https://bodhicitta.tsadra.org/api.php?action=feedcontributions&feedformat=atom&user=Chogyal 2026-10-02T02:24:37Z User contributions MediaWiki 1.39.10 https://bodhicitta.tsadra.org/index.php?title=Texts/Rgyal_sras_zhi_ba_lha%27i_rnam_par_thar_pa_rin_chen_phreng_ba/Full_text&diff=130909 2026-03-23T04:25:48Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW3KG397 BDRC MW3KG397]<br /> |FullTextTibetan={{TibH3|༄༅། །རྒྱལ་སྲས་ཞི་བ་ལྷའི་རྣམ་པར་ཐར་པ་རིན་ཆེན་ཕྲེང་བ་ཞེས་བྱ་བ་བཞུགས་སོ། །}}<br /> <br /> རྨད་དུ་བྱུང་བའི་སྐྱེས་བུ་ཆེན་པོ་སློབ་དཔོན་ཀུན་ཤཱནྟ་དེ་བའམ་ཞི་བའི་ལྷ་ནི། ལྷོ་ཕྱོགས་སཽར་ཥྚར་མའི་བདག་པོ་འཇམ་དཔལ་གོ་ཆ་ཞེས་བྱ་བའི་སྲས་སུ་སྐྱེ་བའི་ལྗོན་ཤིང་བཟུང་ངོ། །དེར་ནི་བཀུར་བར་འོས་པའི་གནས་ཐམས་ཅད་ལ་གུས་པའི་ཤིང་རྟ་བརྟན་ཞིང་། ཕོངས་པ་དང་མགོན་མེད་པ་ཐམས་ཅད་ལ་བརྩེ་བ་ཆེན་པོ་དང་ལྡན་པས་དེ་ཙམ་ནས་ཐེག་པ་ཆེན་པོའི་རིགས་སད་པ་ཞིག་གོ། །སྔོན་གྱི་ལས་འཕྲོའི་མཐུས་གཞོན་ནུས་ནས་མནལ་ལམ་ན་འཕགས་པ་འཇམ་དཔལ་ཞལ་གཟིགས། བསྟན་བཅོས་དང་སྒྱུ་རྩལ་གྱིས་གནས་མང་པོ་ལ་མཁས་པར་གྱུར། རེ་ཞིག་ནས་རྒྱལ་སྲིད་ལ་དབང་བསྐུར་བའི་ཁྲི་བཤམས་པ་ན། རྨི་ལམ་དུ་འཕགས་པ་འཇམ་དཔལ་ཁྲི་ལ་བཞུགས་ནས། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ཁྱོད་དང་ང་གཉིས་སྟན་གཅིག་ལ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་འཕགས་པ་འཇམ་དཔལ་གྱིས་ཆོས་ཀྱི་རྒྱལ་སྲིད་ཆེན་པོར་དབང་བསྐུར་བའི་དོན་གྱིས་གནང་བ་བྱིན་ཏོ། །དེ་བཞིན་དུ་འཕགས་མ་སྒྲོལ་མས་རང་གི་མའི་ཚུལ་བཟུང་ནས། ཁྲུས་ཀྱི་ཕྱིར་ཆུ་ཚན་སྤྱི་བོ་ནས་བླུགས་པས། དེའི་ཚ་བའི་རེག་བྱ་ལ་དྲིས་པ་ན། བུ་རྒྱལ་སྲིད་ནི་དམྱལ་བའི་ཆུ་ཚན་དང་འདྲ་མི་བཟད་པ་ཉིད་དེ། དེས་ཁྱོད་ལ་དབང་བསྐུར་བར་ཉེའོ། །གསུངས་པས་འདི་སྙམ་དུ། ཀྱེ་མ་རྒྱལ་སྲིད་ནི་དུག་གི་སྡོང་པོ་བཞིན་ཏེ། ཐར་པ་དང་ཐམས་ཅད་མཁྱེན་པའི་སྲོག་གི་གཤེད་མ་ཉིད་དོ། །འདི་ནི་ཤིན་ཏུ་མི་རུང་ངོ་དགོངས་ནས་ནངས་པར་རྒྱལ་སར་བསྐོ་བ་ལ་ཉེ་བའི་ནུབ་མོ་བྲོས་སོ། །དེར་ཞག་ཉི་ཤུ་རྩ་གཅིག་ཏུ་ཕྱིན་པ་ན་སྐོམ་པས་གདུངས་ཏེ་ནགས་ཀྱིས་རྩ་བའི་ཆུ་མིག་ལ་འཐུང་བར་བརྩམས་པ་ན། བུ་མོ་ཞིག་བྱུང་ནས་དེ་ནི་དུག་གི་ཆུ་སྟེ་བཏུང་བར་མི་འོས་སོ། །ཞེས་ལྡོག་ནས་ཆུ་ཞིམ་པོ་བླུད་ཅིང་ནགས་ཀྱི་ཕུག་ན་རྣལ་འབྱོར་པ་ཞིག་འདུག་པའི་དྲུང་དུ་ཁྲིད་དོ། །དེ་ན་འཇམ་པའི་རྡོ་རྗེ་ཡིན་ཏེ། ས་མཁན་གྱི་བུད་མེད་ནི་སྒྲོལ་མའོ། །དེར་རྣལ་འབྱོར་པ་དེའི་སྐུ་གསུང་ཐུགས་ཀྱི་རྣམ་པར་ཐར་པ་དུལ་ཞིང་ཟབ་པའི་གནས་ལ་མོས་གུས་ཀྱི་ལང་ཚོ་ཤིན་ཏུ་བརྟས་པར་གྱུར་ནས་རྗེས་སུ་འཛིན་པར་ཞུས་པས། དབང་བསྐུར་ཞིང་རྗེས་སུ་བསྟན་པ་བྱིན་པས་ཏིང་ངེ་འཛིན་དང་ཡེ་ཤེས་ཀྱི་སྒོ་དཔག་ཏུ་མེད་པ་བརྙེས་སོ། །དུས་དེ་སྙེད་ནས་འཕགས་པའི་སྣང་བ་དང་རྟག་ཏུ་འགྲོགས་པས་ཤིང་གི་རལ་གྲི་ཤུབས་དང་བཅས་པ་གཅིག་བཅངས་ཏེ་བརྟུལ་ཞུགས་ཀྱིས་རྒྱུ་བ་ལས། རྒྱལ་པ་སེངྒེ་ལྔ་པའི་འཁོར་གྱི་ནང་དུ་བཞུགས་ནས། རྒྱུ་རྩལ་གྱི་གནས་ཐམས་ཅད་ལ་ཤིན་ཏུ་མཁས་ཤིང་བློ་གྲོས་ཆེན་པོར་འདུག་ནས་ལྷའི་སྐུ་སྲུང་ཉིད་དུ་ཞལ་འཆེས་སོ། །དེར་བཟོའི་ཐམས་ཅད་ཀྱང་དར་བར་མཛད། རྒྱལ་སྲིད་ཆོས་བཞིན་དུ་སྐྱོང་དུ་བཅུག་པས། བློན་པོ་གཞན་རྣམས་ཀྱིས་ཕྲག་དོག་བྱས་ཏེ། ལྷ་གཟིགས་སུ་གསོལ། འདི་ནི་གཡོ་ཅན་ཞིག་སྟེ། རལ་གྲི་ཡང་ཤིང་ལས་མེད་ན་ལྷའི་སྐུ་སྲུང་ནུས་མིན་བརྟག་པར་བྱའོ་ཞེས་བཅས་ནས། རིམ་བཞིན་ཐམས་ཅད་ཀྱི་མཚོན་ཆ་རྒྱལ་པོའི་སྤྱན་སྔར་སྟོན་པ་ལ་ཞུགས་པ་ན། སློབ་དཔོན་གྱིས་བདག་གི་རལ་གྲི་ནི་བལྟ་བེ་མི་བཟོད་དོ། །ཞེས་གསུངས་ཀྱང་ནན་གྱིས་བསྐུལ་ལོ། །འོ་ན་མིག་ཡ་གཅིག་བཀབ་ལ་ལྟོས་ཤིག་གསུངས་ནས་དམ་ཚིག་གི་རལ་གྲི་ཤུབས་ནས་ཕྱུང་མ་ཐག་རལ་གྲིའི་མཐུས་རྒྱལ་པོའི་མིག་གཅིག་ཤོས་ས་ལ་ལྷུང་ངོ་། །རྒྱུ་དེ་ཉིད་ཀྱིས་རྒྱལ་པོ་འཁོར་དང་བཅས་པ་སྐྲག་པར་གྱུར་ཏེ་སྐྱབས་སུ་སོང་བས། སླར་མིག་འདྲུལ་བ་འབྱར་བར་མཛད་པས་མཆོག་ཏུ་དད། བསྙེན་བཀུར་གྱིས་བསྟེན་ནས་བཞུགས་པར་གསོལ་ཡང་མ་གནང་སྟེ་རྒྱལ་སྲིད་ཆོས་བཞིན་བསྐྱང་བ་དང༌། ནང་པའི་ཆོས་གཞི་བཅུ་ཕྲག་གཉིས་འཛུགས་པར་བསྒོས་ནས་ཡུལ་དབུས་སུ་བྱོན། དཔ་ལ་ན་ལནྡྲེར་ཙནྡྲ་གོ་མའི་ཕྱི་མ་མཁན་པོ་རྒྱལ་བའི་ལྷ་ལས་རབ་ཏུ་བྱུང༌། མཚན་ཞི་བའི་ལྷར་བཏགས། དེར་པཎྜི་ཏ་རྣམས་དང་ལྷན་ཅིག་གནས་པ་ལས། ནང་དུ་འཕགས་པ་འཇམ་དཔལ་ལ་ཆོས་གསན་ཞིང་ཏིང་ངེ་འཛིན་གྱི་སྒོ་དཔག་ཏུ་མེད་པ་བརྙེས། བསླབ་པ་ཀུན་ནས་བཏུས་དང་། མདོ་ཀུན་ལས་བཏུས་ལེགས་པར་བརྩམས་པས་མཁས་པའི་ཡང་རྩེར་སོན་པ་ཡིན་ཀྱང་། གཞན་ངོར་ཁ་ཟས་ཀྱང་བྲེའོ་ཆ་ལྔ་ལྔ་གསོལ། ཉིན་མཚན་དུ་མནལ་ཞིང་། ཐོས་བསམ་སྒོམ་གསུམ་གང་ཡང་མི་བྱེད་པ་ལྟར་བྷུ་སུ་ཀུའི་ཚུལ་དུ་བཞུགས་པས། དགེ་འདུན་རྣམས་ན་རེ། དད་རྫས་ཆུད་གསན་པར་བྱེད་པའི་འདུ་ཤེས་གསུམ་པ་འདི་བསྐྲད་པར་འོས་སོ། །དེའི་ཕྱིར་ན་མདོ་རེ་མོས་སུ་བཏོན་ལ་རང་བུད་དུ་འགྲོ་བར་བྱའོ་ཞེས་བགྲོས་ནས། ཆོ་འཕྲུལ་ཟླ་བ་ལ་གསུང་རབ་རེ་མོས་སུ་བཏོན་ལ་རང་འབུད་དུ་ཀྱིས་འདོན་པའི་སྐབས་སུ་འབྱོན་པར་བསྐུལ་ལོ། །དེར་སློབ་ད་པོན་གྱིས་ཁོ་བོ་ཅག་གིས་ཅི་ཡང་མི་ཤེས་སོ་ཞེས་ལན་འགའ་གཅོམ་སྐྱུངས་ནའང་པཎྜི་ཏ་རྣམས་ཀྱིས་ཉམས་སད་པར་བགྲོས་ནས་ནན་གྱིས་བསྐུལ་བས་མཐར་ཞལ་གྱིས་འཆེས་སོ། །དེར་ཕལ་ཆེར་ནི་དམའ་དབབ་པའི་ཕྱིར་ཚོགས་ཤིང༌། ལ་ལའང་ཐེ་ཚོམ་གྱི་གནས་ལ་འདུ་བར་བྱས་པའི་དབུས་སུ་ཁྲི་ཆེན་པོ་བཤམས་སོ། །དེའི་ཚེ་སློབ་དཔོན་ཉིད་བྱོན་ཏེ་ཁྲིའི་སྟེང་དུ་བག་ཚ་བ་མེད་པར་བཞུགས་ནས། མདོ་སྔར་བྱུང་བ་ཞིག་འདོན་ནམ། འོན་ཏེ་སྔར་མ་གྲགས་པ་ཞིག་འདོན་གསུངས་པས། ཐམས་ཅད་ཀྱང་ཚོད་བགམ་པ་ལ་སྤྲོ་བར་གྱུར་ནས་སྔར་མ་གྲགས་པ་ཞིག་འདོན་པར་བསྐུལ་ཏོ། །དེར་བྱང་ཆུབ་སེམས་དཔའི་སྤྱོད་པ་ལ་འཇུག་པ་གསུངས་ནས། གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །ཞེས་པའི་ཚིག་མཚམས་ནས་ནམ་མཁའི་དབྱིངས་ལ་ཇེ་མཐོར་གཤེགས་ནས་སྐུ་ལུས་མི་སྣང་བར་འགྱུར་ནའང་། ཚངས་པའི་དབྱངས་དང་བཅས་པའི་ཆོས་ཀྱི་སྒྲ་ནི་གཞུང་མ་རྫོགས་ཀྱི་བར་དུ་རྒྱུན་ཆད་པར་མ་གྱུར་ཏོ། །དེའི་ཚེ་སྐྱེས་བུ་དམ་པ་འདི་ནི་བློ་གྲོས་མི་ཟད་པའོ་ཞེས་མགྲིན་གཅིག་ཏུ་སྒྲོག་པར་བྱེད་ཅིང་། པཎྜི་ཏ་གཟུངས་ཐོབ་པ་རྣམས་ཀྱིས་བློ་ལ་གཟུང་བ་ན། ཁ་ཆེ་བ་རྣམས་ལ་ཤློ་ཀ་སྟོང་ལྷག་པ་ཅིག་བྱུང༌། མཆོད་བརྗོད་རང་གི་བློས་སྦྱར། ཡུལ་དབུས་པ་ཟེར་ཏེ་ཤར་པ་རྣམས་ལ་ཤློ་ཀ་བདུན་བརྒྱ་ལས་མ་བྱུང་བ། བཤགས་ལེ་དང་ཤེས་ལེ་ཆད་པར་གྲགས། མཆོད་མརྗོད་དབུ་མའི་དེ་ཉིད་ལྷན་ཐབས་སུ་བྱས། དབུས་པ་རྣམས་ཀྱིས་མཆོད་པར་བརྗོད་པ་དང༌། བརྩམ་པའི་དམ་བཅའ་མེད་པ། རྗེས་སྔགས་ཀྱི་དབང་དུ་བརྩིས་པའི་ཤློ་ཀ་སྟོང་ཡོད་པ་ཅིག་བྱུང་བས། བཞུགས་ཚོགས་ཀྱི་གནས་ལ་ཐེ༌ཚོམ་བཀོད་པར་གྱུར་ཏོ། །དེར་ཧཱི་ལངྐིའི་ཆ་གྲོང་ཁྱེར་ཀ་ལངྐིར་གཤེགས་ནས་དེ་ཉིད་དུ་བཞུགས་ཞེས་ཐོས་པས་པཎྜི་ཏ་གསུམ་གྱིས་སོང་ནས། ན་ལནྡྲེར་འབྱོན་པར་ཞུས་པས་མ་གནང༌། རང་རང་གིས་གཟུངས་ཀྱིས་བཟུང་བ་ཡི་གེར་བཀོད་པའི་ལུགས་གསུམ་པོ་གང་དག་པ་ཡིན་ཞུས་པས། ཡུལ་དབུས་པ་རྣམས་ཀྱི་བཟུང་བ་ལྟར་ཡིན་གསུངས། འོ་ན་བསླབ་པ་ཀུན་ལས་བཏུས་དང་། མདོ་ཀུན་ལས་བཏུས་བལྟ་བར་གསུངས་པ་གང༌ཡིན་ཞུས་པས། བྲང་ཁང་གི་སྐར་ཁུང་ན་ཤིང་ཤུན་ལ་པཎྜི་ཏའི་ཡི་གེ་ཕྲ་མོས་བྲིས་པའི་གླེགས་བམ་ཡོད་པ་ལོངས་ཞེས་གསུངས། ཡུལ་དེ་ན་ནགས་ཚལ་དང་བཅས་པའི་གཙུག་ལག་ཁང་ཞིག་མཆིས་པར་དགེ་སློང་ལྔ་བརྒྱ་ཙམ་དང་ལྷན་ཅིག་པར་བཞུགས་པ་ལས་ནགས་ཚལ་གྱི་རི་དྭགས་བྲང་ཁང་དུ་འོངས་པ་རྣམས་རྫུ་འཕྲུལ་གྱིས་དམིགས་པ་མེད་པར་རྒྱས་བཏབ་པས། སློབ་དཔོན་གྱི་བྲང་ཁང་དུ་རི་དྭགས་རྣམས་སོང་བ་མཐོང་ཞིང་། ཕྱིར་བྱུང་བ་མ་མཐོང་ལ། རི་དྭགས་ཀྱི་ཚོགས་ཁ་བྲི་བའང་དགེ་སློང་རྣམས་ཀྱིས་ཤེས་སོ། །དེར་སྐར་ཁུང་ནས་བལྟས་པ་ན་སློབ་དཔོན་ཤ་གསོལ་བར་མཐོང་ནས། དགེ་འདུན་རྣམས་ཀྱིས་རྒོལ་བར་བརྩམ་པ་ན། རི་དྭགས་རྣམས་སླར་གསོས་ཏེ་ཉམས་སྟོབས་དང་ལྡན་པ་དག་ཕྱིར་བྱུང་ནས་ནགས་གསེབ་ཏུ་སོང་ངོ། །སླར་རབ་ཏུ་བྱུང་བའི་རྟགས་ཀྱང་བོར་ཏེ་བླང་དོར་མེད་པའི་སྤྱོད་པ་ལ་གཤེགས་པའི་ཚེ་སྒོ་དྲུང་ཞིག་ཏུ་སྐྱེ་བོ་གཅིག་གིས་འཁྲུད་མ་དོར་བའི་ཟེགས་མ་སློབ་དཔོན་གྱི་ཞབས་ལ་རེག་པས་ལྕགས་བསྲེགས་ལ་ཕོགས་བཞིན་དུ་ཁོལ་བར་གྱུར་པ་དེས་མཐོང་ངོ་། །ཇི་ཞིག་ན་བ་ཏི་བི་ཧ་རའི་རྒྱལ་པོའི་ས་ཆར་མུ་སྟེགས་དང་ནུས་པ་ཀྱི་པཎྜི་ཏ་བདེ་བྱེད་ཅེས་བྱ་བས་འོངས་ནས་ཕྱི་ནང་གྲུབ་མཐའ་ལ་བརྩད་ཅིང་མཐུ་དང་རྫུ་འཕྲུལ་འགྲན་པར་བསྐུལ་བ་ན། ནང་པ་གཞན་རྣམས་བག་ཚ་བར་གྱུར་ཏོ། །དེར་སྔར་གྱི་འཁྲུད་མའི་བྱ་བ་མཐོང་བའི་སྐྱེ་བོ་དེས་དེ་དྲན་ནས་ངེས་པར་རྩོད་པ་བཟློག་པ་ཞིག་དེས་ནུས་སོ་སྙམ་ནས་སློབ་དཔོན་གྱི་དྲུང་དུ་ཕྱིན། མུ་སྟེཊ་དང་ནུས་པ་འགྲན་པར་ཞུས་པའི་པས་ཞལ་གྱིས་བཞེས་བཞིན་དུ་ཡུལ་དེའི་རྒྱལ་པོ་ལའང་བསྙད་དོ། །རྒྱལ་པོས་སྐྱེ་བོ་མང་པོ་འདུས་པའི་དབུས་སུ་ཁྲི་བརྩིགས་ནས་ཕྱི་ནང་གྲུབ་མཐའ་ལ་རྩོད་དུ་བཅུག་པས་སློབ་དཔོན་ཉིད་ཀྱི་རྒྱལ་ལོ། །དེར་མུ་སྟེགས་ཀྱིས་ནམ་མཁའ་ལ་རྡུལ་ཚོན་གྱི་དཀྱིལ་འཁོར་ཆེན་པོ་སྐད་ཅིག་ལ་བྲིས་པ་ན། སློབ་དཔོན་གྱིས་ཟད་པར་རླུང་གི་ཏིང་ངེ་འཛིན་ལ་མཉམ་པར་བཞག་པས་དཀྱིལ་འཁོར་དང་མུ་སྟེགས་རྣམས་འཐོར་རླུང་དྲག་པོས་བསྐྲད་པ་ཆུ་བོ་ཞིག་མཆིས་པའི་ཕ་རོལ་ཏུ་སོང་ངོ་། །དེར་ཆོས་ཤིན་ཏུ་དར་བར་མཛད་ཅིང་ཡུལ་དེ་ལའང་མུ་སྟེགས་ཕམ་པའི་ཡུལ་ཞེས་སྐབས་དེར་གྲཊ་ཀྱང་དུས་ཀྱི་སྟོབས་ལས་ད་ལྟ་མིང་དེ་སྐད་དུ་གྲགས་པའི་ངེས་བའང་མེད་ཅེས་མཁས་པ་དག་ཀྱང་གླེང་ངོ། །གཞན་ཡང་ལྟ་བ་ཁྱད་པར་ཅན་འཛིན་པ་ལྔ་བརྒྱ་དང༌། མུ་ཏོ་བ་སྟོང་ཕྲག་ལ་འཚོ་བ་སྦྱར། འཁྲུག་པ་ཆེན་པོའི་འཐབ་ཟླར་ཞུགས་ནས་རྫུ་འཕྲུལ་གྱིས་བསྡུམས་པ་ལ་སོགས་པ་ངོ་མཚར་ཅན་གྱིས་མཛད་པའི་གཏམ་བདུན་ཞེས་བ་གྲང་པའང་ཡོད་ཀྱི། དགོངས་པ་དང་སྤྱོད་ཡུལ་གཞན་ལས་ཁྱད་པར་འཕགས་པའི་ཚུལ། པཎྜི་ཏ་བུ་ཏི་ཙནྡྲས།<br /> <br /> {{TibVerse|<br /> རྒྱལ་བའི་བསྟན་ལ་བདག་ཉིད་ཆེ། །<br /> སྐྱེས་བུ་མང་པ་བྱན་མོད་ཀྱི། །<br /> ཞི་བའི་ལྷ་ཡས་མཛོད་པ་འདྲའི། །<br /> ཉམས་དང་དགོངས་པ་ཅན་མི་རྙེད། །<br /> ཅེས་གསུངས་པ་བཞིན་ནོ། །བཀྲ་ཤིས། །}}<br /> }}</div>

Chogyal https://bodhicitta.tsadra.org/index.php?title=Gcod_yul_tshogs_bsags_dngos_grub_dga%27_ston_gyi_don_%27grel_chos_sku%27i_gsang_tshig&diff=129930 2026-03-19T15:26:44Z

<p>Chogyal: Gadget &quot;InstantCreateRedirect&quot; created this page with &quot;#REDIRECT Books/Gcod yul tshogs bsags dngos grub dga&#039; ston gyi don &#039;grel chos sku&#039;i gsang tshig&quot; via the API.</p> <hr /> <div>#REDIRECT [[Books/Gcod yul tshogs bsags dngos grub dga' ston gyi don 'grel chos sku'i gsang tshig]]</div>

Chogyal https://bodhicitta.tsadra.org/index.php?title=Texts/Rgyal_sras_chen_po_zhi_ba_lha%27i_rtog_brjod_ngo_mtshar_bdun_ldan/Full_text&diff=128811 2026-03-17T08:24:45Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW2KG229024_UY6IFFI71FIC BDRC MW2KG229024_UY6IFFI71FIC]<br /> |FullTextDate=2026-02-18<br /> |FullTextTibetan=༄༅། །རྒྱལ་སྲས་ཆེན་པོ་ཞི་བ་ལྷའི་རྟོགས་བརྗོད་ངོ་མཚར་བདུན་ལྡན་ཞེས་བྱ་བ་བཞུགས་སོ། །(མཚན་བྱང་རྩོམ་སྒྲིག་པས་བསྣན།)<br /> རྒྱལ་སྲིད་རབ་སྤོངས་ལྷག་པའི་ལྷ་མཆོག་བརྙེས། །རྫུ་འཕྲུལ་བཀོད་པས་མུ་སྟེགས་རྒོལ་ངན་བརྟུལ། །སྐལ་ལྡན་འགྲོ་ལ་བྱང་ཆུབ་སྤྱོད་པ་ཡི། །ལམ་བཟང་སྟོན་མཛད་ཞི་བའི་ལྷ་ལ་འདུད། །དེ་ཡང་རྒྱལ་སྲས་ཆེན་པོ་ཞི་བ་ལྷ་ནི། ལྷག་པའི་ལྷ་བརྙེས་ནཱ་ལེནྡྲའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང་། །རྒྱལ་པོ་མུ་སྟེགས་ཅན་བཏུལ་བའོ། །ཞེས་ངོ་མཚར་གྱི་གཏམ་བདུན་དུ་གྲགས་པ་ལས། ཐོག་མར་རྒྱ་གར་ལྷོ་ཕྱོགས་ཀྱི་རྒྱུད་ཞིག་ཏུ། མིའི་དབང་པོ་འཇམ་པའི་གོ་ཆ་ཞེས་བྱ་བའི་སྲས་སུ་འཁྲུངས། ཞི་བའི་གོ་ཆ་ཞེས་མཚན་གསོལ། གཞོན་ནུ་ཉིད་ནས་ཐེག་ཆེན་ཀྱི་རིགས་སད་ཅིང་། བླ་མ་དང་བྲམ་ཟེ་སོགས་མཆོད་འོས་ལ་བསྐུར་ཞིང་སློབ་འབངས་སོགས་འཁོར་ལ་བྱམས་ཤིང་ཕན་འདོགས། ཕོངས་པ་དང་མགོན་མེད་པ་ལ་ཤིན་ཏུ་བརྩེ། ལུགས་ཀྱི་བསྟན་བཅོས་དང་། སྒྱུ་སྩལ་གྱི་གནས་ཐམས་ཅད་ལ་མཁས་པར་གྱུར། ཁྱད་པར་དུ་ཀུ་སཱ་ལི་ཞིག་ལས་འཇམ་དཔལ་རྣོན་པོའི་སྒྲུབ་ཐབས་ཤིག་ཞུས་ཏེ་བསྒྲུབས་པས་འཇམ་དཔལ་གྱི་ཞལ་དངོས་སུ་མཇལ། ནམ་ཞིག་ཡབ་རྒྱལ་པོ་ཞི་བར་གཤེགས། སྲས་རྒྱལ་སྲིད་ལ་དབང་བསྐུར་བའི་ཁྲི་བཤོམས་པའི་ནུབ་མོའི་རྨི་ལམ་དུ། འཕགས་པ་འཇམ་དཔལ་ཁྲིར་བཞུགས་ཏེ། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ཁྱོད་དང་ང་གཉིས་སྟན་གཅིག་ཏུ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་གསུངས་པ་དང་། དེ་བཞིན་དུ་སྒྲོལ་མས་རང་གི་མ་ཡུམ་གྱི་ཚུལ་བཟུང་ནས། ཁྲུས་ཀྱི་ཕྱིར་ཆུ་ཚན་སྤྱི་བོ་ནས་བླུགས་པ་ན། དེ་ཚ་བས་ཉེན་ཏེ་རྒྱུ་མཚན་དྲིས་པས། བུ་རྒྱལ་སྲིད་ནི་དམྱལ་བའི་ཆུ་ཚན་མི་ཟད་པ་ཉིད་དོ། །དེས་ཁྱོད་ལ་དབང་བསྐུར་བར་ཏེའོ། །གསུངས་པ་ན་མནལ་སད། རྒྱལ་སྲིད་འཛིན་མི་འོས་པའི་ལུང་བསྟན་ཡིན་པར་ཐུགས་ལ་དགོངས་ཏེ། ནུབ་མོ་དེ་ཉིད་དུ་བྲོས་ཏེ་བྱོན། ཞག་ཉེར་གཅིག་བྱོན་པ་ན། སྐོམ་པས་གདུངས་ཏེ་ནག་རྩ་ཆུ་མིག་ཞིག་ལས་ཆུ་འཐུང་བར་བརྩམས་པས། བུ་མོ་ཞིག་བྱུང་སྟེ། དེ་དུག་གི་ཆུ་ཡིན། བཏུང་བར་མི་བྱ་ཞེས་ཆུ་ཞིམ་སམ་བླུད་ནས། བྲག་ཕུག་ན་རྣལ་འབྱོར་པ་གཅིག་བཞུགས་པར་དེའི་དྲུང་དུ་ཁྲིད། དེ་ནི་བླ་མ་འཇམ་དཔའི་རྡོ་རྗེ་ཡིན་པ་དང་། ལམ་མཁན་གྱི་བུ་མོ་དེ་ནི་སྒྲོལ་མ་ཡིན་འདུག དེར་མི་ཕྱེད་པའི་དད་པ་ཆེན་པོ་འཁྲུངས། རྗེས་སུ་འཛིན་པར་ཞུས་པ་དང་། དབང་བསྐུར་དང་གདམས་ངག་རྗེས་སུ་བསྟན། ཏིང་ངེ་འཛིན་གྱི་སྒོམ་དཔག་ཏུ་མེད་པ་ཐུགས་ལ་འཁྲུངས། དུས་དེ་ཉིད་ནས་བཟུང་སྟེ་འཕགས་པ་འཇམ་དཔལ་གྱི་སྣང་བ་དང་རྟག་ཏུ་འབྲལ་བ་མེད་པར་གྱུར། དེའི་ཕྱག་མཚན་ཤིང་གི་རལ་གྲི་ཤུབ་ཅན་ཞིག་བཅངས་ཏེ། བརྟུལ་ཞུགས་ཀྱི་སྤྱོད་པས་གཤེགས་པ་དང་། རྒྱལ་པོ་སེང་གེ་ལྔ་པའི་འཁོར་གྱི་ནང་དུ་ཞུགས། སྒྱུ་སྩལ་གྱི་གནས་ཐམས་ཅད་ལ་ཤིན་ཏུ་མཁས་པ་དང་། བློ་གྲོས་ཆེན་པོཪ་འདུག རྒྱལ་པོས་སྐུ་སྲུང་ཉིད་དུ་བརྐོས། དེར་བཟོ་གནས་ཐམས་ཅད་ཤིན་ཏུ་དར་བར་མཛད། རྒྱལ་སྲིད་ཆོས་བཞིན་དུ་སྐྱོང་དུ་བཅུགས་པས། མངའ་ཐང་ཤིན་ཏུ་རྒྱས། སྐྱེ་རྒུ་རྣམས་བདེ་བས་འཚོ་བར་གྱུར་པ་ན། བློན་པོ་ཕྲག་དོག་ཅན་འགའ་རེས། རྒྱལ་པོ་ལ་ལྷ་གཟིགས་སུ་གསོལ་འདི་ནི་གཡོ་ཅན་ཞིག་སྟེ། རལ་གྲི་ཡང་ཤིང་ལས་མེད་ན་ལྷའི་སྐུ་བསྲུང་མི་ནུས་པས་བརྟག་པར་བྱའོ་ཞེས་ཞུས་ཏེ། རིམ་བཞིན་ཐམས་ཅད་ཀྱི་མཚོན་ཆ་རྒྱལ་པོའི་སྤྱན་སྔར་སྟོན་པ་ལ་ཞུགས་པ་ན་སློབ་དཔོན་གྱིས་བདག་གི་རལ་གྲི་ནི་བལྟ་བར་མི་བཟོད། ཞེས་གསུང་ཀྱང་ནན་གྱིས་བསྐུལ། འོ་ན་སྤྱན་ཡ་གཅིག་བཀབ་ལ་བལྟོས་ཤིག་གསུངས་ནས། རལ་གྲི་ཤུབ་ནས་ཕྱུང་མ་ཐག དེའི་དུས་རྒྱལ་པོའི་མིག་གཅིག་ཤོས་ས་ལ་ལྷུང་བར་གྱུར། རྒྱལ་པོ་འཁོར་བཅས་ཤིན་ཏུ་སྐྲགས་ཏེ་བཟོད་པ་གསོལ་ཞིང་སྐྱབས་སུ་སོང་བ་ན། སླར་མིག་སྔ་མ་བཞིན་སོར་ཆུད་པར་མཛད་པས་ཤིན་ཏུ་དད་དེ། རྒྱལ་སྲིད་ཆོས་བཞིན་དུ་སྐྱོང་བ་དང་། ནང་པའི་ཆོས་གཞི་ཉི་ཤུ་ཙམ་བཙུགས། སློབ་དཔོན་ལ་བསྙེན་བསྐུར་དང་བཅས་བཞུགས་པར་གསོལ་བ་བཏབ་ཀྱང་མ་བཞུགས། རིམ་གྱིས་ཡུལ་དབུས་སུ་བྱོན། དཔལ་ནཱ་ལེནྡྲ་མཁན་པོ་རྒྱལ་བའི་ལྷ་ལས་རབ་ཏུ་བྱུང་ཞིང་མཚན་ཞི་བ་ལྷ་ཞེས་གྲགས། དེ་ནས་ནང་གི་ཀུན་སྤྱོད་ནི། འཕགས་པ་འཇམ་དཔལ་ལས་ཆོས་གསན་ཅིང་། ཏིང་ངེ་འཛིན་སྒོམ་དཔག་ཏུ་མེད་པར་ཐུགས་ལ་འཁྲུངས། བསླབ་པ་ཀུན་ལས་བཏུས་པ་དང་། མདོ་ཀུན་ནས་བཏུས་པ་གཉིས་ལེགས་པར་བརྩམས། མཁས་པའི་ཡང་རྩེར་སོན་ཡང་གཞན་དོན་ཁ་ཟས་ཀྱང་བྲོ་བོ་ལྔ་ལྔ་གསོལ། ཉིན་མཚན་ཀུན་ཏུ་མནར་ཞིང་། ཐོས་བསམ་སྒོམ་གསུམ་གང་ཡང་མི་བྱེད་པར། བྷུ་སུ་ཀུའི་ཚུལ་དུ་བཞུགས་པ་ན། མཚན་ཡང་དེ་ལྟར་གྲགས། གཞན་དགེ་འདུན་རྣམས་ན་རེ། དད་རྫས་ཆུད་ཟན་པའི་འདུ་ཤེས་གསུམ་པ་འདི་བསྐྲད་པར་འོང་སོ་ཞེས། དེའི་ཐབས་སུ་ཆོ་འཕྲུལ་ཟླ་བར་གསུང་རབ་རེས་མོས་ཀྱིས་འདོན་པ་ན། སློབ་དཔོན་གྱིས་ཁོ་བོའི་ཅིའང་མི་ཤེས་སོ་ཞེས་ལན་འགའ་ཞལ་བཞེས་མ་གནང་ཡང་། མཁན་པོ་ལ་བཀའ་གནང་དུ་བཅུག་པས་ཞལ་གྱིས་བཞེས། དེར་ཕལ་ཆེར་ནི་དམའ་འབེབས་ས་པའི་ཆེད་དུ་འཚོགས་པ་དང་། ལ་ལ་ཐེ་ཚོམ་གྱི་གནས་ལ་འདུ་བ་བྱས་ཏེ། ཕྱི་རོལ་དུ་ཁྲི་ཆེན་པོ་བརྩེགས། སྐྱེ་བོའི་ཚོགས་མང་པོ་བསྡུས། མཆོད་པ་མང་པོ་བཤམས་ཏེ་གདན་དྲངས་པས། ཁྲི་དེའི་སྟེང་ཇི་ལྟར་བྱེད་པ་སུས་ཀྱང་མ་ཤེས་པར། ཁྲི་ཁར་བཞུགས་པ་ནི། ཕལ་ཆེར་ཐེ་ཚོམ་སུ་གྱུར། དེ་ནས་སློབ་དཔོན་གྱིས་སྔར་དྲང་སྲོང་གི་གསུང་ལས་བྱུང་བ་ཞིག་བཏོན་ནམ། མ་བྱུང་བ་ཞིག་བཏོན་ཞེས་གསུང་པས། ཐམས་ཅད་ཀྱང་ཚོད་བགམ་པ་ལ་སྤྲོ་བར་གྱུར་ཏེ། སྔར་མ་བྱུང་ཞིག་གསུང་བར་ཞུས་པ་ན། ཁོང་གི་ཐུགས་ལ་བསླབ་བཏུས་ནི་མང་། མདོ་བཏུས་ནི་ཉུང་བས། ཚིག་བསྡུས་ཤིང་དོན་རྒྱས་པ་བྱང་ཆུབ་སེམས་པའི་སྤྱོད་པ་ལ་འཇུག་པའི་གཞུང་འདི་གསུངས་པར་བཞེད་དོ། །ཞལ་འདོན་མཛད་པའི་ཚེ། འཕགས་པ་འཇམ་དཔལ་ཡང་མདུན་གྱི་ནམ་མཁར་བཞུགས་ཡོད་པ་སྐྱེ་བོ་མང་པོས་མཇལ། མཐར་གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །ཞེས་པའི་ཚིག་མཚམས་ནས་ནམ་མཁའི་དབྱིངས་སུ་ཇེ་མཐོར་གཤེགས་ཏེ། སྐུ་མི་སྣང་བར་གྱུར་ཀྱང་། གཞུང་གི་མཇུག་རྫོགས་ཀྱི་བར་གསུངས་པའི་དབྱངས་ཀྱི་སྒྲ་ནི་ཐོས་པར་གྱུར་ཏེ། དེ་ནས་བཟུང་ཐོས་པའི་མཁས་པ་རྣམས་ཀྱིས་ཐུགས་ལ་བཟུང་བ་བསྡུས་པ་ན། མང་ཉུང་ཅི་རིགས་བྱུང་ཞིང་། དེ་ལས་གཙོ་བོ་ཁ་ཆེ་པཎྜི་ཏ་རྣམས་ཀྱིས་བསྡུས་པ་ལ། ལེའུ་དགུའི་བདག་ཉིད་ལ། ཤློ་ཀ་བདུན་བརྒྱ་ཡོད་པ་དང་ཡུལ་དབུས་ཀྱི་པཎྜི་ཏ་རྣམས་ཀྱིས་བསྡུས་པར་ལེའུ་བཅུ་དང་། ཤློ་ཀ་སྟོང་ཡོད་པ་དེ་གཉིས་མ་མཐུན་པས་ཐེ་ཚོམ་དུ་གྱུར་པ་མ་ཟད། བསླབ་བཏུས་དང་། མདོ་བཏུས་གཉིས་བལྟ་བར་བྱ་གསུངས་པར། གར་ཡོད་མ་ཤེས་ནས། སློབ་དཔོན་གར་བཞུགས་བརྩད་བཅད་པས། ལྷོ་ཕྱོགས་མཆོད་རྟེན་དཔལ་ཡོན་ཅན་ལ་བཞུགས་པར་ཐོས་ཏེ། གཟུངས་ཐོབ་པའི་པཎྜི་ཏ་གཉིས་སྤྱན་འདྲེན་དུ་ཕྱིན་པས་མཇལ། བྱོན་དུ་མ་གཏུབ་ཀྱང་ཚུལ་དེ་དག་ཞུས་པ་ན། གཞུང་གི་ཚད་གཞི་ཡུལ་དབུས་པ་རྣམས་ཀྱིས་བསྡུས་པ་ལྟར་ཡིན་ལ། བསླབ་བཏུས་དང་། མདོ་བཏུས་གཉིས་ནི་ཁོང་བཞུགས་པའི་བྲང་ཁང་གི་གདུང་གསེབ་ན། པཎྜི་ཏའི་ཡི་གེ་ཁྲ་མོར་བྲིས་པ་ཞིག་ཡོད་པས་བླངས་ཤོག ཅེས་གདམས་ཤིང་། དེ་དག་གི་བཤད་ལུང་ཡང་གནང་། ཡུལ་དེ་ན་ནགས་ཚལ་དང་བཅས་པའི་གཙུག་ལག་ཁང་གཅིག་ཡོད་པ་དེར་དགེ་སློང་ལྔ་བརྒྱ་ཙམ་དང་ལྷན་གཅིག་བཞུགས་པ་ན། ནགས་གསེབ་ཀྱི་རི་དྭགས་རྣམས་བྲང་ཁང་དུ་འོངས་པ་ན་བསད་ནས་ཤ་གསོལ་བ་དང་། སླར་གསོས་ཏེ་ཉམས་སྟོབས་ལྡན་པར་གྱུར་པ་སོགས་རྫུ་འཕྲུལ་གྱི་བཀོད་པ་ཅི་རིགས་བསྟན། སླར་རབ་ཏུ་བྱུང་བའི་རྟགས་དབོར་ཏེ་བརྟུལ་ཞུགས་ཀྱི་སྤྱོད་པ་ལ་གཤེགས་པའི་ཚེ་ཁ་ཊ་བི་ཏ་ར་ཞེས་པའི་རྒྱལ་པོའི་རྩར། མུ་སྟེགས་ཀྱི་སྟོན་པ་སྡེ་བྱེད་ཅེས་བྱ་བ་གཅིག་འོངས་ནས། ཕྱི་ནང་གཉིས་གྲུབ་མཐའ་རྩོད་ཅིང་རྫུ་འཕྲུལ་འགྲན་པ་དང་། སུ་རྒྱལ་བའི་དེའི་རྗེས་སུ་བྱེད་དགོས་བསྐུལ་བ་ན་ནང་པ་རྣམས་ནི་བག་ཚ་བར་གྱུར་ཏེ་ཁས་བླངས་མ་ནུས། རྒྱལ་པོ་མྱ་ངན་དུ་གྱུར་པ་ན། བྲན་མོ་ཞིག་གིས་སྔར་སྒོ་དྲུང་དུ་སྤྲང་པོ་གཅིག་གིས་རྐང་པར་ཁྲུ་ཆུ་འཐོར་བ་ན། ལྕང་བསྲེགས་ལ་ཕོགས་པ་ལྟར་ཁོལ་ཞིང་འབར་བར་གྱུར་པ་མཐོང་ཚུལ་ཞུས་པ་ན། དེ་ཚོལ་དུ་བཅུག་པར་ཤིན་དྲུང་ཞིག་ནས་རྙེད་དེ། རྒྱུ་མཚན་ཞུས་ནས་འགྲན་པར་ཁས་བླངས་ཏེ་ཕེབས། རྒྱལ་པོས་སྐྱེ་བོ་མང་པོའི་དབུས་སུ་ཁྲི་བརྩེགས་ཏེ། ཕྱི་ནང་གི་གྲུབ་མཐའ་རྩོད་དུ་བཅུག་པས་སློབ་དཔོན་ཉིད་རྒྱལ་བར་གྱུར། མུ་སྟེགས་པ་ཁོས་ནམ་མཁའི་རྡུལ་མཚོན་གྱི་དཀྱིལ་འཁོར་ཆེན་པོ་སྐད་ཅིག་ལ་བྲིས་པ་ན། སློབ་དཔོན་གྱིས་ཟད་པ་རླུང་གི་ཏིང་ངེ་འཛིན་བསྒོམས་པས། དཀྱིལ་འཁོར་དང་མུ་སྟེགས་པ་འཁོར་བཅས་དང་གཞན་དེར་འཚོགས་ཀྱི་སྐྱེ་བོའི་ཚོགས་བཅས་འཐོར་རླུང་དྲག་པོས་གཏོར་ཏེ་ཕལ་ཆེ་བ་ཆུ་བོ་ཞིག་གི་ཕ་རོལ་དུ་ཁྱེར་བ་དང་། ཕྱོགས་ཀུན་ཏུ་མུན་པ་ནག་པོས་འཐིབས་ཤིང་ཡ་ང་བར་གྱུར་པའི་ཚེ་སློབ་དཔོན་གྱིས་སྨིན་མཚམས་ནས་འོད་ཟེར་སྤྲོས་ཏེ། རྒྱལ་པོ་དང་བཙུན་མོ་ལ་ལམ་བསྟན་གོས་དང་མེས་དྲོ་བར་བྱས། སྐྱེ་བོའི་ཚོགས་ཐམས་ཅད་བདེ་བ་ལ་བཀོད། མུ་སྟེགས་བྱེད་མང་པོ་སངས་རྒྱས་ཀྱི་བསྟན་པ་ལ་བཙུད། བསྟན་པ་ཤིན་ཏུ་དར་བར་མཛད། ཡུལ་དེ་ལ་མུ་སྟེགས་ཕམ་པའི་ཡུལ་ཅེས་གྲགས་པར་གསུང་། གཞན་ཡང་ཤར་ཕྱོགས་སུ་ཡུལ་གྱི་རྒྱལ་པོ་གཉིས་རྩོད་པ་ཤིན་ཏུ་ཆེན་པོ་བརྩོད་པ་ན། སློབ་དཔོན་གྱི་རྫུལ་འཕྲུལ་གྱིས་འདུ་བར་མཛད་ནས་ཆོས་ལ་བཀོད་པ་དང་། ཡུལ་མ་གའི་ནུབ་ཕྱོགས་ན་ཡ་མཚན་ཅན་གྱི་ལྟ་བ་འཛིན་པ་ལྔ་བརྒྱ་ཙམ། ཡུལ་ངན་གྱི་འཚོ་བས་ཉམ་ང་བར་གྱུར་པའི་ཚེ། སློབ་དཔོན་འབྲས་ཆེན་ལྷུང་བཟེད་གང་གིས་དེ་ཐམས་ཅད་ཚིམས་པར་བྱིན་གྱིས་བརླབས་ནས། ཡ་མཚན་ཅན་གྱི་ལྟ་བ་ལས་བཟློག་ཏེ་སངས་རྒྱས་ཀྱི་བསྟན་པར་བཙུད་པར་མཛད་པ་དང་། ཡུལ་ངན་གྱི་ཚེ་མུ་ལྟོ་བ་སྟོང་ཕྲག་ཙམ་ཞིག་འཚོ་བས་ཉན་ཏེ་འཆི་ལ་ཐུག་པ་ན། སློབ་དཔོན་གྱིས་འཚོ་བ་སྦྱར་ཏེ་བདེ་བ་ལ་བཀོད་སོགས་ཀྱི་ངོ་མཚར་བའི་མཛད་པ་མཐའ་ཡས་སོ། །སློབ་དཔོན་འདི་རང་ཉིད་ཀྱིས་སོ་སྐྱེ་ཡིན་པར་ཞལ་གྱིས་བཞེས་མོད། ཛེ་ཏཱ་རིས། འཇམ་དཔལ་དབྱངས་སྤྲུལ་པ་ཞི་བ་ལྷ། ཞེས་སྤྲུལ་པར་གསུངས་པ་དང་། ཤེས་རབ་འབྱུང་གནས་ཀྱིས། འཕགས་པ་ཞི་བ་ལྷ་ཉིད་ཀྱིས་འཕགས་པའི་གང་ཟག་ཏུ་གསུངས་པ་དང་། བི་བྷུ་ཏི་ཙནྡྲས། རྒྱལ་བའི་བསྟན་ལ་བདག་ཉིད་ཆེ། །སྐྱེས་བུ་མང་དུ་བྱོན་མོད་ཀྱང་། །ཞི་བ་ལྷ་ཡི་མཛད་པར་ལྟར། །ཉམས་དང་དགོངས་པ་ཅན་མི་རྙེད། །ཅེས་སོགས་མཁས་པ་མང་ཆེ་བས་བསྔགས་བརྗོད་ཀྱི་མེ་ཏོག་འཐོར་བའི་སྐྱེས་བུ་དམ་པ་ལགས་སོ། །རྒྱལ་སྲས་ཆེན་པོ་ཞི་བ་ལྷའི། །རྟོགས་བརྗོད་ངོ་མཚར་བདུན་ལྡན་གྱི། །སྙིང་པོ་དྲིལ་ཏེ་བརྗོད་པའི་དགེས། །འགྲོ་ཀུན་བྱང་ཆུབ་སེམས་བསྐྱེད་ཤོག །ཅེས་པ་འདིའང་སྔོན་བྱོན་དམ་པའི་གསུངས་ལས་སྙིང་པོར་བསྡུས་ཏེ། ཆོས་མེད་ཀྱི་བྱ་བཏང་བ་ངག་དབང་ཀུན་དགའ་དབང་ཕྱུག་གིས། འབྲས་ལྗོངས་གནས་ནང་བསྟན་གླིང་དུ་ཆུ་ཕག་ས་ཟླའི་ཚེས་ལ་སྦྱར་བ་དགེ་ལེགས་སུ་གྱུར་ཅིག །། སརྦ་མངྒ་ལཾ༎ ༎<br /> }}</div>

Chogyal https://bodhicitta.tsadra.org/index.php?title=Texts/Rgyal_sras_chen_po_zhi_ba_lha/Full_text&diff=128603 2026-03-16T08:32:15Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW2KG209991 BDRC MW2KG209991]<br /> |FullTextDate=2026-02-17<br /> |FullTextTibetan=ཞི་བ་ལྷ། རྒྱལ་སྲས་ཆེན་པོ་ཞི་བ་ལྷ་ནི། དུས་རབས་བདུན་པའི་མཇུག་དང་བརྒྱད་པའི་འགོ་སྟོད་ཙམ་དུ་བྱོན་པར་ཚོད་དཔག་བྱེད། འདིའི་ལོ་རྒྱུས་ནི། ངོ་མཚར་ཅན་གྱི་གཏམ་བདུན་ཞེས་གྲགས་ཏེ། ལྷག་པའི་ལྷ་མཉེས་ནཱ་ལེནྡྲའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང་། །རྒྱལ་པོ་མུ་སྟེགས་ཅན་བཏུལ་བའོ། །དེ་ལ་དང་པོ་ལྷོ་ཕྱོགས་སུ་ཡུལ་འཁོར་བཟང་པོ་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་ཞི་བའི་གོ་ཆ་ཞེས་བྱ་བར་བལྟམས་ནས་གཞོན་ནུའི་ཚེ་རིག་པ་མང་པོ་བསླབས་ཤིང་། ཁྱད་པར་དུ་ཀུ་སུ་ལུ་ཞིག་ལ་འཇམ་དཔལ་རྣོན་པོའི་སྒྲུབ་ཐབས་ཤིག་ཞུས་ཏེ་བསྒྲུབས་པས་ཞལ་མཐོང་ངོ། །རེ་ཤིག་ན་ཡབ་འདས་ཏེ། ནང་པར་རྒྱལ་པོར་དབང་བསྐུར་བའི་དོ་ནུབ་རྨི་ལམ་ན། སང་རང་ཉིད་སྡོད་པར་འགྱུར་བའི་ཁྲི་དེ་ལ་རྗེ་བཙུན་བཞུགས་ནས། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ང་དང་ཁྱོད་གཉིས་སྟན་གཅིག་ལ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་གསུང་བ་རྨིས་པས་སད་པ་དང་རྒྱལ་སྲིད་བཟུང་མི་བཏུབ་པར་ཤེས་ཏེ། བྲོས་ནས་ནཱ་ལེནྡྲར་པཎྜི་ཏ་ལྔ་བརྒྱའི་ཁྱུ་མཆོག་རྒྱལ་བའི་ལྷ་ལས་རབ་ཏུ་བྱུང་སྟེ། མཚན་ཞི་བའི་ལྷ་ཞེས་བཏགས་ཏེ། ནང་གི་ཀུན་སྤྱོད་འཕགས་པ་ལ་ཆོས་གསན་ཅིང་དེ་ལ་མཉམ་པར་འཇོག་པ་དང་། བསྟན་བཅོས་ཟབ་མོ་རྩོམ་པར་མཛད་ཀྱང་། ཕྱིའི་སྤྱོད་ལམ་ཟ་ཉལ་འགྲོ་བ་མ་གཏོགས་པ་གཞན་གྱིས་མ་རིག་པས། བྷུ་སུ་ཀུ་འདུ་ཤེས་གསུམ་པ་ཞེས་གྲགས་ཤིང་། གཞན་རྣམས་ཀྱིས་ཕྱིའི་སྤྱོད་པ་ལ་དཔགས་ནས། རབ་ཏུ་བྱུང་བའི་བྱ་བ་འཁོར་ལོ་གསུམ་ཡིན་པ་ལ། འདི་གང་དང་ཡང་མི་ལྡན་པར་དད་པས་བྱིན་པ་ལོངས་སྤྱོད་པར་མི་རུང་བས་བསྐྲད་པར་བྱ། དེའང་མདོ་འདོན་རེས་བྱས་པས་རང་བུད་ལ་འགྲོའོ་སྙམ་དུ་བསམས་ནས། དེ་ལ་མདོ་འདོན་པར་བསྒོ་པས་མི་ནུས་ཟེར་བ་དང་། མཁན་པོ་ལ་ཞུས་པས། ཁྱེད་ཉིད་ཀྱིས་སྒོས་ཤིག་གསུངས་ནས་བསྒོས་པས། འདོན་པར་ཁས་བླངས་པ་དང་། ཁ་ཅིག་ཅི་ཡིན་མི་ཤེས་སྙམ་ཞིང་ཐེ་ཚོམ་དུ་གྱུར་བཞིན་དུ་ཉམས་སད་པའི་ཕྱིར། སྐྱེ་བོ་མང་པོའི་དབུས་སུ་ཁྲི་མཐོན་པོ་བཤམས་སོ། །དེ་ནས་ཇི་ལྟར་སོང་མི་མངོན་པར་ཕྱག་གིས་མནན་ནས། སྟེང་དུ་བྱོན་པས་ཕལ་ཆེར་ཡིད་གཉིས་སུ་གྱུར་ཏོ། །དེ་ནས་སྔར་གྲགས་པ་གདོན་ནམ། མ་གྲགས་པ་གདོན་གསུངས་པས། མ་གྲགས་པ་གདོན་པར་ཞུས་པས། བསླབ་བཏུས་ནི་མངས། མདོ་ཀུན་ལས་བཏུས་ནི་ཉུངས་བས། ཚིག་བསྡུས་ལ་དོན་རྒྱས་པ། བྱང་ཆུབ་སེམས་དཔའི་སྤྱོད་པ་ལ་འཇུག་པ་ཞལ་ཏོན་དུ་མཛད་ཅིང་། ཤེར་ལེའི། གང་ཚེ་དངོས་དང་དངོས་མེད་དག །ཅེས་པ་ནས། ནམ་མཁའ་ལ་ཇེ་མཐོ་ཇེ་མཐོར་སོང་ནས། མཐར་སྐུ་མི་སྣང་བར་གསུང་གྲག་པའི་སྒོ་ནས་རྫོགས་པར་བཏོན་ཏེ་གཤེགས་སོ། །དེ་ནས་གཟུངས་ཐོབ་པ་རྣམས་ཀྱིས་ཇི་ལྟར་ཟིན་པ་བསྡུས་པས་ཤུ་ཤློ་ཀ་བདུན་བརྒྱ་དང་སྟོང་དང་སྟོང་ལྷག་ཏུ་གྱུར་པས་ཐེ་ཚོམ་ཟ་ཞིང་། བསླབ་པ་ཀུན་ལས་བཏུས་པ་ཡང་། །ཡང་དང་ཡང་དུ་བལྟ་བར་བྱ། །ཞེས་པ་དང་། ཡང་ན་རེ་ཞིག་མདོར་བསྡུས་པ། །མདོ་རྣམས་ཀུན་ལས་བཏུས་པ་བལྟ། །ཞེས་པའང་། ངོ་མ་ཤེས་པ་ན། ལྷོ་ཕྱོགས་མཆོད་རྟེན་དཔལ་ཡོན་ཅན་ན་བཞུགས་པར་ཐོས་ནས། དགེ་སློང་གཉིས་སྤྱན་འདྲེན་དུ་བཏང་བ་དང་མཇལ་ནས། དེ་དག་ཞུས་པས། བསླབ་བཏུས་དང་མདོ་ཀུན་ལས་བཏུས་ཁོ་བོའི་བྲང་ཁང་གི་གདུང་གསེབ་ན་པཎྜི་ཏའི་ཡི་གེ་ཕྲ་མོས་བྲིས་པ་ཞིག་ཡོད། སྤྱོད་འཇུག་ཤློ་ལོ་ཀ་སྟོང་ཚང་བ་དེ་ཡིན། ཞེས་ལུང་བསྟན་ཏེ་དེ་དག་གི་བཤད་པ་དང་སྒྲུབ་པའི་ལུང་ཡང་གནང་ངོ། །དེ་ནས་ཤར་ཕྱོགས་སུ་བྱོན་ཏེ་རྩོད་པ་ཆེན་པོ་བྱེད་པ་ཞིག་གི་འཐབ་ཟླ་མཛད་པས། རྫུ་འཕྲུལ་གྱིས་ཐམས་ཅད་འདུམས་པར་གྱུར་ཏེ་བདེ་བ་ལ་བཀོད་དོ། །ཡང་ཡུལ་མ་ག་དྷའི་ནུབ་ཕྱོགས་ཧ་ཅང་མི་རིང་བ་ཞིག་ན། ཡ་མཚན་གྱི་ལྟ་བ་འཛིན་པ་ལྔ་བརྒྱ་གནས་པའི་འཁོར་དུ་བསྡད་པ་དང་། རེ་ཤིག་ཡུལ་ངན་ཆེན་པོ་བྱུང་བས་བཟའ་བཏུང་ཆད་དེ། ཉོམ་མོངས་པར་གྱུར་ནས་སུ་སློང་ནུས་པ་དཔོན་དུ་བསྐོས་ཤིང་བསྒོ་བ་ཉན་པར་བྱས་པ་དང་། སློབ་དཔོན་གྱིས་འབྲས་ཆན་ལྷུང་བཟེད་གང་བླངས་ཏེ། བྱིན་གྱིས་བརླབས་པས་ཐམས་ཅད་ཚིམ་པར་མཛད་ནས། དེ་དག་ཡ་མཚན་ཅན་གྱི་ལྟ་བ་ལས་བཟློག་སྟེ། ཐུབ་པའི་བསྟན་པ་ལ་བཅུག་གོ །དེ་ནས་རེ་ཤིག་མུ་གེ་ཆེན་པོ་བྱུང་སྟེ། སྤྲང་པོ་སྟོང་ཙམ་ཞིག་བྲུ་བ་ཚ་བས་ཉེན་ཏེ། འཆི་ལ་ཁད་པ་ན། སློབ་དཔོན་གྱིས་འཚོ་བ་སྦྱར་ཞིང་ཆོས་བསྟན་ཏེ། བདེ་བ་ལ་བཀོད་དོ། །དེ་ནས་ཤར་ཕྱོགས་སུ། ཨ་རི་བི་ཤ་ནའི་རྒྱལ་པོ་ལ་མ་ཙ་ལའི་གནོད་པ་བྱ་བ། འཚོ་བ་མ་ཕྱིད་པ་ཁ་ཅིག་རྒྱལ་པོ་ལ་འཁྲིལ་ནས་ཁོ་ལ་གནོད་པ་བྱས་ན་རྒྱལ་པོ་གསོད་པས། ནོར་སྦྱིན་དགོས་པ་ཡོད་པས། བསྲུང་བའི་ཕྱིར་སྐུ་སྲུང་མཛད་པ་ལ་སློབ་དཔོན་ལ། རྗེ་བཙུན་གྱིས་ཕྱག་རྒྱར་བཅངས་པ་ཤིང་གི་རལ་གྲི་ཞིག་ལས་མེད་པས་གྲོགས་ཀྱིས་མཐོང་སྟེ། རྒྱལ་པོ་ལ་མི་འདི་སྒྱུ་ཅན་ཞིག་སྟེ་ལག་ཆ་ལ་གཟིགས་ཤིག་ཅེས་གསོལ་པས། རྒྱལ་པོ་ཁྲོས་ཏེ། ཁྱོད་ཀྱི་རལ་གྲི་ཕྱུང་ཞིག་ཅེས་སྨྲས་པས། ལྷ་ཉིད་ལ་གནོད་པར་འགྱུར་རོ་ཞེས་གསོལ་བས། གནོད་ཀྱང་བླ་ཡིས། ངེས་པར་ཕྱུང་ཞིག་ཟེར་རོ། །འོ་ན་ལྷའི་སྤྱན་གཅིག་བཀབ་སྟེ་གཅིག་གིས་གཟིགས་ཤིག་ཅེས་གསོལ་པས། དེ་ལྟར་བྱས་ཏེ། རལ་གྲི་ཕྱུང་བས་དེའི་འོད་ཟེར་གྱིས་མ་བཟོད་དེ། མིག་གཅིག་ཞར་བ་དང་། བཟོད་པར་གསོལ་ཏེ་སྐྱབས་སུ་སོང་སྟེ། ཆོས་ལ་བཙུད་དོ། །དེ་ནས་དཔལ་གྱི་རིའི་ལྷོ་ཕྱོགས་སུ་བྱོན་ཏེ། ཨུཙྪུ་སྨའི་སྤྱོད་པ་ཞེས་པ་སྤྲང་པོའི་ཆ་བྱད་གཅེར་བུ་འཁྲུད་མ་ཕོ་བའི་ཚིགས་མས་འཚོ་བར་བྱེད་པ་ན། ཁ་ཏི་བི་ཧ་རའི་རྒྱལ་པོའི་བྲན་མོ་ཀ་ཙ་ལ་ཧས་འཁྲུད་མ་ཕོ་བའི་ཆུ་ཐོར་སློབ་དཔོན་ལ་ཕོག་པས་ཁོལ་བ་མཐོང་སྟེ། དེའི་ཚེ་མུ་སྟེགས་ཀྱི་སྟོན་པ་ཤངྐ་ར་དེ་བ་ཞེས་བྱ་བས། གནངས་ནམ་མཁའ་ལ་དབང་ཕྱུག་ཆེན་པོའི་དཀྱིལ་འཁོར་འབྲི་བས། དེ་བཤིག་མ་ནུས་ན་ནང་པའི་ཆོས་ལྷ་རྟེན་བསྲེགས་ནས། ཕྱི་རོལ་པའི་སྒོར་འཇུག་དགོས་སོ་ཞེས་རྒྱལ་པོ་ལ་གསོལ་པ་དང་། རྒྱལ་པོས་དགེ་འདུན་བསྡུས་ཏེ། དོན་དེ་བསྙད་པས་སུས་ཀྱང་བཤིག་པར་ཁས་ལེན་མ་ནུས་པས། རྒྱལ་པོ་མྱ་ངན་དུ་གྱུར་པ་ན། བྲན་མོས་སྔར་མཐོང་པ་དེ་བཤད་པས། ཚོལ་ཅིག་གསུངས་ནས། ཕྱོགས་ཀུན་ཏུ་བཙལ་བས་ཤིང་སྡོང་གཅིག་གི་དྲུང་ནས་རྙེད་དེ། དོན་དེ་ཞུས་པས། ངས་ནུས་ཀྱིས། ཆུ་བུམ་པ་གང་རས་ཡུག་གཉིས། མེ་རྣམས་སྟ་གོན་གྱིས་ཤིག་གསུངས་ནས། དེ་ལྟར་བྱས་སོ། །སང་དགོང་ཀ་ཐིག་བཏབ་སྟེ་སོང་བས་ཐམས་ཅད་ཐེ་ཚོམ་དུ་གྱུར་ཏོ། །གནངས་སྔ་དྲོ་དཀྱིལ་འཁོར་བྲིས་ཏེ་ཤར་སྒོ་ཙམ་ཟིན་པ་ན། སློབ་དཔོན་གྱིས་ཏིང་ངེ་འཛིན་མཛད་པས་འཚུབ་མ་ཆེན་པོ་ལངས་ཏེ། རྨེག་མེད་པར་ཁྱེར་ཏེ་རྩྭ་དང་ཤིང་དང་གྲོང་ཁྱེར་ཐམས་ཅད་ཀྱང་འགྱེལ་ལ་མ་འགྱེལ་ལ་ཐུག་པར་ལྡེག དེར་འཚོགས་པའི་མི་རྣམས་ཀྱང་བདས། མུ་སྟེགས་ཀྱི་སྟོན་པ་ཡང་རྣམ་པར་འཐོར། རླུང་གིས་བདས་པའི་བྱེའུ་བཞིན་དུ། ཕྱོགས་ཐམས་ཅད་དུ་ཁྱེར་ཞིང་མུན་པ་ཆེན་པོར་གྱུར་ཏོ། །དེ་ནས་སློབ་དཔོན་གྱི་སྨིན་མཚམས་ནས། འོད་བྱུང་ནས་རྒྱལ་པོ་དང་བཙུན་མོ་ལ་ལམ་བསྟན་ཏེ་གོས་དང་བྲལ་ཞིང་རྡུལ་གྱིས་གཡོགས་པ་ལ་ཆུས་བཀྲུས་ནས། རས་གསར་པ་གཡོགས་ཏེ་མེས་བསྲོས་ཏེ་བདེ་བར་བྱས་སོ། །དེ་ནས་མུ་སྟེགས་ཀྱི་ལྷ་ཁང་རྣམས་བཤིག་ནས་སངས་རྒྱས་ཀྱི་བསྟན་པ་ལ་བཙུད་པས་ད་ལྟའི་བར་དུ་ཡང་མུ་སྟེགས་ཕམ་པའི་ཡུལ་ཞེས་གྲགས་སོ། །སློབ་དཔོན་དེས་རང་ཉིད་སོ་སྐྱེར་ཞལ་གྱིས་བཞེས་ཀྱང་། སློབ་དཔོན་ཤེས་རབ་འབྱུང་གནས་བློ་གྲོས་ཀྱིས་འཕགས་པར་བཤད་ཅིང་། ནག་པོ་བས་ཀྱང་འཇམ་པའི་དབྱངས་ཀྱི་ཞབས་ཀྱི་པད་མོ་ལ་སྤྱི་བོས་གཏུགས་པར་བཤད་པའི་སློབ་དཔོན་དེས། རྒྱས་པར་སྟོན་པ་བསླབ་བཏུས། བསྡུས་ཏེ་སྟོན་པ་མདོ་ཀུན་ལས་བཏུས། དོན་རྒྱས་ལ་ཚིག་བསྡུས་པ་སྤྱོད་འཇུག་དང་གསུམ་མཛད་དོ། །སྤྱོད་འཇུག་ལ་རྒྱ་གར་ན་འགྲེལ་པ་བརྒྱ་རྩ་ཡོད་པར་གྲགས་ཀྱང་། བོད་དུ་འགྱུར་བ་བརྒྱད་ཙམ་ཡོད་དོ། །<br /> }}</div>

Chogyal https://bodhicitta.tsadra.org/index.php?title=Texts/Zhi_ba_lha_(Dung_dkar)/Full_text&diff=128602 2026-03-16T08:30:40Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW26372 BDRC MW26372]<br /> |FullTextDate=2026-02-17<br /> |FullTextTibetan=སངས་རྒྱས་ཆོས་ལུགས་ཀྱི་བཤད་སྲོལ་ལྟར་ན། ཞི་བ་ལྷ་ནི་རྗེ་བཙུན་འཇམ་དཔལ་དབྱངས་ཀྱིས་མངོན་སུམ་དུ་རྗེས་སུ་བཟུང་བ་ཞིག་སྟེ། སྤྱིའི་ལོས་དུས་རབས་བདུན་པའམ་བརྒྱད་པ་ཙམ་ལ་རྒྱ་གར་རྡོ་རྗེ་གདན་གྱི་ནུབ་ཕྱོགས་ཡུལ་འཁོར་མོ་བཟང་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་སུ་འཁྲུངས། མཚན་ཞི་བའི་གོ་ཆ་ཞེས་བཏགས། སྐུ་ན་ཕྲ་མོ་ནས་རིག་གནས་ཐམས་ཅད་ལ་མཁས་པའི་ཕུལ་དུ་ཕྱིན། རྗེ་བཙུན་འཇམ་དཔལ་དབྱངས་ཀྱིས་ཞལ་གཟིགས། ཡབ་འདས་ཏེ་སང་ཉིན་རྒྱལ་སྲིད་ལ་དབང་བསྐུར་བའི་དོ་ནུབ་བྲོས་ནས་ནཱ་ལེནྡྲར་པཎྜི་ཏ་ལྔ་བརྒྱའི་ཁྱུ་མཆོག་རྒྱལ་བའི་ལྷ་ལས་རབ་ཏུ་བྱུང་སྟེ། མཚན་ཞི་བ་ཞེས་བཏགས། མཁན་པོ་ལས་སྡེ་སྣོད་གསུམ་ལ་སྦྱངས་པས་མཁས་པའི་ཕུལ་དུ་ཕྱིན་པར་གྱུར་ཅིང་རྗེ་བཙན་འཇམ་དཔལ་དབྱངས་ལས་ཆོས་གསན་ཏེ་མདོ་སྔགས་ཀྱི་བཀའ་དང་གདམས་པ་མ་ལུས་པ་ཐུགས་སུ་ཆུད་ཀྱང་། ཕྱི་རོལ་དམ་པ་མ་ཡིན་པའི་སྐྱེ་བོ་རྣམས་ཀྱི་ངོར་སྤྱོད་ལམ་ཟ་ཉལ་བཤང་བ་མ་གཏོགས་གླེགས་ལམ་ཀློག་པ་ལ་སོགས་གཞན་གང་ཡང་མ་མཐོང་བས་འདུ་ཤེས་གསུམ་པ་ཞེས་གྲགས། ནམ་ཞིག་ཆོ་འཕྲུལ་ཟླ་བ་ལ་གསུང་རབ་འདོན་པའི་རེས་མོས་ཡོད་པ་ལས། དགེ་འདུན་ཕལ་མོས་ནན་ཞུས་བྱས་པ་ཇི་བཞིན་དཔལ་ནཱ་ལེནྡྲའི་དགེ་འདུན་ཐམས་ཅད་འདུས་པའི་དབུས་སུ་ཁྲི་ལ་བཞུགས་ཏེ། མདོ་སྔོན་ཆད་གྲགས་པ་ཞིག་འདོན་ནམ། མི་གྲགས་པ་(༧༠༠)ཞིག་འདོན་ཞེས་བཀའ་བསྩལ་པས་སྔོན་མ་གྲགས་པ་ཞིག་གསུང་བར་ཞུས་པས་བྱང་ཆུབ་སེམས་དཔའི་སྤྱོད་པ་ལ་འཇུག་པའི་བསྟན་བཅོས་ཆེན་པོ་གསུངས་ཏེ་གང་ཚེ་དངོས་དང་དངོས་མེད་དག་ཅེས་པའི་བར་གསུངས་ནས་དེ་ཕྱིན་གསུང་བཞིན་ནམ་མཁའ་ལ་ཇེ་མཐོ་ཇེ་མཐོར་སོང་ནར་མཐར་སྐུ་མི་སྣང་བར་གསུང་གྲགས་པའི་སྒོ་ནས་གཞུང་མ་རྫོགས་ཀྱི་བར་རྒྱུན་མ་ཆད་པར་བཏོན་ཏེ་གཤེགས་དེ་གཟུང་ཐོབ་པ་རྣམས་ཀྱིས་ཇི་ལྟར་ཟིན་པ་བསྡུས་པས་ཤློ་ཀ་སྟོང་ཚང་བ་དེ་ཡིན་ཞེས་ལུང་བསྟན་ནོ། །སློབ་དཔོན་འདིས་མཛད་པའི་བསྟན་བཅོས་ལ་གོང་དུ་བརྗོད་པའི་སྤྱོད་འཇུག་དང་བསླབ་བཏུས་ལ་སོགས་ཡོད་དོ། །<br /> }}</div>

Chogyal https://bodhicitta.tsadra.org/index.php?title=Texts/Rgyal_sras_chen_po_zhi_ba_lha%27i_rtog_brjod_ngo_mtshar_bdun_ldan/Full_text&diff=128601 2026-03-16T08:25:59Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW2KG229024_UY6IFFI71FIC BDRC MW2KG229024_UY6IFFI71FIC]<br /> |FullTextDate=2026-02-18<br /> |FullTextTibetan=༄༅། །རྒྱལ་སྲས་ཆེན་པོ་ཞི་བ་ལྷའི་རྟོག་བརྗོད་ངོ་མཚར་བདུན་ལྡན་ཞེས་བྱ་བ་བཞུགས་སོ། །(མཚན་བྱང་རྩོམ་སྒྲིག་པས་བསྣན།)<br /> རྒྱལ་སྲིད་རབ་སྤོངས་ལྷག་པའི་ལྷ་མཆོག་བརྙེས། །རྫུ་འཕྲུལ་བཀོད་པས་མུ་སྟེགས་རྒོལ་ངན་བརྟུལ། །སྐལ་ལྡན་འགྲོ་ལ་བྱང་ཆུབ་སྤྱོད་པ་ཡི། །ལམ་བཟང་སྟོན་མཛད་ཞི་བའི་ལྷ་ལ་འདུད། །དེ་ཡང་རྒྱལ་སྲས་ཆེན་པོ་ཞི་བ་ལྷ་ནི། ལྷག་པའི་ལྷ་བརྙེས་ནཱ་ལེནྡྲའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང་། །རྒྱལ་པོ་མུ་སྟེགས་ཅན་བཏུལ་བའོ། །ཞེས་ངོ་མཚར་གྱི་གཏམ་བདུན་དུ་གྲགས་པ་ལས། ཐོག་མར་རྒྱ་གར་ལྷོ་ཕྱོགས་ཀྱི་རྒྱུད་ཞིག་ཏུ། མིའི་དབང་པོ་འཇམ་པའི་གོ་ཆ་ཞེས་བྱ་བའི་སྲས་སུ་འཁྲུངས། ཞི་བའི་གོ་ཆ་ཞེས་མཚན་གསོལ། གཞོན་ནུ་ཉིད་ནས་ཐེག་ཆེན་ཀྱི་རིགས་སད་ཅིང་། བླ་མ་དང་བྲམ་ཟེ་སོགས་མཆོད་འོས་ལ་བསྐུར་ཞིང་སློབ་འབངས་སོགས་འཁོར་ལ་བྱམས་ཤིང་ཕན་འདོགས། ཕོངས་པ་དང་མགོན་མེད་པ་ལ་ཤིན་ཏུ་བརྩེ། ལུགས་ཀྱི་བསྟན་བཅོས་དང་། སྒྱུ་སྩལ་གྱི་གནས་ཐམས་ཅད་ལ་མཁས་པར་གྱུར། ཁྱད་པར་དུ་ཀུ་སཱ་ལི་ཞིག་ལས་འཇམ་དཔལ་རྣོན་པོའི་སྒྲུབ་ཐབས་ཤིག་ཞུས་ཏེ་བསྒྲུབས་པས་འཇམ་དཔལ་གྱི་ཞལ་དངོས་སུ་མཇལ། ནམ་ཞིག་ཡབ་རྒྱལ་པོ་ཞི་བར་གཤེགས། སྲས་རྒྱལ་སྲིད་ལ་དབང་བསྐུར་བའི་ཁྲི་བཤོམས་པའི་ནུབ་མོའི་རྨི་ལམ་དུ། འཕགས་པ་འཇམ་དཔལ་ཁྲིར་བཞུགས་ཏེ། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ཁྱོད་དང་ང་གཉིས་སྟན་གཅིག་ཏུ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་གསུངས་པ་དང་། དེ་བཞིན་དུ་སྒྲོལ་མས་རང་གི་མ་ཡུམ་གྱི་ཚུལ་བཟུང་ནས། ཁྲུས་ཀྱི་ཕྱིར་ཆུ་ཚན་སྤྱི་བོ་ནས་བླུགས་པ་ན། དེ་ཚ་བས་ཉེན་ཏེ་རྒྱུ་མཚན་དྲིས་པས། བུ་རྒྱལ་སྲིད་ནི་དམྱལ་བའི་ཆུ་ཚན་མི་ཟད་པ་ཉིད་དོ། །དེས་ཁྱོད་ལ་དབང་བསྐུར་བར་ཏེའོ། །གསུངས་པ་ན་མནལ་སད། རྒྱལ་སྲིད་འཛིན་མི་འོས་པའི་ལུང་བསྟན་ཡིན་པར་ཐུགས་ལ་དགོངས་ཏེ། ནུབ་མོ་དེ་ཉིད་དུ་བྲོས་ཏེ་བྱོན། ཞག་ཉེར་གཅིག་བྱོན་པ་ན། སྐོམ་པས་གདུངས་ཏེ་ནག་རྩ་ཆུ་མིག་ཞིག་ལས་ཆུ་འཐུང་བར་བརྩམས་པས། བུ་མོ་ཞིག་བྱུང་སྟེ། དེ་དུག་གི་ཆུ་ཡིན། བཏུང་བར་མི་བྱ་ཞེས་ཆུ་ཞིམ་སམ་བླུད་ནས། བྲག་ཕུག་ན་རྣལ་འབྱོར་པ་གཅིག་བཞུགས་པར་དེའི་དྲུང་དུ་ཁྲིད། དེ་ནི་བླ་མ་འཇམ་དཔའི་རྡོ་རྗེ་ཡིན་པ་དང་། ལམ་མཁན་གྱི་བུ་མོ་དེ་ནི་སྒྲོལ་མ་ཡིན་འདུག དེར་མི་ཕྱེད་པའི་དད་པ་ཆེན་པོ་འཁྲུངས། རྗེས་སུ་འཛིན་པར་ཞུས་པ་དང་། དབང་བསྐུར་དང་གདམས་ངག་རྗེས་སུ་བསྟན། ཏིང་ངེ་འཛིན་གྱི་སྒོམ་དཔག་ཏུ་མེད་པ་ཐུགས་ལ་འཁྲུངས། དུས་དེ་ཉིད་ནས་བཟུང་སྟེ་འཕགས་པ་འཇམ་དཔལ་གྱི་སྣང་བ་དང་རྟག་ཏུ་འབྲལ་བ་མེད་པར་གྱུར། དེའི་ཕྱག་མཚན་ཤིང་གི་རལ་གྲི་ཤུབ་ཅན་ཞིག་བཅངས་ཏེ། བརྟུལ་ཞུགས་ཀྱི་སྤྱོད་པས་གཤེགས་པ་དང་། རྒྱལ་པོ་སེང་གེ་ལྔ་པའི་འཁོར་གྱི་ནང་དུ་ཞུགས། སྒྱུ་སྩལ་གྱི་གནས་ཐམས་ཅད་ལ་ཤིན་ཏུ་མཁས་པ་དང་། བློ་གྲོས་ཆེན་པོཪ་འདུག རྒྱལ་པོས་སྐུ་སྲུང་ཉིད་དུ་བརྐོས། དེར་བཟོ་གནས་ཐམས་ཅད་ཤིན་ཏུ་དར་བར་མཛད། རྒྱལ་སྲིད་ཆོས་བཞིན་དུ་སྐྱོང་དུ་བཅུགས་པས། མངའ་ཐང་ཤིན་ཏུ་རྒྱས། སྐྱེ་རྒུ་རྣམས་བདེ་བས་འཚོ་བར་གྱུར་པ་ན། བློན་པོ་ཕྲག་དོག་ཅན་འགའ་རེས། རྒྱལ་པོ་ལ་ལྷ་གཟིགས་སུ་གསོལ་འདི་ནི་གཡོ་ཅན་ཞིག་སྟེ། རལ་གྲི་ཡང་ཤིང་ལས་མེད་ན་ལྷའི་སྐུ་བསྲུང་མི་ནུས་པས་བརྟག་པར་བྱའོ་ཞེས་ཞུས་ཏེ། རིམ་བཞིན་ཐམས་ཅད་ཀྱི་མཚོན་ཆ་རྒྱལ་པོའི་སྤྱན་སྔར་སྟོན་པ་ལ་ཞུགས་པ་ན་སློབ་དཔོན་གྱིས་བདག་གི་རལ་གྲི་ནི་བལྟ་བར་མི་བཟོད། ཞེས་གསུང་ཀྱང་ནན་གྱིས་བསྐུལ། འོ་ན་སྤྱན་ཡ་གཅིག་བཀབ་ལ་བལྟོས་ཤིག་གསུངས་ནས། རལ་གྲི་ཤུབ་ནས་ཕྱུང་མ་ཐག དེའི་དུས་རྒྱལ་པོའི་མིག་གཅིག་ཤོས་ས་ལ་ལྷུང་བར་གྱུར། རྒྱལ་པོ་འཁོར་བཅས་ཤིན་ཏུ་སྐྲགས་ཏེ་བཟོད་པ་གསོལ་ཞིང་སྐྱབས་སུ་སོང་བ་ན། སླར་མིག་སྔ་མ་བཞིན་སོར་ཆུད་པར་མཛད་པས་ཤིན་ཏུ་དད་དེ། རྒྱལ་སྲིད་ཆོས་བཞིན་དུ་སྐྱོང་བ་དང་། ནང་པའི་ཆོས་གཞི་ཉི་ཤུ་ཙམ་བཙུགས། སློབ་དཔོན་ལ་བསྙེན་བསྐུར་དང་བཅས་བཞུགས་པར་གསོལ་བ་བཏབ་ཀྱང་མ་བཞུགས། རིམ་གྱིས་ཡུལ་དབུས་སུ་བྱོན། དཔལ་ནཱ་ལེནྡྲ་མཁན་པོ་རྒྱལ་བའི་ལྷ་ལས་རབ་ཏུ་བྱུང་ཞིང་མཚན་ཞི་བ་ལྷ་ཞེས་གྲགས། དེ་ནས་ནང་གི་ཀུན་སྤྱོད་ནི། འཕགས་པ་འཇམ་དཔལ་ལས་ཆོས་གསན་ཅིང་། ཏིང་ངེ་འཛིན་སྒོམ་དཔག་ཏུ་མེད་པར་ཐུགས་ལ་འཁྲུངས། བསླབ་པ་ཀུན་ལས་བཏུས་པ་དང་། མདོ་ཀུན་ནས་བཏུས་པ་གཉིས་ལེགས་པར་བརྩམས། མཁས་པའི་ཡང་རྩེར་སོན་ཡང་གཞན་དོན་ཁ་ཟས་ཀྱང་བྲོ་བོ་ལྔ་ལྔ་གསོལ། ཉིན་མཚན་ཀུན་ཏུ་མནར་ཞིང་། ཐོས་བསམ་སྒོམ་གསུམ་གང་ཡང་མི་བྱེད་པར། བྷུ་སུ་ཀུའི་ཚུལ་དུ་བཞུགས་པ་ན། མཚན་ཡང་དེ་ལྟར་གྲགས། གཞན་དགེ་འདུན་རྣམས་ན་རེ། དད་རྫས་ཆུད་ཟན་པའི་འདུ་ཤེས་གསུམ་པ་འདི་བསྐྲད་པར་འོང་སོ་ཞེས། དེའི་ཐབས་སུ་ཆོ་འཕྲུལ་ཟླ་བར་གསུང་རབ་རེས་མོས་ཀྱིས་འདོན་པ་ན། སློབ་དཔོན་གྱིས་ཁོ་བོའི་ཅིའང་མི་ཤེས་སོ་ཞེས་ལན་འགའ་ཞལ་བཞེས་མ་གནང་ཡང་། མཁན་པོ་ལ་བཀའ་གནང་དུ་བཅུག་པས་ཞལ་གྱིས་བཞེས། དེར་ཕལ་ཆེར་ནི་དམའ་འབེབས་ས་པའི་ཆེད་དུ་འཚོགས་པ་དང་། ལ་ལ་ཐེ་ཚོམ་གྱི་གནས་ལ་འདུ་བ་བྱས་ཏེ། ཕྱི་རོལ་དུ་ཁྲི་ཆེན་པོ་བརྩེགས། སྐྱེ་བོའི་ཚོགས་མང་པོ་བསྡུས། མཆོད་པ་མང་པོ་བཤམས་ཏེ་གདན་དྲངས་པས། ཁྲི་དེའི་སྟེང་ཇི་ལྟར་བྱེད་པ་སུས་ཀྱང་མ་ཤེས་པར། ཁྲི་ཁར་བཞུགས་པ་ནི། ཕལ་ཆེར་ཐེ་ཚོམ་སུ་གྱུར། དེ་ནས་སློབ་དཔོན་གྱིས་སྔར་དྲང་སྲོང་གི་གསུང་ལས་བྱུང་བ་ཞིག་བཏོན་ནམ། མ་བྱུང་བ་ཞིག་བཏོན་ཞེས་གསུང་པས། ཐམས་ཅད་ཀྱང་ཚོད་བགམ་པ་ལ་སྤྲོ་བར་གྱུར་ཏེ། སྔར་མ་བྱུང་ཞིག་གསུང་བར་ཞུས་པ་ན། ཁོང་གི་ཐུགས་ལ་བསླབ་བཏུས་ནི་མང་། མདོ་བཏུས་ནི་ཉུང་བས། ཚིག་བསྡུས་ཤིང་དོན་རྒྱས་པ་བྱང་ཆུབ་སེམས་པའི་སྤྱོད་པ་ལ་འཇུག་པའི་གཞུང་འདི་གསུངས་པར་བཞེད་དོ། །ཞལ་འདོན་མཛད་པའི་ཚེ། འཕགས་པ་འཇམ་དཔལ་ཡང་མདུན་གྱི་ནམ་མཁར་བཞུགས་ཡོད་པ་སྐྱེ་བོ་མང་པོས་མཇལ། མཐར་གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །ཞེས་པའི་ཚིག་མཚམས་ནས་ནམ་མཁའི་དབྱིངས་སུ་ཇེ་མཐོར་གཤེགས་ཏེ། སྐུ་མི་སྣང་བར་གྱུར་ཀྱང་། གཞུང་གི་མཇུག་རྫོགས་ཀྱི་བར་གསུངས་པའི་དབྱངས་ཀྱི་སྒྲ་ནི་ཐོས་པར་གྱུར་ཏེ། དེ་ནས་བཟུང་ཐོས་པའི་མཁས་པ་རྣམས་ཀྱིས་ཐུགས་ལ་བཟུང་བ་བསྡུས་པ་ན། མང་ཉུང་ཅི་རིགས་བྱུང་ཞིང་། དེ་ལས་གཙོ་བོ་ཁ་ཆེ་པཎྜི་ཏ་རྣམས་ཀྱིས་བསྡུས་པ་ལ། ལེའུ་དགུའི་བདག་ཉིད་ལ། ཤློ་ཀ་བདུན་བརྒྱ་ཡོད་པ་དང་ཡུལ་དབུས་ཀྱི་པཎྜི་ཏ་རྣམས་ཀྱིས་བསྡུས་པར་ལེའུ་བཅུ་དང་། ཤློ་ཀ་སྟོང་ཡོད་པ་དེ་གཉིས་མ་མཐུན་པས་ཐེ་ཚོམ་དུ་གྱུར་པ་མ་ཟད། བསླབ་བཏུས་དང་། མདོ་བཏུས་གཉིས་བལྟ་བར་བྱ་གསུངས་པར། གར་ཡོད་མ་ཤེས་ནས། སློབ་དཔོན་གར་བཞུགས་བརྩད་བཅད་པས། ལྷོ་ཕྱོགས་མཆོད་རྟེན་དཔལ་ཡོན་ཅན་ལ་བཞུགས་པར་ཐོས་ཏེ། གཟུངས་ཐོབ་པའི་པཎྜི་ཏ་གཉིས་སྤྱན་འདྲེན་དུ་ཕྱིན་པས་མཇལ། བྱོན་དུ་མ་གཏུབ་ཀྱང་ཚུལ་དེ་དག་ཞུས་པ་ན། གཞུང་གི་ཚད་གཞི་ཡུལ་དབུས་པ་རྣམས་ཀྱིས་བསྡུས་པ་ལྟར་ཡིན་ལ། བསླབ་བཏུས་དང་། མདོ་བཏུས་གཉིས་ནི་ཁོང་བཞུགས་པའི་བྲང་ཁང་གི་གདུང་གསེབ་ན། པཎྜི་ཏའི་ཡི་གེ་ཁྲ་མོར་བྲིས་པ་ཞིག་ཡོད་པས་བླངས་ཤོག ཅེས་གདམས་ཤིང་། དེ་དག་གི་བཤད་ལུང་ཡང་གནང་། ཡུལ་དེ་ན་ནགས་ཚལ་དང་བཅས་པའི་གཙུག་ལག་ཁང་གཅིག་ཡོད་པ་དེར་དགེ་སློང་ལྔ་བརྒྱ་ཙམ་དང་ལྷན་གཅིག་བཞུགས་པ་ན། ནགས་གསེབ་ཀྱི་རི་དྭགས་རྣམས་བྲང་ཁང་དུ་འོངས་པ་ན་བསད་ནས་ཤ་གསོལ་བ་དང་། སླར་གསོས་ཏེ་ཉམས་སྟོབས་ལྡན་པར་གྱུར་པ་སོགས་རྫུ་འཕྲུལ་གྱི་བཀོད་པ་ཅི་རིགས་བསྟན། སླར་རབ་ཏུ་བྱུང་བའི་རྟགས་དབོར་ཏེ་བརྟུལ་ཞུགས་ཀྱི་སྤྱོད་པ་ལ་གཤེགས་པའི་ཚེ་ཁ་ཊ་བི་ཏ་ར་ཞེས་པའི་རྒྱལ་པོའི་རྩར། མུ་སྟེགས་ཀྱི་སྟོན་པ་སྡེ་བྱེད་ཅེས་བྱ་བ་གཅིག་འོངས་ནས། ཕྱི་ནང་གཉིས་གྲུབ་མཐའ་རྩོད་ཅིང་རྫུ་འཕྲུལ་འགྲན་པ་དང་། སུ་རྒྱལ་བའི་དེའི་རྗེས་སུ་བྱེད་དགོས་བསྐུལ་བ་ན་ནང་པ་རྣམས་ནི་བག་ཚ་བར་གྱུར་ཏེ་ཁས་བླངས་མ་ནུས། རྒྱལ་པོ་མྱ་ངན་དུ་གྱུར་པ་ན། བྲན་མོ་ཞིག་གིས་སྔར་སྒོ་དྲུང་དུ་སྤྲང་པོ་གཅིག་གིས་རྐང་པར་ཁྲུ་ཆུ་འཐོར་བ་ན། ལྕང་བསྲེགས་ལ་ཕོགས་པ་ལྟར་ཁོལ་ཞིང་འབར་བར་གྱུར་པ་མཐོང་ཚུལ་ཞུས་པ་ན། དེ་ཚོལ་དུ་བཅུག་པར་ཤིན་དྲུང་ཞིག་ནས་རྙེད་དེ། རྒྱུ་མཚན་ཞུས་ནས་འགྲན་པར་ཁས་བླངས་ཏེ་ཕེབས། རྒྱལ་པོས་སྐྱེ་བོ་མང་པོའི་དབུས་སུ་ཁྲི་བརྩེགས་ཏེ། ཕྱི་ནང་གི་གྲུབ་མཐའ་རྩོད་དུ་བཅུག་པས་སློབ་དཔོན་ཉིད་རྒྱལ་བར་གྱུར། མུ་སྟེགས་པ་ཁོས་ནམ་མཁའི་རྡུལ་མཚོན་གྱི་དཀྱིལ་འཁོར་ཆེན་པོ་སྐད་ཅིག་ལ་བྲིས་པ་ན། སློབ་དཔོན་གྱིས་ཟད་པ་རླུང་གི་ཏིང་ངེ་འཛིན་བསྒོམས་པས། དཀྱིལ་འཁོར་དང་མུ་སྟེགས་པ་འཁོར་བཅས་དང་གཞན་དེར་འཚོགས་ཀྱི་སྐྱེ་བོའི་ཚོགས་བཅས་འཐོར་རླུང་དྲག་པོས་གཏོར་ཏེ་ཕལ་ཆེ་བ་ཆུ་བོ་ཞིག་གི་ཕ་རོལ་དུ་ཁྱེར་བ་དང་། ཕྱོགས་ཀུན་ཏུ་མུན་པ་ནག་པོས་འཐིབས་ཤིང་ཡ་ང་བར་གྱུར་པའི་ཚེ་སློབ་དཔོན་གྱིས་སྨིན་མཚམས་ནས་འོད་ཟེར་སྤྲོས་ཏེ། རྒྱལ་པོ་དང་བཙུན་མོ་ལ་ལམ་བསྟན་གོས་དང་མེས་དྲོ་བར་བྱས། སྐྱེ་བོའི་ཚོགས་ཐམས་ཅད་བདེ་བ་ལ་བཀོད། མུ་སྟེགས་བྱེད་མང་པོ་སངས་རྒྱས་ཀྱི་བསྟན་པ་ལ་བཙུད། བསྟན་པ་ཤིན་ཏུ་དར་བར་མཛད། ཡུལ་དེ་ལ་མུ་སྟེགས་ཕམ་པའི་ཡུལ་ཅེས་གྲགས་པར་གསུང་། གཞན་ཡང་ཤར་ཕྱོགས་སུ་ཡུལ་གྱི་རྒྱལ་པོ་གཉིས་རྩོད་པ་ཤིན་ཏུ་ཆེན་པོ་བརྩོད་པ་ན། སློབ་དཔོན་གྱི་རྫུལ་འཕྲུལ་གྱིས་འདུ་བར་མཛད་ནས་ཆོས་ལ་བཀོད་པ་དང་། ཡུལ་མ་གའི་ནུབ་ཕྱོགས་ན་ཡ་མཚན་ཅན་གྱི་ལྟ་བ་འཛིན་པ་ལྔ་བརྒྱ་ཙམ། ཡུལ་ངན་གྱི་འཚོ་བས་ཉམ་ང་བར་གྱུར་པའི་ཚེ། སློབ་དཔོན་འབྲས་ཆེན་ལྷུང་བཟེད་གང་གིས་དེ་ཐམས་ཅད་ཚིམས་པར་བྱིན་གྱིས་བརླབས་ནས། ཡ་མཚན་ཅན་གྱི་ལྟ་བ་ལས་བཟློག་ཏེ་སངས་རྒྱས་ཀྱི་བསྟན་པར་བཙུད་པར་མཛད་པ་དང་། ཡུལ་ངན་གྱི་ཚེ་མུ་ལྟོ་བ་སྟོང་ཕྲག་ཙམ་ཞིག་འཚོ་བས་ཉན་ཏེ་འཆི་ལ་ཐུག་པ་ན། སློབ་དཔོན་གྱིས་འཚོ་བ་སྦྱར་ཏེ་བདེ་བ་ལ་བཀོད་སོགས་ཀྱི་ངོ་མཚར་བའི་མཛད་པ་མཐའ་ཡས་སོ། །སློབ་དཔོན་འདི་རང་ཉིད་ཀྱིས་སོ་སྐྱེ་ཡིན་པར་ཞལ་གྱིས་བཞེས་མོད། ཛེ་ཏཱ་རིས། འཇམ་དཔལ་དབྱངས་སྤྲུལ་པ་ཞི་བ་ལྷ། ཞེས་སྤྲུལ་པར་གསུངས་པ་དང་། ཤེས་རབ་འབྱུང་གནས་ཀྱིས། འཕགས་པ་ཞི་བ་ལྷ་ཉིད་ཀྱིས་འཕགས་པའི་གང་ཟག་ཏུ་གསུངས་པ་དང་། བི་བྷུ་ཏི་ཙནྡྲས། རྒྱལ་བའི་བསྟན་ལ་བདག་ཉིད་ཆེ། །སྐྱེས་བུ་མང་དུ་བྱོན་མོད་ཀྱང་། །ཞི་བ་ལྷ་ཡི་མཛད་པར་ལྟར། །ཉམས་དང་དགོངས་པ་ཅན་མི་རྙེད། །ཅེས་སོགས་མཁས་པ་མང་ཆེ་བས་བསྔགས་བརྗོད་ཀྱི་མེ་ཏོག་འཐོར་བའི་སྐྱེས་བུ་དམ་པ་ལགས་སོ། །རྒྱལ་སྲས་ཆེན་པོ་ཞི་བ་ལྷའི། །རྟོགས་བརྗོད་ངོ་མཚར་བདུན་ལྡན་གྱི། །སྙིང་པོ་དྲིལ་ཏེ་བརྗོད་པའི་དགེས། །འགྲོ་ཀུན་བྱང་ཆུབ་སེམས་བསྐྱེད་ཤོག །ཅེས་པ་འདིའང་སྔོན་བྱོན་དམ་པའི་གསུངས་ལས་སྙིང་པོར་བསྡུས་ཏེ། ཆོས་མེད་ཀྱི་བྱ་བཏང་བ་ངག་དབང་ཀུན་དགའ་དབང་ཕྱུག་གིས། འབྲས་ལྗོངས་གནས་ནང་བསྟན་གླིང་དུ་ཆུ་ཕག་ས་ཟླའི་ཚེས་ལ་སྦྱར་བ་དགེ་ལེགས་སུ་གྱུར་ཅིག །། སརྦ་མངྒ་ལཾ༎ ༎<br /> }}</div>

Chogyal https://bodhicitta.tsadra.org/index.php?title=Texts/Slob_dpon_zhi_ba_lha%27i_rnam_thar_(Kun_dga%27_dbang_phyug)/Full_text&diff=128600 2026-03-16T08:24:39Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW2KG229024_L2TV58IMFGGV BDRC MW2KG229024_L2TV58IMFGGV]<br /> |FullTextDate=2026-02-18<br /> |FullTextTibetan=སློབ་དཔོན་ཞི་བ་ལྷའི་རྣམ་ཐར།<br /> ཐེག་པ་ཆེན་པོའི་མདོའི་དགོངས་འགྲེལ་གྱི་བསྟན་བཅོས་བྱང་ཆུབ་སེམས་དཔའི་སྤྱོད་པ་ལ་འཇུག་པ་ཞེས་བྱ་བའི་བསྟན་བཅོས་འདི་རྩོམ་པ་པོ་སློབ་དཔོན་ཞི་བ་ལྷ་ཁོང་ནི། ཐོག་མར་རྒྱ་གར་གྱི་ཡུལ་ལྷོ་ཕྱོགས་ཀྱི་བརྒྱུད་དུ་ཡབ་རྒྱལ་པོ་ལེགས་པའི་གོ་ཆ་ཞེས་བྱ་བའི་སྲས་སུ་སྐུ་འཁྲུངས། རྒྱལ་སྲས་ཞི་བའི་གོ་ཆ་ཞེས་མཚན་བཏགས། རིམ་གྱིས་སྐུ་སྐྱེད་བསྲིངས་ནས་གསང་སྔགས་ཀྱི་རྣལ་འབྱོར་པ་ཞིག་ལས་རྗེ་བཙུན་འཇམ་དཔལ་གྱི་སྒྲུབ་ཐབས་ཞུས་ཏེ་སྦས་པའི་ཚུལ་དུ་སྒྲུབ་པ་མཛད་པས་འཇམ་དཔལ་གྱིས་ཞལ་གཟིགས་ཏེ་གྲུབ་པ་ཐོབ། ནམ་ཞིག་ན་ཡབ་རྒྱལ་པོ་གཤེགས་ཏེ་རྒྱལ་སྲིད་དུ་མངའ་གསོལ་རན་པ་ན། ཡི་དམ་གྱི་ལྷ་ཡིས་ལུང་བསྟན་པ་ལྟར་རྒྱལ་སྲིད་བོར་ཏེ་བྲོས་ནས་ཡུལ་སྤྱོད་འཇུག་འགྲེལ་པ་ཐུབ་བསྟན་རྒྱ་མཚོའི་དགོངས་རྒྱན། དབུས་སུ་དཔལ་ནཱ་ལེཎྡྲའི་གཙུག་ལག་ཁང་དུ་ཕེབས་པ་དང་། མཁན་པོ་རྒྱལ་བའི་ལྷ་ཞེས་བྱ་བ་ལས་རབ་ཏུ་བྱུང་སྟེ་བསྙེན་པར་རྫོགས་པ་ན་རྒྱལ་སྲས་ཞི་བ་ལྷ་ཞེས་པའི་མཚན་ཡང་བཏགས། དེ་ནས་བརྒྱུད་མར་ནང་དུ་ཐུགས་མཉམ་པར་བཞག་པ་ལས་མ་གཡོས་བཞིན་དུ་རྗེ་བཙུན་འཇམ་དཔལ་ལས་ཆོས་གསན་པ་དང་། ཐེག་པ་ཆེན་པོའི་མདོའི་དགོངས་འགྲེལ་གྱི་བསྟན་བཅོས་བསླབ་པ་ཀུན་ལས་བཏུས་པ་དང་། མདོ་ཀུན་ལས་བཏུས་པ་ལ་སོགས་པའི་བསྟན་བཅོས་མང་པོ་ཡང་བརྩམས་ཤིང་། ཕྱིའི་ལྟར་སྣང་དུ་བྷུ་སུ་ཀུ་ཡི་སྤྱོད་པ་སྟེ་བཟའ་བ་དང་། ཉལ་བ་དང་། འཆག་པ་ཁོ་ན་མཛད་པ་ན། དགེ་འདུན་པ་རྣམས་ཀྱིས་གྲོས་བགྲོས་ཏེ་དུས་བཟང་གི་ཉིན་མོར་འཁོར་མང་པོ་འདུས་ནས་དེའི་དབུས་སུ་མདོ་འདོན་པའི་རེ་མོས་བསྐོས་པ་ན། ཁོང་གིས་ཞལ་གྱིས་བཞེས་ཏེ། སེང་གེས་སྟེགས་པའི་རིན་པོ་ཆེའི་ཁྲིའི་སྟེང་དུ་བཞུགས་ནས་བསླབ་བཏུས་ནི་རྒྱ་ཆེ་བ་དང་། མདོ་བཏུས་ནི་བསྡུས་ཆེ་ཞིང་། ཚིག་བསྡུས་ལ་དོན་རྒྱས་པ་ཅན་སྤྱོད་འཇུག་ཐུགས་ནས་གསུངས་པར་མཛད་པ་ན། ལས་ཅན་གྱི་གང་ཟག་འགའ་རེས་འཇམ་དཔལ་དབྱངས་དངོས་སུ་མཇལ་བ་དང་། ཡང་འགའ་ཞིག་གིས་ནི་ཞི་བ་ལྷ་ཁོང་གི་དབུའི་ཐད་ཀར་འོད་སྐོར་གྱི་ནང་དུ་རྗེ་བཙུན་འཇམ་དབྱངས་དངོས་སུ་བཞུགས་ཡོད་པ་མཇལ་བ་སོགས་བྱུང་ཞིང་། འཁོར་དེ་དག་ཐམས་ཅད་ཤིན་ཏུ་དད་ཅིང་གུས་ནས་ཉན་བཞིན་པའི་གནས་སྐབས་ན། གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །དེ་ཚེ་རྣམ་པ་གཞན་མེད་པས། །དམིགས་པ་མེད་པ་རབ་ཏུ་ཞི། །ཞེས་གསུངས་པ་ནས་བཟུང་སྟེ་རིམ་གྱིས་གདན་གྱི་སྟེང་ནས་ནམ་མཁའ་ལ་ཇེ་མཐོ་ཇེ་མཐོར་ཡར་གཤེགས་ཏེ་མཐར་ཞི་བ་ལྷ་ཁོང་གི་སྐུ་མི་སྣང་ཞིང་། གསུང་གིས་ཆོས་བསྟན་པའི་སྒྲ་དང་བཅས་ཏེ་སྤྱོད་འཇུག་གི་མཇུག་བསྔོ་བའི་ལེའུས་རྫོགས་ཀྱི་བར་དུ་གསུངས་པར་མཛད། དེའི་རྗེས་སུ་འཁོར་དེ་ན་གནས་པའི་པཎྜི་ཏ་མི་བརྗེད་པའི་གཟུངས་ཐོབ་པ་རྣམས་ཀྱིས་སྤྱོད་འཇུག་གི་གཞུང་བསྡུ་བར་མཛད་པས། ཡུལ་དབུས་དང་ཤར་ཕྱོགས་ཀྱི་པཎྜི་ཏ་དེ་དག་རྣམས་ཀྱིས་ཐུགས་ལ་ཟིན་པ་ལ་ཤློ་ཀ་སྟོང་ཕྲག་གཅིག་དང་ལེའུ་བཅུའི་བདག་ཉིད་ཅན་ཞིག་བྱུང་བ་དང་། ནུབ་ཕྱོགས་ཁ་ཆེའི་ཡུལ་ན་གནས་པའི་པཎྜི་ཏ་རྣམས་ཀྱིས་ཟིན་པ་ལ་ཤློ་ཀ་བདུན་བརྒྱ་ཐམ་པ་དང་ལེའུ་དགུའི་བདག་ཉིད་ཅན་ཞིག་བྱུང་བ་དེ་གཉིས་ཅུང་ཟད་མི་མཉམ་ཞིང་། ཞི་བ་ལྷ་གང་དུ་བཞུགས་ཡོད་མེད་བཙལ་བ་ན་ཡུལ་ལྷོ་ཕྱོགས་ཀྱི་བརྒྱུད། མཆོད་རྟེན་དཔལ་ཡོན་ཅན་ཞེས་བྱ་བ་ན་བཞུགས་ཡོད་པར་ཐོས། དེར་པཎྜི་ཏ་མི་བརྗེད་པའི་གཟུངས་ཐོབ་པ་སྤྱོད་འཇུག་འགྲེལ་པ་ཐུབ་བསྟན་རྒྱ་མཚོའི་དགོངས་རྒྱན། གཉིས་མངགས་ནས་རབ་ན་ཞི་བ་ལྷ་ཁོང་ནཱ་ལེནྡྲ་ཡི་གཙུག་ལག་ཁང་དུ་གདན་དྲངས་པ་དང་། དེ་ལྟར་མ་བྱུང་ན་སྤྱོད་འཇུག་གི་གཞུང་ཚད་གང་ཡིན་པ་དང་། སྤྱོད་འཇུག་གི་གཞུང་གི་སྐབས་སུ་བསླབ་བཏུས་དང་མདོ་བཏུས་ཞེས་པའི་བསྟན་བཅོས་ཀྱི་མཚན་བྱུང་བ་ལ། བསྟན་བཅོས་དེ་གཉིས་པོ་གང་ན་ཡོད་པ་བཀའ་འདྲི་ཡང་བསྐོར་བར་བྱ་བའི་ཆེད་དུ་བཏང་གནང་མཛད་པས་ཁོང་དང་དངོས་སུ་མཇལ་ནས་སྤྱོད་འཇུག་གི་གཞུང་ཚད་ཤློ་ཀ་སྟོང་དང་ལེའུ་བཅུའི་བདག་ཉིད་ཅན་དེ་ཡིན་པ་དང་། བསླབ་བཏུས་དང་མདོ་བཏུས་གཉིས་པོ་ཁོང་བཞུགས་སའི་གཟིམ་ཤག་གི་ཀ་བ་དང་གདུང་མའི་བར་དུ་ཡི་གེ་ཤོག་དྲིལ་ཆུང་ཆུང་རེ་ཡོད་པར་གསུངས་ཤིང་། དེ་གཉིས་ཀྱི་ལུང་ཡང་གནང་སྟེ། ཁོང་ནཱ་ལེནྡྲ་ལ་གདན་དྲངས་མ་ཐུབ་ན་ཡང་། བསླབ་བཏུས་དང་མདོ་བཏུས་གཉིས་པཎྜི་ཏ་དེ་གཉིས་ལ་ལུང་དང་བཅས་པ་གནང་བར་མཛད། པཎྜི་ཏ་དེ་གཉིས་ཕྱིར་ལོག་ནས་སྤྱོད་འཇུག་གི་གཞུང་ཚད་ལ་ཤློ་ཀ་སྟོང་དང་ལེའུ་བཅུའི་བདག་ཉིད་ཅན་ཡིན་པ་དང་། བསླབ་བཏུས་དང་མདོ་བཏུས་གཉིས་ལ་ལུང་རྒྱུན་དང་ཐོས་རྒྱུན་ཡོད་པ་ཡང་བྱུང་བ་ཡིན་པར་གསུངས།<br /> }}</div>

Chogyal https://bodhicitta.tsadra.org/index.php?title=Texts/Zhi_ba_lha_(dpag_bsam_ljon_bzang)/Full_text&diff=128599 2026-03-16T08:22:37Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW1KG20788 BDRC MW1KG20788]<br /> |FullTextDate=2026-02-26<br /> |FullTextTibetan=ཞི་བ་ལྷ་ནི། ལྷོའི་སོ་སོར་ཥྚར་རྒྱལ་པོ་དགེ་བའི་གོ་ཆའི་སྲས་སུ་འཁྲུངས་ནས་མིང་ཞི་བའི་གོ་ཆར་བཏགས་ཤིང་། ཕྱིས་སུ་རྣན་ལམ་དུ་འཇམ་དཔལ་རྒྱལ་པོའི་ཁྲི་ལ་བཞུགས་པ་དང་། སྒྲོལ་མས་སྤྱི་བོ་ནས་ཆུ་བླུག་ཅིང་། རྒྱལ་སྲིད་དམྱལ་བའི་ཆུ་ཚན་དང་འདྲ་སོགས་གསུངས་པས། རྒྱལ་སྲིད་བཟུང་མི་རུང་བར་གོ་ནས། སང་རྒྱལ་སཪ་འཇོག་པའི་དོ་ནུབ་བྲོས་ཏེ། ཞག་ཉེར་གཅིག་སོང་བའི་ལམ་དུ་ནགས་གཅིག་གི་ཆུ་མིག་ལས་ཆུ་འཐུང་འདོད་ཚེ། བུ་མེད་ (ཏཱ་རཱ་) ཞིག་གིས་ཆུ་ཞིམ་པོ་གཞན་བླུད་ནས། ནགས་ཀྱི་ཕུགས་སུ། རྣལ་འབྱོར་པ་ (འཇམ་དཔལ་) གཅིག་འདུག་པའི་དྲུང་དུ་ཁྲིད་དེ། གདམས་པ་ཉན་ནས་བསྒོམ་པས་ཏིང་འཛིན་བཟང་པོ་འཁྲུངས། ཤར་དུ་རྒྱལ་བོ་སེང་གེ་ལྔ་བའི་གམ་དུ་སོང་ནས་ལོ་བཅུ་གཉིས་སུ་བློན་མཛད་ཚེ། ལྷའི་ཕྱག་མཚན་ཤིང་གི་རལ་གྲི་ཞིག་འཆང་ཡོད་པ། རྒྱལ་པོས་དབང་མེད་དུ་སྟོན་ཟེར་ནས་གཟིགས་ པས་སྤྱན་གཡོན་པ་ལྷུང་ཚེ་གྲུབ་ཐོབ་ཏུ་ཤེས་ཏེ་མཆོད། དེ་ནས་དབུས་སུ་ནཱ་ལེནྡྲར་བྱོན་ནས། རྒྱལ་བའི་ལྷ་ལས་རབ་ཏུ་བྱུང་སྟེ་མཚན་ཞི་བ་ལྷ་ཞེས་བཏགས་ཤིང་། བསླབ་བཏུས་དང་། མདོ་བཏུས་བརྩམས་ཏེ་ནང་དུ་ཏིང་འཛིན་ལ་བརྩོན་ཞིང་སྤྲོས་མེད་ཀྱི་སྤྱོད་པ་མཛད་ཀྱང་ཕྱི་རུ་འབྲས་བྲེ་ཆུང་ལྔ་རེ་གསོལ་ཏེ། རྒྱུན་དུ་ཉལ་སྡོད་པ་ལྟར་མཐོང་ནས་རྒྱལ་པོ་སོགས་ཀྱིས་འདུ་གསུམ་པར་བཏགས་ཤིང༌། དགེ་འདུན་གྱི་གནས་ལས་བསྐྲད་འདོད་དེ། མདོ་འདོན་པ་པོ་རེས་མོས་སུ་བྱས་ནས། ཁོང་ལ་བབས་ཚེ་ཁྲི་ལ་འཁོད་ནས། སྔར་བྱུང་བ་ཞིག་འདོན་ནམ། མ་བྱུང་བ་ཞིག་འདོན་ཅེས་དྲིས་པས་ཐམས་ཅད་ཀྱིས་མ་བྱུང་བ་ཞིག་ཐོན་ཅེས་ཟེར་བས། ཐེག་ཆེན་གྱི་སྡེ་སྣོད་ཀུན་གྱི་དོན་འདུས་པའི་སྤྱོད་འཇུག་གསུངས་ཏེ། གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །ཞེས་པའི་མཚམས་ནས་འཕུར་ཏེ། གཟུགས་མི་སྣང་ཡང་། གསུངས་མི་ཆད་པས་པཎྜི་ཏ་གཟུངས་ཐོབ་པ་དག་གིས་ལྷག་མ་བློ་ལ་བཟུང་ངོ། །དེ་ནས་དྲི་ལངྒའི་ཆར་གཏོགས་གྲོང་ཁྱེར་ (བོད་མང་གིས་དཔལ་ཡོན་ཟེར་) ཀ་ལིངྒར་བྱོན་ཚེ་པཎྜི་ཏ་གསུམ་དེར་སོང་ནས། དབུས་སུ་སྤྱན་དྲངས་ཀྱང་མ་བྱོན་པར་མདོ་བཏུས་བསླབ་བཏུས་གྲང་ཁང་གི་སྐར་ཁུང་ན་ཤིང་ཤུན་ལ་པཎྜི་ཏའི་ཡི་གེ་ཕྲ་མོས་བྲིས་ཡོད་གསུངས། དེར་ཡང་དགེ་སློང་ལྔ་བརྒྱ་དང་ལྷན་ཅིག་བཞུགས་དུས་རི་དྭགས་མང་པོ་ཁོང་གི་གྲང་ཁང་དུ་སོང་ཡང་ཕྱིར་མ་བྱུང་བས། རྒྱལ་པོ་དང་དགེ་འདུན་གྱིས་ཅོ་འདྲི་བར་བརྩམས་ཚེ་རི་དྭགས་ཐམས་ཅད་ཐོན་ནས་སོང་བ་དང༌། དེ་ནས་དཔལ་གྱི་རིའི་ལྷོ་ཕྱོགས་སུ་ཨུ་ཙུཥྨའི་སྤྱོད་པས་བྱོན་ཚེ། མུ་སྟེགས་པའི་སྟོན་པ་ཤང་ཀ་ར་དེ་བས་ནམ་མཁར་དབང་ཕྱུག་གི་དཀྱིལ་འཁོར་བྲིས་པ་ཁོང་གིས་རླུང་ཆེན་པོ་བཏང་སྟེ། མུ་སྟེགས་བཅས་ཆུའི་ཕར་འགྲམ་དུ་འཕངས་པ་སོགས་ཀྱིས་མུ་སྟེགས་སྣུབ་ནས། ནང་བ་དར་བར་མཛད་སོགསྲ མདོར་ན་ལྷག་པའི་ལྷ་མཉེས། །བཀོད་པ་ཕུན་སུམ་རྩོད་པ་བཟློག །ཡ་མཚན་ཅན་དང་སྤྲང་པོ་དང༌། །རྒྱལ་བོ་མུ་སྟེགས་བཏུལ་དང་བདུན། །ཞེས་པའི་རྣམ་ཐར་བདུན་ཀྱང་བོད་དུ་གྲགས་ཤིང་། ཤེར་འབྱུང་བློས་འདི་འཕགས་པར་བཤད་ཅིང་ལོ་བརྒྱ་བཞུགས་པའོ། །<br /> }}</div>

Chogyal https://bodhicitta.tsadra.org/index.php?title=Texts/%27phags_pa_rgyal_sras_zhi_ba_lha/Full_text&diff=128598 2026-03-16T08:19:25Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW23786 BDRC MW23786]<br /> |FullTextDate=2026-02-17<br /> |FullTextTibetan=བསྟན་བཅོས་རྩོམ་པའི་རྒྱུ་གསུམ་ལེགས་པར་ཚང་ཞིང་ཁྱད་པར་དུ་ལྷག་པའི་ལྷ་རྗེ་བཙུན་འཇམ་པའི་དབྱངས་ཀྱིས་རྗེས་སུ་བཟུང་ཞིང་བྱིན་གྱིས་བརླབས་པ་སོགས་ངོ་མཚར་བའི་གཏམ་བདུན་གྱི་རྣམ་ཐར་མཆོག་གིས་སྤུད་པའི་པཎྜི་ཏ་ཆེན་པོ་འཕགས་པ་རྒྱལ་སྲས་ཞི་བ་ལྷས་མཛད། དེ་ཡང༌། ལྷག་པའི་ལྷ་མཉེས་ནཱ་ལེནྡྲའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང༌། །རྒྱལ་པོ་མུ་སྟེགས་ཅན་བཏུལ་བའོ། །ཞེས་པ་ལྟར། བདག་ཉིད་ཆེན་པོ་འདི་ལྷོ་ཕྱོགས་ཀྱི་རྒྱུད་ཀྱི་ཡུལ་འཁོར་བཟང་པོ་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་ཞི་བའི་གོ་ཆ་ཞེས་བྱ་བར་གྱུར་ཅིང༌། དེ་ཡང་གཞོན་ནུའི་ཚེ་ནས་སྔོན་གྱི་རྒྱལ་བ་ལ་ཕྱག་བྱས་ཤིང༌། ཐེག་ཆེན་གྱི་རིགས་ལ་གནས་པས་བླ་མ་དང་དགེ་སྦྱོང་སོགས་ལ་གུས་པ་དང༌། བློན་པོ་དང་འབངས་འཁོར་རྣམས་ལ་ཕན་འདོགས་པ་དང༌། ཕོངས་པ་དང་ནད་པ་སོགས་དམན་པ་རྣམས་ཀྱང་སྙིང་རྗེས་ལྷག་པར་སྐྱོང་བ་ལ་སོགས་པ་བྱང་ཆུབ་ཀྱི་སྤྱོད་པ་འབའ་ཞིག་ལ་ཐུགས་གཞོལ་བའི་ངང་ནས་རིག་པ་དང་སྒྱུ་རྩལ་ཐམས་ཅད་ལ་ཡང་མཁས་པར་གྱུར་ཅིང་ཁྱད་པར་དུ་ཀུ་སུ་ལུ་ཞིག་ལ་འཇམ་དཔལ་རྣོན་པོའི་སྒྲུབ་ཐབས་ཤིག་ཞུས་ཏེ་བསྒྲུབས་པས་ཞལ་མཐོང༌། རེ་ཞིག་ན་ཡབ་རྒྱལ་པོ་འདས་ཏེ་རྒྱལ་པོར་དབང་བསྐུར་བར་བསྒྲོས་ཏེ། རིན་པོ་ཆེའི་ཁྲི་ཆེན་པོ་བཤམས་པ་ན་དེ་ནུབ་རྨི་ལམ་དུ་སང་ཉིན་སྡོད་པའི་ཁྲི་ཆེན་པོ་དེ་ལ་རྗེ་བཙུན་འཇམ་པའི་དབྱངས་བཞུགས་ནས། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ང་དང་ཁྱོད་གཉིས་སྟན་གཅིག་ལ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་གསུངས་པ་རྨིས་པས་སད་པ་དང༌། རྒྱལ་སྲིད་འཛིན་དུ་མི་རུང་བར་དགོངས་ཏེ། རྒྱལ་སྲིད་ཀྱི་འབྱོར་པ་ཆེན་པོ་ལ་མ་ཆགས་པར་བྲོས་ནས་དཔལ་ན་ལེནྡྲའི་པཎྜི་ཏ་ལྔ་བརྒྱའི་ཁྱུ་མཆོག་རྒྱལ་བའི་ལྷ་ལས་རབ་ཏུ་བྱུང་སྟེ། མཚན་ཡང་ཞི་བའི་ལྷ་ཞེས་བཏགས་ཏེ། ནང་གི་ཀུན་སྤྱོད་འཕགས་པ་ལ་སྡེ་སྣོད་གསུམ་གསན་ནས་དེའི་དོན་ལ་མཉམ་པར་འཇོག་པར་མཛད་ཅིང་ཤིན་ཏུ་གཅེས་པའི་དོན་རྣམས་ཕྱོགས་གཅིག་ཏུ་བསྡུས་པ་བསླབ་བཏུས་དང༌། མདོ་བཏུས་ཀྱི་བསྟན་བཅོས་མཛད་པ་སོགས་སྤངས་རྟོགས་ཀྱི་ཡོན་ཏན་དཔག་ཏུ་མེད་པ་མངའ་ཡང་གཞན་དག་གིས་དེ་ལྟར་མ་རྟོགས་པར། ཕྱིའི་སྤྱོད་པ་བྷུཀྟ་ཟ་བ། སུསྟ་ཉལ་བ། ཀུཙྪི་ཝ་འཆག་པ་གསུམ་ལས་གཞན་མི་བྱེད་པ་སྣང་བས་བྷུ་སུ་ཀུ་ཝ་ཞེས་བསྒྲགས་ཤིང་ཕྱིའི་སྤྱོད་པ་ལ་དཔག་ནས་འདིའི་རབ་ཏུ་བྱུང་བ་རྣམས་ཀྱི་བྱ་བའི་ལས་འཁོར་ལོ་གསུམ་ཡིན་ན། འདིས་གང་ཡང་མི་བྱེད་པར་དགེ་འདུན་གྱི་ནང་དུ་དད་ཟས་བྱིན་པ་ལ་ལོངས་སྤྱོད་པར་མི་རུང་བས་བསྐྲད་པར་བྱའོ་ཞེས་བསྒྲོས་ནས་གསུང་རབ་ཀྱི་མདོ་འདོན་རེས་བྱས་པས་རང་ཐད་ལ་བབ་པ་ན་གཞན་དུ་འགྲོའོ་སྙམ་དུ་བསམ་ནས་དེ་ལ་མདོ་འདོན་པར་ཡང་ཡང་ནན་གྱིས་ཞུས་པ་ལ་བདག་གིས་ཅི་ཡང་མི་ཤེས་སོ་ཞེས་ཡང་ཡང་གསུངས་པ་ན། མཁན་པོ་ཉིད་ཀྱིས་བགོས་ཤིག་ཅེས་ཞུས་པས་མཁན་པོས་བསྒོས་པས་འདོན་པར་ཁས་བླངས་པ་དང༌། ཁ་ཅིག་གིས་འདི་ཅི་ཡིན་ན་མི་ཤེས་སྙམ་དུ་ཐེ་ཚོམ་དུ་གྱུར་བཞིན་དུ། དེ་ཉམས་སད་པའི་ཕྱིར་གཙུག་ལག་ཁང་གི་ཕྱི་རོལ་ས་ཕྱོགས་ཡངས་པར་མཆོད་པ་མང་པོ་བཤམས་ཤིང་སྐྱེ་བོའི་ཚོགས་མང་པོ་འདུས་པའི་དབུས་སུ་སེང་གེའི་ཁྲི་མཐོན་པོ་བཤམས་པ་ལ་སྤྱན་དྲངས་ཏེ་ཁྲི་དེར་ཇི་ལྟར་བྱོན་མ་ཤེས་པར་སྟེང་དུ་བཞུགས་པ་ལ་ཕལ་ཆེར་ཡིད་གཉིས་སུ་གྱུར་པ་ལ། དེ་ནས་སྔར་དྲང་སྲོང་གིས་གསུངས་པ་གྲགས་པ་ཞིག་གདོན་ནམ། སྔར་མ་གྲགས་པ་ཞིག་གདོན་ཞེས་གསུངས་པ་ན་ཐམས་ཅད་ངོ་མཚར་ཏུ་གྱུར་ཏེ། མ་གྲགས་པ་ཞིག་འདོན་པར་ཞུས་པས། བསླབ་བཏུས་ནི་མང༌། མདོ་བཏུས་ནི་ཉུང༌། ཚིག་བསྡུས་ལ་དོན་རྒྱས་པ་བྱང་ཆུབ་སེམས་དཔའི་སྤྱོད་པ་ལ་འཇུག་པ་འདི་ཞལ་འདོན་མཛད་པ་དང༌། འཕགས་པ་འཇམ་དཔལ་ཡང་མདུན་གྱི་ནམ་མཁའ་ལ་བཞུགས་པ་སྐྱེ་བོ་མང་པོས་མཐོང་ནས་ཤིན་ཏུ་དད་པ་གྱུར་པ་ལས། ཤེས་རབ་ཀྱི་ལེའུའི། གང་ཚེ་དངོས་དང་དངོས་མེད་དག །ཅེས་པ་ནས་སློབ་དཔོན་འཇམ་དབྱངས་དང་བཅས་པ་ནམ་མཁའ་ལ་ཇེ་མཐོ་ཇེ་མཐོར་སོང་ནས་མཐར་སྐུ་མི་སྣང་བར་གསུང་གྲགས་པའི་སྒོ་ནས་རྫོགས་པར་སྟོན་ཏེ་གཤེགས་སོ། །དེ་ནས་གཟུངས་ཐོབ་པ་རྣམས་ཀྱིས་ཇི་ལྟར་ཟིན་པ་བསྡུས་པས་ཤློ་ཀ་བདུན་བརྒྱ་དང༌། སྟོང་དང་སྟོང་ལས་ལྷག་པར་གྱུར་ཅིང༌། པཎྜི་ཏ་ཁ་ཆེ་བ་རྣམས་ཀྱིས་བསྡུས་པ་ལེའུ་དགུའི་བདག་ཉིད་ཤློ་ཀ་བདུན་བརྒྱ་དང༌། ཡུལ་དབུས་པ་རྣམས་ཀྱིས་བསྡུས་པ་ལེའུ་བཅུའི་བདག་ཉིད་ཤློ་ཀ་སྟོང་ཡོད་པ་མ་མཐུན་པས་ཐེ་ཚོམ་དུ་གྱུར་ཅིང༌། བསླབ་པ་ཀུན་ལས་བཏུས་པ་ལ། །ངེས་པར་ཡང་དང་ཡང་དུ་བལྟ། །ཞེས་དང༌། ཡང་ན་རེ་ཞིག་མདོར་བསྡུས་པའི། །མདོ་རྣམས་ཀུན་ལས་བཏུས་པར་བལྟ། །ཞེས་པའང་མ་ཤེས་པས་སློབ་དཔོན་ལྷོ་ཕྱོགས་མཆོད་རྟེན་དཔལ་ཡོན་ཅན་ན་བཞུགས་པར་ཐོས་ནས་གཟུངས་ཐོབ་པའི་པཎྜི་ཏ་གཉིས་སྤྱན་འདྲེན་དུ་ཕྱིན་པས་མཇལ་ནས་བྱོན་དུ་མ་བཏུབ་ཀྱང་ཚུལ་དེ་དག་ཞུས་པ་ལ་གཞུང་གི་ཚད་ཡུལ་དབུས་པ་རྣམས་ཀྱིས་བསྡུས་པ་ལྟར་ཡིན་ལ་བསླབ་བཏུས་དང༌། མདོ་བཏུས་གཉིས་ཁོ་བོའི་བྲང་ཁང་གི་གདུང་གསེབ་ན་པཎྜི་ཏའི་ཡི་གེ་ཕྲ་མོའི་བྲིས་པ་ཞིག་ཡོད་པས་ལྟོས་ཤིག་ཅེས་རྗེས་སུ་བསྟན་ཅིང་དེ་དག་གི་བཤད་ལུང་ཡང་གནང་ངོ༌། །དེ་ནས་ཤར་ཕྱོགས་སུ་བྱོན་ཏེ་རྩོད་པ་ཆེན་པོ་བྱེད་པ་ཞིག་གི་འགྲན་ཟླ་མཛད་པའི་རྫུ་འཕྲུལ་གྱིས་འདུམ་པར་གྱུར་ཏེ་བདེ་བ་ལ་བཀོད་དོ། །ཡང་ཡུལ་མ་ག་དྷའི་ནུབ་ཕྱོགས་ཧ་ཅང་མི་རིང་བ་ཞིག་ན་ཡ་མཚན་གྱི་ལྟ་བ་འཛིན་པ་ལྔ་བརྒྱ་གནས་པ་འཁོར་དུ་བསྡུས་པ་དང༌། རེ་ཞིག་ཡུལ་ངན་ཆེན་པོ་བྱུང་ནས་བཟའ་བཏུང་ཆད་དེ་ཉོན་མོངས་པ་ན་བདག་ཅག་གི་འཚོ་བ་སྒྲུབ་ནུས་པ་ཡོད་ན་དེའི་གསུང་སྤྱི་བོར་ལེན་ཏོ། །ཞེས་ཟེར་བ་ལ། སློབ་དཔོན་གྱིས་འབྲས་ཆན་ལྷུང་བཟེད་གང་ཙམ་གྱི་བསོད་སྙོམས་བླངས་ཏེ་ཏིང་ངེ་འཛིན་གྱིས་མང་པོར་བྱིན་གྱིས་བརླབས་ནས་དེ་ཐམས་ཅད་བདེ་བས་ཚིམ་པར་མཛད་དེ་ཡ་མཚན་ཅན་གྱི་ལྟ་བ་ལས་བཟློག་སྟེ་སངས་རྒྱས་ཀྱི་བསྟན་པ་ལ་བཙུད་པར་མཛད་དོ། །དེ་ནས་རེ་ཞིག་ན་མུ་གེ་ཆེན་པོ་བྱུང་སྟེ་སྤྲང་པོ་སྟོང་ཙམ་ཞིག་བྲུ་བ་ཚ་བས་ཉེན་ཏེ། འཆི་ལ་ཐུག་པ་རྣམས་ལ་སློབ་དཔོན་གྱིས་འཚོ་བ་སྦྱར་ཏེ་བདེ་བ་ལ་བཀོད་དོ། །དེ་ནས་ཤར་ཕྱོགས་སུ་ཨ་ཏི་ཤ་བའི་རྒྱལ་པོ་ལ། མ་ཙ་ལའི་གནོད་པ་བྱེད་པ་བསྲུང་བའི་རྒྱལ་པོའི་སྐུ་བསྲུང་མཛད་པ་ལ། སློབ་དཔོན་རྗེ་བཙུན་འཇམ་པའི་དབྱངས་ཀྱི་ཕྱག་རྒྱར་བཅིང་བའི་ཤིང་གི་རལ་གྲི་ཤུབས་དང་བཅས་པ་ཞིག་བཟུང་ནས་ཆོས་ཀྱི་མཐུ་ཕུན་སུམ་ཚོགས་པ་དང་ལྡན་པའི་ཕྱིར་རྒོལ་(མ་ག་དྷའི། མཆན།)པ་རྣམས་ཟིལ་གྱིས་མནན་ཏེ་སྐྱེ་དགུ་ཐམས་ཅད་བདེ་བར་མཛད་པས་བཀུར་སྟི་ཆེན་པོ་ཐོབ་པ་ན། ཕྲག་དོག་ཅན་གཞན་དག་གིས་མ་བཟོད་པར་རྒྱལ་པོ་ལ་མི་འདི་ནི་གཡོ་སྒྱུ་ཅན་ཞིག་སྟེ་མཚོན་ཆ་ཡང་ཤིང་གི་རལ་གྲི་ལས་མེད་པའི་ཕྱིར་རྒྱལ་པོའི་སྐུ་བསྲུང་མི་ནུས་པས་བརྟག་པར་འཚལ་ལོ། །ཞེས་ཞུས་པ་དང༌། རྒྱལ་པོ་ཁྲོས་ཏེ་ཐམས་ཅད་ཀྱི་མཚོན་ཆ་ལ་རིམ་གྱིས་བལྟས་ཏེ། དེ་ལ་རལ་གྲི་ཕྱུངས་ཤིག་ཅེས་སྨྲས་པ་ན། ལྷ་ཉིད་ལ་གནོད་པ་འགྱུར་བས་མི་རུང་ངོ་ཞེས་གསུངས་པ་ན་གནོད་ཀྱང་སླ་ཡི་ངེས་པར་ཕྱུངས་ཤིག་ཟེར་བ་ལ། འོ་ན་ཕྱོགས་དབེན་པར་སྤྱན་ཡ་གཅིག་ཕྱག་གིས་བཀབ་སྟེ་ཡ་གཅིག་གིས་གཟིགས་སུ་གསོལ་ཞེས་སྨྲས་ནས་ཕྱུང་བས་དེའི་གཟི་བརྗིད་ཀྱིས་རྒྱལ་པོའི་མིག་ཡ་གཅིག་ས་ལ་ལྷུང་སྟེ་དཔུང་དང་བཅས་པ་སྐྲག་ནས་བཟོད་པར་གསོལ་ཏེ་སྐྱབས་སུ་སོང་བ་ལས་མིག་གི་བུ་གར་མིག་བཅུག་ནས་ཟུག་རྔུ་མེད་ཅིང་མཐོང་བར་བྱིན་གྱིས་རླབས་པས་འཇིག་རྟེན་ཐམས་ཅད་དད་པར་མཛད་ཅིང་ཆོས་ལ་བཙུད་དོ། །དེ་ནས་དཔལ་གྱི་རིའི་ལྷོ་ཕྱོགས་སུ་བྱོན་ཏེ་ཨུ་ཙ་མའི་སྤྱོད་པ་ཞེས་པ་སྤྲང་པོའི་ཆ་བྱད་གཅེར་བུ་ཁྲུད་མ་ཕོ་བའི་ཚིག་མས་འཚོ་བར་བྱེད་པ་ན། ཁ་ཏྲི་བི་ཧ་རའི་བྲན་མོ་ཀ་ཙ་ལ་ནས་ཁྲུད་མ་ཕོ་བའི་ཆུ་འཐོར་སློབ་དཔོན་ལ་ཕོག་པས་ལྕགས་བསྲེག་ལ་ཕོག་པ་ལྟར་འབར་ཞིང་ཁོལ་བར་གྱུར་པ་མཐོང་སྟེ། དེའི་ཚེ་མུ་སྟེགས་པའི་སྟོན་པ་ཤངྐ་ར་དེ་བ་ཞེས་བྱ་བའི་ཁོ་བོས་ནམ་མཁའ་ལ་དབང་ཕྱུག་ཆེན་པོའི་དཀྱིལ་འཁོར་བྲི་ཡི་དེ་ནང་པ་དག་གིས་བཤིག་མ་ནུས་ན། ནང་པའི་ལྷ་རྟེན་ཆོས་ཐམས་ཅད་མེར་བསྲེག་སྟེ་ཕྱི་རོལ་མུ་སྟེགས་པའི་སྒོར་འཇུག་དགོས་ཞེས་རྒྱལ་པོ་ལ་གསོལ་བས། རྒྱལ་པོས་ཀྱང་ནང་པའི་དགེ་འདུན་རྣམས་བསྡུས་ཏེ་ཞུས་པས་སུས་ཀྱང་བཤིག་པར་ཁས་ལེན་མ་ནུས་པས་རྒྱལ་པོ་མྱ་ངན་དུ་གྱུར་པ་ལ་བྲན་མོའི་སྔར་མཐོང་བ་དེ་ཞུས་པ་ན། དེ་ཚོལ་ཅིག་གསུངས་ནས་ཕྱོགས་ཀུན་ཏུ་བཙལ་བས་ཤིང་སྡོང་གཅིག་གི་དྲུང་ནས་རྙེད་པ་ལ་དོན་དེ་ཞུས་པ་ན་ང་ཡིས་ནུས་ཀྱི་ཆུ་བུམ་པ་གང་དང་རས་ཡུག་གཉིས་དང་མེ་རྣམས་སྟ་གོན་གྱིས་ཤིག་གསུངས་ནས་དེ་ལྟར་བྱས་སོ། །དེ་ནས་སང་གི་དགོང་མོ་ཁོ་རང་གིས་ནམ་མཁར་ཐིག་བཏབ་སྟེ་སོང་བས་ཐམས་ཅད་ཐེ་ཚོམ་དུ་གྱུར། ཉིན་ཕྱི་མའི་སྔ་དྲོར་དཀྱིལ་འཁོར་བྲིས་ཏེ་ཤར་སྒོར་ཙམ་ཟིན་པ་ན་སློབ་དཔོན་གྱིས་ཏིང་ངེ་འཛིན་ལ་མཉམ་པར་གཞག་པ་ཙམ་གྱིས་རླུང་གི་འཚུབ་མ་ཆེན་པོ་ལངས་ཏེ་དཀྱིལ་འཁོར་རྨང་མེད་པར་ཁྱེར་ཏེ། རྩྭ་དང་ཤིང་དང༌། གྲོང་ཁྱེར་ཐམས་ཅད་ཀྱང་འགྱེལ་ལ་མ་འགྱེལ་ལ་ཐུག་པར་གྱུར་ཏེ། དེར་ཚོགས་པའི་མི་རྣམས་ཀྱང་བདས། མུ་སྟེགས་ཀྱི་སྟོན་པ་ཡང་རྣམ་པར་འཐོར་རླུང་གིས་བདས་པའི་བྱེའུ་བཞིན་དུ་མུན་པ་ཆེན་པོར་གྱུར་ཏོ། །དེ་ནས་སློབ་དཔོན་གྱིས་སྨིན་མཚམས་ནས་འོད་བྱུང་ནས་རྒྱལ་པོ་དང་བཙུན་མོ་ལ་ལམ་བསྟན་ནས་གོས་དང་བྲལ་ཞིང་རྡུལ་གྱིས་གཡོགས་པས་ཤིན་ཏུ་གྲང་བར་གྱུར་པ་ལ་མེས་དྲོ་བར་བྱས་ཤིང་ཆུས་བཀྲུས་ནས་གོས་བརྒྱན་པར་བྱས་ཏེ་བདེ་བར་བྱས་སོ། །སླར་ཡང་ཏིང་ངེ་འཛིན་གྱིས་མདུན་དུ་བཀུག་པ་ལ་ཁྲུས་དང་བྱུག་པ་དང་གོས་བྱིན་པ་ལ་སོགས་པས་བདེ་བར་བྱས་ནས་མུ་སྟེགས་ཅན་མང་པོ་སངས་རྒྱས་ཀྱི་བསྟན་པ་ལ་བཅུག་ཅིང་མུ་སྟེགས་ཀྱི་ལྷ་ཁང་རྣམས་བཤིག་སྟེ་ནང་པ་སངས་རྒྱས་པའི་ཆོས་ཀྱི་གཙུག་ལག་ཀྱང་དར་ཞིང་རྒྱས་ལ་ཡུན་རིང་དུ་གནས་པར་མཛད་པས་དེར་མུ་སྟེགས་ཕམ་པའི་ཡུལ་ཞེས་གྲགས་སོ། །སློབ་དཔོན་འདིས་རང་ཉིད་སོ་སྐྱེ་ཡིན་པར་ཞལ་གྱིས་བཞེས་ཀྱང་། འཇམ་དབྱངས་སྤྲུལ་པ་ཞི་བའི་ལྷ། ཞེས་ཛེ་ཏཱ་རིས་འཇམ་པའི་དབྱངས་ཀྱི་རྣམ་པར་འཕྲུལ་པར་གསུངས་པ་དང་། འཕགས་པ་ཞི་བའི་ལྷ་ཉིད་ཀྱིས་ཞེས་ཤེས་རབ་འབྱུང་གནས་ཀྱིས་འཕགས་པའི་གང་ཟག་ཏུ་གསུངས་པ་དང་། སྐྱེས་བུ་མང་དུ་བྱོན་མོད་ཀྱི། །ཞི་བ་ལྷ་ཡི་མཛད་པ་འདྲ། །ཉམས་དང་དགོངས་པ་ཅན་མི་རྙེད། །ཅེས་བུ་བྷུ་ཏི་ཙཎྜས་མཛད་པ་ཕུན་སུམ་ཚོགས་པ་ཅན་དུ་གསུངས་པ་དང་། སློབ་དཔོན་ནན་པོ་བས་འཇམ་དཔལ་དབྱངས་ཀྱི་ཞབས་ཀྱི་པདྨོ་ལ་སྤྱི་བོའི་གཏུགས་པར་གསུངས་པ་ལ་སོགས་པའི་ཡོན་ཏན་དཔག་ཏུ་མེད་པ་དང་ལྡན་པའོ། །སློབ་དཔོན་འདིས་རྒྱས་པར་སྟོན་པ་བསླབ་བཏུས་དང་། བསྡེུས་ཏེ་སྟོན་པ་མདོ་བཏུས། དོན་རྒྱས་ལ་ཚིག་བསྡུས་པ་སྤྱོད་འཇུག་དང་གསུམ་མདད་པ་ལས། སྤྱོད་འཇུག་འདི་ལ་རྒྱ་གར་ན་འགྲེལ་པ་བརྒྱ་རྩ་བརྒྱད་ཡོད་པར་གསུངས། ཞེས་གསུངས།<br /> }}</div>

Chogyal https://bodhicitta.tsadra.org/index.php?title=Texts/Zhi_ba_lha%27i_lo_rnam_thar/Full_text&diff=124446 2026-02-24T06:19:30Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW12434 BDRC MW12434]<br /> |FullTextDate=2026-02-17<br /> |FullTextTibetan=ཞི་བ་ལྷ་ནི། སཽ་རཥྚར་རྒྱལ་པོའི་སྲས་སུ་སྐུ་འཁྲུངས། སྔོན་གྱི་ལས་འཕྲོའི་མཐུས་ཆུང་ངུ་ནས་འཇམ་དཔལ་མནལ་ལམ་དུ་ཞལ་གཟིགས། ཆེར་སྐྱེས་ནས་རྒྱལ་སྲིད་དུ་བསྐོ་བར་བྱས་པ་ལས། མནལ་ལམ་དུ་རྒྱལ་སྲིད་དུ་བསྐོ་སའི་ཁྲི་ལ་འཇམ་དཔལ་བཞུགས་ནས། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ཁྱོད་དང་ང་གཉིས་སྟན་གཅིག་ལ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་གསུངས་པ་དང༌། འཕགས་མ་སྒྲོལ་མས་རང་གི་མའི་ཚུལ་བཟུང་ནས། ཆུ་ཚན་སྤྱི་བོ་ནས་བླུགས་པས། ཅི་ཡིན་དྲིས་པ་ན། རྒྱལ་སྲིད་ནི་དམྱལ་བའི་ཆུ་ཚུན་མི་ཟད་པ་ཡིན་ཏེ། དེས་ཁྱོད་ལ་དབང་བསྐུར་བ་ཡིན་ནོ་ཞེས་ཟེར་བས། རྒྱལ་སྲིད་བཟུང་དུ་མི་རུང་བར་མཁྱེན་ནས་ནངས་པར་རྒྱལ་སར་བསྐོ་རྒྱུའི་ནུབ་མོ་བྲོས་ནས་སོང་ངོ༌། །དེར་ཞག་ཉི་ཤུ་རྩ་གཅིག་ཏུ་ཕྱིན་པས། ནགས་ཤིག་གི་རྩ་བ་ན་ཆུ་མིག་འདུག་པ་འཐུང་བར་བརྩམས་པ་ན། བུད་མེད་གཅིག་གིས་བཟློག་ནས་ཆུ་ཞིམ་པོ་གཞན་བླུད། ནགས་ཀྱི་ཕུག་ན་རྣལ་འབྱོར་པ་ཞིག་འདུག་པའི་དྲུང་དུ་ཁྲིད། དེ་ལ་ཡང་དག་པའི་གདམས་པ་ནོས་ཏེ་བསྒོམས་པས་ཏིང་ངེ་འཛིན་དང་ཡེ་ཤེས་བསམ་གྱིས་མི་ཁྱབ་པ་ཐོབ། རྣལ་འབྱོར་པ་དེ་ནི་འཇམ་དཔལ་དང༌། བུད་མེད་དེ་སྒྲོལ་མ་ཡིན་ལ། དེ་ནས་རྟག་ཏུ་འཇམ་དཔལ་གྱི་ཞལ་གཟིགས་སོ། །དེ་ནས་ཤར་ཕྱོགས་སུ་ཕྱིན་ཏེ། རྒྱལ་པོ་སེང་གེ་ལྔ་པའི་འཁོར་གྱི་ནང་དུ་བཞུགས་པས་སྒྱུ་རྩལ་ཀྱི་གནས་ཐམས་ཅད་ལ་ཤིན་ཏུ་མཁས་ཤིང་བློ་གྲོས་ཆེ་བར་འདུག་ནས་བློན་པོ་གྱིས་གསུང་བ་རེ་ཞིག་ཞལ་གྱིས་བཞེས། ཡི་དམ་གྱི་ཕྱག་མཚན་ཤིང་གི་རལ་གྲི་གཅིག་འཆང་གིན་ཡོད། དེར་བཟོའི་གནས་སྔོན་མེད་པ་ཐམས་ཅད་དར་བར་མཛད། རྒྱལ་སྲིད་ཆོས་བཞིན་དུ་སྐྱོང་བཅུག་པས་བློན་པོ་གཞན་རྣམས་ཀྱིས་ཕྲག་དོག་བྱས་ཏེ། རྒྱལ་པོ་ལ་འདི་ནི་གཡོ་ཅན་ཞིག་སྟེ། རལ་གྲི་ཡང་ཤིང་ལས་མེད་དོ་བྱས་པས་རྒྱལ་པོ་ལ་བློན་པོ་ཐམས་ཅད་ཀྱི་རལ་གྲི་སྟོན་དགོས་བྱུང་བས། སློབ་དཔོན་གྱིས་འདི་ཕྱུང་ན་ལྷ་ཉིད་ལ་གནོད་པར་འགྱུར་རོ་བྱས་པས་ལྷག་པར་ཐེ་ཚོམ་སྐྱེས་ཏེ། གནོད་ཀྱང་སླ་ཡི་ངེས་པར་སྟོན་ཅིག་ཟེར། འོ་ན་སྤྱན་གཡས་པ་ཁོབ་ལ་གཡོན་པས་གཟིགས་ཤིག་གསུང༌། དེ་ལྟར་བྱས་ནས་བསྟན་པས་རལ་གྲིའི་འོད་ཀྱིས་རྒྱལ་པོའི་མིག་གཡོན་པ་ལྷུངས་སོ། །དེ་ནས་གྲུབ་པ་ཐོབ་པར་ཤེས། རྙེད་བཀུར་མང་པོ་བྱས་ནས་བཞུགས་སུ་གསོལ་བས། རྒྱལ་སྲིད་ཆོས་བཞིན་གྱིས་ནང་པའི་ཆོས་གཞི་ཉི་ཤུ་ཚུགས་ཞེས་བསྒོས་ནས་ཡུལ་དབུས་སུ་བྱོན། མཁན་པོ་རྒྱལ་བའི་ལྷ་ལས་རབ་ཏུ་བྱུང་སྟེ། མིང་ཞི་བའི་ལྷར་བཏགས། དེར་པཎྚི་ཏ་རྣམས་དང་ལྷན་ཅིག་གནས་པ་ལས། ཁ་ཟས་ཀྱང་འབྲས་བྲེ་བོ་ཆེ་ལྔ་ལྔ་གསོལ། ནང་དུ་ཏིང་ངེ་འཛིན་དང་འཕགས་པ་འཇམ་དཔལ་ལ་ཆོས་གསན་ཞིང༌། བསླབ་པ་ཀུན་ལས་བཏུས་དང༌། མདོ་ཀུན་ལས་བཏུས་ལེགས་པར་བརྩམས། མ་ལུས་པའི་ཆོས་ཐམས་ཅད་ཐུགས་སུ་ཆུད་པ་ཡིན་ཀྱང༌། ཉིན་མཚན་དུ་མནལ་ཞིང༌། ཕྱི་རོལ་གཞན་ངོར་ཐོས་བསམ་སྒོམ་གསུམ་གང་ཡང་མི་བྱེད་པ་ལྟར་བསྟན་པས། དགེ་འདུན་རྣམས་ཀྱིས་དད་རྫས་ཆུད་འཛའ་བར་བྱེད་པ་འདི་བསྐྲད་དགོས་པ་ལས། མདོ་འདོན་རེས་བྱས་ན་འདི་རང་བུད་ལ་འགྲོ་ཞེས་བགྲོས་ནས། དེ་ལྟར་བྱས་ཏེ་མཐར་ཞི་བ་ལྷ་ལའང་མདོ་འདོན་དགོས་བྱས་པས། ཐོག་མར་ཞལ་གྱིས་མ་བཞེས། ནན་གྱིས་འཆུ་བ་ལ་འོ་ན་ཁྲི་བརྩིགས་ཤིག་གདོན་བར་བྱའོ་གསུངས་པས་འགའ་ཞིག་ཐེ་ཚོམ་སྐྱེས། ཕལ་ཆེར་དམའ་དབབ་པའི་དོན་དུ་འཚོགས། དེར་སློབ་དཔོན་སེང་གེའི་ཁྲི་ལ་འདུག་ནས། སྔར་བྱུང་བ་ཞིག་འདོན་ནམ་མ་བྱུང་བ་ཞིག་འདོན་བྱས་པས། ཐམས་ཅད་ཀྱིས་ཚོད་བགམ་པའི་ཕྱིར་མ་བྱུང་བ་ཐོན་ཅིག་ཟེར། བྱང་ཆུབ་སེམས་དཔའི་སྤྱོད་པ་ལ་འཇུག་པ་གསུངས་ཏེ། གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །ཞེས་པའི་ཚིག་མཚམས་ནས་ནམ་མཁའ་ལ་འཕུར་ཞིང་གཤེགས་ནས། སྐུ་ལུས་མི་སྣང་ཡང་གསུང་གི་སྣང་བ་མ་ཆད་པ་བྱུང་སྟེ་སྤྱོད་འཇུག་རྫོགས་པར་གསུངས་སོ། །དེར་པཎྜི་ཏ་གཟུངས་ཐོབ་པ་རྣམས་ཀྱིས་བློ་ལ་བཟུང་བ་ལས། ཁ་ཆེ་བ་རྣམས་ཀྱི་ཤློ་ཀ་སྟོང་ལྷག་པ་ཞིག་བྱུང༌། མཆོད་བརྗོད་རང་གི་བློས་སྦྱར། ཤར་པ་རྣམས་ཀྱིས་ཤློ་ཀ་བདུན་བརྒྱ་ལས་མེད་པ་མཆོད་བརྗོད་དབུ་མ་རྩ་བའི་དེ་བཅུག དེ་ཡང་བཤགས་ལེ་དང་། ཤེར་ལེ་ཆད་པ་ཡིན། དབུས་པ་རྣམས་ཀྱི་མཆོད་བརྗོད་དང་རྩོམ་པར་དམ་བཅའ་མེད་པ། རྗེས་བསྔགས་ཀྱི་དབང་དུ་བརྩིས་པའི་ཤློ་ཀ་སྟོང་ཡོད་པ་ཞིག་བྱུང༌། དེར་ཐེ་ཚོམ་དུ་གྱུར་པ་ལས། བོད་ཀྱི་སྔར་གྱི་ལོ་རྒྱུས་ལྟར་ན། གྲོང་ཁྱེར་དཔལ་ཡོན་ཅན་དུ་བཞུགས་ཟེར་ནའང༌། ཏྲི་ལིངྒའི་ཆར་གཏོགས་པ་གྲོང་ཁྱེར་ཀ་ལིངྒར་གཤེགས་ཏེ། དེ་ན་བཞུགས་ཞེས་ཐོས་པས་པཎྜི་ཏ་གསུམ་གྱིས་དེར་སོང་སྟེ། ནཱ་ལེནྡཱར་འབྱོན་པར་ཞུས་པས་མ་གནང༌། འོ་ན་བསླབ་པ་ཀུན་ལས་བཏུས་པ་དང༌། མདོ་ཀུན་ལས་བཏུས་པ་བལྟ་བར་གསུངས་པ་ཡང་གང་ཡིན། དཔེ་གསུམ་པོ་འདིའང་གང་དག་ཅེས་ཞུས་པས། བསླབ་མདོ་ནི་བྲང་ཁང་གི་དཀར་ཁུང་ན་ཤིང་ཤུན་ལ་པཎྜི་ཏའི་ཡི་གེ་ཕྲ་མོས་བྲིས་པའི་གླེགས་བམ་ཡོད་པས་དེ་ལོང༌། སྤྱོད་འཇུག་ནི་ཡུལ་དབུས་པ་རྣམས་ཀྱིས་བཟུང་བ་ལྟར་ཡིན་གསུང༌། དེར་ཡང་ནགས་ཚལ་གྱི་གཙུག་ལག་ཁང་ཞིག་ཡོད་པར་དགེ་སློང་ལྔ་བརྒྱ་ཙམ་དང་ལྷན་ཅིག་ཏུ་བཞུགས་ཤིང༌། ནགས་ཚལ་དེ་ན་རི་དྭགས་མང་དུ་ཡོད་པ་ལས། རི་དྭགས་གྲྭ་ཁང་དུ་བྱུང་བ་རྣམས་རྫུ་འཕྲུལ་གྱི་ཆོས་འཕྲུལ་གྱིས་ཤ་རྣམས་གསོལ་བས། དགེ་སློང་རྣམས་ཀྱིས་རི་དྭགས་རྣམས་སློབ་དཔོན་གྱི་གྲྭ་ཁང་དུ་སོང་བ་མཐོང་ཞིང༌། ཕྱིར་བྱུང་བ་མ་མཐོང་ལ། རི་དྭགས་ཀྱི་ཚོགས་པའང་བྲི་བར་ཤེས་སོ། །འགའ་ཞིག་གིས་དཀར་ཁུང་ནས་བལྟས་པས་ཤ་གསོལ་བ་མཐོང༌། དེར་དགེ་འདུན་རྣམས་ཀྱིས་རྒོལ་བར་བརྩམས་པ་ན། རི་དྭགས་རྣམས་སླར་བསོས་ཏེ། སྔར་ལས་ཀྱང་ཉམས་སྟོབས་དང་ལྡན་པས་ཕྱིར་བྱུང་སྟེ་སོང༌། དེ་དག་གིས་རྙེད་བཀུར་དང་བཅས་ཏེ་བཞུགས་སུ་གསོལ་བ་ན་མ་བཞུགས་ཏེ། རབ་ཏུ་བྱུང་བའི་རྟགས་བོར། ཨུ་ཙུཥྨའི་སྤྱོད་པས་གཤེགས་ཏེ། ལྷོ་ཕྱོགས་ཀྱི་ཡུལ་ཞིག་ཏུ་ཕྱི་ནང་གཉིས་རྩོད་པར་གྱུར་པ་ལས། ནུས་པ་འགྲན་པར་བྱས་པ་ནང་པས་མ་ནུས་པ་ལ་སློབ་དཔོན་ས་དེར་བྱོན་པའི་ཚེ། འཁྲུད་མ་བོར་བ་སྐུ་ལ་ཕོག་པ་ན་ཁོལ་བར་མཐོང་སྟེ་ནུས་པ་ཐོབ་པར་ཤེས་ནས། མུ་སྟེགས་དང་ནུས་པ་འགྲན་པར་ཞུས་པས་ཞལ་གྱིས་བཞེས། དེར་མུ་སྟེགས་ཀྱིས་ནམ་མཁའ་ལ་རྡུལ་ཚོན་གྱི་དཀྱིལ་འཁོར་ཆེན་པོ་བྲིས་པས་སྐད་ཅིག་དེ་ཉིད་ལ་རླུང་དྲག་པོ་བཏང་བས་དཀྱིལ་འཁོར་དང་མུ་སྟེགས་རྣམས་རླུང་གིས་ཁྱེར་ཏེ་ཆུ་བོ་ཆེན་པོ་ཞིག་ཡོད་པའི་ཕ་རོལ་ཏུ་འཕངས། མུ་སྟེགས་ལ་དགའ་བ་ཐམས་ཅད་ཀྱང་ཁྱེར་བ་ཙམ་དུ་གྱུར། རྒྱལ་པོ་ལ་སོགས་པ་ནང་པ་ལ་མོས་པ་རྣམས་ལ་རླུང་གིས་ཅི་ཡང་མ་གནོད་པས་མུ་སྟེགས་རྣམས་བསྣུབས་ནས་ཆོས་དར་བར་བྱས། ཡུལ་དེ་ལའང་མུ་སྟེགས་ཕམ་པའི་ཡུལ་ཞེས་གྲགས་སོ། །འདི་ནི་ལོ་རྒྱུས་ཁུངས་མ་ཀུན་ལས་འབྱུང་བས་ངེས་པར་ཡིད་ཆེས་པ་ཡིན་ནའང༌། དུས་ཀྱི་སྟོབས་ལས་ཡུལ་གྱི་མིང་འགྱུར་བས་ཡིན་ཏེ་འོང༌། ད་ལྟ་ཡུལ་གང་ཡིན་མི་ཤེས་སོ། །གཞན་ཡང་བོད་རྣམས་ཀྱི་ལོ་རྒྱུས་ལྟར་ན། ཡ་མཚན་ཅན་གྱི་ལྟ་བ་འཛིན་པ་ལྔ་བརྒྱ་འཚོ་བ་ཆད་པ་ལ། རྫུ་འཕྲུལ་གྱིས་བཟའ་བཏུང་བླངས་ཏེ་བྱིན་ནས་ཆོས་ལ་བཀོད་པ་དང༌། མུ་ཏོ་བ་སྟོང་ཙམ་ལའང་དེ་ལྟར་མཛད་པ་དང༌། འཁྲུག་པ་ཆེན་པོ་ཞིག་གི་འཐབ་ཟླར་ཞུགས་ནས་རྫུ་འཕྲུལ་གྱིས་འཁྲུག་པ་བསྡུམས་ཞེས་ཟེར་ཞིང༌། ལྷག་པའི་ལྷ་བརྙེས་ནཱ་ལེནྡཱའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང༌། །རྒྱལ་པོ་མུ་སྟེགས་བཏུལ་བའོ། །ཞེས་ངོ་མཚར་ཅན་གྱི་གཏམ་བདུན་ཡིན་པར་འདོད་དོ། །<br /> }}</div>

Chogyal https://bodhicitta.tsadra.org/index.php?title=Texts/Zhi_ba_lha%27i_lo_rgyus/Full_text&diff=124432 2026-02-24T04:23:14Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextDate=2026-02-17<br /> |SktSource=[http://purl.bdrc.io/resource/MW1KG9407 BDRC MW1KG9407]<br /> |FullTextTibetan=རྒྱལ་བའི་ལྷའི་སློབ་མ་པཎྜི་ཏ་ཆེན་པོ་ཞི་བའི་ལྷའི་ལོ་རྒྱུས་ལ་ངོ་མཚར་ཅན་གྱི་གཏམ་བདུན་ཞེས་གྲགས་ཏེ། ལྷག་པའི་ལྷ་མཉེས་ནཱ་ལེནྡྲའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང་། །རྒྱལ་པོ་མུ་སྟེགས་ཅན་བཏུལ་ལོ། །དེ་ལ་དང་པོ་ནི་ལྷོ་ཕྱོགས་ཡུལ་འཁོར་བཟང་པོ་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་སུ་འཁྲུངས། མཚན་ཞི་བའི་གོ་ཆ། གཞོན་ནུའི་ཚེ་རིག་པ་མང་པོ་བསླབས། ཁྱད་པར་འཇམ་དཔལ་རྣོན་པོ་བསྒྲུབས་པས་ཞལ་གཟིགས། ཡབ་འདས་ཏེ་སང་རྒྱལ་པོར་དབང་བསྐུར་བའི་དོ་ནུབ་རྨི་ལམ་ན། རང་ཉིད་སྡོད་རྒྱུའི་ཁྲི་ལ་རྗེ་བཙུན་འཇམ་དབྱངས་བཞུགས་ནས། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ང་དང་ཁྱོད་གཉིས་སྟན་ཅིག་ལ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་གསུངས་པ་རྨིས་པས། རྒྱལ་སྲིད་གཟུང་མི་བཏུབ་པར་ཤེས་ཏེ་བྲོས་ནས་ནཱ་ལེནྡྲར་པཎྜི་ཏ་ལྔ་བརྒྱའི་ཁྱུ་མཆོག་རྒྱལ་བའི་ལྷ་ལས་རབ་ཏུ་བྱུང་སྟེ། མཚན་ཞི་བ་ལྷ་ཞེས་བཏགས་སོ། །དེར་ནང་གི་ཀུན་སྤྱོད་འཕགས་པ་ལ་ཆོས་གསན་ཅིང་དེ་ལ་མཉམ་པར་འཇོག་པ་དང་། བསྟན་བཅོས་ཟབ་མོ་རྩོམ་པ་མཛད་ཀྱང་། ཕྱིའི་སྤྱོད་ལམ་ཟ་ཉལ་བཤང་བ་མ་གཏོགས་གཞན་གྱིས་མ་རིག་པས། བྷུ་སུ་ཀུ་འདུ་ཤེས་གསུམ་པ་ཞེས་གྲགས་ཤིང་གཞན་རྣམས་ཀྱིས་ཕྱིའི་སྤྱོད་པ་ལ་དཔག་ནས་རབ་ཏུ་བྱུང་བའི་བྱ་བ་འཁོར་ལོ་གསུམ་ཡིན་པ་ལ། འདི་གང་དང་ཡང་མི་ལྡན་པས་དད་པས་བྱིན་པ་ལོངས་སྤྱོད་པར་མི་རུང་བས་བསྐྲད་པར་བྱ། དེའང་མདོ་འདོན་རེས་བྱས་པས་རང་འབུད་ལ་འགྲོ་སྙམ་བགྲོས་ནས་མདོ་འདོན་པར་བསྐུལ་ལོ། །ཁས་བླངས་པ་དང་ཐེ་ཚོམ་དུ་གྱུར་ལ། སང་སྐྱེ་བོའི་དབུས་སུ་ཁྲི་མཐོན་པོ་བཤམས་པ་ལ། ཕྱག་གིས་མནན་ནས་སྟེང་དུ་བྱོན། དེར་སྔར་མ་གྲགས་པ་འདོན་ནམ་གྲགས་པ་འདོན་གསུངས་པས། མ་གྲགས་པ་འདོན་པར་ཞུས་པས། བྱང་ཆུབ་སེམས་དཔའི་སྤྱོད་པ་ལ་འཇུག་པ་གསུངས་ཏེ། གང་ཚེ་དངོས་དང་དངོས་མེད་དག །ཅེས་པའི་མཚམས་ནས་ནམ་མཁའ་ལ་ཇེ་མཐོ་ཇེ་མཐོར་སོང་ནས་མཐར་སྐུ་མི་སྣང་བར་གསུང་གྲགས་པའི་སྒོ་ནས་རྫོགས་པར་བཏོན་ཏེ་གཤེགས་སོ། །དེ་གཟུངས་ཐོབ་པ་རྣམས་ཀྱིས་ཇི་ལྟར་ཟིན་པ་བསྡུས་པས་ཤློ་ཀ་བདུན་བརྒྱ་དང་། སྟོང་དང་སྟོང་ལྷག་ཙམ་སྟེ་གསུམ་བྱུང་བས་ཐེ་ཚོམ་ཞིང་། བསླབ་པ་ཀུན་ལས་བཏུས་པ་ཡང་། །ཡང་དང་ཡང་དུ་བལྟ་བར་བྱ། །ཞེས་དང་། ཡང་ན་རེ་ཞིག་མདོར་བསྡུས་པ། །མདོ་རྣམས་ཀུན་ལས་བཏུས་པ་བལྟ། །ཞེས་པའང་མ་ཤེས་པས་ལྷོ་ཕྱོགས་མཆོད་རྟེན་དཔལ་ཡོན་ཅན་ན་བཞུགས་པར་ཐོས་ནས། དགེ་སློང་གཉིས་སྤྱན་འདྲེན་དུ་བཏང་བ་མཇལ། དེ་དག་ཞུས་པས། བསླབ་བཏུས་དང་མདོ་ཀུན་ལས་བཏུས་ཁོ་བོའི་གྲྭ་ཁང་གི་གདུང་གསེབ་ན་པཎྜི་ཏའི་ཡི་གེ་ཕྲ་མོ་བྲིས་པ་ཞིག་ཡོད། སྤྱོད་འཇུག་ཤློ་ཀ་སྟོང་ཚང་བ་དེ་ཡིན་ཞེས་ལུང་བསྟན། དེ་དག་གི་བཤད་པ་དང་སྒྲུབ་པའི་ལུང་ཡང་གནང་ངོ་། །དེ་ནས་ཤར་ཕྱོགས་སུ་བྱོན་ཏེ་འཁྲུག་པ་བྱེད་པ་ཞིག་གི་འཐབ་ཟླ་མཛད་བཏུལ་ལོ། །ཡུལ་མ་ག་དྷའི་ནུབ་ཕྱོགས་ཧ་ཅང་མི་རིང་པ་ན་ཡ་མཚན་ཅན་གྱི་ལྟ་བ་འཛིན་པ་ལྔ་བརྒྱ་ཡོད་པའི་འཁོར་དུ་བསྡད་པ་དང་། རེ་ཞིག་ཡུལ་ངན་ཆེན་པོ་བྱུང་ནས་བཟའ་བཏུང་ཆད་དེ་ཉོན་མོངས་པར་གྱུར་ནས་སུ་སློང་ནུས་པ་སློབ་དཔོན་དུ་བཀོད་ཅི་བསྒོ་བ་ཉན་པར་བྱས་པ་དང་། སློབ་དཔོན་གྱིས་འབྲས་ཆེན་ལྷུང་བཟེད་གང་བླངས་ཏེ་བྱིན་གྱིས་བརླབས་པས་ཐམས་ཅད་ཚིམ་པར་མཛད་ནས་ཡ་མཚན་ཅན་གྱི་ལྟ་བ་ལས་བཟློག་སྟེ་ཐུབ་པའི་བསྟན་པ་ལ་བཙུད་དོ། །སྤྲང་པོ་སྟོང་ཞིག་བྲུ་བ་ཚ་བས་ཉེན་ཏེ་ཤི་ལ་ཁད་པ་ན་སློབ་དཔོན་གྱིས་འཚོ་བ་སྦྱར་ཞིང་ཆོས་བསྟན་ཏེ་བདེ་བ་ལ་བཀོད། ཤར་ཕྱོགས་ཨ་རི་བི་ཤ་ནའི་རྒྱལ་པོ་ལ་མ་ལ་ཙའི་གནོད་པ་བྱ་བ་འཚོ་བ་མ་ཕྱིད་པ་ཁ་ཅིག་རྒྱལ་པོ་ལ་འཁྲིལ་ནས་ནོར་སྦྱིན་དགོས། མི་བྱིན་ན་རྒྱལ་པོ་གསོད་དུ་ཡོང་བས་དེའི་སྐུ་སྲུང་མཛད། སློབ་དཔོན་ལ་རྗེ་བཙུན་གྱི་ཕྱག་རྒྱར་བཅངས་པའི་ཤིང་གི་རལ་གྲི་ཞིག་ལས་མེད་པ་གྲོགས་ཀྱིས་མཐོང་སྟེ། རྒྱལ་པོ་ལ་མི་འདི་སྒྱུ་ཅན་ཞིག་སྟེ་ལག་ཆ་ལ་གཟིགས་ཤིག་ཅེས་གསོལ་བས། རྒྱལ་པོ་ཁྲོས་ཏེ། ཁྱོད་ཀྱིས་རལ་གྲི་ཕྱུངས་ཤིག་ཅེས་སྨྲས་པས་ལྷ་ཉིད་ལ་གནོད་པར་འགྱུར་རོ། །གནོད་ཀྱང་སླའི་ངེས་པར་ཕྱུངས་ཤིག་ཟེར། འོ་ན་ལྷས་སྤྱན་ཡ་གཅིག་བཀབ་སྟེ་གཅིག་གིས་གཟིགས་ཤིག་ཅེས་གསོལ་བས། དེ་ལྟར་བྱས་ཏེ་རལ་གྲི་ཕྱུང་པས་དེའི་འོད་ཟེར་མ་བཟོད་དེ་མིག་གཅིག་ཞར་བ་དང་། བཟོད་པར་གསོལ་སྐྱབས་སུ་སོང་སྟེ་ཆོས་ལ་བཙུད་དོ། །དེ་ནས་དཔལ་གྱི་རིའི་ལྷོ་ཕྱོགས་སུ་བྱོན་ཏེ་ཨུ་ཙུཥྨའི་སྤྱོད་པ་ཞེས་བྱ་བ་སྤྲང་པོའི་ཆ་བྱད་གཅེར་བུ་འཁྲུད་མ་ཕོ་བའི་རྩིགས་མས་འཚོ་བར་བྱེད་པ་དག་གི་ནང་དུ་ཞུགས་སོ། །ཁ་རི་བི་ཧ་རའི་རྒྱལ་པོའི་བྲན་མོ་ཀ་ཙ་ལ་ཧས་འཁྲུད་མ་ཕོ་བའི་ཆུ་འཐོར་བ་སློབ་དཔོན་ལ་ཕོག་པས་ཁོལ་བ་མཐོང་། དེའི་ཚེ་མུ་སྟེགས་ཀྱི་སྟོན་པ་ཤངྐ་ར་དེ་བ་ཞེས་བྱ་བས། གནངས་ནམ་མཁའ་ལ་དབང་ཕྱུག་ཆེན་པོའི་དཀྱིལ་འཁོར་འདྲི་བས། དེ་བཤིག་མ་ནུས་ན་ཆོས་ལྷ་རྟེན་བསྲེགས་ནས་དགེ་བདུན་རྣམས་ཕྱི་རོལ་པའི་སྒོར་འཇུག་དགོས་ཞེས་རྒྱལ་པོ་ལ་གསོལ་བ་དང་། རྒྱལ་པོས་དགེ་འདུན་འདུས་ཏེ་བསྙད་པས་བཤིག་པར་ཁས་ལེན་པ་མ་བྱུང་། རྒྱལ་པོ་མྱ་ངན་དུ་གྱུར་པ་ན་བྲན་མོས་སྔར་མཐོང་བ་དེ་བཤད་པས་ཚོལ་ཅིག་གསུང་། ཕྱོགས་ཀུན་ཏུ་བཙལ་བས་ལྗོན་ཤིང་ཞིག་གི་དྲུང་ནས་རྙེད་དེ། དོན་དེ་ཞུས་པས་ངས་ནུས་ཀྱི་ཆུ་བུམ་པ་གང་། རས་ཡུག་གཉིས། མི་རྣམས་སྟ་གོན་གྱིས་ཤིག་གསུངས་ནས་དེ་ལྟར་བྱས་སོ། །སང་དགོངས་ཀ་ཐིག་གདབ་སྟེ་སོང་། ཐམས་ཅད་ཐེ་ཚོམ་དུ་གྱུར་ཏོ། །གནངས་སྔ་དྲོ་དཀྱིལ་འཁོར་བྲིས་ཏེ་ཤར་སྒོ་ཙམ་ཟིན་པ་ན། སློབ་དཔོན་གྱིས་ཏིང་ངེ་འཛིན་མཛད་པས་འཚུབ་མ་ཆེན་པོ་ལངས་ཏེ་རྨེག་མེད་དུ་ཁྱེར། ཤིང་དང་གྲོང་ཁྱེར་ཐམས་ཅད་ཀྱང་འགྱེལ་ལ་ཐུག་པར་ལྡེག དེར་ཚོགས་པའི་མི་རྣམས་ཀྱང་བདས། མུ་སྟེགས་ཀྱི་སྟོན་པའང་རྣམ་པར་འཐོར། ཕྱོགས་ཐམས་ཅད་མུན་པ་ཆེན་པོར་གྱུར་ཏོ། །དེ་ནས་སློབ་དཔོན་གྱི་སྨིན་མཚམས་ནས་འོད་བྱུང་སྟེ་རྒྱལ་པོ་དང་བཙུན་མོ་ལམ་བསྟན་ཏེ། གོས་དང་བྲལ་ཞིང་རྡུལ་གྱིས་གཡོགས་པ་ལ་ཆུས་བཀྲུས་རས་གསར་པ་གཡོགས་ཏེ་མེས་བསྲོས་ཏེ་བདེ་བར་བྱས་སོ། །དེ་ནས་མུ་སྟེགས་ཀྱི་ལྷ་ཁང་རྣམས་བཤིག་ནས་སངས་རྒྱས་ཀྱི་བསྟན་པ་ལ་བཙུད་པས་ད་ལྟའི་བར་དུའང་ཡུལ་དེ་ལ་མུ་སྟེགས་ཕམ་པའི་ཡུལ་ཞེས་གྲགས་སོ། །<br /> }}</div>

Chogyal https://bodhicitta.tsadra.org/index.php?title=Texts/Slob_dpon_zhi_ba_lha%27i_rnam_thar/Full_text&diff=124306 2026-02-23T11:41:15Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=http://purl.bdrc.io/resource/MW28792_95D811<br /> |FullTextDate=2026-02-17<br /> |FullTextTibetan=སློབ་དཔོན་ཞི་བའི་ལྷ་ནི་ཡུལ་འཁོར་བཟང་པོར་རྒྱལ་པོ་དགེ་བའི་གོ་ཆའི་སྲས་སུ་བལྟམས་ཆུང་ངུ་ནས་འཇམ་དཔལ་རྣོན་པོ་གྲུབ་སྟེ། འཇམ་དཔལ་གྱིས་བསྐུལ་སྟེ་ནཱ་ལེནྡྲར་རྒྱལ་བའི་ལྷ་ལས་རབ་ཏུ་བྱུང༌། འཕགས་པ་ལས་དངོས་སུ་གསན་ནས་ཤིན་དུ་སྤྲོས་མེད་ཀྱི་སྤྱོད་པ་མཛད་པས་གཞན་རྣམས་ཀྱིས་འདུ་ཤེས་གསུམ་པར་བཏགས། གནས་ནས་འབྱིན་པའི་ཕྱིར་མདོ་འདོན་པར་བསྒོས་པས་ཁྲུ་བཅུ་གཉིས་པའི་ཁྲི་ལ་བཞུགས་ནས་སྔོན་མ་གྲགས་པ་ཐོན་ཞིག་ཟེར་བ་ལྟར་སྤྱོད་འཇུག་གསུངས་ནས་ཤེར་ལེའུ། གང་ཚེ་དངོས་དང་དངོས་མེད་དག །ཞེས་པའི་ཚེ་ཇེ་མཐོར་གྱུར་ནས་སྐུ་མི་སྣང་བར་གསུང་གྲགས་པས་རྫོགས་པར་བཏོན། དེར་པཎྜི་ཏ་གཟུངས་ཐོབ་པ་རྣམས་ཀྱིས་བསྡུས་པས་ཁ་ཆེ་བ་རྣམས་ཀྱིས་ཤློ་ཀ་བདུན་བརྒྱ་དང་ཡུལ་དབུས་པ་རྣམས་ཀྱིས་སྟོང་དུ་བྱུང་ལ། ཁ་འཕངས་པའི་ཀུན་བཏུས་གཉིས་ཀྱང་མ་ཤེས་པས་སློབ་དཔོན་ལྷོ་ཕྱོགས་མཆོག་རྟེན་དཔལ་ཡོན་ཅན་ན་བཞུགས་པར་ཐོས་སྟེ་སྤྱན་དྲངས་པས་མ་བྱོན། སྤྱོད་འཇུག་ཤློ་ཀ་སྟོང་དེ་ཚད་མར་བྱས། བསྟན་བཅོས་གཉིས་བྲང་ཁང་གི་གདུང་གསེབ་ན་ཡོད་གསུང་ཞིང་དགེ་སློང་ཨེ་ལ་དྷ་རི་ལས་བྱུང་ཡང་ཟེར། ཡང་ཤར་ཕྱོགས་སུ་གཡུལ་ངོ་ཆེན་པོ་ཅིག་དུ་ཞུགས་སྟེ་སྐད་ཅིག་གིས་དུམ་པར་མཛད། དགོན་པའི་བྲག་ཕུག་ཆེན་པོར་མུ་སྟེགས་པ་ལྔ་བརྒྱ་གནས་པ་དང༌། ཡང་གཅིག་ན་སྤྲང་པོ་སྟོང་གནས་པ་ལ་ཞག་བདུན་དུ་ཡུལ་ངན་བྱུང༌། ཟམ་པ་ཀུན་ཆུས་ཁྱེར། སློང་མ་ནུས་པར་ལྟོགས་ནས་འཆི་བ་ལ་ཕྱོགས་པ་འབྲས་ཆན་ལྷུང་བཟེད་རེ་བསླངས་ཏེ་བྱིན་པས་ཚིམ་པར་བྱས་ཤིང་ཆོས་ལ་བཀོད། སྡིག་སྤྱོད་ཀྱི་རྒྱལ་པོ་གཅིག་གི་བློན་པོ་མཛད་སྟེ་སྡིག་པ་ལས་ལྡོག་ཅིང་ཤིང་གི་རལ་གྲིའི་འོད་ཀྱིས་བཏུལ། མུ་སྟེགས་ཤངྐ་ར་དེ་བས་ནམ་མཁའ་ལ་དབང་ཕྱུག་གི་དཀྱིལ་འཁོར་རྡུལ་ཚོན་གྱིས་བྲིས་པ་རླུང་གིས་གཏོར་སྟེ་མུ་སྟེགས་ཐམས་ཅད་བཏུལ། བུད་མེད་མྱོས་བྱེད་མ་ཞེས་པས་ཆང་བཙོངས་ནས་སྐྱེ་བོ་རྣམས་མྱོས་པར་བྱེད་ཅིང་ཁྱོད་མུ་སྟེགས་པ་རྫུ་འཕྲུལ་ཐོབ་པ་དེས་མྱོས་པ་རྣམས་གསོད་པ་ན་ཉི་མ་གཏའ་མར་བཅུག་པས་བཏུལ། དེ་ལྟར་བསྟན་བཅོས་རྩོམ་ཞིང་མཁའ་ལ་གཤེགས། བྱང་སེམས་བསླབ་པ་མཐར་ཕྱིན་པ། ཤཱནྟི་དེ་བ་ཞེས་པ་དེས་བྱང་སེམས་ཀྱི་བསླབ་པ་རྒྱས་པར་སྟོན་པ་བསླབ་པ་ཀུན་ལས་བཏུས། བསྡུས་ནས་སྟོན་པ་མདོ་ཀུན་བཏུས། ཚིག་ཉུང་ལ་དོན་རྒྱས་པ་སྤྱོད་འཇུག་རྣམས་མཛད་ཅིང༌། བསླབ་བཏུས་ཀྱི་མངོན་པར་རྟོགས་པ་གསེར་གླིང་པས་མཛད་ཅིང་མདོ་ཀུན་བཏུས་ཀྱི་དོན་སྡུ་ཇོ་བོས་མཛད་དོ། །སྤྱོད་འཇུག་ལ་འགྲེལ་པ་བརྒྱ་རྩ་ཡོད་པར་གྲགས་ཀྱང་ཤེས་འབྱུང་གི་འགྲེལ་ཆེན་སོགས་བོད་དུ་བརྒྱད་ཙམ་འགྱུར་རོ། །<br /> }}</div>

Chogyal https://bodhicitta.tsadra.org/index.php?title=Texts/Rgyal_sras_zhi_ba_lha%27i_lo_rgyus/Full_text&diff=124305 2026-02-23T11:36:13Z

<p>Chogyal: </p> <hr /> <div>{{FullTextSubpage<br /> |TsadraVersion=No<br /> |FullTextSource=http://purl.bdrc.io/resource/MW1PD90704_209822<br /> |FullTextDate=2026-02-17<br /> |FullTextTibetan=རྒྱལ་སྲས་ཞི་བ་ལྷའི་ལོ་རྒྱུས་ནི། ངོ་མཚར་ཅན་གྱི་གཏམ་བདུན་ཞེས་གྲགས་ཏེ། ལྷག་པའི་ལྷ་མཉེས་ནཱ་ལེནྡྲའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང་། །རྒྱལ་པོ་མུ་སྟེགས་ཅན་བཏུལ་བའོ། །དེ་ལ་དང་པོ་ལྷོ་ཕྱོགས་སུ་ཡུལ་འཁོར་བཟང་པོ་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་ཞི་བའི་གོ་ཆ་ཞེས་བྱ་བར་བལྟམས་ནས་གཞོན་ནུའི་ཚེ་རིག་པ་མང་པོ་བསླབས་ཤིང་ཁྱད་པར་དུ་ཀུ་སུ་ལུ་ཞིག་ལ་འཇམ་དཔལ་རྣོན་པོའི་སྒྲུབ་ཐབས་ཤིག་ཞུས་ཏེ་བསྒྲུབས་པས་ཞལ་མཐོང་ངོ་། །རེ་ཞིག་ན་ཡབ་འདས་ཏེ། ནངས་པར་རྒྱལ་པོར་དབང་བསྐུར་བའི་དོ་ནུབ་རྨི་ལམ་ན། སང་རང་ཉིད་སྡོད་པར་འགྱུར་བའི་ཁྲི་དེ་ལ་རྗེ་བཙུན་བཞུགས་ནས། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ང་དང་ཁྱོད་གཉིས་སྟན་གཅིག་ལ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་གསུང་བ་རྨིས་པས་སད་པ་དང་རྒྱལ་སྲིད་བཟུང་མི་བཏུབ་པར་ཤེས་ཏེ་བྲོས་ནས། ནཱ་ལེནྡྲར་པཎྜི་ཏ་ལྔ་བརྒྱའི་ཁྱུ་མཆོག་རྒྱལ་བའི་ལྷ་ལས་རབ་ཏུ་བྱུང་སྟེ་མཚན་ཞི་བའི་ལྷ་ཞེས་བཏགས་ཏེ་ནང་གི་ཀུན་སྤྱོད་འཕགས་པ་ལ་ཆོས་གསན་ཅིང་དེ་ལ་མཉམ་པར་འཇོག་པ་དང་བསྟན་བཅོས་ཟབ་མོ་རྩོམ་པར་མཛད་ཀྱང་། ཕྱིའི་སྤྱོད་ལམ་ཟ་ཉལ་འགྲོ་བ་མ་གཏོགས་པ་གཞན་གྱིས་མ་རིག་པས་བྷུ་སུ་ཀུ་འདུ་ཤེས་གསུམ་པ་ཞེས་གྲགས་ཤིང་། གཞན་རྣམས་ཀྱིས་ཕྱིའི་སྤྱོད་པ་ལ་དཔགས་ནས། རབ་ཏུ་བྱུང་བའི་བྱ་བ་འཁོར་ལོ་གསུམ་ཡིན་པ་ལ་འདི་གང་དང་ཡང་མི་ལྡན་པར་དད་པས་བྱིན་པ་ལོངས་སྤྱོད་པར་མི་རུང་བས་བསྐྲད་པར་བྱ། དེའང་མདོ་འདོན་རེས་བྱས་པས་རང་བུད་ལ་འགྲོའི་སྙམ་དུ་བསམས་ནས། དེ་ལ་མདོ་འདོན་པར་བསྒོ་པས་མི་ནུས་ཟེར་བ་དང་། མཁན་པོ་ལ་ཞུས་པས་ཁྱེད་ཉིད་ཀྱིས་སྒོས་ཤིག་གསུང་ནས་བསྒོས་པས་འདོན་པར་ཁས་བླངས་པ་དང་ཁ་ཅིག་ཅི་ཡིན་མི་ཤེས་སྙམ་ཞིང་ཐེ་ཚོམ་དུ་གྱུར་བཞིན་དུ་ཉམས་སད་པའི་ཕྱིར་སྐྱེ་བོ་མང་པོའི་དབུས་སུ་ཁྲི་མཐོན་པོ་བཤམས་སོ། །དེ་ནས་ཇི་ལྟར་སོང་མི་མངོན་པར་ཕྱག་གིས་མནན་ནས་སྟེང་དུ་བྱོན་པས་ཕལ་ཆེར་ཡིད་གཉིས་སུ་གྱུར་ཏོ། །དེ་ནས་སྔར་གྲགས་པ་གདོན་ནམ་མ་གྲགས་པ་གདོན་གསུངས་པས་མ་གྲགས་པ་གདོན་པར་ཞུས་པས། བསླབ་བཏུས་ནི་མང་མདོ་ཀུན་ལས་བཏུས་ནི་ཉུངས་བས་ཚིག་བསྡུས་ལ་དོན་རྒྱས་པ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ཞལ་ཏོན་དུ་མཛད་ཅིང་ཤེར་ལེའི། གང་ཚེ་དངོས་དང་དངོས་མེད་དག །ཅེས་པ་ནས། ནམ་མཁའ་ལ་ཇེ་མཐོ་ཇེ་མཐོར་སོང་ནས་མཐར་སྐུ་མི་སྣང་བར་གསུང་གྲགས་པའི་སྒོ་ནས་རྫོགས་པར་བཏོན་ཏེ་གཤེགས་སོ། །དེ་ནས་གཟུངས་ཐོབ་པ་རྣམས་ཀྱིས་ཇི་ལྟར་ཟིན་པ་བསྡུས་པས་ཤློ་ཀ་བདུན་བརྒྱ་དང་སྟོང་དང་སྟོང་ལྷག་ཏུ་གྱུར་པས་ཐེ་ཚོམ་ཟ་ཞིང་། བསླབ་པ་ཀུན་ལས་བཏུས་པ་ཡང་། །ཡང་དང་ཡང་དུ་བལྟ་བར་བྱ། །ཞེས་པ་དང་། ཡང་ན་རེ་ཞིག་མདོར་བསྡུས་པ། །མདོ་རྣམས་ཀུན་ལས་བཏུས་པ་བལྟ། །ཞེས་པའང་ངོ་མ་ཤེས་པ་ན་ལྷོ་ཕྱོགས་མཆོད་རྟེན་དཔལ་ཡོན་ཅན་ན་བཞུགས་པར་ཐོས་ནས་དགེ་སློང་གཉིས་སྤྱན་འདྲེན་དུ་བཏང་བ་དང་མཇལ་ནས་དེ་དག་ཞུས་པས་བསླབ་བཏུས་དང་མདོ་ཀུན་ལས་བཏུས་ཁོ་བོའི་བྲང་ཁང་གི་གདུང་གསེབ་ན་པཎྜི་ཏའི་ཡི་གེ་ཕྲ་མོས་བྲིས་པ་ཞིག་ཡོད། སྤྱོད་འཇུག་ཤློ་ཀ་སྟོང་ཚང་བ་དེ་ཡིན་ཞེས་ལུང་བསྟན་ཏེ་དེ་དག་གི་བཤད་པ་དང་སྒྲུབ་པའི་ལུང་ཡང་གནང་ངོ་། །དེ་ནས་ཤར་ཕྱོགས་སུ་བྱོན་ཏེ་རྩོད་པ་ཆེན་པོ་བྱེད་པ་ཞིག་གི་འཐབ་ཟླ་མཛད་པས་རྫུ་འཕྲུལ་གྱིས་ཐམས་ཅད་འདུམས་པར་གྱུར་ཏེ་བདེ་བ་ལ་བཀོད་དོ། །ཡང་ཡུལ་མ་ག་དྷའི་ནུབ་ཕྱོགས་ཧ་ཅང་མི་རིང་བ་ཞིག་ན་ཡ་མཚན་ཅན་གྱི་ལྟ་བ་འཛིན་པ་ལྔ་བརྒྱ་གནས་པའི་འཁོར་དུ་བསྡད་པ་དང་རེ་ཞིག་ཡུལ་ངན་ཆེན་པོ་བྱུང་བས་བཟའ་བཏུང་ཆད་དེ་ཉོན་མོངས་པར་གྱུར་ནས་སུ་སློང་ནུས་པ་དཔོན་དུ་བཀུར་ཞིང་བསྒོ་བ་ཉན་པར་བྱས་པ་དང་། སློབ་དཔོན་གྱིས་འབྲས་ཆན་ལྷུང་བཟེད་གང་བླངས་ཏེ་བྱིན་གྱིས་བརླབས་པས་ཐམས་ཅད་ཚིམ་པར་མཛད་ནས་དེ་དག་ཡ་མཚན་ཅན་གྱི་ལྟ་བ་ལས་བཟློག་སྟེ་ཐུབ་པའི་བསྟན་པ་ལ་བཅུག་གོ །དེ་ནས་རེ་ཞིག་མུ་གེ་ཆེན་པོ་བྱུང་སྟེ་སྤྲང་པོ་སྟོང་ཙམ་ཞིག་བྲུ་བ་ཚ་བས་ཉེན་ཏེ་འཆི་ལ་ཁད་པ་ན། སློབ་དཔོན་གྱིས་འཚོ་བ་སྦྱར་ཞིང་ཆོས་བསྟན་ཏེ་བདེ་བ་ལ་བཀོད་དོ། །དེ་ནས་ཤར་ཕྱོགས་སུ་ཨ་རི་བི་ཤ་ནའི་རྒྱལ་པོ་ལ་མ་ཙ་ལའི་གནོད་པ་བྱ་བ་འཚོ་བ་མ་ཕྱིད་པ་ཁ་ཅིག་རྒྱལ་པོ་ལ་འཁྲིལ་ནས་ཁོ་ལ་གནོད་པ་བྱས་ན་རྒྱལ་པོ་གསོད་པས་ནོར་སྦྱིན་དགོས་པ་ཡོད་པས་བསྲུང་བའི་ཕྱིར་སྐུ་སྲུང་མཛད་པ་ལ་སློབ་དཔོན་ལ་རྗེ་བཙུན་གྱིས་ཕྱག་རྒྱར་བཅིངས་པ་ཤིང་གི་རལ་གྲི་ཞིག་ལས་མེད་པས་གྲོགས་ཀྱིས་མཐོང་སྟེ། རྒྱལ་པོ་ལ་མི་འདི་སྒྱུ་ཅན་ཞིག་སྟེ་ལག་ཆ་ལ་གཟིགས་ཤིག་ཅེས་གསོལ་པས་རྒྱལ་པོ་ཁྲོས་ཏེ་ཁྱོད་ཀྱི་རལ་གྲི་ཕྱུང་ཞིག་ཅེས་སྨྲས་པས། ལྷ་ཉིད་ལ་གནོད་པར་འགྱུར་རོ་ཞེས་གསོལ་བས་གནོད་ཀྱང་བླ་ཡི་ངེས་པར་ཕྱུང་ཞིག་ཟེར་རོ། །འོ་ན་ལྷའི་སྤྱན་གཅིག་བཀབ་སྟེ་གཅིག་གིས་གཟིགས་ཤིག་ཅེས་གསོལ་པས་དེ་ལྟར་བྱས་ཏེ་རལ་གྲི་ཕྱུང་བས་དེའི་འོད་ཟེར་གྱིས་མ་བཟོད་དེ་མིག་གཅིག་ཞར་བ་དང་བཟོད་པར་གསོལ་ཏེ་སྐྱབས་སུ་སོང་སྟེ་ཆོས་ལ་བཙུད་དོ། །དེ་ནས་དཔལ་གྱི་རིའི་ལྷོ་ཕྱོགས་སུ་བྱོན་ཏེ་ཨུཙྪུསྨའི་སྤྱོད་པ་ཞེས་པ་སྤྲང་པོའི་ཆ་བྱད་གཅེར་བུ་འཁྲུད་མ་ཕོ་བའི་ཚིགས་མས་འཚོ་བར་བྱེད་པ་ན། ཁ་ཏི་བི་ཧ་རའི་རྒྱལ་པོའི་བྲན་མོ་ཀ་ཙ་ལ་ཧས་འཁྲུད་མ་ཕོ་བའི་ཆུ་ཐོར་སློབ་དཔོན་ལ་ཕོག་པས་ཁོལ་བ་མཐོང་སྟེ། དེའི་ཚེ་མུ་སྟེགས་ཀྱི་སྟོན་པ་ཤངྐ་ར་དེ་པ་ཞེས་བྱ་བས་གནངས་ནམ་མཁའ་ལ་དབང་ཕྱུག་ཆེན་པོའི་དཀྱིལ་འཁོར་འབྲི་བས་དེ་བཤིག་མ་ནུས་ན་ནང་པའི་ཆོས་དང་ལྷ་རྟེན་བསྲེགས་ནས་ཕྱི་རོལ་པའི་སྒོར་འཇུག་དགོས་སོ་ཞེས་རྒྱལ་པོ་ལ་གསོལ་པ་དང་། རྒྱལ་པོས་དགེ་འདུན་བསྡུས་ཏེ་དོན་དེ་བསྙད་པས་སུས་ཀྱང་བཤིག་པར་ཁས་ལེན་མ་ནུས་པས་རྒྱལ་པོ་མྱ་ངན་དུ་གྱུར་པ་ན་བྲན་མོས་སྔར་མཐོང་བ་དེ་བཤད་པས་ཚོལ་ཅིག་གསུངས་ནས་ཕྱོགས་ཀུན་ཏུ་བཙལ་བས་ཤིང་སྡོང་གཅིག་གི་དྲུང་ནས་རྙེད་དེ་དོན་དེ་ཞུས་པས་ངས་ནུས་ཀྱིས་ཆུ་བུམ་པ་གང་རས་ཡུག་གཉིས་མེ་རྣམས་སྟ་གོན་གྱིས་ཤིག་གསུངས་ནས་དེ་ལྟར་བྱས་སོ། །སང་དགོང་ཁ་ཐིག་བཏབ་སྟེ་སོང་བས་ཐམས་ཅད་ཐེ་ཚོམ་དུ་གྱུར་ཏོ། །གནངས་སྔ་དྲོ་དཀྱིལ་འཁོར་བྲིས་ཏེ་ཤར་སྒོ་ཙམ་ཟིན་པ་ན་སློབ་དཔོན་གྱིས་ཏིང་ངེ་འཛིན་མཛད་པས་འཚུབ་མ་ཆེན་པོ་ལངས་ནས་རྨེག་མེད་པར་ཁྱེར་ཏེ་རྩྭ་དང་ཤིང་དང་གྲོང་ཁྱེར་ཐམས་ཅད་ཀྱང་འགྱེལ་ལ་མ་འགྱེལ་ལ་ཐུག་པར་ལྡེག དེར་འཚོགས་པའི་མི་རྣམས་ཀྱང་བདས། མུ་སྟེགས་ཀྱི་སྟོན་པ་ཡང་རྣམ་པར་འཐོར། རླུང་གིས་བདས་པའི་བྱེའུ་བཞིན་དུ་ཕྱོགས་ཐམས་ཅད་དུ་ཁྱེར་ཞིང་མུན་པ་ཆེན་པོར་གྱུར་ཏོ། །དེ་ནས་སློབ་དཔོན་གྱི་སྨིན་མཚམས་ནས་འོད་བྱུང་ནས་རྒྱལ་པོ་དང་བཙུན་མོ་ལ་ལམ་བསྟན་ཏེ་གོས་དང་བྲལ་ཞིང་རྡུལ་གྱིས་གཡོགས་པ་ལ་ཆུས་བཀྲུས་ནས་རས་གསར་པ་གཡོགས་ཏེ་མེས་བསྲོས་ཏེ་བདེ་བར་བྱས་སོ། །དེ་ནས་མུ་སྟེགས་ཀྱི་ལྷ་ཁང་རྣམས་བཤིག་ནས་སངས་རྒྱས་ཀྱི་བསྟན་པ་ལ་བཙུད་པས་ད་ལྟའི་བར་དུ་ཡང་མུ་སྟེགས་ཕམ་པའི་ཡུལ་ཞེས་གྲགས་སོ། །སློབ་དཔོན་དེས་རང་ཉིད་སོ་སྐྱེར་ཞལ་གྱིས་བཞེས་ཀྱང་སློབ་དཔོན་ཤེས་རབ་འབྱུང་གནས་བློ་གྲོས་ཀྱིས་འཕགས་པར་བཤད་ཅིང་། ནག་པོ་བས་ཀྱང་འཇམ་པའི་དབྱངས་ཀྱི་ཞབས་ཀྱི་པདྨོ་ལ་སྤྱི་བོས་གཏུགས་པར་བཤད་པའི་སློབ་དཔོན་དེས་རྒྱས་པར་སྟོན་པ་བསླབ་བཏུས། བསྡུས་ཏེ་སྟོན་པ་མདོ་ཀུན་ལས་བཏུས། དོན་རྒྱས་ལ་ཚིག་བསྡུས་པ་སྤྱོད་འཇུག་དང་གསུམ་མཛད་དོ། །སྤྱོད་འཇུག་ལ་རྒྱ་གར་ན་འགྲེལ་པ་བརྒྱ་རྩ་ཡོད་པར་གྲགས་ཀྱང་། བོད་དུ་འགྱུར་བ་བརྒྱད་ཙམ་ཡོད་དོ། །<br /> }}</div>

Chogyal https://bodhicitta.tsadra.org/index.php?title=Texts/Rgyal_sras_zhi_ba_lha%27i_lo_rgyus/Full_text&diff=124289 2026-02-23T09:58:20Z

<p>Chogyal: </p> <hr /> <div>{{FullTextSubpage<br /> |TsadraVersion=Yes<br /> |FullTextSource=[http://purl.bdrc.io/resource/MW1923 BDRC MW1923]<br /> |FullTextDate=2026-02-17<br /> |FullTextTibetan=རྒྱལ་སྲས་ཞི་བ་ལྷའི་ལོ་རྒྱུས་ནི། ངོ་མཚར་ཅན་གྱི་གཏམ་བདུན་ཞེས་གྲགས་ཏེ། ལྷག་པའི་ལྷ་མཉེས་ནཱ་ལེནྡྲའི། །བཀོད་པ་ཕུན་ཚོགས་རྩོད་པ་བཟློག །ཡ་མཚན་ཅན་དང་སྤྲང་པོ་དང་། །རྒྱལ་པོ་མུ་སྟེགས་ཅན་བཏུལ་བའོ། །དེ་ལ་དང་པོ་ལྷོ་ཕྱོགས་སུ་ཡུལ་འཁོར་བཟང་པོ་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་ཞི་བའི་གོ་ཆ་ཞེས་བྱ་བར་བལྟམས་ནས་གཞོན་ནུའི་ཚེ་རིག་པ་མང་པོ་བསླབས་ཤིང་ཁྱད་པར་དུ་ཀུ་སུ་ལུ་ཞིག་ལ་འཇམ་དཔལ་རྣོན་པོའི་སྒྲུབ་ཐབས་ཤིག་ཞུས་ཏེ་བསྒྲུབས་པས་ཞལ་མཐོང་ངོ་། །རེ་ཞིག་ན་ཡབ་འདས་ཏེ། ནངས་པར་རྒྱལ་པོར་དབང་བསྐུར་བའི་དོ་ནུབ་རྨི་ལམ་ན། སང་རང་ཉིད་སྡོད་པར་འགྱུར་བའི་ཁྲི་དེ་ལ་རྗེ་བཙུན་བཞུགས་ནས། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ང་དང་ཁྱོད་གཉིས་སྟན་གཅིག་ལ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་གསུང་བ་རྨིས་པས་སད་པ་དང་རྒྱལ་སྲིད་བཟུང་མི་བཏུབ་པར་ཤེས་ཏེ་བྲོས་ནས། ནཱ་ལེནྡར་པཎྜི་ཏ་ལྔ་བརྒྱའི་ཁྱུ་མཆོག་རྒྱལ་བའི་ལྷ་ལས་རབ་ཏུ་བྱུང་སྟེ་མཚན་ཞི་བའི་ལྷ་ཞེས་བཏགས་ཏེ་ནང་གི་ཀུན་སྤྱོད་འཕགས་པ་ལ་ཆོས་གསན་ཅིང་དེ་ལ་མཉམ་པར་འཇོག་པ་དང་བསྟན་བཅོས་ཟབ་མོ་རྩོམ་པར་མཛད་ཀྱང་། ཕྱིའི་སྤྱོད་ལམ་ཟ་ཉལ་འགྲོ་བ་མ་གཏོགས་པ་གཞན་གྱིས་མ་རིག་པས་བྷུ་སུ་ཀུ་འདུ་ཤེས་གསུམ་པ་ཞེས་གྲགས་ཤིང་། གཞན་རྣམས་ཀྱིས་ཕྱིའི་སྤྱོད་པ་ལ་དཔགས་ནས། རབ་ཏུ་བྱུང་བའི་བྱ་བ་འཁོར་ལོ་གསུམ་ཡིན་པ་ལ་འདི་གང་དང་ཡང་མི་ལྡན་པར་དད་པས་བྱིན་པ་ལོངས་སྤྱོད་པར་མི་རུང་བས་བསྐྲད་པར་བྱ། དེའང་མདོ་འདོན་རེས་བྱས་པས་རང་བུད་ལ་འགྲོའི་སྙམ་དུ་བསམས་ནས། དེ་ལ་མདོ་འདོན་པར་བསྒོ་པས་མི་ནུས་ཟེར་བ་དང་། མཁན་པོ་ལ་ཞུས་པས་ཁྱེད་ཉིད་ཀྱིས་སྒོས་ཤིག་གསུང་ནས་བསྒོས་པས་འདོན་པར་ཁས་བླངས་པ་དང་ཁ་ཅིག་ཅི་ཡིན་མི་ཤེས་སྙམ་ཞིང་ཐེ་ཚོམ་དུ་གྱུར་བཞིན་དུ་ཉམས་སད་པའི་ཕྱིར་སྐྱེ་བོ་མང་པོའི་དབུས་སུ་ཁྲི་མཐོན་པོ་བཤམས་སོ། །དེ་ནས་ཇི་ལྟར་སོང་མི་མངོན་པར་ཕྱག་གིས་མནན་ནས་སྟེང་དུ་བྱོན་པས་ཕལ་ཆེར་ཡིད་གཉིས་སུ་གྱུར་ཏོ། །དེ་ནས་སྔར་གྲགས་པ་གདོན་ནམ་མ་གྲགས་པ་གདོན་གསུངས་པས་མ་གྲགས་པ་གདོན་པར་ཞུས་པས། བསླབ་བཏུས་ནི་མང་མདོ་ཀུན་ལས་བཏུས་ནི་ཉུངས་བས་ཚིག་བསྡུས་ལ་དོན་རྒྱས་པ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ཞལ་ཏོན་དུ་མཛད་ཅིང་ཤེར་ལེའི། གང་ཚེ་དངོས་དང་དངོས་མེད་དག །ཅེས་པ་ནས། ནམ་མཁའ་ལ་ཇེ་མཐོ་ཇེ་མཐོར་སོང་ནས་མཐར་སྐུ་མི་སྣང་བར་གསུང་གྲགས་པའི་སྒོ་ནས་རྫོགས་པར་བཏོན་ཏེ་གཤེགས་སོ། །དེ་ནས་གཟུངས་ཐོབ་པ་རྣམས་ཀྱིས་ཇི་ལྟར་ཟིན་པ་བསྡུས་པས་ཤློ་ཀ་བདུན་བརྒྱ་དང་སྟོང་དང་སྟོང་ལྷག་ཏུ་གྱུར་པས་ཐེ་ཚོམ་ཟ་ཞིང་། བསླབ་པ་ཀུན་ལས་བཏུས་པ་ཡང་། །ཡང་དང་ཡང་དུ་བལྟ་བར་བྱ། །ཞེས་པ་དང་། ཡང་ན་རེ་ཞིག་མདོར་བསྡུས་པ། །མདོ་རྣམས་ཀུན་ལས་བཏུས་པ་བལྟ། །ཞེས་པའང་ངོ་མ་ཤེས་པ་ན་ལྷོ་ཕྱོགས་མཆོད་རྟེན་དཔལ་ཡོན་ཅན་ན་བཞུགས་པར་ཐོས་ནས་དགེ་སློང་གཉིས་སྤྱན་འདྲེན་དུ་བཏང་བ་དང་མཇལ་ནས་དེ་དག་ཞུས་པས་བསླབ་བཏུས་དང་མདོ་ཀུན་ལས་བཏུས་ཁོ་བོའི་བྲང་ཁང་གི་གདུང་གསེབ་ན་པཎྜི་ཏའི་ཡི་གེ་ཕྲ་མོས་བྲིས་པ་ཞིག་ཡོད། སྤྱོད་འཇུག་ཤློ་ཀ་སྟོང་ཚང་བ་དེ་ཡིན་ཞེས་ལུང་བསྟན་ཏེ་དེ་དག་གི་བཤད་པ་དང་སྒྲུབ་པའི་ལུང་ཡང་གནང་ངོ་། །དེ་ནས་ཤར་ཕྱོགས་སུ་བྱོན་ཏེ་རྩོད་པ་ཆེན་པོ་བྱེད་པ་ཞིག་གི་འཐབ་ཟླ་མཛད་པས་རྫུ་འཕྲུལ་གྱིས་ཐམས་ཅད་འདུམས་པར་གྱུར་ཏེ་བདེ་བ་ལ་བཀོད་དོ། །ཡང་ཡུལ་མ་ག་དྷའི་ནུབ་ཕྱོགས་ཧ་ཅང་མི་རིང་བ་ཞིག་ན་ཡ་མཚན་ཅན་གྱི་ལྟ་བ་འཛིན་པ་ལྔ་བརྒྱ་གནས་པའི་འཁོར་དུ་བསྡད་པ་དང་རེ་ཞིག་ཡུལ་ངན་ཆེན་པོ་བྱུང་བས་བཟའ་བཏུང་ཆད་དེ་ཉོན་མོངས་པར་གྱུར་ནས་སུ་སློང་ནུས་པ་དཔོན་དུ་བཀུར་ཞིང་བསྒོ་བ་ཉན་པར་བྱས་པ་དང་། སློབ་དཔོན་གྱིས་འབྲས་ཆན་ལྷུང་བཟེད་གང་བླངས་ཏེ་བྱིན་གྱིས་བརླབས་པས་ཐམས་ཅད་ཚིམ་པར་མཛད་ནས་དེ་དག་ཡ་མཚན་ཅན་གྱི་ལྟ་བ་ལས་བཟློག་སྟེ་ཐུབ་པའི་བསྟན་པ་ལ་བཅུག་གོ །དེ་ནས་རེ་ཞིག་མུ་གེ་ཆེན་པོ་བྱུང་སྟེ་སྤྲང་པོ་སྟོང་ཙམ་ཞིག་བྲུ་བ་ཚ་བས་ཉེན་ཏེ་འཆི་ལ་ཁད་པ་ན། སློབ་དཔོན་གྱིས་འཚོ་བ་སྦྱར་ཞིང་ཆོས་བསྟན་ཏེ་བདེ་བ་ལ་བཀོད་དོ། །དེ་ནས་ཤར་ཕྱོགས་སུ་ཨ་རི་བི་ཤ་ནའི་རྒྱལ་པོ་ལ་མ་ཙ་ལའི་གནོད་པ་བྱ་བ་འཚོ་བ་མ་ཕྱིད་པ་ཁ་ཅིག་རྒྱལ་པོ་ལ་འཁྲིལ་ནས་ཁོ་ལ་གནོད་པ་བྱས་ན་རྒྱལ་པོ་གསོད་པས་ནོར་སྦྱིན་དགོས་པ་ཡོད་པས་བསྲུང་བའི་ཕྱིར་སྐུ་སྲུང་མཛད་པ་ལ་སློབ་དཔོན་ལ་རྗེ་བཙུན་གྱིས་ཕྱག་རྒྱར་བཅིངས་པ་ཤིང་གི་རལ་གྲི་ཞིག་ལས་མེད་པས་གྲོགས་ཀྱིས་མཐོང་སྟེ། རྒྱལ་པོ་ལ་མི་འདི་སྒྱུ་ཅན་ཞིག་སྟེ་ལག་ཆ་ལ་གཟིགས་ཤིག་ཅེས་གསོལ་པས་རྒྱལ་པོ་ཁྲོས་ཏེ་ཁྱོད་ཀྱི་རལ་གྲི་ཕྱུང་ཞིག་ཅེས་སྨྲས་པས། ལྷ་ཉིད་ལ་གནོད་པར་འགྱུར་རོ་ཞེས་གསོལ་བས་གནོད་ཀྱང་བླ་ཡི་ངེས་པར་ཕྱུང་ཞིག་ཟེར་རོ། །འོ་ན་ལྷའི་སྤྱན་གཅིག་བཀབ་སྟེ་གཅིག་གིས་གཟིགས་ཤིག་ཅེས་གསོལ་པས་དེ་ལྟར་བྱས་ཏེ་རལ་གྲི་ཕྱུང་བས་དེའི་འོད་ཟེར་གྱིས་མ་བཟོད་དེ་མིག་གཅིག་ཞར་བ་དང་བཟོད་པར་གསོལ་ཏེ་སྐྱབས་སུ་སོང་སྟེ་ཆོས་ལ་བཙུད་དོ། །དེ་ནས་དཔལ་གྱི་རིའི་ལྷོ་ཕྱོགས་སུ་བྱོན་ཏེ་ཨུཙྪུསྨའི་སྤྱོད་པ་ཞེས་པ་སྤྲང་པོའི་ཆ་བྱད་གཅེར་བུ་འཁྲུད་མ་ཕོ་བའི་ཚིགས་མས་འཚོ་བར་བྱེད་པ་ན། ཁ་ཏི་བི་ཧ་རའི་རྒྱལ་པོའི་བྲན་མོ་ཀ་ཙ་ལ་ཧས་འཁྲུད་མ་ཕོ་བའི་ཆུ་ཐོར་སློབ་དཔོན་ལ་ཕོག་པས་ཁོལ་བ་མཐོང་སྟེ། དེའི་ཚེ་མུ་སྟེགས་ཀྱི་སྟོན་པ་ཤངྐ་ར་དེ་པ་ཞེས་བྱ་བས་གནངས་ནམ་མཁའ་ལ་དབང་ཕྱུག་ཆེན་པོའི་དཀྱིལ་འཁོར་འབྲི་བས་དེ་བཤིག་མ་ནུས་ན་ནང་པའི་ཆོས་དང་ལྷ་རྟེན་བསྲེགས་ནས་ཕྱི་རོལ་པའི་སྒོར་འཇུག་དགོས་སོ་ཞེས་རྒྱལ་པོ་ལ་གསོལ་པ་དང་། རྒྱལ་པོས་དགེ་འདུན་བསྡུས་ཏེ་དོན་དེ་བསྙད་པས་སུས་ཀྱང་བཤིག་པར་ཁས་ལེན་མ་ནུས་པས་རྒྱལ་པོ་མྱ་ངན་དུ་གྱུར་པ་ན་བྲན་མོས་སྔར་མཐོང་བ་དེ་བཤད་པས་ཚོལ་ཅིག་གསུངས་ནས་ཕྱོགས་ཀུན་ཏུ་བཙལ་བས་ཤིང་སྡོང་གཅིག་གི་དྲུང་ནས་རྙེད་དེ་དོན་དེ་ཞུས་པས་ངས་ནུས་ཀྱིས་ཆུ་བུམ་པ་གང་རས་ཡུག་གཉིས་མེ་རྣམས་སྟ་གོན་གྱིས་ཤིག་གསུངས་ནས་དེ་ལྟར་བྱས་སོ། །སང་དགོང་ཁ་ཐིག་བཏབ་སྟེ་སོང་བས་ཐམས་ཅད་ཐེ་ཚོམ་དུ་གྱུར་ཏོ། །གནངས་སྔ་དྲོ་དཀྱིལ་འཁོར་བྲིས་ཏེ་ཤར་སྒོ་ཙམ་ཟིན་པ་ན་སློབ་དཔོན་གྱིས་ཏིང་ངེ་འཛིན་མཛད་པས་འཚུབ་མ་ཆེན་པོ་ལངས་ནས་རྨེག་མེད་པར་ཁྱེར་ཏེ་རྩྭ་དང་ཤིང་དང་གྲོང་ཁྱེར་ཐམས་ཅད་ཀྱང་འགྱེལ་ལ་མ་འགྱེལ་ལ་ཐུག་པར་ལྡེག དེར་འཚོགས་པའི་མི་རྣམས་ཀྱང་བདས། མུ་སྟེགས་ཀྱི་སྟོན་པ་ཡང་རྣམ་པར་འཐོར། རླུང་གིས་བདས་པའི་བྱེའུ་བཞིན་དུ་ཕྱོགས་ཐམས་ཅད་དུ་ཁྱེར་ཞིང་མུན་པ་ཆེན་པོར་གྱུར་ཏོ། །དེ་ནས་སློབ་དཔོན་གྱི་སྨིན་མཚམས་ནས་འོད་བྱུང་ནས་རྒྱལ་པོ་དང་བཙུན་མོ་ལ་ལམ་བསྟན་ཏེ་གོས་དང་བྲལ་ཞིང་རྡུལ་གྱིས་གཡོགས་པ་ལ་ཆུས་བཀྲུས་ནས་རས་གསར་པ་གཡོགས་ཏེ་མེས་བསྲོས་ཏེ་བདེ་བར་བྱས་སོ། །དེ་ནས་མུ་སྟེགས་ཀྱི་ལྷ་ཁང་རྣམས་བཤིག་ནས་སངས་རྒྱས་ཀྱི་བསྟན་པ་ལ་བཙུད་པས་ད་ལྟའི་བར་དུ་ཡང་མུ་སྟེགས་ཕམ་པའི་ཡུལ་ཞེས་གྲགས་སོ། །སློབ་དཔོན་དེས་རང་ཉིད་སོ་སྐྱེར་ཞལ་གྱིས་བཞེས་ཀྱང་སློབ་དཔོན་ཤེས་རབ་འབྱུང་གནས་བློ་གྲོས་ཀྱིས་འཕགས་པར་བཤད་ཅིང་། ནག་པོ་བས་ཀྱང་འཇམ་པའི་དབྱངས་ཀྱི་ཞབས་ཀྱི་པདྨོ་ལ་སྤྱི་བོས་གཏུགས་པར་བཤད་པའི་སློབ་དཔོན་དེས་རྒྱས་པར་སྟོན་པ་བསླབ་བཏུས། བསྡུས་ཏེ་སྟོན་པ་མདོ་ཀུན་ལས་བཏུས། དོན་རྒྱས་ལ་ཚིག་བསྡུས་པ་སྤྱོད་འཇུག་དང་གསུམ་མཛད་དོ། །སྤྱོད་འཇུག་ལ་རྒྱ་གར་ན་འགྲེལ་པ་བརྒྱ་རྩ་ཡོད་པར་གྲགས་ཀྱང་། བོད་དུ་འགྱུར་བ་བརྒྱད་ཙམ་ཡོད་དོ། །<br /> }}</div>

Chogyal https://bodhicitta.tsadra.org/index.php?title=Texts/Rgyal_sras_zhi_ba_lha%27i_rnam_par_thar_pa_rin_chen_phreng_ba/Full_text&diff=124286 2026-02-23T06:06:24Z

<p>Chogyal: </p> <hr /> <div>{{FullTextSubpage<br /> |TsadraVersion=No<br /> |FullTextSource=[http://purl.bdrc.io/resource/MW3KG397 BDRC MW3KG397]<br /> |FullTextTibetan=༄༅། །རྒྱལ་སྲས་ཞི་བ་ལྷའི་རྣམ་པར་ཐར་པ་རིན་ཆེན་ཕྲེང་བ་ཞེས་བྱ་བ་བཞུགས་སོ། །<br /> རྨད་དུ་བྱུང་བའི་སྐྱེས་བུ་ཆེན་པོ་སློབ་དཔོན་ཀུན་ཤཱནྟ་དེ་བའམ་ཞི་བའི་ལྷ་ནི། ལྷོ་ཕྱོགས་སཽར་ཥྚར་མའི་བདག་པོ་འཇམ་དཔལ་གོ་ཆ་ཞེས་བྱ་བའི་སྲས་སུ་སྐྱེ་བའི་ལྗོན་ཤིང་བཟུང་ངོ། །དེར་ནི་བཀུར་བར་འོས་པའི་གནས་ཐམས་ཅད་ལ་གུས་པའི་ཤིང་རྟ་བརྟན་ཞིང་། ཕོངས་པ་དང་མགོན་མེད་པ་ཐམས་ཅད་ལ་བརྩེ་བ་ཆེན་པོ་དང་ལྡན་པས་དེ་ཙམ་ནས་ཐེག་པ་ཆེན་པོའི་རིགས་སད་པ་ཞིག་གོ། །སྔོན་གྱི་ལས་འཕྲོའི་མཐུས་གཞོན་ནུས་ནས་མནལ་ལམ་ན་འཕགས་པ་འཇམ་དཔལ་ཞལ་གཟིགས། བསྟན་བཅོས་དང་སྒྱུ་རྩལ་གྱིས་གནས་མང་པོ་ལ་མཁས་པར་གྱུར། རེ་ཞིག་ནས་རྒྱལ་སྲིད་ལ་དབང་བསྐུར་བའི་ཁྲི་བཤམས་པ་ན། རྨི་ལམ་དུ་འཕགས་པ་འཇམ་དཔལ་ཁྲི་ལ་བཞུགས་ནས། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ཁྱོད་དང་ང་གཉིས་སྟན་གཅིག་ལ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་འཕགས་པ་འཇམ་དཔལ་གྱིས་ཆོས་ཀྱི་རྒྱལ་སྲིད་ཆེན་པོར་དབང་བསྐུར་བའི་དོན་གྱིས་གནང་བ་བྱིན་ཏོ། །དེ་བཞིན་དུ་འཕགས་མ་སྒྲོལ་མས་རང་གི་མའི་ཚུལ་བཟུང་ནས། ཁྲུས་ཀྱི་ཕྱིར་ཆུ་ཚན་སྤྱི་བོ་ནས་བླུགས་པས། དེའི་ཚ་བའི་རེག་བྱ་ལ་དྲིས་པ་ན། བུ་རྒྱལ་སྲིད་ནི་དམྱལ་བའི་ཆུ་ཚན་དང་འདྲ་མི་བཟད་པ་ཉིད་དེ། དེས་ཁྱོད་ལ་དབང་བསྐུར་བར་ཉེའོ། །གསུངས་པས་འདི་སྙམ་དུ། ཀྱེ་མ་རྒྱལ་སྲིད་ནི་དུག་གི་སྡོང་པོ་བཞིན་ཏེ། ཐར་པ་དང་ཐམས་ཅད་མཁྱེན་པའི་སྲོག་གི་གཤེད་མ་ཉིད་དོ། །འདི་ནི་ཤིན་ཏུ་མི་རུང་ངོ་དགོངས་ནས་ནངས་པར་རྒྱལ་སར་བསྐོ་བ་ལ་ཉེ་བའི་ནུབ་མོ་བྲོས་སོ། །དེར་ཞག་ཉི་ཤུ་རྩ་གཅིག་ཏུ་ཕྱིན་པ་ན་སྐོམ་པས་གདུངས་ཏེ་ནགས་ཀྱིས་རྩ་བའི་ཆུ་མིག་ལ་འཐུང་བར་བརྩམས་པ་ན། བུ་མོ་ཞིག་བྱུང་ནས་དེ་ནི་དུག་གི་ཆུ་སྟེ་བཏུང་བར་མི་འོས་སོ། །ཞེས་ལྡོག་ནས་ཆུ་ཞིམ་པོ་བླུད་ཅིང་ནགས་ཀྱི་ཕུག་ན་རྣལ་འབྱོར་པ་ཞིག་འདུག་པའི་དྲུང་དུ་ཁྲིད་དོ། །དེ་ན་འཇམ་པའི་རྡོ་རྗེ་ཡིན་ཏེ། ས་མཁན་གྱི་བུད་མེད་ནི་སྒྲོལ་མའོ། །དེར་རྣལ་འབྱོར་པ་དེའི་སྐུ་གསུང་ཐུགས་ཀྱི་རྣམ་པར་ཐར་པ་དུལ་ཞིང་ཟབ་པའི་གནས་ལ་མོས་གུས་ཀྱི་ལང་ཚོ་ཤིན་ཏུ་བརྟས་པར་གྱུར་ནས་རྗེས་སུ་འཛིན་པར་ཞུས་པས། དབང་བསྐུར་ཞིང་རྗེས་སུ་བསྟན་པ་བྱིན་པས་ཏིང་ངེ་འཛིན་དང་ཡེ་ཤེས་ཀྱི་སྒོ་དཔག་ཏུ་མེད་པ་བརྙེས་སོ། །དུས་དེ་སྙེད་ནས་འཕགས་པའི་སྣང་བ་དང་རྟག་ཏུ་འགྲོགས་པས་ཤིང་གི་རལ་གྲི་ཤུབས་དང་བཅས་པ་གཅིག་བཅངས་ཏེ་བརྟུལ་ཞུགས་ཀྱིས་རྒྱུ་བ་ལས། རྒྱལ་པ་སེངྒེ་ལྔ་པའི་འཁོར་གྱི་ནང་དུ་བཞུགས་ནས། རྒྱུ་རྩལ་གྱི་གནས་ཐམས་ཅད་ལ་ཤིན་ཏུ་མཁས་ཤིང་བློ་གྲོས་ཆེན་པོར་འདུག་ནས་ལྷའི་སྐུ་སྲུང་ཉིད་དུ་ཞལ་འཆེས་སོ། །དེར་བཟོའི་ཐམས་ཅད་ཀྱང་དར་བར་མཛད། རྒྱལ་སྲིད་ཆོས་བཞིན་དུ་སྐྱོང་དུ་བཅུག་པས། བློན་པོ་གཞན་རྣམས་ཀྱིས་ཕྲག་དོག་བྱས་ཏེ། ལྷ་གཟིགས་སུ་གསོལ། འདི་ནི་གཡོ་ཅན་ཞིག་སྟེ། རལ་གྲི་ཡང་ཤིང་ལས་མེད་ན་ལྷའི་སྐུ་སྲུང་ནུས་མིན་བརྟག་པར་བྱའོ་ཞེས་བཅས་ནས། རིམ་བཞིན་ཐམས་ཅད་ཀྱི་མཚོན་ཆ་རྒྱལ་པོའི་སྤྱན་སྔར་སྟོན་པ་ལ་ཞུགས་པ་ན། སློབ་དཔོན་གྱིས་བདག་གི་རལ་གྲི་ནི་བལྟ་བེ་མི་བཟོད་དོ། །ཞེས་གསུངས་ཀྱང་ནན་གྱིས་བསྐུལ་ལོ། །འོ་ན་མིག་ཡ་གཅིག་བཀབ་ལ་ལྟོས་ཤིག་གསུངས་ནས་དམ་ཚིག་གི་རལ་གྲི་ཤུབས་ནས་ཕྱུང་མ་ཐག་རལ་གྲིའི་མཐུས་རྒྱལ་པོའི་མིག་གཅིག་ཤོས་ས་ལ་ལྷུང་ངོ་། །རྒྱུ་དེ་ཉིད་ཀྱིས་རྒྱལ་པོ་འཁོར་དང་བཅས་པ་སྐྲག་པར་གྱུར་ཏེ་སྐྱབས་སུ་སོང་བས། སླར་མིག་འདྲུལ་བ་འབྱར་བར་མཛད་པས་མཆོག་ཏུ་དད། བསྙེན་བཀུར་གྱིས་བསྟེན་ནས་བཞུགས་པར་གསོལ་ཡང་མ་གནང་སྟེ་རྒྱལ་སྲིད་ཆོས་བཞིན་བསྐྱང་བ་དང༌། ནང་པའི་ཆོས་གཞི་བཅུ་ཕྲག་གཉིས་འཛུགས་པར་བསྒོས་ནས་ཡུལ་དབུས་སུ་བྱོན། དཔ་ལ་ན་ལནྡྲེར་ཙནྡྲ་གོ་མའི་ཕྱི་མ་མཁན་པོ་རྒྱལ་བའི་ལྷ་ལས་རབ་ཏུ་བྱུང༌། མཚན་ཞི་བའི་ལྷར་བཏགས། དེར་པཎྜི་ཏ་རྣམས་དང་ལྷན་ཅིག་གནས་པ་ལས། ནང་དུ་འཕགས་པ་འཇམ་དཔལ་ལ་ཆོས་གསན་ཞིང་ཏིང་ངེ་འཛིན་གྱི་སྒོ་དཔག་ཏུ་མེད་པ་བརྙེས། བསླབ་པ་ཀུན་ནས་བཏུས་དང་། མདོ་ཀུན་ལས་བཏུས་ལེགས་པར་བརྩམས་པས་མཁས་པའི་ཡང་རྩེར་སོན་པ་ཡིན་ཀྱང་། གཞན་ངོར་ཁ་ཟས་ཀྱང་བྲེའོ་ཆ་ལྔ་ལྔ་གསོལ། ཉིན་མཚན་དུ་མནལ་ཞིང་། ཐོས་བསམ་སྒོམ་གསུམ་གང་ཡང་མི་བྱེད་པ་ལྟར་བྷུ་སུ་ཀུའི་ཚུལ་དུ་བཞུགས་པས། དགེ་འདུན་རྣམས་ན་རེ། དད་རྫས་ཆུད་གསན་པར་བྱེད་པའི་འདུ་ཤེས་གསུམ་པ་འདི་བསྐྲད་པར་འོས་སོ། །དེའི་ཕྱིར་ན་མདོ་རེ་མོས་སུ་བཏོན་ལ་རང་བུད་དུ་འགྲོ་བར་བྱའོ་ཞེས་བགྲོས་ནས། ཆོ་འཕྲུལ་ཟླ་བ་ལ་གསུང་རབ་རེ་མོས་སུ་བཏོན་ལ་རང་འབུད་དུ་ཀྱིས་འདོན་པའི་སྐབས་སུ་འབྱོན་པར་བསྐུལ་ལོ། །དེར་སློབ་ད་པོན་གྱིས་ཁོ་བོ་ཅག་གིས་ཅི་ཡང་མི་ཤེས་སོ་ཞེས་ལན་འགའ་གཅོམ་སྐྱུངས་ནའང་པཎྜི་ཏ་རྣམས་ཀྱིས་ཉམས་སད་པར་བགྲོས་ནས་ནན་གྱིས་བསྐུལ་བས་མཐར་ཞལ་གྱིས་འཆེས་སོ། །དེར་ཕལ་ཆེར་ནི་དམའ་དབབ་པའི་ཕྱིར་ཚོགས་ཤིང༌། ལ་ལའང་ཐེ་ཚོམ་གྱི་གནས་ལ་འདུ་བར་བྱས་པའི་དབུས་སུ་ཁྲི་ཆེན་པོ་བཤམས་སོ། །དེའི་ཚེ་སློབ་དཔོན་ཉིད་བྱོན་ཏེ་ཁྲིའི་སྟེང་དུ་བག་ཚ་བ་མེད་པར་བཞུགས་ནས། མདོ་སྔར་བྱུང་བ་ཞིག་འདོན་ནམ། འོན་ཏེ་སྔར་མ་གྲགས་པ་ཞིག་འདོན་གསུངས་པས། ཐམས་ཅད་ཀྱང་ཚོད་བགམ་པ་ལ་སྤྲོ་བར་གྱུར་ནས་སྔར་མ་གྲགས་པ་ཞིག་འདོན་པར་བསྐུལ་ཏོ། །དེར་བྱང་ཆུབ་སེམས་དཔའི་སྤྱོད་པ་ལ་འཇུག་པ་གསུངས་ནས། གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །ཞེས་པའི་ཚིག་མཚམས་ནས་ནམ་མཁའི་དབྱིངས་ལ་ཇེ་མཐོར་གཤེགས་ནས་སྐུ་ལུས་མི་སྣང་བར་འགྱུར་ནའང་། ཚངས་པའི་དབྱངས་དང་བཅས་པའི་ཆོས་ཀྱི་སྒྲ་ནི་གཞུང་མ་རྫོགས་ཀྱི་བར་དུ་རྒྱུན་ཆད་པར་མ་གྱུར་ཏོ། །དེའི་ཚེ་སྐྱེས་བུ་དམ་པ་འདི་ནི་བློ་གྲོས་མི་ཟད་པའོ་ཞེས་མགྲིན་གཅིག་ཏུ་སྒྲོག་པར་བྱེད་ཅིང་། པཎྜི་ཏ་གཟུངས་ཐོབ་པ་རྣམས་ཀྱིས་བློ་ལ་གཟུང་བ་ན། ཁ་ཆེ་བ་རྣམས་ལ་ཤློ་ཀ་སྟོང་ལྷག་པ་ཅིག་བྱུང༌། མཆོད་བརྗོད་རང་གི་བློས་སྦྱར། ཡུལ་དབུས་པ་ཟེར་ཏེ་ཤར་པ་རྣམས་ལ་ཤློ་ཀ་བདུན་བརྒྱ་ལས་མ་བྱུང་བ། བཤགས་ལེ་དང་ཤེས་ལེ་ཆད་པར་གྲགས། མཆོད་མརྗོད་དབུ་མའི་དེ་ཉིད་ལྷན་ཐབས་སུ་བྱས། དབུས་པ་རྣམས་ཀྱིས་མཆོད་པར་བརྗོད་པ་དང༌། བརྩམ་པའི་དམ་བཅའ་མེད་པ། རྗེས་སྔགས་ཀྱི་དབང་དུ་བརྩིས་པའི་ཤློ་ཀ་སྟོང་ཡོད་པ་ཅིག་བྱུང་བས། བཞུགས་ཚོགས་ཀྱི་གནས་ལ་ཐེ༌ཚོམ་བཀོད་པར་གྱུར་ཏོ། །དེར་ཧཱི་ལངྐིའི་ཆ་གྲོང་ཁྱེར་ཀ་ལངྐིར་གཤེགས་ནས་དེ་ཉིད་དུ་བཞུགས་ཞེས་ཐོས་པས་པཎྜི་ཏ་གསུམ་གྱིས་སོང་ནས། ན་ལནྡྲེར་འབྱོན་པར་ཞུས་པས་མ་གནང༌། རང་རང་གིས་གཟུངས་ཀྱིས་བཟུང་བ་ཡི་གེར་བཀོད་པའི་ལུགས་གསུམ་པོ་གང་དག་པ་ཡིན་ཞུས་པས། ཡུལ་དབུས་པ་རྣམས་ཀྱི་བཟུང་བ་ལྟར་ཡིན་གསུངས། འོ་ན་བསླབ་པ་ཀུན་ལས་བཏུས་དང་། མདོ་ཀུན་ལས་བཏུས་བལྟ་བར་གསུངས་པ་གང༌ཡིན་ཞུས་པས། བྲང་ཁང་གི་སྐར་ཁུང་ན་ཤིང་ཤུན་ལ་པཎྜི་ཏའི་ཡི་གེ་ཕྲ་མོས་བྲིས་པའི་གླེགས་བམ་ཡོད་པ་ལོངས་ཞེས་གསུངས། ཡུལ་དེ་ན་ནགས་ཚལ་དང་བཅས་པའི་གཙུག་ལག་ཁང་ཞིག་མཆིས་པར་དགེ་སློང་ལྔ་བརྒྱ་ཙམ་དང་ལྷན་ཅིག་པར་བཞུགས་པ་ལས་ནགས་ཚལ་གྱི་རི་དྭགས་བྲང་ཁང་དུ་འོངས་པ་རྣམས་རྫུ་འཕྲུལ་གྱིས་དམིགས་པ་མེད་པར་རྒྱས་བཏབ་པས། སློབ་དཔོན་གྱི་བྲང་ཁང་དུ་རི་དྭགས་རྣམས་སོང་བ་མཐོང་ཞིང་། ཕྱིར་བྱུང་བ་མ་མཐོང་ལ། རི་དྭགས་ཀྱི་ཚོགས་ཁ་བྲི་བའང་དགེ་སློང་རྣམས་ཀྱིས་ཤེས་སོ། །དེར་སྐར་ཁུང་ནས་བལྟས་པ་ན་སློབ་དཔོན་ཤ་གསོལ་བར་མཐོང་ནས། དགེ་འདུན་རྣམས་ཀྱིས་རྒོལ་བར་བརྩམ་པ་ན། རི་དྭགས་རྣམས་སླར་གསོས་ཏེ་ཉམས་སྟོབས་དང་ལྡན་པ་དག་ཕྱིར་བྱུང་ནས་ནགས་གསེབ་ཏུ་སོང་ངོ། །སླར་རབ་ཏུ་བྱུང་བའི་རྟགས་ཀྱང་བོར་ཏེ་བླང་དོར་མེད་པའི་སྤྱོད་པ་ལ་གཤེགས་པའི་ཚེ་སྒོ་དྲུང་ཞིག་ཏུ་སྐྱེ་བོ་གཅིག་གིས་འཁྲུད་མ་དོར་བའི་ཟེགས་མ་སློབ་དཔོན་གྱི་ཞབས་ལ་རེག་པས་ལྕགས་བསྲེགས་ལ་ཕོགས་བཞིན་དུ་ཁོལ་བར་གྱུར་པ་དེས་མཐོང་ངོ་། །ཇི་ཞིག་ན་བ་ཏི་བི་ཧ་རའི་རྒྱལ་པོའི་ས་ཆར་མུ་སྟེགས་དང་ནུས་པ་ཀྱི་པཎྜི་ཏ་བདེ་བྱེད་ཅེས་བྱ་བས་འོངས་ནས་ཕྱི་ནང་གྲུབ་མཐའ་ལ་བརྩད་ཅིང་མཐུ་དང་རྫུ་འཕྲུལ་འགྲན་པར་བསྐུལ་བ་ན། ནང་པ་གཞན་རྣམས་བག་ཚ་བར་གྱུར་ཏོ། །དེར་སྔར་གྱི་འཁྲུད་མའི་བྱ་བ་མཐོང་བའི་སྐྱེ་བོ་དེས་དེ་དྲན་ནས་ངེས་པར་རྩོད་པ་བཟློག་པ་ཞིག་དེས་ནུས་སོ་སྙམ་ནས་སློབ་དཔོན་གྱི་དྲུང་དུ་ཕྱིན། མུ་སྟེཊ་དང་ནུས་པ་འགྲན་པར་ཞུས་པའི་པས་ཞལ་གྱིས་བཞེས་བཞིན་དུ་ཡུལ་དེའི་རྒྱལ་པོ་ལའང་བསྙད་དོ། །རྒྱལ་པོས་སྐྱེ་བོ་མང་པོ་འདུས་པའི་དབུས་སུ་ཁྲི་བརྩིགས་ནས་ཕྱི་ནང་གྲུབ་མཐའ་ལ་རྩོད་དུ་བཅུག་པས་སློབ་དཔོན་ཉིད་ཀྱི་རྒྱལ་ལོ། །དེར་མུ་སྟེགས་ཀྱིས་ནམ་མཁའ་ལ་རྡུལ་ཚོན་གྱི་དཀྱིལ་འཁོར་ཆེན་པོ་སྐད་ཅིག་ལ་བྲིས་པ་ན། སློབ་དཔོན་གྱིས་ཟད་པར་རླུང་གི་ཏིང་ངེ་འཛིན་ལ་མཉམ་པར་བཞག་པས་དཀྱིལ་འཁོར་དང་མུ་སྟེགས་རྣམས་འཐོར་རླུང་དྲག་པོས་བསྐྲད་པ་ཆུ་བོ་ཞིག་མཆིས་པའི་ཕ་རོལ་ཏུ་སོང་ངོ་། །དེར་ཆོས་ཤིན་ཏུ་དར་བར་མཛད་ཅིང་ཡུལ་དེ་ལའང་མུ་སྟེགས་ཕམ་པའི་ཡུལ་ཞེས་སྐབས་དེར་གྲཊ་ཀྱང་དུས་ཀྱི་སྟོབས་ལས་ད་ལྟ་མིང་དེ་སྐད་དུ་གྲགས་པའི་ངེས་བའང་མེད་ཅེས་མཁས་པ་དག་ཀྱང་གླེང་ངོ། །གཞན་ཡང་ལྟ་བ་ཁྱད་པར་ཅན་འཛིན་པ་ལྔ་བརྒྱ་དང༌། མུ་ཏོ་བ་སྟོང་ཕྲག་ལ་འཚོ་བ་སྦྱར། འཁྲུག་པ་ཆེན་པོའི་འཐབ་ཟླར་ཞུགས་ནས་རྫུ་འཕྲུལ་གྱིས་བསྡུམས་པ་ལ་སོགས་པ་ངོ་མཚར་ཅན་གྱིས་མཛད་པའི་གཏམ་བདུན་ཞེས་བ་གྲང་པའང་ཡོད་ཀྱི། དགོངས་པ་དང་སྤྱོད་ཡུལ་གཞན་ལས་ཁྱད་པར་འཕགས་པའི་ཚུལ། པཎྜི་ཏ་བུ་ཏི་ཙནྡྲས། རྒྱལ་བའི་བསྟན་ལ་བདག་ཉིད་ཆེ། །སྐྱེས་བུ་མང་པ་བྱན་མོད་ཀྱི། །ཞི་བའི་ལྷ་ཡས་མཛོད་པ་འདྲའི། །ཉམས་དང་དགོངས་པ་ཅན་མི་རྙེད། །ཅེས་གསུངས་པ་བཞིན་ནོ། །བཀྲ་ཤིས། །<br /> }}</div>

Chogyal https://bodhicitta.tsadra.org/index.php?title=Ud%C4%81navarga_(RKTSK_326)&diff=123473 2026-02-13T03:15:20Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Udānavarga&quot; via the API.</p> <hr /> <div>#REDIRECT[[Texts/Udānavarga]]</div>

Chogyal https://bodhicitta.tsadra.org/index.php?title=Trisa%E1%B9%83varakrama_(RKTST_3318)&diff=123472 2026-02-13T03:15:20Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3318&quot; via the API.</p> <hr /> <div>#REDIRECT[[Texts/RKTST 3318]]</div>

Chogyal https://bodhicitta.tsadra.org/index.php?title=Trik%C4%81labuddhad%E1%B9%9B%E1%B9%A3%E1%B9%ADi_(RKTST_1390)&diff=123471 2026-02-13T03:15:20Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Trikālabuddhadṛṣṭi&quot; via the API.</p> <hr /> <div>#REDIRECT[[Texts/Trikālabuddhadṛṣṭi]]</div>

Chogyal https://bodhicitta.tsadra.org/index.php?title=S%C5%ABtr%C4%81la%E1%B9%83k%C4%81r%C4%81di%C5%9Blokadvayavy%C4%81khy%C4%81na_(RKTST_3369)&diff=123470 2026-02-13T03:15:20Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3369&quot; via the API.</p> <hr /> <div>#REDIRECT[[Texts/RKTST 3369]]</div>

Chogyal https://bodhicitta.tsadra.org/index.php?title=S%C5%ABtrasamuccayabh%C4%81%E1%B9%A3yaratn%C4%81lok%C4%81la%E1%B9%83k%C4%81ran%C4%81ma_(RKTST_3276)&diff=123467 2026-02-13T03:15:20Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Sūtrasamuccayabhāṣyaratnālokālaṃkāranāma&quot; via the API.</p> <hr /> <div>#REDIRECT[[Texts/Sūtrasamuccayabhāṣyaratnālokālaṃkāranāma]]</div>

Chogyal https://bodhicitta.tsadra.org/index.php?title=S%C5%ABtr%C4%81la%E1%B9%83k%C4%81rabh%C4%81%E1%B9%A3ya_(RKTST_3365)&diff=123469 2026-02-13T03:15:19Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3365&quot; via the API.</p> <hr /> <div>#REDIRECT[[Texts/RKTST 3365]]</div>

Chogyal https://bodhicitta.tsadra.org/index.php?title=S%C4%81garan%C4%81gar%C4%81japarip%E1%B9%9Bcch%C4%81s%C5%ABtra_(RKTSK_155)&diff=123468 2026-02-13T03:15:19Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Sāgaranāgarājaparipṛcchāsūtra (3 of 3)&quot; via the API.</p> <hr /> <div>#REDIRECT[[Texts/Sāgaranāgarājaparipṛcchāsūtra (3 of 3)]]</div>

Chogyal https://bodhicitta.tsadra.org/index.php?title=S%C5%ABtrasamuccaya_(RKTST_3275)&diff=123466 2026-02-13T03:15:19Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3275&quot; via the API.</p> <hr /> <div>#REDIRECT[[Texts/RKTST 3275]]</div>

Chogyal https://bodhicitta.tsadra.org/index.php?title=S%C5%ABtr%C4%81la%E1%B9%83k%C4%81rapi%E1%B9%87%E1%B8%8D%C4%81rtha_(RKTST_3370)&diff=123465 2026-02-13T03:15:19Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3370&quot; via the API.</p> <hr /> <div>#REDIRECT[[Texts/RKTST 3370]]</div>

Chogyal https://bodhicitta.tsadra.org/index.php?title=S%C5%ABtr%C4%81la%E1%B9%83k%C4%81rav%E1%B9%9Bttibh%C4%81%E1%B9%A3ya_(RKTST_3373)&diff=123464 2026-02-13T03:15:19Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3373&quot; via the API.</p> <hr /> <div>#REDIRECT[[Texts/RKTST 3373]]</div>

Chogyal https://bodhicitta.tsadra.org/index.php?title=S%C4%81garan%C4%81gar%C4%81japarip%E1%B9%9Bcch%C4%81s%C5%ABtra_(RKTSK_154)&diff=123463 2026-02-13T03:15:19Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Sāgaranāgarājaparipṛcchāsūtra (2 of 3)&quot; via the API.</p> <hr /> <div>#REDIRECT[[Texts/Sāgaranāgarājaparipṛcchāsūtra (2 of 3)]]</div>

Chogyal https://bodhicitta.tsadra.org/index.php?title=S%C4%81garan%C4%81gar%C4%81japarip%E1%B9%9Bcch%C4%81s%C5%ABtra_(RKTSK_153)&diff=123462 2026-02-13T03:15:19Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Sāgaranāgarājaparipṛcchāsūtra (1 of 3)&quot; via the API.</p> <hr /> <div>#REDIRECT[[Texts/Sāgaranāgarājaparipṛcchāsūtra (1 of 3)]]</div>

Chogyal https://bodhicitta.tsadra.org/index.php?title=Sub%C4%81huparip%E1%B9%9Bcch%C4%81s%C5%ABtrobhavapra%E1%B9%87idh%C4%81na_(RKTST_3715)&diff=123461 2026-02-13T03:15:18Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3715&quot; via the API.</p> <hr /> <div>#REDIRECT[[Texts/RKTST 3715]]</div>

Chogyal https://bodhicitta.tsadra.org/index.php?title=Sub%C4%81huparip%E1%B9%9Bcch%C4%81s%C5%ABtra_(RKTSK_70)&diff=123460 2026-02-13T03:15:18Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Subāhuparipṛcchāsūtra&quot; via the API.</p> <hr /> <div>#REDIRECT[[Texts/Subāhuparipṛcchāsūtra]]</div>

Chogyal https://bodhicitta.tsadra.org/index.php?title=Sattv%C4%81r%C4%81dhanastava_(RKTST_17)&diff=123459 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Sattvārādhanastava&quot; via the API.</p> <hr /> <div>#REDIRECT[[Texts/Sattvārādhanastava]]</div>

Chogyal https://bodhicitta.tsadra.org/index.php?title=Pra%E1%B9%87idh%C4%81naratnar%C4%81jan%C4%81ma_(RKTST_3729)&diff=123458 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3729&quot; via the API.</p> <hr /> <div>#REDIRECT[[Texts/RKTST 3729]]</div>

Chogyal https://bodhicitta.tsadra.org/index.php?title=Sa%E1%B9%83v%E1%B9%9Btibodhicittabh%C4%81vanopade%C5%9Bavar%E1%B9%87asa%E1%B9%83graha_(RKTST_3256)&diff=123457 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Saṃvṛtibodhicittabhāvanopadeśavarṇasaṃgraha&quot; via the API.</p> <hr /> <div>#REDIRECT[[Texts/Saṃvṛtibodhicittabhāvanopadeśavarṇasaṃgraha]]</div>

Chogyal https://bodhicitta.tsadra.org/index.php?title=Ratnagotravibh%C4%81ga_Mah%C4%81y%C4%81nottaratantra%C5%9B%C4%81stra_(RKTST_3363)&diff=123456 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Ratnagotravibhāga Mahāyānottaratantraśāstra&quot; via the API.</p> <hr /> <div>#REDIRECT[[Texts/Ratnagotravibhāga Mahāyānottaratantraśāstra]]</div>

Chogyal https://bodhicitta.tsadra.org/index.php?title=R%C4%81japarikath%C4%81ratn%C4%81vali_(RKTST_3496)&diff=123455 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Rājaparikathāratnāvali&quot; via the API.</p> <hr /> <div>#REDIRECT[[Texts/Rājaparikathāratnāvali]]</div>

Chogyal https://bodhicitta.tsadra.org/index.php?title=P%C4%81ramit%C4%81sam%C4%81sa_(RKTST_3285)&diff=123454 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Pāramitāsamāsa&quot; via the API.</p> <hr /> <div>#REDIRECT[[Texts/Pāramitāsamāsa]]</div>

Chogyal https://bodhicitta.tsadra.org/index.php?title=Sapt%C4%81%E1%B9%85gasaddharmacary%C4%81vat%C4%81ra_(RKTST_3320)&diff=123453 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3320&quot; via the API.</p> <hr /> <div>#REDIRECT[[Texts/RKTST 3320]]</div>

Chogyal https://bodhicitta.tsadra.org/index.php?title=Samantabhadracary%C4%81pra%E1%B9%87idh%C4%81n%C4%81rthasa%E1%B9%83graha_(RKTST_3352)&diff=123452 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3352&quot; via the API.</p> <hr /> <div>#REDIRECT[[Texts/RKTST 3352]]</div>

Chogyal https://bodhicitta.tsadra.org/index.php?title=Satyadvay%C4%81vat%C4%81ra_(RKTST_3247)&diff=123451 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Satyadvayāvatāra&quot; via the API.</p> <hr /> <div>#REDIRECT[[Texts/Satyadvayāvatāra]]</div>

Chogyal https://bodhicitta.tsadra.org/index.php?title=Sarvadharmamah%C4%81%C5%9B%C4%81ntibodhicittakulayar%C4%81ja_(RKTSK_822)&diff=123450 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Sarvadharmamahāśāntibodhicittakulayarāja&quot; via the API.</p> <hr /> <div>#REDIRECT[[Texts/Sarvadharmamahāśāntibodhicittakulayarāja]]</div>

Chogyal https://bodhicitta.tsadra.org/index.php?title=Ratnakara%E1%B9%87%E1%B8%8Dodgh%C4%81%E1%B9%ADan%C4%81mamadhyamakopade%C5%9Ba_(RKTST_3271)&diff=123449 2026-02-13T03:15:17Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Ratnakaraṇḍodghāṭanāmamadhyamakopadeśa&quot; via the API.</p> <hr /> <div>#REDIRECT[[Texts/Ratnakaraṇḍodghāṭanāmamadhyamakopadeśa]]</div>

Chogyal https://bodhicitta.tsadra.org/index.php?title=Prat%C4%ABtyasamutp%C4%81d%C4%81divibha%E1%B9%85ganirde%C5%9Bas%C5%ABtra_(RKTSK_211)&diff=123448 2026-02-13T03:14:15Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Pratītyasamutpādādivibhaṅganirdeśasūtra&quot; via the API.</p> <hr /> <div>#REDIRECT[[Texts/Pratītyasamutpādādivibhaṅganirdeśasūtra]]</div>

Chogyal https://bodhicitta.tsadra.org/index.php?title=Prat%C4%ABtyasamutp%C4%81das%C5%ABtra_(RKTSK_212)&diff=123447 2026-02-13T03:14:15Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Pratītyasamutpādasūtra&quot; via the API.</p> <hr /> <div>#REDIRECT[[Texts/Pratītyasamutpādasūtra]]</div>

Chogyal https://bodhicitta.tsadra.org/index.php?title=Prat%C4%ABtyasamutp%C4%81dah%E1%B9%9Bdayak%C4%81rik%C4%81_(RKTST_3181)&diff=123446 2026-02-13T03:14:15Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Pratītyasamutpādahṛdayakārikā&quot; via the API.</p> <hr /> <div>#REDIRECT[[Texts/Pratītyasamutpādahṛdayakārikā]]</div>

Chogyal https://bodhicitta.tsadra.org/index.php?title=Praj%C3%B1%C4%81p%C4%81ramit%C4%81sa%C3%B1cayag%C4%81th%C4%81_(RKTSK_13)&diff=123445 2026-02-13T03:14:15Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Prajñāpāramitāsañcayagāthā&quot; via the API.</p> <hr /> <div>#REDIRECT[[Texts/Prajñāpāramitāsañcayagāthā]]</div>

Chogyal https://bodhicitta.tsadra.org/index.php?title=Praj%C3%B1%C4%81n%C4%81mam%C5%ABlamadhyamakak%C4%81rik%C4%81_(RKTST_3169)&diff=123444 2026-02-13T03:14:15Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Prajñānāmamūlamadhyamakakārikā&quot; via the API.</p> <hr /> <div>#REDIRECT[[Texts/Prajñānāmamūlamadhyamakakārikā]]</div>

Chogyal https://bodhicitta.tsadra.org/index.php?title=N%C4%81masa%E1%B9%83g%C4%ABtyanus%C4%81re%E1%B9%87amadhyamendriyadv%C4%81da%C5%9Baprat%C4%ABtyasamutp%C4%81dabh%C4%81van%C4%81_(RKTST_1392)&diff=123443 2026-02-13T03:14:14Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Nāmasaṃgītyanusāreṇamadhyamendriyadvādaśapratītyasamutpādabhāvanā&quot; via the API.</p> <hr /> <div>#REDIRECT[[Texts/Nāmasaṃgītyanusāreṇamadhyamendriyadvādaśapratītyasamutpādabhāvanā]]</div>

Chogyal https://bodhicitta.tsadra.org/index.php?title=N%C4%81masa%E1%B9%83g%C4%ABti%E1%B9%A3a%E1%B8%8Danusm%E1%B9%9Btibh%C4%81vanopade%C5%9Ba_(RKTST_1391)&diff=123442 2026-02-13T03:14:14Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Nāmasaṃgītiṣaḍanusmṛtibhāvanopadeśa&quot; via the API.</p> <hr /> <div>#REDIRECT[[Texts/Nāmasaṃgītiṣaḍanusmṛtibhāvanopadeśa]]</div>

Chogyal https://bodhicitta.tsadra.org/index.php?title=Param%C4%81rthabodhicittabh%C4%81van%C4%81kramavar%E1%B9%87asa%E1%B9%83graha_(RKTST_3257)&diff=123441 2026-02-13T03:14:14Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Paramārthabodhicittabhāvanākramavarṇasaṃgraha&quot; via the API.</p> <hr /> <div>#REDIRECT[[Texts/Paramārthabodhicittabhāvanākramavarṇasaṃgraha]]</div>

Chogyal https://bodhicitta.tsadra.org/index.php?title=Pa%C3%B1cavi%E1%B9%83%C5%9Batis%C4%81hasrik%C4%81praj%C3%B1%C4%81p%C4%81ramit%C4%81_(RKTSK_9)&diff=123440 2026-02-13T03:14:14Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/Pañcaviṃśatisāhasrikāprajñāpāramitā&quot; via the API.</p> <hr /> <div>#REDIRECT[[Texts/Pañcaviṃśatisāhasrikāprajñāpāramitā]]</div>

Chogyal https://bodhicitta.tsadra.org/index.php?title=Maitreyapra%E1%B9%87idh%C4%81nar%C4%81ja_(RKTST_3712)&diff=123439 2026-02-13T03:14:14Z

<p>Chogyal: Gadget &quot;InstantCreateRedirect&quot; created this page with &quot;#REDIRECTTexts/RKTST 3712&quot; via the API.</p> <hr /> <div>#REDIRECT[[Texts/RKTST 3712]]</div>

Chogyal