ཞལ་ནས་ཟླ་བ་ཕྱེད་ཀྱི་བདེན་པ་མཐོང་བའི་དགེ་སློང་གཅིག་གིས་ཚུལ་ཁྲིམས་འཆལ་བ་དང་འགྲོགས་ན་སྐྱེ་བ་དེ་ལ་བདེན་པ་མི་མཐོང་ངོ་གསུངས་སོ། །དེས་ན་སྡོམ་ཉམས་དང་བུད་མེད་ལ་རྒྱང་རིང་དུ་བྱའོ། །འགྲོ་བའི་དོན་རྒྱ་ཆེན་པོ་མྱུར་དུ་འབྱུང་བར་ཤོག ཐེག་ཆེན་གྱི་ཆོས་ཟབ་མོ་འདི་ལ་བརྟེན་ནས་ལྷག་པའི་བསམ་པ་རྣམ་པར་དག་པ་བདག་གཞན་བརྗེ་བའི་བྱང་ཆུབ་ཀྱི་སེམས་བཅོས་མ་མ་ཡིན་པ་རྒྱུད་ལ་སྐྱེ་བར་གྱུར་ཅིག།། །།<br /> }}</div> Khenpo Tamphel https://bodhicitta.tsadra.org/index.php?title=Texts/Praj%C3%B1%C4%81paricchedapa%C3%B1jik%C4%81/Full_text&diff=137458 Texts/Prajñāparicchedapañjikā/Full text 2026-06-25T12:05:56Z <p>Khenpo Tamphel: </p> <hr /> <div>{{FullTextSubpage<br /> |TsadraVersion=No<br /> |FullTextSource=[https://online.adarshah.org/index.html?kdb=degetengyur&amp;sutra=D3876&amp;page=106-159a Adarshah]<br /> |FullTextDate=2024-05-09<br /> |PdfLink=File:Prajñāparicchedapañjikā-W23703-v106 img319-357.pdf<br /> |FullTextTibetan=106-159a <br /> <br /> ༄༅།།ཤེས་རབ་ལེའུའི་དཀའ་འགྲེལ་བཞུགས།<br /> <br /> ༄༅༅། །བདེ་བར་གཤེགས་པ་ལ་ཕྱག་འཚལ་ལོ། །ཆོས་དང་ལོངས་སྤྱོད་སྤྲུལ་པ་ཡི། །སྐུ་གསུམ་བདག་ཉིད་རྒྱལ་བ་ལ། །རབ་ཏུ་བཏུད་ནས་ཤེས་རབ་ཀྱི། །ལེའུའི་དཀའ་འགྲེལ་བདག་གིས་བྱ། །བསོད་ནམས་ཀྱི་ཚོགས་ཀྱི་རྒྱུ་སྦྱིན་པ་ལ་སོགས་པ་དང་། ཡེ་ཤེས་ཀྱི་ཚོགས་ཀྱི་རྒྱུ་ཞི་གནས་ཕན་ཚུན་ཚོགས་པའི་མཚན་ཉིད་བསམ་གཏན་བརྗོད་ནས། དེའི་རྗེས་ལ་ལྷག་མཐོང་བསྟན་པའི་ཕྱིར། ཡན་ལག་འདི་དག་ཅེས་བྱ་བ་ལ་སོགས་པ་གསུངས་སོ། །ཡན་ལག་ཅེས་པ་ནི་འཁོར་ཏེ་བྱང་ཆུབ་ཀྱི་གྲོགས་ཡིན་པའི་ཕྱིར་རོ། །ཐམས་ཅད་ཅེས་བྱ་བ་ནི་སྦྱིན་པ་ལ་སོགས་པའོ། །ཐུབ་པས་ཞེས་བྱ་བ་ནི་ཆད་པ་དང་རྟག་པའི་མཐའ་གཉིས་དང་བྲལ་བ་བརྗོད་དུ་མེད་པ་མི་གསུང་བས་ཐུབ་པའོ། །ཤེས་རབ་དོན་དུ་ཞེས་བྱ་བ་ལ། ཡང་དག་པའི་ཤེས་པ་ཉིད་ནི་ཤེས་རབ་ཡིན་པས་དེ་བསྐྱེད་པའི་དོན་དུའོ། །ནི་ཞེས་བྱ་བ་ནི་གང་གི་ཕྱིར་ཡན་ལག་འདི་དག་ཐམས་ཅད་གསུངས་པ་སྟེ་བརྗོད་པ་དེའི་ཕྱིར་ཤེས་རབ་བསྐྱེད་དོ་ཞེས་བྱ་སྟེ། རྒྱུ་དང་འབྲས་བུ་ཁྱད་པར་མེད་པའི་ཕྱིར་བྱང་ཆུབ་ཀྱི་རྒྱུ་ལམ་དུ་གྱུར་པ་ཡིན་ནོ། །ཅིའི་དོན་དུ་ཞེ་ན། སྡུག་བསྔལ་དག་ཅེས་བྱ་བ་ལ་སོགས་པ་གསུངས་སོ། །རང་དང་གཞན་གྱི་ཕུང་པོ་ལྔ་ཉེ་བར་ཞི་བར་འདོད་པས་ཤེས་བྱ་སྟེ། ཕུང་པོ་ལྷག་མ་དང་བཅས་པ་དང་ལྷག་མ་མེད་པ་ཐོབ་པའི་དོན་དུ་ཞེས་བྱ་བའི་ཐ་ཆིག་གོ། །གལ་ཏེ་ཡན་ལག་འདི་ཀུན་ཤེས་རབ་ཀྱི་དོན་དུ་ཡིན་ན། དེའི་ཚེ་དེ་ཉིད་དོན་ <br /> <br /> 106-159b <br /> <br /> དམ་པར་འགྱུར་བའི་ཕྱིར་རོ། །སྦྱིན་པ་ལ་སོགས་པ་ཇི་ལྟར་ཞེ་ན་ཀུན་རྫོབ་དང་ནི་ཞེས་གསུངས་སོ། །འདི་དེ་ཁོ་ན་སྒྲིབ་པས་ན་ཀུན་རྫོབ་ཡིན་ལ། བྱིས་པས་དེ་ལྟ་དེ་ལྟར་མངོན་པར་ཞེན་པའི་ཕྱིར་ན་བདེ་བ་ཡིན་ནོ། །བཅོས་བུ་མ་ཡིན་པས་དོན་ཡང་ཡིན་ལ། དམ་པ་ཡང་ཡིན་པས་ནི་དོན་ཇི་ལྟ་བ་ཉིད་དུ་བདེན་པ་ཡིན་ནོ། །འདོད་པའི་སངས་རྒྱས་རྣམས་བཞེད་པའོ། །གང་གི་ཕྱིར། སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་བརྟེན། །ཞེས་གསུངས་པ་དེའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་དོན་དམ་པའི་རང་བཞིན་བདེན་པ་ཡིན་ཡང་། དོན་གྱི་ཚོགས་ཀྱི་རྒྱུ་ཀུན་རྫོབ་ཏུ་ཡོད་པའི་སྦྱིན་པ་ལ་སོགས་པ་ཡང་ཡོད་པ་ཡིན་ཏེ། དེ་མེད་པར་ནི་དེ་རྣམས་ཕ་རོལ་ཏུ་ཕྱིན་པའི་མིང་མི་ཐོབ་པའི་ཕྱིར་རོ། །གལ་ཏེ་དེ་ལྟར་ཤེས་རབ་ཡོད་པ་ཡིན་ན། འོ་ན་དེ་ཉིད་ཀྱིས་བྱང་ཆུབ་རྟོགས་པའི་ཕྱིར། གཞན་གྱིས་ཅི་ཞིག་བྱ་ཞེ་ན། དོན་དམ་དུ་ཞེས་བྱ་བ་ནི། སངས་རྒྱས་ཉིད་ཅེས་བྱ་བ་བསྒྲུབ་པར་བྱའོ། །དེ་སྐད་དུ་ཡང་། སྤྱོད་ཡུལ་མིན་པས་གང་མི་འཇུག་ཅེས་བྱ་བ་ལ་སོགས་པ་གསུངས་པ་ཡིན་ནོ། །འོ་ན་ཤེས་པ་ཉིད་ཡོད་དོ་སྙམ་ན། བློ་ནི་ཞེས་གསུངས་སོ། །དེ་སྐད་དུ་ཡང་། གསལ་བའམ་ནི་མི་གསལ་བ་ལ་སོགས་པས་འཆད་པར་འགྱུར་རོ། །ད་ནི་ཀུན་རྫོབ་དོན་དམ་པ་ཉིད་སྟོབས་ཆེ་ཆུང་བསྟན་པའི་ཕྱིར་གཞི་འདིང་བ་ནི། དེ་ཡང་འཇིག་རྟེན་ཞེས་གསུངས་པའོ། །ཕལ་ཞེས་བྱ་བ་ནི་མ་རིག་པ་ཡིན་ལ། དེ་ལ་གནས་པ་ནི་ཕལ་པ་ཡིན་པས་དེ་ཉིད་སྨད་པའི་ཕྱིར། ཕལ་པ་ཞེས་བརྗོད་དོ། །དེ་ལ་ཞེས་བྱ་བ་ནི་དེ་གཉིས་ཀྱི་ནང་གནས་སོ། །ཕལ་པ་ཞེས་བྱ་བ་ཀུན་རྫོབ་ཀྱི་རྣམ་པ་སྟོན་ཏེ། རྟག་ཏུ་དོན་དམ་པ་ལ་མཉམ་པར་འཇོག་པ་དང་ལྡན་པས་རྣལ་འབྱོར་པ་ཡིན་ལ། དེ་ཉིད་ནི་འཇིག་རྟེན་ཡང་ཡིན་ཏེ། ཕུང་པོ་ལྔའི་བདག་ཉིད་ཡིན་པའི་ཕྱིར་རོ། །འདིས་ནི་དོན་དམ་པའི་རྣམ་པ་བསྟན་ཏོ། །བློའི་ཁྱད་པར་ཅན་རྣལ་འབྱོར་པའི་འཇིག་རྟེན་དེས་གནོད་ཅིང་ཞེས་བྱ་བར་རང་གི་ངོ་བོ་བསྟན་པས་འཁྲུལ་པ་ཉིད་དོ་ཞེས་བྱ་བར་བསྒྲུབ་པོ། །དེ་བཞིན་དུ་རྣལ་འབྱོར་པ་ཡང་ཞེས་བྱ་བ་ཚུ་རོལ་མཐོང་བའི་རྣལ་འབྱོར་པ་ཡང་གོ་འཕང་གོང་ནས་གོང་དུ་ <br /> <br /> 106-160a <br /> <br /> འཕགས་པའི་རྣལ་འབྱོར་པ་རྣམས་ཀྱིས་གནོད་དེ། དཔེར་ན་ས་དང་པོ་ལ་ཡང་ས་གཉིས་པ་ལ་སོགས་པས་གནོད་པ་བཞིན་ནོ། །ཇི་ལྟར་གནོད་སྙམ་ན། གཉི་ག་ཡང་ནི་ཞེས་བྱ་བ་ལ་སོགས་པ་སྟེ། སྒྱུ་མ་དང་སྨིག་རྒྱུ་དང་དྲི་ཟའི་གྲོང་ཁྱེར་དང་། ཆུ་ཟླ་ལ་སོགས་པ་རྒོལ་བ་དང་ཕྱིར་རྒོལ་བ་གཉི་ག་ཡང་ནི་འདོད་པ་སྟེ། མངོན་པར་འདོད་པའི་དཔེས་སོ། །གལ་ཏེ་ཐ་སྙད་པའི་སྟོབས་ཀྱིས་ཡིན་ན། དེའི་ཚེ་སྦྱིན་པ་ལ་སོགས་པ་ལ་འཇུག་པ་ཡང་དོན་དམ་པར་འགྱུར་རོ་ཞེས་བྱ་བའམ། ཡང་ན་གང་ལ་དེ་ཐམས་ཅད་སྒྱུ་མ་ལྟ་བུ་ཡིན་ན། ཇི་ལྟར་སྦྱིན་པ་ལ་སོགས་པ་ལ་འཇུག་སྙམ་ན། འབྲས་བུའི་དོན་དུ་མ་དཔྱད་ཕྱིར། །ཞེས་གསུངས་ཏེ། སྦྱིན་པ་ལ་སོགས་པ་འཇུག་གོ་ཞེས་བྱ་བ་ལ་སོགས་པ་ནི་ལྷག་མའོ། །འབྲས་བུའི་དོན་ནི་དགོས་པའི་ཆེད་དུ་སྟེ། སངས་རྒྱས་ཉིད་ཀྱི་དོན་དུ་ཞེས་བྱ་བའི་དོན་དུའོ། །མ་དཔྱད་ཕྱིར་ནི་ཞེས་བྱ་བ་ནི་ཆོས་ཐམས་ཅད་གཅིག་དང་དུ་མ་དང་བྲལ་བ་ཞེས་བྱ་བ་ལ་སོགས་པ་རྣམ་པར་མ་དཔྱད་པར་གྲགས་པ་ཙམ་གྱིས་རབ་ཏུ་གྲུབ་པར་རྣམ་པར་མ་དཔྱད་པར་འདི་སྦྱིན་པ་ལ་སོགས་པ་ལ་འཇུག་པའི་ཕྱིར་རོ། །འཇུག་པ་ཉིད་ཀྱང་མ་བརྟགས་ན། །ཉམས་དགའ་བ་ཙམ་ཡིན་པས་ཆད་པ་འགའ་ཡང་མེད་དོ། །འཇིག་རྟེན་པ་ཡང་འདིར་ལོག་པར་རྟོག་པ་ཅི་ཡོད་སྙམ་ན། འཇིག་རྟེན་པ་ཡིས་ཞེས་བྱ་བ་ལ་སོགས་པའོ། །གང་གི་ཕྱིར་དངོས་པོ་འདི་དག་འབྱུང་ཞིང་སྐྱེ་བ་ཅན་ཡིན་པ་དེའི་ཕྱིར་དོན་དམ་པ་ཉིད་ཡིན་གྱི་སྒྱུ་མའི་རང་བཞིན་ནི་མ་ཡིན་ནོ་ཞེས་འཇིག་རྟེན་པ་དང་རྣལ་འབྱོར་པ་རྩོད་པ་ཆེན་པོ་ཡོད་དོ། །གལ་ཏེ་དེ་ལྟར་གཟུགས་ལ་སོགས་པ་འདི་དག་ནི་བ་ལང་རྫི་ལ་སོགས་པའི་བར་ལ་ཚད་མས་གྲུབ་པས་བདེན་པ་མ་ཡིན་ནམ། ཇི་ལྟར་ན་སྒྱུ་མ་ཉིད་དུ་འགྱུར་སྙམ་ན། གཟུགས་ལ་སོགས་པ་ཞེས་བྱ་བ་ལ་སོགས་པ་གསུངས་སོ། །གྲགས་པས་ཞེས་བྱ་བས་ནི་དེའི་རང་བཞིན་མ་ཡིན་པ་ལ་དེའི་རང་བཞིན་དུ་ལྷག་པར་ཞེན་པའི་འཁྲུལ་པས་གཟུགས་ལ་སོགས་པ་མངོན་སུམ་ཉིད་དོ་ཞེས་དགོས་པ་ཡིན་གྱི། ཆ་འདི་ལ་ཚད་མ་ནི་ཡོད་པ་མ་ཡིན་ཏེ། རང་རིག་པ་ཉིད་ཀྱང་བསྒྲུབ་པར་དཀའ་བའི་ཕྱིར་རོ་སྙམ་དུ་དགོངས་པའོ། །ཅི་དང་འདྲ་ <br /> <br /> 106-160b <br /> <br /> བར་སྙམ་ན། དེ་ནི་མི་གཙང་ལ་ཞེས་བྱ་བ་ལ་སོགས་པའོ། །འདིས་ནི་འཁྲུལ་པ་ཉིད་བསལ་བར་བྱས་སོ། །གང་གི་ཕྱིར་དེ་ལྟར་ཡིན་པ་དེའི་ཕྱིར་གཟུགས་ལ་སོགས་པར་རྟོག་པ་ནི་བརྫུན་ཡིན་ནོ། །གལ་ཏེ་དེ་ལྟར་ཡིན་ན། འོ་ན་ཅིའི་ཕྱིར་བཅོམ་ལྡན་འདས་ཀྱིས་ཕུང་པོ་དང་ཁམས་དང་སྐྱེ་མཆེད་རྣམས་དང་། སྐད་ཅིག་མ་དང་བདག་མེད་པ་ལ་སོགས་པ་དག་བསྟན་ཞེ་ན། འཇིག་རྟེན་ཞེས་བྱ་བ་ལ་སོགས་པ་གསུངས་སོ། །འཇིག་རྟེན་རྣམས་དོན་དམ་པ་ལ་གཞུག་པའི་དོན་དུ་ཕུང་པོ་ལ་སོགས་པའི་དངོས་པོ་དང་སྐད་ཅིག་མ་ལ་སོགས་པ་དག །མགོན་པོ་བཅོམ་ལྡན་འདས་ཀྱིས་བསྟན་པར་ཟད་ཀྱི་དངོས་པོའི་གནས་པར་ནི་སྐད་ཅིག་མ་ཉིད་ཡོད་པ་མ་ཡིན་ནོ། །གལ་ཏེ་དོན་དམ་པར་མེད་དུ་ཆུག་མོད། ཀུན་རྫོབ་ཏུ་ནི་ཡོད་པར་འགྱུར་རོ་སྙམ་ནས། གལ་ཏེ་ཀུན་རྫོབ་ཏུ་ན་ཞེས་སྨྲས་པ་ལས། སློབ་དཔོན་གྱི་ལན་དུ་འགལ་ཞེས་གསུངས་སོ། །འཇིག་རྟེན་གྱི་དངོས་པོ་རྣམས་སྐད་ཅིག་མར་རྟོགས་སོ་ཞེས་བྱ་བ་ནི་འགལ་ཏེ་དེ་དག་ནི་རྟག་ཏུ་གནས་པ་ཉིད་ལ་མངོན་པར་ཞེན་པའི་ཕྱིར་རོ། །འོ་ན་ས་དང་པོ་ལ་སོགས་པ་ཐོབ་པ་རྣམས་ལ་ཡང་ཇི་ལྟར་སྐད་ཅིག་མ་ལ་སོགས་པར་སྣང་ཞེ་ན། རྣལ་འབྱོར་ཀུན་རྫོབ་ཅེས་བྱ་བ་ལ་སོགས་པ་གསུངས་སོ། །དངོས་པོ་རྣམས་སྐད་ཅིག་མ་ཉིད་དུ་རྣལ་འབྱོར་པའི་ཀུན་རྫོབ་ཏུ་སྣང་གི་རྣལ་འབྱོར་པའི་དོན་དམ་པར་ནི་མ་ཡིན་ནོ་ཞེས་བྱ་བ་ཡིན་ནོ། །འོ་ན་ཇི་ལྟར་ས་ཐོབ་པ་རྣམས་ལ་རྣལ་འབྱོར་པའི་ཀུན་རྫོབ་ཏུ་དེ་སྣང་བ་བཞིན་དུ་འཇིག་རྟེན་གཞན་ལ་ཡང་སྣང་ལ་རག་མོད་སྙམ་ན། འཇིག་རྟེན་ལ་ལྟོས་ཞེས་བྱ་བ་ལ་སོགས་པ་གསུངས་སོ། །གང་གི་ཕྱིར་ས་དང་པོ་ལ་སོགས་པ་ཐོབ་པའི་རྣལ་འབྱོར་པ་དེ་དག་འཇིག་རྟེན་ལ་ལྟོས་ནས་ཅུང་ཟད་དེ་ཁོ་ན་མཐོང་བ་ཡིན་པ་དེའི་ཕྱིར་སྐད་ཅིག་མ་ལ་སོགས་པ་དེ་དག་དེ་ཁོ་ན་མཐོང་བ་ཡིན་ནོ་ཞེས་བྱའོ། །གཞན་དུ་ཞེས་བྱ་བ་གལ་ཏེ་དེ་དག་འཇིག་རྟེན་ལ་ལྟོས་ནས་དེ་ཉིད་མཐོང་བར་མི་འདོད་ན། དེའི་ཚེ་འདོད་པ་ལ་རོ་མྱགས་སུ་མང་དུ་བསྒོམ་པའི་རྣལ་འབྱོར་པ་མི་གཙང་བར་བསྒོམ་པ་སྟོབས་དང་ལྡན་པ་རྣམས་ཀྱིས་རྣམ་པར་དཔྱོད་པའི་སྟོབས་ཀྱིས་ངེས་པར་རྟོགས་པ་ལ་འཇིག་རྟེན་པས་གནོད་པར་འགྱུར་བའི་ཕྱིར་འཇིག་རྟེན་རྒྱལ་བར་ <br /> <br /> 106-161a <br /> <br /> འགྱུར་གྱི་རྣལ་འབྱོར་པ་ནི་མ་ཡིན་ནོ་སྙམ་དུ་དགོངས་སོ། །འདིར་གཞན་གྱིས་སྒྱུ་འདྲའི་རྒྱལ་ལས་ཞེས་སྨྲས་སོ། །གལ་ཏེ་ཐམས་ཅད་སྒྱུ་མ་ལྟ་བུ་ཡིན་ན་དེའི་ཚེ་རྒྱལ་བ་ཡང་སྒྱུ་མ་དང་འདྲ་བ་ཡིན་པས་དེས་ན་མཆོད་པ་ལ་སོགས་པ་དེ་ལས་བསོད་ནམས་ཇི་ལྟར་ཐོབ་སྙམ་ན། དངོས་པོ་ཡོད་ལ་ཇི་བཞིན་ཞེས་བྱ་བས་གྲུབ་པའི་མཐའ་གསུངས་སོ། །གལ་ཏེ་རྒྱལ་བ་དོན་དམ་པ་ཉིད་ཡིན་ཡང་དེ་ལས་ཇི་ལྟར་བསོད་ནམས་སུ་འགྱུར། དཔེར་ན་རྣམ་པ་གང་གིས་བདེན་པ་ཉིད་ཡིན་པ་ལ་བསོད་ནམས་སུ་འགྱུར་བའི་རྣམ་པ་དེ་ཁོ་ནས་བརྫུན་པ་ལས་འགྱུར་བའི་ཕྱིར་གཉི་ག་ཡང་མཚུངས་ཏེ། འཁྲུལ་པ་ལས་འཁྲུལ་པ་སྐྱེ་བ་ནི་མི་འགལ་བའི་ཕྱིར་རོ། །གལ་ཏེ་ཞེས་བྱ་བ་ལ་སོགས་པ་ནི་གཞན་གྱིའོ། །གལ་ཏེ་སེམས་ཅན་སྒྱུ་མ་དང་འདྲ་བ་ཡིན་ན། དེའི་ཚེ་དེ་ཞིག་ན་སླར་ཇི་ལྟར་སྐྱེ་སྟེ། དེས་ན་ཤི་ནས་ཇི་ལྟར་སྐྱེ། །མི་སྐྱེ་བར་འགྱུར་རོ་ཞེས་བྱའོ། །ཇི་སྲིད་རྐྱེན་རྣམས་ཞེས་བྱ་བ་ལ་སོགས་པ་ནི་གྲུབ་པའི་མཐའོ། །ཇི་སྲིད་དུ་འཁོར་བའི་རྒྱུ་མ་རིག་པའི་རྐྱེན་ཚང་བ་དེ་སྲིད་དུ་རྒྱུ་མ་ཚང་བ་མེད་པའི་སྒྱུ་མ་ཡང་སྐྱེ་བའི་ཕྱིར་དེ་ནམ་ཡང་རྒྱུན་མི་འཆད་དོ་སྙམ་དུ་དགོངས་པའོ། །གལ་ཏེ་དེ་ལྟར་ཡིན་ན་སྐྱེ་བ་དང་འཆི་བ་བརྒྱུད་པ་གཞན་དང་གཞན་གྱི་མཚན་ཉིད་ཀྱི་རྒྱུ་དོན་དམ་པར་ཡོད་པ་དེས་རྒྱུན་མ་ཆད་དོ་སྙམ་ན། རྒྱུན་རིང་ཙམ་གྱིས་ཞེས་བྱ་བ་ལ་སོགས་པ་གསུངས་སོ། །རིང་བ་ཞེས་བྱ་བ་ནི་ཐོག་མ་མེད་པའོ། །དེ་ཡང་ཡིན་ལ་རྒྱུན་ཀྱང་ཡིན་པ་དེ་ཙམ་གྱིས་ནི་སེམས་ཅན་བདེན་པ་ཉིད་དུ་མི་འཐད་དེ། བརྫུན་པ་ཉིད་དུ་ཡང་མི་འགལ་བའི་ཕྱིར་རོ། །འདི་སྙམ་དུ་འགལ་ཏེ། འདི་མཐའ་དག་སྒྱུ་མ་ཡིན་ན་དེའི་ཚེ་སྒྱུ་མའི་སྐྱེས་བུ་བཞིན་དུ་བདེན་པའི་སྐྱེས་བུ་བསད་པ་ལ་སོགས་པ་ལ་ཡང་བསོད་ནམས་མ་ཡིན་པར་མི་འགྱུར་རོ་ཞེས་དགོངས་ན་སྒྱུ་མའི་ཞེས་བྱ་བ་ལ་སོགས་པ་གསུངས་སོ། །དཔེ་མི་མཐུན་ཏེ་འདི་ལྟར་གལ་ཏེ་སྒྱུ་མའི་སྐྱེས་བུ་ལ་སེམས་ཡོད་པ་ཉིད་ཡིན་ན་ནི་དེའི་ཚེ་དེ་བསད་པས་སྡིག་པར་འགྱུར་བ་ཁོ་ན་སྟེ། གཞན་དུ་མ་ཡིན་པ་ཞིག་ན་གང་གི་ཚེ་སྒྱུ་མའི་སྐྱེས་བུའི་སེམས་དང་ལྡན་པ་སྟེ། སེམས་ཉིད་སྒྱུ་མ་ཡིན་པ་དེ་དང་ལྡན་པ་ཞེས་བྱ་བ་དེ་དང་བཅས་པ་སྐྱེས་བུ་ཅིག་ཤོས་ <br /> <br /> 106-161b <br /> <br /> ལ་སྲོག་བཅད་པ་ལ་སོགས་པ་བྱས་པ་དེའི་ཚེ་བསོད་ནམས་དང་སྡིག་པ་ཇི་ལྟར་མི་འབྱུང་སྟེ། བསོད་ནམས་ལ་སོགས་པ་ནི་སེམས་ལ་རག་ལས་པའི་ཕྱིར་རོ། །དེ་སྐད་དུ། གང་ཕྱིར་བསམས་པའི་རྩ་བ་ལས། །སྡིག་དང་བསོད་ནམས་རྣམ་པར་གནས། །ཞེས་གསུངས་སོ། །གང་ཡང་སྤྲུལ་པའི་དེ་བཞིན་གཤེགས་པ་ལས་བསྟན་པའི་སྒོ་ནས་འབྲས་བུ་ཐོབ་པ་དེ་ནི་དེར་དེ་བཞིན་གཤེགས་པ་ཉིད་སྐྱེས་བུའི་བྱེད་པ་ཡིན་པའི་ཕྱིར་སྐྱོན་མེད་དོ། །འོན་ཏེ་སྒྱུ་མའི་སྐྱེས་བུ་ལ་ཡང་ཅི་སྟེ་སེམས་མི་སྐྱེ་ཞེ་ན། སྔགས་ལ་སོགས་གསུངས་སོ། །ནོར་བུ་དང་སྔགས་ལ་སོགས་པ་གང་དག་གིས་སྒྱུ་མ་མཁན་གླང་པོ་ཆེ་ལ་སོགས་པ་སྤྲུལ་པ་བྱེད་པའི་སྔགས་ལ་སོགས་པ་དེ་དག་ལ་ནི་སྒྱུ་མའི་སྐྱེས་བུའི་སེམས་སྤྲུལ་པ་ནུས་པ་མེད་པ་དེས་ན་དེར་སྒྱུ་མའི་སེམས་ཅན་མ་བྱུང་བ་ཡིན་ནོ། །འོན་ཏེ་དེ་དང་འདྲ་བར་སྤྲུལ་པ་མཁན་ཉིད་ལ་ཡང་སྒྱུ་མའི་སེམས་འབྱུང་བར་མི་འགྱུར་ཞེ་ན། སྣ་ཚོགས་བྱ་བ་ལ་སོགས་པའོ། །གལ་ཏེ་སྒྱུ་མ་རྣམ་པ་གཅིག་ཏུ་ཟད་ན་དེའི་ཚེ་དེ་སྐད་བརྗོད་པར་རིག་པར་བྱ་ཞེ་ན། འོན་ཀྱང་རྣམ་པ་ནི་དུ་མ་ཡིན་ལ། དེ་ལ་རྐྱེན་སྣ་ཚོགས་ཀྱིས་སྐྱེ་བ་ཡིན་ཏེ། དེས་ན་འགར་ནི་སྒྱུ་མའི་སེམས་ཡོད་ལ། འགར་ནི་མ་ཡིན་ཏེ། འབྲས་བུའི་ཁྱད་པར་རྣམས་ནི་རྒྱུའི་ནུས་པ་སྣ་ཚོགས་པས་བསྐྱེད་པ་ཞེས་བྱ་བ་ལས་ཆད་པ་ཅི་ཡང་ཡོད་པ་མ་ཡིན་ནོ། །འོན་ཏེ་གཅིག་ན་ཡོད་པའི་རྐྱེན་གྱིས་ཚོགས་པ་དེ་ཐམས་ཅད་དུ་ཅི་སྟེ་མི་འབྱུང་ཞེ་ན། རྐྱེན་གཅིག་གིས་ནི་ཞེས་བྱ་བ་ལ་སོགས་པ་གསུངས་སོ། །འབྲས་བུ་གཅིག་འབའ་ཞིག་ལ་རྐྱེན་གཅིག་ནུས་པ་ཡོད་པ་ཙམ་གྱིས་ཐམས་ཅད་ལ་ནུས་པ་ཞེས་བརྗོད་པར་མི་རིགས་སོ། །གལ་ཏེ་ཞེས་བྱ་བ་ལ་སོགས་པ་ནི་གཞན་གྱིའོ། །གལ་ཏེ་དོན་དམ་པར་ཆོས་ཀྱི་དབྱིངས་ཀྱི་རང་བཞིན་ཡིན་པའི་ཕྱིར་མྱ་ངན་ལས་འདས་ཞེས་བྱ་བ་གདོད་མ་ནས་ཞི་བ་ཉིད་ཀྱི་རང་བཞིན་གྱིས་མྱ་ངན་ལས་འདས་པ་ཡིན་ཡང་། ཀུན་རྫོབ་ཏུ་སེམས་ཅན་འཁོར་བ་ཡིན་ན་དེའི་ཚེ། དེ་ལྟར་ན་ཞེས་བྱ་བ་གདོད་མ་ནས་ཞི་བས་རང་བཞིན་གྱིས་མྱ་ངན་ལས་འདས་པ་ཡིན་ཡང་ཀུན་རྫོབ་ཏུ་དེ་བཞིན་གཤེགས་པ་ཡང་ཇི་ལྟར་མི་འཁོར། གལ་ཏེ་དེ་ལྟར་འཁོར་མོད་ཅི་སྐྱོན་སྙམ་ན་དེ་བཤད་པ་དེ་བས་ན། བྱང་ཆུབ་སྤྱོད་པས་ཅི་ཞིག་བྱ། །ཞེས་བྱ་བ་ཡིན་ནོ། ། <br /> <br /> 106-162a <br /> <br /> དེའི་ཚེ་རྫོགས་པའི་བྱང་ཆུབ་ཀྱི་ཆེད་དུ་མགོ་དང་ལག་པ་དང་རྐང་པ་ལ་སོགས་པ་ཐམས་ཅད་གཏོང་བ་དང་། ཚངས་པར་སྤྱོད་པ་ལ་སོགས་པའི་ཚུལ་ཁྲིམས་དང་བཟོད་པ་དང་། བྱང་ཆུབ་ཀྱི་ཕྱོགས་ཀྱི་ཆོས་གོམས་པར་བྱེད་པ་ལ་སོགས་པའི་དཀའ་བ་སྤྱོད་པ་གང་ཡིན་པ་དེ་ལས་དགོས་པ་ཅི་ཡོད་དེ། སྤྱིར་ཡང་འཁོར་བར་སྐྱེ་བའི་ཕྱིར་ཞེ་ན། འདི་ལ་བརྗོད་པ་ནི། རྐྱེན་རྣམས་ཞེས་བྱ་བ་ལ་སོགས་པ་ཡིན་ནོ། །དེ་ལ། ཇི་སྲིད་རྐྱེན་རྣམས་ཚོགས་གྱུར་པ། །ཞེས་བྱ་བ་ལ་སོགས་པས་བཤད་པ་ཟིན་མོད་ཀྱི། དེ་ལྟར་ན་ཡང་བརྗོད་པར་བྱ་སྟེ། སངས་རྒྱས་ནི་འཁོར་བ་མ་ཡིན་ཏེ། འོན་ཀྱང་སེམས་ཅན་རྣམས་ཁོ་ན་ཡིན་ནོ། །འདི་ལྟར་གལ་ཏེ་སེམས་ཅན་རྣམས་དེ་ཁོ་ནར་གཟོད་མ་ནས་ཞི་བ་ཡིན་པ་དེ་ལྟར་ན་ཡང་ཐོག་མ་མེད་པ་ཅན་ཕྱིན་ཅི་ལོག་གི་རྣམ་པར་རྟོག་པ་གོམས་པའི་བག་ཆགས་ཀྱི་ཆོ་འཕྲུལ་གྱིས་དེ་ལ་དེ་ལྟར་ཡང་ཤེས་པ་ནི་མ་ཡིན་ནོ། །དེ་ལྟར་མ་རིག་པའི་རྐྱེན་ཡང་རྒྱུན་མ་ཆད་པའི་ཕྱིར་རྒྱུ་མ་ཚང་བ་མེད་པའི་འཁོར་བའི་རྒྱུན་མི་འཆད་པ་དེས་ན། དེ་དག་ནི་འཁོར་བར་འགྱུར་རོ། །སངས་རྒྱས་ལ་ནི་མ་རིག་པ་ལ་སོགས་པ་རྣམས་བག་ཆགས་དང་བཅས་པ་རྒྱུན་ཆད་པ་སྐྱེས་ཏེ། རང་བཞིན་གྱིས་ཆོས་ཀྱི་དབྱིངས་ཀྱི་མཐར་ཐུག་པའི་ཕྱིར་རོ། །དེ་ནས་དེ་ནི་ཀུན་རྫོབ་ཏུ་ཡང་འཁོར་བར་སྐྱེ་བ་མ་ཡིན་ནོ། །ཡང་གང་གི་ཚེ་སེམས་ཅན་དེ་དག་ཀྱང་མ་རིག་པ་ལ་སོགས་པའི་རྐྱེན་རྒྱུན་ཆད་པར་འགྱུར་བ་དེའི་ཚེ་ནི་དེ་དག་ཀྱང་ཀུན་རྫོབ་ཏུ་ཡང་མི་འཁོར་བས་འདི་ནི་མི་མཚུངས་པ་ཁོ་ནའོ། །མདོ་སྡེ་པ་དགག་པའོ། །ད་ནི་རྣལ་འབྱོར་སྤྱོད་པ་དག་ལ། གལ་ཏེ་ཞེས་བྱ་བ་ལ་སོགས་པ་རབ་ཏུ་སྨྲ་བར་བྱེད་དོ། །གང་གི་ཚེ་རྣམ་པར་ཤེས་པ་ཡང་མེད་པ་དེའི་ཚེ་འཁྲུལ་པ་དང་མ་འཁྲུལ་པའི་རྣམ་པར་དབྱེ་བ་མེད་པའི་ཕྱིར་ན་སྒྱུ་མ་འདི་འཛིན་པར་བྱེད་པའི་ཤེས་པ་གང་གིས་དམིགས་ཤེ་ན། སློབ་དཔོན་གྱིས། གང་གི་ཚེ་ཞེས་བྱ་བ་ལ་སོགས་པ་གསུངས་སོ། །གང་ཞིག་རྣམ་པར་ཤེས་པ་ལས་ཕྱི་རོལ་གྱི་གཟུང་བ་ལ་སོགས་པ་མེད་པ་དེའི་ཚེ་ཅི་ཞིག་དམིགས་པར་བྱ་བ་ཡིན། གཞན་གྱིས་གལ་ཏེ་རྣམ་པ་དེ་སེམས་ཉིད་ན་ཡང་། དེ་ཉིད་དུ་གཞན་ཡོད་ཅེས་ <br /> <br /> 106-162b <br /> <br /> སྨྲས་ཏེ། གལ་ཏེ་ཡང་རྣམ་པ་དེ་ནི་རྣམ་པར་ཤེས་པ་ཉིད་དང་ཐ་མི་དད་པ་ཡིན་ཏེ་དེ་ཁོ་ན་རྣམ་པར་ཤེས་པ་གཉིས་མེད་པ་ཉིད་ཡིན་པ་དེ་ལྟ་ན་ཡང་ཐོག་མ་མེད་པ་ཅན་གྱི་ཕྱིན་ཅི་ལོག་པ་ཕྱི་རོལ་གྱི་བག་ཆགས་ཀྱི་གདོན་གྱིས་ཡིད་གཟུང་བའི་འཇིག་རྟེན་གྱི་ཕྱི་རོལ་སྣང་བར་རྣམ་པར་འཁྲུལ་པའི་ཕྱིར་ན། དེ་ཉིད་དུ་ན་གཟུང་བ་རྣམ་པར་ཆད་པ་གཞན་ཡིན་པར་ངེས་སོ། །ཡིན་ནོ་ཞེ་ན་གྲུབ་པའི་མཐའ་ལས་གང་ཚེ་སེམས་ཉིད་ཅེས་བྱ་བ་ལ་སོགས་པ་གསུངས་སོ། །འཇིག་རྟེན་གྱི་ནི་མགོན་པོས་ཀྱང་། །ཞེས་བྱ་བ་ལ་སོགས་པས་ནི་དེ་ཉིད་སྒྲུབ་པའོ། །ཅི་དང་འདྲ་བར་ཞེ་ན། རལ་གྲིའི་སོ་ནི་ཞེས་བྱ་བ་ལ་སོགས་པ་གསུངས་སོ། །ཇི་སྐད་དུ་འཕགས་པ་ལང་ཀར་གཤེགས་པ་ལས། རལ་གྲི་ཡི་ནི་སོ་དེ་ཉིད། །དེ་ཉིད་ཀྱིས་ནི་མི་གཅོད་དང་། །སོར་མོའི་རྩེ་མོ་དེ་ཉིད་ལ། །དེ་ཉིད་ཀྱིས་ནི་མི་རེག་བཞིན། །ཞེས་བྱ་བ་ལ་སོགས་པ་གསུངས་པ་ཡིན་ནོ། །ད་ནི་ཇི་ལྟར་མར་མེ་ཞེས་བྱ་བ་ལ་སོགས་པས་རང་རིག་པའི་ཚད་མ་གྲུབ་པའི་དོན་དུ་ཕ་རོལ་པོ་ཕྱིར་འཇིལ་བར་བྱེད་དོ། །འདིར་ནི་དེ་གྲུབ་པའི་དོན་དུ་གསལ་བཞིན་པ་ནི་དེའི་བདག་ཉིད་ཡིན་པའི་ཕྱིར་རོ་ཞེས་བྱ་བ་ལ་སོགས་པའི་ཚད་མས་བསམ་པར་བྱ་བ་ཡིན་ནོ་ཞེས་སོ། །འདིར་མར་མེ་ཞེས་བྱ་བ་ལ་སོགས་པ་ནི་གྲུབ་པའི་མཐའོ། །གལ་ཏེ་གསལ་བ་ཞེས་བྱ་བ་ལ་གསལ་བའི་དོན་འཐད་ན་མར་མེ་རང་གི་བདག་ཉིད་གསལ་བར་བྱེད་པ་ཉིད་ན་གཞན་གསལ་བར་བྱེད་པར་འགྱུར་བ་ཞིག་ན་གང་གི་ཕྱིར་ཅི་ཞིག་གསལ་བར་བྱེད་ཅེས་འདྲི་ན། འདི་ལ་ཇི་སྐད་བརྗོད་པར་བྱ་སྟེ། འདི་ལྟར་མུན་པ་འཇོམས་པ་ཉིད་ཀྱིས་མར་མེ་བདག་ཉིད་མར་མེས་གསལ་བར་འགྱུར་བ་ཡིན་ན་དེ་ནི་མི་འཐད་དེ། མར་མེ་གང་གསལ་བའི་དོན་འཐད་ན་མར་མེ་རང་གི་བདག་ཉིད་གསལ་བར་བྱེད་པ་ཉིད་ན་གཞན་གསལ་བར་བྱེད་པར་འགྱུར་བ་ཞིག་ན། གང་ཕྱིར་ཅི་ཞིག་གསལ་བར་བྱེད། །ཅེས་དྲི་ན་འདི་ལ་ཇི་སྐད་བརྗོད་པར་བྱ། འདི་ལྟར་མུན་པ་འཇོམས་པ་ཉིད་ཀྱིས་མར་མེ་བདག་ཉིད་མར་མེས་གསལ་བར་འགྱུར་བ་ཡིན་ན་དེ་ནི་མི་འཐད་དེ། མར་མེ་ནི་གང་གི་ཕྱིར་མུན་གྱིས་བསྒྲིབས་པ་མེད་པའི་ཕྱིར་རོ། །མར་མེ་ལ་ནི་མུན་པ་མེད་པའི་ཕྱིར་རོ་ཞེས་བྱ་བ་ལ་སོགས་པ་ལ་སློབ་དཔོན་ཉིད་ཀྱིས་རྒྱ་ཆེར་བཀག་ཟིན་པ་དེས་ན་འདིར་རྒྱ་མི་སྐྱེད་དོ། །དེའི་ཕྱིར་དཔེ་མ་གྲུབ་ན་དོན་དམ་ <br /> <br /> 106-163a <br /> <br /> པར་ཤེས་པ་རང་གི་རིག་པ་ཡང་མི་འགྲུབ་པའི་ཕྱིར་ན། ཀྱེ་ལམ་འདི་ཡང་བཤིག་པ་ཡིན་ནོ། །འདིར་རྣལ་འབྱོར་སྤྱོད་པ་སླར་སྨྲ་བ་ནི། ཤེལ་བཞིན་ཞེས་བྱ་བ་ལ་སོགས་པའོ། །དཔེར་ན་ཤེལ་གྱི་རྡོ་བ་བདག་ཉིད་སྔོན་པོ་དང་དམར་པོའི་རྣམ་པར་བྱ་བ་ལ་སོགས་པའི་ཉེ་བར་གཞག་པ་ལ་ལྟོས་པ་དེ་བཞིན་དུ། རང་བཞིན་གྱི་སྔོན་པོའི་དངོས་པོ་ཡི་ནི་རང་གི་བདག་ཉིད་སྔོན་པོ་ཉིད་དུ་བྱ་བ་ལ་ཉེ་བར་གཞག་པ་ལ་མི་ལྟོས་ཏེ། དེས་ན་ངོ་བོ་ཉིད་ཁོ་ནས་གཞན་ལ་མི་ལྟོས་པ་ཡིན་ནོ། །དེ་བཞིན་དུ་མར་མེ་ཡང་དེ་ཡིན་ཏེ། དེའི་ཕྱིར་དེ་ལྟར་རང་གི་རྒྱུ་ངེས་པར་བྱས་པའི་རྣམ་པ་དེས་བུམ་པ་ལ་སོགས་པ་འགའ་ཞིག་ནི་གཞན་ལ་ལྟོས་པ་ཡིན་ཏེ། རང་གསལ་བ་ལ་མར་མེ་ལ་ལྟོས་པ་གང་ཡིན་པའོ། །འགའ་ཞིག་ནི་མི་ལྟོས་པ་ཡིན་ཏེ། མར་མེའོ། །དེས་ན་དཔེ་གྲུབ་པོ་ཞེ་ན། ད་ནི་འདི་ཡང་མི་འཐད་དོ། །ཞེས་བརྗོད་པ་ནི། སྔོ་ཉིད་མིན་ལ་ཞེས་བྱ་བ་ལ་སོགས་པའོ། །ཁོ་བོ་ཅག་རང་ཉིད་དངོས་པོ་མ་ཡིན་པར་གྲུབ་པར་འགྱུར་བ་ན་སྔོན་པོའི་དངོས་པོ་གཞན་ལ་ལྟོས་པ་དེ་ཉིད་དུ་བདག་ཉིད་ཀྱི་དངོས་པོ་ཉིད་དུ་བྱེད་དོ་ཞེས་ནི་མི་སྨྲའོ། །འོ་ན་ཅི་ཞེ་ན། དེ་རང་གི་རྒྱུ་ཉིད་ལས་དེ་ལྟར་སྔོན་པོ་ཉིད་སྐྱེས་པའི་ཕྱིར། གཞན་ལ་ལྟོས་པ་ཡིན་ནོ་ཞེས་བརྗོད་དོ། །དེ་བཞིན་དུ་སྒྲོན་མ་ཡང་གལ་ཏེ་རང་གསལ་བའི་རང་བཞིན་དུ་སྐྱེ་བ་ལ་རྒྱུ་ལ་མི་ལྟོས་ན་ནི། དེའི་ཚེ་རྒྱུ་མེད་པ་ཅན་ཉིད་དུ་གྱུར་པས། འདི་གཞན་ལ་ལྟོས་པར་འགྲུབ་པ། དེ་ལྟ་ན་ལྟོས་པ་མེད་པ་ཉིད་མ་ཡིན་ནོ། །དེ་སྟེ་བདག་གི་དངོས་པོ་ཉིད་རྒྱུ་ལ་ལྟོས་ཀྱི་གསལ་བ་ནི་མ་ཡིན་ན་དེ་ནི་མ་ཡིན་ཏེ། འདི་གསལ་བ་ལས་ཐ་དད་པ་མེད་པའི་ཕྱིར་རོ། །འོན་ཏེ་གསལ་བ་ཉིད་དུ་སྐྱེས་ཟིན་པ་ཡང་གཞན་ལ་ལྟོས་པ་མ་ཡིན་ནོ་ཞེ་ན། དེ་ནི་མི་རིགས་ཏེ། སྣམ་བུར་སྐྱེས་ཟིན་བཞིན་དུ་ཡང་སྣམ་བུ་ཉིད་དུ་འགྱུར་བ་གཞན་ལ་ལྟོས་སོ་ཞེས་དེ་སྐད་དུ་ཟེར་བ་སུ་ཡོད། དེས་ན་འདི་ནི་གྱི་ནའོ། །གཞན་ཡང་མར་མེ་གསལ་བར་བྱེད་དོ་ཞེས་གང་བརྗོད་པ་དེ་ནི་རེ་ཞིག་འཛིན་པར་བྱེད་པ་ཤེས་པས་ཤེས་ཏེ། བརྗོད་པར་བྱེད་པ་ཡིན་ན་བློ་གསལ་བར་བྱེད་དོ་ཞེས་བརྗོད་པས་གང་ཡིན་པ་དེ་ནི་གོ་གང་གིས་ཤེས་པ་ཡིན་ཞེས་མི་ཤེས་སོ། །འདི་ལྟར་དེ་ནི་གཟུང་བར་བྱ་བ་མ་ཡིན་ལ་དེས་འཛིན་པར་ <br /> <br /> 106-163b <br /> <br /> བྱེད་པ་ཡང་མ་ཡིན་ཏེ། ཤེས་པས་ཤེས་པ་གཞན་འཛིན་པར་བྱེད་པས་ཀྱང་སྟོང་པ་ཡིན་ནོ་ཞེས་བྱ་བ་ལ་སོགས་པ་ལུགས་ཡིན་པའི་ཕྱིར་རོ་ཞེས་དགོངས་པའོ། །གང་ཚེ་ཞེས་བྱ་བ་ལ་སོགས་པ་ནི་མཇུག་བསྡུ་བའོ། །མོ་གཤམ་བུ་ཡི་འགྱིང་བག་བཞིན། །ཞེས་བྱ་བ་འདིས་ཅི་ཞིག་བསྟན་ཞེ་ན། གཟོད་མ་ནས་མ་སྐྱེས་པས་ན་བློ་ནི་གདོད་མ་ནས་ཞི་བ་ཡིན་ནོ་ཞེས་བསྟན་པའོ། །གལ་ཏེ་ཞེས་བྱ་བ་ལ་སོགས་པ་ནི་གཞན་གྱི་སྟེ། མྱོང་བ་ལ་དྲན་པ་སྐྱེས་པའི་ཕྱིར་ཞེས་བྱ་བའི་ལུགས་ཡིན་པའི་ཕྱིར་རོ་ཞེ་ན། འདི་ལ་བརྗོད་པ་ནི། གཞན་མྱོང་བ་ན་ཞེས་བྱ་བ་ལ་སོགས་པའོ། །སྔར་ཉམས་སུ་མྱོང་བའི་དོན་གྱི་རྣམ་པ་ཅན་གྱིས་ཤེས་པ་དང་འབྲེལ་པས་དོན་གྱི་རྣམ་པ་ཅན་གྱི་རྣམ་པར་ཤེས་པ་ཕྱི་མ་ཕྱི་མ་ཁྱད་པར་གྱི་རིམ་པ་ཐ་དད་པ་ཅན་གཞན་དང་གཞན་སྐྱེ་བ་ཡིན་ཏེ། གང་གིས་རང་རིག་པ་མེད་ཀྱང་རྟོགས་པ་ཙམ་ནུས་པ་སྣ་ཚོགས་དང་ལྡན་པའི་ཕྱིར། དེ་ཇི་ལྟར་ཉམས་སུ་མྱོང་བ་ཁོ་ན་ལྟར་དྲན་པ་སྐྱེ་བ་ཞེས་བྱ་བ་འདི་ལ་འགལ་བ་ཅི་ཡོད། ཅི་སྟེ་དེ་ལྟར་མཐོང་བ་ཡོད་དམ་ཞེ་ན། བྱི་བའི་དུག་བཞིན་ནོ་ཞེས་གསུངས་ཏེ། དཔེར་ན་བྱི་བའི་དུག་དུས་གཅིག་གི་ཚེ་འགའ་ཞིག་ཏུ་ཞུགས་ཀྱང་དུས་བཞིན་དུ་ནུས་པ་སད་ལ། དེ་ལ་རང་རིག་པ་ནི་ཅུང་ཟད་ཀྱང་མེད་པ་བཞིན་ནོ། །རྐྱེན་གཞན་དག་དང་ལྡན་པའི་ཕྱིར། །ཞེས་བྱ་བ་ལ་སོགས་པ་སྨོས་ཏེ་གཞན་གྱིའོ། །འདི་སྙམ་དུ་ལྟས་མཁས་པ་ལ་སོགས་པས་ཀྱང་གཞན་གྱི་སེམས་ཤེས་པ་ཡིན་ཏེ། དེས་ན་གཞན་གྱི་སེམས་ཤེས་པར་རིག་པ་ལ་སོགས་པའི་ལྷན་ཅིག་བྱེད་པའི་རྐྱེན་གཞན་དང་ལྡན་པ་དེ་གཞན་གྱི་སེམས་ཤེས་པ་སྐྱེ་བ་མཐོང་བའི་ཕྱིར། རང་ཉིད་ཅེས་བྱ་བ་རང་རིག་པ་རབ་ཏུ་གསལ་ལོ་ཞེས་སྨྲའོ་ཞེ་ན་གྲུབ་པའི་མཐའ་གསུངས་པ་ནི། གྲུབ་པའི་མིག་སྨན་ཞེས་བྱ་བ་ལ་སོགས་པའོ། །གལ་ཏེ་གཞན་གསལ་བའི་སྒོ་ནས་རང་རབ་ཏུ་གསལ་བ་ཡིན་པ་དེའི་ཚེ་གྲུབ་པའི་མིག་སྨན་སྦྱོར་བ་ལས་ཏེ། གྲུབ་པའི་མིག་སྨན་རྗེས་སུ་སྦྱར་བ་ལས་བུམ་པ་དམིགས་པའི་ཕྱིར་ན་མིག་སྨན་ཡང་བུམ་པར་འགྱུར་ཏེ། དེའི་སྟོབས་ཀྱིས་དེ་ལྟ་བུ་ཉིད་དུ་རྟོགས་པའི་ཕྱིར་ན། དེ་ལྟར་ཧ་ཅང་ཐལ་བ་ཡིན་ནོ། །འདིར་བསམས་པ་ནི་འདི་ཡིན་ཏེ། གལ་ཏེ་ཡུལ་གསལ་བའི་སྟོབས་ཀྱིས་དེའི་ཆོས་ཤེས་པ་ལ་སྦྱོར་ན་དེའི་ཚེ་མིག་སྨན་གང་ཞིག་གཏེར་གྱི་བུམ་པ་ <br /> <br /> 106-164a <br /> <br /> གསལ་བར་བྱེད་པ་དམིགས་པ་དེར་ཡང་ཡུལ་བུམ་པ་ཉིད་གང་ཡིན་པ་དེ་མིག་སྨན་ལ་ཡང་སྦྱོར་བར་འགྱུར་ཏེ། དེས་ན་མིག་སྨན་ཡང་བུམ་པར་འགྱུར་ཏེ། བུམ་པའི་ཐ་སྙད་ལ་བརྟེན་པར་འགྱུར་རོ། །གཞན་ཡང་མི་སླུ་བར་ལྷག་པར་ཞེན་པའི་སྟོབས་ཀྱིས་མེ་ལོང་གིས་བཞིན་རིག་པ་ལྟར་འཁྲུལ་པའི་ཐ་དད་དུ་འགྱུར་བས་འདི་ནི་གྱི་ནའོ། །གལ་ཏེ་དེ་ལྟར་ན་ཡང་ཤེས་པ་རིག་པ་མེད་ན་དེ་ཇི་ལྟར་མཐོང་ངོ་འདི་ཐོས་སོ་འདི་ཤེས་སོ་ཞེས་བྱ་བའི་ཐ་སྙད་དུ་འགྱུར་རོ་ཞེ་ན། ཇི་ལྟར་ཞེས་བྱ་བ་ལ་སོགས་པ་གསུངས་སོ། །མཐོང་བ་ལ་སོགས་པའི་ཐ་སྙད་དག་འཇིག་རྟེན་འདིར་དགག་པར་བྱ་བ་མ་ཡིན་པ་དེ་ཁོ་ནའོ། །འོན་ཀྱང་འདིར་ནི་འཁོར་བའི་སྡུག་བསྔལ་མ་ལུས་པའི་རྒྱུར་འགྱུར་བའི་དངོས་པོར་ཀུན་རྟོག་པ་ནི་གདོན་ཆེན་པོས་བདེན་པ་ཉིད་དུ་སྒྲོ་བཏགས་པ་བྱས་པ་གང་ཡིན་པ་དེ་དགག་པར་བྱ་བ་ཡིན་པས་སྐྱོན་མེད་དོ། ། གཞན་ཡང་ཁྱོད་ཀྱིས་ཇི་སྐད་དུ། གལ་ཏེ་འཁྲུལ་པ་ཡང་མེད་ན། །ཞེས་བྱ་བ་ལ་སོགས་པ་བརྗོད་པ་དེ་ལ་ཡང་བརྗོད་པར་བྱ་སྟེ། གང་གི་ཚེ་ཁྱོད་ཀྱིས་རྣམ་པར་ཤེས་པ་ལས་ཐ་དད་པར་སྒྱུ་མ་ལ་སོགས་པ་མེད་པའི་ཕྱིར། རྣམ་པར་ཤེས་པ་ལ་སྒྱུ་མ་ལ་སོགས་པའི་ཐ་དད་ཡོད་པ་མ་ཡིན་ལ། ཐ་མི་དད་པ་ཡང་ཡོད་པ་མ་ཡིན་ནོ་ཞེས་བརྗོད་པ་དེའི་ཚེ་ནི་རྩོད་པའི་གོ་སྐབས་ཉིད་ཀྱང་མེད་དོ། །འོན་ཏེ་གཞན་གྱིས་ཁས་བླངས་པ་ལ་ལྟོས་ནས་རྩོད་པ་འདིར་འགྱུར་རོ་ཞེ་ན་མ་ཡིན་ཏེ། ཆོས་ཐམས་ཅད་ངོ་བོ་ཉིད་མེད་པ་ཉིད་ཀྱང་ཁས་བླང་བར་བྱ་བར་འགྱུར་བ་དེས་ན་ཕྱོགས་འདི་ཡང་ཡང་དག་པ་ཉིད་མ་ཡིན་ནོ། །འོན་ཏེ་སྒྱུ་མ་དངོས་པོ་ཉིད་ཡིན་ན་དེའི་ཚེ་སྒྱུ་མ་དེ་དངོས་ན་ཇི་ལྟར་སེམས་ལས་གཞན་མིན་ཏེ། གཞན་མིན་པ་ཁོ་ནའོ། །འོན་ཏེ་གཞན་མིན་ཞེ་ན་སྟེ། སྒྱུ་མ་སེམས་ལས་ཐ་དད་པ་མ་ཡིན་ནོ་ཞེ་ན། ཡང་དེའི་ཚེ་དེ་གཉིས་གཅིག་ཡིན་པས་སེམས་དངོས་པོ་མེད་པར་འགྱུར་རོ། །དེས་ན་དངོས་པོར་གནས་པར་སྒྱུ་མ་ཡང་མེད་པས་ན་འདི་མུན་ཁུང་གི་གར་ཉིད་དུ་འགྱུར་རོ། །འོན་ཏེ་དེ་ཁོ་ནར་གཟུང་བའི་རྣམ་པར་མི་བདེན་པ་ཡོད་པ་མ་ཡིན་ཡང་འཇིག་རྟེན་གྱིས་སྒྱུ་མ་ཡང་མཐོང་བ་ཡིན་ནོ་ཞེས་རྟོག་ན། དེའི་ཚེ་འཛིན་པར་བྱེད་པའི་སེམས་ཀྱང་མེད་པ་ཉིད་དུ་བརྟག་པར་བྱ་བའི་ཕྱིར་མཚུངས་པར་ཐལ་བར་འགྱུར་རོ། །གལ་ཏེ་འཁོར་བ་དངོས་ <br /> <br /> 106-164b <br /> <br /> རྟེན་ཅན་ཞེས་བྱ་བ་ནི་འདི་སྙམ་དུ་འཁོར་བ་ནི་སེམས་ལ་བརྟེན་ནས་འཇུག་པ་དེས་ན་སེམས་ཡོད་པ་ཡིན་ནོ། །དེས་ན་འདི་ལ་སེམས་ཀྱི་མཚན་ཉིད་ཀྱི་རྟེན་ཏེ། གཞི་ཡོད་པས་ན་དངོས་པོ་རྟེན་ཅན་ཞེས་ཚིག་རྣམ་པར་སྦྱར་རོ། །དེ་ནི་གཞན་དུ་ཞེས་བྱ་བ་ལ་སོགས་པ་ནི་གྲུབ་པའི་མཐའ་གསུང་བ་ཡིན་ནོ། །འདིར་བསམ་པ་ནི་འདི་ཡིན་ཏེ། གལ་ཏེ་སེམས་ཁོ་ནར་ཡོད་པ་ཡིན་ནོ། །དེ་ལྟར་འཁོར་བའི་རྟེན་དུ་གྱུར་པ་ཞིག་ན། གང་གི་ཚེ་སེམས་ཉིད་མེད་པས་འཁོར་བ་རྟེན་མེད་པ་ཁོ་ནར་འགྱུར་བས་ནམ་མཁའ་བཞིན་དུ་དེ་ཡང་མེད་པའི་ཕྱིར་ན་རྟེན་དང་བརྟེན་པ་ཡོད་པ་མ་ཡིན་པར་བྱས་པ་ཡིན་ནོ། །གལ་ཏེ་དེ་ལྟར་དངོས་པོ་བདག་ཉིད་ཀྱི་འཁོར་བ་མེད་མོད་འདི་ལ་ཉེས་པ་ཅི་ཡོད་སྙམ་ན། དངོས་མེད་དངོས་ལ་བརྟེན་པས་ན། །ཞེས་གསུངས་ཏེ། གང་ལ་ངོ་བོ་ཡོད་པ་མ་ཡིན་པའི་འཁོར་བ་དངོས་པོ་མེད་པ་གང་ཡིན་པ་དེ་སེམས་ཀྱི་དངོས་པོ་ལ་བརྟེན་པས་ན་དོན་བྱེད་པ་དང་ལྡན་པར་ཇི་ལྟར་དེ་ག་ལ་འགྱུར། དེ་ལྟར་འགྱུར་ན་ཡང་། ཁྱོད་ཀྱི་སེམས་ནི་གྲོགས་མེད་པར། །ཞེས་བྱ་བ་འཁོར་བ་ཡན་ལག་དང་བཅས་པའི་གྲོགས་པོ་དང་བྲལ་བ་སྲིད་པ་དང་མི་ལྡན་པ་སེམས་འདི་གཅིག་པུ་ཞིག་ཉིད་དུ་འདུག་པར་འགྱུར་བ་ཡིན་ནོ། །དེ་ལྟར་ཡིན་ན་འདིར་རྣམ་པ་ཐམས་ཅད་དུ་ཐམས་ཅད་ཀྱི་ཚེ་ཐམས་ཅད་གཟུང་བ་དང་འཛིན་པ་མཐའ་དག་དང་བྲལ་བའི་སེམས་འབའ་ཞིག་ཏུ་གནས་པར་འགྱུར་བས་ན་སེམས་ཅན་མཐའ་དག་ཐོག་མ་མེད་པ་ནས་སངས་རྒྱས་ཉིད་ཐོབ་པ་དེས་ན་ད་ལྟར་ཉིད་ནས་གྲོལ་བ་གང་གིས་བཟློག །དོན་དམ་པ་ནི་དེ་ཁོ་ན་ལྟར་ཡིན་ནོ་ཞེ་ན། དེ་ལྟ་ན་ཡང་ཞེས་བྱ་བ་ལ་སོགས་པ་གསུངས་སོ། །ད་ལྟར་ཉིད་གཟུང་བ་དང་འཛིན་པའི་རྣམ་པ་དང་བྲལ་བའི་སེམས་ཡོད་པ་ཡིན་པས་ཡང་ཀུན་ནས་ལྡང་བའི་ཉོན་མོངས་པ་མ་ལུས་པ་དང་ལྡན་པའི་ཕྱིར་ན་ཡོན་ཏན་ལྷག་པ་ཅི་ཞིག་ཡོད་དེ་དེས་ན་སེམས་ཀུན་ཏུ་རྟོག་པའི་ངལ་བ་འབའ་ཞིག་འབྲས་བུར་འགྱུར་རོ། །ཡང་གཞན་གྱི་སྒྱུ་མ་ཞེས་བྱ་བ་ལ་སོགས་པའོ། །ཆོས་ཐམས་ཅད་སྒྱུ་མ་ལྟར་ཤེས་ནས་ཡང་ཇི་ལྟར་ཉོན་མོངས་པ་ལྡོག་པར་འགྱུར་ཏེ། འདི་ལྟར་གང་གི་ཚེ་སྒྱུ་མ་བྱེད་པ་རང་ཉིད་ཀྱིས་སྨན་དང་སྔགས་ལ་སོགས་པ་རྣམས་ཀྱིས་སྒྱུ་མའི་བུད་མེད་སྤྲུལ་པ་དེའི་ཚེ་དེ་བྱེད་པ་ཉིད་ཀྱང་དེ་ལ་ <br /> <br /> 106-165a <br /> <br /> ཆགས་པ་སྐྱེ་བ་དེས་ན་ཁྱེད་ལ་ཡང་འཁོར་བ་ཇི་ལྟར་ལྡོག་ཅེ་ན། འདི་ལ་བརྗོད་པ་ནི། དེ་བྱེད་པ་ནི་ཞེས་བྱ་བ་ལ་སོགས་པ་ཡིན་ནོ། །དེ་བྱེད་པ་ནི་སྒྱུ་མའི་བུད་མེད་བྱེད་པའོ། །གང་གི་ཕྱིར་ད་དུང་དུ་ཡང་ཤེས་བྱའི་དཀྱིལ་འཁོར་ལ་དམིགས་པ་ཅན་འདོད་ཆགས་ལ་སོགས་པ་ཀུན་ནས་ཉོན་མོངས་པའི་བག་ཆགས་མ་སྤངས་པ་དེས་ན་དེའི་མཐོང་དུས་ན་ཞེས་བྱ་བ་བུད་མེད་ཀྱི་ལུས་ལ་སོགས་པའི་ཤེས་བྱ་ཉམས་སུ་མྱོང་བའི་དུས་ན་སྟོང་པ་ཉིད་ཀྱི་བག་ཆགས་ཉམ་ཆུང་བའི་ཕྱིར་ན་འདོད་ཆགས་ལ་སོགས་པ་འབྱུང་བ་ཡིན་ནོ། །ཡང་གང་གི་ཚེ་སྟོང་པ་ཉིད་གོམས་པའི་སྟོབས་ཀྱིས་དེ་བག་ཆགས་བསྐྱེད་པ་དེའི་ཚེ་ནི་དངོས་པོའི་བག་ཆགས་སྤོང་བར་འགྱུར་ལ། གང་གི་ཚེ་ན་གོམས་པ་གསལ་བར་གྱུར་པ་ཅི་ཡང་མེད་དོ་ཞེས་གོམས་པ་དེའི་ཚེ་ནི་སྟོང་པ་ཉིད་དེའི་བག་ཆགས་ཀྱང་སྤང་བར་འགྱུར་ཏེ། ཆོས་ཀྱི་རྣམ་གྲངས་ནི་གཟིངས་ལྟ་བུ་ཡིན་པའི་ཕྱིར་རོ། །དེ་སྐད་དུ། རྟོག་པ་ཐམས་ཅད་སྤངས་པའི་ཕྱིར། ཞེས་བྱ་བ་ལ་སོགས་པ་གསུངས་པ་ཡིན་ནོ། །གལ་ཏེ་དེ་ལྟར་མེད་དོ་ཞེས་བྱ་བའི་གོམས་པར་བྱས་པའི་དངོས་པོ་མེད་པ་དེ་ཉིད་དོན་དམ་པར་འགྱུར་རོ་ཞེ་ན་གང་གི་ཚེ་གང་ཞིག་ཅེས་བྱ་བ་ལ་སོགས་པ་གསུངས་ཏེ། གང་གི་ཚེ་ཁྱོད་ཀྱི་དངོས་པོ་གང་ཞིག་མེད་དོ་ཞེས་བརྟག་པར་བྱ་བ་དེ་གལ་ཏེ་ཁོ་ན་མི་དམིགས་པ་དེའི་ཚེ་དངོས་པོ་མེད་པ་རྟེན་དང་བྲལ་བ་རྣམ་པར་དཔྱོད་པའི་བློའི་མདུན་དུ་ཇི་ལྟར་གནས་པར་འགྱུར། དེ་སྐད་དུ་ཡང་། དངོས་པོ་གཞན་དུ་གྱུར་པ་ནི། །དངོས་པོ་མེད་ཅེས་སྐྱེ་བོ་སྨྲ། །ཞེས་གསུངས་སོ། །དེས་ན་གང་ཚེ་དངོས་དང་ཞེས་བྱ་བ་ལ་སོགས་པ་ནི་མཇུག་བསྡུ་བའོ། །དམིགས་པ་མེད་པ་ཞེས་བྱ་བ་ནི་གདོད་མ་ནས་མ་སྐྱེས་པའི་ཕྱིར་རོ། །དེ་སྐད་དུ། འགྲོ་བའི་ཆོས་ཀུན་རྣམ་ཤེས་ཀྱི། །མེ་ཡི་བུད་ཤིང་ཡིན་པར་འདོད། །དེ་དག་ཇི་བཞིན་རྣམ་འབྱེད་པའི། །མེ་ཡིས་བསྲེགས་ནས་ཉེར་ཞིར་འགྱུར། །ཞེས་གསུངས་སོ། །དེ་བཞིན་གཤེགས་པ་ཡང་གདོད་མ་ནས་ཞི་བ་མ་ཡིན་ནམ། དེ་ཇི་ལྟར་སྐྱེ་བ་དང་བྱང་ཆུབ་ལ་སོགས་པའི་བྱ་བ་མཛད་སྙམ་ན། ཡིད་བཞིན་གྱི་ནོར་བུ་ཞེས་བྱ་བ་ལ་སོགས་པ་གསུངས་སོ། །རྣམ་པར་རྟོག་པ་མི་མངའ་ཡང་གདུལ་བྱའི་སྐྱེ་བོ་རྣམས་ཀྱི་བསོད་ནམས་ཀྱི་དབང་དང་། <br /> <br /> 106-165b <br /> <br /> རང་གི་སྨོན་ལམ་གྱི་སྟོབས་ལྷུན་གྱིས་གྲུབ་པར་འགྱུར་བ་ཡིན་ནོ། །དེ་ཞེས་བྱ་བ་ནི་མཆོད་སྡོང་སྒྲུབ་མཁན་ནོ། །ཚོགས་ཡོངས་སུ་རྫོགས་པའི་དོན་དུ་བྱང་ཆུབ་ཀྱི་ཆེད་དུ་སྤྱོད་པ་སྦྱིན་པ་ལ་སོགས་པ་སྟེ། སྟོང་པ་ཉིད་དང་སྙིང་རྗེ་གོམས་པའི་འབྲས་བུ་རྣམ་པར་རྟོག་པ་མཐའ་དག་འགགས་པ་དང་། བག་ཆགས་ཀྱི་མཚམས་སྦྱོར་བ་ཅན་གྱི་བྱང་ཆུབ་སེམས་དཔའ་ལ་ཡོད་པའི་བསམ་པ་ཁྱད་པར་ཉི་མ་ལྟར་སྐྱེ་དགུ་སྨིན་པར་བྱེད་པའི་བྱང་ཆུབ་ཀྱི་བསམ་པ་གང་ཡིན་པ་དེ་དང་རྗེས་སུ་མཐུན་པས་དེའི་ཆོས་ཐམས་ཅད་སྐྱེ་བ་མེད་པ་ལ་བརྟེན་པ་ཅན་རྣམ་པར་རྟོག་པ་མ་ལུས་པ་འགག་པ་དང་རྗེས་སུ་མཐུན་པས་ཞེས་བྱ་བའི་དོན་ཏོ། །འདིས་ནི་ཉན་ཐོས་དང་རང་སངས་རྒྱས་ལས་ཁྱད་པར་དུ་འཕགས་པ་བརྗོད་པ་ཡིན་ནོ། །འདི་གཞན་གྱི་སེམས་མེད་པ་ཞེས་བྱ་བ་ལ་སོགས་པ་སྨོས་ཏེ། རྒྱལ་བ་ཉིད་མཆོད་སྡོང་དང་འདྲ་བས་རྒྱལ་བའི་མཆོད་སྡོང་ངོ་། །སློབ་དཔོན་འདི་ཡི་ཐུགས་དགོངས་ནི། མཐུ་བསམ་གྱིས་མི་ཁྱབ་པ་དང་ལྡན་པའི་ཕྱིར་ན་སེམས་དང་སེམས་ལས་བྱུང་བའི་རྒྱུ་མཐའ་དག་མི་མངའ་ཡང་། སྐུ་བྱིན་གྱིས་བརླབས་པས་ཆོས་ཀྱི་འཁོར་ལོ་བསྐོར་བ་ལ་སོགས་པ་མཛད་པ་ཡིན་ནོ་ཞེས་བྱ་བ་ཡིན་ནོ། །འདིར་གཞན་གྱི་སེམས་མེད་པ་ཞེས་བྱ་བ་ལ་སོགས་པ་སྨྲས་ཏེ། སྦྱིན་པ་ལ་སོགས་པ་ནི་ཡིད་སྔོན་དུ་འགྲོ་བ་ཅན་ཡིན་པའི་ཕྱིར་རོ་ཞེ་ན། གྲུབ་པའི་མཐའ་གང་གི་ཕྱིར་ཞེས་བྱ་བ་ལ་སོགས་པའོ། །གང་གི་ཕྱིར་མཆོད་པ་གཉིས་འབྲས་བུ་དང་ལྡན་པར་མཚུངས་པར་ལུང་ལས་གསུངས་པའི་ཕྱིར་རོ། །འདིས་ནི་ལུང་ཚད་མ་ཉིད་དུ་བསྟན་པ་ཡིན་ནོ། །གལ་ཏེ་སངས་རྒྱས་ཉིད་དང་སྦྱིན་པ་ལ་སོགས་པའི་འབྲས་བུ་ལུང་གི་དབང་ལས་ཡིན་ན། དེའི་ཚེ་ཀུན་རྫོབ་ཏུའམ་དོན་དམ་པར་ཡིན་ཡང་སླ་སྟེ། ཁྱད་པར་ཅི་ཡོད་ཅེས་སྟོན་པ་ནི། ཀུན་རྫོབ་བམ་ནི་ཞེས་བྱ་བ་ལ་སོགས་པའོ། །འདི་ལ་གཏན་ཚིགས་གཞན་ཡང་བསགས་པའི་དོན་དུ་དཔེར་ན་ཞེས་བྱ་བ་ལ་སོགས་པ་གསུངས་སོ། །ཇི་ལྟར་ཞེས་བྱ་བ་ནི་ཅི་ལྟ་བ་བཞིན་དུའོ། །ད་ནི་བྱེ་བྲག་ཏུ་སྨྲ་བ་དག་གིས་བདེན་པ་མཐོང་བས་ཞེས་བྱ་བ་ལ་སོགས་པ་སྨྲས་སོ། །གལ་ཏེ་སངས་རྒྱས་པ་ཉིད་ནི་དེའི་ཚེ་འཕགས་པའི་བདེན་པ་བཞི་མཐོང་བས་ཡིན་གྱི། སྟོང་པ་ཉིད་ཀྱིས་ནི་མ་ཡིན་ <br /> <br /> 106-166a <br /> <br /> པ་མ་ཡིན་ནམ་ཞེ་ན། ལན་དུ་གང་གི་ཕྱིར་ཞེས་བྱ་བ་ལ་སོགས་པ་གསུངས་སོ། །ལམ་འདི་ནི་ཞེས་བྱ་བ་ནི་སྟོང་པ་ཉིད་མཐོང་བའོ། །གལ་ཏེ་ཞེས་བྱ་བ་ནི་གཞན་གྱིའོ། །ལན་ནི་ཁྱོད་ཀྱིས་ཞེས་བྱ་བའོ། །གང་གི་ཕྱིར་ཞེས་བྱ་བ་ནི་གཞན་གྱིའོ། །གཉི་ག་ལ་ཞེས་བྱ་བ་རྒོལ་བ་དང་ཕྱིར་རྒོལ་བ་གཉི་ག་ལ་གྲུབ་པའོ། །དང་པོ་ཁྱོད་ལ་འདི་མ་གྲུབ། །ཅེས་བྱ་བ་ནི་ཁས་མ་བླངས་པའི་སྔོན་རོལ་དུ་མ་གྲུབ་པ་སྟེ། དབུ་མ་པའི་དགག་པའོ། །དེས་ངེད་ཀྱི་ལུང་ནི་བླ་མ་བརྒྱུད་པ་ལས་འོངས་པ་ཡིན་ནོ་སྙམ་ན། རྐྱེན་གང་གིས་ནི་ཞེས་གསུངས་སོ། །གང་ལ་བླ་མ་བརྒྱུད་པ་ལས་བྱུང་བའི་རྐྱེན་ཡོད་པའོ། །དེ་ནི་ཁྱེད་ཀྱི་ལུང་ལའོ། །ཡིད་ཆེས་པ་ནི་རེ་བ་འཆའ་བའོ། །དེ་ནི་ཞེས་བྱ་བ་ནི་ཡིད་ཆེས་པའོ། །འོན་ཏེ་ངེད་ཀྱི་ལུང་ནི་ཁྱེད་དང་ང་མ་གཏོགས་པའི་རྒོལ་བ་གཞན་དང་ཕྱིར་རྒོལ་བ་གཞན་གཉིས་འདོད་པས་བདེན་པ་ཡིན་ནོ་ཞེ་ན། དེའི་ཚེ་ཐུག་པ་མེད་དོ་ཞེས་གསུངས་པ་ནི། གཞན་གཉིས་ཞེས་བྱ་བ་ལ་སོགས་པ་གསུངས་པ་ཡིན་ནོ། །ཐེག་ཆེན་ཞེས་བྱ་བས་གཞན་གྱིའོ། །ལུང་ལ་ཞེས་བྱ་བ་ལ་སོགས་པ་ནི་ལན་ཏེ། ཁྱོད་ཀྱི་ལུང་ལ་མུ་སྟེགས་པའི་སྐྱེ་བོ་རྣམས་དང་ལྷན་ཅིག་རྩོད་པ་དང་བཅས་པའི་ཕྱིར་རང་གི་ལུང་ཡང་དོར་བྱར་འགྱུར་ལ། དེ་བཞིན་དུ་ལུང་གཞན་ལ་ཡང་ཞེས་བྱ་བ་བཅོམ་ལྡན་འདས་ཀྱིས་ལུང་གི་ཁྱད་པར་ཐམས་ཅད་ལ་ཡང་ཞེས་བྱ་བ་རང་གི་སྡེ་པ་རྣམས་དང་ཕན་ཚུན་ནམ། གཞན་དང་ཞེས་བྱ་བ་གཞན་གྱི་སྡེ་པ་རྣམས་ལ་རྩོད་པ་དང་བཅས་པ་ཞེས་བྱ་བ་རྩོད་པ་ཡོད་པས་ན་དོར་བྱར་འགྱུར། གཞན་ཡང་བཀའི་རང་བཞིན་བསྟན་པའི་རྩ་བ་དགེ་སློང་ཡིན་པར་འདོད་དོ་ཞེས་གྲགས་པ་ཡིན་ན། གཞན་ཡང་རྩོད་པ་ཡོད་པས་དགེ་སློང་ཉིད་ཀྱང་དཀའ་བར་གནས་པའི་ཕྱིར་དོར་བྱར་འགྱུར་རོ། །གཞན་ཡང་སེམས་ནི་དམིགས་པ་དང་བཅས་པ་རྣམས་ཀྱིས་བདེན་པ་བཞི་བསྒོམས་པས་དགེ་སློང་ཉིད་ཀྱང་དཀའ་བར་གནས་ལ་མྱ་ངན་ལས་འདས་ཏེ། སངས་རྒྱས་ཉིད་ཀྱང་དཀའ་བར་གནས་སོ། །འདི་ལྟར་དགེ་སློང་ནི་ཉོན་མོངས་པ་བཅོམ་པ་ཡིན་ལ། ཉོན་མོངས་པ་རྣམས་སྤོང་ཡང་སྟོང་པ་ཉིད་བསྒོམས་པ་ཡིན་པའི་ཕྱིར་སྙམ་དུ་དགོངས་པའོ། །ཉོན་མོངས་པ་སྤང་བ་ཡང་ཞེས་བྱ་བ་ནི་ <br /> <br /> 106-166b <br /> <br /> གཞན་གྱིའོ། །དེའི་དེ་མ་ཐག་ཏུ་ཞེས་བྱ་བ་ལ་སོགས་པ་ནི་ལན་ཏེ། བདེན་པ་མཐོང་བའི་དེ་མ་ཐག་ཏུ་ཞེས་བྱ་བའི་དོན་ཏོ། །འོན་ཏེ་འཕགས་པ་མཽད་གལ་གྱི་བུ་ཆེན་པོ་ལ་སོགས་པ་རྣམས་བདེན་པ་བསྒོམས་པས་ཉོན་མོངས་པ་བྲལ་བའི་ཕྱིར་གྲོལ་བ་ཡིན་ནོ་ཞེ་ན། ཉོན་མོངས་པ་མེད་ཀྱང་ཞེས་བྱ་བ་ལ་སོགས་པ་གསུངས་སོ། །ཉོན་མོངས་པ་མེད་པ་ཡིན་ཡང་འཕགས་པ་རྣམས་ཀྱི་ལུས་ཀྱི་ཚོར་བ་ལ་སོགས་པའི་ལས་ཉམས་སུ་མྱོང་བ་མཐོང་བའི་ཕྱིར་དེ་དག་གྲོ་ལ་བར་ཇི་ལྟར་འགྱུར། ཉོན་མོངས་མེད་ཅེས་བྱ་བ་ནི། །ཉོན་མོངས་པ་ཅན་མ་ཡིན་བཞིན་དུ་ཡང་ངོ་། །དེ་དག་ལ་ཞེས་བྱ་བ་ནི་འཕགས་པ་རྣམས་ལའོ། །འདི་སྙམ་དུ་སྐྱེ་བའི་རྒྱུ་ནི་སྲེད་པ་ཡིན་ལ། དེ་དག་ལ་ནི་དེ་མེད་དོ་ཞེས་དོགས་ན། གྲུབ་པའི་མཐའ་སྲེད་འདི་ཞེས་གསུངས་སོ། །ཀུན་རྨོངས་བཞིན་དུ་ཞེས་པ་ནི་དཔེར་ན་ཉོན་མོངས་པ་ཅན་མ་ཡིན་པའི་མ་རིག་པ་ཡོད་པ་དེ་བཞིན་དུ་དེ་དག་ལ་ཉོན་མོངས་པ་ཅན་མ་ཡིན་པའི་སྲེད་པ་ཡང་ཅི་སྟེ་མེད། ཚོར་བའི་རྐྱེན་གྱིས་ཞེས་བྱ་བ་ལ་སོགས་པས་ནི་འདི་ཉིད་ལ་གཏན་ཚིགས་གཞན་བརྗོད་པའོ། །དེའི་ཕྱིར་ཐར་པ་ག་ལ་ཡོད་ཅེས་དགོངས་པའོ། །དེའི་ཕྱིར་གལ་ཏེ་བདེན་པ་བསྒོམས་པས་ཡོངས་སུ་ཟིན་པའི་སེམས་དམིགས་པ་དང་བཅས་པ་ཡིན་ན་དེའི་ཚེ་སེམས་དེ་བསྒོམ་པར་བྱ་བའི་དོན་གང་ཡང་རུང་བ་འགའ་ཞིག་ལ་གནས་པར་འགྱུར་ཞེས་བྱ་བ་ཆགས་པར་འགྱུར་བའི་ཕྱིར་ཆགས་པ་དང་བྲལ་བའི་བསྒོམ་པ་སྲིད་པ་མ་ཡིན་ནོ། །གཞན་ཡང་ཉོན་མོངས་པའི་ཞགས་པ་དང་བྲལ་བས་ཡང་དག་པར་བསྡམས་ཤིང་འགག་པའི་སེམས་ཀྱང་སྟོང་པ་ཉིད་བསྒོམ་པ་དང་འདྲ་ན་འཁོར་བར་སླར་ཡང་སྐྱེ་བར་འགྱུར་ཏེ། དམིགས་པའི་ཞགས་པས་བཅིངས་པའི་ཕྱིར་ཏེ། དཔེར་ན་དེ་ལྟ་བུ་འདུ་ཤེས་མེད་པའི་སྙོམས་པར་འཇུག་པ་ལ་སྙོམས་པར་ཞུགས་པ་སླར་སྐྱེ་བ་བཞིན་ནོ། །དེས་ན་ཐར་པ་མེད་དོ། །ངག་གང་ཞེས་བྱ་བ་ལ་སོགས་པ་ནི་གཞན་གྱིའོ། །ངེད་ཀྱི་ལུང་ཁོ་ན་མདོ་སྡེ་ལ་འཇུག་གི །ཐེག་པ་ཆེན་པོ་ནི་མ་ཡིན་ནོ་ཞེས་བསམས་པའོ། །ཐེག་ཆེན་ཕ་རོལ་ཞེས་བྱ་བ་ནི་ལན་ཏེ། འདི་མང་པོས་ཅི་ཞིག་བྱ་སྟེ། ཐེག་པ་ཆེན་པོ་ཡང་ཕལ་ཆེར་ཁྱེད་ཀྱི་མདོ་སྡེ་དང་མཚུངས་པ་དམིགས་ཏེ། འདི་སྟོང་པ་ <br /> <br /> 106-167a <br /> <br /> ཉིད་བརྗོད་པའི་ཚིག་མཐོང་བའི་ཕྱིར་རོ། །ཕལ་ཆེར་སྨོས་པས་ནི་དེ་ཉིད་དུ་ཞེས་སྟོན་པར་བྱེད་དོ། །འོན་ཏེ་སྟོང་པ་ཉིད་སྟོན་པའི་ཚིག་དང་བྲལ་བ་ངེད་ཀྱི་མདོ་སྡེ་གང་ཡང་རུང་བ་འགའ་ཞིག་དང་མི་མཚུངས་པའི་ཕྱིར་ཐེག་པ་ཆེན་པོ་འདི་ལ་ཉེས་པ་ཆགས་པ་ཡིན་ནོ། །བརྗོད་པ་ནི་གལ་ཏེ་ཞེས་བྱ་བ་ལ་སོགས་པའོ། །མ་གཏོགས་གཅིག་གིས་ནི་ཞེས་བྱ་བས་ནི་སྟོང་པ་ཉིད་སྟོན་པ་མ་ཡིན་པའི་མདོ་སྡེ་སྟེ། དེ་དང་མི་མཚུངས་པས་ཞེས་བྱ་བ་ནི་ལྷག་མའོ། །གྲུབ་པའི་མདོ་མཚུངས་གཅིག་གིས་ཞེས་གསུངས་ཏེ། སྟོང་པ་ཉིད་རྗོད་པར་བྱེད་པའི་ཁྱོད་ཀྱིས་མདོ་གང་ཡང་རུང་བ་དང་སྟོང་པ་ཉིད་བརྗོད་པ་མེད་པ་ཉིད་དུ་མཚུངས་པ་གཅིག་གིས་ན་ཞེས་བྱ་བའི་དོན་ཏོ། །འོན་ཏེ་འཕགས་པ་འོད་སྲུངས་ཆེན་པོ་ལ་སོགས་པ་རྣམས་ཀྱིས་སྟོང་པ་ཉིད་བཅོམ་ལྡན་འདས་ཀྱིས་གསུངས་སུ་ཟིན་ཀྱང་བསྐལ་པ་གྲངས་མེད་པར་མི་རྟོགས་པར་འདི་ནི་དོན་དམ་པ་མ་ཡིན་པ་ཉིད་ཀྱིས་ཁོ་བོས་ཀྱང་མ་རྟོགས་པར་ཟད་དོ་སྙམ་ན། ངག་གང་ཞེས་བྱ་བ་ལ་སོགས་པ་སྟེ། དེ་དག་ནི་སྐལ་བ་དང་མི་ལྡན་པའི་ཕྱིར་རོ། །སུ་ཞིག་བྱེད་ཅེས་བྱ་བ་ནི། སུ་ཡང་མི་བྱེད་དོ་ཞེས་བྱ་བའི་དོན་ཏོ། །ད་ནི་སུའི་གནས་སྐབས་སུ་ཡང་སྟོང་པ་ཉིད་ཀྱི་འབྲས་བུ་གསུངས་པ་དེ། རྨོངས་པས་ཞེས་བྱ་བ་ལ་སོགས་པའོ། །སྟོང་པ་ཉིད་མཐོང་བའི་འབྲས་བུ་གཞན་འདི་ནི་བྱང་ཆུབ་སེམས་དཔའི་གནས་སྐབས་སུ་མཐོང་སྟེ། འདི་ལྟར་མཆོག་ཏུ་ཐུགས་རྗེའི་རོས་བརླན་ཏེ། སྡུག་བསྔལ་ཅན་གྱི་སྐྱེ་བོ་མཐའ་དག་པའི་སྡུག་བསྔལ་བར་འགྱུར་བའི་བྱང་ཆུབ་སེམས་དཔའ་དེ། དེ་དག་གི་དོན་ཉིད་དུ་འཁོར་བ་ཇི་སྲིད་པར་རྟག་པ་དང་ཆད་པའི་མཐའ་གཉིས་ལས་རྣམ་པར་གྲོལ་བའི་སེམས་དང་ལྡན་པས་བཞུགས་པས་ཞེས་བྱ་བས་དེ་ལྟ་བུའི་འབྲས་བུ་འདི་ནི་སྟོང་པ་ཉིད་རྟོགས་པས་འགྲུབ་ཀྱི་གཞན་དུ་ནི་མ་ཡིན་ནོ་ཞེས་བྱ་བའི་བསྡུས་པའི་དོན་ཏོ། །ཡན་ལག་གི་དོན་བརྗོད་པར་བྱ་སྟེ། རྨོངས་པ་སྟེ་རྨོངས་པའི་དབང་གིས་སྡུག་བསྔལ་བ་དང་ལྡན་པ་རྣམས་ཀྱི་དོན་དུ་ཆགས་པ་སྟེ། རྟག་པའི་མཐའ་འཛིན་པས་ཞེན་པ་དང་། ཆད་པའི་མཐའ་འཛིན་པས་ཆོས་ཐམས་ཅད་ངོ་བོ་ཉིད་མེད་པས་སྐལ་བ་དང་མི་ལྡན་པས་འཇིག་པའོ། །ཆགས་པ་ <br /> <br /> 106-167b <br /> <br /> དང་འཇིག་པ་དེ་དག་ཉིད་ནི་མཐའ་ཡིན་ལ། དེ་དག་ལས་གྲོལ་བ་ནི་མཐའ་གཉིས་ལ་ཆགས་པ་དང་བྲལ་བའི་ཕྱིར་རོ། །དེ་ལྟར་ཞེས་བྱ་བ་ལ་སོགས་པ་ནི་མཇུག་སྡུད་པའོ། །ཉོན་མོངས་ཤེས་བྱའི་སྒྲིབ་པ་ཡི། །མུན་པའི་གཉེན་པོ་ཞེས་བྱ་བ་ལ་སོགས་པས་ན་རྫོགས་པའི་བྱང་ཆུབ་ཀྱི་ཐུན་མོང་མ་ཡིན་པའི་རྒྱུ་སྟོན་པའོ། །འོན་ཏེ་འདི་ལས་སྡུག་བསྔལ་བ་སྐྱེའོ་སྙམ་ན། དེ་ནི་མི་རིགས་སོ་ཞེས་གསུངས་པ་ནི། དངོས་གང་ཞེས་བྱ་བ་ལ་སོགས་པའོ། །འདི་ནི་སྡུག་བསྔལ་སྐྱེད་པར་བྱེད་པ་མ་ཡིན་ཞེས། འོན་ཀྱང་སྡུག་བསྔལ་གྱི་ཕུང་པོ་ཞི་བར་བྱེད་པ་ཡིན་ནོ། །ད་ནི་མུ་སྟེགས་པ་ལ་གྲུབ་པའི་བདག་དགག་པའི་ཕྱིར། གལ་ཏེ་ཞེས་བྱ་བ་ལ་སོགས་པ་གསུངས་སོ། །འདི་ལྟར། སོ་དང་སྐྲ་སེན་བདག་མ་ཡིན། །ཞེས་བྱ་བ་ལ་སོགས་པས་དེ་རྣམ་པར་དཔྱད་པའོ། །ཆུ་སེར་ནི་ཟ་བ་ཕྲུགས་པ་ལས་བྱུང་བའི་ཁུ་བ་རུལ་བའོ། །ཞག་ནི་ནང་ན་གནས་པའི་ཁུ་བ་རུལ་བའོ། །ད་ནི། གལ་ཏེ་སྒྲ་ཡི་ཤེས་རྟག་ན། །ཞེས་བྱ་བ་ལ་སོགས་པས་གྲངས་ཅན་ལ་རབ་ཏུ་གྲགས་པའི་བདག་འགོག་པ་ལ་གསུངས་པའོ། །དེ་ནི་འདི་སྐད་སྟོན་པས་སྒྲ་དང་གཟུགས་ལ་སོགས་པའི་ཡུལ་ལྔ་པོ་བློའི་མེ་ལོང་ལས་ཐོས་པའི་ཕྱིར་ན་བདག་གིས་མྱོང་བར་བྱེད་དོ་ཞེས་ཟེར་རོ། །བློས་ཞེན་པར་བྱ་བའི་དོན་ནི་སྐྱེས་བུས་སེམས་པ་བྱེད་དོ་ཞེས་བྱ་བར་ལུགས་ཡིན་པའི་ཕྱིར་རོ། །དེས་ན་བདག་ནི་རྟག་ཏུ་སྒྲའི་ཤེས་པ་ལ་སོགས་པའི་རང་བཞིན་ཅན་ཡིན་ནོ་ཞེས་བྱ་བར་འདོད་དོ། །འདི་སློབ་དཔོན་གྱིས་གལ་ཏེ་ཞེས་བྱ་བ་ལ་སོགས་པ་གསུངས་པ་ཡིན་ནོ། །རྟག་པ་ཉིད་ཀྱིས་ནམ་ཡང་བྱ་བ་བྱེད་པ་དང་ལྡན་པར་མི་འགྱུར་རོ་ཞེས་དགོངས་པའོ། །འོན་ཏེ་སྒྲ་ཉེ་བ་མེད་པའི་ཕྱིར་དེ་སེམས་ཅན་ཐམས་ཅད་ཀྱི་ཚེ་འདི་ལྟར་མི་འགྱུར་རོ་སྙམ་ན། ཤེས་བྱ་མེད་ན་ཞེས་བྱ་བ་ལ་སོགས་པའོ། །སྒྲ་མེད་ན་འདི་མེད་པ་དེས་ན་གང་གི་ཤེས་པ་ཞེས་བྱ་བར་བརྗོད་པ་སྒྲ་ལ་སོགས་པའི་ཤེས་བྱ་མེད་ན་འདིས་ཅི་ཞིག་ཤེས་པར་བྱེད་པ་ཡིན། གལ་ཏེ་ཤེས་མེད་ཤེས་ཡིན་ན། །ཞེས་བྱ་བ་ལ་སོགས་པས་ནི་འདི་ཉིད་གཞུང་འཛུགས་པའོ། །ཤེས་བྱ་ཉེ་བར་གནས་པ་མེད་པར་ཞེས་བྱ་བ་ནི། <br /> <br /> 106-168a <br /> <br /> གང་ལ་ཤེས་བྱ་ཉེ་བར་གནས་པ་ཡོད་པ་མ་ཡིན་པའོ། །འོན་ཏེ་བདག་འདིའི་ཡུལ་འཛིན་པའི་རང་བཞིན་ཡིན་པའི་ཕྱིར་ན་སྒྲ་ཉེ་བ་མེད་ཀྱང་དེའི་ཚེ་ཉེ་བར་གནས་པའི་གཟུགས་ལ་སོགས་པ་གང་ཡིན་པ་དེ་ཉིད་ཤེས་པར་བྱེད་པ་ཡིན་གྱི་སྒྲ་ནི་མ་ཡིན་ཏེ། གང་གི་ཕྱིར་སེམས་པའི་རང་གི་ངོ་བོ་ནི་རྟོགས་པ་ཡིན་ནོ་ཞེས་བྱ་བ་ལུགས་ཡིན་པའི་ཕྱིར་རོ་དེས་ན་ཉེས་པ་འདི་མེད་དོ་ཞེ་ན། དེ་ནི་མ་ཡིན་ནོ། །དེ་ཚེ་ཞེས་བྱ་བ་ལ་སོགས་པ་གསུངས་ཏེ། གལ་ཏེ་འདི་ཡུལ་འཛིན་པའི་རང་བཞིན་མིན་པའི་ཕྱིར་ཤེས་པ་དེ་ཉིད་ཀྱི་གཟུགས་འཛིན་པ་ཡིན་ན་དེའི་ཚེ་དེ་ཉིད་ཀྱི་དུས་ན་སྒྲ་ཐོས་པ་ཡང་ཅི་སྟེ་མེད། དེས་ན་མཚུངས་པར་འཛིན་པ་ཁོ་ནར་ཐལ་ལོ། །གལ་ཏེ་ཞེས་བྱ་བ་ནི་གཞན་གྱིའོ། །དེ་ནས་ཞེས་བྱ་བ་ནི་ལན་ནོ། །དེའི་ཕྱིར་བདག་ལ་སྒྲ་ཡོངས་སུ་གཅོད་པའི་ཤེས་པ་དེ་ཡང་མེད་པས་ན་དེ་ཡང་བདག་ཡིན་པར་མ་གྲུབ་པའོ། །དེས་ན་གཅིག་པ་དང་རྟག་པའི་ཡུལ་གྱི་ཚོགས་མ་ལུས་པར་འཛིན་པའི་རང་བཞིན་དུ་འདོད་པར་བྱ་བ་ཡིན་ལ། དེ་ལྟ་ན་ཡང་། སྒྲ་འཛིན་རང་བཞིན་གང་ཡིན་པ། །དེ་གཟུགས་འཛིན་པར་རང་བཞིན་དུ། །ཇི་ལྟར་འགྱུར་ཞེས་བྱ་བར་འགྱུར་བ་འགལ་བ་ཡིན་ནོ། །འོན་ཏེ་ཡང་ལྟོས་པའི་དབང་གིས་སྲོག་ཆགས་གཅིག་ཁོ་ན་ལ་ཕ་དང་བུ་ཡང་འདོད་པ་དེ་བཞིན་དུ་ཤེས་པ་འདི་ཡང་རྣམ་གྲངས་ཀྱི་སྒྲས་འཛིན་པའི་རང་བཞིན་ཡང་ཡིན་ལ་གཟུགས་འཛིན་པའི་རང་བཞིན་ཡང་ཡིན་མོད་ཅེ་ན། གཅིག་ནི་ཞེས་གསུངས་སོ། །བརྟགས་ཡིན་ཞེས་བྱ་བའི་ཐ་སྙད་འདི་བརྟགས་པ་ལས་འགྱུར་བ་ཁོ་ནའོ་ཞེས་བྱའོ། །གཞན་ཡང་འགྲོ་བ་ནི་སྙིང་སྟོབས་དང་རྡུལ་དང་མུན་པ་ཡིན་ནོ་ཞེས་ཡོན་ཏན་གསུམ་གྱི་རང་བཞིན་དུ་འདོད་དེ། དེས་ན་འགྲོ་བ་ཡོན་ཏན་གསུམ་གྱི་བདག་ཉིད་ཅན་ཡིན་པས་ན་ཕའམ་བུ་ཞེས་བྱ་བ་ཐ་དད་པར་ཡང་ཇི་ལྟར་འགྱུར་ཏེ་རྣམ་པར་འགྱུར་བ་ཐ་དད་ན་ཡོད་དུ་ཆུག་ཀྱང་དེ་ནི་སྔ་ཕྱི་ཁྱད་པར་མེད་པར་རྟག་པ་འབའ་ཞིག་ཡིན་པར་ཟད་དོ། །དེའི་ཕྱིར་འདི་ལྟར་ཞེས་གསུངས་སོ། །དེའི་ཕྱིར་དེ་ནི་ཞེས་བྱ་བ་ལ་སོགས་པ་ནི་མཇུག་བསྡུ་བའོ། །གལ་ཏེ་འདི་གར་མཁན་བཞིན་དུ་རང་བཞིན་དུ་མ་ཅན་ཡིན་པའི་ཡུལ་ཡོངས་སུ་གཅོད་དོ་ཞེ་ན། དེ་ནི་སྒྲ་འཛིན་ཞེས་བྱ་བ་ལ་ <br /> <br /> 106-168b <br /> <br /> སོགས་པ་གསུངས་སོ། །བདག་ཅེས་བརྗོད་པའི་ཤེས་པ་དེ་ཉིད་ཀྱིས་ཚུལ་གཞན་དང་གཞན་གྱི་སྒོ་ནས་གཟུགས་ལ་སོགས་པ་འཛིན་པར་འདོད་ན། དེ་ཡང་མི་རིགས་ཏེ་འདི་ལྟར་འོ་ན་ནི་བདག་དེ་གར་མཁན་བཞིན་དུ་དུ་མར་གྱུར་པའི་ཕྱིར་མི་རྟག་པར་འགྱུར་རོ། །གལ་ཏེ་ཚུལ་གཞན་དེ་ཉིད་ན་ཞེས་བྱ་བ་ནི་གཞན་གྱིའོ། །གཅིག་ཉིད་དེ་ནི་སྔོན་མེད་ཅིག་ཅེས་བྱ་བ་ནི་གྲུབ་པའི་མཐའ་སྟེ། གལ་ཏེ་དེ་གཉིས་གཅིག་ཡིན་ན་དེའི་ཚེ་ཇི་ལྟར་རང་བཞིན་གཞན་ཡིན་ཏེ་འདི་ནི་འགལ་བའི་ཆོས་གནས་པ་ཡིན་ནོ། །གལ་ཏེ་ཞེས་བྱ་བ་ནི་གཞན་གྱིའོ། །འདི་ལྟར་གཟུགས་ལ་སོགས་པ་འཛིན་པར་བྱེད་པ་རང་བཞིན་གཞན་ཞེས་བྱ་བ་གང་ཡིན་པ་དེ་ནི་འདིའི་ཁྱད་པར་ལྷག་མ་མ་ཡིན་པའི་ཕྱིར་བདེན་པ་མ་ཡིན་ཏེ། བརྫུན་པ་ཡིན་ལ་འདིའི་རང་བཞིན་ནི་དེ་ཁོ་ན་ཡིན་པ་དེས་ན་བདག་གཅིག་པུར་འགྱུར་བས་མི་འགལ་ལོ་ཞེ་ན། གྲུབ་པའི་མཐའ་གསུངས་པ་ནི་འོ་ན་འདིའི་རང་བཞིན་ཅི་ཡིན་ཏེ། གལ་ཏེ་ཁྱོད་དེ་ཡོད་པར་སྨྲ་བ་ཡིན་ན་དེ་སྨྲོས་ཤིག །གཞན་གྱིས་བརྗོད་པ་འདི་ལ་སྨྲར་ཅི་ཡོད། དེ་ཤེས་པ་ཙམ་དུ་ཟད་དོ་ཞེ་ན། དེ་ལྟར་ན་ཞེས་བྱ་བ་ནི་ལན་འདེབས་པའོ། །རང་ཉིད་ནི་ཤེས་པའི་རང་བཞིན་ཙམ་དུ་ཐམས་ཅད་ལ་ཁྱད་པར་མེད་པའི་ཕྱིར་སྐྱེས་བུ་ཀུན་གཅིག་ཏུ་ཐལ་ལོ། །གཞན་ཡང་སེམས་དང་སེམས་མེད་པ་སྐྱེས་བུ་དང་རང་བཞིན་དེ་དག་ཀྱང་གཅིག་ཏུ་ཐལ་བར་འགྱུར་ཏེ། གང་གི་ཕྱིར་དེ་དག་ཀྱང་ཡོད་ཉིད་ཅེས་བྱ་བ་དངོས་པོ་ཙམ་ཉིད་དུ་མཚུངས་ཏེ། ཁྱད་པར་མེད་པའི་ཕྱིར་རོ། །གཞན་ཡང་གང་གི་ཚེ་བྱེ་བྲག་ཅེས་བྱ་བ་གཟུགས་ལ་སོགས་པ་འཛིན་པ་འདིའི་ཁྱད་པར་གང་ཡིན་པ་སྟེ། གལ་ཏེ་མི་བདེན་པས་ཕྱིན་ཅི་ལོག་ཏུ་བརྗོད་ན་དེའི་ཚེ་འདྲ་བའི་ལྷ་རྟེན་ཉིད་མེད་པར་འགྱུར་ཏེ། བ་ལང་དང་བ་མེན་དག་གི་འདྲ་བ་ཉིད་བཞིན་དུ་ཁྱད་པར་གཟུང་བ་མེད་ན་མེད་པའི་ཕྱིར་རོ། །ཁྲ་བོ་དང་སེར་སྐྱ་དག་ཀྱང་ཁྱད་པར་དང་ལྡན་པ་ནི་མ་ཡིན་ཏེ། དེ་དག་ཁོ་ན་བ་ལང་གི་སྒྲས་བརྗོད་པར་བྱ་བ་ཡིན་པའི་ཕྱིར་རོ། །ད་ནི་རིགས་པ་ཅན་གྱི་བདག་འགོག་པར་རྩོམ་མོ། །དེ་ནི་འདི་སྐད་ཅེས། བདག་ནི་སེམས་པའི་རང་བཞིན་མ་ཡིན་ཏེ། སེམས་དང་ལྡན་པར་སེམས་པ་ཅན་ཡིན་ནོ། །ཞེས་ཟེར་རོ། ། <br /> <br /> 106-169a <br /> <br /> དེ་ལ་བརྗོད་པ་ནི། སེམས་མེད་པ་ཡང་ཞེས་བྱ་བ་ལ་སོགས་པའོ། །དེ་སེམས་པ་མ་ཡིན་ན་དེའི་ཚེ་བདག་ཅེས་བརྗོད་པར་མི་བཟོད་དོ། །དེ་ཅིའི་ཕྱིར་ཞེ་ན། སེམས་ཉིད་མེད་ཕྱིར་བུམ་སོགས་བཞིན། །འདི་ལྟར་གང་སེམས་པ་མ་ཡིན་པ་དེའི་བདག་ཡིན་པར་འོས་པ་མ་ཡིན་ཏེ། དཔེར་ན་བུམ་པ་བཞིན་ནོ། །ཞོན་ཏེ་ཞེས་བྱ་བ་ནི་ཕ་རོལ་གྱིའོ། །མི་ཤེས་རིག་པར་ཐལ་ཞེས་བྱ་བ་ནི་ལན་ནོ། །འདི་ལྟར་གལ་ཏེ་སེམས་པ་དང་ལྡན་པས་དུས་ཕྱིས་འདི་ཤེས་པར་བྱེད་པ་ཉིད་དུ་འགྱུར་ན། དེའི་ཚེ་སྔར་གྱི་མི་ཤེས་པའི་རང་བཞིན་གང་ཡིན་པ་དེ་འཇིག་པར་ཐལ་བའི་ཕྱིར་ན་བདག་གཅིག་པ་དང་རྟག་པ་ཉིད་དུ་མི་འགྱུར་རོ། །ཅི་སྟེ་ཞེས་བྱ་བ་ནི་གཞན་གྱིའོ། །འགྱུར་མོད་ཅེས་བྱ་བ་ནི། རང་བཞིན་གཅིག་ཉིད་དོ། །སློབ་དཔོན་གྱི་སེམས་པ་ནི་ཞེས་གསུངས་ཏེ། སེམས་པ་དང་ལྡན་པ་དེ་ལ་ཕྱིས་སྔ་ན་མེད་པའི་རང་བཞིན་གཅིག་ཉིད་ཅི་ཞིག་སྐྱེ་སྟེ། ཅི་ཡང་མ་སྐྱེས་སོ། །སེམས་པ་དང་ལྡན་པ་ཉིད་ཀྱང་མི་འཐད་དེ། འགྱུར་བ་མེད་པས་བོགས་དབྱུང་དུ་མེད་པའི་ཕྱིར་རོ། །དེའི་ཕྱིར་དེ་ཁོ་ན་ཤེས་པ་མ་ཡིན་པར་འགྱུར་བ་མེད་པས་བྱ་བ་དང་བྲལ་བ་ནམ་མཁའ་དང་འདྲ་བ་འདི་ལ་བདག་ཏུ་མིང་ཙམ་བཏགས་པར་འགྱུར་རོ། །གལ་ཏེ་ཞེས་བྱ་བ་ལ་སོགས་པ་ནི་གཞན་གྱིའོ། །བྱ་བ་འབྲས་གཞི་ཞེས་བྱ་བ་ལ་སོགས་པས་ནི་གྲུབ་པའི་མཐའོ། །འདི་ལྟར་ཚེ་འདིའི་ཕུང་པོ་ལྔས་བྱས་པའི་སྦྱིན་པ་ལ་སོགས་པའི་ལས་གང་ཡིན་པ་དེའི་འབྲས་བུ་ནི་གཞན་དུ་འབྱུང་བ་མེད་པས་བྱ་བ་དང་བྲལ་བ་ནམ་མཁའ་དང་འདྲ་བའི་ཕུང་པོ་ལྔས་དཔྱད་པ་ཡིན་ནོ་ཞེས་བྱ་བ་འདི་ལ་ནི། རེ་ཞིག་འུ་བུ་ཅག་བརྩད་པ་མེད་དོ། །དེས་ན་བྱ་བ་འབྲས་གཞི་ཞེས་བྱ་བ་ལས་རྣམ་པར་སྨིན་པ་དག་རྟེན་ཐ་དད་པར་འགྲུབ་པ་ཁོ་ནའོ། །འོན་ཀྱང་ལས་དང་འབྲས་བུ་དེ་དག་ཅུང་ཟད་ཀྱང་མི་བྱེད་པའི་ཕྱིར་བྱེད་པ་ཉིད་ཅེས་ཀྱང་བརྗོད་དོ། །དེ་ལྟར་ཡིན་པས་ཡང་བདག་ཡོད་དོ་ཞེས་བརྗོད་པ་ནི་གནས་མ་ཡིན་པར་ཞེན་པ་ཡིན་ན་དོན་མེད་མ་ཡིན་ནམ་ཞེས་བྱ་བའི་ཐ་ཚིག་གོ། །གལ་ཏེ་དེ་ལྟར་ན་ཚེ་འདི་ཉིད་ལ་བདེ་བ་ལ་སོགས་པའི་ལོངས་སྤྱོད་པའི་རྒྱུ་སྦྱིན་པ་ལ་སོགས་པའི་ <br /> <br /> 106-169b <br /> <br /> ཚོགས་དང་ལྡན་པར་མཐོང་བའི་སེམས་ཅན་གང་ཡིན་པ་དེ་ཉིད་སྦྱིན་པ་ལ་སོགས་པའི་འབྲས་བུ་ཕྱུག་པོ་ལ་སོགས་པའི་ཆོས་དང་ལྡན་པ་མཐོང་བའི་ཕྱིར། གཞན་གྱིས་བྱས་པ་གཞན་གྱིས་ལོངས་སྤྱོད་པར་ཇི་ལྟར་འགྱུར་རོ་ཞེ་ན། དེ་ཡང་མི་བདེན་ཏེ། གང་གི་ཕྱིར་གང་ཞིག་རྒྱུ་དང་ལྡན་པ་དེ་ཉིད་འབྲས་བུ་དང་བཅས་པ་ཡིན་ནོ། །ཞེས་བྱ་བ་འདི་ནི་མཐོང་བ་ནི་མི་སྲིད་དེ། མངོན་པར་ཞེན་པ་ཙམ་ཡིན་པའི་ཕྱིར་རོ། །ཐམས་ཅད་ཚེ་འདི་ཉིད་དུ་བསོད་ནམས་བྱས་པས་འཁོར་ལོས་སྒྱུར་བ་ལ་སོགས་པར་འགྱུར་བར་ཐལ་བས་སྐྱེ་བ་བརྒྱུད་པར་ཚངས་པར་སྤྱད་པ་སྤྱོད་པ་དོན་མེད་པ་ཁོ་ནའོ། །འོ་ན་ལྷ་སྦྱིན་ལ་སོགས་པ་ལས་བྱེད་པ་གང་ཡིན་པ་དེ་ནི་འབྲས་བུ་ལ་སྤྱོད་པ་ཡིན་ནོ་ཞེས་ཐ་སྙད་འདི་ཅི་ལྟར་འགྱུར་ཞེ་ན། རྒྱུན་གཅིག་ལ་ནི་ཞེས་བྱ་བ་ལ་སོགས་པ་གསུངས་སོ། །རྟེན་ཞེས་བྱ་བ་ལ་སོགས་པ་ནི་ལུང་ནས་སོ། །ད་ནི་སྤྱོད་པ་པ་ལ་སོགས་པའི་བདག་དགག་པའི་ཚུལ་གྱིས་གནས་མ་བུ་ལ་སོགས་པའི་གང་ཟག་དགག་པར་གསུངས་པ་ནི། འདས་པ་དང་ཞེས་བྱ་བ་ལ་སོགས་པའོ། །བདག་མིན་ཞེས་བྱ་བ་ལ་སོགས་པ་ནི་མ་ཡིན་པའོ། །གང་གི་ཕྱིར་འདས་པ་དང་མ་འོངས་པའི་སེམས་དེ་ནི་མེད་པའི་ཕྱིར་ཏེ། འགགས་པ་དང་མ་ཐོབ་པས་དངོས་པོ་མེད་པའི་ཕྱིར་རོ། །འོན་ཏེ་སྐྱེས་ཞེས་བྱ་བ་ནི། འོ་ན་ནི་ཡོད་པའི་ཕྱིར་ད་ལྟར་བའི་སེམས་བདག་ཡིན་པར་འགྱུར་རོ་སྙམ་ན་དེ་ནི་མ་ཡིན་ཏེ། དེ་ཞིག་ན་ཡང་ཞེས་བྱ་བ་ད་ལྟར་འབྱུང་བའི་སེམས་དེ་སྐད་ཅིག་མ་ཉིད་ཀྱིས་ཞིག་པར་འགྱུར་བ་ན་བདག་མེད་དེ། བདག་ཡིན་པར་མི་འོས་ཞེས་བྱ་བའི་དོན་ཏོ། །གཞན་ཡང་རེ་ཞིག་བདག་ལུས་སམ་འོན་ཏེ་གཞན་ཡིན་ཞེས་དཔྱད་དོ། །དེ་ལ་དཔེར་ན་ཡན་ལག་སོ་སོར་ཆར་རྣམ་པར་ཕྱེ་ན་དེ་ཁོ་ནར་ཆུ་ཤིང་གི་སྡོང་པོ་ཞེས་བྱ་བ་ཡང་ཡོད་པ་མ་ཡིན་ན་དེ་བཞིན་དུ་བདག་ཀྱང་ཡིན་ཏེ། བདག་ཀྱང་རྣམ་པར་དཔྱོད་པས་བཙལ་ན། དོན་དམ་པར་མི་སྲིད་པའི་ཕྱིར་རོ། །གལ་ཏེ་ཞེས་བྱ་བ་ལ་སོགས་པ་ནི་གཞན་གྱིའོ། །གལ་ཏེ་སེམས་ཅན་དང་བདག་ཀྱང་མེད་ན་གང་ལ་གང་གིས་སྙིང་རྗེ་བྱ་ཞེ་ན། གྲུབ་པའི་མཐའ་འབྲས་བུའི་དོན་དུ་ཞེས་བྱ་བ་ལ་སོགས་པའོ། །འབྲས་བུའི་དོན་ཞེས་བྱ་བ་ལ། འབྲས་བུ་ཡང་སངས་རྒྱས་ཉིད་ཀྱི་དོན་དུ་ཁས་བླངས་ཏེ་ <br /> <br /> 106-170a <br /> <br /> གྲོགས་མེད་པའི་བདག་གཅིག་པུ་ཁོ་ནས་སེམས་ཅན་ཐམས་ཅད་གདོན་པར་བྱ་བའོ་ཞེས་སེམས་ཅན་གྱི་དོན་བྱ་བར་འདོད་པའི་རྨོངས་པའོ། །བརྟགས་ཞེས་བྱ་བ་ནི་བདག་གིས་གདོན་པར་བྱའོ་ཞེས་རྟོག་པས་ཡུལ་དུ་བྱས་པ་དེ་ལ་སྙིང་རྗེ་བྱ་བ་ཡིན་ནོ་དེས་ན་བདག་གིས་མེད་ཀྱང་ཕུང་པོ་ལྔ་ཙམ་གྱི་སེམས་ཅན་ལ་དམིགས་པའི་སྙིང་རྗེ་བསྐྱེད་དོ་ཞེས་གྲུབ་པ་ཡིན་ནོ། །གཞན་གྱིས་བརྗོད་པ། གལ་ཏེ་བདག་ཏུ་གྱུར་པའི་སེམས་ཅན་མེད་ན་འབྲས་བུ་སྟེ། གྲུབ་པར་བྱས་པ་སངས་རྒྱས་ཉིད་དུ་ཡིན་ཞེ་ན། ལན་དུ་བདེན་ཏེ་ཞེས་བྱ་བ་ལ་སོགས་པའོ། །འབྲས་བུའི་རྨོངས་པ་ཞེས་བྱ་བ་ནི་འབྲས་བུ་བསྒྲུབ་པར་བྱ་བ། རེ་ཞིག་སྡུག་བསྔལ་བ་ཅན་རྣམས་ལ་དྲང་བར་འདོད་པའི་རྨོངས་པ་ལ་ནི་ཡོད་པ་ཡིན་ལ། དེས་ནི་འབྲས་བུ་བསྒྲུབ་ཅིང་དེ་ལས་ཀྱང་འབྲས་བུ་གྲུབ་པ་ཡིན་པའི་ཕྱིར། བདག་མེད་པར་ཡང་འབྲས་བུ་གྲུབ་པ་ཞེས་བྱ་བ་ལ་འཐད་པ་ཅི་ཡོད། གལ་ཏེ་འབྲས་བུའི་རྨོངས་པ་ཉིད་ཀྱང་མི་འཐད་དོ་ཞེ་ན། སྡུག་བསྔལ་ཞེས་བྱ་བ་ལ་སོགས་པ་གསུངས་སོ། །འབྲས་བུའི་རྨོངས་པ་ཞེས་བྱ་བ་ནི་འབྲས་བུ་བསྒྲུབ་པར་བྱ་བ་སངས་རྒྱས་ཉིད་ཀྱི་ཡུལ་ལ་རྨོངས་པའི་ཞེས་བྱ་བའི་དོན་དེ་ཇི་སྐད་དུ། གཞན་ཕན་མཁས་ལ་རང་གི་ནི། །རང་བཞིན་ལ་གནས་མ་འཁྲུལ་པ། །འདི་ནི་མ་འདྲེས་ཆོས་ཡིན་ཏེ། །དམ་པ་རྣམས་ལ་རྟག་ཏུ་གནས། །ཞེས་གསུངས་པ་ཡིན་ནོ། །དེ་ནི་ཀུན་རྫོབ་ཀྱི་བདེན་པའོ། །གལ་ཏེ་དེ་ལྟ་ཡིན་ན་ཅི་ལྟར་འབྲས་བུའི་རྨོངས་པ་ཁས་ལེན་པར་བྱེད་པ་དེ་བཞིན་དུ་བདག་ཏུ་རྨོངས་པ་ཡང་ཁས་བླང་བར་བྱ་དགོས་སོ་ཞེ་ན། སྡུག་བསྔལ་རྒྱུའི་ཞེས་བྱ་བ་ལ་སོགས་པའོ། །བདག་ཏུ་རྨོངས་པ་ནི་སྡུག་བསྔལ་ཉེ་བར་ཞི་བའི་དོན་ཡིན་ན་ནི་ཞེས་བྱ་བ་ཁོ་ནའོ། །དེ་ལས་ཀྱང་ཞེས་བྱ་བ་ནི་སྡུག་བསྔལ་གྱི་རྒྱུའི་ང་རྒྱལ་དེ་བདག་རྨོངས་པ་ལས་ཀྱང་བཟློག་པ་མེད་ན་དེའི་ཚེ་དེ་ནི་བདག་མེད་པ་བསྒོམ་པ་ཁོ་ན་མཆོག་ཡིན་ནོ་ཞེས་བྱ་བའོ། །འོ་ན་ནི་ལུས་ཉིད་བདག་ཡིན་པར་འགྱུར་རོ་ཞེ་ན། ལུས་རྐང་པ་ཞེས་བྱ་བ་ལ་སོགས་པ་གསུངས་སོ། །ཕྲག་པ་ལུས་མ་ཡིན་ཞེས་བྱ་བ་ལ་ནི་ཕྲག་གོང་ལུས་མ་ཡིན་པའོ། །ཡང་ལུས་འདི་ལ་ལག་པ་ལ་སོགས་པ་ལ་ཕྱོགས་ཀྱིས་གནས་སམ་བདག་ཉིད་ཐམས་ཅད་ཀྱིས་གནས་ཞེས་བརྗོད་པ་ནི། གལ་ཏེ་ཞེས་བྱ་ <br /> <br /> 106-170b <br /> <br /> བ་ལ་སོགས་པའོ། །ཐམས་ཅད་ལ་ཞེས་བྱ་བ་ནི་ལག་པ་ལ་སོགས་པའི་ཡན་ལག་གོ། །ཆ་རྣམས་ཞེས་བྱ་བ་ནི་ལུས་ཀྱི་ཕྱོགས་རྣམས་སོ། །ཆ་ལ་ཞེས་བྱ་བ་ནི་ལག་པ་ལ་སོགས་པའོ། །གཞན་ཡང་དེའི་ཕྱོགས་རྣམས་ལ་ཡང་འདི་ཕྱོགས་གཅིག་གམ་འོན་ཏེ་བདག་ཉིད་ཐམས་ཅད་གནས་ཞེས་མཚུངས་པར་ཐལ་བར་འགྱུར་རོ། །ཕྱོགས་གཉིས་པ་ལ་བརྗོད་པ་ནི། གལ་ཏེ་བདག་ཉིད་ཀུན་གྱིས་ཞེས་བྱ་བ་ལ་སོགས་པའོ། །ཕྱི་དང་ནང་ཞེས་བྱ་བ་ལ་སོགས་པ་ནི་མཇུག་བསྡུ་བའོ། །རྨོངས་པ་ཡིས་ནི་ཞེས་བྱ་བ་ནི་མ་རིག་པའི་དབང་གིས་སོ། །གལ་ཏེ་ཐོ་ཡོར་ལ་ནི་དུས་ཅུང་ཟད་ཀྱིས་སྐྱེས་བུའི་བློར་འགྱུར་བ་མ་ཡིན་ནམ། ལག་པ་ལ་སོགས་པ་ལ་ནི་ལུས་ཀྱི་ཐ་སྙད་དུ་ཡུན་རིང་པོར་ཡང་ཡོད་པ་མ་ཡིན་ནོ་ཞེ་ན། ཇི་སྲིད་ཅེས་བྱ་བ་ལ་སོགས་པ་གསུངས་སོ། །རྐྱེན་ཚོགས་ཞེས་བྱ་བ་ནི་མྱ་ངན་དང་ཉི་མའི་འོད་ཟེར་གྱིས་ཉམས་པའི་མིག་ལ་སོགས་པ་ཚང་བའོ། །ཐོ་ཡོར་ཞེས་བྱ་བ་སྡོང་པོའི་དུམ་བུ་ལ་སོགས་པའོ། །སྐྱེས་བུ་ལྟར་སྣང་བ་ནི་དབྱིབས་ཀྱི་ཁྱད་པར་དེ་དང་། སྐྱེས་བུའི་ཐ་སྙད་ལ་བརྟེན་པའོ། །ཇི་སྲིད་བྱ་བ་འདིས་ནི་ཚོགས་པ་འགའ་ཞིག་ནི་དུས་དེ་སྲིད་ཙམ་ཡིན། འགའ་ཞིག་ནི་དུས་རིང་དུ་སྟེ། དེ་ལྟར་ན་ཡང་ཁྱད་པར་ཅི་ཡོད་ཅེས་བྱ་བ་འདི་བསྟན་པའོ། །དེ་ཞེས་བྱ་བ་ནི་རྐྱེན་སྣ་ཚོགས་པའོ། །དེར་ཞེས་བྱ་བ་ནི་ལག་པ་ལ་སོགས་པའོ། །ལུས་སུ་སྣང་ཞེས་བྱ་བ་ནི་དབྱིབས་ཀྱི་ཁྱད་པར་དེ་དང་དེ་ལྟ་བུའི་དབང་གིས་ལུས་སུ་ཐ་སྙད་བྱེད་པའོ། །དེ་བཞིན་ཞེས་བྱ་བ་ལ་སོགས་པས་ནི་རྐང་པ་ལ་སོགས་པའི་སྤྱོད་པ་སྟོན་ཏོ། །དེ་ཡང་ཞེས་བྱ་བ་ནི་སོར་མོ་ལ་སོགས་པ་དེ་ཡང་དེ་བཞིན་རང་གི་ཡན་ལག་གི་ཚོགས་ཙམ་ཡིན་པའི་ཕྱིར། གང་ཞིག་ཡིན་པར་འགྱུར། དེ་བཞིན་དུ་རང་གི་ཆ་ཕྱེ་བས་དཔྱད་ན་ཚིགས་ཀྱང་གང་ཞིག་ཡིན་པར་འགྱུར་ཞེས་འབྲེལ་ཏོ། །དེ་བཞིན་དུ་རང་གི་ཆ་ཡང་གང་ཞིག་ཡིན་པར་འགྱུར་ཞིང་། དེ་བཞིན་དུ་རྡུལ་ཕྲ་རབ་ཀྱང་གང་ཞིག་ཡིན་པར་འགྱུར། དེ་བཞིན་དུ་ཕྱོགས་ཆའི་དབྱེ་བ་ཡང་སོ་སོར་ཆ་དང་བྲལ་བའི་ཕྱིར་ན་འདི་ཐམས་ཅད་ནམ་མཁའ་ལྟ་བུ་ཡིན་ཏེ། དེས་ན་རྡུལ་ཕྲ་རབ་ཙམ་ཡང་མེད་པ་ཡིན་ནོ། །གལ་ཏེ་དེ་ལྟར་ཡིན་དུ་ཟད་མོད། དེས་ན་ཡང་ཉེས་པ་ཅི་ཞིག་ཡོད་སྙམ་ན། དེ་ལྟར་ཞེས་བྱ་བ་ལ་སོགས་པ་གསུངས་སོ། །གཟུགས་ལ་ཞེས་བྱ་བ་ནི་ <br /> <br /> 106-171a <br /> <br /> གང་གིས་བདག་ཏུ་མངོན་པར་ཞེན་ནས་ངར་འཛིན་པར་འགྱུར་བ་ཕུང་པོ་ལྔའི་རང་བཞིན་ལའོ། །དེ་ལྟར་ན་ལུས་དྲན་པ་ཉེ་བར་གཞག་པ་བསྟན་པ་ཡིན་ནོ། །ད་ནི་ཚོར་བ་དྲན་པ་ཉེ་བར་གཞག་པ་བསྟན་པའི་ཕྱིར། སྡུག་བསྔལ་ཞེས་བྱ་བ་ལ་སོགས་པ་གསུངས་སོ། །ཚོར་བའི་རྣམ་པ་གསུམ་སྟེ། བདེ་བ་དང་སྡུག་བསྔལ་བ་དང་། བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པའོ། །དེ་ལ་གལ་ཏེ་སྡུག་བསྔལ་ཞེས་བྱ་བ་སྡུག་བསྔལ་གྱི་ཚོར་བ་དེ་ཉིད་དུ་ཞེས་བྱ་བ་དོན་དམ་པར་ཡོད་ན། སྲིད་པ་ཡིན་ན་དེའི་ཚེ་རྟག་པར་འགྱུར་བའི་ཕྱིར་དེའི་ཚོར་བས་རབ་ཏུ་དགའ་བའི་སྐྱེ་བོ་ལ་ཅི་སྟེ་རབ་ཏུ་མི་གནོད་དེ། དེས་ན་དེའི་ཚེ་རྒྱུད་གཅིག་ལ་བདེ་བའི་ཚོར་བ་འགལ་བར་འགྱུར་རོ། །དེ་བཞིན་དུ་སྡུག་བསྔལ་གྱི་ཚོར་བ་དེ་ཁོ་ནར་ཡོད་པ་ལ་ཡང་བརྗོད་པར་བྱའོ། །བདེ་བ་དང་སྡུག་བསྔལ་འདི་དག་ནི་རྒྱུད་གཅིག་ལ་ཡོད་པ་མ་ཡིན། དེས་ན་རྟོག་པས་སྒྲོ་བཏགས་པ་ཡིན་ནོ། །འོན་ཏེ་བདེ་བར་མྱོང་བར་འགྱུར་བ་ལ་སོགས་པའི་དངོས་པོ་དེ་དག་གིས་བདེ་བ་ལ་སོགས་པ་ཡིན་པར་བརྗོད་དོ་ཞེ་ན། དེའི་ཚེ་དེ་ལ་ཡང་འདི་མཚུངས་པ་འདི་བསྟན་པའི་ཕྱིར། ཞིམ་སོགས་བདེ་ན་མྱ་ངན་སོགས། །གདུངས་པ་དགའ་བར་མེད་དམ་ཅི། །ཞེས་གསུངས་སོ། །འདི་ལྟར་ག་བུར་ལ་སོགས་ཞིམ་པོ་དག་ཀྱང་དེ་ཁོ་ནར་བདེ་བ་ཡིན་པར་བརྗོད་ན། དེའི་མྱ་ངན་ལ་སོགས་པའི་སྡུག་བསྔལ་དེས་དགའ་བ་མེད་པར་འགྱུར་དགོས་ཏེ། བདེ་བ་ཉིད་སྟོབས་དང་ལྡན་པའི་ཕྱིར་རོ། །དེ་ལ་ནི་སྡུག་བསྔལ་ལ་དགའ་བ་ཡོད་པ་མ་ཡིན་ཏེ། དེས་ན་བདེ་བ་སྒྲུབ་པར་བྱེད་པ་ཡང་བརྫུན་པ་ཉིད་དོ། །སྟོབས་དང་ལྡན་པས་ཞེས་བྱ་བ་ནི་གཞན་གྱིའོ། །བདེ་བའམ་སྡུག་བསྔལ་སྟོབས་དང་ལྡན་པ་གཅིག་གིས་གཉིས་པ་ཟིལ་གྱིས་གནོན་པའི་ཕྱིར། ཟིལ་གྱིས་མནན་པ་དེ་མྱོང་བ་མ་ཡིན་ནོ་ཞེ་ན། གལ་ཏེ་བདེ་བ་ལ་སོགས་པ་ཉམས་སུ་མྱོང་བའི་རང་བཞིན་མ་ཡིན་ན། དེའི་ཚེ་དེ་ཚོར་བ་ཉིད་ཡིན་པར་ཇི་ལྟར་འགྱུར་ཞེས་བྱ་བ་འདི་ནི་མཐའ་གཅིག་ཏུ་ངེས་པ་ཡིན་ནོ། །འོན་ཏེ་བདེ་བ་གཞན་གྱིས་ཟིལ་གྱིས་གནོན་པ་དེ་ལྟ་ན་ཡང་དེ་ལྟ་བུའི་སྡུག་བསྔལ་ཕྲ་མོའི་རང་བཞིན་ཉིད་ནི་ཡོད་དོ་ཞེ་ན། དེའི་ཚེ་སྡུག་བསྔལ་འདིའི་མྱོང་བ་རགས་པ་ཉིད་བསལ་བར་གྱུར་ན། དེ་ལྟ་ན་ཡང་ <br /> <br /> 106-171b <br /> <br /> མ་ཡིན་ཏེ། འཇིག་རྟེན་ལ་དུས་གཅིག་ཏུ་གཉིས་ཉམས་སུ་མྱོང་བར་མངོན་པར་རློམ་པ་ཡོད་པའི་ཕྱིར་རོ། །འདི་སྙམ་དུ་དེ་ནི་དེ་ལས་ཞེས་བྱ་བ་བདེ་བ་རགས་པ་ཉིད་ཉམས་སུ་མྱོང་བ་ལས་གཞན་དགའ་བ་ཙམ་ཞེས་བྱ་བ་དམན་པའི་རང་བཞིན་དུ་མྱོང་བ་ཡིན་ཏེ། དུས་ཕྱིས་ཀྱང་རགས་པ་ནི་ཡོད་པ་མ་ཡིན་ཏེ། གཞན་གྱིས་ཟིལ་གྱིས་གནོན་པའི་ཕྱིར་རོ་ཞེ་ན་འོ་ན་ནི་དེའི་ཕྲ་མོ་ཉིད་ཀྱང་ཡོད་པ་མ་ཡིན་ཏེ། སྡུག་བསྔལ་དེའི་ཕྲ་མོ་དེ་ཉིད་ཡང་བསལ་བ་ཡིན་ཏེ། དེས་ན་ཡོད་པ་མ་ཡིན་ནོ། །དེས་ན་གཅིག་ལ་གཅིག་གི་ཚེ་འམ་རིགས་ཀྱིས་རགས་པ་དང་ཕྲ་བ་མེད་པའི་ཕྱིར་ན་མི་བདེན་པ་ཉིད་དོ། །འོན་ཏེ་སྡུག་བསྔལ་གྱི་རྒྱུ་དང་འགལ་བ་བདེན་པའི་རྒྱུ་སྐྱེས་པས་ན་བདེ་བ་སྐྱེས་པས་སྡུག་བསྔལ་མ་སྐྱེས་པ་ཡིན་ན་ནི། དེའི་ཚེ་ཚོར་བ་རྟོག་པས་སྒྲོ་བཏགས་པ་ཞེས་བྱ་བར་གྲུབ་པ་ཡིན་ནོ། །དེ་ཉིད་ཀྱི་ཕྱིར་ན་ཞེས་བྱ་བ་ལ་སོགས་པ་ལ་འདིའི་ཞེས་བྱ་བ་ནི་ཚོར་བ་སྡུག་བསྔལ་གྱིའོ། །ཅིའི་ཕྱིར་ཞེ་ན། རྣམ་བརྟགས་ཞེས་བྱ་བ་ལ་སོགས་པ་གསུངས་སོ། །འདི་ལྟར་དང་པོ་ཁོ་ནར་ནི་རེ་ཞིག་རྣལ་འབྱོར་པ་རྣམ་པར་བརྟག་པར་བྱ་བའི་ལམ་ལ་མངོན་དུ་ཕྱོགས་པར་བྱེད་དེ། དེས་ན་རྣམ་པར་བརྟགས་པ་ཉིད་བསམ་གཏན་གྱི་ས་བོན་གྱི་ཞིང་ཡིན་ནོ། །དེས་ན་རྣམ་བརྟགས་ཞིང་ལས་བྱུང་བའི་བསམ་གཏན་དེ་ཉིད་ཀྱི་ཟས་གང་ལ་ཡོད་པའོ། །འདིས་ནི་དོན་དམ་པར་མ་ཡིན་པའི་རྣམ་པར་རྟོག་པ་ཐ་སྙད་དུ་བྱས་པའི་ཚོར་བ་ལ་སོགས་པ་དག་དོན་དམ་པ་ཉིད་མ་ཡིན་ནོ་ཞེས་བསྟན་པ་ཡིན་ནོ། །གལ་ཏེ་དབང་དོན་ཞེས་བྱ་བ་ལ་སོགས་པ་ནི་ཕ་རོལ་པོ་རྣམས་ཀྱིའོ། །བསམ་པ་ནི་འདི་ཡིན་ཏེ། ཡུལ་དང་དབང་པོ་དང་རྣམ་པར་ཤེས་པ་གསུམ་འདུས་པ་ནི་རེག་པ་ཡིན་ལ། དེ་ཡང་དོན་དམ་པ་ཡིན་ལ་དེས་ན་དེའི་རྒྱུ་རྐྱེན་གྱིས་བྱུང་བའི་ཚོར་བ་ཡང་དོན་དམ་པ་ཡིན་ཏེ། དེས་ན་དེ་ལྟ་བ་ཡིན་ཞེས་བྱ་བའོ། །འདིར་ནི་འདི་རྣམ་པར་དཔྱད་དེ། ཅི་ཡུལ་དང་དབང་པོ་འདི་དག་མཐའ་གཅིག་ཏུ་ཐ་དད་པས་ན་བར་དང་བཅས་པར་འདོད་དམ། འོན་ཏེ་མཐའ་གཅིག་ཏུ་ཐ་དད་པས་ན་བར་མེད་པར་འདོད་ཅེས་རྣམ་པར་རྟོག་པ་གཉིས་སོ། །དེས་ན་འདི་གཉིས་འདུས་པའི་དོན་ཅི་ཡིན། དེ་ལ་གལ་ཏེ་དབང་པོ་དང་དོན་བར་དང་བཅས་པ་ཡིན་ནོ། །དེའི་ཚེ་འདི་དག་གང་དུ་ཕྲད་པར་འགྱུར་ཏེ་འདུ་བ་ཇི་ལྟར་འགྱུར། འོན་ཏེ་བར་མེད་ན་ཡང་ <br /> <br /> 106-172a <br /> <br /> དེ་ལྟ་ན་ཡང་གཅིག་ཉིད་ཡིན་པའི་ཕྱིར་གང་ཞིག་གང་དང་ལྷན་ཅིག་ཕྲད་པར་དེ་འདུ་བར་འགྱུར་རོ། །འོན་ཏེ་ཡང་རགས་པ་རྣམས་ནི་འདུ་བ་མ་ཡིན་གྱི། འོན་ཀྱང་རྡུལ་ཕྲན་རྣམས་ཡིན་ཞེ་ན་རྡུལ་ཕྲན་ཞེས་པ་ལ་སོགས་པ་གསུངས་སོ། །སྐབས་མེད་ཅེས་བྱ་བ་ནི་བུ་ག་མེད་པ་སྟེ། གཞན་གྱི་གོ་སྐབས་མེད་པའོ། །མཉམ་པ་ཞེས་བྱ་བ་ནི་ཆ་མེད་པའོ། །གང་གི་ཕྱིར་མ་ཞུགས་པ་ལ་འདྲེ་མེད་ཅིང་ཞེས་བྱ་བ་ནི་སྔ་མ་ཉིད་ཀྱི་མཇུག་སྡུད་དོ། །འདི་ཉིད་ལ་གཏན་ཚིགས་གཞན་ཡང་བསགས་པ་བརྗོད་པ་ནི། ཆ་མེད་པ་ལ་ཞེས་བྱ་བ་ལ་སོགས་པའོ། །ཡང་ན་ལུས་ཅན་རྣམས་ལ་ཕྲད་པ་ཡོད་དུ་ཆུག་མོད། ལུས་ཅན་མ་ཡིན་པ་རྣམས་ལ་གོ་ཇི་ལྟར་ཡོད་ཅེས་གསུངས་པ་ནི། རྣམ་ཤེས་ཞེས་བྱ་བ་ལ་སོགས་པའོ། །གལ་ཏེ་ལུས་ཅན་དང་ལུས་ཅན་མ་ཡིན་པ་རྣམས་དེ་ལྟར་ཡིན་མོད། འོན་ཀྱང་ཡན་ལག་གི་མཚན་ཉིད་ཚོགས་པ་འབའ་ཞིག་ཡོད་པ་དེ་ལ་ཕྲད་པ་ཡོད་པ་མ་ཡིན་ནོ་ཞེ་ན། ཚོགས་པ་ལ་ཡང་ཞེས་བྱ་བ་ལ་སོགས་པ་གསུངས་སོ། །དེ་ལྟར་ཞེས་བྱ་བ་ལ་སོགས་པ་ནི་མཇུག་བསྡུ་བའོ། །རེག་པ་ཡོད་མིན་ན་སྟེ་རེག་པ་མེད་པར་འགྱུར་ན་རེག་པའི་རྐྱེན་ལས་བྱུང་བའི་ཚོར་བ་ཡང་ཡོད་པ་མ་ཡིན་པས་ན་སྡུག་བསྔལ་ལ་སོགས་པས་འཇིག་རྟེན་ལ་མི་གནོད་པའི་ཕྱིར་ན། འཇིག་རྟེན་གྱི་སྡུག་བསྔལ་དང་མྱ་ངན་ལ་སོགས་པ་སྤོང་བའི་ངལ་བ་འདི་ཅིའི་དོན་དུ་ཡིན་ཞེས་མི་ཤེས་སོ། །གལ་ཏེ་ཚོར་བར་བྱ་བ་དང་ཚོར་བར་བྱེད་པ་ཡོད་པ་མ་ཡིན་ནམ། དེས་ན་ཚོར་བ་ཡང་ཡོད་དོ་ཞེ་ན། གང་ཚེ་ཞེས་བྱ་བ་ལ་སོགས་པ་གསུངས་སོ། །གནས་སྐབས་འདི་ཞེས་བྱ་བ་ནི་ཆོས་ཐམས་ཅད་གདོད་མ་ནས་ཞི་བ་ཉིད་ཀྱིས་ཚོར་བྱ་དང་ཚོར་བ་པོ་ལ་སོགས་པ་དང་བྲལ་བའི་གནས་སྐབས་སོ། །དེ་སྐད་དུ། ཚོར་བྱ་མེད་ན་ཚོར་བ་ནི། །ཡོད་མིན་དེས་ན་བདག་མེད་པ། །ཞེས་བྱ་བ་ལ་སོགས་པ་གསུངས་སོ། །གལ་ཏེ་མཐོང་བ་གང་ཡིན་པ་དེ་ཉིད་ལ་རེག་གོ་ཞེས་བྱ་བ་ནི་ཐ་སྙད་ལས་རེག་པ་ཡོད་པ་ཡིན་ནོ་ཞེ་ན་མ་ཡིན་ནོ། །དེ་ཅིའི་ཕྱིར་ཞེ་ན། མཐོང་བའམ་ནི་ཞེས་བྱ་བ་ལ་སོགས་པ་གསུངས་སོ། །ལྷན་ཅིག་སྐྱེས་པའི་ཕྱིར་ཞེས་བྱ་བ་ནི་སྒྱུ་མ་ལྟ་བུའི་སེམས་ནི་ཚོགས་པ་གཅིག་ལ་རག་ལས་པས་ན། མཐོང་བ་དང་རེག་པའི་དངོས་པོ་དང་ལྷན་ཅིག་སྐྱེས་པའི་ཕྱིར་ <br /> <br /> 106-172b <br /> <br /> རོ། །འོན་ཏེ་ལྷན་ཅིག་སྐྱེས་པའི་ཕྱིར་ཞེས་བྱ་ཇི་ལྟར་བརྗོད་དེ། གང་གི་ཕྱིར་ཚུལ་འདིའི་རྒྱུ་དང་འབྲས་བུ་ཐོག་མ་མེད་པ་ཅན་ཕན་ཚུན་འབྲེལ་པས་འཇུག་པ་ཡིན་ཏེ། དེས་ན་རེག་པ་ལས་ཚོར་བ་ཉམས་སུ་མྱོང་བའི་ཕྱིར་རོ་ཞེ་ན། དེ་ཡང་ཡང་དག་པ་མ་ཡིན་ཏེ་གང་གི་ཕྱིར་སྔར་དང་ཞེས་བྱ་བ་ལ་སོགས་པ་གསུངས་སོ། །གང་ཞིག་སྔར་གྱི་རྒྱུ་ལས་སྐྱེས་པ་དེ་ནི་ཉམས་སུ་མྱོང་བའི་རང་བཞིན་དུ་འགྱུར་བར་འོས་པ་མ་ཡིན་གྱི་འོན་ཀྱང་རྣམ་པར་རྟོག་པ་བཞིན་དུ་དེས་ཕྱིས་སྐྱེས་པའི་རང་བཞིན་གྱིས་ན་དྲན་པའི་རང་བཞིན་ཡིན་ནོ། །དེས་ན་ཕྱིས་རེག་པ་ལས་སྐྱེས་པའི་སྔར་གྱི་རེག་པ་ཞེས་བྱ་བ་དྲན་པར་ཟད་ཀྱི་མྱོང་བ་ནི་མ་ཡིན་པའི་ཕྱིར་ཚོར་བ་ཉམས་སུ་མྱོང་བ་ག་ལ་ཡོད། གཞན་ཡང་སེམས་ཀྱིས་སེམས་མི་མཐོང་། །ཞེས་བཤད་ཟིན་མོད་ཀྱི། འོན་ཀྱང་བརྗོད་པ་ནི་རང་གིས་ཞེས་བྱ་བ་ལ་སོགས་པའོ། །ཚོར་བ་པོ་འགའ་ཡང་ཞེས་བྱ་བ་ལ་སོགས་པ་ནི་མཇུག་སྡུད་དོ། །འདི་ཞེས་བྱ་བ་ནི་ཚོར་བས་སོ། །ད་ནི་སེམས་དྲན་པ་ཉེ་བར་གཞག་པ་གསུངས་པ་ཞེས་བྱ་བ་ལ་སོགས་པས་གསུངས་ཏེ་གོ་སླའོ། །དེའི་ཚེ་ཤེས་པ་གང་ལས་ཞེས་བྱ་བ་ལ་སོགས་པ་ནི་གདོད་མ་ནས་མ་སྐྱེས་པའི་ཕྱིར། དེ་སྐད་དུ། ཤེས་བྱ་ཡོངས་སུ་མ་ངེས་པ་ར། །ཞེས་བྱ་བ་ལ་སོགས་པ་གསུངས་པ་ཡིན་ནོ། །ད་ནི་ཆོས་དྲན་པ་ཉེ་བར་གཞག་པ་དེ་ལྟར་ཞེས་བྱ་བ་ལ་སོགས་པ་གསུངས་སོ། །འདི་སྙམ་དུ་གལ་ཏེ་དེ་ལྟར་ཆོས་ཐམས་ཅད་གཟོད་མ་ནས་མ་སྐྱེས་པ་ཡིན་ན། དེའི་ཚེ་དོན་དམ་པའི་བདེན་པ་འབའ་ཞིག་ཡིན་པས་ཇི་ལྟར་ཀུན་རྫོབ་ཀྱི་བདེན་པར་འགྱུར། དེས་ན་བདེན་པ་གཉིས་རྣམ་པར་གནས་པ་མེད་པར་འགྱུར་རོ་ཞེས་བསམས་ནས་གཞན་གྱི་བརྗོད་པ་ནི་གལ་ཏེ་དེ་ལྟར་ཞེས་བྱ་བ་ལ་སོགས་པའོ། །དེའང་ཞེས་བྱ་བ་ལ་སོགས་པ་ནི་ཕ་རོལ་ཉིད་ཀྱི་དོགས་པ་བསུ་བའོ། །གང་ཀུན་རྫོབ་ཡིན་པ་དེ་ནི་ཀུན་རྫོབ་གཞན་གྱིས་རྟོགས་པ་ཡིན་ཏེ། དཔེར་ན་སྨིག་རྒྱུ་ལ་ཆུའི་རྣམ་པར་རྟོག་པ་ནི། སྨིག་རྒྱུ་ལ་ཆུར་སྣང་བའི་ཀུན་རྫོབ་ཀྱི་བློ་གཞན་གྱིས་རྟོགས་པ་བཞིན་ནོ། །དེ་བཞིན་དུ་མྱ་ངན་ལས་འདས་པའི་སངས་རྒྱས་ལ་ཡང་བྱང་ཆུབ་སེམས་དཔའ་ལ་སོགས་པ་ལ་གཞན་གྱིས་དམིགས་པ་ཡིན་ནོ། །དེས་ན་སངས་རྒྱས་ཀྱང་དོན་དམ་པར་མྱ་ངན་ལས་འདས་པར་ <br /> <br /> 106-173a <br /> <br /> འགྱུར་རོ་ཞེ་ན། སློབ་དཔོན་གྱིས་འདིས་ནི་གཞན་སེམས་ཞེས་བྱ་བ་ལ་སོགས་པ་གསུངས་ཏེ། བདག་གིས་སངས་རྒྱས་ཀྱི་ཤེས་པ་མཐོང་ངོ་སྙམ་པ་འདི་ནི་གཞན་རང་ཉིད་ཀྱི་དེ་ལྟ་དེ་ལྟར་སྣང་བའི་རྣམ་པར་རྟོག་པ་ཡིན་ལ་གཞན་གྱིས་གཞན་དྲན་པ་ཙམ་གྱིས་ཀྱང་ཀུན་རྫོབ་ཏུ་ཡོད་པར་འགྱུར་བ་མ་ཡིན་ནོ། །དེ་སྟེ་སངས་རྒྱས་ཉིད་ཀྱི་རང་གི་ཀུན་རྫོབ་ཀྱི་རང་གི་ཤེས་པ་ཉམས་སུ་མྱོང་བའི་ཕྱིར་ཀུན་རྫོབ་ཏུ་ཡོད་པ་ཡིན་ནོ། །དེ་ལྟར་ནི་མ་ཡིན་ཏེ། དེ་ནི་རང་གི་ཀུན་རྫོབ་མིན། །གལ་ཏེ་སངས་རྒྱས་ལ་ཀུན་རྫོབ་འདོད་ན། དེའི་ཚེ་ཀུན་རྫོབ་པའི་ཤེས་པ་ཡོད་པའི་ཕྱིར་ན་དོན་དམ་པར་དེ་ཉིད་ཀྱང་མ་ཐོབ་པར་འགྱུར་རོ། །འོ་ན་ཀུན་རྫོབ་ཇི་ལྟར་གནས་སྙམ་ན། ཕྱིས་དེ་ཞེས་བྱ་བ་ལ་སོགས་པ་གསུངས་སོ། །གང་ཞིག་རྒྱུའི་ཕྱིར་ངེས་པར་བྱ་བ་གདོན་མི་ཟ་བར་འབྱུང་བ་ཡིན་པ་དེ་ནི། དེའི་འབྲས་བུ་ཡིན་ལ་ཅིག་ཤོས་ནི་རྒྱུ་ཡིན་ནོ་ཞེས་བྱ་བ་ནི་ཐ་སྙད་རྐྱེན་ཉིད་འདི་པ་ཙམ་གྱི་མཚན་ཉིད་ཡོད་ན་ནི་དེའི་ཚེ་ཀུན་རྫོབ་ཡོད་དོ་ཞེས་བརྗོད་ལ་འོན་ཏེ་དེ་མེད་ན་ནི་དེའི་ཚེ་ཀུན་རྫོབ་མེད་པ་ཉིད་དོ་ཞེས་བརྗོད་དོ། །འོན་ཏེ་ཡང་འདི་སྙམ་དུ་གལ་ཏེ་ཤེས་པ་དང་ཤེས་བྱ་དེ་ཁོ་ན་མ་ཡིན་པ་དེའི་ཚེ་དེའི་རྟོགས་པ་མ་ཡིན། འདི་ནི་བརྟགས་པས་ཡིན་ནོ་ཞེས་བྱ་བའི་ཐ་སྙད་འདི་ཅི་ལྟར་ཞེ་ན། རྟོག་དང་ཞེས་བྱ་བ་ལ་སོགས་པ་གསུངས་སོ། །ཕན་ཚུན་རྟེན་པ་ཞེས་བྱ་བ་ནི་ཐ་སྙད་འདི་ནི་བཏགས་པ་ཡིན་ནོ་ཞེས་བྱ་བའི་དོན་ཏོ། །གལ་ཏེ་དེ་ལྟ་ཡིན་ན་རྣམ་པར་དཔྱོད་པ་གང་གིས་ཁྱོད་རྣམ་པར་དཔྱོད་པ་དེ་གལ་ཏེ་དངོས་པོར་ཡོད་ན་དེའི་ཚེ་གཞན་ཡང་དེ་བཞིན་དུ་འགྱུར་རོ་ཞེ་ན། ཅི་ལྟར་ཞེས་གསུངས་ཏེ། ཇི་ལྟར་གྲགས་པ་ནི་ཇི་ལྟར་སྒྲོ་བཏགས་པ་ལོག་པའི་ཐ་སྙད་ལ་བརྟེན་ནས་སོ། །དེས་ན་རྣམ་པར་དཔྱོད་པ་དེ་ཡང་དོན་དམ་པ་ཉིད་མ་ཡིན་ནོ་ཞེས་གྲུབ་པའོ། །གཞན་དུ་གལ་ཏེ་དེ་ལྟར་མི་འདོད་ན་དེའི་ཐུག་པ་མེད་པར་འགྱུར་རོ་ཞེས་བརྗོད་པ་ནི། གང་གི་ཚེ་ཞེས་བྱ་བ་ལ་སོགས་པའོ། །དཔྱད་བྱ་དཔྱོད་པར་བྱེད་ན་ཞེས་ཁོང་ནས་དབྱུང་ངོ་། །འོ་ན་རྣམ་པར་དཔྱད་པར་བྱ་བ་ཁོ་ན་ཉིད་རྣམ་པར་དཔྱོད་པ་ལ་ཐུག་པ་མེད་པར་ཅི་ཡང་ཅི་འགྱུར་ཞེ་ན། དཔྱད་བྱ་རྣམ་པར་དཔྱད་ན་ཞེས་བྱ་བ་ལ་སོགས་པ་གསུངས་སོ། །གང་གི་ཚེ་དེ་ཁོ་ན་རྣམ་པར་དཔྱད་པ་དེའི་ཚེ་ནི་དཔྱད་བྱ་ཙམ་རྣམ་པར་དཔྱོད་པར་ <br /> <br /> 106-173b <br /> <br /> འགྱུར་ན་རྣམ་པར་དཔྱད་པར་བྱ་བ་ཉིད་མེད་པའི་ཕྱིར་དེ་ལ་བརྟེན་པའི་རྣམ་པར་དཔྱོད་པ་ཡང་དེ་ཁོ་ནར་མེད་པ་ཞེས་བྱ་བ་དེ་ལྟར་འགྱུར་བ་ཡིན་ནོ། །དེ་ཡང་མྱ་ངན་འདས་པར་བརྗོད། །ཅེས་བྱ་བ་ནི་གདོད་མ་ནས་ཞི་བ་ཉིད་དེ་ཡང་། རྒོལ་བ་གང་གི་ལྟར་ན་རྣམ་པར་དཔྱད་པར་བྱ་བ་དང་དཔྱོད་པར་བྱེད་པ་དེ་ཁོ་ན་ཡིན་པར་དེའི་ལྟར་ན་མཐའ་གཉིས་སུ་འཛིན་པའི་ཕྱིར་དེ་ཉིད་དཀའ་བར་གནས་སོ་ཞེས་བྱ་བ་ལས་སྔར་ཡོད་ཤེས་ཡོད་ན་ཞེས་བྱ་བ་ལ་སོགས་པ་བརྗོད་ཟིན་པ་དེ་ཉིད་ལ། གལ་ཏེ་ཤེས་དབང་ལས་དོན་ཡོད་བྱས་ཞེས་པས་གཏན་ཚིགས་ཀྱི་རྣམ་པ་གཞན་སྟོན་པ་ཡིན་ཏེ། གཉི་ག་ཡང་ནི་མེད་པར་འགྱུར་ཞེས་བྱ་བ་འདི་ཉིད་གསལ་བར་བྱེད་པ་ནི། གལ་ཏེ་བུད་མེད་ཅེས་བྱ་བ་ལ་སོགས་པའོ། །གལ་ཏེ་ཤེས་པ་དང་ཤེས་བྱ་དག་མེད་ན་དེའི་ཚེ་ཤེས་བྱ་ཅི་ལྟར་ཤེས་ཞེས་བརྗོད་པ་ནི་ས་བོན་ཞེས་བྱ་བ་ལ་སོགས་པའོ། །རྟོགས་པ་ནི་ངེས་པའོ། །ཤེས་བྱ་ལས་སྐྱེས་པའི་ཤེས་པས་ཤེས་པར་བྱ་བ་རྟོགས་པར་བྱ་བའི་དོན་ངེས་པར་བྱས་པ་གང་ཡིན་ན་ཤེས་པ་མེད་པས་གོ་ཇི་ལྟར་ཤེས། གཞན་ཡང་མྱུ་གུ་ཡོད་པ་ཙམ་གྱིས་ནི་ས་བོན་རྟོགས་པར་མི་བྱེད་དེ། འོན་ཀྱང་དེ་ཤེས་པ་ཡིན་ན། ཤེས་པ་ལ་ནི་ཤེས་པ་གཞན་མེད་པའི་ཕྱིར་ཇི་ལྟར་དེས་ཤེས་པར་བྱེད་དེ། དེས་ན་འདི་ནི་ལོང་བ་དང་། ལྐུགས་པའི་མདུན་སར་གསལ་ལོ། །ད་ནི་ངོ་བོ་ཉིད་དུ་སྨྲ་བ་རྣམས་སེལ་བར་བྱེད་དོ། །དེ་ནི་འདི་སྐད་ཅེས་པདྨའི་སྡོང་བུ་ལ་སོགས་པའི་རྒྱུ་གང་ཞིག་རྟོགས་ཏེ། དེས་ན་ཤེས་བྱ་དང་ཤེས་བྱ་ལ་སོགས་པ་འདི་མཐའ་དག་ནི་ངོ་བོ་ཉིད་ཀྱིས་གྲུབ་པ་ཡིན་ནོ་ཞེས་ཟེར་རོ། །དེ་ལ་གྲུབ་པའི་མཐའ་སྨྲ་བ་བརྗོད་པ་ནི། རེ་ཞིག་ཅེས་བྱ་བ་ལ་སོགས་པ་སྟེ་གོ་སླའོ། །འབྲས་ཤེས་སྐྱེས་བུས་ཞེས་བྱ་བ་ནི་ཁྱད་པར་ཅན་གྱི་འབྲས་བུ་མེད་པའོ། །ད་ནི་དབང་ཕྱུག་ཏུ་སྨྲ་བའི་ལུགས་སུན་འབྱིན་པས་དབང་ཕྱུག་ཅེས་བྱ་བ་ལ་སོགས་པ་གསུངས་སོ། །འདི་གཞན་གྱིས་རྣམ་པར་དཔྱད་ན་གཞན་མེད་པའི་ཕྱིར་ས་ལ་སོགས་པའི་འབྱུང་བ་ཉིད་དབང་ཕྱུག་ཡིན་ནོ་ཞེས་བརྗོད་པ་ནི་འབྱུང་རྣམས་ཞེས་བྱའོ། །དེ་ལྟ་མོད་ཅེས་བྱ་བ་ལ་སོགས་པ་ནི་ལན་ནོ། །འོན་ཏེ་གཞན་འགའ་ཞིག་དབང་ཕྱུག་ཡིན་པར་འགྱུར་རོ་ཞེ་ན། འོན་ཀྱང་ཞེས་བྱ་བ་ལ་སོགས་པའོ། །རེ་ <br /> <br /> 106-174a <br /> <br /> ཞིག་སྣམ་བུ་ལ་སོགས་པ་གང་ཡིན་པ་དེ་དག་ཀྱང་ནི་དུ་མ་དང་མི་རྟག་པ་དང་། གཡོ་བ་དང་བཅས་པར་མཐོང་ལ། དེ་དག་ནི་རེ་ཞིག་ལྷ་ཡང་མ་ཡིན་ཏེ། དེས་ན་དེ་དག་ནི་དབང་ཕྱུག་གི་སྒྲ་བརྗོད་པར་མི་བྱ་སྟེ། དབང་ཕྱུག་ནི་དེ་དང་མཚན་ཉིད་མི་མཐུན་པར་འདོད་པའི་ཕྱིར་རོ། །དེ་བཞིན་དུ་གཞན་བསྒོམ་པར་བྱ་བ་འདམ་ལ་སོགས་པ་དང་། དེ་བཞིན་དུ་གཞན་མི་གཙང་བ་ལ་སོགས་པ་དང་། ས་ལ་སོགས་པ་གང་ཡིན་པ་དེ་དག་ཀྱང་དབང་ཕྱུག་མ་ཡིན་ན་ཁྱོད་ཀྱི་དབང་ཕྱུག་དེ་གང་ཡིན་པ་སྨྲོས་ཤིག །དེ་བཞིན་དུ་གཞན་དག་དབང་ཕྱུག་ཏུ་མི་རིགས་སོ་ཞེས་བརྗོད་པ་ནི། དབང་ཕྱུག་མཁའ་མིན་ཞེས་བྱ་བ་ལ་སོགས་པའོ། །འོན་ཏེ་བསམ་དུ་མེད་པ་འགའ་ཞིག་དབང་ཕྱུག་ཡིན་པར་འགྱུར་རོ་ཞེ་ན། བསམ་མིན་པའི་ཞེས་གསུངས་སོ། །བརྗོད་པ་ཅི་ཞིག་བྱ་བ་ནི་རྣམ་པར་རྟོག་པ་ཐམས་ཅད་ལས་འདས་པའི་ཕྱིར་རོ་ཞེས་དགོངས་པའོ། །གཞན་ཡང་དེའི་འབྲས་བུ་ཡང་ཅུང་ཟད་མ་མཐོང་བས་ན་དབང་ཕྱུག་དེས་སྤྲུལ་པར་འདོད་པ་ཡང་གང་ཞིག་ཡིན་པར་མི་ཤེས་སོ་ཞེས་བརྗོད་པ་ནི། དེས་བསྐྱེད་འདོད་པའང་ཞེས་བྱ་བའོ། །འོན་ཏེ་ཐམས་ཅད་བདག་གིས་སྤྲུལ་པས་ན་དེ་ཉིད་དབང་ཕྱུག་ཡིན་ནོ་ཞེ་ན། དེ་དང་ཞེས་བྱ་བ་ནི་གྲུབ་པའི་མཐའ་སྟེ། དེ་ནི་གཅིག་པུ་དང་རྟག་པ་ཡིན་པའི་ཕྱིར་ཐམས་ཅད་དུས་གཅིག་ཁོ་ནར་སྤྲུལ་པར་འགྱུར་རོ། །ས་ལ་སོགས་པའི་རང་བཞིན་དབང་ཕྱུག་ཡིན་དུ་ཆུག་མོད། དེ་ལྟ་ན་ཡང་ཤེས་པ་ཤེས་བྱ་ལས་མ་ཡིན། ཤེས་བྱ་སྔ་ནས་ཐོག་མ་མེད་པ་ནས་གྲུབ་པའི་ཕྱིར་གང་ཞིག་གང་གིས་བསྐྱེད། འོན་ཏེ་བདེ་བ་དང་སྡུག་བསྔལ་བྱེད་ན་དེ་ཡང་མི་རིགས་ཏེ། བདེ་བའམ སྡུག་བསྔལ་བ་དེ་དག་ནི་ལས་ལས་སྐྱེས་པ། དེས་ན་གང་ཞིག་གང་གིས་སྤྲུལ། གཞན་ཡང་རྒྱུ་དབང་ཕྱུག་ལ་ཐོག་མ་ཡོད་པ་མ་ཡིན་ན་འབྲས་བུ་ལ་ཡང་ཐོག་མ་ག་ལ་ཡོད་དེ། དེས་ན་ཐམས་ཅད་ཐོག་མ་མེད་པ་ཅན་དུ་འགྱུར་རོ། །རྟག་ཏུ་ཅིའི་ཕྱིར་ཞེས་བྱ་བ་ལ་སོགས་པ་ནི་སུན་འབྱིན་པ་ལ་གཞན་ཡིན་ནོ། །གཞན་ལ་ཞེས་བྱ་བ་ནི་ལྷན་ཅིག་བྱེད་པའི་རྒྱུ་ལའོ། །གཞན་ཡང་ལྷན་ཅིག་བྱེད་པའི་རྐྱེན་ཉིད་ཀྱང་འདིས་བྱས་པ་དེས་ན་དེས་བྱས་པ་མ་ཡིན་པ་འགའ་ཡང་མེད་པ་གཉིས་ལ། དེས་ན་འདི་ <br /> <br /> 106-174b <br /> <br /> ག་ལ་ལྟོས་པར་འགྱུར། འོན་ཏེ་འདི་ཚོགས་པ་ལ་ལྟོས་ན་དེའི་ཚེ་དེ་ཉིད་རྒྱུ་ཡིན་པར་འགྱུར་གྱི་དབང་ཕྱུག་ནི་མ་ཡིན་ནོ། །འོན་ཏེ་གཞན་དག་བརྒྱ་ལམ་ཞིག་ན་འདི་སྐད་ཅེས་དབང་ཕྱུག་འདིས་ནི་ཚོགས་པ་ཉིད་ཀྱང་མི་སྐྱེ་བའི་དབང་མེད་དེ། དེས་ན་དེ་ཡང་འདི་ཉིད་ཀྱིས་བྱེད་པ་ཡིན་ནོ་ཞེས་ཟེར་བའི་དོགས་པ་བསུ་བ་ནི། ཚོགས་པ་མི་སྐྱེད་དབང་མེད་ན། །ཞེས་བྱ་སྟེ་མི་སྐྱེད་པའི་མཐུ་མེད་པའོ། །འདི་ལ་བརྗོད་པ་ནི་སྐྱེད་པ་མ་ཡིན་ཏེ། མེད་ཕྱིར་ཞེས་བྱ་བ་ནི་གང་གི་ཕྱིར་འདི་ནི་ཚོགས་པ་ཡང་བསྐྱེད་པའི་ནུས་པ་མ་ཡིན་ཏེ། ཅིའི་ཕྱིར་ཞེ་ན། དེ་མེད་ཕྱིར་ཏེ་རིམ་དང་ཅིག་ཅར་གྱིས་དོན་བྱེད་ནུས་པ་དེ་མེད་པའི་ཕྱིར། དེས་ན་འདི་ནི་དེ་ལ་ཡང་ནུས་པ་ཡང་ཡོད་པ་ཡིན་ནོ། །གཞན་ཡང་འདི་འདོད་པ་ལ་རག་ལས་བྱེད་དམ། འོན་ཏེ་དེ་ལ་རག་མ་ལས་པར་བྱེད་གྲང་། དེ་ལ་གལ་ཏེ་འདི་མི་འདོད་བཞིན་དུ་གནས་ཀྱིས་བསྐྱེད་ནས་བྱེད་ན་དེའི་ཚེ་འདི་གཞན་གྱི་དབང་དུ་འགྱུར་བའི་ཕྱིར་དབང་ཕྱུག་མ་ཡིན་ནོ། །འོན་ཏེ་འདོད་པས་བྱེད་ན། དེ་ལྟ་ན་ནམ་ཡང་དེ་དབང་ཕྱུག་མ་ཡིན་ཏེ། འདོད་པའི་གཞན་གྱི་དབང་དུ་གྱུར་པའི་ཕྱིར་རོ། །གང་གི་ཕྱིར་དེ་ལྟ་ཡིན་པའི་ཕྱིར་ན་བྱེད་པ་ལ་དོན་བྱེད་པ་མེད་པའི་ཕྱིར་ན་དབང་ཕྱུག་ལ་དབང་ཕྱུག་གི་མཚན་ཉིད་ག་ལ་ཡོད། འོན་ཏེ་རྡུལ་ཕྲ་རབ་རྟག་པ་འགྲོ་བའི་བྱེད་པ་པོ་ཡིན་ནོ། །དེ་ཡང་རིགས་པ་མ་ཡིན་ནོ་ཞེས་བརྗོད་པ་ནི། གང་དག་ཅེས་བྱ་བ་ལ་སོགས་པའོ། །གལ་ཏེ་དེ་ལྟ་ན་རེ་ཞིག་གྲངས་ཅན་པས་འདོད་པའི་དེ་འགྲོ་བ་བྱེད་པ་པོ་ཡིན་ནོ་སྙམ་ན། གཙོ་བོ་རྟག་པ་ཞེས་བྱ་བ་ལ་སོགས་པའོ། །མཉམ་གནས་ཞེས་བྱ་བ་ལ་སོགས་པ་ནི་ཡོན་ཏན་གསུམ་གནས་སྐབས་མཉམ་པར་གནས་པའོ། །གང་གི་ཚེ་ཡོན་ཏན་རྣམས་ཀྱི་གནས་སྐབས་ཀྱི་མི་མཉམ་པར་གནས་པ་དེའི་ཚེ་འགྲོ་བ་ཞེས་བྱ་བ་སྐྱེ་བ་དང་འཇིག་པ་དང་གནས་པ་དང་ལྡན་པ་ཡིན་ནོ། །དེ་སྐད་དུ། རྡུལ་གྱིས་སྐྱེས་བུ་སྐྱེད་བྱེད་ཅིང་། །སྙིང་སྟོབས་ཀྱིས་ནི་འགྲོ་བ་གནས། །མུན་པས་སྐྱེ་དགུ་འཇིག་པ་ཡིན། །ཞེས་བརྗོད་པ་ཡིན་ནོ། །གྲུབ་པའི་མཐའ་བརྗོད་པ་ནི། གཅིག་ལ་ཞེས་བྱ་བ་ལ་སོགས་པ་སྟེ། གཙོ་བོ་གཅིག་ལའོ། །དེ་ཡང་ཞེས་པ་ནི་སྙིང་སྟོབས་ལ་སོགས་པའི་ཡོན་ཏན་ཡང་ངོ་། །ཡོན་ཏན་མེད་ན་ཞེས་བྱ་བ་ནི་སྙིང་སྟོབས་ <br /> <br /> 106-175a <br /> <br /> ལ་སོགས་པ་མེད་ནའོ། །གཞན་ཡང་འགྲོ་བ་ཡོན་ཏན་གསུམ་གྱི་བདག་ཉིད་ཡིན་པས་གོས་ལ་སོགས་པ་ཡང་བདེ་བ་ལ་སོགས་པ་སྐྱེ་བར་འགྱུར་ན། དེ་ནི་རིགས་པ་མ་ཡིན་ཏེ། དེ་ནི་སེམས་པ་མ་ཡིན་ཕྱིར་རྒྱུ་དང་འབྲས་བུ་དག་མི་འདྲ་བར་འགྱུར་རོ། །འོན་ཏེ་ཡང་དངོས་པོ་རྣམས་བདེ་བ་ལ་སོགས་པའི་རྒྱུའི་དངོས་པོ་ཡིན་པས་ཇི་ལྟར་བདེ་བ་ལ་སོགས་པ་མི་སྐྱེ་སྙམ་ན། དངོས་པོ་རྣམས་དཔྱད་ཟིན་མིན་ནམ་ཞེས་སྨོས་ཏེ། ཡན་ལག་ཅན་དང་རྡུལ་ཕྲ་རབ་ཀྱི་དངོས་པོ་དཔྱད་ཟིན་ཏོ། །གཞན་ཡང་གྲངས་ཅན་ལ་ཁྱོད་ཀྱི་རྒྱུ་ཡང་བདེ་སོགས་ཏེ། བདེ་བ་ལ་སོགས་པའི་རང་བཞིན་འགྲོ་བའི་རྒྱུར་འདོད་པ་ཡིན་ན། དེ་ལས་ནི་སྣམ་བུ་ལ་སོགས་པ་འབྱུང་བར་རིགས་པ་མ་ཡིན་ཏེ། རྒྱུ་དང་འབྲས་བུ་དག་མི་འདྲ་བའི་ཕྱིར་རོ། །དེ་ལྟར་འགྱུར་མོད་སྐྱོན་ཅི་ཡོད་སྙམ་ན། སྣམ་སོགས་ལས་ནི་ཞེས་གསུངས་ཏེ། དངོས་པོའི་རང་བཞིན་དུ་ནི་སྣམ་བུ་ལ་སོགས་པ་ལས་འགྲོ་བའི་བདེ་བ་ལ་སོགས་པ་སྐྱེ་བར་དམིགས་ཏེ། སྣམ་བུ་ལ་སོགས་པ་མེད་ན་བདེ་བ་ལ་སོགས་པ་མེད་པའི་ཕྱིར་རོ། །གཞན་ཡང་སྙིང་སྟོབས་རྡུལ་དང་མུན་པ་འདི་དག་ཐམས་ཅད་དེ་ཁོ་ནར་རྟག་པའམ་མི་རྟག་པ་ཞིག་ཡིན། དེ་ལ་རེ་ཞིག་རྟག་པ་ཡིན་ན། དེ་མི་འཐད་དོ་ཞེས་བརྗོད་པ་ནི། བདེ་སོགས་རྟག་པ་ཉིད་དུ་ཡང་ཞེས་བྱ་བ་ལ་སོགས་པའོ། །དེ་སྟེ་བདེ་བའི་གསལ་བ་རྟག་པ་ཉིད་ཡིན་ན་དེའི་ཚེ་བདེ་བར་རིག་པ་ཅི་སྟེ་ཉམས་སུ་མ་མྱོང་། བདེ་སོགས་གསལ་བ་ཞེས་བྱ་བ་འདིས་ནི། སློབ་དཔོན་འབྲས་བུའི་ཚོགས་ཉིད་གསལ་བའི་སྒྲར་བརྗོད་པར་བྱ་བ་གྲངས་ཅན་འདོད་པ་ཡིན་ནོ་ཞེས་བསྟན་པར་དགོངས་པའོ། །གལ་ཏེ་དེ་ལྟར་བདེ་བར་གསལ་བ་ཡིན་ཡང་ཕྲ་མོར་འགྱུར་བ་ཉིད་ཀྱིས་མི་འཛིན་ནོ་སྙམ་ན། དེ་ཉིད་ཅེས་བྱ་བ་ལ་སོགས་པ་གསུངས་སོ། །གལ་ཏེ་བདེ་བ་རགས་པར་འགྱུར་བ་ཉིད་ཕྲ་མོ་ཉིད་དུ་འགྲོ་ན་དེའི་ཚེ་རགས་པ་དང་ཕྲ་བ་ཡང་འགྱུར་ན། དེ་ཡང་ཅི་ལྟར་འཐད། འོན་ཏེ་བདེ་བར་དེ་ཉིད་བདེ་བ་དོར་བས་ཕྲ་མོར་འགྱུར་ན་དེའི་ཚེ་རགས་པ་དང་ཕྲ་བ་གཉིས་ཀ་མི་རྟག་པར་འགྱུར་ཏེ། རང་བཞིན་གཞན་དང་གཞན་དག་སྐྱེས་པ་དང་ཞིག་པའི་ཕྱིར་རོ། །དེ་བཞིན་དུ་དངོས་པོ་ཐམས་ཅད་ནི་ཞེས་བྱ་བ་ནི་སྔ་མའི་མཇུག་བསྡུ་བའོ། །འོན་ཏེ་བདེ་བ་ལ་སོགས་པ་རྟག་པར་རགས་པ་ལ་སོགས་ <br /> <br /> 106-175b <br /> <br /> པའི་གནས་སྐབས་སུ་འགྱུར་བ་ཡིན་ནོ་ཞེ་ན། རགས་པ་བདེ་བ་ལས་ཞེས་བྱ་བ་ལ་སོགས་པའོ། །ཅི་རགས་པ་དེ་བདེ་བ་ལ་གནས་གཞན་ནམ། འོན་ཏེ་གཞན་མ་ཡིན། གཞན་མ་ཡིན་ན་ནི། བདེ་བ་ཉིད་མི་རྟག་པར་འགྱུར་རོ། །འདི་སྙམ་དུ་རྐྱེན་ཉིད་འདི་པ་ཙམ་དུ་སྨྲ་བའི་ལྟར་ན་མེད་པ་སྐྱེ་ཞེས་བྱ་བ་གྲུབ་པའི་མཐའ་ཡིན་ན། དེ་ཡང་རིགས་པ་མ་ཡིན་ནོ་ཞེས་བརྗོད་པ་ནི། གལ་ཏེ་མེད་པ་ཞེས་བྱ་བ་ལ་སོགས་པའོ། །གསལ་བ་ཞེས་བྱ་བ་ལ་སོགས་པ་ནི་གྲུབ་པའི་མཐའོ། །གསལ་བ་གང་ཡིན་པ་ནི་སྔར་གྱི་གནས་སྐབས་ན་གཞན་དུ་འགྱུར་བ་ཁོ་ན་ཡིན་ཏེ། དེ་ལྟ་མ་ཡིན་ན་དབུས་ཀྱི་གནས་སྐབས་སུ་ཡང་དམིགས་པར་འགྱུར་རོ། །དེས་ན་གསལ་བ་མེད་པ་ཉིད་སྐྱེ་བར་ནི་གྲངས་ཅན་ཁྱོད་མི་འདོད་ཀྱང་ཁས་བླང་བར་བྱ་བ་ཡིན་ནོ། །གཞན་ཡང་གལ་ཏེ་འབྲས་བུ་ཡོད་པ་ཡིན་ན། དེའི་ཚེ་རྒྱུའི་གནས་སྐབས་ན་ཡང་དེ་ཡོད་པ་དེས་ན་རྒྱུ་དང་འབྲས་བུ་གཉིས་ཐ་མི་དད་པས་ན། ཁྱོད་ལ་འཇིག་གིས་གནོད་དོ་ཞེས་བརྗོད་པ་ནི། གལ་ཏེ་རྒྱུ་ལ་ཞེས་བྱ་བ་ལ་སོགས་པའོ། །རས་ཀྱི་རིན་གྱིས་ཞེས་བྱ་བ་ནི་རས་ཀྱི་རིན་ཚད་ཀྱིས་སོ། །བགོ་བར་བགྱིས་ཞེས་བྱ་བ་ནི་ལུས་ཀྱིས་གྱོན་ཅིག་པའོ། །འཇིག་རྟེན་རྨོངས་པས་ཞེས་བྱ་བ་ནི་གཞན་གྱི་སྟེ། རྨོངས་པའི་དབང་གིས་འཇིག་རྟེན་པས་རྒྱུ་ལ་འབྲས་བུ་ཡོད་པ་མ་མཐོང་དུ་ཟད་དོ་ཞེ་ན། ལན་དུ་དེ་ཉིད་ཤེས་ལའང་དེ་གནས་ཉིད། །ཅེས་སྨོས་ཏེ། གྲངས་ཅན་ཁྱེད་ཀྱི་ལྟར་ན་རྨོངས་པ་དེ་ནི་དེ་ཁོ་ན་ཤེས་པ་ལ་ཡང་གནས་པ་སྟེ། ཡོད་པའི་ཕྱིར་འབྲས་བུ་ཡོད་པ་སྐྱེ་བ་ནི་ངོ་མཚར་བ་ཁོ་ནའོ། །ཡང་ན་རྒྱུ་ལ་འབྲས་བུ་ཡོད་པར་རྟོག་པའི་ཤེས་པ་དེ་འཇིག་རྟེན་ལ་ཡང་ཡོད་པ་དེས་ན་ཅི་སྟེ་མཐོང་། འོན་ཏེ་འཇིག་རྟེན་གྱི་མཐོང་བ་ཚད་མ་མ་ཡིན་ནོ་ཞེ་ན། འཇིག་རྟེན་ཞེས་གསུངས་སོ། །གསལ་བ་མཐོང་བའང་ཞེས་བྱ་བ་ནི་ཁྱོད་ཀྱི་ཆེན་པོ་ཉིད་ལ་སོགས་པ་འབྲས་བུའི་ཚོགས་མཐོང་བའང་ཚད་མ་ཡིན་པའི་ཕྱིར་རོ། གཙོ་བོ་ལ་སོགས་པ་མཐའ་དག་ཚད་མ་ཅན་མ་ཡིན་པར་འགྱུར་རོ། །དེས་ན་མེད་པ་ཁོ་ནའོ། །འདི་སྙམ་དུ་གལ་ཏེ་གཙོ་བོ་ལ་སོགས་པའི་ཚད་མ་དག་ཚད་མ་མ་ཡིན་པ་ཁོ་ན་ཡིན་ན། དེའི་ཚེ་ཚད་མ་དེས་གཞལ་བའི་དངོས་པོ་ཡང་བརྫུན་པས་ན་ཁྱོད་ཀྱིས་སྟོང་པ་ཉིད་ལ་ཡང་ཡིད་བརྟན་ཅི་ཡོད་ཅེས་གཞན་གྱིས་བརྗོད་པ་ན། གལ་ཏེ་ཚད་མ་ <br /> <br /> 106-176a <br /> <br /> ཞེས་བྱ་བ་ལ་སོགས་པའོ། །འདི་ལ་ལན་ནི་བཏགས་པའི་དངོས་ལ་ཞེས་བྱ་བ་ལ་སོགས་པའོ། །དངོས་པོ་དང་དངོས་པོ་མེད་པ་དག་གིས་བཀག་པ་ནི། སྟོང་པ་ཉིད་ཡིན་ནོ་ཞེས་མི་བརྗོད་དེ། དོན་དམ་པར་ན་དེ་དག་གིས་དགག་པ་ནི་དུས་གསུམ་དུ་ཡང་བསྒྲུབ་པ་དག་དགག་པའི་ངོ་བོར་བྱ་བར་མི་ནུས་པའི་ཕྱིར། འོ་ན་ཅི་ཞེ་ན་ངོ་བོ་ཉིད་དུ་སྒྲོ་བཏགས་པ་སྟེ། དགོས་པར་བྱ་བ་ལ་དགོས་པར་བྱེད་པ་ཡིན་ནོ། །དེ་ལྟར་བཏགས་པའི་དངོས་པོ་ལ་ཞེས་བྱ་བ་ལ་རྟོག་པས་སྒྲོ་བཏགས་པའི་དངོས་པོ་ལ་མ་རེག་པར་དེ་གཟུང་བར་དེའི་དངོས་པོ་མེད་པ་སྟེ། དགག་པ་གཟུང་བར་མི་ནུས་པའི་ཕྱིར་རོ། །དེའི་ཕྱིར་ཞེས་བྱ་བ་ལ་སོགས་པ་ནི་མཇུག་སྡུད་པ་སྟེ། འདིར་མཇུག་བསྡུས་པའི་སྒོ་ནས་དཔེ་སྟོན་པ་ནི་དེས་ན་ཞེས་བྱ་བ་ལ་སོགས་པའོ། །དེ་ཡོད་རྣམ་པར་རྟོག་པའི་ཞེས་བྱ་བ་ནི། རྨི་ལམ་དུ་དམིགས་པའི་མཚན་ཉིད་ཀྱི་བུ་དེ་ཡོད་པའི་ཞེས་བྱ་བ་ཡོད་དོ་ཞེས་བྱ་བར་རྟོགས་པ་དེའི་སྐྱེ་བའི་གེགས་བྱེད་པ་སྟེ། འདི་མེད་སྙམ་པའི་རྣམ་པར་རྟོག་པ་བྱེད་པ་པོར་གྱུར་པས་འགོག་པར་བྱེད་པ་ཡིན་ནོ། །འོ་ན་རྣམ་པར་རྟོག་པ་ཉིད་དེ་ཁོ་ནར་ཡོད་པར་འགྱུར་རོ་སྙམ་ན། དེ་ཡང་བརྫུན་ཞེས་གསུངས་སོ། །དེས་ན་ཞེས་བྱ་བ་ལ་སོགས་པ་ནི་མཇུག་སྡུད་པའོ། །རྒྱུ་མེད་ཅེས་བྱ་བ་ནི་དངོས་པོ་འདི་དག་རྒྱུ་མེད་བཞིན་དུ་རང་གི་ངོ་བོ་ཁོ་ནས་སྐྱེས་པ་ཡིན་ནོ་ཞེས་བྱ་བ་དེ་ནི་མི་སྲིད་དོ་ཞེས་རྒྱུ་མེད་པར་སྨྲ་བ་འགོག་པའོ། །སོ་སོར་ཞེས་བྱ་བ་ནི་དབང་ཕྱུག་ཏུ་སྨྲ་བ་འདོད་པ་འགོག་པའོ། །འདུས་པའི་ཞེས་བྱ་བ་ནི་རྒོལ་བ་གཞན་གྱི་འདོད་པ་འགོག་པའོ། །རྐྱེན་རྣམས་ལ་ཞེས་བྱ་བ་ནི་དབང་ཕྱུག་ལ་སོགས་པའི་རྐྱེན་དུ་གྱུར་པ་རྣམས་ལ་ཡང་འབྲས་བུ་རྣམ་པ་འགའ་མེད་དེ། དེས་ན་དབང་ཕྱུག་ལ་སོགས་པ་ནི་འགའ་ཡང་ཡོད་པ་མ་ཡིན་ནོ་ཞེས་གནས་སོ། །ད་ནི་གཞན་ནས་ཞེས་བྱ་བ་ལ་སོགས་པ་དུས་སུ་འཕོ་བ་ཟླ་བའི་ལུགས་འགོག་པར་བྱེད་དོ། །འདི་ཉིད་ལ་རྒྱུ་གཞན་ཡང་བསགས་པའི་ཕྱིར་རྨོངས་པས་བདེ་བར་ཞེས་བྱ་བ་ལ་སོགས་པ་གསུངས་ཏེ། འདི་ཉིད་ཀྱང་གོ་སླའོ། །གལ་ཏེ་དེ་ལྟར་ན་འགྲིབ་པ་འདི་ལ་ཡོད་པའི་རྒྱུའི་རྗེས་སུ་འགྲོ་བ་དང་། ལྡོག་པའི་རྗེས་སུ་བྱེད་པ་གང་ཡིན་པ་དེ་ནི་སྒྱུ་མ་ལས་ཁྱད་པར་དུ་འགྱུར་བ་ཡིན་ནོ་ <br /> <br /> 106-176b <br /> <br /> སྙམ་ན། སྒྱུ་མ་ལས་ཞེས་བྱ་བ་ལ་སོགས་པ་གསུངས་སོ། །འདི་ནི་གཟུགས་བརྙན་ལ་ཡང་མཚུངས་སོ་ཞེས་གསུངས་པ་ནི། གཟུགས་བརྙན་ལ་ཡང་མཚུངས་སོ། །གཞན་ཡང་འབྲས་བུ་ཡོད་པའམ་མེད་པ་གང་ཞིག་རྗེས་སུ་དཔག་ཅེས་སྟོན་པ་ནི། དངོས་པོ་ཡོད་པར་གྱུར་པ་ལ་ཞེས་བྱ་བ་ལ་སོགས་པ་སྟེ། རྟོགས་པར་སླའོ། །འོན་ཏེ་སྔར་མེད་པ་གང་ཡིན་པ་དེ་ཉིད་སྐྱེ་བའོ་སྙམ་ན། བྱེ་བ་ཕྲག་བརྒྱ་ཞེས་བྱ་བ་ལ་སོགས་པའོ། །བསྒྱུར་དུ་མེད་པ་ནི་བསྐྱོད་དུ་མེད་པའོ། །འོན་ཏེ་དངོས་པོ་མེད་པའི་གནས་སྐབས་ཉིད་ཕྱིས་དངོས་པོར་འགྱུར་རོ་ཞེ་ན། མ་ཡིན་ཏེ། གནས་སྐབས་དེ་ཉིད་དངོས་པོར་ཇི་ལྟར་འགྱུར་ཏེ་མི་འགྱུར་རོ། །འོན་ཏེ་གཞན་ཞིག་དངོས་པོར་འགྱུར་མོད་སྙམ་ན། དངོས་འགྱུར་གཞན་ཡང་ཞེས་གསུངས་སོ། །འདི་ལྟར་དངོས་པོ་མེད་པ་གང་ཡིན་པ་དེ་ནི་རེ་ཞིག་དངོས་པོར་འགྱུར་བར་མི་འོས་སོ། །དངོས་པོ་ཡང་དངོས་པོ་ཉིད་དུ་གྲུབ་ཟིན་པས་དེ་ལ་ཡང་དངོས་པོར་ཅི་བྱ་དེ་གཉིས་ལས་གཞན་རྣམ་པ་གསུམ་པ་ཡང་ཡོད་པ་མ་ཡིན་ཏེ། དེས་ན་འགའ་ཞིག་དངོས་པོར་འགྱུར་བ་ནི་མི་ཤེས་སོ། །འོན་ཏེ་དངོས་པོ་མེད་པའི་དུས་ཉིད་ན་དངོས་པོ་ཡོད་དོ་ཞེས་ནི་མི་བརྗོད་དོ། །འོན་ཀྱང་དངོས་པོ་མེད་པ་ཉིད་སྲིད་པ་དེའི་ཚེ་དངོས་པོ་ཡོད་དོ་ཞེས་བརྗོད་དོ། །འོན་ཏེ་དངོས་པོ་མེད་པའི་དུས་ཉིད་ན་དངོས་པོ་ཡོད་དོ། །འོན་ཀྱང་དངོས་པོ་མེད་པ་ཉིད་སྲིད་པ་དེའི་ཚེ་དངོས་པོ་མེད་དོ་ཞེས་གཞན་གྱིས་སྨྲས་པ་ནི། མེད་ཚེ་ཞེས་བྱ་བ་ལ་སོགས་པའོ། །དངོས་པོ་ཡོད་པར་ཞེས་བྱ་བ་ལ་སོགས་པ་ནི་ལན་འདེབས་པ་སྟེ། སྔར་གྱི་དངོས་པོ་མེད་པ་ནི་རྟག་ཏུ་ཉེ་བར་གནས་པའི་ཕྱིར་རོ་སྙམ་དུ་དགོངས་པའོ། །འོན་ཏེ་དངོས་པོ་སྐྱེས་པའི་དུས་ན་དངོས་པོ་མེད་པ་འཇིག་གོ་སྙམ་ན། དངོས་པོ་སྐྱེས་པར་ཞེས་གསུངས་སོ། །འདི་སྙམ་དུ་དངོས་པོ་སྐྱེས་པ་ཁོ་ནས་དངོས་པོ་མེད་པར་བྱེད་དོ་ཞེ་ན། དངོས་མེད་དང་ནི་མ་བྲལ་ན། །ཞེས་བྱ་བ་ལ་སོགས་པའོ། །འོན་ཏེ་དངོས་པོ་མེད་པ་གང་ཡིན་པ་དེ་ཉིད་ཀྱང་དངོས་པོར་འགྱུར་རོ་སྙམ་ན། དངོས་པོ་ལ་ཡང་ཞེས་བྱ་བ་ལ་སོགས་པའོ། །རིགས་པའི་ཚོགས་དེ་མཐའ་དག་གིས་སྐྱེ་བ་བཀག་ནས། དེ་ནི་དེ་ལྟར་ཞེས་བྱ་བ་ལ་སོགས་པས་འཇིག་པ་ཡང་འགོག་པར་བྱེད་དོ། །དངོས་པོ་དང་དངོས་པོ་མེད་པ་དག་ཡོད་པ་དང་། མེད་ <br /> <br /> 106-177a <br /> <br /> པ་ཉིད་ཀྱིས་དགག་པ་མི་སྲིད་པའི་ཕྱིར་ན། དོན་དམ་པར་འགག་པ་ཡང་མེད་དོ། །དེའི་ཕྱིར་ཞེས་བྱ་བ་ལ་སོགས་པ་ནི་སྔ་མའི་མཇུག་སྡུད་དོ། །དེ་སྐད་དུ། །འགག་པ་མེད་པ་སྐྱེ་མེད་པ། །ཞེས་བྱ་བ་ལ་སོགས་པ་གསུངས་པ་ཡིན་ནོ། །གལ་ཏེ་ཆོས་འདི་དག་ཐམས་ཅད་སྐྱེ་བ་དང་འགག་པ་མེད་པ་ཡིན་ན། དེའི་ཚེ་འགྲོ་བ་དྲུག་པོ་ཇི་ལྟར་ཡིན་སྙམ་ན། འགྲོ་བ་རྨི་ལམ་ཞེས་བྱ་བ་ལ་སོགས་པ་གསུངས་སོ། །གལ་ཏེ་དེ་ལྟ་ཡིན་ན་གྲོལ་བ་དང་མ་གྲོལ་བའི་ཐ་སྙད་ཇི་ལྟར་སྙམ་ན། མྱ་ངན་འདས་དང་མ་འདས་པ། །ཞེས་གསུངས་སོ། །དེ་ལྟར་སྟོང་པའི་ཞེས་བྱ་བ་ལ་སོགས་པས་ནི་ཡོན་ཏན་སྐྱོན་ཁྱད་པར་མེད་པས་བསྟན་པའོ། །ད་ནི་བྱིས་པ་མ་རིག་པས་ལྡོངས་པ་རྣམས་ཀྱི་རིམ་པའི་སྤྱོད་པ་སྟོན་པས། བདག་ཉིད་ཅེས་བྱ་བ་ལ་སོགས་པ་གསུངས་སོ། །ཚེགས་ཆེན་ཞེས་བྱ་བ་ནི་འབད་པ་ཆེན་པོས་སོ། །འཚོ་ཞེས་བྱ་བ་ནི་གནས་པའོ། །བདེ་འགྲོར་ཡང་དང་ཡང་འོངས་ཏེ། །ཡང་ངན་སོང་རྣམས་སུ་ལྟུང་ཞེས་འབྲེལ་ཏོ། །གང་གི་ཕྱིར་དེ་ལྟར་སྲིད་པ་ན་འདི་དག་ནི་བཟོད་དཀའ་བའི་སྡུག་བསྔལ་གྱི་ཁུར་མང་པོའི་ཚོགས་གང་ཡིན་པ་དང་། དེར་ནི་དེ་ཉིད་མིན་ཞེས་བྱ་བ་མི་ཤེས་པ་འབའ་ཞིག་དང་། འདི་འདྲ་ཞེས་བྱ་བ་སྡུག་བསྔལ་སྣ་ཚོགས་ཀྱི་རྒྱུ་སྡུག་བསྔལ་གྱི་འབྱུང་གནས་སུ་གྱུར་པ་དང་ལྡན་པ་ཡིན་ནོ། །འོན་ཏེ་འཁོར་བའི་སྡུག་བསྔལ་བསྐྱེད་པ་ལ་ཡང་དག་པའི་ཤེས་པ་ཉིད་རྒྱུ་ཅི་སྟེ་མི་འདོད་ཅེ་ན། དེར་ཡང་ཞེས་བྱ་བ་ལ་སོགས་པ་གསུངས་ཏེ། གང་དུ་ཤིན་ཏུ་མི་བཟོད་པའི་ཚོར་བས་གནོད་པ་འཁོར་བའི་ཕན་ཚུན་འགལ་བའི་ངལ་བ་ཆེན་པོ་འདི་འདྲ་བ་ཡོད་པ་དེར་ཡང་དག་པའི་ཤེས་པ་འདི་ལྟ་བུ་སྲིད་པའི་རྒྱུར་འཐད་པ་མ་ཡིན་ནོ་ཞེས་བྱ་བ་ནི་གཅིག་ཏུ་ངེས་པའོ། །དེར་ཡང་ཞེས་བྱ་བ་ལ་སོགས་པ་དེ་ཁོ་ན་མེད་པ་ཉིད་གསལ་བར་བྱེད་དོ། །དེར་ཡང་ཞེས་བྱ་བ་ནི་སྲིད་པར་རོ། །སྟོབས་ཆུང་ཞིང་ཞེས་བྱ་བ་ནི་གཟི་བརྗིད་ཆུང་བའོ། །གསོན་དང་ནད་མེད་ཀྱི་བྱེད་དང་། །ཞེས་བྱ་བ་ནི། གསོན་དུ་རེ་བ་དང་། ནད་མེད་པར་རེ་བ་དང་། གཞན་ལ་སྟོན་པ་ལ་སོགས་པ་བྱེད་པས་སོ། །ཚེ་འདི་མྱུར་འདའ་ཞེས་བྱ་བ་ནི་ཚེ་མྱུར་དུ་འགྲོ་བའོ། །སྐྱོན་གཞན་ཡང་སྟོན་པ་ནི་དེར་ཡང་ཞེས་བྱའོ། །རྣམ་གཡེངས་གོམས་པ་ཞེས་བྱ་བ་ནི་ལུས་ཀྱི་གནས་ངན་ལེན་ལ་སོགས་ <br /> <br /> 106-177b <br /> <br /> པའི་མཚན་ཉིད་དེ་དག་བཟློག་པའི་ཐབས་ག་ལ་ཡོད་དེ་མཐུ་མེད་དོ་ཞེས་བྱ་བའི་དོན་ཏོ། །ལོག་པའི་ལམ་ཞེས་བྱ་བ་ནི་ལོག་པའི་ལྟ་བར་ལྟུང་བའོ། །ཐེ་ཚོམ་ལས་ཀྱང་ཞེས་བྱ་བ་ནི་ལམ་ལ་ཡིད་གཉིས་ཟ་བ་ལས་སོ། །རྒལ་བ་ཞེས་བྱ་བ་ནི་བཟློག་པར་དཀའོ། །དལ་བ་རྙེད་དཀའ་ཞེས་བྱ་བས་ནི་མི་ཁོམ་པ་བརྒྱད་སྤང་བར་བརྗོད་དོ། །སྟོང་པ་ཉིད་ཀྱི་ཆ་བསྟན་ནས། ད་ནི་སྙིང་རྗེའི་ཆ་སྟོན་པ་ལ་འཇུག་པ་ནི། དེ་ལྟར་ཤིན་ཏུ་ཞེས་བྱ་བ་ལ་སོགས་པའོ། །དཔེར་ན་འགའ་ཞིག་ཅེས་བྱ་བ་ལ་སོགས་པ་ནི། སྲིད་པའི་སྡུག་བསྔལ་གྱི་རང་བཞིན་ཡིན་ཡང་བདེ་བར་མངོན་པར་རློམ་པར་ཟད་དོ་ཞེས་སྟོན་པའོ། །དེ་ལྟར་དགའ་དང་ཞེས་བྱ་བ་ལ་སོགས་པས་ནི། མང་དུ་སྨྲ་བས་ཅི་བྱ་སྟེ། འདི་ཐམས་ཅད་ནི་མ་རིག་པའི་རྣམ་པར་འགྱུར་བ་ཡིན་ནོ་ཞེས་སྟོན་པའོ། །དེ་ལྟར་ཞེས་བྱ་བ་ལ་སོགས་པ་སྨོས་པས་ནི། སྨོན་ལམ་འབྲས་བུ་དང་བཅས་པར་བྱེད་པའོ། །ནམ་ཞིག་ཅེས་བྱ་བ་ལ་སོགས་པས་ནི། བྱང་ཆུབ་ཀྱི་སེམས་འབྲས་བུ་དང་བཅས་པར་བྱེད་པའོ། །གལ་ཏེ་དོན་དམ་པར་བསྟན་པ་ཡང་མེད་མོད་ཀྱི། འོན་ཀྱང་ཀུན་རྫོབ་ཏུ་ཡོད་པ་ཡིན་ནོ། །དེ་ལྟ་མོད་ཀྱི་དེ་དག་ལ་བདག་ནམ་ཞིག་སྟོང་པ་ཉིད་སྟོན་པར་འགྱུར་ཞིག་གུ་ཞེས་བྱ་དེ་ལྟར་འཁོར་གསུམ་མི་དམིགས་པའི་ཚུལ་གྱིས་སྦྱིན་པ་ལ་སོགས་པའི་སྒོ་ནས་བསོད་ནམས་ཀྱི་ཚོགས་སུ་ཇི་ལྟར་འགྱུར་བ་དེ་ལྟར་ཡང་གུས་པར་རྗེས་སུ་བསྒྲུབས་ནས་ནམ་ཞིག་གཞན་ལ་སྟོན་པར་འགྱུར་ཞིག་གུ་ཞེས་དེ་ལྟར་བསོད་ནམས་དང་ཡེ་ཤེས་ཀྱི་ཚོགས་ཀྱི་རྣམ་པར་བསྟན་ཏོ། །ནམ་ཞིག་དམིགས་པ་མེད་ཚུལ་དུ། །ཀུན་རྫོབ་ཏུ་ནི་བསོད་ནམས་ཀྱི་ཚོགས་ལ་གུས་པས་དམིགས་པ་དང་བཅས་པར་ལྟ་བ་ལ། སྟོང་ཉིད་སྟོན་པར་འགྱུར་ཞེས་ཁ་ཅིག་ལས་འདོད་དོ། །དེའི་ཚེ་ནི་འཁོར་གསུམ་མི་དམིགས་པའི་ཚུལ་དུ་ཀུན་རྫོབ་ཏུ་སྦྱིན་པ་ལ་སོགས་པའི་སྒོ་ནས་བསོད་ནམས་དང་ཡེ་ཤེས་ཀྱི་ཚོགས་ལ་གུས་པར་ཏེ། འབད་པས་དམིགས་པའི་ལྟ་བ་ཅན་དག་སྡུག་བསྔལ་དང་ལྡན་པར་གྱུར་པ་འདི་རྣམས་ལ་བདག་སྟོང་པ་ཉིད་ཉོན་མོངས་པ་དང་ཤེས་བྱའི་སྒྲིབ་པ་འཇོམས་པར་བྱེད་པ་སྟོན་པར་ནམ་ཞིག་འགྱུར་ཞེས་བྱ་བ་ཡིན་ནོ། །སྡུག་བསྔལ་མ་ལུས་སྤོང་བྱེད་ཤེས་རབ་ཀྱི། །ལེའུ་ནུས་པ་ཇི་བཞིན་རྣམ་བཀྲོལ་ལས། །བསོད་ནམས་སྦྲང་མའི་རྡུལ་ཙམ་གང་ཐོབ་དེས། །འགྲོ་བ་མྱུར་དུ་ཞི་བའི་ <br /> <br /> 106-178a <br /> <br /> ལྷར་གྱུར་ཅིག །ཤེས་རབ་ལེའུའི་དཀའ་འགྲེལ་རྫོགས་སོ།། །།པཎྜི་ཏ་མི་མཉམ་ཁོལ་པོ་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་བསྒྱུར་བ། ལི་སྟོན་རྡོ་རྗེ་རྒྱལ་མཚན་མོས་པའི་དབང་གིས་འགྲེལ་པ་འདི་ལེགས་པར་བསྒྱུར།། །།<br /> }}</div> Khenpo Tamphel https://bodhicitta.tsadra.org/index.php?title=Texts/%27Phags_bstod_kyi_%27grel_pa/Full_text/Feedback_1&diff=136716 Texts/'Phags bstod kyi 'grel pa/Full text/Feedback 1 2026-05-25T13:44:49Z <p>Khenpo Tamphel: Created page with &quot;{{Feedback |PageReviewed=Texts/&#039;Phags bstod kyi &#039;grel pa/Full text |DateReviewed=2026-05-25 |FeedbackUser=Khenpo Tamphel |FeedbackContent=I am not sure if the title of this page &#039;&#039;Phags btod kyi &#039;grel pa&#039; and the main text are same. Please check. }}&quot;</p> <hr /> <div>{{Feedback<br /> |PageReviewed=Texts/'Phags bstod kyi 'grel pa/Full text<br /> |DateReviewed=2026-05-25<br /> |FeedbackUser=Khenpo Tamphel<br /> |FeedbackContent=I am not sure if the title of this page ''Phags btod kyi 'grel pa' and the main text are same. Please check.<br /> }}</div> Khenpo Tamphel